27.3.2013   

MT

Il-Ġurnal Uffiċjali tal-Unjoni Ewropea

C 89/1

—

Fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta' amalgamazzjoni, inklużi l-kumpanija, in-numru tal-każ, id-data u l-indiċi settorjali,

—

f’forma elettronika fil-websajt EUR-Lex (http://eur-lex.europa.eu/en/index.htm) fid-dokument li jġib in-numru 32013M6643. Il-EUR-Lex hu l-aċċess fuq l-internet għal-liġi Ewropea.

27.3.2013   

MT

Il-Ġurnal Uffiċjali tal-Unjoni Ewropea

C 89/1

—

Fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta' amalgamazzjoni, inklużi l-kumpanija, in-numru tal-każ, id-data u l-indiċi settorjali,

—

f’forma elettronika fil-websajt EUR-Lex (http://eur-lex.europa.eu/en/index.htm) fid-dokument li jġib in-numru 32013M6829. Il-EUR-Lex hu l-aċċess fuq l-internet għal-liġi Ewropea.

27.3.2013   

MT

Il-Ġurnal Uffiċjali tal-Unjoni Ewropea

C 89/2

27.3.2013   

MT

Il-Ġurnal Uffiċjali tal-Unjoni Ewropea

C 89/3

1.

Il-Kumitat Konsultattiv għandu l-istess tħassib dwar il-kompetizzjoni mqajjem mill-Kummissjoni fl-abbozz tad-deċiżjoni tagħha.

2.

Il-Kumitat Konsultattiv jaqbel mal-Kummissjoni li l-imġiba jista’ jkollha effetti fuq il-kummerċ bejn l-Istati Membri.

3.

Il-Kumitat Konsultattiv jaqbel li l-Proposta ta' Impenn Riveduta mressqa minn Rio Tinto Alcan tindirizza t-tħassib dwar il-kompetizzjoni mqajma mill-Kummissjoni.

4.

Il-Kumitat Konsultattiv jaqbel li l-impenji huma adegwati.

5.

Il-Kumitat Konsultattiv jaqbel mat-tul tal-impenji.

6.

Il-Kumitat Konsultattiv jaqbel li l-impenji għandhom isiru vinkolanti b’mod sħiħ.

7.

Il-Kumitat Konsultattiv jaqbel li fid-dawl tal-impenji u mingħajr preġudizzju għall-Artikolu 9(2) tar-Regolament (KE) Nru 1/2003 m'għadx hemm aktar raġuni għal azzjoni mill-Kummissjoni kontra Rio Tinto Alcan rigward it-tħassib dwar il-kompetizzjoni identifikat fl-abbozz ta' deċiżjoni.

8.

Il-Kumitat Konsultattiv jitlob lill-Kummissjoni tikkunsidra kwalunkwe punti oħrajn li ġew indikati matul id-diskussjoni.

9.

Il-Kumitat Konsultattiv jirrakkomanda l-pubblikazzjoni tal-Opinjoni tiegħu fil-Ġurnal Uffiċjali tal-Unjoni Ewropea.

27.3.2013   

MT

Il-Ġurnal Uffiċjali tal-Unjoni Ewropea

C 89/4

(1)

Dan il-proċediment jikkonċerna rabta kuntrattwali bejn it-teknoloġija tat-tidwib tal-aluminju ma’ tagħmir għall-maniġġ fil-funderiji tal-aluminju.

(2)

Il-każ joriġina minn ilment mibgħut fl-2005 mill-Group Réel, manifattur Franko-Ġermaniż ta’ krejnijiet speċjalizzati għall-impjanti ta’ riduzzjoni tal-aluminju. Wara investigazzjoni, il-Kummissjoni adottat Dikjarazzjoni ta’ Oġġezzjonijiet li minnha dehrilha li Alcan (2) kienet kisret l-Artikolu 82 tat-Trattat (3) u l-Artikolu 54 tal-Ftehim taż-ŻEE mill-1 ta’ Jannar 1990. Saret seduta verbali fl-2008. Sussegwentement il-Kummissjoni investigat aktar u ppreparat Dikjarazzjoni ta’ Oġġezzjonijiet Supplimentari.

(3)

Fil-11 ta’ Lulju 2012, il-Kummissjoni adottat valutazzjoni preliminari, skont l-Artikolu 9(1) tar-Regolament (KE) Nru 1/2003 (4) li jikkonċerna l-ksur allegat tal-produttur internazzjonali tal-aluminju Rio Tinto Alcan (“Alcan”).

(4)

Skont il-valutazzjoni preliminari, il-prattika ta’ Alcan li jorbot b’kuntratt il-liċenzji tat-teknoloġija tat-tidwib tal-aluminju (riduzzjoni) tiegħu max-xiri ta’ ċerti krejnijiet speċjalizzati għall-impjanti ta’ riduzzjoni tal-aluminju, l-hekk imsejħa il-pot tending assemblies (PTAs), fornuti mis-sussidjarja ta’ Alcan, l-ECL, tista’ tirriżulta fi ksur tal-Artikolu 101 u 102 tat-TFUE u l-Artikoli 53 u 54 tal-Ftehim taż-ŻEE. Skont il-valutazzjoni preliminari, Alcan għandha pożizzjoni dominanti fis-suq rilevanti għal-liċenzjar tat-teknoloġija tat-tidwib tal-aluminju. Il-valutazzjoni preliminari esprimiet it-tħassib li l-prattika kuntrattawli ta’ Alcan tista’ tipproduċi effetti negattivi fuq l-innovazzjoni u l-prezzijiet, u twassal għal esklużjoni antikompetittiva fis-suq tal-PTAs rilevanti.

(5)

Sabiex twieġeb għat-tħassib muri mill-Kummissjoni, Alcan offriet l-impenji (5). Fl-10 ta’ Awwissu 2012, il-Kummissjoni ppubblikat notifika f’Il-Ġurnal Uffiċjali tal-Unjoni Ewropea skont l-Artikolu 27(4) tar-Regolament (KE) Nru 1/2003, li jagħti taqsira tal-każ, tal-impenji u tistieden lil partijiet terzi sabiex iressqu l-kummenti dwar il-proposta (6). L-eżami tas-suq indika li l-abbozz ta’ impenji jkun siewi sabiex jindirizza t-tħassib tal-Kummissjoni dwar il-kompetizzjoni, iżda ġew imqajmin diversi kwistjonijiet. F’Novembru tal-2012, Alcan offriet verżjoni riveduta tal-impenji, filwaqt li indirizzat dawn il-kwistjonijiet.

(6)

Fid-deċiżjoni tagħha skont l-Artikolu 9(1) tar-Regolament (KE) Nru 1/2003, il-Kummissjoni tagħmel vinkolanti l-impenji li jidħlu għalihom l-impriżi u tikkonkludi li fid-dawl tal-impenji offruti, ma għadx hemm raġunijiet għall-azzjoni min-naħa tagħha, u għalhekk il-proċedimenti dwar dan il-każ għandhom jintemmu.

(7)

Jien ma rċivejt ebda talba jew ilment mingħand l-ebda parti fil-proċedimenti tal-każ preżenti (7). Fid-dawl ta’ dan, jien nikkunsidra li l-eżerċiżżju effettiv tad-drittijiet proċedurali tal-partijiet kollha f’dan il-każ ġie rispettat.

27.3.2013   

MT

Il-Ġurnal Uffiċjali tal-Unjoni Ewropea

C 89/5

(1)

Id-deċiżjoni skont l-Artikolu 9 tar-Regolament tal-Kunsill (KE) Nru 1/2003 hija indirizzata lil Rio Tinto plc (“Rio Tinto”), Rio Tinto International Holdings Limited, Rio Tinto Alcan Inc, Rio Tinto France SAS, Aluminium Pechiney SAS (“AP”) u Electrification Charpente Levage SASU (“ECL”) (kollettivament, “Rio Tinto Alcan”). Hija tirrendi vinkolanti l-impenji offruti minn Rio Tinto Alcan sabiex jindirizzaw il-problemi relatati mal-kompetizzjoni li jirriżultaw minn investigazzjoni mill-Kummissjoni fis-swieq għat-teknoloġija tat-tidwib tal-aluminju u l-pot tending assemblies.

(2)

Il-Pot tending assemblies (“PTAs”) huma krejnijiet speċjalizzati użati f'impjanti ta’ riduzzjoni tal-aluminju (funderiji), fejn jiġi prodott l-aluminju primarju. L-AP, sussidjarja ta’ Rio Tinto Alcan, kuntrattwalment torbot il-liċenzjar li jwassal għat-teknoloġija tat-tidwib tal-aluminju tagħha max-xiri ta’ tagħmir ta’ pot handling (b’mod partikolari l-PTAs) minn ECL, is-sussidjarja tagħha. Il-Kummissjoni kienet imħassba li b’hekk il-kumpanija tista’ tkun kisret ir-regoli antitrust tal-UE li jipprojbixxu prattiki tan-negozju restrittivi u abbuż ta’ pożizzjoni dominanti fis-suq.

(3)

Fl-20 ta’ Frar 2008 il-Kummissjoni fetħet proċedimenti bil-ħsieb li tieħu deċiżjoni skont il-Kapitolu III tar-Regolament (KE) Nru 1/2003 u ġiet innotifikata Dikjarazzjoni ta’ Oġġezzjonijiet lil Alcan Inc, Alcan France SAS, AP u ECL.

(4)

Wara li għamlet investigazzjoni addizzjonali, il-Kummissjoni adottat, fil-11 ta’ Lulju 2012, Valutazzjoni Preliminari kif imsemmi fl-Artikolu 9(1) tar-Regolament (KE) Nru 1/2003, li stabbilixxiet it-tħassib tal-Kummissjoni dwar il-kompetizzjoni. Dan it-tħassib marbut mal-kompatibbiltà tal-Artikoli 101 u 102 tat-Trattat dwar il-Funzjonament tal-Unjoni Ewropea (“TFUE”) u l-Artikoli 53 u 54 tal-Ftehim taż-ŻEE tar-rabta kuntrattwali tal-liċenzjar tat-teknoloġija tat-tidwib tal-aluminju għall-akkwist tal-PTAs.

(5)

Il-Kummissjoni kkonkludiet fuq bażi preliminari li Rio Tinto Alcan kien dominanti fis-suq tal-prodott marbut (jiġifieri fil-liċenzjar tat-teknoloġija tal-aluminju), li dan tal-aħħar u l-prodott marbut (jiġifieri l-PTAs) kienu prodotti distinti u li l-prattika ta’ Rio Tinto Alcan tista’ twassal għal marġinalizzazzjoni u, potenzjalment, il-ħruġ mis-suq tal-ilmentatur, Réel, li s’issa huwa l-uniku kompetitur kredibbli ta’ Rio Tinto Alcan fis-suq għall-PTAs. Barra minn hekk, il-Kummissjoni kkonkludiet b’mod preliminari li l-għażla tal-klijenti għall-fornituri tal-PTAs kienet diretta u limitata b’mod sinifikanti mir-rabta tal-prattika ta’ Rio Tinto Alcan, b’implikazzjonijiet negattivi dwar l-innovazzjoni u l-potenzjalment, il-prezzijiet tal-PTA u fis-swieq tat-teknoloġiji tat-tidwib. Dan joħloq esklużjoni antikompetittiva fis-suq tal-PTA minn Rio Tinto Alcan bi ksur tal-Artikoli 101 u 102 tat-TFUE u l-Artikoli 53 u 54 tal-Ftehim taż-ŻEE.

(6)

Fit-3 ta’ Awwissu 2012, bħala tweġiba għat-tħassib tal-Kummissjoni espress fil-valutazzjoni preliminari, Rio Tinto Alcan ressqet impenji lill-Kummissjoni. Fl-10 ta’ Awwissu 2012, ġie ppubblikat avviż skont l-Artikolu 27(4) tar-Regolament (KE) Nru 1/2003 f'’Il-Ġurnal Uffiċjali tal-Unjoni Ewropea, li jagħti taqsira tal-kawża u tal-impenji u li jistieden lill-partijiet terzi interessati biex iressqu l-osservazzjonijiet tagħhom dwar l-impenji fi żmien xahar mill-pubblikazzjoni.

(7)

Il-Kummissjoni infurmat lil Rio Tinto Alcan bil-kummenti li waslu mingħand partijiet terzi interessati. Fid-9 ta’ Novembru 2012, Rio Tinto Alcan ressqet proposta dwar l-impenji riveduti li indirizzaw bosta kwistjonijiet imqajma minn partijiet terzi.

(8)

Fit-28 ta’ Novembru 2012, il-Kumitat Konsultattiv dwar Prattiċi Restrittivi u Pożizzjonijiet Dominanti ħareġ opinjoni favorevoli. Fid-29 ta' Novembru 2012, l-Uffiċjal tas-Seduta ħareġ ir-rapport finali tiegħu.

(9)

Fl-20 ta’ Diċembru 2012, il-Kummissjoni rendiet obbligatorji l-impenji riveduti ta’ Rio Tinto Alcan b’deċiżjoni skont l-Artikolu 9 tar-Regolament (KE) Nru 1/2003. Rio Tinto Alcan tieħu l-impenn, għal perjodu ta’ ħames snin, li tneħħi l-klawżoli marbutin mal-Ftehimiet dwar it-Trasferiment tat-Teknoloġija futura tagħha (2) u li tintroduċi proċess oġġettiv u mhux diskriminatorju għall-għażla ta’ fornituri kwalifikati tal-PTAs. Min ikollu l-liċenzja ta’ Rio Tinto Alcan imbagħad se jkun kapaċi jagħżel minn fost fornituri tal-PTAs rakkomandati, li se jiġu provduti minn Rio Tinto Alcan mal-ispeċifikazzjonijiet tekniċi meħtieġa biex jiżguraw li l-PTAs tagħhom jkunu kapaċi joperaw f'funderiji bl-użu tat-teknoloġiji AP. Il-konformità ma’ dawn l-impenji se tiġi kkontrollata minn espert indipendenti.

(10)

Il-Kummissjoni hija tal-fehma li l-impenji huma biżżejjed u meħtieġa sabiex jindirizzaw it-tħassib dwar il-kompetizzjoni identifikata fil-valutazzjoni preliminari mingħajr ma jkunu disproporzjonati.

(11)

Fid-dawl tal-impenji riveduti proposti, il-Kummissjoni tqis li ma għadx hemm raġunijiet għal azzjoni min-naħa tagħha u, bla ħsara għall-Artikolu 9(2) tar-Regolament (KE) Nru 1/2003, il-proċedimenti f'dan il-każ għandhom għalhekk jintemmu. L-impenji għandhom jorbtu sal-20 ta’ Jannar 2018.

27.3.2013   

MT

Il-Ġurnal Uffiċjali tal-Unjoni Ewropea

C 89/7

1.

Ir-rappreżentanti tal-Istati tal-EFTA u l-Awtorità tas-Sorveljanza tal-EFTA għandhom l-istess tħassib dwar il-kompetizzjoni imqajjma mill-Kummissjoni fl-abbozz tad-deċiżjoni.

2.

Ir-rappreżentanti tal-Istati tal-EFTA u l-Awtorità tas-Sorveljanza tal-EFTA jaqblu mal-Kummissjoni li l-imġiba jista' jkollha effetti fuq il-kummerċ bejn l-Istati Membri.

3.

Ir-rappreżentanti tal-Istati tal-EFTA u l-Awtorità tas-Sorveljanza tal-EFTA jaqblu li l-Proposta ta’ Impenn Riveduta mressqa minn Rio Tinto Alcan tindirizza t-tħassib dwar il-kompetizzjoni imqajma mill-Kummissjoni.

4.

Ir-rappreżentanti tal-Istati tal-EFTA u l-Awtorità tas-Sorveljanza tal-EFTA jaqblu li l-impenji huma adegwati.

5.

Ir-rappreżentanti tal-Istati tal-EFTA u l-Awtorità tas-Sorveljanza tal-EFTA jaqblu mat-tul tal-impenji.

6.

Ir-rappreżentanti tal-Istati tal-EFTA l-Awtorità tas-Sorveljanza tal-EFTA jaqblu li l-impenji għandhom isiru vinkolanti b’mod sħiħ.

7.

Ir-rappreżentanti tal-Istati tal-EFTA u l-Awtorità tas-Sorveljanza tal-EFTA jaqblu li fid-dawl tal-impenji u mingħajr preġudizzju għall-Artikolu 9(2) tar-Regolament (KE) Nru 1/2003 m'għadx hemm aktar raġuni għal azzjoni mill-Kummissjoni kontra Rio Tinto Alcan rigward it-tħassib dwar il-kompetizzjoni identifikata fl-abbozz ta' deċiżjoni.

8.

Ir-rappreżentanti tal-Istati tal-EFTA u l-Awtorità tas-Sorveljanza tal-EFTA jitolbu lill-Kummissjoni biex tikkunsidra kwalunkwe punti oħrajn li tqajmu matul id-diskussjoni.

9.

Ir-rappreżentanti tal-Istati tal-EFTA u l-Awtorità tas-Sorveljanza tal-EFTA jirrakkomandaw il-pubblikazzjoni tal-opinjoni tagħhom f’Il-Ġurnal Uffiċjali tal-Unjoni Ewropea.

27.3.2013   

MT

Il-Ġurnal Uffiċjali tal-Unjoni Ewropea

C 89/8

1.

Fid-19 ta’ Marzu 2013, il-Kummissjoni rċeviet notifika ta' konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża Carl Zeiss AG (il-Ġermanja), sussidjarja proprjetà kollha kemm hi ta' Carl-Zeiss-Stiftung, takkwista fit-tifsira tal-Artikolu 3(1)(b) tar-Regolament dwar l-Għaqdiet il-kontroll sħiħ tal-impriża Carl Zeiss Vision Holding GmbH (il-Ġermanja), permezz tax-xiri tal-ishma. Qabel il-konċentrazzjoni proposta, Carl Zeiss AG diġà kellha kontroll konġunt fuq Carl Zeiss Vision flimkien ma' EQT III Fund.

2.

L-attivitajiet kummerċjali tal-impriżi kkonċernati huma:

3.

Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet taħt ir-Regolament tal-KE dwar l-Għaqdiet (2) ta' min jinnota li dan il-każ jista' jiġi kkunsidrat għat-trattament taħt il-proċedura stipulata fl-Avviż.

4.

Il-Kummissjoni tistieden lill-partijiet terzi interessati biex iressqu kwalunkwe kummenti li jistgħu jkollhom dwar it-tranżizzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.6893 – Carl Zeiss/Carl Zeiss Vision, fl-indirizz li ġej:

27.3.2013   

MT

Il-Ġurnal Uffiċjali tal-Unjoni Ewropea

C 89/10

1.

Il-Pożizzjoni Komuni 2002/402/PESK (1) titlob lill-Unjoni biex tiffriża l-fondi u r-riżorsi ekonomiċi tal-membri tal-organizzazzjoni Al-Qaida u ta' individwi, gruppi, impriżi u entitajiet oħrajn assoċjati magħhom, imsemmijin fil-lista magħmula skont l-UNSCR 1267(1999) u 1333(2000) li għandha tiġi aġġornata b'mod regolari mill-Kumitat tan-NU stabbilit skont l-UNSCR 1267(1999).

Il-lista mfassla minn dan il-Kumitat tan-NU tinkludi:

Atti jew attivitajiet li jindikaw li individwu, grupp, impriża, jew entità hija “assoċjata ma’ ” Al-Qaida, jinkludu:

2.

Fid-19 ta' Marzu 2013 il-Kumitat tan-NU ddeċieda li jżid lil Ansar Eddine mal-lista relevanti. Ansar Eddine jista' jressaq talba lill-Ombudsperson tan-NU, flimkien ma' kwalunkwe dokumentazzjoni ġustifikattiva, sabiex terġa' tiġi kkunsidrata d-deċiżjoni li tiġi inkluża fil-lista tan-NU msemmija hawn fuq. Tali talba għandha tintbagħat fl-indirizz li ġej:

Għal aktar tagħrif ara http://www.un.org/sc/committees/1267/delisting.shtml

3.

Barra mid-deċiżjoni tan-NU msemmija fil-paragrafu 2, il-Kummissjoni adottat ir-Regolament (UE) Nru 290/2013 (2), li jemenda l-Anness I tar-Regolament tal-Kunsill (KE) Nru 881/2002 li jimponi ċerti miżuri speċifiċi restrittivi diretti kontra ċerti persuni u entitajiet assoċjati man-netwerk tal-Al-Qaida (3). L-emenda, magħmula skont l-Artikolu 7(1)(a) u 7a(1) tar-Regolment (KE) Nru 881/2002, iżżid lil Ansar Eddine mal-lista fl-Anness I ta' dak ir-Regolament (“Anness I”).

Il-miżuri li ġejjin tar-Regolament (KE) Nru 881/2002 japplikaw għall-persuni u l-entitajiet li jinsabu fl-Anness I:

4.

L-Artikolu 7a tar-Regolament (KE) Nru 881/2002 (5) jipprevedi proċedura ta' reviżjoni fejn jitressqu kummenti dwar ir-raġunijiet għall-inklużjoni fil-lista minn dawk li jkunu elenkati. L-individwi u l-entitajiet miżjudin fl-Anness I permezz tar-Regolament (UE) Nru 290/2013 jistgħu jagħmlu talba lill-Kummissjoni biex isiru jafu r-raġunijiet għall-inklużjoni tagħhom fil-lista. Din it-talba għandha tintbagħat lil:

5.

L-attenzjoni tal-individwi u l-entitajiet ikkonċernati hija wkoll miġbuda għall-possibbiltà li jikkontestaw Regolament (UE) Nru 290/2013 quddiem il-Qorti Ġenerali tal-Unjoni Ewropea, skont il-kundizzjonijiet imsemmija fir-raba' u fis-sitt paragrafi tal-Artikolu 263 tat-Trattat dwar il-Funzjonament tal-Unjoni Ewropea.

6.

Biex ikun hemm ordni tajba, qed tinġibed l-attenzjoni tal-individwi u l-entitajiet inklużi fl-Anness I għall-possibbiltà li jagħmlu applikazzjoni lill-awtoritajiet kompetenti fl-Istat(i) Membru/i rilevanti, kif elenkati fl-Anness II tar-Regolament (KE) Nru 881/2002, sabiex jiksbu awtorizzazzjoni biex jużaw fondi ffriżati u riżorsi ekonomiċi għal bżonnijiet essenzjali jew pagamenti speċifiċi skont l-Artikolu 2a ta' dak ir-Regolament.