19.4.2013   

MT

Il-Ġurnal Uffiċjali tal-Unjoni Ewropea

C 112/1

19.4.2013   

MT

Il-Ġurnal Uffiċjali tal-Unjoni Ewropea

C 112/5

19.4.2013   

MT

Il-Ġurnal Uffiċjali tal-Unjoni Ewropea

C 112/6

Il-Qorti Ewropea tal-Awdituri

Unità “Awditjar: Il-Produzzjoni tar-Rapporti”

12, rue Alcide de Gasperi

1615 Luxembourg

LUXEMBOURG

Tel. +352 4398-1

Posta elettronika: eca-info@eca.europa.eu

19.4.2013   

MT

Il-Ġurnal Uffiċjali tal-Unjoni Ewropea

C 112/7

Ministero dello sviluppo economico

Dipartimento per l’energia

Direzione generale per le risorse minerarie ed energetiche

Divisione VI

Via Molise 2

00187 Roma RM

ITALIA

19.4.2013   

MT

Il-Ġurnal Uffiċjali tal-Unjoni Ewropea

C 112/9

1.

Skont l-Artikolu 9 tar-Regolament tal-Kunsill (KE) Nru 1/2003 (1), il-Kummissjoni tista' – f'każijiet fejn tkun biħsiebha tadotta deċiżjoni li tirrikjedi li jintemm il-ksur u l-impriżi kkonċernati jimpenjaw ruħhom li jirrispondu t-tħassib espress lilhom mill-Kummissjoni fil-valutazzjoni preliminari – tadotta deċiżjoni li tagħmel dawk l-impenji vinkolanti fuq l-impriżi. Deċiżjoni bħal din tista' tiġi adottata għal perjodu speċifiku u għandha tikkonkludi li ma għadx hemm aktar raġuni għal azzjoni mill-Kummissjoni.

2.

Skont l-Artikolu 27(4) tal-istess Regolament, il-Kummissjoni trid tippubblika taqsira konċiża tal-każ u tal-kontenut ewlieni tal-impenji. Il-partijiet interessati jistgħu jressqu l-kummenti tagħhom sad-data stabbilita mill-Kummissjoni.

3.

Fl-1 ta’ Marzu 2013, il-Kummissjoni adottat valutazzjoni preliminari skont l-Artikolu 9(1) tar-Regolament (KE) Nru 1/2003 rigward l-imġiba minn The Penguin Publishing Company Limited, The Penguin Group (taqsima ta' Pearson plc), Penguin Group (USA) Inc. u Dorling Kindersley Holdings Limited (minn issa 'l quddiem imsejħa kollettivament bħala “Penguin”) rigward il-bejgħ ta’ kotba elettroniċi lill-konsumaturi fiż-ŻEE.

4.

Fil-valutazzjoni preliminari tagħha, il-Kummissjoni kienet tal-opinjoni li, billi tbiddel b'mod konġunt il-bejgħ tal-kotba elettroniċi minn mudell ta' bejgħ bl-ingrossa għal mudell ta' bejgħ bl-aġenzija bl-istess termini ewlenin fuq bażi globali, Penguin, Hachette Livre SA (“Hachette”), HarperCollins Publishers Limited u HarperCollins Publishers, L.L.C. (“Harper Collins”), Georg von Holtzbrinck GmbH & Co. KG u Verlagsgruppe Georg von Holtzbrinck GmbH (“Holtzbrinck/Macmillan”), Simon & Schuster, Inc., Simon & Schuster (UK) Ltd u Simon & Schuster Digital Sales, Inc. (“Simon & Schuster”) u Apple, Inc. (“Apple”) jista' jkun li pparteċipaw fi prassi miftiehma bil-għan li jgħollu l-prezzijiet bl-imnut tal-kotba elettroniċi fiż-ŻEE jew li jevitaw l-emerġenza ta' prezzijiet orħos fiż-ŻEE tal-kotba elettroniċi bi ksur tal-Artikolu 101 tat-TFUE u tal-Artikolu 53 tal-Ftehim ŻEE.

5.

Hachette, Harper Collins, Holtzbrinck/Macmillan u Simon & Schuster huma minn issa 'l quddiem imsejħa kollettivament bħala l-“Erba' Pubblikaturi” filwaqt li l-Penguin u l-Erba' Pubblikaturi huma minn issa 'l quddiem imsejħa kollettivament bħala l-“Ħames Pubblikaturi”.

6.

Għall-implimentazzjoni tal-istrateġija globali tagħhom fiż-ŻEE (fosthom, iżda mhux biss, fir-Renju Unit, fi Franza u fil-Ġermanja), kull wieħed mill-Ħames Pubblikaturi ffirmaw ftehimiet ta' aġenzija ma' Apple bl-istess termini ewlenin (fosthom il-klawsola tal-prezz bl-imnut tan-nazzjon l-aktar favorit (“NAF”), in-netwerks tal-prezz tal-bejgħ bl-imnut massimu u l-livell tal-kummissjoni tal-aġenti) għall-bejgħ ta' kotba elettroniċi lil konsumaturi li jinsabu fiż-ŻEE. L-istess termini ewlenin fil-ftehimiet tal-aġenzija ma' Apple, inkluż b’mod partikolari tal-klawżola tan-NAF tal-prezz bl-imnut, fisser li, biex jiġi evitat tnaqqis fid-dħul u fil-marġni mill-kotba elettroniċi tagħhom fuq l-iBookstore, kull wieħed mill-Ħames Pubblikaturi kellhom jitfgħu pressjoni fuq bejjiegħa bl-imnut kbar oħrajn ta’ kotba elettroniċi li joffru kotba elettroniċi lil konsumaturi fiż-ŻEE biex jadottaw il-mudell ta’ bejgħ bl-aġenzija.

7.

Fit-12 ta’ Diċembru 2012, il-Kummissjoni adottat, bl-istess proċedimenti, deċiżjoni skont l-Artikolu 9 tar-Regolament (KE) Nru 1/2003 indirizzata lill-Erba' Pubblikaturi u lill-Apple. Id-deċiżjoni għamlet vinkolanti l-impenji offruti mill-Erba' Pubblikaturi u mill-Apple, u għalqet il-proċedimenti safejn kienu kkonċernati. Penguin ma kinitx destinatarja ta’ dik id-deċiżjoni.

8.

Il-valutazzjoni preliminari ma ppruvatx teżamina l-konformità mal-Artikolu 101 TFUE u mal-Artikolu 53 tal-Ftehim ŻEE tal-ftehimiet tal-aġenzija konklużi minn Penguin ma’ Apple u ma’ bejjiegħa bl-imnut oħrajn.

9.

Penguin ma taqbilx mal-valutazzjoni preliminari tal-Kummissjoni. Madankollu offriet impenji skont l-Artikolu 9 tar-Regolament (KE) Nru 1/2003 sabiex tindirizza t-tħassib tal-Kummissjoni dwar il-kompetizzjoni. Dawn l-impenji huma bla ħsara għal-liġijiet nazzjonali li jippermettu jew jobbligaw lil Penguin biex tistabbilixxi l-prezzijiet bl-imnut tal-kotba elettroniċi skont id-diskrezzjoni tagħha (“il-liġijiet RPM”).

10.

L-elementi ewlenin tal-impenji offruti minn Penguin huma kif ġejjin:

11.

Sal-punt li għadhom ma ġewx mitmuma, Penguin se ttemm il-ftehimiet tal-aġenzija rilevanti dwar il-bejgħ ta’ kotba elettroniċi fiż-ŻEE konklużi ma’ Apple.

12.

Barra minn hekk, Penguin se toffri lil kull bejjiegħ bl-imnut, minbarra Apple, l-opportunità li ttemm kwalunkwe ftehimiet tal-aġenzija konklużi għall-bejgħ ta’ kotba elettroniċi li: (i) jirrestrinġu, jillimitaw jew jimpedixxu l-abbiltà tal-bejjiegħ bl-imnut biex jistabbilixxi, ibiddel jew inaqqas il-prezz bl-imnut jew li joffri roħs fil-prezz jew promozzjonijiet; jew (ii) ikollu klawżola tan-NAF tal-prezz kif definit fl-impenji ta' Penguin. Fil-każ li bejjiegħ bl-imnut jiddeċiedi li jieħu l-opportunità li jtemm ftehim bħal dan, Penguin ittemmu skont il-kundizzjonijiet stabbiliti fih.

13.

Għal perjodu ta’ sentejn min-notifika tad-deċiżjoni lil Penguin, Penguin mhijiex se tnaqqas, tillimita jew timpedixxi l-abbiltà tal-bejjiegħa bl-imnut tal-kotba elettroniċi milli jistabbilixxu, ibiddlu jew inaqqsu l-prezzijiet bl-imnut tal-kotba elettroniċi u/jew li joffru roħs fil-prezz jew promozzjonijiet. Madanakollu, fir-rigward tal-ftehimiet tal-aġenzija, il-valur aggregat tar-roħs tal-prezzijiet jew tal-promozzjonijiet offruti minn kwalunkwe bejjiegħ bl-imnut ma għandux jaqbeż l-ammont aggregat bl-istess valur tal-kummissjonijiet totali li Penguin tħallas lil dak il-bejjiegħ bl-imnut fuq perjodu ta' mill-inqas sena b'rabta mal-bejgħ tal-kotba elettroniċi tiegħu lill-konsumaturi.

14.

Barra minn hekk, għal perjodu ta’ ħames snin min-notifika tad-deċiżjoni lil Penguin, Penguin ma tidħol f'ebda ftehim relatat mal-bejgħ tal-kotba elettroniċi fiż-ŻEE li jkollu l-klawżola AFN tal-prezz skont l-impenji ta' Penguin.

15.

Dawn l-impenji jinsabu ppubblikati kollha bl-Ingliż fuq il-websajt tad-Direttorat-Ġenerali għall-Kompetizzjoni, fuq:

http://ec.europa.eu/competition/index_en.html

16.

Il-Kummissjoni biħsiebha tadotta deċiżjoni skont l-Artikolu 9(1) tar-Regolament (KE) Nru 1/2003 li tagħmel vinkolanti fuq Penguin l-impenji deskritti hawn fuq u ppubblikati fuq il-websajt tad-Direttorat Ġenerali għall-Kompetizzjoni. Jekk sussegwentement isiru tibdiliet sostanzjali fl-impenji, il-Kummissjoni, skont l-Artikolu 27(4) tar-Regolament (KE) Nru 1/2003, tniedi test ġdid tas-suq.

17.

Skont l-Artikolu 27(4) tar-Regolament (KE) Nru 1/2003, il-Kummissjoni tistieden lill-partijiet terzi interessati biex iressqu l-kummenti tagħhom dwar l-impenji proposti.

18.

Il-limitu taż-żmien biex jitressqu l-kummenti jiskadi xahar wara d-data tal-pubblikazzjoni ta’ dan l-avviż. Partijiet terzi interessati huma mitluba wkoll biex jippreżentaw verzjoni mhux kunfidenzjali tal-kummenti tagħhom li fiha titħassar l-informazzjoni kollha li huma jqisu bħala sigriet kummerċjali, kif ukoll informazzjoni kunfidenzjali oħra, u għandha titħassar u tiġi ssostitwita skont kif ikun hemm bżonn permezz ta’ taqsira mhux kunfidenzjali jew permezz tal-kliem “sigrieti kummerċjali”, jew “kunfidenzjali”.

19.

It-tweġibiet u l-kummenti għandhom preferibbilment ikunu mmotivati u għandhom ifissru l-fatti rilevanti kollha. Jekk inti tidentifika problema fi kwalunkwe parti tal-Impenji proposti, il-Kummissjoni tistiednek ukoll biex tissuġġerixxi xi soluzzjoni possibbli.

20.

Il-kummenti jistgħu jintbagħtu lill-Kummissjoni taħt in-numru ta' referenza COMP/39.847/E-BOOKS, bl-email (COMP-GREFFE-ANTITRUST@ec.europa.eu), bil-faks (+32 22950128) jew bil-posta f'dan l-indirizz: