ISSN 1977-0987 |
||
Il-Ġurnal Uffiċjali tal-Unjoni Ewropea |
C 120 |
|
![]() |
||
Edizzjoni bil-Malti |
Informazzjoni u Avviżi |
Volum 58 |
Avviż Nru |
Werrej |
Paġna |
|
IV Informazzjoni |
|
|
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA |
|
|
Il-Kummissjoni Ewropea |
|
2015/C 120/01 |
||
2015/C 120/02 |
Komunikazzjoni tal-Kummissjoni fil-qafas tal-implimentazzjoni tar-Regolament tal-Kummissjoni (KE) Nru 278/2009 li jimplimenta d-Direttiva 2005/32/KE tal-Parlament Ewropew u tal-Kunsill rigward ir-rekwiżiti tal-ekodisinn għall-konsum tal-elettriku f’kundizzjoni ta’ mingħajr tagħbija u l-medja tal-effiċjenzi tal-istat attiv ta’ provvisti tal-elettriku esterni (Pubblikazzjoni ta’ titli u referenzi ta’ standards armonizzati skont il-leġiżlazzjoni tal-Unjoni dwar l-armonizzazzjoni) ( 1 ) |
|
V Avviżi |
|
|
PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI |
|
|
Il-Kummissjoni Ewropea |
|
2015/C 120/03 |
Notifika minn qabel ta' konċentrazzjoni (Il-Każ M.7552 — Mitsui Chemicals / SK Holdings / JV) — Każ li jista' jiġi kkunsidrat għal proċedura ssimplifikata ( 1 ) |
|
2015/C 120/04 |
Notifika minn qabel ta’ konċentrazzjoni (Il-Każ M.7577 — Fairfax Financial Holdings/Brit) — Każ li jista’ jiġi kkunsidrat għal proċedura ssimplifikata ( 1 ) |
|
|
ATTI OĦRAJN |
|
|
Il-Kummissjoni Ewropea |
|
2015/C 120/05 |
|
|
|
(1) Test b'rilevanza għaż-ŻEE |
MT |
|
IV Informazzjoni
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
Il-Kummissjoni Ewropea
15.4.2015 |
MT |
Il-Ġurnal Uffiċjali tal-Unjoni Ewropea |
C 120/1 |
Rata tal-kambju tal-euro (1)
L-14 ta’ April 2015
(2015/C 120/01)
1 euro =
|
Munita |
Rata tal-kambju |
USD |
Dollaru Amerikan |
1,0564 |
JPY |
Yen Ġappuniż |
126,67 |
DKK |
Krona Daniża |
7,4691 |
GBP |
Lira Sterlina |
0,72170 |
SEK |
Krona Żvediża |
9,3235 |
CHF |
Frank Żvizzeru |
1,0344 |
ISK |
Krona Iżlandiża |
|
NOK |
Krona Norveġiża |
8,4820 |
BGN |
Lev Bulgaru |
1,9558 |
CZK |
Krona Ċeka |
27,345 |
HUF |
Forint Ungeriż |
296,64 |
PLN |
Zloty Pollakk |
4,0105 |
RON |
Leu Rumen |
4,4118 |
TRY |
Lira Turka |
2,8284 |
AUD |
Dollaru Awstraljan |
1,3936 |
CAD |
Dollaru Kanadiż |
1,3292 |
HKD |
Dollaru ta' Hong Kong |
8,1872 |
NZD |
Dollaru tan-New Zealand |
1,4169 |
SGD |
Dollaru tas-Singapor |
1,4400 |
KRW |
Won tal-Korea t'Isfel |
1 156,94 |
ZAR |
Rand ta' l-Afrika t'Isfel |
12,8100 |
CNY |
Yuan ren-min-bi Ċiniż |
6,5633 |
HRK |
Kuna Kroata |
7,5830 |
IDR |
Rupiah Indoneżjan |
13 710,09 |
MYR |
Ringgit Malażjan |
3,9092 |
PHP |
Peso Filippin |
47,117 |
RUB |
Rouble Russu |
54,9350 |
THB |
Baht Tajlandiż |
34,291 |
BRL |
Real Brażiljan |
3,2857 |
MXN |
Peso Messikan |
16,2263 |
INR |
Rupi Indjan |
65,9050 |
(1) Sors: rata tal-kambju ta' referenza ppubblikata mill-Bank Ċentrali Ewropew.
15.4.2015 |
MT |
Il-Ġurnal Uffiċjali tal-Unjoni Ewropea |
C 120/2 |
Komunikazzjoni tal-Kummissjoni fil-qafas tal-implimentazzjoni tar-Regolament tal-Kummissjoni (KE) Nru 278/2009 li jimplimenta d-Direttiva 2005/32/KE tal-Parlament Ewropew u tal-Kunsill rigward ir-rekwiżiti tal-ekodisinn għall-konsum tal-elettriku f’kundizzjoni ta’ mingħajr tagħbija u l-medja tal-effiċjenzi tal-istat attiv ta’ provvisti tal-elettriku esterni
(Pubblikazzjoni ta’ titli u referenzi ta’ standards armonizzati skont il-leġiżlazzjoni tal-Unjoni dwar l-armonizzazzjoni)
(Test b'rilevanza għaż-ŻEE)
(2015/C 120/02)
ESO (1) |
Ir-referenza u t-titlu tal-istandard (u d-dokument ta’ referenza) |
Referenza ta’ l-istandard li ġie sostitwit |
Data tal-waqfa tal- presunzjoni tal-konformità ta’ l-istandard li ġie sostitwit Nota 1 |
L-ewwel pubblikazzjoni fil-ĠU |
Cenelec |
EN 50563:2011 Fornituri ta’ enerġija esterni a.c. - d.c. u a.c. - a.c.– Determinazzjoni ta’ enerġija elettrika kkunsmata minn ċarġer ipplaggjat ma’ sokit bla ebda konnessjoni oħra u tal-effiċjenza medja ta’ modi attivi ta’ enerġija |
|
|
7.5.2013 |
|
EN 50563:2011/A1:2013 |
Nota 3 |
30.9.2016 |
Din hi l-ewwel pubblikazzjoni |
Nota 1: |
Ġeneralment id-data li fiha tintemm il-preżunzjoni ta’ konformità tkun id-data tar-revoka (“dow”), stabbilita mill-organizzazzjonijiet Ewropej tal-istandardizzazzjoni, iżda l-utenti għandhom jinnotaw li f’ċerti każijiet eċċezzjonali dan jista’ jkun mod ieħor. |
Nota 2.1: |
L-istandard il-ġdid (jew emendat) għandu l-istess għan bħall-istandard li ġie sostitwit. Fid-data speċifikata, l-istandard li ġie sostitwit, jieqaf milli jagħti preżunzjoni ta’ konformità mal-rekwiżiti essenzjali jew oħrajn fil-leġiżlazzjoni rilevanti tal-Unjoni. |
Nota 2.2: |
L-istandard il-ġdid għandu għan usa’ mill-istandard li ġie sostitwit. Fid-data speċifikata, l-istandard li ġie sostitwit, jieqaf milli jagħti preżunzjoni ta’ konformità mar-rekwiżiti essenzjali jew oħrajn fil-leġiżlazzjoni rilevanti tal-Unjoni. |
Nota 2.3: |
L-istandard il-ġdid għandu għan aktar speċifiku mill-istandard li ġie sostitwit. Fid-data speċifikata, l-istandard li ġie sostitwit (parzjalment) jieqaf milli jagħti preżunzjoni ta’ konformità mar-rekwiżiti essenzjali fil-leġiżlazzjoni rilevanti tal-Unjoni għal dawk il-prodotti jew dawk is-servizzi li jaqgħu fl-ambitu tal-istandard ġdid. Ma tiġix effettwata preżunzjoni ta’ konformità mar-rekwiżiti essenzjali jew oħrajn fil-leġiżlazzjoni rilevanti tal-Unjoni għall-prodotti jew is-servizzi li xorta jaqgħu fil-ambitu tal-istandard li ġie sostitwit (parzjalment), iżda li ma jaqgħux fl-ambitu tal-istandard il-ġdid. |
Nota 3: |
F’każ ta’ emendi, l-istandard ta’ referenza huwa EN CCCCC:YYYY, l-emendi preċedenti tiegħu, jekk kien hemm, u l-emenda l-ġdida kkwotata. Għalhekk l-istandard li ġie sostitwit jikkonsisti f’EN CCCCC:YYYY u l-emendi preċedenti tiegħu, jekk kien hemm, iżda mingħajr l-emenda l-ġdida kkwotata. Fid-data speċifikata, l-istandard li ġie sostitwit jieqaf milli jagħti l-preżużjoni ta’ konformità mar-rekwiżiti essenzjali jew oħrajn fil-leġiżlazzjoni rilevanti tal-Unjoni. |
NOTA:
— |
Kwalunkwe informazzjoni dwar id-disponibbiltà tal-istandards tista’ tinkiseb jew mill-Organizzazzjonijiet Ewropej tal-Istandardizzazzjoni jew mill-korpi nazzjonali tal-istandardizzazzjoni, li l-lista tagħhom hija ppubblikata f'Il-Ġurnal Uffiċjali tal-Unjoni Ewropea skont l-Artikolu 27 tar-Regolament (UE) Nru 1025/2012 (2). |
— |
L-istandards jiġu adottati mill-Organizzazzjonijiet Ewropej tal-Istandardizzazzjoni bl-Ingliż (is-CEN u s-CENELEC jippubblikaw ukoll bil-Franċiż u l-Ġermaniż). Sussegwentement, it-titli tal-istandards jiġu tradotti fil-lingwi uffiċjali meħtieġa l-oħrajn kollha tal-Unjoni Ewropea mill-korpi nazzjonali tal-istandardizzazzjoni. Il-Kummissjoni Ewropea mhix responsabbli mill-korrettezza tat-titli li tressqu għall-pubblikazzjoni fil-Ġurnal Uffiċjali. |
— |
Ir-referenzi għall-Corrigenda “…/AC:YYYY” jiġu ppubblikati biss għall-informazzjoni. Corrigendum ineħħi l-iżbalji tal-istampar, dawk lingwistiċi jew żbalji simili mit-test ta' standard u jista' jkun jirreferi għal verżjoni ta' lingwa waħda jew iktar (bl-Ingliż, bil-Franċiż u/jew bil-Ġermaniż) ta' standard kif adottat minn xi organizzazzjoni Ewropea għall-istandardizzazzjoni. |
— |
Il-pubblikazzjoni tar-referenzi f'Il-Ġurnal Uffiċjali tal-Unjoni Ewropea ma timplikax li l-istandards huma disponibbli fil-lingwi uffiċjali kollha tal-Unjoni Ewropea. |
— |
Din il-lista tieħu post il-listi kollha preċedenti pubblikati f'Il-Ġurnal Uffiċjali tal-Unjoni Ewropea. Il-Kummissjoni Ewropea tiżgura l-aġġornament ta’ din il-lista. |
— |
Aktar informazzjoni dwar standards armonizzati u standards oħra Ewropej tinsab fl-internet fuq http://ec.europa.eu/growth/single-market/european-standards/harmonised-standards/index_en.htm |
(1) ESO: Organizzazzjonijiet Ewropej tal-istandardizzazzjoni:
— |
CEN: Avenue Marnix 17, 1000, Brussels, Belgium, tel. +32 25500811; faks +32 25500819 (http://www.cen.eu) |
— |
CENELEC: Avenue Marnix 17, 1000, Brussels, Belgium, tel. +32 25196871; faks +32 25196919 (http://www.cenelec.eu) |
— |
ETSI: 650, route des Lucioles, 06921 Sophia Antipolis, France, tel. +33 492944200; faks +33 493654716 (http://www.etsi.eu) |
(2) ĠU L 316, 14.11.2012, p. 12.
V Avviżi
PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI
Il-Kummissjoni Ewropea
15.4.2015 |
MT |
Il-Ġurnal Uffiċjali tal-Unjoni Ewropea |
C 120/4 |
Notifika minn qabel ta' konċentrazzjoni
(Il-Każ M.7552 — Mitsui Chemicals / SK Holdings / JV)
Każ li jista' jiġi kkunsidrat għal proċedura ssimplifikata
(Test b'rilevanza għaż-ŻEE)
(2015/C 120/03)
1. |
Fl-1 ta' April 2015, il-Kummissjoni rċeviet avviż ta' konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża(i) Mitsui Chemicals, Inc (“MCI”, il-Ġappun) u SKC Co., Ltd (“SKC”, il-Korea t'Isfel) li tappartjeni lill-grupp SK Holdings Co., Ltd (il-Korea t'Isfel) takkwista (jakkwistaw) fit-tifsira tal-Artikolu 3(1)(b) u 3(4) tar-Regolament dwar l-Għaqdiet il-kontroll konġunt permezz ta' xiri ta' ishma f'kumpanija maħluqa ġdida li tikkostitwixxi f'joint venture. |
2. |
L-attivitajiet kummerċjali tal-impriżi kkonċernati huma: — għal MCI: MCI hija kumpanija Ġappuniża tal-kimiċi organizzata f’sitt setturi tan-negozju: (i) Kimiċi Funzjonali, li jinkludi materjali mediċi u tessuti mhix minsuġa; (ii) Materjali Polimeriċi Funzjonali, li jinkludi elastomeri u prodotti polimer; (iii) Polyurethane; (iv) Kimiċi Bażiċi, li jinkludi toluene, fenoli, aċidu tereftaliku purifikat, resin tal-PET u kimiċi industrijali; (v) Petrokimiċi u (vi) Films u Folji għall-finijiet ta' ppakkeġġar, dawk protettivi u dawk adeżivi. — għal SKC: SKC hija attiva fil-produzzjoni u l-bejgħ ta’ ċerti sustanzi kimiċi (pereżempju, ossidu tal-propilen, glikoli tal-propilen, toluwen u polioli) u films (film ottiku użat f’LCD u lentijiet, film tal-poliester li jinxtorob bis-sħana kif ukoll film tal-PET u l-PVDF u folji tal-EVA għal applikazzjonijiet tad-dawl solari). |
3. |
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet skont ir-Regolament tal-Kunsill (KE) Nru 139/2004 (2), ta' min jinnota li dan il-każ jista' jiġi kkunsidrat għal trattament skont il-proċedura stipulata f'dan l-Avviż. |
4. |
Il-Kummissjoni tistieden lill-partijiet terzi interessati sabiex jibagħtulha l-kummenti li jista' jkollhom dwar l-operazzjoni proposta. Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni permezz tal-faks (+32 22964301) jew permezz tal-email lil COMP-MERGER-REGISTRY@ec.europa.eu jew permezz tal-posta, bin-numru ta' referenza M.7552 — Mitsui Chemicals / SK Holdings / JV, f'dan l-indirizz:
|
(1) ĠU L 24, 29.1.2004, p. 1 (ir-“Regolament dwar l-Għaqdiet”).
(2) ĠU C 366, 14.12.2013, p. 5.
15.4.2015 |
MT |
Il-Ġurnal Uffiċjali tal-Unjoni Ewropea |
C 120/5 |
Notifika minn qabel ta’ konċentrazzjoni
(Il-Każ M.7577 — Fairfax Financial Holdings/Brit)
Każ li jista’ jiġi kkunsidrat għal proċedura ssimplifikata
(Test b'rilevanza għaż-ŻEE)
(2015/C 120/04)
1. |
Fit-8 ta’ April 2015, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża Fairfax Financial Holdings Limited (“Fairfax”, il-Kanada) takkwista, skont it-tifsira tal-Artikolu 3(1)(b) tar-Regolament dwar l-Għaqdiet, il-kontroll ta’ Brit plc kollha kemm hi (“Brit”, ir-Renju Unit) permezz ta’ sejħa pubblika mħabbra fis-16 ta’ Marzu 2015. |
2. |
L-attivitajiet kummerċjali tal-impriżi kkonċernati huma: — għal Fairfax: l-assigurazzjoni tal-proprjetà u għad-diżgrazzji u riassikurazzjoni u ġestjoni tal-investiment; — għal Brit: assigurazzjoni mhux fuq il-ħajja u riassikurazzjoni, inkluża kategorija wiesgħa ta’ speċjalità tal-assigurazzjoni kummerċjali. |
3. |
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2), ta’ min jinnota li dan il-każ jista’ jiġi kkunsidrat għal trattament skont il-proċedura stipulata f’dan l-Avviż. |
4. |
Il-Kummissjoni tistieden lill-partijiet terzi interessati sabiex jibagħtulha l-kummenti li jista’ jkollhom dwar l-operazzjoni proposta. Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni permezz tal-faks (+32 22964301), permezz tal-e-Mail lil COMP-MERGER-REGISTRY@ec.europa.eu jew permezz tal-posta, bin-numru ta’ referenza M.7577 — Fairfax Financial Holdings/Brit, f’dan l-indirizz:
|
(1) ĠU L 24, 29.1.2004, p. 1 (ir-“Regolament dwar l-Għaqdiet”).
(2) ĠU C 366, 14.12.2013, p. 5.
ATTI OĦRAJN
Il-Kummissjoni Ewropea
15.4.2015 |
MT |
Il-Ġurnal Uffiċjali tal-Unjoni Ewropea |
C 120/6 |
Pubblikazzjoni ta’ applikazzjoni għal emenda skont l-Artikolu 50(2)(a) tar-Regolament (UE) Nru 1151/2012 tal-Parlament Ewropew u tal-Kunsill dwar skemi tal-kwalità għal prodotti agrikoli u oġġetti tal-ikel
(2015/C 120/05)
Din il-pubblikazzjoni tikkonferixxi d-dritt ta’ oppożizzjoni għall-applikazzjoni skont l-Artikolu 51 tar-Regolament (UE) Nru 1151/2012 (1).
APPLIKAZZJONI GĦALL-APPROVAZZJONI TA’ EMENDA MHUX MINURI GĦALL-ISPEĊIFIKAZZJONI TA’ DENOMINAZZJONI PROTETTA TA’ ORIĠINI JEW TA’ INDIKAZZJONI ĠEOGRAFIKA PROTETTA
APPLIKAZZJONI GĦALL-APPROVAZZJONI TA’ EMENDA SKONT L-EWWEL SOTTOPARAGRAFU TAL-ARTIKOLU 53(2) TAR-REGOLAMENT (UE) Nru 1151/2012
“POMME DU LIMOUSIN”
Nru tal-UE: FR-PDO-0105-01285 – 21.11.2014
DPO ( X ) IĠP ( )
1. Grupp applikant u interess leġittimu
Syndicat de défense de l’AOC Pomme du Limousin |
Le Bois Redon 19230 Pompadour |
Numru tat-telefown: +33 555733151 |
Faks: +33 981383423 |
Posta elettronika: info@pomme-limousin.org |
Is-Sindikat tad-difiża tad-denominazzjoni garantita u kkontrollata tal-oriġini “Pomme du Limousin” huwa magħmul mill-operaturi tad-DPO “Pomme du Limousin” (li huma produtturi u maħżniera-imballaturi) u għandu interess leġittmu biex iressaq l-applikazzjoni
2. Stat Membru jew pajjiż terz
Franza
3. Intestatura fl-ispeċifikazzjoni tal-prodott affettwata mill-emenda/i
—
—
—
—
—
—
—
—
4. Tip ta’ emenda/i
—
—
5. Emenda/i
— Deskrizzjoni tal-prodott
Id-dijametru minimu ta’ 65 mm irid ikun ikkomplementat b’piż ta’ mill-inqas 115 g, li huwa ekwivalenti għalih skont ftehim intersettorjali nazzjonali ta’ April 2011. L-indikazzjoni tal-piż hija wkoll element li l-konsumaturi jistgħu jiċċekkjaw faċilment.
Ir-referenza preċiża għar-Regolament (KE) Nru 85/2004 (2) li jistabbilixxi l-kriterji ta’ klassifika tas-suq għat-tuffieħ hija mħassra. Huwa indikat li l-kategoriji kummerċjali Extra u 1 huma dawk li qegħdin iddefiniti bir-regolazzjoni Ewropea mingħajr ma ssir referenza preċiża għar-Regolament ikkonċernat, li biż-żmien tista’ tinbidel.
Is-sentenza “Kull prodott li joħroġ minn dan it-tip ta’ tuffieħ (meraq, frott ippreżervat fix-xropp, eċċ.) ma jistax igawdi d-DPO Pomme du Limousin” titħassar biex il-prodotti koperti mill-Ispeċifikazzjoni ta’ Denominazzjoni biss jistgħu jgawdu minnha.
Il-kulur tat-tuffieħ irid ikun dan li ġej: il-kulur 2 (C3 u C4), il-kulur 3 (C5 u C6), u l-kulur 4 (C7 u C8) skont il-kodiċi nazzjonali tat-tuffieħ Golden stabbilit miċ-Ċentru Tekniku intersettorjali tal-frott u tal-ħaxix. Din id-definizzjoni tikkumplementa d-dispożizzjonijiet dwar il-kontenut taz-zokkor, is-sodezza u l-aċidità li jiddeskrivu l-livelli ta’ maturità tat-tuffieħ.
— Dikjarazzjoni tar-raggruppament ġdid tal-Unità tal-Produzzjoni Omoġenja
Il-possibbiltà li l-UPO (l-Unità tal-Produzzjoni Omoġenja) tiġi raggruppata mill-ġdid ingħatat biex tissimplifika l-ġestjoni fil-livell tal-operatur u tal-maħżen tal-lottijiet ippakkjati. Is-separazzjoni tal-Unitajiet tal-Produzzjoni Omoġenja tul il-ħajja tal-masġar tal-frott kif deskritt fl-Ispeċifikazzjoni attwali, tinvolvi:
— għall-produttur: xogħol żejjed, u allura spejjeż żejda. Fil-fatt, il-produttur jista’ jsib li jkollu bosta UPO diversi sempliċiment minħabba s-sena tat-tħawwil. Dawn l-Unitajiet ta’ Produzzjoni Omoġenja, malli jkollhom ir-raba’ werqa, u jkollhom inqas minn tliet snin bejn waħda u l-oħra, isirulhom b’mod preċiż l-istess trattamenti fil-masġar. Fi ħdan dawn l-Unitajiet ta’ Produzzjoni Omoġenja, it-tuffieħ ikun omoġenju u jinħasad fl-istess data.
— għall-maħżen: xogħol żejjed, u fuq kollox spejjeż żejda marbutin mas-separazzjoni b’reqqa intensiva tal-lottijiet fil-maħżen.
Raggruppament ġdid tal-Unitajiet ta’ Produzzjoni Omoġenja jrid jiġi ddikjarat bil-miktub qabel l-1 ta’ Jannar ta’ qabel il-ħsad.
— Il-ħsad tal-frott
Id-data tad-dikjarazzjoni annwali ġenerali dwar ir-raggruppar tal-ħsad ġiet avvanzata għat-30 ta’ Novembru tas-sena tal-ħsad (minflok il-15 ta’ Diċembru) biex tkun żgurata sorveljanza aħjar.
— Is-sorveljanza mill-operaturi involuti fil-ħżin u/jew fl-ippakkjar tal-frott
Fil-livell tar-reġistru tal-produzzjoni, qed jiġi propost li minflok tingħata “l-informazzjoni tat-tikketta tal-identifikazzjoni” tissemma “l-informazzjoni għall-identifikazzjoni tat-tuffieħ”.
Skont il-maħżen, l-informazzjoni mogħtija fuq kull lott ippakkjat tkun:
— |
jew l-informazzjoni mogħtija direttament fuq it-tikketta ta’ identifikazzjoni (il-produttur, in-numru tal-Unità ta’ Produzzjoni Omoġenja) u d-data (tal-ippakkjar) |
— |
jew numru tal-lott li jkun jirreferi għall-istess informazzjoni ta’ identifikazzjoni, bħall-isem tal-produttur, in-numru tal-Unità ta’ Produzzjoni Omoġenja u d-data tal-ippakkjar. |
Ikun xi jkun il-każ, din l-emenda ma taffettwax it-traċċabbiltà tat-tuffieħ. Il-produttur u l-Unità ta’ Produzzjoni Omoġenja tat-tuffieħ dejjem jibqgħu identifikabbli.
— It-teknika tal-kultivazzjoni
Il-mira tal-produzzjoni agronomika ta’ 58 t/ha, li kienet ġiet iddefinita meta saret l-applikazzjoni għar-rikonoxximent tad-denominazzjoni garantita u kkontrollata tal-oriġini, inbidlet. Qed tiġi proposta d-definizzjoni li ġejja: “Il-produzzjoni medja tal-azjenda, ikkalkulata fuq it-total tal-UPO identifikati fid-DPO u fil-produzzjoni, ma għandhiex taqbeż is-70 tunnellata ta’ tuffieħ għal kull ettaru.”
L-istennija ta’ produzzjoni li sseħħ fil-preżent ma għadhiex addattata għat-tekniki u l-prattiki tal-produzzjoni tal-lum, li b’mod ġenerali tjiebu. Fil-fatt, il-konfigurazzjoni tal-imsaġar u d-densità massima awtorizzata jippermettu li din il-mira tal-produzzjoni tintlaħaq u tinqabeż mingħajr ma taffettwa b’mod ħażin il-karatteristiki tal-frott protett minn din id-denominazzjoni.
— It-tisqija
Għall-faċilitazzjoni tal-kontrolli, ġew iddefiniti dawn id-dettalji ta’ kif għandha ssir it-tisqija: mill-ewwel jum tat-tisqija, il-kwantità tal-ilma li tintuża għandha tkun inqas mit-total tal-evaporazzjoni bit-traspirazzjoni, mingħajr ma tingħadd il-kwantità kumulattiva tax-xita li tkun niżlet tul il-perjodu tat-tisqija.
Id-dejta rreġistrata fl-iskeda individwali tal-ġestjoni tal-ilma hija ddefinita biex ikun iggarantit il-kontenut li għandu jkun issorveljat bil-kontrolli tad-dokumentazzjoni.
Permezz ta’ dawn id-definizzjonijiet tkun iggarantita tisqija ppjanata, u b’mod partikolari, li din it-tisqija tkun limitata għall-kwantità li tagħmel tajjeb għall-evaporazzjoni mit-traspirazzjoni reali, mingħajr ma tingħadd il-kwantità tax-xita li tkun niżlet, kif previst fl-Ispeċifikazzjoni.
— It-tikkettar
L-għan ta’ dawn l-emendi huwa li dan il-paragrafu jkun jikkonforma mar-Regolament (UE) Nru 1151/2012.
Tiddaħħal eċċezzjoni għat-tikkettar individwali tat-tuffieħ fil-każ tal-frott preimballaġġat billi dan ma jistax jitħallat ma’ tuffieħ ieħor. Anki mingħajr tikkettar individwali, m’hemmx riskju li l-konsumatur se jitfixkel. Din l-emenda sservi wkoll biex tissimplifika l-ġestjoni tat-tuffieħ fl-impjant tal-ippakkjar.
— Emendi oħra
L-informazzjoni ta’ kuntatt tinsab taħt l-intestaturi “Servizz kompetenti tal-Istat Membru” u “Grupp applikant u interess leġittimu”.
Taħt l-intestatura “Tip ta’ prodott” tinsab definizzjoni tad-denominazzjoni tal-klassi tal-prodott li jidħol fiha t-tuffieħ, biex din tikkonforma mal-Anness XI tar-Regolament ta’ Implimentazzjoni tal-Kummissjoni (UE) Nru 668/2014 (3).
Taħt l-intestatura “Delimitazzjoni taż-żona ġeografika”, is-sentenza fejn huma elenkati l-istadji li jridu jitwettqu fiż-żona ġeografika ġiet emendata biex tkun evitata kull ambigwità. Huwa indikat li l-istadji kollha mill-produzzjoni sal-ippakkjar iridu jitwettqu fiż-żona ġeografika ddefinita. Taħt l-istess intestatura, il-kelma “kkultivati” tinbidel bil-kelma aktar xierqa “prodotti” fis-sentenza li ġejja: “Fl-imsaġar, it-tuffieħ jiġi kkultivat prodott f’Unitajiet ta’ Produzzjoni Omoġenja (UPO) …”.
L-intestatura “Elementi li jiġġustifikaw ir-rabta maż-żona ġeografika - Karatteristiki speċifiċi tal-prodott” tranġat biex tikkonforma għar-rekwiżiti tar-Regolament (UE) Nru 1151/2012.
DOKUMENT UNIKU
“POMME DU LIMOUSIN”
Nru tal-UE: FR-PDO-0105-01285 – 21.11.2014
DPO ( X ) IĠP ( )
1. Isem
“Pomme du Limousin”
2. Stat Membru jew pajjiż terz
Franza
3. Deskrizzjoni tal-prodott agrikolu jew tal-oġġett tal-ikel
3.1. Tip ta’ prodott
Klassi 1.6. Frott, ħxejjex u ċereali, friski jew ipproċessati
3.2. Deskrizzjoni tal-prodott li għalih japplika l-isem f’(1)
It-tuffieħ “Pomme du Limousin” huwa tuffieħ frisk ikkaratterizzat minn:
— |
forma kemxejn imtawla li fiha l-għajn u t-toqba tal-għajn jidhru ċari, |
— |
dijametru minimu ta’ 65 mm jew piż ta’ mill-inqas 115 g, |
— |
laħam sod ta’ lewn abjad, immerraq, b’konsistenza tqarmeċ u mhix imrammla, |
— |
togħma bbilanċjata, la ħelwa ħafna u lanqas aċiduża żżejjed. |
It-tuffieħ huwa dderivat mil-varjetà “Golden Delicious” jew waħda mill-mutazzjonijiet awtorizzati fid-Denominazzjoni ta’ Oriġini “Pomme du Limousin” (karatteristiki standard u li jqarrbu għat-tip Golden Delicious), minbarra l-“Cala Golden”.
Il-“Pomme du Limousin” għandu indiċi refrattiv ta’ mill-inqas 12,5 % Brix, sodezza ta’ mill-inqas 5 kg/cm2 u aċidità ta’ mill-inqas 3,7 g/l aċidu tat-tuffieħ.
Dan it-tuffieħ huwa tal-klassijiet kummerċjali Extra u 1 fit-tifsira tar-Regolament tal-UE, jew fil-kategorija kummerċjali 2, rigward biss il-grad ta’ ħmura tiegħu.
Il-kulur tal-“Pomme du Limousin” huwa bejn aħdar bajdani u isfar, u jista’ jkollu leħħa ħamra.
3.3. Għalf għall-annimali (għall-prodotti li joriġinaw mill-annimali biss) u materja prima (għall-prodotti pproċessati biss)
—
3.4. Passi speċifiċi tal-produzzjoni li jridu jsiru fiż-żona ġeografika ddefinita
Il-proċess kollu tal-produzzjoni jseħħ fiż-żona ġeografika ddefinita.
3.5. Regoli speċifiċi dwar it-tqattigħ, it-taħkik, l-ippakkjar, eċċ.
Huwa imperattiv li t-tuffieħ jinżamm imkessaħ wara l-ħsad, biex jiġu ppreżervati l-karatteristiki ta’ sodezza, konsistenza u meraq.
Hemm metodu lokali tal-ħżin fl-imħażen ta’ din iż-żona ġeografika, billi l-istabbilimenti tal-ħżin:
— |
jiġġestixxu l-pjan ta’ ħżin skont l-analizijiet li jsiru fuq il-frott fil-ħin tal-ħsad, u jikkoordinaw il-kwantità ta’ frott maħsuda mill-produtturi, |
— |
jużaw il-metodu u l-ħin ideali biex jimlew il-kmamar tal-ħżin, |
— |
jieħdu ħsieb il-ġestjoni tal-livelli ta’ ossiġenu malli l-frott jitkessaħ, b’tali mod li t-temperatura u l-livelli ta’ ossiġenu u tad-diossidu tal-karbonju jinżammu stabbli tul il-proċess kollu tal-kummerċjalizzazzjoni. |
L-ippjakkjar tal-frott bilfors irid isir fiż-żona ġeografika tad-Denominazzjoni ta’ Oriġini tal-“Pomme du Limousin” minħabba:
— |
l-għarfien tal-istabbilimenti tal-ħżin fejn għandu x’jaqsam mal-ġestjoni tal-frott maħżun (is-sorveljanza tal-kmamar tal-ħżin, il-kontrolli li jsiru fuq il-frott tul il-perjodu tal-ħżin), |
— |
id-delikatezza tal-frott u s-sensittività tiegħu fil-konfront ta’ tisbit u manipulazzjoni goffa, |
— |
tagħmir tal-ħżin speċifiku, li kemm jista’ jkun jillimita l-impatt tad-daqqiet u li jippreżerva l-kwalità tal-frott, |
— |
it-traċċabbiltà meħtieġa tal-frott: il-frott ma jiġix ittrasportat fi kwantitajiet kbar, u jrid jiġi ttikkettat b’mod individwali biex il-konsumaturi jkunu jistgħu jidentifikawh faċilment u ma jitħallatx ma’ frott ta’ provenjenza oħra. |
Il-ħżin tat-tuffieħ isir f’imballaġġ apposta li jippreżerva l-karatteristiki u l-kwalità tiegħu.
Għaldaqstant, il-ħżin f’lottijiet ta’ iżjed minn 20 kg, kif ukoll l-ippakkjar f’boroż tal-plastik jew tal-karta, huma pprojbiti.
It-tuffieħ ma jistax jibqa’ jinħareġ fis-suq taħt id-Denominazzjoni ta’ Oriġini “Pomme du Limousin” wara data speċifika li tiġi ffissata skont il-kulur tiegħu, u li tista’ tvarja mill-1 ta’ Ġunju sal-1 ta’ Awwissu tas-sena wara d-data tal-ħsad.
3.6. Regoli speċifiċi dwar it-tikkettar
Kull tuffieħa trid tkun identifikata billi titwaħħlilha tikketta awtoaderenti li fuqha jkun hemm:
— |
il-logo tad-DPO tal-Unjoni Ewropea u/jew it-taqsira “AOP”, fejn id-daqs tal-ittri “AOP” irid ikun mill-inqas l-istess bħal dak tal-ikbar ittri li jidhru fuq it-tikketta awtoadeżiva; |
— |
l-isem “Pomme du Limousin”, bid-daqs tal-ittri tiegħu almenu daqs nofs dak tal-ittri tat-taqsira “AOP”, jew akbar minn 1,5 mm jekk ma jkunx hemm l-indikazzjoni “AOP”. |
Madankollu, dan l-obbligu tat-tikkettar individwali tat-tuffieħ ma japplikax fil-każ tal-frott li jkun preimballaġġat.
Fuq il-faċċata tat-tikketta tal-imballaġġi individwali fejn huma miġburin in-noti dwar l-istandardizzazzjoni:
— |
l-isem tad-Denominazzjoni ta’ Oriġini “Pomme du Limousin” miktub bl-ikbar daqs ta’ ittri li jidhru fuq it-tikketti minbarra l-marka “AOP” jew “Appellation d’origine protégée”; |
— |
il-logo tad-DPO tal-Unjoni Ewropea. |
Ma għandu jkun hemm xejn miktub bejn il-marka “AOP” jew “Appellation d’origine protégée” u l-isem tad-Denominazzjoni ta’ Oriġini.
Minbarra t-tikkettar, fid-dokumenti ta’ akkumpanjament u fuq il-fatturi kollha jrid ikun hemm l-isem tad-Denominazzjoni Protetta ta’ Oriġini “Pomme du Limousin” u l-kliem “Appellation d’origine protégée” jew “AOP”.
4. Deskrizzjoni fil-qosor taż-żona ġeografika
Il-muniċipji tad-dipartiment ta’ Corrèze:
Allassac, Arnac-Pompadour, Beyssac, Beyssenac, Chabrignac, Chameyrat, Concèze, Condat-sur-Ganaveix, Donzenac, Espartignac, Estivaux, Juillac, Lagraulière, Lascaux, Lubersac, Montgibaud, Objat, Orgnac-sur-Vézère, Perpezac-le-Noir, Sadroc, Saint-Aulaire, Saint-Bonnet-l’Enfantier, Sainte-Féréole, Saint-Germain-les-Vergnes, Saint-Julien-le-Vendômois, Saint-Martin-Sepert, Saint-Pardoux-Corbier, Saint-Pardoux-l’Ortigier, Saint-Solve, Saint-Sornin-Lavolps, Saint-Ybard, Salon-la-Tour, Ségur-le-Château, Seilhac, Troche, Uzerche, Vigeois, Vignols, Voutezac.
Il-muniċipji tad-dipartiment ta’ Creuse:
Bénévent-l’Abbaye, Chauchet (Le), Grand-Bourg (Le), Marsac, Montboucher, Nouzerolles, Sardent, Saint-Agnant-de-Versillat, Sainte-Feyre, Saint-Germain-Beaupré, Saint-Julien-le-Châtel, Saint-Pierre-Chérignat.
Il-muniċipji tad-dipartiment ta’ Dordogne:
Angoisse, Anlhiac, Clermont-d’Excideuil, Dussac, Excideuil, Firbeix, Genis, Jumilhac-le-Grand, Lanouaille, Payzac, Saint-Cyr-les-Champagnes, Saint-Médard-d’Excideuil, Saint-Mesmin, Saint-Paul-la-Roche, Saint-Pierre-de-Frugie, Saint-Priest-les-Fougères, Salagnac, Sarlande, Sarrazac, Savignac-Ledrier.
Il-muniċipji tad-dipartiment ta’ Haute-Vienne:
Boisseuil, Bussière-Galant, Chalard (Le), Champnétery, Château-Chervix, Cognac-la-Forêt, Coussac-Bonneval, Geneytouse (La), Glandon, Glanges, Janailhac, Ladignac-le-Long, Linards, Meyze (La), Nieul, Oradour-sur-Vayres, Pensol, Roche-l’Abeille (La), Roziers-Saint-Georges, Sainte-Anne-Saint-Priest, Saint-Hilaire-la-Treille, Saint-Jean-Ligoure, Saint-Laurent-les-Eglises, Saint-Léonard-de-Noblat, Saint-Mathieu, Saint-Méard, Saint-Paul-d’Eyjeaux, Saint-Yrieix-la-Perche, Vicq-sur-Breuilh.
5. Rabta maż-żona ġeografika
Speċifiċità taż-żona ġeografika
Iż-żona ġeografika hija magħmula fuq saff kristallin li ffurmat il-ħamrija minn blat metamorfiku jew granitiku magħmul minn frak tal-blat u depożiti tagħhom li inġemgħu fil-qiegħ, jew permezz tal-gravità jew permezz tal-ilma.
Il-ħamrija hija ħafifa u fonda, u żżomm l-ilma sew.
Il-klima f’din iż-żona ġeografika hija umda oċeanika, b’xita abbundanti iżda mhux eżaġerata (xita annwali inqas minn 1 300 mm) u temperaturi moderati (temperatura medja ogħla minn 9 °C).
Barra dawn l-elementi hija ta’ effett ukoll l-altitudni: l-imsaġar huma mħawlin fuq meded ta’ art ċatta fuq għoljiet arjużi b’altitudni medja ta’ bejn it-350 u l-450 metru.
Iż-żona ta’ Limousin hija addattata sew għat-tkabbir tal-frott. Is-siġar tat-tuffieħ “Golden Delicious”, li ilhom jitkabbru hemm mid-deċennju tal-1950, baqgħu dejjem jiżviluppaw. Il-koltivazzjoni tat-tuffieħ f’din iż-żona hija attività agrikola li tikkomplementa t-trobbija tal-bhejjem, u hija mibnija fuq prattiki tradizzjonali ta’ koltivazzjoni bħalma huma t-tisqija ppjanata u l-ħsad bl-idejn.
Barra minn hekk, jeżisti għarfien lokali ta’ kif għandu jinħażen it-tuffieħ. Wara l-ħsad, it-tuffieħ jinħażen fi kmamar apposta b’temperatura kkontrollata, magħżulin kull sena skont parametri speċifiċi tekniċi u ta’ ħżin (li ma jidħolx l-ilma, il-volum, l-għadd ta’ sigħat ta’ ħżin…). Issir sorveljanza regolari tat-tuffieħ, fejn jiġi vverifikat li l-lottijiet ta’ frott ikunu fi stat tajjeb sal-aħħar tal-ħżin.
Speċifiċità tal-prodott
It-tuffieħ “Pomme du Limousin” huwa kkaratterizzat minn togħma u deħra eċċellenti: il-forma tiegħu daqsxejn imtawla, il-kulur, is-sodezza tal-frotta, il-kwalità mmerrqa, it-togħma bbilanċjata, la ħelwa wisq u l-anqas aċiduża żżejjed, u l-fatt li hu addattat ħafna biex jinħażen, jippermettu li jitqiegħed għall-bejgħ sal-1 ta’ Awwissu.
Rabta kawżali
L-ambjent naturali flimkien mal-prattiki tradizzjonali tal-koltivazzjoni tas-siġar huma addattati għat-tkabbir tas-siġar tat-tuffieħ tal-varjetà “Golden Delicious”, u wasslu biex jinżammu l-karatteristiki oriġinali tal-“Pomme du Limousin”.
Minħabba l-għoli taż-żona, ix-xemx għandha iżjed effett qawwi milli jkollha fuq artijiet ta’ altitudni aktar baxxa, iżda b’danakollu anki l-ogħla temperaturi huma moderati. L-alternazzjoni bejn l-iljieli kesħin u l-ġranet sħan u xemxin fuq l-altipjani taż-żona ġeografika tiffavorixxi l-iżvilupp tat-togħma bilanċjata bejn ħelwa u aċiduża, kif ukoll il-lewn roża tal-qoxra, minħabba l-karatteristiki antoċjaniniċi tal-“Pomme du Limousin”.
Fejn it-tuffieħ “Pomme du Limousin” ikun ikkultivat f’altitudni għolja fejn hemm kuntrast sinifikanti bejn it-temperaturi ta’ billejl u binhar, ikun itwal fil-forma tiegħu u jkun iktar sod u mmerraq.
Il-koltivazzjoni tat-tuffieħ fiż-żona ta’ Limousin hija bbażata fuq prattiki speċifiċi. Għaldaqstant, it-tisqija ppjanata tippriżerva u ttejjeb l-aħjar karatteristiki tal-frott u żżid il-kwantità ta’ żahar li joħroġ fis-sena ta’ wara. Barra minn hekk, il-ħsad isir bl-idejn biex jinżammu l-karatteristiki tajbin kollha tal-frott.
Flimkien ma’ dan, jeżisti għarfien lokali dwar il-ħżin li hu addattat għall-kapaċità tal-“Pomme du Limousin” li jżomm tajjeb fuq żmien twil. Malli jinħasad, il-frott jitkessaħ sal-qalba kemm jista’ jkun malajr. Il-kmamar tal-ħżin jimtlew kemm jista’ jkun malajr u tiġi kkontrollata mill-ewwel it-temperatura biex tinżamm tajba l-kwalità tal-frott.
Il-“Pomme du Limousin” huwa settur ekonomikament dinamiku, billi jimpjiega madwar 1 500 ruħ fuq bażi permanenti u 2 500 ħaddiema staġjonali (statistika tal-2011).
Referenza għall-pubblikazzjoni tal-Ispeċifikazzjoni
(It-tieni sottoparagrafu tal-Artikolu 6(1) ta’ dan ir-Regolament)
https://info.agriculture.gouv.fr/gedei/site/bo-agri/document_administratif-ef0066e6-042a-4314-b995-0860cb54033a/telechargement
(1) ĠU L 343, 14.12.2012, p. 1.
(3) ĠU L 179, 19.6.2014, p. 36.