9.7.2014

MT

Il-Ġurnal Uffiċjali tal-Unjoni Ewropea

C 215/1

---

Ebda oppożizzjoni għal konċentrazzjoni notifikata

(Każ M.7243 — Amvest/NPM/Het Gastenhuis)

(Test b'rilevanza għaż-ŻEE)

2014/C 215/01

Fit-30 ta’ Ġunju 2014, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq intern. Din id-deċiżjoni hi bbażata fuq l-Artikolu 6(1)b tar-Regolament tal-Kunsill (KE) Nru 139/2004 (1). It-test sħiħ tad-deċiżjoni hu disponibbli biss fl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:

—

Fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta’ amalgamazzjoni, inklużi l-kumpanija, in-numru tal-każ, id-data u l-indiċi settorjali,

—	f’forma elettronika fil-websajt EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32014M7243. Il-EUR-Lex hu l-aċċess fuq l-Internet għal-liġi Ewropea.

---

(1)  ĠU L 24, 29.1.2004, p. 1.

---

9.7.2014

MT

Il-Ġurnal Uffiċjali tal-Unjoni Ewropea

C 215/2

---

Avviż għall-attenzjoni tal-persuna li għaliha japplikaw il-miżuri restrittivi previsti fid-Deċiżjoni tal-Kunsill 2012/642/PESK u fir-Regolament tal-Kunsill (KE) Nru 765/2006, kif emendat bid-Deċiżjoni tal-Kunsill 2014/439/PESK u implimentat mir-Regolament ta’ Implimentazzjoni tal-Kunsill (UE) Nru 740/2014 dwar miżuri restrittivi kontra l-Bjelorussja

2014/C 215/02

L-informazzjoni li ġejja hija miġjuba għall-attenzjoni tal-persuna li tidher fl-Anness għad-Deċiżjoni tal-Kunsill 2012/642/PESK (1), u fl-Anness I għar-Regolament tal-Kunsill (KE) Nru 765/2006 (2), kif emendat bid-Deċiżjoni tal-Kunsill 2014/439/PESK (3) u implimentat mir-Regolament ta’ Implimentazzjoni tal-Kunsill (UE) Nru 740/2014 (4) dwar miżuri restrittivi kontra l-Bjelorussja.

Il-Kunsill tal-Unjoni Ewropea ddeċieda li l-persuna li tidher fl-Annessi msemmijin hawn fuq għandha tiġi inkluża fil-lista ta’ persuni u entitajiet soġġetti għal miżuri restrittivi previsti fid-Deċiżjoni 2012/642/PESK u fir-Regolament (KE) Nru 765/2006 dwar miżuri restrittivi kontra l-Bjelorussja. Ir-raġunijiet għad-deżinjazzjoni ta’ dik il-persuna jidhru fl-entrati rilevanti f’dawk l-Annessi.

Qed tinġibed l-attenzjoni tal-persuna kkonċernata għall-possibbiltà li ssir applikazzjoni lill-awtoritajiet kompetenti tal-Istat(i) Membru/i rilevanti kif indikat fis-siti tal-Internet fl-Anness II għar-Regolament (KE) Nru 765/2006, sabiex tinkiseb awtorizzazzjoni biex il-fondi ffriżati jintużaw għal ħtiġijiet bażiċi jew ħlasijiet speċifiċi (ara l-Artikolu 3 tar-Regolament).

Il-persuna kkonċernata tista’ tippreżenta talba lill-Kunsill, flimkien ma’ dokumentazzjoni ta’ sostenn, biex id-deċiżjoni li hija tiġi inkluża fil-lista msemmija hawn fuq tkun ikkunsidrata mill-ġdid, fl-indirizz li ġej:

Council of the European Union

General Secretariat

DG C 1C

Rue de la Loi/Wetstraat 175

1048 Bruxelles/Brussel

BELGIQUE/BELGIË

indirizz elettroniku: sanctions@consilium.europa.eu

Qed tinġibed ukoll l-attenzjoni tal-persuna kkonċernata għall-possibbiltà li tikkontesta d-deċiżjoni tal-Kunsill quddiem il-Qorti Ġenerali tal-Unjoni Ewropea, f’konformità mal-kondizzjonijiet stabbiliti fl-Artikolu 275, it-tieni paragrafu, u l-Artikolu 263, ir-raba’ u s-sitt paragrafu, tat-Trattat dwar il-Funzjonament tal-Unjoni Ewropea.

---

(1)  ĠU L 285, 17.10.2012, p. 1.

(2)  ĠU L 134, 20.5.2006, p. 1.

(3)  ĠU L 200, 9.7.2014, p. 13.

(4)  ĠU L 200, 9.7.2014, p. 1.

---

9.7.2014

MT

Il-Ġurnal Uffiċjali tal-Unjoni Ewropea

C 215/3

---

Rata tal-kambju tal-euro (1)

It-8 ta’ Lulju 2014

2014/C 215/03

1 euro =

	Munita	Rata tal-kambju
USD	Dollaru Amerikan	1,3589
JPY	Yen Ġappuniż	138,26
DKK	Krona Daniża	7,4556
GBP	Lira Sterlina	0,79385
SEK	Krona Żvediża	9,2977
CHF	Frank Żvizzeru	1,2155
ISK	Krona Iżlandiża
NOK	Krona Norveġiża	8,3965
BGN	Lev Bulgaru	1,9558
CZK	Krona Ċeka	27,437
HUF	Forint Ungeriż	308,86
LTL	Litas Litwan	3,4528
PLN	Zloty Pollakk	4,1344
RON	Leu Rumen	4,3893
TRY	Lira Turka	2,8902
AUD	Dollaru Awstraljan	1,4459
CAD	Dollaru Kanadiż	1,4508
HKD	Dollaru ta' Hong Kong	10,5317
NZD	Dollaru tan-New Zealand	1,5480
SGD	Dollaru tas-Singapor	1,6898
KRW	Won tal-Korea t'Isfel	1 375,88
ZAR	Rand ta' l-Afrika t'Isfel	14,5290
CNY	Yuan ren-min-bi Ċiniż	8,4280
HRK	Kuna Kroata	7,6018
IDR	Rupiah Indoneżjan	15 801,68
MYR	Ringgit Malażjan	4,3102
PHP	Peso Filippin	58,971
RUB	Rouble Russu	46,5133
THB	Baht Tajlandiż	44,011
BRL	Real Brażiljan	3,0196
MXN	Peso Messikan	17,6589
INR	Rupi Indjan	81,2529

---

(1)  Sors: rata tal-kambju ta' referenza ppubblikata mill-Bank Ċentrali Ewropew.

---

9.7.2014

MT

Il-Ġurnal Uffiċjali tal-Unjoni Ewropea

C 215/4

---

Rapport Speċjali Nru 6/2014 “L-appoġġ mill-fondi taħt il-politika ta’ Koeżjoni għall-ġenerazzjoni ta’ enerġija rinnovabbli — inkisbu riżultati tajbin?”

2014/C 215/04

Il-Qorti Ewropea tal-Awdituri b’dan tinfurmak li r-Rapport Speċjali Nru 6/2014 “L-appoġġ mill-fondi taħt il-politika ta’ Koeżjoni għall-ġenerazzjoni ta’ enerġija rinnovabbli — inkisbu riżultati tajbin?” għadu kif ġie ppubblikat.

Ir-rapport jista’ jiġi kkonsultat jew imniżżel mill-websajt tal-Qorti Ewropea tal-Awdituri: http://eca.europa.eu

Verżjoni stampata tar-rapport tista’ tinkiseb mingħajr ħlas fuq talba lill-Qorti tal-Awdituri:

Il-Qorti Ewropea tal-Awdituri

Pubblikazzjonijiet (PUB)

12, rue Alcide De Gasperi

1615 Lussemburgu

LUXEMBOURG

Tel. +352 4398-1

e-mail: eca-info@eca.europa.eu

jew billi timla formola ta’ ordni elettronika fuq l-EU-Bookshop.

---

9.7.2014

MT

Il-Ġurnal Uffiċjali tal-Unjoni Ewropea

C 215/5

---

Avviż tal-Gvern tad-Danimarka skont id-Direttiva 2009/119/KE tal-Kunsill li timponi obbligu fuq l-Istati Membri biex iżommu livell minimu ta’ ħażniet ta’ żejt mhux maħdum u/jew ta’ prodotti petroliferi

2014/C 215/05

Skont l-Artikolu 9(4) tad-Direttiva 2009/119/KE tal-Kunsill tal-14 ta’ Settembru 2009 li timponi obbligu fuq l-Istati Membri biex iżommu livell minimu ta’ ħażniet ta’ żejt mhux maħdum u/jew ta’ prodotti petroliferi (1), id-Danimarka permezz ta’ dan l-avviż tinnotifika l-impenn tagħha li żżomm ħażniet speċifiċi.

1.	Il-livell ta’ ħażniet speċifiċi li d-Danimarka timpenja ruħha li se żżomm huwa ekwivalenti għal 30 jum tal-konsum medju ta’ kuljum.

2.	L-impenn japplika għall-perjodu mill-1 ta’ Lulju 2014sat-30 ta’ Ġunju 2015.

3.	Ħażniet speċifiċi se jkunu magħmulin mill-kategoriji tal-prodotti li ġejjin: — Gażolina tal-Muturi — Żejt tal-Gass/tad-Diżil — Żejt tal-fjuwil

4.	Il-ħażniet jinżammu bi sieda minn Danish Central Stockholding Entity, foreningen Danske Olieberedskabslagre (FDO).

---

(1)  ĠU L 265, 9.10.2009, p. 9.

---

9.7.2014

MT

Il-Ġurnal Uffiċjali tal-Unjoni Ewropea

C 215/6

---

Sejħa għal proposti u attivitajiet relatati skont il-pjan ta’ ħidma għall-2014 tal-Impriża Konġunta taċ-Ċelloli tal-Fjuwil u l-Idroġenu

2014/C 215/06

Qiegħed jingħata avviż hawnhekk dwar it-tnedija tas-sejħa għal proposti u attivitajiet relatati skont il-pjan ta’ ħidma għall-2014 tal-Impriża Konġunta taċ-Ċelloli tal-Fjuwil u l-Idroġenu (FCH-2 JU).

Dan il-pjan ta’ ħidma, inklużi d-dati ta’ skadenza u l-baġits għall-attivitajiet, huwa disponibbli fuq il-websajt tal-Portal tal-Parteċipanti (http://ec.europa.eu/research/participants/portal) flimkien ma’ informazzjoni dwar il-modalitajiet tas-sejħa u l-attivitajiet relatati, u gwida għall-applikanti dwar kif għandhom jissottomettu l-proposti. Din l-informazzjoni kollha se tiġi aġġornata kif meħtieġ fuq l-istess Portal tal-Parteċipanti.

---

9.7.2014

MT

Il-Ġurnal Uffiċjali tal-Unjoni Ewropea

C 215/6

---

Sejħa għal proposti skont il-pjan ta’ ħidma tal-2014 għas-Sħubija Pubblika-Privata tal-Industriji bbażati fuq il-prodotti bijoloġiċi

2014/C 215/07

B’dan qed tingħata notifika tat-tnedija ta’ sejħa għal proposti u attivitajiet relatati skont il-pjan ta’ ħidma tal-2014 għas-Sħubija Pubblika-Privata tal-Industriji bbażati fuq il-prodotti bijoloġiċi.

Qed jintlaqgħu proposti għal din is-sejħa: H2020-BBI-PPP-2014

Dan il-pjan ta’ ħidma, inkluż l-iskadenzi u l-baġits għall-attivitajiet, huwa disponibbli fuq il-websajt tal-Portal tal-Parteċipanti (http://ec.europa.eu/research/participants/portal) flimkien mal-informazzjoni dwar il-modalitajiet tas-sejħa u l-attivitajiet relatati, kif ukoll il-gwida għall-applikanti dwar kif jistgħu jissottomettu l-proposti. Din l-informazzjoni kollha se tiġi aġġornata kif meħtieġ fuq l-istess Portal tal-Parteċipanti.

---

9.7.2014

MT

Il-Ġurnal Uffiċjali tal-Unjoni Ewropea

C 215/7

---

Rettifika tal-Awtorizzazzjoni għal għajnuna mill-Istat skont l-Artikoli 107 u 108 tat-TFUE — Fir-rigward ta' dawn il-każijiet il-Kummissjoni ma tqajjimx oġġezzjonijiet

( Il-Ġurnal Uffiċjali tal-Unjoni Ewropea C 172 tas-6 ta’ Ġunju 2014 )

2014/C 215/08

F’paġna 11, Għajnuna Nru SA.37634 (2014/NN), “Data ta' l-adozzjoni tad-deċiżjoni”:

minflok:

“15.04.2014”,

aqra:

“12.5.2014”.

---