24.3.2012

MT

Il-Ġurnal Uffiċjali tal-Unjoni Ewropea

C 88/1

---

Awtorizzazzjoni għal għajnuna mill-Istat skont l-Artikoli 107 u 108 tat-TFUE

Fir-rigward ta' dawn il-każijiet il-Kummissjoni ma tqajjimx oġġezzjonijiet

(Test b’relevanza għaż-ŻEE)

2012/C 88/01

Data tal-adozzjoni tad-Deċiżjoni	16.12.2011
In-numru ta' referenza tal-għajnuna	SA.32603 (11/N)
Stat Membru	L-Italja
Reġjun	—
Titolu (u/jew isem tal-benefiċjarju)	Misure a sostegno del trasporto combinato e/o trasbordato su ferrovia — c.d. «Ferrobonus»
Il-bażi legali	Decreto del Ministro delle Infrastrutture e dei Trasporti n. 592 del 4 agosto 2010; Decreto del Ministro delle Infrastrutture e dei Trasporti n. 750 del 4 ottobre 2010; Decreto dirigenziale n. 3284 del 15 novembre 2010
It-tip tal-miżura	Skema ta' għajnuna
L-għan	Żvilupp settorjali, Il-ħarsien tal-ambjent
Il-forma tal-għajnuna	Għotja diretta
L-estimi	Baġit annwali: EUR 25,7 miljun   Baġit globali: EUR 25,7 miljun
L-intensità	37 %
It-tul ta' żmien	2011-2012
Setturi ekonomiċi	Il-ferroviji
Isem u indirizz tal-awtorità responsabbli mill-għajnuna	Ministero delle infrastrutture e dei trasporti Via Nomentana 2 Viale dell'Arte 16 Via Caraci 36 00161 Roma RM ITALIA
Aktar informazzjoni	—

It-test tad-deċiżjoni fil-lingwa jew lingwi awtentika/awtentiċi, li minnu tneħħew il-partijiet kunfidenzjali kollha, jinsab fuq is-sit:

http://ec.europa.eu/community_law/state_aids/state_aids_texts_mt.htm

---

24.3.2012

MT

Il-Ġurnal Uffiċjali tal-Unjoni Ewropea

C 88/3

---

Ebda oppożizzjoni għal konċentrazzjoni notifikata

(Każ COMP/M.6452 – Nomura/HLV/DLP/DLA/DLL)

(Test b’relevanza għaż-ŻEE)

2012/C 88/02

Fis-16 ta’ Marzu 2012, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq komuni. Din id-deċiżjoni hi bbażata fuq l-Artikolu 6(1)b tar-Regolament tal-Kunsill (KE) Nru 139/2004. It-test sħiħ tad-deċiżjoni hu disponibbli biss fl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:

—

Fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta' amalgamazzjoni, inklużi l-kumpanija, in-numru tal-każ, id-data u l-indiċi settorjali,

—	f’forma elettronika fil-websajt EUR-Lex (http://eur-lex.europa.eu/en/index.htm) fid-dokument li jġib in-numru 32012M6452. Il-EUR-Lex hu l-aċċess fuq l-internet għal-liġi Ewropea.

---

24.3.2012

MT

Il-Ġurnal Uffiċjali tal-Unjoni Ewropea

C 88/4

---

Awtorizzazzjoni għal għajnuna mill-Istat skont l-Artikoli 107 u 108 tat-TFUE

Fir-rigward ta' dawn il-każijiet il-Kummissjoni ma tqajjimx oġġezzjonijiet

(Test b’rilevanza għaż-ŻEE, għajr f’dak li għandu x’jaqsam mal-prodotti rilevanti mal-Anness I tat-Trattat)

2012/C 88/03

Data tal-adozzjoni tad-Deċiżjoni	5.10.2011
In-numru ta' referenza tal-għajnuna	SA.33053 (11/N)
Stat Membru	L-Ungerija
Reġjun	—	Artikolu 107(3)(a)
Titolu (u/jew isem tal-benefiċjarju)	Pannonia Ethanol Zrt. fejlesztési adókedvezménye
Il-bażi legali	— 1996. évi LXXXI. törvény a társasági adóról és az osztalékadóról; — 206/2006. (X. 16.) Korm. rendelet a fejlesztési adókedvezményről
It-tip tal-miżura	għajnuna individwali	Pannonia Ethanol Zártkörűen Működő Részvénytársaság
L-għan	Investiment fl-ipproċessar u fis-suq
Il-forma tal-għajnuna	Benefiċċju fuq it-taxxa
L-estimi	Baġit globali: HUF 9 836,17 (f'miljuni)
L-intensità	37,63 %
It-tul ta' żmien	—
Setturi ekonomiċi	Agrikoltura, forestrija u sajd
Isem u indirizz tal-awtorità responsabbli mill-għajnuna	Ministry for National Economy Budapest József nádor tér 2–4. 1051 MAGYARORSZÁG/HUNGARY
Aktar informazzjoni	—

It-test tad-deċiżjoni fil-lingwa jew lingwi awtentika/awtentiċi, li minnu tneħħew il-partijiet kunfidenzjali kollha, jinsab fuq is-sit:

http://ec.europa.eu/community_law/state_aids/state_aids_texts_mt.htm

Data tal-adozzjoni tad-Deċiżjoni	29.2.2012
In-numru ta' referenza tal-għajnuna	SA.33176 (11/N)
Stat Membru	L-Italja
Reġjun	—	—
Titolu (u/jew isem tal-benefiċjarju)	Misura 223 — Imboschimento di superfici non agricole
Il-bażi legali	— risoluzione del Consiglio relativa a una Strategia forestale per l'Unione europea 1999/C 56/01, — comunicazione della Commissione al Consiglio e al Parlamento europeo sull'attuazione della Strategia forestale dell'Unione europea COM(2005) 84 def. del 10 marzo 2005, — comunicazione della Commissione al Consiglio e al Parlamento europeo: Piano d’azione dell’UE per le foreste (Forest Action Plan) sull'attuazione della Strategia forestale dell'Unione europea COM(2006) 302 def. del 15 giugno 2006, — Decreto legislativo n. 227/2001 e successive modifiche, — Decreto ministeriale 15 giugno 2005«Linee guida di programmazione forestale», — Programma quadro nazionale per il settore forestale (PQSF) approvato in CSR il 18 dicembre 2008, — leggi e regolamenti regionali e, in assenza, Prescrizioni di massima e di Polizia forestale, previste dal R.D.L. 30 dicembre 1923, n. 3267, — norme d'uso di gestione e salvaguardia dei boschi, di competenza regionale, formulate sulla base dei principi internazionali di gestione forestale sostenibile. Tali norme sono di competenza della Regioni e sono formulate, sulla base delle caratteristiche territoriali, sui principi internazionali di Gestione Forestale sostenibile (Conferenze ministeriali per la protezione delle foreste in Europa (MCPFE), adottati dal Governo italiano e dalle Amministrazioni Regionali
It-tip tal-miżura	Skema	—
L-għan	Forestrija
Il-forma tal-għajnuna	Għotja diretta
L-estimi	Baġit globali: EUR 40,86 (f'miljuni)
L-intensità	80 %
It-tul ta' żmien	sal-31.12.2013
Setturi ekonomiċi	Forestrija u qtugħ u trasport ta' siġar għall-injam
Isem u indirizz tal-awtorità responsabbli mill-għajnuna	Ministero delle politiche agricole alimentari e forestali Via XX Settembre 20 00187 Roma RM ITALIA
Aktar informazzjoni	—

It-test tad-deċiżjoni fil-lingwa jew lingwi awtentika/awtentiċi, li minnu tneħħew il-partijiet kunfidenzjali kollha, jinsab fuq is-sit:

http://ec.europa.eu/community_law/state_aids/state_aids_texts_mt.htm

---

24.3.2012

MT

Il-Ġurnal Uffiċjali tal-Unjoni Ewropea

C 88/6

---

Avviż għall-attenzjoni tal-persuni li għalihom japplikaw il-miżuri previsti fid-Deċiżjoni tal-Kunsill 2011/235/PESK, kif emendata mid-Deċiżjoni 2012/168/PESK, u fir-Regolament tal-Kunsill (UE) Nru 359/2011, kif emendat mir-Regolament (UE) Nru 264/2012 dwar miżuri restrittivi diretti kontra ċerti persuni u entitajiet fid-dawl tas-sitwazzjoni fl-Iran

2012/C 88/04

L-informazzjoni li ġejja qed tinġieb għall-attenzjoni tal-persuni li jidhru fl-Anness għad-Deċiżjoni tal-Kunsill 2011/235/PESK, kif emendata mid-Deċiżjoni 2012/168/PESK (1), u f'Anness I għar-Regolament tal-Kunsill (UE) Nru 359/2011, kif emendat mir-Regolament (UE) Nru 264/2012 (2) dwar miżuri restrittivi diretti kontra ċerti persuni u entitajiet fid-dawl tas-sitwazzjoni fl-Iran.

Il-Kunsill tal-Unjoni Ewropea ddetermina li l-persuni li jidhru fl-Annessi msemmijin hawn fuq għandhom jiġu inklużi fil-lista ta' persuni u entitajiet soġġetti għal miżuri restrittivi previsti fid-Deċiżjoni 2011/235/PESK u fir-Regolament (UE) Nru 359/2011. Il-fini għan-nomini ta' dawk il-persuni jidhru fl-entrati rilevanti f'dawk l-Annessi.

Tinġibed l-attenzjoni tal-persuni kkonċernati għall-possibbiltà li ssir applikazzjoni lill-awtoritajiet kompetenti tal-Istat(i) Membru/i rilevanti kif indikat fis-siti elettroniċi fl-Anness II għar-Regolament (UE) Nru 359/2011, sabiex tinkiseb awtorizzazzjoni biex il-fondi ffriżati jintużaw għal ħtiġijiet bażiċi jew ħlasijiet speċifiċi (ara l-Artikolu 4 tar-Regolament).

Il-persuni kkonċernati jistgħu jibagħtu talba lill-Kunsill, flimkien ma' dokumentazzjoni ta' sostenn, li d-deċiżjoni biex jiġu inklużi fil-lista msemmija hawn fuq għandha tiġi kkunsidrata mill-ġdid, fl-indirizz li ġej:

Kunsill tal-Unjoni Ewropea

Segretarjat Ġenerali

Unità tal-Koordinazzjoni DG K

Rue de la Loi/Wetstraat 175

1048 Bruxelles/Brussel

BELGIQUE/BELGIË

Tinġibed ukoll l-attenzjoni tal-persuni kkonċernati għall-possibbiltà li jikkontestaw id-deċiżjoni tal-Kunsill quddiem il-Qorti Ġenerali tal-Unjoni Ewropea, f'konformità mal-kondizzjonijiet stabbiliti fl-Artikolu 275(2) u l-Artikolu 263(4) u (6) tat-Trattat dwar il-Funzjonament tal-Unjoni Ewropea.

---

(1)  ĠU L 87, 24.3.2012.

(2)  ĠU L 87, 24.3.2012.

---

24.3.2012

MT

Il-Ġurnal Uffiċjali tal-Unjoni Ewropea

C 88/7

---

Avviż għall-attenzjoni tal-persuni li għalihom japplikaw il-miżuri restrittivi previsti fid-Deċiżjoni tal-Kunsill 2011/486/PESK, kif implimentata bid-Deċiżjoni ta' Implimentazzjoni tal-Kunsill 2012/167/PESK, u bir-Regolament tal-Kunsill (UE) Nru 753/2011, kif implimentat bir-Regolament ta' Implimentazzjoni tal-Kunsill (UE) Nru 263/2012 dwar miżuri restrittivi fid-dawl tas-sitwazzjoni fl-Afganistan

2012/C 88/05

L-informazzjoni li ġejja qed tinġieb għall-attenzjoni tal-persuni li jidhru fl-Anness għad-Deċiżjoni tal-Kunsill 2011/486/PESK, kif implimentata bid-Deċiżjoni ta' Implimentazzjoni tal-Kunsill 2012/167/PESK (1), u fl-Anness I għar-Regolament tal-Kunsill (UE) Nru 753/2011, kif implimentat bir-Regolament ta' Implimentazzjoni tal-Kunsill (UE) Nru 263/2012 (2) dwar miżuri restrittivi fid-dawl tas-sitwazzjoni fl-Afganistan.

Il-Kunsill tas-Sigurtà tan-Nazzjonijiet Uniti adotta r-Riżoluzzjoni 1988 (2011), li timponi miżuri restrittivi fir-rigward tal-individwi u l-entitajiet nominati, qabel id-data tal-adozzjoni ta' din ir-Riżoluzzjoni, bħala t-Taliban, u individwi, gruppi, impriżi u entitajiet oħrajn assoċjati magħhom, kif speċifikat fit-Taqsima A (“Individwi assoċjati mat-Taliban”) u t-Taqsima B (“entitajiet u gruppi u impriżi oħrajn assoċjati mat-Taliban”) tal-Lista Konsolidata tal-Kumitat stabbilita skont ir-Riżoluzzjonijiet 1267 (1999) u 1333 (2000), kif ukoll individwi, gruppi, impriżi u entitajiet oħrajn assoċjati mat-Taliban.

Fid-29 ta' Novembru 2011, is-6 ta' Jannar 2012, it-13 ta' Frar 2012, l-1 ta' Marzu u s-16 ta' Marzu 2012, il-Kumitat stabbilit skont il-paragrafu 30 tar-Riżoluzzjoni 1988 (2011) tal-Kunsill tas-Sigurtà tan-Nazzjonijiet Uniti aġġorna l-lista ta' individwi, gruppi, impriżi u entitajiet soġġetti għal miżuri restrittivi.

Il-persuni kkonċernati jistgħu jippreżentaw fi kwalunkwe ħin talba lill-Kumitat tan-NU stabbilit skont il-paragrafu 30 tal-UNSCR 1988 (2011), flimkien ma' kwalunkwe dokumentazzjoni ta' appoġġ, biex id-deċiżjonijiet li huma jiġu inklużi fil-lista tan-NU jkunu kkunsidrati mill-ġdid. Din it-talba għandha tintbagħat fl-indirizz segwenti:

United Nations — Focal point for delisting

Security Council Subsidiary Organs Branch

Room S-3055 E

New York, NY 10017

UNITED STATES OF AMERICA

Għal aktar informazzjoni ara: http://www.un.org/sc/committees/751/comguide.shtml

B'segwitu għad-deċiżjoni tan-NU, il-Kunsill tal-Unjoni Ewropea ddetermina li l-persuni nominati min-NU għandhom jiġu inklużi fil-listi ta' persuni, gruppi, impriżi u entitajiet li huma soġġetti għall-miżuri restrittivi previsti fid-Deċiżjoni 2011/486/PESK u r-Regolament (UE) Nru 753/2011. Ir-raġunijiet għall-elenkar tal-persuni kkonċernati jidhru fl-entrati rilevanti fl-Anness għad-Deċiżjoni tal-Kunsill u fl-Anness I għar-Regolament tal-Kunsill.

Qed tinġibed l-attenzjoni tal-persuni kkonċernati għall-possibbiltà li ssir applikazzjoni lill-awtoritajiet kompetenti tal-Istat(i) Membru/i rilevanti kif indikat fis-siti elettroniċi fl-Anness II għar-Regolament (UE) Nru 753/2011, sabiex tinkiseb awtorizzazzjoni biex jintużaw il-fondi ffriżati għal ħtiġijiet bażiċi jew ħlasijiet speċifiċi (ara l-Artikolu 5 tar-Regolament).

Il-persuni kkonċernati jistgħu jippreżentaw talba lill-Kunsill, flimkien ma' dokumentazzjoni ta' appoġġ, biex id-deċiżjoni li huma jiġu inklużi fil-listi msemmijin hawn fuq tkun ikkunsidrata mill-ġdid, fl-indirizz segwenti:

Kunsill tal-Unjoni Ewropea

Segretarjat Ġenerali

Unità tal-Koordinazzjoni DG K

Rue de la Loi/Wetstraat 175

1048 Bruxelles/Brussel

BELGIQUE/BELGIË

Qed tinġibed l-attenzjoni tal-persuni kkonċernati anke għall-possibbiltà li jikkontestaw id-Deċiżjoni tal-Kunsill quddiem il-Qorti Ġenerali tal-Unjoni Ewropea, konformement mal-kondizzjonijiet stabbiliti fl-Artikolu 275, it-2 paragrafu, u l-Artikolu 263, ir-4 u s-6 paragrafu, tat-Trattat dwar il-Funzjonament tal-Unjoni Ewropea.

---

(1)  ĠU L 87, 24.3.2012.

(2)  ĠU L 87, 24.3.2012.

---

24.3.2012

MT

Il-Ġurnal Uffiċjali tal-Unjoni Ewropea

C 88/9

---

Avviż għall-attenzjoni tal-persuni u l-entitajiet li għalihom japplikaw il-miżuri restrittivi previsti fid-Deċiżjoni tal-Kunsill 2011/782/PESK, kif implimentata bid-Deċiżjoni ta' Implimentazzjoni tal-Kunsill 2012/172/PESK, u r-Regolament tal-Kunsill (UE) Nru 36/2012, kif implimentat bir-Regolament ta' Implimentazzjoni tal-Kunsill (UE) Nru 266/2012 dwar miżuri restrittivi fid-dawl tas-sitwazzjoni fis-Sirja

2012/C 88/06

L-informazzjoni li ġejja qed titressaq għall-attenzjoni tal-persuni u l-entitajiet li jidhru fl-Anness I għad-Deċiżjoni tal-Kunsill 2011/782/PESK, kif implimentata bid-Deċiżjoni ta' Implimentazzjoni tal-Kunsill 2012/172/PESK (1), u fl-Anness II għar-Regolament tal-Kunsill (UE) Nru 36/2012, kif implimentat bir-Regolament ta' Implimentazzjoni tal-Kunsill (UE) Nru 266/2012 (2) dwar miżuri restrittivi fid-dawl tas-sitwazzjoni fis-Sirja.

Il-Kunsill tal-Unjoni Ewropea ddeċieda li l-persuni u l-entitajiet li jidhru fl-Annessi msemmija hawn fuq għandhom jiġu inklużi fil-lista ta' persuni u entitajiet soġġetti għall-miżuri restrittivi previsti fid-Deċiżjoni 2011/782/PESK u fir-Regolament (UE) Nru 36/2012 dwar miżuri restrittivi fid-dawl tas-sitwazzjoni fis-Sirja. Ir-raġunijiet għall-indikazzjonijiet ta' dawk il-persuni u l-enititajiet jidhru fl-entrati rilevanti f'dawk l-Annessi.

L-attenzjoni tal-persuni u l-entitajiet ikkonċernati qed tinġibed għall-possibbiltà li jagħmlu applikazzjoni lill-awtoritajiet kompetenti tal-Istat Membru/i rilevanti kif indikat fil-websites fl-Anness III għar-Regolament (UE) Nru 36/2012, sabiex jiksbu awtorizzazzjoni biex jużaw fondi ffriżati għal ħtiġijiet bażiċi jew ħlasijiet speċifiċi (ara l-Artikolu 16 tar-Regolament).

Il-persuni u l-entitajiet ikkonċernati jistgħu jippreżentaw talba lill-Kunsill, flimkien ma' dokumentazzjoni ta' appoġġ, biex id-deċiżjoni li jiġu inklużi fil-lista msemmija hawn fuq terġa' tiġi kkunsidrata, lill-indirizz li ġej:

Kunsill tal-Unjoni Ewropea

Segretarjat Ġenerali

Unità tal-Koordinazzjoni DG K

Rue de la Loi/Wetstraat 175

1048 Bruxelles/Brussel

BELGIQUE/BELGIË

L-attenzjoni tal-persuni u l-entitajiet ikkonċernati qed tinġibed ukoll għall-possibbiltà li jikkontestaw id-deċiżjoni tal-Kunsill quddiem il-Qorti Ġenerali tal-Unjoni Ewropea, f'konformità mal-kondizzjonijiet stabbiliti fl-Artikolu 275(2) u l-Artikolu 263(4) u (6), tat-Trattat dwar il-Funzjonament tal-Unjoni Ewropea.

---

(1)  ĠU L 87, 24.3.2012.

(2)  ĠU L 87, 24.3.2012.

---

24.3.2012

MT

Il-Ġurnal Uffiċjali tal-Unjoni Ewropea

C 88/10

---

Avviż għall-attenzjoni tal-persuni u l-entitajiet li għalihom japplikaw il-miżuri restrittivi previsti fid-Deċiżjoni tal-Kunsill 2010/639/PESK, kif implimentata bid-Deċiżjoni ta' Implimentazzjoni tal-Kunsill 2012/171/PESK, u fir-Regolament tal-Kunsill (KE) Nru 765/2006, kif implimentat bir-Regolament ta' Implimentazzjoni tal-Kunsill (UE) Nru 265/2012 dwar miżuri restrittivi kontra l-Bjelorussja

2012/C 88/07

L-informazzjoni li ġejja qed tinġieb għall-attenzjoni tal-persuni u l-entitajiet li jidhru fl-Anness V għad-Deċiżjoni tal-Kunsill 2010/639/PESK, kif implimentata mid-Deċiżjoni ta' Implimentazzjoni tal-Kunsill 2012/171/PESK (1), u fl-Anness IB għar-Regolament tal-Kunsill (KE) Nru 765/2006, kif implimentat bir-Regolament ta' Implimentazzjoni tal-Kunsill (UE) Nru 265/2012 (2) dwar miżuri restrittivi kontra l-Bjelorussja.

Il-Kunsill tal-Unjoni Ewropea ddeċieda li l-persuni u l-entitajiet li jidhru fl-Annessi msemmijin hawn fuq għandhom jiġu inklużi fil-lista tal-persuni u l-entitajiet soġġetti għall-miżuri restrittivi previsti fid-Deċiżjoni 2010/639/PESK u fir-Regolament (KE) Nru 765/2006 dwar miżuri restrittivi kontra l-Bjelorussja. Ir-raġunijiet għan-nominazzjonijiet ta' dawk il-persuni u l-entitajiet jidhru fl-entrati rilevanti f'dawk l-Annessi.

Qed tinġibed l-attenzjoni tal-persuni u l-entitajiet kkonċernati għall-possibbiltà li ssir applikazzjoni lill-awtoritajiet kompetenti tal-Istat(i) Membru/i rilevanti kif indikat fis-siti tal-Internet fl-Anness II għar-Regolament (KE) Nru 765/2006, sabiex tinkiseb awtorizzazzjoni biex il-fondi ffriżati jintużaw għal ħtiġijiet bażiċi jew ħlasijiet speċifiċi (ara l-Artikolu 3 tar-Regolament).

Il-persuni u l-entitajiet ikkonċernati jistgħu jippreżentaw talba lill-Kunsill, flimkien ma' dokumentazzjoni ta' appoġġ, biex id-deċiżjoni li huma jiġu inklużi fil-lista msemmija hawn fuq tkun ikkunsidrata mill-ġdid, fl-indirizz segwenti:

Kunsill tal-Unjoni Ewropea

Segretarjat Ġenerali

Unita tal-Koordinazzjoni – DG K

Rue de la Loi/Wetstraat 175

1048 Bruxelles/Brussel

BELGIQUE/BELGIË

Qed tinġibed ukoll l-attenzjoni tal-persuni u l-entitajiet ikkonċernati għall-possibbiltà li jikkontestaw id-deċiżjoni tal-Kunsill quddiem il-Qorti Ġenerali tal-Unjoni Ewropea, konformement mal-kondizzjonijiet stabbiliti fl-Artikolu 275(2) u l-Artikolu 263(4) u (6) tat-Trattat dwar il-Funzjonament tal-Unjoni Ewropea.

---

(1)  ĠU L 87, 24.3.2012.

(2)  ĠU L 87, 24.3.2012.

---

24.3.2012

MT

Il-Ġurnal Uffiċjali tal-Unjoni Ewropea

C 88/11

---

Rata tal-kambju tal-euro (1)

It-23 ta’ Marzu 2012

2012/C 88/08

1 euro =

	Munita	Rata tal-kambju
USD	Dollaru Amerikan	1,3242
JPY	Yen Ġappuniż	109,10
DKK	Krona Daniża	7,4355
GBP	Lira Sterlina	0,83630
SEK	Krona Żvediża	8,9240
CHF	Frank Żvizzeru	1,2054
ISK	Krona Iżlandiża
NOK	Krona Norveġiża	7,6380
BGN	Lev Bulgaru	1,9558
CZK	Krona Ċeka	24,725
HUF	Forint Ungeriż	294,48
LTL	Litas Litwan	3,4528
LVL	Lats Latvjan	0,6969
PLN	Zloty Pollakk	4,1682
RON	Leu Rumen	4,3723
TRY	Lira Turka	2,3862
AUD	Dollaru Awstraljan	1,2745
CAD	Dollaru Kanadiż	1,3263
HKD	Dollaru ta' Hong Kong	10,2839
NZD	Dollaru tan-New Zealand	1,6300
SGD	Dollaru tas-Singapor	1,6748
KRW	Won tal-Korea t'Isfel	1 504,36
ZAR	Rand ta' l-Afrika t'Isfel	10,2241
CNY	Yuan ren-min-bi Ċiniż	8,3450
HRK	Kuna Kroata	7,5235
IDR	Rupiah Indoneżjan	12 127,58
MYR	Ringgit Malażjan	4,0739
PHP	Peso Filippin	56,931
RUB	Rouble Russu	38,9144
THB	Baht Tajlandiż	40,732
BRL	Real Brażiljan	2,4109
MXN	Peso Messikan	17,0186
INR	Rupi Indjan	67,8980

---

(1)  Sors: rata tal-kambju ta' referenza ppubblikata mill-Bank Ċentrali Ewropew.

---

24.3.2012

MT

Il-Ġurnal Uffiċjali tal-Unjoni Ewropea

C 88/12

---

Aġġornament tal-kampjuni tal-karti maħruġa mill-Ministeri tal-Affarijiet Barranin tal-Istati Membri lill-membri akkreditati ta' missjonijiet diplomatiċi u rappreżentanti konsolari u l-membri tal-familji tagħhom, kif imsemmi fl-Artikolu 19(2) tar-Regolament (KE) Nru 562/2006 tal-Parlament Ewropew u tal-Kunsill li jistabbilixxi Kodiċi Komunitarju dwar ir-regoli li jirregolaw il-moviment ta' persuni minn naħa għal oħra tal-fruntiera (Kodiċi tal-Fruntieri ta' Schengen) (ĠU C 247, 13.10.2006, p. 85; ĠU C 153, 6.7.2007, p. 15; ĠU C 64, 19.3.2009, p. 18; ĠU C 239, 6.10.2009, p. 7; ĠU C 304, 10.11.2010, p. 6; ĠU C 273, 16.9.2011, p. 11; ĠU C 357, 7.12.2011, p. 3)

2012/C 88/09

Aġġornament tal-Kampjuni tal-karti maħruġa mill-Ministeri tal-Affarijiet Barranin tal-Istati Membri lil membri akkreditati ta' missjonijiet diplomatiċi u rappreżentanti konsolari u l-membri tal-familji tagħhom, kif imsemmi fl-Artikolu 19(2) tar-Regolament (KE) Nru 562/2006 tal-Parlament Ewropew u tal-Kunsill tal-15 ta’ Marzu 2006 li jistabbilixxi Kodiċi Komunitarju dwar ir-regoli li jirregolaw il-moviment ta' persuni minn naħa għal oħra tal-fruntiera (Kodiċi tal-Fruntieri ta' Schengen)

Flimkien mal-pubblikazzjoni fil-ĠU, aġġornament ta' kull xahar huwa disponibbli fuq il-websajt tad-Direttorat Ġenerali għall-Affarijiet Interni.

IL-BELĠJU

Sostituzzjoni tal-informazzjoni ppubblikata fil-ĠU C 247, 13.10.2006

—	Carte d’identité diplomatique (carte D) Diplomatieke identiteitskaart (D kaart) Diplomatischer Personalausweis (D Karte) (Diplomat’s Identity Card — D card) Karta tal-identità diplomatika (tat-tip “D”) Quddiem Wara

—	Carte d’identité consulaire (carte C) Consulaat identiteitskaart (C kaart) Konsularer Personalausweis (C Karte) (Consular Identity Card — C card) Karta tal-Identità Konsulari (tat-tip “C”) Quddiem Wara

—

Carte d’identité spéciale — couleur bleue (carte P), délivrée avant et après le 1.2.2012 Bijzondere identiteitskaart — blauw (P kaart), uitgereikt vóór en na 1.2.2012 Besonderer Personalausweis — blau (P Karte), ausgestellt vor und nach dem 1.2.2012 (Special Identity Card — blue in colour — P card), issued before and after 1.2.2012 (Karta tal-Identità Speċjali – ta’ lewn ikħal – tat-tip “P”), maħruġa qabel u wara l-1.2.2012. — Qabel l-1.2.2012 Quddiem Wara — Wara l-1.2.2012 Quddiem Wara

—	Carte d’identité spéciale – couleur rouge (carte S) Bijzondere identiteitskaart — rood (S kaart) Besonderer Personalausweis — rot (S Karte) (Special Identity Card — red in colour — S card) (Karta tal-identità speċjali – ħamra – tat-tip “S”) Quddiem Wara

—

Document d’identité E pour les enfants âgés de moins de 5 ans des étrangers privilégiés titulaires d’une carte d’identité diplomatique, d’une carte d’identité consulaire, d’une carte d’identité spéciale — couleur bleue ou d’une carte d’identité spéciale — couleur rouge Identiteitsbewijs E voor kinderen, die de leeftijd van vijf jaar nog niet hebben bereikt, van een bevoorrecht vreemdeling dewelke houder is van een diplomatieke identiteitskaart, consulaire identiteitskaart, bijzondere identiteitskaart, blauw of bijzondere identiteitskaart — rood Identitätsdokument E für Kinder unter fünf Jahren, für privilegierte Ausländer, die Inhaber eines diplomatischen Personalausweises sind, konsalrer Personalausweis, besonderer Personalausweis — rot oder besonderer Personalausweis — blau. (Identity document E for children, under the age of five, of aliens who are holders of diplomatic identity cards, consular identity cards, blue special identity cards or red special identity cards) (Karta tal-Identità tat-tip “E” għat-tfal, taħt l-età ta' ħames snin, ta' stranġieri li huma detenturi tal-karti tal-identità diplomatiċi, karti tal-identità konsulari, karti tal-identità speċjali blu jew karti tal-identità speċjali ħomor) Quddiem Wara

---

24.3.2012

MT

Il-Ġurnal Uffiċjali tal-Unjoni Ewropea

C 88/18

---

MEDIA 2007

Sejħa għall-Proposti – EACEA/09/12

Appoġġ għal Video on Demand u Distribuzzjoni Ċinematografika Diġitali

2012/C 88/10

1.   Għanijiet u Deskrizzjoni

Din in-notifika dwar Sejħa għall-Proposti hija bbażata fuq id-Deċiżjoni Nru 1718/2006/KE tal-Parlament Ewropew u tal-Kunsill tal-15 ta' Novembru 2006 dwar l-implimentazzjoni ta’ programm ta’ appoġġ lis-settur awdjoviżiv Ewropew (MEDIA 2007).

Waħda mill-miżuri li trid tiġi implimentata taħt din id-Deċiżjoni hija li jingħata appoġġ għal Video on Demand u Distribuzzjoni Ċinematografika Diġitali.

L-iskema tal-Video on Demand u Distribuzzjoni Ċinematografika Diġitali ssawwar waħda mill-metodi li bih il-programm MEDIA 2007 jassigura li l-iżjed teknoloġiji u xejriet reċenti jkunu inkorporati fil-prattiċi tan-negozju tal-benefiċjarji tal-programm.

L-għan ewlieni ta’ din l-iskema huwa li tappoġġa l-ħolqien u l-isfruttar ta’ katalgi ta’ xogħlijiet Ewropej li jitqassmu diġitalment madwar il-fruntieri lil udjenza usa’ u/jew fiċ-ċinema permezz ta’ servizzi għad-distribuzzjoni avvanzata, bl-integrazzjoni, fejn ikun meħtieġ, ta’ sistemi ta’ sigurtà diġitali sabiex jiġi protett il-kontenut onlajn.

2.   Applikanti eleġibbli

Din in-notifika hija maħsuba għall-kumpaniji Ewropej li bl-attivitajiet tagħhom jagħtu kontribut favur l-objettivi msemmija hawn fuq.

L-applikanti għandhom ikunu stabbiliti f’wieħed mill-pajjiżi li ġejjin:

—	is-27 pajjiż tal-Unjoni Ewropea

—	il-pajjiżi taż-ŻEE

—	L-Isvizzera

—	Il-Kroazja

—	Il-Bożnja u l-Ħerżegovina (skont il-kondizzjoni tal-finalizzazzjoni tal-proċess ta’ negozjati u l-formalizzazzjoni tal-parteċipazzjoni ta’ dan il-pajjiż fil-programm MEDIA)

3.   Attivitajiet eleġibbli

L-azzjonijiet eliġibbli fl-ambitu ta’ din is-sejħa għall-proposti huma dawn:

(1)	Video on Demand (VoD): Servizz li jippermetti lil individwi li jagħżlu xogħlijiet awdjoviżivi minn server ċentrali biex jarawhom fuq skrin remot billi jistrimjawhom (streaming) u/jew iniżżluhom

(2)

Distribuzzjoni Ċinematografika Diġitali (DCD): Konsenja diġitali (fi standard kummerċjali aċċettabbli) ta' “Kontenut Prinċipali” (“Core Content”), jiġifieri feature films, films televiżivi jew sensiliet televiżivi (finzjoni, animazzjoni u dokumentarji) lil stabbilimenti ċinematografiċi għal użu kummerċjali (permezz ta' ħardisk, satellita, onlajn …)

Il-perjodu tal-azzjoni għandu jdum tal-inqas 3 snin.

L-attivitajiet il-ġodda għandhom jibdew bejn l-1 ta’ Lulju 2012 u l-1 ta’ Marzu 2013.

4.   Kriterji tal-Għoti

Kull attività eliġibbli li titressaq ser tkun ivvalutata fid-dawl tal-kriterji li ġejjin:

—	il-katalgu u l-linja editorjali (10 %)

—	id-dimensjoni Ewropea tal-katalgu (20 %)

—	Il-kwalità u l-ispejjeż meħtieġa apparagun mal-effikaċja tal-Mudell ta’ Negozju mressaq (20 %)

—	L-istrateġija għat-tqegħid fis-suq (20 %)

—	L-aspetti innovattivi tal-attività (10 %)

—	Id-dimensjoni tal-Iggruppar u n-Netwerking (10 %)

—	L-udjenza fiċ-ċentru tal-proġett u l-impatt potenzjali (10 %)

5.   Baġit

Il-baġit totali disponibbli huwa EUR 6 725 000.

Il-kontribuzzjoni massima għal kull attività taħt dawn il-linji gwida hija EUR 1 000 000.

Il-kontribuzzjoni finanzjarja ser jkollha l-għamla ta' għotja. Il-kontribuzzjoni finanzjarja mogħtija ma għandha qatt taqbeż il-50 % tal-ispejjeż eliġibbli.

L-Aġenzija żżomm id-dritt li ma tqassamx il-fondi kollha disponibbli.

6.   Skadenza għat-tressiq tal-applikazzjonijiet

L-applikazzjonijiet għandhom jiġu ppreżentati lill-Aġenzija Eżekuttiva (EACEA) sa mhux aktar tard mill-25 ta’ Ġunju 2012.

Jiġu aċċettati biss dawk l-applikazzjonijiet li jitressqu fuq il-formola ta’ applikazzjoni uffiċċjali, u li jkunu ffirmati b’mod xieraq mill-persuna li tkun awtorizzata tidħol f’impenji legalment vinkolanti f’isem l-organizzazzjoni li tkun qed tapplika. Fuq l-enveloppi huwa importanti li jinkiteb b’mod ċar:

MEDIA 2007 – Video on Demand u Distribuzzjoni Ċinematografikia Diġitali – EACEA/09/12

L-applikazzjonijiet għandhom jintbagħtu permezz ta’ posta rreġistrata jew servizz ta’ kurrier (spejjeż għall-applikant) f’dan l-indirizz:

Education, Audiovisual and Culture Executive Agency

MEDIA 2007 – Video on Demand u Distribuzzjoni Ċinematografikia Diġitali – EACEA/09/12

Mr Constantin DASKALAKIS

BOUR 03/30

Avenue du Bourget/Bourgetlaan 1

1049 Bruxelles/Brussel

BELGIQUE/BELGIË

Ma jiġux aċċettati applikazzjonijiet li jintbagħtu bil-fax jew bil-posta elettronika.

7.   Dettalji sħaħ

Il-linji gwida dettaljati u l-formoli tal-applikazzjoni jinsabu fl-indirizz tal-Internet li ġej:

http://ec.europa.eu/culture/media/programme/newtech/vod_dcc/index_en.htm

L-applikazzjonijiet għandhom ikunu konformi mar-rekwiżiti kollha tal-linji gwida u għandhom jitressqu fuq il-formoli pprovduti.

---

24.3.2012

MT

Il-Ġurnal Uffiċjali tal-Unjoni Ewropea

C 88/21

---

MEDIA 2007

Sejħa għall-Proposti – EACEA/10/12

Appoġġ għall-implimentazzjoni ta’ proġetti pilota

2012/C 88/11

1.   Għanijiet u Deskrizzjoni

Din in-notifika dwar Sejħa għall-Proposti hija bbażata fuq id-Deċiżjoni Nru 1718/2006/KE tal-Parlament Ewropew u tal-Kunsill tal-15 ta' Novembru 2006 dwar l-implimentazzjoni ta’ programm ta’ appoġġ lis-settur awdjoviżiv Ewropew (MEDIA 2007).

Waħda mill-miżuri li trid tiġi implimentata skont din id-Deċiżjoni hija l-għoti ta’ appoġġ lill-implimentazzjoni tal-proġetti pilota.

Il-programm jista’ jappoġġja lill-proġetti pilota ħalli jiżgura li dan jadatta ruħu għall-iżviluppi tas-suq, b’emfasi partikulari fuq l-introduzzjoni u l-użu tat-teknoloġiji tal-informatika u tal-komunikazzjoni.

2.   Applikanti eleġibbli

Dan l-avviż huwa maħsub għall-kumpaniji Ewropej li bl-attivitajiet tagħhom jagħtu kontribut favur l-għanijiet imsemmija hawn fuq.

L-applikanti għandhom ikunu stabbiliti f’wieħed mill-pajjiżi li ġejjin:

—	is-27 pajjiż tal-Unjoni Ewropea

—	il-pajjiżi taż-ŻEE

—	L-Isvizzera

—	Il-Kroazja

—	Il-Bożnja u l-Ħerżegovina (skont il-kondizzjoni tal-finalizzazzjoni tal-proċess ta’ negozjati u l-formalizzazzjoni tal-parteċipazzjoni ta’ dan il-pajjiż fil-programm MEDIA)

3.   Attivitajiet eleġibbli

L-azzjonijiet eliġibbli fl-ambitu ta’ din is-sejħa għall-proposti huma dawn:

(1)	Distribuzzjoni: metodi ġodda kif jinħoloq u jitqassam kontenut awdjoviżiv Ewropew permezz ta' servizzi mhux lineari

(2)	Ambjent Miftuħ għall-Produzzjoni tal-Midja

(3)	Distribuzzjoni – Promozzjoni u Marketing: l-użu tal-għodod tekniki tal-internet favur l-iżvilupp ta’ komunità lokali taċ-ċinema

(4)	“Audiovisual Junction Portal”: sabiex jitwessa’ u jitjieb l-aċċess u l-isfruttar ta’ informazzjoni strutturata tal-kontenut awdjoviżiv Ewropew

It-tul taż-żmien massimu tal-attivitajiet jista' jkun 12, 24 u 36 xahar.

L-attivitajiet għandhom jibdew fl-1 ta’ Jannar 2013.

4.   Kriterji tal-Għoti

Kull azzjoni eliġibbli li titressaq ser tkun ivvalutata fid-dawl tal-kriterji li ġejjin:

—	Ir-relevanza tal-attività għall-għanijiet tal-Programm (20 %)

—	Id-dimensjoni Ewropea tal-attività (20 %)

—	Iċ-ċarezza tal-għanijiet u l-gruppi fiċ-ċentru tal-azzjoni (15 %)

—	Iċ-ċarezza u l-konsistenza tat-tfassil ġenerali tal-azzjoni u l-probabilità li din tilħaq l-għan mixtieq fil-perjodu ta’ żmien stipulat tal-azzjoni (15 %)

—	L-ispejjeż meħtieġa apparagun mal-effikaċja tal-azzjoni (10 %)

—	L-esperjenza tal-organizzazzjonijiet li ser ikunu qed jieħdu sehem u l-kwalità tal-pjan ta’ ġestjoni tal-azzjoni (10 %)

—	Il-kwalità u l-effikaċja tal-pjan għat-tferrix tar-riżultati (10 %)

5.   Baġit

Il-baġit totali disponibbli huwa EUR 1,5 miljun.

Ma hemm l-ebda ammont massimu.

Il-kontribuzzjoni finanzjarja ser jkollha l-għamla ta' għotja. Il-kontribuzzjoni finanzjarja mogħtija ma għandha qatt taqbeż il-50 % tal-ispejjeż eliġibbli.

L-Aġenzija żżomm id-dritt li ma tqassamx il-fondi kollha disponibbli.

6.   Skadenza għat-tressiq tal-applikazzjonijiet

L-applikazzjonijiet għandhom jitressqu lill-Aġenzija Eżekuttiva (EACEA) sa mhux aktar tard mit-18 ta’ Ġunju 2012.

Jiġu aċċettati biss dawk l-applikazzjonijiet li jitressqu fuq il-formola ta’ applikazzjoni uffiċċjali, u li jkunu ffirmati b’mod xieraq mill-persuna li tkun awtorizzata tidħol f’impenji legalment vinkolanti f’isem l-organizzazzjoni li tkun qed tapplika. Fuq l-enveloppi huwa importanti li jinkiteb b’mod ċar:

MEDIA 2007 — Proġetti Pilota — EACEA/10/12

L-applikazzjonijiet għandhom jintbagħtu permezz ta’ posta rreġistrata jew serizz ta’ kurrier (spejjeż għall-applikant) f’dan l-indirizz:

Education, Audiovisual and Culture Executive Agency

MEDIA 2007 – Proġetti Pilota – EACEA/10/12

Mr Constantin DASKALAKIS

BOUR 03/30

Avenue du Bourget/Bourgetlaan 1

1049 Bruxelles/Brussel

BELGIQUE/BELGIË

Ma jiġux aċċettati applikazzjonijiet li jintbagħtu bil-fax jew bil-posta elettronika.

7.   Dettalji sħaħ

Il-linji gwida dettaljati u l-formoli tal-applikazzjoni jinsabu fl-indirizz tal-Internet li ġej:

http://ec.europa.eu/culture/media/programme/newtech/pilot/index_en.htm

L-applikazzjonijiet għandhom ikunu konformi mar-rekwiżiti kollha tal-linji gwida u għandhom jitressqu fuq il-formoli pprovduti.

---