ISSN 1977-0987 |
||
Il-Ġurnal Uffiċjali tal-Unjoni Ewropea |
C 186 |
|
Edizzjoni bil-Malti |
Informazzjoni u Avviżi |
Volum 58 |
Avviż Nru |
Werrej |
Paġna |
|
II Komunikazzjonijiet |
|
|
KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA |
|
|
Il-Kummissjoni Ewropea |
|
2015/C 186/01 |
Ebda oppożizzjoni għal konċentrazzjoni notifikata (Il-Każ M.7561 — PRE/AXIS) ( 1 ) |
|
IV Informazzjoni |
|
|
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA |
|
|
Il-Kummissjoni Ewropea |
|
2015/C 186/02 |
||
2015/C 186/03 |
Wiċċ nazzjonali ġdid ta’ muniti tal-euro maħsuba għaċ-ċirkolazzjoni |
|
V Avviżi |
|
|
PROĊEDURI AMMINISTRATTIVI |
|
|
Il-Kummissjoni Ewropea |
|
2015/C 186/04 |
Sejħa għal applikazzjonijiet 2015 — It-Tielet Programm tal-azzjoni tal-Unjoni fil-qasam tas-saħħa (2014-2020) ( 1 ) |
|
|
Iċ-Ċentru Ewropew għall-Iżvilupp ta’ Taħriġ Professjonali |
|
2015/C 186/05 |
||
|
PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI |
|
|
Il-Kummissjoni Ewropea |
|
2015/C 186/06 |
Notifika minn qabel ta’ konċentrazzjoni (Il-Każ M.7647 — Bridgepoint/Nordic Cinema Group Holding) — Każ li jista’ jiġi kkunsidrat għal proċedura ssimplifikata ( 1 ) |
|
2015/C 186/07 |
Notifika minn qabel ta’ konċentrazzjoni (Il-Każ M.7571 — Dawn Meats/Terrena/Elivia) — Każ li jista’ jiġi kkunsidrat għal proċedura ssimplifikata ( 1 ) |
|
|
ATTI OĦRAJN |
|
|
Il-Kummissjoni Ewropea |
|
2015/C 186/08 |
|
|
|
(1) Test b'rilevanza għaż-ŻEE |
MT |
|
II Komunikazzjonijiet
KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
Il-Kummissjoni Ewropea
5.6.2015 |
MT |
Il-Ġurnal Uffiċjali tal-Unjoni Ewropea |
C 186/1 |
Ebda oppożizzjoni għal konċentrazzjoni notifikata
(Il-Każ M.7561 — PRE/AXIS)
(Test b'rilevanza għaż-ŻEE)
(2015/C 186/01)
Fit-22 ta’ Mejju 2015, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq intern. Din id-deċiżjoni hi bbażata fuq l-Artikolu 6(1)b tar-Regolament tal-Kunsill (KE) Nru 139/2004 (1). It-test sħiħ tad-deċiżjoni hu disponibbli biss fl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:
— |
Fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta’ amalgamazzjoni, inklużi l-kumpanija, in-numru tal-każ, id-data u l-indiċi settorjali, |
— |
f’forma elettronika fil-websajt EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32015M7561. Il-EUR-Lex hu l-aċċess fuq l-Internet għal-liġi Ewropea. |
IV Informazzjoni
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
Il-Kummissjoni Ewropea
5.6.2015 |
MT |
Il-Ġurnal Uffiċjali tal-Unjoni Ewropea |
C 186/2 |
Rata tal-kambju tal-euro (1)
L-4 ta’ Ġunju 2015
(2015/C 186/02)
1 euro =
|
Munita |
Rata tal-kambju |
USD |
Dollaru Amerikan |
1,1317 |
JPY |
Yen Ġappuniż |
140,47 |
DKK |
Krona Daniża |
7,4599 |
GBP |
Lira Sterlina |
0,73540 |
SEK |
Krona Żvediża |
9,3396 |
CHF |
Frank Żvizzeru |
1,0551 |
ISK |
Krona Iżlandiża |
|
NOK |
Krona Norveġiża |
8,7370 |
BGN |
Lev Bulgaru |
1,9558 |
CZK |
Krona Ċeka |
27,467 |
HUF |
Forint Ungeriż |
312,30 |
PLN |
Zloty Pollakk |
4,1692 |
RON |
Leu Rumen |
4,4285 |
TRY |
Lira Turka |
3,0377 |
AUD |
Dollaru Awstraljan |
1,4618 |
CAD |
Dollaru Kanadiż |
1,4089 |
HKD |
Dollaru ta' Hong Kong |
8,7733 |
NZD |
Dollaru tan-New Zealand |
1,5834 |
SGD |
Dollaru tas-Singapor |
1,5221 |
KRW |
Won tal-Korea t'Isfel |
1 256,92 |
ZAR |
Rand ta' l-Afrika t'Isfel |
13,9625 |
CNY |
Yuan ren-min-bi Ċiniż |
7,0177 |
HRK |
Kuna Kroata |
7,5605 |
IDR |
Rupiah Indoneżjan |
15 047,75 |
MYR |
Ringgit Malażjan |
4,1867 |
PHP |
Peso Filippin |
50,790 |
RUB |
Rouble Russu |
62,1695 |
THB |
Baht Tajlandiż |
38,171 |
BRL |
Real Brażiljan |
3,5498 |
MXN |
Peso Messikan |
17,5812 |
INR |
Rupi Indjan |
72,4362 |
(1) Sors: rata tal-kambju ta' referenza ppubblikata mill-Bank Ċentrali Ewropew.
5.6.2015 |
MT |
Il-Ġurnal Uffiċjali tal-Unjoni Ewropea |
C 186/3 |
Wiċċ nazzjonali ġdid ta’ muniti tal-euro maħsuba għaċ-ċirkolazzjoni
(2015/C 186/03)
Il-muniti tal-euro maħsuba għaċ-ċirkolazzjoni għandhom status ta’ valuta legali fiż-żona kollha tal-euro. Sabiex tinforma lill-pubbliku u l-partijiet kollha kkonċernati li jużaw il-muniti, il-Kummissjoni tippubblika deskrizzjoni tad-disinji tal-muniti l-ġodda kollha (1). Skont il-konklużjonijiet tal-Kunsill tal-10 ta’ Frar 2009 (2), l-Istati Membri taż-żona tal-euro u l-pajjiżi li kkonkludew ftehim monetarju mal-Unjoni Ewropea li jistipula l-ħruġ ta’ muniti tal-euro huma awtorizzati li joħorġu muniti kommemorattivi tal-euro maħsuba għaċ-ċirkolazzjoni ġaladarba jintlaħqu ċerti kundizzjonijiet, b’mod partikolari li jintużaw muniti ta’ EUR 2 biss. Dawn il-muniti għandhom l-istess karatteristiċi tekniċi bħall-muniti l-oħra ta’ EUR 2, iżda l-wiċċ nazzjonali tagħhom ikun fih disinn kommemorattiv li jkun simboliku ħafna f’termini nazzjonali jew Ewropej.
Il-pajjiż li qed joħroġ il-munita : L-Awstrija
Is-suġġett tal-kommemorazzjoni : 200 sena tal-Oesterreichische Nationalbank
Deskrizzjoni tad-disinn : Id-disinn juri żewġ allat mill-mitoloġija Rumana li jidhru fir-riliev imnaqqax fuq id-daħla tal-bini prinċipali tal-Oesterreichische Nationalbank (OeNB): fuq ix-xellug, Merkurju, il-messaġġier tal-allat u l-alla tan-negozjanti u l-kummerċ; fuq il-lemin, Fortuna, l-alla mara tad-destin u l-prosperità, li hija raffigurata bil-qarn tal-ġid. L-istampa fl-isfond, mit-tarf tax-xellug sat-tarf tal-lemin taċ-ċentru, turi l-bini prinċipali tal-OeNB. Faxxa ornamentali mal-qiegħ taċ-ċentru tal-munita tfakkar fl-iskema aħmar-abjad-aħmar tal-bandiera nazzjonali Awstrijaka, b’linji vertikali magħquda f’kaxex li jissimbolizzaw il-kulur aħmar, kif stipulat fir-regoli ta’ disinn araldiku. Is-snin “1816” u “2016” fuq ix-xellug ta’ Merkurju jirreferu għas-sena tat-twaqqif tal-OeNB u l-biċentenarju tiegħu. L-iskrizzjonijiet li jiċċirkolaw tul it-truf tal-ċentru li huwa lewn id-deheb jaqraw “Republik Österreich” (ir-Repubblika tal-Awstrija) u “200 Jahre Oesterreichische Nationalbank” (200 sena tal-Oesterreichische Nationalbank).
Iċ-ċirku ta’ barra tal-munita juri t-12-il stilla tal-bandiera Ewropea.
L-għadd ta’ muniti li għandhom jinħarġu : 16-il miljun
Data tal-ħruġ : 2016
(1) Ara ĠU C 373, 28.12.2001, p. 1 għall-uċuħ nazzjonali tal-muniti kollha li nħarġu fl-2002.
(2) Ara l-konklużjonijiet tal-Kunsill tal-Affarijiet Ekonomiċi u Finanzjarji tal-10 ta’ Frar 2009 u r-Rakkomandazzjoni tal-Kummissjoni tad-19 ta’ Diċembru 2008 dwar linji gwida komuni għall-uċuħ nazzjonali u l-ħruġ ta’ muniti tal-euro maħsuba għaċ-ċirkolazzjoni (ĠU L 9, 14.1.2009, p. 52).
V Avviżi
PROĊEDURI AMMINISTRATTIVI
Il-Kummissjoni Ewropea
5.6.2015 |
MT |
Il-Ġurnal Uffiċjali tal-Unjoni Ewropea |
C 186/4 |
Sejħa għal applikazzjonijiet 2015
It-Tielet Programm tal-azzjoni tal-Unjoni fil-qasam tas-saħħa (2014-2020)
(Test b'rilevanza għaż-ŻEE)
(2015/C 186/04)
Illum qed tiġi mnedija sejħa għal applikazzjonijiet “Saħħa — 2015” fi ħdan il-qafas tat-tielet Programm ta’ azzjoni tal-Unjoni fil-qasam tas-saħħa (2014-2020) (1).
Din is-sejħa għal applikazzjonijiet tinkludi:
— |
Sejħa għal proposti għall-għoti ta’ kontribuzzjoni finanzjarja għal azzjonijiet speċifiċi fil-forma ta’ għotjiet għal proġetti. |
L-iskadenza għas-sottomissjoni online tal-proposti hija l-15 Settembru 2015.
L-informazzjoni kollha, inkluża d-Deċiżjoni tal-Kummissjoni tat-2 ta' Ġunju 2015 dwar l-adozzjoni tal-programm ta’ ħidma għall-2015 għall-implimentazzjoni tat-tielet Programm tal-azzjoni tal-Unjoni fil-qasam tas-saħħa (2014-2020), u dwar l-għażla, l-għoti u kriterji oħra għal kontribuzzjonijiet finanzjarji għall-azzjonijiet ta’ dan il-programm, huma disponibbli fuq is-sit elettroniku tal-Aġenzija Eżekuttiva tal-Konsumaturi, is-Saħħa, l-Agrikoltura u l-Ikel (Chafea) fl-indirizz li ġej:
http://ec.europa.eu/chafea/
(1) Ir-Regolament (UE) Nru 282/2014 tal-Parlament Ewropew u tal-Kunsill tal-11 ta’ Marzu 2014 dwar it-twaqqif tat-tielet Programm għal azzjoni tal-Unjoni fil-qasam tas-saħħa (2014-2020), (ĠU L 86, 21.3.2014, p. 1).
Iċ-Ċentru Ewropew għall-Iżvilupp ta’ Taħriġ Professjonali
5.6.2015 |
MT |
Il-Ġurnal Uffiċjali tal-Unjoni Ewropea |
C 186/5 |
Sejħa pubblika għall-proposti — GP/DSI/ReferNet_FPA/001/15
ReferNet — In-Netwerk Ewropew għal Informazzjoni dwar l-Edukazzjoni u t-Taħriġ Vokazzjonali (VET) tas-Cedefop
(2015/C 186/05)
1. Objettivi u deskrizzjoni
Bil-għan li tistabbilixxi netwerk Ewropew għal informazzjoni dwar il-VET — ReferNet —, din is-sejħa għandha l-għan li tagħżel applikant wieħed minn kull pajjiż eliġibbli (l-Istati Membri tal-UE, l-Iżlanda u n-Norveġja) li magħhom Cedefop se jikkonkludi ftehim qafas ta’ sħubija ta’ erba’ snin.
Imwaqqaf fl-1975 u bbażat fil-Greċja sa mill-1995, iċ-Ċentru Ewropew għall-Iżvilupp ta’ Taħriġ Vokazzjonali (Cedefop) huwa aġenzija tal-Unjoni Ewropea (UE). Rikonoxxut bħala sors awtorevoli ta’ informazzjoni u kompetenza dwar il-VET, il-ħiliet u l-kwalifiki, il-missjoni tiegħu huwa li jappoġġa l-iżvilupp ta’ politika Ewropea dwar l-edukazzjoni u t-taħriġ vokazzjonali (VET) u li jikkontribwixxi għall-implimentazzjoni tagħha.
Refernet huwa n-netwerk Ewropew ta’ Cedefop għal informazzjoni dwar il-VET. Il-missjoni ddedikata għal ReferNet hija li dan jappoġġa lil Cedefop billi jirrapporta dwar sistemi nazzjonali tal-VET u dwar żviluppi ta’ politika u billi jgħolli l-viżibbiltà tal-VET u tal-prodotti ta’ Cedefop. Huwa jinkludi 30 membru magħrufin bħala s-sħab nazzjonali ta’ ReferNet mill-Istati Membri tal-UE, mill-Iżlanda u min-Norveġja. Is-sħab nazzjonali ta’ ReferNet huma istituzzjonijiet ewlenin involuti fil-VET jew fil-politiki tas-suq tax-xogħol fil-pajjiż li jirrappreżentaw.
Il-ftehimiet qafas ta’ sħubija jiġu implimentati permezz ta’ ftehimiet speċifiċi ta’ għotja annwali. Għalhekk, wara l-iffirmar tal-Ftehim Qafas ta' Sħubija għas-snin 2016 sal-2019, l-applikanti li jintgħażlu se jiġu mistiedna jressqu l-applikazzjoni għall-għotja għall-azzjoni tal-2016 (li tista' twassal għall-iffirmar ta' Ftehim ta' Għotja Speċifiku għas-sena 2016). L-applikant irid juri l-kapaċità li jwettaq l-attivitajiet mistennija matul il-perjodu ta’ erba’ snin u jiżgura kofinanzjament xieraq għall-implimentazzjoni tal-kompiti mitluba.
2. Baġit u tul tal-proġett
Il-baġit stmat li huwa disponibbli għall-perjodu ta' erba’ snin tal-ftehimiet qafas ta’ sħubija jammonta għal EUR 4 000 000, skont id-deċiżjonijiet annwali tal-Awtorità Baġitarja.
Il-baġit totali disponibbli għall-pjan ta’ ħidma annwali tal-2016 (tul tal-proġett: 12-il xahar) se jkun EUR 980 000 għat-30 sieħeb (mit-28 Stat Membru tal-UE, l-Iżlanda u n-Norveġja).
L-għotja tvarja skont il-popolazzjoni tal-pajjiż u tingħata għat-twettiq ta’ pjan ta’ ħidma annwali. Il-baġit totali disponibbli għall-pjan ta’ ħidma tal-2016 sejjer jitqassam fuq bażi ta’ tliet gruppi ta’ pajjiżi skont il-popolazzjoni tal-pajjiż:
— |
Grupp ta' pajjiżi 1: il-Kroazja, Ċipru, l-Estonja, il-Latvja, il-Litwanja, il-Lussemburgu, Malta, is-Slovenja u l-Iżlanda. L-ammont massimu tal-għotja: EUR 23 615, |
— |
Grupp ta' pajjiżi 2: l-Awstrija, il-Belġju, il-Bulgarija, ir-Repubblika Ċeka, id-Danimarka, il-Finlandja, il-Greċja, l-Ungerija, l-Irlanda, in-Netherlands, il-Portugall, ir-Rumanija, ir-Repubblika Slovakka, l-Iżvezja u n-Norveġja. L-ammont massimu tal-għotja: EUR 33 625, |
— |
Grupp ta' pajjiżi 3: Franza, il-Ġermanja, l-Italja, il-Polonja, Spanja, ir-Renju Unit. L-ammont massimu tal-għotja: EUR 43 620. |
L-għotja tal-Unjoni hija kontribuzzjoni finanzjarja għall-ispejjeż tal-benefiċjarju (u/jew tal-kobenefiċjarji) li jridu jiġu ssupplimentati bil-kontribuzzjoni finanzjarja tagħhom stess u/jew kontribuzzjonijiet lokali, reġjonali, nazzjonali u/jew privati. Il-kontribuzzjoni totali tal-Unjoni ma għandhiex taqbeż is-70 % tal-ispejjeż eliġibbli.
Cedefop jirriserva d-dritt li ma jagħtix il-baġit totali disponibbli.
3. Il-kriterji ta' eliġibbiltà
Biex ikunu eliġibbli, l-applikanti jridu jissodisfaw ir-rekwiżiti li ġejjin:
(a) |
ikunu organizzazzjoni pubblika jew privata, bi status legali u b’personalità ġuridika (persuni fiżiċi, jiġifieri individwi, ma humiex eliġibbli); |
(b) |
ikollhom is-sede tagħhom irreġistrata f'pajjiż fejn l-għotja tiġi applikata, jiġifieri f'wieħed minn dawn li ġejjin:
|
4. Skadenza
L-applikazzjonijiet għall-ftehim qafas ta' sħubija jridu jiġu sottomessi mhux aktar tard mill-21 ta' Awwissu 2015.
5. Aktar informazzjoni
L-ispeċifikazzjonijiet dettaljati tas-sejħa għall-proposti, il-formola tal-applikazzjoni u l-annessi tagħha se jkunu disponibbli fuq is-sit tas-Cedefop mit-8 ta’ Ġunju 2015 fuq l-indirizz li ġej:
http://www.cedefop.europa.eu/en/about-cedefop/public-procurement
L-applikazzjonijiet għandhom ikunu konformi mar-rekwiżiti stabbiliti fit-test sħiħ tas-sejħa u għandhom jiġu sottomessi fuq il-formoli uffiċjali pprovduti.
L-evalwazzjoni tal-proposti se tkun ibbażata fuq il-prinċipji ta’ trasparenza u ta’ trattament ugwali.
L-applikazzjonijiet kollha sottomessi se jkunu evalwati minn kumitat ta’ esperti fuq il-kriterji tal-eliġibbiltà, tal-esklużjoni, tal-għażla u tal-għoti stabbiliti fil-verżjoni tat-test komplet tas-sejħa.
PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI
Il-Kummissjoni Ewropea
5.6.2015 |
MT |
Il-Ġurnal Uffiċjali tal-Unjoni Ewropea |
C 186/7 |
Notifika minn qabel ta’ konċentrazzjoni
(Il-Każ M.7647 — Bridgepoint/Nordic Cinema Group Holding)
Każ li jista’ jiġi kkunsidrat għal proċedura ssimplifikata
(Test b'rilevanza għaż-ŻEE)
(2015/C 186/06)
1. |
Fit-28 ta’ Mejju 2015, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża Bridgepoint Advisers Group Limited (“Bridgepoint”, ir-Renju Unit) takkwista, skont it-tifsira tal-Artikolu 3(1)(b) tar-Regolament dwar l-Għaqdiet, il-kontroll tal-impriża Nordic Cinema Group Holding AB kollha kemm hi (“Nordic Cinema Group”, l-Iżvezja) permezz tax- xiri ta’ ishma. |
2. |
L-attivitajiet kummerċjali tal-impriżi kkonċernati huma: — għal Bridgepoint: grupp ta’ ekwità privata, — għal Nordic Cinema Group: operatur taċ-ċinema attiv fl-Estonja, il-Finlandja, il-Latvja, il-Litwanja, in-Norveġja u l-Iżvezja. |
3. |
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2), ta’ min jinnota li dan il-każ jista’ jiġi kkunsidrat għal trattament skont il-proċedura stipulata f’dan l-Avviż. |
4. |
Il-Kummissjoni tistieden lill-partijiet terzi interessati biex jibagħtulha l-kummenti li jista’ jkollhom dwar l-operazzjoni proposta. Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni permezz tal-faks (+32 22964301), permezz tal-email lil COMP-MERGER-REGISTRY@ec.europa.eu jew permezz tal-posta, bin-numru ta’ referenza M.7647 — Bridgepoint/Nordic Cinema Group Holding, f’dan l-indirizz:
|
(1) ĠU L 24, 29.1.2004, p. 1 (ir-“Regolament dwar l-Għaqdiet”).
(2) ĠU C 366, 14.12.2013, p. 5.
5.6.2015 |
MT |
Il-Ġurnal Uffiċjali tal-Unjoni Ewropea |
C 186/8 |
Notifika minn qabel ta’ konċentrazzjoni
(Il-Każ M.7571 — Dawn Meats/Terrena/Elivia)
Każ li jista’ jiġi kkunsidrat għal proċedura ssimplifikata
(Test b'rilevanza għaż-ŻEE)
(2015/C 186/07)
1. |
Fit-28 ta’ Mejju 2015, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li biha l-impriża QDB Holdings Group/Dawn Meats (“Dawn Meats”, l-Irlanda) u Terrena (Franza) jakkwistaw fit-tifsira tal-Artikolu 3(1)(b) tar-Regolament dwar l-Għaqdiet il-kontroll konġunt tal-impriża Elivia (Franza), permezz ta’ xiri ta’ ishma. Elivia bħalissa hija proprjetà kollha kemm hi ta’ Terrena. |
2. |
L-attivitajiet kummerċjali tal-impriżi kkonċernati huma: — għal Dawn Meats: il-qtil ta’ bhejjem, it-tneħħija tal-għadam u l-ipproċessar ulterjuri ta’ laħam, inkluż l-għoti ta’ prodotti sekondarji tal-biċċeriji, b’operazzjonijiet ewlenin fis-setturi taċ-ċanga u tal-ħaruf; — għal Terrena: diversi attivitajiet tul il-katina tal-valur ta’ prodotti agrikoli, inkluż l-ipproċessar u l-kummerċjalizzazzjoni ta’ prodotti tal-laħam; — għal Elivia: il-qtil ta’ bhejjem, il-produzzjoni u l-bejgħ ta’ prodotti tal-laħam taċ-ċanga frisk u pproċessat, inklużi prodotti sekondarji tal-biċċerija, primarjament fi Franza. |
3. |
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) ta’ min wieħed jinnota li dan il-każ jista’ jiġi kkunsidrat għal trattament skont il-proċedura stipulata fl-Avviż. |
4. |
Il-Kummissjoni tistieden lill-partijiet terzi interessati biex jibagħtulha l-kummenti li jista’ jkollhom dwar l-operazzjoni proposta. Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni permezz tal-faks (+32 22964301), permezz tal-e-Mail lil COMP-MERGER-REGISTRY@ec.europa.eu jew permezz tal-posta, bin-numru ta’ referenza M.7571 — Dawn Meats/Terrena/Elivia, f’dan l-indirizz:
|
(1) ĠU L 24, 29.1.2004, p. 1 (ir-“Regolament dwar l-Għaqdiet”).
(2) ĠU C 366, 14.12.2013, p. 5.
ATTI OĦRAJN
Il-Kummissjoni Ewropea
5.6.2015 |
MT |
Il-Ġurnal Uffiċjali tal-Unjoni Ewropea |
C 186/9 |
Pubblikazzjoni ta' applikazzjoni skont l-Artikolu 50(2)(b) tar-Regolament (UE) Nru 1151/2012 tal-Parlament Ewropew u tal-Kunsill dwar skemi tal-kwalità għal prodotti agrikoli u oġġetti tal-ikel
(2015/C 186/08)
Din il-pubblikazzjoni tikkonferixxi d-dritt ta' oppożizzjoni għall-applikazzjoni skont l-Artikolu 51 tar-Regolament (UE) Nru 1151/2012 tal-Parlament Ewropew u tal-Kunsill (1).
DOKUMENT UNIKU
IR-REGOLAMENT TAL-KUNSILL (KE) Nru 510/2006
dwar il-protezzjoni tal-indikazzjonijiet ġeografiċi u d-denominazzjonijiet tal-oriġini għall-prodotti agrikoli u l-oġġetti tal-ikel (2)
“ISTARSKI PRŠUT'/'ISTRSKI PRŠUT”
Nru KE: MULTI-PDO-0005-01041 — 04.10.2012
IĠP ( ) DPO ( X )
1. Isem
“Istarski pršut”/“Istrski pršut”
2. Stat Membru jew Pajjiż Terz
Ir-Republikka tal-Kroazja/ir-Republikka tas-Slovenja
3. Deskrizzjoni tal-prodott agrikolu jew tal-oġġett tal-ikel
3.1. Tip ta' prodott
Klassi 1.2. Prodotti tal-laħam (imsajra, immelħa, affumikati, eċċ.).
3.2. Deskrizzjoni tal-prodott li għalih japplika l-isem f'(1)
“Istarski pršut”/“Istrski pršut” huwa prodott tal-laħam ippriservat u mnixxef magħmul mir-riġel tal-ħanżir mingħajr is-sieq, il-ġilda u x-xaħam ta' taħtha iżda bl-għadam pelviku, li jitnixxef fis-salmura niexfa bil-melħ tal-baħar u l-ħwawar, jitnixxef fl-arja mingħajr affumikar u mbagħad jitnixxef u jiġi staġjunat għal minn tal-anqas tnax-il xahar.
L-“Istarski pršut”/“Istrski pršut” għandu għamla tawwalija għax fih l-għadam pelviku. Is-sieq titneħħa mir-riġel minn mal-ġog ta' qiegħ is-sieq (il-ġog tarsali). Il-ġilda u x-xaħam ta' taħtha jitneħħew ukoll mis-sezzjoni ta' taħt il-ġog ta' qiegħ is-sieq (10-15-il cm). L-“Istarski pršut”/“Istrski pršut” għandu truf ġejjin għat-tond b'mod ugwali u superfiċi ċatti li huma ndaf jew miksija b'saff ħafif ta' moffa. Is-sezzjoni trasversali tat-tessut tal-muskolu hi kollha kemm hi ħamranija fir-roża u ma titlef lewnha mkien. Ix-xaħam għandu jkun abjad. L-“Istarski pršut”/“Istrski pršut” għandu aroma distintiva u b'saħħitha ta' majjal imnixxef li jkun sar sew bl-istaġjunar u ta' ħwawar, u għandu togħma kemxejn mielħa.
Bħala proprjetajiet fiżiko-kimiċi meta l-prodott ikun lest biex jinbiegħ, il-kontenut ta' klorur tas-sodju jkun anqas minn 8 % u l-attività tal-ilma inqas minn 0,93.
U meta jitqiegħed fis-suq, l-“Istarski pršut”/“Istrski pršut” għandu jkun jiżen minn tal-anqas 7 kg.
3.3. Materja prima (għall-prodotti pproċessati biss)
L-“Istarski pršut”/“Istrski pršut” huwa prodott mir-riġlejn ta' ħnieżer li jkollhom ommhom u missierhom ħnieżer tar-razza pura u dawk ippastardjati minnhom, bl-eċċezzjoni tar-razza Piétrain u ħnieżer ippastardjati minnha.
Qabel jinqatel, il-piż medju ta' ħanżir ħaj għal kull grupp għandu jkun jaqbeż il-160 kg, u l-ħnieżer għandu jkollhom minn tal-anqas disa' xhur. Ir-riġlejn jiġu mirquma biex jitħalla l-għadam tal-ġog pelviku (l-ilju, l-iskju u l-pubis) filwaqt li jitneħħew l-ossu sagru u denb is-sinsla. L-ossu sagru jitneħħa permezz tal-qtugħ tal-ġog ta' bejn l-ilju u l-ossu sagru. Ir-riġlejn mirquma għandhom ikunu jiżnu aktar minn 13-il kg.
3.4. Għalf (għall-prodotti li joriġinaw mill-annimali biss)
Il-ħnieżer li jkunu se jintużaw għall-produzzjoni tal-“Istarski pršut”/“Istrski pršut” jiġu magħlufa l-għalf kompost fil-fażi tat-tismin. L-ingredjenti kollha tal-għalf kompost, ħlief għall-minerali, il-vitamini u addittivi oħra, għandhom joriġinaw miż-żona li fiha tista' tiġi prodotta l-materja prima u li hija deskritta fit-Taqsima 4. L-oriġini tal-ingredjenti kollha għandha tkun traċċabbli mill-post tal-produzzjoni sal-maqjel.
Minbarra l-għalf kompost, il-ħnieżer jistgħu jiġu magħlufa qamħ jew nuħħala, silla u aflalfa ħodor, qargħa aħmar, kaboċċi, pitravi tal-għalf, polpa tal-pitravi zokkrija, xorrox u patata msajra, li għandhom joriġinaw ukoll mill-istess żona. Għat-tismin tal-ħnieżer ma jistgħux jintużaw ħbub tal-birrerija li jkunu qatgħu, tilqit tal-ikel u skart tal-biċċerija.
Ikel li joriġina minn barra ż-żona tal-produzzjoni tal-materja prima jista' jiżdied f'konformità mar-regoli dwar l-għalf tal-annimali li japplikaw għad-DPO għal prodotti li joriġinaw mill-annimali.
3.5. Passi speċifiċi tal-produzzjoni li jridu jsiru fiż-żona ġeografika ddefinita
Il-fażijiet kollha tal-produzzjoni tal-“Istarski pršut”/“Istrski pršut” għandhom isiru fiż-żona ġeografika speċifikata fit-Taqsima 4.
3.6. Passi speċifiċi tal-produzzjoni dwar it-tqattigħ, it-taħkik, l-ippakkjar, eċċ.
L-“Istarski pršut”/“Istrski pršut” jista' jiġi kummerċjalizzat bħala biċċa waħda (sħiħ) jew fl-għamla ta' pakketti li jista' jkun fihom perżut ikkurat bla għadam jew biċċiet żgħar ta' perżut ikkurat jew perżut ikkurat imqatta' roti roti. Dawn l-għamliet ta' perżut ikkurat għandhom jiġu ppakkjati f'vakwu jew atmosfera modifikata.
Il-proċess tat-tneħħija tal-għadam tal-perżut ikkurat, it-tqattigħ tiegħu f'biċċiet jew roti roti biex jinqasam f'porzjonijiet, u l-ippakkjar bl-għan li jerġa' jinbiegħ, għandu jsir biss fiż-żona tal-produzzjoni tal-“Istarski pršut”/“Istrski pršut”. Peress li l-prodott jinqasam f'porzjonijiet u jiġi ppakkjat fiż-żona fejn jiġi prodott biss, il-monitoraġġ tal-proċess jeħfief ġmielu, l-applikazzjoni tas-sistema tat-traċċabbiltà tkun aktar faċli, jonqos kemm jista' jkun ir-riskju ta' frodi u abbuż tat-tikketti u tkun żgurata l-kwalità meħtieġa tal-prodott għall-konsumaturi. Barra minn hekk billi t-tqattigħ u l-ippakkjar isiru fiż-żona tal-produzzjoni jfisser ukoll li dan il-proċess jistgħu jagħmluh l-istess produtturi jew nies oħra li għandhom il-ħiliet meħtieġa u li huma familjari mal-karatteristiċi speċifiċi u l-kwalità tal-“Istarski pršut”/“Istrski pršut”. Dan jiżgura li l-kwalità oriġinali tal-prodott tkun priservata anki wara li dan ikun imqatta' jew ippakkjat.
3.7. Regoli speċifiċi dwar it-tikkettar
Malli titlesta l-fażi tal-istaġjunar, il-prieżet kollha jiġu mmarkati b'timbru jaħraq b'marka komuni, li tkun l-istess għaż-żona kollha tal-produzzjoni tal-“Istarski pršut”/“Istrski pršut”, u bil-kodiċi numeriku tal-produttur. Il-marka komuni tidher hawn taħt.
Meta l-prodott sħiħ jew f'pakketti ta' kwalunkwe tip jitqiegħdu fis-suq, il-prodott għandu jkollu tikketta bil-marka komuni u bil-kitba “Istarski pršut”/“Istrski pršut”.
Il-kitba “Istarski pršut”/“Istrski pršut” għandha tkun tinqara sew u ma titħassarx, u għandha tintuża tipa kbira biżżejjed li tkun tispikka permezz tat-tip u l-kulur biex tidher aktar minn xi indikazzjoni oħra.
4. Deskrizzjoni fil-qosor taż-żona ġeografika
Iż-żona tal-produzzjoni tal-materja prima għall-“Istarski pršut”/“Istrski pršut” hija limitata għaż-żona tal-produzzjoni tal-prodott u l-kontej Kroati li ġejjin: Primorje-Gorski Kotar (għajr għall-gżejjer), Karlovac, Sisak-Moslavina, Zagreb, Bjelovar-Bilogora, Koprivnica-Križevci, Međimurje, Virovitica-Podravina, Požega-Slavonia, Slavonski Brod-Posavina, Osijek-Baranja u Vukovar-Syrmia.
Iż-żona tal-produzzjoni tal-“Istarski pršut”/“Istrski pršut” tinkludi parti mill-Peniżola tal-Istrija, għajr għall-gżejjer.
Il-fruntiera taż-żona ġeografika tal-produzzjoni tal-“Istarski pršut”/“Istrski pršut” tibda mill-Qala ta' Stupova, il-fruntiera bejn il-kontej ta' Istrija u ta' Primorje-Gorski Kotar, u tkompli lejn it-Tramuntana tul il-fruntiera sal-fruntiera mar-Repubblika tas-Slovenja.
Imbagħad, il-fruntiera tkompli lejn il-Punent u tidħol fit-territorju tar-Repubblika tas-Slovenja u tgħaddi min-Nofsinhar ta' Ravni Kot. Il-fruntiera xxaqleb lejn il-Majistral u tgħaddi minn Vincarija, qabel ma tasal sa Glavičorka fin-Nofsinhar u ddur lejn il-Punent għal distanza qasira biex imbagħad terġa' ddur lejn il-Majjistral f'Lipica, sakemm tilħaq Mala Vrata. Hawnhekk, il-fruntiera ddur lejn il-Punent lejn Jelovšćina, imbagħad lejn il-Lbiċ sa ma tasal Blažinov Vrh, fejn iddur f'kisra qawwija lejn il-Punent, tgħaddi mit-Tramuntana ta' Stružnjak u Gnojin qabel iddur lejn il-Lbiċ sa ma tasal fit-triq bejn Jelovice u Podgorje. Imbagħad, il-fruntiera tkompli ma' din it-triq lejn il-Majjistral u tgħaddi minn Podgorje u minn ħdejn Praproće u Črnotiče fid-direzzjoni lejn in-Nofsinhar. Il-fruntiera tibqa' sejra tul it-triq lejn it-Tramuntana ta' Kastelec u ddur lejn il-fruntiera ta' bejn is-Slovenja u l-Italja qabel Sočerb.
Imbagħad il-fruntiera taż-żona tibqa' miexja mal-fruntiera ta' bejn dawn iż-żewġ pajjiżi sa ma tilħaq il-kosta ta' San Bartolomeo. Minn hawn tibqa' ssegwi l-kosta lejn ix-Xlokk sal-punt tat-tluq fil-Qala ta' Stupova.
5. Rabta maż-żona ġeografika
5.1. Speċifiċità taż-żona ġeografika
Il-klima tal-peniżola tal-Istrija hija fil-biċċa l-kbira tagħha Mediterranja, għalkemm tinbidel gradwalment fi klima kontinentali aktar ma wieħed jitbiegħed mill-kosta. Iż-żewġ klimi huma karatterizzati bi rjieħ frekwenti, li fix-xitwa jonfħu mit-Tramuntana u mil-Lvant. Dawn it-tipi ta' rjieħ xitwin jgħinu fil-produzzjoni tal-perżut, li tibda appuntu f'dak iż-żmien tas-sena (it-tmelliħ u t-tnixxif). Il-bora, riħ qawwi mill-Grigal li jonfoħ minn fuq il-kontinent lejn il-baħar mid-direzzjoni tal-Muntanja Učka, jgħin b'mod partikolari f'dan il-proċess. B'hekk l-“Istarski pršut”/“Istrski pršut” jista' jitnixxef bl-arja biss, mingħajr ebda affumikar. Dan jaffettwa ferm il-kwalità u l-uniċità tiegħu meta mqabbel ma' prieżet ikkurati oħrajn.
It-togħma magħrufa u distintiva tal-“Istarski pršut”/“Istrski pršut” mhix riżultat biss tal-klima, iżda wkoll tal-esperjenza u l-ħila ta' bosta ġenerazzjonijiet ta' bdiewa Istrijani.
Tradizzjonalment, il-ħnieżer kienu jitrabbew għal aktar minn sena u kienu jingħataw għalf varjat li kien ikun disponibbli fir-razzett fiż-żminijiet differenti tas-sena: silla u alfalfa, qargħa aħmar, kaboċċi, pitravi tal-għalf, xorrox, patata msajra u aktar. Waħda mill-partikolaritajiet tal-metodu Istrijan, li ilu jitħaddem għall-bosta snin, hija l-kompożizzjoni tas-salmura niexfa, magħmula mill-melħ u ħwara waħda jew aktar (bżar iswed, tewm, rand, klin). Partikolarità oħra hija l-mod kif is-sieq ta' wara titneħħa minn man-nofs karkassa u l-mod kif ir-riġel jitlesta u jingħata l-għamla. Pereżempju, il-metodu tradizzjonali u kemxejn waħdieni kif jiġu mirquma r-riġlejn baqa' priservat miż-żmien meta l-familji rurali kien ikollhom bżonn iħollu kemm jista' jkun tessut adipuż f'xaħam u jerfgħuh biex jużawh aktar tard. Għaldaqstant, skont ir-riċetta tradizzjonali, il-ġilda u x-xaħam ta' taħtha kollha jitneħħew mir-riġel fl-ewwel stadju tal-ħidma tal-“Istarski pršut”/“Istrski pršut”. Dan il-proċess huwa rari, anzi uniku, meta mqabbel mal-mod kif il-perżut ikkurat jinħadem f'żoni oħra. Pekuljarità oħra fil-proċess tat-tirqim hija li l-għadam pelviku ma jitneħħiex u għalhekk jifdal aktar laħam mar-riġel u l-perżuta tkun akbar.
L-arti tal-produzzjoni tal-perżut fl-Istrija tmur lura għal għadd ta' sekli, li matulhom ittejbu l-metodi tradizzjonali tal-produzzjoni. L-eqdem evidenza li nstabet s'issa mill-Istrija u li ssemmi biċ-ċar il-perżut ikkurat tmur lura għall-1580. Dawn huma ir-reġistrazzjonijiet Glagolitiċi tal-muniċipalità ta' Roč, li fihom jinsab imniżżel li fost l-ikel ordnat għaċ-ċerimonja taż-żwieġ tal-prefett kien hemm il-perżut ikkurat (Dražen Vlahov: “Knjiga računa općine Roč” (1566–1628), State Archive in Pazin, Pazin, 2009, pp. 102-103). F'Roč ukoll, iżda ftit snin wara fl-1594, il-perżut ikkurat kien ordnat u servut għall-pranzu lill-kaptan ta' Rašpor (il-gvernatur tal-parti Venezjana tat-Tramuntana tal-Istrija) u lil dawk ta' madwaru, biex tkun iċċelebrata l-festa ta' Santa Martina (ibid., pp. 110-111). Reġistrazzjoni mill-1612 tgħid li “erba' mitt Uskok qasmu Učka… L-Uskoki serqu bosta bhejjem tal-ifrat u ammonti kbar ta' ġobon, perżut ikkurat, inbid u ikel ieħor” (Miroslav Bertoša: “Istra: doba Venecije”, Zavičajna naklada Žakan Juri, Pula, 1995, p. 318). Dokument tal-1810 jgħid li l-aktar laħam għali kien il-majjal immellaħ - il-perżut u l-bejkin (Nevio Šettó: “Napoleon u Istri”, IKK Grozd, Pula, 1989, pp. 54, 100, 112, 116, 139, 141).
It-tradizzjoni tal-produzzjoni tal-“Istarski pršut”/“Istrski pršut” fl-irziezet tal-bliet ta' Manžan, Nova Vas u Bertoki jiddeskriviha Stanislav Renčelj fil-ktieb tiegħu “Suhe mesnine narodne posebnosti” (Kmečki glas, Ljubljana, 1990, pp. 169, 209, 211).
5.2. Speċifiċità tal-prodott
L-ispeċifiċità tal-“Istarski pršut”/“Istrski pršut” tirriżulta l-aktar minħabba tliet fatturi: il-materja prima, it-teknoloġija tal-produzzjoni bbażata fuq it-tradizzjoni, u l-proprjetajiet organolettiċi tal-prodott.
Il-karatteristiċi speċifiċi tal-materja prima huma r-riżultat tat-trobbija kkontrollata tal-ħnieżer minn razez puri li jiġu magħlufin skont rekwiżiti speċjali f'fażi estiża tat-tismin sakemm il-piż medju tagħhom jaqbeż il-160 kg. Qabel jinqatlu, il-ħnieżer iridu jkunu jiżnu ġmielhom biex jinkisbu prieżet friski tqal. Dawn jitilfu ammont konsiderevoli ta' ilma fl-istadji tat-tnixxif u l-maturazzjoni minħabba l-partikularitajiet tal-proċess tal-produzzjoni.
Fil-metodu tradizzjonali tal-produzzjoni, il-prieżet iridu jiġu mirquma biex jinżamm l-għadam pelviku (l-ilju, il-pubis u l-iskju); fattur li mhux komuni fil-produzzjoni ta' perżut ikkurat f'reġjuni oħra. Speċifikament, meta r-riġlejn ikunu ġew mirquma u mħejjija, ras il-wirk tinħeba, filwaqt li f'tipi oħra ta' prieżet ikkurati wieħed ikun jista' jaraha min-naħa ġewwinija tan-nofs u tkun waħda mill-karatteristiċi viżwali ewlenin tagħhom. Fl-“Istarski pršut”/“Istrski pršut” ras il-wirk tinħeba peress li tinsab fuq ġewwa tal-għadam pelviku (acetabulum).
It-tneħħija tal-ġilda u x-xaħam ta' taħtha mill-wiċċ kollu, jiġifieri sa ma jintlaħaq il-laħam, hija teknika li wkoll mhix komuni għat-tirqim tar-riġlejn. Ir-riġlejn mirquma jitqiegħdu fis-salmura niexfa li tkun magħmula mill-melħ tal-baħar flimkien mal-bżar, it-tewm, ir-rand u l-klin. Iż-żieda ta' tant ħwawar waqt it-tmelliħ hija karatteristika oħra li tiddistingwi l-“Istarski pršut”/“Istrski pršut”. It-tneħħija tal-ġilda ma twassalx biss għal ftit aktar tnixxif (telf fil-piż) milli huwa l-każ fi prieżet oħra, iżda tipproduċi wkoll karatteristika oħra li tiddistingwi lil dan il-perżut. Din hija l-moffa li tikber fuq wiċċ il-perżuta.
Il-proprjetajiet speċifiċi organolettiċi tal-“Istarski pršut”/“Istrski pršut” jistgħu jiġu nnutati, qabel xejn, fid-dehra tal-perżuta għax din m'għandhiex ġilda jew xaħam ta' taħt il-ġilda. Allura l-“Istarski pršut”/“Istrski pršut” jieħu għamla tawwalija, karatteristika li mhix komuni ħafna u aktarx li fuq wiċċ il-perżuta wieħed isib dbabar ta' moffa b'daqsijiet differenti.
Il-prodott aħħari huwa kkaratterizzat minn aroma partikolari, togħma ħafifa mielħa, lewn uniformi ħamrani fir-roża u konsistenza tajba tat-tessut tal-muskolu. L-“Istarski pršut”/“Istrski pršut” ma fihx addittivi għax jiġi prodott bil-mod tradizzjonali.
5.3. Rabta każwali bejn iż-żona ġeografika u l-kwalità jew il-karatteristiċi tal-prodott (għal DPO) jew il-kwalità, ir-reputazzjoni jew karatteristiċi oħra speċifiċi tal-prodott (għal IĠP)
Ir-rabta bejn l-“Istarski pršut”/“Istrski pršut” u ż-żona tal-Istrija tista' tiġi attribwita lill-eżistenza ta' kundizzjonijiet naturali favorevoli: fix-xitwa t-temperatura ma tinżilx b'mod estrem, u l-arja tkun kiesħa u xotta minħabba l-irjieħ frekwenti li jipprovdu kundizzjonijiet ideali għat-tnixxif naturali tal-perżut. Il-fatt li t-temperatura tibda baxxa u l-umdità relattiva tibda tonqos ftit ftit jiżgura li l-prieżet jinxfu bi proċess regolari. Minħabba f'hekk, il-fażi tat-tmelliħ tar-riġlejn (l-ewwel fażi tal-produzzjoni) tista' ssir biss fil-perjodu bejn il-15 ta' Ottubru u l-20 ta' Marzu. Din hija waħda mis-sisien tal-metodu tradizzjonali tal-produzzjoni.
Dawn il-kundizzjonijiet klimatiċi jipprovdu ambjent naturali ideali għall-produzzjoni tal-“Istarski pršut”/“Istrski pršut” tradizzjonali li jitnixxef bl-arja biss, mingħajr affumikar: fattur li jaffettwa bil-kbir il-kwalità u l-ispeċifiċità ta' dan il-perżut meta mqabbel ma' prieżet ikkurati oħrajn.
Il-karatteristiċi partikolari tal-“Istarski pršut”/“Istrski pršut” huma riżultat ukoll tal-wirt kulturali tal-komunitajiet rurali Istrijani, jiġifieri mill-esperjenza u l-ħiliet ta' bosta ġenerazzjonijiet ta' bdiewa Istrijani. Tradizzjonalment, huma kienu jipproduċu l-prieżet ikkurati minn ħnieżer li jkunu jiżnu ħafna (jiġifieri aktar minn 160 kg). Fost l-oħrajn, dawn il-ħnieżer kienu jiġu magħlufa s-silla, l-alfalfa, il-qargħa aħmar, il-kaboċċi, il-pitravi tal-għalf, ix-xorrox u l-patata mgħollija.
Il-mod kif ir-riġlejn jiġu mirquma għall-produzzjoni tal-“Istarski pršut”/“Istrski pršut” baqa' l-istess sa miż-żmien meta l-familja rurali kien jeħtiġilhom jiksbu kemm jista' jkun xaħam biex jerfgħuh għal aktar tard. Għaldaqstant, skont ir-riċetta tradizzjonali, fl-ewwel stadju tal-ħidma tal-“Istarski pršut”/“Istrski pršut” jitneħħew il-ġilda u x-xaħam ta' taħtha kollha mir-riġel u jitħalla l-laħam għeri; dan huwa proċess rari, anzi uniku, meta mqabbel mal-mod kif il-perżut ikkurat jiġi prodott f'żoni oħra fejn il-prieżet ġeneralment jitnixxfu bil-ġilda b'kollox. Karatteristika oħra tal-“Istarski pršut”/“Istrski pršut” hija t-tirqim tradizzjonali tal-prieżet b'tali mod li jinżamm l-għadam pelviku. Dan ifisser li l-prieżet dejjem ikunu kemxejn akbar u itqal minn prieżet ikkurati prodotti f'reġjuni oħrajn.
It-tnixxif tal-prieżet mingħajr il-ġilda u x-xaħam ta' taħtha, li jwassal biex il-wiċċ kollu tal-muskolu jkun mikxuf beraħ għall-arja jinkesa bil-moffa tul il-fażi tal-maturazzjoni, ċertament li jagħmel il-proċess tal-istaġjunar xi ftit differenti u lil “Istarski pršut”/“Istrski pršut” jagħtih il-proprjetajiet organolettiċi distintivi tiegħu.
L-ispeċifiċità tal-aroma u t-togħma tal-“Istarski pršut”/“Istrski pršut” hija wkoll ir-riżultat tal-ħwawar differenti li jiżdiedu mas-salmura niexfa. Il-ħwawar għandhom influwenza qawwija fuq l-aroma tal-“Istarski pršut”/“Istrski pršut” peress li, għall-kuntrarju ta' tipi oħra ta' perżut ikkurat, l-ħwawar jinfirxu mal-wiċċ kollu tal-perżuta u allura t-togħma tagħhom tista' tippenetra b'mod aktar faċli u aktar fil-fond fil-partijiet kollha tal-perżuta.
Referenza għall-pubblikazzjoni tal-ispeċifikazzjoni
(L-Artikolu 5(7) tar-Regolament (KE) Nru 510/2006 (3))
http://www.mps.hr/UserDocsImages/HRANA/ISTARSKI%20PRSUT/Izmijenjena%20Specifikacija%20proizvoda%20Istarski%20pršut-Istrski%20pršut.pdf
http://www.mko.gov.si/fileadmin/mko.gov.si/pageuploads/podrocja/Varna_in_kakovostna_hrana_in_krma/zasciteni_kmetijski_pridelki/Specifikacije/Istrski_prsut_specifikacija.pdf
(1) ĠU L 343, 14.12.2012, p. 1.
(2) ĠU L 93, 31.3.2006, p. 12. Mibdul bir-Regolament (UE) Nru 1151/2012.
(3) Ara n-nota f'qiegħ il-paġna 2.