ISSN 1977-0987 |
||
Il-Ġurnal Uffiċjali tal-Unjoni Ewropea |
C 457A |
|
![]() |
||
Edizzjoni bil-Malti |
Informazzjoni u Avviżi |
Volum 57 |
Avviż Nru |
Werrej |
Paġna |
|
V Avviżi |
|
|
PROĊEDURI AMMINISTRATTIVI |
|
|
Il-Kummissjoni Ewropea |
|
2014/C 457A/01 |
||
|
||
2014/C 457A/02 |
||
MT |
|
V Avviżi
PROĊEDURI AMMINISTRATTIVI
Il-Kummissjoni Ewropea
19.12.2014 |
MT |
Il-Ġurnal Uffiċjali tal-Unjoni Ewropea |
CA 457/1 |
Avviż ta’ Post Battal għall-Pożizzjoni ta’ Direttur Eżekuttiv tal-Aġenzija Ewropea għall-Mediċini (EMA) f’Londra
(Aġent Temporanju – Grad AD 15)
COM/2014/10367
(2014/C 457 A/01)
Min aħna
L-Aġenzija Ewropea għall-Mediċini (European Medicines Agency, EMA), stabbilita fir-Regolament (KE) Nru 726/2004 tal-Parlament Ewropew u tal-Kunsill (1), hija responsabbli għall-koordinazzjoni tal-awtorizzazzjoni, is-superviżjoni u l-farmakoviġilanza tal-prodotti mediċinali għall-użu mill-bniedem u veterinarju fl-Unjoni Ewropea (UE) permezz tal-ħidma tal-kumitati xjentifiċi tagħha u netwerk kbir ta’ esperti li tpoġġa għad-dispożizzjoni tagħha mill-Istati Membri.
Għal aktar informazzjoni kkonsulta din il-websajt: http://www.EMA.europa.eu/
X’qed nipproponu
Id-Direttur Eżekuttiv huwa r-rappreżentant legali u l-wiċċ pubbliku tal-EMA u huwa responsabbli lejn il-Bord Maniġerjali tal-EMA, imwaqqaf mill-Artikolu 65 tar-Regolament tat-Twaqqif tal-EMA (2). Huwa jmexxi u jimmaniġġa l-EMA u jassumi r-responsabbiltà globali għall-operazzjonijiet tagħha filwaqt li jiżgura li jintlaħqu l-objettivi tal-EMA.
Id-Direttur Eżekuttiv ikun kompletament indipendenti fil-prestazzjoni fid-dmirijiet tiegħu, mingħajr preġudizzju għall-kompetenzi rispettivi tal-Kummissjoni u tal-Bord Maniġerjali.
Id-Direttur Eżekuttiv ikun responsabbli għal:
— |
l-amministrazzjoni ta’ kuljum tal-Aġenzija b’baġit fl-2014 ta’ madwar EUR 297 miljun u persunal ta’ 728, |
— |
l-immaniġġar tal-EMA f’konformità mar-Regolament tat-Twaqqif tagħha u mal-leġiżlazzjoni applikabbli fis-seħħ u mad-deċiżjonijiet tal-Bord Maniġerjali tagħha, |
— |
ir-responsabbiltà ġenerali għall-immaniġġar effettiv u effiċjenti tal-persunal tal-EMA, u t-trawwim ta’ spirtu ta’ tim u ambjent tax-xogħol tajbin, |
— |
l-immaniġġar tar-riżorsi kollha tal-Aġenzija li huma neċessarji għat-twettiq tal-attivitajiet tal-kumitati tagħha, inkluża d-disponibbiltà ta’ sostenn xjentifiku u tekniku xieraq, |
— |
it-tfassil tal-Istrateġija u l-abbozzi tal-Programmi ta’ Ħidma tal-EMA, u r-rappurtar dwar id-direzzjoni u l-proċeduri għat-tfassil ta’ politika lill-Bord Maniġerjali, |
— |
ir-rappurtar dwar l-implimentazzjoni tal-Programmi ta’ Ħidma u d-deċiżjonijiet adottati mill-Bord Maniġerjali, |
— |
il-provvista tas-segretarjat lill-Bord Maniġerjali, |
— |
ir-responsabbiltà ġenerali għall-prestazzjoni ġenerali tal-kompiti assenjati lill-EMA li jinkludu s-superviżjoni tal-kwalità tal-kontroll intern tagħha u tas-sistemi ta’ mmaniġġar, |
— |
it-tħejjija u l-eżekuzzjoni tal-baġit tal-EMA f’konformità mar-Regolament Finanzjarju Qafas (3) għall-aġenziji u l-iżgurar li jkun immaniġġat b’mod effiċjenti u f’konformità mal-prinċipju tal-amministrazzjoni finanzjarja tajba, |
— |
ir-responsabbiltà ġenerali għall-kwistjonijiet finanzjarji tal-EMA inklużi, fost l-oħrajn, il-kontijiet finali u d-deċiżjonijiet ta’ finanzjament, |
— |
ir-rappreżentazzjoni tal-EMA u l-komunikazzjoni mal-firxa tal-partijiet interessati u l-pubbliku fuq il-kwistjonijiet kollha fi ħdan il-mandat tal-Aġenzija, |
— |
l-iżgurar tal-kooperazzjoni mal-Kummissjoni Ewropea, il-Parlament Ewropew u l-Istati Membri kif ukoll mal-korpi kompetenti fl-Istati Membri li jwettqu kompiti simili għal dawk tal-EMA, |
— |
l-iżgurar li jinżammu l-iskadenzi stabbiliti mil-leġiżlazzjoni tal-Unjoni għall-adozzjoni tal-opinjonijiet mill-Aġenzija, |
— |
l-iżgurar ta’ koordinazzjoni xierqa bejn il-kumitati tagħha, |
— |
l-eżerċizzju tar-responsabbiltajiet stabbiliti fir-Regolament (KE) Nru 1901/2006 tal-Parlament Ewropew u tal-Kunsill (4) għal pjanijiet ta’ investigazzjoni pedjatrika u rinunzji. |
X’qegħdin infittxu (il-kriterji tal-għażla)
Il-kandidati għandu jkollhom:
(a) |
Esperjenza maniġerjali, u b’mod partikolari:
|
(b) |
Għarfien tekniku, u b’mod partikolari:
|
(c) |
Ħiliet fil-komunikazzjoni u n-negozjar, u b’mod partikolari:
|
Vantaġġi:
— |
Lawrja universitarja bħala tabib, spiżjar jew veterinarju tista’ titqies bħala vantaġġ, |
— |
L-esperjenza miksuba f’ambjent multikulturali. |
L-applikanti jridu (kriterji ta’ eliġibbiltà)
Sabiex jiġu kkunsidrati għall-fażi tal-għażla, il-kandidati jridu jissodisfaw dawn il-kriterji ta’ eliġibbiltà sad-data ta’ għeluq għall-applikazzjonijiet:
— |
Nazzjonalità – L-applikanti jridu jkunu ċittadini ta’ Stat Membru tal-Unjoni Ewropea jew ċittadini ta’ pajjiż miż-Żona Ekonomika Ewropea. |
— |
Lawrja universitarja jew diploma – L-applikanti jrid ikollhom:
|
— |
Esperjenza professjonali: L-applikanti jrid ikollhom minn tal-inqas 15-il sena esperjenza postgradwatorja f’livell li jagħtu aċċess għalih il-kwalifiki msemmija hawn fuq; mill-15-il sena esperjenza professjonali, mill-inqas ħames snin esperjenza professjonali miksuba f’qasam tal-attivitajiet tal-Aġenzija. |
— |
Esperjenza maniġerjali: mill-15-il sena esperjenza professjonali, mill-inqas ħames snin esperjenza professjonali miksuba f’kariga għolja ta’ tmexxija (5). |
— |
Lingwi: L-applikanti jrid ikollhom għarfien tajjeb ta’ waħda mil-lingwi uffiċjali tal-Unjoni Ewropea u għarfien sodisfaċenti ta’ lingwa oħra minn dawn il-lingwi safejn hu meħtieġ għall-qadi ta’ dmirijiethom. |
— |
Limitu tal-età: Sal-iskadenza tal-applikazzjonijiet, l-applikanti jridu jkunu kapaċi jtemmu l-mandat sħiħ ta’ ħames snin f’konformità mal-Artikolu 47(a) tal-Kundizzjonijiet ta’ Impjieg applikabbli għall-Aġenti l-Oħra tal-Unjoni (6). |
Indipendenza u dikjarazzjoni tal-interessi
Id-Direttur Eżekuttiv jiġi mitlub jagħmel dikjarazzjoni ta’ impenn biex jaġixxi b’mod indipendenti fl-interess pubbliku u biex jagħmel dikjarazzjoni fir-rigward ta’ interessi li jistgħu jkunu meqjusa ta’ preġudizzju għall-indipendenza tiegħu. L-applikanti jridu jikkonfermaw ir-rieda tagħhom li jagħmlu dan fl-applikazzjoni tagħhom.
Minħabba n-natura partikolari tal-funzjonijiet, l-applikanti mistiedna għall-intervisti ta’ qabel l-għażla jkunu mitluba jiffirmaw dikjarazzjoni relatata mal-interessi attwali jew futuri tagħhom li jistgħu jitqiesu ta’ preġudizzju għall-indipendenza tagħhom.
F’konformità mal-Artikolu 16 tar-Regolamenti tal-Persunal (7), li d-dispożizzjonijiet tiegħu japplikaw b’analoġija għall-Aġenti Temporanji, id-Direttur Eżekuttiv, wara li jitlaq mis-servizz, jibqa’ marbut bid-dover tiegħu li jaġixxi b’integrità u diskrezzjoni fir-rigward tal-aċċettazzjoni ta’ ċerti ħatriet jew benefiċċji.
Dan jinkludi l-obbligu li jinforma lill-Bord Maniġerjali tal-EMA biżżejjed bil-quddiem bl-intenzjoni li jinvolvi ruħu f’attività okkupazzjonali, kemm jekk bil-qligħ kif ukoll jekk le, fi żmien sentejn minn meta jitlaq mis-servizz. Jekk dik l-attività tkun marbuta max-xogħol imwettaq matul l-aħħar tliet snin tas-servizz u tista’ twassal għal kunflitt mal-interessi leġittimi tal-EMA, il-Bord Maniġerjali tal-EMA jista’, wara li jikkunsidra l-interessi tas-servizz, ma jippermettilux li jidħol għaliha, jew jagħti l-approvazzjoni tiegħu soġġetta għal kull kundizzjoni li jqis xierqa.
L-għażla u l-ħatra
Id-Direttur Eżekuttiv se jinħatar mill-Bord Maniġerjali tal-EMA fuq il-bażi ta’ lista mħejjija mill-Kummissjoni Ewropea wara li jkun għamel stqarrija u wieġeb il-mistoqsijiet mill-Parlament Ewropew. Dan l-avviż ta’ post battal huwa l-bażi għall-istabbiliment tal-lista tal-Kummissjoni Ewropea. L-Applikanti Kandidati għandhom jinnotaw li l-inklużjoni fil-lista tal-Kummissjoni Ewropea mhijiex garanzija tal-ħatra.
Għandu jitwaqqaf bord ta’ qabel l-għażla mill-Kummissjoni Ewropea. Dan il-bord jistieden lill-applikanti li jkollhom l-aħjar profil għar-rekwiżiti speċifiċi ta’ din il-pożizzjoni għal intervista, magħżula fuq il-bażi tal-merti tagħhom u l-kriterji stabbiliti hawn fuq. Il-bord ta’ qabel l-għażla jfassal lista ta’ applikanti li jkunu proposti għal intervista oħra mal-Kumitat Konsultattiv tal-Kummissjoni Ewropea dwar il-Ħatriet (Consultative Committee on Appointments, CCA). L-applikanti, li jissejħu għal intervista mas-CCA, iridu jagħmlu eżami mmexxi miċ-ċentru ta’ valutazzjoni f’idejn il-konsulenti esterni tar-reklutaġġ.
Wara l-intervista, is-CCA ifassal lista preliminari. L-applikanti li jitpoġġew fuq il-lista preliminari mis-CCA imbagħad jiġu intervistati mill-Kummissarju/Kummissarji relevanti.
Wara dawn l-intervisti, il-Kummissjoni Ewropea tadotta lista ta’ applikanti, li tiġi kkomunikata lill-Bord Maniġerjali tal-EMA.
Dan tal-aħħar jintervista lil dawn l-applikanti u jaħtar lil wieħed mill-applikanti minn fuq il-lista preliminari tal-Kummissjoni bħala Direttur Eżekuttiv tal-EMA. Madankollu, qabel ma jinħatar mill-Bord Maniġerjali, l-applikant innominat jintalab jindirizza lill-Parlament Ewropew u jwieġeb għall-mistoqsijiet tagħhom.
L-applikanti jistgħu jintalbu jagħmlu iktar intervisti jew testijiet apparti dawk indikati hawn fuq.
Opportunitajiet indaqs
L-Unjoni Ewropea tapplika politika ta’ opportunitajiet indaqs u ta’ nondiskriminazzjoni f’konformità mal-Artikolu 1d tar-Regolamenti tal-Persunal (8). Hija tagħti attenzjoni speċjali sabiex tevita kull għamla ta’ diskriminazzjoni fil-proċeduri ta’ reklutaġġ tagħha u tħeġġeġ attivament il-parteċipazzjoni tan-nisa.
Kundizzjonijiet tal-impjieg
Id-Direttur Eżekuttiv se jinħatar bħala persunal tal-EMA bħala aġent temporanju fil-grad ta’ AD15 skont l-Artikolu 2(a) tal-Kundizzjonijiet tal-Impjieg applikabbli għall-Aġenti l-Oħra tal-Unjoni (9) għal perjodu ta’ ħames snin, li jistgħu jiġu estiżi darba.
Il-post tal-impjieg huwa Londra, fejn hi bbażata l-EMA.
Proċedura ta’ applikazzjoni
Qabel ma tissottometti l-applikazzjoni tiegħek, għandek tiċċekkja b’attenzjoni jekk tissodisfax il-kriterji ta’ eliġibilità kollha, b’mod partikolari rigward it-tip ta’ diplomi u l-esperjenza professjonali meħtieġa.
Jekk tixtieq tapplika, trid tapplika permezz tal-Internet billi tmur fil-websajt
https://ec.europa.eu/dgs/human-resources/seniormanagementvacancies/
u ssegwi l-istruzzjonijiet li hemm li jikkonċernaw id-diversi stadji tal-proċedura.
Trid timla r-reġistrazzjoni tiegħek onlajn fil-ħin (10). Nirrakkomandaw bil-qawwa li ma tistenniex sal-aħħar ftit jiem sabiex tapplika, peress li konġestjoni qawwija fuq l-Internet jew xi difett fil-konnessjoni tal-Internet tiegħek jistgħu jwasslu biex ir-reġistrazzjoni onlajn tiġi tterminata qabel ma tkun lestejtha, u b’hekk ikollok tirrepeti l-proċess. Ladarba jiskadi ż-żmien għas-sottomissjoni tal-applikazzjonijiet, ma tkunx tista’ tapplika. Reġistrazzjonijiet bil-posta elettronika normali li jaslu tard ma jiġux aċċettati.
Teħtieġ indirizz tal-posta elettronika validu. Dan jintuża biex jiġi kkonfermat il-ħolqien tal-kont tiegħek u biex tinżamm infurmat bl-eżitu tal-proċedura tal-għażla. Jekk jogħġbok informa lill-Kummissjoni Ewropea f’każ li l-indirizz tal-posta elettronika tiegħek jinbidel.
Trid ittella’ CV (fil-format PDF) u tinkludi ittra ta’ motivazzjoni onlajn (massimu ta’ 8 000 karattru). Kemm is-CV kif ukoll l-ittra ta’ motivazzjoni għandhom ikunu bl-Ingliż, bil-Franċiż jew bil-Ġermaniż.
Jekk ma tirċievi l-ebda numru ta’ reġistrazzjoni, l-applikazzjoni tiegħek ma tkunx ġiet irreġistrata!
Nixtiequ niġbdulek l-attenzjoni li mhuwiex possibbli li ssegwi l-progress tal-applikazzjoni tiegħek onlajn. Inti tiġi kkuntattjat direttament dwar l-istatus tal-applikazzjoni tiegħek. Il-proċess tal-għażla, inkluża l-korrispondenza mal-bordijiet tal-għażla matul din il-proċedura tal-għażla, isir bl-Ingliż (11).
Jekk għandek diżabbiltà li ma tippermettilekx tirreġistra onlajn, tista’ tibgħat l-applikazzjoni (is-CV u l-ittra ta’ motivazzjoni) fuq karta permezz tal-posta reġistrata (12), b’timbru postali b’data li ma tkunx aktar tard mid-data meta tagħlaq ir-reġistrazzjoni. Kull komunikazzjoni sussegwenti bejnek u bejn il-Kummissjoni Ewropea tkun bil-posta. F’dan il-każ, mas-CV u l-ittra ta’ motivazzjoni tiegħek trid tehmeż ċertifikat, maħruġ minn entità rikonoxxuta, li jissostanzja d-diżabilità tiegħek. Għandek issemmi wkoll, fuq karta separata, kull arranġament speċjali li taħseb li jista’ jkun meħtieġ sabiex jiffaċilita l-parteċipazzjoni tiegħek fil-proċess tal-għażla.
Jekk teħtieġ aktar tagħrif jew tiltaqa’ ma’ problemi tekniċi, ibgħat email lil HR-A2-MANAGEMENT-ONLINE@ec.europa.eu
Id-data tal-għeluq
Id-data tal-għeluq għar-reġistrazzjoni hija t-28 ta’ Jannar 2015. Ir-reġistrazzjoni onlajn ma tkunx possibbli wara nofsinhar (12:00), ħin ta’ Brussell.
Protezzjoni tad-dejta personali
Il-Kummissjoni Ewropea (matul il-fażi preparatorja) u iżjed tard l-EMA, jiżguraw li d-dejta personali tal-kandidati tkun ipproċessata skont ir-Regolament (KE) Nru 45/2001 tal-Parlament Ewropew u tal-Kunsill tat-18 ta’ Diċembru 2000 dwar il-protezzjoni ta’ individwu fir-rigward tal-ipproċessar ta’ dejta personali mill-istituzzjonijiet u l-korpi tal-Komunità u dwar il-moviment liberu ta’ dik id-dejta (13).
(1) ĠU L 136, 30.4.2004, p. 1.
(2) http://eur-lex.europa.eu/legal-content/mt/TXT/PDF/?uri=CELEX:32004R0726&rid=3
(3) Ir-Regolament Delegat tal-Kummissjoni (UE) Nru 1271/2013 tat-30 ta’ Settembru 2013 dwar Regolament Finanzjarju ta’ qafas għall-korpi msemmija fl-Artikolu 208 tar-Regolament (UE, Euratom) Nru 966/2012 tal-Parlament Ewropew u tal-Kunsill (ĠU L 328, 7.12.2013, p. 42).
(4) Ir-Regolament (KE) Nru 1901/2006 tal-Parlament Ewropew u tal-Kunsill tat- 12 ta' Diċembru 2006 dwar prodotti mediċinali għall-użu pedjatriku u li jemenda r-Regolament (KEE) Nru 1768/92, id-Direttiva 2001/20/KE, id-Direttiva 2001/83/KE u r-Regolament (KE) Nru 726/2004 (ĠU L 378, 27.12.2006, p. 1).
(5) Fis-CVs tagħhom l-applikanti għandhom jindikaw mill-inqas għal dawn il-ħames snin x’tip ta’ esperjenza ta’ tmexxija f’livell għoli inkisbet: (1) it-titolu u r-rwol tal-pożizzjonijiet maniġerjali li kellhom, (2) l-għadd ta’ membri tal-persunal li kienu jmexxu f’dawn il-pożizzjonijiet, (3) id-daqs tal-baġits immaniġġati, u (4) l-għadd ta’ livelli ġerarkiċi ‘l fuq u ‘l isfel u l-għadd ta’ dawk li kienu pari magħhom.
(6) Regolamenti tal-Persunal għall-uffiċjali u l-Kondizzjonijiet tal-Impjieg applikabbli għall-aġenti l-oħra tal-Unjoni, paġna 206.
http://eur-lex.europa.eu/LexUriServ/LexUriServ.do?uri=CONSLEG:1962R0031:20140101:MT:PDF
(7) Ir-Regolamenti tal-Persunal għall-uffiċjali u l-Kondizzjonijiet tal-Impjieg applikabbli għall-aġenti l-oħra tal-Unjoni, paġna 21.
http://eur-lex.europa.eu/LexUriServ/LexUriServ.do?uri=CONSLEG:1962R0031:20140101:MT:PDF
(8) Ir-Regolamenti tal-Persunal għall-Uffiċjali u l-Kondizzjonijiet tal-Impjieg applikabbli għall-Aġenti l-Oħra tal-Unjoni, paġna 12.
http://eur-lex.europa.eu/LexUriServ/LexUriServ.do?uri=CONSLEG:1962R0031:20140101:MT:PDF
(9) Ir-Regolamenti tal-Persunal għall-Uffiċjali u l-Kondizzjonijiet tal-Impjieg applikabbli għall-Aġenti l-Oħra tal-Unjoni, paġna 187.
http://eur-lex.europa.eu/LexUriServ/LexUriServ.do?uri=CONSLEG:1962R0031:20140101:MT:PDF
(10) Mhux aktar tard minn nofsinhar (12:00), ħin ta’ Brussell, fit-28 ta’ Jannar 2015.
(11) Il-bordijiet tal-għażla jiżguraw li ma jingħata l-ebda vantaġġ mhux xieraq lill-kelliema nattivi.
(12) European Commission, Directorate-General Human resources and Security, Unit for Executive Staff and CCA Secretariat, COM/2014/10367, SC11 8/35, 1049 Bruxelles/Brussel, BELGIQUE/BELGIË.
19.12.2014 |
MT |
Il-Ġurnal Uffiċjali tal-Unjoni Ewropea |
CA 457/7 |
REVIŻJONI TAL-ĠURNALI UFFIĊJALI C A KOMPETIZZJONI
(2014/C 457 A/02)
Hawn taħt għandek issib il-lista ta' C A ppubblikati matul din is-sena.
Ħlief meta indikat mod ieħor, il-Ġurnali Uffiċjali huma ppubblikati fil-lingwi kollha.
5 |
|
6 |
|
11 |
|
19 |
|
21 |
|
26 |
|
27 |
|
30 |
(PL) |
35 |
|
41 |
(DE/EN/FR) |
42 |
|
43 |
|
46 |
|
47 |
|
48 |
|
55 |
|
56 |
|
60 |
|
62 |
|
65 |
|
73 |
(DE/EN/FR) |
74 |
|
81 |
|
88 |
|
92 |
(DE/EN/FR) |
97 |
|
98 |
|
99 |
|
108 |
|
109 |
|
116 |
|
119 |
|
133 |
|
134 |
|
136 |
|
137 |
(DE/EN/FR) |
140 |
|
145 |
|
152 |
|
160 |
|
163 |
|
164 |
|
176 |
|
178 |
|
180 |
|
182 |
|
185 |
|
186 |
|
188 |
|
195 |
|
207 |
|
209 |
(DE/EN/FR) |
211 |
|
217 |
|
219 |
|
242 |
|
254 |
|
255 |
|
256 |
(LV) |
258 |
(RO) |
262 |
(EN) |
267 |
(SL) |
270 |
(FR) |
272 |
(DA) |
274 |
(IT) |
277 |
|
283 |
|
289 |
(DE/EN/FR) |
293 |
(NL) |
295 |
(MT) |
297 |
|
299 |
|
304 |
|
321 |
(DE/EN/FR) |
325 |
(SL) |
332 |
|
334 |
|
340 |
|
342 |
(EN) |
352 |
|
354 |
|
358 |
|
366 |
|
376 |
|
378 |
(SV) |
381 |
|
384 |
|
385 |
(PT) |
390 |
(HR) |
391 |
|
410 |
|
412 |
|
425 |
(EN/IT/LT) |
427 |
|
432 |
|
433 |
(DE) |
434 |
|
441 |
|
453 |
(DE/EN/FR) |
457 |
|