7.12.2012   

MT

Il-Ġurnal Uffiċjali tal-Unjoni Ewropea

CE 377/1

—

wara li kkunsidra l-Artikolu 225 tat-Trattat dwar il-Funzjonament tal-Unjoni Ewropea,

—

wara li kkunsidra ir-riżoluzzjoni tiegħu tal-25 ta’ Ottubru 2007 dwar il-Green Paper dwar titjib fl-effiċjenza tal-infurzar tas-sentenzi fl-Unjoni Ewropea: is-sekwestru ta’ kontijiet bankarji (1),

—

wara li kkunsidra r-riżoluzzjoni tiegħu tat-22 ta’ April 2009 dwar l-infurzar effikaċi tas-sentenzi fl-Unjoni Ewropea: it-trasparenza tal-assi tad-debituri (2),

—

wara li kkunsidra r-riżoluzzjoni tiegħu tal-25 ta’ Novembru 2009 dwar il-Komunikazzjoni mill-Kummissjoni lill-Parlament Ewropew u lill-Kunsill – Żona ta’ libertà, sigurtà u ġustizzja għas-servizz taċ-ċittadini – il-programm ta’ Stokkolma (3),

—

wara li kkunsidra l-Programm ta’ Stokkolma għall-2010-2014 – Ewropa Miftuħa u Sigura għas-Servizz u l-Protezzjoni taċ-Ċittadini (4), adottat mill-Kunsill Ewropew fil-10 ta’ Diċembru 2009 (5), u b'mod partikolari l-punt 3.4.2 tiegħu,

—

wara li kkunsidra l-Artikoli 42 u 48 tar-Regoli ta’ Proċedura tiegħu,

—

wara li kkunsidra r-rapport tal-Kumitat għall-Affarijiet Legali u l-opinjoni tal-Kumitat dwar l-Affarijiet Ekonomiċi u Monetarji (A7-0147/2011),

A.

billi l-aktar għodda importanti tal-Unjoni fil-promozzjoni tat-tkabbir wara l-kriżi finanzjarja hija s-suq intern tagħha; billi huwa essenzjali li l-miljuni ta’ negozji u ċittadini li jagħmlu użu mis-suq intern u mid-dritt li jgħixu, jaħdmu u jivvjaġġaw fl-UE ikollhom rimedji effikaċi fil-każ li jkollhom ilment kontra ċittadin jew negozju ieħor,

B.

billi s-suq intern u ż-żona ta’ libertà, sigurtà u ġustizzja jsiru realtà għaċ-ċittadini u n-negozji jekk kemm-il darba d-Dritt tal-Unjoni, b’mod partikolari fil-qasam tal-ġustizzja ċivili, jiġi applikat b’mod effikaċi, mit-traspożizzjoni u t-tqajjim tal-kuxjenza għall-applikazzjoni u l-infurzar,

C.

billi l-livell attwali ta’ ġbir b’suċċess ta’ djun bejn il-fruntieri huwa baxx ħafna, kemm f'dawk li huma beni ta’ persuni naturali kif ukoll dawk ta’ impriżi; billi kif inhuma l-affarijiet din is-sitwazzjoni tiskoraġġixxi l-kummerċ bejn il-fruntieri, tibgħat messaġġ ta’ impunità lid-debituri inadempjenti u xxekkel il-prestazzjoni ekonomika tal-Unjoni,

D.

billi l-ispiża tal-ġbir tad-djun transkonfinali hija bħalissa projbittiva għall-kredituri f’każijiet fejn id-debitur ikollu beni f’bosta Stati Membri; billi wasal iż-żmien li jiġi ssimplifikat u mħaffef dan il-proċess ta’ ġbir,

E.

billi spejjeż projbittivi bħal dawn għandhom impatt negattiv fuq l-estensjoni tas-self transkonfinali u saħansitra tranżazzjonijiet kummerċjali transkonfinali, li jirrappreżentaw ostakolu ewlieni għall-funzjonament sħiħ tas-suq intern,

F.

billi l-eżekuzzjoni transkonfinali għandha tkun ta’ prijorità fis-suq intern u l-qrati għandu jkollhom il-ħila jaġixxu b'ħeffa ħalli jiffriżaw il-beni tad-debitur jew l-allegat debitur; billi fin-nuqqas ta’ tali faċilità kummerċjanti diżonesti u oħrajn li deliberatament jippruvaw jaħarbu mir-responsabilitajiet tagħhom jistgħu iċaqalqu l-beni tagħhom lejn ġurisdizzjonijiet oħrajn, u b'hekk iġiegħlu liċ-ċittadini u n-negozji ż-żgħar li diġà kellhom favur tagħhom deċiżjoni tal-qorti jmorru fil-qrati ta’ Stat Membru ieħor biex jirkupraw il-beni,

G.

billi ordni għall-kxif ta’ informazzjoni dwar il-beni hija meħtieġa, fid-dawl tad-diffikultajiet prattiċi li l-kredituri jkollhom iħabbtu wiċċhom magħhom huma u jaċċedu għall-informazzjoni dwar id-debituri minn sorsi pubbliċi jew privati f’kuntest transkonfinali,

H.

billi l-azzjoni leġiżlattiva rikjesta f’din ir-riżoluzzjoni għandha tkun imsejsa fuq valutazzjonijiet dettaljati tal-impatt, kif rikjest mill-Parlament,

I.

billi l-informazzjoni dettaljata dwar il-proċeduri għall-infurzar ta’ ilmenti f’kull Stat Membru għandha tkun disponibbli permezz tal-portal Ewropew tal-e-Justice; billi għandha tiġi intensifikata l-kooperazzjoni bejn l-awtoritajiet tal-infurzar fl-Istati Membri biex jitħaffef l-irkupru tad-dejn,

J.

billi l-istrumenti proposti għandhom jikkumplimentaw l-liġi u l-inizjattivi tal-Unjoni eżistenti, partikolarment id-Direttiva 2011/7/UE tal-Parlament Ewropew u tal-Kunsill tas-16 ta’ Frar 2011 dwar il-ġlieda kontra l-ħlas tard fi transazzjonijiet kummerċjali (6), ir-Regolament tal-Kunsill (KE) Nru 44/2001 tat-22 ta’ Diċembru 2000 dwar ġurisdizzjoni u rikonoxximent u eżekuzzjoni ta’ sentenzi f’materji ċivili u kummerċjali (7), ir-Regolament (KE) Nru 1896/2006 tal-Parlament Ewropew u tal-Kunsill tat-12 ta’ Diċembru 2006 li joħloq proċedura għal ordni ta’ ħlas Ewropea (8), ir-Regolament (KE) Nru 861/2007 tal-Parlament Ewropew u tal-Kunsill tal-11 ta’ Lulju 2007 li jistabbilixxi Proċedura Ewropea għal Talbiet Żgħar (9), u l-portal Ewropew e-Justice,

K.

billi l-istrumenti għandhom ikunu sempliċi u għandhom jevitaw id-dewmien u l-ispejjeż mhux neċessarji; billi għandhom ikunu disponibbli fejn xieraq ex parte, b’‘effett ta’ sorpriża’; billi l-jeddijiet tad-debituri u tal-allegati debituri għandhom ikunu ssalvagwardati kif għandu jkun ħalli jkun evitat kull użu ħażin tal-miżuri rikjesti,

1.

Jitlob lill-Kummissjoni biex tippreżenta malajr lill-Parlament, abbażi tal-Artikolu 81(2) tat-Trattat dwar il-Funzjonament tal-Unjoni Ewropea, proposti leġiżlattivi dwar miżuri għall-iffriżar u l-kxif tal-beni tad-debituri u l-allegati debituri f’każijiet transkonfinali, wara r-rakkomandazzjonijiet ta’ hawn taħt;

2.

Jikkonferma li r-rakkomandazzjonijiet jirrispettaw il-prinċipju tas-sussidjarjetà u d-drittijiet fundamentali taċ-ċittadini;

3.

Iqis li l-proposta mitluba ma għandha l-ebda implikazzjoni finanzjarja għall-baġit tal-Unjoni;

4.

Jagħti istruzzjonijiet lill-President tiegħu biex jgħaddi din ir-riżoluzzjoni u r-rakkomandazzjonati dettaljati annessi magħha lill-Kummissjoni u lill-Kunsill.

7.12.2012   

MT

Il-Ġurnal Uffiċjali tal-Unjoni Ewropea

CE 377/7

—

wara li kkunsidra l-Artikolu 48 tar-Regoli ta' Proċedura tiegħu,

—

wara li kkunsidra d-Direttiva 2010/76/UE tal-Parlament Ewropew u tal-Kunsill tal-24 ta' Novembru 2010 li temenda d-Direttivi 2006/48/KE u 2006/49/KE dwar ir-rekwiżiti kapitali għall-kotba tal-kummerċ u għar-rititolizzazzjonijiet, u r-reviżjoni superviżorja tal-politiki dwar ir-rimunerazzjoni (1),

—

wara li kkunsidra r-rapport tal-Kumitat għall-Affarijiet Ekonomiċi u Monetarji u l-opinjonijiet tal-Kumitat għall-Affarijiet Legali u tal-Kumitat għas-Suq Intern u l-Ħarsien tal-Konsumatur (A7-0074/2011),

1.

Jilqa' b’sodisfazzjon il-Green Paper tal-Kummissjoni u l-opportunità li l-istrutturi tal-governanza korporattivi jittejbu fl-UE kollha;

2.

Jenfasizza li l-funzjonament adattat tas-suq intern jiddependi fuq l-istabbiltà tas-sistema finanzjarja u, relatat ma' dan, fuq il-fiduċja li ċ-ċittadini u l-konsumaturi Ewropej għandhom fl-istituzzjonijiet u t-tranżazzjonijiet finanzjarji; jinnota li s-sistemi ta’ rimunerazzjoni applikati sa issa wasslu għal strutturi mhux adattati.

3.

Huwa konxju li wara l-kriżi finanzjarja, deher ċar li l-kwalità tal-ħarsien u tas-salvagwardji tal-konsumatur fis-settur tas-servizzi finanzjarji teħtieġ titjib tanġibbli u qawwi, b'mod partikolari fir-rigward tal-aspetti tas-sorveljanza u tas-superviżjoni;

4.

Jemmen li s-settur finanzjarju għandu jissodisfa l-ħtiġijiet tal-ekonomija reali, jikkontribwixxi għall-promozzjoni ta' tkabbir sostenibbli u jagħti prova tal-ogħla grad possibbli ta' responsabilità soċjali;

5.

Jinnota li waqt il-kriżi finanzjarja ta’ dan l-aħħar ħafna istituzzjonijiet finanzjarji madwar id-dinja fallew bi spiża kbira għal dawk li jħallsu t-taxxa; jemmen li l-Kummissjoni qed tkun korretta li teżamina kull kawża possibbli ta' falliment fl-istituzzjonijiet finanzjarji bil-għan li tipprevjeni li sseħħ xi kriżi oħra;

6.

Jinnota nuqqas ta' valuri u etika fl-aġir ta' xi parteċipanti fis-swieq u l-istituzzjonijiet finanzjarji; jenfasizza li s-swieq u l-istituzzjonijiet finanzjarji jridu jqisu, bħala parti mir-responsabbiltà soċjali korporattiva tagħhom, l-interessi tal-partijiet kollha involuti, inklużi l-klijenti, l-azzjonisti u l-impjegati tagħhom;

7.

Jinnota li l-Att Sarbanes-Oxley tal-Istati Uniti ma kienx effettiv fil-ħarsien tal-istituzzjonijiet tal-Istati Uniti waqt il-kriżi finanzajrja, filwaqt li fl-istess ħin żied l-ispejjeż tal-konformità għall-kumpaniji kollha kkwotati fil-Borża, b’mod partikolari l-SMEs, naqqas il-kompetittività u xekkel il-ħolqien ta’ kumpaniji ġodda kkwotati fil-Borża; jenfasizza li ċ-ċirkustanzi ekonomiċi preżenti u l-ħtieġa tat-tkabbir jagħmluha ħaġa imperattiva li jiġi evitat effett ‘Sarbanes-Oxley’ min-naħa tal-UE;

8.

Jinnota d-diversità tat-tmexxija korporattiva fl-Unjoni Ewropea kollha u d-diversità tal-approċċi li l-Istati Membri jieħdu biex jirregolaw dawn l-istrutturi; jagħraf li approċċ ta’ ‘daqs wieħed jiġi lil kulħadd’ ma jkunx xieraq u jkun ta’ ħsara għall-kompetittività tal-istituzzjonijiet finanzjarji; josserva li s-superviżuri nazzjonali jifhmu f’dawn l-approċċi u f’ħafna każi jinsabu fl-aħjar pożizzjoni biex jieħdu deċiżjonijiet f'konformità mal-prinċipji tal-UE; jisħaq b’danakollu li huma meħtieġa standards minimi f’saħħithom għalbiex tkun żgurata l-governanza t-tajba fis-settur finanzjarju kollu tal-UE;

9.

Jirrikonoxxi li l-qasam tal-governanza korporattiva qiegħed il-ħin kollu jevolvi; jemmen li huwa xieraq approċċ proporzjonat li jikkombina kemm ir-regolamenti msejsin fuq il-prinċipji u b’mira ċara u l-kodiċijiet flessibbli ta’ "ottempera jew spjega ruħek" tal-aqwa prattika fuq l-istess livell; jisħaq li dan għandu jkun kkomplementat b’valutazzjoni esterna regolari u b’superviżjoni regolatorja xierqa;

10.

Jemmen li f’oqsma oħrajn tista’ xorta waħda tkun aktar xierqa proċedura ta’ “ottempera jew spjega ruħek” imtejba bi skrutinju, u dan kwantu għar-rekwiżiti leġiżlattivi speċifiċi u verifiki aktar intrużivi fl-ottemperanza jew il-varjazzjoni, u li kemm il-valutazzjoni kwalitattiva kemm dik kwantittativa hija meħtieġa ħalli l-ottemperanza ma tiddeġenerax f'eżerċizzju ta' mmarkar tal-kaxxi vojta;

11.

Jitlob li l-Kun mmissjoni tassoġġetta kull proposta li hija tqis li ttejjeb il-governanza korporattiva tressaqha għal valutazzjoni tal-impatt tal-benefiċċji mqabbla mal-ispejjeż li tkun tiffoka fuq il-ħtieġa li l-istituzzjonijiet finanzjarji jibqgħu jinżammu b’saħħithom, stabbli u kompetittivi ħalli jkunu jistgħu jwasslu t-tkabbir ekonomiku, filwaqt li tqis ukoll l-impatt tan-nuqqas ta’ regolamentazzjoni fuq l-istabilità finanzjarja u l-ekonomija reali;

12.

Jinnota l-fatt li xi istituzzjonijiet finanzjarji u superviżuri naqsu milli japprezzaw li n-natura, l-iskala u l-kumplessità tar-riskju li ġarrbu kkontribwew għall-kriżi finanzjarja; jemmen li governanza effettiva tar-riskji hija element essenzjali maġġuri għall-prevenzjoni ta’ kriżijiet futuri;

13.

Jitlob li fl-istituzzjonijiet finanzjarji kollha tiġi stabbilita sistema effettiva ta’ governanza, b’immaniġġjar adegwat tar-riskji, konformità, funzjonijiet ta' verifika interna (u, fil-każ ta' min jinxurja, funzjonijiet attwarji), strateġiji, politiki, proċessi u proċeduri;

14.

Jenfasizza li r-riskju huwa intrinsiku u meħtieġ fis-settur finanzjarju sabiex tiġi pprovduta l-likwidità, titrawwem il-kompetittività, u jkun hemm kontribut għat-tkabbir ekonomiku u l-impiegi; huwa importanti għall-aħħar li l-bord jifhem u jevalwa b'mod dettaljat ir-riskju biex tiġi evitata kriżi finanzjarja futura;

15.

Jitlob li jiġu stabbiliti kumitati obbligatorji tar-riskji jew arranġament ekwivalenti fil-livell tal-bordijiet għall-istituzzjonijiet finanzjarji kollha li huma ekonomikament sinifikanti u fil-livell tal-bord tal-kumpaniji prinċipali għall-gruppi finanzjarji li huma ekonomikament sinifikanti; is-superviżuri tal-UE b’konsultazzjoni mal-awtoritajiet nazzjonali relevanti għandhom jistabbilixxu kriterji u proċessi ta’ ‘persuni adatti u xierqa’ għall-uffiċjali anzjani u dawk kollha li jieħdu r-riskju materjali, li għandhom ikunu implimentati mill-istituzzjoni finanzjarja, u l-awtoritajiet nazzjonali għandhom jiżguraw l-ottemperanza ma' dawn il-kriterji;

16.

Jemmen li l-kumitat tar-riskji jew korp ekwivalenti ieħor għandu jkun responsabbli mis-superviżjoni u mill-ogħti ta’ pariri lill-bord dwar l-esponimenti għar-riskju attwali tal-istituzzjoni finanzjarja kkonċernata u għandu jagħti pariri dwar strateġiji tar-riskju futuri, inklużi strateġiji għall-ġestjoni tal-kapital u tal-likwidità, filwaqt li jqis il-valutazzjonijiet tal-istabilità finanzjarja żviluppati mis-superviżuri u mill-banek nazzjonali;

17.

Jisħaq li r-responsabilità aħħarija għall-governanza tar-riskju tmiss lill-bord, li għandu wkoll jieħu responsabilità li jiddimostra l-ottemperanza u l-formulazzjoni tal-pjanijiet ta’ rkupru;

18.

Jenfasizza li f'kwalunkwe istituzzjoni t-teħid ta' riskji sproporzjonati mhux kompatibbli mal-iktar responsabbiltà importanti tal-membri tal-bord tagħha, jiġifieri strateġija kummerċjali fuq żmien twil u sostenibbli;

19.

Jemmen li l-kumpaniji għandhom jistabbilixxu proċedura interna, rieżaminata mis-superviżur, biex jindirizzaw dawk il-konflitti li jistgħu jinqalgħu bejn l-unità tal-ġestjoni tar-riskji u l-unità operazzjonali tagħhom; barra minn hekk għandu jkun hemm obbligu li l-bord tad-diretturi jgħarraf lill-awtoritajiet superviżorji bi kwalunkwe riskju sinifikanti li jkunu jafu bih;

20.

Huwa favur il-ħolqien ta’ kanali biex informazzjoni dwar kunflitti interni jew prattiki mhux xierqa f’kumpanija tgħaddi lill-kumitat tar-riskji jew lis-superviżuri esterni, filwaqt li jiġi rikonoxxut li l-prattiki kultant ikunu jvarjaw mill-politiki, u l-ġestjoni mhux dejjem tkun konxja tal-prattiki reali;

21.

Jinnota li s-sistema ta’ komunikazzjoni bejn il-funzjoni ta’ ġestjoni tar-riskju u l-bord tad-diretturi għandha titjieb bl-introduzzjoni ta’ proċedura fejn il-kunflitti u/jew il-problemi jiġu riferuti lejn il-livell ogħla ta’ risoluzzjoni;

22.

Jenfasizza li s-CRO għandu jkollu aċċess dirett għall-bord tal-kumpanija; bil-għan li jiġi żgurat li l-indipendenza u l-oġġettività tiegħu ma jiġux kompromessi, il-ħatra u t-tkeċċija tiegħu jiġu deċiżi mill-bord kollu kemm hu;

23.

Jissuġġerixxi wkoll li għandhom jiġu stabbiliti proċeduri għar-reġistrar ta’ meta l-kumitat tar-riskju jiġi megħlub u r-reġistrazzjonijiet għandhom jingħataw lill-awdituri u lis-superviżuri;

24.

Jinnota d-Direttiva tat-Trasparenza, li tirrikjedi li l-istituzzjonijiet jiżvelaw ir-riskji prinċipali fir-rieżami tan-negozju tagħhom, u r-Raba’ Direttiva dwar il-Liġi tal-Kumpaniji, li tirrikjedi li l-istituzzjonijiet jiddeskrivu s-sistemi ta’ kontroll interni tagħhom relatati mar-riskji tar-rappurtar finanzjarju; josserva li l-istituzzjonijiet finanzjarji għandhom jiġu rekwiżiti li jiżvelaw l-ippjanar ta' rkupru u r-rapporti superviżorji dwaru;

25.

Huwa tal-fehma li għandu jkun obbligatorju għall-istituzzjonijiet finanzjarji li jfasslu rapport annwali, li ma jeħtieġx wisq burokrazija, dwar l-adegwatezza u l-effikaċja tas-sistema ta’ kontroll intern u li l-bord tad-diretturi tagħhom jadotta dak ir-rapport; huwa tal-opinjoni, barra minn hekk, li r-rapport ta’ verifika annwali għandu jkollu parti korrispondenti għal reviżuri esterni; jenfasizza, madankollu, li għandu jiġi evitat “effett Sarbanes-Oxley” fl-UE;

26.

Huwa tal-opinjoni li għandha tingħata attenzjoni akbar lill-implimentazzjoni ta’ miżuri fl-istituzzjonijiet finanzjarji, li jżidu s-sensibilizzazzjoni tar-riskju, peress li t-tisħiħ ta’ kuxjenza dwar ir-riskju fil-livelli kollha ta’ impriża, anki fost il-ħaddiema, huwa determinanti biex tittejjeb il-ġestjoni tar-riskju;

27.

Jaqbel li huwa neċessarju li jissaħħew il-miżuri fil-livell tal-UE sabiex jiġu evitati l-kunflitti ta' interessi ħalli jiġu protetti l-oġġettività u l-indipendenza tal-ġudizzju tal-membri tal-bord fis-settur bankarju, fis-settur tat-titoli u f'dak tal-assigurazzjoni;

28.

Jistieden lis-superviżuri nazzjonali jiżviluppaw kriterji oġġettivi għal test tal-‘persuna adattata u xierqa’ ħalli tiġi vvalutata l-adegwatezza ta’ individwi filwaqt li jitqiesu n-natura, il-kumplessità u d-daqs tal-istituzzjoni finanzjarja; is-superviżuri jridu jwettqu l-valutazzjonijiet tagħhom u l-proċeduri tagħhom ta’ approvazzjoni b’mod effiċjenti u f’waqtu bil-kunsiderazzjoni dovuta għall-fehma tal-impriżi regolati; għal istituzzjonijiet maġġuri u sistematikament relevanti s-superviżuri għandhom iwettqu verifiki intrussivi rigward kemm id-diretturi huma adattati, esperti u diversi kemm individwalment u kemm kollettivament u kemm huma xierqa fir-rigward tal-ħatra, u għad-diretturi rigward il-kompożizzjoni usa' tal-korp ta’ tmexxija u kemm jiddedikaw ħin filwaqt li jitqiesu l-attivitajiet tagħhom;

29.

Jistieden lill-Kummissjoni tiżviluppa leġiżlazzjoni li tirrikjedi li l-istituzzjonijiet finanzjarji kbar jissottomettu l-bord tagħhom għal evalwazzjoni esterna regolari bl-għan li jiġu żgurati mhux biss standards għolja ta’ kontributi minn diretturi individwali, imma wkoll li l-bord bħala entità sħiħa u l-kumitati tiegħu ikunu f’pożizzjoni li jwettqu l-objettivi strateġiċi tal-istituzzjoni u l-immaniġġjar tar-riskju; jirrikjedi lill-istituzzjonijiet finanzjarji kbar jikkonfermaw fir-rapporti annwali tagħhom li jkunu wettqu tali evalwazzjoni, jagħtu l-isem tal-evalwatur estern, deskrizzjoni tal-ambitu tal-evalwazzjoni u li huma jkunu aġixxew skont ir-rakkomandazzjonijiet ta’ dan tal-aħħar; jistieden lill-ASE jiżviluppaw gwida dwar l-ambitu ta’ tali evalwazzjonijiet f’konsultazzjoni mal-industrija, mal-azzjonisti u mar-regolaturi;

30.

Jemmen li r-rwoli ta’ CEO u Chairman għandhom ikunu mifrudin minn xulxin, imma jinnota li hemm ċirkostanzi meta rwol kombinat għandu mnejn ikun neċessarju fit-terminu l-qasir; jenfasizza wkoll li fil-ġestjoni tal-kumpanija u fil-politika ta’ rimunerazzjoni l-prinċipji mnaqqxa fit-trattati Ewropej u fid-direttivi dwar ir-rimunerazzjoni ndaqs u t-trattament ugwali tal-irġiel u n-nisa jiġu rispettati u promossi;

31.

Jemmen li l-membri fuq bażi kollettivatal-bordijiet superviżorji jew unitarji għandhom jippossedu kwalifiki professjonali, għarfien u esperjenza riċenti u relevanti, inkluż fil-qasam finanzjarju, biex flimkien jiddirieġu l-impriża finanzjarja; jirrikjedi li l-istituzzjonijiet finanzjarji kollha ta' sinifikat ekonomiku jkollhom membri tal-bord li ma jkunux eżekuttivi; jemmen, iżda, li kull istituzzjoni finanzjarja għandu jkollha bord b’diversità fl-esperjenza, perizja u karattru ħalli tagħti ġestjoni soda u prudenti u li l-ħatriet isiru abbażi ta' mertu;

32.

Jenfasizza li diversità akbar fi ħdan bord amministrattiv tnaqqas il-vulnerabilità tas-settur finanzjarju għall-kriżijiet u tikkontribwixxi għall-istabilità ekonomika; jistieden lill-Kummissjoni tippreżenta pjan li jwassal għal żieda gradwali fid-diversità bejn is-sessi bil-għan li tinkiseb mill-inqas 30 % rappreżentanza għal kull sess fil-bordijiet tad-diretturi tal-istituzzjonijiet finanzjarji, u biex tiżgura li din il-mira tintlaħaq f’perjodu ta’ żmien prevedibbli u biex tikkunsidra miżuri li jsaħħu d-diversità f’termini ta’ sfond professjonali, soċjali u kulturali;

33.

Jenfasizza li diversità akbar fost il-membri tal-bordijiet aktarx ittejjeb il-kwalità tad-dibattitu u t-teħid ta’ deċiżjonijiet;

34.

Jenfasizza l-importanza tar-rappreżentanti tal-ħaddiema fil-bord amministrattiv, partikolarment minħabba l-interess tagħhom fuq perjodu twil fi tmexxija sostenibbli tal-impriża, kif ukoll l-esperjenza tagħhom u l-għarfien tagħhom dwar l-istrutturi interni tal-impriża;

35.

Iqis li l-istituzzjonijiet finanzjarji pubbliċi u l-awtoritajiet finanzjarji jridu jiżguraw proċessi ta’ ħatra miftuħa u indipendenti;

36.

Jenfasizza li d-diretturi għandhom jiddedikaw żmien suffiċjenti għat-twettiq ta' dmirijiethom, li l-linji gwida għalihom għandhom jiġu żviluppati minn kopri superviżorji tal-UE u għandhom ikunu mmoniterjati mill-bord u mill-korpi superviżorji nazzjonali;

37.

Jemmen li għandu jkun hemm preżunt kontra kull persuna li sservi fuq numru eċċessiv ta’ bordijiet ta’ diretturi ta’ gruppi finanzjarji differenti;

38.

Jitlob li jiġu implimentati b'mod effikaċi r-regoli li jikkonċernaw il-konsultazzjoni u l-parteċipazzjoni tal-impjegati magħżula fil-kuntest tad-Direttiva 2001/86/KE li tikkomplementa l-Istatut tal-Kumpanija Ewropea;

39.

Huwa tal-opinjoni li kemm il-maniġment superjuri kif ukoll il-bord tad-diretturi għandhom ikunu effettivament responsabbli għall-istabbiliment u l-applikazzjoni tal-prinċipji ta' governanza korporattiva fil-livelli kollha tal-kumpanija jew il-korporazzjoni;

40.

Jemmen li huwa neċessarju li jkun hemm standard minimu Ewropew definit b'mod ċar fir-rigward tar-responsabilità tal-membri tal-bordijiet amministrattivi fl-istituzzjonijiet finanzjarji;

41.

Jinnota li l-Bank Ċentrali Ewropew, il-Bank Ewropew tal-Investiment, il-Fond Ewropew tal-Investiment u l-banek ċentrali tal-Istati Membri kollha huma mmexxija minn gvernaturi rġiel; jinnota li huma ftit ħafna n-nisa li attwalment huma rappreżentati f'karigi governattivi fil-banek ċentrali tal-Istati Membri u tal-istituzzjonijiet finanzjarji;

42.

Jemmen li d-diretturi għandu jkollhom dmir ġenerali ta' kura u jkunu obbligati jirrapportaw ir-riskji sinifikanti lis-superviżuri;

43.

Jistieden lill-Kummissjoni u lill-Istati Membri jieħdu miżuri ta’ rappreżentanza sesswali ekwilibrata fir-rigward tal-ħatra ta' gvernaturi fil-korpi u l-istituzzjonijiet finanzjarji tal-Unjoni Ewropea;

44.

Iħeġġeġ lill-Kummissjoni tippromwovi politiki li jistgħu jgħinu lill-kumpaniji fis-settur finanzjarju fl-ambjent ekonomiku tal-lum biex jivvalorizzaw u jimmaniġġjaw rappreżentanza iktar ekwilibrata ta’ rġiel u nisa fil-korpi responsabbli mit-teħid ta' deċiżjonijiet;

45.

Jenfasizza li l-immaniġġjar korporattiv u l-politiki ta’ rimunerazzjoni għandhom jikkonformaw mal-prinċipji ta’ ugwaljanza fil-pagi u ugwaljanza fit-trattament tan-nisa u l-irġiel stabbiliti bit-Trattati u bid-direttivi tal-UE, kif ukoll jippromwovuhom;

46.

Jemmen li l-politiki tar-rimunerazzjoni jridu jkunu bbażati fuq il-prestazzjoni fit-tul tal-individwi u tal-azjendi tagħhom, biex jiġi żgurat li l-politiki ta' rimunerazzjoni ma jikkontribwixxux għal teħid ta' riskji eċċessiv, u li l-politiki ta' rimunerazzjoni jew il-pagamenti ma għandhom qatt jimminaw l-istabilità ta' azjenda;

47.

Jilqa’ l-bidliet fil-politika ta' rimunerazzjoni diġà introdotti mill-istituzzjonijiet finanzjarji, li jorbtu l-ħlas tal-bonus ma’ suċċess fit-tul tan-negozju u li dan ma jitħallasx qabel mill-inqas tliet snin; jilqa’ wkoll il-punt li talbiet għal ħlasijiet lura ta’ bonus huma possibbli, jekk l-objettivi ekonomiċi ma jintlaħqux;

48.

Jenfasizza li l-opzjonijiet kollha fuq l-ishma għandhom ikunu żvelati b'mod xieraq u għandu jkollhom perjodi ta' vestiment ta' mill-anqas tliet snin; jikkunsidra li għandu jsir użu akbar tal-istrumenti ta' kapital kontinġenti minflok l-ishma minħabba li għandhom inqas kunflitt ta' interess biex iħeġġu perspettivi għal żmien qasir;

49.

Jinnota li l-kwestjoni tar-rimunerazzjoni fl-istituzzjonijiet finanzjarji ġiet ittrattata fid-Direttiva dwar ir-Rekwiżiti ta' Kapital (CRD III);

50.

Jenfasizza l-importanza ta' politika ta' rimunerazzjoni stretta kif prevista fid-Direttiva dwar ir-rekwiżiti ta' kapital (CRD III) u Solvenza II; jistenna li dawn u miżuri leġiżlattivi eżistenti oħra jiġu implimentati malajr bejn l-2011 u l-2013; jitlob lill-Kummissjoni tippubblika rapport ta' valutazzjoni fl-2015;

51.

Jirrikonoxxi li l-approċċi strutturali jvarjaw fost l-Istati Membri; jinkoraġġixxi prassi li jsaħħu l-governanza korporattiva skont il-forma legali, id-daqs, in-natura, il-kumplessità u l-mudell tan-negozju tal-istituzzjoni finanzjarja;

52.

Jinnota li l-applikazzjoni tar-rakkomandazzjonijiet eżistenti għar-rimunerazzjoni tad-diretturi ta' kumpaniji kkwotati la hija uniformi u lanqas sodisfaċenti; għalhekk jistieden lill-Kummissjoni tressaq leġiżlazzjoni fil-livell tal-UE dwar ir-rimunerazzjoni għad-diretturi tal-kumpaniji kkowtati kemm sabiex jiġi żgurat li l-istruttura tar-rimunerazzjoni fil-kumpaniji kkwotati ma tinkoraġġix teħid ta' riskju eċċessiv kif ukoll sabiex jiġu żgurati kundizzjonijiet ekwi fil-livell tal-UE;

53.

Jenfasizza b'mod partikolari t-tħassib li l-azzjonisti attwalment la jistgħu u lanqas ma huma jeżerċitaw kontroll xieraq fuq il-politiki ta' rimunerazzjoni fl-istituzzjonijiet finanzjarji;

54.

Jinsisti li hemm bżonn ta' trasparenza sħiħa sabiex l-azzjonisti jkunu jistgħu jwettqu superviżjoni xierqa tal-politiki ta' rimunerazzjoni, u jitlob b'mod partikolari l-pubblikazzjoni tal-għadd ta' persunal f'kull istituzzjoni li jirċievi rimunerazzjoni totali ta' iktar minn EUR 1 miljun, f'faxex ta' mill-inqas EUR 1 miljun;

55.

Huwa tal-fehma li l-azzjonisti għandhom jgħinu fid-determinazzjoni ta' politiki ta' rimunerazzjoni sostenibbli u għandhom jingħataw l-opportunità li jesprimu l-fehmiet tagħhom dwar il-politiki ta' rimunerazzjoni bid-dritt li jirrifjutaw il-politika ta' rimunerazzjoni li tiġi definita mill-kumitat għar-rimunerazzjoni fil-laqgħa ġenerali;

56.

Jemmen li djalogu msaħħaħ bejn tliet partijiet li huma s-superviżuri, l-awdituri (kemm dawk interni u kemm dawk esterni) u l-istituzzjonijiet jaf itejjeb il-possibilità tas-sejbien bikri ta' riskju sostanzjali jew sistemiku; jinkoraġġixxi lis-superviżuri, lill-Bord Ewropew dwar ir-Riskju Sistemiku, lill-awdituri u lill-istituzzjonijiet jimpenjaw ruħhom f’diskussjonijiet miftuħa u jżidu l-frekwenza tal-laqgħat bil-għan li jiffaċilitaw is-superviżjoni prudenzjali; u jirrakkomanda wkoll li jsiru laqgħat bilaterali bejn l-awdituri u s-superviżuri tal-istituzzjonijiet finanzjarji ewlenin; jemmen li jmiss lill-Bord u lill-Awditur Intern li jiżguraw li l-kontrolli interni neċessarji jkunu f'posthom ħalli jsibu r-riskji sistemiċi u jistabbilixu proċedura għalbiex ikunu mgħarrfin il-bord u s-superviżuri b'dawn ir-riskji ħalli jevitaw il-konsegwenzi negattivi;

57.

Jenfasizza li r-rwol primarju ta’ awditur ma għandux jiġi kompromess bla bżonn mill-piż ta' dmirijiet żejda, bħalma huma l-eżami u l-valutazzjoni ta' tagħrif li mhuwiex għall-ivverifikar, li jaqgħu barra l-qasam tal-għarfien espert tagħhom; jemmen li l-awdituri għandhom jirrappurtaw direttament lis-superviżuri meta jkunu konxji minn xi ħaġa ta’ tħassib materjali għas-superviżjoni u għandhom jipparteċipaw fil-valutazzjonijiet panindustrijali ta’ kontrolli speċifiċi;

58.

Jinsisti li l-awtoritajiet pubbliċi, inklużi l-Awtoritajiet Superviżorji Ewropej u s-superviżuri nazzjonali għandhom iżommu standards għoljin ta' indipendenza u ekwivalenzi ta' governanza korporattiva;

59.

Jinkoraġġixxi lill-azzjonisti istituzzjonali jieħdu rwol aktar attiv biex iżommu l-bord u l-istrateġija tagħhom responsabbli sabiex b’mod xieraq jirriflettu l-interessi fit-tul tal-benefiċjarji tagħhom;

60.

Jitlob leġiżlazzjoni li tirrikjedi lil dawk kollha awtorizzati jiġġestixxu investimenti f'isem terzi fl-UE jiddikjaraw pubblikament jekk japplikawx kodiċi ta’ prattika tajba u jekk jimxux ma' dan il-kodiċi fir-rigward tal-iżvelar; u jekk dan ikun il-każ jindikaw liema kodiċi jużaw u għalfejn, u jekk le jispjegaw għalfejn ma jagħmlux dan;

61.

Jemmen li tranżazzjonijiet sinifikanti għandhom jirrikjedu l-approvazzjoni speċifika tal-azzjonisti jew jiġu soġġetti għal obbligu li l-azzjonisti jiġu mgħarrfa qabel ma t-tranżazzjoni tkun tista’ tiġi fis-seħħ, sakemm l-involviment tal-azzjonisti jkun fattibbli, jiġi ssodisfat il-prinċipju ta' kunfidenzjalità u ma tiddgħajjifx il-ħidma ta' kuljum tal-istituzzjoni finanzjarja; l-AETS tista’ toħroġ linji gwida dwar il-parametru referenzjarju xieraq b’konsultazzjoni mal-awtoritajiet nazzjonali relevanti;

62.

Jagħraf li t-trasparenza hija meħtieġa fir-rigward tat-tranżazzjonijiet ma' partijiet relatati u li t-tranżazzjonijiet li jinvolvu parti relatata għandhom jiġu nnotifikati lill-awtorità tar-reġistrazzjoni fil-Borża u jkunu akkumpanjati minn ittra mingħand konsulent indipendenti li tkun tikkonferma li t-tranżazzjoni hija ġusta u raġonevoli, jew għandhom jiġu soġġetti għal votazzjoni tal-azzjonisti fejn il-parti relatata tiġi eskluża minn din il-votazzjoni; l-AETS tista’ toħroġ linji gwida dwar il-parametru referenzjarju xieraq b’konsultazzjoni mal-awtoritajiet nazzjonali relevanti;

63.

Jitlob li jsiru elezzjonijiet annwali obbligatorji ta’ kull membru tal-bord jew talbiet annwali obbligatorji għall-approvazzjoni tal-politika tal-bord jew għall-kwittanza tal-bord waqt il-LĠA, bil-ħsieb li l-bord jiġi responsabilizzat aktar u bil-ħsieb li tiġi inkoraġġita kultura ta’ responsabilità akbar;

64.

Jitlob investigazzjoni tal-inibizzjoni fir-rigward ta' kontrolli effettivi min-naħa tal-azzjonisti u t-tneħħija tal-impedimenti regolatorji minn fuq il-kollaborazzjoni raġonevoli;

65.

Jitlob li tiġi introdotta votazzjoni elettronika sabiex tinkuraġġixxi l-azzjonisti jimpenjaw ruħhom fil-governanza korporattiva tal-istituzzjonijiet finanzjarji;

66.

Huwa tal-opinjoni li s-soċjetajiet kollha li jkollhom responsabilità limitata għandhom ikunu liberi biex jistipulaw fl-istatuti tagħhom jekk is-sħab tagħhom jistgħux jibqgħu anonimi jew għandhomx jissemmew u li, f’dan il-każ tal-aħħar, għandha tiġi adottata liġi biex tiggarantixxi li l-identitajiet tagħhom fil-fatt isiru pubbliċi;

67.

Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill u lill-Kummissjoni.

7.12.2012   

MT

Il-Ġurnal Uffiċjali tal-Unjoni Ewropea

CE 377/13

—

wara li kkunsidra l-Linji gwida tal-Organizzazzjoni għall-Kooperazzjoni u l-Iżvilupp Ekonomiċi (OECD) dwar Impriżi Multinazzjonali u d-Dikjarazzjoni Tripartitika tal-Organizzazzjoni Internazzjonali tax-Xogħol (ILO) dwar il-Prinċipji li jikkonċernaw Impriżi Multinazzjonali u l-Politika Soċjali,

—

wara li kkunsidra d-Dikjarazzjoni tal-Ministri tar-Raba' Sessjoni tal-Konferenza Ministerjali tad-WTO, adottata fl-14 ta’ Novembru 2001 f'Doha, u b'mod partikolari l-paragrafu 44 tagħha, rigward Trattament Speċjali u Differenzjali (SDT),

—

wara li kkunsidra r-riżoluzzjoni tiegħu tad-29 ta’ Settembru 2005 dwar ir-relazzjonijiet bejn l-UE u l-Indja: Sħubija Strateġika (1),

—

wara li kkunsidra l-Komunikazzjoni mill-Kummissjoni tat-4 ta’ Ottubru 2006 bit-titolu 'L-Ewropa Globali: Kompetizzjoni Dinjija. Kontribut lill-Istrateġija tal-UE għat-Tkabbir Ekonomiku u l-Impjiegi' (COM(2006)0567),

—

wara li kkunsidra r-riżoluzzjoni tiegħu tas-26 ta’ Marzu 2009 dwar Ftehim ta’ Kummerċ Ħieles bejn l-UE u l-Indja (2),

—

wara li kkunsidra r-riżoluzzjoni tiegħu tat-12 ta’ Lulju 2007 dwar il-Ftehim TRIPS u l-aċċess għall-mediċini (3),

—

wara li kkunsidra r-riżoluzzjoni tiegħu tat-22 ta’ Mejju 2007 dwar l-Ewropa Globali: l-aspetti esterni tal-kompetittività (4),

—

wara li kkunsidra d-Dokument ta’ Strateġija tal-Pajjiż li jikkonċerna l-Indja (2007-2013),

—

wara li kkunsidra l-Artikoli 115(5) u 110(2) tar-Regoli ta’ Proċedura tiegħu,

A.

billi l-Unjoni Ewropea għandha tkompli tagħti prijorità lil sistema kummerċjali multilaterali bbażata fuq ir-regoli, stabbilita permezz tad-WTO, li toffri l-aħjar prospetti għal kummerċ internazzjonali miftuħ u ekwu billi tistabbilixxi regoli xierqa u tassigura konformità magħhom,

B.

billi konklużjoni ta’ suċċess u bilanċjata tal-Aġenda ta’ Doha għall-Iżvilupp (DDA) hija ta’ importanza kruċjali kemm għall-Unjoni Ewropea kif ukoll għall-Indja, u billi t-tali ftehim ma jipprekludix ftehim bilaterali WTO+ li jista' jkun kumplimentari għar-regoli multilaterali,

C.

billi l-Unjoni Ewropea hija l-akbar għajn ta’ Investiment Barrani Dirett (IBD) għall-Indja, li jirrappreżenta 27 % tal-IBD totali fl-2009; billi, iżda, is-sehem tal-UE matul dawn l-aħħar tliet snin naqas, minn 37 % tal-IBD totali fl-2007 għal 32 % fl-2008 u 27 % fl-2009, filwaqt li l-ħruġ tal-IBD tal-UE lejn iċ-Ċina fl-2009 kien notevolment ogħla minn dak lejn l-Indja, li jirrappreżenta EUR 5.3 biljun meta mqabbel ma’ EUR 3.1 biljun lejn l-Indja,

D.

billi l-Indja kienet is-sbatax-il sieħba kummerċjali l-aktar importanti tal-Unjoni Ewropea fl-2000 u fl-2010 kienet tikklassifika fit-tmien post (meta t-tali kummerċ kien jiswa EUR 67.8 biljun); billi, iżda, is-sehem relattiv tal-UE fis-suq Indjan naqas minn 23,2 % fl-1999 għal 14,5 % fl-2009, filwaqt li s-sehem fis-suq Ċiniż żdied b'erba' darbiet matul l-istess perjodu ta’ żmien, minn 2,6 % fl-1999 għal 11,3 % fl-2009,

E.

billi l-Indja hija l-akbar benefiċjarju tas-Sistema Ġeneralizzata ta’ Preferenzi (SPĠ); billi l-importazzjonijiet tal-Unjoni Ewropea mill-Indja b'rati preferenzjali jew mingħajr dazju kienu jiswew EUR 19.9 biljun fl-2009 u rrappreżentaw 83 % tal-importazzjonijiet totali tal-UE mill-Indja,

F.

billi ż-żewġ partijiet jistennew li jassiguraw benefiċċji konsiderevoli mill-eliminazzjoni tat-tariffi, il-liberalizzazzjoni tal-kummerċ tas-servizzi u tal-istabbiliment u jerġgħu jaffermaw l-impenn tagħhom favur it-tnaqqis tat-tariffi u t-tkomplija tal-liberalizzazzjoni tal-istabbiliment u tal-kummerċ tas-servizzi,

G.

billi l-aċċess għas-suq għandu bżonn ikun akkumpanjat b'regoli u standards trasparenti u xierqa li jassiguraw li l-liberalizzazzjoni tal-kummerċ tkun ta’ benefiċċju,

H.

billi l-aċċess għas-suq qiegħed ikun imxekkel minn ostakoli non-tariffarji (ONT) għall-kummerċ, bħal rekwiżiti tas-saħħa u sikurezza jew ostakoli tekniċi, restrizzjonijiet kwantitattivi, proċeduri ta’ konformità, mekkaniżmi ta’ difiża kummerċjali, proċeduri doganali, tassazzjoni interna u nuqqas ta’ adozzjoni ta’ normi u standards internazzjonali;

I.

billi għandhom jitqiesu saħansitra aktar l-elementi dwar ir-rikonoxximent, il-protezzjoni xierqa u effikaċi, l-implimentazzjoni u l-infurzar tad-drittitjiet ta’ proprjetà intellettwali (IPRs), inklużi privattivi, trade marks jew service marks, id-dritt tal-awtur u drittijiet simili, l-indikazzjonijiet ġeografiċi (IĠ) (inklużi tikketti ta’ oriġini), id-disinn industrijali u t-topografiji taċ-ċirkwiti integrati,

J.

billi l-mediċini falsifikati potenzjalment jistgħu jikkawżaw ħsara lis-saħħa; billi l-UE u l-Indja għandhom jgħaqqdu l-isforzi tagħhom biex isibu tarf din il-problema,

K.

billi l-Indja tikkostitwixxi waħda mill-produtturi u esportaturi ewlenin ta’ mediċini ġeneriċi,

L.

billi s-suċċess u s-sostenibilità tal-programmi tas-saħħa jiddependu fil-biċċa l-kbira mid-disponibilità kontinwa ta’ mediċini ġeneriċi ta’ kwalità u bi prezz baxx; wara li kkunsidra li l-Indja għandha rwol kritiku bħala fornitur ta’ prodotti bħal dawn u li kien stabbilit li r-regoli dwar il-proprjetà intelletwali TRIPS+ għandhom impatt negattiv fuq id-disponibilità tal-mediċini ġeneriċi,

M.

billi l-Artikolu 1(1) tal-Ftehim ta’ Kooperazzjoni jipprevedi r-rispett tad-drittijiet tal-bniedem u tal-prinċipji demokratiċi; billi dan jikkostitwixxi element essenzjali tal-ftehim,

N.

billi l-aċċess min-naħa tal-impriżi tal-UE għas-suq Indjan għadu qiegħed ikun imxekkel minn bosta ostakoli non-tariffarji (ONT), bħal rekwiżiti onerużi tas-saħħa u sikurezza jew ostakoli tekniċi, restrizzjonijiet kwantitattivi, proċeduri ta’ konformità, mekkaniżmi ta’ difiża kummerċjali, proċedura doganali, tassazzjoni interna, u nuqqas ta’ adozzjoni ta’ normi u standards internazzjonali;

1.

Jemmen li l-FTA għandu jkun bilanċjat u kumpatibbli mar-regoli u l-obbligi tad-WTO; iqis li l-prijorità kummerċjali tal-Unjoni Ewropea għadha s-suċċess tad-DDA u li n-negozjati mal-Indja dwar l-FTA għandhom għalhekk ikunu kumplimentari għar-regoli multilaterali;

2.

Jilqa' pożittivament l-eżitu tas-samit UE-Indja li sar f'Diċembru 2010 u jinkoraġġixxi l-partijiet fin-negozjati jaċċeleraw in-negozjati u jkomplu jikkonsultaw il-partijiet interessati ewlenin; ifakkar fl-impenn li ħadu l-UE u l-Indja biex iħaffu t-taħdidiet tal-FTA u biex jagħmlu progress sostanzjali u effiċjenti lejn konklużjoni bikrija ta’ ftehim ambizzjuż, bilanċjat u vast dwar il-kummerċ u l-investimenti; huwa diżappuntat li n-negozjati qed jimxu bil-mod; jistieden liż-żewġ partijiet jagħmlu sforz biex jikkonkludu FTA komprensiv, ambizzjuż u bilanċjat sal-aħħar tal-2011;

3.

Iħeġġeġ lill-gvernijiet statali u federali tal-Indja jissinkronizzaw il-politiki u l-proċeduri sabiex jippermettu li jkunu massimizzati l-profitti potenzjali;

4.

Ifakkar li l-objettivi tal-politika kummerċjali komuni għandhom ikunu kkoordinati bis-sħiħ mal-objettivi globali tal-Unjoni Ewropea, u li skont l-Artikolu 207 tat-Trattat dwar il-Funzjonament tal-Unjoni Ewropea, il-politika kummerċjali komuni tal-UE għandha ssir "fil-kuntest tal-prinċipji u l-objettivi tal-azzjoni esterna tal-Unjoni", u li, skont l-Artikolu 3 tat-Trattat dwar l-Unjoni Ewropea, hija għandha tikkontribwixxi, fost l-oħrajn, għall-iżvilupp sostenibbli, il-qerda tal-faqar u l-protezzjoni tad-drittijiet tal-bniedem;

5.

Jirrimarka, fid-dawl tal-komplimentarjetà taż-żewġ ekonomiji, il-potenzjal ta’ żieda fil-kummerċ u l-investimenti bejn l-UE u l-Indja u ta’ opportunijiet kummerċjali li joħorġu mill-FTA; iqis li l-FTA bejn l-UE u l-Indja huwa ta’ benefiċċju għaż-żewġ naħat, iżda jirrakkomanda li ssir evalwazzjoni tal-ispeċifiċitajiet settorjali eżistenti bil-għan li jiġu identifikati l-iżvantaġġi potenzjali tal-FTA għas-setturi sensittivi tal-UE;

6.

Jitlob lill-Kummissjoni tinkludi kapitolu dwar żvilupp sostenibbli ambizzjuż bħala parti essenzjali tal-FTA;

7.

Jilqa' b'sodisfazzjon ir-riżultati ta’ ħafna simulazzjonijiet ta’ kummerċ ħieles li juru li l-FTA jwassal għal żieda fl-esportazzjonijiet u fl-importazzjonijiet kumplessivi kemm għall-Unjoni Ewropea kif ukoll għall-Indja; jenfasizza li, bir-rata medja attwali ta’ tkabbir, il-kummerċ bilaterali mistenni jiżdied għal EUR 160.6 biljun sal-2015;

8.

Josserva li t-tariffi medji applikati tal-Indja niżlu iżda għadhom konsiderevolment ogħla mit-tariffi tal-Unjoni Ewropea; jiġbed b'mod partikolari l-attenzjoni għall-fatt li t-tariffa medja tal-Indja għall-Aċċess għas-Suq għall-Prodotti mhux Agrikoli (NAMA) bħalissa hija 10,1 % meta mqabbla mal-medja tal-UE ta’ 4 %, filwaqt li t-tariffa medja tal-Indja għall-agrikoltura hija 31,8 % meta mqabbla mal-medja tal-UE ta’ 13,5 %;

9.

Jisħaq fuq il-fatt li l-objettiv għall-kummerċ industrijali għandu jkun l-eliminazzjoni reċiproka totali tad-dazji, b'asimmetrija fl-għażla taż-żmien, u li kwalunkwe eċċezzjoni possibbli għal dan l-objettiv għandha tkun limitata u suġġetta għal rieżami u ma għandhiex tinvolvi l-esklużjoni ta’ setturi ta’ importanza għaż-żewġ naħat, ngħidu aħna l-karozzi tal-passiġġieri;

10.

Josserva li l-ftehim għandu jirrispetta s-sensitivitajiet marbuta mal-kummerċ agrikolu, iżda dan ma għandux jipprevjeni l-ftuħ tas-suq f'setturi ta’ komplimentarjetà;

11.

Jistieden lill-Kummissjoni tqis kif xieraq kwalunkwe impatt negattiv fuq l-agrikoltura Ewropea, partikolarment fis-setturi tal-ftuħ tas-swieq, l-OĠM, il-ħalib, iċ-ċanga, il-protezzjoni tal-proprjetà intellettwali u t-tikkettar ta’ oriġini;

12.

Iqis li hu importanti li l-FTA jinkludi kapitoli ambizzjużi dwar l-ostakoli tekniċi għall-kummerċ u s-sanità kif ukoll miżuri fitosanitarji; jistieden lill-Kummissjoni tindirizza, f'dan ir-rigward, kwistjonijiet pendenti bħall-benesseri tal-annimali;

13.

Jistieden liż-żewġ partijiet jiżguraw li r-regolamentazzjoni u l-ONT jitmexxew b'tali mod li l-kummerċ ġenerali ma jkunx imxekkel; jistieden kemm l-UE kif ukoll l-Indja jiżviluppaw dixxiplini effikaċi għall-prevenzjoni tal-emerġenza ta’ ostakoli ta’ regolamentazzjoni bla bżonn fil-konfront tal-kummerċ u jegħlbu l-ostakoli eżistenti filwaqt li jirrispettaw id-dritt ta’ regolamentazzjoni taż-żewġ naħat;

14.

Jisħaq fuq il-fatt li l-FTA għandu jinkludi mekkaniżmu vinkolanti ta’ riżoluzzjoni tat-tilwim bejn l-istati u dispożizzjoni dwar il-medjazzjoni dwar l-ONT, kif ukoll klawżola ta’ salvagwardja effikaċi;

15.

Jirrikonoxxi li s-servizzi huma l-iktar parti tal-ekonomija Indjana li qed tikber b'rata mgħaġġla; jinnota li l-Indja għandha interessi offensivi fir-rigward tal-liberalizzazzjoni tal-Mode 1 u l-Mode 4 tal-Ftehim Ġenerali dwar il-Kummerċ fis-Servizzi (GATS); jinnota li l-UE tixtieq tikkonkludi l-liberalizzazzjoni tal-aċċess għas-suq u t-trattament nazzjonali fl-ambitu ta’ Mode 3 f'ħafna mis-servizzi; jinnota li l-ambizzjonijiet sħaħ tal-FTA ma jistgħux jintlaħqu mingħajr l-impenji fl-ambitu ta’ Mode 4; jenfasizza li hemm benefiċċji kbar ħafna konnessi mal-akkreditament nazzjonali u fl-UE kollha tal-kwalifiki professjonali u ftehimiet dwar ir-rikonoxximent reċiproku u r-rekwiżiti tal-għoti ta’ liċenzji fi ħdan is-servizzi professjonali kemm fl-UE kif ukoll fl-Indja, li jistgħu jkunu koperti faċilment mill-FTA; jitlob, madankollu, li ssir analiżi bir-reqqa fir-rigward tal-Istati Membri individwali bil-għan li jiġu evitati konsegwenzi negattivi għas-suq tax-xogħol tal-UE, filwaqt li jkunu permessi, fl-ambitu ta’ Mode 4, permanenzi termporanji tal-professjonisti kkwalifikati meħtieġa;

16.

Jiġbed l-attenzjoni li l-liberalizzazzjoni tas-servizzi bl-ebda mod ma għandha tfixkel id-dritt ta’ regolamentazzjoni tas-servizzi, fosthom is-servizzi pubbliċi;

17.

Josserva li l-kummerċ bejn l-UE u l-Indja huwa relattivament żbilanċjat, billi l-UE tesporta 1,9 % tas-servizzi tagħha lejn l-Indja u din tal-aħħar tibgħat 11,6 % tal-esportazzjonijiet totali tagħha lejn l-UE;

18.

Iħeġġeġ bil-qawwa lill-Indja tiżviluppa leġiżlazzjoni xierqa dwar il-protezzjoni tad-data li tkun tippermettilha tilħaq l-istatus ta’ pajjiż b'livell adegwat ta’ protezzjoni, b'hekk tħalli jew tippermetti t-trasferiment ta’ data personali mill-UE fuq il-bażi tal-leġiżlazzjoni tal-UE, u f'konformità magħha;

19.

Iqis li l-kunsens li joperaw fl-Indja mogħti lill-kumpaniji barranin ta’ avukati u tal-kontabilità jaf iwassal għal benefiċċji sinifikanti għall-ekonomija u l-professjonijiet Indjani, kif anki għall-kumpaniji Ewropej b'kompetenzi fid-dritt internazzjonali u fil-kontabilità kif ukoll għall-klijenti tagħhom; jistieden lill-Kummissjoni teżamina mal-awtoritajiet Indjani l-opportunità u l-ambitu tal-liberalizzazzjoni tas-servizzi ġuridiċi u dawk tal-kontabilità fl-FTA;

20.

Iħeġġeġ lill-Indja tkompli tiftaħ s-settur bankarju, tal-assigurazzjoni u tal-imnut tagħha konformement mar-riformi mħabbra mill-awtoritajiet Indjani fir-rikonoxximent tal-fatt li l-leġiżlazzjoni finanzjarja adegwata hija importanti biex tiggarantixxi sorveljanza tas-servizzi finanzjarji, tnaqqas ir-riskju sistemiku u tagħti l-ogħla livell possibbli ta’ ħarsien tal-konsumatur;

21.

Jistieden lill-Kummissjoni tinnegozja kapitolu dwar l-investimenti bħala parti mill-FTA, b'hekk tippermetti li l-proċess ta’ investimenti fis-suq ta’ xulxin isir mingħajr intoppi billi tippromwovi u tipproteġi l-ftehimiet ta’ investimenti filwaqt li teżamina opportunitajiet immedjati; jissuġġerixxi li t-tali kapitolu dwar l-investimenti jaf jipprevedi t-twaqqif ta’ sistema ta’ punti uniċi ta’ informazzjoni għall-investituri fiż-żewġ ekonomiji, bil-għan li jispjegawlhom id-differenzi fir-regoli u l-prattiki marbuta mal-investimenti u jagħtu informazzjoni dwar l-aspetti ġuridiċi kollha;

22.

Jistieden lill-Kummissjoni tiggarantixxi li d-dispożizzjonijiet dwar il-protezzjoni tal-investimenti ma jnaqqsux il-kapaċità tal-partijiet li joħorġu liċenzji obbligatorji jew ixekklu l-politiki tas-saħħa pubblika l-oħrajn;

23.

Jilqa' favorevolment il-fatt li l-Indja qablet li tinkludi l-akkwist pubbliku fl-FTA; jiddispjaċih, iżda, li dan seħħ biss f'livell federali; jistieden lill-Kummissjoni tinnegozja sistemi ta’ akkwist effikaċi u trasparenti; jistieden lill-Indja tapplika proċeduri trasparenti u ġusti meta taġġudika appalti pubbliċi u biex tagħti aċċess lis-sistemi ta’ akkwist pubbliku għall-impriżi Ewropej; jistieden lill-Indja tiggarantixxi l-aktar kopertura estiża possibbli, inkluż, b'mod partikolari, fl-impriżi tas-settur pubbliku;

24.

Jilqa' b'sodisfazzjon il-progress li sar fl-iżvilupp ta’ kapitolu dwar il-kummerċ u l-kompetizzjoni fl-FTA UE-Indja, u jistieden liż-żewġ partijiet jintensifikaw il-kooperazzjoni ta’ bejniethom fi kwistjonijiet marbuta mal-kompetizzjoni relatati mal-kummerċ, fid-drittijiet tal-proprjetà intellettwali u fil-politika industrijali u kummerċjali;

25.

Jilqa' pożittivament l-impenn tal-Indja favur reġim tal-IPRs sod u favur l-użu ta’ flessibilitajiet tal-ftehim TRIPS fil-leġiżlazzjoni internazzjonali u nazzjonali biex jiġu sodisfatti l-obbligi tagħha rigward is-saħħa pubblika b'rabta partikolari mal-aċċess għall-mediċini essenzjali; iħeġġeġ lill-Indja timplimenta u tinforza b'rigorożità t-tali reġim, filwaqt li ttejjeb l-aċċess għall-mediċini essenzjali; jistieden lill-UE u lill-Indja jiżguraw li l-impenji fl-ambitu tal-FTA ma jipprekludux l-aċċess għal mediċini essenzjali waqt li l-Indja qiegħda tiżviluppa l-kapaċità tagħha li tinbidel minn industrija ġenerika għal waħda bbażata fuq ir-riċerka; isostni l-kooperazzjoni bejn l-UE u l-Indja fl-industriji farmaċewtiċi rispettivi tagħhom ibbażati fuq ir-riċerka, bil-għan li jiġi aċċertat tkabbir benefiku reċiproku fihom;

26.

Jitlob lill-Kummissjoni ma titlobx esklussività tad-data fil-kuntest tan-negozjati dwar id-drittijiet tal-proprjetà intelletwali kif imniżżel fir-Riżoluzzjoni tal-PE tat-12 ta’ Lulju 2007, u biex tagħraf li l-esklussività tad-data jkollha konsegwenzi kbar għall-produzzjoni ta’ mediċini ġeneriċi u b'hekk hija ta’ detriment għall-aċċess għal mediċini u għall-politika tas-saħħa pubblika ta’ pajjiżi li qed jiżviluppaw;

27.

Jistieden lill-Kummissjoni u lill-awtoritajiet Indjani konċernati jelaboraw flimkien definizzjoni komuni tal-mediċini falsifikati b'mod li jkunx ixekkel l-aċċess għall-mediċini essenzjali, u jikkoordinaw l-azzjoni biex jiġġieldu b'mod effikaċi l-falsifikazzjoni u, partikolarment, mediċini falsifikati li jikkawżaw ħsara lil saħħet il-pazjenti;

28.

Jenfasizza li livell għoli ta’ protezzjoni tal-IĠ, sa mhux aktar tard minn meta jidħol fis-seħħ l-FTA, huwa ta’ importanza kruċjali;

29.

Jirrikonoxxi li kapitolu dwar l-iżvilupp sostenibbli huwa parti essenzjali ta’ kwalunkwe FTA u jistieden liż-żewġ naħat jaqblu dwar kapitolu ambizzjuż li jirrifletti l-impenn komuni għall-promozzjoni tal-iżvilupp sostenibbli u t-tkabbir inklużiv abbażi ta’ valuri kondiviżi; iħeġġeġ lill-Kummissjoni tinkludi klawżoli ġuridikament vinkolanti dwar id-drittijiet tal-bniedem, l-istandards soċjali u ambjentali u l-infurzar tagħhom, li jinkludu miżuri f'kaz ta’ ksur;

30.

Jitlob li dan il-kapitolu jkopri, tal-anqas, il-konformità mat-tmien konvenzjonijiet bażiċi u l-erba' konvenzjonijiet ta’ prijorità tal-ILO, kif ukoll l-istandards ambjentali li ntlaħaq ftehim internazzjonali dwarhom, u jipprovdi wkoll inċentivi lill-impriżi biex jidħlu f'impenji tar-responsabbiltà soċjali korporattiva;

31.

Jilqa' pożittivament l-isforzi kollha tal-Gvern Indjan biex jeqred it-tħaddim tat-tfal; jistieden lill-Gvern Indjan u lill-Kummissjoni jkomplu jiffinanzjaw l-attivitajiet immirati lejn l-possibilità li t-tfal imorru l-iskola;

32.

Jisħaq fuq l-importanza li jiġi garantit li l-kumpaniji tal-UE li jagħmlu użu taż-Żoni Ekonomiċi Speċjali jirrispettaw id-drittijiet fundamentali tax-xogħol u drittijiet tax-xogħol oħrajn ibbażati fuq il-konvenzjonijiet ILO li ġew irratifikati mill-Indja;

33.

Jenfasizza li d-drittijiet tal-bniedem, id-demokrazija u s-sigurtà jikkostitwixxu elementi essenzjali tar-relazzjoni bejn l-UE u l-Indja; jistieden, għaldaqstant, liż-żewġ naħat jiggarantixxu l-intensifikazzjoni tad-djalogu dwar kwistjonijiet miftuħa, b'riferiment partikolari għall-Kashmir;

34.

Jappoġġa bil-qawwa l-prattika tal-inklużjoni ta’ klawżoli vinkolanti dwar id-drittijiet tal-bniedem fil-ftehimiet internazzjonali kollha tal-UE, b'mekkaniżmu ta’ konsultazzjoni ċar u preċiż imfassal fuq l-Artikolu 96 tal-Ftehim ta’ Cotonou;

35.

Jistenna li l-Kunsill u l-Kummissjoni jippreżentaw l-FTA lill-Parlament għall-approvazzjoni tiegħu skont t-Trattat dwar il-Funzjonament tal-Unjoni Ewropea (TFUE) (5);

36.

Jitlob lill-Kummissjoni u lill-Kunsill iqisu bis-sħiħ it-talbiet tal-PE li ġew espressi f'din ir-riżoluzzjoni qabel jikkonkludu l-FTA; ifakkar li l-FTA jeħtieġ il-kunsens tal-PE sabiex jidħol fis-seħħ; jistieden lill-Kummissjoni u lill-Kunsill ma jipproponu l-ebda applikazzjoni proviżorja tal-ftehim qabel ma l-PE jkun ta l-kunsens tiegħu;

37.

Jilqa' b'sodisfazzjon il-progress ta’ kif l-Indja qed issir donatur kif ukoll benefiċjarju tal-għajnuna għall-iżvilupp;

38.

Jinnota li, jekk il-kooperazzjoni ekonomika bejn l-UE u l-Indja hija bbażata fuq sistema ta’ valuri universalment kondiviżi, tista' toħloq standard għall-kooperazzjoni ma’ pajjiżi oħrajn;

39.

Iqis li l-UE għandha tagħti attenzjoni speċjali lis-settur tal-impriżi żgħar u ta’ daqs medju (SMEs) fl-Indja, u għalhekk jissuġġerixxi li fil-programmi kollha ta’ kooperazzjoni għall-iżvilupp bejn l-UE u l-Indja, l-SMEs jistgħu jissaħħew permezz ta’ miżuri li jgħinu biex jiġu ffinanzjati proġetti lokali mmexxija mis-suq;

40.

Jilqa' b'sodisfazzjon il-fatt li fl-Indja kollha qed tinxtered is-sistema tal-mikrokreditu, sistema li rebħet rikonoxximent bħala mezz effikaċi ta’ kif jinħoloq żvilupp immexxi mill-poplu;

41.

Jagħti istruzzjonijiet lill-President tiegħu sabiex jgħaddi din ir-riżoluzzjoni lill-Kunsill, lill-Kummissjoni u lill-gvernijiet u l-parlamenti tal-Istati Membri u tal-Indja.

7.12.2012   

MT

Il-Ġurnal Uffiċjali tal-Unjoni Ewropea

CE 377/19

—

wara li kkunsidra r-riżoluzzjoni tiegħu tas-17 ta’ Frar 2011 dwar l-Istrateġija Ewropa 2020 (1),

—

wara li kkunsidra r-Riżoluzzjoni tiegħu tal-25 ta’ Novembru 2010 dwar id-drittijiet tal-bniedem u l-istandards soċjali u ambjentali fil-ftehimiet ta’ kummerċ internazzjonali (2),

—

wara li kkunsidra r-riżoluzzjoni tiegħu tal-5 ta’ Frar 2009 dwar it-tisħiħ tar-rwol tal-SMEs Ewropej fil-kummerċ internazzjonali (3),

—

wara li kkunsidra r-riżoluzzjoni tiegħu tat-18 ta’ Diċembru 2008 dwar l-impatt tal-iffalsifikar fuq il-Kummerċ Internazzjonali (4),

—

wara li kkunsidra r-riżoluzzjoni tiegħu tal-4 ta’ Settembru 2008 dwar il-Kummerċ fis-Servizzi (5),

—

wara li kkunsidra r-riżoluzzjoni tiegħu tal-20 ta’ Mejju 2008 dwar il-kummerċ ta’ materja prima u ta’ prodotti bażiċi (6),

—

wara li kkunsidra r-riżoluzzjoni tiegħu tad-19 ta’ Frar 2008 dwar l-Istrateġija tal-Unjoni Ewropea li tiżgura aċċess għas-suq għall-kumpaniji Ewropej (7),

—

wara li kkunsidra r-riżoluzzjoni tiegħu tat-22 ta’ Mejju 2007 dwar Ewropa Globali – l-aspetti esterni tal-kompetittività (8),

—

wara li kkunsidra l-Komunikazzjoni tal-Kummissjoni bl-isem “Kummerċ, Tkabbir u Affarijiet Dinjija – Il-Politika tal-Kummerċ bħala element prinċipali mill-Istrateġija tal-UE 2020” (COM(2010)0612),

—

wara li kkunsidra l-Komunikazzjoni mill-Kummissjoni bl-isem “L-Ewropa Globali: kompetizzjoni dinjija. Kontribut lill-Istrateġija tal-UE għat-Tkabbir Ekonomiku u l-Impjiegi” (COM(2006)0567),

—

wara li kkunsidra r-rapport tal-Kummissjoni dwar l-Ostakli għall-Kummerċ u l-Investiment ippubblikat fl-10 ta’ Marzu 2011,

—

wara li kkunsidra d-dikjarazzjoni konġunta tat-18 ta’ Lulju 1991 li saret fl-Aja dwar ir-relazzjonijiet bejn il-Komunità Ewropea u l-Istati Membri tagħha u l-Ġappun,

—

wara li kkunsidra l-Ftehim dwar ir-Rikonoxximent Reċiproku bejn l-UE u l-Ġappun konkluż fl-2001 (9),

—

wara li kkunsidra l-Ftehim dwar il-Kooperazzjoni rigward l-Attivitajiet Antikompetittivi bejn l-UE u l-Ġappun konkluż fl-2003 (10),

—

wara li kkunsidra l-Ftehim dwar il-Kooperazzjoni u l-Għajnuna Amministrattiva Reċiproka fi Kwistjonijiet Doganali bejn il-Komunità Ewropea u l-Ġappun konkluż fl-2008 (11),

—

wara li kkunsidra l-Pjan ta’ Azzjoni ta’ għaxar snin adottat waqt l-għaxar Samit bejn l-UE u l-Ġappun, li sar fi Brussell fit-8 ta’ Diċembru 2001,

—

wara li kkunsidra d-dikjarazzjoni konġunta adottata waqt id-dsatax-il Samit UE-Ġappun, li sar f'Tokjo fit-28 ta’ April 2010,

—

wara li kkunsidra d-dikjarazzjoni konġunta adottata waqt it-tmintax-il Samit UE-Ġappun, li sar fi Praga fl-4 ta’ Mejju 2009,

—

wara li kkunsidra r-rapport minn Copenhagen Economics bl-isem “Assessment of barriers to trade and investment between the EU and Japan”, ippubblikat fit-30 ta’ Novembru 2009,

—

wara li kkunsidra r-riżultati tal-konsultazzjoni pubblika tal-Kummissjoni dwar ir-relazzjonijiet kummerċjali bejn l-UE u l-Ġappun, ippubblikati fil-21 ta’ Frar 2011,

—

wara li kkunsidra l-konklużjonijiet tal-Kunsill Ewropew tal-24 u l-25 ta’ Marzu 2011,

—

wara li kkunsidra s-samit ippjanat bejn l-UE u l-Ġappun, li għandu jsir fi Brussell fil-25 ta’ Mejju 2011,

—

wara li kkunsidra l-Artikoli 115(5) u 110(2) tar-Regoli ta’ Proċedura tiegħu,

A.

billi s-sistema kummerċjali multilaterali bbażata fuq ir-regoli, stabbilita permezz tal-Organizzazzjoni Dinjija tal-Kummerċ (WTO), hija l-aktar qafas xieraq għar-regolazzjoni u l-promozzjoni ta’ kummerċ miftuħ u ġust,

B.

billi huwa essenzjali li wieħed iqis il-ftehimiet multilaterali, plurilaterali u bilaterali bħala parti minn kaxxa tal-għodod komuni tal-affarijiet internazzjonali, u b'hekk huma elementi standard fir-relazzjonijiet politiċi u kummerċjali bbilanċjati u kumplimentari,

C.

billi l-UE għandha tibqa' kommessa li tikseb riżultat ibbilanċjat fl-Aġenda ta’ Doha għall-Iżvilupp bħala l-approċċ preferut tagħha, ħaġa li tappoġġa l-integrazzjoni tal-pajjiżi li qed jiżviluppaw fis-sistema kummerċjali internazzjonali, filwaqt li tagħmel progress b'mod paralleli fi ftehimiet kummerċjali bilaterali u plurilaterali ma’ pajjiżi oħra industrijalizzati fejn huwa realistiku li nistennew li jkun hemm beneffiċċji reċiproċi u tkabbir ekonomiku f'iqsar żmien,

D.

billi fl-2009 l-UE u l-Ġappun irrappreżentaw flimkien iktar minn kwart tal-PDG dinji u iktar minn 20 % tal-kummerċ dinji,

E.

billi l-Ġappun u l-UE huma investituri sinifikanti fl-ekonomiji ta’ xulxin b'volum kombinat ta’ investiment dirett barrani li laħaq EUR 200 biljun fl-2009,

F.

billi fl-2010 l-ammont totali ta’ kummerċ bilaterali bejn l-UE u l-Ġappun, it-tielet l-ikbar ekonomija nazzjonali fid-dinja f'termini ta’ PDG, kien jiswa EUR 120 biljun; billi l-Ġappun huwa s-sitt l-ikbar sieħeb kummerċjali għall-UE, u billi l-UE hija t-tielet l-ikbar sieħba kummerċjali tal-Ġappun,

G.

billi kemm il-Kunsill kif ukoll il-Kummissjoni nnotaw li l-kapaċità tal-Ġappun li jneħħi l-ostakli regolatorji għall-kummerċ hija kundizzjoni preliminari għall-varar ta’ negozjati dwar il-Ftehim ta’ Kummerċ Ħieles bejn l-UE u l-Ġappun, li b'hekk tħeġġeġ integrazzjoni ekonomika eqreb bejn iż-żewġ sħab kummerċjali strateġiċi,

H.

billi l-UE u l-Ġappun qed jiffaċċaw sfidi komuni, bħall-qawmien politiku u ekonomiku taċ-Ċina, il-progress ekonomiku dejjem iktar kajman wara l-kriżi finanzjarja dinjija, it-tnaqqis demografiku, u bżonn dejjem jikber li jkun hemm aċċess għall-materji primi u s-sorsi tal-enerġija, kif ukoll l-iżgurar tal-istabilità fil-prezzijiet tagħhom, biex jikbru l-industriji rispettivi tagħhom,

I.

billi l-kummerċ miftuħ u ġust huwa għodda qawwija biex jinħoloq iktar tkabbir u benessri fis-soċjetà, filwaqt li jinbena fuq il-vantaġġi komparattivi ta’ kull ekonomija rispettiva u sinerġiji potenzjali li jirriżultaw minn integrazzjoni ekonomika ikbar u minn dħul ġdid f'ekonomija misjuqa mill-għarfien,

J.

billi kemm l-UE kif ukoll il-Ġappun għandhom tariffi ġeneralment baxxi fuq il-prodotti, b’aktar minn żewġ terzi tal-valur ta’ esportazzjoni tal-Unjoni lejn il-Ġappun ħielsa mid-dazji u iktar minn terz tal-valur ta’ esportazzjoni tal-Ġappun lejn l-UE,

K.

billi, minkejja dawn it-tariffi baxxi, il-volumi tal-kummerċ bilaterali bejn l-UE u l-Ġappun għadhom lura meta mqabbla mal-iskambji kummerċjali tal-UE mas-sħab kummerċjali prinċipali l-oħra tagħha, prinċipalment minħabba l-effetti negattivi tal-ostakli mhux tariffarji Ġappuniżi fuq l-opportunitajiet tan-negozji Ewropej għal aċċess għas-suq,

L.

billi l-istudju ta’ Copenhagen Economics ta’ Novembru 2009 stima li l-ispejjeż kummerċjali assoċjati ma’ ostakli mhux tariffarji (ONT) huma ogħla mil-livelli tariffarji eżistenti u li l-parti l-kbira tal-gwadanji ekonomiċi potenzjali tinsab fit-tneħħija ta’ dawn l-ONT; billi l-istudju jistima żidiet potenzjali fl-esportazzjonijiet tal-UE għall-Ġappun ta’ EUR 43 biljun u EUR 53 biljun għall-esportazzjonijet Ġappuniżi lejn l-UE jekk il-miżuri tariffarji u mhux tariffarji jitnaqqsu kemm jista' jkun,

M.

billi l-Kummissjoni fir-rapport tagħha tal-2011 dwar l-Ostakli għall-Kummerċ u l-Investiment identifikat l-ostakli għall-aċċess għall-akkwist pubbliku, ir-rikonoxximent insuffiċenti tal-istandards internazzjonali fir-rigward tal-apparat mediku, u t-trattament preferenzjali għall-aħjar fornituri nazzjonali fis-servizzi finanzjarji (eż. servizzi tal-posta) bħala tliet oqsma maġġuri ta’ tħassib tal-UE fir-rigward tal-ostakli mhux tariffarji tal-Ġappun,

N.

billi l-protezzjoni tad-dritt ta’ proprjetà intelletwali u l-infurzar huma meqjusa bħala ta’ kwalità għolja fil-Ġappun; billi l-Ġappun u UE għandhom objettivi u approċċi komuni dwar materji relatati mad-dritt ta’ proprjetà intelletwali barra dwar l-indikazzjoni ġeografika, u t-tnejn ikkommettew ruħhom fil-ġlieda plurilaterali kontra l-falsifikazzjoni u l-piraterija bħala firmatarji tal-Ftehim kummerċjali dwar il-ġlieda kontra l-falsifikazzjoni,

O.

billi l-industrija tal-ICT fil-Ġappun hija settur ta’ valur miżjud kbir u sors ta’ tkabbir sew fl-UE kif ukoll fil-Ġappun, speċjalment fir-rigward tal-iżvilupp ulterjuri ta’ prodotti u servizzi intelliġenti;

P.

billi jeħtieġ li, f’kull diskussjoni kummerċjali mal-Ġappun, jitqajmu kwistjonijiet ta’ investiment u kummerċ fis-servizzi, b'mod li jiġi żgurat li l-ftuħ tas-suq ma jikkomprometti la r-regoli Ewropej u lanqas dawk Ġappuniżi dwar il-protezzjoni tas-servizzi pubbliċi u d-diversità kulturali,

Q.

filwaqt li jafferma mill-ġdid is-solidarjetà tiegħu mal-poplu Ġappuniż wara d-diżastri naturali riċenti,

1.

Iqis li s-sistema kummerċjali multilaterali, inkorporata fl-Organizzazzjoni Dinjija tal-Kummerċ, tibqa' bil-bosta l-aktar qafas effettiv biex jintlaħaq il-kummerċ miftuħ u ġust madwar id-dinja; jemmen li l-Unjoni Ewropea u l-Ġappun għandhom jikkontribwixxu għal konklużjoni b'suċċess tan-negozjati tal-Aġenda ta’ Doha għall-Iżvilupp;

2.

Jenfasizza li huwa favur ftehim ta’ kummerċ ħieles bejn l-UE u l-Ġappun, imma mhuwiex sodisfatt bil-progress negliġibbli li sar fil-Grupp ta’ Livell Għoli matul dawn l-aħħar snin; iqis li l-Ġappun, qabel ma jiġu varati n-negozjati, jeħtieġlu jagħmel impenji sinifikanti fuq it-tneħħija tal-ostakoli tal-kummerċ li jfixklu l-aċċess għall-akkwist pubbliku Ġappuniż;

3.

Jenfasizza li l-liberalizzazzjoni tal-kummerċ bejn l-UE u l-Ġappun għandha sseħħ flimkien ma’ – minflok ma ttellef – regoli dwar il-protezzjoni tas-servizzi pubbliċi u tad-diversità kulturali, u trawwem konverġenza regolatroja u adeżjoni ma’ standards multilaterali fejn dawn diġà jeżistu;

4.

Jisħaq fuq li huwa kommess li jsaħħaħ ir-relazzjonijiet bejn l-UE u l-Ġappun billi jiffoka fuq it-tneħħija ta’ ostakoli mhux tariffarji għall-kummerċ u l-investiment, inklużi bosta regoli restrittivi u miżuri regolatorji li jħabbtu wiċċhom magħhom il-kumpaniji tal-UE li jkunu jridu aċċess għas-suq Ġappuniż;

5.

Iqis li, fin-negozjati kummerċjali mal-Ġappun, il-Kummissjoni għandha tikkoċentra, bħala waħda mill-prijoritajiet tagħha, fuq it-tneħħija ta’ dawk l-ostakoli li l-aktar li jtellfu l-aċċess tas-suq lil SMEs Ewropej;

6.

Iqis li t-tnaqqis jew l-eliminazzjoni tat-tariffi Ġappuniżi fuq il-prodotti tal-ICT, inklużi l-partijiet u l-komponenti tagħhom, iqawwu l-kompetittività u jiġġeneraw impjiegi ta’ kwalita għolja fl-UE; jitlob, barra minn hekk, kooperazzjoni intensifikata bejn l-UE u l-Ġappun fil-qasam tal-R&D u speċjalment fuq l-infurzar tad-drittijiet tal-proprjeta intellettwali, biex jitħaffef il-qsim tal-informazzjoni dwar il-privattivi bejn l-uffiċċji tal-privattivi rispettivi tagħhom;

7.

Jikkunsidra li l-livell ta’ ambizzjoni tal-Kummissjoni rigward il-Ftehim ta’ Kummerċ Ħieles bejn l-UE u l-Ġappun, u b’mod speċjali rigward it-tkabbir tal-aċċess ta’ negozji Ewropej għas-suq, għandu jkun ikkumplimentat minn impenji komprensivi u maqbula b’mod konġunt dwar l-iżvilupp sostenibbli;

8.

Jenfasizza li l-ftehim ta’ kummerċ ħieles bejn l-UE u l-Ġappun mhux biss irendi benefiċċji f’termini ta’ żieda fil-kummerċ bilaterali fil-prodotti u s-servizzi, imma wkoll irawwem il-koooperazzjoni fuq il-prijoritajiet orizzontali tal-UE, bħalma huma l-kooperazzjoni fil-qasam tal-innovazzjoni, dik regolatorja u fil-ġlieda kontra l-abbuż tas-suq, u, fl-aħħar nett iżda mhux l-anqas importanti, il-kooperazzjoni fit-trattament ta’ firxa wiesgħa ta’ sfidi ambjentali;

9.

Jistieden lill-Istati Membri u lill-Kummissjoni, fid-diskussjonijiet kummerċjali kollha mal-Ġappun, jappoġġaw u jippromwovu inizjattivi bl-għan li jiġu promossi d-drittijiet tal-bniedem u l-istandards soċjali u ambjentali;

10.

Huwa tal-fehma li, valutazzjoni komprensiva tas-sostenibbiltà u tal-impatt hija ta’ importanza ewlenija għal valutazzjoni ġenerali tar-relazzjonijiet kummerċjali bejn l-UE u l-Ġappun; jitlob lill-Kummissjoni tippreżenta meta jkun il-waqt valutazzjoni bħal din, li tispjega fid-dettall b'mod partikolari l-vantaġġi u l-iżvantaġġi possibbli ta’ relazzjonijiet kummerċjali msaħħa bejn l-UE u l-Ġappun għas-setturi kollha involuti, u b'mod partikolari għas-setturi industrijali kollha u dawk aktar sensittivi, bħas-setturi tal-karozzi, tal-elettronika, tal-avjazzjoni u tal-makkinarju,

11.

Jirrakkomanda li miżuri effikaċi ta’ salvagwardja bilaterali jkunu inklużi fit-tfassil ta’ ftehim ta’ kummerċ ħieles Bejn l-UE u l-Ġappun biex jipprevjenu mewġa ta’ importazzjonijiet li tikkawża, jew thedded li tikkawża, ħsara serja lill-industriji tal-UE u tal-Ġappun, speċjalment f’setturi sensittivi bħall-industriji tal-karozzi, tal-elettronika u tal-makkinarju;

12.

Jesprimi l-konvinzjoni tiegħu li l-Ftehim ta’ Kummerċ Ħieles bejn l-UE u l-Ġappun għandu l-potenzjal li jwassal għal sitwazzjoni ta’ rebħ għaż-żewġ ekonomiji;

13.

Jenfasizza li l-Parlament se jintalab jagħti l-kunsens tiegħu għall-potenzjal tal-Ftehim ta’ Kummerċ Ħieles bejn l-UE u l-Ġappun;

14.

Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill u lill-Kummissjoni, lill-gvernijiet u l-parlamenti tal-Istati Membri u lill-gvern u l-parlament tal-Ġappun.

7.12.2012   

MT

Il-Ġurnal Uffiċjali tal-Unjoni Ewropea

CE 377/23

—

wara li kkunsidra l-Green Paper tal-Kummissjoni dwar il-Protezzjoni tal-Foresti u t-Tagħrif dwarhom fl-UE: il-preparazzjoni tal-foresti għat-tibdil fil-klima (COM(2010)0066),

—

wara li kkunsidra l-konklużjonijiet tal-Kunsill tal-11 ta’ Ġunju 2010 dwar il-preparazzjoni tal-foresti għat-tibdil fil-klima,

—

wara li kkunsidra l-konklużjonijiet tal-Kunsill tal-15 ta’ Marzu 2010 dwar il-bijodiversità wara l-2010,

—

wara li kkunsidra l-White Paper tal-Kummissjoni ‧L-adattament għat-tibdil fil-klima: Lejn Qafas Ewropew għall-azzjoni‧ (COM(2009)0147) u r-riżoluzzjoni relatata tiegħu tas-6 ta’ Mejju 2010 (1),

—

wara li kkunsidra l-Konferenza Ministerjali dwar il-Protezzjoni tal-Foresti fl-Ewropa (MCPFE) - FOREST EUROPE, id-diversi riżoluzzjonijiet tagħha u l-xogħol ta’ esperti fl-għoti ta’ linji gwida, kriterji u indikaturi għall-ġestjoni sostenibbli tal-foresti,

—

wara li kkunsidra r-Riżoluzzjoni tal-Kunsill resolution tas-26 ta’ Frar 1999 dwar Strateġija forestali għall-Unjoni Ewropea (2) u r-Rapport tal-Kummissjoni dwar l-implimentazzjoni tagħha (COM(2005)0084),

—

wara li kkunsidra l-Pjan ta’ Azzjoni tal-UE għall-Foresti 2006-2011 (PAF) (COM(2006)0302) u l-evalwazzjoni intermedja tal-implimentazzjoni tiegħu (3),

—

wara li kkunsidra d-Direttiva 2009/147/KE tal-Parlament Ewropew u tal-Kunsill tat-30 ta’ Novembru 2009 dwar il-konservazzjoni tal-għasafar selvaġġi (4), ir-Rapport Kompost dwar l-Istat ta’ Konservazzjoni tat-Tipi ta’ Ħabitats u tal-Ispeċijiet kif meħtieġ skont l-Artikolu 17 tad-Direttiva dwar il-Ħabitats (COM(2009)0358) u r-riżoluzzjonijiet tiegħu tal-21 ta’ Settembru 2010 dwar l-implimentazzjoni tal-leġislazzjoni tal-UE rigward il-konservazzjoni tal-bijodiversità (5) u tat-3 ta’ Frar 2009 dwar in-natura selvaġġa fl-Ewropa (6),

—

wara li kkunsidra l-konklużjonijiet tal-Konferenza COP10 tal-UNEP dwar id-Diversità Bioloġika ta’ Nagoya f'Ottubru 2010 u l-objettivi tal-bijodiversità ta’ Aichi, b'mod partikolari l-impenn biex jiġu protetti 17 % taż-żoni terrestri u l-ilmijiet interni permezz ta’ miżuri ta’ konservazzjoni effikaċi, integrati fil-pajsaġġi usa',

—

wara li kkunsidra l-istudju bit-titolu ‧Formazzjoni tal-komunikazzjoni dwar il-foresti fl-Unjoni Ewropea: perċezzjonijiet pubbliċi tal-foresti u tal-forestrija‧ (7),

—

wara li kkunsidra l-Konvenzjoni Qafas tan-Nazzjonijiet Uniti dwar it-Tibdil fil-Klima (UNFCCC), il-Protokoll ta’ Kjoto u r-rapport tal-Grupp Intergovernattiv ta’ Esperti dwar it-Tibdil fil-Klima (IPCC) dwar il-‧Gwida tal-Prattiki Tajba għall-Użu tal-Art, Tibdil fl-Użu tal-Art u l-Forestrija (LULUCF)‧,

—

wara li kkunsidra l-pjan ta’ azzjoni tal-UE għall-bijomassa (COM(2005)0628),

—

wara li kkunsidra d-Direttiva 2009/28/KE tal-Parlament Ewropew u tal-Kunsill tat-23 ta’ April 2009 dwar il-promozzjoni tal-użu tal-enerġija minn sorsi rinnovabbli u li temenda u sussegwentement tħassar id-Direttivi 2001/77/KE u 2003/30/KE (Direttiva dwar l-Enerġija Rinnovabbli) (8), id-Direttiva 2009/29/KE tal-Parlament Ewropew u tal-Kunsill tat-23 ta’ April 2009 li temenda d-Direttiva 2003/87/KE għat-titjib u l-estensjoni tal-iskema Komunitarja għall-iskambju [negozjar] ta’ kwoti ta’ emissjonijiet ta’ gassijiet serra (Direttiva ETS) (9), id-Deċiżjoni Nru 406/2009/KE tal-Parlament Ewropew u tal-Kunsill tat-23 ta’ April 2009 dwar l-isforz tal-Istati Membri biex inaqqsu l-emissjonijiet tagħhom tal-gassijiet serra biex jonoraw l-impenji tal-Komunità għat-tnaqqis tal-emissjonijiet tal-gassijiet serra sal-2020 (Deċiżjoni tal-Kondiviżjoni tal-Isforzi) (10), ir-rapport tal-Kummissjoni dwar rekwiżiti ta’ sostenibbiltà għall-użu ta’ sorsi ta’ bijomassa solida u gassuża fl-elettriku, fit-tisħin u fit-tkessiħ (COM(2010)0011), ir-Raba' Rapport ta’ Valutazzjoni tal-IPCC, Kapitolu 9: Forestrija u r-riżultati tal-konsultazzjoni pubblika dwar it-tħejjija ta’ rapport dwar skema ta’ sostenibbiltà għal użi tal-bijomassa bħala enerġija,

—

wara li kkunsidra l-Programm Ewropew dwar it-Tibdil fil-Klima u l-ħidma li ssir mill-grupp espert dwar il-politika tal-klima għal-LULUCF (11),

—

wara li kkunsidra l-istudji tiegħu nru 449.292, li jivvalutaw il-Green Paper dwar il-protezzjoni tal-foresti u t-tagħrif dwarhom fl-UE, nru 440.429 dwar il-forestrija u l-skema tal-UE għan-negozjar ta’ emissjonijiet u nru 449.237 dwar l-istrateġija Ewropea dwar il-prevenzjoni ta’ u l-ġlieda kontra n-nirien fil-foresti, kif ukoll il-konklużjonijiet tal-laqgħa tat-13 ta’ Lulju 2010 fi Brussell tas-Sottogrupp tal-Forestrija tal-Intergrupp ‧Tibdil fil-Klima, Bijodiversità u Żvilupp Sostenibbli‧,

—

wara li kkunsidra l-Konvenzjoni Ewropea dwar il-Pajsaġġ tal-2000 (il-Konvenzjoni ta’ Firenze),

—

wara li kkunsidra d-Direttiva tal-Kunsill 1999/105/KE dwar il-marketing ta’ materjali riproduttivi tal-foresti (12) u r-rieżami tal-Reġim tal-UE tas-saħħa tal-pjanti,

—

wara li kkunsidra r-Rapport ta’ Sinteżi ta’ TEEB (L-Ekonomija tal-Ekosistemi u l-Bijodiversità) "Mainstreaming the Economics of Nature" u l-aġġornament tal-Kwistjonijiet Klimatiċi tat-TEEB,

—

wara li kkunsidra l-konklużjonijiet tal-Kunsill tas-26 ta’ April 2010 dwar il-prevenzjoni ta’ nirien fil-foresti fl-Unjoni Ewropea,

—

wara li kkunsidra l-konklużjonijiet tal-Kunsill tat-8 u d-9 ta’ Novembru 2010 dwar is-soluzzjonijiet innovattivi għall-finanzjament ta’ azzjonijiet fil-qasam tal-prevenzjoni tad-diżastri,

—

wara li kkunsidra d-Direttiva 2008/99/KE tal-Parlament Ewropew u tal-Kunsill tad-19 ta’ Novembru 2008 dwar il-protezzjoni tal-ambjent permezz tal-liġi kriminali (13),

—

wara li kkunsidra r-rapport dwar l-implimentazzjoni finali tar-Regolament dwar Forest Focus (COM(2010)0430),

—

wara li kkunsidra r-Rapport Tekniku tal-Aġenzija Ewropea għall-Ambjent (EEA) Nru 9/2006 ‧Tipi ta’ foresti Ewropej: Kategoriji u tipi għar-rapportar u l-politika dwar il-ġestjoni sostenibbli tal-foresti‧,

—

wara li kkunsidra r-rapport lid-DĠ tal-Kummissjoni għall-Agrikoltura u l-Iżvilupp Rurali bit-titolu ‧L-Impatti tat-Tidbil fil-Klima fuq il-Foresti Ewropej u l-Għażliet għall-Adattament‧ (14);

—

wara li kkunsidra r-rapport tal-2009 lid-DĠ tal-Kummissjoni għall-Ambjent bit-titolu ‧Għażliet politiċi tal-UE għall-protezzjoni tal-foresti Ewropej kontra impatti li jagħmlu l-ħsara‧ (15),

—

wara li kkunsidra r-Rapport Speċjali tal-Qorti Ewropea tal-Awdituri Nru 9/2004 dwar Miżuri ta’ silvikultura fl-ambitu tal-Politika tal-Iżvilupp Rurali (flimkien mar-risposti tal-Kummissjoni),

—

wara li kkunsidra r-Regolament (UE) Nru 995/2010 tal-Parlament Ewropew u tal-Kunsill tal-20 ta’ Ottubru 2010 li jistabbilixxi l-obbligi tal-operaturi li jqiegħdu fis-suq injam u prodotti tal-injam (16),

—

wara li kkunsidra r-rakkomandazzjonijiet tan-netwerk ta’ esperti tal-FAO/UNECE/ILO fir-rigward tal-implimentazzjoni tal-ġestjoni sostenibbli tal-foresti,

—

wara li kkunsidra r-Riżoluzzjoni H1 ta’ Ħelsinki tal-MCPFE li tiddefinixxi l-ġestjoni sostenibbli tal-foresti bħala ‧il-ġestjoni u l-użu tal-foresti u tal-artijiet tal-foresti b'mod u b'rata tali li jippermettulhom iżommu l-bijodiversità, il-produttività, il-kapaċità ta’ riġenerazzjoni, il-vitalità u l-kapaċità li jiġu sodisfatti, attwalment u fil-futur, il-funzjonijiet ekoloġiċi, ekonomiċi u soċjali rilevanti, f'livell lokali, nazzjonali u dinji, mingħajr ma jikkawżaw ħsara lil ekosistemi oħrajn‧,

—

wara li kkunsidra l-Artikolu 48 tar-Regoli ta’ Proċedura tiegħu,

—

wara li kkunsidra r-rapport tal-Kumitat għall-Ambjent, is-Saħħa Pubblika u s-Sikurezza tal-Ikel u l-opinjoni tal-Kumitat għall-Industrija, ir-Riċerka u l-Enerġija u tal-Kumitat għall-Agrikoltura u l-Iżvilupp Rurali (A7-0113/2011),

A.

billi l-foresti u l-art bil-boskijiet ikopru 42 % tal-erja tal-UE u l-industriji bbażati fuq il-foresti, b'valur tal-bejgħ li jammonta għal aktar minn EUR 300 biljun, jipprovdu għal aktar minn 2 miljun impjieg, il-maġġoranza tagħhom rurali, u jikkontribwixxu għat-tkabbir ekonomiku, impjiegi u l-prosperità permezz tal-provvista ta’ injam u opportunitajiet għat-turiżmu,

B.

billi l-foresti tal-UE jirrappreżentaw it-totalitajiet tal-bijosferi li jinkludu mhux biss siġar, li jipprovdu servizzi ekosistemiċi imprezzabbli fosthom is-sekwestru tal-karbonju, ir-regolarizzazzjoni tal-flussi tal-ilma, il-konservazzjoni tal-pajsaġġ, iż-żamma tal-fertilità tal-ħamrija, il-protezzjoni tal-ħamrija mill-erożjoni u mid-deżertifikazzjoni u l-protezzjoni mid-diżastri naturali, li kollha kemm huma huma ta’ importanza notevoli għall-agrikoltura, l-iżvilupp rurali u l-kwalità tal-ħajja taċ-ċittidini Ewropej,

C.

billi madwar 40 % tal-foresti tal-UE huma ta’ proprjetà pubblika u madwar 60 % tal-foresti tal-UE jappartjenu għal aktar minn 10 miljun proprjetarju privat ta’ foresti, biex kemm il-partijiet interessati privati kif ukoll dawk pubbliċi għandhom responsabilità fir-rigward tal-protezzjoni tal-foresti u l-użu sostenibbli ta’ foresti permezz tal-implimentazzjoni tal-ġestjoni sostenibbli tal-foresti fil-post,

D.

billi, minkejja r-rati ta’ deforestazzjoni allarmanti f'diversi partijiet tad-dinja, it-tendenza fit-tul li tiżdied il-kopertura tal-foresti fl-UE hija stabbli u huwa stimat li l-karbonju tal-bijomassa mill-injam qiegħed jikber; billi, minkejja t-tendenza ġeneralment pożittiva, is-sekwestru tal-karbonju fl-Ewropa kollha għadu ferm taħt il-kapaċità naturali u aktarx jista' jerġa' lura għall-għajn, billi qiegħda tiżdied il-pressjoni biex jogħlew il-livelli ta’ ħsad u madwar 500 000 ettaru tal-foresti tal-UE jintilfu kull sena b'konsegwenza tan-nirien fil-foresti u deforestazzjoni illegali,

E.

billi 30 % tas-siti NATURA 2000 huma foresti u ħabitats oħrajn ta’ art bil-boskijiet, li jiżvolġu rwol importanti bħala rabtiet man-netwerks tal-bijotopi; u billi 66 % tat-tipi ta’ ħabitats forestali ta’ interess Komunitarju għandhom status ta’ konservazzjoni mhux favorevoli,

F.

billi l-foresti fil-muntanji jirrappreżentaw terz tal-art forestali totali tal-UE u huma element essenzjali tal-pajsaġġ naturali billi jikkontribwixxu għall-protezzjoni tal-art, għar-regolazzjoni tal-provvista tal-ilma; billi dawn il-foresti jiżvolġu rwol fundamentali fl-attività ekonomika lokali,

G.

billi l-protezzjoni tal-aħħar żoni ta’ natura selvaġġa li baqa' tista' tikkontribwixxi biex jieqaf it-telf tal-bijodiversità u d-degrad tas-servizzi ekosistemiċi fl-UE sal-2020;

H.

billi huwa mbassar li l-ġenerazzjoni ta’ enerġija mill-bijomassa solida u mill-bijoskart se jkollha sehem ta’ 58 % tal-enerġiji rinnovabbli tal-UE sal-2020, u billi s-sehem tal-bijomassa tal-forestrija hu mistenni li jonqos f'termini relattivi, teżisti domanda li qiegħda tiżdied kostantement għall-injam bħala sors ta’ enerġija; billi għaldaqstant il-viġilanza hija meħtieġa għall-prevenzjoni tad-deforestazzjoni illegali u tal-intensifikazzjoni tal-prattiki tal-forestrija u jafu jżidu f'xi Stati Membri l-proporzjon bejn il-qtugħ ta’ siġar u t-tkabbir tagħhom b'aktar minn 100 %, b'hekk jiġu kkuntrastati l-objettivi fil-qasam tat-tibdil fil-klima u tal-bijodiversità; billi l-enerġija mill-bijomassa għandha tkun inqas dipendenti fuq il-bijomassa tal-foresti,

I.

billi l-protezzjoni tal-foresti u l-funzjonijiet tagħhom għandha tkun integrata fil-politiki kollha tal-UE li jikkonċernaw il-foresti,

J.

billi l-foresti jikkostitwixxu ekosistemi ħajjin u f'evoluzzjoni li spiss jaqsmu l-fruntieri bejn l-istati, li jistgħu jkunu kklassifikati b'mod differenti bħaż-żoni bijoklimatiċi jew tipi ta’ foresta, bil-għan li d-deċiżjonijiet politiċi tal-UE jingħataw gwida, l-EEA żviluppat nomenklatura forestali speċifika; billi r-riżultati xjentifiċi l-aktar reċenti fl-oqsma kollha, bħall-‧qasma kontinentali‧, għandhom jitqiesu fil-politiki tal-UE li jikkonċernaw il-foresti u t-tali politiki għandhom jevitaw ir-riskju li jkunu wisq ġenerali biex ikunu siewja,

K.

billi tipi differenti ta’ foresti u s-settur forestali jistgħu jkunu esposti għal riskji bijotiċi u abijotiċi differenti u imprevedibbli minħabba t-tibdil fil-klima, bħal parassiti, tempesti, nixfiet u nirien, b'hekk ir-reżiljenza tal-foresti ssir is-sinsla tal-isforzi ta’ protezzjoni,

L.

billi l-informazzjoni soda u kumparabbli dwar l-istat tal-foresti tal-UE u l-konsegwenzi tat-tibdil fil-klima u x-xejriet produttivi fil-foresti hija prekundizzjoni għall-politika u l-ippjanar, inkluż il-kontribut tal-foresti għall-mitigazzjoni u l-adattatment għat-tibdil fil-klima;

M.

billi n-nirien fil-foresti u l-ħruq volontarju, li spiss isiru minħabba motivazzjoni differenti, jeqirdu aktar minn 400 000 ettaru ta’ foresta fis-sena, speċjalment, iżda mhux biss, fir-reġjun Mediterranju, b'telf enormi ta’ ħajja umana, proprjetà, impjiegi, bijodiversità u l-funzjonijiet protettivi tal-foresti; billi r-riġenerazzjoni wara n-nirien hija speċjalment diffiċli għall-foresti kollha, u fil-każ tan-netwerk NATURA 2000, ixxekkel l-ilħiq tal-objettivi tan-netwerk,

N.

billi l-White Paper hawn fuq imsemmija dwar l-adattament għat-tibdil fil-klima tinkludi l-foresti bħala waħda mill-oqsma ta’ azzjoni ewlenin li tenfasizza li l-istrateġija tal-UE tal-forestrija għandha tkun aġġornata biex tinkludi aspetti relatati mat-tibdil fil-klima,

O.

billi 5 % biss tal-art forestali tal-Ewropa hija kkostitwita minn foresti antiki, primarji u mhux disturbati mill-attività tal-bniedem; billi l-perċentwal ċkejken ta’ foresti ta’ dan it-tip, flimkien mal-frammentazzjoni dejjem ikbar tal-artijiet li fadal tat-tipi kollha ta’ foresti, iżid il-vulnerabilità tal-foresti għat-theddid klimatiku, u jispjega parzjalment l-istat persistenti ta’ konservazzjoni skadenti ta’ bosta speċijiet forestali ta’ interess Ewropew,

P.

billi t-tisħiħ tal-funzjonijiet protettivi tal-foresti għandu jifforma parti mill-istrateġiji tal-UE u tal-Istati Membri għall-protezzjoni ċivili, speċjalment meta ffaċċjati b'fenomeni estremi relatati mal-klima bħan-nirien u l-għargħar,

Q.

billi r-rapport TEEB ppreżenta każ konvinċenti ta’ kostijiet-benefiċċji għall-investimenti pubbliċi f'approċċi ekosistemiċi għal adattament u mitigazzjoni tat-tibdil fil-klima b'mod partikolari rigward l-infrastruttura ekoloġika, bħar-restawr u l-konservazzjoni tal-foresti,

R.

billi d-diversi sistemi ta’ ġestjoni tal-foresti nazzjonali, reġjonali u lokali għandhom ikunu rispettati kif ukoll megħjuna bil-għan li jżidu l-kapaċità ta’ adattament tagħhom,

S.

billi l-kapaċità tal-foresti Ewropej li jaġixxu bħala bjar ta’ assorbiment effikaċi tas-CO2, NH3 u NOX għadha mhux sfruttata biżżejjed u l-injam li joriġina minn foresti ġestiti b'mod sostenibbli jaf ikollhom benefiċċji ta’ mitigazzjoni billi jservu bħala sostitut riċiklabbli u b'kontenut għoli ta’ karbonju għall-materjali b'intensità enerġetika għolja bħal ligi metalliċi, plastik u konkrit użati ħafna fil-kostruzzjoni u f'industriji oħrajn,

T.

billi skont id-data miġbura mill-Kummissjoni, is-sajf fin-naħa t'isfel tal-Ewropa se jisħon malajr bid-doppju milli fil-kumplament tal-Ewropa u l-ħalbiet tax-xita fis-sajf fin-Nofsinhar se jonqsu b'5 % kull għaxar snin,

U.

billi l-Pjan ta’ Azzjoni tal-UE għall-Foresti għandu erba' objettivi: it-titjib fit-tul tal-kompetittività, il-protezzjoni tal-ambjent, il-kontribut għall-kwalità tal-ħajja u t-trawwim tal-koordinament, u billi sar progress konsiderevoli l-aktar fl-ilħiq tal-ewwel objettiv,

V.

billi l-proċess Forest Europe diġà kiseb kunsens Ewropew fuq bażi volontarja dwar il-ġestjoni sostenibbli tal-foresti; billi l-kuntest attwali għall-ġestjoni sostenibbli tal-foresti ma għandux rikonoxximent sħiħ u implimentazzjoni konsistenti;

W.

billi, fil-qafas tal-proċess Forest Europe, saru preparamenti kompluti għan-negozjati dwar strument ġuridikament vinkolanti u huwa mistenni li jittieħdu deċiżjonijiet relatati waqt il-konferenza li jmiss, li se ssir f'Oslo f'Ġunju 2011,

X.

billi r-Regolamenti dwar in-nirien fil-foresti (17) u dak ta’ Forest Focus (18) skadew u dan issarraf f'finanzjamenti inadegwati u f'nuqqas ta’ rapportar ad hoc,

Y.

billi s-selezzjoni ġenetika għandha timmira biex ittejjeb il-karatteristiċi ta’ adattament tal-ekosistema forestali,

Z.

billi hija meħtieġa aktar informazzjoni dwar l-influwenza tal-foresti fuq il-mudelli meteoroloġiċi fil-livell Ewropew,

AA.

billi r-rapport tal-2009 msemmi hawn fuq lill-Kummissjoni ‧Għażliet politiċi tal-UE għall-protezzjoni tal-foresti Ewropej kontra impatti dannużi‧ identifika u studja erba' għażliet politiċi, li jkopru t-tkomplija tal-approċċ attwali, il-metodu miftuħ ta’ koordinament, aktar monitoraġġ u l-introduzzjoni ta’ direttiva qafas dwar il-foresti,

1.

Jilqa' b'sodisfazzjon il-Green Paper tal-Kummissjoni dwar il-protezzjoni tal-foresti u t-tagħrif dwarhom fl-UE: Il-preparazzjoni tal-foresti għat-tibdil fil-klima; iqis li għandha tissaħħaħ l-Istrateġija tal-UE dwar il-foresti bil-għan li titjieb il-ġestjoni sostenibbli u l-konservazzjoni, skont il-prinċipji ta’ sussidjarjetà u l-proporzjonalità;

2.

Jenfasizza, madankollu, li skont l-Artikolu 5 tat-Trattat dwar l-Unjoni Ewropea, l-UE għandha tkun tista' tintervjeni fl-ambiti li fihom jintwera li l-objettivi tal-azzjoni prevista ma jistgħux jinkisbu biżżejjed mill-Istati Membri;

3.

Jilqa' favorevolment l-opinjoni tal-Kummissjoni li l-foresti għandhom jitqiesu bħala kontributur kbir biex tissolva l-kriżi tal-klima; jenfasizza li l-ġestjoni sostenibbli tal-foresti hija tal-ikbar importanza għall-UE biex jintlaħqu l-għanijiet tagħha dwar il-klima u jingħataw is-servizzi ekosistemiċi neċessarji, bħall-bijodiversità, il-protezzjoni kontra d-diżastri naturali, u l-qbid tas-CO2 mill-atmosfera;

4.

Ifakkar li l-foresti jiffurmaw il-bijosferi li jinkludu ħafna aktar minn siġar, u li r-reżiljenza tagħhom għalhekk tiddependi mid-diversità bijoloġika mhux biss tas-siġar iżda ta’ kull organiżmu tal-foresta wkoll, partikolarment l-annimali selvaġġi li jgħixu fil-foresta, u li l-foresti huma essenzjali għall-adattament tas-soċjetajiet Ewropej għat-tibdil fil-klima;

5.

Ifakkar li l-foresti huma r-repożitorju prinċipali tal-karbonju u jiżvolġu rwol vitali fil-ġlieda kontra t-tibdil fil-klima; jenfasizza li għalhekk huwa vitali għall-UE li ssaħħaħ l-istrateġija tagħha biex tikkumbatti l-fatturi li qed jikkawżaw id-deterjorament tal-foresti, bħan-nirien u t-tniġġis atmosferiku;

6.

Jinsab konvint li s-sostenibbiltà ekoloġika hija prerekwiżit għat-tkomplija tal-funzjonijiet ekonomiċi u soċjali tal-foresti tal-UE;

7.

Jisħaq fuq ir-rwol li tiżvolġi l-bijodiversità forestali fl-adattament għat-tibdil fil-klima u l-ħtieġa li jitjieb l-għarfien dwar l-indikaturi tal-bijodiversità forestali – inkluż b'mod partikolari dwar il-kapaċità ġenetika forestali – għal adattament aħjar;

8.

Jifraħ lill-Kummissjoni dwar l-analiżi eżawrjenti tat-theddid bijotiku u abijotiku fil-Green Paper tagħha, u jiġbed l-attenzjoni għall-bżonn biex jiġu eżaminati, barra minn dan, fatturi oħra konnessi mal-impatt tat-tibdil fil-klima fuq il-foresti, bħad-defoljazzjoni, li jfakkar fl-irduddjar tas-superfiċje defoljata tal-quċċata tas-siġar fil-foresti tan-Nofsinhar tal-Ewropa fl-aħħar 20 sena, li wassal, f'termini ta’ konsegwenzi diretti, għat-tnaqqis tal-kapaċità u tal-effikaċja fil-proċessi tal-iffissar tal-karbonju u għat-tnaqqis tal-effett mitiganti tal-foresti f'perjodi ta’ nixfa jew f'mewġiet ta’ sħana minħabba t-telf prematur tal-weraq tas-siġar;

9.

Jirrikonoxxi l-kontributi importanti għal forestrija sostenibbli mill-iskemi eżistenti ta’ ċertifikazzjoni globali, bħall-Kunsill għall-Ġestjoni Forestali (Forest Stewardship Council - FSC) u l-Programm għall-Approvazzjoni tal-Iskemi ta’ Ċertifikazzjoni tal-Foresti (Programme for the Endorsement of Forest Certification Schemes - PEFC);

10.

Jenfasizza li l-Istrateġija Forestali tal-UE u l-Pjan ta’ Azzjoni għall-Foresti hawn fuq imsemmija għandhom jiġu aġġornati sabiex jinkludu d-dimensjoni tat-tibdil fil-klima u kwistjonijiet usa' dwar il-ħarsien tal-foresti; ifakkar li dibattitu komprensiv dwar il-politika forestalii mal-Istati Membri u mal-partijiet interessati kollha milquta mill-implimentazzjoni tal-miżuri proposti għandu jippreċedi kwalunkwe tali rieżami;

11.

Jilqa' b'sodisfazzjon is-suċċess tal-isforzi tal-UE biex tilħaq kompetittività dinji għall-industriji Ewropej bbażati fuq il-foresti;

12.

Jistieden lill-Kummissjoni u lill-Istati Membri jintensifikaw l-isforzi biex jilħqu l-objettivi ambjentali u tal-kwalità tal-ħajja tal-PAF li l-implimentazzjoni tiegħu attwalment qiegħda lura;

13.

Jistieden lill-Kummissjoni twettaq analiżi tal-politika tal-UE li jkollha effett fuq il-foresti tal-UE sabiex teżamina jekk humiex koerenti u jekk jiggarantixxux il-protezzjoni tal-foresti;

14.

Jistieden lill-Kummissjoni twettaq analiżi tal-finanzjament attwalment disponibbli għall-foresti u l-forestrija u talloka mill-ġdid il-fondi eżistenti li jħallu impatt negattiv fuq il-bijodiversità forestali, skont il-konklużjonijiet tal-Kunsill ta’ Marzu 2010 hawn fuq imsemmija;

15.

Jistieden lill-Kummissjoni u lill-Istati Membri jintensifikaw l-implimentazzjoni tal-azzjonijiet definiti fil-Komunikazzjoni mill-Kummissjoni tas-27 ta’ Frar 2008 dwar industriji bbażati fuq il-foresti innovattivi u sostenibbli fl-UE (COM(2008)0113), u jqisu r-regolamentazzjoni eċċessiva taf tagħmel il-prodotti tal-injam inqas kompetittivi meta mqabbla mal-materjali mhux rinnovabbli u b'intensità enerġetika għolja;

16.

Jisħaq fuq il-fatt li l-miżuri għall-protezzjoni tal-foresti għandhom jirriflettu n-natura transkonfinali tar-riskji bijotiċi u abijotiċi skont it-tip, iż-żona bijoklimatika u l-kundizzjonijiet reġjonali tagħhom; jenfasizza, barra minn hekk, li għandha tittieħed azzjoni biex tappoġġa, tikkoordina u tissupplementa l-inizjattivi politiċi tal-Istati Membri u tar-reġjuni meta l-UE tippreżenta valur miżjud, u skont in-nomenklatura forestali żviluppata mill-EEA;

17.

Jenfasizza li l-protezzjoni tal-foresti tiddependi minn impenn fit-tul min-naħa tal-Istati Membri, ir-reġjuni, l-industriji bbażati fuq il-foresti kif ukoll tas-sidien pubbliċi u privati tal-foresti;

18.

Iqis li l-foresti boreali tat-Tramuntana (taiga) u l-foresti tal-Mediterran huma ta’ valur kbir ħafna f'termini ta’ bijodiversità Ewropea u bħal bjar tal-karbonju atmosferiku u għandhom jibbenefikaw minn protezzjoni msaħħa;

19.

Iqis li l-ippjanar forestali fit-tul għandu jkun flessibbli, parteċipattiv u juri kapaċità ta’ adattament meta wieħed iqis ix-xenarji kollha possibbli u jżomm f'moħħu l-ħafna għażliet għall-iżvilupp futur, li jipprovdi bażi realistika u affidabbli għall-appoġġ ta’ deċiżjoni dwar il-ġestjoni; iqis, barra minn hekk, li fil-livell tal-UE dan għandu jissawwar f'‧Forum dwar il-foresti‧ permanenti biex jiggarantixxi protezzjoni fit-tul tal-foresti;

20.

Jilqa' favorevolment is-suċċess ta’ Forest Europe fit-tisħiħ tal-ġestjoni sostenibbli tal-foresti u l-ksib ta’ kunsens Ewropew dwar il-linji gwida, il-kriterji u l-indikaturi tal-ġestjoni sostenibbli tal-foresti; josserva madankollu li l-kuntest attwali tal-ġestjoni sostenibbli tal-foresti ma għandux implimentazzjoni konsistenti;

21.

Ifakkar li l-għan tal-ġestjoni sostenibbli tal-foresti huwa li tarmonizza l-aspetti relatati mal-produzzjoni u l-protezzjoni tal-foresti billi tiggarantixxi t-tkomplija tal-funzjonijiet ekonomiċi, soċjali u ambjentali tagħhom skont prijoritajiet nazzjonali u reġjonali; jirrimarka bi tħassib li x-xejra li qed tikber li l-foresti jkunu kkunsidrati biss minn perspettiva ekonomika, u jintesew l-aspetti ambjentali u soċjali tagħhom, hija inkumpatibbli mal-prinċipji tal-ġestjoni sostenibbli tal-foresti;

22.

Jistieden lill-Kummissjoni tagħmel proposti ħalli tikkomplimenta r-Regolament (UE) 995/2010 dwar l-Injam imsemmi hawn fuq biex jiġi assigurat li l-injam kollu jew il-prodotti tal-injam li jitpoġġew fis-suq Ewropew ikunu ġew minn foresti ġestiti b'mod sostenibbli;

23.

Iħeġġeġ lill-Istati Membri u lill-Kummissjoni jkomplu bl-isforzi tagħhom biex itemmu d-deforestazzjoni illegali u l-kummerċ tal-injam li dan jipproduċi, għaliex dan jgħin fil-ġlieda kontra d-deforestazzjoni, id-degrad tal-foresti u t-telf ta’ bijodiversità;

24.

Jitlob li tissaħħaħ il-konnessjoni bejn il-programmi forestali nazzjonali (PFN) u l-Pjan ta’ Azzjoni għall-Foresti (PAF) permezz ta’ rappurtar strutturat lill-Kumitat Forestali Permanenti (KFP);

25.

Iqis li l-ġestjoni sostenibbli tal-foresti hija fundamentali għall-kapaċità kontinwa tal-foresti tal-UE biex iwettqu funzjonijiet ekonomiċi, ekoloġiċi u soċjali; jistieden lill-Kummissjoni u lill-Istati Membri juru l-appoġġ tagħhom għall-proċess Forest Europe billi jagħmlu l-ġestjoni sostenibbli tal-foresti obbligatorja fl-Unjoni Ewropea; iqis, barra minn hekk, li impenn bħal dan ikun jgħin biex jiġu assimilati l-prinċipji ta’ sostenibbiltà fil-forestrija u jservu tal-aħjar sostenn possibbli għall-proċess Forest Europe u l-ftehimiet ġuridikament vinkolanti eżaminati minn Forest Europe u mill-Forum tan-Nazzjonijiet Uniti dwar il-Foresti;

26.

Huwa favur l-implimentazzjoni totali tal-ġestjoni sostenibbli tal-foresti attiva fil-kuntest ta’ PFN fit-tul li jinkorporaw il-prijoritajiet nazzjonali u reġjonali, l-objettivi li jistgħu jitkejlu u l-kriterji ta’ evalwazzjoni u jieħdu kont taż-żieda fit-theddid fil-konfront tal-foresti minħabba t-tibdil fil-klima;

27.

Jenfasizza li l-pjanijiet għall-iżvilupp rurali u l-programmi operattivi ma għandhomx jitqiesu bħala ekwivalenti għall-PFN; jistieden lill-Kummissjoni u lill-Istati Membri jiggarantixxu li l-PNF jikkunsidraw il-konklużjonijiet u r-rakkomandazzjonijiet tal-istudji dwar l-impatt tat-tibdil fil-klima fuq ir-riżorsi tal-ilma, l-ekosistemi u l-bijodiversità, u li l-istrateġiji u l-programmi għall-iżvilupp rurali jkunu koerenti mal-programmi forestali, l-istrateġiji dwar il-bijodiversità u l-pjanijiet ta’ azzjoni fil-qasam tal-enerġija rinnovabbli;

28.

Jirrimarka li d-diversità ġenetika, ir-riġenerazzjoni naturali u d-diversità fl-istruttura u fit-taħlita tal-ispeċijiet fost l-organiżmi kollha li jgħixu fil-foresta huma elementi komuni fl-għażliet ta’ adattament tal-foresti, li jkopru ż-żoni bijoklimatiċi, is-sistemi ta’ ġestjoni sostenibbli u t-tipi ta’ foresti kollha; jirrimarka wkoll li l-ġestjoni sostenibbli tal-foresti tiggarantixxi vijabbiltà ekonomika għall-foresti kummerċjali iżda ma timponihiex fil-każ ta’ dawk il-foresti b'funzjonijiet primarji differenti mill-produzzjoni tal-injam;

29.

Iqis li l-protezzjoni tal-foresti fuq perjodu twil ta’ żmien tiddependi fuq il-ħolqien u s-sostenn tal-ekosistemi forestali karatterizzati minn siġar differenti ħafna f'dik li hija kompożizzjoni, età u struttura;

30.

Jistieden lill-Kummissjoni tressaq rakkomandazzjonijiet dwar kif jistgħu jiġu adottati s-sistemi nazzjonali tal-protezzjoni ċivili biex jiġi ffaċċjat l-impatt tat-tibdil fil-klima fuq il-foresti; b'mod partikolari jħeġġeġ lill-Kummissjoni tieħu azzjoni ħalli tkabbar ir-Riżerva Tattika Ewropea kontra in-Nirien fil-Foresti f'termini ta’ riżorsi u kapaċità;

31.

Iwissi kontra l-isfruttament kummerċjali illimitat ta’ riżorsi forestali li partikolarment fil-każ tal-foresti naturali, bosta drabi twassal għall-qerda irreversibbli tagħhom;

32.

Iqis li, minħabba l-importanza tagħhom għas-sekwestru tad-CO2, is-siġar tal-agroforestrija għandhom jitqiesu bl-istess mod bħal boskijiet tradizzjonali mhux produttivi, fir-rigward tal-ġlieda kontra t-tibdil fil-klima;

33.

Jistieden lill-Kummissjoni tipproċedi bl-abbozzar tal-White Paper dwar il-Protezzjoni tal-Foresti fl-UE billi tqis ir-riżultati tal-konsultazzjoni pubblika dwar il-Green Paper, il-bżonn li jinħass fuq skala wiesgħa għat-tħejjija għat-tibdil fil-klima, l-istudju dwar l-għażliet politiċi u l-istudju dwar l-għażliet ta’ adattament; iqis li l-White Paper, barra milli tikkonferma l-kontribut tal-foresti lill-ekonomija permezz ta’ prodotti u servizzi forestali tal-injam u mhux, għandha tikkonċentra fuq iż-żamma u ż-żieda tal-foresti Ewropej, billi dawn jgħinu lis-soċjetajiet Ewropej jimmitigaw it-tibdil fil-klima u jadattaw għall-effetti tiegħu; iqis, barra minn hekk, li għandu jiġi garantit livell ogħla ta’ protezzjoni għall-ħabitats ta’ kwalità għolja u għal foresti protettivi b'funzjonijiet li jikkontrastaw l-għargħar, żerżiq tal-art, nirien, deżertifikazzjoni, telf tal-bijodiversità u katastrofi meteoroloġiċi estremi; iqsi li riżorsi finanzjarji adegwati, skambju ta’ għarfien u promozzjoni tar-riċerka u tal-informazzjoni bħala aspetti indispensabbli tal-proposti tal-Kummissjoni;

34.

Jerġa' jafferma l-fehmiet tiegħu dwar il-bżonn għal livelli ogħla ta’ finanzjamenti għall-miżuri ta’ protezzjoni tal-foresti tal-UE, permezz tal-pilastru ‧żvilupp rurali‧ tal-Politika Agrikola Komuni (PAK); jindika li l-isfidi l-ġodda involuti fit-tibdil fil-klima jagħmluha ċara li l-protezzjoni tal-foresti teħtieġ somom akbar ta’ finanzjament u li jistgħu jkunu meħtieġa forom ġodda ta’ assistenza;

35.

Iħeġġeġ lill-Kummissjoni tistudja b'attenzjoni u tirrapporta lill-Parlament u lill-Kunsill dwar l-għażliet għall-pagament għas-servizzi ekosistemiċi li jagħrfu l-valur ekonomiku tagħhom u jippremjaw il-konservazzjoni tal-bijodiversità forestali kif ukoll ir-restawr tal-ekosistemi forestali; jenfasizza l-importanza li d-dinja tan-negozju tirrikonoxxi l-vantaġġi f'termini ta’ kredibbiltà, pubbliċità u ta’ benefiċċji finanzjarji li ġejjin mill-involviment tagħha fil-konservazzjoni tal-bijodiversità u fil-protezzjoni tal-foresti;

36.

Iħeġġeġ lill-Kummissjoni tippreżenta proposta leġiżlattiva għall-prevenzjoni tan-nirien fil-Foresti billi tinkorpora l-finanzjamenti tal-pjanijiet ta’ prevenzjoni u tal-valutazzjoni tar-riskji, tas-Sistema Ewropea ta’ Informazzjoni dwar in-Nirien fil-Foresti (EFFIS), id-detezzjoni tan-nar, tal-infrastruttura, tat-taħriġ u l-edukazzjoni u tal-irkupru tal-foresti wara n-nirien, inkluża l-valutazzjoni li l-art li fuqha nqabad in-nar tkun suġġetta għal projbizzjoni ta’ bini ta’ 30 sena;

37.

Iħeġġeġ lill-Kummissjoni tippreżenta proposta leġiżlattiva li tipprojbixxi l-bini fuq art meqruda min-nirien li dwarha ġie aċċertat il-ħruq volontarju;

38.

Jappella għat-tneħħija tal-ostakli ġuridiċi għall-ġestjoni sostenibbli;

39.

Jindika l-ħtieġa biex jiġi stabbilit il-qafas finanzjarju meħtieġ biex itejjeb it-tifi tan-nar fil-foresti u wkoll jitlob biex tinġieb aktar flessibbiltà għall-mobilizzazzjoni tal-Fond ta’ Solidarjetà;

40.

Iħeġġeġ lill-Kummissjoni tippreżenta proposta leġiżlattiva għat-tagħrif dwar il-foresti billi tqis it-theddid klimatiku u l-bżonn ta’ ġbir u tixrid tad-data rilevanti, armonizzata u paragunabbli dwar il-kopertura forestali, il-bijodiversità, it-theddid bijotiku u abijotiku u l-użu tal-art fil-kuntest tal-UNFCCC, tas-CBD u tal-kontijiet ambjentali; jistieden barra minn dan lill-Kummissjoni tikkompila u tissorvelja l-indikaturi relatati mal-funzjonijiet protettivi tal-foresti bħall-kapaċità ta’ assorbiment tal-ħamrija;

41.

Jistieden lill-Kummissjoni tappoġġa r-riċerka dwar l-influwenza tal-foresti fuq il-mudelli meteoroloġiċi reġjonali fl-UE, sabiex tinforma l-istrateġiji tal-ġestjoni tal-foresti rigward il-bidliet f'termini ta’ daqs, kompożizzjoni u lok tal-foresti u l-impatt tat-tali bidliet;

42.

Jitlob lill-Kummissjoni u lill-Istati Membri jiżviluppaw u jxerrdu linji gwida dwar l-aħjar prattiki bbażati fuq il-prinċipji tal-ġestjoni sostenibbli biex jissodisfaw il-bżonnijiet tas-sidien privati u statali kif ukoll tal-komunitajiet lokali, bil-għan li tiġi garantita reżiljenza għat-tibdil fil-klima; jinnota wkoll l-importanza tal-iskambju tal-aħjar prattiki dwar kif kumpaniji u setturi tal-industrija jistgħu jikkontribwixxu għall-objettivi tal-bijodiversità permezz ta’ mentalità li tqis iċ-ċiklu tal-ħajja u kif jistgħu jibnu rabta bejn konservazzjoni tal-bijodiversità u l-ġenerazzjoni ta’ dħul; jenfasizza l-ħtieġa li tissaħħaħ il-politika ta’ komunikazzjoni u informazzjoni sabiex tkun żgurata l-ġestjoni sostenibbli tal-foresti, tinforma lill-pubbliku u tħeġġeġ l-użu tal-injam sostenibbli;

43.

Jenfasizza l-bżonn li jissaħħew l-isforzi ta’ koordinament u ta’ informazzjoni fir-rigward tal-protezzjoni tal-foresti; huwa tal-fehma li jinħtieġu sforzi akbar biex jiggarantixxu li l-miżuri interni tal-UE jkunu koerenti mad-dikjarazzjonijiet fil-qasam tal-politika esterna dwar il-foresti (kooperazzjoni, żvilupp, kummerċ fl-injam eżotiku, eċċ.);

44.

Iqis li l-foresti jiffurmaw parti mill-wirt kulturali u ambjentali kollettiv tal-umanità u s-siġar imponenti għandhom jiġu protetti sew jekk jinsabu f'foresti sew jekk le; f'dan ir-rigward, jistieden lill-Kummissjoni u lill-Istati Membri joħorġu bi strateġija xierqa għall-protezzjoni tagħhom, inkluża l-kunsidrezzjoni tal-‧Osservatorji tal-Wirt Forestali‧; jinkoraġġixxi, barra minn hekk, lill-Istati Membri, biex fil-kuntest tal-politiki nazzjonali tagħhom, jippromwovu aċċess ugwali u pubbliku għall-foresti u għaż-żoni naturali, jirrikonoxxu li d-dritt ta’ aċċess pubbliku għall-foresti u għaż-żona naturali (allemansrätten) kif ipprattikata f'ċerti Stati Membri jġib bosta vantaġġi f'termini ta’ aċċess demokratiku għar-rikreazzjoni, il-valorizzazzjoni tal-ekosistemi u r-rispett tal-wirt naturali;

45.

Bil-għan li jintlaħqu l-objettivi tal-istrateġija UE 2020 fir-rigward tal-pjanijiet ta’ azzjoni nazzjonali fil-qasam tal-foresti, jitlob lil kull Stat Membru jew reġjun jiżviluppa strateġija forestali li tinkludi r-riforestazzjoni tax-xtut tax-xmajjar, il-ġbir tal-ilma tax-xita, l-attivitajiet agrikoli u r-riżultati tar-riċerka għall-għażla tal-varjetajiet u tal-ispeċijiet tradizzjonali ta’ xtieli u siġar li jadattaw ruħhom aħjar għan-nixfa;

46.

Jenfasizza li, minkejja l-Ewropa bla dubju għandha kompetenzi tekniċi dwar il-forestrija, li ġejjin minn prattiki tradizzjonali fil-forestrija li ilhom żmien twil, jeħtieġ li jiżdiedu r-riżorsi finanzjarji għar-riċerka fl-impatt tat-tibdil fil-klima fuq il-foresti; huwa tal-fehma li, fid-dawl tal-inċertezza xjentifika dwar il-kalendarju u l-kobor tat-theddid għall-foresti f'żoni differenti, jeħtieġ li jiġu destinati finanzjamenti għar-riċerka dwar il-klima skont esiġenzi speċifiċi u soluzzjoni applikabbli għal żoni bijoklimatiċi differenti, bil-għan li titjieb il-bażi ta’ għarfien rilevanti;

47.

Jitlob lill-Istati Membri jwaqqfu programmi konġunti ta’ riċerka fuq perjodu twil ta’ żmien biex jitjieb l-għarfien tal-impatti u l-vulnerabbiltà u biex jiġu appoġġati miżuri ta adattament fis-settur forestali; jistieden lill-Kummissjoni tippromwovi proġetti ta’ inklużjoni fil-qafas multiannwali għall-iżvilupp tar-riċerka u dak teknoloġiku marbuta mal-għarfien tal-ekosistemi forestali u l-kapaċitajiet tagħhom li jadattaw għall-konsegwenzi tat-tibdil fil-klima;

48.

Jistieden lill-Kummissjoni tfassal pjan ta’ azzjoni biex jiġu protetti l-foresti tal-UE sabiex jantiċipa l-impatt negattiv tal-proliferazzjoni tal-insetti u l-mard ikkawżat mit-tibdil fil-klima;

49.

Jistieden lill-Istati Membri jagħtu spinta lir-riċerka fil-qadam tat-tibdil fil-klima u l-konsegwenzi tiegħu għall-foresti; irawmu sensibilizzazzjoni usa' tas-sinifikati varji tal-foresti u l-importanza tal-ġestjoni sostenibbli tagħhom; jagħtu sostenn lit-taħriġ inizjali u intern lill-impjegati fil-qasam tal-forestrija, b'attenzjoni fuq oqsma ta’ għarfien espert mistennija bħala meħtieġa bħala riżultat tat-tibdil fil-klima (il-promozzjoni tad-diversità, il-prevenzjoni tal-ħsara u l-irkurpu); u jinkoraġġixxu l-iskambju tal-għarfien u tal-esperjenzi;

50.

Iqis li, minħabba l-ħtieġa ta’ riċerka effikaċi fil-‧potenzjal ta’ difiża‧ tal-ekosistemi forestali, ta’ riċerka pronjostika u ta’ riċerka fl-istrateġiji biex jittaffew l-effetti tat-tibdil fil-klima fis-settur forestali u tal-injam kollu, hemm ħtieġa ta’ koordinament u finanzjament fuq livell tal-Unjoni Ewropea;

51.

Jindika li t-taħdidiet dwar il-futur tal-PAK wara l-2013 għandhom iqisu l-fatt li l-foresti joffru funzjonijiet ambjentali essenzjali u jikkontribwixxu għall-ilħiq tal-objettivi soċjali u ekonomiċi tal-iżvilupp rurali u tal-ekonomiji nazzjonali; jistieden għalhekk lill-Istati Membri u lir-reġjuni jikkooperaw bis-sħiħ mal-awtoritajiet forestali u mal-pubbliku ġenerali fit-tħejjija ta’ programmi ta’ żvilupp rurali biex jiggarantixxu koerenza bejn il-politiki tal-UE, u jqisu li l-forestrija, f'xi każijiet, tista' tkun settur indipendenti mill-ekonomija rurali;

52.

Ifakkar li l-foresti jiżvolġu rwol fundamentali fil-provvista ta’ beni soċjoekonomiċi u ambjentali pubbliċi għall-benesseri tas-soċjetà u għall-iżvilupp, partikolarment fiż-żona rurali; jistieden lill-Kummissjoni tfassal approċċ politiku li jirrikonoxxi dan ir-rwol, filwaqt li jirrispetta d-drittijiet ta’ proprjetà tas-sidien;

53.

Jilqa' favorevolment il-fatt li l-aħħar Komunikazzjoni mill-Kummissjoni dwar ir-riforma tal-PAK (19) tirrikonoxxi r-rwoli importanti li jiżvolġu l-bdiewa bħala atturi indispensabbli fil-prevenzjoni tan-nirien fil-foresti, bħala amministraturi tal-ekosistemi forestali li jipproteġuhom mit-theddid lill-bijodiversità – bħall-parassiti – u fuq kollox, attur strutturali fit-territorju, ladarba l-kontinwità tagħhom hija l-aktar mod effikaċi biex tiġi evitata d-depopolazzjoni;

54.

Isostni li l-produtturi rurali, il-gruppi ta’ produtturi u l-entitajiet pubbliċi għandhom isiru eliġibbli għall-miżuri tal-forestrija fit-tieni pilastru tal-PAK; iqis li l-UE għandha tkompli tipprovdi għajnuna għall-forestazzjoni fl-ambitu tal-programmi nazzjonali ta’ żvilupp rurali, filwaqt li taċċerta ruħha li dawn l-inizjattivi ma jindaħlux fis-suq u li l-miżuri ta’ forestazzjoni jiddependu fuq materjal lokali, reżistenti għall-parassiti u għan-nar u jikkontribwixxu għall-konservazzjoni tal-bijodiversità; jenfasizza wkoll li l-isforzi ta’ forestazzjoni għandhom jagħtu prijorità lill-ispeċijiet tas-siġar li jtejbu konsiderevolment il-kwalità tal-ħamrija u tal-bijodiversità, filwaqt li jirrispettaw il-karatteristiċi tal-lok ta’ tħawwil, l-ispeċijiet awtoktoni u l-bżonn ta’ foresti mħallta;

55.

Jiġbed l-attenzjoni, kif kien għamel il-Kunsill fil-konklużjonijiet tiegħu tal-11 ta’ Ġunju 2010, għall-fatt li jistgħu jinqalgħu problemi gravi jekk il-foresti jiġu abbandunati sakemm ma jkunx aktar possibbli li jiġi żgurat li l-foresti jibqgħu jaqdu l-funzjonijiet tagħhom;

56.

Iqis bħala neċessarju li jiġi inkoraġġit u sostnut it-twaqqif ta’ għaqdiet tal-produtturi u ta’ entitajiet ta’ ġestjoni forestali li jipprattikaw ġestjoni sostenibbli tal-foresti, partikolarment f'żoni kkaratterizzati b'foresti ta’ daqs żgħir, billi dan jgħin biex tiġi bbilanċjata l-provvista ta’ bosta prodotti u servizzi li joffru l-foresti; iqis li t-tali għaqdiet u entitajiet isaħħu s-setgħa ta’ negozjar tal-produtturi fil-katina tal-provvista tal-injam, jgħinu biex jinħolqu kundizzjonijiet ta’ parità filwaqt li jikkontribwixxu simultanjament biex jinstab tarf il-problemi tal-kriżi ekonomika, il-kompetizzjoni internazzjonali u t-tibdil fil-klima u l-ġlieda kontra d-deforestazzjoni illegali;

57.

Isostni li l-assistenza lill-atturi pubbliċi u privati li jipproteġu l-bijodiversità forestali tal-ispeċijiet, ħabitats u servizzi ekosistemiċi għandhom iżidu u jinkludu l-metodi ta’ protezzjoni volontarji u ż-żoni li jgħaqqdu s-siti NATURA 2000, billi l-bijodiversità hija kruċjali għaż-żamma, l-iżvilupp u l-adattament tal-agrikoltura;

58.

Jappella li s-sistema ta’ rimunerazzjoni bbażata fuq fatturi tkun sostitwita b'sistema ta’ kostijiet standard jew ibbażati fuq iż-żona;

59.

Jappella biex l-iżvilupp ta’ standard għall-prattiki ta’ forestrija tajbin jintuża bħala bażi għall-appoġġ fil-miżuri forestali kollha;

60.

Jappella għall-inklużjoni obbligatorja tal-miżuri għall-ambjent forestali u Natura 2000 fil-programmi ta’ żvilupp rurali u għall-appoġġ ibbażat fuq iż-żona għan-netwerk Natura 2000 fl-ambitu tal-pagamenti diretti;

61.

Jappella għall-inklużjoni ta’ miżura ġdida tal-PAK tal-‧konservazzjoni in-situ u ex-situ tal-materjal ġenetiku forestali identifikat f'ras il-għajn‧;

62.

Jirrifjuta bil-qawwa l-applikazzjoni tad-drittijiet tal-proprjetà intellettwali fuq ir-riżorsi ġenetiċi forestali;

63.

Iħeġġeġ lill-Kummissjoni u lill-Istati Membri jiggarantixxu l-prospetti fit-tul tal-forestrija u tal-proġetti ta’ protezzjoni tal-foresti fil-finanzjamenti kollha tal-UE;

64.

Hu konvint li l-prevenzjoni tan-nirien fil-foresti hija ħafna aktar kosteffikaċi milli tikkumbattihom;

65.

Jiġbed l-attenzjoni għall-ħtieġa urġenti biex jiġu implimentati r-rakkomandazzjonijiet dwar il-prevenzjoni tad-diżastri naturali jew dawk ikkawżati mill-bniedem adottati reċentement (20), speċjalment dawk rigward l-appoġġ għall-iskemi ta’ forestazzjoni/riforestazzjoni billi jagħtu preferenza lill-ispeċijiet awtoktoni u foresti mħallta, fl-interess tal-bijodiversità u r-reżistenza mtejba għan-nirien, il-tempesti u l-mard; Jiġbed l-attenzjoni wkoll għad-diffikultajiet miżjuda li jiffaċċjaw il-gżejjer u r-reġjuni ultraperiferiċi fil-ġestjoni tan-nirien; jappella biex ikun provdut trattament speċjali lil dawn ir-reġjuni permezz ta’ diversi strumenti finanzjarji disponibbli, inkluż il-Fond ta’ Solidarjetà;

66.

Iqis li l-prevenzjoni tan-nirien fil-foresti permezz ta’ ppjanar tal-pajsaġġ, il-konnettività, l-infrastruttura u t-taħriġ għandha tkun ankrata b'mod sod fil-politiki tal-UE dwar il-protezzjoni tal-foresti, l-adattament u l-protezzjoni ċivili;

67.

Jindika l-fatt li f'żoni niexfa u żoni f'riskju ta’ deforestazzjoni, ir-riforestazzjoni bi speċijiet produttivi tkun ta’ benefiċċju għall-abitanti u tiżgura l-involviment tagħhom fil-kompiti ta’ konservazzjoni u ta’ tifi tan-nar;

68.

Jenfasizza l-importanza inkontestabbli tas-sikurezza pubblika fiż-żoni forestali, li jipproteġu l-ħabitats umani mill-impatt negattiv ta’ fenomeni naturali;

69.

Iqis li l-iskema għan-negozjar ta’ emissjonijiet (ETS) fil-forma attwali tagħha hija inkompatibbli mal-kontabbiltà tal-LULUCF primarjament bħala konsegwenza tad-differenza bejn ir-rekwiżiti annwali ta’ konformità għall-installazzjonijiet industrijali skont l-ETS u l-perjodi ta’ żmien itwal biex it-tibdiliet tal-ħażna ta’ karbonju fil-proprjetajiet ta’ fond iseħħu u jiġu osservabbli; u għalhekk ma għandha ssir l-ebda konnessjoni; jistieden, f'dan ir-rigward, lill-Kummissjoni terġa' tikkunsidra l-aħjar mod kif tagħti finanzjamenti għall-iffrankar tal-karbonju mill-attivitajiet LULUCF;

70.

Jirrikonoxxi l-isfidi marbuta ma’ kull kunsiderazzjoni ta’ inklużjoni tal-LULUCF fost l-objettivi tal-Istati Membri skont id-Deċiżjoni tal-Kondiviżjoni tal-Isforzi; jesprimi b'mod partikolari tħassib għall-fatt li d-differenzi f'termini ta’ preċiżjoni tal-kontabblità u ta’ varjazzjoni wiesgħa naturali jafu jikkompromettu r-reġim ta’ konformità fl-ambitu tad-Deċiżjoni; jitlob għalhekk li jkun hemm objettivi separati għas-settur LULUCF;

71.

Jistqarr l-impenn tiegħu favur l-ilħiq tal-objettivi tal-istrateġija UE 2020 relatati mal-enerġija rinnovabbli u taż-2 gradi Celsius għat-tibdil fil-klima; jinsab madankollu mħasseb li t-termini ta’ żmien qosra użati fil-metodoloġija attwali ta’ kalkolu tal-gassijiet b'effett serra u b'konsegwenza ta’ dan l-ipoteżi ta’ newtralità tal-karbonju għall-bijomassa mill-injam, jafu jxekklu dan l-ilħiq; jistieden lill-Kummissjoni tikkonsulta lill-IPCC u tistabbilixxi metodoloġija ta’ kalkolu ġdida tal-gassijiet b'effett serra, li tikkontrolla l-perjodi ta’ żmien itwal u l-emissjonijiet tal-bijomassa mill-użu tal-art, it-tibdil fl-użu tal-art u l-ġestjoni forestali li tivvaluta l-fluss tal-karbonju fuq livell nazzjonali, u li tintegra l-fażijiet differenti fil-forestrija (tħawwil, tnaqqis tad-densità u ħsad);

72.

Jiddikjara li l-kriterji attwali fil-qasam tal-bijofjuwil żviluppati mill-Kummissjoni mhumiex adatti fil-każ tal-bijomassa u jappella għall-iżvilupp ta’ kriterji tas-sostenibbiltà ġuridikament vinkolanti għall-bijomassa għall-użu tal-enerġija; jafferma li l-Kummissjoni għandha tikkonsulta x-xogħol u r-riżultati ta’ Forest Europe bil-għan li tiżviluppa kriterji li jkun fihom riskji possibbli ta’ distorsjoni fis-suq tal-enerġija rinnovabbli, ma jiddependux mill-ipoteżi tan-newtralità tal-karbonju, jittrattaw l-emissjonijiet indiretti u ma jikkompromettux l-objettivi tal-UE 2020 fil-qasam tal-enerġija rinnovabbli u tal-bijodiversità; josserva li l-implimentazzjoni dettaljata tal-kriterji għandha titħalla fil-livell lokali u jitqiesu l-kundizzjonijiet speċifiċi għas-siti;

73.

Jappella għall-applikazzjoni tad-definizzjonijiet ta’ foresta bbażati fuq klassifikazzjoni ekoloġika tal-foresti bħal dik proposta mill-EEA fl-2007, sabiex ikunu jistgħu jagħmlu differenza bejn foresti antiki b'emissjonijiet għoljin ta’ karbonju, il-monokulturi intensivi u tipi ta’ foresti oħrajn, inkluż il-makkja Mediterranja (ġmiem) skont il-bijoma u l-fażijiet ta’ suċċessjoni;

74.

Jenfasizza l-importanza li tiġi protetta d-diversità tal-foresti fil-fażijiet kollha tas-suċċessjoni fi ħdan l-UE biex tiġi assigurata l-bijodiversità ta’ u fil-foresti, billi kull fażi ta’ suċċessjoni toħloq kundizzjonijiet għall-fażi suċċessiva u billi fl-assenza ta’ protezzjoni kkoordinata fil-varji fażijiet kollha, is-suċċessjoni fl-aħħar fażijiet se tkun ipperikolata bil-kbir;

75.

Jistieden lill-Kummissjoni u lill-Istati Membri jaħdmu fuq livell internazzjonali biex tiġi stabbilita definizzjoni ġdida tan-NU tal-foresti li tiċċara d-definizzjonijiet naturali tal-foresti fuq bażi ta’ bijoma u tiddistingwi bejn foresti indiġeni u dawk dominati minn monokulturi ta’ siġar u speċijiet mhux indiġeni; josserva, f'dan ir-rigward li – billi l-UE hija l-akbar donatur pubbliku ta’ għajnuna lill-pajjiżi li qed jiżviluppaw (is-settur forestali fl-2003 rċieva aktar minn EUR 600 miljun) – din id-definizzjoni taf iżżid bil-kbir il-koerenza tal-politiki u l-‧valur għall-fluss‧; jiddispjaċih li l-Green Paper naqset milli tirreġistra progress fil-konfront tal-bżonn ta’ koordinament tal-azzjonijiet tal-UE fi ħdan l-Unjoni u barra minnha u milli tilħaq ftehim dinji ġuridikament vinkolanti fl-ambitu tal-Forum tan-Nazzjonijiet Uniti dwar il-Foresti;

76.

Jinnota l-importanza tal-kooperazzjoni globali, kemm fil-livell amministrattiv u dak tar-riċerka, fl-istabbiliment ta’ standards, l-aħjar prattiki u t-trasferimenti tat-teknoloġija u l-kompetenzi xjentifiċi, partikolarment fil-kuntest tas-sistema REDD (tnaqqis ta’ emissjonijiet mid-deforestazzjoni u d-degrad tal-foresti); jinnota wkoll li t-tqassim ġust tal-benefiċċji tas-sistema REDD ma jistax jinkiseb mingħajr il-kooperazzjoni attiva u l-iskambju tal-aħjar prattiki; jenfasizza l-importanza tal-programm GMES (Monitoraġġ Globali tal-Ambjent u s-Sigurtà) fil-mappatura, is-sorveljanza u ċ-ċensiment taż-żoni forestali fil-livell Ewropew u fil-livell internazzjonali u l-kontribut li l-informazzjoni li tinġabar tista' tagħti lin-negozjati tan-NU dwar it-tibdil fil-klima;

77.

Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill, lill-Kummissjoni u lill-gvernijiet u lill-parlamenti tal-Istati Membri.

7.12.2012   

MT

Il-Ġurnal Uffiċjali tal-Unjoni Ewropea

CE 377/35

—

wara li kkunsidra r-rapport annwali mill-Kunsill lill-Parlament Ewropew dwar l-aspetti prinċipali u l-għażliet bażiċi tal-Politika Estera u ta’ Sigurtà Komuni (PESK) fl-2009, ippreżentat lill-Parlament Ewropew f konformità mal-Parti II, Taqsima G, Paragrafu 43 tal-Ftehim Interistituzzjonali tas-17 ta’ Mejju 2006 (1),

—

wara li kkunsidra l-Ftehim Interistituzzjonali msemmi hawn fuq, tas-17 ta’ Mejju 2006, bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-amministrazzjoni finanzjarja fis-sod,

—

wara li kkunsidra r-riżoluzzjonijiet tiegħu tad-19 ta’ Frar 2009 (2) u tal-10 ta’ Marzu 2010 (3) dwar ir-rapporti annwali tal-PESK tal-2007 u tal-2008 rispettivament,

—

wara li kkunsidra l-pożizzjoni tiegħu tat-8 ta’ Lulju 2010 (4) dwar is-Servizz Ewropew għall-Azzjoni Esterna,

—

wara li kkunsidra r-riżoluzzjoni tiegħu tal-11 ta’ Novembru 2010 dwar l-OSKE: rwol għall-UE (5),

—

wara li kkunsidra d-dikjarazzjoni mill-Viċi President tal-Kummissjoni/Rappreżentant Għoli tal-Unjoni għall-Affarijiet Barranin u l-Politika ta’ Sigurtà (VP/RGħ) dwar r-responsabilizzazzjoni politika (6),

—

wara li kkunsidra d-dikjarazzjoni tar-Rappreżentant Għoli fil-plenarja tal-Parlament Ewropew dwar l-organizzazzjoni bażika tal-amministrazzjoni ċentrali tas-SEAE tat-8 ta’ Lulju 2010 (6),

—

wara li kkunsidra l-konklużjonijiet tal-Kunsill Ewropew tad-16 ta’ Settembru 2010 dwar ir-relazzjonijiet esteri tal-UE,

—

wara li kkunsidra l-Artikolu 119(1) tar-Regoli ta’ Proċedura tiegħu,

—

wara li kkunsidra r-rapport tal-Kumitat għall-Affarijiet Barranin u l-opinjoni tal-Kumitat għall-Baġits (A7-0168/2011),

A.

billi l-UE għandha tiżviluppa aktar l-objettivi tal-politika estera tagħha u għandha tavvanza l-valuri u l-interessi tagħha mad-dinja kollha bl-għan globali li tikkontribwixxi għall-paċi, is-sigurtà, is-solidarjetà, il-prevenzjoni tal-kunflitti, il-promozzjoni tad-demokrazija, l-ugwaljanza bejn is-sessi, il-ħarsien tad-drittijiet tal-bniedem, ir-rispett għad-dritt internazzjonali, l-appoġġ għall-istituzzjonijiet internazzjonali, il-multilateraliżmu effikaċi u r-rispett reċiproku fost in-nazzjonijiet, l-iżvilupp sostenibbli, il-kummerċ ħieles u ġust u l-qerda tal-faqar,

B.

billi l-implimentazzjoni tat-Trattat ta’ Lisbona qed iġġib dimensjoni ġdida lill-azzjoni esterna Ewropea u se jkun strumentali biex jitjiebu l-koerenza, il-konsistenza u l-effikaċja tal-politika estera tal-UE u, b’mod iktar mifrux, l-azzjonijiet esterni,

C.

billi t-Trattat ta’ Lisbona qed joħloq momentum ġdid fil-politika estera tal-UE, li partikolarment jagħti l-għodod istituzzjonali u operattivi li jistgħu jippermettu lill-UE li jkollha rwol internazzjonali kompatibbli mal-istatus ekonomiku prominenti tagħha u mal-ambizzjonijiet tagħha u li torganizza ruħha b'tali mod biex tkun attur globali effettiv, kapaċi li jkollha sehem fir-responsabilità għas-sigurtà dinjija u li tkun mexxejja fid-definizzjoni ta’ reazzjonijiet komuni għall-isfidi komuni,

D.

billi l-momentum il-ġdid fl-azzjoni esterna Ewropea jirrikjedi wkoll li l-UE taġixxi b'mod aktar strateġiku sabiex ikollha piż fix-xena internazzjonali; billi l-kapaċità tal-UE li tinfluwenza l-ordni internazzjonali tiddependi mhux biss mill-koerenza bejn il-politiki, l-atturi u l-istituzzjonijiet tagħha imma wkoll minn kunċett strateġiku reali tal-politika estera tal-UE li għandha tgħaqqad flimkien l-Istati Membri kollha wara l-istess sensiela ta’ prijoritajiet u miri, sabiex dawn jitkellmu b'vuċi unika b'saħħitha fl-arena internazzjonali; billi l-politika barranija tal-UE għandhom jingħatawlha l-mezzi u l-istrumenti neċessarji ħalli tippermetti lill-Unjoni taġixxi b’mod effikaċi u konsistenti fix-xenarju dinji,

E.

billi qed issir trasformazzjoni sostanzjali tal-ordni internazzjonali attwali, sforz li fiġġew sfidi ġodda u l-ħolqien ta’ strutturi ta’ poter ġoddam, li jitolbu mill-UE li timpenja ruħha b'mod iktar attiv mal-poteri kurrenti u emerġenti tad-dinja kif ukoll mal-personaġġi mhux statali kif ukoll mas-sħab u l-istituzzjonijiet bilaterali u multilaterali sabiex ikunu promossi soluzzjonijiet effettivi għall-problemi li huma komuni għaċ-ċittadini Ewropej u għad-dinja b'mod ġenerali, li jista’ jkollhom impatt fuq is-sigurtà globali,

F.

billi anke l-momentum il-ġdid għandu bżonn iwassal għad-definizzjoni ta’ paradigma ġdida għas-sħubijiet strateġiċi tal-UE, kemm ġodda kif ukoll dawk antiki, u billi din għandha tkun ibbażata fuq valuri universali kondiviżi bħalma huma l-ħeġġa għad-demokrazija, ir-rispett għad-drittijiet tal-bniedem, il-libertajiet bażiċi, l-istat tad-dritt u d-dritt internazzjonali, kif ukoll il-benefiċċji u l-interessi reċiproċi u fehim komuni tas-sigurtá globali,

G.

billi l-iskrutinju parlamentari tal-politika estera tal-UE huwa essenzjali jekk l-azzjoni esterna Ewropea għandha tiġi mifhuma u appoġġata miċ-ċittadini tal-UE; billi l-iskrutinju jtejjeb il-leġittimità ta’ din l-azzjoni; billi l-organizzazzjoni u l-promozzjoni tal-kooperazzjoni interparlamentari effettiva u regolari fl-UE għandhom ikunu determinati b'mod konġunt mill-Parlament Ewropew u l-parlamenti nazzjonali, bi qbil mal-Artikoli 9 u 10 tal-Protokoll 1 tat-Trattat ta’ Lisbona,

1.

Jilqa' r-rapport annwali tal-Kunsill u jfaħħar l-istruttura tiegħu trasparenti u bbażata fuq temi, li tipprovdi ħarsa ġenerali ċara lejn il-politiki u l-azzjonijiet fil-qasam tal-politika estera u ta’ sigurtà komuni; jilqa' wkoll l-ambizzjoni tal-Kunsill li jenfasizza aktar u jiffoka b'mod iktar qawwi fuq il-kuntest reġjonali tal-kunflitti u l-kwistjonijiet; jisogħobih, madankollu, li r-rapport ma jressaq ebda approċċi possibli biex tinsab soluzzjoni għall-kunflitti u l-kwistjonijiet;

2.

Jistieden lill-Kunsill ma jillimitax l-għan tar-rapport annwali tal-PESK għal sempliċi deskrizzjoni tal-attivitajiet tal-PESK iżda jagħmlu strument iffukat fuq il-politika u soluzzjonijiet; hu tal-fehma li r-rapport għandu jipprovdi aktar minn katalogu tal-avvenimenti u l-iżviluppi u li għandu jindirizza wkoll il-kwistjoni tal-effikaċja tal-politika barranija tal-UE u l-mezzi neċessarji għall-persegwiment tal-objettivi tal-azzjoni esterna Ewropea; jitlob lill-Kunsill jinkludi wkoll fir-rapport, valutazzjoni tal-koordinazzjoni u l-koerenza bejn il-PESK u l-politiki esterni l-oħra tal-Unjoni, kif ukoll rakkomandazzjonijiet strateġiċi u organizzattivi għall-futur fuq il-bażi ta’ valutazzjoni tal-azzjonijiet fil-qafas tal-PESK;

3.

Jemmen li r-rapport annwali dwar il-PESK għandu jkun imsejjes fuq il-qafas istituzzjonali l-ġdid maħluq mit-Trattat ta’ Lisbona u għandu jservi ta’ strument għal djalogu interistituzzjonali mtejjeb, partikolarment billi jiddiskuti dwar l-implimentazzjoni ta’ strateġija tal-UE dwar il-politika estera, jevalwa l-effettività tagħha u jindika d-direzzjoni tagħha fil-ġejjieni;

4.

Itenni l-pożizzjoni tiegħu favur l-iżvilupp ta’ strateġija tal-politika estera tal-UE bbażata fuq l-objettivi u l-prinċipji stabbiliti fl-Artikolu 21 tat-Trattat dwar l-Unjoni Ewropea (Trattat UE), li għandha tidentifika b'mod ċar l-interessi tal-UE għall-politika estera u ta’ sigurtà komuni; jistieden lir-Viċi-President/ir-Rappreżentant Għoli (VP/RGħ) biex tuża bis-sħiħ is-setgħat tagħha biex tniedi, timplimenta, tiżgura l-konformità mal-PESK, bl-inklużjoni tal-korpi rilevanti tal-Parlament bi sħiħ ma’ dan l-objettiv;

5.

Jisħaq li hemm bżonn li tissaħħaħ il-koerenza bejn is-Servizz Ewropew għall-Azzjoni Esterna (SEAE), l-Istati Membri u l-Kummissjoni taħt it-tmexxija tal-VP/RGħ; jitlob li jitjiebu s-sinerġiji bejn l-UE u l-livell nazzjonali u li titjieb il-koordinazzjoni bejn id-diversi atturi istituzzjonali, bil-għan li jiġu integrati aħjar l-istrumenti u l-politiki relevanti kollha u li jitwassal messaġġ uniku tal-UE dwar kwistjonijiet politiċi prinċipali; iqis li l-kooperazzjoni fil-livelli kollha bejn is-SEAE, il-korpi relevanti u l-kumitati fil-Parlament Ewropew u s-servizzi rispettivi fil-Kummissjoni hija essenzjali sabiex l-UE tkun tista’ tiżviluppa approċċ strateġiku lejn il-viċinat tagħha u lejn pajjiżi kandidati, sħab bi prospetti ta’ sħubija u pajjiżi sħab oħra, kif ukoll lejn oqsma ta’ politika oħra bħad-drittijiet tal-bniedem, il-promozzjoni tad-demokrazija, il-kummerċ, l-iżvilupp, is-sigurtà enerġetika u l-ġustizzja u l-intern;

6.

Jistenna li s-SEAE, permezz tal-promozzjoni ta’ koordinazzjoni aktar mill-qrib bejn il-PESK u l-politiki esteri oħrajn, jgħin fit-tisħiħ tal-irwol u l-influwenza tal-UE fl-istadju dinji u jkun possibbli għaliha li tipproġetta l-interessi u l-valuri tagħha b'mod iktar effiċjenti, b'tali mod li jkun jaqbel mal-istatus kummerċjali u ekonomiku internazzjonali eżistenti tagħha; jistieden lill-VP/RGħ toħloq l-istrutturi u l-mekkaniżmi neċessarji ta’ koordinazzjoni fis-SEAE;

7.

Jinnota, madankollu, li parallellament għat-twaqqif tas-SEAE, il-ksib tal-koerenza u l-effikaċja sħaħ fil-politiki komuni tal-UE se jirrikjedi, l-ewwel nett, li l-Istati Membri tal-UE jegħlbu politikament il-perpsettivi differenti tagħhom dwar kwistjonijiet prinċipali tal-politika estera; iqisha bħala ħaġa essenzjali, f'dan ir-rigward, li l-Istati Membri mhux biss jaqblu dwar strateġija komuni għall-politika estera u ta’ sigurtà imma wkoll li jiżguraw li l-politiki nazzjonali tagħhom jappoġġaw il-pożizzjonjiet tal-UE;

8.

Jiddispjaċih li f’bosta każijiet, id-dikjarazzjonijiet minn rappreżentanti individwali jew ta’ grupp ta’ Stati Membri tal-UE ħallew l-impressjoni ta’ firda u għamlu x-xogħol tal-VP/RGħ partikolarment diffiċli; jitlob għalhekk lill-Istati Membri joqogħdu lura minn tali azzjonijiet u stqarrijiet individwali u mhux ikkoordinati u li jikkontribwixxu għal PESK effikaċi u viżibbli; jitlob mill-banda l-oħra li l-VP/RGħ ssemma’ b’mod ċar il-pożizzjonijiet tal-UE, tirreaġixxi malajr u viżibilment, u tagħti profil aktar ċar u speċifiku lill-PESK;

9.

Jisħaq li r-rwol tar-Rappreżentanti Speċjali tal-UE (RSUE) b'mod ġenerali għandu jkun li jirrappreżentaw u jikkoordinaw il-politika tal-UE lejn ir-reġjuni b'interessi strateġiċi u ta’ sigurtà speċifiċi għall-UE li jirrikjedu preżenza u viżibilità kontinwa tal-UE; hu tal-fehma li għandha tiġi stabbilita koordinazzjoni mill-qrib bejn ir-RSUE u d-dipartimenti rilevanti tas-SEAE u li għandhom jitqiesu mill-ġdid kwistjonijiet tematiċi importanti, li preċedentement kienu koperti mir-Rappreżentanti Personali,u għandhom jitressqu proposti sabiex dan ir-rwol jittieħed minn uffiċċjali għoljin tas-SEAE jew minn RSUE; iqisha bħala ħaġa essenzjali li d-definizzjoni tar-rwol u l-mandati tar-RSUE issir suġġetta għal konsultazzjoni minn qabel mal-Parlament u li jitressqu proposti, bi qbil mal-Artikolu 36(1) tat-TUE, dwar il-proċeduri u l-mandat tad-dokumenti ta’ tagħrif u tar-rapporti li għandhom jingħataw għad-dispożizzjoni tal-Parlament mir-RSUE;

10.

Ifakkar fil-prerrogattiva tiegħu tat-Trattat li jiġi kkonsultat fl-oqsma tal-PESK u tal-PSDK, li l-opinjonijiet tiegħu jitqiesu b'mod xieraq u li jagħmel rakkomandazzjonijiet; jistieden lill-VP/RGħ tikkonsolida d-doveri ta’ konsultazzjoni u rrapurtar mwettqa s'issa mill-Kummissjoni u l-Kunsill fil-qasam tal-azzjoni estera; jitlob lill-Kunsill jadotta approċċ kostruttiv fil-qafas tal-kumitat għall-konċiljazzjoni għall-istrumenti ta’ assistenza esterna, inkluż l-Istrument għall-Istabilità, billi jirrikonoxxi d-dritt tal-Parlament għall-iskrutinju demokratiku tad-dokumenti ta’ strateġija u pjanijiet ta’ azzjoni pluriennali, kif jingħad fl-Artikolu 290 TFUE;

11.

Jisħaq li l-Ftehim Interistituzzjonali revedut tal-2006 dwar id-dixxiplina baġitarja u l-ġestjoni finanzjarja soda għandu jipprovdi iktar trasparenza fil-proċedura baġitarja tal-PESK u għandu jindirizza b'mod xieraq ir-rekwiżiti ta’ informazzjoni tal-awtorità baġitarja sabiex dik l-awtorità tkun informata b'mod sħiħ u regolari dwar l-isfond, il-kuntest u l-implikazzjonijiet finanzjarji tad-deċiżjonijiet politiċi f'dan il-qasam politiku; hu tal-fehma li l-Parlament Ewropew għandu jirċievi informazzjoni xierqa qabel l-adozzjoni ta’ mandati u strateġiji fl-isfera tal-PESK; jilqa' l-appoġġ espress mill-VP/RGħ għall-proposta li l-missjonijiet kollha importanti tal-PSDK għandhom jiġu identifikati fil-baġit; jemmen, f’dan ir-rigward, li t-trasparenza sħiħa u l-iskrutinju demokratiku jirrikjedu linji tal-baġit separati għal kull missjoni individwali; itenni l-pożizzjoni tiegħu li, sabiex tiżdied il-leġittimità demokratika tal-PESK, il-korpi kompetenti tal-Parlament għandhom jiġu kkonsultati qabel it-tnedija tal-missjonijiet tal-PSDK u għandhom ikunu jistgħu jissorveljaw kif xieraq il-missjonijiet tal-PSDK b'mod partikolari; jisħaq li sabiex jiġu ssodisfati l-kriterji ta’ kredibilità u ta’ awtodefinizzjoni fit-Trattat ta’ Lisbona, għandhom jiġu allokati riżorsi baġitarji adegwati għall-objettivi tal-PESK;

12.

Iqis li l-laqgħat konġunti regolari ta’ konsultazzjoni dwar il-PESK għandhom ikunu kkumplimentati minn laqgħat addizzjonali li għandhom isiru jekk ikun hemm bżonn li tiġi provduta informazzjoni ex-ante; jissuġġerixxi, f'dan ir-rigward, li l-laqgħat għandhom ukoll ikunu mmirati lejn it-tagħlim ta’ lezzjonijiet strateġiċi u politiċi militari prinċipali sabiex jitjiebu l-ippjanar u l-ġestjoni ta’ missjonijiet futuri u sabiex jiġi megħjun l-iżvilupp ta’ approċċ li jħares 'l quddiem għall-bżonnijiet tal-futur; ifakkar, barra minn dan, fid-dritt tiegħu li jiġi kkonsultat u l-bżonn li jiġi infurmat kif xieraq dwar l-arranġamenti tal-finanzjament urġenti ta’ ċerti inizjattivi mnedija taħt il-PESK bi qbil mal-Artikolu 41(3) tat-TUE;

13.

Jappoġġja, b'konformità mal-ftehim li nlaħaq fil-kwadrilogu ta’ Madrid dwar l-istabbiliment u l-funzjonament tas-SEAE, u konformi mar-Regolament Finanzjarju kif modifikat fir-rigward tas-SEAE, il-ħoliqien fil-baġit tal-2011 ta’ punti tal-baġit dedikati għat-tliet missjonijiet maġġuri taħt is-PESK/PSDK; jemmen li l-identifikazzjoni aħjar tal-missjonijiet iżżid kemm it-trasparenza kif ukoll ir-responsabilizzazzjoni tas-PESK/PSDK u sservi l-interessi tal-UE; jenfasizza li l-identifikazzjoni tal-missjonijiet maġġuri tal-PESK / PSDK m'għandhiex tkun detrimentali għall-informazzjoni u t-trasparenza rigward missjonijiet ta’ dimensjoni iżgħar u ta’ anqas viżibilità politika;

14.

Iqis madankollu li din in-nomeklatura ġdida hija l-prirekwiżit minimu u hija biss l-ewwel pass għal baġit tal-PESK dettaljat b'mod sħiħ li tkun tista' tippermetti sinteżi kompleta u segwitu tal-missjonijiet fl-ambitu ta’ din il-politika; huwa tal-fehma li nomeklatura ġdida bħal din la m'hi se thedded il-flessibilità indispensabbli tal-baġit tal-PESK u lanqas il-kontinwità tal-azzjoni tal-missjonijiet diġà mibdija;

15.

Ifakkar fl-ispirtu tat-TFUE li għandu l-iskop li jagħmel il-kodeċiżjoni bħala l-proċedura ġenerali u li, b'analoġija, twassal għat-tneħħija ta’ klawsoli speċifiċi jew proċeduri li qabel kienu japplikaw għal xi strumenti jew politiki taħt it-Trattat preċedenti u l-Ftehim Interistrituzzjonali; jikkonferma b'dan u hawnhekk li d-dispożizzjonijiet li jirrestrinġu l-flessibilità tal-finanzjament tal-PESK issa huma bla bażi; jenfasizza, b'konformità ma’ dak t'hawn fuq u sabiex tisseddaq l-effiċjenza u r-responsabilizzazzjoni tal-PESK, li kultura ġdida ta’ djalogu, fiduċja reċiproka u skambju ta’ informazzjoni għandhom saflaħħar jinfirxu fir-relazzjonijiet interistituzzjonali, kemm fil-fażi ta’ definizzjoni kif ukoll fit-tmexxija u fażijiet ta’ evalwazzjoni a posteriori;

16.

Jenfasizza li fil-kuntest ta’ riflessjonijiet futuri dwar il-Qafas Finanzjarju Multiannwali 2014-2020, jeħtieġ li ssir analiżi bir-reqqa tar-rekwiżiti finanzjarji tal-PESK għal perjodu twil ta’ żmien;

17.

Itenni l-pożizzjoni tiegħu li skont it-termini tal-Artikolu 218(6) tat-TFUE, l-opinjoni/approvazzjoni tal-Parlament Ewropew huwa/hija meħtieġ/a għal kull ftehim internazzjonali inklużi dawk prinċipalment marbutin mal-PESK, bl-eċċezzjoni waħdanija ta’ dawk marbutin esklussivament mal-PESK; skont it-termini tal-Artikolu 218(10) tat-TFUE, għandha tiġi provduta informazzjoni sħiħa lill-Parlament fl-istadji inizjali, tan-negozjati u finali tal-proċedura li twassal għall-konklużjoni ta’ ftehimiet internazzjonali; jistenna li l-VP/RGħ tipprovdi l-informazzjoni rilevanti kollha dwar in-negozjati matul il-proċedura, inklużi d-direttivi tan-negozjati u l-abbozzi ta’ test tan-negozjati, u jfakkar li fid-dikjarazzjoni dwar ir-responsabilizzazzjoni politika l-VP/RGħ ntrabtet li tapplika d-dispożizzjonijiet tal-Ftehim Qafas dwar il-ftehimiet internazzjonali fir-rigward tad-dokumenti kunfidenzjali tal-PESK; jitlob li jiġi stabbilit modus operandi effiċjenti li jgħaqqad flimkien l-osservanza tal-prerrogattivi tal-Parlament mal-grad neċessarju ta’ kunfidenzjalità; jemmen li huwa meħtieġ ftehim komprensiv li jinvolvi l-istituzzjonijiet kollha u li jkopri l-korpi kollha tal-UE sabiex ikun regolat l-aċċess għad-dokumenti kunfidenzjali mill-Membri tal-Parlament;

18.

Jinnota l-obbligu tiegħu skont it-Trattat li jiddetermina, flimkien mal-parlamenti nazzjonali, l-organizzazzjoni u l-promozzjoni ta’ kooperazzjoni interparlamentari regolari, b’mod partikolari fil-qasam tal-politika komuni barranija, ta’ sigurtà u ta’ difiża; jiddispjaċih li s'issa għad ma ntlaħaqx ftehim dwar kif għandu jitmexxa dan l-eżerċizzju; jinsisti li li r-rappreżentanza tiegħu stess f'kull sura forma ta’ kooperazzjoni interparlamentari għandha tkun ta’ daqs li jirrifletti l-firxa u l-importanza tar-rwol tiegħu fl-affarijiet esterni, u, minħabba f'hekk itenni r-rieda tiegħu li jilħaq ftehim mal-parlamenti nazzjonali li għandu jwassal għal tisħiħ reali tad-dimensjoni parlamentari tal-Unjoni Ewropea bħala attur globali;

19.

Jenfasizza li l-azzjonijiet tal-PSDK għandhom jiddaħħlu f'politika komprensiva li timmira lejn il-pajjiżi u r-reġjuni fi kriżi fejn il-valuri u l-interessi strateġiċi tal-UE u fejn l-operazzjonijiet tal-PESK jagħtu valur miżjud reali fil-promozzjoni tal-paċi, l-istabilità u l-istat tad-dritt; jisħaq, barra minn hekk, dwar il-ħtieġa ta’ proċess ta’ teħid it-tagħlimiet li jkun aktar preċiż fil-valutazzjoni tal-implimentazzjoni b’suċċess ta’ kull operazzjoni u tal-impatt tagħha fit-tul fil-post;

20.

Jistieden lill-VP/RGħ, lill-Kunsill u lill-Istati Membri jegħlbu l-iżbilanċ bejn il-kapaċitajiet ta’ pjanifikazzjoni ċivili u dik militari fis-SEAE, u żżid l-għadd ta’ persunal fl-oqsma tal-ġustizzja, l-amministrazzjoni ċivili, id-dwana u l-medjazzjoni, b’tali mod li tiżgura li l-missjonijiet tal-PSDK ikunu jistgħu jingħataw għarfien espert adegwat u suffiċjenti;

21.

Jenfasizza l-ħtieġa li jkun hemm koordinazzjoni ottima bejn ir-reazzjonijiet tal-UE għad-diżastri u strumenti oħra tal-UE - bħall-missjonijiet ċivili u/jew militari tal-CSDP - li diġà qed jitniedu fil-post jew jistgħu jiġu stabbiliti wara kriżi; huwa tal-fehma li f’bosta każijiet distinzjoni riġida wisq bejn l-operazzjonijiet militari u ċivili tal-ġestjoni tal-kriżi tirrifletti mudelli istituzzjonali pjuttost mhux aġġornati u li l-interazzjoni ċivili-militari tista’ tirrispondi aħjar għar-realtajiet fil-post; jisħaq, għalhekk, dwar il-ħtieġa ta’ valutazzjoni sistematika skont il-każ tal-ħtiġijiet ħalli tiġi żgurata l-iktar reazzjoni xierqa peress li ċerti każijiet jistgħu jieħtieġu kuombinazzjoni ta’ strumenti militari u ċivili, abbażi ta’ fehim komprensiv tar-rabtiet bejn is-sigurtà u l-iżvilupp;

22.

Iqisha bħala prijorità strateġika tal-UE li jissaħħu s-sħubijiet internazzjonali tal-ġestjoni tal-kriżi u li jitjieb id-djalogu ma’ atturi oħra maġġuri tal-ġestjoni tal-kriżi - bħan-Nazzjonijiet Uniti, in-NATO, l-Unjoni Afrikana (UA), l-OSKE u pajjiżi terzi bħall-Istati Uniti tal-Amerika, it-Turkija, in-Norveġja u l-Kanada - u li jiġu sinkronizzati l-azzjonijiet, tinxtered l-informazzjoni u jitqiegħdu flimkien ir-riżorsi fl-oqsma taż-żamma tal-paċi u tal-bini tal-paċi, inkluża l-kooperazzjoni dwar il-ġestjoni tal-kriżi u, b'mod partikolari, is-sigurtà marittima, kif ukoll il-ġlieda kontra t-terroriżmu skont il-liġi internazzjonali;

23.

Jisħaq li t-twaqqif tas-SEAE għandu jagħti lill-UE opportunità unika li timplimenta l-impenji tagħha dwar il-prevenzjoni tal-kunflitti u l-bini tal-paċi, b’riferiment partikolari għall-Programm ta’ Gothenburg, u biex twessa’ aktar il-kapaċità tal-UE li tipprevjeni l-kunflitti bħala alternattiva għall-ġestjoni tal-kriżijiet; għal dan il-fini, jisħaq fuq l-importanza li tingħata l-istess importanza lid-Direttorat għall-Prevenzjoni tal-Kunflitti u l-Politika ta’ Sigurtà bħalma tingħata lil direttorati oħrajn billi jingħataw riżorsi adegwati għall-ipprogrammar tal-politika u bit-tisħiħ tal-konnessjonijiet mad-dipartimenti ġeografiċi u bit-twaqqif ta’ relazzjonijiet formali mal-Gruppi ta’ Ħidma relevanti tal-Kunsill; huwa tal-fehma li s-separazzjoni eżistenti bejn l-istruttura tal-ġestjoni tal-kriżi u d-Direttorat għall-Prevenzjoni tal-Kunflitti u l-Politika ta’ Sigurtà għandha wkoll titqies mill-ġdid;

24.

Javża dwar ir-riskju li l-Istati Membri tal-UE jsiru dipendenti żżejjed minn pajjiżi terzi għall-provvista enerġetika tagħhom, ħaġa li tista’ fl-aħħar mill-aħħar iddgħajjef l-indipendenza tal-politika estera tal-UE; jenfasizza, f’dan ir-rigward, li l-kunċett tas-sigurtà enerġetika huwa fundamentalment marbut mas-sigurtà tal-forniment; ifakkar, għalhekk, fil-ħtieġa urġenti li jiġu indirizzati l-isfidi enerġetiċi permezz tal-promozzjoni kemm tal-għejun enerġetiċi rinnovabbli u domestiċi, kemm dawk fossili indiġeni, bit-tlestija ta’ suq enerġetiku intern effikaċi u l-implimentazzjoni ta’ politika estera Ewropea komuni tal-enerġija, ibbażata fuq koordinazzjoni aħjar tal-politiki tal-Istati f’dan il-qasam, id-diversifikazzjoni tal-fornituri tal-enerġija u l-faċilitazzjoni ta’ proġetti ta’ infrastruttura enerġetika strateġiċi bħal Nabucco jew alternattivi oħrajn fattibbli ta’ kuridur fin-Nofsinhar; jappoġġa network enerġetiku Ewropew integrat u interoperabbli; jiddispjaċih li l-Istati Membri huma attivament imdaħħlin fl-appoġġ għal inizjattivi li fir-realtà jikkonkorru kontra l-isforzi favur l-iżgurar u d-diversifikar tal-għejun ta’ fornitura enerġetika;

25.

Jilqa’ d-deċiżjoni tal-Kunsill Ewropew li jistieden lill-Kummissjoni tippreżenta sa Ġunju 2011 komunikazzjoni dwar is-sigurtà tal-provvista u l-kooperazzjoni internazzjonali bl-għan li jissaħħu aktar il-konsistenza u l-koerenza tal-azzjoni esterna tal-UE fil-qasam tal-enerġija; jistieden, f'dan ir-rigward, lill-VP/RGħ biex issegwi b'determinazzjoni r-rakkomandazzjonijiet tal-Parlament għall-iżvilupp ta’ politika koerenti u koordinata, b'mod partikolari billi tiġi promossa l-koeżjoni tal-UE fid-djalogu kostruttiv mal-fornituri tal-enerġija, u partikularment mar-Russja kif ukoll il-pajjiżi ta’ tranżitu; hu tal-opinjoni li s-sigurtà enerġetika għandha wkoll tkun kompletament riflessa fil-politika ta’ tkabbir u ta’ viċinat tal-UE, inkluż permezz tad-djalogu politiku u l-kooperazzjoni prattika ma’ sħab;

26.

Jiġbed l-attenzjoni għall-ġenerazzjoni ġdida ta’ sfidi u riskji għas-sigurtà, pereżempju attakki ċibernetiċi, ferment soċjali, tixwix politiku, netwerks kriminali globali u attivitajiet ekonomiċi li jipperikolaw l-istat tad-dritt u l-prinċipji tad-demokrazija, u jenfasizza l-importanza tal-formulazzjoni ta’ strateġiji adegwati għal dawn l-iżviluppi;

27.

Jissottolinja l-ħtieġa ta’ koordinament tat-tħejjija tal-ilqugħ għat-theddid mhux konvenzjonali, bħalma huwa t-theddid ċibernetiku; jistieden lill-Kummissjoni u lill-Kunsill iwettqu analiżi fil-fond tat-theddid u l-ħtiġiet f’dan il-qasam riżultanti fi strateġija Ewropea għaċ-ċibersigurtà multidimensjonali u komprensiva li għandha tinkludi l-pjanijiet ta’ kontinġenza f’każ ta’ ċiberattakki;

28.

Jirrimarka li l-politika barranija Ewropea għandha tqis id-dimensjoni esterna taż-żona Ewropea ta’ libertà, sigurtà u ġustizzja; itenni l-importanza tal-ġestjoni tal-immigrazzjoni b'ordni; iqis li huwa essenzjali li tkun żgurata l-kooperazzjoni kemm tal-pajjiżi tal-oriġini kemm dawk tat-tranżitu, kif ukoll li titħeġġeġ attitudni ta’ kooperazzjoni b’saħħitha fost dawk il-pajjiżi bl-applikazzjoni ta’ politika ta’ kundizzjonalità pożittiva;

29.

Itenni l-pożizzjoni tiegħu li l-UE għandha ssaħħaħ ir-rwol mexxej tagħha fil-qasam tal-governanza dinjija tal-klima u tiżviluppa aktar djalogu ma’ atturi ewlenin oħra, bħall-ekonomiji emerġenti (iċ-Ċina, il-Brażil, l-Indja), ir-Russja, l-Istati Uniti u l-pajjiżi li qed jiżviluppaw, peress li t-tibdil fil-klima sar element kruċjali tar-relazzjonijiet internazzjonali;

30.

Huwa tal-fehma li, biex tkun konsistenti mal-valuri proprji tal-UE, il-politika estera u l-azzjoni esterna tal-UE għandhom jagħtu prijorità lill-promozzjoni tad-demokrazija u tal-istat tad-dritt, il-governanza tajba u soċjetajiet ġusti, peress li soċjetà demokratika bbażata fuq ir-regoli hija l-bażi għad-difiża tad-drittijiet tal-bniedem kif ukoll tat-tisħiħ tal-istabilitá; għalhekk itenni l-pożizzjoni tiegħu li d-drittijiet tal-bniedem iridu jkunu integrati b’mod sod fil-politika barranija tal-UE; jemmen li l-istruttura istituzzjonali l-ġdida tal-UE, b’referenza partikulari għas-SEAE u d-dipartiment dedikat tiegħu, toffri opportunità biex jitjiebu l-koerenza u l-effettività tal-UE f’dan il-qasam; iħeġġeġ lill-VP/RGħ ssegwi, b’mod proattiv, oermezz ta’ relazzjonijiet bilaterali ma’ pajjiżi terzi u l-parteċipazzjoni attiva f’for a internazzjonali, l-impenn ta’ pajjiżi terzi għar-rispett tad-drittijiet tal-bniedem, kif ukoll titkellem kontra l-abbużi tad-drittijiet tal-bniedem u ma żżommx lura milli tieħu miżuri adegwati jekk jinkisru; meta titqies iiż-żieda fil-ksur gravi tal-libertà tat-twemmin, jistieden lill-Kummissjoni tagħmel evalwazzjoni bir-reqqa u tintegra l-libertà tat-twemmin fil-politika tal-UE dwar id-drittijiet tal-bniedem;

31.

Jikkunsidra l-kwistjoni tal-libertà tar-reliġjon u t-twemmin fid-dinja - notevolment tal-Kristjani, minoranzi ppersegwitati jew ipperikolati u dissidenti reliġjużi - u d-djalogu interreliġjuż bħala kwistjoni ewlenija ġdida għall-PESK; jenfasizza li l-libertà tar-reliġjon u t-twemmin hija dritt tal-bniedem fundamentali, u d-djalogu interreliġjuż strument biex jiġu ffaċċjati d-diskriminazzjoni u l-vjolenza mmotivati mir-reliġjon u b'hekk tikkontribwixxi għall-istabilità politika u tas-soċjetà; għalhekk jitlob lill-VP/RGħ biex tiżviluppa urġentement strateġija tal-UE dwar l-infurzar tad-dritt tal-bniedem tal-libertà tar-reliġjon u t-twemmin; għalhekk jistieden lill-VP/RGħ ukoll biex tistabbilixxi kapaċità permanenti fi ħdan id-direttorat tad-drittijiet tal-bniedem tas-SEAE biex timmonitorja s-sitwazzjoni rigward restrizzjonijiet mill-gvernijiet u s-soċjetajiet tal-libertà tar-reliġjon u t-twemmin u d-drittijiet marbuta magħha;

32.

Iħeġġeġ lill-VP/RGħ biex tiżgura li l-politiki tal-PESK u l-azzjonijiet jimplimentaw bis-sħiħ il-UNSCR 1325 (2000) dwar in-nisa, il-paċi u s-sigurtà, li titlob il-parteċipazzjoni tan-nisa fl-aspetti kollha u fil-livelli kollha tas-soluzzjoni ta’ kunflitt; jitlob ukoll li l-politiki tal-PESK iqisu l-UNSCR 1820 (2008) dwar il-vjolenza sesswali f’sitwazzjonijiet ta’ kunflitt u ta’ wara kunflitt kif ukoll ir-riżoluzzjonijiet sussegwenti UNSCR 1888 (2009), 1889 (2009) u 1960 (2010), li jibnu fuq ir-riżoluzzjonijiet imsemmija qabel; jitlob lill-VP/RGħ, lill-Istati Membri tal-UE u lill-Kapijiet ta’ Missjoni tal-PSDK sabiex jagħmlu l-kooperazzjoni u l-konsultazzjoni ma’ organizzazzjonijiet lokali tan-nisa element standard ta’ kull missjoni; jinnota b’dispjaċir li s'issa mara waħda biss kienet innominata għal kariga għolja fis-SEAE u li hemm biss mara waħda fost ir-Rappreżentanti Speċjali tal-UE;

33.

Jenfasizza li l-multilateraliżmu effettiv għandu jkun it-tħassib strateġiku prinċipali tal-Unjoni u li, f'dan il-kuntest, l-UE għandu jkollha rwol mexxej fil-kooperazzjoni internazzjonali, tappoġġa l-istituzzjonijiet internazzjonali, tiffaċilita l-kunsens internazzjonali u tavvanza l-azzjoni dinjija; jenfasizza l-bżonn urġenti li jiġu indirizzati kwistjonijiet dinjija ta’ tħassib komuni għaċ-ċittadini tal-UE, bħalma huma l-ġlieda kontra t-terroriżmu, il-kriminalità organizzata, il-pandemiji u t-tibdil fil-klima, iċ-ċibersigurtà, l-iżgurar tal-kisba tal-Għanijiet ta’ Żvilupp tal-Millennju (MDGs) u l-qerda tal-faqar, l-iżgurar tas-sigurtà enerġetika, in-nonproliferazzjoni tal-armi għall-qerda tal-massa u d-diżarm, is-soluzzjoni paċifika tal-kunflitti, l-immaniġġjar tal-migrazzjoni u l-promozzjoni tad-drittijiet tal-bniedem u l-libertajiet ċivili; jiġbed l-attenzjoni lejn il-ħtieġa għal monitoraġġ aħjar tal-fondi tal-UE skont ir-Rapport Speċjali tal-Qorti Ewropea tal-Awdituri Nru 15/2009;

34.

Jilqa' l-adozzjoni tar-Riżoluzzjoni tal-Assemblea ġenerali tan-NU dwar il-parteċipazzjoni tal-UE fil-ħidma tan-NU fit-3 ta’ Mejju 2011, li tieħu kont tal-bidliet istituzzjonali introdotti mit-Trattat ta’ Liżbona u tippermetti r-rappreżentanti tal-UE jippreżentaw u jippromwovu l-pożizzjonijiet tal-UE fin-NU fi żmien debitu u b'mod effiċjenti; iqisha essenzjali li wieħed jopera mas-sħab strateġiċi tal-UE sabiex jinstabu soluzzjonijiet għall-problemi reġjonali u dinjija ewlenin; jirrakkomanda, barra minn hekk, li s-sħubijiet strateġiċi jingħataw dimensjoni multilaterali billi jiġu inklużi kwistjonijiet dinjija fl-aġendi għas-samits bilaterali u multilaterali tal-UE; jistieden lill-Franza u lir-Renju Unit, bħala membri permanenti tal-Kunsill tas-Sigurtà tan-NU (UNSC), u skont l-Artikolu 34(2) TUE, biex jistiednu lill-VP/RGħ biex tippreżenta l-pożizzjoni tal-Unjoni kull meta l-UE jkollha pożizzjoni dwar suġġett fuq l-aġenda tal-UNSC; huwa tal-fehma li l-Unjoni Ewropea għandha tiġi rrappreżentata bħala tali fl-organizzazzjonijiet finanzjarji multilaterali, b'mod partikolari l-Fond Monetarju Internazzjonali u l-Bank Dinji, mingħajr preġudizzju għar-rappreżentanza tal-Istati Membri;

35.

Hu tal-opinjoni li l-UE għandha taħtaf l-opportunità tal-adozzjoni tal-Kunċett Strateġiku tan-NATO l-ġdid biex issaħħaħ b’mod sustanzjali s-sħubija tagħha man-NATO, filwaqt li fl-istess ħin tiżviluppa l-politiki esteri, ta’ sigurtà u ta’ difiża tal-UE; jilqa’, bħħala pass pożittiv f'dan ir-rigward, il-ġabra ta’ proposti konkreti preżentat mill-VP/RGħ lis-Segretarju Ġenerali tan-NATO, li għandha l-għan tal-adozzjoni ta’ relazzjoni bejn organizzazzjoni u oħra; jenfasizza li l-UE hija kkonċernata mill-parti l-kbira tat-theddid għas-sigurtà identifikat min-NATO fil-Kunċett Strateġiku l-ġdid tagħha; jiġbed l-attenzjoni lejn il-bżonn li jinstabu modi prammatiċi biex jiġu solvuti d-diffikultajiet pendenti; jistieden, f’dan ir-rigward, lill-UE biex teżerċita l-influwenza tagħha għall-konklużjoni b’suċċess tal-proċess ta’ sejba ta’ soluzzjoni komprensiva tal-problema ta’ Ċipru, li ssolvi d-differenzi bejn Ċipru u t-Turkija, li qed ixekklu l-iżvilupp ta’ kooperazzjoni iktar mill-qrib bejn l-UE u n-NATO;

36.

Iqis li hu importanti li jiġi żgurat li l-forzi u l-kapaċitajiet eżistenti li huma maqsuma fi grad għoli bejn iż-żewġ organizzazzjonijiet jintużaw bl-iktar mod effiċjenti possibbli u li jkunu ottimizzati l-kundizzjonijiet għas-sigurtà tat-truppi Ewropej u l-operaturi ċivili; jistieden lin-NATO żżomm lura milli tiżviluppa kapaċità ċivili għall-ġestjoni ta’ kriżijiet li tkun qed tidduplika l-istrutturi u l-kapaċitajiet tal-UE; jitlob għal strateġija koerenti ta’ nonproliferazzjoni nukleari u diżarm fil-qafas tal-kooperazzjoni UE-NATO u skont il-pjan ta’ azzjoni tad-dikjarazzjoni tal-Konferenza għar-Revizjoni tat-Trattat tan-Nonproliferazzjoni tal-2010; iħeġġeġ kemm lin-NATO kif ukoll lir-Russja iwettqu ħidma għal relazzjoni iktar stabbli abbażi tal-fiduċja reċiproka;

37.

Jirrikonoxxi li l-OSKE għandu bżonn jissaħħaħ u li jiġu affermati mill-ġdid il-valuri tagħha; jemmen fermament li l-UE għandha timpenja ruħha b'mod effettiv fit-tisħiħ tal-OSKE, anke billi tiżgura li l-proċess ma jirriżulta fid-dgħjufija tal-ebda waħda mit-tliet dimensjonijiet ta’ dik l-organizzazzjoni (politika militari, ekonomika u ambjentali u umana); jenfasizza li l-UE għandha wkoll tiġbed l-attenzjoni lejn l-imporortanza li l-Proċess ta’ Corfu jitkompla u li jkun hemm laqgħat regolari ta’ livell għoli sabix jingħata sfond politiku lill-attivitajiet tal-OSKE u sabiex tittejjeb il-viżibilità tagħbhom;

38.

Jirrikonoxxi l-istatus u l-importanza internazzjonali li dejjem qed jiżdiedu tal-Artiku u jitlob politika sostenibbli, f'kuntest soċjali, ambjentali u ekonomiku, għall-Artiku li tqis id-drittijiet tal-popolazzjoni lokali u tal-indiġeni; iqis il-Kunsill tal-Artiku, il-Politika tad-Dimensjoni tat-Tramuntana u l-Kunsill Barents Euro-Artiku bħala punti ċentrali għall-kooperazzjoni fl-Artiku u jappoġġa l-aspirazzjoni tal-UE li ssir osservatriċi permanenti fil-Kunsill tal-Artiku; jenfasizza l-bżonn ta’ unità Artika fi ħdan is-SEAE;

39.

Itenni l-impenn tiegħu għas-sħubija transatlantika bħala element importanti u wieħed mill-pilastri ewlenin tal-azzjoni esterna tal-UE; jitlob lill-UE, barra minn hekk, tikkonferma mill-ġdid l-impenn tagħha għall-partenarjat transatlantiku mal-Istati Uniti u l-objettiv ta’ suq transatlantiku mingħajr xkiel, li għandu jkun is-sies għal sħubija transatlantika msaħħa; iħeġġeġ lill-VP/RGħ taħdem għal koordinazzjoni aħjar u akbar bejn l-UE u l-eqreb alleat tagħha, l-Istati Uniti; jitlobha tiżgura li l-UE taġixxi ta’ sieħba koerenti, attiva iżda awtonoma tal-Istati Uniti fit-tisħiħ, fost affarijiet oħra, tas-sigurtà u tal-istabilità dinjija, fil-promozzjoni tal-paċi u tar-rispett tad-drittijiet tal-bniedem; iħeġġeġ, barra minn hekk, l-adozzjoni ta’ approċċ konġunt għall-isfidi globali bħall-proliferazzjoni nukleari, it-terroriżmu, it-tibdil fil-klima u s-sigurtà enerġetika u l-iżgurar ta’ approċċ konġunt għall-governanza dinjija bl-appoġġ u r-riforma ta’ istituzzjonijiet internazzjonali u l-promozzjoni tar-rispett tal-liġi internazzjonali u soluzzjoni paċifika tal-kunflitti; jistieden lill-VP/RGħ biex tikkoordina mill-qrib u tiżviluppa sinerġiji mal-Istati Uniti bil-għan li jiġu żgurati l-istabilità u s-sigurtà fil-kontinent Ewropew u globalment, inkluża l-abbażi ta’ hi attraenti l-kooperazzjoni mal-atturi rilevanti bħar-Russja, iċ-Ċina, l-Indja u t-Turkija u fir-rigward ta’ stabilità fiż-żona akbar tal-Lvant Nofsani, il-Mediterran, l-Iran, l-Afganistan u l-Pakistan;

40.

Iħeġġeġ l-iżvilupp ta’ strateġija komprensiva UE-Stati Uniti għat-titjib tas-sitwazzjoni tas-sigurtà madwar iż-żona akbar tal-Lvant Nofsani, l-Iran, l-Afganistan u l-Pakistan li tkun tinvolvi kooperazzjoni mat-Turkija, ir-Russja u ċ-Ċina;

41.

Jikkonferma l-perspettiva tas-sħubija fl-UE tal-pajjiżi tal-Balkani tal-Punent u jenfasizza l-importanza ta’ impenn kontinwu fil-proċess ta’ tkabbir kemm mill-pajjiżi tar-reġjun kif ukoll mill-UE; ifakkar li l-prospettiva tat-tkabbir tal-UE hija inċentiv importanti għall-kontinwazzjoni tar-riformi politiċi u ekonomiċi fil-pajjiżi tal-Balkani tal-Punent, li tikkontribwixxi għall-istabbiltà effettiva u l-iżvilupp tar-reġjun;

42.

Jagħraf il-progress li sar mill-pajjiżi kollha tar-reġjun fi triqthom lejn l-UE; jinnota, madankollu, li l-instabilità politika u d-dgħufija istituzzjonali, flimkien ma’ kwistjonijiet bilaterali li għadha ma nstabitx soluzzjoni għalihom, qed ixekklu iktar progress ta’ xi pajjiżi lejn l-integrazzjoni fl-UE; jenfasizza li l-Unjoni teħtieġ viżjoni ċara u komuni dwar ir-reġjun; jistieden lill-VP/RGħ u lill-Kummissjoni biex jinvolvu ruħhom attivament fis-soluzzjoni tal-problemi persistenti;

43.

Jinnota l-fatt li s-sitwazzjoni fil-Kosovo għadha stabbli u paċifika, iżda fraġli; hu mħasseb dwar il-problemi serji u l-ksur tal-liġi elettorali li sar f'diversi muniċipalitajiet matul l-elezzjonijiet riċenti u jitlob lill-UE timmonitorja mill-qrib is-sitwazzjoni tad-demokrazija fil-Kosovo; iħeġġeġ lil dawk kollha involuti biex jieħdu passi għat-titjib tad-drittijiet demokratiċi u tal-kundizzjonijiet tal-ħajja għall-persuni kollha li jgħixu fil-Kosovo I jenfasizza l-importanza ta’ riforma elettorali u l-elezzjonijiet ġusti bħala parti mit-tranżizzjoni demokratika tal-Kosovo għaddejja bħalissa; jitlob lill-politikanti tal-Kosovo jirrispettaw il-Kostituzzjoni; iħeġġeġ lill-Gvern il-ġdid tal-Kosovo u l-parlament itejbu l-proċess elettorali fil-ġejjieni sabiex jiżguraw id-drittijiet demokratiċi taċ-ċittadini tal-Kosovo kollha u jtejbu l-prospettivi tal-integrazzjoni Ewropea tal-Kosovo; huwa konxju li mhux l-Istati Membri kollha rrikonoxxew l-indipendenza tal-Kosovo;

44.

Jilqa’ d-djalogu bejn il-Kosovo u s-Serbja u jenfasizza li jistgħu jikkontribwixxu għall-istabilità mhux biss madwar il-Kosovo iżda wkoll fir-reġjun kollu u jgħinu biex tittejjeb is-sitwazzjoni għan-nies kollha fil-Kosovo; jesprimi l-appoġġ sħiħ tiegħu għall-Missjoni tal-Istat tad-Dritt tal-EULEX fil-Kosovo biex tindirizza l-problema tal-persuni neqsin b'rabta mal-kunflitt tal-Kosovo u biex tinvestiga l-kriminalità organizzata u tressaq quddiem qorti lill-persuni kriminali involuti, b'mod partikolari bħala reazzjoni għall-allegazzjonijiet ta’ trattament inuman u traffikar ta’ organi matul u eżatt wara l-kunflitt; jitlob investigazzjoni bir-reqqa mill-EULEX ta’ dawn l-allegazzjonijiet u proċessi eżemplari għal dawk kollha li eventwalment jinstabu responsabbli; itenni l-bżonn li l-EULEX tappoġġa u tgħin lill-amministrazzjoni lokali b’governanza tajba u tiżgura li l-missjoni tista' tiffunzjona b'mod effikaċi madwar it-territorju kollu tal-Kosovo billi żżid l-attivitajiet tagħha fit-Tramuntana tal-Kosovo; jitlob lill-Kummissjoni tibda immedjatament djalogu dwar il-viża mal-awtoritajiet ta’ Prishtina sabiex ikun definit il-pjan direzzjonali għal-liberalizzazzjoni tal-viża;

45.

Jistieden lill-VP/RGħ u lill-Kummissjoni biex itejbu d-djalogu mal-mexxejja politiċi fil-Bosnja-Ħerzegovina wara l-elezzjonijiet, sabiex jgħinu biex dak il-pajjiż u n-nies tiegħu jibqgħu fit-triq lejn l-integrazzjoni fl-UE; hu tal-fehma li l-Bosnja-Ħerzegovina għamlet progress limitat dwar ir-riformi relatati mal-proċess ta’ integrazzjoni fl-UE u li l-aġendi etniċi u tal-entità prevalenti jistgħu jxekklu l-issodisfar tar-rekwiżiti għas-sħubija fl-UE u fin-NATO;

46.

Jinsab imħasseb ħafna mill-kunflitt intern li għaddej fl-Albanija u jistieden lill-gvern u lill-oppożizzjoni jżommu lura mill-użu tal-forza u jibdew djalogu ġdid ħalli jtemmu l-kunflitt u jsibu kompromess sostenibbli; jilqa’ f'dan ir-rigward l-inizjattiva meħuda mir-rappreżentant tal-VP/RGħ f'koordinazzjoni mal-Kummissarju għat-Tkabbir u l-Politika tal-Viċinat;

47.

Jinkoraġġixxi lill-VP/RGħ u lill-Kummissjoni biex iżommu l-impenn tagħhom lejn is-Sħubija tal-Lvant mal-ġirien Ewropej tagħna tal-Lvant, fid-dawl tas-sħubija politika u l-integrazzjoni ekonomika tagħhom, inkluż fiż-żona tal-enerġija, fuq il-bażi ta’ valuri Ewropej komuni u f'qafas ta’ kundizzjonijiet u inċentivi maħsuba biex iġibu riformi; ifakkar li l-kunflitti li għadhom mhux riżolti jżommu lill-partijiet involuti f’sitwazzjoni fejn il-paċi ma tkunx sostenibbli; jistieden lill-partijiet involuti jfittxu soluzzjoni paċifika fuq perjodu ta’ żmien twil; jenfasizza kemm hu importanti li jitqiesu l-istandards internazzjonali tad-drittijiet tal-bniedem fin-negozjati li għaddejjin dwar Ftehim ta’ Assoċjazzjoni mal-pajjiżi tas-Sħubija tal-Lvant; jitlob li jittieħdu inizjattivi u azzjonijiet li jrawmu u javvanzaw il-kooperazzjoni reġjonali fil-Kawkasu tan-Nofsinhar;

48.

Jittama li l-proċess tar-riforma tal-Politika Ewropea tal-Viċinat imniedi mill-Kummissjoni se jwassal għal viżjoni strateġika ġdida u approċċ differenzjat fl-istess politika, rigward l-oqsma ta’ interess, skont id-diversità tal-interessi tal-Unjoni, u tal-isfidi u t-theddid reġjonali li tiffaċċja;

49.

Jafferma mill-ġdid in-neċessità ta’ approċċ koerenti fil-proċessi ta’ kooperazzjoni reġjonali permezz tal-operazzjonalizzazzjoni tal-inizjattivi u l-istrumenti proposti mill-UE għall-viċinat tal-Lvant (is-Sħubija tal-Lvant, is-Sinerġija tal-Baħar l-Iswed /l-Istrateġija tal-UE għall-Baħar l-Iswed eċċ); huwa tal-opinjoni li huwa neċessarju li jiġu żgurati l-komplementarjetà u d-divrenzjar bejn l-inizjattivi proposti, speċjalment fil-livell ta’ proġett, għall-użu aktar effiċjenti ta’ riżorsi u għall-ilħuq ta’ riżultati konkreti;

50.

Jikkundanna r-repressjoni li saret mir-reġim tal-President tal-Bjelorussja Lukashenko kontra l-membri tal-oppożizzjoni, il-ġurnalisti u r-rappreżentanti tas-soċjetà ċivili wara l-elezzjonijiet presidenzjali tad-19 ta’ Diċembru 2010 u jitlob għall-ħelsien immedjat ta’ dawk kollha li ġew miżmuma u li dawn jinħelsu mill-akkużi kollha kontrihom; jilqa’ d-deċiżjoni tal-Kunsill fil-31 ta’ Jannar 2011 għall-impożizzjoni ta’ projbizzjoni tal-viża u l-iffriżar tal-beni finanzjarji ta’ 157 uffiċjal magħżul tal-Bjolorussja; jieħu l-pożizzjoni li s-sanzjonijiet kontra l-uffiċjali tal-gvern tal-Bjelorussja għandhom jibqgħu fis-seħħ sakemm il-priġunieri politiċi kollha jinħelsu mill-ħabsijiet Bjelorussi; jilqa’ r-riżultat tal-Konferenza Internazzjonali tad-Donaturi dwar ‘Solidarjetà mal-Bjelorussja’ tat-2 ta’ Frar 2011, li matulha l-UE wiegħdet 17.3 miljun euro għall-azzjonijiet b’appoġġ għas-soċjetà ċivili, b’mod partikulari studenti u midja indipendenti; hu tal-fehma li l-Kummissjoni għandha ssaħħaħ il-kuntatti bejn l-UE u l-Bjelorussja bejn persuna u oħra; iħeġġeġ lil dawk l-Istati Membri li għadhom ma wettqux dan sabiex jieħdu passi unilaterali biex jiffaċilitaw il-ħruġ tal-viżi u biex inaqqsu l-prezz ta’ viża fuq terminu ta’ żmien qasir, partikolarment il-viża ta’ Schengen, li hi l-aktar rilevanti għas-soċjetà usa', l-istudenti u żgħażagħ oħra; jenfasizza l-importanza li jiġi żgurat li l-Bjelorussja ma tiġix iżolata, partikularment minn ofqsa reġjonali eżistenti;

51.

Jitlob għat-twaqqif fil-pront tal-Assemblea Parlamentari għall-Viċinat ta’ Lvant (EURONEST), mingħajr il-parteċipazzjoni tal-Parlament Bjeloruss, u b'hekk jiġi enfasizzat l-irwol tiegħu fit-tisħiħ tad-demokrazija u tal-istituzzjonijiet demokratiċi u l-importanza tiegħu fit-titjib tad-dimensjoni parlamentari tas-Sħubija;

52.

Jiddispjaċih għan-nuqqas ta’ progress sostanzjali rigward is-soluzzjoni tal-kunflitti ffriżati fil-Kawkasu tan-Nofsinhar; jenfasizza li dan huwa ostakolu li jfixkel l-iżvilupp ta’ dimensjoni multilaterali u reġjonali ġenwina tas-Sħubija tal-Lvant; jistenna impenn isħaħ tas-SEAE fir-reġjun u jitlob li jittieħed rwol aktar proattiv mmirat għall-faċilitazzjoni tad-djalogu bejn il-partijiet, l-iżvilupp ta’ miżuri tal-bini ta’ fiduċja, l-inkoraġġiment ta’ kuntatti bejn in-nies biex b'hekk titwitta t-triq għal soluzzjoni dejjiema;

53.

Jenfasizza l-importanza ta’ rwol aktar attiv tal-UE fis-soluzzjoni tal-kunflitti ffriżati fit-Transnistrija u l-Kawkasu tan-Nofsinhar;

54.

Ifaħħar u jappoġġa l-impenn tal-awtoritajiet tar-Repubblika tal-Moldova li jsaħħu r-relazzjoni tagħhom mal-Unjoni Ewropea fir-rigward tal-konklużjoni tal-Ftehim ta’ Assoċjazzjoni, l-iżvilupp ta’ djalogu dwar il-liberalizzazzjoni tal-viża, u l-bidu ta’ negozjati dwar ftehim ta’ kummerċ ħieles;

55.

Jistieden lill-Kummissjoni tħaffef l-implimentazzjoni tal-proġetti li huma parti mis-Sinerġija tal-Baħar l-Iswed u żżomm din il-kwistjoni fuq l-aġenda tas-SEAE;

56.

Jenfasizza l-importanza tar-reġjun tal-Baħar l-Iswed fis-Sħubija tal-Lvant u jikkunsidra li involviment akbar tal-Unjoni Ewropea hu meħtieġ f'dan ir-rigward;

57.

Jirrikonoxxi l-potenzjal kbir ta’ żvilupp ta’ kooperazzjoni strateġika bejn l-UE u l-Asja Ċentrali; billi jqis il-pożizzjoni ġeopolitika tar-reġjun, u jitlob għal kooperazzjoni msaħħa sabiex jiġu affrontati l-isfidi komuni fil-qasam tas-sikurezza kif ukoll fil-kwistjonijiet politiċi, ekonomiċi u tal-enerġija; jenfasizza l-urġenza li kwistjonijiet tal-ġestjoni tal-ilma jiġu ttrattati fil-livell reġjonali għall-promozzjoni ta’ żvilupp komprensiv sostenibbli, it-titjib tas-sigurta umana, il-faċilitazzjoni tar-relazzjonijiet tajba bejn il-ġirien u l-prevenzjoni tal-kunflitti;

58.

Jistieden lill-VP/RGħ sabiex tiżgura li l-approċċ tal-UE lejn ir-Russja, inkluż fin-negozjati dwar ftehim ġdid bejn l-UE u r-Russja, ikun koerenti; iħeġġiġha, barra minn hekk, tiżgura li t-tisħiħ tal-istat tad-dritt, inkluża l-liġi internazzjonali, il-prinċipji ta’ reċiproċità u t-trasparenza, kif ukoll impenn għall-valuri tad-demokrazija pluralista u r-rispett għad-drittijiet tal-bniedem, jikkostitwixxu l-bażi tal-ftehim kompensiv il-ġdid; jenfasizza li impenn biex titjieb is-sitwazzjoni tad-drittijiet tal-bniedem fir-Russja u tiġi miġġielda l-korruzzjoni, partikolarment fis-sistema ġudizzjarja, għandu jkun parti integrali ta’ dan il-ftehim il-ġdid; jistenna progress kostanti fin-negozjati attwali;

59.

Jenfasizza li t-tisħiħ tal-istat ta’ dritt fl-oqsma kollha tal-ħajja pubblika Russa, inkluża l-ekonomija, tgawdi minnu s-soċjetà kollha kemm hi; jitlob għat-tisħiħ tad-djalogu dwar id-drittijiet tal-bniedem bejn l-UE u r-Russja sabiex jiġu promossi bidliet pożittivi fis-sitwazzjoni tad-drittijiet tal-bniedem fir-Russja; jitlob għal azzjonijiet u għall-implimentazzjoni ta’ inizjattivi li jsaħħu l-kuntatti bejn is-soċjetajiet ċivili tal-Ewropa u r-Russja u li jsaħħu s-soċjetà ċivili Russa; jisħaq l-importanza tas-Sħubija għall-Modernizzazzjoni f'dan il-kuntest; jenfasizza fl-istess ħin il-ħtieġa għal sħubija bi spinta ġdida mar-Russja, ibbażata fuq ir-rispett reċiproku u r-reċiproċità, dwar il-kwistjonijiet tal-ġlieda kontra t-terroriżmu, is-sigurtà u l-provvista tal-enerġija, it-tibdil fil-klima, id-diżarm, il-prevenzjoni tal-kunflitti u nonproliferazzjoni nukleari, anke b'referenza għall-Iran, l-Afganistan u l-Lvant Nofsani, bil-għan li jissaħħu s-sigurtà u l-istabilità dinjija;

60.

Jistieden lill-VP/RGħ tintensifika d-diskussjonijiet mar-Russja sabiex tiżgura t-twettiq mhux kundizzjonali u l-implimentazzjoni tad-dispożizzjonijet kollha tal-ftehim tal-2008 bejn ir-Russja, l-Unjoni Ewropea u l-Ġeorġja kif ukoll biex taħdem lejn is-sejba ta’ soluzzjoni finali għal dan il-kunflitt li tirrispetta l-integrità territorjali tal-Ġeorġja; huwa tal-opinjoni li r-Russja għandha, b'mod partikolari, tiggaranatixxi aċċess sħiħ u mhux limitat għall-Missjoni ta’ Monitoraġġ tal-Unjoni Ewropea (EUMM) fl-Abkazja u l-Ossezja tan-Nofsinhar; jenfasizza n-neċessità li tiġi pprovduta stabilità fir-reġjuni tal-Ġeorġja msemmija hawn fuq;

61.

Jenfasizza l-bżonn ta’ approċċ strateġiku fit-tul li għandu jseħħ kemm mill-UE u ukoll mit-Turkija rigward ir-relazzjoni futura tagħhom; jilqa' d-dikjarazzjoni mill-Kunsill tal-14 ta’ Diċembru 2010 li titlob kooperazzjoni intensifikata fi kwistjonijiet ta’ politika ta’ sigurtà u esterna ta’ interess reċiproku; huwa tal-opinjoni li l-politika esterna aktar u aktar attiva ta’ Ankara tippreżenta sfidi u opportunitajiet ġodda għall-PESK; iħeġġeġ lill-VP/RGħ biex tinvoli t-Turkija fi djalogu istituzzjonalizzat dwar kwistjonijiet strateġiċi ewlenija – bħall-politika tal-enerġija, l-istabbiltà fil-Balkani tal-Punent u fir-reġjuni tal-Kawkasu, il-programm nukleari tal-Iran, jew il-qawmien demokratiku li qed iseħħ fil-Lvant Nofsani – biex b'hekk tiżgura konverġenza aħjar tal-objettivi kif ukoll iddaħħal dinamiżmu ġdid fir-relazzjonijiet bilaterali; jenfasizza, madankollu, li tali djalogu ma għandux jissostitwixxi l-proċess ta’ adeżjoni tat-Turkija iżda għandu jikkomplementah u jsaħħu;

62.

Jiddispjaċih li l-proċess ta’ adeżjoni tat-Turkija huwa virtwalment staġnat; ifakkar li l-Istati Membri kollha tal-UE u t-Turkija huma responsabbli b'mod konġunt biex jeliminaw l-ostakoli għall-adeżjoni tat-Turkija mal-UE; iwwisi dwar problemi serji fit-tul jekk ir-relazzjoni bejn l-UE u t-Turkija ma tkunx stabbilizzata u l-UE u n-NATO jkomplu jiġu impediti milli jilħqu l-objettiv tagħhom ta’ kooperazzjoni aktar mill-qrib; jittama f'kull każ li t-Turkija tkompli l-modernizzazzjoni tagħha skont il-kriterji Ewropej;

63.

Jappoġġa l-fatt li reġgħu bdew id-diskussjonijiet diretti dwar il-paċi bejn l-Iżrael u l-Awtorità Palestinjana u jenfasizza l-bżonn li jsiru negozjati bis-sens f'qafas ta’ żmien limitat u f'atmosfera ta’ fiduċja reċiproka, atmosfera li tista' teżisti biss jekk il-politika tal-kontinwazzjoni tal-bini ta’ abitazzjonijiet titwaqqaf immedjatament mill-Iżrael; ifakkar li l-UE hija l-akbar kontributur għall-Awtorità Palestinjana u s-sieħba kummerċjali prinċipali tal-Iżrael, u b'hekk għandha interess dirett f'li tikkonvinċi ż-żewġ partijiet biex jaffrontaw malajr kemm jista' jkun il-kwistjonijiet fundamentali li għandhom jiġu riżolti (b'mod partikolari r-refuġjati, il-konfini u l-istatus ta’ Ġerusalem) u biex ikun hemm Stat tal-Palestina vjabbli ħdejn u fil-paċi mal-Istat tal-Iżrael; jenfasizza l-bżonn ta’ soluzzjoni li tinvolvi żewġ stati u jirrikonoxxi d-dritt tat-tnejn li jgħixu ħdejn xulxin f'sikurezza, prosperità u paċi; jilqa', għalhekk, il-Konklużjonijiet tal-Kunsill dwar il-Proċess ta’ Paċi tal-Lvant Nofsani tat-13 ta’ Diċembru 2010 u l-intenzjoni ddikjarata tal-UE li tgħin lill-partijiet jilħqu dan l-objettiv;

64.

Jistieden lill-UE, b'konformità mal-Konklużjonijiet tal-Kunsill tat-12 ta’ Diċembru 2009, biex tieħu rwol politiku iktar qawwi li jaqbel mal-impenn finanzjarju tagħha fir-reġjun; jinsab konvint li hemm ħtieġa urġenti għal tiswir mill-ġdid komprensiv tal-politika tal-UE lejn il-Lvant Nofsani, sabiex din twettaq rwol politiku deċiżiv u koerenti, akkumpanjat minn għodod diplomatiċi effettivi, fl-interess tal-paċi u s-sigurtà f'dan ir-reġjun qarib ta’ interess strateġiku vitali għall-UE; jistieden lill-VP/RGħ tippreżenta strateġija Ewropea ġdida għar-reġjun li tindika l-interessi, l-għanijiet u l-mezzi tal-UE, li tippromwovi d-demokrazija u l-istat ta’ dritt fir-reġjun u li talloka riżorsi primarjament għat-tisħiħ tas-soċjetà ċivili;

65.

Huwa mħasseb ħafna bl-użu tal-forza kontra r-residenti tal-Kamp ta’ Ashraf fl-Iraq li rrizżultat f’bosta nies midruba u jiddeplora t-telf ta’ ħajjiet; jistieden lill-Gvern tal-Iraq sabiex iżomm lura mill-użu tal-forza u sabiex jirrispetta d-drittijiet tal-bniedem tar-residenti tal-Kamp; jitlob li jkun hemm investigazzjoni indipendenti internazzjonali, inkluż aċċess liberu għall-Kamp Ashraf, sabiex issir evalwazzjoni komprensiva tas-sitwazzjoni fuq il-post; jistieden lill-partijiet kollha sabiex juru moderazzjoni u jsibu soluzzjoni paċifika u sostenibbli għas-sitwazzjoni;

66.

Jiddikjara s-solidarjetà tiegħu maċ-ċittadini fil-pajjiżi tal-Viċinat tan-Nofsinhar li qed jiġġieldu għad-demokrazija, il-libertà u l-ġustizzja soċjali; jitlob lill-UE toffri appoġġ u aspirazzjonijiet ġodda għad-demokrazija, il-libertà u l-ġustizzja soċjali; jibqa’mħasseb dwar in-nuqqas, fil-politika Mediterranja tal-UE, ta’ viżjoni strateġika ċara għal żmien twil għall-progress u l-iżvilupp tar-reġjun; jitlob għal kjarifika u titjib tal-bażi loġika, l-objettivi u l-metodi operattivi tal-Unjoni għall-Mediterran (UgħM); iqis għalhekk li hu tal-ikbar importanza u urġenza li jerġa’ jsir eżami u tfassil tal-istrateġija tal-UE għall-Mediterranean u jħeġġeġ, f’dan ir-rigward, li r-Rieżami Strateġiku tal-PEV għandu jqis u jirrifletti kompletament l-iżviluppi l-ġodda fir-reġjun u jistabbilixxi djalogu politiku mal-ġirien tan-Nofsinhar tal-UE; jitlob, barra minn hekk, li l-Unjoni għall-Mediterran titfassal mill-ġdid sabiex tikkontribwixxi b'mod attiv u effiċjenti għal soċjetajiet demokratiċi, sostenibbli u ġusti fir-reġjun kollu; jenfasizza l-importanza tal-parteċipazzjoni tan-nisa fit-tranżizzjoni demokratika u r-riformi istituzzjonali; jerġa' jenfasizza li t-tisħiħ tad-demokrazija, l-istat ta’ dritt, il-governanza tajba, il-ġlieda kontra l-korruzzjoni u r-rispett għad-drittijiet tal-bniedem u l-libertajiet fundamentali huma elementi essenzjali ta’ dan id-djalogu;

67.

Ifakkar fir-rwol tiegħu fi ħdan il-proċedura baġitarja tal-UE u jenfasizza l-bżonn li tkun żgurata l-leġittimità demokratika tal-UgħM u li d-deċiżjonijiet jittieħdu b'mod trasparenti u li l-Parlament Ewropew, l-Assemblea Parlamentari tal-UgħM u l-parlamenti nazzjonali jkunu involuti fil-proċess ta’ teħid ta’ deċiżjonijiet;

68.

Isegwi mill-qrib is-sitwazzjoni tat-Tuneżija, tal-Eġittu, u ta’ pajjiżi oħra fir-reġjun; jappoġġa l-aspirazzjonijiet ġodda tan-nies għad-demokrazija, il-libertà u l-ġustizzja soċjali; jistieden lill-UE tibni sħubija abbażi tal-interess reċiproku u li tiffoka fuq l-impjiegi, l-edukazzjoni u t-taħriġ sabiex tgħin biex ittaffi l-kriżi ekonomika u soċjali attwali f’dawn il-pajjiżi, u biex tipprovdi l-għajnuna li tista’ tkun meħtieġa biex tappoġġa r-riformi politiċi attwali u l-iżvilupp soċjali u ekonomiku; jenfasizza l-importanza tal-appoġġ tal-bini tal-kapaċitajiet istituzzjonali, sistema ġudizzjarja indipendenti, it-tisħiħ tal-organizzazzjonijiet tas-soċjetà ċivili u l-formazzjoni ta’ partiti politiċi pluralisti fi ħdan sistema sekulari; jilqa’ r-referendum dwar ir-riformi kostituzzjonali fl-Eġittu; iħeġġeġ lill-awtoritajiet Eġizzjani jkomplu bir-reviżjoni tal-Kostituzzjoni u l-liġi elettorali bil-ħsieb li dan jirriżulta f’elezzjonijiet ħielsa u ġusti;

69.

Jiddispjaċih dwar in-nuqqas ta’ koeżjoni bejn l-Istati Membri dwar kif għandhom jindirizzaw is-sitwazzjoni fil-Libja, li jnaqqas l-ambitu għal azzjonijiet tal-PESK komprensivi mill-VP/RGħ dwar din il-kwistjoni; jilqa’ madankollu d-deċiżjoni tal-Kunsill li jistabbilixxi operazzjoni militari tal-Unjoni Ewropea f’appoġġ tal-operazzjonijiet tal-għajnuna umanitarja f’reazzjoni għas-sitwazzjoni ta’ kriżi fil-Libja, l-hekk imsejħa operazzjoni EUFOR Libja;

70.

Jenfasizza li r-repressjoni vjolenti kontra min jipprotesta paċifikament fis-Sirja, b’mijiet maqtula u arrestati, trid tintemm immedjatament; jitlob lill-President u lill-Gvern tas-Sirja sabiex jindirizzaw it-talbiet leġittimi tal-poplu Sirjan billi jinbeda djalogu nazzjonali ġenwin bl-iskop li jiġu implimentati riformi politiċi, ekonmici u soċjali essenzjali u tintemm il-politika ta’ repressjoni tal-oppożizzjoni politika, is-soċjetà ċivili u d-difensuri tad-drittijiet tal-bniedem; jilqa’ r-riżoluzzjoni tal-Kunsill tad-Drittijiet tal-Bniedem tan-NU li tikkundanna l-vjolenza tal-Gvern tas-Sirja kontra dimostranti paċifiċi u li tintbgħat missjoni fil-pajjiż mill-Kummissarju Għoli għad-Drittijiet tal-Bniedem tan-NU biex tinvestiga l-fatti; iħeġġeġ lill-UE u lill-Istati Membri sabiex fir-relazzjonijiet bilaterali tagħhom mal-pajjiż jqisu bis-sħiħ il-grajjiet li qed iseħħu fis-Sirja;

71.

Iħeġġeġ lill-awtoritajiet tal-Baħrejn u l-Jemen biex ma jużawx il-forza kontra min jipprotesta u jirrispettaw id-dritt tagħhom għal-libertà ta’ għaqda u espressjoni; jenfasizza li dawk responsabbli għall-imwiet u l-ġrieħi kkawżati għandhom, mill-aktar fis possibbli, jinżammu responsabbli minn dan u jitressqu l-qorti jew qabel il-qrati nazzjonali jew qabel il-Qorti Kriminali Internazzjonali fl-Aja; jistieden lill-Unjoni Ewropea u lill-Istati Membri tagħha jappoġġaw l-aspirazzjonijiet demokratiċi paċifiċi tan-nies tal-Baħrejn u l-Jemen, jirrieżaminaw il-politiki tagħhom lejn dawk il-pajjiżi, jirrispettaw il-Kodiċi ta’ Kondotta tal-Unjoni Ewropea dwar l-Esportazzjoni ta’ Armi, u jkunu lesti jgħidnu, f’każ ta’ impenn serju mill-awtoritajiet nazzjonali, fl-implimentazzjoni ta’ aġendi ta’ riforma politika, ekonomika u soċjali f’dawk il-pajjiżi; jesprimi t-tħassib kbir tiegħu dwar l-evoluzzjoni tas-sitwazzjoni fil-Baħrejn u b'mod partikolari s-sentenza tal-mewt mogħtija lil erba' protestaturi fit-28 ta’ April 2011; jistieden lill-VP/RGĦ biex tagħmel pressjoni fuq l-awtoritajiet tal-Baħrejn biex tadotta moratorju fuq eżekuzzjonijiet kif ukoll biex tiżgura proċessi ġusti b'rappreżentazzjoni legali adegwata u d-dritt għall-appell;

72.

Itenni l-appoġġ sħiħ tiegħu għat-Tribunal Speċjali għal-Libanu (STL) bħala qorti indipendenti, maħluq mir-Riżoluzzjoni tal-Kunsill tas-Sigurtà tan-Nazzjonijiet Uniti (UNSCR) 1757 u sabiex jilħaq l-ogħla standards legali; jafferma mill-ġdid l-appoġġ qawwi tiegħu għas-sovrenità, l-unità u l-integrità territorjali fil-Libanu u għall-funzjonament sħiħ tal-istituzzjonijiet kollha Libaniżi; jisħaq li l-istabilità interna u r-rispett għal-liġi internazzjonali huma kompletament kompatibbli; jistieden lill-forzi politiċi Libaniżi kollha jkomplu jieħdu sehem fi djalogi miftuħa u konstruttivi sabiex jiffavorixxu l-benesseri, il-prosperità u s-sigurtà liċ-ċittadini Libaniżi kollha; ifaħħar ir-rwol kruċjali tal-Forza Temporanja tan-Nazzjonijiet Uniti fil-Libanu (UNIFIL) u jitlob għall-implimentazzjoni tad-dispożizzjonijiet kollha tar-Riżoluzzjoni 1701 tal-Kunsill tas-Sigurtà tan-Nazzjonijiet Uniti;

73.

Jisħaq li l-punt inizjali għal kwalunkwe soluzzjoni għaż-żmien twil għall-kriżi Afgana għandu jkun l-interessi taċ-ċittadini Afgani fir-rigward tas-sigurtà interna, il-protezzjoni ċivili, u l-progress ekonomiku u soċjali, u għandu jinkludi miżuri konkreti għall-eliminazzjoni tal-faqar, id-diskriminazzjoni kontra n-nisa, għat-tisħiħ tar-rispett għad-drittijiet tal-bniedem u l-istat ta’ dritt, kif ukoll mekkaniżmi ta’ rikonċiljazzjoni, it-tmiem tal-produzzjoni tal-opju, eżerċizzju robust tal-bini tal-istat, l-integrazzjoni tal-Afganistan fil-komunità internazzjonali u t-tkeċċija tal-Al Qa'ida mill-pajjiż; jenfasizza li l-Afganistan għandu jingħata forza tal-pulizija kapaċi li tiżgura standard minimu ta’ sigurtà li jippermetti l-irtirar sussegwenti ta’ preżenza militari barranija mill-pajjiż; itenni l-pożizzjoni tiegħu li impenn sinifikanti tal-UE u l-komunità internazzjonali b'mod ġenerali fl-Afganistan għandu jiffoka fuq l-appoġġ tal-Afgani fil-bini tal-istat tagħhom, b’istituzzjonijiet demokratiċi aktar b’saħħithom li jkunu kapaċi jirrappreżentaw lin-nies, jiżguraw l-istat tad-dritt, il-paċi, l-integrità territorjali, l-iżvilupp ekonomiku u soċjali sostenibbli, itejbu l-kundizzjonijiet tal-ħajja għaċ-ċittadini kollha u partikolarment għan-nisa u t-tfal, filwaqt li jirrispettaw it-tradizzjonijiet storiċi, reliġjużi, spiritwali u kulturali tal-komunitajiet etniċi u reliġjużi kollha tal-pajjiż; ifakkar ukoll l-importanza tal-appoġġ tas-soċjetà ċivili, il-bini ta’ istituzzjonijiet demokratiċi, bħat-taħriġ tal-forzi ta’ sigurtà u tas-sistema ġudizzjarja, u l-appoġġ ta’ midja indipendenti, tal-NGOs u l-iskrutinju parlamentari;

74.

Itenni l-fehma tiegħu li l-Pakistan għandu rwol prinċipali fir-reġjun u li Pakistan stabbli, sekulari, u legali huwa ta’ importanza vitali għall-istabilità fl-Afganistan u fir-reġjun iktar wiesa'; jisħaq, barra minn hekk, fuq ir-rwol potenzjali tal-Pakistan fil-proċess ta’ paċi Afgan; jenfasizza li l-Pakistan m'għandux iservi ta’ kenn għall-al-Qa'ida jew għat-Taliban-; jirrikonoxxi li l-għargħar devastanti ta’ Awwissu 2010 kien daqqa ta’ ħarta għall-gvern il-ġdid tal-Pakistan, li kien qed jibda jimxi 'l quddiem fit-trattament ta’ diversi sfidi; iħeġġeġ lill-Kunsill u lill-Kummissjoni, flimkien mal-komunità internazzjonali usa', biex jirreaġixxu b'turija b'saħħitha ta’ solidarjetà u b'appoġġ konkret għall-bżonn urġenti tal-Pakistan ta’ bini mill-ġdid u rijabilitazzjoni wara l-għargħar u għat-tamiet tal-pajjiż li jibni soċjetà b'saħħitha u prospera; jilqa' u jinkoraġġixxi iktar l-isforzi tal-UE li ssaħħaħ l-appoġġ politiku biex iżżid il-bini tal-istituzzjonijiet u tal-kapaċitajiet fil-Pakistan u biex tgħin lill-istituzzjonijiet demokratiċi tal-Pakistan jiġġieldu kontra l-estremiżmu, b'mod partikolari billi jaġixxu favur l-abolizzjoni tal-liġijiet dwar id-dagħa u billi jsostnu s-soċjetà ċivili tal-Pakistan; jistieden lill-Pakistan jaderixxi immedjatament għat-Trattat tan-Nonproliferazzjoni u jikkoopera kompletament mal-Aġenzija Internazzjonali tal-Enerġija Atomika billi jiżvela l-ħażna u l-faċilitajiet nukleari tal-Pakistan;

75.

Jappoġġa bis-sħiħ l-impenn tal-E3+3 biex ifittxu soluzzjoni nnegozjata minn kmieni għall-kwistjoni nukleari Iranjana sabiex terġa' tinkiseb il-fiduċja internazzjonali fin-natura esklussivament paċifika tal-programm nukleari tal-Iran, skont prinċipju fundamentali tat-Trattat tan-Nonproliferazzjoni; jappoġġa l-approċċ fuq żewġ binarji tal-Kunsill immirat lejn is-sejba ta’ soluzzjoni diplomatika peress li din hija l-unika soluzzjoni vijabbli għal reazzjoni għall-kwistjoni nukleari tal-Iran; jiddispjaċih li r-Riżoluzzjoni 1929(2010) tal-UNSC li tintroduċi r-raba' sensiela ta’ sanzjonijiet fuq l-Iran dwar il-programm nukleari tiegħu u l-miżuri restrittivi addizzjonali mħabbra mill-UE, l-Istati Uniti, il-Ġappun, il-Kanada u l-Awstralja ma setgħetx tiġi evitata minħabba nuqqas min-naħa tal-Iran biex tikkoopera bi sħiħ mal-Aġenzija Internazzjonali tal-Enerġija Atomika (IAEA) rigward l-għanijiet tal-programm nukleari tagħha; jenfasizza li soluzzjoni għall-kwistjoni nukleari ma tistax tinsab għad-detriment tal-appoġġ tal-UE għas-soċjetà ċivili Iranjana u l-pretensjonijiet ġusti tagħha għad-drittijiet tal-bniedem universali u elezzjonijiet verament demokratiċi;

76.

Jikkundanna bil-qawwi r-retorika provokattiva, infjammatorja, anti-Semitika kontinwa tal-President tal-Iran, li talab biex l-Iżrael tinqered, u partikolarment jiddispjaċih mit-theddidiet li saru kontra l-eżistenza proprja tal-Istat tal-Iżrael; huwa imħasseb ħafna dwar iż-żieda esponenzjali fin-numru ta’ eżekuzzjonijiet fl-Iran li għandhom jitqiesu bħala qtil statali extraġudizzjarju fid-dawl tan-nuqqas ta’ kwalunkwe proċedura ġudizzjarja kif ukoll ir-ripressjoni kontinwa u sistematika taċ-ċittadini li jixtiequ aktar libertà u demokrazija; jenfasizza li l-kuntatti uffiċjali reċiproċi bejn id-delegazzjonijiet tal-Parlament Ewropew u l-Majlis għandhom jintużaw ukoll biex jindirizzaw il-kwistjonijiet dwar id-drittijiet tal-bniedem u jkunu suġġetti għall-possibbiltà ta’ aċċess ħieles għal żjarat lill-priġunieri politiċi u attivisti għad-drittijiet tal-bniedem u r-rappreżentanti għandhom jingħataw l-opportunità li jagħmlu skambju ħieles ta’ kull tip ta’ opinjoni politika; jitlob lill-VP/RGħ tagħmel arranġamenti għall-istabbiliment mill-ġdid ta’ Delegazzjoni tal-UE fl-Iran sabiex tkun tista’ timmonitorja, mill-perspettiva tal-UE, is-sitwazzjoni fil-post; iħeġġeġ lir-reġim Iranjan jastjeni minn indħil fl-affarijiet interni tal-Iraq;

77.

Jesprimi s-sodisfazzjon tiegħu dwar l-intensifikazzjoni tad-djologi settorali maċ-Ċina u jistieden li jkun hemm ħidma konġunta konċertata dwar kwistjonijiet kontroversjali enfasizzati fis-Samit riċenti bejn l-UE u ċ-Ċina; jilqa' l-progress lejn governanza ekonomika u ġudizzjarja aħjar; huwa mħasseb sew dwar il-ksur sever u sistematiku kontinwu tad-drittijiet tal-bniedem fil-pajjiż, inkluż id-drittijiet tal-minoranzi u partikolarment dawk tat-Tibetani, l-Uighurs u l-Mongols, u jistieden lill-VP/RGħ issaħħaħ id-djalogu fil-qasam tad-drittijiet tal-bniedem u tiżgura li d-drittijiet tal-bniedem ikunu dejjem fuq l-aġenda;

78.

Jindika li r-relazzjonijiet mal-Ġappun se jiġu affettwati ħafna mit-terremot terribbli, it-tsunami u l-katastrofu nukleari sussegwenti li laqtu lill-pajjiż u jistenna li l-UE turi s-solidarjetà tagħha u tipprovdi l-appoġġ sabiex tgħin lill-awtoritajiet Ġappuniżi biex ikampaw mad-diżastru; iqis li, partikolarment wara l-avvenimenti drammatiċi riċenti, ir-relazzjonijiet tal-UE mal-Ġappun, pajjiż li għandu l-istess valuri demokratiċi u tħassib dwar d-drittijiet tal-bniedem bħall-UE, għadhom estremament importanti kemm f'termini ekonomiċi kif ukoll fir-rigward tal-ħidma konġunta f'fora multinazzjonali; jenfasizza li l-enfasi kurrenti fuq iċ-Ċina m'għandhiex tinsa l-isforzi neċessarji biex tiżdied il-kooperazzjoni mal-Ġappun u biex jitneħħew l-ostakli li għad baqa' għall-interpenetrazzjoni ekonomika;

79.

Jilqa' l-passi li ttieħdu mill-partiti miż-żewġ naħat tal-Fliegu tat-Tajwan, li rriżultaw fl-iffirmar ta’ madwar 15-il ftehim, inkluż il-Ftehim Qafas dwar il-Kooperazzjoni Ekonomika (ECFA) u ftehim dwar id-drittijiet ta’ proprjetà intellettwali f'Ġunju 2010; peress li l-espansjoni tar-relazzjonijiet ekonomiċi man-naħa l-oħra tal-flieġu hija fl-interess taż-żewġ naħat u tal-UE, jappoġġa bis-sħiħ it-tisħiħ tar-rabtiet ekonomiċi tal-UE u t-Tajwan u l-iffirmar ta’ ftehim dwar il-kooperazzjoni ekonomika bejn l-UE u t-Tajwan; itenni l-appoġġ tiegħu għall-parteċipazzjoni sinifikanti tat-Tajwan bħala osservatur fl-oganizzazzjonijiet u l-attivitajiet internazzjonali rilevanti, bħall-Konvenzjoni Qafas tan-Nazzjonijiet Uniti dwar it-Tibdil fil-Klima (UNFCCC), l-Organizzazzjoni Dinjija tas-Saħħa (WHO) u l-Organizzazzjoni tal-Avjazzjoni Ċivili Internazzjonali (ICAO); ifaħħar id-deċiżjoni tal-UE li tagħti eżenzjoni tal-viża liċ-ċittadini tat-Tajwan, li ser tikkontribwixxi għat-tisħiħ tar-relazzjonijiet kummerċjali u ta’ investiment bejn l-UE u t-Tajwan kif ukoll tal-kuntatt bejn il-popli;

80.

Jirrikonoxxi l-importanza enormi tal-Indja bħala setgħa ekonomika u reġjonali emerġenti u bħala sieħba demokratika importanti għall-Ewropa; ifaħħar il-kooperazzjoni tal-Indja mal-UE, b'mod partikolari fl-Afganistan u bl-operazzjoni Atalanta; jitlob kooperazzjoni aktar mill-qrib fuq kwistjonijiet relatati mad-diżarm nukleari, it-tibdil fil-klima, il-governanza ekonomika dinjija u l-promozzjoni tad-demokrazija, l-istat tad-dritt u d-drittijiet tal-bniedem; jesprimi t-tħassib tiegħu dwar l-isfidi għal-libertajiet ċivili u d-drittijiet tal-bniedem f'Jammu u Kashmir u rigward il-persistenza tad-diskriminazzjoni kulturali abbażi tal-kasta; jistenna li s-sħubija strateġika mal-Indja tiżviluppa bi qbil mal-Pjan ta’ Azzjoni Konġunta, sabiex tagħti riżultati konkreti; jistenna bil-ħerqa għall-konklużjoni bikrija u l-firma ta’ ftehim ta’ kummerċ ħieles iżda, fl-istess ħin, jenfasizza l-importanza li n-negozjati attwali dwar ftehim bħal dan bl-ebda mod ma għandhom ifixxklu l-isforzi biex jitnaqqas il-faqar fl-Indja;

81.

Jesprimi appoġġ u inkoraġġiment qawwija għas-sħubijiet mal-Unjoni Afrikana u ma’ organizzazzjonijiet reġjonali Afrikani oħra fl-indirizzar tat-tħassib dwar l-istabilità u s-sigurtà fil-kontinent Afrikan u fl-iżgurar tal-progress f'oqsma prinċipali oħra, bħall-governanza demokratika u d-drittijiet tal-bniedem, it-tibdil fil-klima u l-kisba tal-MDGs; jemmen li l-proċess ta’ pussess u ta’ teħid ta’ poter progressivi tal-Unjoni Afrikana fir-rigward tal-kwistjonijiet ta’ sigurtà u stabilità fil-kontinent Afrikan, b'mod partikolari f'dak li jikkonċerna l-missjonijiet taż-żamma tal-paċi, jirrikjedi l-konsolidazzjoni tal-bini tal-istituzzjonijiet u l-proċess ta’ teħid ta’ deċiżjonijiet fi ħdan l-Unjoni Afrikana, u li l-UE għandha tgħid lill-Unjoni Afrikana f'dan ir-rigward;

82.

Jesprimi l-appoġġ tiegħu għad-deċiżjoni li jitfassal approċċ kompensiv tal-UE għar-reġjun tal-Qarn tal-Afrika, li jgħin fil-bini mill-ġdid ta’ istituzzjonijiet statali fis-Somalja u li jorbot flimkien is-sigurtà tal-bniedem mal-iżvilupp, l-istat tad-dritt, ir-rispett tad-drittijiet tal-bniedem u d-drittijiet tan-nisa u b'hekk jiġbor fih l-istrumenti kollha tal-UE bil-għan li jipprovdi soluzzjonijiet għaż-żmien twil;

83.

Jilqa' r-rieda tal-UE li tappoġġa l-implimentazzjoni paċifika tal-Ftehim Komprensiv ta’ Paċi fis-Sudan u li taħdem lejn l-istabilità reġjonali għaż-żmien twil; jisħaq, fl-istess ħin, fuq il-bżonn li jiġġeddu l-isforzi biex tiġi indirizzata l-insigurtà u biex tinkiseb soluzzjoni għall-paċi fid-Darfur; huwa tal-opinjoni li l-indipendenza li ġejja fis-Sudan tan-Nofsinhar għandha implikazzjonijiet għall-istabbiltà ta’ stati diviżi kulturalment u tinvolvi sfidi li għalihom il-VP/RGħ għandha tkun ippreparata; jifraħ lill-poplu tas-Sudan fuq l-iżvolġiment tajjeb tar-referendum fis-Sudan tan-Nofsinhar, kif ikkonfermat mill-missjoni ta’ osservazzjoni elettorali tal-UE; jistieden lill-UE tkompli tappoġġa l-isforzi li saru mill-partijiet sabiex isir progress fuq il-kwistjonijiet pendenti taħt il-Ftehim ta’ Paċi Komprensiv, filwaqt li tagħti attenzjoni partikolari lis-sitwazzjoni tar-refuġjati u dawk li rritornaw, u tikkunsidra l-miżuri neċessarji sabiex tiġi garantita s-sostenibbiltà tar-relazzjoni bejn it-Tramuntana u n-Nofsinhar wara r-referendum;

84.

Ifakkar li Alassane Ouattara huwa l-uniku rebbiegħ leġittimu tal-elezzjonijiet presidenzjali li saru f’Côte d’Ivoire fit-28 ta’ Novembru 2010 u li r-riżultati tal-elezzjoni ma tistax tiġi sfidata; jieħu nota tal-arrest tal-mexxej attwali Laurent Gbagbo u jispera li dan se jikkontribwixxi għat-tmiem tal-vjolenza; iħeġġeġ lill-forzi politiċi u armati kollha fil-pajjizi biex jirrispettaw ix-xewqa tal-elettorat Ivorjan u jiżguraw t-trasferiment paċifiku tal-poter mingħajr dewmien, u jitlob f’dan ir-rigward, għar-ristawr tal-liġi u l-ordni; jistieden lill-UE tappoġġa bi sħiħ lill-President Quattara fi sforzi mmirati lejn ir-rikonċiljazzjoni, l-irkupru u l-iżvilupp kif ukoll fil-promozzjoni tal-prosperità u l-istabilità għall-persuni mill-Côte d’Ivoire;

85.

Jemmen li l-UE għandha tadotta approċċ komprensiv għat-tħassib dwar is-sigurtà u l-istabilità fir-reġjun ta’ Sahel; jinsisti li t-terroriżmu u l-kriminalità organizzata transkonfinali (drogi, armi, sigaretti, traffikar tal-bnedmin) jikkostitwixxu theddid serju mhux biss għall-pajjiżi tar-reġjun iżda wkoll direttament għall-Unjoni Ewropea; iqis neċessarju li l-UE tgħin il-pajjiżi tar-reġjun jiżviluppaw politiki u strumenti li jindirizzaw dan it-theddid għas-sikurezza li dejjem qed jiżdied billi tuża l-istrumenti kollha relevanti tal-UE biex jintemmu l-kunflitti persistenti bħall-kunflitt tas-Saħara tal-Punent u biex jiġu promossi riformi demokratiċi fil-pajjiżi kollha tar-reġjun, jinqered il-faqar, jiġi garantit l-iżvilupp sostenibbli, jiġi indirizzat it-tħassib dwar it-tibdil fil-klima fir-reġjun, jiġu ġestiti l-flussi migratorji min-Nofsinhar għan-Nofsinhar u min-Nofsinhar għat-Tramuntana u jiġu żgurati d-demokrazija u l-bini tal-istituzzjonijiet (b'mod partikolari s-settur tas-sikurezza) u l-ġlieda kontra l-kriminalità organizzata; jemmen li l-proċess ta’ bini ta’ kunsens fost il-pajjiżi tar-reġjun, b'kooperazzjoni mal-Unjoni Afrikana u bil-pussess progressiv tagħha, għandu wkoll jiġi implimentat;

86.

Jilqa' d-deċiżjoni tal-Kunsill fir-rigward taż-Żimbabwe li ġġedded il-miżuri restrittivi kontra ċerti politikanti, uffiċjali u kumpanniji li jżommu r-reġim ta’ Mugabe fis-setgħa; jiddispjaċih li għandha ma seħħitx bidla demokratika suffiċjenti u jistieden lill-pajjiżi tal-SADC b'mod partikolari, jgħinu li jiġi żgurat li ż-Żimbabwe jimxi b'mod rapidu lejn elezzjonijiet ħielsa u ġusti fil-preżenza ta’ osservaturi internazzjonali u li jersaq b'mod rapidu lejn transizzjoni bla intoppi tas-setgħa;

87.

Jesprimi t-tħassib tiegħu dwar it-tmiem tal-Missjoni tal-PSDK fil-Ginea Bissaw f’Settembru 2010 u jħeġġeġ lill-Kunsill u lill-VP/RGħ jikkunsidraw modi ġodda ta’ kif tiġi miġġielda l-kriminalità fil-Ginea Bissaw, sabiex jiġi evitat li dan il-pajjiż isir narko-stat ieħor;

88.

Jilqa' l-konklużjoni tan-negozjati dwar il-Ftehim ta’ Assoċjazzjoni mal-Amerika Ċentrali u dwar Ftehim Kummerċjali bejn Bosta Partijiet mal-Perù u l-Kolombja; jisħaq, madankollu, li l-UE għandha tkompli tagħti prijorità lill-proċessi ta’ integrazzjoni reġjonali fl-Amerika Latina; jinnota b'sodisfazzjon li n-negozjati dwar il-Ftehim ta’ Assoċjazzjoni mal-Mercosur reġgħu bdew, u jistieden biex dawn jiġu konklużi malajr u bla problemi;

89.

Jirrikonoxxi r-riżultati pożittivi tas-Samit bejn l-UE u l-Amerika Latina u l-Karibew f'Madrid u jissottolinja l-bżonn li tiġi sorveljata l-implimentazzjoni tal-Pjan ta’ Azzjoni ta’ Madrid; ifakkar fil-bżonn li tiġi adottata Karta Ewro-Latinamerikana għall-Paċi u s-Sigurtà u li din il-karta tkun tinkludi, fuq il-bażi tal-Karta tan-NU u l-liġi internazzjonali relatata, strateġiji u linji gwida għal azzjoni konġunta fl-oqsma tal-politika u tas-sigurtà biex taffronta t-theddidiet u l-isfidi komuni;

90.

Jagħti istruzzjonijiet lill-President tiegħu biex jgħaddi din ir-riżoluzzjoni lill-Viċi President tal-Kummissjoni/Rappreżentant Għoli tal-Unjoni għall-Affarijiet Barranin u l-Politika ta’ Sigurtà, lill-Kunsill, lill-Kummissjoni, lill-gvernijiet u lill-parlamenti tal-Istati Membri, lis-Segretarju Ġenerali tan-Nazzjonijiet Uniti, lis-Segretarju Ġenerali tan-NATO, lill-President tal-Assemblea Parlamentari tan-NATO, lill-President fil-kariga tal-OSKE, lill-President tal-Assemblea Parlamentari tal-OSKE, lill-President tal-Kumitat tal-Ministri tal-Kunsill tal-Ewropa u lill-President tal-Assemblea Parlamentari tal-Kunsill tal-Ewropa.

7.12.2012   

MT

Il-Ġurnal Uffiċjali tal-Unjoni Ewropea

CE 377/51

—

wara li kkunsidra t-Titolu V tat-Trattat dwar l-Unjoni Europea u t-Trattat dwar il-Funzjonament tal-Unjoni Ewropea;

—

wara li kkunsidra l-Karta tan-Nazzjonijiet Uniti;

—

wara li kkunsidra l-Istrateġija Ewropea ta’ Sigurtà bit-titolu ‧Ewropa Sigura f’Dinja Aħjar‧, adottata mill-Kunsill Ewropew fit-12 ta’ Diċembru 2003, u r-rapport dwar l-implimentazzjoni tagħha bit-titolu ‧Nipprovdu s-Sigurtà f'Dinja li qed Tinbidel‧, approvat mill-Kunsill Ewropew tal-11-12 ta’ Diċembru 2008,

—

wara li kkunsidra l-konklużjonijiet tal-Kunsill (tad-Difiża) għall-Affarijiet Barranin dwar il-PSDK adottati fid-9 ta’ Diċembru 2010 u fil-31 ta’ Jannar 2011;

—

wara li kkunsidra r-riżultat tas-Summit Renju Unit-Franza dwar il-kooperazzjoni għas-sigurtà u d-difiża tat-2 ta’ Novembru 2010,

—

wara li kkunsidra l-Istrateġija tas-Sigurtà Interna għall-Unjoni Ewropea, approvata mill-Kunsill Ewropew fil-25-26 ta’ Marzu 2010,

—

wara li kkunsidra d-Deċiżjoni tal-Kunsill tas-26 ta’ Lulju 2010 li tistabilixxi l-organizzazzjoni u l-funzjonament tas-Servizz Ewropew għall-Azzjoni Esterna (1),

—

wara li kkunsidra r-Riżoluzzjoni tiegħu tat-23 ta’ Novembru 2010 dwar il-kooperazzjoni ċivili-militari u l-iżvilupp ta’ kapaċitajiet ċivili-militari (2),

—

wara li kkunsidra r-Riżoluzzjoni tiegħu tal-10 ta’ Marzu 2010 dwar l-implimentazzjoni tal-Istrateġija ta’ Sigurtà Ewropea fil-kuntest tal-ESDP (3),

—

wara li kkunsidra l-Artikolu 48 tar-Regoli ta’ Proċedura tiegħu,

—

wara li kkunsidra r-rapport tal-Kumitat għall-Affarijiet Barranin (A7-0166/2011),

1.

Ifakkar li s-sistema internazzjonali għaddejja minn tibdil rapidu u profond, xprunata mit-trasferiment ta’ poter lejn atturi emerġenti internazzjonali u interdipendenza li qed tidħol iktar fil-fond u li tkopri problemi ekonomiċi u finanzjarji, id-deterjorament ambjentali u t-tibdil fil-klima, l-iskarsezza tal-enerġija u r-riżorsi, u sfidi interkonnessi tas-sigurtà

2.

Jirrikonoxxi li, f’kuntest globali turbolenti u fi żmien ta’ kriżi ekonomika u finanzjarja, l-UE qed tintalab issaħħaħ l-awtonomija strateġika tagħha biex tippreserva l-valuri tagħha, issegwi l-interessi tagħha, u tipproteġi ċ-ċittadini tagħha billi tiżviluppa viżjoni maqsuma ma’ ħaddieħor tal-isfidi u t-theddidiet ewlenin, u billi tallinja l-kapaċitajiet u r-riżorsi tagħha biex twieġeb għalihom b’mod suffiċjenti, u b’hekk tikkontribwixxi għall-preservazzjoni tal-paċi u s-sigurtà globali internazzjonali, inkluż billi ssegwi multilateraliżmu effettiv;

3.

Huwa tal-fehma li t-tisħiħ tal-awtonomija strateġika fl-affarijiet ta’ sigurtà tfisser, għall-UE, il-kapaċità li taqbel dwar objettivi politiċi komuni u linji gwida strateġiċi, li tistabbilixxi partnerships strateġiċi ma’ firxa wiesgħa ta’ organizzazzjonijiet internazzjonali rilevanti, inkluż in-NATO, u stati, li tiġbor informazzjoni adegwata u tiġġenera analiżi u valutazzjonijiet konġunti, li tikkontrolla u, fejn ikun meħtieġ, tiġbor flimkien riżorsi finanzjarji, ċivili u militari, tippjana u tmexxi operazzjonijiet effettivi ta’ ġestjoni ta’ kriżi tul il-firxa estiża tal-missjonijiet tat-tip ta’ Petersberg, u li tfassal u timplimenta politika tad-difiża komuni, billi tpoġġi l-ewwel sisien tanġibbli li fuqhom tinbena difiża komuni;

4.

Jenfasizza li d-dispożizzjonijiet il-ġodda dwar il-Politika ta’ Sigurtà u ta’ Difiża Komuni (PSDK), introdotta mit-Trattat ta’ Lisbona, tipprovdi dikjarazzjoni politika soda tal-intenzjoni tal-Unjoni li taġixxi bħala forza għall-istabilità fid-dinja u tipprovdi qafas legali ċar għat-tisħiħ tal-kapaċitajiet tagħha fil-persegwiment ta’ politika barranija u tas-sigurtà permezz ta’ approċċ komprensiv li jeħtieġ l-użu tal-istrumenti kollha disponibbli għall-UE u l-Istati Membri tagħha, biex jipprevjenu u jimmaniġġjaw kriżijiet u kunflitti, u biex jibnu paċi dejjiema;

5.

B’mod partikolari, ifakkar li:

6.

Jenfasizza li d-dover tal-konsistenza kif definit mit-Trattat, il-formulazzjoni l-ġdida tal-kliem tal-Artikolu 40 tat-TUE (li jistipula li l-implimentazzjoni kemm tal-PESK u kif ukoll tal-politiki l-oħra tal-UE ma għandhiex teffettwa l-applikazzjoni tal-proċeduri rispettivi), u l-każistika reċenti tal-Qorti tal-Ġustizzja Ewropea (ara l-kawża SALW) jipproteġu kemm il-primat tal-metodu tal-Komunità u l-fatturi distintivi u l-prerogattivi tal-PESK, filwaqt li jinkoraġġixxu l-konverġenza tal-politiki, l-istrumenti, ir-riżorsi differenti, u l-bażijiet legali f’approċċ ħolistiku u komprensiv, fejn il-kontribuzzjoni għall-paċi u s-sigurtà fid-dinja ssir objettiv trasversali tal-azzjoni esterna u interna tal-UE u l-PSDK hija waħda mill-istrumenti tagħha; jinnota li l-assi militari jistgħu jiġu skjerati wkoll fil-każ ta’ diżastri naturali u dawk magħmula mill-bniedem, kif muri fil-prattika bil-koordinazzjoni tal-Persunal Militari tal-UE tal-kapaċitajiet militari b’appoġġ għall-operazzjonijiet ta’ għajnuna umanitarja mmexxijin min-nies ċivili waqt l-għargħar fil-Pakistan fis-sajf tal-2010 skont il-Linji Gwida tan-NU applikabbli dwar l-użu tal-Assi Militari u ta’ Difiża Ċivili fl-għajnuna internazzjonali għad-diżastri (il-Linji Gwida ta’ Oslo) u wara talba mill-Kummissjoni;

7.

Jesprimi tħassib, għalhekk, li aktar minn sena wara d-dħul fis-seħħ tat-Trattat ta’ Lisbona, għad ma hemmx sinjali ċari ta’ approċċ komprensiv post-Lisbona tal-UE li jippermetti li jingħelbu ostakli proċedurali u istituzzjonali tradizzjonali, filwaqt li jiġu ppreservati prerogattivi legali rispettivi meta s-sigurtà taċ-ċittadini Ewropej tkun fir-riskju;

8.

Huwa konvint li politika tas-sigurtà esterna kredibbli teħtieġ interdipendenza aktar approfondita bejn l-Istati Membri u koeżjoni interna, fiduċja reċiproka u solidarjetà akbar, simili għal dak li nkiseb fl-isfera tas-sigurtà interna permezz tal-kooperazzjoni Schengen (fejn il-pajjiżi tax-Schengen, filwaqt li jipproteġu l-konfini tagħhom, ikunu qed jipproteġu l-konfini ta’ Stati Membri oħra, regoli nazzjonali jiksbu ambitu kontinentali, u l-kompiti relatati mal-ħarsien tas-sigurtà nazzjonali jistgħu jitwettqu wkoll fit-territorju ta’ stat ieħor jew fi skwadri konġunti li joperaw bi qbil mal-istandards Ewropej);

9.

Jiddispjaċih dwar in-nuqqas ta’ rieda tal-Istati Membri li jiddefinixxu pożizzjoni komuni dwar il-kriżi tal-Libja, dwar ir-Riżoluzzjoni tal-Kunsill tas-Sigurtà tan-NU tal-1973 u l-modi biex tiġi implimentata; jesprimi tħassib kbir dwar ir-riskju li jiġu kkunsidrati koalizzjonijiet ad hoc ta’ dawk li għandhom din ir-rieda jew kooperazzjoni bilaterali bħala sostituti vijabbli għall-PSDK, peress li l-ebda Stat Ewropew ma għandu l-kapaċità li jkun attur sinifikattiv ta’ sigurtà u difiża fis-seklu 21. ifakkar li t-Trattat ta’ Lisbona jipprovdi għall-possibilità li l-implimentazzjoni ta’ operazzjoni ta’ ġestjoni tal-kriżi tiġi fdata f’idejn grupp ta’ Stati Membri, iżda biss fi ħdan qafas ta’ deċiżjoni tal-Kunsill li tiddefinixxi l-objettivi, l-ambitu u l-kundizzjonijiet tal-implimentazzjoni tagħhom, u bl-assoċjazzjoni tal-VP/RGĦ; jinsisti li hija essenzjali reazzjoni komuni għall-iżviluppi fil-Libja biex jiġi fformulat approċċ ġdid kredibbli għall-politika tagħna għall-viċinat tan-nofsinhar; itenni li l-mandat li ngħata mir-Riżoluzzjoni tal-Kunsill tas-Sigurtà tan-NU 1973 (2011) biex jiġu protetti ċ-ċittadini Libjani ma għandux ikun eżaġerat permezz tal-użu mhux proporzjonali tal-forza; jistieden lir-VP/RGħ biex tieħu miżuri konkreti biex tiżgura l-waqfien mill-ġlied bikri sabiex jitwaqqaf it-tixrid tad-demm u t-tbatija tal-poplu Libjan; iħeġġeġ lir-VP/RGħ ikollha rwol b’saħħtu u dirett fit-tkattir tal-inizjattivi politiċi f’din id-direzzjoni; iqis li hu kruċjali li ssir ħidma mill-qrib mal-Kunsill Nazzjonali Tranżizzjonali Interim, l-Unjoni Afrikana u l-Lega Għarbija sabiex il-kunflitt militari attwali jkun direzzjonat lejn soluzzjonijiet politiċi u diplomatiċi, inkluż l-għan li tiġi żgurata r-riżenja tar-reġim ta’ Gaddafi; jenfasizza li l-elaborazzjoni ta’ strateġija għar-reġjun Sahel u l-Qarn tal-Afrika hija għaldaqstant opportunità konkreta oħra biex turi l-kapaċità tal-UE li taġixxi kemm dwar is-sigurtà kif ukoll dwar l-isfidi ta’ żvilupp;

10.

Iħeġġeġ lill-Kunsill Ewropew iwettaq il-kompiti tiegħu li jidentifika l-interessi strateġiċi u l-objettivi politiċi tal-UE billi jfassal strateġija ta’ politika estera Ewropea ingranata mal-iżviluppi internazzjonali, li għandha tkun ibbażata fuq konverġenza reali tad-dimensjonijiet differenti tal-azzjoni esterna tal-UE u soġġetta għal rieżami regolari; jistieden lir-RGħ/VP u lill-Kunsill biex jibnu fuq il-kunċett tas-sigurtà tal-bniedem biex jagħmluh iċ-ċentru tal-Istrateġija tal-Politika Barranija Ewropea u jsarrfuh f’linji gwida ta’ politika tanġibbli;

11.

Jistieden lill-Kunsill Ewropew u lill-President tiegħu jaffrontaw dan l-inkarigu billi jidħlu fi djalogu politiku mal-Parlament Ewropew u jiddiskuti r-rakkomanzazzjonijiet tal-Parlament Ewropew; isostni li tali djalogu huwa meħtieġ fid-dawl tad-dispożizzjonijiet ġodda tat-Trattat u tal-ħtieġa li tiġi stipulata u implimentata l-Istrateġija tal-Politika Barranija, li tkun ġejja minn approċċ kompensiv u effettiv; jissuġġerixxi li tali djalogu jeħtieġ li jsir fuq bażi regolari, u li jiffoka fuq il-progress milħuq daqs kemm fuq il-prospetti;

12.

Jinnota li r-rwol mogħti lill-Parlament Ewropew bħala entità li tirrappreżenta direttament liċ-ċittadini tal-UE jagħmlu l-Parlament sors kruċjali ta’ leġittimità demokratika għall-PESK/PSDK u jagħtu piż qawwi lid-dritt tiegħu li jistenna li l-opinjonijiet u r-rakkomandazzjonijiet tiegħu jiġu kkunsidrati b’mod xieraq;

13.

Jinnota, barra minn hekk, li bis-saħħa tat-Trattat, il-VP/RGħ huwa suġġett għal vot ta’ kunsens mill-Parlament Ewropew, u l-Parlament jippareteċipa fit-teħid ta’ deċiżjoni dwar il-baġit tal-azzjoni esterna tal-UE, inklużi l-missjonijiet ċivili tal-PSDK u l-PESK u l-ispejjeż amministrattivi li jqumu mill-koordinament militari tal-UE, u li l-kunsens tiegħu huwa essenzjali sabiex l-istrateġiji tal-UE jiġu tradotti f’liġijiet u biex jiġu konklużi ftehimiet internazzjonali, inklużi ftehimiet relatati prinċipalment mal-PESK, bl-unika eċċezzjoni tal-ftehimiet relatati biss mal-PESK;

14.

Jixtieq li tissaħħaħ il-kooperazzjoni mal-parlamenti nazzjonali tal-UE fl-eżerċitar tal-iskrutinju demokratiku fuq il-PESK u l-PSDK, bil-mira li tissaħħaħ reċiprokament l-influwenza rispettiva tagħhom fuq l-għażliet politiċi magħmula mill-istituzzjonijiet l-oħra Ewropej u mill-Istati Membri, filwaqt li jiġu rispettati bis-sħiħ il-prerogattivi tal-politika tad-difiża eżistenti tal-parlamenti nazzjonali;jiddispjaċih dwar in-nuqqas ta’ ftehim fil-Konferenza tal-Kelliema tal-UE tal-4/5 ta’ April 2011 dwar il-karatteristiċi ta’ konferenza interparlamentari dwar il-PESK/PSDK u jistenna bil-ħerqa li jintlaħaq ftehim mal-parlamenti nazzjonali dwar forom ġodda ta’ kooperazzjoni interparlamentari f’dan il-qasam; ifakkar li l-Artikolu 9 tal-Protokoll 1 tat-Trattat ta’ Lisbona dwar ir-rwol tal-parlamenti nazzjonali jiddikjara b’mod ċar li l-organizzazzjoni u l-promozzjoni ta’ kwalunkwe forma ta’ kooperazzjoni interparlamentari effettiva u regolari fi ħdan l-Unjoni għandha tiġi determinata flimkien bejn il-Parlament Ewropew u l-parlamenti nazzjonali;

15.

Jenfasizza r-rwol li t-Tratttati assenjaw lill-Kummissjoni meta twettaq il-politiki u l-miżuri marbuta mad-dimensjonijiet l-oħra tal-azzjoni esterna tal-UE, meta tipproponi inizjattivi leġiżlattivi, u meta timplimenta l-baġit u timmaniġġja l-programmi tal-Komunità, u torganizza rappreżentazzjoni esterna tal-UE ħlief fil-każ tal-PESK; jistieden lill-Kunsill, lill-Kummissjoni u lill-Parlament isaħħu l-kooperazzjoni bejniethom sabiex jiżguraw, mingħajr preġudizzju għall-prerogattivi rispettivi ta’ xulxin, jaħdmu għal konsistenza bejn l-oqsma differenti tal-azzjoni esterna tal-UE għal użu aktar effettiv tal-istrumenti tal-PSDK;

16.

Jinnota li l-poteri u r-responsabilitajiet tal-VP/RGħ ma jikkostitwixxux sempliċement li “tilbes kappell doppju”, iżda jirrappreżentaw fużjoni ta’ funzjonijiet u sorsi leġittimi, li jagħmel ir-rwol tagħha ċentrali għall-proċess li ġġib f’relazzjoni koerenti l-istrumenti, l-atturi u l-proċeduri varji tal-azzjoni esterna tal-UE; jistieden lill-VP/RGħ tinterpreta r-rwol tagħha bħala wieħed proattiv u sabiex tmexxi djalogu kostruttiv mal-Parlament fil-qafas ta’ sforz doppju li jippromwovi kunsens politiku fost l-Istati Membri dwar id-direzzjonijiet strateġiċi, u tisfrutta bis-sħiħ il-potenzjal biex il-PESK-PSDK taġixxi b’sinerġija mas-setturi l-oħra tal-azzjoni esterna tal-UE u mal-politiki interni tal-UE b’impatt u implikazzjonijiet fil-livell estern;

17.

Iqis li s-Servizz Ewropew għall-Azzjoni Esterna (SEAE) għandu rwol ewlieni biex joħloq approċċ komprensiv u effettiv, ibbażat fuq integrazzjoni sħiħa tal-PSDK, il-PESK u d-dimensjonijiet l-oħra tal-azzjoni esterna tal-UE, l-aktar il-politiki ta’ sigurtà fil-kooperazzjoni għall-iżvilupp, il-kummerċ u l-enerġija; jilqa’ r-riżultat tan-negozjati, li serva biex jistabbilixxi l-SEAE bħala struttura biex tassisti lill-istituzzjonijiet tal-UE u d-dimensjonijiet varji tal-azzjoni esterna tal-UE u kkonferixxa firxa wiesgħa ta’ poteri u responsabilitajiet fuqu, filwaqt li pprovda rabta solida mal-Kummissjoni mingħajr ma tnaqqsu bl-ebda mod il-prerogattivi tal-Kummissjoni, u jittama li r-responsabilità assenjata lill-SEAE għall-ippjanar strateġiku tal-istrumenti finanzjarji relatati mal-azzjoni esterna tal-UE se jittraduċu ruħhom f’użu effettiv, koerenti tagħhom biex ikomplu jitkattru l-prinċipji u l-objettivi tal-UE;

18.

Itenni l-fehma tiegħu li l-istrutturi u l-kapaċitajiet tal-istrutturi tal-ġestjoni tal-kriżi ċivili u miltari għandha tiġi kkoordinata aktar mill-qrib u għandha taġixxi b'sinerġija akbar fi ħdan approċċ komprensiv, mingħajr ma jibdlu d-distinzjonijiet bejn r-rwoli ċivili u militari u l-proċeduri differenti ta’ teħid ta’ deċiżjoni u l-katini tat-tmexxija;

19.

Jiddispjaċih mill-fatt li l-organigramma provviżorja tal-SEAE ma tinkludix l-unitajiet kollha eżistenti varji li jittrattaw l-ippjanar u l-ipprogrammar tar-reazzjoni għall-kriżi, il-prevenzjoni tal-kunflitti u l-bini tal-paċi bl-istrutturi tal-PSDK, b’konformità mal-ftehim ta’ Madrid; jitlob l-ewwel nett, f’dan il-kuntest, għall-organizzazzjoni ta’ laqgħat regolari ta’ bord ta’ ġestjoni tal-kriżi, li jikkonsisti f’persunal mis-CMPD (id-Direttorat għall-Maniġġar ta’ Kriżijiet u l-Ippjanar), is-CCPC (il-Kapaċità Ċivili tal-Ippjanar u t-Tmexxija), l-EUMS (il-Persunal Militari tal-Unjoni Ewropea), l-EU SITCEN (iċ-Ċentru ta’ Sitwazzjonijiet), l-unitajiet tal-bini tal-paċi, il-prevenzjoni tal-kunflitti, il-medjazzjoni u l-politika tas-sigurtà, il-President tal-PSC, l-uffiċċju ġeografiku u dipartimenti oħra tal-politika, skont iċ-ċirkostanzi, u l-istrutturi tal-għajnuna umanitarja u ta’ protezzjoni ċivili tal-Kummissjoni, impoġġija taħt l-awtorità tal-VP/RGħ u s-Segretarju Ġenerali eżekuttiv u bil-parteċipazzjoni tal-istrutturi interni, tal-għajnuna umanitarja u ta’ protezzjoni ċivili tal-Kummissjoni, skont iċ-ċirkostanzi; tali laqgħat għandhom ikunu kkoordinati mid-Direttur Maniġerjali tar-Reazzjoni għall-Kriżi; jistieden lill-VP/RGħ u lill-Kummissjoni jiżguraw li l-bord ikun mgħammar b’sistema effiċjenti ta’ allerta u emerġenza u sala kbira għal operazzjonijiet fuq skala kbira, li tkun lokalizzata fi ħdan l-SEAE, sabiex il-kontrolli jkunu jistgħu jsiru 24 siegħa kuljum, sebat ijiem fil-ġimgħa, u b’hekk jiġi evitat l-irduppjar preżenti fl-operazzjonijiet (b’seba’ swali ta’ operazzjonijiet), li ċertament mhuwiex kompatibbli mal-bżonn ta’ kontroll adegwat u sistema ta’ reazzjoni rapida biex taffronta l-kriżijiet; iqis li l-koordinazzjoni u l-iskambju regolari għandhom jiġu żgurati bejn din is-sistema u ċ-ċentru Ewropew għal rispons ta’ emerġenza li attwalment qed jiġi żviluppat mill-Kummissjoni biex jiġu ggarantiti sinerġiji xierqa filwaqt li jirrispettaw il-kompetenzi ta’ xulxin; it-tieni, jitlob li jkun hemm struttura permanenti li tinvolvi lill-atturi msemmijin hawn fuq u li tmur lil hinn mill-ġestjoni ta’ kriżi akuta sabiex jiġu żviluppati approċċi komuni, f’oqsma bħall-istat tad-dritt jew ir-riforma tas-settur tas-sigurtà; it-tielet, jitlob li jsir, f’nofs it-terminu, rieżami tal-istruttura attwali sabiex jiġu stabbiliti ppjanar strateġiku u żvilupp konċettwali tabilħaqq integrati fil-qasam tal-ġestjoni ta’ kriżi u l-bini tal-paċi għas-servizz tal-azzjoni esterna;

20.

Jemmen li l-Bord ta’ ġestjoni tal-Kriżi għandu jipprovdi lill-SEAE bi ppjanar ta’ kontinġenza unifikat b’relazzjoni ma’ xenarji potenzjali u sitwazzjonijiet ta’ kriżi u, it-tieni, anki permezz ta’ pjattforma ta’ kriżi għar-reazzjoni prattika għall-kriżi, li joperaw kemm fi Brussell u kemm fil-post biex jikkoordinaw l-użu ta’ strumenti finanzjarji varji u l-iskjerament tal-kapaċitajiet disponibbli għall-UE, mingħajr ma jiġu mminati l-proċeduri speċifiċi ta’ teħid ta’ deċiżjonijiet u l-bażijiet legali li japplikaw għall-iskjerament tal-kapaċitajiet ċivili u miltari skont il-PESK/PSDK jew għall-użu ta’ strumenti tal-Komunità;

21.

Jenfasizza l-ħtieġa li jissaħħu l-istrutturi, id-dipartimenti u l-unitajiet ta’ reazzjoni għall-kriżi ċivili u militari fi ħdan l-SEAE u l-Kummisssjoni, li jinfirxu u jiġu organizzati b’mod aktar razzjonali, u b’mod partikolari:

22.

Jiddispjaċih li r-riżultati skarsi miksuba mill-proċess tal-Objettiv Primarju Ċivili 2010 rigward il-kapaċitajiet ċivili, u partikolarment id-diskrepanza bejn il-persunal assenjat mill-Istati Membri fuq il-karta u n-numri realment disponibbli għall-missjonijiet, il-progress modest rigward it-taħriġ tar-riżorsi umani (nuqqas ta’ standards komuni, numru limitat ta’ programmi ta’ formazzjoni karikati fuq il-programmi Schoolmaster, li joffri opportunità ta’ taħriġ fl-ambjent tas-softwer Goalkeeper); jistieden lill-VP/RGħ, lill-Kunsill u lill-Istati Membri jieħdu passi koordinati biex jirriattivaw l-iżvilupp ta’ kapaċitajiet ċivili, speċjalment fir-rigward tar-reklutaġġ, bilanċ bejn is-sessi, il-formazzjoni u l-iskjerament; b’mod partikolari jenfasizza l-importanza li jitkompla l-bini fuq il-wirt taż-żewġ Objettivi Primarji Ċivili li wettqet l-UE s’issa sabiex tilqa’ dawn l-isfidi prominenti; jappella għat-twaqqif ta’ mekkaniżmu komunitarju għat-tisħiħ tal-kapaċitajiet ċivili, speċjalment il-formazzjoni u t-tkabbir tal-parti ċivili tal-kulleġġ Ewropew ta’ Sigurtà u Difiża;

23.

Jafferma mill-ġdid li kapaċitajiet militari kredibbli u affidabbli huma sine qua non għal PSDK awtonoma u għal approċċ kompensiv u li l-Istati Membri jeħtieġ li jipprovduhom; barra minn hekk jenfasizza li dawk il-kapaċitajiet militari jistgħu jiġu applikati għal diversi skopijiet, mhux l-inqas għal dawk ċivili, b’konformità mal-prinċipji fil-bażi ta’ azzjonijiet tal-UE fix-xena internazzjonali u n-natura awtonoma tal-ordni legali tal-UE;

24.

Jiddispjaċih dwar il-kuntrast qawwi bejn il-200 biljun EUR li ntefqu kull sena mill-Istati Membri fuq id-difiża, in-nuqqas ta’ mezzi għad-dispożizzjoni tal-UE u l-konferenzi għall-ġenerazzjoni tal-forzi għall-operazzjonijiet militari tal-UE, li sfortunatament ġew imtawla żżejjed, fi żmien meta hemm tnaqqis fil-kapaċitajiet u l-persunal; jiddeplora l-fatt li għal aktar minn tnax-il sena l-metodu tal-proċess tal-ġenerazzjoni tal-forzi ma rriżulta f’ebda titjib de facto rigward il-kwantità u l-kwalità tal-kapaċitajiet militari disponibbli għall-missjonijiet PSDK; jenfasizza l-ħtieġa li jiġi vvalutat it-titjib tal-kapaċitajiet militari fuq bażi regolari; jinnota li jeżisti nuqqas ta’ qbil dejjem jikber bejn id-domanda li qed tiżdied minn barra l-pajjiż u r-riżorsi li l-Istati Membri jagħmlu disponibbli għall-Unjoni;

25.

Jinnota bi tħassib li l-awsterità ekonomika attwali tista’ twassal għal tnaqqis li ma ġiex koordinat fil-livell Ewropew u għal irduppjar kontinwu li jista’ jpoġġi fid-dubju l-PSDK bħala tali, filwaqt li l-effett finali għandu jkun li jħeġġeġ lill-Istati Membri jersqu lejn infiq aktar intelliġenti għad-difiża, fejn iġibu flimkien u jaqsmu bejniethom proporzjon akbar tal-kapaċitajiet tagħhom ta’ difiża, il-baġit u l-bżonnijiet tagħhom, filwaqt li jiksbu aktar sigurtà għaċ-ċittadini tagħhom; jistieden lill-Istati Membri biex jiżviluppaw trasparenza akbar rigward il-baġits tad-difiża rispettivi tagħhom;

26.

Ifakkar li l-PESK u l-PSDK għandhom ukoll iwasslu għad-diżarm u n-nuqqas ta’ tixrid ta’ armi li jvarjaw minn armi żgħar u ħfief (SALW) sa testati nukleari u missili ballistiċi; iħeġġeġ lill-VP/RGħ biex tagħti prijorità lil din il-politika billi tippromwovi sensiela ġdida ta’ miżuri proattivi li jindirizzaw il-kwistjoni tal-mini tal-art, il-munizzjoni tat-tip cluster, il-munizzjon bl-uranju mfaqqar, u armi żgħar u ħfief, armi bijoloġiċi, kimiċi u nukleari tal-qerda tal-massa u l-mezz ta’ forniment tagħhom; iħeġġeġ lill-VP/RGħ biex tirrapporta lill-Parlament Ewropew fuq bażi annwali dwar l-implimentazzjoni tal-Konferenza ta’ Reviżjoni tal-NTP fl-2010 u l-pjan ta’ azzjoni tagħha dwar id-diżarm u n-nonproliferazzjoni tal-armi;

27.

Jiddeplora l-irduppjar fuq skala kbira ta’ xogħol fil-programmi ta’ difiża fl-UE, bħal per eżempju fil-każ tal-programmi dwar il-vetturi armati, li jammontaw għal aktar minn għoxrin, is-sitt programmi differenti tas-sottomarini tal-attakk, il-ħames programmi tal-missili ground-to-air, u t-tliet programmi ta’ ajruplani tal-ġlied, u l-konsegwenzi tiegħu, fis-sens li l-ekonomiji ta’ skala ma jinkisbux, ir-riżorsi ekonomiċi limitati jinħlew u l-prezzijiet tat tagħmir Ewropew għad-difiża jkunu minfuħin iż-żejjed; barra minn hekk dan iwassal biex il-Bażi Teknoloġika u Industrijali tad-Difiża Ewropea (BTIDE) tinżamm frammentata, tfixkel il-kompetittività tas-settur industrijali kollu relatat mas-sigurtà fl-Ewropa u f’dan ir-rigward jipperikola direttament it-tmexxija u l-impjiegi teknoloġiċi;

28.

Jaffirma mill-ġdid li l-punti kollha ta’ hawn fuq għandhom jiġu indirizzati permezz ta’ determinazzjoni politika komuni ċara u fuq perjodu ta’ żmien twil, b’użu sħiħ tal-potenzjal li joffri t-Trattat ta’ Lisbona, u kwalunkwe politika tad-difiża komuni maħsuba biex tersaq gradwalment lejn difiża komuni għandha sservi biex issaħħaħ l-abilità tal-UE li tirrispondi għall-kriżi u tipprovdi għall-bini tal-paċi fuq żmien twil, u fuq kollox tiggarantixxi l-kapaċità tal-Ewropa biex taġixxi; jitlob li laqgħa straordinarja tal-Kunsill Ewropew tkun iddedikata lis-sigurtà u lid-difiża Ewropea; iġedded it-talba tiegħu għat-tfassil ta’ White Paper dwar is-sigurtà u d-difiża Ewropea, li għandha tiġi stabbilita fi proċess li jinkludi l-partijiet kollha interessati tal-UE, u li tkun ibbażata fuq ir-reviżjonijiet tad-difiża u s-sigurtà nazzjonali fl-Istati Membri kollha li jaqblu fuq mudell komuni u jippermettu komparabilità diretta tal-punti sodi u dgħajfin fil-kapaċitajiet attwali u l-assunzjonijiet ta’ ppjanar;

29.

Jistieden bil-qawwa lill-Istati Membri biex jappoġġjaw l-Aġenzija Ewropea għad-Difiża bħala l-aġenzija esperta tal-UE fdata bir-rwol li tidentifika u tiżviluppa l-kapaċitajiet ta’ difiża fil-qasam tal-ġestjoni tal-kriżi u li tippromwovi u ssaħħaħ il-kooperazzjoni Ewropea dwar l-armamenti;

30.

Jinnota li l-ftehim bejn Franza u l-Gran Bretannja tat-2 ta’ novembru 2010 dwar kooperazzjoni dwar is-sigurtà u d-difiża tnieda barra l-qafas tat-Trattat dwar l-Unjoni Ewropea; jittama madankollu li dan l-aħħar attentat għall-kollaborazzjoni bejn Franza u l-Gran Brittanja tista’ sservi bħala mezz għal progress ulterjuri fil-livell Ewropew b’konformità mal-qafas istituzzjonali tal-Unjoni u l-ħtiġijiet loġiċi ta’ razzjonalizzazzjoni, interoperabilità u kosteffettività; jenfasizza li l-EDA jista’ jkollha rwol ta’ sostenn f’dal-kuntest; iqis li l-kooperazzjoni attwali fid-difiża bejn Franza u l-Gran Brettanja għandha tipprovdi pjan direzzjonali għal kooperazzjoni aktar effettiva fid-difiża Ewropea bbażata fuq l-ippjanar tal-kapaċità u d-dipendenza reċiproka; iħeġġeġ lill-gvernijiet ta’ Franza u r-Renju Unit biex jimpenjaw ruħhom għall-ġbir u qsim tal-arranġamenti multilaterali Ewropej futuri;

31.

Jinnota li l-Kooperazzjoni Strutturata Permanenti (PESCO), kif huwa pprovdut fit-Trattat, tipprovdi salvagwardji u obbligi legali, u hija wkoll strument biex jiġi promoss użu aħjar tal-assi tal-PSDK fi żminijiet ta’ awsterità ekonomika u biex jingħeleb in-nuqqas ta’ kunsens fost l-Istati Membri; jistieden lill-Kunsill u lill-Istati Membri biex jiddeterminaw l-għanijiet u s-sustanza ta’ tali kooperazzjoni mingħajr dewmien aktar, billi jinvolvu lill-Istati Membri kollha li jagħtu prova tagħhom infushom li jkunu kemm politikament disposti kif ukoll militarment kapaċi;

32.

Jemmen li r-rwol tal-Ministri tad-difiża għandu jissaħħaħ fil-qafas tal-konfigurazzjoni tal-Kunsill għall-Affarijiet Barranin;

33.

Ifakkar li l-klawsola dwar l-għajnuna reċiproka tirrappreżenta obbligu legali tas-solidarjetà effikaċi fil-każ li jseħħ attakk estern kontra kwalunkwe mill-Istati Membri, mingħajr kunflitt mar-rwol tan-NATO fl-arkitettura tas-sigurtà Ewropea, filwaqt li tiġi rrispettata n-newtralità ta’ xi Stati Membri; Jirrakkomanda, għalhekk, li l-impatt reali tal-klawsola dwar l-assistenza reċiproka jitqies serjament fil-każ ta’ aggressjoni armata fit-territorju ta’ Stat Membru, bl-indirizzar tal-problemi mhux risolti rigward id-dispożizzjonijiet ta’ implimentazzjoni, li tneħħew mill-abbozz tat-Trattat dwar il-Funzjonament tal-Unjoni Ewropea; jitlob għat-tfassil ta’ linji gwida, bżonn imperattiv li rriżulta mhux l-inqas mit-terminazzjoni reċenti tat-Trattat ta’ Brussell modifikat (UEP);

34.

Jirrikonoxxi li fi ħdan il-proċess ta’ żvilupp tal-PSDK wasal iż-żmien biex dak li nkiseb bil-politika u l-istituzzjonijiet issa jiġi segwit minn kisbiet konkreti fil-qasam tal-kapaċitajiet militari; jinnota li d-dispożizzjonijiet introdotti mit-Trattat ta’ Lisbona joffru potenzjal kbir għall-promozzjoni tal-iżvilupp ta’ dawn il-kapaċitajiet u biex jiġi stipulat qafas progressiv għall-politika tad-difiża tal-UE u jsostni li għandhom jitpoġġew fil-prattika b’mod effettiv u bħala kwistjoni ta’ urġenza;

35.

Jirrakkomanda lill-Istati Membri li jimpenjaw ruħhom bis-sħiħ għall-forniment u s-sostenibilità tal-kapaċitajiet militari, billi jirrispondu għat-tendenza lejn enfasi akbar fuq l-aspetti kwalitattivi; jaqbel mat-talbiet magħmula mil-laqgħa informali tal-Ministri tad-Difiża li saret f’Ghent fil-karta bejn il-Ġermanja u l-Isvezja u l-inizjattiva ta’ Weimar u jitlob biex il-fażi operattiva tibda mingħajr dewmien, b’konformità mal-konklużjonijiet tal-Kunsill ta’ Diċembru 2010, li fihom il-Ministri tad-Difiża ftiemu li l-EDA għandha tintensifika l-ħidma tagħha biex tiffaċilita l-identifikazzjoni ta’ oqsma biex jingħaqdu flimkien u jinqasmu l-kapaċitajiet militari bejn il-pajjiżi, inkluż permezz tal-appoġġ ta’ tim ta’ nies intelliġenti; jenfasizza l-ħtieġa biex dan l-approċċ ġdid għall-iżvilupp tal-kapaċità jirnexxi; jistieden lill-Istati Membri biex jirrispettaw l-iskadenza ffissata mill-Kunsill ta’ Diċembru 2010; ifakkar li l-Kapijiet tal-Istat Maġġur tal-forzi armati tal-UE ġew inkarigati biex jeżaminaw il-kapaċitajiet tagħhom sa Mejju 2011, li l-Istaff Militari tal-UE kien ikkummissjonat biex juża din id-data biex jipproduċi idea ġenerali sa nofs l-2011 u li l-Ministri tad-Difiża tal-UE se jilħqu konklużjonijiet finali sal-aħħar ta’ din is-sena; jistieden lill-Aġenzija biex tagħmel din l-inizjattiva ġdida l-prijorità tagħha u biex telenka proġetti ġodda potenzjali ta’ kooperazzjoni (pereżempju f’oqsma bħall-komunikazzjonijiet bis-satellita, appoġġ mediku, loġistiki navali u sigurtà ċibernetika), sabiex jiġi evitat irduppjar tal-ispejjeż u tiżdied l-interoperabilità;

36.

Jappoġġa r-rakkomandazzjonijiet tal-Kunsill Affarijiet Barranin ta’ Jannar 2011, li talab lill-VP/RGħ ssegwi s-suġġetti mqajma fl-inizjattiva ta’ Weimar sabiex tippermetti li jittieħdu miżuri prattiċi fuq il-bażi ta’ rapport li għandha tgħaddi lill-Kunsill Affarijiet Barranin sa nofs l-2011, bil-ħsieb li jinkisbu riżultati konkreti sa tmiem is-sena possibilment, inkluż il-potenzjal għall-estensjoni ta’ tali inizjattivi biex jinkludu Stati Membri oħra interessati;

37.

Jafferma mill-ġdid il-bżonn li jiġi superat il-bilanċ attwali f’termini ta’ kapaċitajiet ta’ ppjanar u t-tmexxija ta’ operazzjonijiet ċivili u militari billi l-UE tiġi pprovduta kapaċità ċivili-militari ta’ ppjanar u tmexxija jew kwartieri Ġenerali Operattivi (OHQ) li jippermettu r-reazzjoni tal-UE aktar reattiva u kosteffettiva; jinnota li l-arranġamenti Berlin Plus kellhom użu limitat, peress li sa issa kienu limitati għal rilevament ta’ missjonijiet tan-NATO diġà eżistenti, u jiġbed l-attenzjoni lejn problemi konnessi mal-mudell tal-“framework nation track”, li huwa bbażat fuq l-użu ta’ ħames OHQs nazzjonali, li jżid in-nuqqas ta’ ppjanar minn qabel għad-diffikultajiet fil-ġenerazzjoni tal-forza u l-komplessità mkabbra tal-koordinament tal-kapaċitajiet ċivili u militari;

38.

Iqis li ċ-Ċentru tal-Operazzjonijiet eżistenti, għalkemm jikkostitwixxi l-ewwel pass pożittiv, huwa inadegwat fir-rigward tal-ħtiġijiet u l-livell tal-ambizzjoni ta’ OHQ permanenti u li minflok għandu jsir permanenti u jingħata l-pożizzjoni li jkun fil-qagħda li jimmaniġġja missjonijiet akbar, li għandu jingħata riżorsi ta’ persunal u infrastrutturi operattivi adegwati u tiġi indirizzata l-inaffidabilità tal-infrastruttura tas-sistemi ta’ komunikazzjoni u informazzjoni tal-UE; li r-raġuni prinċipali tagħha hija li mhemmx struttura permanenti ta’ kmand u kontroll (C2) (u qafas legali relevanti), fatt li jista’ jeffettwa ħażin ukoll il-konsapevolezza sitwazzjonali; jiffavorixxi l-kolokazzjoni ta’ OHQ militari ma’ HQ ċivili, sabiex jingħata permes lill-firxa kollha tal-operazzjonijiet militari u ċivili, billi jiġu sfruttati għalkollox l-effetti ta’ sinerġija filwaqt li jiġu rispettati l-katini ta’ tmexxija ċivili u militari distintivi u l-proċeduri differenti ta’ teħid ta’ deċiżjoni u l-arranġamenti finanzjarji;

39.

Jilqa’ l-fatt li, fit-tweġiba tagħha għall-inizjattiva ta’ Weimar, il-VP/RGħ irrikonoxxiet il-ħtieġa ta’ kapaċità ta’ tmexxija militari tal-UE; isostni li l-analiżi kost-effiċjenti li talbet il-VP/RGħ għandha tinkludi l-ispejjeż li jqumu mill-fatt li l-UE ma għandhiex OHQ; jiddikjara l-intenzjoni tiegħu li jippromwovi studju dwar dan il-punt u l-ispiża possibbli tal-istruttura l-ġdida u l-arranġamenti ta’ finanzjament tagħha;

40.

Jirrikonoxxi l-validità tal-Battlegroups, iżda jagħmel sejħa biex il-kunċett u l-istruttura tal-Battlegroups, li sa issa ma ġewx skjerati, jiġu eżaminati mill-ġdid għal grad akbar ta’ flessibilità u effiċjenza; jemmen li

41.

Jenfasizza r-referenza tat-Trattat għal-politika Ewropea ta’ kapaċitajiet u armamenti li għandha tiġi definita bil-parteċipazzjoni tal-EDA u jitlob għall-kooperazzjoni tal-istituzzjonijiet, l-entitajiet u l-Istati Membri Ewropej għal dan il-għan fit-tfassil u l-implimentazzjoni ta’ tali politika;

42.

Jinkoraġġixxi kooperazzjoni mill-qrib l-Aġenzija u l-Kummissjoni bl-intenzjoni li jsaħħu l-kapaċitajiet b’użu doppju sabiex jinstab l-aktar approċċ komprensiv għar-riċerka relatata mas-sigurtà u biex jipprofittaw minn immaniġġjar sinerġiku tar-riżorsi ċivili-militari, b’mod partikolari permezz tat-tema tas-sigurtà tal-Programm ta’ Qafas għar-Riċerka u l-Iżvilupp Teknoloġiku; jilqa’, għaldaqstant, il-prospettiva tat-Tmien Programm ta’ Qafas, li se jkopri wkoll is-sigurtà esterna; u jistieden lill-Kummissjoni biex tirrikonoxxi r-realtà tan-natura ċivili-militari tal-ġestjoni tal-kriżi u jqis li l-finanzjament tar-riċerka tas-sigurtà u d-difiża għandhom applikazzjonijiet ċivili bil-fondi Komunitarji; jinnota, madankollu, li din il-kooperazzjoni m’għandhiex teċċedi dak li hu meħtieġ rigward il-kooperazzjoni ċivili-militari fiż-żamma tal-paċi, il-prevenzjoni tal-kunflitti u t-tisħiħ tas-sigurtà internazzjonali kif ukoll l-attivitajiet tal-ġestjoni tal-kriżijiet;

43.

Iħeġġeġ lill-kap tal-EDA (RGħ/VP) kif ukoll lill-Kunsill biex iwettqu fil-ħin Azzjoni Konġunta ġdida tal-Kunsill dwar it-Twaqqif tal-EDA bbażata fuq ir-rwol ġdid tal-EDA kif deskritt fit-Trattat ta’ Lisbona; jiddubita l-bażi legali attwali tal-EDA li tmur lura għall-2004 minħabba t-Trattat ta’ Lisbona u l-implikazzjonijiet għall-EDA; jistieden lill-Kunsill jinforma lill-Parlament Ewropew dwar il-bidliet meħtieġa għal-Azzjoni Konġunta tal-Kunsill dwar it-Twaqqif tal-EDA, li jirriżulta mill-inklużjoni tal-EDA fit-Trattat ta’ Lisbona;

44.

Jitlob għat-twaqqif ta’ sħubija b’saħħitha bejn il-Kummissjoni, il-Parlament, l-EDA u l-Istati Membri parteċipanti fil-preparazzjonijiet għat-Tmien Programm ta’ Qafas bil-ħsieb ta’ investimenti f’oqsma tat-teknoloġija ta’ interess komuni fil-livell tal-UE, filwaqt li wieħed iżomm f’moħħu, mhux l-inqas, li l-ammont li ntefaq fl-Ewropa għall-investiment għar-Riċerka u l-Iżvilupp relatati mad-difiża huwa attwalment ekwivalenti għal madwar 10 % tal-figura tal-Istati Uniti;

45.

Jitlob għal kooperazzjoni b’saħħitha bejn l-EDA u l-Organisation Conjointe de Coopération en matière d'Armement (OCCAR); jitlob informazzjoni mingħand il-kap tal-EDA (RGħ/VP) dwar ir-riżultati tan-negozjati dwar l-Arranġament Amministrattiv għall-kooperazzjoni tagħhom li bdiet f’April 2009;

46.

Jafferma mill-ġdid li wieħed mill-prerekwiżiti għal PSDK awtonomu u kredibbli huwa l-ħolqien ta’ suq Ewropew tad-difiża u s-sigurtà aktar kompettittiv u effiċjenti, miftuħ għall-kuntratti pubbliċi, b’Bażi Industrijali u Teknoloġika tad-Difiża Ewropea msaħħa (EDTIB) li tqis kapaċitajiet industrijali ewlenin, sikurezza fil-provvista bejn il-pajjiżi, kooperazzjoni adattata fis-suq tat-tagħmir għad-difiża, bażi tal-fornitur aktar profonda u diversifikanti u kooperazzjoni akbar fl-armamenti);

47.

Jinnota li huwa essenzjali, għas-suq tad-difiża, li d-direttivi segwenti jiġu trasposti f’liġijiet nazzjonali mill-Istati Membri kollha:

jirrakkomanda li l-Istati Membri jikkonformaw strettament mad-data ta’ skadenza, taħt is-superviżjoni tal-Kummissjoni, u li jfasslu r-regolamenti neċessarji ta’ implimentazzjoni u jħarrġu l-persunal relevanti biex jinfurzaw ir-regoli l-ġodda; jistieden lill-Istati Membri biex jagħtu kas tan-Noti Gwida maħruġa mill-Kummissjoni;

48.

Jirrakkomanda li l-implimentazzjoni tal-Pożizzjoni Komuni li tiddefinixxi r-regoli unifikati dwar il-kontroll tal-esportazzjoni teknoloġika u militari adottata fit-8 ta’ Diċembru 2008 tkun riveduta b’mod urġenti, sabiex tiġi assigurata l-konformità stretta u konsistenti mill-awtoritajiet nazzjonali kollha involuti f’kull Stat Membru;

49.

Iħeġġeġ lill-Istati Membri biex jirrispettaw il-Kodiċi ta’ Kondotta tal-EDA dwar l-akkwist fil-qasam tad-difiża u l-Kodiċi ta’ Kondotta tagħha dwar il-kumpens, sabiex jiġi evitat il-ksur tar-regoli tas-suq intern u jonqsu l-opportunitajiet għall-korruzzjoni;

50.

Jenfasizza li sabiex jissaħħaħ is-suq tas-sigurtà u tad-difiża emerġenti Ewropew, għandu jinstab rimedju għall-vojt f’termini ta’ regolamenti u standards, peress li din is-sitwazzjoni tillimita l-opportunitajiet tas-suq kemm għall-atturi kbar u għall-SMEs u tostakola l-interoperabilità fost is-sistemi tas-sigurtà; jappoġġa bis-sħiħ il-ħidma tal-EDA fil-qafas tal-bażi legali ġdida pprovduta mit-Trattat ta’ Lisbona; jiffavorixxi kollaborazzjoni mill-qrib bejn l-EDA u l-Kummissjoni biex jinħoloq suq Ewropew għad-difiża; jitlob lill-Kummissjoni tniedi, b’kooperazzjoni mal-EDA, riflessjoni preliminari dwar politika industrijali Ewropea fil-qasam tad-difiża u s-sigurtà;

51.

Iħeġġeġ lill-Istati Membri parteċipanti jittrattaw il-parteċipazzjoni tagħhom fl-EDA bħala impenn permanenti u jipprovdu l-Aġenzija bir-riżorsi umani u ekonomiċi meħtieġa; jitlob li l-infiq allokat għall-proġetti u l-istudji operattivi (li sa issa, bħala medja, ikopri 25 % tal-baġit) jiżdied, jekk il-vetoes fuq żidiet fil-baġit ikomplu sejrin għal perjodu twil, ħaġa mhux mixtieqa;

52.

Jistieden lill-Istati Membri parteċipanti biex iżidu max-xogħol u l-inizjattivi biex ikunu ppreżentati mill-Viċi President/Rappreżentant Għoli fil-kapaċità tagħha ta’ kap tal-Aġenzija u jħeġġiġha tistabbilixxi metodi ta’ ħidma li jtejbu l-kapaċità tal-Istati Membri parteċipanti biex jieħdu r-responsabilità bħala dawk li jieħdu d-deċiżjoni, u konsistenti man-natura intergovernattiva tal-Aġenzija u d-dispożizzjonijiet tat-Trattat, bl-idea li jinbena kunsens politiku;

53.

Iqis li l-ħolqien ta’ miżuri regolatorji tal-UE inkluża sistema normattiva komprensiva għat-twaqqif, ir-reġistrazzjoni, il-ħruġ ta’ liċenzji, il-monitoraġġ u r-rappurtar dwar ksur tal-liġi applikabbli minn kumpaniji militari u tas-sigurtà privati (PMS) – kemm fil-livell intern kif ukoll estern – huwa meħtieġ;

54.

Jistieden għalhekk lill-Kummissjoni u lill-Kunsill biex jibdew azzjonijiet xierqa:

55.

Iqis li l-aspetti esterni u interni tas-sigurtà tal-UE għandhom ikunu trattati bħala dimensjonijiet kumplimentari tal-istess strateġija, kif il-Kunsill Ewropew wera biċ-ċar mil-laqgħat tiegħu f'Tampere (1999), Feira(2010), u Stokkolma (2010), meta adotta l-objettivi tal-oqsma tal-libertà, is-sigurtà u l-ġustizzja Ewropea għall-perjodu 2010-2014; jenfasizza li taħt l-ebda ċirkostanza ma huma negozjabbli l-valuri u n-normi ċentrali bħad-drittijiet tal-bniedem, id-drittijiet u l-libertajiet fundamentali u l-liġi umanitarja fil-kuntest tal-ġlieda kontra t-terroriżmu internazzjonali, u li waħda mill-konklużjonijiet tal-Kumitat Temporanju tal-Parlamenti Ewropej dwar l-allegat użu ta’ pajjiżi Ewropej mis-CIA għat-trasportazzjoni u d-detenzjoni illegali ta’ priġunieri hija li l-politiki u l-miżuri nazzjonali u tal-UE kontra t-terroriżmu jeħtieġu aktar sorveljanza parlamentari;

56.

Iqis li saret dejjem aktar ċara fi żminijiet moderni, u speċjalment mill-11 ta’ Settembru, li bosta theddidiet transnazzjonali bħat-terroriżmu, it-tixrid tal-armi tal-qerda tal-massa, il-kriminalità organizzata, il-kriminalità fuq l-Internet, id-drogi u t-traffikar tal-bnedmin ma jistgħux jiġu indirizzati mingħajr azzjoni koordinata li tinvolvi politiki tas-sigurtà “esterni” u miżuri u għodod leġiżlattivi u politiċi “interni”, kif diġà ġie enfasizzat fl-ewwel Pjan ta’ Azzjoni kontra t-terroriżmu tal-Unjoni Ewropea (2001) u l-Istrateġija Kontra t-Terroriżmu tal-Unjoni Ewropea (2005); ifakkar li r-rapport ta’ implimentazzjoni tal-Kunsill tal-2008 tal-Istrateġija Ewropea ta’ Sigurtà jfakkar li nuqqas minn naħa ta’ Stat jaffettwa s-sigurtà Ewropea, kif juri l-każ tas-Somalja;

57.

Jirrikonoxxi li l-konnessjonijiet bejn il-politiki esterni u interni tas-sigurtà saru aktar u aktar ċari fl-Istati Membri u notevolment fil-pajjiżi terzi bħall-Istati Uniti, fejn id-Dipartiment tas-Sigurtà Interna (DHS), stabbilit fl-2003 bit-twaħħid flimkien ta’ 22 aġenzija federali, issa jimpjega ’l fuq minn 200 000 uffiċjal u għandu baġit annwali ta’ iżjed minn USD 40 biljun; jikkunsidra li mhijiex sorpriża li l-missjonijiet prinċipali tad-DHS huma, sa ċertu punt, l-istess bħal dawk li l-Unjoni Ewropea rabtet mal-ħolqien ta’ żona ta’ libertà, sigurtà u ġustizzja (protezzjoni tal-fruntieri esterni, migrazzjoni, antiterroriżmu);

58.

Jilqa’ l-fatt li dispożizzjonijiet ewlenin tat-Trattat ta’ Lisbona jirriflettu l-adattazzjoni għall-kuntest imsemmi hawn fuq u l-bżonn li jiġu sfruttati s-sinerġiji bejn is-sigurtà esterna u interna, inkluż dan li ġej:

59.

Iqis li l-Istrateġija ta’ Sigurtà Ewropea (2003) u l-Istrateġija ta’ Sigurtà Interna (2010) jidentifikaw b’mod koerenti għadd ta’ oqsma komuni – bħat-terroriżmu, il-kriminalità organizzata u s-sigurtà ċibernetika – li għandhom implikazzjonijiet fiż-żewġ dimensjonijiet tas-sigurtà; jaqbel, għalhekk, li l-mod biex jinġiebu flimkien id-dimensjonijiet interni u esterni għandu jitjieb, idea li ġiet żviluppata mill-Kummissjoni fil-Komunikazzjoni tagħha intitolata: “L-Istrateġija tas-Sigurtà Interna tal-UE fl-Azzjoni: Ħames passi lejn Ewropa aktar sikura”(2010) (COM(2010)0673);

60.

Iqis li l-kumplimentarità tal-objettivi ta’ sigurtà esterna u interna hija riflessa mill-fatt li:

61.

Huwa tal-fehma li l-inizjattivi kollha elenkati hawn fuq jistgħu, għalhekk, jiġu mnedija biss b’bażi legali soda u miżuri leġiżlattivi li jistgħu jiġu adottati taħt il-kompetenza ordinarja interna tal-UE, li għaliha maġġoranza kkwalifikata fil-Kunsill hija r-regola u li tinvolvi wkoll kodeċiżjoni fil-Parlament u, fl-aħħar iżda mhux l-inqas, rieżami ġudizzjarju mill-Qorti tal-Ġustizzja;

62.

Huwa tal-opinjoni li l-loġika mbagħad se timplika li, fejn l-istess theddid jeħtieġ l-attivazzjoni ta’ miżuri ta’ sigurtà esterni u interni, l-UE għandha tagħti prijorità lill-miżuri l-aktar effiċjenti, u legalment sodi, disponibbli, billi dawn tal-aħħar ikunu dawk ġejjin mill-kompetenza interna; jikkunsidra li r-rwol tal-Parlament għandu jkun ukoll deċiżiv fir-rigward tal-istrateġiji u l-miżuri speċifiċi relatati tal-PESK;

63.

Ifakkar lill-Kunsill u lill-Viċi President/Rappreżentant għoli li huma obbligati jżommu lill-Parlament infurmat dwar l-istat tar-relazzjonijiet esterni u b’mod partikolari r-relazzjonijiet ma’ pajjiżi terzi u ma’ organizzazzjonijiet internazzjonali li magħhom qed jiġu negozjati ftehimiet internazzjonali jew ġew konklużi fl-interess tal-UE; ifakkar lill-Kunsill li, fejn ma jirrelatawx esklużivament mal-PESK, il-ftehimiet dwar l-iskambju ta’ informazzjoni kunfidenzjali ma’ pajjiżi terzi u ma’ organizzazzjonijiet internazzjonali għandhom jiġu negozjati u konklużi b’tali mod li jippermetti lill-Parlament ikun infurmat u involut skont l-Artikolu 218(6) tat-TFUE; filwaqt li jżomm f’moħħu dan il-punt, jirriserva d-dritt li jiddetermina jekk il-Ftehim bejn l-Istati Membri tal-Unjoni Ewropea, li jiltaqgħu fi ħdan il-Kunsill, rigward il-protezzjoni ta’ informazzjoni klassifikata skambjata fl-interessi tal-Unjoni Ewropea ma jindaħalx fl-eżerċizzju tal-prerogattivi konferiti lilha mit-Trattat;

64.

Jilqa’ l-fatt li mill-2003 l-UE ħadet f’idejha operazzjonijiet numerużi (24) fi tliet kontenenti bl-involviment ta’ tipi differenti ta’ intervent, fil-parti l-kbira ċivili li jiffukaw fuq il-pulizija, ir-riforma tas-settur tas-sigurtà (SSR) u l-konsolidament tal-istat tad-dritt; jinnota li minn 24 missjoni PSDK s’issa 16 kienu ta’ natura ċivili;

65.

Jinnota li din it-tendenza hija kkonfermata mill-karatteristiċi tat-13-il missjoni attwali u li, ’il-fuq u lil hinn minn din il-klassifikazzjoni, il-missjonijiet qed jintalbu dejjem iżjed li jassumu karattru “multifunzjonali”, bħal fil-każ ta’ EULEX Kosovo, li jgħaqqad bosta funzjonijiet (il-pulizija, id-dwana u l-ġudikatura) b’funzjonijiet ta’ taħriġ, monitoraġġ u assistenza kif ukoll ħidmiet eżekuttivi, jew il-missjoni l-aktar reċenti EUTM Somalia, ibbażata fl-Uganda u maħsuba biex tipprovdi taħriġ militari lill-forzi tas-sigurtà tal-Gvern Federali Tranżitorju, li huwa eżempju ta’ enfasi akbar fuq kompiti relatati mal-SSR fil-ġestjoni tal-kriżi militari;

66.

Jilqa’ r-rieżami tal-kunċetti ċivili PSDK li għadhom għaddejjin; jinnota b’mod partikolari li l-istat tad-dritt se jidher bħala kunċett ċentrali għall-missjonijiet ċivili li jkopru l-pulizija, il-ġustizzja, l-amministrazzjoni ċivili, id-dwana, il-monitoraġġ mal-konfini u oqsma oħra ta’ użu għall-pjanifikaturi u l-esperti fil-post fil-bini u t-twettiq ta’ missjonijiet b’kompiti ta’ tisħiħ u/jew sostituzzjoni (kompiti eżekuttvi); jaqbel mal-ħidma li qed issir biex jiġi żviluppat il-kunċett tal-missjonijiet tal-ġustizzja PSDK, filwaqt li josserva li għandu jiġi evitat rduppjar ta’ ħidma li m’hemmx bżonnha ma’ programmi possibbli tal-Komunità; jappella, f’dan ir-rigward, biex tkun provduta informazzjoni dettaljata urġenti mir-RGħ/VP lill-Parlament Ewropew dwar il-kiri ta’ kumpaniji privati tas-sigurtà u militari (PMSCs) fil-missjonijiet PSDK u l-PESK, li jispeċifikaw ir-rekwiżiti u l-istandards korporattivi professjonali mitluba mill-kuntratturi, ir-regolamenti applikabbli u r-responsabilitajiet u l-obbligi legali, il-mekkaniżmu għall-monitoraġġ, l-evalwazzjoni tal-effikaċja u l-ispejjeż involuti;

67.

Jirrikonoxxi wkoll li t-Trattat ta’ Lisbona pprovda għall-estensjoni tal-missjonijiet tat-tip ta’ Petersberg, li de facto diġà kienu qed isiru fis-snin qabel ma daħal fis-seħħ it-Trattat, u permezz ta’ dan irriżultat innovazzjoni u pprovda qafas politiku u legali msaħħaħ b’konsistenza mar-realtà;

68.

Iħeġġeġ sabiex l-esperjenza miksuba tiġi sfruttata biex jingħata impetu lill-missjonijiet (il-missjoni EUTM Somalia huwa l-uniku intervent ġdid li nbeda fl-aħħar sentejn), peress li l-missjonijiet huma l-punt ta’ referenza tal-mandat tal-PSDK u għalhekk tal-kredibilità tal-UE bħala attur internazzjonali;

69.

Jinnota li jeħtieġ b’mod urġenti li jsir progress konkret u ċar fir-rigward ta’ bosta aspetti tekniċi, legali, operazzjonali u fuq kollox politiċi u strateġiċi; jirrakkomanda bis-saħħa li kull missjoni għandha tkun imdaħħla fi strateġija politika ċara (fuq terminu medju u fit-tul) u jenfasizza li l-missjonijiet ma jittiħdux bħala sostitut għall-politika; iqis tali rabta bħala waħda essenzjali sabiex jiġi żgurat is-suċċess operattiv tal-interventi u, b’mod aktar ġenerali, jinkiser iċ-ċirku vizzjuż li fih, il-PSDK, aktar milli tkun għodda tal-PESK, għandha t-tendenza li tissostitwiha, bl-inkonsistenzi kollha li dan iġib miegħu;

70.

Jinnota bi tħassib li s'issa għad ma hemmx rabta ma’ strateġija politika ċara u fil-biċċa l-kbira tal-każi għadha mhix qed tiġi provduta; nuqqas li jolqot ħażin l-effikaċja u l-effiċjenza tal-missjonijiet, pereżempju:

71.

Jilqa’ d-deċiżjoni tal-Kunsill li jmexxi l-operazzjoni EUFOR Libya b'appoġġ għall-operazzjonijiet ta’ assistenza umanitarja jekk mitlub mill-UN OCHA; jappella lill-Kunsill biex jipprovdi għajnuna umanitarja immedjata f’Misrata u ċentri ta’ popolazzjoni oħra, speċifikament b’mezzi navali; hu mħasseb ħafna dwar iż-żieda tal-għadd ta’ vittmi fil-kunflitt fil-Libja u r-rappurtar tal-użu tal-munizzjoni tat-tip cluster u armi oħra min-naħa tar-reġim ta’ Gaddafi kontra l-popolazzjoni ċivili; jiddispjeċih ħafna li l-mandat tal-EUFOR kien limitat għal aspetti umanitarji meta kien hemm każ ċar biex l-UE tieħu t-tmexxija fis-sorveljanza marittima (infurzar tal-embargo u l-assistenza għal Frontex) u fl-assistenza umanitarja u l-protezzjoni taċ-ċivili fil-Libja; ifakkar, f’dan ir-rigward, fir-Riżoluzzjoni tiegħu tal-10 ta’ Marzu 2011 li talbet lill-VP/RGĦ tesplora l-possibilità ta’ nfurzar tal-embargo billi jintużaw assi tal-ajru u navali tal-PSDK; jiddispeċih dwar id-deċiżjoni ta’ xi Stati Membri li jagħmlu veto fuq mandat usa’ għal EUFOR Libya, filwaqt li fl-istess ħin mexxew tali operazzjonijiet waħedhom; jitlob li jingħata bidu għal ippjanar ta’ operazzjoni potenzjali PSDK fi żmien medju sa żmien twil fil-Libja fl-oqsma tar-riforma tas-settur tas-sigurtà, il-bini ta’ istituzzjonijiet u l-ġestjoni tal-fruntieri;

72.

Jitlob li jkun hemm koordinament mill-qrib fuq il-post, fejn il-Kapijiet tad-Delegazzjonijiet (issa uffiċjali tal-SEAE u mhux aktar tal-Kummissjoni) u l-RSUE se jkollhom rwol kruċjali x’jiżvolġu; jikkunsidra li tali koordinament għandu japplika fuq diversi livelli, b'mod partikulari:

73.

Jirrakkomanda li l-mekkaniżmu ATHENA jiġi rriformat bl-intenzjoni li jiġi rrazzjonalizzat u jiżdied l-proprozjoni tal-ispejjeż komuni (attwalment stmati għal madwar 10 %) sabiex ikun jista' jkun hemm kondiviżjoni tal-piżijiet aktar ġusta fl-operazzjonijiet militari, fejn il-parteċipanti f'missjoni, li diġà jġorru responsabilità kbira f'dak li għandu x'jaqsam mar-riskji u l-ispejjeż, fil-qagħda preżenti qed ikollhom iġorru responsabilità ekonomika saħansitra akbar;

74.

Jilqa' l-eżitu li nkiseb skont il-ftehimiet ta’ Madrid dwar l-istabbiliment tas-SEAE, li ppermetta li jiġu pprovduti tliet intestaturi baġitarji għall-missjonijiet ewlenin tal-PSDK (EULEX Kosovo, EUPOL Afganistan, u EUMM Ġeorġja) bl-intenzjoni li tiżdied it-trasparenza u jitjieb l-iskrutinju parlamentari tan-nefqa; jenfasizza l-ħtieġa biex li tiġi allokata linja waħda tal-baġit għal kull missjoni PSDK; jiddikjara li hu lest jikkoopera mal-President permanenti l-ġdid tal-PSC sabiex jittejbu u tissaħħaħ l-effikaċità tal-laqgħat konsultattivi konġunt dwar il-PESK, b’mod konformi mad-dikjarazzjoni tar-Rappreżentant Għoli/Viċi President dwar ir-responsabilità politika li ntlaħaq qbil dwarha f’Madrid; jiddikjara l-interess tiegħu biex jitgħallem mill-Kungress tal-Istati Uniti tal-Amerka u parlamenti nazzjonali oħra f’dak li għandu x’jaqsam ma’ proċeduri u metodi dwar kif jiġu skrutinizzati l-politiki tas-sigurtà u tad-difiża;

75.

Jitlob li jiġi stabbilit, kif previst fit-Trattat ta’ Lisbona, il-fond ta’ tnedija għall-attivitajiet preparatorji fil-perjodu li jwassal għal operazzjonijiet militari biex jitħaffef il-pagament tal-fondi, u li din il-miżura tkun koperta mill-proposta għar-rieżami tal-mekkaniżmu ATHENA;

76.

Jirrakkomanda li jittieħdu passi biex tiġi rranġata d-diffikultà li jinstabu professjonisti għall-missjonijiet ċivili (bħal fil-każ tal-missjonijiet EULEX Kosovo u EUPOL Afganistan), li ġie ppruvat li huma l-aktar forma frekwenti ta’ intervent, u li jiġu previsti kif meħtieġa skjerar ta’ malajr u sostenibilità;

77.

Jirrakkomanda, fir-rigward tal-integrazzjoni tas-sessi b'mod konformi ma’ UNSCR 1325 u sabiex il-missjonijiet ċivili u militari jsiru aktar effikaċi, li l-persunal femminili għandu jkun involut bil-mod xieraq f'kull livell tal-ġestjoni tal-kriżijiet; jenfasizza l-ħtieġa li jkunu inklużi n-nisa fil-pożizzjonijiet ta’ livell għoli fit-teħid tad-deċiżjonijiet, fil-konsultazzjonijiet regolari mas-soċjetà ċivili inklużi l-organizzazzjonijiet tan-nisa, u biex tissaħħaħ il-kapaċità biex issir ħidma fuq kwistjonijiet relatati mas-sessi fi ħdan il-missjonijiet; jitlob li jiġu stabbiliti proċeduri adegwati dwar ilmenti pubbliċi fil-kuntest tal-missjonijiet PSDK, li b’mod partikolari jgħinu r-rappurtar ta’ vjolenza sesswali u dik ibbażata fuq is-sessi; jistieden lill-VP/RGħ tinkludi rapport dettaljat dwar in-nisa, il-paċi u s-sigurtà fl-evalwazzjoni ta’ kull sitt xhur tal-missjonijiet PSDK; jenfasizza li huwa importanti li l-UE taħtar aktar uffiċjali tal-pulizija u suldati nisa għall-missjonijiet PSDK, fejn il-kontinġent tal-uffiċjali tal-pulizija nisa fi ħdan il-forza għaż-żamma tal-paċi tan-NU fil-Liberja jista’ jittieħed bħala mudell;

78.

Jistieden lir-Rappreżentant Għoli/Viċi President tieħu l-passi meħtieġa biex jiġi ottimizzat l-użu potenzjali tar-riżorsi u l-kapaċitajiet Ewropej għall-missjonijiet ċivili u jinnota bi tħassib li qed jiġġarrbu spejjeż għoljin għas-sigurtà tal-missjonijiet EUJUST LEX Iraq u EUPOL Afganistan, peress li l-miżuri kkonċernati ġew fdati lil kumpaniji tas-sigurtà privati;

79.

Iħaddan il-bżonn għal proċeduri aktar robusti, stabbiliti uffiċjalment fil-livell istituzzjonali, sabiex tkun tista' tiġi vvalutata – fuq bażi regolari u mibnija fuq kriterji komuni - it-tmexxija tal-missjonijiet fuq il-post; jemmen li dan jippermetti li l-esperjenza miksuba tiġi vvalorizzata minn perspettiva politika u strateġika, teknika, legali u operattiva, u fuq perjodu twil jista' jipprovdi punt ta’ tluq biex jittejbu l-interventi attwalment għaddejjin u biex jiġu applikati kriterji għall-kriżijiet emerġenti sabiex ikun hemm l-aħjar bilanċ possibbli bejn l-interessi strateġiċi u r-riżorsi disponibbli;

80.

Jafferma li t-tendenza lejn il-multipolarità fis-sistema internazzjonali u l-istabbiliment ta’ sħubiji strateġiċi trid titħaddan f’impenn attiv lejn il-promozzjoni tal-multilateraliżmu, peress li din hi d-dimensjoni l-aktar konsistenti mar-rispett għall-istat tad-dritt b’mod universali, man-natura speċifika tal-UE u mal-interdipendenza dejjem tikber li tikkaratterizza l-globalizzazzjoni;

81.

Itenni li l-UE tirrispetta bis-sħiħ id-dispożizzjonijiet u l-prinċipji tal-Karta tan-Nazzjonijiet Uniti u tirrikonoxxi li r-responsabilità primarja għaż-żamma tal-paċi u s-sigurtà internazzjonali fid-dinja hija tal-Kunsill tas-Sigurtà tan-NU;

82.

Jinnota li t-Trattat ta’ Lisbona jimponi obbligu fuq l-UE li tippromwovi soluzzjonijiet multilaterali, b'mod partikulari fin-NU, u li l-azzjoni internazzjonali tal-UE trid tkun imsejsa fuq il-prinċipji tal-Karta tan-NU; il-liġi internazzjonali u l-prinċipji u l-valuri tal-UE;

83.

Jirrikonoxxi li, minn perspettiva legali, it-Trattat ta’ Lisbona għeleb id-dikotomija preċedenti bejn il-politiki tal-Unjoni u tal-Komunità billi kkonferixxa personalità ġuridika unika u billi saħħaħ l-awtonomija tal-ordni ġuridika tal-UE vis-à-vis l-liġi internazzjonali, anke meta tkun kkonċernata s-sigurtà internazzjonali, kif diġà ddikjarat mill-ġurisprudenza tal-Qorti tal-Ġustizzja fil-kawża Kadi (skont liema "l-liġi internazzjonali tista’ tidħol f’dik is-sistema legali biss skont il-kundizzjonijiet stabbiliti mill-prinċipji kostituzzjonali tal-Komunità");

84.

Jistieden lil dawk l-Istati Membri li jpoġġu fuq il-Kunsill ta’ Sigurtà tan-NU jiddefendu l-pożizzjonijiet u l-interessi komuni tal-UE u jaħdmu favur riforma tan-NU fejn l-UE nnifisha jkun jista' jkollha s-siġġu permanenti tagħha;

85.

Jisħaq fuq il-ħtieġa li tissaħħaħ il-kooperazzjoni bejn l-UE u n-NU fil-qasam tal-ġestjoni tal-kriżijiet, speċifikament waqt l-istadji bikrin ta’ kriżi u r-rikostruzzjoni ta’ wara l-konflitti, b’rabta mill-qrib mal-istrutturi xierqa tal-SEAE li għadu kif ġie stabbilit;

86.

Jistieden lil-Istati Membri biex jieħdu l-passi meħtieġa sabiex tiġi razzjonalizzata l-parteċipazzjoni effettiva tal-UE fil-laqgħat tal-Assemblea Ġenerali tan-NU;

87.

Jikkonferma li n-NATO hija l-pedament tad-difiża kollettiva għal dawk l-Istati Membri li huma membri tagħha u li tilħaq lil hinn mill-Istati Membri tagħha; ifakkar fil-ħtieġa għall-kooperazzjoni kostruttiva bejn l-UE u n-NATO, b’mod partikolari fejn iż-żewġ organizzazzjonijiet huma attivi fl-istess xenarji tal-operazzjonijiet; jistenna b’ħerqa l-proposti tar-Rappreżentant Għoli kif inkarigata mill-konklużjonijiet tal-Kunsill Ewropew ta’ Settembru 2010 li jirreferu għall-kooperazzjoni bejn l-UE u n-Nato fil-ġestjoni tal-kriżijiet;

88.

Jilqa’ l-ftehim dwar il-kunċett strateġiku l-ġdid tan-NATO dwar it-tisħiħ ulterjuri tas-sħubija strateġika UE-NATO; itenni li l-biċċa l-kbira tat-theddid identifikat fil-kunċett tal-istrateġija ġdida huma wkoll kondiviżi mill-UE u jenfasizza l-importanza li tissaħħaħ il-kooperazzjoni UE-NATO fil-ġestjoni tal-kriżijiet fl-ispirtu ta’ tisħiħ reċiproku u b’rispett għall-awtonomija deċiżjonali tagħhom; jiġbed l-attenzjoni għall-ħtieġa li tiġi evitata duplikazzjoni bla bżonn tal-isforzi u r-riżorsi fil-ġestjoni tal-kriżi, u jistieden lill-UE u lin-NATO jintensifikaw il-kooperazzjoni ta’ bejniethom permezz tal-mezzi rispettivi tagħhom; iħeġġeġ lin-NATO biex tillimita b’mod strett l-iżvilupp ta’ kapaċità ċivili sabiex tiġi evitata d-duplikazzjoni;

89.

Jenfasizza l-importanza fundamentali tal-kontinent Afrikan għas-sigurtà tal-UE u għaż-żamma tal-paċi u l-prevenzjoni tal-konflitti; jappoġġa kooperazzjoni mill-qrib bejn l-UE u l-Unjoni Afrikana fis-Sħubija għall-Paċi u s-Sigurtà b’mod konġunt mal-Istrateġija Konġunta Afrika-UE; jiffavorixxi involviment u responsabilità akbar tal-Unjoni Afrikana, speċjalment f’dak li jirrigwarda l-ġestjoni tal-kriżijiet, u jtenni l-ħtieġa għall-Kummissjoni u l-Istati Membri li jagħmlu l-biċċa tagħhom billi jieħdu miżuri prattiċi biex jiġġieldu t-traffikar ta’ armi ħfief u żgħar u l-firxa tagħhom; jappoġġa l-wegħda fid-Dikjarazzjoni ta’ Tripoli biex l-arkitettura Afrikana għall-paċi u s-sigurtà ssir kompletament operattiva;

90.

Jirrakkomanda, b'mod partikulari, li għandhom jiġu żviluppati l-kapaċitajiet ta’ prevenzjoni Afrikani ta’ twissija bikrija u ta’ kunflitt, li "l-grupp tal-għorrief" jitqiegħed f'pożizzjoni aktar effikaċi għall-medjazzjoni, u li l-istudji jiffokaw fuq il-modi kif jingħata effett għar-rakkomandazzjoni fir-Rapport Prodi dwar il-finanzjament tal-operazzjonijiet Afrikani għaż-żamma tal-paċi; iħeġġeġ biex ir-relazzjonijiet ikollhom bażi kollaborattiva u li l-kapaċitajiet tal-organizzazzjonijiet subreġjonali Afrikani jissaħħu;

91.

Ifakkar li, apparti s-sħubiji ma’ organizzazzjonijiet internazzjonali oħra bħan-NU, in-NATO u l-Unjoni Afrikana, għandha tissaħħaħ il-kooperazzjoni ma’ pajjiżi terzi individwali fil-kuntest tal-PSDK; jinnota li l-esperjenza turi li l-pajjiżi terzi jistgħu jġibu magħhom assi, riżorsi umani u kompetenza importanit għall-missjonijiet tal-PESK, bħal fil-kuntest tal-missjoni EUFOR Ċad/CAR, li għaliha r-Russja pprovdiet il-ħelikopters meħtieġa ħafna, u l-missjoni EUFOR Althea, li għaliha pajjiżi bħat-Turkija u l-Marokk ikkontribwixxew kontinġenti sostanzjali ta’ truppi; jemmen, barra minn hekk, li l-involviment ta’ pajjiżi terzi jista’ jsaħħaħ il-leġittimità tal-operazzjonijiet tal-PSDK u jgħin biex jitwaqqaf djalogu aktar estensiv dwar is-sigurtà mas-sħab importanti filwaqt li jibqgħu impenjati biex jippromwovu r-rispett għad-drittijiet tal-bniedem u l-istat tad-dritt;

92.

Jikkunsidra li t-tali djalogu għandu jindirizza l-valutazzjoni ta’ theddid rispettiva, jinvolvi (fejn rilevanti) il-parteċipazzjoni ta’ pajjiżi terzi fl-eżerċizzji u l-attivitajiet ta’ taħriġ tal-UE u jwassal għal involviment reċiproku aktar mill-qrib komplessivament; jemmen li l-ostakli proċedurali għandhom jiġu affrontati sabiex tiġi ffaċilitata l-kooperazzjoni mal-pajjiżi terzi u jiġi evitat id-dewmien li jista' jinvolvi negozjar dwar kull kontribut speċifiku; hu tal-fehma li l-ftehimiet qafas u l-proċeduri standard jistgħu jiġu stabbiliti, għal dan il-għan, ma’ xi pajjiżi terzi biex jiġi ffaċilitat il-kontribut tagħhom;

93.

Jenfasizza l-importanza ta’ kooperazzjoni dwar il-PSDK mal-ġirien tal-UE, li għandha tkun reġjonalment ibbilanċjata u tipprovdi firxa wiesgħa ta’ opportunitajiet li jikkatalizzaw ir-riformi fis-settur tas-sigurtà fl-Istati msieħba u mhux biss jgħinu biex jiġu ġġenerati kapaċitajiet ċivili u militari biex is-sħab tal-Lvant u tan-Nofsinhar tal-UE jkunu jistgħu jipparteċipaw fil-missjonijiet tal-PSDK iżda wkoll jagħtuha appoġġ aktar b’saħħtu fil-ġestjoni tas-sigurtà reġjonali;

94.

Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill Ewropew, lill-Viċi President/Rappreżentant Għoli, lill-Kunsill, lill-Kummissjoni, lill-Parlamenti tal-Istati Membri, lill-Assemblea Parlamentari tan-NATO, kif ukoll lis-Segretarji Ġenerali tan-Nazzjonijiet Uniti u tan-NATO.

7.12.2012   

MT

Il-Ġurnal Uffiċjali tal-Unjoni Ewropea

CE 377/66

—

wara li kkunsidra l-Opinjoni tal-Kumitat Ekonomiku u Soċjali Ewropew dwar it-tema ‧Għal governanza ġdida tal-Organizzazzjonijiet Internazzjonali‧ (1),

—

wara li kkunsidra l-prinċipju ta’ kooperazzjoni sinċiera bejn l-Unjoni u l-Istati Membri, espress fl-Artikolu 4(3) tat-Trattat tal-Unjoni Ewropea,

—

wara li kkunsidra l-Artikolu 21(1) u (2)(h) tat-Trattat tal-Unjoni Ewropea, li jitolbu li l-Unjoni tippromwovi soluzzjonijiet għal problemi komuni, partikolarment fil-qafas tan-Nazzjonijiet Uniti, u sabiex tikseb grad għoli ta' kooperazzjoni biex tiġi promossa sistema internazzjonali bbażata fuq kooperazzjoni multilaterali iktar b’saħħitha u governanza globali tajba,

—

wara li kkunsidra r-riżoluzzjoni tal-AĠNU dwar il-parteċipazzjoni tal-Unjoni Ewropea fix-xogħol tan-Nazzjonijiet Uniti2 li ġiet adottata fit-3 ta' Mejju 2011 (2),

—

wara li kkunsidra l-prijoritajiet tal-UE għall-65 Assemblea Ġenerali tan-Nazzjonijiet Uniti adottati mill-Kunsill fil-25 ta’ Mejju 2010 (3),

—

wara li kkunsidra l-arranġamenti interni stabbiliti mill-Kunsill Ewropew ta’ Settembru 2010 biex tittejjeb il-politika esterna tal-Unjoni Ewropea permezz ta’ approċċ iktar integrat (4),

—

wara li kkunsidra l-Istrateġija Ewropea ta' Sigurtà (ESS) intitolata ‘Ewropa Sigura f’Dinja Aħjar’, adottata mill-Kunsill Ewropew fit-12 ta' Diċembru 2003, u r-rapport dwar l-implimentazzjoni tagħha bit-titolu ‘Nipprovdu s-Sigurtà f'Dinja li qed Tinbidel’, tal-Kunsill tat-12 ta' Diċembru 2008,

—

wara li kkunsidra l-Komunikazzjoni mill-Kummissjoni lill-Kunsill u lill-Parlament Ewropew bit-titolu ‘L-Unjoni Ewropea u n-Nazzjonijiet Uniti: L-Għażla tal-Multilateraliżmu’ (COM(2003)0526),

—

wara li kkunsidra r-riżoluzzjoni tiegħu tal-11 ta' Novembru 2010 dwar it-tisħiħ tal-OSKE – rwol għall-UE (5),

—

wara li kkunsidra r-riżoluzzjoni tiegħu tal-20 ta' Ottubru 2010 b'rakkomandazzjonijiet lill-Kummissjoni dwar it-titjib tal-governanza ekonomika u tal-qafas ta' stabilità tal-Unjoni, b'mod partikolari fiż-żona tal-euro (6),

—

wara li kkunsidra r-riżoluzzjoni tiegħu tad-19 ta' Mejju 2010 dwar l-aspetti istituzzjonali tal-adeżjoni tal-Unjoni Ewropea għall-Konvenzjoni Ewropea għall-Protezzjoni tad-Drittijiet tal-Bniedem u tal-Libertajiet Fundamentali (7),

—

wara li kkunsidra r-rakkomandazzjoni tiegħu tal-25 ta' Marzu 2010 destinata lill-Kunsill dwar il-65 Assemblea Ġenerali tan-Nazzjonijiet Uniti (8),

—

wara li kkunsidra r-Riżoluzzjoni tiegħu tad-19 ta' Frar 2009 dwar ir-rwol tan-NATO fl-istruttura ta' sigurtà tal-UE (9),

—

wara li kkunsidra r-riżoluzzjoni tiegħu tal-14 ta' Marzu 2006 dwar ir-reviżjoni strateġika tal-Fond Monetarju Internazzjonali (10),

—

wara li kkunsidra l-Artikolu 48 tar-Regoli ta’ Proċedura tiegħu,

—

wara li kkunsidra r-rapport tal-Kumitat għall-Affarijiet Barranin u l-opinjoni tal-Kumitat għall-Kummerċ Internazzjonali (A7-0181/2011),

A.

billi l-proċessi ta' globalizzazzjoni jinvolvu medda wiesgħa ta’ opportunitajiet, sfidi u theddidiet għall-governanza globali filwaqt li jiżvelaw nuqqasijiet soċjali u fallimenti, inkluż fis-swieq finanzjarji, fis-sigurtà tal-enerġija, fil-ġlieda kontra l-faqar, fil-politika dwar it-tibdil fil-klima u fil-ksur tad-drittijiet umani; billi sfidi u theddidiet globali jeħtieġu kooperazzjoni dinjija u azzjoni kollettiva sabiex jiġu trattati kif ukoll istituzzjonijiet effettivi u regoli leġittimi; filwaqt li, sabiex l-organizzazzjonijiet internazzjonali ikunu leġittmi u effettivi, jeħtiġilhom jirriflettu l-interessi tal-istati kollha fid-dinja multipolari,

B.

billi l-impenn tal-UE għal multilateraliżmu effettiv, kif imniżżel fl-Istrateġija ta' Sigurtà Ewropea tal-2003, huwa l-prinċipju ta' gwida tal-azzjoni esterna Ewropea; billi l-UE – bl-esperjenza interna tagħha ta' kooperazzjoni fost nazzjonijiet u istituzzjonijiet, ordni bbażata fuq ir-regoli u multilateraliżmu fuq skala multipla - għandha responsabbiltà globali speċjali li għandha tkompli tħares; billi l-UE hija mgħammra b'set ta' valuri – eż. ir-rispett għad-drittijiet tal-bniedem, il-libertà, id-demokrazija, l-ugwaljanza, il-fraternità u l-istat tad-dritt – u għodod tal-politika, inkluża personalità legali unika, meħtieġa biex issaħħaħ l-istrutturi multilaterali,

C.

billi l-valur miżjud tas-sħubija tal-UE f’organizzazzjonijiet multilaterali jinsab fl-oqsma fejn għandha kompetenzi esklużivi jew maqsuma: kwistjonijiet ekonomiċi u kummerċjali, il-politika ambjentali, l-għajnuna tal-iżvilupp, u l-politika ta’ sigurtà u difiża: billi l-UE jista’ jkollha wkoll valur miżjud f’dawk l-organizzazzjonijiet multilaterali jew samits li fihom mhux il-membri kollha tagħha huma rappreżentati,

D.

billi t-Trattat ta' Lisbona, billi jintroduċi l-peronalità legali tal-Unjoni, itejjeb il-kapaċita tal-UE li tissieħeb f’diversi organizzazzjonijiet internazzjonali, jafdalha firxa usa’ ta’ kompetenzi fl-azzjoni esterna tagħha, jipprovdi lill-Unjoni l-opportunità li jkollha vuċi iktar ċara u b'saħħitha fid-dinja, l-aktar permezz tal-ħolqien tal-kariga ta’ Viċi President tal-Kummissjoni/Rappreżentant Għoli tal-Unjoni għall-Affarijiet Barranin u l-Politika ta' Sigurtà (VP/RGħ) u s-Servizz Ewropew għall-Azzjoni Esterna (SEAE), kif ukoll jinkoraġġixxi kull tip ta' kooperazzjoni ta' benefiċċju reċiproku ma' organizzazzjonijiet internazzjonali u reġjonali relevanti, u filwaqt li jippermetti li l-Unjoni torganizza lilha nnifisha b'tali mod li ssir protagonista globali effettiv,