19.1.2013

MT

Il-Ġurnal Uffiċjali tal-Unjoni Ewropea

C 16/1

---

Awtorizzazzjoni għal għajnuna mill-Istat skont l-Artikoli 107 u 108 tat-TFUE

Fir-rigward ta' dawn il-każijiet il-Kummissjoni ma tqajjimx oġġezzjonijiet

(Test b’relevanza għaż-ŻEE)

2013/C 16/01

Data tal-adozzjoni tad-Deċiżjoni	7.11.2012
In-numru ta' referenza tal-għajnuna	SA.33243 (12/NN)
Stat Membru	Il-Portugall
Reġjun	Madeira	—
Titolu (u/jew isem tal-benefiċjarju)	Jornal da Madeira
Il-bażi legali	—
It-tip tal-miżura	Għajnuna ad hoc	Empresa do Jornal da Madeira, Lda
L-għan	Oħrajn
Il-forma tal-għajnuna	Oħrajn – No aid
L-estimi	Baġit globali: EUR 45,71 (miljun)
L-intensità	Miżura li mhix għajnuna
It-tul ta' żmien	1.1.1993-31.12.2012
Setturi ekonomiċi	Pubblikazzjoni ta' gazzetti
Isem u indirizz tal-awtorità responsabbli mill-għajnuna	Autonomous Region of Madeira
Aktar informazzjoni	—

It-test tad-deċiżjoni fil-lingwa jew lingwi awtentika/awtentiċi, li minnu tneħħew il-partijiet kunfidenzjali kollha, jinsab fuq is-sit:

http://ec.europa.eu/competition/elojade/isef/index.cfm

Data tal-adozzjoni tad-Deċiżjoni	20.11.2012
In-numru ta' referenza tal-għajnuna	SA.33671 (12/N)
Stat Membru	Ir-Renju Unit
Reġjun	—	—
Titolu (u/jew isem tal-benefiċjarju)	National Broadband Scheme for the UK
Il-bażi legali	Local Government Act 2003
It-tip tal-miżura	Skema	—
L-għan	Żvilupp reġjonali, Eżekuzzjoni ta' proġett importanti ta' l-Ewropa komuni
Il-forma tal-għajnuna	Għotja diretta
L-estimi	Baġit globali: GBP 1 500 (miljun)
L-intensità	71 %
It-tul ta' żmien	Sat-30.6.2015
Setturi ekonomiċi	Telekomunikazzjoni
Isem u indirizz tal-awtorità responsabbli mill-għajnuna	Department for Culture, Media and Sport 2-4 Cockspur Street London SW1Y 5DH UNITED KINGDOM
Aktar informazzjoni	—

It-test tad-deċiżjoni fil-lingwa jew lingwi awtentika/awtentiċi, li minnu tneħħew il-partijiet kunfidenzjali kollha, jinsab fuq is-sit:

http://ec.europa.eu/competition/elojade/isef/index.cfm

Data tal-adozzjoni tad-Deċiżjoni	23.7.2012
In-numru ta' referenza tal-għajnuna	SA.34722 (12/N)
Stat Membru	Il-Belġju
Reġjun	—	—
Titolu (u/jew isem tal-benefiċjarju)	Screen flanders — Besluit van de Vlaamse Regering tot toekenning van steun aan audiovisuele werken van het type lange fictie-, documentaire- of animatiefilm, of van animatiereeksen
Il-bażi legali	Ontwerpbesluit van de Vlaamse regering tot toekenning van steun aan audiovisuele werken van het type lange fictie-, documentaire- of animatiefilm, of van animatiereeksen
It-tip tal-miżura	Skema	—
L-għan	Kultura
Il-forma tal-għajnuna	Għotja rimborsabbli
L-estimi	Baġit globali: EUR 30 (miljun)   Baġit annwali: EUR 5 (miljun)
L-intensità	75 %
It-tul ta' żmien	1.1.2013-31.12.2018
Setturi ekonomiċi	Produzzjoni ta' films taċ-ċinema, vidjo u programmi tat-televixin
Isem u indirizz tal-awtorità responsabbli mill-għajnuna	Vlaamse Overheid Agentschap Ondernemen Koning Albert II laan 35, bus 12 1030 Brussel BELGIË
Aktar informazzjoni	—

It-test tad-deċiżjoni fil-lingwa jew lingwi awtentika/awtentiċi, li minnu tneħħew il-partijiet kunfidenzjali kollha, jinsab fuq is-sit:

http://ec.europa.eu/competition/elojade/isef/index.cfm

Data tal-adozzjoni tad-Deċiżjoni	5.12.2012
In-numru ta' referenza tal-għajnuna	SA.34753 (12/N)
Stat Membru	Ir-Rumanija
Reġjun	—	—
Titolu (u/jew isem tal-benefiċjarju)	Schema de ajutor de stat privind alocarea tranzitorie cu titlu gratuit de certificate pentru emitere de gaze cu efect de seră pentru producătorii de energie electrică
Il-bażi legali	Proiect de lege privind stabilirea schemei de comercializare a certificatelor de emisii de gaze cu efect de seră care va transpune în legislația națională Directiva 2003/87/CE stabilind schema de comercializare a certificatelor de emisii de gaze cu efect de seră în cadrul comunității, revizuită de Directiva 2009/29/CE care amendează Directiva 2003/87/CE în sensul îmbunătățirii și extinderii comercializării certificatelor de emisii de gaze cu efect de seră — Directiva 2003/87/CE revizuită de Directiva 2009/29/CE va fi transpusă în legislația națională prin hotărâre a guvernului până la 31 decembrie 2012 — Decizia [C(2011) 1983 final] a Comisiei privind orientările referitoare la metodologia de alocare în mod tranzitoriu de certificate gratuite de emisii pentru instalațiile de producere a electricității în temeiul articolului 10c alineatul (3) din Directiva 2003/87/CE — Comunicarea 2011/C 99/03 a Comisiei – Document de orientare privind aplicarea opțională a articolului 10c din Directiva 2003/87/CE — Hotărârea de guvern nr. 780/2006 de stabilire a unui sistem de comercializare a cotelor de emisii de gaze cu efect de seră — Ordinul nr. 1474/2007 al ministrului mediului și dezvoltării durabile pentru aprobarea Regulamentului privind gestionarea și operarea registrului național al emisiilor de gaze cu efect de seră
It-tip tal-miżura	Skema	—
L-għan	Protezzjoni tal-Ambjent
Il-forma tal-għajnuna	Oħrajn – Kwoti tal-emissjonijiet tas-CO2
L-estimi	Baġit globali: RON 5 214 (miljun)
L-intensità	100 %
It-tul ta' żmien	1.1.2013-31.12.2019
Setturi ekonomiċi	Ġenerazzjoni, trażmissjoni u tqassim ta' l-elettriku
Isem u indirizz tal-awtorità responsabbli mill-għajnuna	Ministerul Economiei, Comerțului și Mediului de Afaceri Calea Victoriei nr. 152, sector 1 010096 București ROMÂNIA
Aktar informazzjoni	—

It-test tad-deċiżjoni fil-lingwa jew lingwi awtentika/awtentiċi, li minnu tneħħew il-partijiet kunfidenzjali kollha, jinsab fuq is-sit:

http://ec.europa.eu/competition/elojade/isef/index.cfm

---

19.1.2013

MT

Il-Ġurnal Uffiċjali tal-Unjoni Ewropea

C 16/5

---

Rata tal-kambju tal-euro (1)

It-18 ta’ Jannar 2013

2013/C 16/02

1 euro =

	Munita	Rata tal-kambju
USD	Dollaru Amerikan	1,3324
JPY	Yen Ġappuniż	119,87
DKK	Krona Daniża	7,4631
GBP	Lira Sterlina	0,83720
SEK	Krona Żvediża	8,6642
CHF	Frank Żvizzeru	1,2446
ISK	Krona Iżlandiża
NOK	Krona Norveġiża	7,4600
BGN	Lev Bulgaru	1,9558
CZK	Krona Ċeka	25,635
HUF	Forint Ungeriż	292,74
LTL	Litas Litwan	3,4528
LVL	Lats Latvjan	0,6975
PLN	Zloty Pollakk	4,1455
RON	Leu Rumen	4,3398
TRY	Lira Turka	2,3460
AUD	Dollaru Awstraljan	1,2674
CAD	Dollaru Kanadiż	1,3192
HKD	Dollaru ta' Hong Kong	10,3296
NZD	Dollaru tan-New Zealand	1,5931
SGD	Dollaru tas-Singapor	1,6339
KRW	Won tal-Korea t'Isfel	1 410,28
ZAR	Rand ta' l-Afrika t'Isfel	11,8544
CNY	Yuan ren-min-bi Ċiniż	8,2879
HRK	Kuna Kroata	7,5638
IDR	Rupiah Indoneżjan	12 831,19
MYR	Ringgit Malażjan	4,0140
PHP	Peso Filippin	54,107
RUB	Rouble Russu	40,3426
THB	Baht Tajlandiż	39,626
BRL	Real Brażiljan	2,7230
MXN	Peso Messikan	16,7882
INR	Rupi Indjan	71,7440

---

(1)  Sors: rata tal-kambju ta' referenza ppubblikata mill-Bank Ċentrali Ewropew.

---

19.1.2013

MT

Il-Ġurnal Uffiċjali tal-Unjoni Ewropea

C 16/6

---

DEĊIŻJONI TAL-KUMMISSJONI

tas-17 ta’ Jannar 2013

dwar it-twaqqif ta’ Grupp ta’ Esperti tal-Kummissjoni dwar il-Liġi Kuntrattwali tal-Assigurazzjoni Ewropea

2013/C 16/03

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Billi:

(1)

Fl-1 ta’ Lulju 2010 il-Kummissjoni nediet konsultazzjoni dwar il-“Green Paper dwar l-għażliet politiċi għall-progress lejn Liġi Kuntrattwali Ewropea għall-konsumaturi u n-negozji” (1). Għadd ta' partijiet interessati mis-settur tal-assigurazzjoni, b’mod partikolari r-rappreżentanti tal-impriżi tal-assigurazzjoni u intermedjarji tal-assigurazzjoni, iddikjaraw li d-differenzi fil-liġi kuntrattwali joħolqu ostakli għall-kummerċ transkonfinali fi prodotti tal-assigurazzjoni.

(2)

Fir-riżoluzzjoni tiegħu tat-8 ta’ Ġunju 2011, il-Parlament Ewropew reġa’ tenna t-talba preċedenti tiegħu sabiex jinkludi kuntratti tal-assigurazzjoni fl-ambitu ta’ strument fakultattiv u esprima t-twemmin tiegħu li tali strument jista’ jkun partikolarment utli għal kuntratti tal-assigurazzjoni fuq skala żgħira, filwaqt li stieden lill-Kummissjoni tistabbilixxi grupp espert ddedikat għal kwalunkwe ħidma preparatorja futura dwar is-servizzi finanzjarji sabiex jiżguraw li kwalunkwe strument futur possibbli jqis il-karatteristiċi speċifiċi tas-settur tas-servizzi finanzjarji.

(3)

Wara l-“Green Paper dwar l-għażliet politiċi għall-progress lejn Liġi Kuntrattwali Ewropea għall-konsumaturi u n-negozji”, il-Kummissjoni adottat proposta għal Regolament tal-Parlament Ewropew u tal-Kunsill dwar Liġi Komuni Ewropea dwar il-Bejgħ tal-11 ta’ Ottubru 2011. Il-kamp ta' applikazzjoni tal-Liġi Komuni Ewropea dwar il-Bejgħ kien limitat għal kuntratti għall-bejgħ ta’ merkanzija, kuntratti għall-provvista ta’ kontenut diġitali u kuntratti għas-servizzi relatati, peress li l-merkanzija hija l-parti l-kbira tal-kummerċ intern tal-UE u l-kummerċ fil-prodotti diġitali għandu importanza ekonomika li qiegħda dejjem tikber.

(4)

Fis-16 ta’ Frar 2012 il-Kummissjoni adottat il-White Paper, “Aġenda għal Pensjonijiet Adegwati, Sikuri u Sostenibbli”, li tressaq pakkett ta’ inizjattivi bl-għan li tiffaċilita l-iżvilupp tat-tfaddil privat komplementari għall-irtirar. Il-miżura 19, li hija parti minn dan il-pakkett, ħabbret li l-Kummissjoni għandha teżamina l-ħtieġa għat-tneħħija ta’ ostakoli relatati mal-liġi kuntrattwali dwar id-disinn u d-distribuzzjoni ta’ prodotti tal-assigurazzjoni tal-ħajja ma’ funzjonijiet ta' tfaddil/investiment sabiex jiġi ffaċilitat it-tqassim transkonfinali ta’ ċerti prodotti ta’ pensjonijiet privati.

(5)

Wara li tqiesu l-kontribuzzjonijiet tal-partijiet interessati għall-konsultazzjoni dwar il-“Green Paper dwar l-għażliet politiċi għall-progress lejn Liġi Kuntrattwali Ewropea għall-konsumaturi u n-negozji” u wara li kkunsidrat ir-Riżoluzzjoni tal-Parlament Ewropew tat-8 ta’Ġunju 2011, il-Kummissjoni tqis li s-sitwazzjoni fis-settur tal-assigurazzjoni jistħoqqilha analiżi speċifika fil-fond. Għalhekk il-Kummissjoni għandha l-ħsieb li teżamina jekk id-differenzi fil-liġi dwar il-kuntratt ta’ assigurazzjoni jippreżentaw ostakoli għall-kummerċ transkonfinali fi prodotti tal-assigurazzjoni.

(6)

Filwaqt li tirrikonoxxi l-bżonn li jitqiesu l-karatteristiċi speċifiċi tas-settur tas-servizzi finanzjarji, il-Kummissjoni tqis li hu neċessarju li jitwaqqaf grupp ta’ esperti biex jassistu u jippermettu lill-Kummissjoni biex tuża firxa wiesgħa ta’ għarfien prattiku u għarfien għall-fini tal-analiżi tagħha.

(7)

Il-grupp ta’ esperti għandu jesplora jekk id-differenzi bejn kuntratt tal-assigurazzjoni tal-liġijiet tal-Istati Membri joħolqux ostakoli għall-kummerċ transkonfinali u jekk iva, f’liema oqsma speċifiċi tal-assigurazzjoni, inklużi ċerti prodotti tal-assigurazzjoni tal-ħajja li jistgħu jservu bħala pensjonijiet privati, dan huwa l-każ. Il-grupp ta’ esperti għandu joħroġ rapport ibbażat fuq is-sejbiet tiegħu.

(8)

Il-grupp ta’ esperti għandu jkun magħmul minn rappreżentanti ta’ partijiet interessati, inklużi l-industrija tal-assigurazzjoni, l-utenti ewlenin ta’ prodotti tal-assigurazzjoni u prattikanti b’esperjenza fit-tfassil tal-kuntratti tal-assigurazzjoni. Il-grupp ta’ esperti jista’ wkoll jinkludi l-esperti li jaġixxu fil-kapaċità personali tagħhom, bħal akkademiċi b’għarfien espert speċifiku fil-qasam tal-liġi kuntrattwali u b’mod partikolari l-liġi kuntrattwali tal-assigurazzjoni. Il-kompożizzjoni tal-grupp ta’ esperti tista’ tvarja skont il-kompiti speċifiċi tagħha.

(9)	Ir-regoli dwar l-iżvelar tal-informazzjoni minn membri tal-grupp ta’ esperti għandhom jiġu stabbiliti.

(10)

Id-dejta personali għandha tiġi pproċessata skont ir-Regolament (KE) Nru 45/2001 tal-Parlament Ewropew u tal-Kunsill tat-18 ta’ Diċembru 2000 dwar il-protezzjoni ta’ individwu fir-rigward tal-ipproċessar ta’ dejta personali mill-istituzzjonijiet u l-korpi tal-Komunità u dwar il-moviment liberu ta’ dik id-dejta,

IDDEĊIDIET DAN LI ĠEJ:

Artikolu 1

Il-Grupp ta’ Esperti tal-Kummissjoni dwar il-Liġi Kuntrattwali tal-Assigurazzjoni Ewropea

Il-grupp ta’ esperti “Grupp ta’ Esperti tal-Kummissjoni dwar il-Liġi Kuntrattwali tal-Assigurazzjoni Ewropea”, minn hawn 'il quddiem msejjaħ “Il-Grupp ta’ Esperti” huwa b’hekk imwaqqaf.

Artikolu 2

Il-Kompitu

1.   Il-kompitu tal-Grupp ta’ Esperti għandu jkun li jwettaq analiżi sabiex jgħin lill-Kummissjoni meta teżamina jekk id-differenzi fil-liġijiet kuntrattwali joħolqux ostakolu għall-kummerċ transkonfinali fi prodotti tal-assigurazzjoni.

2.   Jekk il-Grupp ta’ Esperti jsib li d-differenzi fil-liġijiet kuntrattwali jistgħu joħolqu ostakoli għall-kummerċ transkonfinali fi prodotti tal-assigurazzjoni, huwa għandu jidentifika ż-żoni tal-assigurazzjoni li x’aktarx ikunu affettwati b’mod partikulari minn dawn l-ostakoli.

3.   Sal-aħħar tal-2013 il-Grupp ta’ Esperti għandu jgħaddi lill-Kummissjoni rapport dwar is-sejbiet tiegħu.

Artikolu 3

Konsultazzjoni

Il-Kummissjoni tista’ tikkonsulta l-Grupp ta’ Esperti dwar kwalunkwe kwistjoni li jkollha x’taqsam mal-liġi kuntrattwali tal-assigurazzjoni u ma’ kwistjonijiet rilevanti tal-liġi kuntrattwali.

Artikolu 4

Sħubija – Ħatra

1.   Il-Grupp ta’ Esperti se jkun magħmul minn massimu ta’ 20 membru.

2.   Il-membri jistgħu ikunu individwi maħtura b’kapaċità personali, individwi li jirrappreżentaw interess komuni – bħall-interess ta’ fornituri tal-assigurazzjoni, utenti tal-assigurazzjoni jew professjonisti legali – kif ukoll organizzazzjonijiet tal-assigurazzjoni, utenti tal-organizzazzjonijiet tal-assigurazzjoni u organizzazzjonijiet tal-avukati.

3.   Membri maħtura fil-kapaċità personali tagħhom jaġixxu b’mod indipendenti u fl-interess pubbliku. Huma għandhom jinħatru mid-Direttur Ġenerali tad-DĠ Ġustizzja minn fost speċjalisti b’għarfien speċifiku fl-oqsma msemmija fl-Artikolu 2 u l-Artikolu 3 u li jkunu wieġbu s-sejħa għall-applikazzjonijiet. Individwi maħtura biex jirrappreżentaw l-interess komuni m’għandhomx jirrappreżentaw partijiet interessati individwali. Huma għandhom jinħatru mid-Direttur Ġenerali tad-DĠ Ġustizzja minn partijiet interessati li għandhom kompetenza u interess qawwi fl-oqsma msemmija fl-Artikolu 2 u lesti li jikkontribwixxu għax-xogħol tal-Grupp ta’ Esperti u li jkunu wieġbu għal sejħa għall-applikazzjonijiet. L-organizzazzjonijiet għandhom jinnominaw ir-rappreżentanti tagħhom. Il-membri għandhom jinħatru fuq il-bażi tad-determinazzjoni tagħhom li jiddedikaw il-ħin meħtieġ sabiex jikkontribwixxu b’mod effettiv għad-deliberazzjonijiet tal-Grupp ta’ Esperti.

4.   Il-membri tal-Grupp ta’ Esperti għandhom jinħatru għal terminu fiss ta’ sentejn li jispiċċa 24 xahar wara d-data tal-adozzjoni ta’ din id-deċiżjoni.

5.   Il-membri li ma jibqgħux f’pożizzjoni li jikkontribwixxu b’mod effettiv fil-ħidmiet tal-Grupp ta’ Esperti, li jippreżentaw ir-riżenja tagħhom jew li ma jirrispettawx il-kundizzjonijiet stabbiliti fil-paragrafu 4 ta’ dan l-Artikolu, jew l-Artikolu 339 tat-Trattat dwar il-Funzjonament tal-Unjoni Ewropea, jistgħu jiġu ssostitwiti għall-kumplament tal-mandat tagħhom.

6.   Il-membri maħtura b’kapaċità personali għandhom jiffirmaw dikjarazzjoni fejn jistqarru li huma jaġixxu fl-interess pubbliku kif ukoll dikjarazzjoni li tikkonferma n-nuqqas jew l-eżistenza ta’ kwalunkwe kunflitt ta’ interess.

7.   L-ismijiet tal-membri għandhom jiġu ppubblikati fir-Reġistru tal-Gruppi ta’ Esperti tal-Kummissjoni u ta’ entitajiet simili (“ir-Reġistru”) u fuq is-sit tal-Internet tad-DĠ Ġustizzja.

8.   Id-dejta personali għandha tinġabar, tiġi proċessata u ppubblikata skont ir-Regolament (KE) Nru 45/2001 (2).

Artikolu 5

Kif se jaħdem

1.   Il-Grupp ta’ Esperti għandu jiġi ppresedut minn rappreżentant tal-Kummissjoni.

2.   Bi qbil mas-servizzi tal-Kummissjoni, il-grupp jista’ jistabbilixxi sottogruppi biex jeżaminaw mistoqsijiet speċifiċi abbażi ta’ termini ta’ referenza definiti mill-grupp. Dawn is-sottogruppi jiżżarmaw malli jkunu wettqu l-mandat tagħhom.

3.   Ir-rappreżentant tal-Kummissjoni jista’ jistieden esperti li mhumiex membri tal-Grupp ta’ Esperti b’kompetenzi speċifiċi fis-suġġett dwar l-aġenda, biex jipparteċipaw fil-ħidma tal-Grupp ta’ Esperti jew tas-sottogrupp fuq bażi ad hoc. Barra minn hekk, ir-rappreżentant tal-Kummissjoni jista’ jagħti status ta’ osservatur lil individwi jew organizzazzjonijiet kif inhu definit fir-Regola 8(3) tar-regoli orizzontali dwar il-gruppi ta’ esperti u l-pajjiżi kandidati (3).

4.   Il-membri tal-Grupp ta’ Esperti kif ukoll l-esperti u l-osservaturi mistiedna għandhom jikkonformaw mal-obbligi tas-segretezza professjonali stabbiliti mit-Trattati u r-regoli tal-implimentazzjoni tagħhom, kif ukoll mar-regoli tal-Kummissjoni dwar is-sigurtà relatata mal-protezzjoni tal-informazzjoni klassifikata tal-UE, stabbilita fl-Anness tad-Deċiżjoni tal-Kummissjoni 2001/844/KE, KEFA, Euratom. Jekk jonqsu milli jħarsu dawn l-obbligi, il-Kummissjoni tista’ tieħu l-miżuri kollha xierqa.

5.   Il-Grupp ta’ Esperti u s-sottogruppi tiegħu għandhom normalment jiltaqgħu fil-bini tal-Kummissjoni. Il-Kummissjoni tipprovdi s-servizzi segretarjali. Uffiċjali oħrajn tal-Kummissjoni li jkollhom interess fil-proċedimenti jistgħu jattendu l-laqgħat tal-Grupp ta’ Esperti u tas-sottogruppi tiegħu.

6.   Il-Kummissjoni tippubblika dokumenti relevanti dwar l-attivitajiet tal-grupp bħal aġendi u minuti, billi jew tinkludihom fir-Reġistru jew permezz ta’ link mir-Reġistru għal sit tal-internet iddedikat. Għandhom jiġu previsti eċċezzjonijiet għall-pubblikazzjoni ta’ dokument meta l-iżvelar tiegħu jkun idgħajjef il-ħarsien ta’ interess pubbliku jew privat kif iddefinit fl-Artikolu 4 tar-Regolament (KE) Nru 1049/2001. Kwalunkwe riżultat jew drittijiet fuqu, inklużi d-drittijiet tal-awtur u drittijiet intellettwali jew industrijali oħra, li jinkisbu fil-prestazzjoni tal-Grupp ta’ Esperti, għandhom ikunu l-proprjetà biss tal-Unjoni, li tista’ tużahom, tippubblikahom, tassenjahom jew tittrasferihom kif tħoss xieraq, mingħajr limitazzjoni ġeografika jew xi limitazzjoni oħra, ħlief fejn id-drittijiet tal-proprjetà industrijali jew intellettwali jkunu jeżistu qabel ma jkun sar il-Grupp ta’ Esperti.

Artikolu 6

L-ispejjeż tal-laqgħat

1.   Il-parteċipanti fl-attivitajiet tal-Grupp ta’ Esperti ma jiġux irrimunerati għas-servizzi li jagħtu.

2.   L-ispejjeż għall-ivvjaġġar u għall-għajxien li jkunu għamlu dawk li jieħdu sehem fl-attivitajiet tal-grupp jiġu rimborżati mill-Kummissjoni skont id-dispożizzjonijiet fis-seħħ fi ħdan il-Kummissjoni.

3.   L-ispejjeż tal-laqgħat jiġu rimborżati fil-limiti tal-approprjazzjonijiet disponibbli allokati skont il-proċedura annwali għall-allokazzjoni tar-riżorsi.

Artikolu 7

Applikabbiltà

Id-Deċiżjoni għandha tapplika għal perjodu ta’ 24 xahar wara l-adozzjoni tagħha. Il-Kummissjoni għandha tiddeċiedi dwar estensjoni possibbli qabel din id-data.

---

(1)  COM(2010) 348 finali, 1.7.2010.

http://europa.eu/legislation_summaries/enterprise/business_environment/co0016_en.htm

(2)  Ir-Regolament (KE) Nru 45/2001 tal-Parlament Ewropew u tal-Kunsill tat-18 ta’ Diċembru 2000 dwar il-protezzjoni ta' individwu fir-rigward ta' l-ipproċessar ta' dejta personali mill-istituzzjonijiet u l-korpi tal-Komunità u dwar il-movement liberu ta' dak id-dejta (ĠU L 8, 12.1.2001, p. 1).

(3)  S. http://ec.europa.eu/transparency/regexpert/PDF/SEC_2010_EN.pdf

---

19.1.2013

MT

Il-Ġurnal Uffiċjali tal-Unjoni Ewropea

C 16/9

---

Sejħa għal proposti taħt il-programm ta’ ħidma annwali dwar il-Politika Marittima Integrata għall-2012

(Id-Deċiżjoni ta’ Implimentazzjoni tal-Kummissjoni C(2012) 1447)

2013/C 16/04

Il-Kummissjoni Ewropea, id-Direttorat Ġenerali għall-Mobbiltà u t-Trasport, varat sejħa għall-proposti sabiex jingħataw għotjiet lill-proġetti f’konformità mal-prijoritajiet u l-għanijiet definiti fil-programm ta’ ħidma annwali dwar il-Politika Marittima Integrata għall-2012 adottata mill-Kummissjoni C(2012) 1447 tat-12 ta’ Marzu 2012

L-ammont massimu disponibbli taħt din is-sejħa għall-proposti huwa EUR 400 000.

Is-sejħa tagħlaq fis-27 ta’ April 2013.

It-test sħiħ tas-sejħa għall-proposti huwa disponibbli fuq:

http://ec.europa.eu/transport/facts-fundings/grants/index_en.htm

---