ISSN 1977-0987 | ||
Il-Ġurnal Uffiċjali tal-Unjoni Ewropea |
C 319 | |
![]() | ||
Edizzjoni bil-Malti |
Informazzjoni u Avviżi |
Volum 57 |
Avviż Nru |
Werrej |
Paġna |
|
II Komunikazzjonijiet | |
|
KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA | |
|
Il-Kummissjoni Ewropea | |
2014/C 319/01 |
Ebda oppożizzjoni għal konċentrazzjoni notifikata (Il-Każ M.7300 — COFCO/Noble Agri) ( 1 ) | |
|
IV Informazzjoni | |
|
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA | |
|
Il-Kummissjoni Ewropea | |
2014/C 319/02 | ||
2014/C 319/03 | ||
2014/C 319/04 | ||
2014/C 319/05 |
Ir-Rapport Finali tal-Uffiċjal tas-Seduta — Kejbils tal-elettriku (AT.39610) | |
2014/C 319/06 | ||
|
Il-Qorti tal-Awdituri | |
2014/C 319/07 |
Rapport Speċjali Nru 10/2014 L-effettività tal-appoġġ għall-akkwakultura mill-Fond Ewropew għas-Sajd | |
|
V Avviżi | |
|
PROĊEDURI AMMINISTRATTIVI | |
|
Il-Kummissjoni Ewropea | |
2014/C 319/08 |
Sejħa għal applikazzjonijiet għall-għażla ta’ esperti maħtura f’kapaċità personali | |
|
PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI | |
|
Il-Kummissjoni Ewropea | |
2014/C 319/09 |
Avviż minn qabel ta' konċentrazzjoni (Il-Każ M.7392 — Advent International / Cordialis) — Każ li jista’ jiġi kkunsidrat għal proċedura ssimplifikata ( 1 ) | |
|
ATTI OĦRAJN | |
|
Il-Kummissjoni Ewropea | |
2014/C 319/10 | ||
|
|
|
(1) Test b'rilevanza għaż-ŻEE |
MT |
|
II Komunikazzjonijiet
KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
Il-Kummissjoni Ewropea
17.9.2014 |
MT |
Il-Ġurnal Uffiċjali tal-Unjoni Ewropea |
C 319/1 |
Ebda oppożizzjoni għal konċentrazzjoni notifikata
(Il-Każ M.7300 — COFCO/Noble Agri)
(Test b'rilevanza għaż-ŻEE)
2014/C 319/01
Fit-12 ta' Settembru 2014, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq intern. Din id-deċiżjoni hi bbażata fuq l-Artikolu 6(1)b tar-Regolament tal-Kunsill (KE) Nru 139/2004 (1). It-test sħiħ tad-deċiżjoni hu disponibbli biss fl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:
— |
fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta' amalgamazzjoni, inklużi l-kumpanija, in-numru tal-każ, id-data u l-indiċi settorjali, |
— |
f’forma elettronika fil-websajt EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32014M7300. Il-EUR-Lex hu l-aċċess fuq l-internet għal-liġi Ewropea. |
IV Informazzjoni
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
Il-Kummissjoni Ewropea
17.9.2014 |
MT |
Il-Ġurnal Uffiċjali tal-Unjoni Ewropea |
C 319/2 |
Rata tal-kambju tal-euro (1)
Is-16 ta’ Settembru 2014
2014/C 319/02
1 euro =
|
Munita |
Rata tal-kambju |
USD |
Dollaru Amerikan |
1,2949 |
JPY |
Yen Ġappuniż |
138,67 |
DKK |
Krona Daniża |
7,4448 |
GBP |
Lira Sterlina |
0,79920 |
SEK |
Krona Żvediża |
9,2376 |
CHF |
Frank Żvizzeru |
1,2085 |
ISK |
Krona Iżlandiża |
|
NOK |
Krona Norveġiża |
8,2790 |
BGN |
Lev Bulgaru |
1,9558 |
CZK |
Krona Ċeka |
27,555 |
HUF |
Forint Ungeriż |
314,35 |
LTL |
Litas Litwan |
3,4528 |
PLN |
Zloty Pollakk |
4,1956 |
RON |
Leu Rumen |
4,4145 |
TRY |
Lira Turka |
2,8635 |
AUD |
Dollaru Awstraljan |
1,4340 |
CAD |
Dollaru Kanadiż |
1,4297 |
HKD |
Dollaru ta' Hong Kong |
10,0370 |
NZD |
Dollaru tan-New Zealand |
1,5866 |
SGD |
Dollaru tas-Singapor |
1,6326 |
KRW |
Won tal-Korea t'Isfel |
1 341,66 |
ZAR |
Rand ta' l-Afrika t'Isfel |
14,1811 |
CNY |
Yuan ren-min-bi Ċiniż |
7,9578 |
HRK |
Kuna Kroata |
7,6200 |
IDR |
Rupiah Indoneżjan |
15 483,02 |
MYR |
Ringgit Malażjan |
4,1745 |
PHP |
Peso Filippin |
57,327 |
RUB |
Rouble Russu |
50,0160 |
THB |
Baht Tajlandiż |
41,748 |
BRL |
Real Brażiljan |
3,0322 |
MXN |
Peso Messikan |
17,1260 |
INR |
Rupi Indjan |
79,0867 |
(1) Sors: rata tal-kambju ta' referenza ppubblikata mill-Bank Ċentrali Ewropew.
17.9.2014 |
MT |
Il-Ġurnal Uffiċjali tal-Unjoni Ewropea |
C 319/3 |
Opinjoni tal-Kumitat Konsultattiv dwar ftehimiet restrittivi u pożizzjoni dominanti mogħtija fil-laqgħa tiegħu tas-17 ta’ Marzu 2014 rigward abbozz ta’ deċiżjoni relatat mal-Każ AT.39610(1) Kejbils tal-Elettriku
Relatur: id-Danimarka
2014/C 319/03
(1) |
Il-Kumitat Konsultattiv jaqbel mal-Kummissjoni li l-imġiba antikompetittiva koperta mill-abbozz tad-deċiżjoni jikkostitwixxi ftehim u/jew prattika miftiehma bejn l-impriżi skont it-tifsira tal-Artikolu 101 tat-TFUE. |
(2) |
Il-Kumitat Konsultattiv jaqbel mal-valutazzjoni tal-Kummissjoni fir-rigward tal-prodott u tal-ambitu ġeografiku tal-ftehim u/jew il-prattiċi miftiehma. |
(3) |
Il-Kumitat Konsultattiv jaqbel mal-Kummissjoni li l-impriżi kkonċernati mill-abbozz ta’ deċiżjoni pparteċipaw fi ksur uniku u kontinwu li jirrigwarda kejbils tal-elettriku ta’ taħt l-art u sottomarini b’vultaġġ għoli, skont it-tifsira tal-Artikolu 101 tat-TFUE. |
(4) |
Il-Kumitat Konsultattiv jaqbel mal-Kummissjoni Ewropea li l-ftehimiet u/jew il-prattiċi miftiehma għandhom bħala oġġett li jirrestrinġu l-kompetizzjoni skont it-tifsira tal-Artikolu 101 TFUE. |
(5) |
Il-Kumitat Konsultattiv jaqbel mal-Kummissjoni li l-ftehimiet u/jew il-prattiki miftiehma kienu kapaċi jaffetwaw b’mod sinifikanti l-kummerċ bejn l-Istati Membri tal-UE. |
(6) |
Il-Kumitat Konsultattiv jaqbel mal-Kummissjoni li l-Kummissjoni għandha ġuriżdizzjoni territorjali biex tapplika l-Artikolu 101 TFUE. |
(7) |
Il-Kumitat Konsultattiv jaqbel mal-valutazzjoni tal-Kummissjoni dwar id-durata tal-ksur (1). |
(8) |
Il-Kumitat Konsultattiv jaqbel mal-abbozz ta’ deċiżjoni tal-Kummissjoni fir-rigward tad-destinatarji tad-deċiżjoni. |
(9) |
Il-Kumitat Konsultattiv jaqbel mal-Kummissjoni li għandha tiġi imposta multa fuq id-destinatarji tal-abbozz ta’ deċiżjoni. |
(10) |
Il-Kumitat Konsultattiv jirrakkomanda l-pubblikazzjoni tal-opinjoni tiegħu f’Il-Ġurnal Uffiċjali tal-Unjoni Ewropea. |
(1) Wara l-kjarifiki pprovduti mill-Kummissjoni matul it-tieni Kumitat Konsultattiv l-awtorità tal-kompetizzjoni ta’ Stat Membru wieħed irtirat l-astensjoni preċedenti tagħha rigward il-mistoqsija Nru 7.
17.9.2014 |
MT |
Il-Ġurnal Uffiċjali tal-Unjoni Ewropea |
C 319/4 |
Opinjoni tal-Kumitat Konsultattiv dwar ftehimiet restrittivi u pożizzjoni dominanti mogħtija waqt il-laqgħa tiegħu tal-31 ta’ Marzu 2014 rigward abbozz ta’ deċiżjoni relatat mal-Każ AT.39610(2) Kejbils tal-Elettriku
Relatur: id-Danimarka
2014/C 319/04
(1) |
Il-Kumitat Konsultattiv jaqbel mal-Kummissjoni dwar id-determinazzjoni tal-valur tal-bejgħ. |
(2) |
Il-Kumitat Konsultattiv jaqbel mal-Kummissjoni dwar il-perjodi li għandhom jitqiesu għall-impożizzjoni tal-multi. |
(3) |
Il-Kumitat Konsultattiv jaqbel mal-Kummissjoni dwar l-ammonti bażiċi tal-multi. |
(4) |
Il-Kumitat Konsultattiv jaqbel mal-valutazzjoni tal-Kummissjoni fir-rigward taċ-ċirkostanzi mitiganti u aggravanti applikabbli f’dan il-każ. |
(5) |
Il-Kumitat Konsultattiv jaqbel mal-Kummissjoni dwar it-tnaqqis tal-multi msejjes fuq l-Avviż ta’ Klemenza tal-2006. |
(6) |
Il-Kumitat Konsultattiv jaqbel mal-valutazzjoni tal-Kummissjoni dwar l-inabbiltà li titħallas it-talba. |
(7) |
Il-Kumitat Konsultattiv jaqbel mal-Kummissjoni dwar l-ammonti finali tal-multi |
(8) |
Il-Kumitat Konsultattiv jirrakkomanda l-pubblikazzjoni tal-opinjoni tiegħu f’Il-Ġurnal Uffiċjali tal-Unjoni Ewropea. |
17.9.2014 |
MT |
Il-Ġurnal Uffiċjali tal-Unjoni Ewropea |
C 319/5 |
Ir-Rapport Finali tal-Uffiċjal tas-Seduta (1)
Kejbils tal-elettriku
(AT.39610)
2014/C 319/05
I. INTRODUZZJONI
1. |
Il-każ jikkonċerna kartell kważi dinji fis-swieq tal-kejbils tal-elettriku sottomarini (“SM”) kif ukoll ta’ taħt l-art (“UG”), li jinvolvu l-impriżi li ġejjin: Nexans (2); Prysmian u l-impriżi prinċipali preċedenti tagħha, Pirelli u Goldman Sachs (3); JPS u l-impriżi prinċipali konġunti tagħha, Hitachi u Sumitomo (4); Viscas u l-impriżi prinċipali konġunti tagħha, Furukawa u Fujikura (5); ABB (6); Brugg (7); Silec, l-impriża prinċipali attwali u General Cable il-predeċessur tagħha, ġenerali u l-impriża prinċipali preċedenti tagħha, Safran (8); EXSYM u l-impriżi prinċipali konġunti tagħha, Showa u Mitsubishi (9); LS Cable (10); Taihan (11); u NKT (12) (flimkien “id-destinatarji tad-deċiżjoni”). |
II. PROĊEDURA
1. L-investigazzjoni
2. |
L-investigazzjoni tnediet fuq il-bażi ta’ applikazzjoni għall-immunità mressqa minn ABB fis-17 ta’ Ottubru 2008 skont l-Avviż ta’ Klemenza (13). ABB rċeviet immunità kondizzjonali fit-22 ta’ Diċembru 2008. Il-Kummissjoni wettqet spezzjonijiet għall-għarrieda fl-istabbilimenti ta’ Nexans u Prysmian mit-28 ta’ Jannar sat-3 ta’ Frar 2009. Fit-2 ta’ Frar 2009 u l-20 ta’ April 2009, JPS (flimkien mal-impriżi prinċipali tagħha, Sumitomo u Hitachi) u Mitsubishi rispettivament applikaw għal tnaqqis tal-multi skont l-Avviż ta’ Klemenza. Fid-29 ta’ Ġunju 2011, il-Kummissjoni infurmat lil Mitsubishi li kienet waslet għall-konklużjoni preliminari li Mitsubishi ma kinitx ipproduċiet provi li kellhom valur miżjud sinifikattiv meta mqabbla mal-provi diġà fil-pussess tal-Kummissjoni. |
3. |
Prysmian u Nexans ressqu applikazzjonijiet għall-annullament quddiem il-Qorti Ġenerali tad-deċiżjonijiet tal-ispezzjoni tal-Kummissjoni. Permezz tas-sentenzi tal-14 ta’ Novembru 2012 (14), il-Qorti Ġenerali sabet li, qabel l-adozzjoni tad-deċiżjoni ta’ spezzjoni, il-Kummissjoni kellha raġunijiet serji sabiex tordna spezzjoni li tkopri biss kejbils tal-elettriku SM u UG ta’ voltaġġ għoli u l-materjal relatat magħhom. Għalhekk, hija annullat id-deċiżjonijiet tal-ispezzjoni dwar Nexans u Prysmian sal-punt li dawn id-deċiżjonijiet kienu jikkonċernaw il-kejbils tal-elettriku barra l-kejbils tal-elettriku ta’ SM u UG ta’ voltaġġ għoli u l-materjal relatat magħhom. Fil-15 ta’ Marzu 2013, Nexans ressqet appell kontra s-sentenza tal-Qorti Ġenerali fil-Kawża T-135/09 (15). Fi żmien meta nkiteb dan id-dokument, dan l-appell kien għadu pendenti. |
2. Dikjarazzjoni ta’ oġġezzjonijiet
4. |
Fit-30 ta’ Ġunju 2011, il-Kummissjoni ħarġet Dikjarazzjoni ta’ Oġġezzjonijiet (“DO”) lid-destinatarji tad-deċiżjoni u lil parti waħda oħra (flimkien “id-destinatarji tad-DO”). |
5. |
Il-Kummissjoni allegat li mit-18 ta’ Frar 1999 sat-28 ta’ Jannar 2009 id-destinatarji tad-DO kienu involuti fi ftehimiet u prattiċi miftiehma bl-għan li jiġu allokati s-swieq u l-konsumaturi u li l-prezzijiet jinżammu ‘l fuq mil-livell kompetittiv għal proġetti ta’ kejbils tal-elettriku SM u UG. Skont is-sejbiet preliminari tal-Kummissjoni, il-produtturi Ewropej u Asjatiċi qablu li ma jikkompetux fit-territorji domestiċi ta’ xulxin u l-fornituri Ewropej qablu dwar l-allokazzjoni ta’ territorji u ta’ konsumaturi għal proġetti fiż-ŻEE. Din l-imġiba tqieset bħala waħda li tammonta għal ksur uniku u kontinwu kumpless tal-Artikolu 101 tat-TFUE u l-Artikolu 53 tal-Ftehim ŻEE. |
3. Aċċess għall-fajl/Kunfidenzjalità
6. |
F’Lulju 2011, id-destinatarji tad-DO ingħataw aċċess għall-fajl permezz ta’ DVD ta’ aċċess għall-fajl (16) u għad-dikjarazzjonijiet korporattivi tal-applikanti għall-immunità u l-klemenza fl-istabbilimenti tad-Direttorat Ġenerali għall-Kompetizzjoni (“DĠ Kompetizzjoni”). |
a. Talbiet għal aċċess addizzjonali għall-fajl
7. |
Id-DĠ Kompetizzjoni indirizza talbiet għal aktar aċċess għall-fajl minn LS Cable, Goldman Sachs, Nexans u nkt. |
8. |
Jiena rċevejt tliet talbiet għal aċċess addizzjonali għall-fajl minn Goldman Sachs li d-DĠ Kompetizzjoni rrifjuta. Dawn kienu jikkonċernaw partijiet mit-tweġiba ta’ Prysmian għat-talba tal-Kummissjoni għal informazzjoni tal-20 ta’ Ottubru 2009, u ċerti dokumenti annessi magħha. Jien aċċettajt kompletament tnejn minn dawn it-talbiet u talba waħda parzjalment. B’riżultat tal-aċċettazzjoni ta’ talba waħda, adottajt deċiżjoni skont l-Artikolu 8 tad-Deċiżjoni 2011/695/UE li tordna d-divulgazzjoni lil Goldman Sachs tat-tweġiba ta’ Prysmian għal mistoqsija waħda tat-talba għal informazzjoni tal-20 ta’ Ottubru 2009. |
b. Dokumenti miksuba mill-Kummissjoni Spanjola tal-Kompetizzjoni
9. |
F’Ottubru 2011, irċevejt talba minn Nexans għal aċċess, fost affarijiet oħra, għad-dokumenti li l-Kummissjoni kienet kisbet mingħand il-Kummissjoni Spanjola tal-Kompetizzjoni (“CNC”) wara spezzjoni mwettqa mis-CNC fis-settur tal-kejbils tal-elettriku fi Spanja. Nexans kienet fil-pussess ta’ deċiżjoni mis-CNC li informatha li d-dokumenti sekwestrati kienu ġew trasferiti lill-Kummissjoni. Nexans ma kienet sabet l-ebda dokumenti minn dawn fil-fajl tal-Kummissjoni u għalhekk sostniet li l-fajl ma kienx komplut. Id-DĠ għall-Kompetizzjoni rrifjuta t-talba ta’ Nexans li tiddikjara li d-dokumenti miksuba minn CNC (“id-dokumenti Spanjoli”) ma kinux parti mill-fajl minħabba li ma kienx fihom informazzjoni rilevanti għall-investigazzjoni rigward il-Każ AT. 39610. |
10. |
Jien tal-fehma li d-dokumenti Spanjoli kienu parti mill-fajl tal-Kummissjoni fil-Kawża AT.39610 u għalhekk kellhom ikunu aċċessibbli għad-destinatarji tad-DO. Il-paragrafu 8 tal-Avviż dwar l-Aċċess għall-Fajl (17) jipprevedi li l-fajl tal-Kummissjoni jikkonsisti mid-dokumenti kollha“miksuba, prodotti u/jew miġbura mid-Direttorat Ġenerali għall-Kompetizzjoni matul l-investigazzjoni”. Il-Kummissjoni kienet kisbet dokumenti Spanjoli skont talba lis-CNC skont l-Artikolu 12 tar-Regolament (KE) Nru 1/2003 (18) fil-kuntest tal-investigazzjoni fil-Kawża AT.39610. |
11. |
Id-DĠ Kompetizzjoni ddeċieda li, minħabba l-ammont imdaqqas tagħhom, dawn id-dokumenti jingħataw mhux editjati lill-avukati esterni tad-destinatarji tad-DO, biex l-avukati jkunu jistgħu jagħżlu evidenza rilevanti għad-difiża tal-klijenti tagħhom. Wara dan, verżjonijiet mhux kunfidenzjali tad-dokumenti magħżula jingħataw lid-destinatarji tad-DO. Il-proċedura ta’ “l-avukati esterni biss” ħadet minn Novembru 2011 sa Jannar 2012 u ntagħżlu aktar minn 1 300 dokument bis-saħħa ta’ dan. Fi Frar 2012, id-destinatarji tad-DO irċevew verżjonijiet mhux kunfidenzjali tad-dokumenti magħżula, u fuq din il-bażi ssottomettew kummenti bil-miktub bejn Frar u April 2012. |
12. |
Xi destinatarji tad-DO għamlu talbiet għal aċċess addizzjonali għad-dokumenti Spanjoli. Id-DĠ Kompetizzjoni aċċettathom kważi kollha. Irċevejt talba waħda minn Prysmian, li jiena approvajt parzjalment. |
13. |
F’Lulju 2012, l-avukati esterni li kienu ngħataw aċċess għal verżjoni mhux editjata tad-dokumenti Spanjoli ntalbu jeqirdu jew jirritornaw lid-DĠ għall-Kompetizzjoni dawn id-dokumenti u kull kopja jew traskrizzjoni tagħhom. Dawn l-avukati ġew ukoll infurmati li d-dokumenti kellhom jibqgħu fil-fajl tal-Kummissjoni u li huma setgħu jitolbu analiżi ulterjuri fi stadju aktar tard jekk kemm-il darba jkunu tal-fehma li dan ikun ġustifikat għall-eżerċizzju tad-drittijiet ta’ difiża tal-klijenti tagħhom. |
c. Aċċess għat-tweġibiet tal-partijiet l-oħra għad-DO qabel is-seduta orali
14. |
Wara talba, id-DĠ għall-Kompetizzjoni ta lil ċerti impriżi prinċipali, sussidjarji u sħab tal-impriża konġunta aċċess għal partijiet mit-tweġibiet ta’ xulxin għad-DO (Prysmian u Pirelli, Prysmian u Goldman Sachs, Mitsubishi u Showa/EXSYM) dwar il-kwistjoni tar-responsabbiltà tal-impriżi prinċipali (19). Tahom ukoll l-opportunità li jippreżentaw kummenti bil-miktub. |
15. |
F’dan il-kuntest, irċevejt talba minn Goldman Sachs għall-aċċess għal tliet annessi għar-risposta ta’ Prysmian għad-DO, li fihom il-minuti tal-laqgħat tal-bord ta’ Prysmian. Wara reviżjoni tal-kontenut tagħhom, ikkonkludejt li tnejn mill-Annessi kien fihom siltiet li kienu potenzjalment jiskaġunaw lil Goldman Sachs. Madankollu, sabiex tkun żgurata interpretazzjoni korretta tas-siltiet li potenzjalment jiskaġunaw fil-kuntest tagħhom, iddeċidejt li l-kontenut kollu taż-żewġ annessi kellu jiġi ddivulgat lil Goldman Sachs, u b’hekk ippermettejt ukoll li potenzjalment il-Kummissjoni tużawhom fid-deċiżjoni. F’dawn iċ-ċirkustanzi, billi Prysmian qajmet l-oġġezzjonijiet, adottajt deċiżjoni skont l-Artikolu 8 tad-Deċiżjoni 2011/695/UE li tordna d-divulgazzjoni tad-dokumenti lil Goldman Sachs. |
16. |
Barra minn hekk, irċevejt talbiet minn Nexans u mingħand nkt għad-divulgazzjoni tal-evidenza li tiskaġuna fir-risposti ta’ destinatarji oħra għad-DO. Wara li ddiskutejt il-kwistjoni mad-DĠ Kompetizzjoni, dan tal-aħħar żvela, fis-16 ta’ Mejju u fl-1 ta’ Ġunju 2012, provi li potenzjalment jiskaġunaw mir-risposti ta’ ABB, JPS/Sumitomo/Hitachi, LS Cable, EXSYM u ta’ Viscas lid-destinatarji tad-DO kkonċernati. Barra minn hekk, permezz ta’ ittra tal-1 ta’ Ġunju 2012 d-DĠ Kompetizzjoni informa lid-destinatarji tad-DO b’ċerti ineżattezzi fattwali fid-DO li kien identifika wara l-eżaminazzjoni tat-tweġibiet, biex b’hekk jitneħħa l-bżonn li jingħata aċċess għas-siltiet minn dawn ir-risposti li kienu enfasizzaw l-ineżattezzi kkonċernati. Id-destinatarji tad-DO ingħataw l-opportunità li jikkummentaw jew b’mod orali matul is-seduta jew bil-miktub wara s-seduta. |
4. Limiti ta’ żmien għat-tweġibiet għad-DO
17. |
Il-Kummissjoni stabbilixxiet perjodu ta’ żmien ta’ għaxar ġimgħat għat-tweġibiet għad-DO; dan il-perjodu kellu jiskadi f’Settembru 2011. Kważi d-destinatarji kollha tad-DO talbu estensjoni tad-data tal-għeluq. F’konformità mal-Artikolu 10 tad-Deċiżjoni 2001/462/KE (20) fis-seħħ dak iż-żmien, ittrattajt dawn it-talbiet direttament. |
18. |
Approvajt estensjoni ta’ tliet ġimgħat fid-dawl tal-impatt tal-perjodu tas-sajf fuq it-tħejjija tat-tweġibiet għad-DO. Huwa fil-fatt normali li jingħata żmien addizzjonali jekk il-perjodu għar-risposta għad-DO jinkludi x-xahar kollu ta’ Awwissu jew parti minnu (21). |
19. |
Approvajt estensjoni ta’ ġimgħa addizzjonali għal ċerti destinatarji Asjatiċi tad-DO minħabba r-raġuni li bħala tħejjija għad-difiża tagħhom huma kellhom bżonn jittraduċu dokumenti ewlenin u jinvolvu interpreti f’komunikazzjoni mal-avukati esterni tagħhom. Raġunijiet oħra li għalihom tajt estensjonijiet kienu: biex destinatarju tad-DO jitħalla jirrestawra u jirriċerka d-dejta storika wara s-sostituzzjoni tas-sistema tal-IT tiegħu; biex destinatarju tad-DO ikun jista’ jlaħħaq mat-tluq ta’ konsulent intern li qabel kien qed jieħu ħsieb il-każ; biex nagħmel tajjeb għad-dewmien ikkawżat lil ċerti destinatarji tad-DO minħabba sostituzzjoni teknika tad-DVD ta’ aċċess għall-fajl (22). |
20. |
Bħala riżultat tad-deċiżjonijiet tiegħi, il-limiti ta’ żmien għat-tweġibiet għad-DO skadew bejn l-aħħar ta’ Settembru 2011 u nofs Novembru 2011. |
21. |
Kif imsemmi hawn fuq (23) id-destinatarji tad-DO ingħataw l-opportunità li jissottomettu kummenti addizzjonali bil-miktub fi Frar u f’Marzu 2012, biex b’hekk jissupplimentaw jew jimmodifikaw l-ewwel risposti tagħhom għad-DO abbażi tal-aċċess tagħhom għal dokumenti Spanjoli. |
22. |
Ċerti destinatarji tal-SO talbu estensjoni tad-data tal-għeluq għat-tweġibiet għad-DO sakemm jitlesta l-eżami tagħhom tad-dokumenti Spanjoli (24). Jien irrifjutat dawn it-talbiet għal diversi raġunijiet. L-ewwel nett, fil-mument li saru dawn it-talbiet, ċerti destinatarji kienu diġà ppreżentaw it-tweġibiet tagħhom għald-DO; l-għoti ta’ estensjoni lil dawk destinatarji li kienu għadhom ma resqux it-tweġibiet tagħhom kien iqajjem tħassib ta’ trattament inugwali. It-tieni, kien diġà tard wisq meta Nexans ġibditli l-attenzjoni dwar id-dokumenti Spanjoli fil-perjodu ta’ żmien għat-tweġiba għad-DO (25). It-tielet, id-drittijiet tad-difiża kienu kompletament salvagwardjati billi, wara li kisbu l-aċċess għad-dokumenti Spanjoli, id-destinatarji tad-DO setgħu jippreżentaw kummenti addizzjonali, inkluża kwalunkwe modifika għall-ewwel tweġiba tagħhom għad-DO (26). Ir-raba’, dan l-approċċ kellu l-vantaġġ li jillimita d-dewmien proċedurali kkawżat mill-aċċess addizzjonali għall-fajl, billi dan ippermetta lit-tim li ħadem fuq il-każ biex jibda r-rieżami tiegħu għar-risposti tad-DO aktar kmieni. Barra minn hekk, id-dokumenti Spanjoli x’aktarx ma kinux se jwasslu għal bidla radikali tad-difiża tad-destinatarji; filfatt, il-kummenti addizzjonali kollha li waslu kienu f’konformità mal-argumenti magħmula mid-destinatarji tad-DO fl-ewwel r-risposti tagħhom għad-DO. Fl-aħħar nett, l-organizzazzjoni għall-aċċess għad-dokumenti Spanjoli kienet probabbli teħtieġ xi żmien, minħabba l-ammont imdaqqas ta’ dawn id-dokumenti. |
5. L-użu tal-ilsna
23. |
Brugg, impriża stabbilita fil-Canton Svizzeru ta’ Aargau, fejn hija mitkellma l-lingwa Ġermaniża, staqsiet jekk setgħetx twieġeb bil-Ġermaniż għad-DO, li kienet irċeviet bl-Ingliż. Id-DĠ Kompetizzjoni aċċetta t-talba ta’ Brugg. F’dan il-kuntest, innutajt li l-Manwal ta’ Proċeduri tad-DĠ tal-Kompetizzjoni jipprevedi li l-impriżi allokati barra ż-ŻEE għandhom preferibbilment jiġu indirizzati f’lingwa tal-UE li jifhmu u li “għandha tingħata attenzjoni partikolari meta d-deċiżjonijiet jiġu nnotifikati lill-impriżi Svizzeri, billi tista’ tintuża waħda mit-tliet lingwi, skont f’liema Canton l-impriża tkun stabbilita.” (27) Fid-dawl ta’ din is-silta speċifika fil-Manwal tal-Proċeduri, jien ġbidt l-attenzjoni tad-DĠ għall-Kompetizzjoni lejn il-fatt li kull deċiżjoni fil-ġejjieni għandha tiġi indirizzata lil Brugg bil-Ġermaniż. |
6. Seduta ta’ Smigħ Orali
24. |
Is-seduta orali ħadet sitt (6) ijiem, mill-11 sat-18 ta’ Ġunju 2012. Id-destinatarji kollha tad-DO pparteċipaw, għajr Furukawa (28). |
7. Aċċess addizzjonali għall-fajl wara s-seduta ta’ smigħ orali
a. Aċċess għar-risposti ta’ partijiet oħra għal talbiet għal informazzjoni
25. |
Wara s-seduta orali, id-DĠ għall-Kompetizzjoni wettaq aktar tiftix tal-fatti fir-rigward ta’ kwistjonijiet dwar ir-responsabbiltà tal-impriżi prinċipali. F’dan il-kuntest huwa indirizza t-talbiet għall-informazzjoni lil: Prysmian u Goldman Sachs; Fujikura, Furukawa u Viscas; Mitsubishi, Showa u EXSYM. F’kull grupp ta’ entitajiet, id-DĠ għall-Kompetizzjoni ta lill-partijiet aċċess għat-tweġibiet ta’ xulxin għat-talbiet għall-informazzjoni kif ukoll il-possibbiltà li jressqu kummenti bil-miktub. F’dan il-kuntest, id-DĠ għall-Kompetizzjoni ta wkoll lil Goldman Sachs aċċess għas-sottomissjonijiet bil-miktub ta’ Prysmian u l-opportunità li jikkummentaw aktar dwarhom. |
b. Aċċess addizzjonali għat-tweġibiet għad-DO
26. |
F’Mejju 2013, Nexans tenna t-talba preċedenti tiegħu għal aċċess għal provi li potenzjalment jiskaġunaw fit-tweġibiet tal-partijiet l-oħra tad-DO (29). Wara ċ-ċaħda tat-talba mid-DĠ għall-Kompetizzjoni, Nexans irreferiet il-kwistjoni lili. Wara l-intervent tiegħi, id-DĠ għall-Kompetizzjoni pprovda aċċess lil Nexans għall-verżjoni mhux kunfidenzjali ta’ anness għal risposta ta’ destinatarju ieħor għad-DO. Dan l-anness kien fih l-affidavit ta’ impjegat ta’ din il-kumpanija, fejn issemmiet referenza għal kuntatti ma’ Nexans. Wara dan l-aċċess, infurmajt lil Nexans li ma kelli l-ebda indikazzjoni li kien għad hemm xi informazzjoni oħra fit-tweġibiet għad-DO li kellha tiġi żvelata lilha skont il-każistika rilevanti (30). |
27. |
F’Mejju 2013, id-DĠ għall-Kompetizzjoni ta wkoll aċċess lil Goldman Sachs għall-kummenti supplimentari ta’ Prysmian f’Marzu 2012 wara aċċess għad-dokumenti Spanjoli (31). |
8. Ittra tal-Fatti
28. |
F’Settembru 2013, id-DĠ għall-Kompetizzjoni bagħat Ittri ta’ Fatti lil Fujikura, Furukawa, Goldman Sachs, Mitsubishi u Showa li fihom infurmahom dwar tagħrif u provi li hu kellu l-intenzjoni li jserraħ fuqhom fid-deċiżjoni biex jistabbilixxi r-responsabbiltà tal-impriżi prinċipali, u stabbilixxa data ta’ għeluq ta’ ġimgħatejn biex huma jressqu l-kummenti bil-miktub. |
29. |
Wara li ngħatat estensjoni ta’ tlitt ijiem mid-DĠ għall-Kompetizzjoni, Mitsubishi talbitni għal perjodu addizzjonali ta’ disgħat ijiem. Iddeċidejt li nestendi l-iskadenza b’jumejn biex jagħmlu tajjeb għall-perjodu ta’ żmien għat-tweġiba għall-Ittra ta’ Fatti li setgħat taħbat flimkien mad-data ta’ laqgħa dwar is-sitwazzjoni attwali ta’ Mitsubishi mal-Kummissjoni. |
30. |
Fit-tweġiba għall-Ittra tal-Fatti, Mitsubishi sostniet li ż-żmien mogħti liha biex twieġeb għall-Ittra tal-Fatti kien, minkejja l-estenzjonijiet mogħtija, insuffiċjenti għaliha biex teżerċita d-drittijiet tagħha ta’ difiża b’mod effettiv. Wara li rrieżaminajt ir-risposta ta’ Mitsubishi, ma nara l-ebda indikazzjoni li Mitsubishi ma kinitx f’pożizzjoni li teżerċita, b’mod effettiv, id-drittijiet tad-difiża tagħha. Għall-kuntrarju, ir-risposta għall-Ittra tal-Fatti ta’ Mitsubishi tidher li fiha analiżi dettaljata tal-prova mehmuża mal-Ittra tal-Fatti. |
31. |
Fit-tweġiba għall-Ittra tal-Fatti, Goldman Sachs sostniet li d-drittijiet ta’ difiża tagħha kienu nkisru minħabba li kien biss wara s-seduta ta’ smigħ orali, jiġifieri f’Mejju 2013, li l-Kummissjoni pprovdiet aċċess għall-kummenti supplimentari ta’ Prysmian ta’ Marzu 2012 dwar id-dokumenti Spanjoli (32). Ma jidhirlix li Goldman Sachs ma setgħetx effettivament teżerċita d-dritt tagħha li tiġi mismugħa minħabba fil-kisba għall-aċċess għall-kummenti ta’ Prysmian ta’ Marzu 2012 wara s-seduta ta’ smigħ orali. Goldman Sachs kellha opportunità biżżejjed biex tippreżenta kummenti bil-miktub dwar is-sottomissjonijiet ta’ Prysmian matul il-proċedimenti. B’mod partikolari, wara s-seduta ta’ smigħ orali Goldman Sachs għamel sottomissjonijiet bil-miktub f’Ġunju u f’Settembru 2013. |
III. L-ABBOZZ TAD-DEĊIŻJONI
32. |
Wara li semgħet id-destinatarji tad-DO bil-miktub u bil-fomm, il-Kummissjoni ddeċidiet li twaqqa’ l-allegazzjonijiet kontra parti waħda (33). Fir-rigward ta’ tliet destinatarji tad-DO, hija naqset id-durata tal-ksur b’madwar sena (1) u 9 xhur, sena (1) u 10 xhur, u sentejn (2) rispettivament. |
33. |
Skont l-Artikolu 16 tad-Deċiżjoni 2011/695/UE, jien eżaminajt jekk l-abbozz tad-deċiżjoni jindirizzax biss l-oġġezzjonijiet rigward liema partijiet ingħataw l-opportunità li jesprimu l-fehmiet tagħhom, u jien wasalt għal konklużjoni pożittiva. |
34. |
Kollox ma’ kollox, nikkonkludi li l-partijieti kollha setgħu jeżerċitaw effettivament id-drittijiet proċedurali tagħhom f’dan il-każ. |
Brussell, il-31 ta’ Marzu 2014.
Wouter WILS
(1) Skont l-Artikoli 16 u 17 tad-Deċiżjoni tal-President tal-Kummissjoni Ewropea tat-13 ta’ Ottubru 2011 dwar il-funzjoni u t-termini ta’ referenza tal-uffiċjal tas-seduta f’ċerti proċedimenti dwar il-kompetizzjoni (ĠU L 275, 20.10.2011, p. 29) (id-Deċiżjoni 2011/695/UE).
(2) Nexans SA u Nexans France SAS (flimkien “Nexans”).
(3) Prysmian S.p.A. u Prysmian Cavi e Sistemi Energia S.r.l. (flimkien “Prysmian”); Pirelli & C. S.p.A.; The Goldman Sachs Group, Inc.
(4) J-Power Systems Corporation; Hitachi Metals Ltd.; Sumitomo Electric Industries, Ltd.
(5) VISCAS Corporation; Furukawa Electric Co. Ltd.; Fujikura Ltd.
(6) ABB AB u ABB Ltd. (flimkien “ABB”).
(7) Brugg Kabel AG u Kabelwerke Brugg AG Holding (flimkien “Brugg”).
(8) Silec Cable, SAS u General Cable Corporation (flimkien “Silec”); Safran SA.
(9) EXSYM Corporation; SWCC Showa Holdings Co. Ltd.; Mitsubishi Cable Industries, Ltd.
(10) LS Cable & System Ltd.
(11) Taihan Electric Wire Co., Ltd.
(12) nkt cables GmbH u NKT Holding A/S (flimkien “NKT”).
(13) Avviż tal-Kummissjoni dwar l-Immunità minn multi u tnaqqis ta’ multi f’każijiet ta’ kartell (ĠU C 298, 8.12.2006, p. 17).
(14) Il-Kawża T-135/09 Nexans France SAS u Nexans SA vs il-Kummissjoni Ewropea u l-Kawża T-140/09, Prysmian SpA u Prysmian Cavi e Systemi Energia Srl vs il-Kummissjoni Ewropea [2012] ECR, mhux irrappurtati.
(15) Il-Kawża C-37/13P Nexans France SAS u Nexans SA vs. il-Kummissjoni Ewropea (ĠU C 101, 6.4.2013, p. 10).
(16) Fid-dawl ta’ ċerti problemi tekniċi, id-DVD ta’ aċċess għall-fajl aktar tard ġie sostitwit b’DVD ġdid.
(17) L-Avviż tal-Kummissjoni dwar ir-regoli għal aċċess għall-fajl tal-Kummissjoni f’każijiet skont l-Artikoli 81 u 82 tat-Trattat tal-KE, l-Artikoli 53, 54 u 57 tal-Ftehim ŻEE u r-Regolament tal-Kunsill (KE) Nru 139/2004 (ĠU C 325, 22.12.2005, p. 7).
(18) Ir-Regolament tal-Kunsill (KE) Nru 1/2003 tas-16 ta’ Diċembru 2002 fuq l-implimentazzjoni tar-regoli tal-kompetizzjoni mniżżlin fl-Artikoli 81 u 82 tat-Trattat (ĠU L 1, 4.1.2003, p. 1).
(19) Ara l-Avviż tal-Kummissjoni dwar l-aħjar prattiki għat-tmexxija tal-proċedimenti li jikkonċernaw l-Artikoli 101 u 102 tat-TFUE (ĠU C 308, 20.10.2011, p. 6), il-paragrafu 103.
(20) Ara d-Deċiżjoni tal-Kummissjoni tat-23 ta’ Mejju 2001 dwar it-termini ta’ referenza tal-uffiċjali tas-seduta f’ċerti proċedimenti dwar il-kompetizzjoni (ĠU L 162, 19.6.2001, p. 21). Din id-Deċiżjoni tħassret bid-Deċiżjoni 2011/695/UE.
(21) Ara t-XIII Rapport dwar il-Politika tal-Kompetizzjoni (1993), il-punt 207.
(22) Ara n-nota ta’ qiegħ il-paġna 16.
(23) Ara l-punt 11.
(24) Ara l-punti 9 u 10.
(25) Nexans ġibditli l-attenzjoni fir-rigward tad-dokumenti Spanjoli kważi tliet (3) xhur wara li rċeviet l-aċċess għall-fajl.
(26) Ara l-punt 11.
(27) Ara l-Manwal tal-Proċeduri Antitrust, il-modulu 27, “L-użu tal-lingwi fil-proċedimenti dwar l-antitrust”, p. 3/7, disponibbli fuq http://ec.europa.eu/competition/antitrust/antitrust_manproc_3_2012_en.pdf
(28) […].
(29) Ara l-punt 16.
(30) Ara pereżempju l-Każ T-133/07 Mitsubishi Electric Corp. vs il-Kummissjoni Ewropea [2011] ECR II- 04219, il-paragrafi 41-44.
(31) Ara l-punt 11.
(32) Ara l-punt 27 ta’ hawn fuq.
(33) Ara l-punt 4 ta’ hawn fuq.
17.9.2014 |
MT |
Il-Ġurnal Uffiċjali tal-Unjoni Ewropea |
C 319/10 |
Sommarju tad-Deċiżjoni tal-Kummissjoni
tat-2 ta’ April 2014
li tirrigwarda proċediment skont l-Artikolu 101 tat-Trattat dwar il-Funzjonament tal-Unjoni Ewropea u l-Artikolu 53 tal-Ftehim ŻEE
(Il-Każ AT.39610 — Kejbils tal-Elettriku)
(notifikat bid-dokument C(2014) 2139 finali)
(It-testi bl-Ingliż, bil-Franċiż, bil-Ġermaniż u bit-Taljan biss huma awtentiċi)
2014/C 319/06
Fit-2 ta’ April 2014, il-Kummissjoni adottat deċiżjoni dwar proċediment skont l-Artikolu 101 tat-Trattat dwar il-Funzjonament tal-Unjoni Ewropea u l-Artikolu 53 tal-Ftehim ŻEE. Skont id-dispożizzjonijiet tal-Artikolu 30 tar-Regolament tal-Kunsill (KE) Nru 1/2003 (1) , il-Kummissjoni qiegħda hawnhekk tippubblika l-ismijiet tal-partijiet u tal-kontenut prinċipali tad-deċiżjoni, inklużi kull penali imposta, filwaqt li jitqies l-interess leġittimu tal-impriżi fil-protezzjoni tas-sigrieti kummerċjali tagħhom.
1. INTRODUZZJONI
(1) |
Fit-2 ta’ April 2014, il-Kummissjoni adottat deċiżjoni kontra 26 entità legali minħabba fil-ksur tal-Artikolu 101 tat-Trattat dwar il-Funzjonament tal-Unjoni Ewropea u l-Artikolu 53 tal-Ftehim ŻEE (id-“Deċiżjoni”). Id-deċiżjoni tikkonċerna kartell fis-settur tal-kejbils tal-elettriku li fih il-produtturi prinċipali ta’ kejbils tal-elettriku ta’ taħt l-art u sottomarini kienu jikkondividu swieq komuni u jallokaw konsumaturi bejniethom fuq skala kważi dinjija. |
2. DESKRIZZJONI TAL-KAŻ
2.1. Il-prodotti kkonċernati
(2) |
L-arranġamenti tal-kartell kienu jkopru t-tipi kollha ta’ kejbils tal-elettriku ta’ taħt l-art ta’ 110 kV u aktar, u kejbils tal-elettriku sottomarini ta’ 33 kV u aktar, inklużi l-prodotti, x-xogħlijiet u s-servizzi kollha mibjugħa lill-konsumaturi relatat ma’ bejgħ ta’ kejbils tal-elettriku meta tali bejgħ ikun parti minn proġett ta’ kejbils tal-elettriku. |
2.2. Proċedura
(3) |
Wara l-applikazzjoni għall-immunità ta’ ABB skont l-Avviż ta’ Klemenza tal-2006, il-Kummissjoni wettqet spezzjonijiet f’Jannar 2009. Sussegwentement, il-Kummissjoni rċeviet applikazzjonijiet ta’ klemenza mingħand Sumitomo, Hitachi u JPS u mingħand Mitsubishi. |
(4) |
Fit-30 ta’ Ġunju 2011, il-Kummissjoni adottat dikjarazzjoni ta’ oġġezzjonijiet. Id-destinatarji kollha ppreżentaw tweġiba għad-dikjarazzjoni tal-oġġezzjonijiet u, ħlief għal Furukawa, id-destinatarji kollha ħadu sehem f’seduta ta’ smigħ orali li damet mill-11 sal-18 ta’ Ġunju 2012. Fil-11 ta’ Settembru 2013, il-Kummissjoni bagħtet Ittri ta’ Fatti lil Fujikura, Furukawa, Goldman Sachs, Mitsubishi u Showa fir-rigward tal-informazzjoni li waslet wara d-dikjarazzjoni tal-oġġezzjonijiet. |
(5) |
Il-Kumitat Konsultattiv dwar Prattiċi Restrittivi u Pożizzjonijiet Dominanti ħareġ opinjoni favorevoli fis-17 ta’ Marzu 2014 u fil-31 ta’ Marzu 2014. |
2.3. Sommarju tal-ksur
(6) |
Il-produtturi ewlenin ipparteċipaw f’netwerk ta’ kuntatti u laqgħat bilaterali u multilaterali mmirati biex jillimitaw il-kompetizzjoni għal proġetti ta’ kejbils tal-elettriku taħt l-art u sottomarini f’territorji speċifiċi billi jaqblu dwar allokazzjoni tas-suq u tal-konsumaturi u b’hekk joħolqu distorsjoni tal-proċess kompetittiv normali. |
(7) |
Minn Frar 1999 ‘il quddiem, il-produtturi ewlenin allokaw proġetti skont ir-reġjun ġeografiku jew il-konsumatur. Barra minn hekk, huma kienu skambjaw informazzjoni dwar il-prezzijiet u informazzjoni oħra kummerċjalment sensittiva sabiex jiġi żgurat li l-fornitur ta’ kejbils tal-elettriku jew “l-attributur” jiffissal-aktar prezz baxx filwaqt li l-kumpaniji l-oħra jew iressqu offerta ogħla jew jastjenu milli jagħmlu offerti jew jippreżentaw offerta li mhijiex attraenti għall-konsumatur. L-obbligi ta’ rappurtar ġew stabbiliti biex jippermettu l-monitoraġġ tal-allokazzjonijiet miftiehma. Fl-aħħar nett, prattiki oħra ġew implimentati sabiex isaħħu l-kartell bħar-rifjut kollettiv għal forniment ta’ aċċessorji jew ta’ assistenza teknika lil ċerti kompetituri biex jiġu żġurati l-allokazzjonijiet miftiehma. |
(8) |
Il-kartell kellu żewġ konfigurazzjonijiet ewlenin:
|
(9) |
Sabiex tkun żgurata l-implimentazzjoni tal-arranġamenti tal-kartell, il-produtturi prinċipali organizzaw laqgħat perjodiċi u kellhom kuntatti bl-e-Mail, bit-telefon jew bil-faks. |
2.4. Destinatarji u durata tal-każijiet ta’ ksur
(10) |
L-entitajiet legali li ġejjin jitqiesu bħala responsabbli, għall-perjodi indikati, għal ksur uniku u kontinwu tal-Artikolu 101 tat-Trattat u l-Artikolu 53 tal-Ftehim taż-ŻEE fis-settur ta’ kejbils tal-elettriku ta’ vultaġġ għoli: (a) ABB AB: mill-1 ta’ April 2000 sas-17 ta’ Ottubru 2008 (b) ABB Ltd (bħala l-impriża prinċipali ta’ ABB AB): mill-1 ta’ April 2000 sas-17 ta’ Ottubru 2008 (c) Brugg Kabel AG: mill-14 ta’ Diċembru 2001 sas-16 ta’ Novembru 2006 (d) Kabelwerke Brugg AG Holding (bħala l-impriża prinċipali ta’ Brugg Kabel AG): mill-14 ta’ Diċembru 2001 sas-16 ta’ Novembru 2006 (e) Nexans France SAS: mit-13 ta’ Novembru 2000 sat-28 ta’ Jannar 2009 (f) Nexans SA (bħala l-impriża prinċipali ta’ Nexans France SAS): mit-12 ta’ Ġunju 2001 sat-28 ta’ Jannar 2009 (g) nkt cables GmbH: mit-3 ta’ Lulju 2002 sas-17 ta’ Frar 2006 (h) Nkt Holding A/S (bħala l-impriża prinċipali ta’ nkt cables GmbH): mit-3 ta’ Lulju 2002 sas-17 ta’ Frar 2006 (i) Prysmian Cavi e Sistemi S.r.l.: mit-18 ta’ Frar 1999 sat-28 ta’ Jannar 2009 (j) Pirelli & C. S.p.A. (bħala l-impriża prinċipali ta’ Prysmian Cavi e Sistemi S.r.l.): mit-18 ta’ Frar 1999 sat-28 ta’ Lulju 2005 (k) Prysmian S.p.A. (bħala l-impriża prinċipali ta’ Prysmian Cavi e Sistemi S.r.l.).: mid-29 ta’ Lulju 2005 sat-28 ta’ Jannar 2009 (l) The Goldman Sachs Group, Inc. (bħala l-impriża prinċipali ta’ Prysmian S.p.A.): mid-29 ta’ Lulju 2005 sat-28 ta’ Jannar 2009 (m) Safran SA (preċedentement Sagem SA): mit-12 ta’ Novembru 2001 sad-29 ta’ Novembru 2005 (n) Silec Cable, SAS: mit-30 ta’ Novembru 2005 sat-16 ta’ Novembru 2006 (o) Safran SA (bħala l-impriża prinċipali ta’ Silec Cable, SAS): mit-30 ta’ Novembru 2005 sal-21 ta’ Diċembru 2005 (p) General Cable Corporation (bħala l-impriża prinċipali ta’ Silec Cable, SAS): mit-22 ta’ Diċembru 2005 sas-16 ta’ Novembru 2006 (q) Sumitomo Electric Industries, Ltd.: mit-18 ta’ Frar 1999 sat-30 ta’ Settembru 2001 u mill-1 ta’ Ottubru 2001 sal-10 ta’ April 2008 (perjodu ta’ negozju konġunt) (r) Hitachi Metals, Ltd.: mit-18 ta’ Frar 1999 sat-30 ta’ Settembru 2001 u mill-1 ta’ Ottubru 2001 sal-10 ta’ April 2008 (perjodu ta’ negozju konġunt) (s) J-Power Systems Corporation: mill-1 ta’ Ottubru 2001 sal-10 ta’ April 2008 (t) Furukawa Electric Co. Ltd.: mit-18 ta’ Frar 1999 sat-30 ta’ Settembru 2001 u mill-1 ta’ Ottubru 2001 sat-28 ta’ Jannar 2009 (perjodu ta’ negozju konġunt) (u) Fujikura Ltd.: mit-18 ta’ Frar 1999 sat-30 ta’ Settembru 2001 u mill-1 ta’ Ottubru 2001 sat-28 ta’ Jannar 2009 (perjodu ta’ negozju konġunt) (v) VISCAS Corporation: mill-1 ta’ Ottubru 2001 sat-28 ta’ Jannar 2009 (w) SWCC SHOWA HOLDINGS CO., LTD.: mill-5 ta’ Settembru 2001 sat-30 ta’ Ġunju 2002 (għal dan il-perjodu, SWCC SHOWA HOLDINGS CO., LTD mhijiex responsabbli għal konfigurazzjoni Ewropea) u mill-1 ta’ Lulju 2002 sat-28 ta’ Jannar 2009 (perjodu ta’ negozju konġunt). (x) Mitsubishi Cable Industries, Ltd.: mill-5 ta’ Settembru 2001 sat-30 ta’ Ġunju 2002 (għal dan il-perjodu, Mitsubishi Cable Industries, Ltd mhijiex responsabbli għal konfigurazzjoni Ewropea) u mill-1 ta’ Lulju 2002 sat-28 ta’ Jannar 2009 (perjodu ta’ negozju konġunt) (y) EXSYM Corporation: mill-1 ta’ Lulju 2002 sat-28 ta’ Jannar 2009 (z) LS Cable & System Ltd.: mill-15 ta’ Novembru 2002 sas-26 ta’ Awwissu 2005. LS Cable & System Ltd mhijiex responsabbli għall-ksur f’dak li għandu x’jaqsam ma’ kejbils sottomarini b’vultaġġ għoli (ħafna). (aa) Taihan Electric Wire Co., Ltd.: mill-15 ta’ Novembru 2002 sas-26 ta’ Awwissu 2005. Taihan Electric Wire Co., Ltd mhijiex responsabbli għall-ksur f’dak li għandu x’jaqsam ma’ kejbils sottomarini b’vultaġġ għoli (ħafna). |
2.5. Rimedji
(11) |
Id-Deċiżjoni tapplika l-Linji Gwida tal-2006 dwar il-multi (2) u l-Avviż ta’ Klemenza tal-2006 (3). |
2.5.1. L-ammont bażiku tal-multa
(12) |
Minħabba f’ għadd ta’ raġunijiet spjegati fid-Deċiżjoni, iċ-ċifri tal-bejgħ għas-sena 2004 intużaw sabiex jiġi stabbilit il-valur tal-bejgħ rilevanti tal-prodotti deskritti fit-Taqsima 2.1 hawn fuq. |
(13) |
Billi l-bejgħ ta’ xi intrapriżi fiż-ŻEE ma kienx jirrifletti adegwatament il-piż tagħhom fil-ksur, il-Kummissjoni applikat il-punt 18 tal-Linji Gwida dwar il-multi u allokat il-bejgħ aggregat fiż-ŻEE relatat mal-ksur għal kull impriża skont l-ishma rispettivi tagħhom tal-bejgħ b’relazzjoni mal-ksur fuq livell dinji, minbarra l-bejgħ fl-Istati Uniti. Il-bejgħ fl-Istati Uniti kien eskluż minħabba li dan huwa l-uniku territorju li għalih il-Kummissjoni kellha evidenza ċara li ma kienx kopert mill-kartell kważi dinji segwit fid-Deċiżjoni. |
(14) |
L-impriżi prinċipali tan-negozju konġunt kienu miżmuma responsabbli għall-parteċipazzjoni diretta tagħhom fin-negozju konġunt u l-involviment kontinwu tagħhom permezz tan-negozju konġunt rispettiv tagħhom wara l-formazzjonijiet tagħhom. Sabiex jirrifletti s-saħħa ekonomika ta’ kull impriża prinċipali ta’ negozju konġunt u l-piż fil-ksur matul il-periodu ta’ qabel it-twaqqif tal-impriżi konġunti, il-bejgħ determinat għall-impriża konġunta kien kondiviż fost l-impriżi prinċipali proporzjonalment għal bejgħ individwali miksub minn kull impriża prinċipali fis-sena kummerċjali sħiħa qabel il-formazzjoni tal-impriża konġunta tagħhom. |
(15) |
Meta titqies in-natura tal-ksur, l-ambitu ġeografiku tagħhom u s-sehem konġunt tas-suq tal-produtturi l-perċentwal tal-ammont varjabbli tal-multa u l-ammont addizzjonali (“it-tariffa tad-dħul”) ġew stabbiliti għal 17 % tal-valuri ta’ bejgħ ta’ Sumitomo, Hitachi, JPS, Furukawa, Fujikura, VISCAS, Showa, Mitsubishi, EXSYM, LS Cable, Taihan u l-kumpaniji miżmuma responsabbli in solidum ma’ kwalunkwe waħda minnhom. Dan il-perċentwal ġie stabbilit għal 19 % għal Nexans, Prysmian, ABB, Brugg, Sagem/Silec, nkt u għall-kumpaniji miżmuma responsabbli in solidum magħhom. |
(16) |
Għal kull impriża, l-ammont bażi ġie mmultiplikat bin-numru ta’ snin ta’ parteċipazzjoni fil-ksur, bix-xhur arrodonditi ‘l isfel, li wassal għall-multiplikaturi li ġejjin għad-durata tal-parteċipazzjoni: ABB AB, ABB Ltd— 8,5; Brugg Kabel AG, Kabelwerke Brugg AG Holding— 4,91Nexans France SAS— 8,16Nexans SA— 7,58nkt cables GmbH, NKT Holding A/S— 3,58Prysmian Cavi e Sistemi S.r.l.— 9,91Pirelli & C. S.p.A.— 6,41Prysmian S.p.A.— 3,5The Goldman Sachs Group, Inc.— 3,5Safran SA— 4 Silec Cable, SAS— 0,91Safran SA (prinċipali)— 0,057General Cable Corporation— 0,853Sumitomo Electric Industries, Ltd., għall-perjodu qabel in-negozju konġunt— 2,58Hitachi Metals, Ltd., għall-perjodu qabel in-negozju konġunt— 2,58J-Power Systems Corporation, Sumitomo Electric Industries, Ltd., Hitachi Cable Ltd.— 6,5Furukawa Electric Co. Ltd., għall-perjodu qabel in-negozju konġunt— 2,58; Toshiba Corporation, għall-perjodu qabel in-negozju konġunt— 2,58; VISCAS Corporation, Furukawa Electric Co. Ltd., Fujikura Ltd.— 7,25Swcc Showa Holdings Co., Ltd., għall-perjodu qabel l-impriża konġunta— 0,75Mitsubishi Cable Industries, Ltd., għall-perjodu qabel l-impriża konġunta— 0,75; EXSYM Corporation, SWCC SHOWA HOLDINGS CO., LTD., Mitsubishi Cable Industries, Ltd.— 6,5LS Cable & System Ltd.— 2,75Taihan Electric Wire Co., Ltd.— 2,75 |
2.5.2. Aġġustamenti tal-ammont bażiku
(17) |
Fl-24 ta’ Jannar 2007, ABB Ltd kienet miżmuma responsabbli għal ksur tal-Artikolu 101 tat-Trattat fid-deċiżjoni tal-Kummissjoni fil-każ COMP/F/38.899 - Switchgear insulat bil-gass. Konsegwentement, l-ammont bażiku tal-multi għal ABB u ABB Ltd ġie miżjud b’fattur ta’ 50 %. |
(18) |
Nexans, Pirelli/Prysmian, JPS, Sumitomo, Hitachi, Furukawa, Fujikura u VISCAS kienu kkunsidrati bħala l-grupp ewlieni ta’ parteċipanti tal-kartell. L-ebda fatturi mitiganti ma nstabu għal dawn id-destinatarji. |
(19) |
Billi l-evidenza turi li ABB, EXSYM, Sagem/Safran/Silec u Brugg kellhom livell ta’ involviment li kien jiddistingwihom mill-grupp ċentrali ngħataw tnaqqis ta’ 5 % tal-multa minħabba l-involviment sostanzjalment limitat tal-parteċipazzjoni tagħhom fil-ksur. |
(20) |
Billi l-evidenza turi li Mitsubishi u Showa (qabel il-formazzjoni ta’ EXSYM)), LS Cable, Taihan u nkt kellhom livell ta’ involviment li kkwalifikahom bħala atturi marġinali ngħataw tnaqqis ta’ 10 % tal-multa minħabba s-sehem sostanzjalment limitat tagħhom fil-ksur. |
(21) |
Barra minn hekk, Mitsubishi u Showa, għall-perjodu qabel il-formazzjoni ta’ EXSYM, LS Cable u Taihan ingħataw ammont addizzjonali ta’ 1 % ta’ tnaqqis minħabba li ma kinux jafu u għax ma kinux responsabbli għal partijiet tal-ksur uniku u kontinwu. |
(22) |
Mitsubishi ingħatat tnaqqis ta’ 3 % tal-multa stabbilit għall-perjodu tas-sehem tagħha fil-ksur minħabba kooperazzjoni effettiva barra mill-kamp ta’ applikazzjoni tal-Avviż ta’ Klemenza. |
2.5.3. Applikazzjoni tal-limitu ta’ 10 % tal-fatturat
(23) |
L-ammonti finali tal-multi (qabel l-applikazzjoni tal-Avviż ta’ Klemenza tal-2006) huma taħt l-10 % tal-fatturat dinji għall-impriżi kollha. |
2.5.4. Applikazzjoni tal-Avviż ta’ Klemenza tal-2006: tnaqqis tal-multi
(24) |
ABB kienet l-ewwel impriża li ppreżentat informazzjoni u evidenza li ssodisfaw il-kundizzjonijiet ta’ punt 8(a) tal-Avviż ta’ Klemenza tal-2006. Il-multa li kellha tiġi imposta tnaqqset b’ 100 %. |
(25) |
Il-Kummissjoni setgħet tistabbilixxi fatti addizzjonali li jippruvaw l-eżistenza tal-kartell mit-18 ta’ Frar 1999 sal-1 ta’ Marzu 2001 biss fuq il-bażi ta’ evidenza pprovduta minn JPS, Sumitomo u Hitachi. B’riżultat ta’ dan, skont il-punt 26 tal-Avviż ta’ Klemenza, dan il-perjodu ma kienx ikkunsidrat għal JPS, Sumitomo u Hitachi għall-finijiet tad-determinazzjoni tal-multa. |
(26) |
Għall-bqija tal-parteċipazzjoni tagħhom fil-kartell JPS, Sumitomo u Hitachi ingħataw tnaqqis ta’ 45 % tal-multi. |
(27) |
Il-Kummissjoni kkonkludiet li Mitsubishi ma kkwalifikatx għal tnaqqis ta’ multi. |
2.5.5. Inkapaċità li jsir il-pagament
(28) |
Impriża waħda invokat l-inkapaċità tagħha li tħallas taħt il-punt 35 tal-Linji Gwida dwar il-Multi tal-2006. Il-Kummissjoni qieset din id-dikjarazzjoni u analizzat bir-reqqa s-sitwazzjoni finanzjarja tal-impriża kif ukoll il-kuntest soċjali u ekonomiku speċifiku. Bħala riżultat tal-analiżi, il-Kummissjoni rrifjutat id-dikjarazzjoni. |
3. MULTI IMPOSTI BID-DEĊIŻJONI
(29) |
Għall-ksur wieħed u kontinwu fir-rigward tas-settur ta’ kejbils tal-elettriku, ġew imposti l-multi li ġejjin: ABB AB u ABB Ltd responsabbli in solidum: EUR 0 Brugg Kabel AG u Kabelwerke Brugg AG Holding responsabbli in solidum: EUR 8 490 000 Nexans France SAS u Nexans SA responsabbli in solidum: EUR 65 767 000 Nexans France SAS: EUR 4 903 000 nkt cables GmbH u NKT Holding A/S responsabbli in solidum: EUR 3 887 000 Prysmian Cavi e Sistemi S.r.l, Prysmian S.p.A. u The Goldman Sachs Group, Inc., responsabbli in solidum: EUR 37 303 000 Prysmian e Sistemi S.r.l. u Pirelli Cavi & C. S.p.A. responsabbli in solidum: EUR 67 310 000 Safran SA: EUR 8 567 000 Silec Cable, SAS u General Cable Corporation responsabbli in solidum: EUR 1 852 500 Silec Cable, SAS u Safran SA, responsabbli in solidum: EUR 123 500 Sumitomo Electric Industries, Ltd.: EUR 2 630 000 Hitachi Metals, Ltd.: EUR 2 346 000 J-Power Systems Corporation, Sumitomo Electric Industries, Ltd. u Hitachi Metals, Ltd. responsabbli in solidum: EUR 20 741 000 Furukawa Electric Co. Ltd.: EUR 8 858 000 Fujikura Ltd.: EUR 8 152 000 VISCAS Corporation, Furukawa Electric Co. Ltd. u Fujikura Ltd. responsabbli in solidum: EUR 34 992 000 SWCC SHOWA HOLDINGS CO., LTD.: EUR 844 000. Mitsubishi Cable Industries, Ltd.: EUR 750 000. Corporation, SWCC SHOWA HOLDINGS CO., LTD. u Mitsubishi Cable Industries, Ltd. responsabbli in solidum: EUR 6 551 000 LS Cable & System Ltd.: EUR 11 349 000. Taihan Electric Wire Co., Ltd.: EUR 6 223 000. |
(3) ĠU C 298, 8.12.2006, p. 17.
Il-Qorti tal-Awdituri
17.9.2014 |
MT |
Il-Ġurnal Uffiċjali tal-Unjoni Ewropea |
C 319/16 |
Rapport Speċjali Nru 10/2014 “L-effettività tal-appoġġ għall-akkwakultura mill-Fond Ewropew għas-Sajd”
2014/C 319/07
Il-Qorti Ewropea tal-Awdituri b’dan tinfurmak li r-Rapport Speċjali Nru 10/2014 “L-effettività tal-appoġġ għall-akkwakultura mill-Fond Ewropew għas-Sajd” għadu kif ġie ppubblikat.
Ir-rapport jista’ jiġi kkonsultat jew imniżżel mill-websajt tal-Qorti Ewropea tal-Awdituri: http://eca.europa.eu
Verżjoni stampata tar-rapport tista’ tinkiseb mingħajr ħlas fuq talba lill-Qorti tal-Awdituri:
Il-Qorti Ewropea tal-Awdituri |
Pubblikazzjonijiet (PUB) |
12, rue Alcide De Gasperi |
1615 Lussemburgu |
LUXEMBOURG |
Tel. +352 4398-1 |
e-mail: eca-info@eca.europa.eu |
jew billi timla formola ta’ ordni elettronika fuq l-EU-Bookshop.
V Avviżi
PROĊEDURI AMMINISTRATTIVI
Il-Kummissjoni Ewropea
17.9.2014 |
MT |
Il-Ġurnal Uffiċjali tal-Unjoni Ewropea |
C 319/17 |
Sejħa għal applikazzjonijiet għall-għażla ta’ esperti maħtura f’kapaċità personali
2014/C 319/08
1. It-tagħrif eżistenti
B’deċiżjoni (1) tas-7 ta’ Diċembru 2011, id-Direttur Ġenerali waqqaf grupp ta’ esperti għas-Swieq Agrikoli, b’mod partikolari dwar l-aspetti li jaqgħu taħt is-sottogrupp taż-żejt taż-żebbuġa fir-Regolament dwar l-OKS Unika (E02730), minn hawn ‘il quddiem msemmi “il-grupp”.
Il-kompitu tal-grupp huwa li jgħin lill-Kummissjoni:
(a) |
fit-tħejjija tal-leġiżlazzjoni jew fid-definizzjoni tal-politika fil-qasam tal-kimika u l-istandardizzazzjoni taż-żejt taż-żebbuġa. |
(b) |
tirrinforza l-monitoraġġ tal-konformità mar-rekwiżiti kimiċi, organolettiċi u tal-awtentiċità għaż-żjut taż-żebbuġa, |
(c) |
tikkoordina skambju ta’ fehmiet mal-Istati Membri. |
Il-grupp huwa magħmul minn rappreżentanti tal-amministrazzjonijiet nazzjonali u esperti maħtura mill-Kummissjoni f’kapaċità personali.
Għalhekk il-Kummissjoni qiegħda tagħmel sejħa għall-applikazzjonijiet bil-ħsieb li taħtar il-membri tal-grupp u tistabbilixxi lista ta’ riżerva tal-kandidati.
2. Il-karatteristiċi tal-grupp
2.1. Kompożizzjoni
Minbarra r-rappreżentanti tal-amministrazzjonijiet nazzjonali, il-grupp għandu jkun magħmul minn għaxar xjenzjati u esperti oħra b’kompetenzi marbutin mal-kimika taż-żejt taż-żebbuġa. Dawn il-membri jinħatru mill-Kummissjoni f’kapaċità personali u huma mistennija jagħtu pariri indipendenti, eċċellenti u tekniċi lill-Kummissjoni.
Il-kompożizzjoni tal-grupp tkun tirrifletti bilanċ bejn l-oqsma ta’ għarfien espert, bejn is-sessi tal-membri u bejn l-oriġini ġeografika tagħhom.
Il-Kummissjoni se tistabbilixxi wkoll lista ta’ riżerva li tiġbor fiha l-kandidati li ma setgħux jinħatru bħala membri permanenti minkejja li, waqt il-proċedura tal-għażla, dawn ikunu tqiesu addattati biex ikunu membri tal-grupp. L-għadd ta’ esperti li se jintgħażlu għal din il-lista m’għandux jaqbeż il-5.
Il-lista ta’ riżerva tista’ tintuża biex minnha jinħatru s-sostituti għall-membri tal-grupp.
2.2. Tul il-ħatra
Il-membri tal-grupp jinħatru għal mandat ta’ ħames snin li jista’ jiġġedded. Huma jibqgħu fil-kariga sa tmiem il-mandat tagħhom.
Il-kompożizzjoni tal-grupp u tal-lista ta’ riżerva tista’ tiġi riveduta kull ħames snin.
2.3. Indipendenza u kunfidenzjalità
Il-membri għandhom jagħtu opinjoni indipendenti u ħielsa minn kull influwenza barranija lill-Kummissjoni, u għandhom jikkonformaw mal-obbligi tas-segretezza professjonali stabbiliti fit-Trattati u fir-regoli ta’ implimentazzjoni tagħhom, kif ukoll mar-regoli tal-Kummissjoni dwar is-siġurtà li għandhom x’jaqsmu mal-protezzjoni tat-tagħrif ikklassifikat tal-UE, stabbiliti fl-Anness għad-Deċiżjoni tal-Kummissjoni 2001/844/KE, KEFA, Euratom (2).
Huma għandhom jaġixxu b’mod indipendenti u fl-interess pubbliku. F’kull laqgħa, għandhom jistqarru kull interess speċifiku li jista’ jitqies li jippreġudika l-indipendenza tagħhom f’dak li għandu x’jaqsam mal-kwistjonijiet li jkun hemm fl-aġenda.
2.4. Transparenza
L-ismijiet tal-membri maħturin biex ikunu fil-grupp fil-kapaċità personali għandhom jiġu ppubblikati fir-Reġistru tal-Gruppi Esperti u ta’ Entitajiet Simili Oħrajn tal-Kummissjoni.
Id-dejta personali għandha tinġabar, tiġi pproċessata u ppubblikata skont ir-Regolament (KE) Nru 45/2001 tal-Parlament Ewropew u tal-Kunsill tat-18 ta’ Diċembru 2000 dwar il-protezzjoni ta’ individwi fir-rigward tal-ipproċessar ta’ dejta personali mill-istituzzjonijiet u l-korpi tal-Komunità u dwar il-moviment liberu ta’ dik id-dejta (3).
2.5. Attendenza fil-laqgħat
L-applikanti għandhom ikunu lesti jattendu l-laqgħat regolarment, jikkontribwixxu fid-diskussjonijiet tal-grupp b’mod attiv, jeżaminaw u jabbozzaw id-dokumenti u jaġixxu bħala “relaturi” (rapporteurs) fuq bażi ad hoc.
Il-grupp normalment jiltaqa’ f’postijiet tal-Kummissjoni skont il-proċeduri u l-iskeda stabbiliti minnha.
Iżda barra l-laqgħat b’mod fiżiku, jistgħu jitwaqqfu gruppi ta’ ħidma elettroniċi paralleli biex il-ħidma timxi b’aktar ħeffa.
L-ispejjeż tal-ivvjaġġar u tas-sussistenza mġarrba mill-parteċipanti fl-attivitajiet tal-grupp għandhom jiġu rimborżati mill-Kummissjoni skont id-dispożizzjonijiet fis-seħħ fil-Kummissjoni skont il-limiti tal-baġit annwali allokat mis-servizzi tal-Kummissjoni responsabbli.
Il-membri ma jirċivux rimunerazzjoni talli jaqdu dmirijiethom.
Il-biċċa l-kbira tad-dokumenti ta’ ħidma se jkunu bl-Ingliż u l-laqgħat normalment se jsiru bl-Ingliż, b’interpretazzjoni f’bosta lingwi uffiċjali tal-UE.
L-applikanti għandhom jikkunsidraw li b’mod ġenerali l-laqgħat jinvolvu ħidma ta’ preparazzjoni.
3. Il-proċedura tal-applikazzjoni
L-individwi li huma interessati jeħtieġ li jibagħtu l-applikazzjoni tagħhom lill-Kummissjoni Ewropea.
Applikazzjoni titqies ammissibbli biss jekk tkun tinkludi d-dokumenti li ġejjin:
1. |
Ittra ta’ motivazzjoni li b’mod partikolari tispjega r-raġunijiet għalfejn l-applikant qiegħed iwieġeb għal din is-sejħa; |
2. |
Formola tal-għażla (ara l-Anness) li fiha l-applikanti jiddeskrivu l-esperjenza professjonali u l-għarfien espert tagħhom skont il-kriterji elenkati f’din is-sejħa; |
3. |
Curriculum vitae (li preferibbilment ma jaqbiżx it-tliet paġni) fejn l-applikanti għandhom iniżżlu d-dettalji kollha tal-esperjenza professjonali u l-għarfien espert tagħhom. Is-CVs kollha għandhom jintbagħtu fil-format Ewropew: http://europass.cedefop.europa.eu/europass/home/vernav/Europass+Documents/Europass+CV.csp |
L-applikazzjonijiet għandhom isiru bl-Ingliż jew bil-Franċiż.
4. Ir-rekwiżiti
A. Il-kriterji tal-eliġibilità
1. |
Livell ta’ edukazzjoni terzjarja li jikkorrispondi għal ċiklu sħiħ ta’ studji ċċertifikati b’diploma ta’ mill-inqas tliet snin, fil-qasam tal-kimika. |
2. |
Sa dakinhar li tintbagħat l-applikazzjoni, perjodu totali ta’ mill-inqas ħames snin ta’ esperjenza professjonali teknika u/jew xjentifika fil-qasam wara li jkunu kisbu d-diploma msemmija fil-punt 1 ta’ hawn fuq. |
3. |
Għarfien tajjeb tal-lingwa Ingliża (4); |
4. |
L-applikanti għandhom ikunu nazzjonali ta’ Stat Membru tal-Unjoni Ewropea fid-data tal-pubblikazzjoni ta’ din is-sejħa. |
5. |
L-applikanti jridu jippreżentaw id-dokumenti kollha msemmija fil-Kapitolu 3. Il-proċedura tal-applikazzjoni. |
B. Il-kriterji tal-għażla
Għall-għażla abbażi tal-kwalifiki, se jitqiesu l-kriterji li ġejjin:
— |
Esperjenza u ħila kbira, bil-provi, fil-qasam tal-kimika u b’mod partikolari fil-qasam tal-kimika marbuta maż-żejt taż-żebbuġa. |
— |
Esperjenza ta’ ħidma fil-leġiżlazzjoni, il-politika u l-istandards fil-qasam tal-kimika marbuta maż-żejt taż-żebbuġa |
— |
Esperjenza professjonali miksuba mal-awtorità/l-organizzazzjoni li jaħdem magħha l-applikant u t-tul ta’ żmien li ilu impjegat magħha. |
— |
Esperjenza professjonali miksuba ma’ awtoritajiet/organizzazzjonijiet oħrajn li ħadem magħhom l-applikant fl-imgħoddi. |
— |
Esperjenza professjonali tat-tekniki kimiċi tal-laboratorju b’mod ġenerali, fost oħrajn ta’ spettrometrija ta’ massa, separazzjoni permezz ta’ kromatografija, tekniki analitiċi (GC, HPLC b’detetturi diversi, GC-MS, HPLC-MS,) eċċ. |
— |
Esperjenza professjonali tal-validazzjoni ta’ metodi analitiċi u tqabbil interlaboratorju. |
— |
Proġetti speċifiċi u/jew ħidmiet f’kuntest internazzjonali li kien involut fihom l-applikant. |
— |
Kull ħidma li jkun wettaq l-applikant fil-qasam marbut ma’ din is-sejħa (l-istruzzjoni, il-parteċipazzjoni f’i grupp espert, pubblikazzjonijiet …). |
— |
Kull sfida importanti professjonali prevista fil-ġejjieni qarib fil-qasam taż-żejt taż-żebbuġa. |
Id-dejta personali se tinġabar, tiġi pproċessata u ppubblikata skont id-dispożizzjonijiet tar-Regolament (KE) Nru 45/2001.
5. Il-proċedura tal-għażla
Il-proċedura tal-għażla se tikkonsisti f’erba’ stadji:
1. |
il-verifika tal-kriterji tal-ammissibbiltà u tal-eliġibbiltà; |
2. |
il-valutazzjoni tal-applikazzjonijiet skont il-kriterji tal-għażla; |
3. |
il-kompilazzjoni ta’ lista tal-applikanti l-iktar xierqa; |
4. |
il-ħatra tal-membri tal-grupp u l-kompilazzjoni tal-lista ta’ riżerva. |
6. It-tressiq tal-applikazzjonijiet u d-data tal-għeluq
L-applikazzjonijiet iridu jitressqu mhux aktar tard mill-31 ta’ Ottubru 2014 sal-17:00 ħin lokali ta’ Brussell:
— |
bil-posta rreġistrata (bid-data skont it-timbru tal-posta) fl-indirizz li ġej:
jew |
— |
permezz tal-posta elettronika, fejn id-data tal-imejl titqies bħala d-data li fiha ntbagħtet l-applikazzjoni. L-applikazzjonijiet bil-posta elettronika għandhom jintbagħtu fl-indirizz li ġej: agri-c2@ec.europa.eu |
L-invilopp jew is-suġġett tal-imejl irid jispeċifika: “Sub group olive oil - call for applications”
Il-Kummissjoni tirriżerva d-dritt li ma taċċetta l-ebda applikazzjoni li taslilha wara din id-data.
L-applikazzjonijiet imwassla bl-idejn ma jiġux aċċettati.
Għal iktar informazzjoni jekk jogħġbok ikkuntattjana fuq l-indirizz elettroniku funzjonali li ġej:
agri-c2@ec.europa.eu
7. Ħatra tal-membri
Il-kandidati kollha li japplikaw għal din is-sejħa għall-applikazzjonijiet se jiġu mgħarrfa bir-riżultat tal-proċess tal-għażla.
(1) Ares (2011)1319969, 7.12.2011.
(2) Deċiżjoni tal-Kummissjoni 2001/844/KE, KEFA, Euratom, tad-29 ta’ Novembru 2001 li temenda r-Regoli Interni tal-Proċedura (ĠU L 317, 3.12.2001, p. 1).
(4) “Għarfien tajjeb” għandu jikkorrispondi mal-livell B2 jew livell ogħla (jiġifieri l-livelli C1 u C2) speċifikati fid-dokument ta’ referenza tal-Kunsill tal-Ewropa għall-Portafoll Ewropew tal-Lingwi (“Qafas Komuni Ewropew ta’ Referenza: l-Istudju, l-Istruzzjoni, u l-Valutazzjoni”). Għal aktar informazzjoni ara http://www.coe.int/t/dg4/linguistic/Source/Framework_en.pdf
ANNESS
Formola tal-għażla (1)
Il-kriterji tal-għażla |
Spazju biex tikteb int (2) |
Esperjenza u ħila kbira, bil-provi, fil-qasam tal-kimika u b’mod partikolari fil-qasam tal-kimika marbuta maż-żejt taż-żebbuġa. |
|
Esperjenza ta’ ħidma fil-leġiżlazzjoni, l-politika u l-istandards fil-qasam tal-kimika marbuta maż-żejt taż-żebbuġa |
|
Esperjenza professjonali miksuba mal-awtorità/l-organizzazzjoni li jaħdem magħha l-applikant u t-tul ta’ żmien li ilu impjegat magħha. |
|
Esperjenza professjonali miksuba ma’ awtoritajiet/organizzazzjonijiet oħrajn li ħadem magħhom l-applikant fl-imgħoddi |
|
Esperjenza professjonali tat-tekniki kimiċi tal-laboratorju b’mod ġenerali, fost oħrajn ta’ spettrometrija ta’ massa, separazzjoni permezz ta’ kromatografija, tekniki analitiċi (GC, HPLC b’detetturi diversi, GC-MS, HPLC-MS,) eċċ. |
|
Esperjenza professjonali tal-validazzjoni ta’ metodi analitiċi u tqabbil interlaboratorju |
|
Proġetti speċifiċi u/jew ħidmiet f’kuntest internazzjonali li kien involut fihom l-applikant |
|
Kull ħidma li jkun wettaq l-applikant fil-qasam marbut ma’ din is-sejħa (l-istruzzjoni, il-parteċipazzjoni f’grupp espert, pubblikazzjonijiet …). |
|
Kull sfida importanti professjonali prevista fil-ġejjieni qarib fil-qasam taż-żejt taż-żebbuġa |
|
Titlu: …
Kunjom: …
Data: …
Firma: …
(1) Din il-formola għandha timtela, tiġi ffirmata u tintbagħat mal-applikazzjoni.
(2) F’din il-kolonna niżżel l-esperjenza professjonali tiegħek f’kull wieħed mill-punti stabbiliti taħt il-kolonna “Kriterji tal-Għażla”
PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI
Il-Kummissjoni Ewropea
17.9.2014 |
MT |
Il-Ġurnal Uffiċjali tal-Unjoni Ewropea |
C 319/22 |
Avviż minn qabel ta' konċentrazzjoni
(Il-Każ M.7392 — Advent International / Cordialis)
Każ li jista’ jiġi kkunsidrat għal proċedura ssimplifikata
(Test b'rilevanza għaż-ŻEE)
2014/C 319/09
1. |
Fl-10 ta' Settembru 2014, il-Kummissjoni rċeviet notifika ta' proposta ta' konċentrazzjoni skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha Advent International Corporation (“Advent”, l-Istati Uniti tal-Amerika) takkwista, fit-tifsira tal-Artikolu 3(1)(b) tar-Regolament dwar l-Għaqdiet, il-kontrollm tal-grupp Corialis (“Corialis”, il-Belġju) permezz ta’ xiri ta’ ishma. |
2. |
L-attivitajiet kummerċjali tal-impriżi kkonċernati huma: — għal Advent: ditta ta' ekwità privata globali li timmaniġġa investimenti f'aktar minn 70 pajjiż f'firxa diversa ta' industriji u ġografiji; — għal Corialis: forniment ta' servizzi ta' estruzzjoni tal-aluminju u sistemi ta' bini u profili għat-twieqi, bibien, konservatorji u ħitan diviżorji miksijin bl-aluminju. |
3. |
Wara eżami preliminari, il-Kummissjoni tqis li t-tranżazzjoni notifikata tista' taqa' fil-kamp ta' applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet skont ir-Regolament tal-Kunsill (KE) Nru 139/2004 (2) ta' min jinnota li dan il-każ jista' jiġi kkunsidrat għal trattament skont il-proċedura stipulata fl-Avviż. |
4. |
Il-Kummissjoni tistieden partijiet terzi interessati biex jippreżentaw lilha l-kummenti li jista' jkollhom dwar l-operazzjoni proposta. Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni permezz tal-faks (+32 22964301), permezz tal-email lil COMP-MERGER-REGISTRY@ec.europa.eu jew permezz tal-posta, bin-numru ta' referenza M.7392 — Advent International / Corialis, f'dan l-indirizz:
|
(1) ĠU L 24, 29.1.2004, p. 1 (ir-“Regolament dwar l-Għaqdiet”).
(2) ĠU C 366, 14.12.2013, p. 5.
ATTI OĦRAJN
Il-Kummissjoni Ewropea
17.9.2014 |
MT |
Il-Ġurnal Uffiċjali tal-Unjoni Ewropea |
C 319/23 |
Pubblikazzjoni ta’ applikazzjoni ta’ modifika skont l-Artikolu 50(2), il-punt a) tar-Regolament (UE) Nru 1151/2012 tal-Parlament Ewropew u tal-Kunsill dwar skemi tal-kwalità għal prodotti agrikoli u oġġetti tal-ikel
2014/C 319/10
Din il-pubblikazzjoni tagħti dritt ta’ oppożizzjoni skont l-Artikolu 51 tar-Regolament (UE) Nru 1151/2012 tal-Parlament Ewropew u tal-Kunsill (1).
TALBA GĦAL MODIFIKA
IR-REGOLAMENT TAL-KUNSILL (KE) Nru 510/2006
dwar il-protezzjoni tal-indikazzjonijiet ġeografiċi u d-denominazzjonijiet tal-oriġini għall-prodotti agrikoli u l-oġġetti tal-ikel (2)
TALBA GĦAL MODIFIKA SKONT L-ARTIKOLU 9
“OSSAU-IRATY”
Nru CE: FR-PDO-0417-01096 — 15.2.2013
IĠP ( ) DPO ( X )
1. Intestatura tal-ispeċifikazzjonijiet li huma soġġetti għall-modifika
—
—
—
—
—
—
—
—
—
2. Tip ta’ modifika(i)
—
—
—
—
3. Modifika(i)
1. “Deskrizzjoni tal-prodott”
Jiżdiedu dettalji fid-deskrizzjoni tal-ġobon: il-ġobon jiġi manifatturat esklussivament mill-ħalib tan-nagħaġ fl-istat mhux standardizzat u jiġi mmellaħ u mmaturat, f’forma ċilindrika.
Il-formati differenti (daqs tal-forma, piż) ġew iċċarati.
Tiżdied id-dispożizzjoni li ġejja:
“L-Ossau-Iraty jista’ jiġi kkummerċjalizzat fil-forma ta’ porzjonijiet ippakkjati minn qabel, sakemm kull porzjon jinkludi parti bil-qoxra li hija karatteristika tad-denominazzjoni, u tikketta li jkollha l-indikazzjonijiet previsti fil-punt 8.”
Dan jippermetti li ssir distinzjoni bejn l-“Ossau-Iraty” u l-ġobnijiet ibsin l-oħrajn manifatturati fir-reġjun, li jistgħu jinbiegħu mingħajr tikketta.
2. “Elementi li jagħtu prova li l-prodott joriġina miż-żona ġeografika”
Ġew miżjudin paragrafi dwar iż-żamma tar-reġistri u l-identifikazzjoni kif ukoll dwar l-obbligi dikjarattivi tal-operaturi. Dawn id-dispożizzjonijiet jispeċifikaw ir-reġistrazzjonijiet li għandhom jitwettqu u l-obbligi tal-operaturi tad-DPO sabiex tiġi permessa t-traċċabbiltà.
Ġie miżjud paragrafu dwar l-identifikazzjoni tal-prodott:
“L-identifikazzjoni ta’ kull ġobna hija obbligatorja. Din hija żgurata permezz ta’ marka mnaqqxa magħmula fil-fażi meta l-ġobon jiddaħħal fil-forma. Il-ġobnijiet ta’ grad inferjuri titneħħielhom din il-marka billi din tiġi mqaxxra.”
L-identifikazzjoni hija mezz biex ikun hemm distinzjoni bejn il-prodott intiż għad-DPO u l-oħrajn, l-aktar kmieni possibbli fl-elaborazzjoni tal-ġobon qabel ma jsir it-tikkettar.
3. “Metodu ta’ kisba”
— |
L-arranġamenti ta’ żamma tal-artijiet minn fejn jieklu l-annimali huma speċifikati: “Il-fertilizzanti organiċi awtorizzati huma: il-kompost, id-demel, id-demel semi-likwidu, id-demel likwidu ta’ oriġini agrikola, il-ko-kompost ta’ skart organiku, il-ħama li jifdal wara t-trattament tad-drenaġġ, l-iskart mill-azjendi tal-ħalib. Fil-perjodi meta r-ragħa ssir fuq il-muntanji, huwa awtorizzat biss it-tixrid tal-ħmieġ tal-annimali prodotti fl-ispazji fejn jinżammu l-annimali f’dan il-perjodu. It-tixrid tal-ħama li jifdal wara t-trattament tad-drenaġġ jista’ jsir biss taħt kundizzjonijiet: li jiġi ssiġillat minnufih fil-ħamrija, perjodu latenti wara t-tixrid ta’ mill-inqas tmien ġimgħat, monitoraġġ analitiku għal kull lott. Il-fertilizzazzjoni minerali annwali medja hija limitata, fuq il-mergħat, għal 100 unità ta’ nitroġenu, 60 unità ta’ fosforu u 100 unità ta’ potassju għal kull ettaru.” Dawn il-miżuri għandhom l-għan li jillimitaw l-intensifikazzjoni u li jiġi evitat eċċess ta’ fertilizzazzjoni, li jista’ jiżbilanċja l-flora naturali tal-mergħat u tal-għoljiet u jniġġes l-ilma. It-tixrid tal-ħama li jifdal wara t-trattament tad-drenaġġ huwa ttollerat skont ċerti kundizzjonijiet, minħabba li dawn il-prodotti huma suxxettibbli li jarmu elementi mhux mixtieqa fil-ħamrija li jistgħu jiġu trasferiti fl-għalf. |
— |
Id-definizzjonijiet tal-merħla (grupp ta’ ovini preżenti fl-azjenda, maħsuba għall-produzzjoni tal-ħalib) u tan-nagħġa (annimal femminili ta’ età ta’ aktar minn sitt xhur fl-1 ta’ Novembru) huma speċifikati. |
— |
Żieda tad-dispożizzjoni li ġejja: “L-annimali li joriġinaw minn manipulazzjoni tal-ġenoma huma projbiti.”, sabiex jinżamm il-karattru lokali tar-razez. |
— |
Żieda ta’ “Għall-merħla kollha, il-perjodu ta’ taħlib ma jistax jaqbeż 265 jum kull sena. Il-ħlib huwa pprojbit matul ix-xhur ta’ Settembru u Ottubru.” Din il-miżura tiżgura n-natura staġjonali tal-produzzjoni tal-ħalib, sabiex tiġi evitata l-produzzjoni mhux fl-istaġun, u tistabbilixxi perjodu obbligatorju ta’ tnixxif, li huwa neċessarju għaż-żamma tan-nagħaġ fi stat tajjeb qabel ma jitwieldu ż-żgħar. |
— |
Żieda ta’ “F’kampanja tal-ħalib (bejn l-1 ta’ Novembru u l-31 ta’ Ottubru tas-sena ta’ wara) il-livell medju tal-ħalib tal-merħla ma jaqbiżx it-300 litru għal kull nagħġa u l-medja ta’ materja niexfa utli hija aktar minn 110 gramma għal kull litru ta’ ħalib.” |
Billi l-produzzjoni tal-“Ossau-Iraty” hija bbażata fuq sistema estensiva, il-produzzjoni tal-ħalib hija limitata għal kull nagħġa sabiex jiġu evitati s-sistemi intensivi wisq. Il-livell minimu ta’ materja niexfa utli (MNU) għandu l-għan li jorjenta l-għażla minn dawk li jrabbu l-annimali, għal annimali li jipproduċu ħalib ta’ kwalità aktar minn għal annimali li jipproduċu kwantitajiet kbar ta’ ħalib.
—
Dan ifisser li jiġu limitati r-riskji ta’ kontaminazzjoni tal-kultivazzjonijiet tal-għalf, minħabba li l-ikel magħmul b’varjetajiet transġeniċi huma projbiti għar-ruminanti tal-azjenda. Ir-raġuni hija ż-żamma tal-karattru tradizzjonali tal-ikel għal dan il-ġobon, li għandu reputazzjoni kbira ta’ prodott tal-muntanji.
—
— |
“L-ikel tal-merħla għandu jsegwi d-dispożizzjonijiet li ġejjin:
|
Sabiex tissaħħaħ ir-rabta mal-ambjent ġeografiku, il-maġġoranza tal-ikel ikkunsmat min-nagħaġ tiġi miż-żona ġeografika. Mingħajr il-miżura li tistabbilixxi minimu ta’ kuljum, ikun possibbli li l-annimali ma jingħatawx ikel miż-żona ġeografika għal erba’ xhur, l-aktar matul il-perjodu l-aktar intensiv ta’ produzzjoni.
L-introduzzjoni ta’ ħin minimu ta’ mergħa ssaħħaħ ir-rabta tal-prodott maż-żona ġeografika tiegħu u tirrispetta l-metodu ta’ trabbija tradizzjonali tar-reġjun. Ir-razez lokali fil-fatt huma partikolarment adattati għall-mergħa f’kull staġun, u l-eżerċizzju huwa neċessarju għal saħħithom. It-tul ta’ żmien magħżul, ekwivalenti għal tmien xhur kull sena, huwa kompatibbli mal-kundizzjonijiet li jinsabu fil-muntanji.
—
“— |
ir-razzjon bażiku huwa magħmul minn mergħa, foraġġ frisk, niexef u deidrat biż-żarġuni twal, tiben u foraġġ fermentat. It-tiben mhuwiex trattat bl-ammonijaka. Fir-razzett jistgħu jiġu pprovduti fil-forma ta’ foraġġ frisk: pitravi tal-għalf, ġidriet, caboċċi tal-għalf, kolza tal-għalf, ħaxix. Il-foraġġ aħdar, maħsud kif suppost, għandu jinġieb frisk fir-razzett. M’għandux jissaħħan qabel ma jingħata lill-annimali. Il-ħawtijiet għandhom jitnaddfu mill-fdalijiet qabel ma jitpoġġa aktar foraġġ aħdar;” |
Dawn il-miżuri jservu biex fl-ikel jinżammu l-ingredjenti li jippermettu lin-nagħaġ iżommu n-natura tagħhom ta’ ruminanti. L-ikel huwa l-ewwel nett definit skont il-kompożizzjoni tar-razzjon bażiku, u mbagħad skont dik tas-supplimenti u l-konċentrati.
—
“— |
foraġġ iffermentat fl-ikel tal-merħla fil-perjodu tat-tiħlib: sal-31 ta’ Jannar 2018, il-konsum ta’ foraġġ iffermentat huwa limitat għal medja ta’ 1,5 kg gross ta’ insilaġġ ta’ qamħirrum u 1 kg gross ta’ pakketti jew insilaġġ ta’ ħaxix, kuljum għal kull nagħġa; il-pakketti ta’ ħaxix għandu jkollhom rata minima ta’ materja niexfa ta’ 70 %. Mill-1 ta’ Frar 2018, il-konsum ta’ insilaġġ huwa pprojbit, il-konsum ta’ ħaxix ippakkjat huwa awtorizzat fil-limitu ta’ medja ta’ 1 kg gross kuljum għal kull nagħġa, sakemm ikollu rata minima ta’ materja niexfa ta’ 70 %.” |
L-għan huwa li jinżammu l-karatteristiċi tal-ħalib. L-użu ta’ foraġġ iffermentat, li jista’ jiffavorixxi ċerti kontaminazzjonijiet ta’ mikrobi, huwa għalhekk limitat. Il-ħaxix ippakkjat huwa metodu ta’ ħsad alternattiv għall-ħuxlief, u jsir fil-każ ta’ xita. Id-dispożizzjoni teħtieġ perjodu ta’ implimentazzjoni sabiex ċerti produtturi tal-ħalib jistabbilixxu sistema ta’ ikel li tippermetti t-tneħħija tal-konsum ta’ insilaġġ fil-perjodu tat-tiħlib.
Żieda ta’
“— |
it-taħlita ta’ ingredjenti magħmula mill-produttur fir-razzett hija awtorizzata f’ċerti kundizzjonijiet:
|
Din il-miżura għandha l-għan li tipprojbixxi r-razzjonijiet kompluti tan-negozju, li l-oriġini tagħhom u ta’ spiss il-kompożizzjoni ma jkunux ikkontrollati minn min irabbi, u li l-użu tagħhom jiffavorixxi metodu ta’ trobbija industrijali mingħajr rabta maż-żona ġeografika.
—
Din il-limitazzjoni għandha l-għan li tippreserva n-natura ta’ ruminanti tan-nagħaġ. Korrelatata mal-miżuri ta’ tul ta’ żmien minimu annwali ta’ mergħa, u l-minimu ta’ ikel li jiġi miż-żona, din tikkontribwixxi għar-rabta mat-territorju lokali, minħabba li dan għandu rabta qawwija mal-ikel tal-annimali. Iż-żewġ limiti, annwali u ta’ kuljum, iqisu l-varjazzjoni staġjonali qawwija tar-riżorsi ta’ foraġġ u taċ-ċiklu tan-nagħaġ.
Lista ta’ ikel awtorizzat hija wkoll miżjuda bl-għan li bħala prijorità jintużaw il-prodotti li joriġinaw mill-għarfien espert ta’ min irabbi. Huwa wkoll metodu biex wieħed ikollu informazzjoni preċiża tal-materja prima li tidħol fil-formulazzjoni tal-ikel kompost.
— |
Il-paragrafu li ġej jiżdied sabiex tiġi promossa ż-żamma tan-natura tradizzjonali tal-ikel: “Il-prodotti veġetali, il-koprodotti u l-ikel kumplimentari li ġej minn prodotti mhux transġeniċi biss huma awtorizzati fl-ikel tar-ruminanti żgħar.” |
— |
Sabiex jiġi kkontrollat l-ikel tal-annimali żgħar, bħalma huwa dak tal-adulti, tiżdied lista pożittiva tal-ikel awtorizzat: “Ikel awtorizzat għall-ħrief wara l-ftim: prodotti tal-ħalib, ħmira, preservattivi, miżwed tal-ħarrub. Dawk it-trattamenti mediċinali biss li għandhom l-għan li jikkuraw huma awtorizzati.” |
— |
Hija miżjuda d-dispożizzjoni li ġejja: “Il-produzzjoni hija pprojbita matul ix-xhur ta’ Settembru u Ottubru.” |
Dan jafferma n-natura staġonali tal-produzzjoni tal-ġobon “Ossau-Iraty”, li ssegwi l-produzzjoni tal-ħalib, li ssir minn Novembru/Diċembru sa Ġunju/Lulju, xi kultant Awwissu.
— |
It-termini “l-użu fl-istat mhux ipproċesaat għall-ġobon tar-razzett”, huma sostitwiti b’dan li ġej: “Il-konċentrazzjoni tal-ħalib bl-eliminazzjoni parzjali tal-parti milwiema qabel il-koagulazzjoni hija projbita. It-trattament termali tal-ħalib huwa awtorizzat fil-produzzjoni mhux fir-razzett.” |
Din id-dispożizzjoni tafferma li l-ħalib għandu jintuża fl-istat pur, mingħajr trattament ieħor għajr dak termali, u dan tal-aħħar xorta huwa projbit għall-ġobon tar-razzett b’konformità mal-użu attwali.
—
“Il-produzzjoni tinkludi biss l-istadji li ġejjin:
— |
fil-produzzjoni fir-razzett, it-tgħarbil fuq il-ħurrieq huwa awtorizzat. |
— |
l-uniċi addizzjonijiet awtorizzati fil-ħalib: il-kimożina, il-korur tal-kalċju (massimu 3 cm3 għal kull 10 litri ta’ ħalib), l-ilma, il-kulturi ta’ batterji, ħmira u moffa li ma jagħmlux ħsara, li ma joriġinawx minn manipulazzjonijiet ġenetiċi. |
— |
Iż-żieda tal-kimożina ssir fi żmien 40 siegħa wara l-aktar ħlib antik għall-produzzjoni fir-razzett, u 48 siegħa wara l-aktar ħlib antik fil-produzzjoni mhux fir-razzett. Dan isir f’temperatura ta’ bejn 28 u 35 °C, permezz ta’ żieda ta’ kwantità massima ta’ kimożina ta’ 3 cm3 għal 10 litri ta’ ħalib, għal kimożina ta’ referenza ta’ 520 mg għal kull litru. Hija awtorizzata żieda ta’ ilma tajjeb għax-xorb biex il-kimożina tiġi dilwita. |
— |
l-operazzjonijiet ta’ formazzjoni tal-baqta, il-qtugħ, it-taħlit, it-tisħin u t-tisħin mill-ġdid isiru f’temperatura aktar baxxa jew ugwali għal 44 °C. It-tul ta’ żmien tat-taħlit ma jistax jaqbeż siegħa. Il-biċċiet miksubin għandhom daqs ugwali għal 1 cm3 jew inqas minn hekk. |
— |
it-tneħħija tal-lattożju huwa awtorizzat fil-produzzjoni mhux fir-razzett: il-kwantità ta’ xorrox li jitneħħa huwa inqas jew ugwali għal 25 % tal-volum ta’ ħalib użat fil-produzzjoni, il-kwantità ta’ ilma tajjeb għax-xorb miżjuda fil-baqta ma tistax taqbeż 25 % tal-volum ta’ ħalib użat fil-produzzjoni, it-temperatura ta’ dan l-ilma hija bejn 25 u 60 °C. |
— |
it-tqegħid fil-forma, li jsir f’forom imtaqqbin bix-xibka jew forom b’toqob żgħar ħafna (minn dijametru ta’ 25,5 sa 26 ċentimetru u għoli ta’ 9 sa 12-il ċentimetru, jew forom b’format imnaqqas, b’dijametru ta’ bejn 18 u 20 ċentimetru u għoli ta’ 7 sa 10 ċentimetri. Il-ġobon tar-razzett jista’ jiġi prodott f’forom b’dijametru ta’ 24 sa 28 ċentimetru u b’għoli ta’ 9 sa 15-il ċentimetru). |
— |
l-ippressar, li matulu l-ġobon tar-razzett jinqaleb mill-inqas darba. |
— |
it-tneħħija mill-forom, li ssir minn pH ta’ inqas jew ugwali għal 5,5. |
— |
it-tmelliħ, bil-melħ niexef jew is-salmura. It-tmelliħ niexef isir f’temperatura ambjentali inqas jew ugwali għal 15 °C, u t-tul ta’ żmien ma jistax jaqbeż 24 siegħa għal kull kg ta’ ġobon. Is-salmura hija magħmula minn ilma, melħ (fi kwantità inqas jew ugwali għal 330 gramma għal kull litru); jista’ jkun fiha l-aċidu aċetiku u/jew lattiku; il-pH tagħha huwa inqas jew ugwali għal 5,5. It-tmelliħ fis-salmura ma jistax jaqbeż tul ta’ żmien ta’ 12-il siegħa għal kull kg ta’ ġobon. It-temperatura tagħha ma taqbiżx 15 °C. Il-filtrazzjoni tas-salmura hija awtorizzata.” |
Billi d-deskrizzjoni tal-uniku stadju ta’ taħlit u tisħin tal-biċċiet tal-baqta fir-reċipjent tidher mhux kompluta f’termini ta’ deskrizzjoni tal-metodu użat biex jinkiseb il-prodott, id-definizzjoni ta’ kull stadju ta’ produzzjoni tal-ġobon mill-produzzjoni tal-ħalib sat-tmelliħ għalhekk hija speċifikata. Il-valuri fil-mira li jikkonċernaw b’mod partikolari t-tul ta’ żmien u t-temperaturi li għandhom jiġu rispettati huma definiti skont il-prattiki attwali tal-fabbriki tal-ġobon. Minbarra dan, billi l-ispeċifikazzjonijiet li bħalissa huma fis-seħħ ma jispeċifikawx il-kundizzjonijiet relatati mal-prattika tat-tneħħija tal-lattożju, din it-teknika, użata biss fil-produzzjoni fil-fabbriki tal-ħalib minħabba li hija adattata għat-taħlitiet tal-ħalib, ġiet irregolata f’termini ta’ kwantità massima ta’ xorrox imneħħi, ta’ kwantità massima ta’ ilma miżjud u ta’ temperatura.
— |
Barra minn hekk, l-użu tat-trattamenti u addittivi għall-ġobon kienu soġġetti għal regolamentazzjoni ġenerali. Madankollu, deher li xi tekniki ġodda, li għadd kbir minnhom jikkonċernaw it-trattamenti u l-addittivi, jista’ jkollhom konsegwenzi fuq il-karatteristiċi tal-“Ossau-Iraty”. |
Għalhekk kien meħtieġ li jiġu speċifikati fl-ispeċifikazzjonijiet, il-prattiki attwali li jikkonċernaw l-użu tat-trattamenti u l-addittivi fil-ħalib u fil-produzzjoni tal-“Ossau-Iraty”, sabiex jiġi evitat li l-prattiki futuri mhux regolamentati ma jaffettwawx il-karatteristiċi tiegħu.
Jiżdiedu d-dispożizzjonijiet li ġejjin:
“Il-preservazzjoni permezz taż-żamma f’temperatura negattiva (fi gradi Celsius) tal-materja prima, tal-prodotti li qed jiġu prodotti, tal-baqta jew tal-ġobon frisk hija projbita.
It-teknika ta’ posponiment bil-vakwu hija awtorizzata, sakemm jiġu rispettati l-kundizzjonijiet li ġejjin:
— |
it-tpoġġija tal-ġobnijiet friski f’vakwu għandha ssir fi żmien 10 ijiem wara li joħorġu mit-tmelliħ bis-salmura jew bil-melħ niexef. |
— |
matul il-perjodu kollu li jkunu fil-vakwu, it-temperatura ta’ konservazzjoni għandha tkun bejn 0 °C u 4 °C. |
— |
it-tul massimu tal-posponiment huwa ta’ 10 xhur, u l-ġobnijiet kollha prodotti f’sena għandhom jitneħħew mill-vakwu l-aktar tard fl-20 ta’ Diċembru tal-istess sena. |
— |
it-tul ta’ żmien tal-maturazzjoni, fil-każ ta’ posponiment f’vakwu, jibda jgħodd mill-jum meta l-ġobon jitneħħa mill-vakwu.” |
L-iffriżar li jimmodifika l-karatteristiċi organolettiċi tal-ġobon huwa projbit. Il-posponiment f’vakwu jippermetti l-maturazzjoni u l-kummerċjalizzazzjoni tal-ġobon tul is-sena kollha minkejja n-natura staġjonali tal-produzzjoni tal-ħalib u għalhekk anki tal-produzzjoni. Dan huwa perjodu ta’ stennija tal-ġobon frisk f’vakwu qabel il-maturazzjoni, billi l-ħin ta’ konservazzjoni f’vakwu huwa eskluż mill-ħin ta’ maturazzjoni.
—
“It-tul ta’ żmien minimu ta’ maturazzjoni fiż-żona tad-denominazzjoni huwa 120 jum għall-ġobnijiet ta’ 4 sa 7 kg u 80 jum għall-ġobnijiet ta’ 2 sa 3 kg. It-temperatura ta’ maturazzjoni hija minn 6 sa 15 °C. L-umdità ambjentali tal-kamra tal-maturazzjoni għandha tkun aktar minn 75 %.”
L-estensjoni tat-tul ta’ żmien ta’ maturazzjoni ssaħħaħ in-natura tal-prodotti. Barra minn hekk huma pprovduti preċiżjonijiet dwar l-arranġamenti tal-maturazzjoni sabiex din tiġi rregolata sewwa.
— |
Għandha tiżdied id-dispożizzjoni li ġejja, li tiddeskrivi l-prattika tradizzjonali tal-kura tal-ġobnijiet: “Matul il-maturazzjoni, il-ġobnijiet jitqallbu u jitnaddfu bi xkupilja. Għat-tindif bl-ixkupilja jistgħu jintużaw l-ilma, il-melħ u fermenti ta’ maturazzjoni tal-wiċċ u polpa tal-bżar aħmar.” |
— |
Sabiex jissaħħu dawn il-prattiki tradizzjonali, l-applikazzjoni ta’ kolorant(i) tal-qoxra u tan-natamiċina (E235) fil-wiċċ hija pprojbita. Il-projbizzjoni tal-użu tal-aċetat tal-polivinil teħtieġ perjodu ta’ implimentazzjoni sal-1 ta’ Novembru 2014 sabiex l-operaturi kollha jkollhom mezz alternattiv. |
4. “Elementi speċifiċi tat-tikkettar”
L-abbozzar il-ġdid jimponi b’mod aktar ċar tikkettar obbligatorju tal-prodott u daqs tat-tipi.
L-obbligu tat-tpoġġija tal-logo INAO jitneħħa u jiġi sostitwit bl-obbligu tat-tpoġġija tas-simbolu DPO tal-Unjoni Ewropea u jista’ jiddaħħal ukoll il-kliem “denominazzjoni protetta ta’ oriġini”.
Il-possibbiltà tal-kliem “tar-razzett” u “tal-muntanja” kif ukoll il-kundizzjonijiet ta’ użu ta’ dawn il-kliem jitneħħew minħabba li dawn id-dispożizzjonijiet m’għadhomx xierqa.
5. “Eżiġenzi nazzjonali”
Żieda tal-punti ewlenin tal-ispeċifikazzjonijiet li għandhom jiġu vverifikati.
DOKUMENT UNIKU
IR-REGOLAMENT TAL-KUNSILL (KE) Nru 510/2006
dwar il-protezzjoni tal-indikazzjonijiet ġeografiċi u d-denominazzjonijiet tal-oriġini għall-prodotti agrikoli u l-oġġetti tal-ikel (3)
“OSSAU-IRATY”
Nru CE: FR-PDO-0417-01096 — 15.2.2013
IĠP ( ) DPO ( X )
1. Denominazzjoni
“Ossau-Iraty”
2. Stat Membru jew pajjiż terz
Franza
3. Deskrizzjoni tal-prodott agrikolu jew tal-oġġett tal-ikel
3.1. Tip ta’ prodott
Klassi 1.3. Ġobnijiet
3.2. Deskrizzjoni tal-prodott li għandu d-denominazzjoni msemmija fil-punt 1
L-“Ossau-Iraty” huwa ġobon li jiġi manifatturat esklussivament mill-ħalib tan-nagħaġ fl-istat pur mhux standardizzat u biż-żieda tal-kimożina. Huwa mmellaħ u mmaturat, għandu forma ċilindrika, ftit ippressat u mhux imsajjar bil-ġnub dritti jew kemmxejn konvessi, għandu mill-inqas 50 fil-mija ta’ xaħam fl-estratt niexef totali u l-kontenut tiegħu f’materja niexfa m’għandux ikun inqas minn 58 gramma għal kull 100 gramma ta’ ġobon. L-“Ossau-Iraty” tar-razzett jiġi manifatturat esklussivament mill-ħalib mhux ippastorizzat.
Dimensjonijiet tal-forom u piż tal-ġobnijiet:
— |
forom b’dijametru ta’ 25,5 sa 26 cm u għoli ta’ 9 sa 12 cm b’piż tal-ġobnijiet immaturati ta’ 4 sa 5 kg. |
— |
jew forom b’dijametru ta’ 18 sa 20 cm u għoli ta’ 7 sa 10 cm b’piż tal-ġobnijiet immaturati ta’ 2 sa 3 kg. |
L-“Ossau-Iraty” tar-razzett jista’ jiġi manifatturat fil-forom deskritti fuq, jew għall-format superjuri f’forom ta’ dijametru ta’ bejn 24 u 28 cm u għoli ta’ 9 sa 15 cm u jilħaq piż ta’ 7 kg.
Il-ġobon għandu kulur li jvarja minn abjad ivorju sal-kulur krema ambra skont il-maturazzjoni. Huwa lixx, sod u żejtni. Jista’ jkollu xi toqob żgħar.
Il-qoxra għandha kulur li jvarja minn isfar fl-oranġjo sal-griż.
It-tul ta’ żmien minimu ta’ maturazzjoni huwa 80 jum għall-ġobnijiet ta’ piż bejn 2 u 3 kg; 120 jum għall-ġobnijiet ta’ piż bejn 4 u 7 kg.
3.3. Materja prima (għall-prodotti pproċessati biss)
L-“Ossau-Iraty” huwa magħmul esklussivament mill-ħalib tan-nagħaġ, tar-razza Bask-Béarnaise jew Manech rashom ħamra jew Manech rashom sewda.
F’kampanja tal-ħalib (bejn l-1 ta’ Novembru u l-31 ta’ Ottubru tas-sena ta’ wara) il-livell medju tal-ħalib tal-merħla ma jaqbiżx it-300 litru għal kull nagħġa. Il-ħalib jiġi prodott b’mod staġjonali: il-ħlib tal-merħla ma jistax jaqbeż 265 jum kull sena u huwa projbit f’Settembru u Ottubru.
3.4. Ikel għall-annimali (għall-prodotti li ġejjin mill-annimali biss)
L-ikel tal-merħla jiġi prinċipalment miż-żona ġeografika definita. Il-forniment (minbarra l-mergħa) ta’ ikel li ma jiġix minn din iż-żona huwa limitat f’kampanja sħiħa għal 280 kg ta’ materja niexfa għal kull nagħġa bħala medja.
Ir-razzjon bażiku huwa magħmul minn mergħa, foraġġ frisk, niexef u deidrat, tiben u foraġġ iffermentat. L-ikel tal-merħla għandu jkun magħmul minn lista pożittiva ta’ materja prima kemm għar-razzjon bażiku u kemm għas-supplimenti. L-ikel tal-merħla jiġi minn prodotti mhux transġeniċi.
In-nagħaġ jirgħu għal minimu ta’ 240 jiem kull sena. Fil-perjodu tal-ħlib, fil-jiem meta ma jirgħux, in-nagħaġ jirċievu razzjon ta’ kuljum li jinkludi minimu ta’ 600 g ta’ materja niexfa li ġejja miż-żona ġeografika.
Fir-rigward tal-ikel tal-merħla fil-perjodu tat-tiħlib:
— |
sal-31 ta’ Jannar 2018, il-konsum ta’ foraġġ iffermentat huwa limitat għal medja ta’ 1,5 kg gross ta’ insilaġġ ta’ qamħirrum u 1 kg gross ta’ pakketti jew insilaġġ ta’ ħaxix, kuljum għal kull nagħġa; |
— |
mill-1 ta’ Frar 2018 il-konsum tal-insilaġġ huwa projbit u l-konsum ta’ ħaxix ippakkjat huwa awtorizzat fil-limitu ta’ medja ta’ 1 kg gross kuljum għal kull nagħġa. |
Dawn iż-żewġ dispożizzjonijiet japplikaw sakemm il-ħaxix ippakkjat ikollu rata minima ta’ materja niexfa ta’ 70 %.
Iż-żieda ta’ konċentrati fir-razzjon ta’ kuljum ma tistax taqbeż medja ta’ 800 gramma ta’ materja niexfa għal kull nagħġa. F’kampanja sħiħa, il-konsum medju ta’ konċentrati għal kull nagħġa huwa limitat għal 150 kg ta’ materja niexfa.
It-tħawwil ta’ kultivazzjonijiet transġeniċi huwa projbit fl-uċuħ kollha ta’ azjenda li tipproduċi ħalib li huwa maħsub biex jiġi pproċessat f’DPO. Din il-projbizzjoni hija valida għal kull speċi veġetali li tista’ tingħata lill-annimali tal-azjenda bħala għalf u kull kultivazzjoni ta’ speċi li tista’ tikkontaminah.
3.5. Stadji speċifiċi tal-produzzjoni li jridu jsiru fiż-żona ġeografika delimitata
Il-produzzjoni tal-ħalib tan-nagħaġ, il-manifattura u l-maturazzjoni jsiru fiż-żona ġeografika.
3.6. Regoli speċifiċi applikabbli għat-tfettit, il-ħakk, l-imballaġġ eċċ.
L-“Ossau-Iraty” jista’ jiġi kkummerċjalizzat fil-forma ta’ porzjonijiet ippakkjati minn qabel, diment li kull porzjon jinkludi parti bil-qoxra li hija karatteristika tad-denominazzjoni, u tikketta li jkollha l-indikazzjonijiet previsti fil-punt 3.7 hawn fuq.
3.7. Regoli speċifiċi tat-tikkettar
B’mod indipendenti mill-annotazzjonijiet regolatorji applikabbli għall-ġobnijiet kollha, it-tikkettar ta’ kull ġobon għandu jkollu l-isem tad-denominazzjoni tal-oriġini miktub b’tipa ta’ dimensjonijiet mill-inqas ugwali għal żewġ terzi ta’ dawk tal-aktar tipi kbar li jidhru fuq it-tikketta.
It-tqegħid tas-simbolu DPO tal-Unjoni Ewropea huwa obbligatorju fit-tikketti tal-ġobnijiet.
It-termini “denominazzjoni protetta ta’ oriġini” tista’ tiżdied fuq it-tikketta.
4. Deskrizzjoni fil-qosor tad-delimitazzjoni taż-żona ġeografika
Iż-żona ġeografika hija magħmula mill-muniċipalitajiet jew partijiet tal-muniċipalitajiet
— |
tad-dipartiment tal-Pyrénées-Atlantiques:
Għal dawn il-muniċipalitajiet, il-mapep jinsabu fil-kunsill lokali. Dawn il-muniċipalitajiet jinsabu fin-naħa tax-xellug tal-Ousse u mbagħad tal-Gave de Pau, tal-Gaves flimkien u mbagħad tal-Adour wara l-konfluwenza tagħhom, kif ukoll f’parti mill-muniċipalità ta’ Lons li tinsab fin-naħa tal-lemin tal-Gave de Pau. |
— |
tad-dipartiment tal-Hautes-Pyrénées ta’ maġenb id-dipartiment tal-Pyrénées-Atlantiques: Arbéost, Arrens-Marsous, Ferrières. |
5. Rabta maż-żona ġeografika
5.1. Speċifiċità taż-żona ġeografika
Iż-żona tad-denominazzjoni tinkludi l-muntanja u ż-żoni taħt il-muntanji Baski u Béarnais.
Il-kundizzjonijiet naturali taż-żona ġeografika, il-klima tal-oċean b’xita regolari u bi kwantità kbira (mill-inqas 1 200 u sa 1 800 mm/sena), u amplitudnijiet termiċi relattivament dgħajfa, li jiffavorixxu l-mergħat u minħabba f’hekk anki t-trobbija tal-ovini tal-ħalib. Minbarra dan, ir-riżalt, l-għoljiet, il-muntanji baxxi u medji, u l-altitudni, orjentaw l-agrikoltura lejn it-trobbija, speċjalment dik estensiva.
Ir-razez ta’ nagħaġ użati għall-provvista tal-ħalib huma tradizzjonali. Huma razez lokali Manech rashom sewda, Manech rashom ħamra u Bask-Béarnaise partikolarment adattati għall-kundizzjonijiet taż-żona ġeografika: l-ikel ibbażat fuq il-ħaxix u l-ħuxlief, il-klima b’ħafna xita li jiffaċċjaw bis-suf tagħhom li huwa “impermeabbli”. Huma jirgħu kuljum anki fix-xitwa, ħlief meta tagħmel il-borra jew meta jkun hemm kundizzjonijiet estremi; huma adatti għat-transumanza li hija prattikata minn tliet kwarti tal-merħliet. Dawn ir-razez lokali jipproduċu l-ħalib fix-xitwa, fir-rebbiegħa u fil-bidu tas-sajf biss.
Il-metodu tal-kisba huwa adattat għal din il-produzzjoni staġonali: għalhekk dan il-metodu jipprojbixxi l-ħlib u l-produzzjoni f’Settembru u Ottubru.
Il-ħalib tan-nagħaġ taż-żona ġeografika huwa partikolarment rikk; għalhekk il-metodu ta’ kisba jiggarantixxi medja ta’ materja niexfa utli (xaħam + materja ta’ proteini) ta’ aktar minn 110 grammi għal kull litru ta’ ħalib.
Il-prattiki u l-parametri ta’ produzzjoni huma adatti għal din ir-rikkezza tal-ħalib. Għalhekk meta jitqiegħed fil-kantina, il-ġobon jista’ jkun suxxettibbli għal trasformazzjonijiet, lipolisi u proteolisi, matul il-maturazzjoni.
Il-prattiki tal-maturazzjoni tal-operaturi (tqallib, tindif bl-ixkupilja, projbizzjoni ta’ kull prodott kontra l-moffa) jikkontribwixxu biex il-flora tal-wiċċ tiġi orjentata lejn il-flora utli diversa li tiżgura l-iżvilupp tal-aromi.
5.2. Speċifiċità tal-prodott
L-“Ossau-Iraty” huwa ġobon tal-ħalib tan-nagħaġ li huwa xi ftit ippressat, f’forma ta’ ċilindru bil-ġnub dritti jew kemmxejn konvessi. Il-qoxra hija iebsa, wiesgħa ftit millimetri, u l-kulur ivarja bejn l-isfar fl-oranġjo u l-griż. L-“Ossau-Iraty” għandu piż ta’ mill-inqas 2 kilogrammi, u dan jippermetti perjodu ta’ maturazzjoni twil, ta’ minimu ta’ 80 sa 120 jiem skont il-formati.
Il-ġobon għandu kulur li jvarja minn abjad avorju sal-kulur krema ambra skont il-maturazzjoni. Huwa lixx, sod, idub fil-ħalq u minn żejtni sa iebes. Jista’ jkollu xi toqob żgħar.
Ir-riħa hija sottili u tfakkar xi kultant fil-fjuri jew fil-frott. It-togħma hija bilanċjata bejn l-aċidu u x-xaħmi; intensa u bi kwantità ta’ melħ mhux eċċessiva, ta’ spiss jista’ jkun hemm aromi ta’ ġellewż u ta’ frott.
5.3. Rabta kawżali bejn iż-żona ġeografika u l-kwalità jew il-karatteristiċi tal-prodott (għad-DPO), jew kwalità speċifika, ir-reputazzjoni jew karatteristika oħra tal-prodott (għall-IĠP)
Iż-żona ġeografika hija magħmula mill-muntanja u ż-żoni taħt il-muntanji Baski u Béarnais li fil-maġġoranza tagħhom huma mgħottija b’mergħat naturali jew temporanji, kemm fil-postijiet fejn jirgħu l-annimali fejn il-maġġoranza tal-merħliet iwettqu t-transumanza kull sajf jew fl-irziezet fejn min irabbi jagħti prijorità lill-produzzjoni tal-foraġġ għar-ragħa u l-ħuxlief.
Din il-kopertura veġetali tippermetti l-produzzjoni tal-foraġġ għall-ikel li jiġi miż-żona ġeografika li fil-maġġoranza tiegħu huwa magħmul mill-ħuxlief, il-ħaxix li jikber wara l-ewwel ħart u l-mergħa ta’ speċijiet varji.
Dawn ir-riżorsi ta’ foraġġ huma valorizzati mit-trobbija tan-nagħaġ esklussivament ta’ razez lokali (Manech rashom sewda, Manech rashom ħamra u Bask-Béarnaise).
L-użu ta’ dawn ir-razez lokali, l-ikel ibbażat fuq il-mergħa u l-konsum tal-ħuxlief, il-kundizzjonijiet tat-trobbija li jillimintaw l-intensifikazzjoni jippermettu li jiġi ggarantit ħalib adatt għall-produzzjoni tal-ġobon.
Il-produzzjoni tal-ġobnijiet tan-nagħaġ ilha teżisti fil-parti tal-Punent tal-Pirenej minn mill-inqas il-Medju Evu. Kuntratti ta’ biedja bi tqassim tas-seklu 14 u dokumenti notarili tal-bidu tas-seklu 15 jagħtu prova tal-produzzjoni ta’ ġobon tan-nagħaġ fir-reġjun.
Il-kundizzjonijiet diffiċili ta’ trasport bejn il-mergħat fl-għoljiet jew fil-muntanji, fl-altitudnijiet għoljin u l-widien, ġiegħlu malajr lir-rgħajja sabiex jipproċessaw il-ħalib fil-post f’ġobon li jista’ jitniżżel fil-widien biex jiġi kkummerċjalizzat.
L-“Ossau-Iraty” huwa parti mill-kategorija ta’ ġobnijiet “ippressati mhux imsajrin”: il-piż tiegħu ta’ bosta kilogrammi, il-fatt li huwa ppressat, il-forma u l-maturazzjoni twila tiegħu li jagħtuh qoxra relattivament iebsa, jagħmluh prodott li jissodisfa dan l-għan li jista’ jiġi trasportat faċilment. Il-kapaċità tiegħu li jiġi konservat kienet tiżgura lir-rgħajja u lill-familji tagħhom ikel bi proteini tul is-sena kollha.
Illum it-trasport huwa aktar faċli, it-tradizzjoni ta’ maturazzjoni twila nżammet u l-karatteristiċi tal-ġobnijiet, b’aromi varji, joħorġu mill-prattiki kollha ta’ produzzjoni adattati, b’mod partikolari minn din il-maturazzjoni twila tal-ġobnijiet.
Referenza għall-pubblikazzjoni tal-ispeċifikazzjonijiet
[Artikolu 5(7) tar-Regolament (KE) Nru 510/2006 (4)]
https://www.inao.gouv.fr/fichier/CDCOssau-Iraty.pdf
(1) ĠU L 343, 14.12.2012, p. 1.
(2) ĠU L 93, 31.3.2006, p. 12. Sostitwit mir-Regolament (UE) Nru 1151/2012.
(3) Sostitwit mir-Regolament (UE) Nru 1151/2012.
(4) Ara n-nota ta’ qiegħ il-paġna 3.