—

imlaqqgħa f'Paramaribo (is-Surinam) mis-27 sad-29 ta' Novembru 2012,

—

wara li kkunsidrat l-Artikolu 17(2) tar-Regoli ta' Proċedura tagħha,

—

wara li kkunsidrat l-Għanijiet ta' Żvilupp tal-Millennju,

—

wara li kkunsidrat l-istqarrija tal-24 ta' Awwissu 2011 mill-Viċi President tal-Kummissjoni/Rappreżentant Għoli tal-Unjoni għall-Affarijiet Barranin u l-Politika ta' Sigurtà, Catherine Ashton, dwar ir-reazzjoni tal-UE għall-karestija fil-Qarn tal-Afrika,

—

wara li kkunsidrat il-Konferenza tad-Donaturi organizzata mill-Unjoni Afrikana f'Addis Ababa fil-25 ta' Awwissu 2011,

—

wara li kkunsidrat il-Ftehim ta' Kampala tad-9 ta' Ġunju 2011 u l-Ftehim ta' Galkacyo tat-22 ta' Ġunju 2012,

—

wara li kkunsidrat il-Ftehim Garowe I tal-15 ta' Diċembru 2011 u l-Ftehim Garowe II tal-15 ta' Frar 2012, li jipprovdu, b'mod partikolari, għat-twaqqif ta' struttura politika parlamentari li tinkludi kamra inferjuri ġdida b'225 membru u assemblea kostitwenti nazzjonali ta' 1 000 membru, it-tnejn li huma b'minimu ta' 30 % nisa,

—

wara li kkunsidrat il-konklużjonijiet tal-laqgħa tal-Unjoni Afrikana u tal-Uffiċċju Politiku tan-Nazzjonijiet Uniti għas-Somalja (UNPOS) fit-23 ta' Mejju 2012 f'Addis Ababa,

—

wara li kkunsidrat ir-riżoluzzjoni tal-Assemblea Parlamentari Konġunta AKP-UE tad-9 ta' April 2009 dwar it-twaqqif u l-promozzjoni tal-paċi, tas-sigurtà, tal-istabbiltà u tal-governanza fis-Somalja,

—

wara li kkunsidrat ir-riżoluzzjoni tal-Kunsill tas-Sigurtà tan-NU tas-26 ta' Mejju 2009, li rrakkomandat it-twaqqif mill-ġdid, it-taħriġ, it-tgħammir u ż-żamma tal-forzi tas-sigurtà Somali,

—

wara li kkunsidrat ir-riżoluzzjoni tal-Kunsill tal-Unjoni Ewropea tat-30 ta' Novembru 2009, li affermat mill-ġdid ir-"rispett tiegħu għas-sovranità, għall-integrità territorjali, għall-indipendenza politika u għall-unità tas-Somalja",

—

wara li kkunsidrat il-konklużjonijiet tal-laqgħa internazzjonali ta' Istanbul II tal-31 ta' Mejju u tal-1 ta' Ġunju 2012, li tennew l-impenn tal-komunità internazzjonali li tiżgura li s-sovranità, l-integrità territorjali, l-indipendenza politika u l-unità tas-Somalja jiġu rispettati,

—

wara li kkunsidrat ir-rapport tal-Kumitat għall-Affarijiet Politiċi (ACP-EU/101.261/12/A/fin.),

A.

billi, għal aktar minn 20 sena, is-Somalja kienet ix-xena ta' kunflitt armat kostanti u nixfiet li wasslu għal kriżijiet sinifikanti tal-ikel, li t-tnejn li huma wasslu għal movimenti kbar ta' persuni spustati u rifuġjati;

B.

billi l-kawżi ta' dan il-faqar estrem u ta' din il-karestija huma varji, fosthom il-gwerra ċivili, l-instabbiltà politika, in-nuqqas ta' sigurtà fir-reġjun kollu, id-degradazzjoni tal-ħamrija, l-akkwist fuq skala kbira ta' art agrikola minn investituri barranin, iż-żieda fil-prezzijiet tal-farms, l-ispekulazzjoni fil-komoditajiet bażiċi, it-tibdil fil-klima, ir-rimi illegali ta' skart tossiku mal-kosta tas-Somalja u s-sajd eċċessivament intensiv u illegali 'l barra mill-kosta tas-Somalja minn bastimenti fabbrika Ewropej u Asjatiċi;

C.

billi 80 % tar-rifuġjati huma nisa u tfal, li ħafna minnhom kienu vittmi ta' vjolenza sesswali u intimidazzjoni fi triqthom lejn il-kampijiet tar-rifuġjati, jew ġewwa l-kampijiet;

D.

billi l-aċċess għall-persuni għadu problema kbira għal dak li għandu x'jaqsam mal-emerġenza umanitarja fir-reġjun;

E.

billi l-Missjoni tal-Unjoni Afrikana fis-Somalja (AMISOM) hija parzjalment iffinanzjata mill-Faċilità għall-Paċi Afrikana, li min-naħa tagħha hija ffinanzjata mill-Fond Ewropew għall-Iżvilupp;

F.

billi l-Uganda kienet l-ewwel pajjiż li impenja r-riżorsi tiegħu, u iktar tard ingħaqdu miegħu pajjiżi oħra fir-reġjun, b'mod partikolari l-Etjopja, il-Burundi, il-Kenja u Ġibuti;

G.

billi t-teħid ta' ostaġġi u atti ta' piraterija huma sors ta' finanzjament għat-terroriżmu;

H.

billi, mill-2008 'l hawn, l-Unjoni Ewropea kienet preżenti tul il-kosta Somala bl-“Operazzjoni Atalanta” tagħha (EUNAVFOR), flimkien man-NATO u pajjiżi oħra involuti fil-ġlieda kontra l-piraterija;

I.

billi l-azzjoni militari waħidha ma tistax tistabbilixxi sigurtà, stabbiltà u paċi dejjiema;

J.

billi l-UE hija l-akbar donatur lejn is-Somalja u, mill-2008 sal-2013, se tkun tat aktar minn EUR 1 biljun, imqassma bejn diversi programmi, inklużi EUR 500 miljun f'għajnuna għall-iżvilupp, EUR 242 miljun għal programmi għal emerġenzi umanitarji u EUR 325 miljun għall-AMISOM;

K.

billi l-Kummissjoni dalwaqt iżżid għal EUR 158 miljun l-ammont tal-għajnuna umanitarja globali mogħtija din is-sena lill-popolazzjonijiet li kienu l-vittmi tan-nixfa;

L.

billi, fil-Konferenza tad-Donaturi f'Addis Ababa, l-istati membri ewlenin tal-Unjoni Afrikana impenjaw ruħhom li jirrilaxxaw kważi USD 350 miljun għall-pajjiżi milquta min-nixfa;

M.

billi l-inċidenti fatali li seħħew fil-pajjiżi ġirien jissuġġerixxu li l-kunflitt daqt se jinxtered;

N.

billi l-ebda azzjoni militari internazzjonali ma tista', waħidha, tistabbilixxi sigurtà, stabbiltà u paċi dejjiema, jekk ma tkunx akkumpanjata minn programm ta' żvilupp demokratiku;

1.

Tistieden lill-Kunsill tal-UE, lill-Kummisjoni Ewropea, lill-Istati Membri tal-UE u lill-Unjoni Afrikana jintensifikaw l-isforzi tagħhom biex jappoġġaw lis-Somalja fit-tranżizzjoni tagħha għal stat ta' dritt paċifiku u demokratiku, f'konformità mal-prijoritajiet stabbiliti fil-pjan ta' azzjoni u fil-pjan direzzjonali, jiġifieri t-twaqqif ta' istituzzjonijiet sostenibbli, is-soluzzjoni tal-kunflitt, il-ġlieda kontra n-nuqqas ta' sigurtà, l-aċċess għas-sigurtà u l-indipendenza tal-ikel, tkabbir ekonomiku li jippromwovi l-ħolqien ta' impjiegi u l-appoġġ għall-kooperazzjoni reġjonali;

2.

Tqis li ma jista' jkun hemm ebda soluzzjoni purament militari għall-kriżi fis-Somalja u l-problema tal-piraterija fl-ibħra tal-Qarn tal-Afrika/tas-Somalja;

3.

Tixtieq li s-Somalja tibni l-kapaċitajiet tagħha fil-qasam politiku, fil-qasam tas-sigurtà, fil-qasam ġudizzjarju u fl-oqsma relatati mal-ħabsijiet malajr kemm jista' jkun, biex tkun tista' ssir pajjiż immexxi mill-istat tad-dritt, abbażi tal-prinċipji demokratiċi ta' governanza tajba;

4.

Tistieden lill-Kummissjoni Ewropea u lill-Kunsill tal-UE jkomplu jinkoraġġixxu l-proċess ta' rikonċiljazzjoni bejn il-partijiet involuti fil-gwerra ċivili fis-Somalja; tħeġġiġhom jiżguraw l-appoġġ tekniku u finanzjarju favur proċess ta' rikonċiljazzjoni u paċi u favur medjazzjoni bejn il-partijiet kollha fil-gwerra ċivili;

5.

Tilqa' bi pjaċir id-deċiżjoni tal-2007 tal-Kunsill għall-Paċi u s-Sigurtà tal-Unjoni Afrikana li jwaqqaf il-Missjoni Afrikana fis-Somalja (ANISOM) biex jappoġġa l-Gvern Federali Tranżitorju (GFT) bil-ħsieb li jiġi stabbilit djalogu kostruttiv bejn is-Somali kollha u jkun hemm ħidma favur il-bini mill-ġdid ta' stat immexxi skont l-istat ta' dritt;

6.

Titlob li l-ġlieda kontra t-terroriżmu Somali tkun prijorità, b'mod partikolari billi jiġu indirizzati s-sorsi ta' finanzjament tiegħu, bħat-traffikar tal-armi u tad-drogi, it-teħid ta' ostaġġi u l-piraterija marittima, inkluż billi jiġi vvalutat l-impatt tar-Rebbiegħa Għarbija f'din iż-żona;

7.

Tqis li huwa neċessarju li jiġu żgurati elezzjonijiet ħielsa u trasparenti biex tissaħħaħ il-leġittimità tal-istituzzjonijiet li l-kompitu tagħhom huwa li jimmaniġġjaw it-tranżizzjoni tas-Somalja għall-istatus ta' Stat demokratiku u paċifiku fejn jipprevali l-istat tad-dritt;

8.

Tħeġġeġ lill-Gvern tas-Somalja jagħti prijorità lill-ġlieda kontra l-korruzzjoni u tenfasizza li r-rakkomandazzjonijiet li saru fir-rapporti tan-Nazzjonijiet Uniti għandhom jiġu kkunsidrati u għandhom iwasslu għal miżuri konkreti;

9.

Tilqa' bi pjaċir it-twaqqif ta' fond biex jerġgħu jinbnew il-forzi tas-sigurtà u ta' difiża Somali, ħaġa li għandha tippermetti lis-Somalja tiżviluppa forzi tas-sigurtà u ta' difiża professjonali u mgħammra sew (armata nazzjonali, pulizija, gwardja tal-kosta u servizz tal-intelligence) u tilqa' f'dan ir-rigward il-kontribut mogħti mill-missjoni Ewropea EUTM Somalia;

10.

Tilqa' l-programm il-ġdid SHARE tal-UE, li għandu bħala għan li jżid ir-reżiljenza tal-pajjiżi tal-Qarn tal-Afrika fir-rigward tad-diversi theddidiet li jaffaċċjaw, iżda tenfasizza li dan il-programm għandu jkun ikkoordinat mal-istrateġija tal-UE għas-Saħel, li wkoll qed jaffaċċja l-istess theddid (it-terroriżmu, id-droga, it-tibdil fil-klima, ir-rifuġjati u l-persuni spustati);

11.

Tilqa' l-missjoni l-ġdida tal-UE EUCAP NESTOR, li għandha l-għan li ssaħħaħ il-kapaċitajiet marittimi tal-pajjiżi tal-Qarn tal-Afrika, inkluża s-Somalja, bil-ħsieb li tiġi żgurata s-sigurtà marittima fl-Oċean Indjan;

12.

Tilqa' l-ħatra ta' Rappreżentant Speċjali tal-UE għall-Qarn tal-Afrika u l-ftuħ f'Mogadixu ta' uffiċċju tal-Unjoni Ewropea;

13.

Tilqa' t-twaqqif ta' Fond ta' Stabbiltà Lokali, li għandu bħala għan partikolarment li jikkoordina l-għajnuna internazzjonali fiż-żoni li għadhom kif saru aċċessibbli dan l-aħħar fin-Nofsinhar tal-pajjiż;

14.

Tilqa' l-azzjoni tal-Programm Dinji tal-Ikel fil-missjoni tiegħu li jipprovdi assistenza għall-ikel lill-akbar għadd ta' persuni possibbli, minkejja l-azzjoni ostili tal-grupp Iżlamista al-Shabaab;

15.

Tistieden lill-awtoritajiet lokali u lill-partijiet kollha fil-gwerra ċivili jippermettu lill-organizzazzjonijiet tal-għajnuna umanitarja jkollhom aċċess għall-persuni l-aktar fil-bżonn skont id-dritt internazzjonali dwar l-għajnuna umanitarja;

16.

Tikkundanna n-nuqqas ta' koerenza kummerċjali fis-sens li s-Somalja tesporta ftit mill-ikel li tipproduċi, filwaqt li tonqos milli tiggarantixxi s-sigurtà tal-ikel għall-popolazzjoni tagħha stess, u tinsisti sabiex il-produzzjoni agrikola tingħata spinta u tiġi appoġġata biex tiġi indirizzata b'mod effikaċi l-kriżi tal-ikel li qed jiffaċċja l-pajjiż;

17.

Hija mħassba dwar id-degradazzjoni attwali tas-suq Somalu u l-fatt li l-pajjiż qiegħed jopera bħala żona libera enormi li minnha jgħaddi ammont kbir ta' beni, prodotti manifatturati u bhejjem;

18.

Hija mħassba dwar il-korruzzjoni li teżisti fil-pajjiż u li, skont l-esperti tan-NU, twassal sabiex 70 % tad-dħul tal-Istat Somalu jiġi ddevjat; jistieden lill-Istat Somalu jistabbilixxi korp ta' awditjar;

19.

Tenfasizza r-rwol kruċjali li għandhom iż-żgħażagħ fil-bini tal-Istat Somalu, u tirrakkomanda li l-awtoritajiet Somali u s-sħab internazzjonali jimplimentaw programmi għaż-żgħażagħ biex jippromwovu t-taħriġ, l-edukazzjoni u l-impjiegi;

20.

Tenfasizza r-rwol pożittiv li d-dijaspora Somala jista' jkollha, b'mod partikolari fir-rigward tal-ħajja ekonomika permezz tar-rimessi tagħha li huma stmati li jammontaw għal madwar USD 2 biljun fis-sena;

21.

Hija tal-fehma li huwa importanti li jiġu appoġġati l-agrikoltura, il-pastoraliżmu u t-trobbija tal-bhejjem tal-ifrat u tilqa' l-ħidma importanti li qed issir minn diversi NGOs f'dan il-qasam;

22.

Tistieden lill-Kummissjoni Ewropea biex tappoġġa l-programmi kollha fil-qasam tal-aċċess għall-ilma bħala dritt fundamentali u wirt komuni tal-umanità u biex tappoġġa s-sħubijiet pubbliċi u privati għall-aċċess għall-ilma li hu tajjeb għax-xorb;

23.

Tqis li l-Unjoni Ewropea għandha tagħti importanza lir-rwol pożittiv li għandhom l-istati l-oħra fir-reġjun fis-soluzzjoni tal-kriżi, u tħeġġiġhom ikomplu jieħdu l-miżuri neċessarji biex jikkonsolidaw il-paċi u s-sigurtà fir-reġjun kollu kemm hu;

24.

Tħeġġeġ lill-komunità internazzjonali, f'kooperazzjoni mal-Kumitat Internazzjonali tas-Salib l-Aħmar u tan-Nofs Qamar l-Aħmar, biex timplimenta u tiżviluppa malajr kemm jista' jkun faċilitajiet tas-saħħa, ċentri tas-saħħa u ċentri ambulatorji għan-nutrizzjoni terapewtika;

25.

Tistieden lill-Kummissjoni Ewropea tikkunsidra li tipprovdi għajnuna u appoġġ lill-pajjiżi Afrikani kollha li pprovdew forzi militari għaż-żamma tal-paċi fil-pajjiżi fil-Qarn tal-Afrika, b'mod partikolari s-Somalja, peress li jistgħu jiffaċċjaw ritaljazzjoni minn gruppi terroristiċi li joperaw fir-reġjun;

26.

Tistieden lill-Unjoni Ewropea tipprovdi għajnuna lil dawk il-pajjiżi Afrikani li għenu lis-Somalja tirkupra t-territorju tagħha u li filwaqt li għamlu dan ikkonformaw mal-impenji internazzjonali tagħhom minkejja t-telf ta' ħajja u l-ispiża finanzjarja kbira;

27.

Tilqa' l-fatt li s-Somalja kkonformat mal-iskadenza stabbilita min-NU għat-tmiem tal-perjodu ta' tranżizzjoni, jiġifieri l-20 ta' Awissu 2012;

28.

Tilqa' t-twaqqif ta' Assemblea Kostitwenti, l-abbozzar ta' Kostituzzjoni ġdida u l-adozzjoni tagħha mill-Parlament li nħoloq reċentement, u l-elezzjoni ta' President tar-Repubblika b'kunsens;

29.

Tilqa' t-twaqqif ta' Parlament maħtur mill-135 mexxej tradizzjonali Somalu (anzjani), li l-membri tiegħu jirrappreżentaw kemm l-erba' clans il-kbar Somali (Darod, Hawiye, Rahanweyn u Dir) kif ukoll il-clans minoritarji, ħaġa li tiżgura livell għoli ta' rappreżentanza tal-komunità Somala kollha kemm hi;

30.

Tilqa' l-fatt li l-kwota għall-proporzjon ta' nisa fil-Parlament – 30 % – issa kważi ntlaħqet;

31.

Tqis li, fil-kompitu neċessarju tal-ġlieda kontra l-korruzzjoni, huwa meħtieġ li jiġu trattati mhux biss il-persuni li jiġu korrotti iżda wkoll dawk li jikkorrompuhom;

32.

Tilqa' l-fatt li kien hemm sitt kandidati għall-elezzjoni għall-Presidenza u li l-President il-ġdid tar-Repubblika tas-Somalja, Hassan Sheikh Mohamud, kien elett b'maġġoranza kbira; tilqa' l-ħatra ta' Prim Ministru, Abdi Farah Shirdan Said;

33.

Tesprimi t-tħassib tagħha dwar in-nuqqas ta' sigurtà li għadu jeżisti fil-kapitali, Mogadixu, u tikkundanna l-attakk terroristiku kontra l-President Hassan Sheikh Mohamud ftit jiem wara l-elezzjoni tiegħu;

34.

Tfakkar li l-istituzzjonijiet Somali l-ġodda għandhom jiffinalizzaw dawk l-elementi fundamentali li l-Kostituzzjoni proviżorja ma ħaditx deċiżjoni dwarhom u għandhom jagħmlu sforzi biex jistabbilizzaw iż-żoni kollha tat-territorju nazzjonali meħlus mill-kontrol ta' al-Shabaab;

35.

Tfakkar li huwa importanti ferm għall-poplu Somalu li jkollu moħħu mistrieħ malajr kemm jista' jkun rigward il-governanza tajba, it-trasparenza tal-gvern, ġustizzja ċara u trasparenti, ir-rispett għal-libertajiet fundamentali u l-libertà ta' reliġjon u ta' konvinzjoni;

36.

Jiddispjaċiha li, meta ġiet stabbilita, l-AMISOM ma kinitx iffinanzjata biżżejjed, ħaġa li xekklet il-kapaċità tagħha li tiġġieled il-gruppi terroristiċi ta al-Shabaab, il-grupp Iżlamiku li ġej mill-grupp fundamentalista tal-Unjoni tal-Qrati Iżlamiċi, iżda tilqa' l-fatt li, fir-Riżoluzzjoni 2036/2012 tiegħu, il-Kunsill tas-Sigurtà fl-aħħar alloka riżorsi adegwati lill-AMISOM;

37.

Tenfasizza l-ħtieġa li s-Somalja u l-istituzzjonijiet demokratiċi tagħha jiġu appoġġati biex jerġgħu jistabbilixxu u jiżviluppaw id-djalogu fost il-popolazzjoni kollha tagħha u biex jistabbilixxu programm ta' rikonċiljazzjoni nazzjonali;

38.

Tenfasizza l-ħtieġa li l-forzi lealisti ġodda Somali jiġu mmonitorjati u sorveljati u li jitħallsu regolarment biex jiġi żgurat li, ladarba jkunu mħarrġa, dawn is-suldati ma jiddiżertawx u jirritornaw għall-clans rispettivi tagħhom, jew saħansitra jissieħbu fi gruppi ribelli u estremisti bħal Hezb al-Islam jew al-Shabaab;

39.

Tenfasizza l-importanza tal-programm ta' taħriġ (EUTM Somalia tal-Unjoni Ewropea) għall-forzi tas-sigurtà (pulizija u armata); tqis li għandha tiġi identifikata serje ta' kriterji ta' għażla mill-AMISOM biex jiġi żgurat li r-reklutaġġ tal-membri futuri tal-forzi tas-sigurtà Somali jkollhom kundizzjonijiet tajba, b'mod partikolari: diversità tal-isfond tal-clan, stat tajjeb ta' saħħa, età ('il fuq minn 18), potenzjal li jibbenefikaw minn korsijiet, nuqqas ta' rekord ta' ksur ta' drittijiet tal-bniedem, eċċ.;

40.

Tistieden lill-komunità internazzjonali u lill-Unjoni Afrikana jgħinu lis-Somalja tikkontrolla r-riżorsi naturali tagħha;

41.

Tagħti istruzzjonijiet lill-Ko-Presidenti tagħha biex jgħaddu din ir-riżoluzzjoni lill-istituzzjonijiet tranżitorji tas-Somalja, lill-istituzzjonijiet tal-Unjoni Afrikana u tal-Unjoni Ewropea, lill-Kunsill tal-AKP, lill-Awtorità Intergovernattiva għall-Iżvilupp (IGAD) u lis-Segretarju Ġenerali tan-Nazzjonijiet Uniti.

—

imlaqqgħa f'Paramaribo (is-Surinam) mis-27 sad-29 ta' Novembru 2012,

—

wara li kkunsidrat l-Artikolu 18(1) tar-Regoli ta' Proċedura tagħha,

—

wara li kkunsidrat il-Ftehim ta' Sħubija AKP-KE (“Ftehim ta' Cotonou”) u partikolarment l-Artikolu 21(1)(b) dwar l-iżvilupp tal-ħiliet intraprenditorjali u l-kultura tan-negozju; l-Artikolu 23(g) dwar l-infrastuttura u s-servizzi ekonomiċi u teknoloġiċi, inklużi t-trasport, is-sistemi tat-telekomunikazzjoni, is-servizzi tal-komunikazzjoni u l-iżvilupp tas-soċjetà tal-informazzjoni; u l-Artikolu 43 dwar it-teknoloġiji tal-informazzjoni u l-komunikazzjoni u s-soċjetà tal-informazzjoni,

—

wara li kkunsidrat id-Deċiżjoni dwar it-trasformazzjoni soċjoekonomika u l-iżvilupp tal-infrastruttura fl-Afrika: is-setturi tal-enerġija, il-ferroviji, it-toroq u l-ICT – adottata mill-ħmistax-il sessjoni ordinarja tal-Assemblea tal-Unjoni Afrikana fis-27 ta' Lulju 2010 f'Kampala, l-Uganda (Doc. Assembly/AU/17(XV) Add.4),

—

wara li kkunsidrat il-Komunikazzjoni mill-Kummissjoni lill-Kunsill u lill-Parlament Ewropew dwar it-teknoloġiji tal-informazzjoni u l-komunikazzjoni fl-iżvilupp - ir-rwol tal-ICTs fil-politika għall-iżvilupp tal-KE (COM(2001) 770 finali tal-14 ta' Diċembru 2001),

—

wara li kkunsidrat is-sħubija b'partijiet interessati multipli UNCTAD XI, l-ICT għall-iżvilupp, imnedija waqt il-11-il sessjoni tal-UNCTAD li saret f'São Paulo mit-13 sat-18 ta' Ġunju 2004,

—

wara li kkunsidrat l-Għanijiet ta' Żvilupp tal-Millennju (objettiv 8F) adottati fis-sena 2000 min-Nazzjonijiet Uniti,

—

wara li kkunsidrat ir-Rapport dwar l-istat tal-broadband tal-2012 tal-Kummissjoni tal-Broadband għall-Iżvilupp Diġitali ITU/UNESCO lill-Assemblea Ġenerali tan-NU ta' Settembru 2012,

—

wara li kkunsidrat l-Istrateġija Konġunta UE-Afrika (JAES) u l-Pjan ta' Azzjoni tagħha 2011-2013, u s-sħubijiet tagħha dwar ix-xjenza, is-soċjetà tal-informazzjoni u l-ispazju, adottati matul it-tielet Summit UE-Afrika tal-Kapijiet tal-Istati u l-Gvernijiet fi Tripli f'Novembru 2010,

—

wara li kkunsidrat l-Istrateġija tal-Bank Dinji għas-settur tat-teknoloġiji tal-informazzjoni u l-komunikazzjoni tal-2011,

—

wara li kkunsidrat ir-riżoluzzjoni tal-Unjoni Interparlamentari dwar il-kontribut tat-teknoloġiji l-ġodda tal-informazzjoni u l-komunikazzjoni lejn il-governanza tajba, it-titjib fid-demokrazija parlamentari u l-ġestjoni tal-globalizzazzjoni, adottata mill-109 Assemblea f'Ġinevra fit-3 ta' Ottubru 2003,

—

wara li kkunsidrat l-Aġenda tal-Konnettività tal-CARICOM, adottata fl-2003,

—

wara li kkunsidrat il-Politika u l-Pjan Strateġiku dwar l-ICT tal-Gżejjer tal-Paċifiku, adottati mill-mexxejja tal-Forum tal-Gżejjer tal-Paċifiku fis-sena 2000,

—

wara li kkunsidrat ir-rapport tal-Kumitat għall-Iżvilupp Ekonomiku, il-Finanzi u l-Kummerċ (ACP-EU/101.256/12/fin.),

A.

billi l-ICTs jistgħu jkunu għodod importanti għall-iżvilupp u t-tkabbir ekonomiku, iżda sabiex jinkiseb vantaġġ min-natura trasversali tal-ICTs u l-potenzjal tagħhom li jikkontribwixxu lejn l-ilħuq tal-għanijiet ta' żvilupp tal-komunità internazzjonali inkorporati fid-Dikjarazzjoni dwar l-Għanijiet ta' Żvilupp tal-Millennju, jeħtieġ li l-attivitajiet tal-ICT jiġu inkorporati fil-programmi ta' assistenza għall-iżvilupp;

B.

billi l-ICTs huma għodda fundamentali biex jippromwovu d-demokrazija u l-paċi f'soċjetajiet/stati billi jżidu l-grad ta' interazzjoni u trasparenza fil-livelli kollha, mis-soċjetà ċivili għar-relazzjonijiet internazzjonali; billi l-użu tal-ICTs għal skopijiet politiċi jista' jissaħħaħ billi jitnaqqsu l-ġerarkiji tradizzjonali fil-politika u billi NGOs u partijiet interessati oħra jkunu jistgħu jieħdu sehem fil-proċess elettorali;

C.

billi huwa importanti li jitfakkar li wħud mill-pajjiżi li llum huma żviluppati ekonomikament huma wkoll irnexxielhom jagħmlu progress kbir fl-iżvilupp ġenerali tagħhom bl-iżvilupp tal-ICTs;

D.

billi l-aċċess u l-konnettività għat-teknoloġiji tal-informazzjoni u l-komunikazzjoni mhumiex indispensabbli għat-teknoloġiji nfushom iżda għall-integrazzjoni fis-soċjetà tal-għarfien dinjija ta' pajjiżi li qed jiżviluppaw u dawk b'ekonomiji emerġenti, b'appoġġ għall-miri soċjali, ekonomiċi u kulturali tas-soċjetajiet tagħhom u tisħiħ tal-effiċjenza u t-tkabbir f'setturi ewlenin tal-ekonomiji tagħhom; billi l-ICTs għandhom applikazzjonijiet li jvarjaw ħafna u b'effett trasversali li jisboq il-konfini settorjali fl-agrikoltura; il-popolazzjoni, is-saħħa u l-edukazzjoni; l-ambjent; il-prevenzjoni u l-ġestjoni tad-diżastri; il-kultura u l-arti; l-abilitazzjoni tal-persuni u l-governanza; il-kondiviżjoni tal-informazzjoni u l-għarfien; il-ħolqien tal-impjiegi; it-trasport; l-industrija, il-kummerċ u l-finanzi;

E.

billi l-ICTs huma fatturi strateġiċi u jeħtieġ li jiġu integrati b'mod sistematiku fil-pjanijiet għall-iżvilupp kif ukoll fil-prijoritajiet tal-programmi;

F.

billi l-ICTs għandhom impatt dirett u indirett profond fuq il-ħajja politika, ekonomika, soċjali, kulturali u ta' kuljum taċ-ċittadini fil-pajjiżi AKP, inklużi l-ħolqien tax-xogħol u t-tkabbir ekonomiku, u dan jirrikjedi l-identifikazzjoni tal-aktar ħtiġijiet urġenti għall-iżvilupp, soluzzjonijiet politiċi biex jiġu indirizzati dawn il-ħtiġijiet u impenji fil-livell nazzjonali u internazzjonali bħal politiki orjentati lejn l-iżvilupp;

G.

billi l-impatt u l-użu tal-ICTs jiddependu ħafna fuq l-edukazzjoni, u primarjament il-ħiliet tal-qari u tal-kitba; billi l-ostakli li jiffaċċja individwu b'edukazzjoni limitata huma ogħla fil-każ tal-interface tal-internet milli, pereżempju, fil-każ tal-komunikazzjoni vokali; billi l-litteriżmu għandu jkun għan nazzjonali biex l-ICTs jippenetraw u jsiru ta' rilevanza f'ħafna pajjiżi u komunitajiet;

H.

billi l-kompjuters u l-internet jibqgħu għodod mhux familjari u intimidanti, anke għal parti kbira tal-popolazzjoni f'pajjiżi żviluppati ekonomikament, u billi fil-każ tal-popli illitterati u indiġeni jridu jgħaddu ġenerazzjonijiet biex dan l-ostaklu jingħeleb;

I.

billi, filwaqt li n-numru totali ta' persuni b'aċċess għall-ICTs qiegħed jikber bil-ħeffa, id-differenza diġitali hija reali u tirrappreżenta żbilanċ kbir fl-aċċess għall-ICTs jew fl-użu tagħhom, b'mod partikolari fil-pajjiżi li qed jiżviluppaw; billi jekk in-nuqqas ta' riżorsi jirrappreżenta restrizzjoni ewlenija, il-firxa tal-ICTs u l-użu universali tagħhom jirrikjedu wkoll infrastruttura bażika u żvilupp tar-riżorsi umani biex jappoġġawhom;

J.

billi għandu jiġi rikonoxxut li l-ICTs jagħtu lok ukoll għal tħassib serju dwar is-sigurtà u l-privatezza, l-abbuż għal skopijiet kriminali, l-identità kulturali, it-telf ta' dħul minħabba l-kummerċ elettroniku, u l-ostakli tal-lingwa u l-ġeneru; billi l-lakuni teknoloġiċi jistgħu jinqabżu mingħajr ma wieħed jgħaddi mill-istadji tradizzjonali tal-iżvilupp, u l-aċċess għall-ICTs jista' jġib miegħu żvilupp pożittiv fil-qasam tar-riżorsi umani, anke jekk tali aċċess ma jistax jiġi pprovdut fir-reġjuni kollha mill-bidu;

K.

billi l-ħarsien tad-data personali għandu jkun żgurat għal kulħadd;

1.

Tifraħ u tħeġġeġ lill-pajjiżi AKP li għamlu progress kunsiderevoli fil-promozzjoni tal-ICTs u fl-iżgurar tal-aċċess għall-għarfien globali u l-konnettività ma' dan l-għarfien għaċ-ċittadini u l-intrapriżi tagħhom;

2.

Tafferma mill-ġdid li l-ICTs huma għodda effikaċi għall-abilitazzjoni taċ-ċittadini, it-tisħiħ tad-demokrazija, il-ħolqien ta' governanza tajba u l-promozzjoni tad-drittijiet tal-bniedem;

3.

Tenfasizza bil-qawwa li l-użu tal-ICTs fil-pajjiżi li qed jiżviluppaw jista' jkollu impatt importanti fuq il-ġlieda kontra l-faqar, fir-rigward ta' setturi bħall-edukazzjoni, is-saħħa, l-ambjent, l-iżvilupp rurali u t-turiżmu;

4.

Titlob azzjoni koordinata min-naħa tal-partijiet interessati kollha biex tiġi indirizzata d-differenza attwali li hemm bejn il-pajjiżi żviluppati u dawk li qed jiżviluppaw fir-rigward tal-aċċess għall-ICTs u l-użu tagħhom, billi din id-differenza tista' temarġina ulterjorment lill-pajjiżi li qed jiżviluppaw; tappella għal impenn kemm ta' riżorsi finanzjarji u kemm ta' rieda politika fl-Istati AKP favur it-tiswir ta' ambjent li jippermetti kompetittività mmexxija mill-ICT, impenn li għandu jinvolvi l-atturi nazzjonali relevanti kollha, inklużi l-gvern, il-komunità tan-negozju u s-soċjetà ċivili ġenerali;

5.

Tfakkar li, biex l-ICTs iwettqu l-wegħda tagħhom ta' żvilupp uman sostenibbli, is-sjieda nazzjonali u reġjonali tal-industrija tal-ICT fil-pajjiżi AKP se tkun fattur ċentrali, u li f'dan il-qasam se jkun hemm il-ħtieġa mhux biss ta' infrastruttura iżda wkoll tal-bini tal-kapaċità u tal-intraprenditorija;

6.

Tafferma d-dritt tal-Istati AKP li jiddeterminaw l-istrateġiji nazzjonali, reġjonali u ta' sħubija proprji tagħhom għall-iżvilupp tal-ICT; tħeġġeġ lill-gvernijiet jifformulaw oqfsa ġuridiċi u istituzzjonali ta' appoġġ sabiex jinvestu u jippromwovu l-investiment fl-ICTs; tistieden lill-Istati AKP jiżviluppaw id-disponibilità tal-infrastruttura tal-ICT, partikolarment f'żoni remoti u rurali, u jinkludu t-taħriġ fl-IT fil-kurrikulum tal-istituzzjonijiet pubbliċi edukattivi; tistieden lill-Istati AKP jinvestu fil-broadband u fl-integrazzjoni tiegħu fl-istrateġiji għall-iżvilupp nazzjonali u reġjonali;

7.

Tistieden lill-pajjiżi AKP jaħdmu għall-estensjoni tal-infrastruttura tal-ICT fl-iskola u speċjalment fl-universitajiet biex b'hekk ir-riċerkaturi kollha jkunu jistgħu jieħdu sehem f'diskussjonijiet u proċessi ta' tagħlim fil-livell dinji;

8.

Tistieden lill-gvernijiet tal-AKP jadottaw u jimplimentaw leġiżlazzjoni biex jinfurzaw il-prinċipju tal-ħarsien tad-data personali;

9.

Tħeġġeġ kooperazzjoni mingħajr fruntieri u internazzjonali u impenn globali sabiex il-problemi u l-isfidi ewlenin jiġu indirizzati b'mod aktar effiċjenti u l-intrapriżi, partikolarment l-SMEs fi Stati AKP, ikunu jistgħu jiġu integrati b'mod aktar effettiv u jkunu aktar reattivi fi swieq dinjija li qed jevolvu bil-ħeffa; tħeġġeġ integrazzjoni u użu aħjar tal-ICTs fl-Istati AKP, li jistgħu jsaħħu b'mod sinifikanti l-produttività u b'hekk il-kompetittività tas-settur tal-intrapriżi tal-Istati AKP; tqis li għandhom isiru sforzi sabiex jiġi ffaċilitat u mħeġġeġ il-fluss tal-informazzjoni u l-kondiviżjoni tal-esperjenzi u tal-aħjar prattiki fost il-pajjiżi li qed jiżviluppaw, partikolarment fil-kuntest tal-kooperazzjoni bejn il-pajjiżi tan-Nofsinhar;

10.

Jenfasizza li l-promozzjoni tal-bini tal-kapaċità u l-użu innovattiv tal-ICTs huma wkoll opportunità speċjali sabiex jingħelbu l-ostakli għall-iżvilupp ta' gżejjer żgħar u ta' daqs medju u ta' komunitajiet iżolati u distanti; jenfasizza wkoll li gżejjer żgħar u ta' daqs medju għandhom interess qawwi jiżviluppaw strateġiji għall-bini tal-kapaċità tal-ICT f'livell reġjonali sabiex inaqqsu u jaqsmu l-ispejjeż tal-infrastruttura; iqis li l-gżejjer AKP għandhom jaħdmu b'mod konġunt mar-Reġjuni l-Aktar Imbiegħda tal-UE u Pajjiżi u Territorji barranin fil-qasam tal-ICTs;

11.

Tappella biex il-partijiet interessati kollha, inklużi l-gvernijiet tal-Istati AKP, jesploraw mekkaniżmi ta' finanzjament innovattivi sabiex jiġu stabbiliti l-kundizzjonijiet biex jiġu promoss użu aktar effettiv tal-ICTs għall-iżvilupp; jenfasizza li l-aċċess għall-informazzjoni llum il-ġurnata huwa essenzjali għall-abilitazzjoni u l-għarfien;

12.

Tappella għal sħubijiet, kooperazzjoni – b'mod partikolari bejn l-SMEs fl-Ewropa u fl-Istati AKP li huma attivi fil-qasam tal-ICTs – u inizjattivi b'appoġġ għar-riċerka u l-edukazzjoni, b'enfasi ewenija fuq l-iżvilupp tal-ħiliet; tappella għall-promozzjoni tal-innovazzjoni tal-ICT lokali u l-iżvilupp ta' intraprenditorija tal-ICT fl-Istati AKP;

13.

Tenfasizza li l-ICTs jistgħu jappoġġaw strateġiji u programmi għall-iżvilupp nazzjonali eżistenti biex b'hekk l-implimentazzjoni tagħhom issir aktar effettiva u trasparenti, u jittejbu wkoll ir-riżultati finali;

14.

Tistieden lill-UE u lil donaturi oħrajn jallokaw finanzjament akbar sabiex jiġu appoġġati l-kapaċitajiet istituzzjonali tal-pajjiżi u r-reġjuni AKP għall-iżvilupp ta' soċjetà tal-informazzjoni u l-għarfien permezz ta' programmi li għandhom l-għan jiżviluppaw il-kapaċitajiet taċ-ċittadini tal-AKP, tal-istituzzjonijiet u l-intrapriżi tas-servizz pubbliku fil-forniment, l-għoti tal-aċċess għall-informazzjoni u l-ġestjoni tagħha kif ukoll fl-applikazzjoni ta' għarfien globali u lokali fir-rigward tal-iżvilupp; tqis li l-għarfien u l-perspettivi lokali huma importanti għall-iżvilupp u l-intraprenditorija, iżda wkoll sabiex ikun żgurat li l-kontenut tal-ispazju ċibernetiku jirrifletti d-diversità kulturali u lingwistika globali;

15.

Tħeġġeġ lill-pajjiżi AKP jibnu oqfsa aktar trasparenti u aktar prevedibbli u joħolqu kundizzjonijiet għal kooperazzjoni għall-iżvilupp aktar effettiva; tħeġġeġ lill-pajjiżi AKP jqawwu l-isforzi tagħhom sabiex joħolqu sħubijiet bejn il-pubbliku u l-privat u tistieden lill-Grupp AKP u lill-Unjoni Ewropea jidentifikaw mekkaniżmi ta' finanzjament innovattivi, bil-ħsieb li jitjiebu l-aċċess u l-kwalità u jitnaqqsu l-ispejjeż tal-użu tal-ICTs;

16.

Temmen li l-appoġġ għall-enerġija sostenibbli u s-sostenibilità ambjentali huwa komponent neċessarju tal-kooperazzjoni għall-iżvilupp tal-ICT;

17.

Tistieden lill-Kummissjoni tagħmel valutazzjoni tar-rwol tal-ICTs fil-politika tal-UE għall-iżvilupp u tal-impatt usa' tal-ICTs fl-Istati AKP b'referenza għall-inizjattiva intraprenditorjali bbażata fuq l-ICT u l-kontribut tagħha lejn l-iżvilupp fl-Istati AKP bil-ħsieb li tiġi promossa s-sjieda tal-AKP fl-industrija tal-ICT, kif ukoll l-iżvilupp u l-isfruttament ta' kontenut adegwat u ta' oqfsa etiċi u ġuridiċi biex jiġi żgurat l-aċċess universali filwaqt li jitħarsu d-drittijiet bażiċi tal-bniedem;

18.

Tistieden lill-Kummissjoni teżamina l-possibilità li toħloq Unità għall-Iżvilupp Elettroniku (eDevelopment) li tista' tassisti fl-integrazzjoni tal-ICTs f'pajjiżi AKP u fil-promozzjoni tal-għarfien, kif ukoll fl-iskambju ta' prattiki tajba f'dan il-qasam;

19.

Tistieden lill-Kummissjoni tiżgura politika koerenti għall-ICTs fi ħdan il-politika tal-UE għall-iżvilupp;

20.

Tagħti istruzzjonijiet lill-Ko-Presidenti tagħha biex jgħaddu din ir-riżoluzzjoni lill-Kunsill tal-Ministri tal-AKP-UE, lill-Parlament Ewropew, lill-Kummissjoni Ewropea, lill-Presidenza tal-Kunsill tal-Unjoni Ewropea, lill-Unjoni Afrikana u lill-Parlament Pan-Afrikan.

—

imlaqqgħa f'Paramaribo (is-Surinam) mis-27 sad-29 ta' Novembru 2012,

—

wara li kkunsidrat l-Artikolu 18(1) tar-Regoli ta' Proċedura tagħha,

—

wara li kkunsidrat il-Ftehim ta' Sħubija AKP-KE (“Ftehim ta' Cotonou”) u partikolarment l-Artikolu 32(1) dwar l-ambjent u r-riżorsi naturali kif ukoll l-Artikolu 32A dwar it-tibdil fil-klima,

—

wara li kkunsidrat ir-Riżoluzzjoni adottata mill-Assemblea Ġenerali tan-Nazzjonijiet Uniti waqt il-65 sessjoni dwar is-Sena Internazzjonali tal-Enerġija Sostenibbli għal Kulħadd (A/RES/65/151, New York, 20 ta' Diċembru 2010),

—

wara li kkunsidrat il-Faċilità AKP-UE għall-Enerġija, strument ta' kofinanzjament, stabbilit fl-2005, intiż li jsostni proġetti relatati maż-żieda fl-aċċess għas-servizzi tal-enerġija sostenibbli u bi prezzijiet raġonevoli għall-fqar li jgħixu f'żoni rurali u fil-periferija tal-bliet fil-pajjiżi AKP,

—

wara li kkunsidrat ir-Riżoluzzjoni adottata mill-Assemblea Ġenerali tan-Nazzjonijiet Uniti waqt il-55 sessjoni dwar id-Dikjarazzjoni tal-Millennju tan-Nazzjonijiet Uniti (A/RES/55/2, New York, 8 ta' Settembru 2000),

—

wara li kkunsidrat il-paragrafu 16 tad-Dikjarazzjoni ta' Kunsens Afrikana indirizzata lil Rio+20, adottata mill-Unjoni Afrikana fil-25 ta' Ottubru 2011 (E/ECA/CFSSD/7/Min./3);

—

wara li kkunsidrat id-Dikjarazzjoni Konġunta dwar Rio+20 adottata mill-AKP-UE waqt is-37 laqgħa tal-Kunsill tal-Ministri, li saret f'Port Vila fl-14 u fil-15 ta' Ġunju 2012,

—

wara li kkunsidrat id-dikjarazzjoni bit-titolu “Il-futur li rridu” (The Future We Want), adottata mill-Konferenza tan-Nazzjonijiet Uniti dwar l-Iżvilupp Sostenibbli li saret f'Rio de Janeiro mill-20 sat-22 ta' Ġunju 2012,

—

wara li kkunsidrat il-Programm għall-Iżvilupp tal-Infrastruttura fl-Afrika (Programme for Infrastructure Development in Africa - PIDA) tal-Kummissjoni tal-Unjoni Afrikana, adottata waqt is-Summit tal-Kapijiet ta' Stat u ta' Gvern Afrikani tal-Unjoni Afrikana, li sar f'Addis Ababa mit-23 sat-30 ta' Jannar 2012,

—

wara li kkunsidrat id-Dikjarazzjoni tal-ewwel Laqgħa ta' Livell Għoli tas-Sħubija Afrika-UE fis-settur tal-enerġija, li saret fi Vjenna mill-14 sal-15 ta' Settembru 2010,

—

wara li kkunsidrat l-inizjattiva tal-Kummissjoni Ewropea bit-titolu “Energising Development” (IP/12/372) tas-16 ta' April 2012 fl-ambitu tas-sħubija Afrika-UE fis-settur tal-enerġija,

—

wara li kkunsidrat ir-Riżoluzzjoni tal-Parlament Ewropew tat-2 ta' Frar 2012 dwar kooperazzjoni għall-iżvilupp tal-UE b'appoġġ għall-objettiv ta' aċċess universali għall-enerġija sal-2030 (4),

—

wara li kkunsidrat il-Komunikazzjoni mill-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni dwar is-sigurtà tal-provvista tal-enerġija u l-kooperazzjoni internazzjonali – “Il-politika tal-enerġija u tal-UE: Kooperazzjoni ma' pajjiżi lil hinn mill-fruntieri tagħna (COM(2011)0539),

—

wara li kkunsidrat l-opinjoni tal-Kumitat tal-Parlament Ewropew għall-Iżvilupp lill-Kumitat tal-Parlament Ewropew għall-Industrija, ir-Riċerka u l-Enerġija dwar l-istabbiliment ta' kooperazzjoni fir-rigward tal-politika enerġetika ma' sħab lil hinn mill-fruntieri tagħna: Approċċ strateġiku għal provvista sikura, sostenibbli u kompetittiva tal-enerġija (2012/2029(INI)),

—

wara li kkunsidrat ir-rapport tal-Kumitat għall-Affarijiet Soċjali u l-Ambjent (ACP-EU/101.251/12/A/fin),

A.

billi l-istimi jindikaw li 1.3 biljun ruħ, li jirrappreżentaw madwar 20 % tal-popolazzjoni tad-dinja, huma mċaħħda mill-aċċess għall-elettriku, u billi kważi lkoll kemm huma jgħixu f'żoni rurali tal-pajjiżi f'fażi ta' żvilupp;

B.

billi kważi 3 biljun ruħ jiddependu mill-bijomassa għat-tisjir u għat-tisħin u bejn wieħed u ieħor 2 miljun mewta prematura, primarjament ta' nisa u tfal, jirriżultaw mid-duħħan mill-fuklar kull sena;

C.

billi l-aċċess għal servizzi tal-enerġija moderni u sostenibbli għal kulħadd ifisser aċċess għal firxa sħiħa ta' servizzi tal-enerġija (mhux biss l-elettriku) li wieħed jeħtieġ u jkun irid, pereżempju t-tidwil, it-tisjir u t-tisħin tal-ilma, it-tisħin tal-ambjenti, it-tkessiħ, l-aċċess għall-informazzjoni u għall-komunikazzjonijiet u l-enerġija għal finijiet produttivi u għall-ġenerazzjoni tal-introjtu;

D.

billi l-aċċess għal enerġija affidabbli, sostenibbli u bi prezzijiet raġonevoli huwa neċessarju biex jissodisfa l-esiġenzi bażiċi tal-bniedem u biex jitrawwem żvilupp ekonomiku u soċjali; billi l-Għanijiet ta' Żvilupp tal-Millenju mhumiex se jintlaħqu jekk ma jsirx progress sostanzjali fit-titjib tal-aċċess għall-enerġija;

E.

billi l-aċċess skars għall-enerġija moderna jolqot il-produttività fl-agrikoltura, iħalli impatt negattiv fuq il-kummerċ u l-integrazzjoni reġjonali u jostakola l-ħolqien ta' impjiegi u l-imprenditorija;

F.

billi d-dipendenza mis-sorsi enerġetiċi tradizzjonali żżid konsiderevolment is-sigħat ta' xogħol imqattgħin fuq l-ilma u s-sorsi insostenibbli tal-ġbir tal-injam għall-ħruq, iċċaħħad lit-tfal mid-dritt tagħhom għall-edukazzjoni u għall-ħin liberu u lin-nisa mill-opportunitajiet li jiżvolġu attivitajiet li jiġġeneraw introjtu; billi l-ħruq ta' ammonti kbar ta' bijomassa jħalli impatt dannuż fuq is-saħħa, partikolarment dik tan-nisa u tat-tfal, barra milli jikkawża d-deforestazzjoni;

G.

billi l-intersezzjoni ta' enerġija, faqar u ġeneru hija kwistjoni kruċjali; billi speċjalment in-nisa miż-żoni rurali u minn familji b'introjtu baxx huma dawk li jintlaqtu l-aktar mill-faqar enerġetiku;

H.

billi n-nuqqas ta' provvista enerġetika moderna u affidabbli tħalli effett fuq il-kwalità tas-servizzi tas-saħħa u jimpedixxi l-użu ta' metodi dijanjostiċi u terapewtiċi moderni;

I.

billi, fl-assenza ta' provvista enerġetika moderna u affidabbli, huwa impossibbli li tiġi żgurata l-katina tat-tkessiħ, li tippermetti l-konservazzjoni u t-trasport tal-vaċċini u tal-mediċini fundamentali biex il-bhejjem u l-bnedmin jibqgħu b'saħħithom;

J.

billi skont l-Aġenzija Internazzjonali tal-Enerġija (AIE) 8 % biss mill-USD 409 biljun mogħtija f'forma ta' sussidji għall-fjuwils fossili fil-pajjiżi f'fażi ta' żvilupp fl-2010 kienu ddestinati għal 20 % tal-popolazzjoni bl-aktar introjtu baxx;

K.

billi l-użu tat-teknoloġiji tal-enerġija rinnovabbli huwa fundamentali għall-pajjiżi f'fażi ta' żvilupp bil-għan li tonqos id-dipendenza tagħhom mill-fjuwil fossili, b'hekk tonqos il-vulnerabilità għall-fluttwazzjonijiet tal-prezzijiet tal-enerġija; billi l-proġetti tal-enerġija rinnovabbli fuq skala kbira (bħal pereżempju l-idroelettriku u l-għelejjel għall-enerġija) jaf ikollhom ukoll konsegwenzi soċjali u ambjentali gravi għall-popolazzjoni lokali, eż. fuq is-sigurtà tal-ilma jew dik alimentari; billi valutazzjoni bir-reqqa tal-impatti ambjentali tat-teknoloġiji tal-enerġija rinnovabbli hija għalhekk prerekwiżit importanti għall-finanzjamenti minn donaturi;

L.

billi l-pajjiżi AKP għandhom potenzjal straordinarju għall-provvista enerġetika, partikolarment fl-enerġiji rinnovabbli, u billi l-produzzjoni enerġetika teħtieġ impenn favur investimenti sostenibbli u fit-tul enormi mis-settur privat u pubbliku;

M.

billi l-kundizzjonijiet preliminari għall-produzzjoni u d-distribuzzjoni tal-enerġija jvarjaw bil-kbir fil-pajjiżi AKP u s-soluzzjonijiet għat-titjib tal-aċċess għall-enerġija bħala tali jeħtieġ li jqisu dawn id-differenzi, peress li soluzzjonijiet diversifikati jafu jkunu aktar sostenibbli fit-tul;

N.

billi fil-pajjiżi l-anqas żviluppati b'mod partikolari, minoranza żgħira biss tal-popolazzjoni għandha aċċess għall-grilja; billi l-aċċess għall-grilja mhux se jilħaq il-popolazzjoni kollha fil-futur qarib, li jfisser li soluzzjonijiet deċentralizzati bħal soluzzjonijiet tal-enerġija fuq skala żgħira, mhux kollegati mal-grilja jew ma' grilja żgħira huma mod importanti kif jiġi fornut aċċess universali għall-enerġija fis-snin li ġejjin; billi l-aċċess universali għall-grilja għandu jkun l-objettiv fit-tul;

O.

billi l-potenzjal biex jiġu sfruttati bis-sħiħ is-sorsi enerġetiċi rinnovabbli disponibbli fil-pajjiżi AKP huwa mxekkel min-nuqqas ta' teknoloġiji tal-enerġija rinnovabbli, mil-livell ta' edukazzjoni u mill-implimentazzjoni politika;

1.

Tistieden lill-partijiet interessati kollha jiżviluppaw sensibilizzazzjoni akbar għall-bżonn ta' aċċess universali għall-enerġija u jirrikonoxxu l-importanza tiegħu biex jintlaħqu l-Għanijiet ta' Żvilupp tal-Millenju; tenfasizza li l-aċċess li qiegħed jitjieb għal servizzi tal-enerġija affidabbli, sikuri, bi prezzijiet raġonevoli, effiċjenti f'termini ta' kostijiet, li ma jagħmlux ħsara lill-klima u sostenibbli jikkontribwixxi għall-benesseri tal-bniedem kif ukoll għall-isforzi favur żvilupp sostenibbli;

2.

Issostni l-proposti għall-inklużjoni tal-“aċċess universali għall-enerġija” f'qafas globali għall-iżvilupp ta' wara l-2015 li d-definizzjoni tiegħu għadha pendenti u għandu jkun formulat b'mod totalment inklużiv u trasparenti;

3.

Tosserva li l-esperjenzi wrew li l-kapaċità ċentralizzata tal-elettriku u l-objettivi tal-estensjoni tal-grilja spiss naqsu milli jtejbu s-servizzi tal-enerġija għall-foqra; tenfasizza, għalhekk, il-bżonn ta' sostenn favur soluzzjonijiet deċentralizzati rinnovabbli, bħal soluzzjonijiet tal-enerġija fuq skala żgħira, mhux kollegati mal-grilja jew ma' grilja żgħira, biex jintlaħqu l-partijiet kollha tal-popolazzjonijiet tal-pajjiżi f'fażi ta' żvilupp, partikolarment il-popolazzjonijiet foqra u rurali; tistieden lill-UE timmira l-isforzi tagħha, mil-lat finanzjarju u tekniku, lejn dawn is-soluzzjonijiet fuq skala żgħira tal-faqar enerġetiku f'żoni mbiegħda, mingħajr ma tittraskura l-proġetti fuq skala kbira neċessarji għall-iżvilupp industrijali;

4.

Tosserva l-potenzjal enormi għall-enerġija rinnovabbli f'ħafna pajjiżi f'fażi ta' żvilupp biex tiġi garantita provvista enerġetika sostenibbli u titnaqqas id-dipendenza mill-fjuwils fossili u b'hekk titnaqqas il-vulnerabilità għall-fluttwazzjonijiet fil-prezz tal-enerġija; tistieden lill-Istati AKP jippjanaw mill-ġdid is-sussidji fil-qasam tal-fjuwils fossili biex jagħtu aktar sostenn lill-fjuwils rinnovabbli u jagħmluhom disponibbli fuq kollox għall-popolazzjoni bl-iktar introjtu baxx;

5.

Tirrikonoxxi l-fatt li l-Unjoni Ewropea diġà forniet 'il fuq minn biljun euro matul dawn l-aħħar 10 snin bil-għan li żżid l-aċċess għall-enerġija fil-pajjiżi li qegħdin jiżviluppaw u tilqa' pożittivament il-fatt li l-aċċess għall-enerġija sikura, bi prezzijiet raġonevoli, soda f'termini ambjentali u sostenibbli għandu jsir ukoll prijorità għall-finanzjamenti fil-qafas tal-istrateġija tal-UE għall-iżvilupp “Aġenda għall-Bidla”; tistieden lill-Kummissjoni Ewropea timmonitorja, flimkien mas-sħab AKP tagħha, il-progress fl-aċċess għall-enerġija miksub permezz ta' dan il-finanzjament, bl-użu ta' indikaturi verifikabbli u affidabbli; Tilqa' favorevolment l-Inizjattiva tal-UE “Energising Development” biex tagħti aċċess għas-servizzi tal-enerġija sostenibbli lil 500 miljun ruħ sal-2030; tapprezza l-prijorità għolja mogħtija għall-aċċess għall-enerġija fil-programm tal-Kummissjoni Ewropea “Aġenda għall-Bidla”;

6.

Tħeġġeġ lis-sħab fil-qasam tal-iżvilupp, fosthom l-Unjoni Ewropea, jimmiraw il-finanzjamenti tagħhom lejn soluzzjonijiet tal-enerġija rinnovabbli, effiċjenti fl-użu tal-enerġija, fuq skala żgħira u deċentralizzati, partikolarment għall-popolazzjonijiet rurali u foqra, kif ukoll lejn it-titjib tal-konnettività bejn l-unitajiet domestiċi u l-grilja ta' distribuzzjoni, u jirrikonoxxu l-firxa ta' esiġenzi enerġetiċi tal-fqar u biex dan ikun rifless fil-pjanijiet u fil-portafolji tal-finanzjamenti tagħhom; tenfasizza l-bżonn ta' innovazzjoni fil-prodotti enerġetiċi adatti għar-reġjun u għall-investiment fl-użu tagħhom;

7.

Tistieden lill-gvernijiet AKP jtejbu l-aċċess sikur tal-utenti finali għal provvisti enerġetiċi affidabbli, bi prezzijiet raġonevoli, sikuri, effiċjenti f'termini ta' kostijiet, li ma jagħmlux ħsara lill-klima, sostenibbli u moderni u jiżguraw distribuzzjoni ekwa tas-servizzi tal-enerġija u tkabbir ġenwinament inklużiv;

8.

Tinkoraġġixxi, barra minn hekk, is-sostenn favur skemi ta' pagamenti innovattivi bil-għan li l-aċċess għall-enerġija jkollu prezzijiet raġonevoli għall-utenti finali;

9.

Tinkoraġġixxi l-użu ta' tagħmir tat-tisjir aktar effiċjenti, billi l-ħruq tradizzjonali ta' kwantitajiet kbar ta' bijomassa b'nar fil-beraħ għandu impatt dannuż għas-saħħa, partikolarment għan-nisa u t-tfal, kif anki jikkawża d-deforestazzjoni;

10.

Tappella għas-sostenn u l-promozzjoni tat-trasferiment lejn il-pajjiżi AKP ta' teknoloġiji tal-enerġija rinnovabbli bi prezzijiet raġonevoli u r-riċerka, l-għarfien u l-innovazzjonijiet relatati;

11.

Tappella biex l-għarfien dwar dawn l-azzjonijiet jinxtered u jiġu skambjati l-aħjar prattiki sabiex tiżdied l-effikaċja tagħhom;

12.

Tosserva l-importanza tal-kooperazzjoni Nofsinhar-Nofsinhar fil-qasam tal-enerġija li tista' twassal għal soluzzjonijiet teknoloġiċi u aktar awtodipendenza u b'hekk jiġu evitati kunflitti possibbli li jinbtu mid-drittijiet ta' proprjetà intellettwali; tistieden lill-pajjiżi AKP joħolqu pjattaformi reġjonali ta' kooperazzjoni fil-qasam tar-riċerka u żvilupp (R&Ż) u netwerks tal-istituti ta' riċerka nazzjonali eżistenti bil-għan li tkun possibbli l-kondiviżjoni tar-riżorsi għar-R&Ż u tal-kostijiet relatati;

13.

Tenfasizza li għandhom jinħolqu miżuri speċifiċi bil-għan li jitjieb l-aċċess għall-enerġija ħalli l-aktar membri fqar tas-soċjetà jkunu jitgħu jibbenefikaw minn dawn l-iżviluppi;

14.

Tisħaq fuq ir-rwol fundamentali tal-organizzazzjonijiet tas-soċjetà ċivili tal-pajjiżi AKP u tal-Istati Membri tal-UE biex jilħqu l-aktar membri fqar u mbiegħda tas-soċjetà u biex jippromwovu l-aċċess għall-enerġija bħala prerekwiżit għall-iżvilupp f'livell kemm reġjonali kif ukoll nazzjonali;

15.

Tistieden lill-Istati AKP jinkludu dawn il-miżuri fi ħdan strateġiji ta' żvilupp nazzjonali biex jiksbu l-Għanijiet ta' Żvilupp tal-Millenju;

16.

Tappella għall-informazzjoni u għall-edukazzjoni dwar l-użu sostenibbli tal-enerġija;

17.

Tissottolinja l-fatt li l-Faċilità għall-Enerġija AKP-UE tikkostitwixxi wieħed mill-ftit mekkaniżmi finanzjarji, fuq skala internazzjonali, li jagħtu finanzjamenti lis-soluzzjonijiet fuq skala żgħira tal-enerġija rinnovabbli, u tappella għalhekk għal sostenn finanzjarju kontinwu biex tissaħħaħ il-Faċilità għall-Enerġija AKP-UE fil-kuntest tal-Qafas Finanzjarju Pluriennali li jmiss għall-perjodu 2014-2020; tirrikonoxxi li Faċilità estiża u mwessgħa hija l-unika inizjattiva li timmira għall-proġetti li jittrattaw it-tnaqqis tal-faqar enerġetiku deċentralizzat;

18.

Tistieden lill-UE tiżviluppa linji gwida ċari dwar il-kriterji tas-sostenibilità ambjentali għall-finanzjament ta' proġetti tal-enerġija rinnovabbli; tistieden lill-Kummissjoni tagħmel mill-użu tal-enerġija rinnovabbli deċentralizzata jew minn bidla għal produzzjoni sostenibbli b'effiċjenza enerġetika għolja u bi ftit emissjonijiet tal-karbonju kundizzjoni prijoritarja għall-appoġġ għal proġetti ġodda tal-enerġija;

19.

Terġa' tafferma d-dritt tal-pajjiżi AKP li jiddeterminaw it-taħlita enerġetika tagħhom stess u tistidinhom jifformulaw dokumenti strateġiċi li jiddefinixxu l-politiki enerġetiċi tagħhom;

20.

Tinkoraġġixxi lill-pajjiżi AKP jinvolvu ruħhom fil-proċess tan-Nazzjonijiet Uniti għall-Enerġija Sostenibbli għal Kulħadd u jiżviluppaw pjanijiet ta' implimentazzjoni nazzjonali; tinkoraġġixxi lill-pajjiżi AKP, permezz tal-uffiċjali awtorizzanti nazzjonali tagħhom, jikkunsidraw l-aċċess universali għall-enerġija bħala prijorità tal-iżvilupp u jippromwovu l-enerġija bħala settur fokali tad-Dokumenti Strateġiċi għat-Tnaqqis tal-Faqar u tal-programmi edukattivi tagħhom;

21.

Tenfasizza l-importanza ta' standards minimi fformulati biċ-ċar u li jkunu jistgħu jitkejlu, li għandhom ikunu fformulati bħala objettivi ħalli jiġi identifikat il-progress fl-aċċess għall-enerġija għat-tisjir, it-tidwil, it-tisħin, it-tkessiħ jew il-komunikazzjoni;

22.

Tistieden lill-UE ssostni lill-pajjiżi AKP li ffirmaw il-proċess tan-Nazzjonijiet Uniti għall-Enerġija Sostenibbli għal Kulħadd biex jibnu l-kapaċitajiet istituzzjonali u teknoloġiċi tagħhom; tissottolinja l-importanza ta' oqfsa ġuridiċi affidabbli u tar-rispett tal-istat tad-dritt bħala prerekwiżit għall-investimenti barranin; tistieden lill-Istati AKP jagħmlu għażliet informati dwar mudelli kummerċjali xierqa biex l-offerta tkun taqbel mad-domanda; tinkoraġġixxi lill-Istati Membri tal-UE jgħinu lill-pajjiżi AKP fl-iskambju tal-prattiki tajba u tal-għarfien dwar it-teknoloġiji adegwati;

23.

Tinkoraġġixxi partikolarment it-trasferiment tat-teknoloġija tal-effiċjenza enerġetika f'dan ir-rigward biex l-enerġija tkun tista' tintuża bl-aktar mod produttiv, bil-għan li jiġu massimizzati s-servizzi tal-enerġija li ċertu ammont ta' enerġija jista' joffri;

24.

Tistieden lill-partijiet interessati kollha jippromwovu taħlita bbilanċjata ta' proġetti kbar u proġetti deċentralizzati mmirati lejn l-aċċess għal servizzi tal-enerġija bi prezzijiet raġonevoli fil-pajjiżi AKP; tirrikonoxxi li, bil-għan li jintlaħaq l-objettiv tal-Aċċess Universali għall-Enerġija sal-2030, 55 % tal-elettriku l-ġdid kollu ġġenerat se jkollu jiġi minn soluzzjonijiet ta' grilja żgħira u soluzzjonijiet iżolati mhux kollegati mal-grilja;

25.

Tosserva li l-iskemi tal-enerġija rinnovabbli fuq skala kbira jistgħu jkunu neċessarji biex tiġi sodisfatta, b'mod sostenibbli, id-domanda dejjem ikbar għall-enerġija miċ-ċentri urbani u mill-industrija; tappella biex skemi bħal dawn jaderixxu dejjem mal-ogħla standards soċjali u ambjentali;

26.

Tfakkar li t-trasparenza u l-governanza t-tajba huma s-sisien għall-kooperazzjoni għall-iżvilupp AKP-UE;

27.

Tistieden lill-UE tirrispetta l-prinċipju tal-aċċess universali għas-servizzi tal-enerġija affidabbli, sikuri, bi prezzijiet raġonevoli, effiċjenti f'termini ta' kostijiet, li ma jagħmlux ħsara lill-klima u sostenibbli hija u tabbozza u timplimenta l-ftehimiet internazzjonali li jirrigwardaw dan is-settur;

28.

Tirrikonoxxi r-rwol importanti tas-soċjetà ċivili, tal-awtoritajiet lokali u tar-regolaturi fis-settur enerġetiku fit-trażżin tal-korruzzjoni;

29.

Tistieden lill-UE tippromwovi l-investimenti barranin privati fl-infrastrutturi u fis-servizzi tal-enerġija bis-saħħa tal-assistenza għall-iżvilupp uffiċjali tal-UE permezz tal-ħolqien ta' sħubijiet pubbliċi-privati jew tal-programmi ta' garanzija tal-kreditu mal-banek;

30.

Tisħaq fuq ir-rwol utli li l-kumpaniji privati għandhom jiżvolġu biex jippermettu lill-pajjiżi f'fażi ta' żvilupp jilħqu l-Għanijiet ta' Żvilupp tal-Millenju, filwaqt li jitqies b'mod partikolari l-aċċess universali għall-enerġija; tenfasizza barra minn hekk l-importanza ta' sostenn favur l-iżvilupp ta' riżorsi finanzjarji u ta' kompetenzi teknoloġiċi adattati għal swieq b'introjtu baxx, partikolarment permezz ta' involviment iktar qawwi tal-kumpaniji privati fi sħubijiet istituzzjonali nazzjonali kif ukoll internazzjonali;

31.

Tenfasizza li l-isforzi favur il-kooperazzjoni għall-iżvilupp relatata mal-enerġija bejn l-AKP u l-UE għandhom ikunu kkonċentrati kemm fuq id-distribuzzjoni ta' aktar enerġija lejn aktar żoni kif ukoll fuq il-kwalità, l-istabilità u l-affidabilità tal-provvista u tal-effiċjenza enerġetika;

32.

Tagħti istruzzjonijiet lill-Ko-Presidenti tagħha biex jibagħtu din ir-riżoluzzjoni lill-Kunsill tal-Ministri AKP-UE, lill-Parlament Ewropew, lill-Kummissjoni Ewropea, lill-Presidenza tal-Kunsill tal-UE, lill-Unjoni Afrikana, lill-Parlament pan-Afrikan u lill-Kunsill tad-Drittijiet tal-Bniedem tan-NU.

—

imlaqqgħa f'Paramaribo (is-Surinam) mis-27 sad-29 ta' Novembru 2012,

—

wara li kkunsidrat l-Artikolu 18(2) tar-Regoli ta' Proċedura tagħha,

—

wara li kkunsidrat ir-riżoluzzjonijiet preċedenti tagħha,

—

wara li kkunsidrat ir-Riżoluzzjonijiet tagħha tat-18 ta' Mejju 2011 dwar it-taqlib demokratiku fit-Tramuntana tal-Afrika u fil-Lvant Nofsani: il-konsegwenzi għall-pajjiżi tal-AKP, l-Ewropa u d-dinja (6) u tat-23 ta' Novembru 2011 dwar ir-Rebbiegħa Għarbija u l-impatt tagħha fuq l-istati sub-Saħarjani ġirien (7),

—

wara li kkunsidrat ir-Riżoluzzjoni tagħha dwar l-impatt politiku tal-konflitt fil-Libja fuq l-Istati ġirien tal-AKP u tal-UE (101.157/fin) adottata f'Horsens, id-Danimarka, fit-30 ta' Mejju 2012,

—

wara li kkunsidrat id-dikjarazzjoni magħmula mill-Ko-Presidenti tagħha fit-28 ta' Mejju 2012 f'Horsens dwar is-sitwazzjoni fil-Mali,

—

wara li kkunsidrat ir-Riżoluzzjonijiet tal-Parlament Ewropew tal-20 ta' April 2012 dwar is-sitwazzjoni fil-Mali u tal-14 ta' Ġunju 2012 dwar is-sitwazzjoni tad-drittijiet tal-bniedem u tas-sigurtà fir-reġjun tas-Saħel,

—

wara li kkunsidrat ir-rapport finali tal-Kunsill tal-Unjoni Ewropea dwar l-inizjattiva tas-sigurtà u l-iżvilupp fis-Saħel tal-1 ta' Ottubru 2010 (8),

—

wara li kkunsidrat il-konklużjonijiet tal-Kunsill dwar Strateġija tal-UE għas-Sigurtà u l-Iżvilupp fis-Saħel, tal-21 ta' Marzu 2011 (Laqgħa Nru 3076 tal-Kunsill Affarijiet Barranin),

—

wara li kkunsidrat ir-rapport tas-SEAE: “Strateġija għas-Sigurtà u l-Iżvilupp fis-Saħel: Rapport ta' Progress, Marzu 2012”,

—

wara li kkunsidrat il-konklużjonijiet tal-Kunsill tal-Unjoni Ewropea tat-23 ta' Marzu 2012 (9) dwar is-Saħel li japprovaw il-Kunċett ta' Ġestjoni tal-Kriżijiet għal missjoni PSDK ċivili ta' Konsulenza, Assistenza, u Taħriġ fis-Saħel,

—

wara li kkunsidrat il-konklużjonijiet tal-Kunsill tal-Unjoni Ewropea tat-23 ta' Lulju 2012 dwar il-Mali u s-Saħel,

—

wara li kkunsidrat il-konklużjonijiet tal-Kunsill tal-15 ta' Ottubru u d-19 ta' Novembru 2012 dwar il-Mali,

—

wara li kkunsidrat id-dikjarazzjoni tad-Direttur Ġenerali għall-Għajnuna Umanitarja tal-Kummissjoni Ewropea dwar il-prevenzjoni ta' kriżi umanitarja fil-Mali,

—

wara li kkunsidrat id-dikjarazzjonijiet tal-Viċi President u Rappreżentant Għoli tal-Unjoni Ewropea, Catherine Ashton, u tal-kelliem tagħha, tat-22 u s-26 ta' Marzu 2012, id-dikjarazzjonijiet ta' April 2012 dwar is-sitwazzjoni fil-Mali u dawk tal-4 ta' Lulju 2012 dwar is-sitwazzjoni tad-drittijiet tal-bniedem fit-Tramuntana tal-Mali u l-qerda tal-wirt storiku tal-belt ta' Timbuktù,

—

wara li kkunsidrat id-dikjarazzjoni tal-4 ta' Lulju 2012 tal-Viċi President u Rappreżentant Għoli tal-Unjoni Ewropea, Catherine Ashton, li ttenni l-impenn tal-UE biex tappoġġja l-poplu tal-Mali biex jistabbilixxi mill-ġdid gvern leġittimu u responsabbli fil-pajjiż kollu, u dik tal-31 ta' Lulju 2012 li tfakkar li l-Unjoni Ewropea hija kontra l-piena tal-mewt fi kwalunkwe ċirkustanza u kontra l-eżekuzzjoni permezz tat-tħaġġir, kastig partikolarment krudili u diżuman,

—

wara li kkunsidrat id-dikjarazzjonijiet tal-Kunsill tas-Sigurtà tan-Nazzjonijiet Uniti dwar il-Mali tat-22 u s-26 ta' Marzu, tal-4 u d-9 ta' April, tat-8 ta' Awwissu (10) u tas-17 ta' Settembru 2012 (11),

—

wara li kkunsidrat it-talba tal-Kunsill tas-Sigurtà tan-NU f'Lulju għall-iżvilupp mill-komunità internazzjonali ta' Strateġija Reġjonali Integrata għas-sitwazzjoni fil-Mali,

—

wara li kkunsidrat ir-Riżoluzzjonijiet tal-Kunsill tas-Sigurtà tan-NU Nru 2056 tal-5 ta' Lulju 2012 u Nru 2071 tat-12 ta' Ottubru 2012 dwar is-sitwazzjoni fil-Mali,

—

wara li kkunsidrat il-laqgħa ta' livell għoli dwar is-Saħel fi New York fis-26 ta' Settembru 2012, l-appell fl-istess data tas-Segretarju Ġenerali tan-NU, is-Sur Ban ki-Moon, għal appoġġ internazzjonali urġenti għar-reġjun tas-Saħel, u l-ħatra ta' Romano Prodi bħala Mibgħut Speċjali tas-Segretarju Ġenerali tan-NU,

—

wara li kkunsidrat ir-rapport tan-NU tal-missjoni ta' valutazzjoni dwar l-impatt tal-kriżi fil-Libja fuq ir-reġjun tas-Saħel tas-26 ta' Jannar 2012,

—

wara li kkunsidrat ir-Riżoluzzjonijiet 1325 (2000) dwar in-nisa, il-paċi u s-sigurtà, u 1888 (2008), 1820 (2009) u 1960 (2010) dwar il-vjolenza sesswali f'konflitti armati,

—

wara li kkunsidrat it-talba tal-Aġenzija tan-Nazzjonijiet Uniti għar-Rifuġjati (UNHCR) tat-23 ta' Frar 2012 għal USD 35,6 miljun sabiex tiġi indirizzata l-kriżi umanitarja li qed tikber fil-Mali,

—

wara li kkunsidrat ir-rapporti u l-appelli mill-aġenziji varji tan-NU:

—

wara li kkunsidrat id-dikjarazzjoni tal-Kummissarju Għoli tan-NU għad-Drittijiet tal-Bniedem li tikkundanna l-ksur serju tad-drittijiet tal-bniedem kommess fit-Tramuntana u n-Nofsinhar tal-pajjiż,

—

wara li kkunsidrat il-Protokoll għall-Konvenzjoni tal-Unjoni Afrikana dwar il-Prevenzjoni u l-Ġlieda Kontra t-Terroriżmu, adottata f'Addis Ababa fit-8 ta' Lulju 2004 fit-tielet sessjoni ordinarja tal-Konferenza tal-Unjoni Afrikana, u allura l-komunikat finali tal-Kunsill tal-Paċi u s-Sigurtà tal-Unjoni Afrikana tal-14 ta' Lulju 2012 dwar is-sitwazzjoni fil-Mali,

—

wara li kkunsidrat l-appell tal-President fil-Kariga tal-Unjoni Afrikana, Boni Yayi, President tal-Benin, biex il-komunità internazzjonali tikkoopera mal-Unjoni Afrikana sabiex jiġi evitat diżastru umanitarju fuq skala kbira, li warajh saret il-laqgħa tal-grupp ta' appoġġ u monitoraġġ dwar is-sitwazzjoni fil-Mali f'Bamako fid-19 ta' Ottubru 2012 fuq l-inizjattiva tal-Unjoni Afrikana u f'konsultazzjoni man-Nazzjonijiet Uniti u l-Komunità tal-Istati tal-Afrika tal-Punent,

—

wara li kkunsidrat id-deċiżjoni tat-13 ta' Novembru 2012 tal-Unjoni Afrikana li tapprova l-kunċett operattiv armonizzat għall-iskjerament ippjanat tal-missjoni ta' appoġġ internazzjonali għall-Mali taħt tmexxija Afrikana (MISMA) u r-rakkomandazzjoni tagħha li l-Kunsill tas-Sigurtà tan-NU jawtorizza din il-missjoni għal perjodu ta' sena,

—

wara li kkunsidrat id-dispożizzjonijiet rilevanti tal-Protokoll tal-ECOWAS dwar il-Mekkaniżmu għall-Prevenzjoni, il-Ġestjoni u r-Riżoluzzjoni ta' Konflitti u ż-Żamma tal-Paċi u s-Sigurtà,

—

wara li kkunsidrat id-Dikjarazzjoni ta' Ouagadougou tal-15 ta' April 2012, il-Ftehim Qafas tas-6 ta' April 2012 bejn il-ġunta militari u l-ECOWAS u l-impenn tal-1 ta' April 2012 dwar ir-ritorn għall-ordni kostituzzjonali,

—

wara li kkunsidrat il-komunikat finali tas-sessjoni straordinarja tal-konferenza tal-Kapijiet ta' Stat u ta' Gvern tal-ECOWAS tal-11 ta' Novembru 2012 dwar il-Mali, li ħabbret id-deċiżjoni li jiġi adottat il-kunċett operattiv armonizzat għall-iskjerament tal-forza internazzjonali taħt tmexxija Afrikana,

—

wara li kkunsidrat il-ftuħ, fuq talba tal-Gvern tal-Mali, ta' “inkjesta preliminari” dwar is-sitwazzjoni mill-Prosekutur fil-Qorti Kriminali Internazzjonali u l-mandat tal-Qorti Kriminali Internazzjonali dwar id-delitti kommessi fit-Tramuntana tal-pajjiż: stupri, massakri ta' ċivili, reklutaġġ ta' suldati tfal, tortura, serq, għajbien furzat u l-qerda ta' sptarijiet, qrati, muniċipji, skejjel, knejjes, moskej u mawżolej,

—

wara li kkunsidrat l-ittra tal-President Interim tal-Mali, Dioncounda Traoré, lis-Segretarju Ġenerali tan-NU, li fiha jappella għall-adozzjoni ta' riżoluzzjoni tal-Kunsill tas-Sigurtà tan-NU li tawtorizza, skont il-Kapitolu VII tal-Karta tan-NU, intervent minn forza militari internazzjonali biex tgħin lill-armata tal-Mali terġa' tieħu kontroll tar-reġjuni okkupati tat-Tramuntana,

—

wara li kkunsidrat ir-rapport tal-International Crisis Group tal-24 ta' Settembru 2012, ir-rapport tal-2012 tal-Human Rights Watch dwar l-abbużi serji mwettqa kontra l-popolazzjoni lokali u r-rapport ta' Amnesty International dwar għajbien furzat, eżekuzzjonijiet extraġudizzjarji u tortura mwettqa mill-ġunta,

A.

billi fis-17 ta Jannar 2012 bdiet mewġa ġdida ta' konfronti vjolenti fit-Tramuntana tal-Mali meta gruppi militanti Iżlamiċi, f'alleanza mar-ribelli separatisti etniċi Tuareg, qamu kontra l-armata tal-Mali;

B.

billi, wara li uffiċjali rvellaw talli ma kinux irċevew biżżejjed appoġġ biex jissieltu mar-ribelli fit-Tramuntana tal-Mali, il-putsch tat-22 ta' Marzu 2012 ġab fi tmiemu l-proċess demokratiku mibdi aktar minn għoxrin sena ilu fil-Mali, filwaqt li ġie interrott il-proċess elettorali u gruppi armati illegali setgħu javvanzaw lejn in-Nofsinhar tal-pajjiż;

C.

billi, f'konformità mal-Kostituzzjoni tal-25 ta' Frar 1992, il-President tal-Assemblea Nazzjonali ġie pproklamat Aġent President tar-Repubblika;

D.

wara li kkunsidrat il-mewġa ta' arresti, li ma ġew soġġetti għall-ebda proċedura ġudizzjarja, ta' mexxejja politiċi, inklużi żewġ kandidati għall-elezzjonijiet presidenzjali, u ta' uffiċjali militari għoljin li qed jinżammu priġunieri fil-kampijiet militari;

E.

wara li kkunsidrat “l-appell għad-djalogu” tal-President Traoré bil-għan li tiġi salvagwardata l-unità tal- Mali u billi n-negozjati mal-qawwiet li jokkupaw it-Tramuntana tal-pajjiż ikunu possibbli biss fuq il-bażi ta' impenn li tiġi rispettata l-integrità territorjali tal-pajjiż u li jinqatgħu b'mod definittiv il-vjolenza, it-terroriżmu u l-kriminalità organizzata;

F.

billi l-gvern interim li ġie stabbilit irid iħabbat wiċċu ma' numru ta' sfidi, inkluża kriżi ta' sigurtà, kriżi politika, ekonomika u soċjali profonda akkumpanjata minn żieda fil-qgħad, u billi hija biss awtorità leġittima u eletta b'mod demokratiku li tista' ssolviha fl-aħħar nett;

G.

billi s-Saħel hija żona ċentrali ta' importanza kbira bejn l-Afrika sub-Saħarjana u l-Ewropa, b'implikazzjonijiet kbar għas-sigurtà tal-Magreb, l-Afrika u l-Ewropa, u billi għalhekk għandha tkun suġġett ta' interess għall-komunità internazzjonali kollha kemm hi, bil-għan li jiġi żgurat li kull kontinwazzjoni tas-sitwazzjoni ma tippermettix lill-forzi terroristiċi jikkonsolidaw il-kontroll tagħhom fit-Tramuntana tal-Mali;

H.

billi t-Tramuntana tal-Mali saret żona kkaratterizzata mill-illegalità, okkupata minn forzi armati li qed jiksru d-drittijiet fundamentali taċ-ċittadini, jikkommettu eżekuzzjonijiet sommarji, serq u stupri, u jkomplu jeqirdu simboli reliġjużi li jiffurmaw parti mill-wirt kulturali globali u li l-Mali, l-Afrika u d-dinja huma kburin bihom, u billi din iż-żona qiegħda barra minn hekk tipprovdi bażi ta' appoġġ għal attakki terroristiċi fuq pajjiżi tal-Magreb, tal-Afrika u tal-Unjoni Ewropea u tippermettilhom isegwu objettivi varji bħall-proliferazzjoni tat-traffikar u l-istabbiliment ta' Stati Iżlamiċi;

I.

billi l-al-Qaeda fil-Magreb Iżlamiku (AQMI) u forzi Iżlamiċi militanti oħra bħall-Ansar Dine, il-Moviment għall-Unità u l-Ġiħad fl-Afrika tal-Punent (MUJAO) u l-Boko Haram, ibbażata fin-Niġerja, huma attivi fir-reġjun, b'mod partikolari fit-traffikar ta' droga, armi, sigaretti u bnedmin, u huma involuti b'mod partikolari fil-ħtif ta' ostaġġi għar-riskatt;

J.

billi t-tradizzjonijiet tat-tolleranza, is-solidarjetà u r-rispett għall-persuna umana li huma parti mill-Iżlam fil-forma li huwa pprattikat fir-reġjun qed jiġu ddisprezzati mill-forzi li qed jokkupaw it-Tramuntana tal-Mali;

K.

billi mill-2008 'l hawn, fis-Saħel inħatfu aktar minn 25 persuna mill-Punent; billi l-vittmi kienu jinkludu turisti, impjegati ta' NGOs u diplomatiċi ta' ċittadinanzi differenti, l-aktar Ewropej u Alġerini; billi xi wħud minn dawn l-ostaġġi għadhom miżmumin, inkluż grupp ta' ċittadini Franċiżi li nħatfu f'Settembru 2010;

L.

billi s-somom ta' flus miksuba permezz tal-ħlas ta' riskatti għal madwar 40 ostaġġ maħtuf mill-2003 'l hawn joffru lill-AQMI u l-alleati tagħha bis-sors ewlieni ta' dħul tagħhom, li jippermettilhom jiffinanzjaw l-armi, il-loġistika u r-reklutaġġ, kif ukoll jixtru l-kompliċità, li jfisser li sforzi biex jiġi missielet it-terroriżmu jeħtieġu wkoll sforzi biex jiġu missielta ċ-ċirkwiti finanzjarji klandestini u r-rifuġji fiskali;

M.

billi l-kobor tar-reġjuni tat-Tramuntana tal-Mali u l-permeabilità tal-fruntieri tagħhom jeħtieġu koordinament reġjonali tajjeb ta' informazzjoni u azzjoni;

N.

billi l-proliferazzjoni tal-armi mil-Libja għat-Tramuntana tal-Mali, li l-ebda awtorità ma qed topponi, it-traffikar tad-droga u s-sigaretti, ir-rata għolja ta' qgħad u l-faqar qed jikkontribwixxu b'mod sinifikanti għad-destabbilizzazzjoni tar-reġjun kollu kemm hu u jheddu s-sigurtà u l-istabbiltà tal-Afrika, mill-Punent sas-Somalja, u tal-Magreb u l-Unjoni Ewropea;

O.

billi t-treġġigħ lura tal-integrità territorjali tal-Mali u paċi dejjiema fir-reġjun jeħtieġu l-parteċipazzjoni effettiva u l-involviment ċar tal-Gvern Alġerin;

P.

wara li kkunsidrat l-investiment mill-UE, b'mod partikolari biex tippromowovi l-iżvilupp, fil-Mali u fir-reġjun;

Q.

billi r-riżorsi naturali potenzjali tat-Tramuntana tal-Mali ma għandhomx isiru l-unika kwistjoni ta' interess għall-komunità internazzjonali;

R.

billi l-kawżi ta' dawn il-konflitti ġeneralment huma nuqqas ta' rispett tad-drittijiet tal-bniedem, in-nuqqas tal-istat tad-dritt, it-tensjonijiet etniċi u reliġjużi, il-kriminalità organizzata, l-inġustizzji u l-inugwaljanzi;

S.

wara li kkunsidrat il-ksur serju tad-drittijiet tal-bniedem fil-konfront ta' persuni fil-Mali minn briganti armati, b'mod partikolari fir-reġjuni tat-Tramuntana tal-Mali, fejn persuni nqatgħulhom dirgħajhom jew riġlejhom barra, suppost skont il-liġi tax-xarija;

T.

billi r-Rappreżentant Speċjali tas-Segretarju Ġenerali tan-NU għat-Tfal u l-Konflitti Armati esprimiet it-tħassib profond tagħha fir-rigward ta' rapporti dwar ir-reklutaġġ ta' suldati tfal fir-reġjuni okkupati;

U.

billi aktar minn 50 % ta' dawk spustati huma nisa u tfal li huma mċaħħda minn kwalunkwe forma ta' protezzjoni u għalhekk jikkostitwixxu grupp partikolarment vulnerabbli, kif juri b'mod partikolari t-twaqqif mill-Ansar Dine ta' ħabs għal nisa arrestati talli naqsu milli jilbsu l-velu Iżlamiku;

V.

wara li kkunsidrat ir-riperkussjonijiet serji tan-nuqqas ta' sigurtà prevalenti, mhux biss fuq l-ekonomija tar-reġjun iżda wkoll f'oqsma bħalma huma t-tqassim permezz tal-baġit tal-Istat tad-dħul iġġenerat mill-isfruttament ta' dawn ir-riżorsi biex jiġu missielta l-qgħad fost iż-żgħażagħ, il-faqar endemiku, in-nuqqas ta' sigurtà tal-impjieg, it-tiċħid soċjali estrem u r-reklutaġġ ta' żgħażagħ minn gruppi terroristiċi; billi, għalhekk, fuq żmien fit-tul it-terroriżmu fis-Saħel jeħtieġ jiġi missielet permezz ta' politika attiva għall-promozzjoni tal-iżvilupp, il-ġustizzja soċjali, l-istat tad-dritt u l-integrazzjoni;

W.

billi s-sitwazzjoni umanitarja fiż-żoni kkontrollati mir-ribelli ilha kontinwament sejra lura, hekk kif is-serq, il-ħtif u l-kaos infirxu ħafna u qegħdin jobbligaw lin-nies jaħarbu lejn reġjuni fejn qed jgħixu f'kundizzjonijiet ta' faqar estrem u fejn il-bżonnijiet umani bażiċi tagħhom mhumiex sodisfatti;

X.

billi, minħabba s-serq tal-faċilitajiet u l-ħażniet tagħhom, bosta organizzazzjonijiet umanitarji telqu mir-reġjuni tat-Tramuntana;

Y.

billi, skont il-kalkoli tan-NU, 4,6 miljun ruħ fil-Mali huma f'riskju ta' sigurtà tal-ikel, 1,6 miljun minnhom fit-Tramuntana tal-pajjiż, b'mod partikolari minħabba l-waqfien tal-operazzjonijiet ta' għajnuna minħabba n-nuqqas ta' sigurtà;

Z.

billi n-negozjati bejn il-partijiet involuti fil-konflitt wasslu għall-ħolqien ta' kurituri umanitarji għat-twassil ta' għajnuna lill-poplu tat-Tramuntana tal-Mali, bis-Salib l-Aħmar tal-Mali jitħalla jwassal l-ikel;

AA.

wara li kkunsidrat il-qerda sistematika ta' monumenti kulturali f'Timbuktù u Gao li huma siti ta' wirt dinji tal-UNESCO;

1.

Tikkundanna:

2.

Tikkundanna l-vjolenza mwettqa kontra l-President fil-kariga, Dioncounda Traoré, fil-21 ta' Mejju 2012;

3.

Tikkundanna bil-qawwa kull teħid tal-poter bil-forza, l-atti kollha ta' terroriżmu u serq ta' sptarijiet, skejjel, aġenziji tal-għajnuna u bini tal-gvern, il-forom kollha ta' kastig krudili u diżuman u d-delitti tal-gwerra kollha u l-ħtif kollu, u tesprimi l-kompassjoni profonda tagħha maċ-ċivili innoċenti li tilfu ħajjithom minħabba dawn l-azzjonijiet;

4.

Tikkundanna bil-qawwa l-ksur tad-drittijiet tal-bniedem kommess kontra ċ-ċivili fil-Mali, b'mod partikolari persunal mediku, mexxejja tradizzjonali, għalliema u ġurnalisti;

5.

Tesprimi t-tħassib serju tagħha dwar ir-reklutaġġ ta' suldati tfal u tenfasizza l-appoġġ li għandu jingħata, b'mod partikolari għan-nisa u t-tfal;

6.

Tiddikjara nulla u bla effett l-indipendenza proklamata ta' Azawad u tirriafferma li l-Mali huwa Stat indipendenti, sovran, sekulari u indiviżibbli;

7.

Tikkundanna l-appoġġ kollu, ġej minn fejn ġej, għal dawk responsabbli għal dawn l-atti terroristiċi kollha;

8.

Titlob li terġa' tiġi stabbilita l-integrità territorjali tal-Mali, kif ukoll li jitreġġgħu lura l-paċi, id-demokrazija u l-istabbiltà fir-reġjun;

9.

Tistieden lill-gvern ta' unità nazzjonali u l-ECOWAS jagħmlu tentattiv biex jirrispettaw il-limitu ta' żmien ta' 45 jum stabbilit fil-paragrafu 7 tar-Riżoluzzjoni 2071 għat-tressiq ta' rakkomandazzjonijiet dettaljati u azzjonabbli għal kunċett strateġiku u kunċett ta' operazzjonijiet għal operazzjoni Afrikana awtorizzata mill-Kunsill tas-Sigurtà tan-NU;

10.

Titlob lill-Kunsill tas-Sigurtà tan-NU jaġixxi mill-aktar fis possibbli dwar l-appell tal-awtoritajiet tranżizzjonali għal forza internazzjonali biex tassisti lill-forzi armati tal-Mali jerġgħu jieħdu kontroll fuq ir-reġjuni okkupati fit-Tramuntana tal-Mali f'konformità mal-paragrafu 6 tar-Riżoluzzjoni 2071 tiegħu, sabiex tintemm it-tbatija tal-poplu;

11.

Titlob lill-gvern interim jinvestiga l-għajbien ta' suldati mit-33 Riġment Paraxutista (ir-"red berets") u l-vjolenza mwettqa fuqhom, u jressaq lil dawk responsabbli quddiem il-ġustizzja;

12.

Tistieden lill-ECOWAS u lill-UE jappoġġjaw id-demokratizzazzjoni u l-iżvilupp tal-pajjiż bħala l-mod ewlieni ta' kif jiġu missielta l-intolleranza u l-vjolenza;

13.

Tiddeplora l-influwenza ta' Iżlam politiku, intolleranti u vjolenti li qed tikber fil-pajjiż;

14.

Tfakkar li l-uniku mod leġittimu ta' espressjoni tad-dritt tal-popli għall-awtodeterminazzjoni huwa permezz ta' elezzjonijiet ħielsa u ġusti u għalhekk tawspika ritorn rapidu għall-ordni kostituzzjonali demokratiku permezz tat-tkomplija tal-proċess elettorali ħieles u demokratiku fiż-żmien stabbilit fil-Pjan direzzjonali u l-Ftehim Qafas tas-6 ta' April 2012;

15.

Tappella għall-ħelsien immedjat tal-ostaġġi, tesprimi l-mogħdrija sinċiera tagħha mal-familji tagħhom u tibgħat il-kondoljanzi tagħha lill-familji tal-ostaġġi li nqatlu;

16.

Tappella lill-partijiet konċernati kollha – b'mod partikolari l-politiċi tal-Mali – irażżnu lilhom infushom u juru sens ta' għaqda bil-għan li titreġġa' lura u tiġi rinfurzata l-awtorità tal-awtoritajiet pubbliċi u tiġi ffaċilitata l-implimentazzjoni tal-inizjattivi meħuda fil-livell reġjonali u internazzjonali;

17.

Tappella għall-ftuħ ta' inkjesta dwar l-atroċitajiet imwettqa fil-Mali fix-xhur li għaddew; titlob lill-QKI taġixxi fuq il-materjal mgħoddi lilha mill-Gvern tal-Mali u tressaq il-persuni kollha li kkommettew delitti tal-gwerra u delitti kontra l-umanità;

18.

Titlob lill-MNLA, il-MUJAO u l-moviment Ansar Dine jċedu minnufih il-kontroll taż-żoni okkupati lill-awtoritajiet regolari tal-Istat tal-Mali skont il-Kostituzzjoni tal-Mali u l-prinċipji tad-dritt internazzjonali;

19.

Tenfasizza l-bżonn ta' miżuri effikaċi biex jintemmu s-sorsi ta' finanzjament tat-terroristi u dawk kompliċi tagħhom; tappella biex jiġu adottati l-miżuri mressqa mill-Uffiċju tan-Nazzjonijiet Uniti kontra d-Droga u l-Kriminalità (UNODC) u titlob li jiġi stabbilit programm "Tracfin" speċjalizzat;

20.

Tiddeplora d-dewmien tal-UE biex tadotta, f'kooperazzjoni mill-qrib mal-ECOWAS, l-UA u n-NU, sanzjonijiet immirati kontra dawk involuti fi gruppi armati fit-Tramuntana tal-Mali u kontra dawk li qed ifixklu r-ritorn għall-ordni kostituzzjonali;

21.

Tappella biex il-miżuri kollha li jittieħdu biex jiġi missielet it-terroriżmu jkunu konformi mal-konvenzjonijiet u l-protokolli internazzjonali dwar id-drittijiet tal-bniedem;

22.

Tesprimi l-fratellanza u s-solidarjetà man-nisa, l-irġiel u t-tfal tar-reġjun tat-Tramuntana tal-Mali;

23.

Tilqa':

24.

Tfaħħar lill-ECOWAS għall-isforzi ta' medjazzjoni tagħha; tilqa' l-azzjoni tal-ECOWAS, l-Unjoni Afrikana u n-NU, kif ukoll tal-pajjiżi ġirien, biex tgħin lill-Mali jistabbilixxi miżuri konkreti biex jipproteġi s-sovranità, l-unità u l-integrità territorjali tal-pajjiż.

25.

Tilqa' l-Ftehim tat-23 ta' Settembru 2012 milħuq bejn il-Gvern tal-Mali u l-ECOWAS, li jwassal għall-iskjerament ta' forza militari Afrikana fil-Mali;

26.

Titlob lill-ECOWAS tkompli bl-isforzi tagħha u tistieden lill-Unjoni Ewropea timpenja ruħha b'mod attiv flimkien mal-ECOWAS u n-Nazzjonijiet Uniti biex jitreġġgħu lura l-paċi u l-integrità territorjali tal-Mali;

27.

Tilqa' l-medjazzjoni tal-Burkina Faso, u tistieden lill-Gvern tal-Mali jistabbilixxi Kummissjoni Nazzjonali dwar in-Negozjati b'appoġġ għall-medjazzjoni internazzjonali;

28.

Tilqa' d-deċiżjoni tas-Segretarju Ġenerali tan-NU li jaħtar mibgħut speċjali għall-Mali u dik tal-Unjoni Afrikana li taħtar rappreżentant għoli għall-Mali u s-Saħel;

29.

Tilqa' l-adozzjoni mill-Kunsill tas-Sigurtà tan-NU tar-Riżoluzzjoni 2071, skont il-Kapitolu VII tal-Karta, u l-interess ġenerali li qed jikber fis-Saħel u fil-Mali, kif jidher ukoll mil-laqgħa ta' livell għoli li saret fil-marġni tal-Assemblea Ġenerali tan-NU tas-26 ta' Settembru 2012 u l-abbozzar ta' strateġija integrata tan-NU għas-Saħel;

30.

Tistieden lill-gvernijiet tal-Afrika tal-Punent u tal-Magreb jiġġieldu l-proliferazzjoni tal-armi u t-traffikar tad-drogi billi jpoġġu l-iżvilupp ibbilanċjat u sostenibbli fil-qalba tal-politika għall-iżvilupp tagħhom biex jipprovdu servizzi pubbliċi lill-popolazzjoni b'mod ġenerali u impjiegi għaż-żgħażagħ b'mod partikolari;

31.

Tittama li l-pajjiżi Afrikani li mhumiex membri tal-ECOWAS iżda huma affettwati b'mod dirett mis-sigurtà fis-Saħel u s-Saħara jiġu involuti;

32.

Tittama li l-Kumitat Konġunt dwar l-Operazzjonijiet tal-Persunal (CEMOC) stabbilit fl-2010 mill-Alġerija, il-Mali, il-Mawritanja u n-Niġer biex jikkoordina l-ġlieda kontra t-terroriżmu, il-kriminalità organizzata u t-traffikar tad-droga fir-reġjun Saħel-Saħarjan sa fl-aħħar jiżvolġi rwol attiv;

33.

Tappella għal Pjan komuni tal-UE ta' valutazzjoni dettaljata tal-appoġġ għal azzjonijiet li jindirizzaw is-sitwazzjoni ta' kriżi fir-reġjun tas-Saħel u l-konflitt armat fil-Mali; tqis li l-Unjoni Ewropea għandha timpenja ruħha b'mod attiv flimkien mal-ECOWAS, l-Unjoni Afrikana u n-NU biex jitreġġgħu lura l-paċi, s-sigurtà u s-sovranità tal-Mali; tħeġġeġ lill-Unjoni Ewropea tipprovdi l-appoġġ meħtieġ għall-azzjoni militari mill-ECOWAS;

34.

Tilqa' t-tnedija fl-1 ta' Awwissu 2012 tal-missjoni tal-PSDK EUCAP SAHEL Niger;

35.

Tilqa' l-konklużjonijiet tal-Kunsill tal-Ministri tal-Affarijiet Barranin tal-UE tad-19 ta' Novembru 2012 li jfakkru l-intenzjoni tal-UE li tipprovdi appoġġ finanzjarju għall-operazzjoni Afrikana fil-Mali u jilqgħu l-proposta għal missjoni fil-qafas tal-Politika ta' Sigurtà u ta' Difiża Komuni taħt mandat tan-NU;

36.

Tenfasizza li intervent militari Ewropew fi rwol ta' kumbattiment huwa impossibbli, iżda tittama li l-UE tkun kapaċi tirrispondi b'mod favorevoli, taħt mandat tan-NU, għat-talba tal-awtoritajiet tal-Mali għal assistenza loġistika biex tagħmel l-istituzzjonijiet sikuri, torganizza mill-ġdid il-forzi armati u l-forzi tas-sigurtà, taħt kontroll ċivili, u treġġa' lura l-integrità territorjali;

37.

Hija konvinta li soluzzjoni dejjiema fir-reġjun għandu jkollha l-għan li ssaħħaħ l-istituzzjonijiet statali u l-parteċipazzjoni attiva taċ-ċittadini fit-teħid ta' deċiżjonijiet, u li twitti t-triq għal żvilupp ekonomiku sostenibbli u ekwu;

38.

Tistieden lill-Gvern tal-Mali, fejn jeżisti investiment internazzjonali, isegwi politika ekwa dwar l-aċċess għall-art u l-ilma għall-popolazzjoni kollha tal-Mali;

39.

Hija tal-fehma li, sabiex tinstab soluzzjoni paċifika għall-konflitt fil-Mali, jeħtieġ tiġi indirizzata l-kawża prinċipali tal-konflitt, li jfisser li jiġu garantiti t-tqassim tar-riżorsi u d-dħul minnhom permezz tal-baġit tal-istat biex jiġi żgurat l-iżvilupp sostenibbli u ekwu tar-reġjuni differenti u r-rispett għad-drittijiet tal-bniedem bażiċi;

40.

Tħeġġeġ sabiex jiġu osservati l-leġiżlazzjoni nazzjonali u l-konvenzjonijiet internazzjonali fir-rigward tal-organizzazzjoni ta' proġetti tal-minjieri;

41.

Ittenni t-tħassib serju tagħha dwar is-sitwazzjoni ta' kriżi umanitarja u alimentari li sejra lura b'rata mgħaġġla u tistieden lill-Unjoni Ewropea u lill-Istati Membri tagħha jżidu u jħaffu t-twassil ta' provvisti umanitarji lill-popolazzjonijiet fil-bżonn;

42.

Tistieden lill-komunità internazzjonali tappoġġja lill-ġirien tal-Mali, li qed jilqgħu għexieren ta' eluf ta' rifuġjati;

43.

Tagħti istruzzjonijiet lill-Ko-Presidenti tagħha biex jgħaddu din ir-riżoluzzjoni lill-istituzzjonijiet tal-UE, l-AU, il-grupp AKP u l-ECOWAS, lis-Segretarju Ġenerali tan-NU u lill-Gvern, il-Parlament kif ukoll il-President Interim tal-Mali.

—

imlaqqgħa f'Paramaribo (is-Surinam) mis-27 sad-29 ta' Novembru 2012,

—

wara li kkunsidrat l-Artikolu 18(2) tar-Regoli ta' Proċedura tagħha,

—

wara li kkunsidrat il-Ftehim ta' Sħubija 2000/483/KE bejn il-membri tal-grupp tal-Istati tal-Afrika, tal-Karibew u tal-Paċifiku, minn naħa waħda, u l-Komunità Ewropea u l-Istati Membri tagħha, minn naħa oħra, iffirmat suċċessivament f'Cotonou fit-23 ta' Ġunju 2000 u revedut fl-2005 u fl-2010,

—

wara li kkunsidrat id-Dikjarazzjoni Universali tad-Drittijiet tal-Bniedem (1948) u l-Patt Internazzjonali dwar id-Drittijiet Ċivili u Politiċi (1966),

—

wara li kkunsidrat l-Artikolu 3, u l-Protokoll II, tal-Konvenzjoni ta' Ġinevra tal-1949, li jipprojbixxu l-eżekuzzjoniijet sommarji, l-istupru, ir-reklutaġġ furzat u atroċitajiet oħra;

—

wara li kkunsidrat il-Konvenzjoni Internazzjonali dwar id-Drittijiet tat-Tfal tal-20 ta' Novembru 1989, li b'mod partikolari tipprojbixxi l-involviment tat-tfal fil-kunflitti armati,

—

wara li kkunsidrat il-Protokoll Fakultattiv għall-Konvenzjoni Internazzjonali dwar id-Drittijiet tat-Tfal rigward l-involviment tat-tfal fil-kunflitti armati, li ġie ratifikat mill-pajjiżi tar-reġjun tal-Lagi l-Kbar,

—

wara li kkunsidrat ir-riżoluzzjonijiet tal-Kunsill tas-Sigurtà tan-Nazzjonijiet Uniti, partikolarment ir-Riżoluzzjonijiet 2076 (2012), 2053 (2012), 1925 (2010) u 1856 (2008) dwar is-sitwazzjoni fir-Repubblika Demokratika tal-Kongo (RDK), li jistipulaw il-mandat tal-Missjoni tan-Nazzjonijiet Uniti fir-RDK (MONUSCO), id-dikjarazzjoni tal-Kunsill tas-Sigurtà tat-2 ta' Awwissu 2012 u r-rapporti ta' kull xahar tas-Segretarju Ġenerali tan-Nazzjonijiet Uniti dwar dan is-suġġett,

—

wara li kkunsidrat ir-Riżoluzzjonijiet 1325 (2000), 1820 (2008), 1888 (2009), u 1960 (2010) tal-Kunsill tas-Sigurtà tan-Nazzjonijiet Uniti dwar in-nisa, il-paċi u s-sigurtà,

—

wara li kkunsidrat ir-Riżoluzzjoni 60/1 tal-Assemblea Ġenerali tan-Nazzjonijiet Uniti tal-24 ta' Ottubru 2005 dwar ir-Riżultat tas-Summit Dinji tal-2005, u partikolarment il-paragrafi 138 sa 140 dwar ir-responsabbiltà li jiġu protetti l-popolazzjonijiet,

—

wara li kkunsidrat l-Att Kostitwenti tal-Unjoni Afrikana jew it-Trattat ta' Lomé, adottati fis-samit straordinarju tal-Kapijiet ta' Stat u ta' Gvern tal-Organizzazzjoni tal-Unità Afrikana f'Lomé f'Lujlu 2000,

—

wara li kkunsidrat il-Karta tal-Unjoni Afrikana għad-Drittijiet tal-Bniedem u tal-Popli, li ġiet ratifikata mir-RDK fl-1982,

—

wara li kkunsidrat id-deċiżjoni tal-Kunsill għall-Paċi u s-Sigurtà tal-Unjoni Afrikana tad-19 ta' Settembru 2012 dwar is-sitwazzjoni ta' sigurtà fil-Lvant tar-RDK,

—

wara li kkunsidrat il-konklużjonijiet tal-Kunsill tal-UE tal-Ministri għall-Affarijiet Barranin tal-25 ta' Ġunju 2011 u tad-19 ta' Novembru 2012 dwar is-sitwazzjoni fil-Lvant tar-RDK,

—

wara li kkunsidrat il-Linji gwida tal-Unjoni Ewropea tal-2004 għall-protezzjoni tad-difensuri tad-drittijiet tal-bniedem u l-istrateġija lokali għall-implimentazzjoni tal-Linji gwida fir-RDK, adottati mill-kapijiet tal-missjoni fl-20 ta' Marzu 2010,

—

wara li kkunsidrat l-Azzjoni Konġunta tal-Kunsill 2009/769/PESK tad-19 ta' Ottubru 2009 li temenda l-Azzjoni Konġunta 2007/405/PESK dwar il-missjoni ta' pulizija tal-Unjoni Ewropea fil-qafas tar-riforma tas-settur tas-sigurtà (SSR) u r-relazzjoni tagħha mas-sistema tal-ġustizzja fir-Repubblika Demokratika tal-Kongo (EUPOL RD Kongo),

—

wara li kkunsidrat il-missjoni għar-riforma tas-settur tas-sigurtà, EUSEC RD Kongo, stabbilita f'Ġunju 2005 (Azzjoni Konġunta tal-Kunsill 2005/355/PESK tat-2 ta' Mejju 2005 dwar il-missjoni tal-Unjoni Ewropea biex tipprovdi parir u assistenza għar-riforma tas-settur tas-sigurtà fir-RDK,

—

wara li kkunsidrat ir-rapport tas-Segretarju Ġenerali tan-Nazzjonijiet Uniti tat-23 ta' Awwissu 2010 dwar l-istupru tal-massa reċenti li twettaq fuq iċ-ċivili mill-membri tal-gruppi armati fil-parti tal-Lvant tar-RDK,

—

wara li kkunsidrat id-Dikjarazzjoni Presidenzjali tal-Kunsill tas-Sigurtà tan-NU tad-19 ta' Ottubru 2012,

—

wara li kkunsidrat id-dikjarazzjoni tat-23 ta' Ġunju 2011 mis-Sa Wallström, l-ex Rappreżentant Speċjali tas-Segretarju Ġenerali dwar il-vjolenza sesswali fil-kunflitti,

—

wara li kkunsidrat ir-riżoluzzjonijiet preċedenti tal-Parlament Ewropew dwar ir-RDK, partikolarment dik tat-12 ta' Ġunju 2012 dwar il-montioraġġ tal-elezzjonijiet fir-RDK,

—

wara li kkunsidrat id-dikjarazzjoni tas-27 ta' Settembru 2012 mill-President tal-Kunsill Ewropew, Herman Van Rompuy,

—

wara li kkunsidrat id-dikjarazzjonijiet tas-7 ta' Ġunju, tat-12 ta' Ġunju, tal-10 ta' Lulju u tat-23 ta' Novembru 2012 mill-Viċi President tal-Kummissjoni/Rappreżentant Għoli tal-Unjoni Ewropea għall-Affarijiet Barranin u l-Politika tas-Sigurtà, Catherine Asthon,

—

wara li kkunsidrat id-dikjarazjoni tat-22 ta' Frar 2011 minn Andris Piebalgs, Kummissarju Ewropew għall-Iżvilupp, bit-titolu “RDK: Pass lejn it-Tmiem tal-Impunità”,

—

wara li kkunsidrat id-dikjarazzjoni tas-26 ta' Ġunju 2012 minn Kristalina Georgieva, Kummissarju Ewropew responsabbli għall-kooperazzjoni internazzjonali, l-għajnuna umanitarja u r-rispons f'każ ta' kriżi, rigward id-deterjorazzjoni fis-sitwazzjoni umanitarja fir-RDK,

—

wara li kkunsidrat il-Patt dwar is-Sigurtà, l-Istabbiltà u l-Iżvilupp fir-Reġjun tal-Lagi l-Kbar, adottat mill-Kapijiet ta' Stat u ta' Gvern tal-Istati Membri tal-ICGLR f'Nairobi f'Diċembru 2006, li daħal fis-seħħ f'Ġunju 2008,

—

wara li kkunsidrat id-dikjarazzjonijiet tal-Kapijiet ta' Stat u ta' Gvern tal-Istati Membri tal-ICGLR dwar is-sitwazzjoni ta' sigurtà fil-Lvant tar-RDK, partikolarment dik tal-24 ta' Novembru 2012,

—

wara li kkunsidrat ir-Riżoluzzjoni tal-Organizzazzjoni Internazzjonali tal-Frankofonija (Organisation Internationale de la Francophonie, OIF), adottata fl-14-il Samit tal-Pajjiżi Frankofoni f'Kinxasa fit-13 u fl-14 ta' Ottubru 2012, dwar is-sitwazzjoni fir-RDK,

—

wara li kkunsidrat l-ittra tal-21 ta' Ġunju 2012 mill-President tal-kumitat tal-Kunsill tas-Sigurtà stabbilit bir-Riżoluzzjoni 1533 (2004) rigward ir-RDK lill-President tal-Kunsill tas-Sigurtà li tressaq ir-rapport interim tal-grupp ta' esperti dwar ir-RDK u l-annessi marbutin miegħu u li titlob il-pubblikazzjoni tagħhom bħala dokument tal-Kunsill (S/2012/348),

—

wara li kkunsidrat ir-rapporti mill-organizzazzjonijiet tad-drittijiet tal-bniedem dwar il-vjolazzjonijiet serji tad-drittijiet tal-bniedem imwettqa fil-Lvant tar-RDK,

—

wara li kkunsidrat ir-riżoluzzjonijiet preċedenti tagħha dwar ir-RDK u r-reġjun tal-Lagi l-Kbar, b'mod partikolari r-Riżoluzzjoni tagħha tat-22 ta' Novembru 2007,

A.

billi, minn April 2012 'l hawn, elementi tal-Forzi Armati tar-RDK (FARDC) irvellaw fil-Lvant tal-pajjiż, b'mod aktar preċiż fil-provinċja ta' Kivu tat-Tramuntana, u billi dan l-irvell malajr inqaleb f'ribelljoni armata taħt l-isem tal-Moviment tat-23 ta' Marzu (M23), li qed jitlob l-applikazzjoni tal-ftehim ta' paċi ffirmat f'Goma fit-23 ta' Marzu 2009 mill-Gvern tar-RDK u l-grupp armat magħruf bħala l-Kungress Nazzjonali għad-Difiża tal-Poplu (CNDP);

B.

billi ċ-ċiklu tal-gwerra fir-RDK fis-snin reċenti huwa partikolarment marbut mal-kunflit bejn il-gruppi ribelli armati, l-M23, il-grupp Mai-Mai, u l-Forzi Demokratiċi għal-Liberazzjoni tar-Rwanda (FDLR) u r-ribelli Ħutu Rwandiżi, minn naħa, u l-Forzi Armati tar-RDK (FARDC), minn naħa oħra;

C.

billi għal kważi tmien xhur il-grupp ribelli M23 ilu jokkupa parti kbira mill-provinċja ta' Kivu tat-Tramuntana, billi stabbilixxa l-amministrazzjoni tiegħu stess u billi din il-parti tal-provinċja hija għalhekk kollha kemm hi barra mill-kontroll tal-Istat tar-RDK, ħaġa li tikkawża instabilità u nuqqas ta' sigurtà kostanti;

D.

wara li kkunsidrat l-isfidi serji li dan l-istat ta' gwerra u l-preżenza ta' gruppi armati irregolari fir-Reġjun tal-Lagi l-Kbar qed joħolqu għall-paċi, is-sigurtà, l-istabbiltà u l-iżvilupp ekonomiku u soċjali, kemm fir-RDK kif ukoll fir-reġjun kollu; wara li kkunsidrat il-ksur serju tad-drittijiet tal-bniedem u l-kriżi umanitarja li nħolqot minn din is-sitwazzjoni;

E.

wara li kkunsidrat ir-rapport abbozzat minn esperti tan-NU f'Ġunju 2012 li jivvaluta l-embargo tal-armi fir-RDK, u t-tweġibiet mill-awtoritajiet ikkonċernati għall-allegazzjonijiet inklużi fir-rapport;

F.

wara li kkunsidrat l-isforzi tal-Istati Membri tal-Konferenza Internazzjonali dwar ir-Reġjun tal-Lagi l-Kbar (ICGLR), il-Komunità għall-Iżvilupp tan-Nofsinhar tal-Afrika (SADC), l-UE, l-UA u n-NU biex tinstab soluzzjoni politika kostruttiva għall-kunflitt fil-Lvant tar-RDK u biex ikun żgurat ir-rispett għad-drittijiet tal-bniedem u l-libertajiet fundamentali, id-demokrazija u l-istat tad-dritt u biex ikunu żgurati l-benesseri u s-sigurtà tal-persuni affettwati minn dan il-kunflitt.

G.

billi l-Istati Membri tal-ICGLR stabbilixxew mekkaniżmu konġunt ta' verifika biex jimmonitorjaw il-movimenti tat-truppi fil-Lvant tar-RDK u ddeċidew li jibagħtu forza internazzjonali newtrali;

H.

billi l-Kunsill tas-Sigurtà Nazzjonali tan-NU estenda l-mandat tal-Missjoni ta' Stabbilizzazzjoni tan-NU fir-RDK (MONUSCO) sat-30 ta' Ġunju 2013, skont ir-Riżoluzzjoni 2053 (2012) tiegħu;

I.

billi, mill-bidu ta' din il-gwerra, il-Lvant tar-RDK sofra minn atroċitajiet ripetuti kkaratterizzati minn ksur tad-drittijiet tal-bniedem u delitti tal-gwerra, bħal stupri tal-massa, inkluż l-istupru ta' bniet minorenni, it-tortura u l-massakri ta' persuni ċivili u r-reklutaġġ ġenerali ta' suldati tfal;

J.

billi l-użu tal-vjolenza sesswali u l-użu aktar mifrux tal-istupru għandhom konsegwenzi enormi, bħall-qerda fiżika u psikoloġika tal-vittmi, u għandhom jitqiesu delitti tal-gwerra;

K.

billi n-nuqqas ta' taħrik ta' dawk responsabbli għal ksur tad-drittijiet tal-bniedem u delitti tal-gwerra jippromwovi l-klima ta' impunità u jinkoraġġixxi t-twettiq ta' delitti ġodda;

L.

billi, wara t-twettiq tal-atti kriminali msemmija hawn fuq u l-ġlied bejn ir-ribelli FARDC u M23, aktar minn 2.4 miljun persuna mill-Kongo li jgħixu fiż-żoni affettwati mill-ġlied ġew spustati f'pajjiżhom stess u 420 000 ħarbu lejn il-pajjiżi tal-viċinat, u billi qed jgħixu f'kundizzjonijiet inumani;

M.

billi l-Unjoni Ewropea qed tikkontribwixxi għat-tiġdid tas-setturi tal-ġustizzja u s-sigurtà (il-pulizija u l-armata) u qed tipprova ġġibhom jiffunzjonaw sew permezz tal-assistenza finanzjarja u teknika tagħha u billi tħarreġ il-persunal fi ħdan il-qafas tal-missjonijiet tal-EUSEC RD u tal-EUPOL RD;

N.

billi r-RDK għandha għadd kbir ta' riżorsi naturali u billi l-isfruttament illegali persistenti ta' dawn ir-riżorsi, partikolarment fil-Lvant tar-RDK, li barra minn hekk ħafna drabi huma taħt il-kontroll tal-gruppi armati paramilitari, tgħin biex tiffinanzja u tipperpetwa l-kunflitt u għadha sors ta' nuqqas ta' sigurtà għar-reġjun kollu kemm hu;

O.

billi ż-żieda fil-qgħad, il-kriżi soċjali, il-kriżi tal-ikel, l-inadegwatezza tas-servizzi bażiċi, it-tifqir tal-popolazzjoni u d-degradazzjoni ambjentali huma wkoll parzjalment responsabbli għall-instabilità tar-reġjun; billi dawn il-problemi jirrikjedu pjan u strateġija komprensivi ta' żvilupp;

P.

billi l-kunflitti li seħħew qabel is-sitwazzjoni tal-preżent għad għandhom impatt li qed jerġa' jidher fuq l-avvenimenti attwali; billi huwa neċessarju li jiġu indirizzati l-konsegwenzi tal-kunflitti, b'mod partikolari permezz tad-demilitarizzazzjoni, id-demobilizzazzjoni u r-reintegrazzjoni tal-ex ġellieda, ir-ripatrijazzjoni tar-rifuġjati, ir-risistemazzjoni ta' persuni li ġew spustati f'pajjiżhom stess u l-implimentazzjoni ta' programmi vijabbli għall-iżvilupp;

Q.

billi huwa kruċjali li jittieħdu l-miżuri kollha neċessarji biex dawn il-kunflitti jinġiebu fi tmiemhom, biex il-gruppi armati jiddiżżarmaw u jitneħħew u kwalunkwe kunflitt futur jiġi ostakolat għall-konsolidazzjoni tal-paċi u d-demokrazija, il-promozzjoni tal-istabbiltà u l-iżvilupp tar-reġjun għall-benesseri tal-popli kollha tar-Reġjun tal-Lagi l-Kbar, u biex l-istituzzjonijiet leġittimi tar-RDK ikunu jistgħu jiddedikaw l-enerġiji tagħhom biex pajjiżhom, li nqered mill-gwerer rikorrenti, jibnuh mill-ġdid,

1.

Tesprimi t-tħassib qawwi tagħha fir-rigward tad-degradazzjoni tas-sitwazzjoni ġenerali fil-Lvant tar-RDK, li għandha konsegwenzi politiki, ekonomiċi, soċjali, umanitarji u ta' sigurtà serji fir-RDK u fir-reġjun kollu;

2.

Tikkundanna bil-qawwa l-attakki mill-M23 u l-forzi negattivi l-oħra kollha fil-Lvant tar-RDK f'dawn l-aħħar xhur; topponi kwalunkwe intervent estern fil-kunflitt u tistieden lill-partijiet kollha kkonċernati fir-reġjun biex jikkontribwixxu b'intenzjoni tajba għar-riżoluzzjoni paċifika tiegħu; titlob, barra minn hekk, l-implimentazzjoni immedjata tal-pjan tar-riżoluzzjoni tal-kriżi adottat f'Kampala fl-24 ta' Novembru 2012, u tilqa' b'mod partikolari l-isforzi diplomatiċi tal-President Sassou Nguesso tar-Repubblika tal-Kongo għal dan il-għan;

3.

Tilqa' l-isforzi tal-Istati Membri tal-ICGRL, l-UA u n-NU fl-isforzi u l-inizjattivi tagħhom bl-għan li jsibu soluzzjoni politika dejjiema u paċifika għall-kriżi;

4.

Tistieden lill-gvernijiet tar-RDK u l-pajjiżi tal-viċinat biex jieħdu l-miżuri neċessarji kollha sabiex jaslu għal soluzzjoni strutturali li toħloq paċi dejjiema, sigurtà, stabbilità, żvilupp ekonomiku u rispett għad-drittijiet tal-bniedem fir-reġjun permezz tal-kooperazzjoni, id-djalogu permanenti, l-istabbiliment tal-fiduċja u r-rikonċiljazzjoni; tafferma l-impenn tagħha fir-rigward tal-kooperazzjoni mar-RDK u r-Reġjun tal-Lagi l-Kbar għal dan l-għan;

5.

Tikkundanna kull att ta' vjolenza u l-ksur kollu tad-drittijiet tal-bniedem fil-Lvant tar-RDK u fir-Reġjun tal-Lagi l-Kbar, u tesprimi s-solidarjetà tagħha mal-poplu tar-RDK affettwat mill-gwerra; tappella lill-forzi kollha li qed jipparteċipaw fil-kunflitti fil-Lvant tar-RDK biex jirrispettaw id-drittijiet tal-bniedem u l-liġi umanitarja internazzjonali, itemmu l-attakki kollha fuq iċ-ċivili, b'mod partikolari fuq in-nisa u t-tfal, u jipprovdu aċċess u protezzjoni lill-aġenziji umanitarji li qed jipprovdu assistenza lill-popolazzjoni ċivili li qed tbati;

6.

Tikkundanna bil-qawwa l-atti ta' vjolenza sesswali mwettqa fuq skala massiva fir-Reġjun tal-Lagi l-Kbar, b'mod partikolari l-istupru ta' nisa u bniet, u r-reklutaġġ tat-tfal suldati; tikkundanna l-attentat ta' qtil tat-Tabib Mukwege, u titlob inkjesta ġuridika indipendenti biex titfa' dawl fuq dan l-attentat;

7.

Tikkunsidra li hija ħaġa kruċjali li titwettaq investigazzjoni imparzjali u fil-fond dwar il-każijiet ta' ksur tad-drittijiet tal-bniedem tal-passat u tal-preżent; tħeġġeġ li l-atturi ta' ksur tad-drittijiet tal-bniedem, delitti tal-gwerra, delitti kontra l-umanità, vjolenza sesswali kontra n-nisa u lieva ta' suldati tfal jiġu rappurtati, identifikati, imħarrka u puniti skont id-dritt kriminali nazzjonali u internazzjonali;

8.

Tistieden lill-Istati kollha fir-Reġjun tal-Lagi l-Kbar biex jagħmlu sforzi sabiex titwaqqaf l-impunità fil-qalba tal-proċess tat-titjib tal-istat tad-dritt, li hu l-uniku mod kif tkun żgurata l-paċi dejjiema u biex jiġi infurzat id-dritt tal-vittmi għal rimedju effikaċi quddiem qorti imparzjali; tistieden lill-gvernijiet fir-reġjun u fl-Istati Ewropej jikkooperaw b'mod sħiħ mal-QKI għal dan il-għan u titlob l-eżekuzzjoni immedjata tal-mandati ta' arrest internazzjonali;

9.

Tistieden lill-komunità internazzjonali, u b'mod aktar partikolari l-Unjoni Ewropea, l-UA u n-NU, ikomplu jagħmlu minn kollox sabiex jipprovdu għajnuna aktar ikkoordinata u effikaċi għan-nies fil-Lvant tar-RDK u jikkontribwixxu għall-isforzi sabiex tingħata reazzjoni għad-diżastru umanitarju; tesprimi l-akbar tħassib rigward is-sitwazzjoni u l-għadd ta' persuni spustjati f'pajjiżhom stess u rifuġjati li jinsabu fil-pajjiżi tal-viċinat, u titlob biex l-għajnuna umanitarja għalihom tiżdied;

10.

Tistieden lill-awtoritajiet fir-Reġjun tal-Lagi l-Kbar jikkooperaw biex jipproteġu l-persuni u tipprovdi għajnuna umanitarja, filwaqt li tiddedika attenzjoni partikolari għall-gruppi vulnerabbli bħan-nisa u t-tfal; tilqa' l-intenzjoni tal-ICGLR li tistabbilixxi fond ta' assistenza umanitarja għall-vittmi tad-diżastri;

11.

Tħeġġeġ lill-Gvern tar-RDK u lill-komunità internazzjonali biex jipprovdu kura medika xierqa lill-persuni kollha li jinsabu fi bżonn fil-Lvant tar-RDK, inklużi l-appoġġ ta' wara trawma u l-appoġġ psikoloġiku;

12.

Tikkunsidra li l-aċċess trasparenti tar-RDK għar-riżorsi naturali u l-kontroll fuqhom u r-ridistribuzzjoni ekwa permezz tal-baġit tal-Istat tad-dħul mill-esplojtazzjoni ta' dawk ir-riżorsi huma indispensabbli għall-iżvilupp sostenibbli tal-pajjiż, partikolarment fil-qasam tal-edukazzjoni, is-saħħa u s-sigurtà; tistieden, għaldaqstant, lill-Unjoni Afrikana u lill-pajjiżi tar-Reġjun tal-Lagi l-Kbar biex jieħdu aktar miżuri kontra l-isfruttament illegali tar-riżorsi naturali u n-negozju tagħhom, u lill-Unjoni Ewropea u l-komunità internazzjonali sħiħa biex isaħħu l-kooperazzjoni mar-RDK f'dan il-qasam;

13.

Tafferma mill-ġdid id-dritt inaljenabbli u inkanċellabbli tar-RDK għar-rispett tas-sovranità u l-integrità territorjali tagħha;

14.

Titlob li jsiru sforzi kemm fil-livell nazzjonali kif ukoll f'dak internazzjonali sabiex jitqawwew l-awtorità tal-Istat u l-istat tad-dritt fir-RDK, b'mod partikolari fl-oqsma tal-governanza u s-sigurtà, anki b'kooperazzjoni mill-qrib mal-missjoni għall-assistenza militari tal-Unjoni Ewropea (EUSEC) u l-missjoni ta' assistenza tal-pulizija tal-Unjoni (EUPOL), li għandhom jibqgħu għaddejjin sabiex jiġu kkonsolidati l-paċi u s-sigurtà kemm fil-pajjiż kif ukoll fir-Reġjun tal-Lagi l-Kbar;

15.

Tistieden lill-pajjiżi kollha fir-reġjun u lill-korpi internazzjonali kollha jikkooperaw b'mod attiv mal-awtoritajiet tar-RDK biex iżarmaw u jiddemobilizzaw il-gruppi armati kollha u jistabbilixxu paċi dejjiema fil-Lvant tar-RDK;

16.

Tistieden lill-kapijiet ta' stat u lill-gvernijiet tar-Reġjun tal-Lagi l-Kbar biex jaħdmu ħalli jwettqu l-implimentazzjoni reali tal-istrumenti għall-paċi u l-iżvilupp reġjonali eżistenti u lill-istati kollha li huma firmatarji tal-Patt dwar is-Sigurtà, l-Istabbiltà, u l-Iżvilupp fir-Reġjun tal-Lagi l-Kbar tistedinhom jimplimentawh bis-sħiħ sabiex jistabbilixxu u jikkonsolidaw il-bażi neċessarja għall-paċi u s-sigurtà fir-reġjun; tistieden lin-NU, lill-UE u lill-UA u lill-ħbieb tar-Reġjun tal-Lagi l-Kbar jappoġġaw b'mod qawwi u attiv l-isforzi biex dan il-Patt jiġi implimentat;

17.

Tilqa' l-inizzjattivi meħuda diġà mill-ICGLR bħala sostenn għall-isforzi biex tinħoloq stabilizzazzjoni fir-RDK u tenfasizza l-importanza tal-funzjonament effikaċi tal-mekkaniżmu konġunt ta' verifika u t-twaqqif u l-iskjerament effikaċi tal-forza internazzjonali newtrali prevista; tilqa' l-fatt li l-pajjiżi kkonċernati qed jaħdmu b'mod attiv biex jistabbilixxu dan il-mekkaniżmu ta' verifika konġunta;

18.

Tħeġġeġ biex jingħataw tweġibiet u tittieħed azzjoni ulterjuri rigward l-allegazzjonijiet inklużi fir-rapport tal-kumitat għas-sanzjonijiet tal-Kunsill tas-Sigurtà tan-NU u l-annessi tiegħu;

19.

Tappoġġa l-kontinwazzjoni tal-missjoni ta' stabilizzazzjoni tal-MONUSCO fir-RDK, filwaqt li tħeġġiġha tiggarantixxi s-sigurtà u s-sikurezza taċ-ċivili tal-Kongo b'aktar effikaċja; tirrakkomanda l-promozzjoni u l-iffaċilitar tal-istabbiliment ta' inizjattivi lokali għall-paċi minn MONUSCO u l-Gvern tar-RDK, b'mod partikolari fit-territorji li fihom hemm tensjonijiet etniċi qawwija, sabiex is-sitwazzjoni tiġi stabbilizzata b'mod permanenti;

20.

Tinkoraġġixxi lill-mexxejja tar-RDK jieħdu l-inizjattivi neċessarji kollha sabiex jikkonsolidaw id-demokrazija u jiżguraw il-parteċipazzjoni tal-forzi attivi kollha fin-nazzjon tal-Kongo fil-governanza tal-pajjiż abbażi ta' regoli kostituzzjonali u legali;

21.

Tagħti istruzzjonijiet lill-Ko-Presidenti biex iressqu din ir-riżoluzzjoni lill-Kunsill u lill-Kummissjoni tal-Unjoni Afrikana, lill-Kunsill tal-AKP-UE, lill-Kunsill u lill-Kummissjoni tal-UE, lill-Viċi President tal-Kummissjoni/Rappreżentant Għoli tal-Unjoni għall-Affarijiet Barranin u l-Politika tas-Sigurtà, lis-Segretarju Ġenerali tan-NU, lill-Kunsill tas-Sigurtà tan-NU, lill-Kunsill tad-Drittijiet tal-Bniedem tan-NU, lir-rappreżentant speċjali tan-NU dwar il-vjolenza sesswali f'kunflitti armati, lill-Istati Membri tal-Konferenza Internazzjonali dwar ir-Reġjun tal-Lagi l-Kbar u lill-Presidenti, lill-Prim Ministri u lill-Parlamenti tal-Istati Membri kkonċernati.

(a)

l-Istati li jinsabu fil-proċess ta' ratifika tal-Ftehim ta' Sħubija;

(b)

l-Istati li huma membri tal-Grupp AKP.

(i)

ir-rapporti ppreżentati mill-kumitati permanenti. Dawn ikunu limitati għal tlieta għal kull sessjoni. It-tul tal-mozzjonijiet għal riżoluzzjoni inklużi fir-rapporti huwa stabbilit fl-Anness II ta' dawn ir-Regoli ta' Proċedura;

(ii)

it-temi urġenti proposti minn kumitat permanenti jew ippreżentati mill-Bureau nnifsu. L-inklużjoni ta' temi urġenti tibqa' eċċezzjoni u ma tistax tkun aktar minn tnejn kull sessjoni. Temi oħra jitressqu lill-kumitat permanenti responsabbli;

(iii)

tema ta' rilevanza għal dibattitu ta' livell għoli.

—

il-promozzjoni ta' proċessi demokratiċi permezz ta' djalogu u konsultazzjoni;

—

il-kwistjonijiet ekonomiċi, finanzjarji u kummerċjali u l-implimentazzjoni tal-Fond Ewropew għall-Iżvilupp;

—

il-kwistjonijiet socjali u ambjentali.

I.

KUMITAT GĦALL-AFFARIJIET POLITIĊI

Dan il-kumitat huwa kompetenti għall-kwistjonijiet relatati ma':

Dan il-kumitat se jikkoordina l-ħidma tal-missjonijiet għal ġbir ta' informazzjoni, inklużi dawk mibgħuta sabiex jimmonitorjaw l-elezzjonijiet, skont l-Artikolu 28 tar-Regoli ta' Proċedura tal-Assemblea.

II.

KUMITAT GĦALL-IŻVILUPP EKONOMIKU, IL-FINANZI U L-KUMMERĊ

Dan il-kumitat huwa kompetenti għall-kwistjonijiet relatati ma':

III.

KUMITAT GĦALL-AFFARIJIET SOĊJALI U L-AMBJENT

Dan il-kumitat huwa kompetenti għall-kwistjonijiet relatati ma':

—

noti spjegattivi, dokumenti ta' ħidma preparatorji u rapporti ta' missjonijiet għal ġbir ta' informazzjoni: sitt pagni,

—

mozzjonijiet għal riżoluzzjoni inklużi fir-rapporti u fit-temi urġenti: erba' paġni, inklużi l-premessi iżda mingħajr il-kunsiderazzjonijiet.

(a)

Għal-laqgħat kollha organizzati fil-postijiet ta' ħidma normali tal-Parlament:

(b)

Għal-laqgħat kollha organizzati barra mill-postijiet ta' ħidma normali tal-Parlament: