14.6.2013   

MT

Il-Ġurnal Uffiċjali tal-Unjoni Ewropea

C 168/1

—

Fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta' amalgamazzjoni, inklużi l-kumpanija, in-numru tal-każ, id-data u l-indiċi settorjali,

—

f’forma elettronika fil-websajt EUR-Lex (http://eur-lex.europa.eu/en/index.htm) fid-dokument li jġib in-numru 32013M6871. Il-EUR-Lex hu l-aċċess fuq l-internet għal-liġi Ewropea.

14.6.2013   

MT

Il-Ġurnal Uffiċjali tal-Unjoni Ewropea

C 168/2

1.

L-Artikoli 165 u 166 tat-Trattat dwar il-Funzjonament tal-Unjoni Ewropea.

2.

L-Istrateġija Ewropa 2020, b'mod partikolari, il-mira ewlenija li jiżdied il-proporzjon ta' persuni ta' bejn it-30 u l-34 sena li jkunu temmew l-edukazzjoni terzjarja jew ekwivalenti għal mill-inqas 40 %.

3.

Il-Konklużjonijiet tal-Kunsill tat-12 ta' Mejju 2009 li jistabbilixxu qafas strateġiku għall-kooperazzjoni Ewropea fl-edukazzjoni u t-taħriġ (“ET 2020”) (1) li identifikaw il-promozzjoni tal-ekwità, il-koeżjoni soċjali u ċ-ċittadinanza attiva bħala wieħed mill-erba' objettivi strateġiċi tiegħu u li enfasizzaw li l-politika dwar l-edukazzjoni u t-taħriġ għandha tippermetti liċ-ċittadini kollha, irrispettivament miċ-ċirkostanzi personali, soċjali jew ekonomiċi tagħhom, jiksbu, jaġġornaw u jiżviluppaw tul ħajjithom kemm ħiliet speċifiċi għall-impjieg kif ukoll ħiliet u kompetenzi prinċipali.

4.

Il-Konklużjonijiet tal-Kunsill tal-11 ta' Mejju 2010 dwar id-dimensjoni soċjali tal-edukazzjoni u t-taħriġ (2), li enfasizzaw l-importanza li jiġu żgurati opportunitajiet indaqs għall-aċċess għal edukazzjoni ta' kwalità, kif ukoll l-ekwità fit-trattament u eżiti li jkunu indipendenti mill-isfond soċjoekonomiku u fatturi oħra li jistgħu jwasslu għal żvantaġġ edukattiv, u li rrikonoxxew il-ħsieb ekonomiku u soċjali biex jogħlew il-livelli ġenerali ta' kisba fl-edukazzjoni u biex jiġu żviluppati livelli għolja ta' ħiliet u nnotaw li l-forniment ta' ħiliet u kompetenzi prinċipali għal kulħadd ser ikollu rwol kruċjali fit-titjib tal-impjegabbiltà taċ-ċittadini, l-inklużjoni soċjali u s-sodisfazzjon personali.

5.

Il-Konklużjonijiet tal-Kunsill tat-28 ta' Novembru 2011 dwar l-immodernizzar tal-edukazzjoni għolja (3), li stiednu lill-Istati Membri biex jippromwovu l-iżvilupp sistematiku ta' strateġiji effettivi sabiex jiġi żgurat aċċess għall-gruppi sottorappreżentati u jżidu l-isforzi sabiex jitnaqqsu kemm jista' jkun ir-rati ta’ tluq bikri mill-edukazzjoni għolja billi jittejbu l-kwalità, ir-rilevanza u l-attraenza tal-korsijiet, b'mod partikolari permezz ta’ tagħlim iċċentrat fuq l-istudent u billi jiġu pprovduti appoġġ, gwida u pariri rilevanti wara li jibdew l-edukazzjoni għolja.

6.

Il-Komunikazzjoni ta' Bukarest mill-Ministri li attendew il-Konferenza Ministerjali tal-Proċess ta' Bolonja tas-26 u s-27 ta' April 2012, li fiha qablu li jadottaw miżuri nazzjonali biex jitwessa' l-aċċess b'mod ġenerali għal edukazzjoni għolja ta' kwalità u tennew l-objettiv li l-istudenti li jibdew u jtemmu l-edukazzjoni għolja għandhom jirriflettu d-diversità tal-popolazzjonijiet tal-Ewropa, flimkien mat-trattament speċifiku tad-dimensjoni soċjali fl-edukazzjoni għolja fir-rapport ta' implimentazzjoni tal-Proċess ta' Bolonja tal-2012, li jeżamina l-informazzjoni ta' statistika disponibbli dwar l-impatt tal-isfond tal-istudenti fuq il-parteċipazzjoni fl-edukazzjoni għolja u l-approċċi ta' politika differenti biex iwessgħu l-aċċess.

7.

Il-Komunikazzjoni tal-20 ta' Novembru 2012 mill-Kummissjoni lill-Parlament Ewropew, il-Kunsill, il-Kumitat Ekonomiku u Soċjali Ewropew u l-Kumitat tar-Reġjuni – Reviżjoni tal-Edukazzjoni: Ninvestu fil-ħiliet għal eżiti soċjoekonomiċi aħjar  (4), li fid-dokument ta' ħidma tal-persunal (5) li jakkumpanjah jippromwovi l-iżvilupp u t-tisħiħ ta' sħubijiet u ta' mogħdijiet flessibbli għall-iżvilupp tal-ħiliet tul il-ħajja.

8.

Ir-Rakkomandazzjoni tal-Kunsill tal-20 ta' Diċembru 2012, dwar il-validazzjoni tat-tagħlim mhux formali u informali (6), fejn l-Istati Membri qablu li jiġu stabbiliti arranġamenti għall-validazzjoni ta' dan it-tagħlim, bil-ħsieb li jiġi żgurat li l-individwi jingħataw l-opportunità li jużaw dak li jkunu tgħallmu barra mill-edukazzjoni u t-taħriġ formali għall-karrieri tagħhom kif ukoll għall-għan ta' tagħlim ulterjuri, inkluż fl-edukazzjoni għolja.

9.

L-Istħarriġ Annwali dwar it-Tkabbir tal-2013, li jidentifika l-edukazzjoni bħala xprun fundamentali għat-tkabbir u l-kompetittività, flimkien mal-innovazzjoni u r-riċerka u l-iżvilupp, u jissottolinja r-rwol fundamentali tal-investimenti fil-kapital uman għat-trattament tal-qgħad u t-tħejjija għall-irkupru ekonomiku.

10.

L-attività ta' tagħlim bejn il-pari tal-ET 2020 dwar il-politiki u l-prattiki biex jitnaqqas it-tluq bikri u jkun hemm titjib fir-rati ta' tlestija tal-edukazzjoni għolja, li saret fi Praga f'Marzu 2013, li ffukat fuq l-approċċi fil-livell nazzjonali, istituzzjonali u Ewropew biex ikun hemm titjib fir-rati ta' tlestija u biex ir-realtajiet istituzzjonali jiġu adattati għal korp studentesk b'aktar diversità, b'sostenn mill-evidenza u l-analiżi.

1.

Filwaqt li l-isfidi li qed taffaċja l-Ewropa llum ma jistgħux jiġu solvuti biss bl-edukazzjoni u t-taħriġ weħidhom, huwa kruċjali kemm f'termini ekonomiċi kif ukoll soċjali li n-nies jiġu mgħammra bil-ħiliet u l-kompetenzi ta' livell għoli li teħtieġ l-Ewropa, inkluż b'impenn biex jiġi żgurat aċċess aktar ekwu għall-parteċipazzjoni fl-edukazzjoni għolja u t-tlestija tagħha. Għad hemm wisq individwi kapaċi li ma jipparteċipawx fl-edukazzjoni għolja għal raġunijiet soċjali, kulturali jew ekonomiċi jew minħabba n-nuqqas ta' sistemi suffiċjenti ta' appoġġ u gwida.

2.

L-irkupru ekonomiku tal-Ewropa u l-ħidma għat-tkabbir sostenibbli, inkluż permezz ta' riċerka u innovazzjoni msaħħa, jiddependu dejjem aktar fuq il-kapaċità tagħha li tiżviluppa l-ħiliet taċ-ċittadini kollha tagħha, li turi l-interdipendenza tal-objettivi soċjali u ekonomiċi. B'mod parallel mal-isforzi biex jiġu mtejba l-ħiliet permezz tal-edukazzjoni u t-taħriġ vokazzjonali, l-edukazzjoni għolja ta' kwalità u t-tagħlim tul il-ħajja għandhom ukoll rwol kruċjali fit-tisħiħ tal-impjegabbiltà u biex tiżdied il-kompetittività, waqt li fl-istess ħin jippromwovu l-iżvilupp personali u professjonali tal-istudenti u l-gradwati, u jistimulaw is-solidarjetà soċjali u l-impenn ċiviku.

3.

Il-Proċess ta' Bolonja kif ukoll l-iżvilupp sussegwenti ta' Żona Ewropea ta' Edukazzjoni Għolja (EHEA), l-aġenda tal-UE għall-immodernizzar tal-edukazzjoni għolja u l-Istrateġija Ewropa 2020 kollha juru li l-kooperazzjoni Ewropea u r-risponsi ta' politika kondiviżi għandhom kontribut siewi x'jagħtu fl-affrontar ta' sfidi komuni permezz ta' skambju ta' prassi tajba, analiżi tal-politika komparattiva bbażata fuq l-evidenza u l-provvista ta' appoġġ finanzjarju, kif ukoll permezz ta' għajnuna biex jiġu pprovduti mekkaniżmi sostenibbli li jiffaċilitaw mobbiltà akbar ta' gruppi diversi ta' studenti.

1.

Jadottaw objettivi nazzjonali, li huma maħsuba biex iżidu l-aċċess, il-parteċipazzjoni u r-rati ta' tlestija ta' gruppi sottorappreżentati u żvantaġġati fl-edukazzjoni għolja, bil-ħsieb li jimxu 'l quddiem lejn l-għan tal-Proċess ta' Bolonja li l-istudenti li jibdew, jipparteċipaw fi u jtemmu l-edukazzjoni għolja fil-livelli kollha għandhom jirriflettu d-diversità tal-popolazzjonijiet tal-Istati Membri.

2.

Jinkoraġġixxu l-kooperazzjoni bejn fornituri tal-edukazzjoni fil-livelli kollha, inkluzi dawk li jipprovdu tagħlim mhux formali u informali, u partijiet interessati rilevanti oħra, sabiex jidentifikaw il-gruppi partikolari li jistgħu jkunu sottorappreżentati fl-edukazzjoni għolja, kif ukoll jippromwovu parteċipazzjoni akbar ta' gruppi sottorappreżentati fi ħdan il-professjoni tal-għalliema nfisha fis-setturi kollha tal-edukazzjoni.

3.

Jiffaċilitaw l-iżvilupp ta' strateġiji proattivi u strutturi relatati fil-livell istituzzjonali, inkluż attivitajiet ta' sensibilizzazzjoni u opportunitajiet ta' tagħlim tul il-ħajja, l-għoti ta' informazzjoni dwar opportunitajiet u eżiti edukattivi u dawk relatati mas-suq tax-xogħol, gwida dwar l-għażla adegwata tal-korsijiet, konsulenza u gwida bejn il-pari u servizzi ta' appoġġ.

4.

Jippromwovu l-permeabbiltà u l-iżvilupp ta' toroq ta' progressjoni flessibbli u trasparenti għall-edukazzjoni għolja, b'mod partikolari mill-edukazzjoni u t-taħriġ vokazzjonali u mit-tagħlim mhux formali u informali, ffaċilitat mill-għodod ta' trasparenza bħal oqfsa nazzjonali ta' kwalifiki marbuta mal-Qafas Ewropew tal-Kwalifiki.

5.

Iżidu l-opportunitajiet għat-tagħlim flessibbli billi jiddiversifikaw il-mod kif jitwassal il-kontenut tat-tagħlim, pereżempju billi jadottaw approċċi ċċentrati fuq l-istudenti għat-tagħlim mogħti u miksub, billi jestendu l-għoti ta' tagħlim part-time, billi jiżviluppaw apprentistati bbażati fuq kreditu, billi jimmodularizzaw programmi u tagħlim mill-bogħod permezz tal-użu tal-ICT u billi jiżviluppaw riżorsi edukattivi miftuħa b'garanzija ta' kwalità tajba.

6.

Jesploraw kif il-mekkaniżmi ta' finanzjament jistgħu jipprovdu inċentivi għall-istituzzjonijiet biex jiżviluppaw u jagħtu opportunitajiet ta' tagħlim flessibbli u b'garanzija ta' kwalità.

7.

Jeżaminaw kif l-istruttura globali tal-finanzjament istituzzjonali u tal-appoġġ finanzjarju għall-istudenti tħalli impatti fuq il-parteċipazzjoni ta' gruppi sottorappreżentati u ta' dawk żvantaġġati fl-edukazzjoni għolja u jikkunsidraw kif l-aħjar jiġi mmirat l-appoġġ finanzjarju biex itejjeb l-aċċess, il-parteċipazzjoni u r-rati ta' tlestija.

8.

Jaħdmu flimkien mal-istituzzjonijiet ta' edukazzjoni għolja u partijiet interessati rilevanti oħra biex iżidu r-rati ta' tlestija tal-edukazzjoni għolja billi jtejbu l-kwalità tal-proċess ta' tagħlim mogħti u miksub, b'mod partikolari permezz ta' aktar flessibbiltà fit-twassil u bl-għoti ta' appoġġ rilevanti wara li tinbeda l-edukazzjoni għolja, u billi titjieb l-attraenza tal-korsijiet u r-rilevanza għas-suq tax-xogħol.

9.

Jeżaminaw u jfittxu li jnaqqsu kwalunkwe differenza reġjonali u ġeografika fl-Istati Membri f'termini ta' aċċess għal, parteċipazzjoni fi, u t-tlestija tal-edukazzjoni għolja.

10.

Jinvolvu ruħhom fil-ġbir sistematiku ta' data komparabbli rilevanti – filwaqt li jagħmlu l-aħjar użu tar-riżorsi eżistenti – sabiex titjieb il-bażi ta' evidenza għall-iżvilupp tal-politika u sabiex jippermettu l-monitoraġġ effettiv tal-objettivi nazzjonali dwar l-aċċess, il-parteċipazzjoni u r-rati ta' tlestija fl-edukazzjoni għolja fost gruppi sottorappreżentati u żvantaġġati.

(a)

tibda studju ta' tfassil tal-politiki dwar l-aċċess u r-rati ta' tluq bikri mill-iskola u t-tlestija fl-edukazzjoni għolja bil-ħsieb li tiġi analizzata l-effettività ta' approċċi nazzjonali u istituzzjonali differenti u kif fatturi strutturali, istituzzjonali, personali, soċjokulturali u soċjoekonomiċi, jinfluwenzaw it-tluq bikri u t-tlestija;

(b)

issegwi ħidma konġunta mal-Eurostat dwar studju ta' fattibbiltà biex ikun hemm titjib fil-metodoloġija għall-ġbir ta' data amministrattiva dwar it-tul tal-istudji u r-rati ta' tlestija fl-edukazzjoni għolja;

(c)

tiżviluppa studju dwar l-influwenza ta' mudelli differenti ta' finanzjament, jew ta' kondiviżjoni tal-ispejjeż, fuq l-effettività, l-effiċjenza u l-ekwità tal-edukazzjoni għolja f'konformità mal-impenji fl-aġenda tal-2011 għall-immodernizzar tal-edukazzjoni għolja (7).

1.

Iwettqu l-ħidma fuq id-dimensjoni soċjali tal-edukazzjoni għolja, pereżempju billi jiżviluppaw it-tagħlim bejn il-pari u l-analiżi tal-politika bbażata fuq l-evidenza dwar dan is-suġġett permezz tal-użu tal-Metodu Miftuħ ta' Koordinazzjoni, kif ukoll permezz ta' ħidma fi ħdan il-Proċess ta' Bologna u mal-korpi adegwati u bl-inizjattivi eżistenti.

2.

Jużaw ir-riżultati u l-eżiti tal-istudji u ta' ħidma oħra li qed twettaq il-Kummissjoni u sorsi oħra rilevanti bħala bażi għal aktar dibattitu u konsiderazzjoni tal-politika fl-eżami ta' kwistjonijiet ta' aċċess, parteċipazzjoni, tlestija u l-impatt ta' mudelli differenti ta' finanzjament fir-rigward tal-edukazzjoni għolja.

3.

Isaħħu s-sinerġiji bejn l-UE u l-Proċess ta' Bolonja fit-twettiq tad-dimensjoni soċjali tal-edukazzjoni għolja bl-aħjar użu tal-appoġġ finanzjarju taħt il-programm tal-Unjoni ta' wara l-2013 fil-qasam tal-edukazzjoni, it-taħriġ, iż-żgħażagħ u l-isport.

4.

Jużaw l-appoġġ finanzjarju taħt l-Inizjattiva favur l-Impjieg taż-Żgħażagħ għall-għoti ta' opportunitajiet immirati fl-edukazzjoni għolja għal żgħażagħ żvantaġġati u bla xogħol taħt l-età ta' 25 sena, sabiex dawn ikunu jistgħu jiksbu ħiliet speċifiċi għall-impjieg.

14.6.2013   

MT

Il-Ġurnal Uffiċjali tal-Unjoni Ewropea

C 168/5

1.

Il-kooperazzjoni Ewropea fil-Qasam taż-Żgħażagħ (1) li tidentifika l-benesseri u l-inklużjoni soċjali bħala tnejn mit-tmien oqsma ta' azzjoni tagħha u tenfasizza l-appoġġ u l-iżvilupp tal-ħidma fost iż-żgħażagħ bħala rispons transsettorjali biex jintlaħqu l-objettivi ġeneali tal-Qafas; u li tirrakkomanda fokus miżjud fuq l-inklużjoni soċjali, is-saħħa u l-benesseri taż-żgħażagħ.

2.

Il-Komunikazzjoni mill-Kummissjoni “Ewropa 2020” kif approvata mill-Kunsill Ewropew li jirrikonoxxi r-rwol tal-ħidma fost iż-żgħażagħ bħala fornitur ta' opportunitajiet ta' tagħlim mhux formali liż-żgħażagħ kollha.

3.

Ir-Rakkomandazzjoni tal-Kunsill tal-20 ta' Diċembru 2012 dwar il-validazzjoni tat-tagħlim mhux formali u informali (2).

4.

Il-Konklużjonijiet Konġunti tal-Konferenza tal-UE dwar iż-Żgħażagħ organizzata mill-Presidenza Irlandiża, 11-13 ta' Marzu, 2013 (3).

5.

Ir-Riżoluzzjoni tal-Kunsill u tar-Rappreżentanti tal-Gvernijiet tal-Istati Membri, mlaqqgħin fil-Kunsill tad-19 ta' Novembru 2010, dwar il-Ħidma fost iż-Żgħażagħ li tappella għal fehim aħjar tal-ħidma fost iż-żgħażagħ, u rwol imsaħħaħ, speċifikament fir-rigward tal-promozzjoni, l-appoġġ u l-iżvilupp tal-ħidma fost iż-żgħażagħ fuq firxa ta' livelli.

6.

Iż-żgħażagħ jikkontribbwixxu b'mod attiv għall-infrastruttura soċjali u għall-vitalità tal-komunitajiet, kemm dawk ġeografiċi kif ukoll komunitajiet ta' interess. Iż-żgħażagħ jinkludu popolazzjoni diversa u dinamika b'realtajiet, ħtiġijiet, talbiet u aspirazzjonijiet differenti. Id-demografija, il-bijografija, id-diversità, it-transizzjonijiet u l-opportunitajiet huma kwistjonijiet li jkollhom impatt dirett fuq iż-żgħażagħ, u xi drabi jiddefinixxuhom. Għalhekk, il-politika dwar iż-żgħażagħ għandha tkun waħda li tirrifletti u twieġeb għal dawn il-kwistjonijiet, tkun waħda li tagħti kemm possibilitajiet kif ukoll l-abbiltà u tippromwovi opportunitajiet indaqs liż-żgħażagħ kollha.

7.

Il-“ħidma fost iż-żgħażagħ” huwa terminu wiesa' li jkopri ambitu wiesa' ta' attivitajiet ta' natura soċjali, kulturali, edukattiva jew politika minn, ma', u għaż-żgħażagħ. Aktar ma jmur, attivitajiet bħal dawn qed jinkludu wkoll l-isport u servizzi għaż-żgħażagħ. Il-ħidma fost iż-żgħażagħ tappartjeni għall-qasam tal-edukazzjoni “barra mill-iskola”, kif ukoll għal attivitajiet speċifiċi tal-ħin liberu ġestiti minn mexxejja taż-żgħażagħ u ħaddiema fil-qasam taż-żgħażagħ, professjonali jew volontarji. Il-ħidma fost iż-żgħażagħ hija organizzata b'modi differenti (minn organizzazzjonijiet immexxija miż-żgħażagħ, organizzazzjonijiet taż-żgħażagħ, gruppi informali jew permezz ta' servizzi taż-żgħażagħ u awtoritajiet pubbliċi). Din issir f'diversi forom u modi (pereżempju aċċess miftuħ, abbażi ta' gruppi, abbażi ta' programmi, ta' sensibilizzazzjoni u b'mod separat) u hija mogħtija forma fil-livell lokali, reġjonali, nazzjonali u Ewropew.

8.

Il-ħidma fost iż-żgħażagħ tiffoka fuq l-iżvilupp personali u soċjali taż-żgħażagħ u għandha portata estiża li tilħaq u tinvolvi liż-żgħażagħ abbażi tal-ħtiġijiet u l-interessi tagħhom u tieħu kont tal-ambjent tagħhom. Tali kopertura u portata tikkumplimenta reazzjonijiet politiċi oħra għaż-żgħażagħ u għalhekk il-ħidma fost iż-żgħażagħ tista' toffri liż-żgħażagħ punti ta' kuntatt, assoċjazzjoni u progress.

9.

L-inklużjoni soċjali tirrikjedi appoċċ komprensiv u trans-settorjali biex tiġi indirizzata n-natura multidimensjonali tal-marġinalizzazzjoni u l-esklużjoni fis-soċjetà.

10.

Il-ħidma fost iż-żagħżagħ għandha rwol importanti fil-prevenzjoni tal-esklużjoni soċjali u fit-tisħiħ tal-inklużjoni soċjali. Il-ħidma fost iż-żagħżagħ toffri spazji u opportunitajiet ta' żvilupp għaż-żgħażagħ kollha u “hija bbażata fuq proċess ta' tagħlim mhux formali u informali (4) u fuq parteċipazzjoni volontarja” (5).

11.

Il-ħidma fost iż-żagħżagħ u inizjattivi taż-żagħżagħ effettivi jfittxu li jagħtu s-setgħa liż-żgħażagħ u jinkoraġixxu l-parteċipazzjoni attiva tagħhom fis-soċjetà. Hija tipprovdihom b'ħiliet, kompetenzi u esperjenzi għall-ħajja, u b'hekk timmassimizza l-fatturi protettivi li jsaħħu l-iżvilupp, il-benesseri, l-awtonomija u l-inklużjoni soċjali taż-żgħażagħ kollha, inklużi dawk b'anqas opportunitajiet.

12.

Il-ħidma ta' kwalità fost iż-żagħżagħ hija impenn biex kontinwament jiġi żgurat u mtejjeb l-aqwa provvediment u prattika għaż-żagħżagħ. Huma l-organizzazzjonijiet taż-żgħażagħ, is-servizzi taż-żgħażagħ u l-ħaddiema fil-qasam taż-żgħażagħ li qed jaħdmu mal-partijiet interessati rilevanti li għandhom jippjanaw u jwettqu l-attivitajiet u l-programmi li huma rilevanti u jwieġbu għall-interessi, il-ħtiġijiet u l-esperjenzi taż-żgħażagħ, u li huma bbażati fuq l-evidenza u li jikkonċentraw fuq l-eżiti. Ir-riżultat ta' ħidma ta' kwalità fost iż-żgħażagħ għandu jkun li ż-żgħażagħ jieħdu l-akbar benefiċċju mill-parteċipazzjoni tagħhom fil-ħidma fost iż-żgħażagħ.

13.

L-Inklużjoni Soċjali għandha takkomoda u tinkludi liż-żgħażagħ kollha u l-kwistjonijiet li huma jiffaċċjaw, b'enfasi speċjali fuq dawk b'anqas opportunitajiet.

Il-potenzjal tal-ħidma fost iż-żgħażagħ li tikkontribwixxi għall-objettivi politiċi inkluża l-inklużjoni soċjali jista' jiġi aktar ottimizzat permezz ta' approċċ ikkonċentrat fuq il-kwalità u bbażat fuq l-evidenza li jpoġġi liż-żgħażagħ fiċ-ċentru tal-ippjanar u t-twettiq tal-forniment tal-ħidma fost iż-żgħażagħ. Dan l-approċċ jappoġġa l-parteċipazzjoni, l-iżvilupp u l-progressjoni taż-żgħażagħ b'mod li jafferma l-qawwiet tagħhom, iżid ir-reżlijenza u l-kompetenzi u jirrikonoxxi l-potenzjal tagħhom biex jibnu kapital individwali, komunali u soċjali. Il-ħidma ta' kwalità fost iż-żgħażagħ hija tema universali li hija ta' ġid għaż-żgħażagħ, ittejjeb il-prattika tal-ħidma fost iż-żgħażagħ, u tikkontribwixxi għall-għanijiet tal-politika usa'.

14.

Bil-għan li jiġi żgurat li l-ħidma fost iż-żgħażagħ tkun rilevanti u twieġeb kemm għall-interessi kif ukoll għall-ħtiġijiet taż-żgħażagħ u biex jiġi ottimizzat ir-rwol tagħha fil-kontribut għall-iżvilupp, il-benesseri u l-inklużjoni soċjali tagħhom, ġew identifikati l-prijoritajiet li ġejjin:

15.

Jippromwovu, permezz tal-Metodu Miftuħ ta' Koordinazzjoni, tisħiħ tar-relazzjonijiet, kemm fil-politika u l-prattika, ma' oqsma relatati maż-żgħażagħ bħas-Saħħa, l-Edukazzjoni u t-Taħriġ, l-Impjiegi, il-Kultura u l-Isport.

16.

Jippromwovu, fil-provvediment u l-prattika tal-ħidma fost iż-żgħażagħ, enfasi fuq il-kwalità u l-kisba ta' riżultati tal-ħidma fost iż-żgħażagħ li jikkontribwixxu għall-iżvilupp, il-benesseri u l-inklużjoni soċjali taż-żgħażagħ.

17.

Jappoġġaw kollaborazzjoni akbar fost l-atturi interessati kollha tal-ħidma fost iż-żgħażagħ (b'mod partikolari r-riċerkaturi, dawk li jfasslu l-politika, organizzazzjonijiet tas-soċjetà ċivili, prattikanti u żgħażagħ) biex jiddeterminaw l-impatt ta' ħidma ta' kwalità fost iż-żgħażagħ, għaż-żgħażagħ innifishom, is-settur taż-żgħażagħ u oqsma ta' politika relatati pereżempju permezz tal-iżvilupp tal-evidenza tal-impatt tal-ħidma ta' kwalità fost iż-żgħażagħ u billi jiġu ffaċilitati u mtejba r-rikonoxximent u l-validazzjoni ta' tagħlim mhux formali u informali fil-livelli nazzjonali u tal-UE.

18.

Jinkoraġġixxu u jappoġġaw liż-żgħażagħ permezz tal-edukazzjoni, is-soċjetà ċivili u inizjattivi ta' kwalità għaż-żgħażagħ biex jipparteċipaw fil-ħajja demokratika u jagħmlu użu minn għodod eżistenti u ġodda biex jikkontribwixxu għall-iżvilupp tal-politika, u b'hekk itejbu l-iżvilupp, il-benesseri u l-inklużjoni soċjali tagħhom.

19.

Permezz ta' opportunitajiet u programmi ta' ħidma ta' kwalità fost iż-żgħażagħ, jippromwovu t-tagħlim esperjenzali u l-iżvilupp tal-ħiliet, inkluż ħiliet trasferibbli għaż-żgħażagħ, u r-rikonoxximent u l-validazzjoni ta' dawn il-ħiliet u l-kompetenzi.

20.

Jappoġġaw is-settur taż-żgħażagħ fl-iżvilupp tal-istrutturi, il-metodi ta' ħidma u l-kanali ta' komunikazzjoni tiegħu sabiex isir kuntatt ma' aktar żgħażagħ, speċjalment dawk fir-riskju ta' esklużjoni soċjali.

21.

Jistimulaw u jappoġġaw involviment immexxi mill-voluntieri fil-provvediment taż-żgħażagħ għall-promozzjoni tad-diversità, l-inklużjoni soċjali u l-bini tal-kapital soċjali.

22.

Jippromwovu l-kontribut ta' ħidma ta' kwalità fost iż-żgħażagħ billi jżidu l-opportunitajiet ta' fondi biex tiġi appoġġata ħidma effettiva fost iż-żgħażagħ.

23.

Iħeġġu, permezz tal-programmi rilevanti, pjattaformi u repożitorji tar-riżorsi, l-iskambju Ewropew u internazzjonali ta' prattiki tajbin, it-taħriġ, il-kisba ta' ħiliet u t-tagħlim mill-pari b'rabta ma' ħidma fost iż-żgħażagħ ikkonċentrata fuq il-ħidma ta' kwalità fost iż-żgħażagħ.

24.

Tistabbilixxi grupp tematiku ta' esperti biex jeżamina sistemi ta' kwalità tal-ħidma fost iż-żgħażagħ fl-Istati Membri tal-UE bil-ħsieb li jiġi esplorat kif jistgħu jiġu żviluppati indikaturi jew oqfsa komuni. Il-ħidma ta' dan il-grupp ser tkun infurmata mill-istudju li jmiss tal-Kummissjoni Ewropea. Dan ser jilħaq il-qofol tiegħu f'rapport li jiddeskrivi r-rakkomandazzjonijiet li għandhom jiġu ppreżentati fil-Grupp ta' Ħidma dwar iż-Żgħażagħ. Abbozz ta' deskrizzjoni tat-termini ta' referenza ssuġġeriti u s-sħubija ta' dan il-grupp tematiku ta' esperti jinsab fl-Anness.

25.

Tfittex li tibni fuq is-sejbiet tal-istudju li jmiss tagħha dwar is-siwi tal-ħidma fost iż-żgħażagħ fl-identifikazzjoni ta' liema inizjattivi huma meħtieġa għall-promozzjoni ta' ħidma fost iż-żgħażagħ bbażata fuq il-kwalità u effettiva.

26.

Tqis studji ta' riċerka u inizjattivi oħrajn f'dan il-qasam. Ixxerred is-sejbiet u tiżviluppa tagħlim għall-politika, ir-riċerka, il-prattika u l-komunitajiet taż-żgħażagħ, kif ukoll għal oqsma ta' politika relatati.

27.

Tikkunsidra segwitu adatt għall-istudju li jmiss dwar il-valur tal-ħidma fost iż-żgħażagħ u l-eżitu tal-grupp tematiku ta' esperti dwar ħidma ta' kwalità fost iż-żgħażagħ.

14.6.2013   

MT

Il-Ġurnal Uffiċjali tal-Unjoni Ewropea

C 168/10

1.

Għall-iskopijiet ta' dawn il-Konklużjonijiet tal-Kunsill, it-terminu “atleta” għandu jinftiehem bħala “atleta ta' talent” jew “atleta mill-aqwa”, kemm maskili kif ukoll femminili, inklużi atleti b'diżabbiltà biex tiġi rrispettata l-konvenzjoni tan-NU dwar id-drittijiet ta' persuni b'diżabbiltà.

2.

It-terminu “karriera doppja” għandu jinftiehem li jfisser li atleta jista' jorbot, mingħajr sforz personali mhux raġonevoli, il-karriera sportiva tiegħu mal-edukazzjoni u/jew ix-xogħol b'mod flessibbli permezz ta' taħriġ ta' kwalità għolja sabiex jitħarsu l-interessi morali, tas-saħħa, edukattivi u professjonali tiegħu, mingħajr ma jiġi kompromess l-ebda mill-objettivi, b'fokus partikolari fuq l-edukazzjoni formali kontinwa ta' atleti żgħażagħ.

3.

Il-kisba sportiva ta' livell għoli għandha tkun tista' tintrabat mal-edukazzjoni u karriera, li fiha l-atleti jkunu jistgħu jisfruttaw il-ħiliet tagħhom biex jikkontribwixxu aktar fis-soċjetà. L-atleti jiksbu għarfien, ħiliet u kompetenzi permezz tal-involviment tagħhom fl-isport; ir-Rakkomandazzjoni tal-Kunsill dwar il-validazzjoni ta' tagħlim mhux formali u informali (2) tipprovdi opportunità biex l-Istati Membri jirrikonixxuhom u jivvalidawhom.

4.

Il-promozzjoni ta' karrieri doppji ta' atleti tikkontribwixxi għal diversi għanijiet tal-Istrateġija Ewropa 2020 (3) (prevenzjoni ta' tluq bikri mill-iskola, aktar gradwati fl-edukazzjoni għolja, aktar impjegabbiltà ogħla) u tagħmel il-politiki dwar l-isport aktar effiċjenti billi aktar atleti jinżammu fis-sistema sportiva.

5.

L-atleti qegħdin dejjem aktar jitħarrġu u/jew jikkompetu regolarment barra minn pajjiżhom li jagħmel ir-rabta ta' karriera sportiva mal-iskola, l-istudju jew il-karriera barra l-isport aktar kumplessa. Dawn l-atleti jirrappreżentaw waħda mill-aktar partijiet internazzjonalment mobbli tal-popolazzjoni Ewropea.

6.

L-atleti huma ta' kontribut importanti għall-immaġni tal-isport u l-attività fiżika, jikkomunikaw valuri pożittivi lis-soċjetà bħall-ekwità u d-dedikazzjoni għall-kisba u jservu bħala mudelli biex jingħaqdu atleti żgħażagħ. Barra minn hekk, huma rappreżentanti importanti ta' pajjiżhom. F'dan il-kuntest, l-organizzazzjonijiet sportivi u l-gvernijiet għandhom ir-responsabbiltà li jippermettu lill-atleti jirnexxu f'karriera doppja biex jiżguraw li ma jkunux żvantaġġati wara l-karriera sportiva tagħhom tkun spiċċat (4).

7.

L-isport għat-tfal għandu dejjem jitwettaq f'konformità mal-Konvenzjoni tan-NU dwar id-Drittijiet tat-Tfal. Għandha tingħata attenzjoni partikolari biex jiġi żgurat li l-involviment tat-tfal bi tħejjija għal sport ta' livell għoli ma jxekkilx jew ma jkunx ta' detriment għall-benessri fiżiku, soċjali jew emozjonali tagħhom (4).

8.

L-isfidi prinċipali fir-rigward tal-kwalità tal-edukazzjoni u servizzi ta' appoġġ għall-atleti involuti fi sport ta' livell għoli fl-Ewropa huma:

9.

Sabiex jikkompetu f'livell għoli, għadd sostanzjali ta' atleti huma sfurzati li jissupplimentaw il-finanzjament tal-isport tagħhom, spiss permezz ta' appoġġ mill-familja, self għall-istudenti jew permezz ta' impjiegi part-time jew full-time. Xi atleti ma jibqgħux fl-isport minħabba li l-karrieri sportivi tagħhom jkunu diffiċli li tintrabat mal-edukazzjoni u/jew ix-xogħol.

10.

Hemm benefiċċji sostanzjali għal atleti li jkunu jistgħu jorbtu l-karriera sportiva mal-edukazzjoni u/jew ix-xogħol, inklużi benefiċċji relatati mas-saħħa (eż. stil ta' ħajja ekwilibrat u inqas stress), benefiċċji ta' żvilupp (eż. żvilupp ta' ħiliet applikabbli fl-isport, edukazzjoni u sferi oħra tal-ħajja), benefiċċji soċjali (netwerks soċjali mifruxa u sistemi ta' appoġġ soċjali), u prospetti msaħħa ta' impjiegi fil-ġejjieni.

1.

Abbażi tal-prinċipji li jinsabu fil-Linji Gwida tal-UE dwar il-Karrieri Doppji tal-Atleti, jiżviluppaw qafas ta' politika u/jew linji gwida nazzjonali għal karrieri doppji li jinvolvu l-partijiet interessati prinċipali eż. ministeri tal-isport, is-saħħa, l-edukazzjoni, l-impjiegi, id-difiża, iż-żgħażagħ, l-affarijiet interni u l-finanzi u oħrajn, l-organizzazzjonijiet sportivi, korpi governattivi, l-istituzzjonijiet edukattivi, in-negozji, il-kmamar tal-kummerċ u x-xogħol u l-korpi rappreżentattivi tal-atleti.

2.

Jippromwovu l-kooperazzjoni u ftehimiet fl-iżvilupp u l-implimentazzjoni ta' karrieri doppji bejn il-partijiet interessanti rilevanti kollha.

3.

Jinkoraġġixxu kooperazzjoni transettorjali u jappoġġaw miżuri innovattivi u riċerka bl-għan li jiġu identifikati u solvuti l-problemi li jaffaċċjaw l-atleti kemm fl-edukazzjoni kif ukoll fuq il-post tax-xogħol.

4.

Jippromwovu l-iskambju ta' prattika tajba u esperjenza f'karrieri doppji fost l-Istati Membri fil-livell lokali, reġjonali u nazzjonali.

5.

Jiżguraw li l-miżuri b'appoġġ għal karrieri doppji, fejn jeżistu, jiġu applikati ugwalment għal atleti rġiel u nisa u b'kont meħud tal-bżonnijiet speċjali ta' atleti b'diżabbiltà.

6.

Jinkoraġġixxu organizzazzjonijiet sportivi u istituzzjonijiet edukattivi biex jiżguraw li persunal kwalifikat jew imħarreġ adegwatament biss jaħdem jew jivvolontarja b'appoġġ għal atleti li jkollhom karriera doppja.

7.

Jippromwovu l-użu ta' standards ta' kwalità f'akkademji sportivi u ċentri ta' taħriġ ta' prestazzjoni għolja pereżempju fir-rigward ta' persunal b'karrieri doppji, arranġamenti ta' sigurtà u sikurezza u trasparenza rigward id-drittijiet tal-atleti.

8.

Rigward l-edukazzjoni għall-atleti:

9.

Rigward ix-xogħol għall-atleti:

10.

Rigward is-saħħa tal-atleti:

11.

Rigward il-finanzi tal-atleti:

1.

Jiżguraw l-appoġġ għas-suċċess ta' karrieri doppji ta' atleti fil-livelli interni kollha (pereżempju billi jinħatru konsultenti kwalifkati biex jassistu l-atleti mill-bidu sat-tmiem tal-karriera sportiva tagħhom; billi trainers u persunal ta' appoġġ responsabbli jieħdu kont tal-ħtiġijiet tal-edukazzjoni u/jew tax-xogħol; billi avvenimenti sportivi nazzjonali u internazzjonali jiġu skedati b'mod li jieħu kont tal-ħtiġijiet tal-edukazzjoni u/jew tax-xogħol tal-atleti u billi l-atleti jiġu mħarsa minn sforz eċċessiv (5).

2.

Jiżviluppaw, imexxu jew jipparteċipaw bis-sħiħ fin-netwerks u l-mekkaniżmi stabbiliti fl-Istati Membri u/jew l-awtoritajiet sportivi pubbliċi biex jiżviluppaw u jimplimentaw servizzi ta' karrieri doppji għal atleti.

3.

Jikkunsidraw in-nomina ta' “ambaxxaturi ta' atleti b'karriera doppja” biex juru li huwa possibbli li wieħed ikollu suċċess fl-ogħla livell fl-isport, filwaqt li jkollu wkoll suċċess fl-edukazzjoni u/jew ix-xogħol.

4.

Jikkooperaw mal-kmamar ta' kummerċ u xogħol u negozji biex titqajjem kuxjenza dwar liema attributi pożittivi u vantaġġi atleti jista' jkollhom għal min iħaddem filwaqt li jinkoraġġixxu arranġamenti ta' xogħol flessibbli għall-atleti.

5.

Jinkoraġġixxu n-negozjar ta' ftehimiet ta' sponsorizzazzjoni ma' kumpanniji li jippermettu li atleti ikollhom aċċess għal esperjenza ta' xogħol, reklutaġġ privileġġat u arranġamenti ta' xogħol flessibbli fil-kumpannija li tisponsorizza jew il-kumpanniji sħab tagħha.

6.

Jinvolvu, fejn adatt, kopri rappreżentattivi tal-atleti fl-iżvilupp ta' politika u azzjonijiet fil-qasam tal-karrieri doppji.

1.

Abbażi tal-Linji Gwida tal-UE dwar il-Karrieri Doppji tal-Atleti, tikkunsidra segwitu adegwat fil-qafas tat-tieni pjan ta' ħidma dwar l-Isport tal-Kunsill, inklużi billi tħares lejn modi biex titkejjel l-implimentazzjoni ta' azzjonijiet ta' politika fil-qasam tal-karrieri doppji fl-UE kollha, li jistgħu jintużaw mill-Istati Membri fuq bażi volontarja.

2.

Tipprovdi appoġġ għan-netwerks tal-karrieri doppji, li jġibu flimkien assoċjazzjonijiet ta' atleti, negozji u kmamar ta' kummerċ u xogħol, organizzazzjonijiet sportivi, istituzzjonijiet edukattivi, awtoritajiet nazzjonali u lokali u kowċijiet biex jippermettu l-iskambju ta' informazzjoni u l-aħjar prattika fil-livell tal-UE.

3.

Tippromwovi u tappoġġa l-kondiviżjoni tal-aħjar prattiki fl-UE fir-rigward tal-karrieri doppji ta' atleti, fost l-oħrajn permezz tal-appoġġ għal proġetti u t-tixrid tar-riżultati tagħhom taħt skemi u programmi ta' finanzjament rilevanti.

4.

Tappoġġa sistema ta' monitoraġġ u/jew ta' riċerka abbażi tad-dimensjoni internazzjonali ta' programmi għal karrieri doppji, partikolarment rigward l-effetti ta' tranżizzjonijiet fil-ħajja tal-atleti, is-salvagwardja tal-iżvilupp ta' atleti fi sport bi speċjalizzazzjoni bikrija, l-effettività tal-miżuri u tas-servizzi ta' appoġġ fl-Istati Membru u l-proċess ta' dħul mill-ġdid ta' atleti mill-aqwa fis-suq tax-xogħol.

5.

Tappoġġa l-iżvilupp ta' sett ta' rekwiżiti ta' kwalità minimi fil-livell Ewropew b'kooperazzjoni mal-partijiet interessati f'dan il-qasam, li jistgħu jaħdmu bħala punt ta' referenza għal servizzi u faċilitajiet nazzjonali għal karrieri doppji, billi jipprovdu trasparenza u garanziji tal-kwalità is-sikurezza u s-sigurtà għall-atleti, inkluż l-atleti barra mill-pajjiż.

14.6.2013   

MT

Il-Ġurnal Uffiċjali tal-Unjoni Ewropea

C 168/13

14.6.2013   

MT

Il-Ġurnal Uffiċjali tal-Unjoni Ewropea

C 168/14

14.6.2013   

MT

Il-Ġurnal Uffiċjali tal-Unjoni Ewropea

C 168/22

1.

Skont l-Artikolu 9 tar-Regolament tal-Kunsill (KE) Nru 1/2003 tas-16 ta’ Diċembru 2002 fuq l-implimentazzjoni tar-regoli tal-kompetizzjoni mniżżlin fl-Artikoli 81 u 82 tat-Trattat (1), il-Kummissjoni tista’ tiddeċiedi – f’dawk il-każijiet fejn ikollha l-intenzjoni li tadotta deċiżjoni li tobbliga li ksur jinġieb fi tmiemu l-partijiet ikkonċernati joffru li jidħlu għal irbit li jkun jissodisfa t-tħassib indikat lilhom mill-Kummissjoni fl-evalwazzjoni preliminari tagħha – li dak l-irbit isir vinkolanti fuq l-impriżi. Deċiżjoni bħal din tista’ tiġi adottata għal perjodu speċifiku u tikkonkludi li ma hemmx aktar raġunijiet għal azzjoni mill-Kummissjoni. Skont l-Artikolu 27(4) tal-istess Regolament, il-Kummissjoni tippubblika taqsira konċiża dwar il-każ u l-kontenut ewlieni tal-impenji. Il-partijiet interessati jistgħu jippreżentaw l-osservazzjonijiet tagħhom fil-limitu ta’ żmien stipulat mill-Kummissjoni.

2.

Fit-3 ta' April 2009, il-Kummissjoni adottat Dikjarazzjoni ta' Oġġezzjonijiet kontra Visa Europe Limited (“Visa Europe”), Visa Inc. u Visa International Services Association.

3.

Id-Dikjarazzjoni ta' Oġġezzjonijiet spjegat l-opinjoni preliminari tal-Kummissjoni li Visa Europe, Visa Inc. u Visa International Services Association kisru l-Artikolu 101 tat-TFUE u l-Artikolu 53 tal-Ftehim taż-ŻEE billi stabbilixxiet tariffi ta' skambju miftiehma multilateralment (multilaterally agreed interchange fees, “MIFs”) li japplikaw għal tranżazzjonijiet transfruntiera u għal ċerti tranżazzjonijiet domestiċi fil-punt tal-bejgħ meta jintużaw il-kards tal-ħlas tal-konsumatur tal-VISA, VISA Electron u V PAY fiż-ŻEE.

4.

It-tariffi ta’ skambju jitħallsu minn bank kummerċjali (“l-akkwirent”) lil bank ta’ detentur ta’ kard (“l-emittent”) għal kull tranżazzjoni li tkun saret fi stabbiliment ta' negozju b'kard tal-ħlas. Meta detentur ta’ kard juża kard għall-ħlas sabiex jixtri oġġetti jew servizzi mingħand negozjant, in-negozjant iħallas tariffa għas-servizz tan-negozjant lill-akkwirent tiegħu. L-akkwirent iżomm parti minn din it-tariffa (il-marġni tal-akkwirent), il-bqija tmur għall-emittent (l-MIF) u l-operatur tal-iskema (f'dan il-każ Visa Europe u Visa Inc.). Fil-prattika, parti kbira mit-tariffa għas-servizz tan-negozjant hija ddeterminata mill-MIF.

5.

Id-Dikjarazzjoni ta' Oġġezzjonijiet esprimiet tħassib li l-MIFs għandhom bħala għan u effett restrizzjoni apprezzabbli tal-kompetizzjoni fis-swieq tal-akkwist b'detriment għan-negozjanti u indirettament għall-klijenti tagħhom. L-MIFs dehru li kienu qegħdin jgħollu l-bażi li fuqha l-akkwirenti jistabbilixxu t-tariffi għas-servizzi tan-negozjant billi joħolqu element sostanzjali ta' spiża li hu komuni għall-akkwirenti kollha. Skont l-opinjoni preliminari tal-Kummissjoni, il-MIFs mhumiex bżonnjużi oġġettivament. L-effett restrittiv fis-swieq tal-akkwist qed jiġi msaħħaħ aktar bl-effett tal-MIFs fuq is-swieq tan-netwerk u fuq dawk emittenti kif ukoll b'regoli u prattiki oħrajn tan-netwerk (ir-Regola li Tonora l-Kards Kollha (Honour All Cards Rule), ir-Regola tal-Ebda Diskriminazzjoni (No Discrimination Rule) u t-taħlit (blending). Barra minn hekk, skont l-opinjonijiet preliminari tal-Kummissjoni stipulati fid-Dikjarazzjoni ta' Oġġezzjonijiet, l-MIFs ma jissodisfawx ir-rekwiziti għal eżenzjoni skont l-Artikolu 101(3) tat-TFUE għax jipprovdu effiċjenzi b'sehem ġust mill-benefiċċji li jirriżultaw minnhom li jgħaddu għand il-konsumatur.

6.

Fit-8 ta' Diċembru 2010, il-Kummissjoni adottat Deċiżjoni skont l-Artikolu 9 tar-Regolament Nru 1/2003 (“id-deċiżjoni ta' impenn”). Id-deċiżjoni għamlet legalment vinkolanti għal erba’ snin għal Visa Europe l-impenji li (i) l-medja peżata tal-MIF applikabbli għal tranżazzjonijiet ta’ debitu tal-konsumatur koperti mill-proċedimenti tiġi llimitata sa 0,20 % u (ii) żżomm u/jew tintroduċi għadd ta’ tibdiliet fir-regoli tan-netwerk tagħhom (“miżuri ta’ trasparenza”).

7.

Madankollu, l-impenji ma koprewx il-MIFs għall-kards tal-kreditu tal-konsumaturi li dwarhom il-Kummissjoni ħarġet Dikjarazzjoni Supplimentari ta' Oġġezzjonijiet fil-31 ta’ Lulju 2012. Id-Dikjarazzjoni Supplimentari ta' Oġġezzjonijiet, li tikkostitwixxi valutazzjoni preliminari fl-ambitu tat-tifsira tal-Artikolu 9(1) tar-Regolament (KE) Nru 1/2003, espandiet id-Dikjarazzjoni ta’ Oġġezzjonijiet u rriflettiet bidliet fl-ambitu tal-proċedura, bażikament tapplika biss għal MIFs ta' kards tal-kreditu tal-konsumatur. Hija testendi wkoll l-ambitu tal-proċedimenti għall-applikazzjoni diretta ta' MIFs interreġjonali (jew internazzjonali) meta n-negozjanti jkunu jinsabu fiż-ŻEE u tidentifika ksur potenzjali fir-rigward tar-regoli ta' Visa Europe dwar l-akkwist transfruntiera.

8.

Għaldaqstant, il-proċedimenti issa jkopru (riformulat biss f'taqsira):

9.

Il-proċedimenti jindirizzaw ir-regoli tan-netwerk ta’ Visa Europe relatati mal-MIFs diġà inklużi fid-Dikjarazzjoni ta’ Oġġezzjonijiet, jiġifieri r-Regola li Tonora l-Kards Kollha, ir-Regola ta' Ebda Diskriminazzjoni u l-prattika mifruxa tat-taħlit tat-tariffi għas-servizzi tan-negozjant (“MSCs”). Ir-regoli tal-aħħar huma vvalutati mhux bħala ksur potenzjali tar-regoli tal-kompetizzjoni fihom infushom, iżda fil-kapaċità tagħhom ta’ titjib tal-effett restrittiv tal-MIFs.

10.

Id-Dikjarazzjoni Supplimentari ta' Oġġezzjonijiet intbagħtet ukoll lil Visa Inc. u Visa International Service Association fl-24 ta’ April 2013.

11.

Visa Europe, bħala waħda mill-partijiet soġġetta għall-proċedimenti, ma taqbilx mal-valutazzjoni preliminari tal-Kummissjoni. Madankollu, hija offriet li tidħol għal impenji skont l-Artikolu 9 tar-Regolament (KE) Nru 1/2003, biex tindirizza t-tħassib tal-Kummissjoni fejn tidħol il-kompetizzjoni. L-impenni huma spjegati fil-qosor hawn taħt u ppubblikati bl-Ingliż fuq il-websajt tad-Direttorat Ġenerali għall-Kompetizzjoni fuq:

http://ec.europa.eu/competition/index_en.html

12.

Visa Europe timpenja ruħha li tillimita l-medja ppeżata ta’ kull sena tal-MIFs transfruntiera tagħha Intra-ŻEE applikabbli għal tranżazzjonijiet li jsiru bil-kards tagħha tad-debitu tal-konsumatur għal 0,3 % xahrejn wara n-notifika tad-deċiżjoni ta' impenn lil Visa Europe.

13.

Dan il-limitu se japplika wkoll separatament f'kull wieħed minn dawk il-pajjiżi taż-ŻEE li għalihom Visa Europe tistabbilixxi direttament ir-rati domestiċi speċifiċi tal-MIF għall-konsumaturi u f'dawk il-pajjiżi taż-ŻEE fejn il-MIFs ta' kreditu Intra-ŻEE japplikaw fin-nuqqas ta' MIFs oħrajn.

14.

Visa Europe qed tipproponi wkoll li tiżgura li, mill-1 ta’ Jannar 2015,

15.

Visa Europe timpenja ruħha li temenda r-regoli tagħha dwar l-akkwist transfruntiera mill-1 ta’ Jannar 2015 sabiex tippermetti lill-akkwirenti transfruntiera li joffru l-MIF tad-debitu domestiku jew il-MIF tal-kreditu domestiku applikabbli fil-post tan-negozjant jew rata MIF ta’ 0,2 % għal tranżazzjonijiet ta' debitu tal-konsumatur u 0,3 % għal tranżazzjonijiet ta' kreditu tal-konsumatur, suġġett għal ċerti kundizzjonijiet.

16.

Visa Europe timpenja ruħha li tkompli timplimenta aktar miżuri ta’ trasparenza. Partikolarment, Visa Europe timpenja ruħha li:

17.

Visa Europe għandha taħtar Fiduċjarju ta' Monitoraġġ biex jissorvelja l-konformità ta' Visa Europe mal-impenji tagħha. Qabel il-ħatra, il-Kummissjoni jkollha s-setgħa li tapprova jew li tirrifjuta l-Fiduċjarju propost.

18.

L-impenji se jkunu validi għal perjodu ta' erba' snin mid-data tan-notifika tad-deċiżjoni ta' impenn lil Visa Europe.

19.

Dawn l-impenji japplikaw biss għal Visa Europe. L-investigazzjoni attwali tal-antitrust (supra punt 7) se tibqa’ miftuħa fil-konfront ta' Visa Inc. u Visa International Services Association sakemm issir valutazzjoni ulterjuri mill-Kummissjoni, li possibilment tinkludi kull kummenti li jsir b’reazzjoni għal dan l-Avviż.

20.

Wara li jsir l-ittestjar tas-suq, il-Kummissjoni għandha l-ħsieb li tadotta deċiżjoni skont l-Artikolu 9(1) tar-Regolament (KE) Nru 1/2003 li fiha tiddikjara li l-impenji mniżżla fil-qosor hawn fuq u ppubblikati fuq l-Internet, fuq il-websajt tad-Direttorat Ġenerali għall-Kompetizzjoni, bħala vinkolanti.

21.

Skont l-Artikolu 27(4) tar-Regolament 1/2003, il-Kummissjoni tistieden lil partijiet terzi interessati biex jissottomettu l-kummenti tagħhom dwar l-impenji proposti. Dawn l-osservazzjonijiet għandhom jaslu għand il-Kummissjoni mhux aktar tard minn xahar wara d-data ta’ din il-pubblikazzjoni. Il-partijiet interessati huma wkoll mitluba jippreżentaw verżjoni mhux kunfidenzjali tal-kummenti tagħhom, li kull informazzjoni mħaddna fiha li huma jistqarru li hija sigriet professjonali u informazzjoni kunfidenzjali oħra għandha titħassar u tinbidel kif mitlub b'taqsira mhux kunfidenzjali jew bil-kliem “sigrieti professjonali” jew “kunfidenzjali”.

22.

Ir-risposti u l-kummenti għandhom preferibbilment ikunu motivati u għandhom jistabbilixxu l-fatti rilevanti. Jekk tidentifika problema fi kwalunkwe parti mill-impenji proposti, il-Kummissjoni tistiednek ukoll biex tissuġġerixxi soluzzjoni possibbli.

23.

Il-kummenti għandhom jintbagħtu lill-Kummissjoni bin-numru ta’ referenza AT.39398 VISA MIF, l-indirizz email (COMP-GREFFE-ANTITRUST@ec.europa.eu), bil-faks (+32 22950128) jew bil-posta, fuq l-indirizz li ġej:

14.6.2013   

MT

Il-Ġurnal Uffiċjali tal-Unjoni Ewropea

C 168/26

—



Isem tal-prodott

—

☒

Deskrizzjoni tal-prodott

—

☒

Żona ġeografika

—



Prova tal-oriġini

—



Metodu ta' produzzjoni:

—



Rabta

—



Tikkettar

—



Rekwiżiti nazzjonali

—



Oħrajn (li għandhom jiġu speċifikati)

—

☒

Emenda tad-dokument uniku jew tas-sommarju

—



Emenda tal-ispeċifikazzjoni tad-DPO jew l-IĠP rreġistrata, li għaliha ma ġie ppubblikat l-ebda dokument uniku jew tas-sommarju

—



Emenda tal-ispeċifikazzjoni li ma teħtieġ l-ebda emenda tad-dokument uniku ppublikat (l-Artikolu 9(3) tar-Regolament (KE) Nru 510/2006)

—



Emenda temporanja tal-ispeċifikazzjoni li tirriżulta mill-impożizzjoni ta’ miżuri sanitarji jew fitosanitarji obbligatorji mill-awtoritajiet pubbliċi (l-Artikolu 9(4) tar-Regolament (KE) Nru 510/2006)

Mandolin:

Larinġ:

Lumi: Eureka

CASTELLÓ/CASTELLÓN: El Baix Maestrat. – miżjuda: Cervera del Maestre u Traiguera; La Plana Alta. – miżjuda: les Coves de Vinromà u Vilanova d’Alcolea; La Plana Baixa. – miżjuda: Alfondeguilla u Eslida; L’Alt Millars. – miżjuda: Espadilla, Toga, Torrechiva u Vallat; L’Alt Palància. – miżjuda: Navajas.

VALÈNCIA/VALENCIA: L’Horta Oest. – mneħħija Mislata; L’Horta Oest. – miżjuda: Llocnou de la Corona; mneħħija: Benetússer; El Camp de Túria. – miżjuda: l’Eliana, Loriguilla u San Antonio de Benagéber; Els Serrans. – miżjuda: Chulilla, Losa del Obispo, Sot de Chera u Villar del Arzobispo; La Foia de Bunyol. – miżjuda: Dos Aguas u Yátova; La Ribera Baixa. – miżjuda: Benicull de Xúquer; La Vall d’Albaida. – miżjuda: Agullent, Aielo de Malferit, Aielo de Rugat, Albaida, Alfarrasí, Atzeneta d’Albaida, Beniatjar, Benissoda, Carrícola, Castelló de Rugat, Montaverner, Montichelvo/Montitxelvo, l’Olleria, Ontinyent, Otos, el Palomar, la Pobla del Duc u Rugat; mneħħija: Bellús.

ALACANT/ALICANTE: La Marina Alta. – miżjuda: els Poblets; La Marina Baixa. – mneħħija: Relleu; L’Alacantí. – mneħħija: Busot, Xixona; El Vinalopó Mitjà.-mneħħija Aspe u, b'konsegwenza, il-comarca; El Baix Segura. – miżjuda: Los Montesinos u San Isidro.

Klassi 1.6.

Frott, ħaxix u ċereali, friski jew ipproċessati

—

fil-każ tal-larinġ, il-gruppi tan-Navel, Komuni u tad-Demm huma varjetajiet elenkati li għandhom il-karatteristiċi tagħhom speċifikati fit-tabella li ġejja

—

fil-każ tal-mandolin, il-gruppi tas-Satsumas, tal-Klementini u l-Ibridi huma varjetajiet elenkati li għandhom il-karatteristiċi tagħhom speċifikati fit-tabella li ġejja.

—

fil-każ tal-lumi, il-varjetajiet elenkati għandhom il-karatteristiċi tagħhom speċifikati fit-tabella li ġejja.

CASTELLÓ/CASTELLÓN

VALÈNCIA/VALENCIA

ALACANT/ALICANTE

1.

Ix-xtiewi moderati u s-sjuf mhux sħan ħafna jikkawżaw li l-larinġa tilħaq il-maturità ottimali tagħha bil-mod, u għalhekk iżżomm relazzjoni bejn l-aċidità/il-ħlewwa aktar adekwata minn dik tal-larinġ minn reġjuni aktar sħan (ġeneralment aktar ħelwin u b'togħma aktar monotona). Minħabba dan, it-togħma tal-larinġ ta' Valencia hija itjeb.

2.

Id-differenzi fit-temperatura bejn il-lejl u nhar li huma definiti sew jagħtu qawwa lil kulur tal-larinġa, kemm fuq barra u kemm minn ġewwa. Il-larinġ ta' Valencia għandu ton oranġjo karatteristiku, li s-soltu jkun aktar intens mill-larinġ li jiġu minn postijiet oħra.

3.

It-temperaturi ħfief ukoll isaħħu l-formazzjoni taż-żjut essenzjali fil-qoxra li imbagħad huma involuti fil-frazzjoni aromatika tal-frotta.

1.

Ix-xtiewi moderati u s-sjuf mhux sħan ħafna jikkawżaw li l-mandolina tilħaq il-maturità ottimali tagħha bil-mod, u għalhekk iżżomm relazzjoni bejn l-aċidità/il-ħlewwa aktar adekwata minn dik tal-mandolin minn reġjuni aktar sħan (ġeneralment aktar ħelwin u b'togħma aktar monotona). Minħabba dan, it-togħma tal-mandolin ta' Valencia hija itjeb.

2.

Id-differenzi fit-temperatura bejn il-lejl u nhar li huma definiti sew jagħtu qawwa lil kulur tal-mandolina, kemm fuq barra u kemm minn ġewwa. Il-mandolin ta' Valencia għandu ton oranġjo karatteristiku. li ssoltu jkun aktar qawwi mill-mandolin li jiġu minn postijiet oħra.

3.

It-temperaturi ħfief ukoll isaħħu l-formazzjoni taż-żjut essenzjali fil-qoxra li imbagħad huma involuti fil-frazzjoni aromatika tal-frotta.

1.

Ix-xtiewi moderati u s-sjuf mhux sħan ħafna jikkawżaw li l-lummija tilħaq il-maturità ottimali tagħha bil-mod, u għalhekk iżżomm relazzjoni bejn l-aċidità/il-ħlewwa aktar adekwata minn dik tal-lumi minn reġjuni aktar sħan (ġeneralment aktar ħelwin u b'togħma aktar monotona).

2.

Id-differenzi fit-temperatura bejn il-lejl u nhar li huma definiti sew jagħtu qawwa lil kulur tal-lummija, kemm fuq barra u kemm minn ġewwa. Il-lumi ta' Valencia għandu ton isfar karatteristiku. li ssoltu jkun aktar qawwi mill-larinġ li jiġu minn postijiet oħra.

3.

It-temperaturi ħfief ukoll isaħħu l-formazzjoni taż-żjut essenzjali fil-qoxra li imbagħad huma involuti fil-frazzjoni aromatika tal-frotta.