11.10.2014

MT

Il-Ġurnal Uffiċjali tal-Unjoni Ewropea

C 360/1

---

Rata tal-kambju tal-euro (1)

L-10 ta’ Ottubru 2014

(2014/C 360/01)

1 euro =

	Munita	Rata tal-kambju
USD	Dollaru Amerikan	1,2638
JPY	Yen Ġappuniż	136,27
DKK	Krona Daniża	7,4435
GBP	Lira Sterlina	0,78820
SEK	Krona Żvediża	9,1506
CHF	Frank Żvizzeru	1,2092
ISK	Krona Iżlandiża
NOK	Krona Norveġiża	8,2580
BGN	Lev Bulgaru	1,9558
CZK	Krona Ċeka	27,493
HUF	Forint Ungeriż	306,84
LTL	Litas Litwan	3,4528
PLN	Zloty Pollakk	4,1835
RON	Leu Rumen	4,4058
TRY	Lira Turka	2,8836
AUD	Dollaru Awstraljan	1,4511
CAD	Dollaru Kanadiż	1,4151
HKD	Dollaru ta' Hong Kong	9,8066
NZD	Dollaru tan-New Zealand	1,6166
SGD	Dollaru tas-Singapor	1,6105
KRW	Won tal-Korea t'Isfel	1 358,62
ZAR	Rand ta' l-Afrika t'Isfel	14,0640
CNY	Yuan ren-min-bi Ċiniż	7,7484
HRK	Kuna Kroata	7,6465
IDR	Rupiah Indoneżjan	15 464,20
MYR	Ringgit Malażjan	4,1172
PHP	Peso Filippin	56,611
RUB	Rouble Russu	51,0952
THB	Baht Tajlandiż	41,028
BRL	Real Brażiljan	3,0580
MXN	Peso Messikan	17,0161
INR	Rupi Indjan	77,5152

---

(1)  Sors: rata tal-kambju ta' referenza ppubblikata mill-Bank Ċentrali Ewropew.

---

11.10.2014

MT

Il-Ġurnal Uffiċjali tal-Unjoni Ewropea

C 360/2

---

KOMUNIKAZZJONI TAL-KUMMISSJONI SKONT L-ARTIKOLU 9(3) TAD-DIRETTIVA 96/67/KE

Notifika mir-Repubblika tal-Kroazja tal-applikazzjoni tal-Artikolu 9(1)(b) u 9(1)(d) tad-Direttiva 96/67/KE għall-Ajruport Internazzjonali ta’ Zagreb

(Test b'rilevanza għaż-ŻEE)

(2014/C 360/02)

Skont l-Artikolu 9(3) tad-Direttiva tal-Kunsill 96/67/KE tal-15 ta’ Ottubru 1996 dwar l-aċċess għas-suq tal-groundhandling fl-ajruporti tal-Komunità, fl-1 ta’ Settembru 2014 il-Kummissjoni rċeviet notifika dwar deċiżjoni tal-Ministeru tal-Affarijiet Marittmi, it-Trasport u l-Infrastruttura tal-Gvern tar-Repubblika tal-Kroazja li jeżenta l-Arjuport Internazzjonali ta’ Zagreb skont dan li ġej:

—

li jiġi pprojbit l-immaniġġar mill-utenti stess tal-Ajruport Internazzjonali ta’ Zagreb għall-kategoriji ta’ servizz imsemmijin fil-punti 3, 4 u 5 tal-Anness tad-Direttiva: l-immaniġġjar tal-bagalji; l-immaniġġjar tar-rampa; l-immaniġġjar tal-merkanzija u tal-posta, fir-rigward tal-immaniġġjar fiżiku tal-merkanzija u tal-posta bejn it-terminal tal-ajru u l-inġenji tal-ajru, kemm mal-wasla kif ukoll mat-tluq, jew waqt li jiġu trasferiti, u

—

li l-korp amministrattiv tal-ajruport (Zagreb International Airport Jsc.) permezz ta’ MZLZ-Zemaljske Usluge d.o.o., kumpanija sussidjarja li hija 100 % tiegħu, ikollu l-monopolju fl-Ajruport Internazzjonali ta’ Zagreb, tal-forniment lil partijiet terzi tal-kategoriji ta’ servizz li ġejjin, li jissemmew fil-punti 3, 4 u 5 tal-Anness tad-Direttiva: l-immaniġġjar tal-bagalji; l-immaniġġjar tar-rampa; l-immaniġġjar tal-merkanzija u tal-posta, fir-rigward tal-immaniġġjar fiżiku tal-merkanzija u tal-posta bejn it-terminal tal-ajru u l-inġenji tal-ajru, kemm mal-wasla kif ukoll mat-tluq, jew waqt li jiġu trasferiti.

Din l-eżenzjoni, ibbażata fuq l-Artikolu 9(1)(b) u 9(1)(d) tad-Direttiva, se tingħata għal sentejn mill-1 ta’ Jannar 2015 sal-31 ta’ Diċembru 2016.

Din l-eżenzjoni qed tingħata mir-Repubblika tal-Kroazja prinċipalment għar-raġuni li ġejja. Il-limitazzjonijiet infrastrutturali u operazzjonali tat-terminal attwali ma jagħtux lok ekonomiku u effettiv għall-introduzzjoni ta’ fornituri oħrajn addizzjonali tas-servizzi ta’ groundhandling għall-kategoriji ta’ servizz imsemmijin hawn fuq matul il-perjodu tal-bini ta’ terminal ġdid tal-passiġġieri. B’mod partikolari:

—

Minħabba l-pożizzjoni u d-daqs tal-faċilità attwali tal-għażla tal-bagalji mhuwiex possibbli li jiġi allokat spazju għal fornituri tal-immaniġġjar tal-bagalji addizzjonali. Il-pożizzjoni tal-faċilità attwali teskludi l-possibbiltà li din is-sitwazzjoni tinbidel qabel ma jinfetaħ it-terminal il-ġdid tal-passiġġieri.

—	Hemm nuqqas ta’ spazju li jista’ jkun disponibbli għall-ħżin ta’ unitajiet ġodda ta’ tagħmir li jkun meħtieġ għal fornituri addizzjonali tas-servizz ta’ maniġġjar tar-rampa.

—	Il-faċilità attwali tal-immaniġġjar tal-merkanzija u tal-posta mhijiex kbira biżżejjed u lanqas mhi mfassla biex tagħti lok fejn jaħdmu fornituri tas-servizzi addizzjonali, u dan mhux se jinbidel qabel ma jinfetaħ it-terminal il-ġdid tal-passiġġieri.

L-awtoritajiet Kroati ppreżentaw il-miżuri biex jingħelbu dawn ir-restrizzjonijiet imsemmija — l-iskadenza tal-eżenzjoni taħbat fiż-żmien mat-tlestija tat-terminal il-ġdid tal-passiġġieri fl-ajruport.

Bi qbil mal-Artikolu 9(3) tad-Direttiva, il-Kummissjoni tistieden lill-partijiet ikkonċernati jippreżentaw l-osservazzjonijiet tagħhom fi żmien ħmistax-il jum mill-pubblikazzjoni ta’ din il-komunikazzjoni, lil:

European Commission

Directorate-General for Mobility and Transport (unit E4 internal market and airports)

Office: DM24 05/84

1049 Bruxelles/Brussel

BELGIQUE/BELGIË

Email: emmanuelle.maire@ec.europa.eu

---

11.10.2014

MT

Il-Ġurnal Uffiċjali tal-Unjoni Ewropea

C 360/3

---

Wiċċ nazzjonali ġdid ta’ muniti tal-euro maħsuba għaċ-ċirkolazzjoni

(2014/C 360/03)

Il-muniti tal-euro maħsuba għaċ-ċirkolazzjoni għandhom status ta’ valuta legali fiż-żona tal-euro kollha. Il-Kummissjoni tippubblika d-disinji l-ġodda kollha tal-muniti tal-euro bil-ħsieb li tinforma lill-partijiet kollha kkonċernati li jkollhom jużaw il-muniti f’xogħolhom kif ukoll biex tinforma lill-pubbliku b’mod ġenerali (1). Skont il-konklużjonijiet tal-Kunsill tal-10 ta’ Frar 2009 (2), l-Istati Membri fiż-żona tal-euro u l-pajjiżi li kkonkludew ftehim monetarju mal-Unjoni Ewropea li jistipula l-ħruġ ta’ muniti tal-euro huma awtorizzati li joħorġu muniti kommemorattivi tal-euro maħsuba għaċ-ċirkolazzjoni sakemm jintlaħqu ċerti kundizzjonijiet, partikolarment li d-denominazzjoni ta’ EUR 2 biss tintuża. Dawn il-muniti għandhom l-istess karatteristiċi tekniċi bħall-muniti l-oħra ta’ EUR 2, iżda l-wiċċ nazzjonali tagħhom ikun fih disinn kommemorattiv li jkun tassew simboliku f’termini nazzjonali jew Ewropej.

Stat li qed joħroġ il-munita : L-Istat tal-Belt tal-Vatikan

Is-suġġett tal-kommemorazzjoni : Il-25 Anniversarju tal-waqa’ tal-ħajt ta’ Berlin

Deskrizzjoni tad-disinn : Id-disinn juri fuq quddiem xi kantuni tal-Ħajt ta’ Berlin, parzjalment imwaqqa’, li fuqhom tidher il-kitba bit-Taljan “XXV ANNIVERSARIO DEL CROLLO DEL MURO DI BERLINO 1989 2014”. Fin-nofs, bejn il-kantuni u biċċa barbed wire, tidher fergħa taż-żebbuġ u, fl-isfond, il-Bieb ta’ Brandenburgu. Fuq nett, il-kitba “CITTÀ DEL VATICANO”.

Iċ-ċirku ta’ barra tal-munita juri t-12-il stilla tal-bandiera tal-Unjoni Ewropea.

L-għadd ta’ muniti li għandhom jinħarġu : 103 000 munita

Data tal-ħruġ : Ottubru 2014

---

(1)  Ara ĠU C 373, 28.12.2001, p. 1 għall-uċuħ nazzjonali tal-muniti kollha li nħarġu fl-2002.

(2)  Ara l-konklużjonijiet tal-Kunsill tal-Affarijiet Ekonomiċi u Finanzjarji tal-10 ta’ Frar 2009 u r-Rakkomandazzjoni tal-Kummissjoni tad-19 ta’ Diċembru 2008 dwar linji gwida komuni għall-uċuħ nazzjonali u l-ħruġ ta’ muniti tal-euro maħsuba għaċ-ċirkolazzjoni (ĠU L 9, 14.1.2009, p. 52).

---

11.10.2014

MT

Il-Ġurnal Uffiċjali tal-Unjoni Ewropea

C 360/4

---

Informazzjoni li taw l-Istati Membri dwar l-għeluq tas-sajd

(2014/C 360/04)

Skont l-Artikolu 35(3) tar-Regolament tal-Kunsill (KE) Nru 1224/2009 tal-20 ta’ Novembru 2009 li jistabbilixxi sistema Komunitarja ta’ kontroll għall-iżgurar tal-konformità mar-regoli tal-Politika Komuni tas-Sajd (1), ittieħdet deċiżjoni li s-sajd jingħalaq kif stipulat fit-tabella ta’ hawn taħt:

Data u ħin tal-għeluq	11.9.2014
Tul ta’ żmien	11.9.2014–31.12.2014
Stat Membru	Ir-Renju Unit
Stokk jew Grupp ta’ stokkijiet	USK/1214EI
Speċi	Tusk (Brosme brosme)
Żona	L-ilmijiet tal-Unjoni u l-ilmijiet internazzjonali taż-żoni I, II u XIV
Tip/tipi ta’ bastimenti tas-sajd	—
Numru ta’ referenza	44/TQ43

---

(1)  ĠU L 343, 22.12.2009, p. 1.

---

11.10.2014

MT

Il-Ġurnal Uffiċjali tal-Unjoni Ewropea

C 360/5

---

Aġġornament tal-kampjuni tal-karti maħruġa mill-Ministeri tal-Affarijiet Barranin tal-Istati Membri lill-membri akkreditati ta’ missjonijiet diplomatiċi u rappreżentanti konsolari u l-membri tal-familji tagħhom, kif imsemmi fl-Artikolu 19(2) tar-Regolament (KE) Nru 562/2006 tal-Parlament Ewropew u tal-Kunsill li jistabbilixxi Kodiċi Komunitarju dwar ir-regoli li jirregolaw il-moviment ta’ persuni minn naħa għal oħra tal-fruntiera (Kodiċi tal-Fruntieri ta’ Schengen) (ĠU C 247, 13.10.2006, p. 85; ĠU C 153, 6.7.2007, p. 15; ĠU C 64, 19.3.2009, p. 18; ĠU C 239, 6.10.2009, p. 7; ĠU C 304, 10.11.2010, p. 6; ĠU C 273, 16.9.2011, p. 11; ĠU C 357, 7.12.2011, p. 3; ĠU C 88, 24.3.2012, p. 12; ĠU C 120, 25.4.2012, p. 4; ĠU C 182, 22.6.2012, p. 10; ĠU C 214, 20.7.2012, p. 4; ĠU C 238, 8.8.2012, p. 5; ĠU C 255, 24.8.2012, p. 2; ĠU C 242, 23.8.2013, p. 13; ĠU C 38, 8.2.2014, p. 16; ĠU C 133, 1.5.2014, p. 2)

(2014/C 360/05)

Il-pubblikazzojni tal-kampjuni tal-karti maħruġa mill-Ministeri tal-Affarijiet Barranin tal-Istati Membri lil membri akkreditati ta’ missjonijiet diplomatiċi u rappreżentanti konsolari u l-membri tal-familji tagħhom, kif imsemmi fl-Artikolu 19(2) tar-Regolament (KE) Nru 562/2006 tal-Parlament Ewropew u tal-Kunsill tal-15 ta’ Marzu 2006 li jistabbilixxi Kodiċi Komunitarju dwar ir-regoli li jirregolaw il-moviment ta’ persuni minn naħa għal oħra tal-fruntiera (Kodiċi tal-Fruntieri ta’ Schengen) (1) hija bbażata fuq l-informazzjoni kkomunikata mill-Istati Membri lill-Kummissjoni skont l-Artikolu 34 tal-Kodiċi tal-Fruntieri ta’ Schengen.

Flimkien mal-pubblikazzjoni fil-ĠU, aġġornament ta’ kull xahar huwa disponibbli fuq il-websajt tad-Direttorat Ġenerali għall-Affarijiet Interni.

I L-LATVJA

Sostituzzjoni tal-informazzjoni ppubblikata fil-ĠU C 247, 13.10.2006

Kampjuni tal-karti maħruġa mill-Ministeri tal-Affarijiet Barranin tal-Istati Membri

Karti tal-identità maħruġa mill-Ministeru tal-Affarijiet Barranin

—

Karta tal-Identità tal-kategorija A, għal persunal diplomatiku (immarkata aħmar), Dawn il-karti huma maħruġa lill-istaff diplomatiku (pereż ambaxxaturi, l-ewwel segretarji u l-attachés) ta’ missjoni diplomatika, u lill-membri tal-familji tagħhom; Fuq il-parti ta’ wara tal-karta hemm miktub li d-detentur igawdi mill-privileġġi u l-immunitajiet kollha previsti fil-Konvenzjoni ta’ Vjenna dwar ir-Relazzjonijiet Diplomatiċi: “Šīs apliecības uzrādītājs bauda visas privilēģijas un imunitātes, kas paredzētas 1961. gada 18. aprīļa Vīnes konvencijā ‘Par diplomātiskajām attiecībām’”,

—

Karta tal-Identità tal-kategorija B, għal persunal amministrattiv u tekniku (b’immarkar isfar) Dawn il-karti huma maħruġa lil persunal amministrattiv u tekniku ta’ missjoni diplomatika; Fuq il-parti ta’ wara tal-karta hemm miktub li d-detentur igawdi mill-privileġġi u immunitajiet parzjali skont l-Artikolu 37(2) tal-Konvenzjoni ta’ Vjenna dwar ir-Relazzjonijiet Diplomatiċi tat-18 ta’ April 1961: “Šīs apliecības uzrādītājs bauda daļējas privilēģijas un imunitātes, kas paredzētas administratīvajiem un tehniskajiem darbiniekiem saskaņā ar 1961. gada 18. aprīļa Vīnes konvencijas ‘Par diplomātiskajām attiecībām’ 37. panta 2. punktu”,

—

Karta tal-identità tal-kategorija C, għall-persunal ta’ organizzazzjonijiet internazzjonali (b’kulur abjad) Dawn il-karti huma maħruġa lill-persunal ta’ organizzazzjonijiet internazzjonali u lil membri tal-familji tagħhom; fuq il-parti ta’ wara tal-karta hemm miktub li d-detentur igawdi mill-privileġġi u l-immunitajiet previsti fil-ftehim bejn il-Latvja u l-organizzazzjoni internazzjonali rilevanti: “Šīs apliecības uzrādītājs bauda daļējas privilēģijas un imunitātes, kas paredzētas līgumā starp Latvijas Republiku un attiecīgo starptautisko organizāciju”,

—

Karta tal-identità tal-kategorija D, għal uffiċjali konsulari ta’ karriera (b’immarkar blu) Dawn il-karti huma maħruġa lill-uffiċċjali konsulari ta’ karriera ta’ missjoni konsulari; fuq il-parti ta’ wara tal-karta hemm miktub li d-detentur igawdi mill-privileġġi u l-immunitajiet kollha previsti fil-Konvenzjoni ta’ Vjenna dwar ir-Relazzjonijiet Konsulari: “Šīs apliecības uzrādītājs bauda visas privilēģijas un imunitātes, kas paredzētas 1963. gada 24. aprīļa Vīnes konvencijā ‘Par konsulārajām attiecībām’”,

—

Il-karti tal-identità tal-kategorija F (ta’ kulur aħdar) huma ta’ żewġ tipi: 1. Karti tal-identità tal-kategorija F maħruġa lill-persunal tas-servizz ta’ missjoni diplomatika; fuq il-parti ta’ wara tal-karta hemm miktub li d-detentur igawdi mill-privileġġi u immunitajiet parzjali previsti għall-persunal tas-servizz fl-Artikolu 37(3) tal-Konvenzjoni ta’ Vjenna dwar ir-Relazzjonijiet Diplomatiċi tat-18 ta’ April 1961: “Šīs apliecības uzrādītājs bauda daļējas privilēģijas un imunitātes, kas paredzētas vēstniecību apkalpojošam personālam saskaņā ar 1961. gada 18. aprīļa Vīnes konvencijas ‘Par diplomātiskajām attiecībām’ 37. panta 3. punktu”. 2. Karti tal-identità tal-kategorija F maħruġa lill-uffiċjali privati ta’ membri ta’ missjoni diplomatika; fuq il-parti ta’ wara tal-karta hemm miktub li d-detentur igawdi mill-privileġġi u immunitajiet parzjali previsti għall-persunal tas-servizz fl-Artikolu 37(4) tal-Konvenzjoni ta’ Vjenna dwar ir-Relazzjonijiet Diplomatiċi tat-18 ta’ April 1961: “Šīs apliecības uzrādītājs bauda daļējas privilēģijas un imunitātes, kas paredzētas vēstniecību apkalpojošam personālam saskaņā ar 1961. gada 18. aprīļa Vīnes konvencijas ‘Par diplomātiskajām attiecībām’ 37. panta 4. punktu”.

Karti ta’ akkreditazzjoni maħruġa mill-Ministeru tal-Affarijiet Barranin

—	Latvijas Republikas Ārlietu ministrijas akreditācijas karte Din hija karta ta’ akkreditazzjoni maħruġa lil ġurnalisti; Il-Karta tindika l-professjoni tad-detentur, “Žurnālists/Ġurnalist” din il-karta hija valida għal mhux iktar minn sena, u mhux iktar tard mill-31 ta’ Diċembru tas-sena tal-ħruġ.

Karta tal-Identità tal-kategorija A, għal persunal diplomatiku (immarkata aħmar)

Karta tal-Identità tal-kategorija B, għal persunal amministrattiv u tekniku (b’immarkar isfar)

Karta tal-identità tal-kategorija C, għall-persunal ta’ organizzazzjonijiet internazzjonali (b’kulur abjad)

Karta tal-identità tal-kategorija D, għal uffiċjali konsulari ta’ karriera (b’immarkar blu)

Konsli onorarji (kulur griż)

Il-karti tal-identità tal-kategorija F (ta’ kulur aħdar) huma ta’ żewġ tipi:

—	Karti tal-identità tal-kategorija F maħruġa lill-persunal tas-servizz ta’ missjoni diplomatika

—	Karti tal-identità tal-kategorija F maħruġa lill-uffiċjali privati ta’ membri ta’ missjoni diplomatika

Karti ta’ akkreditazzjoni maħruġa mill-Ministeru tal-Affarijiet Barranin

—	Din hija karta ta’ akkreditazzjoni maħruġa lil ġurnalisti (ta’ kulur aħdar)

---

(1)  ĠU L 105, 13.4.2006, p. 1.

---