13.10.2012

MT

Il-Ġurnal Uffiċjali tal-Unjoni Ewropea

C 310/1

---

FTEHIM MONETARJU

bejn l-Unjoni Ewropea u l-Prinċipalità ta’ Monako

2012/C 310/01

L-UNJONI EWROPEA, irrappreżentata mir-Repubblika Franċiża u mill-Kummissjoni Ewropea,

u

L-PRINĊIPALITÀ TA’ MONAKO,

Billi:

(1)	Fl-1 ta’ Jannar 1999, l-euro ħadet post il-munita ta’ kull Stat Membru li pparteċipa fit-tielet stadju tal-Unjoni Ekonomika u Monetarja, fost dawn Franza, f’konformità mar-Regolament tal-Kunsill (KE) Nru 974/98 tat-3 ta’ Mejju 1998.

(2)

Qabel il-ħolqien tal-euro, Franza u l-Prinċipalità ta’ Monako kienu diġà marbuta flimkien permezz ta’ ftehimiet bilaterali dwar il-qasam monetarju u bankarju, b’mod partikolari permezz tal-Konvenzjoni Franko-Monegaska dwar il-kontroll tal-kambju tal-14 ta' April 1945 u bil-Ftehim tal-Viċinat tat-18 ta’ Mejju 1963.

(3)	Il-Prinċipalità ta’ Monako ġiet awtorizzata tuża l-euro bħala munita uffiċjali mill-1 ta’ Jannar 1999 skont id-Deċiżjoni tal-Kunsill tal-31 ta’ Diċembru 1998 (1).

(4)	L-Unjoni Ewropea, irrappreżentata mir-Repubblika Franċiża flimkien mal-Kummissjoni u l-BĊE, fl-24 ta’ Diċembru 2001 ikkonkludiet Ftehim Monetarju mal-Prinċipalità ta’ Monako. Il-Ftehim tal-Viċinat bejn ir-Repubblika Franċiża u l-Prinċipalità ta’ Monako ġie aġġornat b’konsegwenza ta’ dan.

(5)

Skont dan il-Ftehim Monetarju, il-Prinċipalità ta’ Monako hija intitolata li tkompli tuża l-euro bħala l-munita uffiċjali tagħha u li tagħti status ta’ valuta legali lill-karti u l-muniti tal-euro. Ir-regoli tal-Unjoni Ewropea elenkati fl-Anness għal dan il-Ftehim japplikaw fuq it-territorju tagħha skont il-kundizzjonijiet previsti minn dan il-Ftehim.

(6)

Il-Prinċipalità ta’ Monako għandha tiżgura li d-dispożizzjonijiet Komunitarji dwar il-muniti u l-karti denominati f'euro jkunu applikabbli fit-territorju tagħha; dawn il-muniti u l-karti għandhom ikunu soġġetti għal protezzjoni xierqa kontra l-iffalsifikar; huwa importanti li l-Prinċipalità ta’ Monako tieħu l-miżuri kollha meħtieġa biex tiġġieled kontra l-iffalsifikar u tikkoopera mal-Kummissjoni, mal-BĊE, ma’ Franza u mal-Uffiċċju Ewropew tal-Pulizija (Europol) f’dan il-qasam.

(7)

Dan il-Ftehim Monetarju ma jagħti l-ebda dritt lill-istituzzjonijiet ta’ kreditu u, jekk ikun il-każ, lill-istituzzjonijiet finanzjarji l-oħrajn li jkunu jinsabu fuq it-territorju tal-Prinċipalità ta' Monako f’dak li għandu x’jaqsam mal-libertà ta’ stabbiliment u l-libertà ta’ provvista ta’ servizzi fl-Unjoni Ewropea. Dan ma jagħti l-ebda dritt lill-istituzzjonijiet ta’ kreditu u, jekk ikun il-każ, lill-istituzzjonijiet finanzjarji l-oħrajn li jkunu jinsabu fuq it-territorju tal-Unjoni Ewropea f’dak li għandu x’jaqsam mal-libertà ta’ stabbiliment u l-libertà ta’ provvista ta’ servizzi fil-Prinċipalità ta’ Monako.

(8)	Dan il-Ftehim Monetarju ma jimponi ebda obbligu fuq il-BĊE u l-banek ċentrali nazzjonali li jinkludu l-istrumenti finanzjarji tal-Prinċipalità ta’ Monako fil-lista/i ta’ titoli eliġibbli għall-operazzjonijiet ta’ politika monetarja tas-Sistema Ewropea tal-Banek Ċentrali.

(9)

Il-Prinċipalità ta’ Monako fuq it-territorju tagħha tagħmel użu minn kumpaniji ta’ ġestjoni li jwettqu l-attivitajiet ta’ ġestjoni għal terzi jew għal trażmissjoni ta’ ordnijiet li s-servizzi tagħhom ikunu rregolati biss bil-liġi ta’ Monako, bla ħsara għall-obbligi msemmija fis-sitt paragrafu tal-Artikolu 11. Dawn il-kumpaniji ma jistax ikollhom aċċess għas-sistemi ta’ saldu ta' pagamenti u titoli.

(10)

Fil-kontinwità tar-rabtiet storiċi li jeżistu bejn Franza u l-Prinċipalità ta’ Monako u tal-prinċipji stabbiliti mill-Ftehim Monetarju tal-24 ta’ Diċembru 2001, l-Unjoni Ewropea u l-Prinċipalità ta’ Monako impenjaw ruħhom biex b'rieda tajba jikkooperaw sabiex jiżguraw l-effett utli ta’ dan il-Ftehim fl-intier tiegħu.

(11)

Ġie stabbilit Kumitat Konġunt magħmul minn rappreżentanti tal-Prinċipalità ta’ Monako, tar-Repubblika Franċiża, tal-Kummissjoni Ewropea u tal-BĊE sabiex jeżamina l-applikazzjoni ta’ dan il-Ftehim, biex jiddeċiedi, skont il-kundizzjonijiet stabbiliti fl-Artikolu 3, il-limitu annwali għall-ħruġ tal-muniti, biex jistudja jekk huwiex biżżejjed il-proporzjon minimu ta’ muniti li jkunu se jinħarġu b’valur nominali u biex jevalwa l-miżuri li jkunu ttieħdu mill-Prinċipalità ta’ Monako biex tiġi implimentata l-leġiżlazzjoni rilevanti tal-Unjoni Ewropea.

(12)

Il-Qorti tal-Ġustizzja tal-Unjoni Ewropea għandha tkun il-korp inkarigat mis-soluzzjoni tat-tilwim li jirriżulta min-nuqqas ta’ twettiq ta’ obbligu jew minn nuqqas ta’ osservanza ta’ dispożizzjoni prevista minn dan il-Ftehim u li fir-rigward tagħhom jinstab li l-partijiet ma setgħux jilħqu ftehim minn qabel,

FTIEHMU KIF ĠEJ:

Artikolu 1

Il-Prinċipalità ta’ Monako għandha tkun intitolata li tuża l-euro bħala l-munita uffiċjali tagħha f’konformità mar-regolamenti (KE) Nru 1103/97 u (KE) Nru 974/98 kif emendati. Il-Prinċipalità ta’ Monako għandha tagħti status ta’ valuta legali lill-karti u l-muniti tal-euro.

Artikolu 2

Il-Prinċipalità ta’ Monako ma għandhiex toħroġ karti, jew muniti, sakemm il-kundizzjonijiet għal dan il-ħruġ ma jkunux miftiehma mal-Unjoni Ewropea. Il-kundizzjonijiet biex jinħarġu muniti tal-euro mill-1 ta' Jannar 2011 huma stipulati fl-Artikoli li ġejjin.

Artikolu 3

1.   Il-limitu annwali, f’terminu ta’ valur, għall-ħruġ ta’ muniti tal-euro għall-Prinċipalità ta’ Monako jinkludi:

parti fissa, li l-ammont inizjali tagħha għall-2011 huwa stipulat għal EUR 2 340 000.

parti varjabbli, li tikkorrispondi, f’termini ta’ valur, mal-ħruġ medju ta’ muniti per capita tar-Repubblika Franċiża matul is-sena n-1 immultiplikat bl-għadd ta’ abitanti tal-Prinċipalità ta’ Monako.

Il-Kumitat Konġunt jista’ jirrevedi l-parti fissa kull sena sabiex iqis kemm l-inflazzjoni – fuq il-bażi tal-Indiċi Armonizzata tal-Prezzijiet għall-Konsumatur ta' Franza matul is-sena n-1 – kif ukoll l-iżviluppi sinifikanti potenzjali li jaffettwaw is-suq tal-muniti tal-euro għall-kollezzjonisti.

2.   Il-Prinċipalità ta’ Monako tista’ wkoll toħroġ munita speċjali kommemorattiva u/jew muniti għall-kollezzjonisti fl-okkażjoni tal-avvenimenti importanti għall-Prinċipalità. Fil-każ li din il-ħarġa speċjali ttella’ l-ħruġ ġenerali ’l fuq mil-limitu stipulat fil-paragrafu 1, il-valur ta’ din il-ħarġa jitqies għall-użu tal-parti li jkun fadal mil-limitu tas-sena ta’ qabel u/jew jitnaqqas mil-limitu tas-sena li tkun ġejja.

Artikolu 4

1.   Il-muniti tal-euro maħruġa mill-Prinċipalità ta' Monako huma identiċi għal dawk li jinħarġu mill-Istati Membri tal-Unjoni Ewropea li adottaw l-euro f'dak li jikkonċerna l-valur nominali, l-istatus ta’ valuta legali, il-karatteristiċi tekniċi, il-karatteristiċi artistiċi tan-naħa komuni u l-karatteristiċi artistiċi komuni tan-naħa nazzjonali.

2.   Il-Prinċipalità ta’ Monako għandha tikkomunika minn qabel l-abbozzi tan-naħat nazzjonali tal-muniti tal-euro tagħha lill-Kummissjoni, li għandha tivverifika l-konformità tagħhom mar-regoli tal-Unjoni Ewropea.

Artikolu 5

Franza għandha tqiegħed l'Hôtel de la monnaie de Paris għad-dispożizzjoni tal-Prinċipalità ta’ Monako biex jiġu stampati l-muniti tagħha, f’konformità mal-Artikolu 18 tal-Ftehim tar-Relazzjoni tal-Bon Viċinat bejn Franza u l-Prinċipalità ta’ Monako tat-18 ta’ Mejju 1963.

Artikolu 6

1.   F’konformità mal-Artikolu 128(2) tat-Trattat dwar il-Funzjonament tal-Unjoni Ewropea, il-volum tal-muniti tal-euro maħruġin mill-Prinċipalità ta’ Monako għandu jiżdied mal-volum tal-muniti maħruġin minn Franza għall-għan tal-approvazzjoni tal-volum totali tal-ħruġ ta’ Franza mill-Bank Ċentrali Ewropew.

2.   Il-Prinċipalità ta’ Monako għandha tavża lir-Repubblika ta’ Franza, sa mhux aktar tard mill-1 ta’ Settembru ta’ kull sena, dwar il-volum u l-valur nominali tal-muniti tal-euro li tkun biħsiebha toħroġ matul is-sena li tkun ġejja. Għandha tavża wkoll lill-Kummissjoni dwar il-kundizzjonijiet ta’ ħruġ ippjanati għall-muniti tagħha.

3.   Il-Prinċipalità ta’ Monako għandha tikkomunika l-informazzjoni msemmija fil-paragrafu 2 għas-sena 2011 meta tiffirma dan il-Ftehim.

4.   Bla ħsara għall-ħruġ ta’ muniti għall-kollezzjonisti, il-Prinċipalità ta’ Monako għandha toħroġ fiċ-ċirkolazzjoni b’valur nominali mill-inqas 80 % tal-muniti tal-euro li toħroġ kull sena. Kull ħames snin il-Kumitat Konġunt għandu jeżamina jekk il-proporzjon minimu ta’ muniti li għandhom jiġu introdotti b’valur nominali huwiex adegwat u jista’ jiddeċiedi li jibdlu.

Artikolu 7

1.   Il-Prinċipalità ta’ Monako tista’ toħroġ muniti tal-euro għall-kollezzjonisti. Dawn għandhom ikunu inklużi mal-limitu annwali stipulat fl-Artikolu 3. Il-ħruġ ta’ muniti tal-euro għall-kollezzjonisti mill-Prinċipalità ta’ Monako għandu jsir skont il-linji gwida tal-UE dwar il-muniti tal-euro għall-kollezzjonisti, li jipprovdu fost oħrajn li l-karatteristiċi tekniċi u artistiċi u denominazzjonijiet tal-muniti tal-euro maħruġin għall-kollezzjoni għandhom ikunu jippermettu li ssir distinzjoni bejniethom u l-muniti tal-euro li jkunu maħsubin għaċ-ċirkolazzjoni.

2.   Il-muniti tal-kollezzjonisti maħruġin mill-Prinċipalità ta’ Monako mhumiex se jkollhom valuta legali fl-Unjoni Ewropea.

Artikolu 8

Il-Prinċipalità ta’ Monako għandha tieħu l-miżuri kollha meħtieġa biex tiġġieled kontra l-iffalsifikar u tikkoopera mal-Kummissjoni, mal-BĊE, ma’ Franza u mal-Uffiċċju Ewropew tal-Pulizija (Europol) f’dan il-qasam.

Artikolu 9

Il-Prinċipalità ta’ Monako għandha timpenja ruħha sabiex:

(a)

Tapplika l-atti legali u r-regoli tal-Unjoni Ewropea elenkati fl-Anness A u li jaqgħu fil-kamp tal-applikazzjoni tal-Artikolu 11.2 u li huma applikati direttament minn Franza jew id-dispożizzjonijiet meħuda minn Franza biex tittrasponi dawn l-atti legali u r-regoli skont it-termini tal-Artikoli 11.2 u 11.3.

(b)

Tadotta miżuri ekwivalenti għall-atti legali u r-regoli tal-Unjoni Ewropea elenkati fl-Anness B, li huma applikati direttament mill-Istati Membri jew li dawn jittrasponu, skont it-termini tal-Artikoli 11.4 11.5 u 11.6, fl-oqsma li ġejjin: — il-liġi bankarja u finanzjarja kif ukoll prevenzjoni tal-ħasil tal-flus fl-oqsma u skont it-termini previsti fl-Artikolu 11; — il-prevenzjoni tal-frodi u tal-iffalsifikar tal-mezzi ta’ ħlas bi flus kontanti u b’mezzi oħrajn, midalji u tokens.

(c)

Tapplika direttament fuq it-territorju tagħha l-atti legali u r-regoli tal-Unjoni Ewropea dwar il-karti tal-flus u l-muniti tal-euro kif ukoll il-miżuri meħtieġa għall-użu tal-euro bħala munita unika adottati skont l-Artikolu 133 tat-Trattat dwar il-Funzjonament tal-Unjoni Ewropea, sakemm ma jkunx hemm dispożizzjoni speċjali oħra prevista f’dan il-Ftehim. Il-Kummissjoni, permezz tal-Kumitat Konġunt, għandha żżomm lill-awtoritajiet ta’ Monako infurmati dwar il-lista ta’ atti u regoli kkonċernati.

Artikolu 10

1.   L-istituzzjonijiet ta’ kreditu u, meta jkun xieraq, l-istituzzjonijiet finanzjarji l-oħrajn li jkunu awtorizzati biex jaħdmu fit-territorju tal-Prinċipalità ta’ Monako jistgħu, skont il-kundizzjonijiet stabbiliti fl-Artikolu 11, jipparteċipaw fis-sistemi ta’ sald interbankarji u ta’ saldu tat-titoli u l-pagamenti tal-Unjoni Ewropea skont l-istess termini bħall-istabbilimenti ta’ kreditu u, fejn ikun xieraq, l-istabbilimenti finanzjarji l-oħrajn li jkunu jinsabu stabbiliti fi Franza u sakemm jissodisfaw il-kundizzjonijiet stipulati għall-aċċess għal dawn is-sistemi.

2.   L-istituzzjonijiet ta’ kreditu u, meta jkun xieraq, l-istituzzjonijiet finanzjarji l-oħrajn li jkunu jinsabu fit-territorju tal-Prinċipalità ta’ Monako huma soġġetti, skont il-kundizzjonijiet stabbiliti fl-Artikolu 11, għall-istess miżuri adottati mill-Bank ta' Franza fl-implimentazzjoni tad-dispożizzjonijiet stabbiliti mill-BĊE dwar strumenti u proċeduri ta’ politika monetarja bħall-istituzzjonijiet ta’ kreditu u, meta jkun xieraq, l-istituzzjonijiet finanzjarji l-oħrajn li jkunu jinsabu fit-territorju ta’ Franza.

Artikolu 11

1.   L-atti legali adottati mill-Kunsill skont l-Artikolu 129(4) tat-Trattat dwar il-Funzjonament tal-Unjoni Ewropea, flimkien mal-Artikolu 5.4, jew 19.1, jew 34.3 tal-Istatut tas-Sistema Ewropea ta’ Banek Ċentrali u tal-Bank Ċentrali Ewropew (minn hawn ’il quddiem l-Istatut), mill-BĊE skont l-atti legali msemmija qabel adottati mill-Kunsill jew l-Artikoli 5, 16, 18, 19, 20, 22 jew 34.3 tal-Istatut, jew mill-Bank ta’ Franza għall-implimentazzjoni tal-atti legali adottati mill-BĊE, huma applikabbli fit-territorju tal-Prinċipalità ta’ Monako. Dan japplika wkoll għall-emendi possibbli ta' dawn l-atti.

2.   Il-Prinċipalità ta’ Monako għandha tapplika d-dispożizzjonijiet adottati minn Franza biex tittrasponi l-atti tal-Unjoni dwar l-attività u l-kontroll tal-istituzzjonijiet ta’ kreditu u l-prevenzjoni ta’ riskji sistematiċi għas-sistemi ta’ saldu ta' pagamenti u titoli li jinsabu fl-Anness A. Għal dan l-għan, il-Prinċipalità ta' Monako għandha tapplika, l-ewwel nett, id-dispożizzjonijiet tal-Kodiċi Monetarju u Finanzjarju Franċiż dwar l-attività u l-kontroll tal-istituzzjonijiet ta’ kreditu kif ukoll ir-regolamenti adottati skont kif previst mill-Konvenzjoni Franko-Monegaska dwar il-kontroll tal-kambju tal-14 ta' April 1945 u permezz tal-iskambji ta' ittri ta' interpretazzjoni sussegwenti bejn il-Gvern tar-Repubblika ta' Franza u l-gvern tal-Altezza Serenissima tiegħu l-Prinċep ta’ Monako tat-18 ta’ Mejju 1963, tal-10 ta’ Mejju 2001, tat-8 ta’ Novembru 2005 u tal-20 ta’ Ottubru 2010 dwar ir-regolamentazzjoni tal-bank, u t-tieni nett, id-dispożizzjonijiet tal-Kodiċi Monetarju u Finanzjarju Franċiż dwar il-prevenzjoni tar-riskji sistematiċi għas-sistemi ta’ saldu ta' pagamenti u titoli.

3.   Il-lista li tinsab fl-Anness A se tiġi emendata mill-Kummissjoni ma’ kull emenda tat-testi kkonċernati u kull darba li jiġi adottat test ġdid mill-Unjoni Ewropea, filwaqt li tiġi kkunsidrata d-data tad-dħul fis-seħħ u tat-traspożizzjoni tat-testi. L-atti legali u r-regoli stabbiliti fl-Anness A huma applikati mill-Prinċipalità ta’ Monako sa mill-inklużjoni tagħhom fil-liġi Franċiża f’konformità mad-dispożizzjonijiet imsemmija fil-paragrafu 2. Ma’ kull emenda, il-lista aġġornata se tiġi ppubblikata f’Il-Ġurnal Uffiċjali tal-Unjoni Ewropea (ĠU).

4.   Il-Prinċipalità ta’ Monako għandha tadotta miżuri ekwivalenti għal dawk meħuda mill-Istati Membri skont l-atti tal-Unjoni li jkunu meħtieġa għall-implimentazzjoni ta’ dan il-Ftehim u li jinsabu fl-Anness B. Il-Kumitat Konġunt imsemmi fl-Artikolu 13 għandu jeżamina l-ekwivalenza bejn il-miżuri meħuda minn Monako u dawk meħuda mill-Istati Membri fl-applikazzjoni tal-atti tal-Unjoni imsemmija aktar 'il fuq skont proċedura li għandha tiġi stabbilita minn dan il-Kumitat.

5.   Bla ħsara għall-proċedura prevista fil-paragrafu 9 ta’ dan l-Artikolu, il-lista li tinsab fl-Anness B se tiġi emendata permezz ta’ deċiżjoni tal-Kumitat Konġunt. Għal dan l-għan, il-Kummissjoni, waqt l-abbozzar ta’ leġiżlazzjoni ġdida fil-qasam kopert minn dan il-Ftehim li tqis li għandha tiġi inkluża fil-lista li tinsab fl-Anness B, għandha tinforma lill-Prinċipalità ta’ Monako. Il-Prinċipalità ta’ Monako għandha tirċievi kopji tad-dokumenti prodotti mill-istituzzjonijiet u l-korpi tal-Unjoni Ewropea fl-istadji differenti tal-proċedura leġiżlattiva. Il-Kummissjoni għandha tippubblika l-Anness B kif emendat f’Il-Ġurnal Uffiċjali tal-Unjoni Ewropea (ĠU).

Il-Kumitat Konġunt jiddeċiedi wkoll dwar limiti ta’ żmien xierqa u raġonevoli għall-implimentazzjoni mill-Prinċipalità ta’ Monako ta’ atti legali ġodda u regoli miżjuda fl-Anness B.

6.   Il-Prinċipalità ta’ Monako għandha tieħu l-miżuri ekwivalenti għad-direttivi tal-Unjoni Ewropea li jinsabu fl-Anness B dwar il-ġlieda kontra l-ħasil tal-flus b’mod konformi mar-rakkomandazzjonijiet tat-Task Force ta’ Azzjoni Finanzjarja (FATF). L-inklużjoni fl-Anness B tar-regolamenti tal-Unjoni Ewropea dwar il-ġlieda kontra l-ħasil tal-flus tiġi deċiża każ b’każ mill-Kumitat Konġunt. L-Unità tal-Intelligence Finanzjarja tal-Prinċipalità ta’ Monako u dawk tal-Istati Membri tal-Unjoni Ewropea jkomplu b’mod attiv bil-kooperazzjoni tagħhom fil-ġlieda kontra l-ħasil tal-flus.

7.   L-istituzzjonijiet ta’ kreditu u, fejn ikun xieraq, l-istituzzjonijiet finanzjarji l-oħrajn, u l-aġenti ta' rappurtar l-oħrajn li jkunu jinsabu fit-territorju tal-Prinċipalità ta’ Monako huma soġġetti għal sanzjonijiet u proċeduri dixxiplinarji implimentati f’każ ta’ nuqqas ta’ osservanza tal-atti legali msemmija fil-paragrafi preċedenti. Il-Prinċipalità ta’ Monako għandha tiżgura l-implimentazzjoni tas-sanzjonijiet imposti mill-awtoritajiet kompetenti b’mod konformi mad-dispożizzjonijiet ta’ dan l-Artikolu.

8.   L-atti legali msemmija fl-ewwel paragrafu ta’ dan l-Artikolu jidħlu fis-seħħ fil-Prinċipalità ta’ Monako fl-istess jum bħal fl-Unjoni Ewropea għal dawk li huma ppubblikati fil-ĠU, fl-istess jum bħal fi Franza għal dawk li jiġu ppubblikati f’Il-Ġurnal Uffiċjali tar-Repubblika Franċiża (Journal officiel de la République française - JORF). L-atti legali ġenerali msemmija fl-ewwel paragrafu ta’ dan l-Artikolu li ma jiġux ippubblikati fil-ĠU jew fil-JORF jidħlu fis-seħħ minn meta jintbagħtu lill-awtoritajiet ta’ Monako. L-atti ta’ natura individwali msemmija fl-ewwel paragrafu ta’ dan l-Artikolu huma applikabbli sa minn meta ssir in-notifika tagħhom lir-riċevitur tagħhom.

9.   Qabel l-għoti ta’ ftehim lil intrapriżi tal-investiment li jkunu jixtiequ jistabbilixxu ruħhom fit-territorju tal-Prinċipalità ta’ Monako u li x’aktarx ikunu joffru servizzi ta’ investiment differenti mill-attivitajiet ta’ ġestjoni għall-kont ta’ terzi u ta’ trażmissjoni ta’ ordnijiet, u bla ħsara għall-obbligi msemmija fil-paragrafu 6 ta’ dan l-Artikolu, il-Prinċipalità ta’ Monako timpenja ruħha biex tieħu l-miżuri ta’ effett ekwivalenti għal dawk tal-atti legali tal-Unjoni fis-seħħ li jirregolaw dawn is-servizzi. B’deroga mill-proċedura prevista fil-paragrafu 5 ta’ dan l-Artikolu, dawn l-atti b’hekk se jiġu inklużi fl-Anness B mill-Kummissjoni.

Artikolu 12

1.   Il-Qorti tal-Ġustizzja tal-Unjoni Ewropea għandu jkollha l-kompetenza esklużiva li ssolvi kull tilwima bejn il-partijiet li tista’ tinqala’ min-nuqqas ta’ eżekuzzjoni ta’ obbligu jew min-nuqqas ta’ osservanza ta’ dispożizzjoni prevista minn dan il-Ftehim u li ma tkunx setgħet tiġi solvuta fi ħdan il-Kumitat Konġunt. Il-partijiet għandhom jimpenjaw ruħhom li jagħmlu kull sforz sabiex it-tilwima tiġi solvuta b’mod amikevoli fi ħdan il-Kumitat Konġunt.

2.   Jekk ma jkun jista’ jsir l-ebda ftehim amikevoli f’dan il-qafas, l-Unjoni Ewropea, li taġixxi skont ir-rakkomandazzjoni tal-Kummissjoni wara konsultazzjoni ma’ Franza u l-BĊE għall-kwistjonijiet irregolati minnu, jew il-Prinċipalità ta’ Monako, tista’ tirreferi l-kwistjoni lill-Qorti tal-Ġustizzja jekk, wara l-eżami preċedenti mill-Kumitat Konġunt, ikun jidher li l-parti l-oħra ma tkunx wettqet obbligu jew ma tkunx osservat dispożizzjoni prevista minn dan il-Ftehim. Is-sentenza tal-Qorti għandha torbot lill-partijiet, li għandhom jieħdu l-miżuri meħtieġa biex jikkonformaw mas-sentenza f’perjodu ta’ żmien stabbilit mill-Qorti fis-sentenza tagħha.

3.   Fil-każ li l-Unjoni Ewropea jew il-Prinċipalità ta’ Monako jonqsu milli jieħdu l-miżuri meħtieġa biex jikkonformaw mas-sentenza tul il-perjodu mogħti lilhom, il-Parti l-oħra tista’ minnufih ittemm il-Ftehim.

4.   Il-kwistjonijiet kollha dwar il-validità tad-deċiżjonijiet tal-istituzzjonijiet jew tal-korpi tal-Unjoni Ewropea li jittieħdu skont dan il-Ftehim, jaqgħu fil-kompetenza esklużiva tal-Qorti tal-Ġustizzja tal-Unjoni Ewropea. B’mod partikolari, kull persuna fiżika jew kull persuna ġuridika domiċiljata fit-territorju tal-Prinċipalità ta’ Monako tista’ tuża l-mezzi ta’ rikors miftuħa għal persuni fiżiċi u ġuridiċi li jkunu stabbiliti fi Franza kontra l-atti legali indirizzati lilhom, tkun xi tkun l-għamla jew in-natura tagħhom.

Artikolu 13

1.   Il-Kumitat Konġunt huwa magħmul minn rappreżentanti tal-Prinċipalità ta’ Monako u tal-Unjoni Ewropea. Il-Kumitat Konġunt għandu jaqsam l-opinjonijiet u l-informazzjoni u jadotta d-deċiżjonijiet imsemmija fl-Artikoli 3, 6 u 11. Hu għandu jistudja l-miżuri meħudin mill-Prinċipalità ta’ Monako u jagħmel ħiltu biex isolvi kull kunflitt potenzjali li jista’ jinqala’ minħabba l-applikazzjoni ta’ dan il-Ftehim. Dan għandu jadotta r-regoli ta’ proċedura tiegħu.

2.   Id-delegazzjoni tal-Unjoni Ewropea hija magħmula mir-Repubblika Franċiża, li tippresjedi, mill-Kummissjoni Ewropea, u mill-Bank Ċentrali Ewropew. Id-delegazzjoni tal-Unjoni Ewropea tadotta r-Regoli ta’ Proċedura tagħha permezz ta’ kunsens.

3.   Id-delegazzjoni ta’ Monako hija magħmula minn rappreżentanti maħtura mill-Ministru tal-Istat u ppreseduta mill-Kunsillier tal-Gvern għall-Finanzi u l-Ekonomija jew ir-rappreżentant tiegħu.

4.   Il-Kumitat Konġunt jiltaqa’ mill-inqas darba fis-sena, kif ukoll kull darba li wieħed mill-membri jqis dan bħala meħtieġ sabiex il-Kumitat ikun jista’ jissodisfa l-missjonijiet li huwa inkarigat bihom minn dan il-Ftehim, b’mod partikolari skont l-iżviluppi leġiżlattivi fuq il-livell Ewropew, Franċiż u ta’ Monako. Il-presidenza għandha tgħaddi minn sena għall-oħra bejn il-President u d-delegazzjoni tal-Unjoni Ewropea u l-President u d-delegazzjoni ta’ Monako. Il-Kumitat Konġunt għandu jieħu d-deċiżjonijiet tiegħu b’vot unanimu tal-partijiet.

5.   Is-Segretarjat tal-Kumitat huwa magħmul minn żewġ persuni maħtura, wieħed mill-President tad-delegazzjoni ta’ Monako u l-ieħor mill-President tad-delegazzjoni tal-Unjoni Ewropea. Is-Segretarjat ukoll jipparteċipa fil-laqgħat tal-Kumitat.

Artikolu 14

Dan il-Ftehim jista’ jintemm minn kull waħda mill-partijiet permezz ta’ notifika minn sena qabel.

Artikolu 15

Dan il-Ftehim huwa mħejji bil-Franċiż, u meta jkun meħtieġ, jista’ jiġi tradott f’lingwi oħrajn tal-Unjoni Ewropea. Madankollu, il-verżjoni Franċiża biss hija awtentika.

Artikolu 16

Dan il-Ftehim għandu jidħol fis-seħħ fl-1 ta’ Diċembru 2011.

Artikolu 17

Il-Ftehim Monetarju tal-24 ta’ Diċembru 2001 għandu jitħassar fid-data tad-dħul fis-seħħ ta’ dan il-Ftehim. Ir-referenzi għall-Ftehim tal-24 ta’ Diċembru 2001 huma inklużi bħala referenzi għal dan il-Ftehim.

---

(1)  ĠU L 30, 4.2.1999, p. 31.

---

---

---

13.10.2012

MT

Il-Ġurnal Uffiċjali tal-Unjoni Ewropea

C 310/12

---

OPINJONI TAL-BANK ĊENTRALI EWROPEW

tal-1 ta’ Awwissu 2012

dwar proposta għal regolament dwar it-titjib fis-saldu tat-titoli fl-Unjoni Ewropea u dwar depożitorji ċentrali tat-titoli

(CON/2012/62)

2012/C 310/02

Introduzzjoni u bażi legali

Fit-3 ta’ April 2012 il-Bank Ċentrali Ewropew (BĊE) irċieva talba mill-Kunsill tal-Unjoni Ewropea għal opinjoni dwar proposta għal regolament dwar it-titjib tas-saldu tat-titoli fl-Unjoni Ewropea u dwar depożitorji ċentrali tat-titoli (central securities depositories — CSDs) u li jemenda d-Direttiva 98/26/KE (1) (iktar ’il quddiem ir-“regolament propost”). Fid-19 ta’ April 2012, il-BĊE rċieva talba mill-Parlament Ewropew għal opinjoni dwar ir-regolament propost.

Il-kompetenza tal-BĊE li jagħti opinjoni hija bbażata fuq l-Artikoli 127(4) u 282(5) tat-Trattat dwar il-Funzjonament tal-Unjoni Ewropea billi r-regolament propost fih dispożizzjonijiet li huma relatati mad-definizzjoni u l-implimentazzjoni tal-politika monetarja taż-żona tal-euro u l-promozzjoni tal-ħidma bla xkiel ta’ sistemi ta’ ħlas taħt l-Artikolu 127(5) tat-Trattat, kif ukoll il-kontribut tal-BĊE għat-tmexxija bla xkiel tal-politiki segwiti mill-awtoritajiet kompetenti fir-rigward tas-superviżjoni prudenzjali ta’ istituzzjonijiet ta’ kreditu u l-istabilità tas-sistema finanzjarja taħt l-Artikolu 127(5) tat-Trattat. Barra minn hekk, l-Artikolu 22 tal-Istatut tas-Sistema Ewropea ta’ Banek Ċentrali u tal-Bank Ċentrali Ewropew (iktar ’il quddiem l-“Istatut tas-SEBĊ”) jipprovdi li l-BĊE u l-banek ċentrali nazzjonali jistgħu jipprovdu faċilitajiet, u l-BĊE jista’ jagħmel regolamenti, sabiex jiġu żgurati sistemi effiċjenti u sodi tal-ikklerjar u tal-ħlas fi ħdan l-Unjoni u ma’ pajjiżi oħrajn. B’mod konformi mal-ewwel sentenza tal-Artikolu 17.5 tar-Regoli ta’ Procedura tal-Bank Ċentrali Ewropew, il-Kunsill Governattiv adotta din l-opinjoni.

Osservazzjonijiet ġenerali

Flimkien mad-Direttiva 2004/39/KE (2) u l-proposta għal regolament dwar derivattivi OTC, kontropartijiet ċentrali u repożitorji tan-negozju (3), ir-regolament propost ser ikun parti mill-qafas regolatorju għal infrastrutturi tas-suq u postijiet fejn isir il-kummerċ. Minħabba d-daqs, il-kumplessità u l-interkonnettività sistemika tagħhom, is-CSDs jitqiesu li huma importanti mill-aspett sistemiku (4) u b’hekk jeħtieġu qafas regolatorju komprensiv għal superviżjoni u sorveljanza li jikkombina għodod mikroprudenzjali u makroprudenzjali. Il-BĊE jappoġġja bis-saħħa l-proposta tal-Kummissjoni biex jissaħħaħ il-qafas legali applikabbli għas-CSDs u biex jiġu armonizzati r-regoli li fuqhom huma msejsa t-tħaddim, l-awtorizzazzjoni u s-superviżjoni tas-CSDs, kif ukoll dawk relatati mal-ħruġ, iż-żamma u t-trasferiment ta’ titoli permezz ta’ tali CSDs fl-Unjoni (5).

L-Eurosistema qed tiżvilippa TARGET2-Securities (T2S) bil-għan li tiżviluppa sistema waħda ta’ saldu għall-Ewropa. F’dan il-kuntest ukoll, il-BĊE jappoġġja bis-saħħa r-regolament propost, li ser itejjeb il-kundizzjonijiet legali u operattivi għal saldu transkonfinali fl-Unjoni b’mod ġenerali u f’T2S b’mod partikolari. F’dan ir-rigward, il-BĊE jirrakkomanda li r-regolament propost, u l-atti implimentattivi korrispondenti, jiġu adottati qabel it-tnedija ta’ T2S li hija ppjanata għal Ġunju 2015.

1.   Ambitu tar-regolament

Ir-regolament propost jistabbilixxi rekwiżiti uniformi għas-saldu ta’ strumenti finanzjarji (6). Skont id-Direttiva 2004/39/KE (7)“strumenti finanzjarji” tinkludi titoli trasferibbli, strumenti tas-suq tal-flus, unitajiet f’impriżi ta’ investiment kollettiv, kuntratti derivattivi, kuntratti finanzjarji għal differenzi u kwoti tal-emissjonijiet. Il-BĊE jinnota f’dan ir-rigward li r-regolament propost ma jiddefinixxix “strumenti finanzjarji” u li xi partijiet tiegħu japplikaw biss għal “titoli” jew titoli trasferibbli (8), waqt li oħrajn japplikaw ukoll għal strumenti tas-suq tal-flus (9), unitajiet f’impriżi ta’ investiment kollettiv u kwoti tal-emissjonijiet (10). Barra minn hekk, ir-regolament propost jiddefinixxi CSDs bħala persuni ġuridiċi li joperaw sistema ta’ saldu tat-titoli u jwettqu ta’ mill-inqas servizz ewlieni ieħor elenkat fl-Anness (11). Il-BĊE huwa tal-fehma li t-tliet servizzi ewlenin kollha għandhom ikunu rregolati. F’dan l-isfond, għall-finijiet ta’ ċarezza legali, il-BĊE jirrakkomanda li jiġi ċċarat ulterjorment l-ambitu tar-regolament propost, kemm fir-rigward tat-tip ta’ strumenti li għalihom japplika kif ukoll għad-definizzjoni ta’ CSD.

Id-definizzjoni ta’ CSD għandha tiġi emendata sabiex jiġi evitat arbitrage regolatorju li jirriżulta mill-ħolqien minn CSD ta' żewġ jew tliet entitajiet legali biex iwettqu attivitajiet prinċipali differenti mingħajr ma jkunu soġġetti għar-Regolament applikabbli għas-CSDs. Il-BĊE jikkunsidra li kull persuna ġuridika li toffri xi wieħed mt-tliet servizzi prinċiali indikati fit-Taqsima A tal-Anness għandha tkun soġġetta għar-Regolament.

2.   Kooperazzjoni bejn l-awtoritajiet

2.1.

Ir-regolament propost jagħti rwol predominanti lill-awtoritajiet superviżorji kompetenti u rwol ta’ appoġġ lill-membri tas-Sistema Ewropea tal-Banek Ċentrali (SEBĊ) bħala awtoritajiet relevanti fir-rigward tas-CSDs. Meta jitqies l-irwol tal-banek ċentrali bħala sorveljaturi u/jew banek ċentrali emittenti, kif ukoll il-fatt li l-banek ċentrali jużaw is-servizzi tas-CSDs għas-saldu ta’ operazzjonijiet tal-politika monetarja, ir-regolament propost għandu jiżgura li s-setgħat tal-awtoritajiet kompetenti u l-Awtorità Ewropea tat-Titoli u s-Swieq (AETS) huma kkumplimentati u bbilanċjati b’involviment adegwat tal-membri tas-SEBĊ. Il-banek ċentrali u r-regolaturi tat-titoli fil-Kumitat ta’ Sistemi ta’ Ħlas u Saldu (Committee on Payment and Settlement Systems — CPSS) u l-Organizzazzjoni Internazzjonali ta’ Kummissjonijiet tat-Titoli (International Organisation of Securities Commissions — IOSCO) għarfu l-importanza ta’ regolazzjoni, superviżjoni u sorveljanza f’infrastrutturi tas-suq finanzjarju, inklużi CSDs (12). Il-BĊE jikkunsidra li r-regolament propost għandu jkun konsistenti mal-prinċipji CPSS-IOSCO. Għandha titrawwem kooperazzjoni effettiva u mill-qrib bejn l-awtoritajiet kompetenti u l-membri tas-SEBĊ, kemm mill-perspettiva ta’ sorveljanza kif ukoll bħala banek ċentrali emittenti u mingħajr preġudizzju għas-setgħat tal-bank ċentrali (13).

2.2.

Il-BĊE jinnota wkoll li r-regolament propost diġà jidentifika numru ta’ oqsma ta’ kooperazzjoni u jissuġġerixxi xi oqsma addizzjonali fejn jikkunsidra li dan l-involviment AETS-SEBĊ huwa meħtieġ ukoll. Barra minn hekk, il-BĊE jenfasizza l-ħtieġa għal ħidma konġunta tal-AETS-SEBĊ dwar l-iżvilupp ta’ abbozzi ta’ standards tekniċi. Dan għandu jiżgura li l-membri tas-SEBĊ ma jkollhomx bżonn jiżviluppaw rekwiżiti addizzjonali, u potenzjalment differenti, dwar miżuri ta’ sorveljanza, inklużi atti legali. Barra minn hekk, dan jevita l-ħtieġa għal evalwazzjoni kontinwa ta’ CSDs li jieħdu sehem fis-saldu ta’ operazzjonijiet ta’ politika monetarja kontra standards tal-utenti (14) li kieku jkunu meħtieġa biex jiġu sodisfatti l-obbligi legali tas-SEBĊ. L-iskambju tempestiv u adegwat ta’ informazzjoni neċessarja, inkluż għal finijiet ta’ stabilità finanzjarja, sorveljanza u statistika, huwa wkoll ta’ importanza partikolari f’dan il-kuntest.

2.3.

L-abbozz tar-regolament b’hekk għandu jipprovdi għal regoli dwar il-kooperazzjoni li jippermettu lill-awtoritajiet kompetenti u relevanti li jwettqu r-responsabbiltajiet tagħhom kemm domestikament kif ukoll f’kuntest transkonfinali b’mod konformi mal-prinċipji CPSS-IOSCO (15). Ir-regolament propost għandu jiffaċilita superviżjoni u sorveljanza komprensivi f’kuntest transkonfinali minħabba l-iżvilupp mistenni ta' operazzjonijiet u saldu transkonfinali, kif ukoll konnessjonijiet bejn CSDs, karatteristika li għandha tiġi ffaċilitata u saħansitra mrawma bit-tnedija tal-pjattaforma komuni T2S. L-awtoritajiet kompetenti għandu jkollhom l-għażla li jiddeċiedu dwar il-forma xierqa ta’ arranġamenti ta’ kooperazzjoni. F’dan l-isfond, l-għażla li jiġu stabbiliti kulleġġi ta’ awtoritajiet tista’ tiġi prevista b’mod partikolari meta CSD iwettaq attività transkonfinali permezz ta’ sussidjarja jew fergħa jew meta l-forniment ta’ servizzi transkonfinali jsir sostanzjali (16).

3.   Sorveljanza makro-prudenzjali

Ġie rikonoxxut li infrastrutturi robusti tas-suq finanzjarju, inklużi sistemi ta' saldu tat-titoli, jagħtu kontribut essenzjali għall-istabilità finanzjarja billi jnaqqsu r-riskju sistemiku (17). Il-BĊE jinnota li s-sorveljanza makro-prudenzjali mill-Bord Ewropew għar-Riskju Sistemiku u minn awtoritajiet nazzjonali relevanti għandhom jitwettqu mingħajr preġudizzju għas-setgħat rispettivi tal-membri tas-SEBĊ.

4.   Saldu tal-flus tal-bank ċentrali

Ir-regolament propost jippermetti lis-CSDs biex joffru saldu bi flus ta’ banek kummerċjali meta saldu bi flus tal-bank ċentrali ma jkunx prattiku u disponibbli (18). Dan huwa konformi mal-prinċipji CPSS-IOSCO u r-rakkomandazzjonijiet SEBĊ-CESR (19), u huwa prova li l-likwidità tal-bank ċentrali u l-flus ta' bank kummerċjali mhumiex opzjonijiet ekwivalenti f'termini ta' riskju. Meta CSD jitħalla joffri saldu bi flus ta’ bank kummerċjali, għandu jkun meħtieġ jistabbilixxi u jissorvelja l-aderenza ma’ kriterji stretti għall-istituzzjoni ta’ kreditu li taġixxi bħala bank ta’ saldu (20). Il-BĊE jilqa’ wkoll il-fatt li r-regolament propost ma jirregolax l-aċċess għall-kreditu tal-bank ċentrali, inkluża assistenza għal likwidità ta’ emerġenza, li hija prerogattiva tal-banek ċentrali u hija marbuta direttament mal-politika monetarja.

5.   CSDs u servizzi anċillari ta’ tip bankarju

5.1.

Ir-regolament propost jipprovdi li s-CSDs ma jistgħux huma stess jipprovdu servizzi anċillari ta' tip bankarju u li minflok għandhom ikunu awtorizzati li jiddenominaw istituzzjoni ta' kreditu waħda jew aktar biex iwettqu ċerti servizzi anċillari ta' tip bankarju ddefiniti fir-regolament propost. Madankollu, permezz ta’ deroga u waqt li jitqiesu ċerti salvagwardji, xi CSDs jistgħu jingħataw awtorizzazzjoni limitata biex iwettqu dawk is-servizzi (21).

5.2.

Dan jeħtieġ reviżjoni b’reqqa sabiex tiġi żgurata konsistenza mar-regoli tal-Unjoni dwar il-kompetizzjoni u mal-oqfsa leġiżlattivi bankarji u dwar is-sorveljanza makroprudenzjali sistemika (22), kif ukoll allokazzjoni xierqa ta’ kompiti bejn l-awtoritajiet superviżorji tas-CSDs u l-awtoritajiet superviżorji bankarji. F’dan ir-rigward u kif ġie rrimarkat f’opinjoni preċedenti l-BĊE jiffavorixxi l-involviment sistematiku tal-Awtorità Bankarja Ewropea (ABE) biex issir kwalunkwe analiżi teknika preċedenti fir-rigward tal-leġiżlazzjoni bankarja tal-Unjoni (23). B’mod aktar speċifiku, ir-regolament propost jiddistingwi bejn servizzi anċillari ta’ tip bankarju għall-parteċipanti ta’ sistema ta’ saldu tat-titoli relatata ma’ servizz ta’ saldu, minn naħa waħda, u servizzi anċillari ta’ tip bankarju relatati ma’ servizzi ewlenin jew anċillari oħrajn min-naħa l-oħra (24). Jippermetti wkoll lill-Kummissjoni biex tadotta atti ddelegati sabiex tispeċifika dawn is-servizzi anċillari (25). Il-BĊE huwa tal-fehma li d-distinzjoni li qiegħda ssir hawn fuq mhijiex ċara u li s-servizzi anċillari ta' tip bankarju li għalihom issir referenza għandhom ikunu allinjati kemm jista’ jkun mat-terminoloġija fil-leġiżlazzjoni bankarja Ewropea.

5.3.

Il-qafas għall-forniment ta’ servizzi bankarji anċillari għandu jkun iggwidat b’mitigazzjoni xierqa tar-riskji waqt li tiġi ssalvagwardjata l-effiċjenza tas-CSDs fil-forniment tas-servizzi tagħhom. Minħabba n-natura kruċjali ta’ din il-kwistjoni, evalwazzjoni aktar komprensiva tad-diversi opzjonijiet għall-forniment ta’ servizzi bankarji anċillari tista’ tkun meħtieġa. Tali evalwazzjoni tkun ta’ assistenza sabiex jiġu ddeterminati bis-sħiħ (a) riskji differenti, inklużi riskji bbażati fuq reżoluzzjoni kif ukoll riskji legali, ta' kreditu, ta' likwidità, operattivi u ta' negozju, u (b) profili ta’ effiċjenza li huma inerenti għal dawn l-opzjonijiet u din għandha tgħin biex tiddefinixxi l-aktar mudell sigur u effiċjenti. Il-BĊE huwa lest li jikkontribwixxi għal dik l-evalwazzjoni. Barra minn hekk, m’għandu jkun hemm ebda inċertezza dwar l-ambitu preċiż ta’ servizzi anċillari bankarji li istituzzjonijiet ta’ kreditu ddenominati jkunu awtorizzati li jwettqu (26), ir-rekwiżiti prudenzjali li għalihom ikunu soġġetti, u l-grad tagħhom ta’ awtonomija fil-konfront tal-qafas leġiżlattiv bankarju (27).

5.4.

Ir-regolament propost jillimita s-servizzi li għandhom jiġu pprovduti minn istituzzjoni ta’ kreditu ddenominata li tkun tappartjeni għall-istess grupp bħas-CSD (28). Il-BĊE jifhem li din il-limitazzjoni hija mmexxija minn konsiderazzjonijiet ta’ riskju, b’mod partikolari l-evitar ta’ effetti ta’ tixrid. Il-BĊE jirrakkomanda li din il-limitazzjoni tiġi estiża għall-istituzzjonijiet ta’ kreditu kollha li jipprovdu s-servizzi bankarji elenkati fit-Taqsima Ċ tal-Anness għall-parteċipanti ta’ sistema ta’ saldu ta’ titoli wara li jitqiesu l-effetti potenzjali negattivi fuq il-kapaċità tas-CSD li jkompli jwettaq il-funzjonijiet tiegħu, b’mod partikolari dawk ibbażati fuq mekkaniżmu ta’ kunsinna kontra ħlas, fil-każ ta’ riżoluzzjoni jew insolvenza tal-istituzzjoni ta’ kreditu.

5.5.

Fl-aħħar nett, il-BĊE jikkunsidra li l-proċedura proposta għall-għoti ta’ deroga hija pjuttost kumplessa u tista’ tinġieb aktar effiċjenti sabiex jinkiseb il-grad meħtieġ ta’ ċertezza u uniformità. B’mod partikolari, l-adozzjoni ta’ kriterji oġġettivi, inklużi kriterji kwantitattivi fejn dan ikun possibbli, minbarra l-kriterji kwalitattivi neċessarji pprovduti fil-proposta, għandha tiġi żgurata sabiex jiġi ddeterminat jekk tistax tingħata deroga jew le.

6.   Konsistenza ma’ standards globali għas-CSDs

Ir-regolament propost jirrikonoxxi li r-Regolament għandu jsegwi r-rakkomandazzjonijiet eżistenti żviluppati mis-CPSS-IOSCO (29). Madankollu, hemm xi inkonsistenzi bejn il-prinċipji CPSS-IOSCO u r-regolament propost, li l-BĊE jirrakkomanda li għandhom jiġu indirizzati. Pereżempju, ir-rekwiżiti għal parteċipazzjoni f'diversi livelli (30) mhumiex indirizzati mir-regolament propost. Barra minn hekk, ir-regolament propost isemmi l-bżonn li jiġu mmaniġġjati r-riskji li jinħolqu mill-interdipendenzi (31) biss fil-kuntest ta’ riskju operattiv (32). Hemm ukoll inkonsistenzi fir-rigward tal-immaniġġjar tar-riskju ta’ likwidità (33), i.e. ir-regolament propost ma jiddistingwix bejn sistemi ta’ saldu differit nett (deferred net settlement systems — DNS) li jipprovdu garanzija ta’ saldu u dawk id-DNS li ma jipprovdux tali garanzija. Dan mhuwiex konformi mal-prinċipji CPSS-IOSCO li jeħtieġu DNS li tipprovdi garanzija ta’ saldu li tkopri skoperturi ta’ kreditu u likwidità bis-sħiħ, waqt li DNS mingħajr garanzija ta’ saldu jeħtieġu li jkopru l-iskoperturi tal-kreditu għall-akbar żewġ parteċipanti u l-affiljati tagħhom u l-iskopertura ta’ likwidità għall-akbar parteċipant u l-affiljati tiegħu.

7.   Esternalizzazzjoni lil entitajiet pubbliċi

Ir-regolament propost jintroduċi rekwiżiti li s-CSDs għandhom jissodisfaw meta jesternalizzaw parti mill-attivitajiet tagħhom (34). Issir eżenzjoni għal sitwazzjonijiet fejn CSD jesternalizza wħud mill-operazzjonijiet tiegħu lil entitajiet pubbliċi, kemm-il darba qafas legali, regolatorju u operattiv xieraq ikun jirregola dan l-arranġament. Il-BĊE jinnota li din l-eżenzjoni tkopri l-proġett preżenti T2S li qed isir mill-Eurosistema. Il-BĊE jilqa’ din l-eżenzjoni, li tieħu f’kunsiderazzjoni li tali esternalizzazzjoni tista’ tirriżulta f’benefiċċji sinifikanti għall-ekonomija, tikkontribwixxi għat-twettiq tal-kompiti tal-Eurosistema u hija soġġetta għal ftehim qafas li fih hemm salvagwardji (35).

8.   Kunflitt ta’ liġijiet

Ir-regolament propost jipprovdi bħala regola ġenerali li kull kwistjoni fir-rigward ta’ aspetti proprjetarji fir-rigward ta’ titoli miżmuma minn CSD hija rregolata mil-liġi tal-pajjiż fejn jinżamm il-kont tat-titoli (36). Għalkemm tali regola ġenerali hija konsistenti mal-approċċ segwit f’atti legali oħrajn tal-Unjoni li tiġi applikata l-liġi tal-post tal-intermedjarju relevanti għal aspetti proprjetarji fir-rigward ta’ titoli (37), il-BĊE joġġezzjona bis-saħħa kontra l-introduzzjoni tar-regoli addizzjonali dwar il-kunflitt tal-liġijiet li tkun inkonsistenti mal-leġiżlazzjoni eżistenti tal-Unjoni u taffettwa ċ-ċertezza legali (38).

Barra minn hekk, u kif intqal f'opinjoni preċedenti, waqt li regola ċara u sempliċi dwar il-kunflitt tal-liġijiet għal kull aspett ta' titoli b'entrata fil-kont hija importanti għaż-żamma u t-trasferiment transkonfinali effiċjenti u sigur ta' strumenti finanzjarji, l-applikazzjoni prattika ta' reġim wieħed ta’ kunflitt tal-liġijiet għall-ikklirjar u s-saldu transkonfinali ta’ titoli fl-Unjoni tkompli tiżvela differenzi bejn l-Istati Membri fir-rigward tal-interpretazzjoni ta’ “fejn jinsab kont” (39). F’dan ir-rigward, il-BĊE jidhirlu li huwa neċessarju li jiġu armonizzati d-diversi oqfsa legali tal-Unjoni għaż-żamma u ċ-ċessjoni ta’ titoli u l-eżerċitar tad-drittijiet marbuta ma’ titoli b’mod konformi mar-rapport finali tal-Grupp dwar iċ-Ċertezza Legali (40).

9.   Reġim speċifiku għar-riżoluzzjoni ta’ CSDs

Peress li r-regolament propost ma jinkludix reġim speċifiku u komprensiv għar-riżoluzzjoni ta’ CSDs, il-BĊE jirrakkomanda li jiġi adottat tali reġim.

Fejn il-BĊE jirrakkomanda illi r-regolament propost jiġi emendat, qed jiġu stabbiliti fl-Anness għal dan il-għan proposti speċifiċi għall-abbozzar flimkien ma’ test spjegattiv.

---

(1)  KUMM(2012) 73 finali.

(2)  Direttiva 2004/39/KE tal-Parlament Ewropew u tal-Kunsill tal-21 ta’ April 2004 dwar is-swieq fl-istrumenti finanzjarji li temenda d-Direttivi tal-Kunsill 85/611/KEE u 93/6/KEE u d-Direttiva 2000/12/KE tal-Parlament Ewropew u tal-Kunsill u li tħassar id-Direttiva tal-Kunsill 93/22/KEE (ĠU L 145, 30.4.2004, p. 1). Preżentament qed tiġi rriveduta. Ara l-proposta għal Direttiva tal-Parlament Ewropew u tal-Kunsill dwar is-swieq fl-istrumenti finanzjarji li tirrevoka d-Direttiva 2004/39/KE tal-Parlament Ewropew u tal-Kunsill, KUMM(2011) 656 finali, u l-Proposta għal Regolament tal-Parlament Ewropew u tal-Kunsill dwar is-swieq tal-istrumenti finanzjarji u li jemenda r-Regolament (EMIR) dwar id-derivati OTC, il-kontropartijiet ċentrali u r-repożitorji tan-negozju, KUMM(2011) 652 finali.

(3)  Ara l-proposta għal Regolament tal-Parlament Ewropew u tal-Kunsill dwar derivati OTC, kontropartijiet ċentrali u repożitorji tan-negozju, KUMM(2010) finali.

(4)  Ara l-paragrafu 1 tal-memorandum spjegattiv għar-regolament propost.

(5)  Ara wkoll ir-risposta tas-servizzi tal-BĊE tat-22 ta’ Marzu 2011 (iktar ’il quddiem “ir-risposta tal-BĊE”) għall-konsultazzjoni pubblika tal-Kummissjoni dwar id-depożitorji ċentrali tat-titoli u dwar l-armonizzazzjoni ta’ ċerti aspetti ta’ saldu ta’ titoli fl-Unjoni Ewropea (iktar ’il quddiem il-“konsultazzjoni tal-Kummissjoni”). Ir-risposta tal-BĊE hija disponibbli fuq il-websajt tal-BĊE fuq http://www.ecb.int

(6)  Ara l-Artikolu 1(1) tar-regolament propost.

(7)  Direttiva 2004/39/KE. Il-proposta tal-Kummissjoni li tħassar id-Direttiva 2004/39/KE (ara n-nota ta’ qiegħ il-paġna 3) tinkorpora wkoll il-kunċett ta’ konċessjonijiet ta’ emissjonijiet.

(8)  Ara l-Artikolu 4(18) tad-Direttiva 2004/39/KE.

(9)  Ara l-Artikolu 4(19) tad-Direttiva 2004/39/KE.

(10)  Il-kwoti tal-emissjonijiet huma ddefiniti fir-regolament propost b’referenza għad-Dierttiva 2003/87/KE tal-Parlament Ewropew u tal-Kunsill tat-13 ta’ Ottubru 2003 li tistabbilixxi skema għall-iskambju ta’ kwoti ta’ emissjonijiet ta’ gassijiet serra ġewwa l-Komunità u li temenda d-Direttiva 96/61/KE (ĠU L 275, 25.10.2003, p. 32).

(11)  Ara l-Artikolu 2(1)(1) tar-regolament propost u t-Taqsima A tal-Anness tiegħu.

(12)  Ara CPSS-IOSCO, “Principles for financial market infrastructures”, April 2012, disponibbli fuq is-sit elettroniku tal-BIS fuq http://www.bis.org, b’mod partikolari l-Kapitolu 4 (iktar ’il quddiem il-“prinċipji CPSS-IOSCO”).

(13)  Ara l-Opinjoni tal-BĊE CON/2011/1 tat-13 ta’ Jannar 2011 dwar proposta għal regolament tal-Parlament Ewropew u tal-Kunsill dwar derivati OTC, kontropartijiet ċentrali u repożitorji tat-tranżazzjonijiet (CON/2011/1) (ĠU C 57, 23.2.2011, p. 1). L-opinjonijiet kollha tal-BCE huma ppubblikati fil-websajt tal-BĊE fuq http://www.ecb.europa.eu

(14)  Standards għall-użu tas-sistemi ta’ saldu tat-titoli tal-UE f’operazzjonijiet ta’ kreditu tas-SEBĊ, Istitut Monetarju Ewropew, Jannar 1998.

(15)  Ara b’mod partikolari r-Responsabbiltà E (Kooperazzjoni ma’ awtoritajiet oħrajn) tal-prinċipji CPSS-IOSCO.

(16)  Kemm il-qafas leġiżlattiv UE EMIR kif ukoll id-Direttiva 2006/48/KE tal-Parlament Ewropew u tal-Kunsill tal-14 ta’ Ġunju 2006 rigward il-bidu u l-eżerċizzju tan-negozju tal-istituzzjonijiet ta’ kreditu (ĠU L 177, 30.6.2006, p. 1) u l-prinċipji CPSS-IOSCO diġà jipprovdu għall-istabbiliment ta’ kulleġġi.

(17)  Ara Bord għall-Istabilità Finanzjarja, “Reducing the moral hazard posed by systemically important financial institutions — recommendations and time lines”, Ottubru 2010, p. 8.

(18)  Artikolu 37(2) tar-regolament propost.

(19)  Ara f’dan ir-rigward il-prinċipju 9 tal-prinċipji CPSS-IOSCO, u r-Rakkomandazzjoni 10 tar-‘Rakkomandazzjonijiet għal sistemi ta’ saldu ta’ titoli u rakkomandazzjonijiet għal kontropartijiet ċentrali fl-Unjoni Ewropea’ tas-SEBĊ-KRET, Mejju 2009 (iktar ’il quddiem ir-rakkomandazzjonijiet SEBĊ-KRET’).

(20)  Ara f’dan ir-rigward il-prinċipju 9 tal-prinċipji CPSS-IOSCO u r-Rakkomandazzjoni 10 tar-rakkomandazzjonijiet SEBĊ-KRET.

(21)  Ara b’mod partikolari t-Titolu IV u t-Taqsima Ċ tal-Anness għar-regolament propost.

(22)  Ara d-Direttiva 2006/48/KE u l-emendi li preżentament qegħdin jiġu diskussi fit-testi ta’ kompromess tal-presidenza.

(23)  Ara f’dan ir-rigward il-paragrafu 3.2 tal-Opinjoni tal-BĊE CON/2012/5 tal-25 ta’ Jannar 2012 dwar proposta għal Direttiva dwar l-aċċess għall-attività tal-istituzzjonijiet ta’ kreditu u s-superviżjoni prudenzjali tal-istituzzjonijiet ta’ kreditu u tad-ditti ta’ investiment u dwar proposta għal Regolament dwar ir-rekwiżiti prudenzjali għall-istituzzjonijiet ta’ kreditu u ditti tal-investiment (ĠU C 105, 11.4.2012, p. 1).

(24)  Ara t-Taqsima Ċ tal-Anness tar-regolament propost.

(25)  Ara l-Artikolu 2(2) tar-regolament propost.

(26)  Ara l-Artikolu 54 tar-regolament propost.

(27)  See in this respect Articles 57 and 58 of the proposed regulation.

(28)  Ara l-Artikolu 52(5) tar-regolament propost.

(29)  Ara l-premessa 25 tar-regolament propost.

(30)  Ara l-prinċipju 19 tal-prinċipji CPSS-IOSCO.

(31)  Ara l-prinċipju 3 tal-prinċipji CPSS-IOSCO.

(32)  Artikolu 42(6) tar-regolament propost.

(33)  Ara l-prinċipju 7 tal-prinċipji CPSS-IOSCO u l-Artikolu 57 tar-regolament propost.

(34)  Ara l-Artikolu 28 tar-regolament propost.

(35)  Ara l-konsultazzjoni tal-Kummissjoni u r-risposta tal-BĊE.

(36)  Ara l-Artikolu 46(1) tar-regolament propost.

(37)  Ara l-Artikolu 9 tad-Direttiva 98/26/KE tal-Parlament Ewropew u ial-Kunsill tad-19 ta’ Mejju 1998 dwar finalità ta’ settlement fis-sistemi ta’ settlement ta’ pagamenti u titoli (ĠU L 166, 11.6.1998, p. 45), l-Artikolu 9 tad-Direttiva 2002/47/KE tal-Parlament Ewropew u tal-Kunsill tas-6 ta' Ġunju 2002 dwar arranġamenti finanzjarji kollaterali (ĠU L 168, 27.6.2002, p. 43), u l-Artikolu 24 tad-Direttiva 2001/24/KE tal-Parlament Ewropew u tal-Kunsill tal-4 ta' April 2001 fuq ir-riorganizzazzjoni u l-istralċ ta' istituzzjonijiet ta' kreditu (ĠU L 125, 5.5.2001, p. 15).

(38)  Ara l-Artikolu 46(2) tar-regolament propost.

(39)  Ara f’dan ir-rigward l-Opinjoni tal-BĊE CON/2008/37 tas-7 ta’ Awwissu 2008 dwar proposta għal direttiva li temenda d-Direttiva 98/26/KE u d-Direttiva 2002/47/KE (ĠU C 216, 23.8.2008, p. 1), paragrafu 8.

(40)  Ara http://ec.europa.eu/internal_market/financial-markets/docs/certainty/2ndadvice_final_en.pdf

---

---

13.10.2012

MT

Il-Ġurnal Uffiċjali tal-Unjoni Ewropea

C 310/32

---

Lista ta' Punti Nazzjonali ta' Informazzjoni dwar il-Futbol (NFIPs)

2012/C 310/03

L-aġġornamenti għandhom jintbagħtu fuq: lewp@consilium.europa.eu

MS	Servizz	Inidirizz	Telefown/Feks	E-mail
BE	Police fédérale Direction générale de la police administrative Direction des opérations et informations Sécurité Intégrale Football (SIF)	Rue Fritz Toussaintstraat 8 1050 Bruxelles	+32 26426019 +32 26426070 +32 26464940 (Fax)	ivv-sif@skynet.be
BG	National Information Centre — Sport Events Security Unit Criminal Police Department National Police Chief Directorate Ministeru tal-Intern	Alexander Malinov blvd. 1 1715 Sofia	+359 29828610 +359 29316080 (Fax)	nfip@mvr.bg
CZ	Policejní prezidium České republiky Úřad služby kriminální policie a vyšetřování Police Presidium of the Czech Republic Bureau of Criminal Police and Investigation Service)	Strojnická 27 PO Box 62/KPV 170 89 Praha 7	+420 974824105 +420 974824150 +420 603190315 +420 603190084 +420 974824289 (Fax)	uskpv.podatelna@mvcr.cz cz.sis@mvcr.cz
DK	Danish National Police, Ċentru ta' Komunikazzjoni	Ejby Industrivej 125-135 2620 Glostrup	+45 33430601 +45 33322771 (Fax)	NEC@politi.dk
DE	Landesamt für Zentrale Polizeiliche Dienste Nordrhein-Westfalen (LZPD NRW) Zentrale Informationsstelle Sporteinsätze (ZIS) Unità Ċentrali ta' Informazzjoni dwar l-Isport, Ġermanja	Hammfelddamm 4a 41460 Neuss	+49 2034175-4130 +49 2034175-4131 +49 2034175-4257 +49 2034175-4258 +49 2034175-4904 (Fax)	zis@polizei.nrw.de
EE	Coordination Division Development Bureau Public Order Police Directorate Bord tal-Pulizija u tal-Gwardja tal-Fruntiera	Ädala 4e 10614 Tallinn	+372 6123229 +372 6123910 (24 h) +372 6123209 (Fax)	nfip.estonia@list.pol.ee
EL	Ministry of Public Order and Citizen Protection/Hellenic Police Headquarters/General Policing Division	P. Kanellopoulou Ave. 4 101 77 Athens	+30 2106924929 +30 6977788519 +30 2106998150 (Fax)	nfipgreece@astynomia.gr
ES	National Sport Office -Oficina Nacional de Deportes- Secretaría General de la Comisaría General de Seguridad Ciudadana	Calle Julián González Segador, s/n 28043 Madrid	+34 915822710 +34 915822711 +34 915822712 (Fax)	ond@policia.es
FR	Direction centrale de la sécurité publique Division nationale de lutte contre le hooliganisme	11 rue Cambacérès 75011 Paris	+33 149274845 +33 140072279 (Fax)	dcsp.pnif@interieur.gouv.fr
IE	National Football Information Points, National Criminal Intelligence Security and Intelligence	Garda Headquarters Phoenix Park Dublin 8	+353 16661815	SI_NCIU@garda.ie
IT	Ministero dell'Interno Dipartimento della Pubblica Sicurezza Ufficio Ordine Pubblico	Piazza del Viminale 1 00184 Roma RM	+39 0646527993 +39 0646547798 (Fax)	cnims@interno.it
CY	Ministry of Justice and Public Order Cyprus Police Headquarters, Operations Branch National Football Information Point	Antistratigou Evangelou Floraki str. Floraki str. 1478 Nicosia	+357 22808559 +357 22808341 (Fax)	nfiphq@police.gov.cy
LV	Central Public Order Police Department of State Police	Čiekurkalna 1. līnija K-4 Rīga, LV-1026	+371 67829335 +371 67829449 (Fax)	pasakumi@vp.gov.lv
LT	Police Department under the MoI International Cooperation Board	Saltoniskiu g. 19 LT-08105 Vilnius	+370 52719867 +370 52717951 (Fax)	nfip-lithuania@policija.lt
	Għal każijiet urġenti (servizz 24/7) Lithuanian Criminal Police Bureau International Liaison Office	Liepyno g. 7 LT-08105 Vilnius	+370 52719900 +370 52719924 (Fax)	office@ilnb.lt
LU	Direction générale de la police Grand-Ducale Direction des opérations et de la prévention	2957 Luxembourg	+352 49972360 +352 49972399 (Fax)	dop@police.etat.lu
HU	Hungarian National Police Law Enforcement Directorate Public Order Department	Budapest Teve u. 4–6. 1139	+36 14435507 +36 14435543 (Fax)	nfiphungary@orfk.police.hu
MT	Kwartieri Ġenerali tal-Pulizija Servizzi ta’ Protezzjoni Forza tal-Pulizija ta' Malta	Kwartieri Ġenerali tal-Pulizija Pjazza San Kalċidonju Floriana FRN 1530	+356 21224001 +356 21226183 (Fax)	carmelo.magri@gov.mt
NL	National Football Information Point, CIV	PO Box 8300 3503 RH Utrecht	+31 306577222 +31 306577239 (Fax)	civ@wxs.nl civ@utrecht.politie.nl http://www.civ-voetbal.com
AT	Bundesministerium für Inneres (Ministry of the Interior) Generaldirektion für die öffentliche Sicherheit Abteilung II/11 — Sportangelegenheiten	Türkenstraße 22 1090 Wien	+43 13131085501 +43 13131085590 (Fax)	BMI-II-11@bmi.gv.at
PL	General Headquarters of Police General Police Staff National Football Information Point	ul. Puławska 148/150 02-624 Warszawa	+48 226015034 +48 226013537 +48 226012823 +48 226015001 (Fax)	kpk@policja.gov.pl
PT	Polícia de Segurança Pública Direcção Nacional Departamento de Informações Policiais	Largo da Penha de França 1.o 1199-010 Lisboa	+351 218111000 +351 218147705 (Fax)	pnif@psp.pt
RO	Ministry of Administration and Interior/General Inspectorate of Romanian Gendarmerie — National Football Information Point	Str. Jandarmeriei nr. 9-11, sector 1 013894 București	+40 213198065 +40 214096557 +40 213198065 (Fax)	nfip@mai.gov.ro
SI	Ministeru tal-Intern Uniformed Police Directorate General Policing Division	Štefanova ulica 2 SI-1501 Ljubljana	+386 14284989 +386 14284751 +386 14284791 (Fax)	ssp.uup@policija.si
SK	Národné informačné centrum NUI Bratislava (NFIP Bratislava)	Vajnorská 25 Bratislava	+421 0961050318 +421 0961059002 (Fax)	divackenasilie@minv.sk nic@nui.minv.sk (non EU countries only)
FI	Helsinki Police, Operational Policing Department	Pasilanraitio 11 FI-00240 Helsinki	+358 718776111 +358 718772812 (Fax)	nfip-fin@poliisi.fi
SE	National Bureau of Investigation, International Police Cooperation Division (IPO)	POB 12256 SE-102 26 Stockholm	+46 105637000 +46 86514203 (Fax)	ipo@rkp.police.se
UK	UKFPU (United Kingdom Football Policing Unit)	Kaxxa Postali 51997 London SW9 6TN	+44 2077857161-82 +44 2077857184 (Fax)	footballdesk@fpu.pnn.police.uk
Europol		Visitors address: Eisenhowerlaan 73 2517 KK Den Haag NEDERLAND   Postal address: Europol PO Box 908 50 2509 LW Den Haag NEDERLAND	+31 703531022	O1@europol.europa.eu navarroj@europol.europa.eu

---

13.10.2012

MT

Il-Ġurnal Uffiċjali tal-Unjoni Ewropea

C 310/36

---

Rata tal-kambju tal-euro (1)

It-12 ta’ Ottubru 2012

2012/C 310/04

1 euro =

	Munita	Rata tal-kambju
USD	Dollaru Amerikan	1,2970
JPY	Yen Ġappuniż	101,70
DKK	Krona Daniża	7,4589
GBP	Lira Sterlina	0,80650
SEK	Krona Żvediża	8,6830
CHF	Frank Żvizzeru	1,2093
ISK	Krona Iżlandiża
NOK	Krona Norveġiża	7,4005
BGN	Lev Bulgaru	1,9558
CZK	Krona Ċeka	24,950
HUF	Forint Ungeriż	281,40
LTL	Litas Litwan	3,4528
LVL	Lats Latvjan	0,6961
PLN	Zloty Pollakk	4,0978
RON	Leu Rumen	4,5648
TRY	Lira Turka	2,3437
AUD	Dollaru Awstraljan	1,2654
CAD	Dollaru Kanadiż	1,2678
HKD	Dollaru ta' Hong Kong	10,0541
NZD	Dollaru tan-New Zealand	1,5815
SGD	Dollaru tas-Singapor	1,5834
KRW	Won tal-Korea t'Isfel	1 441,35
ZAR	Rand ta' l-Afrika t'Isfel	11,1779
CNY	Yuan ren-min-bi Ċiniż	8,1267
HRK	Kuna Kroata	7,5223
IDR	Rupiah Indoneżjan	12 438,76
MYR	Ringgit Malażjan	3,9658
PHP	Peso Filippin	53,744
RUB	Rouble Russu	40,2000
THB	Baht Tajlandiż	39,740
BRL	Real Brażiljan	2,6428
MXN	Peso Messikan	16,6949
INR	Rupi Indjan	68,5060

---

(1)  Sors: rata tal-kambju ta' referenza ppubblikata mill-Bank Ċentrali Ewropew.

---

13.10.2012

MT

Il-Ġurnal Uffiċjali tal-Unjoni Ewropea

C 310/37

---

Sejħa għal espressjonijiet ta' interess fis-sħubija fil-bord ta’ esperti indipendenti u multisettorjali li se jkun qed jipprovdi pariri dwar modi effettivi ta' investiment fis-saħħa

2012/C 310/05

Din is-sejħa hija indirizzata lil dwk l-esperti li jixtiequ jkunu kkunsidrati għal sħubija fil-bord espert indipendenti u multisettorjali li se jkun qed jipprovdi pariri dwar modi effettivi ta' investiment fis-saħħa (“il-bord”) u li twaqqaf permezz tad-Deċiżjoni tal-Kummissjoni 2012/C 198/06 tal-5 ta' Lulju 2012 (1).

Ir-rwol tal-bord huwa li jipprovdi lill-Kummissjoni b'pariri indipendenti u multisettorjali dwar modi effettivi ta' investiment fis-saħħa. Ix-xogħol tal-bord huwa bbażat fuq il-prinċipji ta' eċċellenza, indipendenza, approċċ multisettorjali u trasparenza.

Il-kompożizzjoni u l-mandat tal-bord

Il-bord se jkun jikkonsisti minn massimu ta' 17-il membru u jista’ jassoċja ruħu, fuq inizjattiva tiegħu stess u bi qbil mal-Kummissjoni, ma’ esperti esterni, kif ukoll ma’ esperti minn korpi oħra tal-UE biex jikkontribwixxu għall-ħidma tiegħu fuq kwistjonijiet speċifiċi. Dawn l-esperti assoċjati jipparteċipaw fl-attivitajiet u fid-deliberazzjonijiet li jirrigwardaw is-suġġett ikkunsidrat bl-istess funzjonijiet, responsabbiltajiet u drittijiet tal-membri tal-bord.

Il-Membri tal-bord jinħatru mill-Kummissjoni abbażi tal-għarfien tagħhom f'qasam wieħed jew aktar ta' kompetenzi u kollettivament ikopru l-aktar firxa wiesgħa possibbli ta' dixxiplini. L-oqsma tal-għarfien huma stipulati fl-Anness I tad-Deċiżjoni 2012/C 198/06.

Il-Membri jinħatru fil-bord għal terminu ta’ tliet snin u ma jistgħux iservu aktar minn tliet termini konsekuttivi. Huma jibqgħu fil-kariga sakemm jinbidlu jew sakemm il-ħatra tagħhom tiġġedded.

L-esperti li huma interessati jistgħu japplikaw għal sħubija fil-bord.

Eliġibbiltà

L-applikanti għandu jkollhom:

—	kwalifika universitarja f'settur xjentifiku rilevanti,

—	mill-inqas 10 snin esperjenza professjonali,

—	għarfien tajjeb tal-lingwa Ingliża.

Din is-sejħa għal espressjonijiet ta' interess hija miftuħa għal esperti mill-Ewropa u lil hinn minnha.

Il-kriterji tal-għażla

Se tingħata peferenza lill-kandidati li għandhom:

—	esperjenza professjonali ta' rilevanza għall-applikazzjoni fl-oqsma ta' għarfien elenkati fl-Anness I tad-Deċiżjoni 2012/C 198/06,

—	esperjenza fl-iżvilupp u l-implimentazzjoni tal-politika, fil-livell reġjonali, nazzjonali u internazzjonali, b’referenza speċjali għas-settur tas-saħħa,

—	eċċellenza xjentifika ppruvata f'qasam wieħed jew preferibbilment f’ħafna oqsma li għandhom x’jaqsmu mal-oqsma koperti mill-bord,

—	esperjenza professjonali f'ambjent internazzjonali u multidixxiplinarju, b’referenza speċjali għall-kuntest Ewropew,

—	ħiliet maniġerjali u ta’ komunikazzjoni, b'mod partikolari fit-tmexxija u fl-organizzazzjoni ta' gruppi ta' ħidma, u fil-ġestjoni ta’ informazzjoni kumplessa u fil-preparazzjoni ta’ dokumenti ta’ sinteżi.

Il-proċess tal-għażla

Il-proċedura tal-għażla se tkun maqsuma fi tliet fażijiet:

(i)	verifika tal-ammissibbiltà tal-applikazzjonijiet u l-eliġibilità tal-applikanti;

(ii)	evalwazzjoni komparattiva u formazzjoni ta' lista tal-aktar kandidati adattati; kif ukoll

(iii)

il-ħatra tal-membri tal-bord minn din il-lista.

Se jitwaqqaf bord ta' selezzjoni għall-istadji (i) u (ii), li se jkun magħmul minn uffiċjali tal-Kummissjoni responsabbli għall-politika u l-leġiżlazzjoni fl-oqsma tas-saħħa pubblika, is-sistemi tas-saħħa u r-riċerka xjentifika, u għarfien espert estern.

Fil-proċess, il-Kummissjoni se tikkunsidra l-kriterji tal-għażla; l-indipendenza (kunflitti ta' interess potenzjali); ir-rappreżentanza minn reġjuni ġeografiċi differenti u l-bilanċ tas-sessi.

Il-ħatra tal-membri

Id-Direttur Ġenerali għas-Saħħa u l-Konsumaturi se jaħtar il-membri tal-bord mil-lista ta’ kandidati stabbilita mill-bord tal-għażla.

L-ismijiet tal-membri maħtura tal-bord se jiġu ppubblikati fir-Reġistru tal-gruppi ta' esperti tal-Kummissjoni u entitajiet simili oħra (2) u fuq is-sit elettroniku tad-Direttorat Ġenerali għas-Saħħa u l-Konsumaturi (3).

Indipendenza

Il-membri tal-bord jinħatru f’kapaċità personali. L-applikanti huma mistennija jinkludu dikjarazzjoni tal-impenn tagħhom li jaġixxu b'mod indipendenti minn kull influwenza esterna u dikjarazzjoni tal-interessi kollha li jistgħu jitqiesu bħala li jippreġudikaw l-indipendenza tagħhom. Huma se jintalbu jikkonfermaw li, jekk jinħatru, huma se jaqblu li jagħmlu kemm dikjarazzjonijiet annwali ta' interess bil-miktub u dikjarazzjonijiet ta' interess skont is-suġġett speċifiku bil-miktub/bil-fomm bl-għarfien li dawn se jiġu ppubblikati.

L-ammont ta' xogħol u l-indennizzi

L-applikanti għandhom ikunu lesti li jattendu għal laqgħat fuq bażi regolari, li jipparteċipaw b'mod attiv f'diskussjonijiet xjentifiċi, li jeżaminaw dokumenti u li jgħaddu kummenti waqt il-laqgħat tal-bord, li jattendu workshops u smigħ meta jkunu mistiedna u li jaġixxu ta' “mexxejja” u/jew “relaturi” ta' gruppi ta' ħidma, fuq bażi ad hoc. Il-biċċa l-kbira tad-dokumenti ta' ħidma huma bl-Ingliż u anke l-laqgħat jsiru bl-Ingliż. L-applikanti għandhom jikkunsidraw li b'mod ġenerali l-laqgħat jinvolvu xogħol ta' preparazzjoni. Huwa stmat li l-bord se jiltaqa’ f’sessjonijiet plenarji bejn ħames u għaxar darbiet fis-sena. L-applikanti għandhom ikunu lesti li jaħdmu b'metodi elettroniċi sabiex jimmaniġjaw u jiskambjaw dokumenti u jattendu laqgħat vidjo jew awdjo.

Il-membri tal-bord u l-esperti esterni se jkunu intitolati għal indennizz marbut mal-parteċipazzjoni tagħhom fil-laqgħat tal-bord u talli jservu bħala relaturi fuq xi kwistjoni speċifika. L-indennizzi huma stipulati fl-Anness II tad-Deċiżjoni 2012/C 198/06.

Il-membri huma wkoll intitolati għal gratifika għas-safar u għas-sussistenza, skont ir-regoli stipulati mill-Kummissjoni.

Il-proċedura tal-applikazzjoni

L-esperti interessati huma mistiedna jimlew u jibagħtu l-formola tal-applikazzjoni li tinsab fuq l-internet, li għandha curriculum vitae u lista tal-publikazzjonijiet mehmuża magħha.

It-tħabbir tal-proċedura tal-applikazzjoni, il-formola tal-applikazzjoni u l-istqarrija speċifika dwar il-privatezza huma disponibbli fuq:

http://ec.europa.eu/health/healthcare/consultations/call_expertpanel_healthinnovation_en.htm

Id-data tal-iskadenza għall-approvazzjoni tal-applikazzjonijiet hija t-23 ta' Novembru 2012.

Se jkunu kkunsidrati biss l-applikazzjonijiet onlajn mibgħuta permezz tal-Internet.

Applikazzjoni tkun meqjusa eliġibbli biss jekk tkun tinkludi:

—	formola tal-applikazzjoni kompluta obbligatorja

—	curriculum vitae, preferibbilment mhux itwal minn tliet paġni (mehmuż mal-formola tal-applikazzjoni);

—	lista tal-pubblikazzjonijiet xjentifiċi tal-applikant (mehmuża mal-formola tal-applikazzjoni),

—	dikjarazzjoni tal-interessi kompluta u veritiera (inkluża fil-formola tal-applikazzjoni);

Aktar ’il quddiem, jistgħu jintalbu dokumenti ta’ appoġġ. Kull espressjoni ta' interess tkun ittrattata b'mod kunfidenzjali.

Il-Kummissjoni se tinforma lill-kandidati bir-riżultat tal-proċeduri tal-għażla malajr kemm jista' jkun.

Informazzjoni ta’ kuntatt

Għal aktar informazzjoni dwar din is-sejħa, jekk jogħġbok ikkuntattja:

SANCO-CALL-PANEL@ec.europa.eu

Il-protezzjoni tad-dejta personali

Il-Kummissjoni se tiżgura li d-dejta personali tal-applikanti tiġi pproċessata skont ir-Regolament (KE) Nru 45/2001 tal-Parlament Ewropew u tal-Kunsill tat-18 ta' Diċembru 2000 dwar il-protezzjoni ta' individwu fir-rigward tal-ipproċessar ta' dejta personali mill-istituzzjonijiet u l-korpi tal-Komunità u dwar il-moviment liberu ta' dik id-dejta (ĠU L 8, 12.1.2001, p. 1). Dan japplika b’mod partikolari għall-kunfidenzjalità u s-sigurtà tad-dejta inkwistjoni.

Il-Kontrollur tal-ipproċessar tad-dejta personali fil-qafas ta' din is-sejħa hija Tapani Piha, il-Kap tal-Unità D3 tad-Direttorat Ġenerali għas-Saħħa u l-Konsumaturi.

Għal aktar informazzjoni dettaljata dwar l-ambitu, l-iskopijiet u l-mezzi tal-ipproċessar tad-dejta personali tagħhom fil-kuntest ta' din is-sejħa, l-applikanti huma mistiedna jikkonsultaw id-dikjarazzjoni speċifika tal-privatezza ppubblikata fil-webpage ta' din is-sejħa fl-indirizz imsemmi hawn fuq.

---

(1)  http://eur-lex.europa.eu/LexUriServ/LexUriServ.do?uri=OJ:C:2012:198:0007:0011:MT:PDF

(2)  http://ec.europa.eu/transparency/regexpert/index.cfm?Lang=MT

(3)  http://ec.europa.eu/dgs/health_consumer/index_en.htm

---

13.10.2012

MT

Il-Ġurnal Uffiċjali tal-Unjoni Ewropea

C 310/40

---

Avviż lill-operaturi ekonomiċi – Rawnd ġdid ta’ talbiet għas-sospensjoni tad-dazji awtonomi tat-Tariffa Doganali Komuni fuq ċerti prodotti industrijali u agrikoli

2012/C 310/06

L-operaturi ekonomiċi huma infurmati li l-Kummissjoni rċeviet talbiet skont l-arranġamenti amministrattivi previsti fil-Komunikazzjoni tal-Kummissjoni rigward is-sospensjonijiet u l-kwoti tariffarji awtonomi (2011/C 363/02) (1) għar-rawnd ta’ Lulju tal-2013.

Il-lista tal-prodotti li għalihom qed tintalab sospensjoni tat-tariffa issa hija disponibbli fuq il-websajt tematika dwar l-unjoni doganali tal-Kummissjoni (Europa) (2).

L-operaturi ekonomiċi huma infurmati wkoll li l-iskadenza għall-oġġezzjonijiet kontra t-talbiet ġodda għandhom jaslu għand il-Kummissjoni, permezz tal-amministrazzjonijiet nazzjonali, hija l-10 ta’ Diċembru 2012, li hija d-data tat-tieni laqgħa skedata tal-Grupp dwar il-Kwistjonijiet ta’ Ekonomija Tariffarja

Dawk l-operaturi interessati huma avżati biex jikkonsultaw il-lista b’mod regolari sabiex ikollhom informazzjoni dwar kif tkun is-sitwazzjoni fejn jidħlu t-talbiet.

Aktar informazzjoni dwar il-proċedura ta’ sospensjonijiet tat-tariffi awtonomi tinstab fuq il-websajt Europa:

http://ec.europa.eu/taxation_customs/customs/customs_duties/tariff_aspects/suspensions/index_en.htm

---

(1)  ĠU C 363, 13.12.2011, p. 6.

(2)  http://ec.europa.eu/taxation_customs/dds2/susp/susp_home.jsp?Lang=en

---

13.10.2012

MT

Il-Ġurnal Uffiċjali tal-Unjoni Ewropea

C 310/41

---

Notifika minn qabel ta' konċentrazzjoni

(Każ COMP/M.6721 – First Reserve Management/SK Capital Partners/TPC)

Każ li jista' jiġi kkunsidrat għal proċedura simplifikata

(Test b’relevanza għaż-ŻEE)

2012/C 310/07

1.

Fit-8 ta’ Ottubru 2012, il-Kummissjoni rċeviet notifika ta' proposta ta’ konċentrazzjoni skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriżi First Reserve Management, L.P. (“First Reserve”, l-Istati Uniti tal-Amerika) u SK Capital Partners (“SK”, l-Istati Uniti tal-Amerika) jakkwistaw, skont it-tifsira tal-Artikolu 3(1)(b) tar-Regolament dwar l-Għaqdiet, il-kontroll konġunt tal-impriża TPC Group Inc. (“TPC”, l-Istati Uniti tal-Amerika) permezz tax-xiri ta’ ishma.

2.

L-attivitajiet kummerċjali tal-impriżi kkonċernati huma: — għal First Reserve: l-ekwità privata u l-investiment infrastrutturali li jispeċjalizza fl-industrija tal-enerġija, inklużi s-servizzi marbutin mal-medda taż-żejt, l-infrastruttura tal-enerġija kif ukoll ir-riservi tal-elettriku u tal-enerġija, — għal SK: kumpanija ta’ investiment privat b'attenzjoni speċjali fuq materjali speċjalizzati, is-setturi tal-prodotti kimiċi u tal-kura tas-saħħa, u, — għal TPC: il-manifattura ta’ prodotti b'valur miżjud li ġejjin minn materja prima petrokimika, bħall-idrokarburi C3 u C4, li huma użati fil-manifattura ta’ kimiki ta’ prestazzjoni u ta' speċjalità.

3.

Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet taħt ir-Regolament tal-KE dwar l-Għaqdiet (2) ta' min jinnota li dan il-każ jista' jiġi kkunsidrat għat-trattament taħt il-proċedura stipulata fl-Avviż.

4.

Il-Kummissjoni tistieden lill-partijiet terzi interessati biex iressqu kwalunkwe kummenti li jistgħu jkollhom dwar it-tranżizzjoni proposta. Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.6721 – First Reserve Management/SK Capital Partners/TPC, fl-indirizz li ġej: Il-Kummissjoni Ewropea Direttorat Ġenerali għall-Kompetizzjoni Reġistru tal-Amalgamazzjonijiet J-70 1049 Bruxelles/Brussel BELGIQUE/BELGIË

---

(1)  ĠU L 24, 29.1.2004, p. 1 (ir-“Regolament tal-KE dwar l-Għaqdiet”).

(2)  ĠU C 56, 5.3.2005, p. 32 (“Avviż ta’ proċedura simplifikata”).

---