1.11.2012   

MT

Il-Ġurnal Uffiċjali tal-Unjoni Ewropea

C 335/1

1.11.2012   

MT

Il-Ġurnal Uffiċjali tal-Unjoni Ewropea

C 335/2

1.

Il-Kumitat Konsultattiv jaqbel mal-Kummissjoni li l-komportament antikompetittiv kopert mill-abbozz tad-deċiżjoni jikkostitwixxi ftehim u/jew prattika miftiehma bejn l-impriżi skont it-tifsira tal-Artikolu 101 tat-TFUE.

2.

Il-Kumitat Konsultattiv jaqbel mal-valutazzjoni tal-Kummissjoni fir-rigward tal-kamp ta’ applikazzjoni tal-prodotti u dak ġeografiku tal-ftehim u/jew il-prattiki miftiehma miġbura fl-abbozz ta’ deċiżjoni.

3.

Il-Kumitat Konsultattiv jaqbel mal-Kummissjoni li l-impriżi konċernati bl-abbozz ta’ deċiżjoni pparteċipaw fi ksur waħdieni u kontinwu tal-Artikolu 101 tat-TFUE.

4.

Il-Kumitat Konsultattiv jaqbel mal-Kummissjoni li l-għan tal-ftehim u/jew prattika miftiehma kien li jirrestrinġu l-kompetizzjoni fl-ambitu tat-tifsira tal-Artikolu 101 tat-TFUE.

5.

Il-Kumitat Konsultattiv jaqbel mal-Kummissjoni li l-ftehimiet u/jew il-prattiki miftiehma kienu kapaċi jeffetwaw b'mod favorevoli l-kummerċ bejn l-Istati Membri tal-UE.

6.

Il-Kumitat Konsultattiv jaqbel mal-valutazzjoni tal-Kummissjoni fir-rigward tat-tul tal-ksur.

7.

Il-Kumitat Konsultattiv jaqbel mal-abbozz ta’ deċiżjoni tal-Kummissjoni fir-rigward tad-destinatarji.

8.

Il-Kumitat Konsultattiv jaqbel mal-Kummissjoni li għandha tiġi imposta multa fuq id-destinatarji tal-abbozz tad-deċiżjoni.

9.

Il-Kumitat Konsultattiv jaqbel mal-Kummissjoni dwar l-applikazzjoni tal-Linji Gwida tal-2006 dwar il-metodu biex jiġu stabbiliti l-multi imposti skont l-Artikolu 23(2)(a) tar-Regolament (KE) Nru 1/2003.

10.

Il-Kumitat Konsultattiv jaqbel mal-Kummissjoni dwar l-ammonti bażiċi tal-multi.

11.

Il-Kumitat Konsultattiv jaqbel mat-tul tal-perjodu stabbilit biex jiġu kkalkulati l-multi.

12.

Il-Kumitat Konsultattiv jaqbel mal-Kummissjoni li ma hemmx ċirkustanzi aggravanti u l-ebda ċirkustanzi mitiganti applikabbli f’dan il-każ.

13.

Il-Kumitat Konsultattiv jaqbel mal-Kummissjoni fir-rigward tat-tnaqqis tal-multi abbażi tal-Avviż ta’ Klemenza tal-2006.

14.

Il-Kumitat Konsultattiv jaqbel mal-Kummissjoni fir-rigward tat-tnaqqis tal-multi abbażi tan-Notifika ta' Riżolviment tal-2008.

15.

Il-Kumitat Konsultattiv jaqbel mal-Kummissjoni fuq l-ammonti finali tal-multi.

16.

Il-Kumitat Konsultattiv jirrakkomanda l-pubblikazzjoni tal-Opinjoni tiegħu f’Il-Ġurnal Uffiċjali tal-Unjoni Ewropea.

1.11.2012   

MT

Il-Ġurnal Uffiċjali tal-Unjoni Ewropea

C 335/3

1.11.2012   

MT

Il-Ġurnal Uffiċjali tal-Unjoni Ewropea

C 335/4

(1)

Id-Deċiżjoni tikkonċerna ksur uniku u kontinwu tal-Artikolu 101 tat-Trattat relatat mal-produzzjoni u l-bejgħ ta' prodotti għall-ġestjoni tal-ilma (WMP). Il-WMP jinkludu sistemi ta' pressjonizzar u prodotti għall-assigurazzjoni tal-kwalità. Is-sistemi tal-pressjonizzar ikopru sistemi ta' manutenzjoni tal-pressjoni, reċipjenti tal-espansjoni u sistemi tal-water make-up. Il-prodotti għall-assigurazzjoni tal-kwalità jkopru sistemi tat-tneħħija tal-gass, ventijiet tal-arja, separaturi u valvoli tas-sikurezza. Id-Deċiżjoni hija indirizzata lill-impriżi li ġejjin: (i) Flamco (3); (ii) Reflex (4) u (iii) Pneumatex (5).

(2)

Wara l-applikazzjoni għall-immunità ta' Pneumatex, il-Kummissjoni wettqet spezzjonijiet għall-għarrieda f'Diċembru 2008 u April 2009 fil-bini ta’ Flamco, Reflex u Pneumatex u wara bagħtet numru ta' talbiet għall-informazzjoni.

(3)

Il-Kummissjoni tat bidu għall-proċedimenti f'dan il-każ fis-27 ta' Jannar 2011. Bejn it-16 ta' Frar 2011 u l-20 ta' Marzu 2012 saru diskussjonijiet biex tinstab soluzzjoni għas-sitwazzjoni. Sussegwentement, il-membri tal-kartell ressqu t-talba formali ta’ riżolviment tagħhom lill-Kummissjoni skont l-Artikolu 10a (2) tar-Regolament (KE) Nru 773/2004. Fil-25 ta' April 2012, il-Kummissjoni adottat Dikjarazzjoni ta’ Oġġezzjonijiet u l-partijiet kollha kkonfermaw li l-kontenut tagħha kien jirrifletti s-sottomissjonijiet tagħhom u baqgħu impenjati li jsegwu l-proċedura ta’ riżolviment. Il-Kumitat Konsultattiv dwar Prattiki Restrittivi u Pożizzjonijiet Dominanti ħareġ opinjoni favorevoli fil-25 ta' Ġunju 2012 u l-Kummissjoni adottat id-Deċiżjoni fis-27 ta' Ġunju 2012.

(4)

L-impriżi li ġejjin kisru l-Artikolu 101 tat-Trattat billi pparteċipaw, matul il-perjodi indikati hawn taħt, f'attivitajiet antikompetittivi fejn jidħlu l-produzzjoni u l-bejgħ ta’ WMP:

(5)

Flamco, Pneumatex u Reflex ipparteċipaw f’kartell, li l-għan kumplessiv tiegħu kien li jikkoordinaw il-prezzijiet fis-settur tad-WMP fil-Ġermanja. Fil-ħarifa tal-2006, Reflex u Pneumatex kellhom ukoll l-għan li jikkoordinaw il-prezzijiet f'xi Stati Membri oħra. Flamco kienet involuta fil-kuntatti biss f'dak li jirrigwarda s-suq Ġermaniż għad-WMP.

(6)

L-impriżi għarrfu lil xulxin permezz ta' kuntatti bilaterali bl-ammont u d-data ta' żidiet fil-prezzijiet ippjanati u skambjaw l-informazzjoni dwar il-prezzijiet kurrenti, inklużi listi tal-prezzijiet grossi, u informazzjoni oħra kummerċjalment sensittiva bl-għan aħħari li jikkoordinaw il-prezzijiet tad-WMP. L-impriżi kkomunikaw u/jew irċevew l-informazzjoni mingħand xulxin rigward l-intenzjonijiet tal-ipprezzar tagħhom u huma meqjusa li qiesu dan meta ddeterminaw il-kondotta tagħhom fis-suq.

(7)

L-ambitu ġeografiku tal-ksur, fir-rigward tat-tliet parteċipanti, kien jikkonċerna l-Ġermanja waqt il-perjodu kollu tal-ksur. Barra minn hekk, fil-ħarifa tal-2006, Reflex u Pneumatex skambjaw informazzjoni dwar żidiet fil-prezzijiet li kienet tammonta għal koordinazzjoni tal-prezzijiet li kienet tikkonċerna xi Stati Membri oħra, jiġifieri Franza, il-Belġju, Spanja, il-Portugall, il-Lussemburgu, l-Italja, il-Finlandja, l-Isvezja, l-Ungerija, ir-Renju Unit, il-Greċja, il-Pajjiżi l-Baxxi u d-Danimarka.

(8)

B'kollox, il-kartell dam mill-21 ta’ Ġunju 2006 sal-15 ta' Mejju 2008 (it-13 ta' Mejju 2008 għal Reflex). Il-kuntatti tal-kartell varjaw fl-intensità matul it-tul ta' żmien globali tal-kartell. Il-kuntatti kienu inqas intensi matul il-perjodu minn nofs Diċembru 2006 sa nofs April 2008. Huwa għalhekk meqjus li dan il-perjodu kien jikkostitwixxi perjodu ta’ attività limitata tal-kartell.

(9)

Id-Deċiżjoni tapplika l-Linji Gwida tal-2006 dwar il-Multi (6). Bl-eċċezzjoni ta’ Pneumatex, id-Deċiżjoni timponi multi fuq il-kumpaniji relevanti kollha tal-impriżi elenkati taħt il-punt (4) hawn fuq.

(10)

L-ammont bażiku tal-multa huwa stabbilit għal 15 % tal-bejgħ tal-impriżi tad-WMP fiż-żona ġeografika elenkata taħt il-punt (6) hawn fuq.

(11)

L-ammont bażiku huwa mmultiplikat bin-numru ta' snin li fih l-impriżi ħadu sehem fil-ksur sabiex jitqies b'mod sħiħ il-perjodu kemm kull waħda mill-impriżi, b'mod individwali, damu jieħdu sehem fil-ksur.

(12)

Kif speċifikat hawn fuq, il-kartell għadda minn perjodu ta’ attività limitata li ma għandux jittieħed inkonsiderazzjoni għall-iskopijiet tal-kalkolu tal-multi. It-tul taż-żmien li għandu jitqies jammonta għal perjodu ta’ 6 xhur għal Flamco, Reflex u Pneumatex.

(13)

Ma hemm l-ebda ċirkustanza aggravanti jew mitiganti f'dan il-każ.

(14)

F’dan il-każ, ma hemmx bżonn li tiżdied il-multa sabiex jinkiseb effett ta' deterrent kbir biżżejjed.

(15)

F'dan il-każ partikulari, l-ammonti bażiċi aġġustati ma jaqbżux l-10 % tal-fatturat totali li kull waħda mill-impriżi kisbet fl-2011.

(16)

Pneumatex ingħatat immunità mill-multi.

(17)

B’riżultat tal-applikazzjoni tan-Notifika ta’ Riżolviment, l-ammont tal-multa li għandha tiġi imposta fuq Flamco u Reflex tnaqqas b’10 %.

(18)

Għall-ksur uniku u kontinwu ttrattat f'din id-Deċiżjoni, ġew imposti l-multi li ġejjin:

1.11.2012   

MT

Il-Ġurnal Uffiċjali tal-Unjoni Ewropea

C 335/6

1.

Fit-28 ta' Marzu 2012, il-Kummissjoni adottat Proposta għal deċiżjoni tal-Kunsill dwar il-konklużjoni tal-Ftehim bejn l-Unjoni Ewropea u l-Kanada dwar il-kooperazzjoni doganali rigward kwistjonijiet relatati mas-sigurtà tal-katina tal-provvista (1) (li minn hawn ’il quddiem ser tissejjaħ: “l-abbozz tal-ftehim”). Il-Proposta ntbagħtet lill-KEPD fl-istess jum.

2.

Ir-relazzjonijiet bejn l-UE u l-Kanada fil-qasam tad-dwana huma bbażati fuq il-Ftehim dwar Koperazzjoni u Assistenza Reċiproka Doganali fuq Affarijiet Doganali (CMAA) tal-1998 (2). L-Artikolu 23 tas-CMAA jippermetti li l-partijiet kontraenti jespandu dan il-ftehim biex tiżdied il-kooperazzjoni doganali.

3.

Il-Proposta għandha l-għan li tespandi s-CMAA permezz ta’ ftehim ġdid u kumplimentarju (li minn hawn ’il quddiem ser jissejjaħ “l-abbozz tal-ftehim”) u li tistabbilixxi bażi legali għall-kooperazzjoni doganali bejn l-UE u l-Kanada dwar kwistjonijiet relatati mas-sigurtà tal-katina tal-provvista u ġestjoni tar-riskju relatata, b’mod simili għall-kooperazzjoni attwali mal-Istati Uniti, li fiha l-KEPD adotta opinjoni fid-9 ta' Frar 2012 (3).

4.

Skont il-proposta, l-abbozz tal-ftehim għandu wkoll l-għan li jipprovdi bażi legali għall-iskambju ta’ informazzjoni. Filwaqt li l-iskambju ta’ dejta personali mhuwiex l-iskop tal-Proposta, ser isiru skambji notevoli ta’ dejta personali, speċjalment dik relatata mal-operaturi. Din l-Opinjoni ser tanalizza kif l-iskambju ta’ din id-dejta personali huwa rregolat fl-abbozz tal-ftehim. L-Opinjoni ser tanalizza wkoll id-dispożizzjonijiet relevanti tal-ftehim tas-CMAA sa fejn dawn ikollhom effett fuq l-ipproċessar tad-dejta personali skont l-abbozz tal-ftehim. Minbarra l-fatt li l-abbozz tal-ftehim jipprovdi l-bażi legali għal kooperazzjoni ulterjuri, l-Opinjoni tagħti wkoll rakkomandazzjonijiet dwar deċiżjonijiet jew ftehimiet ġejjiena li jeħtieġu l-iskambju ta’ dejta personali li jistgħu jiġu adottati fuq il-bażi tal-abbozz tal-ftehim.

27.

Il-KEPD jilqa’ b’sodisfazzjon ir-referenza għall-applikabilità tar-rekwiżiti tal-kunfidenzjalità u tal-privatezza tal-partijiet kontraenti u r-referenza għall-Artikolu 16 tas-CMAA. Madankollu fejn dan ikun possibbli jirrakkomanda li jiżdied il-kliem li ġej fl-abbozz tal-ftehim jew inkella f’deċiżjonijiet jew ftehimiet ġejjiena adottati fuq il-bażi tal-abbozz tal-ftehim:

1.11.2012   

MT

Il-Ġurnal Uffiċjali tal-Unjoni Ewropea

C 335/8

1.

Fit-12 ta’ Diċembru 2011, il-Kummissjoni adottat Proposta għal Direttiva li temenda d-Direttiva 2003/98/KE dwar l-użu mill-ġdid ta’ informazzjoni tas-settur pubbliku (PSI) (il-“Proposta”) (1). Il-Proposta hija parti mill-“Pakkett ta’ Dejta Miftuħa”, li tinkludi wkoll żewġ dokumenti oħrajn adottati fl-istess jum: (i) Komunikazzjoni tal-Kummissjoni bl-isem ta' “Dejta miftuħa – Mezz għall-innovazzjoni, it-tkabbir u l-governanza trasparenti” (il-“Komunikazzjoni”) (2) u (ii) Deċiżjoni tal-Kummissjoni dwar l-użu mill-ġdid ta’ dokumenti tal-Kummissjoni (id-“Deċiżjoni”) (3).

2.

Il-KEPD ma ġiex ikkonsultat kif meħtieġ mill-Artikolu 28(2) tar-Regolament (KE) Nru 45/2001. Din hija ħasra fir-rigward tal-ammont kbir ta’ dejta personali li potenzjalment hija kkonċernata minn din l-inizjattiva. Għaldaqstant, din l-Opinjoni hija bbażata fuq l-Artikolu 41(2) tal-istess Regolament. Il-KEPD jirrakkomanda li tiġi inkluża referenza għal din l-Opinjoni fil-preambolu tal-istrument adottat.

3.

L-għan tal-Proposta huwa li taġġorna u li temenda t-test eżistenti tad-Direttiva 2003/98/KE dwar l-użu mill-ġdid ta’ informazzjoni tas-settur pubbliku (id-“Direttiva dwar il-PSI”).

4.

Id-Direttiva dwar il-PSI għandha l-għan li tħaffef l-użu mill-ġdid ta’ informazzjoni tas-settur pubbliku fi ħdan l-Unjoni Ewropea billi tarmonizza l-kundizzjonijiet bażiċi għall-użu mill-ġdid u t-tneħħija tax-xkiel għall-użu mill-ġdid fis-suq intern. Id-Direttiva dwar il-PSI fiha dispożizzjonijiet dwar in-nondiskriminazzjoni, il-ħlas, arranġamenti esklussivi, trasparenza, għodod ta’ ħruġ ta’ liċenzji u prattiċi biex iħaffu l-iskoperta u l-użu mill-ġdid ta’ dokumenti pubbliċi (4).

5.

Wieħed mill-għanijiet politiċi ewlenin il-ġodda tal-Proposta, kif inhu spjegat fit-Taqsima 5.1 tal-Komunikazzjoni, huwa l-għan ta’ introduzzjoni tal-“prinċipju li l-informazzjoni pubblika kollha li mhijiex espliċitament koperta b'waħda mill-eċċezzjonijiet tista’ tintuża mill-ġdid għal finijiet kummerċjali u mhux kummerċjali”. (5) B’mod partikolari, l-emenda proposta għall-Artikolu 3(1) tad-Direttiva dwar il-PSI teħtieġ b’mod speċifiku li l-Istati Membri jiżguraw li d-“dokumenti eżistenti” miżmuma mill-korpi tas-settur pubbliku tal-Istati Membri “ikunu jistgħu jintużaw mill-ġdid għal finijiet kummerċjali u mhux kummerċjali”.

6.

Dispożizzjonijiet ġodda relevanti oħrajn tal-Proposta jinkludu, soġġetti għal xi eċċezzjonijiet, il-limitazzjoni fuq l-ammonti li jistgħu jintalbu mis-settur pubbliku għall-informazzjoni użata mill-ġdid għall-“ispejjeż marġinali mġarrba bir-riproduzzjoni u t-tixrid” (Artikolu 6(1) rivedut). Barra minn hekk, il-Proposta tespandi wkoll il-kamp ta’ applikazzjoni tad-Direttiva dwar il-PSI biex tinkludi libreriji, arkivji, mużewijiet u libreriji tal-universitajiet.

7.

L-għan tad-Deċiżjoni huwa li tistabbilixxi r-regoli applikabbli għall-Kummissjoni għall-użu mill-ġdid tad-dokumenti tagħha stess.

8.

Fit-Taqsimiet 2 u 3, din l-Opinjoni tixħet dawl fuq il-Proposta nnifisha filwaqt li t-Taqsima 4 tikkummenta fil-qosor dwar id-Deċiżoni. It-Taqsima 2 tipprovdi ħarsa ġenerali lejn tħassib dwar il-protezzjoni tad-dejta relatat mad-dejta miftuħa, bl-isfidi u l-kunsiderazzjonijiet li jservu ta’ punti importanti ta’ referenza u jiddeterminaw, fil-parti l-kbira tagħhom, l-approċċ li l-KEPD jieħu fir-rakkomandazzjonijiet iktar speċifiċi tiegħu fit-Taqsima 3.

72.

L-użu mill-ġdid ta’ PSI li fiha dejta personali jista’ jġib miegħu benefiċċji notevoli, iżda jinvolvi wkoll riskji konsiderevoli għall-protezzjoni ta’ dejta personali. Fid-dawl ta’ dawn ir-riskji, il-KEPD jirrakkomanda li l-Proposta tiddefinixxi b’mod iktar ċar f’liema sitwazzjoni u għal liema salvagwardji hija soġġetta l-informazzjoni li fiha dejta personali tista’ tintalab biex titqiegħed għad-dispożizzjoni għal użu mill-ġdid. B’mod partikolari, il-Proposta għandha:

73.

Barra minn hekk, il-KEPD jissuġġerixxi:

1.11.2012   

MT

Il-Ġurnal Uffiċjali tal-Unjoni Ewropea

C 335/10

1.

Fit-18 ta' Novembru 2011, il-Kummissjoni adottat ir-Regolament tal-Kummissjoni (UE) Nru 1193/2011 li jistabbilixxi Reġistru tal-Unjoni għall-perjodu ta’ negozjar li jibda mill-1 ta' Jannar 2013, u għal perjodi ta’ negozjar sussegwenti, tal-iskema tal-Unjoni għan-negozjar ta’ emissjonijiet skont id-Direttiva 2003/87/KE tal-Parlament Ewropew u tal-Kunsill u d-Deċiżjoni Nru 280/2004/KE tal-Parlament Ewropew u tal-Kunsill u li jemenda r-Regolamenti tal-Kummissjoni (KE) Nru 2216/2004 u (UE) Nru 920/2010 (ir-“Regolament”). (1) Ir-Regolament intbagħat lill-KEPD għal konsultazzjoni fl-istess data.

2.

Diġà qabel l-adozzjoni tar-Regolament, il-KEPD ingħata l-possibbiltà li jipprovdi kummenti informali. Uħud minn dawn il-kummenti ttieħdu f’kunsiderazzjoni fir-Regolament, u l-KEPD jinnota li, b’riżultat ta’ dan, is-salvagwardji għall-protezzjoni tad-dejta komplew jissaħħu.

3.

Il-KEPD jilqa’ l-fatt li huwa qiegħed jiġi kkonsultat b’mod formali mill-Kummissjoni u li hija inkluża referenza għall-Opinjoni preżenti fil-preambolu tal-istrument adottat.

4.

Is-Sistema tal-UE għan-Negozjar ta’ Emissjonijiet (“ETS”) hija waħda mill-politiki li ġew introdotti madwar l-Unjoni Ewropea (“UE”) biex jgħinu ħalli jintlaħqu l-miri tal-UE għat-tnaqqis tal-emissjonijiet ta’ gassijiet serra skont il-Protokoll ta’ Kjoto. L-ETS toħloq sistema ta’ konformità għall-operaturi u għandha l-għan li tiżgura li l-emissjonijiet jiġu llimitati b’mod effettiv madwar l-UE. (2)

5.

Mill-1 ta' Jannar 2013, ir-Regolament sejjer jemenda u jissostitwixxi r-Regolamenti tal-Kummissjoni preċedenti dwar is-suġġett, b’mod partikolari, ir-Regolamenti tal-Kummissjoni (KE) Nru 2216/2004 u (UE) Nru 920/2010 (3), li t-tnejn li huma kienu ġew adottati biex jipprovdu r-regoli “għal sistema standardizzata u sikura ta’ reġistri”.

6.

Waħda min-novitajiet ewlenin li ġew introdotti permezz tar-Regolament hija t-twaqqif, sa mill-2012, ta’ Reġistru tal-Unjoni ċentralizzat, minflok is-sistema preċedenti ta’ kombinazzjoni ta’ reġistri nazzjonali.

7.

Ir-Reġistru tal-Unjoni u l-hekk imsejjaħ Reġistru tat-Tranżazzjonijiet tal-Unjoni Ewropea (jew “EUTL”), li kien diġà implimentat fil-livell tal-UE, huma żewġ subsistemi ospitati u mħaddma mill-Kummissjoni Ewropea. Huma għandhom żewġ funzjonijiet differenti iżda huma sistemi kumplimentarji.

8.

Ir-Reġistru tal-Unjoni fih il-kontijiet tal-atturi involuti fl-ETS (eż. kontijiet ta’ depożitu tal-operaturi, kontijiet ta’ depożitu ta’ operaturi tal-inġenji tal-ajru, kontijiet ta’ negozjar, kontijiet ta’ bejgħ b’irkant) u jirreġistra t-tranżazzjonijiet li jsiru bejn il-kontijiet. Għalhekk, ir-Reġistru tal-Unjoni huwa reġistru elettroniku ċentrali fil-livell tal-UE maħsub biex jappoġġja n-negozjar tal-emissjonijiet mid-detenturi tal-kontijiet fl-Istati Membri u bejniethom.

9.

Min-naħa l-oħra, l-EUTL jirreġistra l-allokazzjonijiet, it-trasferiment u l-kanċellazzjoni tal-kwoti tal-emissjonijiet ta’ CO2 fl-UE u jiċċekkja l-konsistenza u l-koerenza ta’ ċerti operazzjonijiet.

10.

Filwaqt li l-għan ewlieni tar-Regolament mhuwiex l-ipproċessar ta’ dejta personali, madankollu, ir-Regolament jesiġi l-ipproċessar ta’ dejta personali, inkluż informazzjoni dwar ir-rekord kriminali u informazzjoni dwar attivitajiet kriminali suspettużi. Din id-dejta tiġi pproċessata biex jiġi żgurat li l-kontijiet ma jintużawx ħażin għal attivitajiet kriminali.

11.

Id-dejta personali tista’ tkun relatata ma’ individwi li jaġixxu f’isem id-detenturi tal-kontijiet, bħad-“diretturi” u r-rappreżentanti awtorizzati tagħhom. Barra minn hekk, id-detenturi tal-kontijiet infushom jistgħu jkunu wkoll persuni fiżiċi. Jekk ikun hekk, id-dejta personali tagħhom tista’ tiġi pproċessata wkoll. Minbarra dan, tinġabar ukoll xi dejta dwar is-sidien benefiċjarji tad-detenturi tal-kontijiet, li min-naħa tagħhom jistgħu jkunu individwi. (4)

12.

Fid-dawl tad-dejta personali li ta’ spiss tkun sensittiva u li jeħtieġ li tiġi pproċessata skont ir-Regolament, il-KEPD jirrakkomanda li għandhom jiġu stabbiliti salvagwardji adegwati għall-protezzjoni tad-dejta fir-Regolament.

13.

Meta wieħed iqis li r-Regolament diġà ġie adottat, l-għan primarju ta’ din l-Opinjoni huwa li tgħin biex jiġi żgurat li r-rakkomandazzjonijiet tal-KEPD jittieħdu f’kunsiderazzjoni meta jiġi emendat ir-Regolament, li huwa previst għall-aħħar tal-2012.

14.

Barra minn hekk, ir-rakkomandazzjonijiet ipprovduti fl-Opinjoni jistgħu jservu wkoll bħala gwida għall-Kummissjoni u għall-amministraturi nazzjonali meta jiġu biex jimplimentaw is-salvagwardji meħtieġa għall-protezzjoni tad-dejta fil-livell prattiku. Għal aktar dettalji dwar l-implimentazzjoni prattika, ara l-paragrafi 41-43 li jitolbu għat-tħejjija ta’ politika komprensiva dwar il-protezzjoni tad-dejta, il-paragrafu 36 dwar miżuri prattiċi oħrajn bħal menus ta’ għajnuna u messaġġi ta’ twissija fir-Reġistru tal-Unjoni, kif ukoll materjal ta’ taħriġ, u l-paragrafu 40 dwar id-dokumentazzjoni tas-sistema u l-pubblikazzjoni ta’ informazzjoni fuq is-sit elettroniku tar-Reġistru tal-Unjoni.

15.

It-Taqsima 3 ta’ din l-Opinjoni tiddeskrivi fil-qosor liema dejta personali għandha tiġi pproċessata skont ir-Regolament, b’enfasi fuq id-dejta sensittiva. Din id-deskrizzjoni hija meħtieġa biex ir-rakkomandazzjonijiet ipprovduti fit-Taqsimiet 4-12 ta’ din l-Opinjoni jitpoġġew fil-kuntest. It-Taqsima 4 titlob għal aktar kjarifiki dwar liema dejta personali tiġi pproċessata skont ir-Regolament, min jipproċessa tali dejta u fejn tinħażen din id-dejta, b’enfasi, għal darba oħra, fuq id-dejta sensittiva. It-taqsimiet 5-12 jinkludu r-rakkomandazzjonijiet li jifdal tal-KEPD, filwaqt li t-Taqsima 13 tiddeskrivi l-konklużjonijiet tiegħu.

77.

Il-KEPD jirrakkomanda li r-Regolament għandu, meta jiġi emendat, kif previst, aktar tard fl-2012:

78.

Minbarra dan, il-KEPD jirrakkomanda li l-kummenti tiegħu jiġu kkunsidrati mill-Kummissjoni u mill-Istati Membri meta jiġu biex jimplimentaw is-salvagwardji meħtieġa għall-protezzjoni tad-dejta fil-livell prattiku. Dawn jistgħu jinkludu l-adozzjoni ta’ politika dwar il-protezzjoni tad-dejta, il-provvista ta’ informazzjoni fuq is-sit elettroniku tar-Reġistru tal-Unjoni, miżuri prattiċi oħrajn bħal menus ta’ għajnuna u messaġġi ta’ twissija fir-Reġistru tal-Unjoni, kif ukoll il-provvista ta’ materjal ta’ taħriġ.

1.11.2012   

MT

Il-Ġurnal Uffiċjali tal-Unjoni Ewropea

C 335/13

1.

Fid-9 ta' Marzu 2012, il-Kummissjoni adottat Rakkomandazzjoni dwar it-tħejjijiet għall-introduzzjoni ta’ sistemi ta’ metraġġ intelliġenti (“ir-Rakkomandazzjoni”) (1). Ir-Rakkomandazzjoni ntbagħtet lill-KEPD għal konsultazzjoni fid-19 ta' Marzu 2012.

2.

Qabel l-adozzjoni tar-Rakkomandazzjoni, il-KEPD ingħata l-opportunità li jipprovdi kummenti informali. Uħud minn dawn il-kummenti ttieħdu f’kunsiderazzjoni fir-Rakkomandazzjoni. B’riżultat ta’ dan, issaħħew is-salvagwardji għall-protezzjoni tad-dejta stabbiliti fir-Rakkomandazzjoni.

3.

Il-KEPD jilqa’ l-fatt li l-Kummissjoni kkonsultatu wkoll b’mod formali u li din l-Opinjoni tissemma fil-preambolu tar-Rakkomandazzjoni.

4.

L-għan tar-Rakkomandazzjoni huwa li tingħata gwida lill-Istati Membri dwar it-tħejjija għall-introduzzjoni ta’ sistemi ta’ metraġġ intelliġenti (2) fl-Ewropa. Din l-introduzzjoni hija prevista sal-2020 għas-swieq tal-gass u tal-elettriku u hija soġġetta għal valutazzjoni ekonomika tal-ispejjeż u tal-benefiċċji. Din il-valutazzjoni għandha titwettaq minn kull Stat Membru sat-3 ta' Settembru 2012 (3).

5.

Parti sinjifikanti mir-Rakkomandazzjoni (it-Taqsima I) hija ddedikata lill-protezzjoni tad-dejta. Importanti ferm, ir-Rakkomandazzjoni titlob għat-tħejjija ta’ template għal valutazzjoni dwar l-impatt tal-protezzjoni tad-dejta (4) (“it-Template”) u s-sottomissjoni tagħha lill-Grupp ta’ Ħidma tal-Artikolu 29 dwar il-Protezzjoni tad-Dejta (“id-WP29”) biex jingħataw pariri fi żmien tnax-il xahar mill-pubblikazzjoni tar-Rakkomandazzjoni (5).

6.

Bħalissa qiegħed jitħejja l-ewwel abbozz tat-Template mill-Grupp ta’ Esperti 2 tat-Task Force tal-Kummissjoni dwar il-Grilji Intelliġenti. It-Task Force ġiet stabbilita mill-Kummissjoni qabel l-adozzjoni tar-Rakkomandazzjoni, bil-għan li tagħti pariri dwar kwistjonijiet ta’ grilji intelliġenti. Wieħed mis-sottogruppi tat-Task Force, il-Grupp ta’ Esperti 2, jiffoka fuq aspetti ta’ sigurtà u protezzjoni tad-dejta. Il-grupp jinkludi primarjament rappreżentanti tal-industrija (b’ċerta rappreżentanza minn gruppi tal-konsumaturi u tas-soċjetà ċivili) (6).

7.

Il-Kummissjoni ssegwi approċċ li jinvolvi liġi mhux vinkolanti li jikkombina (i) Rakkomandazzjoni tal-Kummissjoni li tkopri l-protezzjoni tad-dejta fost kwistjonijiet oħrajn u (ii) gwida ulterjuri lill-Istati Membri fil-forma ta’ template għal valutazzjoni tal-impatt dwar il-protezzjoni tad-dejta, li għandha tiġi applikata b’mod volontarju mill-parteċipanti tal-industrija. L-approċċ huwa bbażat fuq l-esperjenza miksuba mill-iżvilupp u r-reviżjoni, wara l-kummenti tad-WP29, tal-“Proposta tal-Industrija għal Qafas ta’ Valutazzjoni tal-Impatt dwar il-Protezzjoni tad-Dejta u l-Privatezza għal Applikazzjonijiet tal-RFID”. (7) Madankollu, il-Kummissjoni ma eskludietx il-ħtieġa għal azzjoni leġiżlattiva fil-livell nazzjonali u/jew Ewropew (8).

8.

Filwaqt li l-Opinjoni tal-KEPD hija adottata b’reazzjoni għar-Rakkomandazzjoni tal-Kummissjoni, din mhijiex strettament limitata għall-kontenut ta’ din ir-Rakkomandazzjoni, minħabba li hemm aspetti ta’ protezzjoni tad-dejta importanti fl-introduzzjoni ta’ metraġġ intelliġenti li mhumiex indirizzati b’mod sħiħ fir-Rakkomandazzjoni nnifisha. F’dan il-kuntest, il-KEPD ifakkar fil-kummenti formali tiegħu rigward il-Proposta dwar l-Effiċjenza fl-Użu tal-Enerġija (9).

9.

L-Opinjoni tal-KEPD għandha tliet għanijiet u messaġġi ewlenin:

10.

Fid-dawl ta’ dawn l-għanijiet, l-Opinjoni hija strutturata kif ġej:

68.

L-introduzzjoni tas-sistemi ta’ metraġġ intelliġenti madwar l-Ewropa tista’ ġġib magħha benefiċċji sinjifikanti, iżda tinvolvi wkoll riskji konsiderevoli għall-protezzjoni tad-dejta personali. Hija tagħti ċ-ċans li jsir ġbir massiv ta’ dejta personali mid-djar Ewropej u tista’ twassal biex wieħed isir jaf x’qegħdin jagħmlu l-membri ta’ dar fil-privatezza ta’ djarhom. Fid-dawl ta’ dawn ir-riskji, il-KEPD jilqa’ l-isforzi magħmula mill-Kummissjoni fir-Rakkomandazzjoni biex tipprovdi gwida lill-Istati Membri dwar il-miżuri li għandhom jittieħdu biex jiġi żgurat li s-sistemi tal-metraġġ intelliġenti u tal-grilji intelliġenti jitfasslu u jitħaddmu b’tali mod li jkunu soġġetti għal salvagwardji adegwati għall-protezzjoni tad-dejta.

69.

Il-KEPD japprezza l-isforzi tal-Kummissjoni biex tagħmel użu minn kunċetti proposti ġodda, bħall-protezzjoni tad-dejta skont id-disinn u għodod prattiċi bħall-valutazzjonijiet tal-impatt dwar il-protezzjoni tad-dejta u n-notifiki dwar il-ksur tas-sigurtà. B’mod partikolari, il-KEPD jappoġġja l-pjan tal-Kummissjoni li tħejji Template għall-valutazzjoni tal-impatt dwar il-protezzjoni tad-dejta u tissottomettiha lill-Grupp ta’ Ħidma skont l-Artikolu 29 biex jagħti l-pariri tiegħu dwarha.

70.

Il-KEPD jiddispjaċih li r-Rakkomandazzjoni ma pprovdietx gwida aktar speċifika u aktar prattika dwar il-protezzjoni tad-dejta. Madankollu, huwa jqis li xorta waħda tista’ tingħata xi gwida fit-Template li qiegħda titħejja bħalissa. Għalhekk, l-Opinjoni tipprovdi rakkomandazzjonijiet dwar it-Template u tenfasizza li t-Template għandha toffri gwida speċifika u prattika: ġabra tal-aqwa prassi u tal-“aqwa tekniki disponibbli”. Huwa kruċjali wkoll li t-Template issegwi metodoloġija tajba u, fost l-oħrajn, tqabbel b’mod ċar kull riskju ma’ kontroll adegwat.

71.

Minbarra dan, l-Opinjoni titlob lill-Kummissjoni biex tivvaluta jekk hemmx bżonn ta’ azzjoni leġiżlattiva ulterjuri fil-livell tal-UE u tipprovdi rakkomandazzjonijiet għal tali azzjoni leġiżlattiva possibbli. Uħud minn dawn ir-rakkomandazzjonijiet jistgħu jiġu implimentati diġà permezz ta’ emenda fid-Direttiva dwar l-Effiċjenza fl-Użu tal-Enerġija, li bħalissa tinsab quddiem il-Kunsill u l-Parlament. Dawn għandhom jinkludu mill-inqas rekwiżit obbligatorju għall-kontrolluri biex iwettqu valutazzjoni tal-impatt dwar il-protezzjoni tad-dejta u obbligu li jinnotifikaw kwalunkwe ksur tad-dejta personali (it-Taqsima 4.7).

72.

Barra minn hekk, il-KEPD jirrakkomanda wkoll:

1.11.2012   

MT

Il-Ġurnal Uffiċjali tal-Unjoni Ewropea

C 335/16

1.

Fis-7 ta’ Diċembru 2011, il-Kummissjoni adottat proposta għal Regolament dwar Fondi Ewropej ta' Kapital ta' Riskju (1) (li minn hawn ’il quddiem ser jissejjaħ “ir-Regolament propost dwar il-VCF”). Fl-istess jum, il-Kummissjoni adottat proposta għal Regolament dwar il-Fondi ta’ Intraprenditorija Soċjali Ewropej (2) (li minn hawn ’il quddiem ser jissejjaħ “ir-Regolament propost dwar is-SEF”). Dawn il-proposti ntbagħtu lill-KEPD għal konsultazzjoni fit-12 ta’ Diċembru 2011.

2.

Il-KEPD jilqa’ l-fatt li huwa kkonsultat mill-Kummissjoni u jirrakkomanda li fil-preamboli tar-Regolamenti proposti jiġu inklużi referenzi għal din l-Opinjoni.

3.

F’ċerti każijiet, l-implimentazzjoni u l-applikazzjoni tal-qafas legali għall-Fondi ta’ kapital ta’ riskju u l-Fondi ta’ Intreprenditorija Soċjali jistgħu jaffettwaw id-drittijiet tal-individwi relatati mal-ipproċessar tad-dejta personali tagħhom. Ir-Regolamenti proposti fihom dispożizzjonijiet li jista’ jkollhom implikazzjonijiet għall-protezzjoni tad-dejta għall-individwi kkonċernati, bħall-applikabilità tal-leġiżlazzjoni dwar il-protezzjoni tad-dejta, l-iskambji transkonfinali ta’ informazzjoni, is-setgħat investigattivi tal-awtoritajiet kompetenti u d-databases tal-maniġers tal-fondi.

4.

Hemm dispożizzjonijiet paragunabbli għal dawk imsemmija f’din l-Opinjoni f’bosta proposti pendenti jew oħrajn possibbli fil-ġejjieni, bħal dawk diskussi fl-Opinjonijiet tal-KEPD fuq il-pakkett leġiżlattiv dwar ir-reviżjoni tal-leġiżlazzjoni bankarja, l-aġenziji ta’ klassifikazzjoni tal-kreditu, is-swieq fl-istrumenti finanzjarji (MIFID/MIFIR) u l-abbuż tas-suq (3). Għaldaqstant, il-KEPD jirrakkomanda li din l-Opinjoni tinqara flimkien mal-Opinjonijiet tiegħu tal-10 ta’ Frar 2012 fuq l-inizjattivi msemmija hawn fuq.

5.

Ir-Regolamenti proposti għandhom l-għan li jsolvu problemi differenti biż-żewġ tipi ta’ fondi.

6.

Għad li l-Fondi ta’ kapital ta’ riskju jiffokaw fuq l-għoti ta’ finanzjament mill-bejgħ ta’ ishma għall-SMEs, l-industrija Ewropea tal-kapital ta’ riskju hija frammentata u maqsuma. Din il-frammentazzoni u dan il-qsim iwasslu għal nuqqas ta’ ħeġġa statistikament sinifikanti mill-investituri biex jinvestu f’Fondi ta’ kapital ta’ riskju. Il-frammentazzjoni regolatorja tipprevjeni wkoll lil Fondi ta’ kapital ta’ riskju speċjalizzati milli jiġbru ammont notevoli ta’ kapital minn barra l-pajjiż. Il-preferenza attwali tal-investituri potenzjali hija li jmorru għal ekwità privata milli investimenti tal-kapital ta’ riskju. Dan huwa ħażin għall-kompetittività globali tal-Ewropa. Ir-Regolament propost dwar il-Fondi ta’ kapital ta’ riskju għandu l-għan li jindirizza dawn il-problemi.

7.

Il-firxa ta’ għodod finanzjarji eliġibbli proposti fir-Regolament dwar il-Fondi ta’ Intraprenditorija Soċjali Ewropej tmur lil hinn mill-finanzjament mill-bejgħ ta’ ishma. L-impriżi soċjali jistgħu jirrikorru wkoll għal forom oħra ta’ finanzjament, billi jgħaqqdu finanzjament mis-settur pubbliku u dak privat, strumenti ta’ dejn jew ammonti żgħar mislufa. Għaldaqstant, ir-regoli proposti dwar il-fondi ta’ intraprenditorija soċjali jipprovdu għal firxa ikbar ta’ għodod tal-investiment li jikkwalifikaw u li huma disponibbli għall-Fondi ta’ kapital ta’ riskju.

8.

Barra minn hekk, il-kwistjonijiet ta’ trasparenza mqajma mill-investimenti f’negozji soċjali huma differenti mill-obbligi ta’ rapportar ġenerali li huma pprovduti fil-qasam tal-kapital ta’ riskju: l-investimenti fl-intraprenditorija soċjali għandhom fil-mira tagħhom forma ta’ ‘gwadann soċjali’ jew impatt soċjali pożittiv. Ir-regoli proposti fihom taqsimiet speċjali li jiffokaw fuq tagħrif li jappartjeni għal impatti soċjali, il-kejl tagħhom u l-istrateġiji mħaddma biex titrawwem il-kisba tagħhom.

9.

Ir-Regolamenti proposti dwar il-Fondi Ewropej ta’ kapital ta’ riskju u dwar il-Fondi ta’ Intraprenditorija Soċjali Ewropej huma previsti li jikkumplimentaw lil xulxin. Iż-żewġ proposti, jekk jiġu adottati, sejrin jeżistu f’daqqa bħala atti legali awtonomi f’indipedenza reċiproka.

10.

Il-KEPD iqis li -fir-rigward tal-kwistjonijiet ta’ protezzjoni tad-dejta- ir-Regolamenti proposti huma ġenerali wisq. F’ċerti każijiet mhuwiex ċar jekk l-ipproċessar ta’ dejta personali huwiex sejjer iseħħ skont ċerti dispożizzjonijiet tar-Regolamenti proposti, pereżempju rigward l-iskambji ta’ informazzjoni, is-setgħat investigattivi tal-awtoritajiet kompetenti u t-twaqqif tad-databases tal-AETS.

32.

Il-KEPD jirrakkomanda li:

1.11.2012   

MT

Il-Ġurnal Uffiċjali tal-Unjoni Ewropea

C 335/18

1.

Fit-23 ta’ Ottubru 2012, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża PAI partners S.A.S. (“PAI”, Franza) takkwista skont it-tifsira tal-Artikolu 3(1)(b) tar-Regolament dwar l-Għaqdiet il-kontroll sħiħ tal-impriża Marcolin SpA (“Marcolin”, l-Italja).

2.

L-attivitajiet kummerċjali tal-impriżi kkonċernati huma:

3.

Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet taħt ir-Regolament tal-KE dwar l-Għaqdiet (2) ta' min jinnota li dan il-każ jista' jiġi kkunsidrat għat-trattament taħt il-proċedura stipulata fl-Avviż.

4.

Il-Kummissjoni tistieden lill-partijiet terzi interessati biex iressqu kwalunkwe kummenti li jistgħu jkollhom dwar it-tranżizzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.6724 – PAI/Marcolin, fl-indirizz li ġej: