ISSN 1977-0987 doi:10.3000/19770987.C_2012.091.mlt |
||
Il-Ġurnal Uffiċjali tal-Unjoni Ewropea |
C 91 |
|
Edizzjoni bil-Malti |
Informazzjoni u Avviżi |
Volum 55 |
Avviż Nru |
Werrej |
Paġna |
|
II Komunikazzjonijiet |
|
|
KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA |
|
|
Il-Kummissjoni Ewropea |
|
2012/C 091/01 |
Ebda oppożizzjoni għal konċentrazzjoni notifikata (Każ COMP/M.6489 – Saint-Gobain/Trakya/Sisecam/JV) ( 1 ) |
|
|
IV Informazzjoni |
|
|
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA |
|
|
Il-Kummissjoni Ewropea |
|
2012/C 091/02 |
||
|
Il-Qorti tal-Awdituri |
|
2012/C 091/03 |
||
|
V Avviżi |
|
|
ATTI OĦRAJN |
|
|
Il-Kummissjoni Ewropea |
|
2012/C 091/04 |
||
|
|
|
(1) Test b’relevanza għaż-ŻEE |
MT |
|
II Komunikazzjonijiet
KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
Il-Kummissjoni Ewropea
28.3.2012 |
MT |
Il-Ġurnal Uffiċjali tal-Unjoni Ewropea |
C 91/1 |
Ebda oppożizzjoni għal konċentrazzjoni notifikata
(Każ COMP/M.6489 – Saint-Gobain/Trakya/Sisecam/JV)
(Test b’relevanza għaż-ŻEE)
2012/C 91/01
Fil-21 ta’ Marzu 2012, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq komuni. Din id-deċiżjoni hi bbażata fuq l-Artikolu 6(1)b tar-Regolament tal-Kunsill (KE) Nru 139/2004. It-test sħiħ tad-deċiżjoni hu disponibbli biss fl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:
— |
Fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta' amalgamazzjoni, inklużi l-kumpanija, in-numru tal-każ, id-data u l-indiċi settorjali, |
— |
f’forma elettronika fil-websajt EUR-Lex (http://eur-lex.europa.eu/en/index.htm) fid-dokument li jġib in-numru 32012M6489. Il-EUR-Lex hu l-aċċess fuq l-internet għal-liġi Ewropea. |
IV Informazzjoni
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
Il-Kummissjoni Ewropea
28.3.2012 |
MT |
Il-Ġurnal Uffiċjali tal-Unjoni Ewropea |
C 91/2 |
Rata tal-kambju tal-euro (1)
Is-27 ta’ Marzu 2012
2012/C 91/02
1 euro =
|
Munita |
Rata tal-kambju |
USD |
Dollaru Amerikan |
1,3333 |
JPY |
Yen Ġappuniż |
110,57 |
DKK |
Krona Daniża |
7,4357 |
GBP |
Lira Sterlina |
0,83590 |
SEK |
Krona Żvediża |
8,8935 |
CHF |
Frank Żvizzeru |
1,2056 |
ISK |
Krona Iżlandiża |
|
NOK |
Krona Norveġiża |
7,5710 |
BGN |
Lev Bulgaru |
1,9558 |
CZK |
Krona Ċeka |
24,603 |
HUF |
Forint Ungeriż |
291,80 |
LTL |
Litas Litwan |
3,4528 |
LVL |
Lats Latvjan |
0,6984 |
PLN |
Zloty Pollakk |
4,1367 |
RON |
Leu Rumen |
4,3725 |
TRY |
Lira Turka |
2,3809 |
AUD |
Dollaru Awstraljan |
1,2681 |
CAD |
Dollaru Kanadiż |
1,3233 |
HKD |
Dollaru ta' Hong Kong |
10,3525 |
NZD |
Dollaru tan-New Zealand |
1,6203 |
SGD |
Dollaru tas-Singapor |
1,6744 |
KRW |
Won tal-Korea t'Isfel |
1 511,85 |
ZAR |
Rand ta' l-Afrika t'Isfel |
10,1035 |
CNY |
Yuan ren-min-bi Ċiniż |
8,3974 |
HRK |
Kuna Kroata |
7,5125 |
IDR |
Rupiah Indoneżjan |
12 208,57 |
MYR |
Ringgit Malażjan |
4,0746 |
PHP |
Peso Filippin |
57,260 |
RUB |
Rouble Russu |
38,6650 |
THB |
Baht Tajlandiż |
40,946 |
BRL |
Real Brażiljan |
2,4271 |
MXN |
Peso Messikan |
16,8782 |
INR |
Rupi Indjan |
67,6980 |
(1) Sors: rata tal-kambju ta' referenza ppubblikata mill-Bank Ċentrali Ewropew.
Il-Qorti tal-Awdituri
28.3.2012 |
MT |
Il-Ġurnal Uffiċjali tal-Unjoni Ewropea |
C 91/3 |
Ir-Rapport Speċjali Nru 2/2012 “L-istrumenti finanzjarji għall-SMEs kofinanzjati mill-Fond Ewropew għall-Iżvilupp Reġjonali”
2012/C 91/03
Il-Qorti Ewropea tal-Awdituri tinfurmak li r-Rapport Speċjali Nru 2/2012 “L-istrumenti finanzjarji għall-SMEs kofinanzjati mill-Fond Ewropew għall-Iżvilupp Reġjonali” għadu kif ġie ppubblikat.
Ir-rapport jista’ jiġi kkonsultat jew imniżżel mill-websajt tal-Qorti Ewropea tal-Awdituri: http://www.eca.europa.eu
Verżjoni stampata tar-rapport tista’ tinkiseb mingħajr ħlas fuq talba lill-Qorti tal-Awdituri:
Il-Qorti Ewropea tal-Awdituri |
Unità “Verifika: Il-Produzzjoni ta’ Rapporti” |
12, rue Alcide de Gasperi |
1615 Luxembourg |
LUXEMBOURG |
Tel. +352 4398-1 |
Posta elettronika: eca-info@eca.europa.eu |
jew billi timla formola ta’ ordni elettronika fl-EU-Bookshop.
V Avviżi
ATTI OĦRAJN
Il-Kummissjoni Ewropea
28.3.2012 |
MT |
Il-Ġurnal Uffiċjali tal-Unjoni Ewropea |
C 91/4 |
Pubblikazzjoni ta’ applikazzjoni skont l-Artikolu 6(2) tar-Regolament tal-Kunsill (KE) Nru 510/2006 dwar il-protezzjoni tal-indikazzjonijiet ġeografiċi u d-denominazzjonijiet tal-oriġini għall-prodotti agrikoli u l-oġġetti tal-ikel
2012/C 91/04
Din il-pubblikazzjoni tagħti d-dritt li wieħed joġġezzjona għat-talba skont l-Artikolu 7 tar-Regolament tal-Kunsill (KE) Nru 510/2006 (1). L-istqarrijiet ta’ oġġezzjoni għandhom jaslu għand il-Kummissjoni Ewropea fi żmien sitt xhur mid-data ta’ din il-pubblikazzjoni.
DOKUMENT UNIKU
IR-REGOLAMENT TAL-KUNSILL (KE) Nru 510/2006
“PÂTÉ DE CAMPAGNE BRETON”
KE Nru: FR-PGI-0005-0879-23.05.2011
IĠP ( X ) DPO ( )
1. Isem:
“Pâté de Campagne Breton”
2. Stat Membru jew pajjiż terz:
Franza
3. Deskrizzjoni tal-prodott agrikolu jew tal-oġġett tal-ikel:
3.1. It-tip ta’ prodott:
Il-kategorija 1.2. |
Prodotti tal-laħam (imsajrin, immellħin, affumikati, eċċ.) |
3.2. Deskrizzjoni tal-prodott li għalih japplika l-isem mogħti fil-punt 1:
Il-patè tat-tip “Pâté de Campagne Breton” huwa patè tal-laħam tal-majjal biss, li jsir mil-laħam tal-majjal u mill-ġewwieni tiegħu. Huwa jrid ikun fih ukoll l-ingredjenti tal-laħam li ġejjin: grieżem bla qoxra (25 % jew iktar), fwied (20 % jew iktar) u ġlud imsajrin (5 % jew iktar), kif ukoll il-basal frisk (5 % jew iktar). L-ingredjenti tal-laħam kif ukoll il-basal iridu jkunu friski.
Il-patè tat-tip “Pâté de Campagne Breton” hu magħmul minn għadd ta’ biċċiet kbar, imqattgħin b’mod raff, li huma mqassmin b’mod uniformi f’kull biċċa. Dan il-prodott għandu lewn skur, konsistenza soda u togħma qawwija ta’ laħam, fwied u basal.
Minbarra dawn l-ingredjenti li jridu bil-fors jintużaw fil-patè tat-tip “Pâté de Campagne Breton”, l-ingredjenti li mhumiex magħmulin mil-laħam – minbarra l-basal – jirrappreżentaw mhux iktar minn 15 % tal-massa totali użata biex jiġi prodott. Dawn huma l-ilma (fil-forom kollha tiegħu), il-brodu (5 % jew inqas), iz-zokkor (sukrożju, destrożju, lattożju) (1 % jew inqas), il-bajd sħiħ frisk, l-abjad tal-bajd frisk (2 % jew inqas tal-piż tal-materja niexfa jew tal-mili), id-dqiq, il-lamti (3 % jew inqas), l-aċidu assorbiku u l-askorbat tas-sodju (massimu ta’ 0,03 % tal-massa totali użata biex jiġi prodott), il-ġeli u l-ġelatina “G” tal-majjali, il-melħ (2 % jew inqas), il-bżar (0,3 % jew inqas), ħwawar oħrajn (noċemuskata, tewm, basal, tursin, sagħtar, rand), sajders u spirti magħmulin mit-tuffieħ (spirtu, “lambig”, eċċ.), l-ispirtu tat-tip “Chouchen”, in-nitrit tas-sodju jew tal-potassju u l-karamella ordinarja għall-kulur.
L-ingredjenti li ġejjin meħudin flimkien m’għandhomx jiffurmaw iktar minn 1,7 % tal-massa totali użata biex jiġi prodott: il-ġeli u l-ġelatina “G” tal-majjali, in-noċemuskata, it-tewm, il-basal, it-tursin, is-sagħtar, ir-rand, is-sajders u l-ispirti magħmulin mit-tuffieħ (spirtu, “lambig”, eċċ.), l-ispirtu tat-tip “Chouchen” u n-nitrit tas-sodju jew tal-potassju.
Meta jkun qed jiġi prodott dan il-patè, id-dijametru tal-biċċiet imqattgħin jiġi adattat għad-daqs tal-patè, sabiex tinkiseb dehra sodisfaċenti, ikun x’ikun id-daqs ta’ kull biċċa patè:
— |
għall-patè mibjugħ f’pakketti ta’ 200 gramma jew iktar, il-biċċiet imqattgħin ikollhom dijametru ta’ 8 millimetri jew iktar; |
— |
għall-patè mibjugħ f’pakketti ta’ 200 gramma jew inqas, il-biċċiet imqattgħin ikollhom dijametru ta’ 6 millimetri jew iktar. |
Wara l-biċċiet imqattgħin jitħalltu mal-mili fin li jirriżulta mill-ikkapuljar tal-ingredjenti tal-laħam u ta’ dawk li mhumiex magħmulin mil-laħam. Ix-xaħmijiet jistgħu jissaħħnu sa ma jiftħu jagħlu u mbagħad jiżdiedu mal-mili kif ikun għadhom sħan. Wara, il-mili jiġi ppakkjat u jinħema fil-forn jew jiddaħħal fil-laned b’mod mhux settiku (jiġi ppakkjat f’laned tal-metall, fi bwieqi tal-ħġieġ jew f’vażetti tal-ħġieġ).
Għall-prodotti li jinbiegħu friski, it-taħlita titgħatta b’borqom frisk tal-majjal u tinħema fil-forn u b’hekk tikseb il-qoxra tipika tagħha. Il-patès li jinbiegħu fil-bottijiet jinħmew fil-forn sa ma jieħdu qoxra kannellija u mbagħad jitħallew joqogħdu u jiġu sterilizzati.
3.3. Il-materja prima (għall-prodotti pproċessati biss):
Għall-materja prima li ġejja mil-laħam: Il-patè tat-tip “Pâté de Campagne Breton IGP” huwa magħmul minn laħam tal-majjal li jkun ġej minn razez li huma mniżżlin fir-reġistri tal-bhejjem jew fir-reġistri tat-tnissil tal-bhejjem tal-Korpi għall-għażla tal-majjali approvati mill-Ministru Franċiż għall-Agrikoltura. Jistgħu jintużaw ukoll annimali tal-istess razez li jitnisslu permezz ta’ skemi tal-għażla jew ta’ skemi ta’ taħlit tar-razez li jkollhom għanijiet li jkunu kompatibbli ma’ dawk tar-reġistru Franċiż tal-bhejjem.
Dan il-kriterju ta’ tniżżil fir-reġistri jippermetti li jiġu kkontrollati s-sorsi tal-forniment u jitneħħew l-annimali tat-tgħammir li jkollhom karatteristiki li ma jkunux favorevoli mil-lat ġenetiku (li jkunu sensittivi għall-istress) u li jinżammu biss dawk li jissodisfaw għadd partikulari ta’ kriterji kwalitattivi ddefiniti mill-Korpi għall-għażla tal-majjali bħal, pereżempju, il-kriterji dwar il-kontenut tal-ilma u tax-xaħam. Ir-razez imniżżlin fir-reġistru b’dan il-mod jikkostitwixxu l-bażi kwalitattiva tal-laħmijiet (dgħif, xaħam iebes, ġilda, biċċiet tar-ras li jistgħu jittieklu, il-qalb), li jintużaw biex jiġi prodott il-patè tat-tip “Pâté de Campagne Breton”.
Il-laħmijiet użati biex jiġi prodott il-patè tat-tip “Pâté de Campagne Breton” iridu jkunu ġejjin minn karkassi tal-majjali ta’ iktar minn 80 kilogramma. Il-karkassi ħfief wisq, b’karatteristiki nutrittivi u teknoloġiċi dgħajfa, huma esklużi.
Sabiex jiġi llimitat l-istress li jista’ jbaxxi l-kwalità tal-laħam u tax-xaħam, għandu jkun hemm perjodu ta’ stennija ta’ mhux inqas minn sagħtejn bejn il-ħatt tal-annimal fil-biċċerija u l-qtil tiegħu.
3.4. L-għalf (għall-prodotti li ġejjin mill-annimali biss):
L-ispeċifikazzjoni tal-prodott ma ssemmi l-ebda rekwiżiti speċifiċi b’rabta ma’ dan.
3.5. L-istadji speċifiċi tal-produzzjoni li għandhom jitwettqu fiż-żona ġeografika identifikata:
Il-patè tat-tip “Pâté de Campagne Breton” jiġi prodott fiż-żona ġeografika.
3.6. Ir-regoli speċifiċi għat-tqattigħ, għall-ħakk, għall-ippakkjar, eċċ.:
Il-patè tat-tip “Pâté de Campagne Breton” jinbiegħ:
— |
jew frisk u ppakkjat f’reċipjent tal-fuħħar, imgeżwer f’film tal-plastika jew f’atmosfera mmodifikata jew f’vakwu, |
— |
jew frisk u maqtugħ fil-post tal-produzzjoni stess, |
— |
jew frisk maqtugħ biċċa biċċa u mgeżwer f’film tal-plastika jew f’atmosfera mmodifikata jew f’vakwu għall-bejgħ fejn ix-xerrej jieħu li jrid hu stess; |
— |
jew imdaħħal fil-laned b’mod mhux settiku u ppakkjat f’bieqja tal-ħġieġ, f’landa tal-metall jew f’vażett tal-ħġieġ. |
Il-piż tiegħu jvarja minn 40 gramma sa 10 kilogrammi.
3.7. Ir-regoli speċifiċi għat-tikkettar:
It-tikketta tal-prodott għandha tinkludi dan li ġej: l-isem tal-IĠP, jiġifieri “Pâté de Campagne Breton”, l-isem u l-indirizz tal-korp ta’ ċertifikazzjoni u, jekk ikun il-każ, il-marka kollettiva ċċertifikata tiegħu, skont ir-regoli tal-użu tagħha, kif ukoll il-lowgo tal-IĠP tal-Unjoni Ewropea.
4. Deskrizzjoni fil-qosor taż-żona ġeografika:
Iż-żona ġeografika hija ż-żona tal-produzzjoni tradizzjonali ta’ dan il-prodott. Din tinkludi ż-żona kollha tad-dipartimenti li ġejjin: Côtes-d’Armor, Finistère, Ille-et-Vilaine, Loire-Atlantique u Morbihan.
5. Ir-rabta maż-żona ġeografika:
5.1. L-ispeċifiċità taż-żona ġeografika:
Ir-reġjun storiku tal-Brittanja jikkorrispondi għaż-żona tradizzjonali tal-produzzjoni tal-patè tat-tip “Pâté de Campagne Breton”. F’dan ir-reġjun, it-tradizzjoni tal-produzzjoni tal-prodotti tal-laħam (“charcuterie”) tmur lura għal sekli sħaħ. Fi żmien il-Brittanja Dukali, fis-seklu sittax, il-familji ta’ dan ir-reġjun kienu joqtlu l-majjali tagħhom u jipproduċu l-prodotti tal-laħam ippriservat tagħhom stess.
In-nies ta’ dan ir-reġjun użaw dan il-fattur speċifiku billi bdew jipproduċu diversi tipi ta’ prodotti tal-laħam, u b’mod partikulari l-patè tat-tip “Pâté de Campagne Breton”. Il-produzzjoni ta’ dan il-patè kienet tippermetti ’l dak li jkun ma jaħlix il-ġewwieni u l-fdalijiet tal-laħam li jibqgħu wara li l-majjal jitqatta’.
5.2. L-ispeċifiċità tal-prodott:
L-ispeċifiċità tal-patè tat-tip “Pâté de Campagne Breton” hija bbażata fuq kwalità speċifika u għarfien speċifiku, kif ukoll fuq il-fama tiegħu.
A.
Il-fwied, il-gerżuma, il-ġilda u xi kultant ukoll il-biċċiet tar-ras li jistgħu jittieklu jew il-qalb, kienu fost l-ingredjenti tal-patè tat-tip “Pâté de Campagne Breton”. Il-fwied, li kien jitqies bħala parti mill-annimal li fih valur kbir, jagħti lill-patè t-togħma, il-lewn u l-kwalità żejtnija tiegħu, u jagħtih togħma partikulari. Il-grieżem, il-ġlud imsajrin u l-basal huma tliet ingredjenti tradizzjonali essenzjali oħrajn tal-patè tat-tip “Pâté de Campagne Breton”, li wkoll jgħinu biex jagħtuh il-karatteristiki organolettiċi partikulari tiegħu. Il-basal, li jintuża fil-biċċa l-kbira tar-riċetti tradizzjonali ta’ dan ir-reġjun, iservi biex iħawwar l-ikel.
Il-fwied, id-dgħif u x-xaħam li jintuża fil-prodott għandu jitqatta’ b’mod raff. Il-preżenza ta’ biċċiet kbar tal-laħam f’dan il-prodott hija marbuta mal-metodi tal-produzzjoni li kienu jintużaw qabel. Illum il-ġurnata, sabiex tinżamm din il-karatteristika tal-prodott, il-produtturi tal-prodotti tal-laħam iridu jsiru esperti fit-teknika tat-tqattigħ, sabiex jinkisbu biċċiet b’dijametru kbir.
Il-preżenza ta’ borqom fuq barra tal-patè, li qabel kien jintuża sabiex il-mili jingħata sura u sabiex il-prodott jiġi protett, illum il-ġurnata għadha ħaġa obbligatorja għall-patè tat-tip “Pâté de Campagne Breton” li jinbiegħ frisk sabiex dan iżomm id-dehra tradizzjonali tiegħu.
Dan jippermetti li l-prodott jikseb il-karatteristiki organolettiċi speċifiċi tiegħu: konsistenza soda u li tqarmeċ u togħma qawwija ta’ laħam, majjal imsajjar, fwied u basal.
B.
Fl-antik, kien hemm l-użanza li l-laħam jintuża mill-ewwel malli jitqatta’ l-majjal. Dak iż-żmien, l-għodod li kienu jintużaw għat-tqattigħ tal-majjali u tal-laħam (l-imnanar għat-tqattigħ tal-laħam, is-skieken) kienu jwasslu għal biċċiet tal-laħam li kienu kbar u għalhekk il-patè tat-tip “Pâté de Campagne Breton” kien jiġi prodott b’biċċiet imqattgħin b’mod raff.
Qabel, il-patè tat-tip “Pâté de Campagne Breton” kien jinħema fil-forn tal-ħobż għand tal-ħobż jew fil-forn tal-ħobż tar-raħal, f’dixxijiet mhux mgħottijin imsejħin “plats sabots” jew “casse à pâté” jewinkella f’reċipjenti apposta. Il-ħami f’forn niexef f’dixxijiet mhux mgħottijin iwassal biex iz-zokkor isir qisu karamella u jwassal għal proċessi li jagħtu lewn kannella lill-qoxra tal-prodott. Qabel jinħema, il-patè wkoll kien jitgħatta b’borqom tal-majjal sabiex it-taħlita tiġi llixxata, tingħata sura u tiġi protetta. B’hekk il-mili kien jibqa’ f’postu u l-prodott ma kienx jiġi xott. Il-karatteristiki speċifiċi tal-patè tat-tip “Pâté de Campagne Breton” ġejjin mill-metodu ta’ produzzjoni tiegħu, li ngħadda minn ġenerazzjoni ta’ produtturi tal-industrija tal-prodotti tal-laħam għall-oħra, u huma rrikonoxxuti b’mod uffiċjali. Fil-fatt, hemm definizzjoni speċifika ta’ dan it-tip ta’ patè fil-Kodiċi msejjaħ “Code des usages de la Charcuterie, de la Salaison et des Conserves de Viandes”, fil-kategorija msejħa “Pâté de campagne supérieur”.
C.
F’konformità mat-tradizzjoni tal-produzzjoni tiegħu fid-djar individwali, il-produzzjoni tal-patè tat-tip “Pâté de Campagne Breton” fid-djar inżammet matul is-snin. Qabel, dan il-platt magħmul fid-djar kien jitħejja wara l-festa msejħa “Fest an oc'h” li kienet issir b’rabta mas-sagrifiċċju tal-majjali.
Huwa u jżomm mal-fama tajba tiegħu, il-patè tat-tip “Pâté de Campagne Breton” għandu post importanti fil-wirt kulinari Franċiż.
Għal iktar minn 30 sena, is-setturi industrijali tar-reġjun tal-Brittanja ħadmu flimkien biex ikomplu jinżammu l-fama u l-ispeċifiċità tal-patè tat-tip “Pâté de Campagne Breton”. Dan il-patè huwa prodott tal-laħam li huwa apprezzat kemm mid-distributuri kif ukoll mill-konsumaturi.
Fl-aħħar tas-seklu dsatax, l-industrija tar-reġjun tal-Brittanja tal-ippreservar tal-ħut fil-laned żviluppat sewwa. Dawn il-kumpaniji malajr bdew jippreservaw ukoll prodotti tal-ikel oħrajn fil-laned b’mod mhux settiku. B’hekk, il-patè tat-tip “Pâté de Campagne Breton” tqiegħed fil-laned b’mod mhux settiku għall-ewwel darba diversi deċennji ilu. Illum il-ġurnata, il-konsumaturi japprezzaw dan il-prodott kemm frisk kif ukoll imdaħħal fil-laned b’mod mhux settiku.
5.3. Ir-rabta kawżali bejn iż-żona ġeografika u l-kwalità jew il-karatteristiki tal-prodott (għad-DPO) jew il-kwalità speċifika, ir-reputazzjoni jew il-karatteristiki l-oħra tal-prodott (għall-IĠP):
Il-patè tat-tip “Pâté de Campagne Breton” ġej mit-tradizzjoni twila ta’ tkabbir tal-majjali u tal-ipproċessar tagħhom fil-post tat-tkabbir. Is-sistemi agrikoli fir-reġjun tal-Brittanja malajr iffukaw fuq it-tkabbir, u b’mod partikulari fuq it-tkabbir tal-majjali, f’kull azjenda agrikola.
B’hekk il-produtturi tgħallmu jipproċessaw il-biċċiet kollha tal-laħam li kien ikollhom għad-dispożizzjoni tagħhom. Il-fatt li l-produzzjoni kienet tibda eżatt malli jitqatta’ l-laħam kien jiżgura li l-prodott ikun frisk – ħaġa importanti minħabba li, dak iż-żmien, il-metodi għall-ippreservar tal-laħam kienu limitati.
Tradizzjonalment, kienu jintużaw il-partijiet kollha tal-majjal li setgħu jittieklu. B’hekk il-prodott kien ikollu konsistenza u togħma partikulari. L-użu tal-fwied, li fil-bidu tas-seklu għoxrin kien meqjus bħala parti mill-majjal li fih valur kbir, malajr sar waħda mill-karatteristiki ewlenin tal-patè tat-tip “Pâté de Campagne Breton”, u jagħti lill-prodott lewn li jagħti fir-roża u togħma partikulari ħafna.
Il-produtturi użaw il-firxa wiesgħa ta’ ħaxix imkabbar fir-reġjun sabiex idaħħlu l-basal mal-patè tat-tip “Pâté de Campagne Breton”. L-użu tal-basal ukoll jagħti togħma partikulari lill-prodott minħabba li, meta jkun qed isir, toħroġ it-togħma tal-frott tal-basal, li tikkumplimenta tajjeb it-togħma tal-laħam.
Il-patè tat-tip “Pâté de Campagne Breton” ġej mill-għarfien tal-produtturi li għarfu jagħtu lil dan il-prodott karatteristiki partikulari. Minbarra l-ingredjenti, il-biċċiet tal-laħam imqattgħin b’mod raff jgħinu biex wieħed jidentifika dan il-prodott b’mod faċli meta jkun imqatta’ biċċa biċċa. Il-qoxra kannella hija marbuta bis-sħiħ mal-prodott minħabba l-ħami tradizzjonali tiegħu fil-fran pubbliċi.
F’dak li għandu x’jaqsam mal-fama tiegħu, diversi xogħlijiet jikklassifikaw il-patè tat-tip “Pâté de Campagne Breton” bħala wieħed mill-prodotti tradizzjonali tar-reġjun tal-Brittanja jew jagħtu r-riċetta tiegħu. Diversi gwidi dwar ir-reġjun tal-Brittanja, fosthom dak imsejjaħ “Le Finistère gourmand 1997/1998”, jirreferu għad-diversi speċjalitajiet tar-reġjun u jfaħħru b’mod partikulari l-patè tat-tip “Pâté de Campagne Breton”. Bl-istess mod, il-gwida msejjaħ “Terroir de Bretagne” ifaħħar it-tradizzjoni tal-produzzjoni tal-prodotti tal-laħam fir-reġjun tal-Brittanja u jgħid hekk: “(…) Erbgħin, jew saħansitra ħamsin, kilogramma ta’ patè tat-tip ‘Pâté de Campagne Breton’ jiġu prodotti kull ġimgħa minn produttur tal-prodotti tal-laħam fil-kampanja. Kull wieħed minn dawn il-produtturi jħares b’attenzjoni r-riċetta tiegħu stess, imma kollha jħarsu l-proporzjonijiet bażiċi li ġejjin: terz ġewwieni u żewġ terzi grieżem (…)”. Il-patè tat-tip “Pâté de Campagne Breton” jissemma f’diversi kotba tat-tisjir, kemm qodma, kif ukoll moderni, fosthom f’dawn li ġejjin:
— |
“Gastronomie bretonne d’hier et d’aujourd’hui” (S. Morand, 1965); |
— |
“Les cuisines de France — Bretagne” (M. Raffael u D. Lozambard, 1990); |
— |
“Tout est bon dans le cochon” (J. C. Frentz u C. Vence, 1988); |
— |
“L’inventaire du patrimoine culinaire de la France, Bretagne — Produits du terroir et recettes traditionnelles” (CNAC, 1994); |
— |
“Le bottin gourmand 1996”; |
— |
“La France des saveurs”, Gallimard, 1997; u |
— |
“Vivre ici, hors Bretagne 1994”. |
Għalhekk, il-fama ta’ dan il-prodott hija marbuta sewwa ma’ ismu u ġejja miż-żona ġeografika.
Dawn il-fatturi kollha jippermettu ’l dak li jkun jiddistingwi l-patè tat-tip “Pâté de Campagne Breton” b’mod faċli mill-patès l-oħra u jiżguraw produzzjoni tipika li hija stabbilita sewwa fir-reġjun tal-oriġini tal-prodott.
Referenza għall-pubblikazzjoni tal-ispeċifikazzjoni:
(L-Artikolu 5(7) tar-Regolament tal-Kunsill (KE) Nru 510/2006)
https://www.inao.gouv.fr/fichier/CDCIGPPatedecampagnebretonQCE12102011.pdf
(1) ĠU L 93, 31.3.2006, p. 12.