29.6.2013   

MT

Il-Ġurnal Uffiċjali tal-Unjoni Ewropea

C 188/1

I.

A.

B.

C.

D.

E.

F.

G.

H.

H.1.

H.2.

II.

A.

B.

C.

D.

E.

F.

G.

H.

I.

J.

K.

L.

III.

A.

A.1.

A.2.

A.3.

A.4.

A.5.

B.

B.1.

B.2.

B.3.

B.4.

C.

C.1.

C.2.

D.

D.1.

D.2.

D.3.

D.4.

D.5.

D.6.

D.7.

E.

E.1.

E.2.

E.3.

E.4.

F.

ANNESS I —

ANNESS II —

ANNESS III —

1.

Dan ir-rapport janalizza l-ġestjoni baġitarja u finanzjarja tal-Parlament Ewropew għas-sena finanzjarja 2012. Jiddeskrivi l-użu tar-riżorsi finanzjarji kif ukoll l-avvenimenti li kellhom influwenza sinifikanti fuq l-attivitajiet tas-sena finanzjarja (il-partijiet I u II) u jagħti rendikont fil-qosor tar-riżultati li nkisbu f’relazzjoni mal-objettivi stabbiliti għas-sena 2012 (il-parti III).

2.

Ir-rapport tfassal skont l-Artikolu 142 tar-Regolament (UE, Euratom) Nru 966/2012 tal-Parlament Ewropew u tal-Kunsill tal-25 ta’ Ottubru 2012 dwar ir-regoli finanzjarji applikabbli għall-baġit ġenerali tal-Unjoni u li jħassar ir-Regolament tal-Kunsill (KE, Euratom) Nru 1605/2002 (1), iktar ’il-quddiem ir-“Regolament Finanzjarju” u skont l-Artikolu 227 tar-Regolament ta’ Delega tal-Kummissjoni (UE) Nru 1268/2012 tad-29 ta’ Ottubru 2012 dwar ir-regoli tal-applikazzjoni tar-Regolament (UE, Euratom) Nru 966/2012 (2). L-analiżi hija bbażata fuq il-kontijiet proviżorji kif stabbiliti mill-Uffiċjal tal-Kontabilità.

3.

L-approprjazzjonijiet finali tal-Parlament ammontaw għal EUR 1 717 868 121 jiġifieri 19,62 % tal-limitu massimu tal-intestatura V tal-Qafas Finanzjajru (3). It-Tabella 1 li tinsab aktar ’il quddiem tipprovdi ħarsa ġenerali tal-implimentazzjoni tal-baġit tal-Parlament Ewropew matul is-sena finanzjarja 2012.

Tabella 1

Użu ta' approprjazzjonijiet

4.

Id-dħul imdaħħal fil-kontijiet fil-31 ta’ Diċembru 2012 ammonta għal EUR 175 541 860 (2011: EUR 173 293 432 ), li minnu EUR 22 274 843 minn dħul assenjat (2011: EUR 23 815 077).

5.

It-total tal-approprjazzjonijiet tal-baġit finali tal-Parlament għall-2012 ammonta għal EUR 1 717 868 121, jiġifieri żieda ta’ 1,9 % meta mqabbel mal-baġit tal-2011 (EUR 1 685 829 393).

6.

L-impenji jammontaw għal EUR 1 693 038 015, jiġifieri 99 % tal-approprjazzjonijiet finali (2011: 93 %). Il-ħlasijiet ammontaw għal total ta' EUR 1 387 580 140, jiġifieri 82 % tal-impenji li ttieħdu (2011: 86 %).

7.

Ir-riporti awtomatiċi għas-sena finanzjarja 2013 ammontaw għal EUR 305 457 875, jiġifieri 18 % tal-approprjazzjonijiet impenjati (2011: 14 %). Ma kienx hemm riporti mhux awtomatiċi għas-sena finanzjarja 2013.

8.

Ir-riporti awtomatiċi ta’ approprjazzjonijiet għall-2012 ammontaw għal total ta’ EUR 222 900 384 (2011: EUR 231 028 630). Il-ħlasijiet minn dawn ir-rapporti ammontaw għal EUR 197 991 076, jiġifieri 89 % (2011: 90 %). L-ammont imħassar għalhekk kien ta’ EUR 24 909 308, 6 % aktar mill-2010 (EUR 23 590 299). It-tħassir jikkonċerna fil-biċċa l-kbira l-Artikoli li ġejjin: l-Artikolu 100“Bini”, l-Artikolu 202“In-nefqa fuq il-bini”, l-Artikolu 140“Aġenti oħra u ħaddiema esterni” u l-Artikolu 324“Produzzjoni u Tixrid”; it-tħassir li jikkonċerna dawn ir-raba’ artikoli jirrappreżenta 79 % tal-total tal-ammonti mħassra.

9.

L-ammonti mħassra u r-raġunijiet ewlenin għat-tħassir huma ppreżentati fit-Tabella 2.

Tabella 2

Raġunijiet ewlenin għat-tħassir tal-approprjazzjonijiet riportati awtomatikament mill-2010 sal-2011

10.

Ir-riporti mhux awtomatiċi għall-2012 b’mod konformi mal-Artikolu 9(2a) tar-Regolament Finanzjarju (6), ammontaw għal EUR 21 700 000. Huma kienu jikkonċernaw il-partiti 2003"Akkwist ta’ bini", għal EUR 15 000 000, 2001"Ħlasijiet ta’ ċnus", għal EUR 6 200 000 u 2005"Il-kostruzzjoni ta’ bini" għal EUR 500 000.

11.

L-approprjazzjonijiet riportati mhux awtomatikament għall-2012 kienu s-suġġett ta’ ħlasijiet għal total ta’ EUR 15 649 030 (72 %). Dawn il-ħlasijiet kienu jikkonċernaw prinċipalment l-akkwist ta’ bini (l-ewwel ħlas ta’ ammont ta’ EUR 15 000 000 għall-bini TREBEL waqt l-iffirmar tal-konvenju). Tħallsu ukoll l-ammont ta’ EUR 456 180 għall-kostruzzjoni ta’ bini u l-ammont ta’ EUR 192 850 għal ħlas taċ-ċnus.

12.

L-approprjazzjonijiet riportati mhux awtomatikament għall-2011 għall-akkwist u s-sistemazzjoni fil-bini tad-Dar tal-Ewropa f'Sofja (EUR 9 240 000 fil-partita 2003) ma setgħux jitħallsu fl-2011 u dan minħabba problemi relatati max-xogħlijiet magħmula ħażin u nuqqas ta’ konformità tax-xogħlijiet relatati mas-sistemazzjoni fil-bini. Tressqet proċedura ta’ preservazzjoni ta’ provi quddiem il-qrati ta’ Sofja. Ix-xogħlijiet relatati mas-sistemazzjoni fil-bini għandhom jintemmu fl-ewwel nofs tal-2013. Il-kuntratt fis-seħħ jipprevedi l-ħlas totali biss wara li jitlesta dan ix-xogħol u l-aċċettazzjoni tiegħu.

13.

Id-dħul assenjat li kien disponibbli fl-2012 ammonta għal total ta’ EUR 22 274 843 (2011: EUR 23 815 077). L-impenji ammontaw għal EUR 18 028 503, jiġifieri rata ta’ impenn ta’ 81 %, li hija ogħla sew mis-snin preċedenti (2011: 52 %, 2010: 13 %). Il-ħlasijiet ammontaw għal total ta' EUR 11 216 674; jiġifieri 62 % tal-impenji li ttieħdu (2011: 82 %).

14.

Is-sors tal-approprjazzjonijiet mid-dħul assenjat fl-2011 huwa analizzat fil-figura hawn isfel:

Figura 1

Approprjazzjonijiet minn dħul assenjat fl-2012 skont il-kapitolu

15.

L-approprjazzjonijet minn dħul assenjat riportati għall-2011 ammontaw għal EUR 107 592 247 (2010: EUR 110 017 852). Il-biċċa l-kbira (90 %) tal-approprjazzjonijiet minn dħul assenjat riportati għall-2012 ġejjin mill-kapitolu 20. Dawn jirriżultaw prinċipalment minn trasferiment ta’ EUR 85 897 000 mwettaq mill-Istat Belġjan, fis-27 ta’ Jannar 2010, fil-kuntest tat-tqassim tal-ispiża tal-art li fuqha hemm is-sit għall-Bini D4 u D5 u tal-ispejjeż ta’ żvilupp għas-saqaf fuq l-istazzjon ta’ Brussell-Lussemburgu.

16.

L-impenji mwettqa minn dħul assenjat riportat ammontaw għal EUR 105 482 187 (2011: EUR 20 580 678). Il-ħlasijiet imwettqa fl-2012 irrapreżentaw 10 % tal-impenji meħuda, u r-rata hija inferjuri sew mis-sena preċedenti (2011: 74 %). Il-biċċa l-kbira tal-impenji meħuda fl-2012 jikkonċernaw fil-fatt ix-xiri tal-bini TREBEL, b’mod konformi mad-deċiżjoni tal-Bureau tat-30 ta’ Novembru 2011, li għalih il-ħlasijiet se jibdew isiru mill-2013 (ara l-paragrafu 24 iktar ’il quddiem).

17.

Is-somma ta’ EUR 106 795 839 ġiet trasferita għas-sena 2013, li minnha l-ammont ta’ EUR 10 051 047 ġej minn approprjazzjonijiet minn dħul asssenjat (it-tħassir ta’ approprjazzjonijiet jammonta għal EUR 1 007 122) u l-ammont ta’ EUR 96 744 792 ġej minn approprjazzjonijiet minn dħul assenjat riportat (it-tħassir ta’ approprjazzjonijiet jammonta għal EUR 111 496). L-ammont ta' EUR 85 897 000 imħallas mill-gvern Belġjan f’Jannar 2010 (ara l-paragrafu 15) jikkostitwixxi dħul assenjat estern fis-sens tal-Artikolu 21(2) tar-Regolament Finanzjarju. L-approprjazzjonijiet minn dħul assenjat intern riportat jammontaw għal EUR 20 898 839.

18.

Ammont ta’ EUR 24 830 106 (2011: EUR 93 651 335), li jirrapreżenta 1,4 % tal-approprjazzjonijiet finali (2011: 5,6 %), tħassar. Ir-raġunijiet ewlenin għal dan it-tħassir huma mniżżla fit-tabella ta’ hawn taħt:

Tabella 3

Raġunijiet ewlenin għat-tħassir tal-approprijazzjonijiet kurrenti fl-2012

19.

Matul is-sena finanzjarja, ġew approvati għaxar trasferimenti C (inkluż it-trasferiment imsejjaħ “ta’ tlaqqit”(mopping-up transfer)) ġew approvati skont l-Artikoli 24 u 42 tar-Regolament Finanzjajru (7). L-impenji ammontaw għal EUR 80 462 015, jiġifieri 4,7 % tal-approprjazzjonijiet finali (fl-2011: disa’ trasferimenti li jirrappreżentaw 3,7 % tal-approprjazzjonijiet finali). Il-President awtorizza tmien trasferimenti P tal-approprjazzjonijiet kurrenti taħt l-Artikolu 22(1) tar-Regolament Finanzjajru (8), li jkopru total ta’ EUR 10 379 775, jiġifieri 0,6 % tal-approprjazzjoniet finali (2011: disa’ trasferimenti li jirrappreżentaw 0,7 % tal-approprjazzjonijiet finali). Barra minn hekk, il-President awtorizza wkoll trasferiment relatat mal-approprjazzjonijiet minn dħul assenjat riportat ta’ ammont ta’ EUR 88 924 943 u li jirrigwarda l-proġett TREBEL. Dan it-trasferiment b’eċċezzjoni jikkostitwixxi pjutost aġġustament tekniku mingħajr bidla tan-natura tal-iskop (9), peress li l-bini TREBEL se jinxtara mill-ewwel u mhux permezz ta’ ċens.

20.

B'kollox, kien hemm 18-il trasferiment C u P tal-approprjazzjonijiet kurrenti li ġew awtorizzati fl-2012, għal ammont ta’ EUR 90 841 790, jiġifieri 5,3 % tal-approprjazzjonijiet finali (2011: 18-il trasferiment ta’ ammont totali ta’ EUR 73 903 546, jiġifieri 4,4 % tal-approprjazzjonijiet finali), kif ukoll trasferiment P ta’ natura teknika ta’ approprjazzjonijiet minn dħul assenjat riportat ta’ ammont ta’ EUR 88 924 943.

Tabella 4

Trasferimenti skont il-bażi legali

Tabella 5

Analiżi tat-trasferimenti C skont il-partita destinatarja

Tabella 6

Analiżi tat-trasferimenti C skont il-kategorija tal-infiq u skont l-objettiv

21.

Din it-taqsima teżamina l-użu tal-approprjazzjonjiet minn Kapitolu 10 0 “Approprjazzjonijiet Proviżorji”, u minn Kapitolu 10 1 “Riżerva ta’ Kontinġenza”. Dawn il-Kapitoli, inklużi fit-Titolu 10 “Infiq ieħor” minn issa ’l quddiem jissejħu “Approprjazzjonijiet Proviżorji” fil-bqija ta’ dan ir-rapport. It-TItolu 10 “Infiq ieħor” kien jikkostitwixxi s-sors ewlieni ta’ trasferimenti barra mit-trasferiment ta’ tfaddil peress li 73 % tat-trasferimenti barra mit-trasferiment ta’ tfaddil ġejjin minn din l-intestatura (EUR 25 902 015 fuq total ta’ EUR 35 462 015).

22.

Minn dak l-ammont, EUR 10 192 015 kienu intiżi għall-Membri, EUR 9 985 000 għall-informatika, EUR 3 200 000 għall-multilingwiżmu, u EUR 2 000 000 għall-politika tal-proprjetà immobbli. Id-destinazzjoni tat-trasferimenti mill-approprjazzjonijiet provviżorji u l-objettiv tagħhom huwa deskritt hawn taħt.

Tabella 7

Destinazzjoni tat-trasferimenti minn approprjazzjonijiet provviżorji

23.

Din it-taqsima teżamina t-trasferimenti minn sorsi li mhumiex it-Titoli 10 “Infiq ieħor”. Total ta’ EUR 54 560 000 ġie trasferit minn titoli oħrajn, inkluż ammont ta’ EUR 45 000 000 fit-trasferiment ta’ tlaqqit. L-ispejjeż relatati mal-politika tal-proprjetà immobbli kienu jirrappreżentaw il-parti l-kbira ta’ dawn it-trasferimenti, jiġifieri 86 % segwiti mill-ispejjeż marbuta mal-informatika (11 %) u l-ispejjeż relatati mal-Membri (3 %). It-tabelli 8.a u 8.b jagħtu ħarsa ġenerali ta’ dawn it-trasferimenti.

Tabella 8.a

Oriġini tat-trasferimenti C minn sorsi apparti l-approprjazzjonijiet proviżorji (esklużi t-trasferimenti ta' tlaqqit)

Tabella 8.b

Dettall tat-trasferiment “ta' tlaqqit” C10

24.

Dan it-trasferiment ġie propost mill-grupp ta’ ħidma tal-Bureau u l-Kumitat għall-baġits dwar il-baġit tal-Parlament u ppermetta l-mobilizzazzjoni tal-fondi neċessarji għall-pagamenti relatati mal-akkwist tal-bini TREBEL u għall-kostruzzjoni tal-bini l-ġdid KAD, u minħabba dan kien hemm tfaddil stmat ta’ EUR 10,4 miljun fuq l-ispejjeż finanzjarji matul it-tul taż-żmien tal-kostruzzjoni u tal-ħlas tad-dejn bin-nifs.

25.

Il-rendikont tat-trasferimenti P jingħata fit-Tabella 9.

Tabella 9

Destinazzjoni tat-trasferimenti P

26.

Din it-taqsima tippreżenta l-użu tal-approprjazzjonijiet skont il-kapitolu baġitarju, il-volum tagħhom fil-baġit u l-bidliet fl-użu tal-approprjazzjonijet meta mqabbel mas-sena finanzjarja preċedenti. Erba’ kaptoli kienu responsabbli għal 70 % tat-total tal-impenji. Dawn kienu il-Kapitolu 10“Membri tal-istituzzjoni”, il-Kapitolu 12“Uffiċjali u persunal temporanju”, il-Kapitolu 20“Bini u nefqiet relatati” u l-Kapitolu 42“Nefqa relatata mal-assistenza parlamentari”.

27.

It-tabella 10 tipprovdi, kapitolu b’kapitolu, il-bidliet tal-approprazzjonijiet impenjati fl-2012 meta mqabbla ma’ tas-sena finanzjarja 2011. Il-figuri 2 u 3 juru l-partijiet relatati u l-bidliet mill-2011 għall-2012.

Tabella 10

Approprjazzjonijiet impenjati fl-2012 meta mqabbla mal-2011

28.

L-infiq rigward il-Membri fl-2012 ammonta għal EUR 204 267 112, jiġifieri 12 % tal-impenji totali għas-sena finanzjarja. Din iċ-ċifra żdiedet b'EUR 8,9 miljun, jiġifieri 5 % aktar meta mqabbla ma' dik għall-2011. Din iż-żieda fil-volum tal-impenji hi konkomitanti ma' tnaqqis ta' 5 % tal-ammont tal-approprjazzjonijiet finali mqabbel ma' dak tas-sena preċedenti. Ir-riżultat ta' dan kien li r-rata ta' approprjazzjonijiet imħassra kienet kważi żero, waqt li fl-2011 kienet ta' 9 %.

29.

L-impenji tal-Partita 1000"Salarji" u l-Partita 1006"Allowances għal spejjeż ġenerali" (maħsuba biex tkopri l-ispejjeż tal-attivitajiet parlamentari tal-Membri) jammontaw għal EUR 108 108 469 u jirrappreżentaw 53 % tal-impenji totali tal-kapitolu. Dawn żdiedu bi 3 % meta mqabbla mal-impenji għall-2011. Is-salarju gross għal kull xahar jammonta għal EUR 7 957 għal kull Membru, u l-allowance għall-ispejjeż ġenerali tammonta għal EUR 4 299.

30.

L-impenji tal-Partita 1004"Spejjeż għall-vjaġġi regolari" u l-Partita 1005"Spejjeż oħra għall-vjaġġi" jammontaw għal EUR 78 882 170, jiġifieri 39 % tal-impenji totali tal-Kapitolu 10. Nofs iż-żieda fil-volum tal-impenji tal-kapitolu tirriżulta miż-żieda f'dawn iż-żewġ partiti (żieda ta' EUR 4 541 265). Il-Partita 1005, li tkopri l-ispejjeż għall-ivvjaġġar u l-għajxien relatati mal-vjaġġi lejn u mill-postijiet tax-xogħol u missjonijiet oħra, żdiedet bi 48 % meta mqabbla ma' dik tal-2011. Fil-fatt, proporzjon sinifikanti tat-talbiet għal rimorż mill-Membri rigward is-sena finanzjarja 2011 saret fl-2012, bi qbil mar-regolament li jirrevedi li t-talbiet għal rimborż ta' sena partikolari jistgħu jitressqu sal-31 ta' Ottubru tas-sena sussegwenti.

31.

Fl-2012 (10), il-Membri (11) għamlu 18 314-il vjaġġ biex jieħdu sehem fis-seduti plenarji fi Strasburgu u Brussell, 35 314-il vjaġġ biex jattendu għal-laqgħat tal-kumitati fi Brussell u 2 653 vjaġġ biex imorru għal laqgħat tal-gruppi politiċi fi Brussell (12). Fir-rigward tal-vjaġġi barra mill-postijiet tax-xogħol regolari tal-Parlament, 1 290 vjaġġ kienu relatati ma' laqgħat tal-kumitati u 1 946 ma' laqgħat tal-gruppi politiċi, li magħhom żdiedu wkoll 1 706 vjaġġi relatati ma' laqgħat tad-delegazzjonijiet parlamentari.

32.

L-impenji tal-Partita 1010"Polza ta’ assikurazzjoni kontra l-inċidenti, il-mard u ħlasijiet oħra tas-sigurtà soċjali" jammontaw għal EUR 2 399 615, jiġifieri 1 % tal-impenji totali tal-kapitolu. Dawn żdiedu b'92 % meta mqabbla ma' dawk tal-2011 minħabba ż-żieda fl-għadd tal-Membri li rrikorrew għas-sistema ta' rimborż tal-ispejjeż mediċi. Din iż-żieda kienet waħda kontinwa minn mindu ġiet implimentata s-sistema fl-2009 u probabbli li se tkompli peress li għadu ma ntlaħaqx il-livell mistenni ta' użu normali tas-sistema.

33.

L-infiq rigward l-uffiċjali u l-persunal temporanju fl-2012 ammonta għal EUR 560 700 762, jiġifieri l-akbar kategorija ta' spejjeż bi 33 % tal-impenji totali tas-sena finanzjarja 2012. Din iċ-ċifra żdiedet b'EUR 20,25 miljun, jiġifieri 4 % aktar meta mqabbla ma' dik għas-sena finanzjarja preċedenti. Din iċ-ċaqliqa tal-kapitolu essenzjalment hi r-riżultat taż-żieda tal-Partita 1200"Remunerazzjoni u Allowances", li tirrappreżenta 99 % tal-approprjazzjonijiet.

34.

L-impenji taħt il-Partita 1200"Remunerazzjoni u Allowances" jammontaw għal EUR 555 375 070. Fl-2012, il-Partita 1200 kienet ikkaratterizzata minn approprjazzjonijiet eċċessivi, u kienet il-partita ewlenija minn fejn saru trasferimenti ta' tlaqqit b'EUR 13-il miljun, jiġifieri 3 % tal-approprjazzjonijiet inizjali u 29 % tal-ammont trasferit (ara t-tabella 8.b). Dan l-eċċess jista' essenzjalment jiġi spjegata mill-fatt li, meta kien qed jinħadem il-baġit tal-2012, ġie kkalkolat l-adattament annwali tas-salarji għall-2011 u 2012 li fl-aħħar mill-aħħar s'issa għadu ma seħħx.

35.

Fl-2012, 324 uffiċjal u persunal temporanju ġew impjegati fi ħdan is-Segretarjat Ġenerali, 58 aġent temporanju ġew reklutati fi ħdan il-gruppi politiċi u 399 persuna ġew impjegati bħala assistenti parlamentari akkreditati. B'kollox, sal-31 ta' Diċembru 2012, kien hemm 5 941 uffiċjal u persunal temporanju jaħdmu mal-Parlament Ewropew (li minnhom, 5 187 persuna jaħdmu mas-Segretarjat Ġenerali u 754 fi ħdan il-gruppi politiċi), kif ukoll 1 705 assistenti parlamentari akkreditati.

36.

F'dak li jirrigwarda t-tqassim skont il-ġeneru, sal-31 ta' Diċembru 2012, in-nisa kienu jirrappreżentaw 26 % tal-kapijiet ta' unità, 33 % tad-diretturi u 33 % tad-diretturi ġenerali. Il-figura t'hawn taħt tippreżenta t-tqassim tal-persunal skont il-grupp ta' funzjonijiet u skont il-ġeneru.

Figura 4

Tqassim tal-persunal tas-Segretarjat Ġenerali skont il-ġeneru

37.

L-infiq rigward Persunal ieħor u servizzi esterni fl-2012 ammonta għal EUR 102 483 098, jiġifieri 6 % tal-impenji. Il-kapitolu jinkludi tliet partiti ta' spejjeż ewlenin: il-Partita 1402"Interpreti għall-konferenzi" tirrappreżenta 45 % tal-impenji, il-Partita 1400"Aġenti oħra" (13) 34 % u l-Partita 1420"Servizzi esterni" (14) 6 %.

38.

L-impenji tal-kapitolu naqsu b'madwar EUR 16,3 miljun meta mqabbla ma' dawk tal-2011, jiġifieri tnaqqis ta' 14 %. Din l-evoluzzjoni hi fil-biċċa l-kbira dovuta għat-tnaqqis tal-impenji tal-Partita 1420"Servizzi Esterni" (tnaqqis ta' 42 %) u l-Partita 1402"Interpreti għall-konferenzi" (tnaqqis ta' 19 %) b'segwitu għall-miżuri ta' ekonomiji strutturali imwettqa mill-istituzzjoni fl-2012. Barra minn hekk, l-approprjazzjonijiet tal-kapitolu tnaqqsu b'madwar EUR 8 miljun waqt is-sena finanzjarja (7 % tal-ammont inizjali), u dan ipprovda 18 % tal-ammont tat-trasferiment ta' tlaqqit (ara t-tabella 8.b).

39.

Għall-Partita 1402"Interpreti għall-konferenzi", l-impenji ammontaw għal EUR 46 000 000 biex jitkoprew, fil-qafas tal-kooperazzjoni interistituzzjonali b'mod partikolari, l-onorarji, il-kontribuzzjonijiet tas-sigurtà soċjali, l-ispejjeż tal-ivvjaġġar u l-allowances ta' sussistenza tal-interpreti għall-konferenzi awżiljarji impjegati mill-Parlament biex jiġi garantit servizz ta' interpretazzjoni fil-laqgħat organizzati mill-Parlament. Il-livell tal-impenji naqas b'EUR 10 964 283 meta mqabbel ma' dak tal-2011, jiġifieri tnaqqis ta' 19 %. Dawn l-ekonomiji rriżultaw mill-implimentazzjoni integrali, mill-1 ta' April 2012, tal-miżuri ta' ekonomiji strutturali deċiżi mill-Bureau fil-qasam tal-multilingwiżmu f'Diċembru 2011.

40.

L-interpreti tal-Parlament u l-interpreti għall-konferenzi awżiljarji ħadmu 97 791 jum ta' interpretazzjoni fl-2012 (2011: 109 707 jum (15)) għall-Parlament u istituzzjonijiet oħra (16) meta l-Parlament kellu jiggarantixxi din l-interpretazzjoni (tnaqqis ta' 11 % meta mqabbel mal-2011). L-interpreti tal-Parlament ħadmu 51 109 jum (3 % anqas milli nħadmu fl-2011), waqt li l-interpreti għall-konferenzi awżiljarji ħadmu 46 682 jum (tnaqqis ta' 18 % meta mqabbel mal-2011).

41.

L-impenji tal-Partita 1420"Servizzi Esterni" żdiedu għal EUR 14 587 633, tnaqqis ta' EUR 10 399 823, jew 42 %, meta mqabbel mal-2011. Din il-varjazzjoni tirriżulta mit-tnaqqis drastiku tal-ispejjeż relatati mat-traduzzjoni tat-traskrizzjoni verbatim tal-proċedimenti, li fl-2012 kienu jirrappreżentaw anqas minn għaxra fil-mija tal-ammont tal-2011. Dan jirrifletti d-deċiżjoni tal-Bureau ta' Settembru 2011 li ma tibqax issir it-traduzzjoni sistematika tat-traskrizzjoni verbatim tal-proċedimenti u tal-mistoqsijiet bil-miktub fi 11-il lingwa uffiċjali, mingħajr lanqas il-possibilità li kull Membru jitlob it-traduzzjoni ta' siltiet speċifiċi u/jew ta' mistoqsijiet fil-lingwa li jkun għażel.

42.

Fir-rigward tal-Partita 1400"Aġenti oħra", l-impenji laħqu EUR 34 790 888, żieda ta' 14 % meta mqabbla mal-2011. Din il-Partita tkopri r-rimunerazzjoni, inklużi l-allokazzjonijiet u l-allowances, tal-aġenti l-oħra, b’mod partikulari l-aġenti kuntrattwali u lokali, kif ukoll il-konsulenti speċjali, il-kontribuzzjonijiet tal-impjegaturi għall-iskemi differenti ta’ sigurtà soċjali u l-impatt tal-koeffiċjent ta' korrezzjoni applikabbli għar-rimunerazzjonijiet ta’ dawn l-aġenti, kif ukoll l-impjieg ta' persunal temporanju. F’dak li jirrigwarda l-persunal kuntrattwali, sal-31 ta' Diċembru 2012, kienu impjegati 675 persuna. It-tqassim tal-persunal kuntrattwali skont il-grupp ta’ funzjonijiet (17) u skont il-ġeneru qed jiġi preżentat fil-Figura 5.

Figura 5

Persunal kuntrattwali skont il-grupp ta’ funzjoni u skont il-ġeneru fl-2012

43.

L-infiq tal-Kapitolu 1 6 ammonta għal EUR 16 699 823, jiġifieri 1 % tal-impenji totali tas-sena finanzjarja 2012. Din iċ-ċifra żdiedet b'EUR 2 210 199, jiġifieri 15 % aktar meta mqabbla ma' dik għall-2011.

44.

Fi ħdan dan il-kapitolu, 35 % tal-impenji kellhom x'jaqsmu mal-Partita 1654“Ċentri għat-tfal żgħar u skejjel materni approvati”, 25 % mal-Partita 1612“Taħriġ Ulterjuri” u 24 % mal-Partita 1652“Nefqiet kurrenti għall-operat amministrattiv tar-ristoranti u l-kantins”.

45.

Il-ġestjoni esterna tal-crèche u tal-family room tal-istituzzjoni fi Brussell u l-ispejjeż annessi jikkostitwixxu l-ikbar parti tal-Partita 1654. L-approprjazzjonijiet impenjati fuq il-parti kollha kemm hi żdiedu għal EUR 5 840 796, jiġifieri 9 % aktar meta mqabbla ma' dawk tal-2011, u koprew il-kontribuzzjoni tal-Parlament għall-ispejjeż taċ-ċentru għat-tfal żgħar u għall-crèches esterni li magħhom ġie konkluż ftehim (18).

46.

F'dak li jirrigwarda l-Partita 1612"Taħriġ Ulterjuri", l-approprjazzjonijiet impenjati ammontaw għal EUR 4 177 428, żieda ta' 7 % meta mqabbla ma' dawk tal-2011, u koprew l-ispejjeż relatati mal-korsijiet għat-titjib tal-ħiliet tal-persunal, kif ukoll tal-prestazzjoni u l-effikaċja tal-istituzzjoni. Fl-2012, 5 089 persuna segwew korsijiet tal-lingwa, 1 538 persuna ħadu sehem f'taħriġ informatiku u 1 126 persuna f'taħriġ fil-qasam finanzjarju. Madwar 6 963 persuna ħadu sehem f'taħriġ ġenerali pprovdut internament u 320 f'taħriġ estern (19).

47.

F'dak li jirrigwarda l-Partita 1652"Nefqiet kurrenti għall-operat amministrattiv tar-ristoranti u l-kantins", l-impenji ammontaw għal EUR 3 960 000, żieda ta' 52 % meta mqabbla ma' dawk tal-2011. Din is-sitwazzjoni tista' tiġi spjegati minn użu aktar rapidu tal-approprjazzjonijiet ta' dħul assenjat milli kien jiġri fl-imgħoddi, minħabba l-fatt li d-diskrepanza bejn it-tariffi prattiċi u l-evoluzzjoni tal-ispejjeż (salarji u materja prima) biex b'hekk qed jiżdied it-telf operattiv li qed iġarrab il-baġit. Kien hemm reviżjoni tat-tariffi b'seħħ mill-1 ta' Jannar 2013 Fl-2012, il-barijiet, ir-ristoranti u l-kantins qdew madwar 3 103 000 klijent u l-ħanut għall-persunal 153 000.

48.

L-impenji tal-Kapitolu 20 ammontaw għal EUR 248 864 928, jiġifieri 15 % tal-impenji tal-2012. Il-volum tal-impenji żdied b'EUR 53 335 037, jiġfieri b'27 % meta mqabbel mal-livell tagħhom fl-2011. L-approprjazzjonijiet tal-kapitolu żdiedu bi kważi EUR 42 miljun waqt is-sena finanzjarja (20 % tal-ammont ta' approprjazzjonijiet inizjali), prinċipalment fl-okkażjoni tat-trasferiment ta' tlaqqit (ara t-tabella 8.b).

49.

L-evoluzzjoni tal-livell ta' impenji tirriżulta fil-biċċa l-kbira tagħha mill-Partita 2001"Ħlasijiet ta’ ċnus" (żieda fl-impenji ta' madwar EUR 30 miljun, jiġifieri 56 % tad-diskrepanza), imma anke mill-Partita 2007"Sistemazzjoni fil-bini" (żieda ta' 48 %, 21 % tad-diskrepanza) u l-Partita 2003"Akkwist ta’ bini" (żieda ta' 23 %, 14 % tad-diskrepanza).

50.

It-tqassim tal-approprjazzjonijiet tal-Kapitolu 20 skont it-tip tal-ispejjeż qed tiġi ppreżentata fil-figura t'hawn taħt.

Figura 6

Tqassim tal-impenji tal-Kapitolu 20 skont il-partita

51.

L-impenji tal-Partita 2022"Manutenzjoni, żamma, operat u tindif tal-bini" ammontaw għal EUR 48 638 644 (20 % tal-kapitolu) u koprew l-ispiża tal-manutenzjoni tal-bini, tal-liftijiet, tas-sistemi ta' tisħin u ta' klimatizzazzjoni u tal-bibien kontra n-nirien, kif ukoll ix-xogħol ta' tibjid u ta' tiswija, eċċ. L-impenji żdiedu bi 11 % meta mqabbla ma' dawk tal-2011 (+EUR 4 823 612). Din l-evoluzzjoni rriżultat mill-implimentazzjoni tal-politika l-ġdida ta' manutenzjoni msaħħa, f'kuntest ta' bini li qed jiqdiem. L-allokazzjoni tal-partita ssaħħet b'EUR 2 miljun waqt is-sena finanzjarja (żieda ta' 4 % tal-approprjazzjonijiet inizjali).

52.

Il-Partita 2003"Akkwist ta' bini" — b'allokazzjoni inizjali "p.m." — ingħatat fondi ta' madwar EUR 38 753 000 permezz tat-trasferimenti P8 u C10 (ara t-tabelli 8.b u 9; it-trasferiment P8 mill-Partita 2000"Kirjiet" kellu l-effett li jnaqqas l-allokazzjoni inizjali tal-partita bi 11 %). L-ammont kollu ġie impenjat (il-bini TREBEL u d-Dar tal-Ewropa f'Sofija) u jirrappreżenta 16 % tal-impenji tal-kapitolu.

53.

L-impenji għall-Partita 2001"Ħlasijiet ta' ċnus" (14 % tal-Kapitolu) jammontaw għal EUR 33 910 000, jiġifieri kważi 8 darbiet aktar mil-livell tal-2011. L-allokazzjoni tal-partita ssaħħet bi EUR 8 000 000 matul is-sena finanzjarja, żieda ta' 31 % meta mqabbla mal-approprjazzjonijiet inizjali, prinċipalment minħabba t-trasferiment ta' tlaqqit (ara t-tabelli 8.a u 8.b). L-ammont kollu ġie impenja, essenzjalment għall-proġett tal-estensjoni tal-bini KAD f'Lussemburgu.

54.

F'dak li għandu x'jaqsam mal-Partita 2007"Sistemazzjoni fil-bini" (14 % tal-kapitolu), l-impenji ammontaw għal EUR 34 811 824, żieda ta' 48 % meta mqabbla ma' dawk tal-2011 (l-approprjazzjonijiet inizjali żdiedu b'51 %). It-tagħmir tal-bini fi Brussell jikkostitwixxi s-sehem l-aktar importanti tal-partita (65 % tal-impenji) u jikkostitwixxi l-biċċa l-kbira taż-żieda fl-impenji u fl-approprjazzjonijiet. Fl-2012, inbeda u tlesta għadd sinifikanti ta' xogħlijiet fuq il-bini u l-proġetti fuq il-post fi Brussell. Dawk l-aktar importanti kellhom x'jaqsmu mal-proġett ta' rinnovazzjoni Eastman/Dar tal-Istorja Ewropea li għalih ġie impenjat ammont ta' kważi EUR 12,8 miljun fl-2012. (Il-Kumitat għall-Baġits, waqt il-laqgħa tiegħu tal-15 ta' Novembru 2012, approva l-ħruġ ta' riżerva ta' EUR 2 000 000 għad-Dar tal-Istorja Ewropea — ara t-tabella 7). Diversi xogħlijiet u proġetti laqtu wkoll il-bini okkupat.

55.

L-impenji għall-Partita 2026"Sigurtà u sorveljanza tal-bini" (14 % tal-kapitolu) ammontaw għal total ta' EUR 35 023 714, tnaqqis ta' 3 % meta mqabbla ma' dawk tal-2011. Prinċipalment dawn koprew l-ispejjeż tal-għassa u tas-sorveljanza tal-bini okkupat mill-Parlament fit-tliet postijiet ta’ xogħol normali tiegħu u fl-uffiċċji ta' informazzjoni.

56.

L-impenji tal-Kapitolu 2 0 ammontaw għal EUR 142 804 433, jiġifieri 8 % tal-impenji tal-2012. Ġew impenjati EUR 25 513 660 aktar milli fl-2011, jiġifieri żieda ta' 22 %. L-approprjazzjonijiet tal-kapitolu ġew miżjuda waqt is-sena finanzajrja bi EUR 14 915 000, jiġifieri 11 % tal-approprjazzjonijiet inizjali, prinċipalment permezz ta' żewġ trasferimenti (C5 għar-rilaxx mir-riżerva, awtorizzat fit-12 ta' Ottubru 2012, u C9, awtorizzat fil-5 ta' Diċembru 2012; ara t-tabelli 7 u 8.a) intenzjonati għall-finanzjament tal-kopertura WiFi fil-bini tal-Parlament Ewropew u s-sostituzzjoni ta' parti mill-infrastruttura tan-netwerk u l-apparat individwali.

57.

Il-Partita 2100"Tagħmir u softwer għat-teknoloġiji tal-informatika u tal-innovazzjoni" u l-Partita 2102"Assistenza esterna għat-teknoloġiji tal-informatika u tal-innovazzjoni" jirrappreżentaw waħedhom 81 % tal-infiq tal-kapitolu u 88 % tad-diskrepanza tal-impenji mill-2011 għall-2012.

58.

It-tqassim tal-ispejjeż tal-Kapitolu 21 qed jiġi ppreżentat fil-figura t'hawn taħt.

Figura 7

Tqassim tal-ispejjeż tal-Kapitolu 21

59.

L-impenji tal-Partita 2100“Tagħmir u softwer għat-teknoloġiji tal-informatika u l-innovazzjoni” jirrappreżentaw 31 % tal-Kapitolu 2 1 b'total ta' EUR 44 585 309, żieda ta' 38 % meta mqabbla ma' dawk tal-2011. L-approprjazzjonijiet żdiedu b'EUR 7 528 700 matul is-sena finanzjarja (20 % tal-approprjazzjonijiet inizjali). Din il-partita kopriet l-ispejjeż marbuta max-xiri, il-kiri, it-tiswija u l-manutenzjoni tal-materjal u tas-softwer għall-istituzzjoni u x-xogħlijiet relatati. Dan il-materjal u dan is-softwer jikkonċernaw b’mod partikolari s-sistemi taċ-ċentru informatiku u tat-telekomunikazzjonijiet, l-informatika dipartimentali u tal-gruppi politiċi, kif ukoll il-votazzjoni elettronika.

60.

L-impenji tal-Partita 2100“Assistenza esterna għat-teknoloġiji tal-informatika u tal-innovazzjoni” jirrappreżentaw 50 % tal-Kapitolu 21 b'total ta' EUR 70 511 060, żieda ta' 17 % meta mqabbla ma' dawk tal-2011 (bi qbil maż-żieda tal-ammont ta' approprjazzjonijiet allokati). L-approprjazzjonijiet żdiedu b'EUR 8 286 300 matul is-sena finanzjarja (13 % tal-approprjazzjonijiet inizjali). L-approprjazzjonijiet koprew prinċipalment l-ispejjeż għall-assistenza minn kumpanniji ta’ servizzi u konsulenza fl-informatika għat-tħaddim taċ-ċentru informatiku u tan-netwerk, il-produzzjoni u l-manutenzjoni tal-applikazzjonijiet, l-assistenza għall-utenti, inklużi l-Membri u l-gruppi politiċi, it-twettiq ta’ studji, u t-tfassil u l-kontribuzzjoni ta’ dokumentazzjoni teknika.

61.

Dan il-kapitolu rrappreżenta 1 % tal-impenji tal-2012, b'ammont ta' EUR 9 476 760. Il-livell tal-impenji tnaqqas ftit bi 2 % meta mqabbel ma' dak tal-2011.

62.

L-impenji ta' dan il-kapitolu jitqassmu kif ġej: 47 % jikkorrispondu għall-Artikolu 235"Telekomunikazzjoni"; 21 % għall-Artikolu 230"Kanċellerija, provvisti għall-uffiċċju u oġġetti għall-konsum diversi" u 15 % għall-Artikolu 232"Spejjeż legali u ħsarat". Is-17 % li jifdal huma mqassma bejn l-Artikolu 231“Tariffi finanzjarji”, l-Artikolu 236"Servizzi postali u ta' ġarr”, l-Artikolu 237“Rilokazzjonijiet” u l-Artikolu 238“Nefqiet amministrattivi oħra" u l-Artikolu 239"Skema tal-Parlament Ewropew ta’ kumpens għall-emissjonijiet tal-karbonju”.

63.

Bl-eċċezzjoni tal-Partita 2320"Spejjeż legali u ħsarat" li nħarġulha fondi mir-riżerva (trasferiment C3, ara t-tabella 7), il-partiti kollha tal-kapitolu ffinanzjaw it-trasferimenti C9 u C10 (ara t-tabelli 8.a u 8.b). L-effett totali ta' dawn it-trasferimenti kien tnaqqis ta' 29 % tal-approprjazzjonijiet inizjali, li xehed l-isforzi biex jiġu kkontrollati l-ispejjeż kurrenti tal-funzjonament amministrattiv.

64.

L-approprjazzjonijiet tal-Artikolu 239"Skema tal-Parlament Ewropew ta’ kumpens għall-emissjonijiet tal-karbonju", li inizjalment kienu ta' EUR 950 000, tnaqqsu b'91 % meta sar it-trasferiment ta' tlaqqit minħabba dewmien fil-konklużjoni ta' sejħa għal offerti, kif ukoll tnaqqis sinifikanti tal-prezz għal kull tunnellata ta' CO2.

65.

Dan il-kapitolu rrappreżenta 2 % tal-impenji tal-2012, b'ammont ta' EUR 32 624 325 li żamm stabbli meta mqabbel ma' dak tal-2011. L-impenji ta' dan il-kapitolu jitqassmu kif ġej: 79 % jikkorrispondu għall-Artikolu 300"Nefqiet għall-missjonijiet tal-istaff u vjaġġar fuq xogħol bejn it-tliet postijiet ta’ xogħol", 18 % għall-Artikolu 304"Nefqiet varji għal laqgħat" u 3 % għall-Artikolu 302"Nefqiet għad-divertiment u għar-rappreżentazzjoni".

66.

L-approprjazzjonijiet inizjali għall-2012 urew tnaqqis ta' 4 % meta mqabbla ma' dawk tal-2011, u tnaqqsu b'10 % meta sar it-trasferiment ta' tlaqqit (trasferiment ta' EUR 3 666 387). Mill-Artikolu 300 ġew frankati EUR 3 000 000 li huma r-riżultat tal-isforzi tad-Direttorati Ġenerali kollha biex jiżguraw kontroll aħjar tal-ispejjeż ta' trasport.

67.

Fl-2012, kien hemm 33 616 missjoni (2011: 34 827 missjoni), li fit-total tagħhom jirrappreżentaw 99 377 jum ta' missjoni (2011: 104 436 jum). Il-biċċa l-kbira tal-missjonijiet kienu mqassmin bejn it-tliet postijiet tax-xogħol tal-Parlament (Brussell: 5 652 missjoni, Strasburgu: 19 846 missjoni, Lussemburgu: 2 433 missjoni).

68.

L-impenji ta' dan il-kapitolu rrappreżentaw 6 % tal-ispejjeż tal-2012, b'total ta' EUR 105 967 314 b'żieda ta' 15 % meta mqabbla ma' dawk tal-2011. Peress li l-approprjazzjonijiet finali żdiedu b'5 % meta mqabbla ma' dawk tas-sena finanzjarja preċedenti, ir-rata ta' użu ta' dan il-kapitolu tjiebet u laħqet is-97 %. Madwar 26 % tal-impenji tal-kapitolu ntużaw għall-Partita 3244"L-organizzazzjoni u l-ospitalità ta' gruppi ta' viżitaturi, il-programm Euroscola u stediniet għall-multiplikaturi tal-opinjoni minn pajjiżi terzi", 21 % għall-Partita 3242"Nefqiet għall-pubblikazzjoni, it-tagħrif u l-parteċipazzjoni f’manifestazzjonijiet pubbliċi", 13 % għall-Partita 3248“In-nefqa għall-informazzjoni awdjoviżiva”.

69.

It-tqassim tal-impenji qed jiġi ppreżentat fil-figura t'hawn taħt.

Figura 8

Tqassim tal-impenji tal-Kapitolu 32

70.

Fil-konfront tal-Partita 3244"L-organizzazzjoni u l-ospitalità ta’ gruppi ta’ viżitaturi, il-programm Euroscola u stediniet għall-multiplikaturi tal-opinjoni minn pajjiżi terzi", l-impenji żdiedu għal EUR 27 985 491, żieda żgħira meta mqabbla ma' dawk tal-2011 (+3 %). Dawn koprew is-sussidji mogħtija għall-gruppi ta' viżitaturi u l-ispejjeż ta' superviżjoni u ta' infrastruttura relatati, l-ispejjeż għall-ġestjoni tal-programm "Euroscola" u l-finanzjament tal-perjodi ta' prattika għall-multiplikaturi ta' opinjoni minn pajjiżi terzi.

71.

Fil-konfront tal-Partita 3242"Nefqiet għall-pubblikazzjoni, it-tagħrif u l-parteċipazzjoni f’manifestazzjonijiet pubbliċi", l-impenji laħqu EUR 22 124 435. B'mod partikolari, dawn koprew l-ispejjeż fil-qasam tal-pubblikazzjonijiet, speċifikament dawk elettroniċi, ta' attivitajiet ta' informazzjoni, ta' relazzjonijiet pubbliċi u ta' parteċipazzjoni f'avvenimenti pubbliċi, f'fieri u wirjiet fl-Istati Membri u l-pajjiżi kandidati, kif ukoll l-ispejjeż relatati mal-aġġornament tal-Osservatorju Leġiżlattiv (OEIL). L-impenji żdiedu b'25 % meta mqabbla ma' dawk tal-2011. Din l-evoluzzjoni tirriżulta mill-implimentazzjoni ta' monitoraġġ aktar mill-qrib u ta' strateġija ta' ottimizzazzjoni tal-baġit, li wasslet għal żieda netta fir-rata ta' eżekuzzjoni (2012: 98 %, 2011: 90 %).

72.

L-impenji għall-Partita 3248“In-nefqa għall-informazzjoni awdjoviżiva” ammontaw għal EUR 13 369 011 u koprew l-ispejjeż relatati mal-elementi li ġejjin:

L-impenji żdiedu b'20 % meta mqabbla ma' dawk tal-2011.

73.

Rigward il-produzzjoni tal-informazzjoni adjoviżiva, 1 293 avveniment, li minnhom 890 nofs ta' nhar ta’ laqgħat tal-kumitati, ġew ritrażmessi fuq l-internet. Fir-rigward ta' "Europe by Satellite", il-produzzjoni tinqasam kif ġej: 905 sekwenzi tal-aħbarijiet tal-Parlament Ewropew, li minnhom 879 reġgħu xxandru minn 148 stazzjoni, 57 filmat informattiv dwar suġġetti leġiżlattivi, 69 jum ta' Plenarja, 269 xandira diretta, 295 tema ta' aħbarijiet prodotti minnn Eurovision (biex jixxandru lill-membri tagħha) u 19-il avveniment ritrażmessi minn Eurovision mill-Parlament Ewropew fi Brussell u fi Strasburgu.

74.

Ikun xieraq ukoll li jiġi nnotat li l-impenji tal-Partita 3243"Parlamentarium — Iċ-Ċentru għall-Viżitaturi tal-Parlament Ewropew" (EUR 3 462 168) żdiedu b'40 % meta mqabbla ma' dawk tas-sena finanzjarja preċedenti (bi qbil maż-żieda tal-approprjazzjonijiet allokati). Il-Parlamentarium laqa' 250 000 viżitatur fl-2012, jiġifieri 4.5 darbiet aktar milli kien hemm fl-2011, u hu waħda mill-5 attrazzjonijiet turistiċi fi Brussell li l-aktar kellhom viżitaturi.

75.

Dan il-kapitolu rrappreżenta 5 % tal-impenji tal-2012, b'ammont totali ta' EUR 87 917 639 b'żieda ta' 6 % meta mqabbel ma' dawk tal-2011. L-Artikolu 4000 “Nefqa amministrattiva kurrenti u nefqa marbuta mal-attivitajiet politiċi ta' informazzjoni tal-gruppi politiċi u tal-Membri mhux affiljati” rrappreżenta 65 % tal-approprjazzjonijiet tal-Kapitolu 40 (2011: 66 %). L-impenji għal dan l-artikolu ammontaw għal EUR 57 062 367. Huma kienu maħsuba li jkopru, għall-gruppi politiċi u l-Membri mhux affiljati:

76.

L-Artikolu 402"Kontribuzzjonijiet lill-Partiti Politiċi Ewropej" irrappreżenta 21 % (2011: 21 %) tal-impenji tal-Kapitolu 40. L-Artikolu 403"Kontribuzzjoni għal Fondazzjonijiet Politiċi Ewropej" irrappreżenta 14 % (2011: 13 %) tal-impenji tal-Kapitolu 40.

Figura 9

Tqassim tal-impenji tal-Kapitolu 40

77.

Fl-2012, dan il-kapitolu rrappreżenta 11 % tal-impenji, b'ammont totali ta' EUR 180 871 822 b'żieda ta' 6 % meta mqabbel ma' dawk tal-2011. Peress li l-approprjazzjonijiet finali tal-kapitolu naqsu b'2 % meta mqabbla ma' dawk tas-sena finanzjarja preċedenti, dan irriżulta f'titjib fir-rata ta' użu.

78.

L-approprjazzjonijiet allokati tnaqqsu b'EUR 6 miljun (3 % tal-approprjazzjonijiet inizjali) matul is-sena finanzjarja (ara t-tabella 8.b). L-approprjazzjonijiet allokati għall-assistenza parlamentari tnaqqsu b'EUR 6,8 miljun, waqt li dawk allokati għat-telf mill-kambju żdiedu b'EUR 0,8 miljun.

79.

Il-figura li ġejja turi t-tqassim tal-impenji tal-kapitolu.

Figura 10

Tqassim tal-impenji tal-Kapitolu 42

80.

L-impenji relatati mal-"assistenti lokali" jammontaw għal EUR 80 720 519, żieda ta' 2 % meta mqabbla ma' dawk tal-2011.

81.

L-impenji relatati mal-"assistenti akkreditati — statut" jammontaw għal EUR 99 033 150, żieda ta' 8 % meta mqabbla ma' dawk tal-2011. Din il-partita tkopri s-salarji u l-ispejjeż ta' missjoni ta' dawn l-uffiċjali, kif ukoll l-ispejjeż relatati mal-korsijiet esterni. Il-livell medju ta' kull xahar tar-rimunerazzjonijiet mogħtija jammonta għal EUR 7,5 miljun (medja ta' EUR 6,9 miljun fl-2011).

82.

Fil-31 ta' Diċembru 2012, kienu qed jaħdmu mal-Parlament 1 705 assistenti parlamentari akkreditati u 2 498 assistent lokali kellhom kuntratt ta' xogħol ma' Membri (146 minnhom, permezz ta' raggruppamenti). Bħala medja, kull Membru impjega 2.26 assistent akkreditat u 3.31 assistent lokali (20). Hemm diskrepanza konsiderevoli bejn l-għadd ta' assistenti lokali impjegati minn kull Membru, għadd li, fl-2012, varja bejn iż-0 u s-47. Waqt li 14-il Membru ma jimpjegawx assistenti lokali, 63 Membru rreklutaw aktar minn 10 impjegati fl-Istati Membri tagħhom matul l-2012. Madwar 29 Membru impjegaw biss assistenti lokali matul l-2012.

83.

Il-pagamenti relatati mal-ispejjeż ta' assistenza Parlamentari tal-2012 saru permezz ta' rata tal-kambju fissa għas-sena kollha bejn l-euro u l-muniti l-oħra (rata ta' Diċembru 2011). L-iżvalutazzjoni importanti tal-euro fl-2012 meta mqabbla ma' muniti Ewropej oħra ħolqot differenzi fil-kambju akbar milli kienu previsti fir-rigward tal-ħlas tas-salarji u l-onorarji tal-assistenti lokali.

84.

Il-kapitoli taħt dan it-titolu fihom biss approprijazzjonijiet proviżorji li jistgħu jkunu impenjati biss ladarba jiġu trasferiti għal partita operattiva. Dawn it-trasferimenti (EUR 25 902 015) ġew eżaminati fit-Taqsima I ta’ dan ir-rapport. L-approprjazzjonijiet inizjali ta’ dan it-titolu ammontaw għal EUR 29 542 652 (2011: EUR 40 749 026), jiġifieri 1,7 % tal-baġit sħiħ tal-2012.

85.

Fl-aħħar tas-sena finanzjarja, il-bilanċ mhux użat ta’ dan it-titolu ammonta għal EUR 3 640 638 (EUR 1 926 466 taħt il-Kapitolu 10 0 “Approprijazzjonjiet proviżorji”, EUR 1 664 172 taħt il-Kapitolu 10 1 "Riżerva ta' kontinġenza", u EUR 50 000 taħt il-Kapitolu 10 8 "Riżerva tal-EMAS").

86.

Is-sena finanzjarja 2012 kienet prinċipalment immarkata minn azzjoni għal titjib strutturali ġdid sabiex l-istituzzjoni tingħata l-mezzi meħtieġa kollha biex tiżvolġi kompletament ir-rwol tagħha fil-proċess leġiżlattiv u biex tkun tista' tisfrutta bis-sħiħ il-kompetenzi miżjuda li taha t-Trattat ta' Lisbona.

87.

Barra minn hekk, l-istituzzjoni integrat kompletament it-18-il Membru supplimentari previsti mit-Trattat ta' Lisbona, kompliet bit-tħejjija għall-adeżjoni tal-Kroazja, ipproċediet bi żviluppi importanti fis-settur tal-politika ta' informazzjoni u komunikazzjoni fil-prospettiva tal-elezzjonijiet tal-2014 u kompliet fit-twettiq ta' programmi plurijennali intenzjonati biex jirrazzjonalizzaw u jimmodernizzaw setturi kruċjali tal-amministrazzjoni tagħha.

88.

L-objettivi segwiti u r-riżultati miksuba fl-2012, ippreżentati hawn taħt, huma bbażati fuq il-prijoritajiet u d-deċiżjonijiet meħuda mill-Bureau fl-2012, fuq l-orjentazzjonijiet adottati mill-Parlament fir-riżoluzzjonijiet baġitarji tiegħu u fuq l-objettivi u r-riżultati tal-programm amministrattiv ta' ħidma għall-perjodu 2012-2014.

89.

Fis-16 ta' Jannar 2012, il-Bureau approva pjan għall-implimentazzjoni tal-kunċett ġdid għal-librerija (21) u fis-7 ta' Novembru 2012 analizza l-progress miksub f'il-qasam. Dan il-kunċett ġdid jiffoka fuq il-valur miżjud li jista' jġib miegħu għall-Membri, objettiv li jinvolvi tliet aspetti essenzjali, li huma marbutin bejniethom:

90.

F'din il-partita, fl-2012 saru sforzi fil-qasam tas-servizzi ta' informazzjoni u ta' analiżi tal-Librerija bil-għan li l-Membri jingħataw aġġornamenti rapidi u faċli b'għażla/sinteżi ppersonalizzata dwar kważi kwalunkwe suġġett ta' interess għall-Parlament. Ġiet stabbilita sistema ġdida ta' twissijiet elettroniċi fuq apparat mobbli għall-materjal miżjud fis-sit elettroniku u fil-katalogu tal-Librerija, bil-għan li l-utenti jkunu jistgħu jinkitbu biex jirċievu twissijiet standardizzati dwar suġġetti ewlenin jew ikollhom il-possibbiltà li jiddefinixxu twissijiet personalizzati li jinkludu materjal minn aġenziji tal-aħbarijiet. Ġiet żviluppata wkoll proċedura "Hotline" li tiżgura tweġibiet aktar rapidi u aktar personali għat-talbiet tal-Membri. Barra minn hekk, qabel kull sessjoni parzjali jitħejjew noti ta' informazzjoni dwar l-attivitajiet tal-plenarja ("Plenary Briefings") u meta jkun fattibbli dawn jinqelbu għall-EN/FR/DE/IT/ES/PL.

91.

Sabiex jgħinu lill-Membri jaqdu liċ-ċittadini aħjar, is-servizzi tal-Librerija żviluppaw ukoll dan li ġej:

92.

Matul l-2012, ġie żviluppat ukoll l-appoġġ għall-assistenti tal-Membri u dan jinkludi:

93.

Ir-rapporti leġiżlattivi fuq inizjattiva proprja huma għodda prezzjuża sabiex il-Parlament jieħu sehem fit-tfassil tal-aġenda. Skont l-Artikolu 2 2 5 tat-TUE, magħruf ukoll bħala d-dritt tal-Parlament li jagħti bidu għal-leġiżlazzjoni, jista' jitlob lill-Kummissjoni tressaq proposta leġiżlattiva dwar kwalunkwe kwistjoni li dwarha jkun iqis li hu neċessarju li tittieħed azzjoni fil-livell tal-Unjoni.

94.

B'dan il-għan, mill-2012 'l hawn, id-Direttorat għall-Valutazzjoni tal-Impatt li għadu kemm inħoloq jgħin lill-Kumitati f'xogħolhom dwar ir-rapporti leġiżlattivi fuq inizjattiva proprja billi jipprovdilhom valutazzjonijiet dettaljati tal-valur miżjud Ewropew u rapporti dwar il-prezz tan-non-Ewropa.

95.

Mil-lat tal-valutazzjoni tal-impatt, dan id-Direttorat jissorvelja b'mod regolari t-tabelli direzzjonali li jakkumpanjaw il-Programm ta' Ħidma tal-Kummissjoni sabiex jiċċekkja liema proposti leġiżlattivi huma mistennija jkunu suġġetti għal valutazzjoni tal-impatt mill-Kummissjoni, u jwettaq valutazzjoni inizjali tagħhom malli jaslu l-Parlament sabiex jiċċekkja li ċerti kriterji huma ssodisfati u sabiex jistabbilixxi dawk is-siltiet mit-testi li joħroġ ċar li huma jew b'saħħithom jew dgħajfin.

96.

Mil-lat tal-valur miżjud Ewropew, janalizza l-benefiċċju potenzjali tal-azzjoni futura tal-Unjoni billi jipprovdi s-servizzi li ġejjin (xi wieħed minnhom jew kollha) lill-Kumitati tal-Parlament Ewropew, bl-għajnuna ta' għarfien espert minn barra meta jkun meħtieġ:

97.

Adattament ieħor li l-introduzzjoni tat-Trattat ta' Lisbona għamlet neċessarju jikkonċerna l-qasam tal-politika esterna. Kull ftehim kummerċjali issa huwa suġġett għall-approvazzjoni tal-Parlament Ewropew, filwaqt li l-miżuri ta' implimentazzjoni tal-Politika Kummerċjali Komuni (CCP) huma suġġetti għall-proċedura leġiżlattiva ordinarja. F'dan il-kuntest, il-Kumitat għall-Kummerċ Internazzjonali adotta 40 rapport leġiżlattiv, li fosthom ta' min isemmi l-Ftehim Kummerċjali dwar il-Ġlieda Kontra l-Falsifikazzjoni (ACTA), is-Sistema ta' Preferenzi Ġeneralizzati (SPĠ), il-Ftehimiet Bilaterali ta' Investiment, l-Omnibus I u l-Omnibus II (li jallinjaw il-leġiżlazzjoni kummerċjali tal-Unjoni mat-Trattat ta' Lisbona).

98.

Rigward l-ativitajiet marbutin mas-Sessjoni Plenarja, sar tfassil mill-ġdid tal-applikazzjonijiet li jiġġestixxu l-mistoqsijiet Parlamentari u d-dikjarazzjonijiet bil-miktub u reviżjoni tal-proċeduri interni maħsubin għall-verifika tal-ammissibbiltà tagħhom, kif ukoll tfassil mill-ġdid tal-applikazzjoni li tiġġestixxi l-CRE (rapport verbatim tad-diskussjonijiet).

99.

Is-servizz ta' abbozzar leġiżlattiv ittejjeb bis-saħħa tal-iżvilupp ta' għodda ta' għajnuna għall-abbozzar leġiżlattiv kif ukoll il-ħolqien ta' proċeduri ta' adozzjoni minn qabel għall-ftehimiet fl-ewwel qari f'konformità mal-proċedura leġiżlattiva ordinarja.

100.

Fid-19 ta' Novembru 2012, il-Bureau ddeċieda dwar emendi għar-regoli tal-Parlament Ewropew rigward seduti ta' smigħ li huma meħtieġa biex jiġi żgurat li l-Parlament ikun jista' jiżvolġi r-rwol tiegħu b'rabta mal-Inizjattivi taċ-Ċittadini Ewropej li jkunu ta' suċċess (22).

101.

Waqt il-laqgħa tiegħu tat-2 ta' Lulju 2012, il-Bureau adotta l-linji gwida politiċi tal-kampanja istituzzjonali ta' informazzjoni u komunikazzjoni bi tħejjija għall-elezzjonijiet tal-2014, kampanja li se tiffoka fuq tliet temi ċentrali: il-politika fil-Parlament Ewropew, l-azzjonijiet tal-Parlament Ewropew u l-valuri tal-Parlament Ewropew. L-għan tal-kampanja hu li tissensibilizza liċ-ċittadini:

102.

Matul l-2012, il-Parlament iffoka l-isforzi tiegħu fuq it-tħejjijiet għall-kampanja ta' informazzjoni istituzzjonali għall-elezzjonijiet tal-2014. Barra intensifikazzjoni tal-attivitajiet ta' informazzjoni trasversali — żieda fin-numru ta' seminars għall-ġurnalisti kemm fi Brussell kif ukoll fl-Istati Membri, żieda fin-numru ta' forums reġjonali ta' diskussjoni fl-Istati Membri — għadd ta' proġetti kbar twasslu fi tmiemhom jew ġew riveduti u oħrajn tnedew kif deskritt hawn taħt.

103.

Diġà ttieħdu passi biex jiġu intensifikati l-attivitajiet ta' monitoraġġ tal-midja, bi proġett pilota li jikkonċerna l-kopertura mil-lat kwantitattiv u għall-ewwel darba wkoll mil-lat kwalitattiv tas-sessjonijiet plenarji li se jsiru matul l-aħħar erba' xhur tal-2012.

104.

Sar ukoll progress fl-iżvilupp ta' strateġija integrata għall-viżitaturi, bl-introduzzjoni ta' sistema ġdida ta' riżervazzjoni bbażata fuq l-Internet (VISEP) u l-għodda ġdid ta' informazzjoni (Visitor Kit) maħsuba biex titqassam lill-viżitaturi. F'dak li għandu x'jaqsam mal-viżitaturi, il-metodi ta' ħidma ġew adattati biex jikkonformaw mar-regoli riveduti fil-qasam adottati mill-Bureau fi tmiem l-2011. Il-Parlamentarium għalaq l-ewwel sena tiegħu f'Ottubru 2012, wara li laqa' total ta' 253 000 viżitatur, fattur li jagħmlu waħda mill-aktar attrazzjonijiet turistiċi popolari fi Brussell.

105.

Bħala parti mill-isforzi biex tiżdied il-viżibbiltà tal-Parlament fit-tħejjija għall-elezzjonijiet tal-2014, il-programm eżistenti ta' għotjiet annwali ġie rivedut u minflok tnieda programm ta' għotjiet multiannwali għas-sħab qafas, immirat lejn is-sensibilizzazzjoni fil-konfront tal-Parlament Ewropew, l-aktar dwar ir-rwol u n-natura politika tiegħu, kif ukoll lejn it-tixrid tal-informazzjoni dwar l-attivitajiet li jwettaq. Ingħataw għotjiet fl-oqsma tat-televixin, tar-radju, ta' proġetti bbażati fuq l-Internet jew ta' avvenimenti speċifiċi, lil organizzazzjonijiet b'kapaċità finanzjarja u operattiva kbira biżżejjed.

106.

Barra minn hekk, it-tiġdid tas-sit tal-internet tal-Europarl tlesta fl-2012 u issa għadd ta' servizzi ġodda saru disponibbli għall-viżitaturi, fosthom in-Newshub, pjattaforma ġdida li turi d-dibattitu fi ħdan l-istituzzjoni billi tintegra n-netwerks soċjali ġestiti mill-Membri.

107.

Matul is-sena, il-ħidma ffukat fuq il-ħolqien ta' pjattaformi ta' komunikazzjoni għad-diskussjoni politika bejn il-Membri tal-Parlament Ewropew, iċ-ċittadini u l-partijiet interessati bl-għan li jintlaħqu speċifikament reġjuni fejn tema ta' leġiżlazzjoni li tkun qed tiġi diskussa fil-Parlament Ewropew tkun ta' rilevanza partikolari għaċ-ċittadini ta' dak ir-reġjun. B'dan il-għan, fl-2012 saru 30 forum ta' diskussjoni reġjonali u 2 forums transkonfinali.

108.

Fl-2012, l-Uffiċċji tal-Informazzjoni tal-Parlament Ewropew komplew ikabbru netwerk sod mal-partijiet interessati fl-Istati Membri kif ukoll mal-grupp speċifiku taż-żgħażagħ. B'riżultat tal-attivitajiet tagħhom, stabbilixxew netwerk robust, b'mod partikolari mal-iskejjel fil-pajjiżi rispettivi tagħhom.

109.

S'issa n-numru totali ta' skejjel qabeż il-55 000, ammont li jirrappreżenta 'l fuq minn 21 miljun student. In-numru ta' partijiet interessati, b'mod partikolari dawk relatati mal-leġiżlazzjoni, ukoll qed jikber b'mod kontinwu. Dawn in-netwerks ("Friends of Europe") qed jikbru b'mod kostanti u għandhom jibqgħu jinbnew bħala kanali privileġġati u speċifiċi ta' komunikazzjoni għall-Parlament u l-Membri tiegħu.

110.

Mill-2012 'l hawn, l-Uffiċċji tal-Informazzjoni kollha għandhom profil fuq il-Facebook. Xi uffiċċji jużaw għodod oħra ta' midja soċjali bħall-Flickr u l-YouTube u jorganizzaw attivitajiet speċifiċi mmirati lejn il-bloggers. Il-midja soċjali rriżultaw bħala mezz eċċellenti biex jestendu d-dibattitu, billi jisfruttaw l-effett tan-netwerking u billi jlaqqgħu flimkien direttament liċ-ċittadini mal-Membri u mal-ħidma tal-Parlament. Pereżempju, avveniment wieħed organizzat minn Uffiċċju tal-Informazzjoni partikolari fis-sajf tal-2012 irnexxielu jilħaq l-140 000 kont Twitter u ġġenera 928 000 impressjoni. Inħoloq netwerk ta' "korrispondenti tal-midja soċjali" li jinkludi lill-Uffiċċji tal-Informazzjoni kollha.

111.

Bħalissa l-Parlament Ewropew u l-Kummissjoni qed jimplimentaw proġett pilota dwar il-midja soċjali li jismu "Share Europe Online" fis-17-il Stat Membru li għandhom Spazju Pubbliku Ewropew (EPS) stabbilit. Il-proġett, li jinkludi mmappjar dettaljat tal-midja soċjali fis-27 Stat Membru, qed jiġi implimentat bl-għajnuna tal-hekk imsejħin "Editorial Community Managers" li xogħolhom hu li jipprovdu taħriġ, assistenza u konsulenza dwar attivitajiet ta' midja soċjali lill-persunal tar-Rappreżentanzi tal-Kummissjoni u l-Uffiċċji tal-Informazzjoni tal-Parlament. Xogħolhom hu li jwettqu wkoll monitoraġġ kontinwu tal-pajsaġġ tal-midja soċjali fl-Istati Membru dwar firxa ta' temi u li jirrappurtaw lura dwar ir-riżultati tagħhom.

112.

Waqt il-laqgħa tiegħu tat-12 ta’ Diċembru 2012, il-Bureau approva l-proposti segwenti għall-futur tal-Europarl TV.

113.

Barra minn hekk, il-kooperazzjoni ma’ kumpaniji ta’ televiżjoni kbar fl-Ewropa żdid b’mod sinifikanti matul is-sena, u dan iggarantixxa viżibilità akbar għall-istituzzjoni. Dan jidher li se jkun kanali ta’ komunikazzjoni partikolarment utli għall-kamapnja ta’ informazzjoni u komunikazzjoni fit-tħejjija għall-elezzjonijiet tal-2014.

114.

Fl-2012, sar progress f’oqsma differenti fir-rigward tal-wirja permamenti futura, b’mod partikolari l-iżvilupp tal-parti narattiva tagħha, id-definizzjoni u l-implimentazzjoni ta’ politika ta’ ġbir, l-offerta ta’ diżinn tal-wirja u l-iżvilupp ta’ prinċipji ta’ servizz faċli għall-viżitatur. F’dan il-kuntest, il-Bureau adotta l-kunċett tal-punti ġenerali tal-wirja permanenti matul il-laqgħa tiegħu tat-22 ta’ Ottubru 2012.

115.

Id-deċiżjoni li l-Premju Nobel jingħata lill-Unjoni Ewropea f'Ottubru 2012 kien, fih innifsu, mument storiku u jfakkar lill-Unjoni Ewropea fl-eruq intellettwali u l-prinċipji kostituttivi. Għalhekk, kamra speċifika fid-Dar tal-Istorja Ewropea se tkun iddedikata għal dan il-premju fejn se jiġu esposti l-medalja u ċ-ċertifikat tal-premju.

116.

Għal dak li jikkonċerna s-sistemazzjoni tal-bini Eastment fejn se jinstab il-proġett, il-permess tal-Ambjent inkiseb f'Mejju 2012 u l-permess għall-ippjanar urban inkiseb fis-6 ta' Novembru 2012. Barra minn hekk, insegwitu tal-iffirmar tal-kuntratt għar-rinnovament tal-bini f'Settembru 2012, ix-xogħlijiet ta' rinnovament bdew u għandhom jitlestew sal-aħħar ta' April’2014.

117.

Waqt il-laqgħat tiegħu ta’ Diċembru 2008 u ta’ Ġunju 2009, il-Kunsill Ewropew kien iddeċieda li fil-każ tad-dħul fis-seħħ tat-Trattat ta’ Lisbona wara l-elezzjonijiet Ewropej ta’ Ġunju 2009, għandhom jiġu adottati miżuri tranżitorji mill-iktar fis sabiex jiżdied in-numru totali tal-Membri minn 736 għal 754 minn issa sal-aħħar tal-leġiżlatura 2009-2014. Peress li din il-miżura tranżitorja daħlet fis-seħħ biss fl-1 ta’ Diċembru 2011, l-impatt sħiħ tagħha, b’mod partikolari fil-qasam baġitarju, inħass fuq is-sena 2012. It-18-il Membru l-ġdid ġew b’hekk milqugħa u użaw minnufiħ il-prerogattivi kollha tagħhom.

118.

Fid-9 ta' Diċembru 2011, il-Kunsill Ewropew iffirma t-trattat tal-adeżjoni tal-Kroazja mal-Unjoni Ewropea li għandu jidħol fis-seħħ fl-1 ta’ Lulju 2013. Fid-dawl ta’ dan it-tkabbir il-ġdid, il-Parlament wettaq il-preparazzjonijiet neċessarji għal dan l-għan, b’mod partikolari permezz tar-reklutaġġ u t-taħriġ ta' aġenti kuntrattwali Kroati (23). Il-prijorità ngħatat għall-istabbiliment tas-servizzi lingwistiċi fejn l-esperjenza tat-tkabbir preċedenti wriet li l-kwistjoni tar-reklutaġġ kienet l-iktar kompettitiva. L-Unità ta’ traduzzjoni Kroata l-ġdida kienet, sal-aħħar tal-2012, kompletament mimlija b'38 aġent kuntrattwali reklutat jiġifieri 27 traduttur u 11-il assistent, il-kabina Kroata kellha 10 interpreti (4 interpreti addizzjonali se jiġu reklutati f’2013) u 9 assistenti Kroati addizzjonali ġew reklutati fis-servizzi ġenerali relatati mal-interpretazzjoni.

119.

Mill-1 ta’ April 2012, il-Parlament laqa’ 12-il osservatur Kroat, magħżula mill-Parlament nazzjonali, sabiex jiffamiljarizzaw ruħhom mal-proċeduri u l-metodi tal-funzjonament tal-Istituzzjoni. Huma jsiru Membri kompleti fl-1 ta’ Lulju 2013. Għal dak li jikkonċerna l-ftuħ ta’ uffiċċju fil-Kroazja, ara t-taqsima dwar il-politika tal-proprjetà immobbli hawn taħt.

120.

Fil-kuntest tal-implimentazzjoni tal-istrateġija immobiljari fuq żmien medju adottata mill-Bureau fl-24 ta’ Marzu 2010, ġew approvati jew implimentati diversi proġetti għall-2011, hekk kif deskritti hawn isfel.

121.

Ix-xogħlijiet fil-bini Trèves I tlestew f’April 2012 u r-rilokazzjonijiet illiberaw spazju fil-bini Paul-Henri Spaak (PHS) u Atrium. Dak l-ispazju ntuża bil-kbir sabiex jiġu riallokati postijiet ta’ xogħol miż-żona A fil-Bini PHS (temporanjament mhux aċċessibbli minħabba problemi fl-istruttura tal-bejt tal-Kamra)

122.

Insegwitu ta’ stħarriġ tas-suq tal-proprjetà għat-tfittxija ta’ crèche oħra, il-Kumitat għall-Proprjetà Immobbli ddeċieda fit-2 ta’ Ottubru 2012 li jipproponi l-għeluq tal-proċedura billi kkonstata li l-ebda offerta aċċettabbli ma ngħatat minħabba li l-prezz mitlub kien wisq għoli. L-isforzi biex tinstab soluzzjoni għal crèche oħra għadhom għaddejja u 3 alternattivi oħra ġew preżentati fill-Kumitat.

123.

Insegwitu ta’ ftehim mal-proprjetarju tal-bini Montoyer 70 fuq kera għal żmien twil bil-fakultà ta' xiri u l-ftehim tal-Bureau fl-14 ta’ Novembru 2011 kif ukoll tal-Kumitat għall-Baġits fil-12 ta’ Diċembru 2011, il-kuntratt ta’ kiri tal-bini Montoyer 70 u t-talba li tiġi eżerċitata l-fakultà ta’ xiri ġew iffirmati fil-15 ta’ Diċembru 2011. Il-Parlament sar proprjetarju mal-iffirmar tal-att notarili li seħħ fl-1 ta’ Awwissu 2012.

124.

Pjan ta’ okkupazzjoni li jippermetti li tiġi definita l-okkupazzjoni fuq medda ta’ żmien medju tal-bini ġie mfassal abbażi tal-previżjonijiet plurijennali u r-regoli ta’ oppukazzjoni tal-ispazju (ratio okkupat/dritt: 93,6 %); dan ir-ratio jikkonċerna Brussell u jfisser defiċit ta’ 6,4 % li huwa kondiviż b’mod ekwu minn kulħadd — Is-Segretarjat ġenerali u l-Gruppi Politiċi.

125.

Għal dak li jikkonċerna l-proġett Konrad Adenauer, l-unitajiet ta’ appalt kollha fis-sejħa għal offerti tal-2011 kienu ddikjarati bla suċċess. Għall-ġestjoni ta’ din is-sitwazzjoni u sabiex tiġi faċilitata t-tkomplija tal-proġett, ftehim ta’ sħubija msaħħa, iffirmat fil-bidu tal-2012, issupplimenta l-ftehim qafas bejn l-awtoritajiet Lussemburgiżi u l-Parlament Ewropew. Fil-kuntest tax-xogħol imwettaq fi ħdan din is-sħubija, ftehim ġie konkluż mal-maniġment tal-proġett għal studju dwar it-tfaddil tekniku fil-proġett u tnedija mill-ġdid tas-sejħa għal offerti għall-istruttura fis-sit tal-lvant billi jiġu integrati dawn il-miżuri ta’ tfaddil. Din is-sejħa għal offerti tnediet mill-ġdid bil-pubblikazzjoni f’Il-Ġurnal Uffiċjali tal-Unjoni Ewropea fis-26 ta' Settembru 2012. Huwa mistenni li l-kuntratti jingħataw fir-rebbiegħa tal-2013 u l-bidu tax-xogħol huwa previst fis-sajf.

126.

Barra minn hekk, twettqet analiżi dettaljata tal-prestazzjoni ġenerali tal-maniġment tal-proġett fil-fażi ta’ studju u ta’ twittija tal-art u l-konklużjoni ta’ din kienet li kien preferibbli li r-relazzjoni mal-maniġment tal-proġett tintemm. Għalhekk, ġie deċiż li tinħareġ sejħa għal offerti ġdida għall-monitoraġġ tax-xogħol ta’ kostruzzjoni, biex b’hekk kumpaniji oħra jkunu jistgħu jintgħażlu, abbażi ta’ organizzazzjoni u prestazzjonijiet imsaħħa.

127.

L-adeżjoni tal-Kroazja hija skedata għall-1 ta’ Lulju 2013. Insegwitu ta’ deċiżjoni tal-Bureau tat-12 ta’ Marzu 2012, beda stħarriġ tas-suq tal-proprjetà f’Żagreb flimkien mal-Kummissjoni Ewropea, sabiex tiġi identifikata fi żmien utli proprjetà immobbli li tissodisfa r-rekwiżiti ta’ Dar tal-Ewropa. Matul dan l-istħarriġ, il-bini “Ban Centar” ġie identifikat u l-Bureau, matul il-laqgħa tiegħu tad-19 ta’ Novembru 2012, approva l-iffirmar ta’ kuntratt ta’ kiri għal tul ta’ żmien ta’ għaxar snin (5+5). Dan għandu erja totali li hija utli ta’ 1 721,42 m2, li 671 m2 minnhom huma intiżi għall-Parlament. Ix-xogħlijiet għandhom jintemmu għall-aħħar tax-xahar ta’ Mejju 2013, li jfisser li l-ftuħ tagħha se jkun possibbli qabel id-data ta’ adeżjoni tal-Kroazja, prevista fl-1 ta’ Lulju.

128.

Għal dak li jikkonċerna l-uffiċċju f’Sofja, il-konvenju għax-xiri tal-bini l-ġdid ġie ffirmat fis-7 ta’ Lulju 2011 għal ammont ta’ EUR 9 miljun. Minħabba x-xogħol magħmul ħażin li jaffettwa l-istabilità tal-bini u parzjalment minħabba s-sigurtà għal dak li jikkonċerna n-nar, ma kienx possibbli li l-bini jiġi aċċettat fl-2011. F’Mejju 2012, fid-dawl ta' proċedimenti għal xogħol magħmul ħażin u fid-dawl ta' kalkoli mill-ġdid tal-istruttura, il-bejjiegħ aċċetta li jwettaq ix-xogħol ta’ rinfurzar neċessarju bi spiża tiegħu. Dan ix-xogħol strutturali addizzjonali twettaq fil-bidu ta’ Diċembru 2012. Ix-xogħlijiet li jikkonċernaw is-sistemazzjoni fil-bini għandhom jintemmu fl-ewwel sal l-aħħar tax-xahar ta' Marzu 2013.

129.

Fir-rigward tal-implimentazzjoni progressiva tal-politika ta’ manutenzjoni l-ġdida, il-proċeduri u l-klawsoli tekniċi tal-kuntratti futuri ta’ manutenzjoni ġew ikkompletati u armonizzati, wara li sar awditu estern. Barra minn hekk, l-awditu ta’ manutenzjoni ppermetta wkoll li jitniedu, fost oħrajn, il-proċeduri li ġejjin:

130.

Ix-xogħol ta’ rinnovazzjoni meħtieġ minħabba l-fatt li l-bini huwa qadim jikkonsisti fil-biċċa l-kbira fis-sostituzzjoni ta' parti kbira mill-installazzjonijiet tekniċi u twieqi kif ukoll is-sostituzzjoni jew l-arranġament mill-ġdid tat-tagħmir. Il-Grupp ta' Ħidma dwar il-Bini, it-Trasport u l-Parlament Ekoloġiku ġie inkarigat f’Marzu 2012 janalizza s-sitwazzjoni u jippreżenta r-rakkomandazzjoni lill-Bureau għall-bidu tal-2013.

131.

Insegwitu tal-iskoperta ta’ kunsenturi fit-travi tas-safaq fil-bejt tal-Kamra matul spezzjonijiet, imwettqa bħala parti mill-politika l-ġdida li jitwettqu spezzjonijiet u li jkun hemm manutenzjoni prventiva tal-infrastruttura tal-Parlament, ġie deċiż li ż-żona A tal-Bini Paul-Henri Spaak (PHS) tingħalaq temporanjament. Fid-dawl ta’ din is-sitwazzjoni, ittieħdu immedjatament miżuri ta’ preservazzjoni tal-bini u ta’ monitoraġġ kwalitattiv sabiex tiġi żgurata s-sigurtà tal-proprjetà. B’mod parallel, konsulenti fil-qasam tal-enġinerija kienu mqabbda jipproduċu studji bil-ħsieb li jiġi determinat x’ġara u x’tiswijiet hemm bżonn. L-għażla kienet tikkonsisti fl-indisponibilità tal-Kamra sas-sessjoni ta’ Novembru 2013 kif ukoll tal-uffiċċji evakwati fiż-żona A.

132.

Fit-28 ta’ Marzu 2012, il-Bureau qabel mal-bżonn li tiġi promossa Aġenda Ekoloġika Ambizzjuża intiża sabiex tagħti impetus ġdid lill-politika tal-EMAS (24), fid-dawl tal-fatt li l-akbar tnaqqis ġej mill-oqsma tal-konsum ta’ enerġija ta’ bini, assi fissi u trasport ta’ persuni. Sabiex tiġi implimentata din l-Aġenda Ambjentali Ambizzjuża ttieħdu numru ta’ azzjonijiet u oħrajn se jkunu żviluppati fil-futur qrib.

133.

Permezz tal-politika ambjentali ambizzjuża, il-Parlament ta eżempju fil-ġlieda kontra t-tibdil tal-klima billi implimenta strateġija globali ta' tnaqqis u ta' newtralizzazzjoni tal-marka tal-karbonju tiegħu. Il-Parlament Ewropew stabilixxa objettiv ta’ tnaqqis ta’ 30 % għall-2020 (li għalih tnaqqis ta’ 23 % diġà nkiseb fl-2012), sar mexxej fil-ġestjoni tal-emissjonijiet tiegħu tas-CO2 billi jiġġestixxi l-marka tal-karbonju tiegħu f’osservanza tal-istandards l-aktar stretti (ISO 14064:2006 u Bilan Carbone®) u jinnewtralizza l-emissjonijiet residwi li ġejjin mill-bini, mill-vjaġġi tal-persunal u mill-karozzi uffiċjali bi krediti tal-aqwa kwalità (Gold Standard) li jippermettu ż-żamma tat-traċċi kompleta u kontribuzzjoni sinifikanti għall-iżvilupp sostenibbli.

134.

Barra minn hekk, il-Parlament sar wieħed mill-istituzzjonijiet l-aktar avvanzati fil-qasam tar-rispett u tal-osservanza tar-regoli ambjentali. F’dan il-kuntest, is-sejħa għal offerti "Environmental Consultancy in carbon emissions" u "Verification of the carbon footprint" ġew iffirmati rispettivament fid-9 ta’ Lulju u fit-3 ta’ Awwissu 2012. Dawn is-sejħiet għal offerti jippermettu li tiġi validata l-marka tal-karbonju tal-Parlament Ewropew fil-konfront tal-istandard ISO 14064:2006 u l-metodoloġija Bilan Carbone®.

135.

Barra minn hekk, fil-qasam tal-kumpens tal-emissjonijiet CO2, ġie ffirmat kuntratt fl-4 ta’ Diċembru 2012, insegwitu tar-riżultati ta’ sejħa għal offerti, sabiex jiġu newtralizzati l-emissjonijiet ta’ parti mill-marka tal-karbonju tal-Parlament ma’ krediti ta’ kumpens tal-ogħla kwalità (Gold Standard) u bi prezz favorevoli ħafna.

136.

Barra minn hekk, il-politika ambjentali saret għodda ta’ ġestjoni u ta’ titjib kostanti fl-attivitajiet ta’ kuljum ta’ ġestjoni ta’ infrastruttura u tal-loġistika. B’mod aktar partikolari, l-aspett ambjentali huwa sistematikament integrat fil-proġetti l-ġodda permezz ta’ studji u ta’ awditi fuq l-enerġija. Pereżempju:

137.

Id-diġitalizzazzjoni qed tipproċedi b’mod rapidu: numru kbir ta’ dokumenti ġew prodotti fil-format XML, b’mod partikolari għall-applikazzjoni ta’ emendi leġiżlattivi, E-committee tnieda għall-kumitati parlamentari kollha, u nħolqu metadata (Eurovoc descriptors) għal tipi diversi tal-kontenut tal-programm Knowledge Manangement. Fl-istess ħin, il-mezzi multisostenn ta’ stampar tradizzjonali ma ġewx traskurati u ġew aġġornati u diversifikati.

138.

Fil-livell tal-ġestjoni tal-infrastruttura, kontroll aqwa ta’ inċidenti kritiċi (rendiment, sigurtà) irriżulta fl-integrazzjoni aktar armonjuża tal-operazzjonijiet ta’ netwerk mal-operazzjonijiet ta’ server. Sar progress fil-qasam tas-sigurtà (żvilupp tad-difiża firewall tal-ewwel linja u postijiet ta’ superviżjoni) u ta’ validazzjoni tal-arkitettura u t-teknoloġiji ta’ proġetti. It-telefons gew konvertiti għall-protokoll Voice-Over-Internet għall-Membri u l-gruppi politiċi, qabel l-estensjoni għall-bqija tal-istituzzjoni Il-modernizzazzjoni tal-kejbils seħħet fuq skala kbira u l-kopertura tal-mowbajl u l-WiFi ġiet estiża.

139.

L-applikazzjoni eMeeting hija komponent tal-programm Paperless li tagħmel disponibbli dokumenti tal-laqgħa tal-kumitat f’format elettroniku faċli għall-utent, li jippermetti l-konsultazzjoni, it-teħid ta’ notamenti u l-kondiviżjoni ta’ dokumenti f’kwalunkwe ħin, f’kwalunkwe post u fuq kwalunkwe apparat. L-applikazzjoni eMeeting tnediet fl-2012 f’verżjoni ta’ testjar fi tliet kumitati (JURI, DEVE, BUDG) u għandha tkun disponibbli għall-kumitati kollha u fuq kull tip ta’ apparat fl-2013.

140.

Fir-rigward tal-applikazzjoni eCommittee, minn Frar 2012 il-kumitati kollha jużaw spazju ta’ xogħol intiż għall-Membri, is-segretarjati tal-kumitati, il-persunal tal-grupp politiku u oħrajn li jridu jsegwu x-xogħol tal-kumitati. Kull kumitat għandu s-sit tiegħu u dan jikkontribwixxi sabiex jiżdiedu it-trasparenza u l-effikaċja tax-xogħol.

141.

Proġett pilota għall-vidjokonferenza tnieda fl-2012 u dan wera l-fattibbiltà tal-provediment tal-vidjokonferenzi fil-Parlament Ewropew li fir-rigward tal-kwalità tal-awdjo, il-vidjo u s-sinkronizzazzjoni tagħhom huma adatti sabiex jintużaw bl-interpretazzjoni. L-infrastruttura li ġiet żviluppata u mqiegħda fi tliet kmamar ta’ laqgħat hija nonproprjetarja u tippermetti interoperabilità massima. Fl-2013, se jkun possibbli li jiġu organizzati vijokonferenzi fuq skala kbira multipoint-point, mingħajr limitazzjonijiet għal dak li jikkonċerna l-lingwi li jistgħu jiġu użati f’kull sit distanti, għalkemm in-numru ta’ lingwi interpretati provduti se jibqa’ limitat għal tlieta.

142.

Madankollu hemm diversi diffikultajiet li wieħed għandu jinnota. Id-diffikultà prinċipali hija li l-kwalità meħtieġa għall-organizzazzjoni effikaċi tal-vidjokonferenzi li huma adatti għall-laqgħat b'interpretazzjoni tista' tiġi garantita biss jekk is-sħab li magħhom hija organizzata l-vidjokonferenza jkollhom apparat li jilħaq l-istess standards tekniċi u jekk il-konnessjoni bejn il-partijiet differenti hija ta' medda ta’ frekwenzi suffiċjenti. Attwalment ftit mill-Parlamenti Nazzjonali għamdhom apparat ta’ dan it-tip, għalkemm tali apparat flimkien mal-medda ta’ frekwenza neċessarja jistgħu jinkrew fuq bażi ad hoc.

143.

Il-Parlament Ewropew attwalment qiegħed jiżviluppa s-sistema tiegħu għall-ġestjoni tal-għarfien. Il-ġestjoni tal-għarfien timmira li tirrazzjonalizza u tissemplifika l-aċċess u l-użu tal-informazzjoni relatata mal-ħidma tal-Parlament Ewropew: portal uniku ta' aċċess għal diversi sorsi, tiftix kontestwalizzat u l-ġestjoni ta' spazju kollaborattiv huma l-pilastri ta' dan il-programm. Il-kunċett ġie ddefinit kompletament fl-2012 u saru l-ewwel passi lejn l-implimentazzjoni tiegħu, b'mod partikolari l-ħruġ tal-Portal għall-Ġestjoni tal-Għarfien.

144.

Fil-qafas tal-Kunċett tas-Sigurtà Globali, adottat mill-Bureau waqt il-laqgħa tiegħu tas-6 ta' Lulju 2011, fl-2012 seħħew dawn l-iżviluppi li ġejjin:

145.

Għandu jiġi nnutat ukoll li, waqt il-laqgħa tiegħu tal-11 ta' Ġunju 2012, il-Bureau approva r-raba' fażi ta' internalizzazzjoni tas-servizzi ta' sigurtà, b'mod konformi mad-deċiżjonijiet li ttieħdu fl-2010 u fl-2011 għall-internalizzazzjoni ta' diversi funzjonijiet essenzjali tas-servizzi ta' sigurtà, bħall-ġestjoni tas-sigurtà, l-akkreditament u l-kontroll strateġiku. Din ir-raba' fażi għandha titnieda fi Brussell fil-bidu tal-2013 u se tiġi ffinalizzata wara perjodu ta' madwar sentejn. Fi Strasburgu, il-proċess ta' internalizzazzjoni se jitnieda lejn Ġunju 2014 u għandu jdum madwar sena (Ġunju 2015), meta jkunu jistgħu jitwettqu sinerġiji bejn Brussell u Strasburgu, b'mod partikolari permezz tat-tisħiħ tat-timijiet ta' aġenti bbażati fi Strasburgu b'aġenti bbażati fi Brussell matul is-sessjonijiet plenarji. Is-sostituzzjoni progressiva tal-aġenti ta' sigurtà esterni se ssir permezz tar-reklutaġġ ta' persunal kuntrattwali (80 fl-2013 u 180 fl-2014) u mhux se jkollha effett fil-livell baġitarja peress li se tkun akkumpanjata bi tnaqqis ta' approprjazzjonijiet ekwivalenti fl-intestatura tal-forniment ta' servizzi kkonċernata.

146.

Ġie adottat programm ta' ħidma amministrattiva ġdid għall-perjodu 2012-2014, li jintegra l-orjentazzjonijiet politiċi ewlenin stabbiliti mill-President li, min-naħa tagħhom, jinqasmu f'attivitajiet u proġetti speċifiċi li għandhom jiġu implimentati. Parti oħra ta' dan il-programm tippreżenta l-attivitajiet u l-proġetti speċifiċi li għandhom jiġu implimentati minn kull Direttorat Ġenerali. Id-Direttorat Ġenerali kollha jippreżentaw regolarment rapporti dwar l-istat ta' progress tal-proġetti kruċjali tagħhom.

147.

Twaqqaf grupp ta' ħidma bejn il-Bureau u l-Kumitat għall-Baġits rigward il-baġit tal-Parlament, bil-ħsieb li jipproponi rakkomandazzjonijiet intenzjonati biex tiżdied l-effikaċja tal-użu tar-riżorsi baġitarja mingħajr ma ssir ħsara għall-iżvolġiment tajjeb tal-attivitajiet Parlamentari. Il-grupp ta' ħidma ressaq proposti intenzjonati biex jitnaqqsu b'5 % l-ispejjeż ta' vvjaġġar tal-Membri u tal-uffiċjali, proposti li ġew adottati mill-Bureau waqt il-laqgħa tiegħu tal-10 ta' Settembru 2012. Il-grupp ta' ħidma ppropona wkoll it-twettiq ta' trasferiment ta' tlaqqit (ara t-tabella 8.b) u beda janalizza r-riżultati ta' studji komparattivi bejn il-Parlament Ewropew u l-parlamenti nazzjonali ta' ħames Stati Membri, kif ukoll tal-Kungress tal-Istati Uniti. Matul l-2013, se jiġu ppreżentati rakkomandazzjonijiet lill-Bureau.

148.

It-twaqqif ta' Direttorati għar-Riżorsi f'9 mill-11-il Direttorat Ġenerali kkontribwixxa għaż-żieda tal-effikaċja tal-ġestjoni tar-riżorsi umani f'livell differenti u ffaċilita l-komunikazzjoni bejniethom u d-Direttorat Ġenerali tal-Persunal.

149.

Barra minn hekk, fi Frar 2012 inħarġet applikazzjoni ġdida e-CV (Curriculum vitae online) bil-għan li tgħin speċifikament lil min hu responsabbli għar-riżorsi umani fil-Parlament fit-tiftix tagħhom ta' kompetenzi partikolari għall-karigi jew missjonijiet speċifiċi.

150.

Tkompliet il-politika ta' internalizzazzjoni ta' ċerti setturi strateġiċi intenzjonata biex tippermetti ġestjoni aktar effikaċi u tnaqqas id-dipendenza tal-Parlament fil-konfront ta' fornituri ta' servizzi esterni għall-eżekuzzjoni ta' funzjonijiet kruċjali. F'dan ir-rigward, il-Bureau ddeċieda nhar il-11 ta' Ġunju 2012 li joħloq karigi ta' aġenti kuntrattwali (80 fl-2013 u 180 fl-2014) sabiex titkompla l-internalizzazzjoni tas-servizzi ta' sigurtà u nhar it-2 ta' Lulju li joħloq 60 kariga permanenti fuq sentejn (2013 u 2014) għall-internalizzazzjoni ta' ċerti servizzi relatati mat-teknoloġiji tal-informazzjoni u l-komunikazzjoni. Dawn l-internalizzazzjonijiet mhux se jkollhom effett fil-livell baġitarju peress li se jkunu akkumpanjati bi tnaqqis tal-approprjazzjonijiet fl-intestaturi tal-fornimenti ta' servizzi kkonċernati.

151.

Matul il-laqgħa tiegħu tat-2 ta' Lulju 2012, il-Bureau adotta l-mudell il-ġdid ta' ġestjoni ta' dokumenti u arkivji. Dan il-mudell hu bbażat fuq l-identifikazzjoni tad-diversi stadji fiċ-ċiklu ta' ħajja tad-dokumenti u fuq ġestjoni xierqa taċ-ċiklu kollu kemm hu, aspett li għandu importanza kruċjali fit-titjib tal-effikaċja tas-sistema ta' arkivjar, jikkontribwixxi għat-tisħiħ tat-traċċabilità u jippermetti li d-dokumentazzjoni tal-Parlament tinstab malajr. Jippermetti wkoll lill-Parlament jikkonforma b'mod aktar faċli mar-regoli dwar l-aċċess għad-dokumenti mill-pubbliku.

152.

B’kollox, inħolqu 147 kariga ġdida fl-2012 sabiex ikopru l-ħames bżonnijiet kbar spjegati kif ġej:

153.

It-tibdiliet ewlenin li saru fl-organigramma u fil-ġestjoni tal-Parlament jinsabu spjegati fil-qosor fit-tabella hawn taħt.

Tabella 11

Sommarju tar-ristrutturazzjonijiet tas-Segretarjat Ġenerali fl-2012