10.1.2013   

MT

Il-Ġurnal Uffiċjali tal-Unjoni Ewropea

C 6/1

1.

L-Impriża Konġunta ARTEMIS, li tinsab fi Brussell, twaqqfet f’Diċembru 2007 (1) għal perjodu ta’ 10 snin.

2.

L-objettiv prinċipali tal-Impriża Konġunta huwa li tiddefinixxi u timplimenta "Aġenda għar-Riċerka" għall-iżvilupp ta’ teknoloġiji ewlenin għas-Sistemi Inkorporati tal-Kompjuter f’oqsma differenti ta’ applikazzjoni sabiex tissaħħaħ il-kompetittività Ewropea u s-sostenibbiltà, u tippermetti l-ħolqien ta’ swieq ġodda u applikazzjonijiet fis-soċjetà (2).

3.

Il-Membri Fundaturi tal-Impriża Konġunta ARTEMIS huma l-Unjoni Ewropea rrappreżentata mill-Kummissjoni, l-Istati Membri l-Awstrija, il-Belġju, id-Danimarka, l-Estonja, Franza, il-Finlandja, il-Ġermanja, il-Greċja, l-Ungerija, l-Irlanda, l-Italja, il-Pajjiżi l-Baxxi, il-Portugall, ir-Rumanija, is-Slovenja, Spanja, l-Isvezja, ir-Renju Unit, u ARTEMISIA, assoċjazzjoni li tirrappreżenta kumpaniji u organizzazzjonijiet oħra tar-riċerka li huma attivi fil-qasam tas-Sistemi Inkorporati tal-Kompjuter fl-Ewropa. Fl-2009, Ċipru, ir-Repubblika Ċeka, il-Latvja u n-Norveġja saru wkoll membri tal-Impriża Konġunta.

4.

Il-kontribuzzjoni massima tal-UE għall-Impriża Konġunta ARTEMIS biex jiġu koperti l-ispejjeż operazzjonali u l-attivitajiet ta’ riċerka hija ta’ EUR 420 miljun li għandhom jitħallsu mill-baġit tas-Seba’ Programm Kwadru (3). L-assoċjazzjoni ARTEMISIA għandha tagħmel kontribuzzjoni massima ta’ mhux aktar minn EUR 30 miljun għall-ispejjeż operazzjonali. L-Istati Membri fl-ARTEMIS għandhom jagħmlu kontributi in natura għall-ispejjeż operazzjonali (billi jiffaċilitaw l-implimentazzjoni tal-proġetti), u jipprovdu kontribuzzjonijiet finanzjarji li jammontaw għal mill-inqas 1,8 darbiet tal-kontribuzzjoni tal-UE. Kontributi in natura għandhom jiġu pprovduti wkoll mill-organizzazzjonijiet tar-riċerka li jipparteċipaw fil-proġetti.

5.

L-Impriża Konġunta bdiet taħdem b’mod awtonomu fis-26 ta’ Ottubru 2009.

6.

L-approċċ tal-verifika meħud mill-Qorti fih proċeduri tal-verifika analitiċi, ittestjar tat-tranżazzjonijiet fil-livell tal-Impriża Konġunta u valutazzjoni tal-kontrolli ewlenin tas-sistemi ta’ sorveljanza u kontroll. Dan huwa supplimentat b’evidenza pprovduta mix-xogħol ta’ awdituri oħrajn (fejn huwa relevanti) u analiżi tar-rappreżentazzjonijiet tal-maniġment.

7.

Skont id-dispożizzjonijiet tal-Artikolu 287(1) tat-Trattat dwar il-Funzjonament tal-Unjoni Ewropea, il-Qorti vverifikat il-kontijiet annwali (4) tal-Impriża Konġunta ARTEMIS, li jikkonsistu fir-“rapporti finanzjarji” (5) u fir-“rapporti dwar l-implimentazzjoni tal-baġit” (6) għas-sena finanzjarja li ntemmet fil-31 ta’ Diċembru 2011 u l-legalità u r-regolarità tat-tranżazzjonijiet li fuqhom huma bbażati dawk il-kontijiet.

8.

Din id-Dikjarazzjoni ta’ Assigurazzjoni hija indirizzata lill-Parlament Ewropew u lill-Kunsill skont l-Artikolu 185(2) tar-Regolament tal-Kunsill (KE, Euratom) Nru 1605/2002 (7).

9.

Bħala uffiċjal li jawtorizza, id-Direttur jimplimenta d-dħul u l-infiq tal-baġit skont ir-regoli finanzjarji tal-Impriża Konġunta, fuq ir-responsabbiltà tiegħu stess u fil-limiti tal-approprjazzjonijiet awtorizzati (8). Id-Direttur huwa responsabbli milli jistabbilixxi (9) l-istruttura organizzattiva u s-sistemi u l-proċeduri ta’ ġestjoni u ta’ kontroll interni relevanti għat-tħejjija ta’ kontijiet finali (10) li jkunu ħielsa minn dikjarazzjoni skorretta materjali, sew jekk minħabba fi frodi u sew jekk minħabba xi żball, u biex jiżgura li t-tranżazzjonijiet li fuqhom huma bbażati dawk il-kontijiet huma legali u regolari.

10.

Ir-responsabbiltà tal-Qorti hija li tipprovdi, abbażi tal-verifika tagħha, dikjarazzjoni ta’ assigurazzjoni dwar l-affidabbiltà tal-kontijiet annwali tal-Impriża Konġunta u dwar il-legalità u r-regolarità tat-tranżazzjonijiet li fuqhom huma bbażati.

11.

Il-Qorti mexxiet l-awditu (verifika) tagħha skont l-Istandards Internazzjonali tal-Awditjar (Verifika) u l-Kodiċijiet tal-Etika tal-IFAC (11) u l-ISSAI. Dawn l-istandards jeżiġu li l-Qorti tikkonforma mar-rekwiżiti etiċi u professjonali u li tippjana u twettaq l-awditu (verifika) biex tikseb aċċertament (assigurazzjoni) raġonevoli dwar jekk il-kontijiet ikunux ħielsa minn dikjarazzjoni skorretta materjali u dwar jekk it-tranżazzjonijiet li fuqhom huma bbażati jkunux legali u regolari.

12.

L-awditu (verifika) tal-Qorti jinvolvi t-twettiq ta’ proċeduri biex tinkiseb evidenza għall-awditjar (verifika) tal-ammonti u d-divulgazzjonijiet (żvelar) fil-kontijiet u dwar il-legalità u r-regolarità tat-tranżazzjonijiet li fuqhom huma bbażati. Il-proċeduri magħżula, inkluża l-valutazzjoni tagħha tar-riskji ta’ dikjarazzjoni skorretta materjali tal-kontijiet jew ta’ tranżazzjonijiet illegali jew irregolari sew jekk minħabba frodi u sew jekk minħabba xi żball, jiddependu fuq il-ġudizzju tagħha tal-awditu (verifika). Meta jsiru dawn il-valutazzjonijiet tar-riskji, jitqiesu l-kontrolli interni relevanti għat-tħejjija u l-preżentazzjoni tal-kontijiet mill-entità sabiex jitfasslu l-proċeduri tal-awditjar (verifika) li jkunu xierqa skont iċ-ċirkostanzi. L-awditu (verifika) tal-Qorti jinkludi wkoll evalwazzjoni tal-adegwatezza tal-politiki kontabilistiċi użati u r-raġonevolezza tal-istimi kontabilistiċi magħmula mill-maniġment, kif ukoll evalwazzjoni tal-preżentazzjoni kumplessiva tal-kontijiet.

13.

Il-Qorti tqis li l-evidenza għall-awditjar (verifika) miksuba hija suffiċjenti u adegwata biex tipprovdi bażi għall-opinjonijiet imniżżlin hawn taħt.

14.

Fl-opinjoni tal-Qorti, il-kontijiet annwali tal-Impriża Konġunta jippreżentaw b’mod ġust, fl-aspetti materjali kollha, il-pożizzjoni finanzjarja tagħha fil-31 ta’ Diċembru 2011 u r-riżultati tal-operazzjonijiet tagħha u l-flussi tal-flus (likwidità) tagħha għas-sena li ntemmet dakinhar, skont id-dispożizzjonijiet tar-regoli finanzjarji tagħha.

15.

L-istrateġija ta’ verifika ex-post  (12) tal-Impriża Konġunta ġiet adottata minn deċiżjoni tal-Bord ta’ Tmexxija fil-25 ta’ Novembru 2010 u hija kontroll ewlieni (13) għal valutazzjoni tal-legalità u r-regolarità tat-tranżazzjonijiet ta’ bażi. Il-pagamenti li saru fl-2011 relatati ma’ ċertifikati tal-aċċettazzjoni tal-ispejjeż li nħarġu mill-Awtoritajiet ta’ Finanzjament Nazzjonali tal-Istati Membri (NFAs) ammontaw għal EUR 4,8 miljun, li jirrappreżenta 32 % tat-total ta’ pagamenti operazzjonali. L-implimentazzjoni tal-istrateġija tal-verifika ex post bdiet fl-2011.

16.

Il-verifika tal-klejms għall-ispejjeż tal-proġetti ġiet iddelegata lill-NFAs tal-Istati Membri. Il-ftehimiet amministrattivi ffirmati mal-NFAs ma jinkludux l-arranġamenti prattiċi għall-verifiki ex post. Sat-tmiem tal-verifika (Settembru 2012), ARTEMIS kienet għadha ma rċevitx biżżejjed informazzjoni relatata mal-istrateġiji tal-verifika ta’ tmienja mill-NFAs (14) u ma kinitx f’pożizzjoni li tivvaluta jekk l-istrateġija tal-verifika ex post tipprovdix assigurazzjoni suffiċjenti fir-rigward tal-legalità u r-regolarità tat-tranżazzjonijiet li fuqhom hija bbażata (15).

17.

L-informazzjoni disponibbli dwar l-implimentazzjoni tal-istrateġija tal-verifika ex post tal-Impriża Konġunta mhijiex biżżejjed biex tintlaħaq konklużjoni dwar jekk dan il-kontroll ewlieni hux qed jiffunzjona b’mod effettiv.

18.

Fl-opinjoni tal-Qorti, ħlief għall-effetti possibbli tal-kwistjoni deskritta fil-bażi għal opinjoni kwalifikata fil-paragrafi 15 sa 17, it-tranżazzjonijiet li fuqhom huma bbażati l-kontijiet annwali tal-Impriża Konġunta għas-sena finanzjarja li ntemmet fil-31 ta’ Diċembru 2011 huma legali u regolari fl-aspetti materjali kollha.

19.

Il-kummenti segwenti fil-paragrafi 20 sa 35 ma jixħtux dubju fuq l-opinjonijiet tal-Qorti.

20.

Għal kuntrarju tar-regoli finanzjarji ta’ ARTEMIS (16), il-baġit 2011 tal-Impriża Konġunta ma jirriflettix approprjazzjonijiet ta’ pagament differenzjati għan-nefqa operazzjonali.

21.

Il-baġit 2011 ġie adottat fil-25 ta’ Novembru 2010 u kien jinkludi approprjazzjonijiet operazzjonali li ammontaw għal EUR 46,6 miljun. Fis-17 ta’ Diċembru 2011 ġie adottat baġit emendatorju fejn l-approprjazzjonijiet operazzjonali tnaqqsu għal EUR 18,6 miljun. Filwaqt li r-rata ta’ utilizzazzjoni għall-approprjazzjonijiet ta’ impenn operazzjonali kienet 100 % (b’riżultat tat-tnaqqis tal-approprjazzjonijiet operazzjonali għal EUR 18,6 miljun), ir-rata għall-approprjazzjonijiet ta’ pagament kienet biss 51 %.

22.

Skont il-maniġer tal-programm, l-estimi għall-implimentazzjoni tal-baġit għas-sejħa għall-proposti għall-2008, 2009 u 2010 fi tmiem is-sena ammontaw għal 86 %, 53 % u 18 % rispettivament. Madankollu, il-pagamenti li fil-fatt saru taħt is-sejħa tal-2008 kienu biss 50 %, 31 % għas-sejħa tal-2009 u ma kien sar l-ebda pagament taħt is-sejħa tal-2010. Skont l-Impriża Konġunta, ir-rata ta’ implimentazzjoni relattivament baxxa ta’ approprjazzjonijiet ta’ pagament operazzjonali, hija konsegwenza tad-dewmien fil-livell tal-Istati Membri fl-iffirmar tal-ftehimiet ta’ għotjiet nazzjonali.

23.

Kuntrarju għall-Istatuti tal-Impriża Konġunta ARTEMIS (17), il-Greċja qed tuża l-fondi strutturali tal-UE biex tkopri l-kontribuzzjonijiet nazzjonali tagħha lill-benefiċjarji Griegi tal-proġetti ARTEMIS (18) minflok ma tipprovdi finanzjament nazzjonali. L-Impriża Konġunta Artemis aċċettat il-kontinwazzjoni tal-parteċipazzjoni Griega fil-proġetti ARTEMIS iżda l-ebda finanzjament mhu qed jiġi pprovdut mill-Impriża Konġunta lill-benefiċjarji Griegi peress li l-kofinanzjar ma’ sors ieħor ta’ finanzjament mill-UE mhuwiex permess (19).

24.

L-Impriża Konġunta qed tuża riport mhux awtomatiku ta’ approprjazzjonijiet ta’ pagament għas-sena finanzjarja li jmiss, iżda mingħajr deċiżjoni tal-Bord ta’ tmexxija kif meħtieġ mill-Artikolu 10(1) tar-regoli finanzjarji (20). Barra minn hekk, ma ssir l-ebda distinzjoni bejn approprjazzjonijiet ta’ pagament riportati minn snin preċedenti u approprjazzjonijiet ta’ pagament tas-sena attwali.

25.

Ir-Regolament tal-Kunsill li jistabbilixxi l-Impriża Konġunta Artemis ppreveda baġit totali massimu ta’ EUR 420 miljun biex ikopri n-nefqa operazzjonali. L-imlimentazzjoni proprja u l-valur previst tas-sejħiet għall-proposti jirrappreżentaw EUR 244 miljun jew 58 % tal-baġit totali.

26.

Matul L-2011 l-Impriża Konġunta intensifikat l-isforzi tagħha biex tistabbilixxi u timplimenta proċeduri ta’ kontroll finanzjarju, ta’ kontabilità u ta’ ġestjoni li huma effettivi. Madankollu jinħtieġ aktar xogħol, b’mod partikolari fir-rigward tal-istandards ta’ kontroll intern (21) u l-verifikazzjoni finanzjarja tal-klejms ta’ spejjeż (22).

27.

L-Uffiċjal tal-Kontabilità vvalida s-sistemi finanzjarji u ta’ kontabilità użati, iżda għadu ma vvalidax il-proċessi tan-negozju ta’ bażi li jipprovdu informazzjoni finanzjarja, b’mod partikolari dak li jipprovdi informazzjoni finanzjarja dwar il-validazzjoni u l-pagamenti tal-klejms ta’ spejjeż irċevuti mill-awtoritajiet nazzjonali.

28.

L-Artikolu 62 tar-Regolament li jistabbilixxi l-ARTEMIS jistipola li l-Impriża Konġunta għandha jkollha l-kapaċità ta’ verifika interna. Madankollu, fi tmiem l-2011, dan l-element importanti tas-sistema ta’ kontroll intern kien għadu ma ġiex stabbilit.

29.

Fl-2011 is-Servizz tal-Awditjar (Verifika) Intern tal-Kummissjoni wettaq eżerċizzju ta’ valutazzjoni tar-riskju u l-pjan strateġiku tal-verifika għall-2012-2014 ġie ppreżentat lill-Bord ta’ Tmexxija għall-adozzjoni fil-25 ta’ Jannar 2012.

30.

Il-karta tal-missjoni tas-Servizz tal-Awditjar (Verifika) Intern tal-Kummissjoni ġiet adottata mill-Bord ta’ tmexxija fil-25 ta’ Novembru 2010. Madankollu, ir-regoli finanzjarji tal-Impriża Konġunta s’issa għadhom ma ġewx emendati biex jinkludi d-dispożizzjoni tar-Regolament Strutturali (Qafas) (23) li jirreferi għas-setgħat tal-Awditur Intern tal-Kummissjoni.

31.

Skont l-Artikoli 194 tal-Istatuti tal-Impriża Konġunta u l-Artikolu 40 tar-Regoli Finanzjarji tagħha, id-Direttur Eżekuttiv huwa meħtieġ li jfassal rapport ta’ attività annwali. Ir-rapport ta’ attività annwali għandu jindika r-riżultati tal-operazzjonijiet b’referenza għall-objettivi stabbiliti, ir-riskji assoċjati ma’ dawn l-operazzjonijiet, l-użu li jkun sar tar-riżorsi pprovduti u l-effiċjenza u l-effettività tas-sistema ta’ kontroll intern. Huwa għandu jikkonferma wkoll li l-informazzjoni li tinsab fir-rapport tippreżenta fehma vera u ġusta ħlief kif speċifikat mod ieħor fi kwalunkwe riżerva relatata ma’ oqsma definiti ta’ dħul u nfiq.

32.

Għalkemm ir-rapport ta’ attività annwali jipprovdi informazzjoni dwar ir-riżultati tal-operazzjonijiet tal-Impriża Konġunta, huwa ma jinkludix valutazzjoni tal-effiċjenza u l-effettività tas-sistema ta’ kontroll intern. Ir-rapport ta’ attività annwali fih id-dgħufijiet li ġejjin:

33.

Matul l-2011 l-Impriża Konġunta stabbilixxiet Pjan tal-Kontinwità tan-Negozju u għamlet progress fil-formalizzazzjoni tal-politiki tas-sigurtà tal-IT. Jinħtieġ li jsir aktar xogħol biex jiġi ffinalizzat il-Pjan ta’ Rkupru minn Diżastru.

34.

B’kuntrarju għar-regoli finanzjarji tal-Impriża Konġunta ARTEMIS (24), l-Awtoritajiet ta’ Finanzjament Nazzjonali s’issa għadhom ma ddikjaraw ebda mgħax bankarju ġġenerat fuq pagamenti ta’ prefinanzjament.

35.

Il-Ftehim mal-Istat Ospitanti (25) bejn l-Impriża Konġunta u l-awtoritajiet Belġjani dwar spazju għall-uffiċċji, privileġġi u immunitajiet u appoġġ ieħor li għandu jingħata ġie ffirmat fit-2 ta’ Frar 2012.

10.1.2013   

MT

Il-Ġurnal Uffiċjali tal-Unjoni Ewropea

C 6/9

1.

L-Impriża Konġunta Clean Sky, li tinsab fi Brussell, ġiet stabbilita f’Diċembru 2007 (1) għal perjodu ta’ 10 snin.

2.

L-objettiv tal-Impriża Konġunta Clean Sky huwa li taċċelera l-iżvilupp, il-validazzjoni u d-dimostrazzjoni ta’ teknoloġiji nodfa għat-trasport bl-ajru fl-UE għall użu mill-aktar fis possibbli (2). L-attivitajiet ta’ riċerka koordinati mill-Impriża Konġunta huma maqsumin f’sitt oqsma teknoloġiċi jew ‘Dimostraturi tat-Teknoloġija Integrata’ (ITDs).

3.

Il-Membri Fundaturi tal-Impriża Konġunta huma l-Unjoni Ewropea rrappreżentata mill-Kummissjoni, u msieħba industrijali bħala l-mexxejja tal-ITDs, flimkien mal-membri assoċjati tal-ITDs.

4.

Il-kontribuzzjoni massima tal-UE lill-Impriża Konġunta Clean Sky biex tkopri l-ispejjeż operazzjonali u l-attivitajiet ta’ riċerka hi ta’ EUR 800 miljun li għandhom jitħallsu mill-baġit tas-Seba’ Programm Kwadru (3). Membri oħrajn tal-Impriża Konġunta għandhom jikkontribwixxu riżorsi li minn tal-inqas huma ugwali għall-kontribuzzjoni tal-UE, inklużi kontributi in natura.

5.

L-Impriża Konġunta bdiet taħdem b’mod awtonomu fis-16 ta’ Novembru 2009.

6.

L-approċċ tal-verifika meħud mill-Qorti fih proċeduri tal-verifika analitiċi, ittestjar tat-tranżazzjonijiet fil-livell tal-Impriża Konġunta u valutazzjoni tal-kontrolli ewlenin tas-sistemi ta’ sorveljanza u kontroll. Dan huwa supplimentat b’evidenza pprovduta mix-xogħol ta’ awdituri oħrajn (fejn huwa relevanti) u analiżi tar-rappreżentazzjonijiet tal-maniġment.

7.

Skont id-dispożizzjonijiet tal-Artikolu 287(1) tat-Trattat dwar il-Funzjonament tal-Unjoni Ewropea, il-Qorti vverifikat il-kontijiet annwali (4) tal-Impriża Konġunta Clean Sky, li jikkonsistu fir-“rapporti finanzjarji” (5) u fir-“rapporti dwar l-implimentazzjoni tal-baġit” (6) għas-sena finanzjarja li ntemmet fil-31 ta’ Diċembru 2011, u l-legalità u r-regolarità tat-tranżazzjonijiet li fuqhom huma bbażati dawk il-kontijiet.

8.

Din id-Dikjarazzjoni ta’ Assigurazzjoni hija indirizzata lill-Parlament Ewropew u lill-Kunsill skont l-Artikolu 185(2) tar-Regolament tal-Kunsill (KE, Euratom) Nru 1605/2002 (7).

9.

Bħala uffiċjal li jawtorizza, id-Direttur jimplimenta d-dħul u l-infiq tal-baġit skont ir-regoli finanzjarji tal-Impriża Konġunta, fuq ir-responsabbiltà tiegħu stess u fil-limiti tal-approprjazzjonijiet awtorizzati (8). Id-Direttur huwa responsabbli milli jistabbilixxi (9) l-istruttura organizzattiva u s-sistemi u l-proċeduri ta’ ġestjoni u ta’ kontroll interni relevanti għat-tħejjija ta’ kontijiet finali (10) li jkunu ħielsa minn dikjarazzjoni skorretta materjali, sew jekk minħabba fi frodi u sew jekk minħabba xi żball, u biex jiżgura li t-tranżazzjonijiet li fuqhom huma bbażati dawk il-kontijiet huma legali u regolari.

10.

Ir-responsabbiltà tal-Qorti hija li tipprovdi, abbażi tal-verifika tagħha, dikjarazzjoni ta’ assigurazzjoni dwar l-affidabbiltà tal-kontijiet annwali tal-Impriża Konġunta u dwar il-legalità u r-regolarità tat-tranżazzjonijiet li fuqhom huma bbażati.

11.

Il-Qorti mexxiet l-awditu (verifika) tagħha skont l-Istandards Internazzjonali tal-Awditjar (Verifika) u l-Kodiċijiet tal-Etika tal-IFAC u l-ISSAI (11). Dawn l-istandards jeżiġu li l-Qorti tikkonforma mar-rekwiżiti etiċi u professjonali u li tippjana u twettaq l-awditu (verifika) sabiex tikseb aċċertament (assigurazzjoni) raġonevoli dwar jekk il-kontijiet ikunux ħielsa minn kwalunkwe dikjarazzjoni skorretta materjali u dwar jekk it-tranżazzjonijiet li fuqhom huma bbażati jkunux legali u regolari.

12.

L-awditu (verifika) tal-Qorti tinvolvi t-twettiq ta’ proċeduri biex tinkiseb evidenza għall-awditjar (verifika) dwar l-ammonti u d-divulgazzjonijiet (żvelar) fil-kontijiet u dwar il-legalità u r-regolarità tat-tranżazzjonijiet li fuqhom huma bbażati. Il-proċeduri magħżula, inkluża l-valutazzjoni tagħha tar-riskji ta’ dikjarazzjoni skorretta materjali tal-kontijiet jew ta’ tranżazzjonijiet illegali jew irregolari, sew jekk minħabba frodi u sew jekk minħabba xi żball, jiddependu fuq il-ġudizzju tagħha tal-awditu (verifika). Meta jsiru dawk il-valutazzjonijiet tar-riskji, jitqiesu l-kontrolli interni relevanti għat-tħejjija u l-preżentazzjoni tal-kontijiet mill-entità sabiex jitfasslu l-proċeduri tal-awditjar (verifika) li jkunu xierqa skont iċ-ċirkostanzi. L-awditu (verifika) tal-Qorti jinkludi wkoll evalwazzjoni tal-adegwatezza tal-politiki kontabilistiċi użati u r-raġonevolezza tal-istimi kontabilistiċi magħmula mill-maniġment, kif ukoll evalwazzjoni tal-preżentazzjoni kumplessiva tal-kontijiet.

13.

Il-Qorti tqis li l-evidenza għall-awditjar (verifika) miksuba hija suffiċjenti u adegwata biex tipprovdi bażi għall-opinjonijiet imniżżlin hawn taħt.

14.

Fl-opinjoni tal-Qorti, il-kontijiet annwali tal-Impriża Konġunta jippreżentaw b’mod ġust, fl-aspetti materjali kollha, il-pożizzjoni finanzjarja tagħha fil-31 ta’ Diċembru 2011 u r-riżultati tal-operazzjonijiet tagħha u l-flussi tal-flus (likwidità) tagħha għas-sena li ntemmet dakinhar, skont id-dispożizzjoni tar-regoli finanzjarji tagħha.

15.

L-istrateġija tal-verifika ex-post tal-Impriża Konġunta ġiet adottata b’deċiżjoni tal-Bord ta’ Tmexxija fis-17 ta’ Diċembru 2010 u hija kontroll ewlieni għall-valutazzjoni tal-legalità u r-regolarità tat-tranżazzjonijiet ta’ bażi (12). Il-verifiki ex-post ikkompletati f’Settembru 2012 koprew EUR 44,3 miljun (18,8 % tal-klejms tal-ispejjeż kollha li waslu għand l-Impriża Konġunta fl-2008, l-2009 u l-2010 (13)). Ir-rata ta’ żball li tirriżulta minn dawn il-verifiki ex-post kienet 6,16 % (14).

16.

Fl-opinjoni tal-Qorti, għajr għall-effetti tal-kwistjonijiet deskritti fil-paragrafu 15, it-tranżazzjonijiet li fuqhom huma bbażati l-kontijiet annwali tal-Impriża Konġunta għas-sena finanzjarja li ntemmet fil-31 ta’ Diċembru 2011 huma, legali u regolari fl-aspetti materjali kollha.

17.

Il-kummenti segwenti fil-paragrafi 18 sa 32 ma jixħtux dubju fuq l-opinjonijiet tal-Qorti.

18.

Il-baġit emendatorju finali 2011 (15) kien jinkludi approprjazzjonijiet ta’ impenn ta’ EUR 175 miljun u approprjazzjonijiet ta’ pagament ta’ EUR 159,8 miljun. Ir-rata ta’ utilizzazzjoni għall-approprjazzjonijiet ta’ impenn kienet 94 % filwaqt li r-rata għal approprjazzjonijiet ta’ pagament kienet 64 %. Ir-rata għall-approprjazzjonijiet ta’ pagament tirrifletti dewmien fl-implimentazzjoni tal-attivitajiet tal-Impriża Konġunta. Hemm dewmien sinifikanti bejn il-pubblikazzjoni tas-sejħiet għall-proposti u l-firma tal-ftehimiet ta’ għotjiet (16). L-implimentazzjoni baxxa tal-baġit hija riflessa wkoll fil-bilanċ tal-flus, li kien ta’ EUR 51 miljun fi tmiem is-sena (32 % tal-approprjazzjonijiet ta’ pagament disponibbli fl-2011) (17).

19.

L-Impriża Konġunta, għal kuntrarju tar-regoli finanzjarji tagħha, irriportat ’il fuq minn EUR 68 miljun ta’ approprjazzjonijiet ta’ pagament għall-2012 mingħajr deċiżjoni mill-Bord ta’ Tmexxija (18).

20.

L-Impriża Konġunta esperjenzat dewmien sinifikanti fil-wasla tal-klejms tal-ispejjeż minn Ftehimiet tal-Għotjiet mal-Membri għall-2011. Minħabba fid-dewmien, il-validazzjoni ta’ għadd kbir ta’ klejms ma setgħux jiġu kkompletati għall-Kontijiet Finali 2011. Il-kontributi in natura relatati (EUR 52 miljun) ma ġewx approvati mill-Bord ta’ Tmexxija fi żmien xieraq u b’konsegwenza ta’ dan, ma setgħux jiġu rreġistrati taħt l-attivi netti u kellhom jiġu riflessi taħt il-passivi (“kontribuzzjonijiet li jridu jiġu vvalidati”). L-Impriża Konġunta għalhekk irrapportat attivi netti negattivi ta’ EUR 18,5 miljun. Il-Kontijiet Finali b’mod xieraq jirriflettu din is-sitwazzjoni tranżizzjonali li ma tindika ebda riskju ta’ solvenza għall-Imrpiża Konġunta.

21.

Minkejja l-progress li sar matul l-2011, l-Impriża Konġunta s’issa għadha ma stabbilietx b’mod sħiħ sistemi affidabbli ta’ kontroll intern u ta’ informazzjoni finanzjarja. B’mod partikolari, jinħtieġ aktar xogħol fuq il-proċeduri ta’ kontroll ex-ante applikati għall-validazzjoni tal-klejms għall-ispejjeż.

22.

Fl-2011 l-Impriża Konġunta kienet għadha ma implimentatx l-għodda l-ġdida (19) biex timmaniġġa d-data relatata mal-klejms għall-ispejjeż ippreżentati mill-membri u l-benefiċjarji.

23.

Il-Qorti eżaminat il-proċeduri ta’ kontroll ex-ante applikati għal klejms għall-ispejjeż ippreżentati skont tliet ftehimiet ta’ għotjiet ma’ Membri tal-Clean Sky (20). Ġew identifikati d-dgħufijiet li ġejjin:

24.

L-Uffiċjal tal-Kontabilità f’Marzu 2012 kkompleta l-eżerċizzju ta’ validazzjoni tal-proċessi ta’ negozju ta’ bażi hekk kif meħtieġ mir-regoli finanzjarji tal-Impriża Konġunta (23). Saru għadd ta’ rakkomandazzjonijiet fir-rapport ta’ validazzjoni tal-Uffiċjal tal-Kontabilità, b’mod partikolari l-bżonn li titjieb is-sistema għall-validazzjoni tal-klejms għall-ispejjeż u l-implimentazzjoni ta’ għodda biex isir rappurtar b’mod xieraq lill-maniġment, dwar kwistjonijiet baġitarji u kontabilistiċi.

25.

Matul l-2011, u bħala riżultat ta’ limiti ta’ riżorsi fi ħdan l-organizzazzjoni, l-awditur intern kellu jaħdem fuq il-proċessi fundamentali tal-Impriża Konġunta, inkluż l-istabbiliment tal-kontijiet tal-2010 u 2011 u l-validazzjoni tal-klejms għall-ispejjeż li waslu mingħand il-membri.

26.

Fl-2011 is-Servizz tal-Awditjar (Verifika) Intern tal-Kummissjoni wettaq eżerċizzju ta’ valutazzjoni tar-riskju. Ibbażat fuq ir-riżultati tal-valutazzjoni tar-riskju, il-pjan strateġiku tal-verifika għall-2012-2014 ġie ppreżentat lill-Bord ta’ Tmexxija għall-adozzjoni fl-14 ta’ Diċembru 2011.

27.

Il-karta tal-missjoni tas-Servizz tal-Awditjar (Verifika) Intern tal-Kummissjoni ġiet adottata mill-Bord ta’ Tmexxija fil-31 ta’ Marzu 2011. Madankollu, ir-regoli finanzjarji tal-Impriża Konġunta s’issa għadhom ma ġewx emendati sabiex jinkludu d-dispożizzjoni tar-Regolament Strutturali (24) li jirreferi għas-setgħat tal-awditur intern tal-Kummissjoni.

28.

Il-proċedura għal ħruġ ta’ ordnijiet ta’ rkupru relatati mal-ispejjeż operazzjonali tal-Impriża Konġunta ma kinitx applikata b’mod xieraq. It-talba lill-membri biex iħallsu l-kontribuzzjonijiet tagħhom tal-2011 ma kinitx akkumpanjata bil-previżjoni tal-likwidità hekk kif inhuwa meħtieġ skont il-ftehim ta’ finanzjament.

29.

Sa tmiem l-2011, l-Impriża Konġunta kienet għadha ma kkompletatx il-proċeduri interni li jridu jintużaw għas-sorveljanza tal-applikazzjoni tad-dispożizzjonijiet li jirrigwardaw il-protezzjoni, l-użu u t-tixrid ta’ riżultati ta’ riċerka (25).

30.

Fl-Opinjoni 2011 tagħha dwar ir-regoli finanzjarji tal-Impriża Konġunta, il-Qorti identifikat għadd ta’ oqsma li kellhom bżonn jiġu emendati (26). Ir-regoli finanzjarji ma ġewx emendati biex jirriflettu l-kwistjonjiet imqajma fl-Opinjoni tal-Qorti.

31.

Matul l-2011 l-Impriża Konġunta stabbilixxiet Pjan tal-Kontinwità tan-Negozju u għamlet progress fil-formalizzazzjoni tal-politiki tas-sigurtà tal-IT. Filwaqt li ġew definiti elementi essenzjali (27) ta’ Pjan ta’ Rkupru minn Diżastru matul l-2011, jinħtieġ li jsir iktar xogħol sabiex dan jiġi ffinalizzat u approvat.

32.

Il-Ftehim mal-Istat Ospitanti (28) bejn l-Impriża Konġunta u l-awtoritajiet Belġjani dwar spazju għall-uffiċċji, privileġġi u immunitajiet u appoġġ ieħor ġie ffirmat fit-2 ta’ Frar 2012.

—

l-aġent tal-verifikazzjoni operazzjonali għandu jikkonferma li l-aspetti operazzjonali (tekniċi u finanzjarji) tal-fajl huma konformi mal-parametri miftiehma.

—

l-aġent tal-verifikazzjoni (il-kap tal-amministrazzjoni) għandu jikkonferma l-konformità tal-aspetti operazzjonali mar-regoli eżistenti u r-regolarità kumplessiva tal-operazzjoni.

—

id-direttur eżekuttiv għandu jwettaq il-kontroll kumplessiv finanzjarju u operazzjonali tal-fajl sħiħ.

10.1.2013   

MT

Il-Ġurnal Uffiċjali tal-Unjoni Ewropea

C 6/18

1.

L-Impriża Konġunta Ewropea għall-implimentazzjoni tal-Inizjattiva Konġunta tat-Teknoloġija dwar in-Nanoelettronika (l-Impriża Konġunta ENIAC), tinsab fi Brussell u twaqqfet f’Diċembru 2007 (1) għal perjodu ta’ 10 snin.

2.

L-objettiv prinċipali tal-Impriża Konġunta huwa li tiddefinixxi u timplimenta "Aġenda għar-Riċerka" għall-iżvilupp ta’ kompetenzi ewlenin għan-nanoelettronika f’oqsma differenti ta’ applikazzjoni sabiex jissaħħu l-kompetittività u s-sostenibbiltà tal-Ewropa u jkun possibbli l-iżvilupp ta’ swieq ġodda u applikazzjonijiet fis-soċjetà (2).

3.

Il-Membri Fundaturi tal-Impriża Konġunta huma l-Unjoni Ewropea rrappreżentata mill-Kummissjoni, l-Istati Membri, il-Belġju, l-Estonja, Franza, il-Ġermanja, il-Greċja, l-Irlanda, l-Italja, il-Pajjiżi l-Baxxi, il-Polonja, il-Portugall, Spanja, l-Isvezja u r-Renju Unit u l-Assoċjazzjoni għall-Attivitajiet Nanoelettroniċi Ewropej (AENEAS). Stati Membri oħrajn u pajjiżi assoċjati, kif ukoll kwalunkwe pajjiż ieħor jew kwalunkwe entità ġuridika oħra li kapaċi tagħti kontribuzzjoni finanzjarja sostanzjali għall-kisba tal-objettivi tal-Impriża Konġunta ENIAC, jistgħu jsiru membri tal-Impriża Konġunta ENIAC.

4.

Il-kontribuzzjoni massimu tal-UE lill-Impriża Konġunta ENIAC li tkopri l-ispejjeż operazzjonali u l-attivitajiet ta’ riċerka hija ta’ EUR 450 miljun li għandha titħallas mill-baġit tas-Seba’ Programm Kwadru (3). L-AENEAS għandha tagħmel kontribuzzjoni massima ta’ EUR 30 miljun għall-ispejjeż operazzjonali tal-Impriża Konġunta. L-Istati Membri fl-ENIAC għandhom jagħmlu kontributi in natura għall-ispejjeż operazzjonali (permezz tal-faċilitazzjoni tal-implimentazzjoni tal-proġetti), u jagħtu kontribuzzjonijiet finanzjarji ta’ mill-inqas 1,8 darbiet aktar mill-kontribuzzjoni tal-UE. Kontributi in natura għandhom jingħataw ukoll mill-organizzazzjonijiet tar-riċerka li qegħdin jipparteċipaw fil-proġetti. L-organizzazzjonijiet li qed jipparteċipaw fil-proġetti ta’ riċerka għandhom jagħmlu kontributi in natura li huma minn tal-inqas daqs il-kontribuzzjoni tal-Kummissjoni u tal-Istati Membri.

5.

L-Impriża Konġunta ngħatat l-awtonomija finanzjarja tagħha fis-26 ta’ Lulju 2010.

6.

L-approċċ tal-verifika meħud mill-Qorti fih proċeduri tal-verifika analitiċi, ittestjar tat-tranżazzjonijiet fil-livell tal-Impriża Konġunta u valutazzjoni tal-kontrolli ewlenin tas-sistemi ta’ sorveljanza u kontroll. Dan huwa supplimentat b’evidenza pprovduta mix-xogħol ta’ awdituri oħrajn (fejn huwa relevanti) u analiżi tar-rappreżentazzjonijiet tal-maniġment.

7.

Skont id-dispożizzjonijiet tal-Artikolu 287(1) tat-Trattat dwar il-Funzjonament tal-Unjoni Ewropea, il-Qorti vverifikat il-kontijiet annwali (4) tal-Impriża Konġunta ENIAC, li jikkonsistu fir-“rapporti finanzjarji” (5) u fir-“rapporti dwar l-implimentazzjoni tal-baġit” (6) għas-sena finanzjarja li ntemmet fil-31 ta’ Diċembru 2011, u l-legalità u r-regolarità tat-tranżazzjonijiet li fuqhom huma bbażati dawk il-kontijiet.

8.

Din id-Dikjarazzjoni ta’ Assigurazzjoni hija indirizzata lill-Parlament Ewropew u lill-Kunsill skont l-Artikolu 185(2) tar-Regolament tal-Kunsill (KE, Euratom) Nru 1605/2002 (7).

9.

Bħala uffiċjal li jawtorizza, id-Direttur jimplimenta d-dħul u l-infiq tal-baġit skont ir-regoli finanzjarji tal-Impriża Konġunta, fuq ir-responsabbiltà tiegħu stess u fil-limiti tal-approprjazzjonijiet awtorizzati (8). Id-Direttur huwa responsabbli milli jistabbilixxi (9) l-istruttura organizzattiva u s-sistemi u l-proċeduri ta’ ġestjoni u ta’ kontroll interni relevanti għat-tħejjija ta’ kontijiet finali (10) li jkunu ħielsa minn dikjarazzjoni skorretta materjali, sew jekk minħabba fi frodi u sew jekk minħabba xi żball, u biex jiżgura li t-tranżazzjonijiet li fuqhom huma bbażati dawk il-kontijiet huma legali u regolari.

10.

Ir-responsabbiltà tal-Qorti hija li tipprovdi, abbażi tal-verifika tagħha, dikjarazzjoni ta’ assigurazzjoni dwar l-affidabbiltà tal-kontijiet annwali tal-Impriża Konġunta u dwar il-legalità u r-regolarità tat-tranżazzjonijiet li fuqhom huma bbażati.

11.

Il-Qorti mexxiet l-awditu (verifika) tagħha skont l-Istandards Internazzjonali tal-Awditjar (Verifika) u l-Kodiċijiet tal-Etika tal-IFAC (11) u l-ISSAI. Dawn l-istandards jeżiġu li l-Qorti tikkonforma mar-rekwiżiti etiċi u professjonali u li tippjana u twettaq l-awditu (verifika) sabiex tikseb aċċertament (assigurazzjoni) raġonevoli dwar jekk il-kontijiet humiex ħielsa minn kwalunkwe dikjarazzjoni skorretta materjali u dwar jekk it-tranżazzjonijiet li fuqhom huma bbażati jkunux legali u regolari.

12.

L-awditu (verifika) tal-Qorti jinvolvi t-twettiq ta’ proċeduri biex tinkiseb evidenza għall-awditjar (verifika) dwar l-ammonti u d-divulgazzjonijiet (żvelar) fil-kontijiet u dwar il-legalità u r-regolarità tat-tranżazzjonijiet li fuqhom huma bbażati. Il-proċeduri magħżula, inkluża l-valutazzjoni tagħha tar-riskji ta’ dikjarazzjoni skorretta materjali tal-kontijiet jew ta’ tranżazzjonijiet illegali jew irregolari, sew jekk minħabba frodi jew inkella minħabba xi żball, jiddependu fuq il-ġudizzju tal-awditu (verifika) tagħha. Meta jsiru dawk il-valutazzjonijiet tar-riskju, jiġu meqjusa l-kontrolli interni relevanti għat-tħejjija u l-preżentazzjoni tal-kontijiet sabiex jiġu mfassla proċeduri tal-awditjar (verifika) li jkunu xierqa skont iċ-ċirkostanzi. L-awditu (verifika) tal-Qorti jinkludi wkoll evalwazzjoni tal-adegwatezza tal-politiki kontabilistiċi użati u r-raġonevolezza tal-istimi kontabilistiċi magħmula mill-maniġment, kif ukoll evalwazzjoni tal-preżentazzjoni kumplessiva tal-kontijiet.

13.

Il-Qorti tqis li l-evidenza għall-awditjar (verifika) miksuba hija suffiċjenti u adegwata biex tipprovdi bażi għall-opinjonijiet imniżżlin hawn taħt.

14.

Fl-opinjoni tal-Qorti, il-kontijiet annwali tal-Impriża Konġunta jippreżentaw b’mod ġust, fl-aspetti materjali kollha, il-pożizzjoni finanzjarja tagħha fil-31 ta’ Diċembru 2011 u r-riżultati tal-operazzjonijiet tagħha u l-flussi tal-flus (likwidità) tagħha għas-sena li tkun intemmet dakinhar, skont id-dispożizzjonijiet tar-regoli finanzjarji tagħha.

15.

L-istrateġija ta’ verifika ex-post  (12) tal-Impriża Konġunta ġiet adottata minn deċiżjoni tal-Bord ta’ Tmexxija fit-18 ta’ Novembru 2010 u hija kontroll ewlieni (13) għal valutazzjoni tal-legalità u r-regolarità tat-tranżazzjonijiet ta’ bażi. Il-pagamenti magħmula fl-2011 li jirrelataw ma ċertifikati ta’ aċċettazzjoni tal-ispejjeż maħruġa mill-Awtoritajiet ta’ Finanzjament Nazzjonali (NFAs) tal-Istati Membri ammontaw għal EUR 6,8 miljun, li jirrappreżentaw 45 % tat-total tal-pagamenti operazzjonali. L-implimentazzjoni tal-istrateġija tal-verifika ex-post bdiet fl-2011.

16.

Il-verifika tal-klejms għall-ispejjeż tal-proġetti ġiet iddelegata lill-NFAs tal-Istati Membri. Il-ftehimiet amministrattivi ffirmati mal-NFAs ma jinkludux l-arranġamenti prattiċi għall-verifiki ex-post. Sa tmiem il-verifika (Settembru 2012), l-Impriża Konġunta ma kinitx irċeviet informazzjoni suffiċjenti relatata mal-istrateġiji tal-verifika tal-NFAs (14) u ma kinitx f’pożizzjoni li tivvaluta jekk l-istrateġija tal-verifika ex post tipprovdix assigurazzjoni suffiċjenti fir-rigward tal-legalità u r-regolarità tat-tranżazzjonijiet ta’ bażi (15). Barra minn hekk, ma twettqet ebda verifika ex-post mill-NFAs fuq l-għotjiet imħallsa sal-aħħar tal-2011.

17.

L-informazzjoni disponibbli fuq l-implimentazzjoni tal-istrateġija tal-verifika ex-post tal-Impriża Konġunta mhijiex suffiċjenti biex tikkonkludi jekk dan il-kontroll ewlieni hux qed jiffunzjona b’mod effettiv.

18.

Fl-opinjoni tal-Qorti, għajr għall-effetti possibli tal-kwistjoni deskritta fil-bażi għal opinjoni kwalifikata fil-paragrafi 15 sa 17, it-tranżazzjonijiet li fuqhom huma bbażati l-kontijiet annwali tal-Impriża Konġunta għas-sena finanzjarja li ntemmet fil-31 ta’ Diċembru 2011 huma legali u regolari fl-aspetti materjali kollha.

19.

Il-kummenti li jsegwu fil-paragrafi 20 sa 33 ma jixħtux dubju fuq l-opinjonijiet tal-Qorti.

20.

Il-baġit finali tal-2011 kien jinkludi approprjazzjonijiet ta’ impenn u ta’ pagament li ammontaw għal EUR 66 miljun u EUR 35 miljun rispettivament. Ir-rati ta’ utilizzazzjoni għall-approprjazzjonijiet ta’ impenn u ta’ pagament disponibbli kienu 97 % u 48 % (16) rispettivament. Mill-EUR 63,6 miljun f’approprjazzjonijiet ta’ impenn disponibbli għal attivitajiet operazzjonali, EUR 20,1 miljun kienu implimentati bħala impenn globali għall-ewwel sejħa għall-proposti 2011 u EUR 42,2 miljun ġew implimentati bħala impenn globali għat-tieni sejħa għall-proposti 2011.

21.

Nuqqas ta’ proċeduri adegwati u dgħufijiet fil-kontroll kienu osservati fid-diżimpenjar ta’ approprjazzjonijiet mhux użati. Approprjazzjonijiet li kellhom jiġu implimentati sa tmiem l-2010 u approprjazzjonijiet li kellhom jiġu implimentati sa tmiem l-2011 ġew diżimpenjati f’Jannar 2012. L-impenn globali ta’ EUR 2,8 miljun li ma ntużax fuq il-linja tal-baġit tal-attivitajiet operazzjonali għall-2010 b’data finali ta’ implimentazzjoni tal-31 ta’ Diċembru 2011 ma ġiex diżimpenjat.

22.

Is-sejħiet għall-proposti organizzati fl-2008, l-2009 u l-2010 rriżultaw fi ftehimiet ta’ għotja ffirmati li jammontaw għal total ta’ EUR 107,9 miljun, li jirrappreżentaw 25 % tal-kontribuzzjoni massima tal-UE lill-Impriża Konġunta għall-attivitajiet ta’ riċerka (17). Fl-2011, tnedew żewġ sejħiet għall-proposti li ammontaw għal EUR 62,3 miljun, imma l-firma tal-ftehimiet tal-għotja baqgħet għaddejja. Fl-2012, tnedew żewġ sejħiet oħra għall-proposti li ammontaw għal EUR 84,5 miljun. Matul l-2013, kieku jkollhom jiġu mnedija żewġ sejħiet oħra għall-proposti b’baġit ta’ EUR 185,3 miljun (42 %) sabiex il-kontribuzzjoni disponibbli tal-UE ta’ EUR 440 miljun tintuża kompletament.

23.

L-Impriża Konġunta s’issa għadha ma implimentatx kontrolli interni u sistemi ta’ informazzjoni finanzjarja effettivi u effiċjenti b’mod sħiħ. Dan irriżulta fi żbalji u dewmien sinifikanti fir-rappurtar finanzjarju li ġew ikkoreġuti qabel l-adozzjoni tal-kontijiet finali.

24.

L-Uffiċjal tal-Kontabilità tal-Impriża Konġunta vvalida s-sistemi finanzjarji u kontabilistiċi (ABAC u SAP) fl-20 ta’ Diċembru 2010. Madankollu, il-proċessi ta’ negozju ta’ bażi li jipprovdu informazzjoni finanzjarja, b’mod partikolari dak li jipprovdi informazzjoni finanzjarja dwar il-validazzjoni u l-pagamenti tal-klejms għall-ispejjeż irċevuti mill-NFAs, ma ġewx ivvalidati matul l-2011.

25.

L-Artikolu 6(2) tar-Regolament tal-Kunsill li jistabbilixxi lill-ENIAC jistipola li l-Impriża Konġunta għandha jkollha l-kapaċità tal-verifika interna. Madankollu, fi tmiem l-2011, dan l-element importanti tas-sistema ta’ kontroll intern kien għadu ma ġiex stabbilit.

26.

Fl-2011, is-Servizz ta’ Awditjar Intern tal-Kummissjoni wettaq eżerċizzju ta’ valutazzjoni tar-riskju. Abbażi tar-riżultati tal-valutazzjoni tar-riskju, il-pjan strateġiku tal-verifika għall-2012-2014 ġie ppreżentat lill-Bord tat-Tmexxija għall-adozzjoni fit-22 ta’ Novembru 2011.

27.

Il-karta tal-missjoni tas-Servizz ta’ Awditjar intern tal-Kummissjoni ġiet adottata mill-Bord tat-Tmexxija fit-18 ta’ Novembru 2010. Madankollu, ir-regoli finanzjarji tal-Impriża Konġunta għadhom ma ġewx emendati sabiex jinkludu d-dispożizzjoni tar-Regolament ta’ Qafas (18) li jirreferi għas-setgħat tal-awditur intern tal-Kummissjoni.

28.

L-istatuti tal-Impriża Konġunta ENIAC jistipulaw li l-kontribuzzjonijiet finanzjarji mill-Istati Membri fl-ENIAC għandhom jammontaw għal total ta’ minn tal-inqas 1,8 drabi (19) tal-kontribuzzjoni finanzjarja tal-UE, filwaqt li l-għotjiet tal-Impriża Konġunta jistgħu jilħqu massimu ta’ 16,7 % tat-total tal-ispejjeż eliġibbli tal-proġetti. Għall-ewwel ħames sejħiet għall-proposti, il-kontribuzzjoni finanzjarja mill-Istati Membri fl-ENIAC ammontat għal 1,55 drabi tal-kontribuzzjoni finanzjarja tal-UE.

29.

Għall-kuntrarju tal-Istatuti tal-Impriża Konġunta tal-ENIAC (20), il-Greċja qiegħda tuża l-fondi strutturali tal-EU biex tkopri l-kontribuzzjonijiet nazzjonali tagħha lill-benefiċjarji Griegi tal-proġetti ENIAC (21) minflok ma tipprovdi finanzjament nazzjonali. L-Impriża Konġunta aċċettat li l-Greċja tkompli tipparteċipa fil-proġetti ENIAC imma ebda finanzjament m’huwa qed jiġi pprovdut mill-Impriża Konġunta lill-benefiċjarji Griegi, minħabba li mhuwiex permess kofinanzjament ma’ sors ieħor ta’ finanzjament tal-UE (22).

30.

Skont l-Artikoli 19(4) tal-Istatuti tal-Impriża Konġunta u l-Artikolu 40 tar-Regoli Finanzjarji, tagħha u d-Direttur Eżekuttiv huwa mitlub iħejji rapport ta’ attività annwali. Ir-rapport ta’ attività annwali għandu jindika r-riżultati tal-operazzjonijiet b’referenza għall-objettivi stabbiliti, ir-riskji assoċjati ma’ dawn l-operazzjonijiet, l-użu li jkun sar mir-riżorsi pprovduti u l-effiċjenza u l-effettività tas-sistema ta’ kontroll intern. Għandu jikkonferma wkoll li l-informazzjoni li tifforma l-kontenut tar-rapport tippreżenta stampa ċara u ġusta sakemm ma jkunx ġie speċifikat mod ieħor fi kwalunkwe riżerva relatata ma’ oqsma definiti ta’ dħul u nfiq.

31.

Ir-rapport ta’ attività annwali ma jinkludix valutazzjoni tal-effiċjenza u l-effettività tas-sistema ta’ kontroll intern. Ir-rapport annwali jinkludi d-dgħufijiet li ġejjin:

32.

Matul l-2011 l-Impriża Konġunta stabbilixxiet Pjan tal-Kontinwità tan-Negozju u għamlet progress fil-formalizzazzjoni tal-politiki tas-sigurtà tal-IT. Aktar xogħol huwa meħtieġ sabiex il-Pjan ta’ Rkupru minn Diżastru jiġi ffinalizzat.

33.

Il-ftehim mal-Istat Ospitanti (23) bejn l-Impriża Konġunta u l-awtoritajiet Belġjani dwar spazju għall-uffiċċji, il-privileġġi u l-immunitajiet u appoġġ ieħor li għandu jingħata ġie ffirmat fit-2 ta’ Frar 2012.

10.1.2013   

MT

Il-Ġurnal Uffiċjali tal-Unjoni Ewropea

C 6/27

1.

L-Impriża Konġunta Ewropea għall-implimentazzjoni tal-Inizjattiva Teknoloġika Konġunta dwar il-Mediċini Innovattivi (l-Impriża Konġunta IMI), lokalizzata fi Brussell, twaqqfet f’Diċembru 2007 (1) għal perjodu ta’ 10 snin.

2.

L-objettiv tal-Impriża Konġunta IMI huwa li ttejjeb b'mod sinifikanti l-effikaċja u l-effettività tal-proċess ta’ żvilupp tal-mediċini bil-għan fuq żmien twil li s-settur farmaċewtiku jipproduċi mediċini innovattivi aktar effettivi u siguri (2).

3.

Il-Membri Fundaturi tal-Impriża Konġunta huma l-Unjoni Ewropea rrappreżentata mill-Kummissjoni u l-Federazzjoni Ewropea tal-Industriji u l-Assoċjazzjonijiet Farmaċewtiċi (EFPIA). Kwalunkwe entità legali li direttament jew indirettament tappoġġa r-riċerka u l-iżvilupp fi Stat Membru jew f’pajjiż assoċjat mas-Seba’ Programm Kwadru (3) tista’ tapplika biex issir Membru tal-Impriża Konġunta IMI.

4.

Il-kontribuzzjoni massima tal-UE lill-Impriża Konġunta IMI biex jiġu koperti l-ispejjeż operazzjonali u l-attivitajiet tar-riċerka hija ta’ EUR 1 biljun li jrid jitħallas mis-Seba’ Programm Kwadru għar-Riċerka. L-UE u l-EFPIA, bħala Membri Fundaturi, għandhom jikkontribwixxu b’mod ugwali għall-ispejjeż operazzjonali, fejn kull wieħed għandu jikkontribwixxi ammont li ma jeċċedix l-4 % tal-kontribuzzjoni totali tal-UE. Membri oħra għandhom jikkontribwixxu għall-ispejjeż operazzjonali proporzjonalment mal-kontribuzzjoni tagħhom għall-attivitajiet tar-riċerka. Il-kumpaniji tar-riċerka li huma membri tal-EFPIA għandhom jikkontribwixxu għall-finanzjament ta’ attivitajiet tar-riċerka permezz ta’ kontributi in natura  (4) minn tal-inqas ugwali għall-kontribuzzjoni finanzjarja tal-UE (5).

5.

L-Impriża Konġunta bdiet tiffunzjona b’mod awtonomu fis-16 ta’ Novembru 2009.

6.

L-approċċ tal-verifika meħud mill-Qorti fih proċeduri tal-verifika analitiċi, ittestjar tat-tranżazzjonijiet fil-livell tal-Impriża Konġunta u valutazzjoni tal-kontrolli ewlenin tas-sistemi ta’ sorveljanza u kontroll. Dan huwa supplimentat b’evidenza pprovduta mix-xogħol ta’ awdituri oħrajn (fejn huwa relevanti) u analiżi tar-rappreżentazzjonijiet tal-maniġment.

7.

Skont id-dispożizzjonijiet tal-Artikolu 287(1) tat-Trattat dwar il-Funzjonament tal-Unjoni Ewropea, il-Qorti vverifikat il-kontijiet annwali (6) tal-Impriża Konġunta tal-Inizjattiva tal-Mediċini Innovattivi, li jikkonsistu fir-“rapporti finanzjarji” (7) u fir-“rapporti dwar l-implimentazzjoni tal-baġit” (8) għas-sena finanzjarja li ntemmet fil-31 ta’ Diċembru 2011, u l-legalità u r-regolarità tat-tranżazzjonijiet li fuqhom huma bbażati dawk il-kontijiet.

8.

Din id-Dikjarazzjoni ta’ Assigurazzjoni hija indirizzata lill-Parlament Ewropew u lill-Kunsill skont l-Artikolu 185(2) tar-Regolament tal-Kunsill (KE, Euratom) Nru 1605/2002 (9).

9.

Bħala uffiċjal li jawtorizza, id-Direttur jimplimenta d-dħul u l-infiq tal-baġit skont ir-regoli finanzjarji tal-Impriża Konġunta, fuq ir-responsabbiltà tiegħu stess u fil-limiti tal-approprjazzjonijiet awtorizzati (10). Id-Direttur huwa responsabbli milli jistabbilixxi (11) l-istruttura organizzattiva u s-sistemi u l-proċeduri ta’ ġestjoni u ta’ kontroll interni relevanti għat-tħejjija ta’ kontijiet finali (12) li jkunu ħielsa minn dikjarazzjoni skorretta materjali, sew jekk minħabba fi frodi u sew jekk minħabba xi żball, u biex jiżgura li t-tranżazzjonijiet li fuqhom huma bbażati dawk il-kontijiet huma legali u regolari.

10.

Ir-responsabbiltà tal-Qorti hija li tipprovdi, abbażi tal-verifika tagħha, dikjarazzjoni ta’ assigurazzjoni dwar l-affidabbiltà tal-kontijiet annwali tal-Impriża Konġunta u dwar il-legalità u r-regolarità tat-tranżazzjonijiet li fuqhom huma bbażati.

11.

Il-Qorti mexxiet l-awditu (verifika) tagħha skont l-Istandards Internazzjonali tal-Awditjar (Verifika) u l-Kodiċijiet tal-Etika tal-IFAC u l-ISSAI (13). Dawk l-istandards jeżiġu li l-Qorti tikkonforma mar-rekwiżiti etiċi u professjonali u li tippjana u twettaq l-awditu (verifika) biex tikseb aċċertament (assigurazzjoni) raġonevoli dwar jekk il-kontijiet ikunux ħielsa minn kwalunkwe dikjarazzjoni skorretta materjali u dwar jekk it-tranżazzjonijiet li fuqhom huma bbażati jkunux legali u regolari.

12.

L-awditu (verifika) tal-Qorti jinvolvi t-twettiq ta’ proċeduri biex tinkiseb evidenza għall-awditjar (verifika) dwar l-ammonti u d-divulgazzjonijiet (żvelar) fil-kontijiet u dwar il-legalità u r-regolarità tat-tranżazzjonijiet li fuqhom huma bbażati. Il-proċeduri magħżula, inkluża l-valutazzjoni tagħha tar-riskji ta’ dikjarazzjoni skorretta materjali tal-kontijiet jew ta’ tranżazzjonijiet illegali jew irregolari, sew jekk minħabba frodi u sew jekk minħabba xi żball, jiddependu fuq il-ġudizzju tal-awditjar (verifika) tagħha. Meta jsiru dawk il-valutazzjonijiet tar-riskji, jitqiesu l-kontrolli interni relevanti għat-tħejjija u l-preżentazzjoni tal-kontijiet mill-entità sabiex jitfasslu l-proċeduri tal-awditjar (verifika) li jkunu xierqa skont iċ-ċirkostanzi. L-awditu (verifika) tal-Qorti jinkludi wkoll evalwazzjoni tal-adegwatezza tal-politiki kontabilistiċi li jkunu qed jiġu applikati u r-raġonevolezza tal-istimi kontabilistiċi magħmula mill-maniġment, kif ukoll evalwazzjoni tal-preżentazzjoni kumplessiva tal-kontijiet.

13.

Il-Qorti tqis li l-evidenza għall-awditjar (verifika) miksuba hija suffiċjenti u adegwata biex tipprovdi bażi għall-opinjonijiet imniżżlin hawn taħt.

14.

Fl-opinjoni tal-Qorti, il-kontijiet annwali tal-Impriża Konġunta jippreżentaw b’mod ġust, fl-aspetti materjali kollha, il-pożizzjoni finanzjarja tagħha fil-31 ta’ Diċembru 2011 u r-riżultati tal-operazzjonijiet tagħha u l-flussi tal-flus (likwidità) tagħha għas-sena li tkun intemmet dakinhar, skont id-dispożizzjonijiet tar-regoli finanzjarji tagħha.

15.

L-istrateġija tal-verifika ex-post tal-Impriża Konġunta ġiet adottata b’deċiżjoni tal-Bord ta’ Tmexxija fl-14 ta’ Diċembru 2010 u hija kontroll prinċipali għall-valutazzjoni tal-legalità u r-regolarità tat-tranżazzjonijiet ta’ bażi (14). Il-verifiki ex-post ġew ikkompletati f’Settembru 2012 koprew EUR 2,2 miljun (18,8 % tal-kontribuzzjoni aċċettata tal-Impriża Konġunta IMI għall-ewwel sejħa vvalidata mill-Impriża Konġunta IMI sa Ġunju 2011). Ir-rata ta’ żball li rriżultat minn dawn il-verifiki ex-post kienet 6,84 % (15).

16.

Fl-opinjoni tal-Qorti, għajr għall-effetti tal-kwistjonijiet deskritti fil-paragrafu 15, it-tranżazzjonijiet li fuqhom huma bbażati l-kontijiet annwali tal-Impriża Konġunta għas-sena li ntemmet fil-31 ta’ Diċemru 2011, huma fl-aspetti materjali, legali u regolari.

17.

Il-kummenti segwenti fil-paragrafi 18-32 ma jixħtux dubju fuq l-opinjonijiet tal-Qorti.

18.

Il-baġit annwali u l-pjan ta’ implimentazzjoni 2011 ġew adottati mill-Bord ta’ Tmexxija fl-4 ta’ April 2011 (16) minħabba fil-ħin meħud biex jiġu stabbiliti u jsir qbil dwar il-prijoritajiet xjentifiċi li jridu jiġu inklużi fil-pjan ta’ implimentazzjoni annwali. Dan ittardja l-varatura tas-sejħa għall-proposti. Matul is-sena, l-Impriża Konġunta varat ir-raba’ sejħa għall-proposti, iffirmat ħames ftehimiet ta’ għotja għat-tielet sejħa għall-proposti u tmien ftehimiet ta’ għotja għat-tieni sejħa għall-proposti.

19.

Ir-rata ta’ implimentazzjoni għall-approprjazzjonijiet ta’ impenn ta’ EUR 159 miljun, disponibbli għal attivitajiet ta’ riċerka, kienet 66 % u ġiet implimentata permezz ta’ impenn globali li jkopri r-raba’ sejħa għall-proposti. Il-livell għoli ta’ approprjazzjonijiet mhux użati tal-baġit amministrattiv (44 %) jindika li din ma kinitx ibbażata fuq stimi realistiċi.

20.

Approprjazzjonijiet ta’ impenn li jammontaw għal EUR 117-il miljun u approprjazzjonijiet ta’ pagament li jammontaw għal EUR 65 miljun mhux użati fis-sena finanzjarja 2010 ġew riportati għall-2011 u approprjazzjonijiet ta’ impenn li jammontaw għal EUR 62 miljun u approprjazzjonijiet ta’ pagament li jammontaw għal EUR 11-il miljun mhux użati matul is-sena finanzjarja 2011 ġew riportati għall-2012.

21.

Is-sejħiet għall-proposti organizzati fl-2008, 2009 u 2010 rriżultaw fi ftehimiet ta’ għotja ffirmati li jammontaw għal EUR 269 miljun fi tmiem l-2011. Fl-2011 ir-raba’ sejħa għall-proposti ġiet varata b’kontribuzzjoni tal-UE b’baġit indikattiv ta’ EUR 105 miljun. Fl-2012 il-ħames sejħa għall-proposti ġiet varata b’kontribuzzjoni tal-UE b’baġit indikattiv ta’ EUR 80 miljun. Konsegwentement, jekk is-sejħiet għall-proposti jibqgħu fil-livell kurrenti, huwa probabbli ħafna li t-total disponibbli tal-kontribuzzjoni tal-UE ma jintużax.

22.

Fir-rapport dwar il-ġestjoni baġitarja u dik finanzjarja, l-ammont totali tal-kapitolu 30-C2 “Aġenda għar-riċerka” (EUR 117-il miljun) huwa anqas mil-linja tal-baġit B03000-C2 (EUR 141 miljun) li hija parti mill-kapitolu msemmi qabel. Barra minn hekk, id-Deċiżjoni tal-Bord ta’ Tmexxija tat-28 ta’ Jannar 2011 tawtorizza biss ir-riport ta’ EUR 115-il miljun ta’ approprjazzjonijiet ta’ impenn, filwaqt li r-rapport dwar il-ġestjoni baġitarja u dik finanzjarja jiżvela riport ta’ EUR 117-il miljun.

23.

Matul l-2011 ġie nnutat progress sinjifikanti fir-rigward tas-sistemi ta’ kontroll intern. Madankollu, jinħtieġ aktar xogħol sabiex jiġu stabbiliti u ddokumentati l-proċeduri tal-baġit u tal-kontabilità u l-kontrolli relatati. Barra minn hekk, ma twettqet ebda valutazzjoni formali tas-sistema ta’ kontroll intern matul l-2011.

24.

L-Uffiċjal tal-Kontabilità rrapporta dwar il-validazzjoni tas-sistema kontabilistika fis-27 ta’ Settembru 2012 u enfasizza dgħufijiet sinifikanti li għandhom bżonn jiġu indirizzati (17).

25.

Il-metodoloġija għall-evalwazzjoni ta’ kontributi in natura  (18) ġiet approvata mill-Bord ta’ Tmexxija fil-11 ta’ Novembru 2011. Il-kontributi in natura huma vvalidati permezz ta’ ċertifkazzjoni ex-ante u verifiki ex-post. Fl-2011 ma twettqet ebda ċertifikazzjoni ex-ante u ebda verifika ex-post.

26.

Fl-2011 is-Servizz tal-Awditjar Intern tal-Kummissjoni u l-Kapaċità tal-Verifika Interna tal-Impriża Konġunta wettqu eżerċizzju ta’ valutazzjoni tar-riskju u l-pjan strateġiku tal-verifika għall-2012-2014 ġie approvat mill-Bord ta’ Tmexxija fit-3 ta’ Novembru 2011.

27.

Il-karta tal-missjoni tas-Servizz tal-Awditjar Intern tal-Kummissjoni ġiet adottata mill-Bord ta’ Tmexxija fit-8 ta’ Marzu 2011. Madankollu, ir-regoli finanzjarji tal-Impriża Konġunta s’issa għadhom ma ġewx emendati biex jinkludu d-dispożizzjoni tar-Regolament Strutturali (19).

28.

L-Impriża Konġunta kisbet l-awtonomija tagħha f’Novembru 2009, imma ma sar ebda xogħol ta’ verifika ta’ assigurazzjoni interna sa Marzu 2012 la mis-Servizz tal-Awditjar Intern tal-Kummissjoni u lanqas mill-maniġer tal-verifika interna. Il-maniġer tal-verifika interna huwa involut direttament f’attivitajiet operazzjonali (l-implimentazzjoni tal-istrateġija ex-post, il-qafas tal-KPI, l-analiżi taċ-ċertifikat ex-ante dwar il-kontributi in natura) u ingaġġi oħra ta’ konsultazzjoni.

29.

Id-dispożizzjonijiet tal-ftehim ta’ għotja ma jirrikonoxxux id-dritt tal-Qorti tal-Awdituri li tivverifika l-kontributi in natura ta’ kumpaniji EFPIA għalkemm dawn huma rreġistrati fir-rapporti finanzjarji tal-IMI. Huwa stmat li dawn il-kontribuzzjonijiet se jirrappreżentaw madwar EUR 1 biljun tul ħajjet l-IMI.

30.

Ftehim mal-Istat Ospitanti bejn l-Impriża Konġunta u l-Belġju dwar spazju għall-uffiċċji, privileġġi u immunitajiet u appoġġ ieħor li għandu jingħata mill-Belġju ġie konkluż fit-02 ta’ Frar 2012.

31.

Matul l-2011 l-Impriża Konġunta għamlet progress fil-formalizzazzjoni tal-politiki ta’ sigurtà tal-IT. Madankollu, il-pjan tal-kontinwità tan-negozju u l-pjan ta’ rkupru minn diżastru ma ġewx iffinalizzati.

32.

Skont l-Artikolu 6.4 tal-Istatuti tal-Impriża Konġunta u l-Artikolu 41 tar-regoli finanzjarji tal-Impriża Konġunta IMI, id-Direttur Eżekuttiv huwa meħtieġ li jabbozza rapport ta’ attività annwali inkluża dikjarazzjoni ta’ assigurazzjoni li tiddikjara li l-informazzjoni li hemm fir-rapport tirrappreżenta stampa vera u ġusta għajr hekk kif speċifikat mod ieħor fi kwalunkwe riżerva. Id-dikjarazzjoni ta’ assigurazzjoni nħarġet fi Frar 2012 mingħajr riżerva minkejja n-nuqqas ta’ informazzjoni dwar l-effettività tal-istrateġija tal-verifika ex-post, li hija l-kontroll ewlieni għan-nefqa operazzjonali.

10.1.2013   

MT

Il-Ġurnal Uffiċjali tal-Unjoni Ewropea

C 6/36

1.

L-Impriża Konġunta Ewropea għall-ITER (1) u l-Iżvilupp tal-Enerġija mill-Fużjoni twaqqfet f’Marzu 2007 (2) għal perjodu ta’ 35 sena. Filwaqt li l-faċilitajiet tal-fużjoni prinċipali għandhom jiġu żviluppati f’Cadarache fi Franza, l-Impriża Konġunta tinsab f’Barċellona.

2.

Il-kompiti tal-Impriża Konġunta huma (3):

3.

Il-membri tal-Impriża Konġunta huma l-Euratom, irrappreżentata mill-Kummissjoni Ewropea, l-Istati Membri tal-Euratom u pajjiżi oħra li kkonkludew ftehimiet ta’ koperazzjoni mal-Euratom fil-qasam tal-fużjoni nukleari kkontrollata u li esprimew ix-xewqa tagħhom li jsiru Membri (fil-31 ta’ Diċembru 2011: l-Isvizzera).

4.

L-approċċ tal-verifika meħud mill-Qorti fih proċeduri tal-verifika analitiċi, ittestjar tat-tranżazzjonijiet fil-livell tal-Impriża Konġunta u valutazzjoni tal-kontrolli ewlenin tas-sistemi ta’ sorveljanza u kontroll. Dan huwa supplimentat b’evidenza pprovduta mix-xogħol ta’ awdituri oħrajn (fejn huwa relevanti) u analiżi tar-rappreżentazzjonijiet tal-maniġment.

5.

Skont id-dispożizzjonijiet tal-Artikolu 287(1) tat-Trattat dwar il-Funzjonament tal-Unjoni Ewropea, il-Qorti vverifikat il-kontijiet annwali (5) tal-Impriża Konġunta Ewropea għall-ITER u l-Iżvilupp tal-Enerġija mill-Fużjoni, li jikkonsistu fir-“rapporti finanzjarji” (6) u fir-“rapporti dwar l-implimentazzjoni tal-baġit” (7) għas-sena finanzjarja li ntemmet fil-31 ta’ Diċembru 2011, u l-legalità u r-regolarità tat-tranżazzjonijiet li fuqhom huma bbażati dawk il-kontijiet.

6.

Din id-Dikjarazzjoni ta’ Assigurazzjoni hija indirizzata lill-Parlament Ewropew u lill-Kunsill skont l-Artikolu 185(2) tar-Regolament tal-Kunsill (KE, Euratom) Nru 1605/2002 (8).

7.

Bħala uffiċjal li jawtorizza, id-Direttur jimplimenta d-dħul u l-infiq tal-baġit skont ir-Regolament Finanzjarju tal-Impriża Konġunta, fuq ir-responsabbiltà tiegħu stess u fil-limiti tal-approprjazzjonijiet awtorizzati (9). Id-Direttur huwa responsabbli milli jistabbilixxi (10) l-istruttura organizzattiva u s-sistemi u l-proċeduri ta’ ġestjoni u ta’ kontroll interni relevanti għat-tħejjija ta’ kontijiet finali (11) li jkunu ħielsa minn dikjarazzjoni skorretta materjali, sew jekk minħabba fi frodi u sew jekk minħabba xi żball, u biex jiżgura li t-tranżazzjonijiet li fuqhom huma bbażati dawk il-kontijiet huma legali u regolari.

8.

Ir-responsabbiltà tal-Qorti hija li tipprovdi, abbażi tal-verifika tagħha, dikjarazzjoni ta’ assigurazzjoni dwar l-affidabbiltà tal-kontijiet annwali tal-Impriża Konġunta u dwar il-legalità u r-regolarità tat-tranżazzjonijiet li fuqhom huma bbażati.

9.

Il-Qorti mexxiet l-awditu (verifika) tagħha skont l-Istandards Internazzjonali tal-Awditjar (Verifika) u l-Kodiċijiet tal-Etika tal-IFAC u l-ISSAI (12). Dawk l-istandards jeżiġu li l-Qorti tikkonforma mar-rekwiżiti etiċi u professjonali u li tippjana u twettaq l-awditu (verifika) biex tikseb aċċertament (assigurazzjoni) raġonevoli dwar jekk il-kontijiet ikunux ħielsa minn kwalunkwe dikjarazzjoni skorretta materjali u dwar jekk it-tranżazzjonijiet li fuqhom huma bbażati jkunux legali u regolari.

10.

L-awditu (verifika) tal-Qorti jinvolvi t-twettiq ta’ proċeduri biex tinkiseb evidenza għall-awditjar (verifika) dwar l-ammonti u d-divulgazzjonijiet (żvelar) fil-kontijiet u dwar il-legalità u r-regolarità tat-tranżazzjonijiet li fuqhom huma bbażati. Il-proċeduri magħżula, inkluża l-valutazzjoni tagħha tar-riskji ta’ dikjarazzjoni skorretta materjali tal-kontijiet jew ta’ tranżazzjonijiet illegali jew irregolari, sew jekk minħabba frodi u sew jekk minħabba xi żball, jiddependu fuq il-ġudizzju tal-awditjar (verifika) tagħha. Meta jsiru dawk il-valutazzjonijiet tar-riskji, jitqiesu l-kontrolli interni relevanti għat-tħejjija u l-preżentazzjoni tal-kontijiet mill-entità sabiex jitfasslu l-proċeduri tal-awditjar (verifika) li jkunu xierqa skont iċ-ċirkostanzi. L-awditu (verifika) tal-Qorti jinkludi wkoll evalwazzjoni tal-adegwatezza tal-politiki kontabilistiċi li jkunu qed jiġu applikati u r-raġonevolezza tal-istimi kontabilistiċi magħmula mill-maniġment, kif ukoll evalwazzjoni tal-preżentazzjoni kumplessiva tal-kontijiet.

11.

Il-Qorti tqis li l-evidenza għall-awditjar (verifika) miksuba hija suffiċjenti u adegwata biex tipprovdi bażi għall-opinjonijiet imniżżlin hawn taħt.

12.

Fl-opinjoni tal-Qorti, il-kontijiet annwali tal-Impriża Konġunta jippreżentaw b’mod ġust, fl-aspetti materjali kollha, il-pożizzjoni finanzjarja tagħha fil-31 ta’ Diċembru 2011 u r-riżultati tal-operazzjonijiet tagħha u l-flussi tal-flus (likwidità) tagħha għas-sena li ntemmet dakinhar, skont id-dispożizzjonijiet tar-Regolament Finanzjarju tagħha.

13.

Fl-opinjoni tal-Qorti, it-tranżazzjonijiet li fuqhom huma bbażati l-kontijiet annwali tal-Impriża Konġunta Ewropea għall-ITER u l-Iżvilupp tal-Enerġija mill-Fużjoni għas-sena finanzjarja li ntemmet fil-31 ta’ Diċembru 2011 huma legali u regolari fl-aspetti materjali kollha.

14.

Il-kummenti segwenti fil-paragrafi 15 sa 32 ma jixħtux dubju fuq l-opinjonijiet tal-Qorti.

15.

Ir-rati ta’ utilizzazzjoni għall-approprjazzjonijiet ta’ impenn u ta’ pagament disponibbli kienu 99,7 % u 85,7 % rispettivament. Mill-EUR 611-il miljun ta’ approprjazzjonijiet ta’ impenn disponibbli għall-attivitajiet operazzjonali, 42 % ġew implimentati permezz ta’ impenji diretti indiviwali filwaqt li t-58 % li kien għad fadal ġew implimentati permezz ta’ impenji globali.

16.

Il-Qorti tal-Awdituri kienet diġà rrappurtat li s-sistemi ta’ kontroll intern tal-Impriża Konġunta ma kinux ġew stabbiliti u implimentati għalkollox kif meħtieġ mir-Regolament Finanzjarju tagħha (13). Fil-31 ta’ Mejju 2010 l-Awditur Intern tal-Impriża Konġunta ħareġ rapport li qajjem tħassib dwar iċ-ċirkuwiti finanzjarji u s-separazzjoni tad-dmirijiet.

17.

Bi tweġiba għal dan, il-Bord tat-Tmexxija adotta pjan ta’ titjib tal-ġestjoni f'Ġunju 2010 flimkien ma’ proposta biex tinbidel l-istruttura organizzattiva u biex jiġu rinforzati ċ-ċirkuwiti finanzjarji. Għalkemm sar progress sinifikanti (14), hemm bżonn li jiġu implimentati għadd ta’ azzjonijiet:

18.

Kif innutat fir-rapport 2010 tagħha (17), l-Impriża Konġunta għandha bżonn ittejjeb l-isforzi tagħha biex iżżid il-kompetizzjoni. L-għadd ta’ offerti rċevuti għall-proċeduri tal-akkwist operazzjonali ffirmati fl-2011 xorta kien għadu baxx (18) u ammonta għal medja ta’ tnejn; għall-għotjiet l-għadd medju ta’ proposti rċevuti kien biss ta’ wieħed għal kull sejħa.

19.

F’każ minnhom id-deċiżjoni li proċedura miftuħa tiġi kkanċellata u li tintuża proċedura nnegozjata ma kinitx debitament iġġustifikata. F’każ ieħor, l-Impriża Konġunta ddeċidiet li tinnegozja ma’ żewġ kumpaniji li ppreżentaw offerti skont il-proċedura miftuħa (għalkemm waħda minnhom ma kinitx teknikament konformi). F’każ ieħor, kemm l-għażla tal-proċedura nnegozjata u kif ukoll il-kwantitajiet u l-prezz ikkuntrattati ma kinux debitament iġġustifikati.

20.

Il-verifika tal-Qorti kkonfermat is-sejbiet ta’ verifika interna mwettqa fl-2011 fil-qasam tal-akkwist, notevolment li:

21.

Il-verifika żvelat ukoll li l-proċeduri tal-kontroll ex ante applikati għal pagamenti magħmula skont kuntratti u ftehimiet ta’ għotjiet mhumiex iddokumentati b’mod suffiċjenti (20).

22.

L-Impriża Konġunta għandha sistema biex twettaq verifiki (21) fil-livell ta’ kuntratturi bl-iskop li tiċċekkja l-konformità mar-rekwiżiti tal-assigurazzjoni tal-kwalità (22). Madankollu, l-ambitu ta’ dawn il-verifiki ma jkoprix l-aspetti finanzjarji tal-implimentazzjoni tal-kuntratti.

23.

Matul l-2011 l-Impriża Konġunta bdiet tagħmel kontrolli ex post biex teżamina l-legalità u r-regolarità tal-implimentazzjoni tal-għotjiet mogħtija. Minkejja l-progress li sar (23), l-Impriża Konġunta m’għandhiex strateġija globali ta’ kontroll ex post. Strateġija ta’ dan it-tip għandha tkopri l-implimentazzjoni ta’ kuntratti ta’ għotjiet u kuntratti ta’ akkwist.

24.

Fit-28 ta’ Marzu 2012 il-Bord tat-Tmexxija adotta l-politika tal-Impriża Konġunta dwar id-drittijiet tal-proprjetà intellettwali u t-tixrid ta’ informazzjoni. Madankollu, regoli dettaljati għall-implimentazzjoni tagħha kienu għadhom ma tħejjewx waqt iż-żmien tal-verifika (April 2012) hekk kif meħtieġ skont l-Istatuti (24).

25.

Il-Bord tat-Tmexxija s’issa għadu ma adottax il-politika industrijali li hija meħtieġa skont l-Istatuti (25).

26.

Il-pagamenti tal-kontribuzzjonijiet 2011 minn 12-il membru kienu soġġetti għal dewmien.

27.

Il-karta tal-missjoni tas-Servizz tal-Awditjar Intern tal-Kummissjoni ġiet adottata mill-Bord tat-Tmexxija fil-25 ta’ Novembru 2011 flimkien ma’ pjan koordinat tal-verifika strateġika għall-2012-2014. Ir-Regolament Finanzjarju tal-Impriża Konġunta ġie emendat kif xieraq biex jintroduċi d-dispożizzjonijiet tar-Regolament Strutturali (26) li jirreferu għas-setgħat tal-awditur intern tal-Kummissjoni.

28.

Fid-9 ta’ Ottubru 2008 l-Qorti ħarġet l-Opinjoni Nru 4/2008 dwar ir-Regolament Finanzjarju tal-Enerġija mill-Fużjoni. Din l-opinjoni kien fiha 50 rakkomandazzjoni. Fil-laqgħa tiegħu tal-1 ta’ Ġunju 2011 il-Bord tat-Tmexxija tal-Impriża Konġunta ddeċieda li b’mod wiesa’ jaċċetta l-osservazzjonijiet tal-Qorti tal-Awdituri (37 rakkomandazzjoni ġew aċċettati kompletament, 11 aċċettati bil-kummenti u 2 biss ġew irrifjutati), u emenda r-Regolament Finanzjarju tagħha kif xieraq (27).

29.

Madankollu, l-Qorti tqis li xi dispożizzjonijiet fir-regoli ta’ implimentazzjoni tal-Impriża Konġunta (28) jiddevjaw mir-regoli ta’ implimentazzjoni tar-Regolament Finanzjarju Ġenerali tal-UE mingħajr ġustifikazzjoni suffiċjenti.

30.

F’Lulju 2010 (29), il-Kunsill ftiehem dwar l-istima reveduta tal-baġit tal-kontribuzzjoni tal-Impriża Konġunta għall-fażi ta’ kostruzzjoni li ammontat għal EUR 6,6 biljun (valur 2008) u b’hekk irdoppja l-istima inizjali. Kif kien irrappurtat mill-awditur intern (30), l-Impriża Konġunta għad m’għandhiex għodda biex timmonitorja l-validità tal-istimi u tirrapporta dwar devjazzjonijiet potenzjali.

31.

Fl-1 ta’ Diċembru 2011 intlaħaq ftehim mill-Kunsill, il-Parlament Ewropew u l-Kummissjoni dwar il-finanzjament tal-EUR 1 300 miljun fi spejjeż addizzjonali għall-proġett ITER għall-2012-2013 (31).

32.

Skont il-Ftehim mal-Istat Ospitanti ffirmat mar-Renju ta’ Spanja fit-28 ta’ Ġunju 2007, il-bini permanenti kellu jkun disponibbli għall-Impriża Konġunta sa Ġunju 2010. Madankollu, fiż-żmien tal-verifika (April 2012) dan kien għadu ma ġarax.

10.1.2013   

MT

Il-Ġurnal Uffiċjali tal-Unjoni Ewropea

C 6/46

1.

L-Impriża Konġunta SESAR, li tinsab fi Brussell, twaqqfet fi Frar 2007 (1) sabiex iġġesti l-attivitajiet tal-programm SESAR (Riċerka dwar il-Ġestjoni tat-Traffiku tal-Ajru tas-Sema Uniku Ewropew).

2.

Il-programm SESAR jimmira li jimmodernizza l-Ġestjoni tat-Traffiku tal-Ajru (ATM) fl-Ewropa u huwa maqsum fi tliet fażijiet:

3.

L-Impriża Konġunta hija mfassla bħala sħubija pubblika-privata. Il-membri fondaturi huma l-Unjoni Ewropea rrappreżentata mill-Kummissjoni Ewropea, u l-Eurocontrol rrappreżentata mill-Aġenzija tagħha. Wara sejħa għall- espressjonijiet ta’ interess, 15-il intrapriża pubblika u privata mill-industrija tan-navigazzjoni tal-ajru huma membri tal-Impriża Konġunta. Dawn jinkludu fornituri tas-servizzi tan-navigazzjoni tal-ajru, l-industrija tal-manifattura tal-art u tal-ajruspazju, manifatturi tal-ajruplani, awtoritajiet tal-ajruport u manifatturi ta’ tagħmir għal operazzjonijiet tal-ajru.

4.

Il-baġit għall-fażi ta’ żvilupp tal-programm SESAR huwa ta’ EUR 2,1 biljun, li jrid jingħata f'partijiet ugwali mill-UE, mill-Eurocontrol u mill-imsieħba pubbliċi u privati parteċipanti. Il-kontribuzzjoni tal-UE hija ffinanzjata mis-Seba' Programm ta’ Qafas għar-Riċerka u mill-programm tan-Netwerk tat-Trasport Trans Ewropew. Madwar 90 % tal-finanzjament mill-Eurocontrol u mill-partijiet interessati l-oħrajn jieħdu l-għamla ta’ kontribuzzjonijiet mhux finanzjarji.

5.

L-Impriża Konġunta SESAR bdiet taħdem b'mod awtonomu fl-10 ta’ Awwissu 2007.

6.

L-approċċ tal-verifika meħud mill-Qorti fih proċeduri tal-verifika analitiċi, ittestjar tat-tranżazzjonijiet fil-livell tal-Impriża Konġunta u valutazzjoni tal-kontrolli ewlenin tas-sistemi ta’ sorveljanza u kontroll. Dan huwa supplimentat b'evidenza pprovduta mix-xogħol ta’ awdituri oħrajn (fejn huwa relevanti) u analiżi tar-rappreżentazzjonijiet tal-maniġment.

7.

Skont id-dispożizzjonijiet tal-Artikolu 287 tat-Trattat dwar il-Funzjonament tal-Unjoni Ewropea, il-Qorti vverifikat il-kontijiet annwali (2) tal-Impriża Konġunta SESAR, li jikkonsistu fir-“rapporti finanzjarji” (3) u fir-“rapporti dwar l-implimentazzjoni tal-baġit” (4) għas-sena finanzjarja li ntemmet fil-31 ta’ Diċembru 2011, u l-legalità u r-regolarità tat-tranżazzjonijiet li fuqhom huma bbażati dawk il-kontijiet.

8.

Bħala uffiċjal li jawtorizza, id-Direttur jimplimenta d-dħul u l-infiq tal-baġit skont ir-regoli finanzjarji (5) tal-Impriża Konġunta, fuq ir-responsabbiltà tiegħu stess u fil-limiti tal-approprjazzjonijiet awtorizzati (6). Id-Direttur huwa responsabbli milli jistabbilixxi l-istruttura organizzattiva u s-sistemi u l-proċeduri ta’ ġestjoni u ta’ kontroll interni relevanti għat-tħejjija ta’ kontijiet finali (7) li jkunu ħielsa minn dikjarazzjoni skorretta materjali, sew jekk minħabba fi frodi u sew jekk minħabba xi żball, u biex jiżgura li t-tranżazzjonijiet li fuqhom huma bbażati dawk il-kontijiet huma legali u regolari.

9.

Ir-responsabbiltà tal-Qorti hija li tipprovdi, abbażi tal-verifika tagħha, dikjarazzjoni ta’ assigurazzjoni dwar l-affidabbiltà tal-kontijiet annwali tal- Impriża Konġunta u dwar il-legalità u r-regolarità tat-tranżazzjonijiet li fuqhom huma bbażati.

10.

Il-Qorti mexxiet l-awditu (verifika) tagħha skont l-Istandards Internazzjonali tal-Awditjar (Verifika) u l-Kodiċijiet tal-Etika tal-IFAC u l-Istandards Internazzjonali tal-Istituzzjonijiet Supremi tal-Verifika tal-INTOSAI. Dawn l-istandards jeżiġu li l-Qorti tippjana u twettaq l-awditu (verifika) biex tikseb aċċertament (assigurazzjoni) raġonevoli dwar jekk il-kontijiet annwali tal-Aġenzija jkunux ħielsa minn kwalunkwe dikjarazzjoni skorretta materjali u dwar jekk it-tranżazzjonijiet li fuqhom huma bbażati jkunux legali u regolari.

11.

Awditu (Verifika) jinvolvi t-twettiq ta’ proċeduri biex tinkiseb evidenza għall-awditjar (verifika) dwar l-ammonti u d-divulgazzjonijiet (żvelar) fil-kontijiet u dwar il-legalità u r-regolarità tat-tranżazzjonijiet li fuqhom huma bbażati. Il-proċeduri jintgħażlu skont il-ġudizzju tal-awditur, inkluża valutazzjoni tar-riskji ta’ dikjarazzjoni skorretta materjali tal-kontijiet u ta’ nuqqas ta’ konformità materjali tat-tranżazzjonijiet ta’ bażi mar-rekwiżiti tal-qafas legali tal-Unjoni Ewropea, sew jekk minħabba frodi u sew jekk minħabba xi żball. Meta jivvaluta dawk ir-riskji, l-awditur iqis il-kontrolli interni relevanti għat-tħejjija u l-preżentazzjoni ġusta tal-kontijiet u tas-sistemi ta’ sorveljanza u kontroll implimentati sabiex jiġu aċċertati (żgurati) l-legalità u r-regolarità tat-tranżazzjonijiet ta’ bażi, sabiex ifassal il-proċeduri tal-awditjar (verifika) li jkunu xierqa skont iċ-ċirkostanzi. Awditu (Verifika) jinkludi wkoll evalwazzjoni tal-adegwatezza tal-politiki kontabilistiċi li jkunu qed jiġu applikati u r-raġonevolezza tal-istimi kontabilistiċi magħmula, kif ukoll evalwazzjoni tal-preżentazzjoni kumplessiva tal-kontijiet.

12.

Il-Qorti tqis li l-evidenza għall-awditjar (verifika) miksuba hija suffiċjenti u adegwata biex tipprovdi bażi għad-dikjarazzjoni ta’ assigurazzjoni tagħha.

13.

Fl-opinjoni tal-Qorti, il-kontijiet annwali tal-Impriża Konġunta SESAR jippreżentaw b'mod ġust, fl-aspetti materjali kollha, il-pożizzjoni finanzjarja tagħha fil-31 ta’ Diċembru 2011 u r-riżultati tal-operazzjonijiet tagħha u l-flussi tal-flus (likwidità) tagħha għas-sena li ntemmet dakinhar, skont id-dispożizzjonijiet tar-Regolament Finanzjarju tagħha u r-regoli tal-kontabilità adottati mill-Uffiċjal tal-Kontabilità tal-Kummissjoni (8).

14.

Fl-opinjoni tal-Qorti, it-tranżazzjonijiet li fuqhom huma bbażati l-kontijiet annwali tal-Impriża Konġunta SESAR għas-sena finanzjarja li ntemmet fil-31 ta’ Diċembru 2011 huma legali u regolari fl-aspetti materjali kollha.

15.

Il-kummenti li ġejjin ma jixħtux dubju fuq l-opinjonijiet tal-Qorti.

16.

Il-baġit finali għall-2011 adottat mill-Bord Amministrattiv kien jinkludi approprjazzjonijiet tal-impenji ta’ EUR 148 miljun u approprjazzjonijiet tal-pagamenti ta’ EUR 91,7 miljun. Ir-rati ta’ użu għall-approprjazzjonijiet ta’ impenji u ta’ pagament kienu 99,4 % u 82,4 % rispettivament.

17.

Fl-2011, il-kontribuzzjonijiet mill-membri (EUR 34 miljun) flimkien mar-riżultat tas-sena ta’ qabel (EUR 57 miljun) u sorsi oħra ta’ dħul (EUR 0,2 miljun) ammontaw għal EUR 91,2 miljun, kontra pagamenti ta’ EUR 75,6 miljun. Dan wassal għal riżultat tal-baġit pożittiv ta’ EUR 15,6 miljun u depożiti fil-kontijiet tal-bank fi tmiem is-sena li jammontaw għal EUR 15,3 miljun. Dan imur kontra l-prinċipju baġitarju tal-ekwilibriju.

18.

Il-Qorti tinnota li analiżi tal-proċessi tan-negozju tal-Impriża Konġunta li twettqet minn awditur estern indipendenti fl-2011 sabet li s-sistemi ta’ kontroll intern kienu qed joperaw b'mod effettiv. F'April tal-2012, l-Uffiċjal tal-Kontabilità vvalida b'mod formali l-proċessi tan-negozju ta’ bażi, f'konformità mar-Regoli Finanzjarji tal-Impriża Konġunta.

19.

Il-Qorti qabel osservat li l-Kummissjoni u l-Impriża Konġunta SESAR ħadu azzjoni biex jiċċaraw l-irwoli operazzjonali rispettivi tas-Servizz tal-Awditjar (Verifika) Intern tal-Kummissjoni (IAS) u tal-funzjoni tal-verifika interna tal-Impriża Konġunta (9).

20.

Il-Qorti tinnota li, f'Novembru 2011, il-Bord Amministrattiv tal-Impriża Konġunta adotta Pjan ta’ Verifika Strateġiku Koordinat tal-IAS għall-Impriża Konġunta għall-perjodu 2012-2014.

21.

Id-data tal-għeluq tal-1 ta’ Lulju 2010 għal pagament lill-Impriża Konġunta tal-kontribuzzjonijiet fi flus mill-membri tagħha għal dik is-sena ma ġietx rispettata. Fl-aħħar ta’ Awwissu 2011 kien għad fadal 17-il ordni ta’ rkupru pendenti, li jammontaw għal EUR 3,7 miljun. Membru wieħed ma kien ħallas l-ebda kontribuzzjoni annwali sal-aħħar tal-2011.

10.1.2013   

MT

Il-Ġurnal Uffiċjali tal-Unjoni Ewropea

C 6/56

1.

L-Impriża Konġunta taċ-Ċelloli tal-Fjuwil u l-Idroġenu (Impriża Konġunta FCH), li tinsab fi Brussell, twaqqfet f’Mejju 2008 (1) għall-perjodu sal-31 ta’ Diċembru 2017.

2.

L-objettivi tal-Impriża Konġunta FCH jinkludu l-appoġġ tar-riċerka, l-iżvilupp teknoloġiku u l-attivitajiet ta’ dimostrazzjoni fl-Istati Membri u pajjiżi assoċjati mas-Seba’ Programm Kwadru (2) b’mod koordinat flimkien ma’ organizzazzjonijiet tal-industrija u tar-riċerka sabiex tiffoka fuq l-iżvilupp ta’ applikazzjonijiet tas-suq u b’hekk tiffaċilita sforzi industrijali addizzjonali lejn utilizzazzjoni mgħaġġla tat-teknoloġiji taċ-ċelloli tal-fjuwil u l-idroġenu (3).

3.

Il-Membri tal-Impriża Konġunta huma l-Unjoni Ewropea, irrappreżentata mill-Kummissjoni, in-New Energy World Industry Grouping (NEW-IG) u l-Komunità tar-riċerka (N.ERGHY).

4.

Il-kontribuzzjoni massima tal-UE lill-Impriża Konġunta FCH biex tkopri l-ispejjeż ta’ ġestjoni u l-attivitajiet tar-riċerka hija ta’ EUR 470 miljun iffinanzjati mill-baġit tas-Seba’ Programm Kwadru, li minnha l-proporzjon assenjat għal spejjeż ta’ ġestjoni m’għandux ikun aktar minn EUR 20 miljun. NEW-IG għandu jikkontribwixxi 50 % tal-ispejjeż ta’ ġestjoni u N.ERGHY għandha tikkontribwixxi 1/12 tal-ispejjeż ta’ ġestjoni u għandha tikkontribwixxi għall-ispejjeż operazzjonali permezz ta’ kontribuzzjonijiet in natura  (4) li jkunu għall-anqas ekwivalenti għall-kontribuzzjoni finanzjarja tal-Unjoni.

5.

L-Impriża Konġunta ngħatat l-awtonomija finanzjarja tagħha fil-15 ta’ Novembru 2010.

6.

L-approċċ tal-verifika meħud mill-Qorti fih proċeduri tal-verifika analitiċi, ittestjar tat-tranżazzjonijiet fil-livell tal-Impriża Konġunta u valutazzjoni tal-kontrolli ewlenin tas-sistemi ta’ sorveljanza u kontroll tal-Impriża Konġunta. Dan huwa supplimentat b’evidenza pprovduta mix-xogħol ta’ awdituri oħrajn (fejn huwa relevanti) u analiżi tar-rappreżentazzjonijiet tal-maniġment.

7.

Skont id-dispożizzjonijiet tal-Artikolu 287(1) tat-Trattat dwar il-Funzjonament tal-Unjoni Ewropea, il-Qorti vverifikat il-kontijiet annwali (5) tal-Impriża Konġunta taċ-Ċelloli tal-Fjuwil u l-Idroġenu, li jikkonsistu fir-“rapporti finanzjarji” (6) u fir-“rapporti dwar l-implimentazzjoni tal-baġit” (7) għas-sena finanzjarja li ntemmet fil-31 ta’ Diċembru 2011, u l-legalità u r-regolarità tat-tranżazzjonijiet li fuqhom huma bbażati dawk il-kontijiet.

8.

Din id-Dikjarazzjoni ta’ Assigurazzjoni hija indirizzata lill-Parlament Ewropew u lill-Kunsill skont l-Artikolu 185(2) tar-Regolament tal-Kunsill (KE, Euratom) Nru 1605/2002 (8).

9.

Bħala uffiċjal li jawtorizza, id-Direttur jimplimenta d-dħul u l-infiq tal-baġit skont ir-regoli finanzjarji tal-Impriża Konġunta, fuq ir-responsabbiltà tiegħu stess u fil-limiti tal-approprjazzjonijiet awtorizzati (9). Id-Direttur huwa responsabbli milli jistabbilixxi (10) l-istruttura organizzattiva u s-sistemi u l-proċeduri ta’ ġestjoni u ta’ kontroll interni relevanti għat-tħejjija ta’ kontijiet finali (11) li jkunu ħielsa minn dikjarazzjoni skorretta materjali, sew jekk minħabba fi frodi u sew jekk minħabba xi żball, u biex jiżgura li t-tranżazzjonijiet li fuqhom huma bbażati dawk il-kontijiet huma legali u regolari.

10.

Ir-responsabbiltà tal-Qorti hija li tipprovdi, abbażi tal-verifika tagħha, dikjarazzjoni ta’ assigurazzjoni dwar l-affidabbiltà tal-kontijiet annwali tal-Impriża Konġunta u dwar il-legalità u r-regolarità tat-tranżazzjonijiet li fuqhom huma bbażati.

11.

Il-Qorti mexxiet l-awditu (verifika) tagħha skont l-Istandards Internazzjonali tal-Awditjar (Verifika) u l-Kodiċijiet tal-Etika tal-IFAC u l-ISSAI (12). Dawn l-istandards jeżiġu li l-Qorti tkun konformi mar-rekwiżiti etiċi u professjonali u li tippjana u twettaq l-awditu (verifika) biex tikseb aċċertament (assigurazzjoni) raġonevoli dwar jekk il-kontijiet ikunux ħielsa minn kwalunkwe dikjarazzjoni skorretta materjali u dwar jekk it-tranżazzjonijiet li fuqhom huma bbażati jkunux legali u regolari.

12.

L-awditu (verifika) tal-Qorti jinvolvi t-twettiq ta’ proċeduri biex tinkiseb evidenza għall-awditjar (verifika) dwar l-ammonti u d-divulgazzjonijiet (żvelar) fil-kontijiet u dwar il-legalità u r-regolarità tat-tranżazzjonijiet li fuqhom huma bbażati. Il-proċeduri magħżula, inkluża l-valutazzjoni tagħha tar-riskji ta’ dikjarazzjoni skorretta materjali tal-kontijiet jew ta’ tranżazzjonijiet illegali jew irregolari, sew jekk minħabba frodi u sew jekk minħabba xi żball, jiddependu fuq il-ġudizzju tal-awditjar (verifika) tagħha. Meta jsiru dawk il-valutazzjonijiet tar-riskji, jitqiesu l-kontrolli interni relevanti għat-tħejjija u l-preżentazzjoni tal-kontijiet mill-entità sabiex jitfasslu l-proċeduri tal-awditjar (verifika) li jkunu xierqa skont iċ-ċirkostanzi. L-awditu (verifika) tal-Qorti jinkludi wkoll evalwazzjoni tal-adegwatezza tal-politiki kontabilistiċi li jkunu qed jiġu applikati u r-raġonevolezza tal-istimi kontabilistiċi magħmula mill-maniġment, kif ukoll evalwazzjoni tal-preżentazzjoni kumplessiva tal-kontijiet.

13.

Il-Qorti tqis li l-evidenza għall-awditjar (verifika) miksuba hija suffiċjenti u adegwata biex tipprovdi bażi għall-opinjonijiet imniżżlin hawn taħt.

14.

Fl-opinjoni tal-Qorti, il-kontijiet annwali tal-Impriża Konġunta jippreżentaw b’mod ġust, fl-aspetti materjali kollha, il-pożizzjoni finanzjarja tagħha fil-31 ta’ Diċembru 2011 u r-riżultati tal-operazzjonijiet tagħha u l-flussi tal-flus (likwidità) tagħha għas-sena li ntemmet dakinhar, skont id-dispożizzjonijiet tar-regoli finanzjarji tagħha.

15.

Strateġija tal-verifika ex post kienet adottata mill-Bord ta’ Tmexxija f’Jannar 2011 u hi kontroll ewlieni għall-valutazzjoni tal-legalità u r-regolarità tat-tranżazzjonijiet ta’ bażi (13). Tmienja biss minn tnax-il verifika ex post kienu kkompletati sa Settembru 2012 li jkopru EUR 4,8 miljun (27 % tal-klejms kollha għall-ispejjeż irċevuti mill-Impriża Konġunta FCH fl-2011). Sitta mill-verifiki ma ppreżentawx żbalji materjali imma t-tnejn l-oħra qabdu żbalji sinifikanti (14), li l-akbar fosthom (EUR 764 000) ġie kkoreġut fis-sena ta’ wara.

16.

Fl-opinjoni tal-Qorti, għajr għall-effetti tal-kwistjonijiet deskritti fil-paragrafu 15, it-tranżazzjonijiet li fuqhom huma bbażati l-kontijiet annwali tal-Impriża Konġunta għas-sena li ntemmet fil-31 ta’ Diċembru 2011 huma legali u regolari fl-aspetti materjali kollha.

17.

Il-kummenti li jsegwu fil-paragrafi 18 sa 27 ma jixħtux dubju fuq l-opinjonijiet tal-Qorti.

18.

Il-baġit finali 2011 inkluda approprjazzjonijiet ta’ impenn u ta’ pagament li ammontaw għal EUR 117-il miljun u EUR 60 miljun rispettivament. Ir-rati ta’ utilizzazzjoni għall-approprjazzjonijiet ta’ impenn u ta’ pagament disponibbli kienu 99,8 % u 87,9 % rispettivament. Ammont ta’ EUR 112-il miljun li jirrappreżenta approprjazzjonijiet ta’ impenn disponibbli għal attivitajiet operazzjonali (it-Titolu III tal-baġit) kien implimentat permezz ta’ impenn globali relatat mas-sejħa għal proposti 2011.

19.

Il-proċedura baġitarja msemmija fir-regoli finanzjarji tal-Impriża Konġunta FCH (15) ma kinitx segwita; id-deroga mogħtija mill-Kummissjoni sabiex jiddaħħlu approprjazzjonijiet ikkanċellati fl-estimi tad-dħul u l-infiq għat-tliet snin ta’ wara kienet interpretata ħażin. L-Impriża Konġunta għażlet li tuża approprjazzjonijiet ta’ pagament li jammontaw għal EUR 3,3 miljun (16) (li jirrappreżentaw approprjazzjonijiet ta’ pagament riportati mill-2010 għall-2011) ukoll jekk EUR 6,3 miljun f’approprjazzjonijiet ta’ pagament awtorizzati għas-sena finanzjarja attwali kienu għadhom disponibbli (17). B’konsegwenza tal-interpretazzjoni tal-proċedura baġitarja mill-Impriża Konġunta FCH, ir-riżultat baġitarju tas-sena mhuwiex korrett, minħabba li EUR 6,3 miljun (18) f’approprjazzjonijiet ta’ pagament riportati mill-2011 għall-2012 ma ġewx inklużi fil-kalkolu. Barra minn hekk, il-kont tar-riżultat baġitarju għall-2010 ma jirriflettix it-EUR 3,3 miljun f’approprjazzjonijiet ta’ pagament riportati mill-2010 għall-2011.

20.

Impenji globali mhux użati mill-2010 li ammontaw għal EUR 10,4 miljun u bid-data finali ta’ implimentazzjoni tal-31 ta’ Diċembru 2011, ma kinux diżimpenjati sa tmiem l-2011 imma kienu diżimpenjati f’Jannar 2012.

21.

Is-sejħiet għal proposti organizzati fl-2008, l-2009 u l-2010 rriżultaw fi ftehimiet ta’ għotja ffirmati li ammontaw għal total ta’ EUR 183,4 miljun (19), u fl-2011 tnediet ir-raba’ sejħa għal proposti li ammontat għal EUR 111,6 miljun, li tirrappreżenta 41 % u 25 % rispettivament tal-kontribuzzjoni massima tal-UE lill-Impriża Konġunta għal attivitajiet ta’ riċerka (20). L-evalwazzjoni tas-sejħa kienet finalizzata fl-2011 u l-proġetti magħżula bħalissa jinsabu fil-proċess ta’ negozjati. F’Jannar 2012 tnediet il-ħames sejħa għal proposti li ammontat għal EUR 79 miljun, 18 % oħra tal-kontribuzzjoni massima tal-UE. Dan juri progress sodisfaċenti fl-implimentazzjoni tal-baġit.

22.

Fi tmiem l-2011, il-proċessi ta’ negozju ta’ bażi kienu ġew ivvalidati mill-Uffiċjal tal-Kontabilità (21) kif mitlub mir-regoli finanzjarji tal-Impriża Konġunta. Fir-rapport tagħha, għadd ta’ dgħufijiet (22) ġew identifikati u se jiġu segwiti mill-Uffiċjal tal-Kontabilità fl-2012.

23.

Il-metodu għall-evalwazjoni tal-livell ta’ kontribuzzjoni in natura  (23) ġie ffinalizzat (24) u kien ivvalutat b’mod konġunt mis-Servizz tal-Awditjar Intern (IAS) u l-Kapaċità tal-Awditjar Intern (IAC) f’April 2012 (25). Il-livell aggregat tal-kontribuzzjonijiet in natura vvalidati mill-Uffiċjal li Jawtorizza fit-8 ta’ Frar 2012 (id-data ta’ skadenza użata għat-tħejjija tal-Kontijiet Proviżorji 2011) kien ta’ EUR 347,6 miljun. Ir-rapport ta’ valutazzjoni kkonkluda li dan l-ammont għandu jitnaqqas b’EUR 0,93 miljun (26) (jew 0,3 %).

24.

Fi tmiem Diċembru 2011 il-bilanċ fil-kont tal-bank tal-Impriża Konġunta FCH kien ta’ EUR 9,2 miljun (27). Bejn ix-xhur ta’ Awwissu 2011 u Diċembru 2011 il-bilanċ tal-flus tal-Impriża Konġunta FCH varja minn bejn wieħed u ieħor EUR 30 miljun sa EUR 60 miljun. L-Impriża Konġunta mistennija timplimenta l-miżuri kollha neċessarji biex timminimizza l-bilanċi tal-flus miżmuma akkont għal-livelli li huma meħtieġa.

25.

Matul l-2011, l-Impriża Konġunta stabbilixxiet Pjan tal-Kontinwità tan-Negozju u għamlet progress fil-formalizzazzjoni tal-politiki ta’ sigurtà tal-IT. Il-Pjan tal-Kontinwità tan-Negozju inkluż pjan ta’ rkupru minn diżastru ġie adottat mill-Impriża Konġunta FCH fit-12 ta’ Ġunju 2012.

26.

Ir-regoli finanzjarji tal-Impriża Konġunta għadhom ma ġewx emendati sabiex jinkludu d-dispożizzjoni li tirreferi għas-setgħat tal-Awditur Intern tal-Kummissjoni (28).

27.

Il-Ftehim mal-Istat Ospitanti (29) bejn l-Impriża Konġunta u l-awtoritajiet Belġjani dwar spazji għall-uffiċċji, privileġġi u immunitajiet u appoġġ ieħor li għandu jingħata ġie ffirmat fit-3 ta’ Frar 2012.