5.2.2013   

MT

Il-Ġurnal Uffiċjali tal-Unjoni Ewropea

CE 33/1

—

wara li kkunsidra d-Direttiva 2002/22/KE tal-Parlament Ewropew u tal-Kunsill tas-7 ta' Marzu 2002 dwar servizz universali u d-drittijiet ta' l-utenti li jirrelataw ma’ networks u servizzi ta' komunikazzjonijiet elettroniċi (Direttiva tas-Servizz Universali) (1),

—

wara li kkunsidra r-Regolament (KE) Nru 2006/2004 tal-Parlament Ewropew u tal-Kunsill tas-27 ta' Ottubru 2004 dwar il-kooperazzjoni bejn l-awtoritajiet nazzjonali responsabbli għall-infurzar tal-liġijiet tal-protezzjoni tal-konsumaturi (2),

—

wara li kkunsidra d-Direttiva 2009/136/KE tal-Parlament Ewropew u tal-Kunsill tal-25 ta' Novembru 2009 li temenda d-Direttiva 2002/22/KE dwar servizz universali u d-drittijiet tal-utenti li jirrelataw ma’ networks u servizzi ta' komunikazzjonijiet elettroniċi, id-Direttiva 2002/58/KE dwar l-ipproċessar tad-data personali u l-protezzjoni tal-privatezza fis-settur tal-komunikazzjoni elettronika u r-Regolament (KE) Nru 2006/2004 dwar il-koperazzjoni bejn l-awtoritajiet nazzjonali responsabbli għall-infurzar tal-liġijiet tal-protezzjoni tal-konsumaturi (3),

—

wara li kkunsidra d-Direttiva 2002/21/KE tal-Parlament Ewropew u tal-Kunsill tas-7 ta' Marzu 2002 dwar qafas regolatorju komuni għal networks u servizzi elettroniċi tal-komunikazzjonijiet (Direttiva Qafas) (4),

—

wara li kkunsidra d-Direttiva 2002/19/KE tal-Parlament Ewropew u tal-Kunsill tas-7 ta' Marzu 2002 dwar l-aċċess għal, u l-interkonnessjoni ta', netwerks u servizzi ta' komunikazzjonijiet elettroniċi (Direttiva tal-Aċċess) (5),

—

wara li kkunsidra d-Direttiva 2002/20/KE tal-Parlament Ewropew u tal-Kunsill tas-7 ta' Marzu 2002 dwar l-awtorizzazzjoni ta' networks u servizzi ta' komunikazzjonijiet elettroniċi (Direttiva ta' Awtorizzazzjoni) (6),

—

wara li kkunsidra d-Direttiva 2009/140/KE tal-Parlament Ewropew u tal-Kunsill tal-25 ta' Novembru 2009 li temenda d-Direttivi 2002/21/KE dwar qafas regolatorju komuni għan-netwerks ta' komunikazzjonijiet u servizzi elettroniċi, 2002/19/KE dwar l-aċċess għal, u l-interkonnessjoni ta', networks ta' komunikazzjonijiet u servizzi elettroniċi u faċilitajiet assoċjati u 2002/20/KE dwar l-awtorizzazzjoni ta' netwerks u servizzi ta' komunikazzjonijiet elettroniċi (7),

—

wara li kkunsidra r-Regolament (KE) Nru 1211/2009 tal-Parlament Ewropew u tal-Kunsill tal-25 ta' Novembru 2009 li jistabbilixxi l-Korp ta' Regolaturi Ewropej għall-Komunikazzjonijiet Elettroniċi (BEREC) u l-Uffiċċju (8),

—

wara li kkunsidra d-Direttiva 2002/58/KE tal-Parlament Ewropew u tal-Kunsill tat-12 ta' Lulju 2002 dwar l-ipproċessar ta' data personali u l-ħarsien tal-privatezza fis-settur tal-komunikazzjonijiet elettroniċi (9),

—

wara li kkunsidra l-konsultazzjoni pubblika tat-2 ta' Marzu 2010 mill-Kummissjoni dwar prinċipji universali, futuri ta' servizz fil-qasam ta' networks u servizzi tal-komunikazzjoni elettronika,

—

wara li kkunsidra l-Komunikazzjoni tal-Kummissjoni tat-20 ta' Settembru 2010 bit-titolu ‧Il-Broadband Ewropew: investiment fi tkabbir ekonomiku mmexxi diġitalment‧ (COM(2010)0472),

—

wara li kkunsidra l-Proposta tal-Kummissjoni għal Deċiżjoni tal-Parlament Ewropew u tal-Kunsill li tistabbilixxi l-ewwel programm tal-politika tal-ispettru tar-radju (COM(2010)0471),

—

wara li kkunsidra r-Rakkomandazzjoni tal-Kummissjoni tal-20 ta' Settembru 2010 dwar aċċess regolat għan-Netwerks ta' Aċċess tal-Ġenerazzjoni li Jmiss (NGA),

—

wara li kkunsidra d-Dokument ta' Ħidma tal-Kumitat tal-Komunikazzjoni tal-Kummissjoni dwar ‧Aċċess għall-broadband fl-UE: is-sitwazzjoni fl-1 ta' Lulju 2010‧,

—

wara li kkunsidra l-Komunikazzjoni tal-Kummissjoni tal-25 ta' Awwissu 2010 intitolata ‘Rapport tal-Progress dwar is-Suq Waħdieni Ewropew tal-Komunikazzjonijiet Elettroniċi għall-2009 (il-15-il rapport) SEC(2010)0630’ (COM(2010)0253),

—

wara li kkunsidra r-raba' edizzjoni tat-‘Tabella ta' Valutazzjoni tas-Swieq tal-Konsumatur - biex il-Konsumaturi jkollhom iktar għażla’ ppubblikata f'Ottubru 2010,

—

wara li kkunsidra d-Deċiżjoni tal-Kunsill 91/396/KEE tad-29 ta' Lulju 1991 dwar l-introduzzjoni tan-numru uniku Ewropew għall-emerġenza (10),

—

wara li kkunsidra r-Rakkomandazzjoni tal-Kummissjoni dwar l-ipproċessar tal-informazzjoni dwar minn fejn tkun qed issir sejħa fin-netwerks ta' komunikazzjoni elettronika bil-għan li jkun hawn servizzi tas-sejħiet ta' emerġenza li jkunu mtejba bl-għarfien tal-post minn fejn tkun qed issir is-sejħa,

—

wara li kkunsidra r-Regolament (KE) Nru 717/2007 tal-Parlament Ewropew u tal-Kunsill tas- 27 ta' Ġunju 2007 dwar roaming fuq networks pubbliċi tat-telefonija mobbli fi ħdan il-Komunità u li jemenda d-Direttiva 2002/21/KE (11),

—

wara li kkunsidra l-Konvenzjoni tan-Nazzjonijiet Uniti dwar id-Drittijiet tal-Persuni b’Diżabilità ("il-Konvenzjoni"), adottata nhar it-23 ta' Diċembru 2010,

—

wara li kkunsidra l-Karta tad-Drittijiet Fundamentali tal-Unjoni Ewropea u speċjalment l-Artikoli 2 (Id-Dritt għall-ħajja), 3 (Id-Dritt għall-integrità tal-persuna), 6 (Id-Dritt għal-libertà u s-sigurtà), 26 (L-Integrazzjoni tal-persuni b'diżabbiltajiet) u 35 (Il-Kura tas-saħħa)

—

wara li kkunsidra l-istħarriġ intitolat ‧In-Numru Ewropew ta‧ Emerġenza 112’ (Flash Eurobarometer 314),

—

wara li kkunsidra d-Dokument ta' Ħidma tal-Kumitat tal-Komunikazzjonijiet tal-Kummissjoni dwar l-‘Implimentazzjoni tan-numru Ewropew tal-emerġenza 112 - Riżultati tar-raba' sensiela ta' ġbir ta' data’ (10 ta' Frar 2011),

—

wara li kkunsidra d-Dikjarazzjoni tiegħu tal-25 ta' Settembru 2007 dwar in-Numru Ewropew ta' Emerġenza 112 (12),

—

wara li kkunsidra l-Artikolu 48 tar-Regoli ta' Proċedura tiegħu,

—

wara li kkunsidra r-rapport tal-Kumitat għas-Suq Intern u Protezzjoni tal-Konsumatur u l-opinjoni tal-Kumitat għall-Ambjent, is-Saħħa Pubblika u s-Sikurezza tal-Ikel (A7-0220/2011),

A.

billi d-Direttiva dwar is-Servizz Universali (DSU) tipprevjeni l-esklużjoni soċjali billi tiżgura li ċ-ċittadini f'żoni rurali u remoti jew il-familji bi dħul baxx ikollhom aċċess għal servizzi bażiċi u servizzi essenzjali tat-telekomunikazzjonijiet,

B.

billi għandha tingħata attenzjoni partikolari biex jiġi żgurat li l-gruppi vulnerabbli ma jitħallewx lura u għandhom dejjem jiġu implimentati miżuri effettivi speċjali biex jiġu ggarantiti l-inklużjoni soċjali tagħhom u l-aċċess tagħhom għal servizzi fuq l-istess livell bħaċ-ċittadini l-oħra kollha,

C.

billi t-teknoloġija li qiegħda tevolvi, speċjalment it-telefonija mobbli bi prezzijiet għall-but ta' kulħadd tikkontribwixxi biex tipprovdi aċċess għas-servizzi bażiċi tat-telekomunikazzjonijiet lill-maġġoranza taċ-ċittadini,

D.

billi s-servizz universali huwa definit bħala ‘s-sett minimu ta' servizzi ta' kwalità speċifikata li għaliha l-utenti kollha għandhom aċċess bi prezz li jista' jintlaħaq fid-dawl tal-kondizzjonijiet speċifiċi nazzjonali, mingħajr distorsjoni fil-kompetizzjoni’,

E.

billi s-servizz universali għandu jipprovdi aċċess għas-servizzi li huma essenzali għaċ-ċittadini għall-parteċipazzjoni tagħhom fis-soċjetà, f'każ li l-forzi tas-suq waħedhom mhumiex kapaċi jagħmlu dan,

F.

billi l-kopertura bażika tal-broadband għall-100 % taċ-ċittadini tal-UE sal-2013 hija waħda mill-miri tal-prestazzjoni ewlenin tal-Aġenda Diġitali; billi madankollu, fejn konnessjonijiet broadband huma diġà disponibbli, l-użu medju huwa ta' madwar 50% tad-djar,

G.

billi għadu mhuwiex possibbli li tiġi vvalutata l-implimentazzjoni tad-Direttiva reveduta dwar is-Servizzi Universali u d-Drittijiet tal-Utenti, minħabba li l-iskadenza tat-traspożizzjoni hija l-25 ta' Mejju 2011 u l-perijodu ta' tliet snin li huwa meħtieġ qabel ma tkun evalwata l-implimentazzjoni korretta u komprensiva tad-dispożizzjonijiet kollha fid-Direttiva jkun għadu kif beda,

H.

billi minkejja li l-leġiżlazzjoni attwali tagħti riżultati pożittivi għaċ-ċittadini, din mhijiex għan fiha nnifisha u huwa wkoll neċessarju li jiġu massimizzati l-benefiċċji li jiġu minn miżuri ġodda permezz ta' monitoraġġ kontinwu mill-Istati Membri, u sforzi biex itejbu l-kwalità, il-kompletezza u l-viżibbiltà tal-informazzjoni,

I.

billi s-Suq Uniku qatt ma jista' jkun ikkunsidrat verament bħala komplut u għandu kontinwament jiġi assessjat mill-ġdid skont il-garanziji ta' protezzjoni soċjali, il-bżonnijiet soċjali, il-progress teknoloġiku u t-tfaċċar ta' soluzzjonijiet innovattivi; filwaqt li barra minn hekk, miżuri biex jiġu promossi t-tkabbir u l-impjiegi huma essenzjali sabiex jiġi żgurat li s-Suq Uniku u s-Suq Diġitali Uniku għandhom jiġu abilitati u realizzati mingħajr dewmien, għall-ġid taċ-ċittadini Ewropej, il-konsumaturi u n-negozji,

J.

billi l-istinkar għall-progress jikkostitwixxi l-forza motriċi u huwa vettura ta' kunsinna għall-viżjoni u l-objettivi stabbiliti mil-leġiżlaturi Ewropej; billi l-proposti għal leġiżlazzjoni ġdida jew li temenda għandhom jieħdu inkunsiderazzjoni l-esperjenzi reali u l-kapaċitajiet implimentattivi; billi l-adattamenti leġiżlattivi għandhom jibbenefikaw minn appoġġ politiku ċar li hu sostenut ukoll minn valutazzjoni oġġettiva tal-ispejjeż meta mqabbla mal-benefiċċji u valutazzjoni soċjoekonomika bħala l-fattur deċiżiv;

K.

billi n-numru tal-emerġenza Ewropew 112, maħluq fl-1991 b’deċiżjoni tal-Kunsill biex iċ-ċittadini jkunu jista' jkollhom aċċessgħas-servizzi ta' emerġenza kollha (servizzi tat-tifi tan-nar, servizzi tal-pulizija u servizzi mediċi), huwa l-uniku numru li hemm aċċess għalih fl-Istati Membri kollha tal-Unjoni Ewropea, u filwaqt li maġġoranza kbira ta' Ewropej għadhom ma jafux bih, mingħajr ma ġie osservat l-ebda progress mill-2000,

L.

billi d-Dikjarazzjoni bil-Miktub tal-11 ta' Marzu 2008 dwar twissija kmieni għaċ-ċittadini waqt emerġenzi kbar (13) ġiet iffirmata minn 432 MEPs,

M.

billi għad hemm il-ħtieġa li jsiru sforzi biex tiġi vvalutata u żgurata l-kwalità tas-servizz meta persuna ċċempel 112, kemm rigward il-prestazzjoni tas-servizzi tat-telekomunikazzjonijiet u tas-servizzi ta' emerġenza u kemm rigward l-aspetti ta' koordinamentli jiddependu minn fatturi multipli, u billi għadha ma saritx valutazzjoni komprensiva u dettaljata tal-istat reali tal-implimentazzjoni tas-servizz 112 fl-UE kif esperjenzata miċ-ċittadini, partikolarment li tevalwa l-aċċessibilità, l-interoperabilità u l-ħinijiet għal intervent,

N.

billi diversi diżastri ta' dan l-aħħar urew li t-twissija bikrija u l-allert taċ-ċittadini f'każ ta' emerġenzi u diżastri maġġuri imminenti jew li qed jiżviluppaw huma meħtieġa jekk għandhom jitnaqqsu t-tbatija u t-telf ta' ħajjiet;

1.

Jissottolinja l-importanza tal-Obbligi tas-Servizz Universali (OSU) bħala sistema ta' sigurtà għall-inklużjoni soċjali fejn il-forzi tas-suq waħidhom naqsu milli jipprovdu servizzi bażiċi liċ-ċittadini u n-negozji;

2.

Jappoġġa r-rievalwazzjoni regolari, bħala parti mid-Direttiva dwar is-Servizzi Universali u d-Drittijiet tal-Utenti, dwar kemm id-dispożizzjonijiet leġiżlattivi attwali tal-UE huma adattati għas-servizz universali fid-dawl tal-iżviluppi soċjali, ekonomiċi u teknoloġiċi sabiex jiġu identifikati u introdotti definizzjonijiet adegwati li jirriflettu l-bżonnijiet reali u t-talbiet taċ-ċittadini li qed jevolvu u li jtejbu l-kwalità tas-servizzi;

3.

Jitlob lill-Kummissjoni tipprovdi linji gwida dwar l-aħjar mof kif tiġi implimentata u infurzata d-DSU reveduta, filwaqt li tevita distorsjonijiet tas-suq u fl-istess ħin tippermetti lill-Istati Membri jadottaw id-dispożizzjonijiet li huma l-aktar adattati għaċ-ċirkustanzi nazzjonali tagħhom;

4.

Jappoġġa l-objettivi tal-Aġenda Diġitali ‧Broadband għal kulħadd‧ u huwa konvint li l-aċċess universali għall-broadband jgħin liċ-ċittadini u n-negozji jieħdu l-benefiċċji massimi tas-Suq Diġitali Uniku, partikolarment billi jtejbu l-inklużjoni soċjali, joħolqu opportunitajiet ġodda għal negozji innovattivi mill-aspett soċjali u minn dak ambjentali biex tingħata spinta lill-impjiegi, it-tkabbir u iktar opportunitajiet għall-kummerċ transkonfinali; jappoġġa, għal dan il-għan, il-promozzjoni tal-kompetenza diġitali;

5.

Jistieden lill-Kummissjoni tagħti aktar appoġġ finanzjarju lill-proġetti lokali li jipprovdu aċċess diġitali u lill-komunitajiet kollha li jgħinu lill-gruppi żvantaġġati jkollhom aċċess għal apparat teknoloġiku billi jipprovdu konnessjonijiet f’binjiet pubbliċi li joffru aċċess għall-Internet mingħajr ħlas;

6.

Jissottolinja li kombinazzjoni ta' politiki u teknoloġiji (bħalma huma n-netwerks li jużaw wajers, kejbil, fibra, netwerks mobbli, u satellitari) tista' tħeġġeġ l-iżvilupp ta' servizzi u applikazzjonijiet onlajn ġodda minn negozji u korpi pubbliċi bħalma huma s-servizzi elettroniċi tal-governanza, is-saħħa u l-edukazzjoni, filwaqt li żżid id-domanda għal konnessjonijiet tal-Internet iktar mgħaġġla, filwaqt li tagħmel l-investimenti iktar profittabbli, biex tinkoraġġixxi sħubijiet pubbliċi-privati u tiżviluppa s-suq uniku diġitali filwaqt li ttejjeb l-inklużjoni ta' ċittadini marġinalizzati;

7.

Jenfasizza l-importanza tar-regoli tal-UE dwar l-akkwist pubbliku u jqis li hu tal-akbar importanza li, fil-kuntest tar-rieżami wiesa’ ta’ dawn ir-regoli, kemm l-awtoritajiet lokali u kemm l-awtoritajiet reġjonali jibbenefikaw minn miżuri maħsuba biex jinkoraġġixxu l-parteċipazzjoni tagħhom fl-investimenti tat-teknoloġija tal-komunikazzjoni, u fl-akkwist prekummerċjali (bħala għodda biex il-benefiċċji tar-riċerka jinġiebu fis-suq) u li l-akkwist elettroniku jiġi introdott u jinfirex ħafna;

8.

Jitlob traspożizzjoni effikaċi tal-qafas tat-telekomunikazzjoni, b'mod partikolari d-dispożizzjonijiet tiegħu dwar in-newtralità tal-Internet, b’tali mod li l-utenti aħħarin ikunu jistgħu jkollhom aċċess għas-servizzi u l-kontenut, u jħaddmu l-applikazzjonijiet tal-għażla tagħhom fuq l-Internet;

9.

Jenfasizza li s-servizz universali mhuwiex l-uniku mutur u lanqas ma huwa l-mutur prinċipali biex jintlaħaq l-objettiv ta' ‧broadband għal kulħadd‧, minħabba l-ispejjeż għolja tal-investiment li huma meħtieġa, mingħajr ma jkun neċessarjament kapaċi jipprovdi servizzi sinifikament imtejba lill-konsumaturi; jinnota, iżda, li l-Artikolu 15 tad-DSU jiddikjara li għandu jkun hemm rieżami perjodiku tal-ambitu tas-servizz universali u jenfasizza li dan ir-rieżami għandu jieħu inkunsiderazzjoni l-evalwazzjoni tal-implimentazzjoni tad-dispożizzjonijiet tad-Direttiva u r-riżultati tal-istima tal-impatt li qed issir bħalissa, partikolarment rigward sa kemm ġew implimentati innetwerks bil-broadband u l-adozzjoni reali fid-djar;

10.

Jikkunsidra li l-impożizzjoni ta' obbligu fuq id-disponibilità tal-broadband mhix se tirriżulta awtomatikament f’adozzjoni akbar; jistieden għalhekk lill-Kummissjoni u lill-Istati Membri jsaħħu l-miżuri biex jagħtu spinta lid-domanda u jistimulaw l-adozzjoni, aktar milli sempliċement jiżguraw li jkun hemm konnessjoni; barra minn hekk iqis li l-obbligi tas-servizz universali jistgħu eventwalment, possibilment bħala mira fuq żmien medju, isiru inċentiv addizzjonali għall-iżvilupp tal-broadband, imma li programmi nazzjonali ddisinjati kif għandu jkun għandhom jilħqu l-objettivi tal-broadband universali;

11.

Iqis li politika effiċjenti tal-ispettru tar-radju, li tagħmel possibbli l-użu armonizzat tad-‘dividend diġitali’, u regolamentazzjoni li tippromwovi l-investiment huma wkoll strumenti importanti biex tiżdied il-kopertura tal-broadband;

12.

Jistieden lill-Kummissjoni tlesti l-valutazzjoni tal-impatt li qed isir bħalissa u tipprovdi lil-leġiżlaturi b'data soda dwar l-adozzjoni eżistenti, id-domanda mistennija u t-titjib tal-OSU permezz tal-broadband, u finalment, analiżi tal-mekkaniżmu tal-finanzjament l-iktar effettiv għall-Istati Membri, il-konsumaturi u l-impriżi, għat-tnedija tal-OSU filwaqt li jiġu evitati spejjeż ineffiċjenti u piżijiet eċċessivi;

13.

Jistieden lill-Kummissjoni, b'mod parallel u f'kollaborazzjoni mal-Awtoritajiet Regolatorji Nazzjonali (ARN), timmonitorja s-swieq b'attenzjoni biex tiżgura li dawk l-Istati Membri li diġà jistgħu jew li jixtiequ jipprovdu OSU matul il-firxa kollha tat-teknoloġiji u l-veloċitajiet broadband, ikunu jistgħu jagħmlu dan f'każ ta' falliment tas-suq mingħajr ma jikkawżaw distorsjonijiet fis-suq;

14.

Jilqa' d-deċiżjoni tal-Kummissjoni li tagħmel studju dettaljat dwar il-provvista tas-servizz tal-Internet wara l-pubblikazzjoni tar-Raba' Tabella tal-Valutazzjoni tas-Swieq tal-Konsumatur;

15.

Jistieden lill-Kummissjoni u lill-Istati Membri, bil-kontribut tal-ARN jeżaminaw l-għażliet għal applikazzjoni uniformi tal-OSU u dispożizzjonijiet dwar id-drittijiet tal-utenti li jistgħu jiżguraw aċċessibilità għal gruppi vulnerabbli, u speċjalment għal persuni b'diżabilità, mhux biss permezz tal-introduzzjoni ta' tagħmir terminali speċjali u tariffi għall-but ta' kulħadd, iżda wkoll permezz tal-provvista ta' informazzjoni adegwata u għażla reali tal-konsumaturi tas-servizzi disponibbli u s-servizzi ta' wara l-bejgħ;

16.

Iqis madankollu li d-dispożizzjoni bażika għall-finanzjament tas-servizz universali, filwaqt li jiġi żgurat li tiġi ttrattata b’manjiera nondiskriminatorja u trasparenti, għandha tibqa’ fil-leġiżlazzjoni tal-UE u għandha tiġi estiża biex tkopri l-obbligi għas-servizzi tad-data kif ukoll tal-leħen;

17.

Jenfasizza li n-numru tal-emerġenza Ewropew 112 jista' jkun numru li jsalva l-ħajjiet u jżid il-protezzjoni taċ-ċittadini tal-UE, billi jservi bħala sistema maġġuri ta' appoġġ għaċ-ċittadini u l-konsumaturi li jgħixu fi ħdan is-Suq Uniku; jenfasizza kemm hu importanti li jiġi żgurat li n-numru 112 jopera mingħajr xkiel fl-Unjoni kollha; iqis li l-Kummissjoni għandha tiżgura li kull taqsima tas-soċjetà jkollha aċċess għal dan is-servizz, inklużi l-persuni b’diżabilità (problemi biex jisimgħu, biex jitkellmu, eċċ.) u gruppi vulnerabbli oħra;

18.

Jiddispjaċih iżda li n-numru tal-emerġenza Ewropew 112 għadu l-bogħod milli jilħaq il-potenzjal sħiħ tiegħu; jikkunsidra għaldaqstant li għad iridu jsiru passi bażiċi rigward l-għarfien tiegħu miċ-ċittadini, flimkien ma’ kwistjonijiet oħra li jirrigwardaw it-teknoloġija u l-koordinament aħjar;

19.

Jindika li, skont l-istħarriġ ta' Eurobarometer, ippubblikat fi Frar 2011,26% biss taċ-ċittadini tal-UE jistgħu jidentifikaw b'mod spontanju lill-112 bħala n-numru li jċemplu għas-servizzi ta' emerġenza fl-UE u li 58% taċ-ċittadini Ewropej għadhom ma jaqblux mad-dikjarazzjoni li n-nies f'pajjiżhom huma informati b'mod xieraq dwar l-eżistenza tan-numru ta' emerġenza 112 (14);

20.

Iħeġġeġ lill-Kummissjoni Ewropea u lill-Istati Membri jintensifikaw l-isforzi tagħhom biex iżidu l-għarfien pubbliku dwar l-eżistenza u l-użu tan-numru 112, jiġifieri permezz tal-iżvilupp ta' strateġija b’miri speċifiċi u b’effett mifrux ħafna li tindirizza l-preokkupazzjonijiet u l-mistoqsijiet li għandhom iċ-ċittadini fir-rigward ta' kif taħdem is-sistema;

21.

Jistieden lill-Kummissjoni u lill-Istati Membri jkomplu jintensifikaw il-ħidma ta' informazzjoni tagħhom, sabiex in-numru ta' emerġenza 112 jasal għand iċ-ċittadini u l-vjaġġaturi Ewropej kollha permezz tal-midja, partikolarment il-midja stampata u awdjoviżiva, permezz ta' kampanji informattivi bħala n-numru ta' emerġenza ‘għall-UE kollha kemm hi’, u jorganizzaw u jappoġġaw attivitajiet promozzjonali biex iżidu l-għarfien publiku u l-attivitajiet li jsiru kull sena fil-11 ta' Frar, li ġie stabbilit bħala ‘Il-Jum Ewropew tal-112’; jinnota li għandha tingħata attenzjoni speċjali lill-informazzjoni prattika bħall-fatt li jiġi enfasizzat li n-numru 112 huwa n-numru ta' emerġenza Ewropew, u li wieħed jista' jċempel dan in-numru mit-telefowns fissi u mill-mowbajls bla ħlas, ikun fejn ikun fl-UE;

22.

Jinnota li hemm disparitajiet konsiderevoli bejn l-Istati Membri fir-rigward tal-għarfien dwar in-numru ta' emerġenza Ewropew 112, u jistieden lill-Istati Membri jaqsmu l-esperjenzi tagħhom u jiskambjaw l-aħjar prattiki sabiex, sal-2020, tal-anqas 80% taċ-ċittadini tal-UE jkunu jistgħu jidentifikaw b'mod spontanju lin-numru ta' emerġenza 112 bħala n-numru li għandu jintuża biex jċemplu s-servizzi ta' emerġenza jkunu fejn ikunu fl-Unjoni Ewropea;

23.

Jistieden lill-Istati Membri jagħmlu użu mill-aħjar punti għat-tixrid tat-tagħrif dwar in-numru tal-emerġenza 112 li permezz tagħhom għadd kbir ta' djar jistgħu jiġu infurmati faċilment, b’mod partikolari l-kliniċi tat-tobba u l-ispiżeriji, l-isptarijiet u l-kliniċi, l-istabbilimenti edukattivi bħall-iskejjel u l-universitajiet, u l-ajruporti, il-portijiet u l-istazzjonijiet tal-ferrovija, peress li n-numru 112 huwa partikolarment utli għall-vjaġġaturi, kif ukoll il-portali tat-tagħrif tas-servizzi tal-emerġenza nazzjonali;

24.

Jistieden lill-Kummissjoni u lill-Istati Membri jippromwovu wkoll in-numru 112 bħala n-numru ta' emerġenza fl-Ewropa kollha onlajn u fuq ir-radju, tnejn miż-żewġ mezzi l-aktar popolari maż-żgħażagħ u l-persuni li jivvjaġġaw spiss; jenfasizza l-fatt li 16% biss tal-persuni li jafu bin-numru 112 semgħu bih mir-radju u 11% semgħu bih mill-Internet;

25.

Jistieden lill-Istati Membri jiżguraw li n-numru 112 jintwera b'mod prominenti fuq il-vetturi ta' emerġenza kollha fosthom il-karrozzi tal-pulizija, l-ambulanzi, il-vetturi tat-tifi tan-nar u l-vetturi li jagħmlu parti minn servizzi oħra;

26.

Jinnota madankollu li l-Istati Membri għandhom numri tal-emerġenza eżistenti u li ilhom jintużaw żmien twil u jenfasizza li, fejn huma bi ħsiebhom iżommu dawn in-numri nazzjonali tagħhom, huwa importanti li ma jiġix kompromess l-għarfien jew tiġi kkawżata konfużjoni dwar liema numru wieħed għandu jċempel;

27.

Jiddispjaċih li l-Istati Membri għadhom mhumiex jiżguraw li jiġi pprovdut tagħrif ta' lokalizzazzjoni f'waqtu, eżatt u affidabbli lis-servizzi tal-112; jitlob lill-Kummissjoni, f’kooperazzjoni mill-qrib mal-Istati Membri, ittejjeb b’mod sinifikanti u mill-aktar fis possibli l-eżattezza u l-affidabilità tal-informazzjoni dwar minn fejn persuna tkun qed iċċempel skont ir-regoli ġodda tat-telekomunikazzjonijiet tal-UE u taġġorna t-teknoloġija bl-għan finali tal-lokalizzazzjoni awtomatika mandatorja għat–telefonati kollha lill-112, inklużi dawk minn klijenti roaming, fi żmien ftit sekondi bil-għan li min jibgħat l-għajnuna u lil gruppi tal-ewwel intervent jingħata din l-informazzjoni kruċjali, biex b'hekk tirriżulta imprezzabbli għaċ-ċittadini; jistieden lill-Kummissjoni tipprevedi l-possibilità li tieħu azzjoni kontra Stati Membri li ma jissodisfawx l-obbligi tagħhom f'dan ir-rigward;

28.

Jitlob lill-Istati Membri u lill-Kummissjoni jintroduċu miżuri li jtejbu l-aċċess għall-finanzjament bħala appoġġ għall-proġetti ta' riċerka sabiex jiġi żgurat l-iżvilupp tal-aħjar teknoloġiji possibli biex jidentifikaw minn fejn tkun qed issir telefonata, inkluż permezz tal-VoIP, u f’dan is-sens jappoġġa l-iżvilupp ta' standards u regolamenti tal-ġenerazzjoni li jmiss jitlob biex il-fondi tal-ICT-PSP (Programm ta' Appoġġ għall-Politika tat-Teknoloġija tal-Informazzjoni u l-Komunikazzjoni) indikati fil-Baġits tal-UE tal-2009, 2010 u 2011 bil-għan li jiġu appoġġati l-ittestjar u l-implimentazzjoni ta' servizzi innovattivi (ibbażati fuq il-VoIP u l-aċċess tal-IP għall-112) li jistgħu jitniedu permezz ta' applikazzjonijiet indipendenti min-netwerks b'antiċipazzjoni tal-istabbiliment ta' sistema tal-Ġenerazzjoni li Jmiss għall-112 fl-UE. jistieden lill-Kummissjoni teżamina wkoll l-implimentazzjoni tal-applikazzjonijiet tal-Ġenerazzjoni li Jmiss għall-112 bħalma huma l-messaġġi testwali, il-vidjo u n-netwerks soċjali u kif tali applikazzjonijiet, li bħalissa huma disponibbli għaċ-ċittadini, jistgħu jiġu implimentati fil-komunikazzjonijiet ta' emerġenza biex jittejjeb l-aċċess għall-112 kif ukoll biex isaħħu r-reazzjoni għall-emerġenzi mibdija miċ-ċittadini;

29.

Jemmen li permezz ta' regolamentazzjoni, is-servizz "eCall" għandu jiġi implimentat bħala servizz mandatorju;

30.

Jenfasizza l-importanza ta' koordinament aħjar bejn il-korpi tal-emerġenza kemm fil-livell nazzjonali, kif ukoll f’dak transkonfinali/tal-Unjoni Ewropea biex jinkiseb l-ogħla livell ta' effikaċità u, għal dan il-għan, jistieden lill-Kummissjoni tappoġġa lill-amministrazzjonijiet tal-Istati Membri u tikkoordina magħhom biex tesplora modi kif tista' tittejjeb l-interoperabilità bejn is-sistemi tagħhom;

31.

Jistieden lill-Kummissjoni tistabilixxi mill-aktar fis possibli, f’kooperazzjoni mill-qrib mal-Istati Membri, rekwiżiti ta' affidabilità u ta' kwalità għall-katina tas-servizzi kollha tal-112, u tistabbilixxi indikaturi tal-prestazzjoni u linji gwida relatati mal-kwalità tas-servizz 112 kif inhu esperjenzat miċ-ċittadini, filwaqt li titqies il-ħtieġa ta' aċċessibilità, għall-interoperabilità bejn is-servizzi ta' emerġenza, għall-multilingwiżmu u għall-interventi f’waqthom u kwalitattivi mis-servizzi ta' emerġenza;

32.

Jirrakomanda, bil-ħsieb li tittejjeb l-effiċjenza tas-servizz tal-emerġenza 112 fl-UE, l-istabbiliment ta' programm ta' azzjoni biex jappoġġa l-qsim tal-esperjenzi u l-iskambju tal-aħjar prattiki bejn l-Aġenziji Regolatorji Nazzjonali, is-servizzi ta' emerġenza u l-organizzazzjonijiet tas-soċjetà ċivili tal-Istati Membri, filwaqt li dan l-iskambju jiġi estiż għall-organizzazzjonijiet li hemm fil-pajjiżi kandidati u fil-pajjiżi ġirien tal-UE, jissuġġerixxi li, għal dan il-għan, jista' jiġi stabbilit network ta' esperti; jirrakkomanda b’mod speċifiku l-iskambju tal-aħjar prattiki bejn l-Istati Membri fir-rigward tal-immaniġġjar tat-telefonati lill-112, partikolarment dwar it-taħriġ tal-operaturi, l-użu ta' operatur uniku biex jimmaniġġa telefonata u l-użu ta' servizzi onlajn u ta' interpretazzjoni li jkunu jistgħu jgħinu lil dawk li ma jitkellmux il-lingwa tal-pajjiż fejn ikunu qed jużaw is-servizzi tal-emerġenza;

33.

Jistieden lill-Istati Membri jieħdu l-miżuri li hemm bżonn sabiex jitnaqqas in-numru ta' tentattivi ta' telefonati ta' emerġenza li ma jirnexxux, jitnaqqas il-ħin biex wieħed jaqbad u jingħata rispons u jitnaqqas in-numru ta' telefonati biċ-ċajt u foloz; jistieden lill-Istati Membri jiskambjaw l-aħjar prattiki rigward l-imblukkar ta' telefonati minn mowbajls bla SIM;

34.

Jenfasizza l-ħtieġa li tiġi ggarantita l-aċċessibilità tan-numru 112 għall-persuni b'diversi tipi ta' diżabbiltà u gruppi vulnerabbli, u jħeġġeġ biex l-aċċessibilità għall-112 tiġi standardizzata għal dawn il-gruppi partikolari, possibilment permezz tal-forniment ta' apparati terminali għall-utenti bi problemi biex jisimgħu jew jaraw, servizzi ta' trażmissjoni testwali jew ta' lingwa tas-sinjali, jew tagħmir speċifiku ieħor; jistieden ukoll lill-Kummissjoni u lill-Istati Membri jżidu l-isforzi tagħhom biex iżidu l-għarfien tan-numru 112 fost dawn in-nies permezz tal-użu ta' mezzi tal-komunikazzjoni li jkunu speċjalment adattati għall-ħtiġijiet tagħhom;

35.

Jitlob lill-Kummissjoni tagħmel studju dwar il-prestazzjonijiet tas-servizzi tan-numru ta' emerġenza 112 s'issa u dwar il-kooperazzjoni bejn il-korpi relevanti bl-għan li ttejjeb is-servizz, u dwar il-miżuri individwali li ttieħdu s’issa mill-Istati Membri; barra minn hekk jistieden lill-Kummissjoni tqis il-possibilità li s-servizz tal-112 jiġi estiż mit-telefonati vokali għall-SMS ħalli meta dak li jkun jibgħat messaġġ testwali ‘112’ dan il-messaġġ mill-ewwel iqanqal reazzjoni ta' emerġenza;

36.

Jistieden lill-Kummissjoni tevalwa, permezz ta' korpi indipendenti u sa mhux aktar tard minn tmiem is-sena 2012, l-istat reali tal-implimentazzjoni tan-numru 112 fl-UE kollha kif hi esperjenzata miċ-ċittadini, filwaqt li tivvaluta b’mod partikolari l-aċċessibilità, l-interoperabilità u l-ħinijiet għal intervent. F'dan ir-rigward, il-Kummissjoni mistiedna wkoll tipprovdi sa l-istess data, ħarsa ġenerali tal-ħinijiet ta' intervent vinkolanti legalment u implimentati fil-prattika fl-UE, kif ukoll testendi l-istudju tal-impatt imħejji fil-qafas tal-eCall għall-konsegwenzi umani u finanzjarji tal-funzjonament tan-numru 112;

37.

Jistieden lill-Istati Membri u lill-Kummissjoni, minħabba li t-teknoloġija diġà teżisti, jippromwovu l-istabbiliment ta' ‘sistema tal-112 bil-maqlub’, jiġifieri sistema interkonnessa li tkun mifruxa mal-UE kollha, universali, multilingwi, aċċessibbli, semplifikata u effiċjenti biex twissi u tallerta liċ-ċittadini fil-każ ta' emerġenzi u diżastri maġġuri naturali u/jew ikkawżati mill-bniedem, imminenti jew li jkunu qed jiżviluppaw, ta' kwalunkwe tip; iqis li tali sistema għandha tiġi implimentata mingħajr ma xxekkel il-privatezza u f'kombinazzjoni ma’ kampanji xierqa ta' tagħrif u taħriġ għaċ-ċittadini;

38.

Jistieden lill-Kummissjoni teżamina l-fattibilità ta' servizz simili tan-numru 116 bħas-servizz tan-numru 112 għaċ-ċittadini li jkollhom problemi emottivi, li jbatu bid-depressjoni jew bi problemi oħra ta' saħħa mentali;

39.

Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill u lill-Kummissjoni, u lill-gvernijiet u lill-parlamenti tal-Istati Membri.

5.2.2013   

MT

Il-Ġurnal Uffiċjali tal-Unjoni Ewropea

CE 33/9

—

wara li kkunsidra r-rapport tal-Kumissjoni tal-5 ta’ Lulju 2010 intitolat “Eżerċizzju ta’ sorveljanza tas-suq tal-konsumaturi u d-distribuzzjoni – Lejn suq intern tal-konsumaturi u d-distribuzzjoni iktar effikaċi u ġust sal-2020” (COM(2010)0355), u d-dokument ta’ ħidma tal-persunal tal-Kummissjoni dwar is-Servizzi fis-Suq Intern (SEC(2010)0807),

—

wara li kkunsidra r-reazzjonijiet għall-konsultazzjoni pubblika tal-Kummissjoni dwar ir-rapport ta’ monitoraġġ tas-suq tal-konsumaturi (li sar mill-5 ta’ Lulju sal-10 ta’ Settembru 2010),

—

wara li kkunsidra r-Roundtable dwar suq tal-konsumaturi aktar effiċjenti u ġust għall-kumpanniji u għall-konsumaturi mwaqqaf mill-Kumitat tiegħu għas-Suq Intern u l-Ħarsien tal-Konsumatur fil-25 ta’ Jannar 2011,

—

wara li kkunsidra l-opinjoni tal-Kumitat Ekonomiku u Soċjali Ewropew tal-20 ta’ Jannar 2011 dwar l-“Eżerċizzju ta’ sorveljanza tas-suq tal-konsumaturi u d-distribuzzjoni – Lejn suq intern tal-konsumaturi u d-distribuzzjoni iktar effikaċi u ġust sal-2020”,

—

wara li kkunsidra l-komunikazzjoni tal-Kummissjoni tat-13 ta’ April 2011 intitolata “L-Att dwar is-Suq Uniku - Tnax-il xprun sabiex jiġi stimulat it-tkabbir u r-rinfurzar tal-fiduċja - ‧Flimkien għal tkabbir ġdid‧ ”(COM(2011)0206),

—

wara li kkunsidra l-komunikazzjoni tal-Kummissjoni tas-27 ta’ Ottubru 2010 intitolata ”Lejn Att dwar is-Suq Uniku – Għal ekonomija soċjali tas-suq kompetittiva ħafna: 50 proposta biex intejbu l-ħidma, in-negozju u l-iskambji ma’ xulxin” (COM(2010)0608),

—

wara li kkunsidra r-rapport tal-Professur Monti tad-9 ta’ Mejju 2010 intitolat “Strateġija Ġdida għas-Suq Uniku”,

—

wara li kkunsidra l-konklużjonijiet tal-Kunsill tal-10 ta’ Diċembru 2010 dwar l-Att dwar is-Suq Uniku,

—

wara li kkunsidra l-komunikazzjoni tal-Kummissjoni tat-8 ta’ Ottubru 2010 dwar “Regolamentazzjoni Intelliġenti fl-Unjoni Ewropea” (COM(2010)0543),

—

wara li kkunsidra r-raba' edizzjoni tat-“Tabella ta’ Valutazzjoni tas-Swieq tal-Konsumatur – biex il-Konsumaturi jkollhom iktar għażla” (edizzjoni tal-ħarifa– Ottubru 2010), u l-ħames edizzjoni tat-“Tabella ta’ Valutazzjoni tal-Kundizzjonijiet tal-Konsumatur – Konsumaturi f'posthom fis-suq uniku” (edizzjoni tar-rebbiegħa – Marzu 2011),

—

wara li kkunsidra l-21 edizzjoni tat-Tabella ta’ Valutazzjoni tas-Suq Intern ippubblikata fit-23 ta’ Settembru 2010,

—

wara li kkunsidra l-komunikazzjoni tal-Kummissjoni tat-3 ta’ Marzu 2010 intitolata “Ewropa 2020: Strateġija għal tkabbir intelliġenti, sostenibbli u inklussiv” (COM(2010)2020),

—

wara li kkunsidra l-komunikazzjoni tal-Kummissjoni tat-28 ta’ Ottubru 2009 dwar katina tal-provvista alimentari fl-Ewropa li taħdem aħjar (COM(2009)0591),

—

wara li kkunsidra l-komunikazzjoni tal-Kummissjoni tal-25 ta’ Ġunju 2008 intitolata “ ‘Aħseb l-Ewwel fiż-Żgħir’ – ‘Att dwar in-Negozji ż-Żgħar’ ” għall-Ewropa (COM(2008)0394),

—

wara li kkunsidra d-Direttiva 2011/7/UE tal-Parlament Ewropew u tal-Kunsill tas-16 ta’ Frar 2011 dwar il-ġlieda kontra ħlasijiet tard fit-tranżazzjonijiet kummerċjali (1),

—

wara li kkunsidra r-Regolament (KE) Nru 764/2008 tal-Parlament Ewropew u tal-Kunsill tad-9 ta’ Lulju 2008 li jistabbilixxi l-proċeduri relatati mal-applikazzjoni ta’ ċerti regoli tekniċi nazzjonali għal prodotti legalment kummerċjalizzati fi Stat Membru ieħor u li jħassar id-Deċiżjoni Nru 3052/95/KE (2),

—

wara li kkunsidra r-Regolament (KE) Nru 765/2008 tal-Parlament Ewropew u tal-Kunsill tad-9 ta’ Lulju 2008 li jistabbilixxi r-rekwiżiti għall-akkreditament u għas-sorveljanza tas-suq relatati mal-kummerċjalizzazzjoni ta’ prodotti, u li jħassar ir-Regolament (KEE) Nru 339/93 (3),

—

wara li kkunsidra d-Deċiżjoni Nru 768/2008/KE tal-Parlament Ewropew u tal-Kunsill tad-9 ta’ Lulju 2008 dwar qafas komuni għall-kummerċjalizzazzjoni ta’ prodotti, u li tħassar id-Deċiżjoni 93/465/KEE (4),

—

wara li kkunsidra d-Direttiva 2006/123/KE tal-Parlament Ewropew u tal-Kunsill tat-12 ta’ Diċembru 2006 dwar servizzi fis-suq intern (5),

—

wara li kkunsidra l-pożizzjoni tiegħu tat-23 ta’ Ġunju 2011 dwar il-proposta għal direttiva tal-Parlament Ewropew u tal-Kunsill dwar id-drittijiet konsumatur (6),

—

wara li kkunsidra r-riżoluzzjoni tiegħu tas-6 ta’ April 2011 dwar il-governanza u s-sħubija fis-suq uniku (7),

—

wara li kkunsidra r-riżoluzzjoni tiegħu tas-6 ta’ April 2011 dwar suq uniku għall-impriżi u t-tkabbir (8),

—

wara li kkunsidra r-riżoluzzjoni tiegħu tas-6 ta’ April 2011 dwar suq uniku għall-Ewropej (9),

—

wara li kkunsidra r-riżoluzzjoni tiegħu tal-21 ta’ Ottubru 2010 dwar il-futur tal-istandardizzazzjoni Ewropea (10),

—

wara li kkunsidra r-riżoluzzjoni tiegħu tat-21 ta’ Settembru 2010 dwar l-ikkompletar tas-suq intern għall-kummerċ elettroniku (11),

—

wara l-kkunsidra r-riżoluzzjoni tiegħu tas-7 ta’ Settembru 2010 dwar dħul ġust għall-bdiewa: katina tal-provvista alimentari fl-Ewropa li taħdem aħjar (12),

—

wara li kkunsidra r-riżoluzzjoni tiegħu tal-20 ta’ Mejju 2010 dwar ir-realizzazzjoni tas-suq uniku għall-konsumaturi u ċ-ċittadini (13),

—

wara li kkunsidra r-riżoluzzjoni tiegħu tad-9 ta’ Marzu 2010 dwar il-protezzjoni tal-konsumatur (14),

—

wara li kkunsidra r-riżoluzzjoni tiegħu tad-9 ta’ Marzu 2010 dwar it-Tabella ta’ Valutazzjoni tas-Suq Intern (15),

—

wara li kkunsidra r-riżoluzzjoni tiegħu tad-9 ta’ Marzu 2010 dwar is-SOLVIT (16),

—

wara li kkunsidra d-dikjarazzjoni tiegħu tad-19 ta’ Frar 2008 dwar l-investigazzjoni u r-rimedji tal-abbuż ta’ poter min-negozji kbar li joperaw fl-Unjoni Ewropea (17),

—

wara li kkunsidra l-Artikolu 48 tar-Regoli ta’ Proċedura tiegħu,

—

wara li kkunsidra r-rapport tal-Kumitat għas-Suq Intern u l-Ħarsien tal-Konsumatur (A7-0217/2011),

A.

billi x-xejra lejn il-protezzjoniżmu fl-Ewropa hi allarmanti,

B.

billi l-ekonomija reali jeħtieġ li terġa' titqiegħed fiċ-ċentru tal-aġenda politika biex tillibera l-potenzjal kollu tas-Suq Uniku,

C.

billi s-suq tal-konsumaturi hu komponent kruċjali tal-impenn tagħna li nerġgħu nvaraw is-Suq Uniku,

D.

billi s-suq tal-konsumaturi, billi hu wieħed minn dawk li l-aktar jużaw l-enerġija u jipproduċu l-iskart, jista' jagħmel kontribut fundamentali lis-sostenibbiltà, inklużi l-miri tal-enerġija UE 20-20-20,

E.

billi l-potenzjal kummerċjali għall-kummerċ transkonfinali onlajn mhux qiegħed jirnexxilu jinħareġ biżżejjed minħabba diversi ostakoli, bħal, ngħidu aħna, l-ostakli tal-lingwi, in-nuqqas ta’ sigurtà fis-sistema, informazzjoni inadegwata u insuffiċjenti u n-nuqqas ta’ koordinament u kooperazzjoni fil-kamp amministrattiv, li minħabba fihom il-konsumaturi qegħdin joqogħdu lura milli jixtru onlajn minn bejjiegħa fi Stati Membri oħra u l-bejjiegħa qegħdin joqogħdu lura milli jbigħu onlajn lil hinn barra pajjiżhom,

1.

Jisħaq li s-settur tal-konsumaturi hu forza motriċi għal tkabbir, kompetittività u impjiegi fl-Ewropa u għandu rwol importanti biex jintlaħqu l-għanijiet tal-istrateġija tal-UE2020;

2.

Jissottolinja li l-bejjiegħa qed joffru modi diversi u moderni kif jixtru u jbigħu l-prodotti u s-servizzi u jikkontribwixxu għall-għażla usa’ tal-konsumatur u opportunitajiet ta’ impjieg flessibbli u diċenti, b'mod partikolari għaż-żgħażagħ;

3.

Jitlob lill-istituzzjonijiet tal-UE biex jagħtu l-ogħla prominenza politika lis-settur tal-bejgħ lill-konsumaturi bħala pilastru tal-Att dwar is-Suq Uniku u mezz li jġedded il-fiduċja tal-pubbliku fis-suq uniku;

4.

Jitlob lill-Kummissjoni biex tinforza koordinazzjoni ta’ politika trażversali u tieħu approċċ olistiku u fit-tul lejn is-settur tal-bejgħ lill-konsumaturi;

5.

Jiddispjaċih li ostakli serji għadhom ixekklu s-settur tal-bejgħ lill-konsumaturi milli jilħaq il-potenzjal sħiħ tiegħu onlajn u offlajn; jisħaq il-bżonn li jindirizzahom mingħajr dewmien;

6.

Jissottolinja li l-bejjiegħa u l-fornituri għandhom responsabbilità konġunta biex jintlaħaq suq tal-konsumaturi aktar effiċjenti, trasparenti u ġust.

7.

Jikkunsidra li l-mira prinċipali trid tkun fuq l-infurzar effettiv tal-prinċipji tat-Trattati, ir-regolamenti u l-istrumenti eżistenti tas-suq intern, u awtoregolazzjoni, qabel jikkunsidra approċċ regolatorju, jekk dan ikun f’loku;

8.

Huwa mħasseb li regoli nazzjonali restrittivi, interpretazzjonijiet diverġenti u infurzar inadegwat jfixklu l-moviment ħieles ta’ prodotti u servizzi fl-UE; jisħaq li r-rekwiżiti għal testijiet u reġistrazzjonijiet addizzjonali, in-nuqqas ta’ rikonoxximent ta’ ċertifikati u standards, restrizzjonijiet territorjali fuq il-provvista u miżuri simili joħolqu spejjeż żejda għall-konsumaturi u bejjiegħa, b'mod partikolari lill-SMEs, u b'hekk jillimitaw l-utilità potenzjali tas-suq uniku għaċ-ċittadini Ewropej u għad-dinja tan-negozju;

9.

Jirrikonoxxi l-bżonn li l-Kummissjoni tanalizza ulterjurment ir-raġunijiet tad-differenza fil-prezzijiet fl-UE, abbażi ta’ għodod adekwati tal-istatistika, sabiex tiżgura iktar trasparenza u l-komparabbiltà fil-prezz lill-konsumatur, mingħajr preġudizzju lejn ir-regoli Ewropej u nazzjonali fiskali u tas-suq tal-ħaddiema, u b’hekk tippromwovi għażliet aktar informati u aktar fiduċja fil-kummerċ transkonfinali; ifakkar fil-bżonn ta’ kooperazzjoni attiva bejn l-aġenziji nazzjonali tal-istatistika għal dan il-għan;

10.

Jinkoraġġixxi lill-Istati Membri biex jimplimentaw b'mod sħiħ u korrett ir-regoli u l-leġiżlazzjoni tas-suq intern, partikolarment il-Pakkett dwar l-Oġġetti, id-Direttiva dwar is-Servizzi, id-Direttiva dwar il-Ħlasijiet Tard, id-Direttiva tal-Kummerċ elettroniku u l-Att dwar in-Negozji ż-Żgħar u d-Direttiva dwar Prattiċi Kummerċjali Żleali; jitlob ukoll lill-Istati Membri biex jeliminaw id-dupplikazzjoni u jnaqqsu l-piżijiet alternattivi u l-ostakli regolatorji li jistgħu jillimitaw it-tkabbir u l-ħolqien tal-impjiegi;

11.

Jitlob lill-Kummissjoni biex tissorvelja l-Istati Membri iktar mill-qrib sabiex tnaqqas id-defiċit ta’ traspożizzjoni u tiżgura rikonoxximent reċiproku effettiv ta’ prodotti u servizzi; jitlob lill-Kummissjoni biex tiżgura wkoll is-simplifikazzjoni ta’ regoli eżistenti;

12.

Jinnota d-diffiklutajiet li jaffaċċjaw il-bejjiegħa bl-imnut indipendenti tal-Ewropa, u jqis li l-leġiżlazzjoni tas-suq tal-konsumaturi għandha tkun ibbażata fuq l-evidenza b'mod aktar komprensiv, partikolarment rigward il-bżonn li jkun eżaminat u mifhum adegwatament l-impatt tal-leġiżlazzjoni fuq in-negozji ż-żgħar;

13.

Jinkoraġġixxi federazzjonijiet kummerċjali u assoċjazzjonijiet tal-konsumatur, megħjuna mill-Kummissjoni, biex jipprovdu iktar informazzjoni, taħriġ u pariri legali lill-partijiet interessati dwar id-drittijiet tagħhom u l-istrumenti li jsolvu l-problemi għad-dispożizzjoni tagħhom, bħas-SOLVIT, u jappoġġaw l-iskambju tal-aħjar prattiki bejniethom;

14.

Jisħaq li sistema ta’ ħlasijiet frammentata hija ostaklu għall-kummerċ; jitlob lill-Kummissjoni ttejjeb is-SEPA sabiex tiżviluppa mezz bażiku tal-ħlas disponibbli għall-kards kollha, trawwem il-kompetizzjoni bejn il-mezzi tal-ħlas billi tneħħi l-ostakli, iżżid it-trasparenza fl-ispejjeż tat-tranżazzjonijiet u tneħħi t-tariffi tal-interkambju mhux ġustifikati; jitlob ukoll lill-Kummissjoni tiżgura trasferimenti bankarja aktar rapidi fi ħdan l-UE; jinnota, barra minn hekk, li s-SEPA tista' titqies bħala strument utli li jista' jintuża biex jiġġieled l-ekonomija informali;

15.

Jiġbed l-attenzjoni lejn it-tħassib espress minn partijiet mis-soċjetà ċivili u l-SMEs dwar iż-żieda fl-għadd ta’ ċentri kummerċjali u t-tnaqqis f’dak tal-ħwienet u s-swieq lokali f'żoni remoti u fiċ-ċentri tal-bliet;

16.

Jenfasizza li l-ippjanar kummerċjali għandu jipprovdi qafas strutturali għall-kumpanniji biex jikkompetu, isaħħu l-libertà tal-għażla tal-konsumaturi u jippermettu l-aċċess għall-prodotti u s-servizzi, speċjalment f’reġjuni inqas aċċessibbli u bi ftit nies jew meta titnaqqas il-mobilità tal-konsumaturi; Jisħaq, barra minn hekk, fuq ir-rwol soċjali, kulturali u ambjentali tal-ħwienet u s-swieq lokali biex jerġgħu jaħju ż-żoni rurali u urbani; iħeġġeġ għaldaqstant lill-Istati Membri jinkuraġġixxu komunitajiet lokali sostenibbli billi jrawmu l-innovazzjoni u t-tkabbir tal-SMEs;

17.

Jenfasizza li l-SMEs jikkostitwixxu s-sinsla tal-ekonomija Ewropea u għandhom rwol uniku x'jaqdu fil-ħolqien tal-impjiegi, partikularment fiż-żoni rurali, kif ukoll fit-trawwim tal-innovazzjoni u tal-żvilupp fis-settur tal-bejgħ bl-imnut fil-komunitajiet lokali madwar l-UE;

18.

Jikkunsidra li l-aċċessibilità trid tiġi indirizzata fir-rispett sħiħ tas-sussidjarjetà;

19.

Jirrikonoxxi li l-Istati Membri huma responsabbli għall-politiki dwar fejn għandhom jiġu lokalizzati l-ħwienet tagħhom u li s-sostenibilità, il-mobilità, l-ippjanar reġjonali u l-konsolidazzjoni tal-qalba huma fatturi ewlenin li għandhom jitqiesu fid-deċiżjoni dwar l-ammissibilità ta’ siti ġodda għall-ħwienet;

20.

Huwa tal-fehma li l-inċentivi għat-tiġdid tal-patrimonju tal-bini urban, anki bl-użu tal-Fondi Strutturali, ikunu jistgħu jippermettu tnaqqis fil-kera (sħubija bejn is-settur pubbliku u dak privat) u jkunu jistgħu jiffaċilitaw ir-ritorn tan-negozji, partikolarment dawk lokali, li huma strumentali għall-iżvilupp ekonomiku u soċjali;

21.

Jistieden lill-Kummissjoni, f'kooperazzjoni mal-Istati Membri, tfassal stħarriġ fuq l-impatt u l-konsegwenzi possibbli tal-ħolqien ta’ hypermarkets jew ċentri kummerċjali rigward is-suq tal-impjiegi, l-SMEs u l-konsumaturi;

22.

Jinnota t-tħassib li għandhom il-bejjiegħa tat-toroq li m'għandhomx post fiss u li jaħdmu f'żoni pubbliċi rigward il-possibbiltà li d-Direttiva 2006/123/KE tiġi infurzata fl-Istati Membri, fejn testendi l-kunċett ta’ ‧riżorsi naturali‧ anki għall-art pubblika, u li r-riżultat tagħha jkun li l-konċessjonijiet kummerċjali f'żoni pubbliċi jingħataw għal żmien limitat; din ikollha effetti negattivi għall-impjiegi, għal-libertà tal-għażla tal-konsumaturi u għall-eżistenza proprja tas-swieq tradizzjonali lokali tat-triq;

23.

Jenfasizza li l-kummerċ elettroniku jikkumplimenta b'mod importanti n-negozju offlajn u azzjoni xierqa trid tittieħed biex tiżviluppa l-potenzjal kollu tiegħu inkluż it-titjib tal-aċċess għall-Internet fiż-żoni l-aktar remoti tal-Unjoni Ewropea; jitlob lill-Kummissjoni biex tinkludi fil-komunikazzjoni dwar il-kummerċ elettroniku li ġejja miżuri li jsaħħu l-kunfidenza, b'mod partikolari billi tissimplifika r-reġistrazzjoni ta’ dominji transkonfinali, ittejjeb il-ħlas sikur onlajn, l-iffaċilitar tal-irkupru transkonfinali tad-djun, u ttejjeb l-informazzjoni għall-konsumaturi dwar drittijiethom, partikolarment dawk li għandhom x'jaqsmu mal-kanċellazzjonijiet u mal-opportunitajiet għall-appell;

24.

Jiddispjaċih dwar l-għadd sinifikanti ta’ ostakli għal-libertà ta’ stabbiliment tan-negozjanti bl-imnut fl-UE; hu mħasseb, b'mod partikolari, minħabba ċerti liġijiet nazzjonali dwar il-kummerċ u t-taxxa, li għandhom effett diskriminatorju de facto kontra bejjiegħa barranin;

25.

Jitlob lill-Kummissjoni taġixxi b'aktar saħħa kontra kwalunkwe Stat Membru li jikser il-prinċipji interni tas-suq, tħaffef il-proċeduri ta’ ksur permezz ta’ ‧approċċ rapidu‧ u tirrapporta lill-Parlament Ewropew kull sena dwar każi riżolti fil-qasam tal-bejgħ lill-konsumaturi;

26.

Jafferma mill-ġdid li l-kompetizzjoni ħielsa u ġusta, il-libertà kuntrattwali u l-infurzar xieraq tal-leġiżlazzjoni relevanti huma fundamentali għal suq tal-konsumaturi li jaħdem tajjeb;

27.

Jirrikonoxxi li l-kumpaniji għandhom saħħa differenti fis-suq, li jeħtiġilhom jaġixxu b'mod ekonomikament xieraq u li l-UE għandha bżonn kampjuni ekonomiċi biex tikkompeti globalment;

28.

Jenfasizza, madankollu, li hemm tħassib mifrux dwar dominazzjoni tas-suq minn parteċipanti ikbar, spiss ikkunsidrati li jimponu termini inġusti fuq fornituri, bejjiegħa bl-imnut u negozjanti aktar dgħajfa, pereżempju permezz ta’ mekkaniżmi mhux ġustifikati ta’ distribuzzjoni selettiva, prattiki ristrettivi, segmentazzjoni ġeografika, kontroll tal-prezzijiet u tneħħija mil-listi bla preavviż, u prattiki oħra ristrettivi li għaldaqstant ixattru l-kompetizzjoni; jissottolinja li l-katina kollha tal-provvista għall-bejgħ bl-imnut tiġi affettwata min tali prattiki; jikkundanna l-prattiki li jabbużaw mill-iżbilanċ fil-poter bejn l-aġenti ekonomiċi u jaffettwaw il-libertà kuntrattwali ta’ vera; jenfasizza li t-tkattir tal-għarfien tal-aġenti kollha dwar id-drittijiet kuntrattwali tagħhom, speċjalment l-SMEs, jikkontribwixxi biex jipprevjeni dawn il-prattiki;

29.

Jirrikonoxxi li l-franchising huwa formula tajba biex il-bejjiegħa bl-imnut indipendenti jissopravvivu f'ambjent b'kompetizzjoni għolja; jinnota bi tħassib li l-kuntratti biex bejjiegħa bl-imnut ikunu parti minn franchise qed isiru aktar u aktar rigorużi;

30.

Jenfasizza li l-marki privati għandhom jiġu żviluppati b’tali mod li jipprovdu għażla mtejba tal-konsumatur, partikolarment f’dak li għandhom x’jaqsmu t-trasparenza, il-kwalità tal-informazzjoni u d-diversità, u biex jipprovdu opportunitajiet tajbin lill-SMEs biex jiġġeddu u jespandu;

31.

Jikkunsidra li ‧kkupjar parassitiku‧, li fost l-oħrajn jista' jirriżulta mir-rwol doppju tal-bejjiegħ bl-imnut bħala fl-istess waqt konsumatur u kompetitur ma’ ditti tal-manufattura, hu prattika inaċċettabbli li għandha tiġi indirizzata mingħajr dewmien; jilqa’ l-fatt li l-Kummissjoni qed tagħmel analiżi bil-għan li tiċċara iktar l-oqfsa u l-prattiki legali rigward is-sigirieti kummerċjali u l-‧ikkupjar parassitiku‧ fi ħdan is-27 Stat Membru tal-UE;

32.

Jirrikonoxxi l-bżonn ta’ relazzjonijiet ibbilanċjati u trasparenza fil-katina tal-forniment tal-bejgħ lill-konsumaturi; jisħaq fuq il-bżonn li ngħaddu mill-konfrontazzjoni għad-djalogu bbażat fuq il-fatti, sabiex tiġi restawrata l-kunfidenza u jiġi permess negozjar aktar ġust u bl-istess kundizzjonijiet għal kulħadd, bir-riżultat li l-parteċipanti ekonomiċi kollha fi ħdan il-katini tal-provvista jibbenefikaw mill-valur miżjud tal-prodotti tagħhom u jaħsdu l-benefiċċji totali mis-Suq Uniku;

33.

Iħeġġeġ lill-Kummissjoni u lill-Istati Membri jissodisfaw u jinfurzaw b'mod koerenti l-liġi dwar il-kompetizzjoni u, fejn hu applikabbli fil-livell nazzjonali, il-liġijiet dwar il-kompetizzjoni inġusta u kontra l-monopolju;

34.

Jenfasizza li, biex tkun żgurata l-implimentazzjoni xierqa tar-regoli tal-kompetizzjoni u biex ma jitħalliex l-abbuż ta’ xi ħadd li għandu pożizzjoni dominanti, huwa l-ewwel nett meħtieġ li jissaħħu l-awtoritajiet li jgħassu l-kompetizzjoni lokali u li jiġu żgurati wkoll linji ta’ komunikazzjoni kontinwi u bla interruzzjonijiet u ta’ kooperazzjoni bejniethom u d-Direttorat Ġeneral tal-Kummissjoni għall-Kompetizzjoni;

35.

Isostni x-xogħol tajjeb tal-Pjattaforma tal-Esperti dwar il-prattiki kuntrattwali B2B tal-Forum ta’ Livell Għoli dwar it-Titjib fil-Funzjonament tal-Katina ta’ Provvista tal-Ikel, b'mod partikolari biex jiddefinixxu, jelenkaw u jivvalutaw x'jikkostitwixxi prattika kummerċjali inġusta, ibbażata fuq dejta u eżempji konkreti; jitlob appoġġ qawwi ta’ inizjattivi għad-djalogu bejn il-partjiet fuq din il-kwistjoni; huwa mħasseb li l-Parlament Ewropew mhuwiex involut formalment fix-xogħol tal-Pjattaforma u fil-Forum ta’ Livell Għoli; iqis li l-Parlament għandu jindirizza urġentement din il-kwistjoni u għandu jipparteċipa attivament fix-xogħol tal-Forum;

36.

Jappoġġa l-bżonn espress minn xi partijiet interessati biex jittieħed approċċ usa' u orizzontali, li jestendi l-iskop lil hinn mill-industrija agroalimentari. jitlob lill-Kummissjoni u l-federazzjonijiet industrijali, bi tkomplija fuq ix-xogħol li qed jitwettaq fil-Pjattaforma tal-Esperti, biex jesploraw il-possibilitajiet li jinħoloq forum miftuħ ġdid li jiffoka fuq il-bejgħ lill-konsumaturi fl-intier tiegħu;

37.

Jappoġġa bil-qawwa, fl-istess ħin, ix-xogħol intensiv li qed jitwettaq mill-federazzjonijiet tal-bejjiegħa u tal-fornituri biex jistabbilixxu djalogu informali u mekkaniżmi għall-konsultazzjoni regolari fir-rigward tal-liġi dwar il-kompetizzjoni. jilqa' l-inizjattiva volontarja li jaqblu fuq dikjarazzjoni dwar prinċipji komuni għal prattiki tajbin ta’ negozjar fil-katina tal-forniment għall-bejgħ lill-konsumaturi;

38.

Jilqa' wkoll l-istrument Ewropew tal-Kummissjoni għall-monitoraġġ tal-prezzijiet tal-ikel (European Food Prices Monitoring tool) kif ukoll inizjattivi simili meħuda minn Stati Membri li jippermettu dħul finanzjarju ġust tul il-katina tal-provvista alimentari b'analiżi fuq l-ispejjeż, il-proċessi, il-valur miżjud, il-volumi, il-prezzijiet u l-marġini fit-taqsimiet kollha tal-katina tal-provvista alimentari;

39.

Jinnota bi tħassib li strumenti legali eżistenti mhux qed jintużaw kif suppost, speċjalment mill-SMEs biex jiddefendu d-drittijiet tagħhom, minħabba dipendenza ekonomika u tħassib dwar telf ta’ kummerċ; jitlob lill-Kummissjoni, lill-Istati Membri u l-federazzjonijiet tan-negozju biex jidentifikaw modi sabiex tiġi restawrata l-kunfidenza u jiġi ffaċilitat l-aċċess għas-sistemi ġuridiċi, inkluża l-possibilità ta’ lmenti anonimi u l-ħatra ta’ Ombudsman tal-UE f'dan il-qasam; huwa konvint, barra minn hekk, li huwa neċessarju wkoll li l-qafas kunċettwali jiġu żviluppat biex tiġi żgurata kompetizzjoni ġusta fir-rerlazzjonijiet kemm vertikali kif ukoll orizzontali bejn in-negozji, bir-riżultat li twitti t-triq għal ambjent bl-istess kundizzjonijiet għall-kompetizzjoni għan-negozji kollha;

40.

Jitlob lill-Kummissjoni biex tippubblika, sa tmiem l-2011, komunikazzjoni bil-liġijiet nazzjonali u għodod disponibbli biex jintużaw fil-prattika kummerċjali u relazzjonijiet kuntrattwali, u biex tivvaluta bir-reqqa jekk dawn ir-regoli humiex qed jiġu infurzati kif suppost u jekk jeħtieġx azzjoni ulterjuri;

41.

Jikkunsidra li għandhom jiġu esplorati mekkaniżmi alternattivi u informali tar-riżoluzzjoni tal-kontroversji u ta’ rimedju, u tiġi valutata l-effikaċja tagħhom, peress li jistgħu jkunu mezz ta’ riżoluzzjoni tal-kontroversji għall-bejjiegħa bl-imnut; jistieden lill-Kummissjoni tipproponi miżuri dwar is-soluzzjoni alternattiva tal-kontroversji sa tmiem l-2011 sabiex issaħħaħ il-fiduċja tal-konsumaturi u tan-negozji;

42.

Jitlob lill-Kummissjoni u operaturi fil-katina tal-forniment tal-bejgħ lill-konsumaturi biex jirrappurtaw lill-Parlament kull sena dwar il-progress li jsir fil-pjattaformi eżistenti u dwar mekkaniżmi ta’ djalogu informali; jissuġġerixxi li r-riżultati għandhom jiġu diskussi waqt Laqgħa ta’ Diskussjoni dwar is-Suq tal-Konsumaturi organizzata ta’ kull sena mill-Kumitat tiegħu għas-Suq Intern u l-Ħarsien tal-Konsumatur;

43.

Jenfasizza r-responsabbiltà tas-settur tal-bejgħ bl-imnut rigward is-sostenibbiltà; jilqa' l-fatt li l-bejjiegħa u l-fornituri kienu minn ta’ quddiem rigward ir-r-responsabbilità ħadra, partikolarment rigward l-iskart, l-użu tal-enerġija, it-trasport u t-tnaqqis tad-CO2; jappoġġa l-impenji li diġà ħadu favur konsum sostenibbli, imma jqis li hemm bżonn aktar sforzi; iqis li r-responsabbiltà korporattiva għandha tagħti attenzjoni akbar lill-kwistjonijiet soċjali u ambjentali;

44.

Jenfasizza li l-bejjiegħa u l-fornituri jġibu 'l quddiem l-innovazzjoni, ir-riċerka u l-iżvilupp; jenfasizza li s-settur sħiħ jeħtieġ ikompli jġib 'il quddiem l-livell ta’ investiment f'teknoloġiji u prattiki innovattivi biex itejbu aktar il-kompetittività matul il-katina tal-provvista, li jkunu jkopru l-loġisitika u t-trasport, l-effiċjenza enerġetika, l-imballaġġ, ir-rimi ta’ skart u r-riċiklaġġ tal-prodotti, u biex jiskambjaw bejniethom il-prattiki tajbin;

45.

Jistieden lill-Kummissjoni tiżviluppa sistema komuni ta’ valutazzjoni u ttikkettar, kif indikat fir-riżoluzzjoni tagħha dwar suq uniku għall-impriżi u t-tkabbir, ibbażata fuq iċ-ċiklu tal-ħajja sħiħ tal-prodott, partikolarment sabiex tissimplifika, tarmonizza u tegħleb l-ispiża tal-frammentazzjoni għan-negozju u l-konsumaturi;

46.

Jitlob lill-partijiet interessati biex jieħdu inizjattivi ulterjuri biex jiġġieldu l-ħela tal-ikel;

47.

Jilqa' l-ftehim konġunt tal-EuroCommerce u UNI-Europa, li juri li d-djalogu soċjali qed jaħdem tajjeb fil-kummerċ; jirrikonoxxi li hemm bżonn isir iktar biex tiżdied l-informazzjoni lill-konsumatur dwar ir-responsabbilità soċjali tal-bejjiegħa, biex l-investimenti f'teknoloġiji ġodda u l-kapital uman ikunu paralleli, partikolarment permezz tal-iżvilupp tal-kompetenza, kif ukoll fil-ġlieda kontra l-ekonomija informali;

48.

Ifakkar fl-importanza ta’ implimentazzjoni xierqa tal-leġiżlazzjoni soċjali u tax-xogħol eżistenti; jiddispjaċih bl-eżistenza ta’ grad għoli ta’ impjiegi mhux dikjarati, li jinvolvu livell għoli ta’ evażjoni tat-taxxa u ma jippermettux ambjent bl-istess kundizzjonijiet bejn l-operaturi fis-suq intern;

49.

Jindika li t-titjib tal-kundizzjonijiet tax-xogħol, il-ġlieda kontra l-ekonomija informali u ż-żamma tal-livelli tal-impjiegi u l-kompetittività billi l-bżonnijiet tal-bejjiegħa bl-imnut jitqabblu b'mod aħjar ma’ dawk tal-ħiliet tal-ħaddiema huma fost l-isfidi ewlenin f'dan is-settur; jenfasizza, għaldaqstant, il-bżonn ta’ investiment fil-bini tat-taħriġ u tal-kompetenza billi dan jgħin lis-settur jadatta malajr għat-teknoloġiji ġodda;

50.

Jitlob lill-Kummissjoni biex tipprepara, b'konsultazzjoni mas-settur tal-bejgħ bl-imnut, Pjan Ewropew ta’ Azzjoni komprensiv dwar il-Bejgħ bl-Imnut ħalli tfassal strateġija, tibni fuq il-kisbiet u tindirizza l-kwistjonijiet li fadal, b'rakkomandazzjonijiet speċifiċi għas-settur; jilqa' l-fatt li l-Parlament appoġġa din l-inizjattiva fir-riżoluzzjoni tiegħu dwar suq uniku għall-impriżi u t-tkabbir;

51.

Jenfasizza li dan il-Pjan ta’ Azzjoni għandu jinkludi l-inizjattivi diġà żviluppati mill-Kummissjoni, bħall-Forum ta’ Livell Għoli dwar it-Titjib fil-Funzjonament tal-Katina ta’ Provvista Alimentari, inizjattivi dwar is-sostenibbiltà u t-tibdil fil-klima, u proposti relevanti tal-Att tas-Suq Uniku;

52.

Jipproponi li s-segwitu tal-azzjonijiet rakkomandati fil-Pjan ta’ Azzjoni, inkluż il-progress li sar fid-djalogu fost il-partijiet interessati, ikun ippreżentat u diskuss fl-ewwel Laqgħa ta’ Diskussjoni tas-Suq tal-Konsumaturi;

53.

Jistenna li l-ottimizzazzjoni ulterjuri tal-proċessi tax-xiri u tal-bejgħ tul il-katina tal-provvista tal-bejgħ bl-imnut, mir-riċerka tas-suq u l-kummerċjalizzazzjoni tal-prodott sar-relazzjonijiet mal-fornituri, il-loġistika u l-ġestjoni tal-ħażniet, kif ukoll l-immaniġġjar ta’ oġġetti difettużi, ilmenti minn konsumaturi u ħarsien tal-konsumatur, se ttejjeb il-kompetittività fis-settur tal-bejgħ bl-imnut, tbaxxi l-prezzijiet għall-konsumaturi u ttejjeb il-kwalità tas-servizz;

54.

Jinkuraġġixxi bejjiegħa u fornituri biex jieħdu sehem b'mod attiv fi djalogu miftuħ, kostruttiv u kontinwu ħalli jintlaħqu soluzzjonijiet pragmatiċi; jistieden lill-Istati Membri u lill-Istituzzjonijiet tal-UE biex isostnu dan il-proċess b'mod attiv;

55.

Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill u lill-Kummissjoni, kif ukoll lill-gvernijiet u lill-parlamenti tal-Istati Membri.

5.2.2013   

MT

Il-Ġurnal Uffiċjali tal-Unjoni Ewropea

CE 33/17

—

wara li kkunsidra l-Artikoli 2, 3, 4, 6 u 7 tat-Trattat dwar l-Unjoni Ewropea (TUE), l-Artikoli 49, 56, 114, 167 u 258 tat-Trattat dwar il-Funzjonament tal-Unjoni Ewropea (TFUE), il-Karta tad-Drittijiet Fundamentali tal-Unjoni Ewropea u l-Konvenzjoni Ewropea dwar id-Drittijiet tal-Bniedem (KEDB), li jittrattaw ir-rispett għad-drittijiet fundamentali u l-promozzjoni u l-protezzjoni tagħhom,

—

wara li kkunsidra l-Liġi Bażika tal-Ungerija, adottata fit-18 ta’ April 2011 mill-Assemblea Nazzjonali tar-Repubblika Ungeriża li se tidħol fis-seħħ fl-1 ta’ Jannar 2012 (minn hawn 'il quddiem imsejħa ‘il-Kostituzzjoni l-ġdida’),

—

wara li kkunsidra l-Opinjonijiet Nru CDL(2011)016, CDL(2011)001 tal-Kummissjoni Ewropea għad-Demokrazija permezz tad-Dritt (il-Kummissjoni ta’ Venezja) dwar il-kostituzzjoni Ungeriża l-ġdida u t-tliet kwestjonijiet legali li joħorġu mill-proċess tat-tfassil tal-Kostituzzjoni Ungeriża l-ġdida,

—

wara li kkunsidra l-mozzjoni għal riżoluzzjoni Nru 12490 dwar ostakli serji fl-oqsma tal-istat tad-dritt u tad-drittijiet tal-bniedem fl-Ungerija mressqa fil-25 ta’ Jannar 2011 fl-Assemblea Parlamentari tal-Kunsill tal-Ewropa,

—

wara li kkunsidra d-deċiżjoni Nru 30141/04 of the tal-Qorti Ewropea tad-Drittijiet tal-Bniedem (Schalk u Kopf vs. Awstrija), u b'mod partikulari l-obiter dicta tagħha,

—

wara li kkunsidra l-Mistoqsijiet Orali mressqa fil-Parlament Ewropew dwar il-Kostituzzjoni Ungeriża l-ġdida u l-istqarrijiet tal-Kunsill u l-Kummissjoni dwar il-kostituzzjoni Ungeriża riveduta u wara d-dibattitu segwenti li nżamm fit-8 ta’ Ġunju 2011,

—

wara li kkunsidra l-Artikoli 115(5) u 110(4) tar-Regoli ta’ Proċedura tiegħu,

A.

billi l-Unjoni Ewropea hija mwaqqfa fuq il-valuri tad-demokrazija u l-istat tad-dritt, kif stipulat fl-Artikolu 2 TUE, fuq ir-rispett ċar għad-drittijiet u l-libertajiet fundamentali, kif hemm imnaqqxa fil-Karta tad-Drittijiet Fundamentali tal-Unjoni Ewropea u fil-KEDB, u fuq l-għarfien tal-valur legali tal-imsemmija drittijiet, libertajiet u prinċipji, li huwa affermat ulterjorment bis-sħubija li se sseħħ dalwaqt tal-UE fil-KEDB,

B.

billi l-Ungerija ffirmat il-KEDB, il-Konvenzjoni Internazzjonali dwar id-Drittijiet Ċivili u Politiċi u strumenti legali internazzjonali oħra li jobbligawha tirrispetta u timplimenta l-prinċipji li jikkonċernaw is-separazzjoni tas-setgħat, l-implimentazzjoni ta’ kontrolli u bilanċi istituzzjonali u l-promozzjoni tad-demokrazija u tad-drittijiet tal-bniedem,

C.

Billi, filwaqt li l-abbozzar u l-adozzjoni ta’ kostituzzjoni ġdida jaqa' fl-ambitu tal-kompetenzi tal-Istati Membri, l-Istati Membri, dawk attwali u dawk applikanti, u l-UE, għandhom id-dmir li jiżguraw li l-kontenut u l-proċessi huma konformi mal-valuri tal-UE, il-Karta tad-Drittijiet Fundamentali u l-KEDB, u li l-forma u s-sustanza tal-kostituzzjonijiet adottati ma jikkontradixxux dawn il-valuri u strumenti; billi dan jintwera biċ-ċar mill-fatt li għadd ta’ Stati Membri attwali tal-UE kellhom jeżaminaw mill-ġdid u jemendaw il-kostituzzjoni tagħhom biex jiżguraw l-adeżjoni mal-UE jew jadattaw il-kostituzzjoni tagħhom għal rekwiżiti tat-Trattati tal-UE sussegwenti, b’mod notevoli fuq talba tal-Kummissjoni,

D.

billi l-proċess tat-tiswir tal-kostituzzjoni kien nieqes mit-trasparenza u l-abbozzar u l-adozzjoni tal-Kostituzzjoni l-ġdida ġie mmexxi f'kalendarju eċċezzjonalment qasir li ma ppermettiex żmien biżżejjed biex isir dibattitu pubbliku komplut u sostanzjali dwar l-abbozz tat-test; u billi kostituzzjoni li tkun suċċess u leġittima għandha tkun ibbażata fuq l-akbar kunsens possibbli,

E.

billi l-Kostituzzjoni ġiet ikkritikata ħafna minn NGOs u organizzazzjonijiet nazzjonali, Ewropej u internazzjonali, mill-Kummissjoni ta’ Venezja u minn rappreżentanti tal-gvernijiet tal-Istati Membri, u ġiet adottata esklussivament bil-voti tal-Membri Parlamentari tal-partiti li hemm fil-gvern, b’mod li ma ntlaħaq l-ebda kunsens politiku jew soċjali,

F.

billi l-Parlament Ewropew għandu l-istess tħassib espress mill-Kummissjoni ta’ Venezja, b’mod partikolari rigward it-trasparenza, l-istat fil-miftuħ u l-inklussività tal-proċess tal-adozzjoni u l-kalendarju għal din l-adozzjoni, u dwar l-indeboliment tas-sistema ta’ kontrolli u bilanċi, b'mod partikulari d-dispożizzjonijiet rigward il-Qorti Kostituzzjonali u l-qrati u l-imħallfin li jistgħu jpoġġu l-indipendenza tal-ġudikatura Ungeriża f’riskju,

G.

billi l-Kostituzzjoni l-ġdida tonqos milli tistabbilixxi għadd ta’ prinċipji li l-Ungerija, minħabba l-obbligi tagħha li huma internazzjonalment vinkolanti, hija obbligata li tirrispetta u tippromwovi, bħalma huma l-projbizzjoni tal-piena tal-mewt u tal-għomor il-ħabs mingħajr libertà kondizzjonali, il-projbizzjoni tad-diskriminazzjoni bbażata fuq l-orjentazzjoni sesswali u s-sospensjoni jew ir-restrizzjoni tad-drittijiet fundamentali permezz ta’ ordnijiet ġuridiċi speċjali,

H.

billi l-Kostituzzjoni l-ġdida, permezz tal-valuri mnaqqxa fiha u l-ifformular tal-kliem mhux ċar tagħha meta tiddefinixxi kunċetti bażiċi bħal ‧familja‧ u d-dritt għall-ħajja mill-mument tal-konċepiment, toħloq ir-riskju ta’ diskriminazzjoni kontra ċerti gruppi fis-soċjetà, jiġifieri l-minoritajiet etniċi, reliġjużi u sesswali, il-familji b'ġenitur wieħed, in-nies li jgħixi f'unjoni ċivili u n-nisa,

I.

billi l-ifformular tal-kliem mhux ċar tal-preambolu, b'mod partikulari l-partijiet rigward l-obbligi tal-istat Ungeriż lejn l-Ungeriżi etniċi li jgħixu barra l-pajjiż, jista’ joħloq bażi legali għal azzjonijiet li pajjiżi ġirien ikunu jqisuhom bħala ndħil mingħajr dritt fl-affarijiet interni tagħhom, sitwazzjoni li tista’ twassal għal tensjonijiet fir-reġjun,

J.

billi l-Kostituzzjoni l-ġdida tistipula li l-preambolu tagħha għandu saħħa ġuridika, ħaġa li jista’ jkollha implikazzjonijiet legali u politiċi u tista’ twassal għall-inċertezza legali,

K.

billi l-inkorporazzjoni tal-Karta tad-Drittijiet Fundamentali tal-Unjoni Ewropea fil-Kostituzzjoni l-ġdida tista’ tikkawża ddupplikar fil-kompetenzi bejn il-qrati Ungeriżi u dawk internazzjonali, kif hemm irrimarkat fl-opinjoni maħruġa mill-Kummissjoni ta’ Venezja,

L.

billi l-Kostituzzjoni l-ġdida tipprevedi l-użu estensiv ta’ liġijiet kardinali, li l-adozzjoni tagħhom hija wkoll soġġetta għal maġġoranza ta’ żewġ terzi, li se jkopru firxa wiesgħa ta’ kwestjonijiet li għandhom x’jaqsmu mas-sistema istituzzjonali tal-Ungerija, l-eżerċizzju tad-drittijiet fundamentali u arranġamenti speċjali fis-soċjetà; billi fil-prattika din il-ħaġa tagħmel l-adozzjoni tagħhom parti mill-proċess kostituzzjonali l-ġdid tal-Ungerija,

M.

billi, taħt il-Kostituzzjoni l-ġdida, għadd ta’ kwestjonijiet, bħalma huma aspetti speċifiċi tal-liġi tal-familja u s-sistema tat-taxxi u dik tal-pensjonijiet, li normalment jaqgħu fl-isfera tal-kompetenza tal-gvern jew huma koperti mis-setgħat regolari tat-teħid tad-deċiżjonijiet tal-leġiżlatura, ukoll se jkollhom jiġu regolati mil-liġijiet kardinali, li jfisser li l-elezzjonijiet futuri se jkollhom inqas sinifikat u se jinħoloq ambitu akbar biex gvern b'maġġoranza ta’ żewġ terzi jikkonsolida l-preferenzi politiċi tiegħu; billi l-proċess tal-promulgazzjoni ta’ regoli speċifiċi u dettaljati permezz ta’ liġijiet kardinali jista’ b’hekk iqiegħed il-prinċipju tad-demokrazija f’riskju,

N.

billi, kif issottolinjat mill-Kummisjoni ta’ Venezja, il-politiki kulturali, reliġjużi, soċjoekonomiċi u finanzjarji ma għandhomx jiġu ffissati darba għal dejjem permezz ta’ liġijiet kardinali,

O.

billi korp mhux parlamentari, il-Kunsill tal-Baġit, bil-leġittimità demokratika limitata tiegħu, se jkollu s-setgħa ta’ veto fuq l-adozzjoni tal-baġit ġenerali, f'liema każ il-Kap ta’ Stat jista' jxolji l-Assemblea Nazzjonali, u b'hekk jiġi severament ristrett l-ambitu għall-azzjoni tal-legislatura li tkun ġiet eletta b'mod demokratiku,

P.

billi s-sistema effikaċi ta’ erba' kummissarji parlamentari se titnaqqas għal wieħed li jkun jikkonsisti f’ombudsman ġenerali u żewġ deputati, li jista' jkun li ma jipprovdix l-istess livell ta’ ħarsien tad-drittijiet u li s-setgħat tiegħu mhux se jinkludi dawk is-setgħat ta’ dak li qabel kien il-Kummissarju għad-Dejta Personali u għal-Libertà tal-Informazzjoni; billi s-setgħat ta’ dan tal-aħħar se jiġu ttrasferiti lil awtorità li l- modus operandi tagħha mhuwiex speċifikata,

Q.

billi b’mod paralell mal-adozzjoni tal-Kostituzzjoni l-ġdida, il-gvern Ungeriż u l-partiti li jinsabu fil-gvern għamlu ħafna ħatriet ġodda għal pożizzjonijiet ewlenin, bħalma huma Avukat Ġenerali l-ġdid, President tal-Uffiċju tal-Verifika tal-Istat u President tal-Kunsill tal-Baġit; billi aktar riċenti l-Parlament Ungeriż ħatar l-imħallfin li se jkunu membri tal-Qorti Kostituzzjonali Ungeriża l-ġdida, kif mitlub mill-Kostituzzjoni l-ġdida; billi l-proċedura tan-nominazzjoni u l-elezzjoni ma kinux ibbażati fuq kunsens politiku,

R.

billi l-Kostituzzjoni l-ġdida tistabbilixxi regoli ġenerali ħafna li jirregolaw is-sistema ġudizzjarja, u ma tagħmilhiex ċara dwar jekk il-Qorti Suprema, taħt l-isem ġdid tagħha, hix se tkompli bil-president attwali tagħha,

S.

billi l-Assemblea Parlamentari tal-Kunsill tal-Ewropa ddeċidiet li tħejji rapport dwar il-Kostituzzjoni Ungeriża l-ġdida, fuq il-bażi tal-opinjoni tal-Kummissjoni ta’ Venezja,

T.

billi l-abbozzar u l-adozzjoni tal-kostituzzjoni l-ġdida ma kienx imsemmi fil-manifest elettorali tal-partiti li hemm fil-gvern,

U.

billi s-Segretarju Ġenerali tan-Nazzjonijiet Uniti, Ban Ki-moon, stqarr li kien ‘japprezza kieku l-Gvern Ungeriż kellu jfittex parir u rakkomandazzjonijiet minn ġewwa l-pajjiż u mill-Kunsill tal-Ewropa jew min-Nazzjonijiet Uniti’ u hu tal-fehma li l-Ungerija, bħala Stat Membru tal-Unjoni Ewropea, għandha titlob lill-istituzzjonijiet Ewropej jagħtu parir u jeżaminaw mill-ġdid il-Kostituzzjoni l-ġdida,

1.

Jistieden lill-awtoritajiet Ungeriżi jindirizzaw il-kwestjonijiet u l-preokkupazzjonijiet imqajma mill-Kummissjoni ta’ Venezja u jimplimentaw ir-rakkomandazzjonijiet tiegħu, jew billi jemendaw il-Kostituzzjoni l-ġdida jew permezz ta’ liġijiet kardinali u ordinarji futuri, b’mod notevoli sabiex:

2.

Jistieden lill-Kummissjoni tmexxi rieżami u analiżi bir-reqqa tal-Kostituzzjoni l-ġdida u tal-liġijiet kardinali li mistennija jiġu adottati fil-ġejjieni bil-għan li tivverifika li huma konsistenti mal-acquis communautaire, b’mod partikolari l-Karta tad-Drittijiet Fundamentali tal-Unjoni Ewropea, u mal-forma u s-sustanza tat-Trattati;

3.

Jagħti istruzzjonijiet lill-kumitati relevanti biex isegwu l-affari, f'kooperazzjoni mal-Kummissjoni ta’ Venezja u l-Kunsill tal-Ewropa, u biex jivvalutaw jekk ir-rakkomandazzjonijiet ġewx implimentati u kif ġew implimentati;

4.

Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill, lill-Kummissjoni, lill-Kunsill tal-Ewropa, lill-gvernijiet u lill-parlamenti tal-Istati Membri, lill-Aġenzija għad-Drittijiet Fundamentali, lill-OSKE u lis-Segretarju Ġenerali tan-NU.

5.2.2013   

MT

Il-Ġurnal Uffiċjali tal-Unjoni Ewropea

CE 33/21

—

wara li kkunsidra l-Komunikazzjoni tal-Kummissjoni tad-9 ta’ Novembru 2010 intitolata “Konklużjonijiet tal-ħames rapport dwar il-koeżjoni ekonomika, soċjali u territorjali: il-futur tal-politika ta’ koeżjoni” (COM(2010)0642) (minn hawn 'il quddiem imsejħa l-“Konklużjonijiet”),

—

wara li kkunsidra l-ħames rapport tal-Kummissjoni tad-9 ta’ Novembru 2010 dwar il-koeżjoni ekonomika, soċjali u territorjali intitolat “Ninvestu fil-futur tal-Ewropa” (minn hawn 'l quddiem “il-Ħames Rapport ta’ Koeżjoni”),

—

wara li kkunsidra t-Trattat dwar il-Funzjonament tal-Unjoni Ewropea, u b'mod partikolari Parti III, Titolu XVIII tiegħu,

—

wara li kkunsidra r-Regolament (KE) Nru 1080/2006 tal-Parlament Ewropew u tal-Kunsill tal-5 ta’ Lulju 2006 dwar il-Fond Ewropew għall-Iżvilupp Reġjonali u li jħassar ir-Regolament (KE) Nru 1783/1999 (1),

—

wara li kkunsidra r-Regolament (KE) Nru 1081/2006 tal-Parlament Ewropew u tal-Kunsill tal-5 ta’ Lulju 2006 dwar il-Fond Soċjali Ewropew u li jħassar ir-Regolament (KE) Nru 1784/1999 (2),

—

wara li kkunsidra r-Regolament (KE) Nru 1082/2006 tal-Parlament Ewropew u tal-Kunsill tal-5 ta’ Lulju 2006 dwar ir-raggruppament Ewropew ta’ kooperazzjoni territorjali (REKT) (3).

—

wara li kkunsidra r-Regolament (KE) Nru 1083/2006 tal-Kunsill tal-11 ta’ Lulju 2006 li jistabbilixxi d-dispożizzjonijiet ġenerali dwar il-Fond Ewropew għall-Iżvilupp Reġjonali, il-Fond Soċjali Ewropew u l-Fond ta’ Koeżjoni (4),

—

wara li kkunsidra r-Regolament tal-Kunsill (KE) Nru 1084/2006 tal-11 ta’ Lulju 2006 li jistabbilixxi Fond ta’ Koeżjoni u li jħassar ir-Regolament (KE) Nru 1164/94 (5),

—

wara li kkunsidra r-Regolament tal-Kunsill (KE) Nru 1085/2006 tas-17 ta’ Lulju 2006 li jistabbilixxi Strument għall-Assistenza ta’ Qabel l-Adeżjoni (IPA) (6),

—

wara li kkunsidra r-Regolament tal-Kunsill (KE) Nru 1906/2006 tat-18 ta’ Diċembru 2006 li jistabbilixxi r-regoli għall-parteċipazzjoni ta’ impriżi, ċentri tar-riċerka u universitajiet f'azzjonijiet taħt is-Seba' Programm Kwadru u għad-disseminazzjoni tar-riżultati tar-riċerka (7),

—

wara li kkunsidra r-Riżoluzzjoni tiegħu tal-24 ta’ April 2007 dwar l-impatt tat-tkabbir tal-ġejjieni fuq l-effettività tal-politika ta’ koeżjoni (8),

—

wara li kkunsidra r-Riżoluzzjoni tiegħu tal-24 ta’ Marzu 2009 dwar Green Paper dwar il-koeżjoni territorjali u l-qagħda tad-diskussjonijiet dwar ir-riforma futura tal-politika għall-koeżjoni (9),

—

wara li kkunsidra r-Riżoluzzjoni tiegħu tal-20 ta’ Mejju 2010 dwar il-kontribut tal-Politika ta’ Koeżjoni għall-kisba tal-objettivi ta’ Lisbona (10),

—

wara li kkunsidra r-Riżoluzzjoni tiegħu tat-22 ta’ Settembru 2010 dwar l-istrateġija Ewropea għall-iżvilupp ekonomiku u soċjali tar-reġjuni muntanjużi, tal-gżejjer u ta’ żoni li fihom ma tantx jgħixu nies (11),

—

wara li kkunsidra r-Riżoluzzjoni tiegħu tas-7 ta’ Ottubru 2010 dwar il-politika reġjonali u ta’ koeżjoni tal-Unjoni Ewropea wara l-2013 (12),

—

wara li kkunsidra r-Riżoluzzjoni tiegħu tas-7 ta’ Ottubru 2010 dwar il-futur tal-Fond Soċjali Ewropew (13),

—

wara li kkunsidra r-Riżoluzzjoni tat-23 ta’ Ġunju 2011 dwar is-sitwazzjoni attwali u s-sinerġiji futuri għal effikaċja akbar bejn il-FEŻR u Fondi Strutturali oħra (14),

—

wara li kkunsidra l-komunikazzjoni tal-Kummissjoni tas-26 ta’ Mejju 2004 intitolata "Sħubija aktar b'saħħitha għar-reġjuni l-aktar imbiegħda" (COM(2004)0343) u l-Komunikazzjoni tal-Kummissjoni tas-17 ta’ Ottubru 2008 intitolata "Ir-reġjuni l-aktar imbiegħda: vantaġġ għall-Ewropa" (COM(2008)0642),

—

wara li kkunsidra l-komunikazzjoni tal-Kummissjoni tat-3 ta’ Marzu 2010 bit-titolu: “Europa 2020 – Strateġija għal tkabbir intelliġenti, sostenibbli u inklussiv” (COM(2010)2020),

—

wara li kkunsidra l-komunikazzjoni tal-Kummissjoni tas-6 ta’ Ottubru 2010 bit-titolu “Politika Reġjonali li tikkontribwixxi għal tkabbir intelliġenti fl-Ewropa 2020’ (COM(2010)0553),

—

wara li kkunsidra l-komunikazzjoni tal-Kummissjoni tas-26 ta’ Jannar 2011 bit-titolu ‘Politika Reġjonali li tikkontribwixxi għal tkabbir intelliġenti fl-Ewropa 2020’ (COM(2011)0017),

—

wara li kkunsidra l-konklużjonijiet tal-Kunsill Affarijiet Ġenerali tal-21 ta’ Frar 2011 dwar il-ħames rapport dwar il-koeżjoni ekonomika, soċjali u territorjali (06762/2011),

—

wara li kkunsidra l-opinjoni tal-Kumitat tar-Reġjuni tal-1 ta’ April 2011 dwar il-Ħames Rapport dwar il-Koeżjoni (15),

—

wara li kkunsidra l-Artikolu 48 tar-Regoli ta’ Proċedura tiegħu,

—

wara li kkunsidra r-rapport tal-Kumitat għall-Iżvilupp Reġjonali u l-opinjonijiet tal-Kumitat għall-Impjiegi u l-Affarijiet Soċjali, tal-Kumitat għall-Kontroll tal-Baġit u tal-Kumitat għad-Drittijiet tan-Nisa u l-Ugwaljanza bejn is-Sessi (A7-0222/2011),

A.

billi l-politika tal-UE dwar il-koeżjoni tat kontribut sinifikanti biex waqt il-perjodu ta’ finanzjament preċedenti kif ukoll dak attwali ntlaħqet żieda fil-produttività fir-reġjuni kollha tal-UE; u partikolarment billi, barra minn dan, il-valutazzjonijiet ex post urew ukoll tnaqqis sinifikanti tad-differenzi ekonomiċi, soċjali u reġjonali; billi dawn l-iżviluppi qed ikollhom effetti daqstant pożittivi anki fuq is-sigurtà soċjali u fuq l-investimenti fil-ħarsien ambjentali,

B.

billi l-politika ta’ koeżjoni kienet maħsuba biex tkun kontroparti għas-suq uniku u biex tippromwovi l-żvilupp ta’ Ewropa innovattiva u protettiva bbażata fuq is-solidarjetà quddiem l-isfidi assoċjati mal-globalizzazzjoni, it-tibdil demografiku u l-preservazzjoni tar-riżorsi, u billi l-potenzjal intrinsiku tar-reġjuni kollha għandu jiġi sfruttat biex jagħti spinta lit-tkabbir u lill-koeżjoni reġjonali u soċjali,

C.

billi l-politika ta’ koeżjoni hija kwistjoni ġenwina ta’ relevanza għaċ-ċittadini, li ġġib l-Ewropa fil-ħajja ta’ kuljum tal-persuni u tagħmilha tanġibbli u viżibbli fl-UE kollha,

D.

billi l-politiki ta’ koeżjoni u strutturali taw prova ta’ flessibilità f'sitwazzjonijiet ta’ kriżi u taw kontribut kruċjali għal programmi nazzjonali differenti ta’ rilanċ ekonomiku u ta’ taħriġ, u billi huwa importanti li tinżamm din il-flessibilità,

E.

billi l-politika strutturali Ewropea qed tagħti kontribut kbir biex tingħeleb il-kriżi ekonomika u finanzjarja, peress li għandha t-tendenza li tkun orjentata lejn l-innovazzjoni u t-tneħħija tad-disparitajiet, b'mod li tinkoraġġixxi b'mod qawwi lir-reġjuni jtejbu l-infrastruttura tagħhom, iżidu l-potenzjal ta’ innovazzjoni reġjonali u jagħtu spinta lill-iżvilupp ambjentalment sostenibbli,

F.

billi l-orjentament tal-Fondi Strutturali lejn il-miri tal-Istrateġija ta’ Lisbona ta prova ta’ effikaċja, u xhieda ta’ dan huwa r-rati impressjonanti ta’ impenn fir-rigward tal-objettivi tal-Konverġenza u tal-Kompetittività Reġjonali u l-Impjiegi, u billi 20 % tal-proġetti tal-Kooperazzjoni Territorjali Ewropea huma konformi mal-miri ta’ Lisbona,

G.

billi l-kooperazzjoni territorjali għandha l-għan li tgħin lit-territorji u lir-reġjuni jaħdmu flimkien fl-indirizzar tal-isfidi komuni tagħhom, inaqqsu l-ostakoli fiżiċi, amministrattivi u regolatorji għal din il-kooperazzjoni u jnaqqsu "l-effett tal-fruntieri",

H.

billi l-falliment parzjali tal-Istrateġija ta’ Lisbona ma ġiex ikkawżat mill-implimentazzjoni insuffiċjenti tal-politika ta’ koeżjoni, iżda pjuttost min-nuqqas ta’ governanza b'ħafna livelli u ta’ sjieda ta’ din l-istrateġija mil-livelli reġjonali u lokali, l-effetti tal-kriżi finanzjarja u n-nuqqasijiet waqt l-implimentazzjoni tas-suq intern, id-dixxiplina baġitarja insuffiċjenti kif ukoll il-kundizzjonijiet ta’ qafas makroekonomiċi mhux sodisfaċenti f'xi wħud mill-Istati Membri;

I.

billi waqt dawn l-aħħar perjodi tnaqqsu b'mod sinifikanti r-rati ta’ żbalji u ta’ abbuż mill-fondi ta’ sostenn; billi ta’ min jiddispjaċih, madankollu, li l-politika strutturali għadha qasam b'livell għoli ta’ irregolaritajiet f'dan ir-rigward, u li xi wħud mill-Istati Membri anki sal-lum m'għandhomx mekkaniżmi effettivi kontra l-abbuż mill-fondi u għall-irkupru ta’ flejjes imħallsa ħażin; billi l-irregolaritajiet jista' jkun li ma jiġux irrappurtati, jew bi traskuraġni jew apposta u billi għandu jiġi nnutat li parti sinifikanti tal-iżbalji fl-isfera tal-politika ta’ koeżjoni jistgħu jiġu attribwiti lir-rekwiżiti leġiżlattivi lil hinn mill-politika ta’ koeżjoni, bħall-akkwist pubbliku, l-ambjent u l-għajnuniet mill-istat,

J.

billi b'mod ġenerali, kienet ta’ suċċess is-sistema ta’ objettivi eżistenti tal-politika ta’ koeżjoni u strutturali (Konverġenza, Kompetittività Reġjonali u Impjiegi, u Kooperazzjoni Territorjali Ewropea), ikkombinata ma’ approċċ ta’ governanza fuq diversi livelli u sikurezza tal-ippjanar bis-saħħa ta’ riżorsi finanzjarji ta’ min jorbot fuqhom u perjodu ta’ ppjanar miftiehem (seba' snin), iżda billi kien hemm dewmien kunsiderevoli fl-ippjanar tal-programmi kkawżat mit-tul żejjed tan-negozjati finanzjarji u leġiżlattivi fil-proċess ta’ teħed ta’ deċiżjoni tal-UE u bidliet sostanzjali fir-regoli li japplikaw għall-politika ta’ koeżjoni,

K.

billi l-appoġġ sostnut lir-reġjuni ta’ konverġenza u l-iżvilupp tagħhom iħallu impatt pożittiv fuq id-domanda għal oġġetti u servizzi fis-swieq tagħhom u b'hekk għandu wkoll effetti benefiċjarji dimostrabbli għall-Istati Membri relattivament għonja tal-UE,

L.

billi politika ta’ koeżjoni tal-UE komprensiva u ffinanzjata tajjeb fir-reġjuni kollha Ewropej tibqa' essenzjali, meta jitqiesu l-iżbilanċi bejn l-ekonomiji reġjonali u f'termini soċjali u l-iżvantaġġi ġeografiċi ta’ ċerti reġjuni (b'mod partikolari r-reġjuni l-aktar imbiegħda), kif ukoll il-problemi strutturali speċifiċi u l-ħtieġa li wieħed jadatta ruħu għal sfidi ġodda; billi anki t-Trattat ta’ Lisbona jeżiġi dan,

M.

billi, meta titqies l-importanza strateġika tagħha għall-ġejjieni, il-politika ta’ koeżjoni ma għandhiex issir fattur varjabbli ta’ aġġustament f'negozjati baġitarji futuri,

1.

Jitlob li l-programmi tal-politika ta’ koeżjoni u strutturali jenfasizzaw aktar il-valur miżjud Ewropew; iqis li dan il-valur miżjud jinkiseb meta l-proġetti tal-UE jġibu titjib sostenibbli fis-sitwazzjoni ekonomika, infrastrutturali, soċjali u/jew ambjentali ta’ reġjuni żvantaġġati u inqas żviluppati, u fejn dan it-titjib ma setax jitwettaq mingħajr l-istimolu Ewropew;

2.

Jirrikonoxxi wkoll li l-iffinanzjar Ewropew iżid valur fejn il-proġetti appoġġjati fil-livelli nazzjonali, reġjonali u lokali jikkontribwixxu biex jintlaħqu għanijiet pan-Ewropej fl-oqsma tal-integrazzjoni Ewropea, it-tkabbir ekonomiku, ir-riċerka, il-ħarsien ambjentali, il-kultura, il-ġestjoni tar-riżorsi, l-isport, it-tibdil demografiku, is-sostenibilità tal-provvista ta’ enerġija, il-koeżjoni soċjali jew l-iżvilupp transkonfinali, u dan ma kienx jinkiseb mingħajr l-istimolu Ewropew;

3.

Jara l-kisba ta’ għanijiet Ewropej bi qbil ma’ approċċ deċentralizzat u l-prinċipju tal-governanza f'aktar livelli u tal-amministrazzjoni maqsuma bħala vantaġġ kbir tal-politika ta’ koeżjoni u b'hekk anki bħala forma ta’ valur miżjud fiha nnifisha; iqis il-governanza f'aktar livelli bi strutturi u responsabilitajiet definiti b'mod ċar bħala r-realizzazzjoni konkreta tal-prinċipju ta’ sussidjarjetà kif ukoll rikonoxximent dovut tal-importanza tal-awtoritajiet reġjonali fl-implimentazzjni tal-politika ta’ koeżjoni; jitlob li dan il-prinċipju ta’ sħubija u s-sens ta’ sjieda tal-parteċipanti involuti jissaħħu iktar bl-introduzzjoni ta’ dispożizzjonijiet vinkolanti dettaljati f'Patt Territorjali li għandu jiġi deċiż f'kull Stat Membru, sabiex jiġu żgurati aktar ppjanar orjentat lejn ir-riżultati u implimentazzjoni akbar;

4.

Jikkunsidra li t-trasparenza rigward il-politika ta’ koeżjoni u ċ-ċiklu ta’ programmar tagħha, l-allokazzjoni tal-ispejjeż u l-aċċess għal informazzjoni għal benefiċjarji potenzjali ta’ Fondi Strutturali huma prerekwiżiti bażiċi biex jinkisbu l-objettivi ġenerali tal-politika ta’ koeżjoni, u li t-trasparenza għalhekk għandha tiġi introdotta bħala prinċipju ta’ gwida transsettorjali fil-proċessi ta’ pprogrammar tal-koeżjoni u l-proċessi tat-teħid tad-deċiżjonijiet fil-perjodu ta’ ffinanzjar li jmiss; jenfasizza li l-iżvelar tal-lista ta’ benefiċjarji għandu jissokta, l-aktar online, billi huwa mezz effikaċi għat-titjib tat-trasparenza;

5.

Iqis li d-dispożizzjonijiet dwar it-trasparenza (l-obbligu ta’ żvelar tal-benefiċjarju finali) huma strument meħtieġ għall-esperti, il-pubbliku u dawk li jfasslu l-politika, biex jevalwaw jekk l-iffinanzjar strutturali ntużax b'konformità mal-objettivi stabbiliti u b'mod legali; jitlob li d-deskrizzjoni tiġi pprovduta mhux biss fil-lingwa nazzjonali rilevanti iżda wkoll f'waħda mit-tliet lingwi ta’ ħidma (l-Ingliż, il-Franċiż jew il-Ġermaniż) u jirrakkomanda aktar armonizzazzjoni tal-informazzjoni rikjesta;

6.

Jenfasizza li, minkejja x-xejra ta’ tnaqqis fid-disparitajiet reġjonali, għadhom jeżistu żbilanċi kbar – li saħansitra jiżdiedu fost/f'xi Stati Membri, inter alia bħala riżultat tal-kriżi ekonomika u finanzjarja – u li għaldaqstant, il-politika ta’ koeżjoni għandha tibqa' tiffoka fuq it-tnaqqis tad-differenzi u l-implimentazzjoni armonjuża u l-iżvilupp sostenibbli għar-reġjuni kollha, irrispettivament mill-Istat Membru li jkunu jinsabu fih;

7.

Jirrikonoxxi l-bżonnijiet speċjali tar-reġjuni partikolarment żvantaġġati minħabba l-pożizzjoni ġeografika jew il-kundizzjonijiet naturali tagħhom; itenni t-talba tiegħu lill-Istati Membri u l-Kummissjoni biex ikomplu japplikaw forom speċjali ta’ preferenza – sakemm dawn ikunu effettivi u jġibu valur miżjud Ewropew – fir-rigward tat-tipi ta’ reġjuni partikolarment żvantaġġati li jissemmew fit-Trattat dwar il-Funzjonament tal-Unjoni Ewropea (l-aktar reġjuni mbiegħda, ir-reġjuni tat-Tramuntana mbiegħda b'densità ta’ popolazzjoni baxxa ħafna, u reġjuni insulari, reġjuni muntanjużi u reġjuni transkonfinali);

8.

Jirrikonoxxi l-istatus speċjali ta’ ċerti reġjuni li joriġina mis-sitwazzjoni ġeografika tagħhom, it-tibdil demografiku jew ir-restrizzjonijiet speċifiċi, bħall-ambjent naturali tagħhom, filwaqt li jagħti attenzjoni wkoll lill-potenzjal tagħhom; itenni t-talba tiegħu biex ikomplu japplikaw forom speċjali ta’ preferenza fir-rigward tat-tipi ta’ reġjuni, u partikolarment dawk imsemmija fl-Artikoli 349 u 174 tat-Trattat dwar il-Funzjonament tal-Unjoni Ewropea, li huma partikolarment żvantaġġjati (bħar-reġjuni l-aktar imbiegħda, inklużi ż-żoni rurali l-aktar imbiegħda, ir-reġjuni tat-Tramuntana mbiegħda b'densità ta’ popolazzjoni baxxa ħafna, li jsofru minħabba distanzi twal u kundizzjonijiet nordiċi u reġjuni insulari, reġjuni muntanjużi u reġjuni transkonfinali), b'termini aktar favorevoli pprovduti għall-investiment f'dawn ir-reġjuni, permezz ta’ assistenza diretta jew eżenzjonijiet fit-taxxa; jitlob ukoll li jsiru studji dwar il-preservazzjoni jew il-ħolqien ta’ ċerti preferenzi għal dawn it-tipi ta’ reġjuni, bil-ħsieb li jiġi żgurat li l-użu ta’ strumenti tal-politika ta’ koeżjoni jiġi adattat għall-ekonomiji tagħhom, fir-rispett dovut tal-importanza tal-impriżi żgħar u ta’ daqs medju tagħhom u l-bżonn ta’ kompetittività u opportunitajiet ugwali sabiex isiru parti integrali mis-suq intern tal-UE;

9.

Jenfasizza li l-Unjoni tista' tkun kompetittiva quddiem il-kompetizzjoni dinjija biss jekk il-politika ta’ koeżjoni tagħha tista' tisfrutta bis-sħiħ il-potenzjal ta’ żvilupp tar-reġjuni kollha, iż-żoni urbani u l-ibliet u tippermetti li jingħata rispons reġjonali flessibbli biżżejjed għall-isfidi u l-imblokki identifikati mill-istrateġija Ewropa 2020; jissottolinja f'dan ir-rigward li l-immirar tar-riżorsi tal-Fond Strutturali b'approċċ territorjali wiesa' għandu jservi wkoll biex jikkumpensa għad-dgħufijiet strutturali fir-reġjuni iktar b'saħħithom ukoll; jenfasizza, madankollu, li l-politika ta’ koeżjoni mhijiex sempliċement għodda ta’ implimentazzjoni għal Ewropa 2020 u li enfażi kontinwu fuq il-prinċipji fundamentali tal-politika ta’ koeżjoni se jkollu l-valur miżjud li jappoġġja l-kisbiet tal-Ewropa 2020 anke wara li l-istrateġija tkun spiċċat;

10.

Jenfasizza li l-politika ta’ koeżjoni għandha tibqa' taħdem favur il-koeżjoni territorjali u jinnota li t-Trattat ta’ Lisbona, mal-objettivi tal-koeżjoni ekonomika u soċjali żied il-koeżjoni territorjali; jafferma li dan l-għan jibqa' intimament marbut mal-isfidi tal-koeżjoni ekonomika u soċjali u jsaħħaħ il-valur miżjud Ewropew tal-politika ta’ koeżjoni; jenfasizza li “l-koeżjoni territorjali” hija wkoll rilevanti fil-livell subreġjonali, partikolarment fiż-żoni urbani (id-distretti urbani li jiffaċċjaw diffikultajiet, estensjoni mhux kontrollata taż-żoni urbani), anke f'reġjuni meqjusa li huma sinjuri;

11.

Jidhirlu li l-istrateġiji makroreġjonali – sakemm l-awtoritajiet reġjonali jkunu involuti fil-governanza tagħhom – jippermettu opportunità kbira biex jinkiseb kontroll foq forom ta’ potenzjal sopranazzjonali, titjieb il-kooperazzjoni bejn il-livelli differenti ta’ governanza u jiġu indirizzati b'mod konġunt l-isfidi komuni bħall-ħarsien ambjentali jew l-użu ta’ riżorsi u ta’ kapaċitajiet għall-iżvilupp, u b'hekk tingħata possibilità għal żvilupp aktar effiċjenti, ibbilanċjat u sostenibbli; jenfasizza l-bżonn li l-programmi ta’ kooperazzjoni territorjali jintrabtu b'mod iktar effettiv mal-istrateġiji territorjali (bħall-pjanijiet għall-iżvilupp reġjonali, l-istrateġiji għall-iżvilupp lokali u l-pjanijiet għall-iżvilupp lokali); iqis li koordinazzjoni aħjar ta’ mekkaniżmi ta’ appoġġ eżistenti tista' toħloq perspettiva biex il-Fondi Strutturali tal-UE jiġu utilizzati b'mod immirat aħjar, mingħajr ma dan jinvolvi żieda fl-allokazzjoni tar-riżorsi dedikati għal dawn l-oqsma tal-kooperazzjoni interreġjonali; huwa tal fehma, barra minn hekk, li ma għandhom jinħolqu ebda strumenti, riżorsi finanzjarji jew strutturi implimentattivi ġodda għal dawn l-istrateġiji u li l-appoġġ finanzjarju provdut lir-reġjuni għall-proġetti ta’ żvilupp fuq skala iżgħar ma għandux jiġi effettwat; iqis li l-approċċ makroreġjonali jista' jintuża biex jissaħħu r-rabtiet bejn il-politika ta’ koeżjoni u l-politika tal-viċinat; iħeġġeġ lill-Kummissjoni Ewropea u lill-Istati Membri biex, f'dan il-kuntest, iqisu iktar id-dimensjoni territorjali tal-FSE, partikolarment fir-rigward tal-aċċess għall-impjiegi;

12.

Jiddubita jekk programmi operattivi għal unitajiet ġeografiċi funzjonali bħall-gruppi tal-awtoritajiet li jinkludu żoni lokali jew baċini tal-baħar jew tax-xmajjar joffrux benefiċċji addizzjonali, partikolarment f'każi fejn ma jkunx hemm awtoritajiet politiċi (inklużi awtoritajiet eletti demokratikament) b'responsabilità suffiċjenti fil-kompiti tagħhom għall-implimentazzjoni tal-programmi; jitlob, minflok, koordinazzjoni aktar mill-qrib bejn l-istrateġiji makroreġjonali, metropolitani, reġjonali jew ambjentali/ġeografiċi f'livelli intergovernattivi u jitlob li jitqiesu kif xieraq dawn l-entitajiet ġeografiċi funzjonali fi ħdan il-programmi operattivi nazzjonali sabiex jiġi ffaċilitat l-użu tal-fondi tal-UE għall-proġetti ta’ żvilupp interreġjonali; iqis li l-programmi operattivi speċifiċi għandhom ikunu opzjoni għall-implimentazzjoni f'dawk ir-reġjuni fejn l-implimentazzjoni subreġjonali tipprovdi valur miżjud fir-rigward tal-programmi nazzjonali u reġjonali u fejn ġew iffurmati sħubiji minn korpi politiċi għal skopijiet ta’ implimentazzjoni; jistieden biex ir-raggruppamenti transkonfinali jiġu involuti fit-tħejjija tal-programmi operattivi għall-programmi transkonfinali, fuq il-bażi tar-Regolament tar-REKT;

13.

Jenfasizza r-rwol prinċipali taż-żoni urbani – inklużi l-bliet kapitali u r-reġjuni tagħhom – għall-ilħuq tal-miri ekonomiċi, ambjentali u soċjali tal-istrateġija Ewropa 2020; jappoġġja l-proċess dinamiku imniedi matul il-perjodu preċedenti ta’ programmar għall-Programmi Urbani Integrati u jenfasizza l-importanza tal-esperimenti li qed isiru bħalissa; jitlob l-appoġġ għall-ideat u l-proġetti li jistgħu jservu bħala mudelli, kif ukoll proġetti abbażi ta’ pjanijiet integrati ta’ żvilupp, u għal titjib ta’ benefiċċju reċiproku bejn l-ibliet żgħar u kbar u ż-żoni rurali li huma marbuta magħhom b'mod funzjonali; iqis li koeżjoni akbar bejn dawn iż-żoni hija ta’ importanza speċjali biex jiġu indirizzati l-problemi taż-żoni b'komunitajiet żvantaġġati; jenfasizza, f'dan il-kuntest, li l-akbar differenzi soċjoekonomiċi spiss jeżistu fl-ibliet u li l-ibliet b'żoni deprivati u b'oqsma ta’ faqar jinsabu wkoll fir-reġjuni sinjuri;

14.

Jenfasizza li l-ibliet żgħar u kbar jistgħu jagħtu kontribut prinċipali, bħala ċentri ta’ tkabbir u muturi tat-tkabbir, għal reġjun speċifiku; fl-istess ħin, jiġbed l-attenzjoni lejn il-bżonn li l-komunitajiet rurali jipparteċipaw f'soluzzjonijiet integrati għal entità ġeografika funzjonali partikolari permezz tal-promozzjoni ta’ sħubiji u netwerks; jenfasizza li ċentri urbani ikbar iħabbtu wiċċhom ma’ sfidi speċifiċi minħabba l-kumplessità tal-kompiti soċjali, ekonomiċi u ambjentali tagħhom; jara, f'dan il-kuntest, li l-potenzjal endoġenu taż-żoni rurali u periurbani joffri opportunità għall-iżvilupp, għalkemm mhux biss madwar l-agglomerazzjonijiet u l-ibliet il-kbar; jinnota, barra minn hekk, l-opportunità għall-iżvilupp ekonomiku ta’ reġjuni partikolarment żvantaġġjati permezz tal-isfruttament xieraq tal-potenzjal endoġenu taż-żoni rurali u l-appoġġ għalih, inklużi l-assi ambjentali u kulturali tagħhom; iqis ukoll, fil-kuntest tal-politika strutturali u ta’ koeżjoni, is-sħubijiet ta’ reġjuni rurali u żoni urbani iktar bħala li jipprovdu ż-żoni rurali bl-istess kundizzjonijiet għal żvilupp u bi kwalità tal-ħajja fir-rigward tal-fatturi soċjali u ekonomiċi; jistieden lill-Istati Membri, fid-dawl tal-influwenza dinamika tal-bliet fuq l-iżvilupp ekonomiku fir-reġjuni u fl-istimulazzjoni tal-ekonomija fiż-żoni rurali ta’ madwar, biex jiggarantixxu r-riżorsi meħtieġa għall-implimentazzjoni tal-proġetti urbani u suburbani meħtieġa;

15.

Jesprimi ruħu kontra l-kwoti obbligatorji, partikolarment għal allokazzjonijiet nazzjonali fil-qafas tal-programmi FSE/FEŻR, għall-iżvilupp lokali u urban, għaż-żoni rurali u għal tipi oħra ta’ agglomerazzjonijiet spazjali jew żoni funzjonali, peress li dan jista' jiżgura massa kritika ikbar ta’ interventi; iqis li r-rekwiżit li jiġi speċifikat fil-livell ta’ programm operattiv liema żoni urbani jew oħrajn huma eleġibbli għall-appoġġ hija għażla li għandha tingħata prijorità kulfejn dan il-metodu jiżgura valur miżjud u konċentrazzjoni ta’ intensità tal-għajnuna, u li dan għandu jiġi negozjat fuq il-bażi tal-prinċipji ta’ governanza fuq ħafna livelli; huwa tal-fehma li l-Istati Membri u r-reġjuni għandhom jingħataw iktar responsabilità biex jorganizzaw proċeduri ta’ għażla kompetittivi u bbażati fuq ir-rendiment anki f'dan ir-rispett;

16.

Jenfasizza li l-politika strutturali u ta’ koeżjoni m'għandhiex twassal għall-preferenza żbilanċjata ta’ ċerti tipi ta’ reġjuni; jitlob li s-sħubijiet ta’ reġjuni rurali u żoni urbani jkunu eżaminati aktar f'kuntesti ta’ spazji soċjali, ekonomiċi u ambjentali;

17.

Jenfasizza li l-iffinanzjar strutturali u ta’ koeżjoni għandu jqis ukoll l-isfidi edukattivi, kulturali u soċjopolitiċi tal-istrateġija Ewropa 2020, filwaqt li jibqa' konformi mal-objettiv ġenerali tal-UE ta’ koeżjoni ekonomika, soċjali u territorjali kif stabbilit fit-Trattat u fir-rispett tal-prinċipju ta’ sussidjarjetà; huwa tal-fehma, madankollu, li diġà għal raġunijiet finanzjarji biss, l-“Ewropeizzazzjoni” totali tal-oqsma politiċi rilevanti ma tistax tkun ta’ suċċess; għaldaqstant, jitlob li jiġu introdotti approċċi għall-iżvilupp lokali, ibbażati fuq il-lokalità, li jistgħu jservu bħala mudelli, filwaqt li jisseddqu l-kompetenzi tal-livelli nazzjonali u reġjonali;

18.

Jenfasizza, bl-istess mod, li l-politika ta’ koeżjoni ma tistax ssir vettura jew strument għas-servizz ta’ kwestjonijiet settorali bħall-politiki dwar ir-riċerka u l-iżvilupp, l-innovazzjoni industrijali u l-ġlieda kontra t-tibdil fil-klima, peress li dan ifisser li l-objettiv ewlieni tiegħu jitlef mill-essenza tiegħu u li jkun hemm restrizzjonijiet fuq l-użu tiegħu għall-promozzjoni tal-potenzjal tal-iżvilupp tar-reġjuni, li huwa essenzjali sabiex l-aktar reġjuni żvantaġġjati joqorbu dawk l-aktar żviluppati;

19.

Jitlob, fid-dawl tal-bidla meħtieġa lejn riżorsi rinnovabbli fil-qasam tal-enerġija kif ukoll tad-diskussjoni dwar il-klima, li l-politika ta’ koeżjoni tikkontribwixxi aktar lejn żvilupp rapidu tat-teknoloġija ambjentali u l-enerġiji li jiġġeddu; iqis li dan għandu jkun wieħed mill-prijoritajiet jekk ammonti suffiċjenti jkunu disponibbli fil-programmi u konċentrazzjoni fuq l-enerġiji li jiġġeddu tipprovdi valur miżjud għall-UE, abbazi ta’ pjanijiet favur kunċetti ddeċentralizzati dwar l-enerġija li jinvolvu teknoloġiji effikaċi ta’ ħżin fir-reġjuni; huwa favur l-isfruttament tal-potenzjal tal-ekonomija reġjonali f'dan il-qasam;

20.

Jidhirlu li hemm possibilitajiet biex il-Fondi Strutturali jappoġġjaw investimenti f'infrastruttura speċifika tal-enerġija, għalkemm tali appoġġ għandu jkun disponibbli biss f'reġjuni fejn restrizzjonijiet politiċi u ġeografiċi jxekklu b'mod sinifikanti l-kapaċità tas-suq li jissodisfa l-ħtiġijiet tal-provvista ta’ enerġija; barra minn hekk, jitlob li s-sostenn mill-Fondi Strutturali jkun marbut dejjem mat-tisħiħ tas-suq intern tal-enerġija u mas-sikurezza tal-provvista, kif ukoll mal-prinċipju ta’ governanza f'diversi livelli fir-rigward tal-ġestjoni tar-riżorsi;

21.

Iqis ukoll li l-politika ta’ koeżjoni għandha r-responsabbiltà li tagħmel dak meħtieġ biex tqerreb id-distakki u tneħħi l-imblokki f'netwerk tal-qalba TEN tar-rotot prinċipali sinifikanti għall-Ewropa, b'mod partikolari f'dawk ir-reġjuni tal-konfini li s'issa ġew traskurati b'mod partikolari f'dan ir-rigward;

22.

Jenfasizza li n-netwerks tat-trasport Trans-Ewropej għandhom rwol deċiżiv rigward il-koeżjoni tar-reġjuni Ewropej u li, għaldaqstant, għandu jissaħħaħ l-iżvilupp tal-infrastruttura TEN, tal-Awtostradi tal-Baħar u tat-toroq Ewropej ikklassifikati u jtejjeb l-aċċess għalihom, speċjalment fir-reġjuni tal-fruntieri u r-reġjuni l-aktar imbiegħda; jitlob li jittieħdu l-miżuri kollha meħtieġa biex jiġi żgurat finanzjament suffiċjenti u tiġi garantita l-implimentazzjoni f'waqtha tal-proġetti ta’ prijorità TEN-T; jissuġġerixxi li ċerta “infrastruttura” traskonfinali titqies bħala proġetti ta’ prijorità eliġibbli għal fondi tal-Objettiv 1, 2 u 3 u jitlob għal dritt obligatorju biex issir l-ewwel proposta f'livell reġjonali għal dan it-tip ta’ azzjoni u għal parteċipazzjoni ugwali tar-reġjuni tal-konfini u tal-awtoritajiet lokali fil-proċess ta’ ppjanar;

23.

Iħeġġeġ l-applikazzjoni tar-riżorsi nazzjonali, fid-dawl tal-valur miżjud ta’ tali miżuri fit-tisħiħ tal-konverġenza reġjonali, il-koeżjoni territorjali u l-attivitajiet ta’ żvilupp bħat-turiżmu, li huma importanti għal reġjuni remoti, bħal reġjuni insulari;

24.

Jappoġġja l-iżvilupp ekonomiku u l-impjieg fl-SMEs u fil-mikroimpriżi; għalhekk jitlob li l-prinċipji fundamentali tal-Att dwar in-Negozji Żgħar għall-Ewropa (SBAE) – jiġifieri “l-ewwel aħseb fiż-żgħir” u “darba biss” – jitqiesu bħala waħda mill-bażijiet tal-politika ta’ koeżjoni, u jqis li dawn il-prinċipji għandhom jiġu applikati mill-Istati Membri u mir-reġjuni fid-definizzjoni tal-programmi operattivi tagħhom;

25.

Jenfasizza li l-elementi prinċipali tal-Istrateġija Ewropa 2020 (innovazzjoni, edukazzjoni u taħriġ, enerġija, ambjent, impjiegi, kompetittività, kwalifiki, ġlieda kontra l-faqar) diġà qed jiffurmaw parti integrali mill-politika ta’ koeżjoni u strutturali; huwa tal-fehma li l-isfidi tal-istrateġija Ewropa 2020 jistgħu jkunu integrati b'mod faċli ħafna fis-sistema ta’ tliet objettivi (Konverġenza, Kompetittività Reġjonali u Impjiegi, u Kooperazzjoni Territorjali Ewropea), li tat prova tas-suċċess tagħha;

26.

Jenfasizza li l-investiment fl-innovazzjoni u l-edukazzjoni jista' jippromwovi t-tkabbir; jinnota, madanakollu, li l-infrastruttura rilevanti (trasport, broadband internet, enerġija) u l-istituzzjonijiet xierqa (taħlita bbilanċjata ta’ investiment pubbliku u konsolidazzjoni tal-politika fiskali b'miżuri makroekonomiċi, servizzi tal-gvern elettroniku u tagħlim transkonfinali) għandhom jipprovdu sostenn effettiv;

27.

Huwa tal-opinjoni li l-iżvilupp ta’ infrastruttura bażika għandu jitqies ukoll bħala kumpatibbli mal-Ewropa 2020, peress li huwa biss bl-eżistenza ta’ netwerks kompetittivi tat-trasport, l-enerġija u l-komunikazzjoni kif ukoll ta’ infrastruttura tal-ġestjoni tal-iskart, li r-reġjuni ta’ konverġenza jistgħu jkunu f'pożizzjoni li jagħtu l-kontribut tagħhom għall-kisba tal-objettivi tal-Ewropa 2020, li huwa preċiżament għaliex ir-reġjuni l-inqas b'saħħithom u l-aktar fil-bżonn għandhom jingħataw ċerta flessibilità fir-rigward tal-interpretazzjoni ta’ dawn l-objettivi;

28.

Jenfasizza li l-FSE huwa l-aktar strument importanti għall-implimentazzjoni tad-dimensjoni soċjali tal-istrateġija Ewropa 2020 u li l-fond jista' jikkontribwixxi b'mod sinifikanti biex jiġu sodisfatti l-prijoritajiet ċentrali ta’ dik l-istrateġija, jiġifieri l-impjiegi, it-tranżizzjoni għal ekonomija sostenibbli, it-tnaqqis tar-rata ta’ studenti li jabbandunaw l-iskola, il-ġlieda kontra l-faqar, id-diskriminazzjoni u l-esklużjoni soċjali u s-sejba ta’ soluzzjonijiet għas-sitwazzjonijiet soċjali differenti li l-persuni jaqgħu fihom; jenfasizza, f'dan il-kuntest, li flimkien mal-PGD, indikaturi soċjali addizzjonali jkunu utli fl-analiżi SWOT;

29.

Iqis li l-FSE huwa ta’ importanza kruċjali għall-politika ta’ koeżjoni u li għandu l-potenzjal li jsaħħaħ il-kontribut tagħha lejn il-kisba tal-objettivi tal-Ewropa 2020, fosthom fil-qasam tat-tkabbir sostenibbli permezz tal-għoti ta’ sostenn lill-SMEs għall-ħolqien ta’ impjiegi ekoloġiċi;

30.

Iqis il-ġlieda kontra d-diskriminazzjoni fis-suq tax-xogħol, sew jekk relatata mal-ġeneru, l-orjentament sesswali, l-etniċità, l-età, id-diżabilità jew il-post ta’ residenza, bħala kruċjali għall-promozzjoni tal-ugwaljanza ġenwina tal-opportunità; josserva li kulma jmur ir-rata ta’ impjieg tan-nisa hija kruċjali biex tintlaħaq il-mira relatata mal-impjiegi tal-Ewropa 2020 u li għaldaqstant għandhom jiġu indirizzati bis-sħiħ l-ostakli għall-parteċipazzjoni tan-nisa fis-suq tax-xogħol;

31.

Iqis li l-PGD għandu jinżamm bħala l-kriterju ċentrali fid-definizzjoni taż-żoni eliġibbli għall-appoġġ massimu (dawk li l-PGD per capita huwa taħt il-75 % tal-medju tal-UE) u, jekk meħtieġ, tal-istati bi ħtiġijiet ta’ koeżjoni (ING per capita taħt id-90 % tal-medja tal-UE); iqis li l-awtoritajiet nazzjonali u reġjonali kompetenti għandhom jingħataw id-diskrezzjoni biex f'livell adegwat ta’ teħid ta’ deċiżjonijiet, għal kull objettiv u b'mod li jirrefletti konċentrazzjonijiet ġeografiċi, jagħmlu użu anki minn indikaturi addizzjonali, li għandu jsir qbil fuqhom fil-kuntratti ta’ sħubija għall-iżvilupp u l-investiment, li bihom jiġu evalwati l-isfidi soċjali, ekonomiċi, ambjentali, demografiċi u ġeografiċi li jiffaċċjaw;

32.

Jitlob li, f'konformità mat-Trattat ta’ Lisbona, il-politika ta’ koeżjoni tibqa' timmira primarjament lejn ir-reġjuni li baqgħu l-iktar lura; jenfasizza li r-reġjuni l-aktar fil-bżonn għandhom jingħataw sehem xieraq – fi proporzjon mas-serjetà tal-problemi ta’ żvilupp tagħhom – mill-iffinanzjar disponibbli fil-qafas tal-Objettiv 1 (Konverġenza);

33.

Jitlob li jitpoġġa limitu fuq il-perjodi ta’ eliġibilità għal reġjuni li ma jistgħu juru ebda titjib sinifikanti fis-sitwazzjoni ekonomika, soċjali u ambjentali tagħhom wara bosta perjodi ta’ programmar, minkejja appoġġ massimu;

34.

Jistieden lill-Kummissjoni tippreżenta proposta għat-tul tal-perjodu ta’ pprogrammar li jmiss, li tiżgura l-provvista ta’ assistenza tranżitorja aġġustabbli, robusta u proporzjonata għar-reġjuni li ma jaqgħux aktar taħt l-Objettiv ta’ Konverġenza, sabiex tiġi indirizzata s-sitwazzjoni speċifika tagħhom, u għar-reġjuni bi PGD per capita bejn 75 % u 90 % tal-medja tal-UE, fil-forma ta’ kategorija immedjata, sabiex jiġi evitat trattament inugwali tar-reġjuni minkejja s-sitwazzjoni simili tagħhom; iqis li dan l-arranġament speċifiku għandu jieħu post it-tneħħija gradwali u l-introduzzjoni gradwali tas-sistemi, u b'hekk tinħoloq sistema ġusta li tindirizza aħjar l-impatti negattivi tal-kriżi ekonomika u finanzjarja fuq ir-reġjuni, filwaqt li jissaħħu l-ġustizzja u s-solidarjetà, li huma valuri fundamentali tal-politika ta’ koeżjoni; jenfasizza li dawn il-miżuri tranżizzjonali għall-perjodu ta’ pprogrammar li jmiss ma għandhomx jiġu stabbiliti għad-detriment tar-reġjuni attwali tal-Konverġenza (Objettiv 1) u l-Kompetittività (Objettiv 2) jew l-Objettiv tal-Kooperazzjoni Territorjali Ewropea (Objettiv 3);

35.

Jitlob għat-tisħiħ tal-Objettiv 2 (Kompetittività Reġjonali u Impjiegi) permezz tan-natura orizzontali tiegħu biex jinkisbu riżultati fuq numru limitat ta’ prijoritajiet tal-UE, bħall-appoġġ għall-SMEs, innovazzjonijiet ekoloġiċi, ekonomiji lokali, edukazzjoni u taħriġ, infrastruttura, mobilità sostenibbli, enerġiji rinnovabbli u provvista ta’ enerġija, effiċjenza fir-riżorsi u inklużjoni soċjali; jenfasizza li s-sistema stabbilita b'suċċes, li tiżgura li aktar reġjuni żviluppati jkunu kapaċi jneħħu nuqqasijiet strutturali reġjonali, inaqqsu d-disparitajiet territorjali, jikkontribwixxu għal objettivi Ewropej komuni u jissodisfaw sfidi futuri meta jużaw strutturi li jistgħu jirrispondu b'mod flessibbli fil-konfront ta’ ċirkostanzi li dejjem qegħdin jinbidlu, inklużi, inter alia, klusters ta’ innovazzjoni u ta’ kompetizzjoni għall-għoti ta’ fondi f'dawn ir-reġjuni, għandha tinżamm u tkun żviluppata aktar; jitlob miżuri addizzjonali għal żoni li ġew affettwati sew minħabba tibdil strutturali, li jistgħu jikkontribwixxu għal titjib soċjoekonomiku u infrastrutturali; jinnota li f'dan il-kuntest l-istrateġiji għandhom jitfasslu bi flessibbiltà suffiċenti sabiex ikunu jistgħu jlaħħqu mal-problemi u mal-partikularitajiet ta’ kull reġjun individwali;

36.

Jitlob azzjoni biex jiġi żgurat li r-reġjuni żviluppati aktar ikunu kapaċi jimmodernizzaw il-kapital soċjali u ekonomiku tagħhom u jindirizzaw żoni speċifiċi ta’ deprivazzjoni u żvilupp ekonomiku insuffiċjenti;

37.

Iqis li bla dubju ta’ xejn l-isforzi fil-qafas tal-Objettiv 3 (Kooperazzjoni Territorjali Ewropea) għandhom jissaħħu fil-fruntieri interni kollha tal-UE u fit-tliet livelli kollha ta’ tali kooperazzjoni (transkonfinali, interreġjonali, tranżnazzjonali), u jitlob li s-sehem rilevanti tal-Fond Strutturali jiżdied għal 7 %; jitlob li l-allokazzjoni ta’ finanzjament għal kull programm ta’ kooperazzjoni territorjali tkun ibbażata fuq kriterji armonizzati, sabiex tiġi pprovduta reazzjoni strateġika u integrata għall-bżonnijiet u l-partikolaritajiet tat-territorji u ż-żoni ġeografiċi kollha kkonċernati; jenfasizza l-importanza tar-reġjuni tal-fruntieri għall-kisba tal-objettivi tal-Ewropa 2020; iqis li hemm il-ħtieġa li tittejjeb il-koordinazzjoni bejn in-Netwerks Trans-Ewropej, b'mod partikolari dawk li jikkonċernaw it-trasport u l-enerġija, u l-infrastruttura transkonfinali, u jitlob żieda korrispondenti fl-iffinanzjar għar-reġjuni konfinali kollha; jitlob is-simplifikazzjoni tar-regoli ta’ implimentazzjoni li jirregolaw il-programmi tal-Objettiv 3, abbażi tal-prinċipju ta’ proporzjonalità, kif ukoll l-iżvilupp ta’ sett ta’ regoli komuni ta’ eliġibilità, li kollha huma prekondizzjonijiet għal dawn il-programmi biex isiru iktar effettivi u iktar viżibbli; jenfasizza l-ħtieġa li dawk li jieħdu d-deċiżjonijiet fil-livell lokali jiġu involuti aktar mill-qrib, minħabba l-fatt li l-programmi jistgħu jitlaħħmu biss jekk dan ikun iggarantit;

38.

Jikkunsidra li r-REKTs jirrappreżentaw strument ta’ governanza territorjali uniku u ta’ valur kbir, li jindirizza l-ħtiġijiet ta’ kooperazzjoni strutturata, u għandu jiġi promoss bħala mezz biex jiġu stabbiliti sistemi ta’ governanza transkonfinali, filwaqt li tiġi żgurata s-sjieda tal-politiki differenti fil-livell reġjonali u dak lokali;

39.

Jirrifjuta b'mod assolut il-proposti kollha biex il-politika ta’ koeżjoni tiġi nazzjonalizzata jew settorjalizzata; iqis li fondi tematiċi ġodda (għall-klima, l-enerġija u t-trasport) idgħajfu l-prinċipju li diġà ta prova ta’ suċċess ta’ responsabilità maqsuma u ta’ programmi ta’ żvilupp integrati u jipperikolaw id-disponibilità ta’ sinerġiji u l-effikaċja tal-interventi, u għalhekk il-kontribut tar-reġjun biex jinkisbu l-objettivi tal-Ewropa 2020;

40.

Jinsisti li l-Fond Soċjali Ewropew għandu jibqa' parti mill-politika ta’ koeżjoni, peress li b'dan il-mod biss strateġiji integrati għas-soluzzjoni tal-probemi ekonomiċi u soċjali jistgħu jiġu żviluppati u implimentati;

41.

Jappoġġja lill-Kummissjoni fil-għan tagħha li tiżgura FSE akbtar b'saħħtu, effiċjenti u viżibbli; jitlob, għal dan il-għan, lill-Kummissjoni u lill-Istati Membri jilħqu ftehim fin-negozjati tagħhom dwar l-ammont neċessarju ta’ kontribut tal-FSE fi ħdan il-Fondi Strutturali;

42.

Huwa tal-fehma li l-miżuri intiżi li jtejbu l-effikaċja tal-FSE għandhom l-ewwel u qabel kollox ikunu bbażati fuq inċentivi aktar milli fuq sanzjonijiet;

43.

Jenfasizza li l-kriżi ekonomika għamlet saħansitra aktar urġenti l-bżonn ta’ miżuri fis-setturi koperti mill-FSE, b'mod partikolari għall-promozzjoni tal-impjiegi, ir-riallokazzjoni professjonali, l-inklużjoni soċjali u t-tnaqqis tal-faqar;

44.

Jenfasizza l-fatt li l-FSE jipprovdi sostenn kruċjali għall-politiki tas-suq tax-xogħol partikolarment għall-politiki ta’ prevenzjoni u l-politiki lokali kif ukoll dawk immirati biex jgħinu liż-żgħażagħ jidħlu fis-suq tax-xogħol u li jikkombattu l-qgħad;jenfasizza l-fatt li l-Istati Membri għandhom jużaw il-FSE għall-investiment f'ħiliet ġodda, fl-edukazzjoni (inkluża l-edukazzjoni tat-tfulija bikrija), it-tagħlim tul il-ħajja, l-attivitajiet ta’ taħriġ mill-ġdid u ta’ riallokazzjoni professjonali, u jissottolinja li l-fond għandu rwol importanti biex jagħti spinta lid-dimensjoni tal-inklużjoni soċjali għall-gruppi l-aktar żvantaġġjati u vulnerabbli;

45.

Jitlob lill-Kummissjoni żżid l-azzjoni FSE immirata lejn il-promozzjoni tal-integrazzjoni fis-suq tax-xogħol; iħeġġeġ lill-Istati Membri jinvestu fit-tfal minn età bikrija ħafna permezz tal-edukazzjoni u aktar tard iwaqqfu gwida fl-iskola msejsa fuq l-opportunitajiet lokali u reġjonali ta’ xogħol u taħriġ għal matul il-ħajja ħalli jgħinu lill-ħaddiema jadattaw ħiliethom għall-ħtiġiet tas-suq tax-xogħol, filwaqt li jimplimenta l-miżuri għat-taqbida kontra l-qgħad fost iż-żgħażagħ u jkun trattat il-fenomenu tal-‘foqra li jaħdmu’ u jitwaqqfu programmi mfasslin apposta għalbiex tingħata l-assistenza lill-gruppi żvantaġġjati u vulnerabbli bħalma huma r-Roma, il-migranti, il-persuni b'diżabilità u dawk li ma jkomplux l-iskola, għall-fini tal-promozzjoni tat-tkabbir effettiv u inklussiv u ekonomija msejsa fuq l-għarfien fl-Ewropa;

46.

Jitlob azzjonijiet immirati aħjar u aktar appoġġ tekniku għal dawk l-entitajiet milquta minn faqar kbir u spiss minn koeżistenza diffiċli bejn kulturi ta’ maġġoranza u minoranza fil-livelli subreġjonali; iqis li tali entitajiet subreġjonali jistgħu faċilment jibqgħu gruppi ta’ fqar ħafna li jħabbtu wiċċhom mas-segregazzjoni saħansitra fir-reġjuni li mhux neċessarjament għadhom lura meta mqabbla mal-medji statistiċi; josserva li għandhom isiru sforzi konċentrati fuq l-iżvilupp ta’ entitajiet subreġjonali;

47.

Jilqa' b'sodisfazzjon il-fatt li ġew stabbiliti wkoll programmi operattivi (OPs) li jkopru s-setturi kollha tal-objettivi għall-ewwel darba għall-FSE f'xi Stati Membri għall-perjodu ta’ finanzjament 2007-2013;

48.

Jenfasizza l-fatt li l-esperjenza imprezzabbli miksuba bl-inizjattiva Komunitarja EQUAL hija rilevanti, speċjalment fir-rigward tal-kombinazzjoni tal-miżuri lokali u reġjonali u l-iskambu fuq livell tal-UE tal-aħjar prattiki;

49.

Jiġbed l-attenzjoni għas-sinerġiji li jistgħu jinkisbu mill-approċċi integrattivi lokali u reġjonali, b'mod partikolari permezz tat-tgħaqqid tal-FSE mal-FEŻR, u jitlob li jkun hemm regoli komuni ta’ eliġibilità u li jiżdied u jiġi ffaċilitat l-użu tal-għażla tal-finanzjament trasversali bejn dawn il-fondi – l-aktar għal dak li għandu x'jaqsam mal-ippjanar tal-iżvilupp integrattiv; jappoġġja l-introduzzjoni ta’ possibilità ta’ programmi operazzjonali ffinanzjati minn fondi differenti li tkompli tiffaċilita l-approċċi integrati; jitlob, barra minn hekk, sinerġiji aħjar bejn l-FSE u l-FEŻR;

50.

Jitlob, għall-iskop taż-żieda fis-sinerġiji, li jkun hemm integrazzjoni akbar tal-politiki settorjali (it-trasport, l-enerġija, ir-riċerka, l-ambjent, l-edukazzjoni) skont il-politiki ta’ koeżjoni u strutturali, ħalli jkun hemm effikaċja akbar u koordinament aħjar bejn il-Fondi Strutturali, iċ-CIP u l-Programmi Qafas għar-Riċerka u l-Iżvilupp; jissuġġerixxi li l-ipprogrammar multi-fond ikun jista' jikkontribwixxi għal approċċ aktar integrattiv u jkun jista' jkabbar l-effikaċja tal-interazzjoni bejn il-finanzjamenti differenti; jikkunsidra s-sħubiji ta’ żvilupp nazzjonali / reġjonali bħala strument xieraq biex jinġiebu flimkien l-istrumenti varji; f'dan ir-rigward jenfasizza l-bżonn li jiġu stabbiliti objettivi ċari u li jiġi evalwat jekk intlaħqux l-għanijiet fl-Istati Membri;

51.

Jipproponi li l-politiki ta’ żvilupp u riċerka jiġu territorjalizzati; jisħaq, għalhekk, dwar l-importanza tal-adattament tal-politika ta’ koeżjoni u tal-politiki ta’ riċerka u innovazzjoni għall-ħtiġijiet speċifiċi tat-territorji, billi l-involviment aktar mill-qrib tal-awtoritajiet reġjonali u lokali fit-tifsil u l-implimentazzjoni tal-fondi ta’ żvilupp reġjonali u tal-programmi ta’ innovazzjoni huwa ta’ importanza kruċjali minħabba fl-impossibilità tal-applikazzjoni tal-istess strateġija ta’ żvilupp fir-reġjuni kollha;

52.

Jitlob qafas strateġiku komuni għall-FEŻR, il-FSE, il-Fond ta’ Koeżjoni, il-Programmi Qafas, il-FAEŻR, u l-FES għall-perjodu ta’ finanzjament ta’ wara l-2013; iqis li l-mudell tal-approċċ regolatorju armonizzat (amministrazzjoni, eleġibilità, verifika, rekwiżiti ta’ rrapportar) għandu jissaħħaħ aktar permezz ta’ regolament ta’ qafas komuni; jenfasizza, f'dan ir-rigward, l-importanza ta’ fondi differenti li jaħdmu flimkien bla xkiel sabiex jinkisbu r-riżultati; jitlob lill-Kummissjoni tagħmel aġġustamenti skont dawn il-kriterji sabiex il-fondi rilevanti, meta jkun possibbli, jikkompletaw lil xulxin;

53.

Jitlob li jiġi adottat Qafas Strateġiku Komuni mill-Kunsill u mill-Parlament skont il-proċedura leġiżlattiva ordinarja abbażi tal-Artikolu 177 tat-TFUE;

54.

Huwa tal-fehma li dan il-Fond Soċjali Ewropew jeħtieġ li jiġi inkluż fil-qafas strateġiku komuni, mingħajr, iżda, ma jbiddel ir-regoli u d-dispożizzjonijiet ta’ funzjonament tiegħu u billi jiżgura l-għoti ta’ riżorsi adegwati; jitlob lill-Kummissjoni ssaħħaħ ir-rwol tal-FSE, tgħollilu l-profil u tissemplifikalu l-arranġamenti ta’ kontroll baġitarju billi jsiru proċeduri ta’ kooperazzjoni sempliċi u effettivi bejn l-awtoritajiet ġestriċi u d-dipartimenti ta’ kontroll baġitarju;

55.

Iħeġġeġ l-eżami tar-reintegrazzjoni tal-programmi tal-FAEŻR relatati mar-reġjuni (l-assijiet ta’ sostenn eżistenti 3 u 4) f'dan il-qafas; jopponi, madankollu, li dan jista' jwassal għal tnaqqis fil-baġits tal-FEŻR u l-FAEŻR; jitlob rekwiżiti mandatorji għall-Istati Membri u r-reġjuni bil-għan li jinħolqu strutturi amministrattivi armonizzati għall-Fondi Strutturali tal-UE u l-programmi reġjonali tal-iżvilupp rurali;

56.

Jitlob li jkun hemm reviżjoni tar-regolament dwar il-koperazzjoni bejn il-fruntieri fil-fruntieri esterni u tal-ENPI kurrenti, ħalli jkunu integrati l-fondi relevanti fl-Objettiv 3 (Kooperazzjoni Territorjali Ewropea);

57.

Jilqa' l-għanijiet tal-kuntratti tas-Sħubija għall-Iżvilupp u l-Investiment bejn l-UE u l-Istati Membri proposti mill-Kummissjoni flok il-pjanijiet ta’ qafas strateġiċi nazzjonali ta’ qabel li kienu mħejjijin għall-Istati Membri individwali; jitlob li f'dan il-qafas jiġu stabbiliti prijoritajiet ta’ investiment ewlenin għall-implimentazzjoni tal-istrateġija Ewropa 2020 u ta’ għanijiet oħra tal-politika ta’ koeżjoni; iqis neċessarju li jiġi ċċarat mill-aktar fis it-tqassim tal-kompetenzi konkreti bejn il-livelli involuti kemm jista' jkun malajr u jitlob li jisseddqu l-kompetenzi nazzjonali, reġjonali u lokali kif stabbiliti mill-prinċipju ta’ sussidjarjetà; jitlob impenn ċar favur involiment xieraq tas-sħab fil-kuntratti ta’ sħubija ta’ żvilupp u investiment;

58.

Jitlob li jinżammu l-Programmi Operattivi bħala strument importanti għat-traspożizzjoni tal-karti strateġiċi fi prijoritajiet ta’ investiment konkreti; f'dan ir-rigward, jitlob miri ċari u li jistgħu jitkejlu;

59.

Jitlob li jkun hemm il-koinvolġiment obbligatorju tal-awtoritajiet reġjonali u lokali u l-assoċjazzjonijiet tagħhom, skont is-sistemi kostituzzjonali u istituzzjonali tal-Istati Membri individwali, fil-fażijiet kollha tal-implimentazzjoni tal-politika ta’ koeżjoni (pjanar strateġiku, tfassil u negozjar tal-ftehimiet ta’ sħubija u programmi operattivi għall-iżvilupp u l-investiment, monitoraġġ u valutazzjoni), b'mod strutturat u sistematiku; iqis assolutament neċessarji formulazzjonijiet adegwati fir-regolamenti dwar il-Fondi Strutturali;

60.

Jaħseb li kull strateġija futura ta’ użu tal-FSE se tkun iktar effikaċi jekk tinvolvi l-livelli reġjonali u lokali tal-governanza, kapaċi li jiddeklinaw l-objettivi strateġiċi fuq l-ispeċifiċitajiet territorjali anki permezz ta’ djalogu strutturat mal-partijiet interessati kollha;

61.

Jappoġġja s-sistema tal-prijoritajiet tematiċi proposta mill-Kummissjoni; jindika li, aktar ma jkun baxx il-livell ta’ żvilupp ta’ Stat Membru jew reġjun, aktar għandha tkun wiesgħa l-lista ta’ prijoritajiet filwaqt li għandhom jitqiesu l-ħtiġijiet reġjonali speċifiċi ta’ żvilupp u filwaqt li jiġi żgurat li dan l-approċċ tematiku għall-programmazzjoni tal-fondi strutturali u ta’ koeżjoni ma jkunx jista' jiġi implimentat għad-detriment tal-approċċ integrat ibbażat fuq il-post;

62.

Jitlob li l-Istati Membri, fil-każ li ċerti prijoritajiet vinkolanti jiġu imposti għall-Istati Membri kollha, li jinkludi fost il-prijoritajiet tagħhom l-innovazzjoni, l-infrastruttura, it-trasport u l-ġestjoni tar-riżorsi, imma iqis li għandu jkun hemm ċertu marġini għall-manuvrar li għandu jqis l-iskala tal-programmi, ix-xenarju baseline f'kull reġjun u r-riżultati li għandhom jinkisbu, ħalli dawn il-prijoritajiet ikunu mfasslin għall-ħtiġiet partikolari ta’ kull reġjun; jenfasizza, f'dan ir-rigward, li l-innovazzjoni għandha tingħata interpretazzjoni wiesgħa b'konformità mal-inizjattiva ewlenija “Unjoni tal-Innovazzjoni”; jinnota li l-SMEs huma s-sors prinċipali tal-impjiegi fl-UE u jagħtu lok għal ideat kummerċjali; jisħaq fuq il-fatt li l-appoġġ għall-SMEs għandu jkun kontinwat u msaħħaħ fid-dawl tar-rwol kjavi li għandhom fl-implimentazzjoni tal-istrateġija Ewropa 2020; jisħaq li, f'dak li għandu x'jaqsma mal-Unjoni tal-Innovazzjoni, jeħtieġ li jkun applikat kunċett wiesa' ta’ ‘innovazzjoni’ filwaqt li l-aċċess tal-SMEs għall-finanzi għandu jissokta jkun iffaċilitat; jenfasizza li għandu jkun possibbli għall-prijoritajiet addizzjonali li jkunu proposti u implimentati fuq bażi volontarja u konformi mal-prinċipju ta’ sussidjarjetà; jitlob li l-oqsma proposti ta’ prijorità jkunu jinkludu l-enerġija, l-edukazzjoni u t-taħriġ u l-azzjoni kontra l-faqar;

63.

Jitlob li jiġi evitat id-dewmien fit-tnedija tal-programmi u li bħala kwestjoni ta’ prinċipju jitnaqqas iż-żmien tal-proċessi ta’ teħid ta’ deċiżjonijiet u ta’ valutazzjoni; jenfasizza li dan huwa importanti ħafna, partikolarment għal impriżi ta’ daqs żgħir u medju; jitlob ukoll li jitjieb it-tagħmir tekniku disponibbli għall-awtoritajiet amministrattivi rilevanti u għal dawk l-awtoritajiet li għandhom ikunu aktar interkonnessi mill-qrib, li jkunu ridotti r-rekwiżiti għall-pubblikazzjoni, u li t-termini għas-sejħiet għall-offerti u l-applikazzjoni jitqassru b'mod sinifikattiv; jitlob lill-Kummissjoni tivvaluta jekk jistgħux jiġu stabbiliti oqsma pilota sabiex jiġu ttestjati r-regolamenti l-ġodda fuq skala iżgħar qabel jiġu applikabbli għall-kumplament tar-reġjuni sabiex jiġu identifikati problemi possibbli fl-implimentazzjoni;

64.

Jitlob li l-finanzjament fuq is-sħubijiet għall-iżvilupp u l-investiment ikun soġġett għal ċerti impenji speċifiċi predeterminati fi djalogu bejn il-Kummissjoni u l-Istati Membri; huwa tal-fehma li dawk il-kondizzjonijiet predeterminati għandhom jirrikjedu li l-Istati Membri jwettqu r-riformi ħalli jiżguraw li l-fondi jintużaw b'mod effikaċi fl-oqsma direttament marbutin mal-politika ta’ koeżjoni li, fejn ikun nċessarju, l-Istati Membri għandhom jissejħu ħalli jagħmlu dan, u li l-fondi għandhom ikunu jiddependu minn tali kondizzjonijiet; jitlob li jkun possibbli li l-atturi mdaħħlin fil-ġestjoni tal-programmi operattivi jinfluwenzaw il-kondizzjonalitajiet; iqis ġust l-irbit, b'mod partikolari, mat-traspożizzjoni korretta tal-leġiżlazzjoni diġà adottata tal-UE (ipprezzar, akkwist pubbliku, trasport, ambjent, saħħa eċċ.) sabiex ikunu evitati irregolaritajiet u biex tkun iggarantita l-effikaċja; madankollu, jiċħad tali rekwiżiti li jitolbu lill-Istati Membri jwettqu riformi soċjali u ekonomiċi fundamentali; il-kundizzjonijiet kollha għandhom b'mod sħiħ jirrispettaw il-prinċipji tas-sussidjarità u tas-sħubija;

65.

Huwa tal-fehma li kondizzjonalità ġdida m'għandhiex tirriżulta f'piżijiet amministrattivi żejda għall-atturi involuti; jinkoraġġixxi l-iżvilupp ta’ sistemi konsistenti, standard ta’ kondizzjonalità kemm għall-FEŻR u għall-FSE li għandhom ikunu tali li jistgħu jiġu valutati oġġettivament;

66.

Jikkunsidra lill-Kummissjoni responsabbli għall-formolazzjoni tal- kundizzjonalitajiet u biex tissorvelja l-implimentazzjoni tagħhom, u jipproponi pjanijiet rispettivi ta’ azzjoni għall-Istati Membri u r-reġjuni;

67.

Jilqa' l-proposta tal-Kummissjoni li tagħmel politika ta’ koeżjoni aktar orjentata lejn ir-riżultati permezz tal-istabbiliment ex ante ta’ objettivi u indikaturi adegwati; jenfasizza li dawk l-indikaturi għandhom ikunu ftit, iddefiniti b'mod ċar, li jistgħu jitkejlu, li jinsabu f'interazzjoni diretta mas-sostenn u li jkollhom jiftiehmu b'mod konġunt mir-reġjuni/l-Istati Membri; jikkunsidra, madankollu, li l-istrumenti u l-kriterji kollha proposti biex ikejlu l-prestazzjoni għandhom jibqgħu msejsin fuq approċċ kwalitattiv tal-programmi;

68.

Jikkunsidra li l-indikaturi li jiddeterminaw sussidji reġjonali mill-fondi strutturali u mill-Fond ta’ Koeżjoni għandhom ikunu abbażi tad-data statistika l-aktar reċenti, sabiex jikkunsidraw l-impatt tal-kriżi fuq ir-reġjuni f'termini ekonomiċi u soċjali;

69.

Jitlob li l-effikaċja u t-trasparenza tal-FSE titqawwa permezz ta’ azzjonijiet orjentati aktar lejn ir-riżultati u jqis li, għal dan il-għan, jeħtieġ li jkun hemm definizzjoni ex ante ta’ objettivi ċari u li jistgħu jitkejlu u indikaturi tar-riżultati marbuta direttament mal-iskop tal-iffinanzjar, li jkejlu, partikolarment, is-suċċess fil-ġlieda kontra l-faqar u l-esklużjoni soċjali u l-integrazzjoni f'impjiegi ta’ kwalità; iqis li dawk interessati li jinsabu fil-livelli kollha ta’ governanza għandhom ikunu mdaħħlin fit-twaqqif ta’ dawn il-miri u indikaturi u li dawn tal-aħħar għandhom ikunu definiti b'mod ċar ferm qabel l-għoti tal-finanzjament, ħalli kemm l-Istati Membri kemm il-Kummissjoni jkunu jistgħu jivvalutaw ir-riżultati miksubin u jużaw l-esperjenza matul il-fażi li jmiss tal-ippjanar; jappoġġja l-proposta tal-Kummissjoni li tagħmel l-allokazzjoni tal-flus mill-FSE dipendenti minn kundizzjonalità ex ante, inkluża prekundizzjoni dwar it-traspożizzjoni tal-leġiżlazzjoni tal-UE u tal-objettivi tal-UE li huma indispensabbli għas-suċċess tal-miżuri tal-FSE kif ukoll tal-fondi strutturali u tal-kapaċitajiet adegwati fl-amministrazzjonijiet; jenfasizza li l-orjentament lejn ir-riżultati ma għandux iwassal biex il-benefiċjarji ż-żgħar jiġu żvantaġġjati jew esposti għal ostakli ġodda għall-aċċess jew għal riskji;

70.

Iqis il-kofinanzjament pubbliku u privat bħala wieħed mill-prinċipji fundamentali tal-politika ta’ koeżjoni; jitlob eżami tas-sehem massimu tal-UE, li jkollu jirrifletti aktar il-livell tal-iżvilupp reġjonali, il-valur miżjud Ewropew u t-tipi ta’ miżuri u jkollu jiżdied jew jitnaqqas skont dawn il-kriterji;

71.

Jitlob lill-Istati Membri u lir-reġjuni biex iħarsu 'l quddiem meta jipprogrammaw il-kofinanzjament tal-approprjazzjonijiet u jippromovuhom permezz tal-inġinerija finanzjarja;

72.

Jitlob li, fir-rigward tas-sussidji diretti lill-impriżi, jitqies li l-finanzjament tal-politika ta’ koeżjoni, aktar milli jinfluwenza d-deċiżjoni mill-kumpaniji – u b'mod partikolari mill-kumpaniji l-kbar – li jiftħu impjant f'post partikolari, dawn itendu li jidħlu fil-but tal-kumpaniji li jkunu ġa ħadu tali deċiżjonijiet (effett deadweight) u jitlob, għalhekk, li jingħata appoġġ lil impriżi kbar u privati ħalli jiffokaw fuq l-investiment fir-riċerka u l-iżvilupp jew li jingħata, aktar spiss milli hu l-każ bħalissa, indirettament permezz tal-finanzjament għall-infrastruttura; barra minn hekk, jitlob regoli ċari fir-regolament ġenerali dwar il-Fondi Strutturali li jeskludu l-provvista ta’ kull ħlas ta’ fondi tal-UE għal rilokazzjonijiet ta’ kumpaniji barra mill-UE, kif ukoll tnaqqis fil-limitu ta’ verifika għall-eżami ta’ tali investimenti, li jeskludu impriżi kbar mis-sussidji diretti u t-tqegħid ta’ limitu ta’ 10 snin fuq id-durata tal-operazzjonijiet;

73.

Jirrikonoxxi l-effett ta’ lieva u l-potenzjal ta’ mobbilizzazzjoni ta’ strumenti ġodda ta’ finanzjament, ġeneralment jiffavorixxi l-idea li jintuża aktar is-self bħala mezz ta’ finanzjament, u jitlob l-estensjoni tal-istrumenti finanzjarji bbażati fuq ir-rotazzjoni għal dawk iż-żoni eliġibbli għall-iffinanzjar li jagħtu prova li huma xierqa; jitlob li l-proċeduri jkunu ssemplifikati għal dak il-fini u li jkun hemm grad akbar ta’ ċertezza legali matul il-perjodu kollu tal-finanzjament, kif ukoll għat-twaqqif ta’ reġistru tal-UE li juri liema proġetti ngħatalhom is-self u liema s-sussidji; jitlob biex l-istrumenti jkunu adattabbli biex jiġi żgurat li huma vijabbli u fattibbli għar-reġjuni u l-ibliet kollha; iqis li l-aktar tard wara perjodu ta’ finanzjament wieħed, ir-responsabilità għall-użu tal-fondi għandha tgħaddi għal-livell nazzjonali jew dak tal-proġetti individwali; jinnota li matul il-perjodu kurrenti, mhux l-Istati Membri kollha adottaw approċċ deċentralizzat biex jindirizzaw strumenti finanzjarji bħal JESSICA; jenfasizza l-ħtieġa għal aċċess dirett għall-ibliet;

74.

Jenfasizza li s-sostenn permezz ta’ għotjiet għandu jibqa' dejjem il-mezz ippreferut u li r-responsabilità għall-għażla tat-taħlita adattata skont il-ħtiġijiet reġjonali għal kull każ individwali għandha titħalla f'idejn l-atturi lokali;

75.

Iqis li l-BEI għandu jkollu rwol aktar b'saħħtu fil-finanzjament ta’ infrastrutturi TEN; jitlob aktar approċċi bbażati fuq soluzzjonijiet fil-qafas ta’ sħubija bejn is-settur pubbliku u dak privat li jipprovdu awtonomija finanzjarja; ġeneralment, huwa tal-idea li l-Parlament Ewropew għandu jingħata responsabilità importanti għall-iżgurar tat-trasparenza meħtieġa kif ukoll għal kompiti relatati mat-teħid ta’ deċiżjonijiet u s-sorveljanza;

76.

Jilqa' l-kooperazzjoni effettiva bejn il-BEI u l-Kummissjoni fl-implimentazzjoni tat-tliet inizjattivi konġunti – JESSICA, JEREMIE u JASMINE – li għandhom iżidu l-effiċjenza u l-effikaċja tal-politika ta’ koeżjoni u jtejbu l-iffunzjonar tal-Fondi Strutturali; jistieden lill-Kummissjoni tkompli tadotta attivament l-inizjattivi konġunti mal-BEI, partikolarment fil-qasam tal-politika ta’ koeżjoni u tiżgura appoġġ finanzjarju lill-SMEs;

77.

Jara l-għotjiet globali fil-livell ta’ taħt dak tar-reġjuni bħala strument adattat għal strateġiji ta’ innovazzjoni bbażati fuq l-awtodeterminazzjoni, b'konformità mal-għanijiet tal-politika reġjonali Ewropea;

78.

Jiċħad il-kwoti jew l-obbligi għal għotjiet globali, madankollu, peress li jistgħu jmorru kontra l-iffissar ta’ prijoritajiet predominanti mfassla preċiżament għall-ħtiġijiet tar-reġjuni;

79.

Iqis li l-perjodu ta’ programmazzjoni ta’ seba' snin ta prova tal-valur tiegħu fir-rigward tal-politika ta’ koeżjoni u għandu jisseddaq mill-inqas sa tmiem il-perjodu ta’ pprogrammar li jmiss (2020); madankollu, jitlob sistema għar-rivalutazzjoni strateġika aktar rapida tal-kundizzjonijiet bażiċi biex wieħed ikun jista' jirreaġixxi saħansitra aktar malajr u b'mod aktar flessibbli għal ġrajjiet partikolari (kriżi finanzjarja, kriżi tal-enerġija, diżastri naturali);

80.

Jenfasizza, b'danakollu, li l-baġit tal-UE kif inhu strutturat bħalissa u l-mekkaniżmi ta’ allokazzjoni, u bir-regolamenti bażiċi dwar il-Fondi, ta prova ta’ effikaċja proprju għall-implimentazzjoni tal-politika ta’ koeżjoni u strutturali, jiġifieri jinħtieġu tibdiliet biss fejn xi proċeduri ma wrewx ruħhom ta’ ġid jew fejn hemm kontradizzjonijiet mar-Regolament Baġitarju attwali; jappoġġja, f'dan il-kuntest, il-proposti tal-Kummissjoni għall-armonizzazzjoni tar-regoli li jiggvernaw il-fondi kollha disponibbli għall-iżvilupp reġjonali; jitlob, iżda, li kwalunkwe tibdila, tkun kemm tkun żgħira, fl-istrutturi stabbiliti u appruvati jkollha ssir bl-ikbar attenzjoni, sabiex jiġi evitat li jiżdiedu l-burokrazija, id-difetti fil-funzjonament u l-inċertezza għall-entitajiet amministrattivi nazzjonali u reġjonali u oneru akbar għall-benefiċjarji, l-aktar dawk bi strutturi żgħar u kapaċità limitata;

81.

Iqis ferm possibbli l-integrazzjoni tal-għanijiet tal-Ewropa 2020 fl-istrutturi eżistenti ta’ objettivi u fondi u b'hekk anki fil-linji baġitarji; jiċħad il-qsim tal-baġit tal-UE permezz tat-termini teoretiċi li jiddeskrivu t-tkabbir bħala “intelliġenti”, “inklussiv” jew “sostenibbli”, kif ukoll kull frammentazzjoni tal-politika ta’ koeżjoni f'bosta intestaturi baġitarji; iqis li din il-politika għandu jkollha l-intestatura tagħha fil-baġit tal-UE;

82.

Iqis il-politika ta’ koeżjoni ta’ wara l-2013 bħala kapaċi li tagħti kontribut saħansitra akbar għal aktar żvilupp sostenibbli tar-reġjuni tal-UE u għal politika deċiżiva għall-implimentazzjoni intrasettorjali tal-istrateġija Ewropa 2020, u għalhekk jitlob li jkunulha allokati mill-anqas l-istess approprijazzjonijiet baġitarji;

83.

Ifakkar li l-Qorti Ewropea tal-Awdituri rrappurtat għal ħafna snin li pagamenti fl-ambitu tal-koeżjoni huma milqutin minn rata ta’ żball li taqbeż il-5 %, minkejja li tinnota li din ir-rata niżlet minn 11 % fl-aħħar proċedura ta’ kwittanza, kif juri r-Rapport Annwali tal-Qorti Ewropea tal-Awdituri, u li s-sistemi tas-superviżjoni u tal-kontroll huma effikaċi parzjalment biss; barra minn hekk jitlob għal kjarifika dwar il-metodu ta’ kif jiġu kkalkulati l-iżbalji, minħabba li diskrepanzi fil-figuri li jkunu pprovduti mill-Qorti Ewropea tal-Awdituri u mill-Kummissjoni iwasslu għal konfużjoni u nuqqas ta’ fiduċja fiċ-ċifri uffiċjali;

84.

Jitlob li jkunu adottati regoli aktar stretti għall-monitoraġġ tal-irregolaritajiet fl-użu tal-Fondi Strutturali vis-à-vis l-Istati Membri li għandhom livell għoli ta’ irregolaritajiet f'dak li għandu x'jaqsam mal-użu tal-flejjes mill-Fondi Strutturali u dwar proċedura għall-interruzzjoni sistematika u s-sospensjoni tal-pagamenti hekk kif l-evidenza tkun tissuġġerixxi defiċjenza fil-funzjonament tal-awtoritajiet akkreditati; jitlob, fl-istess ħin, li jitneħħew kontrolli mhux meħtieġa f'dawk l-Istati Membri li għandhom sistema ta’ mmaniġġjar soddisfaċenti tal-fond; jikkunsidra li l-prinċipji ta’ ‘kuntratt ta’ fiduċja’ u l-‘verifika unika’ għandhom jiġu implimentati fejn ikun possibbli;

85.

Jitlob li l-Istati Membri u/jew l-awtoritajiet pubbliċi jinnominaw awtoritajiet jew entitajiet li jkollhom ir-responsabilità esklussiva għall-amministrazzjoni konformi mal-liġi tar-riżorsi mill-Fondi Strutturali;

86.

Iqis id-dikjarazzjonijiet annwali ta’ mmaniġġjar ittestjati fil-livell ta’ kap tal-uffiċċju li jamministra l-fondi (uffiċċju tal-ħlasijiet / awtorità amministrattiva) bħala mezz xieraq ta’ tisħiħ tal-katina tar-rappurtar u l-kontroll, u jenfasizza l-bżonn assolut li dawn id-dikjarazzjonijiet ikunu preċiżi f'termini ta’ kontenut; jitlob, għalhekk, li jkun hemm sistema ta’ penali li għandha tapplika għal dikjarazzjonijiet foloz; jibqa' javalla l-iskop tad-dikjarazzjonijiet nazzjonali ta’ assikurazzjoni;

87.

Jitlob li l-Kummissjoni, mill-bidu tal-perjodu ta’ pprogrammar li jmiss, ikollha responsabilità ikbar għat-titjib tal-proċeduri amministrattivi nazzjonali; iqisu, f'dan il-kuntest, li hemm ħtieġa urġenti għas-semplifikazzjoni u l-kjarifika tal-amministrazzjoni tal-programmi ta’ appoġġ, b'mod partikolari fil-qasam tal-implimentazzjoni finanzjarja u l-kontroll finanzjarju; għaldaqstant, iqis li l-Kummissjoni għandha tkun responsabbli biex twettaq proċeduri ta’ akkredizzjoni għall-amministrazzjonijiet u uffiċċji ta’ verifika nazzjonali jew federali; iqis li l-intitolament għal rapportaġġ semplifikat u anqas frekwenti għandu jkun marbut mal-akkreditament b'suċċess u riduzzjoni fir-rata tal-iżbalji;

88.

Barra minn hekk, jitlob biex jissaħħaħ ir-rwol superviżorju tal-Kummissjoni billi jiddaħħlu l-interruzzjoni u s-sospensjoni awtomatika tal-pagamenti hekk kif evidenza qawwija sew tkun turi nuqqas sinifikanti fil-funzjonament tal-awtoritajiet akkreditati; jistieden ukoll lill-Kummissjoni tistabbilixxi pjanijiet aktar robusti biex tiżdied ir-rata tal-irkupru ta’ pagamenti żbaljati;

89.

Jitlob li s-sistema ta’ ispezzjoni tiġi ssimplifikata u n-numru ta’ livelli ta’ ispezzjoni jitnaqqas u sabiex ir-responsabilitajiet rispettivi tal-Kummissjoni u l-Istati Membri jiġu ċċarati; jitlob l–użu ta’ proċedura ta’ ispezzjoni b'livell wieħed, li fil-qafas tagħha l-Istati Membri jispezzjonaw proġetti u l-Kummissjoni tispezzjona s-sistema ta’ ispezzjoni tal-Istati Membri;

90.

Huwa tal-fehma li sabiex titjieb l-effettività tal-programmi operazzjonali għandu jsir użu akbar tal-proċeduri kompetittivi għall-għażla tal-proġetti fi ħdan ir-reġjuni;

91.

Bil-għan li tiġi ssimplifikata l-amministrazzjoni, jitlob l-estensjoni ta’ proċeduri standardizzati, b'unitajiet ta’ spejjeż standardizzati ogħla u dikjarazzjoni ta’ spejjeż ġenerali fuq bażi ta’ rata fissa fejn din is-sistema tkun xierqa; jitlob li jitqies aktar il-prinċipju ta’ proporzjonalità, jiġifieri li għall-implimentazzjoni ta’ programmi iżgħar jintalbu sinifikantement inqas obbligi ta’ rapportar u ta’ verifika;

92.

Jistieden lill-Kummissjoni żżomm ta’ kull sena u pubblikament “skeda ta’ nuqqasijiet” fir-rigward tar-rispett ta’ rappurtar u żvelar tar-rekwiżiti jew in-nuqqas li dan isir fiż-żmien rikjest u dwar irregolaritajiet, abbuż u frodi fl-użu ta’ flejjes mill-Fondi Strutturali; jitlob li din l-informazzjoni tinqasam skont l-Istat Membru u skont il-Fond;

93.

Huwa mħasseb dwar il-fatt li l-burokrazija qed tostakola lill-kumpaniji u l-organizzazzjonijiet iż-żgħar milli jkollhom aċċess għall-iffinanzjar strutturali; jitlob li r-regoli relevanti u d-dokumentazzjoni teknika tkun ċara kemm jista' jkun;

94.

Jitlob li jiġu stabbiliti proċeduri annwali ta’ approvazzjoni tal-kontijiet għall-perjodu ta’ pprogrammar il-ġdid, li jkopru wkoll programmi pluriennali;

95.

Iqis is-soluzzjonijiet aktar effiċjenti tal-gvern elettroniku (forom armonizzati) bħala neċessarji għas-sistema sħiħa ta’ implimentzzjoni u monitoraġġ; jitlob l-iskambju ta’ esperjenzi bejn l-Istati Membri, ikkoordinat mill-Kummissjoni, u l-implimentazzjoni kkoordinata permezz ta’ raggruppamenti ta’ awtoritajiet amministrattivi u entitajiet ta’ verifika;

96.

Jappoġġja l-proposta tal-Kummissjoni li l-kumpens għall-infiq għandu jitħallas lill-awtoritajiet nazzjonali biss wara li jkun tħallas lill-benefiċjarju l-kontribut korrispondenti tal-UE; iqis li dan se jaċċelera l-ħlasijiet u se jikkostitwixxi l-inċentiv deċiżiv favur kontrolli nazzjonali stretti; jinnota, iżda, li xi drabi jistgħu jinqalgħu problemi ta’ likwidità fil-livell ta’ Stati Membri u f'dak reġjonali u li jeħtieġ li jinstabu soluzzjonijiet li jipprovdulhom sigurtà;

97.

Iqis li t-talba tal-Kummissjoni li l-pagamenti jkunu marbutin aktar mill-qrib mar-riżultati hija illoġika, billi r-riżultati jinkisbu biss u qabel xejn bil-finanzjament tal-proġetti; huwa mħasseb li l-monitoraġġ x'aktarx se jkun burokratiku ħafna, illi jqis li huma konċepibbli r-rekwiżiti li jagħmlu l-pagamenti kontinġenti fuq konsistenza ppruvati bejn il-proġetti u, ngħidu aħna, l-istrateġija Ewropa 2020;

98.

Iqis li, filwaqt li r-rimborż għandu jasal wara li l-iffinanzjar tal-UE jkun tqassam fil-proġetti, l-ebda piż ulterjuri ma għandu jitpoġġa fuq il-benefiċjarji f'termini ta’ rati ta’ interess li ma jirreflettux il-fattur ta’ riskju baxx ta’ tali self minn kwalunkwe bank jew istituzzjoni finanzjarja oħra;

99.

Jitlob id-diversifikazzjoni tal-mekkaniżmi ta’ penali, inkluża, fost aspetti oħra, sistema ta’ bonus għal dawk l-Istati Membri li jikkonformaw mar-rekwiżiti ta’ implimentazzjoni, partikolarment permezz ta’ konċessjonijiet amministrattivi;

100.

Ifakkar li għall-kuntrarju tal-fondi strutturali l-oħrajn, l-ispeċifiċità tal-FSE tirreferi għall-fatt li hija marbuta mill-qrib mal-gruppi fil-mira li ssostni u li għandu jissawwar b'tali mod li jippermetti bosta proġetti fuq skala żgħira bbażati lokalment; jitlob li l-Istati Membri jkun rikjest minnhom li jgħaddu l-fondi immedjatament lill-proġetti ħalli jiskansaw il-problemi għall-benefiċjarji ż-żgħar; jitlob lill-Kummissjoni u lill-Istati Membri jqisu li jkun hemm flessibilità fl-implimentazzjoni finanzjarja tal-programmi, ħalli jittieħdu kont tal-prinċipju tal-proporzjonalità f'dak li għandu x'jaqsam mal-ħin u l-isforzi u l-kontribut finanzjarju meta jiġu ffissati l-obbligi ta’ kontroll u verifika, u ħalli jiġu ssemplifikati l-proċeduri u ridotti l-kostijiet amministrattivi eċċessivi u l-ostakli kollha għall-benefiċċju tal-proġetti u l-benefiċjarji potenzjali tagħhom, u b'hekk l-FSE jkun f'qagħda aħjar li jikkontribwixxi għall-ksib tal-objettivi tal-UE għat-tkabbir u l-ħolqien tal-impjiegi; jitlob lill-Kummissjoni żżid ix-xelta għall-awtoritajiet ġestriċi u l-benefiċjarji f'dak li għandu x'jaqsam ma’ għażliet ta’ finanzjament u li tipproponi l-possibilità ta’ għażliet standard tal-kostijiet flimkien mal-kontabilità tradizzjonali;

101.

Jappoġġja l-proposta tal-Kummissjoni li r-regoli N+2 u N+3 għandhom, f'ċerti sitwazzjonijiet, jiġu applikati sistematikament, jekk jista' jkun f'livell ta’ allokazzjoni tal-Istati Membri, ħalli tingħata flessibilità akbar, ħlief fl-ewwel sena tal-finanzjament u ħlief għal programmi ta’ bejn il-fruntieri, u li kull deroga oħra mir-regola tar-rilaxx awtoamtiku għandha tirrifletti biss adattament għall-oneri amministrattivi imposti mid-dispożizzjonijiet il-ġodda marbutin mal-ipprogrammar strateġiku, l-orjentazzjoni msejsa fuq ir-riżultati u l-kondizzjonalità ex ante; jappoġġa l-applikazzjoni tar-regola n+3 fil-każ ta’ programmi transkonfinali, sabiex jiġu kkunsidrati l-proċessi amministrattivi li jimxu aktar bil-mod minħabba l-isfidi lingwistiċi u kulturali li jiffaċċjaw; iqis li dan jiggarantixxi bilanċ xieraq bejn investimenti ta’ kwalità għolja u l-implimentazzjoni bla tfixkil u rapida tal-programmi;

102.

Jenfasizza l-importanza fil-qafas tal-politika ta’ koeżjoni tal-Istrument Ewropew ta’ Viċinat u Sħubija (ENPI) għall-koperazzjoni transkonfinali ma’ stati barra l-Unjoni Ewropea; jieħu nota tal-problemi kurrenti bl-implimentazzjoni tal-programm; huwa konvint li fl-aħħar mill-aħħar se jkun neċessarju li l-programmi ta’ koperazzjoni bejn il-fruntieri tal-ENPI jkunu inkorporati mill-ġdid fil-politika ta’ koeżjoni; iqis li proprju l-konnessjoni infrastrutturali (trasport, enerġija u ambjent) tal-pajjiżi ġirien ikollha effetti pożittivi anki fuq ir-reġjuni mal-fruntiera Ewropea; jitlob li r-riżorsi tal-ENPI jkunu kkonċentrati aktar fuq ħtiġijiet strateġiċi tal-provvista tal-enerġija u tal-infrastrutturi tat-trasport; jenfasizza r-rwol li jista' jkollhom il-makroreġjuni f'dan il-kuntest; jistieden lill-Kummissjoni tħares lejn il-fattibilità tal-ħolqien ta’ sinerġiji aħjar bejn l-inizjattivi tal-FEŻR, l-Istrument għall-Assistenza ta’ Qabel l-Adeżjoni, l-Istrument Ewropew ta’ Viċinat u Sħubija (ENPI) u l-Fond Ewropew għall-Iżvilupp (FEŻ); jitlob li l-Kummissjoni, barra minn dan kollu, tivvaluta jekk l-istrutturi li ġa qed jintużaw fl-isfera tal-politika reġjonali jistgħu wkoll jiġu applikati għall-amministrazzjoni tal-ENPI;

103.

Barra minn dan, jenfasizza r-rilevanza għall-koeżjoni tal-proċess tat-tkabbir tal-UE bis-saħħa tal-Istrument għall-Assistenza ta’ Qabel l-Adeżjoni (IPA), li fost l-oħrajn jgħin lill-pajjiżi kandidati għall-adeżjoni biex iħejju strutturi ta’ koeżjoni mil-lat tal-kontenut u minn dak organizzattiv; jiġbed l-attenzjoni lejn il-problemi ta’ implimentazzjoni tal-Istati Membri; ifakkar fl-iskop oriġinali tal-istrument IPA, speċjalment dawk immirati lejn il-finanzjament tal-bini ta’ kapaċitajiet u l-bini ta’ istituzzjonijiet u l-appoġġ tat-tħejjijiet tal-pajjiż għall-implimentazzjoni tal-politika ta’ koeżjoni, sabiex jippreparaw il-pajjiżi kandidati għal implimentazzjoni sħiħa tal-acquis tal-Komunità fil-mument ta’ adeżjoni; jistieden lill-Kummissjoni tidentifika l-problemi fil-funzjonament attwali tal-istrument IPA;

104.

Jitlob għal darba oħra li l-Kumitat għall-Iżvilupp Reġjonali jkun involut, b'mod li jingħata responsabilità, fl-iżvilupp futur ta’ dawn l-istrumenti;

105.

Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill, lill-Kummissjoni u lill-Presidenti tar-Reġjuni u l-Länder tal-UE.

5.2.2013   

MT

Il-Ġurnal Uffiċjali tal-Unjoni Ewropea

CE 33/38

—

wara li kkunsidra l-impenji fir-rigward tal-volum ta’ għajnuna, tal-għajnuna lill-Afrika tas-Sub-Saħara, u tal-kwalità tal-għajnuna, li ttieħdu mill-G8 fis-Samit ta’ Gleneagles u fil-laqgħat kollha sussegwenti tal-G8 u l-G20,

—

wara li qies id-dikjarazzjoni tal-Millennju adottata min-Nazzjonijiet Uniti fit-8 ta’ Settembru 2000,

—

wara li kkunsidra l-Kunsens Ewropew dwar l-Iżvilupp (1) u l-Kodiċi ta’ Kondotta tal-Unjoni Ewropea dwar il-Komplementarjetà u d-Diviżjoni tax-Xogħol fil-Politika tal-Iżvilupp (2),

—

wara li kkunsidra d-Dikjarazzjoni ta’ Pariġi dwar l-Effikaċja tal-Għajnuna u l-Aġenda ta’ Akkra għal Azzjoni,

—

wara li kkunsidra l-Artikolu 208 tat-Trattat dwar il-Funzjonament tal-UE li jistipola li “L-Unjoni għandha tieħu inkunsiderazzjoni l-objettivi ta’ koperazzjoni għall-iżvilupp fl-implimentazzjoni tal-politika li x’aktarx tolqot lill-pajjiżi li qed jiżviluppaw”,

—

wara li kkunsidra l-Artikolu 25(1)(b) tar-Regolament (KE) Nru 1905/2006 tal-Parlament Ewropew u tal-Kunsill tat-18 ta’ Diċembru 2006 li jistabbilixxi strument ta’ finanzjament tal-koperazzjoni għall-iżvilupp (3) ("Strument ta’ Koperazzjoni għall-Iżvilupp" (DCI)),

—

wara li kkunsidra l-Artikolu 61(2) tal-Ftehim ta’ Cotonou,

—

wara li kkunsidra r-riżoluzzjoni tiegħu tas-6 ta’ April 2006 dwar l-effettività tal-għajnuna u l-korruzzjoni fil-pajjiżi li qed jiżviluppaw (4),

—

wara li kkunsidra r-riżoluzzjoni tiegħu tal-5 ta’ Mejju 2010 li tinkludi l-osservazzjonijiet li jagħmlu parti integrali mid-deċiżjoni dwar il-kwittanza għall-implimentazzjoni tal-baġit tas-Seba’, it-Tmien, id-Disa’ u l-Għaxar Fond Ewropew għall-Iżvilupp għas-sena finanzjarja 2008 (5),

—

wara li kkunsidra l-pożizzjoni tiegħu tat-3 ta’ Frar 2011 dwar il-pożizzjoni tal-Kunsill fl-ewwel qari bil-ħsieb li jiġi adottat regolament tal-Parlament Ewropew u tal-Kunsill li jemenda r-Regolament (KE) Nru 1905/2006 li jistabbilixxi strument ta’ finanzjament għall-kooperazzjoni għall-iżvilupp (6),

—

wara li kkunsidra r-Rapport Speċjali Nru 11/2010 tal-Qorti tal-Awdituri bit-titolu "Il-ġestjoni mill-Kummissjoni tas-Sostenn Baġitarju Ġenerali fil-pajjiżi AKP, tal-Amerika Latina u tal-Asja",

—

wara li kkunsidra l-Green Paper mill-Kummissjoni lill-Kunsill, lill-Parlament Ewropew, lill-Kumitat Ekonomiku u Soċjali Ewropew u lill-Kumitat tar-Reġjuni dwar "Il-futur tal-appoġġ baġitarju tal-UE lil pajjiżi terzi" (COM(2010)0586 finali),

—

wara li kkunsidra d-dokument tal-Kummissjoni tal-2007 bit-titolu "Guidelines on the Programming, Design & Management of General Budget Support",

—

wara li kkunsidra r-Rapport tal-Kummissjoni tal-2008 bit-titolu "Appoġġ baġitarju: Il-mod effikaċi għall-finanzjament tal-iżvilupp?",

—

wara li kkunsidra r-rapport tal-Kumitat għall-Iżvilupp Ekonomiku, il-Finanzi u l-Kummerċ tal-Assemblea Parlamentari konġunta ACP-UE, dwar l-appoġġ baġitarju bħala mezz ta’ għoti ta’ assistenza pubblika għall-iżvilupp (APD) lill-pajjiżi ACP,

—

wara li kkunsidra l-Artikolu 48 tar-Regoli ta’ Proċedura tiegħu,

—

wara li kkunsidra r-rapport tal-Kumitat għall-Iżvilupp u l-opinjonijiet tal-Kumitat għall-Affarijiet Barranin, tal-Kumitat għall-Baġits u tal-Kumitat għall-Kontroll tal-Baġit (A7-0206/2011),

A.

billi r-riduzzjoni tal-faqar u, fl-aħħar, l-eradikazzjoni tagħha jikkostitwixxu l-għan prinċipali tal-politika tal-iżvilupp tal-Unjoni Ewropea skont it-Trattat ta’ Lisbona,

B.

billi l-appoġġ baġitarju sar wieħed mit-termini l-aktar importanti ta’ għajnuna,

C.

billi għal numru ta’ donaturi l-appoġġ baġitarju ġenerali u settorjali huwa mezz sabiex tiġi promossa s-sjieda mill-pajjiżi sħab ta’ politiki ta’ żvilupp u proċessi sostenibbli ta’ riforma, biex jissaħħu l-istituzzjonijiet u s-sistemi nazzjonali ta’ responsabbiltà, u jiġu ffaċilitati t-tkabbir, it-tnaqqis tal-faqar u l-ksib tal-objettivi fil-qasam tal-iżvilupp,

D.

billi l-iżvilupp tal-kapaċitajiet operazzjonali hija meħtieġa, anke biss biex jinħolqu, għall-ewwel, il-kondizzjonijiet meħtieġa għall-implimentazzjoni ta’ azzjonijiet imsejsin fuq programmi - inkluż l-appoġġ baġitarju jew mudelli oħrajn,

E.

billi l-appoġġ baġitarju jippermetti li jixxejnu ċerti nuqqasijiet tal-approċċ tradizzjonali bbażat fuq il-proġetti (kosti għoljin ta’ tranżazzjoni, sistemi paralleli fframmentati) u b’hekk jissaħħu l-koerenza u l-effettività tal-miżuri tal-Unjoni, li sar enfasi fuqhom fit-Trattat ta’ Lisbona,

F.

billi l-appoġġ għall-baġit għandu jikkontribwixxi għat-titjib tal-kwalità u l-effettività tal-għajnuna, partikolarment rigward il-prinċipji ta’ appartenenza u armonizzazzjoni, peress li permezz ta’ djalogu politiku bejn donaturi u benefiċjarji huwa possibbli li jkunu aġġustati l-kontribuzzjonijiet għall-prijoritajiet stabbiliti mll-pajjiżi fil-qafas tal-istrateġiji nazzjonali tagħhom għal tnaqqis tal-faqar,

G.

billi, minkejja r-riskji msemmija mill-Qorti tal-Awdituri Ewropea fir-rapporti tagħha dwar l-AB, l-"approċċ dinamiku" fil-kundizzjonalità ġenerali tal-AB jibqa' strument importanti ferm ta’ djalogu politiku; billi, minkejja dan, l-AB fl-ebda każ ma jista' jiġi kkunsidrat bħala "ċekk inbjank",

H.

billi l-impenji kollha meħuda mill-pajjiżi benefiċjarji fil-konfronti tas-sħab tagħhom kollha jistgħu fiż-żmien jagħmlu diffiċli l-użu tagħhom peress li l-kundizzjonalitajiet tad-donaturi xi drabi jirriżultaw kontradittorji,

I.

billi, s'issa, il-ksur tad-drittijiet tal-bniedem (imsejħa tal-ewwel ġenerazzjoni) ġie invokat aktar ta’ spiss mill-Unjoni Ewropea fil-kuntest tal-ftehimiet ta’ sħubija iktar milli l-ksur tad-drittijiet soċjali, ekonomiċi u kulturali (imsejħa tat-tieni ġenerazzjoni),

J.

billi d-donaturi kollha għandhom jikkonsultaw ma’ xulxin ħalli tiġi evitata kull inkoerenza fil-livell tal-kundizzjonalità,

K.

billi, skont it-termini tal-artikolu 2, paragrafu 3, tat-Trattat ta’ Lisbona, wieħed mill-għanijiet tal-Unjoni huwa li tippromwovi ekonomija tas-suq soċjali sostenibbli u li dan l-approċċ japplika wkoll għall-politika għall-iżvilupp u l-politika tal-viċinat,

L.

billi r-responsabbiltà tal-gvern sieħeb fil-qasam tal-ġestjoni baġitarja fir-rigward taċ-ċittadini tiegħu tikkostitwixxi fattur essenzjali fil-proċess tal-bini tal-kapaċità permezz tal-kontroll eżerċitat mill-parlament u l-informazzjoni tas-soċjetà ċivili tiegħu fil-qasam tal-finanzi pubbliċi,

1.

Jilqa' l-inizjattiva tal-Kummissjoni ddefinita permezz tal-Green Paper dwar l-AB li għandha l-għan, l-ewwel nett, li tippromwovi l-iżvilupp endoġeniku tal-pajjiżi sħab, u jitlob li jiġu ċċarati l-kriterji ta’ eleġibilità għall-appoġġ baġitarju b’mod li jkun evitat ir-riskju ta’ żbalji eventwali jew ta’ użu ħażin ta’ dan it-tip ta’ għajnuna, filwaqt li jitqiesu elementi bħall-indiċi tal-korruzzjoni tal-pajjiżi konċernati,

2.

Jilqa' l-proċess ta’ konsultazzjoni fil-livell Ewropew; jittama li l-prattika tal-għoti ta’ appoġġ baġitarju tiġi analizzata b'mod oġġettiv u mtejba sabiex tiżdied l-effikaċja tagħha;

3.

Ifakkar li, skont it-Trattat ta’ Lisbona, it-tnaqqis u l-eliminazzjoni tal-faqar hu l-objettiv primarju tal-politika tal-iżvilupp tal-UE; jenfasizza li l-faqar għandu dimensjonijiet differenti bħal pereżempju d-dimensjoni umana, ekonomika, soċjokulturali, tas-sessi, ambjentali u politika, li kollha jeħtieġ li jkunu indirizzati mill-politika tal-iżvilupp tal-UE;

4.

Huwa tal-opinjoni li l-għajnuna tal-UE għandha tiġġenera bidla reali fil-kwalità fil-pajjiżi sħab u jirrikonoxxi li l-appoġġ baġitarju huwa għodda effikaċi biex jintlaħaq dan l-għan, sakemm, apparti li jissarraf f'kundizzjonalità, jintuża flimkien ma’ djalogu politiku u ta’ politika effikaċi;

5.

Jenfasizza r-rwol kruċjali u obbligatorju tal-koerenza politika fl-implimentazzjoni ta’ politika tal-iżvilupp b’impatt għoli; barra minn hekk jistieden lill-politika estera u tas-sigurtà tal-UE biex tiffoka fuq il-promozzjoni tad-demokrazija u tad-drittijiet tal-bniedem, il-paċi u s-sigurtà, li huma kollha prekundizzjonijet ewlenin għall-iżvilupp sostenibbli; jitlob għal sforzi iktar sistematiċi għall-integrazzjoni tal-adattament għat-tibdil fil-klima u miżuri ta’ tnaqqis tar-riskju ta’ diżastri;

6.

Huwa tal-fehma li t-tassazzjoni tiggarantixxi għajn indipendenti ta’ finanzjament għal żvilupp sostenibbli u tipprovdi rabta importanti bejn il-gvernijiet u ċ-ċittadini tal-pajjiżi li qed jiżviluppaw; jappella biex tiġi żviluppata amministrazzjoni fiskali fattibbli u sabiex infrastruttura fiskali komprensiva ssir wieħed mill-ogħla prijoritajiet tal-appoġġ baġitarju; jirrakkomanda li l-politika ta’ appoġġ baġitarju għandha tinkludi miżuri kontra r-rifuġji fiskali, l-evażjoni tat-taxxa u l-ħarba illegali tal-kapital;

7.

Jissottolinja l-ħtieġa li, jekk ikun il-każ, jintuża l-appoġġ baġitarju settorjali ħalli jiġi żgurat li s-setturi soċjali bażiċi inklużi s-saħħa, l-edukazzjoni, u l-assistenza għall-gruppi l-aktar vulnerabbli, b’mod partikolari l-persuni b’diżabilità, ikunu aktar fil-mira;

8.

Jenfasizza li l-appoġġ baġitarju ma għandux jintuża biex isaħħaħ l-interessi ekonomiċi u strateġiċi partikolari tal-UE, imma ħalli jintlaħqu l-objettivi ta’ żvilupp tal-pajjiżi li qed jiżviluppaw u biex dawn jiġu megħjuna jilħquhom, l-aktar biex jinqerdu l-faqar u l-ġuħ;

9.

Ifakkar ir-rwol innovattiv tal-Unjoni Ewropea fil-qasam tal-AB u l-valur miżjud li l-Kummissjoni Ewropea ġġib frott tal-għarfien tagħha f’din il-materja;

10.

Jinnota li l-appoġġ baġitarju jista’ jtejjeb mhux biss ir-responsabilità politika tal-gvernijiet imma wkoll il-koordinament tad-donaturi bis-saħħa tad-djalogu meħtieġ f'dak li għandu x'jaqsam ma’ kwestjonijiet baġitarji; jisħaq li dan hu mod possibbli ta’ kif jista’ jittejjeb il-koordinament mad-donaturi emerġenti;

11.

Jisħaq li l-Unjoni għandha responsabilità li tgħaddi l-esperjenza tagħha lill-partijiet interessati istituzzjonali l-oħrajn, b’mod partikolari fil-Forum ta’ Livell Għoli dwar l-Effikaċja tal-Għajnuna ta’ Busan;

12.

Jenfasizza li l-approċċ dinamiku, adottat mill-Kummissjoni kif ukoll mill-maġġoranza tal-fornituri tal-AB, fih għadd ta’ riskji li għandhom jitqiesu b'mod xieraq; jitlob lill-Kummissjoni twettaq valutazzjonijiet f’livell nazzjonali tar-riskji u benefiċċji li huma possibbli f'dak li għandu x’jaqsam mal-appoġġ baġitarju fil-pajjiżi sħab;

13.

Jitlob lill-UE tamministra l-appoġġ baġitarju b'mod li tieħu vantaġġ sħiħ mill-komplimentarjetà tiegħu ma’ forom oħrajn ta’ assistenza;

14.

Jenfasizza l-ħtieġa li jissaħħu kemm il-mekkaniżmi ta’ kontroll tal-Kummissjoni kif ukoll il-kontroll parlamentari u l-għoti ta’ tagħrif lis-soċjetà ċivili tal-pajjiżi benefiċjarji tal-AB; jenfasizza wkoll li l-implimentazzjoni ta’ kontroll ottimali tal-finanzi pubbliċi tal-pajjiżi benefiċjarji għandha tikkostitwixxi kundizzjoni minn qabel għal kull ħruġ ta’ fondi;

15.

Ifakkar li huwa esenzjali li jkun hemm indikaturi definiti b'mod ċar, appoġġati b'mod wiesa' u ssorveljati mill-qrib biex jintwerew l-effetti konkreti tal-appoġġ baġitarju f'pajjiżi terzi, u li l-awtoritajiet baġitarji rilevanti għandhom jiġu aġġornati regolarment dwar l-indikaturi u l-linji gwida li jsawru l-proċess tat-teħid tad-deċiżjonijiet fir-rigward tal-appoġġ baġitarju; jenfasizza li dawn l-indikaturi jridu jkunu adattati aħjar għall-ħtiġijiet speċifiċi tal-pajjiżi sħab biex jiġi evitat l-approċċ "qies wieħed għal kulħadd" li ħadet il-Kummissjoni, li potenzjalment huwa kontroproduttiv;

16.

Jappella biex l-appoġġ baġitarju jsir b’kundizzjoni li jkun hemm skrutinju parlamentari demokratiku tal-baġit fil-pajjiżi riċevituri; jappella għal parteċipazzjoni wiesgħa tal-parlamenti u sabiex ikun hemm konsultazzjoni mas-soċjetà ċivili fil-pajjiżi sħab, ħalli jiġi żgurat li d-deċiżjonijiet dwar l-użu tal-fondi tal-appoġġ baġitarju jittieħdu demokratikament;

17.

Jistieden lill-Kummissjoni tiżgura, qabel ma tingħata l-għajnuna baġitarja, li l-miri ta’ intervent jkunu jiffurmaw parti mill-programmi nazzjonali tal-pajjiz riċevitur u li l-prinċipji ta’ koordinament, komplimentarjetà u koerenza f'rabta ma’ donaturi oħrajn, kif ukoll l-addizzjonalità għar-riżorsi allokati mill-pajjiż riċevitur, jiġu rispettati;

18.

bil-għan li tiġi żgurata r-rilevanza tal-għajnuna baġitarja tal-UE, jistieden lill-Kummissjoni tallinja l-ipprogrammar tagħha billi ttejjeb it-tħejjija u d-dokumentazzjoni tad-deċiżjonijiet għat-tnedija ta’ operazzjonijiet ta’ appoġġ baġitarju u meta jitqiesu r-restrizzjonijiet fuq ir-riżorsi fid-Delegazzjonijiet, li spiss jillimitaw il-kapaċità tagħha li twettaq ċerti attivitajiet, u jistieden lill-Kummissjoni tipprovdi persunal kwalifikat biżżejjed għall-proċess ta’ implimentazzjoni, peress li l-appoġġ baġitarju jeħtieġ ħiliet analitiċi differenti minn dawk għall-finanzjament ta’ proġetti u programmi;

19.

Jinsisti dwar ir-rwol ewlieni li l-parlamenti nazzjonali tal-pajjiżi benefiċjarji u l-organizzazzjonijiet tas-soċjetà ċivili, kif ukoll l-awtoritajiet lokali, għandu jkollhom billi huma qegħdin fl-aħjar qagħda ħalli jidentifikaw is-setturi prijoritarji, jippreparaw id-dokumenti ta’ strateġija għall-pajjiż u jikkontrollaw l-allokazzjonijiet baġitarji; jitlob li l-parlamenti nazzjonali jadottaw id-dokumenti ta’ strateġija għall-pajjiż u l-baġit pluriennali wara li jkunu kkonsultaw mas-soċjetà ċivili, qabel ma jsir id-djalogu politiku mad-donaturi f'dak li għandu x'jaqsam mal-appoġġ baġitarju, ħalli jsaħħu l-kontroll parlamentari;

20.

Jenfasizza l-importanza tal-effettività tal-għajnuna tal-iżvilupp tal-UE; jitlob li jiġu żviluppati sistemi ta’ valutazzjoni indipendenti fil-livell tal-UE u mekkaniżmu għall-ilmenti miftuħ għal dawk affettwati mill-għajnuna tal-UE, kif ukoll appoġġ fil-pajjiż innifsu tal-mekkaniżmi ta’ responsabilità diretta;

21.

Jitlob lill-Kummissjoni tagħti analiżi finanzjarja globali tal-għajnuna baġitarja ġenerali u settorjali mogħtija lill-gvern lokali, u li tistudja l-opportunità u r-riskji marbutin mad-deċentralizzazzjoni ta’ parti tal-appoġġ baġitarju ħalli jkun hemm sjieda tabilħaqq mill-atturi tal-gvern lokali;

22.

Jistieden lill-Unjoni Ewropea tirrispetta u tippromwovi sjieda vera tal-pajjiżi li qed jiżviluppaw tal-istrateġija tagħhom tal-iżvilupp, u li tevita li ġġenneb lil dawk li jieħdu d-deċiżjonijiet politiċi nazzjonali permezz ta’ djalogu politiku dwar l-appoġġ baġitarju, li jimmina r-responsabilità demokratika u jikkontribwixxi għad-depolitiċizzazzjoni tar-realitajiet politiċi domestiċi;

23.

Iqis li l-appoġġ baġitarju għandu jiffoka bħala prijorità fuq id-dipartimenti tal-gvern li għandhom l-akbar impatt fuq ir-riduzzjoni tal-faqar, b'mod partikolari l-ministeri tas-saħħa u tal-edukazzjoni;

24.

Iqis, barra minn hekk, li hemm ħtieġa li l-perspettiva tal-ġens tkun integrata fl-appoġġ baġitarju, billi tingħata attenzjoni għal kwestjonijiet marbutin mal-ġens fl-istadji kollha tal-proċess baġitarju, billi jitħeġġeġ id-djalogu mal-għaqdiet tan-nisa u billi jiddaħħlu indikaturi differenzjati għall-ġens;

25.

Jemmen li biex tissaħħaħ ir-responsabilità reċiproka, il-Kummissjoni Ewropea għandha ssaħħaħ ir-rwol tagħha ta’ faċilititatur bejn il-gvern, il-parlamentari u s-soċjetà ċivili u tqis għal dan il-fini li perċentwal tal-AB, riżervat għall-assistenza teknika għat-tisħiħ tal-ministeri settorjali, tista’ tintuża wkoll għat-tisħiħ tal-kapaċitajiet tal-parlamenti u tas-soċjetà ċivili ħalli jkunu jistgħu jeżerċitaw fis-sħiħ ir-rwol tagħhom ta’ kontroll tal-AB;

26.

Jisħaq fuq ir-rwol prominenti tal-organizzazzjonijiet donatriċi fl-appoġġ mogħti lill-pajjiżi sħab għall-iżvilupp tal-kapaċitajiet tagħhom u l-influwenza pożittiva tal-għajnuna għall-proġetti lokali fuq it-tnaqqis tal-faqar, il-promozzjoni tat-tkabbir inklussiv u l-iżvilupp sostenibbli fil-pajjiżi sħab;

27.

Huwa mħasseb dwar l-effetti ta’ distabilizzazzjoni markoekonomika u l-impatt fuq il-popolazzjoni l-aktar vulnerabbli li jistgħu jirriżultaw minn waqfien f'daqqa tal-AB; jipproponi, fil-qafas ta’ azzjoni kkoordinata mid-donaturi tal-fondi u wara konsultazzjoni mas-soċjetà ċivili u l-parlament tal-pajjiż sieħeb, li jitwaqqaf mekkaniżmu għat-tnaqqis progressiv tal-ħlasijiet tal-AB li jkun jista' jnaqqas dawn l-impatti, jiffavorixxi d-djalogu politiku u jippermetti li jinstabu soluzzjonijiet ikkoordinati għad-diffikultajiet affaċċjati;

28.

Jemmen li l-appoġġ baġitarju, l-istess bħall-għajnuna programmata, għandu jitqies bħala strument ta’ tranżizzjoni u m’għandux ifixkel l-isforzi ħalli jissaħħu l-kapaċitajiet tal-pajjiżi li jiffinanzjaw lilhom infushom permezz tar-riżorsi proprji, bħat-taxxi, biex ma jibqgħux dipendenti fuq donazzjonijiet minn pajjiżi terzi;

29.

Jitlob lill-pajjiżi donaturi jsaħħu l-kordinazzjoni u l-prevedibilità tal-appoġġ baġitarju, u jinsisti fuq il-fatt li d-donaturi għandhom ikunu mħejjijin jieħdu impenn fit-tul fejn jidħlu l-pajjiżi sħab;

30.

Jistieden lill-Unjoni Ewropea tieħu l-miżuri kollha neċessarji ħalli l-pajjiżi terzi jintrabtu li jinvestu f’mekkaniżmu li jippromwovi l-istabbilità finanzjarja tagħhom;

31.

Jinsisti li jiġi implimentat b’mod effettiv ir-rekwiżit tal-Artikolu 25(1)(b) tar-Regolament (KE) Nru 1905/2006 tal-Parlament Ewropew u tal-Kunsill tat-18 ta’ Diċembru 2006 li jistabbilixxi strument ta’ finanzjament tal-koperazzjoni għall-iżvilupp (Regolament DCI), li jistipula li: "Il-Kummissjoni għandha konsistentement tuża approċċ ibbażat fuq riżultati u indikaturi tar-rendiment u għandha tiddefinixxi u timmonitorja b'mod ċar il-kondizzjonalità tiegħu u tappoġġa sforzi ta’ pajjiżi msieħba sabiex jiżviluppaw kontroll parlamentari u kapaċitajiet ta’ verifika u sabiex jiżdiedu t-trasparenza u l-aċċess pubbliku għall-informazzjoni"; u jħeġġeġ lill-Kummissjoni testendi dawn id-dispożizzjonijiet b’mod li tinkludi l-appoġġ baġitarju lill-pajjiżi benefiċarji tal-Fond Ewropew ta’ Żvilupp (il-pajjiżi tal-AKP) li s'issa, għalihom, kienu japplikaw biss il-kriterji l-aktar tekniċi tal-Artikolu 61(2) tal-Ftehim ta’ Cotonou;

32.

Iqis illi, ladarba l-użu tal-appoġġ baġitarju huwa deċiżjoni strateġika importanti fir-relazzjoni tal-Unjoni mal-pajjiżi sħab tagħha, l-Artikolu 290 tat-TFUE (atti delegati) għandu japplika għad-definizzjoni tal-kriterji ta’ eliġibilità għal din il-modalità ta’ għajnuna, li jagħti lill-Kunsill u l-Parlament, bħala koleġiżlaturi, is-setgħat sħaħ ta’ kodeċiżjoni fir-rigward tal-adozzjoni tiegħu, inkluż, jekk ikun meħtieġ, id-dritt ta’ revoka tal-att delegat;

33.

Ifakkar li nuqqasijiet sinifikattivi fir-rigward tal-kapaċità, u b'mod partikolari l-governanza dgħajfa, jistgħu jċaħdu numru ta’ pajjiżi li qed jiżviluppaw mill-AB;

34.

Huwa tal-fehma li d-deċiżjonijiet ta’ finanzjament rigward l-appoġġ baġitarju jridu jiġu xprunati mhux biss mill-benefiċċji mistennija iżda wkoll mir-riskji fuq perjodu ta’ żmien qasir u medju preżenti kemm fil-pajjiżi donaturi kif ukoll f'dawk sħab; jinnota li l-Qorti tal-Awdituri, fir-Rapport Speċjali tagħha (7), taqbel għalkollox ma’ din il-valutazzjoni billi jiġi enfasizzat li għad irid jiġi żviluppat u implimentat qafas sod ta’ ġestjoni tar-riskji;

35.

Jinsab imħasseb li l-Qorti tal-Awdituri (‘il-Qorti’) fir-rapport Annwali tagħha dwar l-attivitajiet iffinanzjati mit-Tmien, id-Disa' u l-Għaxar Fondi Ewropej għall-Iżvilupp (FEŻ) għas-sena finanzjarja 2009, sabet li l-ħlasijiet ta’ appoġġ baġitarju kienu ġew affettwati minn frekwenza għolja ta’ żbalji mhux kwantifikabbli kaġun tan-nuqqas ta’ turija ta’ konformità formalizzata u strutturata mal-kundizzjonijiet ta’ ħlas; fl-istess waqt jieħu nota u jilqa' t-titjib sostanzjali fit-turija tal-eliġibilità osservata mill-Qorti fl-ambitu tal-10 FEŻ bis-saħħa tal-oqsfa ta’ valutazzjoni aktar ċari li attwalment qegħdin jintużaw regolarment;

36.

Ifakkar li l-investimenti pubbliċi fil-beni pubbliċi, bħalma huma l-edukazzjoni, is-sigurtà soċjali, l-infrastrutturi u l-kapaċitajiet produttivi, l-aktar f’dak li għandu x’jaqsam mal-azjendi agrikoli żgħar u l-appoġġ għas-swieq lokali, huma kruċjali għas-suċċess ta’ strateġiji ta’ żvilupp;

37.

Jistieden lill-Kummissjoni tiżgura li l-kundizzjonijiet speċifiċi marbutin mal-ħlas ibbażat fuq il-prestazzjoni ta’ porzjonijiet varjabbli jispeċifikaw b’mod ċar l-indikaturi, l-objettivi, il-metodi ta’ kalkolu u s-sorsi ta’ verifika u li r-rapporti tad-Delegazzjonijiet jagħtu turija strutturata u formalizzata tal-progress tal-ġestjoni tal-finanzi pubbliċi billi jistabbilixxu biċ-ċar il-kriterji li magħhom għandu jiġi vvalutat il-progress, il-progress magħmul u r-raġunijiet l-għala l-programm ta’ riforma seta’ ma ġiex implimentat skont il-pjan;

38.

Jistieden lill-Kummissjoni tieħu l-miżuri neċessarji kollha kontra l-korruzzjoni fil-pajjiżi riċevituri, inkluż, jekk ikun meħtieġ, is-sospensjoni tal-ħlasijiet; jistieden, f'dan il-kuntest, lill-Kummissjoni twettaq djalogu mill-qrib u regolari mal-gvernijiet sħab dwar il-kwistjonijiet ta’ korruzzjoni u tagħti attenzjoni biżżejjed fir-rigward tal-ħtiġijiet ta’ bini ta’ kapaċità ta’ pajjiżi riċevituri partikolari f'termini ta’ mekkaniżmi ta’ għoti ta’ rendikont u kontra l-korruzzjoni;

39.

Iqis il-prevedibilità tal-flussi ta’ għajnuna bħala wieħed mill-aktar fatturi importanti biex tkun żgurata l-kwalità tal-infiq, peress li tippermetti lill-pajjiżi sħab iwettqu ppjanar ta’ nfiq fuq medda twila ta’ żmien u jsostnu titjib fil-politiki settorjali; jippromwovi t-tisħiħ ta’ dan l-approċċ permezz tal-politiki fiskali tal-pajjiżi sħab u l-mobilizzazzjoni tad-dħul domestiku li, fuq perjodu twil ta’ żmien, għandu jnaqqas id-dipendenza fuq l-għajnuna;

40.

Ifakkar li nuqqas ta’ progress fil-livell tal-ġestjoni tal-finanzi pubbliċi jċaħħad ukoll numru sinifikattiv ta’ pajjiżi mill-AB;

41.

Huwa l-fehma li l-appoġġ baġitarju għandu jiddaħħal ftit ftit fil-pajjiżi li qed jiżviluppaw, billi jibda b’ammont limitat, li jikber hekk kif il-pajjiżi sħab jibnu l-kapaċità;

42.

Itenni li l-appoġġ baġitarju għandu jintefaq sabiex jitnaqqas il-faqar, inkluż li jintlaħqu l-Għanijiet ta’ Żvilupp tal-Millennju u l-prinċipji bħas-sħubija, l-effikaċja tal-għajnuna u l-koerenza tal-politiki għall-iżvilupp; jesprimi l-appoġġ tiegħu għall-inċentivi bbażati fuq ir-riżultati iżda jenfasizza li differenzi fl-iżborżament għandhom ikunu prevedibbli kemm jista' jkun sabiex ma jħallux impatt negattiv fuq l-ippjanar baġitarju; itenni li l-appoġġ baġitarju għandu jingħata biss lill-pajjiżi li jissodisfaw u jsostnu l-istandards minimi tal-governanza u tar-rispett tad-drittijiet tal-bniedem; jenfasizza li l-kundizzjonijiet marbuta mar-riformi makroekonomiċi għandhom ikunu kompatibbli mal-iżvilupp uman u soċjali;

43.

Jinkoraġġixxi lill-pajjiżi li qed jiżviluppaw u lill-Kummissjoni jippromwovu l-iżvilupp parteċipatorju f'konformità mad-dispożizzjonijiet relevanti tal-Ftehim ta’ Cotonou, u skont l-artikoli 19 u 20 tar-Regolament (KE) Nru 1905/2006, b'mod partikolari għal dak li għandu x'jaqsam mal-promozzjoni u mal-konsultazzjoni tas-soċjetà ċivili u tal-awtoritajiet lokali u reġjonali;

44.

Jenfasizza li waqt l-għoti tal-AB lill-pajjiżi AKP fornituri tal-banana, li jibbenefikaw minn miżuri ta’ akkumpanjament f'dan is-settur, huwa importanti li jiġu inklużi fil-parti varjabbli, fuq bażi ta’ indikaturi ta’ governanza, il-kundizzjonijiet speċifiċi li jinsabu fl-Artikolu 17a l-ġdid li l-Parlament qed jipproponi li jiddaħħlu fir-Regolament (KE) Nru 1905/2006 (Regolament ICD), f’konformità mall-emenda fil-pożizzjoni msemmija hawn fuq tat-3 ta’ Frar 2011;

45.

Jesiġi li l-Kummissjoni tippubblika l-ftehimiet mal-pajjiżi li qed jiżviluppaw fil-qasam tal-AB kif ukoll il-kuntratti tal-Għanijiet ta’ Żvilupp tal-Millennju;

46.

Jenfasizza li appoġġ baġitarju settorjali taħt ċerti ċirkostanzi jista’ jikkostitwixxi għażla intermedjarja utli li tagħti lill-gvernijiet u l-parlamenti kkonċernati aktar sjieda fuq fondi ta’ għajnuna filwaqt li jallokawhom għall-MDGs;

47.

Iqis li l-pajjiżi għonja fiż-żejt u l-minerali għandhom il-potenzjal li jiffinanzjaw l-iżvilupp tagħhom stess u jissieltu kontra l-faqar permezz ta’ sistemi ta’ ġbir trasparenti tat-taxxi u ridistribuzzjoni ġusta tal-ġid;

48.

Huwa tal-fehma li, fil-prinċipju, l-kuntratti MDG huma eżempju ta’ appoġġ baġitarju ta’ kwalità għolja u orjentat lejn ir-riżultati (fuq żmien fit-tul, prevedibbli, konċentrat fuq is-setturi soċjali, eċċ); jitlob għalhekk lill-Kummissjoni Ewropea tippubblika fl-2011 valutazzjoni tal-kuntratti MDG u tivvaluta l-possibilità li testendihom għal għadd akbar ta’ pajjiżi;

49.

Jitlob lill-Kummissjoni tippubblika wkoll il-kundizzjonalitajiet kif ukoll l-indikaturi tal-prestazzjoni fil-kuntest tad-"dokumenti ta’ strateġija skont il-pajjiż" waqt ir-rieżami ta’ nofs it-terminu; huwa tal-fehma li l-indikaturi tal-prestazzjoni tal-appoġġ baġitarju għandhom ikunu stabbiliti f’termini tar-realizzazzjoni tal-objettivi tar-riduzzjoni tal-faqar u tal-MDGs;

50.

Itenni s-sejħiet preċedenti tiegħu lill-Kummissjoni biex ikun hemm ċaqliqa mill-kontroll fuq l-inputs għall-verifika tar-riżultati meta mqabbla mal-indikaturi, billi ttejjeb is-sistema ta’ rrappurtar tagħha sabiex tkun ikkonċentrata fuq l-effikaċjà tal-programmi;

51.

Jiddikjara li l-effikaċja tal-miżuri dwar l-iżvilupp tal-politika fil-pajjiżi sħab trid tikkunsidra, b'mod sħiħ, il-kundizzjonijiet lokali u tirrispetta l-valuri tal-UE kif dikjarati fit-Trattat inklużi l-prinċipju tal-istat tad-dritt u d-demokrazija; jenfasizza li l-bżonnijiet għandhom jibqgħu kriterju determinanti għall-allokazzjoni tal-għajnuna tal-UE għall-iżvilupp;

52.

Jistieden lill-Kummissjoni u l-Istati Membri joħolqu reġistru pubbliku li fih jiġu elenkati b'mod trasparenti il-ftehimiet dwar l-appoġġ baġitarju, proċeduri u indikaturi tal-iżvilupp, bil-għan li jissaħħew l-istituzzjonijiet demokratiċi nazzjonali u biex tiġi żgurata responsabbiltà reċiproka;

53.

Jistieden lill-Istati Membri juru aktar koerenza fuq il-livell nazzjonali u dak Komunitarju fil-qasam tal-politika ta’ għajnuna għall-iżvilupp; jitlob lill-Istati Membri jirrikorru għas-Servizz Ewropew għall-Azzjoni Esterna ħalli jsaħħu l-koordinament tagħhom mal-Kummissjoni għal dak li jikkonċerna l-AB sabiex jiġu evitati d-duplikazzjoni u l-inkoerenzi;

54.

Ifakkar lill-Kummissjoni u lill-Istati Membri li għandhom jarmonizzaw il-koperazzjoni tagħhom għall-iżvilupp u jtejbu l-obbligu li din għandha li jagħtu rendikonti, li jorbot lill-partijiet kollha;

55.

Huwa konvint ferm li analiżi dettaljata tal-futur tal-appoġġ baġitarju tal-UE lil pajjiżi terzi għandha tindirizza l-kwistjoni tal-inklużjoni tal-Fond Ewropew għall-Iżvilupp fil-baġit; huwa konxju dwar il-kuntest storiku u istituzzjonali tas-sitwazzjoni attwali, iżda jemmen li wasal iż-żmien li l-Kunsill, l-Istati Membri u l-pajjiżi tal-AKP jirrikonoxxu li din is-sitwazzjoni hija ta’ ħsara għall-effiċjenza, għat-trasparenza u għar-responsabilità tal-appoġġ baġitarju tal-UE; jenfasizza, madankollu, li l-integrazzjoni fil-baġit ma għandhiex tinvolvi tnaqqis fil-pakkett finanzjarju globali għall-politiki ta’ żvilupp;

56.

jistieden lill-Istati Membri, lill-Kummissjoni u lis-Servizz Ewropew għall-Azzjoni Esterna (SEAE), bi qbil mal-prattika stabbilita f'oqsma politiċi oħra, biex itejbu l-koordinament tal-appoġġ baġitarju rispettiv tagħhom lil pajjiżi terzi biex jiġu evitati u/jew eliminati xogħol doppju, inkonsistenzi u każijiet ta’ nuqqas ta’ koerenza; jiddeplora l-evalwazzjonijiet li jindikaw li, fil-livell settorjali, politiki, istituzzjonijiet u sistemi ta’ prestazzjoni tas-servizzi dgħajfa wasslu lid-donaturi biex jużaw is-sistemi tagħhom stess biex jimplimentaw proġetti, u biex jadottaw imġiba bilaterali flok koordinata, sitwazzjoni li hija aktar u aktar inaċċetabbli fil-kuntest ta’ finanzjament skars u li tagħmilha wkoll diffiċli ħafna għall-UE li twettaq li wiegħdet biex l-għajnuna ssir aktar prevedibbli; jisħaq li enfasi fuq oqsma speċifiċi li joffru l-akbar valur miżjud għandha tixpruna l-appoġġ baġitarju tal-UE fil-fażijiet kollha tat-tħejjija u tal-għoti;

57.

Jistieden lill-Kummissjoni żżid it-tagħrif dwar ir-riskji inerenti għall-prattika tal-AB billi tiżvela l-impatt pożittiv tal-AB fil-qasam tal-emanċipazzjoni tas-sħab;

58.

Jistieden lill-Unjoni Ewropea u lill-Istati Membri tagħha jissoktaw bil-promozzjoni u l-preservazzjoni tal-appoġġ finanzjarju tagħhom, u fl-istess waqt jagħtu appoġġ fil-forma ta’ pariri f’dak li għandu x’jaqsam mal-ġestjoni teknokratika tal-finanzi pubbliċi;

59.

Jenfasizza li l-għanijiet ta’ koordinament imtejjeb huma li tittejjeb kemm jista' jkun l-allokazzjoni tar-riżorsi, jittejjeb l-iskambju tal-aħjar prattiki u tingħata spinta lill-effiċjenza tal-appoġġ baġitarju;

60.

Iqis li l-Unjoni għandha tirrikonoxxi u tuża l-valur miżjud iġġenerat mill-piż politiku enormi tagħha u mill-ambitu potenzjalment wiesa' tal-azzjoni tagħha, b'mod li tiżgura influwenza politika proporzjonata mal-appoġġ finanzjarju mogħti;

61.

Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill u lill-Kummissjoni.

5.2.2013   

MT

Il-Ġurnal Uffiċjali tal-Unjoni Ewropea

CE 33/46

—

wara li kkunsidra l-komunikazzjoni tal-Kummissjoni bit-titolu "Prijoritajiet tal-infrastruttura tal-enerġija għall-2020 u wara – Pjan dettaljat għal netwerk tal-enerġija Ewropew integrat (COM(2010)0677),

—

wara li kkunsidra d-dokument ta’ ħidma tal-persunal tal-Kummissjoni dwar stima tal-impatt fuq il-"Prijoritajiet tal-infrastruttura tal-enerġija għall-2020 u wara – Pjan dettaljat għal netwerk tal-enerġija Ewropew integrat (SEC(2010)1395),

—

wara li kkunsidra l-komunikazzjoni tal-Kummissjoni bit-titolu ‧Ewropa 2020 - Strateġija għal tkabbir intelliġenti, sostenibbli u inklussiv‧, (COM(2010)0639),

—

wara li kkunsidra l-komunikazzjoni tal-Kummissjoni bl-isem ‘Ewropa 2020 – Strateġija għal tkabbir intelliġenti, sostenibbli u inklussiv’ (COM(2010)2020),

—

wara li kkunsidra l-komunikazzjoni tal-Kummissjoni bl-isem "L-enerġija rinnovabbli: nimxu lejn il-miri għall-2020" (COM(2011)0031),

—

wara li kkunsidra d-Direttiva 2009/28/KE tal-Parlament Ewropew u tal-Kunsill tat-23 ta’ April 2009 dwar il-promozzjoni tal-użu tal-enerġija minn sorsi rinnovabbli u li temenda u sussegwentement tħassar id-Direttivi 2001/77/KE u 2003/30/KE (1),

—

wara li kkunsidra l-komunikazzjoni tal-Kummissjoni bit-titolu "Analiżi tal-alternattivi biex isir progress lil hinn mit-tnaqqis ta’ 20 % tal-emissjonijiet ta’ gassijiet b’effett serra u l-valutazzjoni tar-riskju ta’ rilaxx tal-karbonju" (COM(2010)0265),

—

wara li kkunsidra l-komunikazzjoni tal-Kummissjoni bit-titolu ‧Pjan direzzjonali għal ekonomija kompetittiva b’livell baxx ta’ emissjonijiet tal-karbonju fl-2050‧, COM(2011)0112),

—

wara li kkunsidra t-tielet pakkett leġiżlattiv dwar is-suq intern fil-qasam tal-enerġija bit-titolu "Enerġija għall-Ewropa: Suq reali bi provvista żgura" (2),

—

wara li kkunsidra r-Regolament (UE) Nru 994/2010 tal-Parlament Ewropew u tal-Kunsill tal-20 ta’ Ottubru 2010 dwar miżuri li jissalvagwardaw is-sigurtà tal-provvista tal-gass (3),

—

wara li kkunsidra l-Komunikazzjoni tal-Kummissjoni bit-titolu "Ewropa li tuża r-riżorsi b'effiċjenza – Inizjattiva ewlenija taħt l-Istrateġija Ewropa 2020" (COM(2011)0021),

—

wara li kkunsidra d-Deċiżjoni Nru 1364/2006/KE tal-Parlament Ewropew u tal-Kunsill ta-6 ta’ Settembru 2006 li tistabbilixxi linji gwida għal netwerks tal-enerġija trans-Ewropej u li tħassar id-Deċiżjoni Nru 96/391/KE u d-Deċiżjoni Nru 1229/2003/KE (4),

—

wara li kkunsidra r-Regolament (KE) Nru 663/2009 tal-Parlament Ewropew u tal-Kunsill tat-13 ta’ Lulju 2009 li jistabbilixxi programm li jgħin l-irkupru ekonomiku permezz tal-għoti ta’ għajnuna finanzjarja Komunitarja għal proġetti fil-qasam tal-enerġija (5),

—

wara li kkunsidra r-rapport tal-Kummissjoni dwar l-implimentazzjoni tan-netwerks trans-Ewropej tal-enerġija fil-perjodu 2007-2009 (COM(2010)0203),

—

wara li kkunsidra r-riżoluzzjoni tiegħu tas-6 ta’ Mejju 2010 dwar il-mobilizzazzjoni tat-teknoloġiji tal-informatika u l-komunikazzjoni biex tiġi ffaċilitata t-transizzjoni għal ekonomija b'użu effiċjenti tal-enerġija u b'livell baxx ta’ karbonju (6),

—

wara li kkunsidra l-Komunikazzjoni tal-Kummissjoni lill-Kunsill Ewropew u lill-Parlament Ewropew bit-titolu ‘Politika dwar l-Enerġija għall-Ewropa’ (COM(2007)0001),

—

wara li kkunsidra l-Komunikazzjoni tal-Kummissjoni lill-Kunsill u lill-Parlament Ewropew bit-titolu ‘Pjan ta’ Interkonnessjoni ta’ Prijorità’ (COM(2006)0846),

—

wara li kkunsidra d-Direttiva 2009/72/KE tal-Parlament Ewropew u tal-Kunsill tat-13 ta’ Lulju 2009 dwar ir-regoli komuni għas-suq intern fil-qasam tal-elettriku u li temenda d-Direttiva 2003/54/KE (7),

—

wara li kkunsidra d-Direttiva 2009/73/KE tal-Parlament Ewropew u tal-Kunsill tat-13 ta’ Lulju 2009 dwar ir-regoli komuni għas-suq intern fil-qasam tal-gass naturali u li tħassar id-Direttiva 2003/55/KE (8),

—

wara li kkunsidra r-riżoluzzjoni tiegħu tal-25 ta’ Novembru 2010 bit-titolu ‘Lejn Strateġija ġdida dwar l-Enerġija għall-Ewropa 2011-2020’ (9),

—

wara li kkunsidra r-riżoluzzjoni tiegħu tal-15 ta’ Diċembru 2010 dwar ir-Reviżjoni tal-Pjan ta’ Azzjoni għall-Effiċjenza Enerġetika (10),

—

wara li kkunsidra r-riżoluzzjoni tiegħu tas-17 ta’ Frar 2011 (11) dwar Ewropa 2020,

—

wara li kkunsidra l-Artikolu 194 tat-Trattat dwar il-Funzjonament tal-Unjoni Ewropea,

—

wara li kkunsidra l-Artikolu 170 tat-Trattat dwar il-Funzjonament tal-Unjoni Ewropea, li skontu l-Unjoni għandha tikkontribwixxi għat-twaqqif u l-iżvilupp ta’ netwerks trans-Ewropej fl-oqsma ta’ infrastrutturi tat-trasport, tat-telekomunikazzjonijiet u tal-enerġija,

—

wara li kkunsidra l-Artikolu 48 tar-Regoli ta’ Proċedura tiegħu,

—

wara li kkunsidra r-rapport tal-Kumitat għall-Industrija, ir-Riċerka u l-Enerġija u l-opinjonijiet tal-Kumitat għall-Ambjent, is-Saħħa Pubblika u s-Sikurezza tal-Ikel u l-Kumitat għall-Iżvilupp Reġjonali (A7-0226/2011),

A.

billi l-isfidi maġġuri tagħna fil-qasam tal-enerġija huma li niffaċċjaw it-tibdil fil-klima, it-tisħiħ tas-sigurtà u tal-awtonomija tal-enerġija u tnaqqis fl-użu ġenerali tal-enerġija kif ukoll l-importazzjonijiet u d-dipendenza fuq il-fjuwils fossils, id-diversifikazzjoni tal-fornituri u tas-sorsi tal-enerġija, il-kisba ta’ suq intern kompetittiv tal-enerġija u l-iżgurar ta’ aċċess universali għal enerġija sostenibbli, bi prezz li jintlaħaq, sikura u effiċjenti,

B.

billi l-politika komuni dwar l-enerġija fil-livell tal-UE tfasslet madwar l-objettiv komuni li tiġi żgurata d-disponibilità fiżika mingħajr ebda interuzzjoni tal-prodotti u s-servizzi tal-enerġija fis-suq, bi prezzijiet li jlaħħqu magħhom il-konsumaturi kollha (domestiċi u industrijali),

C.

billi jeħtieġ li tiġi ggarantita s-sigurtà tal-provvista u l-konsolidazzjoni tas-solidarjetà bejn l-Istati Membri f’sitwazzjonijiet fejn Stat Membru jkun qed iħabbat wiċċu ma’ kriżi enerġetika,

D.

billi t-Trattat ta’ Lisbona jipprovdi bażi legali speċifika għall-iżvilupp ta’ politika enerġetika tal-UE li tippromwovi l-interkonnessjoni b’suċċess tan-netwerks tal-enerġija bejn l-Istati Membri indipendentement mill-fruntieri nazzjonali u reġjonali, li hi meħtieġa għall-kisba ta’ objettivi oħra tal-politika tal-enerġija u tas-solidarjetà tal-UE (il-funzjonament tas-suq tal-enerġija, l-effiċjenza tal-enerġija u l-enerġija rinnovabbli, is-sigurtà tal-provvista u d-diversifikazzjoni tas-sorsi tal-enerġija u tal-forom tal-provvista),

E.

billi n-nuqqas ta’ modernizzazzjoni, titjib, interkonnessjoni u aġġustament f'waqthom tal-infrastruttura tal-enerġija tal-Unjoni għal mudell aktar sostenibbli u aktar effiċjenti tal- produzzjoni, it-trażmissjoni u l-konsum tal-enerġija jista' jfixkel il-kapaċità tagħha li tikseb l-objettivi tal-enerġija u l-klima għall-2020 – speċjalment l-objettivi relatati mal-integrazzjoni u mat-tkabbir tas-sehem tal-enerġija minn sorsi rinnovabbli – u jikkomprometti l-objettiv fit-tul tal-2050 li l-emissjonijiet ta’ gass b'effett serra (GHG) jitnaqqsu bi 80 % sa 95 %,

F.

billi l-ippjanar tal-investiment fl-infrastruttura u d-deċiżjonijiet li jridu jittieħdu b’assoċjazzjoni ma’ dan jeħtieġu l-appoġġ ta’ xenarju fuq żmien fit-tul li jqis il-kisbiet mistennija u l-ħtiġijiet ta’ żviluppi tekniċi addizzjonali,

G.

billi l-integrazzjoni ulterjuri tas-sorsi tal-enerġija rinnovabbli tirrikjedi xi adattamenti tal-infrastruttura Ewropea tal-enerġija kemm fil-livell ta’ trażmissjoni, kif ukoll f’dak tad-distribuzzjoni,

H.

billi suq tal-enerġija tal-UE li jkun miftuħ, trasparenti, integrat u kompetittiv huwa meħtieġ sabiex jinkisbu prezzijiet kompetittivi, sigurtà u sostenibbiltà tal-provvista u użu effiċjenti u fuq skala kbira ta’ enerġija rinnovabbli, u billi t-tlestija ta’ tali suq għadha sfida importanti għall-Istati Membri kollha,

I.

filwaqt li jfakkar l-importanza kruċjali ta’ implimentazzjoni f'waqtha u sħiħa tal-leġiżlazzjoni eżistenti, inkluż ix-xogħol regolatorju meħtieġ mit-tielet pakkett tas-suq intern tal-enerġija u n-notifika xierqa tal-investimenti fl-infrastruttura tal-enerġija, fl-istennija tas-sentenza tal-Qorti tal-Ġustizzja (12), sabiex tingħata ħarsa ġenerali lejn xi nuqqasijiet li jista’ jkun hemm fid-domanda u fil-provvista, kif ukoll l-ostakoli għall-investiment,

J.

billi l-kapaċità ta’ interkonnessjoni bejn l-Istati Membri, jew saħansitra d-disponibilità ta’ interkonnessjoni, għadha insuffiċjenti f’terz tal-Unjoni, skont l-objettiv ta’ interkonnessjoni ta’ 10 % stabbilit fil-Kunsill Ewropew tal-2002, u billi ċerti Stati Membri u reġjuni għadhom iżolati u dipendenti fuq fornitur wieħed, u dan ma jippermettix l-integrazzjoni reali tas-swieq, il-likwidità u l-flussi tal-enerġija,

K.

billi, għandhom jitqiesu l-ħtiġijiet speċjali tal-gżejjer u tar-reġjuni ultraperiferiċi bħall-Gżejjer Kanarji, Madeira, l-Ażores u r-Reġjuni Ultraperiferiċi Franċiżi f’termini ta’ infrastrutturi tal-enerġija,

L.

billi fix-Xlokk tal-Ewropa n-netwerk tat-trażmissjoni tal-enerġija mhix daqstant folta daqs dik tal-bqija tal-kontinent,

M.

billi rotot alternattivi tal-provvista u ta’ tranżitu, kif ukoll interkonessjonijiet ġodda, huma importanti ħalli jiġi żgurat li s-solidarjetà bejn l-Istati Membri tkun operattiva,

N.

billi għandha tingħata attenzjoni speċjali lill-proġetti li għadhom mhux finalizzati li ġew magħżula mill-UE bħala proġetti ta’ prijorità skont id-Deċiżjoni Nru 1364/2006/KE tal-Parlament Ewropew u tal-Kunsill tas-6 ta’ Settembru 2006 li tistabbilixxi linji gwida għal netwerks tal-enerġija trans-Ewropej u li tħassar id-Deċiżjoni Nru 96/391/KE u d-Deċiżjoni Nru 1229/2003/KE,

O.

billi t-tielet pakkett tal-enerġija ħoloq qafas legali li għandu jtejjeb il-kompetittività fis-suq tal-enerġija,

P.

billi l-infrastrutturi tal-enerġija ppjanati llum għandhom ikunu konsistenti mal-ħtiġijiet tas-suq u mal-objettivi fit-tul tal-UE fil-qasam tal-klima u l-enerġija u l-implimentazzjoni tagħhom fid-diversi politiki nazzjonali relatati mal-enerġija, filwaqt li tingħata prijorità li dawk is-sorsi tal-enerġija li m’għandhom impatt negattiv għas-soċjetà jew għall-ambjent,

Q.

billi, rigward il-gass u l-elettriku, jinħtieġ tisħiħ tal-investiment fil-kapaċità tat-trażmissjoni filwaqt li jitqiesu l-objettivi tal-enerġija 20-20-20 tal-UE u l-ambjent enerġetiku l-ġdid b’livell imnaqqas ta’ karbonju wara l-2020,

R.

billi l-bini ta’ infrastruttura tal-enerġija huwa ta’ importanza strateġika għall-ħsieb li jintlaħqu l-objettivi tal-Pjan SET (Strategic Energy Technology Plan),

S.

billi l-effiċjenza enerġetika tirrappreżenta strument b'saħħtu u kost-effettiv għal futur b’enerġija sostenibbli: billi jekk titnaqqas id-domanda għall-enerġija, tista’ tonqos ukoll id-dipendenza fuq l-importazzjonijiet u r-rikolazzjoni tal-impjanti minħabba żieda fl-ispejjeż, u permezz ta’ investimenti intelliġenti fl-infrastrutturi eżistenti u ġodda, tista’ tonqos il-ħtieġa ta’ investiment pubbliku u privat fl-infrastruttura tal-enerġija,

T.

billi l-grilji intelliġenti jipprovdu opportunità importanti ħalli tiġi stabbilita relazzjoni effiċjenti bejn il-produzzjoni tal-enerġija, it-trażmissjoni tal-enerġija, id-distribuzzjoni tal-enerġija u l-utenti, filwaqt li jingħata lok għal konsum enerġetiku razzjonali u żieda fl-effiċjenza tal-użu tal-enerġija,

U.

billi t-tisħiħ tal-kapaċità ta’ interkonnesjoni bejn is-sistemi tal-gass tul l-assi tal-Lbiċ fil-kuritur tat-Tramuntana-Nofsinhar ser jippermetti lill-kapaċità ta’ importazzjoni tal-LNG u lill-kapaċità ta’ ħażna taħt l-art tal-Peniżola Iberika jikkontribwixxu għas-sigurtà tal-provvista tal-UE, filwaqt li jsir pass importanti lejn suq intern tal-enerġija verament integrat,

V.

billi l-proċeduri twal ta’ awtorizzazzjoni u n-nuqqas ta’ koordinament bejn l-entitajiet amministrattivi jistgħu jirriżultaw f'dewmien kbir u spejjeż addizzjonali, b'mod partikolari fil-każ ta’ proġetti transkonfinali,

W.

billi l-proċeduri twal għall-għoti tal-permessi u n-nuqqas ta’ metodoloġiji għall-allokazzjoni tal-ispejjeż u n-nuqqas ta’ strumenti biex jinqasmu l-benefiċċji u l-ispejjeż tal-proġetti infrastrutturali transkonfinali tal-enerġija huma ostakoli ewlenin għall-iżvilupp tagħhom,

X.

billi għandu jkun iggarantit dibattitu pubbliku ta’ livell għoli, filwaqt li l-leġiżlazzjoni ambjentali Ewropea trid titqies b'mod xieraq,

Y.

billi r-regolaturi għandhom rwol importanti fil-ħolqien ta’ suq intern tal-enerġija li jkun orjentat għall-konsumatur, li jkun integrat u kompetittiv,

Z.

billi, skont il-komunikazzjoni tal-Kummissjoni bit-titolu ‘Prijoritajiet tal-infrastruttura tal-enerġija għall-2020 u wara – Pjan dettaljat għal netwerk tal-enerġija Ewropew integrat’, fl-għaxar snin li ġejjin se jkunu meħtieġa EUR 200 biljun sabiex jiġu ffinanzjati l-ħtiġijiet tal-infrastruttura tal-enerġija, u billi nofs dan l-ammont irid jiġi pprovdut mill-Istati Membri,

AA.

billi l-istrumenti bbażati fuq is-suq u l-prinċipju li l-utent iħallas għadhom il-bażi għall-finanzjament tal-infrastruttura enerġetika, u billi, b’mod trasparenti u b’kunsiderazzjoni individwali ta’ kull każ, se jkun meħtieġ ammont limitat ta’ finanzjament pubbliku għall-finanzjament ta’ ċerti proġetti ta’ interess Ewropew, li filwaqt li mhumiex vijabbli minn aspett strettament kummerċjali, jiddefendu kundizzjonijiet indaqs is-suq tal-enerġija intern Ewropew, filwaqt li tkun garantita s-sigurtà tal-provvista, jiġu evitati d-distorsjonijiet tal-kompetizzjoni u tiġi promossa l-integrazzjoni effiċjenti tal-enerġija rinnovabbli,

AB.

billi jeħtieġ isir investiment fuq skala kbira mill-aktar fis possibbli,

AC.

billi l-awtoritajiet reġjonali għandhom rwol kruċjali bħala atturi ewlenin fi kwistjonijiet ta’ enerġija, minħabba r-responsabilitajiet tagħhom f’għadd ta’ attivitajiet li jirrigwardaw l-ippjanar u l-ġestjoni reġjonali, l-għoti tal-permessi, l-għoti ta’ awtorizzazzjonijiet għal proġetti ewlenin ta’ infrastruttura, l-investimenti, l-akkwist pubbliku, il-produzzjoni u l-fatt li huma qrib il-konsumaturi,

1.

Jenfasizza l-fatt li l-awtoritajiet pubbliċi għandhom ir-responsabilità ġenerali li jaqdu l-interess pubbliku billi jwettqu l-għanijiet tas-soċjetà u ambjentali, iżda r-responsabilità ewlenija għall-iżvilupp tal-infrastruttura tal-enerġija għandha tkun f’idejn suq regolat tajjeb;

2.

Jenfasizza l-importanza kruċjali ta’ implimentazzjoni f'waqtha, korretta u sħiħa tal-leġiżlazzjoni eżistenti, inkluż ix-xogħol regolatorju meħtieġ mit-tielet pakkett tas-suq intern tal-enerġija, sabiex sa mhux aktar tard mill-2014 jitwettaq suq intern Ewropew integrat u kompetittiv;

3.

Jenfasizza l-ħtieġa tal-implimentazzjoni tal-politiki u r-regolamenti attwali sabiex l-infrastruttura tal-enerġija eżistenti tintuża aħjar għall-benefiċċju tal-konsumatur Ewropew; jistieden lill-Kummissjoni u lill-ACER sabiex jissorveljaw b'mod iktar strett l-implimentazzjoni nazzjonali ta’ regoli bħal dawk relatati mal-prinċipju ‘tużah jew titilfu’;

4.

Jemmen li approċċ tal-UE – żviluppat b’kooperazzjoni mal-partijiet konċernati kollha – hu meħtieġ biex jiġu sfruttati b’mod sħiħ il-benefiċċji ta’ infrastruttura ġdida, u jenfasizza l-ħtieġa li jiġi żviluppat metodu armonizzat kumplimentari, skont ir-regoli tas-suq intern, għall-għażla tal-proġetti infrastrutturali; jemmen li dan il-metodu għandu jqis il-perspettivi Ewropej u reġjonali sabiex jitneħħew id-differenzi u jkunu ottimizzati l-effetti soċjoekonomiċi u ambjentali;

5.

Jenfasizza li l-ippjanar ta’ proġetti ta’ infrastruttura tal-enerġija għandhom jikkonformaw bis-sħiħ mal-prinċipju prekawzjonarju; il-pjanijiet ta’ azzjoni għandhom ikunu suġġetti għal valutazzjonijiet bir-reqqa tal-impatt ambjentali li jsiru każ każ, u li jqisu l-kundizzjonijiet ambjentali lokali u reġjonali;

6.

Jenfasizza l-ħtieġa li jiġi żgurat livell adegwat ta’ sigurtà tal-provvista enerġetika għall-UE, u li jiġu żviluppati relazzjonijiet favorevoli ma’ pajjiżi mhux fl-UE li jipprovdu l-enerġija u ma’ pajjiżi ta’ tranżitu permezz tal-kooperazzjoni fir-rigward tas-sistemi reġjonali u globali tat-trasport tal-provvista tal-enerġija;

7.

Jenfasizza li x-xenarju ta’ referenza użat għall-valutazzjoni tal-infrastruttura tal-enerġija għall-2020 għandu jkun trasparenti u konsistenti mal-objettivi ġenerali tal-politika enerġetika mħaddna fl-Artikolu 194 tat-Trattat dwar l-Unjoni Ewropea u fil-pjan direzzjonali tal-UE għall-2050, u ma’ politiki oħra tal-UE (bħala pereżempju t-trasport, il-bini u l-Iskema għall-Iskambju ta’ Kwoti ta’ Emissjonijiet (ETS)), mal-politiki tal-effiċjenza tal-enerġija (b'mod partikolari l-implimentazzjoni tal-pjan għall-effiċjenza enerġetika (EEP) li ġej), mal-impatt potenzjali tal-avvanzi fit-teknoloġija, b’mod partikolari fir-rigward tal-enerġija rinnovabbli u r-rwol dejjem jikber ta’ vetturi elettriċi, u mal-użu ta’ griljiintelliġenti u l-inizjattivi ‘bliet u reġjuni intelliġenti’;

8.

Jappoġġa t-tnedija fil-pront tas-sħubija għall-innovazzjoni bl-isem ‘Bliet intelliġenti’, u jistieden lill-imsieħba relevanti involuti fil-proċessi tal-ippjanar għal żvilupp urban sostenibbli sabiex jippromwovu aħjar u jisiltu aktar profitt mill-benefiċċji li jistgħu jipprovdu l-inizjattivi JESSICA u ELENA għal investimenti fl-enerġija sostenibbli fil-livell lokali, bil-għan li jgħinu lill-bliet u lir-reġjuni jibdew proġetti ta’ investiment vijabbli fil-qasam tal-effiċjenza tal-enerġija, sorsi ta’ enerġija li jinħarqu b'mod nadif u li jkunu rinnovabbli, u trasport urban sostenibbli; jindika barra minn hekk il-potenzjal ta’ finanzjament transkonfinali mal-pajjiżi ġirien fil-qafas tal-Istrument Ewropew ta’ Viċinat u Sħubija (ENPI);

9.

Jenfasizza l-ħtieġa li jiġi identifikat, skont il-ġerarkija ta’ importanza u fl-interess tal-kost-effettività, meta l-infrastruttura tkun tista' tiġi minimizzata permezz ta’ politiki ta’ effiċjenza enerġetika, meta l-infrastruttura eżistenti nazzjonali jew transkonfinali tista' tittejjeb jew tiġi modernizzata u meta tkun meħtieġa infrastruttura ġdida li tista' tinbena qrib infrastruttura eżistenti tal-enerġija jew tat-trasport;

10.

Jikkunsidra li t-tnaqqis fil-konsum tal-enerġija u fl-emissjonijiet li jniġġsu, u effiċjenza enerġetika mtejba jistgħu jinkisbu permezz ta’ programmi implimentattivi għal iktar effiċjenza enerġetika fis-setturi tal-bini u tat-trasport;

11.

Jenfasizza l-importanza li jiġu identifikati nuqqasijiet futuri potenzjali fid-domanda u fil-provvista ta’ enerġija, kif ukoll defiċjenzi futuri potenzjali fl-infrastruttura tal-produzzjoni u tat-trażmissjoni;

12.

Jissottolinja l-importanza tal-armonizzazzjoni tad-disinn tas-suq tal-UE u tal-iżvilupp ta’ skemi infrastrutturali komuni Ewropej sabiex ikunu żgurati l-ġestjoni tal-interkonnessjonijiet Ewropej interni u l-interkonnessjonijiet ma’ terzi pajjiżi;

13.

Iqis li l-iżvilupp ta’ infrastruttura tal-elettriku bejn l-UE u pajjiżi terzi, u f'xi każijiet l-infrastruttura tal-elettriku eżistenti, jistgħu joħolqu riskju ta’ rilaxx (leakage) ta’ karbonju, jew inkella jżidu dan ir-riskju fejn dan ikun preżenti diġà; jistieden lill-Kummissjoni tevalwa din il-possibbiltà u tippreżenta, jekk ikun meħtieġ, miżuri li permezz tagħhom l-UE tkun tista' tindirizza dan b'mod effikaċi, billi pereżempju titlob li jkun hemm konformità mad-Direttiva 2009/28/KE dwar il-promozzjoni tal-użu tal-enerġija minn sorsi rinnovabbli;

14.

Jistieden lill-operaturi tan-netwerks, l-awtoritajiet regolatorji, inkluż l-ACER, u l-Kummissjoni biex joħolqu, f'kooperazzjoni ma’ operaturi ta’ netwerks u awtoritajiet f'pajjiżi terzi, il-kundizzjonijiet neċessarji sabiex tiġi żgurata l-kompatibilità u l-istabilità bejn l-infrastruttura tal-elettriku tal-UE u dik ta’ pajjiżi terzi, bl-għan li titjieb is-sigurtà tal-enerġija tal-Istati Membri;

15.

Jenfasizza li għandu jkun hemm attenzjoni mhux biss fuq proġetti transkonfinali imma wkoll fuq sistemi tat-trażmissjoni interni, li huma kruċjali sabiex jiġu integrati s-swieq tal-enerġija, il-ġenerazzjoni ta’ enerġija rinnovabbli u s-sigurtà tas-sistemi, jintemmu l-gżejjer tal-enerġija u jittaffew il-konġestjonijiet interni li għandhom impatt fuq is-sistema enerġetika Ewropea b'mod ġenerali; jenfasizza l-importanza li jkun garantit li reġjuni remoti u l-ħtiġijiet lokali tagħhom jitqiesu kif jixraq;

16.

Jenfasizza l-ħtieġa ta’ infrastruttura ġdida li twassal għal tmiem il-gżejjer tal-enerġija u d-dipendenza fuq fornitur wieħed u li ttejjeb is-sigurtà tal-provvista;

17.

Jenfasizza li l-ebda reġjun tal-Istati Membri tal-UE, inklużi r-reġjuni gżejjer, m’għandu jibqa’ iżolat min-netwerks Ewropej tal-gass u tal-elettriku wara l-2015, jew ikollu s-sigurtà tal-enerġija tiegħu mhedda minħabba n-nuqqas ta’ konnessjonijiet xierqa;

18.

Jilqa' l-isforzi tal-Kummissjoni biex tippromwovi l-kooperazzjoni reġjonali u jitlob li tingħata aktar gwida fuq tali inizjattivi reġjonali;

19.

Jiġbed l-attenzjoni għall-opportunitajiet li joffru l-ftehimiet ta’ kooperazzjoni reġjonali eżistenti tal-UE għall-iżvilupp u għall-intensifikazzjoni ta’ proġetti transkonfinali tal-infrastruttura enerġetika, partikolarment dawk relatati mal-enerġija rinnovabbli, u jħeġġeġ li l-istrumenti ta’ kooperazzjoni reġjonali (Euregios, EGTCs) jintużaw għal dan il-għan;

20.

Huwa tal-opinjoni li l-inizjattivi reġjonali għandhom jiġu estiżi u jkomplu jiġu żviluppati, peress li huma marbuta l-aktar mill-qrib mal-mod ta’ kif topera s-sistema tal-enerġija f'reġjuni individwali (pereżempju l-istruttura tas-sorsi reġjonali tal-produzzjoni, l-enerġija mir-riħ, il-limitazzjonijiet tal-grids u d-disponibbiltà tas-sorsi tal-enerġija);

21.

Jenfasizza li l-kooperazzjoni fost il-muniċipalitajiet u r-reġjuni fil-livell nazzjonali u Ewropew tikkontribwixxi sabiex jitneħħew il-gżejjer tal-enerġija, jitlesta s-suq intern tal-enerġija u jiġu implimentati proġetti tal-infrastruttura tal-enerġija; huwa tal-fehma li l-objettiv ta’ kooperazzjoni territorjali Ewropea tal-politika ta’ koeżjoni, kif ukoll l-istrateġiji makroreġjonali, jistgħu jżidu l-opportunitajiet ta’ kooperazzjoni għal proġetti transkonfinali bl-għan li jinkisbu interkonnessjonijiet effiċjenti u intelliġenti bejn sorsi ta’ enerġija lokali u reġjonali mhux konvenzjonali u grilji kbar tal-enerġija; jenfasizza l-fatt li l-koordinament xieraq tal-proġetti infrastrutturali jista' jiggarantixxi l-aħjar proporzjon possibbli bejn l-ispejjeż u l-benefiċċji u jimmassimizza l-effiċjenza tal-fondi tal-UE; iqis, f'dan il-kuntest, li l-kooperazzjoni reġjonali għandha tittejjeb, b’mod partikolari sabiex tkun żgurata konnessjoni xierqa bejn il-prijoritajiet stabbiliti u r-reġjuni Ewropej;

22.

Jitlob lill-Kummissjoni u lill-Istati Membri jistabilixxu miżuri li jiżguraw li TSOs huma inċentivati biżżejjed biex jeżaminaw interkonnetturi possibli minn perspettiva reġjonali jew Ewropea u li l-pjanijiet tal-investiment tagħhom huma bbażati fuq l-effetti soċjoekonomiċi tal-interkonnetturi tal-enerġija aktar milli sempliċiment fuq l-ekonomija tal-proġetti, biex jiġi evitat is-sottoinvestiment fil-kapaċità tat-trażmissjoni;

23.

Jitlob lill-Kummissjoni biex sa tmiem l-2011, tressaq is-soluzzjonijiet proposti għall-kompromessi (trade-offs) deskritti mill-koordinatur Ewropew Georg Wilhelm Adamowitsch fit-tielet rapport annwali tiegħu tal-15 ta’ Novembru 2010, bħal pereżempju l-kompromess bejn il-ħtieġa urġenti għal infrastruttura ġdida u r-regoli riġidi ta’ protezzjoni ambjentali;

24.

Jitlob li jittieħdu passi sabiex tkun żgurata konformità mal-ftehimiet internazzjonali bħall-Konvenzjoni Espoo qabel il-bidu jew l-iżvilupp ulterjuri ta’ proġetti transkonfinali, u jiġbed l-attenzjoni, fil-kuntest tal-espansjoni tan-netwerks tal-enerġija, għall-ħtieġa li tisseddaq kooperazzjoni eqreb, b’mod partikolari bejn ir-Russja u l-Bjelorussja u l-Istati Baltiċi, u f’dan ir-rigward, sabiex jiġi żviluppat djalogu dwar l-enerġija bejn l-UE u r-Russja, b’mod partikolari sabiex jintlaħaq l-objettiv tas-sigurtà tal-enerġija għall-Istati Membri u għar-reġjuni tal-UE;

25.

Jilqa' b'sodisfazzjon id-deċiżjoni tal-Kummissjoni biex tintroduċi ‘testijiet tal-istress’ għal impjanti tal-enerġija nukleari tal-Ewropa; jikkunsidra inizjattivi leġiżlattivi futuri huma essenzjali biex jiġi stabbilit qafas komuni għas-sigurtà nukleari, sabiex ikomplu jittejbu l-istandards tas-sikurezza fl-Ewropa;

26.

Jinnota li l-infrastruttura tal-enerġija ġġib magħha riskji sinjifikanti inklużi riskji operattivi (pereżempju konġestjonijiet u diskontinwità tal-provvista), riskji naturali (eż. terremoti, għargħar), riskji ambjentali (eż. tniġġis, telf ta’ ħabitats u ta’ bijodiversità) u riskji antropoġeniċi/politiċi (eż. riskji għas-sikurezza u t-terroriżmu); għalhekk jitlob li jiġu implimentati deċiżjonijiet dwar l-iżvilupp ta’ grilji intelliġenti, kif previst fid-Direttiva KE 2008/114/KE dwar l-infrastrutturi kritiċi; jissuġġerixxi li l-Istati Membri jfasslu mappa tar-riskji bħala għodda għat-teħid tad-deċiżjonijiet u l-monitoraġġ tar-riżultati tal-implimentazzjoni ta’ grilji intelliġenti sabiex titjieb l-interkonnettività tal-grilji;

27.

Iħeġġeġ lill-Kummissjoni tivvaluta l-possibbiltà li fil-prijoritajiet infrastrutturali tal-enerġija tinkludi proġetti li jtejbu s-sikurezza u s-sigurtà ta’ infrastrutturi enerġetiċi maġġuri eżistenti fl-Ewropa (pipelines tal-gass u taż-żejt, grilji tal-elettriku, impjanti tal-enerġija nukleari, terminals tal-LNG eċċ.) għal kontra l-inċidenti u d-diżastri naturali jew id-diżastri kkawżati mill-bniedem;

28.

Iqis li l-Pjan ta’ Għaxar Snin għall-Iżvilupp tan-Netwerk (Ten-Year Network Development Plan (TYNDP)) jidentifika l-proġetti relevanti tal-infrastruttura tal-elettriku u tal-gass u għandu jagħti kontribut għall-istipular tal-prijoritajiet għall-għażla tal-proġetti ta’ interess Ewropew li għandhom jiġu żviluppati sabiex jintlaħqu l-miri tal-UE fil-qasam tal-enerġija u tal-klima, mingħajr ma jinterferixxu mal-funzjonament tas-suq intern; hu tal-fehma, f'dan ir-rigward, li l-kapaċità ta’ interkonnessjoni għandha tiġi kkunsidrata fl-istess livell bħall-objettivi 20-20-20, u li, għaldaqstant, it-TYNDP għandu jiftiehem bħala l-istrument li jissorvelja l-konformità mal-objettiv ta’ interkonnessjoni ta’ 10 %;

29.

Jistieden lill-Kummissjoni biex bil-għan li tiżgura governanza aħjar tal-ippjanar futur tal-infrastruttura tal-elettriku u tal-gass tal-UE, tippreżenta proposta konkreta ta’ titjib fit-trasparenza u fil-parteċipazzjoni pubblika fid-determinazzjoni tal-prijoritajiet tal-UE, fl-ambitu ta’ proċess ta’ parteċipazzjoni usa’ tal-partijiet interessati (li jkun jinkludi, pereżempju, is-settur tal-enerġija, esperti indipendenti, organizzazzjonijiet tal-konsumaturi u NGOs; jikkunsidra li l-pubblikazzjoni ta’ data teknika dwar l-ippjanar hi kruċjali biex tiġi żgurata din il-parteċipazzjoni;

30.

Jikkunsidra li għandna noqogħdu attenti minn infrastrutturi enerġetiċi tal-UE li jkunu jappartjenu għal kumpaniji barranin jew is-sussidjarji tagħhom u li ma jkollhomx struttura ta’ ġestjoni trasparenti u li jkunu suġġetti għal pressjoni mhux xierqa minn gvernijiet barranin; jitlob lill-Kummissjoni tippreżenta proposti li jistabbilixxu salvagwardji legali u istituzzjonali adegwati f'dan ir-rigward, partikolarment f'dak li jirrigwarda l-aċċess għal finanzjament pubbliku tal-UE;

31.

Iqis li t-TYNDP jagħti kontribut lill-programm li jimxi minn sena għal oħra għall-iżvilupp ta’ infrastruttura Ewropea tat-trasport tal-gass u tat-trażmissjoni tal-elettriku fi ħdan perspettiva Ewropea ta’ ppjanar fit-tul u taħt is-sorveljanza tal-ACER u tal-Kummissjoni, bil-qies xieraq għad-dispożizzjonijiet relevanti tat-Tielet Pakkett tas-Suq Intern;

32.

Jenfasizza l-fatt li dan l-approċċ minn isfel għal fuq għandu jiġi kumplementat minn approċċ minn fuq għal isfel li jkun strutturat tajjeb b'perspettiva Ewropea;

33.

Jenfasizza li t-trawwim tal-bini ta’ infrastruttura għat-trażmissjoni u d-distribuzzjoni għall-integrazzjoni effiċjenti u intelliġenti tal-enerġija rinnovabbli u għall-użi ġodda għall-elettriku (bħall-vetturi tal-elettriku jew ibridi) hu kruċjali għall-kisba b’suċċess tal-objettivi ġenerali tal-enerġija; jilqa’ l-prijorità mogħtija lill-supergrid Ewropew futur u lill-proġetti pilota approvati mill-Forum ta’ Firenze; jistieden lill-Kummissjoni tikkonsulta lill-partijiet interessati kollha ħalli tħaffef il-proċess tal-identifikazzjoni ta’ awtostradi tal-elettriku bħala infrastruttura ta’ grilja integrata bbażata fuq ċentri ewlenin (hubs) sabiex jiġu ottimizzati l-konnettività, is-saħħa tas-sistema u l-flessibilità operattiva u sabiex jitnaqqsu l-ispejjeż, mingħajr ma jiġi eskluż xi territorju ġeografiku usa’ Ewropew, u jistieden lill-Kummissjoni tippreżenta l-punti prinċipali lill-Parlament Ewropew sa nofs is-sena 2014, liema punti għandhom jindirizzaw b’mod komplut kemm jista’ jkun il-ħtiġijiet speċifiċi li jirriżultaw mit-trażmissjoni ta’ enerġiji rinnovabbli;

34.

Jirrimarka li, minħabba l-lok fejn jinsabu, il-gżejjer u ż-żoni muntanjużi għandhom ostakli ġeografiċi li jagħmilha diffiċli ħafna li dawn jiġu integrati fin-netwerk tal-enerġija tal-UE; għaldaqstant jistieden lill-Kummissjoni tqis iċ-ċirkostanzi differenti tar-reġjuni u tiffoka espressament fuq reġjuni b’karatteristiċi ġeografiċi u demografiċi speċifiċi bħal gżejjer, reġjuni muntanjużi u reġjuni b’livell baxx ta’ popolazzjoni, biex tinkiseb diversifikazzjoni akbar tas-sorsi tal-enerġija u tkun promossa l-enerġija rinnovabbli biex titnaqqas id-dipendenza fuq l-enerġija importata; iħeġġeġ lill-Kummissjoni tinkludi fost il-prijoritajiet tagħha għall-infrastruttura tal-enerġija għall-2020 is-sitwazzjoni speċjali tas-sistemi tal-enerġija tal-gżejjer;

35.

Jenfasizza li hemm bżonn ta’ koerenza trasversali tal-politiki fir-rigward tal-infrastrutturi tal-enerġija u r-relazzjoni tagħhom mal-qafas tal-ippjanar tal-ispazji marittimi, u li dan jista’ jkun utli wkoll biex proġetti kbar ta’ parks offshore għall-enerġija mir-riħ jiddaħħlu fi strateġija globali;

36.

Ifakkar lill-Kummissjoni, madankollu, li kull Stat Membru għandu jingħata wkoll appoġġ biex ikun produttur, u mhux biss konsumatur, tal-enerġija sostenibbli, kemm għal raġunijiet ta’ sigurtà kif ukoll għal raġunijiet ekonomiċi;

37.

Isostni li l-iżvilupp tal-ġenerazzjoni reġjonali tal-enerġija huwa mezz importanti biex tiġi garantita l-awtosuffiċjenza fl-enerġija fid-diversi partijiet tal-Ewropa, speċjalment fir-reġjun Baltiku, li għadu iżolat u dipendenti fuq sors ta’ provvista uniku; jinnota l-fatt li r-reġjuni għandhom firxa wiesgħa ta’ riżorsi x’jisfruttaw, inklużi l-possibilitajiet li joffru r-riżorsi naturali, u li fil-futur l-għan għandu jkun li dawn jiġu sfruttati bis-sħiħ sabiex tiġi diversifikata l-produzzjoni tal-enerġija;

38.

Japprova l-importanza ta’ infrastruttura tal-gass effiċjenti għat-tisħiħ tad-diversifikazzjoni u tas-sigurtà tal-provvista, biex jingħata kontribut lill-funzjonament aħjar tas-suq intern tal-enerġija, u biex titnaqqas id-dipendenza fuq l-enerġija, filwaqt li jiġi rispettat il-bżonn li jitnaqqsu drastikament l-emissjonijiet mis-settur tal-enerġija sal-2050; jenfasizza l-bżonn ta’ aktar rekwiżiti ta’ flessibilità fl-infrastrutturi tal-gass, u li dawn jiġu implimentati b’mod korrett, b'mod partikolari ħalli jiġu żgurati l-flussi fid-direzzjoni opposta u l-interkonnessjonijiet, u jenfasizza li l-infrastrutturi tal-gass għandhom jiġu żviluppati, b’qies sħiħ għall-kontribut tat-terminals tal-LNG u tas-CNG, il-vapuri tat-trasport u l-faċilitajiet tal-ħżin, u għall-iżvilupp tal-bijomassa gassifikata u tal-bijogass;

39.

Jilqa’ l-istqarrija tal-Kummissjoni li l-gass naturali se jkollu rwol importanti bħala fjuwil ta’ riżerva; madankollu jenfasizza li xi forom oħra tal-enerġija kif ukoll faċilitajiet tal-ħżin tal-enerġija se jkollhom jaċċettaw dan ir-rwol ukoll, biex tkun żgurata s-sigurtà tal-provvista; jenfasizza l-fatt li taħlita wiesgħa tal-enerġija se tibqa’ tkun il-bażi għal provvista tal-enerġija sikura u kost-effettiva;

40.

Jinnota li, f’kuntrast mal-investimenti l-oħrajn kollha tal-infrastruttura li l-UE biħsiebha tinċentivizza, l-interkonnessjonijiet u l-ħżin tal-gass huma infrastrutturi obbligatorji fl-ambitu tar-Regolament tal-2009 dwar is-Sigurtà tal-Provvista tal-Gass; jitlob lill-Kummissjoni tevalwa jekk hux meħtieġ xi finanzjament tal-UE għat-titjib tal-infrastruttura li hu meħtieġ fl-ambitu tar-regolament tal-2009;

41.

Iħeġġeġ lill-Kummissjoni tevalwa sorsi ta’ gass mhux konvenzjonali, filwaqt li tqis il-kwistjonijiet legali, l-analiżi taċ-ċiklu tal-ħajja, ir-riżervi disponibbli, l-impatt ambjentali u l-vijabilità ekonomika; jitlob lill-Kummissjoni biex fuq il-bażi tal-prinċipju ta’ trattament indaqs tas- sorsi primarji tal-enerġija, twettaq evalwazzjoni bir-reqqa tal-benefiċċji u r-riskji potenzjali tal-użu ta’ sorsi tal-gass mhux konvenzjonali fl-UE;

42.

Iqis li, għalkemm id-dekarbonizzazzjoni tal-ekonomija se twassal għal tnaqqis progressiv fl-użu tal-enerġija minn fjuwils fossili, iż-żejt se jibqa’ parti sinifikanti mill-provvista tal-enerġija tal-UE għal ħafna snin, u għalhekk, jeħtieġ li tul it-tranżizzjoni tinżamm infrastruttura kompetittiva tat-trasport u tal-irfinar taż-żejt sabiex tiġi żgurata provvista tal-prodotti sikura u bi prezz li jintlaħaq għall-konsumaturi tal-UE;

43.

Jenfasizza l-importanza ta’ ppjanar integrat tal-infrastruttura tal-enerġija għal sorsi ta’ enerġija agrikoli u rurali fuq skala żgħira, ħalli jiġu promossi l-produzzjoni tal-enerġija deċentralizzata, il-parteċipazzjoni fis-suq u l-iżvilupp rurali; jisħaq fuq l-importanza ta’ aċċess ta’ prijorità għall-grilja għall-enerġija rinnovabbli, kif stipulat fid-Direttiva 2009/28/KE;

44.

Jiġbed l-attenzjoni għall-ħtieġa li l-grilji jiġu ppreparati u adattati għall-produzzjoni ta’ forom ta’ enerġija bħall-elettriku u l-bijogass minn sorsi agrikoli u tal-foresti, bħala riżultat ta’ PAK riformata;

45.

Iqis li għandha tingħata attenzjoni lil soluzzjonijiet teknoloġiċi ġodda għall-użu ta’ enerġija mill-iskart tal-industrija, jiġifieri l-gass maħruq, is-sħana mitlufa, eċċ.;

46.

Jenfasizza l-importanza tal-infrastruttura fil-livell tad-distribuzzjoni u r-rwol importanti tal-produtturi-konsumaturi (prosumers) u tal-operaturi tas-sistemi ta’ distribuzzjoni (DSOs) fl-integrazzjoni fis-sistema ta’ prodotti tal-enerġija deċentralizzati u miżuri tal-effiċjenza min-naħa tad-domanda; Jindika li jekk tingħata prijorità ogħla lill-ġestjoni u lill-ġenerazzjoni tal-enerġija min-naħa tad-domanda, l-integrazzjoni ta’ sorsi tal-enerġija deċentralizzati se tissaħħaħ sew, u dan itejjeb l-ilħuq tal-objettivi globali tal-politika tal-enerġija; jemmen li dan japplika wkoll għal proġetti tal-infrastruttura nazzjonali li għandhom impatt pożittivi lil hinn mill-fruntieri nazzjonali f’termini ta’ provvista jew ta’ interkonnessjoni tas-suq intern tal-enerġija;

47.

Iħeġġeġ lill-Kummissjoni biex sal-2012 tippreżenta inizjattivi konkreti għall-promozzjoni tal-iżvilupp ta’ kapaċitajiet tal-ħżin tal-enerġija (inklużi l-faċilitajiet b’diversi użi tal-gass/idroġenu, batteriji intelliġenti bi flussi bidirezzjonali għall-vetturi elettriċi, impjanti tal-ħżin tal-ippumpjar tal-idroenerġija, ħżin diċentralizzat tal-bijogass, istallazzjonijiet solari b'temperatura għolja, faċilitajiet tal-ħżin tal-arja kompressata u teknoloġiji oħra innovattivi); jissuġġerixxi li l-Kummissjoni għandha tivvaluta inizjattivi ulterjuri għall-ħżin tal-enerġija biex timmassimizza l-integrazzjoni tal-enerġija rinnovabbli;

48.

Jikkunsidra li l-immodernizzar u t-titjib tal-effiċjenza ta’ netwerks urbani tat-tisħin u t-tkessiħ għandhom ikunu priorità għall-UE u għandhom jiġu riflessi u appoġġati f'dak li jirrigwarda kemm ir-rieżami tal-qafas finanzjarju eżistenti kif ukoll il-perspettiva finanzjarja futura;

49.

Jilqa’ l-proġetti ta’ qbid, trasport u ħżin ta’ CO2 żviluppati s’issa; jistieden lill-Kummissjoni biex tfassal, bħala kwistjoni ta’ urġenza, rapport ta’ nofs it-terminu, anke mill-perspettiva teknika u ekonomika, li jivvaluta r-riżultati miksuba mill-użu ta’ teknoloġiji sperimentali ssussidjati mill-UE għall-qbid u l-ħżin tal-karbonju (CCS) għal impjanti tal-elettriku li jaħdmu bil-faħam;

50.

Iħeġġeġ lill-Kummissjoni biex b’kooperazzjoni mal-partijiet konċernati kollha, inklużi l-operaturi relevanti tan-netwerks u tas-suq, tevalwa b'mod kritiku u tirrevedi, fejn ikun meħtieġ, il-figuri dwar il-ħtiġijiet ta’ investimenti pprovduti fil-komunikazzjoni dwar il-prijoritajiet tal-infrastruttura tal-enerġija, partikolarment fir-rigward tat-tnaqqis fid-domanda permezz ta’ miżuri tal-effiċjenza enerġetika, u jitlobha tirrapporta lill-Kunsill u lill-Parlament dwar l-investimenti li aktarx se jkunu meħtieġa;

51.

Jinnota li minbarra l-ispejjeż kapitali u operattivi, il-kostruzzjoni, l-operat u d-dekummissjonar tal-proġetti ta’ infrastruttura tal-enerġija joħolqu spejjeż ambjentali sinifikanti; jenfasizza l-importanza li jingħata rendikont ta’ dawn l-ispejjeż ambjentali fl-analiżi tal-ispejjeż u l-benefiċċji bl-użu tal-approċċ ibbażat fuq il-kalkolu tal-ispejjeż taċ-ċiklu tal-ħajja;

52.

Iqis li t-TSOs għandhom ikunu meħtieġa li jqiegħdu l-linji ta’ trażmissjoni kollha għad-dispożizzjoni sħiħa tas-suq, b’hekk jiġi evitat li l-kapaċità ta’ trażmissjoni tkun irriżervata għall-ibbilanċjar transkonfinali eċċ … u li dan ir-rekwiżit jeħtieġ jiġi stabbilit f’leġiżlazzjoni vinkolanti bbażata fuq il-linji gwida tal-prattika tajba attwali tal-ERGEG;

53.

Jappoġġa kooperazzjoni mtejba bejn l-Istati Membri għall-ħolqien ta’ awtoritajiet regolatorji reġjonali għal għadd ta’ Stati Membri; jilqa’ inizjattivi simili biex jinħolqu TSOs reġjonali uniċi;

54.

Jitlob lill-Kummissjoni u lill-ACER biex ifittxu li jaħdmu favur il-ħolqien ta’ suq ‘tal-istess jum’ (intraday) komuni Ewropew sal-2014, għax dan ikun jippermetti l-iskambju ħieles tal-enerġija għall-interkonnetturi kollha tat-trażmissjoni bejn il-pajjiżi u/jew żoni bi prezzijiet differenti;

55.

Jemmen li l-infrastruttura tal-enerġija għandha tkun orjentat aktar lejn l-utent finali, b'fokus aktar qawwi fuq l-interazzjoni bejn il-kapaċitajiet tas-sistemi tad-distribuzzjoni u l-konsum, u jenfasizza l-ħtieġa ta’ flussi bidirezzjonali tal-enerġija u tal-informazzjoni fil-ħin reali; jirrimarka fuq il-benefiċċji ta’ sistema tal-elettriku ġdida li tinkludi teknoloġiji, tagħmir u servizzi effiċjenti bħal miters intelliġenti, grilji intelliġenti u servizzi tal-ġestjoni tal-enerġija min-naħa tal-provvista u min-naħa tal-konsum li jkunu interoperabbli u joperaw permezz tal-ICT, sistema li tinvolvi l-iżvilupp ta’ formuli innovattivi u dinamiċi għall-istipular tal-prezzijiet u sistemi ta’ rispons għad-domanda għall-benefiċċju tal-konsumaturi;

56.

Jenfasizza l-ħtieġa li jkun promoss l-iżvilupp ta’ teknoloġiji li jiffavorixxu l-utenti u ġestjoni min-naħa tad-domanda sabiex ikun żgurat l-użu ta’ teknoloġiji ta’ grilji intelliġenti u sistemi ta’ rispons għad-domanda u sabiex jinkiseb il-benefiċċju sħiħ tal-grilji intelliġenti għall-partijiet interessati kollha;

57.

Jenfasizza li l-iplimentazzjoni ta’ grilji intelliġenti għandha tkun waħda mill-prijoritajiet tal-infrastruttura tal-enerġija bil-għan li jinkisbu l-objettivi tal-UE għall-enerġija u l-klima, għax dan jgħin l-integrazzjoni tal-enerġija rinnovabbli tad-distribuzzjoni u l-karozzi elettriċi, it-tnaqqis tad-dipendenza enerġetika, it-titjib tal-effiċjenza enerġetika u l-iżvilupp tal-flessibilità u tal-kapaċità tas-sistemi tal-elettriku; jemmen li l-grilji intelliġenti joffru opportunità unika biex tingħata spinta lill-innovazzjoni, lill-ħolqien tal-impjiegi u lill-kompetittività tal-industrija Ewropea, b'mod partikolari għal dak li jirrigwarda l-SMEs;

58.

Jitlob lill-Kummissjoni tiffaċilita t-twettiq urġenti ta’ proġetti kbar ta’ dimostrazzjoni ta’ grilji intelliġenti, bħala l-aħjar mod biex jitqabblu l-ispejjeż mal-benefiċċji għas-soċjetà Ewropea; jinnota li sabiex jinqasam ir-riskju tal-investiment meħtieġ għal dawn il-proġetti, jinħtieġ finanzjament pubbliku, f'qafas ta’ sħubija pubblika-privata, bħal dik offruta b’mod effettiv mill-Inizjattiva Ewropea għall-Grilji tal-Elettriku (European Electric Grid Initiative (EEGI));

59.

Jinnota li l-grilji intelliġenti huma riżultat tal-konverġenza bejn it-teknoloġiji tal-elettriku u dawk tal-informazzjoni u tal-komunikazzjonijiet, u li konsegwentament jeħtieġ tingħata attenzjoni speċjali lill-kooperazzjoni bejn iż-żewġ setturi, bħal pereżempju rigward l-użu effiċjenti tal-ispettru tar-radju fl-Ewropa kollha kemm hi u li jiġu mifhuma l-funzjonijiet tal-enerġija intelliġenti fl-ippjanar tal-‘Internet tal-Affarijiet’ tal-ġejjieni; jistieden lill-Kummissjoni tistabbilixxi pjan ta’ kooperazzjoni bejn l-unitajiet differenti involuti (DĠ Research, DĠ Energy, DĠ INFSO, eċċ.) sabiex ikun żgurat l-aktar mod koerenti u effiċjenti b'mod ġenerali biex jingħata kontribut għall-użu u għall-operat tal-grilji intelliġenti, bħala bażi fundamentali għall-attivitajiet tal-politika enerġetika;

60.

Jistieden lill-Kummissjoni tivvaluta jekk humiex meħtieġa xi inizjattivi leġiżlattivi oħra għall-implimentazzjoni tal-grilji intelliġenti skont ir-regoli tat-tielet pakkett dwar is-suq intern tal-enerġija; iqis li l-valutazzjoni trid tqis l-objettivi li ġejjin: i) li jkun żgurat b'mod xieraq l-aċċess liberu għall-informazzjoni operattiva u l-qsim tal-istess informazzjoni bejn l-operaturi u l-punti ta’ interazzjoni fiżiċi tagħhom; ii) il-ħolqien ta’ suq tas-servizzi tal-enerġija li jiffunzjona sew; u iii) l-għoti ta’ inċentivi xierqa biex l-operaturi tal-grilji jinvestu f'teknoloġiji intelliġenti għal grilji intelliġenti;

61.

Jitlob li jkun hemm fokus aktar qawwi fuq l-interazzjoni bejn il-kapaċitajiet tas-sistemi ta’ distribuzzjoni u l-konsum, li jinvolvi strateġija Ewropea komuni għall-grilji intelliġenti, u jinnota li, kif enfasizzat fil-konklużjonijiet tal-Kunsill Ewropew tal-4 ta’ Frar 2011, standards tekniċi għall-grilji intelliġenti għandhom jiġu adottati sa mhux aktar tard minn tmiem l-2012;

62.

Jenfasizza li l-grilji għandhom jiġu adattati għal entranti ġodda, sabiex jiġu ffaċilitati sorsi ġodda ta’ produzzjoni fuq skala żgħira, bħad-djar u l-SMEs;

63.

Iqis li fis-7 u fit-8 Programmi Qafas dwar ir-Riċerka u l-Iżvilupp għandu jinħoloq ambitu, bħala kwistjoni ta’ prijorità, għat-teknoloġija ta’ grilji intelliġenti fir-rigward ta’ infrastruttura privata tal-iċċarġjar tal-batteriji għall-karozzi elettriċi, bil-ħsieb li b’ħeffa tiġi implimentata netwerk deċentralizzata u bidirezzjonali f'dan il-qasam;

64.

Jinnota l-ħtieġa li jinħoloq qafas regolatorju stabbli sabiex jiġi promoss l-investiment kbir ħafna meħtieġ fl-Ewropa biex jiġu stabbiliti grilji intelliġenti;

65.

Jenfasizza li l-istandardizzazzjoni u l-interoperabilità tal-grilji intelliġenti għandhom ikunu prijorità; iħeġġeġ lill-Istati Membri, flimkien mal-entitajiet ta’ standardizzazzjoni Ewropej u internazzjonali u l-industrija, biex iħaffu x-xogħol fuq l-istandards tekniċi u ta’ sikurezza għall-vetturi elettriċi, l-infrastruttura tal-iċċarġjar tal-batteriji, grilji intelliġenti u miters intelliġenti, sabiex dan jitlesta sa tmiem l-2012; jenfasizza li t-teknoloġiji għandhom ikunu bbażati fuq standards internazzjonali miftuħa biex tkun żgurata l-kost-effettività tagħhom, li se jtejjeb l-interoperabilità tas-sistemi u jipprovdi lill-konsumaturi b’għażla ta’ soluzzjonijiet;

66.

Jirrikonoxxi li l-ħidma ta’ standardizzazzjoni għall-miters intelliġenti miexja. Il-Mandat ta’ standardizzazzjoni M/441 inħareġ mill-Kummissjoni Ewropea lill-organizzazzjonijiet Ewropej għall-istandardizzazzjoni (CEN, CENELEC u ETSI), u jenfasizza li l-istandards tekniċi għall-miters intelliġenti għandhom iqisu l-funzjonalitajiet addizzjonali identifikati fir-rapport finali tal-Grupp ta’ Koordinazzjoni dwar il-Miters Intelliġenti (SM-CG) tas-CEN/CENELEC/ETSI, jiġifieri:

67.

Jilqa' l-ħidma mwettqa mill-Inizjattiva Ewropea għall-Grilji tal-Elettriku (EEGI) u mit-Task Force tal-Kummissjoni dwar il-Grids Intelliġenti; jistieden lill-Kummissjoni tqis bis-sħiħ il-konklużjonijiet tagħhom dwar il-leġiżlazzjoni speċifika għal grilji intelliġenti skedata għall-semestru tal-2011;

68.

Jenfasizza li l-objettiv tal-miters intelliġenti huwa li l-konsumaturi jkunu jistgħu jimmonitorjaw u jikkontrollaw b'mod effettiv il-konsum tagħhom ta’ enerġija;

69.

Jirrimarka li l-Istati Membri diġà għandhom l-obbligu, suġġett għall-valutazzjoni pożittiva, li jiddistribwixxu l-miters intelliġenti għal tal-anqas 80 % tal-konsumaturi finali tagħhom sal-2020, u jfakkar fil-mira interim ta’ 50 % tad-djar li jkollhom il-miters intelliġenti sal-2015, kif miftiehem fl-Aġenda Diġitali l-ġdida għall-Ewropa;

70.

Jenfasizza li l-Istati Membri għandhom jappoġġaw numru sinjifikanti ta’ proġetti pilota għall-konsumaturi residenzjali sabiex itejbu l-aċċettazzjoni pubblika u jagħtu spinta lill-proċess ta’ innovazzjoni, kif ipprovdut fit-tielet pakkett tas-suq tal-enerġija; jitlob lill-Kummissjoni tippreżenta, fuq il-bażi tal-valutazzjoni mitluba fit-tielet pakkett tal-enerġija, miżuri ulterjuri sabiex jiġi żgurat l-użu ta’ miters intelliġenti għall-konsumaturi kollha mhux residenzjali sal-2014, filwaqt li temporanjament teskludi l-mikrointrapriżi; jitlob li jiġu stabbiliti regoli ċari dwar is-sigurtà, il-privatezza u l-protezzjoni tad-data skont il-liġi tal-UE fis-seħħ;

71.

Tenfasizza li l-użu ta’ tagħmir tal-ġestjoni tal-enerġija, b’mod speċjali meta jiġu stallati miters intelliġenti għall-użu ta’ konsumaturi domestiċi, jeħtieġ li l-ewwel nett ikun ta’ benefiċċju tanġibbli b’mod ċar għall-konsumaturi finali; jenfasizza l-ħtieġa li l-konsumaturi jiġu infurmati dwar il-konsum tagħhom tal-enerġija, sabiex jiġu involuti b’mod attiv fl-isforz għall-iffrankar tal-enerġija, filwaqt li hu meħtieġ fokus speċjali fuq il-ħolqien ta’ kampanji ta’ qawmien tal-kuxjenza, jiġi provdut taħriġ, kontijiet ċari, tiġi żgurata l-kost-effettività u promoss l-iżvilupp ta’ teknoloġiji li jiffavorixxu lill-utent;

72.

Jenfasizza, f'dan ir-rigward, l-importanza fundamentali ta’ appoġġ għar-riċerka u l-innovazzjoni, li għandu jkun sostnut minn politika attiva ta’ finanzjament, inkluż l-użu ta’ strumenti innovattivi li għad iridu jiġu żviluppati, bħal fond Ewropew għall-finanzjament tal-innovazzjoni jew fond Ewropew għall-privattivi;

73.

Jistieden lill-Kummissjoni u lill-Istati Membri jaħdmu favur l-għażla ta’ frekwenza tal-ispettru tar-radju standardizzata u awtorizzata għall-miters u l-grilji intelliġenti;

74.

Iħeġġeġ lill-Kummissjoni biex b'kooperazzjoni mill-qrib mal-Kontrollur Ewropew għall-Protezzjoni tad-Data, tivvaluta l-ħtieġa għal miżuri addizzjonali ta’ protezzjoni tad-data, ir-rwoli u r-responsabbiltajiet ta’ atturi differenti fir-rigward ta’, fost l-oħrajn, l-aċċess, is-sjieda, il-pussess u l-ġestjoni tad-data u tad-drittijiet ta’ qari u ta’ modifika, u jekk ikun meħtieġ, tħejji proposti u/jew linji gwida regolatorji xierqa;

75.

Jilqa' l-kurituri ta’ prijorità identifikati mill-Kummissjoni u jaqbel fuq il-bżonn li jiġu ottomizzati l-fondi limitati; itenni li filwaqt li r-responsabilità tal-ippjanar u tal-iżvilupp tal-proġetti ta’ infrastruttura prinċipalment huma tas-suq, l-UE għandha rwol fil-promozzjoni ta’ ċerti proġetti permezz tal-għoti tal-istatus ta’ ‘proġett ta’ interess Ewropew’ u billi tipprovdi l-finanzjament pubbliku għal uħud minnhom;

76.

Jitlob li jkun hemm metodoloġija ċara u trasparenti li twassal għall-għażla ta’ proġetti ta’ prijorità li jissodisfaw il-bżonnijiet urġenti Ewropej; jenfasizza li l-għażla tal-proġetti ta’ interess Ewropew (PEIs) għandha ssir skont kriterji oġġettivi u trasparenti u bl-involviment tal-partijiet interessati kollha;

77.

Jenfasizza li l-PEIs kollha għandhom jikkontribwixxu għall-ksib ta’ objettivi ta’ politika tal-enerġija tal-UE – it-twettiq tas-suq intern, il-promozzjoni tal-effiċjenza enerġetika u l-enerġija rinnovabbli u titjib fis-sigurtà tal-provvista – u għandhom ikunu kapaċi jagħtu kontribut sostanzjali:

78.

Iqis li, sabiex tiġi ġġustifikata l-prijoritizzazzjoni tal-proġetti, għandhom jitqiesu l-kriterji li ġejjin:

79.

Huwa tal-opinjoni li, biex jingħata lok għal aktar prijoritizzazzjoni tal-proġetti, il-kriterji li għandhom jitqiesu għandhom ikunu:

80.

Jenfasizza l-importanza tal-kooperazzjoni reġjonali fl-ippjanar, l-implimentazzjoni u l-monitoraġġ tal-prijoritajiet stabbiliti u fit-tfassil ta’ pjanijiet ta’ investiment u proġetti speċifiċi; jemmen li l-istrateġiji eżistenti għall-makroreġjuni (bħall-Baltiku u r-reġjun tad-Danubju) jistgħu jservu wkoll bħala mudelli għal pjattaformi ta’ kooperazzjoni meta jiġu miftiehma u implimentati proġetti rigward l-enerġija;

81.

Jindika l-fatt li jeħtieġ titkompla l-integrazzjoni tas-suq intern tal-enerġija bil-promozzjoni, b’mod partikolari, ta’ proġetti li jiżguraw li l-pajjiżi ġirien ikollhom taħlita nazzjonali tal-enerġija li tkun ibbilanċjata tajjeb;

82.

Jenfasizza li jeħtieġ li jitneħħew l-ostakoli għall-kompetizzjoni u għall-iżvilupp immexxi mis-suq tal-infrastrutturi kollha tal-enerġija, inkluż it-tisħin u t-tkessiħ distrettwali;

83.

Itenni li l-ostakoli ġeografiċi inerenti tal-qagħda ġeografika ta’ territorji gżejjer jagħmlu l-integrazzjoni fin-netwerk tal-enerġija tal-Unjoni diffiċli ħafna, u li dawn għandhom jingħataw faċilitajiet speċjali biex inaqqsu d-dipendenza tagħhom fuq l-enerġija, jew billi jiżviluppaw il-potenzjal endoġenu tagħhom f'sorsi ta’ enerġija rinnovabbli jew billi jippromwovu l-effiċjenza fl-enerġija u l-iffrankar tal-enerġija;

84.

Jenfasizza li t-trasparenza għandha tissaħħaħ billi l-pubbliku jiġi informat b'mod ċar dwar l-iskop ta’ kull proġett, u jingħata data dwar l-ippjanar tekniku tiegħu; jitlob li l-provi ta’ konformità mal-kriterji jkunu vverifikati fil-kuntest ta’ konsultazzjonijiet pubbliċi;

85.

Iqis li mhux proġetti infrastrutturali kbar biss għandhom jingħataw appoġġ, iżda wkoll proġetti iżgħar li jista’ jkollhom valur miżur kbir u jitlestew aktar malajr;

86.

Jitlob lill-Kummissjoni tiżgura li proġetti li jingħataw l-istatus ta’ proġett ta’ interess Ewropew (PEI), wara li jiġu approvati, jibqgħu jissodisfaw il-kriterji ta’ hawn fuq; jemmen li, fil-każ ta’ xi tibdil ewlieni fi proġett, l-istatus tiegħu ta’ PEI għandu jiġi eżaminat mill-ġdid;

87.

Jaqbel dwar il-bżonn li tiġi żgurata implimentazzjoni f'waqtha tal-PEIs u jilqa' l-proposta tal-Kummissjoni li jiġu simplifikati l-proċeduri għall-għoti tal-permessi, filwaqt li jissaħħaħ il-koordinament tagħhom u jitjiebu u jitħaffew – sakemm jiġi rispettat il-prinċipju ta’ sussidjarjetà u tal-kompetenza nazzjonali fir-rigward tal-għoti tal-permessi – sabiex ikun żgurat li l-iskadenzi eżistenti f’dawn l-oqsma ma jżommx lill-investituri privati milli jkunu innovattivi;

88.

Jilqa' t-twaqqif ta’ awtorità ta’ kuntatt nazzjonali (‘one stop shop’) għal kull proġett ta’ interess Ewropew bħala punt ta’ interazzjoni (interface) amministrattiv uniku bejn l-iżviluppaturi u d-diversi awtoritajiet involuti fil-proċedura ta’ awtorizzazzjoni; hu tal-fehma li, fir-rigward ta’ proġetti transkonfinali, għandhom jiġu żgurati koordinament ulterjuri bejn il-'one stop shops' nazzjonali u rwol akbar għall-Kummissjoni f'dan it-tip ta’ koordinament; jindika li qabel il-ħolqien ta’ ‧one stop shops‧, il-Kummissjoni u l-awtoritajiet nazzjonali jridu jagħmlu użu sħiħ mill-istituzzjonijiet eżistenti;

89.

Jisħaq li kwalunkwe entità ta’ kuntatt nazzjonali trid tkun indipendenti u ħielsa mill-influenza politika jew ekonomika; jemmen li l-proġetti ta’ interess Ewropew iridu jiġu pproċessati fl-ordni ta’ meta jiġu sottomessi u fil-limitu taż-żmien stipulat fil-proposta ġejjiena tal-Kummissjoni;

90.

Jenfasizza l-importanza li l-proġetti jintemmu f’waqthom u li jkun hemm djalogu ta’ livell għoli mal-partijiet konċernati; iħeġġeġ lill-Kummissjoni tipprevedi sistema ta’ twissijiet li jvarjaw minn tiwssijiet ħfief sa twissijiet serji fil-każ li Stat Membru ma jirnexxilux jipproċessa applikazzjoni għal permessi fi żmien perjodu raġonevoli, u tissorvelja mill-qrib jekk il-proċeduri amministrattivi nazzjonali jiżgurawx l-implimentazzjoni korretta u rapida tal-proġetti ta’ interess Ewropew; jilqa’, fejn jinqalgħu id-diffikultajiet, l-introduzzjoni ta’ limiti ta’ żmien indikattivi sa meta l-awtoritajiet kompetenti relevanti jridu jilħqu deċiżjoni finali; fin-nuqqas ta’ deċiżjoni ta’ dan it-tip, iħeġġeġ lill-Kummissjoni tinvestiga jekk tali dewmien jistax jinftiehem bħala xkiel biex l-Istat Membru jimplimenta b’mod korrett u rapidu s-suq intern tal-enerġija tal-UE;

91.

Jistieden lill-Kummissjoni tistabbilixxi, filwaqt li tqis il-firxa varjata ta’ speċifiċitajiet tal-proġetti u l-karatteristiki territorjali tagħhom, jekk jistgħux jitwaqqfu proċeduri konġunti jew koordinati għall-istabbiliment ta’ miżuri ewlenin konkreti ad hoc u tal-aħjar prattiki (skambji regolari ta’ informazzjoni, komunikazzjoni f'waqtha tad-deċiżjonijiet, mekkaniżmi konġunti għas-sejba ta’ soluzzjonijiet għall-problemi, eċċ.), u tivvaluta kemm ikun xieraq li jintużaw proċeduri ta’ arbitraġġ bħala għodda għat-teħid tad-deċiżjoni finali;

92.

Jisħaq fuq il-ħtieġa ta’ approċċ aktar parteċipatorju, u jirrikonoxxi li l-iżgurar ta’ aċċettazzjoni akbar tal-proġetti tal-infrastruttura tal-enerġija min-nies tal-post jimxi id f'id mal-għoti ta’ informazzjoni adegwata dwar l-iskop tal-proġetti, u l-involviment lokali fl-iżvilupp ta’ dawn il-proġetti mill-iktar stadju bikri possibbli; jitlob li jkun hemm parteċipazzjoni, fil-livelli kollha tas-soċjetà ċivili, tal-NGOs, l-industrija, l-imsieħba soċjali u l-organizzazzjonijiet tal-konsumatur fil-proċess ta’ konsultazzjoni għall-proġetti ta’ interess Ewropew; jistieden lill-Kummissjoni twaqqaf sistema ta’ konsultazzjoni u valutazzjoni sabiex tidentifika u tferrex l-aħjar prattiki u l-għarfien fir-rigward tal-aċċettazzjoni pubblika tal-infrastruttura;

93.

Jenfasizza l-ħtieġa – minħabba l-importanza tal-istrateġiji għall-enerġija sostenibbli tar-reġjuni għall-iżvilupp potenzjali tagħhom – li tiġi stabbilita pjattaforma għall-iskambju tal-aħjar prattiki miksuba fir-reġjuni, filwaqt li jiġu kkunsidrati l-eżempji li rnexxew tal-muniċipalitajiet u tar-reġjuni li speċjalizzaw fl-enerġiji rinnovabbli, l-iffrankar enerġetiku u l-effiċjenza enerġetika; f’dan ir-rigward, jitlob li jkun hemm sistema ta’ konsultazzjoni u evalwazzjoni biex fejn ikun possibbli, jiġu identifikati, mqassma u kkupjati l-aħjar prattiki u l-għarfien dwar l-aċċettazzjoni pubblika tal-infrastruttura;

94.

Jenfasizza li l-akbar sfida hi li tinkiseb l-aċċettazzjoni pubblika lokali għal proġetti ta’ infrastruttura tal-enerġija; huwa konvint li l-aċċettazzjoni u l-fiduċja tal-pubbliku u ta’ min jieħu d-deċiżjonijiet tista' tinkiseb biss billi jkun hemm diskussjonijiet miftuha u trasparenti qabel ma jittieħdu d-deċiżjonijiet dwar proġetti tal-infrastruttura tal-enerġija;

95.

Jitlob lill-Kummissjoni tivvaluta jekk l-immodernizzar u l-aġġornar tal-kurituri tal-enerġija eżistenti humiex preferibbli għal ħolqien ta’ kurituri ġodda fir-rigward tal-kost-effiċjenza u tal-aċċettazzjoni pubblika;

96.

Jargumenta favur l-għoti ta’ aktar informazzjoni dwar l-importanza tan-netwerks tal-enerġija fl-Unjoni Ewropea; jitlob lill-Kummissjoni tikkunsidra li tmexxi kampanja ta’ informazzjoni u komunikazzjoni dwar in-netwerks tal-enerġija tal-UE mfassla speċifikament għall-udjenzi nazzjonali u lokali;

97.

Jinnota li l-investimenti fil-grilji huma ċikliċi u għandhom jitqiesu mill-prospettiva storika; jindika li ħafna mill-infrastruttura mibnija fid-deċennji riċenti għall-interkonnessjoni ta’ impjanti tal-elettriku ċentralizzati qed tiqdiem; jindika li s-soċjetà se tistenna li l-ispejjeż għall-manutenzjoni tal-infrastruttura eżistenti u għall-użu ta’ infrastruttura ġdida jiġu ottimizzati permezz ta’ sħubijiet bejn is-settur pubbliku u dak privat u l-iżvilupp ta’ strumenti ta’ finanzjament innovattivi; jenfasizza l-ħtieġa li jiġu aċċertati b'mod preċiż ir-rekwiżiti infrastrutturali u jiġi evitat il-lock in għall-kapaċità żejda billi jitqies kompletament il-potenzjal tal-effiċjenza tal-enerġija mil-lat ta’ kost-effettività;

98.

Jisħaq li l-funzjonament effettiv tas-suq għandu jipprovdi l-parti l-kbira tal-ispejjeż tal-investimenti infrastrutturali meħtieġa, fuq il-bażi tal-prinċipji ta’ allokazzjoni xierqa tal-ispejjeż, trasparenza, nondiskriminazzjoni u kost-effettività, kif ukoll konformità mal-prinċipju li ‘iħallas l-utent’; jitlob lill-Kummissjoni tivvaluta fejn l-inċentivi regolatorji eżistenti huma biżżejjed biex jintbagħtu s-sinjali meħtieġa lis-suq, u liema miżuri kumplimentarji huma meħtieġa, inklużi dawk li jtejbu r-regoli tal-allokazzjoni tal-ispejjeż;

99.

Hu tal-opinjoni li fejn ma jkun hemm ebda alternattiva regolatorja disponibbli u s-suq waħdu ma jistax ikopri l-investiment meħtieġa, jista’ jkun meħtieġ finanzjament tal-UE biex ikun finanzjati xi PEIs limitati li l-karatteristiċi speċifiċi tagħhom jagħmluhom mhux kummerċjalment vijabbli, iżda li l-iżvilupp tagħhom hu meħtieġ biex jintlaħqu l-objettivi tal-politika tal-enerġija tal-UE; iqis li l-finanzjament pubbliku jista’ jintuża bħala lieva għall-investiment privat billi titwaqqaf taħlita innovattiva ta’ strumenti finanzjarji, sakemm dan ma jagħwiġx il-kompetizzjoni;

100.

Jinnota li l-Fond Ewropew għall-Iżvilupp Reġjonali jagħti kontribut kbir ħafna għall-iffinanzjar ta’ proġetti tal-infrastruttura tal-enerġija – u proġetti infrastrutturali oħra – u jindika r-rwol sinifikanti tal-Politika ta’ Koeżjoni fil-livell lokali u reġjonali sabiex tittejjeb l-effiċjenza enerġetika u sabiex jinkisbu l-miri tal-Unjoni għall-enerġija rinnovabbli;

101.

Jisħaq li l-fondi ta’ koeżjoni u l-fondi strutturali għandhom ikomplu jkunu ċentrali għall-proġetti infrastrutturali tagħna; jemmen li kwalunkwe tentattiv biex jinħolqu fondi strutturali ġodda mill-fondi tal-politika ta’ koeżjoni huwa żbaljat;

102.

Jistieden lill-Kummissjoni tiżgura li l-finanzjament tal-investimenti infrastrutturali jkun ibbażat fuq is-suq biex jiġu evitati distorsjonijiet tal-kompetizzjoni u l-ħolqien ta’ inċentivi foloz għall-investiment, u biex iċ-ċaqliq mhux ġustifikat bejn l-Istati Membri jiġi evitat sakemm l-interess pubbliku – speċjalment fil-livell lokali u reġjonali u f'territorji b'karatteristiċi ġeografiċi speċifiċi bħall-gżejjer, ir-reġjuni muntanjużi u reġjuni b'densità baxxa ħafna ta’ popolazzjoni – ikun salvagwardjat ukoll permezz ta’ ammont limitat ta’ finanzjament pubbliku li jirriżulta f'taħlita innovattiva ta’ strumenti finanzjarji li jistimolaw l-investiment privat;

103.

Jikkunsidra li l-Unjoni Ewropea għandha tiffinanzja proġetti li ma jkunux kummerċjalment attraenti u li mhumiex kapaċi jiġbdu lill-investituri privati li jkunu essenzjali, fir-rigward tal-enerġija, għall-interkonnessjoni ta’ reġjuni iżolati tal-UE mal-grilji Ewropej tal-enerġija u l-gass, bħala parti integrali tal-ħolqien tas-suq tal-enerġija unifikat fl-Unjoni Ewropea;

104.

Jistieden lill-Kummissjoni tippermetti finanzjament pubbliku esklussivament għal dawk l-Istati Membri li implimentaw kompletament u japplikaw korrettament il-leġiżlazzjoni eżistenti tal-UE, inklużi d-dispożizzjonijiet regolatorji stabbiliti fit-tielet pakkett dwar is-suq intern;

105.

Jistieden lill-Kummissjoni terġa' teżamina r-regoli dwar l-għajnuna statali fir-rigward tal-infrastruttura tal-enerġija u, jekk ikun neċessarju, tressaq proposti biex dawn ir-regoli jiġu emendati sabiex l-istati jkunu jistgħu jinkoraġġixxu l-immodernizzar tal-infrastruttura; jistieden lill-Kummissjoni toħroġ, fl-istess waqt, dokument ġdid b'linji gwida dwar il-finanzjament pubbliku tal-proġetti u l-leġiżlazzjoni attwali dwar l-għajnuna statali, filwaqt li jistipula kriterji ċari għall-finanzjament pubbliku tal-infrastruttura tal-enerġija; jisħaq fuq il-fatt li dan id-dokument irid jiġi żviluppat b'mod konġunt mid-DĠ Enerġija, id-DĠ Kompetizzjoni u d-DĠ Żvilupp Reġjonali sabiex titneħħa kwalunkwe inkonsistenza fir-regoli tal-Kummissjoni;

106.

Jitlob, fuq il-bażi tal-objettivi strateġiċi, li l-prinċipju ġeografiku jitqies fil-każ ta’ sussidji futuri għall-enerġija fl-oqsma tal-infrastruttura u tar-riċerka u l-iżvilupp; jinsisti, barra minn hekk, li r-reġjuni żviluppati għandhom jirċievu sussidji ulterjuri għar-riċerka u l-iżvilupp biss jekk l-attività titwettaq b'mod konġunt mar-reġjuni anqas żviluppati;

107.

Jenfasizza li qafas regolatorju stabbli, prevedibbli u xieraq, li jinkludi rata xierqa ta’ renditu u inċentivi għal infrastrutturi ġodda, hu kruċjali għall-promozzjoni tal-investiment fit-trażmissjoni u d-distribuzzjoni; jisħaq li r-regolaturi għandhom jiffavorixxu l-implimentazzjoni ta’ teknoloġiji ġodda permezz ta’ inċentivi tas-suq u ta’ proġetti pilota;

108.

Jemmen li l-finanzjament privat jista' jiffaċilita l-kostruzzjoni f'waqtha tal-infrastruttura tal-enerġija meħtieġa, peress li l-isfida infrastrutturali tant hi kbira li hemm bżonn li l-mezzi privati jiġu żblokkati kif suppost; jikkunsidra li, hekk kif l-investituri privati jħaddnu l-isfida infrastrutturali, il-Kummissjoni għandha tistabbilixxi linji gwida ċari għall-involviment tal-atturi tas-suq u tal-investituri privati f’dik li tissejjaħ ‘linja merkantili’; jemmen li t-tħassib dwar l-impatt possibbli fuq il-funzjonament tas-suq jistgħu jingħelbu jekk il-linji merkantili jkunu obbligati jroddu l-kapaċità sħiħa tagħhom lis-suq;

109.

Jisħaq li għandu jsir l-akbar użu possibbli tal-għodda bbażati fuq is-suq, inkluż titjib tar-regoli dwar l-allokazzjoni tal-ispejjeż, il-bonds tal-proġetti, fondi rinnobbli (revolving funds), fondi ta’ ekwità għall-enerġija rinnovabbli, il-garanziji tas-self, il-faċilitajiet għall-kondiviżjoni tar-riskji, inċentivi għall-finanzjament tas-sħubiji bejn is-settur pubbliku u dak privat, is-sħubiji mal-BEI – permezz ta’ titjib tal-kapaċità ta’ intervenzjoni u tar-riżorsi disponibbli tiegħu – u l-użu tad-dħul mill-irkanti tal-ETS, għall-proġetti relatati ma’ sorsi tal-enerġija rinnovabbli u mal-effiċjenza fl-enerġija, kif ukoll, fejn ikun xieraq, strumenti oħra innovattivi ta’ finanzjament; jitlob lill-Kummissjoni tqis il-kapaċitajiet finanzjarji u l-kundizzjonijiet tas-suq tal-Istati Membri anqas żviluppati;

110.

Jenfasizza l-importanza ta’ kollaborazzjoni eqreb u aktar effettiva mas-settur privat u l-istituzzjonijiet finanzjarji – speċjalment il-Bank Ewropew għall-Investiment u l-Bank Ewropew għar-Rikostruzzjoni u l-Iżvilupp – għall-promozzjoni tal-finanzjament meħtieġ, b’mod partikolari għall-proġetti transkonfinali prijoritarji; jistieden lill-Kummissjoni tesplora strumenti finanzjarji innovattivi oħrajn u tgħin fil-promozzjoni tal-istabbiliment ta’ sħubijiet bejn is-settur pubbliku u dak privat li għalihom l-awtoritajiet lokali, reġjonali u nazzjonali jipprovdu inċentivi u l-qafas leġiżlattiv u politika ta’ appoġġ neċessarji; jenfasizza f'dan il-kuntest il-bżonn tal-iżvilupp ta’ assistenza teknika u inġinerija finanzjarja fil-livell tal-awtoritajiet lokali u reġjonali sabiex jingħata appoġġ lill-atturi lokali biex jibdew proġetti relatati mal-effiċjenza enerġetika – pereżempju, bl-użu tal-faċilità ta’ assistenza teknika ELENA tal-BEI u l-esperjenza tal-ESCO f’każijiet li jirrigwardaw l-infrastruttura tal-effiċjenza enerġetika;

111.

Jappoġġa l-idea li jinħarġu bonds komuni Ewropej tal-proġetti għall-finanzjament tal-bżonnijiet infrastrutturali sinjifikanti u l-proġetti strutturali fil-qafas tal-aġenda UE 2020, inkluża l-Istrateġija l-ġdida dwar l-Iżvilupp tal-Infrastruttura tal-Enerġija; jemmen li l-bonds tal-proġetti tal-UE jkunu jiggarantixxu l-investiment meħtieġ u joħolqu biżżejjed fiduċja biex jingħata lok li l-proġetti ta’ investiment ewlieni jiġbdu l-appoġġ li jeħtieġu, u b'hekk isiru mekkaniżmu importanti li jeżerċita l-effett ta’ lieva massimu ta’ appoġġ pubbliku; jindika li, biex l-Ewropa titqiegħed f'qagħda sostenibbli, dawn il-proġetti jridu jikkontribwixxu wkoll għat-trasformazzjoni ekoloġika tal-ekonomiji tagħna;

112.

Iqis, b'mod partikulari, li l-bonds tal-proġetti tal-UE jistgħu jsiru strument finanzjarju fundamentali għall-investimenti fl-infrastruttura tal-enerġija meħtieġa fl-Ewropa, filwaqt li jgħinu lill-kumpaniji privati li jkunu qed jieħdu ħsieb proġetti biex jiġbdu finanzjament mis-suq kapitali mingħand l-investituri; jistieden lill-Kummissjoni tipproduċi malajr proposta leġiżlattiva dwar il-bonds tal-proġetti tal-UE;

113.

Jisħaq fuq l-importanza li tiġi żviluppata metodoloġija komuni mir-regolaturi għall-allokazzjoni tal-ispejjeż fi proġetti infrastrutturali transkonfinali, peress li tali inċentivi għall-infrastruttura tan-netwerks huma kkaratterizzati minn diversi nuqqasijiet tas-suq, prinċipalment minħabba monopolju naturali u nuqqas ta’ kompetizzjoni;

114.

Jenfasizza l-importanza ta’ tariffi trasparenti, proporzjonati, ġusti u mhux diskriminatorji, bl-għan li tiġi żgurata allokazzjoni xierqa tal-ispejjeż għall-investimenti fl-infrastruttura tat-trażmissjoni transkonfinali u interna, b’impatti transkonfinali li jagħtu kontribut sinjifikanti għall-kisba tal-għanijiet tal-politiki tal-UE, prezzijiet ġusti għall-konsumatur u aktar kompetittività; Iħeġġeġ lill-Istati Membri jonqsu milli japplikaw tariffi regolati eċċessivament baxxi; jilqa’ l-proposta REMIT tal-Kummissjoni;

115.

Ifakkar li t-tielet pakkett joħloq obbligu għar-regolaturi, fl-istipular tat-tariffi, li jevalwaw l-investimenti mhux biss skont il-benefiċċji fl-Istat Membru tagħhom, imma wkoll skont il-benefiċċji għall-UE kollha kemm hi; iħeġġeġ lill-ACER tiżgura li l-membri tagħha josservaw dan l-obbligu; jitlob lill-Kummissjoni tkompli tevalwa, fejn l-ispejjeż u l-benefiċċji ma jkunux jistgħu jiġu allokati b’mod ġust permezz tal-iffissar ta’ tariff, jekk mekkaniżmi kompensatorji, ibbażati fuq trasparenza stretta jistgħux ikunu utli għall-approvazzjoni tal-proġetti transkonfinali jew ta’ proġetti interni relevanti meħtieġa għall-kisba tal-objettivi tal-enerġija tal-UE;

116.

Jisħaq fuq l-importanza li tiżdied il-kapaċità ta’ interkonnessjoni tan-netwerks tal-enerġija fil-livell transkonfinali, u jindika l-importanza li jkun provdut il-finanzjament meħtieġ biex jintlaħqu l-għanijiet stipulati, inkluża l-koeżjoni territorjali;

117.

Jitlob li jiġu stabbiliti strumenti finanzjarji tal-UE mtejba biex jappoġġaw l-awtoritajeit reġjonali u lokali meta dawn ifittxu li jinvestu fil-produzzjoni enerġetika sostenibbli;

118.

Jilqa' l-inizjattiva tal-Kummissjoni li fl-2011 tippreżenta proposta li tindirizza l-kwistjoni tal-allokazzjoni tal-ispejjeż fi proġetti teknoloġikament kumplessi jew transkonfinali, peress li din hi kkunsidrata bħala wieħed mill-ostakli ewlenin għall-iżvilupp ta’ infrastruttura transkonfinali u ta’ strument finanzjarju ġdid biex jappoġġa l-proġetti ta’ prijorità bejn l-2014 u l-2020;

119.

Jikkunsidra li hu important li fil-ġejjieni tingħata aktar attenzjoni lit-trattament tal-garanziji finanzjarji tal-investimenti, u li l-qafas finanzjarju proġettat jiġi żviluppat b'mod konġunt mal-ippjanar tal-perjodu baġitarju 2014-2020;

120.

Jikkunsidra li l-pajplajns esterni kollha u netwerks oħra tal-enerġija li jidħlu fit-territorju tal-Unjoni Ewropea għandhom ikunu regolati permezz ta’ ftehimiet intergovernattivi trasparenti u suġġetti għar-regoli ts-suq intern, inklużi regoli dwar l-aċċess minn partijiet terzi, il-klawżoli dwar id-destinazzjoni, is-sorveljanza tal-ġestjoni tal-allokazzjonijiet u tal-konġestjonijiet, it-tul tal-kuntratti u l-klawżoli ‘take or pay’; jistieden lill-Kummissjoni tiżgura li l-pajplajns attwali u futuri u l-ftehimiet kummerċjali jirrispettaw l-acquis Ewropew tal-enerġija u, jekk ikun hemm bżonn, tieħu azzjoni;

121.

Jistieden lill-Kummissjoni tkompli trażżan l-għoti ta’ eżenzjonijiet għall-aċċess minn terzi persuni għall-infrastruttura tal-enerġija, u biex terġa' teżamina dawk li ngħataw biex tara jekk għadhomx meħtieġa; jinnota li l-għoti ta’ finanzjament jew appoġġ pubbliku għal proġetti permezz ta’ strumenti bħall-bonds tal-proġetti bl-appoġġ tal-BEI, eċċ., għandu jnaqqas jew jelimina l-bżonn li jingħataw eżenzjonijiet għall-aċċess minn terzi persuni;

122.

Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill, lill-Kummissjoni u lill-Istati Membri.

5.2.2013   

MT

Il-Ġurnal Uffiċjali tal-Unjoni Ewropea

CE 33/65