11.4.2012

MT

Il-Ġurnal Uffiċjali tal-Unjoni Ewropea

C 103/1

---

Rata tal-kambju tal-euro (1)

Il-5 ta’ April 2012

2012/C 103/01

1 euro =

	Munita	Rata tal-kambju
USD	Dollaru Amerikan	1,3068
JPY	Yen Ġappuniż	107,06
DKK	Krona Daniża	7,4397
GBP	Lira Sterlina	0,8242
SEK	Krona Żvediża	8,8134
CHF	Frank Żvizzeru	1,2025
ISK	Krona Iżlandiża
NOK	Krona Norveġiża	7,5692
BGN	Lev Bulgaru	1,9558
CZK	Krona Ċeka	24,704
HUF	Forint Ungeriż	295,95
LTL	Litas Litwan	3,4528
LVL	Lats Latvjan	0,6995
PLN	Zloty Pollakk	4,1707
RON	Leu Rumen	4,3728
TRY	Lira Turka	2,3468
AUD	Dollaru Awstraljan	1,271
CAD	Dollaru Kanadiż	1,3042
HKD	Dollaru ta' Hong Kong	10,1478
NZD	Dollaru tan-New Zealand	1,6026
SGD	Dollaru tas-Singapor	1,6476
KRW	Won tal-Korea t'Isfel	1 479,25
ZAR	Rand ta' l-Afrika t'Isfel	10,2687
CNY	Yuan ren-min-bi Ċiniż	8,2398
HRK	Kuna Kroata	7,482
IDR	Rupiah Indoneżjan	11 945,92
MYR	Ringgit Malażjan	4,0106
PHP	Peso Filippin	55,897
RUB	Rouble Russu	38,66
THB	Baht Tajlandiż	40,511
BRL	Real Brażiljan	2,3942
MXN	Peso Messikan	16,8244
INR	Rupi Indjan	66,875

---

(1)  Sors: rata tal-kambju ta' referenza ppubblikata mill-Bank Ċentrali Ewropew.

---

11.4.2012

MT

Il-Ġurnal Uffiċjali tal-Unjoni Ewropea

C 103/2

---

Rata tal-kambju tal-euro (1)

L-10 ta’ April 2012

2012/C 103/02

1 euro =

	Munita	Rata tal-kambju
USD	Dollaru Amerikan	1,3114
JPY	Yen Ġappuniż	106,48
DKK	Krona Daniża	7,4395
GBP	Lira Sterlina	0,82690
SEK	Krona Żvediża	8,8730
CHF	Frank Żvizzeru	1,2027
ISK	Krona Iżlandiża
NOK	Krona Norveġiża	7,5815
BGN	Lev Bulgaru	1,9558
CZK	Krona Ċeka	24,795
HUF	Forint Ungeriż	295,75
LTL	Litas Litwan	3,4528
LVL	Lats Latvjan	0,6993
PLN	Zloty Pollakk	4,1706
RON	Leu Rumen	4,3707
TRY	Lira Turka	2,3624
AUD	Dollaru Awstraljan	1,2741
CAD	Dollaru Kanadiż	1,3092
HKD	Dollaru ta' Hong Kong	10,1834
NZD	Dollaru tan-New Zealand	1,6043
SGD	Dollaru tas-Singapor	1,6532
KRW	Won tal-Korea t'Isfel	1 495,43
ZAR	Rand ta' l-Afrika t'Isfel	10,4085
CNY	Yuan ren-min-bi Ċiniż	8,2760
HRK	Kuna Kroata	7,4738
IDR	Rupiah Indoneżjan	12 014,32
MYR	Ringgit Malażjan	4,0331
PHP	Peso Filippin	56,187
RUB	Rouble Russu	38,8980
THB	Baht Tajlandiż	40,588
BRL	Real Brażiljan	2,3836
MXN	Peso Messikan	17,0680
INR	Rupi Indjan	67,5040

---

(1)  Sors: rata tal-kambju ta' referenza ppubblikata mill-Bank Ċentrali Ewropew.

---

11.4.2012

MT

Il-Ġurnal Uffiċjali tal-Unjoni Ewropea

C 103/3

---

Wiċċ nazzjonali ġdid tal-muniti tal-euro maħsuba għaċ-ċirkolazzjoni

2012/C 103/03

Wiċċ nazzjonali tal-munita l-ġdida kommemorattiva taż-EUR 2, maħsuba biex titqiegħed fiċ-ċirkolazzjoni u maħruġa minn Franza

Il-muniti tal-euro maħsuba għaċ-ċirkolazzjoni huma valuta legali fiż-żona kollha tal-euro. Il-Kummissjoni tippubblika deskrizzjoni tad-disinji tal-muniti ġodda kollha bil-ħsieb li tinforma lill-pubbliku u lill-partijiet kollha li jużaw il-muniti (1). Skont il-konklużjonijiet tal-Kunsill tal-10 ta' Frar 2009 (2), l-Istati Membri taż-żona tal-euro u l-pajjiżi li laħqu ftehim monetarju mal-Komunità għall-ħruġ ta' muniti tal-euro, għandhom il-permess joħorġu muniti kommemorattivi tal-euro, intenzjonati għaċ-ċirkulazzjoni, sakemm jiġu rrispettati ċerti kundizzjonijiet, b’mod partikolari li tintuża biss id-denominazzjoni taż-EUR 2. Dawn il-muniti għandhom l-istess karatteristiċi tekniċi bħall-muniti l-oħra taż-EUR 2, iżda l-wiċċ nazzjonali tagħhom ikun fih disinn kommemorattiv li jkun simboliku ħafna f'termini nazzjonali jew Ewropej.

Pajjiż tal-ħruġ: Franza

Suġġett tal-kommemorazzjoni: il-100 anniversarju mit-twelid tal-Abbé Pierre, magħruf fi Franza bħala l-protettur tal-Fqar.

Deskrizzjoni tad-disinn: Fuq il-munita hemm xbiha tal-Abbé Pierre, bil-béret tiegħu, u l-logo tal-fondazzjoni tiegħu, b’mikrotest li jsemmi “Et les autres?”, li kien il-motto favorit tiegħu, u li bih kien ifakkar li wieħed qatt ma għandu jinsa' jgħin lill-proxxmu. L-ittri “RF” jidhru f’“République française” flimkien mal-qarn tal-ġid, il-marka taz-zekka ta' Monnaie de Paris fuq in-naħa tax-xellug, u fuq in-naħa tal-lemin il-“fleurette”, l-ogħla kwalità ta’ xogħol tal-inċiżjoni.

Iċ-ċirku ta' barra tal-munita juri t-12-il stilla tal-bandiera Ewropea.

Għadd ta' muniti li se jinħarġu: Miljun (1)

Data tal-ħruġ: Lulju 2012

---

(1)  Ara ĠU C 373, 28.12.2001, p. 1 għall-uċuħ nazzjonali tal-muniti kollha li nħarġu fl-2002.

(2)  Ara l-konklużjonijiet tal-Kunsill tal-Affarijiet Ekonomiċi u Finanzjarji tal-10 ta' Frar 2009 u r-Rakkomandazzjoni tal-Kummissjoni tad-19 ta' Diċembru 2008 dwar linji gwida komuni għall-uċuħ nazzjonali u l-ħruġ ta’ muniti tal-euro maħsuba għaċ-ċirkolazzjoni (ĠU L 9, 14 1 2009, p. 52).

---

11.4.2012

MT

Il-Ġurnal Uffiċjali tal-Unjoni Ewropea

C 103/4

---

Wiċċ nazzjonali ġdid tal-muniti tal-euro maħsuba għaċ-ċirkolazzjoni

2012/C 103/04

Wiċċ nazzjonali tal-munita l-ġdida kommemorattiva ta' EUR 2 maħsuba għaċ-ċirkolazzjoni u maħruġa minn San Marino.

Il-muniti tal-euro maħsuba għaċ-ċirkolazzjoni huma valuta legali fiż-żona kollha tal-euro. Il-Kummissjoni tippubblika deskrizzjoni tad-disinji tal-muniti ġodda kollha bil-ħsieb li tinforma lill-pubbliku u lill-partijiet kollha li jużaw il-muniti (1). Skont il-konklużjonijiet tal-Kunsill tal-10 ta' Frar 2009 (2), l-Istati Membri taż-żona tal-euro u l-pajjiżi li laħqu ftehim monetarju mal-Komunità li jipprovdi għall-ħruġ ta' muniti tal-euro, għandhom il-permess joħorġu muniti tal-euro kommemorattivi intenzjonati għaċ-ċirkulazzjoni, sakemm jiġu rrispettati ċerti kundizzjonijiet, partikolarment li tintuża biss id-denominazzjoni taż-EUR 2. Dawn il-muniti għandhom l-istess karatteristiċi tekniċi bħall-muniti l-oħra taż-EUR 2, iżda l-wiċċ nazzjonali tagħhom ikun fih disinn kommemorattiv li jkun simboliku ħafna f'termini nazzjonali jew Ewropej.

Pajjiż tal-ħruġ: San Marino

Suġġett tal-kommemorazzjoni: Għaxar snin tal-munita euro

Deskrizzjoni tad-disinn: Is-sinjal tal-euro fiċ-ċentru tal-munita juri li l-Euro sar element ta’ importanza partikolari fl-Ewropa kif ukoll fid-dinja kollha hekk kif il-munita euro żviluppat u saret attur globali fis-sistema monetarja internazzjonali fl-aħħar għaxar snin. L-elementi ta’ disinn madwar is-simbolu tal-Euro fuq il-munita jesprimu l-importanza tal-Euro għaċ-ċittadini, għad-dinja finanzjarja (it-torri tal-BĊE), għall-kummerċ (bastimenti), għall-industrija (fabbriki), għas-settur tal-enerġija u r-riċerka u l-iżvilupp (power stations li jaħdmu bir-riħ). L-inizjali AH tal-artist jidhru taħt l-imaġini tat-torri tal-BĊE. Fin-naħa ta' fuq jidher l-isem il-pajjiż tal-ħruġ “SAN MARINO”, u l-marka taz-zekka tidher fuq in-naħa tal-lemin filwaqt li l-indikazzjoni 2002-2012 tidher fin-naħa t'isfel tal-munita.

Iċ-ċirku ta' barra tal-munita juri t-12-il stilla tal-bandiera Ewropea.

Għadd ta’ muniti li ser jinħarġu:

Data tal-ħruġ: Mejju 2012

---

(1)  Ara ĠU C 373, 28.12.2001, p. 1 għall-uċuħ nazzjonali tal-muniti kollha li nħarġu fl-2002.

(2)  Ara l-konklużjonijiet tal-Kunsill tal-Affarijiet Ekonomiċi u Finanzjarji tal-10 ta' Frar 2009 u r-Rakkomandazzjoni tal-Kummissjoni tad-19 ta' Diċembru 2008 dwar linji gwida komuni għall-uċuħ nazzjonali u l-ħruġ ta’ muniti tal-euro maħsuba għaċ-ċirkolazzjoni (ĠU L 9, 14 1 2009, p. 52).

---

11.4.2012

MT

Il-Ġurnal Uffiċjali tal-Unjoni Ewropea

C 103/5

---

MEDIA 2007 – ŻVILUPP, DISTRIBUZZJONI, PROMOZZJONI U TAĦRIĠ

Sejħa Għall-proposti – EACEA/8/12

Sostenn għad-distribuzzjoni transnazzjonali tal-Films Ewropej – L-“Iskema tal-Aġent tal-Bejgħ” 2012

2012/C 103/05

1.   Objettivi u deskrizzjoni

Dan l-avviż ta’ sejħa għall-proposti huwa bbażat fuq id-Deċiżjoni Nru 1718/2006/KE tal-Parlament Ewropew u tal-Kunsill tal-15 ta’ Novembru 2006 dwar l-implimentazzjoni ta’ programm ta’ appoġġ lis-settur awdjoviżiv Ewropew (MEDIA 2007) (1).

Wieħed mill-objettivi tal-programm huwa li tiġi inkoraġġita u sostnuta d-distribuzzjoni transnazzjonali usa’ tal-films Ewropej reċenti permezz ta’ fondi lid-distributuri, abbażi tal-prestazzjoni tagħhom fis-suq, għal investiment ulterjuri f’films ġodda Ewropej li mhumiex nazzjonali.

L-iskema timmira wkoll li tinkoraġġixxi l-iżvilupp ta’ rabtiet bejn l-oqsma tal-produzzjoni u d-distribuzzjoni b’hekk jittejjeb is-sehem tas-swieq tal-films Ewropej u l-kompetittività tal-kumpaniji Ewropej.

2.   Applikanti eliġibbli

Dan l-avvviż huwa intiż għal kwalunkwe kumpanija Ewropea li tagħmilha ta’ aġent intermedjarju għall-produttur, li jispeċjalizza fl-esplojtazzjoni kummerċjali ta’ film permezz tal-markiting u l-liċenzjar ta’ film lil distributuri jew xerrejja oħra minn pajjiżi barranin u li l-attivitajiet tiegħu jikkontribwixxu għall-kisba tal-imsemmija għanijiet tal-programm MEDIA kif imsemmija fid-Deċiżjoni tal-Kunsill.

L-applikanti għandhom ikunu stabbiliti f’wieħed mill-pajjiżi li ġejjin:

—	is-27 pajjiż tal-Unjoni Ewropea

—	il-pajjiżi taż-ŻEE

—	L-Isvizzera

—	Il-Kroazja

—	Il-Bożnja u l-Ħerżegovina (skont il-kondizzjoni tal-finalizzazzjoni tal-proċess ta’ negozjati u l-formalizzazzjoni tal-parteċipazzjoni ta’ dan il-pajjiż fil-programm MEDIA)

3.   Azzjonijiet eliġibbli

L-iskema ta’ sostenn “Aġent tal-Bejgħ” taħdem f’żewġ fażijiet:

—	Il-ġenerazzjoni ta’ Fond potenzjali, li jkun ikkalkolat skont il-prestazzjoni tal-kumpanija fis-suq Ewropew matul il-perjodu ta’ referenza (2007-2011).

—

Investiment mill-ġdid tal-Fond potenzjali: għaldaqstant, iġġenerat minn kull kumpanija, il-Fond irid jiġi investit mill-ġdid f’2 moduli (2 tipi ta’ azzjoni) sal-1 ta’ Marzu 2014: (1) garanziji minimi jew avvanzi mħallsin għad-drittijiet ta’ bejgħ internazzjonali dwar films ġodda mhux Ewropej; (2) u/jew fil-promozzjoni, it-tqegħid fis-suq u r-reklamar fis-suq ta’ films ġodda Ewropej li mhumiex nazzjonali.

Sabiex il-film ikun eliġibbli l-ewwel jeddijiet miżmuma ma jkunux iridu ġew imwaqqfa qabel l-2007.

It-tul massimu tal-azzjonijiet huwa 18-il xahar mid-data tal-firma tal-kuntratt ta’ bejgħ internazzjonali.

L-azzjonijiet ta’ investiment mill-ġdid tal-fond potenzjali ġġenerati b’din is-Sejħa jeħtieġ li jirrispettaw id-dati ta’ skadenza li ġejjin:

Il-kuntratt/ftehim internazzjonali ta’ bejgħ mal-produttur jista’ jiġi ffirmat mhux qabel it-18 ta’ Ġunju 2012.

L-applikazzjonijiet ta’ investiment mill-ġdid iridu jiġu sottomessi lill-Aġenzija fi żmien 6 xhur mill-firma tal-kuntratt/ftehim internazzjonali ta’ bejgħ mal-produttur u mhux aktar tard mill-1 ta’ Marzu 2014 (it-timbru tal-posta jittieħed bħala prova ta’ meta tkun intbagħtet il-posta).

4.   Kriterji għall-għoti

Ser jiġi attribwit Fond potenzjali għall-kumpaniji ta’ Aġenti tal-Bejgħ Ewropej eliġibbli abbażi tal-prestazzjonijiet tagħhom fis-swieq Ewropej (jiġifieri l-pajjiżi li jipparteċipaw fil-Programm MEDIA). Is-sostenn ser jieħu l-forma ta’ Fond potenzjali (il-“Fond”) li ser ikun disponibbli għall-Aġenti tal-Bejgħ għal aktar investimenti f’films reċenti Ewropej li mhumiex nazzjonali.

Jekk is-somma ġġenerata taqbeż EUR il-1,5 M f’din is-sejħa, kull fond potenzjali jiġi mnaqqas b’mod proporzjonali.

Il-Fond jista’ jiġi investit mill-ġdid:

(1)	Fil-laqgħa tal-Garanziji tal-Bejgħ Minimi jew avvanzi mħallsin għad-drittijiet ta’ bejgħ internazzjonali dwar films ġodda Ewropej li mhumiex nazzjonali;

(2)	Fil-laqgħa tal-ispejjeż ta’ promozzjoni, it-tqegħid fis-suq u r-reklamar għal films ġodda Ewropej li mhumiex nazzjonali.

5.   Baġit

Il-baġit totali disponibbli huwa EUR 1,5 M.

Id-disponibbiltà tal-fondi għall-Proġetti ta’ Investiment mill-Ġdid illi waslu fl-2013 u fl-2014 huma soġġetti għall-adozzjoni mill-baġits tal-Unjoni Ewropea għal dawn is-snin mill-awtorità baġitarja. Dawk il-proġetti li waslu lejn tmiem l-2013 u fl-2014 huma soġġetti ukoll għall-adozzjoni mill-Parlament Ewropew u mill-Kunsill tal-Unjoni Ewropea tal-proposta tal-Kummissjoni għall-Programm Ewropa Kreattiva (2014-2020) u għall-approvazzjoni tal-programm ta’ ħidma għall-2014.

Il-kontribuzzjoni finanzjarja mogħtija hija sussidju. Is-sostenn finanzjarju mill-Kummissjoni ma jistax ikun aktar minn 50 % tal-ispejjeż totali eliġibbli. M'hemmx ammont massimu.

L-Aġenzija tirriserva d-dritt li ma tallokax il-fondi kollha disponibbli.

6.   Skadenza għall-preżentazzjoni tal-applikazzjonijiet

Il-proposti għall-“ġenerazzjoni” ta’ Fond potenzjali jridu jintbagħtu (bid-data tat-timbru) sa mhux aktar tard mit-18 ta’ Ġunju 2012 f’dan l-indirizz:

Aġenzija Eżekuttiva għall-Edukazzjoni, l-Awdjoviżiv u l-Kultura (EACEA)

Constantin DASKALAKIS

BOUR 3/66

Avenue du Bourget/Bourgetlaan 1

1140 Bruxelles/Brussel

BELGIQUE/BELGIË

Jiġu aċċettati biss applikazzjonijiet sottomessi fuq il-formola ta’ applikazzjoni uffiċjali, iffirmata mill-persuna intitolata li tidħol fi ftehim legalment vinkolanti f’isem l-organizzazzjoni li qed tapplika. L-inviloppi jridu juru biċ-ċar:

MEDIA 2007 – Distribuzzjoni EACEA/8/12 – Skema Għall-aġenti tal-Bejgħ internazzjonali

Applikazzjonijiet mibgħuta b’fax jew email ser jiġu rifjutati.

7.   Dettalji kollha

Il-linji gwida dettaljati flimkien mal-formoli tal-applikazzjoni, jistgħu jiġu kkonsultati fl-indirizz Internet li ġej:

http://ec.europa.eu/culture/media/programme/distrib/schemes/sales/index_en.htm

L-applikazzjonijiet għandhom jiġu ppreżentati fuq il-formoli pprovduti u jkun fihom l-informazzjoni u l-annessi kollha mitlubin.

---

(1)  ĠU L 327, 24.11.2006, p. 12.

---

11.4.2012

MT

Il-Ġurnal Uffiċjali tal-Unjoni Ewropea

C 103/8

---

Notifika ta' bidu ta' reviżjoni interim parzjali tal-miżuri anti-dumping applikabbli għall-importazzjonijiet ta' etanolamini li joriġinaw mill-Istati Uniti tal-Amerika

2012/C 103/06

Il-Kummissjoni Ewropea (“il-Kummissjoni”) rċeviet talba għal reviżjoni interim parzjali skont l-Artikolu 11(3) tar-Regolament tal-Kunsill (KE) Nru 1225/2009 tat-30 ta' Novembru 2009 dwar il-protezzjoni kontra l-importazzjonijiet li huma l-oġġett ta' dumping minn pajjiżi mhux membri tal-Komunità Ewropea (1) (“ir-Regolament bażiku”).

1.   Talba għal reviżjoni

It-talba għal reviżjoni tressqet minn The Dow Chemical Company (“l-applikant”), produttur esportatur mill-Istati Uniti tal-Amerika (“il-pajjiż ikkonċernat”).

Il-kamp ta' applikazzjoni tar-reviżjoni huwa limitat għall-eżami tad-dumping safejn għandu x'jaqsam l-applikant.

2.   Prodott li qed jiġi rivedut

Il-prodott li qed jiġi rivedut huwa etanolamini, li joriġinaw fl-Istati Uniti tal-Amerika, li attwalment huma kklassifikati fil-kodiċijiet NM ex 2922 11 00, ex 2922 12 00 u 2922 13 10, (“il-prodott li qed jiġi rivedut”).

3.   Miżura eżistenti

Il-miżura li hemm bħalissa fis-seħħ hija dazju definittiv ta' anti-dumping impost bir-Regolament ta’ Implimentazzjoni tal-Kunsill (UE) Nru 54/2010 (2).

Fil-21 ta' Jannar 2012, il-Kummissjoni ppubblikat notifika ta' bidu ta' reviżjoni ta' skadenza tad-dazju anti-dumping li japplika għall-importazzjonijiet ta' etanolamini li joriġinaw mill-Istati Uniti tal-Amerika (3). Sakemm ma tkunx għadha lesta l-investigazzjoni dwar ir-reviżjoni ta' skadenza, il-miżura tibqa' fis-seħħ.

4.   Raġunijiet għar-reviżjoni

It-talba skont l-Artikolu 11(3) hija bbażata fuq evidenza prima facie, ippreżentata mill-applikant, li turi li, safejn għandu x'jaqsam l-applikant, u, safejn għandu x'jaqsam id-dumping, iċ-ċirkustanzi li fuqhom ġiet imposta l-miżura eżistenti nbidlu u li dawn il-bidliet huma ta' natura dejjiema.

L-applikant jallega li ċ-ċirkostanzi nbidlu mill-aħħar perjodu ta' investigazzjoni u li huma ta' natura dejjiema, billi għandhom x'jaqsmu ma' żieda tal-prezzijiet tal-esportazzjoni tiegħu li l-applikant iżomm b'mod konsistenti fuq perjodu twil ta' żmien.

L-applikant ipprovda evidenza prima facie li turi li l-impożizzjoni kontinwa tal-miżura fil-livell attwali tagħha ma għadhiex meħtieġa biex tikkumbatti d-dumping li jikkawża ħsara. B'mod partikolari, l-applikant jallega l-aktar żieda fit-tul tal-prezzijiet tal-esportazzjoni tiegħu. Tqabbil tal-prezzijiet tal-esportazzjoni tal-applikant lejn l-Unjoni ma' valur normali stabbilit fuq il-bażi tal-prezzijiet imħallsa jew li għandhom jitħallsu fis-suq domestiku tagħha jindika li l-marġni tad-dumping jidher li huwa aktar baxx mil-livell attwali tal-miżura.

Għalhekk, l-applikant jallega li l-impożizzjoni kontinwa tal-miżura fil-livell eżistenti, li kienet ibbażata fuq il-livell ta' ħsara stabbilit qabel, tidher li ma għadhiex meħtieġa biex tpatti għad-dumping kif stabbilit qabel.

5.   Proċedura

Wara li, b'konsultazzjoni mal-Kumitat Konsultattiv, ġie ddeterminat li teżisti biżżejjed evidenza biex tiġġustifika l-bidu ta' reviżjoni interim parzjali, il-Kummissjoni qiegħda b'dan tibda reviżjoni b'konformità mal-Artikolu 11(3) tar-Regolament bażiku.

L-investigazzjoni se tivvaluta l-bżonn għat-tkomplija, it-tneħħija jew l-emendar tal-miżuri eżistenti fir-rigward tal-applikant fid-dawl tal-prezzijiet tal-esportazzjoni miżjuda tal-applikant.

5.1.    Investigazzjoni tal-produtturi esportaturi

Sabiex tikseb l-informazzjoni li tqis bħala meħtieġa għall-investigazzjoni tagħha, il-Kummissjoni se tibgħat kwestjonarji lill-applikant, bħala produttur esportatur. Din l-informazzjoni u l-evidenza ta’ sostenn għandhom jaslu għand il-Kummissjoni fi żmien 37 jum mid-data tal-pubblikazzjoni ta’ din in-notifika f’Il-Ġurnal Uffiċjali tal-Unjoni Ewropea, sakemm ma jkunx speċifikat mod ieħor.

5.2.    Sottomissjonijiet oħra bil-miktub

Soġġett għad-dispożizzjonijiet ta’ din in-notifika, il-partijiet interessati kollha huma b'dan mistiedna juru fehmiethom, iressqu l-informazzjoni u jipprovdu l-evidenza ta’ sostenn. Sakemm ma jkunx speċifikat mod ieħor, din l-informazzjoni u l-evidenza ta’ sostenn għandhom jaslu għand il-Kummissjoni fi żmien 37 jum mid-data tal-pubblikazzjoni ta’ din in-notifika f’Il-Ġurnal Uffiċjali tal-Unjoni Ewropea.

5.3.    Possibbiltà ta’ smigħ mis-servizzi ta’ investigazzjoni tal-Kummissjoni

Il-partijiet interessati kollha jistgħu jitolbu li jinstemgħu mis-servizzi ta' investigazzjoni tal-Kummissjoni. Kwalunkwe talba għal smigħ għandha ssir bil-miktub u għandha tispeċifika r-raġunijiet għat-talba. Għal seduti ta' smigħ dwar kwistjonijiet li jikkonċernaw l-istadju inizjali tal-investigazzjoni ta’ reviżjoni, it-talba għandha titressaq fi żmien 15-il jum mid-data tal-pubblikazzjoni ta’ din in-notifika f'Il-Ġurnal Uffiċjali tal-Unjoni Ewropea. Minn hemm 'il quddiem, talba għal smigħ għandha titressaq sad-dati speċifiċi ta' skadenza stabbiliti mill-Kummissjoni fil-komunikazzjonijiet tagħha mal-partijiet.

5.4.    Istruzzjonijiet għas-sottomissjonijiet bil-miktub u biex jintbagħtu l-kwestjonarji mimlija u l-korrispondenza

Is-sottomissjonijiet kollha, inkluża l-informazzjoni mitluba f'din in-notifika, il-kwestjonarji mimlija u l-korrispondenza mogħtija mill-partijiet interessati li għaliha qed jintalab trattament kunfidenzjali għandhom ikunu mmarkati “Ristretti (4)”.

Il-partijiet interessati li qed jagħtu informazzjoni “Ristretta” għandhom jipprovdu taqsiriet mhux kunfidenzjali tagħha skont l-Artikolu 19(2) tar-Regolament bażiku, li għandhom ikunu mmarkati “Għall-ispezzjoni mill-partijiet interessati”. Dawn it-taqsiriet għandhom ikunu dettaljati biżżejjed biex jippermettu fehim raġonevoli tas-sustanza tal-informazzjoni mressqa b’mod kunfidenzjali. Jekk parti interessata li tipprovdi informazzjoni kunfidenzjali ma tipprovdix taqsira mhux kunfidenzjali tagħha fil-format u l-kwalità mitluba, tali informazzjoni kunfidenzjali tista’ jiġi injorata.

Il-partijiet interessati għandhom jagħmlu s-sottomissjonijiet u t-talbiet kollha f'għamla elettronika (is-sottomissjonijiet mhux kunfidenzjali permezz tal-email, dawk kunfidenzjali fuq CD-R/DVD), u għandhom jindikaw l-isem, l-indirizz, l-indirizz tal-email, in-numri tat-telefown u tal-faks tal-parti interessata. Madankollu, kull Prokura, ċertifikazzjonijiet iffirmati, u kull aġġornament tagħhom, li jakkumpanjaw it-tweġibiet tal-kwestjonarju għandhom jiġu sottomessi f'għamla ta' dokument, jiġifieri bil-posta jew bl-idejn, fl-indirizz ta' hawn taħt. Jekk xi parti interessata ma tkunx tista' tagħti s-sottomissjonijiet u t-talbiet tagħha f'għamla elettronika, din għandha tgħarraf minnufih lill-Kummissjoni f'konformità mal-Artikolu 18(2) tar-Regolament bażiku. Għal aktar informazzjoni dwar il-korrispondenza mal-Kummissjoni, il-partijiet interessati jistgħu jikkonsultaw il-paġna tal-web rilevanti fil-websajt tad-Direttorat Ġenerali għall-Kummerċ: http://ec.europa.eu/trade/tackling-unfair-trade/trade-defence

L-indirizz tal-Kummissjoni għall-korrispondenza:

European Commission

Directorate-General for Trade

Directorate H

Office: N105 04/092

1049 Bruxelles/Brussel

BELGIQUE/BELGIË

Fax +32 22998104

Posta elettronika: trade-ethanolamine-interim@ec.europa.eu

6.   Nuqqas ta' kooperazzjoni

F’każijiet fejn xi parti interessata tirrifjuta l-aċċess jew ma tipprovdix l-informazzjoni meħtieġa fil-limiti ta' skadenza stipulati, jew tfixkel b’mod sinifikanti l-investigazzjoni, is-sejbiet, pożittivi jew negattivi, jistgħu jsiru fuq il-bażi tal-fatti disponibbli, skont l-Artikolu 18 tar-Regolament bażiku.

Fejn jinstab li xi parti interessata tkun tat informazzjoni falza jew qarrieqa, l-informazzjoni tista' tiġi injorata u jistgħu jintużaw il-fatti disponibbli.

Jekk parti interessata ma tikkooperax jew tikkoopera biss parzjalment u s-sejbiet ikunu għalhekk ibbażati fuq fatti disponibbli skont l-Artikolu 18 tar-Regolament bażiku, ir-riżultat jista’ jkun inqas favorevoli għal dik il-parti milli kieku tkun ikkooperat.

7.   Uffiċjal tas-Seduta

Il-partijiet interessati jistgħu jitolbu l-intervent tal-Uffiċjal tas-Seduta tad-Direttorat Ġenerali għall-Kummerċ. L-Uffiċjal tas-Seduta jagħmilha ta’ medjatur bejn il-partijiet interessati u s-servizzi ta' investigazzjoni tal-Kummissjoni. L-Uffiċjal tas-Seduta jirrevedi t-talbiet għal aċċess għall-fajl, it-tilwim dwar il-kunfidenzjalità tad-dokumenti, it-talbiet għal estensjoni tal-iskadenzi u t-talbiet għal smigħ minn terzi persuni. L-Uffiċjal tas-Seduta jista’ jorganizza seduta ta' smigħ ma’ parti interessata individwali u jagħmilha ta’ medjatur biex jiżgura li d-drittijiet għad-difiża tal-partijiet interessati jkunu qegħdin jitħaddmu b’mod sħiħ.

Talba għal seduta ta' smigħ mal-Uffiċjal tas-Seduta għandha ssir bil-miktub u għandha tispeċifika r-raġunijiet li għalihom tkun qiegħda ssir. Għal seduti ta' smigħ dwar kwistjonijiet li jikkonċernaw l-istadju inizjali tal-investigazzjoni ta’ reviżjoni, it-talba għandha titressaq fi żmien 15-il jum mid-data tal-pubblikazzjoni ta’ din in-notifika f'Il-Ġurnal Uffiċjali tal-Unjoni Ewropea. Minn hemm 'il quddiem, talba għal smigħ għandha titressaq sad-dati speċifiċi ta' skadenza stabbiliti mill-Kummissjoni fil-komunikazzjonijiet tagħha mal-partijiet.

L-Uffiċjal tas-Seduta jipprovdi wkoll l-opportunitajiet biex issir seduta ta' smigħ li tinvolvi l-partijiet u tippermetti li jiġu ppreżentati fehmiet differenti u li jitressqu argumenti kuntrarji dwar kwistjonijiet li jirrigwardaw, fost l-oħrajn, id-dumping.

Għal aktar informazzjoni u dettalji tal-kuntatt, il-partijiet interessati jistgħu jikkonsultaw il-paġni web tal-Uffiċjal tas-Seduta fuq il-websajt tad-Direttorat Ġenerali għall-Kummerċ: http://ec.europa.eu/trade/tackling-unfair-trade/hearing-officer/index_en.htm

8.   Skeda tal-investigazzjoni ta’ reviżjoni

L-investigazzjoni ta’ reviżjoni se tkun konkluża, skont l-Artikolu 11(5) tar-Regolament bażiku fi żmien 15-il xahar mid-data tal-pubblikazzjoni ta' din in-notifika f'Il-Ġurnal Uffiċjali tal-Unjoni Ewropea.

9.   Ipproċessar tad-dejta personali

Kull dejta personali li tinġabar f’din l-investigazzjoni ta’ reviżjoni se tiġi trattata skont ir-Regolament (KE) Nru 45/2001 tal-Parlament Ewropew u tal-Kunsill dwar il-protezzjoni ta' individwu fir-rigward tal-ipproċessar ta' dejta personali mill-istituzzjonijiet u l-korpi tal-Komunità u dwar il-moviment liberu ta' dik id-dejta (5).

---

(1)  ĠU L 343, 22.12.2009, p. 51.

(2)  ĠU L 17, 22.1.2010, p. 1.

(3)  ĠU C 18, 21.1.2012, p. 16.

(4)  Dokument “Ristrett” huwa dokument li huwa kkunsidrat kunfidenzjali skont l-Artikolu 19 tar-Regolament tal-Kunsill (KE) Nru 1225/2009 (ĠU L 343, 22.12.2009, p. 51) u l-Artikolu 6 tal-Ftehim tad-WTO dwar l-Implimentazzjoni tal-Artikolu VI tal-GATT 1994 (il-Ftehim Anti-Dumping). Huwa wkoll dokument protett skont l-Artikolu 4 tar-Regolament (KE) Nru 1049/2001 tal-Parlament Ewropew u tal-Kunsill (ĠU L 145, 31.5.2001, p. 43).

(5)  ĠU L 8, 12.1.2001, p. 1.

---