ISSN 1977-0987 doi:10.3000/19770987.C_2012.042.mlt |
||
Il-Ġurnal Uffiċjali tal-Unjoni Ewropea |
C 42 |
|
![]() |
||
Edizzjoni bil-Malti |
Informazzjoni u Avviżi |
Volum 55 |
Avviż Nru |
Werrej |
Paġna |
|
IV Informazzjoni |
|
|
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA |
|
|
Il-Kummissjoni Ewropea |
|
2012/C 042/01 |
||
2012/C 042/02 |
||
|
V Avviżi |
|
|
PROĊEDURI AMMINISTRATTIVI |
|
|
Il-Kunsill |
|
2012/C 042/03 |
||
|
PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI |
|
|
Il-Kummissjoni Ewropea |
|
2012/C 042/04 |
||
MT |
|
IV Informazzjoni
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
Il-Kummissjoni Ewropea
15.2.2012 |
MT |
Il-Ġurnal Uffiċjali tal-Unjoni Ewropea |
C 42/1 |
Rata tal-kambju tal-euro (1)
L-14 ta’ Frar 2012
2012/C 42/01
1 euro =
|
Munita |
Rata tal-kambju |
USD |
Dollaru Amerikan |
1,3169 |
JPY |
Yen Ġappuniż |
102,85 |
DKK |
Krona Daniża |
7,4333 |
GBP |
Lira Sterlina |
0,83765 |
SEK |
Krona Żvediża |
8,7814 |
CHF |
Frank Żvizzeru |
1,2075 |
ISK |
Krona Iżlandiża |
|
NOK |
Krona Norveġiża |
7,5350 |
BGN |
Lev Bulgaru |
1,9558 |
CZK |
Krona Ċeka |
25,097 |
HUF |
Forint Ungeriż |
291,58 |
LTL |
Litas Litwan |
3,4528 |
LVL |
Lats Latvjan |
0,6988 |
PLN |
Zloty Pollakk |
4,1910 |
RON |
Leu Rumen |
4,3488 |
TRY |
Lira Turka |
2,3307 |
AUD |
Dollaru Awstraljan |
1,2298 |
CAD |
Dollaru Kanadiż |
1,3162 |
HKD |
Dollaru ta' Hong Kong |
10,2107 |
NZD |
Dollaru tan-New Zealand |
1,5822 |
SGD |
Dollaru tas-Singapor |
1,6650 |
KRW |
Won tal-Korea t'Isfel |
1 481,62 |
ZAR |
Rand ta' l-Afrika t'Isfel |
10,1800 |
CNY |
Yuan ren-min-bi Ċiniż |
8,2900 |
HRK |
Kuna Kroata |
7,5821 |
IDR |
Rupiah Indoneżjan |
11 856,43 |
MYR |
Ringgit Malażjan |
4,0073 |
PHP |
Peso Filippin |
56,260 |
RUB |
Rouble Russu |
39,5780 |
THB |
Baht Tajlandiż |
40,613 |
BRL |
Real Brażiljan |
2,2633 |
MXN |
Peso Messikan |
16,7766 |
INR |
Rupi Indjan |
65,0610 |
(1) Sors: rata tal-kambju ta' referenza ppubblikata mill-Bank Ċentrali Ewropew.
15.2.2012 |
MT |
Il-Ġurnal Uffiċjali tal-Unjoni Ewropea |
C 42/2 |
DEĊIŻJONI TAL-KUMMISSJONI
tal-14 ta’ Frar 2012
li tistabbilixxi l-Grupp ta' Esperti tal-Kummissjoni fuq Ħtiġijiet ta’ Politika għal dejta fuq Delitti li tħassar id-Deċiżjoni 2006/581/KE
2012/C 42/02
IL-KUMMISSJONI EWROPEA
Wara li kkunsidrat it-Trattat dwar il-Funzjonament tal-Unjoni Ewropea,
Billi:
(1) |
Skont l-Artikolu 67(3) tat-Trattat dwar il-Funzjonament tal-Unjoni Ewropea, l-Unjoni se tagħmel sforz biex tiżgura livell għoli ta’ sigurtà permezz ta’ miżuri għall-prevenzjoni u l-ġlieda kontra delitti, razziżmu u ksenofobija, u permezz ta’ miżuri għall-koordinazzjoni u l-kooperazzjoni bejn l-awtoritajiet tal-pulizija u dawk ġudizzjarji u awtoritajiet kompetenti oħrajn. |
(2) |
F’Awwissu tal-2006, il-Kummissjoni adottat Komunikazzjoni lill-Parlament Ewropew, lill-Kunsill u l-Kumitat Ekonomiku u Soċjali intitolat “L-iżvilupp ta’ strateġija tal-UE komprensiva u koerenti sabiex titkejjel il-kriminalità u l-ġustizzja kriminali: Pjan ta’ Azzjoni tal-UE 2006-2010” (1). |
(3) |
Fl-istess ħin grupp ta’ esperti fuq il-ħtiġijiet ta’ politika għal dejta dwar kriminalità u ġustizzja kriminali kien stabbilit mid-Deċiżjoni tal-Kummissjoni 2006/581/KE tas-7 ta' Awwissu 2006 (2), biex jgħin lill-Kummissjoni fl-implimentazzjoni tal-Pjan ta' Azzjoni. Il-mandat ta’ dan il-grupp ma ġiex imġedded. |
(4) |
Il-Programm ta’ Stokkolma “Ewropa miftuħa u sigura għas-servizz u l-protezzjoni taċ-ċittadini” adottat mill-Kunsill Ewropew (3) jistieden lill-Kummissjoni biex tkompli tiżviluppa għodda ta’ statistika li tkejjel il-kriminalità u attivitajiet ta’ kriminalità u biex jiġu żviluppati aktar l-azzjonijiet msemmija u implimentati parzjalment fil-Pjan ta’ Azzjoni tal-UE 2006-2010. |
(5) |
L-iskambju ta’ informazzjoni u l-ġbir ta’ statistika f’oqsma partikolari bħat-Traffikar ta’ Bnedmin, Ħasil ta' Flus, Ċiberkriminalità u Korruzzjoni huma skont l-azzjonijiet proposti inkluzi fil-Komunikazzjoni mill-Kummissjoni lill-Parlament Ewropew u lill-Kunsill “L-Istrateġija tas-Sigurtà Interna tal-UE fl-Azzjoni: Ħames passi lejn Ewropa iżjed sikura” (4). |
(6) |
Sabiex jiġi segwit ix-xogħol siewi li twettaq mill-grupp ta’ esperti fuq ħtiġijiet ta’ politika għal dejta fuq kriminalità u ġustizzja kriminali mill-2006 u billi tiġi kkunsidrata ż-żieda fl-interess għal statistika affidabbli ta' reati fuq livell tal-Unjoni, dak il-grupp jeħtieġ li jinbidel. |
(7) |
Il-produzzjoni ta’ statistika tal-Komunità hija kontrollata minn sett ta’ regoli mniżżlin fir-Regolament (KE) Nru 223/2009 tal-Parlament Ewropew u tal-Kunsill tal-11 ta' Marzu 2009 dwar l-Istatistika Ewropea u li jħassar ir-Regolament (Euratom, KE) Nru 1101/2008 tal-Parlament Ewropew u tal-Kunsill dwar it-trażmissjoni ta' dejta suġġetta għall-kunfidenzjalità statistika lill-Uffiċċju tal-Istatistika tal-Komunitajiet Ewropej, ir-Regolament tal-Kunsill (KE) Nru 322/97 u d-Deċiżjoni tal-Kunsill 89/382/KEE, Euratom li tistabbilixxi Kumitat dwar il-Programmi tal-Istatistika tal-Komunitajiet Ewropej (5) L-azzjonijiet tal-istabbiliment ta’ statistika tal-Komunità huma mwettqa skont id-Deċiżjoni Nru 1578/2007/KE tal-Parlament Ewropew u tal-Kunsill tal-11 ta' Diċembru 2007 fuq il-Programm Statistiku tal-Komunità 2008 sa 2012 (6) u l-Programmi Annwali u r-rispett tal-prinċipji mniżżla fil-Kodiċi ta’ Prattika Ewropew adottat mill-Kumitat għall-Programmi Statistiċi fl-24 ta’ Frar 2005. |
(8) |
B’hekk huwa meħtieġ li jitwaqqaf grupp ta’ esperti tal-Kummissjoni fil-qasam tal-Istatistika ta’ Delitti u li jiġu definiti l-ħidmiet u l-istruttura tiegħu. |
(9) |
Il-grupp għandu jgħin biex jiġu definiti l-ħtiġijiet tal-politika u jagħti parir fuq id-definizzjoni tal-użu effettiv ta' indikaturi u tad-dejta b'mod ġenerali, fil-qasam tal-kriminalità. |
(10) |
Il-grupp espert għandu jkun kompost minn membri kompetenti sabiex jidentifikaw il-ħtiġijiet fil-politika u sabiex jagħtu pariri dwar l-użu effettiv ta' indikaturi u ta’ dejta fil-qasam tal-kriminalità. |
(11) |
Għandhom jiġu stabbiliti regoli dwar l-iżvelar tal-informazzjoni mill-membri tal-grupp, mingħajr preġudizzju għar-regoli tal-Kummissjoni dwar is-sigurtà kif stabbilit fl-Anness għad-Deċiżjoni tal-Kummissjoni 2001/844/KE, KEFA, Euratom, tad-29 ta' Novembru 2001 li temenda r-Regoli ta' Proċedura interni tagħha (7). |
(12) |
Id-dejta personali dwar il-membri tal-grupp għandha tkun ipproċessata skont ir-Regolament (KE) Nru 45/2001 tal-Parlament Ewropew u tal-Kunsill tat-18 ta’ Diċembru 2000 dwar il-protezzjoni ta' individwi fir-rigward tal-ipproċessar ta' dejta personali mill-istituzzjonijiet u l-korpi tal-Komunità, u dwar il-moviment liberu ta' din id-dejta (8). |
(13) |
Il-mandat tal-membri tal-grupp għandu jkun ta’ ħames snin li jkopri l-perjodu ta’ implimentazzjoni tal-Pjan ta’ Azzjoni 2011-2015 fuq il-Kejl tal-Kriminalità u l-Ġustizzja Kriminali fl-Unjoni Ewropea (9). |
(14) |
Għalhekk id-Deċiżjoni 2006/581/KE għandha tiġi revokata. |
(15) |
Huwa xieraq li jiġi stipulat perjodu għall-applikazzjoni ta’ din id-Deċiżjoni. l-Kummissjoni dalwaqt se tqis ir-rakkomandabbiltà ta’ estensjoni, |
ADOTTAT DIN ID-DEĊIŻJONI:
Artikolu 1
Suġġett
Il-Grupp ta' esperti tal-Kummissjoni fuq Ħtiġijiet ta' Politika għal Dejta dwar Kriminalità, minn hawn 'il quddiem imsejjaħ bħala “il-Grupp”, huwa hawnhekk stabbilit.
Artikolu 2
Kompitu
Il-kompiti tal-grupp għandhom ikunu:
(a) |
li jgħin lill-Kummissjoni fit-twaqqif ta' kooperazzjoni bejn Stati Membri u organizzazzjonijiet u korpi oħrajn irrelatati fl-implimentazzjoni tal-Pjan ta’ Azzjoni tal-UE 2011-2015 dwar il-kejl tal-Kriminalità u tal-Ġustizzja Kriminali; |
(b) |
li jgħin lill-Kummissjoni sabiex tidentifika l-ħtiġijiet fil-politika għal indikaturi u dejta dwar il-kriminalità fuq il-livell tal-UE; |
(c) |
jgħin lill-Kummissjoni biex tiżviluppa indikaturi komuni; |
(d) |
li jagħti pariri lill-Kummissjoni dwar ħtiġijiet rilevanti għal riċerka u żvilupp jew riżultati li għandhom ikunu kkunsidrati fil-ħidma tal-implimentazzjoni tal-Pjan ta’ Azzjoni tal-UE 2011-2015; |
(e) |
li jagħti pariri lill-Kummissjoni dwar kollaborazzjoni mar-rappreżentanti mill-oqsma privati u akkademiċi jew oqsma rilevanti oħrajn sabiex ikun inkluż l-għarfien rilevanti u l-esperjenza rilevanti fil-ħidma għall-implimentazzjoni tal-Pjan ta’ Azzjoni tal-UE 2011-2015; |
(f) |
li jġib skambju ta’ esperjenza u prattika tajba fil-qasam tal-Istatistika dwar il-Kriminalità u b’mod partikolari fl-iżvilupp ta’ indikaturi komuni u l-ġbir ta’ dejta komparabbli. |
Artikolu 3
Il-Konsultazzjoni
Il-Kummissjoni tista’ tikkonsulta lill-grupp fuq kull kwistjoni relatata mal-kejl tal-kriminalità.
Artikolu 4
Sħubija – Ħatra
1. Il-grupp għandu jkun magħmul minn massimu ta’ 55 membru. Il-membri se jkunu:
(a) |
l-awtoritajiet pubbliċi nazzjonali fil-qasam tal-Affarijiet Interni, jew awtorità pubblika oħra rilevanti, tal-Istati Membri, il-pajjiżi kandidati u l-pajjiżi tal-Assoċjazzjoni Ewropea tal-Kummerċ Ħieles; |
(b) |
il-korpi, in-netwerks u l-aġenziji tal-UE li ġejjin: in-Netwerk Ewropew għall-Prevenzjoni tal-Kriminalità (EUCPN), iċ-Ċentru Ewropew ta’ Monitoraġġ tad-Droga u d-Dipendenza fuq id-Droga (EMCDDA), il-Eurojust, l-Uffiċċju Ewropew tal-Pulizija (Europol), l-Aġenżija Ewropea għall-Immaniġġjar tal-Kooperazzjoni Operazzjonali mal-Fruntieri Esteri tal-Istati Membri tal-Unjoni Ewropea (il-FRONTEX) u l-Aġenzija tad-Drittijiet Fundamentali (l-FRA); |
(c) |
l-Organizzazzjonijiet Internazzjonali u Organizzazzjonijiet mhux governattivi li ġejjin bl-esperjenza rilevanti u l-għarfien espert li janalizzaw jew jiżviluppaw dejta dwar il-kriminalità għal għanijiet ta’ politika: il-Kunsill tal-Ewropa, l-Uffiċċju tan-Nazzjonijiet Uniti dwar id-Drogi u l-Prevenzjoni tal-Kriminalità (UNODC), il-Grupp tas-Sourcebook Ewropew, l-Organizzazzjoni għas-Sigurtà u l-Kooperazzjoni fl-Ewropa (OSKE), l-Organizzazzjoni Dinjija għall-Kooperazzjoni u l-Iżvilupp Ekonomiku (OECD); |
(d) |
minimu ta’ 6 individwi maħtura f’kapaċità personali b’għarfien espert li jkun ġej preferibbilment minn riċerka akkademika għal universitajiet pubbliċi jew privati jew ċentri ta’ riċerka fi Stati Membri. |
2. Membri li hemm referenza għalihom fil-punti (a), (b) u (c) tal-paragrafu 1, se jinnominaw espert permanenti u espert li jalterna bħala rappreżentanti tagħhom. Il-persuna li talterna għandha awtomatikament tieħdu post l-esperti li huma assenti.
3. L-individwi li se jiġu maħtura f’kapaċità personali għandhom jiġu maħtura mid-Direttur Ġenerali tad-DĠ tal-Affarijiet Interni minn fost dawk li jkunu wieġbu għas-sejħa għall-applikazzjonijiet (ara l-Anness ta' din id-Deċiżjoni).
4. Fuq il-bażi tas-sejħa għall-applikazzjonijiet, l-applikanti li ġew meqjusa li huma kandidati adatti għal sħubija fil-grupp li iżda ma ġewx maħtura għandhom jitqiegħdu fuq lista ta’ riserva, bil-kunsens tagħhom. Il-Kummissjoni għandha tuża din il-lista għall-ħatra ta’ sostituti għall-membri, jekk ikun meħtieġ.
5. Il-membri kollha għandhom jinħatru għal ħames snin. Għandhom jibqgħu fil-kariga sakemm jinbidlu jew sal-aħħar tal-mandat tagħhom. Il-mandat tagħhom jista’ jiġġedded.
6. Il-membri li ma jkunux jistgħu jikkontribwixxu aktar b’mod effettiv fid-deliberazzjonijiet tal-grupp, li jirriżenjaw jew li ma jikkonformawx mal-kundizzjonijiet stabbiliti f'dan l-Artikolu, jew l-Artikolu 339 tat-Trattat, jistgħu jiġu sostitwiti għall-kumplament tal-mandat tagħhom.
7. Individwi li jinħatru fil-kapaċità personali għandhom jaġixxu b’mod indipendenti u fl-interess pubbliku.
8. L-ismijiet ta’ individwi maħtura f’kapaċità personali se jiġu ppubblikati fir-Reġistru tal-Gruppi Esperti tal-Kummissjoni u Entitajiet Simili oħrajn (“ir-Reġistru” (10)). L-ismijiet ta’ membri msemmija fil-punti (b) jew (c) tal-paragrafu 1 se jiġu ppubblikati fir-Reġistru. L-ismijiet ta’ awtoritajiet pubbliċi imsemmija fil-punt (a) tal-paragrafu 1 se jiġu ppubblikati fir-Reġistru.
9. Id-dejta personali għandha tinġabar, tiġi pproċessata u ppubblikata skont ir-Regolament (KE) Nru 45/2001 tal-Parlament Ewropew u tal-Kunsill tat-18 ta’ Diċembru 2000 dwar il-protezzjoni ta’ individwi fir-rigward tal-ipproċessar ta' dejta personali mill-istituzzjonijiet u l-korpi tal-Komunità u dwar il-moviment liberu ta' dik id-dejta (11).
Artikolu 5
Operat
1. Il-grupp għandu jkun presedut minn rappreżentant tal-Kummissjoni.
2. Il-Kummissjoni se tikkoordina l-attivitajiet tal-grupp ta’ esperti ma’ dawk tal-grupp ta’ ħidma tal-Eurostat dwar l-Istatistika dwar il-Kriminalità u l-Ġustizzja Kriminali. Il-Kummissjoni se jkollha r-responsabbiltà għall-koerenza tax-xogħol taż-żewġ gruppi u se tagħmel ħilitha biex torganizza fejn possibbli, laqgħat konġunti.
3. Bi qbil mas-servizzi tal-Kummissjoni, il-grupp jista' jistabbilixxi sottogruppi sa massimu ta’ 15-il membru biex jeżaminaw kwistjonijiet speċifiċi abbażi ta' termini ta' referenza definiti mill-grupp. Dawn is-sottogruppi għandhom jiġu xolti malli jwettqu l-mandat tagħhom.
4. Ir-rappreżentant tal-Kummissjoni jista’, fuq bażi ad hoc, jistieden esperti minn barra l-grupp li jkollhom kompetenza speċifika f’suġġett li jkun fuq l-aġenda biex jieħdu sehem fil-ħidma tal-grupp jew tas-sottogrupp fuq bażi ad hoc. Barra minn hekk, ir-rappreżentant tal-Kummissjoni jista' jagħti status ta' osservatur lil individwi jew organizzazzjonijiet kif inhu definit fir-Regola 8(3) tar-regoli orizzontali dwar il-gruppi ta' esperti (12) u l-pajjiżi kandidati.
5. Il-membri tal-grupp kif ukoll l-esperti u l-osservaturi mistiedna għandhom jikkonformaw mal-obbligi tas-segretezza professjonali stabbiliti mit-Trattati u r-regoli tal-implimentazzjoni tagħhom, kif ukoll mar-regoli tal-Kummissjoni dwar is-sigurtà relatata mal-protezzjoni tal-informazzjoni klassifikata tal-UE, stabbilita fl-Anness għad-Deċiżjoni tal-Kummissjoni 2001/844/KE, KEFA, Euratom. Jekk jonqsu milli jħarsu dawn l-obbligi, il-Kummissjoni tista’ tieħu l-miżuri xierqa kollha.
6. Il-laqgħat tal-gruppi ta' esperti u sottogruppi għandhom isiru fil-bini tal-Kummissjoni. Il-Kummissjoni għandha tipprovdi servizzi segretarjali. Uffiċjali oħrajn tal-Kummissjoni li għandhom interess fil-proċedimenti jistgħu jattendu l-laqgħat tal-grupp u s-sottogruppi tiegħu.
7. Il-grupp għandu jadotta r-regoli ta’ proċedura tiegħu abbażi tar-regoli standard ta’ proċedura għall-gruppi ta’ esperti.
8. Il-Kummissjoni għandha tippubblika l-informazzjoni rilevanti dwar l-attivitajiet imwettqa mill-grupp billi tinkludiha fir-Reġistru jew permezz ta’ link mir-Reġistru għas-sit elettroniku tad-DĠ tal-Affarijiet Interni.
Artikolu 6
Spejjeż tal-laqgħat
1. Il-parteċipanti fl-attivitajiet tal-grupp ma għandhomx jingħataw ħlas għas-servizzi li jipprovdu.
2. L-ispejjeż għall-ivvjaġġar u għall-għajxien li jkunu ġarrbu dawk li jieħdu sehem fl-attivitajiet tal-grupp għandhom jiġu rimborżati mill-Kummissjoni skont id-dispożizzjonijiet fis-seħħ fi ħdan il-Kummissjoni.
3. Dawk l-ispejjeż għandhom jiġu rimborżati fil-limiti tal-approprjazzjonijiet disponibbli allokati skont il-proċedura annwali għall-allokazzjoni tar-riżorsi.
Artikolu 7
Revoka
Id-Deċiżjoni 2006/581/KE hija rrevokata.
Artikolu 8
Dħul fis-Seħħ u Applikabbiltà
Din id-Deċiżjoni għandha tidħol fis-seħħ dakinhar li tiġi ppublikata f'Il-Ġurnal Uffiċjali tal-Unjoni Ewropea u għandha tapplika għal 5 snin.
Magħmul fi Brussell, l-14 ta’ Frar 2012.
Għall-Kummissjoni
Il-President
José Manuel BARROSO
(1) COM(2006) 437 finali.
(2) ĠU L 234, 29.8.2006, p. 29.
(3) GU C 115, 4.5.2010, p. 21.
(4) COM(2010) 673 finali.
(5) ĠU L 87, 31.3.2009, p. 164.
(6) ĠU L 344, 28.12.2007, p. 15.
(7) ĠU L 317, 3.12.2001, p. 1.
(9) Il-Komunikazzjoni mill-Kummissjoni lill-Parlament Ewropew u lill-Kunsill, li attwalment għaddej.
(10) Il-membri li ma jixtiqux li isimhom jiġi żvelat jistgħu japplikaw għal deroga minn din ir-regola. Din it-talba biex ma jiġix żvelat l-isem ta’ membru mill-grupp ta’ esperti għandha tiġi meqjusa bħala ġġustifikata kull meta l-pubblikazzjoni tista’ tipperikola s-sigurtà jew l-integrità tiegħu jew tagħha, jew tipperikola b’mod mhux dovut il-privatezza tiegħu jew tagħha.
(11) Ara n-nota f’qiegħ il-paġna nru 8.
(12) C(2010) 7649 finali
ANNESS
Sejħa għall-applikazzjonijiet għall-għażla ta’ esperti maħtura fil-kapaċità personali tagħhom għall-Grupp ta' Esperti fuq Ħtieġa ta’ Politika għal Dejta dwar il-Kriminalità
Permezz tad-Deċiżjoni C(2012) 721 tal-14 ta’ Frar 2012 (1) il-Kummissjoni waqqfet il-Grupp ta’ Esperti fuq Ħtiġijiet ta’ Politika għal Dejta dwar il-Kriminalità. Il-Kummissjoni se tippresjedi l-grupp u tista’ tikkonsulta lill-grupp fuq kull kwistjoni relatata mal-kejl tal-kriminalità.
Il-kompiti tal-grupp tal-esperti huma:
(a) |
li jgħin lill-Kummissjoni fit-twaqqif ta' kooperazzjoni bejn Stati Membri u organizzazzjonijiet u korpi oħrajn relatati fl-implimentazzjoni tal-Pjan ta’ Azzjoni tal-UE 2011-2015 dwar il-kejl tal-Kriminalità u l-Ġustizzja Kriminali fl-Unjoni Ewropea (2); |
(b) |
li jgħin lill-Kummissjoni sabiex tidentifika l-ħtiġijiet fil-politika għal indikaturi u dejta dwar delitti fuq il-livell tal-UE; |
(c) |
li jgħin lill-Kummissjoni biex tiżviluppa indikaturi komuni; |
(d) |
li jagħti pariri lill-Kummissjoni dwar riċerka rilevanti u l-ħtiġijiet tal-iżvilupp jew riżultati li għandhom ikunu kkunsidrati fil-ħidma tal-implimentazzjoni tal-pjan tal-UE ta' hawn fuq; |
(e) |
li jagħti pariri lill-Kummissjoni dwar kollaborazzjoni mar-rappreżentanti mill-oqsma privati u akkademiċi jew oqsma rilevanti oħrajn sabiex ikun inkluż l-għarfien rilevanti u l-esperjenza fil-ħidma għall-implimentazzjoni tal-pjan tal-UE ta’ hawn fuq; |
(f) |
li jġib skambju ta’ esperjenza u prattika tajba fil-qasam tal-Istatistika tal-Kriminalità u b’mod partikolari fl-iżvilupp ta’ indikaturi komuni u l-ġbir ta’ dejta komparabbli. |
Il-Grupp ta’ esperti se jkun kompost minn awtoritajiet pubbliċi nazzjonali fil-qasam tal-Affarijiet Interni tal-Istati Membri tal-UE, il-kontei tal-pajjiżi Kandidati u tal-EFTA; il-korpi, in-netwerks u l-Aġenziji rilevanti tal-UE; organizzazzjonijiet internazzjonali u nongovernattivi rilevanti; esperti individwali maħtura f’kapaċità personali li jkunu ġejjin preferibbilment mill-qasam tar-riċerka akkademika.
Għall-aħħar kategorija, il-Kummissjoni qiegħda għaldaqstant tagħmel sejħa għall-applikazzjonijiet bil-għan li jintgħażlu membri tal-grupp ta’ esperti.
Il-grupp ta’ esperti għandu jkun jikkonsisti f’55 membru li minnhom minimu ta’ 6 se jinħatru fil-kapaċità personali tagħhom, skont l-Artikolu 4 tad-Deċiżjoni ta’ hawn fuq.
Esperti prospettivi huma mistennija li attwalment għandhon jew kellhom pożizzjoni f’Università pubblika jew privata jew ċentru ta’ riċerka f’wieħed mill-Istati Membri tal-UE. Il-Kummissjoni ser tqis il-kriterji li ġejjin meta tivvaluta l-applikazzjonijiet:
(a) |
Kompetenza ppruvata, u livell għoli ta’ ħila u esperjenza professjonali (mill-inqas 8 snin), fuq livell Ewropew u/jew internazzjonali, f’oqsma relatati mal-kriminoloġija, ġustizzja kriminali u/jew oqsma relatati. Esperjenza f’oqsma speċifiċi ta’ delitti bħal: delitti finanzjarji, traffikar fil-bnedmin, korruzzjoni, ċiberkriminalità u vittimizzazzjoni se jkunu ta’ vantaġġ. |
(b) |
Parteċipazzjoni preċedenti fi gruppi jew kumitati tal-UE/Internazzjonali se tkun ta’ vantaġġ. |
(c) |
Abilità murija ta' ħidma bl-Ingliż. |
(d) |
Il-bżonn li jkun hemm bilanċ fi ħdan il-grupp ta’ esperti f’termini tar-rappreżentanza tal-applikanti, is-sessi u l-oriġini ġeografika (3). |
(e) |
Il-bżonn li jkun hemm bilanċ ta' għarfien bejn oqsma differenti ta' kriminalità inklużi kriminalità finanzjarja, traffikar fil-bnedmin, korruzzjoni, ċiberkriminalità u vittimizzazzjoni u fuq l-aspetti differenti bħal definizzjonijiet, indikaturi, statistika, analiżi u interpretazzjoni. |
(f) |
Il-bżonn li tiffavorixxi l-kontinwità tal-ħidma tal-Grupp ta' Esperti mwaqqaf mid-Deċiżjoni tal-Kummissjoni f’Awwissu tal-2006. |
(g) |
Il-membri tal-grupp għandhom ikunu ċittadini ta’ Stat Membru tal-Unjoni Ewropea jew, jekk xieraq, ta’ pajjiż kandidat jew pajjiż potenzjalment kandidat jew pajjiż tal-Assoċjazzjoni Ewropea tal-Kummerċ Ħieles. |
Il-ħiliet imsemmija se jiġu eżaminati fuq il-bażi tal-CV mimlija u l-formola tal-applikazzjoni.
L-applikazzjonijiet jistgħu jiġu sottomessi biss billi jimtela l-mudell tal-formula tal-applikazzjoni (Appendiċi) u l-mudell tal-CV (4). L-applikanti huma mitluba li jiddikjaraw b’mod ċar fl-applikazzjoni tagħhom il-qasam li fih għandhom ħila partikolari.
L-applikazzjonijiet iffirmati kif suppost għandhom jintbagħtu fi żmien 20 ġurnata mid-data tas-sejħa għal applikazzjonijiet ippubblikata fil-Ġurnal Uffiċjali tal-Unjoni Ewropea, jew permezz ta' email inkella bil-posta f'dan l-indirizz li ġej:
Il-Kummissjoni Ewropea |
Id-Direttorat-Ġenerali għall-Affarijiet Interni |
Segretarjat tal-Unità A2 |
LX 46 3/131 |
1049 Bruxelles/Brussel |
BELGIQUE/BELGIË |
HOME-STATS-GROUP@ec.europa.eu |
Meta l-applikazzjonijiet jintbagħtu b'email, id-data tal-email għandha titqies bħala d-data ta’ meta ntbagħtu. Meta l-applikazzjonijiet jintbagħtu bil-posta, il-marka postali għandha titqies bħala d-data ta’ meta ntbagħtu.
Il-Kummissjoni għandha tagħżel il-membri fil-kapaċità personali tagħhom għal perjodu ta' 5 snin. Dawn għandhom jagħtu lill-Kummissjoni opinjoni indipendenti ħielsa minn kwalunkwe influwenza esterna u għandhom jirrispettaw il-kundizzjonijiet tal-kunfidenzjalità msemmija fl-Artikolu 5 tad-Deċiżjoni tal-Kummissjoni li tistabbilixxi l-grupp ta’ esperti. Huma għandhom jaġixxu b'mod indipendenti u fl-interess pubbliku.
Il-Kummissjoni għandha tirrimborża l-ispejjeż tal-ivvjaġġar u tas-sussistenza b’rabta mal-attivitajiet tal-grupp ta’ esperti skont id-dispożizzjonijiet fis-seħħ tal-Kummissjoni, u l-Membri skont il-limiti tal-approprjazzjonijiet baġitarji disponibbli. Il-membri mhux se jirċievu rimunerazzjoni għad-doveri tagħhom.
L-ismijiet tal-esperti maħtura f’kapaċità personali se jiġu ppubblikati fil-gruppi ta’ esperti tar-Reġistru tal-Kummissjoni u Entitajiet Simili (5) oħra u fuq is-sit Elettroniku tad-DĠ tal-Affarijiet Interni.
Id-dejta personali ser tinġabar, tiġi pproċessata u ppubblikata skont id-dispożizzjonijiet tar-Regolament (KE) Nru 45/2001 (6).
Għal kwalunkwe informazzjoni oħra, jekk jogħġbok ikkuntattja lis-Sinjura Athina KARVOUNARAKI, telefown +32 22999070, email athina.karvounaraki@ec.europa.eu
L-informazzjoni dwar ir-riżultati tas-sejħiet għall-applikazzjonijiet għandha tiġi ppubblikata fis-sit elettroniku tad-DĠ tal-Affarijiet Interni u, jekk xieraq, fil-Ġurnal Uffiċjali tal-Unjoni Ewropea.
(2) Il-Komunikazzjoni mill-Kummissjoni lill-Parlament Ewropew u lill-Kunsill, li attwalment għaddejja.
(3) Id-Deċiżjoni tal-Kummissjoni 2000/407/KE tad-19 ta’ Ġunju 2000 dwar il-bilanċ bejn is-sessi fil-kumitati u l-gruppi tal-esperti stabbiliti minnha (ĠU L 154, 27.6.2000, p. 34).
(4) Il-curricula vitae għandhom jiġu sottomessi fil-format Ewropew: http://europass.cedefop.europa.eu/en/documents/curriculum-vitae/templates-instructions
(5) Il-membri li ma jixtiqux li isimhom jiġi żvelat jistgħu japplikaw għal deroga minn din ir-regola. It-talba li ma jiġix żvelat l-isem ta’ membru ta’ grupp ta’ esperti għandha tiġi meqjusa bħala ġġustifikata kull meta l-pubblikazzjoni tista’ tipperikola s-sigurtà jew l-integrità tiegħu jew tipperikola b’mod mhux dovut il-privatezza tiegħu.
(6) Ir-Regolament (KE) Nru 45/2001 tal-Parlament Ewropew u tal-Kunsill tat-18 ta' Diċembru 2000 dwar il-protezzjoni ta' individwi fir-rigward tal-ipproċessar ta' dejta personali mill-istituzzjonijiet u l-korpi Komunitarji u dwar il-moviment ħieles ta' din id-dejta (ĠU L 8, 12.1.2001, p. 1).
Appendiċi
V Avviżi
PROĊEDURI AMMINISTRATTIVI
Il-Kunsill
15.2.2012 |
MT |
Il-Ġurnal Uffiċjali tal-Unjoni Ewropea |
C 42/11 |
Estensjoni tal-perijodu ta' validità tal-listi ta' riserva
2012/C 42/03
B'deċiżjoni tas-Segretarju Ġenerali tal-Kunsill tal-Unjoni Ewropea, il-validità tal-listi ta’ riserva stabbiliti wara l-kompetizzjonijiet miftuħin ta' hawn taħt, hija estiża:
Artikolu 1: sal-31 ta' Diċembru 2012:
Kunsill/420/AD5 |
organizzata biex tkun stabbilita lista ta' riserva għar-reklutaġġ ta' amministraturi aġġunti fil-qasam tas-sigurtà (Uffiċċju Privat/sigurtà: servizz ta' sigurtà esterna/protezzjoni tal-missjoni), li n-notifika tagħha ġiet ippubblikata f' Il-Ġurnal Uffiċjali tal-Unjoni Ewropea C 316 A tat-13 ta' Diċembru 2005. |
Kunsill/421/AD5 |
organizzata biex tkun stabbilita lista ta' riserva għar-reklutaġġ ta' amministraturi aġġunti fil-qasam tas-sigurtà (Uffiċċju Privat/sigurtà: servizz ta' sigurtà interna), li n-notifika tagħha ġiet ippubblikata f' Il-Ġurnal Uffiċjali tal-Unjoni Ewropea C 316 A tat-13 ta' Diċembru 2005. |
Kunsill/422/AST3 |
organizzata biex tkun stabbilita lista ta' riserva għar-reklutaġġ ta' assistenti fil-qasam tas-sigurtà (Uffiċċju Privat/sigurtà: servizz ta' sigurtà interna), li n-notifika tagħha ġiet ippubblikata f' Il-Ġurnal Uffiċjali tal-Unjoni Ewropea C 316 A tat-13 ta' Diċembru 2005. |
Kunsill/425/AD9 |
organizzata biex tkun stabbilita lista ta' riserva għar-reklutaġġ ta' amministraturi anzjani fil-qasam tat-teknoloġiji tal-informazzjoni (Direttorat SIC: Unità tas-Soluzzjonijiet ta' Produzzjoni), li n-notifika tagħha ġiet ippubblikata f' Il-Ġurnal Uffiċjali tal-Unjoni Ewropea C 316 A tat-13 ta' Diċembru 2005. |
Kunsill/427/AD8 |
organizzata għar-reklutaġġ ta' post ta' amministratur fil-qasam tal-Politika Ewropea għas-Sigurtà u Difiża (PESD), li n-notifika tagħha ġiet ippubblikata f' Il-Ġurnal Uffiċjali tal-Unjoni Ewropea C 108 A tat-12 ta' Mejju 2007. |
CONS/AD/430 (żewġ profili) |
organizzata biex tiġi stabbilita lista ta' riserva għar-reklutaġġ ta' amministraturi fil-qasam tal-politika ewropea fir-rigward tas-sigurtà u d-difiża (PESD). Il-kompetizzjoni tikkonċerna żewġ profili fil-grad AD9 (profil 1: uffiċjal anzjan tal-ippjanar strateġiku ta' operazzjonijiet u missjonijiet ta' ġestjoni ta' kriżijiet; profil 2: uffiċjal anzjan tal-ippjanar għall-iżvilupp tal-kapaċitajiet militari/ċivili/spazjali), li n-notifika tagħha ġiet ippubblikata f' Il-Ġurnal Uffiċjali tal-Unjoni Ewropea C 178 tal-15 ta' Lulju 2008. |
CONS/AD/431 |
organizzata biex tkun stabbilita lista ta' riserva għar-reklutaġġ fil-funzjoni ta' amministratur bil-grad AD9 (uffiċjal anzjan) fil-qasam tas-sigurtà tas-sistemi tal-informazzjoni, li n-notifika tagħha ġiet ippubblikata f' Il-Ġurnal Uffiċjali tal-Unjoni Ewropea C 178 tal-15 ta' Lulju 2008. |
CONS/AD/432 |
organizzata biex tkun stabbilita lista ta' riserva għar-reklutaġġ ta' amministraturi fil-grad AD7 fil-qasam tas-sigurtà tas-sistemi tal-informazzjoni, li n-notifika tagħha ġiet ippubblikata f' Il-Ġurnal Uffiċjali tal-Unjoni Ewropea C 178 tal-15 ta' Lulju 2008. |
CONS-COMM/AD/433 |
biex tiġi stabbilita lista ta' riserva għar-reklutaġġ ta' kapijiet ta' unità fil-grad AD12 fil-qasam tat-traduzzjoni, bl-Irlandiż bħala l-lingwa prinċipali, li n-notifika tagħha ġiet ippubblikata f' Il-Ġurnal Uffiċjali tal-Unjoni Ewropea C 99 tat-30 ta' April 2009. |
PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI
Il-Kummissjoni Ewropea
15.2.2012 |
MT |
Il-Ġurnal Uffiċjali tal-Unjoni Ewropea |
C 42/13 |
Komunikazzjoni mill-Ministru għall-Affarijiet Ekonomiċi, l-Agrikoltura u l-Innovazzjoni tar-Renju tal-Pajjiżi l-Baxxi skont l-Artikolu 3(2) tad-Direttiva 94/22/KE tal-Parlament Ewropew u tal-Kunsill dwar il-kondizzjonijiet għall-għoti u l-użu ta’ awtorizzazzjonijiet għall-prospettar, esplorazzjoni u produzzjoni ta’ idrokarburi
2012/C 42/04
Il-Ministru għall-Affarijiet Ekonomiċi, l-Agrikoltura u l-Innovazzjoni qiegħed b'dan javża li rċieva applikazzjoni għall-awtorizzazzjoni għall-estrazzjoni tal-idrokarburi f'segment tal-blokk S3 kif indikat fuq il-mappa mehmuża bħala l-Anness 3 għar-Regolament dwar ix-Xogħol tal-Minjieri (Mijnbouwregeling) (il-Gazzetta tal-Gvern (Staatscourant) 2002, Nru 245). Iż-żona inkwistjoni għandha tiġi ddeżinjata bħala s-segment tal-blokk S3a.
B’referenza għad-Direttiva msemmija fid-daħla u l-Artikolu 15 tal-Att dwar ix-Xogħol tal-Minjieri (Mijnbouwwet) (il-Bullettin tal-Atti u tad-Digrieti (Staatsblad) 2002, Nru 542), il-Ministru għall-Affarijiet Ekonomiċi, l-Agrikoltura u l-Innovazzjoni qed b'dan jistieden lill-partijiet interessati sabiex jissottomettu applikazzjoni kompetittiva għal awtorizzazzjoni għall-estrazzjoni tal-idrokarburi fis-segment tal-blokk S3a tal-blata kontinentali tal-Pajjiżi l-Baxxi.
Is-segment tal-blokk S3a huwa delimitat fil-veritiċi A u B mill-arka parallela, fil-quċċata B mill-arka meridjana u miċ-ċirku l-kbir bejn il-quċċata A u l-intersezzjoni tal-arka meridjana mal-linja kif deskritt fl-anness għall-Att dwar ix-Xogħol tal-Minjieri (Mijnbouwwet). Din l-intersezzjoni tinsab viċin il-quċċata C.
Il-qċaċet huma definiti kif ġej:
quċċata |
° |
′ |
″ E |
° |
′ |
″ N |
A |
3 |
58 |
27,000 |
52 |
0 |
0 |
B |
4 |
0 |
0,000 |
52 |
0 |
0 |
C |
4 |
0 |
0,000 |
51 |
58 |
43,622 |
Il-qċaċet imsemmija hawn fuq huma definiti permezz tal-koordinati ġeografiċi tagħhom, ikkalkulati skont is-Sistema Ewropea ta' Referenza Terrestri.
Is-segment tal-blokk S3a jkopri żona ta' 2,1 km2.
Il-Ministru għall-Affarijiet Ekonomiċi, l-Agrikoltura u l-Innovazzjoni huwa l-awtorità kompetenti għall-għoti tal-awtorizzazzjonijiet. Il-kriterji, il-kundizzjonijiet u r-rekwiżiti msemmija fl-Artikoli 5.1, 5.2 u 6.2 tad-Direttiva msemmija hawn fuq huma stipulati fl-Att dwar ix-Xogħol tal-Minjieri (il-Bullettin tal-Atti u tad-Digrieti 2002, Nru 542).
L-applikazzjonijiet jistgħu jiġu sottomessi matul it-13-il ġimgħa ta' wara l-pubblikazzjoni ta' dan l-avviż f'Il-Ġurnal Uffiċjali tal-Unjoni Ewropea u għandhom jintbagħtu lil:
De minister van Economische Zaken, Landbouw en Innovatie |
ter attentie van de heer P. Jongerius, themacoördinator mijnbouw en mijnbouwklimaat directie Energiemarkt |
ALP/562 |
Bezuidenhoutseweg 30 |
Postbus 20101 |
2500 EC Den Haag |
NEDERLAND |
L-applikazzjonijiet li jaslu wara li jiskadi dan il-perjodu ma jiġux ikkunsidrati.
Id-deċiżjoni dwar l-applikazzjonijiet se tittieħed sa mhux aktar tard minn 12-il xahar wara l-iskadenza ta' dan il-perjodu.
Għal aktar tagħrif tista’ ċċempel lis-Sur E. J. Hoppel fuq in-numru tat-telefown li ġej: +31 703797762.