24.7.2015

MT

Il-Ġurnal Uffiċjali tal-Unjoni Ewropea

C 243/1

---

Rata tal-kambju tal-euro (1)

It-23 ta’ Lulju 2015

(2015/C 243/01)

1 euro =

	Munita	Rata tal-kambju
USD	Dollaru Amerikan	1,0999
JPY	Yen Ġappuniż	136,15
DKK	Krona Daniża	7,4614
GBP	Lira Sterlina	0,70440
SEK	Krona Żvediża	9,4322
CHF	Frank Żvizzeru	1,0517
ISK	Krona Iżlandiża
NOK	Krona Norveġiża	8,9630
BGN	Lev Bulgaru	1,9558
CZK	Krona Ċeka	27,039
HUF	Forint Ungeriż	309,60
PLN	Zloty Pollakk	4,1229
RON	Leu Rumen	4,4235
TRY	Lira Turka	2,9975
AUD	Dollaru Awstraljan	1,4844
CAD	Dollaru Kanadiż	1,4271
HKD	Dollaru ta' Hong Kong	8,5255
NZD	Dollaru tan-New Zealand	1,6477
SGD	Dollaru tas-Singapor	1,5029
KRW	Won tal-Korea t'Isfel	1 274,70
ZAR	Rand ta' l-Afrika t'Isfel	13,6702
CNY	Yuan ren-min-bi Ċiniż	6,8299
HRK	Kuna Kroata	7,5830
IDR	Rupiah Indoneżjan	14 758,12
MYR	Ringgit Malażjan	4,1846
PHP	Peso Filippin	49,873
RUB	Rouble Russu	63,1740
THB	Baht Tajlandiż	38,215
BRL	Real Brażiljan	3,5932
MXN	Peso Messikan	17,6836
INR	Rupi Indjan	70,1379

---

(1)  Sors: rata tal-kambju ta' referenza ppubblikata mill-Bank Ċentrali Ewropew.

---

24.7.2015

MT

Il-Ġurnal Uffiċjali tal-Unjoni Ewropea

C 243/2

---

HERCULE III

Sejħa għal proposti — 2015

Taħriġ u Studji fil-Qasam Ġuridiku

(2015/C 243/02)

1.   Għanijiet u deskrizzjoni

Dan l-avviż ta’ Sejħa għal Proposti jibbaża fuq ir-Regolament (UE) Nru 250/2014 tal-Parlament Ewropew u l-Kunsill (1) li jistabbilixxi l-Programm Hercule III, b’mod partikolari l-Artikolu 8(b) (“Azzjonijiet Eliġibbli”), kif ukoll id-Deċiżjoni ta’ Finanzjament tal-2015 li tadotta l-programm ta’ ħidma annwali (2) għall-implimentazzjoni tal-Programm Hercule III fl-2015, b’mod partikolari t-Taqsima 7.2.1 (Taħriġ u Studji fil-Qasam Ġuridiku).

Id-Deċiżjoni ta’ Finanzjament tal-2015 tipprevedi l-organizzazzjoni ta’ Sejħa għal Proposti għal “Taħriġ u Studji fil-Qasam Ġuridiku”.

2.   Applikanti eliġibbli

Kif definit fl-Artikolu 6 tal-Programm, l-applikanti jridu jkunu:

—	L-amministrazzjonijiet nazzjonali jew reġjonali ta’ Stat Membru u pajjiż parteċipant li jippromwovu t-tisħiħ tal-azzjoni fil-livell tal-Unjoni biex jiġu protetti l-interessi finanzjarji tal-Unjoni. jew

—	L-istituti ta’ riċerka u dawk edukattivi u l-entitajiet bla skop ta’ qligħ dment li jkunu ilhom stabbiliti u ilhom joperaw għal mill-inqas sena, fi Stat Membru jew f’pajjiż parteċipant, u jippromwovu t-tisħiħ tal-azzjoni fil-livell tal-Unjoni biex jiġu protetti l-interessi finanzjarji tal-Unjoni.

L-Artikolu 7(2) tal-Programm jiddefinixxi l-pajjiżi parteċipanti li mhumiex Stati Membri.

3.   Azzjonijiet eliġibbli

L-azzjonijiet eliġibbli għall-finanzjament skont din is-Sejħa għal Proposti huma:

1.	L-iżvilupp ta’ attivitajiet ta’ riċerka ta’ profil għoli, inklużi studji fid-dritt komparattiv;

2.

It-titjib tal-kooperazzjoni bejn il-prattikanti u l-akkademiċi (permezz ta’ azzjonijiet bħal konferenzi, seminars u sessjonijiet ta’ ħidma), inkluża l-organizzazzjoni tal-laqgħa annwali tal-Presidenti tal-Assoċjazzjonijiet tad-Dritt Kriminali Ewropew u tal-Protezzjoni tal-Interessi Finanzjari tal-UE;

3.	Is-sensibilizzazzjoni dwar il-ġudikatura u fergħat oħrajn tal-professjoni legali għall-protezzjoni tal-interessi finanzjarji tal-Unjoni Ewropea, inkluża l-pubblikazzjoni ta’ għarfien xjentifiku li għandu x’jaqsam mal-protezzjoni tal-interessi finanzjarji tal-Unjoni.

Dawn l-azzjonijiet jistgħu jinkisbu permezz tal-organizzazzjoni ta’: studji fid-dritt komparattiv, konferenzi, seminars, sessjonijiet ta’ ħidma, pubblikazzjonijiet perjodiċi, eċċ.

4.   Baġit

Il-baġit indikattiv disponibbli għal din is-Sejħa huwa ta’ EUR 500 000. Il-kontribuzzjoni finanzjarja tieħu l-forma ta’ għotja. Il-kontribuzzjoni finanzjarja mogħtija mhix se taqbeż it-80 % tal-kostijiet eliġibbli. F’każijiet eċċezzjonali u debitament ġustifikati, il-kontribuzzjoni finanzjarja tista’ tiżdied biex tkopri massimu ta’ 90 % tal-kostijiet eliġibbli. Fis-Sejħa hemm elenkati l-kriterji li jiġu applikati għad-determinazzjoni ta’ dawn il-każijiet eċċezzjonali u debitament ġustifikati.

Il-limitu minimu stabbilit għal azzjoni ta’ “Taħriġ u Studju fil-Qasam Legali” jkun EUR 40 000. Il-baġit kollu ta’ azzjoni li għaliha tintalab għotja ma jkunx anqas minn dan il-livell minimu stabbilit.

Il-Kummissjoni tirriżerva d-dritt li ma tallokax il-fondi kollha disponibbli.

5.   Skadenza għat-tressiq tal-applikazzjonijiet

L-applikazzjonijiet iridu jitressqu lill-Kummissjoni mhux aktar tard minn: it-Tlieta, 22 ta’ Settembru 2015.

6.   Informazzjoni ulterjuri

Id-dokumenti kollha relatati ma’ din is-Sejħa għal Proposti jistgħu jitniżżlu minn dan is-sit fuq l-Internet:

http://ec.europa.eu/anti_fraud/policy/hercule/index_en.htm

Il-mistoqsijiet u/jew it-talbiet għal informazzjoni addizzjonali fir-rigward ta’ din is-Sejħa jridu jintbagħtu bil-posta elettronika lil:

OLAF-FMB-HERCULE-LEGAL@ec.europa.eu

Jekk ikunu ta’ rilevanza għal applikanti oħrajn, il-mistoqsijiet u t-tweġibiet jistgħu jiġu ppubblikati b’mod anonimu fil-Linji Gwida għall-mili tal-Formola ta’ Applikazzjoni fuq is-sit web tal-Internet tal-OLAF.

---

(1)  Ir-Regolament (UE) Nru 250/2014 tal-Parlament Ewropew u tal-Kunsill tas-26 ta’ Frar 2014 li jistabbilixxi programm għall-promozzjoni ta’ attivitajiet fil-qasam tal-protezzjoni tal-interessi finanzjarji tal-Unjoni Ewropea (il-programm Hercule III) (ĠU L 84, 20.3.2014, p. 6).

(2)  Id-Deċiżjoni tal-Kummissjoni C(2015) 2234 tat-8 ta’ April 2015 li tikkonċerna l-adozzjoni tal-programm ta’ ħidma għall-2014 u l-finanzjament għall-implimentazzjoni tal-Programm Hercule III.

---

24.7.2015

MT

Il-Ġurnal Uffiċjali tal-Unjoni Ewropea

C 243/4

---

HERCULE III

Sejħa għal proposti — 2015

Assistenza teknika għall-ġlieda kontra l-frodi fl-UE

(2015/C 243/03)

1.   Għanijiet u deskrizzjoni

Dan l-avviż ta’ Sejħa għal Proposti jibbaża fuq ir-Regolament (UE) Nru 250/2014 tal-Parlament Ewropea u tal-Kunsill (1) li jistabbilixxi l-Programm Hercule III, b’mod partikolari l-Artikolu 8(a) (“Azzjonijiet Eliġibbli”), kif ukoll id-Deċiżjoni ta’ Finanzjament tal-2015 li tadotta l-programm ta’ ħidma annwali (2) għall-implimentazzjoni tal-Programm Hercule III fl-2015, b’mod partikolari t-Taqsima 6.1, l-azzjonijiet: 1, 2, 3 u 6 (“Azzjonijiet speċifiċi għall-assistenza teknika”).

Id-Deċiżjoni ta’ Finanzjament tal-2015 tipprevedi l-organizzazzjoni ta’ Sejħa għal Proposti għal “Assistenza Teknika”.

2.   Applikanti eliġibbli

Il-korpi eliġibbli għall-finanzjament skont il-Programm huma amministrazzjonijiet nazzjonali jew reġjonali (“Applikanti”) ta’ Stat Membru li jippromwovu t-tisħiħ tal-azzjoni tal-Unjoni Ewropea sabiex ikunu protetti l-interessi finanzjarji tal-Unjoni Ewropea.

3.   Azzjonijiet eliġibbli

L-azzjonijiet eliġibbli għall-finanzjament skont din is-Sejħa għal Proposti huma:

1.	L-akkwist u l-manutenzjoni ta’ għodod u metodi ta’ investigazzjoni, inkluż taħriġ speċjalizzat meħtieġ biex jitħaddmu l-għodod ta’ investigazzjoni;

2.	L-akkwist u l-manutenzjoni ta’ apparati (scanners) u annimali biex bihom jitwettqu spezzjonijiet ta’ containers, trakkijiet, vaguni tal-ferrovija u vetturi fil-fruntieri interni u esterni tal-Unjoni sabiex ikunu identifikati prodotti li jiddaħħlu b'kuntrabandu u prodotti ffalsifikati;

3.	L-akkwist, il-manutenzjoni u l-interkonnessjoni tas-sistemi għar-rikonoxximent tal-pjanċi tal-vetturi (sistemi ta’ rikonoxximent awtomatiku tal-pjanċi - ANPRS -Automated Number Plate Recognition Systems) jew għall-kodiċi tal-containers;

4.	L-akkwist ta’ servizzi għall-appoġġ tal-kapaċità tal-Istati Membri biex jaħżnu u jeqirdu sigaretti u tabakk sekwestrati.

4.   Baġit

Il-baġit indikattiv disponibbli għal din is-Sejħa huwa ta’ EUR 8 050 000. Il-kontribuzzjoni finanzjarja tieħu l-forma ta’ għotja. Il-kontribuzzjoni finanzjarja mogħtija mhix se taqbeż it-80 % tal-kostijiet eliġibbli. F’każijiet eċċezzjonali u ġustifikati kif dovut, il-kontribuzzjoni finanzjarja tista' tiżdied biex tkopri massimu ta’ 90 % tal-kostijiet eliġibbli. Fis-Sejħa hemm elenkati l-kriterji li jiġu applikati għad-determinazzjoni ta’ dawn il-każijiet eċċezzjonali u dawk debitament ġustifikati. Il-limitu minimu għall-baġit ta’ azzjoni li titressaq f’applikazzjoni ġie stabbilit għal: EUR 100 000.

Il-Kummissjoni tirriżerva d-dritt li ma tallokax il-fondi kollha disponibbli.

5.   Skadenza għat-tressiq tal-applikazzjonijiet

L-applikazzjonijiet iridu jitressqu mhux aktar tard minn: it-Tlieta, 15 ta’ Settembru 2015.

6.   Informazzjoni ulterjuri

Id-dokumenti kollha relatati ma’ din is-Sejħa għal Proposti jistgħu jitniżżlu minn dan is-sit fuq l-internet:

http://ec.europa.eu/anti_fraud/policy/hercule/index_en.htm

Il-mistoqsijiet u/jew it-talbiet għal informazzjoni addizzjonali fir-rigward ta’ din is-Sejħa jridu jintbagħtu bil-posta elettronika lil:

OLAF-FMB-HERCULE-TA@ec.europa.eu

Jekk ikunu ta’ rilevanza għal applikanti oħrajn, il-mistoqsijiet u t-tweġibiet jistgħu jiġu ppubblikati b’mod anonimu fil-Linji Gwida għall-mili tal-Formola ta’ Applikazzjoni fuq is-sit web tal-internet tal-OLAF (tal-Kummissjoni).

---

(1)  Ir-Regolament (UE) Nru 250/2014 tal-Parlament Ewropew u tal-Kunsill tas-26 ta’ Frar 2014 li jistabbilixxi programm għall-promozzjoni ta’ attivitajiet fil-qasam tal-protezzjoni tal-interessi finanzjarji tal-Unjoni Ewropea (il-programm Hercule III) (ĠU L 84, 20.3.2014, p. 6).

(2)  Id-Deċiżjoni tal-Kummissjoni C(2015) 2234 tat-8 ta’ April 2015 li tikkonċerna l-adozzjoni tal-programm ta’ ħidma għall-2015 u l-finanzjament għall-implimentazzjoni tal-Programm Hercule III.

---

24.7.2015

MT

Il-Ġurnal Uffiċjali tal-Unjoni Ewropea

C 243/6

---

HERCULE III

Sejħa għal proposti — 2015

Taħriġ Kontra l-Frodi

(2015/C 243/04)

1.   Għanijiet u Deskrizzjoni

Dan l-avviż ta’ Sejħa għal Proposti jibbaża fuq ir-Regolament (UE) Nru 250/2014 tal-Parlament Ewropew u tal-Kunsill (1) li jistabbilixxi l-Programm Hercule III, b’mod partikolari l-Artikolu 8(b) (“Azzjonijiet Eliġibbli”), kif ukoll id-Deċiżjoni ta’ Finanzjament tal-2015 li tadotta l-programm ta’ ħidma annwali (2) għall-implimentazzjoni tal-Programm Hercule III fl-2015, b’mod partikolari t-Taqsima 7.1 (Konferenzi, seminars u taħriġ fil-forensika diġitali).

Id-Deċiżjoni ta’ Finanzjament tal-2015 tipprevedi l-organizzazzjoni ta’ Sejħa għal Proposti għal “Taħriġ Kontra l-Frodi”.

2.   Applikanti eliġibbli

Kif definit fl-Artikolu 6 tal-Programm, l-applikanti jridu jkunu:

—	L-amministrazzjonijiet nazzjonali jew reġjonali ta’ Stat Membru u pajjiż parteċipant li jippromwovu t-tisħiħ tal-azzjoni fil-livell tal-Unjoni biex jiġu protetti l-interessi finanzjarji tal-Unjoni. jew

—	Istituti ta’ riċerka u dawk edukattivi u l-entitajiet bla skop ta’ qligħ dment li jkunu ilhom stabbiliti u ilhom joperaw għal mill-inqas sena, fi Stat Membru jew f’pajjiż parteċipant, u jippromwovu t-tisħiħ tal-azzjoni fil-livell tal-Unjoni biex jiġu protetti l-interessi finanzjarji tal-Unjoni.

L-Artikolu 7(2) tal-Programm jiddefinixxi l-pajjiżi parteċipanti li mhumiex Stati Membri.

3.   Azzjonijiet Eliġibbli

Il-Kummissjoni (l-OLAF) se tagħti għotjiet għal azzjonijiet li għandhom bħala għan:

—	l-iskambju tal-esperjenza u tal-aħjar prattika bejn l-awtoritajiet rilevanti fil-pajjiżi parteċipanti, inklużi servizzi speċjalizzati tal-infurzar tal-liġi, kif ukoll rappreżentanti ta’ organizzazzjonijiet internazzjonali,

—	it-tixrid tal-għarfien, b’mod partikolari dwar identifikazzjoni tar-riskju aħjar għall-skopijiet investigattivi.

Dawn l-għanijiet jistgħu jinkisbu permezz tal-organizzazzjoni ta’:

Konferenzi, seminars, colloquia, korsijiet, tagħlim elettroniku u symposia, sessjonijiet ta’ ħidma, taħriġ prattiku u skambji fost il-persunal, skambji tal-aħjar prattika (inklużi dwar il-valutazzjoni tar-riskju ta’ frodi), eċċ.

L-iskambji fost il-persunal bejn amministrazzjonijiet nazzjonali u reġjonali fi Stati Membri differenti (b’mod partikolari Stati Membri ġirien) għandhom jitħeġġu.

4.   Baġit

Il-baġit indikattiv disponibbli għal din is-Sejħa huwa ta’ EUR 900 000. Il-kontribuzzjoni finanzjarja tieħu l-forma ta’ għotja. Il-kontribuzzjoni finanzjarja mogħtija mhix se taqbeż it-80 % tal-kostijiet eliġibbli.

Il-limitu minimu stabbilit għal azzjoni ta’ “Taħriġ” jkun EUR 40 000. Il-baġit ta’ azzjoni li għaliha tintalab għotja ma jkunx anqas minn dan il-livell minimu stabbilit.

Il-Kummissjoni tirriżerva d-dritt li ma tallokax il-fondi kollha disponibbli.

5.   Skadenza

L-applikazzjonijiet iridu jitressqu mhux aktar tard minn: it-Tlieta, 29 ta’ Settembru 2015.

6.   Informazzjoni ulterjuri

Id-dokumenti kollha relatati ma’ din is-Sejħa għall-Proposti jistgħu jitniżżlu minn dan is-sit fuq l-Internet:

http://ec.europa.eu/anti_fraud/policy/hercule/index_en.htm

Il-mistoqsijiet u/jew it-talbiet għal informazzjoni addizzjonali fir-rigward ta’ din is-Sejħa jridu jintbagħtu bil-posta elettronika lil:

Olaf-anti-fraud-training@ec.europa.eu

Jekk ikunu ta’ rilevanza għal applikanti oħrajn, il-mistoqsijiet u t-tweġibiet jistgħu jiġu ppubblikati b’mod anonimu fil-Linji Gwida għall-mili tal-Formola ta’ Applikazzjoni fuq is-sit web tal-Internet tal-OLAF.

---

(1)  Ir-Regolament UE (Nru) 250/2014 tal-Parlament Ewropew u tal-Kunsill tas-26 ta’ Frar 2014 li jistabbilixxi programm għall-promozzjoni ta’ attivitajiet fil-qasam tal-protezzjoni tal-interessi finanzjarji tal-Unjoni Ewropea (il-programm Hercule III) (ĠU L 84, 20.3.2014, p. 6).

(2)  Id-Deċiżjoni tal-Kummissjoni C(2015) 2234 tat-8 ta’ April 2015 li tikkonċerna l-adozzjoni tal-programm ta’ ħidma għall-2015 u l-finanzjament għall-implimentazzjoni tal-Programm Hercule III

---