6.11.2013   

MT

Il-Ġurnal Uffiċjali tal-Unjoni Ewropea

C 320/1

6.11.2013   

MT

Il-Ġurnal Uffiċjali tal-Unjoni Ewropea

C 320/2

1.

Is-Segretarju tal-Istat għall-Enerġija u t-Tibdil fil-Klima jistieden lin-nies interessati biex japplikaw għal Liċenzji ta' Produzzjoni fil-Baħar għal ċertu ammont ta' art mill-Blata Kontinentali tar-Renju Unit.

2.

Id-dettalji kollha tal-offerta, inklużi listi u mapep tal-art li qed jiġu offruti u gwida dwar il-liċenzji, it-termini li se jinkludu dawk il-liċenzji, u kif wieħed għandu japplika, huma disponibbli mill-websajt gov.uk (ara hawn taħt).

3.

L-applikazzjonijiet kollha se jiġu ddeterminati skont it-termini tal-Hydrocarbons Licensing Directive Regulations tal-1995 (S.I. 1995 Nru 1434) u fl-isfond tal-ħtieġa kontinwa għal tiftix komprensiv, effiċjenti, sikur u bla telf ta’ żmien biex jiġu identifikati r-riżorsi taż-żejt u l-gass tar-Renju Unit filwaqt li jitqiesu kif xieraq il-kunsiderazzjonijiet ambjentali.

4.

Applikazzjonijiet għal Liċenzji Tradizzjonali u Liċenzji Fruntiera (kemm għar-reġjun tal-Punent tal-Iskozja kif ukoll għal bnadi oħra), se jkunu ddeterminati abbażi tal-kriterji li ġejjin:

5.

L-operatur propost f'kull grupp ta' applikanti (inkluża kwalunkwe kumpanija li tapplika bħala applikant individwali) għandu jressaq dikjarazzjoni tal-politika ambjentali ġenerali tiegħu għat-twettiq ta' attivitajiet liċenzjati f'inħawi viċin il-baħar.

6.

Is-Segretarju tal-Istat mhuwiex se jagħti liċenzji għal applikazzjonijiet għal Liċenzji Tradizzjonali u dawk Fruntiera jekk fl-istess ħin mhux se jkun lest japprova l-għażla tal-operatur mill-applikant. Qabel ma japprova operatur, is-Segretarju tal-Istat għandu jkun sodisfatt li dak li ġie nnominat ikun kompetenti fl-ippjanar u fil-ġestjoni tal-operazzjonijiet ta’ tħaffir, f’termini tal-għadd, tal-esperjenza u tat-taħriġ tal-personal tiegħu, fil-proċeduri u l-metodoloġiji proposti, fit-tfassil tal-istruttura tal-kmand tiegħu, fir-relazzjonijiet mal-kuntratturi u fl-istrateġija kumplessiva tal-kumpanija. Meta jkun qed jikkunsidra operatur propost, is-Segretarju tal-Istat se jqis kemm l-informazzjoni ġdida ppreżentata fl-applikazzjoni kif ukoll il-prestazzjoni tal-passat ta’ dak li ġie nnominat bħala operatur, kemm fir-Renju Unit kif ukoll f'pajjiżi oħra.

7.

L-applikazzjonijiet se jiġu ddeterminati abbażi tal-kriterji li ġejjin:

8.

Il-Liċenzji ta' Promozzjoni jiskadu wara sentejn jekk il-liċenżjat ma jkunx issodisfa lid-DECC bil-kapaċità teknika u finanzjarja tiegħu biex itemm il-Programm ta' Ħidma tal-Perjodu Inizjali li se jinkludi impenn qawwi f'dak il-mument għat-tħaffir ta' mill-inqas bir wieħed, jew biex iwettaq attività sostantiva ekwivalenti miftiehma. Il-Programm ta' Ħidma tal-Perjodu Inizjali għandu jitwettaq fi żmien erba' snin.

9.

Aktar gwida tista’ tinkiseb mill-websajt gov.uk: https://www.gov.uk/oil-and-gas-licensing-rounds

10.

Sakemm ma tkunx meħtieġa valutazzjoni ambjentali fir-rigward ta' Blokk partikolari (ara Para. 13 hawn taħt), kwalunkwe offerta mis-Segretarju tal-Istat ta' liċenzja skont din l-istedina, se ssir fi żmien tnax-il xahar mid-data ta' dan l-Avviż.

11.

Is-Segretarju tal-Istat ma jaċċetta l-ebda responsabbiltà għal kwalunkwe spejjeż imġarrba mill-applikant meta dan iqis l-applikazzjoni tiegħu jew meta japplika.

12.

Is-Segretarju tal-Istat wettaq Valutazzjoni Ambjentali Strateġika (VAS) skont id-Direttiva 2001/42/KE dwar l-Istima tal-Effetti ta’ Ċerti Pjanijiet u Programmi fuq l-Ambjent, taż-żoni kollha li se jkunu offruti f'dan il-Ħruġ. Ir-riżultati ta' dik il-VAS jistgħu jinstabu fil-websajt tad-DECC dwar il-VAS dwar l-enerġija lil hinn mill-kosta:

https://www.gov.uk/offshore-energy-strategic-environmental-assessment-sea-an-overview-of-the-sea-process

13.

Il-liċenzji skont din l-istedina ser ikunu offruti biss jekk, skont id-Direttivi dwar il-Ħabitats (Direttiva tal-Kunsill 92/43/KEE tal-21 ta’ Mejju 1992 dwar il-konservazzjoni tal-ħabitat naturali u tal-fawna u l-flora selvaġġa):

14.

Amministrazzjoni tal-Liċenzji: Energy Development Unit (EDU), Department for Energy and Climate Change, 3 Whitehall Place, London SW1A 2AW, United Kingdom (telefon: +44 03000686042, feks +44 003000685129).

Il-websajt gov.uk: https://www.gov.uk/oil-and-gas-licensing-rounds

6.11.2013   

MT

Il-Ġurnal Uffiċjali tal-Unjoni Ewropea

C 320/5

1.

Fil-25 ta’ Ottubru 2013, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża Apax Partners LLP (“Apax Partners”, ir-Renju Unit) takkwista skont it-tifsira tal-Artikolu 3(1)(b) tar-Regolament dwar l-Għaqdiet il-kontroll sħiħ tal-impriża Rhiag-Inter Auto Parts Italia SpA (“Rhiag”, l-Italja), permezz tax-xiri ta’ ishma.

2.

L-attivitajiet kummerċjali tal-impriżi kkonċernati huma:

3.

Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet taħt ir-Regolament tal-KE dwar l-Għaqdiet (2) ta' min jinnota li dan il-każ jista' jiġi kkunsidrat għat-trattament taħt il-proċedura stipulata fl-Avviż.

4.

Il-Kummissjoni tistieden lill-partijiet terzi interessati biex iressqu kwalunkwe kummenti li jistgħu jkollhom dwar it-tranżizzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.7076 – Apax Partners/Rhiag, fl-indirizz li ġej: