6.3.2014   

MT

Il-Ġurnal Uffiċjali tal-Unjoni Ewropea

C 67/1

1.1.1

Is-settur privat jista' jaqdi rwol essenzjali fil-ġlieda kontra l-faqar fid-dinja, għax joħloq l-impjieg, jipproduċi l-ġid u s-servizzi, jiġġenera d-dħul u l-benefiċċji u, permezz tat-taxxi li jħallas, jikkontribwixxi biex jiġu koperti l-ispejjeż pubbliċi, bil-kundizzjoni li jirrispetta l-prinċipji tal-kooperazzjoni għall-iżvilupp rikonoxxuti fil-livell internazzjonali u li l-impjiegi li jinħolqu jkunu diċenti u skont l-Aġenda tax-Xogħol Deċenti tal-ILO.

1.1.2

Il-Kumitat jitlob li s-settur privat jipparteċipa ħafna aktar fil-programm ta' żvilupp għal wara l-2015 u fis-sħubija dinjija ġdida. Is-sehem tas-settur privat fit-tfassil tal-għanijiet maħsubin għall-qerda tal-faqar u biex niksbu żvilupp sostenibbli u tkabbir ġust u inklużiv li jqis kemm il-kwantità kif ukoll il-kwalità, ser iwassal biex dan is-settur jerfa' l-parti ta' responsabbiltà tiegħu fit-twettiq ta' dawn l-għanijiet.

1.1.3

L-organizzazzjonijiet tas-soċjetà ċivili jinnutaw mhux biss il-vantaġġi iżda anke r-riskji marbutin mal-azzjoni tas-settur privat: huwa għalhekk li l-għajnuna mis-settur privat fil-pajjiżi li qed jiżviluppaw għandha tkun imsejsa fuq il-prinċipji ta' trasparenza, tal-ftuħ tal-akkwist pubbliku, tal-effiċjenza, tal-effikaċja tar-riżorsi investiti u tar-responsabbiltà tal-korpi pubbliċi lejn il-partijiet interessati għall-implimentazzjoni tal-istrateġija ta' żvilupp adottata. Il-parti totali li qed tikber li qed tieħu l-għajnuna uffiċjali għall-iżvilupp iddedikata għall-iżvilupp tas-settur privat m'għandhiex tnaqqas ir-riżorsi finanzjarji li jingħataw fil-qafas tal-għajnuna uffiċjali għall-iżvilupp lill-pajjiżi li qed jiżviluppaw l-aktar foqra.

1.2.1

F'din l-opinjoni, is-settur privat jinkludi wkoll is-settur soċjali, huwa magħmul minn ħaddiema indipendenti, mikrointrapriżi, negozji żgħar u ta' daqs medju, kumpaniji multinazzjonali kbar, kooperattivi u intrapriżi oħrajn tal-ekonomija soċjali, u jinkludi lill-ħaddiema tal-intrapriżi privati u l-organizzazzjonijiet tat-trejdjunjins u l-organizzazzjonijiet mhux governattivi li jikkooperaw fi proġetti privati. L-għajnuna lis-settur privat u l-kooperazzjoni ma' dan is-settur għandhom iqisu n-natura differenti ta' kull parti interessata. Fil-pajjiżi li qed jiżviluppaw, jeżisti wkoll settur privat informali kbir u l-kooperazzjoni għall-iżvilupp għandha tikkontribwixxi għall-ġlieda kontra l-impjieg informali kif ukoll is-sitwazzjonijiet li jħeġġuh.

1.2.2

Is-soċjetà ċivili għandha tkun involuta attivament fid-proċess tad-definizzjoni tar-rwol tas-settur privat u t-twaqqif ta' indikaturi tal-kontribut ta' dan tal-aħħar għall-kooperazzjoni internazzjonali għall-iżvilupp; il-ħolqien ta' pjattaforma wiesgħa fil-livell Ewropew għandha tgħin f'dan ir-rigward, anke bis-sehem tal-partijiet interessati kollha.

1.2.3

L-għajnuna uffiċjali għall-iżvilupp għandha tintuża bħala fattur multiplikatur biex il-kapital privat jingħaqad mal-investimenti fil-pajjiżi li qed jiżviluppaw permezz tal-użu ta' strumenti finanzjarji innovattivi. Għaldaqstant l-għajnuna mogħtija tista' tingħata għanijiet definiti b'mod ċar, bħall-ħolqien ta' aktar impjiegi ta' kwalità, iż-żieda fil-kwalità tal-produzzjoni, it-trasferiment tal-għarfien dwar il-ġestjoni għas-settur privat, eċċ.

1.2.4

Is-sħubijiet bejn is-settur pubbliku u dak privat jistgħu jsiru strument essenzjali għat-twettiq tal-istrateġiji ta' żvilupp, sakemm jiġi żgurat minn qabel li l-ammont ikun korrett u li jkun hemm komunikazzjoni tajba mal-partijiet interessati.

1.3.1

Fil-pajjiżi li qed jiżviluppaw, biex is-settur privat ikun jista' jaqdi r-rwol tiegħu fl-iżvilupp, jeħtieġ ambjent intraprenditorjali favorevoli li jinkludi r-rispett tal-prinċipji tad-demokrazija rikonoxxuti b'mod ġenerali, li jiffaċilita l-ħolqien u l-iżvilupp tal-intrapriżi, inaqqas il-burokrazija, isaħħaħ it-trasparenza, iwaqqaf il-korruzzjoni omnipreżenti u jħeġġeġ l-investituri barranin u lokali.

1.3.2

Ir-responsabbiltà soċjali tal-intrapriżi għandha tkun inizjattiva volontarja tal-intrapriżi u s-sħubija tagħhom f'intraprenditorija etika. Għandu jiġi propost qafas definit sew għar-responsabbiltà soċjali tal-intrapriżi fil-qasam tal-iżvilupp, b'rispett tal-linji gwida tal-OECD għall-intrapriżi multinazzjonali (OECD Guidelines for Multinational Enterprises), u prinċipji oħrajn rikonoxxuti mad-dinja.

1.3.3

Waqt li jkun qed joħloq impjiegi ġodda, is-settur privat għandu jirrispetta d-drittijiet ekonomiċi u soċjali fundamentali, speċjalment il-konvenzjonijiet ewlenin tal-Organizzazzjoni Dinjija tax-Xogħol (ILO). Il-ħolqien ta' dawn l-impjiegi ġodda għandu jkun konformi mal-Aġenda għal Xogħol Diċenti tal-ILO.

1.4.1

Il-programmi ta' żvilupp tal-kapaċitajiet istituzzjonali tal-amministrazzjoni tal-Istat fil-pajjiżi li qed jiżviluppaw għandhom jitfasslu f'kollaborazzjoni mill-qrib mal-imsieħba soċjali u l-NGOs ikkonċernati li huma impenjati fl-għajnuna għall-iżvilupp, u jaqbel li jittejbu l-kundizzjonijiet li fihom in-negozji żgħar u medji b'mod speċjali jeżerċitaw l-attivitajiet tagħhom, għax huma dawn li għandhom l-ikbar potenzjal għall-ħolqien tal-impjiegi u għat-tnaqqis tal-faqar.

1.4.2

Fil-pajjiżi li qed jiżviluppaw, l-organizzazzjonijiet tal-intraprendituri għandhom bżonn jiksbu ħiliet biex itejbu l-kapaċità tagħhom li jeżerċitaw influwenza pożittiva fuq l-ambjent intraprenditorjali. L-iżvilupp tal-kapaċitajiet tagħhom għandu jiġi appoġġjat, filwaqt li jsir użu mill-kontribut attiv ta' organizzazzjonijiet sħab fil-pajjiżi żviluppati. Il-programmi Ewropej tal-għajnuna esterna għalhekk għandhom jiffinanzjaw ukoll l-għajnuna teknika li l-organizzazzjonijiet Ewropej tal-intraprendituri jipprovdu lill-imsieħba tagħhom fil-pajjiżi li qed jiżviluppaw, u jżidu l-motivazzjoni tagħhom.

1.4.3

L-għajnuna għall-iżvilupp għandha tappoġġja wkoll il-proġetti innovattivi u l-mudelli ta' intrapriżi li jiffavorixxu l-inklużjoni, inkluż l-appoġġ għal soċjetà bla ostakli, għax dan jgħin biex jinqered il-faqar ta' gruppi ta' ċittadini fir-riskju, bħall-persuni b'diżabbiltà, in-nisa, il-persuni mdaħħlin fl-età, eċċ.

1.4.4

Hemm lok biex tiġi appoġġjata l-kooperazzjoni tas-settur privat mal-NGOs, billi, pereżempju, jintużaw il-volontarji biex l-għarfien jiġi trasferit lill-intrapriżi lokali fl-oqsma tal-ġestjoni, tat-teknoloġiji, eċċ. Il-proġetti ta' intrapriżi innovattivi li jirnexxu ħafna jistħoqqilhom aktar pubbliċità u anke li din tkun sistematika.

1.4.5

L-iżvilupp tas-settur privat jeħtieġ li jiġu appoġġjati aktar it-taħriġ u l-kisba tal-għarfien tat-teknoloġiji essenzjali, speċjalment għal dawk il-ħaddiema bi kwalifiki baxxi.

1.4.6

Il-Kumitat jirrakkomanda li l-programm Erasmus għaż-żgħażagħ intraprendituri jitwessa' għal persuni interessati li jkunu ġejjin minn pajjiżi li qed jiżviluppaw, jew li jinħoloq programm b'għanijiet simili u li jingħatawlu l-mezzi finanzjarji neċessarji.

1.4.7

Għandha tingħata attenzjoni partikolari lis-settur tal-industrija tal-estrazzjoni u tal-materja prima fejn għandhom jiġu applikati b'mod strett ir-rekwiżiti fil-qasam tal-ħarsien tal-ambjent, il-kundizzjonijiet soċjali tal-ħaddiema u s-sostenibbiltà tal-iżvilupp ekonomiku tal-Istat.

1.4.8

Il-pajjiżi li qed jiżviluppaw sikwit ma jkollhomx strateġiji għall-iżvilupp tan-negozji żgħar u ta' daqs medju; għaldaqstant, il-kooperazzjoni għall-iżvilupp għandha tikkontribwixxi aħjar biex dan in-nuqqas jitranġa. L-esperjenza miksuba fl-Ewropa fil-qasam tal-għajnuna għan-negozji żgħar u ta' daqs medju għandha tingħadda lill-pajjiżi li qed jiżviluppaw b'mod immirat u pertinenti.

2.1

Is-Sur Šefčovič, Kummissarju Ewropew, indirizza ittra lill-President tal-KESE, li fiha jgħid li l-Kummisjoni qed tħejji xi proposti maħsubin biex is-settur privat jiġi involut aktar fis-sħubija dinjija għall-iżvilupp għal wara l-2015 u għaldaqstant talab li l-Kumitat iħejji Opinjoni esploratorja dwar ir-rwol tas-settur privat sabiex sadanittant jiżdied ir-ritmu tal-iżvilupp intelliġenti, sostenibbli u inklużiv, li bħalissa qed jiġi diskuss fi ħdan in-Nazzjonijiet Uniti.

2.2

Fl-Opinjoni tiegħu REX/372 (1) dwar il-Komunikazzjoni tal-Kummissjoni "Ħajja diċenti għal kulħadd: Neqirdu l-faqar u nagħtu lid-dinja futur sostenibbli", il-KESE adotta sensiela ta' rakkomandazzjonijiet biex is-soċjetà ċivili tiġi involuta fit-twettiq u s-segwitu tal-għanijiet ta' żvilupp sostenibbli għal wara l-2015 fil-livell dinji.

2.3

Fil-qafas tal-Opinjonijiet tiegħu (2), il-Kumitat ilu żmien jiddedika għadd ta' ħidmiet għall-kooperazzjoni għall-iżvilupp u għall-kooperazzjoni esterna, u kiseb bosta esperjenzi u għarfien konkreti permezz tal-inizjattivi tiegħu stess dwar il-kwistjonijiet tal-pajjiżi AKP, il-Euromed, is-Sħubija tal-Lvant, in-negozjati kummerċjali internazzjonali u oqsma oħrajn b'rabta mal-problemi ta' żvilupp. Il-Kumitat għamel użu sħiħ minn dan il-korp ta' għarfien fit-tfassil ta' din l-Opinjoni.

3.1

Is-settur privat jista' jaqdi rwol essenzjali fil-ġlieda kontra l-faqar fid-dinja, għax joħloq l-impjieg, jipproduċi l-ġid u s-servizzi, jiġġenera d-dħul u l-benefiċċji u, permezz tat-taxxi li jħallas, jikkontribwixxi biex jiġu koperti l-ispejjeż pubbliċi, bil-kundizzjoni li jirrispetta l-prinċipji tal-kooperazzjoni għall-iżvilupp rikonoxxuti fil-livell internazzjonali. Anke wara l-2015, l-għajnuna uffiċjali għall-iżvilupp ser tibqa' xprun importanti tal-iżvilupp, iżda waħidha mhux ser tkun biżżejjed biex jinqered il-faqar (3).

3.2

L-Għanijiet ta' Żvilupp tal-Millennju kellhom bżonn ta' definizzjoni aktar ċara tal-mod kif dawn setgħu jintlaħqu. Kien hemm nuqqas ta' konnessjonijiet reċiproċi u ma qisux ir-rwol tas-settur privat fl-iżvilupp (4). Hemm bżonn li s-settur privat jiġi involut ħafna aktar fil-qafas futur tal-kooperazzjoni għall-iżvilupp għal wara l-2015 bħala msieħeb strateġiku u xprun ta' tkabbir sostenibbli għat-tliet pilastri li jsostnu lil dan it-tkabbir: l-ewwel pilastru ekonomiku, it-tieni wieħed soċjali u t-tielet wieħed ambjentali, u li huma bbażati fuq indikaturi mhux biss kwantitattivi, iżda anke kwalitattivi.

3.3

L-organizzazzjonijiet tas-soċjetà ċivili (5) jiġbdu l-attenzjoni kemm fuq il-vantaġġi kif ukoll ir-riskji tas-sehem tas-settur privat fil-kooperazzjoni għall-iżvilupp. Sabiex jitneħħew dawn ir-riskji, hemm bżonn li l-għajnuna lis-settur privat permezz tar-riżorsi mogħtija għall-iżvilupp tirrispetta l-prinċipji ta' trasparenza, effiċjenza, effikaċja tar-riżorsi investiti, tal-ftuħ tal-akkwist pubbliku u tar-responsabbiltà tal-korpi pubbliċi lejn l-atturi kollha milquta mit-twettiq tal-istrateġija ta' żvilupp adottata.

3.4

Is-settur privat iħaddan ħaddiema indipendenti, mikrointrapriżi, negozji żgħar u ta' daqs medju, kumpaniji multinazzjonali kbar, kooperattivi u intrapriżi oħrajn tal-ekonomija soċjali, u istituzzjonijiet finanzjarji. Jekk nieħdu t-terminu 'settur privat' fit-tifsira wiesgħa tiegħu, l-impjegati tal-kumpaniji privati u tal-organizzazzjonijiet mhux governattivi li jieħdu sehem fi proġetti privati wkoll jagħmlu parti minn dan is-settur. Minbarra l-intrapriżi privati li jeżerċitaw l-attivitajiet tagħhom, fil-pajjiżi li qed jiżviluppaw jeżisti wkoll settur privat informali vast. Meta tingħata l-għajnuna għall-iżvilupp, jaqbel li ssir differenza bejn kull waħda minn dawn l-entitajiet privati u l-effetti tal-attivitajiet tagħhom fuq l-iżvilupp, skont id-daqs tagħhom, il-qasam ta' attività tagħhom u l-livell ta' żvilupp tal-Istat ikkonċernat (Stat inqas żviluppat, żviluppat sa livell medju, li qed jiżviluppa jew saħansitra vulnerabbli).

3.5

Is-settur privat, flimkien mar-rappreżentanti tas-soċjetà ċivili, għandu jieħu sehem fid-definizzjoni tal-ħtiġijiet għal dak li għandu x'jaqsam mal-iżvilupp f'kull Stat, u jikkontribwixxi għat-twaqqif ta' għanijiet ġodda ta' żvilupp sostenibbli għal wara l-2015, sabiex iġorr il-parti ta' responsabbiltà tiegħu fil-kisba tagħhom. Dawn l-għanijiet għandhom ikunu marbutin mat-titwil tal-għanijiet ta' żvilupp tal-millennju, għandhom ikunu konkreti u li jistgħu jitkejlu u jinkludu l-oqsma tal-ilma, il-biedja, is-sigurtà tal-ikel, l-enerġija, l-infrastrutturi tat-trasport, l-edukazzjoni, is-settur tas-saħħa, l-ekonomija diġitali, l-ugwaljanza bejn is-sessi u l-ugwaljanza soċjali.

3.6

Is-settur privat għandu jiġi rikonoxxut bħala element kostituttiv essenzjali tas-sħubija dinjija ġdida għall-iżvilupp. Għandha tinħoloq pjattaforma li tgħaqqad flimkien lir-rappreżentanti tal-intraprendituri u lill-impjegaturi Ewropej li tkun miftuħa wkoll għal partijiet interessati oħra, anke r-rappreżentanti tas-soċjetà ċivili sabiex isir dibattitu mar-rappreżentanti tal-istituzzjonijiet Ewropej u finanzjarji dwar il-parteċipazzjoni tas-settur privat fil-kooperazzjoni internazzjonali għall-iżvilupp.

3.7

Is-settur privat tal-Istati donaturi jieħu sehem fil-kooperazzjoni għall-iżvilupp bħala fornitur tas-servizzi u ta' tagħmir imħallsin mill-għajnuna uffiċjali għall-iżvilupp, bħala fornitur dirett tal-għajnuna għall-iżvilupp għal raġunijiet filantropiċi, fil-qafas ta' proġetti komuni mas-settur pubbliku u organizzazzjonijiet mhux governattivi, kif ukoll bħala investitur fil-proġetti li, minbarra l-interess għall-intrapriża, għandhom ukoll effetti sinifikanti fuq l-iżvilupp. Ikun tajjeb li l-ewwel u qabel kollox jiġu appoġġjati l-proġetti li jimmiraw għall-innovazzjoni permezz tat-twaqqif ta' kapaċitajiet ta' innovazzjoni, servizzi ta' konsulenza, inkubaturi tan-negozju u fergħat ta' intrapriżi fil-pajjiżi benefiċjarji. L-akkwist pubbliku għall-proġetti ta' żvilupp għandu jkun trasparenti u miftuħ.

3.8

Il-kontribut tas-settur privat għall-iżvilupp għandu wkoll jinkludi l-appoġġ għal soċjetà mingħajr ostakli, għax din tgħin biex jinqered il-faqar fost il-gruppi ta' ċittadini li jinsabu fir-riskju, bħall-persuni b'diżabbiltà, in-nisa, l-anzjani, jew il-persuni li huma temporanjament imweġġa'. F'dan ir-rigward, il-ftehim-qafas dwar is-suq tax-xogħol inklużiv konkluż mill-imsieħba soċjali Ewropej f'Marzu 2010 jista' jservi ta' ispirazzjoni biex din l-esiġenza tiġi integrata fil-qafas futur tal-iżvilupp.

3.9

Is-settur privat fil-pajjiżi li qed jiżviluppaw jeħtieġ għajnuna sistematika sabiex ikun jista' jaqdi r-rwol tiegħu fl-iżvilupp. Huwa għalhekk li qed tiżdied il-parti tal-għajnuna uffiċjali għall-iżvilupp iddedikata għall-iżvilupp tas-settur privat. Madankollu dan il-progress m'għandux isir għad-detriment tal-għajnuna uffiċjali għall-iżvilupp ipprovduta lill-pajjiżi inqas żviluppati, li mingħajrha dawn ma jistgħux isolvu l-problemi l-aktar urġenti tagħhom.

3.10

L-investimenti privati tal-kumpaniji multinazzjonali kbar fi proġetti li jkunu ta' interess għall-iżvilupp huma opportunità biex fit-twettiq tagħhom jiġu involuti l-SMEs lokali, li jeżistu diġà jew ġodda, sabiex dawn, permezz tal-kooperazzjoni mal-imsieħba tal-pajjiżi żviluppati, ikunu jistgħu jiksbu ħiliet tekniċi u jkollhom aċċess għat-teknoloġiji avvanzati adegwati. L-intrapriżi multinazzjonali għandhom jirrispettaw il-prinċipji rikonoxxuti min-NU, l-OECD u l-organizzazzjonijiet internazzjonali l-oħrajn (6).

3.11

Fil-pajjiżi li qed jiżviluppaw u fil-bqija tad-dinja, l-SMEs jikkostitwixxu l-potenzjal prinċipali għall-iżvilupp, u l-mikrokrediti u s-self sussidjat mill-istituzzjonijiet Ewropej u internazzjonali tal-finanzjament tal-iżvilupp għandhom jikkontribwixxu biex jinħeles dan il-potenzjal. Barra minn hekk, it-trasferimenti tat-tfaddil u ta' mezzi finanzjarji oħrajn tal-emigranti huma sors importanti ta' investiment u hemm bżonn li dawn jitħeġġu jorjentawhom aktar lejn il-ħtiġijiet tal-iżvilupp tal-Istat ikkonċernat.

3.12

Il-Kumitat jinsab sodisfatt bl-ideat li tesprimi l-Kummissjoni fil-Komunikazzjoni tagħha "Lil hinn mill-2015: lejn approċċ komprensiv u integrat għall-finanzjament tal-qerda tal-faqar u tal-iżvilupp sostenibbli" (7) u jitlob li s-settur privat u s-soċjetà ċivili organizzata jiġu involuti fid-dibattitu propost dwar l-approċċ integrat tal-finanzjament.

3.13

L-għajnuna uffiċjali għall-iżvilupp għandha tintuża bħala fattur multiplikatur biex il-kapital privat jingħaqad mal-investimenti fil-pajjiżi li qed jiżviluppaw. L-istrumenti ta' innovazzjoni bħall-"blending" (fejn jingħaqdu flimkien ir-riżorsi), il-varji mekkaniżmi ta' garanzija u r-rati ta' interess imnaqqsa għandhom iservu proprju għal hekk. Fil-kalkolu tat-total tal-għajnuna uffiċjali għall-iżvilupp għandhom jitqiesu l-garanziji tal-Istat għall-investimenti fil-pajjiżi li qed jiżviluppaw. Għaldaqstant l-għajnuna mogħtija lill-kapital privat tista' tintrabat ma' kundizzjonijiet u indikaturi definiti b'mod ċar li jqisu n-natura sostenibbli tal-iżvilupp, il-ħarsien tal-ambjent, l-ekonomija ekoloġika, il-ħolqien tal-impjiegi, iż-żieda fil-kwalità tal-produzzjoni, it-trasferiment tal-għarfien dwar il-ġestjoni għas-settur privat, eċċ.

3.14

L-investimenti għandhom jiġu orjentati aktar lejn it-tisħiħ tas-setturi tas-servizzi bħas-settur bankarju, l-assigurazzjonijiet, is-servizzi ta' telekomunikazzjoni, it-trasport u s-servizzi l-oħra li jgħinu lill-intrapriżi, u li mingħajrhom l-industrija u l-biedja ma jistgħux jiżviluppaw b'mod tajjeb. F'dan ir-rigward, l-Istat irid jissorvelja l-kompetizzjoni u jiżgura l-protezzjoni adegwata tal-investimenti.

3.15

Is-sħubijiet bejn is-setturi pubbliċi u privati jistgħu jsiru strument essenzjali għat-twettiq tal-istrateġiji ta' żvilupp, għax huma jgħaqqdu l-mekkaniżmu ta' sussidji tal-fondi pubbliċi u l-inizjattivi ta' investiment privati biex iwieġbu għall-ħtiġijiet ta' żvilupp tal-benefiċjarji finali. Is-suċċess ta' dawn il-proġetti jitlob informazzjoni trasparenti u komunikazzjoni miftuħa mal-partijiet interessati.

4.1

Fil-pajjiżi benefiċjarji li qed jiżviluppaw, hemm bżonn ta' għadd ta' kundizzjonijiet fundamentali biex is-settur privat ikun jista' jeżisti u jwettaq sewwa l-attivitajiet tiegħu sabiex jaqdi r-rwol tiegħu fl-iżvilupp. Għalhekk il-kooperazzjoni għall-iżvilupp għandha tkun orjentata aktar lejn it-titjib permanenti tal-ambjent intraprenditorjali, li jiffaċilita l-ħolqien u l-iżvilupp tal-intrapriżi, inaqqas il-burokrazija, isaħħaħ it-trasparenza u b'hekk iwaqqaf il-korruzzjoni omnipreżenti. L-affermazzjoni tal-istat tad-dritt tistimola lill-investituri barranin u lokali u tikkontrobwixxi għad-diversifikazzjoni tal-ekonomiji lokali.

4.2

Il-ħolqien ta' ambjent intraprenditorjali b'saħħtu għandu jistrieħ fuq il-mekkaniżmi tas-suq, inklużi l-kompetizzjoni ekonomika, swieq finanzjarji li jimxu tajjeb, l-indipendenza tal-qrati, l-applikazzjoni mifruxa tal-liġijiet fis-seħħ, speċjalment fil-qasam kummerċjali, ir-rispett tar-regoli tal-kummerċ internazzjonali u r-rispett tad-drittijiet tal-proprjetà intellettwali. Ikun tajjeb li nirrispettaw il-kulturi lokali b'mod li ma jxekklux il-kompetizzjoni ekonomika u fejn ma jwasslux għall-korruzzjoni u għal distribuzzjoni mill-ġdid sterili tal-fondi.

4.3

Ir-responsabbiltà soċjali tal-intrapriżi fil-qafas tal-kooperazzjoni għall-iżvilupp għandha tkun inizjattiva volontarja tal-intrapriżi u s-sħubija tagħhom f'intraprenditorija etika. L-intrapriżi jagħżlu huma stess, fil-qafas fundamentali tal-prinċipji rikonoxxuti fil-livell dinji (8), id-dispożizzjonijiet li huma adegwati għall-attività ekonomika tagħhom. Id-definizzjoni ta' dan il-qafas ser twassal għall-garanzija ta' kompetizzjoni ġusta mal-intrapriżi l-oħrajn tas-settur.

4.4

Is-settur privat joħloq impjiegi u jista' wkoll jikkontribwixxi għall-qerda tal-faqar; madankollu hemm bżonn li fl-istess ħin jirrispetta d-drittijiet ekonomiċi u soċjali fundamentali. Hemm bżonn jiġu applikati b'mod strett il-konvenzjonijiet prinċipali tal-ILO (il-libertà ta' sħubija f'union u ta' negozjati kollettivi, il-projbizzjoni tax-xogħol furzat, ix-xogħol tat-tfal u kull tip ta' diskriminazzjoni fil-qasam tax-xogħol).

4.5

L-impjiegi ġodda għandhom jinħolqu b'konformità mal-Aġenda għal Xogħol Diċenti tal-ILO li tgħid li l-impjieg irid jintgħażel b'mod liberu, il-ħaddiem għandu jgawdi minn protezzjoni soċjali, l-impjegatur għandu jirrispetta d-drittijiet fundamentali tal-ħaddiema, u li jrid ikun hemm djalogu soċjali. L-investituri kollha, speċjalment dawk li jirrikorru għal għajnuna pubblika għall-iżvilupp, għandhom jirrispettaw b'mod strett dawn il-prinċipji waqt l-implimentazzjoni tal-proġetti tagħhom u f'dan is-sens jinfluwenzaw lill-imsieħba tagħhom b'mod pożittiv.

4.6

Il-programmi ta' żvilupp tal-kapaċitajiet istituzzjonali tal-amministrazzjoni tal-Istat fil-pajjiżi li jkunu qed jiżviluppaw għandhom isaħħu l-prinċipji tal-istat tad-dritt u jikkontribwixxu għat-titjib tal-ambjent tal-intrapriżi u biex ikabbru l-kapaċitajiet ta' assorbiment tal-intrapriżi lokali. Dawn il-programmi għandhom jitfasslu f'kollaborazzjoni mill-qrib mal-imsieħba soċjali kif ukoll mal-NGOs ikkonċernati.

5.1

L-organizzazzjonijiet tal-intraprendituri bħall-kmamar tal-kummerċ, l-assoċjazzjonijiet u r-raggruppamenti professjonali, il-federazzjonijiet tal-impjegaturi u l-organizzazzjonijiet tal-ekonomija soċjali tal-pajjiżi donaturi għandhom ikunu involuti attivament fil-programmi ta' għajnuna għas-settur privat tal-pajjiżi li qed jiżviluppaw matul il-fażijiet kollha taċ-ċiklu tal-proġett. Għal dan hemm bżonn li jitfassal programm li jappoġġja lill-organizzazzjonijiet lokali inkarigati li jirrappreżentaw lill-intrapriżi żgħar u medji u jippermettu lil dawn jiksbu l-esperjenza, speċjalment fil-qasam tal-kummerċjalizzazzjoni, tal-integrazzjoni fil-katini tal-provvista, taċ-ċertifikazzjoni, tal-loġistika, eċċ.

5.2

Fil-pajjiżi li qed jiżviluppaw, l-organizzazzjonijiet tal-intraprendituri għandhom bżonn jiksbu l-ħiliet biex itejbu l-ambjent intraprenditorjali, isaħħu t-tmexxija demokratika tal-qrati tagħhom, iġibu membri ġodda u jikkomunikaw attivament magħhom. L-iżvilupp tal-kapaċitajiet tagħhom għandu jiġi appoġġjat, filwaqt li jsir użu mill-kontribut attiv ta' organizzazzjonijiet sħab simili fl-UE. Il-programmi Ewropej tal-għajnuna esterna għalhekk għandhom jiffinanzjaw ukoll l-għajnuna teknika li l-organizzazzjonijiet Ewropej tal-intraprendituri jipprovdu lill-imsieħba tagħhom.

5.3

L-iżvilupp tas-settur privat għandu jinkludi programmi ta' taħriġ għall-intraprendituri, anke permezz ta' apprendistati f'pajjiż żviluppat. Il-Kumitat jirrakkomanda li tiġi studjata l-possibbiltà li l-programm Erasmus għaż-żgħażagħ intraprendituri jitwessa' għal persuni interessati li jkunu ġejjin minn pajjiżi li qed jiżviluppaw, jew li jinħoloq programm b'għanijiet simili u li jingħatawlu l-mezzi finanzjarji neċessarji.

5.4

Għandhom jiġu appoġġjati aktar it-taħriġ u l-iżvilupp tal-għarfien marbutin mat-teknoloġiji essenzjali, speċjalment għall-ħaddiema bi kwalifiki baxxi. Il-bżonn ta' programmi ta' taħriġ professjonali ilu jinħass għal żmien twil u l-pajjiżi donaturi jagħtu prinċipalment boroż ta' studju għal edukazzjoni ogħla. Madankollu, fl-industrija u f'setturi oħrajn, is-settur privat għandu bżonn li l-ħaddiema jkollhom il-kompetenzi professjonali attwali li jinkisbu fil-qafas ta' tagħlim tradizzjonali, kif ukoll ċerti drawwiet tax-xogħol neċessarji meta persuna tkun impjegata minn investitur barrani jew minn intrapriża mħallta.

5.5

L-għajnuna għall-iżvilupp għandha tappoġġja l-ewwel lill-proġetti innovattivi u lill-mudelli ta' intrapriżi ġodda li jiffavorixxu l-inklużjoni, li joffru spazju kbir ta' kooperazzjoni tas-settur privat mal-organizzazzjonijiet mhux governattivi. Hawnhekk nistgħu nsemmu l-eżempju tal-istazzjonar ta' esperti volontarji li jgħinu l-iżvilupp tal-intrapriżi fil-pajjiżi li qed jiżviluppaw (9). Ħaġa oħra li tista' tikkontribwixxi għall-iskambju reċiproku tal-esperjenzi tal-Istati Membri hija żieda fir-reklamar ta' proġetti intraprenditorjali innovattivi favur l-iżvilupp li kienu ta' suċċess.

5.6

Għandha tingħata attenzjoni partikolari lis-settur tal-industrija tal-estrazzjoni u tal-materja prima. Il-proġetti ta' investiment għandhom iqisu l-isfidi bħall-ħarsien tal-ambjent, il-kundizzjonijiet soċjali tal-ħaddiema u s-sostenibbiltà tal-iżvilupp. Is-servizzi tal-Istat u tal-awtoritajiet lokali tal-pajjiż benefiċjarju għandhom jiddefinixxu qafas adegwat għal kull settur ta' attività u jaraw li dan jiġi rispettat, speċjalment fil-qasam tal-konformità mal-obbligi fiskali. L-għajnuna għandha twassal biex jiġi adottat dan l-approċċ sistematiku, billi jiġu definiti regoli tajbin li jillimitaw il-piż amministrattiv eċċessiv u jipprevjenu l-firxa tal-korruzzjoni.

5.7

L-għajnuna għall-iżvilupp għandha tappoġġja biedja sostenibbli u lill-industriji lokali tal-ipproċessar sabiex jittejjeb l-ipproċessar tal-prodotti tal-ikel u tal-materja prima. Ikun tajjeb li jitħeġġeġ il-ħolqien ta' assoċjazzjonijiet tal-bdiewa u ta' produtturi żgħar li jipproċessaw il-prodotti agrikoli u li jintegrawhom fil-katini tal-provvista.

6.3.2014   

MT

Il-Ġurnal Uffiċjali tal-Unjoni Ewropea

C 67/6

1.1

L-UE, l-Istati Membri u s-soċjetà ċivili tagħha huma sors inkredibbilment għani ta’ esperjenza ta' tranżizzjoni. Din l-esperjenza għandha tintuża aħjar biex tintlaħaq l-istabbiltà permezz ta’ bidla fi ħdan l-Ewropa, fil-pajjiżi ġirien tal-UE, u madwar id-dinja.

1.2

L-UE qegħda tieħu rwol ewlieni fid-dibattiti attwali tan-NU dwar l-aġenda għall-iżvilupp wara l-2015, u għandha tirrakkomanda passi konkreti 'il quddiem ibbażati fuq is-solidarjetà u l-politiki koerenti. Din l-Opinjoni u opinjonijiet tal-KESE preċedenti rilevanti għandhom jiġu kkunsdrati (1).

1.3

L-esperjenza ta’ tranżizzjoni disponibbli fl-UE u għall-UE għandha tintuża fil-prattika. Hemm bżonn sistematizzazzjoni aħjar tal-esperjenza tat-tranżizzjoni pożittiva u negattiva tal-UE, l-istrumenti ta’ appoġġ disponibbli u data dwar atturi rilevanti. Għandu jitfassal Pjan ta' Azzjoni dwar l-użu tal-esperjenza ta' tranżizzjoni fil-proċess ta' programmazzjoni. Il-Kompendju Ewropew dwar ir-Tranżizzjoni u suġġerimenti oħrajn minn dokumenti reċenti tal-UE għandhom jitħaddmu mingħajr dewmien.

1.4

Il-politika esterna tal-UE għandha ssir aktar b’saħħitha, iktar parteċipattiv u miftuħa, effettiva u koerenti. Il-politika għandha tkun maħsuba għall-promozzjoni tad-drittijiet tal-bniedem, il-libertajiet fundamentali (inklużi l-libertà tal-għaqda paċifika u tal-assoċjazzjoni), l-istat tad-dritt u sabiex tgħin fil-ħolqien ta' ambjent demokratiku u li jippermetti li l-individwi u l-organizzazzjonijiet tas-soċjetà ċivili jipparteċipaw fit-tfassil u l-monitoraġġ tal-implimentazzjoni tal-politiki. Huwa neċessarju approċċ għal perjodu twil ta' żmien.

1.5

Is-soċjetà ċivili u politika tal-UE u l-pajjiżi msieħba fl-UE għandhom jaqdu rwol fundamentali. Il-ftehimiet ta’ sħubija, il-programmi ta’ appoġġ u l-għotjiet ma għandhomx jiġu approvati mingħajr djalogu strutturat mas-soċjetà ċivili, speċjalment is-soċjetà ċivili organizzata, skont il-prinċipju ta’ sħubija tal-UE. Għandha ssir enfasi partikolari fuq djalogu ma’, u l-inklużjoni ta’, gruppi soċjali differenti fil-pajjiżi msieħba, inklużi l-minoranzi u l-abitanti ta’ reġjuni remoti.

1.6

Fil-preżent, ħafna promoturi potenzjali ta’ żvilupp sostenibbli huma pprojbiti milli jirċievu l-appoġġ tal-UE minħabba regoli diskriminatorji, amministrattivi u oħrajn. Hemm bżonn diskriminazzjoni pożittiva (li ma tagħtix lok għal manipulazzjoni) u rekwiżit li l-imsieħba b'esperjenza reċenti ta’ tranżizzjoni għandhom ikunu involuti fil-proġetti ta’ żvilupp, biex ipoġġu fuq l-istess livell parteċipanti b'punteġġ ta' sfond iktar baxx f’evalwazzjonijiet attwali. Il-kwalità tal-proġetti u tar-riżultati għandhom jiġu l-ewwel.

1.7

Mekkaniżmi ġodda għall-kooperazzjoni għandhom jitniedu u dawk eżistenti għandhom jitwessgħu — ara b’mod partikolari l-punti 3.3.4, 3.3.6, 3.3.7 u 3.3.8 eżempju l-Ġemellaġġ, Taiex, Erasmus+, u pjattaforma ta' skambju ġdida, eċċ.

1.8

L-atturi affiljati ma’ reġimi awtoritarji u/jew prattiċi mhux demokratiċi (pereżempju GoNGOs, Yellow Unions, eċċ) għandhom jiġu esklużi mill-għajnuna.

1.9

B'mod ġenerali, kampjun wiesa’ tas-soċjetà fil-pajjiżi msieħba għandu jirċievi appoġġ komprensiv.

1.10

Bidla demokratika, żvilupp sostenibbli tkabbir ekonomiku inklużiv u suq stabbli, flimkien ma’ titjib fil-benefiċċji soċjali u l-impjiegi, jistgħu jkunu sostnuti l-aħjar permezz ta’ governanza tajba u approċċ b'saħħtu ibbażat fuq id-drittijiet. Il-prattika turi li soċjetà ċivili b’saħħitha, b’mod partikolari dik organizzata, hija l-aħjar garanzija għas-suċċess.

2.1

Il-KESE jaqbel mal-fehma wiesgħa tal-iżvilupp sostenibbli. Kif ġie nnutat mill-Kunsill tal-UE, dan jinkludi aspetti bħal ”l-governanza demokratika, id-drittijiet tal-bniedem u l-istat tad-dritt, il-benessri ekonomiku u soċjali, kif ukoll il-paċi u l-istabbiltà“ (2).

2.2

It-tranżizzjoni tista' fil-qosor tkun definita bħala l-istabbilizzazzjoni, l-appoġġ għad-demokrazija, il-bini ta’ istituzzjonijiet u l-kapaċità u l-konsolidazzjoni tar-riformi biex il-bidla tkun sostenibbli. Din hija bbażata fuq is-solidarjetà u l-azzjoni minn individwi, organizzazzjonijiet tas-soċjetà ċivili, il-gvern u atturi oħrajn.

2.3

Bosta aspetti ta’ kooperazzjoni ma’ soċjetajiet fi tranżizzjoni diġà kienu fuq l-aġenda tal-KESE (3). L-għan ta’ din l-Opinjoni huwa li tmur lil hinn minn sorsi eżistenti u wkoll biex tirrifletti l-interessi speċjali tal-Presidenza Litwana tal-Kunsill tal-UE u l-interess ġenerali tas-soċjetà ċivili Ewropea (inklużi bħala kontribut għas-Summit ta' Vilnius dwar is-Sħubija tal-Lvant f’Novembru 2013 u l-Jiem Ewropej għall-Iżvilupp).

2.4

Żviluppi ġodda fl-istati msieħba mal-UE huma raġuni oħra biex tiġi aġġornata l-politika eżistenti. Il-KESE jibqa’ mħasseb dwar is-sostenibbiltà tal-iżviluppi f’diversi ġirien tal-Lvant tal-UE, l-EuroMed u stati msieħba oħra. Diversi bidliet pożittivi jistgħu jiġu osservati fir-reġjun tal-Balkani tal-Punent (filwaqt li ninnotaw l-importanza tal-adeżjoni tal-Kroazja fl-UE).

3.1.1

Biex tinħoloq bidla sostenibbli, il-politiki, il-programmi u l-attivitajiet differenti tal-UE li jimmiraw lejn l-istess reġjuni jew oqsma tal-politika għandhom ikunu kkoordinati aħjar, biex jinħolqu sinerġiji u tinżamm konsistenza. Għad hemm bżonn li l-kapaċità ta’ azzjoni esterna tal-UE tkun żviluppata aktar, sal-punt fejn il-valuri u l-għanijiet Ewropej komuni jistgħu jiġu appoġġjati b’mod effiċjenti fuq skala tassew Ewropea (4).

3.1.2

"Il-koerenza fil-politika għall-iżvilupp" (PCD) għandha tiġi żgurata u ssorveljata b’aktar reqqa. L-obbligu ta' PCD, kif stabbilit f'Artikolu 208 tat-Trattat dwar il-Funzjonament tal-Unjoni Ewropea (kif emendat mit-Trattat ta' Lisbona) għandu jkun fil-qalba tat-tfassil tal-politika u l-implimentazzjoni fir-regolamenti kollha tal-istrumenti ta' azzjoni esterna u għaldaqstant għandu jiġi applikat b'mod espliċitu fil-politiki, il-programmi u l-attivitajiet kollha tal-UE. Il-konsistenza ta’ inizjattivi ġodda tal-UE għandha tiġi evalwata għall-każijiet kollha. Il-programmi kollha (inklużi l-evalwazzjoni u l-linji baġitaji tagħhom) għandhom jirriflettu l-impenji u l-obbligi internazzjonali tal-UE dwar id-drittijiet tal-bniedem u l-iżvilupp (inkluż il-Fehim Komuni tan-NU dwar Approċċ Ibbażat fuq id-Drittijiet tal-Bniedem) u għandhom jiffokaw fuq dawk l-aktar marġinalizzati u vulnerabbli. Huwa importanti wkoll li jsir monitoraġġ dwar jekk, fil-proċess ta' tranżizzjoni u integrazzjoni mal-UE, l-iżviluppi pożittivi f'qasam wieħed ta' politika jkunux akkumpanjati minn żviluppi negattivi f'oħrajn.

3.1.3

Hemm bżonn pjattaforma konġunta mmexxija mill-UE jew l-Istati Membri tagħhabiex tingħata ħarsa ġenerali li faċli tinftiehem tal-istrumenti eżistenti (bħalma huma għotjiet, sejħiet għall-offerti u programmi, eċċ.), li għandhom impatt estern dirett jew indirett. Jista' jkun hemm xi xebħ/kooperazzjoni mal-Portal L-Ewropa Tiegħek. Għandhom isiru sforzi biex tingħata l-informazzjoni lill-organizzazzjonijiet iżgħar (anke sottoreġjonali). L-istituzzjonijiet fl-Istati Membri tal-UE u s-soċjetajiet ta’ tranżizzjoni għandhom ikunu gruppi fil-mira addizzjonali. Il-pjattaforma għandha tkun appoġġjata b’bullettin jew link għal Twitter, pereżempju.

3.1.4

L-UE għandha taspira li tiġbor, tikkoordina u toħloq sinerġiji bejn l-attivitajiet tal-UE u tal-Istati Membri tagħha fil-pajjiżi msieħba, u tevita kompetizzjoni interna eċċessiva. L-Istati Membri jistgħu jikkunsidraw li jaqsmu r-responsabbiltajiet fl-iżvilupp ta’ forom ta’ kooperazzjoni esterna konġunta (koordinaturi tat-tranżizzjoni, ċentri tat-traduzzjoni, ċentri ta’ assistenza legali, stabbilimenti edukattivi eċċ.) fuq it-territorju tagħhom jew fil-pajjiżi msieħba.

3.2.1

Il-mekkaniżmi tal-azzjoni esterna tal-UE għandhom isiru kemm jista' jkun inklużivi, trasparenti u parteċipattivi sabiex jiġi żgurat il-pussess konġunt tal-iżvilupp u l-kooperazzjoni. Attwalment jistgħu jiġu osservati nuqqasijiet. Il-potenzjal tal-Prinċipju tas-Sħubija li jgħaqqad is-soċjetà ċivili u l-awtoritajiet pubbliċi għandu jiġi esplorat pereżempju bħala prerekwiżit biex jingħataw għotjiet.

3.2.2

L-involviment mill-qrib, u preferibbilment strutturat, tar-rappreżentanti tas-soċjetà ċivili u politika huwa l-prerekwiżit għal impenn fit-tul favur ir-riformi. F'dan ir-rigward ara wkoll il-punt 1.5. L-involviment tal-organizzazzjonijiet tas-soċjetà ċivili, inklużi l-imsieħba soċjali kemm mill-UE kif ukoll mill-pajjiżi msieħba, huwa meħtieġ fil-programmazzjoni u t-twettiq tal-attivitajiet ta’ kooperazzjoni u żvilupp. Sħubiji eżistenti għandhom jissaħħu u oħrajn ġodda jiġu promossi.

3.2.3

Il-KESE huwa ħerqan li jikkontribwixxi, u l-imsieħba tiegħu madwar id-dinja huma riżorsa prezzjuża, kif jistgħu jkunu wkoll fora regolari eżistenti.

3.2.4

L-UE għandha żżid l-isforzi tagħha biex tiżviluppa l-kapaċità tal-atturi kemm tal-UE kif ukoll tal-imsieħba tagħha. Dan jista’ jsir permezz ta’ appoġġ finanzjarju, l-iskambju tal-esperjenza, id-disponibbiltà tal-edukazzjoni/it-taħriġ u b’mezzi jew programmi oħra.

3.2.5

Għandha tkun żgurata l-ugwaljanza ta’ opportunità għall-parteċipazzjoni ta' diversi atturi governattivi u mhux governattivi — kemm fl-UE kif ukoll fil-pajjiżi msieħba. Diskriminazzjoni diretta u indiretta persistenti ta’ kwalunkwe tip għandha tiġi eliminata, fosthom eleġibilità restrittiva wisq; id-daqs tal-proġett u tar-rekwiżiti tekniċi; diskriminazzjoni fir-regoli amministrattivi, inklużi differenzi fir-rimunerazjoni u/jew it-tassazzjoni ta’ esperti li jaħdmu fuq l-istess proġetti; rekwiżiti għal kofinanzjament (problemi tal-aċċettazzjoni ta’ kontribuzzjonijiet in natura); lobbying nazzjonali li jwassal għal riżultati distorti, eċċ. (5). F'dan ir-rigward ara l-punt 1.6.

3.2.6

Opportunitajiet teknoloġiċi tas-seklu wieħed u għoxrin, inklużi l-gvern elettroniku, għandhom jiġu użati u promossi b’firxa ikbar għad-djalogu u l-involviment. Għal dan il-għan jista' jitfassal programm speċjali ta' għajnuna għad-demokrazija 2.0.

3.3.1

Is-sistema attwali tal-opportunitajiet ta’ finanzjament u appoġġ tal-UE u relatati mal-UE ta’ spiss hija kkritikati bħala kkumplikata iżjed milli meħtieġ. Il-KESE jilqa’ b’sodisfazzjon il-pjani mħabbra biex jiġu ssemplifikati u razzjonalizzati l-istrumenti tal-UE għall-fondi esterni, inkluż l-Istrument Ewropew ta’ Viċinat mill-2014 ’il quddiem u jappoġġja l-ġbir flimkien ta’ fondi.

3.3.2

Il-kwalità l-ewwel u qabel kollox. Għarfien espert speċifiku relatat mat-tranżizzjoni u l-ħila li wieħed jifhem u jadatta għall-ħtiġijiet tal-pajjiż imsieħeb għandhom ikunu fil-qalba ta' valutazzjoni objettiva u għandhom jiksbu riżultati aħjar mill-esperjenza preċedenti relatata mal-implimentazzjoni ta’ proġetti tal-UE.

3.3.3

L-esperjenza li kisbet l-UE fit-tranżizzjoni għandha tintuża aħjar meta jiġu żviluppati l-politiki esterni tal-UE (inklużi dawk dwar l-iżvilupp) (6). Is-suċċessi u t-tagħlimiet meħuda għandhom ikunu kompletament sistematizzati u analizzati fid-dettall. Il-konklużjonijiet għandhom jintużaw, jiddaħħlu kif ukoll jitħaddmu bis-sħiħ fiċ-ċiklu ta' programmazzjoni. Huwa meħtieġ segwitu tanġibbli, fost l-oħrajn, bl-użu ta' dan l-għarfien meta jitfasslu programmi operattivi u jiġu vvalutati u allokati għotjiet għall-proġetti u d-daqs tal-proġetti, eċċ.

3.3.4

Għandu jsir operattiv Kompendju Ewropew tat-Tranżizzjoni, inkluż għal skop ta' programmazzjoni, u għandu jitkabbar b'bażi tad-data ta’ esperti b’esperjenza ta’ tranżizzjoni, li ġejjin kemm mis-settur governattiv kif ukoll dak mhux governattiv. Għandu jkun attraenti għall-imsieħba biex ifittxu esperti u għandu jingħata promozzjoni, speċjalment fil-pajjiżi msieħba. Il-Kummissjoni Ewropea u l-SEAE għandhom iħejju lista ta' kontroll għad-delegazzjonijiet tal-UE dwar kif jużaw il-Kompendju fil-programmazzjoni (fost oħrajn, jista' jiġi stabbilit bħala sors vinkolanti ta' informazzjoni għall-esperti li jipparteċipaw f'attivitajiet tal-UE).

3.3.5

Il-Kummissjoni Ewropea għandha tħejji Pjan ta' Azzjoni biex l-esperjenza rikka li l-UE għandha fit-tranżizzjoni tiġi applikata aħjar fil-programmazzjoni. Dan jgħin biex jiġi żgurat li l-esperjenza tintuża b'mod sistematiku fl-oqsma fejn hi rilevanti. Il-Kummissjoni Ewropea għandha talloka wkoll biżżejjed riżorsi amministrattivi għall-implimentazzjoni ta' dan il-pjan ta' azzjoni.

3.3.6

Meta jitqies li diġà hemm ammont kbir ta' għodod marbuta mal-iskambju tal-esperjenza ta' tranżizzjoni, huwa rakkomandat li l-Kummissjoni torganizza proċess ta' ġestjoni trasversali biex tiġborhom u tippreżentahom fl-istess post pereżempju billi tinħoloq pjattaforma jew struttura ta' qafas.

3.3.7

Għandha tiġi kkunsidrata firxa akbar tal-faċilitajiet ta' konsulenza tal-UE li huma bbażati fuq il-ħtiġijiet, bħalma huma SOCIEUX u MIEUX. Faċilitajiet bħal dawn huma għodda eċċellenti biex jingħata rispons immedjat għall-ħtiġijiet tal-pajjiżi msieħba. Iż-żona ġeografika tal-mekkaniżmi eżistenti bbażata fuq il-ħtiġijiet għall-iskambju tal-esperjenza u programmi oħra, partikolarment il-programm TAIEX, il-Ġemellaġġ u Erasmus+, iridu jinfetħu globalment (partikolarment għall-pajjiżi AKP), filwaqt li ma jitnaqqsux il-fondi ppjanati għall-proġetti mill-istati attwali ta' programm.

3.3.8

Il-kunċett ta' "ġemellaġġ/sħubija bejn tlieta" ta' NGOs għandu jitnieda, b'involviment ta' mill-inqas imsieħeb wieħed mill-UE-15, wieħed mill-UE-13 u wieħed mill-pajjiżi li qed jiżviluppaw jew fi tranżizzjoni (7). L-iskambju ta’ esperjenza fost rappreżentanti tas-settur privat għandu jkun appoġġat ukoll.

3.3.9

Il-Fond Ewropew għall-Iżvilupp għandu jagħti faċilità akbar għall-qsim tal-esperjenza tat-tranżizzjoni reċenti tal-Istati Membri tal-UE.

3.3.10

Sabiex l-esperjenza tagħhom ta’ tranżizzjoni tinbidel f'appoġġ effiċċjenti għat-trażizzjoni, l-UE u l-Istati Membri tagħha għandhom jiżguraw finanzjamenti u appoġġ pubbliku adegwati. Barra minn hekk, il-KESE jtenni li t-tranżizzjoni u r-rwol tal-individwi, tas-soċjetà ċivili u tal-istat għandhom ikunu aspetti tas-Sena Ewropea għall-Iżvilupp fl-2015.

4.1.1

L-iżvilupp sostenibbli huwa kondizzjonali fuq li jintlaħaq l-usa’ kunsens possibbli fis-soċjetajiet msieħba. Appoġġ għad-demokrazija, il-governanza tajba, il-libertajiet fundamentali (inklużi l-libertà tal-assoċjazzjoni u tal-għaqda paċifika, libertà tal-kelma, midja indipendenti, eċċ), l-edukazzjoni ċivika u t-tagħlim mhux formali u informali, il-ġustizzja u l-ġustizzja soċjali fl-oqsma kollha u fil-livelli kollha huma essenzjali.

4.1.2

Għandu jkun hemm fokus aktar b’saħħtu fuq l-effettività u r-riżultati tal-politika u l-proġetti. Il-proġetti għandhom ikunu akkumpanjati minn programmi operattivi u amministrattivi u miżuri ta’ appoġġ għall-individwi. L-effettività ma tistax tinkiseb mingħajr koordinazzjoni mtejba fil-pajjiżi msieħba. Għandhom ikunu offruti appoġġ u konsulenza għall-ippjanar.

4.1.3

In-nondiskriminazzjoni, it-trattament indaqs u l-impenn proattiv tal-imsieħba tal-UE kif ukoll ta' kull membru tas-soċjetajiet tagħhom (inklużi gruppi bħan-nisa, il-minoranzi eċċ.) huma essenzjali bħala prinċipju ġenerali u bħala prekondizzjoni għall-kredibbiltà tal-UE. Id-differenzjazzjoni tal-politika skont ir-rekwiżiti tal-pajjiż imsieħeb naturalment huwa essenzjali u hemm bżonn li jittejjeb. Fl-istess ħin, l-UE m’għandhiex tkun aktar laxka lejn pajjiżi "strateġikament importanti" sempliċiment minħabba sett limitat ta’ interessi li mhumiex relatati mal-iżvilupp sostenibbli. Ir-rispett għad-drittijiet tal-bniedem huwa qasam li fih l-UE u l-imsieħba tagħha għandhom jaħdmu flimkien.

4.1.4

Ir-rappreżentanti tal-UE għandhom jaġixxu kemm bħala “moderaturi/faċilitaturi” (b'analiżi tal-ħtiġijiet lokali u b’appoġġ/il-promozzjoni ta' djalogu fost il-partijiet interessati lokali) kif ukoll bħala “esperti” (bil-qsim tal-esperjenza tagħhom tal-passat u t-twassil tal-lezzjonijiet li ttieħdu mill-ħidma ta' tranżizzjoni).

4.1.5

Kampjun wiesa’tas-soċjetà fil-pajjiżi msieħba għandu jirċievi appoġġ komprensiv. Fil-mument, l-istituzzjonijiet governattivi, u f’xi każijiet l-organizzazzjonijiet tas-soċjetà ċivili (inklużi l-imsieħba soċjali), iż-żgħażagħ u r-riċerkaturi huma meqjusa bħala l-gruppi fil-mira prinċipali għall-għajnuna tal-UE. L-iżvilupp sostenibbli u l-bidla demokratika jeħtieġu appoġġ komprensiv u kooperazzjoni mill-qrib ma’ ”ambaxxaturi“, ”maniġers“ jew ”uċuħ ta’ bidla fit-tul“ mis-soċjetà ċivili u l-mexxejja u n-netwerks tagħha, iżda jeħtieġ ukoll li jmorru lil hinn minn dan. Hemm bżonn appoġġ universali, aċċessibbli b’mod wiesa’ u ġeneralment viżibbli għall-imsieħba u s-soċjetajiet tagħhom. L-integrazzjoni fl-UE u l-appoġġ għall-pajjiżi ġirien m’għandhomx jitqiesu bħala gwadann għal xi ftit pajjiżi biss. Titjib viżibbli f’oqsma bħalma huma l-edukazzjoni u x-xjenza (inklużi r-riformi tat-taħriġ u l-edukazzjoni vokazzjonali, attivitajiet immirati lejn it-tfal eċċ. (8)), l-ekonomija b'livell baxx ta' emissjonijiet, l-infrastruttura u s-servizzi pubbliċi u soċjali (inklużi l-ICT, is-saħħa, playgrounds eċċ.), opportunitajiet ta' xogħol deċenti u impjieg ta' kwalità, l-ugwaljanza bejn in-nisa u l-irġiel, l-appoġġ għall-popli indiġeni u dawk vulnerabbli soċjalment u ekonomikament, il-movimenti soċjali u l-kundizzjonijiet li jippermettu l-iżvilupp tan-negozju (inklużi t-tisħiħ u l-involviment tal-imsieħba soċjali (9)), eċċ. ser irawmu bidla u kunsens akbar dwar l-orjentament favur l-Ewropa.

4.1.6

Fl-istati b'defiċit demokratiku, huwa possibbli li l-finanzjament ipprovdut lil jew permezz ta’ istituzzjonijiet uffiċjali jintefaq mhux fuq għanijiet soċjali iżda fuq appoġġ għar-reġim, u organizzazzzjonijiet tas-soċjetà ċivili bbażati lokalment li verament jirrapreżentaw il-valuri demokratiċi ma jingħatawx iċ-ċans li japplikaw. It-twaqqif tad-Dotazzjoni Ewropea għad-Demokrazija (DED) huwa, bla dubju, pass importanti u mistenni. Madankollu, dawn il-problemi wiesa' ma jistgħux jissolvew permezz tad-DED waħdu. Parti mis-soluzzjoni hi li "jiġu identifikati b’mod komprensiv l-organizzazzjonijiet tas-soċjetà ċivili", u organizzazzjonijiet oħra li jirċievu l-għajnuna, fir-reġjun (10). Is-soċjetà ċiviliinformali/attiva fil-lokal u l-inizjattivi għandhom jiġu appoġġjati wkoll fil-biċċa l-kbira tagħhom — bosta Stati Membri tal-UE għandhom esperjenza fil-finanzjament flessibbli tal-proġetti. Fl-istess ħin, il-persentaġġ tal-għajnuna mqassma permezz tas-soċjetà ċivili għandu jiżdied, b’mod partikolari fil-każ ta' reġimi awtoritarji.

4.1.7

Għandha tingħata wkoll attenzjoni partikolari lis-sitwazzjonijiet ta' tranżizzjoni fil-pajjiżi Mediterranji tan-Nofsinhar u tal-Lvant, fejn id-demokrazija, id-drittijiet tal-bniedem u d-drittijiet tan-nisa jinsabu mhedda serjament, u lill-ħtieġa li jiġi żgurat appoġġ aktar b'saħħtu tal-UE lis-soċjetà ċivili u l-organizzazzjonijiet tan-nisa.

4.1.8

B’mod ġenerali, l-UE teħtieġ li tanalizza bir-reqqa u tadatta għall-kapaċitajiet ta’ assorbiment u l-karatteristiċi speċjali differenti fost il-pajjiżi msieħba tagħha.

4.1.9

L-UE għandha taqsam l-esperjenza tagħha biex tiżgura appoġġ sostnut għall-iżvilupp estern u intern, fost l-oħrajn għas-soċjetà ċivili, wara li tgħaddi l-ewwel fażi ta’ tranżizzjoni u jintlaħaq benesseri komparattiv.

4.2.1

It-tkabbir ekonomiku inklużiv u suq stabbli, flimkien ma’ benesseri u impjiegi mtejba u l-liberalizzazzjoni ekonomika intelliġenti għandhom jaqdu rwol ewlieni fl-iżvilupp ta’ soċjetajiet ta’ tranżizzjoni (f’konformità mal-kunċett ta’”trasformazzjoni ekonomika“ fid-dibattiti ta' wara l-2015). Għandu jitrawwem ambjent sikur u favorevoli għall-investiment u dan għandu jiġi mħares permezz ta’ ftehimiet internazzjonali fi ħdan l-oqfsa multilaterali bħad-WTO, l-OECD, eċċ..

4.2.2

Il-bażi tas-sostenibilità hija l-istat tad-dritt, sistema legali independenti li ma tistax tiġi sovvertita mill-korruzzjoni jew id-dittatorjat. Organizzazzjonijiet tas-soċjetà ċivili indipendenti li ma jġarrbux intimidazzjonijiet, l-aċċess għall-informazzjoni, il-protezzjoni soċjali u opportunitajiet għal impjiegi deċenti, kooperazzjoni xjentifika u teknika, l-effiċjenza/l-indipendenza tal-enerġija, u l-konservazzjoni ambjentali kollha huma vitali.

4.2.3

Il-kundizzjonijiet tal-kummerċ għandhom ikunu mtejba, u fejn huwa adegwat għandhom jintużaw ftehimiet ta’ kummerċ ħieles profondi u komprensivi, li għandhom l-għan li jmorru ”wara l-fruntieri“ sabiex jinkoraġġixxu tqarrib kontinwu mar-regoli, il-prinċipji u l-istandards tal-UE f’regolamenti tekniċi — u fl-implimentazzjoni tagħhom. L-għan għall-imsieħba tal-UE għandu jkun ekonomiji b’saħħithom u inklużivi li jnaqqsu b'mod kostanti d-dipendenza tagħhom fuq l-għajnuna esterna, u dan għadu qasam ieħor fejn l-iskambju ta’ esperjenza huwa vitali.

4.2.4

Id-djalogu mal-intrapriżi indipendenti u l-għajnuna għalihom (kif ukoll għat-trejdjunjins u l-organizzazzjonijiet l-oħra tas-soċjetà ċivili) għandhom jingħataw prijorità meta jkunu qed jitrattaw ma’ reġimi awtoritarji. Fil-każijiet kollha, l-SMEs għandhom jingħataw garanzija ta' rwol aktar importanti bħala aġenti għas-sostenibbiltà, l-istat tad-dritt u l-iżvilupp fl-ekonomija. Il-kunsilli tal-investituri barranin jew imsieħba oħra minn organizzazzjonijiet tas-soċjetà ċivili jista’ jkollhom rwol addizzjonali.

4.3.1

Il-KESE u korpi oħra diġà indikaw il-ħtieġa għall-kooperazzjoni mill-viċin u effiċjenti bejn l-UE, in-NU u korpi internazzjonali oħra fuq l-aġenda għall-iżvilupp ta’ wara l-2015.

4.3.2

L-UE trid ukoll tqis żviluppi reċenti oħra, inkluż it-twaqqif ta’ Sħubija ta' Gvern Miftuħ (inizjattiva ta’ rilevanza partikolari għall-KESE u waħda li tirrifletti l-prinċipju ta’ sħubija msemmi hawn fuq). L-impatt tas-Sħubija Trans-Atlantika għall-Kummerċ u l-Investiment ippjanata u ftehimiet bħal dawn, iridu jiġu ppjanati u mmonitorjati sew fir-rigward tal-impatt tagħhom fuq il-kooperazzjoni għall-iżvilupp u t-tranżizzjoni.

4.3.3

Ir-rwol u l-potenzjal tan-negozji privati globali u l-investituri barranin li għandhom l-istess valuri tal-UE għandhom jiġu sfruttati u appoġġjati aħjar u f'termini ta' rispett għad-drittijiet ekonomiċi u soċjali fundamentali.

4.3.4

Għandu jiġi ppjanat studju komprensiv li jistudja l-aħjar prattiċi tal-fondazzjonijiet globali u l-organizzazzjonijiet tas-soċjetà ċivili u l-għodod li jużaw fil-pajjiżi fi tranzizzjoni.

6.3.2014   

MT

Il-Ġurnal Uffiċjali tal-Unjoni Ewropea

C 67/11

1.1

Il-KESE jilqa' b'sodisfazzjon il-ħolqien ta' Korp Volontarju Ewropew ta' Għajnuna Umanitarja (EVHAC) jew l-inizjattiva EU Aid Volunteers, għaliex huwa tal-fehma li dan jippromovi l-parteċipazzjoni taċ-ċittadini Ewropej fil-qasam umanitarju, b'mod partikolari permezz tal-organizzazzjonijiet tas-soċjetà ċivili, bħall-organizzazzjonijiet nongovernattivi (NGOs) speċjalizzati.

1.2

L-EVHAC għandu jkun strument li jħeġġeġ l-inklużjoni ta' dawk l-Istati Membri b'inqas esperjenza fil-ħidma umanitarja. Għal dan il-għan, il-KESE jipproponi li tiġi kkunsidrata t-tnedija ta' azzjonijiet speċifiċi li jistimulaw kemm il-parteċipazzjoni tal-voluntiera f'dawn il-pajjiżi, kif ukoll iħeġġu lill-organizzazzjonijiet soċjali u umanitarji tagħhom.

1.3

Bil-għan li jiġi promoss l-appoġġ taċ-ċittadini għall-azzjoni umanitarja u għar-rikonoxximent tar-rwol tal-volontarjat, il-KESE jirrakkomanda li jiġu kkunsidrati wkoll azzjonijiet ta' komunikazzjoni u sensibilizzazzjoni dwar dawn is-suġġetti għall-pubbliku inġenerali.

1.4

Il-KESE japprova u jappoġġja l-fehmiet espressi fil-Kunsens Ewropew dwar l-Għajnuna Umanitarja dwar l-għanijiet u l-mezzi marbutin mal-għajnuna umanitarja, u jixtieq jesprimi l-konvinzjoni tiegħu li l-għajnuna umanitarja tinkludi l-protezzjoni tal-vittmi tal-kriżijiet umanitarji, il-ħarsien tad-dinjità tagħhom u r-rispett tad-drittijiet tagħhom.

1.5

Il-KESE jenfasizza dan il-kunċett wiesa' tal-azzjoni umanitarja, li jmur lil hinn mis-sempliċi provvediment tal-għajnuna, u jfakkar fil-ħtieġa li jiġu rispettati l-prinċipji umanitarji tal-umanità, l-imparzjalità, in-newtralità u l-indipendenza, u l-liġijiet li jirregolaw l-azzjoni umanitarja bħala aspett essenzjali.

1.6

Il-KESE jixtieq jiġbed l-attenzjoni għan-natura ġenwina tal-volontarjat u l-periklu li dan jiġi konfuż ma' azzjonijiet oħra ta' natura professjonali. F'mumenti ta' kriżi ekonomika bħal dawk attwali, dan huwa aspett partikolarment rilevanti, kemm fi ħdan l-UE, kif ukoll fl-azzjoni esterna tagħha.

1.7

Il-KESE jenfasizza li l-eżistenza ta' leġislazzjonijiet differenti fil-qasam tal-volontarjat fl-Istati Membri diversi tista' taffettwa ħażin lill-inizjattiva EU Aid Volunteers.

1.8

Il-voluntiera għandhom jintużaw skont il-bżonn u wara li jsiru analiżi u valutazzjoni tas-sitwazzjoni u l-ħtiġijiet tal-komunitajiet milqutin minn diżastri jew kriżijiet kumplessi.

1.9

Il-Proposta għal Regolament (1) tenfasizza l-bżonn li jiġu stabbiliti standards għall-istadji kollha tal-parteċipazzjoni tal-voluntiera. Il-KESE jaqbel ma' dan u jissuġġerixxi li dawn l-istandards jissejsu fuq il-prattiki tajbin tas-settur umanitarju u l-inizjattivi ta' kwalità li diġà huma fis-seħħ.

1.10

Il-volontarjat isir permezz ta' organizzazzjonijiet soċjali u, b'mod inqas wiesa', l-istituzzjonijiet ċivili pubbliċi. Il-kwalità tal-istituzzjonijiet hija partikolarment importanti biex il-ħidma tirnexxi. Il-KESE jaqbel mal-bżonn li jiġu żviluppati mekkaniżmi ta' ċertifikazzjoni tal-organizzazzjonijiet li jkunu msejsin fuq l-esperjenza u l-għarfien kollettiv tas-settur umanitarju. Il-kriterji ta' ċertifikazzjoni għandhom japplikaw ukoll – għalkemm iridu jiġu adattati – għall-organizzazzjonijiet benefiċjarji fil-pajjiżi milqutin.

1.11

Il-KESE jixtieq jesprimi l-konvinzjoni tiegħu li l-mekkaniżmu ta' ċertifikazzjoni jrid jissejjes fuq dawn l-esperjenzi kollha u li meta jiġi implimentat irid jinkorpora l-kriterji ewlenin tat-trasparenza, il-kompetizzjoni ħielsa u l-opportunitajiet indaqs, kif ukoll ir-responsabbiltà. L-inizjattiva għandha tagħmilha possibbli li l-NGOs tal-pajjiżi b'inqas esperjenza f'dan il-qasam jiġu involuti fiha.

1.12

Il-KESE jixtieq jesprimi l-konvinzjoni tiegħu li flimkien mat-taħriġ tekniku u professjonali – ħaġa li naturalment hija importanti – għandhom jiġu inklużi u enfasizzati wkoll it-taħriġ fil-valuri, it-taħriġ fir-rispett tal-komunitajiet milqutin, id-dimensjoni kulturali, ir-rispett u l-aspetti psikosoċjali tal-għajnuna, f'kelma waħda ħafna mill-kwistjonijiet relatati mal-ħidma umanitarja, li jmorru lil hinn mill-aspetti tekniċi.

1.13

Il-KESE huwa tal-fehma li l-parteċipazzjoni ta' negozji li wkoll għandhom esperjenza ta' volontarjat korporattiv u tipi oħra għandha tiġi analizzata bir-reqqa, anke sabiex jissaħħaħ ir-rwol tal-intrapriżi ż-żgħar u ta' daqs medju.

2.1

Għalkemm il-volontarjat u l-attivitajiet volontarji saru jagħmlu parti mill-acquis communautaire, u l-istituzzjonijiet Ewropej ilhom iniedu proġetti u programmi differenti ta' volontarjat għal għexieren ta' snin, it-Trattat dwar il-Funzjonament tal-Unjoni Ewropea fih biss referenza speċifika waħda għall-volontarjat fl-Artikolu 214(5) fil-parti dwar l-għajnuna umanitarja. F'dan l-artikolu jiġi propost il-ħolqien ta' Korp Volontarju Ewropew ta' Għajnuna Umanitarja (EVHAC) sabiex iż-żgħażagħ Ewropej jiġu involuti fl-għajnuna umanitarja.

2.2

Lil hinn mis-sorpriża li qanqlet din l-inklużjoni, għal għadd ta' raġunijiet – kienet l-unika referenza għall-volontarjat fit-Trattat; jista' jkun li l-qasam umanitarju huwa wieħed mill-iżjed oqsma professjonalizzati tal-kooperazzjoni; ma ssir l-ebda referenza għall-volontarjat f'setturi oħra li fihom diġà teżisti esperjenza Ewropea bħaż-żgħażagħ, il-qasam soċjali, eċċ. – il-fatt huwa li wara d-dħul fis-seħħ tat-Trattat ta' Lisbona, l-istituzzjonijiet Komunitarji indirizzaw it-tnedija ta' din l-inizjattiva. Għalhekk, il-Kummissjoni nediet diversi studji dwar il-fattibbiltà u l-impatt potenzjali tal-inizjattiva u tnedew għadd ta' proġetti pilota biex jinsiltu tagħlimiet u jitpoġġew fil-prattika (2). Fost it-tibdil adottat insibu d-deċiżjoni li isimha jinbidel u jsir inizjattiva Aid Volunteers, u l-progress miksub fid-diskussjonijiet b'rabta ma' Regolament dwar l-implimentazzjoni tal-inizjattiva.

2.3

Il-KESE jixtieq ifakkar li l-volontarjat minn dejjem kien jagħmel parti mill-attivitajiet ta' bosta organizzazzjonijiet soċjali Ewropej u huwa għalhekk li, fil-ħidma tiegħu, il-KESE ta attenzjoni lill-appoġġ, il-promozzjoni, eċċ. tiegħu.

2.4

Fl-istess ħin, il-KESE esprima l-pożizzjonijiet tiegħu permezz ta' diversi opinjonijiet dwar l-aspetti tal-kooperazzjoni għall-iżvilupp u l-azzjoni esterna tal-Unjoni, filwaqt li għamel enfasi speċjali fuq oqsma marbutin mal-mandat tiegħu: ir-rwol tas-soċjetà ċivili u d-drittijiet soċjali u dawk relatati max-xogħol, fost l-oħrajn.

2.5

L-għajnuna umanitarja hija wieħed mill-komponenti tal-azzjoni esterna tal-Unjoni u hija, preċiżament, wieħed mill-ambiti fejn il-parteċipazzjoni u r-rwol ewlieni tas-soċjetà ċivili Ewropea huma l-iżjed ċari. Iżjed minn 47 % tal-għajnuna umanitarja tal-Kummissjoni Ewropea tingħata permezz tal-NGOs (3), kif jiġri fil-biċċa l-kbira tal-Istati Membri. Barra minn hekk, hija waħda mill-iżjed politiki Komunitarji li tibbenefika mill-appoġġ taċ-ċittadinanza Ewropea, kif joħroġ fid-dieher mill-Ewrobarometri (4).

2.6

Mill-1996 'l hawn, wara l-adozzjoni tar-Regolament (KE) Nru 1275/1996, il-Kummissjoni Ewropea għandha sisien sodi għall-ħidma umanitarja tagħha, li komplew jissaħħu permezz tal-adozzjoni tal-Kunsens Ewropew dwar l-Għajnuna Umanitarja, iffirmat fl-2007 mit-tliet istituzzjonijiet (il-Kunsill, il-Kummissjoni u l-Parlament) u li jistabbilixxi l-qafas ġenerali tal-politika fil-qasam tal-għajnuna umanitarja. It-test jiddefinixxi l-viżjoni komuni, l-għanijiet politiċi u l-prinċipji tal-għajnuna umanitarja tal-UE, u jippreżenta viżjoni tal-UE li twieġeb b'vuċi waħda u b'iżjed effettività għall-ħtiġijiet umanitarji. Jiddefinixxi wkoll ir-rwol tal-Istati Membri u tal-istituzzjonijiet komuni. Fl-aħħar nett, l-Artikolu 214 tat-Trattat dwar il-Funzjonament tal-Unjoni Ewropea (TFUE) jistabbilixxi l-għajnuna umanitarja bħala politika indipendenti.

2.7

Il-KESE jappoġġja u jaqbel ma' dak li jintqal fil-Kunsens Ewropew dwar l-Għajnuna Umanitarja, jiġifieri li: "L-objettiv tal-għajnuna umanintarja tal-UE huwa li tipprovdi rispons ta' emerġenza bbażat fuq il-ħtiġijiet immirat lejn il-preservazzjoni tal-ħajja, il-prevenzjoni u t-tnaqqis tas-sofferenza umana u ż-żamma tad-dinjità umana fejn ikun meħtieġ jekk il-gvernijiet u l-atturi lokali jinsabu f'diffikultà, ma jkunux jistgħu jew ma jkunux iridu jaġixxu. L-għajnuna umanitarja tal-UE tikkonsisti f'operazzjonijiet ta' assistenza, għajnuna u protezzjoni biex tiġi salvata u ppreżervata l-ħajja fi kriżijiet umanitarji jew immedjatament warajhom, iżda wkoll azzjonijiet immirati lejn il-faċilitar jew l-akkwist ta' aċċess għal nies fil-bżonn u l-fluss liberu ta' assistenza. L-assistenza umanitarja tal-UE hija pprovduta bħala rispons għal kriżijiet magħmulin mill-bniedem (inklużi emerġenzi kumplessi) u għal diżastri naturali kif meħtieġ" (5). Il-KESE jilqa' b'sodisfazzjon kbir ir-referenzi għall-protezzjoni tal-vittmi u ż-żamma tad-dinjità umana, li fil-fehma tiegħu jieħdu 'l-għajnuna lil hinn mis-sens strett tal-kelma.

2.8

Għalhekk, il-KESE jenfasizza li lil hinn mid-definizzjonijiet tal-liġi umanitarja internazzjonali, li jiddefinixxu d-drittijiet tal-vittmi, jew l-istrumenti legali Ewropej imsemmijin hawn fuq, ċerti organizzazzjonijiet umanitarji rinomati bħat-Tobba Mingħajr Fruntieri (Médecins Sans Frontières) huma tal-fehma li l-azzjoni umanitarja hija ġest minn soċjetà ċivili għal oħra, li l-għan aħħari tagħha huwa li tippreżerva l-ħajja u ttaffi t-tbatija. Għall-kuntrarju ta' tipi oħra ta' għajnuna, ma għandhiex l-għan li tibdel soċjetà kwalunkwe iżda biss li tgħinha tissupera perjodu kritiku. Hija timpenja ruħha favur il-persuni, mhux l-Istati. Ir-rwol tas-soċjetà ċivili fil-qasam umanitarju huwa fundamentali.

2.9

Il-KESE jixtieq josserva li l-kunċett tal-għajnuna umanitarja żviluppa f'dawn l-aħħar deċennji u sar jinkorpora aspetti preventivi u ta' tnaqqis tar-riskju, ta' assistenza, protezzjoni u riabilitazzjoni wara d-diżastri jew il-gwerer. L-Unjoni Ewropea stess, permezz tal-Kunsens Ewropew dwar l-Għajnuna Umanitarja, kienet minn ta' quddiem nett f'dan il-qasam. Fl-istess ħin, l-għajnuna umanitarja mhux biss għandha l-għan li tissodisfa l-ħtiġijiet, iżda tinkludi wkoll aspetti tal-hekk imsejjaħ "approċċ ibbażat fuq id-drittijiet" u tfittex li trodd lura d-dinjità tal-persuni. Il-KESE jista' jagħmel kontribut uniku fil-kuntest ta' dan it-tip ta' approċċ.

2.10

Il-KESE jixtieq jenfasizza wkoll li l-Kunsens Ewropew dwar l-Għajnuna Umanitarja jew l-inizjattiva EU Aid Volunteers jistgħu jikkontribwixxu billi jinvolvu lil ċerti Stati Membri b'inqas esperjenza fil-qasam tal-għajnuna umanitarja iżda b'potenzjal konsiderevoli biex jikkontribwixxu viżjonijiet ġodda, dinamiżmu u voluntiera. Wieħed mill-kontributi tal-inizjattiva EU Aid Volunteers għandu jkun il-promozzjoni tal-volontarjat fl-ambitu umanitarju fost iċ-ċittadini tal-Unjoni Ewropea kollha.

2.11

Għalhekk, il-KESE jilqa' b'sodisfazzjon l-inizjattiva EU Aid Volunteers u jixtieq jikkontribwixxi l-fehmiet tiegħu għall-proċess tat-tfassil ta' Regolament dwar din l-inizjattiva, b'enfasi partikolari fuq l-aspetti li huma marbutin l-iżjed mill-qrib mal-missjoni u l-esperjenza tiegħu bħala korp konsultattiv tas-soċjetà ċivili Ewropea.

3.1

Il-KESE jaqbel mad-definizzjonijiet tal-volontarjat li jinstabu fil-Proposta għal Regolament, u li ġew inklużi f'opinjonijiet oħra. Il-KESE jixtieq jiġbed l-attenzjoni għan-natura ġenwina tal-volontarjat u l-periklu li dan jiġi konfuż ma' azzjonijiet oħra ta' natura professjonali. F'mumenti ta' kriżi ekonomika bħal dawk attwali, dan huwa aspett partikolarment rilevanti, kemm fi ħdan l-UE, kif ukoll fl-azzjoni esterna tagħha. Għalhekk, il-KESE jipproponi li, f'ċerti każijiet, jiġi vvalutat l-impatt ekonomiku potenzjali tal-volontarjat Ewropew fil-pajjiżi benefiċjarji.

3.2

Il-KESE jixtieq ifakkar fil-bżonn ta' koerenza fil-leġislazzjoni dwar il-volontarjat fl-Unjoni Ewropea u, fuq kollox, dwar l-attivitajiet internazzjonali tal-voluntiera. Il-KESE jenfasizza li l-eżistenza ta' oqfsa legali differenti fil-qasam tal-volontarjat fl-Istati Membri diversi tista' taffettwa ħażin lill-inizjattiva EU Aid Volunteers (6).

3.3

Fl-istess ħin, il-KESE jinsab konvint li din ix-xorta ta' inizjattiva għandha sservi biex tippromovi l-inklużjoni tal-Istati Membri b'inqas esperjenza fil-volontarjat u l-għajnuna umanitarja. L-inizjattiva għandha tiżgura li tiġi ffaċilitata l-parteċipazzjoni tal-organizzazzjonijiet ta' dawn il-pajjiżi u għandha tippromovi l-inklużjoni tal-voluntiera mill-UE kollha b'konformità mal-prinċipju tal-opportunitajiet indaqs. Il-KESE jipproponi li jitwettqu azzjonijiet speċifiċi għall-promozzjoni tal-parteċipazzjoni kemm tal-organizzazzjonijiet kif ukoll tal-voluntiera mill-Istati Membri li sa issa pparteċipaw inqas fis-settur umanitarju.

3.4

Għalkemm, fil-bidu, it-TFUE kien limitat għall-kwistjonijiet tal-għajnuna umanitarja, fil-fatt, bosta mill-proġetti pilota ffinanzjati u għadd konsiderevoli ta' kompiti allokati lill-voluntiera kienu jikkonċernaw kwistjonijiet ta' kooperazzjoni għall-iżvilupp, it-tnaqqis tar-riskju ta' diżastri, ir-riabilitazzjoni u l-bini mill-ġdid, il-mitigazzjoni, ir-reżiljenza, eċċ. Fil-fehma tal-KESE, dan l-aġġustament huwa loġiku u jipproponi li jiġi analizzat kif fil-futur il-volontarjat jista' jiżviluppa fil-kooperazzjoni għall-iżvilupp tal-UE.

3.5

Il-volontarjat fl-għajnuna umanitarja Ewropea u, b'mod ġenerali, fil-kooperazzjoni għall-iżvilupp għandu jkun koerenti mal-bqija tal-azzjonijiet tal-istituzzjonijiet Komunitarji, jikkomplementahom u jiġi integrat magħhom. Fil-fehma tal-KESE, il-volontarjat jista' jkun utli għal oqsma oħra ta' kooperazzjoni internazzjonali għall-iżvilupp, iżda għandu jkun ibbażat fuq kriterji ta' prudenza u prekawzjoni ("do no harm") b'mod li jiġu limitati s-sitwazzjonijiet li fihom jiġu mobilizzati l-voluntiera.

3.6

Għalhekk, il-KESE jaqbel mal-fatt li l-Parlament Ewropew illimita l-parteċipazzjoni potenzjali tal-voluntiera f'sitwazzjonijiet ta' kunflitt, theddid għas-sigurtà jew f'emerġenzi kumplessi. Is-sigurtà tal-benefiċjarji, il-voluntiera u l-persunal inġenerali għandha tiġi l-ewwel, l-iżjed f'sitwazzjonijiet fejn issir ħidma umanitarja.

3.7

F'dan il-kuntest, il-KESE jipproponi li tiġi rfinata iżjed id-definizzjoni tat-tipi ta' proġetti li huma l-iżjed adattati biex jieħdu sehem fihom il-voluntiera jew, tal-inqas, għandhom jiġu stabbiliti b'mod iżjed riġidu t-tipi ta' azzjonijiet li ma għandhomx jipparteċipaw fihom il-voluntiera tal-inizjattiva L-azzjoni umanitarja hija wiesgħa ħafna u diversa u għandhom jiġu identifikati dawk il-kuntesti li l-iżjed huma adattati għall-ħidma marbuta mal-volontarjat.

3.8

Il-KESE jilqa' b'sodisfazzjon ukoll il-fatt li l-proposta tal-volontarjat taż-żgħażagħ stabbilit fit-Trattat inbidlet f'waħda iżjed realistika li tittratta d-diversi tipi ta' volontarjat, il-ħiliet meħtieġa, il-valuri differenti, eċċ. Il-KESE jemmen li tinħtieġ ħidma biex jiġi żgurat bilanċ adatt bejn l-irġiel u n-nisa fil-proġett.

4.1

L-istituzzjonijiet Komunitarji ħadu approċċ prudenti għall-implimentazzjoni fil-prattika tal-inizjattiva EU Aid Volunteers. Il-valutazzjoni tal-proġetti pilota u l-inizjattivi li kien hemm sa issa għandha tkun fundamentali biex jiġu stabbiliti u indirizzati xi wħud mill-isfidi tal-ġejjieni. Ir-riżultati ta' dawn il-valutazzjonijiet għandhom jinqasmu fost il-partijiet interessati kollha u għandhom jiġu diskussi t-tagħlimiet misluta.

4.2

Il-voluntiera għandhom jintużaw skont il-bżonn u d-domanda u wara li jsiru analiżi u valutazzjoni tas-sitwazzjoni u l-ħtiġijiet tal-komunitajiet milqutin minn diżastri jew kriżijiet kumplessi. Huwa fundamentali li jkun hemm rabta mal-mekkaniżmi ta' koordinazzjoni kemm f'livell Ewropew (COHAFA, mekkaniżmi tad-DĠ ECHO, eċċ.) kif ukoll f'livell internazzjonali, permezz tal-Uffiċċju għall-Koordinazzjoni tal-Affarijiet Umanitarji (OCHA).

4.3

Barra minn hekk, għandhom jiġu stabbiliti mekkaniżmi ċari man-netwerks speċjalizzati fis-settur umanitarju (bħalissa), pereżempju l-Federazzjoni Internazzjonali tas-Soċjetajiet tas-Salib l-Aħmar u n-Nofs Qamar l-Aħmar, VOICE (Voluntary Organisations on Cooperation in Emergencies – organizzazzjonijiet volontarji għall-kooperazzjoni f'sitwazzjonijiet ta' emerġenza) jew il-Kunsill Internazzjonali tal-Organizzazzjonijiet Volontarji (ICVA – International Council of Voluntary Agencies), fost oħrajn.

4.4

Il-Proposta għal Regolament tenfasizza l-bżonn li jiġu stabbiliti standards għall-istadji kollha tal-mobilizzazzjoni tal-voluntiera fil-pajjiżi terzi. Il-KESE jaqbel ma' dan u jissuġġerixxi li dawn l-istandards jissejsu fuq il-prattiki tajbin tas-settur umanitarju u l-inizjattivi ta' kwalità li huma rilevanti u diġà fis-seħħ (7).

4.5

Dawn l-istandards għandhom jagħtu importanza partikolari lill-kwistjonijiet ta' sigurtà u għandhom jiżguraw kundizzjonijiet li jagħmluha possibbli li l-voluntiera jwettqu l-attività tagħhom u jżidu l-valur tal-proġetti umanitarji.

4.6

Il-volontarjat isir permezz ta' organizzazzjonijiet soċjali u, b'mod inqas wiesa', l-istituzzjonijiet ċivili pubbliċi. Il-kwalità tal-istituzzjonijiet hija partikolarment importanti biex l-attivitajiet jirnexxu. Il-KESE jaqbel mal-bżonn li jiġu żviluppati mekkaniżmi ta' ċertifikazzjoni tal-organizzazzjonijiet li jkunu msejsin fuq l-esperjenza u l-għarfien kollettiv tas-settur umanitarju. Għalhekk, il-KESE jipproponi li tiġi analizzata u vvalutata l-esperjenza li akkumula d-DĠ ECHO rigward il-kuntratti qafas ta' assoċjazzjoni mal-NGOs u l-aġenziji tan-NU (8).

4.7

Il-KESE jixtieq jesprimi l-konvinzjoni tiegħu li l-mekkaniżmu ta' ċertifikazzjoni għandu jissejjes fuq dawn l-esperjenzi kollha u li meta jiġi implimentat irid jinkorpora l-kriterji ewlenin tat-trasparenza, il-kompetizzjoni ħielsa u l-opportunitajiet indaqs, kif ukoll ir-responsabbiltà. L-inizjattiva għandha tagħmilha possibbli li l-NGOs tal-pajjiżi b'inqas esperjenza f'dan il-qasam jiġu involuti fiha. Għaldaqstant, il-KESE jipproponi li jiġu żviluppati azzjonijiet speċifiċi li jxerrdu l-inizjattiva EU Aid Volunteers u l-azzjoni umanitarja inġenerali f'dawn l-Istati Membri.

4.8

Il-kriterji ta' ċertifikazzjoni għandhom japplikaw ukoll – għalkemm iridu jiġu adattati – għall-organizzazzjonijiet benefiċjarji fil-pajjiżi milqutin. It-tisħiħ tal-kapaċitajiet tal-organizzazzjonijiet benefiċjarji għandu jkun prijorità u jkollu l-appoġġ tekniku, loġistiku u finanzjarju tal-proġett. L-inizjattiva tista' tkun strument li jappoġġja l-organizzazjonijiet imsieħba fin-Nofsinhar u tista' tikkontribwixxi għat-tisħiħ tal-komunitajiet benefiċjarji. Il-KESE kien partikolarment sensittiv għal din il-kwistjoni u adotta diversi opinjonijiet dwar dan is-suġġett (9).

4.9

Il-KESE jenfasizza n-natura ċivili li għandu jkollhom l-istituzzjonijiet li jibagħtu u jilqgħu fi ħdanhom il-voluntiera, sabiex jiġi żgurat li jinżammu l-prinċipji u l-valuri umanitarji u li jiġu aċċettati mill-komunitajiet milqutin.

4.10

Il-KESE huwa tal-fehma li l-parteċipazzjoni ta' negozji li wkoll għandhom esperjenza ta' volontarjat korporattiv u tipi oħra għandha tiġi analizzata bir-reqqa sabiex jiġu proposti ċerti mekkaniżmi għal din il-parteċipazzjoni. Taħt kull ċirkustanza, il-KESE huwa tal-fehma li għandu jiġi promoss ukoll ir-rwol tal-SMEs u mhux biss, kif ġieli ġara, tal-korporazzjonijiet il-kbar b'dipartimenti tar-responsabbiltà soċjali tal-kumpaniji jew simili.

4.11

It-taħriġ tal-kandidati li jixtiequ jipparteċipaw fl-inizjattiva EU Aid Volunteers huwa essenzjali biex l-operazzjonijiet jaħdmu kif imiss. Il-KESE jixtieq jesprimi l-konvinzjoni tiegħu li flimkien mat-taħriġ tekniku u professjonali – ħaġa li naturalment hija importanti – għandhom jiġu inklużi u enfasizzati wkoll it-taħriġ fil-valuri, it-taħriġ fir-rispett tal-komunitajiet milqutin, id-dimensjoni kulturali, ir-rispett u l-aspetti psikosoċjali tal-għajnuna, f'kelma waħda ħafna mill-kwistjonijiet relatati mal-ħidma umanitarja, li jmorru lil hinn mill-aspetti tekniċi. Jekk hemm ħaġa waħda li tiddistingwi l-azzjoni umanitarja, din hija l-enfasi fuq il-prinċipji u l-valuri, li għandha tkun essenzjali fit-taħriġ tal-voluntiera.

4.12

Għalhekk hemm bżonn li ssir ħidma mal-entitajiet li diġà għandhom esperjenza fil-qasam fid-diversi Stati Membri u man-netwerks ta' taħriġ fil-livell Ewropew, mhux biss dawk universitarji iżda wkoll netwerks mingħajr skop ta' qligħ. Il-valutazzjoni tal-attivitajiet marbutin mat-taħriġ inklużi fil-proġetti pilota li diġà ntemmu għandha tingħata attenzjoni speċjali. Il-KESE jħeġġeġ li jinġabru minnufih prattiki tajbin f'dan il-qasam b'mod li jservu ta' valuri ta' referenza (benchmarks) għall-proposti futuri.

4.13

Il-Proposta għal Regolament tikkunsidra l-ħolqien ta' bażi tad-data li fiha jistgħu jiġu inklużi l-voluntiera potenzjali li mbagħad jiġu mobilizzati permezz tal-organizzazzjonijiet akkreditati jew, possibbilment, is-servizzi tal-Kummissjoni. Il-KESE jixtieq jiġbed l-attenzjoni għall-fatt li l-inklużjoni tal-voluntiera fl-organizzazzjonijiet ma tiddependix biss mir-rekwiżiti tekniċi iżda wkoll minn ċerta affinità mil-lat ta' valuri komuni u l-aċċettazzjoni tal-mandati u l-missjoni tal-istituzzjoni, fost affarijiet oħra. Għaldaqstant, ikunu xi jkunu l-arranġamenti finali tal-bażi tad-data tal-voluntiera li tistabbilixxi l-Kummissjoni, il-KESE huwa konvint li dan l-aspett għandu jiġi kkunsidrat.

4.14

L-implimentazzjoni tal-inizjattiva EU Aid Volunteers hija opportunità biex jitwessgħu l-azzjonijiet ta' sensibilizzazzjoni u ta' edukazzjoni taċ-ċittadini Ewropej dwar is-solidarjetà, il-ħtieġa li jinżammu l-flussi tal-għajnuna anke fi żminijiet ta' kriżi u l-promozzjoni tal-valuri universali. Lil hinn mis-sempliċi "viżibbiltà" tal-azzjonijiet, il-KESE jixtieq jenfasizza, kif għamel f'opinjonijiet oħra, il-ħtieġa li jissaħħu r-relazzjonijiet maċ-ċittadini. U l-organizzazzjonijiet tas-soċjetà ċivili, li bosta minnhom huma rappreżentati fil-KESE, għandhom rwol fundamentali x'jaqdu f'dan il-kuntest. Il-KESE huwa tal-fehma li dawn l-azzjonijiet pubbliċi għandhom jiffukaw fuq dawk l-Istati Membri b'inqas esperjenza fil-qasam tal-azzjoni umanitarja.

6.3.2014   

MT

Il-Ġurnal Uffiċjali tal-Unjoni Ewropea

C 67/16

1.1

Il-KESE jinnota li fl-aħħar għaxar snin saru passi importanti ħafna fl-UE favur l-ugwaljanza tad-drittijiet, il-libertajiet u l-garanziji marbutin mal-istatus ta' ċittadinanza Ewropea, bit-tisħiħ tal-kriterju tar-residenza b'rabta ma' dak tan-nazzjonalità. Iċ-ċittadinanza Ewropea qed tiżviluppa lejn ċittadinanza ta' residenza, b'rabta mal-Karta tad-Drittijiet Fundamentali u l-valuri u l-prinċipji tat-Trattat dwar il-Funzjonament tal-Unjoni Ewropea (TFUE).

1.2

Il-Kumitat jemmen li wasal il-waqt li ssir valutazzjoni u analiżi dwar liema ħidmiet ma tlestewx u l-ostakli li għadhom jippersistu sabiex ċittadinanza Ewropea aktar inklużiva, parteċipattiva u ċivika tkun miftuħa għall-inklużjoni ta' kull persuna li tgħix fl-UE b'mod stabbli.

1.3

L-Ewropej tas-seklu 21 iridu jħabbtu wiċċhom ma’ sfida kbira: it-twessigħ tal-bażijiet tad-demokraziji tagħna, bl-integrazzjoni ta’ ċittadini ġodda li jkollhom l-istess drittijiet u obbligi, u għalhekk id-dritt għan-nazzjonalità tal-Istati Membri u għaċ-ċittadinanza Ewropea għandu jinkludi lill-persuni kollha li jkunu ġejjin minn sfond ta’ immigrazzjoni u li joħolqu diversità nazzjonali, etnika, reliġjuża u kulturali kbira. Il-Kumitat jemmen li d-demokraziji Ewropej huma soċjetajiet liberi u miftuħa, u għandhom ikunu bbażati fuq l-inklużjoni taċ-ċittadini kollha, ikunu xi jkunu l-oriġini u r-referenzi tagħhom.

1.4

Il-KESE jipproponi li tinfetaħ diskussjoni dwar jekk il-bażijiet legali u politiki attwali tal-politika Ewropea ta' immigrazzjoni, ċittadinanza u integrazzjoni humiex biżżejjed għas-soċjetajiet Ewropej tal-lum, li kulma jmur qegħdin dejjem jiżdiedu u li huma mogħnija b'diversità kbira.

1.5

Il-kriżi ekonomika mbuttat 'il barra mill-aġenda politika 'l-ħarsien tad-drittijiet fundamentali, l-integrazzjoni u l-ġlieda kontra d-diskriminazzjoni. Il-KESE jwissi dwar ir-riskji taż-żieda fl-intolleranza, ir-razziżmu u l-ksenofobija fir-rigward tal-immigranti u l-minoranzi. Biex dawn jiġu evitati, huwa importanti li l-politiċi, il-mexxejja soċjali u l-mezzi ta' komunikazzjoni jaġixxu b'responsabbiltà kbira u li jagħtu eżempju politiku u soċjali għall-prevenzjoni ta' dawn l-imġibiet, kif ukoll li l-istituzzjonijiet tal-UE jaġixxu b'mod deċiżiv favur il-ħarsien tad-Drittijiet Fundamentali.

1.6

Il-Kumitat jixtieq jibgħat messaġġ ċar lil dawk li, abbażi ta' nazzjonaliżmu li jeskludi, jiddefinixxu l-identità nazzjonali u l-identità Ewropea b'mod li ċċaħħad id-drittijiet ta' ċittadinanza lil miljuni ta' nies, u tħallihom bi status legali dgħajjef minħabba l-oriġini nazzjonali tagħhom. Għandha tittejjeb il-kwalità tad-demokrazija fl-Ewropa billi jitwessa' l-aċċess għan-nazzjonalità tal-Istati Membri u għaċ-ċittadinanza Ewropea.

1.7

Peress li ħafna Stati Membri għandhom leġislazzjonijiet restrittivi rigward l-aċċess għan-nazzjonalità, il-KESE jirrakkomanda li jiġu adottati liġijiet u proċeduri amministrattivi aktar flessibbli, biex iċ-ċittadini ta' pajjiżi terzi li jkollhom l-istatus ta' residenza għal żmien twil (1) ikollhom aċċess għan-nazzjonalità.

1.8

Il-Kumitat iħeġġeġ lill-Istati Membri jagħmlu ftehimiet mal-pajjiżi ta' oriġini tal-immigranti biex dawn ikunu jistgħu jkollhom nazzjonalità doppja.

1.9

L-Istati Membri jridu jiffirmaw u jirratifikaw il-Konvenzjoni Ewropea dwar iċ-Ċittadinanza tal-1997, il-Konvenzjoni dwar is-sehem tal-barranin fil-ħajja pubblika fil-livell lokali tal-1992, kif ukoll jirrispettaw il-prinċipji ta' proporzjonalità, ħarsien legali effettiv u n-nondiskriminazzjoni fil-politiki tagħhom ta' aċċess għan-nazzjonalità u tat-telf tagħha.

1.10

Il-KESE jinnota l-ostakli li għad għandhom varji Stati Membri għad-drittijiet politiċi: id-dritt għall-vot, ta' sħubija u ta' parteċipazzjoni politika. Huwa jirrakkomanda li dawn il-liġijiet jinbidlu biex iċ-ċittadini ta' pajjiżi terzi li jgħixu fil-post b'mod stabbli jkollhom id-drittijiet politiċi.

1.11

Il-Kumitat jipproponi lill-Unjoni Ewropea li, fil-ġejjieni, meta jsir proċess ġdid ta' riforma tat-TFUE, hija tibdel l-Artikolu 20 biex anke persuni minn pajjiżi terzi li joqogħdu b'mod stabbli u li jkollhom status ta' residenza għat-tul fl-UE jkunu jistgħu jsiru ċittadini tal-Unjoni.

1.12

Il-kriterju tar-residenza tal-persuni għandu jintuża biex tinkiseb iċ-ċittadinanza tal-Unjoni. Kif il-KESE indika f'Opinjoni preċedenti (2), fil-liġi Ewropea r-residenza diġà hija kriterju għall-għoti ta' diversi drittijiet u libertajiet ekonomiċi, soċjali, kulturali u ċivili lil ċittadini ta' pajjiżi terzi. Ħafna minn dawn id-drittijiet huma simili għaċ-ċittadinanza Ewropea. Madankollu, xi drittijiet politiċi, bħad-dritt għall-vot, bħalissa huma esklużi. Il-KESE jixtieq itenni li "ir-residenza legali stabbli wkoll għandha tkun mod kif wieħed ikollu aċċess għaċ-ċittadinanza tal-Unjoni Ewropea" (3).

1.13

Il-Karta tad-Drittijiet Fundamentali tal-UE hija vinkolanti u toħloq qafas ġdid għall-politiki Ewropej ta' immigrazzjoni, integrazzjoni u ċittadinanza. Il-Kummissjoni trid tanalizza kif il-Karta taffettwa l-istatus u d-drittijiet taċ-ċittadini ta' pajjiżi terzi, biex tkun tista' tniedi inizjattivi ġodda li jadattaw il-leġislazzjoni tal-immigrazzjoni għall-garanziji tal-Karta.

1.14

Il-Karta tistabbilixxi l-pedament għal kunċett ġdid ta' ċittadinanza ċivika (sett komuni ta' drittijiet u obbligi bażiċi) għaċ-ċittadini ta' pajjiżi terzi. Il-Kumitat jipproponi li l-iżvilupp ta' din iċ-ċittadinanza għandha tkun waħda mill-prijoritajiet tal-programm politiku ġdid ta' wara l-Programm ta' Stokkolma mill-2014 'il quddiem.

1.15

L-UE għandha tadotta Kodiċi għall-Immigrazzjoni li jġib miegħu aktar trasparenza u ċarezza legali dwar id-drittijiet u l-libertajiet taċ-ċittadini ta' pajjiżi terzi li jgħixu fl-UE. Il-Kumitat jemmen li l-leġislazzjoni Ewropea dwar l-immigrazzjoni għandha tiggarantixxi t-trattament ugwali u l-prinċipju tan-nondiskriminazzjoni.

1.16

Il-Kummissjoni għanda tevalwa l-problemi li għad fadal fil-prattika fl-Istati Membri għall-ħarsien tad-drittijiet fundamentali taċ-ċittadini ta' pajjiżi terzi, speċjalment rigward id-drittijiet soċjali, il-mobbiltà u l-aċċess għal ħarsien legali effettiv.

1.17

Il-Kummissjoni għandha tinvestiga l-ostakli li għad għandhom xi Stati Membri għall-applikazzjoni tal-istatus għat-tul u għall-Karta Blu (4), u tikkonkludi b'mod effettiv il-proċeduri ta' ksur kontra dawk l-Istati Membri li ma jirrispettawx il-leġislazzjoni Ewropea.

1.18

Fil-qafas tal-Aġenda għall-Integrazzjoni, il-Kummissjoni għandha twettaq valutazzjoni tal-proċeduri u l-ostakli li għandhom l-Istati Membri għall-kisba u t-telf tan-nazzjonalità, u l-impatt tagħhom fuq iċ-ċittadinanza tal-Unjoni.

1.19

Il-Kumitat iħeġġeġ lill-Kummissjoni Ewropea tfassal rapport dwar is-sitwazzjoni tad-dibattiti fl-UE rigward il-Konvenzjoni tan-Nazzjonijiet Uniti dwar il-ħarsien tal-ħaddiema migranti u l-familji tagħhom (5). Il-Kummissjoni għandha tħejji l-kundizzjonijiet għar-ratifika tagħha.

2.1

Is-sena 2013 ġiet iddikjarata bħala s-Sena Ewropea taċ-Ċittadini. Iċ-ċittadinanza tal-Unjoni hija wieħed mill-aktar strumenti effettivi biex titrawwem identità komuni għall-Ewropej kollha. Il-Kumitat iqis li l-filosofija politika li fuqha twaqqfet l-UE, meta Jean Monnet qal li "mhux qed nagħmlu koalizzjoni ta' Stati, iżda qed ngħaqqdu lin-nies", għadha attwali ħafna.

2.2

Iċ-ċittadinanza Ewropea mhijiex kunċett bla tifsira, iżda jirrappreżenta status legali u politiku speċifiku magħmul minn drittijiet u libertajiet. Id-demokrazija, il-libertà, l-istat tad-dritt, l-ugwaljanza u d-drittijiet tal-bniedem huma l-valuri fundamentali tal-Unjoni, imnaqqxin fl-Artikolu 2 tat-Trattat tal-Unjoni Ewropea.

2.3

Il-KESE jemmen li, f'dawn il-mumenti daqstant diffiċli, bil-kriżi ekonomika, soċjali u politika gravi li qed tagħfas lill-Ewropa, hemm bżonn li jinbdew strateġiji innovattivi għall-promozzjoni ta' ċittadinanza aktar miftuħa u inklużiva u t-tisħiħ tal-fiduċja ta' dawk kollha li jgħixu fl-Unjoni Ewropea.

2.4

Il-Kummissjoni Ewropea ppubblikat it-tieni rapport dwar iċ-ċittadinanza Ewropea "Ċittadini Ewropej: id-drittijiet tiegħek, il-ġejjieni tiegħek", li fih jiġu analizzati wħud mill-ostakli u l-problemi li jeżistu bħalissa. Il-KESE jilqa' dan ir-rapport bi pjaċir, iżda jinnota n-nuqqas ta' azzjoni politika b'rabta maċ-ċittadini ta' pajjiżi terzi li għandhom drittijiet u libertajiet Ewropej simili, iżda mhux ċittadinanza sħiħa.

2.5

Il-Kumitat qiegħed iniedi għadd ta' inizjattivi għall-promozzjoni ta' ċittadinanza Ewropea aktar attiva, iżda jiġbed l-attenzjoni għall-gravità tal-problema li ħafna żgħażagħ, li huma dixxendenti ta' immigranti tat-tieni jew it-tielet ġenerazzjoni, qed ibatu minn sitwazzjonijiet gravi ta' diskriminazzjoni u esklużjoni li jdgħajfu bil-kbir is-sentiment ta' appartenenza għal soċjetà li tqishom bħala "ċittadini tat-tieni klassi".

3.1

Għaxar snin ilu l-KESE kien ippropona li l-integrazzjoni tagħmel parti fundamentali mill-politika komuni ta' immigrazzjoni u talab li tinbeda aġenda Ewropea. Fl-2004, il-Kunsill approva l-prinċipji bażiċi komuni għall-integrazzjoni, fosthom: "L-aċċess tal-immigranti għall-istituzzjonijiet kif ukoll għall-ġid u s-servizzi pubbliċi u privati, bl-istess kundizzjonijiet taċ-ċittadini nazzjonali u mingħajr diskriminazzjonijiet, huwa rekwiżit essenzjali għal integrazzjoni aħjar." u "Il-parteċipazzjoni tal-immigranti fil-proċess demokratiku u fit-tfassil tal-politiki u l-miżuri ta' integrazzjoni, speċjalment fil-livell lokali, tgħinhom biex jintegraw."

3.2

Il-Kummissjoni Ewropea, f'kollaborazzjoni mal-KESE, qed tiżviluppa l-aġenda Ewropea għall-integrazzjoni u tippromovi għadd kbir ta' attivitajiet ta' appoġġ għall-Istati Membri. Il-KESE u l-Kummissjoni stabbilixxew il-Forum Ewropew dwar l-Integrazzjoni (6) biex jiffaċilita l-parteċipazzjoni tal-immigranti u tal-organizzazzjonijiet tas-soċjetà ċivili.

3.3

Il-Kumitat ikkontribwixxa għall-aġenda tal-integrazzjoni permezz tat-tfassil ta' diversi Opinjonijiet (7).

3.4

Il-Forum analizza l-importanza għall-integrazzjoni li għandha l-parteċipazzjoni tal-immigranti fil-proċess demokratiku u huwa tal-fehma li dawk l-Istati Membri li jiffaċilitaw l-aċċess għad-drittijiet ta' ċittadinanza għall-immigranti jtejbu l-integrazzjoni. Għalhekk, il-Kumitat jirrakkomanda lill-Istati Membri biex fil-qafas tal-leġislazzjonijiet nazzjonali tagħhom jadottaw leġislazzjonijiet aktar flessibbli, biex iċ-ċittadini ta' pajjiżi terzi li jkollhom l-istatus ta' residenza għal żmien twil ikollhom aċċess għan-nazzjonalità.

3.5

Il-Kumitat japprezza li t-trejdjunjins, l-organizzazzjonijiet tal-impjegaturi u l-NGOs għandhom attitudni favur l-integrazzjoni u li jiffaċilitaw is-sehem tal-immigranti fil-ħajja demokratika tal-organizzazzjonijiet tagħhom. Is-soċjetà ċivili tindirizza liċ-ċittadini ta' pajjiżi terzi biex dawn ikunu membri attivi tal-organizzazzjonijiet.

3.6

L-integrazzjoni hija proċess soċjali bidirezzjonali ta’ adattament reċiproku tal-immigranti u s-soċjetà ta’ akkoljenza, li għandu jiġi appoġġjat permezz ta’ governanza tajba fl-Unjoni Ewropea, fil-livell nazzjonali, reġjonali u lokali. Approċċ komuni Ewropew għandu valur miżjud kbir billi jorbot l-integrazzjoni mal-valuri u l-prinċipji tat-Trattat, mat-trattament ugwali u n-nondiskriminazzjoni, mal-Karta tad-Drittijiet Fundamentali, mal-Konvenzjoni Ewropea dwar id-Drittijiet tal-Bniedem u mal-Aġenda Ewropa 2020.

3.7

Il-leġislazzjoni Ewropea dwar l-immigrazzjoni għandha tiggarantixxi t-trattament ugwali u l-prinċipju tan-nondiskriminazzjoni. F'dan ir-rigward, ta' min isemmi l-kwistjoni tad-drittijiet u l-possibbiltajiet lingwistiċi u reliġjużi. Il-Kumitat huwa tal-fehma li huwa pass pożittiv ħafna li l-Kummissjoni pproponiet Direttiva (8) dwar miżuri li jiffaċilitaw l-eżerċizzju tad-drittijiet konferiti fuq ħaddiema fil-kuntest tal-moviment liberu tal-ħaddiema.

3.8

Iżda l-KESE ppropona li dawk kollha li jgħixu fl-UE għandhom jirċievu trattament ġust, indipendentement mill-istatus migratorju jew in-nazzjonalità tagħhom. Għaldaqstant għandhom jingħelbu xi wħud mir-restrizzjonijiet għaċ-ċittadinanza tal-Unjoni li jeżistu bħalissa.

4.1

Il-Kumitat jixtieq li jaġġorna d-dibattitu dwar in-natura taċ-ċittadinanza Ewropea rigward iċ-ċittadini ta' pajjiżi terzi li jgħixu fl-UE legalment u b'mod stabbli. Hemm bżonn li nerġgħu lura għall-approċċ li kien ġie adottat fil-konklużjonijiet tal-Kunsill ta' Tampere (9). It-trattament ġust u ndaqs bejn iċ-ċittadini Ewropej u ċ-ċittadini ta' pajjiżi terzi definit f'Tampere (10) għadu s'issa waħda mill-prijoritajiet politiċi, peress li l-għanijiet ma ntlaħqux matul l-erbatax-il sena tal-iżvilupp tal-politika komuni tal-immigrazzjoni.

4.2

Huma l-Istati Membri li jridu jagħtu n-nazzjonalità abbażi tal-leġislazzjoni tagħhom, peress li t-Trattat bħalissa ma jagħti l-ebda kompetenza lill-UE għall-armonizzazzjoni leġislattiva; għaldaqstant dan huwa qasam ta' sovranità nazzjonali.

4.3

Iżda fl-Istati Membri kollha, l-organizzazzjonijiet tal-immigranti, it-trejdjunjins u l-NGOs qed iwettqu inizjattivi u dibattiti biex jitnaqqsu ż-żminijiet u biex il-proċeduri għan-naturalizzazzjoni u l-aċċess għan-nazzjonalità jkunu aktar flessibbli għall-immigranti, u tiġi faċilitata l-integrazzjoni, bil-fehim li s-soċjetajiet u l-Istati ma jrawmux l-integrazzjoni jekk jiċħdu t-trattament indaqs u d-drittijiet ta' parteċipazzjoni lil għadd ta' persuni li jgħixu hemm b'mod stabbli.

4.4

Il-kunċett ta' ċittadinanza Ewropea jinsab imnaqqax fil-fond fit-Trattati, fil-leġislazzjoni tal-UE u fil-Karta tad-Drittijiet Fundamentali. It-Trattat (TFUE), b'mod partikolari l-Artikolu 20 tiegħu, jgħid li "Kwalunkwe persuna li għandha ċ-ċittadinanza ta' Stat Membru hija ċittadina tal-Unjoni. Iċ-ċittadinanza tal-Unjoni għandha tiżdied maċ-ċittadinanza nazzjonali u ma tissostitwixxihiex." In-nazzjonalità, li l-mod kif tinkiseb u tintilef jiġi determinat skont il-leġislaturi nazzjonali differenti, għalhekk hija l-"muftieħ universali" għall-aċċess għaċ-ċittadinanza tal-UE (11).

4.5

Ir-rabta mill-qrib bejn l-istatus ta' ċittadinanza Ewropea u n-nazzjonalità tal-Istati Membri kienet is-suġġett ta' diversi dibattiti u kritiki minn mindu twaqqfet iċ-ċittadinanza Ewropea fl-1992 bit-Trattat ta' Maastricht. Fil-prinċipju, din ir-rabta timplika l-esklużjoni formali taċ-ċittadinanza tal-Unjoni għaċ-ċittadini ta' pajjiżi terzi li jgħixu fl-UE legalment, u huwa għalhekk li dawn in-nies baqgħu "inviżibbli" fid-dibattiti Ewropej dwar iċ-ċittadinanza, u fil-parteċipazzjoni fil-politika u fil-ħajja demokratika.

4.6

Interpretazzjoni restrittiva taċ-ċittadinanza tal-Unjoni tgħid li hemm grupp omoġenju u identifikabbli b'mod ċar ta' persuni msejħa ċittadini Ewropej u grupp ieħor ta' persuni kklassifikati bħala ċittadini ta' pajjiżi terzi li mhumiex meqjusa bħala ċittadini tal-Ewropa.

4.7

Iżda min huma dawn iċ-"ċittadini" Ewropej? Huwa tajjeb li nillimitaw l-ambitu personali taċ-ċittadinanza tal-Unjoni għal dawk in-nies li għandhom in-nazzjonalità tal-Istati Membri? Iċ-ċittadini ta' pajjiżi terzi għandhom xi drittijiet u libertajiet li huma komparabbli għal dawk li għandhom iċ-ċittadini Ewropej? X'inhuma l-limiti u l-isfidi attwali taċ-ċittadinanza tal-Unjoni? X'inhu r-rwol tal-parteċipazzjoni politika u d-dritt għall-vot f'dan il-kuntest? Għaliex ħafna żgħażagħ dixxendenti ta' immigranti għadhom "ċittadini tat-tieni klassi"? Jekk il-parteċipazzjoni tal-immigranti fil-proċess demokratiku tiffaċilita l-integrazzjoni tagħhom, għaliex huma esklużi?

4.8

Sal-lum kienu l-Istati Membri li b'mod indirett iddeċidew min huwa ċittadin tal-Unjoni u min mhuwiex. Dan irid jinbidel biex iċ-ċittadinanza tal-Unjoni tkun fil-qalba tal-integrazzjoni Ewropea.

5.1

Il-Karta tad-Drittijiet Fundamentali tistabbilixxi l-bażijiet ġenerali ta' kunċett ġdid ta' ċittadinanza ċivika, inklużiva u parteċipattiva, u l-Kumitat jemmen li hemm bżonn tiġi żviluppata.

5.2

Il-Kummissjoni stqarret li l-Karta tad-Drittijiet Fundamentali hija r-referenza għall-iżvilupp tal-kunċett ta' "ċittadinanza ċivika" għaċ-ċittadini ta' pajjiżi terzi (b'sett komuni ta' drittijiet u obbligi bażiċi).

5.3

Il-Karta tad-Drittijiet Fundamentali tal-UE hija vinkolanti, b'valur legali simili għal dak tat-Trattati. Il-Karta ttrasformat u kkonsolidat il-karatteristiċi tal-istatus ta' ċittadinanza tal-Unjoni. L-ambitu personali ta' applikazzjoni tagħha jinkludi kemm iċ-ċittadini Ewropej kif ukoll iċ-ċittadini ta' pajjiżi terzi. It-Titolu V huwa ddedikat għad-drittijiet taċ-ċittadini, iżda anke hawn l-Artikolu 41 (Id-dritt għal amministrazzjoni tajba) u l-Artikolu 45.2 (Il-libertà ta' moviment u ta' residenza) jinkludu wkoll lil ċittadini ta' pajjiżi terzi.

5.4

Il-KESE jemmen li l-bqija tad-dispożizzjonijiet tal-Karta japplikaw għal kulħadd, tkun xi tkun in-nazzjonalità tagħhom. Il-Karta tillimita s-setgħa ta' diskrezzjoni tal-Istati Membri rigward kwistjonijiet marbutin mas-sigurtà tar-residenza, ir-riunifikazzjoni mal-familja, it-tkeċċija u anke l-kisba u t-telf tan-nazzjonalità. Wieħed mill-aspetti fundamentali huwa l-Kapitolu VI dwar il-ġustizzja, li jinkludi d-dritt għal rimedju effettiv u l-protezzjoni legali effettiva jekk jinkisru xi drittijiet fundamentali u taċ-ċittadinanza.

5.5

Il-KESE jemmen li bejniethom, iċ-ċittadinanza tal-Unjoni u l-Karta, jistgħu jħallu effetti profondi fuq it-twessigħ tal-ambitu personali tal-istatus taċ-ċittadinanza Ewropea. Waħda mill-ikbar sfidi li għad trid tiġi indirizzata hija dik li jiġi żgurat aċċess għal protezzjoni legali effettiva taċ-ċittadini ta' pajjiżi terzi li d-drittijiet u l-libertajiet fundamentali tagħhom ikunu ġew soġġetti għal eżenzjonijiet jew miksura mill-Istati Membri u l-awtoritajiet tagħhom fl-ambitu tal-liġi Ewropea (12).

5.6

Matul il-ħidmiet preparatorji tal-Konvenzjoni Ewropea, il-KESE adotta Riżoluzzjoni li fiha ppropona "… Hemm bżonn li jittejbu l-politiki ta' integrazzjoni tal-immigranti. Il-Kumitat jappella biex il-Konvenzjoni tanalizza l-possibbiltà li ċ-ċittadinanza tal-Unjoni tingħata liċ-ċittadini ta’ pajjiż terzi li jkollhom status ta’ residenti għat-tul…" (13).

5.7

Fil-Komunikazzjoni tagħha dwar politika tal-migrazzjoni għall-UE (14), il-Kummissjoni stabbilixxiet l-għan li jiġi żviluppat qafas legali Ewropew għall-ammissjoni u r-residenza ta' ċittadini ta' pajjiżi terzi u status legali komuni li jkun ibbażat fuq il-prinċipju li d-drittijiet u r-responsabbiltajiet jingħataw fuq bażi ta' ugwaljanza maċ-ċittadini Ewropej, iżda li ssir differenza fit-tul ta' żmien ta' kemm wieħed ikun ilu joqgħod.

5.8

Jekk l-emigranti jitħallew jiksbu ċ-ċittadinanza ladarba jkunu għaddew mill-inqas ħames snin fil-pajjiż, dan jista' jkun garanzija biżżejjed biex ħafna emigranti jistabbilixxu ruħhom tajjeb fis-soċjetà, jew jista' jkun l-ewwel pass lejn il-kisba tan-nazzjonalità tal-Istat Membru.

5.9

Fl-Opinjoni tiegħu dwar "L-aċċess għaċ-ċittadinanza tal-Unjoni Ewropea", il-KESE indika li din id-definizzjoni wiesgħa taċ-ċittadinanza Ewropea taqbel ma' dik adottata mill-Kummissjoni Ewropea u li ssejħet "ċittadinanza ċivika".

5.10

Il-KESE jaqbel li "ċittadinanza ċivika" fil-livell Ewropew għandha tinftiehem bħala "ċittadinanza parteċipattiva u inklużiva" għal kull min joqgħod b'mod stabbli fit-territorju tal-Unjoni, u fejn wieħed mill-prinċipji ewlenin ikun li kulħadd huwa l-istess quddiem il-liġi. Fl-Opinjoni tiegħu dwar "L-aċċess għaċ-ċittadinanza tal-Unjoni Ewropea" l-KESE diġà stqarr li b'hekk ser jintlaħaq "kompromess dwar it-trattament indaqs sabiex tiġi promossa u ffaċilitata l-integrazzjoni ċivika taċ-ċittadini ta' pajjiżi terzi stabbiliti b'mod stabbli u regolari f'xi Stat Membru tal-Unjoni Ewropea (ugwaljanza quddiem il-liġi)" u ser tkompli l-ġlieda kontra d-diskriminazzjoni attwali li jbatu ċ-ċittadini ta' pajjiżi terzi.

6.1

Matul l-aħħar għaxar snin, l-Ewropa stabbilixxiet politiki, adottat leġislazzjonijiet u waqqfet każistika li huma rilevanti ħafna kemm għaċ-ċittadinanza tal-Unjoni kif ukoll għall-istatus taċ-ċittadini ta' pajjiżi terzi. Dawn il-proċessi fissru espansjoni gradwali tad-drittijiet, il-libertajiet u l-garanziji taċ-ċittadinanza Ewropea, fuq il-bażi tar-residenza. Madankollu l-KESE jemmen li din l-espansjoni mhijiex kompleta u għandha wisq limitazzjonijiet.

6.2

Wieħed mill-aktar passi importanti fil-qasam legali kienet l-adozzjoni tad-Direttiva dwar iċ-ċittadinanza 2004/38, li armonizzat fi strument legali wieħed il-qafas regolatorju Ewropew dwar il-moviment liberu u r-residenza li qabel kien imferrex u maqsum. L-UE kienet partikolarment attiva fir-rikonoxximent tad-drittijiet u d-dispożizzjonijiet kontra d-diskriminazzjoni taċ-ċittadini ta' pajjiżi terzi li huma qraba ta' ċittadini Ewropej. Id-Direttiva tirrikonoxxi espressament diversi drittijiet u libertajiet għall-qraba li huma ċittadini ta' pajjiżi terzi li huma simili għal dawk taċ-ċittadini Ewropej.

6.2.1

Il-KESE jaqbel mal-Kummissjoni li waħda mill-iktar sfidi importanti hija li d-drittijiet previsti fid-Direttiva jkunu aċċessibbli għal kulħadd fil-ħajja ta' kuljum, billi jitneħħew ċerti prattiki nazzjonali ħżiena, u billi tingħata protezzjoni legali effettiva lil dawk kollha li l-libertajiet ta' ċittadinanza tagħhom ikunu ġew miksura.

6.2.2

Filwaqt li dawn id-"drittijiet ta' ċittadinanza" jinbtu direttament mir-relazzjoni familjari, l-aċċess għalihom jista' jseħħ biss meta ċ-ċittadini Ewropej u l-familji tagħhom jeżerċitaw il-moviment liberu jew jemigraw lejn Stat Membru ieħor. L-eżerċizzju tal-mobbiltà intra-Ewropea għadu waħda mill-kundizzjonijiet biex il-qraba jingħataw il-protezzjoni mogħtija miċ-ċittadinanza Ewropea (15). Id-Direttiva tirrikonoxxi wkoll id-dritt ta' residenza permanenti għal dawn il-qraba wara perjodu ta' ħames snin ta' residenza.

6.2.3

Madankollu, il-KESE jqis li l-awtoritajiet nazzjonali għad għandhom liġijiet u prattiki li jxekklu l-libertà tal-moviment u tar-residenza tal-qraba taċ-ċittadini Ewropej. Barra minn hekk, għadhom jeżistu sitwazzjonijiet ta' diskriminazzjoni bil-maqlub li jsofru minnhom il-qraba ta' ċittadini Ewropej li huma barranin, li għandhom jiġu solvuti (16).

6.3

Il-Qorti tal-Ġustizzja tal-UE kienet attiva ħafna u kellha rwol pożittiv fil-ħarsien u l-interpretazzjoni b'mod proattiv tar-regoli u d-drittijiet individwali marbutin maċ-ċittadinanza Ewropea (17). Il-QĠUE stqarret li ċ-ċittadinanza Ewropea hija destinata li ssir l-istatus fundamentali taċ-ċittadini Ewropej (18).

6.3.1

Il-KESE jilqa' bi ħġaru l-każistika li nstiltet mill-Qorti tal-Ġustizzja dwar iċ-ċittadinanza u jinnota li l-biċċa l-kbira tal-każistika tal-QĠUE ġiet inkorporata bl-adozzjoni tad-Direttiva, peress li ġabret flimkien is-sentenzi l-aktar rilevanti tagħha dwar is-suġġetti relatati mal-moviment liberu u ċ-ċittadinanza Ewropea sal-2004.

6.3.2

Il-QĠUE ipproduċiet ukoll każistika estensiva dwar il-prinċipji ġenerali tal-liġi Ewropea (19), bħal dawk b'rabta mal-proporzjonalità u n-nondiskriminazzjoni, li jridu jiġu applikati għal kulħadd, indipendentement min-nazzjonalità jew l-istatus migratorju tagħhom, li jiġu affettwati minn azzjonijiet jew liġijiet tal-Unjoni. Il-każistika misset saħansitra l-kompetenzi tal-Istati Membri dwar kwistjonijiet tal-kisba jew it-telf tan-nazzjonalità, u l-implikazzjonijiet ta' dan fuq iċ-ċittadinanza Ewropea u d-drittijiet marbutin magħha.

6.3.3

Il-Qorti nnutat diversi drabi li, fl-eżerċizzju tal-kompetenzi tagħha dwar kwistjonijiet ta' nazzjonalità, l-Istati Membri għandhom l-obbligu li jagħtu attenzjoni speċjali lill-konsegwenzi tal-leġislazzjoni u d-deċiżjonijiet tagħhom fil-qafas tal-liġi Ewropea dwar iċ-ċittadinanza u l-moviment liberu, b'mod partikolari, l-eżerċizzju sħiħ tad-drittijiet u l-libertajiet marbutin maċ-ċittadinanza tal-Unjoni (20).

6.4

Sa mill-2003 hemm fis-seħħ pakkett ta' liġijiet Ewropej dwar l-immigrazzjoni, bi strumenti legali relatati mal-kundizzjonijiet tad-dħul u r-residenza ta' ċittadini ta' pajjiżi terzi. Uħud mid-drittijiet u l-garanziji huma simili għal dawk taċ-ċittadinanza Ewropea. Id-Direttiva 2003/109  (21) dwar l-istatus ta’ ċittadini ta’ pajjiżi terzi li jkunu residenti għat-tul stabbilixxiet status legali komuni għaċ-ċittadini ta' pajjiżi terzi li joqogħdu b'mod legali u bla interruzzjonijiet fit-territorju tal-Istat Membru għal perjodu ta' ħames snin.

6.4.1

Il-KESE jinnota li l-approċċ tad-Direttiva kien it-tqarrib tal-istatus taċ-ċittadini Ewropej u dak ta' ċittadini ta' pajjiżi terzi li huma residenti għat-tul, kif ukoll il-protezzjoni tas-sigurtà tar-residenza tagħhom fl-Unjoni. Madankollu, l-istatus komuni għadu ma joffrix ugwaljanza u ċittadinanza sħiħa lil dawn il-persuni, iżda "kważi ugwaljanza" jew "ugwaljanza ta' terza klassi" soġġetta għal għadd ta' kundizzjonijiet (22). Kif innutat il-Kummissjoni Ewropea fir-rapport tagħha dwar l-applikazzjoni tad-Direttiva (23), filwaqt li l-Artikolu 11 tad-Direttiva jipprevedi trattament kważi ugwali bejn ir-residenti għat-tul u ċ-ċittadini, hemm nuqqas ta' informazzjoni dwar il-mod kif ser jiġi applikat, u dan joħloq problemi għall-implimentazzjoni effettiva tiegħu.

6.4.2

Min-naħa l-oħra, id-Direttiva tipprevedi, bħala wieħed mill-aspetti tal-valur miżjud tagħha, il-possibbiltà li jiġi eżerċitat il-"moviment liberu" jew il-mobbiltà lejn it-tieni Stat Membru u li jinkiseb trattament "kważi ugwali". L-inklużjoni ta' dimensjoni ta' mobbiltà intra-Ewropea jew moviment liberu tfakkarna fl-istess mudell ta' ċittadinanza tal-Unjoni li segwew il-liġijiet Ewropej taċ-ċittadinanza biex jippromovu l-mobbiltà intra-Ewropea.

6.5

Direttivi oħra marbutin mal-liġi Ewropea dwar l-immigrazzjoni wkoll jinkludu approċċ u dimensjoni ta' "mobbiltà intra-Ewropea" simili għal dawk tal-istatus għat-tul, biex is-swieq tax-xogħol Ewropej isiru aktar attraenti, bħad-Direttiva 2009/50 tal-Karta Blu għall-immigranti kkwalifikati ħafna.

6.6

Madankollu l-KESE jqis li, minħabba li ċerti Stati Membri japplikaw id-Direttivi b'mod ħażin, il-kundizzjonijiet u l-kriterji applikabbli għaċ-ċittadini ta' pajjiżi terzi u l-familji tagħhom biex jgħixu u jaħdmu fit-tieni Stat Membru li jkun differenti minn dak li kien tahom il-permess Ewropew għadhom 'il bogħod milli jkunu ekwivalenti għal-libertà tal-moviment transkonfinali taċ-ċittadini Ewropej.

6.7

Barra minn hekk, in-natura frammentata u settorjali tal-qafas leġislattiv fil-qasam tal-immigrazzjoni legali ma jgħinx it-trattament indaqs u biex ikun hemm qafas uniformi ta' drittijiet għaċ-ċittadini ta' pajjiżi terzi li jgħixu u jixtiequ jeżerċitaw il-moviment liberu fl-UE (24).

7.1

F'Opinjonijiet oħra l-Kumitat ippropona li jittejjeb id-djalogu politiku u soċjali mal-pajjiżi ta' oriġini tal-immigranti li jiġu l-Ewropa. Il-KESE jilqa' l-fatt li ġew iffirmati diversi ftehimiet.

7.2

Dan id-djalogu għandu jinkludi wkoll id-drittijiet taċ-ċittadinanza. Il-Kumitat jemmen li l-ftehimiet bejn l-Istati li jippermettu n-nazzjonalità doppja huma pożittivi ħafna biex iċ-ċittadini ta' pajjiżi terzi jkunu jistgħu jgawdu mid-drittijiet ċivili, soċjali u politiċi.

7.3

Iżda xi Stati Membri ma jagħtux id-drittijiet politiċi jekk dawn ma jkunux reċiproċi. Il-Kumitat jinnota li, għalkemm il-ftehimiet huma strument pożittiv, f'xi każijiet iwasslu għal limitazzjoni tad-drittijiet tal-persuni meta l-pajjiżi ta' oriġini ma jsegwux il-kriterju tar-reċiproċità.

7.4

Il-KESE jixtieq li l-politika esterna tal-UE tieħu l-impenn sħiħ li tħeġġeġ governanza dinjija tal-migrazzjoni internazzjonali fil-qafas tan-Nazzjonijiet Uniti (NU) abbażi, fost strumenti legali internazzjonali applikabbli oħra, tad-Dikjarazzjoni Universali tad-Drittijiet tal-Bniedem, il-Konvenzjoni Internazzjonali tan-NU dwar il-Ħarsien tad-Drittijiet tal-Ħaddiema Migranti Kollha u tal-Membri tal-Familji tagħhom (il-Kumitat ippropona (25) li l-UE tirratifika din il-Konvenzjoni), il-Patt Internazzjonali dwar id-Drittijiet Ċivili u Politiċi, il-Patt Internazzjonali dwar id-Drittijiet Ekonomiċi, Soċjali u Kulturali u l-konvenzjonijiet tal-ILO.

6.3.2014   

MT

Il-Ġurnal Uffiċjali tal-Unjoni Ewropea

C 67/23

1.1

L-obsolenza ppjanata tidher li hija relatata ma' mod ta' produzzjoni industrijali li jirrikjedi livell minimu ta' tiġdid tal-prodotti tiegħu. Għalkemm dan it-tiġdid tal-prodotti jidher li huwa neċessarju għandhom jiġu miġġielda ċerti abbużi. Il-Kumitat Ekonomiku u Soċjali Ewropew jagħmel distinzjoni bejn il-ħolqien deliberat ta' difetti interni u t-tħaffif tal-modi ta' konsum tagħna. Filwaqt li jeħtieġ li nistaqsu dwar il-prattiki ta' kummerċjalizzazzjoni li jippromovu innovazzjonijiet ewlenin mentri fil-fatt sikwit ikunu sekondarji, l-għan tal-opinjoni tagħna hu li jiġu kkontrollati każ b'każ l-aktar każijiet evidenti u li jittejbu l-garanziji għall-konsumaturi. L-għan hu li jingħata kontribut biex titjieb il-fiduċja fir-rigward tal-intrapriżi Ewropej tagħna. Il-proposti huma ta' natura teknika, kummerċjali, leġislattiva, edukattiva u informattiva. Dawn il-proposti jagħmlu parti minn qafas strateġiku ta' bilanċ aħjar, li huwa ġust u leali, fil-katina tal-produzzjoni, id-distribuzzjoni u l-konsum.

1.2

Il-KESE jesprimi x-xewqa li jiġu projbiti għalkollox il-prodotti maħluqa b'difetti interni b'tali mod li jwasslu sabiex il-prodott ma jkunx jista' jibqa' jintuża aktar. Dawn il-każijiet rari iżda evidenti, bħall-każ li ġie kopert ħafna mill-mezzi tax-xandir tal-printers li ġew iddisinjati biex jieqfu jaħdmu wara ċertu żmien ta' użu, jistgħu biss irawmu l-isfiduċja tal-konsumaturi fir-rigward tal-intrapriżi.

1.3

Il-KESE jirrakkomanda lill-intrapriżi biex jiffaċilitaw it-tiswija tal-prodotti tagħhom. Dan għandu jsir bi tliet modi: il-possibbilitajiet tekniċi (pereżempju t-tablets bil-batteriji li jkunu ssaldjati fl-apparat b'tali mod li jkun impossibbli ssewwihom u b'hekk ikollhom jiġu sostitwiti bi prodotti ġodda), iż-żamma tal-possibbiltà li l-konsumaturi jakkwistaw il-komponenti meħtieġa għat-tiswija sa ħames snin wara minn meta jinxtara l-prodott u fl-aħħar, ix-xiri ta' prodott għandu jkun akkumpanjat minn informazzjoni dwar il-possibbiltajiet ta' tiswija u l-mod kif għandhom isiru t-tiswijiet. B'mod aktar ġenerali, permezz tal-Opinjoni tiegħu, il-KESE jħeġġeġ appoġġ b'saħħtu għad-dimensjoni soċjali u għas-settur tat-tiswija. L-approċċ sabiex tittejjeb il-fiduċja bejn l-intrapriżi u l-pubbliku tagħhom għandu jiġi kkunsidrat l-aktar fir-rigward tal-possibbiltajiet ta' appoġġ għall-impjiegi li din tista' toħloq.

1.4

Huwa u jħares lil hinn mit-triq tar-regolamentazzzjoni vinkolanti, il-KESE jħeġġeġ approċċ volontarju ta' ċertifikazzjoni. Pereżempju, fis-settur tat-tagħmir tad-dar il-garanziji ta' 10 snin jew 20 sena fuq il-komponenti naturalment kienu punt b'saħħtu għall-bejgħ. Din il-garanzija tista' tiġi standardizzata fil-livell tal-UE u tkun applikabbli għall-prodotti kollha li jinxtraw fit-territorju tat-28 pajjiż tal-Unjoni sabiex ma jiġux ippenalizzati l-intrapriżi Ewropej. Bl-istess mod, il-manifatturi jistgħu jippubblikaw figuri dwar l-aktar ħsarat frekwenti peress li jafu liema huma l-aktar rikorrenti. Ikunu jistgħu jżommu stokk ta' dawk il-komponenti partikolari biss jew jipproduċuhom fuq talba jew isibu sottokuntratturi fin-netwerk tal-provvista tagħhom li jkunu lesti li jipproduċuhom. Dan jista' jirrappreżenta impenn kbir minn naħa ta' ċerti tipi ta' intrapriżi biex jiggarantixxu l-affidabbiltà tal-prodotti tagħhom u, lil hinn mir-relazzjonijiet tagħhom mal-konsumaturi, dan jikkorrespondi mal-idea ta' ċertifikazzjoni volontarja biex jiġu provduti l-mezzi għall-manutenzjoni tal-prodotti u biex dawn jibqgħu tajbin għal żmien itwal.

1.5

Il-KESE jħeġġeġ lill-Istati Membri biex jikkunsidraw il-parametri kontra l-obsolenza ppjanata fi ħdan il-politika tal-akkwist pubbliku tagħhom. Minħabba l-importanza tal-ordnijiet statali fil-pajjiżi tal-Unjoni Ewropea (16 % tal-PDG) l-awtoritajiet pubbliċi għandhom rwol importanti x'jaqdu u barra minn hekk għandhom ikunu ta' eżempju.

1.6

Il-KESE jemmen li t-titjib tal-kwalità u tas-sostenibbiltà tal-prodotti manifatturati ser joħloq impjiegi dejjiema fl-Ewropa u għaldaqstant għandu jitħeġġeġ. Dawn il-bidliet, jekk ikunu akkumpanjati mit-taħriġ adatt, jistgħu jgħinu għall-ħruġ mill-kriżi li laqtet lill-impjegati Ewropej b'mod kiefer ħafna.

1.7

Il-KESE jirrakkomanda li tiġi provduta informazzjoni dwar l-istima tat-tul tal-ħajja tal-prodotti jew in-numru ta' drabi li huwa stmat li jintużaw sabiex il-konsumatur ikun jista' jagħmel deċiżjonijiet informati huwa u jixtri l-prodotti. Jirrakkomanda li fuq bażi volontarja jiġu ttestjati modi kif jiġu espressi l-prezzijiet stmati fis-sena skont it-tul tal-ħajja fis-sena, sabiex jitħeġġeġ ix-xiri ta' prodotti dejjiema; din l-informazzjoni dwar l-istima tat-tul tal-ħajja għalhekk għandha tiġi kkontrollata sabiex jiġi evitat l-abbuż li jkunu vittma tiegħu l-konsumaturi. Il-konsumatur b'hekk ikun jista' jixtri prodotti aktar għaljin iżda li jżommu l-valur tagħhom aħjar maż-żmien. Dan żgur li jista' jħeġġeġ lill-intrapriżi tagħna biex jipproduċu prodotti aktar dejjiema. Din l-informazzjoni għandha tiffoka fuq dik l-informazzjoni rilevanti li jkollu bżonn il-konsumatur u għandha tvarja skont il-kategoriji tal-prodotti sabiex jiġi evitat li jkun hemm informazzjoni eċċessiva fuq ċerti tipi ta' pakketti.

1.8

Il-KESE jqis li jkun utli li tiġi implimentata sistema li tiggarantixxi tul ta' ħajja minimu tal-prodotti mixtrija. Bħalissa ma teżisti l-ebda leġislazzjoni dwar tul ta' ħajja minimu għall-prodotti, u lanqas ma jeżistu standards Ewropej li jkejlu dan it-tul ta' ħajja. Madankollu, qed jibdew jitniedu inizjattivi fir-rigward tat-tikkettar ambjentali. L-intrapriżi li jipproduċu jew jikkummerċjalizzaw il-prodott għandhom jinternalizzaw l-ispejjeż esterni tar-riċiklaġġ għall-prodotti b'tul ta' ħajja ta' anqas minn 5 snin, speċjalment jekk il-prodott ikun magħmul minn sustanzi li jagħmlu ħsara lill-ambjent.

1.9

Il-KESE jipproponi li l-garanziji marbuta max-xiri ta' prodott jinkludu garanzija minima ta' funzjonament, li matulha l-ispiża ta' kwalunkwe tiswijiet tiġġarrab mill-produttur.

1.10

Il-konsumatur iġarrab il-biċċa l-kbira tal-ispiża tat-tnaqqis tat-tul ta' ħajja tal-prodotti u tad-diffikultajiet b'rabta mal-fatt li ma jkunx jaqbel li jissewwew; il-konsumatur iġarrab ukoll il-politika tal-intrapriżi iżda wkoll dik ta' ċerti distributuri li xi kultant jipprovaw ibiegħu estensjonijiet ta' garanziji wara l-ewwel sena għalkemm il-garanziji ta' sentejn huma obbligatorji. Jidher li sikwit il-konsumatur ftit li xejn ikun infurmat dwar id-drittijiet tiegħu. Komunikazzjoni aħjar, speċjalment permezz tas-siti elettroniċi u n-netwerks soċjali, tista' ssaħħaħ is-sensibilizzazzjoni fost il-konsumaturi. Osservatorju Ewropew tal-Obsolenza programmata jista' jippermetti biex il-konsumaturi jkollhom viżjoni aħjar tal-prattiki kif ukoll biex jiggwidaw aħjar l-għażliet tagħhom.

1.11

Is-sensibilizzazzjoni tal-konsumaturi hija neċessarja biex il-prodotti jintużaw sew u b'mod sostenibbli. Barra minn hekk, huwa importanti li l-konsumaturi jiġu mgħarrfa dwar it-tul ta' ħajja minimu tal-prodotti, għax dan huwa rilevanti meta tkun qed tittieħed deċiżjoni dwar ix-xiri ta' prodott. F'dan il-kuntest, tintlaqa' tajjeb kull attività jew inizjattiva kummerċjali u min-negozji li ssir b'mod volontarju.

1.12

Il-konsumatur sikwit ikollu l-impressjoni li jrid jaffronta ġungla leġislattiva ta' vera. Għalkemm jeżistu bosta direttivi dwar l-obsolenza ppjanata (prattiki kummerċjali, skart, eċċ.) jidher li ftit hemm koordinazzjoni bejn it-testi kollha dwar is-suġġett u jeħtieġ li dawn jiġu armonizzati fil-qafas ta' pakkett leġislattiv.

1.13

Il-KESE jirrakkomanda li l-Istati Membri jħeġġu l-konsum responsabbli, speċjalment matul il-fażi edukattiva, sabiex il-konsumaturi jqisu l-impatt fuq l-ambjent mil-lat taċ-ċiklu tal-ħajja tal-prodott, l-impronta ekoloġika kif ukoll il-kwalità tal-prodotti. Il-Kumitat jirrakkomanda bis-sħiħ li r-rappreżentanti tal-konsumaturi jiġu involuti aktar fid-dibattitu li għaddej bħalissa dwar dan is-suġġett importanti u sensittiv peress li l-parteċipazzjoni tagħhom ser tiżgura approċċ aktar komprensiv.

1.14

Il-KESE jirrakkomanda li l-Kummissjoni Ewropea twettaq studji dwar is-suġġett sabiex tikkjarifika l-ammont kbir ta' informazzjoni, sikwit kontradittorja, li hija disponibbli. Dan jipprovdi stampa oġġettiva tal-impatt, b'mod partikolari dak ekonomiku u soċjali, tal-obsolenza ppjanata mhux biss mil-lat tal-benefiċċji li jkollha fuq ir-rotazzjoni tal-bejgħ tal-prodotti iżda wkoll fuq l-impjieg u l-bilanċ kummerċjali.

1.15

Il-KESE jipproponi li tiġi organizzata round table Ewropea ewlenija fl-2014 dwar dan is-suġġett. Din ir-round table għandha tiġbor lill-partijiet interessati kollha fis-suġġett: l-industrijalisti, l-atturi finanzjarji, id-distributuri, it-trejdjunjins, l-assoċjazzjonijiet tal-konsumaturi, l-NGOs, l-Aġenzija għall-Istandardizzazzjoni, l-esperti, eċċ. Għandha tkun ukoll multisettorjali sabiex ma tiffokax biss fuq xi setturi industrijali. Fl-aħħar, magħha għandu jiġi organizzat forum miftuħ għaċ-ċittadini tal-Unjoni Ewropea sabiex titħeġġeġ kemm jista' jkun il-parteċipazzjoni pubblika, u n-netwerks soċjali ser ikunu wieħed mill-mezzi użati biex titħeġġeġ din il-parteċipazzjoni.

1.16

B'mod aktar ġenerali, il-KESE jirrakkomanda li jitħaffu r-riċerka u l-iżvilupp madwar tliet assi li jxekklu l-obsolenza ppjanata:

1.17

Il-KESE, permezz tas-sinjal li qed jibgħat fil-livell Ewropew, qed jesprimi x-xewqa tiegħu li jidħol f'fażi ta' tranżizzjoni ekonomika billi jgħaddi minn soċjetà ta' ħela lejn soċjetà sostenibbli u li t-tkabbir jiġi orjentat b'tali mod li jindirizza l-bżonnijiet tal-konsumaturi mill-perspettiva taċ-ċittadini u qatt bħala għan fih innifsu.

2.1

L-obsolenza ppjanta hija suġġett preokkupanti għal diversi raġunijiet: minħabba t-tnaqqis tat-tul tal-ħajja tal-prodotti ta' konsum jiżdiedu l-konsum tar-riżorsi kif ukoll il-kwantità ta' skart ta' prodotti li jkunu waslu fi tmiem il-ħajja tagħhom li jkollu jiġi trattat. L-obsolenza ppjanata għandha diversi forom u tintuża biex jiżdied il-bejgħ u jiġi appoġġjat it-tkabbir ekonomiku billi jinħolqu b'mod deliberat bżonnijiet u prodotti tal-konsum li jkunu ddisinjati b'tali mod li ma jkunux jistgħu jissewwew.

2.2

Dan jirriżulta fil-ħela ta' riżorsi u l-ħolqien ta' tniġġis dannuż li laħqu livelli tant gravi li s-soċjetà ċivili u xi rappreżentanti politiċi li jħarsu lejn dawn il-prattiki b'għajn kritika qed jieħdu passi biex jenfasizzaw u jiġġieldu l-inkonsistenzi tas-sistema (rikorsi kollettivi fl-Istati Uniti kontra Apple, ilmenti li jsiru fil-Brażil u t-tressiq ta' proposti leġislattivi fil-Belġju u Franza fil-bidu tal-2013).

2.3

Huwa komuni li ssir distinzjoni bejn tipi differenti tal-"obsolenza ppjanta" peress li din tista' tiġi definita bħala "d-deprezzament tal-materjal jew it-tagħmir qabel jitgħarraq materjalment" (Dizzjunarju: Le Petit Larousse) sal-punt fejn id-deprezzament jew l-obsolenza tiegħu ma jkunux relatati mad-deterjorazzjoni fiżika iżda mal-progress teknoloġiku u l-bidliet fl-imġiba, il-moda, eċċ.

2.4

Jistgħu jiġu divrenzjati diversi tipi ta' obsolenza:

2.5

M'hemmx kunsens definittiv fir-rigward ta' dan. Dawn id-differenzi fit-tifsiriet kollha juru kemm hemm bżonn li jiġi definit il-kunċett ġenerali u li jiġu żviluppati miżuri divrenzjati skont l-aspetti oġġettivi (tekniċi) u suġġettivi (il-moda, il-kummerċjalizzazzjoni ta' prodotti ġodda) tal-obsolenza. Jista' jkun hemm prodotti li l-karattru effimeru tagħhom ikollu vantaġġ ambjentali. Barra minn hekk, l-obsolenza tiddependi wkoll mill-imġiba tal-konsumaturi.

2.6

L-approċċ li jirrakkomanda l-KESE huwa wieħed varjat. L-għan mhuwiex li jiżdied it-tul tal-ħajja tal-prodotti kollha b'mod uniformi iżda li tiġi kkunsidrata l-kwistjoni f'termini tal-użijiet tal-prodott. Bl-istess mod, huwa jippreferi approċċ li jottimizza l-użu tagħhom, anke jekk dan mhux neċessarjament itawwal il-ħajja tagħhom. Il-KESE jixtieq jikkontribwixxi għal perċezzjoni aħjar tal-affidabbiltà tal-prodotti tal-intrapriżi Ewropej.

2.7

Hemm ħafna raġunijiet għala l-Unjoni Ewropea għandha tindirizza l-kwistjoni tal-obsolenza ppjanata - dawn huma ta' natura ambjentali, soċjali, tas-saħħa pubblika, kulturali iżda wkoll ekonomiċi. Fil-fehma tagħna għandhom jiġu kkunsidrati wkoll aspetti aktar tanġibbli iżda daqstant importanti – dawn huma l-aspetti simboliċi u etiċi.

2.8

Minn perspettiva ambjentali, fid-dawl tar-rata annwali attwali ta' konsum tagħna ta' materja prima li hija ta' madwar 60 biljun tunnellata, il-konsum tagħna ta' riżorsi naturali żdied b'madwar 50 % matul dawn l-aħħar 30 sena. Għaldaqstant, ċittadin Ewropew jikkonsma 43 kg ta' riżorsi kuljum, meta mqabbel mal-10 kg li jikkonsma ċittadin Afrikan. L-Organizzazzjoni għall-Kooperazzjoni u l-Iżvilupp Ekonomiċi (OECD) stmat li, abbażi tal-livelli magħrufa għall-1999, "b'rata ta' tkabbir annwali tal-produzzjoni primarja tagħhom ta' 2 %, ir-riservi tar-ram, tan-nikil, tal-fidda, tal-landa u taż-żingu ser jispiċċaw fi 30 sena, u dawk tal-aluminju u l-ħadid ser jispiċċaw f'bejn 60 u 80 sena. L-era tal-iskarsezza għaldaqstant tapplika għal għadd dejjem akbar ta' materjali. Huwa stmat li l-Ewropa tiġġenera 8 miljun tunnellata (ċifri tal-2010) ta' skart minn tagħmir eletttroniku u elettriku fis-sena. Barra minn hekk, fl-Ewropa jiġu ġġenerati 10 miljun tunnellata ta' skart elettriku u elettroniku kull sena (ċifri tal-2012), u dan il-volum għandu jilħaq it-12-il miljun fl-2020. Apparti l-politiki ta' riċiklaġġ u ta' innovazzjoni, il-politiki ta' rkupru stabbiliti fid-Direttiva Ewropea l-ġdida li daħlet fis-seħħ fit-13 ta' Awwissu 2012 għandhom jiġu appoġġjati flimkien mal-ġlieda kontra l-obsolenza ppjanata.

2.9

Minn perspettiva soċjali, l-obsolenza ppjanta tirrappreżenta tliet tipi ta' problemi. L-ewwel nett, fil-kuntest tal-kriżi, il-loġika li ħolqot l-obsolenza ppjanata tal-prodotti ta' konsum ikkontribwixxiet għat-tħeġġiġ ta' xiri bi kreditu u b'rati ta' self bħal qatt qabel. Il-persuni li batew l-aktar mill-obsolenza huma dawk li ġejjin minn kategoriji soċjali żvantaġġati u li ma jistgħux iħallsu ħafna għal prodotti dejjiema u sikwit jikkuntentaw bi prodotti ta' livell inferjuri u ta' kwalità iktar baxxa. Imbagħad, hemm l-impjegati tal-intrapriżi tat-tiswija li kellhom iġarrbu l-konsegwenzi negattivi tal-obsolenza ppjanta. L-istatistika tar-rapport tal-ADEME (1) (2007) jikkonfermaw din it-tendenza: 44 % biss tat-tagħmir li ma jibqax jaħdem jissewwa. Fir-rigward tat-tagħmir b'garanzija skaduta id-distributuri jistmaw li 20 % tal-każijiet fejn tkun intalbet għajnuna jispiċċaw jissewew. L-istudju tal-ADEME (2010) juri wkoll tnaqqis konsiderevoli fl-attività ta' tiswija fi Franza bejn l-2006 u l-2009, b'mod partikolari fil-qasam tal-prodotti tad-dar. Is-settur tat-tiswija għandu l-vantaġġ li ma jistax jiġi rilokalizzat u fil-biċċa l-kbira tiegħu joffri impjiegi stabbli.

2.10

L-effetti f'termini ta' saħħa pubblika m'għandhomx jiġu injorati. Dawn huma ta' żewġ tipi. L-ewwel tip ta' konsegwenzi diretti jikkonċerna l-effetti tal-inċinerazzjoni għall-persuni li jgħixu fil-madwar minħabba l-fatt li l-komponenti elettroniċi huma tossiċi. It-tieni tip huwa fil-livell internazzjonali. Fil-fatt, tant hemm nuqqas ta' infrastruttura għat-trattament tal-iskart mis-settur tal-IT li bosta prodotti li m'għadhomx jaħdmu jiġu esportati illegalment lejn żoni ġeografiċi fejn jintremew bi spiża baxxa għall-aħħar iżda dan għandu diversi effetti fuq il-popolazzjonijiet lokali (ara l-eżempju tal-Gana fejn ir-ruttam ferruż jinġabar mill-iskart u jintbagħat lejn Dubai jew iċ-Ċina. Ħafna minn dan l-iskart jintbagħat fil-pajjiżi tan-Nofsinhar fejn joħloq problemi tas-saħħa u problemi ambjentali).

2.11

Il-konsegwenzi huma wkoll ta' natura kulturali. Sont xi studji, it-tul tal-ħajja medju tat-tagħmir tad-dar huwa ta' bejn 6 sa 8 snin filwaqt li l-medja kienet ta' bejn 10 u 12-il sena 20 sena ilu. Il-konsumaturi jistgħu jistaqsu b'mod leġittimu dwar it-tnaqqis tat-tul tal-ħajja tal-prodotti meta l-innovazzjoni qed tiġi promossa madwarhom. Il-fiduċja taċ-ċittadini Ewropej fir-rigward tal-industrija tagħhom tinbena fit-tul u tinqered bl-obsolenza. Fi żmien meta l-istħarriġ kollu tal-opinjoni pubblika jindika distanza enormi bejn l-Ewropej u l-industrija tagħhom, huwa ċar li l-idea ta' tmiem kmieni tal-ħajja jew l-impossibbiltà li prodott jissewwa mhumiex ser iqarrbu liċ-ċittadini Ewropej lejn l-intrapriżi tagħhom. Dan jispjega l-fatt li 92 % taċ-ċittadini Ewropej (2) jixtiequ li jiġi indikat it-tul tal-ħajja ta' prodott (jew l-ammont ta' drabi li jista' jintuża). Il-kompetittività tal-intrapriżi Ewropej tiddependi wkoll mit-titjib tal-fiduċja tal-konsumaturi fir-rigward tal-intrapriżi.

2.12

Fl-aħħar, il-konsegwenzi huma wkoll ta' natura ekonomika. Il-biċċa l-kbira tal-intrapriżi akkużati huma fil-qasam tat-teknoloġija avvanzata u l-prodotti tagħhom sikwit jiġu importati fl-Ewropa. L-Unjoni Ewropea, hi u tindirizza din il-kwistjoni, toffri lill-kumpaniji tagħha mod kif jispikkaw mill-oħrajn billi jpoġġu s-sostennibbiltà effettiva fil-prattika tagħhom.

2.13

Il-Kumitat Ekonomiku u Soċjali Ewropew huwa konxju wkoll ta' aspetti anqas tanġibbli iżda li xorta waħda huma importanti. Minn perspettiva simbolika, għalkemm il-ħidma tagħna hija bbażata fuq Rio+20 turi l-importanza li nagħtu lill-iżvilupp sostenibbli, nagħrfu wkoll li s-suġġett tal-obsolenza ppjanata huwa d-definizzjoni stess tal-iżvilupp sostenibbli hekk kif qed nippromovuh. Fil-fehma tagħna dwar ir-rwol li taqdi l-etika fis-soċjetà tagħna, inqisu li hija problematika li l-inġinieri jaħdmu biex jiżviluppaw prodotti li jiqdiemu b'mod mgħaġġel jew li dawk li jirreklamaw iniedu kampanji biex iħeġġu lill-konsumaturi jixtru prodotti filwaqt li jafu li dan mhux ser iżid il-livell ta' sodisfazzjon tagħhom.

6.3.2014   

MT

Il-Ġurnal Uffiċjali tal-Unjoni Ewropea

C 67/27

1.1

Il-birra hija xarba li ilha titgawda mill-komunitajiet madwar l-Ewropa għal diversi eluf ta' snin. Filwaqt li l-kulturi tal-birra jvarjaw b'mod sinifikanti madwar l-Ewropa, bi stili ta' birra u drawwiet ta' konsum differenti, il-birra għandha rwol importanti f'kull pajjiż tal-Unjoni Ewropea u hija parti integrali mill-kultura, il-patrimonju u l-alimentazzjoni. Il-Kumitat Ekonomiku u Soċjali Ewropew jenfasizza l-evoluzzjoni kontinwa tas-settur kif ukoll l-adattament u r-reżiljenza tiegħu anke fiċ-ċirkustanzi attwali ta' sfida. Jinnota kif is-settur huwa konformi mal-objettivi tal-Ewropa 2020 fl-oqsma differenti ta' prijorità dwar l-impjieg, is-sostenibbiltà, l-innovazzjoni, l-edukazzjoni u l-inklużjoni soċjali.

1.2

Il-Kumitat Ekonomiku u Soċjali Ewropew jiġbed l-attenzjoni tal-Kummissjoni Ewropea, il-Parlament Ewropew, il-Kunsill u l-Istati Membri dwar il-politiki ewlenin li għandhom jiġu kkunsidrati bis-serjetà biex l-industrija Ewropea tal-birra tilħaq il-potenzjal ta' tkabbir kollu tagħha. B'mod speċifiku, il-KESE jrid li dawk li jieħdu d-deċiżjonijiet:

1.3

Bl-istess mod il-Kumitat Ekonomiku u Soċjali Ewropew jinkoraġġixxi l-azzjoni fil-livelli tal-Istati Membri u dawk reġjonali u lokali biex:

1.4

Fil-fehma tal-Kumitat Ekonomiku u Soċjali Ewropew il-birreriji għandhom:

2.1

L-Unjoni Ewropea hija waħda mit-territorji l-aktar importanti fid-dinja għall-produzzjoni tal-birra. Fl-2011, il-volum tal-produzzjoni kien jaqbeż it-380 miljun ettolitru (1), magħmula minn madwar 4 000 birrerija mifruxin madwar l-Ewropa. Il-prodotti tagħhom jitqassmu mad-dinja kollha. F'termini ta' volum, l-UE hija attur ewlieni, u tipprovdi 'l fuq minn kwart tal-produzzjoni dinjija, u reċentament biss inqabżet miċ-Ċina, iżda xorta tgħaddi lill-Istati Uniti, lir-Russja, lill-Brażil u lill-Messiku (2).

2.2

L-industrija Ewropea tal-birra hija settur diversifikat ħafna f'termini ta' struttura. Hija prinċipalment komposta minn intrapriżi żgħar u ta' daqs medju li jvarjaw minn mikrobirreriji sa birreriji li joperaw fil-livelli lokali, reġjonali jew nazzjonali u tinkludi erba' birriera importanti li huma bbażati fl-Ewropa (3) u li huma mexxejja globali fil-qasam tagħhom. Iż-żieda fl-għadd ta' mikrobirreriji u birreriji żgħar ġodda tul l-aħħar għaxar snin hija sinjal interessanti ħafna tal-potenzjal ta' innovazzjoni tas-settur, u punt pożittiv għall-objettiv tas-sostenibbilità.

2.3

Il-katina tal-provvista marbuta mas-settur tal-birra hija magħmula minn operaturi lokali però fost il-kumpaniji tal-produzzjoni tal-malt, il-produtturi tat-tagħmir u l-fornituri ta' servizzi tekniċi nsibu mexxejja globali wkoll. L-istituti Ewropej tal-produzzjoni tal-birra jxerrdu wkoll l-għarfien tagħhom mad-dinja kollha. Avvenimenti bħalma huma l-kungress tal-Konvenzjoni Ewropea tal-Birreriji jew konferenzi individwali dwar il-birra jattiraw viżitaturi mid-dinja kollha.

2.4

Il-birra hija prodott agrikolu pproċessat ewlieni, u tirrapreżenta 'l fuq minn EUR 2 biljun f'termini ta' valur ta' esportazzjoni (4). Hija koperta wkoll mill-politika tal-UE dwar il-kwalità tal-prodotti agrikoli (5), permezz tal-iskemi tagħha ta' DPO/IĠP (6), li jkopru aktar minn EUR 2,3 biljun f'termini ta' valur tal-bejgħ permezz ta' 23 indikazzjoni ġeografika (7). Madankollu, id-diversità ġeografika tal-birriera f'dawk l-iskemi hija waħda limitata, għaliex joriġinaw minn anqas minn terz tal-pajjiżi tal-UE.

2.5

Il-komponenti ewlenin tal-birra huma ta' oriġini naturali u jinkludu l-ilma, iċ-ċereali, il-ħops u l-ħmira. L-ilma huwa l-aktar materja prima importanti użata mis-settur tal-birra, u jirrapreżenta madwar 92 % tal-kontenut fil-birra. Il-protezzjoni tal-ilma ta' taħt l-art għalhekk hija ta' tħassib ewlieni. Minħabba l-bżonn taċ-ċereali (bħalma huma x-xgħir, qamħ jew oħrajn) li huma sors essenzjali ta' lamtu għall-birra, ir-relazzjoni mal-komunità agrikola hija kruċjali għall-birriera u dawk li jipproduċu x-xgħir tal-birra.

2.6

L-Unjoni Ewropea hija wkoll l-attur prinċipali fis-suq dinji tal-ħops li jitkabbru f'erbatax-il Stat Membru (8), li bejniethom jirrapreżentaw madwar terz taż-żona li tintuża għat-tkabbir tal-ħops madwar id-dinja (9), filwaqt li s-settur tal-produzzjoni tal-birra huwa l-klijent prinċipali tal-produtturi tal-ħops fl-Ewropa. Il-kompetizzjoni fost il-produtturi tal-ħops kif ukoll it-trattament difrenzjat fi ħdan il-politiki agrikoli li hemm fis-seħħ bejn l-Istati Membri tal-UE għandu mnejn jeħtieġu reviżjoni biex jiġu evitati distorsjonijiet tas-suq li jistgħu jħallu impatt ħażin fuq il-birriera fuq perjodu ta' żmien twil.

2.7

Id-dipendenza tal-birriera fuq is-settur agrikolu għall-materji prima tagħhom kien ifisser li fis-snin reċenti l-industrija kellha tiffaċċja prezzijiet ogħla għall-materjali agrikoli li jintużaw fil-produzzjoni tal-birra, minħabba ħsad ta' kwalità li tvarja u minħabba l-volatilità tal-prezzijiet. Ir-relazzjoni bejn il-fornituri tal-materjali u l-birriera għandha tiġi ggwidata minn approċċ sostenibbli applikabbli għal perjodu ta' żmien twil fejn dan huwa possibbli u meħtieġ.

2.8

Fl-2010, il-bejgħ totali tal-birra kien jammonta għal EUR 106 biljun, inkluż il-VAT, li tirrapreżenta 0,42 % tal-PDG tal-UE. Huwa stmat li aktar minn 63 % tal-produzzjoni Ewropea tal-birra tinxtara fis-supermarkets jew fi ħwienet tan-negozju oħrajn ("mingħajr liċenzja"). Is-37 % l-oħrajn huma ikkonsmati fis-settur tal-ospitalità (eż. bars, ħwienet tax-xorb, ristoranti; tal-konsum fuq il-post).

3.1

F'dawn l-aħħar ħmistax-il sena s-suq Ewropew tal-birra kien soġġett għal żviluppi differenti f'termini ta' avvanzi tekniċi, investimenti, fużjonijiet, struttura ġdida tal-kumpaniji u attitudni tal-konsumatur. Il-waqgħa fil-konsum mill-2007 'l hawn qed ikollha impatt dirett fuq l-attivitajiet tal-birriera. Wara snin ta' tkabbir fl-Unjoni Ewropea l-produzzjoni tal-birra ġarrbet tnaqqis f'daqqa minn 420 miljun ettolitru għal 337 miljun ettolitru fl-2011. Minkejja dan, fis-snin li ġejjin huma mistennija rkupru u potenzjal għat-tkabbir, sakemm iċ-ċirkostanzi ekonomiċi u regolatorji jkunu favorevoli u jippermettu.

3.2

Il-kriżi ekonomika u l-waqgħa fil-konsum wasslu għar-ristrutturar tas-settur fl-Ewropa, li kien immexxi minn konsolidazzjoni tal-attivitajiet fuq il-kontinent u minn investiment barra l-UE mill-gruppi internazzjonali u nazzjonali li huma akbar. Fl-istess ħin, in-numru ta' birreriji iżgħar kiber fil-pajjiżi kollha, u dan żviluppa d-diversità tal-għażla għall-konsumatur u jikkonferma l-mentalità intraprendirojali tal-birriera b'konformità mal-Pjan ta' Azzjoni għall-Intraprenditorija 2020 (10). Dan huwa żvilupp favorevoli fil-perspettiva ta' sostenibbiltà, peress li tipikament hemm effetti sekondarji fir-rigward tat-turiżmu reġjonali, kif ukoll ċrieki li ta' sikwit huma iżgħar ta' produzzjoni u konsum, li huwa ta' benefiċċju ambjentali.

3.3

Iċ-ċirkostanzi ekonomiċi wasslu wkoll biex il-birra tiġi kkonsmata aktar id-dar milli fil-bars jew fir-ristoranti, u b'hekk anqas impjiegi, anqas valur miżjud u anqas dħul għall-gvern iġġenerati minn kull litru ta' birra li tinxtorob fl-UE (11). Pressjonijiet li kienu aktar qawwija fuq il-prezzijiet fis-settur tal-bejgħ bl-imnut influwenzaw ukoll din ix-xejra.

3.4

In-numru dejjem jikber ta' birriera u l-innovazzjoni tal-prodotti wasslu wkoll biex joħorġu prodotti ġodda u minnhom igawdu l-konsumatur, is-soċjetà u l-ambjent. Permezz tad-diversifikazzjoni f'birer b'kontenut alkoħoliku baxx jew mingħajr alkoħol inħolqu wkoll opportunitajiet għall-birriera ta' kull daqs, u dan wassal għal żidiet fil-bejgħ, filwaqt li qed tiżdied ukoll b'mod konsistenti d-disponibbiltà ta' birer organiċi.

3.5

Is-settur tal-produzzjoni tal-birra jipprovdi benefiċċji sostanzjali għall-gvernijiet nazzjonali f'termini fiskali. Minħabba l-produzzjoni u l-bejgħ tal-birra, il-gvernijiet jirċievu ammonti sinifikanti ta' dħul mis-sisa, mill-VAT, minn taxxi relatati mad-dħul u minn kontribuzzjonijiet tas-sigurtà soċjali imħallsin mill-ħaddiema u dawk li jħaddmuhom fis-settur tal-birra kif ukoll f'setturi oħrajn relatati fejn l-impjiegi jistgħu jiġu attribwiti indirettament mas-settur tal-birra. Fl-2010 dan id-dħul kien jammonta għal madwar EUR 50,6 biljun (12).

3.6

Ir-reżiljenza tas-settur tal-birra għad-diffikultajiet ekonomiċi attwali ġiet ittestjata wkoll minn piż tat-taxxa li qed jiżdied, prinċipalment id-dazju fuq is-sisa, iżda wkoll mir-rati tal-VAT partikolarment fuq is-setttur tal-ospitalità. Dawk iż-żidiet komplew iħarrxu s-sitwazzjoni ekonomika skomda partikolarment f'pajjiżi bħall-Ungerija, il-Finlandja, Franza, il-Pajjiżi l-Baxxi u r-Renju Unit (13). Fil-perjodu 2008-2010, it-total tal-valur miżjud attribwit għall-produzzjoni u l-bejgħ tal-birra fl-UE naqas b'10 % (14) u t-taxxa totali miġbura mis-settur tal-birra fl-UE naqset b'EUR 3,4 biljun.

3.7

Is-sistema ta' dazju fuq is-sisa fil-livell nazzjonali u tal-UE għandha tirrikonoxxi l-karatteristiċi uniċi tal-birra, inkluż il-kontenut tal-alkoħol ġeneralment baxx tagħha, il-proċess tal-produzzjoni u l-kontribut tas-settur tal-birra għas-soċjetà, il-ħolqien tal-impjiegi u l-ekonomija f'sens aktar wiesa'. Għal dan il-għan il-birra, bħala xarba ffermentata, għandu jkollha kundizzjonijiet indaqs u għaldaqstant, ir-rata minima ta' żero ewro applikabbli għall-inbid u xarbiet oħrajn ifferermentati għandha tiġi stabbilita għall-birra fil-leġislazzjoni tal-UE dwar is-sisa (15).

3.8

Politika bilanċjata dwar is-sisa fil-livell nazzjonali u użu aħjar tal-mekkaniżmi eżistenti għall-kooperazzjoni fi ħdan l-amministrazzjoni fiskali jistgħu jsiru strument biex jiġu evitati l-kummerċ immexxi mit-taxxa u l-prattiki relatati li jagħmlu ħsara, u b'hekk tkun qed tingħata għajnuna lis-settur tal-birra biex iżomm il-kompetittività tiegħu partikolarment f'żoni konfinali.

3.9

Minħabba l-importanza tas-settur tal-bejgħ tal-birra għall-konsum fuq il-post (16), il-politika tat-tassazzjoni tista' wkoll taqdi rwol bħala miżura li ttejjeb it-tkabbir għas-setturi tal-konsum fuq il-post u tal-produzzjoni tal-birra, b'impatt pożittiv għall-impjieg fil-livell lokali.

3.10

Minkejja li qed tiffaċċja kundizzjonijiet ħżiena, l-industrija Ewropea tal-birra għadha reżiljenti u kompetittiva. Il-birriera lokali għadhom qed iżommu l-pożizzjoni tagħhom fis-swieq barra mill-fruntieri nazzjonali u dawk tal-UE. Minkejja li l-parti l-kbira tal-produzzjoni Ewropea hija kummerċjalizzata ġewwa s-suq uniku tal-UE, l-esportazzjonijiet lejn partijiet differenti tad-dinja żdiedu b'mod kostanti mill-2000 'l hawn, bi tkabbir ta' 30 % mill-2007 sal-lum. L-akbar destinazzjonijiet tal-esportazzjoni jinkludu l-Istati Uniti, il-Kanada, l-Angola, iċ-Ċina, l-Isvizzera, it-Tajwan, ir-Russja u l-Awstralja (17). Barra dan, il-birriera fl-Ewropa huma wkoll investituri kbar fil-kontinenti kollha u jipparteċipaw ukoll f'diversi inizjattivi ta' kooperazzjoni ma' birriera lokali.

3.11

Madankollu, il-potenzjal li l-birra Ewropea għandha biex iżżomm u tkabbar il-preżenza tagħha f'pajjiżi terzi jista' jiġi mhedded minn regolamenti lokali li jirrapreżentaw ostaklu kummerċjali li jfixkel l-esportazzjonijiet u l-investimenti rigward il-birra. Minbarra t-tariffi, dawk l-ostakli jistgħu jirriżultaw minn miżuri relatati mal-leġislazzjoni bħal pereżempju d-definizzjoni tal-prodott (pereżempju fir-Russja) jew proċeduri amministrattivi fiskali (pereżempju fl-Albanija u fit-Turkija). Il-Kummissjoni Ewropea u l-Istati Membri, f'kooperazzjoni mas-settur tal-birra, għandhom rwol ewlieni biex jindirizzaw dawn id-diffikultajiet u oħrajn li jfiġġu minn żmien għal ieħor fi swieq barranin.

3.12

Filwaqt li l-Unjoni Ewropea tapplika tariffa doganali ta' żero ewro għall-importazzjoni ta' birra fil-ftehimiet ta' kummerċ rispettivi, diversi pajjiżi jżommu d-dazji doganali biex jiskoraġġixxu l-importazzjoni minn Stati Membri tal-UE li joħolqu kompetizzjoni. In-negozjati li jinsabu għaddejjin dwar Ftehimiet ta' Kummerċ Ħieles ikopru dan l-aspett ukoll, u l-aktar ftehimiet reċenti (pereżmpju bejn l-UE u l-Korea t'Isfel) jaħsbu għal tnaqqis progressiv tad-dazji, skema li għandha tkompli tiġi estiża.

3.13

Il-prospetti ta' preżenza ta' marki tal-birra Ewropea fis-swieq barranin jiżdiedu wkoll permezz tal-avvenimenti ta' promozzjoni, bħal ngħidu aħna wirjiet u fieri, u l-iskemi ta' konsultazzjoni li jingħataw mill-Kummissjoni Ewropea f'pajjiżi terzi. Il-parteċipazzjoni tal-birriera fl-attivitajiet rispettivi ta' fuq il-post s'issa kienet pjuttost fqira minħabba għarfien limitat dwar il-benefiċċji li jistgħu jinkisbu u minħabba nuqqas ta' reklamar.

4.1

Is-settur tal-birriera jmur lil hinn mill-produzzjoni tal-birra stess. Dan ikopri diversi attivitajiet li jibdew mill-materji prima agrikoli li jinsabu fil-qalba tal-proċess tal-produzzjoni tal-birra sal-industrija tal-ospitalità u s-settur tal-bejgħ bl-imnut. Il-birreriji fl-Unjoni Ewropea bejniethom jipprovdu aktar minn 128 800 impjieg dirett. Barra minn hekk aktar minn 2 miljun impjieg jistgħu jiġu attribwiti għall-produzzjoni u l-bejgħ tal-birra, u jirrapreżentaw madwar 1 % tal-impjiegi kollha fl-UE biss (18), f'kapaċitajiet ta' impjieg li jvarjaw.

4.2

L-għanijiet tal-UE ta' ekonomija intelliġenti, sostenibbli u inklużiva fl-Istrateġija tal-Ewropa 2020 għat-tkabbir jidhru fil-karatteristiċi tas-settur tal-birra. Il-birriera jinsabu fil-pajjiżi Ewropej kollha u jappoġġaw 'il fuq minn żewġ miljun impjieg minħabba l-infiq kbir fuq l-oġġetti u s-servizzi u minħabba l-introjtu ġġenerat fis-settur tal-ospitalità u tal-bejgħ bl-imnut. Aktar minn 73 % tal-impjiegi ġġenerati mill-birra huma fil-qasam tal-ospitalità.

4.3

Minħabba li s-settur tal-ospitalità jaqdi wkoll rwol fundamentali biex jiġu żgurati l-impjiegi u t-tkabbir, mhux biss direttament ġewwa l-intrapriżi assoċjati imma wkoll b'mod indirett għal partijiet kbar mill-ekonomija Ewropea, il-miżuri għall-iżvilupp tas-settur huma essenzjali għall-impjieg speċjalment fost ħaddiema żgħażagħ u li m'għandhomx ħiliet biex dawn jevitaw ix-xogħol prekarju u l-ħlas baxx.

4.4

Din il-varjetà unika tgħaqqad flimkien il-patrimonju, il-kultura u l-modernità, u b'hekk toffri diversi possibilitajiet biex isir użu mill-ħiliet tax-xogħol fi ħdan il-birreriji u madwarhom. Minbarra x-xogħol relatat mal-katina tal-provvista u l-forniment, il-potenzjal tal-esperjenza gastronomika u tat-turiżmu għandu jkompli jiġi żviluppat sabiex jiżdied l-impjieg permezz tal-attivitajiet tal-birriera nfushom, kif ukoll permezz ta' skemi ta' finanzjament nazzjonali u tal-UE.

4.5

L-industrija tal-produzzjoni tal-birra ħasset l-effetti tal-qagħda ekonomika globali u ġarrbet tnaqqis fl-impjieg dirett ta' 9 % bejn l-2008 u l-2010 minħabba tnaqqis fil-konsum tal-prodott. Minkejja t-tnaqqis fil-konsum b'riżultat taċ-ċirkostanzi ekonomiċi inwiegħra tal-Ewropa, in-numru totali ta' birreriji (inkluż il-mikrobirreriji) fl-Ewropa kien akbar fl-2010 (3 638) milli fl-2008 (3 071) u għadu għaddej minn żvilupp kontinwu, u b'hekk joffri potenzjal għal aktar impjiegi. Dan il-potenzjal m'għandux jiġi mhedded minn miżuri li jillimitaw il-bejgħ jew ta' natura fiskali detrimentali u għandu jkompli jiġi msaħħaħ permezz tal-edukazzjoni u t-taħriġ vokazzjonali u anke f'livelli ogħla biex jiġġenera impjiegi ta' kwalità ogħla fis-settur.

5.1

L-industrija Ewropea tal-birra trid tirreaġixxi għal diversi objettivi relatati mal-effiċjenza fl-użu tal-enerġija, u mat-tnaqqis fl-emissjonijiet tas-CO2 u fl-użu tar-riżorsi bħala parti mill-impenn tagħha għas-sostenibbiltà. L-investimenti li saru fis-snin reċenti qed iwasslu għal tnaqqis fl-użu ta' riżorsi naturali, għal tnaqqis fil-produzzjoni ta' skart u, b'mod konsistenti, għall-użu mill-ġdid ta' materjal sekondarju li joħroġ mill-proċess ta' produzzjoni tal-birra.

5.2

Il-birriera wrew ukoll impenn lejn l-ambjent billi ħadu passi u investew sabiex naqqsu l-emissjonijiet tas-CO2, l-użu tal-enerġija, il-produzzjoni ta' skart ta' ilma u sabiex għamlu bidliet fl-imballaġġ. Is-settur tal-produzzjoni tal-birra żviluppa wkoll linji gwida għall-aqwa tekniki disponibbli, li jagħmlu enfasi fuq ir-rwol ta' ġestjoni sostenibbli u li jistgħu jservu ta' referenza għal impenji rigward objettivi ambjentali. L-użu ta' valutazzjonijiet taċ-ċiklu tal-ħajja bħala għodda awtoanalitika għandu jitħeġġeġ sabiex ikopri l-aktar firxa wiesgħa possibbli fl-industrija tal-birra, filwaqt li jitqiesu l-limitazzjonijiet ta' birreriji żgħar immexxija mill-familji minħabba restrizzjonijiet ta' kapaċità.

5.3

Bejn l-2008 u l-2010 s-settur tal-produzzjoni tal-birra kompla għaddej bl-isforzi tiegħu minkejja li l-qagħda tan-negozju kienet sejra għall-agħar, u r-riżultati juru tnaqqis fil-konsum tal-ilma ta' 4,5 % u tnaqqis fl-użu tal-enerġija ta' 3,8 % għal kull ettolitru ta' birra prodotta. Ġie stmat ukoll li l-emissjonijiet tas-CO2 tnaqqsu b'7,1 % (19).

5.4

Il-kwalità u l-konsum tal-ilma huma fatturi importanti fil-proċess tal-produzzjoni tal-birra. Għalhekk hija meħtieġa ġestjoni tal-ilma adegwata mill-fornituri tal-ilma u mill-birriera sabiex tiġi żgurata s-sostenibbiltà tal-produzzjoni tal-birra. F'dan ir-rigward, għandhom jittieħdu l-prekawzjonijiet meħtieġa sabiex l-esplorazzjonijiet tal-gassijiet tax-shale ma jniġġsux il-provvista tal-ilma ta' taħt l-art għall-konsumaturi, inklużi l-utenti industrijali. B'mod speċifiku fl-industrija tal-birra, il-KESE jinnota kif birreriji Olandiżi u Ġermaniżi diġà qed isegwu l-iżviluppi f'dan il-qasam bi tħassib kbir.

5.5

Hemm diversi prodotti oħra utli li jiġu ġġenerati (li jissejħu prodotti sekondarji) mill-materji prima meta jintużaw fil-proċess tal-produzzjoni tal-birra. Dawn huma apprezzati ħafna bħala materjali biex jintużaw fi proċessi industrijali oħrajn jew bħala materjali għal użi finali speċifiċi, pereżempju farmaċewtiċi, ikel tajjeb għas-saħħa, sorsi ta' enerġija rinnovabbli, applikazzjonijiet industrijali, għalf u prodotti agrikoli (20), kosmetiċi jew prodotti tal-ispa. Dawn il-materjali jilħqu standards ta' kwalità rigorużi u huma konformi ma' leġislazzjoni stretta dwar is-sigurtà tal-ikel/għalf u leġislazzjonijiet oħra. L-importanza u l-valur ta' dawn il-materjali sekondarji wassal biex il-birriera stabbilixxew għal żmien twil arranġamenti ta' forniment man-negozjanti u l-utenti finali.

6.1

Matul is-snin, kumpaniji u assoċjazzjonijiet tal-birra fil-pajjiżi Ewropej kollha ħadu inizjattivi maħsubin biex iqajmu kuxjenza dwar konsum responsabbli, itejbu l-għarfien tal-konsumatur, jiżguraw reklamar u kummerċ responsabbli, iwasslu messaġġi ta' prevenzjoni, u jbiegħdu lill-konsumaturi minn imġiba irresponsabbli. Ħafna minn dawk l-inizjattivi lokali twettqu permezz ta' sħubija u ġew rikonoxxuti mill-awtoritajiet nazzjonali bħala kontribut importanti għas-soċjetà. Ġew adottati ukoll fil-livell Ewropew fil-qafas tal-Forum Ewropew dwar l-Alkoħol u s-Saħħa (21).

6.2

Biex ikomplu jiżviluppaw dawn l-attivitajiet, il-gvernijiet, il-birriera u operaturi ekonomiċi u gruppi tas-soċjetà ċivili oħrajn għandhom jaħdmu flimkien biex iwettqu kampanji li jippromovu konsum responsabbli tal-birra, li jistgħu jkunu kompletament kompatibbli ma stili ta' ħajja adulta b'saħħitha, u li jiskoraġġixxu l-abbuż mill-alkoħol.

6.3

Minħabba l-karrattru lokali tal-birra l-birriera Ewropej għandhom rabtiet sodi mal-komunitajiet lokali tagħhom u jappoġġaw firxa wiesgħa ta' attivitajiet. Fl-Unjoni Ewropea is-settur tal-birra jonfoq aktar minn EUR 900 miljun fis-sena f'għajnuna lill-komunità (22), permezz ta' firxa wiesgħa ta' attivitajiet ta' appoġġ fil-livelli lokali u reġjonali.

6.4

Hemm impenn qawwi mill-industrija u mill-partijiet interessati biex jappoġġaw l-implimentazzjoni ta' inizjattivi korporattivi u istituzzjonali favur ir-responsabbiltà sabiex jiġu indirizzati l-effetti ħżiena ta' konsum perikoluż. Dan l-impenn għandu jiġi rikonoxxut f'qafas bilanċjat dwar il-kummerċjalizzazzjoni u l-komunikazzjonijiet kummerċjali mwettqa mill-birriera (23).

6.5

Fid-dawl tar-rwol li taqdi l-birra fil-qasam tal-kultura, il-patrimonju u l-konsum, għandha tingħata kunsiderazzjoni lil inizjattiva tal-Unjoni Ewropea li tipprovdi l-mezzi finanzjarji għall-organizazzjoni ta' taħriġ speċjali għall-għalliema u l-edukaturi fil-livelli kollha, b'enfasi fuq l-aspetti tas-saħħa, dawk soċjali u kulturali tal-konsum ta' xorb fermentat.

7.1

Ir-rwol tal-edukazzjoni u r-riċerka huwa fattur kruċjali biex jinżamm l-involviment tas-settur. Dawn isiru permezz tal-universitajiet, l-iskejjel tal-birriera, l-istituti tat-teknoloġija tal-ikel u permezz ta' netwerks oħrajn. L-organizzazzjoni ta' fora għall-iskambju ta' informazzjoni għandha titkompla, sabiex l-Ewropa tibqa' tkun ċentru mexxej għall-investigazzjonijiet żviluppati mill-birriera, is-sħab tagħhom, ir-riċerkaturi u individwi oħrajn li jiġu attirati.

7.2

Il-kapaċità u l-potenzjal għar-riċerka għandhom jitrawmu, għaliex il-birriera jaqdu rwol importanti bħala sħab industrijali f'diversi oqsma relatati mat-teknoloġiji tal-ikel u tal-produzzjoni tal-birra, mal-aspetti tas-saħħa jew mal-prestazzjoni ambjentali. Iż-żieda fil-parteċipazzjoni fiż-Żona Ewropea tar-Riċerka, fil-programm ta' Orizzont 2020 u fi pjattaformi teknoloġiċi oħrajn jtejbu l-potenzjal eżistenti (24).

7.3

L-appoġġ għall-isforzi mis-settur tal-birra biex jippromovu l-eċċellenza skont l-ogħla standards xjentifiċi fir-rigward tal-karatteristiċi tal-birra u l-effetti tagħha fuq is-saħħa u l-imġiba jistgħu jagħtu kontribut ukoll sabiex jittejbu l-informazzjoni u l-edukazzjoni f'dan il-qasam importanti. Parteċipazzjoni aħjar fl-iskemi ta' finanzjament tal-UE u ta' kooperazzjoni jistgħu jiġu kkunsidrati mill-partijiet attivi kollha.

6.3.2014   

MT

Il-Ġurnal Uffiċjali tal-Unjoni Ewropea

C 67/32

1.1

L-immigrazzjoni irregolari hija suġġett li ġie analizzat mill-KESE f'diversi okkażjonijiet minn angoli differenti (1). Il-fenomenu tal-immigrazzjoni irregolari huwa wieħed kumpless li jmiss diversi aspetti u li jirrikjedi kemm miżuri għal perjodu ta' żmien qasir kif ukoll miżuri fit-tul. Din l-opinjoni ser tiffoka fuq il-punti mniżżla hawn taħt:

1.2

F'dan il-kuntest, il-Kumitat jesprimi sentimenti ta' dispjaċir kbir għall-mewt ta' mill-inqas 311 migrant Afrikan, u probabbilment ħafna aktar, lil hinn mill-kosta ta' Lampedusa f'żewġ inċidenti reċenti ta' nawfraġju. Filwaqt li m'hemmx kawża waħda għal din it-traġedja, il-Kumitat jemmen li dawn l-avvenimenti huma sintomatiċi tal-problema aktar wiesgħa tal-immigrazzjoni irregolari bil-baħar lejn l-UE, u li hemm rabta ta' kawża u effett bejn dawn iż-żewġ inċidenti u dak li jidher bħala n-nuqqas ta' kapaċità tal-UE li tistabbilixxi politiki sodisfaċenti u koerenti dwar l-immigrazzjoni irregolari bbażati fuq is-solidarjetà, fosthom politiki dwar it-tfittxija, is-salvataġġ u d-diżimbark. Il-Kumitat jappella lill-UE u lill-Istati Membri biex iqisu dawn l-inċidenti bħala twissija biex jistenbħu u jaġixxu issa fuq ir-rakkomandazzjonijiet ta' din l-opinjoni qabel ma sseħħ traġedja oħra. It-traġedji ta' Lampeduża jsaħħu l-ħtieġa assoluta li l-UE titratta l-kwistjoni tal-immigrazzjoni irregolari u s-superviżjoni tal-fruntieri bħala kwistjoni Ewropea.

1.3

Drittijiet tal-bniedem: il-Kumitat jinsab imħasseb huwa u josserva li fl-Ewropa qed jiżdiedu l-intolleranza, ir-razziżmu u l-ksenofobija kontra l-immigranti, kontra “l-oħrajn”, u jibża’ li l-effetti soċjali tal-kriżi finanzjarja se jikkontribwixxu sabiex dawn jiżdiedu. Jeħtieġ li l-politiċi, il-mexxejja soċjali u l-mezzi ta’ komunikazzjoni jaġixxu b’mod ferm responsabbli u b’pedagoġija politika u soċjali kbira sabiex jiġi evitat dan it-tip ta’ mġiba. Id-drittijiet tal-bniedem tal-immigranti irregolari jridu jitħarsu f'kull ħin, meta jiġu salvati jew detenuti, jingħataw l-istatus ta' protezzjoni, ikunu fil-qagħda irregolari ta' "persuni mingħajr dokumenti" jew jiġu rimpatrijati lejn il-pajjiżi ta' oriġini tagħhom.

1.4

Salvataġġ ta' persuni fil-baħar: kull min ikun fil-periklu fil-baħar jew isib ruħu f' sitwazzjoni oħra ta' periklu, irid jiġi salvat, u dan jgħodd ukoll għall-immigranti irregolari.

1.5

Żbark: l-UE trid tadotta politika ta' żbark li ma żżidx il-piż fuq l-Istati Membri li diġà qed jiffaċċjaw flussi sproporzjonati. Il-kwistjoni tal-iżbark trid tissolva fuq il-bażi tal-prinċipju tal-iżbark fl-eqreb post sikur biss jekk il-pajjiż inkwistjoni jikkonforma bis-sħiħ mal-konvenzjonijiet internazzjonali kollha dwar id-drittijiiet tal-bniedem u jkun suġġett għall-monitoraġġ tal-organizzazzjonijiet tad-drittijiet tal-bniedem.

1.6

Id-dritt għall-asil u l-għoti tiegħu: għandu jiġi ggarantit il-prinċipju ta’ non-refoulement fil-fruntiera u għandu jiġi żgurat li dawk kollha li għandhom bżonn protezzjoni internazzjonali jkunu jistgħu jippreżentaw l-applikazzjoni tagħhom fl-UE u li dawn l-applikazzjonijiet jiġu pproċessati mill-awtoritajiet nazzjonali kompetenti. F'dan il-kuntest, hemm bżonn li tinħoloq sistema iżjed effiċjenti biex jiġu eżaminati t-talbiet għall-asil. Il-KESE jappoġġja wkoll il-kollaborazzjoni mal-pajjiżi terzi sabiex jissaħħew is-sistemi tal-asil tagħhom u l-konformità mal-istandards internazzjonali.

1.7

Rimpatriju tal-immigranti irregolari: id-Direttiva dwar ir-Ritorn (2) tipprovdi qafas Ewropew ta’ garanziji legali u proċedurali ta’ protezzjoni (3), li huma apprezzati mill-KESE, bħar-rimedju effettiv li persuna tappella kontra d-deċiżjonijiet relatati mar-ritorn quddiem awtorità ġudizzjarja jew amministrattiva kompetenti jew korp kompetenti independenti, kif ukoll rappreżentanza u assistenza legali bla ħlas, ċerti garanziji waqt l-istennija tar-ritorn, il-kundizzjonijiet ta’ detenzjoni, eċċ. Il-Kumitat jipproponi li l-politika Ewropea dwar ir-ritorn għandha tkun imsejsa fuq approċċ volontarju u fuq l-ikbar konsiderazzjoni possibbli tal-valuri umanitarji. Il-leġittimità u l-kredibbiltà tal-politika Ewropea dwar l-immigrazzjoni fil-bqija tad-dinja jiddependu minn dan. L-Artikolu 19 tal-Karta tad-Drittijiet Fundamentali jipprojbixxi b'mod espliċitu tkeċċijiet kollettivi u jiżgura li ħadd ma jista’ jitneħħa, jitkeċċa jew ikun estradit lejn Stat fejn ikun hemm riskju serju li jkun suġġett għall-piena tal-mewt, għat-tortura jew għal pieni jew trattamenti oħra inumani jew degradanti – il-prinċipju ta’ non-refoulement (Artikoli 4 u 19 tal-Karta).

1.8

Politika Ewropea globali dwar l-immigrazzjoni irregolari bbażata fuq is-solidarjetà: il-KESE huwa tal-fehma li, sabiex jiġi żgurat ir-rispett tad-drittijiet fundamentali, għandha tissaħħaħ is-solidarjetà tal-UE ma’ dawk l-Istati Membri li, minħabba l-pożizzjoni ġeografika tagħhom, ikollhom jittrattaw ma’ ammonti kbar ta’ vittmi tan-netwerks tat-traffikar/il-kuntrabandu kriminali li jaslu b’mezzi irregolari. Il-fruntieri tal-UE, u dawn jinkludu l-fruntieri tal-baħar tal-Istati Membri tal-UE fil-Mediterran, huma l-fruntieri tal-Istati Membri kollha tal-UE u għaldaqstant, ir-responsabbiltà li jitħarsu tajjeb għandha tinqasam fost l-Istati Membri, b'konformità mat-Trattati. Dan ma jirrigwardax biss it-turija ta' solidarjetà, iżda li l-Istati Membri kollha jassumu r-responsabbiltajiet tagħhom permezz ta' mekkaniżmi li jaqsmu l-piż li ġġib magħha l-immigrazzjoni irregolari. Għalhekk, is-solidarjetà u l-appoġġ għandhom jintwerew ukoll mal-Istati Membri li jinsabu fil-fruntieri esterni tal-UE permezz ta' mekkaniżmi li jaqsmu l-piż li jippermettu li l- applikanti għall-asil jiġu risistemizzati fi ħdan l-UE. Il-KESE jappoġġja b'konvinzjoni l-implimentazzjoni ta' Koeffiċjent ta' Distribuzzjoni tal-UE kif deskritt fir-rapport tal-Parlament Ewropew dwar it-titjib tas-solidarjetà fl-UE fil-qasam tal-ażil (2012/2032 INI).

1.9

Abbozzar ta' ftehimiet ma' pajjiżi terzi: l-għan prinċipali tad-djalogi dwar il-migrazzjoni u l-mobilità tal-UE ma’ pajjiżi terzi għandu jkun li tiġi ffaċilitata l-migrazzjoni legali u ordnata, li tiġi żgurata l-liġi internazzjonali dwar l-asil, li titnaqqas l-immigrazzjoni irregolari u li jiġu miġġielda n-netwerks kriminali tat-traffikar tal-bnedmin. Il-kooperazzjoni ma' pajjiżi terzi hija spiss essenzjali bħala kundizzjoni għall-implimentazzjoni effikaċi tal-proċeduri tar-rimpatriju. Din il-kooperazzjoni trid titjieb biex tikseb riżultati aħjar. Fl-istess waqt trid tingħata assistenza lil ċerti pajjiżi ta' tranżitu biex huma jkunu jistgħu jiġġestixxu l-fruntieri tagħhom aħjar, u anke jkunu jistgħu jibnu l-kapaċità biex jagħtu ħarsien lil dawk li jeħtiġuh.

1.10

L-Aġenzija Ewropea għall-Fruntieri Esterni - Frontex: Frontex għandha tiġi ristrutturata f'aġenzija Ewropea ġenwina għall-fruntieri esterni, bi rwol ta' koordinazzjoni usa' rigward l-azzjoni konġunta tal-UE dwar il-fruntieri esterni tal-Istati Membri tagħha. F'dan ir-rigward hemm bżonn li jsir aktar xogħol fuq il-kunċett ta' Gruppi Ewropej għall-Għassa tal-Fruntieri, kif ġie enfasizzat fir-rapport tal-Parlament Ewropew dwar il-Frontex (A7-0278/2011). L-ambitu tal-azzjoni għandu jitwessa' wkoll sabiex ikun jista' jsir aktar sforz fil-qasam tal-prevenzjoni. Huwa ċar li hemm bżonn ta' aktar riżorsi u mhux inqas jekk din l-aġenzija ser ikollha rwol effikaċi. Madankollu, l-operazzjonijiet konġunti koordinati mill-Aġenzija u r-riperkussjonijiet tagħhom fuq id-drittijiet fundamentali u l-garanziji amministrattivi previsti fil-Kodiċi tal-Fruntieri għandu jsirilhom kontroll demokratiku min-naħa tal-Parlament u tal-Aġenzija tal-Unjoni Ewropea għad-Drittijiet Fundamentali (FRA).

1.11

EASO: l-Uffiċċju Ewropew ta' Appoġġ fil-qasam tal-Asil (EASO) beda jaħdem fi żmien relattivament reċenti. Għalhekk, huwa mistenni li jibda' jwettaq il-ħidma tiegħu b'mod sħiħ malajr, speċjalment rigward ir-rwol tiegħu li jfittex soluzzjonijiet sostenibbli u li jkun proattiv dwar is-solidarjetà fi ħdan l-UE, b'koerenza mal-obbligi tiegħu skont ir-regolament tal-EASO. L-EASO jrid ikun f’pożizzjoni li jidentifika b’mod ċar id-differenzi fil-prattiki tal-asil bejn l-Istati Membri, kif ukoll id-differenzi fil-leġislazzjoni tagħhom, u jipproponi l-bidliet meħtieġa.

1.12

Il-prevenzjoni tal-kuntrabandu uman u l-ġlieda kontrih: Il-KESE jisħaq ukoll li jrid isir kull sforz possibbli biex il-kriminalità organizzata tiġi miġġielda b'determinazzjoni. M'għandhom jinżammu l-ebda riżorsi milli jintużaw biex dawk li 'jiffaċilitaw' il-kuntrabandu tal-persuni jinqabdu u jitressqu quddiem il-ġustizzja. F'dan ir-rigward huwa essenzjali li tiġi mfittxija l-assistenza tal-gvernijiet minn pajjiżi terzi.

1.13

Finanzjar: il-KESE jixtieq jisħaq li l-kwistjoni tat-twaqqif u l-ġestjoni tal-flussi tal-immigrazzjoni hija waħda li tirrigwarda l-Komunità kollha, u li dan il-fatt irid jiġi rifless fid-distribuzzjoni tal-ispejjeż finanzjari tal-għodod meħtieġa biex tiġi implimentata politika effikaċi. Il-KESE jappoġġja l-proposta tal-Kummissjoni li l-Fond għall-Migrazzjoni u l-Ażil u l-Fond għas-Sigurtà Interna jkunu ġestiti b'mod iżjed flessibbli mill-2014 'il quddiem

2.1

Il-politika komuni dwar l-immigrazzjoni għandu jkollha approċċ globali li jqis diversi aspetti, bħas-sitwazzjoni demografika u s-swieq tax-xogħol, ir-rispett tad-drittijiet tal-bniedem, it-trattament ugwali u n-nondiskriminazzjoni, il-leġislazzjoni dwar l-ammissjoni ta’ immigranti ġodda, is-sitwazzjoni tal-immigranti f'sitwazzjoni irregolari, l-akkoljenza u l-protezzjoni ta’ dawk li jfittxu asil, il-ġlieda kontra n-netwerks kriminali tat-traffikar illegali tal-bnedmin, il-kollaborazzjoni ma’ pajjiżi terzi, is-solidarjetà Ewropea, il-politika soċjali u l-integrazzjoni.

2.2

Matul l-aħħar snin kien hemm avvenimenti, dikjarazzjonijiet u deċiżjonijiet politiċi li dwarhom il-Kumitat jinsab dejjem iżjed imħasseb, għaliex qed tinfirex fostna lkoll marda antika u magħrufa sew tal-Ewropej: il-ksenofobija u n-nazzjonaliżmu li jeskludi lill-oħrajn. Il-minoranzi u l-immigranti qed jisfaw vittmi ta’ disprezz, tgħajjir u politiki aggressivi u diskriminatorji.

2.3

Is-suġġett tal-immigrazzjoni irregolari huwa wieħed partikolarment serju u kumpless, kif juru t-tabelli fl-appendiċijiet fl-aħħar tad-dokument. Barra minn hekk, din hija kwistjoni tal-Unjoni Ewropea (UE) kollha u għandha tiġi trattata bħala tali. L-immigranti irregolari li jgħaddu mill-fruntiera tan-Nofsinhar dejjem ifittxu li jsibu sistemazzjoni f'pajjiżi oħra tal-UE.

2.4

Minħabba li fiż-żona Schengen ma jeżistux fruntieri interni, il-kwistjoni tal-immigrazzjoni irregolari għandha implikazzjonijiet għall-Ewropa kollha u trid tiġi indirizzata b'politika Ewropea komuni u effikaċi.

2.5

Il-KESE studja s-suġġett tal-immigrazzjoni irregolari bir-reqqa u esprima l-fehmiet tiegħu f'għadd ta' opinjonijiet, adottati b'maġġoranzi wesgħin.

2.6

Dawn l-opinjonijiet fihom analiżi tal-kawżi tal-immigrazzjoni irregolari lejn l-UE, filwaqt li nnutaw in-nuqqas ta' politika globali tal-UE dwar l-immigrazzjoni irregolari u li l-progress qed isir bil-mod wisq sabiex l-UE jkollha politika komuni dwar l-immigrazzjoni u l-asil kif ukoll leġislazzjoni li għandha livell għoli ta' armonizzazzjoni. Hemm ukoll referenza estensiva għall-konsegwenzi tal-problema u jiġu proposti għadd ta' soluzzjonijiet.

2.7

Eluf ta' immigranti irregolari jidħlu fl-UE bil-baħar. Dan ifisser li l-kwistjoni tal-immigrazzjoni irregolari bil-baħar, li skont il-Frontex tinsab l-aktar fir-reġjun Ewro-Mediterranju, trid tiġi trattata b'mod speċifiku.

2.8

L-għan ewlieni tal-opinjoni huwa li jiġi studjat il-fenomenu tal-immigrazzjoni irregolari bil-baħar, filwaqt li tirreferi għal xi wħud mill-kwistjonijiet ewlenin assoċjati mal-immigrazzjoni irregolari b'mod ġenerali, biex jitfittxew soluzzjonijiet globali li jiggarantixxu politika ta' immigrazzjoni li hija effikaċi, umana u finanzjarjament abbordabbli.

3.1.1

Id-drittijiet tal-immigranti irregolari għandhom jiġu rispettati totalment f'kull ħin, mill-mument li jiġu salvati jew detenuti sakemm jiksbu l-istatut ta' ħarsien, isibu ruħhom f'sitwazzjoni irregolari "mingħajr dokumenti" jew jiġu rimpatrijati fil-pajjiż ta' oriġini tagħhom. Il-migrazzjoni irregolari bil-baħar spiss twassal għat-telf tal-ħajjiet. F'dan ir-rigward, il-KESE jisħaq fuq l-importanza li jiġu mħarsa d-drittijiet fundamentali tal-bniedem f'kull waqt. Il-KESE ppropona li l-Aġenzija tad-Drittijiet Fundamentali tissorvelja wkoll l-azzjonijiet ta' kontroll tal-fruntieri u l-operazzjonijiet tal-Frontex. Il-Kumitat jappoġġja l-attivitajiet tal-Forum Konsultattiv tal-Frontex u jesprimi l-interess tiegħu fil-kooperazzjoni.

3.2.1

L-Istati Membri u l-bastimenti privati huma obbligati li jsalvaw lil kull minn huwa fil-periklu fil-baħar. Dan jinkludi lill-immigranti u t-traffikanti/kuntrabandisti li ħadu riskji b'mod konsapevoli. F'ħafna każijiet, in-netwerks tal-kriminali li jittraffikaw/jikkuntrabandaw il-persuni li qed ifittxu l-asil jew l-immigranti irregolari jesponu lil dawn il-persuni għal riskji kbar. L-aġenziji u l-NGOs indikaw li fil-Mediterran kull sena jmutu eluf ta' persuni f'ċirkostanzi bħal dawn u, f'xi każijiet, dawn il-persuni ma rċevewx għajnuna jew ma ġewx salvati mill-bastimenti li kienu għaddejjin qrib.

3.3.1

Fl-aħħar snin kien hemm kontroversji legali u politiċi meta s-salvataġġ isir fl-ilmijiet internazzjonali fil-Mediterran, li poġġew f'riskju żejjed il-ħajja ta' ħafna persuni. Il-KESE jisħaq li l-kwistjoni tal-iżbark trid tissolva fuq il-bażi ta' żbark fl-eqreb post sikur bil-kundizzjoni li l-pajjiż inkwistjoni jikkonforma mal-konvenzjonijiet internazzjonali kollha dwar id-drittijiet tal-bniedem u jkun suġġett għall-monitoraġġ tal-organizzazzjonijiet tad-drittijiet tal-bniedem. Fil-każ tal-missjonijiet tal-Frontex, il-KESE ma jaqbel xejn li l-migranti dejjem iridu jittieħdu għand l-Istat Membru li jkun qed jospita l-missjonijiet. Politika bħal din toħloq tal-anqas żewġ problemi: (i) hija żżid il-pressjoni fuq l-Istati Membri li diġà qed jiffaċċjaw piżijiet kbar, sal-punt li ma tibqax vijabbli li l-Istati Membri li l-aktar li għandhom bżonn il-Frontex jospitaw xi missjoni Frontex; (ii) tagħmel ħsara lill-persuni salvati, peress li jridu jiġu trasportati t-triq kollha sal-pajjiż li jospita l-missjoni Frontex, aktar milli sal-post li jkun l-aktar adatt fiċ-ċirkostanzi (is-soltu l-aktar post sikur fil-viċin).

3.4.1

Il-KESE jħeġġeġ lill-UE li tkompli tadotta sistema ta' asil komuni b'livell għoli ta' armonizzazzjoni leġislattiva. Ir-Regolament ta' Dublin jiddetermina r-responsabbiltà ta' kull Stat Membru inkarigat mill-eżami tal-applikazzjonijiet għall-asil. Il-KESE diġà wera li din is-sistema toħloq diversi problemi. Dak li jfittex l-asil għandu jiġi mistoqsi dwar liema Stat Membru jixtieq li jeżamina l-applikazzjoni tiegħu. Fl-Opinjoni tiegħu dwar il-Green Paper (4), il-Kumitat irrakkomanda li “dak li jfittex l-asil ikollu l-libertà li jagħżel il-pajjiż li jkun irid iressaq l-applikazzjoni tiegħu quddiemu u li, f’din il-perspettiva, l-Istati Membri jkunu diġà mħeġġa sabiex japplikaw il-klawsola umanitarja prevista fl-Artikolu 15(1) tar-Regolament.

3.4.2

Fil-qasam tal-kooperazzjoni bejn l-Istati Membri nbdew numru ta’ attivitajiet li qed jitmexxew mill-Eurasil, grupp ta’ esperti nazzjonali mmexxija mill-Kummissjoni. Ġie stabbilit ukoll strument ta’ solidarjetà finanzjarja bil-ħolqien tal-Fond Ewropew għar-Refuġjati. Mill-2014, il-Fond għall-Migrazzjoni u l-Ażil ser ikollu aktar riżorsi kif ukoll aktar flessibbiltà għas-sitwazzjonijiet ta' emerġenza.

3.4.3

It-talbiet ta' dawk li jfittxu l-asil għall-protezzjoni jridu jiġu studjati fid-dawl tal-liġijiet Ewropej dwar l-asil u l-għoti ta' ħarsien internazzjonali. Dawk li verament jeħtieġu l-ħarsien għandhom jirċevuh.

3.4.4

Il-KESE jtenni li t-trattament u l-garanziji li jingħataw lil dawk li jfittxu l-asil fil-fruntieri jridu jkunu l-istess bħal dawk li jingħataw lil dawk li jippreżentaw it-talba tagħhom fit-territorju tal-Istat Membru.

3.4.5

Il-Kumitat jappella li l-UE turi impenn akbar fil-ġlieda kontra n-netwerks kriminali li jittraffikaw il-bnedmin, iżda jqis li xi politiki dwar il-ġlieda kontra l-immigrazzjoni irregolari qed iwasslu għal kriżi serja tal-asil fl-Ewropa. Il-KESE qal f’diversi Opinjonijiet (5) li l-ġlieda kontra l-immigrazzjoni irregolari m’għandhiex toħloq problemi ġodda relatati mal-asil, u li l-uffiċjali responsabbli mill-kontroll tal-fruntieri għandhom jirċievu taħriġ xieraq biex jiggarantixxu d-dritt tal-asil.

3.4.6

Il-KESE jappoġġja l-proposti mressqa mill-UNHCR biex jitwaqqfu gruppi ta’ esperti dwar l-asil li jgħinu fl-operazzjonijiet kollha ta’ kontroll tal-fruntieri fl-UE.

3.4.7

Huwa importanti ħafna li jiġi indikat li iżjed minn eluf minn dawk li jidħlu fl-UE ma jitolbux l-asil peress li huma migranti ekonomiċi u l-aspirazzjoni ewlenija li jkunu daħlu biha fl-UE hija li jkomplu fi triqthom lejn pajjiżi Ewropej oħra, u mhux li jibqgħu fil-pajjiż fejn ikunu waslu fil-bidu.

3.4.8

Is-sħubijiet ta' mobbiltà m'għandhomx ifissru li l-pajjiżi msieħba jridu jħallsu l-ispejjeż kollha tal-proċeduri tal-asil għall-persuni li jkunu għaddejjin mit-territorju tagħhom. L-UE għandha turi l-appoġġ tagħha permezz tal-Fond għall-Ażil. Dan il-fond għandu jikkontribwixxi għall-istabbiliment ta' mekkaniżmi u strutturi li jippermettu li l-applikazzjonijiet għall-asil jiġu studjati u tittieħed deċiżjoni dwarhom fi żmien raġonevoli fil-kuntest tal-garanziji tal-liġi internazzjonali.

3.4.9

Il-KESE jħeġġeġ lill-UE li tkompli tadotta sistema ta' asil komuni b'livell għoli ta' armonizzazzjoni leġislattiva. It-talbiet għall-asil għandhom jiġu pproċessati mhux biss fil-pajjiżi ta' dħul, iżda wkoll mill-Istati Membri l-oħra. Kull applikant għall-asil għandu jiġi mistoqsi dwar liema Stat Membru jixtieq li jeżamina l-applikazzjoni tiegħu. Fl-Opinjoni tiegħu dwar il-Green Paper (6), il-Kumitat rrakkomanda li “dak li jfittex l-asil ikollu l-libertà li jagħżel il-pajjiż li jkun irid iressaq l-applikazzjoni tiegħu quddiemu u li, f’din il-perspettiva, l-Istati Membri jkunu diġà mħeġġa sabiex japplikaw il-klawsola umanitarja prevista fl-Artikolu 15(1) tar-Regolament” u b'hekk jitħaffef l-ipproċessar tat-talbiet u tittaffa l-konġestjoni burokratika fil-pajjiżi tad-dħul. Il-KESE jaqbel li l-UE taħdem flimkien ma' pajjiżi terzi biex jitjiebu s-sistemi tagħhom tal-asil li jsiru konformi mal-livelli internazzjonali. Fl-aspett estern tal-asil sar progress f’oqsma bħalma huma l-appoġġ tal-pajjiżi terzi li għandhom numru kbir ta’ refuġjati (il-Programmi ta’ Protezzjoni Reġjonali huma importanti ħafna) jew ir-risistemizzazzjoni tar-refuġjati fl-UE.

3.5.1

Ir-ritorn tal-migranti li jkunu daħlu fl-UE b'mod irregolari jrid jiġi trattat b'attenzjoni. F'dan ir-rigward, ftehimiet ta' ritorn ma' pajjiżi terzi huma essenzjali biex jiġu assigurati li d-drittijiet tal-migranti li jkunu qed jirritornaw jiġu rispettati għal kollox.

3.5.2

Is-sħubijiet għall-mobbiltà għandhom jipprevedu proċeduri ta' ritorn li jkunu bbażati primarjament fuq ir-ritorn volontarju b'sistemi ta' appoġġ stabbiliti (7). Meta jiġu implimentati proċeduri ta' ritorn sfurzat, dawn iridu jsiru bl-ikbar rispett għad-drittijiet tal-bniedem tal-persuni rimpatrijati, fid-dawl tar-rakkomandazzjonijiet tal-Kunsill tal-Ewropa (8).

3.5.3

Il-Kumitat jappella għal aktar trasparenza fir-rigward taċ-ċentri ta’ detenzjoni ġewwa u barra l-UE u jitlob li l-UNHCR tinżamm infurmata dwar is-sitwazzjoni tal-persuni li jinżammu f’dawn iċ-ċentri u li dawn il-persuni jingħataw assistenza adegwata mill-NGOs. Il-KESE jemmen li n-nisa tqal u l-minorenni għandhom jirċievu protezzjoni speċjali u għandhom jitpoġġew f'faċilitajiet adatti li għandhom jitwaqqfu bl-appoġġ finanzjarju tal-UE.

3.6.1

Il-KESE jisħaq li l-problema hija waħda Ewropea u mhux biss tal-pajjiżi tal-Mediterran; mhux l-anqas peress li mill-eżistenza tal-ftehim Schengen l-immigrazzjoni fir-reġjun tal-Mediterran trid tiġi indirizzata bi sforz Ewropew komuni. Dan ma jirrigwardax biss it-turija ta' solidarjetà komunitarja iżda wkoll li l-Istati Membri tal-UE jassumu r-responsabbiltajiet tagħhom, permezz ta' politika Ewropea komuni li għandha tiġi proposta mill-Kummissjoni u approvata mill-Kunsill u l-Parlament.

3.6.2

Il-fruntieri tal-Istati Membri tal-Unjoni Ewropea, u dan jinkludi l-fruntieri tal-baħar tal-Istati Membri tal-UE li jinsabu fix-xtut tal-Mediterran, huma l-fruntieri tal-Istati Membri kollha tal-UE, u l-Istati Membri kollha għandhom jaqsmu r-responsabbiltà biex iħarsuhom b'mod adegwat.

3.6.3

F'dan ir-rigward l-Istati Membri kollha għandhom jassistu u jipparteċipaw fi: (i) il-provvista tar-riżorsi meħtieġa għal salvataġġ mill-baħar u kontroll tal-fruntieri effikaċi (ii) l-ipproċessar tal-applikazzjonijiet tal-asil, fil-qafas tar-responsabbiltajiet tagħhom (iii) sitwazzjonijiet straordinarji, l-implimentazzjoni tal-proċeduri tar-rimpatriju u tal-espulsjoni (iv) it-trasferiment fi ħdan l-UE tal-migranti mill-Istati Membri ż-żgħar tal-Mediterran (v) il-ġlieda kontra l-kriminalità organizzata u t-traffikar.

3.6.4

Ir-rilokazzjoni għandha sseħħ fuq il-bażi ta' mekkaniżmu stabbilit u permanenti. F'dan il-kuntest, il-Kummissjoni għandha tressaq il-proposta leġislattiva tagħha għal mekkaniżmu permanenti u effikaċi ta' rilokazzjoni ġewwa l-UE, bl-użu ta' koeffiċjent ta' distribuzzjoni tal-UE għar-rilokazzjoni dawk li japplikaw għall-asil, kif ġie deskritt fir-rapport tal-Parlament Ewropew dwar it-titjib tas-solidarjetà fl-UE fil-qasam tal-ażil (2012/2032 INI). Biex jiġi aċċertat li dan il-mekkaniżmu jkun kemm jista' jkun effikaċi, din il-proposta leġislattiva għandha tqis ukoll l-esperjenza prattika miksuba mill-proġett pilota għal Malta EUREMA (9).

3.7.1

L-Unjoni Ewropea għandha tuża l-influwenza politika u ekonomika kollha tagħha, partikolarment fil-pajjiżi li jibbenefikaw minn fondi importanti tal-UE, biex tikkonvinċihom jikkooperaw fil-kwistjonijiet tal-immigrazzjoni. Il-Kumitat jemmen li s-sħubijiet għall-mobilità għandhom jinkludu l-erba’ pilastri tal-Approċċ Globali: il-faċilitazzjoni u l-organizzazzjoni tal-migrazzjoni legali u l-mobilità; il-prevenzjoni u t-tnaqqis tal-migrazzjoni irregolari u t-traffikar tal-bnedmin; il-promozzjoni tal-protezzjoni internazzjonali u t-titjib tad-dimensjoni esterna tal-politika tal-asil; u l-massimizzazzjoni tal-impatt fuq l-iżvilupp tal-migrazzjoni u l-mobilità.

3.7.2

Is-soluzzjoni għall-problema trid tħares lil hinn mill-miżuri ta' għassa għal azzjoni preventiva li trid issir fil-pajjiżi terzi, filwaqt li jkun hemm enfasi akbar fuq l-iżvilupp ta' programmi ta' kooperazzjoni biex jappoġġjaw il-kultivazzjoni tal-art u t-trobbija tal-bhejjem, l-SMEs eċċ. L-UE trid turi li għandha s-saħħa politika li taħdem flimkien mal-pajjiżi li magħhom hija suppost qed tikkoopera u li qed jirċievu livelli għoljin ta' finanzjament biex issir ħidma konġunta fuq kwistjonijiet ta' sigurtà, il-kriminalità organizzata, u l-immigrazzjoni irregolari. Il-KESE jilqa’ l-ftehim reċenti mar-Renju tal-Marokk u l-inizjattiva li jiġu stabbiliti sħubijiet għall-mobilità bejn l-UE u t-Tuneżija, l-Eġittu u l-Libja. Madankollu, ser ikun hemm bżonn li ssir valutazzjoni dwar l-effikaċja u l-impatt tas-sħubijiet għall-mobilità li jeżistu bħalissa. Il-KESE jappoġġja l-inizjattiva tal-Kummissjoni li tiżgura li s-sħubijiet għall-mobilità jkollhom mekkaniżmu effiċjenti ta’ valutazzjoni. Mill-banda l-oħra, is-sħubijiet għall-mobilità, li huma dikjarazzjonijiet politiċi konġunti li mhumiex legalment vinkolanti għall-Istati parteċipanti, għandhom isiru ftehimiet internazzjonali. Il-Kumitat iqis li l-UE u l-Istati Membri għandhom jikkonkludu ftehimiet ġodda ma' pajjiżi oħra tar-reġjun. Minħabba r-relazzjoni speċjali tal-UE mat-Turkija, il-kwistjonijiet fil-qasam tal-migrazzjoni għandhom jissaħħu bejn iż-żewġ partijiet, speċjalment dawk relatati mal-ġlieda kontra n-netwerks kriminali.

3.7.3

Sabiex jiġi żgurat li l-proċeduri amministrattivi u legali jaħdmu tajjeb, huwa essenzjali li l-UE titlob lill-pajjiżi ta' oriġini tal-migranti irregolari li jipprovdu d-dokumenti tal-ivvjaġġar malajr.

3.7.4

Din il-kwistjoni għandha tiġi indirizzata fi ħdan tal-konferenza Ewro-Mediterranja, peress li għadd sostanzjali tal-immigranti irregolari jidħlu fl-UE minn pajjiżi terzi fuq il-kosta tal-Mediterran.

3.7.5

Trid tingħata assistenza lil ċerti pajjiżi ta' tranżitu biex huma jkunu jistgħu jiġġestixxu l-fruntieri tagħhom aħjar, iwaqqfu strutturi ta' asil u anke jkunu jistgħu jibnu l-kapaċità biex jagħtu ħarsien huma stess lil dawk li jeħtiġuh.

3.8.1

Il-Frontex għandha tkompli tiġi ristrutturata f'aġenzija Ewropea tal-fruntieri esterni ġenwina, b'mandat usa' għall-koordinazzjoni u l-prevenzjoni. Għaldaqstant, trid tissaħħaħ b'riżorsi finanzjarji adegwati li jippermettulha tipprovdi l-assistenza meħtieġa lill-Istati Membri tan-Nofsinhar li qed jitħabtu biex ikampaw mal-flussi migratorji. Fl-istess waqt, l-għadd ta' persunal (fosthom gwardji tal-fruntiera) irid jiżdied u r-riżorsi għall-monitoraġġ u r-reġistrazzjoni elettroniċi jitjiebu. F'dan ir-rigward irid isir aktar biex jissaħħaħ il-kunċett ta' Gruppi Ewropej tal-Għassa tal-Fruntieri, kif ġie enfasizzat fir-rapport tal-Parlament Ewropew dwar il-Frontex (A7-0278/2011). Barra minn hekk, issa trid tiġi kunsidrata bis-serjetà l-possibbiltà li Frontex tuża l-kapaċitajiet il-ġodda tagħha (bħal dik li tixtri l-apparat).

3.8.2

In-Netwerk Ewropew tal-Pattulji li jipprovdu s-sigurtà għall-fruntieri reġjonali għandu jissaħħaħ, b'mod li jippermetti l-koordinazzjoni tar-riżorsi nazzjonali u l-miżuri Ewropej, u li tissaħħaħ il-kooperazzjoni fil-livelli nazzjonali u Ewropej.

3.9.1

L-Uffiċċju Ewropew ta’ Appoġġ għall-Asil (EASO) irid ikun f’pożizzjoni li jidentifika b’mod ċar id-differenzi fil-prattiki tal-asil bejn l-Istati Membri, kif ukoll id-differenzi fil-leġislazzjoni tagħhom, u jipproponi l-bidliet meħtieġa. Irid ikollu wkoll is-setgħa li jfassal linji gwida komuni dwar l-interpretazzjoni u l-applikazzjoni tal-aspetti proċedurali u ta’ sustanza differenti tal-acquis tal-UE dwar l-asil, kif ipproponiet il-Kummissjoni fil-Green Paper tagħha.

3.9.2

Dan l-Uffiċċju jista’ jsir ċentru importanti għall-iskambju ta’ prattiki tajbin, u għall-iżvilupp ta’ attivitajiet ta’ taħriġ dwar l-asil, b’mod partikolari għall-uffiċjali tal-fruntieri. Jista’ jkun ukoll ċentru għall-monitoraġġ u l-analiżi tar-riżultati tal-miżuri l-ġodda li l-UE qed tiżviluppa b’rabta mal-asil. Barra minn hekk jista’ jkun il-post fejn jiġu stabbiliti u ġestiti l-gruppi konġunti ta’ esperti dwar l-asil.

3.9.3

L-Uffiċċju Ewropew ta’ Appoġġ għall-Asil (EASO) irid jaħdem f'netwerk, jikkollabora mal-Eurasil u jżomm rabtiet stretti mal-UNHCR u mal-NGOs speċjalizzati.

3.9.4

L-Uffiċċju Ewropew ta' Appoġġ għall-Asil beda jaħem fi żmien relattivament reċenti. Huwa mistenni li jibda' jwettaq il-ħidma tiegħu b'mod sħiħ mingħajr aktar dewmien, speċjalment rigward ir-rwol tiegħu li jfittex soluzzjonijiet sostenibbli u jiżgura li l-ispejjeż jiġu maqusma bejn l-Istati Membri, kif hemm deskritt fir-regolament tal-EASO. Fl-istess waqt l-EASO jrid ikun proattiv ukoll fir-rigward tas-solidarjetà fi ħdan l-UE b'koerenza mal-obbligi tiegħu skont ir-regolament tal-EASO.

3.10.1

L-immigrazzjoni irregolari bil-baħar hija perikoluża u tpoġġi ħajjet in-nies fil-periklu. Eluf ta' persuni tilfu ħajjithom filwaqt li qasmu l-Mediterran fuq bastimenti li ma kinux tajbin għall-baħar. Il-vjaġġi perikolużi huma organizzati miċ-ċrieki ta' kriminali li jdeffsu mijiet ta' persuni (fosthom nisa u tfal), mingħajr tagħmir u provvisti adegwati (l-anqas tagħmir għas-salvataġġ tal-ħajja), f'dgħajjes, li ħafna minnhom mhumiex tajbin għall-baħar. Ir-riżoluzzjoni li għaddiet mill-Assemblea Parlamentari tal-Kunsill tal-Ewropa (Riżoluzzjoni 1872(2012)) bit-titlu "Lives lost in the Mediterranean Sea – Who is responsible?" [Ħajjiet mitlufin fil-Baħar Mediterran – Min hu responsabbli?] tiddeskrivi r-rwol li għandhom it-traffikanti tal-migranti fl-organizzazzjoni ta' vjaġġi perikolużi fil-Mediterran b'mod iddettaljat ħafna u għandha titqies għall-iskop li tinftihem il-gravità tal-kwistjoni.

3.10.2

Il-proċedimenti kriminali u s-sentenzi kontra t-traffikanti u l-kuntrabandisti tal-persuni għandhom ikunu mill-aktar severi, b'penali li jinkludu l-ħabs għall-għomor. Il-persuni sfruttati mit-traffikanti għandhom dejjem jitqiesu bħala vittmi innoċenti.

3.10.3

It-traffikar tan-nies joħloq attività kriminali hekk kif iċ-ċrieki kriminali li jorganizzaw il-vjaġġi jiġbru l-ħlas għal kull persuna li tivjaġġa, spiss b'estorsjoni u l-użu ta' mezzi inumani. Il-KESE jenfasizza li l-UE għandha tikkoopera mal-pajjiżi ta' tluq u l-pajjiżi ta' oriġini, bil-għan li tkisser iċ-ċrieki kriminali involuti. Il-KESE jinsisti wkoll li l-UE trid taġixxi bl-aktar mod deċiżiv possibbli biex twaqqaf it-traffikanti tal-persuni milli joperaw u jpoġġu ħajjet in-nies fil-periklu.

3.10.4

L-UE għandha wkoll tikkunsidra li tiffirma ftehimiet ma' pajjiżi terzi dwar il-ħolqien ta' ċentri li jirċievu l-migranti u tipprovdi appoġġ finanzjarju biex dawn jitwaqqfu u jinżammu. Iċ-ċentri li jitwaqqfu f'dawn il-pajjiżi jistgħu jaħdmu flimkien ma' ċentri oħra ta' akkoljenza għall-iskopijiet ta' identifikazzjoni u ta' kura. L-IOM, l-UNHCR, l-Aġenzija tad-Drittijiet Fundamentali u l-NGOs speċjalizzati għandhom jissorveljaw il-mod kif joperaw dawn iċ-ċentri.

3.10.5

Barra minn hekk, l-UE trid twettaq inizjattivi ta' informazzjoni li permezz tagħhom immigranti irregolari potenzjali jiġu skuraġġuti milli jidħlu fl-UE b'mod illegali billi tissensibilizzahom dwar il-perikli u d-diffikultajiet inerenti għall-immigrazzjoni illegali. L-immigranti irregolari potenzjali jridu jiġu sensibilizzati wkoll għad-diffikultajiet enormi li jiltaqgħu magħhom biex isibu impjieg fl-Ewropa meta jidħlu mingħajr id-dokumenti meħtieġa.

3.10.6

L-organizzazzjonijiet li jaħdmu biex jissensibilizzaw lill-pubbliku fil-pajjiżi tat-tluq dwar il-kwistjonijiet li ġew imsemmija hawn fuq, biex jiskoraġġixxu l-migranti potenzjali milli jippruvaw li jagħmlu dan il-vjaġġ perikoluż, għandhom jingħataw appoġġ morali u finanzjarju.

3.10.7

Il-KESE jappella wkoll li tingħata attenzjoni lill-kawżi aktar profondi tal-problema li jridu jiġu indirizzati, u li huma relatati mal-livell tal-għajxien fil-pajjiżi tat-tluq. Għal dan il-għan għandhom jitwaqqfu programmi speċifiċi. Is-suġġett fit-totalità tiegħu għandu jkun fuq l-aġenda tal-konferenza Ewro-Mediterranja.

3.11.1

Hemm bżonn ta' finanzi biex jiġu evitati u mwaqqfa l-flussi ta' immigrazzjoni irregolari. Irridu noqgħodu attenti li fl-ippjanar taċ-ċentri tad-detenzjoni jiġi assigurat li l-migranti irregolari jinżammu separati mir-refuġjati li qed ifittxu asil. Il-minorenni u persuni vulnerabbli għandhom jingħataw akkomodazzjoni separata fi żmien 15-il jum. Skont riċerka Taljana provduta minn Frontex, l-ispiża ta' kuljum ta' immigrant irregolari hija fil-medja ta' EUR 48. Jekk din iċ-ċifra tiġi moltiplikata b'100 000 għan-numru ta' immigranti li jaslu kull sena (data tal-Frontex (10)) u b'365 għal kull ġurnata, l-ispiża totali hija ta' 'l fuq minn EUR 1,752 biljun għal kull sena li tgħaddi.

3.11.2

Il-KESE jilqa’ l-isforzi tal-Kummissjoni Ewropea sabiex tissemplifika l-istrumenti finanzjarji permezz tal-ħolqien ta’ żewġ Fondi, wieħed għall-Migrazzjoni u l-Ażil (11), u l-ieħor għas-Sigurtà Interna (12), li huma akkumpanjati minn regolament orizzontali, b’għadd ta’ regoli komuni dwar l-ipprogrammar, l-informazzjoni, il-ġestjoni finanzjarja, il-kontroll u l-evalwazzjoni (13). Il-KESE jappoġġja l-proposta tal-Kummissjoni li tistabbilixxi ammont bażiku u ieħor varjabbli jew flessibbli meta jitqassmu r-riżorsi finanzjarji fost l-Istati Membri. Fir-rigward tal-ammont flessibbli, il-KESE jqis essenzjali li kull Stat Membru jfassal il-programm annwali tiegħu b’konformità mal-prijoritajiet tal-UE u jkun jinkludi l-kooperazzjoni ma’ Stati Membri oħra. Il-Kumitat jappoġġja l-fatt li mill-2014, il-Fond għall-Migrazzjoni u l-Ażil ser ikollu aktar riżorsi kif ukoll aktar flessibbiltà għas-sitwazzjonijiet ta' emerġenza.

3.11.3

Il-bidliet ippjanati ser jegħlbu l-problemi attwali peress li l-programmi ta' ġestjoni tal-flussi tal-migrazzjoni u dawk tal-istabbiliment taċ-ċentri ta' detenzjoni tal-UE jaħdmu fuq bażi annwali. L-istess japplika għall-finanzi u l-miżuri. Madankollu huwa kważi impossibbli li jiġu kompluti installazzjonijiet għall-akkoljenza u r-residenza fuq il-bażi ta' skeda annwali. Għaldaqstant, dawn it-tipi ta' programmi għandhom jiġu organizzati b'mod iżjed flessibbli.

3.11.4

Pajjiżi terzi li jinsabu fir-rotta mill-pajjiż ta' tluq inizjali għandhom jingħataw fondi biex iwaqqfu ċentri ta' akkoljenza u residenza.

Fid-dawl tal-eżempju ekonomiku msemmi hawn fuq, il-baġit tal-UE għandu jwarrab il-fondi biex isaħħaħ il-miżuri ta' monitoraġġ u ta' prevenzjoni (patrol boats, stazzjonijiet tal-gwardji tal-kosta, ħelikopters) u għandu jara li l-Frontex u l-EASO għandhom baġits annwali adegwati biex iwettqu l-ħidma tagħhom b'mod sħiħ. Il-finanzi jridu jiġu garantiti biex il-pajjiżi ta' dħul ikunu jistgħu jikkombattu ċ-ċrieki ta' kriminali b'mod effikaċi filwaqt li jipprovdu wkoll kundizzjonijiet ġusti għall-migranti li jidħlu.

—

tal-25.4.2002 dwar il-“Komunikazzjoni tal-Kummissjoni lill-Kunsill u lill-Parlament Ewropew dwar metodu miftuħ ta' koordinazzjoni għall-politika Komunitarja dwar l-immigrazzjoni” (relatur: is-Sur Pariza Castaños), ĠU C 221, 17.9.2002(mhux disponibbli bil-Malti);

—

tad-29.1.2004 dwar il-“Proposta għal Regolament tal-Kunsill li joħloq Aġenzija Ewropea għall-amministrazzjoni tal-kooperazzjoni operattiva fil-fruntieri esterni” (relatur ġenerali: is-Sur Pariza Castaños), ĠU C 108, 30.4.2004(mhux disponibbli bil-Malti);

—

tas-27.10.2004 dwar il-“Proposta għal Deċiżjoni tal-Kunsill li temenda d-Deċiżjoni Nru 2002/463/KE li tadotta programm ta' azzjoni għal kooperazzjoni amministrattiva fl-oqsma ta' fruntieri esterni, viżi, ażil u immigrazzjoni (Programm ARGO)” (relatur, is-Sur Pariza Castaños), ĠU C 120, 20.5.2005(mhux disponibbli bil-Malti);

—

tat-12.3.2008 dwar il-“Green Paper dwar is-Sistema ta’ Ażil Komuni Ewropea tal-ġejjieni” (relatur: is-Sinjura Le Nouail Marlière), ĠU C 204, 9.8.2008.