2.9.2014   

MT

Il-Ġurnal Uffiċjali tal-Unjoni Ewropea

C 293/1

(1)

L-amplifikazzjoni proċiklika ta’ xokkijiet finanzjarji għall-ekonomija reali permezz tas-sistema bankarja u s-swieq finanzjarji kienet wieħed mill-elementi l-aktar distabilizzanti tal-kriżi finanzjarja globali. Tnaqqis ekonomiku wara perjodu ta’ tkabbir eċċessiv tal-kreditu jista’ jwassal għal telf kbir fis-settur bankarju u jagħti bidu għal ċirku vizzjuż. F’din is-sitwazzjoni, il-passi meħuda minn istituzzjonijiet ta’ kreditu biex isaħħu l-karti tal-bilanċ tagħhom jistgħu jillimitaw il-provvista ta’ kreditu lill-ekonomija reali, biex b’hekk jiġi aggravat it-tnaqqis ekonomiku u jkomplu jiddgħajfu l-karti tal-bilanċ tagħhom. Din l-amplifikazzjoni proċiklika ta’ xokkijiet tenfasizza l-importanza li jinbena kapital addizzjonali fis-settur bankarju f’perjodi meta r-riskji ta’ stress mifrux mas-sistema kollha jkunu qegħdin jikbru. Riżerva ta’ kapital addizzjonali ta’ dan it-tip għandha tgħin lis-settur bankarju biex jassorbi telf mhux mistenni waqt li tkompli tipprovdi kreditu lill-ekonomija reali.

(2)

Ittieħdu miżuri biex il-banek isiru aktar reżiljenti għad-dinamiċi proċikliċi. F’Diċembru 2010 il-Kumitat ta’ Basel dwar is-Superviżjoni Bankarja (Basel Committee on Banking Supervision — BCBS) ippubblika għadd ta’ miżuri biex tissaħħaħ ir-regolamentazzjoni tas-settur bankarju. Waħda minn dawn il-miżuri, li dwarha l-BCBS ipprovda gwida lill-awtoritajiet nazzjonali, tikkonċerna r-riżerva ta’ kapital kontroċiklika. Il-gwida tal-BCBS ġiet implimentata fl-Unjoni Ewropea bid-Direttiva 2013/36/UE.

(3)

Ir-reġim ta’ riżerva kapitali kontroċiklika taħt id-Direttiva 2013/36/UE isegwi l-prinċipju ta’ “diskrezzjoni ggwidata”. Skont dan il-prinċipju, l-awtoritajiet responsabbli għall-iffissar tar-rata ta’ riżerva jikkombinaw approċċ ibbażat fuq regoli mal-eżerċitar tas-setgħat diskrezzjonarji tagħhom meta jiddeċiedu dwar ir-rata ta’ riżerva xierqa. Għaldaqstant, huma meħtieġa jippubblikaw gwida tar-riżerva fuq bażi trimestrali bħala punt ta’ referenza, iżda huma mħeġġa jeżerċitaw il-ġudizzju tagħhom meta jiffissaw ir-rata ta’ riżerva.

(4)

L-awtoritajiet nazzjonali nnominati u l-Bank Ċentrali Ewropew (BĊE) (għal Stati Membri li jipparteċipaw fil-Mekkaniżmu Superviżorju Uniku) huma assenjati responsabbiltajiet għall-iffissar ta’ rati tar-riżerva kontroċikliċa. Id-Direttiva 2013/36/UE teħtieġ li kull Stat Membru jinnomina awtorità pubblika jew korp pubbliku sabiex jiffissaw ir-rata ta’ riżerva kontroċiklika għal dak l-Istat Membru. Barra minn hekk, ir-Regolament tal-Kunsill (UE) Nru 1024/2013 tal-15 ta’ Ottubru 2013 li jikkonferixxi kompiti speċifiċi lill-Bank Ċentrali Ewropew fir-rigward ta’ politiki relatati mas-superviżjoni prudenzjali ta’ istituzzjonijiet ta’ kreditu (4) jassenja kompiti superviżorji speċifiċi lill-BĊE. B’mod partikolari, jekk jidhirlu li huwa neċessarju, il-BĊE jista’ japplika rekwiżiti ogħla għal riżervi ta’ kapital kontroċikliċi minn dawk applikati mill-awtoritajiet nazzjonali nnominati. Għal dan l-iskop esklużiv, il-BĊE huwa meqjus, kif xieraq, bħala l-awtorità nnominata u għandu s-setgħat u l-obbligi kollha, li l-awtoritajiet innominati għandhom taħt il-liġi tal-Unjoni relevanti. Madankollu, tipikament huma l-awtoritajiet nazzjonali nnominati li jkunu responsabbli biex jippubblikaw ir-rati tar-riżerva kontroċikliċa.

(5)

Id-Direttiva 2013/36/UE tistabbilixxi li l-Bord Ewropew dwar ir-Riskju Sistemiku (BERS) jista’ jadotta rakkomandazzjonijiet li jagħtu gwida lil awtoritajiet innominati dwar l-iffissar tar-rati tar-riżerva kontroċiklika. B’mod partikolari, il-BERS jista’ jagħti pariri dwar il-prinċipji li għandhom jiggwidaw lill-awtoritajiet innominati biex jagħmlu l-ġudizzji tagħhom dwar ir-rati tar-riżerva xierqa u jipprovdi gwida dwar il-kejl u l-kalkolu tad-distakk bejn il-kreditu u l-PDG u l-kalkolu tal-gwida ta’ riżerva. Barra minn hekk, il-BERS jista’ jipprovdi gwida dwar il-varjabbli li jindikaw l-akkumulazzjoni ta’ riskju mifrux mas-sistema kollha b’perjodi ta’ tkabbir eċċessiv tal-kreditu fis-sistema finanzjarja u dwar il-varjabbli li jindikaw li r-riżerva għandha tinżamm, titnaqqas jew tiġi rilaxxata għal kollox.

(6)

Ir-riżerva tal-kapital kontroċiklika hija ddisinnjata biex tgħin tikkumbatti l-proċikliċità fis-sistema finanzjarja. Il-kapital għandu jiġi akkumulat meta r-riskju sistemiku ċikliku jiġi ġġudikat li qiegħed jiżdied, biex b’hekk jinħolqu riżervi li jżidu r-reżiljenza tas-settur bankarju matul perjodi ta’ stress meta jimmaterjalizza t-telf. Dan jgħin biex tinżamm il-provvista tal-kreditu u tittaffa l-fażi negattiva taċ-ċiklu finanzjarju. Ir-riżerva ta’ kapital kontroċiklika tista’ tgħin ukoll biex trażżan it-tkabbir eċċessiv tal-kreditu matul il-fażi pożittiva taċ-ċiklu finanzjarju.

(7)

Il-gwida tar-riżerva mhijiex maħsuba li tagħti lok għal iffissar awtomatiku tar-riżerva jew biex torbot lill-awtorità nnominata. L-analiżi mill-BCBS turi li, waqt li d-distakk bejn il-kreditu u l-PDG huwa punt ta’ tluq utli biex jiggwida d-deċiżjonijiet dwar rati tar-riżerva kontroċiklika, il-prestazzjoni tiegħu tista’ tvarja bejn pajjiż u ieħor u minn żmien għal żmien. Minħabba l-eteroġeneità u n-natura dinamika tas-sistemi finanzjarji, il-karatteristiċi speċifiċi tal-ekonomiji nazzjonali u d-differenzi materjali fid-disponibbiltà tad-dejta fl-Unjoni Ewropea, l-awtoritajiet innominati għandhom iqisu firxa ta’ informazzjoni meta jevalwaw il-livell ta’ riskju mifrux mas-sistema kollha u jiffissaw ir-rata tar-riżerva b’mod xieraq. Din l-informazzjoni għandha tinkludi indikaturi addizzjonali li jissenjalaw l-akkumulazzjoni ta’ riskju mifrux mas-sistema kollha b’perjodi ta’ tkabbir eċċessiv tal-kreditu, mandati għall-grad ta’ intermedjazzjoni fl-ekonomija bħal-livell tal-proporzjon ta’ kreditu għall-PDG u informazzjoni kwalitattiva. L-informazzjoni kwantitattiva u kwalitattiva użata għal din il-valutazzjoni, inkluża l-gwida tar-riżerva u l-indikaturi addizzjonali, tifforma l-bażi biex jiġu spjegati u ġġustifikati deċiżjonijiet dwar rati tar-riżerva.

(8)

L-analiżi mill-BCBS turi li d-distakk bejn il-kreditu u l-PDG u indikaturi oħrajn jista’xi kultant jikkomunika informazzjoni li tagħti impressjoni żbaljata. L-awtoritajiet innominati għandhom ikunu konxji minn dan meta jeżerċitaw il-ġudizzju tagħhom dwar il-livell sostenibbli ta’ kreditu fl-ekonomija u r-rata xierqa tar-riżerva kontroċiklika. L-awtoritajiet innominati b’hekk għandhom jirrivalutaw perjodikament il-prestazzjoni tal-indikaturi li jagħtuhom l-aktar importanza.

(9)

Meta r-riskji jimmaterjalizzaw, ir-rilaxx fil-pront tar-riżerva tal-kapital kontroċiklika tista’ tgħin l-istituzzjonijiet ta’ kreditu jassorbu t-telf filwaqt li jinżammu s-self lill-ekonomija reali u l-konformità mar-rekwiżiti tal-kapital regolatorju. Dan l-użu kontroċikliku tar-riżerva jista’ jtaffi l-imġieba proċiklika ta’ istituzzjonijiet ta’ kreditu li jista’ b’xi mod ieħor jillimita l-provvista ta’ kreditu lill-ekonomija reali. Ir-riżerva tal-kapital kontroċikliku tista’ tiġi rilaxxata aktar bil-mod meta l-fażi negattiva taċ-ċiklu finanzjarju ma taħbatx mas-seħħ ta’ riskji u meta t-theddid għar-reżiljenza tal-istituzzjonijiet ta’ kreditu minn tkabbir eċċessiv tal-kreditu jkun batta. Id-deċiżjonijiet dwar l-użu ta’ kull eċċess kapitali li jinħolqu mir-rilaxx tar-riżerva huma għad-diskrezzjoni tal-awtoritajiet kompetenti jew innominati.

(10)

Huwa importanti għall-awtorità li tiffissa r-rata tar-riżerva kontroċiklika biex ikollha strateġija ta’ komunikazzjoni tajba. Dan jgħin fil-ġestjoni tal-aspettattiva pubblika, jiżvolġi rwol importanti fil-koordinazzjoni bejn l-awtoritajiet innominati, u huwa essenzjali għall-kredibilità, il-kontabilità u l-effettività tal-politika makroprudenzjali. Id-Direttiva 2013/36/UE teħtieġ li l-awtoritajiet innominati jieħdu l-passi kollha raġonevoli sabiex jikkoordinaw il-ħin meta jħabbru r-rati tar-riżerva.

(11)

Il-bini ta’ sistema bankarja aktar reżiljenti fl-Unjoni jeħtieġ li l-awtoritajiet innominati jirrikonoxxu r-rati tar-riżerva kontroċiklika ffissati mill-Istati Membri l-oħrajn. Id-Direttiva 2013/36/UE tistabbilixxi l-qafas għar-rikonoxximent tar-rati ta’ riżerva ta’ Stati Membri oħrajn għar-rikonoxximent jew l-iffissar tar-rati ta’ riżerva għal pajjiżi terzi. Minbarra l-arranġamenti ta’ reċiproċità obbligatorji, l-awtoritajiet innominati għandhom ġeneralment jirrikonoxxu r-rati ta’ riżerva ffissati minn Stati Membri oħrajn. Mingħajr preġudizzju għal rakkomandazzjonijiet futuri tal-BERS, din ir-Rakkomandazzjoni ma tindirizzax l-azzjonijiet ta’ awtoritajiet innominati fi ħdan l-Unjoni b’rabta ma’ rati tar-riżerva kapitali kontroċiklika ta’ pajjiżi terzi.

(12)

Ir-riżerva tal-kapital kontroċiklika hija parti minn ġabra ta’ strumenti makroprudenzjali. Ir-Rakkomandazzjoni BERS/2013/1 tal-Bord Ewropew dwar ir-Riskju Sistemiku tal-4 ta’ April 2013 dwar l-għanijiet intermedji u l-istrumenti tal-politika makroprudenzjali (5) tagħti lista indikattiva ta’ strumenti li l-Istati Membri jistgħu jassenjaw lil awtoritajiet makroprudenzjali. Bħala parti mill-istrateġija tal-politika makroprudenzjali tagħhom, l-awtoritajiet innominati għandhom jikkunsidraw meta għandhom jużaw ir-riżerva kapitali kontroċiklika b’mod iżolat, meta jużaw strumenti oħrajn, u meta jikkombinaw ir-riżerva kapitali kontroċiklika ma’ strumenti oħrajn.

(13)

Analiżi empirika tissuġġerixxi li d-distakk bejn il-kreditu u l-PDG huwa l-aħjar indikatur individwali għall-Unjoni fit-totalità tagħha għas-senjalazzjoni tal-akkumulazzjoni ta’ riskji assoċjati mat-tip ta’ kriżi li r-riżerva tal-kapital kontroċiklika hija ddisinjata biex ittaffi. Intwera li d-distakk bejn il-kreditu u l-PDG jagħti sinjal b’saħħtu fuq medda ta’ speċifikazzjonijiet tad-distakk. Hemm ftit metodi għall-kalkolu tad-distakk li juru kwalitajiet ta’ senjalazzjoni aħjar mill-metodu ta’ kalkolu ssuġġerit fil-gwida tal-BCBS, iżda dawn għandhom tendenza li jkunu bbażati fuq aggregati ta’ kreditu u b’hekk jistgħu jkunu inqas robusti fil-konfront tal-innovazzjoni finanzjarja. Il-kejl u l-kalkolu tad-distakk bejn il-kreditu u l-PDG u r-rata ta’ referenza tar-riżerva b’mod konformi mal-gwida tal-BCBS ser iżidu l-kumparabbiltà fi ħdan l-Unjoni u lil hinn minnha.

(14)

F’xi Stati Membri, il-kejl u l-kalkolu ssuġġeriti fil-gwida tal-BCBS jistgħu jirriżultaw f’distakk bejn kreditu u PDG li ma jaħdimx sew fis-senjalazzjoni tal-akkumulazzjoni ta’ riskji li jippreċedu kriżijiet finanzjarji. Il-karatteristiċi speċifiċi nazzjonali bħal differenzi fl-istruttura u l-grad tal-iżvilupp tas-sistema finanzjarja, u fil-kwalità u d-disponibbiltà tad-dejta tal-kreditu, ifissru li għal xi Stati Membri xi metodu ieħor għall-kalkolu tad-distakk bejn il-kreditu u l-PDG minbarra dak mogħti fil-gwida tal-BCBS jista’ jeżibixxi kwalitajiet ta’ senjalazzjoni aktar b’saħħithom. Sabiex jitqiesu dawn id-differenzi u jingħata lok għal metodoliġiji oħrajn, l-awtoritajiet innominati jistgħu — barra minn hekk — ikejlu u jikkalkulaw id-distakk bejn il-kreditu u l-PDG bl-użu ta’ metodu li jirrifletti aħjar il-karatteristiċi speċifiċi tal-Istat Membru rispettiv.

(15)

Il-metodoloġija stipulata fil-gwida tal-BCBS għall-immappjar tad-distakk bejn il-kreditu u l-PDG għal rata ta’ referenza tar-riżerva li sservi bħala l-gwida tar-riżerva hija metodoloġija ad hoc. L-analiżi empirika ta’ metodoloġiji alternattivi, għalkemm promettenti, ma hijiex żviluppata b’mod suffiċjenti biex tipprovdi gwida. L-Istati Membri li jkejlu u jikkalkukaw id-distakk bejn il-kreditu u l-PDG bl-użu ta’ metodu alternattiv, minbarra l-metodoloġija ppubblikata fil-gwida tal-BCBS, għandhom jiżviluppaw u jippubblikaw rata ta’ referenza tar-riżerva li tikkorrispondi għal dak il-metodu alternattiv minbarra r-rata ta’ referenza tar-riżerva speċifikata fil-metodoloġija tal-BCBS. L-Istati Membri li jkejlu u jikkalkulaw id-distakk bejn il-kreditu u l-PDG b’mod konformi mal-gwida tal-BCBS jistgħu jiżviluppaw u jippubblikaw ukoll rata ta’ referenza alternattiva għar-riżerva minbarra dik miksuba bl-użu tal-metodoloġija tal-BCBS.

(16)

Riżultanzi empiriċi jissuġġerixxu li varjabbli oħrajn jistgħu jikkumplimentaw id-distakk bejn il-kreditu u l-PDG li jissenjala l-akkumulazzjoni ta’ riskji mifruxa mas-sistema kollha relatati ma’ tkabbir eċċessiv tal-kreditu fis-sistema finanzjarja. Dawn il-varjabbli jinkludu miżuri ta’ sopravalutazzjoni potenzjali ta’ prezzijiet tal-proprjetà (eż. proporzjonijiet bejn il-prezz u d-dħul minn proprjetà immobbli kummerċjali u residenzjali, distakki fil-prezzijiet u rati ta’ tkabbir), miżuri ta’ żviluppi tal-kreditu (eż. kreditu totali reali jew tkabbir reali tal-kreditu tal-banek, it-tendenza fid-devjazzjoni ta’ M3 milquta b’diflazzjoni), miżuri ta’ żbilanċi esterni (eż. bilanċi tal-kont kurrenti bħala proporzjon għall-PDG), miżuri tas-saħħa tal-karti tal-bilanċ tal-banek (eż. il-proporzjonijiet ta’ ingranaġġ), miżuri tal-piż ta’ dejn tas-settur privat (eż. il-proporzjon bejn is-servizzjar tad-dejn u d-dħul) u miżuri tal-potenzjal li r-riskju jiġi pprezzat b’mod żbaljat (eż. tkabbir reali tal-prezz tal-ekwità). L-awtoritajiet innominati għandhom iqisu dawn il-varjabbli meta jeżerċitaw il-ġudizzju tagħhom biex jiffissaw ir-rata xierqa tar-riżerva tal-kapital kontroċiklika. Instab li t-taħlit ta’ dawn il-varjabbli mad-distakk bejn il-kreditu u l-PDG f’mudell multivarjat itejjeb il-prestazzjoni tas-senjalazzjoni. Jista’ jkun li l-awtoritajiet innominati jkunu jridu jikkunsidraw ukoll dawn il-mudelli.

(17)

Riżultanzi empiriċi jissuġġerixxu li, għall-maġġoranza tal-Istati Membri, il-prezzijiet tas-suq finanzjarju wrew l-aħjar kwalitajiet ta’ senjalazzjoni biex jindikaw materjalizzazzjoni ta’ riskji li jiġġustifikaw tnaqqis fil-pront jew rilaxx sħiħ tar-riżerva tal-kapital kontroċiklika. Id-disponibbiltà limitata ta’ serje ta’ ħin twil biżżejjed ta’ dawn l-indikaturi bbażati fuq is-suq tfisser li l-analiżi empirika fil-fażi ta’ rilaxx tar-riżerva hija inqas robusta minn dik tal-fażi tal-akkumulazzjoni. Huwa wkoll diffiċli biex jiġu identifikati varjabbli li jindikaw li r-riżerva kapitali kontroċiklika tista’ titnaqqas gradwalment meta jbattu r-riskji minn tkabbir eċċessiv tal-kreditu. Fil-prinċipju, varjabbli li jaħdmu sew fil-fażi tal-akkumulazzjoni tar-riżerva tal-kapital kontroċiklika jistgħu jwasslu ukoll għad-deċiżjoni li r-riżerva għandha tinżamm, titnaqqas jew tiġi rilaxxata totalment. Dawn il-varjabbli jistgħu, madankollu, jipprovdu wkoll informazzjoni li tagħti impressjoni żbaljata. Pereżempju, id-distakk bejn il-kreditu u l-PDG jista’ ma jirriflettix b’mod preċiż ir-riskji jekk il-kreditu jkun ilu jikber b’mod eċċessiv għal perjodu twil. Hekk kif jiżviluppaw ir-riċerka u l-esperjenza fil-fażi tar-rilaxx, is-sett ta’ varjabbli indikati f’din ir-Rakkomandazzjoni jkollhom jiġu miżjuda b’indikaturi xierqa ulterjuri, hekk kif jiġu identifikati. Kollox ma’ kollox, jeħtieġ li l-awtoritajiet innominati jeżerċitaw ġudizzju saħansitra akbar fil-fażi tar-rilaxx tar-riżerva milli matul il-fażi tal-akkumulazzjoni tagħha. Dan il-ġudizzju jista’ jkun infurmat ukoll minn intelliġenza tas-suq, valutazzjonijiet superviżorji u testijiet tal-istress.

(18)

Sakemm dik id-dejta tkun disponibbli fl-Istat Membru inkwistjoni, il-monitoraġġ u l-pubblikazzjoni ta’ sett minimu ta’ varjabbli li jissenjalaw li r-riżerva tal-kapital kontroċiklika għandha tinbena, tinżamm, titnaqqas jew tiġi rilaxxata totalment għandhom jippromwovu l-konsistenza u t-trasparenza min-naħa tal-awtoritajiet innominati. Dan ma għandux iżomm lill-awtoritajiet innominati milli jikkunsidraw indikaturi jew informazzjoni kwalitattiva ulterjuri fid-dawl tal-karatteristiċi speċifiċi tal-Istat Membru, u lanqas ma għandu jżomm lill-awtoritajiet innominati milli jagħtu aktar importanza lil ċerti varjabbli milli lil oħrajn jew jagħtu aktar importanza lill-informazzjoni kwalitattiva.

(19)

Ir-rakkomandazzjonijiet tal-BERS huma ppubblikati wara li l-Bord Ġenerali jinforma lill-Kunsill bl-intenzjoni tiegħu li jagħmel dan u jipprovdi lill-Kunsill b’opportunità biex jirreaġixxi.

1.

Prinċipju 1: (Objettiv) Id-deċiżjonijiet dwar ir-rata tar-riżerva kontroċiklika xierqa għandhom ikunu ggwidati mill-objettiv li tiġi mħarsa s-sistema bankarja kontra telf potenzjali assoċjat mal-akkumulazzjoni ta’ riskju sistemiku ċikliku, sabiex b’hekk jiġi appoġġat il-forniment sostenibbli ta’ kreditu għall-ekonomija reali fiċ-ċiklu finanzjarju kollu.

2.

Prinċipju 2: (Gwida tar-riżerva) Id-devjazzjoni tal-proporzjon bejn il-kreditu u l-PDG mit-tendenza tiegħu fit-tul — id-distakk bejn il-kreditu u l-PDG — għandha sservi bħala punt ta’ tluq komuni biex tiggwida deċiżjonijiet dwar rati ta’ riżerva kontroċikliċi, b’mod partikolari fil-fażi tal-akkumulazzjoni. Madankollu, l-awtoritajiet innominati għandhom iqisu wkoll informazzjoni kwantitattiva u kwalitattiva oħra meta jivvalutaw riskju ċikliku mifrux mas-sistema kollha u jiffissaw ir-rata tar-riżerva kontroċiklika xierqa. Dan jinkludi informazzjoni li tirrifletti karatteristiċi speċifiċi nazzjonali. L-awtoritajiet innominati għandhom jispjegaw lill-pubbliku liema informazzjoni tintuża, u kif din tiġi kkunsidrata meta jiffissaw ir-rata tar-riżerva relevanti.

3.

Prinċipju 3: (Riskju ta’ informazzjoni li tagħti impressjoni żbaljata) L-awtoritajiet innominati għandhom jivvalutaw l-informazzjoni li tinsab fid-distakk bejn il-kreditu u l-PDG u kull varjabbli relevanti oħrajn jew mudelli li jikkombinaw varjabbli, waqt li jżommu f’moħħhom li l-informazzjoni li jipprovdu tista’ tagħti impressjoni żbaljata. L-awtoritajiet innominati għandhom jikkunsidraw din il-valutazzjoni meta jeżerċitaw il-ġudizzju tagħhom fir-rigward tas-sostenibbiltà tat-tkabbir tal-kreditu sabiex jiffissaw ir-rata xierqa tar-riżerva kontroċiklika. L-utilità ta’ dawn il-varjabbli u mudelli għandha tiġi vvalutata mill-ġdid perjodikament.

4.

Prinċipju 4: (Rilaxx tar-riżerva) L-awtoritajiet innominati għandhom jirrilaxxaw fil-pront ir-riżerva tal-kapital kontroċiklika meta jimmaterjalizzaw ir-riskji. Dan jista’ jtaffi l-imġiba proċiklika ta’ istituzzjonijiet ta’ kreditu billi jgħinhom jassorbu telf, waqt li xorta waħda jinżammu s-self lill-ekonomija reali u l-konformità mar-rekwiżiti ta’ solvenza. Meta r-riskji ma jimmaterjalizzawx iżda jiġu meqjusin bħala li battew, rilaxx gradwali tar-riżerva jista’ jkun aktar xieraq. Jekk awtorità nnominata tnaqqas ir-rata tar-riżerva eżistenti, hija għandha tiddeċiedi dwar perjodu indikattiv li matulu ma tkun mistennija ebda żieda fir-rata tar-riżerva.

5.

Prinċipju 5: (Komunikazzjoni) L-awtoritajiet innominati għandhom jiżviluppaw strateġija ċara sabiex jikkomunikaw id-deċiżjonijiet tagħhom dwar ir-riżerva kapitali kontroċiklika. Bħala parti minn din l-istrateġija, huma għandhom jistabbilixxu mekkaniżmu sabiex jikkoordinaw ma’ awtoritajiet oħrajn innominati kif ukoll mal-BERS. Huma għandhom jistabbilixxu wkoll proċessi stabbli u trasparenti u kanali ta’ komunikazzjoni ddefiniti għall-partijiet ikkonċernati ewlenin u l-pubbliku.

6.

Prinċipju 6: (Rikonoxximent tar-rati tar-riżerva) Minbarra l-arranġamenti obbligatorji ta’ reċiproċità stipulati bil-liġi tal-Unjoni, l-awtoritajiet innominati għandhom ġeneralment jirrikonoxxu r-rati ta’ riżerva kontroċikliċi applikati fi Stati Membri oħrajn. L-awtoritajiet innominati għandhom jikkunsidraw l-implikazzjonijiet transkonfinali jekk ma jirrikonoxxux rata ta’ riżerva għal skoperturi għal Stat Membru ieħor li jaqbżu l-livell obbligatorju. Meta ma jirrikonoxxux rata ta’ riżerva stipulata mill-awtorità nnominata ta’ Stat Membru ieħor li taqbeż il-livell obbligatorju, l-awtoritajiet innominati għandhom jinnotifikaw:

7.

Prinċipju 7: (Strumenti oħrajn makroprudenzjali) Ir-riżerva tal-kapital kontroċiklika hija parti minn ġabra ta’ strumenti makroprudenzjali għad-dispożizzjoni tal-awtoritajiet fl-Unjoni. Bħala parti mill-istrateġija tal-politika makroprudenzjali tagħhom, l-awtoritajiet innominati għandhom jikkunsidraw meta għandhom jużaw ir-riżerva b’mod iżolat, meta jużaw strumenti oħrajn tar-riżerva, u meta jikkombinaw ir-riżerva ma’ strumenti oħrajn.

1.

L-awtoritajiet innominati huma rrakkomandati li jkejlu u jikkalkulaw fuq bażi trimestrali distakk standardizzat bejn il-kreditu u l-PDG skont il-gwida tal-BCBS, kif speċifikat fil-Parti I tal-Anness għal din ir-Rakkomandazzjoni.

2.

Meta l-awtoritajiet innominati jidhrilhom li kejl u kalkolu differenti tad-distakk bejn il-kreditu u l-PDG jirriflettu aħjar il-karatteristiċi speċifiċi tal-ekonomija nazzjonali, huma jiġu rrakkomandati li jkejlu u jikkalkolaw fuq bażi trimestrali distakk addizzjonali bejn il-kreditu u l-PDG minbarra d-distakk ikkalkulat skont il-paragrafu 1. Meta jikkalkulaw id-distakk addizzjonali bejn il-kreditu u l-PDG, l-awtoritajiet innominati huma rrakkomandati li jaderixxu mal-gwida li ġejja:

3.

L-awtoritajiet innominati huma rrakkomandati li jikkalkulaw fuq bażi trimestrali dawn li ġejjin:

4.

Meta, minbarra r-rata ta’ referenza tar-riżerva stipulata skont il-paragrafu 3(a), tkun ġiet ikkalkulata rata ta’ referenza tar-riżerva oħra skont il-paragrafu 3(b) jew il-paragrafu 3(c) għal trimestru partikolari, għall-finijiet tad-Direttiva 2013/36/UE l-awtoritajiet innominati huma rrakkomandati li jagħżlu bħala gwida ta’ riżerva r-rata ta’ referenza tar-riżerva li tirrifletti bl-aħjar mod il-karatteristiċi speċifiċi tal-ekonomija nazzjonali rispettiva.

5.

Bħala parti mill-informazzjoni li takkumpanja t-tħabbir tar-rata tar-riżerva kontroċiklika meħtieġa taħt l-Artikolu 136(7) tad-Direttiva 2013/36/UE, l-awtoritajiet innominati huma rrakkomandati li jippubblikaw fuq bażi trimestrali fuq il-websajt tagħhom:

6.

Bħala parti mill-informazzjoni li takkumpanja t-tħabbir tar-rata tar-riżerva kontroċiklika meħtieġa taħt l-Artikolu 136(7) tad-Direttiva 2013/36/UE, l-awtoritajiet innominati huma rrakkomandati li jispjegaw ir-raġunijiet tagħhom kull meta jiddevjaw minn:

1.

Sabiex jinfurmaw il-ġudizzju tagħhom dwar ir-rata xierqa tar-riżerva kontroċiklika, l-awtoritajiet innominati huma rrakkomandati li jikkunsidraw firxa ta’ informazzjoni kwantitattiva u kwalitattiva li tindika l-akkumulazzjoni ta’ riskju mifrux fis-sistema kollha assoċjat ma’ perjodi ta’ tkabbir eċċessiv tal-kreditu, minbarra d-distakk bejn il-kreditu u l-PDG.

2.

Meta jivvalutaw informazzjoni kwantitattiva, l-awtoritajiet innominati għandhom jimmonitorjaw ġabra ta’ varjabbli li jindikaw l-akkumulazzjoni ta’ riskju sistemiku ċikliku. Mingħajr ħsara għad-disponibbiltà ta’ dawn il-varjabbli fl-Istati Membri, din il-ġabra għandha tinkludi dawn li ġejjin:

3.

Jekk dawn il-varjabbli jkunu disponibbli u relevanti fl-Istati Membri, l-awtoritajiet innominati huma rrakkomandati li jippubblikaw ta’ mill-inqas waħda mill-miżuri stipulati f’kull wieħed mill-paragrafi 2 (a), (b), (c), (d), (e) u (f) fuq bażi trimestrali fuq il-websajt tagħhom sabiex jakkumpanjaw it-tħabbir tar-rata tar-riżerva kontroċiklika meħtieġa taħt l-Artikolu 136(7) tad-Direttiva 2013/36/UE.

1.

Sabiex jinfurmaw il-ġudizzju tagħhom dwar ir-rata xierqa tar-riżerva tal-kapital kontroċiklika, l-awtoritajiet innominati huma rrakkomandati li jqisu firxa ta’ informazzjoni kwantitattiva u kwalitattiva li tindika li r-riżerva għandha tinżamm, titnaqqas jew tiġi rilaxxata totalment.

2.

Meta jivvalutaw informazzjoni kwantitattiva, l-awtoritajiet innominati għandhom jimmonitorjaw ġabra ta’ varjabbli li jindikaw jekk ir-riżerva għandhiex tinżamm, titnaqqas jew tiġi rilaxxata totalment. Jekk dawk il-varjabbli jkunu disponibbli fl-Istat Membru, din il-ġabra għandha tinkludi dawn li ġejjin:

3.

Sabiex jiddeċiedu jekk iżommux, inaqqsux jew jirrilaxxawx bis-sħiħ ir-riżerva, l-awtoritajiet innominati huma rrakkomandati li jeżerċitaw ġudizzju akbar meta jimmonitorjaw il-varjabbli taħt il-paragrafu 2.

4.

Jekk dawn il-varjabbli jkunu disponibbli u relevanti fl-Istati Membri, l-awtoritajiet innominati huma rrakkomandati li jippubblikaw ta’ mill-inqas waħda mill-varjabbli stipulati f’kull wieħed mill-paragrafi 2 (a) u (b) fuq bażi trimestrali fuq il-websajt tagħhom sabiex jakkumpanjaw it-tħabbir tar-rata tar-riżerva kontroċiklika meħtieġa taħt l-Artikolu 136(7) tad-Direttiva 2013/36/UE.

1.

Għall-finijiet ta’ din ir-Rakkomandazzjoni, japplikaw id-definizzjonijiet li ġejjin:

2.

L-Anness jifforma parti integrali ta’ dan ir-Rakkomandazzjoni. F’każ ta’ kunflitt bejn it-test ewlieni u l-Anness, jipprevali t-test ewlieni.

1.

Id-destinatarji huma mitluba jirrapportaw dwar l-azzjonijiet meħuda b’risposta għal din ir-Rakkomandazzjoni, jew li jiġġustifikaw b’mod adegwat kwalunkwe nuqqas ta’ azzjoni. Bħala minimu r-rapporti għandhom jinkludu:

1.

Id-destinatarji huma mitluba li jirrapportaw lill-BERS, lill-Kunsill u lill-Kummissjoni dwar l-azzjonijiet li huma jkunu ħadu b’risposta għal din ir-Rakkomandazzjoni, jew li jiġġustifikaw b’mod adegwat kwalunkwe nuqqas ta’ azzjoni, kif speċifikat fil-paragrafi li ġejjin.

2.

Sat-30 ta’ Ġunju 2016, id-destinatarji huma mitluba li jibagħtu lill-BERS, lill-Kunsill u lill-Kummissjoni rapport li jispjega l-miżuri li jkunu ħadu sabiex jikkonformaw ma’ din ir-Rakkomandazzjoni. Il-miżuri rrakkomandati għandhom japplikaw mid-data sa meta l-Istati Membri jeħtieġu li l-istituzzjonijiet ta’ kreditu fil-ġurisdizzjoni tagħhom iżommu riżerva ta’ kapital kontroċiklika speċifika għall-istituzzjoni skont l-Artikolu 130 tad-Direttiva 2013/36/UE. Ir-rapport għandu jinkludi dettalji dwar il-miżuri meħuda minn dik id-data 'il quddiem.

3.

Id-destinatarji huma mitluba jibagħtu rapport li jispjega l-miżuri li jkunu ħadu biex jikkonformaw ma’ din ir-Rakkomandazzjoni kull tliet snin.

4.

Il-Bord Ġenerali għandu jiddeċiedi meta din ir-Rakkomandazzjoni teħtieġ li tiġi rriveduta jew aġġornata fid-dawl ta’ esperjenza fl-iffissar ta’ riżervi skont id-Direttiva 2013/36/UE jew żviluppi fi prattiki miftiehma internazzjonalment.

1.

Is-Segretarjat tal-BERS:

2.

Il-Bord Ġenerali jivvaluta l-azzjonijiet u l-ġustifikazzjonijiet irrapportati mid-destinatarji u, fejn xieraq, jiddeċiedi jekk din ir-Rakkomandazzjoni tkunx ġiet segwita u jekk id-destinatarji jkunux naqsu milli jiġġustifikaw b’mod adegwat in-nuqqas ta’ azzjoni min-naħa tagħhom.

2.9.2014   

MT

Il-Ġurnal Uffiċjali tal-Unjoni Ewropea

C 293/11

—

Fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta' amalgamazzjoni, inklużi l-kumpanija, in-numru tal-każ, id-data u l-indiċi settorjali,

—

f’forma elettronika fil-websajt EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32014M7331. Il-EUR-Lex hu l-aċċess fuq l-internet għal-liġi Ewropea.

2.9.2014   

MT

Il-Ġurnal Uffiċjali tal-Unjoni Ewropea

C 293/12

2.9.2014   

MT

Il-Ġurnal Uffiċjali tal-Unjoni Ewropea

C 293/13

1.

Qed issir sejħa għan-nominazzjonijiet għall-elezzjoni ta’ Ombudsman Ewropew mill-Parlament Ewropew.

2.

In-nominazzjonijiet għandu jkollhom l-appoġġ ta’ mhux inqas minn erbgħin Membru tal-Parlament Ewropew li jkollhom in-nazzjonalita’ ta’ mhux inqas minn żewġ Stati Membri u jridu jipprovdu d-dokumenti kollha ta’ prova meħtieġa sabiex juru b’ mod ċert li li l-persuni nominati jissodisfaw il-kundizzjonijiet mitluba mir-regolamenti u l-kundizzjonijiet ġenerali għall-qadi tad-dmirijiet tal-Ombudsman kif ukoll impenn solenni min-naħa tagħhom li, jekk jiġu eletti, ma jinvolvu ruħhom fl-ebda okkupazzjoni professjonali oħra, kemm jekk bi ħlas kif ukoll jekk bla ħlas, waqt iż-żmien tagħhom fil-kariga.

3.

In-nominazzjonijiet iridu jintbagħtu lill-President tal-Parlament Ewropew sa mhux aktar tard mit-30 ta’ Settembru 2014 (2).

Indirizz postali:

Louise Weiss Building

Allée du Printemps

BP 1024/F

F-67070 Strasbourg Cedex

FRANCE

Paul-Henri Spaak Building

Rue Wiertz/Wiertzstraat

1047 Bruxelles/Brussel

BELGIQUE/BELGIË

2.9.2014   

MT

Il-Ġurnal Uffiċjali tal-Unjoni Ewropea

C 293/14

1.

sFil-25 ta’ Awwissu 2014, il-Kummissjoni Ewropea rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża COFCO Corporation (“COFCO”, iċ-Ċina) takkwista skont it-tifsira tal-Artikolu 3(1)(b) tar-Regolament dwar l-Għaqdiet, kontroll uniku ta’ Nidera Capital BV (“Nidera”, il-Pajjiżi l-Baxxi), permezz tax-xiri ta’ ishma.

2.

L-attivitajiet kummerċjali tal-impriżi kkonċernati huma:

—   għal COFCO: fornitur kbir ta’ prodotti u servizzi diversifikati fil-prodotti agrikoli u l-industrija tal-ikel fiċ-Ċina,

—   għal Nidera: oriġinazzjoni, ipproċessar, bejgħ, kummerċ, ġestjoni, ħżin u trasport ta’ komoditajiet agrikoli u prodotti tal-bijo-enerġija. Barra minn hekk, Nidera tiddistribwixxi inputs agrikoli (żrieragħ, nutrijenti u l-ħarsien tal-uċuħ tar-raba’), tinvesti fir-riċerka ul-iżvilupp u tipproduċi żrieragħ agronomiċi.

3.

Wara analiżi preliminari, il-Kummissjoni Ewropea tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. Skont in-Notifika tal-Kummissjoni dwar proċedura ssimplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) ta’ min jinnota li dan il-każ jista’ jiġi kkunsidrat għall-ipproċessar skont il-proċedura stipulata fin-Notifika.

4.

Il-Kummissjoni Ewropea tistieden lill-partijiet terzi interessati sabiex jissottomettu l-kummenti li jista’ jkollhom dwar l-operazzjoni proposta lill-Kummissjoni Ewropea.

Il-kummenti jridu jaslu għand il-Kummissjoni Ewropea mhux aktar tard minn għaxart ijiem mid-data ta’ din il-pubblikazzjoni. Il-kummenti jistgħu jintbagħtu lill-Kummissjoni Ewropea permezz tal-faks (+32 22964301), permezz tal-e-Mail lil COMP-MERGER-REGISTRY@ec.europa.eu jew permezz tal-posta, bin-numru ta’ referenza M.7299 — COFCO/Nidera, f’dan l-indirizz:

2.9.2014   

MT

Il-Ġurnal Uffiċjali tal-Unjoni Ewropea

C 293/15

1.

Fis-26 ta’ Awwissu 2014, il-Kummissjoni Ewropea rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża Nordic Capital VII Limited (“Nordic Capital”, Jersey) takkwista skont it-tifsira tal-Artikolu 3(1)(b) tar-Regolament dwar l-Għaqdiet il-kontroll uniku tal-impriżi Indif AB, Lindorff Institutional Management AB, Lindorff Coinvest AB u Lindorff AB (flimkien “Lindorff Group”, l-Isvezja) permezz ta’ xiri ta’ ishma.

2.

L-attivitajiet kummerċjali tal-impriżi kkonċernati huma:

—   Nordic Capital: fond ta’ ekwità privat b’investimenti f’varjetà ta’ setturi,

—   Lindorff Group: provvista ta’ servizzi ta’ fatturament.

3.

Wara analiżi preliminari, il-Kummissjoni Ewropea tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. Skont in-Notifika tal-Kummissjoni dwar proċedura ssimplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 dwar l-Għaqdiet (2) ta’ min jinnota li dan il-każ jista’ jiġi kkunsidrat għall-ipproċessar skont il-proċedura stipulata fin-Notifika.

4.

Il-Kummissjoni Ewropea tistieden lill-partijiet terzi interessati sabiex jissottomettu l-kummenti li jista’ jkollhom dwar l-operazzjoni proposta lill-Kummissjoni Ewropea.

Il-kummenti jridu jaslu għand il-Kummissjoni Ewropea mhux aktar tard minn għaxart ijiem mid-data ta’ din il-pubblikazzjoni. Il-kummenti jistgħu jintbagħtu lill-Kummissjoni Ewropea permezz tal-faks (+32 22964301) jew permezz tal-e-Mail lil COMP-MERGER-REGISTRY@ec.europa.eu jew permezz tal-posta, bin-numru ta’ referenza M.7371 — Nordic Capital/Lindorff, f’dan l-indirizz:

2.9.2014   

MT

Il-Ġurnal Uffiċjali tal-Unjoni Ewropea

C 293/16

1.

Fil-25 ta' Awwissu 2014, il-Kummissjoni rċeviet notifika ta' konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża Henkel AG & Co. KGaA, (“Henkel”, il-Ġermanja) takkwista fit-tifsira tal-Artikolu 3(1)(b) tar-Regolament dwar l-Għaqdiet, il-kontroll uniku ta' Spotless Group SAS (“Spotless”, Franza) permezz tax-xiri ta' ishma.

2.

L-attivitajiet kummerċjali tal-impriżi kkonċernati huma:

—   għal Henkel: il-produzzjoni u l-forniment ta’ prodotti tal-laundry u ta’ kura fid-dar b’iffukar fuq id-diterġenti għall-ħwejjeġ, ir-rattaba tad-drapp u ċerti prodotti għat-tindif tad-dar, il-produzzjoni u l-provvista ta’ prodotti għall-kura tas-sbuħija u prodotti tat-teknoloġiji tal-adeżivi,

—   għal Spotless: manifattura ta’ addittivi għall-ħasil tal-ħwejjeġ, prodotti għall-kura tad-dar u l-kura taż-żraben, insettiċidi, prodotti għat-tindif tal-lentijiet tal-ħġieġ, tank settiku tal-kura kif ukoll prodotti għall-kura tal-pjanti u l-annimali domestiċi.

3.

Wara eżami preliminari, il-Kummissjoni tqis li t-tranżazzjoni notifikata tista' taqa' fil-kamp ta' applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

4.

Il-Kummissjoni tistieden lill-partijiet terzi interessati biex iressqu l-kummenti li jista' jkollhom dwar l-operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni permezz tal-faks (+32 22964301), permezz tal-email lil COMP-MERGER-REGISTRY@ec.europa.eu jew permezz tal-posta, bin-numru ta' referenza M.7351 — Henkel / Spotless Group, fl-indirizz li ġej:

2.9.2014   

MT

Il-Ġurnal Uffiċjali tal-Unjoni Ewropea

C 293/17

1.

Fis-26 ta' Awwissu 2014, il-Kummissjoni rċeviet notifika ta' proposta ta’ konċentrazzjoni skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha KKR & Co. L.P. (“KKR”, l-Istati Uniti tal-Amerika) u Riverstone Holdings LLC (“Riverstone”, l-Istati Uniti tal-Amerika), jakkwistaw fit-tifsira tal-Artikolu 3(1)(b) tar-Regolament dwar l-Għaqdiet il-kontroll konġunt ta' Trinity River Energy LLC (“Trinity”, l-Istati Uniti tal-Amerika) permezz ta' xiri ta' ishma f'kumpanija ġdida li tikkostitwixxi f'joint venture. Trinity se tikkonsisti f’taħlita ta’ assi eżistenti miżmuma minn KKR Natural Resources Funds (“KNR”, l-Istati Uniti tal-Amerika), li hija kkontrollata minn KKR, u l-assi eżistenti miżmuma Legend Production Holdings LLC (“Legend”, l-Istati Uniti tal-Amerika), li hija kkontrollata minn Riverstone.

2.

L-attivitajiet kummerċjali tal-impriżi kkonċernati huma:

3.

Wara eżami preliminari, il-Kummissjoni tqis li t-tranżazzjoni notifikata tista' taqa' fil-kamp ta' applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet skont ir-Regolament tal-Kunsill (KE) Nru 139/2004 (2) ta' min jinnota li dan il-każ jista' jiġi kkunsidrat għal trattament skont il-proċedura stipulata fl-Avviż.

4.

Il-Kummissjoni tistieden lill-partijiet terzi interessati biex iressqu l-kummenti li jista' jkollhom dwar l-operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-faks (+32 22964301) permezz tal-email lil COMP-MERGER-REGISTRY@ec.europa.eu jew permezz tal-posta, bin-numru ta' referenza M.7386 — KKR / Riverstone / Trinity, f'dan l-indirizz: