23.1.2014

MT

Il-Ġurnal Uffiċjali tal-Unjoni Ewropea

C 20/1

---

Ebda oppożizzjoni għal konċentrazzjoni notifikata

(Każ COMP/M.7116 – Sixth AP Fund/Nordstjernan/Salcomp)

(Test b’relevanza għaż-ŻEE)

(2014/C 20/01)

Fil-15 ta’ Jannar 2014, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq komuni. Din id-deċiżjoni hi bbażata fuq l-Artikolu 6(1)b tar-Regolament tal-Kunsill (KE) Nru 139/2004. It-test sħiħ tad-deċiżjoni hu disponibbli biss fl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:

—

Fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta' amalgamazzjoni, inklużi l-kumpanija, in-numru tal-każ, id-data u l-indiċi settorjali,

—	f’forma elettronika fil-websajt EUR-Lex (http://eur-lex.europa.eu/en/index.htm) fid-dokument li jġib in-numru 32014M7116. Il-EUR-Lex hu l-aċċess fuq l-internet għal-liġi Ewropea.

---

23.1.2014

MT

Il-Ġurnal Uffiċjali tal-Unjoni Ewropea

C 20/2

---

Awtorizzazzjoni għal għajnuna mill-Istat skont l-Artikoli 107 u 108 tat-TFUE

Fir-rigward ta' dawn il-każijiet il-Kummissjoni ma tqajjimx oġġezzjonijiet

(Test b’relevanza għaż-ŻEE)

(2014/C 20/02)

Data tal-adozzjoni tad-Deċiżjoni	25.10.2013
In-numru ta' referenza tal-għajnuna	SA.37400 (13/N)
Stat Membru	Il-Litwanja
Reġjun	—	—
Titolu (u/jew isem tal-benefiċjarju)	2007–2013 m. regioninės pagalbos žemėlapio taikymo pratęsimas iki 2014 m. birželio 30 d.
Il-bażi legali	Lietuvos Respublikos Vyriausybės nutarimo „Dėl Lietuvos Respublikos regioninės pagalbos žemėlapio patvirtinimo“ projektas
It-tip tal-miżura	Skema	—
L-għan	Żvilupp reġjonali
Il-forma tal-għajnuna	Oħrajn – In-notifika tirreferi għall-estensjoni tal-pjan direzzjonali reġjonali eżistenti. Il-forom kollha ta' għajnuna huma possibbli.
L-estimi	—
L-intensità	—
It-tul ta' żmien	31.12.2013-30.6.2014
Setturi ekonomiċi	Is-setturi kollha ekonomiċi eliġibbli biex jirċievu l-għajnuna
Isem u indirizz tal-awtorità responsabbli mill-għajnuna	Ūkio ministerija Gedimino pr. 38 LT-01104 Vilnius LIETUVA/LITHUANIA
Aktar informazzjoni	—

It-test tad-deċiżjoni fil-lingwa jew lingwi awtentika/awtentiċi, li minnu tneħħew il-partijiet kunfidenzjali kollha, jinsab fuq is-sit:

http://ec.europa.eu/competition/elojade/isef/index.cfm

---

23.1.2014

MT

Il-Ġurnal Uffiċjali tal-Unjoni Ewropea

C 20/3

---

Awtorizzazzjoni għal għajnuna mill-Istat skont l-Artikoli 107 u 108 tat-TFUE

Fir-rigward ta' dawn il-każijiet il-Kummissjoni ma tqajjimx oġġezzjonijiet

(Test b’relevanza għaż-ŻEE)

(2014/C 20/03)

Data tal-adozzjoni tad-Deċiżjoni	26.11.2013
In-numru ta' referenza tal-għajnuna	SA.37202 (13/N)
Stat Membru	Ir-Renju Unit
Reġjun	Wales	Mħallta
Titolu (u/jew isem tal-benefiċjarju)	Finance Wales JEREMIE Fund
Il-bażi legali	Section 60 Government of Wales Act 2006   Section 1 Welsh Development Agency Act 1975
It-tip tal-miżura	Skema	—
L-għan	Rizikos kapitalas
Il-forma tal-għajnuna	Provvista ta' kapital ta' riskju
L-estimi	Baġit globali: GBP 150 miljun
L-intensità	—
It-tul ta' żmien	Sal-31.12.2015
Setturi ekonomiċi	Is-setturi kollha ekonomiċi eliġibbli biex jirċievu l-għajnuna
Isem u indirizz tal-awtorità responsabbli mill-għajnuna	Finance Wales Oakleigh House Park Place Cardiff CF10 3DQ UNITED KINGDOM
Aktar informazzjoni	—

It-test tad-deċiżjoni fil-lingwa jew lingwi awtentika/awtentiċi, li minnu tneħħew il-partijiet kunfidenzjali kollha, jinsab fuq is-sit:

http://ec.europa.eu/competition/elojade/isef/index.cfm

---

23.1.2014

MT

Il-Ġurnal Uffiċjali tal-Unjoni Ewropea

C 20/4

---

Awtorizzazzjoni għal għajnuna mill-Istat skont l-Artikoli 107 u 108 tat-TFUE

Fir-rigward ta' dawn il-każijiet il-Kummissjoni ma tqajjimx oġġezzjonijiet

(Test b’relevanza għaż-ŻEE)

(2014/C 20/04)

Data tal-adozzjoni tad-Deċiżjoni	12.12.2013
In-numru ta' referenza tal-għajnuna	SA.37226 (13/N)
Stat Membru	Ir-Renju Unit
Reġjun	Wales	—
Titolu (u/jew isem tal-benefiċjarju)	Welsh Assembly Government Rescue and Restructuring Scheme for SMEs
Il-bażi legali	Sections 1(2), (3) & (7) of the Welsh Development Agency Act 1975 and Section 70 & 71 of the Government of Wales Act 2006
It-tip tal-miżura	Skema	—
L-għan	Is-salvataġġ ta' impriżi f'diffikultà
Il-forma tal-għajnuna	Oħrajn
L-estimi	—
L-intensità	0 %
It-tul ta' żmien	9.1.2009-31.12.2017
Setturi ekonomiċi	Is-setturi kollha ekonomiċi eliġibbli biex jirċievu l-għajnuna
Isem u indirizz tal-awtorità responsabbli mill-għajnuna	Finance Wales Oakleigh House Park Place Cardiff CF10 3DQ UNITED KINGDOM
Aktar informazzjoni	—

It-test tad-deċiżjoni fil-lingwa jew lingwi awtentika/awtentiċi, li minnu tneħħew il-partijiet kunfidenzjali kollha, jinsab fuq is-sit:

http://ec.europa.eu/competition/elojade/isef/index.cfm

---

23.1.2014

MT

Il-Ġurnal Uffiċjali tal-Unjoni Ewropea

C 20/5

---

Rata tal-kambju tal-euro (1)

It-22 ta’ Jannar 2014

(2014/C 20/05)

1 euro =

	Munita	Rata tal-kambju
USD	Dollaru Amerikan	1,3566
JPY	Yen Ġappuniż	141,57
DKK	Krona Daniża	7,4622
GBP	Lira Sterlina	0,81900
SEK	Krona Żvediża	8,7958
CHF	Frank Żvizzeru	1,2345
ISK	Krona Iżlandiża
NOK	Krona Norveġiża	8,3655
BGN	Lev Bulgaru	1,9558
CZK	Krona Ċeka	27,535
HUF	Forint Ungeriż	302,18
LTL	Litas Litwan	3,4528
PLN	Zloty Pollakk	4,1650
RON	Leu Rumen	4,5266
TRY	Lira Turka	3,0634
AUD	Dollaru Awstraljan	1,5291
CAD	Dollaru Kanadiż	1,4876
HKD	Dollaru ta' Hong Kong	10,5237
NZD	Dollaru tan-New Zealand	1,6268
SGD	Dollaru tas-Singapor	1,7337
KRW	Won tal-Korea t'Isfel	1 450,61
ZAR	Rand ta' l-Afrika t'Isfel	14,7038
CNY	Yuan ren-min-bi Ċiniż	8,2107
HRK	Kuna Kroata	7,6385
IDR	Rupiah Indoneżjan	16 472,27
MYR	Ringgit Malażjan	4,5199
PHP	Peso Filippin	61,460
RUB	Rouble Russu	45,9745
THB	Baht Tajlandiż	44,632
BRL	Real Brażiljan	3,2072
MXN	Peso Messikan	18,0441
INR	Rupi Indjan	83,9530

---

(1)  Sors: rata tal-kambju ta' referenza ppubblikata mill-Bank Ċentrali Ewropew.

---

23.1.2014

MT

Il-Ġurnal Uffiċjali tal-Unjoni Ewropea

C 20/6

---

Wiċċ nazzjonali ġdid ta’ muniti tal-euro maħsuba għaċ-ċirkolazzjoni

(2014/C 20/06)

Wiċċ nazzjonali tal-munita l-ġdida kommemorattiva ta' EUR 2, maħsuba għaċ-ċirkolazzjoni u maħruġa mil-Lussemburgu

Il-muniti tal-euro maħsuba għaċ-ċirkolazzjoni għandhom status ta' valuta legali fiż-żona tal-euro kollha. Il-Kummissjoni tippubblika deskrizzjoni tad-disinji tal-muniti l-ġodda kollha, bħala informazzjoni għall-pubbliku u għall-partijiet kollha li jużaw il-muniti (1). Skont il-konklużjonijiet tal-Kunsill tal-10 ta' Frar 2009 (2), l-Istati Membri taż-żona tal-euro u l-pajjiżi li kkonkludew ftehim monetarju mal-Unjoni Ewropea li jipprovdi għall-ħruġ ta' muniti tal-euro, għandhom il-permess joħorġu muniti tal-euro kommemorattivi intenzjonati għaċ-ċirkulazzjoni, sakemm jiġu rrispettati ċerti kundizzjonijiet, partikolarment li tintuża biss id-denominazzjoni ta’ EUR 2. Dawn il-muniti għandhom l-istess karatteristiċi tekniċi bħall-muniti l-oħra ta’ EUR 2, iżda l-wiċċ nazzjonali tagħhom ikun fih disinn kommemorattiv li jkun tassew simboliku f’termini nazzjonali jew Ewropej.

Il-pajjiż li qed joħroġ il-munita: Il-Lussemburgu

Is-Suġġett tal-kommemorazzjoni: il-175 anniversarju tal-indipendenza tal-Gran Dukat tal-Lussemburgu

Deskrizzjoni tad-disinn: Il-munita turi fuq in-naħa tal-lemin tal-parti interna x-xbiha tal-Altezza Rjali Tiegħu, il-Gran Duka Henri, iħares lejn il-lemin, u fuq in-naħa tax-xellug tal-parti interna, f'pożizzjoni vertikali, is-snin “1839” u “2014” u l-isem tal-pajjiż li qed joħroġ il-munita “LËTZEBUERG”. L-iskrizzjonijiet “ONOFHÄNGEGKEET” u “175 Joër” jidhru fil-parti t'isfel tal-parti interna tal-munita.

Iċ-ċirku ta’ barra tal-munita juri t-12-il stilla tal-bandiera Ewropea.

L-għadd ta’ muniti li se jinħarġu: 1,4 miljun

Data tal-ħruġ: Jannar 2014

---

(1)  Ara l-ĠU C 373, 28.12.2001, p. 1 għall-uċuħ nazzjonali tal-muniti kollha li nħarġu fl-2002.

(2)  Ara l-konklużjonijiet tal-Kunsill tal-Affarijiet Ekonomiċi u Finanzjarji tal-10 ta’ Frar 2009 u r-Rakkomandazzjoni tal-Kummissjoni tad-19 ta’ Diċembru 2008 dwar linji gwida komuni għall-uċuħ nazzjonali u l-ħruġ ta’ muniti tal-euro maħsuba għaċ-ċirkolazzjoni (ĠU L 9, 14.1.2009, p. 52).

---

23.1.2014

MT

Il-Ġurnal Uffiċjali tal-Unjoni Ewropea

C 20/7

---

Avviż

Pubblikazzjoni tal-ħsieb tal-Kontea ta' Oppland li tagħti tliet kuntratti għat-trasport pubbliku lokali bix-xarabank, skont l-Artikolu 7(2) tar-Regolament (KE) Nru 1370/2007 tal-Parlament Ewropew u tal-Kunsill dwar servizzi pubbliċi tat-trasport tal-passiġġieri bil-ferrovija u bit-triq u li jħassar ir-Regolamenti tal-Kunsill (KEE) Nru 1191/69 u (KEE) Nru 1107/70

(2014/C 20/07)

1.   L-isem u l-indirizz tal-awtorità kompetenti

Oppland fylkeskommune

Opplandstrafikk

Kirkegata 76

Postboks 988

2626 Lillehammer

NORWAY

2.   It-tip ta' għotja mistennija

Għotja diretta ta' kuntratt skont l-eċċezzjonijiet fl-Artikolu 5(4) tar-Regolament (KE) Nru 1370/2007 tal-Parlament Ewropew u tal-Kunsill.

3.   Servizzi u żoni potenzjalment koperti mill-għotja

Trasport tal-passiġġieri bix-xarabank f'Torpa u l-viċinat (l-aktar fil-muniċipaltià tal-Land Nordre). It-trasport għandu total ta' 300 000 km fis-sena.

1.   L-isem u l-indirizz tal-awtorità kompetenti

Oppland fylkeskommune

Opplandstrafikk

Kirkegata 76

Postboks 988

2626 Lillehammer

NORWAY

2.   It-tip ta' għotja mistennija

Għotja diretta ta' kuntratt skont l-eċċezzjonijiet fl-Artikolu 5(4) tar-Regolament (KE) Nru 1370/2007 tal-Parlament Ewropew u tal-Kunsill.

3.   Servizzi u żoni potenzjalment koperti mill-għotja

Trasport tal-passiġġieri bix-xarabank f'Snertingdal u Biri fil-muniċipalità ta' Gjøvik. It-trasport għandu total ta' 470 000 km fis-sena.

1.   L-isem u l-indirizz tal-awtorità kompetenti

Oppland fylkeskommune

Opplandstrafikk

Kirkegata 76

Postboks 988

2626 Lillehammer

NORWAY

2.   It-tip ta' għotja mistennija

Għotja diretta ta' kuntratt skont l-eċċezzjonijiet fl-Artikolu 5(4) tar-Regolament (KE) Nru 1370/2007 tal-Parlament Ewropew u tal-Kunsill.

3.   Servizzi u żoni potenzjalment koperti mill-għotja

Trasport tal-passiġġieri bix-xarabank f'Etnedal u Begnadalen, l-aktar fil-muniċipalitajiet ta' Etnedal u Bagn. It-trasport għandu total ta' 417 000 km fis-sena.

---

23.1.2014

MT

Il-Ġurnal Uffiċjali tal-Unjoni Ewropea

C 20/9

---

Pubblikazzjoni ta' applikazzjoni skont l-Artikolu 50(2)(a) tar-Regolament (UE) Nru 1151/2012 tal-Parlament Ewropew u tal-Kunsill dwar l-iskemi ta' kwalità għall-prodotti agrikoli u l-oġġetti tal-ikel

(2014/C 20/08)

Din il-pubblikazzjoni tagħti d-dritt ta' oppożizzjoni lill-applikazzjoni skont l-Artikolu 51 tar-Regolament (UE) Nru 1151/2012 tal-Parlament Ewropew u tal-Kunsill (1).

DOKUMENT UNIKU

IR-REGOLAMENT TAL-KUNSILL (KE) Nru 510/2006

dwar il-protezzjoni tal-indikazzjonijiet ġeografiċi u d-deżinjazzjonijiet tal-oriġini għall-prodotti agrikoli u l-oġġetti tal-ikel  (2)

“HAVARTI”

Nru tal-KE: DK-PGI-0005-0831-05.10.2010

PGI ( X ) PDO ( )

1.   Isem

“Havarti”

2.   Stat Membru jew Pajjiż Terz

Id-Danimarka

3.   Deskrizzjoni tal-prodott agrikolu jew l-oġġett tal-ikel

3.1.   Tip ta' prodott

Klassi 1.3

Ġobnijiet

3.2.   Deskrizzjoni ta' prodott li għalih japplika l-isem f'(1)

Ġobon iebes immaturat magħmul minn ħalib ippasturizzat li joriġina mill-ifrat. Ħalib u prodotti tal-ħalib ta' oriġini ta' annimal differenti mhumiex awtorizzati.

Kontenut tal-ilma: jiddependi mix-xaħam fil-kontenut ta' materja niexfa; ara t-tabella ta' hawn taħt

Xaħam fil-materja niexfa	Kontenut massimu ta' ilma
30 % sa < 40 %	54 %
45 % sa < 55 %	50 %
55 % sa < 60 %	46 %
60 % jew iktar	42 %

Il-propjetajiet speċifiċi l-oħra huma:

Minn barra

Jistgħa jiġi prodott b'qoxra misjura bix-xaħam tiegħu stess jew mingħajru. Il-wiċċ jista' jkun miksi.

Minn ġewwa

Il-kulur: Bajdani (jew kulur l-ivorju) jagħti fl-isfar

Il-konsistenza: Artab, imma xorta jista' jinqata' u li huwa sod meta jingidem (al dente).

L-istruttura: Bosta toqob irregolari, daqs ir-ross (li ħafna minnhom huma bejn 1-2 mm wiesgħa u twal sa 10 mm) u mifruxin b'mod uniformi fil-ġobna. F'ġobnijiet li għandhom 60 % ta' xaħam f'kontenut ta' materja niexfa, ġeneralment it-toqob ikunu iżgħar.

Ir-riħa u t-togħma: Aċidużi, aromatiċi, mhux qawwija u b'ċertu rikkezza. Ir-riħa u t-togħma jsiru iktar qawwija maż-żmien. Il-ġobon “Havarti” 60+ għandu konsistenza ratba u kremuża u togħma kremuża.

Ingredjenti aromatizzanti

Jistgħu jiġu miżjuda ħwawar bħall-kurrat salvaġġ u x-xibt sakemm it-togħma karatteristika tagħhom tkun tista' tiġi identifikata fil-ġobon.

Il-forma

Tond jew rettangolari.

Iż-żmien ta' maturazzjoni

It-togħma u l-konsistenza karatteristiċi tal-“Havarti” jinkisbu b'riżultat tal-proċess ta' maturazzjoni segwenti:

Bil-qoxra: maturazzjoni bix-xaħam tagħha stess għal tnax-il ġimgħa b'temperatura ta' 14-18 °C, segwita minn proċess ta' maturazzjoni għal 13-il ġimgħa b'temperatura ta' 8-12 °C.

Bla qoxra: maturazzjoni għal 3 ġimgħat b'temperatura ta' 12-20 °C.

Il-“Havarti” jista' jintbagħat mill-impjant tal-produzzjoni għal iktar proċessar, inkluż għall-maturazzjoni, jew għall-ħażna f'impjant ieħor qabel ma jkun laħaq il-proċessi ta' żmien imsemmija fuq, imma ma jistax jintbagħat mill-impjanti qabel ma jkun laħaq iż-żmien minimu.

3.3.   Materjali primi (għal prodotti pproċessati biss)

—

3.4.   Għalf (għall-prodotti li joriġinaw mill-annimali biss)

—

3.5.   Proċessi speċifiċi fil-produzzjoni li għandha ssir fiż-żona ġeografika identifikata

Il-“Havarti” għandu jiġi prodott u mmaturat f'impjanti ta' maturazzjoni fid-Danimarka. Il-metodu tal-produzzjoni jikkonsisti b'mod partikolari mill-istadji segwenti: it-tqegħid tal-baqta fil-forom, it-tidwib tal-baqta u l-maturazzjoni tal-ġobon għall-ewwel ġimagħtejn jew tliet ġimgħat; dan huwa differenti mill-proċess tas-soltu fil-każ ta' prodotti simili. Deskrizzjoni iktar dettaljata ta' dawn it-tliet stadji tinstab isfel.

It-tqegħid tal-baqta fil-forom

Meta l-baqta tkun laħqet il-fermezza t-tajba, din titneħħa mix-xorrox. Huwa kruċjali li qabel ma titpoġġa fil-forom, il-baqta li tneħħiet ma jkollhiex ħotob. Din tiġi żgurata billi l-veloċità/l-intensità tas-separazzjoni tax-xorrox tiġi adattata b'mod preċiż għall-metodu u l-kapaċità tat-tqegħid tal-baqta fil-forom. Il-baqta trid tkun akkwistat konsistenza li tippermettilha tiflaħ għal dan it-trattament. Madankollu, ma għandhiex issir iebsa tant li twaqqaf jew toħloq ostakli għat-tidwib sussegwenti u li għalhekk iżżomm lill-ġobon milli jakkwista l-karatteristiċi tal-“Havarti” f'termini ta' togħma u konsistenza.

It-tidwib tal-baqta

Il-baqta li tqiegħdet fil-forom tiġi magħfusa kemm kemm, jew inkella ma tingħafas xejn, sabiex tiġi żgurata li tkun iffurmata u tinżamm l-istruttura deskritta f'(3.2) taħt “Minn ġewwa”. Għahekk, il-ġobon “jingħafas” l-iktar taħt il-piż tiegħu stess. Sabiex tiġi akkwistata l-istruttura mixtieqa u tiġi iffurmata blokka koerenti ta' ġobon, it-temperatura fil-bidu ta' dan l-istadju għandha tinżamm sal-ogħla temperatura ta' 41 °C. Huwa fil-bidu ta' dan l-istadju li jiġi determinat il-kontenut finali tal-ilma fil-ġobon, u dan huwa importanti ħafna f'termini tal-ksib tal-konsistenza u t-togħma mixtieqa.

Il-maturazzjoni tal-ġobon għall-ewwel ġimagħtejn jew tliet ġimgħat

Jekk il-ġobon għandu jiġi mmaturat fil-wiċċ jew għandu jkun bla qoxra, dan jiġi maħżun għal perjodu ta' żmien li fih it-temperatura taqa' għal 12-20 °C. Normalment, il-ġobon jiġi mmaturat f'temperaturi iktar baxxi minn dawk speċifikati hawn.

Il-kontroll tal-istadji speċifikati fuq u l-interazzjoni bejniethom huma essenzjali biex il-ġobon jakkwista l-karatteristiċi deskritti.

3.6.   Regoli speċifiċi dwar it-tqattigħ, it-taħkik, l-ippakkjar, eċċ.

—

3.7.   Regoli speċifiċi dwar l-ittikettar

Ix-xaħam fil-kontenut tal-materja niexfa huwa espress f'erba' proċessi, jiġifieri, 30+, 45+, 55+ u 60+. Il-“Havarti”, li għandu ta' mill-inqas 60 % ta' xaħam fil-materja niexfa jista' jissejjaħ flødehavarti (krema Havarti). 45 % ta' xaħam f'kontenut tal-materja niexfa jintuża bħala referenza għal indikazzjonijiet kumparattivi ta' nutrizzjoni fir-rigward tal-kontenut tax-xaħam.

Għandu jissemma jew għandu jkun indikat f'assoċjazzjoni miegħu kull ingredjent aromattizanti miżjud mal-ġobon sabiex dan jingħata karattru essenzjali.

4.   Tifsira konċiża taż-żona ġeografika

Id-Danimarka

5.   Rabta maż-żona ġeografika

5.1.   Speċifiċità taż-żona ġeografika

Id-Danimarka għandha tradizzjonijiet twal u kburin tal-ħidma tal-ħalib. Is-settur Daniż tal-ħalib għandu korp uniku ta' speċjalizzazzjoni u livell għoli ta' kompetenzi li d-dokumenti tiegħu jmorru lura sal-1921 u huwa maħsub li ilu jiġi żviluppat għal aktar minn 100 sena.

Id-Danimarka tat taħriġ fl-ipproċessar ulterjuri ta' ħalib lill-produtturi li jaħdmu fis-settur tal-ħalib, f'kulleġġi speċjalizzati, jiġifieri f'Ladelund Mejeriskole u f'Dalum Mejeriskole mit-tmiem is-seklu 19. Il-“Havarti” kien il-bażi ta' taħriġ fil-produzzjoni ta' ġobon ta' baqta ippumpjata.

Fid-Danimarka, it-taħriġ akkademiku fix-xjenza u fit-teknoloġija tal-ħalib ilu disponibbli mill-1921, li issa huwa wieħed mill-ftit pajjiżi fid-dinja li għadu joffri dan it-taħriġ.

5.2.   Speċifiċità tal-prodott

Il-“Havarti” huwa magħruf bħala ġobon ta' baqta ippumpjata, u dan jirreferi għall-mod kif il-baqta titqiegħed fil-forom u mbagħad tiddewweb. Jintgħaraf mill-bosta toqob irregolari li għandhom daqs ta' rossa u li huma mifruxin b'mod uniformi fil-ġobna. Il-“Havarti” għandu togħma karatteristika aċiduża u mhix qawwija, li hija wkoll aromatika, b'kwalità diskreta mimlija. Huwa artab, imma xorta jista' jinqata' u huwa kkumplimentat minn konsistenza al dente. Dan il-ġobon ta' baqta ippumpjata ġie prodott l-ewwel darba fl-1921 fid-Danimarka meta G Morgenthaler mill-Isvizzera għallem lil tnejn min-nies li jaħdmu fis-settur tal-ħalib f'żewġ imħaleb, Ruds Vedby u Hallebygaard on Zealand, kif jipproduċu ġobon totalment ġdid ta' baqta ippumpjata. Dan kien suċċess kbir, u l-produzzjoni tal-ġobnijiet ġodda infirxet minn dawn iż-żewġ imħaleb għal iktar imħaleb madwar id-Danimarka.

5.3.   Ir-rabta kawżali bejn iż-żona ġeografika u l-kwalità jew il-karatteristiċi tal-prodott (għal DPO) jew kwalità speċifika, ir-reputazzjoni jew karatteristika oħra tal-prodott (għal IĠP)

Il-protezzjoni tal-“Havarti” bħala indikazzjoni ġeografika hija bbażata fuq ir-reputazzjoni speċifika u l-metodu tal-produzzjoni tiegħu.

Reputazzjoni

Il-“Havarti” hija kelma antika ħafna li tmur lura għaż-żminijiet tal-Vikingi. Tnisslet mill-kelma avarti li tiddenota xatt tax-xmara mimlija ħajja u fjuri. L-isem “Havarti” iżomm rabta ma' Hanne Nielsen b'tifkira għax-xogħol tagħha fil-qasam tal-ipproċessar tal-ġobon fuq ir-razzett Havartigården f'Holte, viċin ta' Kopenħagen fit-tieni nofs tas-seklu 19. Mill-1866 sal-1890, l-ipproċessar tal-ġobon f'Havartigården sar famuż madwar id-Danimarka minħabba fiha, u saret fornitur lill-Qorti Irjali Daniża.

Kemm ġewwa 'l Komunità u 'l barra minnha, il-“Havarti” għanda reputazzjoni bħala speċjalità ta' oriġini Daniża. Skont stħarriġ reċenti tal-konsumaturi maħruġ minn Zapera, il-maġġoranza l-kbira tal-konsumaturi Daniżi huma familjari mal-“Havarti” u jassoċjawh mad-Danimarka. Peress li l-produzzjoni u l-konsum tiegħu huma kkonċentrati fid-Danimarka, il-“Havarti” huwa magħruf l-aktar fost il-konsumaturi fid-Danimarka. Kważi 90 % tad-Daniżi mistħarrġa huma familjari mal-“Havarti” u kważi 80 % minnhom jassoċjaw il-“Havarti” mad-Danimarka. Ftit iktar minn terz tal-konsumaturi mill-Istati Membri l-oħra huma familjari mal-“Havarti”.

Is-settur Daniż tal-ħalib ħa sehem f'wirjiet u f'kompetizzjonijiet mal-“Havarti” kemm fil-livell nazzjonali u kemm fil-livell internazzjonali, u rebaħ ħafna premji. Għal aktar minn 60 sena kien fattur regolari f'wirjiet fid-Danimarka, bħal fil-Wirja Nazzjonali tal-Ħalib (Landsmejeriudstillingen) u f'wirjiet tad-distretti; intwera wkoll f'avvenimenti tal-Wisconsin Cheese Makers Association, fejn rebaħ bosta premji. Ħafna xogħlijiet internazzjonali ta' referenza dwar il-ġobon jirreferu wkoll għall-oriġini Daniża tiegħu.

Il-“Havarti” żgura pożizzjoni importanti f'termini tal-produzzjoni ta' ġobon Daniż, bis-sehem tiegħu tela' minn 1-2 % fi tmiem it-Tieni Gwerra Dinjija sa 16 % fis-sebgħinijiet, 50 sena wara. Bi 32 700 tunnellata, illum (fl-2008) il-“Havarti” huwa r-raġuni għal 10,2 % tal-produzzjoni totali tal-ġobon fid-Danimarka.

Metodu ta' produzzjoni

Istruzzjonijiet dwar kif isir il-“Havarti” jinstabu f'dokumenti li jmorru lura sal-1921 u kienu – u jibqgħu jkunu – parti normali tat-taħriġ ta' persuna li taħdem fis-settur tal-ħalib fid-Danimarka, u għalhekk, referenzi għall-proċess tal-produzzjoni tal-“Havarti” jistgħu jinsabu f'għadd kbir ta' manwali ta' taħriġ. B'mod partikolari hemm tliet stadji fil-proċess tal-produzzjoni li jiddeterminaw in-natura tal-ġobon. Huwa l-kontroll ta' dawn l-istadji u l-interazzjoni ta' bejniethom li huma importanti biex il-ġobon jakkwista l-karatteristiċi deskritti. L-għarfien li nġema' matul dawn is-snin kollha fl-imħaleb Daniżi ħoloq korp uniku ta' esperjenza. Għalhekk huwa importanti li l-produzzjoni tal-“Havarti” ssir fl-imħaleb Daniżi fejn produtturi, tekniki, teknoloġisti u inġiniera Daniżi marbutin mal-produzzjoni tal-ħalib, matul ħafna snin irċevew taħriġ u tagħlim intensivi fit-teknoloġiji użati speċifikament għal dan it-tip ta' ġobon. Din id-deskrizzjoni tal-ġobon ġiet inkluża fl-Ordni tal-Ministru tal-Agrikoltura tat-13 ta' Marzu 1952 u għadu jista' jinsab fl-Ordni Nru 2 tal-4 ta' Jannar 2013 dwar il-prodotti tal-ħalib, eċċ.

Referenza għall-pubblikazzjoni tas-speċifikazzjoni

(L-Artikolu 5(7) tar-Regolament (KE) Nru 510/2006 (3))

http://www.foedevarestyrelsen.dk/SiteCollectionDocuments/25_PDF_word_filer%20til%20download/06kontor/Varespecifikation%20for%20Havarti_revideret_juli%202011_.pdf

---

(1)  ĠU L 343, 14.12.2012, p. 1.

(2)  ĠU L 93, 31.3.2006, p. 12. Sostitwit bir-Regolament (UE) Nru 1151/2012.

(3)  Ara n-nota f’qiegħ il-paġna Nru 2.

---