17.8.2012   

MT

Il-Ġurnal Uffiċjali tal-Unjoni Ewropea

CE 247/1

—

wara li kkunsidra l-ftehim ta’ kooperazzjoni tal-25 ta’ Frar 1989 bejn l-Unjoni Ewropea u l-Kunsill ta’ Kooperazzjoni tal-Golf (GCC),

—

wara li kkunsidra r-riżoluzzjoni tiegħu tal-24 ta’ April 2008 dwar il-ftehim ta’ kummerċ ħieles bejn il-KE u l-Kunsill tal-Kooperazzjoni tal-Golf (1),

—

wara li kkunsidra r-riżoluzzjoni tiegħu tat-13 ta’ Lulju 1990 dwar is-sinifikat tal-ftehim ta’ kummerċ ħieles li se tiġi konkluża bejn il-KEE u l-Kunsill tal-Kooperazzjoni tal-Golf (GCC) (2),

—

wara li kkunsidra r-Rapport dwar l-Implimentazzjoni tal-Istrateġija Ewropea tas-Sigurtà: Nipprovdu s-Sigurtà f’Dinja li qed Tinbidel, approvat mill-Kunsill f’Diċembru 2008,

—

wara li kkunsidra s-sħubija strateġika bejn l-Unjoni Ewropea mal-Mediterran u l-Lvant Nofsani approvata mill-Kunsill f’Ġunju 2004,

—

wara li kkunsidra l-komunikat konġunt tal-20 Kunsill Ministerjali tal-14 ta’ Ġunju 2010 fil-Lussemburgu,

—

wara li kkunsidra r-rapport tiegħu tal-10 ta’ Mejju 2010 dwar l-Unjoni għall-Mediterran,

—

wara li kkunsidra l-komunikat konġunt tad-19-il Kunsill Ministerjali tad-29 ta’ April 2009 f’Muscat,

—

wara li kkunsidra l-programm ta’ azzjoni konġunta (2010-2013) għall-implimentazzjoni tal-ftehim ta’ kooperazzjoni UE-GCC tal-1988,

—

wara li kkunsidra l-Komunikazzjoni mill-Kummissjoni lill-Parlament Ewropew u lill-Kunsill dwar it-tisħiħ tal-kooperazzjoni mal-pajjiżi terzi fil-qasam tal-edukazzjoni superjuri (COM(2001)0385),

—

wara li kkunsidra r-riżoluzzjoni tiegħu tal-10 ta’ Mejju 2007 dwar ir-riformi fid-dinja Għarbija: x'inhi l-istrateġija tal-Unjoni Ewropea? (3),

—

wara li kkunsidra l-ftehim ekonomiku bejn l-Istati tal-GCC, adottat fil-31 ta’ Diċembru 2001 f’Muscat, fis-Sultanat tal-Oman, u d-Dikjarazzjoni ta’ Doha tal-GCC dwar it-tnedija tal-unjoni doganali għall-Kunsill tal-Kooperazzjoni tal-Istati Għarab tal-Golf li saret fil-21 ta’ Diċembru 2002,

—

wara li kkunsidra l-Artikoli 207 u 218 tat-Trattat dwar il-Funzjonament tal-Unjoni Ewropea, skont liema artikoli l-Kunsill għandu jitlob il-kunsens tal-Parlament qabel il-konklużjoni ta’ kwalunkwe ftehim internazzjonali li jkopri oqsma li għalihom tapplika l-proċedura leġiżlattiva ordinarja,

—

wara li kkunsidra r-rapporti annwali tiegħu dwar id-drittijiet tal-bniedem,

—

wara li kkunsidra d-Dikjarazzjoni tal-1998 tal-Assemblea Ġenerali tan-NU dwar id-Dritt u r-Responsabilità tal-Individwi, tal-Gruppi u tal-Entitajiet tas-Soċjetà li Jippromwovu u Jħarsu d-Drittijiet tal-Bniedem Rikonoxxuti Universalment (magħrufa wkoll bħala d-“Dikjarazzjoni dwar id-Difensuri tad-Drittijiet tal-Bniedem”),

—

wara li kkunsidra d-dikjarazzjonijiet mir-Rappreżentant Għoli tal-10, l-15 u s-17 ta’ Marzu 2011 u l-konklużjonijiet tal-Kunsill tal-21 ta’ Marzu 2011 dwar il-Baħrajn u filwaqt li jiġbed l-attenzjoni f'dan il-kuntest tal-appoġġ sħiħ tiegħu għal-libertà tal-espressjoni u għad-dritt taċ-ċittadini li jiddimostraw b'mod paċifiku,

—

wara li kkunsidra l-Artikolu 48 tar-Regoli ta’ Proċedura tiegħu,

—

wara li kkunsidra r-rapport tal-Kumitat għall-Affarijiet Barranin u l-opinjonijiet tal-Kumitat għall-Kummerċ Internazzjonali u tal-Kumitat għall-Industrija, ir-Riċerka u l-Enerġija (A7-0042/2011),

A.

billi r-relazzjonijiet UE-GCC ta’ bħalissa jeħtieġu reviżjoni u aġġornar kostanti minħabba l-iżviluppi lokali importanti ta’ dan l-aħħar u li qed iseħħu b'mod mgħaġġel, u li fil-qalba tagħhom għandu jkun hemm it-twettiq tad-drittijiet tal-bniedem u tad-demokrazija,

B.

billi d-dimostranti stqarru aspirazzjonijiet demokratiċi leġittimi f'bosta Stati tal-GCC; billi r-reazzjoni vjolenti mill-awtoritajiet għall-protesti fil-Baħrajn irriżultaw fi mwiet, korrimenti u tfigħ il-ħabs; billi waslu fil-pajjiż truppi Sawditi, mill-Emirati Għarab Magħquda u mill-Kuwajt taħt il-bandiera tal-GCC biex jieħdu sehem fir-ripressjoni tad-dimostranti,

C.

billi r-reġjun tal-Golf illum għandu jitqies bħala ċentru ekonomiku dinji emerġenti kostitwit mill-istati tal-Kunsill ta’ Kooperazzjoni tal-Golf (GCC), jinnota li l-UE hija t-tieni l-akbar sieħeb kummerċjali tal-GCC u li l-GCC huwa l-ħames l-akbar suq ta’ esportazzjoni għall-UE,

D.

billi l-ambjent ġeopolitiku tiegħu jagħmel mill-Golf punt fokali ta’ sfidi fi kwistjonijiet ta’ sigurtà li għandhom implikazzjonijiet globali u reġjonali (il-proċess tal-paċi fil-Lvant Nofsani, il-programm nukleari tal-Iran, l-istabbilizzazzjoni tal-Iraq, tal-Jemen u d-Darfur, it-terroriżmu u l-piraterija) u li sal-lum il-GCC għadu l-unika organizzazzjoni reġjonali stabbli bbażata fuq il-multilateraliżmu u l-kooperazzjoni,

E.

billi l-istati tal-GCC għandhom f’idejhom iktar minn terz tal-valur totali tal-fondi sovrani dinjija, u, f’reazzjoni għall-kriżi finanzjarja, dawn il-fondi kkontribwew għas-salvataġġ tas-sistema finanzjarja dinjija u dik Ewropea,

F.

billi r-reġjun tal-Golf huwa ta’ importanza kruċjali għall-Unjoni u li, f’dinja multipolari u interdipendenti, kooperazzjoni bħal din tippermetti li niffaċċjaw l-isfidi politiċi u ta’ sigurtà,

G.

billi l-proċess tal-liberalizzazzjoni u d-diversifikazzjoni tal-istrutturi ekonomiċi mibdi f’diversi Stati Membri tal-GCC ħoloq dinamiċi interni ġodda, kemm politiċi (riformi kostituzzjonali, parteċipazzjoni politika u tisħiħ tal-istituzzjonijiet) u soċjali (nibet netwerk ta’ assoċjazzjonijiet, qed jiżviluppaw għaqdiet ta’ min iħaddem u n-nisa qed jiksbu aċċess għal karigi b'responsabilità) li ta’ min jinkoraġġixxihom u jappoġġahom,

H.

billi l-kundizzjonijiet tal-ħajja u tax-xogħol tal-ħaddiema migranti, partikolarment tan-nisa li jaħdmu fid-djar tan-nies, huma preokkupanti u deplorabbli minkejja li dawn għandhom rwol ċentrali f’diversi setturi tal-attività ekonomika tal-Istati Membri tal-GCC, u fil-fatt jikkostitwixxu 40 % tal-popolazzjoni tal-Istati Membri tal-GCC u jirrappreżentaw madwar 80 % tal-popolazzjoni ta’ ċerti emirati,

I.

billi s-sitt Stati Membri tal-GCC huma mingħajr eċċezzjoni monarkiji ereditarji fejn ir-rappreżentanza politika hija limita, b’mod partikolari dik tan-nisa, u fejn ma jeżistux, fil-parti l-kbira, parlamenti eletti,

J.

billi l-importanza tal-investimenti tal-pajjiżi tal-GCC u l-isfidi komuni fil-viċinat tan-Nofsinhar tal-Unjoni Ewropea jeħtieġu sinerġiji ta’ kooperazzjoni bejn l-Ewropa, il-Mediterran u l-Golf,

K.

billi r-rijorjentazzjoni ġeoekonomika tal-istati tal-GCC lejn l-Asja, b’rispons għat-talba dejjem ikbar għaż-żejt fis-swieq Asjatiċi (iċ-Ċina, l-Indja, Singapor, il-Ġappun, il-Filippini u l-Korea t’Isfel) bħalissa qed twassal għal diversifikazzjoni fir-relazzjonijiet kummerċjali u ekonomiċi li qed tkun ikkonsolidata minn ftehimiet ta’ kummerċ ħieles u mill-iżvilupp ta’ djalogu politiku,

L.

billi l-istati tal-GCC għandhom rwol ewlieni fix-xena globali u għaldaqstant għandhom interessi komuni mal-UE rigward l-istabilità internazzjonali u l-governanza ekonomika globali,

M.

billi l-influwenza tal-Istati Membri tal-GCC fid-dinja Għarbija u Musulmana qed tikber u dawn jistgħu jkollhom rwol importanti fid-djalogu interkulturali,

N.

billi n-negozjati dwar ftehim ta’ kummerċ ħieles bejn l-UE u l-GCC, li nbdew 20 sena ilu, huma l-iktar negozjati li ilhom għaddejjin mingħajr konklużjoni li qatt kellha l-Unjoni Ewropea,

O.

billi jeħtieġ li tittieħed pożizzjoni ċara u li jittieħed impenn dewwiem min-naħa tal-UE fir-reġjun tal-Golf, biex ikun żgurat li jkollha viżibilità akbar kif ukoll preżenza strateġika fiż-żona,

P.

billi l-inklużjoni ta’ klawsoli politiċi, u speċjalment il-klawsola marbuta mad-drittijiet tal-bniedem, hija parti integrali ta’ kull ftehim kummerċjali konkluż bejn l-Unjoni u parti terza,

Q.

billi preżenza tal-Unjoni fir-reġjun hija limitata u l-perċezzjoni tal-Ewropa ta’ spiss tkun konfusa mal-perċezzjoni ta’ ċerti Stati Membri tal-UE li għandhom rabtiet żviluppati u antiki mar-reġjun,

R.

billi l-UE għandha għarfien espert fl-oqsma tat-tisħiħ tal-kapaċità istituzzjonali, tal-edukazzjoni u r-riċerka, tal-iżvilupp ta’ enerġija rinnovabbli u tal-ambjent, ta’ appoġġ tekniku u regolamentazzjoni, u ta’ djalogu politiku u diplomatiku dwar l-istabilità tal-viċinat u kwistjonijiet ta’ sigurtà globali,

1.

Ifakkar li l-konklużjoni tal-ftehim ta’ kummerċ ħieles bejn l-UE u l-GCC tibqa’ prijorità, u li n-nuqqas ta’ konklużjoni ma jkun fl-interess tal-ebda parti; jenfasizza li l-konklużjoni ta’ dan il-ftehim se tikkostitwixxi rikonoxximent reċiproku tal-kredibilità taż-żewġ entitajiet li għażlu t-triq tal-multilateraliżmu u tal-integrazzjoni;

2.

Iqis li, ladarba l-preżenza tal-Unjoni fir-reġjun tal-Golf hija limitata, politika ta’ komunikazzjoni integrata, fil-kuntest tal-istruttura l-ġdida tal-UE għar-relazzjonijiet esterni, għandha tikkontribwixxi għall-iżvilupp ta’ informazzjoni mmirata u effikaċi dwar l-UE fil-pajjiżi tal-Golf;

3.

Jemmen li jeħtieġ li l-UE tiżviluppa strateġija għar-reġjun bil-għan li ssaħħaħ ir-relazzjonijiet tagħha mal-GCC, tappoġġja l-progress ta’ integrazzjoni reġjonali, u tinkoraġġixxi r-relazzjonijiet bilaterali mal-Istati tal-GCC;

4.

Jenfasizza li l-objettiv huwa sħubija strateġika mal-GCC u l-Istati Membri tiegħu li tikkorrispondi għall-importanza tar-rwoli rispettivi taż-żewġ entitajiet fix-xena internazzjonali; jenfasizza l-importanza, għal dak il-għan, tal-introduzzjoni ta’ laqgħat perjodiċi ta’ livell għoli tal-kapijiet ta’ stat u gvern, indipendentement mill-progress tan-negozjati li jkunu għaddejjin;

5.

Jenfasizza wkoll l-importanza ta’ sħubija ndaqs fil-kooperazzjoni u d-djalogu, filwaqt li jinżammu f’kunsiderazzjoni d-differenzi bejn iż-żewġ entitajiet, u l-potenzjal għall-espansjoni tal-kooperazzjoni u d-djalogu f'diversi setturi;

6.

Jitlob li s-Servizz Ewropew għall-Azzjoni Esterna (SEAE), jiddedika aktar riżorsi umani għar-reġjun u li jinfetħu iktar missjonijiet diplomatiċi tal-UE fl-Istati Membri tal-GCC, biex l-Unjoni tkun iktar viżibbli, biex jitħaffef id-djalogu politiku u biex tissaħħaħ l-effikaċja tal-azzjoni tal-Unjoni; jenfasizza li dawn ir-riżorsi għandhom jiġu qabel kollox minn riallokazzjoni tal-istaff fis-SEAE; jistieden lil dawk l-Istati Membri tal-UE b'rappreżentanzi diplomatiċi fir-reġjun biex jaġixxu skont il-politika tal-UE; jenfasizza li l-approċċi bilaterali differenzjati lejn l-Istati tal-GCC inklini li jżidu l-kooperazzjoni tagħhom mal-UE jistgħu biss jikkomplementaw u jsaħħu l-qafas multilaterali; jitlob għalhekk li l-Kummissjoni Ewropea u r-Rappreżentant Għoli tal-Unjoni għall-Affarijiet Barranin u l-Politika ta’ Sigurtà jeżaminaw il-prospetti ta’ tali kooperazzjoni bilaterali;

7.

Jiġbed l-attenzjoni għall-iżviluppi soċjali u politiċi li seħħew f’dawn l-aħħar snin fil-parti l-kbira tal-Istati Membri tal-GCC; jinkoraġġixxi lill-istati kollha biex isostnu l-isforzi tagħhom u jistedinhom jagħmlu aktar biex jippromwovu d-drittijiet tal-bniedem, jiġġieldu kontra kull tip ta’ diskriminazzjoni, inkluża dik ibbażata fuq il-ġeneru, l-orjentazzjoni sesswali, jew ir-reliġjon; jistieden lill-Istati Membri tal-GCC biex jiggarantixxu u jippromwovu d-drittijiet tal-minoranzi, inklużi dawk reliġjużi, l-ugwaljanza bejn l-irġiel u n-nisa, id-dritt għax-xogħol, inkluż għall-ħaddiema migranti, kif ukoll il-libertà tal-kuxjenza, tal-espressjoni u tal-opinjoni; iħeġġeġ djalogu kontinwu bejn l-UE u l-GCC dwar dawn it-temi; jistieden lill-Istati Membri tal-GCC biex jinteraġixxu b'mod aktar pożittiv mas-soċjetà ċivili u biex jappoġġjaw il-ħolqien ta’ strutturi u assoċjazzjonijiet lokali; jistieden b'mod partikolari lill-Istati Membri tal-GCC biex:

8.

Isejjaħ lill-Istati Membri kollha fil-GCC sabiex jagħrfu ċ-ċaqliq popolari li qed ikompli lejn ir-riforma demokratika fir-reġjun b'mod wiesgħa, u jsejjaħ għal diskussjonijiet sħaħ mal-gruppi tas-soċjeta ċivili li qed joħorġu sabiex jiġi promoss proċess ta’ tranżizzjoni demokratika paċifika ġenwina, fil-pajjiżi tagħhom infushom, b'sieħba fir-reġjun u bl-appoġġ sħiħ tal-Unjoni Ewropea;

9.

Jesprimi t-tħassib profond tiegħu għar-reazzjoni vjolenti mill-awtoritajiet tal-Baħrajn u l-użu tas-saħħa minnhom kontra min qed jipprotesta u s-seħem ta’ truppi barranin taħt il-bandiera tal-GCC fir-ripressjoni tad-dimostranti; jikkunsidra li dan jikkuntrasta bil-kbir mal-appoġġ tal-GCC għat-tħaris taċ-ċittadini li qed jitolbu l-ħelsien u d-demokrazija fil-Libja; isejjaħ għal tmiem minnufih tal-vjolenza kontra min ikun qed jipprotesta paċifikament u għal djalogu politiku li jista' jwassal għal aktar riformi politiċi meħtieġa fil-pajjiż;

10.

Jistieden lill-gvernijiet tal-Istati tal-GCC biex jaħdmu flimkien fi spirtu ta’ kooperazzjoni biex jittrattaw il-problemi dwar id-drittijiet tal-bniedem fir-reġjun, speċjalment fir-rigward tal-ugwaljanza bejn is-sessi, is-sitwazzjoni tal-grupp ta’ persuni bla stat magħrufa bħala “bidun”, ir-restrizzjonijiet għal-libertà tal-espressjoni u tal-assemblea fosthom id-drittijiet tat-trejdjunjins u tal-ħtieġa li tiġi żgurata l-indipendenza tal-ġudikatura u d-dritt għal proċessi ġusti u li jsiru malajr; jitlob li t-tisħiħ propost tad-djalogu politiku mal-GCC jinkludi djalogu dwar id-drittijiet tal-bniedem f'livell tekniku u f'livell politiku;

11.

Jistieden lill-Istati tal-GCC biex jirtiraw ir-riżervi għall-Konvenzjoni dwar l-Eliminazzjoni ta’ Kull Forma ta’ Diskriminazzjoni kontra n-Nisa kif ukoll għall-Konvenzjoni Internazzjonali dwar l-Eliminazzjoni ta’ Kull Forma ta’ Diskriminazzjoni Razzjali fejn dawn għadhom miżmuma, u lill-Istati kollha tal-GCC biex jirratifikaw il-Protokolli Fakultattivi għall-Konvenzjoni dwar id-Drittijiet tat-Tfal, u għall-Konvenzjoni Internazzjonali dwar l-Eliminazzjoni ta’ Kull Forma ta’ Diskriminazzjoni Razzjali; jisħaq bl-istess mod fuq l-importanza li jiġu ratifikati u implimentati l-Konvenzjoni tan-NU dwar il-Ħaddiema Migranti u l-Konvenzjonijiet 97 u 143 tal-ILO;

12.

Jinkoraġġixxi lill-UE biex teżamina u tipproponi, flimkien mal-GCC, soluzzjonijiet biex jitneħħew l-ostakli għall-eżerċizzju sħiħ u effettiv tad-dritt fundamentali tal-libertà tar-reliġjon, kemm fuq livell individwali kif ukoll kollettiv, u kemm fil-publiku kif ukoll fil-privat, għal membri ta’ minoranzi reliġjużi f’dan ir-reġjun;

13.

Jisħaq fuq l-importanza tad-djalogu interkulturali u interreliġjuż; ifakkar li l-Unjoni Ewropea u l-GCC fissru l-impenn komuni tagħhom biex jippromwovu u jħarsu l-valuri tat-tolleranza, il-moderazzjoni u l-koeżistenza;

14.

Jinkoraġġixxi lill-Gvernijiet u lill-Assemblej Parlamentari eżistenti tal-GCC biex jieħdu passi immedjati biex jirratifikaw mingħajr riżervi l-Patt Internazzjonali dwar id-Drittijiet Ċivili u Politiċi, il-Patt Internazzjonali dwar id-Drittijiet Ekonomiċi, Soċjali u Kulturali, kif ukoll biex jikkooperaw mal-mekkaniżmi tematiċi tal-Kummissjoni tan-NU għad-Drittijiet tal-Bniedem u jistednuhom għal żjara, b'mod partikolari lir-Rapporteur Speċjali tan-Nazzjonijiet Uniti dwar l-indipendenza tal-imħallfin u tal-avukati;

15.

Jiddikjara mill-ġdid l-oppożizzjoni tal-UE għall-użu tal-piena tal-mewt fil-każijiet kollha u t-talba tagħha għal moratorju globali fuq l-użu tal-piena tal-mewt; jiddeplora f’dan ir-rigward li l-piena tal-mewt għada fil-liġi fl-Istati Membri kollha tal-GCC; jistidinhom jadottaw moratorju fuq l-eżekuzzjonijiet kapitali; jistieden b'mod partikulari lill-istati li jużaw metodi bħad-dekapitazzjoni, it-tħaġġir, it-tislib, il-flaġellazzjoni jew l-amputazzjoni li jabolixxu dawn il-prattiki;

16.

Jinnota l-Programm ta’ Azzjoni Konġunta triennali adottat mill-Kunsill Ministerjali tal-14 ta’ Ġunju 2010 maħsub sabiex isaħħaħ il-kooperazzjoni f’diversi oqsma strateġiċi ta’ interess reċiproku, anke billi jinħoloq netwerk li jgħaqqad ir-riċerkaturi, l-akkademiċi u n-negozjanti; jiddispjaċih, madankollu, li dan ma jinkludix taqsima dwar id-djalogu politiku miftuħ, regolari u kostruttiv;

17.

Iqis li l-implimentazzjoni ta’ dan il-Programm ta’ Azzjoni Konġunta għandha tkun appoġġjata bi skema ta’ finanzjament preċiża u dettaljata u għandha titwettaq minn persunal assenjat speċifikament għal dan il-kompitu kemm fi Brussell kif ukoll fl-Istati Membri tal-GCC; jisħaq fuq l-importanza li tkun żgurata l-viżibilità ta’ dan il-programm kif ukoll tat-tixrid ta’ firxa wiesgħa ta’ informazzjoni aċċessibbli għall-amministrazzjonijiet u l-istituzzjonijiet ikkonċernati; jitlob li fi tmiem il-perjodu ta’ tliet snin issir evalwazzjoni tar-riżultati u li, jekk ir-riżultati jkunu sodisfaċenti, tkun prevista aġenzija ta’ kooperazzjoni UE-GCC;

18.

Jistieden lill-UE biex tiffoka l-programmi ta’ kooperazzjoni tagħha mal-Istati tal-GCC iktar fuq l-organizzazzjonijiet tas-soċjetà ċivili kif ukoll biex tappoġġa l-emanċipazzjoni tan-nisa u ż-żgħażagħ;

19.

Jesprimi t-tħassib kbir tiegħu minħabba li r-reġjun tal-Golf inqabad fit-tiġrija għall-armi; jistieden lill-UE biex tibda djalogu strateġiku mal-Istati tal-GCC dwar kwistjonijiet ta’ sigurtà reġjonali ta’ interess komuni (il-proċess ta’ paċi fil-Lvant Nofsani, il-programm nukleari tal-Iran, l-istabbilizzazzjoni tal-Iraq, il-Jemen u d-Darfur, it-terroriżmu u l-piraterija) u, finalment, sabiex tikkontribwixxi għall-bini ta’ struttura ta’ sigurtà reġjonali fil-Lvant Nofsani fi sħubija mal-Istati tal-Golf;

20.

Ifakkar li l-Istati Membri tal-GCC huma atturi reġjonali importanti; jenfasizza li l-UE u l-GCC għandhom interessi komuni li jippromwovu l-paċi u l-istabilità fil-Lvant Nofsani, fl-Afrika ta’ Fuq u fil-Qarn tal-Afrika, kif ukoll fid-dinja kollha; iħeġġeġ lis-sħab isaħħu l-kooperazzjoni rigward dawn l-interessi komuni;

21.

Jieħu nota tal-istqarrija mill-GCC tas-7 ta’ Marzu 2011 f'Abu Dhabi, li tgħid li “l-kunsill Ministerjali jitlob li l-Kunsill ta’ Sigurtà jieħu l-passi meħtieġa sabiex jiġu mħarsa ċ-ċivili, inkluża żona mingħajr titjir fil-Libja”, liema stqarrija ikkontribwiet għad-deċiżjoni tal-Lega Għarbija u imbgħad tal-Kunsill ta’ Sigurtà tan-Nazzjonijiet Uniti li jagħtu l-pożizzjoni tagħhom favur tali żona;

22.

Itenni l-appoġġ tiegħu għall-Inizjattiva Għarbija għall-Paċi mressqa minn wieħed mill-Istati Membri tal-GCC u approvata mill-Istati kollha tal-Lega Għarbija u mill-Organizzazzjoni tal-Konferenza Iżlamika; jistieden lill-Istati tal-GCC biex ikomplu bl-isforzi ta’ medjazzjoni tagħhom u biex ikomplu jappoġġjaw il-proċess ta’ paċi bejn l-Iżrael u l-Palestinjani; jitlob li l-UE u l-GCC jirduppjaw l-isforzi konġunti tagħhom biex in-negozjati jwasslu għat-tmiem tal-okkupazzjoni tat-Territorji Palestinjani waqt li jkomplu jagħtu l-appoġġ sħiħ tagħhom għal soluzzjoni b'żewġ stati tal-kunflitt bejn l-Iżrael u l-Palestinjani; jisħaq fuq l-interessi komuni tal-UE u tal-GCC li jaħdmu flimkien biex jistabbilixxu paċi reġjonali ġusta u dewwiema fil-Lvant Nofsani; jipproponi, f'dan ir-rigward, kooperazzjoni aktar regolari bejn il-Kwartett u l-kumitat ta’ monitoraġġ tal-Lega Għarbija; Ifakkar li l-UE hija l-akbar donatur ta’ għajnuna lill-poplu Palestinjan; jirrikonoxxi l-appoġġ tal-Istati tal-GCC għar-refuġjati Palestinjani u l-kontribuzzjoni tagħhom għall-Aġenzija ta’ Fondi u tax-Xogħol tan-Nazzjonijiet Uniti (UNRWA); jistieden lill-Istati Membri tal-GCC biex jikkontribwixxu aktar għat-tisħiħ tal-istituzzjonijiet Palestinjani u għall-iżvilupp ekonomiku fil-kuntest tal-programm tal-gvern tal-Awtorità Palestinjana,u biex jikkunsidraw li jħallsu l-kontribuzzjonijiet finanzjarji tagħhom permezz ta’ mekkaniżmi ta’ għajnuna internazzjonali, meta jkun xieraq;

23.

Jilqa’ l-fatt li qed issir ħidma għall-integrazzjoni tal-GCC (unjoni doganali, suq komuni u finalment munita unika); iħeġġeġ lill-Kummissjoni biex tipproponi lis-Segretarjat tal-GCC li ż-żewġ korpi jfasslu flimkien qafas għall-kooperazzjoni, biex taqsam l-esperjenza tagħha fil-qasam tal-konsolidazzjoni istituzzjonali, tal-kapaċità amministrattiva, tal-mekkaniżmi ta’ regolamentazzjoni u ta’ soluzzjoni tat-tilwim; jenfassizza li approċċ bħal dan jista’ jikkontribwixxi biex jispira proċessi ta’ sjieda;

24.

Jilqa' d-deċiżjoni tal-Presidenti tal-Parlamenti tal-Istati Membri tal-GCC, li ltaqgħu f'Abu Dhabi fit-23 ta’ Novembru 2010, li jibdew jimmonitorjaw l-attivitajiet tal-GCC u d-deċiżjonijiet eżekuttivi tiegħu u li jistabbilixxu konferenza annwali tal-istituzzjonijiet parlamentari tal-Istati Membri tal-GCC; jilqa' l-istabbiliment fil-futur qrib ta’ delegazzjoni interparlamentari għar-relazzjonijiet mal-Parlament Ewropew; huwa konvint li kooperazzjoni parlamentari wiesgħa tagħti kontribut sinifikanti lill-ħolqien ta’ sħubija strateġika bejn iż-żewġ gruppi;

25.

Ifakkar fir-riżoluzzjoni tiegħu tal-24 ta’ April 2008 dwar il-Ftehim ta’ Kummerċ Ħieles (FTA) bejn il-KE u l-GCC, li kienet appoġġata minn 96 % tal-Membri tal-Parlament Ewropew; jinnota li l-kwistjonijiet li tqajmu mir-riżoluzzjoni, bħall-ħtieġa għal aċċess reċiproku għas-swieq, il-ħarsien effettiv tad-drittijiet ta’ proprjetà intellettwali (IPR), it-tneħħija ta’ ostakoli li mhumiex tariffi għall-provvediment tas-servizzi, il-promozzjoni tal-iżvilupp sostenibbli u r-rispett tal-konvenzjonijiet internazzjonali, għadhom jippersistu;

26.

Jiddispjaċih li n-negozjati dwar l-FTA UE-GCC kienu ripetutament posposti għal perjodi twal ta’ żmien u jiddeplora d-deċiżjoni tal-GCC li jissospendi dawn in-negozjati fl-2008; jemmen li wasal iż-żmien li jkunu żblukkati dawn in-negozjati biex tinstab soluzzjoni definittiva, sabiex jitneħħew l-ostakoli għall-benefiċċju tas-soċjetajiet u l-komunitajiet tan-negozju fuq iż-żewġ naħat;

27.

Jiddispjaċih li r-reġjun ġie ttraskurat mill-UE minkejja l-importanza stateġika fejn jidħlu l-provvisti ta’ żejt, l-opportunitajiet kummerċjali u l-istabbiltà reġjonali;

28.

Jinnota li, wara 20 sena ta’ negozjati, il-FTA għad irid ikun konkluż; huwa konxju li l-klawsoli dwar id-drittijiet tal-bniedem u l-immigrazzjoni illegali sabu l-oppożizzjoni ta’ ċerti stati tal-GCC;

29.

Jikkunsidra li, meta wieħed iqis l-importanza strateġika tar-reġjun, l-FTA għandu jitqies mhux biss bħala strument li jsaħħaħ il-benesseri permezz tal-kummerċ iżda wkoll bħala strument li jħeġġeġ l-istabilità ġeografika;

30.

Jinnota li l-GCC bħalissa huwa s-sitt l-ikbar suq tal-UE għall-esportazzjoni u li l-UE bħalissa hija s-sieħba prinċipali tal-kummerċ tal-GCC; jinnota li, minkejja dan il-livell diġà intensiv ta’ kummerċ, għad hemm skop għall-approfondiment tiegħu, kif ukoll spazju għal iktar diversifikazzjoni tal-kummerċ bejn iż-żewġ partijiet, minħabba d-daqs tas-suq tal-UE u l-isforzi min-naħa tal-istati tal-GCC biex jiddiversifikaw l-esportazzjonijiet tagħhom; jinnota li FTA jista’ jipprovdi wkoll opportunitajiet ġodda għall-kooperazzjoni u għajnuna teknika; huwa tal-fehma li l-konklużjoni tal-FTA bejn l-UE u l-GCC tkun tiffavorixxi bil-kbir rabtiet eqreb u diversifikazzjoni akbar;

31.

Jirrimarka li, ladarba l-pajjiżi tal-GCC qed jimxu lejn id-diversifikazzjoni ekonomika intiża sabiex tnaqqas id-dipendenza tagħhom fuq iż-żejt, żieda fil-kummerċ tas-servizzi u fl-investiment se tgħin biex trawwem l-iżvilupp tal-ekonomiji tal-GCC;

32.

Jilqa’ l-fatt li matul l-aħħar żewġ deċennji r-relazzjonijiet ekonomiċi bejn lUE u l-GCC qed jintensifikaw u li l-volum tal-kummerċ bejn iż-żewġ naħat żdied b’mod sinifikanti, minkejja n-nuqqas ta’ FTA; iqis dan bħala sinjal li l-FTA se jkompli jsaħħaħ dan it-tkabbir naturali u jintegrah f’ambjent iżjed miftuħ, prevedibbli u sikur;

33.

Jinnota li l-parti l-kbira tal-ħidma fuq l-FTA diġà saret, u huwa tal-fehma li l-ambitu tal-FTA kif inhu jwiegħed vantaġġi kbar għaż-żewġ partijiet; jistieden liż-żewġ partijiet, għalhekk, li jqisu dan l-FTA bħala sforz kbir u importanti għaż-żewġ reġjuni u l-popli tagħhom; iqis li l-UE u l-GCC għandhom interessi u ħtiġiet komuni u li l-esperjenza tal-UE fl-integrazzjoni reġjonali tista’ tkun sors ta’ ispirazzjoni għall-Golf; iqis li, f'dan ir-rigward, l-UE tista' tipprovdi assistenza teknika ta’ valur;

34.

Jenfasizza li, sakemm ma jinstablux rimedju, in-nuqqas ta’ trasparenza fil-proċeduri tal-akkwist pubbliku u l-ostakli għad-dħul ta’ investituri barranin fis-settur tas-servizzi jistgħu jipperikolaw il-konklużjoni tal-ftehim;

35.

Huwa tal-fehma soda li FTA bejn l-UE u l-GCC ikun ta’ vantaġġ sostanzjali għaż-żewġ partijiet; jemmen li FTA mal-UE jsaħħaħ iktar l-integrazzjoni ekonomika tal-GCC u li, wara t-twaqqif tal-Unjoni Doganali tal-GCC, jista’ jipprovdi wkoll spinta akbar għall-proġetti importanti bħas-suq komuni tal-GCC, u t-tlestija tal-Unjoni Monetarja tal-GCC b’munita unika; iqis li l-GCC jista’ jibbenefika mill-esperjenza miksuba tul il-ħolqien tas-suq uniku u l-adozzjoni ta’ munita unika mill-UE;

36.

Jappoġġa bil-qawwa l-messaġġ li r-Rappreżentant Għoli /Viċi President Catherine Ashton bagħtet matul il-Laqgħa tal-Kunsill Ministerjali Konġunt UE-GCC f’Ġunju 2010 u aktar reċentement fit-22 ta’ Settembru 2010, matul il-laqgħa UE-GCC fil-marġini tal-konferenza ministerjali tal-Assemblea Ġenerali tan-NU, fejn indikat li l-UE lesta li tagħmel sforz finali għall-konklużjoni ta’ dawn in-negozjati; jilqa’ wkoll ir-reazzjoni tal-GCC, li kkonferma wkoll ix-xewqa tiegħu li jikkonkludi n-negozjati;

37.

Jirrikonoxxi s-sensittivitajiet ta’ xi pajjiżi tal-GCC dwar id-dazji fuq l-esportazzjoni, iżda jiddispjaċih dwar id-deċiżjoni reċenti tan-negozjaturi tal-GCC li jerġgħu lura għall-pożizzjoni tagħhom tal-2008 f’dan ir-rigward, jiġifieri li jħallu barra mill-FTA s-sanzjonijiet dwar din il-kwistjoni; huwa tal-fehma soda li l-ebda FTA attwali ma jista’ jħalli barra l-kwistjoni tad-dazji fuq l-esportazzjoni u li regoli tad-WTO jgħidu li l-FTAs għandhom jipprovdu għal-liberalizzazzjoni sostanzjali kemm tal-importazzjonijiet u kif ukoll tal-esportazzjonijiet;

38.

Jirrakkomanda li l-UE talloka iktar riżorsi lill-GCC, permezz tal-istrument għal kooperazzjoni ma’ pajjiżi industrijalizzati u oħrajn bi dħul għoli (ICIHI), li għandu jkun iktar viżibbli u għandu jiffoka fuq programmi xierqa għat-taħriġ ta’ uffiċjali lokali, inkluż fi kwistjonijiet kummerċjali;

39.

Ifakkar li, wara t-Trattat ta’ Lisbona, il-politika tal-kummerċ internazzjonali hija waħda mill-istrumenti tal-UE għall-politika barranija u bħala tali, għall-Unjoni, ir-rispett għall-prinċipji demokratiċi u d-drittijiet fundamentali tal-bniedem, flimkien ma’ dimensjonijiet soċjali u ambjentali, huma assolutament essenzjali fil-ftehimiet internazzjonali kollha tagħha; għalhekk jitlob li kwalunkwe ftehim ta’ kummerċ ħieles fil-futur jinkludi klawżola dwar id-drittijiet tal-bniedem effettiva u infurzabbli;

40.

Jinnota li hemm 15-il miljun ħaddiem migrant fis-sitt stati tal-GCC u li dawk il-ħaddiema huma 40 % tal-popolazzjoni totali; ifakkar fis-sitwazzjoni prekarja tal-ħaddiema migranti fl-Istati tal-Golf li ġibdet l-attenzjoni għaliha l-ILO u jappoġġja t-talba tal-ILO għal paga minima fir-reġjun biex ikun evitat li l-pożizzjoni tal-ħaddiema nazzjonali u migranti tibqa’ sejra lura; jappoġġa wkoll id-dritt tal-ħaddiema kollha li jifformaw u jingħaqdu ma’ trejdjunjins sabiex jiddefendu l-interessi tagħhom;

41.

Jinsisti li jkunu rrispettati l-prinċipji demokratiċi u d-drittijiet fundamentali stabbiliti mill-Istqarrija Universali dwar il-Jeddijiet tal-Bniedem; iħeġġeġ lill-Istati Membri tal-GCC jiġġieldu kontra d-diskriminazzjoni fir-rigward tan-nisa u l-isfruttament tat-tfal, b'mod partikolari fis-suq tax-xogħol, u jimplimentaw effettivament il-konvenzjonijiet tan-NU dwar l-Eliminazzjoni ta’ kull forma ta’ Diskriminazzjoni Kontra n-Nisa u dwar id-Drittijiet tat-Tfal;

42.

Iqis li r-ratifika u l-implimentazzjoni kompleta tal-Istati Membri tal-GCC tal-qafas stabbilit mill-Konvenzjonijiet tan-NU kontra l-Kriminalità Organizzata Transnazzjonali, il-Konvenzjoni tan-NU kontra l-Korruzzjoni u l-Konvenzjoni Internazzjonali dwar il-Protezzjoni tad-Drittijiet tal-Ħaddiema Migranti Kollha u l-Membri tal-Familja Tagħhom għandu jkollhom rwol essenzjali fin-negozjati tal-FTA;

43.

Jemmen li l-konklużjoni ta’ FTA ttejjeb ferm ir-relazzjonijiet attwali bejn l-Istati Membri tal-UE u l-istati tal-GCC, u tipprovdi valur miżjud għall-Programm ta’Azzjoni Konġunta reċenti, b’mod partikulari, billi tipprovdi aktar bini tal-kapaċità u tal-qafas istituzzjonali, inkluż fis-Segretarjat tal-GCC; jiddispjaċih li l-preżenza diplomatika tal-UE fl-istati tal-GCC għadha waħda minima u jinsisti li taħt is-SEAE l-ġdid l-UE għandha żżid il-preżenza diplomatika tagħha fir-reġjun, inkluża Delegazzjoni tal-Unjoni f’kull wieħed mis-sitt stati tal-GCC, li għandha taħdem f'kooperazzjoni mill-qrib mas-servizzi diplomatiċi nazzjonali tal-Istati Membri tal-UE li jinsabu fl-istati tal-GCC, sabiex ikun sfruttat kemm jista’ jkun l-għarfien espert tagħhom dwar ir-reġjun; jemmen li preżenza diplomatika aktar sinifikanti żżid ħafna ċ-ċans ta’ konklużjoni rapida tal-FTA u l-implimentazzjoni sussegwenti tiegħu;

44.

Jipproponi li jitwaqqaf samit regolari ta’ Kapijiet ta’ Stat u Gvern bejn l-UE u l-GCC; jenfasizza li dan is-summit jista’ jtejjeb immens ir-rabtiet politiċi, finanzjarji, ekonomiċi, kummerċjali u kulturali bejn l-UE u l-GCC; jinkoraġġixxi bil-qawwa lil min hu l-iktar responsabbli mit-teħid tad-deċiżjonijiet kemm min-naħa tal-UE u kemm minn dik tal-GCC biex jiltaqgħu regolarment ħalli flimkien jiddefinixxu u jippromwovu l-interessi komuni, biex iżidu l-possibilità tal-konklużjoni u l-iffirmar tal-FTA mill-aktar fis possibbli; huwa tal-fehma li min hu l-iktar responsabbli mit-teħid tad-deċiżjonijiet kemm min-naħa tal-UE u kemm minn dik tal-GCC għandu jaħdem biex isir dan is-samit, irrispettivament mill-konklużjoni u l-iffirmar tal-FTA;

45.

Jilqa’ l-fatt li matul is-snin l-UE u l-GCC saru sieħba kbar fl-investiment u li l-GCC flimkien mal-Iraq u l-Jemen, huwa kklasifikat bħala l-ikbar investitur fl-UE fl-2008; huwa tal-fehma li l-konklużjoni tal-FTA, jew għall-inqas il-ftuħ uffiċjali mill-ġdid tan-negozjati, żgur li se twitti t-triq għal ftehimiet ulterjuri li se jħeġġu u jiffaċilitaw l-investimenti diretti barranija (FDIs) reċiproċi bl-għan li jitneħħew l-ostakoli għas-sjieda barranija u l-ħarsien tal-investimenti; ifakkar li wara d-dħul fis-seħħ tat-Trattat ta’ Lisbona, l-FDIs issa jaqgħu taħt il-kompetenza tal-UE, u għalhekk hemm aktar lok għall-konklużjoni rapida ta’ FTA bejn l-UE u l-GCC; jinnota li kwalunkwe FTA futur se joħloq opportunitajiet ta’ investimenti ġodda għaż-żewġ naħat waqt li jtejjeb il-possibbiltajiet għall-GCC li jissodisfa l-kriterji bħala kandidat għal ftehim dwar l-investiment mill-UE fil-kuntest tal-politika futura tal-investiment tal-UE;

46.

Jirrimarka li t-tnaqqis fit-tariffi tal-GCC bħala riżultat tal-FTA se jagħmel iktar attraenti l-investiment minn barra minn impriżi transnazzjonali; huwa konvint li l-FTA se jġib miegħu żieda fl-investimenti relatati mas-servizzi li se jiffavorixxu l-iżvilupp tal-Istati tal-GCC u tal-Istati Membri tal-UE;

47.

Jissuġġerixxi l-użu tal-euro f’kull tip ta’ skambji kummerċjali bejn l-UE u l-GCC; jilqa' l-fatt li, mill-ħolqien tiegħu, il-GCC esprima r-rieda tiegħu li joħloq unjoni doganali u monetarja; jinnota li filwaqt li tal-ewwel daħlet fis-seħħ fl-2009, bħalissa qed isiru negozjati dwar munita komuni;

48.

Jinnota li s-sitt stati tal-GCC bħalissa kollha jibbenefikaw minn aċċess preferenzjali għas-suq tal-UE taħt is-Sistema ta’ Preferenzi Ġeneralizzati (SPĠ) tal-UE; jenfasizza li l-Istati tal-GCC kollha għandhom, f'konformità mal-Artikolu 15(1) tar-Regolament tal-Kunsill (KE) Nru 732/2008 tat-22 ta’ Lulju 2008, mhux biss jirratifikaw iżda wkoll jimplimentaw effettivament is-27 konvenzjoni tal-ILO u tan-NU elenkati fl-Anness III tar-regolament imsemmi; huwa tal-fehma li, minħabba l-livell tal-progress ekonomiku fir-reġjun, l-FTA jkun strument aħjar għat-tixrid tal-benefiċċji kummerċjali madwar ir-reġjun kollu;

49.

Jafferma mill-ġdid li l-objettiv primarju tal-UE fir-relazzjonijiet tagħha mal-GCC għandu jkun li tikkonkludi l-FTA, li se jkun ftehim importanti ta’ kummerċ ħieles bejn reġjun u ieħor; iżda, sakemm dan iseħħ, u wara dak li sar diġà minn uħud mis-sieħba kummerċjali ewlenin tal-GCC, jinkoraġġixxi lir-Rappreżentant Għoli/Viċi President u lill-Kummissarju għall-Kummerċ sabiex jevalwaw approċċi sostituttivi għar-relazzjonijiet kummerċjali futuri mal-Istati tal-GCC, fil-forma ta’ ftehimiet bilaterali bejn l-UE u dawk l-Istati tal-Golf li diġà jħossuhom lesti li jidħlu għal impenn ulterjuri mal-UE, waqt li jitqiesu l-ekonomiji eteroġeni tal-Istati tal-Golf, ir-reazzjonijiet differenti ta’ dawk l-istati għall-kriżi finanzjarja u r-relazzjonijiet tagħhom ma’ sieħba kummerċjali oħra.

50.

Jilqa’ l-livell sinifikanti ta’ kooperazzjoni bejn l-UE u s-sieħba Mediterranji tagħha fil-qasam tal-enerġija, kooperazzjoni li issa ġiet estiża għall-enerġiji rinnovabbli; iqis li s-sinerġiji f’dan il-qasam għandhom ikunu mħeġġa bejn it-tliet żoni ġeografiċi għaliex hemm interessi konverġenti, kompetenza teknoloġika, sorsi ta’ finanzjament u riżorsi abbundanti (ix-xemx u r-riħ); jilqa’ l-istabbiliment tan-netwerk UE-GCC dwar l-enerġija nadifa, li bħalissa hija interess ewlieni għall-istati tal-GCC;

51.

Jinnota li, minħabba r-rabtiet strateġiċi, ekonomiċi, politiċi u kulturali bejn il-pajjiżi tal-Golf u l-pajjiżi tal-kosti tan-Nofsinhar tal-Mediterran, iżda anke minħabba l-influwenza li qed tikber tal-pajjiżi tal-Golf fuq il-pajjiżi tal-Mediterran, tista' tkun prevista sħubija aktar b'saħħitha u strutturata bejn il-GCC u l-Unjoni għall-Mediterran, u l-Unjoni Ewropea għandha timpenja ruħha attivament fil-promozzjoni ta’ tali proġett li jkun ta’ benefiċċju għall-partijiet kollha;

52.

Ifaħħar il-ħidma li saret mill-Grupp ta’ Esperti dwar l-Enerġija UE-GCC, partikularment dwar il-gass naturali, l-effiċjenza tal-enerġija u s-sigurtà nukleari;

53.

Jitlob lill-Kummissjoni, filwaqt li titqies l-isfida tat-tibdil fil-klima u l-konsum tal-enerġija li kulma jmur qed jikber fiż-żewġ reġjuni, tindirizza l-effiċjenza tal-enerġija bħala wieħed mill-oqsma ewlenin tal-iżvilupp u biex issaħħaħ il-kooperazzjoni rigward kwistjonijiet ta’ effiċjenza tal-enerġija;

54.

Jirrikonoxxi li l-karburanti fossili attwalment ilaħħqu mal-biċċa kbira tal-ħtiġijiet tal-enerġija tal-UE; jinnota madankollu li d-domanda għaż-żejt fil-futur fl-UE se tkun affetwata minn diversi fatturi bħall-politiki dwar il-klima u l-enerġija tal-UE, l-ispejjeż tal-provvista, in-nuqqas ta’ stabbiltà fil-prezzijiet u l-iżviluppi industrijali (rigward ir-relazzjoni għall-effiċjenza tal-enerġija u l-mobilità elettrika, per eżempju), li flimkien iwasslu għal nuqqas ta’ ċertezza fuq perjodu twil taż-żmien dwar id-domanda fil-futur u l-investiment fil-bidu jew fit-tarf tal-produzzjoni rigward il-kapaċità produttiva;

55.

Jitlob aktar trasparenza fid-data dwar iż-żejt u l-gass fil-kuntest tax-xenarju futur rigward id-domanda u l-provvista bl-għan li jkunu ggarantiti l-interessi reċiproċi fis-swieq prevedibbli taż-żejt; jilqa’ għaldaqstant l-importanza tal-Inizjattiva Konġunta tad-Data taż-Żejt (Joint Oil Data Initiative);

56.

Jilqa' bil-qalb id-determinazzjoni tal-Kunsill Ministerjali Konġunt sabiex jaħdem favur kooperazzjoni eqreb dwar l-ambjent u t-tibdil fil-klima;

57.

Jirrikonoxxi li l-isforzi tal-GCC biex iżid il-potenzjal tar-riżervi tal-gass naturali u tal-gass naturali likwefat (LNG) jaqblu max-xewqa tal-UE li tiddiversifika s-sorsi u r-rotot tal-enerġija; jenfasizza għaldaqstant l-importanza taż-żieda fl-esportazzjonijiet ta’ LNG lejn l-UE, bil-ħolqien ta’ terminali tal-LNG fil-Kuritur tan-Nofsinhar, u wkoll bit-twaqqif ta’ netwerks ta’ pajpijiet taħt l-art mal-GCC, kemm direttament kemm b'konnessjoni mal-pajpijiet ta’ taħt l-art attwali u ma’ dawk ippjanati bħall-AGP, in-Nabucco u l-ITGI;

58.

Jinkoraġġixxi lill-Istati Membri tal-GCC sabiex jikkoordinaw l-iżvilupp ulterjuri tat-teknika tal-likwefazzjoni tal-gass (GTL) mas-sħab Ewropej tagħhom biex jintegraw aħjar il-GTL fit-taħlita enerġetika Ewropea; jenfasizza li l-GCC jista' wkoll juża l-GTL bħala metodu alternattiv għall-emissjoni ta’ gass maħruq fl-atmosfera;

59.

Jenfasizza li l-UE tista' tinvesti fil-kapaċità tal-produzzjoni tal-enerġija tal-GCC bl-użu tal-aktar teknoloġiji reċenti f'termini ta’ ġenerazzjoni, trażmissjoni u interkonnessjoni; jinkoraġġixxi f'dan ir-rigward il-kooperazzjoni futura b'attenzjoni partikolari għall-integrazzjoni tan-netwerks tal-elettriku u tat-teknoloġiji tal-grilji intelliġenti;

60.

Jenfasizza l-importanza ta’ sħubija ta’ min jorbot fuqha bejn l-UE u l-GCC fl-użu u l-aċċess għall-materja prima; jiffavorixxi s-swieq miftuħha għall-prodotti u t-tneħħija ta’ ostakli mhux tariffarji; jilqa’ l-isforzi kollha li diġà saru fin-negozjati dwar kummerċ ħieles sabiex tiġi żgurata provvista sikura u sostenibbli tal-materji primi;

61.

Jitlob li jsiru sforzi komuni biex jiġu indirizzati l-ispekulazzjoni u l-volatilità tal-prezzijiet tal-materji primi permezz tat-titjib tat-trasparenza u tas-sorveljanza tal-bejgħ ta’ prodotti derivati barra mill-Borża (OTC); f'dan il-kuntest, l-appell riċenti tal-OPEC għal kontrolli aktar stretti ta’ negozjar OTC, flimkien mal-isforzi ta’ Franza biex tindirizza fil-G-20 l-ispekulazzjoni fuq prodotti bażiċi;

62.

Jenfasizza l-importanza ta’ kooperazzjoni approfondita bilaterali mal-GCC dwar il-programmi tar-riċerka u t-teknoloġija, b’enfasi speċjali fuq l-industriji ġodda bbażati fuq l-għarfien f’oqsma bħal dawk tar-riżorsi rinnovabbli, il-qbid u l-ħżin tal-karbonju, il-prodotti derivati miż-żejt u mill-gass, l-effiċjenza tal-enerġija u l-bijomassa; jitlob li tkun stabbilita kooperazzjoni bilaterali li tinvolvi t-trasferiment tat-teknoloġiji flimkien ma’ provvista sikura u sostenibbli ta’ materji primi;

63.

Jitlob li l-Kunsill Ewropew għar-Riċerka (ERC) u l-Istitut Ewropew tat-Teknoloġija (EIT) isaħħu l-kooperazzjoni tagħhom mal-GCC sabiex jiġu promossi u jitħeġġew id-djalogu xjentifiku u l-kooperazzjoni bejn ir-reġjuni f'dan il-qasam ukoll;

64.

Ifakkar li l-Istati Membri tal-GCC għamlu mill-edukazzjoni prijorità nazzjonali, minħabba li kellhom bżonn kbir f’termini ta’ riżorsi umani (m’hemmx biżżejjed għalliema), ta’ kontenut tal-korsijiet (li ma kienx adattat għall-evoluzzjoni tas-swieq tax-xogħol), tal-kwalità tas-sillabi (metodi ta’ tagħlim u materjali antiki) u tal-użu ta’ teknoloġiji ġodda; jitlob appoġġ attiv għall-isforzi tal-awtoritajiet sabiex jindirizzaw dawn in-nuqqasijiet u jipproponi kooperazzjoni ambizzjuża fl-edukazzjoni ta’ livell ogħla, sekondarja u primarja biex jiġi promoss aċċess akbar għall-edukazzjoni kemm għall-irġiel kif ukoll għan-nisa;

65.

Jenfasizza li din il-kooperazzjoni għandha wkoll tipprevedi appoġġ ikbar għall-programmi ta’ skambji ta’ studenti, akkademiċi u professjonisti; jiddispjaċih li l-Programm Erasmus Mundus għadu mhux magħruf fir-reġjun kollu, l-aktar minħabba n-nuqqas ta’ informazzjoni; jilqa' l-inizjattivi meħuda minn universitajiet Franċiżi, Britanniċi u Ġermaniżi biex jistabbilixxu sħubijiet u programmi ta’ skambju universitarji; ifakkar, madankollu, li l-Ewropa għadha lura f'dan il-qasam meta mqabbla mal-Istati Uniti u mal-Asja; jistieden lill-Kummissjoni tistabbilixxi ġranet ta’ informazzjoni għall-promozzjoni tat-tagħlim u tar-riċerka xjetifika Ewropea fil-post; jinsisti li dawn il-programmi ta’ skambju għandhom ikunu mmirati għall-istudenti, l-għalliema, ir-riċerkaturi u l-persunal amministrattiv, filwaqt li tkun żgurata rappreżentanza bilanċjata tas-sessi; jemmen li għandhom jiġu stabbiliti programmi ta’ skambju għal tfal iżgħar u b'mod partikolari għall-istudenti tal-iskejjel sekondarji u post-sekondarji;

66.

Jilqa' l-proġett Al-Jisr dwar id-Diplomazija Pubblika u l-Attivitajiet ta’ Komunikazzjoni, li bl-appoġġ tal-Kummissjoni, wera li huwa ta’ benefiċċju kbir ferm; jinkoraġġixxi, f'dan ir-rigward, lis-servizzi tar-Rappreżentant Għoli/Viċi President jikkunsidraw it-twessigħ tal-attivitajiet ta’ diplomazija pubblika f'reġjun fejn l-UE għadha mhijiex mifhuma b'mod ċar u fejn il-mekkaniżmi biex dan id-defiċit jitnaqqas huma limitati; jisħaq fuq l-importanza li tiġi żviluppata strateġija aħjar ta’ komunikazzjoni, inkluża l-ħtieġa li l-politiki u l-pożizzjonijiet tal-UE jiġu spjegati bl-Għarbi sabiex ikunu jistgħu jifhmuhom aktar nies fir-reġjun;

67.

Jenfasizza li n-nuqqas ta’ programmi ta’ kooperazzjoni bejn l-UE u l-GCC fil-qasam tal-midja jirriżulta f'nuqqas ta’ informazzjoni; jistieden lill-Kummissjoni tressaq miżuri biex tinvolvi lill-Istati tal-GCC f'kooperazzjoni eqreb f'dan il-qasam sabiex iżżid il-viżibilità tal-Unjoni fir-reġjun u tippromwovi l-fehim reċiproku;

68.

Iqis li huwa essenzjali li tinstab soluzzjoni għan-nuqqasijiet fl-Ewropa fir-rigward tar-riċerka u ta’ studji dwar l-Istati tal-Golf; jinkoraġġixxi l-istabbiliment fl-universitajiet ta’ programmi ta’ studju kontemporanji dwar din il-parti tad-dinja Għarbija; jemmen li programmi ta’ studju dwar l-Unjoni Ewropea għandhom jiġu offruti wkoll fl-universitajiet fir-reġjun;

69.

Jagħti istruzzjonijiet lill-President tiegħu biex jgħaddi din ir-riżoluzzjoni lill-President tal-Kunsill tal-Unjoni Ewropea, lill-President tal-Kummissjoni Ewropea, lill-Viċi President tal-Kummissjoni/Rappreżentant Għoli tal-Unjoni għall-Affarijiet Barranin u l-Politika ta’ Sigurtà, lill-gvernijiet u lill-parlamenti tal-Istati Membri, lis-Segretarjat tal-GCC, kif ukoll lill-gvernijiet u lill-parlamenti tal-Istati Membri tal-GCC.

17.8.2012   

MT

Il-Ġurnal Uffiċjali tal-Unjoni Ewropea

CE 247/11

—

wara li kkunsidra l-ittra tal-10 ta’ Marzu 2011 mill-Awtorità Superviżorja Ewropea (Awtorità Bankarja Ewropea),

—

wara li kkunsidra l-Artikolu 51(2) tar-Regolament (UE) Nru 1093/2010 tal-Parlament Ewropew u tal-Kunsill tal-24 ta’ Novembru 2010 li jistabbilixxi Awtorità Superviżorja Ewropea (Awtorità Bankarja Ewropea) (1),

—

wara li kkunsidra l-fatt li, fil-laqgħa tiegħu tas-17 ta’ Marzu 2011, il-Kumitat għall-Affarijiet Ekonomiċi u Monetarji sema' lill-kandidat magħżul mill-Bord ta’ Superviżuri tal-Awtorità Superviżorja Ewropea (Awtorità Bankarja Ewropea),

—

wara li kkunsidra l-Artikolu 120 tar-Regoli ta’ Proċedura tiegħu,

A.

billi Adam Farkas jissodisfa l-kriterji stabbiliti fl-Artikolu 51(2) tar-Regolament (UE) Nru 1093/2010),

1.

Japprova l-ħatra ta’ Adam Farkas bħala Direttur Eżekuttiv tal-Awtorità Superviżorja Ewropea (Awtorità Bankarja Ewropea),

2.

Jagħti istruzzjonijiet lill-President tiegħu biex iressaq din ir-riżoluzzjoni lill-Awtorità Superviżorja Ewropea (Awtorità Bankarja Ewropea).

17.8.2012   

MT

Il-Ġurnal Uffiċjali tal-Unjoni Ewropea

CE 247/12

—

wara li kkunsidra l-ittra tal-10 ta’ Marzu 2011 mill-Awtorità Superviżorja Ewropea (Awtorità Ewropea tal-Assigurazzjoni u l-Pensjonijiet tax-Xogħol),

—

wara li kkunsidra l-Artikolu 51(2) tar-Regolament (UE) Nru 1094/2010 tal-Parlament Ewropew u tal-Kunsill tal-24 ta’ Novembru 2010 li jistabbilixxi Awtorità Superviżorja Ewropea (Awtorità Ewropea tal-Assigurazzjoni u l-Pensjonijiet tax-Xogħol) (1),

—

wara li kkunsidra l-fatt li, fil-laqgħa tiegħu tas-17 ta’ Marzu 2011, il-Kumitat għall-Affarijiet Ekonomiċi u Monetarji sema' lill-kandidat magħżul mill-Bord ta’ Superviżuri tal-Awtorità Superviżorja Ewropea (Awtorità Ewropea tal-Assigurazzjoni u l-Pensjonijiet tax-Xogħol),

—

wara li kkunsidra l-Artikolu 120 tar-Regoli ta’ Proċedura tiegħu,

A.

billi Carlos Montalvo jissodisfa l-kriterji stabbiliti fl-Artikolu 51(2) tar-Regolament (UE) Nru 1094/2010),

1.

Japprova l-ħatra ta’ Carlos Montalvo bħala Direttur Eżekuttiv tal-Awtorità Superviżorja Ewropea (Awtorità Ewropea tal-Assigurazzjoni u l-Pensjonijiet tax-Xogħol);

2.

Jagħti istruzzjonijiet lill-President tiegħu biex iressaq din ir-riżoluzzjoni lill-Awtorità Superviżorja Ewropea (Awtorità Ewropea tal-Assigurazzjoni u l-Pensjonijiet tax-Xogħol).

17.8.2012   

MT

Il-Ġurnal Uffiċjali tal-Unjoni Ewropea

CE 247/13

—

wara li kkunsidra l-ittra tat-28 ta’ Frar 2011 mill-Awtorità Superviżorja Ewropea (Awtorità Ewropea tat-Titoli u s-Swieq),

—

wara li kkunsidra l-Artikolu 51(2) tar-Regolament (UE) Nru 1095/2010 tal-Parlament Ewropew u tal-Kunsill tal-24 ta’ Novembru 2010 li jistabbilixxi Awtorità Superviżorja Ewropea (Awtorità Ewropea tat-Titoli u s-Swieq) (1),

—

wara li kkunsidra l-fatt li, fil-laqgħa tiegħu tas-17 ta’ Marzu 2011, il-Kumitat għall-Affarijiet Ekonomiċi u Monetarji sema' lill-kandidat magħżul mill-Bord ta’ Superviżuri tal-Awtorità Superviżorja Ewropea (Awtorità Ewropea tat-Titoli u s-Swieq),

—

wara li kkunsidra l-Artikolu 120 tar-Regoli ta’ Proċedura tiegħu,

A.

billi Verena Ross tissodisfa l-kriterji stabbiliti fl-Artikolu 51(2) tar-Regolament (UE) Nru 1095/2010),

1.

Japprova l-ħatra ta’ Verena Ross bħala Direttur Eżekuttiv tal-Awtorità Superviżorja Ewropea (Awtorità Ewropea tat-Titoli u s-Swieq);

2.

Jagħti istruzzjonijiet lill-President tiegħu biex iressaq din ir-riżoluzzjoni lill-Awtorità Superviżorja Ewropea (Awtorità Ewropea tat-Titoli u s-Swieq).

17.8.2012   

MT

Il-Ġurnal Uffiċjali tal-Unjoni Ewropea

CE 247/13

—

wara li kkunsidra l-Artikoli 313 u 314 tat-TFUE,

—

wara li kkunsidra l-Ftehim Interistituzzjonali (IIA) tas-17 ta’ Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-amministrazzjoni finanzjarja soda (1),

—

wara li kkunsidra r-riżoluzzjoni tiegħu tas-17 ta’ Frar 2011 dwar l-Ewropa 2020 (2),

—

wara li kkunsidra r-riżoluzzjoni tiegħu tal-15 ta’ Diċembru 2010 dwar il-Komunikazzjoni mill-Kummissjoni dwar il-Programm ta’ Ħidma 2011 tal-Kummissjoni (3),

—

wara li kkunsidra r-riżoluzzjoni tiegħu tal-20 ta’ Ottubru 2010 dwar “il-kriżi finanzjarja, ekonomika u soċjali: rakkomandazzjonijiet dwar il-miżuri u l-inizjattivi li għandhom jittieħdu (rapport ta’ nofs il-perjodu)” (4),

—

wara li kkunsidra r-riżoluzzjoni tiegħu tas-16 ta’ Ġunju 2010 dwar il-governanza ekonomika (5),

—

wara li kkunsidra l-ipprogrammar finanzjarju aġġornat tal-Kummissjoni għall-2007-2013, imressaq f'konformità mal-Punt 46 tal-Ftehim Interistituzzjonali msemmi hawn fuq tas-17 ta’ Mejju 2006,

—

wara li kkunsidra l-baġit ġenerali tal-Unjoni Ewropea għas-sena finanzjarja 2011,

—

wara li kkunsidra l-konklużjonijiet tal-Kunsill tal-15 ta’ Frar 2011 dwar il-linji gwida tal-baġit għall-2012,

—

wara li kkunsidra r-rapport tal-Kumitat għall-Baġits (A7-0058/2011),

1.

Hu tal-opinjoni li l-istrateġija Ewropa 2020 għandha tgħin lill-Ewropa biex tirkupra mill-kriżi u toħroġ aktar b'saħħitha, primarjament bil-promozzjoni tal-impjiegi, it-titjib tal-kundizzjonijiet – u n-nefqa pubblika – għall-innovazzjoni, ir-riċerka u l-iżvilupp, il-kisba tal-objettivi tagħna marbuta mat-tibdil fil-klima u l-enerġija, it-titjib tal-livelli edukattivi u l-promozzjoni tal-inklużjoni soċjali, b'mod partikolari permezz tat-tnaqqis tal-faqar, ifakkar li l-Istati Membri innifishom ħaddnu bis-sħiħ dawn il-ħames miri;

2.

Jinnota li trid tiġi żgurata xi konsistenza bejn il-kisba ta’ dawn l-objettivi u l-finanzjament allokat għalihom fil-livell Ewropew u f'dak nazzjonali; jinsisti li l-politika baġitarja tal-UE trid tkun f'konformità ma’ dan il-prinċipju; hu tal-opinjoni li s-Semestru Ewropew, bħala mekkaniżmu ġdid għal governanza ekonomika Ewropea msaħħa, għandu jkollu l-opportunità li jikkunsidra kif l-aħjar jilħaq dawn il-ħames objettivi prinċipali;

3.

Jemmen bis-saħħa li s-Semestru Ewropew għandu jimmira li jtejjeb il-koordinazzjoni u l-konsistenza tal-politiki ekonomiċi u baġitarji nazzjonali u Ewropej; hu tal-fehma li għandu jiffoka fuq it-titjib tas-sinerġiji bejn l-investimenti pubbliċi Ewropej u nazzjonali sabiex jinkisbu aħjar l-objettivi politiċi ġenerali tal-UE; jieħu nota tad-differenzi fundamentali bejn l-istruttura tal-baġit tal-UE u dik tal-baġits nazzjonali; jemmen, madankollu, li n-nefqa pubblika nazzjonali u tal-UE aggregata għal dawn l-objettivi politiċi komuni għandha tiġi deċiża kemm jista' jkun malajr;

4.

Jirrikonoxxi t-tħassib tal-Kunsill dwar il-limiti ekonomiċi u baġitarji fil-livell nazzjonali, iżda jfakkar, l-ewwel u qabel kollox, li skont id-dispożizzjonijiet tat-Trattat il-baġit tal-UE ma jistax iġarrab difiċit pubbliku; ifakkar li, fl-2009, id-defiċit pubbliku akkumulat tal-UE bħala tali ammonta għal EUR 908 biljun, u li l-baġit tal-UE jirrappreżenta biss 2 % tan-nefqa pubblika totali fl-UE;

5.

Hu tal-opinjoni, madankollu, li l-qagħda ekonomika diffiċli fl-Unjoni tagħmilha importanti aktar minn qatt qabel li tkun żgurata l-implimentazzjoni xierqa tal-baġit tal-UE, il-kwalità tal-infiq u l-użu ottimali tal-finanzjament eżistenti tal-Komunità; jissuġġerixxi li għandha ssir revista dettaljata ta’ dawk il-linji li għandhom storja ta’ eżitu baxx u fejn kien hemm problemi fl-implimentazzjoni;

6.

Hu tal-opinjoni li l-baġit tal-UE jagħti valur miżjud lin-nefqa pubblika nazzjonali meta joħloq, jappoġġa u jikkomplimenta l-investimenti f'dawk l-oqsma ta’ politika li huma fil-qalba tal-Ewropa 2020; jemmen, barra minn hekk, li l-baġit tal-UE għandu rwol strumentali x'jilgħab biex jgħin lill-UE toħroġ mill-kriżi ekonomika u finanzjarja permezz tal-kapaċità tiegħu ta’ katalist li jagħti impetu lill-investimenti, lit-tkabbir u lill-impjiegi fl-Ewropa; hu tal-opinjoni li l-baġit tal-UE jista' tal-anqas inaqqas l-effetti tal-politiki baġitarji nazzjonali restrittivi attwali waqt li jappoġġa l-isforzi tal-gvernijiet nazzjonali; jenfasizza wkoll li, meta tiġi kkunsidrata n-natura ridestributtiva tiegħu, it-tnaqqis fil-livell tal-baġit tal-UE jista' jagħmel ħsara lis-solidarjetà Ewropea u jħalli impatt negattiv fuq ir-ritmu tal-iżvilupp ekonomiku f'bosta Stati Membri; jemmen li strateġija tal-“kontributur nett”/“benefiċjarju nett” pura ma tqisx b'mod adegwat l-effetti tar-riperkussjonijiet bejn il-pajjiżi tal-UE u għalhekk tipperikola l-għanijiet tal-politika komuni tal-UE;

7.

Ifakkar li l-kisba tas-seba' inizjattivi prinċipali tal-istrateġija Ewropa 2020 teħtieġ ammont kbir ta’ investiment orjentat lejn il-futur, li l-Kummissjoni Ewropea, fil-komunikazzjoni tagħha bit-titlu “Ir-reviżjoni tal-Baġit tal-UE” (COM(2010)0700), stmat għal mhux anqas minn 1 800 biljun Euro sal-2020; jenfasizza li wieħed mill-objettivi prinċipali tal-istrateġija Ewropea 2020 – primarjament, li jippromwovi l-impjiegi u l-impjiegi ta’ kwalità għolja għall-Ewropej kollha – se jinkiseb biss jekk l-investimenti meħtieġa fl-edukazzjoni, favur soċjetà tal-għarfien, fir-riċerka u fl-iżvilupp, fl-innovazzjoni, fl-SMEs u fit-teknoloġiji ħodor u ġodda jsiru immedjatament u mingħajr dewmien; jitlob għal kompromess politiku mġedded li jgħaqqad it-tnaqqis tad-defiċits pubbliċi u d-dejn mal-promozzjoni ta’ investimenti bħal dawn; jesprimi r-rieda tiegħu, bil-għan li jitkabbar l-impatt tal-baġit tal-UE u ssir kontribuzzjoni għar-rispons tal-UE fir-rigward tal-kriżi ekonomika, li jesplora modi differenti biex jitwessgħu l-istrumenti eżistenti li jsaħħu s-sinerġiji bejn il-baġit tal-UE u l-azzjonijiet tal-BEI, sabiex ikun hemm appoġġ għall-investimenti fuq medda twila ta’ żmien; jilqa' b'sodisfazzjon, it-tnedija ta’ konsultazzjoni pubblika min-naħa tal-Kummissjoni dwar l-inizjattiva tal-obbligi għall-finanzjament ta’ proġetti (project bond) fil-qafas tal-Ewropa 2020;

8.

Hu kontra, għalhekk, kull tentattiv li jillimita jew inaqqas l-approprjazzjonjiet tal-baġit marbuta mal-kisba tal-miri prinċipali u s-seba' inizjattivi ewlenin tal-istrateġija Ewropa 2020; jinnota li tentattiv ta’ dan it-tip ikun kontroproduċenti, u probabbli jwassal għall-falliment tal-Ewropa 2020, kif kien il-każ għall-Istrateġija ta’ Lisbona; hu tal-fehma li l-istrateġija Ewropa 2020 tista' tkun kredibbli biss jekk tiġi ffinanzjata b'mod adegwat, u jfakkar li f'bosta ċirkostanzi l-Parlament Ewropew wera tħassib politiku serju dwar dan; itenni l-istedina qawwija tiegħu biex il-Kummissjoni tikkjarifika d-dimensjoni baġitarja tal-inizjattivi ewlenin, u tinforma lill-Parlament dwar il-mezzi baġitarji meħtieġa għall-implimentazzjoni tal-istrateġija Ewropa 2020;

9.

Jenfasizza l-fatt li l-miżuri baġitarji mhumiex l-uniku fattur biex jinkisbu l-miri tal-istrateġija Ewropa 2020, imma l-iżforzi baġitarji għandhom ikunu ssumplimentati bi proposti konkreti għas-simplifikazzjoni sabiex jinħoloq l-ambjent meħtieġ għall-kisba tal-għanijiet tagħna fl-oqsma tal-impjiegi, ir-riċerka u l-innovazzjoni kif ukoll fit-teknoloġiji ħodor u tal-enerġija; bl-istess mod konvint li l-kisba tal-objettivi tal-Ewropea 2020, inkluż il-ħolqien ta’ impjiegi ħodor ġodda, hi kwistjoni mhux biss ta’ żieda fil-mezzi baġitarji, iżda anki ffukar mill-ġdid kwalitattiv ta’ politiki eżistenti tal-UE, inkluża il-PAK, billi jitqiesu sew il-kriterji ta’ sostenibilità;

10.

Hu tal-fehma, barra minn hekk, li l-approprjazzjonijiet baġitarji tal-2012, inklużi f'dawk l-oqsma li mhumiex direttament marbuta mal-kisba tal-istrateġija Ewropa 2020, iridu jinżammu f'livell adegwat sabiex tkun żgurata l-kontinwazzjoni tal-politiki tal-UE u l-kisba tal-objettivi tal-UE sew lil hinn mid-dewmien tal-kriżi ekonomika attwali;

11.

Jitlob għal aktar koerenza bejn il-politiki esterni u interni tal-UE, b'kunsiderazzjoni għall-impatt qawwi tal-iżviluppi globali fuq l-ambjent ekonomiku, naturali u industrijali, fuq il-kompetittività u fuq l-impjiegi; jenfasizza, għalhekk, il-bżonn li l-UE tissaħħaħ bil-mezzi finanzjarji meħtieġa biex tkun tista' tirreaġixxi b'mod adegwat għall-isfidi globali dejjem akbar kif ukoll biex tiddefendi u tippromwovi l-interessi komuni u l-valuri fundamentali tagħha – bħad-drittijiet tal-bniedem, id-demokrazija, l-istat ta’ dritt, il-libertajiet fundamentali u l-ħarsien tal-ambjent – b'mod effikaċi; ifakkar li ta’ spiss nefqa addizzjonali moderata fil-livell tal-UE tista' toħloq aktar iffrankar proporzjonalment fil-livell tal-Istati Membri;

12.

Jemmen li l-UE għandha rwol importanti x'tilgħab billi tassisti u tappoġġa finanzjarjament lill-pajjiżi Għarab f'dan il-mument storiku ta’ żvilupp demokratiku u fil-bidla ekonomika u soċjali tagħhom; jilqa' f'dan ir-rigward il-Komunikazzjoni tal-Kummissjoni bit-titlu “Sħubija għad-demokrazija u l-prosperità komuni fin-nofsinhar tal-Mediterran” (COM(2011)0200));

13.

Jikkundanna n-nuqqas ta’ kwalunkwe dimensjoni parlamentari għall-ewwel eżerċizzju tas-Semestru Ewropew, minkejja r-rwol li l-Parlament Ewropew u s-27 parlament nazzjonali għandhom fil-proċeduri baġitarji rispettivi tagħhom; anzi hu konvint sew li involviment parlamentari aktar qawwi jtejjeb b'mod sinifikanti n-natura demokratika u t-trasparenza ta’ eżerċizzju bħal dan; jappoġġa l-inizjattiva tal-Kumitat għall-Baġits tiegħu biex jorganizza, bħala l-ewwel pass, laqgħa mal-parlamenti nazzjonali sabiex jiddiskutu t-tfassil ġenerali tal-baġits tal-2012 tal-Istati Membri u tal-UE;

14.

Jilqa' l-impenn pubbliku tal-presidenza Ungeriża u Pollakka biex jidħlu fi djalogu miftuħ u kostruttiv mal-PE dwar kwistjonijiet baġitarji fl-2011; itenni r-rieda tiegħu li jaħdem f'kooperazzjoni mill-qrib mal-Kunsill u l-Kummissjoni f'konformità sħiħa mad-dispożizzjonijiet tat-Trattat ta’ Lisbona; jistenna li l-linji gwida preżenti se jitqiesu bis-sħiħ matul il-proċedura baġitarja 2012;

15.

Jinnota li, għall-2012, il-Qafas Finanzjarju Multiannwali (QFM) għall-2007-2013 jipprevedi livell ġenerali ta’ approprjazzjonijiet għall-impenji (AI) ta’ EUR 147,55 biljun u limitu ġenerali tal-approprjazzjonijiet għall-ħlasijiet (AĦ) ta’ EUR 141,36 biljun; ifakkar li dawn l-ammonti huma f'kull każ konsiderevolment aktar baxxi (b'madwar EUR 25 biljun fil-każ tal-AI, u madwar EUR 22 biljun fil-każ tal-AĦ) mil-limitu speċifikat fid-Deċiżjoni tar-Riżorsi Proprji attwali;

16.

Jenfasizza li l-ipprogrammar finanzjarju mressaq mill-Kummissjoni fil-31 ta’ Jannar 2011 jirrappreżenta pakkett ta’ referenza indikattiv għall-approprjazzjonijiet għall-impenji għal kull wieħed mill-programmi u l-azzjonijiet eżistenti tal-UE; jinnota li l-livell ġenerali tal-approprjazzjonijiet għall-impenji jista' jiġi stabbilit għal EUR 147,88 biljun;

17.

Jenfasizza li dawn iċ-ċifri jikkostitwixxu analiżi annwali ta’ ammonti globali multiannwali bi qbil bejn il-Parlament u l-Kunsill meta dawn il-programmi u azzjonijiet kienu adottati; jenfasizza li l-ammonti annwali pprogrammati jirrappreżentaw approprjazzjonijiet li jippermettu li jinkisbu l-objettivi u l-prijoritajiet tal-UE primarjament fil-kuntest tal-Ewropa 2020; jirrikonoxxi madankollu li jista' jkun hemm xi spazju għal manuvrar taħt ċerti intestaturi tal-QFM, meta jitqiesu ċ-ċifri indikattivi proviżorji (b'mod partikolari fl-Intestatura 2) imressqa mill-Kummissjoni f'dak il-mument tas-sena;

18.

Jinnota li l-baġit 2012 hu s-sitta minn sebgħa taħt l-QFM attwali; jemmen li ż-żewġ fergħat tal-awtorità baġitarja issa għandhom, għalhekk, viżjoni ċara tan-nuqqasijiet u tal-iżviluppi pożittivi assoċjati mal-programmi multiannwali eżistenti; jinnota li r-reviżjonijiet ta’ nofs it-terminu ta’ bosta programmi kodeċiżi diġà seħħew u jistieden lill-Kummissjoni biex tippreżenta kull implikazzjoni baġitarja li tirriżulta minn dan l-eżerċizzju; jenfasizza, f'dan ir-rigward, li l-PE determinat – jekk ikun hemm il-bżonn li l-prijoritajiet politiċi tal-UE jiġu appoġġati u msaħħa kif ukoll biex jiġu indirizzati l-bżonnijiet politiċi l-ġodda u f'kooperazzjoni mill-qrib mal-kumitati speċjalizzati tiegħu – li jagħmel użu sħiħ, inter alia, mill-Punt 37 tat-IIA (jippermetti 5 % marġini ta’ flessibilità leġiżlattiva);

19.

Jenfasizza l-fatt li mhijiex l-unika soluzzjoni li jitħallew marġini biżżejjed taħt l-intestaturi kollha tal-QFM sabiex jiġu indirizzati ċirkostanzi mhux previsti; jinnota n-nuqqas ta’ finanzjament rikorrenti ta’ ċerti intestaturi tal-QFM, partikolarment l-Intestaturi 1a, 3b u 4, meta mqabbel mal-bżonnijiet u mal-prijoritajiet politiċi tal-UE mħaddna mill-Istati Membri; isib li l-istrateġija li sseddaq il-linji gwida tal-baġit tal-Kunsill għall-2012 ma tirriflettix perspettiva fuq medda twila ta’ żmien, u tista' tipperikola azzjonijiet u programmi eżistenti, f'każ ta’ avvenimenti mhux previsti jew jekk jinqalgħu prijoritajiet politiċi ġodda; jenfasizza li l-avvenimenti reċenti f'bosta pajjiżi tal-Afrika ta’ Fuq diġà jippuntaw lejn din id-direzzjoni, u jistieden lill-Kummissjoni biex tevalwa kif l-istrumenti finanzjarji eżistenti jistgħu jintużaw biex jappoġġaw l-aspirazzjonijiet għad-demokrazija;

20.

Jemmen, min-naħa l-oħra, li l-mekkaniżmi ta’ flessibilità differenti previsti mit-IIA (bħal ċaqliq tan-nefqa bejn l-intestaturi jew mobilizzazzjoni tal-istrument ta’ flessibilità) huma għodda li għandhom jintużaw bis-sħiħ; ifakkar li dawn kellhom jiġu wżati kull sena sa mill-2007 b'reazzjoni għall-isfidi diversi li nqalgħu; jistenna l-kooperazzjoni sħiħa tal-Kunsill fl-użu tagħhom, u li jidħol f'negozjati bħal dawn minn kmieni sabiex jevita negozjati twal u diffiċli b'mod sproporzjonat fir-rigward tal-mobilizzazzjoni tagħhom;

21.

Jenfasizza, f'dan ir-rigward, li ż-żamma ta’ approprjazzjonijiet għall-impenji taħt kontroll strett tirrikjedi mhux biss riallokazzjoni u prijoritizzazzjoni mill-ġdid sinifikanti, iżda anki identifikazzjoni konġunta tal-prijoritajiet negattivi possibbli u tal-iffrankar mill-istituzzjonijiet; iħeġġeġ bis-saħħa lill-kumitati speċjalizzati tiegħu biex serjament jinvolvu ruħhom fil-proċess li jiddetermina prijoritajiet politiċi ċara fl-oqsma ta’ politika kollha tal-UE; jenfasizza l-fatt madankollu li, għal dan il-għan, flessibilità baġitarja akbar hija meħtieġa u li reviżjoni tal-QFM (pereżempju, kumpens bejn l-intestaturi tal-QFM attwali) tista' tkun neċessità għall-abilità tal-Unjoni li tiffunzjona, mhux biss f'termini li jiġu affrontati l-isfidi l-ġodda iżda anki bil-għan li jkun iffaċilitat il-proċess ta’ teħid tad-deċiżjonijiet fi ħdan l-istituzzjonijiet sabiex ir-riżorsi baġitarji jiġu allinjati maċ-ċirkostanzi u l-prijoritajiet li jevolvu; jenfasizza li dan il-proċess irid ikun totalment trasparenti;

22.

Jenfasizza li t-tisħiħ ta’ għadd ta’ politiki kif ukoll il-kompetenzi ġodda stabbiliti fil-livell tal-UE, wara d-dħul fis-seħħ tat-Trattat ta’ Lisbona, għandhom loġikament jimplikaw kapaċità finanzjarja addizzjonali għall-UE, li rari kien il-każ għall-2011, l-ewwel sena wara d-dħul fis-seħħ tagħha; ifakkar lill-Kunsill u lill-Kummissjoni bid-dikjarazjoni politika annessa mal-baġit 2011, fejn il-Kummissjoni impenjat ruħha li tqis modi kif issaħħaħ l-oqsma prijoritarji tat-Trattat ta’ Lisbona u tevalwa sew il-bżonnjijiet fit-tħejjija tal-abbozz ta’ baġit għall-2012; jistenna li l-Kummissjoni ssegwi, pereżempju, billi tipproponi li tbiddel proġetti pilota jew azzjonijiet preparatorji ta’ suċċess marbuta ma’ Lisbona fi programmi multiannwali;

23.

Iqis l-istrateġija tal-Kummissjoni, biex tiddetermina s-sussidji tal-aġenziji deċentralizzati tal-UE mill-baġit tal-Komunità, bħala affidabbli u li jipprovdu l-inċentivi t-tajba; jenfasizza li l-allokazzjonijiet baġitarji tal-aġenziji tal-EU huma'l bogħod milli jkunu konfinati għan-nefqa amministrattiva biss, iżda minflok jikkontribwixxu għall-kisba tal-għanijiet tal-Ewropa 2020 u tal-objettivi tal-UE in ġenerali, kif deċiż mill-awtorità leġiżlattiva; itenni l-bżonn li jiġu eżaminati b'attenzjoni r-rikjesti għal postijiet ġodda fir-rigward ta’ ħidmiet ġodda assenjati; jenfasizza sabiex ma titfixkilx il-prestazzjoni tagħhom; jitlob għal strateġija speċifika fir-rigward tar-reklutaġġ ta’ persunal xjentifiku speċjalizzat b'esperjenza professjonali, speċjalment meta dawn il-postijiet iffinanzjati esklussivament permezz ta’ ħlasijiet u għalhekk huma newtrali fuq il-baġit għall-baġit tal-UE; jappoġġa x-xogħol imwettaq mill-grupp ta’ ħidma interistituzzjonali dwar il-ġejjieni tal-aġenziji, li nħoloq fil-bidu tal-2009, u jistenna bil-ħerqa l-konklużjonijiet tiegħu, primarjament dwar il-punti msemmija hawn fuq;

24.

Jinnota li l-livell ta’ ħlasijiet tal-2012 se jirriżultaw direttament minn impenji legali u politiċi tas-snin ta’ qabel; jemmen li żieda mqabbla mal-livell tal-baġit tal-2011 hi prevista u f'konformità mal-profil ġenerali tal-ħlasijiet matul il-perjodu ta’ programmar 2007-2013 (ara t-tabelli fl-anness);

25.

Jenfasizza l-ħtieġa urġenti li tiġi indirizzata l-kwistjoni ta’ livell dejjem akbar ta’ impenji pendenti (RAL) fi tmiem l-2010 (EUR 194 biljun, ara t-tabella fl-anness); jiddispjaċih bl-atitudni adottata mill-Kunsill fir-rigward tad-deċiżjonijiet tiegħu għal-livell ta’ ħlasijiet a priori mingħajr ma jqis il-valutazzjoni akkurata tal-bżonnijiet reali; jenfasizza l-fatt li l-livell ta’ RAL hu partikolarment għoli fl-Intestatura 1b; ma jqisx l-għażla tal-Kunsill li jitnaqqsu l-impenji baġitarji tal-UE sabiex jitnaqqas il-livell ta’ RAL bħala soluzzjoni sostenibbli, ladarba tista' tkun ta’ detriment għall-kisba ta’ objettivi u prijoritajiet tal-UE li diġà kien hemm qbil dwarhom; jenfasizza, f'dan ir-rigward, l-impenn tal-Kunsill għal dikjarazzjoni konġunta mal-Parlament dwar il-possibilità li jkunu sodisfatti l-bżonnijiet li joħroġu fil-livell tal-ħlasijiet tal-2011 permezz tal-baġit emendatorju;

26.

Jenfasizza li ċertu livell ta’ RAL ma jistax jiġi evitat meta programmi multiannwali jiġu implimentati, u li l-eżistenza ta’ impenji pendenti b'definizzjoni teħtieġ li jsiru ħlasijiet korrispondenti; jirrikjedi għalhekk li tinżamm relazzjoni xierqa bejn impenji u ħlasijiet, u se jagħmel dak kollu possibbli fil-proċedura baġitarja biex titnaqqas id-diskrepanza bejn l-approprjazzjonijiet għall-impenji u għall-ħlasijiet;

27.

Hu tal-istess fehma tal-Kusnill li bbaġitjar realistiku għandu jiġi promoss; jistieden lill-Kummissjoni biex tiżgura li l-abbozz ta’ baġit tagħha jkun ibbażat fuq dan il-prinċipju; jinnota madankollu, li implimentazzjoni fil-passat, li tjiebet f'dawn l-aħħar snin, f'xi każijiet ma tikkostitwixxix indikatur ċar ħafna tal-bżonnijiet tal-2012, ladarba għal xi programmi l-implimentazzjoni tista' titħaffef fl-2012 u għalhekk jista' jikber il-bżonn għall-ħlasijiet; iħaddan is-sejħa tal-Kunsill għall-Istati Membri biex jipprovdu previżjonijiet ta’ implimentazzjoni aħjar, primarjament bil-għan li tiġi evitata s-sottoimplimentazzjoni, u hu tal-fehma li l-maġġoranza tal-isforz f'dan ir-rigward għandu jittieħed mill-Istati Membri nnifishom, ladarba l-livell tal-abbozz ta’ baġit tal-Kummissjoni determinat primarjament mill-previżjonijiet tagħhom stess (b'mod partikolari taħt l-Intestatura 2) u mill-kapaċità ta’ implimentazzjoni tagħhom; ifakkar li l-Istati Membri jimmaniġġjaw, flimkien mal-Kummissjoni, aktar minn 80 % tal-finanzjament tal-UE; ifakkar l-Istati Membri bir-responsabilità legali tagħhom fid-definizzjoni u l-infurzar tar-regoli finanzjarji għal dawk li jirċievu finanzjament tal-UE;

28.

Jinnota li, sa mid-dħul fis-seħħ tat-Trattat ta’ Lisbona, il-ħarsien tal-interessi finanzjarji kienet ukoll ir-responsabilità tal-Istati Membri; jenfasizza s-sejba tal-Qorti Ewropea tal-Awdituri li s-sistemi ta’ ġestjoni u kontroll f'xi Stati Membri mhumiex totalment effikaċi; ifakkar barra minn hekk, li fondi strutturali minfuqa ħażin u li jammontaw għal biljuni ta’ euro għadhom ma ġewx irkuprati; jinnota li r-rapport annwali attwali tad-DĠ REGIO ma jistax jiddikjara l-legalità u r-regolarità tan-nefqa tal-Istati Membri, għaliex xi Stati Membri ma kkonformawx mal-obbligu tagħhom li jressqu r-rapporti tagħhom fil-ħin; jinnota li, minħabba s-sottofinanzjar kostanti tal-baġit tal-UE min-naħa tal-Istati Membri, il-Parlament jista' jkun obbligat li jidentifika prijoritajiet negattivi fost il-proġetti tal-UE, u sussegwentement jaqta' l-baġits tagħhom;

29.

Konxju li l-livell ta’ ħlasijiet li finalment jiġu implimentati kull sena kultant jinkludi l-hekk imsejjaħ “bilanċ favorevoli” sinifikanti meta mqabbel mal-livell ta’ ħlasijiet li oriġinarjament kien hemm qbil dwarhom mill-awtorità baġitarja, li jfisser li l-kontribuzzjonijiet nazzjonali tal-Istati Membri għall-baġit tal-UE huma għalhekk imnaqqsa kif xieraq u l-qagħda fiskali tagħhom imtejba; ma jqisx t-tħassib tal-Kunsill, fir-rigward tal-livell u l-waqt ta’ dan ir-“redditu”, bħala rilevanti fl-indirizzar tal-kwistjoni politika sottostanti u sensittiva tal-finanzjament tal-baġit tal-UE; hu, pjuttost tal-opinjoni li l-ħlasijiet li ma ntefqux mis-sena “n” jistgħu jiġu trasferiti għall-baġit tas-sena ta’ wara (“n+1”) minflok jitnaqqsu mill-kalkolu tal-kontribuzzjonijiet nazzjonali tal-Istati Membri; iħeġġeġ bil-qawwa lill-Kummissjoni għalhekk biex tressaq proposti ambizzjużi għall-istabbiliment ta’ riżorsi proprji ġodda u ġenwini sabiex l-Unjoni tingħata riżorsi finanzjarji konkreti u awtonomi; jinsisti, madankollu, li kwalunkwe riżorsa proprja ġdida għadha tkun ibbażata fuq valutazzjoni tal-impatt komprensiv, u mmirata biex tiżviluppa modi li bihom tissaħħaħ il-kompetittività u t-tkabbir ekonomiku; jitlob lill-Kunsill biex jikkoopera b'mod kostruttiv fid-dibattitu dwar riżorsi proprji ġusti u ġodda għall-UE;

30.

Jieħu nota tal-ittra tat-3 ta’ Frar 2011 mill-Kummissarju għall-Ipprogrammar Finanzjarju u l-Baġit, li fiha jtenni l-impenn tal-Kummissjoni li ma jkun hemm ebda żieda fil-persunal u tiġi limitata ż-żieda nominali (meta mqabbla mal-2011) fl-approprjazzjonijet amministrattivi fl-Intestatura 5; konxju madankollu, li waqt li l-kompetenzi tal-UE qed ikomplu jiżdiedu, din ix-xejra tista' ma tkunx sostenibbli fuq medda il-twila ta’ żmien u tista' tħalli impatt negattiv fuq l-implimentazzjoni f'waqtha u effikaċi tal-azzjonijiet tal-UE;

31.

Jistieden lill-Kummissarju biex iqis l-impatt fit-tul tal-politika ta’ esternalizzazzjoni, u tal-istrateġija tagħha li timpjega għadd dejjem akbar ta’ aġenti kuntrattwali, fuq il-kwalità u l-indipendenza tas-servizz ċivili Ewropew; jenfasizza li għalkemm dan iwassal għal frankar fuq salarji u pensjonijiet, joħloq ukoll sitwazzjoni fejn għadd dejjem akbar ta’ persunal impjegat mill-Kummissjoni mhuwiex inkluż fit-tabella tal-persunal; ifakkar fil-livelli tal-pensjonijiet u s-salarji stabbiliti bi ftehimiet li legalment jorbtu u li magħhom il-Kummisjoni trid tikkonforma fl-intier tagħhom;

32.

Jenfasizza l-fatt li, fil-każ ta’ programmi multiannwali, xi nefqiet ammistrattivi speċifiċi (inklużi dawk tal-aġenziji eżekuttivi) huma inklużi fil-pakkett finanzjarju ġenerali tal-programmi fl-hekk imsejħa “nefqa operazzjonali”; jinnota li d-drawwa tal-Kunsill li jaqta' dawn il-linji baġitarji orizzontalment bl-għan li titnaqqas in-nefqa amministrattiva għandha inevitabbilment tispiċċa biex timmodifika l-pakkett kodeċiż kollu għal dawn il-programmi, u tissugra li taffettwa r-rapidità u l-kwalità tal-implimentazzjoni tagħhom;

33.

Jagħti istruzzjonijiet lill-President tiegħu sabiex jgħaddi din ir-riżoluzzjoni lill-Kummissjoni, lill-Kunsill u lill-Qorti tal-Awdituri.

17.8.2012   

MT

Il-Ġurnal Uffiċjali tal-Unjoni Ewropea

CE 247/20

—

wara li kkunsidra l-Artikolu 110(2) tar-Regoli ta’ Proċeduri tiegħu,

A.

billi jitqiesu t-terrimot devastanti u t-tsunami li laqtu lill-Ġappun u r-reġjun Paċifiku fil-11 ta’ Marzu 2011, li rriżultaw f’eluf ta’ mejtin u nies mitlufin u ħafna ħsarat materjali,

B.

billi din il-katastrofi wasslet għal inċident nukleari li gravi ħafna li affettwa l-impjant nukleari ta’ Fukushima u li jikkostitwixxi theddida ġdida,

C.

billi d-dikjarazzjoni tal-Prim Ministru Ġappuniż, Naoto Kan, li skontu l-pajjiż qed jaffaċċja l-aktar kriżi serja tiegħu f’dawn l-aħħar 65 sena, minn wara t-Tieni Gwerra Dinjija,

1.

Jesprimi l-akbar solidarjetà tiegħu mal-poplu Ġappuniż u l-gvern tiegħu u jgħaddi l-kondoljanzi lill-vittmi ta’ din il-katastrofi tripla, filwaqt li l-għadd ta’ mwiet u l-ħsarat materjali għadhom ma ġewx għal kollox evalwati; jikkumplimenta l-mobilizzazzjoni, il-kuraġġ u d-determinazzjoni tal-poplu Ġappuniż u tal-awtoritajiet li qed jaffaċċjaw din il-katastrofi;

2.

Jitlob lill-Unjoni u l-Istati Membri tagħha biex b’mod prijoritarju jibagħtu lejn il-Ġappun u r-reġjuni milquta l-għajnuna kollha u l-appoġġ neċessarji fil-livelli umanitarju, tekniku u finanzjarju u jifraħ għall-fatt li l-Unjoni ħaddmet immedjatament il-mekkaniżmu tagħha ta’ protezzjoni ċivili sabiex tiġi kkoordinata l-għajnuna ta’ emerġenza tagħha;

3.

Jagħti istruzzjonijiet lill-President tiegħu sabiex jgħaddi din ir-riżoluzzjoni lill-Kunsill, lill-Kummissjoni u lill-awtoritajiet Ġappuniżi.

17.8.2012   

MT

Il-Ġurnal Uffiċjali tal-Unjoni Ewropea

CE 247/21

—

wara li kkunsidra l-ittra tat-22 ta’ Marzu 2011 tal-President tal-kumitat dwar l-affarijiet kostituzzjonali,

—

wara li kkunsidra l-Artikolu 211 tar-Regoli ta’ Proċedura tiegħu,

1.

jiddeċiedi li japplika l-interpretazzjoni li ġejja dwar l-Artikolu 128 tar-Regoli ta’ Proċedura tiegħu:

L-Artikolu 90, paragrafu 6, jistabilixxi proċedura speċifika għad-deċiżjoni tal-Parlament dwar l-eżerċitar tad-dritt li l-Qorti tal-Ġustizzja tintalab, skont l-Artikolu 218 paragrafu 11 tat-Trattat dwar il-Funzjonament tal-Unjoni Ewropea, tagħti opinjoni dwar il-kompatibbiltà ta’ xi ftehima internazzjonali mat-trattati. Din id-dispożizzjoni hija “lex specialis” li tipprevali fuq ir-regola ġenerali stabbilita fl-Artikolu 128.

Meta il-Parlament jeżerċita d-dritt tiegħu quddiem il-Qorti tal-Ġustizzja tal-Unjoni Ewropea u l-att in kwistjoni ma jkunx kopert bl-Artikolu 128, il-proċedura stipulata f'dan l-Artikolu tapplika b'analoġija.

2.

Jagħti istruzzjonijiet lill-President tiegħu sabiex jgħaddi l-pożizzjoni tal-Parlament, għall-informazzjoni, lill-Kunsill, lill-Kummissjoni u lill-Qorti tal-Ġustizzja tal-Unjoni Ewropea.

17.8.2012   

MT

Il-Ġurnal Uffiċjali tal-Unjoni Ewropea

CE 247/22

—

wara li kkunsidra l-Artikolu 48(6) u l-Artikolu 48(2) tat-Trattat dwar l-Unjoni Ewropea (TUE),

—

wara li kkunsidra r-rapport finali tat-Task Force għall-Kunsill Ewropew dwar “It-Tisħiħ tal-Governanza Ekonomika fl-UE”,

—

wara li kkunsidra l-abbozz tad-deċiżjoni tal-Kunsill Ewropew li temenda l-Artikolu 136 tat-Trattat dwar il-Funzjonament tal-Unjoni Ewropea (TFUE), kif tressaq lill-Kunsill Ewropew fis-16 ta’ Diċembru 2010 (00033/2010 – C7-0014/2011),

—

wara li kkunsidra l-ittri mill-Presidenti tal-Kunsill Ewropew u tal-Grupp tal-Euro u l-Kummissarju responsabbli għall-politika monetarja, annessi ma’ din ir-riżoluzzjoni,

—

wara li kkunsidra l-Artikolu 74b tar-Regoli ta’ Proċedura tiegħu,

—

wara li kkunsidra l-ittra tat-18 ta’ Frar 2011 mill-Kumitat għall-Baġits lill-Kumitat għall-Affarijiet Kostituzzjonali,

—

wara li kkunsidra r-rapport tal-Kumitat għall-Affarijiet Kostituzzjonali u l-opinjoni tal-Kumitat għall-Affarijiet Ekonomiċi u Monetarji (A7-0052/2011),

A.

billi l-Artikolu 3(4) tat-TUE jiddikkajra li: “L-Unjoni għandha tistabbilixxi unjoni ekonomika u monetarja li l-munita tagħha tkun l-euro”,

B.

billi r-Renju Unit għażel li jibqa' barra mill-munita unika,

C.

billi skont l-Artikolu 3(1) tat-TFUE, “l-politika monetarja għall-Istati Membri li l-munita tagħhom hija l-euro” hija “kompetenza esklużiva” tal-Unjoni,

D.

billi l-Artikolu 5(1) tat-TFUE jipprovdi li: “L-Istati Membri għandhom jikkoordinaw il-politika ekonomika tagħhom fi ħdan l-Unjoni”, b'dispożizzjonijiet speċifiċi li japplikaw għal dawk l-Istati Membri li l-munita tagħhom hija l-euro,

E.

billi l-abbozz tad-deċiżjoni tal-Kunsill Ewropew, jekk jiġi adottat, jista' jwassal għall-kostituzzjoni ta’ mekkaniżmu Ewropew ta’ stabbilita' għalkollox 'il barra mill-isfera tal-Unjoni, mingħajr ma jingħata kwalunkwe rwol partikolari lill-istituzzjonijiet tal-Unjoni bħala tali,

F.

billi parteċipazzjoni mill-istituzzjonijiet tal-Unjoni fil-mekkaniżmu Ewropew ta’ stabbilita' għandha tiġi żgurata għalkollox u salvagwardjata permanentement u għandha tiġi stabbilita konnessjoni għall-intervent possibbli tal-baġit tal-Unjoni fis-sistema ta’ garanzija,

G.

billi l-possibbilitajiet kollha għandhom ikunu esplorati bl-għan li l-mekkaniżmu Ewropew ta’ stabbilita' jiddaħħal bis-sħiħ fil-qafas istituzzjonali tal-Unjoni u li jsir provvediment għall-involviment fih ta’ dawk l-Istati Membri li l-munita tagħhom mhijiex l-euro; billi dan jista' jinkludi rikors għall-Artikolu 20 tat-TUE dwar kooperazzjoni msaħħa, fejn dan ikun f'loku biex jiżgura l-konsistenza tal-politika ekonomika tal-Unjoni,

H.

billi r-regoli li jirregolaw il-mekkaniżmu Ewropew ta’ stabbilita' għandhom preferibbilment jitressqu mill-Kummissjoni mekkaniżmu Ewropew ta’ stabbilita'u għandhom jiżguraw arranġamenti adegwati ta’ verifika, rendikont u trasparenza,

I.

billi l-mekkaniżmu Ewropew ta’ stabbilita' għandu jkun akkumpanjat bit-tisħiħ tal-lat preventiv u korrettiv tal-Patt ta’ Stabbiltà u Tkabbir (PST), u b'miżuri relatati mal-kompetitttività fiż-żmien medju u fit-tul u bit-trattament ta’ żbilanċi makroekonomiċi bejn l-Istati Membri,

J.

billi, bħala kumpliment għall-mekkaniżmu Ewropew ta’ stabbilita', l-Unjoni għandha tippromwovi suq konsolidat tal-Eurobonds,

K.

billi l-Kummissjoni għandha tressaq proposti għal leġislazzjoni u, fejn meħtieġ, għal reviżjoni tat-Trattati, bil-għan li fiż-żmien medju tinbena sistema ta’ gvern ekonomiku għall-Unjoni, u b'mod partikolari fiż-żona tal-euro, li ssaħħaħ il-koeżjoni u l-kompetittività tal-ekonomija u tistabbilizza s-sistema finanzjarja,

L.

billi l-Artikolu 48(6) tat-TUE jippermetti li l-Kunsill Ewropew, wara li jkun ikkonsulta mal-Parlament, jadotta deċiżjoni li temenda b'mod sħiħ jew parzjali d-dispożizzjonijiet tat-tielet parti tat-TFUE, bla ma taffettwa l-bilanċ tal-kompetenzi bejn l-Unjoni u l-Istati Membri tagħha,

M.

billi kwalunkwe twessigħ jew tnaqqis fil-kompetenzi tal-Unjoni jirrikjedi proċedura ta’ reviżjoni ordinarja,

N.

billi kwalunkwe reviżjoni ulterjuri tat-TFUE għandha ssir skont il-proċedura ta’ reviżjoni ordinarja,

O.

billi d-deċiżjoni proposta tista' tidħol fis-seħħ biss wara li jkunu approvawha l-Istati Membri l-approvazzjoni tagħha mill-Istati Membri skont il-ħtiġijiet kostituzzjonali rispettivi tagħhom,

1.

Jenfasizza li l-politika monetarja għall-Istati Membri li l-munita tagħhom hija l-euro hija kompetenza esklużiva tal-Unjoni u ilha politika Komunitarja mit-Trattat ta’ Maastricht;

2.

Jisħaq fuq l-importanza tal-euro għall-proġett politiku u ekonomiku Ewropew, u jenfasizza l-importanza tal-impenn li ħadu l-Istati Membri kollha favur l-istabbiltà taż-żona tal-euro u s-sens ta’ responsabbiltà u solidarjeta li wrew;

3.

Jenfasizza li l-mekkaniżmu Ewropew ta’ stabbiltà jikkostitwixxi parti importanti ta’ pakkett globali tal-miżuri maħsuba biex jiddefinixxu qafas ġdid, li jsaħħaħ id-dixxiplina baġitarja u l-koordinament tal-politiki ekonomiċi u finanzjarji tal-Istati Membri, u li għandu jinkludi l-promozzjoni ta’ risposta konġunta tal-Unjoni Ewropea għal sfidi ta’ tkabbir, u fl-istess waqt jegħleb żbilanċi ekonomiċi u soċjali u jtejjeb il-kompetittività;

4.

Jinnota li l-Kunsill ma użax il-possibbilitajiet kollha provduti bit-Trattati biex jinforza bis-sħiħ il-PST u jtejjeb il-koordinament ekonomiku fil-livell tal-Unjoni Ewropea;

5.

Jikkunsidra li huwa essenzjali li mmorru lil hinn mill-miżuri temporanji maħsuba biex jistabbilizzaw iż-żona tal-euro, u li l-Unjoni għandha tibni l-governanza ekonomika tagħha, inkluż permezz ta’ politiki u strumenti mfassla biex jippromwovu tkabbir sostenibbli fl-Istati Membri; huwa tal-fehma li t-tisħiħ tal-PST, is-semestru Ewropew, l-istrateġija UE 2020 u l-emendar tal-Artikolu 136 tat-TFUE fir-rigward tal-mekkaniżmu Ewropew ta’ stabbilita' huma biss l-ewwel pass f'dik id-direzzjoni;

6.

Jenfasizza li l-mekkaniżmu Ewropew ta’ stabbiltà, flimkien mal-kondizzjonalità stretta li jinkorpora fih, jinvolvi l-Istati Membri kollha li l-munita tagħhom hija l-euro, anki dawk iż-żgħar li l-ekonomija tagħhom jista' jkun li ma titqiesx “indispensabbli” għall-finijiet tas-salvagwardja taż-żona tal-euro kollha kemm hi;

7.

Iwissi li l-intenzjoni li l-mekkaniżmu ta’ stabbiltà permanenti jiġi stabbilit barra l-qafas istituzzjonali tal-UE tirrappreżenta riskju għall-integrità tas-sistema msejsa fuq it-Trattati; jikkunsidra li jeħtieġ li l-Kummissjoni tkun membru tal-bord ta’ dan il-mekkaniżmu, u mhux biss osservatur; jikkunsidra, barra minn hekk, li f'dan il-kuntest il-Kummissjoni għandha tkun intitolata tieħu inizjattivi adegwati biex, bil-qbil tal-Istati membri kkonċernati, tilħaq il-miri tal-Mekkanżimu Ewropew ta’ Stabbiltà; jenfasizza li l-Istati Membri fi kwalunkwe każ jeħtiġilhom jirrispettaw il-liġi tal-Unjoni u l-prerogattivi tal-istituzzjonijiet stipulati hemmhekk;

8.

Jenfasizza li jeħtieġ li l-istabbiliment u l-funzjonament tal-mekkaniżmu permanenti ta’ stabbilità jirrispettaw il-prinċipji tal-qofol tat-teħid demokratiku tad-deċiżjonijiet, bħalma huma t-trasparenza, l-iskrutinju parlamentari u r-responsabbiltà demokratika ta’ rendikont; jenfasizza li l-mekkaniżmu Ewropew ta’ stabbilita' għandu jinvolvi mill-qrib l-istituzzjonijiet u l-korpi tal-Unjoni responsabbli għal kwestjonijiet monetarji – il-Kummissjoni Ewropea, il-Bank Ċentrali Ewropew (BĊE) u l-Bank Ewropew tal-Investiment; jenfasizza li l-mekkaniżmu Ewropew ta’ stabbilita' m'għandux iwassal għal mudell ġdid ta’ governanza Ewropea li ma jilħaqx il-livell tal-istandards demokratiċi milħuqa fl-Unjoni;

9.

Jiddispjaċih li l-Kunsill Ewropew ma esplorax il-possibbiltajiet kollha li fihom it-Trattati għall-istabbiliment ta’ mekkaniżmu permanenti ta’ stabbilità; jikkunsidra b'mod partikolari li, fil-qafas tal-kompetenzi preżenti tal-Unjoni fir-rigward tal-unjoni ekonomika u monetarja (l-Artikolu 3(4) tat-TUE) u l-politika monetarja għall-Istati Membri li l-munita tagħhom hija l-euro (l-Artikolu 3(1)(c) tat-TFUE), kien ikun xieraq li jsir użu mis-setgħat mogħtija lill-Kunsill fl-Artikolu 136 tat-TFUE, jew alternattivament jintuża l-Artikolu 352 tat-TFUE flimkiem mal-Artikoli 133 u 136 tat-TFUE;

10.

Jitlob lill-Kummissjoni tfittex mekkaniżmi oħra għall-iżgurar tal-istabbiltà finanzjarja u ta’ tkabbir ekonomiku sostenibbli u adegwat taż-żona tal-euro, u tressaq il-proposti leġislattivi meħtieġa; jenfasizza l-ħtieġa li l-mekkaniżmu Ewropew ta’ stabbilita'jinkludi miżuri użati għat-tnaqqis tar-riskji għall-istabbiltà finanzjarja, ekonomika u soċjali, inklużi r-regolazzjoni effikaċi tas-swieq finanzjarji, ir-reviżjoni tal-PST u koordinament ekonomiku mtejjeb, l-introduzzjoni ta’ strumenti għat-tnaqqis ta’ żbilanċi makroekonomiċi fi ħdan iż-żona tal-euro u miżuri tar-rikostruzzjoni ekoloġika;

11.

Jikkunsidra barra minn hekk li t-twaqqif u l-funzjonament tal-mekkaniżmu ta’ stabbiltà permanenti għandu jiddaħħal fil-qafas tal-Unjoni Ewropea, bl-utilizzazzjoni wkoll, b'mod analogu, tal-mekkaniżmu istituzzjonali ta’ kooperazzjoni msaħħa bħala mezz kif l-istituzzjonijiet tal-Unjoni jkunu involuti fl-istadji kollha u kif titħeġġeġ il-pateċipazzjoni fil-mekkaniżmu Ewropew ta’ stabbilita' ta’ dawk l-Istati Membri li għadhom ma adottawx l-euro bħala l-munita tagħhom;

12.

Jinnota li, fid-dawl tad-diskussjonijiet fil-Parlament, il-Kapijiet tal-Istat u tal-Gvern taż-żona tal-euro fil-laqgħa tagħhom tal-11 ta’ Marzu 2011, fil-kuntest tal-patt għall-euro, qablu li l-Kummissjoni għandu jkollha rwol ċentrali b'saħħtu fis-sorveljanza tal-implimentazzjoni tal-impenji, b'mod partikulari sabiex tiżgura li l-miżuri jkunu kompatibbli u ta’ sostenn kemm fir-rigward tar-regoli tal-UE kif ukoll fir-rigward tal-involviment tal-Parlament; jinnota li, fil-kunsiderazzjoni tagħhom tal-karatteristiċi ġenerali tal-mekkaniżmu Ewropew ta’ stabbiltà, qablu li l-assistenza pprovduta lil Stat Membru li l-munita tiegħu hija l-euro se tkun ibbażata fuq programm strett ta’ aġġustament ekonomiku u fiskali u fuq analiżi rigoruża tas-sostenibilità tad-dejn imwettqa mill-Kummissjoni u mill-Fond Monetarju Internazzjonali (FMI), b'kollaborazzjoni mal-BĊE;

13.

Jirrikonoxxi s-sinjali pożittivi perċepiti fl-ittra mill-Presidenti tal-Kunsill Ewropew u tal-Grupp tal-Euro u l-Kummissarju responsabbli għall-politika monetarja; jieħu nota li:

14.

Japprova l-abbozz ta’ deċiżjoni tal-Kunsill Ewropew, minkejja r-riżerva tiegħu li kien ikun preferibbli kieku ġiet abbozzata kif propost fl-Anness I ta’ din ir-riżoluzzjoni; jaqbel mal-fehma espressa mill-BĊE favur l-użu tal-metodu tal-Unjoni li jippermetti li l-mekkaniżmu Ewropew ta’ stabbiltà jsir mekkaniżmu tal-Unjoni fi żmienmeta dan ikun xieraq; jistieden lill-Kunsill Ewropew biex jiżgura li:

15.

Ifakkar li l-mekkaniżmu permanenti ta’ stabbiltà futur għandu jutilizza l-istituzzjonijiet Ewropej, ladarba dan jevita t-twaqqif ta’ strutturi doppji li jkunu ta’ ħsara għall-integrazzjoni Ewropea;

16.

Jesiġi li l-kondizzjonijiet tas-self li għandhom jiġu applikati għas-sald ta’ fondi lill-mekkaniżmu ta’ stabbiltà permanenti jekk dan jiġi attivat għandhom ikunu jixbhu dawk applikati għall-istrumenti tal-Faċilità tal-Bilanċ tal-Pagamenti u tal-Assitenza Makrofinanzjarja użati mill-Kummissjoni, jiġifieri strettament “back-to-back” bla marġni fuq il-kosts tas-self; barra minn hekk jikkunsidra li r-rati tal-imgħax li għandu juża l-mekkaniżmu ta’ stabbiltà permanenti għandhom ikunu offruti b'termini favorevoli;

17.

Jinsisti li jeħtieġ li l-Parlament Ewropew iwettaq skrutinju fuq kemm l-Istati Membri jimxu skont il-linji gwida ekonomiċi stabbiliti mill-Kummissjoni u skont il-kondizzjonijiet imposti mill-mekkaniżmu ta’ stabbiltà, u jisħaq li kull parlament nazzjonali għandu jkun involut bis-sħiħ, bi qbil mad-drittijiet baġitarji u ta’ kontroll tagħhom, fl-istadji kollha, speċjalment fil-kuntest tas-semestru Ewropew, biex jissaħħu t-trasparenza, is-sjieda u r-responsabbiltà ta’ rendikont għal kull deċiżjoni li tittieħed;

18.

Japprova l-intenzjoni tal-Kummissjoni li “tiżgura konsistenza bejn il-mekkaniżmu tal-futur u l-governanza ekonomika tal-Unjoni fiż-żona tal-euro b'mod partikolari, fir-rispett tal-kompetenzi li konferiti lill-Unjoni u lill-istituzzjonijiet tagħha permezz tat-Trattat”;

19.

Jenfasizza li l-abbozz ta’ deċiżjoni tal-Kunsill Ewropew kif emedat mhuwiex se jżid il-kompetenzi tal-Unjoni u għalhekk jibqa' fi ħdan l-ambitu tal-proċedura ssimplifikata għar-reviżjoni tat-Trattati; jinnota, min-naħa l-oħra, li dik id-deċiżjoni ma tistax tnaqqas il-kompetenzi tal-istituzzjonijiet tal-Unjoni fl-oqsma tal-politika ekonomika u monetarja għal Stati Membri li l-munita tagħhom hija l-euro, u fl-ebda każ ma tista' tkun bi ħsara għall-applikazzjoni korretta tal-liġi tal-Unjoni, b'mod partikolari tal-Artikoli 122 u 143 tat-TFUE, u tal-acquis tal-Unjoni;

20.

Jerġa' jsostni li l-użu tal-Artikolu 48(6) tat-TUE huwa proċedura eċċezzjonali, u jfakkar fid-dritt tal-Parlament skont l-Artikolu 48(3) tat-TUE li jsejjaħ Konvenzjoni biex ifassal mill-ġdid l-istituzzjonijiet, il-proċeduri u l-politiki li jsawru l-governanza ekonomika tal-Unjoni;

21.

Jagħti istruzzjonjiet lill-President tiegħu biex jgħaddi din ir-riżoluzzjoni lill-Kunsill Ewropew, lill-Kunsill, lill-Kummissjoni u lill-Bank Ċentrali Ewropew bħala l-opinjoni tal-Parlament Ewropew skont it-tieni subparagrafu tal-Artikolu 48(6) tat-TUE.

17.8.2012   

MT

Il-Ġurnal Uffiċjali tal-Unjoni Ewropea

CE 247/37

—

wara li kkunsidra l-proposta tal-Kummissjoni lill-Parlament Ewropew u lill-Kunsill (COM(2010)0649),

—

wara li kkunsidra l-Artikolu 294(2) u l-Artikolu 207(2) tat-Trattat dwar il-Funzjonament tal-Unjoni Ewropea, skont liema artikoli l-Kummissjoni ppreżentat il-proposta lill-Parlament (C7-0364/2010),

—

wara li kkunsidra l-Artikolu 294(3) tat-Trattat dwar il-Funzjonament tal-Unjoni Ewropea,

—

wara li kkunsidra l-Artikoli 55 u 46(1) tar-Regoli ta' Proċedura tiegħu,

—

wara li kkunsidra r-rapport tal-Kumitat għall-Kummerċ Internazzjonali (A7-0041/2011),

1.

Jadotta l-pożizzjoni tiegħu fl-ewwel qari li tidher hawn taħt;

2.

Jitlob lill-Kummissjoni biex terġa' tirreferi l-kwistjoni lill-Parlament jekk ikollha l-ħsieb li temenda l-proposta b'mod sustanzjali jew li tibdilha b'test ġdid;

3.

Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni kif ukoll lill-parlamenti nazzjonali.

17.8.2012   

MT

Il-Ġurnal Uffiċjali tal-Unjoni Ewropea

CE 247/38

—

wara li kkunsidra l-proposta tal-Kummissjoni lill-Parlament Ewropew u lill-Kunsill (COM(2010)0142),

—

wara li kkunsidra l-Artikolu 294(2) u l-Artikolu 207(2) tat-Trattat dwar il-Funzjonament tal-Unjoni Ewropea, skont liema artikoli l-Kummissjoni ppreżentat il-proposta lill-Parlament (C7-0135/2010),

—

wara li kkunsidra l-Artikolu 294(3) tat-Trattat dwar il-Funzjonament tal-Unjoni Ewropea,

—

wara li kkunsidra l-Artikolu 55 tar-Regoli ta’ Proċedura tiegħu,

—

wara li kkunsidra r-rapport tal-Kumitat dwar il-Kummerċ Internazzjonali u l-opinjoni tal-Kumitat għall-Iżvilupp (A7-0051/2011),

1.

Jadotta l-pożizzjoni tiegħu fl-ewwel qari kif stabbilita hawn taħt;

2.

Jistieden lill-Kummissjoni tirreferi l-kwestjoni lill-Parlament mill-ġdid jekk ikollha l-ħsieb temenda l-proposta tagħha b’mod sostanzjali jew tissostitwiha b’test ieħor;

3.

Jistieden lill-Kummissjoni tippreżenta proposta għal Regolament ġdid li japplika skema ta’ preferenzi tariffarji ġeneralizzati mingħajr dewmien;

4.

Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill, lill-Kummissjoni u lill-parlamenti nazzjonali.

17.8.2012   

MT

Il-Ġurnal Uffiċjali tal-Unjoni Ewropea

CE 247/39

—

wara li kkunsidra l-abbozz ta’ deċiżjoni tal-Kunsill u tar-Rappreżentanti tal-Gvernijiet tal-Istati Membri tal-Unjoni Ewropea, imlaqqa’ fil-Kunsill (15381/2010),

—

wara li kkunsidra l-abbozz tal-protokoll li jemenda l-Ftehim tal-2007 bejn il-Komunità Ewropea u l-Istati Uniti tal-Amerka dwar it-Trasport bl-Ajru (09913/2010),

—

wara li kkunsidra t-talba għall-approvazzjoni ppreżentata mill-Kunsill skont l-Artikolu 100(2), l-Artikolu 218(6), it-tieni subparagrafu, punt (a)(v), u l-Artikolu 218(8), l-ewwel subparagrafu, tat-Trattat dwar il-Funzjonament tal-Unjoni Ewropea (C7-0385/2010),

—

wara li kkunsidra r-riżoluzzjoni tiegħu tas-17 ta’ Ġunju 2010 dwar il-ftehim dwar it-Trasport bl-Ajru bejn l-UE u l-Istati Uniti (1),

—

wara li kkunsidra l-Artikoli 81 u 90(8) tar-Regoli ta’ Proċedura tiegħu,

—

wara li kkunsidra r-rakkomandazzjoni tal-Kumitat għat-Trasport u t-Turiżmu (A7-0046/2011),

1.

Jagħti l-approvazzjoni tiegħu għall-konklużjoni tal-ftehim;

2.

Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni, kif ukoll lill-gvernijiet u lill-parlamenti tal-Istati Membri u lill-Kungress tal-Istati Uniti.

17.8.2012   

MT

Il-Ġurnal Uffiċjali tal-Unjoni Ewropea

CE 247/40

—

wara li kkunsidra l-abbozz ta’ Deċiżjoni tal-Kunsill u tar-Rappreżentanti tal-Gvernijiet tal-Istati Membri mlaqqgħin fil-Kunsill (15380/2010),

—

wara li kkunsidra l-abbozz ta’ Ftehim dwar it-Trasport bl-Ajru bejn il-Komunità Ewropea u l-Istati Membri tagħha, u l-Kanada (08303/10/2009),

—

wara li kkunsidra t-talba għall-approvazzjoni preżentata mill-Kunsill skont l-Artikolu 100(2), l-Artikolu 218(6), it-tieni subparagrafu, punt (a)(v), u l-Artikolu 218(8), l-ewwel subparagrafu, tat-Trattat dwar il-Funzjonament tal-Unjoni Ewropea (C7-0386/2010),

—

wara li kkunsidra l-Artikoli 81 u 90(8) u tar-Regoli ta’ Proċedura tiegħu,

—

wara li kkunsidra r-rakkomandazzjoni tal-Kumitat għat-Trasport u t-Turiżmu (A7-0045/2011),

1.

Jagħti l-approvazzjoni tiegħu għall-konklużjoni tal-ftehim;

2.

Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill, lill-Kummissjoni u lill-gvernijiet u l-parlamenti tal-Istati Membri u tal-Kanada.

17.8.2012   

MT

Il-Ġurnal Uffiċjali tal-Unjoni Ewropea

CE 247/40

—

wara li kkunsidra l-abbozz ta’ deċiżjoni tal-Kunsill (14876/2010),

—

wara li kkunsidra l-abbozz tal-Ftehim bejn l-Unjoni Ewropea u l-Gvern tar-Repubblika Soċjalista tal-Vjetnam dwar ċerti aspetti tas-servizzi tal-ajru (07170/2009),

—

wara li kkunsidra t-talba għall-approvazzjoni ppreżentata mill-Kunsill skont l-Artikolu 100(2) u l-Artikolu 218(6), it-tieni subparagrafu, punt (a) tat-Trattat dwar il-Funzjonament tal-Unjoni Ewropea (C7-0366/2010),

—

wara li kkunsidra l-Artikoli 81 u 90(8) tar-Regoli ta’ Proċedura tiegħu,

—

wara li kkunsidra r-rakkomandazzjoni tal-Kumitat għat-Trasport u t-Turiżmu (A7-0044/2011),

1.

Jagħti l-approvazzjoni tiegħu għall-konklużjoni tal-Ftehim;

2.

Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni, kif ukoll lill-gvernijiet u lill-parlamenti tal-Istati Membri u tar-Repubblika Soċjalista tal-Vjetnam.

17.8.2012   

MT

Il-Ġurnal Uffiċjali tal-Unjoni Ewropea

CE 247/41

—

wara li kkunsidra r-rakkomandazzjoni tal-Kunsill tal-15 ta’ Frar 2011 (00003/2011),

—

wara li kkunsidra t-tieni subparagrafu tal-Artikolu 283(2) tat-Trattat dwar il-Funzjonament tal-Unjoni Ewropea, skont liema artikolu ġie kkonsultat mill-Kunsill (C7-0058/2011),

—

wara li kkunsidra l-Artikolu 109 tar-Regoli ta’ Proċedura tiegħu,

—

wara li kkunsidra r-rapport tal-Kumitat għall-Affarijiet Ekonomiċi u Monetarji (A7-0064/2011),

A.

billi b'ittra tat-18 ta’ Frar 2011 il-Kunsill Ewropew ikkonsulta lill-Parlament Ewropew dwar il-ħatra ta’ Peter Praet bħala membru tal-Bord Eżekuttiv tal-Bank Ċentrali Ewropew għal mandat ta’ tmien snin b'effett mill-1 ta’ Ġunju 2011,

B.

billi l-Kumitat għall-Affarijiet Ekonomiċi u Monetarji tal-Parlament imbagħad evalwa l-kredenzjali tal-persuna nnominata, b'mod partikolari fid-dawl tar-rekwiżiti stipulati fl-Artikolu 283(2) tat-Trattat dwar il-Funzjonament tal-Unjoni Ewropea u fid-dawl tal-ħtieġa tal-indipendenza sħiħa tal-BĊE skont l-Artikolu 130 ta’ dak it-Trattat, u billi fit-twettiq ta’ din l-evalwazzjoni, il-kumitat irċieva CV mingħand il-kandidat kif ukoll it-tweġibiet tiegħu għall-kwestjonarju bil-miktub li ntbagħatlu,

C.

billi l-kumitat imbagħad kellu smigħ ta’ siegħa u nofs mal-persuna nnominata fis-16 ta’ Marzu 2011, li fiha għamel dikjarazzjoni tal-ftuħ u mbagħad wieġeb il-mistoqsijiet li sarulu mill-membri tal-kumitat,

1.

Jagħti opinjoni favorevoili lill-Kunsill Ewropew dwar ir-rakkomandazzjoni tal-Kunsill għall-ħatra ta’ Peter Praet bħala membru tal-Bord Eżekuttiv tal-Bank Ċentrali Ewropew;

2.

Jagħti istruzzjonijiet lill-President tiegħu sabiex jgħaddi din id-deċiżjoni lill-Kunsill Ewropew u lill-Kunsill.

17.8.2012   

MT

Il-Ġurnal Uffiċjali tal-Unjoni Ewropea

CE 247/42

—

wara li kkunsidra l-proposta tal-Kummissjoni lill-Kunsill (COM(2007)0638),

—

wara li kkunsidra l-Artikolu 63(3)(a) u l-Artikolu 67 tat-Trattat KE, skond liema artikoli ġie kkonsultat mill-Kunsill (C6–0470/2007),

—

wara li kkunsidra l-posizzjoni tiegħu tal-20 ta’ Novembru 2008 (1),

—

wara li kkunsidra l-Komunikazzjoni mill-Kummissjoni lill-Parlament Ewropew u lill-Kunsill bl-isem “Konsegwenzi tad-dħul fis-seħħ tat-Trattat ta’ Lisbona fuq il-proċeduri interistituzzjonali ta’ teħid ta’ deċiżjonijiet li għaddejjin bħalissa” (COM(2009)0665),

—

wara li kkunsidra l-Artikolu 294(3) u l-punti (a) u (b) tal-Artikolu 79(2) tat-Trattat dwar il-Funzjonament tal-Unjoni Ewropea,

—

wara li kkunsidra l-opinjoni tal-Kumitat Ekonomiku u Soċjali Ewropew tad-9 ta’ Lulju 2008 (2),

—

wara li kkunsidra l-opinjoni tal-Kumitat tar-Reġjuni tat-18 ta’ Ġunju 2008 (3),

—

wara li kkunsidra l-Artikolu 55 u l-Artikolu 56(3) tar-Regoli ta’ Proċedura tiegħu,

—

wara li kkunsidra r-rapport tal-Kumitat għal-Libertajiet Ċivili, il-Ġustizzja u l-Intern u l-opinjoni tal-Kumitat għall-Impjiegi u għall-Affarijiet Soċjali (A7-0265/2010),

1.

Jadotta l-pożizzjoni fl-ewwel qari li tidher hawn taħt;

2.

Jitlob lill-Kummissjoni biex terġa' tirreferi l-kwistjoni lill-Parlament jekk ikollha l-ħsieb li temenda l-proposta b'mod sustanzjali jew li tibdilha b'test ġdid;

3.

Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill, lill-Kummissjoni u lill-parlamenti nazzjonali.

17.8.2012   

MT

Il-Ġurnal Uffiċjali tal-Unjoni Ewropea

CE 247/55