“Artikolu 1

Kamp ta' Applikazzjoni

1.   Din id-Deċiżjoni hija applikabbli għall-kontribuzzjonijiet imħallsa mill-Kummissjoni Ewropea (minn hawn ’il quddiem ‘il-Kummissjoni’) għall-Iskejjel Ewropej tat-Tip II skont it-tifsira tal-Artikolu 2(8) ta' din d-Deċiżjoni jew għall-korpi pubbliċi jew privati nazzjonali responsabbli għal dawn l-iskejjel,

(a)	f’isimha stess għat-tfal tal-persunal tal-UE tal-Kummissjoni li huma rreġistrati fl-Iskejjel Ewropej tat-Tip II kkonċernati, jew

(b)

f’isem u għan-nom ta’ istituzzjonijiet Ewropej oħra u korpi oħra, għat-tfal tal-persunal tal-UE tagħhom li huma rreġistrati fl-Iskejjel Ewropej tat-Tip II kkonċernati, jekk il-korpi li f’isimhom u għan-nom tagħhom il-Kummissjoni ħallset il-kontribuzzjonijiet impenjaw ruħhom li jirrimborżaw lill-Kummissjoni lura abbażi tal-Ftehim ta' Mandat u Servizz skont it-tifsira tal-Artikolu 2(12) ta' din id-Deċiżjoni.

2.   Din id-Deċiżjoni tapplika għal kwalunkwe tilwima li tikkonċerna l-eliġibbiltà tat-tfal ta’ individwi impjegati mill-Kummissjoni bħala tfal tal-persunal tal-UE skont it-tifsira tal-Artikolu 2(3).

3.   Din id-Deċiżjoni ma tapplikax, b’mod partikolari, għal kwistjonijiet relatati mal-akkreditazzjoni ta’ Skola Ewropea ta' Tip II, għall-eliġibbiltà tat-tfal tal-membri tal-persunal ta' istituzzjonijiet Ewropej oħra u korpi oħra bħala tfal tal-persunal tal-UE skont it-tifsira tal-Artikolu 2(3) ta’ din id-Deċiżjoni, u lanqas għal kwalunkwe kwistjoni oħra relatata ma’ interazzjoni diretta bejn istituzzjonijiet Ewropej u korpi oħra u Skola Ewropea tat-Tip II jew korp pubbliku jew privat nazzjonali inkarigat minnu.

Artikolu 2

Definizzjonijiet

1.   ‘Skola Ewropea Akkreditata’ hija skola fi Stat Membru tal-Unjoni Ewropea li tkun kisbet akkreditazzjoni għat-Tagħlim Ewropew mill-Bord tal-Gvernaturi tal-Iskejjel Ewropej.

2.   Il-‘perjodu ta’ akkreditazzjoni’ u l-‘livell akkreditat’ huma l-perjodu u l-livell li għalih l-akkreditazzjoni għal Tagħlim Ewropew mill-Bord tal-Gvernaturi hija valida.

3.   ‘Studenti tal-persunal tal-UE’ huma l-ulied, inklużi orfni, ta’:

(a)	Membri jew Membri preċedenti tal-istituzzjonijiet tal-Unjoni Ewropea,

(b)

il-membri tal-persunal attivi fis-servizz jew il-pensjonanti tal-istituzzjonijiet u korpi oħra tal-Unjoni Ewropea li huma eliġibbli għal konċessjoni għall-edukazzjoni skont l-Artikolu 3(1) tal-Anness VII tar-Regolamenti tal-Persunal tal-Uffiċjali u l-Kundizzjonijiet tal-Impjieg ta’ Impjegati oħra tal-Unjoni Ewropea (5) (minn hawn ’il quddiem ‘ir-Regolamenti tal-Persunal’).

4.   Il-‘konċessjoni unika annwali għall-edukazzjoni’ hija l-ammont ekwivalenti għal tnax-il (12) darba l-konċessjonijiet massimi ta' kull xahar għall-edukazzjoni skont l-Artikolu 3(1) tal-Anness VII tar-Regolamenti tal-Persunal kif applikabbli fil-bidu tas-sena skolastika kkonċernata.

5.   ‘Sena skolastika’ hija l-perjodu ta' 10 xhur bejn l-1 ta’ Settembru tas-sena N u t-30 ta’ Ġunju tas-sena N + 1, li jservi bħala bażi għall-kalkolu tal-kontribuzzjoni tal-UE.

6.   ‘Xahar ta’ reġistrazzjoni’ huwa kwalunkwe xahar kalendarju matul is-sena skolastika, li matulu l-istudent tal-persunal tal-UE kkonċernat kien inkiteb fi Skola Ewropea tat-Tip II.

7.   ‘Skejjel Ewropej tat-Tip I’ huma skejjel fit-tifsira tal-Konvenzjoni li tiddefinixxi l-Istatut tal-Iskejjel Ewropej (6).

8.   ‘Skejjel Ewropej tat-Tip II’ huma Skejjel Ewropej Akkreditati fejn l-istudenti tal-persunal tal-UE jingħataw reġistrazzjoni prijoritarja mingħajr ħlas.

9.   Il-‘benefiċjarju’ huwa l-Iskola Ewropea tat-Tip II jew il-korp pubbliku jew privat nazzjonali, inkarigat minnha li jirċievi kontribuzzjoni tal-UE bħala kumpens għall-għoti ta' reġistrazzjoni prijoritarja mingħajr ħlas fi Skola Ewropea tat-Tip II lill-istudenti tal-persunal tal-UE.

10.   Il-‘kontribuzzjoni tal-UE’ hija l-kontribuzzjoni li l-Kummissjoni tħallas lil benefiċjarju għal kull student tal-persunal tal-UE rreġistrat f’livelli akkreditati fl-iskola matul il-perjodu ta’ akkreditazzjoni u hija proporzjonata għad-durata tar-reġistrazzjoni attwali tiegħu/tagħha, kemm jekk f’isimha kif ukoll jekk abbażi tal-Ftehim ta' Mandat u Servizz, f’isem u għan-nom ta’ xi istituzzjoni Ewropea oħra jew korp ieħor.

11.   ‘Ftehim dwar il-Kontribuzzjoni tal-UE’ huwa ftehim konkluż mill-Kummissjoni mal-benefiċjarju f'isem il-Kummissjoni nnifisha u/jew, abbażi ta' Ftehim ta' Mandat u Servizz validu, f’isem u għan-nom ta’ xi istituzzjoni Ewropea oħra jew korp ieħor fir-rigward tal-kalkolu u l-kundizzjonijiet ta’ ħlas u rkupru possibbli ta’ kontribuzzjoni tal-UE.

12.   ‘Ftehim ta' Mandat u Servizz’ (minn hawn ’il quddiem ‘FMS’) huwa ftehim bejn il-Kummissjoni u istituzzjoni Ewropea oħra jew korp ieħor, li fiha dawn tal-aħħar jagħtu mandat lill-Kummissjoni biex tikkonkludi u timplimenta, f’isimhom u għan-nom tagħhom, Ftehimiet dwar il-Kontribuzzjoni tal-UE ma’ benefiċjarji li jagħtu lill-istudenti tal-persunal tal-UE tagħhom reġistrazzjoni prijoritarja mingħajr ħlas, u jimpenjaw ruħhom biex jerfgħu l-ispejjeż imġarrba mill-Kummissjoni.

Artikolu 3

Kundizzjonijiet għal pagament

1.   Għall-perjodu ta' akkreditazzjoni u l-livelli akkreditati, il-Kummissjoni tħallas, f’isimha stess jew f'isem u għan-nom ta’ istituzzjoni Ewropea oħra jew korp ieħor, kontribuzzjoni tal-UE għal kull student tal-persunal tal-UE rreġistrat fi Skola Ewropea tat-Tip II lill-benefiċjarju kkonċernat, ikkalkulata xahar b'xahar skont l-Artikoli 5 u 6 ta' din d-Deċiżjoni, jekk il-kundizzjonijiet skont il-paragrafi 2 u 3 ta’ dan l-Artikolu huma sodisfatti.

2.   Jekk il-Kummissjoni taġixxi f’isem u għan-nom ta’ istituzzjoni Ewropea oħra jew korp ieħor, qabel il-konklużjoni ta’ Ftehim dwar il-Kontribuzzjoni tal-UE jridu jintlaħqu l-kundizzjonijiet li ġejjin:

(a)	Il-Kummissjoni kkonkludiet FMS validu għas-snin tal-baġit li fih il-kontribuzzjoni tal-UE kkonċernata għandha tiġi impenjata, abbażi tal-ftehim mudell mehmuż bħala l-Anness I ta' ma' din id-Deċiżjoni;

(b)	il-Kummissjoni ssottomettiet kopja ffirmata tal-FMS lill-benefiċjarju.

3.   Indipendentement minn jekk il-Kummissjoni taġixxix għan-nom tagħha stess jew f’isem u għan-nom ta’ istituzzjoni Ewropea oħra jew korp ieħor, iridu jintlaħqu l-kundizzjonijiet li ġejjin:

(a)	Il-benefiċjarju kkonkluda Ftehim dwar il-Kontribuzzjoni tal-UE mal-Unjoni Ewropea rrappreżentata mill-Kummissjoni, abbażi tal-ftehim mudell mehmuż bħala l-Anness II ta' ma' din id-Deċiżjoni;

(b)	Il-benefiċjarju jeżenta lill-istudenti tal-persunal tal-UE koperti mill-Ftehim dwar il-Kontribuzzjoni tal-UE u li huma rreġistrat f’livelli akkreditati mill-miżati skolastiċi u jagħtihom prijorità fir-rigward tar-reġistrazzjoni fl-Iskola Ewropea tat-Tip II kkonċernata;

(c)	Il-benefiċjarju jiżgura t-trażmissjoni lill-Kummissjoni taċ-ċifri u d-dejta meħtieġa għall-verifika, il-kalkolu u l-ħlas tal-kontribuzzjoni tal-UE fi żmien l-iskadenzi previsti fl-Artikolu 9 ta’ din id-Deċiżjoni;

(d)	Il-benefiċjarju jiżgura l-ġabra u l-preservazzjoni tad-dokumenti u d-dejta meħtieġa għall-verifika taċ-ċifri u d-dejta msemmija fis-subparagrafu (c) ta’ dan il-paragrafu.

Artikolu 4

Konverżjoni ta’ Skola Ewropea tat-Tip I fi Skola Ewropea tat-Tip II

Fejn Skola Ewropea tat-Tip I tibdel l-istatus tagħha għal dak ta’ Skola Ewropea tat-Tip II l-Kummissjoni tista’ tiddetermina kontribuzzjoni ogħla tal-UE għall-Iskola Ewropea tat-Tip II matul perjodu ta’ tranżizzjoni, filwaqt li jitqiesu l-ispejjeż assoċjati mat-tranżizzjoni u mal-ħtieġa li tiġi żgurata l-kontinwità tal-edukazzjoni ta’ studenti tal-persunal tal-UE. Għalhekk l-ammont determinat ma jaqbiżx l-ammont tal-kontribuzzjoni tal-UE li saret lill-Iskola Ewropea tat-Tip I qabel it-tranżizzjoni u dan jibda jonqos matul il-perjodu ta’ tranżizzjoni.

Artikolu 5

Kalkolu tal-kontribuzzjoni tal-UE għal kull student tal-persunal tal-UE

Il-kontribuzzjoni tal-UE għal kull student tal-persunal tal-UE huwa kkalkulat kif ġej:

(a)	Għall-istudenti tal-persunal tal-UE rreġistrati f'livelli akkreditati tal-Kindergarten u skola Primarja:

(a)	Għall-istudenti tal-persunal tal-UE rreġistrati f'livelli akkreditati ta' skola sekondarja:

Artikolu 6

Kondizzjonijiet tal-kontribuzzjoni tal-UE

1.   Kull meta d-dħul mill-awtorità baġitarja tal-Unjoni Ewropea ta’ fondi fil-baġit tal-Kummissjoni jew l-istituzzjonijiet Ewropej jew korpi oħra mhix biżżejjed biex tkopri l-kontribuzzjoni tal-UE kif stabbilita f'konformità mal-Artikolu 5 ta’ din id-Deċiżjoni, il-kontribuzzjoni tal-UE tal-Kummissjoni, l-istituzzjonijiet Ewropej u entitajiet oħra kkonċernati bid-dħul insuffiċjenti ta’ fondi, tista’ titnaqqas prorata. F'dak il-każ, il-Kummissjoni:

(a)	tgħarraf lill-benefiċjarji kkonċernati bis-sitwazzjoni u toffrilhom kontribuzzjoni mnaqqsa tal-UE għal kull student għas-sena skolastika N/N + 1 qabel il-15 ta’ Frar tas-sena N (data ta’ meta tintbagħat);

(b)	ittemm jew ma ġġeddidx il-Ftehim dwar il-Kontribuzzjoni tal-UE fis-seħħ, jekk il-benefiċjarju ma jkunx aċċetta l-offerta sat-30 ta’ April tas-sena N (data ta’ meta tintbagħat).

2.   Jekk, fl-1 ta’ Jannar ta’ sena partikolari, il-baġit tal-Unjoni Ewropea jew korp Ewropew ikkonċernat ma jkunx ġie adottat u għalhekk l-approprjazzjonijiet disponibbli kull xahar għall-Kummissjoni jew korp ikunu limitati għal wieħed minn tnax tal-approprjazzjonijiet disponibbli fil-baġit għas-sena finanzjarja preċedenti skont l-Artikolu 16 tar-Regolament (UE, Euratom) Nru 966/2012, il-ħlas jitħallas kull xahar abbażi tal-ammont annwali mħallas fis-sena ta’ qabel.

3.   L-imgħax fuq il-ħlas differit ikun dovut bi dritt skont l-Artikolu 83 tar-Regolament ta’ Delega tal-Kummissjoni (UE) Nru 1268/2012 tad-29 ta’ Ottubru 2012 dwar ir-regoli tal-applikazzjoni tar-Regolament (UE, Euratom) Nru 966/2012 tal-Parlament Ewropew u tal-Kunsill dwar ir-regoli finanzjarji applikabbli għall-baġit ġenerali tal-Unjoni (7).

Artikolu 7

L-għoti tas-setgħa

1.   Id-Direttur Ġenerali tad-DĠ HR għandu jingħata s-setgħa li jikkonkludi, f’isem u għan-nom tal-Kummissjoni, FMS mal-istituzzjonijiet Ewropej u korpi oħra li f'isimhom u għan-nom tagħhom il-Kummissjoni tkun bi ħsiebha tikkonkludi Ftehim dwar il-Kontribuzzjoni tal-UE bbażat fuq il-ftehim mudell mehmuż bħala l-Anness I ta’ din id-Deċiżjoni.

2.   Id-Direttur Ġenerali tad-DĠ HR għandu jingħata s-setgħa li jikkonkludi, f’isem u għan-nom tal-Kummissjoni u istituzzjonijiet u korpi Ewropej oħra, li magħhom jeżisti FMS validu għas-snin tal-baġit ikkonċernati, Ftehim dwar il-Kontribuzzjoni tal-UE mal-benefiċjarju bbażat fuq il-ftehim mudell mehmuż bħala l-Anness I ta’ din id-Deċiżjoni.

3.   Id-Direttur Ġenerali tad-DĠ HR għandu jingħata s-setgħa li jikkonkludi, f’isem u għan-nom tal-Kummissjoni u istituzzjonijiet u korpi Ewropej oħra, li magħhom ġie konkluż FMS speċifiku għal dan il-għan, Ftehim dwar il-Kontribuzzjoni tal-UE speċifiku fil-każ imsemmi fl-Artikolu 4 ta’ din id-Deċiżjoni.

Artikolu 8

Proċedura ta' ħlas u rkupru

1.   Il-Kummissjoni, f’isimha stess jew f’isem u għan-nom tal-Istituzzjonijiet Ewropej l-oħra jew korpi oħra li jaqgħu fil-kamp ta' applikazzjoni tal-Ftehim dwar il-Kontribuzzjoni tal-UE, tħallas kontribuzzjoni tal-UE lill-benefiċjarju, fuq il-kont bankarju msemmi fil-Ftehim dwar il-Kontribuzzjoni tal-UE.

2.   Ħlas ta’ prefinanzjament tal-kontribuzzjoni tal-UE għas-sena skolastika N/N + 1 għandu jsir sal-31 ta’ Diċembru tas-sena baġitarja N ibbażat fuq id-dejta u ċ-ċifri indikattivi provduti skont l-Artikolu 9(1) ta' din id-Deċiżjoni fil-bidu ta’ din is-sena skolastika flimkien mal-pagament finali tal-kontribuzzjoni tal-UE għas-sena skolastika N – 1/N.

3.   Il-pagament finali għas-sena skolastika N – 1/N ikun ibbażat fuq id-dejta u ċ-ċifri finali pprovduti skont l-Artikolu 9(2) ta' din id-Deċiżjoni u mnaqqas mill-prefinanzjament imħallas għall-istess sena skolastika.

4.   Il-pagament finali għas-sena skolastika N – 1/N jiġi kkumpensat bil-ħlas ta' prefinanzjament għas-sena skolastika N/N + 1.

5.   Il-ħlas applikabbli u l-proċeduri ta’ rkupru huma previsti fir-regoli Finanzjarji applikabbli għall-baġit ġenerali tal-Unjoni (8) u fl-abbozz tal-Ftehim dwar il-Kontribuzzjoni tal-UE fl-Anness II għad-Deċiżjoni attwali.

Artikolu 9

Il-forniment tad-dejta meħtieġa għall-kalkolu tal-kontribuzzjoni tal-UE

1.   F’konformità mal-leġiżlazzjoni applikabbli dwar il-protezzjoni tad-dejta, il-benefiċjarju jiżgura li jiġbor u jforni lill-Kummissjoni jew istituzzjonijiet oħra tal-UE u korpi oħra li jaqgħu fil-kamp ta' applikazzjoni tal-Ftehim dwar il-Kontribuzzjoni tal-UE bid-dejta li ġejja dwar is-sena skolastika N/N + 1 qabel is-16 ta’ Settembru tas-sena N:

(a)	l-isem/ismijiet sħiħ/sħaħ tal-persunal tal-UE li huma l-ġenituri tal-istudent(i) rreġistrat(i);

(b)	id-denominazzjoni tal-istituzzjoni tal-UE jew korp ieħor li minnu l-ġenitur(i) li huma persunal tal-UE jew l-istudent(i) tal-persunal tal-UE jieħdu l-istatus tagħhom;

(c)	l-isem/ismijiet sħiħ/sħaħ tal-istudent(i) tal-persunal tal-UE rreġistrat(i);

(d)	il-livell akkreditat tal-Kindergarten, Primarja jew Sekondarja, li fih huwa rreġistrat kull student tal-persunal tal-UE;

(e)	in-numru ta’ xhur ta’ reġistrazzjoni previsti għal kull student tal-persunal tal-UE eliġibbli fil-livell ta' Kindergarten, skola Primarja jew Sekondarja.

2.   F’konformità mal-leġiżlazzjoni applikabbli dwar il-protezzjoni tad-dejta, il-benefiċjarju jiżgura li jiġbor u jforni lill-Kummissjoni jew istituzzjonijiet oħra tal-UE u korpi oħra li jaqgħu fil-kamp ta' applikazzjoni tal-Ftehim dwar il-Kontribuzzjoni tal-UE bid-dejta li ġejja dwar is-sena skolastika N/N + 1 qabel is-16 ta’ Lulju tas-sena N + 1:

(a)	l-isem/ismijiet sħiħ/sħaħ tal-persunal tal-UE li huma l-ġenituri tal-istudent(i) rreġistrat(i);

(b)	id-denominazzjoni tal-istituzzjoni tal-UE jew korp ieħor li minnu l-ġenitur(i) li huma persunal tal-UE jew l-istudent(i) tal-persunal tal-UE jieħdu l-istatus tagħhom;

(c)	l-isem/ismijiet sħiħ/sħaħ tal-istudent(i) tal-persunal tal-UE rreġistrat(i);

(d)	il-livell akkreditat tal-Kindergarten, ta' skola Primarja jew Sekondarja, fejn kull student tal-persunal tal-UE huwa rreġistrat;

(e)	in-numru reali ta’ xhur ta' reġistrazzjoni ta' kull student tal-persunal tal-UE eliġibbli fil-livell ta' Kindergarten, skola Primarja jew Sekondarja.

Artikolu 10

Il-ġbir, iż-żamma u l-verifika tad-dejta

F’konformità mal-leġiżlazzjoni applikabbli dwar il-protezzjoni tad-dejta, il-benefiċjarju jiżgura li għal perjodu ta’ ħames (5) snin wara t-tmiem tas-sena skolastika N/N + 1, id-dejta kollha rilevanti tinġabar, tinżamm, u ssir disponibbli f’każ ta’ verifika mill-Kummissjoni jew minn xi istituzzjoni Ewropea oħra inkarigata mill-verifika taċ-ċifri u d-dejta trażmessa skont l-Artikolu 9 ta’ din id-Deċiżjoni. Dawn jinkludu d-dokumenti oriġinali tal-kontabbiltà u kopji ċċertifikati tad-dokumenti kollha rilevanti għall-pagament, u, b’mod partikolari, prova għad-dejta trażmessa skont l-Artikolu 9 ta’ din id-Deċiżjoni.

Artikolu 11

Liġi applikabbli u qrati kompetenti

1.   Il-kontribuzzjoni tal-UE hija rregolata bit-termini ta’ din id-Deċiżjoni tal-Kummissjoni, il-Ftehim dwar il-Kontribuzzjoni tal-UE, il-liġi tal-Unjoni Ewropea, u, fuq bażi sussidjarja, il-liġi tal-Istat Membru fejn il-benefiċjarju jkun ibbażat.

2.   Il-benefiċjarju jista’ jressaq proċedimenti legali fir-rigward ta’ deċiżjonijiet tal-Kummissjoni dwar l-applikazzjoni tad-dispożizzjonijiet tal-Ftehim dwar il-Kontribuzzjoni tal-UE quddiem il-Qorti Ġenerali u, fil-każ ta’ appell, lill-Qorti tal-Ġustizzja.

Artikolu 12

Id-dħul fis-seħħ u l-pubblikazzjoni

1.   Din id-Deċiżjoni tidħol fis-seħħ fil-jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea għal Ftehimiet dwar il-Kontribuzzjoni tal-UE kollha konklużi wara dik id-data.

2.   Il-Ftehimiet dwar il-Kontribuzzjoni tal-UE konklużi qabel l-adozzjoni ta' din id-Deċiżjoni jibqgħu effettivi sakemm tiġi ffissata d-data ta’ skadenza li jkun imiss skont il-Ftehim rispettiv, sakemm ma jkunx miftiehem mod ieħor mill-partijiet fil-Ftehim.

3.   Fil-każijiet skont il-paragrafu 2 ta’ dan l-Artikolu, din id-Deċiżjoni tapplika mill-jum wara d-data li fiha jiskadi l-Ftehim dwar il-Kontribuzzjoni tal-UE rispettiv għall-bqija tas-sena skolastika, sakemm ma jkunx miftiehem mod ieħor mill-partijiet fil-Ftehim.

ANNESS I

[MUDELL]  (1)

FTEHIM TA' MANDAT U SERVIZZ

dwar il-kollaborazzjoni bejn [l-isem sħiħ tal-istituzzjoni Ewropea jew korp ieħor, li t-tfal tal-persunal tiegħu għandhom jingħataw reġistrazzjoni prijoritarja mingħajr ħlas fi Skola Ewropea tat-Tip II (minn hawn 'il quddiem“[Akronimu tal-istituzzjoni Ewropea jew korp ieħor, minn hawn 'il quddiem imqassar ‘AKRONIMU’]”)]u l-Kummissjoni Ewropea

[AKRONIMU], rappreżentat għall-finijiet tal-Ftehim ta' Mandat u Servizz attwali minn [it-titlu tal-kariga tar-rappreżentant legali tiegħu] tiegħu, [isem ir-rappreżentant legali],

kif ukoll

il-Kummissjoni Ewropea (minn issa ’l quddiem “il-Kummissjoni”), rappreżentata għall-finijiet ta’ dan il il-Ftehim ta' Mandat u Servizz mid-Direttur-Ġenerali tad-Direttorat-Ġenerali għar-Riżorsi Umani u s-Sigurtà, [isem id-Direttur Ġenerali],

Wara li kkunsidrat id-Deċiżjoni tal-Kummissjoni C(2013)[…] ta' […] dwar l-implimentazzjoni tal-kontribuzzjoni tal-UE mħallsa fuq bażi prorata lill-iskejjel akkreditati mill-Bord tal-Gvernaturi tal-Iskejjel Ewropej skont in-numru ta’ tfal tal-persunal tal-UE rreġistrati, li tieħu post id-Deċiżjoni tal-Kummissjoni C(2009) 7719 tal-14 ta’ Ottubru 2009 kif emendata bid-Deċiżjoni tal-Kummissjoni C(2010) 7993 tat-8 ta’ Diċembru 2010 (minn hawn 'il quddiem “id-Deċiżjoni tal-Kummissjoni”), u b'mod partikolari l-Artikolu 2 tagħha,

[għażla fil-każ ta' Arranġament Amministrattiv Qafas bejn il-Kummissjoni rappreżentata mid-DĠ HR mal-istituzzjoni jew il-korp ieħor ikkonċernati: Wara li kkunsidrat l-Arranġament Amministrattiv Qafas bejn il- [AKRONIMU] u d-dipartimenti tal-Kummissjoni tad-[data] (minn hawn 'il quddiem: “l-FAA”)],

Billi d-dispożizzjoni reġistrazzjoni prijoritarja mingħajr ħlas fi Skejjel Ewropej għat-tfal tal-persunal tal-UE hija r-responsabbiltà ta’ kull istituzzjoni Ewropea jew korp ieħor li jimpjegaw dan il-persunal fl-awtonomija amministrattiva tagħhom skont it-tifsira tal-Artikolu 54(2)(e) tar-Regolament (UE, Euratom) Nru 966/2012 tal-Parlament Ewropew u tal-Kunsill tal-25 ta’ Ottubru 2012 (2) dwar ir-regoli finanzjarji applikabbli għall-baġit ġenerali tal-Unjoni u li jħassar ir-Regolament tal-Kunsill (KE, Euratom) Nru 1605/2002,

billi l-Kummissjoni se tikkonkludi Ftehim dwar il-Kontribuzzjoni tal-UE għal Skola[skejjel] Ewropej tat-Tip II skont it-tifsira tad-Deċiżjoni tal-Kummissjoni, imsemmija fl-Artikolu 1(2) tal-Ftehim attwali, li jkopri lill-istudenti tal-persunal tal-UE kollha [AKRONIMU] rreġistrati f’ [din/dawn l-iskola(iskejjel)]

FTIEHMU KIF ĠEJ:

Artikolu 1

Kamp ta' applikazzjoni

1.   Il-kollaborazzjoni bejn [AKRONIMU] u l-Kummissjoni fir-rigward tal-implimentazzjoni tal-Ftehim[iet] ta' Kontribuzzjoni tal-UE li għandu/hom jiġi/u konkluż/i mill-Kummissjoni f'isem u għan-nom ta' [AKRONIMU] mal-iskola[iskejjel] Ewropea/Ewropej tat-Tip II (minn hawn 'il quddiem “SE Tip II”) u/jew il-korp nazzjonali pubbliku jew privat responsabbli [għaliha/għalihom] (minn hawn 'il quddiem “korpi nazzjonali”) imsemmija fil-paragrafu 2 ta' dan l-Artikolu hija rregolata bi [għażla fil-każ ta' Ftehim Qafas eżistenti bejn il-Kummissjoni/DĠ HR u l-istituzzjoni Ewropea jew il-korp ikkonċernati: it-termini tal-FAA u] it-termini tal-Ftehim ta' Mandat u Servizz attwali (minn hawn 'il quddiem “FMS”) [għażla:, li se tinhemeż mal-FAA bħala parti integrali minnu].

2.   Dan il-FMS japplika għall-Ftehim[iet] ta' Kontribuzzjoni tal-UE li għandu/għandhom jiġi/u konkluż/i mill-Kummissjoni f’isem u għan-nom ta' [AKRONIMU] ma’ dawn [SE tat-Tip II u/jew korp/i nazzjonali] (minn hawn 'il quddiem “benefiċjarj[u/i]”):

(a)	[[isem uffiċjali tal-SE tat-Tip II] [jew: [isem uffiċjali tal-korp nazzjonali] għal [isem uffiċjali tal-SE tat-Tip II]] u l-indirizz tagħha] [.] [għażla:, kif ukoll]

(b)	[[isem uffiċjali tal-SE tat-Tip II] [jew: [isem uffiċjali tal-korp nazzjonali] għal [isem uffiċjali tal-SE tat-Tip II]] u l-indirizz tagħha] [.] [għażla:, kif ukoll]

(c)

[…]

3.   L-annessi li ġejjin jiffurmaw parti integrali minn dan il-FMS:

(a)

Anness I: Id-Deċiżjoni tal-Kummissjoni C(2013)[…] ta' […] dwar l-implimentazzjoni tal-kontribuzzjoni tal-UE mħallsa fuq bażi prorata lill-iskejjel akkreditati mill-Bord tal-Gvernaturi tal-Iskejjel Ewropej skont in-numru ta’ tfal tal-persunal tal-UE rreġistrati, li tieħu post id-Deċiżjoni tal-Kummissjoni C(2009) 7719 tal-14 ta’ Ottubru 2009 kif emendata bid-Deċiżjoni tal-Kummissjoni C(2010) 7993 tat-8 ta’ Diċembru 2010 (minn hawn 'il quddiem “id-Deċiżjoni tal-Kummissjoni”);

(b)

Anness II: Abbozz Finali tal-Ftehim[iet] tal-Kontribuzzjoni tal-UE mal-benefiċjarj[u/i]msemmija fil-paragrafu 2 ta’ dan l-Artikolu, li permezz tiegħu t-tfal tal-persunal tal-UE ta’ [AKRONIMU] firmatarju ta’ dan il-FMS għandhom jingħataw reġistrazzjoni prijoritarja mingħajr ħlas (minn hawn ’il quddiem il-“Ftehim[iet]ta' Kontribuzzjoni tal-UE“).

Artikolu 2

Mandat

Il- [AKRONIMU] jagħti l-mandat lill-Kummissjoni rrappreżentata mid-Direttur Ġenerali tad-Direttorat Ġenerali tar-Riżorsi Umani u tas-Sigurtà (minn hawn ’il quddiem “DĠ HR“) biex tikkonkludi u timplimenta f’isimha u għan-nom tagħha l-Ftehim[iet] ta' Kontribuzzjoni tal-UE mal-benefiċjarj[u/i], mehmuż bħala [l-] abbozz[i] finali fl-Anness II ta dan il-FMS.

Artikolu 3

It-trażmissjoni tal-Ftehim dwar il-Kontribuzzjoni tal-UE

Wara l-konklużjoni tal-Ftehim[iet] ta' Kontribuzzjoni tal-UE mal-benefiċjarj[u/i] f’isem u għan-nom [AKRONIMU], il-Kummissjoni tittrażmetti kopja ffirmata tal-Ftehim[iet] tal-Kontribuzzjoni tal-UE [I] lil [AKRONIMU] fi żmien għaxart (10) ijiem tax-xogħol wara l-firma tiegħu.

Artikolu 4

Il-ħatra ta’ persuna ta’ kuntatt ċentrali

1.   Bi skambju ta’ noti bejn [it-titlu tal-kariga tar-rappreżentant legali] ta' [AKRONIMU] u d-Direttur Ġenerali tad-DĠ HR, kull wieħed minnhom għandu jaħtar persuna ta’ kuntatt ċentrali għall-kwistjonijiet kollha li għandhom x’jaqsmu ma’ dan il-FMS. Il-ħatra ssir b’referenza għall-kariga okkupata mill-persuna kkonċernata. Din tista’ tiġi modifikata b’notifika unilaterali fi kwalunkwe ħin.

2.   Il-persuna ta’ kuntatt ċentrali fi [AKRONIMU] hija parti mid-Dipartiment tar-Riżorsi Umani tagħha.

3.   Il-partijiet f'dan il-FMS jinnotifikaw lil xulxin u lill-benefiċjarj[u/i] bid-dettalji tal-kuntatt tal-persuna ta’ kuntatt ċentrali u b’kull bidla f’dan ir-rigward.

4.   Il-persuna ta’ kuntatt ċentrali maħtura fid-DĠ HR torganizza mill-inqas laqgħa annwali waħda ma’ [AKRONIMU] biex jiddiskutu u jikkoordinaw il-kwistjonijiet.

5.   Barra minn hekk, il-persuni ta’ kuntatt ċentrali jikkomunikaw kif meħtieġ jew meta parti waħda titlobhom jirrevedu l-implimentazzjoni ta’ dan il-FMS u biex jindirizzaw kwistjonijiet relatati mal-ġestjoni. Jekk ikun jidher meħtieġ, huma se jipproponu kwalunkwe bidliet meħtieġa fl-FMS, li jridu jiġu vvalidati minn [kariga] ta' [AKRONIMU] u d-Direttur Ġenerali tad-DĠ HR.

Artikolu 5

L-istabbiliment tal-baġit u l-għoti ta’ fondi

1.   Għall-previżjoni tal-baġit għas-sena N + 1, f’kollaborazzjoni ma' [AKRONIMU] u abbażi tan-numru ta’ studenti tal-persunal tal-UE fis-sena skolastika N – 1/N, il-Kummissjoni tistma li n-numru ta' studenti tal-persunal tal-UE li jikkorrispondi għal [AKRONIMU] mistennija li jiġu rreġistrati fis-sena skolastika N + 1/N + 2 u tikkalkula l-kontribuzzjoni korrispondenti tal-UE skont l-Artikolu 5 tad-Deċiżjoni tal-Kummissjoni u l-Artikolu 5 tal-Ftehim dwar il-Kontribuzzjoni tal-UE.

2.   Għas-sena N, [AKRONIMU] jiżgura li l-ammont li jikkorrispondi għall-kontribuzzjoni tal-UE stmata għall-istudenti tal-persunal tal-UE ta' [AKRONIMU] hija prevista fil-baġit tagħha.

3.   Minkejja l-paragrafu (2) ta' dan l-Artikolu, f’każijiet, fejn l-awtorità tal-baġit tal-Unjoni Ewropea tnaqqas il-fondi mqiegħda għad-dispożizzjoni tal-Iskejjel Ewropej tat-Tip II, [AKRONIMU] jipprovdi ammont imnaqqas prorata li jikkorrispondi għan-numru ta’ studenti tal-persunal tal-UE ta' [AKRONIMU] fil-baġit tagħha.

Artikolu 6

L-istabbiliment u l-komunikazzjoni tan-numru ta’ xhur ta’ reġistrazzjoni

1.   [AKRONIMU] jivverifika ċ-ċifri u d-dejta riċevuti mill-benefiċjarj[u/i] skont l-Artikolu 9 tad-Deċiżjoni tal-Kummissjoni u jikkalkula n-numru ta’ xhur ta’ reġistrazzjoni tal-istudenti tal-persunal tal-UE tagħha fl-SE tat-Tip II msemmija fl-Artikolu 1(2) tal-FMS attwali skont l-Artikolu 2(6) tad-Deċiżjoni tal-Kummissjoni.

2.   [AKRONIMU] jipprovdi lill-Kummissjoni u l-benefiċjarj[u/i] biċ-ċifri li ġejjin li jikkonċernaw is-sena skolastika N/N + 1 qabel is-16 ta’ Ottubru tas-sena N:

(a)	in-numru ta’ xhur previst ta’ reġistrazzjoni matul is-sena skolastika N/N + 1 ta’ studenti tal-persunal tal-UE rreġistrati fil-livelli ta' Kindergarten u ta' Skola Primarja akkreditati;

(b)	in-numru ta’ xhur previst ta’ reġistrazzjoni matul is-sena skolastika N/N + 1 ta’ studenti tal-persunal tal-UE rreġistrati fil-livelli ta' Skola Sekondarja akkreditati;

3.   [AKRONIMU] jipprovdi lill-Kummissjoni u l-benefiċjarj[u/i] biċ-ċifri li ġejjin li jikkonċernaw is-sena skolastika N – 1/N qabel is-16 ta’ Awwissu tas-sena N:

(a)	in-numru reali ta’ xhur ta’ reġistrazzjoni matul is-sena skolastika N/N + 1 ta’ studenti tal-persunal tal-UE rreġistrati fil-livelli ta' Kindergarten u ta' Skola Primarja akkreditati;

(b)	in-numru ta’ xhur previst ta’ reġistrazzjoni matul is-sena skolastika N/N + 1 ta’ studenti tal-persunal tal-UE rreġistrati fil-livelli ta' Skola Sekondarja akkreditati;

Artikolu 7

Talba ta' ħlas tal-Kummissjoni

1.   Fl-ewwel semestru tas-sena N, il-Kummissjoni tissottometti nota ta’ debitu lil [AKRONIMU] għall-ħlas tal-ammont ibbaġitjat għas-sena N skont l-Artikolu 5 tal-FMS.

2.   Abbażi tal-informazzjoni li waslet mingħand [AKRONIMU] skont l-Artikolu 6 tal-Ftehim attwali, il-Kummissjoni tikkalkula, jekk l-ammont debitat lejn [AKRONIMU] jikkorrispondix għall-kontribuzzjoni tal-UE skont l-Artikolu 8 ta’ dan il-FMS. Id-differenzi possibbli jiġu kkumpensati fin-nota ta’ debitu għas-sena N + 1.

3.   Il-kost tas-servizzi ta' konsulenza bażika u ta' kalkolu u ħlas regolari tal-kontribuzzjonijiet tal-UE għat-tfal tal-persunal tal-UE impjegati minn [AKRONIMU] mhux se jiġi impost.

4.   [Għażla: Jekk l-implimentazzjoni tal-kontribuzzjoni tal-UE f’isem u għan-nom ta' [AKRONIMU] tikkawża xogħol addizzjonali straordinarju għall-Kummissjoni (pereż. fil-każ ta’ ordni ta’ rkupru) jew [AKRONIMU] ikun responsabbli għal żbalji jew dewmien li għalihom il-benefiċjarj[u/i] jżomm[u] il-Kummissjoni responsabbli, il-Kummissjoni se tressaq fattura dettaljata separata stabbilita fuq il-bażi tal-ekwivalenti full-time addizzjonali effettivament meħtieġa, ikkalkolata fuq l-ispiża ta' membru tal-persunal bil-kuntratt tal-grupp ta’ funzjoni II.]

5.   Fi żmien 45 jum kalendarju mill-wasla tat-talba ta' ħlas, [AKRONIMU] iħallas l-ammont fatturat fil-kont tal-bank indikat u dak l-ammont se jsir disponibbli għal DĠ HR bħala dħul assenjat fil-linja baġitarji “26.017031 – Skejjel Ewropej tat-Tip 2” [għażla: L-ammont imġarrab skont il-paragrafu (4) ta' dan l-Artikolu jitħallas fil-kont tal-bank indikat u dak l-ammont se jsir disponibbli bħala dħul assenjat fil-linja baġitarja li ffinanzjat dawk l-ispejjeż żejda, jiġifieri l-linja tas-salarju XX.1010101 jew il-parti tal-aġent b'kuntratt tal-envelopp globali tad-DĠ HR] [għażla: u soġġett għal-linji gwida stipulati fl-Artikoli … tal-FAA]].

Artikolu 8

Il-kalkolu u l-ħlas tal-kontribuzzjoni tal-UE lill-benefiċjarju

1.   Il-Kummissjoni tikkalkula skont l-Artikoli 5 u 6 tad-Deċiżjoni tal-Kummissjoni u l-Artikoli 5 u 6 tal-Ftehim dwar il-Kontribuzzjoni tal-UE l-ammont li għandu jitħallas f’isem u għan-nom ta' [AKRONIMU] lill-beneficjarj[u/i] abbażi taċ-ċifri provduti minn [AKRONIMU] skont l-Artikolu 6 ta' dan l-FMS.

2.   Skont l-Artikolu 8 tad-Deċiżjoni tal-Kummissjoni, sal-31 ta’ Diċembru tas-sena N il-Kummissjoni tħallas lill-benefiċjarj[u/i] il-prefinanzjament imbassar għas-sena skolastika N/N + 1, aġġustat bil-ħlas finali għas-sena skolastika preċedenti, u tinforma lill-benefiċjarj[u/i] u lil [AKRONIMU] b'dan.

Artikolu 9

Il-forniment ta’ servizz, kooperazzjoni u komunikazzjoni

1.   [AKRONIMU] u l-Kummissjoni jieħdu l-impenn li jimplementaw [għażla: l-FAA u] dan il-FMS fi spirtu ta' kooperazzjoni mill-qrib u jaqblu li l-kommunikazzjoni ċara hija essenzjali. Informazzjoni bżonnjuża u f’waqtha biex jiżguraw kollaborazzjoni bla xkiel u rappurtar tajjeb għall-finijiet tal-baġit tiġi kkomunikata bejn [AKRONIMU] u l-Kummissjoni.

2.   [AKRONIMU] jinforma l-persunal tiegħu fil-ħin u b’mod komprensiv dwar il-possibilità ta’ u l-kundizzjonijiet għall-għoti reġistrazzjoni prijoritarja mingħajr ħlas fis-SE tat-Tip II msemmija fl-Artikolu 1(2) ta' dan l-FMS.

Artikolu 10

Komunikazzjoni ta’ żbalji u anomaliji

1.   [AKRONIMU] jinnotifika l-iżbalji u/jew anomaliji dwar is-servizzi provduti mill-Kummissjoni taħt dan il-FMS lill-persuna ta’ kuntatt ċentrali maħtura skont l-Artikolu 4(1) ta’ dan il-FMS.

2.   Il-Kummissjoni tinnotifika l-iżbalji u/jew anomaliji dwar id-dejta pprovduta minn [AKRONIMU] taħt dan il-FMS lill-persuna ta’ kuntatt ċentrali ta' [AKRONIMU] maħtura skont l-Artikolu 4(1) ta’ dan il-FMS.

3.   Bi tweġiba għal din in-notifika l-persuna ta' kuntatt ċentrali rispettiva għandha tindika r-raġuni għall-iżball jew id-difett kif ukoll is-soluzzjoni proposta u d-data sa meta din is-soluzzjoni se tiġi implimentata. Jekk din l-informazzjoni ma tkunx tista' tingħata fil-pront, [AKRONIMU] rispettivament il-Kummissjoni jinżamm infurmat dwar il-miżuri meħuda.

Artikolu 11

Kooperazzjoni fil-każ ta’ avvenimenti ta’ ħsara jew ir-riskju tagħhom

1.   Kwalunkwe kwistjoni relatata mal-konsegwenzi ta’ avvenimenti ta’ ħsara li jseħħu b’rabta mal-implimentazzjoni ta’ dan il-FMS tiġi riżolta b’kunsiderazzjoni tar-rwol ta' [AKRONIMU] bħala parti interessata u sorveljatur tas-servizzi li għandhom ikunu pprovvduti u r-responsabbiltà li tirriżulta.

2.   Jekk l-implimentazzjoni ta’ dan il-FMS jikkawża, jew jhedded li jikkawża, dannu lill-assi miżmuma mill-Kummissjoni jew minn [AKRONIMU] jew lill-interessi ta’ parti terza, il-Kummissjoni u [AKRONIMU] iżommu lil xulxin infurmati u jieħdu kull miżura meħtieġa biex nillimitaw id-dannu.

3.   Jekk parti terza tinvoka r-responsabbiltà tal-Kummissjoni jew dik ta' [AKRONIMU], il-Kummissjoni u [AKRONIMU] jikkonsultaw lil xulxin fuq il-linja li għandha tittieħed.

Artikolu 12

Soluzzjoni tat-tilwim

1.   [AKRONIMU] se jirrappreżenta lill-Unjoni Ewropea fil-każ ta’ tilwim bejn [AKRONIMU] u l-istudent jew ir-rappreżentant legali tiegħu/tagħha jew bejn [AKRONIMU] u l-benefiċjarj[u/i] rigward l-eliġibilità tal-istudenti bħala tfal tal-persunal tal-UE jew in-numru ta’ xhur ta’ reġistrazzjoni bħala studenti tal-persunal tal-UE.

2.   Il-Kummissjoni se tirrappreżenta lill-Unjoni Ewropea f’każ ta’ tilwim bejn il-Kummissjoni u l-benefiċjarj[u/i] rigward il-kalkolu tal-ammont li għandu jitħallas jew li għandu jkun irkuprat mill-benefiċjarj[u/i], fejn l-eliġibbiltà tal-istudenti bħala tfal tal-persunal tal-UE u tan-numru ta’ xhur ta’ reġistrazzjoni bħala studenti tal-persunal tal-UE ma tkunx ikkontestata.

3.   Fil-każ ta’ tilwim bejn il-partijiet f'dan il-Ftehim rigward l-interpretazzjoni jew l-implimentazzjoni tiegħu, japplika dan li ġej:

(a)	Il-partijiet jippruvaw jilħqu ftehim amikevoli fi spirtu ta’ kooperazzjoni tajba l-ewwel fil-livell tas-servizzi, imbagħad fil-livell [it-titlu tal-kariga tar-rappreżentant legali] ta’ [AKRONIMU] u d-Direttur Ġenerali tad-DĠ HR.

(b)	Jekk ma jkunx jista’ jintlaħaq ftehim amikevoli, il-partijiet jistgħu jressqu t-tilwima quddiem arbitru maħtur b'mod konġunt u aċċettat miż-żewġ partijiet, li d-deċiżjoni tiegħu tkun waħda li torbot lill-Partijiet.

Artikolu 13

Il-protezzjoni tad-dejta

Il-partijiet għall-FMS jiżguraw li r-regoli dwar il-protezzjoni tad-dejta skont ir-Regolament (KE) Nru 45/2001 tal-Parlament Ewropew u tal-Kunsill huma strettament osservati meta tkun qed tiġi ttrattata d-dejta li tasal mingħand benefiċjarj[u/i].

Artikolu 14

Emendi

Kull emenda għal dan il-FMS tieħu l-forma ta' ftehim bil-miktub addizzjonali bejn [it-titlu tal-kariga tar-rappreżentant legali] ta’ [AKRONIMU] u d-Direttur Ġenerali tad-DĠ HR.

Artikolu 15

Id-durata u t-tiġdid

1.   Dan il-FMS jidħol fis-seħħ fid-data tal-iffirmar tal-partijiet u jiskadi mal-Ftehim[iet] ta' Kontribuzzjoni tal-UE li għandu jiġi konkluż mal-benefiċjarj[u/i], l-abbozz[i] finali tagħhom li [huwa/huma] mehmuż/a fl-Anness I tal-Ftehim attwali.

2.   Dan il-FMS se jiġi taċitament estiż u se jsir applikabbli għal atti relatati ma' [il-]Ftehim[iet] ta' Kontribuzzjoni tal-UE mġedded/mġedda b’mod taċitu skont il-paragrafu 1 ta’ dan l-Artikolu, sakemm [it-titlu tal-kariga tar-rappreżentant legali] ta’ [AKRONIMU] jinforma d-Direttur Ġenerali tad-DĠ HR sitt (6) xhur qabel id-data tat-tmiem tal-Ftehim dwar il-Kontribuzzjoni tal-UE li jkun fis-seħħ li [AKRONIMU] ma jixtieqx jestendih għal Ftehim dwar il-Kontribuzzjoni tal-UE ulterjuri.

3.   Minkejja l-paragrafu (2) ta' dan l-Artikolu, iż-żewġ partijiet jistgħu jitterminaw il-FMS attwali għas-sena skolastika N/N + 1 billi jagħtu notifika sal-15 ta’ Jannar tas-sena N.

4.   Il-mandat biex taġixxi f’isem u għan-nom ta' [AKRONIMU] mogħti skont l-Artikolu 2 huwa validu u applikabbli għall-atti kollha relatati ma’ [dan/dawn] il-Ftehim[iet] ta' Kontribuzzjoni tal-UE, indipendentement mill-iskadenza [tiegħu/tagħhom] u l-iskadenza ta’ dan l-FMS.

[Isem], [it-titlu tal-kariga tar-rappreżentant legali] ta’ [AKRONIMU]	[Isem], id-Direttur Ġenerali tad-DĠ HR
[firma]	[firma]
Magħmul fi Brussell,…	Magħmul fi Brussell,…
Data:…	Data:…

---

(1)  Fil-verżjoni finali, it-test bil-griż għandu jitħassar, jiġi aġġustat jew sostitwit bl-għażla adegwata ta' test.

(2)  Il-Ġurnal Uffiċjali tal-Unjoni Ewropea (minn issa ’l quddiem “ĠU”), L 298, 26.11.2012, p. 3.

ANNESS II

[MUDELL]  (1)

Ftehim dwar il-Kontribuzzjoni tal-UE

Dan il-Ftehim huwa konkluż bejn:

L-Unjoni Ewropea, rrappreżentata mill-Kummissjoni Ewropea (minn hawn ’il quddiem “il-Kummissjoni”), li hija rappreżentata għall-finijiet tal-iffirmar tal-Ftehim attwali minn [isem sħiħ] Direttur Ġenerali tad-DĠ HR, minn naħa waħda,

kif ukoll

[l-isem uffiċjali tal-Iskola Ewropea tat-Tip II jew il-korp nazzjonali pubbliku jew privat, responsabbli mill-Iskejjel Ewropej tat-Tip II] (minn hawn ’il quddiem “il-benefiċjarju”), irrappreżentat għall-finijiet tal-iffirmar tal-Ftehim attwali minn [it-titlu tal-kariga tar-rappreżentant legali], [isem ir-rappreżentant legali], min-naħa l-oħra.

L-anness[i] li ġejjin jifformaw parti integrali mill-ftehim:

Anness I: Deċiżjoni tal-Kummissjoni C(2013)[…] ta' […] dwar l-implimentazzjoni tal-kontribuzzjoni tal-UE mħallsa fuq bażi prorata lill-iskejjel akkreditati mill-Bord tal-Gvernaturi tal-Iskejjel Ewropej skont in-numru ta’ tfal tal-persunal tal-UE rreġistrati, li tieħu post id-Deċiżjoni tal-Kummissjoni C(2009) 7719 tal-14 ta’ Ottubru 2009 kif emendata bid-Deċiżjoni tal-Kummissjoni C(2010) 7993 tat-8 ta’ Diċembru 2010.

[fejn applikabbli: Anness II: Il-Ftehim[iet] ta' Mandat u Servizz konkluż/i mill-Kummissjoni ma' [l-] istituzzjon[ijiet] Ewropew oħra jew korp[i] oħra skont l-Artikolu 1 tal-Ftehim dwar il-Kontribuzzjoni tal-UE attwali

PREAMBOLU

(1)	Billi l-Unjoni Ewropea tappoġġa t-tagħlim Ewropew għat-tfal tal-membri tal-persunal tagħha;

(2)

Din il-politika hija kkonfermata mill-kontribuzzjoni tal-Unjoni Ewropea lill-Iskejjel Ewropej fit-tifsira ta’ din il-Konvenzjoni li tiddefinixxi l-Istatut tal-Iskejjel Ewropej (2) u l-politika tagħha dwar il-familji tal-persunal tal-istituzzjonijiet Ewropej u korpi oħra, partikolarment l-Artikolu 3 tal-Anness VII tar-Regolamenti tal-Persunal tal-Uffiċjali u Ħaddiema Oħra tal-Unjoni Ewropea li tagħti konċessjoni doppja għall-edukazzjoni f’każijiet fejn ma jkun hemm l-ebda Skola Ewropea f’distanza ta’ 50 km mill-post tax-xogħol;

(3)

Id-Deċiżjoni tal-Bord tal-Gvernaturi tal-Iskejjel Ewropej tat-23 ta’ April 2009 dwar ir-riforma tas-sistema tal-Iskejjel Ewropej (3), fetħet is-sistema tal-Iskejjel Ewropej għal skejjel li joffru l-kurrikulu Ewropew u f'xi każijiet il-Baċċelerat Ewropew, u li huma akkreditati b'Deċiżjoni tal-Bord tal-Gvernaturi li tikkonferma li huma jissodisfaw għadd ta’ kundizzjonijiet marbuta mar-rekwiżiti tat-tagħlim u l-kwalità tal-edukazzjoni.

(4)

Fil-laqgħa tiegħu tat-18 ta’ April 2013, il-Bord tal-Gvernaturi tal-Iskejjel Ewropej ħassar id-deċiżjoni tat-23 ta’ April 2009 u d-dokumenti legali relatati li jiddefinixxu kontribuzzjoni mill-Unjoni Ewropea lill-Iskejjel Ewropej Akkreditati li jipprovdu tagħlim għat-tfal tal-persunal tal-UE u biddlitha b’Regolament dwar Skejjel Ewropej Akkreditati li m’għadux iħaddan fih bażi legali għal Kontribuzzjoni tal-UE għall-Iskejjel Ewropej Akkreditati (4);

(5)

Il-Kummissjoni Ewropea tħallas kontribuzzjoni tal-UE, f’isimha stess jew f’isem u għan-nom ta’ xi istituzzjoni Ewropea jew korp ieħor, li jixtiequ jiżguraw reġistrazzjoni prijoritarja mingħajr ħlas għat-tfal tal-persunal tagħhom bħala kumpens għall-ħlas ta' din il-kontribuzzjoni fl-awtonomija amministrattiva tagħha stess skont l-Artikolu 54(2)(e) tar-Regolament (UE, Euratom) Nru 966/2012 tal-Parlament Ewropew u tal-Kunsill tal-25 ta’ Ottubru 2012 (5) dwar ir-regoli finanzjarji applikabbli għall-baġit ġenerali tal-Unjoni u li jħassar ir-Regolament tal-Kunsill (KE, Euratom) Nru 1605/2002;

(6)

Il-Kummissjoni Ewropea tħallas il-kontribuzzjoni tal-UE direttament lill-Iskejjel Ewropej Akkreditati li joffru reġistrazzjoni prijoritarja mingħajr ħlas lill-istudenti tal-persunal tal-UE jew korpi nazzjonali pubbliċi jew privati inkarigati minnha skont id-Deċiżjoni tal-Kummissjoni C(2013)[…] ta’ […] dwar l-implimentazzjoni tal-kontribuzzjoni tal-UE mħallsa fuq bażi prorata lill-iskejjel akkreditati mill-Bord tal-Gvernaturi tal-Iskejjel Ewropej skont in-numru ta’ tfal tal-persunal tal-UE rreġistrati, li tieħu post id-Deċiżjoni tal-Kummissjoni C(2009) 7719 tal-14 ta’ Ottubru 2009 kif emendata bid-Deċiżjoni tal-Kummissjoni C(2010) 7993 tat-8 ta’ Diċembru 2010.

KONSEGWENTEMENT

Wara li kkunsidrat id-Deċiżjoni tal-Kummissjoni C(2013)[…] ta' […] dwar l-implimentazzjoni tal-kontribuzzjoni tal-UE mħallsa fuq bażi prorata lill-iskejjel akkreditati mill-Bord tal-Gvernaturi tal-Iskejjel Ewropej skont in-numru ta’ tfal tal-persunal tal-UE rreġistrati, li tieħu post id-Deċiżjoni tal-Kummissjoni C(2009) 7719 tal-14 ta’ Ottubru 2009 kif emendata bid-Deċiżjoni tal-Kummissjoni C(2010) 7993 tat-8 ta’ Diċembru 2010,

Wara li kkunsidrat il-Ftehim[iet] ta' Akkreditazzjoni u Kooperazzjoni ffirmat/i fi […] [fejn applikabbli: u fi […] u/jew u mġedded/mġedda fi […] bejn is-Segretarju Ġenerali tal-Iskejjel Ewropej, li jirrappreżenta s-Sistema tal-Iskejjel Ewropej, u [it-titlu tal-kariga] li jirrappreżenta l-Iskejjel Ewropej tat-Tip II msemmija fl-Artikolu 1 tal-Ftehim dwar il-Kontribuzzjoni tal-UE attwali, u b'mod partikolari l-Artikolu[i] […] tiegħu,

IL-PARTIJIET HAWNHEKK JAQBLU KIF ĠEJ:

Artikolu 1

Il-kamp ta' applikazzjoni

1.   Dan il-ftehim (minn hawn 'il quddiem “il-Ftehim dwar il-Kontribuzzjoni tal-UE”) japplika għall-istituzzjoni[jiet] li ġejjin [fejn applikabbli: u] korp/i oħra] tal-Unjoni Ewropea (minn hawn 'il quddiem “l-istituzzjonijiet Ewropej [fejn applikabbli: u korpi oħrajn]”):

(a)	[Il-Kummissjoni[jekk applikabbli:; kif ukoll]]

(b)

[jekk applikabbli: l-isem sħiħ u l-indirizz tal-istituzzjoni Ewropea jew korp ieħor, li t-tfal tal-persunal tiegħu għandhom jingħataw reġistrazzjoni prijoritarja mingħajr ħlas fl-Iskola/iskejjel Ewropea/Ewropej tat-Tip II imsemmija fit-tieni (2) paragrafu ta' dan l-Artikolu li magħha/magħhom il-Kummissjoni kkonkludiet FMS mehmuż fl-Anness II tal-Ftehim dwar il-Kontribuzzjoni tal-UE (minn hawn 'il quddiem “korp Ewropew ieħor”)] [jekk applikabbli:; kif ukoll]

(c)

[…]

2.   Dan il-Ftehim dwar il-Kontribuzzjoni tal-UE japplika għal din/dawn l-iskola[iskejjel] (minn hawn ’il quddiem “Skola[skejjel] Ewropea/Ewropej tat-Tip II ikkonċernata”):

(a)	[Isem u indirizz uffiċjali sħaħ tal-Iskola Ewropea tat-Tip II kkonċernata];

(b)	[jekk applikabbli: Isem u indirizz uffiċjali sħaħ tal-Iskola Ewropea tat-Tip II kkonċernata]

Artikolu 2

Għan

L-iskop tal-Ftehim attwali huwa li jiġi stabbilit il-ħlas u l-proċeduri tal-awditjar dwar il-kontribuzzjoni tal-UE għal kull wild ta’ membru tal-persunal ta’ istituzzjoni Ewropea u/jew korp ieħor skont l-Artikolu 1(1) tal-Ftehim attwali dwar il-Kontribuzzjoni tal-UE li għandu jingħata reġistrazzjoni prijoritarja mingħajr ħlas fl-Iskola[Iskejjel] Ewropea/Ewropej tat-Tip II ikkonċernata.

Artikolu 3

Definizzjonijiet

Għall-finijiet tal-Ftehim attwali dwar il-Kontribuzzjoni tal-UE

1.	“Skola Ewropea Akkreditata” hija skola fi Stat Membru tal-Unjoni Ewropea li tkun kisbet akkreditazzjoni għat-Tagħlim Ewropew mill-Bord tal-Gvernaturi tal-Iskejjel Ewropej.

2.	Il-“perjodu ta’ akkreditazzjoni” u l-“livell akkreditat” huma l-perjodu u l-livell li għalih l-akkreditazzjoni għal Tagħlim Ewropew mill-Bord tal-Gvernaturi hija valida.

3.

“Studenti tal-persunal tal-UE” fit-tifsira tal-Ftehim attwali dwar il-Kontribuzzjoni tal-UE huma t-tfal, inklużi l-orfni, ta’: (a) Membri jew Membri preċedenti tal-istituzzjonijiet tal-Unjoni Ewropea, (b) il-membri tal-persunal attivi fis-servizz jew il-pensjonanti tal-istituzzjonijiet u korpi oħra skont l-Artikolu 1 tal-Ftehim dwar il-Kontribuzzjoni tal-UE li huma eliġibbli għal konċessjoni għall-edukazzjoni skont l-Artikolu 3(1) tal-Anness VII tar-Regolamenti tal-Persunal tal-Uffiċjali u l-Kundizzjonijiet tal-Impjieg ta’ Impjegati oħra tal-Unjoni Ewropea (6) (minn hawn ’il quddiem “ir-Regolamenti tal-Persunal”).

4.	Il-“konċessjoni unika annwali għall-edukazzjoni” hija l-ammont ekwivalenti għal tnax-il (12) darba l-konċessjonijiet massimi ta' kull xahar għall-edukazzjoni skont l-Artikolu 3(1) tal-Anness VII tar-Regolamenti tal-Persunal kif applikabbli fil-bidu tas-sena skolastika kkonċernata.

5.	“Sena skolastika” hija l-perjodu ta' 10 xhur bejn l-1 ta’ Settembru tas-sena N u t-30 ta’ Ġunju tas-sena N + 1, li jservi bħala bażi għall-kalkolu tal-kontribuzzjoni tal-UE.

6.	“Xahar ta’ reġistrazzjoni” huwa kwalunkwe xahar kalendarju matul is-sena skolastika, li matulu l-istudent tal-persunal tal-UE kkonċernat kien inkiteb fi Skola Ewropea tat-Tip II.

7.	“Skejjel Ewropej tat-Tip I” huma skejjel fit-tifsira tal-Konvenzjoni li tiddefinixxi l-Istatut tal-Iskejjel Ewropej (7).

8.	“Skejjel Ewropej tat-Tip II” huma Skejjel Ewropej Akkreditati li joffru lill-istudenti tal-persunal tal-UE reġistrazzjoni prijoritarja mingħajr ħlas. L-iskola[iskejjel] imsemmija fl-Artikolu 1(2) tal-Ftehim dwar il-Kontribuzzjoni tal-UE attwali [hija/huma] [tali] skola[skejjel].

9.	Il-“benefiċjarju” huwa l-Iskola Ewropea tat-Tip II jew il-korp pubbliku jew privat nazzjonali, inkarigat minnha li jirċievi kontribuzzjoni tal-UE bħala kumpens għall-għoti ta' reġistrazzjoni prijoritarja mingħajr ħlas fi Skola Ewropea tat-Tip II lill-istudenti tal-persunal tal-UE.

10.

Il-“kontribuzzjoni tal-UE” hija l-kontribuzzjoni li l-Kummissjoni tħallas skont dan il-Ftehim dwar il-Kontribuzzjoni tal-UE, lill-benefiċjarju għal kull student tal-persunal tal-UE rreġistrati f’livelli akkreditati ta' Skola [Skejjel] Ewropea/Ewropej tat-Tip II kkonċernata matul il-perjodu ta’ akkreditazzjoni u proporzjonata mat-tul tar-reġistrazzjoni attwali tiegħu/tagħha.

11.

“Ftehim dwar il-Kontribuzzjoni tal-UE” huwa ftehim konkluż mill-Kummissjoni mal-benefiċjarju f'isem il-Kummissjoni nnifisha u/jew, abbażi ta' Ftehim ta' Mandat u Servizz validu, f’isem u għan-nom ta’ xi istituzzjoni Ewropea oħra jew korp ieħor fir-rigward tal-kalkolu u l-kundizzjonijiet ta’ ħlas u rkupru possibbli ta’ kontribuzzjoni tal-UE.

[fejn applikabbli: (12) “Ftehim ta' Mandat u Servizz” (minn hawn ’il quddiem “FMS”) huwa ftehim bejn il-Kummissjoni u istituzzjoni Ewropea oħra jew korp ieħor, li fiha dawn tal-aħħar jagħtu mandat lill-Kummissjoni biex tikkonkludi u timplimenta, f’isimhom u għan-nom tagħhom, Ftehimiet dwar il-Kontribuzzjoni tal-UE ma’ benefiċjarji li jagħtu lill-istudenti tal-persunal tal-UE tagħhom reġistrazzjoni prijoritarja mingħajr ħlas, u jimpenjaw ruħhom biex jerfgħu l-ispejjeż mġarrba mill-Kummissjoni. Il-[kopja/i] tal-FMS mal-korp[i] li jaqgħu fil-kamp ta' applikazzjoni tal-Ftehim dwar il-Kontribuzzjoni tal-UE attwali hija/huma mehmuża/mehmużin fl-Anness II.]

Artikolu 4

Il-kundizzjonijiet għall-ħlas tal-kontribuzzjoni tal-UE

Għall-perjodu ta' akkreditazzjoni u għal-livelli akkreditati, il-Kummissjoni tħallas kontribuzzjoni tal-UE kkalkulata skont l-Artikoli 5 u 6 tad-Deċiżjoni tal-Kummissjoni u l-Artikoli 5 u 6 tal-Ftehim attwali dwar il-Kontribuzzjoni tal-UE lill-benefiċjarju bil-kundizzjonijiet li ġejjin:

(a)	Il-benefiċjarju jeżenta lill-istudenti tal-persunal tal-UE rreġistrati fi klassijiet akkreditati minn kwalunkwe miżati tal-iskola u jagħtihom prijorità fir-rigward ta’ reġistrazzjoni [fl-Iskola Ewropea tat-Tip II] skont l-Artikolu 1(2) tal-Ftehim attwali dwar il-Kontribuzzjoni tal-UE];

(b)

Il-benefiċjarju jiżgura li jiġbor u jforni lill-Kummissjoni [fejn applikabbli: il-Kummissjoni] [fejn applikabbli: [u l-] [korp[i] Ewropej l-oħra] biċ-ċifri u d-dejta meħtieġa għall-verifika, il-kalkolu u l-ħlas tal-kontribuzzjoni tal-UE fl-iskadenzi previsti fl-Artikolu 8 tad-Deċiżjoni tal-Kummissjoni u l-Artikolu 7 tal-Ftehim dwar il-Kontribuzzjoni tal-UE attwali; Il-benefiċjarju jiżgura l-ġbir u ż-żamma tad-dokumenti u d-dejta meħtieġa għall-verifika taċ-ċifri u d-dejta msemmija fis-subparagrafu (b) ta' dan il-paragrafu.

Artikolu 5

Il-kalkolu tal-kontribuzzjoni tal-UE

Skont l-Artikolu 5 tad-Deċiżjoni tal-Kummissjoni, il-kontribuzzjoni tal-UE hija kkalkulata kif ġej:

(a)	Għall-istudenti tal-persunal tal-UE rreġistrati f'livelli akkreditati tal-Kindergarten u skola Primarja:

(b)	Għall-istudenti tal-persunal tal-UE rreġistrati f'livelli akkreditati ta' skola Sekondarja:

Artikolu 6

Il-kundizzjonalità tal-kontribuzzjoni tal-UE

1.   Skont l-Artikolu 6 tad-Deċiżjoni tal-Kummissjoni, kull meta l-ammont ta' fondi li l-awtorità baġitarja tal-Unjoni Ewropea ddaħħal fil-baġit tal-istituzzjonijiet Ewropej ma jkunx biżżejjed biex ikopri l-kontribuzzjoni tal-UE kif iddeterminata skont l-Artikolu 5 tad-Deċiżjoni tal-Kummissjoni u l-Artikolu 5 tal-Ftehim dwar il-Kontribuzzjoni tal-UE attwali, il-Kontribuzzjoni tal-UE ta' [fejn applikabbli: il-Kummissjoni] [fejn applikabbli: [u] [il-korp[i] Ewropej l-oħra] ikkonċernati bl-ammont insuffiċjenti ta' fondi] jista' jitnaqqas prorata. F'dak il-każ, il-Kummissjoni:

(a)	tgħarraf lill-benefiċjarji kkonċernati bis-sitwazzjoni u toffrilhom kontribuzzjoni mnaqqsa tal-UE għal kull student għas-sena skolastika N/N + 1 qabel il-15 ta’ Frar tas-sena N (data ta’ meta tintbagħat);

(b)	ittemm jew ma ġġeddidx il-Ftehim dwar il-Kontribuzzjoni tal-UE fis-seħħ, jekk il-benefiċjarju ma jkunx aċċetta l-offerta sat-30 ta’ April tas-sena N (data ta’ meta tintbagħat).

2.   Jekk, fl-1 ta’ Jannar ta’ sena partikolari, il-baġit tal-Unjoni Ewropea jew korp Ewropew ma jkunx ġie adottat u għalhekk l-approprjazzjonijiet disponibbli kull xahar għall-Kummissjoni jew korp ikunu limitati għal wieħed minn 12 tal-approprjazzjonijiet li jinsabu fil-baġit għas-sena finanzjarja preċedenti skont l-Artikolu 16 tar-Regolament (UE, Euratom) Nru 966/2012, il-ħlas jitħallas kull xahar abbażi tal-ammont annwali mħallas fis-sena ta’ qabel.

3.   L-imgħax fuq il-ħlas differit ikun dovut bi dritt skont l-Artikolu 83 tar-Regolament ta’ Delega tal-Kummissjoni (UE) Nru 1268/2012 tad-29 ta’ Ottubru 2012 dwar ir-regoli tal-applikazzjoni tar-Regolament (UE, Euratom) Nru 966/2012 tal-Parlament Ewropew u tal-Kunsill dwar ir-regoli finanzjarji applikabbli għall-baġit ġenerali tal-Unjoni (8).

Artikolu 7

Il-forniment tad-dejta meħtieġa għall-kalkolu tal-kontribuzzjoni tal-UE

1.   Skont il-leġiżlazzjoni dwar il-protezzjoni tad-dejta applikabbli u l-Artikolu 9 tad-Deċiżjoni tal-Kummissjoni, il-benefiċjarju jiżgura l-ġbir u l-forniment ta' [fejn applikabbli: il-Kummissjoni] [fejn applikabbli: [u] [korp[i] Ewropej oħra] bid-dejta li ġejja li tikkonċerna s-sena skolastika N/N + 1 qabel is-16 ta’ Settembru tas-sena N:

(a)	l-isem/ismijiet sħiħ/sħaħ tal-persunal tal-UE li huma l-ġenituri tal-istudent(i) rreġistrat(i);

(b)	id-denominazzjoni tal-istituzzjoni tal-UE jew korp ieħor li minnu l-ġenitur(i) li huma persunal tal-UE jew l-istudent(i) tal-persunal tal-UE jieħdu l-istatus tagħhom;

(c)	l-isem/ismijiet sħiħ/sħaħ tal-istudent(i) tal-persunal tal-UE rreġistrat(i);

(d)	il-livell akkreditat tal-Kindergarten, ta' skola Primarja jew Sekondarja, fejn kull student tal-persunal tal-UE huwa rreġistrat;

(e)	in-numru ta’ xhur ta’ reġistrazzjoni previsti għal kull student tal-persunal tal-UE eliġibbli fil-livell ta' Kindergarten, skola Primarja jew Sekondarja.

2.   Skont il-leġiżlazzjoni dwar il-protezzjoni tad-dejta applikabbli, il-benefiċjarju jiżgura l-ġbir u l-forniment ta' [fejn applikabbli: il-Kummissjoni] [fejn applikabbli: [u] [korp[i] Ewropej oħra] bid-dejta li ġejja li tikkonċerna s-sena skolastika N/N + 1 qabel is-16 ta’ Lulju tas-sena N + 1:

(a)	l-isem/ismijiet sħiħ/sħaħ tal-persunal tal-UE li huma l-ġenituri tal-istudent(i) rreġistrat(i);

(b)	id-denominazzjoni tal-istituzzjoni tal-UE jew korp ieħor li minnu l-ġenitur(i) li huma persunal tal-UE jew l-istudent(i) tal-persunal tal-UE jieħdu l-istatus tagħhom;

(c)	l-isem/ismijiet sħiħ/sħaħ tal-istudent(i) tal-persunal tal-UE rreġistrat(i);

(d)	il-livell akkreditat tal-Kindergarten, ta' skola Primarja jew Sekondarja, fejn kull student tal-persunal tal-UE huwa rreġistrat;

(e)	in-numru reali ta’ xhur ta' reġistrazzjoni ta' kull student tal-persunal tal-UE eliġibbli matul is-sena skolastika N/N + 1 irreġistrat f'livelli akkreditati ta' Kindergarten, skola Primarja jew Sekondarja.

Artikolu 8

Arranġamenti għall-ħlas tal-kontribuzzjonijiet

1.   Il-kontribuzzjoni titħallas direttament f'kont tal-bank li jappartjeni lill-benefiċjarju u denominat f'[EUR/munita nazzjonali oħra fil-każ ta’ kontijiet bankarji f’pajjiżi li ma jaċċettawx tranżazzjonijiet f’EUR] (9) bl-użu tad-dettalji bankarji li ġejjin:

Isem il-bank: […]

Indirizz tal-fergħa: […]

Isem eżatt tad-detentur tal-kont: […]

Numru sħiħ tal-kont (inklużi l-kodiċijiet bankarji): […]

[il-kodiċi IBAN tal-kont u l-kodiċi BIC għall-bank: […] jew il-kodiċi BIC biss għall-pajjiżi fejn il-kodiċi IBAN ma japplikax].

2.   Il-ħlas ta’ prefinanzjament tal-kontribuzzjoni tal-UE għas-sena skolastika N/N + 1 isir sal-31 ta’ Diċembru tas-sena baġitarja N ibbażat fuq id-dejta u ċ-ċifri indikattivi pprovduti skont l-Artikolu 9(1) ta' din id-Deċiżjoni u l-Artikolu 7(1) tal-Ftehim dwar il-Kontribuzzjoni tal-UE fil-bidu ta’ din is-sena skolastika flimkien mal-pagament finali tal-kontribuzzjoni tal-UE għas-sena skolastika N – 1/N.

3.   Il-pagament finali għas-sena skolastika N – 1/N ikun ibbażat fuq id-dejta u ċ-ċifri finali pprovduti skont l-Artikolu 9(2) ta' din id-Deċiżjoni u l-Artikolu 7(2) tal-Ftehim dwar il-Kontribuzzjoni tal-UE u mnaqqas mill-prefinanzjament imħallas għall-istess sena skolastika.

4.   Il-pagament finali għas-sena skolastika N – 1/N jiġi kkumpensat bil-ħlas ta' prefinanzjament għas-sena skolastika N/N + 1.

Artikolu 9

Il-kunfidenzjalità

1.   Il-Kummissjoni u l-benefiċjarju jintrabtu li jżommu l-kunfidenzjalità ta’ kull dokument, informazzjoni jew materjal ieħor marbut direttament mas-suġġett tal-Ftehim dwar il-Kontribuzzjoni tal-UE attwali li jkunu kklassifikati kif imiss bħala kunfidenzjali u li t-tixrid tagħhom jista’ jikkawża preġudizzju lill-parti l-oħra.

2.   [fejn applikabbli: [Il-korp[/i Ewropew/Ewropej l-oħra hu/huma] responsabbli għaż-żamma tal-kunfidenzjalità skont il-paragrafu 1 ta' dan l-Artikolu], u b’mod partikolari tad-dejta li tkun waslitlu skont l-Artikolu 7 tal-Ftehim attwali dwar il-Kontribuzzjoni tal-UE]

3.   [fejn applikabbli: [Il-benefiċjarju jiżgura li l-Iskola[Skejjel] Ewropea/Ewropej tat-Tip II ikkonċernata jżommu il-kunfidenzjalità skont il-paragrafu 1 ta’ dan l-Artikolu u jista' jinżamm responsabbli, jekk l-Iskola[Iskejjel] Ewropea tat-Tip II ikkonċernata tikser[jiksru] dan l-obbligu.].

Artikolu 10

L-aġġustament, is-sospensjoni, il-waqfien tal-ħlasijiet, u l-irkupru

1.   Jekk skont iċ-ċifri pprovduti fl-aħħar tas-sena skolastika N/N + 1 in-numru ta’ xhur ta’ reġistrazzjoni tal-istudenti tal-persunal tal-UE jiddevja mill-previżjoni, il-kontribuzzjoni tal-UE tiġi aġġustata u mħallsa kif ġej:

(a)	jekk tkun ogħla milli kien previst, il-kontribuzzjoni tal-UE addizzjonali korrispondenti titħallas, fejn xieraq flimkien mal-ħlas tal-prefinanzjament għas-sena N + 1/N + 2;

(b)	jekk tkun inqas milli kien previst, is-somom imħallsa bi żball għas-sena skolastika N/N + 1 jiġu rkuprati, fejn jixraq permezz ta’ tpaċija mal-ħlas tal-prefinanzjament għal N + 1/N + 2.

2.   Jekk l-ispezzjonijiet imwettqa mis-sistema tal-Iskejjel Ewropej qabel it-tiġdid tal-akkreditazzjoni previst fil-Ftehim ta' Akkreditazzjoni u Kooperazzjoni msemmi fil-Preambolu tal-Ftehim attwali dwar il-Kontribuzzjoni tal-UE jenfasizzaw nuqqasijiet serji fl-edukazzjoni pprovduta, li x’aktarx li jwassal biex l-akkreditazzjoni ma tiġġeddidx, il-ħlas tal-kontribuzzjoni tal-UE jista' jiġi sospiż.

3.   Jekk l-Akkreditazzjoni tal-Iskola Ewropea tat-Tip II tiġi rtirata jew il-benefiċjarju ma jtemmx il-Ftehim dwar il-Kontribuzzjoni tal-UE kif suppost skont it-tifsira tal-Artikolu 12 tal-Ftehim attwali dwar il-Kontribuzzjoni tal-UE, il-Kummissjoni twaqqaf il-pagamenti kollha skont id-data li fiha l-irtirar jew it-terminazzjoni ssir effettiva u tirkupra s-somom ta’ flus imħallsa bi żball prorata sa minn dik id-data.

4.   Jekk il-verifika fil-qafas ta’ kontroll jew verifika skont l-Artikolu 11 tal-Ftehim attwali dwar il-Ftehim dwar il-Kontribuzzjoni tal-UE attwali tirriżulta f'sejba li ċ-ċifri pprovduti f’konformità mal-Artikolu 7 tal-Ftehim dwar il-Kontribuzzjoni tal-UE attwali kienu inkorretti jew mhux ġustifikati jew kundizzjonijiet oħra ta’ ħlas skont it-tifsira tal-Artikolu 4 tal-Ftehim dwar il-Kontribuzzjoni tal-UE attwali ma jkunux issodisfatti, il-Kummissjoni tirkupra l-ammonti li jkunu tħallsu bi żball.

5.   Fil-każ ta' rkupru, japplika r-Regolament (UE, Euratom) Nru 966/2012 tal-Parlament Ewropew u tal-Kunsill tal-25 ta’ Ottubru 2012 dwar ir-regoli finanzjarji applikabbli għall-baġit ġenerali tal-Unjoni u li jħassar ir-Regolament tal-Kunsill (KE, Euratom) Nru 1605/2002 (10).

Artikolu 11

Kontrolli u verifiki

1.   F’konformità mal-leġiżlazzjoni applikabbli dwar il-protezzjoni tad-dejta u l-Artikolu 10 tad-Deċiżjoni tal-Kummissjoni, il-benefiċjarju jiżgura li għal perjodu ta’ ħames (5) snin wara t-tmiem tas-sena skolastika N/N + 1, id-dejta kollha rilevanti tinġabar, tinżamm, u ssir disponibbli f’każ ta’ verifika mill-Kummissjoni jew minn xi istituzzjoni Ewropea oħra jew korp ieħor inkarigati mill-verifika taċ-ċifri u d-dejta trażmessa skont l-Artikolu 7 tal-Ftehim dwar il-Kontribuzzjoni tal-UE attwali.

2.   Għal dan l-għan, id-dokumenti oriġinali tal-kontabbiltà u l-kopji ċċertifikati ta’ dokumenti oħra marbuta mal-ħlas, inklużi dawk li jagħtu prova tad-dejta trażmessa lill-Kummissjoni skont l-Artikolu 7 tal-Ftehim dwar il-Kontribuzzjoni tal-UE attwali jinġabru u jinżammu.

3.   Il-benefiċjarju jaqbel li l-Kummissjoni jew istituzzjoni Ewropea oħra jew korp ieħor responsabbli għall-verifiki, u b’mod partikolari l-Qorti tal-Awdituri, jistgħu jwettqu verifika tal-użu li jkun sar tal-kontribuzzjoni tal-UE jew direttament mill-persunal tagħha stess jew minn kwalunkwe korp ieħor barrani awtorizzat li jagħmel dan f’isimha. Tali verifiki jistgħu jitwettqu matul il-perjodu ta’ implimentazzjoni tal-ftehim u għal perjodu ta’ ħames snin mit-tmiem tal-Ftehim attwali.

4.   Skont ir-Regolament tal-Kunsill (Euratom, KE) Nru 2185/96 u r-Regolament (KE) Nru 1073/1999 tal-Parlament Ewropew u tal-Kunsill, l-Uffiċċju Ewropew ta' Kontra l-Frodi (OLAF) jista' wkoll iwettaq kontrolli u spezzjonijiet fuq il-post skont il-proċeduri stabbiliti mil-liġi tal-Unjoni għall-ħarsien tal-interessi finanzjarji tal-Unjoni kontra l-frodi u irregolaritajiet oħra.

Artikolu 12

It-terminazzjoni

1.   F’każijiet ġustifikati kif xieraq, kwalunkwe mill-partijiet tista’ ttemm il-Ftehim fi tmiem is-sena skolastika li tkun għaddejja N/N + 1 billi tagħti notifika bil-miktub ta’ sitt xhur.

2.   Minkejja l-paragrafu (1), il-perjodu ta’ notifika ta' terminazzjoni jitqassar għal tliet xhur qabel il-bidu tas-sena skolastika ta' wara fejn japplika l-Artikolu 6(b) tal-Ftehim dwar il-Kontribuzzjoni tal-UE attwali.

3.   Kull komunikazzjoni bil-miktub matul il-proċeduri ssir permezz ta’ ittri reġistrati b’rikonoxximent tal-irċevuta.

Artikolu 13

Is-sospensjoni u t-terminazzjoni abbażi ta' ksur tat-termini u l-obbligi legali

Il-Kummissjoni tista’ tiddeċiedi li tissospendi l-ftehim jew li ttemm il-Ftehim dwar il-Kontribuzzjoni tal-UE, mingħajr kwalunkwe kumpens min-naħa tagħha, f’dawn iċ-ċirkostanzi:

(a)	jekk il-benefiċjarju jonqos milli jissodisfa obbligu impost fuqu skont it-termini tal-Ftehim dwar il-Kontribuzzjoni tal-UE attwali, u b’mod partikolari l-Artikolu 7 u 9 tiegħu, jew l-obbligi tiegħu skont it-termini tal-Ftehim ta' Akkreditazzjoni;

(b)	jekk il-Kummissjoni jkollha prova jew suspett serju li l-benefiċjarju jew ir-rappreżentant tiegħu jkun wettaq nuqqasijiet professjonali;

(c)	jekk il-benefiċjarju ma jkunx wettaq obbligazzjonijiet relatati mal-ħlas tal-kontribuzzjonijiet tas-sigurtà soċjali jew il-ħlas tat-taxxi skont id-dispożizzjonijiet legali tal-pajjiż li fih ikun stabbilit;

(d)	jekk il-benefiċjarju jkun għamel dikjarazzjonijiet foloz jew jibgħat rapporti inkonsistenti mar-realtà biex jikseb il-kontribuzzjoni prevista f’dan il-Ftehim dwar il-kontribuzzjoni tal-UE.

Artikolu 14

Il-proċedura marbuta mas-sospensjoni u t-terminazzjoni abbażi ta' ksur tat-termini u l-obbligi legali

1.   Il-Kummissjoni tibda l-proċedura ta' sospensjoni jew ta’ terminazzjoni permezz ta’ notifika bil-miktub li tiddikjara r-raġuni(jiet) imsemmija fl-Artikolu 13. Kull komunikazzjoni bil-miktub matul il-proċeduri ssir permezz ta’ ittri reġistrati b’rikonoxximent tal-irċevuta.

2.   Fil-każ ta’ sospensjoni tal-ftehim, il-benefiċjarju jkollu 30 jum kalendarju wara l-wasla tan-notifika bil-miktub biex jissottometti l-osservazzjonijiet tiegħu u jieħu kwalunkwe miżuri neċessarji biex jiżgura t-twettiq kontinwu tal-obbligi tiegħu skont il-Ftehim dwar il-Kontribuzzjoni tal-UE.

3.   Jekk il-Kummissjoni tonqos milli taċċetta dawn l-osservazzjonijiet billi tagħti approvazzjoni bil-miktub fi żmien 30 jum kalendarju minn meta tirċevihom, is-sospensjoni tkun effettiva sa mid-data tal-wasla tan-notifika bil-miktub, sakemm ir-raġunijiet għas-sospensjoni ma jkunux għadhom issodisfatti jew sakemm il-Ftehim dwar il-Kontribuzzjoni tal-UE jkun mitmum.

4.   Fil-każ ta’ terminazzjoni, il-Kummissjoni tistabbilixxi perjodu ta’ notifika ta’ mill-inqas 60 jum kalendarju wara l-wasla tan-notifika bil-miktub tal-benefiċjarju. Il-benefiċjarju jkollu 30 jum kalendarju mill-wasla tan-notifika bil-miktub biex jissottometti l-osservazzjonijiet tiegħu u jieħu kull miżura neċessarja biex jiżgura t-twettiq kontinwu tal-obbligi tiegħu skont il-Ftehim dwar il-Kontribuzzjoni tal-UE.

5.   Jekk il-Kummissjoni ma taċċettax dawn l-osservazzjonijiet b'approvazzjoni miktuba fi żmien 30 jum minn meta tirċevihom, it-terminazzjoni tidħol fis-seħħ fil-jum wara t-tmiem tal-perjodu tan-notifika.

Artikolu 15

Il-liġi applikabbli u l-qrati kompetenti

1.   Il-kontribuzzjoni tal-UE hija rregolata bit-termini tad-Deċiżjoni tal-Kummissjoni, il-Ftehim dwar il-Kontribuzzjoni tal-UE, il-liġi tal-Unjoni Ewropea, u, fuq bażi sussidjarja, il-liġi tal-Istat Membru fejn il-benefiċjarju jkun ibbażat.

2.   Il-benefiċjarju jista' jiftaħ proċedimenti legali fir-rigward tad-deċiżjonijiet ta' [fejn applikabbli: il-Kummissjoni] [fejn applikabbli: [u] [il-korp[i] li magħhom il-Kummissjoni kkonkludiet FMS mehmuż fl-Anness II]] dwar l-applikazzjoni tad-dispożizzjonijiet tal-Ftehim dwar il-Kontribuzzjoni tal-UE quddiem il-Qorti Ġenerali u, fil-każ ta' appell, il-Qorti tal-Ġustizzja.

Artikolu 16

Id-dħul fis-seħħ u d-durata

1.   Dan il-Ftehim dwar il-Kontribuzzjoni jidħol fis-seħħ fid-data tal-iffirmar tal-aħħar waħda mill-partijiet. Dan japplika għal kull perjodu u livell ta’ akkreditazzjoni skont it-tifsira tal-Artikolu 2(2) tad-Deċiżjoni tal-Kummissjoni u l-Artikolu 3(2) tal-Ftehim dwar il-Kontribuzzjoni tal-UE attwali għad-durata tal-Ftehim ta’ Akkreditazzjoni u Kooperazzjoni mal-Bord tal-Gvernaturi li jkun fis-seħħ meta jiġi ffirmat il-Ftehim dwar il-Kontribuzzjoni tal-UE attwali, mis-sena skolastika [sena skolastika, li matulha jiġi ffirmat il-Ftehim dwar il-Kontribuzzjoni tal-UE], u jiskadi fil-jum wara t-tmiem tal-Ftehim ta' Akkreditazzjoni relatat.

2.   Jekk ħadd mill-Partijiet fil-Ftehim dwar il-Kontribuzzjoni tal-UE ma jibgħat konferma bil-miktub tat-terminazzjoni tiegħu qabel id-data tal-iskadenza tiegħu u jekk il-Ftehim ta' Akkreditazzjoni relatat jiġġedded, il-Ftehim dwar il-Kontribuzzjoni tal-UE jiġġedded mid-data li fiha jiskadi permezz ta’ kunsens taċitu għad-durata tal-perjodu ta' akkreditazzjoni, li jkun fis-seħħ f’dak il-jum.

Artikolu 17

Emendi

Kull emenda għat-termini tal-Ftehim dwar il-Kontribuzzjoni tal-UE trid tkun is-suġġett ta’ ftehim supplimentari miktub. Ftehim verbali ma għandux ikun vinkolanti għall-Partijiet.

Artikolu 18

Dispożizzjonijiet amministrattivi

Kull komunikazzjoni indirizzata lill-Kummissjoni b'rabta mal-Ftehim dwar il-Kontribuzzjoni tal-UE ssir bil-miktub u tindika n-numru tal-ftehim u tintbagħat fuq dawn l-indirizzi:

European Commission

Directorate-General […]

Directorate […]

L-indirizz elettroniku tal-unità amministrattiva: […]

Kull komunikazzjoni indirizzata lill-Kummissjoni b'rabta mal-Ftehim dwar il-Kontribuzzjoni tal-UE ssir bil-miktub u tindika n-numru tal-ftehim u tintbagħat fuq dawn l-indirizzi:

Is-Sinjur/Sinjura (…)

[Kariga]

[Isem uffiċjali]

[Indirizz uffiċjali sħiħ]

Indirizz elettroniku: […]

Magħmul fi Brussell,…	Magħmul fi Brussell,…
Data: …	Data: …
Għall-benefiċjarju	Għall-Kummissjoni
[firma]	[firma]
Magħmul f’żewġ kopji b[l-Ingliż, il-Franċiż jew il-Ġermaniż]

---

(1)  Fil-verżjoni finali, it-test bil-griż għandu jitħassar, jiġi aġġustat jew sostitwit bl-għażla adegwata ta' test.

(2)  ĠU L 212, 17.8.1994, p. 3.

(3)  Id-dokumenti 2009-D-353-en-4 u 2009-D-681-en-1 tal-Uffiċċju tas-Segretarju Ġenerali tal-Iskejjel Ewropej.

(4)  Id-dokumenti 2013-01-D-64-en-4 tal-Uffiċċju tas-Segretarju Ġenerali tal-Iskejjel Ewropej.

(5)  ĠU L 298, 26.11.2012, p. 3.

(6)  ĠU L 348, 29.12.2009, p. 10.

(7)  Ara n-nota f’qiegħ il-paġna nru 2.

(8)  ĠU L 362, 31.12.2012, p. 1.

(9)  Kif muri fid-dokument ta’ identifikazzjoni tal-kont tal-bank ikkonċernat, jew ċertifikat minn dan.

(10)  Ara n-nota f’qiegħ il-paġna nru 5.