21.12.2012   

MT

Il-Ġurnal Uffiċjali tal-Unjoni Ewropea

C 396/1

(1)

L-Ungerija nnotifikat it-titlu addizzjonali li ġej ta' perit (il-punt 5.7.1 tal-Anness V, tad-Direttiva 2005/36/KE):

(2)

L-Italja nnotifikat it-titlu addizzjonali li ġej ta' perit (il-punt 5.7.1 tal-Anness V, tad-Direttiva 2005/36/KE):

(3)

Il-Polonja nnotifikat it-titlu addizzjonali li ġej ta' perit (il-punt 5.7.1 tal-Anness V, tad-Direttiva 2005/36/KE):

(4)

L-Awstrija nnotifikat it-titlu addizzjonali li ġej ta' perit (il-punt 5.7.1 tal-Anness V, tad-Direttiva 2005/36/KE):

(5)

Ir-Renju Unit innotifika l-bidliet li ġejjin fit-titli ta’ perit (il-punt 5.7.1 tal-Anness V tad-Direttiva 2005/36/KE):

(6)

Spanja nnotifika l-bidliet li ġejjin fit-titli ta' periti (il-punt 5.7.1 tal-Anness V għad-Direttiva 2005/36/KE):

21.12.2012   

MT

Il-Ġurnal Uffiċjali tal-Unjoni Ewropea

C 396/8

1.

fl-Artikolu 168 tat-Trattat dwar il-Funzjonament tal-Unjoni Ewropea, li jiddikjara li għandu jiġi żgurat livell għoli ta' protezzjoni tas-saħħa tal-bniedem fid-definizzjoni u l-implimentazzjoni tal-linji ta' politika u l-attivitajiet kollha tal-Unjoni. Azzjoni mill-Unjoni, li għandha tikkumplimenta l-linji ta' politika nazzjonali, għandha tkun immirata lejn it-titjib tas-saħħa pubblika, il-prevenzjoni tal-mard u t-tneħħija tal-kawżi ta' periklu għas-saħħa fiżika u mentali. L-Unjoni u l-Istati Membri għandhom irawmu kooperazzjoni ma' pajjiżi terzi u mal-organizzazzjonijiet internazzjonali kompetenti fl-isfera tas-saħħa pubblika;

2.

fil-Konklużjonijiet tal-Kunsill dwar is-Saħħa fil-Linji ta' Politika kollha (HiAP) (30 ta' Novembru u l-1 ta' Diċembru 2006) (1); Tixjiħ b'Saħħtu u b'Dinjità (30 ta' Novembru 2009); Ekwità u saħħa fil-linji ta' politika kollha: Solidarjetà fis-Saħħa (8 ta' Ġunju 2010); Approċċi innovattivi għall-mard kroniku fis-sistemi tas-saħħa pubblika u l-kura tas-saħħa (7 ta' Diċembru 2010); Ħidma preparatorja għas-Sħunija pilota dwar l-Innovazzjoni Ewropea “Tixjiħ Attiv u b'Saħħtu” (9 ta' Marzu 2011); Għeluq ta' lakuni fis-saħħa fl-UE permezz ta' azzjoni miftiehma li tippromwovi mġiba għal stil ta' ħajja san (1 u 2 ta' Diċembru 2011) (2);

3.

ir-Riżoluzzjoni tal-Kumitat Reġjonali tal-WHO għall-Ewropa (3): Strateġija u pjan ta' azzjoni dwar tixjiħ b'saħħtu fl-Ewropa, 2012-2020;

4.

il-Komunikazzjoni tal-Kummissjoni Kif għandna nittrattaw l-impatt tat-tixjiħ tal-popolazzjoni fl-UE (Rapport dwar it-Tixjiħ 2009); Ewropa 2020: Strateġija għal tkabbir intelliġenti, sostenibbli u inklużiv (5 ta' Marzu 2010); Il-progress fil-Pjan Strateġiku tal-Implimentazzjoni tas-Sħubija Ewropea għall-Innovazzjoni dwar it-Tixjiħ Attiv u b'Saħħtu (29 ta' Frar 2012);

5.

l-objettivi tal-Istrateġija UE 2020 għal tkabbir sostenibbli, intelliġenti u inklużiv;

6.

ir-rapport mill-Proġett ta' Kooperazzjoni Ewropea Tixjiħ b'Saħħtu: Tixjiħ b'Saħħtu - Sfida għall-Ewropa (2007);

7.

il-White Paper tal-Kummissjoni Flimkien għas-Saħħa: approċċ strateġiku għall-UE 2008-2013, waqt li enfasizza l-ħtieġa li tiġi promossa s-saħħa tajba matul iċ-ċiklu tal-ħajja ta' persuna f'Ewropa li qed tixjieħ;

8.

l-opinjoni tal-Kumitat Ekonomiku u Soċjali Ewropew dwar Il-konsegwenzi tat-tixjiħ tal-popolazzjoni fuq is-sistemi soċjali u tas-saħħa (15 ta' Lulju 2010); tal-Kumitat tar-Reġjuni dwar it-Tixjiħ Attiv: Innovazzjoni-Saħħa Intelliġenti-Ħajja aħjar (27 ta' Lulju 2012);

9.

id-dikjarazzjoni tal-Kunsill tas-Sena Ewropea għat-Tixjiħ Attiv u s-Solidarjetà bejn il-Ġenerazzjonijiet (2012): It-Triq ’il Quddiem.

10.

li t-tixjiħ attiv huwa proċess kontinwu matul iċ-ċiklu tal-ħajja. Huwa essenzjali li jiġu appoġġati ċ-ċittadini f'dan l-approċċ permezz ta' azzjoni multidixxiplinarja fil-promozzjoni tas-saħħa, il-prevenzjoni tal-mard u fil-kura tas-saħħa u soċjali. Dan jinkludi l-ħidma fl-oqsma soċjali u dawk tal-politika, li jinvolvu l-awtoritajiet pubbliċi u skont il-prijoritajiet tal-Istati Membri, il-partijiet interessati fil-livelli kollha, inklużi l-professjonisti tas-saħħa u l-pazjenti, l-imsieħba soċjali u s-soċjetà ċivili, il-mezzi ta' komunikazzjoni u l-atturi ekonomiċi;

11.

li l-approċċi innovattivi fil-promozzjoni tas-saħħa u l-prevenzjoni tal-mard jistgħu jgħinu lill-persuni anzjani biex jibqgħu indipendenti aktar fit-tul u jtejbu l-kwalità tal-ħajja tagħhom.

12.

li s-saħħa tajba fost in-nies ta' età tax-xogħol tikkontribwixxi għal produttività ogħla u benefiċċji oħrajn għaċ-ċittadini u s-soċjetà biex jintlaħqu l-għanijiet tal-Istrateġija UE2020 għal Tkabbir Intelliġenti, Sostenibbli u Inklużiv;

13.

il-ħtieġa, bil-kriżi ekonomika attwali u l-bidliet demografiċi, li jiġu ristrutturati s-servizzi għal settur tal-kura tas-saħħa aktar effiċjenti u sostenibbli li jrawwem soċjetà aktar favorevoli għall-anzjani.

14.

l-eżiti tal-Konferenza ta' Livell Għoli dwar Tixjiħ b'Saħħtu Matul iċ-Ċiklu tal-Ħajja organizzata mill-Presidenza Ċiprijotta fil-5-6 ta' Settembru 2012, li esponiet il-ħidma fil-qasam tat-tixjiħ b'saħħtu billi tat evidenza li t-tixjiħ b'saħħtu huwa relatat mill-qrib mal-implimentazzjoni ta' promozzjoni effettiva tas-saħħa u programmi ta' prevenzjoni tal-mard, mis-snin bikrija tal-ħajja u li jkomplu matul iċ-ċiklu tal-ħajja;

15.

il-promozzjoni tal-attività fiżika li ttejjeb is-saħħa fil-qafas tal-Pjan ta' Ħidma tal-Unjoni Ewropea għall-Isport għall-2011-2014 (4) u l-prinċipji dwar il-kontribut tal-attività fiżika għal tixjiħ attiv żviluppati f'dan il-kuntest;

16.

l-inizjattiva tal-Kummissjoni Ewropea għat-tnedija u l-implimentazzjoni tas-Sħubija Ewropea għall-Innovazzjoni (EIP) dwar it-Tixjiħ Attiv u b'Saħħtu u fl-2013 jistenna l-evalwazzjoni ta' din l-inizjattiva pilota;

17.

l-istrateġiji tal-UE dwar id-determinaturi tas-saħħa u l-fatturi komuni ta' riskju inkluża strateġija ġdida tal-UE għall-appoġġ lill-Istati Membri fit-tnaqqis tal-ħsara relatata mal-alkoħol;

18.

id-dikjarazzjoni tal-Kunsill tas-Sena Ewropea għat-Tixjiħ Attiv u s-Solidarjetà bejn il-Ġenerazzjonijiet (2012): It-Triq 'il Quddiem bħala spinta għall-azzjoni fis-snin futuri;

19.

il-ħidma bil-ħsieb li tinkiseb risposta ottimali għall-isfidi tal-mard kroniku, abbażi tal-Proċess ta' Riflessjoni li tnieda mill-Istati Membri u l-Kummissjoni (5).

20.

l-importanza tal-promozzjoni tas-saħħa, il-prevenzjoni tal-mard u l-programmi ta' dijanjosi bikrija mill-istadji bikrija tal-ħajja u matul iċ-ċiklu tal-ħajja;

21.

il-piż estensiv tal-morbożità u d-diżabbiltajiet li nħolqu mil-mard kroniku bħall-kanċer, il-mard respiratorju, mard kardjovaskulari u nevrovaskulari, id-dijabete u l-mard mentali, il-mard muskoloskeletali u l-problemi relatati mas-smigħ u d-diffikultà fil-vista fil-popolazzjoni;

22.

il-ġestjoni aħjar tal-kundizzjonijiet tas-saħħa fit-tul jistgħu jgħinu lill-persuni jibqgħu attivi u indipendenti f'età avvanzata;

23.

li l-amministrazzjonijiet pubbliċi u, jekk adatt, bil-parteċipazzjoni tas-soċjetà ċivili, għandhom rwol kruċjali fit-titjib tal-kundizzjonijiet fir-rigward tat-tixjiħ b'saħħtu;

24.

li l-kundizzjonijiet ekonomiċi, soċjali u ambjentali kif ukoll l-istili ta' ħajja huma fost id-determinanti tas-saħħa u t-trattament tagħhom permezz ta' azzjoni intersettorjali jibqa' waħda mill-isfidi importanti għall-kisba ta' tixjiħ attiv u b'saħħtu għal kulħadd.

25.

jagħmlu l-kwistjoni tat-tixjiħ b'saħħtu matul iċ-ċiklu tal-ħajja bħala waħda mill-prijoritajiet tagħhom għas-snin li ġejjin, b'approċċ soċjali u ta' ekwità;

26.

jadottaw approċċ li jċaqlaq l-attenzjoni lejn il-promozzjoni tas-saħħa, il-prevenzjoni tal-mard, id-dijanjosi bikrija u ġestjoni aħjar tal-kundizzjonijiet mis-snin bikrija tal-ħajja u matul iċ-ċiklu tal-ħajja, bħala strateġija għat-titjib tal-kwalità tal-ħajja u t-tnaqqis tal-piż tal-mard kroniku, il-fraġilità u d-diżabbiltà, permezz ta':

27.

itejbu u jsaħħu l-koordinazzjoni u l-kollaborazzjoni bejn il-partijiet interessati rilevanti kollha u fost l-Istati Membri, bil-promozzjoni ta' azzjoni intersettorjali, inkluża s-soċjetà ċivili, b'kont meħud tal-prinċipju tas-saħħa fil-politiki kollha;

28.

jagħmlu użu minn approċċi innovattivi fil-promozzjoni tas-saħħa u l-prevenzjoni tal-mard, li jippromwovu l-involviment attiv tal-individwi, il-familji u l-komunità;

29.

jappoġġaw is-Sħubija Ewropea għall-Innovazzjoni (EIP) dwar it-Tixjiħ Attiv u b'Saħħtu b'involviment ad hoc mill-Istati Membri fl-implimentazzjoni tal-azzjonijiet speċifiċi tas-Sħubija u li jwasslu għal eżiti robusti, u fil-promozzjoni u l-komunikazzjoni tal-valur miżjud tas-Sħubija għall-awtoritajiet reġjonali u lokali tagħhom b'kont meħud tar-riżultati tal-evalwazzjoni ppjanata għall-2013;

30.

jagħmlu użu effettiv mill-finanzjament tal-UE (pereżempju l-fondi strutturali/FSB 2014-2020, FP7/Orizzont 2020, CIP) biex jappoġġaw il-prijoritajiet dwar it-Tixjiħ Attiv u b'Saħħtu;

31.

jappoġġaw l-ibliet u l-muniċipalitajiet fl-inizjattiva tagħhom biex jippromwovu ambjenti favorevoli għall-anzjani u b'saħħithom u biex jiżviluppaw netwerks għall-implimentazzjoni ta' linji gwida komuni;

32.

itejbu l-komunikazzjoni fil-promozzjoni tas-saħħa, il-prevenzjoni tal-mard, id-dijanjosi bikrija u ġestjoni aħjar tal-kundizzjonijiet permezz ta' approċċi innovattivi għall-attivitajiet ta' sensibilizzazzjoni (perezempju użu responsabbli mill-mezzi ta' komunikazzjoni soċjali).

33.

tappoġġa l-azzjonijiet u l-inizjattivi futuri u tindirizza d-determinanti tas-saħħa u l-fatturi tar-riskju, kif ukoll li tappoġġa tixjiħ b'saħħtu matul iċ-ċiklu tal-ħajja fil-livell tal-UE, Reġjonali, Nazzjonali u Lokali, waqt li jiġu rispettati l-kompetenzi tal-Istati Membri.

34.

tikkontribwixxi għall-iżvilupp ta' politiki lejn attivitajiet li jippromwovu s-saħħa biex isiru għażliet tajbin għas-saħħa u biex ikun hemm għajxien b'saħħtu;

35.

tappoġġa użu aħjar mill-Istati Membri tal-Linji Gwida tal-UE dwar l-Attività Fiżika, li ntlaqgħu fil-konklużjonijiet tal-Presidenza tal-Ministri tal-Isport tal-UE li ltaqgħu informalment f'Novembru 2008 (6);

36.

tappoġġa l-kooperazzjoni volontarja tal-Istati Membri bil-ħsieb ta' aktar żvilupp kemm tal-miżuri preventivi ġenerali kif ukoll tal-miżuri preventivi selettivi għall-ħtiġijiet speċifiċi ta' gruppi fil-mira;

37.

tassisti lill-Istati Membri, u speċifikament lir-reġjuni, f'użu aktar effettiv tal-fondi strutturali u ta' strumenti ta' finanzjament oħrajn tal-UE għall-prijoritajiet relatati mat-tixjiħ b'saħħtu.

38.

tevalwa tajjeb il-proġett pilota EIP dwar it-Tixjiħ Attiv u b'Saħħtu, biex ikun hemm parteċipazzjoni tal-Istati Membri interessati fil-governanza tal-EIP u tinforma lill-Istati Membri bil-mod li bih il-Kummissjoni tieħu kont tar-rakkomandazzjonijiet tal-EIP meta jiġu implimentati programmi tal-UE.

39.

jippromwovu strateġiji għall-ġlieda kontra l-fatturi tar-riskju, bħall-użu tat-tabakk, il-ħsara relatata mal-alkoħol, id-drogi illegali, id-dieta mhux tajba għas-saħħa u n-nuqqas ta' attività fiżika kif ukoll fatturi ambjentali, li jwasslu għal inċidenza ogħla ta' mard kroniku li ma jitteħidx, bħall-kanċer, il-mard respiratorju, il-mard kardjovaskulari u newrovaskulari, id-dijabete, il-mard mentali u l-mard muskoloskeletali.

40.

jappoġġaw l-identifikazzjoni u d-disseminazzjoni tal-approċċi ta' prattika tajba biex jiġi indirizzat il-mard kroniku u l-fatturi tar-riskju tiegħu, inkluż ir-responsabilizzazzjoni tal-pazjent;

41.

iqisu kif isaħħu l-kooperazzjoni u jtejbu l-kondiviżjoni tal-prattika tajba fil-livell Ewropew għall-promozzjoni ta' approċċ ta' ċiklu tal-ħajja b'tixjiħ b'saħħtu, bl-użu ta' għodod innovattivi;

42.

ikomplu l-implimentazzjoni tal-Istrateġija tas-Saħħa (7) u l-objettiv tagħha tat-trawwim ta' saħħa tajba f'Ewropa li qed tixjiħ waqt li japplikaw approċċ transettorjali, jinvolvu lis-settur soċjali u dak tas-saħħa, bl-appoġġ tal-Grupp ta' Ħidma dwar is-Saħħa Pubblika fil-Livell Superjuri u f'kooperazzjoni mal-Kumitat tal-Protezzjoni Soċjali;

43.

ikomplu u jsaħħu l-ħidma bil-għan ta' fehim aħjar tar-rabtiet bejn l-avvenimenti tal-ħajja bikrija u t-tixjiħ b'saħħtu bl-użu fost l-oħrajn ta' studju lonġitudinali;

44.

jappoġġaw, kif adatt, fil-qafas tas-Sistema Ewropea ta' Informazzjoni dwar is-Saħħa, il-ġbir tad-data u l-iskambju ta' data u informazzjoni dwar l-inċidenza, il-prevalenza, il-fatturi tar-riskju u l-eżiti tal-mard kroniku, bħas-snin ta' ħajja b'saħħitha (SĦS) kif ukoll dwar il-promozzjoni ta' politiki u azzjonijiet dwar is-saħħa inklużi s-sistemi ta' informazzjoni fil-pajjiżi tal-UE, b'kont meħud tal-mekkaniżmi eżistenti u l-ħidma kontinwa fis-Sistema Statistika Ewropea u partijiet interessati rilevanti oħrajn (bħad-WHO, il-WHO Euro u l-OECD);

45.

jippromwovu l-EIP dwar it-Tixjiħ Attiv u b'Saħħtu bħala pjattaforma kollaborattiva rilevanti b'ħafna partijiet interessati u mibnija fuq il-kunsens u l-qbil tal-partijiet interessati - mis-settur pubbliku u privat, l-NGOs u l-akkademiċi, fil-livelli nazzjonali, reġjonali u lokali - impenjati sabiex jagħtu riżultat rigward l-objettivi u l-għanijiet miftiehma tagħhom, skont ir-riżultati tal-evalwazzjoni għall-2013;

46.

jikooperaw mal-Organizzazzjoni tas-Saħħa Dinjija (WHO) u b'mod partikolari mal-Uffiċċju Reġjonali, sabiex tintlaħaq il-komplementarjetà fl-attivitajiet ta' tixjiħ b'saħħtu.

21.12.2012   

MT

Il-Ġurnal Uffiċjali tal-Unjoni Ewropea

C 396/12

—

Fil-Komunikazzjoni mill-Kummissjoni “Pjan ta' azzjoni dwar id-Donazzjoni tal-Organi u t-Trapjanti (2009-2015): Kooperazzjoni aktar b'saħħitha bejn l-Istati Membri” (1), li tidentifika għaxar azzjonijiet prijoritarji biex l-Istati Membri jiġu megħjuna jittrattaw it-tliet sfidi prinċipali fil-qasam tad-donazzjoni u t-trapjant tal-organi, li huma: (1) żieda fid-disponibbiltà ta' organi, (2) titjib fl-effiċjenza u l-aċċessibbiltà tas-sistemi ta' trapjant u (3) titjib fil-kwalità u s-sikurezza.

—

L-iżvilupp ta' programmi nazzjonali biex titjieb il-prestazzjoni fil-passi differenti kollha tal-proċess ta’ donazzjoni tad-deċedut (mill-identifikazzjoni u l-manteniment tad-donatur sal-akkwist u t-trasport).

—

L-iżvilupp ta’ manwal Ewropew għall-prattiki ta’ donazzjonijiet minn persuni ħajjin, għal trapjanti tal-kliewi u l-fwied.

—

It-tixrid tal-aħjar prattiki, pereżempju permezz tal-manwal Ewropew għall-istabbiliment u l-manteniment ta' sistemi għall-koordinazzjoni ta' donazzjonijiet għal trapjanti fir-rigward ta' donazzjoni wara l-mewt.

—

L-iżvilupp ippjanat ta' ħarsa ġenerali komprensiva lejn is-sistemi nazzjonali ta' kunsens tad-donaturi, kif ukoll l-isforzi mwettqa biex il-parteċipazzjoni ta' professjonisti fil-kura intensiva tiġi integrata fil-proċess ta' donazzjoni wara l-mewt.

—

Ir-rwol ta' soċjetajiet professjonali, bħal ma huma s-Soċjetà Ewropea għat-Trapjanti tal-Organi (ESOT) u s-sezzjoni tagħha, l-Organizzazzjoni Ewropea ta' Koordinaturi tat-Trapjanti u l-Kumitat Ewropew għad-Donazzjoni (ETCO-EDC).

—

L-isforzi mwettqa mill-Istati Membri fl-iżvilupp ulterjuri ta' programmi ta' donazzjoni minn persuni ħajjin waqt li tiġi żgurata l-protezzjoni kompensiva tad-donatur ħaj, kif diskuss fil-laqgħa informali tal-Ministri tas-Saħħa tal-10-11 ta’ Lulju 2012.

—

L-organizzazzjoni ta' kampanji ta' sensibilizzazzjoni nazzjonali u inizjattivi Ewropej, bħal ma huma l-Jiem Ewropej tad-Donazzjoni tal-Organi u l-Workshops tal-Ġurnalisti dwar id-Donazzjoni u t-Trapjanti tal-Organi organizzati rispettivament mill-Kunsill tal-Ewropa u l-Kummissjoni Ewropea.

—

L-iżvilupp tal-aħjar prattiki u programmi ta' taħriġ fil-livell nazzjonali u dak Ewropew appoġġati mill-Programm tal-UE għal azzjoni fil-qasam tas-saħħa.

—

Fl-importanza li n-nies jiġu mħeġġa jimpenjaw ruħhom biex isiru donaturi ta' orġani wara l-mewt.

—

Fl-importanza li tingħata prijorità lid-donazzjoni ta' organi minn donaturi deċeduti.

—

Fil-kwalità mtejba tal-ħajja għall-pazjenti u l-kosteffettività kbira tat-trapjanti tal-kliewi meta mqabbla mat-trattamenti bid-dijaliżi għal mard renali tal-aħħar stadju, kif analizzat pereżempju minn awtoritajiet fir-Renju Unit (Dipartiment tas-Saħħa 2009) jew fi Franza (Awtorità Għolja tas-Saħħa, 2010).

—

Fin-nuqqas ta' alternattivi mediċi għal pazjenti li jeħtieġu trapjanti li jsalvaw il-ħajja ta’ organi oħrajn.

—

Li għalkemm din hija kwistjoni ta' kompetenza nazzjonali, hemm ħtieġa li kull Stat Membru jiddefinixxi b'mod ċar u jorganizza sistemi ta' kunsens tad-donaturi u jiġġestixxi l-listi ta' stennija b'mod trasparenti fil-livell nazzjonali.

—

Fir-rekwiżit għall-Istati Membri li jipproteġu donaturi ħajjin minn riskji potenzjali, żvantaġġi fiżiċi u finanzjarji relatati mal-proċess tad-donazzjoni, kif ukoll li jiżguraw donazzjoni volontarja u bla ħlas kif stabbilit fid-Direttiva 2010/53/UE.

—

Fl-importanza ta' komunikazzjoni trasparenti u komprensiva biex tissaħħaħ il-fiduċja pubblika fil-valur tas-sistemi tat-trapjanti bbażati fuq donazzjoni ta' organi wara l-mewt kif ukoll fuq donazzjonijiet minn persuni ħajjin.

—

Fil-ħtieġa li tiġi enfasizzata r-responsabbiltà tal-professjonisti fil-kura intensiva u l-kura ta' emerġenza u li d-donazzjoni ssir parti mid-deċiżjonijiet li għandhom jittieħdu waqt il-kura fl-aħħar tal-ħajja.

—

Fi skrutinju bir-reqqa tat-tneħħija ta’ organi minn persuna ħajja għal finijiet ta’ trapjant, każ b’każ, filwaqt li jittieħed kont tal-kriterji rilevanti, b’mod partikolari l-prinċipju li l-ġisem tal-bniedem m’għandux jintuża għal gwadan finanzjarju.

1.

Biex ikomplu jikkondividu l-għarfien fl-aspetti ewlenin kollha tal-programmi ta' donazzjoni u trapjant ta' organi sabiex ikunu possibbli t-tagħlim reċiproku u żieda fl-għadd ta' organi disponibbli.

2.

Biex jipprevedu taħriġ kontinwu għall-professjonisti involuti fid-donazzjoni u t-trapjant ta' organi wara l-mewt, inklużi kemm il-koordinaturi tad-donazzjonijiet għat-trapjanti kif ukoll il-persunal minn unitajiet ta' kura intensiva u dik ta' emerġenza.

3.

Biex jikkondividu informazzjoni dwar is-sistemi nazzjonali tagħhom ta' kunsens tad-donaturi.

4.

Biex jistabbilixxu mekkaniżmi komprensivi biex jiġu protetti donaturi ħajjin, inkluż il-ħolqien ta' reġistri jew rekords ta' segwitu, f'konformità mar-rekwiżiti tad-Direttiva 2010/53/ UE.

5.

Biex joħolqu mekkaniżmi trasparenti u uffiċjali biex id-donaturi ħajjin jiġu rimborżati għall-ispejjeż imġarrba u, jekk ikun applikabbli, biex jingħata kumpens għat-telf tad-dħul b'rabta diretta mal-proċedura ta' donazzjoni minn persuna ħajja.

6.

Biex itejbu l-kuxjenza fost il-pazjenti u l-familji tagħhom dwar l-opzjonijiet differenti ta' trapjanti, inklużi t-trapjanti minn donaturi deċeduti u ħajjin kif ukoll terapiji ta' sostituzzjoni alternattivi oħrajn. Biex itejbu l-informazzjoni dwar id-donazzjoni u t-trapjant inġenerali u biex jinvolvu lill-professjonisti fil-kura tas-saħħa biex jipprovdu informazzjoni adegwata dwar id-donazzjoni ta' organi.

7.

Biex jiskambjaw informazzjoni dwar l-istrateġiji ta' komunikazzjoni tagħhom, u biex jikkomunikaw b'mod proattiv lill-pubbliku inġenerali, inkluż l-użu tal-media soċjali.

8.

Biex jiżviluppaw u jtejbu, kif adatt, programmi ta’ kooperazzjoni mal-professjonisti fil-kura intensiva u l-kura ta’ emerġenza, b'mod konġunt mal-assoċjazzjonijiet professjonali nazzjonali u internazzjonali, sabiex tiġi ottimizzata l-identifikazzjoni ta' donaturi potenzajli u t-twettiq tal-proċess ta' donazzjoni wara l-mewt.

—

L-istabbiliment u l-implimentazzjoni tal-ftehimiet bilaterali jew multilaterali bejn l-Istati Membri għall-iskambju ta' organi u pazjenti li jirrispettaw il-prinċipju tal-awtosuffiċjenza fit-trapjanti, kif speċifikat fir-Riżoluzzjoni ta' Madrid (2).

—

L-istabbiliment ta’ ftehimiet ta' kooperazzjoni bejn l-organizzazzjonijiet nazzjonali tat-trapjanti bħal ma hija s-South Transplant Alliance.

—

Il-kondiviżjoni tal-għarfien dwar is-sistemi tat-trapjanti bejn l-awtoritajiet kompetenti tal-Istati Membri u mal-organizzazzjonijiet Ewropej tal-iskambju tal-organi, b'mod partikolari Eurotransplant u Scandiatransplant.

—

Fl-opportunità sinifikanti li teżisti biex jiġu ttrattati aktar pazjenti u biex jintuża għadd dejjem jikber ta' organi disponibbli b'mod effettiv fl-Istati Membri permezz tal-konklużjoni u l-implimentazzjoni ta' ftehimiet bilaterali jew multilaterali bejn l-Istati Membri.

—

Fil-ħtieġa għal kapaċità amministrattiva suffiċjenti fi ħdan l-arranġament tal-awtoritajiet nazzjonali f'konformità mad-Direttiva 2010/53/UE.

—

Li t-traffikar tal-organi jikser id-drittijiet fundamentali tal-bniedem bħal dawk tad-dinjità u l-integrità tal-bniedem, u għandu impatt negattiv fuq il-fiduċja pubblika u r-rieda ta’ donaturi potenzjali li jagħtu l-organi.

—

Li tagħrif u riċerka limitati dwar xi aspetti xjentifiċi u organizzattivi tat-trapjant tal-organi u n-nuqqas tal-għarfien neċessarju f'xi oqsma jillimitaw l-iżvilupp ulterjuri tal-attivitajiet ta' trapjant fl-UE.

1.

Biex jimpenjaw ruħhom b'mod attiv fi ftehimiet ta’ ġemellaġġ kull meta jkollhom anqas minn għaxar donaturi deċeduti għal kull miljun abitant jew fejn ikun hemm nuqqas ta' programmi ta' trapjanti speċifiċi fi ħdan il-konfini tagħhom.

2.

Biex jużaw strumenti tal-komunità biex jibnu kapaċitajiet nazzjonali tat-trapjanti, fejn adatt.

3.

Biex ikomplu jikkondividu informazzjoni dwar l-arranġament u l-finanzjament ta' attivitajiet ta' trapjant u s-sorveljanza tagħhom.

4.

Biex jimpenjaw ruħhom fi skambju transkonfinali operattiv ta' organi, inkluż permezz tal-parteċipazzjoni f’Azzjoni Konġunta ddedikata għal ftehimiet dwar skambju transkonfinali, li tibda fl-2013.

5.

Biex jappoġġaw kollaborazzjoni nazzjonali u internazzjonali, kif adatt, bejn l-awtoritajiet tat-trapjanti u s-servizzi tal-pulizija u tad-dwana sabiex jikxfu u jimpedixxu t-traffikar tal-organi.

1.

Biex tinkludi t-trapjant tal-organi fil-kamp ta' applikazzjoni tal-inizjattivi tal-UE kontra t-traffikar tal-bnedmin (3), f'konformità mar-rakkomandazzjonijiet tal-Organizzazzjoni Dinjija tas-Saħħa u l-Kunsill tal-Ewropa.

2.

Biex tindirizza riċerka dwar aspetti tekniċi u organizzattivi tat-trapjanti fi ħdan il-Programm Ewropew ta’ Riċerka Orizzont 2020.

—

Li d-Direttiva 2010/53/EU tistabbilixxi standards minimi ta' kwalità u sikurezza ta' organi umani maħsuba għal trapjanti

—

Fil-ħtieġa li jittejjeb it-tagħrif dwar l-eżiti tas-saħħa f'pażjenti trapjantati sabiex l-attivitajiet ta' trapjanti jiġu ottimizzati aktar b'kont meħud tal-iskarsezza tal-organi.

1.

Biex jikkondividu l-proċeduri nazzjonali tal-Istati Membri għall-awtorizzazzjoni ta' organizzazzjonijiet ta' akkwist u ċentri ta' trapjant.

2.

Biex jikkondividu l-għarfien dwar it-trapjant ta' organi minn donaturi magħżula bi kriterji usa’ (pereżempju donaturi akbar fl-età) sabiex jiżdied l-għadd ta' organi disponibbli, filwaqt li jistabbilixxu limiti ta' kwalità u sikurezza għal tali prattika.

3.

Biex jimpenjaw ruħhom li jiġbru u jikkondividu tagħrif dwar il-kwalità u s-sikurezza u li jistabbilixxu registri jew rekords standardizzati ta' segwitu tal-pazjenti, ibbażati fuq mudelli żviluppati b'mod komuni u maqbula.

21.12.2012   

MT

Il-Ġurnal Uffiċjali tal-Unjoni Ewropea

C 396/15

United Nations — Focal point for delisting

Security Council Subsidiary Organs Branch

Room S-3055 E

New York, NY 10017

UNITED STATES OF AMERICA

Kunsill tal-Unjoni Ewropea

Koordinazzjoni DG C

Segretarjat Ġenerali

Rue de la Loi/Wetstraat 175

1048 Bruxelles/Brussel

BELGIQUE/BELGIË

21.12.2012   

MT

Il-Ġurnal Uffiċjali tal-Unjoni Ewropea

C 396/16

21.12.2012   

MT

Il-Ġurnal Uffiċjali tal-Unjoni Ewropea

C 396/17

(1)

Id-Deċiżjoni tal-Kummissjoni tat-30 ta' Lulju 2010 li tistabbilixxi l-Forum ta’ Livell Għoli għal Katina tal-Provvista Alimentari Mħaddma Aħjar (1), hija applikabbli sal-31 ta’ Diċembru 2012.

(2)

Il-Forum ikkontribwixxa għall-kompetittività fil-katina tal-valur agro-alimentari tal-UE billi segwa l-implimentazzjoni tar-rakkomandazzjonijiet tal-Grupp ta' Livell Għoli dwar il-Kompetittività tal-Industrija Agro-alimentari u tal-inizjattivi proposti mill-Kummissjoni fil-Komunikazzjoni tagħha “Katina tal-Provvista Alimentari Mħaddma Aħjar fl-Ewropa” (2). Il-Forum irrakkomanda li għandhom jitwettqu aktar azzjonijiet iffukati. Dawn l-inizjattivi jeħtieġ li jkollhom segwitu. Ix-xogħol tal-Forum ta’ Livell Għoli għal Katina tal-Provvista Alimentari Mħaddma Aħjar, għandu għalhekk jissokta wara l-31 ta' Diċembru 2012.

(3)

Is-sħubija tal-Forum għandha tiġi estiża għall-awtoritajiet nazzjonali mill-Istati Membri kollha biex tiffaċilita t-tpartit ta’ prassi tajba u biex tkabbar l-involviment tal-Forum. Ir-rappreżentanza tal-organizzazzjonijiet privati għandhom ikunu riveduti fuq il-bażi ta’ sejħa pubblika għal applikazzjoni biex tkun żgurata rappreżentanza bbilanċjata tal-partijiet interessati,

(1)

L-Artikolu 4 huwa emendat kif ġej:

(2)

L-Artikolu 7 jinbidel b'dan li ġej:

“Artikolu 7

Applikabbiltà

Din id-Deċiżjoni tapplika sal-31 ta’ Diċembru 2014.”

21.12.2012   

MT

Il-Ġurnal Uffiċjali tal-Unjoni Ewropea

C 396/18

21.12.2012   

MT

Il-Ġurnal Uffiċjali tal-Unjoni Ewropea

C 396/20

21.12.2012   

MT

Il-Ġurnal Uffiċjali tal-Unjoni Ewropea

C 396/21

1.

Skont l-Artikolu 9 tar-Regolament tal-Kunsill (KE) Nru 1/2003 tas-16 ta’ Diċembru 2002 fuq l-implimentazzjoni tar-regoli tal-kompetizzjoni mniżżlin fl-Artikoli 81 u 82 tat-Trattat (1), il-Kummissjoni tista’ tiddeċiedi – f’dawk il-każijiet fejn ikollha l-intenzjoni li tadotta deċiżjoni li tobbliga li ksur jinġieb fit-tmiem tiegħu u l-partijiet ikkonċernati joffru li jidħlu għal irbit li jkun jissodisfa t-tħassib indikat lilhom mill-Kummissjoni fl-evalwazzjoni preliminari tagħha – li dak l-irbit isir vinkolanti fuq l-impriżi. Deċiżjoni bħal din tista' tiġi adottata għal perjodu speċifiku u tkun tikkonkludi li m'għadx hemm aktar raġuni għal azzjoni mill-Kummissjoni. Skont l-Artikolu 27(4) tal-istess Regolament, il-Kummissjoni tippubblika sommarju konċiż tal-każ u l-kontenut prinċipali tal-impenji. Il-partijiet interessati jistgħu jippreżentaw il-kummenti tagħhom sad-data stabbilita mill-Kummissjoni.

2.

Fid-19 ta’ Ġunju 2008, Air Canada (“AC”), United Airlines (“UA”), Continental Airlines (“CO”) u l-Lufthansa (“LH”), b'mod konġunt “il-partijiet”, ħabbru l-intenzjoni tagħhom li jikkonkludu ftehim biex jiffurmaw impriża konġunta li tkopri s-servizzi tat-trasport tal-passiġġieri bl-ajru kollha tagħhom fuq swieq transatlantiċi (“Ftehim A++”). Fi ħdan l-impriża konġunta, AC, UA, CO u LH jikkooperaw dwar il-parametri prinċipali tal-kompetizzjoni, bħal prezzijiet, kapaċità, skedi u l-kummerċjalizzazzjoni. Fil-25 ta’ Lulju 2008, il-Kummissjoni fetħet investigazzjoni ex officio tal-kooperazzjoni bejn il-Partijiet fi ftehim A++.

3.

Fl-10 ta’ Ottubru 2012, il-Kummissjoni adottat valutazzjoni preliminari fl-ambitu tat-tifsira tal-Artikolu 9(1) tar-Regolament (KE) Nru 1/2003, li tieħu il-fehma provviżorja li l-ftehim A++ ta’ impriża konġunta bejn il-partijiet x’aktarx se tikser l-Artikolu 101 tat-Trattat dwar il-Funzjonament tal-Unjoni Ewropea.

4.

Il-Kummissjoni kkunsidrat li fin-nuqqas tal-kooperazzjoni tagħhom, l-LH u l-CO jkunu kompetituri mingħajr waqfien attwali tar-rotta Frankfurt-New York, billi joperaw titjiriet diretti tagħhom stess indipendentement kif għamlu qabel l-implimentazzjoni tal-ftehim A++.

5.

Fil-valutazzjoni preliminari, il-Kummissjoni esprimiet tħassib li l-kooperazzjoni bejn AC, UA, CO u LH fi ftehim A++ probabbilment jirrestrinġi l-kompetizzjoni intenzjonalment għar-rotta Frankfurt-New York fir-rigward tal-passiġġieri primjum.

6.

Billi tiġi kkunsidrata l-pożizzjoni tas-suq magħquda għar-rotta Frankfurt-New York u l-qrubija tal-kompetizzjoni bejn l-LH u l-CO, il-kooperazzjoni x’aktarx tipproduċi wkoll effetti antikompetittivi apprezzabbli għal passiġġieri primjum. Il-Kummissjoni kkunsidrat il-fatt li l-klijenti li jużaw ir-rotta Frankfurt-New York mhumiex relattivament elastiċi fir-rigward tal-prezz, u fil-biċċa l-kbira huma mċaħħda minn saħħa tax-xerrej sinifikanti.

7.

Il-Kummissjoni kkonkludiet ulterjorment u provviżorjament li l-kompetizzjoni li kienet teżisti qabel il-kooperazzjoni bejn l-LH u l-CO kienet eliminata. Din il-kompetizzjoni x’aktarx ma tinbidilx minn kompetizzjoni mill-kompetituri eżistenti jew minn parteċipanti potenzjali ġodda minħabba l-ostakli sostanzjali għall-espansjoni u d-dħul. Dawn l-ostakli għall-espansjoni u d-dħul jinkludu restrizzjonijiet ta’ slottijiet, vantaġġi ta’ hub kemm fl-ajruport ta’ Frankfurt u fl-ajruporti New York JFK u Newark Liberty, kif ukoll il-vantaġġ tal-frekwenza tal-partijiet.

8.

Restrizzjonijiet ta’ slottijiet huma bħalissa preżenti fl-ajruporti New York JFK u Newark Liberty u x'aktarx ikunu preżenti għaż-żmien medju u għaż-żmien fit-tul fl-ajruport ta' Frankfurt. Minħabba l-vantaġġi ta’ hub fl-ajruporti ta’ Frankfurt u New York, il-partijiet x'aktarx jibbenefikaw aktar minn ekonomiji ta' skala, ir-rikonoxximent tal-isem tad-ditta, is-saħħa tal-programm ta’ min itir ta’ spiss (FFP), aċċess li jiġi alimentat it-traffiku u l-kapaċità li jiġbdu lejhom kuntratti korporattivi meta mqabbla mal-kompetituri reali jew potenzjali tagħhom mingħajr tali vantaġġ ta’ hub. Bis-saħħa tan-numru ikbar ta’ frekwenzi mħaddma fuq ir-rotta Frankfurt-New York, il-partijiet x’aktarx ikollhom kwalità ogħla ta’ servizz mill-kompetituri attwali jew potenzjali tagħhom, li għalihom il-konsumaturi x’aktarx jaqblu li jħallsu prezzijiet ogħla.

9.

Il-partijiet soġġetti għall-proċedimenti, offrew impenji skont l-Artikolu 9 tar-Regolament (KE) Nru 1/2003, biex jilqgħu għat-tħassib tal-Kummissjoni dwar il-kompetizzjoni. Il-partijiet enfasizzaw li dan m’għandux jiġi interpretat bħala rikonoxximent li huma kisru r-regoli tal-kompetizzjoni tal-UE jew li l-ftehim A++ huwa inkompatibbli mal-Artikolu 101 tat-TFUE.

10.

L-impenji huma spjegati fil-qosor hawn taħt u ġew ippubblikati kollha kemm huma bl-Ingliż fil-websajt tad-Direttorat Ġenerali għall-Kompetizzjoni f’:

http://ec.europa.eu/competition/index_en.html

11.

L-offerta tal-partijiet għar-rotta Frankfurt-New York:

12.

Il-partijiet joffu wkoll li jagħtu r-responsibbiltà lil fiduċjarju biex jissorvelja t-twettiq tal-impenji. F’każ ta’ nuqqas ta’ qbil bejn applikant ġdid u l-partijiet dwar l-impenji, il-partijiet joffru proċess għas-soluzzjoni tat-tilwim fejn it-tribunal arbitrarju għandu finalment jiddeċiedi dwar il-kwistjoni.

13.

Wara li jsir l-ittestjar tas-suq, il-Kummissjoni għandha l-ħsieb li tadotta deċiżjoni skont l-Artikolu 9(1) tar-Regolament (KE) Nru 1/2003 li fiha tiddikjara li l-impenji li jinsabu fis-sommarju ta’ hawn fuq u ppubblikati fuq l-Internet, fuq il-websajt tad-Direttorat Ġenerali għall-Kompetizzjoni, huma vinkolanti.

14.

Skont l-Artikolu 27(4) tar-Regolament (KE) Nru 1/2003, il-Kummissjoni tistieden lil partijiet terzi interessati biex jissottomettu l-kummenti tagħhom dwar l-impenji li qed ikunu proposti. Dawn il-kummenti jridu jaslu għand il-Kummissjoni mhux aktar tard minn xahar wara d-data ta’ din il-pubblikazzjoni. Partijiet terzi interessati huma mitluba wkoll biex jippreżentaw verzjoni mhux kunfidenzjali tal-kummenti tagħhom li fiha titħassar l-informazzjoni kollha li huma jqisu bħala sigriet kummerċjali, kif ukoll informazzjoni kunfidenzjali oħra, u tiġi ssostitwita skont kif ikun hemm bżonn permezz ta’ sommarju mhux kunfidenzjali jew permezz tal-kliem ‘sigriet kummerċjali’, jew ‘kunfidenzjali’.

15.

It-tweġibiet u l-kummenti għandhom preferibbilment ikunu mmotivati u għandhom ifissru l-fatti rilevanti kollha. Jekk inti tidentifika problema f’xi parti tar-rabtiet proposti, il-Kummissjoni tistiednek ukoll biex tissuġġerixxi xi soluzzjoni possibbli.

16.

Il-kummenti jistgħu jintbagħtu lill-Kummissjoni taħt in-numru ta' referenza il-każ COMP/39.595 – Continental/United/Lufthansa/Air Canada jew bl-email (COMP-GREFFE-ANTITRUST@ec.europa.eu), bil-faks ((+32 22950128) jew inkella bil-posta f'dan l-indirizz:

21.12.2012   

MT

Il-Ġurnal Uffiċjali tal-Unjoni Ewropea

C 396/24

Klassi 1.5.

Żjut u xaħmijiet (butir, marġerina, żejt, eċċ.)

Karatteristiċi fiżikokomiċi

Karatteristiċi organolettiċi:

21.12.2012   

MT

Il-Ġurnal Uffiċjali tal-Unjoni Ewropea

C 396/28

1.

Il-Pożizzjoni Komuni 2008/369/PESK (1) tappella lill-Unjoni sabiex jiġu ffriżati l-fondi u r-riżorsi ekonomiċi ta’ persuni fiżiċi jew ġuridiċi, entitajiet jew korpi li jaġixxu bi ksur tal-embargo fuq l-armi fir-rigward tar-Repubblika Demokratika tal-Kongo, kif imsemmi fil-lista mfassla skont l-UNSR 1533(2004), 1596(2005), 1807(2008) u 1857(2008) li għandha tiġi aġġornata regolarment mill-Kumitat tan-NU stabbilit skont l-UNSCR 1533(2004).

Il-lista mfassla minn dan il-Kumitat tan-NU tinkludi:

2.

Il-Kumitat tas-Sanzjonijiet tan-Nazzjonijiet Uniti ddeċieda, fit-12 ta’ Novembru 2012, li jżid persuna fiżika waħda u, fit-30 ta’ Novembru 2012, li jżid żewġ persuni fiżiċi, mal-lista rilevanti. Il-persuni fiżiċi kkonċernati jistgħu, meta jridu, jissottomettu talba lill-Kumitat tan-NU, flimkien ma’ kwalunkwe dokumentazzjoni li tiġġustifikaha, sabiex terġa’ tiġi kkunsidrata mill-ġdid id-deċiżjoni li tinkludihom fil-lista tan-NU msemmija aktar ’il fuq. Tali talba għandha tintbagħat fl-indirizz li ġej:

Għal aktar informazzjoni ara: http://www.un.org/sc/committees/dfp.shtml

3.

Fuq il-bażi tad-deċiżjonijiet tan-NU msemmija f'punt 2, il-Kummissjoni adottat ir-Regolament (UE) Nru 1251/2012 (2), li jemenda l-Anness I tar-Regolament (KE) Nru 1183/2005 li jimponi ċerti miżuri diretti speċifiċi restrittivi kontra persuni li jaġixxu bi ksur tal-embargo fuq l-armi fir-rigward tar-Repubblika Demokratika tal-Kongo (3).

Għaldaqstant, il-miżuri li ġejjin tar-Regolament (KE) Nru 1183/2005 japplikaw għall-persuni fiżiċi kkonċernati:

4.

Il-persuni fiżiċi miżjuda mal-Anness I tar-Regolament tal-Kunsill (KE) Nru 1183/2005, permezz tar-Regolament (UE) Nru 1251/2012, fuq il-bażi tad-deċiżjonijiet tan-NU tat-12 u t-30 ta’ Novembru 2012, jistgħu jgħarrfu lill-Kummissjoni bl-opinjonijiet tagħhom dwar il-lista. Din il-komunikazzjoni għandha tintbagħat fl-indirizz li ġej:

5.

Ta’ min jiġbed l-attenzjoni tal-persuni fiżiċi kkonċernati dwar il-possibbiltà li r-Regolament (UE) Nru 1251/2012 jista’ jiġi kkontestat quddiem il-Qorti Ġenerali tal-UE, skont il-kundizzjonijiet imsemmija fl-Artikolu 263, paragrafi 4 u 6 tat-Trattat dwar il-Funzjonament tal-Unjoni Ewropea.

6.

Id-dejta personali tal-persuni fiżiċi kkonċernati mil-listi tar-Regolamenti (UE) Nru 1251/2012 se tiġi pproċessata skont ir-regoli tar-Regolament (KE) Nru 45/2001 dwar il-protezzjoni ta' individwu fir-rigward tal-ipproċessar ta’ dejta personali mill-istituzzjonijiet u l-korpi tal-Komunità u dwar il-movement liberu ta’ dik id-dejta (4). Kwalunkwe talba, e.g. għal aktar informazzjoni jew sabiex jiġu eżerċitati d-drittijiet skont ir-Regolament (KE) Nru 45/2001 (pereżempju l-aċċess għal dejta personali jew ir-rettifika tagħha), għandhom jintbagħtu lill-Kummissjoni, fl-istess indirizz imsemmi fil-punt 4 aktar ’il fuq.

7.

Għall-kompletezza, qed tinġibed l-attenzjoni tal-persuni fiżiċi elenkati fl-Anness I dwar il-possibbiltà li ssir applikazzjoni lill-awtoritajiet kompetenti tal-Istat(i) Membru/i relevanti, elenkati fl-Anness II tar-Regolament (KE) Nru 1183/2005, sabiex tinkiseb l-awtorizzazzjoni għall-użu tal-fondi u riżorsi ekonomiċi ffriżati għal spejjeż bażiċi jew ħlasijiet speċifiċi skont l-Artikolu 3 ta’ dan ir-Regolament.

21.12.2012   

MT

Il-Ġurnal Uffiċjali tal-Unjoni Ewropea

C 396/30