13.9.2012   

MT

Il-Ġurnal Uffiċjali tal-Unjoni Ewropea

C 277/1

—

wara li kkunsidra l-Komunikazzjoni tal-Kummissjoni dwar il-Programm ta’ Ħidma tal-Kummissjoni għall-2012 “It-Twettiq tat-Tiġdid Ewropew” (1)

—

wara li kkunsidra r-Riżoluzzjoni tiegħu tal-15 ta’ Diċembru 2011 dwar il-Prioritajiet tal-Kumitat tar-Reġjuni għall-2012 abbażi tal-Programm Leġiżlattiv u ta’ Ħidma tal-Kummissjoni Ewropea (2),

—

wara li kkunsidra r-Riżoluzzjoni tiegħu tas-16 ta’ Frar 2012 lill-Kunsill Ewropew tar-rebbiegħa 2012 dwar l-abbozz tat-Trattat dwar l-istabbiltà, il-koordinazzjoni u l-governanza fl-unjoni ekonomika u monetarja, (3),

—

wara li kkunsidra l-Protokoll eżistenti ta’ kooperazzjoni bejn il-Kummissjoni Ewropea u l-Kumitat tar-Reġjuni, iffirmat fis-16 ta’ Frar 2012,

1.

jinsab konvint li, filwaqt li l-Unjoni Ewropea qed tiffaċċja sfidi enormi sabiex tindirizza l-kriżi finanzjarja, ekonomika, soċjali u politika kontinwa, hemm bżonn urġenti ta’ Programm ta’ Ħidma ambizzjuż għall-2013 min-naħa tal-Kummissjoni Ewropea, li għandu jsaħħaħ it-tkabbir sostenibbli, il-ħolqien tal-impjiegi u l-kwalità tal-ħajja fl-Ewropa u jikkontribwixxi sabiex terġa’ tinkiseb il-fiduċja taċ-ċittadini fil-proċess ta’ integrazzjoni Ewropea;

2.

iqis li l-irkupru għandu jistrieħ fuq żewġ pilastri importanti indaqs ta’ riformi strutturali: it-tnedija mill-ġdid tat-tkabbir u l-iżgurar tad-dixxiplina baġitarja;

3.

jappoġġja integrazzjoni ekonomika aktar profonda u allinjament aħjar tal-prijoritajiet ta’ politika, tad-dħul finanzjarju u tal-infiq bejn il-livelli kollha ta’ gvern, filwaqt li jirrispetta l-awtonomija u s-setgħat tal-gvernijiet nazzjonali, reġjonali u lokali: abbażi tal-prinċipji tas-sussidjarjetà u tal-gvernanza f’diversi livelli, jirrifjuta kwalunkwe rinazzjonalizzazzjoni jew ċentralizzazzjoni impliċiti jew espliċiti tal-politiki;

4.

jitlob lill-Kummissjoni Ewropea tirreżisti t-tentattivi li jintużaw il-ftehimiet intergovernattivi sabiex jiġu evitati l-proċeduri demokratiċi tal-Unjoni, kif stipulati fit-Trattati, mingħajr preġudizzju għall-kooperazzjonijiet imsaħħa previsti mit-Trattat ta’ Lisbona;

5.

ifakkar fil-pożizzjoni tal-KtR (4) li adozzjoni bikrija tal-qafas finanzjarju multiannwali li jmiss għall-perjodu 2014-2020 fl-aħħar tal-2012 huwa sinjal importanti li l-UE hija kapaċi tirreaġixxi għall-isfidi globali bl-istrateġija proprja tagħha għat-tkabbir, l-impjiegi u l-kompetittività u prerekwiżit sabiex jiġi garantit li l-politika ta’ koeżjoni tibqa’ taħdem mingħajr interuzzjonijiet;

6.

itenni li l-baġit tal-UE huwa baġit ta’ investiment, li l-proposti għall-qtugħ finanzjarju fil-programmi li huma parti mill-aġenda għat-tkabbir tal-UE għandhom jiġu rrifjutati u li hemm bżonn li jinħolqu riżorsi proprji ġodda, b’mod partikolari bil-għan li jiġu sostitwiti l-kontribuzzjonijiet nazzjonali għall-baġit tal-UE;

7.

itenni d-determinazzjoni tal-awtoritajiet lokali u reġjonali biex ikunu involuti fis-semplifikazzjoni tal-fondi tal-UE u r-reviżjoni tar-regolament finanzjarju, sabiex tonqos il-burokrazija, jiżdied l-effett ta’ lieva tal-fondi pubbliċi fil-livell tal-UE, nazzjonali u reġjonali, kif ukoll biex jiġu żgurati t-trasparenza u r-responsabbiltà għall-kontribwenti Ewropej;

8.

huwa tal-fehma li l-Kummissjoni Ewropea għandha tressaq analiżi tal-impatt tat-Trattat dwar l-Istabbiltà, il-Koordinazzjoni u l-Governanza fl-Unjoni Ekonomika u Monetarja fuq l-awtoritajiet lokali u reġjonali u – b’mod partikolari – fuq il-kwistjoni dwar kif jista’ jinżamm il-mandat tal-awtonomija fiskali reġjonali u lokali;

9.

jappoġġja l-isforzi biex tiġi assigurata dixxiplina baġitarja, b’mod partikolari fir-rigward tal-indirizzar ta’ livelli għolja ta’ dejn pubbliku li huma theddida serja għas-solidarjetà bejn il-ġenerazzjonijiet. Jinnota li l-kapaċità adegwata tal-awtoritajiet lokali u reġjonali fl-istess ħin tista’ tiżgura t-tkabbir permezz tal-investiment adatt, pereżempju permezz tal-implimentazzjoni ta’ proġetti kkofinanzjati mill-fondi Ewropej u mill-akkwist pubbliku;

10.

itenni s-sejħa tiegħu lill-Kummissjoni biex fil-proposti kollha tagħha tintegra l-Artikolu 9 tat-TFUE dwar il-promozzjoni ta’ livelli għoljin ta’ impjieg, il-garanzija ta’ protezzjoni soċjali adegwata u l-ġlieda kontra l-esklużjoni soċjali; għaldaqstant iħeġġeġ lill-Kummissjoni biex tippreżenta rakkomandazzjonijiet bilanċjati relatati mas-Semestru Ewropew u tikkunsidra l-obbligi imposti mit-Trattat f’kull strument leġislattiv relatat mal-kriżi finanzjarja u ekonomika;

11.

jitlob lill-Kummissjoni li tikkoopera mal-Kumitat tar-Reġjuni fit-tfassil ta’ Att Ewropew dwar il-Proċeduri Amministrattivi;

12.

jenfasizza li filwaqt li s-Semestru Ewropew għandu jikkontribwixxi għat-tkabbir ekonomiku, id-dixxiplina fiskali u l-isfidi strutturali, il-Kummissjoni Ewropea u l-Istati Membri għandhom jantiċipaw u jimmonitorjaw ukoll mill-qrib l-impatt ta’ dawn il-miżuri fuq l-awtonomija tal-awtoritajiet lokali u reġjonali;

13.

jilqa’ b’mod wiesa’ il-“PATT GĦAT-TKABBIR U L-IMPJIEGI” ġdid kif ġie deċiż mill-Kunsill Ewropew ta’ Ġunju 2012, u jappoġġja l-ħtieġa urġenti biex “f’kull livell ta’ governanza tal-Unjoni Ewropea jiġu mobilizzati l-lievi, l-istrumenti u l-politiki kollha” sabiex jintlaħqu l-għanijiet tal-Istrateġija Ewropa 2020 (5);

14.

jappoġġja l-isforzi tal-Kummissjoni Ewropea biex jittejbu l-arranġamenti ta’ governanza u b’mod partikolari l-prinċipju ta’ sħubija fit-tfassil, l-implimentazzjoni u l-valutazzjoni tal-Programmi Nazzjonali ta’ Riforma; madankollu jsejjaħ lill-Kummissjoni Ewropea biex tinkludi evalwazzjoni ta’ dawn l-aspetti f’kull waħda mir-rakkomandazzjonijiet speċifiċi għall-pajjiżi;

15.

ifakkar fil-bżonn li fil-Programmi Nazzjonali ta’ Riforma jkun hemm strutturi orjentati lejn ir-riżultati, bħall-patti territorjali (6); barra minn hekk, għandhom jiġu rikonoxxuti u appoġġjati l-inizjattivi li jippromovu l-kompetittività u l-innovazzjoni fil-livell lokali u reġjonali, bħal pereżempju t-tikketta tar-Reġjuni Intraprenditorjali Ewropej;

16.

qiegħed jistenna bil-ħerqa li jsaħħaħ il-kooperazzjoni tiegħu mal-Kummissjoni Ewropea matul iċ-ċiklu ta’ politika tal-Ewropa 2020 u jitlob li jkun involut fit-tħejjija tas-Sondaġġ tat-Tkabbir Annwali;

17.

jissuġġerixxi li l-Kummissjoni Ewropea tipprovdi aġġornamenti regolari dwar l-implimentazzjoni tal-inizjattivi ewlenin tal-Istrateġija Ewropa 2020 billi b’mod partikolari tħejji rapporti dwar l-involviment tal-awtoritajiet lokali u reġjonali fl-implimentazzjoni tagħhom;

18.

jitlob lill-Kummissjoni Ewropea li fl-2013, fil-kuntest tal-evalwazzjoni ta’ nofs it-term tal-istrateġija, tipprovdi sommarju dwar kif tixtieq tassigura involviment mill-qrib tal-awtoritajiet lokali u reġjonali f’dak ir-rigward;

19.

jitlob li kwalunkwe trasferiment ta’ fondi strutturali mhux użati lejn aġenda ġdida dwar it-tkabbir għandu jirrispetta l-prinċipju tas-solidarjetà u jinvolvi lill-awtoritajiet lokali u reġjonali;

20.

iħeġġeġ lill-Kummissjoni Ewropea sabiex tkompli tindirizza l-isfidi prinċipali bħall-qgħad fost iż-żgħażagħ, l-impjiegi għal ħaddiema li għandhom aktar minn 55 sena u l-gruppi soċjalment żvantaġġati, waqt li jitqies ir-rwol prinċipali tal-awtoritajiet lokali u reġjonali; b’mod partikolari jistieden lill-Kummissjoni Ewropea tressaq abbozz ta’ rakkomandazzjoni lill-Kunsill għal Regolament dwar il-Garanzija għaż-Żgħażagħ; jappella li fil-Pjani Nazzjonali ta’ Impjieg tiddaħħal dimensjoni lokali u reġjonali konkreta;

21.

jistieden lill-Kummissjoni biex tiżgura li r-rakkomandazzjoni li jmiss dwar il-ġlieda kontra l-faqar fost it-tfal u l-benesseri tat-tfal tinkorpora s-suġġerimenti mfissra fl-Opinjoni tal-KtR dwar il-Faqar fost it-Tfal ta’ Frar 2012 (CdR 333/2011), b’mod partikolari l-adozzjoni ta’ strateġija komprensiva kontra l-faqar u l-esklużjoni soċjali fost it-tfal li tinkludi l-livelli nazzjonali, reġjonali u lokali kif ukoll it-twaqqif ta’ qafas ta’ monitoraġġ imsejjes fuq indikaturi affidabbli u b’rabta mal-mekkaniżmu ta’ rappurtar attwali taħt il-Konvenzjoni tan-Nazzjonijiet Uniti dwar id-Drittijiet tat-Tfal. Il-KtR huwa konvint li hemm bżonn li fl-2013 issir valutazzjoni tal-impatt tal-kriżi fuq il-faqar fost it-tfal li tkun imsejsa fuq ir-rapporti speċifiċi tal-Istati Membri taħt il-Programmi Nazzjonali ta’ Riforma u l-Istrateġija Ewropa 2020;

22.

ifakkar li fiż-żminijiet ta’ kriżi u awsterità, il-baġit tal-UE għandu juża kemm jista’ kofinanzjament pubbliku u privat fil-livelli kollha ta’ governanza (7); jiddispjaċih li hemm nuqqas ta’ statistika li tippermetti evalwazzjoni soda ta’ effetti ta’ lieva u multiplikaturi bħal dawn;

23.

jappoġġja l-intenzjoni tal-Kummissjoni Ewropea li tressaq rapport dwar il-kwalità tal-infiq pubbliku (8); jirrakkomanda li fil-kalkoli tad-defiċit baġitarju jkun hemm distinzjoni bejn l-infiq attwali u l-investiment, sabiex jiġi evitat li l-investimenti b’benefiċċji netti fit-tul jiġu kkalkolati bħala negattivi;

24.

jenfasizza li b’mod partikolari jistgħu jitfittxu sinerġiji bejn il-baġits tal-UE u dawk nazzjonali u sottonazzjonali, sakemm ikun hemm fis-seħħ mekkaniżi ta’ koordinazzjoni tajbin u effettivi, bħall-interoperabbiltà bejn l-amministrazzjonijiet pubbliċi li jindirizzaw kwistjonijiet baġitarji, regoli tal-komptabilità armomizzati dwar il-finanzi pubbliċi kif ukoll ċikli baġitarji u strutturi baġitarji paragunabbli, u jistieden lill-Kumissjoni Ewropea toħroġ Green Paper sabiex tesplora miżuri konkreti possibbli f’dan il-qasam;

25.

jappella lill-Kummissjoni Ewropea sabiex fil-Programm ta’ Ħidma tagħha għall-2013 tinkludi t-Tielet Att dwar is-Suq Uniku, li għandu jinkludi l-inizjattivi kollha ta’ politika li fadal mill-Att dwar is-Suq Uniku li għadha ma ttiħditx azzjoni dwarhom u għandu jżomm bilanċ fost il-pilastri ekonomiċi, soċjali u ta’ governanza fir-rigward tal-erba’ libertajiet fundamentali;

26.

jitlob lill-Kummissjoni li tagħmel sforz partikolari sabiex ittejjeb aktar il-mobilità transkonfinali fil-qasam tal-impjiegi u s-salvagwardja tad-drittijiet tal-ħaddiema u jappella għal sistema mtejba ta’ rikonoxximent tal-kwalifiki sabiex tiġi appoġġjata l-mobilità tal-professjonisti;

27.

iħeġġeġ lill-Kummissjoni Ewropea biex tirtira l-proposta tagħha għal Regolament tal-Kunsill dwar l-eżerċizzju tad-dritt biex tittieħed azzjoni kollettiva fil-kuntest tal-libertà tal-istabbiliment u l-libertà ta’ provvista ta’ servizzi li attivat twissija bikrija dwar is-sussidjarjetà minn 12-il parlament nazzjonali;

28.

jenfasizza r-rwol importanti tal-SMEs fir-riġenerazzjoni ekonomika u l-impjieg fil-livell lokali u reġjonali; dan jista’ jissaħħaħ aktar permezz tal-involviment tal-SMEs, l-universitajiet u l-awtoritajiet lokali u reġjonali fil-programmi tal-UE li jiffinanzjaw ir-riċerka u l-innovazzjoni;

29.

jappella lill-Kummissjoni Ewropea sabiex tippermetti aċċess aktar faċli għall-SMEs għall-finanzjament u għall-kuntratti ta’ akkwist pubbliku kif ukoll sabiex tkompli tnaqqas il-piż amministrattiv;

30.

jistenna li l-Kummissjoni Ewropea tinvolvi lill-KtR fir-reviżjoni tal-inizjattiva ewlenija dwar il-politika industrijali;

31.

jappoġġja t-talba tal-Parlament Ewropew lill-Kummissjoni biex sa Jannar 2013 tressaq, abbażi tal-Artikolu 114 tat-Trattat dwar il-Funzjonament tal-Unjoni Ewropea, proposta għal direttiva li tiżgura aċċess għal servizzi bażiċi ta’ pagament lill-konsumaturi kollha li jgħixu b’mod legali fl-Unjoni;

32.

itenni s-sejħa tiegħu għal aġenda Ewropea dwar id-djar soċjali, li tikkjarifika r-regoli tal-kompetizzjoni applikabbli għad-djar soċjali u tagħti s-setgħa lill-awtoritajiet lokali u reġjonali biex jipprovdu djar soċjali deċenti u affordabbli, jippromovu taħlita soċjali u jiġġieldu d-diskriminazzjoni;

33.

jitlob lill-Kummissjoni Ewropea, wara l-irtirar tal-ewwel abbozz ta’ regolament għall-istatus tas-soċjetajiet Ewropej għall-assigurazzjoni reċiproka, sabiex kemm jista’ jkun malajr tippreżenta abbozz rivedut ta’ proposta;

34.

iħeġġeġ li fl-2013 ikun hemm segwitu tal-Pjan ta’ Direzzjoni dwar l-Enerġija 2050 sabiex ikun assigurat li l-awtoritajiet lokali u reġjonali jkunu kapaċi jagħtu kontribut għall-promozzjoni tal-enerġija rinnovabbli deċentralizzata u l-infrustruttura tal-enerġija bħan-netwerks intelliġenti, li jikkostitwixxu element prinċipali ta’ użu effiċjenti tar-riżorsi u l-ekonomija ekoloġika; għalhekk jappella lill-Kummissjoni Ewropea sabiex sal-2030 tiżviluppa qafas ta’ investiment komprensiv, sabiex tipprovdi ċ-ċertezza meħtieġa kemm lill-atturi tas-swieq kif ukoll lill-awtoritajiet lokali u reġjonali;

35.

jappella lill-Kummissjoni Ewropea tevalwa l-għażliet għal strument finanzjarju addizzjonali ġestit b’mod deċentralizzat sabiex titħeġġeġ l-implimentazzjoni tal-Pjani ta’ Azzjoni dwar l-Enerġija Sostenibbli mill-awtoritajiet reġjonali u lokali u, b’mod partikolari mill-imsieħba tal-Patt tas-Sindki; jappoġġja wkoll raggruppament aħjar tal-miżuri tal-appoġġ finanzjarju għall-effiċjenza fl-użu tal-enerġija u l-konservazzjoni fil-programmi finanzjarji futuri tal-UE (9),

36.

jitlob lill-Kummissjoni Ewropea biex tieħu passi lejn is-soluzzjoni tal-problemi ta’ konnettività bejn l-Istati Membri u bejn ir-reġjuni fl-Istati Membri; u biex tippromovi miżuri li jiffaċilitaw it-tixrid tal-mikroproduzzjoni tal-enerġija u l-integrazzjoni tagħha fin-netwerks tad-distribuzzjoni;

37.

jappella sabiex jiġi ffaċilitat l-aċċess għas-self mill-Bank Ewropew ta’ Investiment għal investimenti fl-oqsma tal-effiċjenza fl-enerġija u fl-enerġiji rinnovabbli għall-intrapriżi żgħar u ta’ daqs medju u l-awtoritajiet lokali u reġjonali;

38.

jinsisti fuq il-bżonn li tintlaħaq il-mira li l-pakkett leġislattiv dwar il-politika ta’ koeżjoni għall-2014-2020 jiġi adottat fil-bidu tal-2013 sabiex l-awtoritajiet lokali u reġjonali jkunu jistgħu jibdew jużaw il-programmi tal-Fondi Strutturali fl-1 ta’ Jannar 2014;

39.

jistieden b’mod insistenti lill-EUROSTAT biex, b’kooperazzjoni mal-aġenziji nazzjonali tal-istatistika, jindirizza l-ħtieġa ta’ data komparabbli li toħroġ fi żmien adatt dwar il-PDG reġjonali;

40.

ifakkar fil-ħtieġa li d-dimensjoni territorjali tal-politiki tal-UE titqies b’mod aktar koerenti u strett; jissuġġerixxi li l-Kummissjoni Ewropea tinkludi dawn l-elementi fl-attivitajiet tagħha tal-futur relatati mal-valutazzjoni tal-impatt u li tagħti rapport regolari dwarhom (10);

41.

jistieden lill-Kummissjoni Ewropea biex testendi l-iskema ta’ stazzjonar temporanju ta’ ħaddiema taċ-ċivil tal-UE għal-livell sottonazzjonali (minflok tiffoka biss fuq il-livell nazzjonali) sabiex jitjieb l-għarfien fi ħdan l-istituzzjonijiet Ewropej dwar il-prattika li tiġi implimentata l-leġislazzjoni u l-proġetti tal-UE fil-livell lokali u reġjonali;

42.

jistenna bil-ħerqa l-proposta li jmiss dwar il-politika tal-UE futura dwar il-portijiet; jitlob li l-proposta tkun soġġetta għal valutazzjoni ta’ impatt territorjali u jinsab lest li jikkontribwixxi għal dan l-eżerċizzju;

43.

jindika l-importanza tal-mobilità urbana sostenibbli u jissuġġerixxi li jiġi promoss it-tikkettar elettroniku u intelliġenti fost il-modi kollha tat-trasport, inklużi l-karozzi tal-linja, il-ferroviji, il-vapuri, l-użu konġunt tal-karozzi u tar-roti, u l-ħlasijiet għall-użu tat-toroq (road tolls), bil-għan li titħeġġeġ interoperabbiltà aħjar bejn is-sistemi u jiżdied l-użu tat-trasport pubbliku;

44.

josserva li, sa ċertu punt, it-tnaqqis fit-titjib tal-kwalità tal-arja, huwa kkawżat minn nuqqas ta’ ambizzjoni fil-politika tal-UE dwar it-tnaqqis mis-sors u nuqqas ta’ miżuri nazzjonali. Ħafna mill-piż u r-responsabbiltà sabiex jissolvew il-problemi dwar il-kwalità tal-arja tqiegħdu fuq l-awtoritajiet lokali u reġjonali (11); jistenna bil-ħerqa l-proposti dwar kif għandhom jiġu indirizzati dawn il-problemi fir-reviżjoni li jmiss tal-leġislazzjoni tal-UE dwar il-kwalità tal-arja;

45.

jistenna li f’din ir-reviżjoni, il-livelli ta’ ambizzjoni u skadenzi tal-politika ta’ emissjonijiet tal-UE (ibbażati fuq is-sors) u tal-politika ta’ immissjonijiet jkunu allinjati u li b’mod partikolari tissaħħaħ id-Direttiva dwar il-limiti nazzjonali ta’ emissjonijiet sabiex jitnaqqsu l-konċentrazzjonijiet fl-isfod; l-istandards għall-vetturi fir-rigward tan-NO2/NOx għandhom ikunu aktar stretti u għandhom jiġu indirizzati l-emissjonijiet mill-vapuri, mit-traffiku fl-ajru u mill-agrikoltura, filwaqt li jiġu ssemplifikati l-indikaturi u l-kriterji għall-kejl; jappella wkoll li tiġi integrata l-politika tal-UE dwar il-kwalità tal-ajru ma’ oqsma oħra ta’ politika, b’mod partikolari t-trasport l-akkomodazzjoni, l-industrija, l-enerġija u l-klima;

46.

jitlob sabiex l-Istrateġija għall-Adattament tal-UE għat-tibdil fil-klima tkun tinkludi sezzjoni dwar azzjoni għal adattament speċifiku fil-livell reġjonali u muniċipali kif ukoll linji gwida u appoġġ għal dawk li jieħdu d-deċiżjonijiet fil-livell lokali u reġjonali. Għandhom jiġu esplorati wkoll it-twaqqif ta’ grupp ta’ ħidma dwar l-istrateġiji ta’ adattament f’reġjuni Ewropej partikolarment vulnerabbli u t-tlaqqigħ ta’ rappreżentanti mill-KtR, mid-DĠ Azzjoni favur il-Klima, iż-ŻEE, miċ-Ċentru Konġunt tar-Riċerka u min-netwerks u l-assoċjazzjonijiet lokali u reġjonali

47.

jenfasizza l-bżonn għal Komunikazzjoni mmirata dwar skema ġdida ta’ kwalità tal-UE għall-prodotti alimentari lokali, peress li s-sistemi agrikolil lokali jappoġġjaw l-ekonomija lokali u reġjonali billi jipprovdu impjieg fl-agrikoltura u l-produzzjoni alimentari;

48.

jirrakkomanda li jkun hemm aktar flessibbiltà fil-kontribut tal-Kummissjoni għar-riżoluzzjoni tal-istaġnar bejn il-Parlament Ewropew u l-Kunsill fir-rigward tal-bażi ġuridika relatata mal-pjani multiannwali għas-settur tas-sajd; jittama li fil-qafas tal-pakkett ta’ proposti għar-riforma tal-politika komuni tas-sajd jiżdiedu l-inizjattivi favur iktar deċentralizzazzjoni tal-politika tas-sajd u miżuri ta’ implimentazzjoni adatti għall-bżonnijiet u l-isfidi li jiffaċċjaw ir-reġjuni kostali u r-reġjuni li jmissu mal-ilmijiet interni;

49.

jappoġġja l-iżvilupp tal-istrateġija tal-baċir tal-baħar bħala għodda integrata ta’ politika marittima integrata, iżda jikkunsidra li dawn l-istrateġiji, bħall-istrateġija li ser tiġi adottata għaż-Żona tal-Atlantiku fl-2013, iridu jinkludu dimensjoni territorjali iktar b’saħħitha u jitgħallmu mil-lezzjonijiet tal-approċċ ta’ strateġija makroreġjonali;

50.

japella sabiex id-dimensjoni lokali u reġjonali titqies fl-inizjattivi li jibnu u jsaħħu d-drittijiet taċ-ċittadini u fl-isforsi sabiex terġa’ tinkiseb il-fiduċja taċ-ċittadini fl-UE u l-istituzzjonijiet tagħha, u jinsisti dwar il-ħtieġa li jiġu involuti t-tfal u ż-żgħażagħ meta wieħed iqis il-kapaċità tagħhom biex jeżerċitaw id-drittijiet u r-responsabbiltajiet taċ-ċittadinanza; jappella lill-Kummissjoni sabiex tiffoka fuq din l-isfida fl-attivitajiet ippjanati fil-kuntest tas-Sena Ewropea taċ-Ċittadini 2013, li għaliha beħsiebu jikkontribwixxi l-KtR;

51.

huwa impenjat li jikkontribwixxi għas-segwitu tal-Inizjattivi taċ-Ċittadini Ewropej b’suċċess f’kooperazzjoni mal-istituzzjonijiet tal-UE l-oħra;

52.

jitlob sabiex jiġi ffaċilitat l-aċċess tal-partijiet interessati lokali u reġjonali fil-pajjiżi li jagħmlu parti mill-Politika Ewropea tal-Viċinat għall-fondi speċifiċi tal-UE għal din iż-żona u jappoġġja l-ftuħ ta’ programmi eżistenti, inklużi r-REKT għall-imsieħba fil-pajjiżi ġirien;

53.

jerġa’ jafferma l-intenzjoni tiegħu li jkompli bil-kooperazzjoni pożittiva mal-Kummissjoni Ewropea fil-kuntest tal-programm tal-Faċilità tal-Amministrazzjoni Lokali sabiex jitjieb it-trawwim tal-kapaċità lokali u jiġi promoss l-għarfien tal-UE u tal-proċeduri tagħha fil-pajjiżi kandidati u prekandidati; jistieden lill-Kummissjoni tesplora l-possibbiltà li tespandiha għall-gvernijiet lokali fil-pajjiżi tal-Politika Ewropea tal-Viċinat;

54.

huwa fiduċjuż li r-rakkomandazzjonijiet tiegħu ser jitqiesu tajjeb fil-proċess tat-tħejjija tal-Programm ta’ Ħidma tal-Kummissjoni għall-2013 u jagħti istruzzjonijiet lill-President tal-Kumitat tar-Reġjuni sabiex iressaq din ir-Riżoluzzjoni lill-President tal-Kummissjoni Ewropea, lill-President tal-Kunsill Ewropew, lill-President tal-Parlament Ewropew, lill-Presidenza Ċiprijotta tal-Kunsill tal-UE u lill-Presidenzi li jmiss Irlandiża u Litwana rispettivament.

13.9.2012   

MT

Il-Ġurnal Uffiċjali tal-Unjoni Ewropea

C 277/6

—

jenfasizza r-rispett tad-drittijiet tal-bniedem tal-migranti u s-solidarjetà mal-pajjiżi minn fejn tkun ġejja l-biċċa l-kbira tal-flussi migratorji għandhom ikunu preżenti fil-fażijiet kollha tal-politika dwar il-migrazzjoni tal-Unjoni, anke fir-relazzjonijiet mal-pajjiżi terzi bir-rispett sħiħ tal-prinċipji stabbiliti fl-Artikolu 21(1) tat-TFUE;

—

jinnota li hemm bżonn analiżi bir-reqqa tal-kawżi kollha tal-migrazzjoni, fosthom it-tibdil fil-klima, b’mod li jkunu jistgħu jiġu definiti f’qafas ġuridiku xieraq dawk kollha li jaħarbu mill-pajjiż tagħhom ta’ oriġini minħabba diżastri naturali jew kundizzjonijiet klimatiċi li jipperikolawlhom ħajjithom u l-integrità fiżika tagħhom;

—

jemmen li l-approċċ globali għall-migrazzjoni jeħtieġ governanza f’diversi livelli biex jiġi żgurat li din tiġi ġestita fil-livell li jinsab fl-aħjar pożizzjoni skont iċ-ċirkostanzi u fir-rispett tal-prinċipju tas-sussidjarjetà, sabiex jiġi ggarantit l-ikbar benesseri possibbli għall-persuni kemm mill-pajjiż ta’ oriġini kif ukoll mill-pajjiż destinatarju;

—

jitlob, b’mod partikolari, li l-awtoritajiet reġjonali u lokali jitqiesu b’mod sħiħ fit-tmexxija tal-Approċċ Globali, u tingħata importanza kemm lill-proġetti ta’ kooperazzjoni ċentralizzata li diġà jeżistu, kif ukoll id-djalogi diġà strutturati bħall-ARLEM u l-CORLEAP;

Relatur:

is-Sur Nichi VENDOLA (IT/PSE), President tar-Reġjun tal-Puglia

Dokument ta’ referenza

Komunikazzjoni mill-Kummissjoni lill-Parlament Ewropew, lill-Kunsill, lill-Kumitat Soċjali u Ekonomiku Ewropew u lill-Kumitat tar-Reġjuni – L-Approċċ Globali għall-Migrazzjoni u l-Mobilità

COM(2011) 743 final

1.

jenfasizza r-rilevanza tal-Approċċ Globali bħala qafas ta’ riferiment tal-azzjoni tal-Unjoni Ewropea fil-governanza dinjija tal-migrazzjoni tal-mobilità u bħala strument li joffri viżjoni sħiħa tal-politiki ta’ migrazzjoni, sabiex l-azzjoni tal-Unjoni Ewropea fir-rigward tar-relazzjonijiet esterni u l-politiki tal-iżvilupp issir koerenti mal-politiki tal-immigrazzjoni;

2.

iqis bħala pożittiva l-inizjattiva tal-Kummissjoni Ewropea li tressaq verżjoni aġġornata tal-approċċ globali, iktar artikolata u ċċentrata fuq il-migranti u r-rispett tad-drittijiet tal-bniedem fil-pajjiżi ta’ oriġini, tat-tranżitu u tad-destinazzjoni;

3.

itenni d-dritt tal-bniedem li wieħed iħalli kwalunkwe Pajjiż, inkluż pajjiżu, u jirritorna f’pajjiżu (1), bħala bażi ġuridika fundamentali ta’ kwalunkwe diskors dwar il-migrazzjoni u l-bżonn li tiġi promossa migrazzjoni fuq għażla minħabba r-raġunijiet li ddeterminaw din l-għażla u r-rekwżiti speċifiċi tal-Pajjiż destinatarju (2);

4.

jenfasizza r-rispett tad-drittijiet tal-bniedem tal-migranti u s-solidarjetà mal-pajjiżi minn fejn tkun ġejja l-biċċa l-kbira tal-flussi migratorji għandhom ikunu preżenti fil-fażijiet kollha tal-politika dwar il-migrazzjoni tal-Unjoni, anke fir-relazzjonijiet mal-pajjiżi terzi bir-rispett sħiħ tal-prinċipji stabbiliti fl-Artikolu 21(1) tat-TFUE;

5.

jemmen li għandha tiġi garantita protezzjoni effettiva tad-drittijiet tal-bniedem fid-definizzjoni tal-opportunitajiet ta’ dħul taċ-ċittadini tal-pajjiżi terzi, fil-politiki ta’ akkoljenza u ta’ integrazzjoni tal-migranti;

6.

jenfasizza li l-ftehimiet ta’ riamissjoni u l-ftehimiet tal-faċilitazzjoni tal-kisba tal-viżas, kemm tal-Unjoni kif ukoll tal-Istati Membri, flimkien mal-azzjonijiet kollha għall-ġlieda kontra l-immigrazzjoni irregolari għandhom jirrispettaw b’mod effettiv id-drittijiet tal-bniedem, skont dak stipulat b’mod partikolari fil-Karta tad-Drittijiet Fundamentali tal-Unjoni Ewropea u fil-Konvenzjoni Ewropea għall-Protezzjoni tad-Drittijiet Umani u l-Libertajiet Fundamentali, bħal ma jiġi affermat f’diversi okkażjonijiet mill-Qorti Ewropea tad-Drittijiet tal-Bniedem;

7.

jenfasizza li l-bżonn li jiġu kkontrollati l-flussi migratorji qatt m’għandu jieħu preċedenza fuq id-dritt ta’ kull persuna li tfittex protezzjoni internazzjonali fl-Unjoni, li għandha tibqa’ art ta’ kenn għal dawk li jaħarbu minn persekuzzjonijiet jew li b’xi mod jeħtieġu protezzjoni;

8.

josserva li l-kriżi ekonomika li qed tinfluwenza parti kbira mill-pajjiżi tal-Unjoni Ewropea qed thedded li żżid it-tensjoni inerenti bejn il-politiki dwar il-kontroll tal-fruntieri u r-rispett tad-drittijiet tal-bniedem tal-migranti;

9.

jinnota li hemm bżonn analiżi bir-reqqa tal-kawżi kollha tal-migrazzjoni, fosthom it-tibdil fil-klima (3), b’mod li jkunu jistgħu jiġu definiti f’qafas ġuridiku xieraq dawk kollha li jaħarbu mill-pajjiż tagħhom ta’ oriġini minħabba diżastri naturali jew kundizzjonijiet klimatiċi li jipperikolawlhom ħajjithom u l-integrità fiżika tagħhom (4);

10.

jappella lill-Kummissjoni Ewropea sabiex tippubblika d-dokument ta’ ħidma dwar il-migrazzjoni u t-tibdil fil-klima, kif inizjalment previst fil-komunikazzjoni dwar il-migrazzjoni tal-4 ta’ Mejju 2011 (5);

11.

jaħseb li l-effikaċja tal-approċċ globali hija neċessarja sabiex issaħħaħ il-koordinazzjoni bejn l-Unjoni Ewropea u l-livell nazzjonali, reġjonali u lokali u mal-pajjiżi terzi;

12.

itenni dak li diġà ntqal mill-Kumitat tar-Reġjuni li “huma l-awtoritajiet lokali u reġjonali li ser ikunu milquta l-ewwel minn politika komuni tal-immigrazzjoni. Minn banda, id-diffikultajiet marbuta mal-immigrazzjoni illegali jolqtuhom b’mod partikolari. Mill-banda l-oħra huwa l-kompitu tal-awtoritajiet lokali u reġjonali li jipprovdu lill-immigranti b’firxa sħiħa ta’ servizzi li jagħmlu parti mill-proċess ta’ integrazzjoni. Għalhekk l-awtoritajiet lokali u reġjonali għandu jkollhom sehem sħiħ fl-iżvilupp ta’ qafas Ewropew għall-immigrazzjoni legali, fl-iżvilupp ta’ miżuri kontra l-immigrazzjoni illegali u fil-ħidma ta’ kooperazzjoni għall-iżvilupp mal-pajjiżi ta’ oriġini” (6);

13.

jilqa’ bi pjaċir il-progress notevoli li sar sabiex it-trasferiment tal-flus lejn il-pajjiż ta’ oriġini tal-migrant ikun iktar trasparenti, sikur u b’inqas spejjeż u jappoġġa l-inizjattivi promossi mill-Kummissjoni Ewropea dwar l-allokazzjoni tar-ritorn tal-fondi tal-migranti lejn investiment produttiv;

14.

jaqbel li l-approċċ globali jenfasizza r-rwol li d-dijaspora jista’ jkollha kemm fil-politika tal-iżvilupp kif ukoll fir-regolazzjoni tal-flussi migratorji, billi tiffavurixxi l-miżuri ta’ appoġġ tat-tluq u tal-integrazzjoni fil-pajjiżi destinatarji;

15.

jemmen li l-approċċ globali għall-migrazzjoni jeħtieġ governanza f’diversi livelli biex jiġi żgurat li din tiġi ġestita fil-livell li jinsab fl-aħjar pożizzjoni skont iċ-ċirkostanzi u fir-rispett tal-prinċipju tas-sussidjarjetà, sabiex jiġi ggarantit l-ikbar benesseri possibbli għall-persuni kemm mill-pajjiż ta’ oriġini kif ukoll mill-pajjiż destinatarju;

16.

iqis ir-reġjuni u l-awtoritajiet lokali bħala atturi fundamentali tal-Approċċ Globali: huma dawk stess li jippromovu u fl-istess ħin jimplimentaw il-politiki soċjali u tax-xogħol, ta’ akkoljenza, ta’ integrazzjoni u ta’ ġestjoni tal-immigrazzjoni irregolari, iżda wkoll iniedu djalogi profondi u forom differenti ta’ kooperazzjoni mal-pajjiżi ta’ oriġini u tat-tranżitu tal-movimenti migratorji (7);

17.

josserva li r-reġjuni u l-awtoritajiet lokali diġà huma promoturi ta’ inizjattivi ta’ djalogu mar-reġjuni u l-awtoritajiet lokali ta’ pajjiżi terzi, li fosthom hemm ħafna pajjiżi tal-oriġini jew tat-tranżitu tal-flussi migratorji u tal-proġetti ta’ kooperazzjoni ċentralizzata;

18.

jemmen li l-ARLEM - l-Assemblea Reġjonali u Lokali Ewro-Mediterranja, u l-CORLEAP, il-Konferenza tal-Awtoritajiet Reġjonali u Lokali għas-Sħubija tal-Lvant, għandhom jitqiesu bħala l-forum ideali biex jiġi żviluppat id-djalogu bejn l-awtoritajiet reġjonali tal-Mediterran u tal-Lvant tal-Ewropa dwar il-politiki ta’ immigrazzjoni u ta’ żvilupp;

19.

jemmen li jeħtieġ li jkun hemm l-ikbar koerenza possibbli bejn l-inizjattivi bilaterali tal-Istati Membri u d-djalogi reġjonali u bilaterali li diġà jeżistu, meqjusa bħala strument tal-politika esterna tal-Unjoni fil-qasam tal-immigrazzjoni u li tali koerenza tiġi garantita anke permezz tar-rikonoxximent sħiħ tal-inizjattivi ta’ djalogu promossi mir-reġjuni u l-awtoritajiet lokali;

20.

jistieden lill-istituzzjonijiet sabiex iqisu r-reġjuni u l-awtoritajiet lokali bħala protagonisti li jħaddnu l-Approċċ Globali, b’konformità mal-kompetenzi tagħhom fil-kuntest nazzjonali, permezz ta’ strumenti li jqisuhom bħala entitajiet destinatarji tal-finanzjament tal-Unjoni, anke mingħajr l-intervent tal-awtoritajiet ċentrali tal-gvern u kumpatibbli mad-differenzi eżistenti bejn bosta Stati Membri;

21.

jappella lill-Kummisjoni sabiex tippromovi proġetti innovattivi sabiex jintlaħaq l-għan tal-iffaċilitar biex jintlaħqu d-domanda u l-offerta tal-impjiegi, permezz tal-intermedjazzjoni tal-awtoritajiet lokali u reġjonali, meta jitqiesu l-ħiliet li għandhom f’dan is-settur f’bosta Stati Membri, sabiex jiġi individwat strument effikaċi għall-ġlieda kontra l-problema tan-nuqqas ta’ ħiliet f’xi setturi tas-suq tax-xogħol;

22.

jemmen li r-reġjuni u l-awtoritajiet lokali għandhom ikunu involuti fl-aġġornament tal-portal tal-UE dwar l-immigrazzjoni, sabiex b’dan il-mod isaħħuħ b’informazzjoni rilevanti għall-migranti fir-rigward tar-reġjun, il-belt u r-raħal destinatarju;

23.

iqis li hi importanti ħafna li tiġi dejjem garantita koerenza bejn il-politika tal-Unjoni dwar il-migrazzjoni u l-iżvilupp u l-politika esterna tal-immigrazzjoni u l-asil. B’mod partikolari l-interventi tal-Unjoni u tal-Istati Membri fil-Pajjiżi Terzi għandhom dejjem ikunu ibbażati prinċipalment fuq prinċipji ta’ solidarjetà u ta’ kożvilupp biex jiġu miġġielda l-kawżi profondi tal-migrazzjoni u biex jingħeleb il-faqar, filwaqt li tingħata attenzjoni speċjali għall-mobilizzazzjoni tar-riżorsi interni ta’ dawn il-pajjiżi, kif ukoll għall-appoġġ tal-bini tal-istituzzjonijiet u tat-titjib tal-governanza u l-istat tad-dritt, bħala fatturi ewlenin biex titħeġġeġ bidla ekonomika u soċjali;

24.

jappella lill-Kummisjoni twettaq id-distribuzzjoni tar-riżorsi għall-pajjiżi li qed jiżviluppaw abbażi ta’ prinċipji, prijoritajiet u strateġiji tal-kooperazzjoni għall-iżvilupp, filwaqt li jitqies ukoll il-prinċipju ta’ “iktar b’iktar”;

25.

jemmen li l-prinċipju tar-reċiproċità għandu jkun marbut mal-prinċipji ta’ kooperazzjoni għall-iżvilupp, speċjalment fis-sħubiji għall-mobbiltà u l-aġenda komuni dwar il-migrazzjoni u l-mobbiltà (8);

26.

jemmen li l-implimentazzjoni tal-approċċ globali għandha titħares b’mod adegwat għall-kategoriji vulnerabbli kollha, in primis il-minuri mhux akkumpanjati, kemm biex jiġu orjentati b’mod adegwat l-interventi fil-pajjiżi terzi, kemm biex jiġu offruti forom xierqa ta’ akkoljenza u ta’ integrazzjoni soċjali fil-pajjiżi membru, kif ukoll li jiffavurixxi ċ-ċirkolazzjoni ta’ prassi xierqa mwettqa minn bosta awtoritajiet lokali u reġjonali fl-Istati Membri; jitlob ukoll lill-Kummissjoni Ewropea sabiex timplimenta b’mod effettiv il-miżuri li jinsabu fil-Pjan ta’ Azzjoni dwar il-minorenni mhux akkumpanjati;

27.

jitlob għall-iżvilupp ta’ approċċ xieraq ibbażat fuq il-ġeneru sabiex jingħata valur lir-rwol speċifiku li n-nisa għandhom fil-migrazzjoni u l-integrazzjoni soċjali tan-nukleu tal-familja fil-pajjiżi ospitanti;

28.

jinnota li l-politika tal-immigrazzjoni tal-Unjoni tista’ tkun kontra l-politiki ta’ kooperazzjoni għall-iżvilupp, fejn tipprova tiġbor bosta talenti li ġejjin mill-pajjiżi terzi, fl-ambitu tal-għanijiet għal żvilupp demografiku u ekonomiku, kif stabbilit fl-Istrateġija Ewropa 2020;

29.

jiddubita li l-effett ta’ brain drain minħabba l-politika ta’ migrazzjoni selettiva jista’ jiġi miġġieled bl-istrument tal-migrazzjoni ċirkolari peress li mhux assolutament ċar kemm dan l-istrument se jkun effikaċi u x’impatt konkret jista’ jkollu;

30.

iqis ukoll li l-istrument tal-migrazzjoni ċirkolari jista’ jkun antagonist fir-rigward tal-għan tal-integrazzjoni tal-migranti u li għaldaqstant għandhom jiġu individwati strateġiji ta’ integrazzjoni mmirati apposta għal dawn il-ħaddiema b’tali mod li jistgħu jiġu integrati b’mod effettiv anke jekk il-perjodu ta’ residenza tagħhom fl-Unjoni Ewropea mhux wieħed fit-tul (9);

31.

jemmen li r-rikonoxximent tat-titoli ta’ studju u l-kwalifiki f’kundizzjonijiet armonizzati huwa strument fundamentali sabiex ma jinħlewx it-talenti (brain waste), sabiex tiġi garantita integrazzjoni effettiva tal-migranti u tiġi garantita l-integrazzjoni mill-ġdid tagħhom fil-pajjiż ta’ oriġini fil-kuntest tal-migrazzjoni ċirkolari;

32.

jappella lill-Kummissjoni Ewropea sabiex tappoġġa l-miżuri li jakkumpanjaw l-Istati fil-proċess ta’ semplifikazzjoni tar-rikonoxximent tat-titoli ta’ studju u l-kwalifiki u sabiex jiġi promoss ir-rikonoxximent informali tal-ħiliet, anke bil-għan li tiġi favorita ċ-ċirkolazzjoni tal-ħaddiema ċittadini mill-pajjiżi terzi fis-suq tax-xogħol Ewropew;

33.

jemmen li t-talba għall-kooperazzjoni tal-pajjiżi terzi fil-kontroll tal-flussi migratorji ma jwassal qatt għat-telfien tad-dritt tal-bniedem ta’ kull persuna li tħalli pajjiżha speċjalment meta l-pajjiżi terzi jintalbu janalizzaw l-emigrazzjoni abbażi tal-liġijiet tal-pajjiżi destinatarji;

34.

jemmen li hu neċessarju li jkun hemm iktar investiment fil-proġetti ta’ kooperazzjoni għall-iżvilupp immirati għas-settur tal-edukazzjoni u tas-saħħa, u jiġu involuti direttament l-istrutturi universitarji u tiġi favorita l-mobbiltà tar-riċerkaturi u l-persunal akkademiku kollu;

35.

jappoġġa t-talba għal petizzjoni mressqa lill-Parlament Ewropew għall-adozzjoni ta’ Programm Erasmus u Leonardo da Vinci Ewro Mediterranju, bħala strument konkret ta’ mobbiltà waħdanija bejn l-istudenti miż-żewġ naħat tal-Mediterran;

36.

jemmen li għandhom isiru sforzi effettivi sabiex ikun hemm mobbiltà taż-żgħażagħ, speċjalment tal-istudenti, permezz tas-semplifikazzjoni tal-għotja tal-viża, it-tnaqqis tal-proċeduri burokratiċi u l-allokazzjoni ta’ biżżejjed riżorsi finanzjarji;

37.

jemmen li l-programm Erasmus for all għandu jiġi vvalorizzat u appoġġat, flimkien mal-prassi xierqa diġà eżistenti tal-iskambju bejn iż-żgħażagħ, bħall-programm Eurodissey promoss min-netwerk AER, Assemblea tar-Reġjuni Ewropej;

38.

iqis neċessarju li tissaħħaħ l-analiżi tal-pressjonijiet migratorji minħabba l-iżbilanċi ekonomiċi, b’tali mod li jiġu individwati strumenti għal tweġiba effikaċi, fosthom skemi li jiggarantixxu l-mobbiltà anke għal dawk li l-kwalifiki tagħhom huma pjuttost skarsi, li għadhom mixtieqa ħafna f’xi Stati Membri u li ma jistgħux jiġu missielta biss bil-mekkaniżmu tal-migrazzjoni ċirkolari;

39.

jemmen li l-involviment tad-dijaspora għandu jirrigwarda wkoll il-miżuri ta’ tħejjija għat-tluq, filwaqt li tingħata importanza lis-siti ġa preżenti, li jieħdu ħsiebhom b’mod dirett l-assoċjazzjonijiet ta’ immigranti li jipprovdu informazzjoni f’waqtha u b’lingwaġġ li jinftiehem minn dawk li huma potenzjalment interessati;

40.

japprezza l-importanza mogħtija lill-miżuri ta’ tħejjija għat-tluq li għandu jsir iktar investiment fihom, bl-involviment tal-ONG li diġà joperaw fil-pajjiżi ta’ oriġini tal-migrati u l-awtoritajiet reġjonali u lokali, u li huma involuti fil-proċeduri ta’ akkoljenza u ta’ integrazzjoni tal-migranti u l-familji tagħhom;

41.

japprezza l-impenn konsiderevoli tal-Unjoni sabiex tiġi missielta l-immigrazzjoni irregolari, b’mod partikolari kontra l-kuntrabandu u t-traffikar tal-bnedmin, kif ukoll kontra dawk li jħaddmu persuni li m’għandhomx permess ta’ residenza regolari;

42.

jenfasizza l-importanza ta’ approċċ għall-ġlieda kontra l-immigrazzjoni irregolari li jqis li l-migranti jistgħu jkunu vittmi possibbli tat-traffikar illegali tal-bnedmin u għaldaqstant iridu jiġu mħarsin u protetti;

43.

jistieden lill-Kummissjoni Ewropea tkompli bl-inizjattivi ta’ analiżi u ġlieda kontra x-xogħol mhux iddikjarat, li huwa pjaga għall-ekonomija kollha tal-Unjoni u inċentiv għad-dħul ta’ barranin irregolari, li probabbilment jiġu sfruttati kemm fis-settur tax-xogħol kif ukoll fil-qasam operattiv ta’ netwerks kriminali;

44.

jinnota li l-miżuri għall-ġlieda kontra l-immigrazzjoni irregolari ngħataw ukoll għajnuna finanzjarja sinifikanti, b’mod speċjali l-operazzjonijiet ta’ kontroll tal-fruntieri li twettqu mill-aġenzija FRONTEX;

45.

jenfasizza l-ħtieġa li jiġu rrispettati d-drittijiet tal-bniedem, u b’mod partikolari l-prinċipju ta’ non-refoulement, f’kull fażi tal-kontroll fil-fruntieri u l-obbligu relatat li l-attività tal-FRONTEX tgħaddi minn verifiki stretti min-naħa tal-istituzzjonijiet tal-UE u, b’mod partikolari, tal-Parlament Ewropew;

46.

jemmen li kontrolli simili jiġu estiżi anke għall-kooperazzjoni internazzjonali direttament mmexxija mill-Frontex u li għandha l-kapaċità biex tikkonkludi ftehimiet internazzjonali ta’ natura teknika mal-pajjiżi terzi, li l-kontenut tagħhom għandu jsir iktar trasparenti u għandu l-kamp tal-applikazzjoni għandu jitnaqqas bi preċiżjoni;

47.

jemmen li hu neċessarju li jsiru valutazzjonijiet preċiżi tar-rabta bejn l-ispejjeż u l-benefiċċji tal-istrumenti kollha esistenti b’tali mod li jsir tqabbil tal-effikaċja tagħhom, inklużi l-ispejjeż tal-proċeduri ta’ ritorn (żamma u tbegħid sfurzat) u l-entità effettiva tar-riżorsi allokati mill-Istati kemm għar-ritorn volontarju kif ukoll dak sfurzat;

48.

jemmen li jrid jiġi evitat li l-barranin residenti b’mod regolari jistgħu jsiru irregolari minħabba nuqas ta’ flessibbiltà tal-leġislazzjoni nazzjonali u b’hekk jiżdied in-numru ta’ nies fil-lista tal-overstayers;

49.

jemmen li l-possibbiltà ta’ dħul fl-Unjoni Ewropea għat-tfittxija ta’ xogħol tiġi serjament eżaminata mill-Istituzzjonijiet tal-Unjoni Ewropea u mill-Istati Membri, bħall-każ msemmi fl-Artikolu 79(5) tat-TFUE;

50.

jemmen li d-disponibbiltà ta’ possibilitajiet ta’ dħul regolari għandha titqies bħala wieħed mill-istrumenti prinċipali għall-ġlieda kontra l-immigrazzjoni irregolari u l-fenomenu tal-overstayers, minbarra li hu mod kif jiġi garantit ċertu livell ta’ soldarjtà fir-relazzjonijiet mal-pajjiżi ta’ oriġini tal-flussi migratorji;

51.

jappella lill-istituzzjonijiet sabiex iħaddnu l-istrateġija tad-dħul mill-ġdid fi ħdan l-Approċċ Globali, b’tali mod li dan jinkludi l-prinċipji ta’ kooperazzjoni għall-iżvilupp u ma jsirx settur maqtugħ għalih u mhux koerenti;

52.

jemmen li l-ftehimiet ta’ dħul mill-ġdid għandhom jiġu eżaminati perjodikament, b’mod partikolari b’riferiment għall-obbligu tal-pajjiż transitorju sabiex idaħħal mill-ġdid mhux biss iċ-ċittadini tiegħu iżda wkoll il-barranin li ħarġu minnu u marru fl-Unjoni, li jistgħu jispiċċaw bejn sema u baħar, u s-sitwazzjoni fil-pajjiżi transitorji ssir iktar gravi filwaqt li jiġu esposti għal riskji serji ta’ ksur tad-drittijiet tal-bniedem;

53.

iqis li t-tisħiħ tas-sistemi tal-asil tal-pajjiżi terzi m’għandux jitqies bħala mod kif jiġi evitat ir-rikonoxximent tad-dritt għall-protezzjoni internazzjonali fl-UE;

54.

japprezza li fil-programmi ta’ protezzjoni reġjonali l-Unjoni ħadmet flimkien mal-UNHCR, anke jekk il-protezzjoni offruta mill-Unjoni hi ikbar minn dik rikonoxxuta mill-Konvenzjoni ta’ Ġinevra dwar ir-rifuġjati, sabiex tkopri wkoll il-protezzjoni sussidjarja u l-ħarsien fir-rigward tat-trattamenti li jmorru kontra l-Konvenzjoni Ewropea għas-Salvagwardja tad-Drittijiet tal-Bniedem u tal-libertajiet fundamentali;

55.

jemmen li l-azzjoni tal-Unjoni qatt ma trid tipprojbixxi lil dawk li jkunu qed jitolbu asil li jitilqu minn pajjiż fejn ikunu jinsabu biex jitolbu protezzjoni f’pajjiż membri tal-UE;

56.

jemmen li hi meħtieġa, speċjalment wara ċ-ċensura ċara min-naħa tal-Qorti tal-Ġustizzja tal-Unjoni Ewropea, reviżjoni tar-regolament c.d. Dublin II, b’tali mod li tiġi garantita b’mod effettiv solidarjetà bejn l-Istati Membri fir-rispett sħiħ tad-drittijiet tal-bniedem, inkluż id-dritt tal-unità tal-familja;

57.

jappella lill-Kummissjoni sabiex tinkludi, fil-qasam tas-sħubijiet għall-mobbiltà, klawżoli adegwati għall-protezzjoni ta’ dawk li jitolbu l-asil u r-refuġjati;

58.

jistieden lill-istituzzjonijiet, flimkien mal-Istati Membri, sabiex itejbu l-effikaċja tas-sistema ta’ riċerka u salvataġġ (search and rescue) fl-ibħra, b’mod partikolari permezz ta’ koordinament aħjar u d-definizzjoni tal-kriterji komuni għall-identifikazzjoni ta’ post sikur l-iktar adattat sabiex jaslu l-migranti li ġew salvati;

59.

jitlob lill-Kummissjoni, il-Kunsill u l-Parlament Ewropew li jżommu miftuħa diskussjoni dwar l-erba’ pilastri tal-Approċċ Globali, b’tali mod li f’din is-sitwazzjoni jiġu involuti b’mod sħiħ il-partijiet kollha li huma potenzjalment interessati;

60.

jitlob, b’mod partikolari, li l-awtoritajiet reġjonali u lokali jitqiesu b’mod sħiħ fit-tmexxija tal-Approċċ Globali, u tingħata importanza kemm lill-proġetti ta’ kooperazzjoni ċentralizzata li diġà jeżistu, kif ukoll id-djalogi diġà strutturati bħall-ARLEM u l-CORLEAP;

61.

jitlob lill-Kummissjoni Ewropea li tkompli bl-analiżi tal-kawżi u l-karatteristiċi tal-fenomenu tal-migrazzjoni fil-livell globali b’tali mod li jiġu individwati strateġiji effikaċi sabiex jiġi missielet il-fenomenu importanti tas-solidarjetà mal-Pajjiżi Terzi;

62.

jiddispjaċih bil-politiki ta’ kriminalizzazzjoni tal-migrati u japprezza l-miżuri għall-ġlieda kontra n-netwerks kriminali li l-migranti huma vittmi tagħhom;

63.

jitlob għal politika li tiġġieled l-immigrazzjoni irregolari li ma tkunx ibbażata biss fuq il-kontroll fil-fruntieri u l-interċettazzjoni tal-migranti mit-tluq iżada tkun ibbażata wkol fuq il-possibbilitajiet effettivi għal dħul regolari li huma miftuħa għall-ħaddiema li mhumiex kwalifikati ħafna, skont il-partikolaritajiet tal-Istati Membri individwali.

13.9.2012   

MT

Il-Ġurnal Uffiċjali tal-Unjoni Ewropea

C 277/12

—

jenfasizza l-importanza kapitali tal-ażil, bħala dritt tal-bniedem iżda wkoll bħala “kisba” taċ-ċivilizzazzjoni, stabbilit minn testi tal-liġi internazzjonali bħall-Konvenzjoni ta’ Ġinevra, il-Karta tad-Drittijiet Fundamentali tal-Unjoni Ewropea, it-Trattat dwar il-Funzjonament tal-Unjoni Ewropea (TFUE) u l-leġislazzjoni tal-Istati Membri kollha, mingħajr l-ebda eċċezzjoni. Il-pedament tal-mekkaniżmu tal-ażil huwa l-prinċipju ta’ non-refoulement;

—

ifakkar li jekk nirreferu għall-Artikolu 80 tat-TFUE, is-solidarjetà u, flimkien magħha, il-kondiviżjoni ġusta tar-responsabbiltajiet jikkostitwixxu l-kunċetti istituzzjonali li jirregolaw il-politiki Ewropej kollha li, fil-qafas taż-żona ta’ libertà, sigurtà u ġustizzja, jikkonċernaw iċ-ċaqliq tal-persuni, inklużi l-ġestjoni u l-qsim tal-fruntieri esterni, l-ażil u l-protezzjoni internazzjonali kif ukoll l-immigrazzjoni. Dan l-Artikolu jipprovdi bażi legali suffiċjenti għall-miżuri leġislattivi Ewropej li għandhom l-għan li jsaħħu s-solidarjetà u jippromovu l-kondiviżjoni ġusta tar-responsabbiltajiet;

—

jinnota li s-sitwazzjoni attwali turi li, fir-rigward tal-ażil, hemm bżonn ta’ solidarjetà konkreta bejn l-UE u l-Istati Membri, u jinsab konvint li mhuwiex possibbli li jinkiseb livell ta’ protezzjoni komuni u għoli għall-persuni li jitolbu protezzjoni internazzjonali jew li għandhom dritt għal dan jekk il-mekkaniżmi ma jikkunsidrawx id-disparitajiet qawwija bejn l-Istati Membri differenti kemm fir-rigward ta’ ċittadini ta’ pajjiżi terzi li jilqgħu f'pajjiżhom kif ukoll fir-rigward ta’ riżorsi finanzjarji, tekniċi u oħrajn disponibbli għall-ġestjoni tal-flussi migratorji;

—

jenfasizza d-dimensjoni lokali u reġjonali tas-solidarjetà u l-kondiviżjoni ġusta tar-responsabbiltà fir-rigward tal-politika tal-ażil u jenfasizza li l-awtoritajiet lokali jaqdu rwol importanti biex jinfurmaw lill-popolazzjoni tagħhom u jistgħu jikkontribwixxu għas-sensibilizzazzjoni tagħhom fir-rigward ta’ kwistjonijiet relatati mal-ażil u l-protezzjoni internazzjonali, u b'hekk jeżerċitaw influwenza pożittiva fuq il-kundizzjonijiet ta’ akkoljenza u l-aċċettazzjoni mill-komunità lokali ta’ persuni li jaslu f'pajjiżhom.

Relatur

Is-Sur GKOTSOPOULOS (EL/PSE), Kunsillier Muniċipali ta’ Pallini (Attica)

Dokument ta’ referenza

Komunikazzjoni mill-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni dwar it-titjib tas-solidarjetà fl-UE fil-qasam tal-ażil: Aġenda tal-UE għal kondiviżjoni tar-responsabbiltà aħjar u aktar fiduċja reċiproka

COM(2011) 835 final

1.

jinnota li l-flussi migratorji mħalltin huma realtà fl-Istati Membri kollha tal-UE u jinsabu fil-quċċata tal-aħbarijiet b'mod partikolari minħabba t-taqlib politiku li għaddej bħalissa fil-pajjiżi tal-Afrika ta’ Fuq u fil-Lvant Nofsani, iżda wkoll minħabba s-sitwazzjoni politika aktar ġenerali f'żoni bħall-Afganistan u l-Pakistan, jew l-Iraq u l-Iran, li qed twassal għal ċaqliq ġdid ta’ nies lejn l-Ewropa. Dawn il-flussi migratorji mħalltin huma ta’ piż varjabbli fuq il-fruntieri esterni tal-Unjoni u, konsegwentement, fuq il-mekkaniżmi ta’ ażil ta’ ċerti Stati Membri, li b'hekk iwasslu biex jinħolqu sfidi umanitarji;

2.

jenfasizza li l-kriżi ekonomika akuta li qed tinfirex b'mod partikolari fil-pajjiżi Mediterranji tal-UE li jilqgħu għadd kbir u sproporzjonat ta’ persuni li jfittxu l-ażil u l-fatt li minħabba dan mhumiex kapaċi jiġġestixxu din il-problema bl-effikaċja mixtieqa huma fatturi negattivi għall-ġestjoni tas-sitwazzjoni u jiddegradaw il-kundizzjonijiet li diġà kienu koroh;

3.

iqis li jeħtieġ li tiġi żviluppata politika Ewropea komuni sostanzjali fir-rigward tal-migrazzjoni u tal-ażil, b'konformità mad-dispożizzjonijiet tal-Programm ta’ Stokkolma. Din il-politika għandha tkun ibbażata fuq approċċ integrat li, minn naħa, jissejjes fuq ġestjoni effikaċi tal-immigrazzjoni legali u, min-naħa l-oħra, fuq il-ġlieda kontra l-immigrazzjoni illegali iżda wkoll u fuq kollox fuq it-tisħiħ tal-istrutturi tal-ażil;

4.

jenfasizza l-importanza kapitali tal-ażil, bħala dritt tal-bniedem iżda wkoll bħala “kisba” taċ-ċivilizzazzjoni, stabbilit minn testi tal-liġi internazzjonali bħall-Konvenzjoni ta’ Ġinevra, il-Karta tad-Drittijiet Fundamentali tal-Unjoni Ewropea, it-Trattat dwar il-Funzjonament tal-Unjoni Ewropea (TFUE) u l-leġislazzjoni tal-Istati Membri kollha, mingħajr l-ebda eċċezzjoni. Il-pedament tal-mekkaniżmu tal-ażil huwa l-prinċipju ta’ non-refoulement;

5.

jiġbed l-attenzjoni għad-drittijiet relatati li jikkompletaw id-dritt tal-ażil, jiġifieri d-dritt għad-dinjità, il-projbizzjoni tat-tortura u ta’ trattament inuman, il-protezzjoni li għandha tingħata f'każ ta’ deportazzjoni, ta’ tneħħija jew ta’ estradizzjoni, id-dritt għal tfittxija ta’ rimedju effettiv u li persuna tibbenefika minn sentenza imparzjali kif ukoll id-dritt għar-riunifikazzjoni tal-familja;

6.

jagħraf li sar progress fir-rigward tat-tfassil ta’ Sistema Ewropea Komuni tal-Ażil (SEKA), iżda huwa tal-opinjoni li jeħtieġli jittenna l-appell li sar mill-Programm ta’ Stokkolma biex din is-sistema titlesta sal-2012 u biex l-Istati Membri, il-Kunsill u l-Parlament Ewropew jiġu mistiedna jagħtu xhieda tar-rieda politika meħtieġa biex jiġu konklużi n-negozjati dwar ir-reviżjoni tad-direttivi dwar il-kundizzjonijiet ta’ akkoljenza u l-proċeduri tal-ażil, kif ukoll ir-riforma tar-Regolament ta’ Dublin u ta’ dak dwar is-sistema Eurodac;

7.

jenfasizza li l-azzjonijiet tas-SEKA għandhom ikunu ggwidati mid-difiża konkreta tad-drittijiet tal-persuni li għandhom bżonn protezzjoni internazzjonali u mhux biss permezz tas-sigurtà fis-sens strett tal-kelma u s-salvagwardja tas-sovranità nazzjonali;

8.

jixtieq jafferma li sistema tal-ażil verament komuni hija bbażata fuq l-uniformità tad-drittijiet u l-proċeduri fit-territorju kollu tal-UE, bil-għan li jiġi eliminat ir-riskju li jinħolqu disparitajiet konsiderevoli fl-analiżi ta’ tali dossiers u, għaldaqstant japprova l-isforz li sar biex tiġi modifikata l-leġislazzjoni eżistenti fid-dawl tal-introduzzjoni ta’ regoli komuni aktar milli standards minimi;

9.

jiġbed l-attenzjoni għad-deċiżjonijiet reċenti tal-qrati ta’ Strasburgu u tal-Lussemburgu (1) li, aktar minn kwalunkwe ħaġa oħra, joħorġu fid-dieher (a) in-nuqqasijiet kbar tas-sistema legali eżistenti, b'mod partikolari r-Regolament ta’ Dublin, u (b) in-nuqqasijiet li fil-kundizzjonijiet ta’ pressjoni attwali huma ta’ theddida serja għall-protezzjoni tad-drittijiet tal-persuni li jitolbu protezzjoni internazzjonali u li huma kkaġunati mid-disparitajiet fl-approċċ segwit mill-Istati Membri differenti fil-livell politiku, legali u prattiku. Id-deċiżjonijiet imsemmijin hawn fuq jenfasizzaw il-ħtieġa li tiġi żviluppata Sistema Ewropea Komuni tal-Ażil integrata u li, f'dan il-kuntest, jissaħħaħ ir-Regolament ta’ Dublin permezz ta’ dispożizzjonijiet li jindirizzaw il-kawżi tal-kriżijiet u b'hekk jikkontribwixxu biex id-dgħufijiet li qed jolqtu s-sistemi tal-Istati Membri individwali ma jkunux ta’ ħsara għas-sistema kollha u lanqas għall-protezzjoni tad-drittijiet tal-bniedem;

10.

iqis li, fir-rigward tal-importanza tal-fenomenu migratorju, jeħtieġ li jsiru bidliet importanti fil-qasam tal-politika tal-ażil tal-UE u li l-implimentazzjoni ta’ politiki u metodi effikaċi għall-ġestjoni ta’ dawn il-bidliet issir ħtieġa urġenti;

11.

ifakkar li jekk nirreferu għall-Artikolu 80 tat-TFUE, is-solidarjetà u, flimkien magħha, il-kondiviżjoni ġusta tar-responsabbiltajiet jikkostitwixxu l-kunċetti istituzzjonali li jirregolaw il-politiki Ewropej kollha li, fil-qafas taż-żona ta’ libertà, sigurtà u ġustizzja, jikkonċernaw iċ-ċaqliq tal-persuni, inklużi l-ġestjoni u l-qsim tal-fruntieri esterni, l-ażil u l-protezzjoni internazzjonali kif ukoll l-immigrazzjoni. Dan l-Artikolu jipprovdi bażi legali suffiċjenti għall-miżuri leġislattivi Ewropej li għandhom l-għan li jsaħħu s-solidarjetà u jippromovu l-kondiviżjoni ġusta tar-responsabbiltajiet;

12.

jagħraf li s-solidarjetà hija relatata mill-qrib mar-responsabbiltà u jħeġġeġ lill-Istati Membri kollha biex jirrispettaw u jwettqu l-impenji kollha li daħlu għalihom fil-livell internazzjonali u tal-Unjoni billi jorganizzaw ruħhom sew fil-pajjiż tagħhom. Madankollu, il-Kumitat jenfasizza li kunċett ristrett tar-responsabbiltà ma jistax ikun prekundizzjoni obbligata tas-solidarjetà fil-livell legali jew prattiku: jeżistu każijiet fejn turija konkreta ta’ solidarjetà tista' tikkontribwixxi b'mod f'waqtu biex l-impenji jiġu rispettati b'mod effettiv;

13.

jinnota li s-sitwazzjoni attwali turi li, fir-rigward tal-ażil, hemm bżonn ta’ solidarjetà konkreta bejn l-UE u l-Istati Membri, kif stabbilit mill-Artikolu 80 tat-TFUE, u jinsab konvint li mhuwiex possibbli li jinkiseb livell ta’ protezzjoni komuni u għoli għall-persuni li jitolbu protezzjoni internazzjonali jew li għandhom dritt għal dan jekk il-mekkaniżmi ma jikkunsidrawx id-disparitajiet qawwija bejn l-Istati Membri differenti kemm fir-rigward ta’ ċittadini ta’ pajjiżi terzi li jilqgħu f'pajjiżhom (migranti ekonomiċi jew persuni li jitolbu protezzjoni internazzjonali) kif ukoll fir-rigward ta’ riżorsi finanzjarji, tekniċi u oħrajn disponibbli għall-ġestjoni tal-flussi migratorji;

14.

jinnota li l-Komunikazzjoni tal-Kummissjoni tagħti deskrizzjoni analitika tas-sitwazzjoni attwali u telenka l-għodod disponibbli għal tisħiħ tas-solidarjetà iżda jiddeplora n-nuqqas ta’ proposti dwar miżuri pożittivi ġodda biex titħeġġeġ is-solidarjetà u tiġi promossa l-kondiviżjoni tar-responsabbiltajiet;

15.

jilqa' l-inizjattiva li ħa l-Kunsill biex ifassal “qafas komuni ta’ referenza għal solidarjetà fir-rigward tal-Istati Membri li s-sistema ta’ ażil tagħhom hija soġġetta għal pressjonijiet partikolarment qawwija minħabba raġunijiet differenti, inklużi l-flussi migratorji mħalltin” (2);

16.

madankollu jenfasizza li miżuri pożittivi favur is-solidarjetà u l-kondiviżjoni tar-responsabbiltajiet jistgħu jsaħħu r-rispett tad-drittijiet tal-bniedem u l-ġustizzja, l-ekwità, il-kooperazzjoni u l-parteċipazzjoni politika. Jeħtieġ li dawn id-dispożizzjonijiet jirrispettaw il-prinċipji tas-sussidjarjetà u tal-proporzjonalità;

17.

f'dan ir-rigward jinnota li mhuwiex possibbli li tiġi analizzata bis-sħiħ il-Komunikazzjoni tal-Kummissjoni Ewropea mil-lat tar-rispett tal-prinċipju tas-sussidjarjetà peress li din tiddeskrivi essenzjalment il-mod kif l-istrumenti eżistenti u l-leġislazzjoni tal-UE jikkontribwixxu għat-tisħiħ tas-solidarjetà. Madankollu, peress li fil-Komunikazzjoni jissemmew inizjattivi futuri eventwali, li jikkonċernaw pereżempju l-programmi għar-ripatriazzjoni ta’ rifuġjati rikonoxxuti, jew inkella r-regolamenti dwar l-analiżi komuni tat-talbiet għal ażil, u li dwarhom wieħed jista' jaħseb li jkollhom riperkussjonijiet fuq kwistjonijiet li s'issa kienu marbutin mill-qrib mal-kwistjoni tas-sovranità nazzjonali tal-Istati Membri (bħall-analiżi tat-talbiet għal ażil jew l-akkoljenza ta’ dawk li jitolbu ażil), u li jista' jkollhom effetti aktar mifruxin ta’ natura politika, legali jew finanzjarja, il-Kumitat jitlob lill-Kummissjoni Ewropea tagħti l-attenzjoni kollha meħtieġa matul it-tfassil tagħhom;

18.

jinnota li l-kunċett ta’ solidarjetà jippreżentaw wkoll dimensjoni esterna li tikkonċerna s-solidarjetà bejn l-UE u r-reġjuni l-oħra tad-dinja milquta minn kriżijiet ta’ natura umanitarja, li jilqgħu, skont l-Uffiċċju tal-Kummissarju Għoli tan-Nazzjonijiet Uniti għar-Rifuġjati (UNHCR), il-biċċa l-kbira ta’ rifuġjati u ta’ persuni li jitolbu protezzjoni internazzjonali. Għaldaqstant, huwa importanti li fil-qasam tal-politika ta’ kooperazzjoni għall-iżvilupp, l-Istati Membri jikkollaboraw mal-pajjiżi terzi bil-għan li joħolqu kundizzjonijiet ekonomiċi u soċjali aħjar u biex jikkonsolidaw il-paċi. Madankollu, l-appoġġ għas-sistemi ta’ ażil ta’ pajjiżi terzi ma jistax jiġi kkunsidrat bħala mezz biex jiġi evitat l-għoti ta’ dritt għal protezzjoni internazzjonali fi ħdan l-UE jew biex jiġu trasferiti l-proċeduri 'l barra mill-fruntieri tal-UE. Iżda għandu jkun għodda għat-titjib tal-kundizzjonijiet ekonomiċi u soċjali fil-pajjiżi terzi;

19.

jappella lill-istituzzjonijiet kompetenti u lill-Istati Membri tal-UE biex iħeġġu b'mod aktar attiv lill-pajjiżi ġirien tal-UE biex jikkonformaw mal-obbligi li jassumu kemm fid-dawl tal-liġi internazzjonali kif ukoll fir-rigward tagħhom innifishom u tal-Istati Membri, partikolarment fil-każ ta’ pajjiżi li kkonkludew ftehimiet ta’ riammissjoni mal-UE;

20.

jenfasizza d-dimensjoni lokali u reġjonali tas-solidarjetà u l-kondiviżjoni ġusta tar-responsabbiltà fir-rigward tal-politika tal-ażil. L-awtoritajiet lokali u reġjonali li jinsabu qrib il-fruntieri esterni tal-UE jinsabu minn ta’ quddiem fl-implimentazzjoni tal-leġislazzjoni Ewropea tal-ażil u s-SEKA. L-istess jgħodd għall-awtoritajiet muniċipali taċ-ċentri urbani l-kbar li qed jirreġistraw żieda kostanti fil-fluss ta’ rifuġjati u ta’ persuni li jitolbu l-ażil. L-awtoritajiet lokali u reġjonali jassumu kompitu importanti fl-akkoljenza tal-persuni li jitolbu ażil, ir-rifuġjati u l-benefiċjarji ta’ protezzjoni internazzjonali u, f'ċerti Stati Membri, għandhom ir-responsabbiltà tal-ewwel kuntatt ma’ persuni ġodda li jidħlu f'pajjiżhom;

21.

jenfasizza li minkejja r-rwol stabbilit tajjeb li jaqdu, l-awtoritajiet lokali u reġjonali huma kompletament esklużi mill-kunċetti ta’ solidarjetà u ta’ kondiviżjoni tar-responsabbiltajiet, li s'issa japplikaw biss għall-Istati Membri. Barra minn hekk, il-programmazzjoni u d-djalogu fil-livell politiku iqisu biss il-piż finanzjarju fuq l-Istati Membri u ma jqisux ir-riperkussjonijiet fuq il-koeżjoni soċjali fil-livell lokali u reġjonali b'riżultat tal-akkoljenza ta’ persuni minn pajjiżi terzi, għalkemm l-awtoritajiet lokali u reġjonali huma dawk li jintalbu b'mod prijoritarju biex jieħdu ħsiebhom;

22.

għalhekk beħsiebu jfassal direttament pożizzjoni u proposti biex jiggarantixxi li l-awtoritajiet lokali u reġjonali jkunu jistgħu jipparteċipaw b'mod attiv fil-mekkaniżmu ta’ distribuzzjoni tar-rifuġjati u fit-tħaddim tal-mekkaniżmi ta’ għajnuna, appoġġ u solidarjetà mal-persuni li jitolbu l-ażil jew li jkunu kisbu dan id-dritt; fil-fatt, f'xi Stati Membri diġà ġew adottati miżuri leġislattivi li jirrikonoxxu li l-gvernijiet reġjonali jerfgħu dawn it-tipi ta’ responsabbiltajiet;

23.

jenfasizza li l-awtoritajiet lokali jaqdu rwol importanti biex jinfurmaw lill-popolazzjoni tagħhom u, peress li għandhom esperjenza konsiderevoli fir-rigward tal-kooperazzjoni ma’ NGOs u organizzazzjonijiet tas-soċjetà ċivili, jistgħu jikkontribwixxu għas-sensibilizzazzjoni tagħhom fir-rigward ta’ kwistjonijiet relatati mal-ażil u l-protezzjoni internazzjonali, u b'hekk jeżerċitaw influwenza pożittiva fuq il-kundizzjonijiet ta’ akkoljenza u l-aċċettazzjoni mill-komunità lokali ta’ persuni li jaslu f'pajjiżhom;

24.

jenfasizza li jeħtieġ li r-Regolament ta’ Dublin jiġi analizzat mill-ġdid bir-reqqa fil-qafas tal-proposta tal-Kummissjoni Ewropea tal-2008 (3). Sal-lum il-ġurnata, is-sempliċi implimentazzjoni tal-kriterju tal-ewwel dħul fl-Unjoni wasslet għal aktar tensjonijiet fis-sistema ta’ ażil ta’ ċerti Stati Membri u twassal biex l-implimentazzjoni ta’ dan ir-Regolament tkun kwistjoni pura ta’ sitwazzjoni ġeografika u b'hekk tiġi injorata l-idea ta’ solidarjetà. Il-Kumitat għaldaqstant jitlob lill-Istati Membri, lill-Kunsill u lill-Parlament Ewropew biex ifasslu proċedura ġdida għall-ġestjoni tal-kriżijiet u jeżaminaw ċerti miżuri pożittivi ta’ solidarjetà, li jistgħu jnaqqsu l-konsegwenzi negattivi li ħoloq s'issa dan il-mekkaniżmu;

25.

ifakkar li f'opinjoni preċedenti (4) laqa' l-proposta tal-Kummissjoni Ewropea biex it-trasferimenti ta’ dawk li jitolbu protezzjoni internazzjonali fil-qafas tal-verżjoni riveduta tar-Regolament ta’ Dublin jiġu sospiżi provviżorjament meta Stat Membru jkun qed jiffaċċja sitwazzjoni partikolarment urġenti fejn ikun hemm il-possibbiltà li dawn it-trasferimenti jkunu ta’ piż addizzjonali fuq il-kapaċitajiet ta’ akkoljenza tal-pajjiż u s-sistema jew l-infrastruttura tal-ażil tiegħu. Madankollu jagħraf li huwa diffiċli li tali miżura tiġi aċċettata u applikata u jifhem ir-rilevanza tal-kontra-proposta li tirrakkomanda l-ħolqien ta’ mekkaniżmu ta’ valutazzjoni u ta’ twissija rapida, li jkopri l-funzjonament kollu tas-sistemi ta’ ażil tal-Istati Membri;

26.

iqis li ta’ min jenfasizza, fid-dawl tal-kummenti ta’ hawn fuq, li l-effikaċja ta’ dan il-mekkaniżmu ta’ valutazzjoni u ta’ twissija rapida li huwa propost ser tiddependi fil-biċċa l-kbira mill-possibbiltà li tiġi provduta informazzjoni affidabbli u aġġornata, li jkun hemm kollaborazzjoni leali bejn l-Istati Membri u l-kapaċità li l-UE tirrimedja f'waqtu in-nuqqasijiet u l-problemi eventwali li jkunu ġew indikati. Barra minn hekk, il-Kumitat jiġbed l-attenzjoni għas-siwi li jistgħu joffru organizzazzjonijiet bħall-Uffiċċju Ewropew ta’ Appoġġ fil-Qasam tal-Asil, l-Uffiċċju tal-Kummissarju Għoli tan-Nazzjonijiet Uniti għar-Rifuġjati (UNHCR), il-kunsilli nazzjonali tar-rifuġjati, kif ukoll NGOs oħra u, fuq kollox, l-awtoritajiet lokali u reġjonali;

27.

huwa tal-opinjoni li l-proposta li tiġi estiża l-kondiviżjoni volontarja tar-rifuġjati rikonoxxuti, abbażi tal-mudell tal-programm pilota li jikkonċerna lil Malta, hija pass pożittiv għat-tisħiħ tas-solidarjetà. Għaldaqstant, il-Kumitat jitlob lill-Kummissjoni Ewropea u lill-Istati Membri biex jeżaminaw l-ipoteżi li din rilokazzjoni tkun obbligatorja f'ċerti ċirkostanzi (pereżempju meta l-Istat Membru kkonċernat jitlob li dan isir jew tkun intlaħqet konklużjoni f'dan ir-rigward preċedentement fil-qafas tal-mekkaniżmu ta’ twissija rapida u li l-Uffiċċju Ewropew ta’ Appoġġ fil-Qasam tal-Asil ikun ta l-opinjoni tiegħu dwar is-suġġett, jew inkella meta l-partijiet interessati jaqblu mal-miżura). Huwa jitlob lill-Kummissjoni Ewropea u lill-Istati Membri biex jeżaminaw b'mod serju jekk dawk li jitolbu protezzjoni internazzjonali jistgħux jiġu rilokati u b'rabta ma’ dan jitlob lill-Kummissjoni biex terġa' teżamina l-istudju legali, ekonomiku u tekniku li sar (5);

28.

jinnota li ġew osservati diffikultajiet prattiċi u legali fir-rigward tar-rilokazzjoni minħabba n-nuqqas ta’ sistema għall-għarfien reċiproku ta’ deċiżjonijiet internazzjonali ta’ protezzjoni; għal din ir-raġuni jitlob lill-Kummissjoni Ewropea biex tikkunsidra l-miżuri neċessarji sabiex din is-sitwazzjoni tiġi indirizzata;

29.

jaqbel mal-proposta tal-UNHCR dwar it-twaqqif ta’ “formola” bil-għan li jiġi żgurat il-funzjonament ta’ sistema ta’ kondiviżjoni u li tikkunsidra elementi, fost l-oħrajn bħall-PDG tal-pajjiż ikkonċernat, l-erja tat-territorju nazzjonali tiegħu, ir-riżorsi naturali tiegħu u riżorsi oħra, il-popolazzjoni, il-possibbiltajiet ta’ akkoljenza, l-ispeċifiċità lokali u reġjonali, l-għadd totali ta’ persuni li jaslu fil-pajjiż ikkonċernat u jitolbu ażil, kif ukoll l-impenji ta’ risistemazzjoni (6);

30.

jilqa' b'sodisfazzjon id-deċiżjoni reċenti tal-Parlament Ewropew li wasslet għall-konklużjoni tal-Programm Ewropew Konġunt dwar ir-Risistemazzjoni li jaħseb li ser jikkontribwixxi għat-tisħiħ tad-dimensjoni esterna tas-solidarjetà u jitlob lill-Istati Membri biex sadattant jirrispettaw l-impenji li daħlu għalihom fil-qafas tal-programm tal-UNHCR;

31.

jilqa' l-prospettiva ta’ analiżi komuni tat-talbiet għal ażil li fiha jistgħu jipparteċipaw għadd akbar ta’ Stati Membri, l-Uffiċċju Ewropew ta’ Appoġġ fil-Qasam tal-Asil, u eventwalment, il-UNHCR. Madankollu, jinnota li jeħtieġ li dan l-iżvilupp iseħħ b'mod li jirrispetta l-prinċipju li t-talbiet għal protezzjoni internazzjonali għandhom jiġu eżaminati b'mod individwali. Il-Kumitat għalhekk jitlob lill-Kummissjoni Ewropea biex tfassal studju legali, ekonomiku u tekniku u li tinfurmah dwar dan;

32.

iqis ukoll li bħala mekkaniżmu ta’ solidarjetà speċifiku u eċċezzjonali, id-Direttiva 2001/55/KE sabiex tingħata protezzjoni temporanja fl-eventwalità ta’ influss bil-massa ta’ persuni spostati u dwar il-miżuri li jippromovu bilanċ fl-isforzi bejn l-Istati Membri hija importanti ħafna, għalkemm s'issa qatt ma ġiet applikata. Jemmen ukoll li jeħtieġ li tiġi riveduta b'tali mod li jkun aktar faċli li jiġi ddikjarat, abbażi ta’ kriterji oġġettivi u kwantitattivi, li ser tinħoloq sitwazzjoni ta’ influss bil-massa ta’ persuni spostati fil-pajjiżi, billi fost affarijiet oħra tiġi eżaminata l-possibbiltà li l-attivazzjoni tagħha sseħħ parmezz ta’ talba f'dan ir-rigward minn reġjun wieħed jew aktar;

33.

jilqa' l-fatt li d-Direttiva 2003/109/KE dwar ir-residenza fit-tul ġiet emendata biex tkun tkopri wkoll il-benefiċjarji ta’ protezzjoni internazzjonali. Fil-prattika, din l-estensjoni ser ikollha l-effett li, wara soġġorn ta’ ħames snin u f'ċerti kundizzjonijiet, ir-rifuġjati rikonoxxuti jkunu jistgħu jistabbilixxu ruħhom fi Stat Membru ieħor apparti dak fejn inizjalment ingħataw il-protezzjoni internazzjonali. Għalkemm ma tikkostitwixxix miżura ta’ solidarjetà fis-sens strett, din id-deċiżjoni eventwalment tista' tikkontribwixxi għat-tnaqqis tal-pressjonijiet u għal integrazzjoni mtejba tal-persuni. Għaldaqstant, il-Kumitat jitlob lill-Istati Membri biex jittrasponu b'mod rapidu d-direttiva emendatorja 2011/51/KE (7) fil-liġi nazzjonali tagħhom;

34.

jinnota li l-kooperazzjoni prattika tikkostitwixxi pilastru fundamentali tas-SEKA u jilqa' b'sodisfazzjon il-kontribut sostanzjali tal-korpi tal-UE, l-ewwel wieħed fosthom l-Uffiċċju Ewropew ta’ Appoġġ fil-Qasam tal-Asil kif ukoll il-Frontex, li jagħti l-appoġġ tiegħu biex jiġu ffaċċjati ċerti sitwazzjonijiet konkreti ta’ natura eċċezzjonali, pereżempju fil-każ ta’ Malta u l-Greċja, filwaqt li jinnota li l-azzjoni ta’ dawn il-korpi speċjalizzati għandha tkun akkumpanjata minn garanziji fir-rigward tal-preservazzjoni tad-drittijiet ta’ dawk li jitolbu protezzjoni internazzjonali;

35.

huwa tal-opinjoni li jeħtieġ b'mod partikolari li jiġu evitati prattiki li bħala riżultat konkret jagħmlu l-eżerċizzju tad-dritt li titressaq talba għall-ażil impossibbli. Għaldaqstant il-Kumitat jitlob lill-Frontex biex timpenja ruħha aktar biex tirrispetta d-drittijiet tal-bniedem hija u teżerċita l-missjonijiet li tiġi nkarigata bihom għall-protezzjoni tal-fruntieri esterni tal-UE. Iqis li l-ewwel pass f'din id-direzzjoni ttieħed permezz tal-emenda reċenti tar-Regolament kostituttiv tal-Frontex li jobbliga lil dan il-korp ifassal strateġija fir-rigward tad-drittijiet fundamentali, iwaqqaf forum konsultattiv u joħloq post tax-xogħol għal persuna li tkun responsabbli għad-drittijiet fundamentali (8). F'dan ir-rigward jirrikonoxxi r-rwol li tista' taqdi l-Aġenzija tal-Unjoni Ewropea għad-Drittijiet Fundamentali, li diġà analizzat is-sitwazzjoni tad-drittijiet tal-bniedem fil-fruntieri esterni tal-UE (9), u jħeġġiġha testendi l-investigazzjonijiet tagħha f'dan il-qasam u tagħti l-pariri u l-għarfien tagħha lill-Frontex u lill-Uffiċċju Ewropew ta’ Appoġġ fil-Qasam tal-Asil;

36.

iqis li l-edukazzjoni hija importanti ħafna bħala miżura aktar speċifika ta’ kooperazzjoni konkreta min-naħa tal-Uffiċċju Ewropew ta’ Appoġġ fil-Qasam tal-Asil u jinsisti fuq il-possibbiltà ta’ armonizzazzjoni prattika aħjar li tinħoloq permezz tal-finalizzazzjoni u l-implimentazzjoni integrali tal-kurrikulu Ewropew fir-rigward tal-ażil. F'dan ir-rigward, il-Kumitat jipproponi lill-Uffiċċju Ewropew ta’ Appoġġ fil-Qasam tal-Asil li jfassal programmi ta’ taħriġ li jkunu ta’ siwi għall-uffiċjali tal-amministrazzjonijiet lokali u reġjonali bil-għan li jipparteċipaw fl-akkoljenza ta’ dawk li jitolbu protezzjoni internazzjonali;

37.

jenfasizza l-ħtieġa li jissaħħu l-kapaċitajiet operattivi tal-Uffiċċju Ewropew ta’ Appoġġ fil-Qasam tal-Asil sabiex ikun iżjed effettiv fl-għoti immedjat ta’ appoġġ u fl-għoti ta’ għarfien espert u tekniku lill-awtoritajiet lokali u reġjonali u jsejjaħ għal parteċipazzjoni iktar mill-qrib tal-awtoritajiet lokali u reġjonali fil-forum konsultattiv tal-Uffiċċju Ewropew ta’ Appoġġ fil-Qasam tal-Asil; jilqa' l-intenzjoni tal-Kummissjoni Ewropea li fl-2013 tevalwa l-impatt tal-azzjoni tal-Uffiċċju Ewropew ta’ Appoġġ fil-Qasam tal-Asil u jesprimi l-interess tiegħu li jipparteċipa f'din l-evalwazzjoni;

38.

jirrikonoxxi li f'dawn l-aħħar snin l-UE ħolqot sensiela ta’ strumenti utli fosthom il-Fond Ewropew għar-rifuġjati li jippermetti lill-Istati Membri japplikaw aħjar il-politika Ewropea dwar l-ażil;

39.

jilqa' s-semplifikazzjoni proposta tal-arkitettura tal-mekkaniżmi ta’ finanzjament Ewropej immirati għall-ażil u l-migrazzjoni permezz ta’ proposta għall-ħolqien ta’ Fond għall-migrazzjoni u l-ażil li ser ikun mogħni b'riżorsi ta’ ammont totali ta’ EUR 3,87 biljuni, biex tiġi żgurata ġestjoni integrata tal-flussi migratorji, u li ser ikopri taqsimiet differenti tal-politika komuni dwar l-ażil u l-migrazzjoni għall-perjodu 2014-2020. Il-Kumitat jittama li dan l-iżvilupp ser ikun akkumpanjat b'mod parallel minn razzjonalizzazzjoni tal-proċeduri;

40.

jinsisti fuq il-ħtieġa li jiġu allokati biżżejjed riżorsi għall-miżuri ta’ tisħiħ tas-solidarjetà, li jistgħu jikkonsistu f'appoġġ għall-impenji intiżi għat-titjib tal-kundizzjonijiet bażiċi tas-sistemi ta’ ażil meta jkun hemm bżonn, jagħtu għajnuna konkreta lill-Istati Membri u lir-reġjuni li jiffaċċjaw pressjonijiet eċċezzjonali jew jimplimentaw programmi ta’ kondiviżjoni jew ta’ risistemazzjoni;

41.

jenfasizza li huwa indispensabbli li l-mezzi allokati għall-ażil u l-protezzjoni internazzjonali jkunu tal-livell tal-impenji internazzjonali tal-UE b'mod li jiġi stabbilit bilanċ ġust bejn, minn naħa, l-ispejjeż għas-sigurtà u l-ġestjoni tal-fruntieri, kif ukoll, min-naħa l-oħra, l-ispejjeż tal-oqsma ta’ intervent bħall-kundizzjonijiet ta’ akkoljenza ta’ dawk li jitolbu l-ażil, li huma oqsma ta’ azzjoni fejn l-awtoritajiet lokali u reġjonali jistgħu jikkontribwixxu valur miżjud sinifikanti;

42.

jistieden lill-Kummissjoni Ewropea u lill-Istati Membri biex jimpenjaw ruħhom biex jimplimentaw bis-sħiħ il-prinċipju ta’ sħubija li fuqu huwa bbażat il-funzjonament tal-Fondi, b'tali mod li jiġi ggarantit li l-atturi kkonċernati kollha fil-livell lokali u reġjonali jipparteċipaw kemm fit-tfassil tal-prijoritajiet ta’ finanzjament kif ukoll fil-valutazzjoni tal-inizjattivi li jittieħdu. L-applikazzjoni ta’ dan il-prinċipju għandha ssegwi l-qafas ta’ implimentazzjoni stabbilit fil-Kapitolu IV tal-Proposta għal Regolament li jistabbilixxi dispożizzjonijiet ġenerali dwar il-Fond għall-Migrazzjoni u l-Ażil, COM(2011) 752 final;

43.

jappella għaldaqstant lill-Istati Membri biex jiżguraw il-parteċipazzjoni tar-rappreżentanti tal-awtoritajiet lokali u reġjonali tagħhom fil-proċess ta’ djalogu politiku dwar l-istabbiliment tal-prijoritajiet finanzjarji annwali tal-Fondi (10).

13.9.2012   

MT

Il-Ġurnal Uffiċjali tal-Unjoni Ewropea

C 277/18

—

jappoġġja t-talba għal strateġiji olistiċi għall-iżvilupp urban sostenibbli u għal kooperazzjoni orizzontali u vertikali f'sistema ta’ governanza parteċipattiva li tikkunsidra d-diversità tal-bliet u l-importanza tal-innovazzjoni soċjali u tal-ippjanar orjentat lejn il-futur;

—

jinnota li d-diviżjoni ekonomika u soċjali dejjem akbar fis-soċjetà tagħna għandha tiġi indirizzata b'mod urġenti permezz ta’ investiment fl-edukazzjoni għal kulħadd u minn kmieni fit-tfulija, swieq tax-xogħol inklużivi, tagħlim tul il-ħajja u politika favur l-inklużjoni attiva, u salarji li jkunu ġusti u li jippermettu s-sostenn tal-bżonnijiet u li jkunu ugwali għall-irġiel u n-nisa;

—

jisħaq fuq l-importanza li jiġu indirizzati l-bżonnijiet li huma kruċjali għas-soċjetà, jiġifieri l-aċċess għal dar, crèches u kindergartens, postijiet siguri għal-logħob u għall-iżvilupp tat-tfal, filwaqt li jitneħħew l-ostakli li jfixklu lin-nies li qed jibdew jew jestendu l-familja;

—

jenfasizza l-isfida tat-tibdil fil-klima u l-ħtieġa li jonqos il-konsum tal-enerġija permezz ta’ proċessi ċikliċi u ż-żieda fl-effiċjenza enerġetika, sistemi interkonnessi, l-espansjoni ta’ żoni ekoloġiċi u miftuħa, metodi ġodda ta’ kostruzzjoni u forom ta’ trasport newtrali f'termini ta’ riżorsi, li jkunu siguri u mhux ta’ ħsara għas-saħħa;

—

jenfasizza l-importanza tal-kultura u l-kreattività mhux biss għat-tkabbir ekonomiku iżda wkoll għall-ksib ta’ ħajja ta’ kwalità tajba, id-demokrazija fil-ħajja ta’ kuljum, il-paċi u r-rispett reċiproku;

—

jenfasizza l-importanza fundamentali tal-parteċipazzjoni tal-pubbliku fit-tfassil tal-politiki;

—

iqis li d-diversi sforzi tal-istituzzjonijiet Ewropej biex jappoġġjaw il-bliet huma bżonnjużi u jappella biex fil-perjodu ta’ finanzjament li jmiss jingħata sinjal ċar li l-bliet għandhom jiġu appoġġjati permezz ta’ dimensjoni urbana aktar qawwija, flessibbiltà fl-użu tar-riżorsi u rwol ċentrali għall-awtoritajiet lokali fl-implimentazzjoni tal-politika ta’ koeżjoni;

—

jilqa' l-iżvilupp ulterjuri tal-istrumenti ta’ finanzjament sostenibbli fil-politika strutturali li jirrappreżentaw mekkaniżmi ta’ appoġġ kreattivi u stabbli.

Relatur

is-Sinjura Hella DUNGER-LÖPER (DE/PSE), Plenipotenzjarja tal-Land ta’ Berlin għall-Affarijiet Federali u Ewropej

1.

jilqa' l-fatt li ġie kkonsultat mill-Presidenza Daniża tal-Kunsill tal-UE biex ifassal opinjoni dwar dan is-suġġett u li l-Presidenza pparteċipat b'mod attiv fil-Ħames Summit tal-Bliet u r-Reġjuni li sar fit-22 u t-23 ta’ Marzu 2012 f'Kopenħagen dwar it-tema “In-nisġa urbana Ewropea fis-seklu 21”. B'hekk il-Presidenza wriet rikonoxximent tal-kontribut tal-bliet u r-reġjuni għall-integrazzjoni Ewropea u r-rwol ċentrali tagħhom għall-ksib tal-għanijiet tal-Istrateġija Ewropa 2020;

2.

jinnota b'interess ir-rapport tal-Kummissjoni Ewropea bl-isem “L-Ibliet ta’ Għada. Sfidi, viżjonijiet, modi 'l quddiem” (Ottubru 2011) u jaqbel mal-viżjoni espressa f'dan ir-rapport li l-bliet tal-ġejjieni huma “post ta’ progress soċjali avvanzat b'livell għoli ta’ koeżjoni soċjali, akkomodazzjonijiet soċjalment ibbilanċjati kif ukoll servizzi soċjali, tas-saħħa u ta’ ‘edukazzjoni għal kulħadd’; pjattaforma għad-demokrazija, djalogu u diversità kulturali; post ta’ riġenerazzjoni agrikola, ekoloġika jew ambjentali; post ta’ attrazzjoni u magna ta’ tkabbir ekonomiku”;

3.

jaqbel mat-tħassib espress fir-rapport “L-Ibliet ta’ għada” dwar il-ġejjieni tal-bliet fid-dawl tat-theddid tat-tibdil demografiku, it-tkabbir negattiv u l-konnessjonijiet dejjem aktar dgħajfa bejn it-tkabbir ekonomiku, l-impjiegi u l-iżvilupp soċjali. Sorsi potenzjali oħra ta’ theddid jinkludu ż-żieda fid-differenzi bejn il-pagi, il-polarizzazzjoni u s-segregazzjoni soċjali li qed jiżdiedu, l-għadd dejjem akbar ta’ individwi li jitwarrbu lejn ix-xifer tas-soċjetà, it-tixrid urban kif ukoll il-pressjoni dejjem tikber fuq l-ekosistemi urbani;

4.

jenfasizza li l-Unjoni Ewropea tista' biss tikseb l-għanijiet kollha tal-Istrateġija Ewropa 2020 jekk il-bliet, bħala postijiet ta’ innovazzjoni soċjali u ekonomika, ikunu f'pożizzjoni li jikkontribwixxu bis-sħiħ għat-tkabbir intelliġenti, inklużiv u sostenibbli u għall-koeżjoni ekonomika, soċjali u territorjali;

5.

għaldaqstant jilqa' r-rakkomandazzjonijiet tar-rapport “L-Ibliet ta’ għada” li l-bliet għandhom jissaħħu billi jiġu promossi strutturi lokali sostenibbli għall-ħolqien ta’ ekonomija reżistenti u inklużiva, billi jintuża l-potenzjal tal-ġenerazzjonijiet differenti u tad-diversità soċjoekonomika, kulturali u etnika u billi jiġu miġġielda l-esklużjoni soċjali u l-faqar permezz ta’ titjib tal-akkomodazzjoni, strateġiji olisitiċi għall-politiki ambjentali u tal-enerġija, il-ħolqien u ż-żamma ta’ spazji pubbliċi attraenti, il-promozzjoni ta’ sistemi tat-trasport sostenibbli, inklużivi u li jippromovu s-saħħa u l-promozzjoni ta’ żvilupp territorjali ibbilanċjat;

6.

jappoġġja t-talba għal strateġiji olistiċi għall-iżvilupp urban sostenibbli, kooperazzjoni orizzontali u vertikali f'sistema ta’ governanza parteċipattiva li tinkludi l-livelli u l-oqsma ta’ politika kollha u li tikkunsidra d-diversità tal-bliet u l-importanza tal-innovazzjoni soċjali u tal-ippjanar orjentat lejn il-futur;

7.

jirreferi għad-“Dikjarazzjoni ta’ Kopenħagen” tal-Kumitat tar-Reġjuni tat-23 ta’ Marzu 2012, li fiha jsir appell għal bliet aktar ekoloġiċi, aktar soċjalment inklużivi u aktar ekonomikament kompetittivi u l-appell relatat biex l-istituzzjonijiet tal-UE jankraw l-Istrateġija Ewropa 2020 fil-livell lokali, jipprovdu biżżejjed riżorsi finanzjarji għal politika urbana komprensiva, jagħtu prijorità akbar lill-kooperazzjoni territorjali bejn il-bliet Ewropej, jallokaw rwol akbar lill-bliet u r-reġjuni fit-tfassil tal-politika Ewropea, jimpenjaw ruħhom aktar favur id-deċentralizzazzjoni fl-Istati Membri tal-UE u jipprovdu aktar flessibbiltà finanzjarja lill-bliet u r-reġjuni;

8.

ifakkar fl-opinjoni tiegħu dwar “Ir-rwol tar-riġenerazzjoni urbana fil-ġejjieni tal-iżvilupp urban fl-Ewropa” tal-10 ta’ Ġunju 2010 u fl-appell li għamel fiha biex tissaħħaħ id-dimensjoni urbana fl-oqsma kollha ta’ politika tal-Unjoni Ewropea;

9.

ifakkar li l-bliet huma dejjem riflessjoni tal-kundizzjonijiet soċjali. It-tip u l-kwalità tal-ħajja tal-bliet tal-ġejjieni ser ikunu influwenzati mid-deċiżjonijiet u żviluppi ekonomiċi u soċjali fil-livelli kollha ta’ responsabbiltà politika u ekonomika;

10.

jistqarr li l-importanza tal-bliet għall-Unjoni Ewropea tmur lil hinn mill-fatturi ekonomiċi u demografiċi. Il-bliet sbieħ, intelliġenti, li jagħmlu użu effiċjenti mill-enerġija u mir-riżorsi, ekoloġiċi u inklużivi huma l-bażi għal ħajja komuni armonjuża u solidali fis-soċjetà tagħna;

11.

jenfasizza li l-bliet huma marbutin mill-qrib u b'mod inseparabbli mal-inħawi ta’ madwarhom bis-saħħa tar-rabtiet soċjali u ekonomiċi, u għaldaqtant jaqdu rwol importanti għall-iżvilupp territorjali bbilanċjat;

12.

f'dan ir-rigward jistqarr li d-differenza kategorika li saret s'issa bejn iż-żoni rurali u l-bliet mhux ser tibqa' valida għall-indirizzar ta’ kwistjonijiet li jistgħu jqumu fil-ġejjieni u għandha tiġi sostitwita minn analiżi tal-interazzjoni taż-żoni abbażi tal-funzjonalità u l-interdipendenza tagħhom;

13.

jenfasizza li l-bliet Ewropej, meta mqabbla mat-tipi ta’ bliet madwar id-dinja, huma kkaratterizzati minn awtonomija demokratika, soċjetà ċivili b'saħħitha, integrazzjoni soċjali, interazzjoni effettiva bejn is-setturi privati u dawk pubbliċi, il-wegħda tal-libertà, l-emanċipazzjoni u kultura ta’ pjanar urban żviluppata sew;

14.

jinnota li d-deindustrijalizzazzjoni u l-globalizzazzjoni wasslu għat-telfa ta’ bażi importanti għall-integrazzjoni soċjali u ekonomika. F'żoni għonja kif ukoll foqra, qed jitniedu strateġiji ġodda għat-tisħiħ tal-koeżjoni soċjali, li tal-inqas s'issa, ftit li xejn kienu kapaċi jwaqqfu t-tendenzi ta’ divrenzjar fis-soċjetà. Minflok, id-diviżjoni u s-segregazzjoni soċjali żdiedu f'ħafna postijiet minkejja dawn l-isforzi u jirrappreżentaw sfida ewlenija għall-ħajja komuni urbana;

15.

jinnota li d-diviżjoni ekonomika u soċjali dejjem akbar fis-soċjetà tagħna għandha tiġi indirizzata b'mod urġenti permezz ta’ investiment fl-edukazzjoni għal kulħadd u minn kmieni fit-tfulija, swieq tax-xogħol inklużivi, tagħlim tul il-ħajja u politika favur l-inklużjoni attiva, u salarji li jkunu ekwitabbli u li jippermettu s-sostenn tal-bżonnijiet u li jkunu ugwali għall-irġiel u n-nisa; jinnota li l-iżvilupp ekonomiku u l-ħolqien ta’ aktar impjieg fil-bliet huma punti kruċjali f'dan ir-rigward;

16.

bi tħassib jinnota li dawn il-problemi ggravaw f'xi bliet u dan wassal għal protesti vjolenti. Dawn il-problemi ħarġu wkoll fid-dieher in-nuqqas ta’ fiduċja taċ-ċittadini fl-istituzzjonijiet politiċi;

17.

jinnota l-impatti lokali tat-tibdil demografiku u t-tixjiħ tas-soċjetà, li qed joħolqu sfidi ġodda għall-infrastruttura soċjali u ż-żoni pubbliċi. B'rabta mal-kwistjoni ta’ żieda fil-faqar fost l-anzjani, jistaqsi dwar is-sistemi ta’ sigurtà soċjali sostenibbli u s-servizzi li huma aċċessibbli għaċ-ċittadini, sensittivi għad-differenzi kulturali u affordabbli;

18.

f'dan ir-rigward jenfasizza li l-Ewropa, minkejja s-sitwazzjoni attwali ta’ rata għolja ta’ qgħad fost iż-żgħażagħ, fis-snin li ġejjin ser tiddependi mill-migrazzjoni taż-żgħażagħ biex tiggarantixxi tkabbir ekonomiku u ttaffi l-impatti tat-tixjiħ fuq is-sistemi soċjali u tas-saħħa. Bliet miftuħa u attraenti jħeġġu l-migrazzjoni. Madankollu, il-migranti u l-minoranzi etniċi fil-bliet s'issa sikwit kienu żvantaġġati f'termini ta’ aċċess għall-edukazzjoni, l-impjieg, l-akkomodazzjoni u l-kura medika. Għaldaqstant, l-istrateġiji ta’ integrazzjoni lokali effettivi huma element neċessarju għal politika ta’ migrazzjoni orjentata lejn il-ġejjieni;

19.

jisħaq fuq l-importanza li jiġu indirizzati l-bżonnijiet li huma kruċjali għas-soċjetà, jiġifieri l-aċċess għal dar, crèches u kindergartens, postijiet siguri għal-logħob u għall-iżvilupp tat-tfal, filwaqt li jitneħħew l-ostakli li jfixklu lin-nies li qed jibdew jew jestendu l-familja. Għaldaqstant, għandhom jiġu appoġġjati l-miżuri kollha li jikkontribwixxu għat-tkabbir tal-popolazzjoni;

20.

jenfasizza l-isfida tat-tibdil fil-klima u l-ħtieġa li jonqos il-konsum tal-enerġija permezz ta’ proċessi ċikliċi u ż-żieda fl-effiċjenza enerġetika, sistemi interkonnessi, l-espansjoni ta’ żoni ekoloġiċi u miftuħa, metodi ġodda ta’ kostruzzjoni u forom ta’ trasport newtrali f'termini ta’ riżorsi, li jkunu siguri u mhux ta’ ħsara għas-saħħa;

21.

jenfasizza l-importanza tal-kultura u l-kreattività mhux biss għat-tkabbir ekonomiku iżda wkoll għall-ksib ta’ ħajja ta’ kwalità tajba, id-demokrazija fil-ħajja ta’ kuljum, il-paċi u r-rispett reċiproku. Il-kultura urbana tinkludi wkoll iż-żamma ta’ kultura tal-kostruzzjoni urbana, żoni ta’ kwalità għolja u aċċessibbli għal kulħadd u kunsiderazzjoni tal-karatteristiċi lokali u reġjonali;

22.

jenfasizza l-importanza fundamentali tal-parteċipazzjoni fit-tfassil tal-politiki bil-għan li tinkiseb il-fiduċja u l-kollaborazzjoni taċ-ċittadini u biex tissaħaħ il-koeżjoni soċjali; din il-parteċipazzjoni taċ-ċittadini hija possibbli biss jekk il-bażijiet tad-deċiżjonijiet u l-miżuri tal-amministrazzjonijiet tal-bliet ikunu miftuħa u trasparenti;

23.

iqis li d-diversi sforzi tal-istituzzjonijiet Ewropej biex jappoġġjaw il-bliet permezz ta’ programmi u inizjattivi huma bżonnjużi peress li l-awtoritajiet lokali li m'għandhomx riżorsi finanzjarji adegwati tagħhom stess jiddependu minn dawn il-fondi;

24.

jinnota bi tħassib li, minkejja d-dikjarazzjoni ta’ intenzjoni fil-Karta ta’ Leipzig u l-proċess politiku relatat, fis-snin li għaddew l-impenn tal-Istati Membri fir-rigward tal-politika urbana naqas aktar milli żdied. Dan joħroġ fid-dieher fil-fatt li s'issa ma kienx possibbli li tingħata prijorità lil kwisjtonijiet ta’ politika urbana fl-oqsma ta’ politika rilevanti bħall-impjieg, l-ambjent, l-edukazzjoni, ix-xjenza u l-akkomodazzjoni. Din il-problema tidher ukoll fil-baġits imnaqqsa tal-programmi għall-politika urbana. Għaldaqstant, ir-riżorsi fil-livell tal-UE li jippermettu lill-bliet biex jindirizzaw dawn il-problemi differenti b'mod flessibbli għandhom ikunu disponibbli mill-iktar fis possibbli;

25.

jinsab imħasseb dwar il-fatt li l-allokazzjoni finanzjarja tal-awtoritajiet lokali fil-biċċa l-kbira tal-Istati Membri tinsab f'sitwazzjoni katastrofika u li mhux ser titjieb, fid-dawl tal-prijoritajiet tal-baġits fl-Istati Membri, sakemm l-Istati Membri ma jbiddlux l-approċċ tagħhom f'dan ir-rigward;

26.

iqis li, fid-dawl tal-perikli soċjali, ekonomiċi u ekoloġiċi kbar, l-isforzi li saru sal-lum il-ġurnata mhumiex biżżejjed biex il-bliet Ewropej jitfasslu b'tali mod li jiġi żgurat il-ġejjieni tagħhom u li jkunu kompetittivi, sbieħ, intelliġenti, jagħmlu użu effiċjenti mill-enerġija u mir-riżorsi, ekoloġiċi, inklużivi, postijiet ta’ innovazzjoni soċjali, kapaċi jagħtu kontribut sħiħ għat-tisħiħ tal-kooperazzjoni soċjali, ekonomika u territorjali tal-Unjoni Ewropea u għall-implimentazzjoni tal-għanijiet tal-Istrateġija Ewropa 2020;

27.

iqis li, fid-dawl tal-isfidi soċjali, hemm interess ġenerali f'kull livell ta’ responsabbiltà politika li l-bliet ikunu sodi, b'awtonomija demokratika u li jservu ta’ bażi għas-soċjetà Ewropea. Demokrazija b'saħħitha, effettiva u li tirreaġixxi malajr tista' tagħti kontribut deċiżiv għall-irkupru tal-fiduċja taċ-ċittadini fl-istituzzjonijiet tad-demokrazija rappreżentattiva f'kull livell;

28.

itenni t-talba tiegħu għal approċċ għall-iżvilupp soċjali li jmur lil hinn mill-indikatur tal-Prodott Domestiku Gross (PDG), li jikkunsidra t-tħassib u l-bżonnijiet taċ-ċittadini bis-serjetà u li jinvolvihom aktar fl-ippjanar ta’ programmi u interventi;

29.

jistenna li r-rappreżentanti eletti jkunu kunfidenti u kuraġġużi biex jassumu rwol ta’ tmexxija fil-livelli politiċi kollha sabiex iċ-ċittadini jkunu jistgħu jgħixu flimkien fil-paċi u s-solidarjetà. Huwa biss f'ambjent ta’ paċi u solidarjetà transkonfinali ġenwina li jista' jkun hemm tkabbir intelliġenti, inklużiv u sostenibbli. Dan jinkludi kultura li tilqa' b'mod attiv lill-migranti, li twassal għall-promozzjoni ta’ kompetenzi interkulturali fl-amminstrazzjonijiet u l-istituzzjonijiet pubbliċi. Jinkludi wkoll impenn ċar u ġenwin għall-protezzjoni tar-refuġjati u individwi oħra li minħabba l-oriġni, it-twemmin, l-orjentazzjoni sesswali, l-appartenenza għal grupp soċjali partikolari jew il-konvinzjoni politika tagħhom jiġu persegwitati u diskriminati politikament;

30.

jenfasizza l-importanza ta’ strateġiji lokali integrati għal użu effiċjenti u koordinat tar-riżorsi u jappella għall-inklużjoni u l-parteċipazzjoni tas-setturi politiki rilevanti kollha. Il-kooperazzjoni kostruttiva u naturali bejn il-livelli u d-dipartimenti politiċi kollha hija importanti biex turi liċ-ċittadini li l-istituzzjonijiet jittrattaw il-fiduċja li tingħata lilhom b'mod responsabbli u li huma sensittivi fir-rigward tal-bżonnijiet lokali;

31.

jitlob lil dawk li jieħdu d-deċiżjonijiet fil-livelli kollha biex jiżguraw mobbiltà b'saħħitha u sostenibbli fil-bliet u bejniethom. Għandu jissaħħaħ it-trasport pubbliku b'tali mod li jkun aċċessibbli għall-popolazzjoni kollha. Jitlob lil dawk li jieħdu d-deċiżjonijiet biex ikomplu jiżviluppaw il-bliet skont il-mudell tal-belt Ewropea billi jiġu integrati l-użi differenti, id-densità u l-kwalità (urbana u arkitettonika);

32.

jirrakkomanda li jittieħdu impenji ġodda għat-tisħiħ tal-għarfien dwar l-aspetti tekniċi, soċjali, ekonomiċi u ekoloġiċi tal-iżvilupp urban. Dan għandu jinkludi b'mod espliċitu wkoll l-importanza ta’ żoni virtwali għall-ħajja u x-xogħol fil-bliet u r-reġjuni;

33.

jenfasizza l-importanza tal-ġemellaġġi bejn il-bliet, tan-netwerks tal-bliet Ewropej bħall-EUROCITIES, kif ukoll tal-proġetti għall-kooperazzjoni transnazzjonali bejn l-awtoritajiet lokali fil-qafas tal-URBACT, l-INTERREG u r-REKT, li huma intiżi biex itejbu l-għarfien u l-approċċi tal-politika tal-iżvilupp urban; jenfasizza l-bżonn li dan l-iskambju ta’ għarfien jagħti l-frott għat-tfassil tal-politiki, speċjalment fil-qasam tal-fondi strutturali, iżda wkoll fl-oqsma politiċi rilevanti bħas-servizzi ta’ interess ekonomiku ġenerali, it-trasport u l-protezzjoni tal-ambjent;

34.

jitlob li l-bliet u r-reġjuni jiġu involuti b'mod naturali fl-istrutturi ta’ diversi livelli tal-Unjoni Ewropea fl-oqsma politiċi kollha fejn jittieħdu deċiżjonijiet fil-livell tal-UE li jolqtu l-kapaċitajiet tal-amministrazzjonijiet sottonazzjonali;

35.

iħeġġeġ lill-istituzzjonijiet Ewropej biex jimpenjaw ruħhom b'mod ċar favur it-tisħiħ tal-bliet, liema impenn għandu jiġi tradott fil-prijoritajiet tal-baġit li jmiss tal-UE;

36.

jenfasizza t-talbiet tiegħu għal politika strutturali ta’ appoġġ li tkompli tagħti biżżejjed flessibbiltà lill-awtoritajiet lokali biex jimplimentaw approċċ integrat u b'diversi fondi li huwa immirat lejn il-prijoritajiet lokali, ibbażat fuq proġetti ta’ investiment u proġetti soċjali u li jqis il-bżonnijiet lokali. Sabiex l-awtoritajiet lokali ikunu jistgħu tabilħaqq jimplimentaw il-politika strutturali għandu jonqos l-infiq fuq l-amministrazzjoni u l-kontrolli;

37.

jenfasizza l-impotanza tal-politika ta’ koeżjoni bħala strument ċentrali għat-tisħiħ tal-koeżjoni soċjali, ekonomika u territorjali u jappella biex fil-perjodu ta’ finanzjament li jmiss jingħata sinjal ċar li l-bliet għandhom jiġu appoġġjati permezz ta’ dimensjoni urbana aktar qawwija, flessibbiltà fl-użu tar-riżorsi u rwol ċentrali għall-awtoritajiet lokali fl-implimentazzjoni. Fid-dawl tal-importanza ċentrali tal-bliet għall-koeżjoni soċjali, ekonomika u territorjali, dan l-appoġġ għandu jkun aktar mill-kwota minima ta’ 5 % li ġiet proposta sal-lum il-ġurnata;

38.

jenfasizza t-talbiet li għamel il-Kumitat tar-Reġjuni fl-opinjoni dwar il-proposta tal-Kummissjoni dwar il-FEŻR, b'mod partikolari fir-rigward tal-possibbiltà li jsir użu flessibbli mir-riżorsi u mingħajr ma jkun hemm preferenzi jew diskriminazzjoni rigward tipi partikolari ta’ żoni, biex jiġi evitat li ż-żoni rurali u periurbani jiġu esklużi milli jibbenefikaw mill-FEŻR. It-tipi ta’ żoni li ser ikunu mmirati mir-riżorsi tal-FEŻR għandhom jiġu deċiżi fil-qafas tal-proċess ta’ programmazzjoni li jitwettaq fi sħubija u ma jistgħux jiġu stabbiliti minn qabel. Id-delegazzjoni tal-kompiti lill-bliet, fil-qafas tal-istrument “Investimenti Territorjali Integrati” kif definit fl-Artikolu 99 tar-Regolament Ġenerali għandha titqies bħala possibbiltà u m'għandhiex tkun obbligatorja;

39.

jilqa' l-iżvilupp ulterjuri tal-istrumenti ta’ finanzjament sostenibbli fil-politika strutturali li, apparti s-sussidji pubbliċi, jirrappreżentaw mekkaniżmi ta’ appoġġ kreattivi u stabbli;

40.

jitlob li jingħata rwol ikbar lill-bliet u r-reġjuni fl-iżvilupp ulterjuri tal-politika tal-UE dwar il-migrazzjoni u l-integrazzjoni, li tikkunsidra l-importanza ċentrali tal-livelli lokali għall-integrazzjoni;

41.

iħeġġeġ lill-Istati Membri biex jerġgħu jagħtu l-ħajja lill-impenji tagħhom fil-qasam tal-politika urbana, kif ukoll biex f'dawn l-inizjattivi jinkludu oqsma ta’ politika oħra minbarra l-ġestjoni tat-territorju. L-iżvilupp urban sostenibbli jiddependi minn kundizzjonijiet qafas ta’ appoġġ, b'mod partikolari fil-politika tal-impjieg, dik soċjali, edukattiva u ambjentali;

42.

iħeġġeġ li jiġi intensifikat id-dibattitu dwar il-ħtieġa li tittieħed azzjoni fil-bliet u flimkien magħhom. Il-kollaborazzjoni bejn il-bliet u ż-żoni metropolitani hija essenzjali għall-koeżjoni u l-iżvilupp ibbilanċjat.

13.9.2012   

MT

Il-Ġurnal Uffiċjali tal-Unjoni Ewropea

C 277/23

—

jilqa' l-inizjattiva li għandha l-għan li tikseb żona ġenwina ta’ libertà, sigurtà u ġustizzja permezz ta’ proposti baġitarji li jirrikonoxxu l-importanza li l-baġit għall-immigrazzjoni, l-asil u s-sigurtà jingħata r-riżorsi neċessarji;

—

jafferma l-importanz a tal-bidliet proposti għall-awtoritajiet lokali u reġjonali, li għandhom impatt dirett fuq l-obbligi tagħhom u fuq il-ħajja ta’ kuljum tal-persuni li jgħixu fl-Unjoni Ewropea;

—

jenfasizza l-importanza li tingħata risposta għat-tħassib dwar is-sigurtà, li ġej minn żieda fil-mobbiltà globali, fi ħdan il-kuntest tal-protezzjoni universali tad-drittijiet u l-libertajiet fundamentali;

—

jilqa' l-fatt li l-flessibbiltà u l-ksib tar-riżultati jingħataw attenzjoni speċjali, waqt li jenfasizza li dan jeħtieġ ippjanar tajjeb kif ukoll parteċipazzjoni u involviment mill-partijiet interessati kollha. Għalhekk jenfasizza l-bżonn li l-awtoritajiet lokali u reġjonali kif ukoll partijiet interessati oħra, bħall-organizzazzjonijiet internazzjonali speċjalizzati, is-soċjetà ċivili u l-benefiċjarji nfushom, jiġu involuti sa mill-fażi tal-ippjanar, peress li dawn ta’ spiss jimplimentaw il-programmi u l-proġetti;

—

jemmen li l-aċċess għall-finanzjament ittejjeb ħafna permezz tar-riformi proposti. Madankollu, iħeġġeġ li jkomplu jiġu żviluppati l-mekkaniżmi sabiex tinxtered l-informazzjoni dwar l-opportunitajiet ta’ finanzjament. F'pajjiżi ikbar, l-awtoritajiet lokali u reġjonali jistgħu jintużaw sabiex jiġu organizzati konsultazzjonijiet reġjonali u lokali li jippermettu l-parteċipazzjoni ta’ dawk l-organizzazzjonijiet u l-partijiet interessati li joperaw iktar 'il bogħod mill-bliet prinċipali.

Relatur

is-Sur AZZOPARDI (MT/PPE), Sindku tar-Rabat, Għawdex

Dokumenti ta’ referenza

1.

jilqa' l-inizjattiva li għandha l-għan li tikseb żona ġenwina ta’ libertà, sigurtà u ġustizzja permezz ta’ proposti baġitarji li jirrikonoxxu l-importanza li l-baġit għall-immigrazzjoni, l-asil u s-sigurtà jingħata r-riżorsi neċessarji (1);

2.

jappoġġja s-semplifikazzjoni tal-istrumenti eżistenti, fejn ingħaqdu f'żewġ fondi;

3.

jafferma l-importanza tal-bidliet proposti għall-awtoritajiet lokali u reġjonali, li għandhom impatt dirett fuq l-obbligi tagħhom u fuq il-ħajja ta’ kuljum tal-persuni li jgħixu fl-Unjoni Ewropea;

4.

jenfasizza l-importanza li tingħata risposta għat-tħassib dwar is-sigurtà, li ġej minn żieda fil-mobblità globali, fi ħdan il-kuntest tal-protezzjoni universali tad-drittijiet u l-libertajiet fundamentali;

5.

jissottolinja li dan jista' jinkiseb permezz tal-implimentazzjoni ta’ strumenti koerenti fil-qasam tal-libertà, is-sigurtà u l-ġustizzja abbażi tar-rispett tad-drittijiet tal-bniedem, is-solidarjetà u r-responsabbiltà, waqt li tingħata attenzjoni partikolari lill-ugwaljanza bejn is-sessi u n-nondiskriminazzjoni (2);

6.

jemmen li hemm bżonn li jinħoloq bilanċ bejn il-partijiet tal-infiq relatati mas-sigurtà u l-fruntieri u l-infiq f'oqsma bħall-integrazzjoni tal-migranti u l-kundizzjonijiet ta’ akkoljenza għal dawk li qegħdin ifittxu l-asil;

7.

jappoġġja l-ħolqien ta’ baġit ibbażat fuq il-ħtiġijiet li jgħinu jiġu żviluppati sinerġiji bejn l-istrumenti finanzjarji tal-UE, partikolarment bejn il-Fondi Strutturali u l-fondi fil-qasam tal-affarijiet interni. Il-baġit tal-Unjoni għandu jalloka biżżejjed riżorsi għall-qasam tal-affarijiet interni, kemm permezz tal-Fondi Strutturali kif ukoll permezz tal-istrumenti speċjalizzati fil-qasam tal-libertà, is-sigurtà u l-ġustizzja;

8.

jindika li bir-revoka tad-Deċiżjoni tal-Kunsill 2007/125/ĠAI tintilef il-possibbiltà li l-istrumenti l-oħra tal-Unjoni u tal-Komunità jintużaw b'mod komplementari, u dan jillimita b'mod konsiderevoli l-flessibbiltà mixtieqa fl-użu tal-istrumenti finanzjarji u jhedded il-kontinwazzjoni mingħajr diffikultà tal-proġetti reġjonali transkonfinali fil-qasam tas-sigurtà interna, li s'issa kienu jiġu ffinanzjati permezz tal-appoġġ tal-Objettiv 3 bbażat fuq il-FEŻR. Għalhekk huwa favur li tinżamm il-komplementarjetà bejn l-istrumenti Komunitarji;

9.

jindika li hemm bżonn ċertu livell ta’ flessibbiltà fil-funzjonament tal-baġit u tal-istrumenti finanzjarji, li jippermetti li jkun hemm reviżjoni ġenwina f'nofs it-term skont il-prijoritajiet politiċi identifikati, filwaqt li jenfasizza li din il-flessibbiltà għandha tiġi żviluppata b'tali mod li teżisti flimkien mal-allokazzjoni ġusta tar-riżorsi;

10.

jilqa' politika dwar l-immigrazzjoni li tibda fil-pajjiżi tal-oriġini u li tqis l-eżiġenzi tas-suq tax-xogħol Ewropew kif ukoll il-bidla demografika, li twassal għal sistema li hija ta’ benefiċċju għall-partijiet kollha, inklużi l-pajjiżi tal-oriġini li ta’ spiss jibbenefikaw minn pagamenti mill-UE (3);

11.

jenfasizza l-bżonn li jkun hemm kooperazzjoni b'saħħitha fil-livell tal-UE sabiex tinkiseb koordinazzjoni aħjar bejn l-Istati Membri dwar il-ġestjoni tal-fruntieri esterni tal-Unjoni kif ukoll sabiex tinkiseb Sistema Ewropea Komuni tal-Asil;

12.

jenfasizza l-bżonn li jkun hemm trasparenza fl-użu tal-baġit b'tali mod li l-proposti, il-proġetti u r-riżultati miksuba jkunu viżibbli, aċċessibbli faċilment u li jinftiehmu miċ-ċittadin ordinarju;

13.

jilqa' l-fatt li l-flessibbiltà u l-ksib tar-riżultati jingħataw attenzjoni speċjali, waqt li jenfasizza li dan jeħtieġ ippjanar tajjeb kif ukoll parteċipazzjoni u involviment mill-partijiet interessati kollha. Għalhekk jenfasizza l-bżonn li l-awtoritajiet lokali u reġjonali kif ukoll partijiet interessati oħra, bħall-organizzazzjonijiet internazzjonali speċjalizzati, is-soċjetà ċivili u l-benefiċjarji nfushom, jiġu involuti sa mill-fażi tal-ippjanar, peress li dawn ta’ spiss jimplimentaw il-programmi u l-proġetti;

14.

jenfasizza l-bżonn li jkun hemm monitoraġġ u evalwazzjoni indipendenti sabiex jiġi assigurat użu effiċjenti tal-fondi u ġestjoni b'saħħitha mill-organizzazzjonijiet li jimplimentaw. Dan jista' jkun ta’ inċentiv sabiex titjieb il-prestazzjoni istituzzjonali. Il-partijiet interessati kollha jridu jipparteċipaw fl-għażla tal-indikaturi kwalitattivi kif ukoll kwantitattivi. Il-Kumitat jindika li ċerti indikaturi kwalitattivi jistgħu jkunu effiċjenti u effettivi mil-lat ta’ spejjeż. Il-Kumitat jappella wkoll li l-Kummissjoni Ewropea u l-Parlament isaħħu s-sorveljanza tal-Fondi sabiex joħroġ l-element indipendenti tal-monitoraġġ u l-evalwazzjoni;

15.

jemmen li l-aċċess għall-finanzjament ittejjeb ħafna permezz tar-riformi proposti. Madankollu, iħeġġeġ li jkomplu jiġu żviluppati l-mekkaniżmi sabiex tinxtered l-informazzjoni dwar l-opportunitajiet ta’ finanzjament. F'pajjiżi ikbar, l-awtoritajiet lokali u reġjonali jistgħu jintużaw sabiex jiġu organizzati konsultazzjonijiet reġjonali u lokali li jippermettu l-parteċipazzjoni ta’ dawk l-organizzazzjonijiet u l-partijiet interessati li joperaw 'il bogħod mill-bliet prinċipali;

16.

jindika li minkejja l-aspetti pożittivi tas-semplifikazzjoni u l-flessibbiltà, ir-riformi proposti jwasslu wkoll għal inċertezza dwar l-allokazzjoni tar-riżorsi bejn is-setturi differenti u bejn il-kwistjonijiet tematiċi. Għalhekk jenfasizza l-importanza li l-fondi għandhom jiġu allokati abbażi tal-bżonnijiet permezz ta’ analiżi bir-reqqa tal-bżonnijiet fejn il-prijoritajiet jiġu allokati skont approċċ ibbażat fuq id-drittijiet. Dan jista' jinkiseb permezz ta’ mekkaniżmi u salvagwardji eżistenti sabiex tiġi żgurata prijoritizzazzjoni effiċjenti, inkluża l-parteċipazzjoni mill-awtoritajiet lokali u reġjonali u partijiet interessati oħra fit-tfassil tal-istrateġiji nazzjonali;

17.

jenfasizza l-bżonn li l-fondi jiġu distribwiti b'mod ugwali skont il-kapaċità istituzzjonali u l-proposti tal-proġetti u mhux jingħataw biss lil ftit benefiċjarji;

18.

jemmen li, f'każ li ma jkunx hemm biżżejjed fondi għandha tingħata prijorità lill-fondi intiżi biex jipproteġu d-drittijiet u l-libertajiet fundamentali tal-persuni, inklużi dawk li jindirizzaw l-istandards bażiċi ta’ għajxien, il-kwistjonijiet relatati mal-ġeneru u d-dritt għall-asil, flimkien mar-riżorsi sabiex tissaħħaħ il-kapaċità tal-awtoritajiet lokali u reġjonali sabiex jiġġestixxu l-flussi migratorji;

19.

jenfasizza l-importanza ta’ approċċ parteċipattiv sabiex jinkisbu riżultati effettivi, u jappoġġja l-proposta li tobbliga lill-Istati Membri jorganizzaw sħubijiet mal-awtoritajiet pubbliċi kollha kkonċernati u mal-partijiet interessati rilevanti, inklużi s-soċjetà ċivili u l-organizzazzjonijiet internazzjonali, għall-iżvilupp, l-implimentazzjoni u l-monitoraġġ tal-programmi nazzjonali;

20.

iħeġġeġ għalhekk li l-isħubija tal-partijiet interessati tissaħħaħ u ssir obbligatorja. Jindika li attwalment, il-prinċipju fil-Proposta għal Regolament li jistabbilixxi dispożizzjonijiet ġenerali (4) jista' ma jwassalx għal parteċipazzjoni b'mod li jkun vinkolanti b'mod suffiċjenti. Filwaqt li l-mekkaniżmi ta’ koordinazzjoni huma vinkolanti, f'oqsma oħra hemm ħafna diskrezzjoni dwar jekk sħubija sinifikanti hux ser tiġi implimentata jew le;

21.

jissuġġerixxi li jista' ma jkunx adegwat li tinħatar awtorità responsabbli waħda għall-azzjonijiet kollha appoġġjati mill-fondi, minkejja li din tista' twassal għal semplifikazzjoni. Sabiex id-deċiżjonijiet jittieħdu b'mod imparzjali għandu jkun hemm it-trasparenza, il-kontrolli u l-bilanċi. Huwa mħasseb li jista' jkun hemm kwistjonijiet legali li ma jippermettux lil awtorità delegata li taħdem taħt is-superviżjoni tal-awtorità responsabbli nazzjonali. Għalhekk jissuġġerixxi li r-regolamenti għandhom ikunu biżżejjed flessibbli sabiex jikkunsidraw ir-regoli nazzjonali kollha fl-UE u m'għandhomx jisfurzaw lill-Istati Membri jbiddlu l-istrutturi kostituzzjonali tagħhom jekk l-għan jista' jinkiseb ukoll b'approċċ ta’ sħubija;

22.

jilqa' l-progress li sar sabiex titwaqqaf “Sistema Ewropea Komuni tal-Asil” filwaqt li jenfasizza li l-għan tagħha għandu jkun li tikseb l-istandards tal-pajjiżi b'sistemi u strutturi aħjar u mhux twassal għal tnaqqis ġenerali fil-kwalità bħal dawk li għandhom sistemi inqas b'saħħithom;

23.

jixtieq li jkun hemm aktar ċarezza dwar jekk l-Uffiċċju Ewropew għas-Sostenn tal-Asil hux ser juża biss fondi allokati direttament lilu jew ser ikun jista' jaċċessa l-Fondi tal-Affarijiet Interni;

24.

jinnota b'sodisfazzjon li ġiet rikonoxxuta l-importanza tal-awtoritajiet lokali u reġjonali fis-sistemi ta’ akkoljenza u asil kif ukoll fl-integrazzjoni taċ-ċittadini minn pajjiżi terzi u l-migranti legali;

25.

ifaħħar l-idea li jkun hemm enfasi fuq l-aktar persuni vulnerabbli, inklużi l-vittmi tat-traffikar;

26.

jenfasizza li l-integrazzjoni għandha tiffoka fuq azzjonijiet sostenibbli fit-tul, waqt li jiġi mfakkar li l-integrazzjoni hija proċess reċiproku fejn l-azzjonijiet jistgħu jiġu indirizzati lejn il-komunitajiet ospitanti u dawk tal-migranti;

27.

jissuġġerixxi li l-Fondi għall-Affarijiet Interni għandhom jappoġġjaw ukoll l-azzjonijiet rakkomandati mill-Kummissjoni Ewropea, waqt li jirrikonoxxi l-approċċ ta’ governanza f'diversi livelli fit-Tieni Aġenda Ewropea għall-Integrazzjoni (5);

28.

jindika li l-prattiċi amministrattivi ta’ detenzjoni fl-UE kollha ġew analizzati bir-reqqa mill-Konvenzjoni Ewropea dwar id-Drittijiet tal-Bniedem (KEDB) u mill-awtoritajiet tad-drittijiet tal-bniedem u jenfasizza li l-finanzjament tal-proġetti marbuta mad-detenzjoni tal-persuni għandu jassigura li detenzjoni bħal din hija konformi mal-liġi tal-UE u mad-deċiżjonijiet tal-KEDB;

29.

jenfasizza li l-membri tal-familja li jibbenefikaw mill-protezzjoni internazzjonali fi Stati Membri differenti għandhom jitħallew jgħixu flimkien u jgawdu minn protezzjoni fl-istess Stat Membru;

30.

jenfasizza li r-reġjuni fil-fruntieri tal-Ewropa għandhom jirċievu aktar appoġġ adegwat fir-rigward tal-asil u l-migrazzjoni, speċjalment fi żminijiet ta’ diffikultà partikolari; (6)

31.

jenfasizza li l-kriterji u l-mekkaniżmi għar-rilokazzjoni m'għandhomx ikunu ta’ natura diskriminatorja u għandhom jiffukaw fuq l-aktar persuni vulnerabbli, filwaqt li jitqiesu l-kunsiderazzjonijiet tas-suq tax-xogħol tal-UE, partikolarment għall-persuni li attwalment jgħixu f'żoni fejn l-aċċess għas-suq tax-xogħol huwa limitat. M'għandhomx jiffukaw fuq li jagħtu prijorità lill-persuni li għandhom ħafna ħiliet u li diġà jinsabu integrati fis-soċjetà ospitanti;

32.

jindika li l-awtoritajiet lokali u reġjonali jinsabu f'pożizzjoni tajba sabiex jinvolvu ruħhom fit-twaqqif ta’ mekkaniżmi bħal dawn (7);

33.

huwa tal-fehma li s-solidarjetà sabiex jiġu appoġġjati l-pajjiżi li għandhom piżijiet għandha tkun kondizzjonali fuq is-sitwazzjoni tad-drittijiet tal-bniedem u fuq ir-rispett għall-istandards ta’ akkoljenza tal-UE, u dan għandu jipprovdi inċentivi għat-titjib tagħhom;

34.

jilqa' t-twaqqif ta’ programm tal-UE dwar is-sistemazzjoni mill-ġdid u jħeġġeġ il-ħolqien ta’ qafas ċar żviluppat minn sħubija bejn il-KEDB, l-UNHCR u l-NGOs, waqt li jitqiesu l-aħjar prattiki f'partijiet oħra tad-dinja. L-UE għandha tkun ta’ eżempju, billi tfittex li tidentifika u tipprovdi protezzjoni lil dawk li l-aktar li jintesew mill-komunità internazzjonali;

35.

jenfasizza l-bżonn li jkun hemm inċentivi u informazzjoni dwar il-benefiċċji sabiex jiżdied in-numru ta’ postijiet imwiegħda mill-Istati Membri għas-sistemazzjoni mill-ġdid;

36.

jenfasizza l-bżonn li tinżamm distinzjoni ċara bejn sistemazzjoni mill-ġdid minn pajjiżi terzi u rilokazzjoni fi ħdan l-UE, kif ukoll in-numru ta’ persuni allokati għal dawn iż-żewġ programmi;

37.

jerġa' jafferma li l-programmi għandhom, bħala prinċipju, jiġu operati fuq bażi purament volontarja u b'konformità mal-għanijiet tal-kooperazzjoni għall-iżvilupp, li twassal għall-integrazzjoni soċjali fit-tul tal-persuni kkonċernati (8). Ir-ritorn għandu jkun vijabbli u jassigura li ma jitnieda l-ebda proġett ġdid dwar il-migrazzjoni (9). Dan jista' jinkiseb permezz ta’ sħubijiet ma’ organizzazzjoni internazzjonali speċjalizzata bħall-Organizzazzjoni Internazzjonali għall-Migrazzjoni;

38.

jindika li s-suċċess tal-istrateġiji għar-ritorn ma jistax jitkejjel sempliċiment abbażi tan-numru ta’ persuni rritornati, peress li dan huwa indikatur purament kwantitattiv. L-indikatur jista' jintgħażel bħala n-numru ta’ persuni rritornati f'rabta man-numru ta’ każijiet, waqt li jitqiesu l-fatturi ta’ kwalità fuq perjodu fit-tul;

39.

jenfasizza l-involviment indispensabbli tiegħu fil-proċess għat-titjib tas-sigurtà interna tal-Ewropa flimkien mal-bżonn li tissaħħaħ il-kapaċità tal-awtoritajiet lokali u reġjonali;

40.

jenfasizza li l-finanzjament għall-Fond għas-Sigurtà Interna għandu jqis il-bżonn li jkun hemm investiment f'aktar riċerka, titwettaq l-innovazzjoni u jiġi skambjat l-għarfien fl-oqsma bħaċ-ċibersigurtà, il-forensika, il-protezzjoni tal-infrastruttura kruċjali u s-sigurtà urbana u li l-Kummissjoni Ewropea tippromovi dan b'konformità mal-bżonn dejjem jikber li jiġu indirizzati problemi dejjem aktar speċifiċi u kumplessi;

41.

jerġa' jafferma l-importanza li l-awtoritajiet lokali u reġjonali jiġu involuti fil-kooperazzjoni tal-pulizija u tas-sigurtà, liema involviment jista' jitwettaq permezz ta’ taħriġ, skambju tal-aħjar prattika u programmi ta’ prevenzjoni kif ukoll permezz tal-iżvilupp ta’ għodod u sistemi tal-IT komuni u komunikazzjoni aħjar;

42.

jirrakkomanda li jissaħħu n-netwerks attwali tal-awtoritajiet lokali u reġjonali u li dawn jintużaw f'kull Stat Membri, jew jekk ikun hemm bżonn jitwaqqfu oħrajn ġodda, sabiex jiġi ffaċilitat l-iskambju tal-prattika t-tajba b'rabta mal-integrazzjoni soċjali, it-tagħlim professjonali u l-fehim tal-estremiżmu vjolenti li jinbet fid-distretti u nħawi lokali. Dan jista' jappoġġja l-ħidma li ssir permezz tan-netwerks Ewropej kontra r-radikalizzazzjoni li nħolqu reċentement;

43.

jissuġġerixxi li l-finanzjament relatat mal-Fond għas-Sigurtà Interna jinkludi l-konsultazzjoni pubblika fil-livell lokali fl-Istati Membri u li jilħaq lil dawk li ma jħossuhomx parti mis-soċjetà. Dan jista' jgħin sabiex ikun hemm fehim tad-diversi aspetti tal-esperjenzi u l-kunċetti lokali dwar it-terroriżmu u l-motivazzjonijiet li jwasslu għall-estremiżmu;

44.

jenfasizza l-bżonn li l-prattiki tal-banek u n-negozji jiġu analizzati b'aktar reqqa sabiex jiġu identifikati u indirizzati l-finanzi tat-terroriżmu u l-kriminalità organizzata permezz tal-ħasil tal-flus u l-akkoppjar tal-attivitajiet kriminali man-negozji b'għan leġittimu;

45.

ifakkar ukoll fl-importanza li jiġu kkonfiskati l-assi kriminali, li bla dubju huwa mezz importanti għall-ġlieda ta’ kwalunkwe reat ta’ natura trasversali u għalhekk jilqa' l-fatt li l-Kummissjoni Ewropea pproponiet leġislazzjoni sabiex jissaħħaħ il-qafas legali tal-UE dwar il-konfiska (10);

46.

jindika li filwaqt li s-sħubijiet pubbliċi-privati jista' jkollhom impatti pożittivi, għandha tiġi evitata l-privatizzazzjoni tas-sigurtà;

47.

jenfasizza l-bżonn li l-kontroll tal-fruntieri jiġi ffinanzjat b'mod adegwat (11). Fl-istess ħin jikkunsidra li, fid-dawl tal-ġlieda kontra l-migrazzjoni irregolari, hemm dubji dwar kemm l-investiment għoli fil-kontroll tal-fruntieri huwa l-aktar mod effettiv u effiċjenti li jwassal għal tibdil sinifikanti fit-tul;

48.

jenfasizza l-bżonn għal monitoraġġ indipendenti tal-azzjonijiet fil-fruntieri minn organizzazzjoni bħall-UNHCR sabiex jiġi assigurat li d-drittijiet fundamentali tal-bniedem, inkluża l-ugwaljanza bejn is-sessi, qegħdin jiġu rispettati;

49.

jenfasizza li l-ħajja tal-bniedem għandha titqies qabel kull kwistjoni oħra u jappella għal aktar kooperazzjoni fost l-Istati Membri u kondiviżjoni tar-responsabbiltajiet fir-rigward tal-persuni salvati sabiex jiġu pprovduti inċentivi għas-salvataġġ. Iħoss li kondiviżjoni awtomatika tar-responsabbiltà tista' tgħin biex jiġu salvati aktar ħajjiet fuq il-baħar;

50.

jilqa' t-tibdil li għandu l-għan li jżid il-veloċità li biha jkun hemm reazzjoni għal sitwazzjonijiet ta’ emerġenza;

51.

iħeġġeġ lill-Kummissjoni timpenja ruħha fl-ippjanar u l-iżvilupp ta’ operazzjonijiet transkonfinali li jinvolvu l-parteċipazzjoni attiva tar-reġjuni fil-fruntieri. Dan għandu jippermetti li r-reġjuni jaqsmu l-esperjenzi tagħhom fil-protezzjoni ċivili u jipprovdu bażi operattiva soda li fuqha jistgħu jibnu forza Ewropea tar-reazzjoni għall-emerġenza;

52.

jappella lill-Kummissjoni tieħu rwol ta’ ġestjoni diretta aħjar fis-sitwazzjonijiet ta’ emerġenza sabiex jinżamm livell ta’ superviżjoni u tiġi ffaċilitata l-koordinazzjoni transkonfinali;

53.

iħeġġeġ lill-Istati Membri jwaqqfu timijiet multidixxiplinari għar-reazzjoni rapida f'każijiet ta’ emerġenza meta s-sitwazzjoni ta’ emerġenza jkollha elementi bħal flussi mħallta ta’ migrazzjoni fejn huwa essenzjali l-għarfien fil-liġi tal-asil u d-drittijiet tal-bniedem;

54.

jindika li xi emerġenzi jistgħu jkunu sitwazzjonijiet fuq perjodu fit-tul u li l-fondi għall-emerġenzi jrid ikun disponibbli sakemm iddum l-emerġenza;

55.

jilqa' approċċ aktar koerenti għall-aspetti interni u esterni tal-ġestjoni tal-migrazzjoni u s-sigurtà interna, waqt li jindika li hemm bżonn tal-kooperazzjoni u d-djalogu mal-pajjiżi terzi sabiex tiġi indirizzata l-immigrazzjoni irregolari u tingħata attenzjoni speċjali lill-migrazzjoni legali;

56.

jindika li l-awtoritajiet lokali u reġjonali li huma l-eqreb jew li għandhom l-iktar rabtiet b'saħħithom mal-pajjiżi terzi jistgħu jipprovdu r-rabtiet importanti għall-kooperazzjoni tal-UE ma’ dawn il-pajjiżi, u b'hekk jagħtu kontribut sostanzjali għat-titjib tar-relazzjonijiet u l-kundizzjonijiet ta’ għajxien fil-bliet u r-reġjuni tal-oriġini u tat-tranżitu (12). Permezz tal-kooperazzjoni tiegħu mal-awtoritajiet lokali u reġjonali fil-pajjiżi wara t-tkabbir u dawk ġirien (pereżempju permezz tal-Gruppi ta’ Ħidma u l-Kumitati Konsultattivi Konġunti, il-CORLEAP u l-ARLEM), il-KtR jinsab fl-aħjar post sabiex jippromovi l-objettivi tal-fondi lil hinn mill-fruntieri tal-UE;

57.

ma jarax linja ċara bejn l-attivitajiet ta’ żvilupp u dawk mhux relatati mal-iżvilupp fir-rigward tal-pajjiżi terzi u jappella għall-koerenza u l-koordinazzjoni bejn il-proġetti għall-għajnuna u l-iżvilupp li huma ffinanzjati u l-proġetti għall-affarijiet interni, immexxija permezz ta’ spirtu ta’ solidarjetà u kondiviżjoni tar-responsabbiltà mal-pajjiżi terzi;

58.

jappella għal salvagwardji sabiex l-Istati Membri jiġu ostakolati milli jsegwu l-interessi nazzjonali proprji tagħhom permezz tal-aspett estern tal-Fondi tal-Affarijiet Interni kif ukoll mekkaniżmi li jassiguraw it-trasparenza fil-kooperazzjoni bilaterali bejn l-Istati Membri u l-pajjiżi terzi.

13.9.2012   

MT

Il-Ġurnal Uffiċjali tal-Unjoni Ewropea

C 277/43

—

jaħseb li l-programmi proposti jirrappreżentaw strumenti importanti ta’ appoġġ għat-twettiq tal-politiki tal-UE fl-oqsma tal-ġustizzja, id-drittijiet u ċ-ċittadinanza;

—

huwa tal-fehma li l-proposti huma konformi mal-prinċipju tas-sussidjarjetà, billi minn lat għandhom dimensjoni transkonfinali sinifikanti għall-oqsma ta’ intervent involuti, u mil-lat l-ieħor, jipprevedu l-implimentazzjoni taż-żona Ewropea ta’ ġustizzja u drittijiet, li titlob mekkaniżmi ta’ kooperazzjoni transnazzjonali u l-possibilità ta’ netwerking għall-professjonisti kkonċernati, u dawn l-objettivi normalment ma jintlaħqux b’mod effikaċi permezz ta’ azzjoni unika ta’ Stat Membru wieħed;

—

jaħseb li l-previżjonijiet inklużi fil-qafas finanzjarju multiannwali 2014-2020 jistgħu jippermettu li jitkomplew l-azzjonijiet b’valur miżjud fil-livell Ewropew, bil-għan li tikber iż-żona Ewropea tal-ġustizzja, flimkien mat-titjib tal-promozzjoni u l-protezzjoni tad-drittijiet tan-nies, stabbiliti fit-Trattat dwar il-Funzjonament tal-Unjoni Ewropea u fil-Karta tad-Drittijiet Fundamentali tal-Unjoni Ewropea;

—

itenni l-impenn u x-xewqa tiegħu li jappoġġja l-ispazju ta’ libertà, sigurtà u ġustizzja, u li jippromovi ċ-ċittadinanza Ewropea;

—

jappella lill-Kummissjoni u lill-Istati Membri biex jinvolvu l-awtoritajiet lokali u reġjonali fl-implimentazzjoni tal-programm, b’referenza partikolari għall-iżvilupp tal-programmi ta’ ħidma annwali;

—

jissuġġerixxi li fil-proċedura konsultattiva jista’ jiġi assoċjat rappreżentant tal-Kumitat tar-Reġjuni.

Relatur

Is-Sur VARACALLI (IT/ALDE), Sindku ta’ Gerace

Dokumenti ta’ referenza

1.

jaħseb li l-programmi proposti jirrappreżentaw strumenti importanti ta’ appoġġ għat-twettiq tal-politiki tal-UE fl-oqsma tal-ġustizzja, id-drittijiet u ċ-ċittadinanza; fil-fatt dawn huma programmi li, flimkien, għandhom l-għan li jappoġġaw l-attivitajiet li jiġu implimentati mill-Istati Membri sabiex jissensibilizzaw u jippromovu l-applikazzjoni tal-liġi u tal-politiki tal-Unjoni Ewropea fl-Istati Membri, jippromovu l-kooperazzjoni transnazzjonali u jtejbu l-għarfien dwar il-problemi potenzjali fl-oqsma ta’ intervent imsemmija, bil-għan li jiġi ggarantit li t-tfassil tal-politiki u tal-istandards ikun imsejjes fuq data konkreta. B’mod partikolari l-programm “L-Ewropa għaċ-Ċittadini” għandu l-għan li jippromovi l-iżvilupp ta’ ċittadinanza tal-UE;

2.

huwa tal-fehma li l-proposti huma konformi mal-prinċipju tas-sussidjarjetà, billi minn lat għandhom dimensjoni transkonfinali sinifikanti għall-oqsma ta’ intervent involuti, u mil-lat l-ieħor, jipprevedu l-implimentazzjoni taż-żona Ewropea ta’ ġustizzja u drittijiet, li titlob mekkaniżmi ta’ kooperazzjoni transnazzjonali u l-possibilità ta’ netwerking għall-professjonisti kkonċernati, u dawn l-objettivi normalment ma jintlaħqux b’mod effikaċi permezz ta’ azzjoni unika ta’ Stat Membru wieħed;

3.

jivvaluta l-proposti konformi wkoll mal-prinċipju ta’ proporzjonalità, billi ivverifika, qabel xejn, li l-għamla u l-kontenut tagħhom jidhru adatti b’mod oġġettiv fir-rigward ta’ dak li potenzjalment huwa meħtieġ sabiex jintlaħqu l-objettivi previsti, u barra minn hekk, l-allokazzjoni finanzjarja sħiħa prevista għat-tliet programmi tidher suffiċjenti għall-implimentazzjoni effettiva tagħhom, fid-dawl tal-fatt li tali allokazzjoni nżammet fuq livell ugwali għal dak allokat għall-programmi li huma fis-seħħ bħalissa fl-istess oqsma ta’ intervent, anke meta l-previżjoni tal-possibilità ta’ modifika tiżdied minħabba s-sħubija ta’ Stat Membru ġdid;

4.

fid-dawl tal-għan li jkun hemm titjib tal-kwalità tar-regolamentazzjoni, japprezza l-valutazzjonijiet ta’ impatt mehmużin mal-proposti, u jqishom ġustifikati u kompleti biżżejjed, jekk wieħed iqis li l-Kummissjoni Ewropea kkonsultat ukoll, tul il-fażi ta’ studju, il-partijiet interessati u r-riżultati relattivi ddaħħlu fil-valutazzjonijiet tal-impatt, bl-istess mod kif saret konsultazzjoni simili, fuq diversi livelli, mal-awtoritajiet lokali u reġjonali;

5.

jaħseb li l-previżjonijiet inklużi fil-qafas finanzjarju multiannwali 2014-2020 jistgħu jippermettu li jitkomplew l-azzjonijiet b’valur miżjud fil-livell Ewropew, bil-għan li tikber iż-żona Ewropea tal-ġustizzja, flimkien mat-titjib tal-promozzjoni u l-protezzjoni tad-drittijiet tan-nies, stabbiliti fit-Trattat dwar il-Funzjonament tal-Unjoni Ewropea u fil-Karta tad-Drittijiet Fundamentali tal-Unjoni Ewropea;

6.

jittama li l-programmi jkomplu jikkontribwixxu għat-twettiq gradwali ta’ għarfien dejjem aħjar tal-UE min-naħa taċ-ċittadini, b’mod speċjali permezz tal-għoti ta’ inċentivi għall-parteċipazzjoni attiva tagħhom, kif ukoll sabiex isiru ħafna aktar konxji f’dan ir-rigward;

7.

jittama li, fost affarijiet oħra, il-fażi ta’ implimentazzjoni tal-programmi “Drittijiet u ċittadinanza” (b’referenza għall-objettiv speċifiku “jikkontribwixxi għat-titjib tal-eżerċizzju tad-drittijiet derivati miċ-ċittadinanza tal-Unjoni” u “L-Ewropa għaċ-Ċittadini” (b’referenza għall-objettiv ġenerali “… jtejjeb il-kapaċità għall-parteċipazzjoni ċivika fil-livell tal-Unjoni” u “jinkoraġġixxi l-parteċipazzjoni demokratika u ċivika taċ-ċittadini fil-livell tal-Unjoni, …” tippermetti li ċ-ċittadini Ewropej isiru iżjed konxji dwar il-possibilità reċenti li ngħatatilhom permezz tar-Regolament (UE) Nru 211/2011 tal-Parlament Ewropew u tal-Kunsill tas-16 ta’ Frar 2011 dwar l-inizjattiva taċ-ċittadini li jipproponu inizjattivi leġislattivi lill-Kummissjoni dwar kwistjonijiet ta’ kompetenza tal-UE, billi huwa previst li dawn l-inizjattivi jistgħu jiġu promossi jew appoġġati minn organizzazzjonijiet;

8.

itenni l-impenn u x-xewqa tiegħu li jappoġġja l-ispazju ta’ libertà, sigurtà u ġustizzja, u li jippromovi ċ-ċittadinanza Ewropea;

9.

b’referenza speċifika għall-programm “Drittijiet Fundamentali u Ċittadinanza”, fir-rigward tal-integrazzjoni tal-ġeneru, iqis li hemm bżonn li tiġi żgurata l-applikazzjoni adegwata u effettiva tal-punti li saru fil-Premessa 12 tal-Proposta għal Regolament dwar il-kontinwazzjoni u l-iżvilupp tat-tliet attivitajiet preċedenti li twettqu fuq il-bażi ta’ tliet programmi, b’mod partikolari fil-programm speċifiku għall-prevenzjoni u l-ġlieda kontra l-vjolenza fuq it-tfal u għall-protezzjoni tal-vittmi u l-gruppi fir-riskju (il-programm Daphne III) u għat-taqsimiet tal-“ugwaljanza bejn is-sessi” u “antidiskriminazzjoni u diversità” tal-programm Komunitarju għall-Impjieg u s-Solidarjetà Soċjali (Progress); u l-Artikolu 4(b) (Objettivi speċifiċi), b’referenza speċifika għan-non-diskriminazzjoni bbażata fuq is-sess u għall-prinċipju tal-ugwaljanza bejn in-nisa u l-irġiel;

10.

jesprimi l-apprezzament tiegħu, fil-prinċipju, għas-sostituzzjoni prevista tas-sitt programmi operattivi fil-perjodu 2007-2013 b’żewġ programmi, u jsostni li t-tnaqqis jista’ jwassal għal ġestjoni iktar effiċjenti u effikaċi tal-azzjonijiet previsti, anke sabiex ikun hemm fokus aħjar fir-rigward tal-allokazzjoni tal-fondi u l-evitar tal-iżbilanċ ġeografiku, li ġew identifikati, b’referenza għall-programmi fis-seħħ bħalissa mill-Kummissjoni fid-dikjarazzjonijiet finanzjarji leġislattivi mehmużin mal-proposti;

11.

jappella lill-Kummissjoni u lill-Istati Membri biex, sakemm huwa possibbli, jinvolvu l-awtoritajiet lokali u reġjonali fl-implimentazzjoni tal-programm, b’referenza partikolari għat-tfassil u l-iżvilupp tal-programmi ta’ ħidma annwali;

12.

jirrakkomanda, b’referenza speċifika għall-possibilità ppjanata, u ċertament opportuna, li korpi privati jibbenefikaw mill-azzjonijiet proposti, li l-Kummissjoni għandu jkollha l-għan ukoll li tipperfezzjona dejjem iżjed il-mekkaniżmi tal-valutazzjoni preventiva tal-kwalità tal-applikazzjonijiet;

13.

jenfasizza li l-awtoritajiet lokali u reġjonali għandhom interess speċjali fl-oqsma li jirrigwardaw l-ispazju ta’ libertà, sigurtà u ġustizzja, b’mod partikolari meta wieħed iqis l-impatt dirett li għandhom fuq il-ħajja ta’ kuljum ta’ kull min jgħix fl-Unjoni Ewropea u fuq id-dmirijiet tal-awtoritajiet lokali u reġjonali, u l-fatt li l-awtoritajiet lokali u reġjonali għandhom ħafna kompetenzi ewlenin fl-oqsma ta’ politika li jaqgħu f’dan l-“ispazju”;

14.

jenfasizza li sabiex tiġi żgurata s-sussidjarjetà u li l-awtoritajiet lokali u reġjonali jkunu qrib taċ-ċittadini u r-residenti, dawn għandhom jieħdu approċċ dirett lejn it-tħassib u t-tamiet ta’ dawn in-nies, li għalihom l-istituzzjonijiet lokali ta’ sikwit jirnexxilhom iwettqu soluzzjonijiet innovattivi u adatti;

15.

jirrimarka, b’referenza partikolari għall-programm “L-Ewropa għaċ-ċittadini”, li l-parteċipazzjoni fl-iskemi ta’ ġemellaġġ tal-bliet, kif inhu inkoraġġit b’mod speċifiku fil-programm stess, wasslet għal skambju ta’ valur kbir tal-esperjenzi bejn komunitajiet f’żoni ġeografiċi differenti, u saħħet l-esperimentazzjoni b’inizjattivi ta’ suċċess li permezz tagħhom l-awtoritajiet ressqu lilhom infushom ukoll bħala promoturi u faċilitaturi taċ-ċittadinanza;

16.

jaqbel mal-possibbiltà, imsemmija fit-tliet proposti għal regolament, li l-korpi pubbliċi kollha, inklużi l-awtoritajiet lokali u reġjonali, jista’ jkollhom aċċess għall-programmi; jinnota, madankollu, li l-proċeduri ta’ applikazzjoni m’għandhomx iqumu wisq flus, b’mod partikolari fir-rigward tal-komplementarjetà ppjanata bejn il-programmi nfushom u l-possibilità relatata, u rilevanti, li jintużaw riżorsi allokati għal programmi differenti, sakemm il-finanzjament ikopri partiti differenti ta’ nfiq;

17.

jaqbel mal-objettivi stipulati fil-programm, kif esprima f’opinjonijiet preċedenti, u jagħti kelmtu li ħa jkompli bl-impenn kontinwu tiegħu li jippromovi u jrawwem l-użu tagħhom fil-pajjiżi tal-viċinat permezz tal-korpi ta’ kooperazzjoni proprji tiegħu (gruppi ta’ ħidma, kumitati konsultattivi konġunti, il-CORLEAP u l-ARLEM), b’konformità mal-ftehimiet ta’ kooperazzjoni rilevanti u f’kooperazzjoni mal-Kummissjoni;

18.

itenni l-importanza partikolari li jinħoloq spazju ġenwin ta’ libertà, sigurtà u ġustizzja għaċ-ċittadini f’dinja karatterizzata minn iktar mobilità u, f’konformità mal-isforzi għaddejjin bħalissa mill-Kumitat tar-Reġjuni biex jippromovi sistema ta’ ħarsien fuq ħafna livelli tad-drittijiet fundamentali, jilqa’ l-fatt li sar progress fit-twaqqif ta’ spazju ta’ libertà, sigurtà u ġustizzja li jqiegħed liċ-ċittadini fil-qalba tal-proġetti;

19.

huwa tal-fehma li kwistjonijiet ta’ sigurtà u ħarsien tad-drittijiet u l-libertajiet fundamentali jridu jingħaqdu flimkien b’mod ibbilanċjat, billi jiġu implimentati strumenti koerenti fil-qasam tal-libertà, is-sigurtà u l-ġustizzja: f’dan ir-rigward wieħed ma jistax jinnega li filwaqt li l-Ewropa għandha qafas legali sod għall-ħarsien tad-drittijiet tal-bniedem, fil-prattika jridu jkomplu jittejbu bil-għan li jiġi garantit l-eżerċizzju effettiv ta’ dawn id-drittijiet;

20.

jilqa’ b’sodisfazzjon il-fatt li t-tliet programmi flimkien, filwaqt li għandhom għanijiet differenti minn xulxin, jikkontribwixxu biex jagħmlu liċ-ċittadini iktar konxji dwar id-dimensjoni Ewropea taċ-ċittadinanza bħala strument għall-parteċipazzjoni fil-proċess ta’ integrazzjoni Ewropew u l-kontribut għall-bini tad-demokrazija Ewropea;

21.

itenni ċerti punti li saru fl-opinjoni riċenti tiegħu dwar il-Qafas Finanzjarju Multiannwali wara l-2013, fejn ġiet enfasizzata l-importanza li jiġu pprovduti riżorsi biżżejjed sabiex jiġu promossi d-drittijiet fundamentali, id-demokrazija u l-parteċipazzjoni taċ-ċittadini fl-isforz sabiex tinbena ċittadinanza Ewropea. Għaldaqstant, iqis ta’ importanza kbira l-enfasi li tingħata fil-Programm “L-Ewropa għaċ-ċittadini” lis-sħubijiet li jappoġġjaw lis-soċjetà ċivili fil-livell tal-UE, u enfasizza li s-sigurtà tal-UE hija marbuta mill-qrib mat-tkomplija tad-demokrazija, il-governanza tajba u l-istat tad-dritt f’pajjiżi terzi, u huwa rwol tal-Unjoni li tippromovi dawn il-valuri globalment;

22.

barra minn hekk, itenni li kien diġà rrimarka li jkun ta’ għajnuna li jiġu appoġġati l-forom varji ta’ kooperazzjoni territorjali sabiex jiġu implimentati proġetti u miżuri li għandhom l-għan li ċ-ċittadinanza Ewropea tkun realtà u li jistgħu jgħinu jnaqqsu l-ostakli u l-burokrazija, anke permezz tat-tkattir tal-aqwa prattiki relatati mas-servizzi transkonfinali, pereżempju fl-oqsma tas-saħħa u l-multilingwiżmu;

23.

jittama li l-azzjonijiet li jittieħdu f’dawn l-oqsma fundamentali jitqiesu bħala prijoritajiet għall-programmi ta’ ħidma annwali, b’mod speċjali fir-rigward tal-programmi “Drittijiet u Ċittadinanza” u “L-Ewropa għaċ-ċittadini”;

24.

jirrikonoxxi li l-amalgamazzjoni tas-sitt programmi preċedenti għall-Ġustizzja u d-Drittijiet u ċ-Ċittadinanza biex isiru tnejn, u l-istrutturar mill-ġdid tal-programm “L-Ewropa għaċ-ċittadini” jistgħu jwasslu għal aktar flessibilità fl-istabbiliment ta’ prijoritajiet tul il-perjodu ta’ programmar ta’ seba’ snin, it-tnaqqis ta’ piż burokratiku għall-benefiċjarji u li jkunu jistgħu jiġu implimentati proġetti li jinvolvu iktar minn settur wieħed u li jkopru bosta objettivi tal-programmi stess;

25.

itenni l-pożizzjoni li esprima fil-passat, b’mod partikolari fir-rigward tal-kwistjoni tal-ġustizzja, li l-politiki żviluppati fl-oqsma tal-ġustizzja u tal-intern għandhom jiġu kkoordinati u integrati ma’ politiki oħrajn tal-Unjoni, b’mod speċjali l-politiki ekonomiċi u soċjali u barranija tagħha, billi koordinazzjoni mtejba ta’ dawn il-politiki aktarx issaħħaħ l-effikaċja globali tagħhom;

26.

jaqbel li l-promozzjoni taċ-ċittadinanza hija kwistjoni orizzontali li trid titqies fid-daw tal-azzjonijiet l-oħra tal-Unjoni Ewropea, u huwa għalhekk li s-sinerġiji mal-Istrument ta’ Assistenza Qabel l-Adeżjoni (IPA) huma importanti sabiex jiġi żgurat li ċ-ċittadini futuri tal-UE jkunu mgħarrfa dwar iċ-ċittadinanza Ewropea u jkunu jafu d-drittijiet u r-responsabbiltajiet tagħhom;

27.

għaldaqstant, jittama li jiġu implimentati soluzzjonijiet prattiċi li jippermettu komplementarjetà u sinerġiji bejn it-tliet programmi proposti u ma’ strumenti oħrajn tal-Unjoni, u jistieden lill-Kummissjoni biex tipprovdi informazzjoni dwar il-mezzi li għandha l-intenzjoni li tuża sabiex tiggarantixxi dawn is-sinerġiji u l-komplementarjetà;

28.

jesprimi t-tħassib tiegħu dwar il-possibilità insuffiċjenti li l-awtoritajiet lokali u reġjonali jkunu involuti b’mod effettiv fit-tfassil tal-programmi ta’ ħidma annwali u fl-evalwazzjoni ta’ mill-inqas tnejn mit-tliet programmi speċifiċi: il-proċess tal-bini ta’ Ewropa taċ-ċittadini jrid jimxi id f’id mal-parteċipazzjoni konkreta, f’kull fażi, tal-awtoritajiet lokali u reġjonali, li huma livelli istituzzjonali essenzjali għall-garanzija ta’ proċessi tat-teħid tad-deċiżjonijiet li huma iżjed leġittimi mil-lat demokratiku;

29.

għaldaqstant, jappella għall-parteċipazzjoni formali ggarantita tal-awtoritajiet lokali u reġjonali, permezz tal-Kumitat tar-Reġjuni, fit-tfassil tal-programmi annwali ta’ attivitajiet tal-programmi “Drittijiet u Ċittadinanza” u “L-Ewropa għaċ-ċittadini”;

30.

barra minn hekk, jaħseb li fir-rigward tar-rapporti ta’ valutazzjoni interim u ex-post tal-programm “Drittijiet u Ċittadinanza”, ipprovduti mill-Kummissjoni, għandu jkollu l-opportunità li jesprimi l-opinjoni tiegħu b’mod responsabbli, kif inhu stipulat formalment għall-programm “L-Ewropa għaċ-ċittadini”, u għaldaqstant isejjaħ għal dispożizzjoni speċifika f’dan is-sens sabiex tiġi inkluża fil-proposta dwar il-programm “Drittijiet u Ċittadinanza”;

31.

jitlob li l-kejl ta’ kemm jintlaħqu l-objettivi speċifiċi tal-programm “Drittijiet u Ċittadinanza” ikun dipendenti wkoll fuq il-ġbir ta’ data kwalitattiva u kwantitattiva dwar ir-rispett, l-eżerċizzju u l-implimentazzjoni ta’ dawn id-drittijiet, filwaqt li nżommu f’moħħna li r-referenza għall-perċezzjoni fil-livell Ewropew mhijiex punt ta’ referenza adegwata f’termini ta’ riżultati. F’dan il-kuntest, jagħmel referenza wkoll għall-attivitajiet tal-Aġenzija tal-Unjoni Ewropea għad-Drittijiet Fundamentali (FRA) u tal-Istitut Ewropew għall-Ugwaljanza bejn is-Sessi fit-tfassil ta’ indikaturi u ta’ studji komparattivi;

32.

jappoġġja r-rwol importanti li l-proposti attwali tal-programmi għandhom jaqdu permezz ta’ attivitajiet ta’ sensibilizzazzjoni u ta’ informazzjoni għaċ-ċittadini Ewropej, b’mod partikolari fir-rigward tal-aċċess wiesa’ għal informazzjoni, li huwa dejjem iżjed importanti jekk se jaqdu rwol attiv fil-proċess politiku. Il-Kumitat diġà enfasizza dan il-punt, u sejjaħ lill-membri tiegħu biex jaħdmu biex jiżguraw li l-aċċess għall-informazzjoni jkun garantit b’mod effettiv fl-Istati Membri;

33.

fir-rigward tal-programm “Ġustizzja”, jaħseb li t-tkomplija ppjanata tal-iskambji ta’ persunal mis-sistemi ġudizzjali nazzjonali, fi ħdan l-ambitu usa’ tan-netwerk Ewropew tal-ġustizzja, gradwalment se ssaħħaħ l-għarfien reċiproku ta’ sistemi ġudizzjali u ttejjeb il-fiduċja reċiproka;

34.

għaldaqstant, jappoġġja bis-saħħa l-proposta speċifika biex jiġu finanzjati attivitajiet ta’ taħriġ għall-persunal ġudizzjali, kif stipulat fl-Artikolu 6 tal-proposta għal Programmi tal-Ġustizzja, billi dan it-taħriġ u t-tisħiħ tas-sensibilizzazzjoni huma elementi ewlenin fil-bini ta’ Ewropa tal-ġustizzja;

35.

jirrakkomanda li tingħata attenzjoni partikolari lil dan l-aspett sabiex tiġi ggarantita parteċipazzjoni effettiva mill-professjonisti kollha, fis-settur pubbliku u privat, li jaħdmu fi ħdan is-sistemi ġudizzjali;

36.

huwa tal-fehma li l-attivitajiet tat-taħriġ iffinanzjati taħt il-programm “Drittijiet u Ċittadinanza” għandhom jinkludu t-taħriġ fiċ-ċittadinanza Ewropea għal dawk li qed jippjanaw li jiksbu ċ-ċittadinanza ta’ Stat Membru, u għat-tfal tal-iskola, u b’mod partikolari għall-immigranti, bħala appoġġ tal-prinċipju taċ-ċittadinanza attiva għaż-żgħażagħ permezz tal-edukazzjoni;

37.

jaqbel mal-appoġġ finanzjarju għall-iżvilupp ta’ moduli ta’ taħriġ onlajn previsti fil-proposta tal-programm, li jikkoinċidi mat-talba tal-KtR biex jiġu promossi miżuri mmirati lejn it-taħriġ fiċ-ċittadinanza permezz tal-mezzi tax-xandir u l-ICT;

38.

huwa tal-fehma li l-programmi “Ġustizzja” u “Drittijiet u Ċittadinanza” huma wkoll mezz vijabbli għat-tisħiħ tal-potenzjal konsiderevoli tal-awtoritajiet lokali u reġjonali fil-kooperazzjoni transkonfinali dwar kwistjonijiet relatati mal-ispazju tal-libertà, is-sigurtà u l-ġustizzja;

39.

japprova bis-sħiħ, fil-prinċipju, l-approċċ iktar immirat lejn ir-riżultati, magħżul mill-Kummissjoni għall-programmi, iffokat fuq l-użu ta’ indikaturi sabiex jitkejjel is-suċċess fit-tilħiq tal-objettivi tal-programmi; jenfasizza, madankollu, li waqt li lista komprensiva ta’ indikaturi hija inkluża fil-proposta tal-programm “L-Ewropa għaċ-ċittadini”, il-proposta tal-programm “Ġustizzja”, pereżempju, issemmi biss indikatur wieħed għal kull objettiv, u tagħti ħjiel ta’ sensiela mhux definita ta’ indikaturi oħrajn; jissuġġerixxi, għaldaqstant, speċifikazzjoni li hija usa’ b’mod ġenerali, preferebbilment b’referenza għal parametri kwantitattivikif ukoll kwalitattivi;

40.

jenfasizza li l-proposta dwar il-programm “L-Ewropa għaċ-ċittadini” tipprevedi spazju għal struttura iktar flessibbli mill-programm fis-seħħ bħalissa; għaldaqstant mhux neċessarju li jiġu allokati kwoti bil-quddiem għal azzjonijiet individwali li jistgħu jitwettqu taħt il-programm il-ġdid;

41.

jirrimarka, fir-rigward ta’ dan, li l-iskemi tal-ġemellaġġi tal-bliet, minbarra li jibqgħu jibbenefikaw mill-programm, jista’ jkollhom ukoll kwota fissa stipulata minn qabel, li fil-programm attwali hija ekwivalenti għal kważi terz tal-baġit totali u tista’ tinżamm fuq dan il-livell;

42.

għaldaqstant, jitlob li parti sostanzjali tal-baġit globali tal-programm “L-Ewropa għaċ-ċittadini” tiġi allokata għal attivitajiet li jseħħu fil-kuntest tal-ġemellaġġi tal-bliet, b’mod partikolari fil-kuntest tar-rwol rikonoxxut u importanti tal-ġemellaġġ tal-bliet fil-ħolqien ta’ kuntatti b’saħħithom u sostenibbli bejn iċ-ċittadini, inklużi dawk ta’ pajjiżi terzi;

43.

itenni li, billi l-Parlament u l-Kunsill dan l-aħħar introduċew iċ-Ċertifikat tal-Patrimonju Ewropew bħala strument li jenfasizza l-wirt kulturali komuni tal-Istati Membri filwaqt li tiġi rispettata d-diversità nazzjonali u reġjonali, il-programm “L-Ewropa għaċ-ċittadini”, sabiex jilħaq l-objettivi ddikjarati, jista’ jibbenefika wkoll mis-siti li jingħataw dan iċ-ċertifikat ġdid, bl-istess mod kif il-bliet Ewropej tal-kultura jippromovu l-identità u ċ-ċittadinanza Ewropea.

13.9.2012   

MT

Il-Ġurnal Uffiċjali tal-Unjoni Ewropea

C 277/51

—

jilqa' t-tentattivi tal-Kummissjoni sabiex tinkiseb il-konformità u s-semplifikazzjoni tar-rekwiżiti għall-monitoraġġ u r-rapportar iżda jitlob emendi għall-proposta tal-Kummissjoni sabiex tipprovdi kuntest spazjali/reġjonali għall-emissjonijiet ta’ gassijiet b'effett ta’ serra (GHG), u projezzjonijiet u pjani ta’ żvilupp b'emissjonijiet baxxi ta’ karbonju (PLCD);

—

jitlob li li d-data/metodoloġiji kollha użati jkunu disponibbli għall-pubbliku u mhux proprjetà privata, li jkunu trasparenti u għaldaqstant replikabbli u mfassla minn korp bħall-EEA sabiex jiġu evitati problemi ta’ multipliċità u sabiex tkun iffaċilitata politika f'ambjent politiku b'governanza f'diversi livelli;

—

jappella biex l-impatt spazjali fuq l-emissjonijiet ikun konsiderazzjoni materjali fil-politiki, programmi, allokazzjoni tal-fondi u proġetti usa' tal-Kummissjoni;

—

jirreferi l-Kummissjoni għall-inizjattivi tal-Patt tas-Sindki, ir-Reġjuni ClimAct, carbonn, ICLEI u l-EUCO2 80/50 bħala eżempji ta’ eċċellenza internazzjonali ta’ xogħol li jsir fil-livell reġjonali sabiex jitnaqqsu l-emissjonijiet tas-CO2;

—

jirrakkomanda l-armonizzazzjoni tal-projezzjonijiet tal-Istati Membri sabiex tipprovdi numru ta’ projezzjonijiet konsistenti, inkluż ir-rapportar dwar l-użu tal-enerġija rinnovabbli u l-effiċjenza enerġetika;

—

itenni l-appell li kien għamel fil-COP 17 f'Durban, kif ukoll matul konferenzi preċedenti tal-UNFCCC, għar-rikonoxximent tal-mitigazzjoni tal-klima u azzjonijiet ta’ adattament fil-livell lokali u reġjonali.

Relatur

Is-Sur SWANNICK (UK/PSS), Membru tal-Kunsill tal-Belt ta’ Manchester

Dokument ta’ referenza

Proposta għal Regolament tal-Parlament Ewropew u tal-Kunsill dwar mekkaniżmu għall-monitoraġġ u r-rapportar ta’ emissjonijiet ta’ gassijiet b'effett ta’ serra u għar-rapportar ta’ informazzjoni oħra relatata mat-tibdil fil-klima fil-livelli nazzjonali u tal-Unjoni

COM(2011) 789 final

—

Emissjonijiet ta’ gassijiet b'effett ta’ serra (GHG), u

—

Projezzjonijiet u pjani ta’ żvilupp b'emissjonijiet baxxi ta’ karbonju (PLCD);

—

disponibbli għall-pubbliku u mhux proprjetà privata;

—

trasparenti u għaldaqstant replikabbli; u

—

imfassla minn korp bħall-EEA sabiex jiġu evitati problemi ta’ multipliċità

—

il-proposta u l-konsultazzjoni mal-partijiet interessati u l-valutazzjoni tal-impatt preċedenti;

—

l-inklużjoni ta’ projezzjonijiet u azzjonijiet ta’ mitigazzjoni li jitressqu flimkien mad-data tal-inventarju;

—

l-impenn li jiġu armonizzati l-monitoraġġ tal-KE u dak internazzjonali u r-rapportar u l-iffaċilitar tal-implimentazzjoni tal-mekkaniżmu ta’ monitoraġġ u rapportar. Madankollu, nistennew li l-KE tuża impenji fi ħdan il-“qafas reġjonali” sabiex testendi l-proposta;

—

tentattivi sabiex tinkiseb il-konformità u s-simplifikazzjoni tar-rekwiżiti għall-monitoraġġ u r-rapportar fil-proposta;

—

koerenza bejn l-istima tal-GhG (gassijiet b'effett ta’ serra) u tal-emissjonijiet lokali fl-arja;

—

il-Mekkaniżmu tal-UE għall-Ikklerjar (Clearinghouse) u jittama li jkun għodda utli għal dawk li jfasslu l-politiki nazzjonali, reġjonali u lokali fl-interess tal-politika dwar il-klima;

—

l-estensjoni fir-rigward ta’ impatti oħra tal-avjazzjoni fuq it-tisħin globali.

—

il-fatt li l-adattament jissemma fil-“proposta” b'mod espliċitu bħala kwistjoni lokali mingħajr ma tissemma l-mitigazzjoni bħala kwistjoni lokali fit-tul ser jostakola l-effettività tal-politika ta’ mitigazzjoni;

—

mhemmx gwida fir-rigward tal-espansjoni reali fl-ambitu li l-proposta tressaq lill-Istati Membri. Dan huwa meħtieġ sabiex jiġi evitat infiq żejjed fuq il-prattikanti li fl-aħħar mill-aħħar se jressqu l-maġġoranza ta’ dawn l-emendi fil-proposta;

—

mhemmx allokazzjoni għar-reġjuni ta’ mill-inqas 30 % mid-dħul mill-irkant tal-kwoti. Dan hu meħtieġ sabiex tiġi megħjuna l-implimentazzjoni tal-miri tal-Ewropa 2020 dwar l-enerġiji rinovabbli u l-effiċjenza enerġetika;

—

x'aktarx li l-piż amministrattiv, tekniku u finanzjarju ta’ monitoraġġ addizzjonali u r-rekwiżiti ta’ rapportar jiġu estiżi għar-reġjuni, u għaldaqstant għandhom ikunu proporzjonali;

—

għandha tiġi evitata t-tfittxija tat-titjib marġinali inkrimentali tas-settijiet ta’ data jekk din ixxekkel l-implimentazzjoni tal-politika ta’ mitigazzjoni jew ta’ adattament.

—

l-utilità ta’ inventarju tingħata spinta kbira minn PLCD b'ħarsa fil-viċin, għal perjodu medju u fit-tul;

—

id-data dwar l-emissjonijiet li toħroġ mill-“proposta” hi ċentrali sabiex jinftiehmu d-direzzjoni strateġika, il-prijoritajiet u l-prestazzjoni tal-Unjoni Ewropea, l-Istati Membri u r-reġjuni tagħha;

—

madankollu, għall-aħjar użu possibbli, id-data għandha titressaq flimkien mad-data ewlenija tal-prestazzjoni ekonomika u soċjali li tintuża irregolarment minn dawk li jieħdu d-deċiżjonijiet.

—

Id-data dwar l-emissjonijiet u l-kwalità tagħha għandhom ikunu r-responsabbiltà diretta tas-servizz ċentrali tal-istatistika u d-data tal-Unjoni Ewropea. Dan għandu jinkludi proċess ċentrali b'saħħtu, trasparenti u responsabbli sabiex ikunu vverifikati l-preċiżjoni/ċertezza ta’ settijiet ta’ data nazzjonali u PLCDs.

—

Kull Stat Membru għandu jagħti t-total kumulattiv tar-rilaxx ta’ emissjonijiet mill-1990 'l quddiem:

—

l-element spazjali jipprovdi monitoraġġ tal-progress u evidenza aħjar milli jipprovdu l-preżentazzjonijiet ġeneriċi f'livell nazzjonali;

—

ir-reġjuni huma eqreb taċ-ċittadini mill-Istati Membri u għaldaqstant ikunu kapaċi jwasslu lill-pubbliku informazzjoni dwar kwistjonijiet relatati mal-klima, li hu wieħed mill-objettivi tal-mekkaniżmu ta’ monitoraġġ u rapportar.

—

Għal dan il-għan, nirreferu l-KE għall-inizjattivi tal-Patt tas-Sindki, ir-Reġjuni ClimAct, carbonn, ICLEI u l-EUCO2 80/50 bħala eżempji ta’ eċċellenza internazzjonali ta’ xogħol li jsir fil-livell reġjonali sabiex jitnaqqsu l-emissjonijiet tas-CO2.

—

L-idea ta’ involviment akbar tar-reġjuni hi konformi mal-“qafas reġjonali”.

—

Jeħtieġ li jintbagħat messaġġ politiku ċar f'din id-direzzjoni.

—

L-impatt tal-politika nazzjonali, f'termini tat-tnaqqis tal-emissjonijiet, ivarja bejn ir-reġjuni fi ħdan l-Istat Membru u għandu jinftiehem.

—

Trid tittieħed azzjoni li hi eqreb għas-sorsi tal-emissjonijiet sabiex jekk tingħata li tkun tista' tintuża lokalment ikun iktar probabbli li tittieħed azzjoni dwarha.

—

Meta jitqiesu l-Artikoli 191 u 192 tat-Trattat ikun proporzjonat li dan isir.

—

Ir-reġjuni jikkontribwixxu għal livelli differenti tat-tnaqqis tal-emissjonijiet skont l-għamla u l-infrastruttura ekonomika tagħhom. Dawn il-livelli tat-tnaqqis tal-emissjonijiet ivarjaw bejn ir-reġjuni kemm fi ħdan l-Istati Membri u l-Ewropa b'mod usa'.

—

Minkejja li dawn l-awtoritajiet huma qrib l-implimentazzjoni tal-politika mhux qed jiġu konsultati b'mod konsistenti mill-Istati Membri dwar kwistjonijiet relatati mal-klima.

—

Li tintlaħaq l-isfida ta’ mitigazzjoni mhix proċess minn fuq għal isfel.

—

jiżviluppaw PLCDs;

—

iwaqqfu mekkaniżmi ta’ monitoraġġ;

—

jipprovdu aċċess fil-waqt u kost effettiv għad-data;

—

jevitaw li d-data u l-għodod ta’ ġbir jsiru komodità u proliferati;

—

jiżguraw konsistenza bejn il-PLCDs;

—

isaħħu l-kwalità, l-affidabbiltà u l-fiduċja fid-data;

—

jilħqu l-obbligi skont il-Protokoll ta’ Kjoto, il-Ftehimiet ta’ Cancun u l-Pjattaforma ta’ Durban għal Azzjoni Msaħħa.

—

l-KtR jifhem li dan hu minħabba interpretazzjoni żbaljata ta’ “1.A.3.A l-avjazzjoni ċivili”, l-intenzjoni hi li ma jitqisux l-inġenji tal-ajru privati (iktar milli dawk kummerċjali) jiġifieri prinċipalment inġenji tal-ajru ħfief u ħelikopters li jagħmlu iktar użu minn imtajar żgħar privati. Dan għandu jiġi ddikjarat b'mod ċar;

—

mhi mogħtija l-ebda metodoloġija għall-emissjonijiet marittimi minn inġenji marittimi li jużaw portijiet Ewropej u għaldaqstant il-proposta għandha tiddikjara b'mod espliċitu li l-KE qed tistenna l-leġislazzjoni qabel tfassal metodoloġija.

13.9.2012   

MT

Il-Ġurnal Uffiċjali tal-Unjoni Ewropea

C 277/61

—

fid-dawl tal-isfidi sostanzjali li jeżistu f’dan il-qasam, jilqa’ b’sodisfazzjon żieda ferm iżjed sostanzjali f’dan il-baġit filwaqt li jirrikonoxxi li ma jistax jintlaħaq ftehim dwar iċ-ċifra eżatta qabel ma jiġu konklużi l-ftehimiet dwar il-Qafas Finanzjarju Multiannwali;

—

jappoġġja l-approċċ il-ġdid ta’ “Proġetti Integrati”, madankollu jitlob li għandhom jitħeġġu l-aċċessibbiltà u l-involviment tal-partijiet interessati f’proġetti integrati; li l-ambjent marittimu, il-ħamrija u l-istorbju bħala prijorità għandhom jiżdiedu bħala oqsma rilevanti oħra ulterjuri tal-proġetti integrati; u li jiġu implimentati mekkaniżmi adatti ta’ koordinazzjoni ta’ LIFE ma’ fondi oħra tal-UE fil-Qafas Strateġiku Komuni u ma’ Oqfsa ta’ Azzjoni ta’ Prijorità għall-finanzjament ta’ Natura 2000;

—

huwa tal-fehma li t-tneħħija tal-VAT bħala nefqa eliġibbli tista’ twaqqaf ħafna applikanti potenzjali milli jiżviluppaw proposta. Ifakkar li f’fondi oħra tal-UE, il-VAT huwa aċċettat bħala spejjeż eliġibbli jekk il-benefiċjarji jistgħu jagħtu prova li l-VAT ma jistax jiġi rkuprat;

—

jirrakkomanda li l-ispejjeż tal-persunal jibqgħu eliġibbli, bil-kundizzjoni li tingħata prova bil-miktub li l-persunal inkwistjoni jkunu ssekondati formalment għall-attivitajiet tal-proġett, fuq bażi full time jew part time;

—

jipproponi li l-ogħla rata għandha tiġi estiża għal 85 % fil-każ ta’ reġjuni inqas żviluppati (kif definit fir-Regolamenti dwar il-Fondi Strutturali) u fir-reġjuni ultraperiferiċi;

—

jitlob li l-Programm LIFE għandu jkun miftuħ għall-Pajjiżi u Territorji Extra-Ewropej tal-UE li jkunu partijiet għad-“Definizzjoni tal-Assoċjazzjoni Barranija” (Deċiżjoni tal-Kunsill 2001/822/KE), li huma responsabbli għall-maġġoranza tal-bijodversità tal-UE.

Relatur

Is-Sinjura TWITCHEN (UK/NI), Membru tal-Kunsill tal-Kontea ta’ Essex

Dokument ta’ referenza

Proposta għal Regolament tal-Parlament Ewropew u tal-Kunsill dwar l-istabiliment ta’ Programm għall-Ambjent u l-Azzjoni Klimatika (LIFE)

COM(2011) 874 final – 2011/0428 COD

1.

itenni l-fehma tiegħu li l-Programm LIFE jirrappreżenta strument importanti li jikkontribwixxi għall-finanzjament ta’ politiki u proġetti ambjentali fil-livell lokali u reġjonali b’valur miżjud Ewropew, u għen biex jimmobilizza l-isforzi tal-awtoritajiet lokali u reġjonali. Ikkontribwixxa wkoll biex joħloq sħubijiet, u b’hekk isaħħaħ l-istrutturi tal-kooperazzjoni u ġie ffaċilitat l-iskambju tal-esperjenza u tal-informazzjoni fil-livell lokali u reġjonali;

2.

jilqa’ b’sodisfazzjon l-intenzjoni li LIFE jitkompla fi ħdan il-perjodu l-ġdid ta’ finanzjament. Huwa tal-fehma li dan jiżgura intervent iżjed effettiv, joħloq sinerġiji billi jikkoordina l-attivitajiet fil-livell tal-UE u dak nazzjonali, u jżid il-viżibbiltà tal-azzjonijiet ambjentali u tal-klima;

3.

jaqbel mal-Kummissjoni li l-azzjoni fil-qasam tal-ambjent u l-klima għandha tkun element integrali tal-biċċa l-kbira tal-politiki tal-UE. Izda, l-istrumenti prinċipali tal-UE għall-finanzjament ma jindirizzawx il-ħtiġijiet speċifiċi kollha fil-qasam tal-ambjent u l-klima. Għaldaqstant, jibqa’ l-bżonn ta’ Programm separat għall-Azzjoni fil-Qasam tal-Ambjent u l-Klima, li jibni fuq il-kisbiet tar-Regolament (KE) Nru 614/2007 dwar LIFE+ għall-perjodu 2007-2013. Għalhekk, jikkomplementa l-approċċ “standard” għall-kisba tal-għanijiet fil-qasam tal-ambjent u l-klima fi ħdan il-baġit tal-UE, permezz tal-finanzjament ta’ proġetti dwar l-ambjent u l-klima li mhumiex eliġibbli għall-finanzjament bnadi oħra;

4.

josserva li l-valutazzjoni tal-programm LIFE eżistenti enfasizzat li l-impatt tiegħu huwa limitat minħabba nuqqas ta’ enfasi strateġika. Għalhekk, il-programm ġdid ser jintroduċi approċċ flessibbli minn fuq għal isfel, u jistabbilixxi żewġ sottoprogrammi separati, li jkopru l-Azzjoni fil-qasam tal-Ambjent u l-Klima bi prijoritajiet identifikati biċ-ċar;

5.

għalhekk huwa importanti li l-flessibbiltà fil-programm tibqa’ garantita. Il-proċess ta’ prijoritizzazzjoni m’għandux iwassal għal limitazzjonijiet kbar u għal kriterji imperattivi. L-istess bħall-programm attwali, il-kejl ewlieni għandu jkun il-kwalità tal-proġetti proposti;

6.

huwa tal-fehma li r-Regolament LIFE għandu jagħmel referenza speċifika għall-bżonn li jkun hemm sinerġiji bejn l-elementi differenti, pereżempju li l-proġetti dwar il-klima ffinanzjati mill-Programm LIFE jkollhom effett pożittiv fuq il-bijodiversità, u li l-proġetti dwar l-ambjent iffinanzjati minn LIFE ikunu reżistenti għat-tibdil fil-klima. Fid-dawl tal-fatt li l-Kummissjoni indikat is-sinerġiji potenzjali bejn iż-żewġ sottoprogrammi,u sabiex il-proġetti jissodisfaw firxa sħiħa ta’ għanijiet, huwa importanti li jiġi żgurat li dan iseħħ;

7.

itenni t-talba tiegħu (1) li l-Programm LIFE jkompli jappoġġja proġetti dwar il-komunikazzjoni u l-informazzjoni, u jkun hemm iżjed enfasi fuq is-sensibilizzazzjoni, inkluża l-edukazzjoni fil-qasam tal-iżvilupp sostenibbli u l-promozzjoni ta’ proġetti li jinvolvu l-awtoritajiet lokali u reġjonali. F’dan il-kuntest, jilqa’ b’sodisfazzjon il-qasam prijoritarju propost ta’ governanza u informazzjoni f’kull wieħed miż-żewġ sottoprogrammi;

8.

jilqa’ b’sodisfazzjon il-proposta li, sabiex tiġi żgurata l-koerenza bejn iż-żewġ sottoprogrammi LIFE, ikunu fi ħdan il-qafas ta’ Programm Multiannwali ta’ Ħidma wieħed, b’sett wieħed ta’ regoli komuni ta’ implimentazzjoni u talba waħda għall-proposti; għandhom ukoll jiġu ttrattati flimkien fi ħdan l-uniku Kumitat LIFE. Il-Kumitat jinnota wkoll li ma għandux ikun hemm proċeduri u prijoritajiet differenti għal sottoprogrammi differenti;

9.

jilqa’ b’sodisfazzjon il-fatt li l-Kummissjoni Ewropea organizzat konsultazzjonijiet fuq livell wiesa’ hija u tiżviluppa din il-proposta u qieset il-bosta fehmiet tal-partijiet interessati u tal-KtR (2);

10.

jilqa’ b’sodisfazzjon l-enfasi li saret fl-Artikolu 3 tal-proposta biex jiġu definiti l-indikaturi għall-kejl tas-suċċess tal-Programm LIFE. Jirrakkomanda li jiżdiedu indikaturi li jkejlu u jippromovu l-governanza u l-komunikazzjoni tajba f’kull proġett fil-qafas tal-Programm LIFE. Il-KtR ħeġġeġ li l-Programm LIFE irawwem mezzi ta’ komunikazzjoni mmirati – u b’hekk iżjed effettivi – u attivitajiet għat-tisħiħ tal-kapaċità f’kull proġett fil-qafas tal-Programm LIFE;

11.

josserva li l-Artikolu 10 tal-proposta ma jindirizzax l-innovazzjoni fis-settur privat orjentata lejn ir-replikazzjoni tas-suq, peress li din il-kwistjoni ser tiġi koperta mill-inizjattiva Orizzont 2020. Dan jagħmila possibbli li l-Programm LIFE jiffoka fuq l-innovazzjoni ekoloġika min-naħa tal-awtoritajiet lokali u reġjonali, u li jinstabu soluzzjonijiet li ta’ spiss l-aħjar jiġu implimentati permezz tas-sħubijiet pubbliċi-privati. Għalhekk, il-KtR jilqa’ b’sodisfazzjon iċ-ċaqliqa lejn l-innovazzjoni fis-settur pubbliku u l-possibbiltà ta’ sħubijiet pubbliċi-privati;

12.

jilqa’ b’sodisfazzjon il-fatt li, kif mitlub mill-KtR (3), il-proposta fl-Artikolu 11 tippermetti attivitajiet rikorrenti, bil-kundizzjoni li l-proġetti jaħdmu abbażi ta’ proċeduri eżemplari li jistgħu jiġu applikati għal reġjuni oħrajn, u li jkunu soġġetti għal standards relatati mal-monitoraġġ tagħhom u l-komunikazzjoni tas-sejbiet lill-pubbliku;

13.

huwa tal-fehma li l-appoġġ permezz ta’ proġetti integrati għall-Oqfsa ta’ Azzjoni ta’ Prijorità għall-finanzjament ta’ Natura 2000 ser ikun element prinċipali fil-ġejjieni fil-kuntest tal-qasam prijoritarju tal-“bijodiversità” fil-programm LIFE. Il-KtR jitlob li, b’konformità mal-qafas istituzzjonali ta’ kull Stat Membru, l-awtoritajiet reġjonali jkunu inkarigati mill-iżvilupp tal-Oqfsa ta’ Azzjoni ta’ Prijorità, u jieħdu nota tal-inizjattivi reċenti mnedija mill-Kummissjoni Ewropea dwar il-finanzjament ta’ Natura 2000 (4);

14.

jilqa’ b’sodisfazzjon kbir il-fatt li l-appoġġ tal-programm LIFE għall-governanza ambjentali ssaħħaħ billi sar qasam prijoritarju fil-Proposta għal Regolament (Artikolu 12). Il-KtR huwa tal-fehma li dan isaħħaħ il-viżibbiltà ta’ proġetti potenzjali fil-qasam tal-governanza u li l-awtoritajiet lokali u reġjonali ser isiru benefiċjarji importanti ta’ dan il-qasam prijoritarju ġdid. Il-KtR ħeġġeġ li LIFE jikkontribwixxi għat-tisħiħ tal-kapaċitajiet amministrattivi tal-awtoritajiet lokali u reġjonali, u li jiffoka iżjed fuq is-sensibilizzazzjoni, inkluża l-edukazzjoni dwar l-iżvilupp sostenibbli u l-promozzjoni ta’ proġetti li jinvolvu l-awtoritajiet lokali u reġjonali u għandhom impatt sostanzjali fil-livell tal-UE (5);

15.

huwa tal-fehma li dan il-qasam prijoritarju għandu jippromovi l-iskambju tal-għarfien dwar l-implimentazzjoni u l-infurzar tal-liġi ambjentali tal-UE billi jappoġġja n-netwerks, it-taħriġ u l-proġetti dwar l-iskambju tal-aħjar prattiki, b’mod partikolari dawk tal-awtoritajiet lokali u reġjonali attivi fil-qasam, fil-livell Ewropew;

16.

jilqa’ b’sodisfazzjon il-ħolqien ta’ sottoprogramm ġdid dwar azzjoni fil-qasam tal-klima, li jista’ jaqdi rwol fil-promozzjoni ta’ azzjonijiet u investiment favur livell baxx ta’ emissjonijiet ta’ karbonju, effiċjenza fl-użu tar-riżorsi u reżistenti għat-tibdil fil-klima. Jilqa’ dan fid-dawl tal-impenji tal-UE fil-livell internazzjonali li tnaqqas il-gassijiet b’effett ta’ serra fil-qafas tal-Protokoll ta’ Kyoto u l-ftehim futur dwar il-klima dinjija li għandu jiġi nnegozjat sal-2015, u fil-qafas tal-għanijiet tal-UE marbuta mal-Pakkett dwar il-Klima u l-Enerġija, l-Istrateġija Ewropa 2020 u l-Pjan direzzjonali għal ekonomija kompetittiva b’livell baxx ta’ emissjonijiet tal-karbonju fl-2050 (6);

17.

iżda, josserva li l-baġit propost huwa pjuttost parti żgħira mill-Programm LIFE globali (25 %). Għalhekk LIFE – il-qasam tal-klima għandu potenzjal limitat ħafna biex inaqqas b’mod sostanzjali l-gassijiet b’effett ta’ serra. Għaldaqstant, għandu jaħdem biex jippromovi firxa wiesgħa ta’ benefiċċji ambjentali, bħal żoni naturali li huma essenzjali għall-iżgurar ta’ kwalità tajba tal-arja u li għandhom bijodiversità kbira (it-torbieri (peatlands) u l-foresti) jew il-ħolqien ta’ infrastruttura ekoloġika bħala approċċ integrat għaż-żamma tal-bijodiversità u biex jiġu kkontrollati l-impatti tat-tibdil fil-klima;

18.

jilqa’ b’sodisfazzjon il-fatt li l-Proġetti Integrati ser jiffukaw l-iżjed fuq il-mitigazzjoni tal-klima u fuq strateġiji ta’ adattament u pjani ta’ azzjoni;

19.

jilqa’ b’sodisfazzjon l-għanijiet imniżżla fil-qasam prijoritarju “governanza klimatika u informazzjoni” (Artikolu 16), u jara rwol ċar għall-KtR biex jippromovi s-sensibilizzazzjoni dwar kwistjonijiet ta’ klima;

20.

kif qal f’opinjoni preċedenti tiegħu (7), jilqa’ b’sodisfazzjon il-proposta li jiġu introdotti “Proġetti Integrati” fit-tul fuq skala territorjali wiesgħa (b’mod partikolari dik reġjonali, multireġjonali jew nazzjonali) bħala mezz biex jiġu indirizzati bosta kwistjonijiet differenti permezz ta’ relazzjoni strateġika u strutturata ma’ possibbiltajiet oħra ta’ finanzjament min-naħa tal-UE. Il-proġetti LIFE ikomplu jkollhom valur katalitiku importanti;