21.4.2012

MT

Il-Ġurnal Uffiċjali tal-Unjoni Ewropea

C 117/1

---

Komunikazzjoni tal-Kummissjoni li temenda l-Komunikazzjoni tal-Kummissjoni lill-Istati Membri skont l-Artikolu 93(1) tat-Trattat tal-KE li japplika l-Artikoli 92 u 93 tat-Trattat lil assigurazzjoni fuq perjodi qosra ta’ kreditu għall-esportazzjoni

(Test b’relevanza għaż-ŻEE)

2012/C 117/01

I.   Introduzzjoni

Il-Komunikazzjoni tal-Kummissjoni lill-Istati Membri skont l-Artikolu 93(1) tat-Trattat tal-KE li tapplika l-Artikoli 92 u 93 tat-Trattat lil assigurazzjoni fuq perjodi qosra ta’ kreditu għall-esportazzjoni (1) (il-Komunikazzjoni) tistipula li riskji marketable (riskji kummerċjabbli) ma jistgħux ikunu koperti mill-assigurazzjoni ta’ kreditu għall-esportazzjoni bl-appoġġ tal-Istati Membri. Ir-riskji marketable huma riskji kummerċjali u politiċi fuq debituri pubbliċi u mhux pubbliċi stabbiliti fil-pajjiżi mniżżla f’lista fl-Anness ta’ dik il-Komunikazzjoni, b'perjodu massimu ta′ riskju ta' inqas minn sentejn.

Wara li kkunsidrat it-tfixkil ekonomiku eċċezzjonali tal-ekonomija Griega u l-iskarsezza ta’ kopertura ta’ assigurazzjoni privata għall-esportazzjoni fil-Greċja, il-Kummissjoni ddeċidiet li teskludi lill-Greċja mil-lista ta' pajjiżi ta' riskji marketable.

II.   Emenda għall-Komunikazzjoni

Din l-emenda għall-Komunikazzjoni tal-Kummissjoni lill-Istati Membri skont l-Artikolu 93(1) tat-Trattat tal-KE li japplika l-Artikoli 92 u 93 tat-Trattat lil assigurazzjoni fuq perjodi qosra ta’ kreditu għall-esportazzjoni tapplika mill-20 ta’ April 2012:

—	L-Anness qed jinbidel b’dan li ġej: “Lista ta' pajjiżi ta' riskji marketable — L-Unjoni Ewropea — L-Istati Membri kollha ħlief il-Ġreċja — Pajjiżi li huma membri tal-OECD — L-Awstralja — Il-Kanada — L-Islanda — Il-Ġappun — In-New Zealand — In-Norveġja — L-Isvizzera — L-Istati Uniti tal-Amerika”

---

(1)  ĠU C 281, 17.9.1997, p. 4.

---

21.4.2012

MT

Il-Ġurnal Uffiċjali tal-Unjoni Ewropea

C 117/3

---

Ebda oppożizzjoni għal konċentrazzjoni notifikata

(Każ COMP/M.6472 – Bollore/CMA CGM/Terminal du grand Ouest)

(Test b’relevanza għaż-ŻEE)

2012/C 117/02

Fis-16 ta’ April 2012, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq komuni. Din id-deċiżjoni hi bbażata fuq l-Artikolu 6(1)b tar-Regolament tal-Kunsill (KE) Nru 139/2004. It-test sħiħ tad-deċiżjoni hu disponibbli biss fl-Franċiż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:

—

Fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta' amalgamazzjoni, inklużi l-kumpanija, in-numru tal-każ, id-data u l-indiċi settorjali,

—	f’forma elettronika fil-websajt EUR-Lex (http://eur-lex.europa.eu/en/index.htm) fid-dokument li jġib in-numru 32012M6472. Il-EUR-Lex hu l-aċċess fuq l-internet għal-liġi Ewropea.

---

21.4.2012

MT

Il-Ġurnal Uffiċjali tal-Unjoni Ewropea

C 117/4

---

Rata tal-kambju tal-euro (1)

L-20 ta’ April 2012

2012/C 117/03

1 euro =

	Munita	Rata tal-kambju
USD	Dollaru Amerikan	1,3192
JPY	Yen Ġappuniż	107,81
DKK	Krona Daniża	7,4387
GBP	Lira Sterlina	0,81875
SEK	Krona Żvediża	8,8396
CHF	Frank Żvizzeru	1,2017
ISK	Krona Iżlandiża
NOK	Krona Norveġiża	7,5470
BGN	Lev Bulgaru	1,9558
CZK	Krona Ċeka	24,919
HUF	Forint Ungeriż	296,64
LTL	Litas Litwan	3,4528
LVL	Lats Latvjan	0,6985
PLN	Zloty Pollakk	4,1920
RON	Leu Rumen	4,3753
TRY	Lira Turka	2,3620
AUD	Dollaru Awstraljan	1,2738
CAD	Dollaru Kanadiż	1,3075
HKD	Dollaru ta' Hong Kong	10,2391
NZD	Dollaru tan-New Zealand	1,6190
SGD	Dollaru tas-Singapor	1,6477
KRW	Won tal-Korea t'Isfel	1 502,75
ZAR	Rand ta' l-Afrika t'Isfel	10,3145
CNY	Yuan ren-min-bi Ċiniż	8,3150
HRK	Kuna Kroata	7,5170
IDR	Rupiah Indoneżjan	12 108,96
MYR	Ringgit Malażjan	4,0420
PHP	Peso Filippin	56,210
RUB	Rouble Russu	38,8500
THB	Baht Tajlandiż	40,747
BRL	Real Brażiljan	2,4779
MXN	Peso Messikan	17,3475
INR	Rupi Indjan	68,7300

---

(1)  Sors: rata tal-kambju ta' referenza ppubblikata mill-Bank Ċentrali Ewropew.

---

21.4.2012

MT

Il-Ġurnal Uffiċjali tal-Unjoni Ewropea

C 117/5

---

Pubblikazzjoni skont id-Direttiva 2001/24/KE tal-Parlament Ewropew u tal-Kunsill fuq ir-riorganizzazzjoni u l-istralċ ta’ istituzzjonijiet ta’ kreditu

2012/C 117/04

Il-Qorti Għolja tal-Irlanda

FIL-KWISTJONI TAL-IRISH LIFE & PERMANENTI PLC (“ILP”) U FIL-KWISTJONI TAL-ATT TAL-2010 DWAR L-ISTITUZZJONIJIET TAL-KREDITU (STABBILIZZAZZJONI)

Il-High Court (Il-Qorti Għolja) tal-Irlanda fit-28 ta' Marzu 2012 għamlet Ordinanza skont it-Taqsima 9 tal-Att tal-2010 dwar l-Istituzzjonijiet tal-Kreditu (Stabbilizzazzjoni), kif emendat mill-Att tal-2011 dwar il-Bank Ċentrali u l-Istituzzjonijiet tal-Kreditu (Riżoluzzjoni), (“l-Att”) fit-termini li ġejjin:

Għoti ta' struzzjonijiet lill-ILP biex fost l-oħrajn tieħu ċerti passi għall-iskop li teffettwa l-bejgħ tal-Irish Life Limited (“Irish Life”), sussidjarja b'sjieda sħiħa tal-ILP, u tas-sussidjarji tagħha, lill-Ministru tal-Finanzi tal-Irlanda (“il-Ministru”) bħala parti mir-rikapitalizzazzjoni tal-ILP; tali passi li jinkludu iżda mhux limitati għal ftehim ta' xiri ta' ishma mal-Ministru fir-rigward tal-ishma kapitali kollha maħruġa tal-Irish Life u passi oħra li jippermettu s-separazzjoni tan-negozju tal-assigurazzjoni u dak bankarju tal-ILP inkluż li jitlesta l-ħolqien ta’ strutturi bħal dawn skont il-ħtieġa biex jiffaċilitaw din is-separazzjoni u d-dħul fi ftehim bħal dan skont il-ħtieġa biex tiġi ffaċilitata din is-separazzjoni.

Il-Qorti ddikjarat fost l-oħrajn li dik l-Ordinanza u kull parti minnha, safejn hija indirizzata u magħmula fir-rigward tal-ILP hija miżura ta' riorganizzazzjoni għall-iskopijiet tad-Direttiva 2001/24/KE tal-Parlament Ewropew u tal-Kunsill tal-4 ta' April 2001.

Skont it-Taqsima 11 tal-Att, tista’ ssir applikazzjoni lill-Qorti Għolja tal-Irlanda f’Four Courts, Inns Quay, Dublin 7, l-Irlanda, biex titwarrab l-Ordinanza skont il-kundizzjonijiet stabbiliti fiha, sa mhux iktar tard minn 14-il jum wara t-30 ta' Marzu 2012, li hija d-data tal-pubblikazzjoni tal-Ordinanza skont it-Taqsima 9A(1)(b) tal-Att. Skont it-Taqsima 64(2) tal-Att ma jista’ jsir l-ebda appell bis-saħħa tal-Ordinanza quddiem il-Qorti Suprema mingħajr il-kunsens tal-Qorti Għolja.

Il-kopji sħaħ tal-Ordinanza jinsabu disponibbli fl-Uffiċċju Ċentrali tal-High Court permezz tal-posta elettronika fl-indirizz listroomhighcourt@courts.ie

---

21.4.2012

MT

Il-Ġurnal Uffiċjali tal-Unjoni Ewropea

C 117/6

---

Stedina għas-Sottoskrizzjoni f’Ishma ta’ Fondi għall-Ħolqien ta’ Impriżi High-Tech (HTGF II)

2012/C 117/05

Il-Ministeru Federali għall-Ekonomija u t-Teknoloġija, flimkien mal-grupp bankarju KfW, u 12-il impriża industrijali stabbilew il-Fondi għall-Ħolqien ta’ Impriżi High-Tech II (HTGF II). Il-HTGF II huma indirizzati lejn impriżi teknoloġiċi stabbiliti ġodda li jkollhom is-sede tagħhom fil-Ġermanja, bl-iskop li jitneħħa n-nuqqas li jeżisti f’dan il-qasam fejn jidħol l-iffinanzjar.

Impriżi industrijali li huma interessati qegħdin jiġu b’dan mistiedna biex jieħdu sehem fil-Fondi għall-Ħolqien ta’ Impriżi High-Tech II.

Il-livell minimu tal-investiment huwa ta’ EUR 2 500 000.

Wieħed jista’ jikseb Private Placement Memorandum (PPM), b’aktar dettalji, mill-HTGF II Management.

It-talbiet għal-sottoskrizzjoni fil-fond għandhom jaslu għand il-Fond High-Tech sat-30 ta’ April 2012.

Tmiem is-sottoskrizzjoni: il-31 ta’ Diċembru 2012.

Il-komunikazzjoni kollha u d-dokumentazzjoni dwar il-Fond huma bil-Ġermaniż.

Għal aktar tagħrif:

High-Tech Gründerfonds Management GmbH

Ludwig-Erhard-Allee 2

53175 Bonn

DEUTSCHLAND

Tel. +49 22882300-100

Fax +49 22882300-050

Posta elettronika: info@high-tech-gruenderfonds.de

Internet: http://www.high-tech-gruenderfonds.de

Ir-Repubblika Federali tal-Ġermanja

irrappreżentata mill-

Bundesministerium für Wirtschaft und Technologie

Villemomblerstr. 76

53123 Bonn

DEUTSCHLAND

---

21.4.2012

MT

Il-Ġurnal Uffiċjali tal-Unjoni Ewropea

C 117/7

---

Avviż dwar l-iskadenza imminenti ta' ċerti miżuri tal-antidumping

2012/C 117/06

1.   Kif stipulat fl-Artikolu 11(2) tar-Regolament tal-Kunsill (KE) Nru 1225/2009 tat-30 ta’ Novembru 2009 (1) dwar il-protezzjoni kontra l-importazzjonijiet li huma l-oġġett ta’ dumping minn pajjiżi mhux membri tal-Komunità Ewropea, il-Kummissjoni Ewropea tavża li, sakemm ma titnediex reviżjoni skont il-proċedura li ġejja, il-miżuri tal-antidumping imsemmija hawn taħt se jiskadu fid-data msemmija fit-tabella ta' hawn taħt.

2.   Proċedura

Il-produtturi tal-Unjoni jistgħu jressqu talba bil-miktub biex issir reviżjoni. Din it-talba trid tinkludi biżżejjed evidenza li l-iskadenza tal-miżuri aktarx li twassal biex jitkomplew jew ifeġġu mill-ġdid id-dumping u d-dannu.

Jekk il-Kummissjoni tiddeċiedi li tanalizza l-miżuri inkwistjoni, l-importaturi, l-esportaturi, ir-rappreżentanti tal-pajjiż esportatur u l-produtturi tal-Unjoni mbagħad tingħatalhom l-opportunità li jenfasizzaw, jiċħdu jew jikkummentaw dwar il-materji msemmija fit-talba għar-reviżjoni.

3.   Limitu ta’ żmien

Il-produtturi tal-Unjoni jistgħu jressqu talba bil-miktub għal reviżjoni abbażi ta’ dak li ssemma hawn fuq, li għandha tasal għand il-Kummissjoni Ewropea, id-Direttorat Ġenerali għall-Kummerċ (l-Unità H-1), N-105 4/92, 1049 Brussell, Belgium (2) fi kwalunkwe jum mid-data tal-pubblikazzjoni ta’ dan l-avviż iżda mhux aktar tard minn tliet xhur qabel id-data msemmija fit-tabella hawn taħt.

4.   Dan l-avviż huwa ppubblikat skont l-Artikolu 11(2) tar-Regolament (KE) Nru 1225/2009.

Prodott	Pajjiż(i) tal-oriġini jew tal-esportazzjoni	Miżuri	Referenza	Data tal-iskadenza (3)
Rita tal-polietilentereftalat (PET)	l-Indja, il-Brażil u l-Iżrael	Dazju anti-dumping	Ir-Regolament tal-Kunsill (KE) Nru 1292/2007 (ĠU L 288, 6.11.2007, p. 1)	7.11.2012

---

(1)  ĠU L 343, 22.12.2009, p. 51.

(2)  Fax +32 22956505.

(3)  Il-miżura tiskadi f'nofsillejl tal-jum imsemmi f'din il-kolonna.

---

21.4.2012

MT

Il-Ġurnal Uffiċjali tal-Unjoni Ewropea

C 117/8

---

Notifika minn qabel ta' konċentrazzjoni

(Każ COMP/M.6542 – Eastman Chemical Company/Solutia)

(Test b’relevanza għaż-ŻEE)

2012/C 117/07

1.

Fis-16 ta’ April 2012, il-Kummissjoni rċeviet notifika ta' konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża Eastman Chemical Company (“Eastman”, l-Istati Uniti) takkwista, fit-tifsira tal-Artikolu 3(1)(b) tar-Regolament dwar l-Għaqdiet, il-kontroll sħiħ tal-impriża Solutia Inc. (“Solutia”, l-Istati Uniti) permezz ta' xiri ta' ishma.

2.

L-attivitajiet kummerċjali tal-impriżi kkonċernati huma: — għal Solutia: l-immanifatturar ta' materjali ta' prestazzjoni u kimiki ta' speċjalità (specialty chemicals) li jintużaw f'applikazzjonijiet tal-konsumatur u f'applikazzjonijiet industrijali, — għal Eastman: l-immanifatturar u l-bejgħ ta' kimiki, plastiki u fibri.

3.	Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madanakollu, id-deċiżjoni finali dwar dan il-punt hija riżervata.

4.

Il-Kummissjoni tistieden lill-partijiet terzi interessati biex jibagħtu kwalunkwe kumment li jista’ jkollhom dwar l-operazzjoni proposta lill-Kummissjoni. Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.6542 – Eastman Chemical Company/Solutia, fl-indirizz li ġej: Il-Kummissjoni Ewropea Direttorat Ġenerali għall-Kompetizzjoni Reġistru tal-Amalgamazzjonijiet J-70 1049 Bruxelles/Brussel BELGIQUE/BELGIË

---

(1)  ĠU L 24, 29.1.2004, p. 1 (ir-“Regolament tal-KE dwar l-Għaqdiet”).

---