13.3.2015   

MT

Il-Ġurnal Uffiċjali tal-Unjoni Ewropea

C 86/1

13.3.2015   

MT

Il-Ġurnal Uffiċjali tal-Unjoni Ewropea

C 86/2

13.3.2015   

MT

Il-Ġurnal Uffiċjali tal-Unjoni Ewropea

C 86/3

13.3.2015   

MT

Il-Ġurnal Uffiċjali tal-Unjoni Ewropea

C 86/4

13.3.2015   

MT

Il-Ġurnal Uffiċjali tal-Unjoni Ewropea

C 86/5

1.

Il-Kumitat Konsultattiv jaqbel mal-Kummissjoni li l-operazzjoni nnotifikata tikkostitwixxi konċentrazzjoni skont it-tifsira tal-Artikolu 3(1)(b) tar-Regolament dwar l-Għaqdiet.

2.

Il-Kumitat Konsultattiv jaqbel mal-Kummissjoni li t-tranżazzjoni nnotifikata għandha dimensjoni tal-Unjoni, skont it-tifsira tal-Artikolu 1(2) tar-Regolament dwar l-Għaqdiet.

3.

Il-Kumitat Kosultattiv jaqbel mad-definizzjonijiet tal-Kummissjoni tas-suq tal-prodott u s-suq ġeografiku rilevanti fl-abbozz tad-Deċiżjoni.

4.

B’mod partikolari, il-Kumitat Konsultattiv jaqbel li għandhom jiġu identifikati s-swieq li ġejjin:

5.

Il-Kumitat Konsultattiv jaqbel mal-valutazzjoni tal-Kummissjoni li l-operazzjoni proposta x’aktarx twassal għal effetti orizzontali mhux ikkoordinati, li jimpedixxu b’mod sinifikanti l-kompetizzjoni effettiva fis-suq Ġermaniż tas-servizzi tat-telekomunikazzjoni bil-mowbajl lill-konsumaturi finali (is-suq tas-servizzi ta’ bejgħ bl-imnut tat-telekomunikazzjoni bil-mowbajl) minħabba:

6.

Rigward il-valutazzjoni tal-Kummissjoni li ma hemmx ħtieġa li tasal għal deċiżjoni finali dwar jekk l-operazzjoni proposta aktarx twassal għal impediment sinifianti ta’ kompetizzjoni effettiva fis-suq tal-bejgħ bl-ingrossa għal aċċess għan-netwerk tal-moowbajl u l-oriġini tas-sejħiet fil-Ġermanja billi l-impenji proposti mill-Kumitat Notifikanti fir-rigward is-suq bl-imnut se jittratta wkoll kull tħassib potenzjali dwar is-suq bl-ingrossa, pluralità ta’ Stati Membri taqbel, minoranza ta’ Stati Membri ma taqbilx u minoranza iżgħar ta’ Stati Membri tastjeni.

7.

Il-Kumitat Konsultattiv jaqbel mal-valutazzjoni tal-Kummissjoni li l-operazzjoni proposta x’aktarx ma twassalx għal effetti vertikali li jimpedixxu b’mod sinifikanti l-kompetizzjoni effettiva:

8.

Fir-rigward tal-konstatazzjonijiet magħmula mill-Kummissjoni li l-impenji finali offruti mill-Parti Notifikanti fid-29 ta’ Mejju 2014 jittrattaw it-tħassib rigward il-kompetizzjoni identifikat mill-Kummissjoni fis-suq Ġermaniż tas-servizzi tat-telekomunikazzjoni bil-mowbajl lill-konsumaturi finali, pluralità tal-Istati Membri ma taqbilx, pluralità ugwali ta’ Stati Membri tastjeni u minoranza ta’ Stati Membri taqbel.

9.

F’dak li għandu x’jaqsam mal-konklużjoni tal-Kummissjoni li, bil-kundizzjoni ta’ konformità sħiħa mal-impenji finali, it-tranżazzjoni nnotifikata mhix probabbli li timpedixxi b’mod sinifikanti l-kompetizzjoni effettiva fis-suq intern jew f’parti sostanzjali minnu, pluralità tal-Istati Membri ma taqbilx, pluralità ugwali ta’ Stati Membri tastjeni u minoranza ta’ Stati Membri taqbel.

10.

Rigward il-konklużjoni tal-Kummissjoni li t-tranżazzjoni notifikata għandha għalhekk tkun iddikjarata kompatibbli mas-suq intern u mal-funzjonament tal-Ftehim taż-ŻEE skont l-Artikoli 2(2) u 8(2) tar-Regolament dwar l-Għaqdiet u l-Artikolu 57 tal-Ftehim taż-ŻEE, pluralità ta’ Stati Membri ma taqbilx, pluralità ugwali ta’ Stati Membri tastjeni u minoranza ta’ Stati Membri taqbel.

13.3.2015   

MT

Il-Ġurnal Uffiċjali tal-Unjoni Ewropea

C 86/7

1.

Fil-31 ta’ Ottubru 2013, il-Kummissjoni Ewropea (il-“Kummissjoni”) rċeviet notifika ta’ konċentrazzjoni proposta skont l-Artikolu 4 tar-Regolament dwar l-Għaqdiet (2) li permezz tagħha Telefónica Deutschland Holding AG (“Telefónica” jew il-“Parti Notifikanti”) takkwista fit-tifsira tal-Artikolu 3(1)(b) tar-Regolament dwar l-Għaqdiet il-kontroll uniku ta’ E-Plus Mobilfunk GmbH & Co. KG (“E-Plus”) (it-“Tranżazzjoni”). Telefónica u E-Plus huma kollettivament imsemmija bħala l-“Partijiet”.

2.

Matul l-ewwel fażi, il-Kummissjoni esprimiet dubji serji dwar il-kompatibbiltà tal-operat mas-suq intern. Fl-20 ta’ Diċembru 2013, il-Kummissjoni bdiet proċedimenti skont l-Artikolu 6(1)(c) tar-Regolament dwar l-Għaqdiet. Il-Parti Notifikanti ssottomettiet kummenti bil-miktub fil-15 ta’ Jannar 2014.

3.

Fis-26 ta’ Frar 2014, il-Kummissjoni adottat Dikjarazzjoni ta’ Oġġezzjonijiet (“DO”), fejn hija waslet għall-fehma preliminari li t-Tranżazzjoni Proposta tista’ timpedixxi b’mod sinifikanti l-kompetizzjoni effettiva f’parti sostanzjali tas-suq intern fit-tifsira tal-Artikolu 2 tar-Regolament dwar l-Għaqdiet.

4.

Il-Kummissjoni stabbilixxiet il-limitu taż-żmien tat-12 ta’ Marzu 2014 biex tkun imwieġba d-DO. Il-Partijiet kif ukoll Koninklijke KPN NV (“KPN”), il-kumpanija prinċipali aħħarija ta’ E-Plus, wieġbet f’din id-data. Fit-tweġiba tagħha, il-Parti Notifikanti talbet smigħ orali formali.

5.

Il-Parti Notifikanti rċeviet aċċess għall-fajl permezz ta’ CD-ROM fis-27 ta’ Frar 2014. Fit-3 ta’ Marzu 2014, il-Parti Notifikanti ppreżentat talba lid-DĠ għall-Kompetizzjoni għal aċċess ulterjuri għall-fajl. Id-DĠ għall-Kompetizzjoni ttratta din it-talba.

6.

Aċċess addizzjonali għall-fajl ingħata fl-10 ta’ Marzu, fl-4 ta’ April, fil-25 ta’ April, fit-8 ta’ Mejju u fis-16 ta’ Ġunju 2014.

7.

Wara li huma ppreżentaw it-talbiet motivati tagħhom, jiena tajt permess biex Deutsche Telekom AG (“Deutsche Telekom”), Vodafone Group plc (“Vodafone”), freenet AG (“freenet”), l&l Telekom GmbH (“1&1 Telekom”), Drillisch AG (“Drillisch”) u Airdata AG (“Airdata”) jinstemgħu bħala persuni terzi interessati. Jiena aċċettajt ukoll it-talbiet minn kull wieħed minn dawn biex jipparteċipa fis-smigħ orali formali.

8.

Ditta privata ta’ konsulenza applikat biex tinstema’ bħala terza persuna għall-finijiet tal-Artikolu 18(4) tar-Regolament dwar l-Għaqdiet. Permezz ta’ ittra tal-25 ta’ Frar segwita bid-deċiżjoni tas-7 ta’ Marzu 2014, jien ma aċċettajtx din it-talba skont l-Artikolu 5(3) tad-Deċiżjoni 2011/695/UE.

9.

Essenzjalment, din il-konsulenza ma wrietx “interess suffiċjenti” biex tinstema’ bħala terza persuna interessata (3). F’dan ir-rigward, jien ikkunsidrajt li l-għarfien espert fis-settur ikkonċernat u s-sempliċi espressjoni ta’ interess fl-investigazzjoni tal-Kummissjoni mhumiex biżżejjed biex juru l-eżistenza ta’ “interess suffiċjenti” għall-finijiet tal-Artikolu 18(4) tar-Regolament dwar l-Għaqdiet. Barra minn hekk: (i) il-fatt sempliċi li applikant li jkun mistenni jinstema’ bħala terza persuna jixtri s-servizzi ta’ bejgħ bl-imnut tat-tip li jikkonċerna l-każ preżenti ma jistax, meta jitqies waħdu, ikun biżżejjed għall-finijiet tal-Artikolu 18(4) tar-Regolament dwar l-Għaqdiet; (ii) il-konsulenza ma kellhiex l-intenzjoni li taġixi bħala “assoċjazzjoni tal-konsumatur”; u (iii) l-għarfien espert superjuri sostnut tagħha għall-finijiet tal-evalwazzjoni tal-konċentrazzjoni proposta ma kellha ebda effett fuq jekk din kellhiex “interess suffiċjenti” għall-finijiet tal-Artikolu 18(4) tar-Regolament dwar l-Għaqdiet.

10.

L-awtoritajiet nazzjonali tal-kompetizzjoni ta’ kull Stat Membru ġew mistiedna għas-seduta ta’ smigħ orali. Wara talba, fuq il-bażi tal-Artikolu 15(3) tar-Regolament dwar l-Għaqdiet, jiena stedint ukoll għas-smigħ orali formali lill-Awtorità Regolatorja Awstrijaka għax-Xandir u t-Telekomunikazzjonijiet u lilll-Bundesnetzagentur Ġermaniż.

11.

Is-seduta ta’ smigħ orali formali saret fis-17 ta’ Marzu 2014 u attendew għaliha:

12.

Il-Partijiet talbu u ngħataw sessjonijiet magħluqa għal partijiet mill-preżentazzjonijiet tagħhom.

13.

Fl-4 ta’ April 2014, il-Kummissjoni ħarġet ittra tal-fatti lill-Parti Notifikanti. Il-Partijiet u KPN ippreżentaw l-osservazzjonijiet tagħhom dwar l-ittra tal-fatti fl-10 ta’ April 2014.

14.

Il-Parti Notifikanti ppreżentat l-ewwel sett ta’ impenji fl-10 ta’ April 2014 u l-Kummissjoni għamlet test tas-suq ta’ dawn l-impenji fil-11 ta’ April 2014. Fit-28 ta’ April 2014, il-Parti Notifikanti ppreżentat it-tieni sett ta’ impenji li ġew ippruvati fis-suq mit-30 ta’ April 2014. Il-Parti Notifikanti ppreżentat sett finali ta’ impenji fid-29 ta’ Mejju 2014.

15.

Wara talba tagħha, jiena aċċettajt Mass Response Services GmbH fil-proċedimenti bħala terza persuna interessata.

16.

Jiena rrivedejt l-abbozz tad-deċiżjoni skont l-Artikolu 16(1) tad-Deċiżjoni 2011/695/UE u kkonkludejt li hija tittratta biss l-oġġezzjonijiet li fir-rigward tagħha l-Partijiet u KPN ingħataw l-opportunità li jgħarrfu l-fehmiet tagħhom.

17.

Globalment, jien nikkonkludi li l-eżerċizzju effettiv tad-drittijiet proċeduralif’dan il-każ ġie rrispettat.

13.3.2015   

MT

Il-Ġurnal Uffiċjali tal-Unjoni Ewropea

C 86/10

(1)

Telefónica Deutschland Holding AG (“Telefónica” jew “il-Parti Notifikanti”) u E-Plus Mobilfunk GmbH & Co. KG (“E-Plus”, flimkien ma’ Telefónica, “il-Partijiet”) huma tnejn mill-erba’ operaturi tan-netwerk mobbli (“ONM”) preżenti fuq is-suq tal-konsumaturi tas-servizzi tat-telekomunikazzjoni mobbli u s-suq bl-ingrossa għal aċċess u oriġini tat-telefonati fil-Ġermanja. It-tranżazzjoni twassal għal struttura tas-suq bi tliet ONM (Deutsche Telekom, Vodafone u l-entità fuża) b’ishma mis-suq simili f’termini ta’ dħul. Minbarra dawn l-ONM, hemm xi operaturi tan-netwerk mobbli virtwali (“ONMV”) u diversi fornituri tas-servizzi attivi fis-suq tal-konsumaturi.

(2)

Fil-31 ta’ Ottubru 2013, il-Kummissjoni rċeviet notifika formali skont l-Artikolu 4 tar-Regolament dwar l-Għaqdiet li permezz tagħha Telefónica takkwista fi ħdan it-tifsira tal-Artikolu 3(1)(b) tar-Regolament dwar l-Għaqdiet, kontroll waħdieni fuq E-Plus minn Koninklijke KPN N.V. (“KPN”).

(3)

Il-Ġermanja talbet, permezz tal-Uffiċċju Federali dwar il-Kartelli (“Bundeskartellamt”), abbażi tal-Artikolu 9(2) tar-Regolament dwar l-Għaqdiet, riferiment tat-tranżazzjoni proposta mill-Kummissjoni lill-Ġermanja. Il-Kummissjoni adottat deċiżjoni li tiċħad it-talba għal riferiment.

(4)

Telefónica u E-Plus huma tnejn mill-erba’ ONM preżenti fuq is-suq tal-konsumaturi tas-servizzi tat-telekomunikazzjoni mobbli u s-suq bl-ingrossa għall-aċċess u l-oriġini tat-telefonati fil-Ġermanja. It-tranżazzjoni twassal għal struttura tas-suq bi tliet ONM (Deutsche Telekom, Vodafone u l-entità fuża) b’ishma mis-suq simili f’termini ta’ dħul. Minbarra dawn l-ONM, hemm xi operaturi tan-netwerk mobbli virtwali (“ONMV”) u diversi fornituri tas-servizzi attivi fis-suq tal-konsumaturi.

(5)

Filwaqt li l-fużjoni proposta ma twassalx għall-ħolqien jew it-tisħiħ ta’ pożizzjoni dominanti (unika) tal-entità fuża, id-deċiżjoni tikkonkludi li l-fużjoni madankollu twassal għal impediment sinifikanti għal kompetizzjoni effettiva fuq is-suq tal-konsumatur tat-telekomunikazzjoni mobbli u, potenzjalment, fuq is-suq bl-ingrossa għall-aċċess għan-netwerk u l-oriġini tat-telefonati fil-Ġermanja.

(6)

Biex twarrab dawn il-preokkupazzjonijiet, Telefónica ppreżentat impenji li, fil-verżjoni finali tagħhom, jikkonsistu minn tliet elementi:

(7)

Fid-dawl ta’ dawn l-impenji, il-Kummissjoni kkonkludiet li t-tranżazzjoni proposta ma tibqax tqajjem tħassib dwar il-kompetizzjoni, billi d-deċiżjoni tiddependi fuq konformità sħiħa mal-impenji.

(8)

B’konformità ma’ deċiżjonijiet preċedenti tal-Kummissjoni li jikkonċernaw is-swieq għal servizzi tat-telekomunikazzjoni mobbli (2) u l-fehmiet tal-parti notifikanti, is-swieq rilevanti tal-prodotti ġew definiti kif ġej:

(9)

Id-dettalji dwar id-definizzjoni tal-ewwel żewġt iswieq, li huma primarjament, u kemm orizzontalment kif ukoll vertikalment affettwati f’dan il-każ, huma stabbiliti hawn taħt.

(10)

Il-Kummissjoni tqis li, għall-finijiet ta’ dan il-każ, is-servizzi ta’ telekomunikazzjoni mobbli u fissi, inklużi s-servizzi tad-dejta jikkostitwixxu swieq separati.

(11)

Il-Kummissjoni kkonkludiet li s-suq tal-prodott rilevanti f’dan il-każ huwa s-suq tas-servizzi tal-konsumaturi tat-telekomunikazzjoni mobbli. F’deċiżjonijiet preċedenti (3), il-Kummissjoni sabet li jeżisti suq wieħed ġenerali għas-servizzi tal-konsumaturi tat-telekomunikazzjoni mobbli. Dan huwa s-suq li fih l-ONM u tipi differenti ta’ kumpaniji li mhumiex ONM ibiegħu servizzi tal-vuċi u tad-dejta lill-konsumaturi finali permezz ta’ netwerk mobbli. F’deċiżjonijiet preċedenti, il-Kummissjoni ma komplietx taqsam dan is-suq skont it-tip ta’ klijent (jekk hux kummerċjali jew privat), skont it-tip ta’ modalità ta’ pagament (imħallas wara jew minn qabel), jew skont it-tip ta’ teknoloġija tan-netwerk (jekk hux 2G/GSM jew 3G/UMTS). Il-Kummissjoni preċedentement qatt ma kienet sabet li jeżisti suq separat għal servizzi għad-dejta biss (4).

(12)

F’dan il-każ, il-Kummissjoni kkunsidrat jekk sottosegmenti differenti tas-suq jikkostitwixxux swieq separati. Il-Kummissjoni rrieżaminat is-segmenti ta’ ħlas wara u ta’ ħlas minn qabel, kif ukoll is-segmenti tal-Vuċi (inkluż il-vuċi/id-dejta), il-broadband mobbli (dejta biss) u s-segmenti tal-konsumaturi privati u dak tan-negozju. Wara r-riżultati tal-investigazzjoni tagħha f’dan il-każ, il-Kummissjoni kkonkludiet, b’konsistenza mad-deċiżjonijiet preċedenti tagħha, li s-suq relevanti tal-prodott huwa s-suq globali għas-servizzi tal-konsumatur tat-telekomunikazzjoni mobbli.

(13)

F’konformità ma’ deċiżjonijiet preċedenti tal-Kummissjoni u l-veduti tal-Partijiet, l-ambitu ġeografiku tas-suq imsemmi huwa nazzjonali, jiġifieri jikkorrispondi mat-territorju tal-Ġermanja.

(14)

Fuq dan is-suq, l-ONM jbiegħu l-aċċess għan-network tagħhom u l-kapaċità li jsiru t-telefonati (“oriġini tat-telefonati”) lejn operaturi tan-netwerks mobbli virtwali (“ONVM”) u l-fornituri tas-servizz. Iż-żewġ tipi ta’ atturi jużaw l-aċċess bl-ingrossa mogħti mill-ONM biex ibigħu telekomunikazzjonijiet mobbli taħt il-marki tagħhom stess u f’isimhom fis-suq tal-konsumaturi. Madankollu, filwaqt li l-ONMV jippossjedu u joperaw ċerti partijiet ta’ netwerk mobbli, bħan-netwerk ċentrali, il-fornituri tas-servizzi ma jippossjedu l-ebda infrastruttura tan-netwerk. Il-Kummissjoni tqis li hemm suq distint bl-ingrossa għall-aċċess u l-orġini tas-sejħiet fuq in-netwerks pubbliċi tat-telefonija mobbli.

(15)

F’konformità ma’ deċiżjonijiet preċedenti tal-Kummissjoni, il-Kummissjoni tqis li ġeografikament, is-suq bl-ingrossa jikkorrispondi għad-dimensjoni tan-netwerks tal-ONM, li huma limitati għat-territorju Ġermaniż minħabba li l-liċenzji mobbli jingħataw fuq bażi nazzjonali.

(16)

Il-fużjoni tnaqqas l-għadd ta’ ONM fil-Ġermanja minn erbgħa għal tlieta u tamalgama t-tielet attur mar-raba’ attur. Ir-riżultat ikun suq li jkun fih tliet ONM kbar li bejn wieħed u ieħor ikunu tal-istess daqs. Deutsche Telekom, Vodafone u l-entità fuża.

(17)

Id-deċiżjoni ssib li kemm Telefónica kif ukoll E-Plus huma forzi importanti kompetittivi fis-suq Ġermaniż tal-konsumaturi għal servizz tat-telekomunikazzjonijiet mobbli, b’mod partikolari fejn jidħlu l-prezzijiet kif ukoll in-natura innovattiva tal-offerti. Huma jibqgħu forza kompetittiva importanti mingħajr it-tranżazzjoni proposta. Il-partijiet ilhom kompetituri mill-qrib ta’ xulxin fejn jidħlu l-klijenti bi prezzijiet baxxi u ta’ ħlas minn qabel billi joffru anqas kwalità tan-netwerk għal tariffi orħos mid-Deutsche Telekom u l-Vodafone.

(18)

Barra minn hekk, id-deċiżjoni ssib li l-fużjoni se twassal biex, l-ewwel nett, tiġi eliminata l-kompetizzjoni bejn il-partijiet u t-tieni, l-entità fuża jkollha bażi ta’ klijentela ikbar bil-konsegwenza li jkollha anqas inċentivi biex tikber u tikkompeti. Bl-istess mod, huwa probabbli li jonqsu l-inċentivi tal-Vodafone u d-Deutsche Telekom biex jikkompetu wara l-fużjoni. Barra minn hekk, il-grad li fih l-ONMV, il-fornituri tas-servizzi u r-rivendituri tad-ditta bħalissa huma kapaċi jeżerċitaw pressjoni kompetittiva huwa limitat u se jkompli jitnaqqas wara t-tranżazzjoni.

(19)

Tabilħaqq, id-deċiżjoni tistabbilixxi li kemm id-Deutsche Telekom kif ukoll il-Vodafone għandhom għax jibbenefikaw mill-fatt li l-E-Plus, l-aktar kompetitur aggressiv fejn jidħlu prezzijiet, jiġi eliminat u huwa probabbli li l-inċentivi tad-Deutsche Telekom u tal-Vodafone biex jikkompetu b’mod aggressiv jonqsu wkoll. Skont id-deċiżjoni, il-ħila tal-ONMV u tal-fornituri tas-servizzi eżistenti biex ikunu jistgħu jeżerċitaw l-istess grad ta’ pressjoni kompetittiva daqs ONM hija aktar limitata u tkompli tonqos wara t-tranżazzjoni. Barra minn hekk, bħalissal-ONMV u l-fornituri tas-servizzi għandhom inċentivi limitati biex jikkompetu b’mod aggressiv għal klijenti ġodda mingħand l-ONM minħabba anqas spejjeż ta’ investiment fin-netwerk (fiss) li jkollhom jiġu rkuprati. L-ONMV u l-fornituri tas-servizzi jħallsu lill-ONM għall-użu tan-netwerk fuq bażi “pay-as-you-go”, skont kemm il-klijenti tiegħu attwalment jużaw in-netwerk. Il-kost inkrementali ta’ żieda fil-klijentela jew l-użu tan-netwerk huwa għalhekk l-istess għal kull unità addizzjonali użata u huwa determinat minn qabel fin-negozjati bejn l-ONMV u l-ONM.

(20)

Valutazzjoni kwantitattiva tal-effetti probabbli tal-eliminazzjoni tal-kompetizzjoni orizzontali bħala riżultat tal-fużjoni tindika li l-fużjoni x’aktarx twassal għal żidiet sinifikanti fil-prezzijiet fis-segmenti residenzjali mħallsin qabel u dawk imħallsin wara.

(21)

Id-deċiżjoni sabet li, minkejja l-ishma kombinati fis-suq relattivament baxxi tal-Partijiet fejn jidħlu introjti u fejn jidħlu l-abbonati, it-tranżazzjoni proposta xorta jkollha impatt negattiv fuq l-inċentiv tal-entità fuża, u tal-ONM it-tnejn l-oħra, li jagħtu lill-ONMV u lill-fornituri tas-servizz aċċess għan-netwerks mobbli rispettivi tagħhom b’kundizzjonijiet kummerċjalment attraenti. Hija tikkonkludi li t-tranżazzjoni proposta tista’ tagħti lok għal effetti antikompetittivi orizzontali mhux koordinati fis-suq bl-ingrossa għall-aċċess u l-orġini tas-sejħiet fuq in-netwerks pubbliċi ta’ komunikazzjoni mobbli.

(22)

Id-deċiżjoni tħalli miftuħ jekk dawn l-effetti negattivi jikkostitwixxux impediment sinifikanti għall-kompetizzjoni effettiva peress li l-impenji proposti minn Telefónica fir-rigward tas-suq bl-imnut se jindirizzaw ukoll kwalunkwe preokkupazzjoni potenzjali fis-suq bl-ingrossa.

(23)

Id-deċiżjoni ssib li l-effiċjenzi li l-Parti Notifikanti ssostni li jeżistu rigward is-suq tal-konsumaturi għas-servizzi tat-telekomunikazzjonijiet mobbli la jistgħu jiġu verifikati, la huma speċifiċi għall-fużjoni, u lanqas mhu probabbli li jkunu ta’ benefiċċju għall-konsumaturi. B’mod partikolari, it-titjib fil-kwalità u l-iffrankar inkrimentali tal-ispejjeż li huma jsostnu li se jkun hemm jista’, f’firxa wiesa’, jinkiseb b’mezzi alternattivi (notevolment permezz tal-kondiviżjoni tan-netwerk). Id-deċiżjoni tikkonkludi li l-Parti Notifikanti ma rnexxilhiex tagħti prova li l-effiċjenzi x’aktarx iservu ta’ kontrapiż għal xi effetti negattivi fuq il-kompetizzjoni.

(24)

Sabiex tindirizza t-tħassib dwar il-kompetizzjoni, il-Parti Notifikanti ppreżentat ġabra finali ta’ impenji fid-29 ta’ Mejju 2014 li kienu jinkludu t-tliet elementi li ġejjin: (i) l-impenn tal-ONM; (ii) l-impenn tal-MBA; kif ukoll (iii) l-impenn mhux tal-ONM.

(25)

L-element tal-ONM jikkonsisti minn offerta minn Telefónica biex ibiegħu lil ONM ġdid li jkun għadu kif daħal fis-suq għadd ta’ assi u servizzi li huma meħtieġa biex ikun jista’ jibda jopera bħala ONM fis-suq Ġermaniż. Dawn l-assi jinkludu (a) l-ispettru; (b) ir-roaming nazzjonali; (c) is-siti tan-netwerk; (d) il-kondiviżjoni passiva tan-netwerk u (e) ħwienet.

(26)

Bl-impenn tal-MBA, Telefónica timpenja ruħha li tbigħ minn qabel 20 % tal-kapaċità kombinata tan-netwerk tal-entità fuża lil massimu ta’ tliet operaturi mhux tan-netwerk. Telefónica timpenja ruħha wkoll li toffri għall-bejgħ 10 % addizzjonali ta’ tali kapaċità lil dawn l-atturi b’termini u kundizzjonijiet definiti minn qabel. Sal-punt li dawk li jixtru l-kapaċità diġà jospitaw abbonati fuq in-netwerks ta’ Telefónica u/jew ta’ E-Plus netwerks, il-kapaċità meħtieġa biex jiġu ospitati dawn l-abbonati tinbiegħ ukoll minn Telefónica (iżda mnaqqsa mill-kapaċità addizzjonali ta’ 10 % li għandha tiġi offruta).

(27)

Telefónica timpenja ruħha li bil-quddiem tidħol fi ftehim għall-bejgħ u l-offerta tal-kapaċità kollha koperta mill-impenn tal-MBA qabel il-konklużjoni tat-tranżazzjoni proposta. Fi kliem ieħor, Telefónica mhux se tkun tista’ tikkonkludi t-tranżazzjoni proposta qabel ma tkun daħlet fi ftehim legalment vinkolanti ma’ xerrej wieħed jew aktar u sakemm il-Kummissjoni ma tkunx approvat formalment ix-xerrej(ja).

(28)

Il-ftehim li għandu jiġi konkluż bejn Telefónica u x-xerrej(ja) ikollu perjodu ta’ validità inizjali ta’ ħames snin, iżda jkun jista’ jiġi estiż b’mod unilaterali għal ħames snin oħra fuq talba tax-xerrej(ja) skont termini u kundizzjonijiet stabbiliti minn qabel.

(29)

Skont l-impenn mhux tal-ONM, Telefónica timpenja ruħha li toffri li testendi l-kuntratti bl-ingrossa kollha eżistenti mal-ONMV u l-fornituri tas-servizzi li bħalissa huma klijenti bl-ingrossa ta’ Telefónica jew ta’ E-Plus sa tmiem is-sena 2025. Barra minn hekk, Telefónica timpenja ruħha li tagħti aċċess bl-ingrossa għan-netwerk 4G tagħha lill-ONMV u l-fornituri kollha tas-servizzi ċertu perjodu ta’ żmien wara t-tnedija teknika tal-ONMV tal-MBA skont l-aħjar termini u kundizzjonijiet tas-suq possibbli.

(30)

Id-deċiżjoni tikkonkludi li l-impenji jindirizzaw bis-sħiħ il-preokkupazzjonijiet fejn tidħol il-kompetizzjoni.

(31)

L-impenn tal-ONM, flimkien mal-fatt li r-regolatur tat-telekomunikazzjoni Ġermaniż qed jippjana biex jiftaħ proċedimenti lejn tmiem l-2014 biex jagħmel irkant għall-għoti ta’ ammont sinifikanti ta’ spettru, huwa ta’ kontribut biex jinżamm miftuħ il-bieb għad-dħul ta’ ONM ġdid fis-suq Ġermaniż jew għall-possibilità li x-xerrej(ja) tal-impenn tal-MBA jinbidel/lu f’ONM.

(32)

Fir-rigward tal-impenn tal-MBA, id-deċiżjoni ssib li dan l-impenn se jżid b’mod sinifikanti l-kapaċità u l-inċentiv tal-ONMV li jikkompetu fis-suq tal-konsumaturi għal servizzi ta’ telekomunikazzjoni mobbli fil-Ġermanja u għalhekk jikkumpensa kwalunkwe żieda possibbli fil-prezzijiet li tirriżulta mit-tranżazzjoni proposta.

(33)

L-ammont totali ta’ kapaċità li għandha tinbiegħ u tiġi offruta minn Telefónica taħt l-impenn tal-MBA huwa sinifikanti kemm f’termini ta’ sehem mis-suq inkrementali meta mqabbel mas-sitwazzjoni ta’ qabel il-fużjoni, jekk wieħed jassumi li s-sehem fis-suq ta’ Telefónica jibqa’ kostanti, kif ukoll f’termini tas-somma tal-kapaċità li għandha tinbiegħ u tiġi offruta minn Telefónica, kif imkejla f’termini ta’ sehem totali mis-suq.

(34)

Tabilħaqq, Telefónica tkun obbligata tipprovdi lix-xerrej(ja) tal-impenn tal-MBA aċċess għal kull tip ta’ servizzi u teknoloġiji (inklużi l-4G u t-teknoloġiji futuri). Ix-xerrej(ja) għalhekk ikollu(hom) aċċess għall-istess kwalità ta’ netwerk bħal Telefónica u jkun jista’ bil-libertà kollha jfassal tariffi għall-konsumaturi f’indipendenza totali minn Telefónica. Dan jippermettu lix-xerrej(ja) tal-impenn tal-MBA li jikkompetu b’mod sħiħ mal-ONM, billi jagħmlu offerti attraenti ħafna għall-klijenti finali fejn jidħlu teknoloġiji tan-netwerk attwali u ġodda li llum huma offruti mill-ONM biss bi ħlas addizzjonali konsiderevoli.

(35)

Bl-aktar mod notevoli, ir-rimedju huwa ta’ natura kważi strutturali, peress li l-ONMV/il-fornituri tas-servizzi li jixtru l-kapaċità skont l-impenn tal-MBA jimpenjaw ruħhom bil-quddiem li jixtru ammont sinifikanti ta’ kapaċità mingħand l-entità fuża bi prezz fiss. B’hekk, l-ONMV/il-fornitur(i) tas-servizz ikollhom inċentiv qawwi biex jikkompetu b’mod effettiv peress li jkunu xtraw minn qabel ammont sinifikanti ta’ kapaċità li jkun jeħtieġu li tiġi monetizzata. Dan il-mudell ibbażat fuq il-kapaċità huwa aktar attraenti mil-lat ta’ kompetizzjoni mill-kuntratti standard tal-ONMV/il-fornituri(i) tas-servizzi, fejn dawn l-atturi jħallsu lill-ONM ospitanti abbażi tal-użu. Tabilħaqq, skont il-kuntratti standard “Pay as you go” tal-ONMV/il-fornitur tas-servizzi, żieda fil-klijenti u fit-traffiku jimplika pagamenti inkrimentali lill-ONM. Skont il-mudell ibbażat fuq il-kapaċità stabbilit fl-impenn tal-MBA, ma hemm l-ebda kosti inkrementali bħal dawn relatati man-netwerk meta jiġu akkwistati klijenti ġodda. F’dan ir-rigward, il-mudell ibbażat fuq il-kapaċità joqrob aktar lejn l-istruttura tal-kosti ta’ ONM u b’hekk jipprovdi inċentivi simili għall-akkwist ta’ klijenti addizzjonali fil-marġini. Dan jimplika li d-dħul fl-impenn tal-MBA mill-ONMV/il-fornitur(i) tas-servizz mal-entità fuża jista’ jservi bħala limitazzjoni effettiva fuq l-ONM.

(36)

Fir-rigward tal-impenn mhux tal-ONM, id-deċiżjoni ssib li dan l-impenn itejjeb il-pożizzjoni tal-ONMV u tal-fornituri tas-seervizzi li lilhom waħda mill-Partijiet bħalissa tagħti aċċess bl-ingrossa, peress li tagħtihom sigurtà fl-ippjanar għas-servizzi tat-2G u tat-3G. Barra minn hekk, l-ONMV u l-fornituri tas-servizzi kollha attivi fil-Ġermanja għandhom opportunità li jingħataw aċċess għas-servizzi tal-4G.

(37)

Għar-raġunijiet imsemmijin hawn fuq, id-deċiżjoni tikkonkludi li l-konċentrazzjoni kif notifikata bl-impenji ppreżentati fid-29 ta’ Mejju 2014 mhux se timpedixxi b’mod sinifikanti l-kompetizzjoni effettiva fis-Suq Intern, jew f’xi parti sostanzjali minnu.

(38)

Għaldaqstant, il-konċentrazzjoni hija ddikjarata bħala li hi kompatibbli mas-Suq Intern u mal-funzjonament tal-Ftehim taż-ŻEE, skont l-Artikolu 2(2) u l-Artikolu 8(2) tar-Regolament dwar l-Għaqdiet u l-Artikolu 57 tal-Ftehim taż-ŻEE.

13.3.2015   

MT

Il-Ġurnal Uffiċjali tal-Unjoni Ewropea

C 86/15

1.

Fis-6 ta’ Marzu 2015, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha Riverstone Holdings LLC (“Riverstone”, ir-Renju Unit) u Barclays Bank plc (“Barclays”, ir-Renju Unit) se jakkwistaw fit-tifsira tal-Artikolu 3(1)(b) u 3(4) tar-Regolament dwar l-Għaqdiet il-kontroll konġunt permezz ta’ xiri ta’ ishma f’kumpanija ġdida li tikkostitwixxi l-joint venture Origo Exploration AS (“Origo”, in-Norveġja).

2.

L-attivitajiet kummerċjali tal-impriżi kkonċernati huma:

—   Riverstone: kumpanija ta’ ekwità privata, b’attenzjoni partikolari lejn investimenti fis-setturi tal-enerġija u tal-elettriku,

—   Barclays: il-forniment ta’ servizzi finanzjarji bħal servizzi bankarji personali, karti ta’ kreditu, servizzi bankarji korporattivi u ta’ investiment u servizzi ta’ ġestjoni tal-ġid u l-investiment,

—   Origo: kumpanija li għadha kif twaqqfet, li se tkun involuta fl-attivitajiet tal-esplorazzjoni u l-produzzjoni taż-żejt u l-gass u ż-żejt fil-blajjet kontinentali tan-Norveġja u r-Renju Unit.

3.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) ta’ min jinnota li dan il-każ jista’ jiġi kkunsidrat għal trattament skont il-proċedura stipulata f’dan l-Avviż.

4.

Il-Kummissjoni tistieden lil partijiet terzi interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti għandhom jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni permezz tal-faks (+32 22964301), permezz tal-e-Mail lil COMP-MERGER-REGISTRY@ec.europa.eu jew permezz tal-posta, bin-numru ta’ referenza M.7422 — Riverstone/Barclays/Origo, f’dan l-indirizz:

13.3.2015   

MT

Il-Ġurnal Uffiċjali tal-Unjoni Ewropea

C 86/16