7.5.2014   

MT

Il-Ġurnal Uffiċjali tal-Unjoni Ewropea

C 137/1

—

Fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta’ amalgamazzjoni, inklużi l-kumpanija, in-numru tal-każ, id-data u l-indiċi settorjali,

—

f’forma elettronika fil-websajt EUR-Lex (http://eur-lex.europa.eu/en/index.htm) fid-dokument li jġib in-numru 32014M7200. Il-EUR-Lex hu l-aċċess fuq l-Internet għal-liġi Ewropea.

7.5.2014   

MT

Il-Ġurnal Uffiċjali tal-Unjoni Ewropea

C 137/2

7.5.2014   

MT

Il-Ġurnal Uffiċjali tal-Unjoni Ewropea

C 137/3

1.

Il-Kumitat Konsultattiv jaqbel mal-Kummissjoni li l-operazzjoni nnotifikata tikkostitwixxi konċentrazzjoni fit-tifsira tal-Artikolu 3(1)(b) tar-Regolament dwar l-Għaqdiet.

2.

Il-Kumitat Konsultattiv jaqbel mal-Kummissjoni li t-tranżazzjoni nnotifikata għandha dimensjoni tal-Unjoni, skont l-Artikolu 1 tar-Regolament dwar l-Għaqdiet.

3.

Il-Kumitat Kosultattiv jaqbel mad-definizzjonijiet tal-Kummissjoni dwar is-swieq tal-prodott rilevanti u ġeografiċi kif iddikjarat fl-abbozz tad-deċiżjoni.

4.

Partikolarment, il-Kumitat Kosultattiv jaqbel li hemm suq separat għal servizzi ta’ kunsinna mgħaġġla intra-ŻEE (internazzjonali) li huwa f’dimesnjoni nazzjonali.

5.

Il-Kumitat Konsultattiv jaqbel mal-valutazzjoni tal-Kummissjoni li l-konċentrazzjoni nnotifikata ma twassalx għal tfixkil sinifikanti għall-kompetizzjoni effettiva fis-swieq ikkonċernati fl-oqsma ta’: (1) merkanzija bl-ajru, (2) trasport ta’ merkanzija, u (3) loġistika tal-kuntratti.

6.

Il-Kumitat Kosultattiv jaqbel mal-valutazzjoni tal-Kummissjoni li l-konċentrazzjoni notifikata, kif proposta oriġinalment mill-partijiet li qed jinnotifikaw, x’aktarx se tqajjem effetti orizzontali mhux koordinati l-ifixklu b’mod sinifikanti kompetizzjoni effettiva fis-swieq għal servizzi ta’ kunsinna mgħaġġla intra-ŻEE fil-pajjizi li ġejjin:

7.

Il-Kumitat Kosultattiv jaqbel mal-analiżi tal-Kummissjoni tal-effiċjenzi, partikolarment il-kalkolu tal-valur nett kontra ż-żieda tal-prezz stmat, u l-konklużjoni li mhumiex ta’ natura li jaġixxu kontra t-tfixkil sinifikanti għal kompetizzjoni effettiva li tirriżulta minn tranżazzjoni notifikata fis-swieq identifikati fil-punt ta’ qabel.

8.

Il-Kumitat Kosultattiv jaqbel mal-Kummissjoni li minħabba n-numru limitat ħafna ta’ xerrejja potenzjalment xierqa għal kwalunkwe negozju ċedut kienu meħtieġa jew akkwirent inizjali jew soluzzjoni fix-it-first.

9.

Il-Kumitat Kosultattiv jaqbel mal-Kummissjoni li l-impenji offruti mill-parti li tinnotifika fid-29 ta’ Novembru 2012, kif modifikati fis-16 ta’ Diċembru 2012 u fit-3 ta’ Jannar 2013, ma jindirizzawx it-tħassib tal-kompetizzjoni identifikat mill-Kummissjoni u mhumiex se jeliminaw it-tfixkil sinifikanti għal kompetizzjoni effettiva li tirriżulta mit-tranżazzjoni notifikata.

10.

Il-Kumitat Konsultattiv jaqbel mal-Kummissjoni li t-tranżazzjoni notifikata trid għalhekk tiġi ddikjarata kompatibbli mas-suq intern u l-funzjonament tal-Ftehim ŻEE skont l-Artikoli 2(3) u 8(3) tar-Regolament dwar l-Għaqdiet u l-Artikolu 57 tal-Ftehim ŻEE.

7.5.2014   

MT

Il-Ġurnal Uffiċjali tal-Unjoni Ewropea

C 137/4

1.

Fil-15 ta’ Ġunju 2012, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament dwar l-Għaqdiet (2) li permezz tagħha UPS takkwista l-kontroll sħiħ, fit-tifsira tal-Artikolu 3(1)(b) tar-Regolament dwar l-Għaqdiet, ta’ TNT permezz ta’ offerta pubblika ta’ akkwist skont il-liġi Olandiża. (UPS u TNT huma magħrufa bħala “il-Partijiet”). Fl-20 ta’ Lulju 2012, il-Kummissjoni bdiet proċedimenti skont l-Artikolu 6(1)(c) tar-Regolament dwar l-Għaqdiet.

2.

Dikjarazzjoni tal-Oġġezzjonijiet (“DO”) intbagħtet lil UPS fid-19 ta’ Ottubru 2012. UPS ingħatat għaxart ijiem ta’ xogħol biex tressaq tweġiba bil-miktub. Fid-DO, ir-riżultati preliminari tal-Kummissjoni indikaw li l-konċentrazzjoni notifikata tqajjem tħassib dwar il-kompetizzjoni fis-swieq servizzi ta’ kunsinna mgħaġġla ta’ pakketti żgħar intra-ŻEE fid-29 Stat Membru taż-ŻEE.

3.

UPS ingħatat aċċess għall-fajl via s-CD-ROMs fit-22, is-26 u d-29 ta’ Ottubru, it-28 ta’ Novembru, fit-13 u l-21 ta’ Diċembru 2012 u fis-17 ta’ Jannar 2013. Barra minn hekk, f’dan il-każ ġew organizzati żewġ kmamar għad-dejta. Wieħed, dwar selezzjoni ta’ estratti minn preżentazzjonijiet interni u tweġibiet għat-talbiet għal informazzjoni ta’ FedEx, sar, bil-kunsens ta’ FedEx, fis-26 u d-29 ta’ Ottubru 2012 u għalih attendew tliet konsulenti barranin ta’ UPS. It-tieni, dwar id-dejta għall-għoti tal-offerta, sar fis-26 ta’ Ottubru 2012 u għalih attendew konsulenti ekonomiċi ta’ UPS.

4.

Fil-25 ta’ Ottubru 2012, UPS talbet aċċess addizzjonali għall-fajl. Bħala tweġiba għal dan id-DĠ Kompetizzjoni pprovda parzjalment verżjonijiet ta’ dokumenti inqas riveduti u ta aċċess lil UPS via l-konsulenti barranin tagħha f’kamra tad-dejta; id-DĠ Kompetizzjoni rrifjuta parzjalment it-talba. Ftit żmien wara UPS irriferiet il-kwistjoni lili. Hija talbet għal aċċess addizzjonali għall-preżentazzjonijiet interni tal-FedEx li jiddeskrivu fid-dettall il-pjanijiet ta’ espansjoni tal-kumpanija fl-Ewropa, estratti li l-konsulenti barranin tal-UPS ikunu raw fil-kamra tad-dejta. UPS argumentat li billi FedEx kellha rwol importanti fl-investigazzjoni u aġixxiet l-aktar bħala “kwelerant” u billi l-“evidenza ewlenija” li hemm kontra t-tranżazzjoni proposta, UPS kellha “dritt inekwivokabbli” li teżamina d-dokumenti mressqa minn FedEx mingħajr reviżjonijiet. Skont UPS, aċċess għal dawn id-dokumenti jippermettulha tifhem l-oġġezzjonijiet ta’ FedEx kontra t-tranżazzjoni proposta u biex tivvaluta l-plawsibbiltà tas-sottomissjonijiet ta’ FedEx fuq il-bażi ta’ evidenza oħra fil-fajl u fid-dejta li hija disponibbli pubblikament.

5.

Jiena rrifjutajt it-talba ta’ UPS għar-raġunijiet li ġejjin. L-ewwel, UPS ma għandhiex “dritt inekwivokabbli” biex tara d-dokumenti kollha ta’ FedEx fil-fajl tal-Kummissjoni mhux riveduti minħabba kwalunkwe pożizzjoni speċjali li jista’ jkollha f’dan il-proċediment. Ir-regoli u l-istandards għall-aċċess għall-fajl ma jvarjawx minħabba l-funzjoni tal-pożizzjoni fornitur ta’ informazzjoni li tadotta fi proċediment. It-tieni, UPS ingħatat aċċess sħiħ, jew via CD-ROMs jew permezz eżerċizzji ta’ kamra tad-dejta, għall-evidenza skużanti invokata mill-Kummissjoni fid-DO. It-tielet, l-informazzjoni riveduta dehret li tikkonsisti minn sigrieti tan-negozju sensittivi ħafna u UPS ma wrietx li l-aċċess għall-informazzjoni kien “indispensabbli” biex teżerċita d-drittijiet tagħha ta’ difiża, skont l-Artikolu 8(4) tad-Deċiżjoni 2011/695/UE. Fl-aħħar, ma stajtx insib – kif allegat minn UPS – li l-kontenut tad-dokumenti riveduti mressqa minn FedEx kienu inkonsistenti mar-riżultati li ntlaħqu mill-Kummissjoni fid-DO rigward il-pjanijiet ta’ espansjoni ta’ FedEx.

6.

Madankollu, billi l-fajl tal-Kummissjoni ma kellux deskrizzjoni tal-preżentazzjonijiet interni mhux aċċessibbli, tlabt lil FedEx biex tipprovdi ġustifikazzjoni għat-talbiet tal-kunfidenzjalità tagħha u għat-taqsiriet ta’ informazzjoni riveduti, biex tippermetti aħjar lil UPS biex teżerċita bi sħiħ id-drittijiet tagħha ta’ difiża.

7.

UPS fitxet ukoll divulgazzjoni totali ta’ dokumenti oħrajn ta’ FedEx. Madankollu, billi l-parti li tinnotifika rċeviet, għal xi wħud minnhom, verżjonijiet inqas riveduti mid-DĠ Kompetizzjoni filwaqt li t-talba tagħha kienet qed tistenna l-approvazzjoni tiegħi, jiena qist li t-talba ġiet sodisfatta. Għal dokumenti oħrajn, irriferejt il-kwistjoni, skont l-Artikolu 3(7) tad-Deċiżjoni 2011/695/UE, lid-DĠ Kompetizzjoni, hekk kif għall-ewwel UPS ma qajmitx il-kwistjoni miegħu.

8.

Tliet kompetituri tal-entitajiet li qed jagħmlu fużjoni, jiġifieri, DHL, FedEx, u GeoPost, u ajruport wieħed, jiġifieri, Liege Airport, urew “biżżejjed interess” fit-tifsira tal-Artikolu 18(4) tar-Regolament dwar l-Għaqdiet u, għaldaqstant, ingħataw l-opportunità biex jinstemgħu bħala terzi persuni kemm bil-miktub u bil-fomm.

9.

DHL u FedEx ilmentaw li l-verżjoni editjata tad-DO li rċevew kienet wisq riveduta u li ma setgħux jifhmu kompletament in-natura u l-kwistjoni tal-proċedura ta’ fużjoni. DHL, partikolarment, fittxet id-divulgazzjoni tat-taqsimiet tal-pretensjonijiet effiċjenti ta’ analizzar tad-DO, il-konċentrazzjoni tal-prezz u d-dejta dwar l-għoti ta’ offerta.

10.

Id-DĠ Kompetizzjoni rrifjuta dawn l-ilmenti fuq il-bażi li l-informazzjoni ta’ terzi persuni tħalliet għad-diskrezzjoni tiegħu dment li tiġi ssodisfatta l-ħtieġa minima legali.

11.

Bi tħejjija għas-seduta verbali, FedEx talbet aċċess għal verżjoni mhux kunfidenzjali tat-tweġiba ta’ UPS għad-DO hekk kif bassret li parti mill-kummenti ta’ UPS jiffukaw fuq il-pożizzjoni partikolari ta’ FedEx f’dan il-proċediment.

12.

Jiena rrifjutajt din it-talba billi enfasizzajt li la l-liġi applikabbli u lanqas l-Aħjar Prassi tal-Kummissjoni ma jintitolaw lil terzi persuni biex jiksbu t-tweġiba tal-parti li tinnotifika lid-DO. Barra minn hekk, il-Kummissjoni hija mgħammra bil-mezzi meħtieġa kollha ta’ investigazzjoni u mezzi oħrajn biex tivverifika li l-valur evidenzjali tal-informazzjoni li tirċievi. Għaldaqstant is-seduta verbali la hija l-unika u lanqas l-aktar forma xierqa tiġi vvalutata l-kredibbiltà ta’ terzi persuni. Barra minn hekk, billi UPS indirizzat il-kwistjoni tal-kredibbiltà tagħha fil-preżentazzjoni tagħha matul is-Seduta Verbali, FedEx ġiet infurmata dwar l-argumenti l-aktar saljenti ta’ UPS u kellha l-opportunità li tirreaġixxi għalihom.

13.

Il-parti li tinnotifika talbet Seduta Verbali, li saret fit-12 ta’ Novembru 2012. Matul is-Seduta saru tliet sessjonijiet magħluqa. Tnejn kienu dwar il-preżentazzjoni ta’ UPS dwar l-effiċjenzji u l-analiżi tal-konċentrazzjoni tal-prezz. It-tielet kienet dwar il-preżentazzjoni ta’ FedEx dwar l-iskala u l-kopertura tas-servizz tal-operazzjonijiet tagħha fl-Ewropa. Għall-parti li tinnotifika attendew l-istess konsulenti barranin li pparteċipaw fil-kamra tad-dejta tas-26 u d-29 ta’ Ottubru.

14.

UPS saqsiet ukoll għal sessjoni magħluqa għal preżentazzjoni dwar it-teorija ta’ ħsara, fejn rappreżentant ta’ TNT jiddiskuti l-imġiba tal-klijent fuq il-bażi ta’ studju ta’ każ speċifiku għall-pajjiż. Jiena rrifjutajt din it-talba hekk kif qist li ma kienx meħtieġ għad-dritt ta’ UPS li tinstema’ verbalment li r-rappreżentant ta’ TNT jirreferi għal informazzjoni kunfidenzjali. Barra minn, qist li l-preżenza ta’ kompetituri matul il-preżentazzjoni ta’ TNT tkun ta’ benefiċċju biex jiġu kjarifikati fatti relevanti, hekk kif huma wkoll għandhom klijenti u jistgħu jagħtu l-opinjoni dwar l-imġiba tagħhom. Dan kien fil-fatt il-każ, hekk kif matul is-seduta DHL ħadet il-pożizzjoni dwar ċerti kwistjonijiet relatati mad-domanda.

15.

F’Novembru 2012, il-parti li tinnotifika ressqet l-ewwel pakkett ta’ rimedji, li l-Kummissjoni qieset mhux biżżejjed biex issolvi t-tħassib dwar il-kompetizzjoni li jitqajjem minn din il-fużjoni. Sussegwentament, UPS ressqet żewġ pakketti ta’ rimedji riveduti f’Diċembru 2012 u Jannar 2013, li jikkonsistu biċ-ċessjoni ta’ assi f’għadd ta’ pajjiżi tal-UE fejn it-tħassib dwar il-kompetizzjoni ġie identifikat. Il-Kummissjoni kompliet tqis dawn r-rimedji bħala mhux biżżejjed, partikolarment minħabba l-inadekwatezza tax-xerrej propost biex jikkwalifika bħala xerrej xieraq u l-kompetitur vijabbli futur fiż-ŻEE.

16.

Fil-21 ta’ Diċembru 2012, il-Kummissjoni bagħtet Ittra tal-Fatti lil UPS li tinfurmha dwar evidenza addizzjonali bħala appoġġ tar-riżultati tagħha dwar il-kompetizzjoni kompetittiva ta’ FedEx f’14-il Stat Membru. UPS ingħatat jumejn ta’ xogħol biex tressaq kummenti bil-miktub. Fil-kummenti bil-miktub tagħha, UPS ilmentat li l-Ittra tal-Fatti ntabagħtet f’perjodu meta ma kellhiex aktar possibbiltà li timmodifika r-rimedji proposti. Fakkret ukoll it-talba tagħha għall-aċċess għal dokumenti interni ta’ FedEx, li d-DĠ Kompetizzjoni reġa’ rrifjuta. Fl-aħħar, talbet għall-minuti tal-laqgħat bejn il-Kummissjoni u FedEx, li hija rċeviet.

17.

UPS ma għamlietx referenza lili għal dawn l-ilmenti skont l-Artikolu 3(7) tad-Deċiżjoni 2011/695/UE, għaldaqstant ma kellix għalfejn nintervjeni dwar dawn il-kwistjonijiet. Madankollu, rigward il-punt li jikkonċerna ż-żmien tal-Ittra tal-Fatti, ma nsibx li nkissru d-drittijiet ta’ difiża ta’ UPS. Fl-opinjoni tiegħi, UPS kellha biżżejjed ħin biex timmodifika r-rimedji, li ġie ikkonfermat mill-fatt li ressqet rimedji riveduti ġurnata qabel il-kummenti bil-miktub tagħha. Aktar importanti, l-Ittra tal-Fatti ma bidlietx il-kamp ta’ applikazzjoni jew il-kontenut tal-valutazzjoni tal-Kummissjoni dwar il-kompetizzjoni, li UPS ġiet mgħarrfa dwarha fil-laqgħat wara s-Seduta Verbali. Gaħlhekk, l-Ittra tal-Fatti ma introduċiet l-ebda element ġdid li UPS ma setgħetx tqis qabel biex tħejji pakkett ta’ rimedji rivedut. Rigward l-aċċess għad-dokumenti interni ta’ FedEx, nirreferi għall-kummenti tiegħi ta’ hawn fuq (paragrafu 5).

18.

Fil-21 ta’ Jannar 2013, UPS bagħtitli talba biex nerġa’ nivvaluta r-rifjuti tad-DĠ Kompetizzjoni biex jagħtiha aċċess għad-dokumenti interni ta’ FedEx, partikolarment rigward il-pjanijiet ta’ espansjoni ta’ FedEx, u biex tinkorpora n-nuqqasijiet allegati dwar il-livell u l-perjodu tal-aċċess lill-fajl f’dan ir-Rapport Finali. Wara li għamilt l-analażi mitluba, ma nistax insib li nkisru d-drittijiet ta’ UPS għall-aċċess tal-fajl. L-ewwel, rigward il-livell tal-aċċess għall-fajl, UPS ingħatat l-opportunità biex tara l-evidenza skużanti, inkluża informazzjoni kunfidenzjali, dwar il-pjanijiet ta’ espansjoni ta’ FedEx, li fuqhom ġew ibbażati d-DO u l-Ittra tal-Fatti. L-aċċess ma kienx limitat għall-15-il pajjiż ta’ SIEC iżda ngħata lit-taqsiriet għal dawk il-pajjiżi kollha taż-ŻEE li għalihom jeżisti tali pjan. UPS kellha wkoll aċċess għas-sottomissjonijiet l-oħrajn kollha ta’ FedEx, minbarra l-informazzjoni kunfidenzjali li kien hemm fihom. Barra minn hekk, rigward l-informazzjoni kunfidenzjali ta’ FedEx, UPS rċeviet ġustifikazzjonijiet għar-reviżjonijiet u għad-deskrizzjonijiet jew għat-taqsiriet tal-partijiet mhux aċċessibbli. Fuq din il-bażi, inqis li r-regoli għall-aċċess għall-fajl ġew sodisfatti. It-tieni rigward il-perjodu għall-aċċess għall-fajl, billi UPS ma sostnietx biżżejjed l-ilment tagħha, ma stajtx nanalizzah.

19.

Fit-talba tagħha, UPS jidher li qed tissuġġerixxi li l-Kummissjoni tirtira l-oġġezzjonijiet mqajjma mid-DO rigward ċerti Stati Membri wara biss il-valutazzjoni mill-ġdid tal-pjanijiet ta’ espansjoni ta’ FedEx fuq il-bażi ta’ dokumenti interni mressqa qabel id-DO u informazzjoni ġdida pprovduta wara. Dan is-suġġeriment ma jaqbilx mal-informazzjoni li rċevejt mid-DĠ Kompetizzjoni. Il-Kummissjoni emendat l-oġġezzjonijiet tagħha minħabba l-informazzjoni l-ġdida miksuba minn FedEx u, bl-istess mod importanti reġgħet wettqet analiżi tal-konċentrazzjoni tal-prezz u l-evalwazzjoni tal-effiċjenzi, li l-parti kbira tagħhom kienu possibbli biss wara li UPS ipprovdiet lid-DĠ Kompetizzjoni b’aktar informazzjoni.

20.

Fl-opinjoni tiegħi l-abbozz tad-Deċiżjoni jirrigwarda biss mal-oġġezzjonijiet li dwarhom il-partijiet ingħataw l-opportunità biex jagħtu l-opinjonijiet tagħhom.

21.

Fuq kollox, nikkonkludi li l-parteċipanti kollha fil-proċedimenti kienu kapaċi jeżerċitaw b’mod effiċjenti d-drittijiet proċedurali tagħhom f’dan il-każ.

7.5.2014   

MT

Il-Ġurnal Uffiċjali tal-Unjoni Ewropea

C 137/8

1.

United Parcel Service Inc. (“UPS” — l-Istati Uniti tal-Amerika) hija waħda mill-ikbar fornituri ta’ servizzi ta’ loġistika li joperaw prinċipalment fis-settur tal-konsenja ta’ pakketti żgħar, trasport tal-merkanzija u kuntratti ta’ loġistika. Il-post ċentrali tal-UPS fl-UE jinsab f’Köln, il-Ġermanja.

2.

TNT Express N.V. (“TNT” — Il-Pajjiżi l-Baxxi) hija attiva fis-settur tal-konsenja ta’ pakketti żgħar u trasport tal-merkanzija. Il-post ċentrali tan-Netwerk Ewropew tat-TNT jinsab f’Liège, il-Belġju.

3.

Fil-15 ta’ Ġunju 2012, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (ir-“Regolament dwar l-Għaqdiet”) li permezz tagħha l-impriża UPS kellha l-ħsieb li takkwista skont it-tifsira tal-Artikolu 3(1)(b) tar-Regolament dwar l-Għaqdiet il-kontroll sħiħ tal-impriża TNT permezz ta’ akkwiżizzjoni pubblika skont il-liġi tal-Pajjiżi l-Baxxi (2) (il-“Fużjoni”). Il-UPS u t-TNT huma minn issa ’l quddiem msemmija bħala “il-Partijiet”.

4.

L-operazzjoni kellha dimensjoni tal-UE skont l-Artikolu 1(2) tar-Regolament dwar l-Għaqdiet.

5.

Wara l-ewwel fażi tal-investigazzjoni tas-suq, il-Kummissjoni kkonkludiet li l-fużjoni tqajjem dubji serji dwar il-kompatibilità tagħha mas-suq intern u mal-Ftehim taż-ŻEE. Għaldaqstant, fl-20 ta’ Lulju 2012, il-Kummissjoni fetħet il-proċedimenti tat-tieni fażi skont l-Artikolu 6(1)(c) tar-Regolament dwar l-Għaqdiet.

6.

Intbagħtet Dikjarazzjoni ta’ Oġġezzjonijiet lill-Partijiet fid-19 ta’ Ottubru 2012. Il-Partrijiet kellhom l-opportunità li jippreżentaw il-fehmiet tagħhom permezz ta’ tweġiba bil-miktub u waqt Seduta Orali li saret fit-12 ta’ Novembru 2012.

7.

Fid-29 ta’ Novembru 2012, il-Parti li qed tinnotifika ppreżentat Impenji skont l-Artikolu 8(2) tar-Regolament tal-Kunsill (KE) Nru 139/2004. Impenji ġodda tressqu sussegwentement fis-16 ta’ Diċembru 2012 u fit-3 ta’ Jannar 2013.

8.

Fil-21 ta’ Diċembru 2012 intbagħtet Ittra tal-Fatti lill-UPS. Il-UPS ressqet l-osservazzjonijiet tagħha bil-miktub dwar l-Ittra tal-Fatti fl-4 ta’ Jannar 2013.

9.

Fit-30 ta’ Jannar 2013, skont l- Artikolu 8(3) tar-Regolament dwar l-Għaqdiet il-Kummissjoni adottat deċiżjoni li tiddikjara l-fużjoni bħala inkompatibbli mas-suq intern u mal-Ftehim taż-ŻEE (id-“Deċiżjoni”).

10.

L-industrija tal-konsenji tal-pakketti ż-żgħar turi mill-inqas żewġ karatteristiċi ewlenin:

11.

Hemm għadd ta’ operaturi differenti attivi fl-industrija: integraturi, operaturi postali lokali u nazzjonali, netwerks imsieħba u trasportaturi tal-merkanzija, kull wieħed b’mudell ta’ operat differenti bbażat fuq l-istruttura u t-tip tan-netwerk proprju. Il-karatteristika ewlenija ta’ integratur hi dik li għandu kontroll operazzjonali sħiħ fuq il-loġistika tal-konsenja tal-pakketti mill-oriġini sad-destinazzjoni, inkluż it-trasport bl-ajru. Fi ħdan iż-ZEE hemm erba’ integraturi: UPS, TNT, DHL u FedEx.

12.

L-operaturi postali nazzjonali għandhom netwerks estensivi domestiċi fuq l-artu f’xi każijiet huma preżenti f’operazzjonijiet internazzjonali. B’mod partikolari, Royal Mail (ir-Renju Unit), permezz tas-sussidjarja tagħha GLS, u La Poste (Franza), permezz tas-sussidjarja tagħha DPD, kif ukoll PostNL (l-Olanda) u Austrian Post (l-Awstrija), jikkwalifikaw bħala operaturi tan-netwerks internazzjonali. La Poste, b’mod partikolari fi Franza u Spanja, toffri konsenji express internazzjonali fiż-ŻEE għal ħafna pajjiżi taż-ŻEE, kif tagħmel ir-Royal Mail fir-Renju Unit. Madankollu dawn l-operaturi m’għandhomx netwerk tal-flotta tal-ajru tagħhom stess u joffru servizzi ta’ konsenja express internazzjonali fiż-ŻEE bbażati fuq it-trasport bit-triq għal pajjiżi ġirien kif ukoll fuq it-trasport bl-ajru li jiddependi fuq titjiriet kummerċjali (belly space) jew fuq integraturi.

13.

Operaturi nazzjonali ta’ pakketti żgħar għandhom negozju predominantement domestiku tal-pakketti ż-żgħar. Kumpaniji bħal Bartolini fl-Italja, Yodl fir-Renju Unit, Siodemka fil-Polonja jew Speedex fil-Greċja għandhom impronta pjuttost nazzjonali u jikkompetu mal-Partijiet biss f’dak il-livell. Netwerks msieħba (bħal Eurodis, Netexpress, u Euroexpress) bilkemm ikollhom xi operazzjonijiet proprji fis-swieq express internazzjonali intra-ŻEE. Trasportaturi tal-merkanzija (eż. Kuehne + Nagel, DB Schenker, DSV, Geodis) jiffukaw fuq konsenji tqal iżda xi drabi wkoll jikkonsenjaw pakketti żgħar, l-aktar għal klijenti li jibagħtu merkanzija permezz tan-netwerks tagħhom. Għas-suq express internazzjonali intra-ŻEE huma essenzjalment jerġgħu ibigħu s-servizzi tal-integraturi.

14.

F’konformità mal-prattika deċiżjonali tagħha, (3) il-Kummissjoni tidentifika s-swieq relevanti tal-prodott għas-servizzi tal-konsenja tal-pakketti żgħar (4) fuq il-bażi tal-ħeffa tal-konsenja (jiġifieri servizzi ta’ konsenja express — komunement magħrufa bħala servizzi b’impenn ta’ konsenja sal-jum ta’ wara, u servizzi ta’ konsenja standard/differiti) u jekk il-pakketti jinġabrux jew jiġux ikkonsenjati fl-istess pajjiż, f’żewġ pajjiżi differenti taż-ŻEE, jew f’pajjiż wieħed taż-ŻEE u pajjiż li mhux taż-ŻEE (jiġifieri servizzi domestiċi, internazzjonali intra-ŻEE u servizzi internazzjonali ’il barra miż-ŻEE).

15.

Fir-rigward tad-dimensjoni ġeografika, il-Kummissjoni identifikat is-swieq nazzjonali kemm għas-servizzi domestiċi kif ukoll għal dawk internazzjonali

16.

Il-Kummissjoni kkonkludiet għall-iskop tad-Deċiżjoni li hemm suq separat tal-prodott għal servizzi express internazzjonali intra-ŻEE ta’ konsenja ta’ pakketti żgħar. Dan is-suq għandu ambitu nazzjonali.

17.

Il-konsenja express internazzjonali intra-ŻEE hija industrija ta’ netwerk li tirrikjedi li l-operaturi jiżguraw preżenza fil-pajjiżi kollha. Il-preżenza meħtieġa ġġib magħha investimenti fl-infrastruttura matul il-katina kollha tal-valur (mill-ġbir, għat-tqassim, is-servizzi tal-linja, il-punti ċentrali, in-netwerk tal-ajru, il-konsenja). Anke jekk l-esternalizzazzjoni ta’ partijiet tal-katina ta’ valur lil partijiet terzi hija possibbli, l-esternalizzazzjoni tnaqqas il-kontroll fuq il-katina tal-valur, l-effiċjenza operazzjonali u fl-aħħar il-kwalità tas-servizzi mogħtija.

18.

L-esternalizzazzjoni tat-trasport bl-ajru hija eżempju ċar ta’ dan. Skont l-estimi tal-UPS, il-kost tat-trasport bl-ajru jammonta għal sehem sostanzjali tal-kostijiet diretti għal konsenji internazzjonali. Sabiex dawn jitnaqqsu, fattur determinanti huwa l-fattur tat-tagħbija tal-inġenji tal-ajru, għalhekk hemm il-ħtieġa li wieħed jadatta l-kapaċità, l-iskedi u r-rotot għall-volumi sabiex jitnaqqsu dawn il-kostijiet. Nonintegraturi li jesternalizzaw is-servizzi tat-trasport bl-ajru m’għandhom l-ebda kontroll fuq ir-rotot, il-frekwenzi, l-iskedi u l-kapaċità tal-inġenji tal-ajru li jitħaddmu. Għalhekk għandhom inqas opportunitajiet biex jottimizzaw l-istruttura tal-kostijiet tagħhom u jiffaċċjaw riskju ogħla li jonqsu milli jikkonformaw mal-iskadenza tal-konsenja li mpenjaw ruħhom għaliha, żvantaġġ serju ħafna fil-konfront tal-integraturi.

19.

Fuq il-bażi tal-investigazzjoni tas-suq, irriżulta li n-nonintegraturi huma kompetituri aktar dgħajfa fir-rigward ta’ bosta parametri ewlenin tal-kompetizzjoni:

(i) kopertura (numru ta’ pajjiżi, kodiċijiet postali, indirizzi ta’ negozji servuti), peress li l-kopertura tagħhom hi inqas minn dik offruta mill-Partijiet, (ii) netwerk tal-ajru, sabiex in-nonintegraturi ma jservux lill-konsumaturi bi ħtiġijiet sinjifikanti għal servizzi express internazzjonali intraŻEE li jirrikjedu trasport bl-ajru (segment tat-titjiriet fit-tul), (iii) servizzi primjum, jiġifieri servizzi express għall-għada fil-għodu.

20.

Dawn in-nuqqasijiet huma wkoll kondiviżi miż-żewġ operaturi bbażati fuq l-art, La Poste u Royal Mail, li joperaw netwerk estensiv madwar iż-ŻEE, iżda mhumiex kompetituri kompleti tal-Partijiet fis-suq internazzjonali express fi ħdan iż-ŻEE. Dan kien ikkonfermat permezz tal-analiżi tal-Kummissjoni tad-dejta tal-offerti pprovduta mill-UPS, it-TNT, id-DHL u l-FedEx.

21.

Għar-raġunijiet ta’ hawn fuq, il-Kummissjoni kkonkludiet li atturi mhux integrati ma jkunux jistgħu jeżerċitaw restrizzjoni kompetittiva suffiċjenti fuq integraturi.

22.

Il-partijiet argumentaw li minbarra d-DHL, bħala wieħed li hu attwalment minn ta’ quddiem nett fis-suq fost l-integraturi, anke FedEX kien kompetitur veru u proprju. Madankollu, l-investigazzjoni fil-fond ikkonfermat li l-FedEx bħalissa huwa kompetitur aktar dgħajjef għar-raġunijiet li ġejjin:

23.

Il-Kummissjoni kkonkludiet li l-FedEx jirrappreżenta restrizzjoni kompetittiva dgħajfa lill-Partijiet fuq is-suq ta’ servizzi internazzjonali ta’ konsenja express fiż-ŻEE. Din l-opinjoni ġiet kondiviża mill-klijenti kif ukoll minn kompetituri oħra. L-attivitajiet prinċipali tan-negozju tal-FedEx huma relatati ma’ konsenji barra miż-ŻEE. Dan kien ikkonfermat ukoll mill-analiżi tal-Kummissjoni tal-bażijiet tad-dejta interni tal-UPS u l-FedEX.

24.

Fil-valutazzjoni kompetittiva l-Kummissjoni qieset ukoll il-pjan tal-espansjoni organika kontinwa tal-FedEx li għandu l-għan li jsaħħaħ l-infrastruttura tan-netwerk tiegħu u jżid id-densità u l-kopertura, kif ukoll l-espansjoni domestika globali tiegħu. Irriżulta li, skont il-pajjiż taż-ŻEE ikkunsidrat, il-pjan ta’ espansjoni organika kien tabilħaqq meqjus bħala proabbli li jgħin lill-FedEx biex jattira volumi addizzjonali biex jimla l-kapaċità dejjem tiżdied tan-netwerk u, b’hekk, indirettament jaġevola l-kompetittività tiegħu fis-suq internazzjonali intraŻEE. Madankollu, il-Kummissjoni kkonkludiet li l-FedEx xorta għadu lura mill-Partijiet u mid-DHL f’termini ta’ pożizzjoni fis-suq fil-futur qrib.

25.

Fir-rigward tad-DHL, ir-riżultat tal-investigazzjoni tas-suq ikkonferma li d-DHL hu attur b’saħħtu u kredibbli u li huwa kompetitur mill-qrib kemm tal-UPS u kif ukoll tat-TNT. Wara l-fużjoni, il-konsumaturi għalhekk jiffaċċjaw żewġ integraturi b’saħħithom ħafna: Id-DHL u l-entità fuża.

26.

Il-Kummissjoni vvalutat l-effetti tal-fużjoni fis-swieq nazzjonali differenti peress li l-Fużjoni kienet twassal għal żieda sinifikanti fil-livell ta’ konċentrazzjoni tas-suq u pożizzjoni fis-suq kombinata b’saħħitha tal-Partijiet f’għadd kbir ta’ pajjiżi taż-ŻEE u għal tnaqqis tal-għadd ta’ kompetituri minn erbgħa għal tlieta (UPS/TNT, DHL u FedEX) jew anke minn tlieta għal tnejn (UPS/TNT u DHL) f’porzjon sinifikanti tagħha.

27.

Fil-fatt, il-Partijiet, flimkien mad-DHL, jistgħu jkunu meqjusa bħala kompetituri mill-qrib fis-suq express internazzjonali fiż-ŻEE filwaqt li l-kumpaniji l-oħra kollha jidhru bħala li joffru prodotti li huma sostituti ħafna aktar mbiegħda, il-FedEx inkluża, minn dawk offruti minn UPS, TNT u DHL. Fin-nuqqas ta’ kwalunkwe fatturi kompensatorji, il-Kummissjoni kkonkludiet li l-Partijiet, li huma kompetituri mill-qrib, kien ikollhom inċentiv li jżidu l-prezzijiet wara l-fużjoni. L-analiżi tal-konċentrazzjoni tal-prezzijiet li saret mill-Kummissjoni kkonkludiet li se jkun hemm żieda fil-prezzijiet fid-29 pajjiż taż-ŻEE. Il-UPS ma qablitx mal-Kummissjoni dwar il-kobor taż-żieda fil-prezz.

28.

Il-UPS sostniet li ċerti klijenti jistgħu jeżerċitaw il-poter tax-xerrej jew billi jieħdu servizzi inqas esiġenti jew billi jaqilbu għal servizzi jew fornituri oħra eżistenti, jew billi jagħżlu fornituri oħra għal servizzi express, jew billi jaqilbu l-volumi nonexpress fuq fornituri oħra (esternalizzazzjoni multipla). Madankollu, dan ma kienx ikkonfermat matul l-investigazzjoni tas-suq.

29.

Fir-rigward tal-ostakli għad-dħul, irriżulta li parteċipant ġdid kien irid ikollu jistabbilixxi (i) infrastruttura sofistikata tal-IT, (ii) infrastruttura tad-distribuzzjoni madwar iż-ŻEE kollha u (iii) netwerk tal-ajru li jiżgura konnessjoni korrispondenti effiċjenti bl-ajru u bit-triq. Kif jixhed il-fatt li ħadd kbir ma daħal f’dawn l-aħħar 20 sena, dawn l-ostakli huma pjuttost kbar u ma jistgħux jingħelbu, lanqas permezz tal-esternalizzazzjoni. Fir-rigward l-esternalizzazzjoni ta’ trasport bl-ajru, fil-fatt, is-sejbiet tal-Kummissjoni kienu li ma kinitx alternattiva effettiva minħabba marġinalizzazzjoni doppja u kwalità tas-servizz ġeneralment aktar baxxa.

30.

Minħabba n-nuqqas ta’ parteċipanti ġodda u n-nuqqas ta’ poter ta’ kontrobilanċ min-naħa tax-xerrej, meta anki l-akbar kontijiet tal-klijenti tal-UPS jirrappreżenta winqas minn [0-5] % tal-bejgħ totali tagħha, il-Kummissjoni kkonkludiet li jekk l-entità fuża żżid il-prezzijiet b’mod unilaterali fis-suq express internazzjonali fiż-ŻEE b’[5-10] sa [10-20] %, tali żieda ma kinitx toħloq inċentiv biex twassal aktar dħul jew espansjoni fil-perjodu ta’ żmien rilevanti għall-valutazzjoni ta’ din il-konċentrazzjoni, kif ikkonfermat mill-maġġoranza kbira ta’ kompetituri.

31.

Il-Linji Gwida dwar l-Għaqdiet Orizzontali jistabbilixxu sett kumulattiv ta’ rekwiżiti li jikkunsidraw l-effiċjenzi. L-effiċjenzi jridu jkunu ta’ benefiċċju għall-konsumaturi, jkunu speċifiċi għall-fużjoni u jkunu verifikabbli. Il-UPS sostniet li l-Fużjoni kienet mistennija twassal għal effiċjenzi sinifikanti permezz tal-kombinazzjoni tan-negozji tal-UPS u t-TNT. Hija ġibdet l-attenzjoni għall-ekonomiji sinjifikanti mistennija ta’ densità u ambitu, kwalità mtejba tas-servizzi, u effiċjenzi tranżazzjonali permezz tal-kombinazzjoni tan-netwerks komplementari: Il-konsumaturi tal-UPS jiksbu aċċess għan-netwerk estensiv Ewropew tat-toroq u l-merkanzija tat-TNT, u l-konsumaturi tat-TNT jibbenefikaw minn aċċess għan-netwerk dinji tal-UPS.

32.

Jekk wieħed jimxi fuq l-analiżi tal-UPS, l-effiċjenzi jkunu ta’ benefiċċju għall-konsumaturi, minħabba li l-maġġoranza tas-sinerġiji tal-kostijiet ikunu varjabbli u speċifiċi għall-fużjoni peress li ma jistgħux jinkisbu mingħajr integrazzjoni sħiħa. Biex juru li l-effiċjenzi kienu ġew meqjusa verifikabbli, il-Partijiet ipprovdew dokumenti interni b’estimi tal-effiċjenzi wara ċertu numru ta’ snin wara li jikkonkludu l-Fużjoni, ikkategorizzati fi tliet oqsma ewlenin: — operazzjonali (li jkopri kostijiet ta’ trasport fuq l-art), u l-ġestjoni tan-netwerk tal-ajru u l-ispejjeż ġenerali maniġerjali u amministrattivi, li jammontaw għal total ta’ EUR 400-550 miljun. Fuq il-bażi tal-estimi tal-Partijiet, l-iffrankar totali għas-servizzi ta’ konsenja express internazzjonali fiż-ŻEE jkun ivarja fil-pajjiżi differenti.

33.

Il-Kummissjoni qablet li l-effiċjenzi kienu speċifiċi għall-fużjoni, iżda hija kkonfermat bħala verifikabbli biss l-iffrankar tal-kostijiet relatati mat-trasport Ewropew bin-netwerk tal-ajru u tal-art, li jirriżulta matul l-ewwel tliet snin wara t-tlestija tal-Fużjoni, li rispettivament jammonta għal EUR […] miljun, għas-sinerġiji tan-netwerk tal-ajru intra-Ewropew u għal EUR […] miljun għat-trasport bl-art. Dan l-iffrankar kien allokat fuq livell ta’ pajjiż b’pajjiż ibbażat fuq il-volum tal-UPS u d-dejta tal-kost fuq il-livell ta’ korsija. Sabiex isir estimu fuq ir-rata tal-infiltrazzjoni tat-tibdil fil-kostijiet varjabbli għall-konsumaturi, il-Kummissjoni kkunsidrat xieraq l-estimu tal-impatt tal-medja totali tat-tibdil tal-kostijiet fuq il-prezz ta’ servizzi ta’ konsenja express internazzjonali fiż-ŻEE pprovdut mill-partijiet wara analiżi tal-konċentrazzjoni tal-prezzijiet tagħhom. Din x’aktarx tkun sottovalutazzjoni tat-trasferiment reali tal-kostijiet marġinali.

34.

Fuq il-bażi tal-komputazzjonijiet tal-Kummissjoni, l-iffrankar totali għas-servizzi express internazzjonali fiż-ŻEE fil-pajjiżi differenti jvarja minn [0-5] sa [5-10] % tal-prezz.

35.

Il-UPS qalet li l-operazzjoni għandha wkoll twassal għal effiċjenzi ’il barra mis-suq. Madankollu, il-Kummissjoni kkonkludiet li dawk ma kinux verifikabbli skont l-istandard meħtieġ.

36.

Il-Kummissjoni evalwat l-effetti probabbli tal-Fużjoni, pajjiż b’pajjiż, fuq il-bażi ta’ erba’ fatturi ewlenin: l-istruttura tas-suq, il-pjanijiet ta’ espansjoni tal-kompetituri fis-snin li ġejjin, b’mod partikolari l-pjanijiet ta’ espansjoni tal-FedEx, ir-riżultati mill-investigazzjoni tas-suq u l-effett tal-prezz b’kunsiderazzjoni tal-effiċjenzi.

37.

Id-Deċiżjoni tikkonkludi li l-fużjoni proposta x’aktarx twassal għal tfixkil sinifikanti għall-kompetizzjoni effettiva fis-swieq internazzjonali fiż-ŻEE ta’ konsenji express ta’ pakketti żgħar fi 15-il pajjiż:

(i) il-Bulgarija, (ii) ir-Repubblika Ċeka, (iii) id-Danimarka, (iv) l-Estonja, (v) l-Finlandja, (vi) l-Ungerija, (vii) il-Latvja, (viii) il-Litwanja, (ix) Malta, (x) il-Pajjiżi l-Baxxi, (xi) il-Polonja, (xii) ir-Rumanija, (xiii) is-Slovakkja, (xiv) is-Slovenja u (xv) l-Isvezja, kif inhu miġbur fil-qosor fil-paragrafi li ġejjin.

38.

L-ishma mis-suq tal-integraturi (5) fil-Bulgarija wara t-tranżazzjoni kienu stmati kif ġej: UPS/TNT [30-40] %; DHL [50-60] %; FedEx [5-10] %. Minħabba l-preżenza limitata tal-FedEx fis-suq, il-kopertura ġeografika dgħajfa ħafna tagħha (min-naħa tad-destinazzjoni) u fid-dawl tad-dokumenti interni relatati mal-pjanijiet ta’ espansjoni fil-Bulgarija, fiż-żmien tad-Deċiżjoni u għall-futur qrib dehret li teżerċita restrizzjoni kompetittiva limitata fuq il-Partijiet.

39.

Wara l-analiżi tal-konċentrazzjoni tal-prezzijiet tal-Kummissjoni, żieda fil-prezz fuq il-korsiji li joriġinaw mill-Bulgarija kienet tkunu fuq firxa ta’ bejn [5-10] % u [5-10] %, filwaqt li l-effetti stmati fuq il-prezzijiet netti fil-Bulgarija, billi jiġu kkunsidrati l-kisbiet fl-effiċjenza kienu jkunu pożittivi, u jvarjaw bejn [0-5] % u [5-10] %.

40.

Għal dawn ir-raġunijiet, il-Kummissjoni kkonkludiet li l-fużjoni x’aktarx twassal għal impediment sinifikanti għall-kompetizzjoni effettiva fuq is-suq Bulgaru għal konsenji express internazzjonali fiż-ŻEE ta’ pakketti żgħar.

41.

L-ishma mis-suq tal-integraturi fir-Repubblika Ċeka wara t-tranżazzjoni kienu stmati kif ġej: UPS/TNT [50-60] %; DHL [40-50] %; FedEx [5-10] %. Il-FedEx hija kkaratterizzata minn preżenza tas-suq limitata, kopertura ġeografika aktar dgħajfa (min-naħa tad-destinazzjoni) u dejta ta’ ħin itwal ta’ tranżitu. Minħabba wkoll id-dokumenti interni tal-FedEx relatati mal-pjanijiet ta’ espansjoni tagħha, kollox ma’ kollox, il-Kummissjoni kkonkludiet l-FedEx tibqa’ restrizzjoni kompetittiva dgħajfa fuq il-Partijiet anke fil-futur qrib.

42.

Wara analiżi tal-konċentrazzjoni tal-prezzijiet tal-Kummissjoni, żieda fil-prezz fuq il-korsiji li joriġinaw mir-Repubblika Ċeka kienet tkunu fuq firxa ta’ bejn [0-5] % u [0-5] % ujekk jitqiesu l-kisbiet fl-effiċjenza, l-effetti netti tal-prezzijiet fir-Repubblika Ċeka kienu jkunu pożittivi, u jvarjaw bejn [0-5] % u [0-5] %.

43.

Għal dawn ir-raġunijiet, il-Kummissjoni kkonkludiet li l-fużjoni x’aktarx twassal għal impediment sinifikanti għall-kompetizzjoni effettiva fuq is-suq tar-Repubblika Ċeka għal konsenji express internazzjonali fiż-ŻEE ta’ pakketti żgħar.

44.

L-ishma mis-suq tal-integraturi fid-Danimarka wara t-tranżazzjoni kienu stmati kif ġej: UPS/TNT [50-60] %; DHL [40-50] %; FedEx [5-10] %. Il-FedEx hija kkaratterizzata minn preżenza tas-suq limitata, kopertura ġeografika aktar dgħajfa (min-naħa tad-destinazzjoni) u dejta ta’ ħin itwal ta’ tranżitu. Fuq il-bażi tal-espansjoni organika tal-FedEx fid-Danimarka, kien meqjus probabbli li fil-futur qrib il-FedEx tesperjenza żieda limitata biss fis-sehem tagħha tas-suq express internazzjonali fiż-ŻEE, li jirriżulta f’sehem mis-suq ta’ inqas minn [5-10] %.

45.

Wara analiżi tal-konċentrazzjoni tal-prezzijiet tal-Kummissjoni, żieda fil-prezz fuq il-korsiji li joriġinaw mid-Danimarka kienet tkun fuq firxa ta’ bejn [0-5] % u [0-5] % u jekk jitqiesu l-kisbiet fl-effiċjenza, l-effetti netti tal-prezzijiet fid-Danimarka kienu jkununegattivi, u jvarjaw bejn [0-5] % u [0-5] %. Għalkemm l-effiċjenzi jidhru li jegħlbu ż-żidiet fil-prezz, kien hemm riskju serju li l-effiċjenzi weħidhom, ma kinux ikunu biżżejjed biex jegħlbu l-effett negattiv globali tal-Fużjoni. Fil-fatt, il-Fużjoni kienet telimina forza kompetittiva importanti mis-suq Daniż tal-express internazzjonali fiż-ŻEE u kienet tillimita l-possibbiltajiet li wieħed jaqleb minn fornitur għall-ieħor filwaqt li ma kienx hemm biżżejjed qawwa kompensatorja tax-xerrej u l-ebda dħul jew espansjoni ma kienet probabbli, fi żmien opportun u suffiċjenti biex tegħleb l-effetti antikompetittivi possibbli.

46.

Għal dawn ir-raġunijiet, il-Kummissjoni kkonkludiet li l-fużjoni x’aktarx twassal għal impediment sinifikanti għall-kompetizzjoni effettiva fuq is-suq tad-Danimarka għal konsenji express internazzjonali fiż-ŻEE ta’ pakketti żgħar.

47.

L-ishma mis-suq tal-integraturi fl-Estonja wara t-tranżazzjoni kienu stmati kif ġej: UPS/TNT [40-50] %; DHL [50-60] %; FedEx [0-5] %. Il-FedEx hija kkaratterizzata minn preżenza tas-suq limitata ħafna, mingħajr ebda kopertura ġeografika (min-naħa tad-destinazzjoni) u dejta ta’ ħin itwal ta’ tranżitu. Minħabba wkoll id-dokumenti interni tal-FedEx relatati mal-pjanijiet ta’ espansjoni tagħha, kollox ma’ kollox, il-Kummissjoni kkonkludiet li l-FedEx tibqa’ restrizzjoni kompetittiva dgħajfa fuq il-Partijiet anke fil-futur qrib.

48.

Wara analiżi tal-konċentrazzjoni tal-prezzijiet tal-Kummissjoni, żieda fil-prezz fuq il-korsiji li joriġinaw mill-Estonja kienet tkun fuq firxa ta’ bejn [5-10] % u [5-10] % u jekk jitqiesu l-kisbiet fl-effiċjenza, l-effetti netti tal-prezzijiet fl-Estonja kienu jkunu pożittivi, u jvarjaw bejn [0-5] % u [0-5] %.

49.

Għal dawn ir-raġunijiet, il-Kummissjoni kkonkludiet li l-fużjoni x’aktarx twassal għal impediment sinifikanti għall-kompetizzjoni effettiva fuq is-suq tal-Estonja għal konsenji express internazzjonali fiż-ŻEE ta’ pakketti żgħar.

50.

L-ishma mis-suq tal-integraturi fil-Finalndja wara t-tranżazzjoni kienu stmati kif ġej: UPS/TNT [30-40] %; DHL [60-70] %; FedEx [0-5] %. Il-FedEx hija kkaratterizzata minn preżenza tas-suq limitata ħafna, b’kopertura ġeografika aktar dgħajfa (min-naħa tad-destinazzjoni). Aktar impressjonanti, FedEx ma toffrix servizzi primjum, jiġifieri konsenji filgħodu lejn l-Isvezja, in-Norveġja u d-Danimarka, li huma pajjiżi ġirien. Minħabba wkoll id-dokumenti interni tal-FedEx relatati mal-pjanijiet ta’ espansjoni tagħha, kollox ma’ kollox, il-Kummissjoni kkonkludiet li mhux probabbli li l-pożizzjoni tal-FedEx tinbidel fil-futur prevedibbli b’tali mod li tkun tista’ tikkontrobilanċja l-effetti negattivi tal-Fużjoni fuq il-kompetizzjoni.

51.

Wara analiżi tal-konċentrazzjoni tal-prezzijiet tal-Kummissjoni, żieda fil-prezz fuq il-korsiji li joriġinaw mill-Finlandja kienet tkun fuq firxa ta’ bejn [5-10] % u [5-10] % u jekk jitqiesu l-kisbiet fl-effiċjenza, l-effetti netti tal-prezzijiet fil-Finalandja kienu jibqgħu pożittivi, u jvarjaw bejn [0-5] % u [0-5] % minkejja l-iffrankar mistenni tal-kostijiet.

52.

Għal dawn ir-raġunijiet, il-Kummissjoni kkonkludiet li l-fużjoni x’aktarx twassal għal impediment sinifikanti għall-kompetizzjoni effettiva fuq is-suq tal-Finlandja għal konsenji express internazzjonali fiż-ŻEE ta’ pakketti żgħar.

53.

L-ishma mis-suq tal-integraturi fl-Ungerija wara t-tranżazzjoni kienu stmati kif ġej: UPS/TNT [40-50] %; DHL [30-40] %; FedEx [10-20] %. Il-FedEx għandha sehem mis-suq konsiderevolment iżgħar minn kull wieħed mit-tliet integraturi l-oħra, b’kopertura ġeografika aktar dgħajfa (min-naħa tad-destinazzjoni). Fid-dawl ukoll tad-dokumenti interni tal-FedEx relatati mal-pjanijiet ta’ espansjoni tagħha, kollox ma’ kollox, il-Kummissjoni kkonkludiet li l-FedEx tibqa’ restrizzjoni kompetittiva limitata fuq il-Partijiet anke fil-futur qrib.

54.

Wara analiżi tal-konċentrazzjoni tal-prezzijiet tal-Kummissjoni, żieda fil-prezz fuq il-korsiji li joriġinaw mill-Ungerija kienet tkun fuq firxa ta’ bejn [5-10] % u [5-10] % u jekk jitqiesu l-kisbiet fl-effiċjenza, l-effetti netti tal-prezzijiet fl-Ungerija kienu jvarjaw bejn [0-5] % u [0-5] %. L-analiżi kwantitattiva tipproduċi riżultat ambigwu fl-Ungerija minħabba li l-effett nett huwa previst bħala tnaqqis żgħir fil-prezz jew żieda żgħira fil-prezz.

55.

Għal dawn ir-raġunijiet, il-Kummissjoni kkonkludiet li l-fużjoni x’aktarx twassal għal impediment sinifikanti għall-kompetizzjoni effettiva fuq is-suq Ungeriż għal konsenji express internazzjonali fiż-ŻEE ta’ pakketti żgħar.

56.

L-ishma mis-suq tal-integraturi fil-Latvja wara t-tranżazzjoni kienu stmati kif ġej: UPS/TNT [40-50] %; DHL [40-50] %; FedEx [5-10] %. Il-FedEx tista’ tiġi kkunsidrata bħala attur aktar dgħajjef fis-servizz ta’ konsenji express internazzjonali intra-ŻEE mil-Latvja fir-rigward tal-integraturi l-oħra, minħabba l-preżenzalimitata tagħha fis-suq, u l-kopertura ġeografika (min-naħa tad-destinazzjoni) ferm aktar dgħajfa. Minħabba wkoll id-dokumenti interni tal-FedEx relatati mal-pjanijiet ta’ espansjoni tagħha, kollox ma’ kollox, il-Kummissjoni kkonkludiet li l-FedEx tibqa’ restrizzjoni kompetittiva limitata fuq il-Partijiet anke fil-futur qrib.

57.

Wara analiżi tal-konċentrazzjoni tal-prezzijiet tal-Kummissjoni, żieda fil-prezz fuq il-korsiji li joriġinaw mill-Latvja kienet tkun fuq firxa ta’ bejn [5-10] % u [5-10] % u jek jitqiesu l-kisbiet fl-effiċjenza, l-effetti netti tal-prezzijiet fil-Latvja kienu jkunu pożittivi u sinifikanti, u jvarjaw bejn [0-5] % u [5-10] %.

58.

Għal dawn ir-raġunijiet, il-Kummissjoni kkonkludiet li l-fużjoni x’aktarx twassal għal impediment sinifikanti għall-kompetizzjoni effettiva fuq is-suq Latvjan għal konsenji express internazzjonali fiż-ŻEE ta’ pakketti żgħar.

59.

L-ishma mis-suq tal-integraturi fil-Litwanja wara t-tranżazzjoni kienu stmati kif ġej: UPS/TNT [50-60] %; DHL [40-50] %; FedEx [0-5] %. Il-FedEx hija kkaratterizzata minn preżenza tas-suq limitata ħafna, mingħajr ebda kopertura ġeografika (min-naħa tad-destinazzjoni). Minħabba wkoll id-dokumenti interni tal-FedEx relatati mal-pjanijiet ta’ espansjoni tagħha, kollox ma’ kollox, il-Kummissjoni kkonkludiet li l-FedEx tibqa’ restrizzjoni kompetittiva limitata fuq il-Partijiet anke fil-futur qrib.

60.

Wara analiżi tal-konċentrazzjoni tal-prezzijiet tal-Kummissjoni, żieda fil-prezz fuq il-korsiji li joriġinaw mill-Litwanja kienrt tkun fuq firxa ta’ bejn [5-10] % u [5-10] % u jekk jitqiesu l-kisbiet fl-effiċjenza, l-effetti netti tal-prezzijiet fil-Litwanja kienu jkunu pożittivi u sinifikanti, u jvarjaw bejn [0-5] % u [5-10] %.

61.

Għal dawn ir-raġunijiet, il-Kummissjoni kkonkludiet li l-fużjoni x’aktarx twassal għal impediment sinifikanti għall-kompetizzjoni effettiva fuq is-suq Litwan għal konsenji express internazzjonali fiż-ŻEE ta’ pakketti żgħar.

62.

L-ishma mis-suq tal-integraturi f’Malta wara t-tranżazzjoni kienu stmati kif ġej: UPS/TNT [40-50] %; DHL [50-60] %; FedEx [0-5] %. Ir-riżultat tal-investigazzjoni tas-suq ikkonferma li l-FedEx hu l-integratur l-aktar dgħajjef fir-rigward tal-konsenji express internazzjonali intra-ŻEE. Minħabba wkoll id-dokumenti interni tal-FedEx relatati mal-pjanijiet ta’ espansjoni tagħha, il-Kummissjoni kkonkludiet li l-FedEx tibqa’ restrizzjoni kompetittiva dgħajfa fuq il-Partijiet anke fil-futur qrib.

63.

Wara analiżi tal-konċentrazzjoni tal-prezzijiet tal-Kummissjoni, żieda fil-prezz fuq il-korsiji li joriġinaw minn Malta kienet tkunu fuq firxa ta’ bejn [5-10] % u [10-20] % u jekk jitqiesu l-kisbiet fl-effiċjenza, l-effetti netti tal-prezzijiet f’Malta kienu jkunu pożittivi, u jvarjaw bejn [5-10] % u [5-10] %.

64.

Għal dawn ir-raġunijiet, il-Kummissjoni kkonkludiet li l-fużjoni x’aktarx twassal għal impediment sinifikanti għall-kompetizzjoni effettiva fuq is-suq Malti għal konsenji express internazzjonali fiż-ŻEE ta’ pakketti żgħar.

65.

L-ishma mis-suq tal-integraturi fil-Pajjiżi l-Baxxi wara t-tranżazzjoni kienu stmati kif ġej: UPS/TNT [50-60] %; DHL [40-50] %; FedEx [5-10] %. L-integraturi kollha għandhom 100 % tal-kopertura ġeografika (min-naħa tad-destinazzjoni). Minħabba wkoll id-dokumenti interni tal-FedEx relatati mal-pjanijiet ta’ espansjoni tagħha, kollox ma’ kollox, il-Kummissjoni kkonkludiet li l-FedEx tibqa’ restrizzjoni kompetittiva limitata għall-Partijiet anke fil-futur qrib.

66.

Wara analiżi tal-konċentrazzjoni tal-prezzijiet tal-Kummissjoni, żieda fil-prezz fuq il-korsiji li joriġinaw mill-Pajjiżi l-Baxxi kienet tkun fuq firxa ta’ bejn [0-5] % u [0-5] % u jekk jitqiesu l-kisbiet fl-effiċjenza, l-effetti netti tal-prezzijiet fil-Pajjiżi l-Baxxi kienu jkunu negattivi, u jvarjaw bejn [0-5] % u [0-5] %. Madankollu, il-kwantifikazzjoni tal-effetti netti tal-fużjoni ingħatat inqas piż għax il-mudell ma ppermettiex li jinqabdu l-ispeċifitajiet tas-suq Olandiż, hekk kif l-effett tal-prezz stmat jirrifletti l-fatt li l-kopertura tal-FedEx fl-Olanda huwa komplet (fil-fatt, l-erba’ integraturi kollha għandhom kopertura ta’ 100 %). Il-Kummissjoni nnutat li fil-Pajjiżi l-Baxxi, il-kopertura tad-dejta u l-ishma tas-suq huma partikolarment inkonsistenti. Il-FedEx għandha kopertura ta’ 100 % iżda tikseb dħul limitat ħafna.

67.

Fil-fatt, il-Kummissjoni kkunsidrat li l-Fużjoni possibbilment telimina forza kompetittiva importanti mis-suq Daniż express internazzjonali intra-ŻEE fejn il-FedEx ma tirrappreżentax limitazzzjomi kompetittiva effettiva fuq il-Partijiet u li tillimita l-possibbiltajiet li wieħed jaqleb minn fornitur għall-ieħor filwaqt li ma kienx hemm biżżejjed qawwa kompensatorja tax-xerrej u l-ebda dħul jew espansjoni ma hi probabbli, fi żmien opportun u suffiċjenti biex tegħleb l-effetti antikompetittivi possibbli.

68.

Għal dawn ir-raġunijiet, il-Kummissjoni kkonkludiet li l-fużjoni x’aktarx twassal għal impediment sinifikanti għall-kompetizzjoni effettiva fuq is-suq Olandiż għal konsenji express internazzjonali intra-ŻEE ta’ pakketti żgħar.

69.

L-ishma mis-suq tal-integraturi fil-Polonja wara t-tranżazzjoni kienu stmati kif ġej: UPS/TNT [40-50] %; DHL [40-50] %; FedEx [5-10] %. Il-FedEx hija kkaratterizzata minn preżenza tas-suq limitata, b’kopertura ġeografika ftit aktar dgħajfa (min-naħa tad-destinazzjoni) b’mod li tirrappreżenta limitu kompetittiv limitat fuq il-Partijiet. L-akkwist reċenti tal-Opek mill-FedEx se jippermetti lill-FedEx biex iżżid il-preżenza domestika tagħha fil-Polonja, imma mhux se żżid il-volum f’termini ta’ servizzi express internazzjonali u fis-servizzi express domestiċi. Kollox ma kollox il-Kummissjoni kkonkludiet li għaldaqstant huwa improbabbli li FedEx issir forza kompetittiva aktar b’saħħitha b’mod sinjifikanti f’dan is-suq fil-futur qrib.

70.

Wara analiżi tal-konċentrazzjoni tal-prezzijiet tal-Kummissjoni, żieda fil-prezz fuq il-korsiji li joriġinaw mill-Polonja kienet tkun fuq firxa ta’ bejn [0-5] % u [0-5] % u jekk jitqiesu l-kisbiet fl-effiċjenza, l-effetti netti tal-prezzijiet fil-Polonja kienu jkunu pożittivi, u jvarjaw bejn [0-5] % u [0-5] %.

71.

Għal dawn ir-raġunijiet, il-Kummissjoni kkonkludiet li l-fużjoni x’aktarx twassal għal impediment sinifikanti għall-kompetizzjoni effettiva fuq is-suq Pollakk għal konsenji express internazzjonali fiż-ŻEE ta’ pakketti żgħar.

72.

L-ishma mis-suq tal-integraturi fir-Rumanija wara t-tranżazzjoni kienu stmati kif ġej: UPS/TNT [40-50] %; DHL [50-60] %; FedEx [0-5] %. Il-FedEx hija kkaratterizzata minn preżenza tas-suq limitata ħafna, b’kopertura ġeografika ħafna aktar dgħajfa (min-naħa tad-destinazzjoni). Minħabba wkoll id-dokumenti interni tal-FedEx relatati mal-pjanijiet ta’ espansjoni tagħha, kollox ma’ kollox, il-Kummissjoni kkonkludiet li l-FedEx tibqa’ restrizzjoni kompetittiva dgħajfa fuq il-Partijiet anke fil-futur qrib.

73.

Wara analiżi tal-konċentrazzjoni tal-prezzijiet tal-Kummissjoni, żieda fil-prezz fuq il-korsiji li joriġinaw mir-Rumanija kienet tkun fuq firxa ta’ bejn [5-10] % u [0-5] % u fjekkjitqiesu l-kisbiet fl-effiċjenza, l-effetti netti tal-prezzijiet fir-Rumanija kienu jkunu pożittivi, u jvarjaw bejn [5-10] % u [0-5] %.

74.

Għal dawn ir-raġunijiet, il-Kummissjoni kkonkludiet li l-fużjoni x’aktarx twassal għal impediment sinifikanti għall-kompetizzjoni effettiva fuq is-suq Rumen għal konsenji express internazzjonali fiż-ŻEE ta’ pakketti żgħar.

75.

L-ishma mis-suq tal-integraturi fis-Slovakkja wara t-tranżazzjoni kienu stmati kif ġej: UPS/TNT [40-50] %; DHL [40-50] %; FedEx [5-10] %. Il-FedEx hija kkaratterizzata minn preżenza tas-suq limitata ħafna, b’kopertura ġeografika aktar dgħajfa (min-naħa tad-destinazzjoni). Minħabba wkoll id-dokumenti interni tal-FedEx relatati mal-pjanijiet ta’ espansjoni tagħha, kollox ma’ kollox, il-Kummissjoni kkonkludiet li l-FedEx tibqa’ restrizzjoni kompetittiva dgħajfa fuq il-Partijiet anke fil-futur qrib.

76.

Wara analiżi tal-konċentrazzjoni tal-prezzijiet tal-Kummissjoni, żieda fil-prezz fuq il-korsiji li joriġinaw mis-Slovakkja kienet tkun fuq firxa ta’ bejn [0-5] % u [0-5] % u jekk jitqiesu l-kisbiet fl-effiċjenza, l-effetti netti tal-prezzijiet fis-Slovakkja kienu jkunu pożittivi, u jvarjaw bejn [0-5] % u [0-5] %.

77.

Għal dawn ir-raġunijiet, il-Kummissjoni kkonkludiet li l-fużjoni x’aktarx twassal għal impediment sinifikanti għall-kompetizzjoni effettiva fuq is-suq Slovakk għal konsenji express internazzjonali fiż-ŻEE ta’ pakketti żgħar.

78.

L-ishma mis-suq tal-integraturi fis-Slovenja wara t-tranżazzjoni kienu stmati kif ġej: UPS/TNT [30-40] %; DHL [60-70] %; FedEx [0-5] %. Il-FedEx hija kkaratterizzata minn preżenza tas-suq limitata ħafna, mingħajr ebda kopertura ġeografika (min-naħa tad-destinazzjoni). Minħabba wkoll id-dokumenti interni tal-FedEx relatati mal-pjanijiet ta’ espansjoni tagħha, kollox ma’ kollox, il-Kummissjoni kkonkludiet li l-FedEx tibqa’ restrizzjoni kompetittiva limitata fuq il-Partijiet fil-futur qrib.

79.

Wara analiżi tal-konċentrazzjoni tal-prezzijiet tal-Kummissjoni, żieda fil-prezz fuq il-korsiji li joriġinaw mis-Slovenja kienet tkun fuq firxa ta’ bejn [5-10] % u [0-5] % u jekk jitqiesu l-kisbiet fl-effiċjenza, l-effetti netti tal-prezzijiet fis-Slovenja kienu jkunu pożittivi, u jvarjaw bejn [0-5] % u [0-5] %.

80.

Għal dawn ir-raġunijiet, il-Kummissjoni kkonkludiet li l-fużjoni x’aktarx twassal għal impediment sinifikanti għall-kompetizzjoni effettiva fuq is-suq Sloven għal konsenji express internazzjonali fiż-ŻEE ta’ pakketti żgħar.

81.

L-ishma mis-suq tal-integraturi fl-Isvejza wara t-tranżazzjoni kienu stmati kif ġej: UPS/TNT [40-50] %; DHL [50-60] %; FedEx [0-5] %. Il-FedEx hija kkaratterizzata minn preżenza tas-suq limitata ħafna, b’kopertura ġeografika (min-naħatad-destinazzjoni) aktar dgħajfa minn tal-UPS u d-DHL. Minħabba wkoll id-dokumenti interni tal-FedEx relatati mal-pjanijiet ta’ espansjoni tagħha, kollox ma’ kollox, il-Kummissjoni kkonkludiet li l-FedEx tibqa’ restrizzjoni kompetittiva iktar dgħajfa fuq il-Partijiet anke fil-futur qrib.

82.

Wara analiżi tal-konċentrazzjoni tal-prezzijiet tal-Kummissjoni, żieda fil-prezz fuq il-korsiji li joriġinaw mill-Iżvejza kienet tkun fuq firxa ta’ bejn [5-10] % u [0-5] % u jekk jitqiesu l-kisbiet fl-effiċjenza, l-effetti netti tal-prezzijiet fis-Slovakkja kienu jkunu pożittivi, u jvarjaw bejn [0-5] % u [0-5] %.

83.

Għal dawn ir-raġunijiet, il-Kummissjoni kkonkludiet li l-fużjoni x’aktarx twassal għal impediment sinifikanti għall-kompetizzjoni effettiva fuq is-suq Żvediż għal konsenji express internazzjonali fiż-ŻEE ta’ pakketti żgħar.

84.

Il-UPS ressqet tliet settijiet ta’ impenji: (i) fid-29 ta’ Novembru 2012, (ii) fis-16 ta’ Diċembru 2012 u (iii) fit-3 ta’ Jannar 2013.

85.

It-tliet pakketti ta’ rimedju, fi gradi differenti, kellhom pilastru strutturali u wieħed ta’ komportament:

86.

Permezz tad-divestiment, kwalunkwe trikkib fil-Pajjiżi ta’ rimedju kienu jiġi eliminat.

87.

L-ebda wieħed mill-atturi fis-suq interrogati dwar l-Impenji tad-29 ta’ Novembru 2012 u dwar l-Impenji tas-16 ta’ Diċembru 2012 ma ddikjara li huwa interessat min-negozju żvestit bħala entità sħiħa, bl-eċċezzjoni ta’ La Poste/DPD.

88.

Bħala riżultat tat-tieni t-test tas-suq, il-UPS ppreżentat sett ieħor ta’ Impenji, fit-3 ta’ Jannar 2013, li li jippruvaw jakkomodaw il-ħtiġijiet partikolari ta’ La Poste/DPD.

89.

Il-konklużjoni ġenerali milħuqa mill-Kummissjoni kienet li l-impenji proposti ma kinux probabbli li jeliminaw problemi dwar il-kompetizzjoni imqajma fid-Dikjarazzjoni tal-Oġġezzjonijiet. Fuq naħa, il-UPS ma kinitx kapaċi toffri soluzzjoni fix-it-first jew ta’ xerrej bil-quddiem, u min-naħa l-oħra l-Impenji flimkien mal-pjan kummerċjali tal-uniku xerrej interessat, La Poste/DPD, ma kinux biżżejjed biex jwarrbu t-tħassib tal-Kummissjoni. F’dan ir-rigward, il-problemi li ġejjin kienu għadhom hemm wara t-tielet pakkett:

90.

La Poste/DPD kien ikollha tinnegozja mal-UPS fost l-oħrajn Ftehim ta’ Xiri ta’ Ishma, iżda la Poste/DPD indikat hi stess li d-diliġenza dovuta tieħu konsiderevolment iktar żmien minn dak stmat mill-UPS.

91.

La Poste/DPD ma pprovdiet ebda evidenza li hija kienet għamlet valutazzjoni tal-profitabbiltà tas-servizzi ta’ konsenja express internazzjonali fiż-ŻEE miksuba, fid-dawl tal-volumi relattivament żgħar u l-investimenti meħtieġa biex isiru fil-pajjiżi destinatarji fejn mhemmx rimedju. Minflok, La Poste/DPD ivvalutat il-profitabbiltà ġenerali tas-sussidjarji żvestiti tat-TNT kollha kemm huma, għal kull grupp ta’ pajjiżi. Mill-pjan tan-negozju tagħha, jirriżulta li La Poste/DPD ma kellha ebda dejta ekonomika preċiża relatata mal-profitabbiltà tan-negozji express internazzjonali fiż-ŻEE.

92.

La Poste/DPD qalet ukoll li ma kellhiex il-ħsieb li takkwista, tikri b’lokazzjoni jew tikri b’ċarter xi ajruplan ladarba jiskadi l-ftehim mal-UPS, minkejja l-opinjoni negattiva preċedenti tagħha dwar il-possibbiltà li topera b’mod effettiv fis-segment tas-servizzi express internazzjonali fiż-ŻEE bl-ajru fuq il-bażi ta’ esternalizzazzjoni. Din żiedet id-dubji msemmija hawn fuq b’mod konsiderevoli fir-rigward tal-perjodu li kien isegwi l-iskadenza tal-Ftehim dwar l-aċċess għal UPS tan-netwerk tal-ajru.

93.

Bħala konsegwenza, ma kienx hemm biżżejjed evidenza li tippermetti lill-Kummissjoni biex tikkonkludi li, kieku La Poste/DPD tieħu l-impenji tat-3 ta’ Jannar 2013, kien probabbli li kienet tiżviluppa netwerk li jkun jista’ jittrasporta konsenji express fiż-ŻEE madwar iż-ŻEE b’mod effiċjenti bħala integratur.

94.

Għal dawn ir-raġunijiet li ssemmew hawn fuq, id-Deċiżjoni tikkonkludi li l-operazzjoni proposta fejn United Parcel Service Inc. takkwista l-kontroll uniku ta’ TNT Express N.V. fi ħdan it-tifsira tal-Artikolu 3(1)(b) tar-Regolament (KE) Nru 139/2004 hija ddikjarata bħala inkompatibbli mas-suq intern u mal-Ftehim taż-ŻEE.

7.5.2014   

MT

Il-Ġurnal Uffiċjali tal-Unjoni Ewropea

C 137/18

7.5.2014   

MT

Il-Ġurnal Uffiċjali tal-Unjoni Ewropea

C 137/19

7.5.2014   

MT

Il-Ġurnal Uffiċjali tal-Unjoni Ewropea

C 137/42

1.

Fid-29 ta’ April 2014, il-Kummissjoni rċeviet notifika ta’ proposta ta’ konċentrazzjoni skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha Allianz SpA. (l-Italja), ikkontrollata bis-sħiħ minn Allianz Group (il-Ġermanja) takkwista skont it-tifsira tal-Artikolu 3(1)(b) tar-Regolament dwar l-Għaqdiet il-kontroll ta’ negozju avvjat ta’ assigurazzjoni mhux fuq il-ħajja (“il-Mira”, l-Italja) attwalment propjetà ta’ UnipolSai Assicurazioni SpA. (“UnipolSai”, l-Italja), permezz tax-xiri tal-assi.

2.

L-attivitajiet tan-negozju tal-impriżi kkonċernati huma:

—   Allianz: assiġurazzjoni fuq il-ħajja u mhux fuq il-ħajja u ġestjoni tal-assi,

—   Mira: assigurazzjoni mhux fuq il-ħajja.

3.

Wara analiżi preliminari, il-Kummissjoni tqis li t-tranżazzjoni nnotifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

4.

Il-Kummissjoni tistieden lill-partijiet terzi interessati biex iressqu l-kummenti li jista’ jkollhom dwar l-operazzjoni proposta lill-Kummissjoni.

Il-kummenti għandhom jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni bil-faks (+32 22964301), bil-posta elettronika lil COMP-MERGER-REGISTRY@ec.europa.eu jew bil-posta, bin-numru ta’ referenza M.7233 — Allianz/Negozju avvjat ta’ UnipolSai Assicurazioni f’dan l-indirizz: