Ħlief meta indikat mod ieħor, il-Ġurnali Uffiċjali huma ppubblikati fil-lingwi kollha.

15.3.2012

Il-Ġurnal Uffiċjali tal-Unjoni Ewropea

CA 76/1

AVVIŻ TA' KOMPETIZZJONIJIET ĠENERALI EPSO/AD/230/12 (AD 5) U EPSO/AD/231/12 (AD 7)

(2012/C 76 A/01)

L-Uffiċċju Ewropew għas-Selezzjoni tal-Persunal (EPSO) qed jorganizza kompetizzjonijiet ġenerali permezz ta' eżamijiet sabiex tinħoloq lista ta' riżerva għar-reklutaġġ ta' amministraturi (1).

EPSO/AD/230/12 (AD 5) U EPSO/AD/231/12 (AD 7)

Amministraturi fl-oqsma li ġejjin:

1.	AMMINISTRAZZJONI PUBBLIKA EWROPEA

LIĠI

AWDITJAR

4.	KOMUNIKAZZJONI

5.	RELAZZJONIJIET ESTERNI

L-għan ta' dawn il-kompetizzjonijiet hu li jinħolqu listi ta' riżerva maħsuba biex jimtlew pożizzjonijiet vakanti fi ħdan l-istituzzjonijiet tal-Unjoni Ewropea.

Qabel ma tapplika, għandek taqra bir-reqqa l-gwida applikabbli għall-kompetizzjonijiet ġenerali ppubblikata fil-Ġurnal Uffiċjali C 315 A tat-28 ta' Ottubru 2011 kif ukoll fuq is-sit tal-Internet tal-EPSO.

Din il-gwida, li tagħmel parti integrali mill-avviż tal-kompetizzjoni, se tgħinek tifhem ir-regoli dwar il-proċeduri u l-kundizzjonijiet tal-applikazzjoni.

WERREJ

I.	QAFAS ĠENERALI

II.	DESKRIZZJONI TAL-FUNZJONIJIET

III.	KUNDIZZJONIJIET TA' AMMISSJONI

IV.	TESTIJIET TAD-DĦUL

V.	ĊENTRU TA' EVALWAZZJONI

VI.	LISTI TA' RIŻERVA

VII.	KIF TAPPLIKA ?

I. QAFAS ĠENERALI

1.	Numru ta' kandidati li jikkwalifikaw skont il-kompetizzjoni u skont il-qasam

AD 5

AD 7

1 =

2 =

3 =

4 =

5 =

Kummenti

Dan l-avviż huwa rigward żewġ kompetizzjonijiet, li t-tnejn li huma jinkludu diversi oqsma. Int tista' tapplika għal kompetizzjoni waħda u qasam wieħed biss.

Din l-għażla għandha ssir meta timla l-applikazzjoni elettronika u ma tistax tinbidel ladarba tkun ikkonfermajt u vvalidajt l-applikazzjoni tiegħek b'mod elettroniku.

Madankollu:

—	jekk applikajt għall-kompetizzjoni tal-grad AD 7, u

—	jekk fit-testijiet tad-dħul ksibt waħda mill-aħjar marki għall-grad AD 7 biex tiġi mistieden għall-fażi segwenti ta' din il-kompetizzjoni, u

—	jekk ma tissodisfax il-kriterji tal-eliġibbiltà tal-kompetizzjoni tal-grad AD 7 iżda tissodisfa dawk tal-kompetizzjoni tal-grad AD 5, il-bord jista', bil-kunsens tiegħek (li tagħti fil-mument tal-applikazzjoni elettronika), jittrasferixxi l-kandidatura tiegħek għall-grad AD 5 tal-istess qasam.

F'dan il-każ, ir-riżultati tiegħek jitqabblu ma' dawk tal-kandidati għall-kompetizzjoni tal-livell AD 5 u, jekk tkun fost dawk li jkunu kisbu l-aħjar riżultati fit-testijiet tad-dħul għal din il-kompetizzjoni (fil-qasam magħżul), tiġi mistieden għaċ-ċentru ta' evalwazzjoni.

Dan l-assenjar mill-ġdid iseħħ qabel l-istedina għaċ-ċentru ta' evalwazzjoni u fuq il-bażi tad-dikjarazzjonijiet tiegħek fl-applikazzjoni elettronika. Il-kandidati li jkunu taħt il-livell tal-aħjar marki għall-kompetizzjoni tal-grad AD 7 ma jiġux ikkunsidrati għat-trasferiment lejn il-kompetizzjoni AD 5.

II. DESKRIZZJONI TAL-FUNZJONIJIET

Il-grad AD 5 huwa l-grad li fih il-kandidati magħżula jidħlu f'karriera ta' amministratur fl-Istituzzjonijiet Ewropej. L-amministraturi impjegati f'dan il-grad jistgħu jwettqu, taħt superviżjoni, tliet tipi ewlenin ta' xogħol fl-istituzzjonijiet: tfassil tal-politika, funzjoni operattiva u ġestjoni tar-riżorsi. Aħna qed infittxu, partikolarment, kandidati b'potenzjal ta' żvilupp fil-karriera.

Grad AD 7

L-amministraturi impjegati f'dan il-grad jistgħu, aparti x-xogħol deskritt għall-grad AD 5, ikunu mitluba jwettqu funzjonijiet ta' koordinazzjoni ta' ħidma ma' persuni oħra u ta' superviżjoni tax-xogħol.

Deskrizzjoni dettaljata tal-oqsma differenti tinsab fl-Anness.

III. KUNDIZZJONIJIET TA' AMMISSJONI

Fid-data tal-għeluq stabbilita għall-applikazzjoni elettronika (2), trid tkun tissodisfa dawn il-kundizzjonijiet kollha, ġenerali u speċifiċi, li ġejjin:

Kundizzjonijiet ġenerali

(a)	Tkun ċittadin ta' wieħed mill-Istati Membri tal-Unjoni Ewropea.

(b)	Tkun tgawdi d-drittijiet tiegħek bħala ċittadin.

(c)	Tkun wettaqt kull obbligu impost mil-liġijiet dwar is-servizz militari.

(d)	Tipproduċi r-referenzi dwar il-personalità mitlubin għat-twettiq tal-funzjonijiet previsti.

2.	Kundizzjonijiet speċifiċi

2.1.

Kwalifiki

Ara l-punt 2 tal-Anness.

2.2.

Esperjenza professjonali

Ara l-punt 3 tal-Anness.

2.3.

Għarfien lingwistiku

Il-lingwi uffiċjali tal-Unjoni Ewropea huma dawn li ġejjin:

BG (il-Bulgaru)

CS (iċ-Ċek)

DA (id-Daniż)

DE (il-Ġermaniż)

EL (il-Grieg)

EN (l-Ingliż)

ES (l-Ispanjol)

ET (l-Estonjan)

FI (il-Finlandiż)

FR (il-Franċiż)

GA (l-Irlandiż)

HU (l-Ungeriż)

IT (it-Taljan)

LT (il-Litwan)

LV (il-Latvjan)

MT (il-Malti)

NL (l-Olandiż)

PL (il-Pollakk)

PT (il-Portugiż)

RO (ir-Rumen)

SK (is-Slovakk)

SL (is-Sloven)

SV (l-Isvediż)

(a)

Lingwa 1:

Lingwa prinċipali:

Għarfien profond ta' waħda mil-lingwi uffiċjali tal-Unjoni Ewropea

(b)

Lingwa 2:

It-tieni lingwa (trid tkun bilfors differenti mil-lingwa 1):

Għarfien sodisfaċenti tal-Ġermaniż, tal-Ingliż jew tal-Franċiż

IV. TESTIJIET TAD-DĦUL

It-testijiet tad-dħul isiru fuq kompjuter u jiġu organizzati mill-EPSO. Il-bord tal-għażla jiddetermina l-livell ta' diffikultà tat-testijiet u japprova s-sustanza tagħhom abbażi tal-proposti magħmula mill-EPSO.

Stedina

Inti tiġi mistieden għat-testijiet jekk tkun ivvalidajt l-applikazzjoni tiegħek fil-ħin (ara t-Taqsima VII).

Attenzjoni:

1.	meta tivvalida l-applikazzjoni tiegħek, inti tiddikjara li tissodisfa l-kundizzjonijiet ġenerali u speċifiċi tat-Taqsima III;

2.	biex tipparteċipa fit-testijiet, trid tirriżerva data; din ir-riżervazzjoni trid bilfors issir fiż-żmien li jiġi indikat lilek permezz tal-profil tal-EPSO.

2.	Deskrizzjoni u dettalji dwar l-immarkar

Sensiela ta' testijiet ibbażati fuq mistoqsijiet b'għażla multipla bil-għan li jiġu evalwati l-kapaċitajiet u l-kompetenzi ġenerali tiegħek fir-rigward ta' dawn li ġejjin:

Test (a)

Ir-raġunament verbali

Marki: minn 0 sa 20 punt.

Minimu meħtieġ: 10 punti

Test (b)

Ir-raġunament numeriku

Marki: minn 0 sa 10 punti.

Test (c)

Ir-raġunament astratt

Marki: minn 0 sa 10 punti.

Il-minimu meħtieġ għat-testijiet (b) u (c) flimkien huwa ta' 10 punti.

Test (d)

il-valutazzjoni sitwazzjonali

Marki: minn 0 sa 40 punt.

Minimu meħtieġ: 24 punt

Lingwa

Lingwa 1: testijiet (a), (b) u (c).

Lingwa 2: test (d).

V. ĊENTRU TA' EVALWAZZJONI

Stedina

Int se tkun mistieden għaċ-ċentru ta' evalwazzjoni:

—	jekk tkun ksibt il-minimu meħtieġ fit-testijiet tad-dħul, u

—	jekk inti (3) tkun ksibt waħda mill-aħjar marki fit-testijiet kollha tad-dħul, u

—	jekk, wara l-evalwazzjoni abbażi tal-informazzjoni pprovduta fl-applikazzjoni elettronika tiegħek (4), tkun tissodisfa l-kundizzjonijiet ġenerali u speċifiċi tat-Taqsima III.

In-numru tal-kandidati ammessi għaċ-ċentru ta' evalwazzjoni jikkorrispondi bejn wieħed u ieħor ma' darbtejn u nofs in-numru tal-kandidati magħżula indikat f'dan l-avviż ta' kompetizzjoni, u se jkun ippubblikat fuq il-websajt tal-EPSO (www.eu-careers.eu).

2.	Ċentru ta' evalwazzjoni

Iċ-ċentru ta' evalwazzjoni huwa maħsub biex jevalwa dawn il-kompetenzi:

A. Kompetenzi speċifiċi fil-qasam

Il-kompetenzi speċifiċi fil-qasam se jkunu ttestjati biss permezz tal-istudju ta' każ.

B. Kompetenzi ġenerali (5):

—	Analiżi u soluzzjoni tal-problemi

—	Komunikazzjoni

—	Kwalità u riżultati

—	Tagħlim u żvilupp

—	Prijoritizzazzjoni u organizzazzjoni

—	Perseveranza

—	Ħidma ma' persuni oħra

—

Tmexxija

Dawn il-kompetenzi se jiġu eżaminati permezz tal-elementi (6) li ġejjin:

(a)	studju ta' każ fil-qasam magħżul;

(b)	eżerċizzju fi grupp;

(c)	preżentazzjoni orali;

(d)	intervista strutturata.

Int se tkun mistieden tipparteċipa fl-istudju ta' każ (7) fil-qasam magħżul (li huwa parti integrali miċ-ċentru ta' evalwazzjoni) u għall-elementi l-oħra taċ-ċentru ta' evalwazzjoni, li fil-prinċipju se jsir Brussell jew il-Lussemburgu u li jdum jum jew jum u nofs.

Kull kompetenza ġenerali se tiġi ttestjata darbtejn skont din l-iskeda:

AD 5/AD 7

Studju ta' każ partikolari

Eżerċizzju fi grupp

Preżentazzjoni orali

Intervista strutturata

Analiżi u soluzzjoni tal-problemi

Komunikazzjoni

Kwalità u riżultati

Tagħlim u żvilupp

Prijoritizzazzjoni u organizzazzjoni

Perseveranza

Ħidma f'tim

Ħiliet ta' tmexxija

Lingwa

Lingwa 2

4.	Marki u piż tal-marki

Kompetenzi speċifiċi fil-qasam magħżul

Minn 0 sa 20 punt.

minimu meħtieġ: 10 punti

Piż: 25 % tal-marka globali

Kompetenzi ġenerali

Minn 0 sa 10 punti għal kull kompetenza ġenerali.

Minimu meħtieġ:

3 punti għal kull kompetenza, u

50 punt minn 80 għat-8 kompetenzi ġenerali kollha f'daqqa

Piż: 75 % tal-marka globali

VI. LISTI TA' RIŻERVA

1.	Kandidati li jiddaħħlu fil-listi ta' riżerva

Il-bord tal-għażla jniżżel ismek fuq il-lista ta' riżerva:

—	jekk int tkun wieħed mill-kandidati li jkunu kisbu l-minimu meħtieġ (8) flimkien ma' waħda mill-aħjar marki fl-eżamijiet kollha taċ-ċentru ta' evalwazzjoni (ara l-għadd ta' kandidati magħżula, Taqsima I.1), u

—	jekk, skont id-dokumenti ta' prova, tkun tissodisfa l-kundizzjonijiet kollha ta' ammissjoni.

Il-verifika ssir skont l-ordni dixxendenti, sakemm jintlaħaq in-numru ta' kandidati li jistgħu jitniżżlu fil-lista ta' riżerva u li effettivament jissodisfaw il-kundizzjonijiet kollha tal-ammissjoni.

Id-dokumenti ta' prova tal-kandidati li jkunu ġew ikklassifikati taħt dan il-limitu mhux se jkunu eżaminati. Jekk jirriżulta minn din il-verifika li d-dikjarazzjonijiet (9) li saru mill-kandidati fl-applikazzjoni elettronika tagħhom mhumiex ippruvati bid-dokumenti ta' prova rilevanti, il-kandidati kkonċernati jiġu esklużi mill-kompetizzjoni.

2.	Klassifika

Il-listi huma stabbiliti skont il-kompetizzjoni, skont il-qasam, skont il-grupp ta' mertu (massimu ta' 4 gruppi) u f'ordni alfabetiku f'kull grupp ta' mertu.

VII. KIF TAPPLIKA

1.	Applikazzjoni elettronika

Għandek tapplika b'mod elettroniku billi ssegwi l-proċedura indikata fuq il-websajt tal-EPSO, u b'mod speċjali fil-Manwal tal-Applikazzjoni.

Data tal-għeluq (inkluża l-validazzjoni): is-17 ta' April 2012 f'12:00 (nofsinhar), ħin ta' Brussell.

2.	Fajl tal-applikazzjoni

Jekk inti tagħmel parti mill-kandidati ammessi għaċ-ċentru ta' evalwazzjoni, għandek iġġib miegħek il-fajl tal-applikazzjoni komplut tiegħek (l-applikazzjoni elettronika tiegħek iffirmata u d-dokumenti ta' prova) meta tiġi fiċ-ċentru ta' evalwazzjoni (10).

Kundizzjonijiet: ara l-punt 6.1 tal-gwida applikabbli għall-kompetizzjonijiet ġenerali.

(1) F'dan l-avviż kull referenza għal persuna tas-sess maskil hija wkoll għal persuna tas-sess femminil.

(2) Issir eċċezzjoni għad-diplomi tal-kandidati li jinsabu fl-aħħar sena tal-istudji universitarji (ara l-punt 2 tal-Anness).

(3) Fil-każ fejn fl-aħħar post jiġu diversi kandidati bl-istess marka, dawn il-kandidati kollha jkunu mistiedna għaċ-ċentru ta' evalwazzjoni.

(4) Din l-informazzjoni tiġi verifikata, abbażi tad-dokumenti ta' prova, qabel ma tiġi stabbilita l-lista ta' riżerva (ara t-Taqsima VI.1 u t-Taqsima VII.2).

(5) Dawn il-kompetenzi huma mfissra fil-punt 1.2 tal-gwida applikabbli għall-kompetizzjonijiet ġenerali.

(6) Il-kontenut ta' dawn l-elementi huwa vvalidat mill-bord tal-għażla.

(7) Minħabba raġunijiet ta' organizzazzjoni, l-istudju ta' każ jista' jsir fiċ-ċentri tal-ittestjar fl-Istati Membri u/jew fi Brussell, indipendentement mit-testijiet l-oħra li jsiru fiċ-ċentru ta' evalwazzjoni.

(8) Fil-każ fejn fl-aħħar post jiġu diversi kandidati bl-istess marka, dawn il-kandidati kollha jitniżżlu fil-lista ta' riżerva.

(9) Dikjarazzjonijiet ivverifikati mill-EPSO għall-kundizzjonijiet ġenerali u mill-bord tal-għażla għall-kundizzjonijiet speċifiċi.

(10) Id-data ta' meta trid tattendi ċ-ċentru ta' evalwazzjoni tiġi kkomunikata lilek fi żmien xieraq permezz tal-kont tal-EPSO tiegħek.

ANNESS

1. AMMINISTRAZZJONI PUBBLIKA EWROPEA

1. Deskrizzjoni tal-funzjonijiet

L-irwol ġenerali tal-amministraturi fil-qasam tal-amministrazzjoni pubblika Ewropea huwa li jsostnu lil dawk li jieħdu d-deċiżjonijiet fl-implimentazzjoni tal-missjoni tal-istituzzjoni jew tal-entità tagħhom.

Id-dmirijiet ewlenin tagħhom, li jistgħu jvarjaw minn istituzzjoni għal oħra, jinkludu:

—	it-tfassil, l-implimentazzjoni, is-segwitu u l-kontroll tal-programmi u tal-pjanijiet ta' azzjoni,

—	il-ġestjoni tar-riżorsi, b'mod speċjali l-persunal, il-finanzi u t-tagħmir,

—	l-assistenza lil dawk li jieħdu d-deċiżjonijiet permezz ta' kontributi miktuba jew orali,

—	l-abbozzar ta' noti ta' analiżi tal-politiki,

—	il-komunikazzjoni esterna kif ukoll ir-rappurtar u l-komunikazzjoni interna,

—	il-koordinazzjoni u l-konsultazzjoni bejn is-servizzi u bejn l-istituzzjonijiet, kif ukoll ir-relazzjonijiet mal-partijiet interessati esterni,

—	l-abbozzar tal-kuntratti, il-preparazzjoni tas-sejħiet għall-proposti u s-sejħiet għall-offerti, u l-parteċipazzjoni fil-kumitati tal-evalwazzjoni tas-segwitu tal-proċeduri tal-għażla u tal-allokazzjoni tal-proposti.

2. Kwalifiki

Grad AD 5

Livell ta' edukazzjoni li jikkorrispondi għal studji universitarji konklużi ta' mill-anqas tliet snin, iċċertifikati b'diploma.

L-istudenti li qegħdin fl-aħħar sena tal-istudji universitarji jistgħu jipparteċipaw fil-kompetizzjoni sakemm ikunu kisbu l-kwalifiki tagħhom sa mhux aktar tard mill-31 ta' Lulju 2012.

Grad AD 7

Livell ta' edukazzjoni li jikkorrispondi għal studji universitarji konklużi ta' erba' snin jew iktar, iċċertifikati b'diploma.

Jew

Livell ta' edukazzjoni li jikkorrispondi għal studji universitarji konklużi ta' mill-inqas tliet snin, iċċertifikati b'diploma, segwiti minn esperjenza professjonali ta' mill-inqas sena relatata man-natura tal-funzjonijiet.

NB: Din is-sena ma tistax tiġi kkunsidrata bħala parti min-numru ta' snin ta' esperjenza professjonali mitlub fil-punt 3 hawn taħt.

3. Esperjenza professjonali

Grad AD 5

Mhi meħtieġa l-ebda esperjenza professjonali.

Grad AD 7

Esperjenza professjonali ta' livell universitarju ta' mill-inqas sitt snin b'rabta man-natura tal-funzjonijiet. Din l-esperjenza professjonali hija rilevanti biss jekk tkun inkisbet wara l-għoti tad-diploma li tagħti aċċess għall-kompetizzjoni.

2. LIĠI

1. Deskrizzjoni tal-funzjonijiet

L-irwol ġenerali tal-amministraturi fil-qasam tal-liġi huwa li jsostnu lil dawk li jieħdu d-deċiżjonijiet fl-implimentazzjoni tal-missjoni tal-istituzzjoni jew tal-entità tagħhom, jipprovdu konsulenza u pariri legali lill-unitajiet ta' ġestjoni u/jew operattivi fi ħdan id-dipartiment tagħhom, filwaqt li jiżguraw konformità mal-liġi Ewropea u ma' dik nazzjonali.

Id-dmirijiet ewlenin tagħhom, li jistgħu jvarjaw minn istituzzjoni għal oħra, jinkludu:

—	l-assistenza lil dawk li jieħdu d-deċiżjonijiet permezz ta' kontributi miktuba jew orali,

—	l-analiżi, ir-riċerka, il-pariri u l-assistenza fil-qasam legali kif ukoll is-superviżjoni ta' kwistjonijiet legali,

—	l-abbozzar ta' dokumenti legali,

—	ir-rappurtar u l-komunikazzjoni interna dwar kwistjonijiet legali,

—	il-koordinazzjoni mad-dipartimenti l-oħra u l-konsultazzjoni magħhom dwar kwistjonijiet legali,

—	il-ġestjoni tar-riżorsi, b'mod speċjali l-persunal, il-finanzi u t-tagħmir,

—	it-tfassil, l-implimentazzjoni, is-segwitu u l-kontroll tal-programmi u tal-pjanijiet ta' azzjoni.

2. Kwalifiki

Grad AD 5

Livell ta' edukazzjoni li jikkorrispondi għal studji universitarji konklużi ta' mill-anqas tliet snin, iċċertifikati b'diploma fil-liġi.

L-istudenti li qegħdin fl-aħħar sena tal-istudji universitarji jistgħu jipparteċipaw fil-kompetizzjoni sakemm ikunu kisbu l-kwalifiki tagħhom sa mhux aktar tard mill-31 ta' Lulju 2012.

Grad AD 7

Livell ta' edukazzjoni li jikkorrispondi għal studji universitarji konklużi ta' erba' snin jew iktar, iċċertifikati b'diploma fil-liġi.

Jew

Livell ta' edukazzjoni li jikkorrispondi għal studji universitarji konklużi ta' mill-inqas tliet snin, iċċertifikati b'diploma fil-liġi, segwiti minn esperjenza professjonali ta' mill-inqas sena b'rabta man-natura tal-funzjonijiet.

NB: Din is-sena ma tistax tiġi kkunsidrata bħala parti min-numru ta' snin ta' esperjenza professjonali mitluba fil-punt 3 hawn taħt.

3. Esperjenza professjonali

Grad AD 5

Mhi meħtieġa l-ebda esperjenza professjonali.

Grad AD 7

3. AWDITJAR

1. Deskrizzjoni tal-funzjonijiet

L-irwol ġenerali tal-amministraturi fil-qasam tal-awditjar huwa li jsostnu lil dawk li jieħdu d-deċiżjonijiet fl-implimentazzjoni tal-missjoni tal-istituzzjoni jew tal-entità tagħhom.

Huma jkunu mitluba wkoll jaħdmu f'oqsma bħall-awditjar finanzjarju, tal-prestazzjoni u dak intern. Dawn l-awdituri jipprovdu servizzi ta' assigurazzjoni u ta' konsulenza fl-oqsma operattivi kollha tal-Unjoni Ewropea bl-għan li jtejbu l-governanza u l-ġestjoni. Huma jistgħu jintbagħtu jieħdu sehem f'interventi fis-27 Stati Membri kif ukoll f'pajjiżi terzi.

Id-dmirijiet ewlenin tagħhom, li jistgħu jvarjaw minn istituzzjoni għal oħra, huma notevolment:

—	l-awditjar estern, l-awditjar finanzjarju kif ukoll l-eżami tal-ġestjoni finanzjarja tajba, inklużi l-implimentazzjoni u r-rappurtar,

—	il-kontroll u l-ispezzjonijiet esterni, it-titjib tas-sistemi ta' kontroll,

—	l-awditjar intern, l-appoġġ metodoloġiku, il-konsulenza u t-taħriġ,

—	il-koordinazzjoni u l-konsultazzjoni bejn is-servizzi dwar il-kwistjonijiet tal-awditjar,

—	l-informazzjoni u l-konsulenza dwar il-kwistjonijiet tal-awditjar.

2. Kwalifiki

Grad AD 5

Livell ta' edukazzjoni li jikkorrispondi għal studji universitarji konklużi ta' mill-anqas tliet snin, iċċertifikati b'diploma b'rabta man-natura tal-funzjonijiet, jew taħriġ professjonali/kwalifika professjonali ta' livell ekwivalenti relevanti ma' dawk il-funzjonijiet.

L-istudenti li qegħdin fl-aħħar sena tal-istudji universitarji jistgħu jipparteċipaw fil-kompetizzjoni sakemm ikunu kisbu l-kwalifiki tagħhom sa mhux aktar tard mill-31 ta' Lulju 2012.

Grad AD 7

Livell ta' edukazzjoni li jikkorrispondi għal studji universitarji konklużi ta' mill-anqas erba' snin, iċċertifikati b'diploma, b'rabta man-natura tal-funzjonijiet, jew taħriġ professjonali/kwalifika professjonali ta' livell ekwivalenti relevanti ma' dawk il-funzjonijiet.

Jew

Livell ta' edukazzjoni li jikkorrispondi għal studji universitarji konklużi ta' mill-anqas tliet snin iċċertifikati b'diploma b'rabta man-natura tal-funzjonijiet, jew taħriġ professjonali/kwalifika professjonali ta' livell ekwivalenti relevanti ma' dawk il-funzjonijiet, segwiti minn esperjenza professjonali ta' mill-inqas sena b'rabta man-natura tal-funzjonijiet.

NB: Din is-sena ma tistax tiġi kkunsidrata bħala parti min-numru ta' snin ta' esperjenza professjonali mitluba fil-punt 3 hawn taħt.

Kun af li jista' jkollok bżonn tagħti prova ċara tas-suġġetti studjati sabiex ikun iktar faċli għall-bord tal-għażla li jivvaluta jekk il-kwalifiki humiex rilevanti.

3. Esperjenza professjonali

Grad AD 5

Mhi meħtieġa l-ebda esperjenza professjonali.

Grad AD 7

4. KOMUNIKAZZJONI

1. Deskrizzjoni tal-funzjonijiet

L-uffiċjali mfittxija se jeżerċitaw l-attività tagħhom f'wieħed jew iktar mis-setturi segwenti:

—	ħidma bħala kelliem u/jew persuna li tħejji diskors,

—	komunikazzjoni interna u/jew esterna,

—	komunikazzjoni, informazzjoni bil-miktub u appoġġ awdjoviżwali,

—	komunikazzjoni, informazzjoni fuq il-web,

—	komunikazzjoni strateġika u komunikazzjoni f'każ ta' kriżi,

—	relazzjonijiet mal-istampa, mal-midja, mal-ambjent politiku u mal-pubbliku b'mod ġenerali,

—	organizzazzjoni ta' avvenimenti marbutin mal-promozzjoni tal-politiki u l-prijoritajiet tal-Unjoni Ewropea,

—	it-tfassil u l-iddisinjar ta' websajts, ta' bloggs u ta' siti oħra ta' skambju fuq il-web.

Huma jwettqu ħidma ta' analiżi, ta' tfassil, ta' studju, ta' pariri u ta' abbozzar, fost oħrajn:

—	l-implimentazzjoni ta' diversi aspetti tal-politika ta' komunikazzjoni u ta' informazzjoni,

—	organizzazzjoni ta' konferenzi stampa u ta' xandiriet awdjoviżwali,

—	il-ħolqien ta' elementi grafiċi/lowgows, ta' powsters, fuljetti u dokumenti inġenerali,

—	it-tfassil u t-twettiq ta' grafika u ta' disinji maħsuba għall-web,

—	appoġġ lill-ogħla livell ta' maniġment b'materjal għall-midja,

—	it-tfassil, l-implimentazzjoni u l-evalwazzjoni ta' strateġiji, pjanijiet, kampanji ta' attivitajiet ta' komunikazzjoni u informazzjoni, permezz ta' diversi mezzi tal-midja, skont il-pubbliku li wieħed ikun irid jolqot,

—	l-abbozzar ta' stqarrijiet għall-istampa, ta' rapporti politiċi u ta' testi maħsuba għal diversi mezzi (web, awdjoviżwali, radju, pubblikazzjonijiet...),

—	abbozzar ta' diskorsi u ta' analiżi,

—	analiżi tal-opinjoni pubblika, tal-midja u tas-sitwazzjoni fl-Istati Membri,

—	monitoraġġ/sorveljanza u analiżi tal-impatt tal-midja.

2. Kwalifiki

Grad AD 5

Livell ta' edukazzjoni li jikkorrispondi ma' studji universitarji konklużi ta' mill-anqas tliet snin, iċċertifikati b'diploma, f'wieħed jew aktar mis-suġġetti li ġejjin: komunikazzjoni, midja, ġurnaliżmu, relazzjonijiet pubbliċi jew xjenzi politiki.

L-istudenti li qegħdin fl-aħħar sena tal-istudji universitarji jistgħu jipparteċipaw fil-kompetizzjoni sakemm ikunu kisbu l-kwalifiki tagħhom sa mhux aktar tard mill-31 ta' Lulju 2012.

Grad AD 7

Livell ta' edukazzjoni li jikkorrispondi ma' studji universitarji ta' mill-anqas erba' snin, konklużi u ċċertifikati b'diploma f'wieħed jew aktar mis-suġġetti li ġejjin: komunikazzjoni, midja, ġurnaliżmu, relazzjonijiet pubbliċi jew xjenzi politiki.

Jew

Livell ta' edukazzjoni li jikkorrispondi ma' studji universitarji ta' mill-anqas tliet snin, konklużi u ċċertifikati b'diploma f'wieħed jew aktar mis-suġġetti li ġejjin: komunikazzjoni, midja, ġurnaliżmu, relazzjonijiet pubbliċi jew xjenzi politiki, segwit minn esperjenza professjonali ta' mill-inqas sena b'rabta man-natura tal-funzjonijiet.

NB: Din is-sena ma tistax tiġi kkunsidrata bħala parti min-numru ta' snin ta' esperjenza professjonali mitluba fil-punt 3 hawn taħt.

3. Esperjenza professjonali

Grad AD 5

Mhi meħtieġa l-ebda esperjenza professjonali.

Grad AD 7

Esperjenza professjonali ta' livell universitarju ta' mill-inqas sitt snin, b'rabta man-natura tal-funzjonijiet. Din l-esperjenza professjonali hija rilevanti biss jekk tkun inkisbet wara l-għoti tad-diploma li tagħti aċċess għall-kompetizzjoni.

5. RELAZZJONIJIET ESTERNI

1. Deskrizzjoni tal-funzjonijiet

B'mod ġenerali, l-amministraturi fil-qasam tar-relazzjonijiet esterni huma inkarigati bl-implimentazzjoni u l-parteċipazzjoni fid-definizzjoni tal-politika barranija tal-Unjoni Ewropea (l-UE), li jirriżultaw minn ftehimiet bilaterali jew multilaterali ffirmati mill-UE, mill-parti esterna tal-politiki interni tal-UE, kif ukoll tal-politika barranija u ta' sigurtà komuni u tal-politika ta' difiża komuni tal-UE. Il-karriera tal-uffiċjal fil-qasam tar-relazzjonijiet esterni tista' tinkludi impjieg f'postijiet fi ħdan id-delegazzjonijiet tal-UE.

Id-dmirijiet ewlenin involuti jinkludu:

—	l-implimentazzjoni tal-ftehimiet bilaterali, bireġjonali u multilaterali tal-UE mal-pajjiżi terzi u organizzazzjonijiet internazzjonali,

—	il-kontribut għall-koordinazzjoni tal-politika barranija u ta' sigurtà komuni mal-parti esterna tal-politiki interni tal-UE,

—	il-koordinazzjoni tal-azzjoni esterna tal-UE b'rabta mal-Istati Membri u mad-diversi istituzzjonijiet tal-UE,

—	iż-żamma tar-relazzjonijiet diplomatiċi mal-pajjiżi sħab tal-UE u l-promozzjoni tal-interessi tal-UE,

—	il-komunikazzjoni esterna u l-komunikazzjoni interna, ir-relazzjonijiet mal-atturi esterni, b'mod partikolari ambaxxati, organizzazzjonijiet internazzjonali, organizzazzjonijiet reġjonali u s-soċjetà ċivili,

—	ir-rappurtar politiku, l-abbozzar ta' noti ta' analiżi politika u ta' briefings għal min jieħu d-deċiżjonijiet,

—	l-organizzazzjoni u l-parteċipazzjoni f'laqgħat ta' livell għoli li jinvolvu l-protokoll,

—	il-ħidma f'kollaborazzjoni stretta mad-delegazzjonijiet tal-UE fid-dinja kollha.

2. Kwalifiki

Grad AD 5

Livell ta' edukazzjoni li jikkorrispondi għal studji universitarji konklużi ta' mill-anqas tliet snin, iċċertifikati b'diploma.

L-istudenti li qegħdin fl-aħħar sena tal-istudji universitarji jistgħu jipparteċipaw fil-kompetizzjoni sakemm ikunu kisbu l-kwalifiki tagħhom sa mhux aktar tard mill-31 ta' Lulju 2012.

Grad AD 7

Livell ta' edukazzjoni li jikkorrispondi għal studji universitarji konklużi ta' erba' snin jew iktar, iċċertifikati b'diploma.

Jew

NB: Din is-sena ma tistax tiġi kkunsidrata bħala parti min-numru ta' snin ta' esperjenza professjonali mitluba fil-punt 3 hawn taħt.

3. Esperjenza professjonali

Grad AD 5

Mhi meħtieġa l-ebda esperjenza professjonali.

Grad AD 7

		ISSN 1977-0987 doi:10.3000/19770987.CA2012.076.mlt
Il-Ġurnal Uffiċjali tal-Unjoni Ewropea		C 76A

Edizzjoni bil-Malti	Informazzjoni u Avviżi	Volum 55 15 ta' Marzu 2012

Avviż Nru	Werrej	Paġna
	V Avviżi
	PROĊEDURI AMMINISTRATTIVI
	L-Uffiċċju Ewropew għas-Selezzjoni tal-Persunal (EPSO)
2012/C 076A/01	Avviż ta' kompetizzjonijiet ġenerali EPSO/AD/230/12 (AD 5) u EPSO/AD/231/12 (AD 7)	1

8	(DA/EL/HU/IT/MT/PL)
10
17	(LT)
20	(EN)
22	(DE/EN/FR)
27
30	(FR)
31	(ES)
37
44
46
53
55
59
69	(DE/EN/FR)
70	(EL)
71	(ES)
74	(HU)
75	(NL)
76