5.6.2012   

MT

Il-Ġurnal Uffiċjali tal-Unjoni Ewropea

C 158/1

(1)

Id-distanza mis-sit għall-fruntieri tal-eqreb Stati Membri hija ta' 37 km għall-Ungerija, 85 km għar-Repubblika Ċeka u 110 km għall-Awstrija.

(2)

Taħt kundizzjonijiet normali ta’ tħaddim, ir-rilaxx ta’ effluwenti likwidi u gassużi radjuattivi aktarx li ma jwassalx għall-esponiment tal-popolazzjoni fi Stat Membru ieħor li huwa sinfikanti mill-aspett sanitarju.

(3)

Skart solidu b’radjuattività minn baxxa għal medja jiġi ttrattat fuq is-sit jew jintbagħat lejn il-faċilitajiet ta’ trattament tal-iskart awtorizzati fis-sit ta’ Bohunice qabel ma jiġi trasferit lejn ir-Repożitorju Nazzjonali tal-Iskart Radjuattiv. Elementi ta’ fjuwil użati u skart solidu ta’ livell għoli jinħażnu temporanjament fuq is-sit, bi stennija għad-disponibbiltà fil-futur ta' repożitorju ġeoloġiku ta' profondità kbira. M'hemmx ħsieb ta’ pproċessar mill-ġdid ta’ fjuwil użat.

(4)

Skart solidu jew materjali residwi li mhumiex radjuattivi, f’konformità ma’ livelli approvati, ser jiġu rilaxxati mill-kontroll regolatorju għar-rimi bħala skart konvenzjonali jew għall-użu mill-ġdid jew għar-riċiklaġġ. Dan għandu jitwettaq skont il-kriterji stipulati fl-Istandards Bażiċi ta’ Sigurtà (id-Direttiva tal-Kunsill 96/29/Euratom).

(5)

Fil-każ ta’ rilaxxi mhux ippjanati ta’ effluwenti radjuattivi, li jistgħu jseħħu wara xi inċident tat-tip u d-daqs ikkunsidrati fid-Dejta Ġenerali, id-dożi li aktarx jaslu għand il-popolazzjoni fi Stat Membru ieħor ma jkunux sinifikanti mill-aspett sanitarju.

5.6.2012   

MT

Il-Ġurnal Uffiċjali tal-Unjoni Ewropea

C 158/2

1.

Id-distanza bejn is-sit u l-eqreb fruntiera ma’ Stat Membru ieħor, f’dan il-każ, l-Isvezja, hija ta' 280 km. L-eqreb pajjiż ġar huwa r-Russja b’distanza ta’ 96 km.

2.

Il-Faċilità tal-Estrazzjoni tal-Uranju mhix se tkun soġġetta għal awtorizzazzjoni ta' rilaxx fir-rigward ta' effluwenti radjuattivi likwidi. F’kundizzjonijiet ta’ tħaddim normali, ir-rilaxx ta’ effluwenti radjuattivi likwidi mhux se jseħħ.

3.

F’kundizzjonijiet ta' tħaddim normali, ir-rilaxx ta’ effluwenti radjuattivi mill-ajru ma jwassalx għal esponiment tal-popolazzjoni ta' Stat Membru ieħor jew ta’ pajjiż ġar li jkun sinifikanti mill-aspett sanitarju.

4.

F'każ ta’ rilaxxi mhux ippjanati ta’ effluwenti radjuattivi, li jistgħu jirriżultaw minn inċident tat-tip u d-daqs ikkunsidrati fid-Dejta Ġenerali, id-dożi li x'aktarx jilħqu l-popolazzjoni fi Stat Membru ieħor jew f'pajjiż ġar ma jkunux sinifikanti mill-aspett sanitarju.

5.6.2012   

MT

Il-Ġurnal Uffiċjali tal-Unjoni Ewropea

C 158/3

5.6.2012   

MT

Il-Ġurnal Uffiċjali tal-Unjoni Ewropea

C 158/4

1.

1.1.

1.2.

1.3.

1.4.

2.

2.1.

2.2.

3.

3.1.

3.2.

3.3.

3.4.

3.5.

4.

5.

5.1.

5.2.

5.3.

5.4.

1.

Id-Direttiva 2003/87/KE tal-Parlament Ewropew u tal-Kunsill tat-13 ta’ Ottubru 2003 (1) stabbilixxiet skema għall-iskambju ta’ kwoti ta’ emissjonijiet ta’ gassijiet serra ġewwa l-Unjoni (l-ETS tal-UE), filwaqt li d-Direttiva 2009/29/KE (2) tejbet u estendiet l-ETS tal-UE b'effett mill-1 ta’ Jannar tal-2013. Id-Direttiva 2003/87/KE, kif emendata (3), minn hawn 'il quddiem qiegħda tissejjaħ “id-Direttiva tal-ETS”. Id-Direttiva 2009/29/KE tagħmel parti minn pakkett leġiżlattiv li fih mizuri għall-ġlieda kontra t-tibdil fil-klima u għall-promozzjoni tal-enerġija rinnovabbli u b'użu baxx ta’ karbonju. Il-pakkett kien imfassal l-aktar biex tinkiseb il-mira ambjentali globali tal-Unjoni ta’ tnaqqis ta’ 20 % f'emissjonijiet ta’ gassijiet b'effett serra meta mqabbel mal-1990 u 20 % mis-sehem ta’ enerġija rinnovabbli fil-konsum totali tal-enerġija tal-Unjoni sal-2020.

2.

Id-Direttiva dwar l-ETS tipprovdi għall-miżuri speċjali u temporanji li ġejjin fir-rigward ta' ċerti impriżi: għajnuna sabiex tiġi kkumpensata ż-żieda fil-prezzijiet tal-elettriku li jirriżultaw mill-inklużjoni tal-kosti tal-emissjonijiet ta’ gassijiet serra minħabba l-ETS tal-UE (magħrufa b’mod komuni bħala “kosti indiretti tal-emissjonijiet”), għajnuna għall-investiment lil impjanti tal-enerġija effiċjenti ħafna, inklużi l-impjanti tal-enerġija ġodda li huma lesti għall-qbid u l-ħżin ġeoloġiku tas-CO2 (attrezzati għas-CCS), kwoti tranżitorji fakultattivi bla ħlas fis-settur tal-elettriku f'xi Stati Membri, u l-esklużjoni ta’ ċerti installazzjonijiet żgħar mill-ETS tal-UE jekk it-tnaqqis tal-emissjonijiet ta’ gassijiet serra jistgħu jinkisbu barra l-qafas tal-ETS tal-UE b'inqas kosti amministrattivi.

3.

Il-miżuri speċjali u temporanji previsti fil-kuntest tal-implimentazzjoni tad-Direttiva tal-ETS jinvolvu għajnuna mill-Istat skont it-tifsira tal-Artikolu 107(1) tat-Trattat dwar il-Funzjonament tal-Unjoni Ewropea. Skont l-Artikolu 108 tat-Trattat, l-għajnuna mill-Istat trid tiġi nnotifikata mill-Istati Membri lill-Kummissjoni u jista' jkun li ma tidħolx fis-seħħ qabel ma tiġi approvata mill-Kummissjoni.

4.

Sabiex jiżguraw it-trasparenza u ċ-ċertezza legali, dawn il-Linji gwida jispjegaw il-kriterji tal-kompatibbiltà li ser jiġu applikati għal dawn il-miżuri ta' għajnuna mill-Istat fil-kuntest tal-iskema tal-kwoti ta' emissjonijiet ta' gassijiet b'effett serra, kif ġew imtejba u estiżi mid-Direttiva 2009/29/KE.

5.

Skont it-test tal-bilanċ imfassal fl-aġġornament tal-Pjan ta’ Azzjoni dwar l-Għajnuna mill-Istat tal-2005 (4), l-għan ewlieni tal-kontroll tal-għajnuna mill-Istat fil-kuntest tal-implimentazzjoni tal-ETS tal-UE huwa li jiġi żgurat li l-miżuri ta’ għajnuna mill-Istat jirriżultaw f’livell akbar ta' tnaqqis ta’ emissjonijiet ta’ gassijiet serra milli kieku kien iseħħ mingħajr l-għajnuna, u biex jiġi żgurat li l-effetti pożittivi tal-għajnuna jegħlbu lill-effetti negattivi tagħha f'termini ta' disorsjonijiet tal-kompetizzjoni fis-suq intern. L-għajnuna mill-Istat trid tkun neċessarja biex jinkiseb l-għan ambjentali tal-ETS tal-UE (neċessità tal-għajnuna) u trid tkun limitata għall-anqas ammont li jkun meħtieġ għall-kisba tal-protezzjoni ambjentali (il-proporzjonalità tal-għajnuna) mingħajr ma jinħolqu distorsjonijiet żejda fl-oqsma tal-kompetizzjoni u l-kummerċ tas-suq intern.

6.

Ladarba d-dispożizzjonijiet introdotti mid-Direttiva 2009/29/KE se jibdew japplikaw mill-1 ta’ Jannar 2013, l-għajnuna mill-Istat ma tistax titqies meħtieġa sabiex jitnaqqas kwalunkwe piż li jirriżulta minn din id-Direttiva qabel din id-data. Bħala konsegwenza, il-miżuri koperti minn dawn il-Linji Gwida jistgħu jiġu awtorizzati biss għall-kosti imġarrba fl-1 ta' Jannar 2013 jew wara dik id-data, għajr għall-għajnuna involuta fil-kwoti bla ħlas tranżitorji fakultattivi għall-immodernar tal-ġenerazzjoni tal-elettriku (f'ċerti Stati Membri), li jistgħu jinkludu, skont ċerti kondizzjonijiet, investimenti li jkunu saru mill-25 ta' Ġunju 2009 inklużi fil-Pjan Nazzjonali.

7.

Skont l-Artikolu 10a(6) tad-Direttiva tal-ETS, l-Istati Membri jistgħu jagħtu għajnuna mill-Istat favur is-setturi jew is-subsetturi li jitqiesu li huma esposti għal riskju sinifikanti ta’ rilokazzjoni tal-emissjonijiet ta' karbonju minħabba l-kosti relatati mal-emissjonijiet ta’ gass b'effett ta' serra ttrasferiti fil-prezzijiet tal-elettriku (minn hawn 'il quddiem “kosti indiretti tal-emissjonijiet”), sabiex jikkumpensaw għal dawk il-kosti skont ir-regoli dwar l-għajnuna mill-Istat. Għall-finijiet ta’ dawn il-Linji Gwida, “ir-rilokazzjoni tal-emissjonijiet ta' karbonju” tiddeskrivi l-prospettiva ta’ żieda fl-emissjonijiet ta’ gass b'effett ta' serra globali, meta l-kumpaniji jċaqalqu l-produzzjoni barra mill-Unjoni, għax ma jkunux jistgħu jittrasferixxu ż-żidiet tal-kosti kkawżati mill-ETS tal-UE lill-klijenti tagħhom mingħajr telf sinifikanti tas-sehem mis-suq.

8.

L-indirizzar tar-riskju tar-rilokazzjoni tal-emissjonijiet ta' karbonju għandu għan ambjentali, ġaladarba l-għajnuna jkollha l-għan li tiġi evitata żieda fl-emissjonijiet ta’ gass b'effett ta' serra minħabba ċ-ċaqliq tal-produzzjoni barra mill-Unjoni, fin-nuqqas ta’ ftehim internazzjonali li jorbot dwar it-tnaqqis ta’ emissjonijiet ta’ gass b'effett ta' serra. Fl-istess waqt, għajnuna għall-kosti indiretti tal-emissjonijiet jista’ jkollha impatt negattiv fuq l-effiċjenza tal-ETS tal-UE. Jekk ma jkollhiex għan preċiż, l-għajnuna sserraħ lill-benefiċjarji mill-kosti indiretti tal-emissjonijiet tagħhom, u b'hekk tkun qiegħda tillimita l-inċentivi għal tnaqqis fl-emissjonijiet u għall-innovazzjoni fis-settur. Bħala riżultat ta' dan, il-kosti għat-tnaqqis tal-emissjonijiet ikollhom jitħallsu prinċipalment minn setturi oħrajn tal-ekonomija. Barra minn hekk, tali għajnuna mill-Istat tista’ twassal għal distorsjoni sinifikanti tal-kompetizzjoni fis-suq intern, b’mod partikulari meta impriżi fl-istess settur ikunu trattati b'mod differenti fi Stati Membri differenti minħabba restrizzjonijiet baġitarji differenti. Għaldaqstant, dawn il-Linji Gwida jeħtieġ li jindirizzaw tliet għanijiet speċifiċi: l-imminimizzar tar-riskju tar-rilokazzjoni tal-emissjonijiet ta' karbonju, iż-żamma tal-għan tal-ETS tal-UE għal dekorbanizzazzjoni kosteffiċjenti u tnaqqis tad-distorsjonijiet tal-kompetizzjoni fis-suq intern.

9.

Matul il-proċess ta’ adozzjoni tad-Direttiva 2009/29/KE, il-Kummissjoni ħarġet dikjarazzjoni (5) li tistabbilixxi l-prinċipji ewlenin li biħsiebha tapplika fir-rigward tal-għajnuna mill-Istat għall-kosti indiretti tal-emissjonijiet, sabiex tiġi evitata distorsjoni bla bżonn tal-kompetizzjoni.

10.

Il-Kummissjoni vvalutat, fil-livell tal-Unjoni, il-limitu sa fejn huwa possibbli għal settur jew subsettur li jittrasferixxi l-kosti indiretti tal-emissjonijiet fil-prezzijiet tal-prodotti, mingħajr telf sinifikanti tas-sehem mis-suq lil installazzjonijiet barra l-Unjoni b'effiċjenza fl-emissjonijiet tal-karbonju.

11.

L-ammont massimu ta' għajnuna li l-Istati Membri jistgħu jagħtu jrid jiġi kkalkulat skont formola li tikkunsidra l-installazzjoni tal-livelli ta' produzzjoni bażi jew il-livelli ta' konsum tal-elettriku bażi tal-installazzjoni kif definit f'dawn il-Linji Gwida, kif ukoll il-fattur ta' emissjonijiet tas-CO2 tal-elettriku pprovdut minn impjanti b'kombustjoni f'żoni ġeografiċi differenti. Fil-każ ta' kuntratti ta' forniment tal-elettriku li ma jinkludu l-ebda kosti tas-CO2, mhija ser tingħata l-ebda għajnuna mill-Istat. Il-formula tiżgura li l-għajnuna tkun proporzjonali u li żżomm l-inċentivi għall-effiċjenza tal-elettriku u li t-tranżizzjoni tal-elettriku tgħaddi minn dak “griż” għal dak “aħdar”, skont il-premessa 27 tad-Direttiva 2009/29/KE.

12.

Barra minn hekk, sabiex jiġu mminimizzati d-distorsjonijiet fis-suq intern u jinżamm l-għan tal-ETS tal-UE sabiex tinkiseb dekarbonizzazzjoni kosteffikaċi, l-għajnuna ma tistax tikkumpensa bis-sħiħ għall-kosti tal-EUAs fi prezzijiet tal-elettriku u trid titnaqqas biż-żmien. L-intensitajiet digressivi tal-għajnuna huma fundamentali fit-tħaddim tal-għajnuna mill-Istat sabiex tiġi evitata d-dipendenza fuq l-għajnuna. Barra minn hekk, dawn se jżommu kemm l-inċentivi fit-tul biex jiġu internalizzati għal kollox fl-ambjent estern, kif ukoll l-inċentivi fuq żmien qasir biex taqleb għall-ġenerazzjoni ta’ teknoloġiji li jarmu inqas CO2, filwaqt li jiġi enfasizzat il-karattru temporanju tal-għajnuna u jingħata kontribut għat-tranżizzjoni lejn ekonomija b'livell baxx ta' emissjonijiet ta' karbonju.

13.

Skont id-dikjarazzjoni tal-Kummissjoni lill-Kunsill Ewropew (6) rigward l-Artikolu 10(3) tad-Direttiva tal-ETS dwar l-użu ta' dħul iġġenerat mill-irkant tal-kwoti, bejn l-2013 u l-2016 l-Istati Membri jistgħu jużaw dan id-dħul biex jappoġġaw il-bini ta’ impjanti tal-enerġija b'effiċjenza għolja, inklużi impjanti ġodda tal-enerġija li huma lesti għall-qbid u ħżin tad-diossidu tal-karbonju attrezzati għas-(CCS). Bħala minus għal din id-definizzjoni, skont l-Artikolu 33 tad-Direttiva tal-Kunsill 2009/31/KE tat-23 ta' April 2009 il-ħżin ġeoloġiku tad-dijossidu tal-karbonju (7), l-Istati Membri jridu jiżguraw li l-operaturi ta' impjanti ta' kombustjoni b'output elettriku li jkun ikklassifikat li jaqbeż it-300 MW jkunu vvalutaw ċerti kundizzjonijiet, jiġifieri, jekk ikunx hemm id-disponibbiltà ta' siti ta' ħżin adegwati, jekk il-faċilitajiet ta' trasport ikunux teknikament u ekonomikament vjabbli, u jekk ikunx teknikament u ekonomikament vjabbli li jiġu mmodifikati għall-qbid tas-CO2. Fejn il-valutazzjoni tkun waħda pożittiva, għandu jinstab spazju xieraq fis-sit tal-installazzjoni għat-tagħmir meħtieġ għall-qbid u l-kompressjoni tas-CO2  (8).

14.

Din l-għajnuna jeħtieġ li tfittex li żżid il-protezzjoni tal-ambjent li twassal għal anqas emissjonijiet tas-CO2 meta mqabbel mat-teknoloġija avvanzati u tiffoka fuq xi nuqqas tas-suq billi tħalli impatt sostanzjali fuq il-protezzjoni ambjentali. L-għajnuna trid tkun meħtieġa, għandu jkollha effett ta’ inċentiv u tkun proporzjonata. L-għajnuna għall-implimentazzjoni tas-CCS għall-qbid u ħżin ma taqax fil-kamp ta' applikazzjoni ta’ dawn il-Linji Gwida u diġà ġiet ivvalutata skont ir-regoli alternattivi eżistenti dwar l-għajnuna mill-Istat b'mod partikolari, il-Linji gwida dwar l-għajnuna mill-Istat għall-protezzjoni ambjentali (9).

15.

Sabiex tiġi żgurata l-proporzjonalità tal-għajnuna, l-intensitajiet massimi tal-għajnuna jridu ivarjaw skont iż-żieda tal-portezzjoni ambjentali u t-tnaqqis tal-emissjonijiet tas-CO2 (l-għan tad-Direttiva tal-ETS) tal-impjant tal-enerġija l-ġdid. Għaldaqstant, il-bidu tal-implimentazzjoni tal-katina sħiħa tas-CCS (jiġifieri l-bini u l-bidu effettiv tal-qbid, it-trasport u l-ħżin tas-CO2) minn impjanti tal-enerġija ġodda qabel l-2020 għandha tiġi ppremjata meta mqabbel ma' impjanti tal-enerġija ġodda li jkunu attrezzati għas-CCS, iżda l-implimentazzjoni tas-CCS ma tistax tinbeda qabel l-2020. Barra minn hekk, meta jiġu kkunsidrati żewġ proġetti simili ta' impjanti tal-enerġija ġodda attrezzati għas-CCS, l-intensitajiet massimi permessibbli tal-għajnuna għandhom ikunu ogħla għal proġetti magħżula fi proċess ta' irkant tassew kompetittiv ibbażat fuq kriterji ċari, trasparenti u mhux diskriminatorji, li jiżgura b'mod effettiv li l-għajnuna tiġi limitata għall-minimu neċessarju u tiffavorixxi l-kompetizzjoni fis-suq tal-ġenerazzjoni tal-elettriku. F'dawn iċ-ċirkostanzi, wieħed jista' jassumi li l-offerti rispettivi jirriflettu l-benefiċċji kollha possibbli li jistgħu joħorġu mill-investiment addizzjonali.

16.

Skont l-Artikolu 10c tad-Direttiva tal-ETS, l-Istati Membri li jissodisfaw ċerti kondizzjonijiet relatati mal-interkonnettività tan-netwerk tal-elettriku nazzjonali tagħhom jew mas-sehem ta’ karburanti fossili tagħhom fil-ġenerazzjoni elettrika u mal-livell tal-PDG minn ras għal ras meta mqabbel mal-medja tal-Unjoni, għandhom l-għażla li temporanjament jiddevjaw mill-prinċipju ta’ rkant komplet u jagħtu kwoti mingħajr ħlas lill-ġeneraturi tal-elettriku li kienu joperaw sal-31 ta' Diċembru 2008 jew lill-ġeneraturi tal-elettriku li għalihom il-proċess ta’ modernizzazzjoni kien fiżikament mibdi sal-31 ta’ Diċembru 2008. Bi skambju għall-għoti ta’ kwoti bla ħlas lill-ġeneraturi tal-enerġija, Stati Membri eleġibbli jridu jippreżentaw pjan nazzjonali ta’ investiment (“Pjan Nazzjonali”) li jiddeskrivi l-investimenti meħuda mir-riċevituri tal-kwoti bla ħlas jew minn operaturi oħra għall-modifika u għat-titjib tal-infrastruttura, għat-teknoloġiji ndaf għad-diversifikazzjoni tat-taħlit tal-enerġija u s-sorsi tal-provvista tagħhom.

17.

Dik id-deroga mill-prinċipju ta' irkant sħiħ permezz tal-għoti ta' kwoti tranżitorji mingħajr ħlas tinvolvi għajnuna mill-Istat fit-tifsira tal-Artikolu 107(1) tat-Trattat, għaliex meta jagħtu konċessjonijiet mingħajr ħlas u jagħtu vantaġġ selettiv lil ġeneraturi tal-enerġija, l-Stati Membri jkunu qegħdin jiċċaħħdu minn dħul. Il-ġeneraturi tal-enerġija jistgħu jikkompetu ma' ġeneraturi tal-enerġija fi Stati Membri oħrajn. B'konsegwenza, dan il-fatt jista' joħloq distorsjoni jew theddida ta' distorsjoni tal-kompetizzjoni u jħalli effetti fuq is-suq intern. L-għajnuna mill-Istat hija involuta wkoll fil-livell tal-investimenti fejn ir-riċevituri tal-kwoti bla ħlas se jeħduhom b'kost imraħħas.

18.

Skont l-Artikolu 27 tad-Direttiva tal-ETS, l-Istati Membri jistgħu jeskludu installazzjonijiet żgħar u sptarijiet mill-ETS tal-UE, sakemm dawn ikunu soġġetti għal miżuri li jiksbu tnaqqis ekwivalenti tal-emissjonijiet ta’ gass b'effett ta' serra. L-Istati Membri jistgħu jipproponu miżuri li japplikaw għal installazzjonijiet żgħar u sptarijiet li se jiksbu kontribut għat-tnaqqis fl-emissjonijiet ekwivalenti għal dawk miksuba mill-ETS tal-UE. Dik il-possibbiltà li teskludihom mill-ETS tal-UE hija maħsuba biex toffri l-gwadann massimu, f'termini ta' tnaqqis tal-kosti amministrattivi għal kull tunnellata ekwivalenti ta’ CO2 eskluża mill-ETS.

19.

L-esklużjoni tal-installazzjonijiet żgħar u tal-sptarijiet mill-ETS tal-UE tista’ tinvolvi għajnuna mill-Istat. L-Istati Membri għandhom marġini wiesa’ ta' diskrezzjoni dwar id-deċiżjoni jekk jeskludux l-installazzjonijiet żgħar mill-ETS tal-UE u, jekk dan huwa minnu, liema tip ta' installazzjoni jeskludu u liema tip ta' miżuri għandhom jitolbu. Għaldaqstant, ma jistax jiġi eskluż li l-miżuri imposti mill-Istati Membri jistgħu jammontaw għal vantaġġ ekonomiku favur xi installazzjonijiet żgħar jew sptarijiet esklużi mill-ETS tal-UE, li x'aktarx jikkawża distorsjoni, jew jhedded li jikkawża distorsjoni tal-kompetizzjoni u jaffettwa l-kummerċ fis-suq intern.

20.

Dawn il-Linji Gwida japplikaw biss għall-miżuri ta' għajnuna speċifiċi pprovduti fil-kuntest tal-implimentazzjoni tad-Direttiva tal-ETS. Il-Linji Gwida tal-Komunitarji dwar l-għajnuna mill-Istat għall-protezzjoni ambjentali (10) ma japplikawx għal dawn il-miżuri.

21.

Għall-finijiet ta' dawn il-Linji Gwida se japplikaw id-definizzjonijiet stabbiliti fl-Anness I.

22.

L-għajnuna mill-Istat tista' tiġi ddikjarata kompatibbli mas-suq intern skont it-tifsira tal-Artikolu 107(3)(c) tat-Trattat jekk din twassal għal żieda fil-protezzjoni ambjentali (tnaqqis ta' emissjonijiet ta' gassijiet b'effett serra) mingħajr ma taffettwa b'mod negattiv il-kundizzjonijiet tal-kummerċ sal-punt li jkunu kontra l-interess komuni. Fil-valutazzjoni tal-kompatibbiltà ta’ miżura ta’ għajnuna, il-Kummissjoni tibbilanċja l-impatt pożittiv tal-miżura ta’ għajnuna meta tikseb għan ta’ interess komuni kontra l-effetti potenzjalment negattivi tagħha, bħad-distorsjoni tal-kummerċ u tal-kompetizzjoni. Għal din ir-raġuni, it-tul ta' żmien tal-iskemi ta' għajnuna ma jistax ikun itwal mid-data sa meta japplikaw dawn il-Linji gwida. Dan bla ħsara għall-possibbiltà li Stat Membru jinnotifika mill-ġdid miżura li tkun testendi lil hinn miż-żmien li jkun stabbilit mid-deċiżjoni tal-Kummissjoni li tawtorizza l-iskema ta' għajnuna.

23.

Għas-setturi u s-subsetturi elenkati fl-Anness II, l-għajnuna bħala kumpens għall-kosti tal-konċessjonijiet tal-ETS tal-UE u li tingħadda fil-prezzijiet tal-elettriku minħabba fl-implimentazzjoni tad-Direttiva tal-ETS u li tiġi mġarrba sal-1 ta' Jannar tal-2013, ser titqies kompatibbli mas-suq intern skont it-tifsira tal-Artikolu 107(3)(c) tat-Trattat sakemm jiġu sodisfatti l-kondizzjonijiet stabbiliti f’din it-taqsima.

24.

Għall-finijiet ta’ dawn il-Linji Gwida, l-objettiv ta' din l-għajnuna huwa li jipprevjeni riskju sinifikanti ta’ rilokazzjoni tal-emissjonijiet ta' karbonju, minħabba l-kosti tal-UEK ittrasferiti fil-prezzijiet tal-elettriku, jekk il-kompetituri minn pajjiżi terzi tiegħu ma jġarrbux kosti simili tas-CO2 fil-kosti tal-elettriku tagħhom u l-benefiċjarju ma jkunx kapaċi jittrasferixxi dawn il-kosti fil-prezzijiet tal-prodott mingħajr ma jintilfu sehem mis-suq.

25.

Għall-finijiet ta' dawn il-Linji gwida, jitqies li jeżisti riskju sinifikanti ta' rilokazzjoni tal-emissjonijiet tal-karbonju biss jekk il-benefiċjarju jkun attiv f'settur jew subsettur elenkat fl-Anness II.

26.

L-intensità tal-għajnuna ma tridx taqbeż il-85 % tal-kosti mġarrba fl-2013, fl-2014 u fl-2015, 80 % tal-kosti mġarrba fl-2016, fl-2017 u fl-2018, 75 % tal-kosti mġarrba fl-2019 u fl-2020.

27.

L-għajnuna massima li tista’ titħallas lil kull installazzjoni għall-manifattura ta' prodotti fis-setturi u s-subsetturi elenkati fl-Anness II trid tiġi kkalkulata skont il-formula li jmiss:

28.

Jekk installazzjoni timmanifattura prodotti li għalihom huwa applikabbli valur referenzjarju għall-effiċjenza tal-konsum tal-elettriku elenkat fl-Anness III u prodotti li għalihom huwa applikabbli valur referenzjarju alternattiv għall-effiċjenza fil-konsum tal-elettriku, il-konsum tal-elettriku għal kull prodott irid jinqasam skont tunnellaġġ rispettiv tal-produzzjoni ta’ kull prodott.

29.

Jekk installazzjoni timmanifattura prodotti li jkunu eliġibbli għal għajnuna (jiġifieri li jkunu jaqgħu fl-ambitu tas-setturi jew subsetturi eliġibbli elenkati fl-Anness II) u prodotti li ma jkunux eleġibbli għal għajnuna, l-ammont massimu ta' għajnuna li jista' jitħallas għandu jiġi kkalkulat biss għall-prodotti li jkunu eliġibbli għall-għajnuna.

30.

L-għajnuna tista’ titħallas lill-benefiċjaru fis-sena li jkunu ġġarrbu l-kosti jew fis-sena ta' wara. Jekk għajnuna titħallas fis-sena ta’ meta jkunu ħarġu l-kosti, jkun hemm fis-seħħ mekkaniżmu ta’ aġġustament għall-ħlasijiet ex-post sabiex jiġi żgurat li kwalunkwe ħlas għall-għajnuna żejjed jitħallas lura qabel l-1 ta’ Lulju fis-sena ta' wara.

31.

Ir-rekwiżit ta' effett ta' inċentiv jitqies li jkun ġie ssodisfat jekk jiġu ssodisfati l-kundizzjonijiet kollha fit-Taqsima 3.1.

32.

L-għajnuna għall-investiment mogħtija bejn l-1 ta’ Jannar 2013 u l-31 ta’ Diċembru 2016 għal impjanti ġodda tal-enerġija b'effiċjenza għolja se titqies kompatibbli mas-suq intern skont it-tifsira tal-Artikolu 107(3)(c) tat-Trattat sakemm jiġu ssodisfati l-kundizzjonijiet stabbiliti f'din it-Taqsima.

33.

L-għajnuna għal investiment lil impjanti tal-enerġija b'effiċjenza għolja tista' tingħata biss jekk jiġu ssodisfati l-kundizzjonijiet li ġejjin:

34.

L-Istati Membri jridu juru li l-għan qiegħed jiffoka fuq nuqqas fis-suq billi jkollu impatt sostanzjali fuq il-protezzjoni ambjentali. L-għajnuna jrid jkollha effett ta’ inċentiv li tirriżulta fil-bidla tal-imġiba tal-benefiċjarju li ħa l-għajnuna; dan l-effett ta' inċentiv għandu jiġi ppruvat permezz ta' xenarju kontrofattwali fejn tiġi pprovduta evidenza li mingħajr l-għajnuna l-benefiċjarju ma kienx se jidħol għall-investiment. Barra minn hekk, il-proġett li jingħata l-għajnuna ma jkunx jista' jibda qabel ma ssir is-sottomissjoni tal-applikazzjoni għall-għajnuna. Fl-aħħar nett, l-Istati Membri għandhom jagħtu prova li l-għajnuna ma tolqotx il-kundizzjonijiet tal-kummerċ negattivament sa punt fejn tkun tmur kontra l-interess komuni, partikolarment fejn l-għajnuna tkun ikkonċentrata fuq għadd limitat ta' benefiċjarji jew fejn l-għajnuna x'aktarx li ssaħħaħ il-pożizzjoni tal-benefiċarji fis-suq (fil-livell ta' grupp ta' kumpanija).

35.

Il-kosti eliġibbli se jkunu limitati għall-kosti totali ta’ investiment fl-installazzjoni l-ġdida (asso tanġibbli u intanġibbli), li huma strettament meħtieġa għall-bini tal-impjant tal-enerġija l-ġdid. Barra minn hekk, fil-każ tal-bini ta' impjant tal-enerġija attrezzat għas-CCS, il-kosti biex tingħata prova tal-fattibbiltà ekonomika u teknika globali tal-implimentazzjoni ta' katina sħiħa tas-CCS ser ikunu eliġibbli. Il-kosti tal-installament ta' tagħmir tal-qbid, it-trasport u l-ħżin mhumiex ser ikunu kosti eliġibbli skont dawn il-Linji gwida, għaliex l-għajnuna għall-implimentazzjoni tas-CCS diġà hija vvalutata skont il-Linji gwida dwar l-għajnuna mill-Istat għall-protezzjoni ambjentali.

36.

Għal impjanti ġodda tal-enerġija b'effiċjenza għolja li huma attrezzati għas-CCS u li jibdew l-implimentazzjoni tal-katina sħiħa tas-CCS qabel l-2020, l-għajnuna ma tistax taqbeż il-15 % tal-kosti eliġibbli.

37.

Għal impjanti ġodda tal-enerġija b'effiċjenza għolja li huma attrezzati għas-CCS, iżda li ma jibdewx jimplimentaw il-katina sħiħa tas-CCS qabel l-2020, u li tingħatalhom għajnuna wara proċess ta’ offerti ġenwinament kompetittiv li jippromwovi (i) l-aktar teknoloġiji ekoloġiċi għall-ġenerazzjoni tal-enerġija fl-impjanti ġodda li jirriżultaw f'emissjonijiet aktar baxxi tas-CO2 mqabbla mal-aktar teknoloġija avvanzata, u (ii) il-kompetizzjoni fis-suq tal-ġenerazzjoni elettrika, l-għajnuna ma tistax taqbeż l-10 % tal-kosti eliġibbli. Proċess ta’ offerti ta' dan it-tip irid ikun ibbażat fuq kriterji ċari, trasparenti u mhux diskriminatorji u jwassal għall-parteċipazzjoni ta’ għadd suffiċjenti ta' impriżi. Barra minn hekk, il-baġit relatat mal-proċess ta’ offerti jrid ikun restrizzjoni li torbot, fis-sens li mhux il-parteċipanti kollha jistgħu jirċievu għajnuna.

38.

L-għajnuna ma tistax taqbeż il-5 % tal-kosti eliġibbli għal dawk l-impjanti tal-enerġija ġodda b'effiċjenza għolja li ma jissodisfawx il-kundizzjonijiet tal-punt 36 u 37 ta' hawn fuq.

39.

Fil-każ li l-implimentazzjoni tal-katina tas-CCS ma tibdiex qabel l-2020, l-għajnuna għandha titnaqqas b'5 % tal-kosti eliġibbli tal-investimenti, jew għal 10 % jekk jiġu ssodisfati l-kundizzjonijiet stabbiliti fit-Taqsima 3.2, paragrafu 37. Fil-każ ta' pagament tal-għajnuna bil-quddiem, l-Istati Membri għandhom jieħdu lura l-ammont li jkun qabeż il-limitu tal-għajnuna.

40.

Mill-1 ta' Jannar 2013 sal-31 ta' Diċembru 2019, l-għajnuna mill-Istat involuta fi kwoti bla ħlas tranżitorji u fakultattivi għall-immodernar tal-ġenerazzjoni elettrika u għall-investimenti inklużi fil-Pjanijiet Nazzjonali, skont l-Artikolu 10c tad-Direttiva tal-ETS, se titqies kompatibbli mas-suq intern fit-tifsira tal-Artikolu 107(3)(c) tat-Trattat sakemm jiġu sodisfatti l-kondizzjonijiet kollha li ġejjin:

41.

Il-kosti eliġibbli jridu jkunu limitati għall-kosti totali tal-investiment (assi tanġibbli u intanġibbli) elenkati fil-Pjan Nazzjonali li jikkorrispondu għall-valur tas-suq ta’ kwoti bla ħlas (kkalkulati skont il-Komunikazzjoni tal-Kummissjoni tad-29 ta' Marzu 2011 (15) jew id-dokument ta' gwida relevanti applikabbli meta tingħata l-għajnuna) mogħtija lil kull benefiċjarju, irrispettivament mill-kosti operattivi u mill-benefiċċji għall-installazzjoni li tikkorrispondi.

42.

L-għajnuna ma tistax taqbeż l-100 % tal-kosti eliġibbli.

43.

L-għajnuna involuta fl-esklużjoni ta' installazzjonijiet żgħar jew sptarijiet eżentati mill-ETS tal-UE mill-1 ta' Jannar 2013 se titqies kompatibbli mas-suq intern skont it-tifsira tal-Artikolu 107(3)(c) tat-Trattat sakemm l-installazzjonijiet żgħar jew l-isptarijiet ikunu suġġetti għal miżuri ekwivalenti li jiksbu tnaqqis fl-emissjonijiet ta’ gass b'effett ta' serra skont it-tifsira tal-Artikolu 27 tad-Direttiva tal-ETS u sakemm dak l-Istat Membru jkun konformi mal-kundizzjonijiet stabbiliti fl-Artikolu 27 tad-Direttiva tal-ETS.

44.

Ir-rekwiżit ta' effett ta' inċentiv jitqies li jkun ġie ssodisfat jekk jiġu ssodisfati l-kundizzjonijiet kollha fit-Taqsima 3.4.

45.

L-Istati Membri jridu juru li l-ammont tal-għajnuna li jingħata lill-benefiċjarju jkun limitat għall-minimu li jkun meħtieġ. B'mod partikolari, l-Istati Membri jistgħu jagħtu għajnuna f'intensitajiet aktar baxxi minn dawk imsemmija fil-Linji Gwida.

46.

L-ammonti massimi ta’ għajnuna stabbiliti f’dawn il-Linji Gwida ma jistgħux jinqabżu irrispettivament minn jekk l-appoġġ huwiex iffinanzjat kompletament minn riżorsi tal-Istat jew jekk huwiex parzjalment iffinanzjat mill-Unjoni.

47.

L-għajnuna meqjusa kompatibbli taħt dawn il-Linji Gwida ma tistax tiġi kkombinata ma’ għajnuna oħra mill-Istat skont it-tifsira tal-Artikolu 107(1) tat-Trattat jew ma’ forom oħra ta’ finanzjament mill-Unjoni jekk tali kombinazzjoni tirriżulta f'intensità ta’ għajnuna ogħla minn dik stabbilita f'dawn il-Linji Gwida. Madankollu, fejn in-nefqa eliġibbli għal għajnuna għal miżuri koperti minn dawn il-Linji Gwida tkun eliġibbli, kollha kemm hi jew parti minnha, għal għajnuna għal għanijiet oħra, il-porzjon komuni jkun soġġett għall-massimu tal-għajnuna l-aktar favorevoli taħt ir-regoli applikabbli.

48.

Skont ir-Regolament tal-Kunsill (KE) Nru 659/1999 tat-22 ta’ Marzu 1999 li jistabbilixxi regoli dettaljati għall-applikazzjoni tal-Artikolu 93 tat-Trattat tal-KE (16) u r-Regolament tal-Kummissjoni (KE) Nru 794/2004 tal-21 ta’ April 2004 (17) li jimplementa r-Regolament (KE) Nru 659/1999, l-Istati Membri jridu jissottomettu rapporti annwali lill-Kummissjoni.

49.

Lil hinn mir-rekwiżiti stipulati f'dawn ir-Regolamenti, ir-rapporti annwali għall-miżuri ta' għajnuna ambjentali jrid ikollhom informazzjoni addizzjonali dwar l-iskemi rispettivi approvati. B'mod partikolari, fir-rapporti annwali tagħhom l-Istati Membri għandhom jinkludu l-informazzjoni li ġejja:

50.

Il-Kummissjoni se twettaq monitoraġġ regolari tal-għajnuna li tingħata lil impriżi f'setturi u subsetturi meqjusa bħala esposti għal riskju sinifikanti ta' emissjonijiet ta' karbonju minħabba kosti ta' kwoti tal-ETS tal-UE li jingħaddew fil-prezzijiet tal-elettriku deskritti fit-Taqsima 3.1. Permezz ta dan, hija taġġorna l-informazzjoni tagħha dwar id-daqs tal-kost indirett li jingħadda u l-konsegwenzi possibbli tar-rilokazzjoni tal-emissjonijiet tal-karbonju.

51.

Fir-rigward ta’ għajnuna mogħtija lil impjanti ġodda tal-enerġija b'effiċjenza għolja, inklużi dawk attrezzati għas-CCS, l-Istati Membri jridu jinkludu fir-rapporti annwali tagħhom l-informazzjoni li ġejja:

52.

Il-Kummissjoni tqis li miżuri ulterjuri huma meħtieġa sabiex titjieb it-trasparenza tal-għajnuna mill-Istat fl-Unjoni. B'mod partikolari, irid jiġi żgurat li l-Istati Membri, l-operaturi ekonomiċi, il-partijiet interessati u l-Kummissjoni jkollhom aċċess faċli għat-test sħiħ dwar l-iskemi applikabbli kollha ta’ għajnuna ambjentali.

53.

Dan il-għan jista’ jinkiseb permezz tal-istabbiliment ta’ websajts. Għal dik ir-raġuni, fil-valutazzjoni tal-iskemi ta' għajnuna, il-Kummissjoni se titlob b'mod sistematiku lill-Istat Membru kkonċernat sabiex jippubblika t-test sħiħ tal-iskemi finali kollha ta’ għajnuna fuq l-internet u biex jikkomunika l-indirizz tal-internet tal-pubblikazzjoni lill-Kummissjoni.

54.

L-Istati Membri għandhom jiżguraw li r-rekords dettaljati li jirrigwardjaw l-għoti tal-għajnuna għall-miżuri kollha huma miżmuma. Tali rekords, li jridu jinkludu l-informazzjoni kollha neċessarja biex jiġi stabbilit li l-kondizzjonijiet li jirrigwardaw il-kosti eliġibbli u l-intensità massima ta’ għajnuna permissibbli jkunu ġew osservati, jridu jinżammu għal 10 snin mid-data li fiha tkun ingħatat l-għajnuna u jridu jiġu pprovduti lill-Kummissjoni meta din titlobhom.

55.

Il-Kummissjoni ser tapplika dawn il-Linji Gwida mill-ewwel jum wara l-pubblikazzjoni tagħhom f’Il-Ġurnal Uffiċjali tal-Unjoni Ewropea.

56.

Il-Linji Gwida jkunu applikabbli sal-31 ta’ Diċembru 2020. Wara li tikkonsulta mal-Istati Membri, il-Kummissjoni tista’ temendahom qabel dik id-data fuq il-bażi ta' konsiderazzjonijiet importanti dwar il-politika tal-kompetizzjoni jew dwar il-politika ambjentali, jew sabiex tqis politiki tal-Unjoni oħrajn jew impenji internazzjonali. Tali emendi jistgħu jkunu meħtieġa b’mod partikolari fid-dawl ta' ftehimiet internazzjonli futuri fil-qasam tat-tibdil fil-klima, u l-leġiżlazzjoni futura dwar it-tibdil fil-klima ġewwa l-Unjoni. Il-Kummissjoni tista’ twettaq reviżjoni ta' dawn il-Linji Gwida kull sentejn wara l-adozzjoni tagħhom.

57.

Il-Kummissjoni se tapplika dawn il-Linji Gwida għall-miżuri kollha ta’ għajnuna nnotifikata li dwarhom hija tkun mitluba tieħu deċiżjoni wara li l-Linji Gwida jkunu ġew ippubblikati f’Il-Ġurnal Uffiċjali, anke meta l-proġetti jkunu ġew innotifikati qabel il-pubblikazzjoni tagħhom. Il-Kummissjoni ser tapplika r-regoli stabbiliti fl-Avviż tal-Kummissjoni dwar id-deċiżjoni tar-regoli applikabbli għall-valutazzjoni ta' għajnuna illegali mill-Istat (18) għal kull għajnuna illegali.

5.6.2012   

MT

Il-Ġurnal Uffiċjali tal-Unjoni Ewropea

C 158/23

1.

Fl-24 ta’ Mejju 2012, il-Kummissjoni rċeviet notifika ta’ proposta ta’ konċentrazzjoni skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriżi Saria Bio-Industries AG & Co. KG (“Saria”, il-Ġermanja), ikkontrollata mill-Grupp Rethmann (il-Ġermanja) indirettament permezz tas-sussidjarja tagħha Saria Bio-Industries Denmark ApS (“Saria Denmark”, id-Danimarka), u Danish Crown A/S (“Danish Crown”, id-Danimarka) jakkwistaw, fit-tifsira tal-Artikolu 3(1)(b) tar-Regolament dwar l-Għaqdiet, il-kontroll konġjunt ta’ l-impriża Daka Denmark A/S (“Daka”, id-Danimarka) permezz ta’ xiri ta’ ishma ta’ kumpanija ġdida li nħolqot bħala inizjattiva imprenditorjali konġunta.

2.

L-attivitajiet kummerċjali tal-impriżi kkonċernati huma:

3.

Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madanakollu, id-deċiżjoni finali dwar dan il-punt hija riżervata.

4.

Il-Kummissjoni tistieden lill-partijiet terzi interessati biex jibagħtu kwalunkwe kumment li jista’ jkollhom dwar l-operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.6285 – Saria/Danish Crown/Daka JV, fl-indirizz li ġej:

5.6.2012   

MT

Il-Ġurnal Uffiċjali tal-Unjoni Ewropea

C 158/24

1.

Fil-25 ta’ Mejju 2012, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża Naxicap Partners (“Naxicap”, Franza), li hija tal-grupp Banque Populaire Caisse d’Epargne (“BPCE”, Franza), takkwista skont it-tifsira tal-Artikolu 3(1)(b) tar-Regolament dwar l-Għaqdiet il-kontroll konġunt, ma’ Achares NV (“Achares”, Il-Belġju) u Pro-Struct BVBA (“Pro-Struct”, Il-Belġju), ta’ Accent Jobs for People (Il-Belġju) permezz ta’ xiri ta’ ishma.

2.

L-attivitajiet kummerċjali tal-impriżi kkonċernati huma:

3.

Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet taħt ir-Regolament tal-KE dwar l-Għaqdiet (2) ta' min jinnota li dan il-każ jista' jiġi kkunsidrat għat-trattament taħt il-proċedura stipulata fl-Avviż.

4.

Il-Kummissjoni tistieden lill-partijiet terzi interessati biex iressqu kwalunkwe kummenti li jistgħu jkollhom dwar it-tranżizzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.6592 – Naxicap/Achares/Pro-Struct/Accent Jobs for People, fl-indirizz li ġej:

5.6.2012   

MT

Il-Ġurnal Uffiċjali tal-Unjoni Ewropea

C 158/25

1.

Fl-24 ta’ Mejju 2012, il-Kummissjoni rċeviet notifika ta' konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża Toshiba Tec Corporation (“Tec”, il-Ġappun) ikkontrollata minn Toshiba Corporation (“Toshiba”, il-Ġappun) takkwista, skont it-tifsira tal-Artikolu 3(1)(b) tar-Regolament dwar l-Għaqdiet, il-kontroll intier ta’ IBM’s Retail Store Solutions business (“IBM RSS”, l-Istati Uniti tal-Amerika) permezz ta’ xiri ta’ assi.

2.

L-attivitajiet kummerċjali tal-impriżi kkonċernati huma:

3.

Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madanakollu, id-deċiżjoni finali dwar dan il-punt hija riżervata.

4.

Il-Kummissjoni tistieden lill-partijiet terzi interessati biex jibagħtu kwalunkwe kumment li jista’ jkollhom dwar l-operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.6606 – Toshiba/IBM's Retail Stores Solutions business, fl-indirizz li ġej:

5.6.2012   

MT

Il-Ġurnal Uffiċjali tal-Unjoni Ewropea

C 158/26

1.

Fid-29 ta’ Mejju 2012, il-Kummissjoni rċeviet notifika ta' konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża Vodafone Group Plc (“Vodafone”) takkwista fit-tifsira tal-Artikolu 3(1)(b) tar-Regolament dwar l-Għaqdiet il-kontroll ta' Cable & Wireless Worldwide Plc (“CWW”) permezz tax-xiri ta' ishma.

2.

L-attivitajiet kummerċjali tal-impriżi kkonċernati huma:

3.

Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madanakollu, id-deċiżjoni finali dwar dan il-punt hija riżervata.

4.

Il-Kummissjoni tistieden lill-partijiet terzi interessati biex jibagħtu kwalunkwe kumment li jista’ jkollhom dwar l-operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.6584 – Vodafone/Cable & Wireless Worldwide, fl-indirizz li ġej:

5.6.2012   

MT

Il-Ġurnal Uffiċjali tal-Unjoni Ewropea

C 158/27

1.

Fid-29 ta’ Mejju 2012, il-Kummissjoni rċeviet notifika ta' konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha Vitol B.V. (“Vitol”, il-Pajjiżi l-Baxxi) u Grindrod Limited (“Grindrod”, l-Afrika t’Isfel) jakkwistaw, fit-tifsira tal-Artikolu 3(1)(b) tar-Regolament dwar l-Għaqdiet, il-kontroll konġunt ta’ Cockett Marine Oil Pte Ltd (Singapore) u Cockett Marine Oil South Africa (Pty) Ltd (l-Afrika t’Isfel) (flimkien il-“Grupp Cockett”) permezz ta’ xiri ta' ishma f’kumpanija ġdida li tikkostitwixxi impriża konġunta.

2.

L-attivitajiet kummerċjali tal-impriżi kkonċernati huma:

3.

Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet taħt ir-Regolament tal-KE dwar l-Għaqdiet (2) ta' min jinnota li dan il-każ jista' jiġi kkunsidrat għat-trattament taħt il-proċedura stipulata fl-Avviż.

4.

Il-Kummissjoni tistieden lill-partijiet terzi interessati biex iressqu kwalunkwe kummenti li jistgħu jkollhom dwar it-tranżizzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.6571 – Vitol/Grindrod/Cockett Group, fl-indirizz li ġej:

5.6.2012   

MT

Il-Ġurnal Uffiċjali tal-Unjoni Ewropea

C 158/28

1.

Fid-29 ta’ Mejju 2012 il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriżi Baycliffe Limited (“Baycliffe”, Il-Gżira ta’ Man) u Trafigura Beheer B.V. (“Trafigura”, Il-Pajjiżi l-Baxxi) jakkwistaw skont l-Artikolu 3(1)(b) tar-Regolament dwar l-Għaqdiet kontroll konġunt indirett ta’ Blue Ocean Associates Limited, (“Blue Ocean”, Ir-Renju Unit) u Baycliffe għandha l-intenzjoni li takkwista wkoll skont l-Artikolu 3(1)(b) tar-Regolament dwra l-Għaqdiet il-kontroll esklussiv ta’ żewġ sussidjarji ta’ Blue Ocean, Blue Ocean International Limited (“BOIL”) u Blue Ocean Mineralol GmbH (“BOG”).

2.

L-attivitajiet kummerċjali tal-impriżi kkonċernati huma:

3.

Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet taħt ir-Regolament tal-KE dwar l-Għaqdiet (2) ta' min jinnota li dan il-każ jista' jiġi kkunsidrat għat-trattament taħt il-proċedura stipulata fl-Avviż.

4.

Il-Kummissjoni tistieden lill-partijiet terzi interessati biex iressqu kwalunkwe kummenti li jistgħu jkollhom dwar it-tranżizzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.6617 – Baycliffe/Trafigura/Blue Ocean, fl-indirizz li ġej: