30.8.2014   

MT

Il-Ġurnal Uffiċjali tal-Unjoni Ewropea

C 291/1

1.

L-Artikolu 101(1) tat-Trattat dwar il-Funzjonament tal-Unjoni Ewropea jipprojbixxi akkordji bejn intrapriżi li jistgħu jaffettwaw il-kummerċ bejn l-Istati Membri u li għandhom bħala għan jew effett tagħhom il-prevenzjoni, restrizzjoni jew distorsjoni tal-kompetizzjoni fis-suq intern. Il-Qorti tal-Ġustizzja tal-Unjoni Ewropea ċċarat li din id-dispożizzjoni mhijiex applikabbli fejn l-impatt tal-akkordju fuq il-kummerċ bejn l-Istati Membri jew il-kompetizzjoni ma jistax ikun valutat (1).

2.

Il-Qorti tal-Ġustizzja ċċarat ukoll li akkordju li jista’ jaffettwa l-kummerċ bejn l-Istati Membri u li għandu bħala l-għan tiegħu l-prevenzjoni, ir-restrizzjoni jew id-distorsjoni tal-kompetizzjoni fi ħdan is-suq intern jikkostitwixxi, min-natura tiegħu u indipendentement minn kwalunkwe effetti konkreti li jista’ jkollu, restrizzjoni apprezzabbli tal-kompetizzjoni (2). Dan l-Avviż, għalhekk, ma jkoprix akkordji li għandhom bħala għan il-prevenzjoni, ir-restrizzjoni jew id-distorsjoni tal-kompetizzjoni fi ħdan is-suq intern.

3.

F’dan l-Avviż il-Kummissjoni tindika, bil-għajnuna ta’ ishma limitatriċi tas-suq, f’liema ċirkostanzi tqis li akkordji li jista’ jkollhom bħala effett il-prevenzjoni, ir-restrizzjoni jew id-distorsjoni tal-kompetizzjoni fis-suq intern ma jikkostitwixxux restrizzjoni apprezzabbli tal-kompetizzjoni skont l-Artikolu 101 tat-Trattat. Din id-definizzjoni negattiva ta’ apprezzabilità ma timplikax li akkordji bejn l-intrapriżi li jeċċedu l-limiti espressi f’dan l-Avviż jirrestrinġu b’mod apprezzabbli l-kompetizzjoni. Akkordji bħal dawn għad jista’ jkollhom biss effett negliġibbli fuq il-kompetizzjoni u jistgħu għalhekk ma jkunux ipprojbiti bl-Artikolu 101(1) tat-Trattat (3).

4.

Akkordji jistgħu wkoll ma jaqgħux taħt l-Artikolu 101(1) tat-Trattat għax ma għandhomx il-kapaċità li jaffettwaw b’mod apprezzabbli l-kummerċ bejn l-Istati Membri. Dan l-Avviż ma jindikax x’jikkostitwixxi effett apprezzabbli fuq il-kummerċ bejn l-Istati Membri. Gwida għal dak l-għan tinsab fl-Avviż tal-Kummissjoni dwar l-effett fuq il-kummerċ (4), li fiha l-Kummissjoni tikkwantifika, bil-għajnuna ta’ taħlita ta’ limitu tas-sehem tas-suq ta’ 5 % u limitu ta’ fatturat minimu ta’ EUR 40 miljun, liema akkordji fil-prinċipju mhumiex kapaċi jeffettwaw b’mod favorevoli l-kummerċ bejn l-Istati Membri (5). Tali akkordji normalment ma jaqgħux taħt l-Artikolu 101(1) tat-Trattat, anki jekk huma għandhom bħala għan tagħhom il-prevenzjoni, ir-restrizzjoni jew id-distorsjoni tal-kompetizzjoni.

5.

F’każijiet koperti b’dan l-Avviż, il-Kummissjoni, ma għandhiex tieħu passi la meta jsir ilment u lanqas b’inizjattiva proprja. Barra minn hekk, fejn il-Kummissjoni tiftaħ proċedimenti imma l-intrapriżi jistgħu juru li jkunu assumew b’bona fede li l-ishma tas-suq imsemmija fil-punti 8, 9, 10 u 11 ma kinux eċċeduti, il-Kummissjoni ma timponix multi. Għalkemm mhuwiex vinkolanti fuqhom, dan l-Avviż huwa wkoll maħsub biex jiggwida lill-qrati u lill-awtoritajiet tal-kompetizzjoni tal-Istati Membri fl-applikazzjoni tagħhom tal-Artikolu 101 tat-Trattat (6).

6.

Il-prinċipji stabbiliti f’dan l-Avviż japplikaw ukoll għal deċiżjonijiet minn assoċjazzjonijiet ta’ intrapriżi u għal prattiċi miftiehma.

7.

Dan l-Avviż huwa mingħajr preġudizzju għal kull interpretazzjoni tal-Artikolu 101 tat-Trattat li tista’ tingħata mill-Qorti tal-Ġustizzja tal-Unjoni Ewropea.

8.

Il-Kummissjoni hija tal-opinjoni li akkordji bejn intrapriżi li jistgħu jaffettwaw il-kummerċ bejn l-Istati Membri u li jista’ jkollhom bħala l-effett tagħhom il-prevenzjoni, ir-restrizzjoni jew id-distorsjoni tal-kompetizzjoni fis-suq intern, ma jirrestrinġux b’mod apprezzabbli l-kompetizzjoni skont it-tifsira tal-Artikolu 101(1) tat-Trattat:

9.

F’każijiet fejn huwa diffiċli tikklassifika l-akkordju bħala akkordju bejn kompetituri jew akkordju bejn nonkompetituri l-limitu ta’ 10 % huwa applikabbli.

10.

Fejn f’suq rilevanti l-kompetizzjoni hija ristretta bl-effett kumulattiv ta’ akkordju għall-bejgħ ta’ oġġetti u servizzi konklużi minn fornituri jew distributuri differenti (effett ta’ esklużjoni kumulattiv fis-suq ta’ networks paralleli ta’ akkordji li għandhom effett simili fuq is-suq), il-limiti ta’ ishma fis-suq stabbiliti fil-punt 8 u 9 jitnaqqsu għal 5 %, kemm għal akkordji bejn kompetituri u kemm għal akkordji bejn nonkompetituri. Fornituri jew distributuri individwali b’sehem tas-suq ta’ mhux aktar minn 5 % b’mod ġenerali mhumiex meqjusa li jikkontribwixxu b’mod sinifikattiv għal effett ta’ esklużjoni kumulattiv (8). Effett ta’ esklużjoni kumulattiv aktarx ma jkunx jeżisti jekk inqas minn 30 % tas-suq rilevanti huwa kopert minn akkordji (networks) paralleli li għandhom effetti simili.

11.

Il-Kummissjoni hija wkoll tal-opinjoni li l-akkordji ma jirristrenġux b’mod apprezzabbli l-kompetizzjoni jekk l-ishma tas-suq tal-partijiet fl-akkordju ma jeċċedux il-limiti ta’ 10 %, 15 % u 5 % espressi fil-punti 8, 9 u 10 rispettivament matul sentejn kalendarji suċċessivi b’aktar minn 2 punti perċentwali.

12.

Biex ikun ikkalkulat is-sehem mis-suq, huwa meħtieġ li jkun iddeterminat is-suq rilevanti. Dan jikkonsisti mis-suq relevanti tal-prodott u mis-suq ġeografiku relevanti. Meta ssir definizzjoni tas-suq rilevanti, għandu jkun hemm referenza għall-Avviż dwar id-definizzjoni tas-suq rilevanti (9). L-ishma tas-suq għandhom ikunu kkalkulati fuq il-bażi ta’ informazzjoni dwar valur waqt il-bejgħ jew, fejn xieraq, informazzjoni dwar valur waqt xiri. Jekk informazzjoni dwar valur mhijiex disponibbli, jistgħu jintużaw stimi bbażati fuq informazzjoni oħra kredibbli tas-suq, inkluża informazzjoni dwar volum.

13.

Fid-dawl tal-kjarifika tal-Qorti tal-Ġustizzja msemmija fil-punt 2, dan l-Avviż ma jkoprix akkordji li jkollhom bħala l-għan tagħhom il-prevenzjoni, ir-restrizzjoni jew id-distorsjoni tal-kompetizzjoni fi ħdan is-suq intern. Il-Kummissjoni mhux se tapplika ż-żona ta’ sigurezza maħluq mil-limiti tas-sehem fis-suq stabbiliti fil-punti 8, 9, 10 u 11 għal tali akkordji (10). Pereżempju, fir-rigward tal-akkordji bejn il-kompetituri, il-Kummissjoni mhux se tapplika l-prinċipji stabbiliti f’dan l-Avviż, b’mod partikolari, għal akkordji li fihom restrizzjonijiet jew li, direttament jew indirettament, għandhom bħala l-għan tagħhom: a) l-iffissar ta’ prezzijiet meta jbigħu prodotti lil partijiet terzi; b) il-limitazzjoni ta’ produzzjoni jew bejgħ; jew c) l-allokazzjoni ta’ swieq jew klijenti. Bl-istess mod, il-Kummissjoni mhux se tapplika ż-żona ta’ sigurezza maħluq minn dawk il-limiti tal-ishma tas-suq għal akkordji li jkun fihom xi restrizzjonijiet li jkunu mniżżla bħala restrizzjonijiet fundamentali f’kull regolament futur ta’ eżenzjoni ta’ kategorija (11), li huma kkunsidrati mill-Kummissjoni li ġeneralment jikkostitwixxu restrizzjoni skont l-għan.

14.

Iż-żona ta’ sigurezza maħluqa bil-limiti fuq is-sehem fis-suq, stabbilit fil-punti 8, 9, 10 u 11, huwa partikolarment rilevanti għal kategoriji ta’ akkordju li mhumiex koperti minn kull regolament tal-Kummissjoni ta’ eżenzjoni ta’ kategorija (12). Iż-żona ta’ sigurezza hija wkoll rilevanti għal akkordji koperti minn regolament ta’ eżenzjoni ta’ kategorija tal-Kummissjoni sal-punt li dawk l-akkordji jinkludu l-hekk imsejħa restrizzjoni eskluża, li hija restrizzjoni mhux elenkata bħala restrizzjoni fundamentali iżda madankollu mhux koperta mir-regolament ta’ eżenzjoni ta’ kategorija tal-Kummissjoni (13).

15.

Għall-finijiet ta’ dan l-Avviż, il-kliem “intrapriża”, “parti fl-akkordju”, “distributur”, u “fornitur” jinkludu l-intrapriżi konnessi rispettivi tagħhom.

16.

Għall-iskop tal-Avviż “Intrapriżi konnessi” huma:

17.

Għall-finijiet tal-punt (e) fil-punt 16, is-sehem tas-suq miżmum b’mod konġunt f’idejn dawn l-intrapriżi għandu jkun assenjat b’mod ugwali lil kull intrapriża li għandha d-drittijiet u l-poteri elenkati fil-punt (a) fil-punt 16.

30.8.2014   

MT

Il-Ġurnal Uffiċjali tal-Unjoni Ewropea

C 291/5

30.8.2014   

MT

Il-Ġurnal Uffiċjali tal-Unjoni Ewropea

C 291/6

30.8.2014   

MT

Il-Ġurnal Uffiċjali tal-Unjoni Ewropea

C 291/7

1.

Fil-25 ta’ Awwissu 2014, il-Kummissjoni Ewropea rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (1) (KE) Nru 139/2004. li permezz tagħha: L-intrapriża Postcon Deutschland B.V. & Co GmbH (“Postcon”, il-Ġermanja), li hija kkontrollata minn PostNL N.V. (il-Pajjiżi l-Baxxi), u l-intrapriża Märkische Verlags- und Druckgesellschaft mbH Potsdam (“MVD”, il-Ġermanja), li hija kkontrollata mill-kumpanija tal-pubblikazzjoni Madsack GmbH & Co. KG (il-Ġermanja), jakkwistaw skont it-tifsira tal-Artikolu 3(1)(b) tar-Regolament dwar l-Għaqdiet, kontroll konġunt tal-impriża ADVO-Sansula GmbH (“ADVO”, il-Ġermanja), kkontrollata minn Postcon u minn Georg von Holtzbrinck GmbH & Co. KG (il-Ġermanja), permezz tax-xiri ta’ ishma.

2.

L-attivitajiet kummerċjali tal-impriżi kkonċernati huma kif ġej:

3.

Wara analiżi preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. Skont in-notifika tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) ta’ min jinnota li dan il-każ jista’ jiġi kkunsidrat għal trattament skont il-proċedura stipulata fin-notifika.

4.

Il-Kummissjoni tistieden lill-partijiet terzi interessati biex iressqu l-kummenti li jista’ jkollhom dwar l-operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn 10 ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni bir-referenza M.7341 — MVD/Postcon/ADVO u.a. jew permezz ta’ faks (+32 22964301), permezz ta’ e-mail (COMP-MERGER-REGISTRY@ec.europa.eu) jew bil-posta fl-indirizz li ġej:

30.8.2014   

MT

Il-Ġurnal Uffiċjali tal-Unjoni Ewropea

C 291/8

1.

Fil-25 ta’ Awwissu 2014, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża Special Purpose Eins Holding GmbH (il-Ġermanja), li ultimament hija kkontrollata minn Droege International Group AG (“Droege AG”, il-Ġermanja), takkwista, skont it-tifsira tal-Artikolu 3(1)(b) tar-Regolament dwar l-Għaqdiet, il-kontroll tal-impriża WeltBild Holding GmbH kollha kemm hi (“WeltBild Holding”, il-Ġermanja), kumpanija li hija preżentement imsejħa WeltBild Logistik Besitzgesellschaft mbH, permezz ta’ xiri ta’ ishma. Qabel it-trasferiment, l-amministratur tal-insolvenza tal-Verlagsgruppe Weltbild GmbH i.L. (“Weltbild”) se jittrasferixxi assi sinifikanti ta’ Weltbild (barra n-negozju loġistiku) lil Weltbild Holding. F’data iktar tard, ALSO IS GmbH (il-Ġermanja), li hija wkoll ultimament ikkontrollata minn Droege AG, se takkwistaw n-negozju loġistiku ta’ Weltbild.

2.

L-attivitajiet kummerċjali tal-impriżi kkonċernati huma:

—   għal Droege AG: Il-grupp Droege huwa kumpanija ta’ konsulenza u investiment. Hija tikkontrolla kumpaniji li huma attivi f’numru ta’ taqsimiet, bħall-konsultazzjoni, il-farmaċewtiċi, il-bejgħ bl-ingrossa kif ukoll is-servizzi tal-IT u tal-komunikazzjoni,

—   għal Weltbild: Verlagsgruppe WeltBild GmbH i.L. hija dar tal-pubblikazzjoni u bejjiegħa bl-imnut ta’ multi-kanali. Il-kumpanija tbiegħ kotba permezz ta’ ordnijiet minn katalgi onlajn u hija l-proprjetarja ta’ ħwienet tal-imnut fil-Ġermanja, l-Awstrija u l-Isvizzera. Taħlita li fiha biss kotba u kotba elettroniċi kif ukoll għadd ta’ gruppi ta’ prodotti oħra (pereż., CDs/DVDs, ġugarelli, ġojjelli u aċċessorji, oġġetti tad-dar u rigali, prodotti elettroniċi tal-konsumatur).

3.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) ta’ min jinnota li dan il-każ jista’ jiġi kkunsidrat għal trattament skont il-proċedura stipulata fl-Avviż.

4.

Il-Kummissjoni tistieden lill-partijiet terzi interessati biex iressqu l-kummenti li jista’ jkollhom dwar l-operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni permezz tal-faks (+32 22964301), permezz tal-e-Mail lil COMP-MERGER-REGISTRY@ec.europa.eu jew permezz tal-posta, bin-numru ta’ referenza M.7376 — Droege/Weltbild, fl-indirizz li ġej: