30.7.2015

MT

Il-Ġurnal Uffiċjali tal-Unjoni Ewropea

CA 249/1

---

AVVIŻ TA’ KOMPETIZZJONIJIET ĠENERALI

EPSO/AD/315/15 — Tradutturi tal-lingwa Finlandiża (FI) (AD5)

EPSO/AD/316/15 — Tradutturi tal-lingwa Ungeriża (HU) (AD5)

EPSO/AD/317/15 — Tradutturi tal-lingwa Latvjana (LV) (AD5)

EPSO/AD/318/15 — Tradutturi tal-lingwa Pollakka (PL) (AD5)

EPSO/AD/319/15 — Tradutturi tal-lingwa Portugiża (PT) (AD5)

EPSO/AD/320/15 — Tradutturi tal-lingwa Slovakka (SK) (AD5)

(2015/C 249 A/01)

Id-data tal-għeluq għar-reġistrazzjoni: l-1 ta’ Settembru 2015 f’nofsinhar, ħin ta’ Brussell

L-Uffiċċju Ewropew għas-Selezzjoni tal-Persunal (EPSO) qed jorganizza kompetizzjonijiet ġenerali, ibbażati fuq testijiet, sabiex jinħolqu listi ta’ riserva u li minnhom l-Istituzzjonijiet Ewropej jirreklutaw membri ġodda tas-servizz pubbliku bħala “tradutturi” (grupp ta’ funzjoni AD).

Dan l-Avviż ta’ Kompetizzjoni, flimkien mar-Regoli Ġenerali applikabbli għall-Kompetizzjonijiet Ġenerali ppubblikati f’ Il-Ġurnal Uffiċjali tal-Unjoni Ewropea C 70 A tas-27 ta’ Frar 2015 ( http://eur-lex.europa.eu/legal-content/MT/TXT/?uri=OJ:C:2015:070A:TOC ), jifforma l-qafas legalment vinkolanti għal dawn il-proċeduri tal-għażla.

Għadd ta’ kandidati ammessi mixtieqa skont il-kompetizzjoni u skont l-għażla:

	Għażla 1 -	Għażla 2
EPSO/AD/315/15 – FI	20	9
EPSO/AD/316/15 – HU	15	10
EPSO/AD/317/15 – LV	20	5
EPSO/AD/318/15 – PL	23	2
EPSO/AD/319/15 – PT	32	4
EPSO/AD/320/15 – SK	17	3

Innota li l-postijiet li jistgħu jiġu offruti lill-kandidati magħżula, fil-prinċipju se jkunu bbażati fil-Lussemburgu, ħlief għall-kompetizzjonijiet lingwistiċi Finlandiżi u Portugiżi, li għalihom jistgħu jiġu offruti postijiet Brussel jew fil-Lussemburgu.

Dan l-Avviż fih 6 kompetizzjonijiet, kull waħda b’żewġ għażliet. Int tista’ tapplika biss għal kompetizzjoni u għażla waħda. Din l-għażla għandha ssir fil-ħin tal-applikazzjoni elettronika u ma tistax tinbidel ladarba tkun ikkonfermajt l-applikazzjoni tiegħek b’mod elettroniku.

LIEMA KOMPITI GĦANDI NISTENNA LI NAGĦMEL?

AD 5 huwa l-grad li fih ħafna gradwati u professjonisti żgħażagħ jibdew il-karriera tagħhom bħala amministraturi – lingwistiċi jew oħrajn – fl-istituzzjonijiet Ewropej.

Ir-rwol ewlieni tal-amministratur lingwistiku (traduttur) huwa li jikkontribwixxi għat-twettiq tal-missjoni tal-istituzzjoni jew tal-korp fejn ikun impjegat billi jipprovdi traduzzjoni ta’ kwalità għolja ta’ dokumenti fil-limiti ta’ żmien mitluba u billi jagħti pariri lingwistiċi. Il-kompiti jinkludu, fost oħrajn, it-traduzzjoni, ir-reviżjoni u r-riċerki terminoloġiċi minn mill-inqas żewġ lingwi sors għal lingwa ewlenija.

Ara l-ANNESS I għal aktar informazzjoni dwar id-dmirijiet tipiċi li għandhom jitwettqu.

JIEN ELIĠIBBLI BIEX NAPPLIKA?

Inti trid tissodisfa dawn il-kundizzjonijiet KOLLHA meta tivvalida l-applikazzjoni tiegħek:

Kundizzjonijiet ġenerali	— Tkun tgawdi mid-drittijiet kollha tiegħek bħala ċittadin ta’ Stat Membru tal-UE — Tkun wettaqt kull obbligu impost mil-liġijiet nazzjonali dwar is-servizz militari — Tkun tissodisfa r-rekwiżiti ta’ karattru mitluba għat-twettiq tad-dmirijiet involuti.
Kundizzjonijiet speċifiċi: lingwi	Għażla 1 — Lingwa 1: livell minimu – C2 fil-lingwa tal-kompetizzjoni — Lingwa 2: livell minimu – C1 fl-Ingliż, il-Franċiż jew il-Ġermaniż; — Lingwa 3: livell minimu – C1 fl-Ingliż, il-Franċiż jew il-Ġermaniż; din il-lingwa trid tkun differenti mil-lingwa 2 Għażla 2 — Lingwa 1: livell minimu – C2 fil-lingwa tal-kompetizzjoni — Lingwa 2: livell minimu – C1 fl-Ingliż, il-Franċiż jew il-Ġermaniż; — Lingwa 3: livell minimu – C1 f’waħda mill-24 lingwa uffiċjali tal-UE; trid tkun differenti mil-lingwa 1 u mhux l-Ingliż, il-Franċiż jew il-Ġermaniż; — Għal informazzjoni dwar il-livelli tal-lingwa, ara l-Qafas Komuni Ewropew ta’ Referenza għal-Lingwi ( https://europass.cedefop.europa.eu/mt/resources/european-language-levels-cefr )
Kundizzjonijiet speċifiċi: Kwalifiki u esperjenza ta’ xogħol	— Mill-inqas 3 snin ta’ studji universitarji lesti ċċertifikati b’diploma — Għal dettalji dwar diplomi, ara l-Anness 1 tar-Regoli Ġenerali li jirregolaw il-Kompetizzjonijiet Ġenerali ( http://eur-lex.europa.eu/legal-content/MT/TXT/?uri=OJ:C:2015:070A:TOC ) — L-ebda esperjenza professjonali mhi meħtieġa.

It-tieni lingwa magħżula trid tkun l-Ingliż, il-Franċiż jew il-Ġermaniż. Dawn huma l-lingwi ta’ ħidma prinċipali użati fl-istituzzjonijiet tal-UE u, fl-interessi tas-servizz, ir-rekluti l-ġodda jridu jkunu kapaċi li jibdew jaħdmu u jikkomunikaw mal-ewwel b’mod effiċjenti fix-xogħol tagħhom ta’ kuljum f’mill-inqas waħda minn dawn il-lingwi.

Ara l-ANNESS II għal aktar informazzjoni dwar il-lingwi f’kompetizzjonijiet tal-UE.

KIF NINTGĦAŻEL?

1)    Testijiet b’għażliet multipli (MCQ) bil-kompjuter

Jekk inti tivvalida l-formola tal-applikazzjoni tiegħek fi żmien id-data tal-għeluq inti se tiġi mistieden sabiex tagħmel serje ta’ testijiet MCQ bil-kompjuter f’wieħed miċ-ċentri akkreditati tal-EPSO.

Testijiet	Lingwa	Mistoqsijiet	Tul ta’ ħin	Marka minima meħtieġa
Ir-raġunament verbali	Lingwa 1	20 mistoqsija	35 minuta	Verbali + astratt flimkien: 15/30
Ir-raġunament numeriku	Lingwa 1	10 mistoqsijiet	20 minuta	4/10
Ir-raġunament astratt	Lingwa 1	10 mistoqsijiet	10 minuti	Verbali + astratt flimkien: 15/30
Il-Fehim Lingwistiku	Lingwa 2	12-il mistoqsija	25 minuta	6/12
Il-Fehim Lingwistiku	Lingwa 3	12-il mistoqsija	25 minuta	6/12

Ir-riżultati tat-test tar-raġunament numeriku ma jitqisux fil-marka totali globali tiegħek. Madankollu, int trid iġġib il-marki minimi meħtieġa fit-testijiet kollha sabiex tkun tista’ tikkwalifika għall-fażi li jmiss tal-kompetizzjoni.

Bejn wieħed u ieħor 3 darbiet, iżda mhux aktar minn 4 darbiet , in-numru ta’ kandidati ta’ suċċess meħtieġa skont il-kompetizzjoni u l-għażla jiġu mistiedna jagħmlu t-testijiet tat-traduzzjoni.

2)    Testijiet tat-traduzzjoni:

Jekk int tissodisfa r-rekwiżiti ta’ eliġibbiltà skont id-dejta fl-applikazzjoni onlajn tiegħek, u jekk inti ġibt waħda mill- ogħla marki totali għat-testijiet MCQ bil-kompjuter, int tiġi mistieden għal żewġ testijiet tat-traduzzjoni f’wieħed miċ-ċentri akkreditati tal-EPSO.

Testijiet	Lingwa	Tul ta’ ħin	Marka minima meħtieġa
(a) Test tat-traduzzjoni bid-dizzjunarju	Mil-lingwa 2 għal-lingwa 1	60 minuta	40/80
(b) Test tat-traduzzjoni bid-dizzjunarju	Mil-lingwa 3 għal-lingwa 1	60 minuta	40/80

L-ippeżar tat-testijiet tat-traduzzjoni (il-kompetenzi speċifiċi)

65 % tal-marka globali

Jekk il-kandidat ma jġibx il-minimu meħtieġ fit-test (a), it-test (b) ma jiġix ikkoreġut.

Inti trid tikseb waħda mill- ogħla marki totali f’dawn it-testijiet sabiex tikkwalifika għall-fażi li jmiss tal-kompetizzjoni.

Bejn wieħed u ieħor darbtejn, iżda mhux aktar minn 2,5 darbiet , in-numru ta’ kandidati ta’ suċċess meħtieġa skont il-kompetizzjoni u l-għażla jiġu mistiedna jagħmlu t-testijiet fiċ-Ċentru ta’ Valutazzjoni.

3)    Iċ-Ċentru ta’ Valutazzjoni

Jekk ġibt waħda mill- ogħla marki totali fit-testijiet tat-traduzzjoni, inti tiġi mistieden sabiex tagħmel ġurnata fiċ-Ċentru ta’ Valutazzjoni, x’aktarx fi Brussell , sabiex tagħmel testijiet fil-lingwa 2 tiegħek.

Tmien kompetenzi ġenerali, kull waħda bil-massimu ta’ 10 marki, jiġu ttestjati fiċ-Ċentru ta’ Valutazzjoni permezz ta’ 3 testijiet (il-preżentazzjoni orali, l-intervista ibbażata fuq il-kompetenza u l-eżerċizzju fi grupp) kif deskritt fil-matriċi li ġejja:

Il-marki għal dawn it-testijiet jingħaddu flimkien mal-marki li diġà ngħataw għat-testijiet tat-traduzzjoni biex il-kandidati jingħataw il-punteġġ kumplessiv tagħhom:

Kompetenzi	Testijiet
1 Analiżi u soluzzjoni tal-problemi	Preżentazzjoni orali	Eżerċizzju fi grupp
2 Komunikazzjoni	Preżentazzjoni orali	Intervista bbażata fuq il-kompetenza
3 Kwalità u riżultati	Preżentazzjoni orali	Intervista bbażata fuq il-kompetenza
4 Tagħlim u żvilupp	Eżerċizzju fi grupp	Intervista bbażata fuq il-kompetenza
5 Prijoritizzazzjoni u organizzazzjoni	Preżentazzjoni orali	Eżerċizzju fi grupp
6 Reżiljenza	Preżentazzjoni orali	Intervista bbażata fuq il-kompetenza
7 Ħidma ma’ oħrajn	Eżerċizzju fi grupp	Intervista bbażata fuq il-kompetenza
8 Ħiliet ta’ tmexxija	Eżerċizzju fi grupp	Intervista bbażata fuq il-kompetenza

Marka minima meħtieġa	40/80
L-ippeżar tal-kompetenzi ġenerali	35 % tal-marka globali

4)    Lista ta’ riserva

Wara li jiġu ċċekkjati d-dokumenti ta’ sostenn tal-kandidati, il-bord tas-selezzjoni jistabbilixxi listi ta’ riżerva li fihom l-ismijiet tal-kandidati eliġibbli li marru l-aħjar wara ċ-Ċentru ta’ Valutazzjoni sakemm jintlaħaq in-numru meħtieġ ta’ kandidati li għaddew skont il-kompetizzjoni u l-għażla. L-ismijiet jiġu elenkati f’ordni alfabetiku.

META U FEJN NISTA’ NAPPLIKA?

Applika onlajn fuq is-sit tal-EPSO http://jobs.eu-careers.eu sal-:

1 ta’ Settembru 2015 f’12:00 (nofsinhar), ħin ta’ Brussell.

---

---

---