KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA

INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA

9.8.2013

Il-Ġurnal Uffiċjali tal-Unjoni Ewropea

C 231/3

Rata tal-kambju tal-euro (1)

It-8 ta’ Awwissu 2013

2013/C 231/05

1 euro =

	Munita	Rata tal-kambju
USD	Dollaru Amerikan	1,3360
JPY	Yen Ġappuniż	128,68
DKK	Krona Daniża	7,4574
GBP	Lira Sterlina	0,86200
SEK	Krona Żvediża	8,6828
CHF	Frank Żvizzeru	1,2307
ISK	Krona Iżlandiża
NOK	Krona Norveġiża	7,8840
BGN	Lev Bulgaru	1,9558
CZK	Krona Ċeka	25,816
HUF	Forint Ungeriż	298,91
LTL	Litas Litwan	3,4528
LVL	Lats Latvjan	0,7028
PLN	Zloty Pollakk	4,2066
RON	Leu Rumen	4,4540
TRY	Lira Turka	2,5708
AUD	Dollaru Awstraljan	1,4726
CAD	Dollaru Kanadiż	1,3909
HKD	Dollaru ta' Hong Kong	10,3626
NZD	Dollaru tan-New Zealand	1,6747
SGD	Dollaru tas-Singapor	1,6848
KRW	Won tal-Korea t'Isfel	1 486,97
ZAR	Rand ta' l-Afrika t'Isfel	13,1930
CNY	Yuan ren-min-bi Ċiniż	8,1771
HRK	Kuna Kroata	7,5038
IDR	Rupiah Indoneżjan	13 743,95
MYR	Ringgit Malażjan	4,3373
PHP	Peso Filippin	58,193
RUB	Rouble Russu	44,0086
THB	Baht Tajlandiż	41,750
BRL	Real Brażiljan	3,0760
MXN	Peso Messikan	16,9438
INR	Rupi Indjan	81,3110

(1) Sors: rata tal-kambju ta' referenza ppubblikata mill-Bank Ċentrali Ewropew.

9.8.2013

Il-Ġurnal Uffiċjali tal-Unjoni Ewropea

C 231/4

AVVIŻ TA' APPLIKAZZJONI GĦAL PERMESS TA' TIFTIX TA' IDROKARBONJI LIKWIDI U GASSUŻI BL-ISEM“COSTA LA ROCCA”

IR-REĠJUN TA' SQALLIJA

IL-MINISTERU REĠJONALI GĦALL-ENERĠIJA U S-SERVIZZI PUBBLIĊI – ID-DIPARTIMENT REĠJONALI TAL-ENERĠIJA

L-UFFIĊĊJU REĠJONALI GĦALL-IDROKARBURI U L-ENERĠIJA ĠEOTERMALI (U.R.I.G.)

2013/C 231/06

Il-kumpanija Irminio S.r.l. li għandha l-uffiċċju legali tagħha rreġistrat f’Via Principe di Villafranca, 50 – 90139, Palermo Italia u li għandha l-kodiċi tat-taxxa u n-numru tal-VAT li ġej: 03922140821, REA n. 160160, b'talba tat-3 ta' Jannar 2013, indirizzata lill-awtorità kompetenti għat-titoli tal-minjieri fir-Reġjun ta' Sqallija, il-Kunsillier għall-Enerġija u s-Servizzi tal-P.U., ibbażata fi viale Campania 36 – 90144 Palermo, Italia, talbet li skont L.R.S. 3 Lulju 2000 nru. 14, tingħata l-permess għar-riċerka tal-idrokarburi likwidi u gassużi, konvenzjonalment imsejjaħ “Case la Rocca”, f'żona ta' estensjoni ta' ha 8 000 (Km2 80), li tinsab fit-territorju tal-Pronvinċja ta' Ragusa, fil-Muniċipalità ta' Ragusa. Iż-żona hija delimitata fil-karta I.G.M.I. nru. 276 “Ragusa” fl-iskala 1 100,000 u fit-tabelli I.G.M.I. nru. 276 IV SO “Donnafugata”, 276 III NE “Donnalucata”, 276 IV SE “Monte Renna” u 276 IV NE “Comiso”.

Il-perimetru taż-żona li għaliha ntalab il-permess jifforma poligonu mhux regolari magħmul minn linja kontinwa li tgħaqqad flimkien il-punti “A”, “B”, “C”, “D”, “E”, “F”, “G”, “H”.

Dawn il-punti huma ddefiniti kif ġej:

A.	Punt li jikkoinċidi mal-punt „O” tat-talba għall-permess “Contrada Giardinello”. Punt li jinsab fuq ix-xifer tat-tramuntana ta' Casa Veninata fil-“C. da Stanislao”. Li jaqa' taħt it-Tabella 276 IV SO “Donnafugata”;

Punt li jikkoinċidi mal-punt “N” tat-talba għall-permess “Contrada Giardinello”. Punt li jinsab fuq ix-xifer tat-tramuntana tad-dar li tinsab fi kwota ta' 580 metri f' “C. da Castiglione”, bejn wieħed u ieħor 350 metru fid-direzzjoni bejn it-tramuntana u l-majjistral ta' “Villa Arezzo”. Li jaqa' taħt it-Tabella 276 IV NE “Comiso”;

C.	Punt li jikkoinċidi mal-punt “B” tal-konċessjoni “S. Anna”. Punt li jinsab fuq ix-xifer tal-grigal ta' “Case Cosentino” fil-“C. da Cento pozzi”. Li taqa' taħt it-Tabella 276 IV NE “Comiso”;

D.	Punt li jikkoinċidi mal-punt “A” tal-konċessjoni “S. Anna”. Punt li jikkorrispondi max-xifer tan-nofsinhar tal-bini ta' “Villa Monelli” u “C. da Badia”. Li taqa' taħt it-Tabella 276 IV SE “Monte Renna”;

E.	Punt li jikkoinċidi mal-punt “E” tal-konċessjoni “S. Anna”. Punt li jinsab fuq ix-xifer tat-tramuntana ta' “Casa Nifosi”, li tinsab fi kwota ta' 446 metri f'“C. da Giubiliana”. Li taqa' taħt it-Tabella 276 IV SE “Monte Renna”;

F.	Punt li jikkoinċidi mal-punt “D” tal-konċessjoni “S. Anna”. Punt li jinsab fuq ix-xifer tat-punent tal-intersezzjoni li tinsab fi kwota ta' 577 lejn “C. da Castiglione”, bejn il-Km 5 u 6 tat-triq li torbot Ragusa ma' Marina di Ragusa. Li taqa' taħt it-Tabella 276 IV SE “Monte Renna”;

G.	Punt li jikkoinċidi mal-punt “G” tal-konċessjoni “Ragusa” u “B” tal-konċessjoni “Irminio”. Magħmul minn pilastru tal-ġebla franka mpoġġija fil-korrispondenza tax-xifer “O” ta' “Case Arezzo” u “C. da Pozzillo”. Li taqa' taħt it-Tabella 276 IV SE “Monte Renna”;

Punt li jikkoinċidi mal-punt “P” tat-talba għall-permess tar-riċerka “Contrada Giardinello”. Punt li jikkorrispondi għax-xifer tax-xlokk tad-dar li tinsab “C. da Perrone”, fi kwota ta' bejn wieħed u ieħor 75 metru, 325 metru fuq in-naħa tax-xlokk ta' “C. da Perronello”. Li taqa' taħt it-Tabella 276 III NE “Donnalucata”;

Koordinati ġeografiċi

Punti	Lonġitudni fil-Lvant (M. Mario) Latitudni	Punti
A	2° 06′ 02,85″	36° 52′ 29,92″
B	2° 10′ 41,42″	36° 55′ 59,93″
C	2° 14′ 07,72″	36° 55′ 08,73″
D	2° 09′ 26,66″	36° 53′ 12,66″
E	2° 10′ 50,50″	36° 51′ 35,87″
F	2° 13′ 35,88″	36° 52′ 51,54″
G	2° 13′ 01,00″	36° 50′ 51,09″
H	2° 09′ 16,10″	36° 47′ 59,10″

Il-partijiet interessati jistgħu jressqu applikazzjoni għal permess f’din iż-żona fi żmien 90 jum mid-data tal-pubblikazzjoni ta' din in-notifika f'Il-Ġurnal Uffiċjali tal-Unjoni Ewropea; l-applikazzjonijiet li jaslu wara dak iż-żmien ma jintlaqgħux. Id-Digriet li jagħti l-permess għat-tiftix se jinħareġ fi żmien sitt xhur mid-data tal-għeluq għat-tressiq tal-applikazzjonijiet ta' entitajiet li qed jikkompetu. B'referenza għall-Artikolu 5(1) tad-Direttiva 94/22/KE, qed jiġi mgħarraf ukoll li l-kriterji li fuqhom jingħataw il-permessi ta' tiftix, il-permessi ta' riċerka u l-konċessjonijiet ta' sfruttament diġà ġew ippubblikati fil-ħarġa tal- Ġurnal Uffiċjali tal-Komunitajiet Ewropej C 396 tad-19 ta' Diċembru 1998, b'referenza għad-dispożizzjonijiet tad-Digriet Leġiżlattiv tal-President tar-Repubblika Nru 625 tal-25 ta' Novembru 1996 (ippubblikat fil-Gazzetta Uffiċjali tar-Repubblika Taljana, Nru 293, tal-14 ta' Diċembru 1996), li jittrasponi u jimplimenta fl-ordinament ġuridiku Taljan id-Direttiva msemmija hawn fuq, u kienu speċifikati mil-Liġi tar-Reġjun ta' Sqallija Nru 14, tat-3 Lulju 2000, li diġà ssemmiet (ippubblikata fil-Gazzetta Uffiċjali tar-Reġjun ta' Sqallija Nru 32, tas-7 Lulju 2000).

Il-kundizzjonijiet u r-rekwiżiti li għandhom x’jaqsmu mal-eżerċizzju jew il-waqfien tal-attività huma stabbiliti mil-Liġi tar-Reġjun ta' Sqallija Nru 14, tat-3 Lulju 2000, li ssemmiet hawn fuq, kif ukoll mill-ispeċifikazzjonijiet standard (id-Disciplinare Tipo) bl-Atti Nru 91 u Nru 88 maħruġa fit-30 Ottubru 2003 u fl-20 Ottubru 2004 rispettivament, mid-Direttur Reġjonali għall-Industrija, u ppubblikati fil-Gazzetta Uffiċjali tar-Reġjun ta' Sqallija rispettivament fl-14 Novembru 2003 l-Parti I Nru 49 u fil-5 Novembru 2004 l-Parti I Nru 46.

Id-dokumentazzjoni tal-applikazzjoni hija disponibbli mingħand l-Uffiċċju Reġjonali għall-Idrokarburi u l-Enerġija Ġeotermika tad-Dipartiment Reġjonali għall-Industrija u għall-Minjieri, Via Ugo La Malfa 101, 90146, Palermo, fejn tista' tkun ikkonsultata minn kwalunkwe parti interessata.

L-inġinier prinċipali

Dr. Ing. Salvatore GIORLANDO

9.8.2013

Il-Ġurnal Uffiċjali tal-Unjoni Ewropea

C 231/9

Pubblikazzjoni ta’ applikazzjoni skont l-Artikolu 50(2)(a) tar-Regolament (UE) Nru 1151/2012 tal-Parlament Ewropew u tal-Kunsill dwar skemi tal-kwalità għal prodotti agrikoli u oġġetti tal-ikel

2013/C 231/10

Din il-pubblikazzjoni tikkonferixxi d-dritt ta’ oġġezzjoni għall-applikazzjoni skont l-Artikolu 51 tar-Regolament (UE) Nru 1151/2012 tal-Parlament Ewropew u tal-Kunsill (1)

DOKUMENT UNIKU

IR-REGOLAMENT TAL-KUNSILL (KE) Nru 510/2006

tal-Kunsill dwar il-protezzjoni tal-indikazzjonijiet ġeografiċi u d-denominazzjonijiet tal-oriġini għall-prodotti agrikoli u l-oġġetti tal-ikel (2)

“WEST COUNTRY LAMB”

Nru tal-KE: UK-PGI-0005-0667-21.12.2007

IĠP ( X ) DPO ( )

1. Isem

“West Country Lamb”

2. Stat Membru jew Pajjiż Terz

Ir-Renju Unit

3. Deskrizzjoni tal-prodott agrikolu jew tal-oġġett tal-ikel

3.1. Tip ta’ prodott

Klassi 1.1.

Laħam frisk (u l-ġewwieni)

3.2. Deskrizzjoni tal-prodott li għalih japplika l-isem fil-punt 1

“West Country Lamb” huwa l-isem applikat għal karkassi, nofs karkassi jew l-qatgħat tal-ħaruf li ġejjin min-nagħaġ imwielda u mrobbija fir-reġjun tal-West Country tal-Ingilterra u maqtula skont l-istandards tal-organizzazzoni Meat South West (MSW) jew standards ekwivalenti.

In-nagħaġ ma għandhomx ikollhom aktar minn 12-il xahar meta jaslu għall-qatla. Il-laħam minn annimali li huma (i) mwielda qabel l-1 ta’ Ottubru ta’ kull sena u (ii) maqtula bejn l-1 ta’ Jannar u t-30 ta’ April tas-sena ta’ wara, għandu jkun soġġett għall-maturazzjoni. Dan jista’ jinkludi minimu ta’ ħamest ijiem fil-kesħa kondizzjonata bejn il-qatla u l-bejgħ lill-konsumatur finali, jew wieħed mill-proċessi ta' maturazzjoni speċifikati fil-Meat & Livestock Commission (MLC) Lamb Blueprint tal-1994 (dawn jinkludu l-istimulazzjoni elettrika u d-dendil mill-għadma tal-ġenb). Il-piż tal-laħam lest għandu jkun bejn 9 kg u 26 kg ta’ piż mejjet.

Id-dieta speċifika, msejsa fuq il-ħaxix, ittejjeb il-kompożizzjoni kimika tal-muskolu tal-ħaruf (ara t-Tabella 1 hawn taħt) u ttejjeb ukoll il-kwalitajiet organolettiċi tal-laħam meta mqabbla ma’ nagħaġ li jitrabba fuq il-ġwież.

Tabella 1

Kompożizzjoni ta’ aċidu xaħmi (mg/100 g) u kontenut ta’ vitamina E (mg/kg) tal-muskolu tal-urak tal-ħaruf

	Ħaxix	Ġwież
18:2 (3)	98	143
18:3 (4)	52	29
EPA (5)	23	15
DHA (6)	6,5	4,9
Vitamina E	4,6	1,9
18:2/18:3	1,9	5,0

Dan jirriżulta f’laħam b’togħma iprem, li jwassal għal esperjenza ta’ ikel eċċellenti. Il-kulur tax-xaħam jista’ jkun minn abjad għal lewn il-krema, iżda d-dieta speċifika tinkoraġġixxi lewn il-krema. Il-kulur tal-laħam ivarja minn roża sa aħmar skur, bil-maturazzjoni tirriżulta f’laħam ta’ lewn aħmar iktar skur. L-ispeċifikazzjoni tal-klassifikazzjoni tal-karkassa (ibbażata fuq is-sistema EUROP), biex tiżgura kwalità tal-ikel mill-aqwa, hija:

—	Karkassi kklassifikati bħala konformazzjoni R jew aħjar, b'simna ta’ 2 sa 3H;

—	Karkassi li jiżnu anqas minn 15-il kg jista’ jkollhom konformazzjoni O.

	Żieda fis-simna = >
Titjib fil-konformazzjoni = >		1	2	3L	3H	4L	4HL	5
	E
	U
	R
	O		9-15 kg	9-15 kg	9-15 kg
	P

Id-daqs tal-karkassi jista’ jvarja, dan jirrifletti l-preferenzi tas-suq u t-tip ta’ nagħġa.

Wara l-qatla l-“West Country Lamb” jiġi kkummerċjalizzat f’għadd ta’ forom, kif ġej:

—	Karkassi sħaħ għajr għall-ġewwieni li ma jittikilx, il-ġilda, ir-ras u s-saqajn. Il-kliewi u xaħam assoċjat jistgħu jitħallew fil-post.

—	Nofs karkassa sħiħa: nofs il-karkassa maqsuma għat-tul.

—	Qatgħat ewlenin: prodotti billi jinqasmu karkassi/nofs karkassi f’partijiet iżgħar li huma magħrufin (biex jissodisfaw il-preferenzi tal-konsumaturi). Dawn il-qatgħat jistgħu jiġu ppreżentati bl-għadam jew mingħajr għadam u f’ippakkjar protettiv.

Il-“West Country Lamb” jista’ jinbiegħ frisk (imkessaħ) jew iffriżat.

3.3. Materja prima (għall-prodotti pproċessati biss)

—

3.4. Għalf (għall-prodotti li ġejjin mill-annimali biss)

Il-ħrief jistgħu jintgħalfu s-suppliment waqt il-fatma u fl-aħħar fażi tas-simna, f’liema każ, id-dettalji tal-ingredjenti u x-xiri huma rreġistrati mill-bidwi fir-reġistru tal-għalf u vverifikati mill-ispetturi tal-aċċertament biex jiġi żgurat minimu ta’ 70 % ta' konsum ta' għelejjel għall-magħlef tal-ħaxix. L-iskema teħtieġ sistema estensiva b’perjodu xieraq ta' ragħa, tipikament xahrejn, qabel il-qatla.

3.5. Stadji speċifiċi tal-produzzjoni li għandhom isiru fiż-żona ġeografika ddefinita

Il-ħrief għandhom ikunu mwielda, mrobbija u msemmna sal-qatla fir-reġjun tal-West Country.

3.6. Regoli speċifiċi għat-tqattigħ, għat-tħakkik, għall-ippakkjar, eċċ.

—

3.7. Regoli speċifiċi dwar it-tikkettar

—

4. Definizzjoni fil-qosor taż-żona ġeografika

Iż-żona ġeografika tikkonsisti fis-sitt kontej ta’ Cornwall, Devon, Dorset, Gloucestershire, Somerset u Wiltshire, li flimkien jiffurmaw ir-reġjun tal-West Country tal-Ingilterra.

5. Rabta maż-żona ġeografika

5.1. Speċifiċità taż-żona ġeografika

Il-West Country tal-Ingilterra huwa deskritt bħala peniżola tal-mergħat. Id-distinzjoni bejn mergħa u art li tinħadem żviluppat parzjalment bħala riżultat tat-tipi differenti ta’ ħamrija. Il-West Country għandu proporzjon għoli ta’ ħamriji taflin u kannella li fihom jikber il-ħaxix iżda li mhumiex ideali għar-raba’ maħduma. Żoni ta’ raba’ maħduma għandhom proporzjon ikbar ta’ tafal u ħamrija ramlija, li minnhom jiskula iktar faċilment l-ilma. Barra minn hekk, il-West Country tal-Ingilterra għandu l-ogħla temperatura medja u l-ogħla temperaturi minimi u massimi fir-Renju Unit.

Il-West Country huwa l-akbar u l-aktar reġjun agrikolu fl-Ingilterra. L-ambjent tiegħu huwa wieħed mill-ogħna fir-Renju Unit. L-irziezet f'dan ir-reġjun jipproduċu ammont stmat ta' 21 % tan-nagħaġ fl-Ingilterra u huwa dan, flimkien mas-sehem tiegħu ta' 24 % tal-produzzjoni taċ-ċanga, li għen biex jifforma u jmantni l-pajsaġġ u l-patrimonju tar-reġjun. Id-densità għolja ta’ bhejjem ħeġġet l-iżvilupp ta’ settur kbir tal-ipproċessar tal-laħam li joħloq opportunitajiet ta’ impjiegi tant meħtieġa fir-reġjun.

It-taħlita fil-West Country ta’ temperaturi sħan u temperaturi moderati, xita mqassma sew matul is-sena, u ħamrija fonda li żżomm it-tira tfisser li l-ħaxix u l-għelejjel għall-magħlef jistgħu jitkabbru u jsir ir-ragħa għalihom kważi tul is-sena kollha. Il-ħaxix jikber f’parti kbira tar-reġjun għal aktar minn 300 jum tas-sena. Dan it-tkabbir tul is-sena kollha huwa n-norma fil-West Country u jindika għaliex it-trobbija tal-bhejjem tippredomina. Barra minn hekk, aktar minn 25 % tal-mergħa fil-West Country tinsab jew f'Parks Nazzjonali jew f'Żoni ta’ Ġmiel Naturali Eċċezzjonali (AONBs – Areas of Outstanding Natural Beauty) u r-reġjun għandu aktar minn 57 % ta’ mergħat li fihom ħafna fjuri fir-Renju Unit. Riċerka mwettqa minn Bristol University turi li t-togħma tal-ħaruf hija iktar qawwija u tintogħġob iktar meta dan ikun ġie magħluf il-ħaxix milli l-ġwież.

Barra minn dan, minħabba l-klima moderata unika u t-tkabbir tal-ħaxix tul is-sena kollha, il-ħrief huma mrobbija tul is-sena kollha fir-reġjun.

5.2. Speċifiċità tal-prodott

Hemm dipendenza kbira fuq il-ħaxix frisk u l-ħaxix ikkonservat fil-West Country. Dan jipproduċi effett karatteristiku fuq il-kwalità tal-laħam u l-valur nutrittiv tal-ħaruf f’termini ta’ kompożizzjoni ta’ aċidu xaħmi, kontenut ta' vitamina E u kwalità sensorjali. Esperimenti xjentifiċi wrew biċ-ċar dawn l-effetti. Dawn urew differenza fil-kompożizzjoni ta’ aċidu xaħmi bejn ħrief imrobbija fuq dieta msejsa fuq il-qmuħ (ġwież) u fuq dieta msejsa fuq il-ħaxix (Tabella 1). Dawk mitmugħa l-ħaxix kellhom profil ta’ aċidu xaħmi li kien pjuttost differenti minn dawk magħlufa l-ġwież. L-aċidu linolejku u l-prodott tiegħu (aċidu arakidoniku), it-tnejn xaħmijiet aċidużi n-6 (omega-6), kienu ogħla fil-muskoli tal-ħrief magħlufa l-ġwież; u l-aċidu linoleniku u l-prodotti tiegħu l-aċidu ejkosapentenojku u l-aċidu dokosaessenojku, kollha aċidi xaħmin n-3 (omega-3), kienu ogћla fil-muskoli ta’ ħrief magħlufa l-ħaxix. Il-proporzjon ta’ aċidi xaħmin n-6 ma' aċidi xaħmin n-3 kien sinifikament ogħla fl-annimali magħlufa l-ġwież. Il-proporzjon rakkomandat għad-dieta tal-bniedem huwa 4 jew inqas, li kien milħuq faċilment fil-ħrief magħlufa l-ħaxix iżda mhux fil-ħrief magħlufa l-ġwież. Proporzjon sempliċi li jiddistingwi l-ħrief magħlufa l-ħaxix minn dawk magħlufa l-ġwież huwa 18:2/18:3, billi dan huwa 1,9 u 5,0 fit-Tabella 1 għall-ħrief magħlufa l-ħaxix u dawk magħlufa l-ġwież rispettivament.

Il-ħaxix, kemm jekk frisk jew inkella kkonservat, huwa sors ta' aċidu α-linoleniku, li jista’ jkun ikkonvertit fl-annimal f’aċidi xaħmin poliinsaturati (PUFA – polyunsaturated fatty acids) n-3 (omega-3) ta' katina twila, li huma nutrijenti ta’ valur fid-dieta tal-bniedem. Il-ħaxix fih ukoll il-vitamina E u kemm l-aċidi xaħmin n-3 kif ukoll il-vitamina E huma f’konċentrazzjonijiet ogħla f’nagħaġ magħlufa l-ħaxix. Dawn in-nutrijenti jaffettwaw ukoll it-togħma tal-laħam.

Għaldaqstant, id-dieti tal-ħaxix u tal-magħlef jipproduċu profil distintiv ta' aċidu xaħmi fil-muskoli li jiddistingwihom minn dieti fuq il-ġwież. Valuri ta’ madwar 1,5 % aċidu linoleniku, 0,7 % aċidu ejkosapentenojku u > 0,2 % aċidu dokosaessenojku huma deskrittivi tal-ħaruf imrobbi fuq il-ħaxix. Dawn huma perċentwali tal-aċidi xaħmin preżenti, li huwa l-mod kif il-kompożizzjoni tal-aċidu xaħmi jiġi deskritt ta' spiss. Dan l-effett huwa ta' benefiċċju għall-“West Countrt Lamb”. Il-vitamina E misjuba b’mod naturali fil-ħaxix hija inkorporata fit-tessuti tal-muskoli u tax-xaħam fin-nagħaġ. Dawk mitmugħa silaġġ tal-ħaxix kellhom mill-inqas id-doppju tal-konċentrazzjoni ta’ vitamina E fil-muskoli, minn dawk mitmugħa l-ġwież. Dan iwassal biex il-laħam iżomm il-lewn aħmar jgħajjat tiegħu għal żmien itwal waqt il-wiri fil-ħwienet.

Studji Brittaniċi jikkonkludu li t-togħma tal-ħaruf hija aħjar f'nagħaġ li jintagħlfu l-ħaxix lejn tmien is-simna minn f'dawk li jintagħlfu l-ġwież lejn l-aħħar tas-simna. Il-punteġġ għat-togħma tal-ħaruf huwa ferm ogħla bil-ħaxix meta mqabbel mal-ġwież. Il-punteġġ għat-togħma mhux normali hija ferm iktar baxxa bl-għalf tal-ħaxix.

Rapport indipendenti juri li l-karatteristiċi speċjali huma li jkun hemm proporzjon baxx ta’ aċidi xaħmin n-6 għal n-3 u koċentrazzjoni għolja ta’ vitamina E.

—	18:2/18:3 proporzjon inqas minn 4

—	Vitamina E > 3,0 mg/kg muskolu tal-urak

Ir-razez tan-nagħaġ Polled Dorset and Dorset Horn huma biss żewġ eżempji ta’ razez reġjonali li żviluppaw biex jieħdu vantaġġ mill-fatt li l-ħaxix jikber kważi s-sena kollha fir-reġjun. Dawn ir-razez jintużaw minn ħafna bdiewa minħabba l-karatteristiċi naturali ta' tgħammir ta' spiss tagħhom, li jfisser li kapaċi jwelldu fil-ħarifa. Dan jippermetti biex il-produtturi jkollhom ħrief lesti għas-suq mill-aħħar ta' Jannar ’il quddiem. Merħliet oħra li jikbru fil-pjanura jwelldu f’Jannar u Frar, filwaqt li t-twelid fl-irziezet li jinsabu fiż-żoni b'iktar għoljiet – Bodomin Moor, Dartmoor u Exmoor – ġeneralment isir f’April u f’Mejju, u b’hekk ikun hemm produzzjoni u provvista naturali ta’ ħrief tul is-sena kollha.

5.3. Rabta kawżali bejn iż-żona ġeografika u l-kwalità jew il-karatteristiċi tal-prodott (għad-DPO) jew il-kwalità speċifika, ir-reputazzjoni jew karatteristiċi oħrajn tal-prodott (għall-IĠP)

Il-West Country tal-Ingilterra, bħala riżultat tal-klima, it-topografija, il-ġeoloġija u l-ħdura konsegwenti tiegħu, jagħti kwalitajiet partikolari lin-nagħaġ imrobbija fir-reġjun, u b’hekk lil-laħam minn dawk il-bhejjem. Proporzjon għoli taż-żona ta’ raba’ maħduma ta’ dan ir-reġjun tagħha huwa ħaxix, li huwa ideali għall-produzzjoni tan-nagħaġ u li jista’ jintuża wkoll fl-għalf supplimentari.

Jeżisti każ xjentifiku qawwi u oġġettiv li l-ħaruf imrobbi u pproċessat fil-West Country tal-Ingilterra għandu kwalitajiet li huma intrinsikament marbuta ma’ dik iż-żona ġeografika, minħabba d-disponibbiltà akbar ta’ u d-dipendenza fuq il-ħaxix fid-dieta, li jwassal għal konċentrazzjonijiet ogħla ta’ n-3 PUFA u vitamina E fil-laħam.

It-tkabbir tal-ħaxix huwa affettwat mit-tip ta’ ħamrija, it-temperatura, ix-xita u x-xemx. Fattur ieħor importanti huwa t-topografija, jiġifieri l-altitudni, bit-tkabbir tal-ħaxix jonqos hekk kif tiżdied l-altitudni. Il-klima aktar favorevoli fil-West Country iżid l-għadd ta’ jiem li fihom jikber il-ħaxix fil-West Country meta mqabbel ma’ reġjuni oħra. Il-ħaxix jikber għal aktar minn 220 jum tas-sena fil-partijiet kollha tal-West Country li mhuwiex il-każ fl-ebda parti oħra tal-Brittanja, b'biċċiet li jaqbżu t-300 jum ta’ tkabbir tal-ħaxix.

Referenza għall-pubblikazzjoni tal-ispeċifikazzjoni

(L-Artikolu 5(7) tar-Regolament (KE) Nru 510/2006 (7))

http://archive.defra.gov.uk/foodfarm/food/industry/regional/foodname/products/documents/wc-lamb-pgi-final-20121127.pdf

(1) ĠU L 343, 14.12.2012, p. 1.

(2) Mibdul permezz tar-Regolament (UE) Nru 1151/2012.

(3) linolejku

(4) linoleniku

(5) ejkosapentanojku

(6) dokosaessenojku

(7) Ara n-nota f’qiegħ il-paġna Nru 2.

9.8.2013

Il-Ġurnal Uffiċjali tal-Unjoni Ewropea

C 231/14

Pubblikazzjoni ta’ applikazzjoni skont l-Artikolu 50, il-paragrafu 2, il-punt a), tar-Regolament (UE) Nru 1151/2012 tal-Parlament Ewropew u tal-Kunsill, dwar skemi tal-kwalità għal prodotti agrikoli u oġġetti tal-ikel

2013/C 231/11

Din il-pubblikazzjoni tikkonferixxi d-dritt ta' oppożizzjoni għall-applikazzjoni skont l-Artikolu 51 tar-Regolament Nru 1151/2012 tal-Parlament Ewropew u tal-Kunsill (1).

DOKUMENT UNIKU

IR-REGOLAMENT TAL-KUNSILL (KE) Nru 510/2006

tal-Kunsill dwar il-protezzjoni tal-indikazzjonijiet ġeografiċi u d-denominazzjonijiet tal-oriġini għall-prodotti agrikoli u l-oġġetti tal-ikel (2)

“WEST COUNTRY BEEF”

Nru tal-KE: UK-PGI-0005-0668-21.12.2007

IĠP ( X ) DPO ( )

1. Isem

“West Country Beef”

2. Stat Membru jew Pajjiż Terz

Ir-Renju Unit

3. Deskrizzjoni tal-prodott agrikolu jew tal-oġġett tal-ikel

3.1. Tip ta’ prodott

Klassi 1.1.

Laħam frisk (u l-ġewwieni)

3.2. Deskrizzjoni tal-prodott li japplika għalih l-isem tal-punt 1

Il-West Country Beef huwa l-isem li japplika għal karkassi, ġnub jew qatgħat tal-laħam taċ-ċanga li jkunu ġejjin minn bovini imwielda u mrobbija fir-reġjun tal-West Country tal-Ingilterra u maqtula skont l-istandards tal-Meat South West (MSW) jew standards ekwivalenti, f’biċċeriji approvati fi ħdan il-West Country, jew barra din iż-żona. Dawn l-impjanti approvati se jkunu ġew spezzjonati minn spettur indipendenti biex ikun żgurat li jkun hemm traċċabbiltà sħiħa u awtentiċità tal-prodott. L-impjanti se jiġu lliċenzjati mill-Meat South West bħala approvati biex jipproċessaw il-West Country Beef.

Il-bhejjem kollha jitrabbew f’konformità ma’ standards għoljin, li hemm qbil dwarhom, dwar it-trobbija u l-benesseri, li jagħtu garanzija tas-sikurezza.

Il-produzzjoni għandha tissodisfa r-rekwiżiti minimi li ġejjin:

—	tkun imwielda, mrobbija u msemmna fir-reġjun tal-West Country

—	tkun mitmugħa dieta bbażata fuq l-għalf

—	tkun konformi ma’ kull leġiżlazzjoni attwali

—	jkollha u tkun konxja tal-Kodiċi ta’ Prattika rilevanti kollha

—	tiżgura s-saħħa u l-benesseri tal-bhejjem abbażi tal-Ħames Libertajiet

—	tiżgura li jkun hemm sistemi ta’ traċċabbiltà sħiħa fis-seħħ

—	tiżgura li l-bhejjem ikunu mmaniġġjati minn bdiewa kompetenti u persunal imħarreġ

—	tiżgura s-sikurezza u l-benessri tal-annimali matul it-trasport, il-kummerċjalizzazzjoni u qabel il-qatla

—	il-qatla sseħħ f’faċilità lliċenzjata u approvata bi traċċabbiltà sħiħa sabiex tiġi żgurata l-awtentiċità tal-prodott

L-irziezet u l-impjanti tal-ipproċessar huma spezzjonati minn spetturi indipendenti bi protokoll ta' spezzjoni definit.

Sabiex jikkonformaw mar-rekwiżiti tal-iskema tal-West Country Beef, matul l-ispezzjonijiet il-produtturi huma meħtieġa juru li l-bovini huma mwielda, mrobbija u msemmna fir-reġjun tal-West Country. Huwa meħtieġ ġurnal tal-għalf u għandhom jingħataw provi li l-bovini ġew mitmugħa dieta li tinkludi tal-anqas 70 % għalf. L-iskema teħtieġ sistema estensiva b’minimu ta’ sitt xhur fil-mergħat.

Id-dieta speċifika, msejsa fuq il-ħaxix, ittejjeb il-kompożizzjoni kimika tal-muskolu taċ-ċanga (ara t-Tabella 1 hawn taħt) u ttejjeb ukoll il-kwalitajiet organolettiċi tal-laħam, meta mqabbla ma’ bovini li jiġu mitmugħa l-ġwież

Tabella 1

Il-kompożizzjoni ta’ aċidu xaħmi (mg/100g ta’ muskolu) u kontenut ta’ vitamina E (mg/kg) fil-muskolu tal-ġenbejn taċ-ċanga

	Konċentrati	Silaġġ	Ħaxix
18:2 (3)	210	87	76
18:3 (4)	8,1	48,7	35,6
EPA (5)	2,6	19,7	19,2
DHA (6)	0,5	5,1	2,8
18:2/18:3	27,2	1,8	2,1
Vitamina E	1,4	3,3	4,2

Dan jirriżulta f’laħam b’togħma tajba konsistentament, li jwassal għal esperjenza ta' dieta eċċellenti. Il-kontenut naturali ta' tessut intramuskulari xaħmi fil-laħam iżid it-togħma u s-sukkulenza. Il-lewn tax-xaħam jista' jkun bejn abjad u isfar, iżda d-dieta speċifika tinkoraġġixxi kulur lewn il-krema. Il-kulur tal-laħam ivarja bejn roża u aħmar skur, bil-maturazzjoni tal-laħam tidher fil-lewn aħmar aktar skur.

L-annimali bovini jiġu msemmna għal minimu ta’ 60 jum. Il-maġġoranza tal-annimali jissemmnu b'mod naturali waħedhom – l-età u l-piż ivarjaw peress li hemm differenzi bejn ir-razez (huwa ideali piż bejn 200 kg u 500 kg ta’ piż mejjet meta jkunu lesti għall-qatla).

Il-laħam jiġi kkundizzjonat għal mill-anqas għaxart ijiem f'temperaturi ta' refriġerazzjoni, proċess li jibda dakinhar tal-qatla u magħruf bħala maturazzjoni. Matul il-maturazzjoni l-enżimi naturali fil-laħam ikissru t-tessuti konnettivi u b’hekk iżidu t-tenerezza u l-kwalità tal-laħam tal-ikel. Għal qatgħat li tradizzjonalment jissajru bil-mod bħal-laħam tas-sidra u tal-ġarretta ma hemmx żmien minimu ta' maturità. Dawn il-perjodi jistgħu jitnaqqsu bl-applikazzjoni ta’ stimulazzjoni elettrika b'vultaġġ għoli peress li din tnaqqas ir-riskju li l-karkassa tibbies, jew inkella d-dendil mill-għadma tal-ġenb li jżid it-tenerezza tal-laħam. Jinżammu reġistri li juru t-temperaturi, il-proċessi u l-ħinijiet biex jiżguraw li l-karkassi jiġu mkessħa u mmaturati b’mod korrett.

L-ispeċifikazzjoni tal-klassifikazzjoni tal-karkassi (abbażi tas-sistema EUROP), li tiżgura l-aħjar kwalità għall-ikel, hija:

—	Karkassi kklassifikati b'konformazzjoni O+ jew aħjar, b’xaħam ta’ 2 sa 4H.

	Żieda fix-xaħam =>
Titjib fil-konformazzjoni =>		1	2	3	4L	4H	5L	5H
	E
	U+
	–U
	R
	O+
	–O
	P+
	–P

Wara l-qatla, l-'West Country Beef' jiġi kkummerċjalizzat f’għadd ta’ forom kif ġej:

Karkassa sħiħa, minbarra biċċiet mhux tajbin għall-ikel, bħall-ġewwieni, ġlud, irjus u saqajn;

Naħa sħiħa: nofs karkassa, maqsuma għat-tul;

Il-kwart ta’ wara/il-kwart ta' quddiem: in-naħa kollha maqsuma bejn l-għaxar u l-ħdax-il kustilja mill-parti ta' quddiem (jew inkella b’mod simili skont arranġamenti);

Qatgħat ewlenin: li jsiru billi l-karkassi/in-naħat jinqasmu f'partijiet iżgħar, rikonoxxuti (biex jissodisfaw il-preferenzi tal-klijent). Dawn il-qatgħat jistgħu jiġu ppreżentati bl-għadam jew mingħajr għadam u f’imballaġġ protettiv.

Il-'West Country Beef' jista' jinbiegħ frisk (imkessaħ) jew iffriżat.

3.3. Materja prima (għal prodotti pproċessati biss)

—

3.4. Għalf (għal prodotti li ġejjin mill-annimali biss)

Il-bhejjem jistgħu jingħataw supplimenti fil-fażi tal-ftim u f'dik finali. F’dak il-każ, id-dettalji tal-ingredjenti u x-xiri jiġu rreġistrati mill-bidwi u kkontrollati minn spetturi tal-assigurazzjoni. Iż-żmien meta l-annimal jingħata s-supplimenti ikun determinat billi jitqiesu fatturi bħall-benesseri tal-annimali u l-kummerċjalizzazzjoni.

L-ammont massimu ta’ għalf supplimentari huwa ta' 30 %, b'70 % għalf. L-għalf supplimentari jingħata meta jkun meħtieġ, bħal pereżempju matul ix-xhur tax-xitwa jew waqt il-perjodi tal-ftim u tat-tlestija.

3.5. Passi speċifiċi tal-produzzjoni li jridu jsiru fiż-żona ġeografika ddefinita

Il-bhejjem kollha jitrabbew f’konformità ma’ standards għoljin, li hemm qbil dwarhom, dwar it-trobbija u l-benesseri, li jagħtu garanzija tas-sikurezza.

Il-produzzjoni għandha tissodisfa r-rekwiżiti minimi li ġejjin:

—	tkun imwielda, mrobbija u msemmna fir-reġjun tal-West Country

—	tkun mitmugħa dieta bbażata fuq l-għalf

—	tkun konformi ma’ kull leġiżlazzjoni attwali

—	jkollha u tkun konxja tal-Kodiċi ta’ Prattika rilevanti kollha

—	tiżgura s-saħħa u l-benesseri tal-bhejjem abbażi tal-Ħames Libertajiet

—	tiżgura li jkun hemm sistemi ta’ traċċabbiltà sħiħa fis-seħħ

—	tiżgura li l-bhejjem ikunu mmaniġġjati minn bdiewa kompetenti u persunal imħarreġ

—	tiżgura s-sikurezza u l-benesseri tal-annimali matul it-trasport, il-kummerċjalizzazzjoni u qabel il-qatla

—	il-qatla sseħħ f’faċilità lliċenzjata u approvata, bi traċċabbiltà sħiħa sabiex tiġi żgurata l-awtentiċità tal-prodott.

3.6. Regoli speċifiċi dwar it-tqattigħ, it-tħakkik, l-ippakkjar, eċċ.

—

3.7. Regoli speċifiċi dwar it-tikkettar

—

4. Definizzjoni fil-qosor taż-żona ġeografika

Iż-żona ġeografika tikkonsisti mis-sitt kontej ta’ Cornwall, Devon, Dorset, Gloucestershire, Somerset u Wiltshire, li flimkien jiffurmaw ir-reġjun tal-West Country fl-Ingilterra.

5. Rabta maż-żona ġeografika

5.1. Speċifiċità taż-żona ġeografika

Il-West Country tal-Ingilterra jista' jiġi deskritt sewwa sew bħala peniżola tal-mergħat. Id-distinzjoni bejn il-mergħat u r-raba' li tinħadem żviluppat parzjalment bħala riżultat tad-diversi tipi ta’ ħamrija. Il-West Country għandu proporzjon għoli ta’ ħamrija gley u kannella li tgħin il-ħaxix jikber iżda mhijiex adattata għar-raba' li tinħadem. Iż-żoni ta’ raba' li tinħadem għandhom proporzjon akbar ta’ ħamrija taflija u ramlija, fejn l-ilma jiskula faċilment. Barra minn hekk, il-West Country għandu l-ogħla temperatura medja u l-ogħla temperaturi minimi u massimi fir-Renju Unit.

Il-West Country huwa l-akbar u l-aktar reġjun agrikolu fl-Ingilterra. L-ambjent tiegħu huwa wieħed mill-ogħna fir-Renju Unit. L-irziezet f'dan ir-reġjun jipproduċu ammont stmat ta' 24 % taċ-ċanga fl-Ingilterra u huwa dan, flimkien mas-sehem tiegħu ta' 21 % tal-produzzjoni tan-ngħaġ, li għen fil-formazzjoni u l-manteniment tal-pajsaġġ u tal-patrimonju tar-reġjun. Id-densità għolja ta’ bhejjem ħeġġet l-iżvilupp ta’ settur kbir tal-ipproċessar tal-laħam li joħloq opportunitajiet ta’ impjiegi tant meħtieġa fir-reġjun.

It-taħlita ta’ temperaturi sħan u temperaturi moderati tal-West Country, ix-xita mqassma sew matul is-sena, u l-ħamrija fonda li żżomm t-tira tfisser li l-ħaxix u l-għelejjel għall-magħlef jistgħu jitkabbru u jsiru ir-ragħa għalihom kważi tul is-sena kollha. Il-ħaxix jikber f’parti kbira tar-reġjun għal aktar minn 300 jum tas-sena. Dan it-tkabbir tul is-sena kollha huwa n-norma fil-West Country u jindika għaliex it-trobbija tal-bhejjem tippredomina. Barra minn hekk, aktar minn 25 % tal-mergħat fil-West Country jinsabu jew f'Parks Nazzjonali jew f'Żoni ta’ Ġmiel Naturali Eċċezzjonali (AONBs – Areas of Outstanding Natural Beauty) u r-reġjun għandu aktar minn 57 % ta’ mergħat li fihom ħafna fjuri fir-Renju Unit. Riċerka mwettqa minn Bristol University turi li t-togħma taċ-ċanga hija aktar qawwija u tintogħġob aktar meta l-bovini jkunu ġew magħlufa l-ħaxix milli l-ġwież.

5.2. Speċifiċità tal-prodott

Hemm dipendenza kbira fuq il-ħaxix frisk u l-ħaxix ikkonservat fil-West Country. Dan jipproduċi effett karatteristiku fuq il-kwalità tal-laħam u l-valur nutrittiv taċ-ċanga f’termini ta’ kompożizzjoni ta’ aċidu xaħmi, kontenut ta' vitamina E u kwalità sensorjali. Esperimenti xjentifiċi wrew biċ-ċar dawn l-effetti. Dawn urew differenza fil-kompożizzjoni ta’ aċidu xaħmi bejn għoġġiela mrobbija fuq dieta msejsa fuq il-qmuħ (ġwież) u dawk fuq dieta msejsa fuq il-ħaxix (Tabella 1). Dawk mitmugħa l-ħaxix kellhom profil ta’ aċidu xaħmi li kien pjuttost differenti minn dawk magħlufa l-ġwież. L-aċidu linolejku u l-prodott tiegħu (aċidu arakidoniku), it-tnejn xaħmijiet aċidużi n-6 (omega-6), kienu ogħla fil-muskoli tal-għoġġiela magħlufa l-ġwież; u l-aċidu linoleniku u l-prodotti tiegħu l-aċidu ejkosapentenojku u l-aċidu dokosaessenojku, kollha aċidi xaħmin n-3 (omega-3), kienu ogћla fil-muskoli ta’ għoġġiela magħlufa silaġġ tal-ħaxix jew ħaxix frisk. Il-proporzjon ta’ aċidi xaħmin n-6 ma' aċidi xaħmin n-3 kien sinifikament ogħla fl-annimali magħlufa l-ġwież. Il-proporzjon rakkomandat għad-dieta tal-bniedem huwa 4 jew inqas, li kien milħuq faċilment fiċ-ċanga ta' għoġġiela magħlufa l-ħaxix iżda mhux f'dawk magħlufa l-ġwież. Proporzjon sempliċi li jiddistingwi l-għoġġiela magħlufa l-ħaxix minn dawk magħlufa l-ġwież huwa 18:2/18:3, billi dan huwa madwar 2 u 27 fit-Tabella 1 għaċċanga minn għoġġiela magħlufa l-ħaxix u dawk magħlufa l-ġwież rispettivament.

Il-ħaxix, kemm jekk frisk jew inkella kkonservat, huwa sors ta' aċidu α-linoleniku, li jista’ jkun ikkonvertit fl-annimal f’aċidi xaħmin poliinsaturati (PUFA – polyunsaturated fatty acids) n-3 (omega-3) ta' katina twila, li huma nutrijenti ta’ valur fid-dieta tal-bniedem. Il-ħaxix fih ukoll il-vitamina E u kemm l-aċidi xaħmin n-3 u l-vitamina E huma f’konċentrazzjonijiet ogħla f’ċanga ta' għoġġiela magħlufa l-ħaxix. Dawn in-nutrijenti jaffettwaw ukoll it-togħma tal-laħam.

Għaldaqstant, id-dieti tal-ħaxix u tal-magħlef jipproduċu profil distintiv ta' aċidu xaħmi fil-muskoli li jiddistingwihom minn dieti fuq il-ġwież. Valuri ta’ madwar 1,0 % aċidu linoleniku, 0,5 % EPA u huma ta’ 0,1 % DHA huma deskrittivi taċ-ċanga imrobbija fuq il-ħaxix. Dawn huma perċentwali tal-aċidi xaħmin preżenti, li huwa l-mod kif il-kompożizzjoni tal-aċidu xaħmi ta' spiss jiġi deskritt. Dan l-effett huwa ta' benefiċċju għall-'West Countrt Beef'. Il-vitamina E misjuba b’mod naturali fil-ħaxix hija inkorporata fit-tessuti tal-muskoli u tax-xaħam tal-bovini. Għoġġiela mitmugħa silaġġ tal-ħaxix kellhom mill-inqas id-doppju tal-konċentrazzjoni ta’ vitamina E fil-muskoli minn dawk mitmugħa l-ġwież.(Tabella 1). Dan iwassal biex il-laħam iżomm il-lewn aħmar jgħajjat tiegħu għal jumejn aktar waqt il-wiri fil-ħwienet.

Studji Brittaniċi kkonkludew li t-togħma tal-laħam taċ-ċanga hija aħjar f’bovini msemmna bil-ħaxix milli dawk mitmugħa ż-żrieragħ. Il-punteġġi għat-togħma taċ-ċanga kienu aħjar għall-għoġġiela li jintagħlfu l-ħaxix milli l-ġwież. Il-punteġġi għat-togħma mhux normali kienu l-aktar għal dawk magħlufa l-ġwież.

Rapport indipendenti kkommissjonat mill-Meat South West li minnu ħarġu l-konklużjonijiet ta' hawn fuq juri li l-karatteristiċi speċjali huma li jkun hemm proporzjon baxx ta’ aċidi xaħmin n-6 għal n-3 u koċentrazzjoni għolja ta’ vitamina E.

—	18:2/18:3 proporzjon inqas minn 4

—	Vitamina E > 3.0 mg/kg muskolu tal-ġenbejn

5.3. Rabta kawżali bejn iż-żona ġeografika u l-kwalità jew il-karatteristiċi tal-prodott (għad-DPO) jew il-kwalità speċifika, ir-reputazzjoni jew karatteristiċi oħra speċifiċi tal-prodott (għall-IĠP)

Il-West Country tal-Ingilterra, bħala riżultat tal-klima, it-topografija, il-ġeoloġija u l-ħdura konsegwenti tiegħu, jagħti kwalitajiet partikolari lill-bovini mrobbija fir-reġjun, u b'hekk lil-laħam minn dawk l-annimali. Proporzjon għoli taż-żona ta' raba' maħdum f'dan ir-reġjun huwa ħaxix, li huwa ideali għall-produzzjoni tal-bovini filwaqt li jista' jintuża wkoll fl-għalf supplimentari.

Jeżisti każ xjentifiku qawwi u oġġettiv li ċ-ċanga ta' bovini mrobbija u pproċessata fil-West Country tal-Ingilterra għandha kwalitajiet li huma intrinsikament marbuta ma’ dik iż-żona ġeografika, minħabba d-disponibbiltà akbar tal-ħaxix fid-dieta u d-dipendenza fuqu, li jwassal għal konċentrazzjonijiet ogħla ta’ n-3 PUFA u vitamina E fil-laħam.

It-tkabbir tal-ħaxix huwa affettwat mit-tip ta’ ħamrija, it-temperatura, ix-xita u x-xemx. Fattur ieħor importanti huwa t-topografija, jiġifieri l-altitudni, fejn aktar ma tiżdied l-altitudni aktar jonqos il-ħaxix. Il-klima aktar favorevoli fil-West Country iżżid l-għadd ta’ jiem li fihom jikber il-ħaxix fil-West Country meta mqabbel ma’ reġjuni oħra. Il-ħaxix jikber għal aktar minn 220 jum tas-sena fil-partijiet kollha tal-West Country li mhuwiex il-każ fl-ebda parti oħra tal-Brittanja, b'biċċiet li jaqbżu t-300 jum ta’ tkabbir tal-ħaxix. Bħala riżultat, il-bovini tal-West Country għandhom aktar aċċess għall-ħaxix u l-prodotti tal-ħaxix minn dawk f’ħafna mill-parijiet l-oħra tal-Brittanja jew x’imkien ieħor fl-UE.

Dawn il-valuri jinkisbu miċ-ċanga li ġejja minn bovini mwielda, imrobbija u msemmna fil-West Country tal-Ingilterra fejn l-annimali għandhom aċċess għal ħaxix frisk għal aktar żmien milli dawk f’reġjuni oħra minħabba l-klima umda u sħuna u fejn is-sistemi ta’ produzzjoni huma bbażati fuq produzzjoni estensiva mill-ħaxix. It-tibdil fil-klima fil-futur x’aktarx li se jiffavorixxi t-tkabbir tal-ħaxix fil-West Country aktar milli fil-preżent.

Il-Meat South West tikkalkula l-kontribuzzjoni totali tas-settur tal-laħam aħmar lejn l-ekonomija tal-West Country hija ta' GBP 3 biljun fis-sena u 28 000 impjieg. Il-kontinwazzjoni tal-produzzjoni tal-bhejjem hija essenzjali biex l-ambjent u l-partimonju tar-reġjun jiġu protetti. Tabilħaqq huwa dak l-ambjent speċjali li huwa l-bażi tal-karatteristiċi li huma minnhom infushom żviluppati fil-'West Country Beef' bħala konsegwenza tal-annimali sors li jitrabbew fir-reġjun.

Storikament ir-razez tal-bovini l-aktar komuni fir-reġjun ġew min-Nofsinhar ta' Devon u Ruby Red. Madankollu bosta razez nattivi u kontinentali huma wkoll adattati għall-pajsaġġ tar-reġjun u għandhom prestazzjoni tajba fuq il-ħaxix tar-reġjun. Il-'West Country Beef' jista’ għalhekk jiġi prodott minn kwalunkwe razza ta’ bovini. Id-diversità tal-pajsaġġi tippermetti industrija tal-bhejjem stratifikata li teżisti ġewwa l-konfini tar-reġjun. Iż-żoni muntanjużi ta’ Exmoor, Dartmoor u Bodmin Moor jipprovdu postijiet tat-tnissil u mergħat tas-sajf għal merħliet tradizzjonali tal-laħam taċ-ċanga, filwaqt li l-pjanura ta' mergħat tal-ħaxix u r-reġjuni kostali, fejn il-ħaxix ikompli jikber għal biċċa l-kbira tas-sena, jipprovdu ambjent għal tismin ideali.

Referenza għall-pubblikazzjoni tal-ispeċifikazzjoni

(L-Artikolu 5(7) tar-Regolament (KE) Nru 510/2006 (7))

http://archive.defra.gov.uk/foodfarm/food/industry/regional/foodname/products/documents/wc-beef-pgi-final-20121127.pdf

(1) ĠU L 343, 14.12.2012, p. 1.

(2) Mibdul permezz tar-Regolament (UE) Nru 1151/2012.

(3) linolejku.

(4) linoleniku.

(5) ejkosapentanojku.

(6) dokosaeżaenojku.

(7) Ara n-nota f’qiegħ il-paġna Nru 2.

9.8.2013

Il-Ġurnal Uffiċjali tal-Unjoni Ewropea

C 231/20

Pubblikazzjoni ta’ applikazzjoni skont l-Artikolu 50(2)(a) tar-Regolament (UE) Nru 1151/2012 tal-Parlament Ewropew u tal-Kunsill dwar skemi tal-kwalità għal prodotti agrikoli u oġġetti tal-ikel

2013/C 231/12

Din il-pubblikazzjoni tagħti d-dritt li ssir oppożizzjoni għall-applikazzjoni skont l-Artikolu 51 tar-Regolament (UE) Nru 1151/2012 tal-Parlament Ewropew u tal-Kunsill (1).

DOKUMENT UNIKU

IR-REGOLAMENT TAL-KUNSILL (KE) Nru 510/2006

dwar il-protezzjoni tal-indikazzjonijiet ġeografiċi u d-denominazzjonijiet tal-oriġini għall-prodotti agrikoli u l-oġġetti tal-ikel (2)

“YORKSHIRE WENSLEYDALE”

Nru tal-KE: UK-PGI-0005-0652-08.10.2007

IĠP ( X ) DPO ( )

1. Isem

“Yorkshire Wensleydale”

2. Stat Membru jew pajjiż terz

Ir-Renju Unit

3. Deskrizzjoni tal-prodott agrikolu jew tal-oġġett tal-ikel

3.1. Tip ta’ prodott

Klassi 1.3.

Ġobnijiet

3.2. Deskrizzjoni tal-prodott li għalih japplika l-isem f’(1)

Il-ġobon “Yorkshire Wensleydale” huwa ġobon ippressat magħmul mill-ħalib tal-baqar. Jista’ jiġi prodott minn ħalib frisk mhux maħdum, jew mill-ħalib ippasturizzat.

Il-“Yorkshire Wensleydale” jingħata l-forma ta’ truckles/ċilindri tradizzjonali li jkollhom piż li jvarja bejn il-500 g u l-21 kg, u anki l-forma ta’ blokok li jiżnu 20 kg. Il-ġobon jista’ jinbiegħ bħala ġobon mhux matur wara ġimagħtejn iżda jista’ wkoll jitħalla jimmatura għal tnax-il xahar, skont il-livell ta’ maturità mixtieq.

Il-proprjetajiet fiżikokimiċi tal-ġobon huma:

—	pH: 4.4 sa 5.4,

—	materja niexfa: minimu ta’ 54 %,

—	kontenut ta’ xaħam: minimu ta’ 48 % tal-materja niexfa,

—	klorur tas-sodju: massimu ta’ 2,2 %.

Karatteristiċi tal-ġobon:

—	konsistenza: soda, kemxejn kumpatta u msaffa,

—	kulur: ivarja minn abjad sa isfar lewn l-avorju,

—	aroma: lattika, kemxejn aċiduża, li ssir qawwija u b’mod ġenerali tippersisti fit-tul fil-ġobnijiet li jkunu tħallew jimmaturaw sew,

—	togħma: kemxejn aċiduża, it-togħma li tibqa’ wara hija waħda ħelwa u ta’ għasel li ssir qawwija, f’ġobnijiet li jkunu tħallew jimmaturaw sew. It-togħma li tibqa’ wara hija pjaċevoli u distinta,

—	apparenza: bajda kulur il-ħalib u kemxejn miftuħa,

—	kif jinħass: sod iżda jitfarrak kemxejn malajr u msaffaf.

Il-limiti mikrobijoloġiċi huma dawn:

—	Escherichia coli: < 100 kolonja/gramma,

—	Staphylococcus aureus: < 100 kolonja/gramma,

—	Speċijiet ta’ salmonella: mhux preżenti f’25 gramma.

3.3. Materja prima (għall-prodotti pproċessati biss)

Il-kulturi li jibdew il-fermentazzjoni jiġu żviluppati minn kultura primarja li tkun disponibbli kummerċjalment. Il-kulturi prinċipali “jitqajmu” mill-istat lijofilizzat tagħhom u jitkabbru b’mod individwali, sakemm jiġu introdotti fil-ħalib biex jibdew iqarrsuh. Tipikament, tmintax-il kultura prinċipali jitkabbru fuq ċiklu ta’ tlett ijiem, fi tliet gruppi ta’ sitta. L-aqwa tlieta mill-grupp rispettiv tagħhom jiġu identifikati kuljum abbażi tal-età u l-vitalità tagħhom. Dawn imbagħad jitkabbru f’tankijiet kbar, li mbagħad jitħalltu flimkien immedjatament qabel ma jibda jiġi prodott il-ġobon u jintużaw bħala l-kultura li tibda l-fermentazzjoni f’dik il-ġurnata partikolari.

3.4. Għalf (għall-prodotti ta’ oriġini mill-annimali biss)

—

3.5. Stadji speċifiċi fil-produzzjoni li għandhom isiru fiż-żona ġeografika identifikata

L-istadji fil-produzzjoni li ġejjin għandhom isiru fiż-żona ġeografika ta’ Wensleydale kif inhu deskritt fit-taqsima 4 hawn taħt.

—	Jekk ikun xieraq, il-pasturizzazzjoni tal-ħalib

—	Il-ħalib jiġi ttrasferit f’kaldaruni tal-ġobon, u miegħu tiżdied il-kultura voluminuża li tibda l-fermentazzjoni u titħawwad waqt il-perjodu ta’ maturazzjoni

—	It-tames jiżdied u l-ħalib jitħalla jikkoagula.

—	Il-massa magħquda (coagulum) tinqata’ biex il-baqta tiġi sseparata mix-xorrox. Il-baqta u x-xorrox “jinstamtu” (bi sħana mill-ġnub tal-kaldarun biex il-partikoli tal-baqta jagħqdu u tkompli titnaqqas l-indewwa) u jitħawdu sakemm il-baqta toqgħod u tissaffa mix-xorrox.

—	Il-baqta tinqata’, tiddawwar u titħawwad biex tintlaħaq il-kwalità mixtieqa ta’ kif tinħass u l-kontenut tal-indewwa tal-baqta

—	Il-baqta titmellaħ bl-idejn

—	Timtela l-forma

—

Pressar

—	Infaxxar (fejn ikun applikabbli) u ppakkjar primarju

—	Stadju inizjali ta’ maturazzjoni għal minimu ta’ ġimgħa.

3.6. Regoli speċifiċi dwar it-tqattigħ, it-tħakkik, l-ippakkjar, eċċ.

—

3.7. Regoli speċifiċi dwar it-tikkettar

—

4. Definizzjoni qasira taż-żona ġeografika

Fiċ-ċentru ta’ Wensleydale, fit-Tramuntana ta’ Yorkshire, wieħed isib il-belt ta’ Hawes fejn jarma s-suq. Din iż-żona hija ddefinita minn (u tinkludi lil) Sedbergh fil-Punent u Bedale fil-Lvant. Lejn in-Nofsinhar il-wied imiss ma’ Wharfedale, Nidderdale, Ribblesdale u Ripon, u ma’ Swaledale lejn it-Tramuntana.

Iż-żona ddefinita hawn fuq hija sinonima mal-manifattura tal-ġobon Yorkshire Wensleydale, u hija bbażata fuq iż-żona tradizzjonali u storika għall-produzzjoni tal-ġobon Wensleydale tul is-sekli. Illum baqa’ biss żewġ siti fejn għadu jiġi prodott il-“Yorkshire Wensleydale” – il-kremeriji f’Hawes u Kirkby Malzeard.

5. Rabta maż-żona ġeografika

5.1. Speċifiċità taż-żona ġeografika

L-applikazzjoni hija bbażata fuq kwalità speċifika u reputazzjoni li jistgħu jiġu attribwiti lill-oriġini ġeografika.

It-tradizzjoni storika tal-produzzjoni tal-ġobon fiż-żona tmur lura sekli sħaħ. Inizjalment il-ġobon kien manifatturat mill-Patrijiet Ċisterċensi Franċiżi li bdew jabitaw l-inħawi fis-sekli ħdax u tnax. L-evidenza tissuġġerixxi li l-patrijiet ta’ Wensleydale saru bdiewa kapaċi u kienu jifhmu wkoll fit-trobbija tal-annimali, u l-produzzjoni tal-ġobon mill-ħalib saret sors imprezzabbli ta’ ikel. Hu magħruf li fil-bidu l-ġobon monastiku kien magħmul mill-ħalib tan-nagħaġ, iżda l-ħalib tal-baqar sar is-sors dominanti tal-ħalib wara l-għeluq tal-monasteri fis-seklu sittax.

Wara l-għeluq tal-monasteri minn Henry VIII f’nofs is-seklu sittax, il-ħiliet fil-produzzjoni tal-ġobon ingħaddew lill-bdiewa lokali, li kienu jagħmlu l-ġobon biex jippreżervaw il-ħalib iż-żejjed. Din it-tradizzjoni baqgħet ħajja anki fis-seklu għoxrin u nsibu li Kit Calvert (“The Complete Dalesman” u missier il-Yorkshire Wensleydale bejn l-1933 u l-1966) fil-ktieb tiegħu “Kit Calvert of Wensleydale” (Kit Calvert ta’ Wensleydale), kiteb li “… meta ġiet iddikjarata t-Tieni Gwerra Dinjija (1939), 173 mara ta’ bidwi kienu qed jipproduċu l-ġobon Wensleydale f’Wensleydale u fiż-żona tal-madwar”.

Fl-1897, il-merkant lokali tal-qamħ u l-provvisti, Edward Chapman, sar l-ewwel produttur kummerċjali tal-ġobon fl-inħawi meta fetaħ l-ewwel kremerija f’Hawes. Huwa kien jixtri l-ħalib mill-irziezet lokali u kien jipproduċi l-ġobon Wensleydale. Il-maħleb ta’ Edward Chapman kien f’riskju li jingħalaq waqt id-dipressjoni tas-snin tletin, iżda b’xorti tajba Kit Calvert laqqa’ l-kredituri u kkonvinċihom jappoġġjawh biex jopera l-Kremerija f’Hawes. Fit-tletin sena ta’ wara Kit Calvert stabbilixxa negozju tal-ġobon bi qligħ tajjeb li kien jopera f’Hawes, Kirkby Malzeard, Masham u Coverham. Kit biegħ in-negozju tiegħu lill-Milk Marketing Board fl-1966.

Il-ġobon Yorkshire Wensleydale għadu jiġi prodott skont riċetta li nbidlet ftit li xejn fl-aħħar mitt sena u ħmistax, minn meta l-ġobon beda jiġi prodott b’mod kummerċjali fl-1897 f’Hawes. Ir-riċetta użata llum il-ġurnata tixbah ħafna wkoll lil dawk użati fl-irziezet għal ġenerazzjonijiet sħaħ. Ħafna mill-proċess tal-produzzjoni tal-ġobon isir bl-idejn kif ilu jsir għal ħafna ġenerazzjonijiet u l-ġobon jiġi prodott bl-użu ta’ kulturi voluminużi kbar li jibdew il-fermentazzjoni, li jkunu sottokulturati u propagati speċifikament għall-ġobon Yorkshire Wensleydale. Għaldaqstant, illum il-ġurnata l-ħiliet meħtieġa biex isir prodott li jaqbel mad-deskrizzjoni meħtieġa u li jissodisfa l-istandards tal-kwalità għal dan il-ġobon, għadhom rilevanti daqs kemm kienu rilevanti qabel. L-evidenza fotografika miż-żminijiet meta l-ġobon kien beda jiġi prodott b’mod kummerċjali għall-ewwel darba turi li l-metodi nbidlu ftit li xejn tul is-snin.

5.2. Speċifiċità tal-prodott

Il-ġobon “Yorkshire Wensleydale” għandu kulur abjad kremuż b’dehra soda iżda li ċċedi, hija msaffa u miftuħa. Il-parti ta’ barra tal-ġobon hija iktar safranija fil-lewn. Din hija l-karatteristika ta’ eċċellenza tal-ġobon magħmul bl-idejn “Yorkshire Wensleydale” (partikolarment fost il-ġobnijiet li jinżammu fid-drapp). Il-“Yorkshire Wensleydale” huwa differenti mill-“Wensleydale Cheese” li jsir barra miż-żona speċifikata, peress li għandu konsistenza iktar ratba u kremuża u togħma iktar ħelwa u inqas aċiduża mill-Wensleydale standard. It-togħma tal-Yorkshire Wensleydale hija iktar kumplessa minħabba l-kulturi tal-fermenti tal-ħalib uniċi li jintużaw fil-proċess tal-produzzjoni tal-ġobon. Dawn il-kulturi tal-fermenti tal-ħalib uniċi u voluminużi jintgħażlu għall-kapaċità tagħhom biex jipproduċu togħmiet tal-ħalib eċċellenti u kumplessi kif ukoll rata ta’ żvilupp tal-aċidità konsistenti u prevedibbli. Bis-saħħa ta’ din ir-riċetta unika, il-“Yorkshire Wensleydale” jista’ jittiekel bħala ġobon żagħżugħ u frisk jew jista’ jiġi mmaturat b’attenzjoni għal diversi xhur biex jiżviluppa togħma rikka u sħiħa.

Il-kulturi tal-fermenti fil-proċess tal-produzzjoni tal-ġobon Wensleydale huma fattur importanti għall-kwalità tal-prodott finali. Il-kulturi tal-fermenti użati jitkabbru mill-kulturi aromatiċi meżofiliċi, li jistgħu jew jiġu sottokulturati kuljum mill-kulturi tradizzjonali oriġinali u jitkabbru matul il-lejl f’mezz tal-kultura tal-fermenti voluminuża jew jitkabbru minn kulturi ffriżati jew lijofilizzati – għal darb’oħra matul il-lejl fl-istess mezz tal-kultura tal-fermenti voluminuża – ħalib xkumat rikostitwit tipiku.

Il-kulturi primarji huma disponibbli kummerċjalment iżda jiġu sottokulturati għal xhur. Il-kulturi originali “jitqajmu” mill-istat lijofilizzat tagħhom u jitkabbru u jintużaw bħala kulturi individwali għaċ-ċiklu tal-ħajja tagħhom. Gruppi ta’ 18-il kultura jaħdmu fuq ċiklu ta’ tliet ijiem u jiffurmaw tliet gruppi ta’ sitta. Fuq bażi ta’ kuljum, jiġu identifikati l-aħjar tliet kulturi mill-grupp rispettiv tagħhom u jitkabbru f’tankijiet kbar li mbagħad jitħalltu flimkien immedjatament qabel isir il-ġobon u jintużaw bħala kulturi tal-fermenti għall-produzzjoni ta’ dakinhar.

Il-kulturi individwali jitkabbru bħala individwi sal-punt li jiżdiedu mal-ħalib sabiex jagħmlu xogħolhom li l-ħalib iġibuh qares. It-tliet kulturi jintgħażlu abbażi tal-età u l-vitalità tagħhom u ġeneralment jikkonsistu f’kultura żagħżugħa, oħra ta’ età medja u t-tielet kultura iktar matura. Peress li l-kulturi iktar maturi jitilfu l-vitalità u l-prestazzjoni tagħhom, dawn jintremew u “titqajjem” kultura ġdida u tiġi introdotta fit-tim. Madankollu, wara li titqajjem, jistgħu jgħaddu ġimgħat u xhur qabel attwalment tintuża għall-produzzjoni tal-ġobon. Billi dawn il-kulturi jintużaw bħala kulturi oriġinali, huma jiksbu karatteristiċi u saħħiet individwali u jibnu immunità għall-fago. Din hija sistema unika u kumplessa li ilha tintuża għal żmien twil fil-produzzjoni tal-ġobon “Yorkshire Wensleydale”.

Il-kwalità u l-konsistenza ta’ dawn il-kulturi fermenti jikkontribwixxu għall-ħafna aspetti tal-proċess tal-produzzjoni tal-ġobon u għaldaqstant għall-kwalità finali tal-ġobon. Iż-żieda tal-kultura fermenti mal-ħalib ippasturizzat tikkontribwixxi għall-aċidità inizjali tal-ħalib u tgħin il-koagulazzjoni tal-ħalib wara li jiżdied it-tames.

Dawn il-kulturi ta’ fermenti speċifiċi huma fundamentalment responsabbli għall-iżvilupp konsistenti tal-aċidu matul il-proċess kollu tal-produzzjoni tal-ġobon minn meta jiżdied it-tames sa meta jiżdied il-melħ. Dawn il-kulturi huma taħlita ta’ aċidu li jipproduċi l-batterja u jagħti t-togħma u huwa wieħed miż-żewġ kontributuri ewlenin li jagħtu t-togħma u l-konsistenza lill-ġobon finali. Il-kwalità tal-ħalib hija l-kontributur l-ieħor li jagħti t-togħma finali lill-ġobon. Barra minn hekk, l-azzjoni tal-kulturi tal-fermenti ddum ħafna wara li l-ġobon isir fil-kamra tal-ġobon. Il-kulturi jkomplu jaħdmu matul il-proċess kollu tal-maturazzjoni tal-ġobon u jagħtu lill-ġobon it-togħma, il-konsistenza u d-dehra tiegħu.

Il-proċess tal-produzzjoni tal-ġobon jeħtieġ li kull tank tal-ġobon jiġi mmonitorjat mill-qrib u l-ħinijiet, it-temperaturi u l-livelli ta’ aċidità rreġistrati jiġu kollha ddokumentati. Il-ħila, l-esperjenza u l-intuizzjoni tal-produtturi tal-ġobon u l-persunal tekniku huma essenzjali biex jiżguraw ġobon Yorkshire Wensleydale ta’ kwalità konsistenti kif inhu meħtieġ sabiex ikunu jistgħu jiġu identifikati d-diversi fatturi li jaffettwaw il-proċess tal-produzzjoni tal-ġobon abbażi ta’ ġurnata b’ġurnata u tank b’tank. Dawn jinkludu varjazzjoni staġjonali fil-kwalità tal-ħalib – il-ħalib tar-rebbiegħa, tas-sajf u tax-xitwa; prestazzjoni tal-kulturi tal-fermenti – kif u meta teskludi jew tintroduċi kulturi ġodda; l-effetti tat-temp. Meta jintużaw kulturi ħajjin u kwalità tal-ħalib li tvarja naturalment, ebda ġurnata mhi l-istess bħall-oħra, il-proċess jista’ jkun mgħaġġel jew bil-mod u għaldaqstant, sabiex jiġi żgurat ġobon konsistenti, il-proċess jiddependi fuq il-ħila, l-esperjenza u l-għarfien tal-produtturi tal-ġobon, li jkunu ġew imħarrġa b’mod speċifiku.

Għall-produzzjoni konsistenti ta’ ġobon “Yorkshire Wensleydale” tajjeb, il-produttur tal-ġobon jista’ jagħmel aġġustamenti f’kull stadju tal-proċess – pereżempju ż-żmien ta’ “maturazzjoni” jista’ jinbidel skont jekk il-kulturi tal-fermenti humiex mgħaġġlin jew bil-mod, it-temperaturi tas-samta jistgħu jinbidlu anke biex tiġi kkontrollata r-rata tal-iżvilupp tal-aċidu; il-veloċità/ir-rata li biha jiġi rrilaxxat ix-xorrox u d-daqs tal-biċċiet maqtugħin tal-baqta, u l-ħin li fih jiżdied il-melħ u l-ammont ta’ melħ miżjud kollu jiddependi fuq ir-rata tal-iżvilupp tal-aċidu matul il-produzzjoni, għal darb’oħra skont kemm il-kulturi fermenti huma mgħaġġla jew bil-mod.

Il-parametri kollha ewlenin tal-produtturi tal-ġobon segwiti fil-proċess tal-produzzjoni tal-“Yorkshire Wensleydale”, inkluża l-kwantità u t-tip ta’ kultura tal-fermenti, il-perjodi ta’ maturazzjoni, iż-żmien meta jiżdied it-tames, it-temperaturi u ż-żmien tas-samta u ż-żmien tat-tħawwid, flimkien mar-rata tal-iżvilupp tal-aċidità u l-aċidità finali tat-tmelliħ, huma uniċi għall-Yorkshire Wensleydale u dan l-istil ta’ ġobon huwa differenti minn dawk li huma iktar disponibbli kummerċjalment u mill-Wensleydale prodott bil-massa barra miż-żona speċifikata.

5.3. Rabta kawżali bejn iż-żona ġeografika u l-kwalità jew il-karatteristiċi tal-prodott (għad-DPO) jew kwalità speċifika, ir-reputazzjoni jew karatteristika oħra tal-prodott (għall-IĠP)

Meta l-patrijiet Ċisterċens issetiljaw fil-wied ta’ Wensleydale fis-sekli 11 u 12, ġabu magħhom il-ħiliet tagħhom għall-produzzjoni tal-ġobon, li iktar tard għaddewhom lill-bdiewa lokali. Il-“Yorkshire Wensleydale Cheese” għadu jsir b’riċetta li kważi ma sarilha ebda tibdil minn meta beda jsir il-ġobon kummerċjali fiż-żona fl-1897. Ir-riċetta użata llum tirreplika kważi għal kollox il-proċessi tal-produzzjoni tal-ġobon magħmul bl-idejn użata għal diversi ġenerazzjonijiet. Il-kulturi tal-fermenti speċifiċi li huma sottokulturati u propagati speċifikament għall-Yorkshire Wensleydale, flimkien mal-ħiliet meħtieġa biex isir prodott li jissodisfa d-deskrizzjoni meħtieġa u l-istandards ta’ kwalità għal dan il-ġobon, ikomplu jkunu rilevanti llum daqs kemm kienu fil-passat.

Il-karatteristiċi uniċi tat-togħma, il-konsistenza u d-dehra tal-Yorkshire Wensleydale, bit-togħma ħelwa, ta’ ħalib u lattika tiegħu, b’konsistenza mfarrka u msaffa huma kollha r-riżultat tal-kulturi fermenti uniċi u l-atmosfera tal-kremerija u l-għarfien u l-ħila tal-produtturi tal-ġobon u l-ħila tagħhom li jipproduċu ġobon b’dik il-kwalità konsistenti.

Minbarra l-ħila u x-xogħol involut fil-proċess tal-produzzjoni tal-ġobon, hija r-reputazzjoni tal-ġobon li għandha l-ikbar influwenza fuq l-ispeċifiċità tal-prodott. Ir-reputazzjoni tal-ġobon “Wensleydale” hija bbażata fuq il-kwalità, il-konsistenza, il-provenjenza u l-awtentiċità.

Ir-reputazzjoni tal-“Yorkshire Wensleydale” hija sinifikanti. Il-ġobon “Wensleydale” oriġina fiż-żona ddefinita matul is-sekli 11 u 12 u minn dak iż-żmien kompla jevolvi. Il-ġobon “Wensleydale” baqa’ jsir esklussivament fiż-żona ddefinita għal parti sew mis-seklu għoxrin, meta l-istil u l-isem tiegħu ġew ikkuppjati mill-produtturi tal-ġobon fil-pajjiż kollu u sar stil ta’ ġobon iktar ġeneriku msejjaħ “Wensleydale”. Madankollu, it-tradizzjoni tal-produzzjoni tal-ġobon skont riċetta antika kompliet fiż-żoni speċifikati. Il-produtturi tal-ġobon fiż-żoni speċifikati kellhom xorti kemm tajba u kemm ħażina. Tabilħaqq il-produzzjoni ta’ ġobon kważi kienet spiċċat f’Wensleydale matul id-dipressjoni tal-1930, iżda ġiet salvata minn Kit Calvert. Id-diżastru ġie evitat fl-1992, meta Dairy Crest fl-aħħar qablet li tbigħ The Hawes Creamery lil tim ta’ mmaniġġjar wara li l-kremerija għalqet. L-irziezet immaniġġjati mill-familji f’Wensleydale fornew il-ħalib għall-produzzjoni tal-ġobon għal ġenerazzjonijiet, u ġenerazzjonijiet suċċessivi ta’ produtturi tal-ġobon ikkonvertew dan il-ħalib f’ġobon imfittex ħafna u li rebaħ diversi unuri.

Illum, il-“Yorkshire Wensleydale” jista’ jinxtara mill-ħwienet ewlenin kollha tar-Renju Unit, minn delicatessens indipendenti, u mis-settur tas-servizz tal-ikel kollu. Il-“Yorkshire Wensleydale” għandu wkoll appoġġ li qed jiżdied f’ħafna swieq tal-esportazzjoni bħall-Istati Uniti u l-Kanada, fejn huwa rikonoxxut bħala ġobon ta’ kwalità għolja b’valur miżjud, b’oriġini ġenwina ta’ provenjenza u awtentiċità.

Matul is-snin, il-“Yorkshire Wensleydale” rebaħ diversi unuri u premijiet. Eżempji ta’ dawn il-premijiet jinkludu Best Territorial Cheese u Reserve Supreme Champion fin-Nantwich International Cheese Show fl-2000, u Best British Cheese u Premju tad-Deheb fil-World Cheese Awards tal-2004.

Ir-rabta bejn il-ġobon “Yorkshire Wensleydale” u ż-żona ġeografika ddefinita hija assoċjata sew fl-imħuħ tal-konsumaturi. Il-prodott jidher f’diversi gwidi tat-turisti bil-għan li jkun hemm viżitaturi li jżuru ż-żona, u dan għen ir-reputazzjoni tiegħu kemm fiż-żona ġeografika immedjata u kemm ’il barra minnha, bil-prodott jiġi mfittex ħafna bħala ġobon tal-ogħla kwalità f’kull tip ta’ ħanut u anke fir-ristoranti. Hemm ħafna referenzi għall-ġobon fil-kotba tat-tisjir, fil-kotba tal-istorja u fil-letteratura.

Il-“Yorkshire Wensleydale” jinbiegħ fl-iktar ħwienet prestiġjużi tal-ġobon u tad-delicatessen fil-bliet ewlenin fir-Renju Unit u lil hinn minnu. Harrods, Fortnum & Mason u John Lewis f’Londra jistokkjaw dan il-ġobon bħala “Wensleydale Cheese” ġenwin bi provenjenza u awtentiċità ġenwina u kwalità tal-ikel kumplessiva. Il-“Yorkshire Wensleydale” jista’ jinxtara mill-aħjar ħwienet f’Manhattan u Hong Kong. Neals Yard Dairy f’Londra, wieħed mill-aħjar ħwienet tal-ġobon fir-Renju Unit, u awtoritajiet rikonoxxuti fir-Renju Unit tal-ġobon artiġjanali u magħmul bl-idejn, ibigħu il-“Yorkshire Wensleydale” minn Hawes bħala l-uniku “Wensleydale” minħabba l-kwalitajiet distintivi u l-awtentiċità tiegħu.

Kokijiet magħrufa sew, inklużi Jamie Oliver u Rosemary Shrager, jużaw il-“Yorkshire Wensleydale” fir-riċetti u l-platti tal-ġobon tagħhom.

Referenza għall-pubblikazzjoni tal-ispeċifikazzjoni

(Artikolu 5(7) tar-Regolament (KE) Nru 510/2006 (3))

https://whitehall-admin.production.alphagov.co.uk/government/uploads/system/uploads/attachment_data/file/193717/yorks-wensleydale-cheese-pgi.pdf

(1) ĠU L 343, 14.12.2012, p. 1.

(2) Mibdul permezz tar-Regolament (UE) Nru 1151/2012.

(3) Ara n-nota f’qiegħ il-paġna Nru 2.

		ISSN 1977-0987 doi:10.3000/19770987.C_2013.231.mlt
Il-Ġurnal Uffiċjali tal-Unjoni Ewropea		C 231

Edizzjoni bil-Malti	Informazzjoni u Avviżi	Volum 56 9 ta' Awwissu 2013

Avviż Nru	Werrej	Paġna
	II Komunikazzjonijiet
	KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
	Il-Kummissjoni Ewropea
2013/C 231/01	Ebda oppożizzjoni għal konċentrazzjoni notifikata (Każ COMP/M.6972 – BC Partners/Springer Science + Business Media) ( 1 )	1

2013/C 231/02	Ebda oppożizzjoni għal konċentrazzjoni notifikata (Każ COMP/M.6961 – Goldman Sachs/Gávea Investimentos/JV) ( 1 )	1

2013/C 231/03	Ebda oppożizzjoni għal konċentrazzjoni notifikata (Każ COMP/M.6697 – OW Bunker/Bergen Bunkers) ( 1 )	2

2013/C 231/04	Ebda oppożizzjoni għal konċentrazzjoni notifikata (Każ COMP/M.6891 – Agrofert/Lieken) ( 1 )	2

	V Avviżi
	PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI
	Il-Kummissjoni Ewropea
2013/C 231/07	Notifika minn qabel ta' konċentrazzjoni (Każ COMP/M.6863 – Avnet EMG/MSC Investoren) ( 1 )	6

2013/C 231/08	Notifika minn qabel ta' konċentrazzjoni (Każ COMP/M.6978 – Banco Popular SA/Group Crédit Mutuel/ATM Business) ( 1 )	7

2013/C 231/09	Notifika minn qabel ta' konċentrazzjoni (Każ COMP/M.7002 – M&G/Alliance Medical) – Każ li jista' jiġi kkunsidrat għal proċedura simplifikata ( 1 )	8

	ATTI OĦRAJN
	Il-Kummissjoni Ewropea
2013/C 231/10	Pubblikazzjoni ta’ applikazzjoni skont l-Artikolu 50(2)(a) tar-Regolament (UE) Nru 1151/2012 tal-Parlament Ewropew u tal-Kunsill dwar skemi tal-kwalità għal prodotti agrikoli u oġġetti tal-ikel	9

2013/C 231/11	Pubblikazzjoni ta’ applikazzjoni skont l-Artikolu 50, il-paragrafu 2, il-punt a), tar-Regolament (UE) Nru 1151/2012 tal-Parlament Ewropew u tal-Kunsill, dwar skemi tal-kwalità għal prodotti agrikoli u oġġetti tal-ikel	14

2013/C 231/12	Pubblikazzjoni ta’ applikazzjoni skont l-Artikolu 50(2)(a) tar-Regolament (UE) Nru 1151/2012 tal-Parlament Ewropew u tal-Kunsill dwar skemi tal-kwalità għal prodotti agrikoli u oġġetti tal-ikel	20

	IV Informazzjoni
	INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
	Il-Kummissjoni Ewropea
2013/C 231/05	Rata tal-kambju tal-euro	3

	INFORMAZZJONI MILL-ISTATI MEMBRI
2013/C 231/06	Avviż ta' applikazzjoni għal permess ta' tiftix ta' idrokarbonji likwidi u gassużi bl-isem Costa la Rocca – Ir-Reġjun ta' Sqallija – Il-Ministeru Reġjonali Għall-Enerġija u S-Servizzi Pubbliċi – Id-Dipartiment Reġjonali tal-Enerġija – L-Uffiċċju Reġjonali Għall-Idrokarburi u l-Enerġija Ġeotermali (U.R.I.G.)	4


	(1) Test b’relevanza għaż-ŻEE