29.11.2013   

MT

Il-Ġurnal Uffiċjali tal-Unjoni Ewropea

CE 349/1

—

wara li kkunsidra l-Programm Operazzjonali MED 2007-2013 adottat mill-Kummissjoni f’Diċembru 2007,

—

wara li kkunsidra l-Programm ENPI ta' kooperazzjoni transkonfinali "Baċir Marittimu tal-Mediterran" 2007-2013, adottat mill-Kummissjoni fl-14 ta' Awwissu 2008,

—

wara li kkunsidra l-Pjan Strateġiku tal-Arco Latino 2010-2015 “Mediterran Strutturat u innovattiv”,

—

wara li kkunsidra r-riżoluzzjoni tiegħu tas-6 ta' Lulju 2010 dwar l-Istrateġija tal-Unjoni Ewropea għar-Reġjun tal-Baħar Baltiku u r-rwol tal-makroreġjuni fil-politika ta’ koeżjoni tal-ġejjieni (1),

—

wara li kkunsidra r-Riżoluzzjoni tiegħu tat-22 ta’ Settembru 2010 dwar l-istrateġija Ewropea għall-iżvilupp ekonomiku u soċjali tar-reġjuni muntanjużi, tal-gżejjer u ta’ żoni li fihom ma tantx jgħixu nies (2),

—

wara li kkunsidra l-ħames rapport tal-Kummissjoni tad-9 ta’ Novembru 2010 dwar il-koeżjoni ekonomika, soċjali u territorjali: Il-futur tal-politika tal-koeżjoni (Il-ħames rapport dwar il-koeżjoni) (COM(2010)0642),

—

wara li kkunsidra l-komunuikazzjoni tal-Kummissjoni tat-8 ta’ Diċembru 2010 dwar l-istrateġija tal-Unjoni Ewropea għar-reġjun tad-Danubju (COM(2010)0715) u l-pjan ta’ azzjoni indikattiv li jakkompanja l-istrateġija (SEC(2009)0712),

—

wara li kkunsidra r-riżoluzzjoni tiegħu tas-17 ta’ Frar 2011 dwar l-implimentazzjoni tal-istrateġija tal-Unjoni għar-reġjun tad-Danubju (3),

—

wara li kkunsidra r-rapport tal-ARLEM tad-29 ta’ Jannar 2011 dwar id-dimensjoni territorjali tal-Unjoni għall-Mediterran – rakkomandazzjonijiet għall-ġejjieni,

—

wara li kkunsidra r-riżoluzzjoni tiegħu tas-7 ta’ April 2011 dwar ir-reviżjoni tal-Politika Ewropea tal-Viċinat – Id-Dimensjoni tan-Nofsinhar (4),

—

wara li kkunsidra r-rapport tal-Kummissjoni tat-22 ta’ Ġunju 2011 lill-Parlament Ewropew, il-Kunsill, il-Kumitat Ekonomiku u Soċjali Ewropew u l-Kumitat tar-Reġjuni dwar l-applikazzjoni tal-Istrateġija tal-Unjoni Ewropea għar-Reġjun tal-Baħar Baltiku (COM(2011)0381),

—

wara li kkunsidra r-riżoluzzjoni tiegħu tat-23 ta' Ġunju 2011 dwar l-għan 3: sfida għall-kooperazzjoni territorjali – l-aġenda futura tal-kooperazzjoni transkonfinali, transnazzjonali u interreġjonali (5),

—

wara li kkunsidra l-konklużjonijiet tal-Kunsill Ewropew tat-23 u l-24 ta’ Ġunju 2011 li japprovaw l-Istrateġija Ewropea għar-Reġjun tad-Danubju u li jistiednu lill-Istati Membri biex ikomplu x-xogħolijiet, f’kooperazzjoni mal-Kummissjoni, dwar strateġiji makroreġjonali futuri possibbli, b’mod partikolari f’dak li jikkonċerna r-reġjun tal-Adrijatiku u l-Jonju,

—

wara li kkunsidra l-proposta għal regolament tal-Parlament Ewropew u tal-Kunsill, tas-6 ta’ Ottubru 2011 dwar dispożizzjonijiet speċifiċi għall-appoġġ mill-Fond Ewropew għall-Iżvilupp Reġjonali għall-għan ta' “Kooperazzjoni territorjali Ewropea” (COM(2011)0611),

—

wara li kkunsidra l-opinjoni fuq inizjattiva proprja dwar kooperazzjoni territorjali fil-baċir tal-Mediterran permezz tal-makroreġjun tal-Adrijatiku ul-Jonju, adottata b’mod unanimu fis-sessjoni plenarja tal-Kumitat tar-Reġjuni fil-11 ta’ Ottubru 2011,

—

wara li kkunsidra d-dikjarazzjoni finali mill-president tal-Forum Interistituzzjonali li saret f'Katanja fl-10 ta' Diċembru 2011 dwar ‘Uċuħ familjari u uċuh ġodda f’Mediterran li dejjem jevolvi: ir-rwol tal-poplu, ir-reġjuni u l-korpi lokali, il-gvernijiet u l-istituzzjonijiet sopranazzjonali fi strateġija ta' għaqda intrinsika’,

—

wara li kkunsidra r-riżoluzzjoni tiegħu tal-14 ta’ Diċembru 2011 dwar ir-rieżami tal-Politika Ewropea tal-Viċinat (6),

—

wara li kkunsidra d-dikjarazzjoni tiegħu tad-19 ta’ Jannar 2012 dwar it-twaqqif tal-Patt tal-Gżejjer bħala inizjattiva Ewropea uffiċjali (7), fl-applikazzjoni tal-Artikolu 174 tat-Trattat dwar il-Funzjonament tal-Unjoni Ewropea,

—

wara li kkunsidra l-komunikazzjoni tal-Kummissjoni tat-23 ta’ Marzu 2012 lill-Parlament Ewropew, il-Kunsill, il-Kumitat Ekonomiku u Soċjali Ewropew u l-Kumitat tar-Reġjuni dwar l-Istrateġija tal-Unjoni Ewropea għar-Reġjun tal-Baħar Baltiku (COM(2012)0128),

—

wara li kkunsidra d-Dikjarazzjoni ta’ Belgrad, approvata waqt l-14-il laqgħa tal-Kunsill Adrijatiku u Jonju fit-30 ta’ April 2012,

—

wara li kkunsidra l-komunikazzjoni tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni intitolata ‘Niżviluppaw Strateġija Marittima għaż-Żona tal-Oċean Atlantiku’ (COM(2011)0782),

—

wara li kkunsidra l-Artikolu 48 tar-Regoli ta’ Proċedura tiegħu,

—

wara li kkunsidra r-rapport tal-Kumitat għall-Iżvilupp Reġjonali u l-opinjonijiet tal-Kumitat għall-Affarijiet Barranin kif ukoll il-Kumitat għall-Kultura u l-Edukazzjoni (A7-0219/2012),

A.

billi l-istrateġija makroreġjonali għall-Baħar Baltiku ġiet validata fl-2009 u li l-Kummissjoni (ir-rapport tat-22 ta’ Ġunju 2011 – COM(2011)0381) enfasizza ‘il-valur ta’ [dan] il-metodu ġdid ta’ kooperazzjoni’;

B.

billi fit-13 ta’ April 2011 (8) il-Kunsill stieden lill-Kummissjoni ‘biex tieħu rwol ta' tmexxija fil-koordinazzjoni strateġika’ tal-istrateġija makro-reġjonali għad-Danubju;

C.

billi l-istrateġija makro-reġjonali timmira li tiftaħ qasam ġdid għall-politika tal-koeżjoni fl-Ewropa, bil-għan ta’ żvilupp fuq bażi territorjali;

D.

billi l-linja tal-baġit ‘assistenza teknika favur il-Baħar Baltiku’ vvutata fuq l-inizjattiva tal-Parlament Ewropew matul l-adozzjoni tal-baġit 2011 tal-Unjoni wriet l-interess ta’ tali krediti għall-iżvilupp tajjeb ta’ strateġija makroreġjonali;

E.

billi l-Kummissjoni qed tipproponi li l-fergħa transnazzjonali tal-politika ta’ kooperazzjoni territorjali għandha tittejjeb biex tappoġġa politiki makroreġjonali ulterjuri (COM(2010)0642);

F.

billi diversi proġetti makro-reġjonali waslu fi stadju avvanzat, u billi l-Kummissjoni, fil-kapaċità tagħha bħala koordinatur, għandha tgħin l-istabbiliment ta’ governanza sostenibbli u tal-kriterji komuni u ta’ indikaturi li jistgħu jitkejlu biex tkun valutata r-rilevanza tagħhom;

G.

billi l-Mediterran kellu rwol ġeopolitiku ewlieni fl-istorja tal-Ewropa;

H.

billi r-‘Rebbiegħa Għarbija’ enfasizzat il-potenzjal strateġiku tar-rabtiet ġeografiċi, politiċi u ekonomiċi bejn iż-żewġ naħat tal-Mediterran;

I.

jinnota s-suċċess tal-kooperazzjoni fil-qafas tal-Proċess ta' Barċellona u l-Unjoni għall-Mediterran u l-inizjattivi ta' kooperazzjoni multilaterali u bilaterali meħuda taħt strumenti tal-UE u programmi bħall-MED u l-ENPI fil-kuntest tal-Politika Ewropea tal-Viċinat;

J.

jinnota l-iżvilupp attwali tal-Unjoni għall-Mediterran u minħabba li l-potenzjal tagħha bħala katalista tar-reġjun se jikber;

K.

billi strateġija makroreġjonali tippermetti li jiġi definit proġett ġenerali f’dan l-ispazju essenzjali għall-futur tal-Unjoni, sabiex din toħroġ mill-kriżi attwali u tirrispondi għall-aspettattivi tal-viċinat kollu tagħha, partikolarment dawk tal-popli tan-Nofsinhar;

L.

billi l-ispazju tal-Mediterran huwa wieħed koerenti, li jifforma baċir wieħed kulturali u ambjentali u li jikkondividi karatteristiċi u prijoritajiet komuni numerużi minħabba ‘l-klima Mediterranja’: l-istess għelejjel, riżorsi tal-enerġija rinnovabbli abbundanti, b’mod partikolari l-enerġija solari, l-importanza tat-turiżmu, l-istess riskji fir-rigward ta’ katastrofi naturali (nirien, għargħar, terremoti, nuqqas fir-riżorsa tal-ilma), u l-istess riskji fir-rigward tal-attività umana, b’mod partikolari t-tniġġis tal-baħar;

M.

billi l-Mediterran huwa żona vasta ħafna li tifrex mil-Lvant għall-Punent fuq madwar 4 000 km, b’diversi gżejjer u b’territorji li għandhom fruntieri marittimi u tal-art mat-Tramuntana tal-Afrika, u billi li jaqbel li ssir promozzjoni ta' netwerk vast ta' rotot fuq il-baħar li jippermettu l-iżvilupp tal-iskambji filwaqt li jnaqqas l-impatt tas-CO2 tagħhom;

N.

billi, minkejja l-Artikolu 174 tat-TFUE, l-istituzzjonijiet Ewropej għadhom ma adottawx strateġija permanenti li tqis il-bżonnijiet speċifiċi tal-gżejjer, u billi l-aċċessibilità sħiħa tar-reġjuni insulari tal-Mediterran u l-integrazzjoni aqwa tagħhom fis-suq uniku Ewropew jistgħu ikunu ggarantiti bl-aħjar mod permezz tal-allokazzjoni ta' riżorsi xierqa u l-adozzjoni ta' approċċ integrat fir-rigward tal-kwistjoni tal-insularità, filwaqt li jkunu rikonoxxuti l-iżvantaġġ strutturali li jiffaċċjaw il-popolazzjonijiet tal-gżejjer fl-oqsma tat-trasport u l-enerġija;

O.

billi l-proposta ta’ strateġija makroreġjonali tal-Adrijatiku-Jonju miexja ’l quddiem, u qed tissawwar fil-kuntest ta' kooperazzjoni u solidarjetà li ilha għaddejja f'territorju kontigwi madwar il-baħar Adrijatiku u Jonju, u appoġġjat mit-tmien Istati parteċipanti tal-Inizjattiva tal-Adrijatiku-Jonju (AII), kif jidher ripetutament fid-dikjarazzjonijiet magħmula mit-tmien ministri tal-affarijiet barranin li ffirmaw l-Inizjattiva f’Ancona (2010), Brussell (2011) u Belgrad (2012);

P.

billi kien hemm laqgħat ma' diversi reġjuni involuti, mal-Unjoni għall-Mediterran u mad-diversi korpi involuti fil-politika ta’ kooperazzjoni territorjali tal-Ewropea Unjoni, bħala parti mill-proċess ta' abbozzar ta’ dan ir-rapport;

1.

Japprova l-approċċ makroreġjonali għall-politiki ta' kooperazzjoni territorjali bejn territorji li jappartjenu għal żona ta’ servizzi u ħidma: żona marittima, medda ta’ muntanji jew baċir ta’ xmara; jemmen li l-istrateġiji makroreġjonali fetħu kapitlu ġdid fil-kooperazzjoni territorjali Ewropea billi applikaw approċċ minn isfel għal fuq u firxu l-kooperazzjoni għal aktar u aktar oqsma permezz ta’ użu aħjar tar-riżorsi disponibbli; jirrakkomanda li, fid-dawl tal-valur miżjud Ewropew ċar tagħhom, l-istrateġiji makroreġjonali għandhom jirċievu aktar attenzjoni fil-qafas tal-kooperazzjoni territorjali Ewropea, li se tissaħħaħ mill-2013;

2.

Iqis li dan it-tip ta’ strateġija ta’ kooperazzjoni territorjali jista’ jkun utli partikolarment meta dawn it-territorji kienu mifruda storikament permezz ta’ fruntieri, u jista’ jsaħħaħ l-integrazzjoni ta’ Stati Membri ġodda u r-reġjuni tagħhom;

3.

Iqis li l-vista globali li tipprovdi strateġija makro-reġjonali tagħmel il-proġetti ta’ kooperazzjoni territorjali u l-REKT aktar ta’ benefiċċju, u li b’hekk ser jissaħħu s-sinerġiji mal-istrateġiji ewlenin tal-UE bħan-netwerks trans-Ewropej tat-trasport jew il-Politika Marittima Integrata; iqis ukoll li tkun aktar faċli l-implikazzjoni tal-għodod l-oħra tal-politika Ewropea, bħal dawk proposti mill-BEI; iqis li dawn l-istrateġiji itejbu l-koordinazzjoni tal-politiki Ewropej fil-livell transnazzjonali u interreġjonali;

4.

Jirrakkomanda li l-istrateġiji makroreġjonali jkunu bbażati fuq il-governanza f'diversi livelli, filwaqt li jkun żgurat l-involviment tal-awtoritajiet lokali u reġjonali u tal-akbar numru possibbli ta’ sħab u ta’ partijiet interessati, bħalma huma r-rappreżentanti tas-soċjetà ċivili, l-universitajiet u ċ-ċentri ta' riċerka, kemm fit-tfassil kif ukoll fl-implimentazzjoni tal-istrateġiji makroreġjonali sabiex tiżdied l-approprjazzjoni tagħhom fil-livell lokali u reġjonali;

5.

Jenfasizza li l-makroreġjuni huma qafas favorevoli għall-involviment tal-atturi politiċi lokali kif ukoll tal-atturi mhux governattivi, peress li dawn ir-reġjuni jrawwmu l-iżvilupp ta’ sistemi ta' koordinazzjoni effikaċi li jiffavorixxu l-approċċi minn isfel għal fuq, bil-għan li jiżguraw l-involviment ġenwin tas-soċjetà ċivili fit-teħid ta' deżjonijiet politiċi, u l-ħolqien ta’ sinerġija tal-inizjattivi eżistenti sabiex jiġu ottimizzati r-riżorsi u jitlaqqgħu l-atturi involuti;

6.

Iqis li l-istrateġija makroreġjonali tista’ tagħmel il-politiki tal-viċinat u/jew ta’ qabel l-adeżjoni tal-Unjoni aktar effettivi;

7.

Jilqa’ l-evidenza li l-istrateġija makroreġjonali għall-Baħar Baltiku hi ta’ benefiċċju kbir għall-Ewropa; l-istrateġija fasslet pjan ta’ azzjoni bi prijoritajiet identifikati biċ-ċar, u hi approvata mill-Kunsill, appoġġata mill-Kummissjoni u kondiviża mill-partijiet konċernati nazzjonali, reġjonali u lokali kollha;

8.

Jitlob li din l-istrateġija tkun is-suġġett ta’ valutazzjoni kompluta abbażi ta' kriterji oġġettivi u ta' indikaturi li jistgħu jitkejlu għal kull wieħed minn dawn l-oqsma ta' prijorità;

9.

Iqis li huwa neċessarju, sabiex ikun żgurat is-suċċess sħiħ ta’ din l-istrateġija, li tinżamm l-istruttura tal-governanza fuq medda ta’ żmien twila, tiġi estiża biex tinkludi l-awtoritajiet lokali u reġjonali, billi tiġi inkluża fil-perjodu ta’ programmazzjoni tal-2014-2020;

10.

Jitlob lill-Kummissjoni u lill-Kunsill sabiex jappoġġjaw bis-sħiħ l-approċċ użat għall-baċir tad-Danubju li, wkoll għandu jiġi evalwat u monitorjat b’mod regolari;

11.

Jissuġġerixxi lill-Kummissjoni tikkoordina proċess ta’ konsultazzjoni u djalogu għall-istrateġiji makroreġjonali tal-ġejjieni; iqis li għandhom jiġu identifikati l-oqsma ta’ prijorità abbażi tan-nuqqas ta' kooperazzjoni jew tal-ħtieġa li tiġi msaħħa l-kooperazzjoni eżistenti bejn it-territorji Ewropej li jappartjenu għal Stati Membri differenti, imma li jipparteċipaw fl-istess żona ta’ servizzi u ħidma; iqis li dan id-djalogu għandu jwassal għal żvilupp ta’ “karta proġettata tal-makroreġjuni Ewropej”, fil-parti l-kbira mfassla mal-Istati Membri u r-reġjuni konċernati, li ma tkunx vinkolanti u li tkun tista’ tinbidel skont id-dinamika lokali;

12.

Hu tal-fehma li l-istrateġiji makroreġjonali jeħtieġu allinjament aħjar tal-finanzjament, użu aktar effiċjneti tar-riżorsi eżistenti u koordinazzjoni tal-istrumenti; iqis li, għalkemm strateġiji bħal dawn ma jeħtiġux aktar finanzjament, strumenti istituzzjonali jew regolamentazzjoni, il-finanzjament għall-monitoraġġ tagħhom – fil-forma ta' approprjazzjonijiet ta' assistenza teknika u approprjazzjonijiet għall-evalwazzjoni preliminari u l-ġbir tad-data – u għal kull stabbiliment ta’ negozju huwa ġustifikat, u li l-istrateġija makroreġjonali għandha tippromwovi proġetti strutturali, filwaqt li tqis il-qafas finanzjarju multiannwali 2014-2020;

13.

Jistieden lill-Kummissjoni u lill-Kunsill biex jikkunsidraw l-istrateġiji makroreġjonali tal-UE meta jiddeċiedu dwar pakketti baġitarji bħall-fondi ta’ koeżjoni u l-fondi strutturali, ir-riċerka u l-iżvilupp, u b’mod partikolari l-kooperazzjoni reġjonali;

14.

Jitlob għall-introduzzjoni ta’ allokazzjoni vinkolanti tal-programmi operazzjonali sabiex jikkonċentraw fuq il-prijoritajiet tal-istrateġiji makroreġjonali biex jiżguraw l-aħjar koordinazzjoni possibbli tal-objettivi u tal-mezzi;

15.

Jappoġġja t-twaqqif ta’ strateġija makroreġjonali għall-baċir tal-Mediterran biex jiġi offrut pjan ta’ azzjoni ħalli jiġu indirizzati l-isfidi komuni u problematiċi li qed jiffaċċjaw il-pajjiżi u r-reġjuni tal-Mediterran u sabiex tingħata struttura lil din iż-żona li hi kruċjali għall-iżvilupp u l-integrazzjoni tal-Ewropa, u jitlob lill-Kunsill u lill-Kummissjoni jaġixxu malajr fuq dan il-kwistjoni;

16.

Hu tal-fehma li strateġija makroreġjonali Mediterranja li tinvolvi lill-awtoritajiet Ewropej, nazzjonali, reġjonali u lokali, l-organizzazzjonijiet reġjonali, l-istituzzjonijiet finanzjarji u l-NGOs tal-parti Ewropea tal-baċir tal-Mediterran u l-Unjoni għall-Mediterran, u li miftuħa għall-pajjiżi tal-viċinat u/jew pajjiżi fil-fażi ta’ qabel l-adeżjoni, tista’ ttejjeb b’mod sinifikanti l-kooperazzjoni territorjali f’din iż-żona f’termini politiċi u operattivi; jenfasizza l-importanza li jittieħed vantaġġ tal-esperjenza, ir-riżorsi eżistenti u l-kisbiet tal-organizzazzjonijiet reġjonali eżistenti;

17.

Jenfasizza li makroreġjun Mediterranju jista’ jiżgura li l-programmi differenti tal-UE dwar il-Mediterran jikkumplimentaw lil xulxin u li l-finanzjament eżistenti jintuża bl-iktar mod effiċjenti possibli, u li jista' jġib miegħu valur reali miżjud għall-proġetti konkreti għall-Mediterran imwettqa mill-Unjoni u jinvolvi l-pajjiżi terzi u r-reġjuni relevanti meta jiddefinixxi l-istrateġija, billi juża l-Istrument Ewropew ta' Viċinat u Sħubija għal dan il-għan, dejjem b’konformità stretta mal-istat tad-dritt u fuq il-bażi tar-rispett tad-drittijiet tal-bniedem, il-libertajiet fundamentali u d-demokrazija, filwaqt li jippromwovi, fejn meħtieġ, il-prinċipju ta' 'iktar għal iktar';

18.

Jenfasizza l-importanza tal-Mediterran bħala żona ta' kooperazzjoni diċentralizzata, li tmur lil hinn fruntieri ġeografiċi stretti, għat-tisħiħ tat-teħid ta' deċiżjonijiet transreġjonali u l-kondiviżjoni tal-prassi tajbin, fil-qasam b'mod partikolari tad-demokrazija, tad-drittijiet tal-bniedem, tal-istat tad-dritt, tal-ekoloġija, tal-iżvilupp ekonomiku kif ukoll tas-sħubijiet kulturali, ta' riċerka, edukattivi, taż-żgħażagħ u tal-isport; jenfasizza l-importanza speċifika tal-edukazzjoni bħala katalist għat-tranżizzjoni demokratika;

19.

Iqis li l-makroreġjun Mediterranju jrid jiżviluppa b’mod konformi mal-istandards internazzjonali dwar id-drittijiet ekonomiċi, soċjali u kulturali, b’mod partikolari d-Dikjarazzjoni Universali tad-Drittijiet tal-Bniedem u l-Konvenzjoni tal-Unesco dwar il-Protezzjoni u l-Promozzjoni tad-Diversità tal-Espressjonijiet Kulturali;

20.

Iħeġġeġ lill-Kunsill isegwi l-konklużjonijiet tiegħu tal-24 ta’ Ġunju 2011 u jqis ir-rieda li wrew it-territorji konċernati fil-livell nazzjonali, reġjonali u lokali fir-rigward tal-istrateġija makroreġjonali tal-Adrijatiku-Jonju, ir-rabtiet storiċi, it-tradizzjonijiet u l-inizjattivi meħuda, billi jadottaw din l-istrateġija fix-xhur li ġejjin, biex iwettqu l-ewwel pass lejn strateġija makroreġjonali Mediterranja;

21.

Jenfasizza li l-istrateġija makroreġjonali Adrijatiku-Jonju tikkostitwixxi fatur sinifikanti ta’ rikonċiljazzjoni bejn it-territorji tal-Balkani tal-Punent u tista’ għalhekk tikkontribwixxi għall-integrazzjoni ta’ dawn il-pajjiżi fl-UE;

22.

Jixtieq li fil-Punent tal-Mediterran u fil-Lvant tal-Mediterran jitfasslu wkoll strateġiji makroreġjonali li jgħaqqdu komponent marittimu importanti u li jikkunsidraw il-punti speċifiċi tal-bosta territorji tal-kosta u gżejjer tal-Mediterran u l-bżonnijiet għall-iżvilupp tagħhom; jemmen li strateġiji futuri bħal dawn għandhom jagħtu aktar kas għall-ħarsien tal-ambjent, il-bijodiversità u t-turiżmu sostenibbli;

23.

Jistieden lill-Kummissjoni biex timplimenta l-Artikolu 174 TFUE ġenwinament permezz ta' pjan strateġiku, bil-ħsieb li jingħelbu l-iżvantaġġi strutturali ta' territorji gżejjer u jkunu żgurati l-kundizzjonijiet għal tkabbir ekonomiku u koeżjoni soċjali u territorjali effettiva; jenfasizza li jeħtieġ tingħata attenzjoni partikolari lill-iżgurar tal-aċċessibilità sħiħa u l-kontinwità territorjali ta' dawn it-territorji mal-kontinent, permezz ta' finanzjament xieraq; iħeġġeġ lill-Kummissjoni, barra minn hekk, biex tadotta miżuri, bħal żieda fl-ammont massimu tal-għajnuna de minimis għall-gżejjer, b'referenza speċjali għall-agrikoltura, it-trasport u s-sajd, li jikkontribwixxu biex territorji gżejjer ikunu kompetittivi daqs it-territorji kontinentali sabiex titnaqqas id-differenza bejn il-livelli differenti ta' żvilupp fost ir-reġjuni Ewropej u tkun żgurata l-integrazzjoni effettiva tagħhom fis-suq uniku;

24.

Jittama li l-Kummissjoni se tieħu pożizzjoni pożittiva lejn id-dimensjoni insulari tal-istrateġija makroreġjonali Mediterranja, b’mod partikolari meta tqis l-għajnuna statali li tikkostitwixxi kumpens leġittimu għall-iżvantaġġi tal-insularità u meta l-politika ta’ koeżjoni u l-politika tar-riċerka u l-innovazzjoni jiġu adattati għall-ħtiġijiet speċifiċi tal-gżejjer biex tiżdied l-integrazzjoni tagħhom fl-Ewropa kontinentali;

25.

Jenfasizza l-importanza tal-industriji kulturali u kreattiva bħala pilastru fundamentali għall-iżvilupp u l-ħolqien tal-impjiegi fir-reġjuni gżejjer;

26.

Iħeġġeġ lill-Kummissjoni tiddetermina liema strumenti huma meħtieġa għall-valutazzjoni u t-tnedija ta' inizjattivi makroreġjonali ġodda fil-Mediterran tal-Punent u tal-Lvant, bħal pereżempju proġetti pilota;

27.

Jenfasizza li l-oqsma ewlenin ta’ intervent għal makroreġjun Mediterranju għandhom ikunu mmirati fuq il-livelli sottoreġjonali xierqa għall-kooperazzjoni fuq proġetti speċifiċi u għandhom jinkludu n-netwerks tal-enerġija, il-kooperazzjoni xjentifika u l-innovazzjoni, in-netwerks għall-kultura, l-edukazzjoni u t-taħriġ, it-turiżmu, il-kummerċ, il-ħarsien tal-ambjent, it-trasport marittimu sostenibbli, is-sigurtà u s-sikurezza marittima u l-protezzjoni tal-ambjent marittimu kontra t-tniġġis, is-sajd żejjed u s-sajd illegali permezz tal-ħolqien ta’ netwerk integrat ta’ sistemi ta’ rappurtar u sorveljanza għal attivitajiet marittimi, it-tisħiħ tal-governanza tajba u l-amministrazzjoni pubblika effettiva, sabiex jitrawwem il-ħolqien tal-impjiegi;

28.

Iqis li l-koordinazzjoni ta’ dawn it-tliet strateġiji makroreġjonali – il-Punent tal-Mediterran, ir-reġjun Adrijatiku-Jonjiku u l-Lvant tal-Mediterran – għandha tippermetti li titwettaq politika globali għall-baċir kollu tal-Mediterran, f’sinerġija mal-prijoritajiet definiti mill-organizzazzjonijiet reġjonali u internazzjonali, u b’mod partikolari dawk definiti mill-Unjoni għall-Mediterran, u l-implimentazzjoni tal-aħjar prattiki li jistgħu jikkontribwixxu biex jintlaħqu l-objettivi tal-Istrateġija tal-UE ta’ tkabbir ekonomiku intelliġenti u sostenibbli;

29.

Iqis li hija ħaġa importanti, speċjalment wara l-avvenimenti tar-Rebbiegħa Għarbija, li l-makroreġjun il-ġdid jikkontribwixxi għad-definizzjoni ta’ strateġija ġdida ma' pajjiżi terzi għall-ġestjoni tajba tal-flussi tal-immigrazzjoni u għall-benefiċċji reċiproċi tal-mobilità miżjuda, imsejsa fuq il-ġlieda kontra l-faqar u t-trawwim tal-impjiegi u l-kummerċ ġust, biex b’hekk jingħata kontribut għall-istabbiltà tal-makroreġjun;

30.

Iqis li minħabba li t-territorji Mediterranji tal-UE jikkondividu l-fruntieri tal-baħar u tal-art mal-Afrika ta’ Fuq, strateġija makroreġjonali tista’ tagħti spinta lid-dimensjoni tan-Nofsinhar tal-Politika tal-Viċinat tal-UE, filwaqt li tittieħed dimensjoni reġjonali konkreta li tiggarantixxi ġestjoni akbar tal-flussi migratorji u tħalli impatt pożittiv fuq il-prestazzjoni tal-ekonomiji tal-pajjiżi kkonċernati;

31.

Iqis li strateġija makroreġjonali fil-Mediterran għandha tikkoordina l-fondi Ewropej eżistenti, b’mod partikolari dawk tal-politika tal-viċinat, tal-politika ta’ koeżjoni u tal-kooperazzjoni territorjali, sabiex jiġu implimentati proġetti intiżi biex jiffaċċaw sfidi komuni, bħall-ħarsien u l-iżvilupp tal-wirt kulturali Ewro-Mediterranju; ifakkar fl-importanza ta’ politika tal-viċinat koordinata u bbilanċjata għan-Nofsinhar u fl-eliġibbiltà tal-proġetti kulturali għall-finanzjamenti tal-FEŻR biex ikunu ffaċċati dawn l-isfidi;

32.

Jenfasizza l-importanza ta’ industriji kreattivi u kulturali u jqis li dan is-settur tal-ekonomija se jkollu rwol dejjem iktar importanti fit-tkabbir ekonomiku u l-impjieg fir-reġjun; jitlob li tingħata attenzjoni partikolari għall-implimentazzjoni ta’ programmi ta’ skambju kulturali u akkademiċi, kif ukoll għat-tisħiħ tar-rabtiet kulturali u tat-turiżmu stabbli;

33.

Jikkunsidra li t-turiżmu kulturali jista’ jkollu impatt partikolari fuq ir-reġjun tal-Mediterran, kemm mill-perspettiva ekonomika u bħala fattur tal-għarfien reċiproku u l-ftehim interkulturali;

34.

Jenfasizza li l-makroreġjun Mediterranju jiffavorixxi d-djalogu interkulturali u l-arrikkiment tal-wirt kulturali komuni tal-Unjoni Ewropea, jimmobilizza s-soċjetà ċivili u, għalhekk, jinkoraġġixxi l-parteċipazzjoni tal-organizzazzjonijiet mhux governattivi u tal-popli Mediterranji fil-programmi kulturali u edukattivi tal-UE;

35.

Ifakkar fir-rwol fundamentali li taqdi l-edukazzjoni fid-demokrazija u l-iżvilupp ekonomiku u soċjali, kif ukoll fl-importanza tat-taħriġ professjonali fil-ġlieda kontra l-qgħad fost iż-żgħażagħ;

36.

Jenfasizza, fil-kuntest tal-makroreġjun Mediterranju u filwaqt li titqies il-motivazzjoni taż-żgħażagħ b’mod partikolari tal-pajjiżi tan-Nofsinhar, l-importanza tat-tisħiħ tal-kooperazzjoni fil-qasam taż-żgħażagħ permezz tal-promozzjoni ta' programmi Ewropej u permezz tal-ħolqien ta' sinerġiji max-xogħol tal-Uffiċċju Mediterranju għaż-Żgħażagħ;

37.

Jenfasizza l-importanza tal-iffukar b’mod partikolari fuq iż-żagħżagħ għaliex huma se jkunu l-pedament ta’ ġenerazzjoni ġdida u dawk li se jkollhom l-akbar influwenza fuq kif il-pajjiżi rispettivi tagħhom jiffaċċaw il-futur;

38.

Jirrakomanda, sabiex jiġu promossi programmi ta' skambju, ir-riċerka dinamika, l-innovazzjoni u t-tagħlim tul il-ħajja, il-ħolqien ta' netwerks ma' istituzzjonijiet ta’ edukazzjoni għola u r-riċerka fil-makroreġjun Mediterranju futur u l-iżvilupp tal-infrastruttura tal-edukazzjoni f'dak ir-reġjun, kif ukoll it-tneħħija tal-ostakli għaċ-ċirkolazzjoni tal-istudenti, il-persuni li qed jitħarrġu, il-volontiera żgħażagħ, l-għalliema, min iħarreġ, ir-riċerkaturi u l-persunal amministrattiv; jenfasizza l-bżonn li tissaħħaħ il-kwalità tat-tagħlim u tar-riċerka f'dawk l-oqsma billi jiġu ffinanzjati u appoġġati b'mod xieraq il-programmi Tempus u Erasmus Mundus, speċjalment fid-dawl tan-numru baxx ta' benefiċċjarji tal-programm Erasmus Mundus fiż-żona Mediterranja;

39.

Iqis li l-mobilità tal-artisti u tal-arti fiż-żona Ewro-Mediterranja hija mxekkla minn bosta ostakli li jvarjaw skont il-pajjiż u r-reġjun, u li huma marbuta mhux biss ma' diffikultajiet fil-kisba tal-viżi, iżda wkoll man-nuqqas ta' status li jħabbtu wiċċhom miegħu l-artisti u mal-kundizzjonijiet li jiffaċċaw bħala kreaturi ta' ħidmiet artistiċi, partikolarment fil-pajjiżi tan-Nofsinhar; iqis li makroreġjun Mediterranju jkun jista' jservi biex jippromwovi r-rikonoxximent reċiproku tal-istatus tal-artisti, joffri opportunitajiet biex issir riflessjoni dwar il-mobilità u jottimizza l-użu tal-programmi ta’ taħriġ, tan-netwerking u tal-moviment liberu tal-atturi kulturali, tal-artisti u tax-xogħlijiet;

40.

Jitlob li jiġi implimentat, għall-perjodu ta’ programmazzjoni li jmiss, programm standard 'Erasmus Ewro-Mediterranju' maħsub biex jinkoraġġixxi l-mobilità transnazzjonali tal-istudenti miż-żewġ naħat tal-Mediterran, kif ukoll programm 'Leonardo da Vinci Ewro-Mediterranju' għaż-żgħażagħ li jixtiequ jiksbu taħriġ professjonali barra mill-pajjiż fil-qafas ta' strateġija makroreġjonali;

41.

Jenfasizza l-ħtieġa tal-adozzjoni ta' miżuri kontra t-tendenza li qed tikber ta’ eżodu tal-imħuħ minn dan ir-reġjun;

42.

Jitlob li jsir dak kollu possibbli bid-diversità storika, kulturali u lingwistika taż-żona Mediterranja, li hija sors ta' innovazzjoni li tagħti spinta lill-industriji kulturali u kreattivi kif ukoll lis-settur tat-turiżmu; jitlob li l-kooperazzjoni bejn il-mużewijiet u l-istabbilimenti kulturali titħeġġeġ u tiġi appoġġata;

43.

Ifakkar li fil-pajjiżi madwar il-Mediterran jeżisti interess partikolari fiċ-ċinema u fil-produzzjonijiet awdjoviżivi Ewropej, u li dan għad għandu influwenza importanti għad-djalogu bejn il-kulturi taż-żona, bħala parti mill-istadju attwali tal-iżvilupp demokratiku ta’ dawk is-soċjetajiet;

44.

Jissuġġerixxi aktar kooperazzjoni u skambju mal-pajjiżi terzi, biex jitjieb il-valur tal-produzzjoni Ewropea fis-suq dinji, u partikolarment fiż-żona tal-Mediterran, u b'hekk ikunu promossi l-iskambju kulturali u t-tnedija ta' inizjattivi ġodda biex jitħeġġeġ id-djalogu Ewro-Mediterranju u l-progress demokratiku fir-reġjun kollu, partikolarment fid-dawl tal-impenji meħuda matul il-Konferenza Ewro-Mediterranja dwar iċ-Ċinema;

45.

Jistieden lill-Istati Membri involuti biex jinkoraġġixxu l-ispirtu ta' koperazzjoni li ħareġ matul l-abbozzar ta’ dan ir-rapport preżenti u jħeġġeġ lill-Presidenza Ċiprijotta futura tal-UE biex tappoġġja dan il-proġett sabiex il-Kummissjoni u l-Kunsill ikunu jistgħu jadottaw pjan ta' azzjoni għall-istrateġija makroreġjonali Mediterranja bħala kwistjoni ta’ urġenza; jenfasizza, barra minn hekk, l-importanza tal-kooperazzjoni intergovernattiva u interreġjonali fl-iżvilupp ta' strateġija makroreġjonali;

46.

Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill u lill-Kummissjoni.

29.11.2013   

MT

Il-Ġurnal Uffiċjali tal-Unjoni Ewropea

CE 349/9

—

wara li kkunsidra d-Direttiva 2000/60/KE tal-Parlament Ewropew u tal-Kunsill tat-23 ta' Ottubru 2000 li tistabilixxi qafas għal azzjoni Komunitarja fil-qasam tal-politika tal-ilma (1) (‘id-WFD’),

—

wara li kkunsidra d-Direttiva 2006/118/KE tal-Parlament Ewropew u tal-Kunsill tat-12 ta’ Diċembru 2006 dwar il-protezzjoni tal-ilma ta' taħt l-art kontra t-tniġġiż u d-deterjorament (2) (‘id-Direttiva dwar l-Ilma ta’ Taħt l-Art’);

—

wara li kkunsidra d-Direttiva 2008/105/KE tal-Parlament Ewropew u tal-Kunsill tas-16 ta’ Diċembru 2008 dwar standards ta’ kwalità ambjentali fil-qasam tal-politika tal-ilma, li temenda u sussegwentement tħassar id-Direttivi tal-Kunsill 82/176/KEE, 83/513/KEE, 84/156/KEE, 84/491/KEE, 86/280/KEE u li temenda d-Direttiva 2000/60/KE tal-Parlament Ewropew u tal-Kunsill (3) (‘l-EQSD’),

—

wara li kkunsidra d-Direttiva 91/271/KEE tal-Kunsill tal-21 ta’ Mejju 1991 dwar it-trattament tal-ilma urban mormi (4)(‘il-UWWTD’),

—

wara li kkunsidra d-Direttiva 91/676/KEE tal-Kunsill tat-12 ta’ Diċembru 1991 dwar il-protezzjoni tal-ilma kontra t-tniġġis ikkawżat min-nitrati minn sorsi agrikoli (5)(‘id-Direttiva dwar in-Nitrati’),

—

wara li kkunsidra d-Direttiva 2007/60/KE tal-Parlament Ewropew u tal-Kunsill tat-23 ta' Ottubru 2007 dwar il-valutazzjoni u l-immaniġġjar tar-riskji tal-għargħar (6) (‘id-Direttiva dwar l-Għargħar’),

—

wara li kkunsidra r-Regolament (KE) Nru 1107/2009 tal-Parlament Ewropew u tal-Kunsill tal-21 ta’ Ottubru 2009 dwar it-tqegħid fis-suq ta’ prodotti għall-protezzjoni tal-pjanti (7);

—

wara li kkunsidra r-Regolament (KE) Nru 1907/2006 tal-Parlament Ewropew u tal-Kunsill tat-18 ta’ Diċembru 2006 dwar ir-reġistrazzjoni, il-valutazzjoni, l-awtorizzazzjoni u r-restrizzjoni ta’ sustanzi kimiċi (REACH), li jistabbilixxi Aġenzija Ewropea għas-Sustanzi Kimiċi, li jemenda d-Direttiva 1999/45/KE u li jħassar ir-Regolament (KEE) Nru 793/93 tal-Kunsill u r-Regolament (KE) Nru 1488/94 tal-Kummissjoni kif ukoll id-Direttiva 76/769/KEE tal-Kunsill u d-Direttivi 91/155/KEE, 93/67/KEE, 93/105/KE u 2000/21/KE tal-Kummissjoni (8) (‘ir-Regolament REACH’),

—

wara li kkunsidra d-Direttiva 2009/128/KE tal-Parlament Ewropew u tal-Kunsill tal-21 ta’ Ottubru 2009 li tistabbilixxi qafas għal azzjoni Komunitarja biex jinkiseb użu sostenibbli tal-pestiċidi (9);

—

wara li kkunsidra d-Direttiva tal-Kunsill 92/43/KEE tal-21 ta’ Mejju 1992 dwar il-konservazzjoni tal-habitat naturali u tal-fawna u l-flora selvaġġa (10) u d-Direttiva 2009/147/KE tal-Parlament Ewropew u tal-Kunsill tat-30 ta’ Novembru 2009 dwar il-konservazzjoni tal-għasafar selvaġġi (11),

—

wara li kkunsidra r-Regolament (UE) Nru 528/2012 tal-Parlament Ewropew u tal-Kunsill tat-22 ta' Mejju 2012 dwar it-tqegħid fis-suq u l-użu ta’ prodotti bijoċidali (12);

—

wara li kkunsidra l-‘Blueprint għall-protezzjoni tar-riżorsi tal-ilma tal-Ewropa’ li jmiss tal-Kummissjoni,

—

wara li kkunsidra l-Komunikazzjoni mill-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali u lill-Kumitat tar-Reġjuni ‘L-assigurazzjoni ta' ħajjitna, il-kapital naturali tagħna: strateġija tal-UE għall-bijodiversità sal-2020’(COM(2011)0244),

—

wara li kkunsidra l-Komunikazzjoni mill-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni bit-titolu ‘Pjan Direzzjonali għal Ewropa b’Użu Effiċjenti tar-Riżorsi’ (COM(2011)0571),

—

wara li kkunsidra s-Sħubija Ewropea għall-Innovazzjoni dwar l-Ilma li jmiss,

—

wara li kkunsidra l-Komunikazzjoni tal-Kummissjoni, tat-18 ta’ Lulju 2007, bit-titolu ‘Li tindirizza l-isfida tal-iskarsezza tal-ilma u l-perjodi ta’ nixfa fl-Unjoni Ewropea’ (COM(2007)0414),

—

wara li kkunsidra r-Riżoluzjoni tiegħu tal-15 ta' Marzu 2012 (13) dwar is-Sitt Forum Dinji dwar l-Ilma f’Marsilja mit-12 sas-17 ta' Marzu 2012 u l-Pjattaforma ta’ Soluzzjonijiet u Impenji li ġiet adottata hemmhekk,

—

wara li kkunsidra r-riżoluzzjoni tiegħu tad-9 ta' Ottubru 2008 dwar l-indirizzar tal-isfida tal-iskarsezza tal-ilma u tan-nixfa fl-Unjoni Ewropea (14),

—

wara li kkunsidra r-Riżoluzzjoni tiegħu tas-6 ta’ Mejju 2010 dwar il-White Paper tal-Kummissjoni bit-titolu ‘L-adattament għat-tibdil fil-klima: Lejn Qafas Ewropew għall-azzjoni’ (15),

—

wara li kkunsidra l-Artikolu 48 tar-Regoli ta’ Proċedura tiegħu,

—

wara li kkunsidra r-rapport tal-Kumitat għall-Ambjent, is-Saħħa Pubblika u s-Sikurezza tal-Ikel u l-opinjonijiet tal-Kumitat għall-Industrija, ir-Riċerka u l-Enerġija u l-Kumitat għall-Petizzjonijiet (A7-0192/2012),

A.

billi d-WFD stabbiliet qafas għall-protezzjoni u r-restawr tal-ilma nadif fl-UE u biex ikun żgurat l-użu fit-tul u sostenibbli tiegħu, u għandha l-għan li takkwista ‘stat ekoloġiku u kimiku tajjeb’ sal-2015, iżda billi r-reviżjoni tal-Pjanijiet għall-Ġestjoni tal-Baċiri tax-Xmajjar stabbiliti mill-Istati Membri kif rekwiżit mid-Direttiva tindika li numru sinifikanti ta’ korpi tal-ilma tal-UE mhumiex se jilħqu 'stat tajjeb' sal-2015 minħabba sfidi kemm antiki u kemm emerġenti;

B.

billi l-bijodiversità tal-ilma ħelu fl-Ewropa hija fi kriżi, fejn 37 % tal-ispeċi tal-ħut tal-ilma ħelu Ewropew u 40 % tal-molluski tal-ilma ħelu huma kkunsidrati bħala mhedda skont il-kriterji tal-Lista l-Ħamra tal-Unjoni Internazzjonali għall-Konservazzjoni tan-Natura (IUCN);

C.

billi l-ilma huwa partikolarment vulnerabbli għall-effetti tat-tibdil fil-klima, u dan jista' jwassal għal tnaqqis fil-kwantità u l-kwalità tal-ilma – partikolarment tal-ilma tax-xorb – disponibbli, kif ukoll għal żieda fil-frekwenza u l-intensità tal-għargħar u taż-żminijiet ta’ nixfa;

D.

billi l-ilma huwa ass pubbliku inaljenabbli li huwa essenzjali għall-ħajja, u l-ġestjoni ekwa tal-ilma għandha rwol vitali fil-konservazzjoni tal-kapital naturali dinji u tas-servizzi tal-ekosistema, kif ukoll fl-aspetti kollha tal-użu tar-riżorsi u l-produzzjoni ekonomika, u billi l-futur tal-industrija fl-Ewropa jiddependi fuq ir-rispons effettiv għall-isfidi preżenti tal-ilma u l-immaniġġjar tar-riżorsi eżistenti tal-ilma, li għandhom konsegwenzi diretti fuq is-saħħa tal-bniedem, il-produzzjoni tal-enerġija, l-agrikultura u s-sigurtà alimentari, b’mod responsabbli kif ukoll effiċjenti;

E.

billi l-Ewropa qiegħda testratta madwar 13 % biss tat-total tal-ilma ħelu disponibbli tagħha, li diġà jindika ċertu pressjoni dwar l-ilma, u billi f’ħafna postijiet fl-Ewropa, l-estrazzjoni tal-ilma taqbeż il-livelli sostenibbli u thedded l-organiżmi slavaġ, il-provvista sikura tas-soċjetà u l-użi ekonomiċi differenti, u billi f’ċerti reġjuni tan-Nofsinhar tal-Ewropa l-indiċi tal-konsum tal-ilma huwa fuq l-40 %, li jfisser livell ogħla ta’ pressjoni dwar l-ilma;

F.

billi l-klima nofsha niexfa ta’ territorji oħra fin-Nofsinhar tal-Ewropa hija karatterizzata wkoll minn distribuzzjoni inugwali ħafna tar-riżorsi tal-ilma matul is-sena u fuq diversi snin, u billi din id-distribuzzjoni irregolari ferm turi t-tendenza li t-tibdil fil-klima qed ikompli jiggrava;

G.

billi l-istrateġija Ewropa 2020 tistipula użu aktar effiċjenti tar-riżorsi, iżda bħalissa t-tendenzi fl-użu tal-ilma huma spiss insostenibbli minħabba prattiċi ineffiċjenti li jirriżultaw f’ħela ta’ ilma u billi s-sistemi tal-infrastruttura tal-ilma huma spiss skaduti, kemm fir-reġjuni l-aktar żviluppati u wkoll f’dawk l-anqas żviluppati, u hemm nuqqas ta’ informazzjoni dwar il-prestazzjoni u t-telf attwali;

H.

billi t-tranżizzjoni lejn ekonomija ekoloġika tista’ sseħħ biss billi tiġi kkunsidrata l-problema tal-ilma;

I.

billi ilma mormi mhux imsaffi kif suppost jibqa’ jikkawża żieda fit-tniġġis tal-kosti tal-ibħra Ewropej, għalhekk huwa essenzjali li titħaffef l-implimentazzjoni ta’ infrastruttura tat-tisfija tal-ilma fl-Istati Membri;

1.

Jirrikonoxxi li d-WFD hija bażi leġiżlattiva solida u ambizzjuża għall-ġestjoni integrata fit-tul tal-ilma fl-UE; jilqa’ t-titjib fil-kwalità tal-ilma Ewropew u t-trattament tal-iskart tal-ilma fis-snin reċenti; jinnota, madankollu. li r-rata tal-implimentazzjoni kienet baxxa u inugwali fost l-Istati Membri u r-reġjuni u li jeħtieġ li l-implimentazzjoni tad-WFD tiġi mtejba b’mod sinifikanti sabiex jintlaħaq ‘stat tajjeb’ fl-ilmijiet Ewropej kollha sal-2015;

2.

Jirrikonoxxi li l-ilma huwa beni komuni tal-umanità u beni pubbliku u li l-aċċess għall-ilma għandu jikkostitwixxi dritt fundamentali u universali; jenfasizza li l-użu sostenibbli tal-ilma huwa neċessità ambjentali u ta’ saħħa u li għandu rwol fundamentali fiċ-ċiklu tar-regolazzjoni tal-klima; itenni l-ħtieġa li r-regoli tas-suq intern jiġu adattati għall-karatteristiċi distintivi tas-settur tal-ilma u jistieden lill-Istati Membri biex fil-konformità mal-prinċipju tas-sussidjarjetà, iġestu l-ilma u l-utilitajiet tal-ilma skont l-Artikolu 9 tad-WFD;

3.

Jinnota li minkejja l-progress li sar fl-implimentazzjoni tad-Direttiva dwar it-Trattament tal-Ilma Urban Mormi, għad hemm lakuni fir-rigward tar-rati ta' konformità fis-sistemi ta' ġbir u/jew ta' trattament;

4.

Jissottolinja li, filwaqt li l-punt fokali ewlieni għandu jkun l-implimentazzjoni tal-leġiżlazzjoni attwali dwar is-settur tal-ilma, jeżistu nuqqasijiet speċifiċi li jeħtieġ li jiġu solvuti kemm bl-adattament tal-leġiżlazzjoni eżistenti mal-prijoritajiet tal-ilma, kif ukoll bil-provvista tal-leġiżlazzjoni l-ġdida biex tindirizza l-impatt tas-setturi u l-attivitajiet speċifiċi, u li għandha titqies l-importanza tal-kooperazzjoni bejn id-diversi fornituri u partijiet oħra affettwati għall-ġestjoni sostenibbli tal-ilma;

5.

Isostni li l-Kummissjoni għandha tippreżenta abbozz ta’ proposta simili għal dak tad-Direttiva dwar l-għargħar, li jippromwovi l-adattament għall-politika tal-UE b’rabta mal-iskarsezza tal-ilma u n-nixfa, kif ukoll l-adattament għat-tibdil fil-klima;

6.

Jikklassifika l-‘Blueprint għall-protezzjoni tar-riżorsi tal-ilma tal-Ewropa’ li jmiss tal-Kummissjoni bħala r-rispons tal-politika tal-UE għall-isfidi attwali u futuri dwar l-ilma, bil-għan li tkun żgurata biżżejjed disponibbiltà ta’ ilma ta’ kwalità tajba għal użu sostenibbli u ekwu tal-ilma sal-2050, mingħajr għalhekk, ma jinkisru d-drittijiet sovrani nazzjonali dwar l-ilma;

7.

Ifakkar lill-Istati Membri fl-obbligi tagħhom skont id-WFD li jintlaħaq stat tajjeb tal-ilma sal-2015; iħeġġeġ lill-Kummissjoni tieħu azzjoni determinata biex iġġib fi tmiemu l-ksur tal-liġi tal-UE mill-Istati Membri fil-qasam tal-ilma; jitlob fl-istess ħin għal aktar assistenza, pereżempju billi jiġu żviluppati u mqiegħda għad-dispożizzjoni linji gwida komprensivi u strumenti effettivi biex jitrawwem il-bini tal-kapaċità partikolarment għal awtoritajiet reġjonali u aġenziji tal-baċiri tax-xmajjar, sabiex jiġu żgurati kundizzjonijiet ugwali għal kulħadd u sabiex l-Istati Membri jkunu megħjuna jiksbu konformità aħjar fl-istadji futuri tal-implimentazzjoni tal-politika tal-ilma tal-UE, sabiex iwettqu l-impenji dwar il-politika tal-ilma; jirrimarka li, f’ħafna każijiet, il-petizzjonijiet żvelaw problemi relatati mat-traspożizzjoni u l-implementazzjoni xierqa tal-leġiżlazzjoni tal-UE dwar l-ilma u jistieden lill-Kummissjoni Ewropea tkun aktar determinata fl-inkjesti tagħha, b’mod partikolari, meta teżamina l-petizzjonijiet;

8.

Jenfasizza l-importanza tal-effiċjenza tal-ilma; jitlob użu aktar effiċjenti tal-ilma speċjalment f’setturi, bħal dawk tal-enerġija u l-agrikoltura, li huma l-akbar utenti tal-ilma;

9.

Jenfasizza r-rabta bejn il-produzzjoni tal-enerġija, l-effiċjenza tal-enerġja u s-sigurtà tal-ilma; jinnota li jinħtieġu strateġiji u kunċetti addizzjonali fil-livell Ewropew, bħal pereżempju l-użu tal-ilma bħala ħażna tal-enerġija, sabiex ikun żgurat li d-domanda li dejjem tikber għall-enerġija ma tipperikolax is-sigurtà tal-ilma u li jintuża l-potenzjal għat-tnaqqis fl-użu tal-enerġija permezz tal-effiċjenza tal-ilma; jenfasizza li l-użu tal-ilma għandu jkun ikkunsidrat fil-valutazzjoni tas-sostenibbiltà ta' sorsi tal-enerġija tradizzjonali kif ukoll dawk ta' karbonju baxx, inklużi b'mod partikolari l-bijoenerġija u l-bijokarburanti, u jiġbed l-attenzjoni għar-riskji assoċjati mal-estrazzjoni tal-gass naturali mhux konvenzjonali;

10.

Jenfasizza li l-effiċjenza u s-sostenibbiltà tal-użu tal-ilma mis-settur tal-agrikoltura jistgħu jittejbu bl-introduzzjoni ta’ teknoloġiji u prattiċi innovattivi, u bit-titjib tal-informazzjoni u l-kuxjenza tal-bdiewa u l-utenti finali; jenfasizza f’dan ir-rigward, li l-kooperazzjoni bejn il-maniġers tal-art u partijiet interessati oħra hija mezz tajjeb biex jintlaħqu riżultati pożittivi fir-rigward tal-protezzjoni tal-ilma hija xierqa; jenfasizza wkoll li fir-rigward tal-isfidi tat-tibdil fil-klima u s-sigurtà tal-ikel, għandhom jiġu mmobilizzati riżorsi adegwati tal-ilma għall-agrikoltura, pereżempju billi tiġi żviluppata l-ħażna tal-ilma; jinnota li l-maġġorparti tal-ilma tintuża mis-settur agrikolu u jenfasizza l-importanza tal-konservazzjoni u l-użu sostenibbli tal-ilma fir-riforma attwali tal-PAK;

11.

Jemmen li d-domanda li dejjem qed tikber tal-ilma teħtieġ investiment urġenti fl-irrigazzjoni u jistieden lill-Kummissjoni biex tiffaċilita l-użu ta’ soluzzjonijiet biex tindirizza l-iskarsezza tal-ilma ġieri bħall-iċċarġjar artifiċjali tal-akwiferi, l-irkupru tal-ilma u l-iżvilupp ta’ tekniki alternattivi għall-irrigazzjoni; fl-istess ħin, jenfasizza l-importanza tat-trasferiment tal-għarfien u tat-teknoloġiji relatati ma’ dawk it-tekniki, kif ukoll il-konservazzjoni tal-ilma, l-estrazzjoni tal-ilma, il-ġestjoni tal-ilma ta’ taħt l-art u t-trattament tal-ilma mormi;

12.

Jenfasizza li l-formazzjoni tal-ilma ta’ taħt l-art hija għolja ħafna taħt uċuħ agrikoli u tal-foresti u li s’issa, l-agrikoltura u l-forestrija għandhom responsabbiltà speċjali biex jiġi kkontrollat it-tniġġis tal-ilma ta’ taħt l-art li hu ta’ kwalità għolja; jirrikonoxxi l-isforzi preċedenti tal-bdiewa biex titjieb il-kwalità tal-ilma’;

13.

Jenfasizza li politika ta’ ġestjoni dwar is-sanità tal-ilma u l-iskart tal-ilma ambjentalment u ekonomikament b’saħħitha għandha tindirizza t-tniġġis mis-sors qabel ma tgħaddi s-sustanzi li jniġġsu kollha minn trattament fil-punt tar-rimi li jkun jiswa ħafna, partikolarment rigward l-ilma li jgħaddi minn ħamrija kkontanimata; jinkoraġġixxi l-użu tal-ilma mormi u l-prodotti sekondarji tat-trattament fil-punt tar-rimi, bħala riżors ġdid abbażi ta’ rekwiżiti ta’ kwalità stretti; jinnota li l-ilma mormi huwa sors tal-enerġija permezz tal-irkupru tas-sħana jew l-irkupru tal-enerġija mill-materjal organiku li jittrasporta, u li hemm bżonn tiġi żviluppata din l-opportunità;

14.

Jitlob biex il-leġiżlazzjoni tal-UE dwar l-ilma tkun aġġornata biex tqis b’mod xieraq l-avvanzi teknoloġiċi għall-użu mill-ġdid u r-riċiklaġġ tal-ilma, biex tippermetti l-użu mill-ġdid ekonomiku u effiċjenti tal-ilma mormi li ġie trattat għat-tisqija u l-industrija, kif ukoll l-użu mill-ġdid tal-ilma tal-ħasil fid-djar; jitlob għal miżuri għall-monitoraġġ xieraq tal-kwalità kimika u bijoloġika tal-ilma riċiklat; jistieden lill-Kummissjoni biex tistudja metodi għall-ħolqien ta’ inċentivi għal użu iktar ġeneralizzat tal-ilma mormi trattat, l-ilma tal-ħasil u l-ilma tax-xita, bil-għan li jgħin sabiex titnaqqas l-iskarsezza tal-ilma;

15.

Jenfasizza li t-tnaqqis tal-konsum tal-ilma għandu jingħata prijorità; jissottolinja l-importanza tal-ekodisinn u tal-apparati li jiffrankaw l-ilma u jitlob li l-kejl tal-ilma jsir vinkolanti fis-setturi kollha u l-utenti fil-pajjiżi kollha tal-UE; barra minn hekk, jistieden lill-Kummissjoni biex tirregola l-effiċjenza tal-ilma ta’ apparat għall-użu agrikolu;

16.

Ifakkar li fl-UE jintilef madwar 20 % tal-ilma minħabba l-ineffiċjenza, għalhekk it-titjib tal-effiċjenza fl-użu tar-riżorsi tal-ilma huwa essenzjali għas-sostenibbiltà tal-ġestjoni tal-ilma u b’mod partikolari sabiex jiġu indirizzati l-problemi tal-iskarsezza tal-ilma u ż-żminijiet ta’ nixfa; jenfasizza l-ħtieġa urġenti li jiġi verifikat l-istat tan-netwerk Ewropew tal-ilma f'termini ta’ kwalità tal-ilma, id-danni u l-interkonnettività, bil-possibbiltà li sa 70 % tal-ilma fil-bliet Ewropej jista' jintilef minħabba tnixxijiet fis-sistema tal-ilma, u li jiġi promoss l-investiment tal-infrastruttura;

17.

Jinnota li l-ilma huwa fil-qalba tal-biċċa l-kbira tas-servizzi tal-ekosistema u jenfasizza l-importanza ta’ ġestjoni xierqa tal-ilma sabiex jintlaħqu l-miri tal-bijodiversità; jenfasizza l-ħtieġa għar-riforestazzjoni u miżuri ta' restawr tal-artijiet mistagħdra fil-ġestjoni tar-riżorsi tal-ilma; jitlob għal allinjament aħjar tal-objettivi tad-WFD man-Natura 2000; jenfasizza li l-bażi tal-għarfien għandha tintegra l-kunċett ta’ ‘flussi ambjentali’ u tqis is-servizzi tal-ekosistema sostnuti mill-ilma; jenfasizza l-ħtieġa li jiġi kkunsidrat il-fatt li l-bidliet fiċ-ċiklu tal-ilma jiddependu fuq il-ħabitat u li dan jinfluwenza l-persentaġġ tal-ilma li jiġi rriċiklat: iċ-ċiklu tal-ilma mhuwiex l-istess kullimkien u jeżistu differenzi bejn iċ-ċikli fit-tropiċi, tal-Mediterran u tal-latitudnijiet medji u għoljin.

18.

Jenfasizza li l-ilma huwa partikolarment vulnerabbli għall-effetti tat-tibdil fil-klima, u dan jista' jwassal għal tnaqqis fil-kwantità u l-kwalità tal-ilma disponibbli, partikolarment tal-ilma tax-xorb, kif ukoll għal żieda fil-frekwenza u l-intensità tal-għargħar u taż-żminijiet ta’ nixfa; jitlob biex il-politiki ta’ mitigazzjoni u ta' adattament tat-tibdil fil-klima jqisu kif jixraq l-impatt fuq ir-riżorsi tal-ilma; jissottolinja l-importanza ta' strateġiji ta' prevenzjoni tar-riskju, ta' mitigazzjoni u ta' rispons bil-għan li jiġu evitati fenomeni estremi relatati mal-ilma;

19.

Jenfasizza l-impatti li t-tibdil fil-klima jista’ jkollu fuq is-sistema ekoloġika relatata mal-ilma, fejn ikunu meħtieġa miżuri strinġenti u sistematiċi li jkollhom l-għan tal-konservazzjoni tan-natura u l-bijodiversità u li jobbligaw li jiġu introdotti regolamenti li jqisu aktar il-ġestjoni ta’ mases ta’ ilma trasformati, speċjalment għall-ġestjoni ta’ lagi artifiċjali u sistemi tal-ilma trasformati filwaqt li jirrispetta l-kompetenza tal-Istati Membri dwar is-suġġett;

20.

Jinnota li xi pajjiżi oħra ma jbatux minn nuqqas ta’ ilma iżda qed ikollhom diffikultà biex iġestu l-eċċess tal-ilma li jirriżulta minn xita regolari jew qawwija, mill-għargħar, mill-erożjoni tax-xmajjar u mit-tniġġis li jaffettwaw iż-żoni tal-baċiri tax-xmajjar u dawk kostali, kif ukoll l-effetti ta’ dawn il-fenomeni fuq il-popolazzjoni lokali, kif jintwera mill-ħafna petizzjonijiet li waslu; jistieden lill-Kummissjoni biex twettaq analiżi adegwata tal-modi ta’ prefenzjoni tal-effetti tal-għargħar, minħabba ż-żieda fir-riskju li jista’ jkun innotat ta’ għargħar fl-Istati Membri f’dawn l-aħħar snin;

21.

Jenfasizza l-ħtieġa li l-Kummissjoni tistieden lill-Istati Membri jippromwovu r-riintroduzzjoni ta’ attivitajiet agrikoli li ma jagħmlux ħsara lill-ambjent f’postijiet fil-muntanji bl-iskop li tiġi miġġielda l-instabilità idroġeoloġika u tiġi promossa r-regolamentazzjoni tal-ilma u li jiddaħħlu mill-ġdid il-prattiki t-tajbin tat-twettiq ta’ gandotti, drejns u imbankmenti tax-xmajjar, li jippermettu, f’każ ta’ xita żejda, li jittaffa l-impatt negattiv f’qiegħ il-wied, kif ukoll f’każ ta’ nixfa, jiggarantixxu riżorsi ta’ ilma maħżun li jista’ jintuża wkoll fil-ġlieda kontra n-nirien tal-boskijiet;

22.

Jirrikonoxxi r-rwol essenzjali li għandhom l-akwiferi ta’ taħt l-art fiċ-ċiklu tal-ilma u f’numru ta’ kwistjonijiet ewlenin inkluż it-tniġġis tal-ilma, l-iskemi ta’ mitigazzjoni tal-għargħar, l-intrużjoni tal-melħ u l-kollass tal-art minħabba tnaqqis fit-tul tal-ilma ta’ taħt l-art; jitlob lill-Kummissjoni biex tqiegħed biżżejjed enfasi fuq l-importanza ta’ ġestjoni sostenibbli tal-akwiferi ta’ taħt l-art;

23.

Rigward ir-riskji sinifikanti kemm għall-ilma tal-wiċċ kif ukoll għal dak tal-art ikkawżati mill-esplorazzjoni u l-estrazzjoni tal-gass “shale”, jitlob lill-Kummissjoni tiżgura li tali attivitajiet jkunu koperti mid-Direttiva dwar il-Valutazzjoni tal-Impatt Ambjentali; jistieden ukoll lill-Kummissjoni biex toħroġ gwida malajr dwar il-ġbir ta’ data ta’ referenza tal-monitoraġġ tal-ilma li għandha tinkiseb qabel kwalunkwe ‘fracking’- kemm esploratorju kif ukoll esplojtattiv u l-kriterji li għandhom jintużaw għall-valutazzjoni tal-impatt tal-‘fracking’ f’formazzjonijiet ġeoloġiċi differenti, inkluża tnixxija potenzjali, f’riżervi tal-ilma ta’ taħt l-art;

24.

Ifakkar li l-protezzjoni tal-ħamrija hija element ewlieni għall-preservazzjoni tal-kwalità tal-ilma; jinnota li r-raġunijiet u l-konsegwenzi tad-degradazzjoni tal-ħamrija huma qabel xejn ikkundizzjonati fuq livell lokali u reġjonali u li għalhekk, il-prinċipju ta’ sussidjarjetà għandu jiġi mħares; jistieden lill-Istati Membri kollha biex iwettqu l-obbligu tagħhom li jiżguraw il-kwalità tal-ħamrija u jżommu l-ħamrija f’kundizzjoni tajba, u jħeġġeġ lill-Istati Membri, li m’għandhomx dispożizzjonijiet dwar il-protezzjoni tal-ħamrija, biex jerfgħu r-responsabilitajiet tagħhom;

25.

Jinnota li l-ġestjoni integrata tar-riżorsi tal-ilma u l-ippjanar tal-art fil-livell tal-baċiri tax-xmajjar għandha tqis l-attivitajiet ekonomiċi li jiddependu fuq l-ilma u l-ħtiġijiet tal-ilma għall-utenti kollha, kif ukoll il-bżonn ta’ approċċ olistiku għall-iskarsezza tal-ilma, u għandha tiżgura s-sostenibbiltà tal-attivitajiet tal-bniedem fuq l-ilma;

26.

Jemmen li l-ilma mormi minn riżorsi urbani jħalli effetti sinifikanti ta' tniġġis fuq l-ambjent akwatiku, fuq ix-xmajjar u fuq il-kosta, u li l-implimentazzjoni b’suċċess tad-Direttiva dwar it-Trattament tal-Ilma Urban Mormi se jkollha influwenza sinifikanti fuq il-kwalità tal-ilma fl-Istati Membri kollha, u għalhekk fuq l-implimentazzjoni b’suċċess tad-WFD;

27.

Jiġbed l-attenzjoni għall-impatt serju li dan it-tniġġis jista’ jkollu fuq is-saħħa tal-bniedem kif jixhdu l-petizzjonijiet li waslu mill-Irlanda (Galway), minn Franza (Brittany), u minn Stati Membri oħra; ifakkar fir-riżoluzzjoni tiegħu tat-2 ta' Frar 2012 dwar il-kwestjonijiet imqajma mill-petizzjonanti fir-rigward tal-applikazzjoni tad-Direttiva tal-Ġestjoni tal-Iskart, u ta' Direttivi relatati oħra, fl-Istati Membri tal-Unjoni Ewropea, li ġibdu l-attenzjoni għal-livelli perikolużi tal-kontaminazzjoni fl-ilma li tirriżulta minn miżbliet u barrieri ġestiti b’mod ħażin jew li huma illegali li wasslu għall-infiltrazzjoni u t-tniġġis tal-ilma ta’ taħt l-art u tal-ilma tal-pjan (nappes phréatiques);

28.

Jiġbed l-attenzjoni dwar fatturi negattivi denunzjati mill-petizzjonanti - inklużi l-miżbliet, in-nuqqas tal-awtoritajiet kompetenti li jikkontrollaw il-kwalità tal-ilma, il-prattiki agrikoli u industrijali irregolari jew illegali, l-iżvilupp urban u dak relatat mal-enerġija, l-agrikoltura u l-industrija - li għandhom impatt fuq l-ambjent u s-saħħa tal-bniedem u huma responsabbli għall-kwalità fqira tal-ilma; jitlob, għalhekk, li jiġu stabbiliti inċentivi aktar speċifiċi għall-ġestjoni effiċjenti tal-ilma - b'mod partikolari għall-popolazzjonijiet fqar u rurali - u għall-aċċess għall-ilma għal kulħadd, u għad-distribuzzjoni tal-ilma f’żoni li jiffaċċjaw skarsezza tal-ilma, b’mod partikolari dawk iż-żoni li qegħdin ’il bogħod minn agglomerazzjonijiet urbani kbar mgħammra b’infrastruttura għall-ilma;

29.

Iqis li l-arrikkiment tan-nutrijenti hu wieħed minn għadd ta' fatturi responsabbli għat-tniġġis tal-korpi tal-ilma tal-wiċċ, li b’hekk jaffettwa l-bijodiversità u jnaqqas servizzi siewja tal-ekosistema; jirrikonoxxi li l-kundizzjonijiet tan-nutrijenti investigati possibilment jistgħu jimpedixxu, għal aktar minn nofs il-każi, l-isforz biex jintlaħaq ‘stat tajjeb’ fil-korpi tal-ilma tal-wiċċ sal-2015;

30.

Iħeġġeġ lill-Kummissjoni biex iżżid l-isforzi tagħha fil-ġlieda kontra ż-żieda fir-rilaxx fl-ilma ta’ sustanzi li jniġġsu bħal residwi ta’ antibijotiċi, mediċini kif ukoll residwi tal-ormoni mill-pilloli ta’ kontra l-konċepiment, minħabba li dawn ir-residwi għandhom effett negattiv fuq is-saħħa tal-bniedem u fuq l-ambjent;

31.

Jirrikonoxxi li l-qafas tal-politika tal-UE ppermetta l-ġbir ta’ data inqas frammentata dwar l-ilma kif ukoll monitoraġġ aħjar; jinnota madankollu n-nuqqas ta’ data affidabbli dwar il-kwantità tal-ilma, pereżempju dwar l-estrazzjoni u t-tnixxija ta’ ilma; jinnota l-potenzjal għall-immaniġġjar aħjar tad-data, ibbażat fuq it-titjib fl-informazzjoni tal-istatistika u l-użu ta’ stazzjonijiet ta’ ġbir tad-data, is-Sistema ta’ Informazzjoni dwar l-Ilma għall-Ewropa (WISE) u l-Monitoraġġ Globali tal-Ambjent u s-Sigurtà (GMES) għall-monitoraġġ tal-istat tar-riżorsi tal-ilma u l-pressjonijiet li qed tħalli fuqhom l-attività ekonomika; jistieden lill-Kummissjoni, f’kooperazzjoni mal-Aġenzija Ewropea għall-Ambjent, biex tiżviluppa sett ġdid ta’ indikaturi affidabbli dwar kontijiet tal-ilma; jissottolinja li l-bażi tal-għarfien għandha tintegra l-kunċett ta’ ‘flussi ambjentali’ u tqis is-servizzi tal-ekosistema sostnuti mill-ilma u l-konnessjonijiet bejn il-klima, it-territorju u r-riżorsi tal-ilma ta’ taħt l-art provduti miċ-ċiklu tal-ilma;

32.

Jenfasizza l-ħtieġa ta' konċentrazzjoni fuq l-objettivi speċifiċi u l-attivitajiet tal-programm Orizzont 2020 f’termini tal-immaniġġjar aħjar u sostenibbli tar-riżorsi tal-ilma u tal-ambjenti akkwatiċi fl-UE u fil-pajjiżi viċin; jemmen li l-politika ta’ riċerka tal-UE għandha tirrispondi għall-isfidi dejjem jikbru dwar l-immaniġġjar tal-ilma għall-agrikoltura, il-bini, l-industrija, id-djar u l-ambizzjonijiet tal-effiċjenza fl-użu tal-ilma; jinnota, f’dan ir-rigward, il-programm BONUS għall-Baħar Baltiku bħala eżempju għal reġjuni oħrajn;

33.

Jemmen li huwa importanti li jiġu promossi r-riċerka u l-innovazzjoni fuq it-tema tal-ilma u li għandu jitħeġġeġ l-iżvilupp ta' raggruppamenti Ewropej f'dan il-qasam; jistieden lill-Kummissjoni, l-Istati Membri u partijiet interessati oħra relevanti biex jappoġġaw is-Sħubija għall-Innovazzjoni Ewropea dwar l-Ilma bħala strument effettiv biex l-isforzi jkunu kkonċentrati fuq l-aqwa riċerka u innovazzjoni fid-dinja u biex jitneħħew l-ostakli li jfixklu t-trasferiment mgħaġġel u l-integrazzjoni tal-għarfien, tal-aħjar tekniki disponibbli u tal-avvanzi teknoloġiċi fis-suq, kif ukoll biex jippromwovu l-iżvilupp tas-suq intern għat-teknoloġija tal-ilma; jenfasizza l-importanza ta’ innovazzjonijiet ekoloġiċi għall-preservazzjoni tas-sorsi tal-ilma, id-diversità bijoloġika u l-ekosistemi bilanċjati; Jirrimarka l-potenzjal tal-ħolqien ta’ ‘impjiegi sostenibbli’, politika tal-ilma abbażi tal-innovazzjoni u tal-għarfien, il-ġestjoni aħjar tal-ilma u t-titjib fl-effiċjenza tal-ilma; jitlob lill-Kummissjoni sabiex tivvaluta u tikkwantifika l-impatt fuq l-impjiegi fil-ħidma tagħha sabiex tippromwovi l-R&D fil-qasam tal-ilma;

34.

Jenfasizza l-ħtieġa għal konsistenza aħjar u integrazzjoni aħjar tal-objettivi relatati mal-ilma u tal-aġenda dwar l-effiċjenza tar-riżorsi, li tinkludi objettivi kruċjali tal-effiċjenza tal-ilma,fil-leġiżlazzjoni fil-livelli tal-UE, nazzjonali u reġjonali; jitlob biex fit-tfassil tal-politiki ġenerali tal-governanza ekonomika bħall-UE2020 u tal-politiki konġunti tal-UE, bħall-oqsfa tal-politika agrikola komuni u tal-politika tal-koeżjoni tiġi kkunsidrata evalwazzjoni sħiħa tal-effetti fuq ir-riżorsi tal-ilma, sabiex tinkiseb konċentrazzjoni tematika tal-fondi disponibbli dwar il-kwistjonijiet tal-ilma u sabiex il-kwistjoni tal-ilma tkun integrata fl-oqsma tal-politika kollha, bil-għan li titjieb il-kwalità tal-ilma fir-reġjuni Ewropej kollha;

35.

Jinnota li l-istrateġija finanzjarja l-ġdida tal-UE dwar il-fondi ta’ koeżjoni għandha tqis b’mod aktar wiesa’ mill-passat l-investimenti fl-infrastruttura idroteknika;

36.

Jinnota li n-normi li japplikaw għall-bdiewa huma diġà għoljin u mmonitorjati mill-qrib; jitlob għat-tisħiħ tal-kundizzjonalità ekoloġika fil-PAK abbażi tal-obbligi eżistenti;

37.

Jistieden lill-Kummissjoni u lill-Istati Membri biex jiżguraw l-applikazzjoni sħiħa tal-prinċipji ta' ‘min iniġġes iħallas’ u ‘min juża jħallas’ permezz ta’ skemi trasparenti u effettivi ta’ pprezzar implimentati fl-ilma kollu permezz ta’ setturi li jimmiraw għal irkupru sħiħ tal-ispejjeż tas-servizzi tal-ilma, inklużi l-ispejjeż ambjentali u tar-riżorsi, kif stipulati fid-Direttiva Qafas dwar l-Ilma; jissottolinja madankollu li l-kwistjonijiet soċjali għandhom jiġu kkunsidrati fl-istabbiliment tat-tariffi tal-ilma u li l-ilma nadif għandu jkun disponibbli bi prezz raġonevoli għall-bżonnijiet tal-bniedem; jistieden, barra minn hekk, lill-Kummissjoni u lill-Istati Membri biex jivvalutaw u jirrevedu s-sussidji li huma ta’ dannu għall-ilma u jiżviluppaw u jintroduċu aktar strumenti ekonomiċi biex inaqqsu l-attività li tagħmel ħsara lill-ambjent u biex jinċentivaw użu aktar sostenibbli tar-riżorsi tal-ilma; jenfasizza li l-ipprezzar tal-ilma għandu jirrifletti l-impatt ambjentali tat-trattament tal-ilma mormi; jinnota li minkejja li hemm rieda politika, il-kriżi ekonomika u t-tnaqqis fin-nefqa pubblika qegħdin jagħmluha diffiċli għall-awtoritajiet lokali u reġjonali li jiffinanzjaw proġetti għat-trattament tal-ilma tal-ħasil, għalhekk jitlob lill-Kummissjoni sabiex tiżgura finanzjament xieraq għall-impjanti tat-trattament tal-ilma mormi; jistieden lill-Kummissjoni tiżviluppa strateġija biex jiġu internalizzati l-ispejjeż esterni, li jinħolqu minħabba l-konsum tal-ilma, it-tniġġis tal-ilma u t-trattament tal-ilma mormi;

38.

Jemmen li d-djar sekondarji jirċievu l-istess disponibbiltà tar-riżorsi tal-ilma bħar-residenzi prinċipali u li l-kontribut għall-finanzjament tagħhom għandu tal-anqas ikun daqs;

39.

Jistieden lill-Istati Membri sabiex jisfruttaw il-possibilitajiet offruti mill-Fondi Strutturali, il-Fondi ta’ Koeżjoni u l-Fond għall-Iżvilupp Rurali u sabiex jinvestu fit-titjib u t-tiġdid tal-infrastrutturi u t-teknoloġiji eżistenti sabiex tiżdied l-effiċjenza fl-użu tar-riżorsi tal-ilma;

40.

Iqis li l-ġestjoni tad-domanda hija essenzjali għall-indirizzar tal-iskarsezza tal-ilma u jitlob pjanijiet tal-ġestjoni tad-domanda tal-ilma, flimkien ma' miżuri min-naħa tal-provvista, li jkunu kkunsidrati bħala kriterji importantigħall-għoti ta’ appoġġ tal-fond struttural u ta’ koeżjoni tal-UE lis-settur tal-ilma jew lil attivitajiet li jużaw l-ilma, kif ukoll li l-Istati Membri jeħtieġu valutazzjonijiet tas-sostenibbilità tal-ilma bħala kundizzjoni għall-awtorizzazzjoni ta’ attivitajiet ekonomiċi li jużaw l-ilma bħat- turiżmu tal-massa jew tipi partikolari ta’ agrikoltura;

41.

Jitlob lill-Kummissjoni biex tħeġġeġ lill-impriżi biex jużaw materjali li jaħlu inqas ilma, permezz ta’ għajnuna għar-R&Ż u permezz tal-fondi strutturali fiż-żoni fejn ir-riżorsi jkunu l-inqas disponibbli;

42.

Jistieden lill-Kummissjoni u lill-Istati Membri, sabiex ifasslu miżuri amministrattivi u jfittxu riżorsi finanzjarji sabiex jiffaċilitaw l-aċċess għas-sistemi tad-drenaġġ għall-popolazzjoni li tgħix f’żona rurali;

43.

Iħeġġeġ lill-Kummissjoni u lill-Istati Membri biex jadottaw mingħajr dewmien pjanijiet konkreti għall-eliminazzjoni gradwali tas-sussidji kollha li jagħmlu ħsara lill-ambjent qabel l-2020 u biex jirrappurtaw dwar il-progress permezz tal-Programmi ta’ Riforma Nazzjonali;

44.

Iħeġġeġ lill-Kummissjoni, lill-Istati Membri u lill-awtoritajiet reġjonali jistimolaw id-djalogu intersettorjali kif ukoll id-djalogu bejn l-atturi ekonomiċi differenti u ċ-ċittadini dwar il-kwistjonijiet marbuta mal-ilma u bejn l-awtoritajiet u l-Kumitat tal-Petizzjonijiet kull meta dan tal-aħħar jindirizza t-tħassib taċ-ċittadini Ewropej rigward il-kwistjonijiet tal-ilma, u biex irawmu l-parteċipazzjoni sħiħa u trasparenti tal-komunitajiet lokali u l-partijiet interessati fil-livelli kollha fl-iżvilupp tal-politika dwar l-ilma; jenfasizza l-importanza ta’ governanza effettiva fuq bosta livelli li ssolvi l-problema tal-ilma li tikkunsidra l-ħtieġa tal-ġestjoni tal-ilma integrata fil-kampanja madwar il-baċiri tax-xmajjar u trawwem l-iskambju tal-aħjar prattiki;

45.

Jinsisti li biex politika dwar l-immaniġġjar tal-ilma tkun effettiva, din għandha tiġi implimentata qrib ir-riżorsi; jitlob lill-Kummissjoni biex tikkunsidra ż-żoni bi żvantaġġi naturali bħaż-żoni muntanjużi, il-gżejjer u r-reġjuni l-iktar imbiegħda;

46.

Jitlob għat-tisħiħ tal-kuxjenza u l-informazzjoni tal-pubbliku dwar il-kwistjonijiet tal-ilma, sabiex ikun hemm għarfien aħjar tar-rabtiet bejn l-ilma, l-ekosistemi, is-sanità, l-iġjene, is-saħħa, is-sikurezza tal-ikel, is-sigurtà tal-ikel u l-prevenzjoni tad-diżastri fost il-konsumaturi, l-operaturi tas-saħħa u dawk li jfasslu l-politika u jieħdu d-deċiżjonijiet; jenfasizza r-rwol primarju tal-awtoritajiet reġjonali u lokali u tal-organizzazzjonijiet tas-soċjetà ċivili fil-kampanji tal-ħolqien ta’ kuxjenza u fl-attivitajiet edukattivi; jinsisti li dawn il-programmi li jaqjmu kuxjenza fil-komunità għandhom ikunu diretti lejn iċ-ċittadini ta’ kull età, sabiex ikunu jistgħu jagħmlu użu aħjar u b’mod aktar effiċjenti minn dan il-ġid pubbliku vitali;

47.

Jenfasizza, li l-ilma u l-ekosistemi tiegħu m’għandhom l-ebda limiti amministrattivi, u li konsegwentement il-miżuri kollha għall-ħarsien u l-konservazzjoni tal-valur tagħhom għandhom jiġu implimentati b’mod uniformi u koordinat, preferibbilment minn awtoritajiet kompetenti b’setgħat għall-baċir tax-xmara kollu;

48.

Itenni li d-WFD tippreskrivi koordinazzjoni bejn l-Istati Membri biex jikkondividu l-baċir komuni tax-xmara fejn l-użu tal-ilma jista’ jkollu effetti transkonfinali, u jħeġġeġ lill-Istati Membri kkonċernati biex jidħlu f’komunikazzjoni u f’kooperazzjoni transkonfinali regolari sabiex jappoġġjaw l-implimentazzjoni tad-WFD fir-rigward tat-tniġġis ikkawżat minn sustanzi ta’ prijorità, minn sustanzi ta’ prijorità perikolużi u minn nutrijenti;

49.

Jinnota li l-kwalità tal-ilma għandha impatt fuq it-turiżmu; jitlob li s-sistema tal-Bandiera Blu tiġi estiża għaż-żoni kollha tal-għawm fl-Ewropa, inklużi x-xmajjar, il-lagi u l-għadajjar;

50.

Jenfasizza li l-kunċett tat-turiżmu sostenibbli jinkudi l-konservazzjoni tar-riżorsi tal-ilma; jitlob li jiġi pprovdut it-taħriġ dwar l-iffrankar u l-użu sostenibbli tal-ilma fost il-professjonisti tat-turiżmu, speċjalment fiż-żoni kostali u fiż-żoni termali;

51.

Jenfasizza l-importanza li jiġu introdotti sistemi tal-ilma tajbin fil-bini u ż-żoni pubbliċi li jgħinu jnaqqsu l-ħtieġa għall-ilma fil-fliexken;

52.

Jinnota li mill-1988, fost il-petizzjonijiet relatati ma’ lmenti dwar l-ambjent indirizzati lill-Kumitat għall-Petizzjonijiet, 601 minn dawn il-petizzjonijiet (Spanja 166, ir-Renju Unit 129, il-Ġermanja 97, l-Italja 60, Franza 55, il-Greċja 34, l-Olanda 16, il-Portugall 16, l-Irlanda 12, il-Polonja 4, ir-Rumanija 4, il-Finlandja 3, il-Bulgarija 2, l-Ungerija 2 u s-Slovenja 1), xi drabi koiffirmati minn diversi firmatarji (ara petizzjoni 0784/2007, koiffirmata minn 2036 firmatarju), jirrigwardaw il-kwalità u l-kwantità tal-ilma fl-Istati Membri; jirrikonoxxi li dawn il-petizzjonijiet huma prova li l-ilma huwa problema ferm serja għaċ-ċittadini tal-Unjoni Ewropea;

53.

Jinnota li skont stħarriġ tal-Ewrobarometru ta' Marzu 2012, 68 % tal-Ewropej jaħsbu li l-problemi dwar il-kwantità u l-kwalità tal-ilma huma serji, 80 % jemmnu li t-tniġġis kimiku huwa theddida għall-ambjent tal-ilma, 62 % jħossu li mhumiex infurmati biżżejjed dwar il-problemi li jistgħu jaffettwaw l-ilma ta’ taħt l-art, il-lagi, ix-xmajjar u l-ilmijiet kostali ta’ pajjiżhom, 67 % jaħsbu li l-iktar mod effettiv biex jiġu ttrattati l-problemi dwar l-ilma huwa żieda fil-kuxjenza dwar il-problemi relatati mal-ilma, u 73 % jaħsbu li l-UE għandha tipproponi miżuri addizzjonali biex jiġu indirizzati l-problemi dwar l-ilma fl-Ewropa;

54.

Jilqa’ l-fatt li ntlaħaq kmieni l-Għan ta' Żvilupp tal-Millennju (MDG) tan-Nazzjonijiet Uniti dwar l-ilma għax-xorb sikur; jitlob lill-Kummissjoni, l-Istati Membri u l-awtoritajiet kompetenti fil-livelli kollha biex jinfurzaw l-impenn tagħhom li jieħdu rwol attiv fl-akkwist tal-MDG dwar is-sanità bażika u biex iqisu r-riżultati rilevanti tal-Konferenza Rio+20 dwar l-Iżvilupp Sostenibbli, li tiżgura li l-aċċess għall-ilma tax-xorb u s-sanità jkunu garantiti bħala dritt fundamentali tal-bniedem li huwa essenzjali għat-tgawdija sħiħa tal-ħajja, skont it-termini adottati mill-Assemblea Ġenerali tan-Nazzjonijiet Uniti fl-2010;

55.

Jilqa’ l-parteċipazzjoni attiva tal-Unjoni Ewropea fis-Sitt Forum Dinji dwar l-Ilma li ġie organizzat bejn it-12 u s-17 ta’ Marzu 2012, f’Marsilja; jistieden lill-Unjoni Ewropea biex tkompli timpenja ruħha sabiex jitjieb l-aċċess għall-ilma fid-dinja, partikolarment bi tħejjija għas-Seba’ Forum Dinji dwar l-Ilma li ser jiġi organizzat fil-Korea t’Isfel fl-2015;

56.

Jinnota li l-UE għandha livell għoli ħafna ta’ kompetenza fl-ilma li għandha tiġi utilizzata fil-prattika sabiex jinkiseb l-MDG fuq is-sanità bażika u fuq għanijiet oħra ta’ żvilupp sostenibbli relatati mal-ilma; jistieden lill-Kummissjoni tieħu ħsieb li pajjiżi terzi japplikaw prattiċi tajbin fl-użu tal-ilma tax-xita miġbur u li l-ilma mormi jintuża ripetutament mill-ġdid u biex b’hekk titnaqqas l-iskarsezza tal-ilma, speċjalment f’perjodi ta’ nixfa; jinkoraġġixxi li tiżdied il-kooperazzjoni f’dawn l-oqsma mal-pajjiżi terzi l-aktar avvanzati teknoloġikament f’termini tal-użu tar-riżorsi tal-ilma;

57.

Jemmen li l-ambizzjonijiet internazzjonali għandhom jiżdiedu sabiex jinkiseb użu sostenibbli tal-ilma permezz ta’ ġestjoni integrata tar-riżorsi tal-ilma u żieda fl-effiċjenza tar-riżorsi;

58.

Jinkoraġġixxi lill-awtoritajiet lokali biex jiddedikaw proporzjon tat-taxxi miġburin mill-utenti għall-forniment tas-servizzi tal-ilma u tas-sanità għal miżuri ta’ kooperazzjoni deċentralizzati; b’hekk jiġbed l-attenzjoni, bħala eżempju ta' promozzjoni u ta’ implimentazzjoni, għall-prinċipju tal-"1 % solidarjetà għall-ilma", adottat minn uħud mill-Istati Membri;

59.

Jitlob lill-Kummissjoni, f’isem l-Unjoni Ewropea, u lill-Istati Membri sabiex jaderixxu mal-Konvenzjoni tan-Nazzjonijiet Uniti tal-1997 dwar il-mogħdijiet tal-ilma internazzjonali u sabiex jippromwovu wkoll id-dħul fis-seħħ tal-emendi għall-Konvenzjoni ta’ Ħelsinki tal-1992 dwar il-protezzjoni u l-użu tal-mogħdijiet tal-ilma transkonfinali u l-lagi internazzjonali, li jippermettu l-estensjoni tal-ambitu ta' dan l-istrument lil hinn mill-uniċi pajjiżi tal-UNECE, kif ukoll biex jinkoraġġixxu r-ratifika aktar wiesgħa tal-protokoll dwar l-ilma u s-saħħa ta’ Ħelsinki tal-1992 bil-għan li tiġi promossa ġestjoni koordinata u ġusta tal-ilma fil-baċiri nazzjonali u transnazzjonali;

60.

Jagħti struzzjonijiet lill-President tiegħu biex jgħaddi din ir-riżoluzzjoni lill-Kunsill, lill-Kummissjoni, u lill-gvernijiet u l-parlamenti tal-Istati Membri.

29.11.2013   

MT

Il-Ġurnal Uffiċjali tal-Unjoni Ewropea

CE 349/19

—

wara li kkunsidra r-rakkomandazzjoni tal-Kummissjoni tat-8 ta’ Settembru 2011 dwar appoġġ għal servizz tal-eCall offrut madwar l-UE kollha fin-netwerks tal- komunikazzjoni elettronika għat-trażmissjoni ta’ sejħiet tal-emerġenza bbażati fuq in-numru 112 minn sistemi mmuntati fil-vetturi (“eCalls”) (1),

—

wara li kkunsidra d-Direttiva 2010/40/UE tal-Parlament Ewropew u tal-Kunsill tas-7 ta’ Lulju 2010 dwar qafas għall-varar ta’ Sistemi ta’ Trasport Intelliġenti fil-qasam tat-trasport bit-triq u għall-interkonnessjonijiet ma’ modi oħra ta’ trasport (2),

—

wara li kkunsidra d-Direttiva 2002/22/KE tal-Parlament Ewropew u tal-Kunsill tas-7 ta' Marzu 2002 dwar servizz universali u d-drittijiet tal-utenti li jirrelataw ma' networks u servizzi ta' komunikazzjonijiet elettroniċi (Direttiva tas-Servizz Universali) (3),

—

wara li kkunsidra d-Dokument ta’ Ħidma tal-Persunal tal-Kummissjoni ‘Valutazzjoni tal-Impatt’ li jakkumpanja r-rakkomandazzjoni tal-Kummissjoni dwar appoġġ għal servizz ta’ sejħiet tal-eCall offrut madwar l-UE kollha fin-netwerks tal-komunikazzjoni elettronika għat-trażmissjoni ta’ sejħiet tal-emerġenza bbażati fuq in-numru 112 minn sistemi mmuntati fil-vetturi ('eCalls') (SEC(2011)1020),

—

wara li kkunsidra l-komunikazzjoni tal-Kummissjoni ‘Lejn Żona Ewropea ta’ sikurezza tat-triq: orjentazzjonijiet ta' politika dwar is-sikurezza tat-triq 2011-2020’ (COM(2010)0389),

—

wara li kkunsidra l-komunikazzjoni tal-Kummissjoni ‘Futur sostenibbli għat-trasport: Lejn sistema integrata, immexxija mit-teknoloġija u li tista' tintuża faċilment’ (COM(2009)0279),

—

wara li kkunsidra l-komunikazzjoni tal-Kummissjoni ‘eCall: Wasal il-waqt għall-Mobilizzazzjoni’ (COM(2009)0434),

—

wara li kkunsidra l-komunikazzjoni tal-Kummissjoni ‘Lejn Mobilità aktar Sikura, aktar Nadifa u aktar Effiċjenti madwar l-Ewropa: L-Ewwel Rapport dwar il-Karozzi Intelliġenti’ (COM(2007)0541),

—

wara li kkunsidra l-komunikazzjoni tal-Kummissjoni ‘Dwar l-Inizjattiva tal-Karozzi Intelliġenti - “Is-Sensibilizzazzjoni dwar l-ICT għal Vetturi Aktar Intelliġenti, Aktar Sikuri u Aktar Nodfa” ’ (COM(2006)0059),

—

wara li kkunsidra l-komunikazzjoni tal-Kummissjoni ‘Inġibu l-eCall Lura fi Triqitha - Pjan ta’ Azzjoni (It-Tielet Komunikazzjoni dwar l-eSafety)’ (COM(2006)0723),

—

wara li kkunsidra l-komunikazzjoni tal-Kummissjoni ‘It-twassil tal-eCall liċ-Ċittadini’ (It-Tieni Komunikazzjoni dwar l-eSafety) (COM(2005)0431),

—

wara li kkunsidra l-komunikazzjoni tal-Kummissjoni 'Informazzjoni u Teknoloġiji tal-Komunikazzjoni għal Vetturi Sikuri u Intelliġenti' (COM(2003)0542),

—

wara li kkunsidra l-komunikazzjoni tal-Kummissjoni ‘Programm ta' Azzjoni Ewropew għas-Sikurezza fit-Toroq - Innaqqsu bin-nofs l-għadd ta' vittmi ta' inċidenti tat-traffiku fl-Unjoni Ewropea sal-2010: Responsabilità konġunta’ (COM(2003)0311),

—

wara li kkunsidra d-dokument ta’ ħidma dwar il-ħarsien tad-data u l-implikazzjonijiet għall-privatezza fl-inizjattiva eCall (Grupp ta’ Ħidma tal-Artikolu 29 – 1609/06/MT, WP 125),

—

wara li kkunsidra r-riżoluzzjoni tiegħu tal-25 ta' Ottubru 2011 dwar il-mobilità u l-inklużjoni ta' persuni b'diżabilità u l-Istrateġija Ewropea dwar id-Diżabilità 2010-2020 (4),

—

wara li kkunsidra r-riżoluzzjoni tiegħu tas-27 ta' Settembru 2011 dwar is-Sikurezza fit-Toroq 2011-2020 (5),

—

wara li kkunsidra d-dikjarazzjoni tiegħu tas-17 ta' Novembru 2011 dwar il-ħtieġa ta’ servizzi ta’ emerġenza 112 aċċessibbli (6),

—

wara li kkunsidra r-riżoluzzjoni tiegħu tas-6 ta' Lulju 2010 dwar futur sostenibbli għat-trasport (7),

—

wara li kkunsidra r-riżoluzzjoni tiegħu tal-5 ta’ Lulju 2011 dwar is-Servizz Universali u n-numru tal-emerġenza "112" (8),

—

wara li kkunsidra r-riżoluzzjoni tiegħu tat-23 ta’ April 2009 dwar il-Pjan ta’ Azzjoni fil-Qasam tas-Sistemi Intelliġenti tat-Trasport (9),

—

wara li kkunsidra r-riżoluzzjoni tiegħu tad-19 ta’ Ġunju 2008 (10) dwar l-Ewwel Rapport dwar il-Karozzi Intelliġenti,

—

wara li kkunsidra r-riżoluzzjoni tiegħu tat-18 ta’ Jannar 2007 dwar it-Tielet Programm ta' Azzjoni Ewropew għas-Sikurezza tat-Toroq - reviżjoni ta' nofs iż-żmien (11),

—

wara li kkunsidra r-riżoluzzjoni tiegħu tas-27 ta' April 2006 dwar is-sikurezza fit-toroq: inwasslu l-eCall liċ-ċittadini (12),

—

wara li kkunsidra r-riżoluzzjoni tiegħu tad-29 ta’ Settembru 2005 dwar ‘Programm Ewropew ta' Azzjoni għas-Sikurezza fit-Toroq - Innaqqsu bin-nofs l-għadd ta' vittmi ta' inċidenti tat-traffiku fl-Unjoni Ewropea sal-2010: responsabilità konġunta’ (13),

—

wara li kkunsidra l-‘World report on road traffic injury prevention’ ippubblikat b’mod konġunt fl-2004 mill-Bank Dinji u l-Organizzazzjoni Dinjija tas-Saħħa,

—

wara li kkunsidra l-Artikolu 48 tar-Regoli ta' Proċedura tiegħu,

—

wara li kkunsidra d-deliberazzjonijiet konġunti tal-Kumitat għas-Suq Intern u l-Ħarsien tal-Konsumatur u tal-Kumitat għat-Trasport u t-Turiżmu skont l-Artikolu 51 tar-Regoli ta' Proċedura,

—

wara li kkunsidra r-rapport tal-Kumitat għas-Suq Intern u l-Ħarsien tal-Konsumatur u tal-Kumitat għat-Trasport u t-Turiżmu (A7-0205/2012),

A.

billi skont il-previżjoni magħmula mill-Bank Dinji u l-Organizzazzjoni Dinjija tas-Saħħa, in-numru ta’ vittmi ta’ inċidenti tat-traffiku huwa mistenni li jikber f’kull żona tad-dinja (mid-disa’ l-ogħla kawża ta’ mwiet għat-tielet l-ogħla sal-2020), u l-livell ta’ mortalità f'età iżgħar fil-grupp ta’ bejn 5 u 14-il sena jħalli wkoll impatt kbir fuq il-ġenituri u fuq is-soċjetà,

B.

billi abbażi tad-dejta fl-Unjoni Ewropea għall-2004, iktar minn 40 000 ruħ imutu kull sena f’inċidenti tat-traffiku u 150 000 ruħ isofru diżabilità permanenti;

C.

billi l-għan tas-sistema tal-eCall immuntata fuq il-vetturi huwa biex jassigura n-notifika awtomatika tas-servizzi tal-emerġenza f’każ ta’ inċident serju, bl-iskop li jitnaqqsu l-fatalitajiet tat-traffiku u tittaffa s-severità ta’ korrimenti fit-toroq billi l-assistenza kwalifikata u mgħammra tasal aktar malajr (il-prinċipju ‘golden hour’ (is-siegħa tad-deheb));

D.

billi t-telefonata ta’ emerġenza eCall hi ġġenerata awtomatikament permezz tal-attivazzjoni ta’ sensers immuntati ġewwa l-vettura li, meta jiġu attivati, jistabbilixxu konnessjoni tal-vuċi u tad-data direttament maċ-Ċentri li Jirċievu t-Telefonati relatati mas-Sikurezza Pubblika (PSAPs) rilevanti;

E.

billi, skont id-dejta statistika uffiċjali dwar l-eCall, huwa stmat li l-integrazzjoni sħiħa tas-sistema fil-karozzi fl-Istati Membri tal-UE se ssalva sa 2 500 ħajja kull sena, filwaqt li tnaqqas ukoll il-gravità tal-korrimenti b’10-15 %,

F.

billi l-eCall jipprovdi benefiċċju għall-utenti tat-toroq li jivvjaġġaw ġewwa jew barra pajjiżhom, li jistgħu ma jkunux familjari mat-toroq u mal-pożizzjoni preċiża tagħhom f’każ li jseħħ inċident;

G.

billi l-eCall jippermetti li telefonati ta’ emerġenza jsiru mingħajr diffikultajiet ta’ lingwa bis-saħħa ta’ data diġitali miżmuma fil-format ta’ messaġġ magħmul minn Sett Minimu ta’ Data (MSD), li aktarx itaffi nuqqas ta’ ftehim u stress u jgħin biex jiġu eliminati l-barrieri tal-lingwa bejn l-okkupanti tal-vettura u l-operatur PSAP, li huwa importanti fl-ambjent multilingwi Ewropew;

H.

billi, fil-kuntest tas-sikurezza tat-triq, il-mobilizzazzjoni tas-servizz tal-eCall madwar l-UE disponibbli fil-vetturi kollha u fil-pajjiżi kollha kienet ta’ prijorità kbira għall-Unjoni mill-2002, u hija inkluża fil-Programm ta’ Azzjoni rigward is-Sikurezza fit-Toroq 2011-2020 biex itejjeb is-sikurezza tat-triq u jikkontribwixxi fl-objettiv li jitnaqqas in-numru ta’ mwiet u korrimenti fit-toroq fl-Ewropa;

I.

billi d-Direttiva 2010/40/UE tinkludi "il-forniment armonizzat ta’ eCall interoperabbli fl-UE kollha" fost l-azzjonijiet ta’ prijorità tagħha u tistabbilixxi l-obbligu għall-Kummissjoni biex tadotta, sal-aħħar tal-2012, speċifikazzjonijiet komuni għat-titjib tal-PSAPs;

J.

billi l-Istati Membri jibqgħu responsabbli għat-tip ta’ organizzazzjoni għall-PSAPs li jirċievu l-eCalls, kemm jekk tkun organizzazzjoni pubblika jew waħda privata li taġixxi taħt delega pubblika;

K.

billi l-Memorandum ta’ Qbil (MtQ) għat-Twettiq ta’ eCall Interoperabbli Abbord il-Vetturi fl-Ewropa s’issa ġie ffirmat minn 22 Stat Membru, 5 Stati Assoċjati, u aktar minn 100 organizzazzjoni; billi żewġ Stati Membri oħra esprimew l-appoġġ tagħhom għall-użu mandatorju tal-eCall;

L.

billi f’diversi okkażjonijiet, il-Parlament esprima l-appoġġ tiegħu għall-introduzzjoni tal-eCall, inkluż appoġġ għall-użu mandatorju tiegħu, inizjattiva li se toħloq sens ta’ aktar sikurezza għaċ-ċittadini meta jivvjaġġaw;

M.

billi l-approċċ volontarju għall-użu fl-UE kien il-politika tal-Kummissjoni mill-2003 iżda sal-lum ma kisibx progress sinifikanti;

N.

billi fil-komunikazzjoni tagħha ‘eCall: Wasal il-Waqt għall-Mobilizzazzjoni’, il-Kummissjoni indikat li jekk sal-aħħar tal-2009 ma jsirx progress sinifikanti, f’termini kemm ta’ disponibilità tat-tagħmir eCall fil-vetturi kif ukoll tal-investiment neċessarju fl-infrastruttura tal-PSAP, se tipproponi miżuri regolatorji;

O.

billi skont ir-riżultati tal-konsultazzjoni pubblika li twettqet mill-Kummissjoni fl-2010 dwar l-implimentazzjoni tal-eCall, aktar minn 80 % ta' dawk li taw ir-reazzjoni tagħhom, isibu s-sistema tal-eCall utli u jixtiequ li l-vettura tagħhom tkun mgħammra biha;

P.

billi s-sewwieqa tal-muturi huma l-grupp ta' utenti li jista' jkollhom l-ikbar diffikultà biex jikkuntattjaw lis-servizzi tal-emerġenza f’każ li jsibu ruħhom involuti f'inċident tat-traffiku;

Q.

billi l-vetturi agrikoli u industrijali, b’mod partikolari t-tratturi agrikoli, normalment joperaw f’żoni remoti u mwarrba u għalhekk ħafna drabi ma jistgħux jikkuntattjaw lis-servizzi tal-emerġenza f’każ ta' inċident;

R.

billi diġà jeżistu servizzi privati ta' telefonati ta' emerġenza mmuntati ġo vetturi, u l-użu tagħhom fl-Ewropa qed jiżdied, iżda l-ebda wieħed minnhom ma jkopru t-territorju kollu tal-UE u l-penetrazzjoni tas-suq huwa taħt 0.4 % tal-flotta tal-vetturi, waqt li xi wħud mis-servizzi introdotti tneħħew minħabba fallimenti fis-suq, bir-riżultat li l-utent spiċċa mingħajr is-servizz ta' telefonati ta' emerġenza minn ġewwa vetturi tul il-ħajja tal-vettura;

S.

billi t-teknoloġija hija lesta u kien hemm qbil dwar standards komuni tal-UE u qed jiġu rfinuti u ttestjati mill-industrija u l-awtoritajiet pubbliċi fil-qafad ta' proġetti pilota;

T.

billi fl-2010, il-Kummissjoni pubblikament ħabbret li se tippreżenta, fl-ewwel tliet xhur tal-2012, regolament ġdid li jinkludi s-sistema eCall bħala rekwiżit addizzjonali fi ħdan qafas regolatorju tal-vetturi bil-mutur tat-tip approvat,

1.

Jilqa' r-rakkomandazzjoni tal-Kummissjoni tat-8 ta' Settembru 2011, u jħeġġeġ lill-Istati Membri u lill-Operaturi ta' Netwerks Mobbli (MNOs) jimplimentaw il-miżuri u l-aġġornamenti meħtieġa tagħha sa mhux aktar tard mill-aħħar tal-2014; jiddispjaċih, madankollu, li 18-il Stat Membru biss irrispondew fil-ħin; jistieden lill-bqija tal-Istati Membri biex jagħmlu dan mill-aktar fis possibbli;

2.

Jiddispjaċih għad-dewmien u n-nuqqas ta' progress fl-operazzjoni volontarja tas-sistema eCall sal-ġurnata tal-lum u l-fatt li 3 Stati Membri ma ffirmawx il-MtQ tal-eCall jew ma ddikjarawx l-appoġġ tagħhom għall-operazzjoni tal-eCall, jistieden, għalehkk, lil dawk l-Istati Membri li għadhom ma ffirmawx il-MtQ dwar l-iżvilupp ta' servizz tal-eCall pan-Ewropew interoperabbli fl-Ewropa biex jagħmlu dan, u jħeġġeġ lill-partijiet kollha involuti biex jaġixxu flimkien sabiex jiġi stabbilit dan is-servizz;

3.

Jenfasizza l-fatt li jeżistu nuqqasijiet sinifikanti fil-funzjonament tan-numru ta' emerġenza Ewropew 112 li fuqu għandu jkun ibbażat l-eCall; jistieden lill-Istati Membri jindirizzaw dawn in-nuqqasijiet b’mod urġenti u jistieden lill-Kummissjoni żżid il-monitoraġġ tagħha f’dan ir-rigward;

4.

Jikkunsidra li s-sistema eCall għandha tkun sistema pubblika ta' telefonati ta' emerġenza madwar l-UE, inkorporata fil-vettura u bbażata fuq il-112 u fuq standards komuni pan-Ewropej sabiex tiġi garantita n-newtralità teknoloġika, sabiex jiġi żgurat servizz affidabbli, ta' kwalità għolja, għal but ta' kulħadd u faċli biex jintuża li jista' jaħdem mingħajr problemi u b’mod interoperabbli madwar l-Ewropa kollha fil-vetturi kollha, irrispettivament mill-marka, il-pajjiż jew il-pożizzjoni attwali tal-vettura, biex b’hekk ikunu massimizzati l-benefiċċji tas-sistema eCall għas-sewwieqa kollha, inklużi l-persuni b’diżabilità;

5.

Jenfasizza l-effetti pożittivi tas-sistema eCall, f’termini mhux biss ta' titjib fil-ġestjoni ta' inċidenti, ta' tnaqqis tal-konġestjoni kkawżata minn inċidenti u sabiex jiġu evitati inċidenti sekondarji, iżda b'mod partikolari sabiex tiġi aċċellerata l-wasla tas-servizzi ta' emerġenza u b’hekk titnaqqas il-mortalità u l-gravità tal-feriti li jirriżultaw mill-inċidenti tat-traffiku, biex b'hekk titjieb il-fiduċja taċ-ċittadini Ewropej meta jkunu qed jivvjaġġaw fi Stat Membri oħra;

6.

Jikkunsidra li jekk l-introduzzjoni tas-sistema eCall titħalla għall-forzi tas-suq, l-eCall se jibbenefikaw minnha biss persuni li jistgħu jaffordjaw vetturi għoljin, filwaqt li introduzzjoni mandatorja tas-sistema installata fil-vetturi kollha twassal għal spejjeż aktar baxxi u l-użu universali fil-lievll tal-UE;

7.

Ifakkar li l-valutazzjoni tal-impatt tal-Kummissjoni turi li l-adozzjoni ta' miżuri regolatorji sabiex isseħħ l-introduzzjoni mandatorja tas-sistema eCall bħalissa hija l-unika possibbiltà biex jinkisbu l-effetti pożittivi kollha;

8.

Iħeġġeġ lill-Kummissjoni tissottometti proposta fi ħdan il-qafas tad-Direttiva 2007/46/KE sabiex sal-2015 tiżgura l-użu mandatorju ta' sistema pubblika ta' eCall ibbażata fuq il-112 fil-karozzi l-ġodda approvati kollha u fl-Istati Membri kollha;

9.

Jikkunsidra li s-servizz eCall pubbliku għandu jkun b’xejn u obbligatorju, u għandu jiġi installat fil-vetturi l-ġodda kollha li jaqgħu fl-ambitu ta' din il-proposta;

10.

Iqis li s-servizz eCall pubbliku għandu jkun sempliċi, għal but ta' kulħadd, operattiv u aċċessibbli għal kulħadd fl-UE kollha, irrispettivament mill-vettura u l-pożizzjoni tagħha;

11.

Jiċħad l-idea li l-implimentazzjoni ta' aspetti tas-sistema eCall mmuntata ġewwa l-vetturi tista' ssir gradwalment fuq perjodu estiż ta' żmien;

12.

Jistieden lill-Kummissjoni biex tipproponi kwalunkwe miżura regolatorja oħra meħtieġa sabiex jiġi evitat dewmien addizzjonali, li jista' jirriżulta f’imwiet li setgħu jiġu evitati;

13.

Jikkunsidra li, filwaqt li l-metodu ta' analiżi tal-ispejjeż u l-nenefiċċji (CBA) jista' jkollu rwol importanti fil-ħolqoen ta' data li fuqha jiġu bbażati deċiżjonijiet kumplessi relatati mal-investimenti u l-użu tat-teknoloġija, dan l-approċċ jista' wkoll jiġi kkritikat kull meta xi parti importanti tal-analiżi tinvolvi stima tal-valur tal-ħajja tal-bniedem;

14.

Jistieden lill-Kummissjoni, waqt li tivvaluta l-impatt tal-implimentazzjoni tas-sistema eCall fl-UE, tikkunsidra mhux biss l-investiment u l-ispejjeż operattivi iżda wkoll il-benefiċċji soċjali li jirriżultaw mill-implimentazzjoni tas-sistema eCall;

15.

Jistieden lill-Kummissjoni biex tistabbilixxi regoli ċari dwar ir-responsabbiltà tal-partijiet interessati involuti fis-sistema eCall;

16.

Jistieden lill-Kummissjoni tevalwa l-possibbiltà ta' allarmi foloz li jsiru minn sistemi eCall, l-influwenza ta' tali allarmi foloz fuq is-servizzi ta' emerġenza ta' kuljum, il-bżonn li ssir distinzjoni bejn inċidenti serji u inqas serji u bejn sinjali ta' emerġenza u informazzjoni oħra li għandha tiġi trażmessa lis-servizzi ta' emerġenza biex tkun żgurata l-operazzjoni effiċjenti tagħhom; jistieden lill-Kummissjoni tipproponi soluzzjonijiet konkreti għal dawn il-problemi, jekk ikun meħtieġ;

17.

Jilqa' t-twaqqif tal-Pjattaforma Ewropea għall-Implimentazzjoni tal-eCall u jistieden lill-partijiet interessati rilevanti u lir-rappreżentanti tal-Istati Membri biex jipparteċipaw sabiex tiġi żgurata introduzzjoni armonizzata tas-sistema eCall;

18.

Jistieden lill-Kummissjoni tikkunsidra testendi s-sistema eCall biex fil-futur qrib tinkludi wkoll vetturi oħra, bħal Vetturi Tqal tal-Merkanzija (HGVs), xarabanks u kowċis u vetturi bil-magni b’żewġ roti (PTW), u tevalwa jekk din għandhiex tiġi estiża għat-tratturi agikoli u l-vetturi industrijali;

19.

Jikkunsidra li l-użu ta' apparat tal-E-call tas-suq ta' wara l-bejgħ għandu jkun permess għal vetturi eżistenti;

20.

Jinnota kemm huwa essenzjali li jiġi żgurat li l-PSAPs kollha fl-Istati Membri kollha huma mgħammra tajjeb jekk se jkun hemm livell uniformi ta' protezzjoni għaċ-ċittadini kollha fl-Unjoni, u għaldaqstant jistieden lill-Kummissjoni tipproponi leġiżlazzjoni li teħtieġ lill-Istati Membri jaġġornaw l-infrastruttura tagħhom tas-servizzi ta' rispons f’emerġenza u jipprovdu taħriġ adegwat għall-operaturi sabiex ikunu jistgħu jimmaniġġjaw l-eCalls sal-2015, b'mod adegwat għall-istrutturi nazzjonali tagħhom u b'tali mod li s-servizz ikun aċċessibbli għal kulħadd;

21.

Iħeġġeġ lill-Kummissjoni tadotta speċifikazzjonijiet komuni għal PSAPs fi ħdan il-qafas tad-Direttiva dwar l-STI sal-aħħar tal-2012, u tipproponi direttiva dwar l-implimentazzjoni tas-sistema eCall;

22.

Japprezza r-rieda tal-operaturi ta' netwerks mobbli (MNOs) li jimmaniġġjaw l-eCalls bħal ma jagħmlu b’telefonati tal-112 oħra u jissuġġerixxi li hum, flimkien mal-Istati Membri, għandhom jirrapportaw lill-Kummissjoni dwar il-progress li jkun inkiseb u d-diffikultajiet li jiltaqgħu magħhom fuq bażi annwali, b’mod partikolari fir-rigward tal-element identifikattiv eCall;

23.

Jilqa' l-fatt l-istabbiliment ta' konnessjoni bil-vuċi bejn l-okkupanti tal-vettura u l-operaturi tal-PSAP li qed jiġġestixxu t-telefonati ta' emerġenza, li jippermetti komunikazzjoni reċiproka, inaqqas kemm ir-riskju ta' risposti mhux adegwati u l-mobilizzazzjoni mhux neċessarja tas-servizzi ta' emerġenza, pereżempju fil-każ ta' inċidenti ħfief;

24.

Jenfasizza li hemm ħtieġa li dejjem qed tikber għal protokoll komuni għat-trasferiment tad-dejta biex tintbagħat informazzjoni bħal din lil ċentri li jirċievu t-telefonati relatati mas-sikurezza pubblika u lil servizzi ta' rispons f’emerġenza, sabiex jiġi evitat ir-riskju ta' konfużjoni u ta' interpretazzjoni ħażina tad-dejta kkomunikata; jenfasizza li l-mod kif tintbagħat l-informazzjoni minn operaturi tan-netwerk mobbli lil ċentri li jirċievu t-telefonati relatati mas-sikurezza pubblika għandu jkun stabbiliti b’mod trasparenti u nondiskriminatorju;

25.

Ifakkar li l-fatt li jkollok data elettronika fil-PSAPs jista' jwassal ukoll għal vantaġġi addizzjonali, bħal gwida avvanzata għall-membri tas-servizzi tas-salvataġġ sabiex dawn ikunu infurmati kif xieraq dwar sorsi ġodda ta' periklu li jistgħu jiltaqgħu magħhom minħabba l-iżvilupp ta' karozzi li jaħdmu bl-elettriku u sistemi ta' propulsjoni oħra ġodda;

26.

Jikkunsidra li għandhom jiġu promossi r-rabtiet bejn il-PSAPs u l-operaturi tat-trasport biex titjieb il-ġestjoni tal-inċidenti, b’konformità mar-rakkomandazzjonijiet tal-Pjattaforma Ewropea għall-Implimentazzjoni tal-eCall (EeIP);

27.

Jappoġġa x-xogħol intensiv li sar fi ħdan il-proġett HeERO (Pilota Ewropew tal-eCall Armonizzat) fuq l-awtentikazzjoni transkonfinali pilota tal-eCall Jistieden lill-Kummissjoni u lill-Istati Membri jżidu l-kooperazzjoni bejn il-PSAPs nazzjonali u s-servizzi ta' rispons ta' emerġenza, b'mod partikolari f’postijiet transkonfinali fl-Ewropa, u jħeġġu l-iżvilupp ta' taħriġ konġunt u ta' skambji tal-aħjar prattiki, bl-għan li titjieb l-effettività tal-katina ta' provvista tas-servizzi ta' emerġenza kollha;

28.

Jistieden lill-Kummissjoni tiżgura li s-sistema eCall u l-kollegamenti mal-PSAP huma wkoll kompatibbli kemm mas-sistemi ta' interazzjoni mal-infrastruttura kif ukoll mas-sistemi intelliġenti abbord il-vetturi. (bħal pereżempju barrieri ta' protezzjoni intelliġenti li jibagħtu twissija dwar il-possibbiltà ta' inċident, sistemi intelliġenti tal-veloċità abbord il-vetturi, eċċ.);

29.

Jikkunsidra li servizz pubbliku tal-eCall madwar l-UE jista’ jikkoeżisti ma’ servizzi privati ta’ telefonati ta’ emerġenza, bil-kundizzjoni li l-istandards ta’ prestazzjoni kollha huma sodisfatti, kemm mis-servizzi privati kif ukoll minn dawk pubbliċi – irrelevanti jekk xerrej tal-vettura jiddeċiedi favur soluzzjoni privata – il-vetturi kollha huma mgħammra bis-servizz pubbliku tal-eCall sabiex tiġi żgurata kontinwità tas-servizz fl-Istati Membri kollha, tul il-ħajja tal-vettura;

30.

Jenfasizza li s-sistema tal-eCall trid tkun faċli biex tintuża, u jenfasizza li l-konsumaturi għandhom jiġu offruti ħarsa ġenerali realistika tas-sistema, kif ukoll informazzjoni komprensiva u affidabbli dwar il-funzjonalitajiet jew servizzi addizzjonali marbuta mal-applikazzjonijiet offruti fil-vettura għall-emerġenza jew it-telefonati ta' assistenza, u rigward il-livell ta' servizz mistenni max-xiri ta' tali applikazzjonijiet u spejjeż assoċjati;

31.

Jitlob li meta konsumatur li juża servizz privat tat-telefonati ta' emerġenza jagħżel li ma jużax dak is-servizz, jew ikun qed jivvjaġġa f’pajjiż fejn dak is-servizz mhux offrut, is-servizz pubbliku tal-eCall ibbażat fuq il-112 għandu jkun awtomatikament disponibbli;

32.

Jikkunsidra li l-fornituri privati tas-servizz tal-eCall għandhom ukoll il-possibbiltà li jemigraw lejn is-servizz tal-eCall tal-UE kollha fi kwalunkwe ħin filwaqt li jkomplu jipprovdu servizzi oħra ta' telefonati;

33.

Jistieden lill-intrapriżi Ewropej sabiex jinvolvu ruħhom fl-iżvilupp tal-applikazzjonijiet, is-servizzi u l-infrastruttura tas-sistema tal-eCall neċessarji, sabiex tiġi stimulata l-innovazzjoni madwar l-UE;

34.

Jisħaq fuq il-fatt li s-sistema pubblika tal-eCall m'għandha taħt l-ebda ċirkustanza tippermetti li jiġi traċċat il-vjaġġ tal-vettura, li tfisser li trid tibqa' sistema inattiva sakemm tagħti bidu għal telefonata ta' emerġenza, b'konformità mar-rakkomandazzjonijiet tal-Artikolu 29 tal-Grupp ta' Ħidma dwar il-Protezzjoni tad-Data; ifakkar li s-servizz eCall għandu l-għanijiet prijoritarji li titjieb il-ġestjoni ta’ inċidenti, u li d-data pprovduta mis-servizz eCall ma tista’ tintuża bl-ebda mod biex jiġu sorveljati u studjati l-movimenti ta’ persuna, jew li tinsab il-pożizzjoni tagħha sakemm din ma tkunx ġiet involuta f’inċident;

35.

Jenfasizza li regoli xierqa, li josservaw it-trasparenza, għandhom jiġu inklużi għall-ipproċessar ta’ data personali relatati mal-eCalls, mhux biss mill-Operaturi ta’ Netwerks Mobbli iżda wkoll mill-atturi l-oħra kollha involuti, li jinkludu l-produtturi tal-vetturi, il-PSAPs u s-servizzi tal-emerġenza sabiex jiġi żgurat ir-rispett għall-prinċipji tal-privatezza u l-protezzjoni ta’ data personali skont id-direttivi 95/46/KE u 2002/58/KE u l-leġiżlazzjoni nazzjonali; jenfasizza li kull leġiżlazzjoni li jmiss għandha tiċċara kemm ir-responsabbiltajiet tal-atturi differenti involuti fl-eCall skont id-Direttiva 95/46/KE kif ukoll il-metodi għall-provvista ta’ informazzjoni lis-suġġetti tad-data u għall-iffaċilitar tal-eżerċizzju tad-drittijiet tagħhom;

36.

Jenfasizza li servizzi privati tal-eCall għandhom jirrispettaw il-prinċipji tal-privatezza u tal-protezzjoni tad-data, li jipprevedu b’mod partikolari l-kunsens infurmat u l-possibilità li wieħed jitlaq minn servizz, b’konformità mar-rakkomandazzjonijiet tal-Artikolu 29 tal-Grupp ta’ Ħidma; jenfasizza li l-kunsens infurmat tal-konsumaturi għandu jkun ibbażat fuq l-informazzjoni sħiħa dwar l-ammont ta’ data miġbura u l-għan li għalih tkun inġabret, u li l-konsumaturi għandhom ikunu kapaċi jirtiraw f'kwalunkwe ħin il-kunsens tagħhom;

37.

Jenfasizza li s-sid jew il-kerrej tal-vettura għandu jiddeċiedi, bħala konsumatur infurmat, min ikollu aċċess għad-data tiegħu rigward is-servizzi privati tal-eCall irreġistrati mal-vettura;

38.

Jenfasizza li s-sistema tal-eCall tutilizza komponenti tekniċi (kapaċitajiet tal-ippożizzjonar, ipproċessar u komunikazzjoni bis-satellita) li jistgħu jipprovdu wkoll il-bażi għal diversi applikazzjonijiet u servizzi oħra mmuntati ġewwa l-vettura;

39.

Jikkunsidra li, sabiex tiġi żgurata għażla miftuħa għall-klijenti, is-sistema tal-eCall mgħammra fil-vettura trid tkun aċċessibbli mingħajr ħlas u mingħajr diskriminazzjoni għall-partijiet interessati kollha bħall-fornituri tal-prodotti u s-servizzi tas-suq ta’ wara l-bejgħ, il-fornituri tal-apparat, il-ħwienet tat-tiswija, il-fornituri tas-servizzi indipendenti, l-assistenza fit-triq u servizzi relatati; jistieden lill-Kummissjoni biex tiżgura li s-sistema tal-eCall hija bbażata fuq pjattaforma interoperabbli u b’aċċess miftuħ għal applikazzjonijiet jew servizzi futuri possibbli fil-vettura sabiex tinkuraġġixxi l-innovazzjoni u tingħata spinta lill-kompetittività tal-industrija Ewropea tat-teknoloġija tal-informatika fis-swieq globali; jenfasizza li kwalunkwe applikazzjoni u servizz bħal dawn għandhom jibqgħu mhux obbligatorji;

40.

Jikkunsidra li l-għażla miftuħa għall-klijenti u l-aċċess miftuħ għall-fornituri tas-servizzi għandhom isiru parti mill-kriterji tal-manifatturi tal-apparat oriġinali (OEM) għad-disinn tal-pjattaforma mgħammra fil-vetturi u li l-interfaċċji relatati mgħammra fil-vetturi għandhom ikunu standardizzati sabiex jippermettu l-kompetizzjoni ġusta u sabiex tiġi mħeġġa l-innovazzjoni fis-suq Ewropew tat-telematika;

41.

Jenfasizza li kull servizz addizzjonali li se jintuża fil-vettura – b’mod speċjali waqt is-sewqan – irid ikun konformi ma’ standards ċari ta’ sikurezza, sigurtà u protezzjoni ta’ data, u li konformità ma’ standards bħal dawn għandha tkun imkejla u kkontrollata;

42.

Ifakkar li s-Servizz Overlay tan-Navigazzjoni Ġeostazzjonarja Ewropea (EGNOS) u l-Galileo jistgħu jikkontribwixxu b’mod sinifikanti għall-ġestjoni tat-traffiku tat-triq u l-interventi ta’ emerġenza, u dan jeħtieġ kampanja ta’ informazzjoni sabiex jiġi promoss użu usa’ tal-opportunitajiet li din is-sistema toffri fir-rigward tal-applikazzjoni tal-eCall;

43.

Iqis li l-Istati Membri għandhom jippermettu l-istabbiliment ta' sistemi ta' filtru tal-eCall għall-PSAPs li jippermettu l-identifikazzjoni mgħaġġla tat-telefonati urġenti, b'hekk iċ-ċentri tat-telefonati jiġu evitati milli jkollhom piż żejjed filwaqt li tiżdied l-effiċjenza tas-servizzi ta' emerġenza; iqis li tali sforzi għandhom ikunu appoġġati mill-Kummissjoni;

44.

Jistieden lill-Istati Membri, b’kooperazzjoni mal-Kummissjoni, biex jistabbilixxu u jużaw programmi pilota nazzjonali biex jimplimentaw is-sistema awtomatika ta’ rispons f’emerġenza fil-vettura (eCall) sabiex jidentifikaw il-problemi possibbli u jwittu t-triq għall-implimentazzjoni obbligatorja tas-sistema fl-Istati Membri kollha fl-2015;

45.

Jitlob li interfaċċja standard tal-eCall, l-hekk imsejħa “buttuna tal-eCall”, li tkun identifikabbli wkoll għal persuni b’diżabbiltajiet, tiddaħħal fil-vetturi kollha sabiex jiġu evitati n-nuqqas ta’ fehim u l-possibbiltà ta’ użu ħażin tas-sistema; jistieden lill-Kummissjoni u lill-Organizzazzjonijiet Ewropej tal-Istandardizzazzjoni biex jipproponu standard armonizzat għal dan il-mekkaniżmu ta’ attivazzjoni;

46.

Jistieden lill-Kummissjoni biex tevalwa l-impatt possibbli tal-eCall fuq l-infiq tas-sistemi pubbliċi tas-saħħa; f'dan ir-rigward, jistieden lill-Istati Membri biex jaqblu dwar definizzjoni armonizzata ta' korriment serju;

47.

Jistieden lill-Kummissjoni u l-Istati Membri biex iżidu l-attivitajiet tagħhom fir-rigward tal-għoti ta' informazzjoni prattika estensiva permezz ta' żvilupp ta' strateġija ta' komunikazzjoni mmirata u b'ambitu wiesa', u jimplimentaw kampanji kkoordinati li jqajmu l-kuxjenza rigward is-sistema tal-eCall u l-benefiċċji tagħha, l-użu tagħha u l-funzjonalitajiet tagħha, ukoll f'termini ta' sikurezza għaċ-ċittadini tal-UE, bl-għanijiet li jiżdiedu kemm il-fehim pubbliku ta' tali servizzi kif ukoll id-domanda tagħha għalihom, u li jimminimizzaw ir-riskju li dawn is-servizzi jintużaw jew jinftiehmu b'mod ħażin;

48.

Jirrakkomanda li l-Kummissjoni tieħu ħsieb li s-servizz tal-eCall ikun interoperabbli ma’ servizzi ta’ emerġenza simili oħra mgħammra fil-vettura promossi fir-reġjuni ġirien, bħas-servizz ERA-GLONASS;

49.

Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill, lill-Kummissjoni u lill-Gvernijiet u lill-Parlamenti tal-Istati Membri.

29.11.2013   

MT

Il-Ġurnal Uffiċjali tal-Unjoni Ewropea

CE 349/27

—

wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikoli 3, 49, 50, 119, 219 u 282 tiegħu,

—

wara li kkunsidra l-proposta għal Direttiva tal-Kunsill dwar Bażi Komuni Konsolidata tat-Taxxa Korporattiva (COM(2011)0121),

—

wara li kkunsidra d-Dikjarazzjoni tal-OECD dwar l-Investiment Internazzjonali u l-Intrapriżi Multinazzjonali u Linji Gwida għall-Intrapriżi Multinazzjonali (aġġornament tal-25 ta' Mejju 2011),

—

wara li kkunsidra r-rapport Monti, ‘Strateġija ġdida għas-Suq Uniku’, li ġie ppubblikat fid-9 ta' Mejju 2010,

—

wara li kkunsidra r-Rapport UNCTAD tal-2011 dwar l-Investimenti Dinjija,

—

wara li kkunsidra l-Komunikazzjoni tal-Kummissjoni intitolata ‘Lejn politika komprensiva ta' investiment internazzjonali Ewropew’ (COM(2010)0343),

—

wara li kkunsidra l-Programm ta’ Ħidma tal-Kummissjoni 2012 (COM(2011)0777),

—

wara li kkunsidra l-konklużjonijiet tat-3 133 laqgħa tal-Kunsill dwar il-Forum dwar is-Suq Uniku,

—

wara li kkunsidra r-Regolament (UE) Nru 1173/2011 tal-Parlament Ewropew u tal-Kunsill dwar l-infurzar effettiv tas-sorveljanza baġitarja fiż-żona tal-euro (1),

—

wara li kkunsidra r-Regolament (UE) Nru 1174/2011 tal-Parlament Ewropew u tal-Kunsill dwar miżuri ta’ infurzar biex jikkoreġu żbilanċi makroekonomiċi eċċessivi fiż-żona tal-euro (2),

—

wara li kkunsidra r-Regolament (UE) Nru 1175/2011 tal-Parlament Ewropew u tal-Kunsill dwar it-tisħiħ tas-sorveljanza ta' pożizzjonijiet tal-budget u s-sorveljanza u l-koordinazzjoni ta' politika ekonomika (3),

—

wara li kkunsidra r-Regolament (UE) Nru 1176/2011 tal-Parlament Ewropew u tal-Kunsill dwar il-prevenzjoni u l-korrezzjoni tal-iżbilanċi makroekonomiċi (4),

—

wara li kkunsidra r-Regolament tal-Kunsill (UE) Nru 1177/2011 dwar li titħaffef u li tiġi ċċarata l-implimentazzjoni tal-proċedura ta' defiċit eċċessiv (5),

—

wara li kkunsidra r-Regolament (UE) Nru 1311/2011 tal-Parlament Ewropew u tal-Kunsill li jemenda r-Regolament tal-Kunsill (KE) Nru 1083/2006 fir-rigward ta’ ċerti dispożizzjonijiet marbuta mal-ġestjoni finanzjarja għal ċerti Stati Membri li qed jesperjenzaw jew huma mhedda minn diffikultajiet serji fejn tidħol l-istabbiltà finanzjarja tagħhom (6),

—

wara li kkunsidra d-Direttiva tal-Kunsill 2011/85/UE dwar ir-rekwiżiti għal oqfsa baġitarji tal-Istati Membri (7),

—

wara li kkunsidra l-proposta għal Regolament tal-Parlament Ewropew u tal-Kunsill dwar Fondi Kapitali ta’ Riskju Ewropej (COM(2011)0860),

—

wara li kkunsidra l-proposta għal direttiva tal-Parlament Ewropew u tal-Kunsill dwar l-aċċess għall-attività tal-istituzzjonijiet ta' kreditu u s-superviżjoni prudenzjali tal-istituzzjonijiet ta’ kreditu u tad-ditti tal-investiment u li temenda d-Direttiva 2002/87/KE tal-Parlament Ewropew u tal-Kunsill dwar is-superviżjoni supplementari ta' istituzzjonijiet ta' kreditu, impriżi ta' assigurazzjoni u ditti tal-investiment f'konglomerat finanzjarju (COM(2011)0453),

—

wara li kkunsidra l-Komunikazzjoni mill-Kummissjoni intitolata ‘Stħarriġ Annwali dwar it-Tkabbir 2012’ (COM(2011)0815),

—

wara li kkunsidra l-Komunikazzjoni mill-Kummissjoni bit-titlu ‘L-Att dwar is-Suq Uniku – Tnax-il xprun sabiex jiġi stimulat it-tkabbir u r-rinfurzar tal-fiduċja – Flimkien għal tkabbir ġdid’ (COM(2011)0206),

—

wara li kkunsidra l-Komunikazzjoni mill-Kummissjoni dwar strateġija għal tkabbir intelliġenti, sostenibbli u inklużiv (COM(2010)2020),

—

wara li kkunsidra l-Komunikazzjoni mill-Kummissjoni dwar pjan ta’ azzjoni għal titjib fl-aċċess għall-finanzi għall-SMEs (COM(2011)0870),

—

wara li kkunsidra r-Rapport tal-Kummissjoni tal-2011 dwar l-Ostakli għall-Kummerċ u l-Investiment lill-Kunsill Ewropew (COM(2011)0114),

—

wara li kkunsidra r-riżoluzzjoni tiegħu tas-13 ta' Diċembru 2011 dwar ostakli għall-Kummerċ u l-Investiment (8),

—

wara li kkunsidra l-proposta għal Direttiva tal-Kunsill dwar sistema komuni ta’ taxxa fuq it-tranżazzjonijiet finanzjarji u li temenda d-Direttiva 2008/7/KE (COM(2011)0594),

—

wara li kkunsidra l-Komunikazzjoni mill-Kummissjoni dwar il-fattibiltà tal-introduzzjoni ta’ Bonds ta’ Stabbiltà (COM(2011)0818),

—

wara li kkunsidra l-Green Paper tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni dwar baġit għall-Ewropa 2020 (COM(2011)0500, Partijiet I u II),

—

wara li kkunsidra d-Dokument ta’ Ħidma tal-Persunal tal-Kummissjoni dwar l-effetti tar-regoli għal għajnuna temporanja mill-Istat adottati fil-kuntest tal-kriżi finanzjarja u ekonomika (SEC(2011)1126),

—

wara li kkunsidra r-rapport dwar ‘Żviluppi fis-Suq tax-Xogħol fl-Ewropa, 2011’ tad-Direttorat Ġenerali tal-Kummissjoni għall-Affarijiet Ekonomiċi u Finanzjarji,,

—

wara li kkunsidra r-rapporti tal-OECD-WTO-UNCTAD dwar il-miżuri tal-kummerċ u l-investiment tal-G20 (nofs Ottubru 2010 sa April 2011),

—

wara li kkunsidra l-istħarriġ dwar is-self bankarju taż-żona tal-euro tal-Bank Ċentrali Ewropew għal Jannar 2012,

—

wara li kkunsidra l-projezzjonijiet makroekonomiċi tal-Bank Ċentrali Ewropew għaż-żona tal-euro (Diċembru 2011),

—

wara li kkunsidra r-rapport tal-Bank Ċentrali Ewropew dwar l-integrazzjoni finanzjarja fl-Ewropa (Mejju 2011),

—

wara li kkunsidra l-Qafas Politiku għall-Investiment (PFI) tal-OECD,

—

wara li kkunsidra l-Proposta għal Regolament tal-Parlament Ewropew u tal-Kunsill li jistabbilixxi Programm għall-Kompetittività tal-Intrapriżi u l-intrapriżi żgħar u ta’ daqs medju (2014 - 2020) (COM(2011)0834),

—

wara li kkunsidra l-pożizzjoni tiegħu tad-19 ta’ April 2012 dwar il-proposta għal direttiva tal-Kunsill dwar Bażi Komuni Konsolidata tat-Taxxa Korporattiva (BKKTK) (9),

—

wara li kkunsidra r-rapport tal-Kummissjoni ‘Business Dynamics: Start-ups, Business Transfers and Bankruptcy (Id-dinamika tan-Negozju: Impriżi ġodda, Trasferimenti tan-negozju u Falliment) (Jannar 2011),

—

wara li kkusnidra r-Rapport tal-Bank Dinji ‘Doing Business 2012: Doing Business in a More Transparent World’ (Negozju 2012: Negozju b’mod aktar f’dinja aktar trasparenti),

—

wara li kkunsidra l-Komunikazzjoni tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni intitolata ‘Erasmus għal Kulħadd: il-Programm ġdid tal-UE għall-Edukazzjoni, it-Taħriġ, iż-Żgħażagħ u l-Isport’ (COM(2011)0787),

—

wara li kkunsidra r-rapport tal-Kummissjoni intitolat ‘Evalwazzjoni interim tal-Proġett pilota Erasmus għall-Imprendituri Żgħar / Azzjoni preparatorja (2011)’,

—

wara li kkunsidra l-proposta għal Direttiva tal-Parlament Ewropew u tal-Kunsill dwar l-akkwist pubbliku (COM(2011)0896),

—

wara li kkunsidra l-Artikolu 48 tar-Regoli ta’ Proċedura tiegħu,

—

wara li kkunsidra r-rapport tal-Kumitat għall-Affarijiet Ekonomiċi u Monetarji u l-opinjonijiet tal-Kumitat għall-Industrija, ir-Riċerka u l-Enerġija u l-Kumitat għall-Iżvilupp Reġjonali (A7-0190/2012),

A.

billi l-kriżi ekonomika, finanzjarja u fiskali fl-UE wessgħet b'mod sinifikanti d-disparitajiet fost l-Istati Membri u r-reġjuni, li rriżultaw f’distribuzzjoni mhux ugwali ta’ investiment intern u barrani madwar l-Unjoni Ewropea;

B.

billi jeħtieġ li jiġi stabbilit qafas konsistenti ta’ stabilità fi ħdan il-politika monetarja, fiskali u tal-kummerċ, sabiex jiġi ffaċilitat il-fluss ta’ investimenti diretti fl-Istati Membri u r-reġjuni kollha tal-UE biex b’hekk jikkontribwixxi g]all-korrezzjoni tal-żbilanċi makroekonomiċi tal-UE;

C.

billi l-laqgħa informali tal-membri tal-Kunsill Ewropew tat-23 ta’ Mejju 2012 enfasizzat il-ħtieġa li l-politiki tal-UE jiġu mmobilizzati ħalli jsostnu bis-sħiħ it-tkabbir, jintensifikaw l-isforzi għall-finanzjament tal-ekonomija permezz tal-investiment u jsaħħu l-ħolqien tal-impjiegi;

D.

billi, skont l-aħħar Tbassir Interim tal-Kummissjoni, l-UE tbati minn tkabbir dgħajjef u billi huwa mistenni li se jkun hemm diverġenzi sinifikanti fir-rati ta' tkabbir madwar l-Unjoni, filwaqt li dawn ir-rati ta’ tkabbir se jkunu mminati minn inċertezza kontinwa u nuqqas ta' fiduċja fost il-konsumatur u fis-suq;

E.

billi l-Unjoni għandha tisfrutta aktar il-vantaġġi tagħha, bħall-istandard għoli ta’ konsum, l-edukazzjoni u kwalità tal-ħajja, il-kapaċità tagħha ta’ riċerka u innovazzjoni, effiċjenza u produttività tax-xogħol għoljin kif ukoll l-ambjent kummerċjali favorevoli u ta’ motivanti, sabiex tindirizza l-kriżi fiskali u ssaħħaħ t-tkabbir u l-impjiegi;

F.

billi l-finanzjament tad-dejn pubbliku tal-Istati Membri għandu l-effett li jassorbi riżorsi għall-investiment, it-tkabbir u l-impjieg, filwaqt li l-ħruġ tal-kapital minn ċerti Stati Membri lejn ċerti Stati Membri oħrajn kif ukoll lejn ċerti pajjiżi terzi jista’ jikkontribwixxi għal deterjorament tas-sitwazzjoni tal-UE rigward il-bilanċ tal-pagamenti;

G.

billi s-self mill-banek – bħala s-sors l-iktar importanti tal-finanzi fiż-żona tal-euro, jammonta għal aktar mill-ekwità u l-finanzi tal-bonds flimkien, filwaqt li fl-Istati Uniti tal-Amerika u reġjuni oħra tad-dinja l-kreditu tal-banek jammonta għal perċentwal iżgħar tal-finanzi totali – ġie affettwat bil-kbir mill-iżviluppi ta’ dan l-aħħar;

H.

billi l-potenzjal għat-tkabbir ipprovdut minn setturi bħalma huma t-teknoloġiji l-ħodor, is-saħħa u l-kura, l-edukazzjoni u l-ekonomija soċjali jistgħu jixkattaw u jixprunaw l-investiment billi jqawwu d-domanda reċiproka, u b’hekk jagħtu spinta lill-investiment;

I.

billi hemm ħtieġa li jsiru monitoraġġ u rieżami tal-impatt u l-implimentazzjoni tar-regolamenti finanzjarji tal-UE sabiex jiġi żgurat li ma joħolqux piżijiet amministrattivi żejda u ma joħonqux l-investiment barrani dirett fl-UE;

J.

billi l-aħħar rapport tal-UNCTAD juri li l-UE għad għandha kapaċità qawwija biex tattira l-investiment barrani dirett;

K.

billi l-investiment intern fl-Unjoni jista’ jespandi b’mod sinifikanti s-swieq għall-investiment barrani dirett permezz ta’ titjib fl-infrastruttura sostenibbli għan-negozju, l-edukazzjoni, ir-riċerka u l-iżvilupp;

L.

billi l-investiment jikkonsisti f’żewġ pilastri – l-investiment pubbliku u dak privat – u billi l-pilastru privat huwa magħmul minn investiment domestiku u barrani;

M.

billi l-ġlieda kontra d-dipendenza żejda fuq l-importazzjoni taż-żejt, tal-gass u ta’ riżorsi oħrajn mhux rinovabbli tirrkjedi investiment qawwi fl-enerġija rinovabbli u fl-effiċjenza enerġetika u tar-riżorsi;

N.

billi d-dejn sovran Ewropew u riskji tar-rifinanzjament tad-dejn, kif ukoll defiċjenzi u ostakoli għall-kummerċ u għall-ikompletar tas-suq intern, inklużi ostakoli nontariffarji u restrizzjonijiet tad-dejta, jistgħu jillimitaw il-kapaċità tar-reġjun tal-UE li jattira investituri kemm Ewropej kif ukoll internazzjonali;

O.

billi. f’termini ta’ kompetittività u intraprenditorija, l-isfidi ewlenin li l-impriżi tal-Unjoni għadhom iħabbtu wiċċhom magħhom huma diffikultajiet fl-aċċess għall-finanzjament min-naħa tal-SMEs; spirtu imprenditorjali dgħajjef (45 % biss taċ-ċittadini Ewropej jixtiequ jaħdmu għal rashom imqabbla ma’, pereżempju, 55 % fl-Istati Uniti); ambjent tan-negozju li mhuwiex favorevoli għan-negozji ġodda u għat-tkabbir, ikkaratterizzat minn persistenza ta’ frammentazzjoni regolatorja u burokrazija żejda; kapaċita limitata tal-SMEs biex jadattaw għal ekonomija effiċjenti fl-użu tal-enerġija u r-riżorsi u jespandu s-swieq barra minn pajjiżhom, sew fi ħdan is-Suq Uniku kif ukoll lil hinn minnu;

P.

billi, skont l-aktar indiċi riċenti tal-Bank Dinji “Doing Business”, l-Istati Membri tal-UE jirrappreżentaw biss 40 % (u l-membri taż-żona tal-euro 26 % biss) mill-aqwa 35 pajjiż f’termini ta’ intraprenditorija fil-livell globali;

Q.

billi, kif intwera fir-Rapport dwar il-Mekkaniżmu ta’ Twissija tal-Kummissjoni (COM(2012)0068), restrizzjonijiet tal-baġit nazzjonali u rati għolja ta’ qgħad jenfasizzaw il-ħtieġa, speċjalment fir-rigward ta’ bilanċi tal-kontijiet kurrenti, ishma tas-suq tal-esportazzjoni u dejn privat u pubbliku, li jsiru riformi strutturali effikaċi sabiex itejbu l-ambjent tan-negozju, filwaqt li jnaqqsu l-burokrazija u jottimizzaw il-valur miżjud tal-fondi strutturali u tal-attivitajiet tal-Bank Ewropew tal-Investiment, speċjalment fil-pajjiżi li jibbenefikaw mill-Politika Ewropea tal-Viċinat;

R.

billi investimenti soċjali mmirati tajjeb huma kruċjali għallilħiq ta’ livell għoli ta’ impjiegi fit-tul, l-istabbilizzazzjoni tal-ekonomija, it-tisħiħ tal-kapital uman u t-tqawwija tal-kompetittività tal-UE;

S.

billi x-xejriet tal-investiment barrani dirett huma fost l-indikaturi ewlenin li l-Kummissjoni tuża fit-tabella ta’ valutazzjoni għas-sorveljanza ta’ żbilanċi makroekonomiċi;

T.

billi studji mwettqa mill-UNEP u l-ILO juru li l-investiment fil-formazzjoni tal-kapital uman huwa kruċjali biex jattira l-investiment fis-setturi ekonomiċi ħodor u jisfrutta l-potenzjal tagħhom għat-tkabbir;

U.

billi l-fluss ta' investiment barrani dirett fl-UE, b’mod partikolari jekk indirizzat b’tali mod li jnaqqas id-disparitajiet bejn l-Istati Membri, għandu effetti pożittivi fuq l-ekonomija reali u fuq il-bilanċ tal-pagamenti, il-kompetittività, l-impjiegi u l-koeżjoni soċjali, iżda jaġixxi wkoll bħala stimolu pożittiv fir-rigward tal-iżvilupp teknoloġiku, l-innovazzjoni, il-ħiliet u l-mobilità tax-xogħol;

V.

billi d-definizzjoni ta’ miri sekondarji nazzjonali annwali li jkopru l-oqsma sottostanti għal ambjent attraenti u kompetittiv għal investituri internazzjonali, b’konformità mal-parametri tal-OECD, se tgħin biex joħorġu fid-dieher dgħufijiet u vantaġġi nazzjonali, kif ukoll opportunitajiet għal interventi mmirati;

W.

billi l-objettiv taż-żona tal-euro u tal-BĊE li tinżamm rata ta’ inflazzjoni ta’ ftit inqas minn 2 % fiż-żona tal-euro jikkontribwixxi għall-ħolqien ta’ qafas ta’ stabbiltà li jattira l-investiment;

X.

billi l-iżvilupp tas-swieq Ewropew tal-bonds huwa dipendenti ħafna fuq it-twessigħ tal-bażi ta’ investiment;

Y.

billi, fil-proposta tagħha dwar bażi komuni konsolidata tat-taxxa korporattiva (BKKTK), il-Kummissjoni ma estendietx l-armonizzazzjoni għar-rati tat-taxxa korporattivi, li huma maħsuba biex jibqgħu fil-kompetenza tal-Istati Membri, u billi jeħtieġ li jittieħdu passi ulterjuri biex is-sistema tat-taxxa fl-Unjoni ssir iktar trasparenti u inqas kumplessa għal investituri barranin filwaqt li fl-istess ħin ikun hemm koordinament tar-rati tat-taxxa fl-Ewropa kollha kemm hi;

Z.

billi l-protezzjoniżmu kummerċjali qed jinfirex mad-dinja kollha, u għaldaqstant l-UE, li tokkupa l-ewwel post fis-suq tal-investiment intern minn sorsi barranin, għandha tissokta bin-negozjati għal Ftehimiet ta’ Kummerċ Ħieles li jippromwovu l-kummerċ miftuħ u ġust, kif ukoll standards internazzjonali fil-qasam tal-ħarsien soċjali u ambjentali filwaqt li tipproteġi l-vantaġġi kompetittivi kummerċjali tagħha;

AA.

billi fl-Unjoni Ewropea għad hemm ostakoli sinifikanti għall-forniment ta’ servizzi transfruntiera, li jtellfu l-funzjonament tas-suq ħieles;

AB.

billi, bi qbil mat-Trattati Ewropej, il-politika komuni tal-kummerċ, inklużi l-investimenti barranin diretti, hija kompetenza esklussiva tal-UE, u billi, f’dan il-qasam, il-Parlament Ewropew u l-Kunsill joperaw fuq livell ugwali, peress li tapplika l-proċedura leġiżlattiva ordinarja;

1.

Jenfasizza li l-UE għadha tirrappreżenta l-ewwel destinazzjoni madwar id-dinja kollha ta’ investiment barrani dirett (FDI) u għandha bħala tali tibqa’ tissodisfa l-aspettattivi ta’ stati investituri u benefiċjarji filwaqt li tikkonforma mal-objettivi usa’ tal-politika ekonomika, soċjali u ambjentali tal-UE biex b’hekk tipproteġi r-rwol ewlieni tagħha fil-livell Ewropew u nazzjonali;

2.

Jemmen li l-politika ta’ koeżjoni hija essenzjali biex jiġu indirizzati l-iżbilanċi makroekonomiċi u reġjonali fil-livell tal-UE, u li din għandha tkun politika ewlenija tas-suq intern għat-tisħiħ tal-kompetittività, il-produttività, it-tkabbir u l-ħolqien tal-impjiegi, li għandha wkoll il-potenzjal li żżid l-attrattiva tal-investimenti fl-UE; jenfasizza li permezz tal-investiment tal-politika tal-koeżjoni fl-infrastruttura u l-ħiliet tas-suq tax-xogħol l-attrattiva għal investituri prospettivi tista’ titqawwa b’mod sinifikanti;

3.

Iħeġġeġ lill-Kummissjoni biex ittejjeb il-kooperazzjoni regolatorja internazzjonali, inkluż fil-fora multilaterali, u l-konverġenza tar-rekwiżiti regolatorji fuq il-bażi ta’ standards internazzjonali u, fejn possibbli, twettaq djalogu regolatorju sabiex tindirizza ostakli eżistenti jew futuri potenzjali għall-kummerċ bil-għan li tillimita t-tilwim kummerċjali u l-ispejjeż assoċjati miegħu;

4.

Iqis li l-konsolidazzjoni u l-istabilizzazzjoni fiskali u l-ikkompletar tas-suq intern għandhom jitwettqu, filwaqt li jiżguraw valutazzjoni tal-valur miżjud li jistgħu joffru; jemmen li kooperazzjoni qawwija bejn il-korpi ekonomiċi kif ukoll aktar kumplementarjetà bejn l-ekonomiji tal-UE għandhom inaqqsu d-disparitajiet reġjonali fl-investiment barrani dirett biex tissaħħaħ il-bażi industrijali Ewropea u jinġieb ‘il quddiem l-iżvilupp ekonomiku sostenibbli fit-tul, li huwa prerekwiżit kruċjali għal konsolidazzjoni fiskali ta’ suċċess u effikaċi;

5.

Jenfasizza li huwa kruċjali li jiġi sostnut l-interess tal-investituri Ewropej strateġiċi fl-attivitajiet tagħhom fi ħdan l-UE, filwaqt illi m’għandux jintesa li, bi rbit mal-kriżi finanzjarja u ekonomika dinjija usa’, is-sentimenti negattivi u l-inċertezza maħluqa mill-kriżi tad-dejn u min-nuqqas ta’ risposti rapidi jwasslu biex l-investituri jnaqqsu l-espożizzjoni tagħhom għar-reġjun; jissottolinja li nuqqas ta’ investiment domestiku kkoordinat fit-tul sejjer jagħmel ħsara sinifikanti għall-atrattiva tal-UE għal investituri bħal dawn fil-ġejjieni; jirrikonoxxi li approċċ b’diversi livelli għall-governanza, bl-involviment tal-komunità lokali fl-istadji xierqa, huwa essenzjali biex jiġi żgurat li l-investiment ikun immirat lejn il-qadi tal-ħtiġijiet speċifiċi ta’ kull reġjun u kull Stat Membru;

6.

Jitlob lill-Kummissjoni biex tressaq komunikazzjoni dwar l-attrattiva tal-investimenti fl-Ewropa, meta mqabbla mas-sħab u l-kompetituri ewlenin tagħha, li tidentifika l-vantaġġi u d-dgħufijiet ewlenin tal-UE bħala ambjent ta’ investiment, u tipproponi strateġija integrata li tinkludi politiki u rakkomandazzjonijiet speċifiċi, kif ukoll proposti leġiżlattivi jekk xieraq, biex ittejjeb l-ambjent ta’ investiment tal-UE;

7.

Jemmen li l-UE, hija u tindirizza l-kriżi tad-dejn, għandha tisfrutta bis-sħiħ il-pożizzjoni tagħha bħala l-ikbar suq komuni uniku tad-dinja (inkluż l-istandard għoli ta' ħajja, il-produttività għolja tax-xogħol, iċ-ċertezza legali u l-kapaċità tar-riċerka u l-innovazzjoni tagħha), kif ukoll l-ikbar qawwa ta’ investiment u kummerċ barrani fid-dinja, u jenfasizza l-ħtieġa għal strumenti, metodi u mekkaniżmi ta' finanzjament aktar effiċjenti u skemi ta' investiment ġodda, bħal bonds ta' proġetti tal-UE, li jistgħu jisfruttaw il-vantaġġi kompetittivi tal-Ewropa u l-kumplimentarjetajiet bejn l-Istati Membri tagħha u jilħqu l-miri tal-istraeġija ta’ tkabbir Ewropa 2020, sabiex jiġu indirizzati r-riċessjoni u l-isfidi tat-tkabbir kajman;

8.

Iħeġġeġ lill-UE biex tintroduċi l-investiment bħala element ewlieni tal-inizjattivi ewlenin kollha fi ħdan l-Istrateġija Ewropa 2020, sabiex tiġi ssodisfata l-ħtieġa kritika għat-tkabbir u l-impjiegi u jsir użu mill-kontribuzzjoni prinċipali tagħhom lejn l-indirizzar tal-kriżi fiskali; b’mod partikolari, jistieden lill-Kummissjoni u lill-Istati Membri biex jiżviluppaw strateġija industrijali tal-UE ambizzjuża, ekoeffiċjenti u sostenibbli sabiex taħji mill-ġdid il-kapaċità ta’ manifattura fl-UE kollha u tiġġenera impjiegi ta’ kwalità għolja fl-UE;

9.

Jenfasizza b’mod partikolari l-potenzjal enormi għall-ġbid ta’ investiment barrani dirett permezz tal-promozzjoni tal-edukazzjoni, ir-riċerka u l-iżvilupp u l-ħolqien ta’ impjiegi fl-oqsma tat-tnaqqis tal-emissjonijiet tal-gassijiet serra, l-iżvilupp ta’ sorsi ta’ enerġija rinovabbli u ż-żieda fl-effiċjenza enerġetika biex jintlaħqu l-miri tal-2020 u biex l-UE ssir minn ta’ quddiem fid-dinja fit-teknoloġija l-ħadra;

10.

Ifakkar li jekk ma jiżdiedxl-investiment pubbliku permezz tal-finanzjament sostenibbli, jew saħansitra jitnaqqas minħabba l-kriżi finanzjarja, għal setturi kruċjali bħas-saħħa, l-edukazzjoni, ir-riċerka u l-infrastrutturi, jista’ jkun hemm effetti negattivi fuq il-kompetittività u l-attrattiva għall-investituri, speċjalment jekk dan isir mudell fit-tul; għalhekk jeħtieġ li l-investiment pubbliku jiżdied b’mod sostennibbli;

11.

Jappoġġja l-programm ġdid propost “Erasmus għal Kulħadd” li jista’ jżid b’mod sinifikanti l-fondi allokati għall-mobilità u l-iżvilupp ta’ għarfien, taħriġ u ħiliet, biex jagħti spinta lill-iżvilupp personali u l-prospettivi tax-xogħol taż-żgħażagħ u b’hekk jikkontribwixxi fit-tisħiħ tal-potenzjal uman u jindirizza l-problema tal-qgħad għoli fost iż-żgħażagħ fl-Ewropa; jappoġġja “Erasmus għall-Intrapriżi” u b’mod partikolari l-programm ta’ skambju “Erasmus għall-Intraprendituri Żgħażagħ” li se jinkoraġġixxi l-ftuħ ta’ negozji, trasferimenti tal-għarfien minn pajjiż għall-ieħor, kooperazzjoni bejn ditti żgħar, innovazzjoni u ħolqien ta’ impjiegi;

12.

Jipproponi titjib u twessigħ tad-database statistika għall-investiment dirett, bi qbil mal-mudelli internazzjonali tal-OECD u tal-Bank Dinji, u l-adozzjoni ta’ miri ta’ investiment u indikaturi supplementari fuq livell nazzjonali (ambjent urban, infrastruttura soċjali), sabiex joħroġ fid-dieher il-progress li qed isir lejn ambjent ta’ investiment attraenti, filwaqt li fl-istess ħin jiġu evalwati l-politiki ta’ investiment u l-effetti pożittivi tagħhom fuq l-ekonomija u l-impjiegi fil-pajjiżi u r-reġjuni varji;

13.

Jemmen li kwalunkwe strateġija maħsuba biex tiġbed l-investiment barrani u lokali għandha torbot mal-ikkompletar tas-suq uniku, investimenti u flussi transkonfinali, swieq miftuħa, u aċċess imtejjeb għas-suq u kompetizzjoni ġusta għall-professjonijiet liberali, fid-dawl tal-għadd u u l-varjetà ta’ opportunitajiet ġodda; huwa konvint, f’dan ir-rigward, li l-UE għandha tippromwovi n-Netwerks Trans-Ewropej u l-mobilità tal-ħaddiema, tal-istudenti u tar-riċerkaturi u ssaħħaħ il-kooperazzjoni u l-kumplimentarjetajiet bejn l-ekonomiji tal-UE;

14.

Jenfasizza l-ħtieġa urġenti li jitnaqqsu l-ostakoli tat-taxxa għall-ħaddiema u impjegaturi transkonfinali biex tiġi ffaċilitata l-mobilità taċ-ċittadini u jiġi promoss l-investiment transkonfinali;

15.

Jistieden lill-UE biex tinnegozja f’livell globali u fil-qafas tad-WTO, tal-G20 u tal-G-8, l-istabbiliment ta’ regoli komuni li jiżguraw il-kompetizzjoni ġusta u kundizzjonijiet ugwali għal kulħadd fid-dawl tal-iżbilanċi makroekonomiċi internazzjonali relatati mar-regolazzjoni u t-tassazzjoni finanzjarja sabiex tipproteġi l-kompetittività tal-UE u tiżgura r-rispett tal-objettivi soċjali u ambjentali tal-Unjoni; jistieden lill-Unjoni biex tkun deċiżiva fin-negozjati u l-konklużjoni ta’ ftehimiet komprensivi ta’ kummerċ ħieles (FTAs) ma’ sħab ewlenin bħala element prinċipali għall-ftuħ ta’ swieq ġodda tal-prodotti u s-servizzi, it-tkattir tal-opportunitajiet ta’ investiment, il-faċilitazzjoni ta’ kummerċ miftuħ u ġust u l-promozzjoni ta’ ambjent ta’ politika aktar prevedibbli; jissottolinja l-importanza li jimxu ‘l quddiem negozjati fuq taxxa fuq it-tranżazzjonijiet finanzjarji fil-livell dinji;

16.

Huwa tal-idea li l-ħolqien ta’ Osservatorju Ewropew ad hoc għall-investimenti diretti barranin, stabbiliti fi ħdan il-Kummissjoni Ewropea, jista’ jikkontribwixxi għat-tisħiħ tal-koordinazzjoni tal-politiki tal-Istati Membri f’dan il-qasam u, fl-istess ħin, jipprovdi monitoraġġ aħjar tal-politiki applikati, inklużi l-effetti makroekonomiċi tagħhom, sabiex l-Ewropa tiġi promossa bħala destinazzjoni ta’ investiment;

17.

Jitlob lill-Kummissjoni biex tintensifika l-koordinazzjoni tal-politiki ekonomiċi, fiskali u soċjali tal-Istati Membri bl-għan li tattira investimenti barranin, filwaqt li tqis id-diverġenzi ekonomiċi u soċjali osservati bejn membri taż-żona tal-euro u bejn l-Istati Membri tal-UE;

18.

Jikkunsidra li l-UE u l-Istati Membri għandhom jieħdu azzjoni b’mod partikolari biex itejbu l-użu tal-fondi strutturali u l-Fond ta’ Koeżjoni bħala katalista biex jiġi attirat finanzjament addizzjonali mill-BEI, mill-BERŻ, minn istituzzjonijiet finanzjarji internazzjonali oħra u mis-settur privat, filwaqt li jiġu mħeġġa wkoll inizjattivi oħra bbażati fuq sħubijiet bejn il-pubbliku u l-privat (PPP), bħal Bonds ta’ Proġetti tal-UE; jinnota li l-SMEs jistgħu jibbenefikaw b’mod partikolari minn investimenti li jsaħħu l-kapaċitajiet, l-infrastruttura u l-kapital uman; jirrikonoxxi l-potenzjal tal-estensjoni tal-kamp ta’ applikazzjoni ta’ strumenti finanzjarji innovattivi sabiex jintużaw aħjar bħala aċċess għall-finanzjament sabiex jikkumplementaw metodi tradizzjonali ta’ finanzjament; jenfasizza li natura rotanti ta’ strumenti finanzjarji u approċċ flessibbli għall-integrazzjoni ta’ strumenti bħal dawn fil-livell reġjonali jistgħu jwasslu għal effett ta’ multiplikazzjoni tal-baġit tal-UE, irawmu sħubijiet bejni il-publiku u l-privat, jiftħu sorsi alternattivi ta’ finanzjament u jipprovdu fluss ġdid ta’ finanzjament importanti għal investimenti strateġiċi, li jappoġġjaw investimenti sostenibbli fit-tul fi żmien ta’ restrizzjoni fiskali;

19.

Jilqa’ l-operazzjonijiet tal-BĊE ta’rifinanzjament fuq żmien itwal (LTRO); jistieden lill-BĊE biex ikompli jaġixxi b’mod deċiżiv huwa u jindirizza l-kriżi kurrenti tad-dejn fiż-żona tal-euro billi jżomm l-istabilità tal-prezzijiet filwaqt li fl-istess ħin jimminimizza l-effetti ta' konsegwenzi sekondarji negattivi fuq l-ekonomija reali u fuq l-investimenti li l-problemi tal-likwidità tas-settur bankarju jistgħu jiġġeneraw; jemmen li s-settur bankarju jeħtieġlu jieħu l-passi meħtieġa biex jindirizza d-dgħufijiet strutturali tiegħu rigward riskji ta’ likwidità aktar fit-tul, biex l-investituri jerġgħu jiksbu l-kunfidenza u b’hekk il-BĊE ma jkollux għalfejn jintervjeni bmod daqshekk massiċċ fil-ġejjieni; iqis li l-qafas operazzjonali tal-bank għandu jissawwar b'tali mod li proporzjon tal-għotjiet tkun disponibbli għal finijiet ta’ żvilupp u biex tirfed l-impriżi żgħar u medji;

20.

Jemmen li r-riforma li jmiss tad-Direttiva dwar ir-Rekwiżiti Kapitali għandha tiżgura li riżervi kapitali miżjuda biex jippromwovu l-istabilita tas-settur bankarju fuq żmien twil ma jżommux lill-banek milli jinjettaw fl-ekonomija l-likwidità, li hija kruċjali għall-investiment;

21.

Jenfasizza l-ħtieġa għall-approfondiment tas-swieq kapitali Ewropej sabiex jiġi żgurat l-aċċess għal finanzjament minn sorsi oħra apparti l-banek;

22.

Jinnota l-proposti l-ġodda tal-Kummissjoni biex tittejjeb ir-regolamentazzjoni tas-suq tal-aġenziji li jiggradaw il-kreditu, b’mod partikolari l-emenda tar-Regolament (KE) Nru 1060/2009 dwar aġenziji li jiggradaw il-kreditu u l-koordinazzjoni ta' liġijiet, regolamenti u dispożizzjonijiet amministrattivi relatati ma’ impriżi għall-investiment kollettiv f’titoli trasferibbli (UCITS) u d-Direttiva 2011/61/UE dwar Maniġers ta’ Fondi ta’ Investiment Alternattiv fir-rigward tad-dipendenza eċċessiva fuq il-gradazzjoni tal-kreditu, u jenfasizza l-ħtieġa li jittieħdu iktar passi sabiex jiġu żgurati ambjent tan-negozju b'saħħtu u kompetizzjoni ġusta; 16a. Jistieden lill-Kummissjoni biex tevalwa l-ħafna ostakli li baqa’ li jtellfu l-provvista u r-riċeviment ta’ servizzi transkonfinali fi Stati Membri individwali;

23.

Jistieden lill-Kummissjoni biex tevalwa l-ħafna ostakli li baqa’ li jtellfu l-forniment u r-riċeviment ta’ servizzi transkonfinali fi Stati Membri individwali;

24.

Jinnota l-importanza tal-proposti tal-Kummissjoni għall-modernizzazzjoni tas-suq Ewropew tal-akkwist pubbliku; jenfasizza li suq dinamiku pan-Ewropew tal-akkwist jista’ jipprovdi opportunitajiet ta’ negozju importanti għall-kumpaniji Ewropej u jista’ jikkontribwixxi b’mod sinifikanti biex jistimola industrija Ewropea kompetittiva, jiġbed l-investiment u jippromwovi t-tkabbir ekonomiku;

25.

Jesprimi tħassib dwar ix-xejra li investituri istituzzjonali taż-żona tal-euro jiċċaqalqu mill-ekwitajiet taż-żona tal-euro għal ekwitajiet maħruġa fi mkejjen oħra fid-dinja, fid-dawl ta' (i) ir-rwol tagħhom, li dejjem qiegħed jikber, fis-settur finanzjarju taż-żona tal-euro, u (ii) it-tnaqqis, fil-poratfolli totali tal-fondi ta’ investiment, ta’ishma u ekwità oħra maħruġa mir-residenti taż-żona tal-euro, minn 26 % fl-2009 għal 23 % matul l-2010;

26.

Jenfasizza r-rwol ta’ fondi ta’ investimenti sovrani minn pajjiżi terzi u jisħaq fuq l-importanza tat-tisħiħ tal-prinċipji tat-trasparenza u tar-responsabbiltà għall-promozzjoni ta’ sinerġiji bejn il-fondi ta' investimenti sovrani u dawk tal-UE;

27.

Jistieden lill-Kummissjoni u lill-Istati Membri biex iħeġġu lill-investituri istituzzjonali jipparteċipaw fil-fondi Ewropej ta’ kapital ta’ riskju u l-fondi Ewropej ta’ imprenditorija soċjali, u biex jeliminaw restrizzjonijiet fuq il-provvista ta’ finanzjament ta’ fondi ta’ kapital ta’ riskju lil impriżi żgħar u medji;

28.

Jemmen li l-imprenditorija transkonfinali toffri benefiċċji sinifikanti kemm għar-reġjuni tal-UE, billi tikkontribwixxi għall-iżvilupp ekonomiku tagħhom, kif ukoll għall-intrapriżi individwali billi toffrilhom opportunitajiet ta’ aċċess għal swieq u sorsi ta’ provvista ġodda u akbar, kif ukoll kapital, xogħol u teknoloġija;

29.

Jesprimi t-tħassib tiegħu dwar iċ-ċifri għolja tal-qgħad fost iż-żgħażagħ li ġew osservati f’għadd ta’ Stati Membri, kif ukoll il-prospetti negattivi relatati mal-impjiegi; jinnota bi tħassib il-kapaċità limitata tal-Unjoni Ewropea li tattira kapital uman ta’ livell għoli, filwaqt li hemm flussi sinifikanti ta’ kapital uman lejn pajjiżi tat-tielet dinja; jirrikonoxxi li l-Unjoni Ewropea għandha potenzjal vast f’dak li jirrigwarda l-kapital uman, u jitlob lill-Kummissjoni u lill-Istati Membri biex jintensifikaw l-azzjoni fuq il-qgħad taż-żgħażagħ permezz ta’ programmi u azzjonijiet konkreti fil-livell Ewropew u f’dak nazzjonali; jilqa’, f’dan ir-rigward, id-Dikjarazzjoni tal-Kunsill Ewropew, li jistieden lill-Istati Membri jintroduċu skemi nazzjonali simili għall-Garanzija taż-Żgħażagħ, u jħeġġeġ lill-Istati Membri biex isostnu din it-talba permezz ta’ azzjoni rapida u konkreta fil-livell nazzjonali biex jiżguraw li ż-żgħażagħ ikollhom impjieg deċenti, jew inkela jkunu fl-edukazzjoni jew it-taħriġ (inkluż it-taħriġ mill-ġdid); iqis li l-Unjoni Ewropea għandha tintensifika l-isforzi tagħha biex tilħaq l-objettivi ta’ impjiegi ddikjarati fll-istrateġija UE 2020 għal tkabbir intelliġenti, sostenibbli u inklussiv, inklużi taxxi mnaqqsa fuq ix-xogħol maħsuba biex jiġbdu aktar investiment f’setturi tal-ekonomja li jirrikjedu forza tax-xogħol kbira;

30.

Jirrmarka l-isfida quddiem l-Unjoni kollha kemm hi, flimkien mal-Istati Membri individwali, rigward it-tixjiħ tal-popolazzjoni; iħeġġeġ lill-Istati Membri biex jiżviluppaw strateġiji konsistenti li jittrattaw l-isfida demografika, b’tali mod li jibbilanċjaw l-implikazzjonijiet negattivi potenzjali;

31.

Jappoġġja l-objettivi tal-Unjoni tal-Innovazzjoni; jistieden lill-Istati Membri biex jimmiraw lejn l-investiment fl-edukazzjoni, ir-riċerka u l-innovazzjoni, minħabba fl-effetti pożittivi li dan jista' jkollu fuq it-tkabbir u l-iżvilupp fiż-żmien medju u twil; jappoġġja l-ispeċjalizzazzjoni intelliġenti bħala prinċipju ta’ politika importanti u kunċett għall-politika tal-innovazzjoni u rabtiet iktar qawwija bejn ir-riċerka u l-intraprenditorija f’oqsma bħalma hija t-teknoloġija l-ħadra;

32.

Jenfasizza li l-ġlieda kontra l-evażjoni tat-taxxa għandha tkun prijorità ewlenija għall-Unjoni Ewropea speċjalment fis-sitwazzjoni attwali ta’ kriżi, fejn l-evażjoni tat-taxxa tirrappreżenta telf kbir għall-baġits nazzjonali u d-dħul addizzjonali jista’ jintuża biex iqawwi l-investiment pubbliku; jirrimarka li jeħtieġ li jkun hemm kooperazzjoni u kooordinazzjoni tajba bejn il-Kummisjsni u l-Istati Membri fil-ġlieda kontra t-tassazzjoni doppja, in-nontassazzjoni doppja, il-frodi fiskali, l-evażjoni tat-taxxa u d-dumping, kif ukoll l-użu ta' rifuġji fiskali għal finijiet illeċiti; b’mod aktar ġenerali, jappella għal aktar koordinazzjoni fiskali, sew mil-lat tal-introjtu kif ukoll minn dak tal-infiq, inklużi kooperazzjoni u koordinazzjoni tajba bejn is-sistemi tat-taxxa tal-Istati Membri, kif ukoll għal tnaqqis tal-piżijiet amministrattivi tqa; u l-ispejjeż għoljin tal-ottemperanza mat-taxxa li jħabbtu wiċċhom magħhom in-negozji Ewropej u li joħolqu diżinċentivi għall-investiment fl-Unjoni Ewropea; jilqa’ l-pożizzjoni tal-Parlament fuq bażi komuni konsolidata tat-taxxa korporattiva (BKKTK) filwaqt li jistenna bil-ħerqa li l-Kunsill jadotta d-Direttiva;

33.

Jirrimarka li aċċess diffiċli għall-finanzi jibqa’ wieħed mill-preokkupazzjonijiet ewlenin għall-SMEs; jinsab partikolarment inkwetat dwar il-fatt li kumpaniji b’saħħithom ma jistgħux jakkwistaw il-finanzjament li jkunu ppjanaw għalih; jistieden lill-Kummissjoni u lill-Istati Membri biex jimplimentaw malajr azzjonijiet u miżuri regolatorji biex jiffaċilitaw il-finanzjament għall-SMEs, kif propost fil-Pjan ta' Azzjoni tal-UE biex jittejjeb l-aċċess għall-finanzi għall-SMEs; jenfasizza li t-tkabbir fil-livelli lokali ta’ spiss isir mill-SMEs u l-impriżi soċjali u l-finanzjament tal-politika ta’ koeżjoni mogħti permezz ta’ approċċ ta’ governanza b’diversi livelli jista’ jiżgura li l-SMEs u l-impriżi soċjali jisfruttaw il-potenzjal tagħhom u jkomplu jagħtu kontribut siewi għall-kompetittività tal-UE;

34.

Jenfasizza l-ħtieġa għal reviżjoni komprensiva tal-impatt ekonomiku tar-regolament finanzjarju tal-UE sabiex jiġi żgurat li l-implimentazzjoni tkun proporzjonata u ma toħnoqx l-investiment;

35.

Jilqa’ l-“Programm għall-Kompetittività tal-Impriżi u l-SMEs” (COSME) propost mill-Kummissjoni għall-perjodu 2014-2020 bħala mezz biex jinkoraġġixxi l-kultura intraprenditorjali u jippromwovi negozji li jkunu għadhom kemm jiftħu tal-SMEs prinċipalment f’setturi ġodda bħal servizzi tal-midjasoċjali, l-ekonomija l-ħadra u t-turiżmu;

36.

Jappella għal liġijiet ġodda u effiċjenti dwar il-falliment, inklużi għodod ta’ twissija bikrija, sabiex jinkoraġġixxu politika tat-tieni opportunità maħsuba biex trawwem l-intraprenditorija u l-bidu mill-ġdid tan-negozji peress li t-Tieni Opportunità mhix rikonoxxuta b’mod adegwat mil-leġiżlazzjonijiet nazzjonali; jenfasizza l-importanza ta’ aktar netwerking fost l-intraprendituri u dawk li jiftħu negozju mill-ġdid sabiex tiġi promossa t-Tieni Opportunità kif ukoll il-ħtieġa li jiġu indirizzati diffikultajiet fil-finanzjament ta’ dawk li jiftħu negozju mill-ġdid;

37.

Jistieden lill-Unjoni biex tisfrutta bis-sħiħ l-opportunitajiet ta’ investiment fl-UE u lil hinn li jirriżultaw mill-Politika Ewropea tal-Viċinat u strateġiji makroreġjonali;

38.

Jistieden lill-Kummissjoni biex, fit-tabella ta’ valutazzjoni, tinkludi l-indikaturi rilevanti kollha għall-kejl tal-iżbilanċi makroekonomiċi u l-effetti tagħhom fuq ir-reġjuni tal-UE;

39.

Ifakkar li huwa importanti li jiġu żviluppati iktar sħubijiet immirati lejn setturi ambjentali, li qed jattiraw żieda fl-imgħax minn investituri, fil-qies tar-riżorsi u tal-kapaċità tal-UE;

40.

Jilqa' l-fatt li fl-2011 l-għadd ta' kumpaniji li kien biħsiebhom jinvestu fl-UE żdied b'5 %; jiddispjaċih, madankollu, li l-ammont medju ta' impjiegi ġodda li nħolqu għal kull proġett ta' investiment baqa' l-istess;

41.

Jitlob lill-Kummissjoni u lill-Istati Membri japplikaw il-Pjan ta' Azzjoni tal-Gvern elettroniku, li permezz tiegħu jkunu jistgħu jipprovdu servizzi tal-Gvern elettroniku – anki għall-kumpaniji – b'mod aktar effiċjenti u bi prezz orħos, kemm fil-livell lokali kif ukoll dak transkonfinali;

42.

Jinsisti li jeħtieġ li, biex l-investiment isir aktar attraenti, l-UE u l-Istati Membri tagħha:

43.

Jilqa’ l-proposta tal-Kummissjoni għal programm li jiffoka fuq il-kompetittività tal-SMEs; jilqa' ż-żidiet reċenti fil-kapital tar-riskju u f’dak informali f'bosta Stati Membri tal-UE, iżda jtenni li l-UE għandha tkompli tissemplifika r-regolamenti u l-aċċess għall-finanzjament tal-SMEs u ta' operaturi ekonomiċi oħrajn, billi tħeġġeġ sistemi effikaċi ta' kapital ta' riskju u ta' kapital informali fl-UE kollha u ssaħħaħ ir-rwol tal-investimenti tal-ekwità privata u pubblika fil-finanzjament tat-tkabbir korporattiv fit-tul; jistieden lill-Kummissjoni tikkoopera b’mod aktar attiv ma’ istituzzjonijiet finanzjarji internazzjonali fil-ħolqien ta’ mekkaniżmi finanzjarji innovattivi għall-finanzjament tal-SMEs;

44.

Jenfasizza l-importanza tal-promozzjoni tal-istandards biex jgħinu fl-iżvilupp tal-innovazzjoni fil-prodotti u s-servizzi l-ġodda, biex jitlesta s-suq intern u jattiraw l-investiment fl-UE, u jarmonizzaw l-istandards Ewropej ma’ dawk internazzjonali;

45.

Itenni l-proposta preċedenti tiegħu li l-Kummissjoni, f'kooperazzjoni mal-BEI, fid-dawl tal-kwalità tar-riżorsi umani tagħha u tal-esperjenza tagħha fil-finanzjament tal-infrastrutturi l-kbar, għandha twettaq missjoni ta' riflessjoni strateġika dwar il-finanzjament tal-investimenti mingħajr ma teskludi l-ebda ipoteżi: sussidji, il-ħlas ta' somom sottoskritti mill-Istati Membri għall-kapital tal-BEI, sottoskrizzjonijiet tal-Unjoni Ewropea għall-kapital tal-BEI, self, strumenti ta' innovazzjoni, inġinerija finanzjarja adattata għall-proġetti fuq medda twila ta' żmien li ma jħallux profitt immedjat, l-iżvilupp ta' sistemi ta' garanzija, il-ħolqien ta' sezzjoni ta' investiment fi ħdan il-baġit tal-Unjoni, konsorzji finanzjarji bejn l-awtoritajiet Ewropej, nazzjonali u lokali, sħubijiet bejn il-pubbliku u l-privat;

46.

Jilqa’ l-inizjattivi emblematiċi tal-Ewropa 2020 bit-titolu ‘Politika industrijali integrata għall-era tal-globalizzazzjoni’, ‘Unjoni tal-Innovazzjoni’ u ‘Ewropa li tuża r-riżorsi b’effiċjenza’, u jinnota li l-istrateġija Ewropa 2020 se tgħin biex l-investiment fl-UE tagħmlu aktar attraenti, toħloq impjiegi fi ħdan l-UE u żżomm il-kompetittività internazzjonali tagħha;

47.

Jenfasizza li, bil-livelli baxxi attwali ta’ tkabbir u l-livelli għoljin tal-qgħad, il-politika ta’ koeżjoni tal-UE tagħti kontribut importanti lill-ekonomija Ewropea, kif ukoll lir-riċerka u l-innovazzjoni Ewropej, u tikkostitwixxi l-ikbar partita ta’ nfiq fil-baġit tal-UE għal investimenti fl-ekonomija reali, billi ssaħħaħ il-koeżjoni ekonomika, soċjali u territorjali bit-tnaqqis tad-disparitajiet reġjonali u bl-implimentazzjoni ta’ strateġija tal-Unjoni għal tkabbir intelliġenti, sostenibbli u inklussiv li joffri lieva notevoli għall-investimenti pubbliċi u privati, fil-livell tal-UE kif ukoll f’dawk nazzjonali, reġjonali u lokali;

48.

Jenfasizza li approċċ diskriminatorju fir-rigward ta’ intrapriżi kbar jista’ jostakola l-innovazzjoni u jnaqqas il-kompetittività ta’ kumpaniji oħra tal-UE – partikolarment l-SMEs – billi jeskludihom minn sħubijiet globali kruċjali fl-innovazzjoni kollaborattiva u billi jnaqqas l-aċċess tagħhom għal teknoloġija avvanzata;

49.

Japprova r-raġunament ekonomiku ta’ politika ta’ żvilupp ibbażata fuq il-post lokali/reġjonali, imsejsa fuq il-loġika fundamentali li l-interess fir-reġjuni l-anqas żviluppati tal-Unjoni x’aktarx li jiżdied jekk ikunu kapaċi joffru vantaġġi komparattivi kompetittivi (infrastruttura adegwata, riżorsi umani ta’ ħila, eċċ.) kif ukoll ġabriet sodi ta’ inċentivi; f’dan il-kuntest, jitlob lill-Kummissjoni tappoġġja lill-Istati Membri u r-reġjuni f’ħidmiethom dwar il-politiki ta’ inċentivi għall-investiment tagħhom stess, speċjalment fir-rigward ta’ investimenti fit-tul – mhux l-inqas fil-livell transkonfinali – b’enfasi fuq proġetti tal-infrastruttura; jinnota b’dispjaċir li reġjuni anqas żviluppati tal-UE qegħdin iktar u iktar jitilfu l-attrattiva tagħhom, għall-benefiċċju ta’ pajjiżi terzi; jistieden lill-awtoritajiet kompetenti jfasslu miżuri urġenti mmirati biex iżommu l-investimenti attwali u jiġbdu oħrajn ġodda;

50.

Jenfasizza li l-UE għandha saħħa enormi fil-bliet tagħha, u li proġetti kbar ta’ infrastruttura urbana, u “business parks” innovattivi, jipprovdu l-aktar attrattiva qawwija għall-investiment; iħeġġeġ lill-Istati Membri jipprovdu investimenti għall-infrastruttura, teknoloġiji ġodda u riċerka u żvilupp fuq skala kbira, inklużi sistemi ta’ trasport multimodali, sabiex itejbu l-kwalità tal-ambjent ta’ ħajja u l-kompetittività tal-bliet tal-Ewropa, billi jibnu fuq il-punti b’saħħithom tagħhom, u filwaqt li jiżguraw li dawn l-investimenti ma jsirux għad-detriment ta’ koeżjoni territorjali reali u ta’ żvilupp rurali bbilanċjat.

51.

Jenfasizza li jeħtieġ li r-riċerka u l-edukazzjoni fil-livell lokali mhux biss jixxerrdu u jiġu implimentati, iżda wkoll li jitkattru. Dan ifisser li l-potenzjal uman disponibbli – ir-riċerkaturi u l-fondazzjonijiet akkdemiċi fil-livell lokali – jeħtieġ li jintuża bis-sħiħ, sabiex jiġu attirati kemm l-investimenti domestiċi kif ukoll l-investimenti diretti minn barra. F’dan il-kuntest, huwa importanti wkoll li tiġi kkunsidrata l-mobilità tal-element uman: l-għalliema, ir-riċerkaturi u l-istudenti;

52.

Jemmen li r-reġjuni sottożviluppati għandhom ikomplu jibbenefikaw minn finanzjament sostanzjali mill-Unjoni biex l-investituri jgawdu minn vantaġġi kompetittivi lokali oħra minbarra spejjeż tax-xogħol imnaqqsa;

53.

Jinnota l-ħtieġa li jissaħħu l-infrastrutturi ħalli jitqawwew il-koeżjoni soċjali u l-kompetittività tar-reġjuni; jenfasizza, f’dan il-kuntest, l-importanza tan-Netwerks Trans-Ewropej tat-Trasport u l-użu ta’ strumenti finanzjarji supplimentari, bħal bonds tal-proġetti u sħubijiet settorjali bejn il-pubbliku u l-privat;

54.

Jagħti istruzzjonijiet lill-President tiegħu sabiex jgħaddi din ir-riżoluzzjoni lill-Kunsill, lill-Kummissjoni u lill-parlamenti tal-Istati Membri.

29.11.2013   

MT

Il-Ġurnal Uffiċjali tal-Unjoni Ewropea

CE 349/38

—

wara li kkunsidra n-negozjati li għadhom għaddejjin dwar il-Ftehimiet ta’ Assoċjazzjoni bejn l-UE u l-Ukraina, l-UE u l-Moldova, l-UE u l-Ġeorġja, l-UE u l-Armenja u bejn l-UE u l-Azerbajġan, li se jinkludu elementi ta’ kummerċ sostanzjali,

—

wara li kkunsidra l-Konklużjonijiet tal-Kunsill tat-22 ta’ Jannar 2007 li adotta d-direttivi ta’ negozjar għall-Ftehim ta’ Assoċjazzjoni bejn l-UE u l-Ukraina li jinkludi Żona ta’ Kummerċ Ħieles Approfondita u Komprensiva,

—

wara li kkunsidra l-Konklużjonijiet tal-Kunsill tal-10 ta’ Mejju 2010 li adotta l-Ftehimiet ta’ Assoċjazzjoni bejn l-UE u l-Armenja u bejn l-UE u l-Ġeorġja, li kull wieħed minnhom jinkludi Żona ta’ Kummerċ Ħieles Approfondita u Komprensiva,

—

wara li kkunsidra l-Konklużjonijiet tal-Kunsill tal-15 ta’ Ġunju 2009 li adotta d-direttivi ta’ negozjar għall-Ftehim ta’ Assoċjazzjoni bejn l-UE u l-Moldova u wara li kkunsidra d-direttivi ta’ negozjar iddettaljati addizzjonali dwar iż-Żona ta’ Kummerċ Ħieles Approfondita u Komprensiva, adottati mill-Kunsill fl-20 ta’ Ġunju 2011,

—

wara li kkunsidra l-konklużjonijiet tal-Kunsill tal-10 ta’ Mejju 2010 li adotta d-direttivi ta’ negozjar għall-Ftehim ta’ Assoċjazzjoni bejn l-UE u l-Azerbajġan

—

wara li kkunsidra l-Ftehim ta’ Kummerċ u Kooperazzjoni konkluż mill-Komunità Ewropea ma’ dik li dak iż-żmien kienet l-Unjoni Sovjetika fl-1989 u sussegwentement approvat mill-Bjelorussja,

—

wara li kkunsidra l-Komunikazzjoni Konġunta mill-Kummissjoni u r-Rappreżentant Għoli tal-Unjoni għall-Affarijiet Barranin u l-Politika ta’ Sigurtà tal-25 ta’ Mejju 2011 dwar Risposti ġodda għal Viċinat fi trasformazzjoni (COM(2011)0303),

—

wara li kkunsidra l-iżvilupp tal-Politika Ewropea tal-Viċinat (PEV) mill-2004 ’il quddiem, u b’mod partikolari r-rapporti ta’ progress tal-Kummissjoni dwar l-implimentazzjoni tagħha

—

wara li kkunsidra r-rakkomandazzjonijiet tiegħu għan-negozjar ta’ Ftehimiet ta’ Assoċjazzjoni mal-Moldova, il-Ġeorġja, l-Armenja u l-Azerbajġan,

—

wara li kkunsidra l-Pjanijiet ta’ Azzjoni adottati b’mod konġunt mal-Armenja, l-Azerbajġan, il-Ġeorġja u l-Moldova u wara li kkunsidra l-Aġenda ta’ Assoċjazzjoni mal-Ukraina,

—

wara li kkunsidra d-Dikjarazzjonijiet Konġunti tas-Samit tas-Sħubija tal-Lvant fi Praga tas-7 ta’ Mejju 2009 u tas-Samit tas-Sħubija tal-Lvant f’Varsavja tad-29 u t-30 ta’ Settembru 2011,

—

wara li kkunsidra l-ħolqien tal-Assemblea Parlamentari EURONEST mill-Att Kostitwenti tiegħu tat-3 ta’ Mejju 2011,

—

wara li kkunsidra l-Artikolu 8 tat-Trattat dwar l-Unjoni Ewropea u l-Artikolu 207 tat-Trattat dwar il-Funzjonament tal-Unjoni Ewropea,

—

wara li kkunsidra l-Artikolu 48 tar-Regoli ta’ Proċedura tiegħu,

—

wara li kkunsidra r-rapport tal-Kumitat għall-Kummerċ Internazzjonali (A7-0183/2012),

A.

billi l-konklużjoni u l-implimentazzjoni ta’ Ftehimiet ta’ Assoċjazzjoni inklużi ż-Żoni ta’ Kummerċ Ħieles Approfonditi u Komprensivi (ŻKĦAK) huma għan u ambizzjoni ta’ prijorità tal-Politika Ewropea tal-Viċinat rieżaminata rigward is-Sħab tal-Lvant;

B.

Billi erbgħa mis-sitt pajjiżi tas-Sħubija tal-Lvant huma diġà membri tad-WTO, bil-gvernijiet tal-Azerbajġan u tal-Bjelorussja li għandhom biss status ta’ osservatur;

C.

billi, wara l-movimenti rivoluzzjonarji li seħħew fl-2011 fil-viċinanzi tan-Nofsinhar tal-UE, li issa huma magħrufa bħala r-Rebbiegħa Għarbija, l-interess tal-UE ġie ffukat fuq il-ġirien tan-Nofsinhar; billi l-pajjiżi li jappartienu lis-Sħubija tal-Lvant u r-relazzjonijiet kummerċjali li l-UE għandha magħhom jixirqilhom l-attenzjoni tal-UE;

D.

billi l-preżenza ekonomika taċ-Ċina fil-pajjiżi tas-Sħubija tal-Lvant qed tkompli tikber;

E.

billi n-negozjati taż-ŻKĦAK mal-Ukraina ġew kompluti f’Ottubru 2011; billi ż-ŻKĦAK se tidħol fis-seħħ biss wara l-konklużjoni tal-Ftehim ta’ Assoċjazzjoni bejn l-UE u l-Ukraina, li bħalissa hu imblukkat minħabba li l-UE mhix kuntenta bl-iżviluppi politiċi interni fl-Ukraina u bil-funzjonament tas-sistema ġudizzjarja tagħha;

F.

billi n-negozjati taż-ŻKĦAK mal-Ġeorġja u mal-Moldova ġew approvati mill-Kunsill f’Diċembru 2011 u l-ewwel rawnds ta’ negozjati għandhom isiru fir-Rebbiegħa tal-2012;

G.

billi fl-2011 l-Armenja għamlet progress sinifikanti lejn is-sodisfar tar-rakkomandazzjonijiet ewlenin, u n-negozjati taż-ŻKĦAK bejn l-UE u l-Armenja ġew varati fi Frar 2012 u bdew fis-6 ta’ Marzu, 2012;

H.

billi l-proċess tal-adeżjoni tal-Azerbajġan fid-WTO ilu għaddej mill-1997 iżda l-progress f’dan ir-rigward kien limitat, sitwazzjoni li hi waħda mill-ostakoli ewlenin għall-varar ta’ negozjati taż-ŻKĦAK mal-UE;

I.

billi l-Bjelorussja s’issa pparteċipat biss b’mod limitat fil-pjattaformi differenti tas-Sħubija tal-Lvant; billi din is-sitwazzjoni tipperikola is-sodisfar tal-għan aħħari tas-Sħubija tal-Lvant, li hu d-demokrazija msaħħa, il-progress, l-istabilità u l-prosperità fil-viċinanzi tal-Lvant tal-UE; jinnota d-dinamika ekonomika tal-ispazju ekonomiku ġdid li jikkonsisti fir-Russja, il-Kazakstan u l-Bjelorussja u jinkoraġġixxi lill-membri tiegħu jwettqu l-attivitajiet kummerċjali tagħhom f’konformità ma' regoli kummerċjali li huma aċċettati internazzjonalment, jiġifieri dawk li joriġinaw mid-WTO;

J.

billi s-Sħab tal-Lvant tal-UE kollha, li huma l-istati li kienu jiffurmaw l-Unjoni Sovjetika, għandhom l-istess sfond storiku u istituzzjonali u ffaċċjaw sfidi simili fit-transizzjoni politika u ekonomika tagħhom matul dawn l-aħħar għoxrin sena;

1.

Jenfasizza li l-prospett li jinħolqu ŻKĦAK mal-UE huwa waħda mill-inċentivi ewlenin għall-pajjiżi sħab biex isegwu l-isforzi ta’ riforma tagħhom; iqis il-ħolqien taż-ŻKĦAK bħala waħda mill-għodod l-aktar ambizzjużi tal-politika kummerċjali bilaterali tal-UE biex jinkiseb ambjent ekonomiku stabbli, trasparenti u prevedibbli li jkun jirrispetta d-demokrazija, id-drittijiet fundamentali u l-istat tad-dritt, li tkun tipprovdi mhux biss għal integrazzjoni ekonomika akbar permezz tat-tneħħija gradwali tal-ostakoli għall-kummerċ imma wkoll għall-konverġenza regolatorja f‘oqsma li għandhom impatt fuq il-kummerċ tal-beni u s-servizzi, b’mod partikolari billi jiġi msaħħaħ il-ħarsien tal-investiment, jiġu ssemplifikati l-proċeduri doganali u tal-fruntieri, jitnaqqsu l-ostakoli tekniċi u ostakoli mhux tariffarji oħra għall-kummerċ, jiġu msaħħa r-regoli sanitarji u fitosanitarji, jittejjeb il-benesseri tal-annimali, jissaħħu l-oqfsa ġuridiċi għall-kompetizzjoni u l-akkwist pubbliku u jiġi żgurat l-iżvilupp sostenibbli. hu tal-fehma li l-konklużjoni taż-ŻKĦAK hi fundamentali fil-ġlieda kontra tendenzi lejn protezzjoniżmu fuq livell globali;

2.

Jagħraf li ż-ŻKĦAK jipprovdu lill-UE strument kummerċjali vitali għall-bini ta’ relazzjonijiet ekonomiċi fit-tul ma’ pajjiżi terzi; jirrikonoxxi l-impatt taż-ŻKĦAK fuq il-funzjonament sħiħ tal-pajjiżi sħab kummerċjali tal-UE li jmur bil-wisq lil hinn minn kwestjonijiet purament kummerċjali, li jinfluwenza wkoll l-istat tad-demokrazija, l-istat tad-dritt u standards komuni oħra;

3.

Jenfasizza li l-proċess tat-teħid ta’ deċiżjonijiet biex tiġi vvalutata l-preparatezza tas-sħab potenzjali tal-UE biex jidħlu f'negozjati kummerċjali għandu jkun ħieles minn preġudizzji politiċi u għandu, fil-biċċa l-kbira, jiddependi fuq il-kapaċità reali li għandu s-sieħeb kummerċjali biex jimplimenta b’mod effikaċi l-kundizzjonijiet taż-ŻKĦAK;

4.

Jirrikonoxxi l-fatt li ż-ŻKĦAK jistgħu jkunu komponent ewlieni ta’ ftehim politiku usa’ (Ftehimiet ta' Assoċjazzjoni); jenfasizza, madankollu, li fil-każijiet fejn mhuwiex possibbli jew rakkomandabbli li jiġi konkluż Ftehim ta’ Assoċjazzjoni (FA) ma' pajjiż partikolari għandhom jitqiesu strateġiji oħrajn sabiex jiġu segwiti f’mod effiċjenti l-għanijiet ekonomiċi u kummerċjali tal-Unjoni mal-pajjiż ikkonċernat;

5.

Jenfasizza l-importanza tal-Programm Komprensiv ta’ Bini ta’ Istituzzjonijiet, l-istrument ta’ Assistenza Teknika u Skambju ta’ Informazzjoni (TAIEX) u programmi ta’ ġemellaġġi sabiex is-Sħab tal-Lvant jiġu mgħejjuna jissodisfaw ir-rakkomandazzjonijiet ewlenin kif ukoll sabiex itejbu l-kapaċità tagħhom ta’ implementazzjoni;

6.

Jagħraf il-fatt li integrazzjoni kummerċjali akbar, bit-tibdiliet profondi fl-istrutturi ekonomiċi li teħtieġ, titlob sforzi sinifikanti kemm fuq perjodu qasir u kemm fit-tul mis-Sħab tagħna tal-Lvant, jinsab konvint madankollu, li fil-ġejjieni 'l bogħod, il-benefiċċji ta' tali integrazzjoni se jikkumpensaw għal dawk l-isforzi; jenfasizza li l-appoġġ u l-involviment tas-soċjetà ċivili lokali u tal-NGOs internazzjonali fil-promozzjoni tal-benefiċċji fuq perijodu twil hu essenzjali għas-suċċess tal-proċessi ta’ riforma tagħhom;

7.

Jinsab favur it-tisħiħ tal-kooperazzjoni bejn l-UE u s-Sħab tal-Lvant tagħha f’għadd ta’ setturi, b’mod partikolari l-industrija, l-SMEs, ir-riċerka, l-iżvilupp u l-innovazzjoni, l-ICT u t-turiżmu;

8.

Jikkunsidra li d-divrenzjar akkumpanjat minn applikazzjoni tal-prinċipju ‘aktar għal aktar’ kif iddeskrivit fil-qosor fil-Komunikazzjoni Konġunta imsemmi hawn fuq dwar ‘Risposti ġodda għal Viċinat fi trasformazzjoni’ huwa pass fid-direzzjoni t-tajba fir-relazzjonijiet ta’ kummerċ mas-Sħab tal-Lvant, u jirrikonoxxi l-isforzi ta’ dawk li jagħmlu l-aktar progress filwaqt li jinċentiva oħrajn biex jagħmlu aktar sforzi; jikkunsidra li l-kummerċ għandu jkun faċilitatur tal-bidla u jenfasizza l-importanza tal-klawżoli tal-kondizjonalità u l-infurzar sussegwenti tagħhom;

9.

Jinsab konvint li l-integrazzjoni ekonomika tas-Sħab tal-Lvant mal-UE ma tistax titwettaq b’mod effiċjenti mingħajr riformi politiċi u soċjali, il-parteċipazzjoni tas-soċjetà ċivili fil-proċess tat-teħid ta’ deċiżjonijiet u l-integrazzjoni ekonomika fost is-Sħab tal-Lvant infushom; jenfasizza li l-integrazzjoni ekonomika fost dawn il-pajjiżi għandha tkun miftuħa, ħalli tikkapitalizza mill-benefiċċji tagħha; jiddispjaċih f’dan ir-rigward li l-konflitti reġjonali ffriżati kien ilhom ħafna snin jagħmlu ħsara lill-effikaċja u lill-iżvilupp tal-kummerċ transkonfinali u għadhom jikkawżaw telfiet ekonomiċi enormi lil xi wħud mis-Sħab tal-Lvant u jwasslu għall-iżolament ekonomiku tagħhom;

10.

Jikkunsidra li hu importanti li l-UE toffri lis-sħab kollha taż-ŻKĦAK il-flessibbiltajiet li huma intitolati għalihom taħt ir-regoli tad-WTO;

11.

Jenfasizza l-importanza tal-prevenzjoni tal-kunflitti permezz ta’ koeżjoni ekonomika u soċjali;

12.

Jistieden lill-Kummissjoni tagħti, b’mod partikolari, flessibbiltajiet li jippromwovu l-iżvilupp ta’ industriji li għadhom jibdew fil-pajjiżi sħab taż-ŻKĦAK;

13.

Jilqa’ l-proposta tal-Kummissjoni dwar il-Qafas Finanzjarju Multiannwali 2014-2020 li jipproponi żjieda ta’ 40 % fil-finanzjament għall-Politika Ewropea tal-Viċinat; jenfasizza l-fehma tiegħu li s-Sħab tal-Lvant ma jistgħux iġorru waħedhom il-piż tal-ispejjeż tal-approssimazzjoni ġuridika u r-riformi istituzzjonali u strutturali neċessarji, u li l-appoġġ finanzjarju tal-UE, li għandu jikkumplementa l-isforzi ta’ riforma tagħhom stess, hu wkoll strumentali għas-suċċess; jistieden f’dan ir-rigward lill-Kunsill isostni l-finanzjament propost mill-Kummissjoni;

14.

Jenfasizza r-rwol tal-parlamenti nazzjonali tas-Sħab tal-Lvant tal-UE fl-approssimazzjoni tal-leġislazzjoni dwar il-kummerċ mal-acquis tal-UE, li hu prerekwiżit għall-konklużjoni u l-implimentazzjoni xierqa taż-ŻKĦAK futuri; jistieden f'dan ir-rigward lill-UE u lill-Istati Membri tagħha sabiex jipprovdulhom assistenza teknika akbar u jistieden speċjalment lill-Istati l-Membri tal-UE l-ġodda jikkondividu magħhom il-kompetenza esperta u l-aħjar prattiki li kisbu fil-proċess tagħhom stess tal-allinjament tal-leġiżlazzjoni nazzjonali mal-acquis communautaire relatat mal-kummerċ;

15.

Jilqa’ l-adeżjoni tal-Ukraina u l-Moldova mat-Trattat li jistabbilixxi l-Komunità tal-Enerġija, minħabba r-rwol potenzjalment vitali tiegħu f’dawk li huma l-iżgurar tal-ilħuq tal-objettivi tal-UE fir-rigward tas-sigurtà tal-enerġija u l-kontribut għas-sigurtà għal dawk il-pajjiżi;

16.

Jilqa’ l-isforzi kollha li jsiru għat-tisħiħ tas-Sħubija tal-Lvant, speċjalment l-inizjattivi ewlenin tal-Kummissjoni dwar l-SMEs, inkluża l-faċilità għall-SMEs tas-Sħubija tal-Lvant, u dwar is-swieq tal-enerġija reġjonali u l-effiċjenza enerġetika;

17.

Jistieden lill-Kummissjoni tkompli tiżviluppa aktar l-Istrateġija tal-UE dwar il-Baħar l-Iswed, minħabba li din tirrappreżenta komponent importanti tal-istrateġija tal-enerġija esterna tal-UE, minħabba r-rwol ġeostrateġiku tagħha, li joffri potenzjal sinifikanti għas-sigurtà enerġetika u għad-diversifikazzjoni tal-provvista;

18.

Jagħraf l-importanza tal-Assemblea Parlamentari (AP) tal-EURONEST, partikolarment il-Kumitat tagħha għall-Integrazzjoni Ekonomika, l-Approssimazzjoni Ġuridika u l-Konverġenza mal-Politiki tal-UE kif u l-Kumitat tagħha għas-Sigurtà tal-Enerġija, fid-diskussjonijiet dwar kwestjonijiet ta’ kummerċ bejn il-Membri tal-Parlament Ewropew u l-parlamentari nazzjonali tas-Sħab tal-Lvant tal-UE; jesprimi t-tama tiegħu li l-kundizzjonijiet biex il-membri tal-Parlament tal-Bjelorussja jissieħbu fl-AP tal-EURONEST jiġu ssodisfati fil-futur prevedibbli;

19.

Jenfasizza li ż-ŻKĦAK mhix assistenza mogħtija lis-Sħab tal-Lvant, iżda hi ftehim ta’ kummerċ li jġib vantaġġi u obbligi reċiproki għaż-żewġ partijiet; jiddispjaċih li l-analiżi tal-Politika Ewropea tal-Viċinat (PEV) għadha ma telaborax kif l-iżvilupp ta’ politika tal-kummerċ bħal din jista’ jippreżenta spinta għall-interessi ekonomiċi tal-UE billi jġib benefiċċji sostanzjali lill-konsumaturi, lill-kumpaniji u lill-ħaddiema tal-UE; jenfasizza li ż-ŻKĦAK ma jkunux iġibu biss benefiċċji ekonomiċi għas-Sħab tal-Lvant iżda jistgħu wkoll jaċċeleraw ir-riformi, il-modernizzazzjoni u l-iżvilupp istituzzjonali;

20.

Jieħu nota li fit-18 ta’ Ottubru 2011 inħolqot żona ta’ kummerċ ħieles fost il-maġġoranza tal-membri tal-Komunità ta’ Stati Indipendenti, li tinkludi s-Sħab tal-Lvant tal-UE bl-eċċezzjoni tal-Ġeorġja u, għalissa, tal-Azerbajġan; jemmen li l-konklużjoni ta’ Ftehimiet ta’ Kummerċ Ħieles ma’ pajjiżi oħra ma għandhiex tagħmel ħsara liż-ŻKĦAK li l-pajjiżi tas-Sħubija tal-Lvant jikkonkludu mal-UE, jenfasizza f’dan ir-rigward li hu importanti għall-UE li tipprovdi lis-Sħab tal-Lvant alternattiva attraenti u vijabbli;

21.

Jinsisti li l-istrateġija tal-UE lejn ir-Russja għandha tqis kif dovut l-influwenza Russa fuq is-Sħab tal-Lvant; jinnota li r-Russja kkonkludiet unjoni doganali mal-Kazakistan u ma’ wieħed mis-Sħab tal-Lvant, il-Bjelorussja; jiddispjaċih li r-Russja setgħet dgħajfet in-negozjati tal-kummerċ bejn l-UE u għadd ta’ Sħab tal-Lvant, b’mod partikolari l-Ukraina, billi offritilhom rotta alternattiva, ibbażata fuq soluzzjonijiet fuq perjodu qasir, bħalma huma prezzijiet tal-gass aktar baxxi; iqis li maż-żmien dawn l-alternattivi se jkunu kontroproduttivi għas-Sħab tal-Lvant;

22.

Jinsisti li s-suċċess taż-ŻKĦAK se jiddependi fil-parti kbira mill-bini tal-istituzzjonijiet u mill-implimentazzjoni xierqa tal-impenji, li jistgħu jiġu żgurati biss f’ambjent ta’ negozju miftuħ, trasparenti u ħieles mill-korruzzjoni, li huwa prerekwiżit għall-implimentazzjoni b’suċċess taż-ŻKĦAK;

23.

Jinnota li l-prosperità u l-istabbiltà fil-viċinanzi tal-Lvant tal-UE huma fl-aqwa interess tal-UE u barra minn hekk li relazzjonijiet stabbli u prevedibbli bejn l-UE u s-Sħab tal-Lvant tagħha mingħajr dubju se jżidu l-volumi tal-kummerċ fiż-żewġ direzzjonijiet;

24.

Jinnota fl-istess ħin li l-UE hija s-sieħba esportatriċi ewlenija tal-maġġoranza tal-pajjiżi tas-Sħubija tal-Lvant;

25.

Jiġbed l-attenzjoni lejn il-fatt li, minkejja li għamlu progress suffiċjenti fis-sodisfar tar-rakkomandazzjonijiet ewlenin, bħala kundizzjonijiet li jippermettu l-varar tan-negozjati taż-ŻKĦAK, il-Ġeorġja u l-Moldova xorta waħda għandhom bżonn jiżguraw li l-impenn tagħhom lejn il-proċess tar-riforma hu ta’ natura li tieħu fit-tul u li jinvolvu ruħhom fi proċess ta’ riforma b’saħħtu matul in-negozjati kollha; jenfasizza li ż-żewġ pajjiżi xorta waħda għandhom bżonn jagħmlu progress sinifikanti fir-riforma regolatorja li tikkonċerna b’mod partikolari l-ostakoli tekniċi għall-kummerċ, il-miżuri sanitarji u fitosanitarji, id-drittijiet ta’ proprjetà intellettwali u l-liġi tal-kompetizzjoni;

26.

Jesprimi tħassib dwar il-kapaċità istituzzjonali tas-Sħab tal-Lvant ikkonċernati fir-rigward tal-implimentazzjoni attwali ta’ ŻKĦAK; jenfasizza li l-konklużjoni ta’ ŻKĦAK fiha nnifisha ma tiggarantixxix suċċess sakemm ma tkunx implimentata b’mod effikaċi u akkumpanjata minn miżuri effettivi dwar il-kompetizzjoni u kontra l-korruzzjoni;

27.

Jinnota li l-istandards tax-xogħol li huma approvati internazzjonalment għandhom jiġu osservati meta jkunu qed jiġu konklużi ż-ŻKĦAK; jinnota li l-osservanza tad-drittijiet fundamentali tax-xogħol approvati mill-Organizzazzjoni Internazzjonali tax-Xogħol hija element ewlieni tar-rispett għad-drittijiet tal-bniedem;

28.

Jitlob li jkun hemm approċċ ambizzjuż lejn l-integrazzjoni tal-ekonomiji tal-UE u tal-pajjiżi tas-Sħubija tal-Lvant permezz taż-ŻKĦAK billi jiġu inklużjoni aspetti oħra relatati mal-kummerċ ħieles u ġust; jirrakkomanda li ż-ŻKĦAK kollha jinkludu kapitolu vinkolanti dwar l-iżvilupp sostenibbli, b’dispożizzjonijiet dwar il-ħarsien ambjentali u d-drittijiet tax-xogħol internazzjonali;

29.

Jifraħ lill-Gvern tal-Armenja talli żied l-isforzi tiegħu biex iwettaq ir-rakkomandazzjonijiet ewlenin fl-2011, li wasslu għall-varar tan-negozjati taż-ŻKĦAK fi Frar tal-2012;

30.

Jilqa’ l-varar tan-negozjati taż-ŻKĦAK bejn l-Armenja u l-UE li sar fi Frar tal-2012 u l-bidu tagħhom fis-6 ta’ Marzu 2012; jinkoraġġixxi lill-Armenja tuża l-potenzjal taż-ŻKĦAK biex tagħti spinta lill-ekonomija tagħha, lill-opportunitajiet tal-esportazzjoni u lill-aċċess għas-suq tal-UE, biex tħaffef ir-riformi neċessarji u tgħolli b’mod ġenerali l-istandards tal-Armenja għal livell Ewropew; jenfasizza li integrazzjoni ekonomika aktar mill-qrib mal-UE trid tikkontribwixxi għat-tisħiħ tal-istabbiltà politika u s-sigurtà fir-reġjun; jittama li n-negozjati taż-ŻKĦAK bejn l-UE u l-Armenja jiġu konklużi malajr;

31.

Jilqa’ l-varar tan-negozjati taż-ŻKĦAK, li se jipprovdu opportunitajiet biex jissaħħu r-relazzjonijiet ekonomiċi bejn iż-żewġ naħat; iqis li huwa neċessarju li jiġu sostnuti r-riformi biex jinħoloq ambjent ekonomiku stabbli u trasparenti li se jattira investimenti barranin, jagħti spinta lit-tkabbir u joħloq l-impjiegi;

32.

Jemmen li l-konklużjoni ta’ ŻKĦAK se tistimula l-ekonomija tal-Armenja billi, fost affarijiet oħra, tagħti spinta lill-kompetizzjoni;

33.

Jiddispjaċih li l-kunflitt tan-Nagorno-Karabakh għadu jidwi fil-fruntieri magħluqa tal-Armenja mal-Azerbajġan u t-Turkija, u qiegħed iżomm lill-pajjiż ekonomikament iżolat minħabba fin-nuqqas ta’ rotot ta’ aċċess; jenfasizza li l-ftuħ tal-fruntieri hu, inter alia, kundizzjoni importanti sabiex jiġi attirat l-investiment barrani;

34.

Jinsab imħasseb dwar l-indikazzjonijiet tal-konnessjonijiet mil-qrib li għaddejjin bħalissa bejn ċrieki politiċi u tan-negozju u l-impedimenti sinifikanti għan-negozji, inklużi s-sistema tat-taxxa li mhix trasparenti u l-protezzjoni dgħajfa li tingħata lill-investiment; jagħraf il-ħtieġa li jkun hemm qafas istituzzjonali b’saħħtu għall-politika tal-akkwist pubbliku u tal-kompetizzjoni bil-għan li jinkludu mekkaniżmu effettiv ta’ infurzar;

35.

Jilqa’ d-deċiżjoni tal-Armenja li tingħaqad mill-ġdid mal-Ftehimiet Plurilaterali tad-WTO dwar l-Akkwist Pubbliku f’Diċembru 2011; jinsab konvint li dan il-pass huwa ta’ ġid għall-immaġni tal-Armenja bħala sieħba affidabbli fil-kummerċ;

36.

Jenfasizza li ż-ŻKĦAK għandha tinkludi impenn qawwi min-naħa tal-Armenja li tirriforma r-regolamenti tagħha fid-direzzjoni tal-istandards tal-UE, akkumpanjati minn miżuri effikaċi kontra l-korruzzjoni;

37.

Jirrakkomanda wkoll li ż-ŻKĦAK jmissha tinkludi miżuri mmirati biex isaħħu l-implimentazzjoni tal-liġi tal-kompetizzjoni, ħalli b’hekk investituri u l-kumpaniji barranin ikunu kapaċi jipparteċipaw, b’mod partikolari, fl-industriji tal-kostruzzjoni u tal-enerġija tal-Armenja;

38.

Iħeġġeġ lill-Armenja taċċelera l-proċess ta’ konformità mal-miżuri sanitarji u fitosanitarji tal-UE, ħaġa li tkun tippermetti diversifikazzjoni tal-esportazzjonijiet tal-Armenja sabiex jinkludu wkoll prodotti agrikoli;

39.

Jemmen li d-tidgħif tad-dipendenza tal-Armenja mill-appoġġ kummerċjali Russu u mill-gvern tar-Russja bħala riżultat tal-fatt li l-Armenja tiftaħ il-fruntieri tagħha u ssaħħaħ il-kooperazzjoni internazzjonali jippromwovi t-tkabbir ekonomiku tagħha; jemmen li l-konklużjoni ta’ ŻKĦAK mal-UE jkun partikolarment ta’ benefiċċju f’dan ir-rigward;

40.

Jirrikonoxxi l-isforzi u l-kisbiet tal-Azerbajġan lejn l-approssimazzjoni mal-acquis tal-UE; jilqa’ f’dan ir-rigward l-adozzjoni riċenti tal-Kodiċi tad-Dwana u l-Kodiċi tal-Kostruzzjoni l-ġodda;

41.

Jenfasizza li l-adeżjoni tal-Azerbajġan fid-WTO hi l-prerekwiżit ewlieni għall-ftuħ tan-negozjati taż-ŻKĦAK u b’hekk ir-relazzjonijiet tal-kummerċ bejn l-UE-Azerbajġan jinġiebu għal livell ogħla; jinnota li l-istruttura tal-ekonomija tal-Azerbajġan ma tagħtix lill-gvern tagħha motivazzjoni qawwija biex ifittex sħubija fid-WTO u ŻKĦAK mal-UE; jenfasizza madankollu li l-benefiċċji ta’ ŻKĦAK mhumiex purament ekonomiċi iżda li tista’ wkoll tiżviluppa l-ekonomija lokali lil hinn mid-dipendenza żejda tagħha mill-esportazzjonijiet tal-enerġija; iħeġġeġ għalhekk lill-Gvern tal-Azerbajġan iżid l-isforzi tiegħu għal sħubija fid-WTO; f’dan ir-rigward jistieden lill-UE tipprovdi lill-Azerbajġan l-għajnuna meħtieġa;

42.

Ifaħħar it-tkabbir ekonomiku notevoli esperjenzat mill-Azerbajġan fis-snin imgħoddija; jirrimarka, madankollu, li s-settur taż-żejt jipprovdi 50 % tal-PDG tal-Azerbajġan, 95 % tal-esportazzjonijiet tagħha u 60 % tad-dħul tal-baġit tagħha, u dan jagħmel l-ekonomija tal-Azerbajġan waħda vulnerabbli għall-volatilità tal-prezzijiet taż-żejt u għall-bidliet kollha fid-domanda globali; jistieden f’dan ir-rigward lill-Gvern tal-Azerbajġan jikkunsidra li jadotta miżuri effettivi u konsistenti sabiex jiddiversifika l-ekonomija tal-pajjiż;

43.

Ifakkar li l-Azerbajġan għandu potenzjal li jiżviluppa produzzjoni agrikola kompetittiva, u jirrakkomanda li l-Gvern tal-Azerbajġan iqis dan il-qasam bħala pass potenzjalment importanti lejn id-diversifikazzjoni tal-ekonomija tiegħu u tal-esportazzjonijiet tiegħu lejn l-UE, suġġett għall-konformità mar-rekwiżiti sanitarji u fitosanitarji tal-UE, u lejn pajjiżi oħra;

44.

Jistieden lill-Gvern tal-Azerbajġan jinvolvi ruħu b’mod ġenwin fil-ġlieda kontra l-korruzzjoni u l-inugwaljanzi soċjali li jistgħu jwasslu għal ferment soċjali, itejjeb l-aċċess tan-negozji għall-finanzjament, u b’hekk jagħmel l-ekonomija tal-pajjiż aktar kompetittiva u attraenti għall-investiment barrani;

45.

Jappoġġja bil-qawwa li l-komponent tal-kummerċ tal-Ftehim ta’ Assoċjazzjoni futur bejn l-UE u l-Azerbajġan għal ŻKĦAK jiġi mtejjeb għal livell aqwa ladarba jkunu ġew issodisfati l-kundizzjonijiet kollha;

46.

Jiddispjaċih li l-Bjelorussja, minkejja l-potenzjal inkontestabbli tagħha, qed titbiegħed dejjem iżjed mill-UE f’dawk li huma l-istandards politiċi u ekonomiċi ġenerali tagħha, kif ukoll fir-rigward tal-mudell ekonomiku tagħha;

47.

Jenfasizza l-importanza tal-pożizzjoni strateġika tal-Bjelorussja bħala pajjiż ta’ passaġġ għall-enerġija, partikolarment il-provvisti tal-gass naturali għall-UE; jistieden lill-Bjelorussja, għalhekk, tirratifika minnufih u timplimenta kif dovut il-Karta tal-Enerġija;

48.

Ifakkar li l-UE hija t-tieni l-akbar sieħba tal-kummerċ tal-Bjelorussja wara r-Russja;

49.

Jenfasizza l-bżonn ta’ aktar għajnuna mill-UE sabiex tittejjeb il-prestazzjoni tal-istrutturi amministrattivi, b’mod partikolari l-ħtieġa li tiġi miġġielda l-korruzzjoni;

50.

Jiġbed l-attenzjoni lejn id-diffikultajiet fl-ivvalutar tas-sitwazzjoni ekonomika reali fil-Bjelorussja, minħabba fl-istatistiċi uffiċjali li, skont osservaturi indipendenti, jaħbu r-realtà li fiha allegatament 20 % tal-Bjelorussi jgħixu taħt il-linja tal-faqar;

51.

Jinnota li 80 % tal-kumpaniji huma pubbliċi u l-iżvilupp tas-settur privat hu mxekkel minn miżuri diskriminatorji u arbitrarji, bidliet li jsiru fil-leġiżlazzjoni u taxxi iebsa, sitwazzjoni li ġġiegħel lis-settur privat jopera parzjalment fl-ekonomija li mhix uffiċċjali;

52.

Ifakkar li, minħabba fil-klima politika u ekonomika negattiva fil-Bjelorussja, il-Fond Monetarju Internazzjonali u l-Bank Dinji ffriżaw il-krediti tagħhom lill-Bjelorussja fl-1996 u l-UE għamlet l-istess fl-1997; jiġbed l-attenzjoni għall-fatt li dan kollu iddisswada u jkompli jiddisswadi lill-investituri barranin, fejn l-investiment barrani dirett issa jammonta biss għal 1 % tal-PDG tal-pajjiż;

53.

Jemmen li l-UE jmissha tgħin biex tissaħħaħ is-soċjetà ċivili tal-Bjelorussja billi torjenta mill-ġdid il-fondi tal-UE f’din id-direzzjoni;

54.

Jinsab konvint li hemm bżonn li jitwettqu riformi istituzzjonali u strutturali profondi sabiex tibda tinbena ekonomija tas-suq li tiffunzjona, tkun trasparenti u miftuħa;

55.

Jiġbed l-attenzjoni għall-fatt li l-adeżjoni tal-pajjiż mad-WTO hi kundizzjoni biex jinbdew negozjati dwar kwalunkwe tip ta’ ftehim ta’ kummerċ ħieles mal-UE; f'dan ir-rigward, jistieden lill-Bjelorussja timpenja ruħha b’mod ġenwin fil-proċess ta’ adeżjoni fid-WTO; jirrimarka li l-Bjelorussja, peress li hija membru tal-Unjoni Doganali mar-Russja u l-Kazakstan, tista’ tieħu mill-esperjenza tar-Russja fir-rigward tal-proċess ta’ adeżjoni mad-WTO;

56.

Jinsab konvint li l-UE jmissha tagħmel kull sforz biex iddaħħal lill-Bjelorussja fi djalogu politiku u ekonomiku reali u tipprovdi inċentivi għar-riformi li huma indispensabbli u ta’ importanza estrema għaċ-ċittadini tal-Bjelorussi; jinnota, f’dan ir-rigward, il-miżuri ekonomiċi restrittivi b’miri speċifiċi li qed tieħu l-UE bħalissa kontra l-Bjelorussja; hu tal-fehma li l-UE jmissha tkompli għaddejja bil-miżuri restrittivi individwali tagħha b’miri speċifiċi filwaqt li tkompli tappoġġja lis-soċjetà ċivili u lill-intraprendituri bil-għan mhux biss li ttejjeb il-kundizzjonijiet ekonomiċi imma wkoll li ssaħħaħ l-istat tad-dritt, it-trasparenza u l-ġlieda kontra l-korruzzjoni;

57.

Jirrimarka li, skont l-evalwazzjoni tal-Bank Dinji, il-Ġeorġja hi waħda mill-ekonomiji tad-dinja li l-aktar li qegħdin jirriformaw ruħhom malajr u li skont il-Bank Dinji tinsab ikklassifikata fis-16 l-aħjar post fid-dinja biex isir negozju fih;

58.

Jirrikonoxxi x-xogħol ta’ rikostruzzjoni tal-Ġeorġja wara l-gwerra tal-2008 u l-ftuħ tagħha ta’ swieq ġodda;

59.

Jirrikonoxxi l-fatt li l-Gvern tal-Ġeorġja qiegħed jipprova jtejjeb il-protezzjoni tad-drittijiet ta’ proprjetà intellettwali, madankollu jirrimarka li l-Ġeorġja xorta għad għandha l-ogħla prevalenza allegata ta’ softwer akkwistat bil-piraterija minn kwalunkwe pajjiż ieħor; jistieden f’dan ir-rigward lill-Gvern tal-Ġeorġja jiżviluppa liġijiet għall-infurzar tad-drittijiet tal-proprjetà intellettwali, b’kunsiderazzjoni, madankollu, tad-drittijiet tal-bniedem u tal-proporzjonalità;

60.

Iqis li l-Ġeorgja uriet tkabbir ekonomiku u rati ta’ investiment notevoli u jenfasizza li ż-ŻKĦAK tkun fattur addizzjonali biex jiġi appoġġjat it-tkabbir fuq bażi wiesgħa u biex jiġu attirati l-investimenti barranin;

61.

Jinkoraġġixxi lill-Ġeorġja biex tipperfezzjona l-leġiżlazzjoni tagħha, ittejjeb l-effiċjenza tal-istituzzjonijiet tagħha u tiżgura standards għolja ta’ kontroll tal-kwalità għall-prodotti tagħha sabiex tikkonforma mar-rekwiżiti stabbiliti mill-Kummissjoni Ewropea;

62.

Jilqa’ s-sistema tal-akkwist il-ġdida tal-Ġeorġja, li tippermetti irkanti elettroniċi għal kull tip ta’ kuntratti, irrispettivament mid-daqs jew in-natura tagħhom; jirrimarka li l-Ġeorġja jmissha wkoll isservi ta’ eżempju għall-Istati Membri tal-UE f’dan il-qasam;

63.

Jistieden lill-Ġeorġja tassigura li, wara l-konklużjoni tan-negozjati taż-ŻKĦAK, huma biss il-prodotti li joriġinaw mir-reġjuni li jirrikonoxxu formalment l-adeżjoni tagħhom mal-istat tal-Ġeorġja li jkunu eliġibbli għall-preferenzi kummerċjali;

64.

Jirrikonoxxi b’sodisfazzjon il-fatt li l-Moldova, minkejja l-fraġilità tal-ekonomija tagħha, f’dawn l-aħħar snin għaddiet minn proċess ta’ riforma notevoli u tejbet bil-kbir il-prestazzjoni ekonomika tagħha; jenfasizza f’dan ir-rigward l-importanza vitali tal-assistenza finanzjarja pprovduta mill-Fond Monetarju Internazzjonali u l-assistenza makrofinanzjarja pprovduta mill-UE;

65.

Huwa tal-opinjoni li ż-ŻKĦAK futuri jmisshom japplikaw għat-territorju kollu tal-Moldova li jirrikonoxxi formalment l-adeżjoni tiegħu mal-istat tal-Moldova;

66.

Jinnota li, għalissa, il-parti l-kbira tal-esportazzjonijiet tal-Moldova joriġinaw mill-agrikoltura u għalhekk jiffaċċjaw kompetizzjoni ħarxa u rekwiżiti stretti fis-suq tal-UE; hu tal-fehma li ŻKĦAK għandha tgħin fid-diversifikazzjoni tal-esportazzjonijiet tal-Moldova u tagħmel lill-pajjiż aktar kompetittiv u tkun tippermetti lill-Moldova tattira investimenti barranin sabiex ittemm id-dipendenza tagħha mir-rimessi ta’ flus u tagħmel it-tranżizzjoni għal ekonomija tas-suq kompetittiva fl-esportazzjonijiet;

67.

Jenfasizza kemm hu importanti li l-Moldova tkompli tiġi allinjata mal-UE fl-infrastruttura u fis-sistemi tagħha għar-regolamentazzjoni teknika, l-istandardizzazzjoni, il-valutazzjni tal-konformità, l-ittestjar, is-sorveljanza tas-suq u l-metroloġija;

68.

Jirrimarka li għad hemm bżonn li jsir progress konsiderevoli fil-qasam tas-servizzi u l-protezzjoni tal-investiment;

69.

Jistieden lill-awtoritajiet tal-UE jinvolvu ruħhom aktar fis-sejbien ta’ soluzzjoni paċifika għall-problemi tar-reintegrazzjoni territorjali tal-Moldova;

70.

Jilqa’ l-konklużjoni taż-ŻKĦAK bejn l-UE u l-Ukraina, bħala l-ewwel ftehim ta’ kummerċ ħieles li qatt sar bejn l-UE u Sieħba tal-Lvant; jikkunsidra li dan il-ftehim li kiseb riżultati ġodda u l-esperjenza miksuba matul in-negozjar tiegħu għandhom mingħajr dubju jservu ta’ eżempju utli f’negozjati ta’ ŻKĦAK futuri;

71.

Jiġbed l-attenzjoni għall-fatt li l-Ukraina hi l-akbar Sieħba tal-Lvant tal-UE u li ż-ŻKĦAK tiftaħ suq ġdid ta’ 46 miljun konsumatur għall-UE; jikkunsidra li għall-UE l-akbar benefiċċji mill-implimentazzjoni taż-ŻKĦAK se jiġu minn reġim ta’ kummerċ u investiment aktar stabbli u prevedibbli fl-Ukraina;

72.

Jilqa’ l-isforzi tal-awtoritajiet tal-Ukraina biex jiffukaw fuq li jegħilbu l-inugwaljanzi soċjali u ġeografiċi, b’mod partikolari bejn il-belt kapitali u r-reġjuni;

73.

Jiddispjaċih minħabba d-dewmien fl-iffirmar tal-Ftehim ta’ Assoċjazzjoni, li huwa l-kundizzjoni għad-dħul fis-seħħ taż-ŻKĦAK; jesprimi t-tama li l-ostakoli għall-iffirmar ma jdumux ma jiġu megħluba;

74.

Jieħu nota tal-fatt li l-Kummissjoni eskludiet il-possibilità tal-applikazzjoni proviżorja taż-ŻKĦAK qabel il-konklużjoni tal-Ftehim ta’ Assoċjazzjoni u l-approvazzjoni tiegħu mill-Parlament Ewropew; jirrimarka li l-applikazzjoni kemm tal-Ftehim ta’ Assoċjazzjoni u kemm taż-ŻKĦAK se ġġib magħha riformi strutturali u politiċi u għalhekk jixtieq li t-tnejn li huma jiġu implimentati malajr.

75.

Jirrikonoxxi l-fatt li, fir-rigward tal-integrazzjoni fi strutturi Ewropej, l-Ukraina għamlet ċertu progress u bdiet ukoll tadatta s-sistema legali tagħha għall-istandards tal-UE u għal standards internazzjonali u li għamlet ukoll progress kbir fl-adozzjoni tal-istandards u n-normi tal-OECD; jinnota madankollu li l-klima tan-negozju fl-Ukraina għadha kklassifikata bħala l-152 waħda mid-Doing Business tal-Bank Dinji, flimkien mal-fatt li l-problemi tal-kummerċ transkonfinali qed imorru għall-agħar.

76.

Jenfasizza li implimentazzjoni taż-ŻKĦAK b’suċċess se tiddependi ħafna mir-rieda politika u mill-kapaċità amministrattiva li jiġu implimentati d-dispożizzjonijiet kollha tagħha b’mod li jkun f’waqtu u eżatt; jikkunsidra li din hija sfida serja għall-Ukraina, li għandha rekord imħallat f’dik li hi r-riforma tal-ekonomija u l-istat tagħha u li għadha tissielet biex tissodisfa l-impenji kollha tagħha skont il-proċess ta’ adeżjoni fid-WTO, kif ukoll impenji fir-rigward tal-Bank Dinji u l-Fond Monetarju Internazzjonali;

77.

Itenni li r-riformi ekonomiċi, politiċi u istituzzjonali fundamentali, inkluża parteċipazzjoni wiesgħa u permanenti tal-organizzazzjonijiet u n-netwerks tas-soċjetà ċivili, iridu jiġu aċċelerati u mmexxija b’mod aktar komprensiv u konsistenti, sabiex jiġu assigurati implimentazzjoni xierqa taż-ŻKĦAK u l-kisbiet li ġejjin minnha; jitlob, b’mod partikolari, għal kontinwazzjoni tar-riformi ekonomiċi fl-oqsma tas-setturi tal-agrikoltura, tal-enerġija u tat-trasport;

78.

Jinsab imħasseb dwar l-indikazzjonijiet negattivi rigward il-klima tan-negozju u l-investiment tal-Ukraina li tirriżulta minn diversi defiċjenzi istituzzjonali u sistemiċi bħalma huma l-ostakoli għad-dħul fis-suq, il-permessi amministrattivi, l-għadd eċċessiv ta’ spezzjonijiet amministrattivi, sistemi tat-taxxa u tad-dwana li mhumiex trasparenti u amministrazzjoni ta’ kwalità baxxa, is-sistema ġuridika instabbli u mhix trasparenti u l-funzjonament batut tagħha, l-amministrazzjoni pubblika u l-ġudikatura dgħajfa u korrotti, l-infurzar dgħajjef ta’ kuntratti u l-protezzjoni insuffiċjenti tad-drittijiet ta’ proprjetà, in-nuqqas ta’ żvilupp u l-monopolizzazzjoni tal-infrastruttura; iħeġġeġ lill-Gvern tal-Ukraina jaċċelera l-proċess ta’ riforma sabiex jelimina l-ostakoli ta’ hawn fuq li qed ixekklu n-negozju u l-kummerċ ħielsa u ġusti;

79.

Jistieden lill-Gvern tal-Ukraina jindirizza l-preokkupazzjonijiet tas-settur tan-negozju b’mod aktar effikaċi, b’mod partikolari fir-rigward tal-aċċess għall-kreditu u l-art, l-ipoteka, il-krediti preferenzjali għall-iżvilupp ta' intrapriżi agrikoli żgħar; sistema tal-ġbir tat-taxxi li tkun aktar semplifikata u aktar trasparenti, ir-rifużjoni tat-taxxa fuq il-valur miżjud lill-esportaturi, l-ikklerjar tad-dwana u proċeduri ta' approvazzjoni għall-importazzjonijiet, il-promozzjoni tas-settur tal-SMEs, it-titjib tal-infurzar tal-liġi fil-qasam tal-protezzjoni tal-beni materjali u tal-propjetà intellettwali; peress li dawk il-fatturi kollha għandhom impatt immedjat u dirett fuq il-kwantità u l-kwalità tar-relazzjonijiet kummerċjali mal-UE u l-influss ta’ investiment dirett barrani tagħha fl-Ukraina;

80.

Jistieden lill-Ukraina tadatta l-leġislazzjoni interna tagħha sabiex tiffaċilita l-passaġġ ħieles u mhux interrott tal-gass lejn l-Istati Membri tal-UE; jinnota li dan il-proċess imissu jinkludi ristrutturar tas-settur tal-gass u l-istabbiliment ta’ regolamentazzjoni ġusta tal-infrastruttura tal-enerġija bil-ħsieb li l-fornituri barranin, il-klijenti barranin u d-domanda lokali għall-enerġija jitqiegħdu fuq l-istess livell ta’ kundizzjonijiet; jitlob li tissaħħaħ il-kooperazzjoni bejn l-UE u l-Ukraina fis-settur enerġetiku, li s-settur enerġetiku tal-Ukraina jiġi integrat fl-isfera enerġetika Ewropea u li jingħata bidu għal proġetti konġunti ta’ modernizzazzjoni u żvilupp fl-isfera tal-infrastruttura tal-enerġija; jistieden lill-gvern jimplimenta t-tielet pakkett tal-enerġija;

81.

Jesprimi t-tama tiegħu li l-Ukraina se ssib rieda politika u kuraġġ biżżejjed biex toħloq kundizzjonijiet politiċi u regolatorji għall-implimentazzjoni sħiħa u f’waqtha taż-ŻKĦAK, ħaġa li tkun ta’ benefiċċju kbir għall-popolazzjoni tagħha;

82.

Jistieden lill-awtoritajiet tal-UE jagħtu aktar appoġġ għat-titjib tal-prestazzjoni tal-istrutturi amministrattivi tal-Ukraina u għall-promozzjoni tal-istandards tal-UE fil-qasam tal-governanza;

83.

Jistieden lill-Kunsill, lill-Kummissjoni u lis-Servizz Ewropew għall-Azzjoni Esterna jqisu kif dovut il-kunsiderazzjonijiet u r-rakkomandazzjonijiet t'hawn fuq fin-negozjar u l-implimentazzjoni tal-partijiet tal-kummerċ tal-Ftehimiet ta’ Assoċjazzjoni mal-Armenja, l-Azerbajġan, il-Ġeorġja, il-Moldova u l-Ukraina kif ukoll fl-iżviluppar tar-relazzjonijiet ta’ kummerċ tal-UE mal-Bjelorussja;

84.

Jistieden lill-Kummissjoni tirrapporta b’mod regolari u komplet lill-Parlament Ewropew dwar il-progress tan-negozjati u, wara d-dħul tagħha fis-seħħ, dwar il-progress fl-implimentazzjoni ta’ kull ŻKĦAK;

85.

Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill u lill-Kummissjoni kif ukoll lill-Viċi President tal-Kummissjoni/Rappreżentant Għoli tal-Unjoni għall-Affarijiet Barranin u l-Politika ta’ Sigurtà, lis-SEAE u lill-gvernijiet u lill-parlamenti tal-Istati Membri u tal-pajjiżi li jappartienu lis-Sħubija tal-Lvant.

29.11.2013   

MT

Il-Ġurnal Uffiċjali tal-Unjoni Ewropea

CE 349/48

—

wara li kkunsidra l-abbozz ta’ baġit għas-sena finanzjarja 2013, li l-Kummissjoni adottat fil-25 ta’ April 2012 (COM(2012)0300),

—

wara li kkunsidra l-Ftehim Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-amministrazzjoni finanzjarja soda (1) (FII),

—

wara li kkunsidra l-Artikolu 314 tat-Trattat dwar il-Funzjonament tal-Unjoni Ewropea,

—

wara li kkunsidra r-riżoluzzjoni tiegħu tal-14 ta' Marzu 2012 dwar il-linji gwida ġenerali għat-tħejjija tal-baġit 2013 (2),

—

wara li kkunsidra l-konklużjonijiet tal-Kunsill tal-21 ta’ Frar 2012 dwar il-linji gwida tal-baġit għall-2013,

—

wara li kkunsidra l-konklużjonijiet tal-laqgħa interistituzzjonali dwar il-pagamenti tat-30 ta’ Mejju 2012,

—

wara li kkunsidra t-Titolu II, Kapitolu 7 tar-Regoli ta’ Proċedura tiegħu,

—

wara li kkunsidra l-ittra tal-Kumitat għas-Sajd,

—

wara li kkunsidra r-rapport tal-Kumitat għall-Baġits u l-opinjonijiet tal-Kumitat għall-Affarijiet Barranin, tal-Kumitat għall-Iżvilupp, tal-Kumitat għall-Kummerċ Internazzjonali, tal-Kumitat għall-Kontroll tal-Baġit, tal-Kumitat għall-Impjiegi u l-Affarijiet Soċjali, tal-Kumitat għall-Industrija, ir-Riċerka u l-Enerġija, tal-Kumitat għall-Iżvilupp Reġjonali, tal-Kumitat għall-Agrikoltura u l-Iżvilupp Rurali, tal-Kumitat għal-Libertajiet Ċivili, il-Ġustizzja u l-Intern, tal-Kumitat għall-Affarijiet Kostituzzjonali u tal-Kumitat għad-Drittijiet tan-Nisa u l-Ugwaljanza bejn is-Sessi, kif ukoll l-ittra tal-Kumitat għas-Sajd (A7-0215/2012),

1.

Ifakkar li l-Parlament, fir-riżoluzzjoni tiegħu tal-14 ta’ Marzu 2012, qiegħed fil-qalba tal-prijoritajiet tiegħu l-promozzjoni tat-tkabbir u l-impjiegi, bi qbil mal-istrateġija Ewropa 2020, filwaqt li għamel l-argument b’mod partikolari favur il-konċentrazzjoni tar-riżorsi f’politiki u programmi li jirriżulta li jkunu strumentali għall-ilħiq ta’ dawk l-objettivi, partikolarment b’appoġġ tal-SMEs u ż-żgħażagħ; jilqa’ l-fatt li l-abbozz ta’ baġit għall-2013 tal-Kummissjoni jimxi fl-istess direzzjoni f’dak li jirrigwarda prijoritajiet identifikati li għandom jissaħħu;

2.

Jagħraf ir-restrizzjonijiet ekonomiċi u baġitarji persistenti fil-livell nazzjonali, kif ukoll il-ħtieġa ta’ konsolidazzjoni fiskali; itenni l-konvinzjoni tiegħu, madankollu, li l-baġit tal-UE jirrappreżenta strument komuni u effikaċi ta’ investiment u solidarjetà, li huwa partikolarment meħtieġ fil-preżent biex jiskatta t-tkabbir ekonomiku, il-kompetittività u l-ħolqien tal-impjiegi fis-27 Stat Membru; jenfasizza li, minkejja d-daqs limitat tiegħu, li ma jisboqx 2 % tal-infiq pubbliku totali fl-Unjoni, il-baġit tal-UE kellu impatt ekonomiku reali u sal-lum irnexxielu jikkomplementa l-politiki ta’ rkupru tal-Istati Membri;

3.

Biħsiebu, għaldaqstant, jiddefendi bil-qawwa livell adegwat ta’ riżorsi għall-baġit tas-sena d-dieħla, kif definit fl-abbozz ta’ baġit, u jopponi kwalunkwe tentattiv ta' tnaqqis tar-riżorsi, speċjalment għal politiki li jġibu t-tkabbir u l-impjiegi; jemmen li l-baġit tal-UE, li ma jistax ikun f’defiċit, m’għandux jisfa vittma ta’ politiki ekonomiċi li ma rnexxewx fil-livell nazzjonali; jirrimarka li, fl-2012, bosta Stati Membri qed ikabbru d-daqs tal-baġits nazzjonali tagħhom;

4.

Huwa konvint li, partikolarment f’perjodu ta’ kriżi, ir-responsabbiltà finanzjarja għandha importanza mill-akbar; jemmen, għaldaqstant, li r-riżorsi jeħtieġ li jiġu kkonċentrati f’dawk l-oqsma fejn il-baġit tal-UE jista’ jġib valur miżjud, filwaqt li jistgħu jitnaqqsu minn setturi li qed jesperjenzaw dewmien mhux ġustifikat u assorbiment baxx, bil-ħsieb li jsir iffrankar f'linji fejn irriżultaw problemi fl-implimentazzjoni; iqis li jista' jsir iffrankar reali billi jiġu identifikati sovrappożizzjonijiet u ineffiċjenzi fil-linji baġitarji; fuq din il-bażi, biħsiebu jidentifika, flimkien mal-kumitati speċjalizzati tiegħu, prijoritajiet sew pożittivi kif ukoll negattivi għall-2013; jitlob lill-Kummissjoni, għal dan il-għan, tagħti liż-żewġ fergħat tal-awtorità baġitarja informazzjoni pronta, regolari u sħiħa dwar l-implimentazzjoni - abbażi ta' indikaturi mira ta' prestazzjoni - tad-diversi programmi u inizjattivi u tivvalutahom f'paragun mal-impenji politiċi tal-UE;

5.

Jemmen li l-UE, mhux tal-anqas fil-kuntest tal-politiki ta' awsterità li qed jiġu implimentati fl-Istati Membri, teħtieġ turi responsabilità u tieħu miżuri konkreti immedjati biex tistabbilixxi sede unika għall-Parlament;

6.

Jinnota li l-abbozz ta’ baġit tal-UE għall-2013 propost mill-Kummissjoni jammonta għal EUR 150 931,7 miljun f’approprjazzjonijiet ta’ impenn (AI) (jiġifieri + 2 % mqabbla mal-baġit 2012) u EUR 137 924,4 miljun f’approprjazzjonijiet ta’ pagament (AP) (jiġifieri + 6,8 % mqabbla mal-Baġit 2012); jirrimarka li dawn l-ammonti rispettivament jirrappreżentaw 1,13 % u 1,03 % tal-Introjtu Nazzjonali Gross (ING) tal-UE previst għall-2013; ifakkar li l-Qafas Finanzjarju Multiannwali (QFM) jipprovdi limiti ta’ EUR 152 502 miljun għall-AI u EUR 143 911 miljun għall-AP, bi prezzijiet kurrenti; jindika d-diskrepanza kontinwa bejn il-livelli ta’ approprjazzjonijiet ta’ impenn u ta’ pagament li se tirriżulta f’iktar żieda fir-reste-à-liquider (RAL);

7.

Jifhem li l-Kummissjoni fi, tmiem il-perjodu ta’ programmar, l-aċċent qed tqiegħdu fuq in-naħa tal-pagamenti, minħabba li biħsiebha tipprovdi soluzzjoni wkoll għal-livell dejjem jikber tar-RALs; filwaqt li jikkondividi dan l-approċċ, huwa partikolarment imħasseb dwar l-iffriżar propost tal-approprjazzjonijiet ta’ impenn fil-livell tar-rata stmata tal-inflazzjoni għas-sena d-dieħla; jenfasizza l-importanza tal-impenji għad-determinazzjoni tal-prijoritajiet politiċi u b’hekk għall-iżgurar li l-investiment meħtieġ eventwalment isir biex jagħti spinta lit-tkabbir u l-impjiegi; biħsiebu janalizza bir-reqqa jekk dan il-livell ta' impenji hux se jippermetti l-implimentazzjoni xierqa ta' politiki ewlenin tal-UE; huwa tal-opinjoni li anke jekk l-iffriżar tal-approprjazzjonijiet ta’ impenn jista' jiġi ppreżentat mill-Kummissjoni u mill-Istati membri bħala soluzzjoni parzjali għall-problema tar-RALs, ma jistax jitqies bħala strateġija aċċettabbli il-livell tar-RALs jinżamm taħt kontroll;

8.

Iqis iż-żieda proposta ta’ 6,8 % fl-AP mqabbla mal-2012 bħala risposta inizjali għat-talba tal-Parlament għal baġit responsabbli u realistiku; jinnota li ż-żidiet fil-pagamenti huma kkonċentrati fl-oqsma tal-kompetittività u l-koeżjoni, minħabba l-livell ogħla ta' talbiet mistenni għal proġetti operattivi f’dawn l-oqsma; japprova bis-sħiħ din iż-żieda, li hija r-riżultat mhux biss ta' impenji tal-imgħoddi li jeħtieġ li jkunu onorati imma wkoll tal-implimentazzjoni reali ta’ programmi, li mistennija tilħaq livell tajjeb ta’ attività fl-aħħar sena tal-QFM kurrenti; jitlob lill-Kummissjoni tivverifika mal-Istati Membri li d-domandi stmati tagħhom għal żidiet fil-pagamenti huma eżatti u realistiċi;

9.

Jibqa’ xettiku, madankollu, dwar jekk il-livell propost ta’ approprjazzjonijiet ta’ pagament fl-2013 hux se jkun adegwat biex ikopri l-ħtiġijiet reali għas-sena d-dieħla, speċjalment fl-Intestaturi 1b u 2; se jimmonitorja b’attenzjoni s-sitwazzjoni tal-pagamenti matul l-2012, filwaqt li jagħti attenzjoni partikolari għat-trasferimenti u r-riallokazzjonijiet kollha proposti; iwissi wkoll li l-livell insuffiċjenti tal-pagamenti għall-2012 flimkien mal-livell propost mill-Kummissjoni għall-2013 jista’ ma jkunx biżżejjed biex jonora t-talbiet li qed jiġu indirizzati lill-Kummissjoni, u jista’ mbagħad iwassal għal biljuni f’diżimpenji fil-politika ta' koeżjoni weħidha; jenfasizza li l-proposta kurrenti l-livell globali ta’ pagamenti għall-perjodu 2007-2013 iġġibu għal EUR 859,4 biljun, jiġifieri madwar EUR 66 biljun anqas mil-livelli massimi maqbula tal-QFM; jitlob lill-Kummissjoni, fid-dawl tat-talba reċenti għal trasferiment (DEC 9/2012), biex tressaq, fil-kuntest tal-baġit emendatorju għall-2012, informazzjoni akkurata dwar ir-riżultati tal-implimentazzjoni kurrenti tal-programmi tal-Pjan Ewropew ta’ Rkupru Ekonomiku;

10.

Ifakkar li diġà fl-2011, il-Kummissjoni ma setgħetx tħallas numru sinifikanti ta’ talbiet leġittimi, partikolarment fil-qasam tal-politika ta’ koeżjoni; jinnota li dawk it-talbiet ukoll se jkun jeħtieġ li jkunu koperti mill-baġit 2012, li diġà qed iġarrab nuqqas ta’ fondi bħala konsegwenza taż-żieda limitata fl-approprjazzjonijiet ta’ pagament minħabba l-pożizzjoni tal-Kunsill matul il-proċedura baġitarja tas-sena li għaddiet; jitlob lill-Kummissjoni, għaldaqstant, tfassal abbozz ta’ baġit emendatorju malajr kemm jista’ jkun, biex issewwi din is-sitwazzjoni u tevita li pagamenti tal-2012 jgħaddu fuq is-sena ta’ wara, peress li dan joħloq livell mhux sostenibbli ta’ pagamenti għall-2013; jerġa’ jitlob lill-Kummissjoni u lill-Kunsill sabiex jaħdmu b’mod kostruttiv, flimkien mal-Parlament, sabiex tiġi evitata ripetizzjoni ta’ din is-sitwazzjoni f’ċikli tal-baġit futuri billi tittejjeb l-eżattezza tal-previżjoni u billi jiftiehmu dwar estimi realistiċi tal-baġit;

11.

Jiddeplora r-riluttanza tal-Presidenza tal-Kunsill li jieħu sehem fil-laqgħa politika interistituzzjonali dwar il-pagamenti li l-Parlament ippropona bħala segwitu għall-konċiljazzjoni baġitarja tas-sena li għaddiet; iqis din l-imġiba bħala tentattiv irresponsabbli sabiex tiġi injorata l-kwistjoni tan-nuqqas tal-ħruġ tal-pagamenti u l-kwistjoni tar-RAL; iqis li laqgħa bħal din tkun il-pjattaforma ideali biex iż-żewġ fergħat tal-awtorità baġitarja jilħqu fehim komuni – qabel il-pożizzjonijiet rispettivi tagħhom dwar l-abbozz ta’ baġit – dwar id-dejta disponibbli rigward l-implimentazzjoni u l-kapaċità ta’ assorbiment u biex jagħmlu stima korretta tal-ħtiġijiet ta’ pagament għall-2012 u l-2013; ifakkar li approprjazzjonijiet ta’ pagament proposti mill-Kummissjoni fl-abbozz ta’ baġit tagħha huma bbażati fuq l-estimi li saru mill-Istati Membri stess; huwa konvint, għalhekk, li kwalunkwe dubji jew bdil fl-opinjoni - kif espressi minn ċerti delegazzjonijiet tal-Kunsill - dwar iċ-ċifri u l-kalkoli tal-Kummissjoni jeħtieġ li jiġu kkomunikati, eżaminati u ċċarati mill-aktar fis possibbli, biex ma jsirux impediment għall-ilħiq ta’ ftehim fil-konċiljazzjoni ta’ din is-sena;

12.

Jenfasizza li, skont id-data riċenti ppreżentata mill-Kummissjoni fil-laqgħa interistituzzjonali dwar il-pagamenti li seħħet fit-30 ta’ Mejju 2012, kwalunkwe tnaqqis fil-livell tal-approprjazzjonijiet ta’ pagament taħt il-livell tal-proposta tal-Kummissjoni jwassal ukoll għal tnaqqis ulterjuri fl-impenji pendenti (RALs), li fi tmiem l-2011 diġà kienu laħqu l-ogħla livell li qatt kellhom sa dakinhar, jiġifieri EUR 207 biljun; itenni l-appell tiegħu, għaldaqstant, li l-Kunsill jaġixxi b’mod responsabbli u joqgħod lura milli jagħmel tnaqqisiet artifiċjali billi jiddeċiedi dwar livell globali tal-pagamenti a priori, bla ma jqis il-valutazzjoni tal-ħtiġijiet reali għall-ilħiq tal-objettivi u l-impenji maqbula tal-UE; jitlob lill-Kunsill, fil-każ li dan iseħħ, biex jidentifika u jiġġustifika b’mod ċar u pubbliku liema programmi u proġetti tal-UE għandhom jiddewmu jew jitwaqqgħu għalkollox;

13.

Jirrimarka li, skont l-istima tal-Kummissjoni, kollox ma’ kollox 43,7 % tal-Abbozz ta’ Baġit għall-2013 (jiġifieri EUR 64,5 biljun) huwa allokat għall-objettivi tal-Ewropa 2020, li jirrappreżenta żieda ta’ 0,2 % meta mqabbel mal-baġit 2012; japprezza l-fatt li għall-ewwel darba l-linji baġitarji u l-programmi li jikkontribwixxu għal dawn l-objettivi huma identifikabbli biċ-ċar fl-abbozz ta’ baġit;

14.

Jieħu nota tal-marġni kumplessiv ta’ EUR 2,4 biljun f’AI fl-Abbozz ta’ Baġit 2013, u huwa determinat li jutilizzah bis-sħiħ – flimkien mal-mekkaniżmi l-oħra ta’ flessibbiltà previsti mill-FII – kull meta jkun hemm bżonn biex jiffinanzja l-objettivi u l-prijoritajiet li joħorġu minn impenji u deċiżjonijiet politiċi kondiviżi, jiġifieri dawk tal-istrateġija Ewropa 2020;

15.

Jinnota li, minbarra n-nefqa amministrattiva, ma ddaħħlu l-ebda approprjazzjonijiet fl-abbozz ta' baġit għall-adeżjoni tal-Kroazja f'Lulju 2013; jistenna li r-reviżjoni tal-QFM prevista mill-Punt 29 tal-IIA tiġi adottata malajr, u jitlob lill-Kummissjoni tressaq il-proposta tagħha permezz ta' baġit emendatorju għall-approprjazzjonijiet addizzjonali korrispondenti malli l-Att ta' Adeżjoni jiġi rratifikat mill-Istati Membri kollha; ifakkar li kwalunkwe rekwiżiti finanzjarji ġodda għandhom jiġu ffinanzjati b’fondi ġodda aktar milli b'ridistribuzzjonijiet għat-tieni parti tal-2013;

16.

Ifakkar li l-baġit annwali għall-2013 se jkun l-aħħar wieħed fil-QFM kurrenti, iżda jtenni li l-livelli massimi tal-QFM għall-2013, kif miftiehem fl-IIA, se jibqgħu r-referenza għal mill-inqas il-livelli massimi tal-qafas finanzjarju għall-2014 jekk ma jintlaħaqx qbil, skont id-dispożizzjonijiet tal-punt 30 tal-IIA tas-17 ta’ Mejju 2006;

17.

Jieħu nota tal-proposta tal-Kummissjoni għal żieda ta’ impenji f’din l-Intestatura b’4,1 % (għal EUR 16,032 miljun) meta mqabbla mal-baġit 2012; jinnota li l-proposta għal AI taħt il-possibbiltajiet tal-ipprogrammar finanzjarju (jiġifieri TEN-T, EIT, Progress) tħalli marġni ogħla ta’ EUR 90,9 miljun imqabbel mal-EUR 47,7 miljun previst fl-ipprogrammar finanzjarju; jieħu pjaċir jara li l-ogħla żidiet fl-AI huma kkonċentrati fl-Intestatura 1a, fejn tqiegħdu l-parti l-kbira tal-politiki u programmi li jiskattaw it-tkabbir, il-kompetittività u l-impjiegi, u li dawn jirriflettu l-prijoritajiet li l-Parlament enfasizza għall-2013;

18.

Jilqa’, b’mod partikolari, iż-żidiet għall-programmi FP7-EC (+ 6,1 %), CIP (+ 7,3 %) u TEN-T (+ 6,4 %), li huma fost dawk li l-aktar jikkontribwixxu għall-ilħiq tal-objettivi tal-Ewropa 2020; jiddispjaċih, madankollu, li bl-ammonti proposti mill-Kummissjoni, żewġ programmi emblematiċi bħalma huma l-FP7 u t-TEN-T fil-fatt se jallokaw anqas AI milli kien previst fil-bażijiet legali tagħhom (FP: EUR – 258,8 miljun u TEN-T: EUR – 122,5 miljun) għall-aħħar sena tal-QFM kurrenti; jiddispjaċih ukoll li l-proposta mill-Kummissjoni ma tipprovdix għall-implimentazzjoni sħiħa tal-Programm Enerġija Intelliġenti-Ewropa;

19.

Iqis li ż-żieda sostanzjali fil-pagamenti, bi 17,8 % (għal EUR 13 552 miljun) meta mqabbla mal-Baġit 2012 hija stima realistika tal-pagamenti meħtieġa taħt din l-Intestatura, b’mod partikolari biex tkopri t-talbiet tas-sena d-dieħla għal proġetti ta’ riċerka li jirriżultaw minn obbligi kuntrattwali tal-Unjoni; iqis il-livell ta’ pagamenti propost mill-Kummissjoni bħala dak minimu meħtieġ taħt l-Intestatura 1a;

20.

Jieħu nota tar-raġunament adottat mill-Kummissjoni hija u tippropni tnaqqisiet meta mqabbla mal-ipprogrammar finanzjarju, li wasslu, fil-fehma tagħha, għall-identifikazzjoni ta’ ffrankar potenzjali fi ħdan il-linji sottoimplimentati ta’ – fost l-oħrajn – FP7, TEN-T, Marco Polo, Progress, il-programm statistiku, id-Dwana u Fiscalis; huwa determinat li janalizza bir-reqqa l-prestazzjoni f’kull wieħed minn dawn il-programmi biex jivverifika kemm huma f’lokhom it-tnaqqisiet proposti u jeskludi impatti negattivi fuq il-programmi kkonċernati;

21.

Ifakkar fid-Dikjarazzjoni Konġunta tal-1 ta’ Diċembru 2011 dwar il-finanzjament tal-kosts addizzjonali tal-programm ITER għall-2012-2013, fejn il-Parlament, il-Kunsill u l-Kummissjoni jaqblu wkoll li fil-proċedura tal-Baġit 2013 jagħmlu disponibbli EUR 360 miljun f’AI “b'użu sħiħ tad-dispożizzjonijiet stabbiliti fir-Regolament Finanzjarju u fl-FII, bl-esklużjoni ta' kwalunkwe reviżjoni ulterjuri tal-QFM relata mal-ITER”; huwa mħasseb li l-Kummissjoni tipproponi li dan l-ammont addizzjonali tiffinanzjah biss permezz ta’ riallokazzjoni mil-linji tal-programm FP7, kontra l-pożizzjoni li l-Parlament ilu jħaddan dwar din il-kwistjoni; jieħu kont bis-sħiħ tal-asserzjoni tal-Kummisjsoni li dan l-ammont joħroġ minn iffrankar fil-prestazzjoni tal-FP7, u li dawk it-tnaqqisiet fil-linji amministrattivi mhumiex se jagħmlu ħsara lill-operat tal-programm; biħsiebu jeżamina din l-asserzjoni aktar, kif ukoll jesplora mezzi oħra disponibbli skont l-FII u r-Regolament Finanzjarju għal dan il-għan;

22.

Jenfasizza l-ħtieġa għal livell adegwat ta’ persunal għall-Enerġija tal-Fużjoni (F4E), l-Impriża Konġunta Ewropea għall-ITER, sabiex tiġi żgurata ġestjoni bir-reqqa u l-implimentazzjoni tajba tal-kontribut tal-UE għall-proġett tal-ITER; huwa mħasseb dwar il-livell attwali tal-persunal kif propost mill-Kummissjoni;

23.

Jirrikonoxxi r-rwol fundamentali tal-SMEs bħala l-muturi tal-ekonomija tal-EU u l-ħallieqa ta’ 85 % tal-impjiegi ġġenerati f’dawn l-aħħar għaxar snin; ifakkar fid-diffikultajiet tradizzjonalment iffaċċjati mill-SMEs biex jiksbu aċċess għas-swieq finanzjarji għal proġetti ta’ riċerka u inovazzjoni, diffikultajiet li l-kriżi finanzjarja attwali issa kompliet tkabbarhom; huwa konvint li l-baġit tal-UE għandu jikkontribwixxi biex jegħleb dan il-falliment tas-suq, billi jiffaċilita l-aċċess ta’ SMEs innovattivi għad-dejn u għall-finanzjament azzjonarju u jilqa’ l-proposta riċenti tal-Kummissjoni li tinħoloq sezzjoni speċjali għall-SMEs taħt l-RSFF eżistenti; jappoġġa, barra minn hekk, iż-żieda proposta għall-istrumenti finanzjarji taħt il-programm CIP-EIP (b’EUR 14,7 miljun), bi qbil mal-prestazzjoni pożittiva tagħhom sal-lum u d-domanda akbar mill-SMEs;

24.

Jiddispjaċih ħafna li, fi żminijiet ta’ kriżi ekonomika u speċjalment ta’ rata għolja ta’ qgħad fost iż-żgħażagħ l-approprjazzjonijiet għall-programm Progress tnaqqsu b’EUR 5,3 miljun meta mqabbla mal-ipprogrammar finanzjarju, biex b'hekk prattikament treġġgħu lura għal-livelli tal-2012, minkejja l-prestazzjoni tajba ta’ dan il-programm sal-lum, inklużi t-taqsimiet tiegħu dwar l-ugwaljanza bejn il-ġeneri u n-nondiskriminazzjoni; itenni l-konvinzjoni tiegħu li l-programmi soċjali tal-UE huma strumentali biex jintlaħqu l-miri soċjali u tal-impjiegi tal-istarteġija Ewropa 2020; jiddeplora l-fatt li l-Kummissjoni lanqas fl-aħħar sena tal-QFM kurrenti ma ħadet l-opportunità li treġġa’ f'dan il-programm is-EUR 60 miljun li kienu ġew riallokati favur il-Faċilità ta' Mikrofinanzjament Progress, kif kienet impenjat ruħha li tagħmel fl-2010;

25.

Jilqa’ d-deċiżjoni tal-Kummissjoni li tinkludi fl-AB, għat-tielet sena konsekuttiva, approprjazzjonijiet ta’ pagament (EUR 50 miljun) għall-Fond Ewropew ta’ Aġġustament għall-Globalizzazzjoni (FEG); jenfasizza l-fatt li dan mhux biss jagħti viżibbiltà ogħla lill-fond iżda anke jevita trasferimenti minn linji tal-baġit oħra li jsegwu għanijiet differenti u jkopru ħtiġijiet differenti; jenfasizza, barra minn hekk, il-ħtieġa ta' aktar simplifikazzjoni tal-modalitajiet prattiċi tal-proċedura għall-mobilizzazzjoni ta' dan il-fond, speċjalment fil-kuntest tan-negozjati kontinwi dwar ir-regolament il-ġdid tal-FEG;

26.

Jiddispjaċih li l-kontribuzzjoni għall-Inizjattiva Emblematika Żgħażagħ Mobbli hija daqsxejn imnaqqsa meta mqabbla mas-sena li għaddiet; jenfasizza, f’dan il-kuntest, il-valur miżjud tal-programmi Tagħlim tul il-Ħajja, Erasmus u Erasmus Mundus, li, fi sfond finanzjarju modest, iħallu redditu kbir f’termini ta' implimentazzjoni effikaċi u immaġni pożittiva tal-Unjoni vis-à-vis ċ-ċittadini tagħha; ifakkar li f’ħafna Stati Membri tal-UE, iż-żgħażagħ qed jiġu milquta b’mod sinifikanti mill-kriżi ekonomika u finanzjarja u li f’dan il-kuntest il-finanzjament adegwat u l-immirar ta’ skemi edukattivi u ta’ mobilità u programmi ta’ tagħlim tul il-ħajja huma sinifikanti fl-immodernizzar tas-sistemi tal-edukazzjoni u t-taħriġ u fiż-żieda tal-livelli tal-ħiliet, tal-mobilità u tal-adattabilità taż-żgħażagħ, biex b’hekk jingħata kontribut b'mod ġenerali għal Ewropa innovattiva, ibbażata fuq l-għarfien, intelliġenti u inklużiva; għal dan l-għan, jappoġġa b’mod qawwi l-promozzjoni ta’ opportunitajiet indaqs sabiex iż-żgħażagħ ikunu jistgħu jibbenefikaw mill-programmi u l-politiki varji għaż-żgħażagħ tal-UE, irrispettivament mill-isfond edukattiv tagħhom; huwa kontra, għaldaqstant, it-tnaqqis propost b’EUR 10,2 miljun meta mqabbel mal-baġit 2012 għall-Programm tat-Tagħlim tul il-Ħajja u, bi qbil mal-pożizzjoni stabbilita tiegħu fl-aħħar proċeduri baġitarji u r-rati eċċellenti ta’ prestazzjoni ta’ dan il-programm, biħsiebu jsaħħaħ l-approprjazzjonijiet ta’ impenn għal-linja tal-baġit korrispondenti;

27.

Jenfasizza li l-programm TEN-T, permezz tal-investiment f’infrastrutturi b’valur miżjud Ewropej għoli, għandu rwol ċentrali fl-ilħiq tal-objettivi tal-Istrateġija Ewropa 2020; jikkunsidra dan il-programm bħala essenzjali sabiex tingħata spinta lill-kompetittività tal-UE kollha kemm hi, billi joħloq l-infrastruttura nieqsa u jelimina l-punti ta’ konġestjoni fis-suq intern; jenfasizza li l-proġetti tal-infrastruttura jagħtu wkoll kontribut dirett għat-tkabbir billi jistimulaw l-impjieg matul il-fażi tal-bini; jenfasizza r-rwol tal-programm TEN-T għall-issodisfar tal-għanijiet tal-adattament għat-tibdil fil-klima billi jiżgura s-sostenibbiltà tan-netwerks tat-trasport tal-UE fil-futur; jilqa’ l-proposta tal-Kummissjoni għal żieda b’madwar EUR 85 miljun meta mqabbel mal-baġit 2012, imma jitlob kjarifika ulterjuri dwar it-tnaqqis propost b’EUR 118 miljun meta mqabbel mal-ipprogrammar finanzjarju; ifakkar li l-programm ewlieni TEN-T ġie eżegwit għalkollox fl-2011, u jindika li ġudizzju finali dwar kif ġew implimentati u mħallsa l-impenji għall-proġetti fil-qafas finanzjarju tal-2007-2013 jista’ jsir biss fl-2017;

28.

Jemmen li l-programm għall-appoġġ tal-iżvilupp ulterjuri ta' Politika Marittima Integrata jeħtieġ finanzjament adegwat għall-2013; jenfasizza d-diżappunt tiegħu dwar in-nuqqas ta' linja baġitarja dwar it-turiżmu, u jiddispjaċih għat-tnaqqis kostanti fl-allokazzjoni baġitarja għas-sigurtà fit-toroq;

29.

Jisħaq fuq il-fatt li s-soluzzjonijiet innovattivi huma meħtieġa b'urġenza bil-għan li jiġu mobilizzati aktar il-fondi privati jew pubbliċi u titwessa' l-firxa ta' strumenti finanzjarji għad-dispożizzjoni tal-proġetti tal-infrastruttura; jappoġġa bis-sħiħ l-Inizjattiva pilota tal-Bonds tal-Proġetti bħala mezz biex tingħata spinta lill-kapaċità ta' investiment fil-qasam tat-trasport, tal-enerġija u tan-netwerks ICT tal-UE; jilqa' favorevolment il-fatt li l-abbozz tal-baġit jinkludi l-approprjazzjonijiet għall-fażi pilota anki jekk jiġu fil-fatt riallokati fi ħdan il-linji baġitarji rilevanti (CIP - TEN-T - TEN -E) kif miftiehem mill-awtorità leġiżlattiva;

30.

Jiddeplora t-tnaqqis propost mill-Kummissjoni għall-Awtoritajiet Superviżorji Ewropej, meta mqabbel ma' dak li oriġinarjament kien previst fl-ipprogrammar finanzjarju, li jmorru kontra l-appell ripetut tal-Parlament biex jiġu ffinanzjati b'mod adegwat; iqis li l-livell attwali tal-approprjazzjonijiet mhuwiex biżżejjed biex dawk l-aġenziji jkunu jistgħu jaqdu l-kompiti tagħhom b'mod effiċjenti, notevolment ir-reklutaġġ ta' esperti bi kwalifiki għolja; jemmen li l-kompiti supplementari fdati lill-ASE għandhom ikunu kkomplementati minn valutazzjoni tal-kostijiet; jesprimi, għalhekk, l-intenzjoni tiegħu li l-approprjazzjonijiet jerġa' jġibhom tal-anqas għal-livell tal-2012, għall-Awtorità Bankarja Ewropea (ABE) u għall-Awtorità Ewropea tal-Assigurazzjoni u tal-Pensjonijiet tax-Xogħol (AEAPX), kif ukoll li jsaħħaħ aktar l-Awtorità Ewropea tat-Titoli u s-Swieq (AETS) fid-dawl tal-kompiti ġodda li nfdat bihom;

31.

Jinnota li l-AB 2013 jipprevedi żieda fl-AI ta' 3,3 % (għal EUR 54 498 miljun) meta mqabbel mal-baġit 2012, li minnhom EUR 42 144 miljun huma għall-Fondi Strutturali (FEŻR u FSE) u EUR 12 354 miljun għall-Fond ta' Koeżjoni; jenfasizza li t-tnaqqis fil-livell tal-impenji fl-AB għall-assistenza teknika meta mqabbel ma' dak li kien previst oriġinarjament fl-ipprogrammar finanzjarju wassal biex il-marġni jiżdied għal EUR 25 miljun meta mqabbel mal-previżjoni inizjali ta' EUR 0,4 miljun;

32.

Jiddispjaċih għat-tnaqqis propost għall-assistenza teknika għall-istrateġiji makroreġjonali; itenni l-ħtieġa għal appoġġ kontinwu tekniku u amministrattiv għall-implimentazzjoni tal-istrateġiji kif ukoll għal kapital inizjali għal proġetti ġodda, kif indikat mir-rata għolja ta' implimentazzjoni fl-2011;

33.

Jenfasizza li l-politika ta' koeżjoni ilha li wriet il-valur miżjud tagħha bħala strument neċessarju ta' investiment sabiex jinġieb it-tkabbir u l-ħolqien tal-impjiegi b'mod effikaċi billi jiġu indirizzati b'mod eżatt il-ħtiġijiet ta' investiment tar-reġjuni, u għaldaqstant jikkontribwixxi mhux biss għat-tnaqqis fid-disparitajiet bejniethom, iżda anke għall-irkupru ekonomiku u għall-iżvilupp tal-Unjoni kollha kemm hi; jikkunsidra wkoll il-Fondi Strutturali bħala strument kruċjali – fid-dawl kemm tad-daqs finanzjarju tagħhom kif ukoll tal-objettivi li jridu jintlaħqu – biex jitħaffef l-irkupru ekonomiku fl-UE u jintlaħqu l-objettivi rigward it-tkabbir u l-impjiegi sostenibbli minquxa fl-Istrateġija Ewropa 2020; jilqa', għalhekk, l-inizjattiva tal-Kummissjoni ta' riprogrammar fejn possibbli ta' EUR 82 biljun ta' Fondi Strutturali mhux allokati f'xi Stati Membri favur l-SMEs u l-impjiegi għaż-żgħażagħ, skont il-prijoritajiet tal-Parlament għall-2013; jinnota li, skont il-Kummissjoni, EUR 7,3 biljun f'finanzjament tal-UE ġie mmirat f'dan il-kuntest għal twassil jew riallokazzjoni aċċelerat; jitlob li jinżamm infurmat kif xieraq dwar l-implimentazzjoni ta' din l-inizjattiva fil-livell nazzjonali, l-impatt mistenni tagħha fuq it-tkabbir u l-impjiegi, u l-impatt possibbli tagħha fuq il-baġit 2013;

34.

Huwa mħasseb ferm dwar is-sitwazzjoni tal-pagamenti tal-proġetti ta' koeżjoni fl-ambitu ta' din l-Intestatura, u jinnota li żewġ terzi mil-livell totali ta' impenji pendenti (RAL) fi tmiem l-2011 (jiġifieri EUR 135,8 biljun) jiriflettu l-proġetti mhux imħallsa fl-ambitu tal-politika ta' koeżjoni; ifakkar li fi tmiem l-2011 il-Kummissjoni ma setgħetx tirrimborża madwar EUR 11 biljun korrispondenti għal talbiet leġittimi għal pagament imressqa mill-benefiċjarji tal-proġetti minħabba l-livell insuffiċjenti ta' approprjazzjonijiet ta' pagament previsti fil-baġit; josserva li dan wassal għal sitwazzjoni ta' xogħol konsiderevoli b'lura ta' pagamenti, li jkollha tiġi indirizzata permezz tad-disponibbiltà ta' approprjazzjonijiet suffiċjenti ta' pagament fl-2012; jirrimarka b'fermezza li mhuwiex se jaċċetta li din is-sitwazzjoni terġa' sseħħ fl-2013;

35.

Ifakkar, f'dan il-kuntest, li l-2013 hija l-aħħar sena tal-MFF attwali, bl-implimentazzjoni tal-proġetti kofinanzjati tkun għaddejja b'ritmu mgħaġġel ħafna u mistennija li tkun aktar mgħaġġla u l-biċċa l-kbira tat-talbiet għal pagament mistennija tasal għand il-Kummissjoni fit-tieni semestru; jistieden lill-Kunsill u lill-Kummissjoni janalizzaw u jivvalutaw immedjatament, flimkien mal-Parlament, iċ-ċifri u r-rekwiżiti bil-għan li l-implimentazzjoni għall-2013 ma tkunx kompromessa; jindika li nuqqas ta' approprjazzjonijiet ta' pagament jista' jipperikola l-programmi li attwalment qed jiffunzjonaw sew; jenfasizza, barra minn hekk, li l-2013 se tkun is-sena meta, minħabba li r-regola N+3 ma tibqax tgħodd, it-talbiet għal pagament imressqa minn 12-il Stat Membru jkollhom jiġu ppreżentati għal żewġ segmenti annwali ta' impenji (2010 u 2011 skont ir-regola N+3 u N+2, rispettivament); għalhekk, iqis bħala minima ż-żieda proposta fl-approprjazzjonijiet ta' pagament bi 11,7 % (għal EUR 48 975 miljun) meta mqabbel mas-sena li għaddiet billi, kif imsemmi mill-Kummissjoni, tirrigwarda strettament l-2013 u tassumi li l-ħtiġijiet ta' pagament minn snin preċedenti jkunu ġew koperti;

36.

Iqis din iż-żieda fil-pagamenti biss bħala l-ewwel pass biex jiġu koperti l-ħtiġijiet attwali tal-proġetti li għaddejjin bħalissa, u jtenni l-preokkupazzjoni tiegħu fir-rigward ta' skarsezza possibbli ta' fondi fil-qasam tal-politika ta' koeżjoni; jitlob lill-Kunsill u lill-Kummissjoni jevalwaw b'attenzjoni l-ħtiġijiet reali f'termini ta' pagamenti għall-2013 taħt l-Intestatura 1b, u biex ma jagħmlux tnaqqis li mhuwiex realistiku u ma jiħdux deċiżjonjiet li jmorru kontra l-previżjonijiet provduti mill-Istati Membri stess u użati bħala bażi għall-abbozz ta' baġit tal-Kummissjoni; għalhekk se jopponi kull tnaqqis possibbli fil-livell ta' pagamenti meta mqabbel mal-proposta inkluża fl-AB 2013;

37.

Jistieden ukoll lill-Kunsill u lill-Kummissjoni biex, f'każ li l-approprjazzjonijiet ta' impenn ma jkunux biżżejjed biex ikopru l-ħtiġijiet reali matul din is-sena, jippreżentaw u jadottaw fi żmien debitu baġit emendatorju, biex b'hekk jiġi sodisfatt l-impenn konġunt li sar fid-dikjarazzjoni interistituzzjonali ta' Diċembru 2011;

38.

Jinnota li l-AB 2013 jipproponi li l-AI jiżdiedu b'0,6 % (għal EUR 60 307 miljun) u li l-AP jiżdiedu b'1,6 % (għal EUR 57 964 miljun) meta mqabbel mal-baġit 2012; jissottolinja li dawn il-livelli għadhom anqas miż-żieda proposta mill-Kummissjoni għall-baġit kollu kemm hu; jirrimarka li dawn iż-żidiet huma parzjalment il-konsegwenza tad-dħul gradwali kontinwu ta' pagamenti diretti lill-Istati Membri l-ġodda u l-ħtiġijiet addizzjonali għal proġetti għall-iżvilupp rurali; jenfasizza li l-fondi proposti għal interventi fis-suq huma EUR 419 miljun anqas għall-2013 meta mqabbel mal-baġit 2012;

39.

Jinnota li l-marġni mbassar ta' EUR 809 miljun għas-subintestatura tan-nefqa relatata mas-suq u l-għajnuniet diretti taħt l-Intestatura 2 jirrappreżenta żieda sinifikanti meta mqabbel mal-2012, li, skont il-Kummissjoni, huwa fil-parti l-kbira r-riżultat ta' effett ta' darba wara t-tmiem tal-Fond għar-Ristrutturar tal-Industrija taz-Zokkor; jesprimi s-sodisfazzjon tiegħu li dan il-marġni jfisser li l-mekkaniżmu tad-dixxiplina finanzjarja mhux se jiġi applikat fl-2013; jenfasizza li jinħtieġ marġni suffiċjenti taħt din l-intestatura biex itaffi kwalunkwe kriżi potenzjali li sseħħ fis-settur agrikolu, kif kien il-każ fis-snin reċenti waqt il-kriżi tal-EHEC;

40.

Jenfasizza li l-2013 hija l-aħħar sena tal-perjodu ta' programmazzjoni attwali u għalhekk irid jiġi żgurat livell xieraq ta' approprjazzjonijiet ta' pagament taħt l-Intestatura 2 sabiex jiġu koperti, b'mod partikolari, il-ħtiġijiet tal-proġetti għall-iżvilupp rurali u tal-proġett LIFE+ attwali;

41.

Jirrimarka li l-Intestatura 2 hija strumentali għall-ilħuq tal-objettivi tat-tkabbir sostenibbli u l-impjiegi tal-Istrateġija Ewropa 2020, b'mod partikolari permezz tal-programmi tagħha għall-iżvilupp rurali; jenfasizza l-ħtieġa li jiġu appoġġati l-SMEs fiż-żoni rurali, billi huma dawn li l-aktar joħolqu impjiegi, b'mod partikolari fost iż-żgħażagħ; jilqa', f'dan ir-rigward, iż-żieda proposta ta' AI b'1,3 % (għal EUR 14 808 miljun) għall-iżvilupp rurali;

42.

Jinnota li l-approprjazzjonijiet għall-Intestatura 2 huma anqas mill-ħtiġijiet stmati, billi li huwa stmat li d-dħul allokat għall-FAEG huwa ogħla fl-2013 (EUR 1 332,8 miljun) milli fl-2012 (EUR 1 010 miljun); jinnota li din id-differenza toriġina mill-bilanċ li jifdal tal-Fond Temporanju għar-Ristrutturar tal-Industrija taz-Zokkor (EUR 647,8 miljun), filwaqt li huwa mistenni li d-dħul allokat mid-deċiżjonijiet dwar l-approvazzjoni tal-kontijiet ikun anqas minn dak fl-2012 (EUR 400 miljun fl-abbozz ta' baġit 2013 meta mqabbel ma' EUR 600 miljun fil-baġit 2012); ifakkar li aġġustament tal-istimi attwali abbażi tal-ħtiġijiet effettivi se jsir fil-ħarifa permezz tal-ittra emendatorja rigward l-agrikoltura;

43.

Ifakkar li l-volatilità tal-prezzijiet f'dan is-settur hija preokkupazzjoni kbira u japprova miżuri biex tiġi miġġielda l-ispekulazzjoni f'komoditajiet agrikoli; iħeġġeġ lill-Kunsill u lill-Kummissjoni jimmonitorjaw b'attenzjoni l-iżviluppi fis-swieq agrikoli; f'dan il-kuntest, ifakkar lill-Kummissjoni bl-appell li għamel il-Parlament – li sal-lum l-ebda azzjoni ma ttieħdet – għall-ħolqien ta' 'osservatorju tal-marġnijiet u tal-prezzijiet', li jkun jagħmilha possibbli li tiniseb komparabbiltà tal-prezzijiet u aħjar u aktar trasparenza fl-iffissar tal-prezzijiet tal-ikel;

44.

Jinnota li ż-żieda proposta fl-għajnuniet diretti hija prinċipalment dovuta għall-introduzzjoni gradwali kontinwa ta' pagamenti diretti fl-UE-12, li joħloq ħtieġa baġitarja addizzjonali ta' EUR 860 miljun fl-2013, filwaqt li n-nefqa fuq l-interventi fis-suq mistennija tonqos minħabba dħul assenjat ogħla u sitwazzjoni favorevoli tas-suq għall-maġġoranza tas-setturi;

45.

Jinnota li l-ammonti assenjati lil ċerti linji baġitarji, inkluż il-programm tal-ħalib fl-iskejjel, tnaqqsu b'mod sinifikanti, u jitlob lill-Kummissjoni tagħti lill-Parlament ġustifikazzjoni għal dan;

46.

Jisħaq fuq il-fatt li l-politiki tal-UE u l-baġit tal-UE huma elementi fundamentali biex jinlaħqu l-objettivi tal-istrateġija Ewropa 2020; jemmen f'dan il-kuntest li l-azzjoni klimatika u l-objettivi ambjentali għandhom natura trasversali u jridu jissarrfu f'miżuri konkreti implimentati fl-ambitu ta' diversi programmi u politiki tal-UE, bil-għan li jingħata kontribut sostanzjali lit-tkabbir sostenibbli u jiġu indirizzati b'mod effikaċi l-isfidi bħall-iskarsezza tar-riżorsi u t-tibdil fil-klima;

47.

Jinnota ż-żieda żgħira proposta fl-AI – bi 3,3 % għal EUR 366,6 miljun – għal LIFE+, iżda jiddispjaċih li l-approprjazzjoni hija EUR 10,55 miljun inqas mil-livell tal-ipprogrammar finanzjarju ta' Jannar 2012; se janalizza, f'dan ir-rigward, id-dispożizzjonijiet kollha kif iddikjarati fil-punt 37 tal-FII;

48.

Jilqa' pożittivament l-ammonti proposti mill-Kummissjoni għall-programm ta' distribuzzjoni tal-ikel għall-persuni l-aktar foqra; jistieden lill-Kunsill jirrispetta d-deċiżjoni konġunta li ttieħdet fit-tmiem tal-2011 dwar iż-żamma tal-finanzjament għal dan il-programm għall-2012 u l-2013;

49.

Jiddispjaċih bis-sussidji kontiwni għall-produzzjoni tat-tabakk fl-UE, li jmorru kontra l-objettivi tal-politika tas-saħħa tal-Unjoni;

50.

Iqis li huwa importanti li jinżamm l-appoġġ finanzjarju għall-politika komuni tas-sajd (PKS) minħabba r-riforma imminenti tagħha; jenfasizza, b'mod partikolari, il-ħtieġa li jiġu appoġġati l-SMEs fis-settur tas-sajd u l-promozzjoni tal-aċċess għall-impjiegi għaż-żgħażagħ f'dan il-qasam, filwaqt li tiġi garantita n-natura sostenibbli tal-PKS, kif ukoll il-bżonn ta' promozzjoni ta' miżuri li jiżguraw il-fattibbiltà soċjali, ekonomika u ambjentali tas-settur; jilqa', f'dan ir-rigward, iż-żieda proposta għall-Fond Ewropew għas-Sajd bi 2,2 % (għal EUR 687,2 miljun) f'AI u b'7,3 % (għal EUR 523,5 miljun) f'AP rispettivament, meta mqabbel mal-baġit 2012; jiddispjaċih, madankollu, bit-tnaqqis proposta fil-qasam tal-governanza tal-PKS, il-konservazzjoni, il-ġestjoni u l-isfruttament tar-riżorsi tas-sajd, u l-monitoraġġ u l-infurzar tal-PKS;

51.

Jinnota li ż-żieda globali fil-finanzjament proposta fl-AB 2013 – EUR 1 392,2 miljun u EUR 928,3 miljun f'impenji u pagamenti rispettivament – meta mqabbel mal-baġit 2012 għal azzjonijiet inklużi taħt din l-Intestatura hija ta' 1,8 % (b'EUR 24,42 miljun) f'AI u 11,1 % f'AP; iqis li dan huwa konformi mal-ambizzjonijiet li qed jikbru tal-UE fil-qasam tal-libertà, tas-sigurtà u tal-ġustizzja;

52.

Jenfasizza l-ħtieġa li jissaħħu l-approprjazzjonijiet għaċ-ċibersigurtà fis-settur tal-IT, minħabba l-ħsara enormi li l-attività kriminali li qed tiżdied f'dan il-qasam qed tikkawża lill-ekonomiji tal-Istati Membri; jinsisti li spinta lill-ġlieda kontra ċ-ċiberkriminalità fil-livell tal-Unjoni permezz taċ-Ċentru Ewropew taċ-Ċiberkriminalità se tirrikjedi finanzjament adegwat u għalhekk jiddeplora t-tnaqqis propost mill-Kummissjoni għall-Europol, minħabba li l-kompiti taċ-Ċentru kif identifikati mill-Kummissjoni ma jistgħux jitwettqu bir-riżorsi umani u finanzjarji attwali tal-Europol; jinnota li, għall-kuntrarju tal-ipprogrammar finanzjarju, tnaqqis ta' EUR 64,4 miljun huwa proposta għall-programm għall-Prevenzjoni tal-Kriminalità u l-Ġlieda kontriha, meta mqabbel mal-baġit 2012, għalkemm dan il-programm kien ġie maħsub biex ikopri wkoll iċ-ċiberkriminalità u l-użu illeċitu tal-internet;

53.

Jappella għal sostenn kontinwu għall-Frontex, kif ukoll għad-diversi aġenziji maħluqa reċentement taħt din l-intestatura (partikolarment l-Uffiċċju Ewropew ta' Appoġġ fil-Qasam tal-Asil u l-aġenzija għas-sistemi tal-IT fuq skala kbira; jinnota t-tnaqqis ta' 8,9 % (-EUR 7,3 miljun) għall-kontribuzzjoni lill-Uffiċċju Ewropew tal-Pulizija (Europol) meta mqabbel mal-baġit 2012, u jistenna li l-Kummissjoni tagħti informazzjoni addizzjonali dwar dan it-tnaqqis propost;

54.

Jinnota li t-tnaqqis ta' EUR 30 miljun għall-programm VIS u t-terminazzjoni ta' Eurodac (-EUR 0,5 miljun) se jkun ikkumpensat bit-trasferiment ta' dawn il-kompiti u l-approprjazzjonijiet baġitarji korrispondenti lill-aġenzija l-ġdida għall-ġestjoni operattiva ta' sistemi tal-IT fuq skala kbira;

55.

Jinnota ż-żieda sinifikanti f'impenji u l-livell komparattivament baxx ta' pagamenti għal SIS II; jinnota li, skont l-iskeda globali għal SIS II, fl-2013 l-iżvilupp u l-migrazzjoni tagħha għandhom jitlestew u l-Aġenzija tal-IT se tieħu f'idejha l-ġestjoni tas-sistema; jikkritika, għalhekk, iż-żieda sinifikanti fil-baġit lil hinn mill-ippjanar finanzjarju oriġinali tiegħu fi stadju daqshekk tard qabel tibda topera s-SIS II; jirrakkomanda li tinżamm f'riżerva parti sostanzjali tal-baġit għal SIS II sakemm ikunu ġew iġġustifikati l-progress operattiv u l-konformità mal-ippjanar finanzjarju;

56.

Japprezza ż-żieda b'EUR 9,8 miljun meta mqabbel mal-baġit 2012 li ġiet proposta mill-Kummissjoni għall-Fond Ewropew għar-Rifuġjati, li hija koerenti mad-deċiżjonijiet meħuda fis-snin li għaddew u l-implimentazzjoni ta' bħalissa ta' Sistema Ewropea Komuni tal-Asil; jieħu nota taż-żieda ta' 19 % tal-allokazzjoni baġitarja tal-Fond għall-Fruntieri Esterni, li tammonta għal EUR 415,5 miljun, ekwivalenti għan-nofs ta' dik prevista mill-ipprogrammar finanzjarju; ifakkar fit-talba b'saħħitha tiegħu għal reazzjoni xierqa u ekwilibrata għall-isfidi, bl-għan tal-ġestjoni tal-migrazzjoni legali u tat-tnaqqis tal-migrazzjoni illegali;

57.

Jenfasizza li l-miżuri mmirati lejn il-ġlieda kontra l-vjolenza tal-ġeneru jridu jkunu ffinanzjati suffiċjentement; jenfasizza r-rwol importanti li żvolġa l-programm tal-prevenzjoni u l-ġlieda tal-forom kollha ta' vjolenza (Daphne) fl-eliminazzjoni tal-vjolenza fuq in-nisa u l-bniet fl-UE, u jisħaq fuq l-importanza ta' żieda fil-finanzjament xieraq għall-programm fl-2013;

58.

Ifakkar li l-Intestatura 3b, għalkemm hija l-iżgħar intestatura tal-MFF f'termini ta' allokazzjoni finanzjarja, tkopri kwistjonijiet ta' interess fundamentali għaċ-ċittadini tal-Ewropa, bħall-programmi edukattivi, kulturali u għaż-żgħażagħ, is-saħħa pubblika, il-ħarsien tal-konsumatur, l-istrument ta' protezzjoni ċivili u l-politika tal-komunikazzjoni; jiddeplora, għalhekk, il-fatt li għal darb'oħra fl-2013 l-approprjazzjonijiet ġenerali taħt din l-Intestatura jitnaqqsu, meta mqabbla mal-baġit 2012, bi tnaqqis fl-AI ta' 1,2 % (EUR 26,08 miljun) u fl-AP ta' 0,4 %, bl-esklużjoni tal-Fond ta' Solidarjetà;

59.

Jilqa' pożittivament, abbażi tal-implimentazzjoni soda tiegħu fis-snin preċedenti, iż-żieda tal-finanzjament fl-2013 għall-programm "Żgħażagħ fl-Azzjoni" (għal EUR 140,45 miljun), li tirrappreżenta żieda ta' EUR 0,8 miljun meta mqabbel mal-baġit 2012 u ta' EUR 16,5 miljun meta mqabbla mal-ipprogrammar finanzjarju;

60.

Japprezza ż-żidiet f'approprjazzjonijiet meta mqabbel mal-baġit 2012 għall-programm "Kultura" (+ 1,4 %), "Media 2007" (+ 1,1 %) u l-azzjoni tal-Unjoni fil-qasam tas-saħħa (+ 3,1 %), iżda jiddispjaċih bit-tnaqqis tal-approprjazzjonijiet meta mqabbel mal-baġit 2012 għall-programm "L-Ewropa għaċ-Ċittadini" – speċjalment matul is-Sena Ewropea taċ-Ċittadini – kif ukoll l-azzjoni tal-Unjoni fil-qasam tal-politika tal-konsumatur u l-programm "Media Mundus";

61.

Jiddispjaċih għall-volum imnaqqas ta' impenji għal azzjonijiet ta' komunikazzjoni meta mqabbel mal-baġit 2012, fi żmien meta d-distakk bejn l-Unjoni Ewropea u ċ-ċittadini tagħha huwa aktar evidenti minn qatt qabel, kif jidher mill-għadd dejjem jonqos ta' votanti fl-elezzjonijiet Ewropej; huwa konvint mill-ħtieġa ta' sforzi msaħħa ta' komunikazzjoni u ta' finanzjament proporzjonat biex tiġi żgurata l-viżibbiltà tal-istituzzjonijiet tal-Unjoni u biex jintwera l-kontribut tagħhom biex tingħeleb il-kriżi ekonomika u finanzjarja;

62.

Jissottolinja l-fatt li għal darb'oħra din is-sena jibqa' biss marġni limitat ħafna disponibbli (EUR 25,6 miljun) taħt din l-Intestatura, u dan iħalli possibbiltà ċkejkna ta' manuvra jekk jinħtieġu azzjonijiet jew deċiżjonijiet ġodda dwar il-prijoritajiet ta' finanzjament direttament rilevanti għaċ-ċittadini;

63.

Jinnota li l-approprjazzjonijiet ta' impenn u ta' pagament ippreżentati fl-AB 2013 jirrappreżentaw żieda ta' 0,7 % u 5,1 % meta mqabbel mal-baġit 2012, għal EUR 9 467,2 miljun u EUR 7 311,6 miljun rispettivament; jirrimarka li dawn iż-żidiet għadhom iktar baxxi minn dawk proposti mill-Kummissjoni għall-baġit in ġenerali;

64.

Ifakkar fil-ħtieġa għal koordinazzjoni aktar mill-qrib u koerenza tal-isforzi fil-finanzjament tal-azzjonijiet esterni mill-Unjoni u l-Istati Membri biex jiġu evitati t-trikkib u d-duplikazzjoni ta' riżorsi skarsi; jissottolinja l-ħtieġa li jitħeġġu l-kooperazzjoni u s-sinkronizzazzjoni tal-azzjonijiet ma' donaturi internazzjonali, lokali u reġjonali oħra sabiex il-fondi jintużaw bl-aħjar mod possibbli u jinħolqu sinerġiji; jemmen li fi żminijiet ta' diffikultà ekonomika huwa importanti wkoll li tittejjeb il-flessibbiltà fl-ipprogrammar u l-implimentazzjoni tal-istrumenti kif ukoll li r-riżorsi skarsi jiġu kkomplementati bi strumenti b'effetti ta' lieva li jippermettu l-użu u l-użu mill-ġdid ta' fondi investiti u ġġenerati;

65.

Jinnota ż-żieda sinifikanti ta' EUR 272,3 miljun fil-marġni propost għall-Intestatura 4 meta mqabbel mal-ipprogrammar finanzjarju għall-2013 (minn EUR 119,6 miljun għal EUR 391,9 miljun), li hija l-effett nett taż-żieda f'impenji għall-ENPI (rinfurzati b'EUR 51,7 miljun), l-ICI u l-ICI+ (EUR 0,3 miljun aktar mill-ipprogrammar finanzjarju) u tat-tnaqqis fit-tkabbir tal-impenji għall-Fond ta' Garanzija (EUR – 104,5 miljun), l-Istrument għall-Assistenza ta' Qabel l-Adeżjoni (EUR – 99,3 miljun), l-assistena makrofinanzjarja (EUR – 37,4 miljun), l-Istrument ta' Kooperazzjoni għall-Iżvilupp (EUR – 28,6 miljun) u l-Istrument għall-Istabbiltà (EUR – 41,4 miljun); jitlob lill-Kummissjoni sabiex tipprovdi biżżejjed spjegazzjonijiet dwar għaliex kien meħtieġ ridimensjonament daqshekk sinifikanti ta' wħud mill-programmi meta mqabbel mal-ipprogrammar finanzjarju; jenfasizza li filwaqt li jista’ jaqbel mal-prinċipju ta' ridimensjonament tal-programmi li mhumiex implimentati sew jekk dan iwassal għall-iffrankar tal-enerġija, it-tnaqqis fl-approprjazzjonijiet m'għandux ikun trasversali; iwissi dwar il-fatt li l-użu ta' marġni artifiċjalment għoli bħal għodda ta' negozjar fil-proċedura baġitarja ma jistax jitqies bħala prassi baġitarja tajba;

66.

Jiddispjaċih b’mod partikolari dwar it-tnaqqis kontinwu ta’ approprjazzjonijiet fil-qasam tal-kooperazzjoni tal-iżvilupp; jistaqsi kif dan huwa kompatibbli mal-impenji internazzjonali tal-UE sabiex talloka, sal-2015, 0,7 % tal-PNG għall-Għanijiet ta' Żvilupp tal-Millennju; jiddispjaċih dwar il-fatt li l-livell totali ta’ impenji skont l-Istrument ta' finanzjament tal-Kooperazzjoni għall-Iżvilupp (DCI), kif propost fl-AB 2013, jirrappreżenta tnaqqis ta' inqas mir-rata ta’ inflazzjoni prevista u li l-livell propost ta’ pagamenti totali tad-DCI huwa anqas minn dak tal-2012; jitlob lill-Kummissjoni tiżgura approċċ iktar koerenti, realistiku u ppjanat aħjar għall-finanzjament tad-DCI;

67.

Jieħu nota tal-proposta li jiżdiedu l-approprjazzjonijiet taħt l-Istrument Ewropew ta' Viċinat, li jindirizza l-bżonnijiet ta’ pajjiżi li jħabbtu wiċċhom ma’ bidliet politiċi u ekonomiċi ewlenin; jilqa' l-iffukar fuq is-Sħubija tal-Lvant, u jerġa' jafferma l-appoġġ tiegħu għall-pajjiżi li flimkien jagħmlu l-komponent tan-Nofsinhar tagħha peress li jaffaċċjaw sfidi ta' proporzjonijiet storiċi wara r-Rebbiegħa Għarbija; iqis ir-rappurtar tal-Kummissjoni dwar l-applikazzjoni tal-prinċipju "aktar għal aktar" bħala insuffiċjenti, u jistedinha tiżviluppa kriterji ċari għal kif għandu jiġi applikat;

68.

Iqis li livell suffiċjenti ta' assistenza finanzjarja tal-UE lill-Awtorità Palestinjana u lill-UNRWA għadu meħtieġ sabiex ikun hemm reazzjoni adegwata u komprensiva għas-sitwazzjoni politika u umanitarja fil-Lvant Nofsani u għall-proċess ta' paċi; jenfasizza s-sitwazzjoni partikolarment diffiċli ffaċċjata bħalissa mill-UNWRA, notevolment wara l-avvenimenti fis-Sirja; jinnota li l-effett nett taż-żieda fl-impenji għall-ENPI huwa prinċipalment dovut għall-fatt li jinżamm l-appoġġ għat-territorji okkupati tal-Palestina fil-livell tal-abbozz ta’ baġit tal-2012;

69.

Jenfasizza li, grazzi għall-impenn qawwi tal-Parlament, il-kontribuzzjoni annwali tal-UE lill-Awtorità Palestinjana, lill-UNRWA u lill-proċess ta’ paċi tal-Lvant Nofsani matul l-aħħar snin tammonta għal EUR 300 miljun, u jfakkar li l-awtorità baġitarja, matul il-fażi tal-konċiljazzjoni baġitarja, qablet dwar allokazzjoni ta’ EUR 200 miljun għas-sena 2012, bil-kundizzjoni li jkun hemm żieda supplimentari sine qua non ta’ EUR 100 miljun għas-sena finanzjarja 2011 li tiġi minn approprjazzjonijiet mhux użati; jitlob li jkun hemm impenn ta' finanzjament li jirrifletti l-ħtiġijiet reali mill-bidu tas-sena baġitarja biex jiġi żgurat li l-UE tkun tista' tappoġġa b'mod effikaċi l-bini ta' paċi sostenibbli; jinsisti li għandhom jiġu imposti kontrolli finanzjarji stretti u li għandhom jintbagħtu analiżi u valutazzjoni dettaljati tal-infiq lill-Parlament Ewropew;

70.

Jirrikonoxxi l-fatt li bl-adeżjoni tal-Kroazja mal-Unjoni, l-allokazzjonijiet għall-IPA jonqsu b'EUR 67,6 miljun; madankollu, huwa preokkupat li l-Kummissjoni qed tipproponi tnaqqis akbar fl-appoġġ għall-bini ta' kapaċitajiet istituzzjonali għall-pajjiżi kandidati milli mistenni bit-tnaqqis ta’ allokazzjonijiet għall-IPA għall-Kroazja (total ta’ EUR – 29,14 miljun meta mqabbel mal-2012), filwaqt li l-istess linja għal kandidati potenzjali ġiet rinfurzata (EUR + 10,5 miljun meta mqabbel mal-2012); ifakkar li l-kapaċità istituzzjonali hija ta' importanza fundamentali għall-użu korrett tal-finanzjament tal-Unjoni u hija ugwalment importanti kemm għall-kandidati kif ukoll għall-kandidati potenzjali; jilqa’ li ż-żieda proposta f'AI għall-iżvilupp rurali tal-IPA hija ta' 10,2 % meta mqabbel mal-baġit għall-2012;

71.

Itenni l-fatt li speċjalment fi żminijiet ta' awsterità, l-approprjazzjonijiet ta' impenn għandhom jiġu ppjanati b'attenzjoni għal kull linja baġitarja tal-PESK sabiex jiġi ggarantit li l-flus tal-UE jiġu allokati għall-miżuri l-aktar meħtieġa, filwaqt li jitqiesu kemm jista' jkun il-flessibbiltà u imprevedibbiltà tal-operazzjonijiet tal-PESK; f’dan ir-rigward, jilqa’ talbiet għal sinerġiji akbar permezz ta’, fost l-oħrajn, il-ġbir flimkien, il-kondiviżjoni u l-integrazzjoni ta’ kapaċitajiet u permezz tal-prestazzjoni mtejba, l-ippjanar u t-twettiq ta’ missjonijiet u operazzjonijiet; jilqa’ sforzi għal ħarsa ġenerali trasparenti u kompluta tal-missjonijiet kollha tal-PESK; se janalizza b'attenzjoni ż-żieda ta' 9,2 % f'AI għall-PESK fl-2013;

72.

Jirrikonoxxi l-ħtieġa ta' reazzjoni għat-theddid transreġjonali fl-oqsma tal-kriminalità organizzata, tat-traffikar, tal-protezzjoni tal-infrastruttura kritika, tat-theddid għas-saħħa pubblika u tal-ġlieda kontra t-terroriżmu; madankollu, jistieden lill-Kummissjoni tipprovdi provi li jiġġustifikaw għaliex tinħtieġ żieda ta' 50 % għal dawn il-miżuri fl-2013;

73.

Jinnota li n-nefqa amministrattiva totali għall-istituzzjonijiet kollha hija stmata li hi EUR 8 544,4 miljun, ammont li jirrappreżenta żieda ta' 3,2 % meta mqabbel mal-2012 u li jħalli marġni ta' EUR 636,6 miljun, inkluża nefqa addizzjonali marbuta mal-adeżjoni tal-Kroazja;

74.

Jirrikonoxxi li l-biċċa l-kbira tal-istituzzjonijiet, inkluż il-Parlament Ewropew, għamlu sforz sabiex jillimitaw il-baġits amministrattivi tagħhom għal żieda taħt ir-rata tal-inflazzjoni mistennija, minbarra l-ispiża tat-tkabbir għall-Kroazja; f’dan ir-rigward, jenfasizza l-ħtieġa għar-razzjonalizzazzjoni ta’ riżorsi amministrattivi fuq perjodu ta’ żmien twil u jinisisti fuq il-ħtieġa li tissaħħaħ il-kooperazzjoni interistituzzjonali f’oqsma bħar-riżorsi umani, it-traduzzjoni, l-interpretazzjoni, il-bini, u t-teknoloġija tal-informatika;

75.

Jenfasizza li ż-żieda ta’ 3,2 % meta mqabbla mal-2012 hija primarjament dovuta għal obbligi statutarji jew kuntrattwali bħall-pensjonijiet jew l-aġġustamenti tas-salarji; jinnota madankollu li l-Kummissjoni kkonformat mal-impenn tagħha li żżomm iż-żieda nominali fl-approprjazzjonijiet amministrattivi tagħha fl-Intestatura 5 inqas mill-inflazzjoni prevista ta' 1,9 % meta mqabbel mal-2012, kif spjegat fl-ittra tat-23 ta' Jannar 2012 mill-Kummissarju għall-Baġit u l-Ipprogrammar Finanzjarju, u saħansitra marret lil hinn minn dan l-impenn;

76.

Jifhem li dan intlaħaq diġà għall-2013 permezz ta' tnaqqis ta' iktar minn 1 % fin-numru ta' karigi fl-organigramma tal-Kummissjoni, notevolment fl-oqsma tal-appoġġ amministrattiv, il-ġestjoni baġitarja u l-ġlieda kontra l-frodi, kif ukoll permezz ta' aktar tnaqqis f'punti oħra ta' nefqa amministrattiva; jitlob spjegazzjoni ulterjuri dwar il-ħtieġa reali li wieħed jipproċedi bi tnaqqis bħal dan fil-persunal sabiex tiġi ffriżata n-nefqa amministrattiva f'termini reali, meta l-Kummissjoni rnexxielha tiffriża n-nefqa amministrattiva tagħha f'termini nominali fl-2012 mingħajr ma rrikorriet għal tnaqqis fil-persunal;

77.

Jilqa' dan l-isforz favur konsolidament baġitarju fin-nefqa amministrattiva fi żmien ta' restrizzjonijiet ekonomiċi u baġitarji fil-livell nazzjonali; jirrikonoxxi l-ħtieġa li l-istituzzjonijiet kollha tal-UE jikkondividu l-isforzi ta’ din il-konsolidazzjoni; madankollu jinsab imħasseb dwar l-impatt negattiv li tali miżuri jista' jkollhom fuq l-implimentazzjoni rapida, regolari u effettiva tal-azzjonijiet u l-programmi tal-UE min-naħa ta' amministrazzjoni moderna, meta jitqies b'mod partikolari l-bżonn li jiġu ppremjati l-prestazzjoni u l-kwalità tas-servizz, billi jitqies l-ilħiq ta' bilanċ ġeografiku, speċjalment fi żmien meta l-kompetenzi tal-UE qed ikomplu jiżdiedu u Stati Membri ġodda jissieħbu fl-Unjoni; jilqa' l-informazzjoni mogħtija dwar dawk l-oqsma msaħħa f'termini ta' persunal, bħall-governanza ekonomika Ewropea, is-suq uniku u s-sigurtà u l-ġustizzja, iżda jitlob informazzjoni simili dwar dawk l-oqsma tal-politika u t-tipi ta' karigi fejn kien hemm tnaqqis fil-persunal meta mqabbel mal-2012;

78.

Itenni f'dan l-isfond li kull tnaqqis bħal dan tal-persunal għandu jkun ibbażat fuq valutazzjoni tal-impatt preliminari u jikkunsidra bis-sħiħ, inter alia, l-obbligi legali tal-Unjoni, il-prijoritajiet tal-UE kif ukoll il-kompetenzi l-ġodda tal-istituzzjonijiet u ż-żieda fil-kompiti li ġejja mit-trattati; jenfasizza li din il-valutazzjoni għandha tqis b'attenzjoni l-effetti għad-Direttorati Ġenerali u s-servizzi differenti, notevolment meta jitqies id-daqs u l-ammont ta' xogħol tagħhom, kif ukoll l-effetti fuq it-tipi differenti ta' karigi kkonċernati kif ippreżentati fl-iskrining annwali tar-riżorsi umani tal-Kummissjoni (tfassil tal-politiki, ġestjoni tal-programmi, appoġġ amministrattiv, ġestjoni baġitarja u attivitajiet kontra l-frodi, servizzi lingwistiċi, eċċ.);

79.

Jenfasizza li f'ħafna oqsma tal-azzjoni tal-UE, għandhom jiġu żgurati livelli suffiċjenti ta' persunal fid-dawl tal-istadju tal-implimentazzjoni tal-programmi, prijoritajiet ġodda u żviluppi oħrajn; għalhekk se jiskrutinizza b'attenzjoni l-evoluzzjoni globali tal-livelli tal-persunal fid-DĠ u s-servizzi differenti anke fid-dawl tal-prijoritajiet ippreżentati f'dan ir-rapport; minbarra l-provvista ta' aktar informazzjoni dettaljata f'dan ir-rigward, jitlob lill-Kummissjoni tipproċedi għal valutazzjoni dettaljata simili tal-impatt tat-tnaqqis trasversali propost fil-persunal, filwaqt li jitqies ukoll fuq perjodu itwal ta' żmien kwalunkwe tnaqqis ieħor fil-persunal tal-Kummissjoni, u tirrapporta lura lill-Parlament; jinsisti li din għandha tkun prerekwiżit sabiex l-awtorità baġitarja tikkunsidra li taċċetta, skont l-eżitu tagħha, it-tnaqqis ta' 1 % fil-persunal għall-2013;

80.

Huwa tal-opinjoni li għad hemm mistoqsijiet dwar in-numru għoli ta’ pożizzjonijiet ta’ ġestjoni għoljin f’livelli ta’ grad għoli fost il-persunal tas-Servizz Ewropew għall-Azzjoni Esterna; għalhekk jitlob lill-SEAE sabiex jipprovdi informazzjoni addizzjonali b’mod partikolari fir-rigward taż-żieda sinifikanti (+ 9,2 %) f’postijiet ta' AD14 propost fl-abbozz ta’ baġit; bl-istess mod jitlob informazzjoni ulterjuri dwar iż-żidiet kbar f’approprjazzjonijiet proposti għas-sigurtà u s-sorveljanza tal-bini (+ 57,2 %);

81.

Huwa konvint li l-prevenzjoni u l-medjazzjoni huma fost l-aktar mezzi kosteffikaċi sabiex jiġu ġestiti kunflitti billi jiġu evitati milli jeskalaw fi vjolenza; jilqa’ għalhekk il-proposta li tiġi introdotta intestatura tal-baġit li tammonta għal EUR 500 000 għal Servizzi ta’ Appoġġ għall-Prevenzjoni tal-Kunflitt u l-Medjazzjoni fil-baġit tal-SEAE, wara t-tlestija b’suċċess fl-aħħar ta’ din is-sena ta’ azzjoni preparatorja proposta mill-Parlament;

82.

Huwa tal-opinjoni li l-Iskejjel Ewropej għandhom jiġu ffinanzjati b'mod xieraq sabiex tiġi indirizzata s-sitwazzjoni speċifika tat-tfal tal-impjegati tal-istituzzjonijiet tal-UE; jieħu nota tal-allokazzjoni globali proposta ta' 180,7 miljun, li tirrappreżenta żieda ta' 6,8 % meta mqabbel mal-2012, u aktar mill-ammonti tal-ipprogrammar finanzjarju; madankollu se jiskrutinizza b'attenzjoni kull waħda mil-linji baġitarji tal-Iskejjel Ewropej, u matul il-qari tiegħu, se jagħmel kwalunkwe modifika li jqis li tkun xierqa f'dan ir-rigward;

83.

Jenfasizza l-importanza tal-proġetti pilota u l-azzjonijiet preparatorji bħala strumenti prinċipali għall-formulazzjoni ta’ prijoritajiet politiċi u biex titwitta t-triq għal inizjattivi ġodda fuq perjodu ta’ żmien twil kemm fil-livell reġjonali kif ukoll tal-UE li jistgħu jinbidlu f’attivitajiet u programmi tal-UE li jtejbu l-ħajja taċ-ċittadini tal-UE; biħsiebu jipproċedi għall-identifikazzjoni ta' pakkett bilanċjat ta' PP-AP abbażi tal-valutazzjoni u r-rakkomandazzjonijiet tal-Kummissjoni u filwaqt li jitqiesu bir-reqqa s-sostenibilità u d-durabilità tar-riżultati mistennija;

84.

Skont l-Anness II, parti D tal-IIA, se jittrażmetti lill-Kummissjoni l-ewwel lista proviżorja ta' PP u AP potenzjali għall-Baġit 2013; jistenna lill-Kummissjoni tipprovdi analiżi mmotivata sew tal-proposti indikattivi tal-Parlament; jenfasizza li din il-lista proviżorja ma teskludix it-tressiq u l-adozzjoni formali ta’ emendi li jirrigwardaw il-proġetti pilota u l-azzjonijiet preparatorji matul il-qari tal-baġit min-naħa tal-Parlament;

85.

Ifakkar li fil-baġit għall-2012 kien adottat numru totali ta' 70 proġett pilota u azzjoni preparatorja, li jammontaw għal EUR 105,45 miljun f'AI fl-intestaturi kollha; jirrimarka li jekk l-awtorità baġitarja tadotta għall-2013 proġetti pilota u azzjonijiet preparatorji f'livell simili u bi tqassim simili fl-intestaturi, 54 % tal-marġni taħt l-Intestatura 1a, 27 % ta ta' dak taħt l-Intestatura 3a u 37 % ta' dak taħt l-Intestatura 3b jkunu diġà ntużaw;

86.

Jieħu nota tal-proposti tal-Kummissjoni għal erba' azzjonijiet preparatorji u żewġ proġetti pilota għal ammont totali ta' EUR 15,5 miljun f'AI; biħsiebu janalizza b'attenzjoni l-objettivi u l-kontenuti ta' dawn il-proposti u jiċċekkja l-ammonti mitluba;

87.

Jinnota l-livell globali ta' EUR 748 miljun (jiġifieri 0,5 % tal-baġit totali tal-UE) iddedikat għall-aġenziji deċentralizzati tal-UE fl-AB 2013, li jwassal għal żieda fil-kontribuzzjoni totali tal-UE (inkluż dħul assenjat) ta' EUR 24 miljun jew + 3,2 % meta mqabbel mal-Baġit 2012; huwa konxju li din iż-żieda ġejja primarjament mit-tmien aġenziji li jinsabu fil-fażi inizjali tagħhom, bil-ħsieb li jingħatalhom finanzjament adegwat, u mis-seba' aġenziji li l-kompiti tagħhom ġew estiżi, sabiex ma titfixkilx il-prestazzjoni tagħhom; jinnota li l-kontribuzzjoni tal-UE għall-aġenziji li qed jiffunzjonaw b'ritmu normali qed tonqos f'termini nominali, b'żieda ta' 1,2 %, madankollu, fil-persunal; jinnota li l-aġenziji issa għandhom total ta' 5 115 kariga fl-organigramma, jiġifieri żieda ta' 257 kariga li jikkonċernaw primarjament l-aġenziji b'kompiti ġodda jew li jinsabu fil-fażi tal-bidu tagħhom;

88.

Jinnota li għall-ewwel darba l-Kummissjoni naqqset it-talbiet baġitarji ta' kważi l-aġenziji kollha, li kienu konformi b'mod ġenerali mal-ammonti tal-ipprogrammar finanzjarju; dan jinkludi dawk l-aġenziji li l-kompiti tagħhom jaqgħu taħt il-prijoritajiet tal-Parlament, li jinvolvu ammont totali ta' madwar EUR 44 miljun; ifakkar li analiżi b’attenzjoni tal-metodoloġija, il-motivi u l-impatt possibbli ta' dan it-tnaqqis hija meħtieġa fir-rigward ta’ diversi riżoluzzjonijiet, l-aktar riċenti il-kwittanza tal-2010, li jenfasizzaw li r-reviżjoni tal-aġenziji mill-IWG għandha twassal għal titjib strutturali kemm fl-impatt kif ukoll fil-kosteffikaċja tagħhom, inkluż billi jiġu identifikati l-oqsma tad-duplikazzjoni u s-sovrapożizzjoni fost aġenziji eżistenti; jenfasizza għal darba oħra li l-allokazzjonijiet baġitarji tal-aġenziji tal-EU huma 'l bogħod milli jkunu konfinati għan-nefqa amministrattiva biss, iżda minflok jikkontribwixxu għall-kisba tal-għanijiet tal-Ewropa 2020 u tal-objettivi tal-UE inġenerali, filwaqt illi jimmiraw lejn l-iffrankar fil-livell nazzjonali, kif deċiż mill-awtorità leġiżlattiva;

89.

Jikkunsidra li l-kwistjonijiet li ġejjin huma ta’ interess speċifiku għat-trilogu li se jseħħ fid-9 ta’ Lulju 2012:

90.

Jagħti istruzzjonijiet lill-President tiegħu sabiex jgħaddi din ir-riżoluzzjoni lill-Kummissjoni u lill-Kunsill.

29.11.2013   

MT

Il-Ġurnal Uffiċjali tal-Unjoni Ewropea

CE 349/62

—

wara li kkunsidra l-Komunikazzjoni tal-Kummissjoni tad-19 ta' Jannar 2012 dwar l-Istrateġija tal-UE għall-Protezzjoni u l-Benessri tal-Annimali 2012 – 2015 (COM(2012)0006),

—

wara li kkunsidra l-Artikoli 7 u 13 tat-Trattat dwar il-Funzjonament tal-Unjoni Ewropea,

—

wara li kkunsidra r-riżoluzzjoni tiegħu tat-12 ta' Ottubru 2006 dwar Pjan ta' Azzjoni Komunitarju dwar il-Protezzjoni u l-Benesseri tal-Annimali 2006-2010 (1),

—

wara li kkunsidra r-riżoluzzjoni tiegħu tat-22 ta' Mejju 2008 dwar Strateġija ġdida għas-Saħħa tal-Annimali għall-Unjoni Ewropea (2007 – 2013) (2),

—

wara li kkunsidra l-pożizzjoni tiegħu tas-6 ta' Mejju 2009 dwar il-proposta għal regolament tal-Kunsill dwar il-protezzjoni tal-annimali waqt il-qatla (3),

—

wara li kkunsidra r-riżoluzzjoni tiegħu tal-5 ta' Mejju 2010 dwar evalwazzjoni u bilanċ tal-Pjan ta' Azzjoni għall-Benessri tal-Annimali 2006 – 2010 (4),

—

wara li kkunsidra r-riżoluzzjoni tiegħu tat-12 ta' Mejju 2011 dwar ir-reżistenza għall-antibijotiċi (5),

—

wara li kkunsidra r-riżoluzzjoni tiegħu tat-8 ta' Marzu 2011 dwar l-agrikoltura tal-UE u l-kummerċ internazzjonali (6),

—

wara li kkunsidra d-Dikjarazzjoni tiegħu tal-15 ta' Marzu 2012 dwar l-istabbiliment ta' limitu massimu ta' 8 sigħat ta' vvjaġġar għall-bhejjem li jiġu ttrasportati fl-Unjoni Ewropea biex jittieħdu għall-qatla (7);

—

wara li kkunsidra d-Dikjarazzjoni tiegħu tat-13 ta' Ottubru 2011 dwar il-ġestjoni tal-popolazzjoni tal-klieb fl-Unjoni Ewropea (8),

—

wara li kkunsidra l-Konklużjonijiet tal-Kunsill Agrikoltura u s-Sajd tad-29 ta' Novembru 2010 dwar il-benessri tal-klieb u l-qtates,

—

wara li kkunsidra l-Komunikazzjoni tal-Kummissjoni tal-15 ta' Novembru 2011 dwar pjan ta' azzjoni kontra t-theddid li qed jiżdied ta' reżistenza antimikrobika (COM(2011)0748),

—

wara li kkunsidra l-Komunikazzjoni tal-Kummissjoni tal-10 ta' Novembru 2011 dwar l-impatt tar-Regolament tal-Kunsill (KE) Nru 1/2005 dwar il-protezzjoni tal-annimali waqt it-trasport (COM(2011)0700),

—

wara li kkunsidra l-opinjoni xjentifika tal-Awtorità Ewropea dwar is-Sigurtà fl-Ikel (EFSA) tat-2 ta' Diċembru 2010 dwar il-benessri tal-annimali waqt it-trasport (9),

—

wara li kkunsidra l-opinjoni xjentifika tal-EFSA tat-13 ta' Diċembru 2011 dwar Gwida fuq Valutazzjoni tar-Riskju għall-Benessri tal-Annimali (10),

—

wara li kkunsidra d-definizzjoni tal-Organizzazzjoni Dinjija għas-Saħħa tal-Annimali (OIE) tal-benessri tal-annimali (11),

—

wara li kkunsidra t-tnax-il Prinċipju u kriterju addizzjonali ta' Benessri tajba tal-Annimali żviluppati mill-Proġett għall-Kwalità tal-Benessri (12),

—

wara li kkunsidra d-Deċiżjoni tal-Kunsill 78/923/KEE tad-19 ta' Ġunju 1978 li tikkonċerna l-konklużjoni tal-Konvenzjoni Ewropea għall-protezzjoni tal-annimali miżmuma għal għanijiet tal-biedja (13),

—

wara li kkunsidra l-Konvenzjoni Ewropea għall-Protezzjoni tal-Annimali Domestiċi (14),