INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA

15.12.2011

Il-Ġurnal Uffiċjali tal-Unjoni Ewropea

C 366/1

RAPPORT

dwar il-kontijiet annwali tal-Aġenzija Komunitarja għall-Kontroll tas-Sajd għas-sena finanzjarja 2010, flimkien mat-tweġibiet tal-Aġenzija

2011/C 366/01

INTRODUZZJONI

L-Aġenzija Komunitarja għall-Kontroll tas-Sajd (minn hawn 'il quddiem imsejħa “l-Aġenzija”), li tinsab f'Vigo, twaqqfet permezz tar-Regolament tal-Kunsill (KE) Nru 768/2005 tas-26 ta’ April 2005 (1). Il-kompitu prinċipali tal-Aġenzija huwa li torganizza l-koordinazzjoni operazzjonali tal-attivitajiet tal-kontroll tas-sajd u l-attivitajiet ta’ spezzjoni mill-Istati Membri sabiex tiżgura applikazzjoni effettiva u uniformi tar-regoli tal-Politika Komuni tas-Sajd (2).

2.	Il-baġit tal-Aġenzija għall-2010 ammonta għal EUR 11-il miljun meta mqabbel ma’ EUR 10,1 miljun is-sena ta’ qabel. L-għadd ta’ persunal impjegat mill-Aġenzija fi tmiem is-sena kien 54 meta mqabbel ma’ 49 is-sena ta’ qabel.

ID-DIKJARAZZJONI TA' ASSIGURAZZJONI

Skont id-dispożizzjonijiet tal-Artikolu 287(1), it-tieni subparagrafu tat-Trattat dwar il-Funzjonament tal-Unjoni Ewropea, il-Qorti vverifikat il-kontijiet annwali (3) tal-Aġenzija, li jikkonsistu fir-“rendikonti finanzjarji” (4) u fir-“rapporti dwar l-implimentazzjoni tal-baġit” (5) għas-sena finanzjarja li ntemmet fil-31 ta’ Diċembru 2010 u l-legalità u r-regolarità tat-tranżazzjonijiet li fuqhom huma bbażati dawk il-kontijiet.

4.	Din id-Dikjarazzjoni ta’ Assigurazzjoni hija indirizzata lill-Parlament Ewropew u lill-Kunsill, skont l-Artikolu 185(2) tar-Regolament tal-Kunsill (KE, Euratom) Nru 1605/2002 (6).

Ir-responsabbiltà tad-Direttur

Bħala uffiċjal li jawtorizza, id-Direttur jimplimenta d-dħul u l-infiq tal-baġit skont ir-regoli finanzjarji tal-Aġenzija, taħt ir-responsabbiltà tiegħu u fi ħdan il-limiti tal-approprjazzjonijiet awtorizzati (7). Id-Direttur huwa responsabbli mit-twaqqif (8) tal-istruttura organizzattiva u s-sistemi u l-proċeduri tal-ġestjoni u l-kontroll interni rilevanti biex jiġu ppreparati kontijiet finali (9) li huma ħielsa minn dikjarazzjoni żbaljata materjali, kemm jekk minħabba frodi jew inkella żball, u biex jiżgura li t-tranżazzjonijiet li fuqhom huma bbażati dawk il-kontijiet huma legali u regolari.

Ir-responsabbiltà tal-Qorti

6.	Ir-responsabbiltà tal-Qorti hija li tipprovdi, abbażi tal-verifika tagħha, dikjarazzjoni ta’ assigurazzjoni dwar l-affidabbiltà tal-kontijiet annwali tal-Aġenzija u dwar il-legalità u r-regolarità tat-tranżazzjonijiet li huma bbażati fuqhom.

Il-Qorti wettqet il-verifika tagħha skont l-Istandards Internazzjonali tal-Verifika u l-Kodiċi tal-Etika tal-IFAC u l-ISSAI (10). Dawk l-istandards jitolbu li l-Qorti tikkonforma mar-rekwiżiti tal-etika u li tippjana u twettaq il-verifika biex tikseb assigurazzjoni raġonevoli dwar jekk il-kontijiet humiex ħielsa minn dikjarazzjoni żbaljata materjali u dwar jekk it-tranżazzjonijiet ta’ bażi humiex legali u regolari.

Il-verifika tal-Qorti tinvolvi t-twettiq ta’ proċeduri sabiex tinkiseb evidenza tal-verifika dwar l-ammonti u l-iżvelar fil-kontijiet u dwar il-legalità u r-regolarità tat-tranżazzjonijiet li huma bbażati fuqhom. Il-proċeduri jintgħażlu skont il-ġudizzju tal-awditur, inkluża l-valutazzjoni tar-riskji ta’ dikjarazzjoni skorretta materjali fir-rapporti finanzjarji, sew jekk minħabba frodi u sew jekk minħabba xi żball. Meta tagħmel dawk il-valutazzjonijiet tar-riskju, il-kontroll intern rilevanti għall-preparazzjoni u l-preżentazzjoni tal-kontijiet tal-entità jiġi kkunsidrat sabiex jitfasslu proċeduri tal-verifika li huma xierqa fiċ-ċirkostanzi. Il-verifika tal-Qorti tinkludi wkoll evalwazzjoni tal-adegwatezza tal-politika tal-kontabilità użata, tar-raġonevolezza tal-estimi tal-kontabilità magħmula mill-maniġment u kif ukoll evalwazzjoni tal-preżentazzjoni tal-kontijiet inġenerali.

9.	Il-Qorti tqis li l-evidenza tal-verifika miksuba hija biżżejjed u xierqa biex tipprovdi bażi għall-opinjonijiet t'hawn taħt.

L-opinjoni dwar l-affidabbiltà tal-kontijiet

10.

Fl-opinjoni tal-Qorti, il-Kontijiet Annwali (11) tal-Aġenzija jippreżentaw b'mod ġust, fl-aspetti materjali kollha, il-pożizzjoni finanzjarja tagħha fil-31 ta’ Diċembru 2010 u r-riżultati tal-operazzjonijiet tagħha u tal-likwidità tagħha għas-sena li ntemmet, skont id-dispożizzjonijiet tar-Regolament Finanzjarju tagħha.

L-opinjoni dwar il-legalità u r-regolarità tat-tranżazzjonijiet li fuqhom huma bbażati l-kontijiet

11.	Fl-opinjoni tal-Qorti, it-tranżazzjonijiet li fuqhom huma bbażati l-kontijiet annwali tal-Aġenzija għas-sena finanzjarja li ntemmet fil-31 ta’ Diċembru 2010, fl-aspetti materjali kollha huma legali u regolari.

12.	Il-kummenti li ġejjin ma jixħtux f'dubju l-opinjonijiet tal-Qorti.

KUMMENTI DWAR IL-ĠESTJONI TAL-BAĠIT U DIK FINANZJARJA

13.	Uħud mill-impenji tal-baġit tal-2010 tal-Aġenzija kellhom x'jaqsmu ma’ nefqa għal proġetti tal-2011, li jmorru kontra l-prinċipju baġitarju t'annwalità.

14.	Ġew innotati dgħufijiet fil-proċeduri tal-Aġenzija għall-assigurazzjoni lid-dokumenti ta’ akkwist ikunu ffirmati u datati kif xieraq.

KWISTJONIJIET OĦRA

15.

Fir-rigward tal-proċeduri tal-għażla tal-persunal, la l-limiti li l-kandidati kellhom jissodisfaw sabiex jiġu msejħa għal intervista u lanqas dawk neċessarji biex jitpoġġew fuq il-lista tar-riżerva ma ġew iffissati bil-quddiem. Dawn il-prattiki jpoġġu f'riskju t-trasparenza tal-proċeduri tar-reklutaġġ.

Dan ir-Rapport ġie adottat mill-Awla IV, immexxija mis-Sur Igors LUDBORŽS, Membru tal-Qorti tal-Awdituri, fil-Lussemburgu fil-laqgħa tagħha tas-6 ta’ Settembru 2011.

Għall-Qorti tal-Awdituri

Vítor Manuel da SILVA CALDEIRA

President

(1) ĠU L 128, 21.5.2005, p. 1.

(2) L-Anness jagħti sommarju tal-kompetenzi u l-attivitajiet tal-Aġenzija. Jiġi ppreżentat għal skopijiet ta’ informazzjoni.

(3) Dawn il-kontijiet huma akkumpanjati minn rapport dwar il-ġestjoni tal-baġit u dik finanzjarja matul is-sena li, fost l-oħrajn, jagħti rendikont tar-rata ta’ implimentazzjoni tal-approprjazzjonijiet flimkien ma’ informazzjoni fil-qosor dwar it-trasferimenti tal-approprjazzjonijiet fost il-partiti varji tal-baġit.

(4) Ir-rendikonti finanzjarji jinkludu l-karta tal-bilanċ u l-kont tar-riżultat ekonomiku, it-tabella tal-likwidità, ir-rendikont tat-tibdil fil-kapital u l-anness għar-rendikonti finanzjarji li jinkludi deskrizzjoni tal-politika tal-kontabilità prinċipali u informazzjoni oħra ta’ spjegazzjoni.

(5) Ir-rapporti tal-implimentazzjoni tal-baġit jikkonsistu fil-kont tar-riżultat tal-baġit u fl-anness tiegħu.

(6) ĠU L 248, 16.9.2002, p. 1.

(7) L-Artikolu 33 tar-Regolament tal-Kummissjoni (KE, Euratom) Nru 2343/2002 (ĠU L 357, 31.12.2002, p. 72).

(8) L-Artikolu 38 tar-Regolament (KE, Euratom) Nru 2343/2002.

(9) Ir-regoli dwar il-preżentazzjoni tal-kontijiet u tal-kontabilità mill-Aġenziji huma stabbiliti fil-Kapitolu 1 tat-Titolu VII tar-Regolament (KE, Euratom) Nru 2343/2002 kif l-aħħar emendat bir-Regolament (KE, Euratom) Nru 652/2008 (ĠU L 181, 10.7.2008, p. 23) u huma fil-fatt integrati fir-Regolament Finanzjarju tal-Aġenzija.

(10) Il-Federazzjoni Internazzjonali tal-Kontabilisti (IFAC) u l-Istandards Internazzjonali tal-Istituzzjonijiet Supremi tal-Verifika (ISSAI).

(11) Il-Kontijiet Annwali Finali kienu ppreparati fit-30 ta’ Ġunju 2011 u rċevuti mill-Qorti fis-7 ta’ Lulju 2011. Il-Kontijiet Annwali Finali jistgħu jinstabu fuq il-websajt li ġej http://eca.europa.eu jew http://cfca.europa.eu/.

ANNESS

L-Aġenzija Komunitarja għall-Kontroll tas-Sajd (Vigo)

Kompetenzi u attivitajiet

L-oqsma ta’ kompetenza tal-Unjoni stipulati fit-Trattat

(L-Artikolu 38 tat-Trattat dwar il-Funzjonament tal-Unjoni Ewropea)

L-Artikolu 28 tar-Regolament tal-Kunsill (KE) Nru 2371/2002 dwar il-konservazzjoni u l-isfruttar sostenibbli ta’ riżorsi tas-sajd skond [skont] il-politika komuni dwar is-sajd, jeħtieġ li l-Istati Membri jiżguraw kontroll, spezzjoni u infurzar effettiv tar-regoli tal-politika komuni dwar is-sajd u li jikkoperaw ma’ xulxin u ma’ pajjiżi terzi għal dan l-għan.

Ir-Regolament tal-Kunsill (KE) Nru 768/2005 li jistabbilixxi l-Aġenzija Komunitarja għall-Kontroll tas-Sajd u jemenda r-Regolament (KEE) Nru 2847/93 li jistabbilixxi sistema ta’ kontroll li tapplika għall-Politika Komuni tas-Sajd.

Il-kompetenzi tal-Aġenzija

(ir-Regolament tal-Kunsill (KE) Nru 768/2005)

L-Objettivi

Ir-Regolament jistabbilixxi Aġenzija Komunitarja għall-Kontroll tas-Sajd, li l-għan tagħha huwa li torganizza koordinazzjoni operattiva tal-attivitajiet ta’ kontroll u spezzjoni tas-sajd mill-Istati Membri u tgħinhom jikkoperaw sabiex jikkonformaw mar-regoli tal-Politika Komuni tas-Sajd sabiex tiġi żgurata l-applikazzjoni effettiva u uniformi tagħha.

Il-Kompiti

—	Tikkoordina l-obbligi ta’ kontroll u spezzjoni tal-Unjoni,

—	Tikkoordina l-użu tal-mezzi nazzjonali ta’ kontroll u spezzjoni miġbura mill-Istati Membri kkonċernati;

—	Tkun ta’ assistenza għall-Istati Membri fir-rappurtar ta’ informazzjoni dwar attivitajiet ta’ sajd u attivitajiet ta’ kontroll u spezzjoni;

—	Tkun ta’ assistenza għall-Istati Membri biex iwettqu l-kompiti u l-obbligi tagħhom skont ir-regoli tal-politika komuni tas-sajd;

—	Tkun ta’ assistenza għall-Istati Membri u l-Kummissjoni fl-armonizzazzjoni tal-applikazzjoni tal-politika komuni tas-sajd madwar l-Unjoni;

—	Tagħti kontribut fix-xogħol tal-Istati Membri u l-Kummissjoni fil-qasam ta’ riċerka dwar u żvilupp ta’ tekniki ta’ kontroll u spezzjoni;

—	Tagħti kontribut għall-koordinazzjoni ta’ taħriġ għal spetturi u l-iskambju ta’ esperjenza bejn l-Istati Membri;

—	Tikkoordina l-operazzjonijiet biex jiġi miġġieled sajd illegali, mhux rappurtat u mhux irregolat skont ir-regoli tal-Unjoni.

It-Tmexxija

1 – Il-Bord Amministrattiv

Jikkonsisti f'rappreżentant wieħed minn kull Stat Membru u sitt rappreżentanti tal-Kummissjoni.

2 – Id-Direttur Eżekuttiv

Maħtur mill-Bord Amministrattiv minn lista ta’ mill-anqas żewġ kandidati proposti mill-Kummissjoni.

3 – Il-verifika esterna

Il-Qorti tal-Awdituri

4 – L-awtorità ta’ kwittanza

Il-Parlament li jaġixxi fuq rakkomandazzjoni tal-Kunsill.

Ir-riżorsi disponibbli għall-Aġenzija fl-2010 (2009)

Il-Baġit Finali

EUR 11,0-il miljun (EUR 10,1 miljun)

Il-persunal fil-31 ta’ Diċembru 2010

53 (55) persunal temporanju pprovdut fil-pjan ta’ stabbiliment, li minnhom okkupati: 52 (44)

2 (5) Persunal kuntrattwali

It-total tal-persunal: 54 (49)

Il-prodotti u s-servizzi fl-2010

Il-Koordinazzjoni Operazzjonali

—	L-implimentazzjoni tal-JDP (Pjan ta’ Eżerċizzju Konġunt) Is-sajd tal-merluzz fil-Baħar tat-Tramuntana, Skagerrak, Kattegat u l-Fliegu tal-Lvant u Ibħra tal-Punent (il-Punent tal-Iskozja u l-Baħar Irlandiż);

—	JDP Is-sajd tal-merluzz fil-Baħar Baltiku;

—	JDP Is-sajd tat-tonn tal-pinna kaħlanija fil-Baħar Mediterran u l-Atlantiku tal-Lvant;

—	L-implimentazzjoni tal-JDP fiż-żona tal-Organizzazzjoni tas-Sajd tal-Atlantiku tal-Majjistral u fiż-żona tal-Organizzazzjon itas-Sajd fl-Atlantiku tal-Grigal;

—	Is-sostenn ta’ attivitajiet fil-ġlieda kontra s-sajd illegali mhux irrappurtat u mhux regolat;

—	Il-konsolidazzjoni tal-JDPs permezz ta’ promozzjoni ta’ aproċċ reġjonali;

—	It-taħriġ tal-ispetturi tal-Istat Membru (SM) li jipparteċipaw fil-JDPs.

Il-Bini tal-Kapaċità

—	Il-kartografija tal-programmi ta’ taħriġ tal-Istati Membri għal spetturi nazzjonali tas-sajd;

—	Il-ġbir ta’ proposta indikattiv ta’ kontenut għall-Kurrikulu Ċentrali għat-taħriġ;

—	L-iżvilupp ta’ pjattaforma ta’ kollaborazzjoni bbażata fuq il-web għat-taħriġ;

—	L-assistenza lill-programmi ta’ taħriġ nazzjonali tal-Istati Membri;

—	L-operazzjoni u l-manutenzjoni tas-Sistema ta’ Monitoraġġ tal-Bastimenti;

—	It-twaqqif tal-kamra tal-koordinazzjoni tas-CFCA għall-JDPs.

Sors: Informazzjoni mogħtija mill-Aġenzija.

IT-TWEĠIBIET TAL-AĠENZIJA

13.	Sabiex torganizza laqgħat u missjonijiet operattivi ppjanati minn qabel għall-ewwel kwart tal-2011, l-Aġenzija inkludiet l-ispejjeż rilevanti fil-baġit 2010. L-Aġenzija ħadet nota tal-kumment tal-Qorti u ser tieħu miżuri sabiex tevita l-iżvilupp ta’ ċirkustanzi simili fil-ġejjieni.

14.	Is-CFCA tieħu nota tal-kummenti tal-Qorti u saħħet l-għarfien tagħha tal-partijiet involuti kollha fir-rigward tal-obbligu li d-dokumenti rilevanti jkunu datati u ffirmati kif suppost.

Kwistjonijiet oħra

15.	L-Aġenzija rranġat l-oqsfa għall-proċeduri tas-selezzjoni u qed tistabbilixxi limitu standard mill-bidu nett li jista' jintuża mill-kumitat tas-selezzjoni sabiex tiżgura t-trasparenza.

15.12.2011

Il-Ġurnal Uffiċjali tal-Unjoni Ewropea

C 366/6

RAPPORT

dwar il-kontijiet annwali tal-Aġenzija Fornitriċi tal-Euratom għas-sena finanzjarja 2010, flimkien mat-tweġibiet tal-Aġenzija

2011/C 366/02

INTRODUZZJONI

L-Aġenzija Fornitriċi tal-Euratom (minn hawn ’il quddiem “l-Aġenzija”), li tinsab fil-Lussemburgu, inħolqot fl-1958 (1). Id-Deċiżjoni tal-Kunsill 2008/114/KE, Euratom tat-12 ta’ Frar 2008 (2) issostitwiet l-Istatuti ta’ qabel tal-Aġenzija. Il-kompiti prinċipali tal-Aġenzija huma li tipprovdi lill-Unjoni b’għarfien espert dwar is-suq tal-materjali u servizzi nukleari u tissorveljah.

2.	Fl-2010, simili għall-2009 u l-2008, l-Aġenzija ma rċeviet l-ebda sussidju biex tkopri l-operazzjonijiet tagħha. Il-Kummissjoni refgħet l-ispejjeż imġarrba mill-Aġenzija għall-implimentazzjoni tal-attivitajiet tal-2010.

ID-DIKJARAZZJONI TA’ ASSIGURAZZJONI

Skont id-dispożizzjonijiet tal-Artikolu 287(1), it-tieni subparagrafu tat-Trattat dwar il-Funzjonament tal-Unjoni Ewropea, flimkien mal-Artikolu 8 tad-Deċiżjoni 2008/114/KE, Euratom tat-12 ta’ Frar 2008, il-Qorti vverifikat il-kontijiet annwali (3) tal-Aġenzija, li jikkonsistu fir-“rendikonti finanzjarji” (4) u fir-“rapporti dwar l-implimentazzjoni tal-baġit” (5) għas-sena finanzjarja li ntemmet fil-31 ta’ Diċembru 2010, u l-legalità u r-regolarità tat-tranżazzjonijiet li fuqhom huma bbażati dawk il-kontijiet.

4.	Din id-Dikjarazzjoni ta’ Assigurazzjoni hija indirizzata lill-Parlament Ewropew u lill-Kunsill skont l-Artikolu 8 tad-Deċiżjoni tal-Kunsill 2008/114/KE, Euratom tat-12 ta’ Frar 2008.

Ir-responsabbiltà tad-Direttur

Bħala uffiċjal li jawtorizza, id-Direttur Ġenerali (6) huwa responsabbli li jimplimenta d-dħul u l-infiq tal-baġit skont ir-regoli finanzjarji tal-Aġenzija, taħt ir-responsabbiltà tiegħu u fi ħdan il-limiti tal-approprjazzjonijiet awtorizzati. Id-Direttur Ġenerali huwa responsabbli mit-twaqqif tal-istruttura organizzattiva u s-sistemi u l-proċeduri tal-ġestjoni u l-kontroll interni rilevanti biex jiġu ppreparati kontijiet finali li huma ħielsa minn dikjarazzjoni żbaljata materjali, kemm jekk minħabba frodi jew inkella żball, u biex jiżgura li t-tranżazzjonijiet li fuqhom huma bbażati dawk il-kontijiet huma legali u regolari.

Ir-responsabbiltà tal-Qorti

6.	Ir-responsabbiltà tal-Qorti hija li tipprovdi, abbażi tal-verifika tagħha, dikjarazzjoni ta’ assigurazzjoni dwar l-affidabbiltà tal-kontijiet annwali tal-Aġenzija u dwar il-legalità u r-regolarità tat-tranżazzjonijiet li huma bbażati fuqhom.

Il-Qorti wettqet il-verifika tagħha skont l-Istandards Internazzjonali tal-Verifika u l-Kodiċi tal-Etika tal-IFAC u tal-ISSAI (7). Dawk l-istandards jitolbu li l-Qorti tikkonforma mar-rekwiżiti tal-etika u li tippjana u twettaq il-verifika biex tikseb assigurazzjoni raġonevoli dwar jekk il-kontijiet humiex ħielsa minn dikjarazzjoni żbaljata materjali u dwar jekk it-tranżazzjonijiet ta’ bażi humiex legali u regolari.

9.	Il-Qorti tqis li l-evidenza tal-verifika miksuba hija biżżejjed u xierqa biex tipprovdi bażi għall-opinjonijiet li jikkonċernaw l-affidabilità tal-kontijiet.

L-opinjoni dwar l-affidabbiltà tal-kontijiet

10.

Fl-opinjoni tal-Qorti, il-Kontijiet Annwali (8) tal-Aġenzija jippreżentaw b’mod ġust, fl-aspetti materjali kollha, il-pożizzjoni finanzjarja tagħha fil-31 ta’ Diċembru 2010 u r-riżultati tal-operazzjonijiet tagħha u tal-likwidità tagħha għas-sena li ntemmet, skont id-dispożizzjonijiet tar-Regolament Finanzjarju tagħha.

L-opinjoni dwar il-legalità u r-regolarità tat-tranżazzjonijiet li fuqhom huma bbażati l-kontijiet

11.	Fl-opinjoni tal-Qorti, it-tranżazzjonijiet li fuqhom huma bbażati l-kontijiet annwali tal-Aġenzija għas-sena finanzjarja li ntemmet fil-31 ta’ Diċembru 2010, fl-aspetti materjali kollha huma legali u regolari.

Enfasi dwar kwistjoni

12.

Mingħajr ma tixħet dubju fuq l-opinjoni espressa fil-paragrafu 11, il-Qorti tixtieq tiġbed l-attenzjoni għall-kwistjoni li ġejja. L-Artikolu 54 tat-Trattat li Jistabbilixxi l-Komunità Ewropea tal-Enerġija Atomika jipprovdi li l-Aġenzija għandu jkollha awtonomija finanzjarja. L-Artikolu 7 tal-Istatuti tal-Aġenzija jipprovdi li “l-infiq tal-Aġenzija għandu jikkonsisti fi spejjeż amministrattivi tal-persunal tagħha u tal-Kumitat, kif ukoll spejjeż li jirriżultaw minn kuntratti konklużi ma’ partijiet terzi.” Fil-fatt, l-Aġenzija, mill-2008 ’l hawn, ma rċevietx baġit. F’dak il-każ, il-Kummissjoni Ewropea ħallset b'mod dirett l-ispejjeż tal-Aġenzija msemmija fl-Artikolu 7 hawn fuq. Fl-opinjoni tal-Qorti, din is-sitwazzjoni tmur kontra l-Istatuti tal-Aġenzija u l-Qorti tqis li l-Aġenzija u l-Kummissjoni għandhom, flimkien mal-partijiet interessati kollha, iqisu miżuri biex jeliminaw din is-sitwazzjoni. Il-Qorti tinnota li l-Aġenzija bi ħsiebha titlob baġit għall-2012.

Dan ir-Rapport ġie adottat mill-Awla IV, immexxija mis-Sur Igors LUDBORŽS, Membru tal-Qorti tal-Awdituri, fil-Lussemburgu fil-laqgħa tagħha tas-6 ta’ Settembru 2011.

Għall-Qorti tal-Awdituri

Vítor Manuel da SILVA CALDEIRA

President

(1) ĠU 27, 6.12.1958, p. 534.

(2) ĠU L 41, 15.2.2008, p. 15.

(4) Ir-rendikonti finanzjarji jinkludu l-karta tal-bilanċ u l-kont tar-riżultat ekonomiku, it-tabella tal-likwidità, ir-rendikont tat-tibdil fil-kapital u l-anness għar-rendikonti finanzjarji li jinkludi d-deskrizzjoni tal-politika tal-kontabilità prinċipali u informazzjoni oħra ta’ spjegazzjoni.

(5) Ir-rapporti tal-implimentazzjoni tal-baġit jikkonsistu fil-kont tar-riżultat tal-baġit u fl-anness tiegħu.

(6) Ir-responsabbiltajiet tad-Direttur Ġenerali huma deskritti fl-Artikoli 7 u 8 tad-Deċiżjoni 2008/114/KE, Euratom.

(7) Il-Federazzjoni Internazzjonali tal-Kontabilisti (IFAC) u l-Istandards Internazzjonali tal-Istituzzjonijiet Supremi tal-Verifika (ISSAI).

(8) Il-Kontijiet Annwali Finali kienu ppreparati fil-5 ta’ Mejju 2011 u rċevuti mill-Qorti fl-14 ta’ Ġunju 2011. Il-Kontijiet Annwali Finali jistgħu jinstabu fuq il-websajt li ġej http://eca.europa.eu jew http://ec.europa.eu/euratom/accounts_en.html.

IT-TWEĠIBIET TAL-AĠENZIJA

13.

Sabiex is-sitwazzjoni tiġi solvuta, sar qbil li terġa' tiġi stabbilita l-linja tal-baġit speċifika għall-Aġenzija tal-Provvista tal-Euratom fil-Baġit Ġenerali tal-UE għall-2012. Ladarba tiġi adottata, tkun tirrappreżenta kisba kbira fl-indirizzar tat-tħassib attwali.

Fl-20 ta’ April 2011, il-Kummissjoni adottat din il-proposta li fiha l-linja nr 32 01 06 għall-Aġenzija tal-Povvista tal-Euratom ikkreditata b'98 000 EUR.

Il-proposta tressqet lill-awtoritajiet baġitarji tal-UE għall-adozzjoni.

F'konformità mad-dispożizzjonijiet tal-Artikolu 4 tal-Istatuti tal-Aġenzija, in-nefqa fuq il-persunal qiegħda u se tibqa' fil-baġit tal-Kummissjoni. Dan l-Artikolu jistipula li “il-persunal tal-Aġenzija għandhom ikunu […] uffiċjali tal-Komunitajiet Ewropej” u “is-salarji tagħhom għandhom jitħallsu mill-Kummissjoni”.

Abbażi tal-esperjenza miksuba fl-2012, l-ESA se tevalwa jekk l-ammont tas-sussidju mitlub ikollux jiġi adattat fil-ġejjieni.

15.12.2011

Il-Ġurnal Uffiċjali tal-Unjoni Ewropea

C 366/9

RAPPORT

dwar il-kontijiet annwali tal-Aġenzija tal-Unjoni Ewropea għad-Drittijiet Fundamentali għas-sena finanzjarja 2010, flimkien mat-tweġibiet tal-Aġenzija

2011/C 366/03

INTRODUZZJONI

L-Aġenzija tal-Unjoni Ewropea għad-Drittijiet Fundamentali (minn hawn ’il quddiem imsejħa “l-Aġenzija”), li tinsab fi Vjenna, kienet imwaqqfa bir-Regolament tal-Kunsill (KE) Nru 168/2007 tal-15 ta’ Frar 2007 (1). L-objettiv tal-Aġenzija huwa li tipprovdi lill-awtoritajiet rilevanti tal-Unjoni u lill-Istati Membri tagħha b’assistenza u b’kompetenza fl-implimentazzjoni tal-liġi tal-Unjoni li għandha x’taqsam mad-drittijiet fundamentali (2).

2.	Il-baġit tal-Aġenzija għall-2010 ammonta għal EUR 20,2 miljun, meta mqabbel mal-EUR 17,2 miljun is-sena ta’ qabel. L-għadd ta’ persunal impjegat mill-Aġenzija fi tmiem is-sena kien 90 meta mqabbel mas-77 tas-sena ta’ qabel.

DIKJARAZZJONI TA’ ASSIGURAZZJONI

4.	Din id-Dikjarazzjoni ta’ Assigurazzjoni hija indirizzata lill-Parlament Ewropew u lill-Kunsill skont l-Artikolu 185(2) tar-Regolament tal-Kunsill (KE, Euratom) Nru 1605/2002 (6).

Ir-responsabbiltà tad-Direttur

Bħala uffiċjal li jawtorizza, id-Direttur jimplimenta d-dħul u l-infiq tal-baġit skont ir-regoli finanzjarji tal-Aġenzija li taqa’ taħt ir-responsabbiltà tiegħu u fi ħdan il-limiti tal-approprjazzjonijiet awtorizzati (7). Id-Direttur huwa responsabbli mit-twaqqif (8) tal-istruttura organizzattiva u s-sistemi u l-proċeduri tal-ġestjoni u l-kontroll intern rilevanti biex jiġu ppreparati kontijiet finali (9) li huma ħielsa minn dikjarazzjoni żbaljata materjali, kemm minħabba frodi jew inkella żball, u biex jiżgura li t-tranżazzjonijiet li fuqhom huma bbażati dawk il-kontijiet huma legali u regolari.

Ir-responsabbiltà tal-Qorti

6.	Ir-responsabbiltà tal-Qorti hija li tipprovdi, abbażi tal-verifika tagħha, dikjarazzjoni ta’ assigurazzjoni dwar l-affidabbiltà tal-kontijiet annwali tal-Aġenzija u dwar il-legalità u r-regolarità tat-tranżazzjonijiet li huma bbażati fuqhom.

Il-Qorti wettqet il-verifika tagħha skont l-Istandards Internazzjonali tal-Verifika u l-Kodiċi tal-Etika tal-IFAC u tal-ISSAI (10). Dawk l-istandards jitolbu li l-Qorti tikkonforma mar-rekwiżiti tal-etika u li tippjana u twettaq il-verifika biex tikseb assigurazzjoni raġonevoli dwar jekk il-kontijiet humiex ħielsa minn dikjarazzjoni żbaljata materjali u dwar jekk it-tranżazzjonijiet ta’ bażi humiex legali u regolari.

Il-verifika tal-Qorti tinvolvi t-twettiq ta’ proċeduri sabiex tinkiseb evidenza tal-verifika dwar l-ammonti u l-iżvelar fil-kontijiet u dwar il-legalità u r-regolarità tat-tranżazzjonijiet li huma bbażati fuqhom. Il-proċeduri jintgħażlu skont il-ġudizzju tal-awditur, inkluża l-valutazzjoni tar-riskji ta’ dikjarazzjoni skorretta materjali fir-rapporti finanzjarji, sew jekk minħabba frodi jew sew jekk minħabba xi żball, jiddependu fuq l-evalwazzjoni tal-verifika tagħha. Meta tagħmel dawk il-valutazzjonijiet tar-riskju, il-kontroll intern rilevanti għall-preparazzjoni u l-preżentazzjoni tal-kontijiet tal-entità jiġi kkunsidrat sabiex jitfasslu proċeduri tal-verifika li huma xierqa fiċ-ċirkostanzi. Il-verifika tal-Qorti tinkludi wkoll evalwazzjoni tal-adegwatezza tal-politika tal-kontabilità użata, tar-raġonevolezza tal-estimi tal-kontabilità magħmula mill-maniġment u kif ukoll evalwazzjoni tal-preżentazzjoni tal-kontijiet inġenerali.

9.	Il-Qorti tqis li l-evidenza tal-verifika miksuba hija biżżejjed u xierqa biex tipprovdi bażi għall-opinjonijiet t’hawn taħt.

L-opinjoni dwar l-affidabbiltà tal-kontijiet

10.

Fl-opinjoni tal-Qorti, il-Kontijiet Annwali tal-Aġenzija (11) jippreżentaw b’mod ġust, fl-aspetti materjali kollha, il-pożizzjoni finanzjarja tagħha fil-31 ta’ Diċembru 2010 u r-riżultati tal-operazzjonijiet tagħha u tal-likwidità tagħha għas-sena li ntemmet, skont id-dispożizzjonijiet tar-Regolament Finanzjarju tagħha.

L-opinjoni dwar il-legalità u r-regolarità tat-tranżazzjonijiet li fuqhom huma bbażati l-kontijiet

11.	Fl-opinjoni tal-Qorti, it-tranżazzjonijiet li fuqhom huma bbażati l-kontijiet annwali tal-Aġenzija għas-sena finanzjarja li ntemmet fil-31 ta’ Diċembru 2010, fl-aspetti materjali kollha huma legali u regolari.

12.	Il-kummenti li ġejjin ma jixħtux dubju fuq l-opinjonijiet tal-Qorti.

KUMMENTI DWAR IL-ĠESTJONI TAL-BAĠIT U DIK FINANZJARJA

13.

F’Diċembru 2010, l-Aġenzija impenjat 48 % (EUR 4,6 miljun) tan-nefqa operattiva annwali tat-Titolu III tagħha. Din il-konċentrazzjoni ta’ nfiq fl-aħħar ġimgħat tas-sena, tindika l-ħtieġa għal titjib fl-ippjanar tal-implimentazzjoni baġitarja, peress li kkontribwixxiet b'mod sinifikanti għal livell għoli ta’ ammonti miġjuba ’l quddiem — EUR 6,9 miljun.

Dan ir-Rapport ġie adottat mill-Awla IV, immexxija mis-Sur Igors LUDBORŽS, Membru tal-Qorti tal-Awdituri, fil-Lussemburgu fil-laqgħa tagħha tas-6 ta’ Settembru 2011.

Għall-Qorti tal-Awdituri

Vítor Manuel da SILVA CALDEIRA

President

(1) ĠU L 53, 22.2.2007, p. 1.

(2) L-Anness jagħti sommarju tal-kompetenzi u l-attivitajiet tal-Aġenzija. Jiġi ppreżentat għal skopijiet ta’ informazzjoni.

(4) Ir-rendikonti finanzjarji jinkludu l-karta tal-bilanċ u l-kont tar-riżultat ekonomiku, it-tabella tal-likwidità, ir-rendikont tat-tibdil fil-kapital u l-anness għar-rendikonti finanzjarji li jinkludi d-deskrizzjoni tal-politika tal-kontabilità prinċipali u informazzjoni oħra ta’ spjegazzjoni.

(5) Ir-rapporti tal-implimentazzjoni tal-baġit jikkonsistu fil-kont tar-riżultat tal-baġit u fl-anness tiegħu.

(6) ĠU L 248, 16.9.2002, p. 1.

(7) L-Artikolu 33 tar-Regolament tal-Kummissjoni (KE, Euratom) Nru 2343/2002 (ĠU L 357, 31.12.2002, p. 72).

(8) L-Artikolu 38 tar-Regolament (KE, Euratom) Nru 2343/2002.

(10) Il-Federazzjoni Internazzjonali tal-Kontabilisti (IFAC) u l-Istandards Internazzjonali tal-Istituzzjonijiet Supremi tal-Verifiki (ISSAI).

(11) Il-Kontijiet Annwali Finali kienu ppreparati fit-28 ta’ Marzu 2011 u rċevuti mill-Qorti fl-20 ta’ Ġunju 2011. Il-Kontijiet Annwali Finali jistgħu jinstabu fuq il-websajt li ġej http://eca.europa.eu jew www.fra.europa.eu/fraWebsite/home/home_eh.htm.

ANNESS

L-Aġenzija Ewropea għad-Drittijiet Fundamentali (Vjenna)

Kompetenzi u attivitajiet

L-oqsma ta’ kompetenza tal-Unjoni stipulati fit-Trattat

(L-Artikolu 337 tat-Trattat dwar il-Funzjonament tal-Unjoni Ewropea)

Biex twettaq il-kompiti fdati lilha, il-Kummissjoni tista' tiġbor kull tagħrif u tagħmel il-verifiki kollha meħtieġa fil-limiti u taħt il-kondizzjonijiet stabbiliti mill-Kunsill, skont id-dispożizzjonijiet ta’ dan it-Trattat.

Il-kompetenzi tal-Aġenzija

(Ir-Regolament tal-Kunsill (KE) Nru 168/2007 tal-15 ta’ Frar 2007)

L-Objettivi

Li tipprovdi lill-istituzzjonijiet, lill-korpi, lill-uffiċċji u lill-aġenziji rilevanti tal-Komunità u tal-Istati Membri fl-implimentazzjoni tal-liġi Komunitarja b'assistenza u b'kompetenza relatati mad-drittijiet fundamentali biex tagħtihom appoġġ meta jieħdu miżuri jew jifformulaw pjanijiet ta’ azzjoni fl-isferi ta’ kompetenza rispettivi tagħhom sabiex ikunu rrispettati bis-sħiħ id-drittijiet fundamentali.

Il-Kompiti

—	Tiġbor, tirreġistra, tanalizza u xxerred informazzjoni u data oġġettivi, affidabbli u komparabbli rilevanti.

—	Tiżviluppa metodi u standards biex ittejjeb il-kumparabbiltà, l-oġġettività u l-affidabbiltà tad-data fuq livell Ewropew.

—	Twettaq, tikkopera ma’ jew tinkoraġġixxi riċerka xjentifika u stħarriġ, studji preparatorji u studji ta’ fattibbiltà.

—	Tifformula u tippubblika konklużjonijiet u opinjonijiet dwar suġġetti tematiċi speċifiċi, għall-istituzzjonijiet tal-Unjoni u l-Istati Membri fl-implimentazzjoni tad-dritt tal-Unjoni.

—	Tippubblika rapport annwali dwar kwistjonijiet tad-drittijiet fundamentali koperti mill-oqsma tal-attività tal-Aġenzija.

—	Tippubblika rapporti tematiċi bbażati fuq l-analiżi, ir-riċerka u l-istħarriġ tagħha.

—	Tippubblika rapport annwali dwar l-attivitajiet tagħha.

—	Tiżviluppa strateġija ta’ komunikazzjoni u tippromwovi djalogu mas-soċjetà ċivili.

It-Tmexxija

1 – Il-Bord ta’ Tmexxija

Kompożizzjoni

Persuna waħda indipendenti maħtura minn kull Stat Membru, persuna waħda indipendenti maħtura mill-Kunsill tal-Ewropa u żewġ rappreżentanti tal-Kummissjoni.

Kompitu

Jadotta l-baġit, il-programm tax-xogħol u r-rapporti annwali. Jadotta l-baġit finali u l-pjan ta’ stabbiliment. Jagħti opinjoni fuq il-kontijiet finali.

2 – Il-Bord Eżekuttiv

Kompożizzjoni

—	Il-President u l-Bord tat-Tmexxija,

—	il-Viċi President tal-Bord tat-Tmexxija,

—	rappreżentant wieħed mill-Kummissjoni,

—	żewġ membri oħra mill-Bord tat-Tmexxija,

—	il-persuna maħtura mill-Kunsill tal-Ewropa fil-Bord ta’ Tmexxija tista' tipparteċipa fil-laqgħat tal-Bord Eżekuttiv.

3 – Il-Kumitat Xjentifiku

Kompożizzjoni

—	11-il persuna indipendenti, bi kwalifiki tajbin ħafna fil-qasam tad-drittijiet fundamentali;

—	maħtur mill-Bord tat-Tmexxija, għandhom jaħtru l-membri wara sejħa għall-applikazzjonijiet u proċedura tal-għażla trasparenti.

4 – Id-Direttur

Maħtur mill-Bord tat-Tmexxija fuq proposta mill-Kummissjoni u wara l-opinjonijiet tal-Parlament Ewropew u tal-Kunsill tal-Unjoni Ewropea (li jiddikjaraw il-preferenzi tagħhom).

5 – Il-Verifika esterna

Il-Qorti tal-Awdituri.

6 – L-Awtorità ta’ kwittanza

Il-Parlament fuq rakkomandazzjoni tal-Kunsill.

Ir-riżorsi disponibbli għall-Aġenzija fl-2010 (2009)

Il-baġit finali

EUR 20,2 miljun (EUR 17,2 miljun) li minnhom is-sussidju tal-Unjoni huwa 99 % (99 %)

Il-persunal fil-31 ta’ Diċembru 2010

72 (61) fil-pjan ta’ stabbiliment, li minnhom okkupati: 69 (48).

+ 18 (16)-il persunal ieħor (persunal b'kuntratt, esperti nazzjonali sekondati)

Total tal-persunal: 90 (77), li qed jagħmlu l-kompiti li ġejjin:

operazzjonali: 55 (46)

amministrattivi: 29 (27)

mħallta: 6 (4)

Il-prodotti u s-servizzi fl-2010 (2009)

Raxen

162 (189) Kontribuzzjonijiet mis-27 punt fokali nazzjonali 1 (1) laqgħat

Fralex

131 (227) Kontribuzzjonijiet minn esperti legali, 0 (1) laqgħat

Ir-Rapporti ta’ Riċerka

37 (19) rapporti, 11 (20) laqgħat u 2 (2) Rapporti annwali

L-Attivitajiet mhux marbuta ma’ Riċerka

1 (1) Konferenza dwar id-Drittijiet Fundamentali u 3 (1) Bosta pubblikazzjonijiet tal-Aġenzija

2 (3) Avveniment dwar Jum id-Diversità

Il-laqgħat ma’ Stati Membri u Istituzzjonijiet oħrajn

L-Istati Membri: 12 (10)

Il-Kunsill tal-UE: 6 (2)

Il-Kummissjoni Ewropea: 20 (17)

Il-Parlament Ewropew: 5 (2)

Il-Kumitat tar-Reġjuni: 2 (2)

Il-Kumitat Ekonomiku u Soċjali Ewropew: 1 (1)

Il-Pjattaforma tad-Drittijiet Fundamentali: 2 (2)

Il-Kunsill tal-Ewropa: 10 (16)

L-OSCE: 3 (6)

In-Nazzjonijiet Uniti: 6 (3)

Il-Partijiet Interessati Esterni 30 (22)

Il-Korpi Speċjalizzati: 7 (9)

Laqgħat oħra u Round Tables: 20 (11)

Sors: Informazzjoni mogħtija mill-Aġenzija.

IT-TWEĠIBA TAL-AĠENZIJA

13.	L-Aġenzija ħadet il-miżuri xierqa (eż. l-ippjanar sentejn minn qabel) sabiex l-implimentazzjoni tal-baġit tinfirex aħjar matul is-sena, u tiġi evitata l-konċentrazzjoni matul l-aħħar xahar. Dan kien ikkunsidrat bħala “l-aħjar prattika” mill-IAS fir-rapport tagħhom dwar “Ippjanar u Monitoraġġ”.

15.12.2011

Il-Ġurnal Uffiċjali tal-Unjoni Ewropea

C 366/15

RAPPORT

dwar il-kontijiet annwali tal-Aġenzija Ewropea dwar is-Sigurtà tan-Netwerks u l-Informazzjoni għas-sena finanzjarja 2010, flimkien mat-tweġibiet tal-Aġenzija

2011/C 366/04

INTRODUZZJONI

L-Aġenzija Ewropea dwar is-Sigurtà tan-Netwerks u l-Informazzjoni (minn hawn ’il quddiem imsejħa “l-Aġenzija”), li tinsab f’Heraklion, ġiet imwaqqfa mir-Regolament (KE) Nru 460/2004 tal-Parlament Ewropew u tal-Kunsill tal-10 ta’ Marzu 2004 (1), emendata mir-Regolament (KE) Nru 1007/2008 tal-Parlament Ewropew u tal-Kunsill tal-24 ta’ Settembru 2008 (2). Il-kompitu prinċipali tal-Aġenzija huwa li ssaħħaħ il-kapaċità tal-Unjoni li tevita u tirrispondi għall-problemi ta’ sigurtà tan-netwerks u l-informazzjoni billi tibni fuq l-isforzi nazzjonali u tal-Unjoni (3).

2.	Il-baġit finali tal-Aġenzija għall-2010 ammonta għal EUR 8,1 miljun meta mqabbel ma’ EUR 8,1 miljun is-sena ta’ qabel. L-għadd ta’ persunal impjegat mill-Aġenzija fi tmiem is-sena kien 53 meta mqabbel ma’ 56 is-sena ta’ qabel.

DIKJARAZZJONI TA’ ASSIGURAZZJONI

Skont id-dispożizzjonijiet tal-Artikolu 287(1), it-tieni subparagrafu tat-Trattat dwar il-Funzjonament tal-Unjoni Ewropea, il-Qorti vverifikat il-kontijiet annwali (4) tal-Aġenzija, li jikkonsistu fir-“rendikonti finanzjarji” (5) u fir-“rapporti dwar l-implimentazzjoni tal-baġit” (6) għas-sena finanzjarja li ntemmet fil-31 ta’ Diċembru 2010 u l-legalità u r-regolarità tat-tranżazzjonijiet li fuqhom huma bbażati dawk il-kontijiet.

4.	Din id-Dikjarazzjoni ta’ Assigurazzjoni hija indirizzata lill-Parlament Ewropew u lill-Kunsill skont l-Artikolu 185(2) tar-Regolament tal-Kunsill (KE, Euratom) Nru 1605/2002 (7).

Ir-responsabbiltà tad-Direttur

Bħala uffiċjal li jawtorizza, id-Direttur jimplimenta d-dħul u l-infiq tal-baġit skont ir-regoli finanzjarji tal-Aġenzija li taqa’ taħt ir-responsabbiltà tiegħu u fi ħdan il-limiti tal-approprjazzjonijiet awtorizzati (8). Id-Direttur huwa responsabbli mit-twaqqif (9) tal-istruttura organizzattiva u s-sistemi u l-proċeduri tal-ġestjoni u l-kontroll intern rilevanti biex jiġu ppreparati kontijiet finali (10) li huma ħielsa minn dikjarazzjoni żbaljata materjali, kemm minħabba frodi jew inkella żball, u biex jiżgura li t-tranżazzjonijiet li fuqhom huma bbażati dawk il-kontijiet huma legali u regolari.

Ir-responsabbiltà tal-Qorti

6.	Ir-responsabbiltà tal-Qorti hija li tipprovdi, abbażi tal-verifika tagħha, dikjarazzjoni ta’ assigurazzjoni dwar l-affidabbiltà tal-kontijiet annwali tal-Aġenzija u dwar il-legalità u r-regolarità tat-tranżazzjonijiet li huma bbażati fuqhom.

Il-Qorti wettqet il-verifika tagħha skont l-Istandards Internazzjonali tal-Verifika u l-Kodiċi tal-Etika tal-IFAC u ISSAI (11). Dawk l-istandards jitolbu li l-Qorti tikkonforma mar-rekwiżiti tal-etika u li tippjana u twettaq il-verifika biex tikseb assigurazzjoni raġonevoli dwar jekk il-kontijiet humiex ħielsa minn dikjarazzjoni żbaljata materjali u dwar jekk it-tranżazzjonijiet ta’ bażi humiex legali u regolari.

Il-verifika tal-Qorti tinvolvi t-twettiq ta’ proċeduri sabiex tinkiseb evidenza tal-verifika dwar l-ammonti u l-iżvelar fil-kontijiet u dwar il-legalità u r-regolarità tat-tranżazzjonijiet li huma bbażati fuqhom. Il-proċeduri jintgħażlu skont il-ġudizzju tal-awditur, inkluża l-valutazzjoni tar-riskji ta’ dikjarazzjoni skorretta materjali fir-rapporti finanzjarji, sew jekk minħabba frodi u sew jekk minħabba xi żball. Meta tagħmel dawk il-valutazzjonijiet tar-riskju, il-kontroll intern rilevanti għall-preparazzjoni u l-preżentazzjoni tal-kontijiet tal-entità jiġu kkunsidrati sabiex jitfasslu proċeduri tal-verifika li huma xierqa fiċ-ċirkostanzi. Il-verifika tal-Qorti tinkludi wkoll evalwazzjoni tal-adegwatezza tal-politika tal-kontabilità użata u tar-raġonevolezza tal-estimi tal-kontabilità magħmula mill-maniġment u kif ukoll evalwazzjoni tal-preżentazzjoni tal-kontijiet inġenerali.

9.	Il-Qorti tqis li l-evidenza tal-verifika miksuba hija biżżejjed u xierqa biex tipprovdi bażi għall-opinjonijiet t’hawn taħt.

L-opinjoni dwar l-affidabbiltà tal-kontijiet

10.

Fl-opinjoni tal-Qorti, il-Kontijiet Annwali tal-Aġenzija (12) jippreżentaw b’mod ġust, fl-aspetti materjali kollha, il-pożizzjoni finanzjarja tagħha fil-31 ta’ Diċembru 2010 u r-riżultati tal-operazzjonijiet tagħha u tal-likwidità tagħha għas-sena li ntemmet, skont id-dispożizzjonijiet tar-Regolament Finanzjarju tagħha.

L-opinjoni dwar il-legalità u r-regolarità tat-tranżazzjonijiet li fuqhom huma bbażati l-kontijiet

11.	Fl-opinjoni tal-Qorti, it-tranżazzjonijiet li fuqhom huma bbażati l-kontijiet annwali tal-Aġenzija għas-sena finanzjarja li ntemmet fil-31 ta’ Diċembru 2010, fl-aspetti materjali kollha huma legali u regolari.

12.	Il-kummenti li ġejjin ma jixħtux dubju fuq l-opinjonijiet tal-Qorti.

KUMMENTI DWAR IL-ĠESTJONI TAL-BAĠIT U DIK FINANZJARJA

13.	Fl-2010, 52 % tal-baġit operattiv tal-Aġenzija (it-Titolu III) kien impenjat imma mhux minfuq. Dan il-livell ta’ ammonti miġjuba ’l quddiem huwa eċċessiv u jmur kontra l-prinċipju baġitarju tal-annwalità.

KWISTJONIJIET OĦRA

14.

Fir-rigward tal-proċeduri tal-għażla tal-persunal, la l-limiti li l-kandidati kellhom jissodisfaw sabiex jiġu msejħa għal intervista u lanqas dawk neċessarji għalihom biex jitpoġġew fuq il-lista tar-riżerva ma ġew iffissati bil-quddiem. Dawn ġew stabbiliti mill-bord tal-għażla wara l-evalwazzjoni tal-kandidati. Dawn il-prattiki jpoġġu f’riskju t-trasparenza tal-proċeduri tar-reklutaġġ.

Dan ir-Rapport ġie adottat mill-Awla IV, immexxija mis-Sur Igors LUDBORŽS, Membru tal-Qorti tal-Awdituri, fil-Lussemburgu fil-laqgħa tagħha tas-6 ta’ Settembru 2011.

Għall-Qorti tal-Awdituri

Vítor Manuel da SILVA CALDEIRA

President

(1) ĠU L 77, 13.3.2004, p. 1.

(2) ĠU L 293, 31.10.2008, p. 1.

(3) L-Anness jagħti sommarju tal-kompetenzi u l-attivitajiet tal-Aġenzija. Jiġi ppreżentat għal skopijiet ta’ informazzjoni.

(4) Dawn il-kontijiet huma akkumpanjati minn rapport dwar il-ġestjoni tal-baġit u dik finanzjarja matul is-sena li, fost l-oħrajn, jagħti rendikont tar-rata ta’ implimentazzjoni tal-approprjazzjonijiet flimkien ma’ informazzjoni fil-qosor dwar it-trasferimenti tal-approprjazzjonijiet fost il-partiti varji tal-baġit.

(5) Ir-rendikonti finanzjarji jinkludu l-karta tal-bilanċ u l-kont tar-riżultat ekonomiku, it-tabella tal-likwidità, ir-rendikont tat-tibdil fil-kapital u l-anness għar-rendikonti finanzjarji li jinkludi d-deskrizzjoni tal-politika tal-kontabilità prinċipali u informazzjoni oħra ta’ spjegazzjoni.

(6) Ir-rapporti tal-implimentazzjoni tal-baġit jikkonsistu fil-kont tar-riżultat tal-baġit u fl-anness tiegħu.

(7) ĠU L 248, 16.9.2002, p. 1.

(8) L-Artikolu 33 tar-Regolament tal-Kummissjoni (KE, Euratom) Nru 2343/2002 tad-19 tad- ta’ Novembru 2002 (ĠU L 357, 31.12.2002, p. 72).

(9) L-Artikolu 38 tar-Regolament (KE, Euratom) Nru 2343/2002.

(10) Ir-regoli dwar il-preżentazzjoni tal-kontijiet u tal-kontabilità mill-Aġenziji huma stabbiliti fil-Kapitolu 1 tat-Titolu VII tar-Regolament (KE, Euratom) Nru 2343/2002 kif l-aħħar emendat bir-Regolament (KE, Euratom) Nru 652/2008 tad-9 ta’ Lulju 2008 (ĠU L 181, 10.7.2008, p. 23) u huma fil-fatt integrati fir-Regolament Finanzjarju tal-Aġenzija.

(11) Il-Federazzjoni Internazzjonali tal-Kontabilisti (IFAC) u l-Istandards Internazzjonali tal-Istituzzjonijiet Supremi tal-Verifiki (ISSAI).

(12) Il-Kontijiet Annwali Finali kienu ppreparati fis-7 ta’ Ġunju 2011 u rċevuti mill-Qorti fit-30 ta’ Ġunju 2011. Il-Kontijiet Annwali Finali jistgħu jinstabu fuq il-websajt li ġej http://eca.europa.eu jew http://www.enisa.europa.eu/about-enisa/accounting-finance.

ANNESS

Aġenzija Ewropea dwar is-Sigurtà tan-Netwerks u l-Informazzjoni (Heraklion)

Kompetenzi u attivitajiet

L-oqsma ta’ kompetenza tal-Unjoni stipulati fit-Trattat

(Id-Deċiżjoni tal-Kunsill tad-19 ta’ Frar 2004, meħuda fuq il-bażi tat-Trattat dwar il-Funzjonament tal-Unjoni Ewropea)

Ir-rappreżentanti tal-gvernijiet tal-Istati Membri, bi ftehim komuni, adottaw stqarrija dwar il-ħolqien ta’ Aġenzija Ewropea dwar is-Sigurtà tan-Netwerks u l-Informazzjoni. L-Aġenzija għandha topera bħala punt ta’ referenza u toħloq kunfidenza permezz tal-indipendenza tagħha, il-kwalità tal-parir li hija tagħti u l-informazzjoni li tqassam, it-trasparenza tal-proċeduri tagħha u tal-metodi li bihom topera, u d-diliġenza tagħha fit-twettiq tal-kompiti assenjati lilha.

Il-kompetenzi tal-Aġenzija

(ir-Regolament (KE) Nru 460/2004 tal-Parlament u tal-Kunsill tal-10 ta’ Marzu 2004)

L-Objettivi

—	L-Aġenzija ssaħħaħ il-ħila tal-Unjoni, tal-Istati Membri u tal-Unjoni tan-negozju sabiex jevitaw, jindirizzaw u jirrispondu għall-problemi tas-sigurtà tan-netwerks u tal-informazzjoni.

—	L-Aġenzija tipprovdi l-għajnuna u tagħti pariri lill-Kummissjoni u lill-Istati Membri dwar kwistjonijiet li għandhom x'jaqsmu mas-sigurtà tan-netwerks u mal-informazzjoni li jaqgħu taħt il-kompetenzi tagħha.

—	L-Aġenzija tiżviluppa livell għoli ta’ kompetenza u tuża din il-kompetenza biex tistimula koperazzjoni wiesgħa bejn l-atturi mis-setturi pubbliċi u privati.

Il-Kompiti

L-Aġenzija:

—	tiġbor l-informazzjoni fuq riskji kurrenti u emerġenti li jistgħu jipproduċu impatt fuq in-netwerks tal-komunikazzjoni elettronika,

—	tipprovdi lill-Parlament Ewropew, lill-Kummissjoni u lill-korpi Ewropej jew korpi nazzjonali kompetenti b'pariri u għajnuna,

—	issaħħaħ il-koperazzjoni bejn l-atturi f'dan il-qasam,

—	tiffaċilita l-koperazzjoni fuq metodoloġiji komuni sabiex jindirizzaw kwistjonijiet relatati mas-sigurtà tan-netwerks u l-informazzjoni,

—	tikkontribwixxi għat-tkattir tal-għarfien fuq kwistjonijiet relatati mas-sigurtà tan-netwerks u tal-informazzjoni għall-utenti kollha,

—	tassisti l-Kummissjoni u l-Istati Membri fir-relazzjonijiet mal-industrija,

—	timmonitorja l-istandards,

—	tagħti pariri lill-Kummissjoni dwar ir-riċerka fil-qasam tan-netwerk u l-informazzjoni,

—	tippromwovi l-attivitajiet ta’ evalwazzjoni tar-riskju, dwar soluzzjonijiet ta’ prevenzjoni,

—	tikkontribwixxi għall-koperazzjoni ma’ pajjiżi terzi.

It-Tmexxija

1 – Il-Bord tat-Tmexxija

Il-Bord tat-Tmexxija se jkun kompost minn rappreżentant minn kull Stat Membru, tliet rappreżentanti maħturin mill-Kummissjoni, kif ukoll tliet rappreżentanti, proposti mill-Kummissjoni u maħturin mill-Kunsill, mingħajr id-dritt tal-vot, kull wieħed minnhom jirrappreżenta lill-gruppi li ġejjin:

—	l-industrija tat-teknoloġiji tal-informazzjoni u tal-komunikazzjoni;

—	gruppi tal-konsumaturi;

—	esperti akkademiċi fis-sigurtà tan-netwerks u l-informazzjoni.

2 – Id-Direttur Eżekuttiv

1.	L-Aġenzija hija mmexxija mid-Direttur Eżekuttiv tagħha, li huwa indipendenti fit-twettiq tad-dmirijiet tiegħu.

2.	Id-Direttur Eżekuttiv huwa maħtur għal mandat ta’ mhux aktar minn ħames snin.

3 – Il-verifika esterna

Il-Qorti Ewropea tal-Awdituri.

4 – L-Awtorità ta’ kwittanza

Il-Parlament, jaġixxi fuq rakkomandazzjoni mill-Kunsill.

Ir-riżorsi disponibbli għall-Aġenzija fl-2010 (2009)

Il-Baġit Finali

EUR 8,1 (8,1) miljun li minnhom is-sussidju tal-Komunità huwa 100 % (100 %).

Il-persunal fil-31 ta’ Diċembru 2010

44 (44) kariga mniżżla fil-pjan ta’ stabbiliment, li minnhom okkupati: 40 (43).

Karigi oħrajn okkupati:

11 (9) Aġenti kuntrattwali, 2 (4) Esperti Nazzjonali Sekondati.

Persunal totali: 53 (56), li se jagħmlu x-xogħlijiet li ġejjin:

operazzjonali: 34 (38)

amministrattivi: 19 (18)

mħallta: 0 (1)

Il-prodotti u s-servizzi fl-2010 (2009)

MTP (1) 1: It-titjib tal-flessibbiltà fin-netwerks Ewropej tal-komunikazzjoni elettronika

Fl-2010, l-isforz ewlieni f'dan il-qasam kien li l-għoti ta’ appoġġ ta’ ħidmiet deskritti fil-komunikazzjoni maħruġa mill-Kummissjoni f'Marzu 2009. (Riżultati tanġibbli: 6)

MTP 2: L-iżvilupp u żamma tal-koperazzjoni bejn l-Istati Membri

Fl-2010, koperazzjoni bejn Stati Membri kien żviluppat aktar u ġew esplorati opportunitajiet ta’ koperazzjoni internazzjonali bil-għan li jitjiebu il-ħiliet tal-Istati Membri kollha u tiżdied l-koerenza ġenerali tal-approċ għal NIS fil-livell pan-Ewropew. Minħabba r-riżorsi limitati tagħha, l-Aġenzija koperat mill-viċin mas-servizzi tal-Kummissjoni sabiex tnaqqas l-isforzi tagħha u jiżdiedu r-riżultati. (Riżultati tanġibbli: 12)

MTP 3: L-identifikazzjoni ta’ riskji emerġenti għall-ħolqien ta’ fiduċja u kunfidenza

L-Aġenzija se tistabbilixxi qafas li se jippermetti lil dawk li jieħdu d-deċiżjonijiet biex jifhmu u jivvalutaw aħjar ir-riskji emerġenti li jinħolqu minħabba tekonoloġiji u applikazzjonijiet ġodda. Barra dan, l-Aġenzija kompliet tipprepara rapporti ta’ Valutazzjoni u Riskju biex tesprimi l-opinjoni tal-Aġenzija dwar riskji emerġenti li jinħolqu minħabba tekonoloġiji u applikazzjonijiet ġodda. Barra minn hekk, l-Aġenzija esplorat suġġetti relatati mar-responsabbiltà u l-fiduċja fl-Internet tal-futur. Dan l-MTP jipprovdi funzjoni ta’ antenna għal dawk li jieħdu d-deċiżjonijiet fl-Ewropa u possibbilment lil hinn minnha. (Riżultati tanġibbli: 2)

PA (2) 1: L-identità, responsabbiltà u fiduċja fl-Internet tal-futur

L-għan ġenerali ta’ din l-azzjoni preparatorja kien li “jiżgura li l-Ewropa żżomm livell għoli ta’ sigurtà u fiduċja kemm tal-utenti kif ukoll tal-industrija fuq l-infrastruttura elettronika ta’ komunikazzjoni u servizzi pprovduti, waqt li fl-istess ħin tillimita t-theddid għal libertajiet ċivili u privatezza”. (Riżultati tanġibbli: 5)

PA2: L-identifikazzjoni ta’ muturi u oqfsa għal Koperazzjoni NIS settorjali tal-UE

L-għan ta’ dan il-PA kien li jikkjarifika l-kwistjoni dwar kif jinġiebu impenji minn atturi rilevanti għal azzjoni kollettiva biex jiġu indirizzati sfidi NIS fuq livell pan-Ewropew. (Riżultati tanġibbli: 1)

Sors: Informazzjoni mogħtija mill-Aġenzija.

(1) MTP: programm tematiku multi-annwali.

(2) PA: Azzjoni Preparatorja.

IT-TWEĠIBIET TAL-AĠENZIJA

13.

Iċ-ċiklu ta’ ħajja tal-attivitajiet ta’ ENISA flimkien mat-tibdil kontinwu fil-persunal ikkontribwixxew għal-livell ta’ trasferimenti nnotati mill-Qorti. L-Aġenzija twettaq proġett biex tkompli tottimizza l-proċeduri tagħha, ittejjeb l-ippjanar dwar l-akkwist, u timplimenta għodda dwar il-ġestjoni ta’ proġetti u s-segwitu.

14.	Attwalment qegħdin isiru Linji gwida għall-Bordijiet tal-Għażla. Barra minn hekk, il-lista ta’ informazzjoni li għandha tiġi inkluża fil-minuti tal-Bordijiet tal-Għażla ġiet riveduta u tipprevedi l-istabbiliment ta’ livelli qabel ma tiġi evalwata l-lista ta’ kandidati adatti.

15.12.2011

Il-Ġurnal Uffiċjali tal-Unjoni Ewropea

C 366/21

RAPPORT

dwar il-kontijiet annwali tal-Aġenzija Ewropea dwar is-Sigurtà fl-Avjazzjoni għas-sena finanzjarja 2010, flimkien mat-tweġibiet tal-Aġenzija

2011/C 366/05

INTRODUZZJONI

L-Aġenzija Ewropea dwar is-Sigurtà fl-Avjazzjoni (minn hawn ’il quddiem imsejħa “l-Aġenzija”), li tinsab f’Kolonja, kienet imwaqqfa bir-Regolament (KE) Nru 1592/2002 tal-Parlament Ewropew u tal-Kunsill tal-15 ta’ Lulju 2002 (1). Il-kompiti tal-Aġenzija huma li żżomm livell għoli ta’ sigurtà fl-avjazzjoni ċivili, li tiżgura l-iżvilupp xieraq ta’ sigurtà fl-avjazzjoni ċivili, li tistabbilixxi speċifikazzjonijiet taċ-ċertifikazzjoni u li tipprovdi ċ-ċertifikazzjoni tal-prodotti ajrunawtiċi (2).

2.	Il-baġit tal-Aġenzija għall-2010 ammonta għal EUR 137 miljun meta mqabbel mal-EUR 122 miljun is-sena ta’ qabel. L-għadd tal-persunal (temporanju u kuntrattwali) impjegat mill-Aġenzija fi tmiem is-sena kien 578 meta mqabbel mal-509 s-sena ta’ qabel.

ID-DIKJARAZZJONI TA’ ASSIGURAZZJONI

4.	Din id-Dikjarazzjoni ta’ Assigurazzjoni hija indirizzata lill-Parlament Ewropew u lill-Kunsill, skont l-Artikolu 185(2) tar-Regolament tal-Kunsill (KE) Nru 1605/2002 (6).

Ir-responsabbiltà tad-Direttur

Bħala uffiċjal li jawtorizza, id-Direttur jimplimenta d-dħul u l-infiq tal-baġit skont ir-regoli finanzjarji tal-Aġenzija li taqa’ taħt ir-responsabbiltà tiegħu u fi ħdan il-limiti tal-approprjazzjonijiet awtorizzati (7). Id-Direttur huwa responsabbli mit-twaqqif (8) tal-istruttura organizzattiva u s-sistemi u l-proċeduri tal-ġestjoni u l-kontroll intern rilevanti għat-tfassil tal-kontijiet finali (9) kif imħejjija mill-uffiċjal ta’ kontabilità tal-Aġenzija, li huma ħielsa minn dikjarazzjoni żbaljata materjali, kemm jekk minħabba frodi jew inkella żball, u biex jiżgura li t-tranżazzjonijiet li fuqhom huma bbażati dawk il-kontijiet huma legali u regolari.

Ir-responsabbiltà tal-Qorti

6.	Ir-responsabbiltà tal-Qorti hija li tipprovdi, abbażi tal-verifika tagħha, dikjarazzjoni ta’ assigurazzjoni dwar l-affidabbiltà tal-kontijiet annwali tal-Aġenzija u dwar il-legalità u r-regolarità tat-tranżazzjonijiet li huma bbażati fuqhom.

Il-verifika tal-Qorti tinvolvi t-twettiq ta’ proċeduri sabiex tinkiseb evidenza tal-verifika dwar l-ammonti u l-iżvelar fil-kontijiet u dwar il-legalità u r-regolarità tat-tranżazzjonijiet li huma bbażati fuqhom. Il-proċeduri jintgħażlu skont il-ġudizzju tal-awditur, inkluża l-valutazzjoni tar-riskji ta’ dikjarazzjoni skorretta materjali fir-rapporti finanzjarji, sew jekk minħabba frodi u sew jew jekk minħabba xi żball. Meta tagħmel dawk il-valutazzjonijiet tar-riskju, il-kontroll intern rilevanti għall-preparazzjoni u l-preżentazzjoni tal-kontijiet tal-entità jiġi kkunsidrat sabiex jitfasslu proċeduri tal-verifika li huma xierqa fiċ-ċirkostanzi. Il-verifika tal-Qorti tinkludi wkoll evalwazzjoni tal-adegwatezza tal-politika tal-kontabilità użata, tar-raġonevolezza tal-estimi tal-kontabilità magħmula mill-maniġment u kif ukoll evalwazzjoni tal-preżentazzjoni tal-kontijiet inġenerali.

9.	Il-Qorti tqis li l-evidenza tal-verifika miksuba hija biżżejjed u xierqa biex tipprovdi bażi għall-opinjonijiet t’hawn taħt.

L-opinjoni dwar l-affidabbiltà tal-kontijiet

10.

L-opinjoni dwar il-legalità u r-regolarità tat-tranżazzjonijiet li fuqhom huma bbażati l-kontijiet

11.	Fl-opinjoni tal-Qorti, it-tranżazzjonijiet li fuqhom huma bbażati l-kontijiet annwali tal-Aġenzija għas-sena finanzjarja li ntemmet fil-31 ta’ Diċembru 2010, fl-aspetti materjali kollha huma legali u regolari.

12.	Il-kummenti li ġejjin ma jixħtux dubju fuq l-opinjonijiet tal-Qorti.

KUMMENTI DWAR IL-GESTJONI TAL-BAGIT U DIK FINANZJARJA

13.

L-Aġenzija tmexxi l-kompiti ta’ ċertifikazzjoni li huma parzjalment ikkuntrattati ’l barra lil awtoritajiet nazzjonali tal-avjazzjoni. In-nefqa dovuta relatata fi tmiem is-sena ġiet stmata permezz ta’ suppożizzjoni ta’ perċentwal ġenerali ta’ kompletezza għal kull kategorija tat-tip ta’ ċertifikazzjoni, bl-użu ta’ esperjenza storika insuffiċjenti. Biex tikkonforma mal-prinċipju ta’ kontabilità bbażata fuq id-dovuti, huwa aktar xieraq il-perċentwal ta’ kompletezza jew il-metodu ta’ żmien li jkun għadda.

KWISTJONIJIET OHRA

14.	Għal żewġ proċeduri kbar tal-akkwist, il-metodu ta’ evalwazzjoni ma ppermettiex lill-offerti li tefgħu l-aqwa offerta finanzjarja jiksbu l-ogħla punteġġ ta’ prezz. Din is-sitwazzjoni poġġiet f’riskju t-trasparenza tal-proċess tal-akkwist kif ukoll il-prinċipju ta’ ġestjoni finanzjarja tajba.

15.

Fir-rigward tal-proċeduri ta’ għażla tal-persunal, ma kien hemm ebda evidenza li l-livelli limiti biex wieħed jiġi mistieden għal intervista jew jitpoġġa fuq il-lista tar-riżerva kienu ġew definiti qabel ma beda t-tgħarbil tal-applikazzjonijiet. Dawn il-prattiki poġġew f’riskju t- trasparenza tal-proċeduri tar-reklutaġġ.

Dan ir-Rapport ġie adottat mill-Awla IV, immexxija mis-Sur Igors LUDBORŽS, Membru tal-Qorti tal-Awdituri, fil-Lussemburgu fil-laqgħa tagħha tas-6 ta’ Settembru 2011.

Għall-Qorti tal-Awdituri

Vítor Manuel da SILVA CALDEIRA

President

(1) ĠU L 240, 7.9.2002, p. 1.

(2) L-Anness jagħti sommarju tal-kompetenzi u tal-attivitajiet tal-Aġenzija. Jiġi ppreżentat għal skopijiet ta’ informazzjoni.

(3) Dawn il-kontijiet huma akkumpanjati minn rapport dwar il-ġestjoni tal-baġit u dik finanzjarja matul is-sena li, fost l-oħrajn, jagħti rendikont tar-rata ta’ implimentazzjoni tal-approprjazzjonijiet flimkien ma’ informazzjoni fil-qosor dwar it-trasferimenti ta’ approprjazzjonijiet fost il-partiti varji tal-baġit.

(4) Ir-rendikonti finanzjarji jinkludu l-karta tal-bilanċ u l-kont tar-riżultat ekonomiku, it-tabella tal-likwidità, ir-rendikont tat-tibdil fil-kapital u l-anness għar-rendikonti finanzjarji li jinkludu d-deskrizzjoni tal-politika tal-kontabilità prinċipali u informazzjoni oħra ta’ spjegazzjoni.

(5) Ir-rapporti tal-implimentazzjoni tal-baġit jikkonsistu fil-kont tar-riżultat tal-baġit u fl-anness tiegħu.

(6) ĠU L 248, 16.9.2002, p. 1.

(7) L-Artikolu 33 tar-Regolament tal-Kummissjoni (KE, Euratom) Nru 2343/2002 (ĠU L 357, 31.12.2002, p. 72).

(8) L-Artikolu 38 tar-Regolament (KE, Euratom) Nru 2343/2002.

(9) Ir-regoli dwar il-preżentazzjoni tal-kontijiet u tal-kontabilità mill-Aġenziji huma stabbiliti fil-Kapitolu 1 tat-Titolu VII tar-Regolament (KE, Euratom) Nru 2343/2002 kif l-aħħar emendat bir-Regolament (KE, Euratom) Nru 652/2008 (ĠU L 181, 10.7.2008, p. 23) u huma integrati fil-fatt fir-Regolament Finanzjarju tal-Aġenzija.

(10) Il-Federazzjoni Internazzjonali tal-Kontabilisti (IFAC) u l-Istandards Internazzjonali tal-Istituzzjonijiet Supremi tal-Verifika (ISSAI).

(11) Il-Kontijiet Annwali Finali kienu ppreparati fit-30 ta’ Ġunju 2011 u rċevuti mill-Qorti fis-6 ta’ Lulju 2011. Il-Kontijiet Annwali Finali jistgħu jinstabu fuq il-websajt li ġej http://eca.europa.eu jew www.easa.europa.eu.

ANNESS

L-Aġenzija Ewropea dwar is-Sigurtà fl-Avjazzjoni (Kolonja)

Kompetenzi u attivitajiet

L-oqsma ta’ kompetenza tal-Unjoni stipulati fit-Trattat

(L-Artikolu 100 tat-Trattat dwar il-Funzjonament tal-Unjoni Ewropea)

Il-Parlament Ewropew u l-Kunsill, li jaġixxu skont il-proċedura ordinarja leġiżlattiva, jistgħu jistabbilixxu dispożizzjonijiet xierqa dwar it-trasport bil-baħar u bl-ajru. Huma għandhom jaġixxu wara konsultazzjoni mal-Kumitat Ekonomiku u Soċjali u mal-Kumitat tar-Reġjuni.

Il-kompetenzi tal-Aġenzija

(ir-Regolament (KE) Nru 216/2008 tal-Parlament u tal-Kunsill (ir-“Regolament Bażiku”))

L-Objettivi

—	Iżżomm livell uniformi għoli ta’ sigurtà fl-avjazzjoni ċivili fl-Ewropa u tiżgura l-funzjonament u l-iżvilupp tajjeb tas-sigurtà fl-avjazzjoni ċivili.

Il-Miżuri li jridu jiġu adottati mill-Aġenzija

—	Toħroġ opinjonijiet u rakkomandazzjonijiet indirizzati lill-Kummissjoni.

—	Toħroġ speċifikazzjonijiet ta’ ċertifikazzjoni, inklużi kodiċijiet tal-airworthiness [ajrunavigabbiltà] u mezzi aċċettabbli ta’ konformità, kif ukoll kwalunkwe materjal ta’ gwida għall-applikazzjoni tar-Regolament Bażiku u tar-regoli ta’ implimentazzjoni tiegħu.

—	Tieħu deċiżjonijiet dwar iċ-ċertifikazzjoni tan-navigabbiltà u ambjentali, iċ-ċertifikazzjoni tal-piloti, iċ-ċertifikazzjoni ta’ operazzjoni fl-ajru, operaturi tal-pajjiżi terzi, l-ispezzjonijiet tal-Istati Membri u l-investigazzjoni tal-intrapriżi.

—	Twettaq ispezzjonijiet standardizzati tal-awtoritajiet kompetenti fl-Istati Membri.

It-tmexxija

1 — Il-Bord ta’ Tmexxija

jikkonsisti f'rappreżentant wieħed minn kull Stat Membru u rappreżentant wieħed mill-Kummissjoni, iwaqqaf korp ta’ konsulenza tal-partijiet interessati.

2 — Id-Direttur Eżekuttiv

imexxi l-Aġenżija u huwa maħtur mill-Bord ta’ Tmexxija fuq proposta mill-Kummissjoni.

3 — Il-Bord tal-Appell

jiddeċiedi dwar appelli kontra d-deċiżjonijiet tal-Aġenzija rigward xi aspetti bħal ċertifikazzjoni, drittijiet, ħlasijiet u kontrolli fl-intrapriżi.

4 — Il-verifika esterna

Il-Qorti tal-Awdituri.

5 — L-Awtorità ta’ Kwittanza

Il-Parlament Ewropew fuq rakkomandazzjoni tal-Kunsill.

Ir-riżorsi disponibbli għall-Aġenzija fl-2010 (2009)

Il-Bagit

Il-baġit totali: EUR 137,2 (122,2) miljun, inklużi:

Id-dħul minn drittijiet u ħlasijiet: EUR 72,9 (54,9) miljun (53,1 %)

Is-sussidju tal-Unjoni: EUR 34.2 (33,9) miljun (24,9 %)

Dħul u sovvenzjonijiet oħra, inkluża Kontribuzzjoni tal-Pajjiżi Terzi mill-EFTA: EUR 2,9 (3,9) miljun

Id-dħul assenjat (nefqa tad-drittijiet u ħlasijiet): EUR 27,1 (29,5) miljun

Il-persunal fil-31.12.2010

570 (506) persunal temporanju fil-pjan ta’ stabbiliment.

Il-karigi okkupati: 524 (1) (460)

Persunal ieħor: 63 (56), persunal kuntrattwali 54 (49), esperti nazzjonali ssekondati 8 (6), konsulent speċjali 1 (1)

It-total tal-persunal temporanju: 524 (460)

—	iffinanzjati mis-sussidju: 206 (185)

—	iffinanzjati bid-drittijiet: 318 (275)

Il-prodotti u s-servizzi

L-opinjonijiet

L-opinjonijiet (7) dwar emendi għar-Regolamenti (KE) Nru 2042/2003 u (KE) 1702/2003

Id-deċiżjonijiet dwar l-Għemil tar-Regoli

Id-deċiżjonijiet relatati mal-ispeċifikazzjonijiet taċ-Ċertifikazzjoni (7), Mezzi Aċċettabbli ta’ Konformità u Materjal ta’ Gwida (7), programm tal-Għemil tar-Regoli (1)

Ir-riżultati addizzjonali fl-2010 (li jwasslu għal Regoli fis-snin li ġejjin)

26 ToRs, 14 NPAs, 9 CRDs

Il-koperazzjoni Internazzjonali

8 Arranġamenti ta’ Ħidma mas-CAAC (iċ-Ċina)

Il-proċedura ta’ Implimentazzjoni għall-Arranġament ta’ Ħidma bejn l-IAC-AR (il-Federazzjoni Russa)

2 Modifiki għall-Arranġament ta’ Ħidma bejn l-EASA u l-JCAB (il-Ġappun) (modifika tal-appendiċi Ċ)

27 rakkomandazzjoni mogħtija lill-Ittri tal-Istati ICAO

Tħejjija ta’ laqgħa 1 CMR mal-FAA u mat-TCCA

Tħejjija ta’ laqgħa 1 mal-FAA dwar l-istandards tat-titjir

Id-deċiżjonijiet ta’ ċertifikazzjoni fil-31 ta’ Diċembru 2010

Iċ-ċertifikati tat-Tip/Ċertifikati tat-Tip Restritt: 8

Iċ-ċertifikati ta’ tip supplimentari: 750

Id-Direttivi dwar l-ajrunavigabbiltà: 284

Il-Metodi Alternattivi ta’ Konformità: 70

European Technical Standard Order Authorisation (L-Awtorizzazzjoni Ewropea dwar l-Ordni tal-Istandards Tekniċi): 150

Bidliet kbar/Tiswijiet kbar/Derivattivi Ġodda: 879

Bidliet żgħar/Tiswijiet żgħar: 1 117

Il-manwali tat-titjir tal-ajruplani: 411

L-approvazzjonijiet tal-kundizzjonijiet tat-titjir: 561

L-approvazzjonijiet ta’ organizzazzjonijiet tal-Iddisinjar: 486

L-approvazzjonijiet ta’ organizzazzjonijiet ta’ Manutenzjoni (bilaterali) (2): 1 511

L-approvazzjonijiet ta’ organizzazzjonijiet ta’ Manutenzjoni (barranin) (2): 267

L-approvazzjonijiet ta’ organizzazzjonijiet ta’ taħriġ dwar il-Manutenzjoni (2): 41

L-approvazzjonijiet tal-Manifattura: (2): 21

L-ispezzjonijiet dwar l-Istandardizzazzjoni (għadd ta’ pajjiżi skont it-tip) fil-31 ta’ Diċembru 2010

Fil-qasam tat-Tkomplija tal-Ajrunavigabbiltà: 28

Fil-qasam tal-Produzzjoni: 14

Fil-qasam tal-Operazzjonijiet: 22

Fil-qasam tal-liċenzji tal-ekwipaġġ tat-titjir: 28

Sors: Informazzjoni mogħtija mill-Aġenzija.

(1) Nota: Żewġ piloti part-time jokkupaw biss post wieħed.

(2) L-attività ta’ approvazzjoni tal-organizzazzjoni hija suddiviża f’attività ta’ sorveljanza prinċipali ta’ organizzazzjonijiet diġà approvati (b’tiġdid kull sentejn sa tliet snin) u attività marbuta ma’ approvazzjonijiet ġodda. Id- data mogħtija tikkonċerna l-għadd totali ta’ approvazzjonijiet fil-31 ta’ Diċembru 2010.

TWEĠIBIET TAL-AĠENZIJA

13.	L-EASA tagħraf il-ħtieġa għal titjib kontinwu u għaldaqstant għadha l-ħsieb li tiżviluppa aktar metodoloġija xierqa permezz ta’ informazzjonii medja fuq id-dewmien tal-proġetti flimkien ma’ informazzjoni estensiva storika.

14.

L-għan tal-EASA kien li tivvaluta l-offerti finanzjarji kemm jista' jkun b'mod oġġettiv. Il-formula finanzjarja kienet ibbażata fuq tbassir konkret ta’ xiri, anki jekk il-kumplikazzjoni tal-istruttrura tal-prezzijiet tas-swieq relevanti għamlitha diffiċli ħafna li jiġu mbassra l-interazzjonijiet kollha fost il-komponenti tal-prezz. Fil-prattika l-ebda impatt negattiv fuq l-eżitu ma għandu jiġi rappurtat.

15.

L-EASA tappoġġa r-rimarki tal-Qorti fil-linji gwida tal-membri tal-bord u stabbiliet il-limitu minimu ta’ kandidati li jridu jiġi mistiedna għal intervista (50 %) jew impoġġija fuq lista ta’ riserva (65 %). L-EASA, madanakollu, tirriserva d-dritt li tiddeċiedi fuq in-numru raġonevoli ta’ kandidati li jridu jiġu mistiedna skont il-pożizzjoni li jkunu kisbu fil-lista.

15.12.2011

Il-Ġurnal Uffiċjali tal-Unjoni Ewropea

C 366/27

RAPPORT

dwar il-kontijiet annwali tal-Aġenzija Ewropea għall-Mediċini għas-sena finanzjarja 2010, flimkien mat-tweġibiet tal-Aġenzija

2011/C 366/06

INTRODUZZJONI

L-Aġenzija Ewropea għall-Mediċini (minn hawn ’il quddiem imsejħa “l-Aġenzija”), li tinsab f'Londra, twaqqfet mir-Regolament tal-Kunsill (KEE) Nru 2309/93 tat-22 ta’ Lulju 1993, li ġie sostitwit mir-Regolament (KE) Nru 726/2004 tal-Parlament Ewropew u tal-Kunsill tal-31 ta’ Marzu 2004 (1). L-Aġenzija topera permezz ta’ netwerk u tikkoordina r-riżorsi xjentifiċi magħmula disponibbli mill-awtoritajiet nazzjonali sabiex tiżgura l-evalwazzjoni u s-sorveljanza ta’ prodotti mediċinali għall-użu mill-bniedem jew użu veterinarju (2).

2.	Il-baġit tal-Aġenzija għall-2010 ammonta għal EUR 208,4 miljun meta mqabbel ma’ EUR 194,4 miljun is-sena ta’ qabel. L-għadd ta’ persunal impjegat mill-Aġenzija fi tmiem is-sena kien 698, meta mqabbel ma’ 664 fis-sena ta’ qabel.

ID-DIKJARAZZJONI TA’ ASSIGURAZZJONI

4.	Din id-Dikjarazzjoni ta’ Assigurazzjoni hija indirizzata lill-Parlament Ewropew u lill-Kunsill, skont l-Artikolu 185(2) tar-Regolament tal-Kunsill (KE, Euratom) Nru 1605/2002 (6).

Ir-responsabbiltà tad-Direttur

Ir-responsabbiltà tal-Qorti

6.	Ir-responsabbiltà tal-Qorti hija li tipprovdi, abbażi tal-verifika tagħha, dikjarazzjoni ta’ assigurazzjoni dwar l-affidabbiltà tal-kontijiet annwali tal-Aġenzija u dwar il-legalità u r-regolarità tat-tranżazzjonijiet li huma bbażati fuqhom.

9.	Il-Qorti tqis li l-evidenza tal-verifika miksuba hija biżżejjed u xierqa biex tipprovdi bażi għall-opinjonijiet t’hawn taħt.

L-opinjoni dwar l-affidabbiltà tal-kontijiet

10.

L-opinjoni dwar il-legalità u r-regolarità tat-tranżazzjonijiet li fuqhom huma bbażati l-kontijiet

11.	Fl-opinjoni tal-Qorti, it-tranżazzjonijiet li fuqhom huma bbażati l-kontijiet annwali tal-Aġenzija għas-sena finanzjarja li ntemmet fil-31 ta’ Diċembru 2010, fl-aspetti materjali kollha huma legali u regolari.

12.	Il-kummenti li ġejjin ma jixħtux f’dubju l-opinjonijiet tal-Qorti.

KUMMENTI DWAR IL-ĠESTJONI TAL-BAĠIT U DIK FINANZJARJA

13.

L-Aġenzija esperjenzat dewmien fl-implimentazzjoni tat-Titolu II “In-nefqa amministrattiva” tal-baġit tagħha. L-approprjazzjonijiet miġjuba ’l quddiem għall-2011 fuq it-Titolu II ammontaw għal EUR 17,6 miljun, 33,3 % tal-approprjazzjonijiet korrispondenti. 36 % biss mill-approprjazzjonijiet miġjuba ’l quddiem jikkorrispondu għal nefqa dovuta tas-sena, jiġifieri 64 % tal-ammonti miġjuba ’l quddiem ma kellhomx x’jaqsmu mas-sena finanzjarja 2010. Din is-sitwazzjoni kienet tmur kontra l-prinċipju baġitarju ta’ annwalità.

14.	Ġew innutati dgħufijiet fis-sistema tal-Aġenzija għall-validazzjoni tal-klejms tal-kredituri fir-rigward tal-kuntratturi tal-IT.

KWISTJONIJIET OĦRA

15.

L-Aġenzija ma għamlitx biżżejjed distinzjoni bejn ir-reklutaġġi ta’ persunal tal-aġenzija tal-impjiegi u dawk tal-persunal fuq kuntratt. Għandha tuża persunal tal-aġenzija tal-impjiegi biex tkopri biss ħtiġijiet fuq terminu ta’ żmien qasir u tagħti aċċess trasparenti lil pożizzjonijiet ta’ persunal fuq kuntratt.

SEGWITU TAS-SEJBIET TAL-VERIFIKI PREĊEDENTI

16.

F’rapporti preċedenti, il-Qorti nnutat il-ħtieġa li l-Aġenzija tintroduċi sistema ta’ remunerazzjoni għas-servizzi mogħtija minn awtoritajiet nazzjonali tal-Istati Membri abbażi tal-ispejjeż reali tal-Istati Membri. S’issa, minkejja xi sforzi mill-Aġenzija, din għadha ma saritx. Hemm lok għal progress f’din il-kwistjoni.

Dan ir-Rapport ġie adottat mill-Awla IV, immexxija mis-Sur Igors LUDBORŽS, Membru tal-Qorti tal-Awdituri, fil-Lussemburgu fil-laqgħa tagħha tas-6 ta’ Settembru 2011.

Għall-Qorti tal-Awdituri

Vítor Manuel da SILVA CALDEIRA

President

(1) ĠU L 214, 24.8.1993, p. 18 u ĠU L 136, 30.4.2004, p. 1. Skont dan l-aħħar Regolament, l-isem oriġinali tal-Aġenzija, Aġenzija Ewropea għall-Valutazzjoni tal-Prodotti Mediċinali, inbidel għal dak ta’ Aġenzija Ewropea għall-Mediċini.

(2) L-Anness jagħti sommarju tal-kompetenzi u l-attivitajiet tal-Aġenzija. Jiġi ppreżentat għal skopijiet ta’ informazzjoni.

(5) Ir-rapporti tal-implimentazzjoni tal-baġit jikkonsistu fil-kont tar-riżultat tal-baġit u fl-anness tiegħu.

(6) ĠU L 248, 16.9.2002, p. 1.

(7) L-Artikolu 33 tar-Regolament tal-Kummissjoni (KE, Euratom) Nru 2343/2002 (ĠU L 357, 31.12.2002, p. 72).

(8) L-Artikolu 38 tar-Regolament (KE, Euratom) Nru 2343/2002.

(10) Il-Federazzjoni Internazzjonali tal-Kontabilisti (IFAC) u l-Istandards Internazzjonali tal-Istituzzjonijiet Supremi tal-Verifika (ISSAI).

(11) Il-Kontijiet Annwali Finali kienu ppreparati fis-16 ta’ Ġunju 2011 u rċevuti mill-Qorti fl-4 ta’ Lulju 2011. Il-Kontijiet Annwali Finali jistgħu jinstabu fuq il-websajt li ġej http://eca.europa.eu jew www.ema.europa.eu.

ANNESS

Aġenzija Ewropea għall-Mediċini (Londra)

Kompetenzi u attivitajiet

L-oqsma ta’ kompetenza tal-Unjoni stipulati fit-Trattat

(L-Artikolu 168 tat-Trattat dwar il-Funzjonament tal-Unjoni Ewropea)

Il-livell għoli ta’ ħarsien tas-saħħa fiżika u mentali għandu jkun assigurat fid-definizzjoni u l-implimentazzjoni tal-istrateġiji u l-attivitajiet kollha tal-Unjoni.

L-Azzjoni tal-Unjoni, li għandha tikkomplementa l-politika nazzjonali, għandha tkun diretta lejn it-titjib tas-saħħa pubblika, lejn il-prevenzjoni tal-mard u l-infirmità tal-bniedem, u li jevitaw il-fonti ta’ periklu għas-saħħa umana. Din l-azzjoni għandha tkopri il-[l-] ġlieda kontra l-flaġelli kbar tas-saħħa, billi tinkoraġġixxi riċerka fuq il-kawża tagħhom, it-tixrid tagħhom u l-prevenzjoni tagħhom, kif ukoll informazzjoni u edukazzjoni dwar is-saħħa, kif ukoll il-monitoraġġ ta’ theddid transkonfinali serju għas-saħħa, l-allert għal dan it-theddid u l-ġlieda kontrih.

Il-kompetenzi tal-Aġenzija

(Ir-Regolament (KE) Nru 726/2004 tal-Parlament Ewropew u tal-Kunsill)

L-Objettivi

—	Tikkoordina r-riżorsi xjentifiċi li l-awtoritajiet tal-Istati Membri jagħmlu disponibbli lill-Aġenzija għall-awtorizzazzjoni u s-sorveljanza ta’ prodotti mediċinali għall-użu mill-bniedem u l-użu veterinarju.

—	Tipprovdi lill-Istati Membri u l-istituzzjonijiet tal-Unjoni Ewropea b'pariri xjentifiċi dwar prodotti mediċinali għall-użu tal-bniedem jew l-użu veterinarju.

Il-Kompiti

—	Tikkoordina l-evalwazzjoni xjentifika ta’ prodotti mediċinali li huma soġġetti għal proċeduri ta’ awtorizzazzjoni għal promozzjoni tal-Unjoni.

—	Tikkoordina s-sorveljanza ta’ prodotti mediċinali li ġew awtorizzati ġol-Unjoni (farmakoviġilanza)

—	Tagħti pariri dwar il-limiti massimi għal residwi ta’ prodotti mediċinali veterinarji li jistgħu jkunu aċċettati f'oġġetti tal-ikel li ġejjin mill-annimali.

—	Tikkoordina verifikazzjoni tal-osservanza tal-prinċipji tajba ta’ manifattura, prattika tal-laboratorju tajba u prattika tal-klinika tajba.

—	Tirreġistra l-istat ta’ awtorizzazzjonijiet mogħtija għall-promozzjoni ta’ prodotti mediċinali.

It-Tmexxija

1 – Il-Kumitat għall-Prodotti Mediċinali għall-Użu mill-Bniedem (CHMP), magħmul minn membru wieħed u supplenti wieħed minn kull Stat Membru u ħames membri koptjati, jagħti pariri fuq kull mistoqsija li għandha x'taqsam mal-evalwazzjoni tal-prodotti mediċinali għall-użu mill-bniedem.

2 – Il-Kumitat għall-Prodotti Mediċinali għall-Użu Veterinarju (CVMP), magħmul minn membru wieħed u supplenti wieħed minn kull Stat Membru, jagħti pariri fuq kull mistoqsija li għandha x'taqsam mal-evalwazzjoni tal-prodotti mediċinali għall-użu veterinarju.

3 – Il-Kumitat dwar il-Prodotti Mediċinali Orfni - (COMP), jikkonsisti f'membru wieħed u supplenti wieħed minn kull Stat Membru, jagħti pariri dwar kull mistoqsija li għandha x'taqsam mal-evalwazzjoni ta’ prodotti mediċinali orfni.

4 – Il-Kumitat dwar il-Prodotti Mediċinali mill-Ħxejjex – (HMPC), huwa magħmul minn membru wieħed u supplenti wieħed minn kull Stat Membru u ħames membri koptjati, jagħti pariri dwar kull mistoqsija li għandha x'taqsam mal-evalwazzjoni ta’ prodotti mediċinali mill-ħxejjex.

5 – Il-Kumitat Pedjatriku – (PDCO), huwa magħmul minn membru wieħed u supplenti wieħed minn kull Stat Membru, sitt membri u supplenti li jirrappreżentaw professjonisti fil-kura tas-saħħa u assoċjazzjonijiet tal-pazjenti, responsabbli mill-valutazzjoni xjentifika u ftehim dwar pjanijiet investigattivi tal-pedjatrija u għas-sistema ta’ rinunzji u diferimenti ta’ dawn.

6 – Il-Kumitat dwar it-Terapija Avvanzata - (CAT), magħmul minn ħames membri tas-CHMP u l-(ħames) supplenti tagħhom, membru wieħed u supplenti wieħed minn kull Stat Membru, żewġ membri u żewġ supplenti li jirrappreżentaw lil min imexxi l-kliniki, żewġ membri u żewġ supplenti li jirrappreżentaw l-assoċjazzjonijiet tal-pazjenti, huwa responsabbli għal kull kwistjoni li għandha x'taqsam mal-valutazzjoni tal-prodotti mediċinali tat-terapija avvanzata u ċertifikazzjoni u klassifika AMTP.

7 – Il-Bord Amministrattiv huwa magħmul minn membru wieħed u supplenti wieħed minn kull Stat Membru, żewġ rappreżentanti mill-Kummissjoni, żewġ rappreżentanti maħtura mill-Parlament Ewropew, żewġ rappreżentanti minn organizzazzjonijiet tal-pazjenti, rappreżentant mill-organizzazzjonijiet tat-tobba u rappreżentant mill-organizzazzjonijiet veterinarji. Il-Bord jadotta l-programm ta’ xogħol u r-rapport annwali.

8 – Id-Direttur Eżekuttiv huwa maħtur mill-Bord Amministrattiv fuq proposta tal-Kummissjoni.

9 – Il-verifika interna

Is-Servizz tal-Awditjar Intern tal-Kummissjoni.

10 – Il-verifika esterna

Il-Qorti tal-Awdituri.

11 – L-awtorità ta’ kwittanza

Il-Parlament, jaġixxi fuq rakkomandazzjoni mill-Kunsill.

Ir-riżorsi disponibbli għall-Aġenzija fl-2010 (2009)

Il-Baġit Finali

EUR 208,4 (194,4) miljun; kontribuzzjoni tal-Unjoni: 13,6 % (1) (18,7 %)

Il-persunal fil-31 ta’ Diċembru 2010

567 (530) kariga mniżżla fil-pjan ta’ stabbiliment, li minnhom okkupati: 546 (511).

152 (160) persunal ieħor (persunal kuntrattwali, esperti nazzjonali ssekondati, persunal tal-aġenzija tal-impjiegi)

It-total tal-persunal: 698 (664), li minnhom:

—	Operazzjonali: 556 (520)

—	Amministrattivi: 142 (144)

Il-prodotti u s-servizzi fl-2010 (2009)

Il-Prodotti Mediċinali għall-Użu tal-Bniedem

—	L-applikazzjonijiet għal awtorizzazzjonijiet ta’ promozzjoni: 91 (96)

—	L-opinjonijiet favorevoli: 51 (117)

—	Iż-żmien medju ta’ evalwazzjoni: 167 ġurnata (157 ġurnata)

—	L-opinjonijiet wara l-awtorizzazzjoni: 3 154 (2 396)

—	Il-farmakoviġilanza: 302 362 rapporti (252 117-il rapport)

—	Ir-rapporti perjodiċi ta’ aġġornament dwar is-sigurtà: 559 (425)

—	Il-pariri xjentifiċi finalizzati: 322 (308)

—	Il-Proċeduri għar-Rikonoxximent Reċiproku u Proċeduri Deċentralizzati: bdew 21 433(16 307); intemmu b'mod pożittiv 11 100 (15 335)

—	L-applikazzjonijiet għal pjanijiet ta’ investigazzjoni pedjatrika: 326 (273) fir-rigward ta’ 403 (364) indikazzjoni

Il-Prodotti Mediċinali għall-Użu Veterinarju

—	L-applikazzjonijiet għal awtorizzazzjonijiet ta’ promozzjoni: 18 (15)

—	L-applikazzjonijiet għal dak li għandu x'jaqsam ma’ varjanti: 162 (113)

L-ispezzjonijiet

L-ispezzjonijiet: 300 (233)

Il-Prodotti Mediċinali mill-Ħxejjex

Il-monografi mill-ħxejjex: 19 (17)

Lista ta’ sustanzi mill-ħxejjex, preparazzjonijiet u taħlitiet li ġejjin minnhom: 3 (0)

Il-Prodotti Mediċinali Orfni

—	L-applikazzjonijiet: 174 (164)

—	L-opinjonijiet favorevoli: 123 (113)

L-Impriżi Żgħar u Medji (SME)

—	Ir-rikjesti għal status ta’ SME: 251 (217)

—	L-applikazzjonijiet għat-tnaqqis tal-miżata jew diferimenti: 161 (80)

Sors: Informazzjoni mogħtija mill-Agenzija.

(1) Dan huwa l-perċentwal tal-kontribuzzjoni bbaġitjata tal-UE (mingħajr il-kontribuzzjoni speċjali għal tnaqqis fl-onorarji tal-mediċini orfni u mingħajr l-użu tal-bilanċ favur li ġej mis-sena finanżjarja n-2 mill-awtorità tal-baġit) għal dak li jirrigwarda l-baġit finali.

IT-TWEĠIBIET TAL-AĠENZIJA

13.

L-Aġenzija baqgħet ittejjeb b'mod kontinwu l-ġejbien 'il quddiem amministrattiv tagħha mill-2008, b'ġejbien 'il quddiem awtomatiku fit-Titolu II 2008/09 għal 45,3 %, 2009/10 għal 36,2 % u 2010/11 għal 33,3 %. L-ammonti inkwistjoni għall-2010 għandhom x'jaqsmu mal-proġetti telematiċi ICT plurjennali. Dawn il-proġetti telematiċi huma ta’ natura operattiva u għaldaqstant ser jitqiesu fit-Titolu III mill-2011. Għalhekk mill-2011/12 l-Aġenzija tistenna tnaqqis fil-ġejbien 'il quddiem fin-nefqa amministrattiva għal massimu ta’ madwar 30 % (li jikkorrispondi għal tnaqqis ta’ EUR 10,0 miljuni).

14.	L-Aġenzija rrinfurzat is-sistema tagħha biex tivvalida l-klejms tal-kredituri u biħsiebha tuża l-istrumenti fornuti mis-SAP sabiex tittratta kwalunkwe żball uman fil-proċess.

15.

L-Aġenzija tqis l-osservazzjonijiet tal-Qorti. Ittieħdet azzjoni sabiex tittejjeb it-trasparenza billi ġie żgurat li kull kariga ta’ aġent kuntrattwali tkun ippubbliċizzata b'mod estern qabel ma tiġi okkupata u li jitħarsu bis-sħiħ ir-regoli ta’ implimentazzjoni tal-EMA dwar l-għażla u r-reklutaġġ ta’ aġenti kuntrattwali, inkluż bl-użu ta’ aġenziji ta’ reklutaġġ kemm fil-pubbliċità ta’ avviżi ta’ karigi battala u kemm fl-organizzar ta’ testijiet bil-miktub f'isem l-Aġenzija.

16.

Wara t-tlestija tal-proġett pilota tal-grupp rigward l-ispejjeż fl-2009, tressqet proposta dwar sistema ġdida ta’ pagament mill-Bord ta’ Tmexxija waqt il-laqgħa tiegħu tal-10 ta’ Diċembru 2009. Madankollu l-Bord ta’ Tmexxija ma aċċettax din il-proposta. L-EMA ser tipprova tqajjem id-diskussjonijiet waqt il-laqgħat ġejjiena tal-Bord ta’ Tmexxija u ser tfakkar lill-Bord fil-ħtieġa li jsir progress f'dan ir-rigward.

15.12.2011

Il-Ġurnal Uffiċjali tal-Unjoni Ewropea

C 366/33

RAPPORT

dwar il-kontijiet annwali tal-Aġenzija Ewropea għas-Sustanzi Kimiċi għas-sena finanzjarja 2010, flimkien mat-tweġibiet tal-Aġenzija

2011/C 366/07

INTRODUZZJONI

L-Aġenzija Ewropea għas-Sustanzi Kimiċi (minn hawn ’il quddiem imsejħa “l-Aġenzija”), li tinsab f’Helsinki, kienet imwaqqfa mir-Regolament (KE) Nru 1907/2006 tal-Parlament Ewropew u tal-Kunsill tat-18 ta’ Diċembru 2006 (1). Il-kompiti priċinpali tagħha huma li tiżgura livell għoli ta’ protezzjoni tas-saħħa tal-bniedem u tal-ambjent kif ukoll il-moviment ħieles ta’ sustanzi, waħidhom, f’taħlitiet u f’oġġetti, filwaqt li ttejjeb il-kompetittività u l-innovazzjoni. L-Aġenzija tippromovi wkoll l-iżvilupp ta’ metodi alternattivi għall-valutazzjoni ta’ perikli ta’ sustanzi (2). L-Aġenzija saret finanzjarjament indipendenti mill-Kummissjoni fl-1 ta’ Jannar 2008.

2.	Il-baġit tal-Aġenzija għall-2010 ammonta għal EUR 75 miljun meta mqabbel mal-EUR 70,4 miljun is-sena ta’ qabel. L-għadd ta’ persunal impjegat mill-Aġenzija fi tmiem is-sena kien 472 meta mqabbel mat-355 is-sena ta’ qabel.

ID-DIKJARAZZJONI TA’ ASSIGURAZZJONI

4.	Din id-Dikjarazzjoni ta’ Assigurazzjoni hija indirizzata lill-Parlament Ewropew u lill-Kunsill, skont l-Artikolu 185(2) tar-Regolament tal-Kunsill (KE, Euratom) Nru 1605/2002 (6).

Ir-responsabbiltà tad-Direttur

Ir-responsabbiltà tal-Qorti

6.	Ir-responsabbiltà tal-Qorti hija li tipprovdi, abbażi tal-verifika tagħha, dikjarazzjoni ta’ assigurazzjoni dwar l-affidabbiltà tal-kontijiet annwali tal-Aġenzija u dwar il-legalità u r-regolarità tat-tranżazzjonijiet li huma bbażati fuqhom.

Il-verifika tal-Qorti tinvolvi t-twettiq ta’ proċeduri sabiex tinkiseb evidenza tal-verifika dwar l-ammonti u l-iżvelar fil-kontijiet u dwar il-legalità u r-regolarità tat-tranżazzjonijiet li huma bbażati fuqhom. Il-proċeduri jintgħażlu skont il-ġudizzju tal-awditur, inkluża l-valutazzjoni tar-riskji ta’ dikjarazzjoni skorretta materjali fir-rapporti finanzjarji, sew jekk minħabba frodi u sew jekk minħabba xi żball, jiddependu fuq l-evalwazzjoni tagħha tal-verifika tagħha. Meta tagħmel dawk il-valutazzjonijiet tar-riskju, il-kontroll intern rilevanti għall-preparazzjoni u l-preżentazzjoni tal-kontijiet tal-entità jiġi kkunsidrat sabiex jitfasslu proċeduri tal-verifika li huma xierqa fiċ-ċirkostanzi. Il-verifika tal-Qorti tinkludi wkoll evalwazzjoni tal-adegwatezza tal-politika tal-kontabilità użata, tar-raġonevolezza tal-estimi tal-kontabilità magħmula mill-maniġment u kif ukoll evalwazzjoni tal-preżentazzjoni tal-kontijiet inġenerali.

9.	Il-Qorti tqis li l-evidenza tal-verifika miksuba hija biżżejjed u xierqa biex tipprovdi bażi għall-opinjonijiet t’hawn taħt.

L-opinjoni dwar l-affidabbiltà tal-kontijiet

10.

L-opinjoni dwar il-legalità u r-regolarità tat-tranżazzjonijiet li fuqhom huma bbażati l-kontijiet

11.	Fl-opinjoni tal-Qorti, it-tranżazzjonijiet li fuqhom huma bbażati l-kontijiet annwali tal-Aġenzija għas-sena finanzjarja li ntemmet fil-31 ta’ Diċembru 2010, fl-aspetti materjali kollha huma legali u regolari.

12.	Il-kummenti li ġejjin ma jixtħux f’dubju l-opinjonijiet tal-Qorti.

KUMMENTI DWAR IL-ĠESTJONI TAL-BAĠIT U DIK FINANZJARJA

13.	Fl-2010, l-Aġenzija saret awtosuffiċjenti għal kollox fir-rigward tal-finanzjament. Hemm lok għal reviżjoni tar-Regolament Finanzjarju tal-Aġenzija biex jiġi inkluż mekkaniżmu għaż-żamma ta’ dħul proprju żejjed biex jiffinanzja l-attivitajiet futuri tal-Aġenzija.

Dan ir-Rapport ġie adottat mill-Awla IV, immexxija mis-Sur Igors LUDBORŽS, Membru tal-Qorti tal-Awdituri, fil-Lussemburgu fil-laqgħa tagħha tas-6 ta’ Settembru 2011.

Għall-Qorti tal-Awdituri

Vítor Manuel da SILVA CALDEIRA

President

(1) ĠU L 396, 30.12.2006, p. 1.

(2) L-Anness jagħti sommarju tal-kompetenzi u l-attivitajiet tal-Uffiċċju. Jiġi ppreżentat għal skopijiet ta’ informazzjoni.

(3) Dawn il-kontijiet huma akkumpanjati minn rapport dwar il-ġestjoni tal-baġit u dik finanzjarja matul is-sena li, fost l-oħrajn, jagħti deskrizzjoni tar-rata ta’ implimentazzjoni tal-approprjazzjonijiet flimkien ma’ informazzjoni fil-qosor dwar it-trasferimenti tal-approprjazzjonijiet fost il-partiti varji tal-baġit.

(4) Ir-rendikonti finanzjarji jinkludu l-karta tal-bilanċ u l-kont tar-riżultat ekonomiku, it-tabella tal-likwidità, ir-rendikont tat-tibdil fil-kapital u l-anness għar-rendikonti finanzjarji li jinkludi d-deskrizzjoni tal-politika tal-kontabilità prinċipali u informazzjoni oħra ta’ spjegazzjoni.

(5) Ir-rapporti tal-implimentazzjoni tal-baġit jikkonsistu fil-kont tar-riżultat tal-baġit u fl-anness tiegħu.

(6) ĠU L 248, 16.9.2002, p. 1.

(7) L-Artikolu 33 tar-Regolament tal-Kummissjoni (KE, Euratom) Nru 2343/2002 (ĠU L 357, 31.12.2002, p. 72).

(8) L-Artikolu 38 tar-Regolament (KE, Euratom) Nru 2343/2002.

(10) Il-Federazzjoni Internazzjonali tal-Kontabilisti (IFAC) u l-Istandards Internazzjonali tal-Istituzzjonijiet Supremi tal-Verifika (ISSAI).

(11) Il-Kontijiet Annwali Finali kienu ppreparati fit-23 ta’ Ġunju 2011 u rċevuti mill-Qorti fid-29 ta’ Ġunju 2011. Il-Kontijiet Annwali Finali jistgħu jinstabu fil-websajt li ġej http://eca.europa.eu jew http://echa.europa.eu/publications/annual_accounts_en.asp.

ANNESS

Aġenzija Ewropea għas-Sustanzi Kimiċi (Ħelsinki)

Kompetenzi u attivitajiet

L-oqsma ta’ kompetenza tal-Unjoni stipulati fit-Trattat

Il-bażi legali tar-regolament fondatur tal-ECHA, ir-Regolament REACH (KE) Nru 1907/2006, huwa l-Artikolu 114 tat-Trattat dwar il-Funzjonament tal-UE.

Il-kompetenzi tal-Agenzija

(Ir-Regolamenti (KE) 1907/2006 (ir-Regolament REACH) u r-Regolament (KE) Nru 1272/2008)

L-Objettivi

L-għan ta’ dan ir-Regolament huwa li jiġi żgurat livell għoli ta’ protezzjoni tas-saħħa tal-bniedem u tal-ambjent, inkluż [inkluża] il-promozzjoni ta’ metodi alternattivi għall-istima ta’ perikli ta’ sustanzi kif ukoll il-moviment liberu tas-sustanzi fis-suq intern filwaqt li tittejjeb il-kompetittività u l-innovazzjoni. (L-Artikolu 1 tar-Regolament REACH).

L-Aġenzija għandha tkun ċentrali sabiex tiżgura li l-liġi dwar is-sustanzi kimiċi kif ukoll il-proċessi ta’ teħid ta’ deċiżjonijiet u l-bażi xjentifika sottostanti għaliha jkunu kredibbli għall-partijiet interessati kollha u għall-pubbliku. L-Aġenzija ghandha jkollha wkoll rwol ċentrali fil-koordinazzjoni tal-komunikazzjoni u fl-implementazzjoni fir-rigward ta’ dan ir-Regolament. Il-kunfidenza fl-Aġenzija tal-istituzzjonijiet tal-Komuntià [Unjoni], l-Istati Membri, il-pubbliku ġenerali u l-partijiet interessati hija għaldaqstant essenzjali. Għal din ir-raġuni, jeħtieġ li jkunu żgurati l-indipendenza, il-kapaċitajiet xjentifiċi, tekniċi u regolatorji għolja, it-trasparenza u l-effiċjenza tagħha (il-premessa 95 tar-Regolament REACH).

Il-Kompiti

L-ECHA hija stabbilita għall-finijiet tal-ġestjoni u f'xi każijiet għat-twettiq tal-aspetti tekniċi, xjentifiċi u amministrattivi tar-Regolament REACH u sabiex tiġi żgurata konsistenza fil-livell Komunitarju [tal-Unjoni] fir-rigward ta’ dawn l-aspetti. (L-Artikolu 75 tar-Regolament REACH).

L-Aġenzija għandha wkoll tipprovdi lill-Istati Membri u lill-istituzzjonijiet tal-Komunità [Unjoni] bl-aqwa parir xjentifiku u tekniku possibbli għal kwistjonijiet dwar sustanzi kimiċi li jaqgħu fl-ambitu tal-mandat tagħha u li jiġu riferiti lilha skont id-dispożizzjonijiet tar-Regolament REACH. (L-Artikolu 77(1) tar-Regolament REACH).

L-ECHA għandha wkoll kompiti relatati mal-klassifikazzjoni u t-tikkettar ta’ sustanzi kimiċi li ġejjin mir-Regolament CIP (KE) Nru 1272/2008. B’mod partikolari l-Aġenzija għandha tagħti lill-Istati Membri u lill-istituzzjonijiet tal-Unjoni l-aqwa pariri xjentifiċi possibbli u tagħti lill-industrija u lill-awtoritajiet tal-Istati Membri gwida teknika u xjentifika.

It-Tmexxija

1 — Il-Bord ta’ Tmexxija

Rappreżentant wieħed minn kull Stat Membru u massimu ta’ sitt rappreżentanti maħtura mill-Kummissjoni, inklużi tliet individwi mill-partijiet interessati mingħajr drittijiet ta’ votazzjoni, kif ukoll żewġ persuni indipendenti maħtura mill-Parlament Ewropew. (L-Artikolu 79 tar-Regolamenti REACH).

Kompiti: L-Artikolu 78 tar-Regolament REACH u r-regolament finanzjajru qafas għall-aġenziji, prinċipalment l-adozzjoni tal-programm ta’ xogħol annwali u multiannwali, il-baġit finali, rapport ġenerali, regoli ta’ proċeduri interni u l-ħatra tad-Direttur Eżekuttiv u l-awtorità tad-dixxiplina fuq id-Direttur Eżekuttiv. Ukoll, il-ħatra ta’ Bord ta’ Appell u membri tal-Kumitat.

2 — Id-Direttur Eżekuttiv

Kompiti: L-Art 83 tar-Regolament REACH

3 — Il-Kumitati

L-ECHA tinkludi tliet Kumitati (tal-Istima tar-Riskji, tal-Istati Membri u tal-Analiżi Soċjo-Ekonomika).

Kompiti: L-Artikolu 76(1) (c-e) tar-Regolament REACH.

4 — Il-Forum għall-Iskambju ta’ Informazzjoni dwar l-Infurzar

Kompiti: L-Artikolu 76 ((1) (g) tar-Regolament REACH.

5 — Is-Segretarjat

Kompiti: L-Artikolu 76 ((1) (g) tar-Regolament REACH.

6 — Il-Bord tal-Appell

Kompiti: L-Artikolu 76 ((1) (h) tar-Regolament REACH.

7 — Il-verifika esterna

Il-Qorti tal-Awdituri.

8 — L-awtorità ta’ kwittanza

Il-Parlament, jaġixxi fuq rakkomandazzjoni mill-Kunsill.

Ir-riżorsi disponibbli għall-Aġenzija fl-2010 (2009)

Il-baġit (inkluż il-baġit ta’ emenda)

EUR 75,5 (70,4) miljun, inkluż dħul minn onorarji: EUR 35,03 (2,2) miljun u kontribuzzjoni tal-Unjoni: 36,0 (66,6) miljun.

L-għadd ta’ persunal fil-31 ta’ Diċembru 2010

426 (324) kariga fil-pjan ta’ stabbiliment.

L-għadd ta’ karigi okkupati: 382 (293).

Persunal ieħor: 90 (62) aġent kuntrattwali, esperti nazzjonali ssekondati u persunal interim.

Persunal totali: 472 (355)

Assenjati fid-dmirijiet li ġejjin:

—	kompiti operazzjonali: 341 (237);

—	kompiti amministrattivi u ta’ sostenn: 131 (118).

Attivitajiet u servizzi mogħtija fl-2010 (2009) (1)

Il-Programm ta’ Ħidma tal-ECHA kien maqsum fil-11-il Attività li ġejjin:

1. Ir-Reġistrazzjoni, il-Prereġistrazzjoni u l-qsim ta’ Data

—	It-tħejjija għal u t-trattament ta’ sottomissjonijiet skont l-ewwel skadenza tar-reġistrazzjoni tar-REACH;

—	L-għadd ta’ dossiers kompleti rreġistrati EXC: PPORDs: PPORDs: 25 000 (500);

—	L-għadd ta’ mistoqsijiet: 1 600(1 000);

—	L-għadd ta’ deċiżjonijiet maħruġa dwar tilwim dwar qsim ta’ data: 9 (0).

2. L-evalwazzjoni

—	il-Bini tal-Kapaċità;

—	l-għadd ta’ kontrolli tal-konformità ffinalizzati: 70 (14);

—	l-għadd ta’ deċiżjonijiet finali fuq proposti ta’ ttestjar: 4 (1).

3. L-awtorizzazzjoni u r-restrizzjonijiet

—	L-għadd ta’ sustanzi identifikati għall-inklużjoni fil-lista tal-Kandidati: 16 (15);

—	L-għadd ta’ rakkomandazzjonijiet ta’ sustanzi għall-inklużjoni bħala sustanzi ta’ prijorità f’REACH fl-Anness XIV: 1 (1);

—	L-għadd ta’ dossiers ta’ restrizzjoni mħejjija: 1 (0);

—	L-għadd ta’ rapporti ta’ reviżjoni finalizzati dwar sustanzi msemmija fl-Anness XVII REACH: 6 (0);

—	Il-Bini tal-Kapaċità.

4. Il-Klassifika u t-Tikkettar (C&L)

—	It-tħejjija għal u t-trattament ta’ sottomissjonijiet għall-iskadenza ta’ notifikazzjonijiet C&L;

—	L-għadd ta’ notifikazzjonijiet C&L li waslu: ’il fuq minn 3 miljun għal’il fuq minn 100 000 sustanza;

—	L-għadd ta’ proposti għall-klassifika u għat-tikkettar armonizzat: 81 (33).

5. Il-pariri u l-għajnuna

—	Il-Helpdesk u s-sostenn ta’ gwida lill-industrija, b’antiċipazzjoni tal-iskadenzi regolatorji;

—	L-għadd ta’ mistoqsijiet imwieġba mill-helpdesk: 10 000(6 600);

—	L-għadd ta’ dokumenti gwida ġodda maħruġa: 2 (2);

—	L-għadd ta’ aġġornamenti gwida maħruġa: 12 (0).

6. Is-sostenn tal-IT lill-operazzjonijiet

—	L-iżvilupp tas-sistema REACH-IT u sistemi oħra tal-IT.

7. Il-Pariri Xjentifiċi u Prattiċi għall-iżvilupp ulterjuri tal-leġiżlazzjoni

—	Fuq talbet il-Kummissjoni Ewropea, kontribuzzjonijiet fuq nanomaterjali u lill-programm OECD dwar linji gwida ta’ test u lill-proposta dwar ir-Regolament tal-Bijoċidi.

8. Il-Kumitati u l-Forum

—	L-għadd ta’ ftehimiet unanimi MSC: 26 (15);

—	L-għadd ta’ opinjonijiet RAC/SEAC: 16 (1).

9. Il-Bord tal-Appell

—	Id-deċiżjonijiet adottati dwar regoli ta’ proċedura.

10. Il-Komunikazzjoni

—	Jumejn Stakeholder b’700 parteċipant;

—	3 000 parteċipant f’webinars reġistranti ewlenija;

—	’il fuq minn 60 pubblikazzjoni;

—	2 300 paġna tradotti fl-ilsna tal-UE 21;

—	2,5 miljun żjarat lill-websajt minn 200 pajjiż.

11. Ir-relazzjonijiet mal-istituzzjonijiet tal-UE u l-Koperazzjoni Internazzjonali

—	Iffirmat Memorandum ta’ Ftehim mal-Kanada;

—	Iffirmata Dikjarazzjoni ta’ intenzjoni mal-US Environmental Protection Agency (Aġenzija għall-Ħarsien Ambjentali tal-Istati Uniti);

—	Koperazzjoni xjentifika u teknika mal-OECD.

Sors: Informazzjoni mogħtija mill-Aġenzija.

(1) Fejn xieraq, iċ-ċifri ġew miżjuda/imnaqqsa sal-eqreb 10, 100, jew 1000.

IT-TWEĠIBIET TAL-AĠENZIJA

13.	L-Aġenzija biħsiebha tinkludi proposta għal mekkaniżmu li jippermetti l-ġestjoni tad-dħul eċċessiv fir-reviżjoni li jmiss tar-Regolament Finanzjarju.

15.12.2011

Il-Ġurnal Uffiċjali tal-Unjoni Ewropea

C 366/39

RAPPORT

dwar il-kontijiet annwali tal-Aġenzija Ewropea għall-Ġestjoni tal-Kooperazzjoni Operattiva fil-Fruntieri Esterni tal-Istati Membri għas-sena finanzjarja 2010, flimkien mat-tweġibiet tal-Aġenzija

2011/C 366/08

INTRODUZZJONI

L-Aġenzija Ewropea għall-Ġestjoni tal-Kooperazzjoni Operattiva fil-Fruntieri Esterni tal-Istati Membri (minn hawn 'il quddiem imsejħa “l-Aġenzija”), li tinsab f'Varsavja, inħolqot mir-Regolament tal-Kunsill (KE) Nru 2007/2004 tas-26 t' Ottubru 2004 (1). Il-kompitu prinċipali tal-Aġenzija huwa li tikkoordina l-attivitajiet tal-Istati Membri fil-qasam tal-ġestjoni tal-fruntieri esterni (sostenn għall-kooperazzjoni operazzjonali, assistenza teknika u operazzjonali, analiżi tar-riskju) (2).

2.	Il-baġit tal-Aġenzija għall-2010 ammonta għal EUR 93 miljun meta mqabbel ma’ EUR 89 miljun tas-sena ta’ qabel. L-għadd ta’ persunal impjegat mill-Aġenzija fi tmiem is-sena kien 279 meta mqabbel ma’ 226 is-sena ta’ qabel.

ID-DIKJARAZZJONI TA’ ASSIGURAZZJONI

4.	Din id-Dikjarazzjoni ta’ Assigurazzjoni hija indirizzata lill-Parlament Ewropew u lill-Kunsill skont l-Artikolu 185(2) tar-Regolament tal-Kunsill (KE) Nru 1605/2002 (6).

Ir-responsabbiltà tad-Direttur

Bħala uffiċjal li jawtorizza, id-Direttur jimplimenta d-dħul u l-infiq tal-baġit skont ir-regoli finanzjarji tal-Aġenzija li taqa' taħt ir-responsabbiltà tiegħu u fi ħdan il-limiti tal-approprjazzjonijiet awtorizzati (7). Id-Direttur huwa responsabbli mit-twaqqif (8) tal-istruttura organizzattiva u s-sistemi u l-proċeduri tal-ġestjoni u l-kontroll intern rilevanti biex jiġu ppreparati kontijiet finali (9) li huma ħielsa minn dikjarazzjoni żbaljata materjali, kemm minħabba frodi jew inkella żball, u biex jiżgura li t-tranżazzjonijiet li fuqhom huma bbażati dawk il-kontijiet huma legali u regolari.

Ir-responsabbiltà tal-Qorti

6.	Ir-responsabbiltà tal-Qorti hija li tipprovdi, abbażi tal-verifika tagħha, dikjarazzjoni ta’ assigurazzjoni dwar l-affidabbiltà tal-kontijiet annwali tal-Aġenzija u dwar il-legalità u r-regolarità tat-tranżazzjonijiet li huma bbażati fuqhom.

9.	Il-Qorti tqis li l-evidenza tal-verifika miksuba hija biżżejjed u xierqa biex tipprovdi bażi għall-opinjonijiet t'hawn taħt.

L-opinjoni dwar l-affidabbiltà tal-kontijiet

10.

Fl-opinjoni tal-Qorti, il-Kontijiet Annwali tal-Aġenzija (11) jippreżentaw b'mod ġust, fl-aspetti materjali kollha, il-pożizzjoni finanzjarja tagħha fil-31 ta’ Diċembru 2010 u r-riżultati tal-operazzjonijiet tagħha u tal-likwidità tagħha għas-sena li ntemmet, skont id-dispożizzjonijiet tar-Regolament Finanzjarju tagħha.

L-opinjoni dwar il-legalità u r-regolarità tat-tranżazzjonijiet li fuqhom huma bbażati l-kontijiet

11.	Fl-opinjoni tal-Qorti, it-tranżazzjonijiet li fuqhom huma bbażati l-kontijiet annwali tal-Aġenzija għas-sena finanzjarja li ntemmet fil-31 ta’ Diċembru 2010, fl-aspetti materjali kollha huma legali u regolari.

12.	Il-kummenti li ġejjin ma jixtħux dubju fuq l-opinjonijiet tal-Qorti.

KUMMENTI DWAR IL-ĠESTJONI TAL-BAĠIT U DIK FINANZJARJA

13.	Ammont ta’ EUR 26,5 miljun, li jirrappreżenta 28 % tal-baġit disponibbli, inġiebu 'l quddiem għall-2011. EUR 12-il miljun biss ta’ dan l-ammont kienu marbuta mad-dovuti. Din is-sitwazzjoni tmur kontra l-prinċipju ta’ annwalità.

14.	Ġew innotati dgħufijiet fis-sistema għar-rikonċiljazzjoni tar-rendikonti tal-fornituri mar-rekords korrispondenti fl-Aġenzija.

15.	Is-sistema ta’ kontabilità tal-Aġenzija għad trid tiġi validata mill-Uffiċjal tal-Kontabilità, kif mitlub mir-Regolament Finanzjarju.

Dan ir-Rapport ġie adottat mill-Awla IV, immexxija mis-Sur Igors LUDBORŽS, Membru tal-Qorti tal-Awdituri, fil-Lussemburgu fil-laqgħa tagħha tat-13 ta’ Settembru 2011.

Għall-Qorti tal-Awdituri

Vítor Manuel da SILVA CALDEIRA

President

(1) ĠU L 349, 25.11.2004, p. 1.

(2) L-Anness jagħti sommarju tal-kompetenzi u l-attivitajiet tal-Aġenzija. Jiġi ppreżentat għal skopijiet ta’ informazzjoni.

(4) Ir-rendikonti finanzjarji jinkludu l-karta tal-bilanċ u l-kont tar-riżultat ekonomiku, it-tabella tal-likwidità, ir-rendikont tat-tibdil fil-kapital u l-anness għar-rendikonti finanzjarji li jinkludi d-deskrizzjoni tal-politika tal-kontabilità prinċipali u informazzjoni oħra ta’ spjegazzjoni.

(5) Ir-rapporti tal-implimentazzjoni tal-baġit jikkonsistu fil-kont tar-riżultat tal-baġit u fl-anness tiegħu.

(6) ĠU L 248, 16.9.2002, p. 1.

(7) L-Artikolu 33 tar-Regolament tal-Kummissjoni (KE, Euratom) Nru 2343/2002 (ĠU L 357, 31.12.2002, p. 72).

(8) L-Artikolu 38 tar-Regolament (KE, Euratom) Nru 2343/2002.

(10) Il-Federazzjoni Internazzjonali tal-Kontabilisti (IFAC) u l-Istandards Internazzjonali tal-Istituzzjonijiet Supremi tal-Verifika (ISSAI).

(11) Il-Kontijiet Annwali Finali kienu ppreparati fl-14 ta’ Ġunju 2011 u rċevuti mill-Qorti fit-8 ta’ Lulju 2011. Il-Kontijiet Annwali Finali jistgħu jinstabu fuq il-websajt li ġej http://eca.europa.eu jew http://www.frontex.europa.eu/budget_and_finance/.

ANNESS

Aġenzija Ewropea għall-Ġestjoni tal-Kooperazzjoni Operattiva fil-Fruntieri Esterni tal-Istati Membri (Varsavja)

Kompetenzi u attivitajiet

L-Oqsma ta’ kompetenza tal-Unjoni stipulati fit-Trattat

(L-Artikoli 74 u 77 tat-TFUE)

Il-Kunsill għandu jadotta miżuri sabiex jassigura l-kooperazzjoni amministrattiva bejn is-servizzi [id-dipartimenti] kompetenti tal-Istati Membri fl-(oqsma deskritti minn hawn ’il quddiem) kif ukoll bejn dawk is-servizzi [id-dipartimenti] u l-Kummissjoni.

L-Unjoni għandha tiżviluppa politika bil-għan li:

(…)

(b)	tassigura li jsiru kontrolli fuq persuni u sorveljanza effiċjenti tal-qsim tal-fruntieri esterni;

(c)	iddaħħal b’mod gradwali sistema integrata ta’ ġestjoni għall-fruntieri esterni.

Il-Kompetenzi tal-Aġenzija

(ir-Regolament tal-Kunsill (KE) Nru 2007/2004)

L-Objettivi

Il-Frontex ġiet stabbilita bl-intenzjoni li ttejjeb il-ġestjoni integrata tal-fruntieri esterni tal-Istati Membri.

Il-Frontex għandha:

—	Tiffaċilita u trendi b’mod aktar effettiv l-applikazzjoni tal-miżuri eżistenti u futuri fir-rigward tal-ġestjoni tal-fruntieri esterni.

—	Tiżgura l-koordinazzjoni tal-azzjonijiet tal-Istati Membri fl-implimentazzjoni ta’ dawk il-miżuri, u b’hekk tikkontribwixxi għal livell effiċjenti, għoli u uniformi ta’ kontroll fuq persuni u sorveljanza tal-fruntieri esterni tal-Istati Membri.

—	Tipprovdi lill-Kummissjoni u lill-Istati Membri l-appoġġ tekniku u l-kompetenza speċjalizzata fil-ġestjoni tal-fruntieri esterni u tippromwovi s-solidarjetà bejn l-Istati Membri.

Kompiti prinċipali

—	tikkoordina l-kooperazzjoni operazzjonali bejn l-Istati Membri fil-qasam tal-ġestjoni tal-fruntieri esterni;

—	tassisti lill-Istati Membri fit-taħriġ tal-gwardji tal-fruntiera nazzjonali, inkluż l-istabbiliment ta’ standards komuni ta’ taħriġ;

—	twettaq analiżi tar-riskju;

—	issegwi l-iżvilupp tar-riċerka fil-kontroll u s-sorveljanza;

—	tassisti lill-Istati Membri fiċ-ċirkostanzi li jeħtieġu aktar assistenza teknika u operazzjonali;

—	(6) tipprovdi lill-Istati Membri bl-appoġġ meħtieġ fl-organizzazzjoni ta’ operazzjonijiet konġunti ta’ ritorn.

It-Tmexxija

1 – Il-Bord ta’ Tmexxija

Kompost minn:

—	rappreżentant wieħed għal kull Stat Membru;

—	żewġ rappreżentanti mill-Kummissjoni;

—	rappreżentant wieħed għal kull pajjiż assoċjat fix-Schengen (in-Norveġja, l-Islanda) bi dritt limitat għal vot.

2 – Id-Direttur Eżekuttiv

Maħtur, fuq proposta tal-Kummissjoni, mill-Bord ta’ Tmexxija.

3 – Il-verifika esterna

Il-Qorti tal-Awdituri.

4 – L-awtorità ta’ kwittanza

Il-Parlament, jaġixxi fuq rakkomandazzjoni mill-Kunsill.

Ir-Riżorsi disponibbli għall-Aġenzija fl-2010 (2009)

Il-Bagit

EUR 93,2 (88,8) miljun

li minnhom sussidju tal-Kummissjoni: EUR 89,1 (85) miljun

L-Għadd ta’ persunal fil-31 ta’ Diċembru 2010

—	Il-Pjan ta’ stabbiliment: 143 (117), okkupati: 139 (100)

Karigi oħra:

Il-Persunal kuntrattwali: 79 (68), okkupati 79 (60)

Esperti nazzjonali ssekondati ppjanati: 76 (70), li minnhom 76 (66) huma okkupati

L-Għadd totali ta’ persunal: 294 (226)

Assenjati fil-kompiti okkupati li ġejjin:

—	operazzjonali: 203 (157)

—	amministrattivi: 91 (69)

Il-Prodotti u Servizzi fl-2010 (2009)

L-Analiżi tar-Riskju pproduċiet 10 valutazzjonijiet strateġiċi fuq terminu ta’ żmien twil, erba’rapporti ta’ kull tliet xhur, 160 prodott analitiku li jsostnu l-Operazzjonijiet Konġunti (inklużi Sessonijiet ta’ Tagħrif ta’ Kull Ġimgħa), 47 rapport ta’ tipi oħra, inklużi sessonijiet ta’ tagħrif għall-Maniġment tal-Frontex u kontribuzzjonijiet lil organizzazzjonijiet jew istituzzjonijiet oħrajn. Erba’ laqgħat regolari tal-FRAN u erba’ Laqgħat ta’ Esperti reġjonali ġew organizzati. In-Netwerk Analitiku tar-Riskju tal-Frontex kif ukoll netwerks reġjonali għal skambju ta’ informazzjoni komplew ġew żviluppati. Ġew implimentati 14-il sitt sessjoni ta’ taħriġ fil-qafas tal-Proġett tal-Komunità Analitika tal-Fruntieri tal-Frontex bil-parteċipazzjoni totali ta’ 232 analist tal-MS u r-RAU.

Fl-2010, l-Unità tal-Operazzjonijiet Konġunti (JOU) organizzat 17-il operazzjoni konġunta, li saru taħt ħames Programmi, disa’ proġetti pilota (PP), 40 operazzjoni konġunta ta’ ritorn u erba’ konferenzi. Barra minn dan, l-Operazzjoni tat-Timijiet ta’ Intervent Rapidu fil-Fruntieri (RABIT) ġiet implimentata fil-Greċja. L-għadd totali ta’ ġranet fl-operat żdied b’27 % għal 6 471. Il-JOU kkontribwixxiet ukoll għat-twaqqif tal-Uffiċċju Operazzjonali tal-Frontex PP fil-Piraeus.

Fil-qafas tat-tliet programmi li jikkonsistu fi 18-il proġett, l-Unità tat-Taħriġ organizzat 176 attività fl-2010 u attendew 4 015-il parteċipant (esperti tat-taħriġ, apprendisti, eċċ.); total ta’ madwar 11 000 jum tax-xogħol kienu investiti minn partijiet interessati f’attivitajiet ta’ taħriġ.

L-Unità ta’ Riżorsi Konġunti (PRU) implimentat disa’ proġetti fl-2010 biex ittejjeb l-effettività tal-operazzjonijiet tal-Frontex. Fit-tmiem tal-2010, il-PRU kkordinat l-iskjerament tal-Operazzjoni RABIT 2010 fil-Greċja (567 uffiċjal imħaddem, 19 186 jiem tax-xogħol, 68 oġġetti ta’ tagħmir, 5 371 jum fl-operat).

Iċ-Ċentru tas-Sitwazzjoni Frontex ipprovda sorveljanza ta’ sitwazzjoni li twassal 500 rapport ta’ sitwazzjoni, avviżi ta’ twissijiet bikrija u 14-il rapport dwar l-għarfien tal-missjoni għal konsumaturi interni u esterni. Fuljetti tal-aħbarijiet ta’ kuljum twasslu lil 350 kont, fosthom ħafna portali esterni li jagħtu distribuzzjoni lil ħafna aktar klijenti esterni. Iċ-Ċentru tas-Sitwazzjoni Frontex, bħala l-punt ta’ kuntatt waħdieni għall-iskambju ta’ informazzjoni, immaniġġja madwar 20 000 korridpondenza postali u implimenta l-FOSS, portal ta’ skambju tal-informazzjoni abbażi tal-web, u li qiegħed jintuża minn 30 pajjiż u 900 utent. Minbarra l-appoġġ tal-programm intensiv EUROSUR, ingħata bidu għal attivitajiet oħra ta’ ġestjoni ta’ proġett - li jimmiraw li jawtomatizzaw skambju ta’ informazzjoni, sorveljanza u servizzi ta’ rappurtar tas-sitwazzjoni u l-midja.

Fl-2010, l-Unità tal-Iżvilupp u r-Riċerka (R&D) organizzat 32 laqgħa. Ħadet sehem f’il fuq minn 110 workshops interni u esterni, konferenzi u laqgħat ta’ ħidma. L-R&D ipproduċa 10 rapporti, tliet pubblikazzjonijiet u dokument wieħed ta’ gwida. L-unità tat bidu għal ħames proġetti ġodda u kompliet bil-proġetti mill-2008 u l-2009. Ġew ikkummissjonati erba’ studji fl-2010 (li se jitlestew fl-2011) u ġew iffirmati erba’ kuntratti dwar il-EUROSUR u l-proġett dwar l-intelliġenza u l-komunikazzjoni.

Il-Kooperazzjoni ma’ pajjiżi terzi kienet tinkludi l-konklużjoni ta’ arranġament ta’ xogħol mal-Aġenzija tas-Servizzi fil-Fruntieri tal-Kanada u memorandum mas-Servizz ta’ Koordinazzjoni tal-Kunsill ta’ Kmandanti ta’ Truppi fil-Fruntieri CIS. Ġew iffirmati wkoll Pjanijiet ta’ Kooperazzjoni mal-Kroazja, l-Ukraina, l-Istati Uniti u l-Belarus. Intlaħqet żieda fil-parteċipazzjoni tal-imsieħba kollha tal-pajjiżi terzi fl-attivitajiet koordinati mill-Frontex.

Issuktat u ssaħħet il-kooperazzjoni ma’ korpi tal-UE u ma’ organizzazzjonijiet internazzjonali. Sa tmiem l-2010, kien ġie ffirmat ftehimiet ta’ ħidma (WAs) mal-Europol, l-Interpol, l-SGC Sitcen, is-Cepol, l-IOM, l-ICMPD, l-UNHCR, l-EMSA, is-CFCA u l-FRA. Ġie ffirmat Memorandum ta’ Ftehim mad-DĠ JLS għall-iżvilupp tal-ICONet u ntlaħaq ftehim mas-CCWP dwar dokument tal-Kunsill dwar mekkaniżmu ta’ koordinazzjoni. L-implimentazzjoni tal-pjan ta’ kooperazzjoni qed jipproċedi mal-Europol u l-IOM. Bdew diskussjonijiet mal-Kontroll Demokratiku tal-Forzi Armati (DCAF), iċ-Ċentru tar-Riċerka Konġunta tal-UE (JRC) u l-Eurojust, kif ukoll mal-Awtorità tal-Avjazzjoni Ċivili Internazzjonali dwar l-iffirmar tal-WAs li għandu jitlesta sal-2011

Sors: Informazzjoni mogħtija mill-Aġenzija.

IT-TWEĠIBIET TAL-AĠENZIJA

13.

In-natura permanenti jew għal żmien twil tal-operazzjonijiet konġunti ta’ Frontex tagħmilha inevitabbli li t-twettiq tal-impenji korrispondenti jiġi estiż lil hinn mill-aħħar tas-sena.

Madankollu, Frontex ser tkompli tnaqqas kemm jista' jkun possibbli l-volum tal-approprjazzjonijiet miġjuba 'l quddiem billi ssaħħaħ il-monitoraġġ tagħha ta’ attivitajiet konġunti sabiex l-għotjiet jiġu aġġustati kmieni kemm jista' jkun.

14.

Il-biċċa l-kbira tal-entitajiet pubbliċi m'għandhomx sistemi ċentralizzati ta’ kontabbiltà u xi wħud minnhom ma jimplimentawx kontabbiltà bbażata fuq żjieda, b'hekk il-proċess tar-rikonċiljazzjoni tal-bilanċi tal-bejjiegħa jkun diffiċli.

Frontex ser tagħmel kuntatt mal-awtoritajiet nazzjonali biex tipprova timplimenta proċeduri alternattivi bil-ħsieb tar-rikonċiljazzjoni tal-bilanċi tagħha ma’ dawk tal-fornituri tagħha.

15.	Fil-bidu tal-2011, Frontex bdiet proġett dwar il-Kumpilazzjoni ta’ Proċess tan-Negozju għall-proċessi finanzjarji. Id-deskrizzjoni tal-maġġoranza tal-proċessi finanzjarji ġiet attwata matul l-ewwel nofs tal-2011. Il-validazzjoni ser tkun kompluta matul it-tieni nofs tal-2011.

15.12.2011

Il-Ġurnal Uffiċjali tal-Unjoni Ewropea

C 366/45

RAPPORT

dwar il-kontijiet annwali tal-Aġenzija Ewropea għas-Saħħa u s-Sigurtà fuq il-Post tax-Xogħol għas-sena finanzjarja 2010, flimkien mat-tweġibiet tal-Aġenzija

2011/C 366/09

INTRODUZZJONI

L-Aġenzija Ewropea għas-Saħħa u s-Sigurtà fuq il-Post tax-Xogħol (minn hawn 'il quddiem imsejħa “l-Aġenzija”), li tinsab f'Bilbao, kienet imwaqqfa bir-Regolament tal-Kunsill (KE) Nru 2062/94 tat-18 ta’ Lulju 1994 (1). Il-kompitu tal-Aġenzija huwa li tiġbor u tqassam informazzjoni dwar il-prijoritajiet nazzjonali u tal-Unjoni fil-qasam tas-saħħa u s-sigurtà fuq il-post tax-xogħol, li ssostni organizzazzjonijiet nazzjonali u tal-Unjoni involuti fil-formulazzjoni u fl-implimentazzjoni tal-politika u li tipprovdi informazzjoni dwar miżuri preventivi (2).

2.	Il-baġit tal-Aġenzija għall-2010 ammonta għal EUR 15,5-il miljun, bejn wieħed u ieħor l-istess ammont tas-sena ta’ qabel. L-għadd ta’ persunal impjegat mill-Aġenzija fi tmiem is-sena kien 67 meta mqabbel ma’ 68 is-sena ta’ qabel.

ID-DIKJARAZZJONI TA’ ASSIGURAZZJONI

Skont id-dispożizzjonijiet tal-Artikolu 287(1), it-tieni subparagrafu, tat-Trattat dwar il-Funzjonament tal-Unjoni Ewropea, il-Qorti vverifikat il-kontijiet annwali (3) tal-Aġenzija, li jikkonsistu fir-“rendikonti finanzjarji” (4) u fir-“rapporti dwar l-implimentazzjoni tal-baġit” (5) għas-sena finanzjarja li ntemmet fil-31 ta’ Diċembru 2010, u l-legalità u r-regolarità tat-tranżazzjonijiet li fuqhom huma bbażati dawk il-kontijiet.

4.	Din id-Dikjarazzjoni ta’ Assigurazzjoni hija indirizzata lill-Parlament Ewropew u lill-Kunsill skont l-Artikolu 185(2) tar-Regolament tal-Kunsill (KE) Nru 1605/2002 (6).

Ir-responsabbiltà tad-Direttur

Ir-responsabbiltà tal-Qorti

6.	Ir-responsabbiltà tal-Qorti hija li tipprovdi, abbażi tal-verifika tagħha, dikjarazzjoni ta’ assigurazzjoni dwar l-affidabbiltà tal-kontijiet annwali tal-Aġenzija u dwar il-legalità u r-regolarità tat-tranżazzjonijiet li huma bbażati fuqhom.

Il-verifika tal-Qorti tinvolvi t-twettiq ta’ proċeduri sabiex tinkiseb evidenza tal-verifika dwar l-ammonti u l-iżvelar fil-kontijiet u dwar il-legalità u r-regolarità tat-tranżazzjonijiet li huma bbażati fuqhom. Il-proċeduri jintgħażlu skont il-ġudizzju tal-awditur, inkluża l-valutazzjoni tar-riskji ta’ dikjarazzjoni skorretta materjali fir-rapporti finanzjarji, sew jekk minħabba frodi u sew jekk minħabba xi żball. Meta tagħmel dawk il-valutazzjonijiet tar-riskju, il-kontroll intern rilevanti għall-preparazzjoni u l-preżentazzjoni tal-kontijiet tal-entità jiġi kkunsidrat sabiex jitfasslu proċeduri tal-verifika li huma xierqa fiċ-ċirkostanzi. Il-verifika tal-Qorti tinkludi wkoll evalwazzjoni tal-adegwatezza tal-politika tal-kontabilità użata u tar-raġonevolezza tal-estimi tal-kontabilità magħmula mill-maniġment u kif ukoll evalwazzjoni tal-preżentazzjoni tal-kontijiet inġenerali.

9.	Il-Qorti tqis li l-evidenza tal-verifika miksuba hija biżżejjed u xierqa biex tipprovdi bażi għall-opinjonijiet t'hawn taħt.

L-opinjoni dwar l-affidabbiltà tal-kontijiet

10.

L-opinjoni dwar il-legalità u r-regolarità tat-tranżazzjonijiet li fuqhom huma bbażati l-kontijiet

11.	Fl-opinjoni tal-Qorti, it-tranżazzjonijiet li fuqhom huma bbażati l-kontijiet annwali tal-Aġenzija għas-sena finanzjarja li ntemmet fil-31 ta’ Diċembru 2010, fl-aspetti materjali kollha,huma legali u regolari.

Dan ir-Rapport ġie adottat mill-Awla IV, immexxija mis-Sur Igors LUDBORŽS, Membru tal-Qorti tal-Awdituri, fil-Lussemburgu fil-laqgħa tagħha tas-6 ta’ Settembru 2011.

Għall-Qorti tal-Awdituri

Vítor Manuel da SILVA CALDEIRA

President

(1) ĠU L 216, 20.8.1994, p. 1. Ir-Regolament kien emendat l-aħħar mir-Regolament tal-Kunsill (KE) Nru 1112/2005 (ĠU L 184, 15.7.2005, p. 5).

(2) L-Anness jagħti sommarju tal-kompetenzi u l-attivitajiet tal-Aġenzija. Jiġi ppreżentat għal skopijiet ta’ informazzjoni.

(3) Dawn il-kontijiet huma akkumpanjati minn rapport dwar il-ġestjoni tal-baġit u dik finanzjarja matul is-sena li, fost l-oħrajn, jagħti rendikont tar-rata ta’ implimentazzjoni tal-approprjazzjonijiet, flimkien ma’ informazzjoni fil-qosor dwar it-trasferimenti tal-approprjazzjonijiet fost il-partiti varji tal-baġit.

(4) Ir-rendikonti finanzjarji jinkludu l-karta tal-bilanċ u l-kont tar-riżultat ekonomiku, it-tabella tal-likwidità, ir-rendikont tat-tibdil fil-kapital u l-anness għar-rendikonti finanzjarji, li jinkludi d-deskrizzjoni tal-politika tal-kontabilità prinċipali u informazzjoni oħra ta’ spjegazzjoni.

(5) Ir-rapporti tal-implimentazzjoni tal-baġit jikkonsistu fil-kont tar-riżultat tal-baġit u fl-anness tiegħu.

(6) ĠU L 248, 16.9.2002, p. 1.

(7) L-Artikolu 33 tar-Regolament tal-Kummissjoni (KE, Euratom) Nru 2343/2002 (ĠU L 357, 31.12.2002, p. 72).

(8) L-Artikolu 38 tar-Regolament (KE, Euratom) Nru 2343/2002.

(9) Ir-regoli dwar il-preżentazzjoni tal-kontijiet u tal-kontabilità mill-Aġenziji huma stabbiliti fil-kapitolu 1 tat-Titolu VII tar-Regolament (KE, Euratom) Nru 2343/2002 kif l-aħħar emendat bir-Regolament (KE, Euratom) Nru 652/2008 (ĠU L 181, 10.7.2008, p. 23) u huma fil-fatt integrati fir-Regolament Finanzjarju tal-Aġenzija.

(10) Il-Federazzjoni Internazzjonali tal-Kontabilisti (IFAC) u l-Istandards Internazzjonali tal-Istituzzjonijiet Supremi tal-Verifiki (ISSAI).

(11) Il-Kontijiet Annwali Finali kienu ppreparati fit-30 ta’ Ġunju 2011 u rċevuti mill-Qorti fl-4 ta’ Lulju 2011. Il-Kontijiet Annwali Finali jistgħu jinstabu fuq il-websajt li ġej http://eca.europa.eu jew http://osha.europa.eu/en/about/finance/.

ANNESS

L-Aġenzija Ewropea għas-Saħħa u s- Sigurtà fuq il-Post tax-Xogħol (Bilbao)

Kompetenzi u attivitajiet

L-oqsma ta’ kompetenza tal-Unjoni stipulati mit-Trattat

(Is-Siltiet mill-Artikoli 151 u 153 tat-Trattat dwar il-Funzjonament tal-Unjoni Ewropea)

Id-Dispożizzjonijiet Soċjali

L-Unjoni u l-Istati Membri …, għandu jkollhom bħala mira il-[l-] promozzjoni tal-impjieg, it-titjib tal-kondizzjonijiet tal-ħajja u tax-xogħol, sabiex jagħmlu possibbli l-armonizzazzjoni tagħhom waqt li jitkompla t-titjib, il-protezzjoni soċjali xierqa, id-djalogu bejn min imexxi u l-ħaddiema, l-iżvilupp tar-riżorsi umani bil-mira ta’ livell għoli ta’ mpjieg li jdum għal żmien twil u l-ġlieda kontra l-esklużjoni.

Bl-għan li jinkisbu l-objettivi tal-Artikolu 151, l-Unjoni għandha ssostni u tikkomplementa l-attivitajiet tal-Istati Membri f’dawn l-oqsma:

(a)	it-titjib inpartikolari tal-ambjent tax-xogħol biex jitħarsu s-saħħa u s-sigurtà tal-ħaddiema;

(b)	il-kondizzjonijiet tax-xogħol;

(e)	l-informazzjoni u l-konsultazzjoni tal-ħaddiema;

h)	l-integrazzjoni ta’ persuni esklużi mis-suq tax-xogħol, bla preġudizzju għall-Artikolu 166;

(i)	l-ugwaljanza bejn irġiel u nisa rigward l-opportunitajiet u t-trattament fis-suq tax-xogħol;

(j)	il-ġlieda kontra l-esklużjoni soċjali.

Il-kompetenzi tal-Aġenzija kif definiti fir-Regolament tal-Kunsill

(Ir-Regolament tal-Kunsill (KE) Nru 2062 kif emendat mir-Regolament tal-Kunsill (KE) Nru 1112/2005)

L-Objettivi

Sabiex ikun imtejjeb l-ambjent tax-xogħol, fejn għandhom x'jaqsmu l-protezzjoni tas-sigurtà u s-saħħa tal-ħaddiema kif previst fit-Trattat u strategiji suċċessivi u programmi ta’ azzjoni li jikkonċernaw is-saħħa u s-sigurtà fuq il-post tax-xogħol, l-iskop tal-Aġenzija għandu jkun li tipprovdi lill-korpi tal-Unjoni, lill-Istati Membri, lill-imsieħba soċjali u lil dawk involuti f’dan il-qasam bl-informazzjoni teknika, xjentifika u ekonomika fil-kamp ta’ sigurtà u saħħa fuq il-post tax-xogħol.

Il-Kompiti

—	Tiġbor, tanalizza u tqassam informazzjoni dwar prijoritajiet nazzjonali u tal-Unjoni u dwar ir-riċerka;

—	Tippromwovi l-kooperazzjoni u l-iskambju tal-informazzjoni, inkluża l-informazzjoni dwar il-programmi ta’ taħriġ;

—	Tforni lill-korpi tal-Unjoni u lill-Istati Membri bl-informazzjoni li jeħtieġu biex jifformulaw u jimplimentaw politika, partikolarment f’dak li għandu x’jaqsam mal-impatt fuq intrapriżi żgħar u ta’ daqs medju;

—	Tagħmel disponibbli informazzjoni dwar attivitajiet ta’ prevenzjoni;

—	Tikkontribwixxi għall-iżvilupp ta’ strateġiji u programmi ta’ azzjoni tal-Unjoni;

—	Twaqqaf netwerk li jkun fih punti fokali nazzjonali u ċentri tematiċi.

It-Tmexxija

1 – Il-Bord ta’ Tmexxija

Il-Kompożizzjoni

—	Rappreżentant wieħed tal-Gvern ta’ kull Stat Membru;

—	Rappreżentant wieħed tal-organizzazzjonijiet ta’ min iħaddem ta’ kull Stat Membru;

—	Rappreżentant wieħed tal-organizzazzjonijiet tal-impjegati ta’ kull Stat Membru;

—	Tliet rappreżentanti tal-Kummissjoni;

Membri u membri alterni mill-ewwel tliet kategoriji għandhom jiġu maħtura mill-membri u mill-membri alterni tal-Kumitat Konsultattiv dwar is-Sigurtà u s-Saħħa fuq Il-Post tax-Xogħol.

Il-Kompitu

Jadotta l-programm ta’ ħidma tal-Aġenzija, il-baġit u r-rapport ġenerali annwali.

2 – L-Uffiċċju

Il-Kompożizzjoni

—	Il-President u tliet viċi-presidenti tal-Bord;

—	Il-Koordinaturi minn kull wieħed mit-tliet gruppi interessati;

—	Il-Membru wieħed addizzjonali minn kull wieħed minn dawn il-gruppi u mill-Kummissjoni.

kompitu

3 – Id-Direttur

Maħtur mill-Bord Amministrattiv abbażi ta’ lista mqassra mill-Kummissjoni.

4 – Il-Kumitati

Il-Konsultazzjoni obbligatorja mal-Kummissjoni u tal-Kumitat Konsultattiv dwar is-Sigurtà u s-Saħħa fuq il-Post tax-Xogħol fir-rigward tal-programm ta’ xogħol u l-bagit.

5 – Il-Verifika esterna

Il-Qorti tal-Awdituri.

6 – L-Awtorità ta’ kwittanza

Il-Parlament Ewropew,waqt li jaġixxi fuq rakkomandazzjoni tal-Kunsill.

Ir-riżorsi disponibbli għall-Aġenzija fl-2010 (2009)

Il-Baġit

EUR 15,5 miljun (EUR 15,0 miljun) li minnhom:

—	is-Sussidju tal-Unjoni, id-DĠ għall-Impjiegi: 94 % (92,6 %)

—	is-Sussidju tal-Unjoni, id-DĠ għat-Tkabbir: 3,4 % (6,5 %)

—	Oħrajn: 2,6 % (0,9 %)

L-Għadd ta’ persunal fil-31 ta’ Diċembru 2010

44 (44) kariga mogħtija fil-pjan ta’ twaqqif, li minnhom 41 (42) kienu okkupati

Persunal ieħor:

—	L-Esperti Nazzjonali Ssekondati: 0 (1)

—	Il-persunal b’kuntratt: 25 (23) (Wieħed minnhom iffinanzjat minn fondi assenjati)

—	Il-persunal lokali: 1 (1)

It-total tal-persunal: 67 (68)

Allokati lil:

—	L-attivitajiet operazzjonali: 49 (50)

—	Il-kompiti amministrattivi: 10 (9)

—	Il-kompiti mħallta: 8 (9)

L-attivitajiet u s-servizzi pprovduti fl-2010

Il-ġbir u l-analiżi ta’ informazzjoni

L-Osservatorju Ewropew tar-Riskji: antiċipazzjoni tal-bidla

—	It-tqassim tar-riżultati tal-Istħarriġ Ewropew tal-Intraprizi dwar Riskji Ġodda u Emerġenti (ESENER): rapport u taqsira dwar il-ġestjoni ta’ riskji psikosoċjali (ippubblikat fi 22 lingwa)

—

Il-Pubblikazzjonijiet dwar:

—	Ir-reviżjoni tal-letteratura dwar il-Manutenzjoni u l-istatistika dwar is-Saħħa u s-Sigurtà fuq il-Post tax-Xogħol (OSH)

—	Ir-rapport dwar Kondizzjonijiet Muskoluskeletali - fatti u ċifri

—	It-tlestija tal-ewwel Fażi ta’ Tbassir rigward 'L-impatt fuq is-sigurtà u s-saħħa ta’ innovazzjonijiet teknoloġiċi f''impjiegi favur l-ambjent' sal-2020'

—	L-iżvilupp tal-“OSH wiki”, għodda kollaborattiva ta’ informazzjoni dwar l-OSH

—	Is-seminar tal-esperti biex isaħħu d-data miġbura dwar is-sigurtà u s-saħħa tan-nisa fuq il-post tax-xogħol.

L-Informazzjoni dwar l-Ambjent tax-Xogħol: qsim ta’ għarfien dwar prattika tajba fil-livell tal-post tax-xogħol

—

L-għoti ta’ kompetenza tal-OSH lill-kampanja dwar manutenzjoni sikura, inkluża l-pubblikazzjoni ta’ pakkett informattiv, żvilupp tal-websajt, il-ġestjoni tal-kompetizzjoni bi premju għal prattika tajba; organizzazzjoni ta’ workshops f'konferenza bi presidenza Belġjana; u pubblikazzjoni ta’ rapport u skeda informattiva dwar manutenzjoni sikura fil-prattika

—	L-ittestjar tal-mudell ta’ żvilupp u ta’ tixrid għall-“Għodda Interattiva Onlajn ta’ Valutazzjoni tar-Riskji” (OiRA) f'ħames Stati Membri

—

Ir-rapport dwar:

—	Il-Mainstreaming tal-OSH fl-edukazzjoni universitarja

—	Il-promozzjoni dwar is-saħħa mentali

—	Il-promozzjoni tas-saħħa fost ħaddiema żgħażagħ

—	L-OSH fit-trasport bit-triq

—	L-inċentiv ekonomiku biex titjieb l-OSH

—	Il-mainstreaming tal-OSH fil-ġestjoni tan-negozju

—	Aktar żvilupp tad-databases dwar l-għodod ta’ valutazzjoni ta’ riskju; promozzjoni tas-saħħa fuq il-post tax-xogħol (dwar it-twaqqif tat-tipjip u d-dħaħen tat-tabakk fl-ambjent); is-sessi u l-OSH.

Il-Komunikazzjoni, it-twettiq tal-Kampanji u l-Promozzjoni

—	“Il-kampanja dwar Postijiet tax-Xogħol li Jġibu 'l Quddiem is-Saħħa. Tajjeb għalik. Tajjeb għall-Kumpanija”. - Kampanja Ewropea dwar Manutenzjoni Sikura

—	Jitvaraw is-sejbiet ta’ ESENER (bi Presidenza Spanjola)

—	L-informazzjoni, għodod u servizzi f’ilsna differenti fuq l-internet u stampata dwar is-sigurtà u s-saħħa fuq il-post tax-xogħol

—	L-attivitajiet li jqajmu l-kuxjenza: esibizzjonijiet tal-kompetizzjoni tal-fotografija; premju għal films dokumentarji

—	Il-monitoraġġ u evalwazzjoni: evalwazzjoni attwali tal-Kampanja dwar Postijiet tax-Xogħol li Jġibu 'l Quddiem is-Saħħa; stħarriġ fuq il-websajt u analiżi komparattiva.

Il-Ħidma bin-Netwerk u l-Koordinazzjoni:

—	Aktar żvilupp tan-netwerk li jkun fih punti fokali: tliet laqgħat ta’ punti fokali

—	L-integrazzjoni tal-istati tal-EFTA-EEA fin-netwerk tal-Aġenzija

—	Il-kollaborazzjoni ma’ organizzazzjonijiet Ewropej u Internazzjonali

—	“Il-bini tal-kapaċità istituzzjonali” fil-Pajjiżi Kandidati u dawk Potenzjalment Kandidati (fondi assenjati).

Sors: Informazzjoni mogħtija mill-Aġenzija.

IT-TWEĠIBIET TAL-AĠENZIJA

1.	L-Aġenzija ħadet nota tar-rapport tal-Qorti.

15.12.2011

Il-Ġurnal Uffiċjali tal-Unjoni Ewropea

C 366/52

RAPPORT

dwar il-kontijiet annwali tal-Aġenzija Ewropea għas-Sigurtà Marittima għas-sena finanzjarja 2010, flimkien mat-tweġibiet tal-Aġenzija

2011/C 366/10

INTRODUZZJONI

L-Aġenzija Ewropea għas-Sigurtà Marittima (minn hawn 'il quddiem imsejħa “l-Aġenzija”), li tinsab f'Lisbona, twaqqfet mir-Regolament (KE) Nru 1406/2002 tal-Parlament Ewropew u tal-Kunsill tas-27 ta’ Ġunju 2002 (1). Il-kompiti tal-Aġenzija huma li tiżgura livell għoli ta’ sigurtà marittima u l-prevenzjoni ta’ tniġġis mill-vapuri, tipprovdi assistenza teknika lill-Kummissjoni u lill-Istati Membri, u tissorvelja l-implimentazzjoni tal-leġiżlazzjoni tal-Unjoni u kif ukoll li tevalwa l-effettività tagħha (2).

2.	Il-baġit tal-Aġenzija għall-2010 ammonta għal EUR 50,1 miljun meta mqabbel ma’ EUR 53,3 miljun is-sena ta’ qabel. L-għadd ta’ persunal impjegat mill-Aġenzija fi tmiem is-sena kien 219, meta mqabbel ma’ 212 is-sena ta’ qabel.

ID-DIKJARAZZJONI TA’ ASSIGURAZZJONI

4.	Din id-Dikjarazzjoni ta’ Assigurazzjoni hija indirizzata lill-Parlament Ewropew u lill-Kunsill skont l-Artikolu 185(2) tar-Regolament tal-Kunsill (KE) Nru 1605/2002 (6).

Ir-responsabbiltà tad-Direttur

Bħala uffiċjal li jawtorizza, id-Direttur jimplimenta d-dħul u l-infiq tal-baġit skont ir-regoli finanzjarji tal-Aġenzija li jaqa' taħt ir-responsabbiltà tiegħu u fi ħdan il-limiti tal-approprjazzjonijiet awtorizzati (7). Id-Direttur huwa responsabbli mit-twaqqif (8) tal-istruttura organizzattiva u s-sistemi u l-proċeduri tal-ġestjoni u l-kontroll intern rilevanti biex jiġu ppreparati kontijiet finali (9) li huma ħielsa minn dikjarazzjoni żbaljata materjali, kemm minħabba frodi jew inkella żball, u biex jiżgura li t-tranżazzjonijiet li fuqhom huma bbażati dawk il-kontijiet huma legali u regolari.

Ir-responsabbiltà tal-Qorti

6.	Ir-responsabbiltà tal-Qorti hija li tipprovdi, abbażi tal-verifika tagħha, dikjarazzjoni ta’ assigurazzjoni dwar l-affidabbiltà tal-kontijiet annwali tal-Aġenzija u dwar il-legalità u r-regolarità tat-tranżazzjonijiet li huma bbażati fuqhom.

9.	Il-Qorti tqis li l-evidenza tal-verifika miksuba hija biżżejjed u xierqa biex tipprovdi bażi għall-opinjonijiet t'hawn taħt.

L-opinjoni dwar l-affidabbiltà tal-kontijiet

10.

L-opinjoni dwar il-legalità u r-regolarità tat-tranżazzjonijiet li fuqhom huma bbażati l-kontijiet

11.	Fl-opinjoni tal-Qorti, it-tranżazzjonijiet li fuqhom huma bbażati l-kontijiet annwali tal-Aġenzija għas-sena finanzjarja li ntemmet fil-31 ta’ Diċembru 2010, fl-aspetti materjali kollha huma legali u regolari.

Dan ir-Rapport ġie adottat mill-Awla IV, immexxija mis-Sur Igors LUDBORŽS, Membru tal-Qorti tal-Awdituri, fil-Lussemburgu fil-laqgħa tagħha tas-6 ta’ Settembru 2011.

Għall-Qorti tal-Awdituri

Vítor Manuel da SILVA CALDEIRA

President

(1) ĠU L 208, 5.8.2002, p. 1.

(2) L-Anness jagħti sommarju tal-kompetenzi u l-attivitajiet tal-Aġenzija. Jiġi ppreżentat għal-skopijiet ta’ informazzjoni.

(4) Ir-rendikonti finanzjarji jinkludu l-karta tal-bilanċ u l-kont tar-riżultat ekonomiku, it-tabella tal-likwidità, ir-rendikont tat-tibdil fil-kapital u l-anness għar-rendikonti finanzjarji li jinkludi d-deskrizzjoni tal-politika tal-kontabilità prinċipali u informazzjoni oħra ta’ spjegazzjoni.

(5) Ir-rapporti tal-implimentazzjoni tal-baġit jikkonsistu fil-kont tar-riżultat tal-baġit u fl-anness tiegħu.

(6) ĠU L 248, 16.9.2002, p. 1.

(7) L-Artikolu 33 tar-Regolament tal-Kummissjoni (KE, Euratom) Nru 2343/2002 (ĠU L 357, 31.12.2002, p. 72).

(8) L-Artikolu 38 tar-Regolament (KE, Euratom) Nru 2343/2002.

(10) Il-Federazzjoni Internazzjonali tal-Kontabilisti (IFAC) u l-Istandards Internazzjonali tal-Istituzzjonijiet Supremi tal-Verifika (ISSAI).

(11) Il-Kontijiet Annwali Finali kienu ppreparati fit-8 ta’ Ġunju 2011 u rċevuti mill-Qorti fil-21 ta’ Ġunju 2011. Il-Kontijiet Annwali Finali jinstabu fuq il-websajt li ġej http://eca.europa.eu jew www.emsa.europa.eu.

ANNESS

L-Aġenzija Ewropea għas-Sigurtà Marittima (Lisbona)

Kompetenzi u attivitajiet

L-oqsma ta’ kompetenza tal-Unjoni stipulati fit-Trattat

(L-Artikolu 100 tat-Trattat dwar il-Funzjonament tal-Unjoni Ewropea)

Il-politika tat-trasport komuni

“Il-Parlament Ewropew u l-Kunsill, li jaġixxu skond [skont] il-proċedura leġislattiva [leġiżlattiva] ordinarja, jistgħu jistabbilixxu d-dispożizzjonijiet xierqa għan-navigazzjoni marittima u tal-ajru.”

Il-kompetenzi tal-Aġenzija

(Ir-Regolament (KE) Nru 1406/2002 tal-Parlament Ewropew u tal-Kunsill kif emendat mir-Regolamenti (KE) Nru 1644/2003 u (KE) Nru 724/2004)

L-Objettivi

—	Tiżgura livell għoli, uniformi u effettiv ta’ sigurtà marittima u prevenzjoni ta’ tniġġis mill-vapuri.

—	Tipprovdi assistenza teknika u xjentifika lill-Istati Membri u lill-Kummissjoni.

—	Tissorvelja l-implimentazzjoni tal-leġiżlazzjoni tal-Unjoni f’dan il-qasam u tevalwa l-effettività tal-miżuri fis-seħħ.

—	Tintroduċi metodi operazzjonali biex tiġġieled kontra t-tniġġis fl-ilmijiet Ewropej.

Il-Kompiti

L-Aġenzija tidħol għal firxa wiesgħa ta’ attivitajiet fl-oqsma tas-sigurtà marittima, is-sigurtà u l-prevenzjoni tat-tniġġis u r-reazzjoni għat-tniġġis minn vapuri.

L-ewwel nett, l-Aġenzija ġiet inkarigata bl-assistenza lill-Kummissjoni fil-monitoraġġ tal-implimentazzjoni ta’ leġiżlazzjoni tal-UE li għandha x’taqsam, fost oħrajn, ma’ soċjetajiet ta’ klassifikazzjoni, Kontroll mill-Istat tal-Port, ilqugħ ta’ skart minn bastimenti f’portijiet tal-UE, ċertifikazzjoni ta’ tagħmir tal-baħar, sigurtà tal-vapuri, taħriġ ta’ baħrin f’pajjiżi tal-UE u mhux tal-UE u monitoraġġ tat-traffiku ta’ bastimenti.

It-tieni nett, l-Aġenzija tiżviluppa u topera kapaċitajiet ta’ informazzjoni marittima fil-livell tal-UE. Eżempji sinifikanti huma s-sistema ta’ monitoraġġ tat-traffiku tal-bastiment SafeSeaNet, biex bastimenti u l-merkanziji tagħhom ikunu jistgħu jiġu traċċati b’mod effettiv; iċ-Ċentru tad-Data LRIT tal-UE, biex jiżgura l-identifikazzjoni u l-intraċċar ta’ vapuri li jtajru l-bandiera tal-UE madwar id-dinja; THETIS, is-sistema ta’ informazzjoni meħtieġa għall-implimentazzjoni tar-reġim tal-Kontroll mill-Istat tal-Port tal-UE.

B’mod parallel, ġiet stabbilita kapaċità ta’ stat ta’ tħejjija, sejba u reazzjoni għal tniġġis tal-baħar, inkluż netwerk Ewropew ta’ bastimenti ta’ reazzjoni għal tixrid taż-żejt kif ukoll servizz ta’ monitoraġġ Ewropew bis-satellita dwar tixrid taż-żejt (CleanSeaNet), it-tnejn li huma bil-għan li jikkontribwixxu għal sistema effettiva għall-ħarsien tax-xtut u l-ilmijiet tal-UE minn tniġġis minn vapuri.

Fl-aħħar nett, l-Aġenzija tagħti pariri tekniċi u xjentifiċi lill-Kummissjoni fil-qasam tas-sigurtà marittima u fil-prevenzjoni ta’ tniġġis minn vapuri fil-proċess kontinwu ta’ evalwazzjoni tal-effettività tal-miżuri fis-seħħ, u fl-aġġornament u fl-iżvilupp ta’ leġiżlazzjoni ġdida. Hija tagħti wkoll sostenn lil, u tiffaċilita l-koperazzjoni bejn, l-Istati Membri u xxerred l-aqwa prattiki. Programm sostanzjali ta’ taħriġ sar disponibbli lill-esperti tal-Istati Membri. Fl-istess ħin tingħata assistenza lil Stati Membri ġodda u li għadhom deħlin, fit-traspożizzjoni u fl-implimentazzjoni ta’ leġiżlazzjoni tal-UE.

It-Tmexxija

1 – Il-Bord Amministrattiv

Il-Kompożizzjoni

Rappreżentant wieħed għal kull Stat Membru, erba’ rappreżentanti tal-Kummissjoni, u erba’ rappreżentanti, mingħajr id-dritt li jivvutaw, mis-setturi professjonali kkonċernati.

Il-Kompiti

—	Jadotta l-pjan ta’ politika tal-persunal multiannwali, il-baġit annwali, il-programm ta’ ħidma, ir-rapport annwali u pjan dettaljat għall-istat ta’ tħejjija u attivitajiet ta’ reazzjoni tal-Aġenzija, għat-tniġġis.

—	Jissorvelja x-xogħol li jsir mid-Direttur Eżekuttiv

2 – Id-Direttur Eżekuttiv

Maħtur mill-Bord Amministrattiv. Il-Kummissjoni tista’ tipproponi kandidat wieħed jew aktar.

3 – Il-verifika esterna

Il-Qorti tal-Awdituri.

4 – L-Awtorità ta’ Kwittanza

Il-Parlament, li jaġixxi fuq rakkomandazzjoni mill-Kunsill.

Ir-riżorsi disponibbli għall-Aġenzija fl-2010 (2009)

Il-Baġit Finali

L-Approprjazzjonijiet għall-Impenji

EUR 54,4 (48,3) miljun

L-Approprjazzjonijiet għall-Pagamenti

EUR 50,6 (53,3) miljun

Il-persunal fil-31 ta’ Diċembru 2010

Il-Persunal Statutorju

200 (192) kariga mniżżla fil-pjan ta’ stabbiliment, li minnhom okkupati: 196 (179).

L-Aġenti Kuntrattwali:

27 (27) ippjanati fil-baġit, li minnhom okkupati: 23 (23).

L-Esperti Nazzjonali Ssekondati:

15 (15) ippjanati fil-baġit, li minnhom okkupati: 12 (10).

Il-prodotti u s-servizzi 2010

—	36 Workshop u avvenimenti oħrajn (b’madwar 1 170 parteċipant f’workshops)

—	34 sessjoni differenti ta’ taħriġ (inklużi 7 għal uffiċjali ta’ Kontroll mill-Istat tal-Port (PSC)), u b'riżultat ta’ dawn tħarrġu 753 espert nazzjonali (li minnhom 210 uffiċjali tal-PSC)

—	88 ispezzjoni u żjara

—	Ġiet varata t-tieni verżjoni ta’ SafeSeaNet (SSN); L-SSN kien disponibbli matul 99,4 % tal-ħin matul is-sena

—	2 651 immaġni satellitari ordnati u 2 366 analizzati permezz ta’ CleanSeaNet

—	Ic-Ċentru tad-Data tal-UE għall-Identifikazzjoni u l-Ittraċċar mill-Bogħod (LRIT) kien disponibbli matul 99,9 % tal-ħin matul is-sena

—	14-il kuntratt għal bastimenti kontra t-tniġġis (bastiment ġdid, sarlu l-kuntratt fl-2010)

—	59 eżerċizzju ta’ taħriġ u 14-il eżerċizzju mal-bastimenti kontra t-tniġġis

—	is-Servizzi ta’ Sostenn Marittimi tal-EMSA jitħaddmu għal 24 siegħa kuljum

—	ġiet varata t-THETIS, is-sistema ta’ informazzjoni b'appoġġ għar-reġim tal-Kontroll mill-Istat tal-Port (PSC)

Sors: Informazzjoni mogħtija mill-Aġenzija.

TWEĠIBIET TAL-AĠENZIJA

1.	L-Aġenzija ħadet nota tar-rapport tal-Qorti.

15.12.2011

Il-Ġurnal Uffiċjali tal-Unjoni Ewropea

C 366/57

RAPPORT

dwar il-kontijiet annwali tal-Aġenzija Ewropea għall-Ambjent għas-sena finanzjarja 2010, flimkien mat-tweġibiet tal-Aġenzija

2011/C 366/11

INTRODUZZJONI

L-Aġenzija Ewropea għall-Ambjent (minn hawn ’il quddiem imsejħa “l-Aġenzija”), li tinsab f’Kopenħagen, kienet imwaqqfa mir-Regolament tal-Kunsill (KEE) Nru 1210/90 tas-7 ta’ Mejju 1990 (1). Hija responsabbli mit-twaqqif ta’ netwerk ta’ osservazzjoni li jipprovdi lill-Kummissjoni, lill-Parlament, lill-Istati Membri u, b’mod aktar ġenerali, lill-pubbliku b’informazzjoni affidabbli dwar l-istat tal-ambjent. Din l-informazzjoni għandha, b’mod partikolari, tippermetti lill-Unjoni Ewropea u lill-Istati Membri biex jieħdu azzjoni ħalli jissalvagwardjaw l-ambjent u jevalwaw l-effettività ta’ tali azzjoni (2).

2.	Il-baġit tal-Aġenzija għall-2010 ammonta għal EUR 50,6 miljun meta mqabbel ma’ EUR 39,9 miljun is-sena ta’ qabel. L-għadd ta’ persunal impjegat mill-Aġenzija fi tmiem is-sena kien 125, meta mqabbel ma’ 133 is-sena ta’ qabel.

ID-DIKJARAZZJONI TA’ ASSIGURAZZJONI

4.	Din id-Dikjarazzjoni ta’ Assigurazzjoni hija indirizzata lill-Parlament Ewropew u lill-Kunsill skont l-Artikolu 185(2) tar-Regolament tal-Kunsill (KE) Nru 1605/2002 (6).

Ir-responsabbiltà tad-Direttur

Bħala uffiċjal li jawtorizza, id-Direttur jimplimenta d-dħul u l-infiq tal-baġit skont ir-regoli finanzjarji tal-Aġenzija li jaqa’ taħt ir-responsabbiltà tiegħu u fi ħdan il-limiti tal-approprjazzjonijiet awtorizzati (7). Id-Direttur huwa responsabbli mit-twaqqif (8) tal-istruttura organizzattiva u s-sistemi u l-proċeduri tal-ġestjoni u l-kontroll intern rilevanti biex jiġu ppreparati kontijiet finali (9) li huma ħielsa minn dikjarazzjoni żbaljata materjali, kemm minħabba frodi jew inkella żball, u biex jiżgura li t-tranżazzjonijiet li fuqhom huma bbażati dawk il-kontijiet huma legali u regolari.

Ir-responsabbiltà tal-Qorti

6.	Ir-responsabbiltà tal-Qorti hija li tipprovdi, abbażi tal-verifika tagħha, dikjarazzjoni ta’ assigurazzjoni dwar l-affidabbiltà tal-kontijiet annwali tal-Aġenzija u dwar il-legalità u r-regolarità tat-tranżazzjonijiet li huma bbażati fuqhom.

Il-verifika tal-Qorti tinvolvi t-twettiq ta’ proċeduri sabiex tinkiseb evidenza tal-verifika dwar l-ammonti u l-iżvelar fil-kontijiet u dwar il-legalità u r-regolarità tat-tranżazzjonijiet li huma bbażati fuqhom. Il-proċeduri jintgħażlu skont il-ġudizzju tal-awditur, inkluża l-valutazzjoni tar-riskji ta’ dikjarazzjoni skorretta materjali fir-rapporti finanzjarji, sew jekk minħabba frodi u sew jekk minħabba xi żball, jiddependu fuq l-evalwazzjoni tal-verifika tagħha. Meta tagħmel dawk il-valutazzjonijiet tar-riskju, il-kontroll intern rilevanti għall-preparazzjoni u l-preżentazzjoni tal-kontijiet tal-entità jiġi kkunsidrat sabiex jitfasslu proċeduri tal-verifika li huma xierqa fiċ-ċirkostanzi. Il-verifika tal-Qorti tinkludi wkoll evalwazzjoni tal-adegwatezza tal-politika tal-kontabilità użata u tar-raġonevolezza tal-estimi tal-kontabilità magħmula mill-maniġment u kif ukoll evalwazzjoni tal-preżentazzjoni tal-kontijiet inġenerali.

9.	Il-Qorti tqis li l-evidenza tal-verifika miksuba hija biżżejjed u xierqa biex tipprovdi bażi għall-opinjonijiet t’hawn taħt.

L-opinjoni dwar l-affidabbiltà tal-kontijiet

10.

L-opinjoni dwar il-legalità u r-regolarità tat-tranżazzjonijiet li fuqhom huma bbażati l-kontijiet

11.	Fl-opinjoni tal-Qorti, it-tranżazzjonijiet li fuqhom huma bbażati l-kontijiet annwali tal-Aġenzija għas-sena finanzjarja li ntemmet fil-31 ta’ Diċembru 2010, fl-aspetti materjali kollha huma legali u regolari.

Dan ir-Rapport ġie adottat mill-Awla IV, immexxija mis-Sur Igors LUDBORŽS, Membru tal-Qorti tal-Awdituri, fil-Lussemburgu fil-laqgħa tagħha tas-6 ta’ Settembru 2011.

Għall-Qorti tal-Awdituri

Vítor Manuel da SILVA CALDEIRA

President

(1) ĠU L 120, 11.5.1990, p. 1.

(2) L-Anness jagħti sommarju tal-kompetenzi u l-attivitajiet tal-Aġenzija. Jiġi ppreżentat għal skopijiet ta’ informazzjoni.

(4) Ir-rendikonti finanzjarji jinkludu l-karta tal-bilanċ u l-kont tar-riżultat ekonomiku, it-tabella tal-likwidità, ir-rendikont tat-tibdil fil-kapital u l-anness għar-rendikonti finanzjarji li jinkludi d-deskrizzjoni tal-politika tal-kontabilità prinċipali u informazzjoni oħra ta’ spjegazzjoni.

(5) Ir-rapporti tal-implimentazzjoni tal-baġit jikkonsistu fil-kont tar-riżultat tal-baġit u fl-anness tiegħu.

(6) ĠU L 248, 16.9.2002, p. 1.

(7) L-Artikolu 33 tar-Regolament tal-Kummissjoni (KE, Euratom) Nru 2343/2002 (ĠU L 357, 31.12.2002, p. 72).

(8) L-Artikolu 38 tar-Regolament (KE, Euratom) Nru 2343/2002.

(10) Il-Federazzjoni Internazzjonali tal-Kontabilisti (IFAC) u l-Istandards Internazzjonali tal-Istituzzjonijiet Supremi tal-Verifiki (ISSAI).

(11) Il-Kontijiet Annwali Finali kienu ppreparati fil-31 ta’ Mejju 2011 u rċevuti mill-Qorti fl-4 ta’ Lulju 2011. Il-Kontijiet Annwali Finali jistgħu jinstabu fuq il-websajt li ġej http://eca.europa.eu jew http://www.eea.europa.eu/about-us/documents/administrativedocuments/eea-accounts-for-the-year-2009/.

ANNESS

L-Aġenzija Ewropea għall-Ambjent (Kopenħagen)

Kompetenzi u attivitajiet

L-oqsma ta’ kompetenza tal-Unjoni stipulati fit-Trattat

(L-Artikolu 191 tat-Trattat dwar il-Funzjonament tal-Unjoni Ewropea)

Il-Politika tal-Ambjent

Il-politika tal-Unjoni dwar l-ambjent għandha tikkontribwixxi sabiex jinkisbu (…) l-għanijiet tas-salvagwardja, il-ħarsien u t-titjib tal-kwalità tal-ambjent, il-ħarsien tas-saħħa tal-bniedem, l-użu għaqli u razzjonali tar-riżorsi naturali il-promozzjoni ta’ miżuri fil-livell internazzjonali sabiex jitrattaw problemi ambjentali reġjonali jew globali, u b'mod partikolari li jiġġieldu l-bidla fil-klima.

Il-politika tal-Unjoni dwar l-ambjent għandha jkollha l-mira ta’ protezzjoni ta’ livell għoli li tieħu kont tad-diversità tas-sitwazzjonijiet fid-diversi reġjuni tal-Unjoni. Għandha tkun ibbażata fuq il-prinċipju ta’ prekawzjoni u fuq il-prinċipji li azzjoni preventiva għandha tittieħed, li l-ħsara lill-ambjent għandha, bħala prijorità tissewwa f'ras il-għajn u li min iniġġeż għandu jħallas. (…) Fil-preparazzjoni tagħha tal-politika dwar l-ambjent (…), l-Unjoni għandha tieħu in konsiderazzjoni dati [data] xjentifiċi u tekniċi eżistenti, il-kondizzjonijiet ambjentali fir-reġjuni differenti tal-Unjoni, il-vantaġġi u l-piżijiet li jistgħu jirriżultaw minn azzjoni jew nuqqas ta’ azzjoni, l-iżvilupp ekonomiku u soċjali tal-Unjoni in ġenerali u l-iżvilupp bilanċjat tar-reġjuni tagħha(…).

Il-kompetenzi tal-Aġenzija

(Ir-Regolament tal-Kunsill (KEE) Nru 1210/90)

L-Objettivi

L-istabbiliment ta’ network tal-informazzjoni u l-osservazzjoni tal-ambjent Ewropew biex jipprovdu lill-Unjoni u l-Istati Membri:

Informazzjoni oġġettiva, ta’ min joqgħod fuqha u kumparabbli fuq livell Ewropew li tippermettihom li:

(a)	jieħdu l-miżuri meħtieġa sabiex jipproteġu l-ambjent;

(b)	jiġu stmati r-riżultati ta’ dawk il-miżuri;

(c)	jiżguraw li l-pubbliku jkun infurmat tajjeb dwar l-istat tal-ambjent.

2.	L-appoġġ tekniku u xjentifiku meħtieġ

Il-Kompiti

—	Tistabbilixxi, f’kooperazzjoni mal-Istati Membri, u tikkoordina n-Netwerk Ewropew ta’ Informazzjoni u għall-Osservazzjoni tal-Ambjent;

—	Tipprovdi lill-Unjoni u lill-Istati Membri bl-informazzjoni oġġettiva meħtieġa għat-tħejjija u l-implementazzjoni soda u effettiva tal-politika ambjentali;

—	Tgħin fil-monitoraġġ ta’ miżuri ambjentali permezz ta’ sostenn xieraq għall-ħtiġijiet tar-rappurtar;

—	Tagħti pariri lil Stati Membri individwali dwar l-iżvilupp, l-istabbiliment u l-espansjoni tas-sistemi tagħhom għall-monitoraġġ ta’ miżuri ambjentali;

—

Tirreġistra, tiġbor u tistma d-data [data] dwar il-qagħda tal-ambjent, tirrapporta dwar il-kwalità tal-ambjent u l-piżijiet fuqu fi ħdan it-territorju tal-Unjoni, tipprovdi kriterji ta’ evalwazzjoni uniformi għall-applikazzjoni ta’ data [data] dwar l-ambjent fl-Istati Membri kollha u tiżvilupp aktar u żżomm ċentru ta’ referenza ta’ informazzjoni fuq l-ambjent;

—	Tgħin biex tiżgura li d-data [data] dwar l-ambjent fil-livell Ewropew tkun kumparabbli u, jekk meħtieġ, biex tinkoraġġixxi b’mezzi xierqa, armonizzazzjoni mtejba ta’ metodi ta’ kejl;

—	Tippromovi l-inkorporazzjoni tad-data [data] dwar l-ambjent Ewropew fi programmi internazzjonali;

—	Tippubblika rapport kull ħames snin fuq il-qagħda tal-ambjent, il-bidliet fih u l-prospetti għalih;

—

Tistimula l-iżvilupp ta’ tekniki ta’ tbassir ambjentali, l-iskambji tal-informazzjoni dwar teknoloġiji biex jevitaw jew inaqqsu l-ħsara lill-ambjent, metodi biex ikunu evalwati l-ispejjeż tal-ħsara lill-ambjent u l-ispejjeż ta’ politika ambjentali għall-prevenzjoni, għall-protezzjoni u għar-riabilitazzjoni; u

—	Tiżgura t-tixrid wiesa’ ta’ informazzjoni affidabbli u komparabbli, partikolarment dwar l-istat tal-ambjent, lill-pubbliku inġenerali u, għal dan il-fini, sabiex tippromovi l-użu ta’ teknoloġija ġdida tat-telematika għal dan l-iskop.

It-Tmexxija

1 – Il-Bord ta’ Tmexxija

Il-Kompożizzjoni

—	Rappreżentant wieħed għal kull pajjiż membru;

—	Żewġ rappreżentanti tal-Kummissjoni;

—	Żewġ xjentisti maħtura mill-Parlament Ewropew.

Il-Kompiti

L-adozzjoni tal-programmi multiannwali u annwali ta’ xogħol u li tiġi żgurata l-implimentazzjoni tagħhom.

2 – Id-Direttur Eżekuttiv

Maħtur mill-Bord ta’ Tmexxija fuq proposta mill-Kummissjoni.

3 – Il-Kumitat Xjentifiku

Jikkonsisti minn persuni kwalifikati fil-qasam tal-ambjent, maħtur mill-Bord ta’ Ġestjoni.

4 – Il-verifika esterna

Il-Qorti tal-Awdituri.

5 – L-awtorità ta’ kwittanza

Il-Parlament, li jaġixxi fuq rakomandazzjoni mill-Kunsill.

Ir-riżorsi disponibbli għall-Aġenzija fl-2010 (2009)

Il-Baġit

EUR 50,6 (39,9) miljun li minnhom huma sussidju tal-Unjoni: 70 % (87 %)

Il-persunal fil-31 ta’ Diċembru 2010

L-għadd ta’ karigi fil-pjan ta’ twaqqif: 133 (133)

Il-karigi okkupati: 125 (121) kif ukoll 76 (56) kariga oħra (persunal kuntrattwali u esperti nazzjonali sekondati).

Il-persunal totali: 201 (177) kariga

Il-prodotti u s-servizzi fl-2010

Matul l-2010, apparti attivitajiet regolari, għaddejjin il-ħin kollu u xogħol speċifiku għall-presidenza Spanjola u għal dik Belġjana, l-Aġenzija poġġiet enfasi addizzjonali fuq ħames oqsma maġġuri li qegħdin jissemmew fil-qosor hawn taħt:

Il-Bijodiversità

—	“Il-valutazzjoni tal-bjiodiversità fl-Ewropa – ir-rapport tal-2010” u s-serje ta’ valutazzjoni tematika qasira “10 messaġġi għall-2010”;

—

F’kollaborazzjoni mal-Kummissjoni Ewropea, l-Aġenzija żviluppat “linja bażi” – punt ta’ tluq għal tqabbil li jirrappreżenta l-istat attwali tal-biodiversità – biex tkejjel it-tendenzi fil-biodiversità, u konsegwentament l-effikaċja tal-politiki. Barra minn hekk, l-informazzjoni eżistenti kollha dwar in-natura u l-biodiversità fl-Ewropa nġiebet flimkien taħt il-portal ta’ informazzjoni Ewropea BISE (Sistema ta’ Informazzjoni dwar il-Biodiversità għall-Ewropa).

Il-Monitoraġġ Globali tal-Ambjent u s-Sigurtà (GMES)

F’Ottubru 2010, il-KE ppubblikat ir-“Regolament dwar il-GMES” tagħha u l-operat inizjali tiegħu’ (għall-perjodu 2011-2013) biex tikkontribwixxi għall-istabbiliment tal-GMES bħala program operattiv sal-2013;

Il-GMES jikkontribwixxi wkoll għall-implimentazzjoni ta’ prinċipji ta’ “Sistemi ta’ informazzjoni Ambjentali Kondiviża” u huwa parti integrali tal-Grupp dwar l-Osservazzjonijiet tad-Dinja.

Daqqa t’Għajn fuq id-Dinja

Wara ż-żieda b’suċċess ta’ Airwatch mal-Waterwatch inizjali tard fl-2009, ix-xogħol fl-2010 iffoka b’mod speċjali fuq l-iżvilupp ta’ verżjoni 3 tal-pjattaforma Eye on Earth (Għajn fuq id-Dinja). Dan sejjer jiffaċilita l-inklużjoni ta’ temi aktar ambjentali, sejjer jippermetti attivitajiet ta’ xjenza taċ-ċittadini f’Eye on Earth, u jipprovdi pjattaforma għall-kondiviżjoni globali tad-data.

L-Istat tar-rapport tal-Ambjent (SOER) 2010

SOER 2010 jinkludi erba’ komponenti ewlenin li jirriflettu l-firxa wiesgħa ta’ ħtiġijiet ta’ informazzjoni ta’ dawk kollha b’interess tagħna:

—	Rapport ta’ Sinteżi — analiżi integrata bbażata fuq il-valutazzjonijiet l-oħrajn u aktar attivitajiet tal-Aġenzija;

—	Il-Parti A: valutazzjoni esploratorja ta’ megatendenzi globali rilevanti għall-ambjent Ewropew;

—	Il-Parti B: 13-il valutazzjoni tematika mifruxa madwar l-Ewropa ta’ temi ambjentali ewlenin;

—	Il-Parti Ċ: valutazzjonijiet tal-ambjent għal 38 pajjiż Ewropew.

L-Aġenzija kompliet ukoll tikkollabora mill-qrib mad-DĠ Ambjent, ESTAT u maċ-Ċentru Konġunt għar-Riċerka fil-“Grupp ta’ Erbgħa” sabiex tarmonizza r-rapportar ambjentali. L-Aġenzija hija fuq quddiem nett fil-ħames oqsma li ġejjin: it-tibdil fil-klima, il-kwalità tal-arja, l-ilma u l-ambjent tal-baħar, il-biodiversità u l-użu tal-art.

Sors: Informazzjoni pprovduta mill-Aġenzija.

TWEĠIBIET TAL-AĠENZIJA

1.	L-Aġenzija ħadet nota tar-rapport tal-Qorti.

15.12.2011

Il-Ġurnal Uffiċjali tal-Unjoni Ewropea

C 366/63

RAPPORT

dwar il-kontijiet annwali tal-Aġenzija Eżekuttiva għall-Edukazzjoni, l-Awdjoviżiv u l-Kultura għas-sena finanzjarja 2010, flimkien mat-tweġibiet tal-Aġenzija

2011/C 366/12

INTRODUZZJONI

L-Aġenzija Eżekuttiva għall-Edukazzjoni, l-Awdjoviżiv u l-Kultura (minn hawn 'il quddiem imsejħa l-“Aġenzija”), li tinsab fi Brussell, ġiet imwaqqfa bid-Deċiżjoni tal-Kummissjoni 2005/56/KE tal-14 ta’ Jannar 2005 (1). L-Aġenzija tmexxi programmi li jiġu deċiżi mill-Kummissjoni fl-oqsma tal-edukazzjoni, l-awdjoviżiv u l-kultura, inkluż it-twettiq tal-implimentazzjoni dettaljata ta’ proġetti tekniċi (2).

2.	Il-baġit amministrattiv tal-Aġenzija għall-2010 ammonta għal EUR 49 miljun, meta mqabbel ma’ EUR 47,7 miljun is-sena ta’ qabel. L-għadd ta’ persunal impjegat mill-Aġenzija fi tmiem is-sena kien 412, meta mqabbel ma’ 414 is-sena ta’ qabel.

ID-DIKJARAZZJONI TA’ ASSIGURAZZJONI

Skont id-dispożizzjonijiet tal-Artikolu 287(1), it-tieni subparagrafu, tat-Trattat dwar il-Funzjonament tal-Unjoni Ewropea, il-Qorti vverifikat il-kontijiet annwali (3) tal-Aġenzija, li jikkonsistu fir-“rendikonti finanzjarji” (4) u fir-“rapporti dwar l-implimentazzjoni tal-baġit” (5) għas-sena finanzjarja li ntemmet fil-31 ta’ Diċembru 2010 u l-legalità u r-regolarità tat-tranżazzjonijiet li fuqhom huma bbażati dawk il-kontijiet.

4.	Din id-Dikjarazzjoni ta’ Assigurazzjoni hija indirizzata lill-Parlament Ewropew u lill-Kunsill, skont l-Artikolu 14 tar-Regolament tal-Kunsill (KE) Nru 58/2003 (6).

Ir-responsabbiltà tad-Direttur

Bħala uffiċjal li jawtorizza, id-Direttur jimplimenta d-dħul u l-infiq tal-baġit skont ir-regoli finanzjarji tal-Aġenzija, taħt ir-responsabbiltà tiegħu u fi ħdan il-limiti tal-approprjazzjonijiet awtorizzati (7). Id-Direttur huwa responsabbli mit-twaqqif (8) tal-istruttura organizzattiva u s-sistemi u l-proċeduri tal-ġestjoni u l-kontroll interni rilevanti biex jiġu ppreparati kontijiet finali (9), li huma ħielsa minn dikjarazzjoni żbaljata materjali, kemm minħabba frodi jew inkella żball, u biex jiżgura li t-tranżazzjonijiet li fuqhom huma bbażati dawk il-kontijiet huma legali u regolari.

Ir-responsabbiltà tal-Qorti

6.	Ir-responsabbiltà tal-Qorti hija li tipprovdi, abbażi tal-verifika tagħha, dikjarazzjoni ta’ assigurazzjoni dwar l-affidabbiltà tal-kontijiet annwali tal-Aġenzija u dwar il-legalità u r-regolarità tat-tranżazzjonijiet li huma bbażati fuqhom.

Il-verifika tal-Qorti tinvolvi t-twettiq ta’ proċeduri sabiex tinkiseb evidenza tal-verifika dwar l-ammonti u l-iżvelar fil-kontijiet u dwar il-legalità u r-regolarità tat-tranżazzjonijiet li huma bbażati fuqhom. Il-proċeduri jintgħażlu skont il-ġudizzju tal-awditur, inkluża l-valutazzjoni tar-riskji ta’ dikjarazzjoni skorretta materjali fir-rapporti finanzjarji, sew jekk minħabba frodi u sew jekk minħabba xi żball. Meta tagħmel dawk l-valutazzjonijiet tar-riskju, il-kontroll intern rilevanti għall-preparazzjoni u l-preżentazzjoni tal-kontijiet tal-entità jiġi kkunsidrat sabiex jitfasslu proċeduri tal-verifika li huma xierqa fiċ-ċirkostanzi. Il-verifika tal-Qorti tinkludi wkoll evalwazzjoni tal-adegwatezza tal-politika tal-kontabilità użata, tar-raġonevolezza tal-estimi tal-kontabilità magħmula mill-maniġment u kif ukoll evalwazzjoni tal-preżentazzjoni tal-kontijiet inġenerali.

9.	Il-Qorti temmen li l-evidenza tal-verifika miksuba hija biżżejjed u xierqa biex tipprovdi bażi għall-opinjonijiet t'hawn taħt.

L-opinjoni dwar l-affidabbiltà tal-kontijiet

10.

L-opinjoni dwar il-legalità u r-regolarità tat-tranżazzjonijiet li fuqhom huma bbażati l-kontijiet

11.	Fl-opinjoni tal-Qorti, it-tranżazzjonijiet li fuqhom huma bbażati l-kontijiet annwali tal-Aġenzija għas-sena finanzjarja li ntemmet fil-31 ta’ Diċembru 2010, fl-aspetti materjali kollha huma legali u regolari.

Dan ir-Rapport ġie adottat mill-Awla IV, immexxija mis-Sur Igors LUDBORŽS, Membru tal-Qorti tal-Awdituri, fil-Lussemburgu fil-laqgħa tagħha tas-6 ta’ Settembru 2011.

Għall-Qorti tal-Awdituri

Vítor Manuel da SILVA CALDEIRA

President

(1) ĠU L 24, 27.1.2005, p. 35.

(2) L-Anness jagħti sommarju tal-kompetenzi u l-attivitajiet tal-Aġenzija. Jiġi ppreżentat għal skopijiet ta’ informazzjoni.

(4) Ir-rendikonti finanzjarji jinkludu l-karta tal-bilanċ u l-kont tar-riżultat ekonomiku, it-tabella tal-likwidità, ir-rendikont tat-tibdil fil-kapital u l-anness għar-rendikonti finanzjarji li jinkludi d-deskrizzjoni tal-politika tal-kontabilità prinċipali u informazzjoni oħra ta’ spjegazzjoni.

(5) Ir-rapporti tal-implimentazzjoni tal-baġit jikkonsistu fil-kont tar-riżultat tal-baġit u fl-anness tiegħu.

(6) ĠU L 11, 16.1.2003, p. 1.

(7) L-Artikolu 25 tar-Regolament tal-Kummissjoni (KE) Nru 1653/2004 (ĠU L 297, 22.9.2004, p. 6).

(8) L-Artikolu 29 tar-Regolament (KE) Nru 1653/2004.

(9) Ir-regoli dwar il-preżentazzjoni tal-kontijiet u tal-kontabilità mill-Aġenziji huma stabbiliti fil-kapitolu 1 tat-Titolu VI tar-Regolament (KE) Nru 1653/2004 kif l-aħħar emendat bir-Regolament (KE) Nru 651/2008 (ĠU L 181, 10.7.2008, p. 15).

(10) Il-Federazzjoni Internazzjonali tal-Kontabilisti (IFAC) u l-Istandards Internazzjonali tal-Istituzzjonijiet Supremi tal-Verifika (ISSAI).

(11) Il-Kontijiet Annwali Finali kienu ppreparati fit-30 ta’ Mejju 2011 u rċevuti mill-Qorti fl-1 ta’ Lulju 2011. Il-Kontijiet Annwali Finali jistgħu jinstabu fil-websajt li ġej http://eca.europa.eu jew www.europa.eu/agencies/executive_agencies/eacea/index_en.htm.

ANNESS

L-Aġenzija Eżekuttiva għall-Edukazzjoni, l-Awdjoviżiv u l-Kultura (Brussell)

Kompetenzi u attivitajiet

L-oqsma ta’ kompetenza tal-Unjoni stipulati fit-Trattat dwar il-Funzjonament tal-Unjoni Ewropea

(L-Artikoli 165(1), 166(1), 167(1) u 173(1) tat-Trattat)

L-Unjoni Ewopea għandha tikkontribwixxi għall-iżvilupp ta’ edukazzjoni ta’ kwalità.

L-Unjoni Ewopea għandha timplimenta politika ta’ formazzjoni vokazzjonali.

L-Unjoni Ewopea għandha tikkontribwixxi għall-fjoritura tal-kulturi tal-Istati Membri.

L-Unjoni Ewopea u l-Istati Membri għandhom jiżguraw li jeżistu l-kondizzjonijiet neċessarji għall-kompetittività tal-industrija tal-Unjoni.

Il-kompetenzi tal-Aġenzija

(Id-Deċiżjoni tal-Kummissjoni 2005/56/KE)

L-Objettivi

Fil-qafas tal-politika edukattiva, kulturali u industrijali, ittieħdu diversi miżuri sabiex jippromovu l-edukazzjoni, it-taħriġ vokazzjonali, l-awdjoviżiv, il-kultura, iż-żgħażagħ u ċ-ċittadinanza attiva fl-Unjoni Ewropea. L-objettivi prinċipali ta’ dawn il-miżuri huma sabiex jirrinforzaw il-koeżjoni soċjali u sabiex jikkontribwixxu lejn il-kompetittività, it-tkabbir ekonomiku u unjoni dejjem akbar bejn il-popli tal-Ewropa.

Dawn il-miżuri jinkludu varjetà ta’ programmi.

L-Aġenzija hija responsabbli mit-tmexxija ta’ ċerti linji ta’ dawn il-programmi (pereżempju “Tagħlim tul il-ħajja”, “Kultura”, “Żgħażagħ fl-Azzjoni”, “L-Ewropa għaċ-Ċittadin”, “il-MEDIA”, “Erasmus Mundus” (inklużi l-“Azzjoni 2”) il-ġdida u “Tempus”]. F’dan ir-rigward, hija timplimenta l-għajnuna tal-Unjoni, minbarra l-evalwazzjoni tal-programm, studji strateġiċi u kull kompitu ieħor li jeħtieġu poteri diskrezzjonali sabiex jispjegaw l-għażliet politiċi.

Il-Kompiti

—	Tmexxi, matul iż-żmien tagħhom, il-proġetti speċifiċi fdati lilha fil-kuntest tal-implimentazzjoni tal-programmi tal-Unjoni.

—	Tadotta l-istrumenti tal-implimentazzjoni tal-baġit għad-dħul u għan-nefqa u sabiex twettaq, fejn il-Kummissjoni tkun tatha l-poter li tagħmel hekk, l-operazzjonijiet neċessarji għat-tmexxija tal-programmi tal-Unjoni u, b’mod partikolari, dawk marbuta mal-assenjazzjoni ta’ għotjiet u kuntratti.

—	Tiġbor, tanalizza u tgħaddi lill-Kummissjoni l-informazzjoni kollha neċessarja sabiex tiggwida l-implimentazzjoni tal-programmi tal-Unjoni.

—	Timplimenta, fil-livell tal-Unjoni, in-netwerk ta’ informazzjoni dwar l-edukazzjoni fl-Ewropa (Eurydice) għall-ġbir, l-analiżi u t-tixrid ta’ informazzjoni u l-produzzjoni ta’ studji u pubblikazzjonijiet.

It-tmexxija

1 – Il-Kumitat Direttiv

Magħmul minn ħames membri maħtura mill-Kummissjoni Ewropea.

Jadotta l-programm ta’ xogħol annwali tal-Aġenzija wara l-approvazzjoni mill-Kummissjoni Ewropea. Barra minn hekk, huwa jadotta l-baġit amministrattiv tal-Aġenzija u r-rapport annwali tal-attività tagħha.

2 – Id-Direttur

Maħtur mill-Kummissjoni Ewropea.

3 – Il-verifika esterna

Il-Qorti tal-Awdituri.

4 – L-awtorità ta’ kwittanza

Il-Parlament, li jaġixxi fuq rakkomandazzjoni mill-Kunsill.

Ir-riżorsi disponibbli għall-Aġenzija fl-2010 (2009)

Il-Baġit

Il-baġit amministrattiv tal-Aġenzija għall-2010 laħaq EUR 49 (48) miljun (100 % ffinanzjati mill-baġit ġenerali tal-Unjoni Ewropea).

L-Aġenzija ġestiet EUR 600 (629) miljun li għandhom x’jaqsmu mal-programmi u mal-proġetti delegati mill-Kummissjoni lill-Aġenzija Eżekuttiva.

Il-persunal fil-31 ta’ Diċembru 2010

Il-persunal temporanju:

102 (99) persunal temporanju fil-pjan ta’ stabbiliment.

Il-karigi okkupati: 97 (91)

Il-persunal kuntrattwali:

330 (327) persunal kuntrattwali,

Il-karigi okkupati:

315 (323)

Il-persunal totali: 412 (414)-il kariga okkupati fil-kompiti li ġejjin:

Operattivi: 339

Amministrattivi: 73

Il-prodotti u s-servizzi fl-2010 (2009)

Il-komunikazzjoni

—	L-organizzazzjoni ta’ 3 ġranet ta’ informazzjoni, l-aġġornament tad-database EVE (1) b’riżultati ta’ proġetti, l-organizzazzjoni ta’ attivitajiet f’koperazzjoni ma’ Direttorati Ġenerali prinċipali (DĠs).

—	L-organizzazzjoni ta’ stħarriġ sodisfaċenti ta’ applikanti u benefiċjarji mill-2007 sal-2010. Analiżi tar-riżultati skont il-programm ġiet konkluża u l-azzjonijiet sussegwenti se jitvaraw fl-2011.

—	Opuskulu ġdid tal-EACEA kien disponibbli fi 3 lingwi (EN, FR, DE).

—	Laqgħat tal-bidu ġew organizzati fi Brussell għal koordinaturi tal-proġett u msieħba.

L-għażliet

—	29 sejħa għal proposti kienu ppubblikati kif ukoll 5 sejħiet għall-offerti.

—	Il-prospettivi informattivi dettaljati korrispondenti ta’ proposti magħżula kienu ppubblikati fis-sit tal-Aġenzija.

—	Il-ġestjoni ta’ 11 000 proposta li waslu.

—	L-għażla ta’ 4 000 proġett u 420 Statut tal-Università Erasmus.

Iż-żjarat ta’ monitoraġġ

—	Iktar minn 400 laqgħa ta’ segwitu ma’ parteċipanti tal-proġett ġew organizzati sabiex jimmonitorjaw l-implimentazzjoni tal-proġett.

Il-miżuri ta’ simplifikazzjoni

—	forom elettroniċi kienu disponibbli għall-biċċa l-kbira tal-azzjonijiet/ linji ta’ żvilupp tal-programmi ta’ Tagħlim tul il-Ħajja, Kultura, Ċittadinanza, Erasmus Mundus u Tempus.

—	Ġie introdott għoti simplifikat ta’ kuntratti (deċiżjonijiet minflok ftehimiet ta’ għoti) għal xi azzjonijiet (MEDIA, eTwinning u Eurydice).

—	Ġie introdott kalkolu bbażat fuq somma sħiħa għal Eurydice u l-kalkolu ġie definit mill-ġdid għaċ-Ċittadinanza.

—	Ġew simplifikati proċessi ta’ rappurtar u baġitjar (L-Istati Uniti/il-Kanada u Tempus).

Il-koperazzjoni mad-DĠs prinċipali

—	L-organizzazzjoni ta’ 4 laqgħat tal-Kumitat Direttiv.

—	Laqgħat perjodiċi ta’ koordinazzjoni dwar il-programmi delegati mad-Diretturi operattivi tad-DĠs prinċipali (4 laqgħat kull sena).

—	Għajnuna lid-DĠs prinċipali fit-tħejjija tal-ġenerazzjoni li jmiss ta’ programmi.

—	L-għoti ta’ informazzjoni dwar l-implimentazzjoni ta’ programmi lill-Kummissjoni fuq talba.

Il-verifiki

—	Ingħalqu 105 verifiki, 118-il verifika ġodda kienu kuntrattwalizzati.

—	Kuntratti u proġetti: 4 556 kuntratt ġew iffirmati, 4 340 proġett ingħalqu.

Sors: Informazzjoni mogħtija mill-Aġenzija.

(1) Pjattaforma elettronika għat-tixrid u l-utilizzazzjoni ta’ riżultati ta’ proġetti appoġġjati minn programmi ġestiti mill-Kummissjoni Ewropea fl-oqsma tal-Edukazzjoni, it-Taħriġ, il-Kultura, iż-Żgħażagħ u ċ-Ċittadinanza.

TWEĠIBIET TAL-AĠENZIJA

1.	L-Aġenzija ħadet nota tar-rapport tal-Qorti.

15.12.2011

Il-Ġurnal Uffiċjali tal-Unjoni Ewropea

C 366/69

RAPPORT

dwar il-kontijiet annwali tal-Aġenzija Eżekuttiva tal-Kunsill Ewropew għar-Riċerka għas-sena finanzjarja 2010, flimkien mat-tweġibiet tal-Aġenzija

2011/C 366/13

INTRODUZZJONI

L-Aġenzija Eżekuttiva tal-Kunsill Ewropew għar-Riċerka (minn hawn ’il quddiem “l-Aġenzija”), li tinsab fi Brussell, ġiet imwaqqfa permezz tad-Deċiżjoni tal-Kummissjoni 2008/37/KE tal-14 ta’ Diċembru 2007 (1). L-Aġenzija twaqqfet għal perjodu li beda fl-1 ta’ Jannar 2008 u li jispiċċa fil-31 ta’ Diċembru 2017 bil-għan li ġġesti l-programm speċifiku ‘Ideat’ fil-qasam tar-riċerka fil-fruntieri (2).

2.	Il-baġit tal-Aġenzija għall-2010 kien EUR 29,3 miljun. L-għadd ta’ persunal impjegat mill-Aġenzija fi tmiem is-sena kien 316.

DIKJARAZZJONI TA’ ASSIGURAZZJONI

4.	Din id-Dikjarazzjoni ta’ Assigurazzjoni hija indirizzata lill-Parlament Ewropew u lill-Kunsill, skont l-Artikolu 14 tar-Regolament tal-Kunsill (KE) Nru 58/2003 (6).

Ir-responsabbiltà tad-Direttur

Bħala uffiċjal li jawtorizza, id-Direttur jimplimenta d-dħul u l-infiq tal-baġit skont ir-regoli finanzjarji tal-Aġenzija li taqa’ taħt ir-responsabbiltà tiegħu u fi ħdan il-limiti tal-approprjazzjonijiet awtorizzati (7). Id-Direttur huwa responsabbli mit-twaqqif (8) tal-istruttura organizzattiva u s-sistemi u l-proċeduri tal-ġestjoni u l-kontroll intern rilevanti biex jiġu ppreparati kontijiet finali (9) li huma ħielsa minn dikjarazzjoni żbaljata materjali, kemm minħabba fi frodi jew inkella żball, u biex jiżgura li t-tranżazzjonijiet li fuqhom huma bbażati dawk il-kontijiet huma legali u regolari.

Ir-responsabbiltà tal-Qorti

6.	Ir-responsabbiltà tal-Qorti hija li tipprovdi, abbażi tal-verifika tagħha, dikjarazzjoni ta’ assigurazzjoni dwar l-affidabbiltà tal-kontijiet annwali tal-Aġenzija u dwar il-legalità u r-regolarità tat-tranżazzjonijiet li huma bbażati fuqhom.

Il-Qorti wettqet il-verifika tagħha skont l-Istandards Internazzjonali tal-Verifika u l-Kodiċi tal-Etika tal-IFAC u tal-ISSAI (10). Dawk l-istandards jitolbu li l-Qorti biex tikkonforma mar-rekwiżiti tal-etika u li tippjana u twettaq il-verifika sabiex tikseb assigurazzjoni raġonevoli dwar jekk il-kontijiet humiex ħielsa minn dikjarazzjoni żbaljata materjali u dwar jekk it-tranżazzjonijiet ta’ bażi humiex legali u regolari.

Il-verifika tal-Qorti tinvolvi t-twettiq ta’ proċeduri sabiex tinkiseb evidenza tal-verifika dwar l-ammonti u l-iżvelar fil-kontijiet u dwar il-legalità u r-regolarità tat-tranżazzjonijiet li huma bbażati fuqhom. Il-proċeduri jintgħażlu skont il-ġudizzju tal-awditur, inkluża l-valutazzjoni tar-riskji ta’ dikjarazzjoni skorretta materjali fir-rapporti finanzjarji, sew jekk minħabba frodi u sew jekk minħabba xi żball. Meta tagħmel dawk il-valutazzjonijiet tar-riskju, il-kontrolli interni rilevanti għall-preparazzjoni u l-preżentazzjoni tal-kontijiet tal-entità jiġu kkunsidrati sabiex jitfasslu proċeduri tal-verifika li huma xierqa fiċ-ċirkostanzi. Il-verifika tal-Qorti tinkludi wkoll evalwazzjoni tal-adegwatezza tal-politika tal-kontabilità użata u tar-raġonevolezza tal-estimi tal-kontabilità magħmula mill-maniġment u kif ukoll evalwazzjoni tal-preżentazzjoni tal-kontijiet inġenerali.

9.	Il-Qorti tqis li l-evidenza tal-verifika miksuba hija biżżejjed u xierqa biex tipprovdi bażi għall-opinjonijiet stipulati hawn taħt.

L-opinjoni dwar l-affidabbiltà tal-kontijiet

10.

L-opinjoni dwar il-legalità u r-regolarità tat-tranżazzjonijiet li fuqhom huma bbażati l-kontijiet

11.	Fl-opinjoni tal-Qorti, it-tranżazzjonijiet li fuqhom huma bbażati l-kontijiet annwali tal-Aġenzija għas-sena finanzjarja li ntemmet fil-31 ta’ Diċembru 2010, fl-aspetti materjali kollha huma legali u regolari.

Dan ir-Rapport ġie adottat mill-Awla IV, immexxija mis-Sur Igors LUDBORŽS, Membru tal-Qorti tal-Awdituri, fil-Lussemburgu fil-laqgħa tagħha tas-6 ta’ Settembru 2011.

Għall-Qorti tal-Awdituri

Vítor Manuel da SILVA CALDEIRA

President

(1) ĠU L 9, 12.1.2008, p. 15.

(2) L-Anness jagħti sommarju tal-kompetenzi u l-attivitajiet tal-Aġenzija. Jiġi ppreżentat għal skopijiet ta’ informazzjoni.

(3) Dawn il-kontijiet huma akkumpanjati minn rapport dwar il-ġestjoni tal-baġit u dik finanzjarja matul is-sena li, fost l-oħrajn, jagħti rendikont tar-rata ta’ implimentazzjoni tal-approprjazzjonijiet, flimkien ma’ informazzjoni fil-qosor dwar it-trasferimenti tal-approprjazzjonijiet fost il-partiti varji tal-baġit.

(4) Ir-rendikonti finanzjarji jinkludu l-karta tal-bilanċ u l-kont tar-riżultat ekonomiku, it-tabella tal-likwidità, ir-rendikont tat-tibdil fil-kapital u l-anness għar-rendikonti finanzjarji, li jinkludi deskrizzjoni tal-politika tal-kontabilità prinċipali u informazzjoni oħra ta’ spjegazzjoni.

(5) Ir-rapporti tal-implimentazzjoni tal-baġit jikkonsistu fil-kont tar-riżultat tal-baġit u fl-anness tiegħu.

(6) ĠU L 11, 16.1.2003, p. 1.

(7) L-Artikolu 25 tar-Regolament tal-Kummissjoni (KE) Nru 1653/2004 (ĠU L 297, 22.9.2004, p. 6).

(8) L-Artikolu 29 tar-Regolament (KE) Nru 1653/2004.

(9) Ir-regoli dwar il-preżentazzjoni tal-kontijiet u tal-kontabilità mill-Aġenziji huma stabbiliti fil-Kapitolu 1 tat-Titolu VI tar-Regolament (KE) Nru 1653/2004 kif l-aħħar emendat bir-Regolament (KE) Nru 651/2008 (ĠU L 181, 10.7.2008, p. 15).

(10) Il-Federazzjoni Internazzjonali tal-Kontabilisti (IFAC) u l-Istandards Internazzjonali tal-Istituzzjonijiet Supremi tal-Verifiki (ISSAI).

(11) Il-Kontijiet Annwali Finali kienu ppreparati fid-29 ta’ Ġunju 2011 u rċevuti mill-Qorti fl-1 ta’ Lulju 2011. Il-Kontijiet Annwali Finali jistgħu jinstabu fuq il-websajt li ġej http://eca.europa.eu jew http://erc.europa.eu/.

ANNESS

Aġenzija Eżekuttiva tal-Kunsill Ewropew għar-Riċerka (Brussell)

Kompetenzi u attivitajiet

L-oqsma ta’ kompetenza tal-Unjoni stipulati fit-Trattat

(L-Artikolu 182 tat-Trattat dwar il-Funzjonament tal-Unjoni Ewropea)

Programm ta’ qafas multiannwali, li jistipula l-attivitajiet kollha tal-Unjoni għandu jiġi adottat mill-Parlament Ewropew u l-Kunsill wara li jikkonsultaw lill-Kumitat Ekonomiku u Soċjali. Il-programm qafas għandu:

—	jistabbilixxi l-għanijiet xjentifiċi u teknologiċi li jridu jinkisbu permezz tal-attivitajiet li hemm previsti fl-Artikolu 180 u jiddetermina l-prijoritajiet rilevanti;

—	jindika l-linji ġenerali ta’ dawk l-attivitajiet;

—	jistabbilixxi l-ammont massimu totali u r-regoli dettaljati applikabbli għall-parteċipazzjoni finanzjarja tal-Komunità fil-programm qafas kif ukoll id-diversi ishma rispettivi f’kull attività prevista.

2.	Il-programm qafas għandu jiġi adattat jew supplimentat skont kif tinbidel is-sitwazzjoni.

Il-programm qafas għandu jiġi implimentat permezz ta’ programmi speċifiċi żviluppati f’kull attività. Kull programm speċifiku għandu jiddefinixxi regoli dettaljati sabiex dan jiġi implimentat, sabiex jiġi stabbilit kemm idum kif ukoll sabiex jiġu provduti l-mezzi li jitqiesu meħtieġa. It-total tal-ammonti li jitqiesu meħtieġa, stabbiliti fil-programmi speċifiċi, ma jistax jeċċedi l-ammont massimu totali stabbilit għall-programm qafas u għal kull attività.

4.	Il-Kunsill li jaġixxi b’maġġoranza kwalifikata fuq proposta mill-Kummissjoni u wara li jikkonsulta lill-Parlament Ewropew u l-Kumitat għall-Affarijiet Ekonomiċi u Soċjali, għandu jadotta l-programmi speċifiċi.

Il-kompetenzi tal-Aġenzija

(Id-Deċiżjoni tal-Kummissjoni 2008/37/KE tal-14 ta’ Diċembru 2007)

L-Objettivi

L-Aġenzija hija responsabbli mit-twettiq tal-implimentazzjoni tal-kompiti għall-ġestjoni tal-Programm Speċifiku Ideat (ara d-Deċiżjoni tal-Kunsill 2006/972/KE) taħt is-Seba’ Programm Qafas jew riċerka tal-Komunità FP7 (2007-2013), kif adottata mid-Deċiżjoni Nru 1982/2006/KE tal-Parlament Ewropew u tal-Kunsill.

Il-Kompiti

Fi ħdan il-Programm Speċifiku Ideat, taħt is-Seba’ Programm ta’ Qafas għar-Riċerka tal-Komunità, l-Aġenzija hija responsabbli mill-kompiti li ġejjin (ara d-Deċiżjoni tal-Kummissjoni C(2008)5694 tat-8 ta’ Ottubru 2008):

tiġbor, tipproċessa u tqassam data, u partikolarment tikkompila, tanalizza u tgħaddi lill-Kummissjoni u lill-Kunsill Xjentifiku l-informazzjoni kollha meħtieġa għal gwida tal-implimentazzjoni tal-programm speċifiku Ideat kif ukoll żvilupp tal-politika fil-qasam tar-riċerka fil-fruntieri, u tgħin lill-Kummissjoni u lill-Kunsill Xjentifiku jistabbilixxu kuntatti ma’ programmi oħra tal-Komunitajiet, l-Istati Membri jew organizzazzjonijiet internazzjonali;

b)	tikkontribwxxi għall-evalwazzjoni li se ssir mill-Kummissjoni tal-impatt tal-programm u għall-monitoraġġ tal-effett attwali tal-miżuri mittieħda;

ċ)

twettaq studji u valutazzjonijiet, partikolarment bħala sostenn tar-rapport annwali tal-Kummissjoni dwar l-operazzjonijiet tal-ERC u l-ilħuq tal-objettivi tal-programm speċifiku Ideat kif ukoll l-evalwazzjoni ta’ nofs it-terminu dwar l-implimentazzjoni tal-programm, u tikkontribwixxi għat-tħejjija u l-implimentazzjoni ta’ azzjoni ta’ segwitu fuq l-evalwazzjonijiet, bil-ħsieb li tgħaddihom lill-Kunsill Xjentifiku u lill-Kummissjoni;

d)	tħejji abbozzi ta’ rakkomandazzjonijiet għall-Kunsill Xjentifiku u għall-Kummissjoni dwar l-implimentazzjoni tal-programm speċifiku Ideat u l-iżvilupp futur tiegħu;

e)	tippjana u timplimenta informazzjoni, komunikazzjoni u azzjonijiet ta’ tixrid;

f)	tieħu sehem f’xogħol ta’ tħejjija dwar deċiżjonijiet tal-Kummissjoni dwar finanzjament speċifiku li għandhom x’jaqsmu mal-programm speċifiku Ideat.

It-Tmexxija

1 – Il-Kumitat ta’ Tmexxija

Magħmul minn ħames membri maħtura mill-Kummissjoni Ewropea. Jadotta l-programm ta’ xogħol annwali tal-Aġenzija wara l-approvazzjoni mill-Kummissjoni Ewropea. Barra minn hekk, huwa jadotta l-baġit amministrattiv tal-Aġenzija u r-rapport tal-attività annwali tagħha.

2 – Il-Kunsill Xjentifiku tal-Kunsill Ewropew għar-Riċerka (KER)

Il-Kunsill Xjentifiku tal-ERC huwa inkarigat permezz tad-Deċiżjoni tal-Kunsill 2007/134/KE li jistabbilixxi strateġija xjentifika ġenerali għall-Programm Speċifiku Ideat, ikollu l-awtorità kollha fuq id-deċiżjonijiet dwar it-tip ta’ riċerka li għandha tkun iffinanzjata skont l-Artikolu 6(6) tad-Deċiżjoni 2006/972/KE u jaġixxi bħala l-garanti tal-kwalità tal-attività minn perspettiva xjentifika. Il-kompiti tiegħu jkopru, partikolarment, l-istabbiliment tal-programm tax-xogħol annwali għall-Programm Speċifiku Ideat, u tal-proċess tar-reviżjoni bejn il-pari, kif ukoll il-monitoraġġ u l-kontroll tal-kwalità tal-implimentazzjoni tal-Programm Speċifiku “Ideat”, mingħajr preġudizzju għar-responsabbiltà tal-Kummissjoni.

3 – Id-Direttur

Maħtur mill-Kummissjoni Ewropea għal erba’ snin.

4 – Il-Verifika esterna

Il-Qorti tal-Awdituri.

5 – L-Awtorità ta’ kwittanza

Il-Parlament Ewropew fuq rakkomandazzjoni tal-Kunsill.

Ir-riżorsi disponibbli għall-Aġenzija fl-2010 (2009)

Il-Baġit

EUR 29,3 miljun

(EUR 14,5 miljun).

L-Għadd ta’ persunal fil-31 ta’ Diċembru 2010

Il-baġit operattiv tal-2010 jipprevedi pjan ta’ stabbiliment ta’ 100 Persunal Temporanju (TS) u baġit għal 215 Persunal b'Kuntratt (CS) u 15-il Espert Nazzjonali Ssekondati (ENS), b'total ta’ 330 persunal, li minnhom 316 kienu okkupati fit-tmiem tal-2010, meta mqabbla ma’ 262 fl-2009):

—	94 persunal temporanju, li minnhom 13-il Persunal Temporanju (TS) ssekondati u 81 Aġenti Temporanji (TS) esterni;

—	218 persunal b'kuntratti;

—

4 ENS.

Allokati lil:

—	Attivitajiet operazzjonali (Dipartimenti Xjentifiċi u tal-Ġestjoni tal-Għotjiet): 68 %;

—	Attivitajiet amministrattivi (dipartimenti oħra): 32 %.

L-attivitajiet u s-servizzi mogħtija fl-2010

Is-sorveljanza tal-ftehimiet tal-għotja mogħtija skont is-sejħiet tal-Programm ta’ Ħidma Ideat tal-2010 u l-2011, għal Għotjiet ta’ Bidu u Għotjiet Avvanzati. Il-programm ta’ ħidma Ideat huwa implimentat permezz tal-pubblikazzjoni tas-sejħiet annwali għal proposti, li hija segwita minn evalwazzjoni (minn esperti esterni), it-tħejjija u l-iffirmar ta’ ftehimiet ta’ għotja u fl-aħħar il-monitoraġġ tal-implimentazzjoni tal-proġetti. Kull sejħa għal proposti tirriżulta f’serje ta’ Ftehimiet ta’ Għotja, b’ċiklu ta’ proġett mistenni ta’ madwar ħames snin. Fi tmiem l-2010 ħames “lottijiet” kienu ġestiti wara t-tlestija ta’ bosta sejħiet. L-ewwel ċiklu tar-rappurtar beda għal Għotjiet ta’ Bidu tal-2007.

L-eżekuzzjoni tas-Sejħiet għal proposti għall-2010 għall-programm ta’ ħidma Ideat. (Għotjiet ta’ Bidu u Għotjiet Avvanzati): 4 882 applikazzjoni għal proposti ntbagħtu fl-2010, li minnhom 2 873 kienu għal Għotjiet ta’ Bidu u 2 009 għal Għotjiet Avvanzati. Minn dawn, total ta’ 4 744 kienu eliġibbli u għalhekk evalwati mill-panels tar-reviżjoni. Total ta’ 665 proposta ntgħażlu għall-proċess ta’ għoti.

3.	Il-ġenerazzjoni u t-tixrid ta’ informazzjoni dwar il-Programm Speċifiku Ideat u l-attivitajiet tal-ERCEA fl-2010.

Is-sostenn lill-Kunsill Xjentifiku tal-ERC: Ħames sessjonijiet plenarji tal-Kunsill Xjentifiku kienu organizzati matul il-perjodu ta’ rapportar. Sabiex tiffaċilita d-diskussjoni tal-istrateġija tal-Kunsill Xjentifiku, l-ERCEA, flimkien mas-Segretarju Ġenerali tal-Kunsill Xjentifiku, wettqet analiżi, li tuża tagħlim li nkiseb mill-ewwel tliet snin tal-eżistenza tal-ERCEA. Laqgħat marbuta mal-erba' Gruppi ta’ Ħidma eżistenti tal-ERC dwar “Relazzjonijiet mal-Industrija”, “Aċċess miftuħ”, “Parteċipazzjoni ta’ Pajjiżi Terzi” u “Bilanċ bejn is-Sessi” kienu organizzati mill-ERCEA. Serje ta’ dokumenti li fihom analiżi u messaġġi prinċipali dwar il-kwistjonijiet speċifiċi ttrattati mill-Gruppi ta’ Ħidma tħejjew mill-ERCEA flimkien mal-membri tal-Gruppi msemmija.

Sors: Informazzjoni mogħtija mill-Agenzija.

IT-TWEĠIBIET TAL-AĠENZIJA

1.	L-Aġenzija ħadet nota tar-rapport tal-Qorti.

15.12.2011

Il-Ġurnal Uffiċjali tal-Unjoni Ewropea

C 366/75

RAPPORT

dwar il-kontijiet annwali tal-Aġenzija Eżekuttiva tan-Netwerk Trans-Ewropew tat-Trasport għas-sena finanzjarja 2010 flimkien mat-tweġibiet tal-Aġenzija

2011/C 366/14

INTRODUZZJONI

L-Aġenzija Eżekuttiva tan-Netwerk Trans-Ewropew tat-Trasport (minn hawn ’il quddiem imsejħa “l-Aġenzija”), li tinsab fi Brussell, kienet imwaqqfa bid-Deċiżjoni tal-Kummissjoni 2007/60/KE tas-26 ta’ Ottubru 2006 (1), emendata bid-Deċiżjoni tal-Kummissjoni 2008/593/KE (2). L-Aġenzija twaqqfet għal perjodu li beda fl-1 ta’ Novembru 2006 u li jispiċċa fil-31 ta’ Diċembru 2015 għall-ġestjoni ta’ azzjonijiet tal-UE fil-qasam tan-Netwerk Trans-Ewropew tat-Trasport (3). L-Aġenzija kisbet l-indipendenza finanzjarja tagħha fil-15 ta’ April 2008.

2.	Il-baġit tal-Aġenzija għall-2010 kien EUR 9,8 miljun. L-għadd ta’ persunal impjegat mill-Aġenzija fi tmiem is-sena kien 93.

ID-DIKJARAZZJONI TA’ ASSIGURAZZJONI

Skont id-dispożizzjonijiet tal-Artikolu 287(1), it-tieni subparagrafu tat-Trattat dwar il-Funzjonament tal-Unjoni Ewropea, il-Qorti vverifikat il-kontijiet annwali (4) tal-Aġenzija, li jikkonsistu fir-“rendikonti finanzjarji” (5) u fir-“rapporti dwar l-implimentazzjoni tal-baġit” (6) għas-sena finanzjarja li ntemmet fil-31 ta’ Diċembru 2010 u l-legalità u r-regolarità tat-tranżazzjonijiet li fuqhom huma bbażati dawk il-kontijiet.

4.	Din id-Dikjarazzjoni ta’ Assigurazzjoni hija indirizzata lill-Parlament Ewropew u lill-Kunsill skont l-Artikolu 14 tar-Regolament tal-Kunsill (KE) Nru 58/2003 (7).

Ir-responsabbiltà tad-Direttur

Bħala uffiċjal li jawtorizza, id-Direttur jimplimenta d-dħul u l-infiq tal-baġit skont ir-regoli finanzjarji tal-Aġenzija li taqa’ taħt ir-responsabbiltà tiegħu u fi ħdan il-limiti tal-approprjazzjonijiet awtorizzati (8). Id-Direttur huwa responsabbli mit-twaqqif (9) tal-istruttura organizzattiva u s-sistemi u l-proċeduri tal-ġestjoni u l-kontroll intern rilevanti biex jiġu ppreparati kontijiet finali (10) li huma ħielsa minn dikjarazzjoni żbaljata materjali, kemm jekk minħabba frodi jew inkella żball, u biex jiżgura li t-tranżazzjonijiet li fuqhom huma bbażati dawk il-kontijiet huma legali u regolari.

Ir-responsabbiltà tal-Qorti

6.	Ir-responsabbiltà tal-Qorti hija li tipprovdi, abbażi tal-verifika tagħha, dikjarazzjoni ta’ assigurazzjoni dwar l-affidabbiltà tal-kontijiet annwali tal-Aġenzija u dwar il-legalità u r-regolarità tat-tranżazzjonijiet li huma bbażati fuqhom.

Il-Qorti wettqet il-verifika tagħha skont l-Istandards Internazzjonali tal-Verifika u l-Kodiċi tal-Etika tal-IFAC u tal-ISSAI (11). Dawk l-istandards jitolbu li l-Qorti tikkonforma mar-rekwiżiti tal-etika u li tippjana u twettaq il-verifika biex tikseb assigurazzjoni raġonevoli dwar jekk il-kontijiet humiex ħielsa minn dikjarazzjoni żbaljata materjali u jekk it-tranżazzjonijiet ta’ bażi humiex legali u regolari.

Il-verifika tal-Qorti tinvolvi t-twettiq ta’ proċeduri sabiex tinkiseb evidenza tal-verifika dwar l-ammonti u l-iżvelar fil-kontijiet u dwar il-legalità u r-regolarità tat-tranżazzjonijiet li huma bbażati fuqhom. Il-proċeduri jintgħażlu skont il-ġudizzju tal-awditur, inkluża l-valutazzjoni tar-riskji ta’ dikjarazzjoni skorretta materjali fir-rapporti finanzjarji, sew jekk minħabba frodi u sew jekk minħabba xi żball. Meta tagħmel dawk il-valutazzjonijiet tar-riskju, il-kontroll intern rilevanti għall-preparazzjoni u l-preżentazzjoni tal-kontijiet tal-entità jiġi kkunsidrat sabiex jitfasslu proċeduri tal-verifika li huma xierqa fiċ-ċirkostanzi. Il-verifika tal-Qorti tinkludi wkoll evalwazzjoni tal-adegwatezza tal-politika tal-kontabilità użata u tar-raġonevolezza tal-estimi tal-kontabilità magħmula mill-maniġment u kif ukoll evalwazzjoni tal-preżentazzjoni tal-kontijiet inġenerali.

9.	Il-Qorti tqis li l-evidenza tal-verifika miksuba hija biżżejjed u xierqa biex tipprovdi bażi għall-opinjonijiet t’hawn taħt.

L-opinjoni dwar l-affidabbiltà tal-kontijiet

10.

Fl-opinjoni tal-Qorti, il-Kontijiet Annwali tal-Aġenzija (12) jippreżentaw b’mod ġust, fl-aspetti materjali kollha, il-pożizzjoni finanzjarja tagħha fil-31 ta’ Diċembru 2010 u r-riżultati tal-operazzjonijiet tagħha u tal-likwidità tagħha għall-perjodu li ntemm, skont id-dispożizzjonijiet tar-Regolament Finanzjarju tagħha.

L-opinjoni dwar il-legalità u r-regolarità tat-tranżazzjonijiet li fuqhom huma bbażati l-kontijiet

11.	Fl-opinjoni tal-Qorti, it-tranżazzjonijiet li fuqhom huma bbażati l-kontijiet annwali tal-Aġenzija għas-sena finanzjarja li ntemmet fil-31 ta’ Diċembru 2010, fl-aspetti materjali kollha huma legali u regolari.

12.	Il-kummenti li ġejjin ma jixħtux dubju fuq l-opinjonijiet tal-Qorti.

KUMMENTI DWAR IL-ĠESTJONI TAL-BAĠIT U DIK FINANZJARJA

13.	Approprjazzjonijiet imressqa ’l quddiem sal-31 ta’ Diċembru 2010 ammontaw għal EUR 1,4 miljun jew 14,5 % tal-impenji totali għas-sena, li jindikaw il-ħtieġa għal applikazzjoni aktar stretta mill-Aġenzija tal-prinċipju baġitarju tal-annwalità.

Dan ir-rapport ġie adottat mill-Awla II, immexxija mis-Sur Harald NOACK, Membru tal-Qorti tal-Awdituri, fil-Lussemburgu waqt il-laqgħa tagħha tat-12 ta’ Ottubru 2011.

Għall-Qorti tal-Awdituri

Vítor Manuel da SILVA CALDEIRA

President

(1) ĠU L 32, 6.2.2007, p. 88.

(2) ĠU L 190, 18.7.2008, p. 35.

(3) L-Anness jagħti sommarju tal-kompetenzi u l-attivitajiet tal-Aġenzija. Jiġi ppreżentat għal skopijiet ta’ informazzjoni.

(4) Dawn il-kontijiet huma akkumpanjati minn rapport dwar il-ġestjoni tal-baġit u dik finanzjarja matul is-sena li, fost l-oħrajn, jagħti rendikont tar-rata ta’ implimentazzjoni tal-approprjazzjonijiet flimkien ma’ informazzjoni fil-qosor dwar it-trasferimenti ta’ approprjazzjonijiet fost il-partiti varji tal-baġit.

(6) Ir-rapporti tal-implimentazzjoni tal-baġit jikkonsistu fil-kont tar-riżultat tal-baġit u fl-anness tiegħu.

(7) ĠU L 11, 16.1.2003, p. 1.

(8) L-Artikolu 25 tar-Regolament tal-Kummissjoni (KE) Nru 1653/2004 (ĠU L 297, 22.9.2004, p. 6).

(9) L-Artikolu 29 tar-Regolament (KE) Nru 1653/2004.

(10) Ir-regoli dwar il-preżentazzjoni tal-kontijiet u tal-kontabilità mill-Aġenziji huma stabbiliti fil-Kapitolu 1 tat-Titolu VI tar-Regolament (KE) Nru 1653/2004 kif l-aħħar emendat bir-Regolament (KE) Nru 651/2008 (ĠU L 181, 10.7.2008, p. 15).

(11) Il-Federazzjoni Internazzjonali tal-Kontabilisti (IFAC) u l-Istandards Internazzjonali tal-Istituzzjonijiet Supremi tal-Verifika (ISSAI).

(12) Il-Kontijiet Annwali Finali kienu ppreparati fil-15 ta’ Ġunju 2011 u rċevuti mill-Qorti fis-7 ta’ Lulju 2011. Il-Kontijiet Annwali Finali jistgħu jinstabu fuq il-websajt li ġej http://tentea.ec.europa.eu/en/about_us/mission__introduction/key_documents.htm.

ANNESS

Aġenzija Eżekuttiva tan-Netwerk Trans-Ewropew tat-Trasport (Brussell)

Kompetenzi u attivitajiet

L-oqsma ta’ kompetenza tal-Unjoni stipulati fit-Trattat

Sabiex jinkisbu l-għanijiet imsemmija fl-Artikoli 26 u 174 u sabiex iċ-ċittadini tal-Unjoni, l-operaturi ekonomiċi u l-komunitajiet reġjonali u lokali jkunu jistgħu jgawdu mill-benefiċċji tal-istabbiliment ta’ żona mingħajr fruntieri interni, l-Unjoni għandha tagħti l-kontribut tagħha sabiex jiġu stabbiliti u jiġu żviluppati networks trans-Ewropej fl-oqsma tal-infrastrutturi tat-trasport, telekomunikazzjonijiet u enerġija.

Fil-qafas ta’ sistema ta’ swieq miftuħa u kompetittivi, l-azzjoni mill-Unjoni għandha tfittex li tiffaċilita l-interkonnessjoni u l-interoperabilità ta’ networks nazzjonali kif ukoll l-aċċess għal dawk in-networks. Għandha tqis b’mod partikolari l-ħtieġa li jingħaqdu l-gżejjer u r-reġjuni kemm dawk maqtugħa mill-baħar kif ukoll dawk periferiċi mar-reġjuni ċentrali tal-Unjoni.

(L-Artikolu 170 TFUE)

Sabiex jinkisbu l-għanijiet imsemmija fl-Artikolu 170, l-Unjoni:

—	għandha tistabbilixxi sensiela ta’ linji gwida dwar il-miri, prijoritajiet u l-linji ġenerali tal-miżuri kontemplati fl-isfera tan-networks trans-Ewropej; dawn il-linji gwida għandhom jidentifikaw proġetti ta’ interess komuni,

—	għandha timplementa kull miżura li titqies neċessarja sabiex tiżgura l-interoperabbiltà tan-networks, b’mod partikolari fil qasam tal-istandardizzazzjoni teknika,

—

jista' [tista’] jappoġġa [tappoġġa] proġetti ta’ interess komuni li jkunu mogħtija sostenn mill-Istati Membri, li huma identifikati fil-qafas tal-linji ta’ gwida msemmija fl-ewwel inċiż, partikolarment permezz ta’ studji ta’ possibilità, garanziji għal self jew sussidji fuq ir-rati tal-interessi; l-Unjoni tista’ wkoll tikkontribwixxi, permezz tal-Fond ta’ Koeżjoni stabbilit skont l-Artikolu 177, sabiex jiġu finanzjati proġetti speċifiċi fl-Istati Membri fil-qasam tal-infrastruttura tat-trasport.

L-attivitajiet tal-Unjoni għandhom jagħtu konsiderazzjoni meħtieġa lill-validità ekonomika potenzjali tal-proġetti.

L-Istati Membri għandhom, flimkien mal-Kummissjoni, jikkoordinaw bejniethom il-linji politiċi nazzjonali li jista’ jkollhom impatt konsiderevoli fuq il-kisba tal-għanijiet imsemmija fl-Artikolu 170. Il-Kummissjoni tista', b’ħidma mill-qrib mal-Istati Membri, tieħu kull inizjattiva utli sabiex tippromwovi dik il-koordinazzjoni.

3.	L-Unjoni tista’ tiddeċiedi li tikkopera ma’ pajjiżi terzi sabiex tippromwovi proġetti ta’ interess reċiproku u sabiex tiżgura l-interoperabilità ta’ networks.

(L-Artikolu 171 TFUE)

Il-kompetenzi tal-Aġenzija

L-Objettivi

It-TEN-T EA) hija responsabbli mit-tmexxija tal-implimentazzjoni teknika u finanzjarja tal-Programm TEN-T tal-Kummissjoni. Ir-rwol tagħha huwa li ttejjeb l-effettività tal-implimentazzjoni tat-TEN-T bi spiża inqas; li ssaħħaħ ir-rabtiet bejn it-TEN-T u l-komunitajiet tal-esperti; li timmobilizza livell għoli ta’ għarfien u tiffaċilita aktar ir-reklutaġġ ta’ persunal speċjalizzat; li tiżgura koordinazzjoni aħjar tal-fondi ma’ strumenti oħra Komunitarji; tippermetti s-simplifikazzjoni u l-flessibilità tal-implimentazzjoni tat-TEN-T; li tgħolli l-profil tal-azzjoni Komunitarja fil-qasam tat-TEN-T; u b’mod ġenerali żżid mal-valur tat-tmexxija tal-Programm TEN-T.

Il-Kompiti

(a)	tiżgura t-tmexxija teknika u finanzjarja ta’ proġetti u avvenimenti li huma kofinanzjati mill-baġit tat-TEN-T;

(b)	tiġbor, tanalizza u tgħaddi lill-Kummissjoni l-informazzjoni kollha meħtieġa għall-implimentazzjoni u l-ipprogrammar tat-TEN-T;

(c)	tagħti sostenn tekniku lill-promoturi tal-proġetti u lill-istituzzjoni finanzjarja responsabbli għall-ġestjoni tal-istrument ta’ garanzija tas-self għall-proġetti tat-TEN-T;

(d)	tagħti kwalunkwe sostenn tekniku u amministrattiv mitlub mill-Kummissjoni.

Id-DĠ MOVE, li hija taqa’ taħtu, ikompli jindirizza l-kompiti kollha ta’ tfassil tal-politika u istituzzjonali marbuta mat-TEN-T.

It-tmexxija

1 – Il-Kumitat Direttiv

L-attivitajiet tal-Aġenzija huma ssorveljati minn Kumitat Direttiv li bħalissa huwa magħmul minn ħames membri u osservatur wieħed. Il-membri tal-Kumitat Direttiv huma maħtura għal sentejn. Fi prinċipju l-Kumitat Direttiv jiltaqa’ erba’ darbiet fis-sena. Ċerti miżuri jew deċiżjonijiet jeħtieġu l-approvazzjoni tiegħu qabel ma jistgħu jiġu implimentati. Dan japplika pereżempju għall-baġit amministrattiv, il-pjan ta’ stabbiliment, il-Programm ta’ Xogħol, ir-Rapport ta’ Attività Annwali, il-kontijiet provviżorji tad-dħul u l-infiq kollu, ir-rapport ta’ evalwazzjoni esterna u l-adozzjoni ta’ bosta regoli u miżuri speċjali eċċ. Il-kumitat jinżamm infurmat fuq għadd ta’ azzjonijiet oħra. F’każijiet eċċezzjonali u urġenti, id-deċiżjonijiet jittieħdu permezz ta’ proċedura bil-miktub.

2 – Id-Direttur

Maħtur mill-Kummissjoni Ewropea għal ħames snin.

3 – Il-verifika interna

Is-Servizz ta’ Verifika Interna tal-Kummissjoni Ewropea u l-Kapaċità tal-Verifika Interna tal-Aġenzija.

4 – Il-verifika esterna

Il-Qorti Ewropea tal-Awdituri.

5 – L-Awtorità ta’ Kwittanza

Il-Parlament jaġixxi fuq rakkomandazzjoni tal-Kunsill.

Ir-riżorsi disponibbli għall-Aġenzija fl-2010 (2009)

Il-Baġit

A)	EUR 8,0 biljun (100 % baġit ġenerali tal-Unjoni Ewropea) għall-baġit tat-TEN-T marbut mal-Perspettiva Finanzjarja 2007 – 2013. L-Aġenzija timplimenta l-baġit operazzjonali taħt ir-responsabbiltà tal-Kummissjoni:

B)	EUR 9,79 miljun (100 % sussidju tal-UE) għall-baġit amministrattiv li għalih l-Aġenzija hija awtonoma.

Il-persunal fil-31 ta’ Diċembru 2010

Karigi TA: 33 kariga elenkati fil-pjan ta’ stabbiliment, li minnhom 31 (94 %) kienu okkupati.

Persunal kuntrattwali: 66 kariga ppjanati, li minnhom 62 (94 %) kienu okkupati.

tal-persunal Total: 99 (93 okkupati)

Allokati lil

a)	Kompiti operazzjonali: 65 (61 okkupati)

b)	Kompiti amministrattivi: 34 (32 okkupati)

Il-prodotti u s-servizzi 2010

L-Aġenzija identifikat erba’ objettivi speċifiċi għal attivitajiet operattivi għall-2010 li kienu marbuta mal-prijoritajiet stabbiliti mid-DĠ MOVE.

L-ewwel wieħed kien li tagħti appoġġ għat-tlestija tal-infrastruttura TEN-T bil-ġestjoni effettiva u effiċjenti teknika u finanzjarja tal-Programm TEN-T u l-proġetti, billi jiġi enfasizzat il-valur miżjud u l-għarfien tal-Aġenzija. It-tieni wieħed kien li tagħti appoġġ partikolarment għall-użu ta’ infrastruttura Intelliġenti ta’ Trasport madwar it-TEN-T kollu. It-tielet kien li tagħti appoġġ lid-DĠ MOVE fil-kuntest tar-reviżjoni tal-politika TEN-T u l-analiżi tal-programm f’nofs it-term, b’mod partikolari bit-twettiq ta’ evalwazzjoni tal-implimentazzjoni tal-proġetti. Ir-raba’ wieħed kien għarfien miżjud dwar il-Programm TEN-T, l-Aġenzija u l-kisbiet tagħha, u appoġġ imtejjeb lill-imsieħba tagħha, l-aktar fuq kwistjonijiet relatati mal-iffinanzjar ta’ proġetti u Sħubiji Pubbliċi-Privati.

L-Aġenzija stabbiliet ukoll żewġ objettivi speċifiċi għall-attivitajiet orizzonatali tagħha: wieħed kien effiċjenza miżjuda tal-ħidmiet tal-Aġenzija bit-tħaffif tal-metodi ta’ ħidma tagħha, l-organizzazzjoni interna, il-ġestjoni tal-istruttura u tal-persunal, u l-iżvilupp ta’ għodda ġodda (IT u għodda ra’ rappurtar) għat-titjib tal-ġestjoni taċ-ċiklu tal-ħajja ta’ proġett u għal analiżi tal-istatistika, tar-rappurtar u għal għanijiet ta’ monitoraġġ. L-ieħor kien għal aktar żieda fl-effiċjenza tas-sistema ta’ kontroll intern sabiex tkun tista' tingħata assigurazzjoni raġonevoli li r-riżorsi assenjati lill-attivitajiet huma użati skont il-prinċipji ta’ ġestjoni finanzjarja tajba u li l-proċeduri ta’ kontroll fis-seħħ jagħtu l-garanziji neċessarji li jikkonċernaw il-legalità u r-regolarità tat-tranżazzjonijiet ta’ bażi.

L-2010 kienet it-tieni sena kompleta ta’ tħaddim ta’ TEN-T EA. L-isfidi ewlenin għas-sena kienu biex isir kontribut attiv lill-oqsma ta’ prijorità ta’ ħidma identifikati fid-DĠ li taqa’ taħtu l-Aġenzija, it-tkomplija u t-titjib tal-ġestjoni teknika u finanzjarja tal-proġetti TEN-T għall-modi kollha ta’ trasport, u biex turi bis-sħiħ il-valur miżjud tal-aġenzija eżekuttiva fil-kontribut għall-implimentazzjoni effettiva tal-Programm.

Sors: Informazzjoni provduta mill-Aġenzija Eżekuttiva tan-Netwerk Trans-Ewropew tat-Trasport.

IT-TWEĠIBIET TAL-AĠENZIJA

13.

L-approprazzjonijiet ta’ EUR 1,4 miljun immexxijin ’il quddiem jirrigwardaw l-iżjed is-servizzi fornuti fl-2010 li sal-aħħar tas-sena baqgħet ma waslet l-ebda rċevuta tagħhom. L-akbar ammonti huma konnessi ma’ Ftehimiet dwar il-Livell tas-Servizz (SLAs) li saru ma’ servizzi tal-Kummissjoni u mal-ġarr lejn il-bini l-ġdid f’Novembru 2010. L-Aġenzija ħadet passi ulterjuri biex tkompli ttejjeb il-prestazzjoni baġitarja tagħha, fosthom ippjanar aħjar u l-introduzzjoni ta’ pagamenti intermedi għall-SLAs li għandhom inaqqsu l-ammonti mmexxija ’l quddiem.

15.12.2011

Il-Ġurnal Uffiċjali tal-Unjoni Ewropea

C 366/81

RAPPORT

dwar il-kontijiet annwali tal-Aġenzija Eżekuttiva għall-Kompetittività u l-Innovazzjoni għas-sena finanzjarja 2010, flimkien mat-tweġibiet tal-Aġenzija

2011/C 366/15

INTRODUZZJONI

L-Aġenzija Eżekuttiva għall-Kompetittività u l-Innovazzjoni (minn hawn 'il quddiem imsejħa “l-Aġenzija”), li tinsab fi Brussell, hija dik li qabel kienet l-Aġenzija Eżekuttiva għall-Enerġija Intelliġenti (IEEA). Il-mandat tagħha u t-tul ta’ żmien tagħha ġew mibdula wara d-Deċiżjoni tal-Kummissjoni 2007/372/KE tal-31 ta’ Mejju 2007 (1) li temenda d-Deċiżjoni 2004/20/KE tat-23 ta’ Diċembru 2003 (2). L-Aġenzija kienet stabbilita għal perjodu ta’ żmien limitat li beda fl-1 ta’ Jannar 2004 u li issa se jintemm fil-31 ta’ Diċembru 2015 bil-għan li tmexxi azzjonijiet tal-Unjoni fil-qasam tal-enerġija, l-intraprenditorjat u l-innovazzjoni, u t-trasport sostenibbli tal-merkanzija (3).

2.	Il-baġit tal-Aġenzija għall-2010 kien EUR 15,9 miljun. L-għadd ta’ persunal impjegat mill-Aġenzija fi tmiem is-sena kien 142.

DIKJARAZZJONI TA’ ASSIGURAZZJONI

Skont id-dispożizzjonijiet tal-Artikolu 287(1), it-tieni subparagrafu tat-Trattat dwar il-Funzjonament tal-Unjoni Ewropea, il-Qorti vverifikat il-kontijiet annwali (4) tal-Aġenzija, li jikkonsistu fir-“rendikonti finanzjarji” (5) u fir-“rapporti dwar l-implimentazzjoni tal-baġit” (6) għas-sena finanzjarja li ntemmet fil-31 ta’ Diċembru 2010 u l-legalità u r-regolarità tat-tranżazzjonijiet li fuqhom huma bbażati dawk il-kontijiet.

4.	Din id-Dikjarazzjoni ta’ Assigurazzjoni hija indirizzata lill-Parlament Ewropew u lill-Kunsill skont l-Artikolu 14 tar-Regolament tal-Kunsill (KE) Nru 58/2003 (7).

Ir-responsabbiltà tad-Direttur

Bħala uffiċjal li jawtorizza, id-Direttur jimplimenta d-dħul u l-infiq tal-baġit skont ir-regoli finanzjarji tal-Aġenzija li taqa' taħt ir-responsabbiltà tiegħu u fi ħdan il-limiti tal-approprjazzjonijiet awtorizzati (8). Id-Direttur huwa responsabbli mit-twaqqif (9) tal-istruttura organizzattiva u s-sistemi u l-proċeduri tal-ġestjoni u l-kontroll intern rilevanti biex jiġu ppreparati kontijiet finali (10) li huma ħielsa minn dikjarazzjoni żbaljata materjali, kemm minħabba fi frodi jew inkella żball, u biex jiżgura li t-tranżazzjonijiet li fuqhom huma bbażati dawk il-kontijiet huma legali u regolari.

Ir-responsabbiltà tal-Qorti

6.	Ir-responsabbiltà tal-Qorti hija li tipprovdi, abbażi tal-verifika tagħha, dikjarazzjoni ta’ assigurazzjoni dwar l-affidabbiltà tal-kontijiet annwali tal-Aġenzija u dwar il-legalità u r-regolarità tat-tranżazzjonijiet li huma bbażati fuqhom.

Il-verifika tal-Qorti tinvolvi t-twettiq ta’ proċeduri sabiex tinkiseb evidenza tal-verifika dwar l-ammonti u l-iżvelar fil-kontijiet u dwar il-legalità u r-regolarità tat-tranżazzjonijiet li huma bbażati fuqhom. Il-proċeduri jintgħażlu skont il-ġudizzju tal-awditur, inkluża l-valutazzjoni tar-riskji ta’ dikjarazzjoni skorretta materjali fir-rapporti finanzjarji, sew jekk minħabba frodi u sew jekk minħabba xi żball. Meta tagħmel dawk il-valutazzjonijiet tar-riskju, il-kontroll intern rilevanti għall-preparazzjoni u l-preżentazzjoni tal-kontijiet tal-entità jiġi kkunsidrat sabiex jitfasslu proċeduri tal-verifika li huma xierqa fiċ-ċirkostanzi. Il-verifika tal-Qorti tinkludi wkoll evalwazzjoni tal-adegwatezza tal-politika tal-kontabilità użata u tar-raġonevolezza tal-estimi tal-kontabilità magħmula mill-maniġment u kif ukoll evalwazzjoni tal-preżentazzjoni tal-kontijiet inġenerali.

9.	Il-Qorti tqis li l-evidenza tal-verifika miksuba hija biżżejjed u xierqa biex tipprovdi bażi għall-opinjonijiet t'hawn taħt.

L-opinjoni dwar l-affidabbiltà tal-kontijiet

10.

Fl-opinjoni tal-Qorti, il-Kontijiet Annwali tal-Aġenzija (12) jippreżentaw b'mod ġust, fl-aspetti materjali kollha, il-pożizzjoni finanzjarja tagħha fil-31 ta’ Diċembru 2010 u r-riżultati tal-operazzjonijiet tagħha u tal-likwidità tagħha għas-sena li ntemmet, skont id-dispożizzjonijiet tar-Regolament Finanzjarju tagħha.

L-opinjoni dwar il-legalità u r-regolarità tat-tranżazzjonijiet li fuqhom huma bbażati l-kontijiet

11.	Fl-opinjoni tal-Qorti, it-tranżazzjonijiet li fuqhom huma bbażati l-kontijiet annwali tal-Aġenzija għas-sena finanzjarja li ntemmet fil-31 ta’ Diċembru 2010, fl-aspetti materjali kollha huma legali u regolari.

12.	Il-kummenti li ġejjin ma jixħtux f'dubju l-opinjonijiet tal-Qorti.

KUMMENTI DWAR IL-ĠESTJONI TAL-BAĠIT U DIK FINANZJARJA

13.

Il-baġit inizjali ta’ EUR 15,9 miljun kien jinkludi EUR 10,7 miljun għall-ispejjeż tal-persunal. Il-baġit kien stmat aktar minħabba li n-nefqa attwali tal-persunal kienet biss EUR 9,2 miljun. Il-fondi żejda kienu trasferiti għan-nefqa operattiva u użati fuq xogħlijiet ta’ adattament għall-istabbilimenti l-ġodda tal-Aġenzija. Madankollu, il-Qorti għamlet rimarki simili għall-baġits tal-2008 u l-2009 (13) u ttenni li dan jindika l-ħtieġa għal approċċ aktar strett meta jkunu qed jiġu previsti l-ħtiġijiet tal-persunal.

14.	L-approprjazzjonijiet miġjuba 'l quddiem fil-31 ta’ Diċembru 2010 ammontaw għal EUR 2 miljun jew 13 % tal-impenji totali għal dik is-sena, li jindikaw il-ħtieġa għal applikazzjoni aktar rigoruża mill-Aġenzija tal-prinċipju baġitarju ta’ annwalità.

Dan ir-Rapport ġie adottat mill-Awla II, immexxija mis-Sur Harald NOACK, Membru tal-Qorti tal-Awdituri, fil-Lussemburgu fil-laqgħa tagħha tat-12 ta’ Ottubru 2011.

Għall-Qorti tal-Awdituri

Vítor Manuel da SILVA CALDEIRA

President

(1) ĠU L 140, 1.6.2007, p. 52.

(2) ĠU L 5, 9.1.2004, p. 85.

(3) L-Anness jagħti sommarju tal-kompetenzi u l-attivitajiet tal-Awtorità. Huwa ppreżentat għal skopijiet ta’ informazzjoni.

(6) Ir-rapporti tal-implimentazzjoni tal-baġit jikkonsistu fil-kont tar-riżultat tal-baġit u fl-anness tiegħu.

(7) ĠU L 11, 16.1.2003, p. 1.

(8) L-Artikolu 25 tar-Regolament tal-Kummissjoni (KE) Nru 1653/2004 (ĠU L 297, 22.9.2004, p. 6).

(9) L-Artikolu 29 tar-Regolament (KE) Nru 1653/2004.

(10) Ir-regoli dwar il-preżentazzjoni tal-kontijiet u tal-kontabilità mill-Aġenziji huma stabbiliti fil-Kapitolu 1 tat-Titolu VI tar-Regolament (KE) Nru 1653/2004 kif emendat l-aħħar bir-Regolament (KE) Nru 651/2008 (ĠU L 181, 10.7.2008, p. 15).

(11) Il-Federazzjoni Internazzjonali tal-Kontabilisti (IFAC) u l-Istandards Internazzjonali tal-Istituzzjonijiet Supremi tal-Verifika (ISSAI).

(12) Il-Kontijiet Annwali Finali kienu ppreparati fit-28 ta’ Ġunju 2011 u rċevuti mill-Qorti fis-7 ta’ Settembru 2011. Il-Kontijiet Annwali Finali jistgħu jinstabu fuq il-websajt li ġej http://ec.europa.eu/eaci/index_mt.htm.

(13) Ara l-paragrafu 13 tar-Rapport Annwali għall-2008 (ĠU C 304, 15.12.2009, p. 77) u l-paragrafu 13 tar-Rapport dwar il-kontijiet annwali għall-2009 (ĠU C 338, 14.12.2010, p. 83).

ANNESS

L-Aġenzija Eżekuttiva għall-Kompetittività u l-Innovazzjoni (Brussell)

Kompetenzi u attivitajiet

L-oqsma ta’ kompetenza tal-Unjoni stipulati fit-Trattat dwar il-Funzjonament tal-Unjoni Ewropea (TFUE)

Il-politika tal-Unjoni dwar l-ambjent għandha tikkontribwixxi sabiex jinkisbu l-għanijiet ta’ preżervazzjoni, għall-ħarsien u għat-titjib tal-kwalità tal-ambjent, għall-ħarsien ta’ saħħet il-bniedem, għall-użu prudenti u razzjonali ta’ riżorsi naturali, għall-promozzjoni ta’ miżuri fuq livell internazzjonali biex problemi reġjonali jew dinjija jkunu ttrattati, u b'mod partikolari l-ġlieda kontra t-tibdil fil-klima.

(L-Artikolu 191 tat-TFUE)

Il-politika tal-Unjoni dwar l-industrija għandha tiżgura li l-kundizzjonijiet neċessarji għall-kompetittività tal-industrija tal-Unjoni jeżistu billi tħaffef l-adattament tal-industrija għal bidliet strutturali, tinkoraġġixxi ambjent favorevoli għall-inizjattiva u għall-iżvilupp ta’ u koperazzjoni bejn l-impriżi, trawwem l-isfruttament aħjar tal-potenzjal industrijali tal- politika ta’ innovazzjoni, riċerka u żvilupp teknoloġiku. L-Istati Membri għandhom jikkonsultaw ma’ xulxin, b'konnessjoni mal-Kummissjoni u, fejn meħtieġ, għandhom jikkoordinaw l-azzjoni tagħhom. Il-Kummissjoni tista' tieħu kull inizjattiva utli sabiex tippromwovi din il-koordinazzjoni.

(L-Artikolu 173 tat-TFUE)

Il-politika tat-trasport komuni għandha tistabbilixxi regoli komuni li japplikaw għat-trasport internazzjonali lejn jew mit-territorju ta’ Stat Membru jew li jaqsam it-territorju ta’ Stat Membru wieħed jew aktar. Hija għandha tistabbilixxi wkoll il-kundizzjonijiet li jirregolaw il-mod li bih it-trasportaturi mhux residenti jistgħu joperaw servizzi ta’ trasport f'xi Stat Membru, u tistabbilixxi miżuri li jtejbu s-sigurtà fit-trasport.

(L-Artikoli 91(1) u 100(2) tat-TFUE)

Il-kompetenzi tal-Aġenzija

(id-Deċiżjoni tal-Kummissjoni 2004/20/KE emendata mid-Deċiżjoni 2007/372/KE)

L-Objettivi

Fi ħdan il-qafas tal-istrateġija ta’ Lisbona għat-tkabbir u l-impjiegi, l-Unjoni Ewropea ħadet miżuri biex tippromwovi u tiżviluppa l-kompetittività u l-innovazzjoni. Dawn il-miżuri jinkludu l-istabbiliment tal-Programm Kwadru tal-Kompetittività u l-Innovazzjoni (CIP) 2007-2013 (Id-Deċiżjoni Nru 1639/2006/KE), notevolment mal-programmi tal-Enerġija Intelliġenti - Ewropa (IEE) u tal-Intraprenditorjat u Innovazzjoni (EIP). Dawn jinkludu wkoll il-Programm Marco Polo (MP) (ir-Regolament (KE) Nru 1692/2006). L-objettivi ewlenin b'mod partikolari huma t-trawwim tal-kompetittività tal-impriżi, b'mod partikolari Impriżi Żgħar u ta’ daqs Medju (SMEs); il-promozzjoni tal-forom kollha ta’ innovazzjoni, inkluż l-ekoinnovazzjoni; il-promozzjoni ta’ effiċjenza tal-enerġija u sorsi tal-enerġija ġodda u rinnovabbli fis-setturi kollha inkluż dak tat-trasport. Taħt dawn il-programmi tal-UE, l-Aġenzija hija responsabbli mill-implimentazzjoni tal-kompiti kolha li jikkonċernaw l-għajnuna tal-UE, ħlief għall-evalwazzjoni tal-programmi, is-sorveljanza tal-leġiżlazzjoni u l-istudji strateġiċi, jew kwalunkwe azzjoni oħra li taqa' taħt il-kompetenza esklussiva tal-Kummissjoni Ewropea.

Il-Kompiti

Timplimenta l-programmi tal-UE skont id-delegazzjonijiet irċevuti mill-Kummissjoni:

—	tmexxi l-istadji kollha tul iż-żmien tal-proġetti speċifiċi.

—	twettaq l-operazzjonijiet kollha neċessarji biex tmexxi l-programmi tal-UE, b'mod partikolari l-implimentazzjoni tal-baġit inkluż l-għoti ta’ kuntratti u għotjiet.

—	tiġbor, tanalizza u tgħaddi lill-Kummissjoni l-informazzjoni kollha meħtieġa biex tiggwida l-implimentazzjoni tal-programm u kif ukoll tippromwovi l-koordinazzjoni u s-sinerġija fost il-programmi.

—

f'dak li għandu x'jaqsam mal-EIP, hija responsabbli mill-ġestjoni tal-proġett tan-Netwerk Enterprise Europe (Ewropa Intraprenditorjali), il-proġetti pilota ta’ ekoinnovazzjoni u l-proġetti ta’ replikazzjoni tas-suq, u azzjonijiet ta’ innovazzjoni bi grad għoli ta’ standardizzazzjoni (Proġett bażi tal-IP).

It-tmexxija

1 - Il-Kumitat Direttiv

2 - Id-Direttur

Maħtur mill-Kummissjoni Ewropea.

3 - Il-verifika esterna

Qorti tal-Awdituri.

4 - L-awtorità ta’ kwittanza

Il-Parlament Ewropew fuq rakkomandazzjoni tal-Kunsill

Ir-riżorsi disponibbli għall-Aġenzija fl-2010 (2009)

Il-Baġit

EUR 249.8 (203,1) miljun (100 % baġit ġenerali tal-UE). L-EACI timplimenta l-baġit operazzjonali taħt ir-responsabbiltà tal-Kummissjoni:

—	EUR 71,0 (72,1) miljun għall-IEE.

—	EUR 35,2 (32,2) miljun għall-ekoinnovazzjoni EIP;

—	EUR 79,7 (32,0) miljun għan-netwerks tal-EIP.

—	EUR 63,8 (66,9) miljun għall-MP.

B)	EUR 15.9 (13,3) miljun (100 % sussidju tal-Unjoni) għall-baġit amministrattiv li għalih l-EACI hija awtonoma.

L-għadd ta’ persunal fil-31 ta’ Diċembru 2010

It-total tal-persunal: 142 (141)

Il-karigi Temporanji (TA): 37 (37) kariga elenkati fil-pjan ta’ stabbiliment, li minnhom 33 (28) huma okkupati.

Il-persunal kuntrattwali: 115 (110) karigi ppjanati, li minnhom 109 (113) kienu okkupati.

Allokati lil

(a)	Kompiti operazzjonali: 119 = 84 % (118 – 84 %)

(b)	Kompiti amministrattivi: 23 = 16 % (23 – 16 %).

Il-prodotti u s-servizzi fl-2010

Għall-programm Enerġija Intelliġenti Ewropa (IEE), l-Aġenzija ssorveljat 314 proġetti tal-IEE li kienu għadhom għaddejjin u ffirmat 62 ftehimiet ta’ għotja. Għas-sejħa tal-2010, ġew ippreżentati 348 proposta. Għall-ewwel darba, l-Aġenzija organizzat żewġ laqgħat għall-kuntratturi fejn attendew aktar minn 50 kordinatur biex iħarrġuhom fil-fażi tal-bidu tal-proġett tagħhom. Il-Jiem ta’ Informazzjoni Nazzjonali u Ewropea attiraw 3 500 parteċipant, madwar 20 % aktar mill-2009. Għall-ewwel darba, l-Aġenzija kienet responsabbli għall-organizzazzjoni tal-Ġimgħa Ewropea għall-Enerġija Sostenibbli (EUSEW), li inkludiet 330 avveniment, aktar mid-doppju tal-2009. L-għadd ta’ jiem ta’ enerġija tal-EUSEW organizzati barra minn Brussell żdiedu għal erba' darbiet biex jilħqu 250 avveniment, ix-xogħol tal-midja li twettaq b'rabta mal-EUSEW patta b'aktar minn 200 tismija fil-midja u l-avvenimenti ta’ Brussell weħidhom attiraw aktar minn 6 000 parteċipant. F'isem il-Kummissjoni, l-Aġenzija tat bidu għal diversi inizjattivi ta’ komunikazzjoni tal-UE biex jiġu adottati prattiki tal-enerġija sostenibbli bħall-inizjattiva ManagEnergy, il-kompetizzjoni tal-iskejjel kollha tal-UE u l-Portal Vetturi Nodfa. Barra minn hekk, l-Aġenzija implimentat identità viżwali IEE ġdida u karta grafika. Sforzi oħra ta’ komunikazzjoni jinkludu d-doppju ta’ żjarat lill-paġni tad-database tal-proġetti IEE (1,5 miljun) meta mqabbla mal-2009, avviżi elettroniċi ta’ aħbarijiet b'25 % aktar abbonati (17 000) mis-sena l-oħra, fuljetti, opuskoli dwar proġetti, Rivisti l-Aħbarijiet u vidjows.

Il-programm EIP - Netwerk tal-Ewropa Intraprenditorjali huwa magħmul minn aktar minn 580 organizzazzjonijiet imsieħba f'47 pajjiż, inklużi s-27 Stat Membru tal-UE. Minbarra kompiti tal-ġestjoni tal-proġett ta’ 92 kuntratt (ftehimiet speċifiċi ta’ għotjiet) u l-proġett IpeuropAware, l-EACI hija responsabbli wkoll għall-“animazzjoni” tan-Netwerk tal-Ewropa Intraprenditorjali u għall-ġestjoni tal-għodod u d-databases tal-IT għall-komunikazzjoni interattiva fost l-imsieħba tan-netwerk. Il-websajt pubblika l-ġdida, l-intranet u d-Direttorju tan-Netwerk ġew varati kollha matul is-sena u ntgħażlet it-teknoloġija għas-sistema l-ġdida tal-IT “Merlin”. Il-Konferenza Annwali f'Antwerp, organizzata b'assoċjazzjoni mal-Presidenza Belġjana tal-UE, sabiex tippromwovi avvenimenti u politiki ma’ msieħba tan-netwerk fil-livell tal-UE ta’ rilevanza diretta għall-SMEs, attirat aktar minn 900 parteċipant u kisbet rata ta’ sodisfazzjoni ta’ aktar minn 94 %. Aktar minn 800 membru tal-persunal tal-Imsieħba tan-netwerk kienu mħarrġa fl-2010; 50 storja ta’ suċċess u 3 vidjows ta’ stejjer b'suċċess kienu prodotti biex juru l-benefiċċju tas-servizzi tan-netwerk, li jilħqu udjenza ta’ kważi 4,7 miljun ruħ. Biex tappoġġa implimentazzjoni effettiva u effiċjenti tal-Proġett tan-netwerk, l-Aġenzija ottimizzat l-istruttura organizzativa tagħha minn Ottubru 2010 li tirriżulta f'organigramma ġdida b'unità waħda li tagħti aktar appoġġ individwali lill-imsieħba f'termini ta’ operazzjonijiet ta’ netwerk u unità waħda li tipprovdi appoġġ orizzontali lin-Netwerk kollu.

Għall-proġetti ta’ ekoinnovazzjoni tar-replikazzjoni tas-suq, l-Aġenzija ssorveljat 90 proġett li għadhom għaddejjin u ffirmat 47 ftehimiet tal-għotjiet. Is-sejħa tal-2010 attirat 42 % aktar proposti (287) mill-2009 u ngħatat promozzjoni permezz ta’ jum wieħed Ewropew ta’ informazzjoni u 11-il jum nazzjonali ta’ informazzjoni, li għalihom attendew aktar minn 1 500 ruħ. Giet varata database online ta’ tiftix li tipprovdi informazzjoni dettaljata dwar il-proġetti kollha tal-ekoinnovazzjoni u rreġistrat 109 000 viżitatur u 121 000 żjarat lill-paġni. L-għadd ta’ abbonati għall-avviżi ta’ aħbarijiet elettroniċi żdied b'41 % (7 200). Sforzi biex tiġi promossa l-iskema jinkludu wkoll charter grafiku, posters, volantini u żvilupp ta stqarrija għall-istampa b'vidjow.

Għall-programm Marco Polo, l-Aġenzija ssorveljat 66 proġett li għadhom għaddejjin u ffirmat 21 kuntratt. Għas-sejħa tal-2010, ġew ippreżentati 101 proposta, żieda ta’ 44 % meta mqabbel mal-2009. Il-Jum Ewropew ta’ Informazzjoni fi Frar attira 346 parteċipant minn 30 pajjiż. Il-konferenza Marco Polo fi Vjenna attirat aktar minn 180 parteċipant u ħolqot 16-il tismija fil-midja, bejn wieħed u ieħor, miljun ruħ qarrej. L-Aġenzija tippromwovi l-programm ukoll permezz tal-websajt imġedda Marco Polo bi 430 000 telespettatur, avviżi tal-aħbarijiet elettroniċi bi 15 % aktar abbonati (1 500) mis-sena l-oħra u żewġ vidjows ġodda għall-programm Marco Polo. L-isforzi tal-komunikazzjoni jinkludu wkoll fuljetti ta’ proġetti, volantini u DVDs tal-vidjow. Ix-xogħol tal-midja ġġenera 25 % aktar materjal għall-istampa (81) aktar mill-2009.

Sors: Informazzjoni mogħtija mill-EACI.

IT-TWEĠIBIET TAL-AĠENZIJA

13.

It-tnaqqis ta’ kważi 1,5 miljun euro huwa minħabba fatturi diffiċli li wieħed ibassarhom fil-baġit inizjali bħal bidla aktar spiss tal-persunal u salarju iktar baxx milli mistenni, inċertezza fil-ħlasijiet tal-aġġustamenti tas-salarji għall-2009 u aktar ħaddiema jaħdmu part-time jew fuq liv parentali. Madankollu, kif irrimarkat il-Qorti, il-flus żejda ppermettew il-ħlas kmieni tax-xogħlijiet fuq il-bini l-ġdid tal-Aġenzija, u għaldaqstant l-interessi li riedu jitħallsu kienu inqas. Mill-2011 l-Aġenzija fittxet li ttejjeb it-tbassir billi tikkonsidra l-impatt tal-mobilità tal-persunal fuq in-numru ta’ xhur tas-salarju mħallas.

14.

L-ammonti miġjuba ’l quddiem huma relatati mal-obbligi kuntrattwali sal-aħħar tal-2010 u fatturati fl-2011. Meta mqabbla mas-snin preċedenti, iż-żidiet ewlenin fl-approrjazzjonijiet miġjuba ’l quddiem huma relatati mal-ġarr lejn il-bini l-ġdid f’Novembru 2010, mal-ispejjeż tal-valutazzjoni f’Novembru-Diċembru ta’ sejħa b’suċċess li rċeviet 40 % aktar proposti fl-2010 milli fl-2009 u ma’ fatturi kuntrattwali għall-istrateġija l-ġdida ta’ verifika ex-post progressivament implimentata mill-Aġenzija sal-2010. L-ammonti miġjuba ’l quddiem fuq linji baġitarji oħra naqsu maż-żmien.

15.12.2011

Il-Ġurnal Uffiċjali tal-Unjoni Ewropea

C 366/87

RAPPORT

dwar il-kontijiet annwali tal-Aġenzija Eżekuttiva għar-Riċerka għas-sena finanzjarja 2010, flimkien mat-tweġibiet tal-Aġenzija

2011/C 366/16

INTRODUZZJONI

L-Aġenzija Eżekuttiva għar-Riċerka (minn hawn 'il quddiem “l-Aġenzija”), li tinsab fi Brussell, ġiet imwaqqfa permezz tad-Deċiżjoni tal-Kummissjoni 2008/46/KE tal-14 ta’ Diċembru 2007 (1). L-Aġenzija twaqqfet għal perjodu limitat li beda fl-1 ta’ Jannar 2008 u li jispiċċa fil-31 ta’ Diċembru 2017 bil-għan li ġġesti attivitajiet speċifiċi tal-Unjoni fil-qasam tar-riċerka (2). Fil-15 ta’ Ġunju 2009 l-Aġenzija uffiċjalment ingħatat l-awtonomija amministrattiva u operazzjonali tagħha mill-Kummissjoni Ewropea.

2.	Il-baġit finali tal-Aġenzija għall-2010 kien ta’ EUR 33,6 miljun. L-għadd ta’ persunal impjegat mill-Aġenzija fi tmiem is-sena kien 408.

ID-DIKJARAZZJONI TA’ ASSIGURAZZJONI

4.	Din id-Dikjarazzjoni ta’ Assigurazzjoni hija indirizzata lill-Parlament Ewropew u lill-Kunsill, skont l-Artikolu 14 tar-Regolament tal-Kunsill (KE) Nru 58/2003 (6).

Ir-responsabbiltà tad-Direttur

Bħala uffiċjal li jawtorizza, id-Direttur jimplimenta d-dħul u l-infiq tal-baġit skont ir-regoli finanzjarji tal-Aġenzija li taqa' taħt ir-responsabbiltà tiegħu u fi ħdan il-limiti tal-approprjazzjonijiet awtorizzati (7). Id-Direttur huwa responsabbli mit-twaqqif (8) tal-istruttura organizzattiva u s-sistemi u l-proċeduri tal-ġestjoni u l-kontroll interni rilevanti biex jiġu ppreparati kontijiet finali (9) li huma ħielsa minn dikjarazzjoni żbaljata materjali, kemm jekk minħabba frodi jew inkella żball, u biex jiżgura li t-tranżazzjonijiet li fuqhom huma bbażati dawk il-kontijiet huma legali u regolari.

Ir-responsabbiltà tal-Qorti

6.	Ir-responsabbiltà tal-Qorti hija li tipprovdi, abbażi tal-verifika tagħha, dikjarazzjoni ta’ assigurazzjoni dwar l-affidabbiltà tal-kontijiet annwali tal-Aġenzija u dwar il-legalità u r-regolarità tat-tranżazzjonijiet li huma bbażati fuqhom.

9.	Il-Qorti tqis li l-evidenza tal-verifika miksuba hija biżżejjed u xierqa biex tipprovdi bażi għall-opinjonijiet t'hawn taħt.

L-opinjoni dwar l-affidabbiltà tal-kontijiet

10.

L-opinjoni dwar il-legalità u r-regolarità tat-tranżazzjonijiet li fuqhom huma bbażati l-kontijiet

11.	Fl-opinjoni tal-Qorti, it-tranżazzjonijiet li fuqhom huma bbażati l-kontijiet annwali tal-Aġenzija għas-sena finanzjarja li ntemmet fil-31 ta’ Diċembru 2010, fl-aspetti materjali kollha huma legali u regolari.

Dan ir-Rapport ġie adottat mill-Awla IV, immexxija mis-Sur Igors LUDBORŽS, Membru tal-Qorti tal-Awdituri, fil-Lussemburgu fil-laqgħa tagħha tal-20 ta’ Settembru 2011.

Għall-Qorti tal-Awdituri

Vítor Manuel da SILVA CALDEIRA

President

(1) ĠU L 11, 15.1.2008, p. 9.

(2) L-Anness jagħti sommarju tal-kompetenzi u l-attivitajiet tal-Aġenzija. Jiġi ppreżentat għal skopijiet ta’ informazzjoni.

(4) Ir-rendikonti finanzjarji jinkludu l-karta tal-bilanċ u l-kont tar-riżultat ekonomiku, it-tabella tal-likwidità, ir-rendikont tat-tibdil fil-kapital u l-anness għar-rendikonti finanzjarji li jinkludi d-deskrizzjoni tal-politika tal-kontabilità prinċipali u informazzjoni oħra ta’ spjegazzjoni.

(5) Ir-rapporti tal-implimentazzjoni tal-baġit jikkonsistu fil-kont tar-riżultat tal-baġit u fl-anness tiegħu.

(6) ĠU L 11, 16.1.2003, p. 1.

(7) L-Artikolu 25 tar-Regolament tal-Kummissjoni (KE, Euratom) Nru 1653/2004 (ĠU L 297, 22.9.2004, p. 6).

(8) L-Artikolu 29 tar-Regolament (KE) Nru 1653/2004.

(9) Ir-regoli dwar il-preżentazzjoni tal-kontijiet u tal-kontabilità mill-Aġenziji huma stabbiliti fil-kapitolu 1 tat-Titolu VI tar-Regolament tal-Kummissjoni (KE) Nru 1653/2004 kif l-aħħar emendat bir-Regolament (KE) Nru 651/2008 (ĠU L 181, 10.7.2008, p. 15).

(10) Il-Federazzjoni Internazzjonali tal-Kontabilisti (IFAC) u l-Istandards Internazzjonali tal-Istituzzjonijiet Supremi tal-Verifika (ISSAI).

(11) Il-Kontijiet Annwali Finali kienu ppreparati fl-24 ta’ Mejju 2011 u rċevuti mill-Qorti fis-6 ta’ Lulju 2011. Il-Kontijiet Annwali Finali jistgħu jinstabu fuq il-websajt li ġej http://eca.europa.eu jew http://ec.europa.eu/research/rea/.

ANNESS

Aġenzija Eżekuttiva għar-Riċerka (Brussell)

Kompetenzi u l-attivitajiet

L-oqsma ta’ kompetenza tal-Unjoni stipulati fit-Trattat

(L-Artikoli 179 u 180 tat-Trattat dwar il-funzjonament tal-Unjoni Ewropea)

L-Unjoni għandha jkollha l-objettiv li ssaħħaħ is-sisien xjentifiċi u teknoloġiċi tagħha billi tistabbilixxi żona ta’ riċerka Ewropea li fiha r-riċerkaturi, l-għarfien xjentifiku u t-teknoloġiji jiċċirkolaw liberament, u li tinkoraġġixxi l-iżvilupp tal-kompetittivita tagħha u tal-industrija tagħha.

Għal dan l-għan l-Unjoni għandha tinkoraġġixxi lill-impriżi, inklużi l-impriżi ta’ daqs żgħir u medju, liċ-ċentri ta’ riċerka u lill-universitajiet fl-attivitajiet tagħhom ta’ riċerka u żvilupp teknoloġiku ta’ livell għoli; għandha wkoll tappoġġa l-isforzi tagħhom li jikkoperaw ma’ xulxin, u timmira fuq kollox li tippermetti lir-riċerkaturi li jikkoperaw liberament lil hinn mill-fruntieri u lill-impriżi li jisfruttaw il-potenzjal kollu tas-suq intern, (…) id-definizzjoni ta’ standards komuni u t-tneħħija ta’ xkiel legali u fiskali għal dik il-koperazzjoni.

Filwaqt li tfittex li tikseb dawn l-għanijiet, l-Unjoni għandha twettaq dawn l-attivitajiet li ġejjin, li jikkomplementaw l-attivitajiet li jsiru fl-Istati Membri:

(a)	l-implimentazzjoni ta’ programmi ta’ riċerka, ta’ żvilupp teknoloġiku u ta’ dimostrazzjoni, billi ssaħħaħ il-koperazzjoni ma’ u bejn l-impriżi, ċentri ta’ riċerka u universitajiet;

(b)	il-promozzjoni ta’ koperazzjoni ma’ pajjiżi terzi u organizzazzjonijiet internazzjonali fl-oqsma tar-riċerka, l-iżvilupp teknoloġiku u d-dimostrazzjoni tal-Unjoni;

(c)	id-disseminazzjoni u l-valorizzazzjoni tar-riżultati ta’ attivitajiet fir-riċerka, l-iżvilupp teknoloġiku u d-dimostrazzjoni tal-Unjoni;

(d)	l-istimulazzjoni tat-taħriġ u l-mobilità tar-riċerkaturi fl-Unjoni.

Il-kompetenzi tal-Aġenzija

(Id-Deċiżjoni tal-Kummissjoni 2008/46/KE tal-14 ta’ Diċembru 2007)

L-Objettiv

L-objettiv tal-Aġenzija huwa li ġġesti l-Programmi fdati lilha taħt l-FP7 (il-programm Nies, l-azzjonijiet tal-SMEs tal-Programm Kapaċitajiet, u t-temi tal-Ispazju u s-Sigurtà tal-Programm Kooperazzjoni) b’mod effiċjenti u effettiv, li twassal servizzi effiċjenti u effettivi lill-komunità tar-riċerka u li tagħti servizzi ċentralizzati ta’ sostenn tal-FP7 lis-servizzi rispettivi tal-Kummissjoni għall-oqsma kollha tal-Programmi Speċifiċi Kooperazzjoni, Kapaċitajiet u Nies.

Rigward l-implimentazzjoni effiċjenti u effettiva tal-Programmi, l-Aġenzija – bħala promotur taż-Żona Ewropea tar-Riċerka – timmira lejn it-titjib fil-ġestjoni ta’ proġetti, l-istabbiliment ta’ kuntatt mill-qrib ma’ benefiċjarji finali u l-għoti ta’ viżibbiltà kbira lill-Unjoni Ewropea.

Il-Kompiti

Rigward il-ġestjoni ta’ proġetti, ir-REA tikkonkludi u ġġesti ftehimiet tal-għotja, u dan jinvolvi l-operazzjonijiet li ġejjin:

—	it-tħejjija u l-pubblikazzjoni ta’ sejħiet għal proposti;

—	l-evalwazzjoni tal-proposti,

—	it-tħejjija u l-iffirmar ta’ ftehimiet tal-għotja;

—	il-monitoraġġ tal-implimentazzjoni ta’ proġetti inkluża l-aċċettazzjoni ta’ rapporti u prodotti oħra;

—	il-pagamenti, l-irkupri u l-applikazzjoni ta’ sanzjonijiet fi ħdan it-tifsira tal-Artikolu 114(4) tar-Regolament Finanzjarju ġenerali, speċjalment meta żbalji fi spejjeż iddikjarati jkunu ġew identifikati wara verifiki ex-post fil-livell tal-benefiċjarji finali;

—	il-pubbliċità ex-post u d-disseminazzjoni tar-riżultati.

Rigward is-Servizzi ta’ Sostenn tal-FP7, l-Aġenzija twettaq il-kompiti li ġejjin:

—	is-sostenn amministrattiv għall-pubblikazzjoni ta’ sejħiet;

—	il-ġestjoni tal-ilqugħ elettroniku ta’ proposti;

—	is-sostenn għal evalwazzjonijiet remoti u fuq il-post;

—	is-sostenn għat-tħejjija ta’ ittri ta’ ħatra u pagamenti għal esperti;

—	il-ġestjoni tad-Database ċentrali tal-parteċipanti tal-FP7 (Faċilità tar-Reġistrazzjoni Unika – URF), inkluż sostenn għal kontrolli dwar il-kapaċità finanzjarja tal-benefiċjarji magħżula;

—	it-tmexxija tas-Servizz ta’ Tagħrif dwar ir-Riċerka.

It-tmexxija

1 – Il-Kumitat Direttiv

2 – Id-Direttur

Maħtur mill-Kummissjoni Ewropea, imexxi l-aġenzija flimkien mal-Kumitat Direttiv, jimplimenta l-baġit amministrattiv, jistabbilixxi sistemi ta’ ġestjoni u kontroll intern adattati għall-kompiti fdati lill-aġenzija u jħejji r-rapporti li l-aġenzija eżekuttiva trid tippreżenta lill-Kummissjoni.

3 – Il-verifika esterna

Il-Qorti tal-Awdituri.

4 – L-awtorità ta’ kwittanza

Il-Parlament, jaġixxi fuq rakkomandazzjoni mill-Kunsill.

Ir-riżorsi disponibbli għall-Aġenzija fl-2010 (2009)

Il-Baġit Amministrattiv

EUR 33,6 (21,6) miljun. L-Aġenzija timplimenta l-baġit amministrattiv b’mod awtonomu.

L-Aġenzija timplimenta skont deċiżjoni ta’ delega tal-Kummissjoni EUR 962,6 (811,2) miljun f’approprjazzjonijiet għall-impenji u EUR 709 (679) miljun f’approprjazzjonijiet għall-pagamenti.

Il-persunal fil-31 ta’ Diċembru

Il-Karigi ta’ persunal temporanju: 106 (88) imniżżla fil-pjan ta’ stabbiliment li minnhom 99 (72) okkupati.

Il-Persunal kuntrattwali: 318 (261) persunal ippjanat, li minnhom 309 (238) kienu f’posthom fil-31 ta’ Diċembru 2010.

It-total tal-persunal: 408 (310) assenjati l-kompiti li ġejjin:

—	L-Implimentazzjoni tal-programmi: 254 (171)

—	Is-Servizzi ta’ sostenn tal-FP7: 81 (73)

—	Il-Funzjonijiet tal-Maniġment u tal-Amministrazzjoni: 73 (66)

Il-prodotti u s-servizzi fl-2010 (2009)

Għall-Programm Nies, disa’ sejħiet ingħalqu fl-2010 u disa’ evalwazzjonijiet tlestew. 1 670 ftehim tal-għotja ġodda ġew iffirmati u saru 1 732 pagament (esklużi pagamenti għal evalwaturi esperti). Issa l-Aġenzija ġġesti total ta’ 4 125 (2 495) proġett taħt dan il-programm.

Għall-azzjonijiet tal-SMEs tal-Programm Kapaċitajiet, ingħalqet sejħa u tlestiet evalwazzjoni. 163 ftehim tal-għotja ġodda ġew iffirmati u saru 243 pagament (esklużi pagamenti għal evalwaturi esperti). L-Aġenzija issa ġġesti total ta’ 408 (247) proġett taħt din l-iskema.

Għat-temi tal-Ispazju u s-Sigurtà tal-Programm Koperazzjoni, żewġ sejħiet ingħalqu fl-2010 u żewġ evalwazzjonijiet tlestew. 86 ftehim tal-għotja ġodda ġew iffirmati u saru 133 pagament (esklużi pagamenti għal evalwaturi esperti). L-Aġenzija issa ġġesti total ta’ 153 (78) proġett taħt dawn it-temi.

Rigward is-servizzi ta’ sostenn tal-FP7, ir-riżultati milħuqa għall-2010 huma kif ġejjin (iċ-ċifri għall-2009 jirreferu għall-perjodu 15.6.2009 – 31.12.2009 biss):

—	88 (64) pubblikazzjoni ta’ sejħiet sostnuti,

—	21 766 (13 832) proposta li waslu permezz tal-għodda elettronika ta’ bgħit ta’ proposti,

—	3 847 (3 067) evalwatur espert ikkuntrattati u saru 2 615 (912) pagament tal-esperti (għal programmi ġestiti mill-Aġenzija biss);

—	5 896 (2 795) validazzjoni ta’ parteċipanti mlestija;

—	7 171 (3 772) tweġiba mibgħuta wara mistoqsijiet lis-Servizz ta’ Tagħrif dwar ir-Riċerka.

Sors: Informazzjoni mogħtija mill-Agenzija.

IT-TWEĠIBIET TAL-AĠENZIJA

1.	L-Aġenzija ħadet nota tar-rapport tal-Qorti.

15.12.2011

Il-Ġurnal Uffiċjali tal-Unjoni Ewropea

C 366/93

RAPPORT

dwar il-kontijiet annwali tal-Aġenzija Eżekuttiva għas-Saħħa u l-Konsumatur għas-sena finanzjarja 2010, flimkien mat-tweġibiet tal-Aġenzija

2011/C 366/17

INTRODUZZJONI

L-Aġenzija Eżekuttiva għas-Saħħa u l-Konsumatur (minn hawn ’il quddiem imsejħa “l-Aġenzija”), li tinsab fil-Lussemburgu, kienet imwaqqfa bid-Deċiżjoni tal-Kummissjoni 2004/858/KE (1) u emendata bid-Deċiżjoni tal-Kummissjoni 2008/544 KE (2). L-Aġenzija twaqqfet għal perjodu li beda fl-1 ta’ Jannar 2005 u li jispiċċa fl-2013 għat-tmexxija ta’ azzjonijiet tal-Unjoni fil-qasam tas-saħħa pubblika u l-politika tal-konsumatur (3).

2.	Il-baġit amministrattiv tal-Aġenzija għall-2010 ammonta għal EUR 6,8 miljun meta mqabbel ma’ EUR 6,4 miljun is-sena ta’ qabel. L-għadd ta’ persunal impjegat mill-Aġenzija fi tmiem is-sena kien 45 meta mqabbel ma’ 48 is-sena ta’ qabel.

ID-DIKJARAZZJONI TA’ ASSIGURAZZJONI

Skont id-dispożizzjonijiet tal-Artikolu 287(1), it-tieni subparagrafu tat-Trattat dwar il-Funzjonament tal-Unjoni Ewropea, il-Qorti vverifikat il-kontijiet annwali (4) tal-Aġenzija, li jikkonsistu fir-“rendikonti finanzjarji” (5) u fir-“rapporti dwar l-implimentazzjoni tal-baġit” (6) għas-sena finanzjarja li ntemmet fil-31 ta’ Diċembru 2010 u l-legalità u r-regolarità tat-tranżazzjonijiet li fuqhom huma bbażati dawk il-kontijiet.

4.	Din id-Dikjarazzjoni ta’ Assigurazzjoni hija indirizzata lill-Parlament Ewropew u lill-Kunsill skont l-Artikolu 14 tar-Regolament tal-Kunsill (KE) Nru 58/2003 (7).

Ir-responsabbiltà tad-Direttur

Bħala uffiċjal li jawtorizza, id-Direttur jimplimenta d-dħul u l-infiq tal-baġit skont ir-regoli finanzjarji tal-Aġenzija, taħt ir-responsabbiltà tiegħu u fi ħdan il-limiti tal-approprjazzjonijiet awtorizzati (8). Id-Direttur huwa responsabbli mit-twaqqif (9) tal-istruttura organizzattiva u s-sistemi u l-proċeduri tal-ġestjoni u l-kontroll interni rilevanti biex jiġu ppreparati kontijiet finali (10) li huma ħielsa minn dikjarazzjoni żbaljata materjali, kemm jekk minħabba frodi jew inkella żball, u biex jiżgura li t-tranżazzjonijiet li fuqhom huma bbażati dawn il-kontijiet huma legali u regolari.

Ir-responsabbiltà tal-Qorti

6.	Ir-responsabbiltà tal-Qorti hija li tipprovdi, abbażi tal-verifika tagħha, dikjarazzjoni ta’ assigurazzjoni dwar l-affidabbiltà tal-kontijiet annwali tal-Aġenzija u dwar il-legalità u r-regolarità tat-tranżazzjonijiet li huma bbażati fuqhom.

Il-Qorti wettqet il-verifika tagħha skont l-Istandards Internazzjonali tal-Verifika u l-Kodiċi tal-Etika tal-IFAC u tal-ISSAI (11). Dawk l-istandards jitolbu li l-Qorti tikkonforma mar-rekwiżiti tal-etika u li tippjana u twettaq il-verifika biex tikseb assigurazzjoni raġonevoli dwar jekk il-kontijiet humiex ħielsa minn dikjarazzjoni żbaljata materjali u dwar jekk it-tranżazzjonijiet ta’ bażi humiex legali u regolari.

Il-verifika tal-Qorti tinvolvi t-twettiq ta’ proċeduri sabiex tinkiseb evidenza tal-verifika dwar l-ammonti u l-iżvelar fil-kontijiet u dwar il-legalità u r-regolarità tat-tranżazzjonijiet li huma bbażati fuqhom. Il-proċeduri jintgħażlu skont il-ġudizzju tal-awditur, inkluża l-valutazzjoni tar-riskji ta’ dikjarazzjoni skorretta materjali fir-rapporti finanzjarji, sew jekk minħabba frodi u sew jew jekk minħabba xi żball. Meta tagħmel dawk il-valutazzjonijiet tar-riskju, il-kontroll intern rilevanti għall-preparazzjoni u l-preżentazzjoni tal-kontijiet tal-entità jiġi kkunsidrat sabiex jitfasslu proċeduri tal-verifika li huma xierqa fiċ-ċirkostanzi. Il-verifika tal-Qorti tinkludi wkoll evalwazzjoni tal-adegwatezza tal-politika tal-kontabilità użata, tar-raġonevolezza tal-estimi tal-kontabilità magħmula mill-maniġment u kif ukoll evalwazzjoni tal-preżentazzjoni tal-kontijiet inġenerali.

9.	Il-Qorti tqis li l-evidenza tal-verifika miksuba hija biżżejjed u xierqa biex tipprovdi bażi għall-opinjonijiet t’hawn taħt.

L-opinjoni dwar l-affidabbiltà tal-kontijiet

10.

Fl-opinjoni tal-Qorti, il-Kontijiet Annwali (12) tal-Aġenzija jippreżentaw b’mod ġust, fl-aspetti materjali kollha, il-pożizzjoni finanzjarja tagħha fil-31 ta’ Diċembru 2010 u r-riżultati tal-operazzjonijiet tagħha u tal-likwidità tagħha għas-sena li ntemmet, skont id-dispożizzjonijiet tar-Regolament Finanzjarju tagħha.

L-opinjoni dwar il-legalità u r-regolarità tat-tranżazzjonijiet li fuqhom huma bbażati l-kontijiet

11.	Fl-opinjoni tal-Qorti, it-tranżazzjonijiet li fuqhom huma bbażati l-kontijiet annwali tal-Aġenzija għas-sena finanzjarja li ntemmet fil-31 ta’ Diċembru 2010, fl-aspetti materjali kollha huma legali u regolari.

12.	Il-kummenti li ġejjin ma jixtħux dubju fuq l-opinjonijiet tal-Qorti.

KUMMENTI DWAR IL-ĠESTJONI TAL-BAĠIT U DIK FINANZJARJA

13.

Għat-Titolu III – Infiq marbut mal-operazzjonijiet tal-Aġenzija, EUR 1,1 miljun, jew 59 % tal-impenji li saru, inġiebu ’l quddiem għas-sena tal-baġit 2011. Skont l-informazzjoni tal-kontabilità, madwar EUR 0,8 miljun tal-approprjazzjonijiet miġjuba ’l quddiem jikkorrispondu ma’ attivitajiet li għad ma kinux implimentati fi tmiem is-sena. Din is-sitwazzjoni tmur kontra l-prinċipju baġitarju ta’ annwalità, li jitlob li n-nefqa li ġejja minn dawn il-kuntratti għandha titħallas mill-baġit tas-sena finanzjarja li tkun saret fiha.

Dan ir-Rapport ġie adottat mill-Awla I, immexxija mis-Sur Olavi ALA-NISSILÄ, Membru tal-Qorti tal-Awdituri, fil-Lussemburgu fil-laqgħa tagħha tal-20 ta’ Lulju 2011.

Għall-Qorti tal-Awdituri

Vítor Manuel da SILVA CALDEIRA

President

(1) ĠU L 369, 16.12.2004, p. 73.

(2) ĠU L 173, 3.7.2008, p. 27.

(3) L-Anness jagħti sommarju tal-kompetenzi u l-attivitajiet tal-Aġenzija. Jiġi ppreżentat għal-skopijiet ta’ informazzjoni.

(4) Dawn il-kontijiet huma akkumpanjati minn rapport dwar il-ġestjoni tal-baġit u dik finanzjarja matul is-sena li, fost l-oħrajn, jagħti rendikont tar-rata ta’ implimentazzjoni tal-approprijazzjonijiet flimkien ma’ informazzjoni fil-qosor dwar it-trasferimenti ta’ approprijazzjonijiet fost il-partiti varji tal-baġit.

(5) Ir-rendikonti finanzjarji jinkludu l-karta tal-bilanċ u l-kont tar-riżultat ekonomiku, it-tabella tal-likwidità, ir-rendikont tat-tibdil fil-kapital u l-anness għar-rendikonti finanzjarji li jinkludu d-deskrizzjoni tal-politika tal-kontabilità prinċipali u informazzjoni oħra ta’ spjegazzjoni.

(6) Ir-rapporti dwar l-implimentazzjoni tal-baġit jinkludu l-kont tar-riżultat tal-baġit u n-noti korrispondenti tiegħu.

(7) ĠU L 11, 16.1.2003, p. 1.

(8) L-Artikolu 25 tar-Regolament tal-Kummissjoni (KE) Nru 1653/2004 (ĠU L 297, 22.9.2004, p. 6).

(9) L-Artikolu 29 tar-Regolament (KE) Nru 1653/2004

(11) Il-Federazzjoni Internazzjonali tal-Kontabilisti (IFAC) u l-Istandards Internazzjonali tal-Istituzzjonijiet Supremi tal-Verifiki (ISSAI).

(12) Il-Kontijiet Annwali Finali kienu ppreparati fis-16 ta’ Ġunju 2011 u rċevuti mill-Qorti fid-29 ta’ Ġunju 2011. Il-Kontijiet Annwali Finali jistgħu jinstabu fuq il-websajt li ġej http://eca.europa.eu jew http://ec.europa.eu/eahc/about/about.html.

ANNESS

L-Aġenzija Eżekuttiva għas-Saħħa u l-Konsumatur (il-Lussemburgu)

Kompetenzi u attivitajiet

L-oqsma ta’ kompetenza tal-Unjoni stipulati fit-Trattat

(L-Artikolu 168 u 169 tat-Trattat dwar il-Funzjonament tal-Unjoni Ewropea)

Il-livell għoli ta’ ħarsien tas-saħħa fiżika u mentali għandu jkun assigurat fid-definizzjoni u l-implimentazzjoni tal-istrateġiji u l-attivitajiet kollha tal-Unjoni.

L-Azzjoni tal-Unjoni, li għandha tikkomplementa l-politika nazzjonali, għandha tkun diretta lejn it-titjib tas-saħħa pubblika, lejn il-prevenzjoni tal-mard u l-infirmità tal-bniedem, u li jevitaw il-fonti ta’ periklu għas-saħħa umana. Din l-azzjoni għandha tkopri il-ġlieda kontra l-flaġelli kbar tas-saħħa, billi tinkoraġġixxi riċerka fuq il-kawża tagħhom, it-tixrid tagħhom u l-prevenzjoni tagħhom, kif ukoll informazzjoni u edukazzjoni dwar is-saħħa, kif ukoll il-monitoraġġ ta’ theddid transkonfinali serju għas-saħħa, l-allert għal dan it-theddid u l-ġlieda kontrih. L-Unjoni għandha tikkomplementa l-azzjoni tal-Istati Membri fit-tnaqqis tal-ħsara għas-saħħa marbuta mad-drogi, inkluża l-informazzjoni u l-prevenzjoni.

Sabiex tippromwovi l-interessi tal-konsumaturi u sabiex tassigura livell għoli ta’ ħarsien tal-konsumatur, l-Unjoni għandha tikkontribwixxi għall-ħarsien tas-saħħa, s-sigurtà u interessi ekonomiċi tal-konsumaturi, kif ukoll il-promozzjoni tad-dritt tagħhom għall-informazzjoni, l-edukazzjoni u l-organizzazzjoni tagħhom infushom sabiex iħarsu l-interessi tagħhom.

Il-Kompetenzi tal-Aġenzija

L-Objettivi

—

L-Aġenzija hija responsabbli mit-twettiq tal-implimentazzjoni tal-kompiti għat-tmexxija tat-tieni Programm tas-Saħħa Pubblika 2008-2013 kif inhu adottat bid-Deċiżjoni Nru 1350/2007/KE, il-programm tal-Konsumatur għall-2007-2013 kif inhu adottat bid-Deċiżjoni Nru 1926/2006/KE u l-miżuri tat-taħriġ dwar is-sigurtà fl-ikel koperti bir-Regolament (KE) Nru 882/2004 u d-Direttiva 2000/29/KE.

—	L-Aġenzija tmexxi wkoll il-fażijiet kollha matul iċ-ċiklu tal-miżuri implimentattivi ddelegati lilha fil-qafas tal-programm ta’ azzjoni fil-qasam tas-saħħa pubblika 2003-2008, adottat bid-Deċiżjoni Nru 1786/2002/KE tal-Parlament Ewropew u tal-Kunsill tat-23 ta’ Settembru 2002.

Il-Kompiti

Taħt il-programmi Komunitarji msemmija hawn taħt, l-Aġenzija hija responsabbli mill-implimentazzjoni tal-kompiti li ġejjin kif definiti fl-att ta’ delegazzjoni adottat fid-9 ta’ Settembru 2008 (1):

Il-Programm tas-Saħħa Pubblika 2003-2008 – Id-Deċiżjoni Nru 1786/2002/KE

Il-Programm tas-Saħħa Pubblika 2008-2013 - Id-Deċiżjoni Nru 1350/2007/KE

Il-Programm tal-Konsumaturi 2007-2013 - Id-Deċiżjoni Nru 1926/2006/KE

Il-Miżuri ta’ Taħriġ dwar is-Sigurtà fl-Ikel - Ir-Regolament (KE) Nru 882/2004 u d-Direttiva 2000/29/KE:

(a)	Tmexxi l-fażijiet kollha taċ-ċiklu tal-proġetti;

(b)	Tissorvelja l-proġetti implimentati taħt dawn il-programmi u l-miżuri, inklużi l-passi neċessarji;

(c)

Tiġbor, tipproċessa u tqassam id-data u b'mod partikolari tiġbor, tanalizza u tibgħat lill-Kummissjoni l-informazzjoni kollha meħtieġa biex tiggwida l-implimentazzjoni tal-programmi u l-miżuri Komunitarji, tippromwovi l-koordinazzjoni u s-sinerġija ma’ programmi oħrajn tal-Unjoni Ewropea, l-Istati Membri jew l-organizzazzjonijiet internazzjonali;

(d)	Torganizza laqgħat, seminars, taħdidiet, u miżuri ta’ taħriġ;

(e)	Tgħin fl-evalwazzjoni tal-impatt tal-programm, b'mod partikolari fl-evalwazzjoni annwali u/jew ta’ nofs is-sena tal-implimentazzjoni tal-programmi, u fl-implimentazzjoni tal-azzjonijiet ta’ segwitu fl-evalwazzjonijiet deċiżi mill-Kummissjoni;

(f)	Ixxerred ir-riżultati tal-operazzjonijiet ta’ informazzjoni ppjanati u implimentati mill-Kummissjoni;

(g)	Tipproduċi kontroll ġenerali u data dwar is-sorveljanza;

(h)	Tipparteċipa fix-xogħol preparatorju jew fid-deċiżjonijiet ta’ finanzjament.

It-Tmexxija

1 – Il-Kumitat ta’ Tmexxija

Magħmul minn ħames membri maħtura mill-Kummissjoni Ewropea. Il-membri tal-Kumitat Direttiv huma maħtura għal sentejn.

2 – Id-Direttur

Maħtur mill-Kummissjoni Ewropea għal erba' snin.

3 – Il-verifika esterna

Il-Qorti Ewropea tal-Awdituri.

4 – L-Awtorità ta’ Kwittanza

Il-Parlament Ewropew, fuq rakkomandazzjoni tal-Kunsill.

Ir-riżorsi disponibbli għall-Aġenzija fl-2010 (2009)

Il-Baġit Finali

Il-baġit amministrattiv tal-Aġenzija għall-2010 ammonta għal EUR 6,77 miljun.

Il-persunal fil-31 ta’ Diċembru 2010

Fil-31 ta’ Diċembru 2010 l-Aġenzija impjegat 45 membru tal-persunal statutorju, inklużi 11-il persunal temporanju u 34 persunal kuntrattwali.

Il-prodotti u s-servizzi fl-2010 (2009)

1. Il-Monitoraġġ tal-għotjiet tal-2005, 2006, 2007, 2008 u l-2009 pprovduti taħt il-Programm tas-Saħħa Pubblika (PHP) 2003-2008, iffinalizza negozjati b'suċċess għal għotjiet taħt is-Sejħiet għal proposti tal-2009, inklużi proġetti, Konferenzi, Għotjiet Operattivi, Azzjonijiet Konġunti u mexxa Sejħa għal proposti tal-2010. Ġew finalizzati l-għotjiet u l-kuntratti mogħtija taħt is-sejħiet għal proposti tal-2008 u s-sejħiet għal offerti tal-Programm tal-Konsumatur (CP) tal-2007 – 2013 u ġew sorveljati l-kuntratti mogħtija taħt is-sejħiet għal offerti tal-2008 u l-2009 skont Miżuri ta’ Taħriġ dwar is-Sigurtà fl-Ikel.

2.1. Il-programm ta’ ħidma PHP

—	L-eżekuzzjoni tas-Sejħa għall-proposti tal-2010 skont “Il-Programm tas-Saħħa Pubblika”. ġew irċevuti 177-il proposta. Minn dawn kien hemm 115-il applikazzjoni għal proġetti, 10 għal Azzjonijiet Konġunti, 25 għal Għotjiet Operattivi u 27 għal Konferenzi.

—	Il-ġestjoni ta’ kuntratti ma’ organizzazzjonijiet internazzjonali, inklużi t-tmexxija ta’ proġetti ttrasferiti mid-DĠ SANCO lill-Aġenzija.

—	Il-varar u l-kuntrattar tas-Sejħiet għal offerti fil-Programm ta’ Ħidma 2010 għall-Programm tas-Saħħa. Tvaraw disa' Sejħiet għal offerti għad-DĠ SANCO.

—

L-organizzazzjoni ta’ Laqgħat tal-Esperti. Ġew organizzati żewġ sessjonijiet ta’ ħidma għall-koordinaturi tal-proġett. Ġiet organizzata laqgħa darbtejn fis-sena mal-Punti Fokali Nazzjonali (NFPs). Fil-qafas tal-Konferenza EUPHA, l-EAHC ikkoospitat flimkien mad-DĠ SANCO sessjoni ta’ ħidma li tiddiskuti l-valur miżjud tal-UE ta’ proġetti kofinanzjati ta’ saħħa pubblika. L-objettiv tas-sessjoni ta’ ħidma kien li jixxerrdu l-kunċetti ewlenin/ ideat li se jkunu parti integrali tas-sejħiet għal proposti li ġejjin. Fil-bidu ta’ Diċembru, fi Brussell, saret sessjoni ta’ ħidma mal-grupp ta’ esperti tas-SANCO dwar l-arja ta’ ġewwa, proġetti tas-saħħa ambjentali u r-rappreżentanti tal-Istat Membru f'kollaborazzjoni mad-DĠ SANCO u l-presidenza Belġjana. F'Diċembru 2010 saret sessjoni ta’ ħidma dwar evidenza prodotta minn proġetti tas-saħħa pubblika kofinanzjati mill-UE, li tipprovdi direttament politika fil-livell tal-UE, nazzjonali, reġjonali jew lokali.

2.2. Il-programm ta’ ħidma CP

—	Is-sejħiet għal proposti. Tvaraw 7 Sejħiet għal proposti fl-2010.

—

L-iskambji ta’ Uffiċjali (GPSD/CPC). L-Aġenzija kkofinanzjat 22 għotja, li taw l-opportunità lil uffiċjali tal-infurzar tal-liġi minn LT, SI, FR, SK, AT, EE, DE, ES u CY biex jaqsmu esperjenzi u tagħrif dwar l-implimentazzjoni tad-Direttiva 2001/95/KE dwar is-Sigurtà Ġenerali tal-Prodotti u tar-Regolament (KE) Nru 2006/2004 dwar il-kooperazzjoni tal-ħarsien tal-konsumatur ma’ kontopartijiet fil-UK, DE, AT, CY, PT, SK, ES, IT, FR, BE u NL.

—

L-Azzjonijiet Konġunti (GPSD/CPC). L-Aġenzija kkofinanzjat proġett li jimmira li jibdel u jimplimenta l-aqwa prattiki bejn l-Istati Membri, billi jtejjeb il-kooperazzjoni transkonfinali u jżid is-sigurtà tal-prodotti tal-konsumatur. L-attivitajiet speċifiċi tal-prodott involvew sorveljanza tas-suq fuq: prodotti li jimitaw l-ikel li jattiraw it-tfal, kostumi tat-tfal, laser pointers, slielem u lbies li jidher u aċċessorji.

—

L-Għotjiet Operattivi għal Organizzazzjonijiet Ewropej tal-Konsumatur. Fi ħdan il-qafas tas-Sejħa li tikkonċerna Għotjiet Operattivi għal organizzazzjonijiet Ewropej tal-konsumatur fil-proċess ta’ standardizzazzjoni, l-Aġenzija ffirmat ftehimiet ta’ sħubija ta’ għotija mal-BEUC (Bureau Européen des Unions de Consommateurs) u l-ANEC. (Assoċjazzjoni Ewropea għall-Koordinazzjoni tar-Rappreżentazzjoni tal-Konsumatur fl-istandardizzazzjoni), rispettivament.

—	L-ECC-Net. Tvarat sejħa għal proposti dwar il-kontribuzzjoni finanzjarja liċ-Ċentri Ewropej tal-Konsumatur. B'riżultat ta’ dan l-Aġenzija ffirmat 28 ftehimiet ta’ għotja.

—	Is-sejħiet għal offerti. Tvaraw sejħiet għal offerti u 4 talbiet għal servizzi speċifiċi.

—

Id-Djarju ta’ Skola Ewropea. Id-Djarju Europa huwa Djarju tal-iskola għal studenti fi skola sekondarja mmirat bħala għodda għal xogħol tad-dar u noti oħra relatati mal-iskola. Diversi Direttorati Ġenerali tal-Kummissjoni u istituzzjonijiet oħra tal-UE jikkontribwixxu għall-kontenut u l-finanzjament. Matul l-2010, ingħata Kuntratt qafas u ġie ffirmat mal-kuntrattur tal-Fondazzjoni “Generation Europe” għall-iżvilupp, l-istampar u d-distribuzzjoni tal-edizzjoni 2011/2012 tad-Djarju Europa u l-Gwida għall-għalliema. Bħala l-maniġer tal-Kuntratt qafas, l-Aġenzija koordinat u ssorveljat l-implimentazzjoni ta’ dan il-proġett: hi approvat 21 kuntratt minn Direttorati Ġenerali differenti tal-Kummissjoni u l-Kumitat Ekonomiku u Soċjali.

—	DOLCETA. Dolceta hi għodda online għall-edukazzjoni tal-konsumatur għaċ-ċittadini fis-27 Stat Membru. Is-Sejħa għall-offerti għal dan is-servizz tvarat fl-2010.

—	L-Istudji tas-Suq tal-Konsumatur. Ġew iffirmati tliet kuntratti speċifiċi fi ħdan il-kuntest tal-kuntratt qafas tal-istudji tas-suq tal-konsumatur. Ġie ffirmat ukoll kuntratt biex isir stħarriġ tal-monitoraġġ tas-suq ta’ 51 suq tal-konsumatur.

2.3. Il-programm ta’ ħidma BTSF

—

Il-monitoraġġ tal-kuntratti trasferiti mid-DĠ SANCO relatati ma’ proġetti mogħtija taħt is-Sejħiet għall-offerti tal-2007 u l-2008 kuntratti mogħtija mill-offerta 2009. Wara ftehim mad-DĠ SANCO ta’ grupp ta’ sitt kuntratti ffirmati taħt il-BTSF ġie trasferit lill-Aġenzija. L-Aġenzija ssorveljat programmi definiti f'seba' kuntratti ġodda mogħtija mis-Sejħiet għal offerta li tvaraw fl-2009.

—	Il-varar ta’ Sejħiet għall-offerti tal-2010 u l-iffirmar ta’ kuntratti. Baġit disponibbli għal programmi ta’ taħriġ – EUR 13 320 000. Tvaraw 10 sejħiet għal offerti jew stedina għal offerta.

3. Il-ġenerazzjoni u t-tixrid ta’ informazzjoni dwar il-Programm tas-Saħħa Pubblika, il-Programm tal-Konsumaturi, proġetti ffinanzjati mill-programm tal-BTSF u l-attivitajiet tal-Aġenzija Eżekuttiva fl-2010.

Sors: Informazzjoni mogħtija mill-Aġenzija.

(1) Id-Deċiżjoni tal-Kummissjoni tad-9 ta’ Settembru 2008 - li tiddelega l-poteri lill-Aġenzija.

IT-TWEĠIBA TAL-AĠENZIJA

13.

L-Aġenzija ħadet nota tal-fehma tal-Qorti li l-approprjazzjonijiet miġjuba ’l quddiem, b’mod partikulari t-Titolu III tal-baġit operattiv tal-Aġenzija, għandu jkompli jitnaqqas. Għal dan il-għan, l-Aġenzija ser tkompli tirrevedi l-ippjanar baġitarju u l-għodda ta’ rapportar tagħha, u biħsiebha tagħti bidu għall-Programm ta’ Ħidma fi stadju iżjed bikri tal-eżerċizzju. Għaldaqstant ir-rati tal-approprjazzjonijiet tal-pagamenti magħmula għandhom jiżdiedu fi tmiem l-eżerċizzju.

15.12.2011

Il-Ġurnal Uffiċjali tal-Unjoni Ewropea

C 366/100

RAPPORT

dwar il-kontijiet annwali tal-Aġenzija Ferrovjarja Ewropea għas-sena finananzjarja 2010, flimkien mat-tweġibiet tal-Aġenzija

2011/C 366/18

INTRODUZZJONI

L-Aġenzija Ewropea tal-Ferroviji (minn hawn 'il quddiem imsejħa “l-Aġenzija”), li tinsab f'Lille-Valenciennes, kienet imwaqqfa mir-Regolament (KE) Nru 881/2004 tal-Parlament Ewropew u tal-Kunsill tad-29 ta’ April 2004 (1). L-għan tal-Aġenzija huwa li ttejjeb il-livell ta’ interoperabilità tas-sistemi tal-ferroviji u li tiżviluppa approċċ komuni dwar is-sigurtà sabiex tikkontribwixxi lejn il-ħolqien ta’ settur Ewropew tal-ferroviji aktar kompetittiv b'livell għoli ta’ sigurtà (2).

2.	Il-baġit tal-Aġenzija għall-2010 ammonta għal EUR 24,1 miljun meta mqabbel ma’ EUR 21 miljun is-sena ta’ qabel. L-għadd ta’ persunal impjegat mill-Aġenzija fi tmiem is-sena kien 142 meta mqabbel mal-127 is-sena ta’ qabel.

ID-DIKJARAZZJONI TA’ ASSIGURAZZJONI

4.	Din id-Dikjarazzjoni ta’ Assigurazzjoni hija indirizzata lill-Parlament Ewropew u lill-Kunsill, skont l-Artikolu 185(2) tar-Regolament tal-Kunsill (KE, Euratom) Nru 1605/2002 (6).

Ir-responsabbiltà tad-Direttur

Bħala uffiċjal li jawtorizza, id-Direttur jimplimenta d-dħul u l-infiq tal-baġit skont ir-regoli finanzjarji tal-Aġenzija li taqa' taħt ir-responsabbiltà tiegħu u fi ħdan il-limiti tal-approprjazzjonijiet awtorizzati (7). Id-Direttur huwa responsabbli mit-twaqqif (8) tal-istruttura organizzattiva u s-sistemi u l-proċeduri tal-ġestjoni u l-kontroll interni rilevanti biex jiġu ppreparati kontijiet finali (9) li huma ħielsa minn dikjarazzjoni żbaljata materjali, kemm jekk minħabba frodi jew inkella żball, u biex jiżgura li t-tranżazzjonijiet li fuqhom huma bbażati dawk il-kontijiet huma legali u regolari.

Ir-responsabbiltà tal-Qorti

6.	Ir-responsabbiltà tal-Qorti hija li tipprovdi, abbażi tal-verifika tagħha, dikjarazzjoni ta’ assigurazzjoni dwar l-affidabbiltà tal-kontijiet annwali tal-Aġenzija u dwar il-legalità u r-regolarità tat-tranżazzjonijiet li huma bbażati fuqhom.

Il-verifika tal-Qorti tinvolvi t-twettiq ta’ proċeduri sabiex tinkiseb evidenza tal-verifika dwar l-ammonti u l-iżvelar fil-kontijiet u dwar il-legalità u r-regolarità tat-tranżazzjonijiet li huma bbażati fuqhom. Il-proċeduri jintgħażlu skont il-ġudizzju tal-awditur, inkluża l-valutazzjoni tar-riskji ta’ dikjarazzjoni skorretta materjali fir-rapporti finanzjarji, sew jekk minħabba frodi u sew jekk minħabba xi żball. Meta tagħmel dawk il-valutazzjonijiet tar-riskju, il-kontrolli interni rilevanti għall-preparazzjoni u l-preżentazzjoni tal-kontijiet tal-entità jiġi kkunsidrat sabiex jitfasslu proċeduri tal-verifika li huma xierqa fiċ-ċirkostanzi. Il-verifika tal-Qorti tinkludi wkoll evalwazzjoni tal-adegwatezza tal-politika tal-kontabilità użata, tar-raġonevolezza tal-estimi tal-kontabilità magħmula mill-maniġment u kif ukoll evalwazzjoni tal-preżentazzjoni tal-kontijiet inġenerali.

9.	Il-Qorti tqis li l-evidenza tal-verifika miksuba hija biżżejjed u xierqa biex tipprovdi bażi għall-opinjonijiet t'hawn taħt.

L-opinjoni dwar l-affidabbiltà tal-kontijiet

10.

L-opinjoni dwar il-legalità u r-regolarità tat-tranżazzjonijiet li fuqhom huma bbażati l-kontijiet

11.	Fl-opinjoni tal-Qorti, it-tranżazzjonijiet li fuqhom huma bbażati l-kontijiet annwali tal-Aġenzija għas-sena finanzjarja li ntemmet fil-31 ta’ Diċembru 2010, fl-aspetti materjali kollha huma legali u regolari.

12.	Il-kummenti li ġejjin ma jixħtux f'dubju l-opinjonijiet tal-Qorti.

KUMMENTI DWAR IL-ĠESTJONI TAL-BAĠIT U DIK FINANZJARJA

13.	L-approprjazzjonijiet miġjuba 'l quddiem għall-2011 ammontaw għal EUR 5,5 miljun, li minnhom EUR 4,3 miljun (78 %) huma marbuta ma’ oġġetti u servizzi li se jiġu pprovduti fl-2011. Dan il-livell ta’ riport huwa eċċessiv u jmur kontra l-prinċipju ta’ annwalità.

Dan ir-Rapport ġie adottat mill-Awla IV, immexxija mis-Sur Igors LUDBORŽS, Membru tal-Qorti tal-Awdituri, fil-Lussemburgu fil-laqgħa tagħha tas-6 ta’ Settembru 2011.

Għall-Qorti tal-Awdituri

Vítor Manuel da SILVA CALDEIRA

President

(1) ĠU L 220, 21.6.2004, p. 3.

(2) L-Anness jagħti sommarju tal-kompetenzi u l-attivitajiet tal-Aġenzija. Jiġi ppreżentat għal skopijiet ta’ informazzjoni.

(5) Ir-rapporti tal-implimentazzjoni tal-baġit jikkonsistu fil-kont tar-riżultat tal-baġit u fl-anness tiegħu.

(6) ĠU L 248, 16.9.2002, p. 1.

(7) L-Artikolu 33 tar-Regolament tal-Kummissjoni (KE, Euratom) Nru 2343/2002 (ĠU L 357, 31.12.2002, p. 72).

(8) L-Artikolu 38 tar-Regolament (KE, Euratom) Nru 2343/2002.

(10) Il-Federazzjoni Internazzjonali tal-Kontabilisti (IFAC) u l-Istandards Internazzjonali tal-Istituzzjonijiet Supremi tal-Verifika (ISSAI).

(11) Il-Kontijiet Annwali Finali kienu ppreparati fil-15 ta’ Ġunju 2011 u rċevuti mill-Qorti fl-4 ta’ Lulju 2011. Il-Kontijiet Annwali Finali jistgħu jinstabu fuq il-websajt li ġej http://eca.europa.eu jew www.era.europa.eu.

ANNESS

Aġenzija Ferrovjarja Ewropea - Lille/Valenciennes

Kompetenzi u attivitajiet

L-oqsma ta’ kompetenza tal-Unjoni stipulati fit-Trattat

(L-Artikolu 91(1) tat-Trattat dwar il-Funzjonament tal-Unjoni Ewropea)

Għall-finijiet tal-implimentazzjoni tal-Artikolu 90, u filwaqt li jitqiesu l-fatturi partikolari tat-trasport, il-Parlament Ewropew u l-Kunsill, li jaġixxu skont il-proċedura leġiżlattiva ordinarja u wara li jikkonsultaw mal-Kumitat Ekonomiku u Soċjali u l-Kumitat tar-Reġjuni, għandhom jistabbilixxu:

(a)	ir-regoli komuni li japplikaw għat-trasport internazzjonali lejn jew mit-territorju ta’ Stat Membru jew li jaqsam it-territorju ta’ Stat Membru wieħed jew aktar;

(b)	il-kondizzjonijiet li jirregolaw il-mod li bih trasportaturi mhux residenti jistgħu joperaw servizzi ta’ trasport f'xi Stat Membru;

(ċ)	il-miżuri li jtejbu s-sigurtà fit-trasport;

(d)	provvedimenti oħra xierqa.

Il-kompetenzi tal-Aġenzija

(Ir-Regolament (KE) Nru 881/2004 tal-Parlament Ewropew u tal-Kunsill)

L-Objettivi:

Tikkontribwixxi, fi kwistjonijiet tekniċi, lejn l-implimentazzjoni ta’ leġiżlazzjoni tal-Unjoni mmirata lejn:

—	it-titjib tal-pożizzjoni kompetittiva tas-settur tal-ferroviji;

—	l-iżvilupp ta’ approċċ komuni dwar is-sigurtà fis-sistema Ewropea tal-ferroviji.

sabiex tikkontribwixxi għall-ħolqien ta’ żona Ewropea tal-ferroviji mingħajr fruntieri u tiggarantixxi livell għoli ta’ sigurtà.

Il-Kompiti:

1 Tindirizza rakkomandazzjonijiet lill-Kummissjoni dwar

—	il-metodi ta’ sigurtà komuni (CMS) u l-miri ta’ sigurtà komuni (CSTs) stipulati fid-Direttiva dwar is-Sigurtà Ferrovjarja (2004/49/KE);

—	iċ-ċertifikati ta’ sigurtà u miżuri fil-qasam tas-sigurtà;

—	l-iżvilupp ta’ speċifikazzjonijiet Tekniċi dwar l-Interoperabilità;

—	il-monitoraġġ tal-interoperabilità;

—	iċ-ċertifikazzjoni tal-postijiet fejn issir il-manutenzjoni;

—	il-kompetenzi professjonali;

—	ir-reġistrazzjoni ta’ vetturi ferrovjarji.

2 Tagħti opinjonijiet dwar

—	ir-regoli nazzjonali tas-sigurtà;

—	il-monitoraġġ tal-kwalità tax-xogħol ta’ korpi innotifikati;

—	l-interoperabilità tan-netwerk trans-Ewropew.

3 Il-Koordinazzjoni tal-korpi nazzjonali

Il-koordinazzjoni ta’ awtoritajiet ta’ sigurtà nazzjonali u l-korpi investigattivi nazzjonali (kif deskritti fid-Direttiva 2004/49/KE, l-Artikoli 17 u 21).

4 Il-pubblikazzjonijiet u d-databases

—	ir-rapport dwar il-prestazzjoni tas-sigurtà (kull sentejn);

—	ir-rapport dwar il-progress fir-rigward tal-interoperabilità (kull sentejn);

—	id-database pubblika ta’ dokumenti ta’ sigurtà;

—	ir-reġistru pubbliku ta’ dokumenti dwar l-interoperabilità.

It-tmexxija

1 – Il-Bord Amministrattiv

Jikkonsisti f'rappreżentant minn kull Stat Membru, erba' rappreżentanti mill-Kummissjoni, u sitt rappreżentanti, mingħajr id-dritt tal-vot, mis-setturi professjonali kkonċernati.

2 – Id-Direttur

Maħtur mill-Bord Amministrattiv fuq proposta mill-Kummissjoni.

3 – Il-verifika esterna

Il-Qorti tal-Awdituri

4 – L-Awtorità ta’ Kwittanza:

Il-Parlament, fuq rakkomandazzjoni tal-Kunsill

Ir-riżorsi disponibbli għall-Aġenzija fl-2010 (2009)

Il-Baġit

EUR 24 (21) miljun

L-għadd tal-persunal fil-31 ta’ Diċembru 2010

Il-karigi elenkati fil-pjan ta’ stabbiliment: 139 (124)

Il-karigi okkupati fil-31.12.2010: 133 (113)

Persunal ieħor: 15 (14)

It-total tal-persunal: 148 (127) li minnhom allokati f':

—	il-kompiti operattivi: 101 (84)

—	il-kompiti amministrattivi: 47 (43)

L-attivitajiet u s-servizzi mogħtija fl-2010

Ir-rakkomandazzjonijiet relatati ma’ Ċertifikazzjoni tas-Sigurtà, inkluża l-migrazzjoni lejn ċertifikat uniku tas-sigurtà tal-Unjoni, rakkomandazzjonijiet għal mudell tal-Unjoni ta’ liċenzja u reġistru ta’ sewwieq tal-ferroviji, ċertifikazzjoni ta’ workshops ta’ manutenzjoni u entitajiet inkarigati mill-manutenzjoni.

Ir-rakkomandazzjonijiet rigward regolazzjoni tas-sigurtà, inkluża l-evalwazzjoni tal-mod kif isiru disponibbli r-regoli ta’ sigurtà nazzjonali, tgħarbil tat-traspożizzjoni tad-Direttiva dwar is-Sigurtà Ferrrovjarja fl-Istati Membri.

Ir-rakkomandazzjonijiet relatati ma’ Rappurtar dwar is-Sigurtà, inklużi Indikaturi Komuni tas-Sigurtà, koordinazzjoni ta’ korpi ta’ awtoritajiet tas-sigurtà u ta’ investigazzjoni u rappurtar dwar il-prestazzjoni tas-sigurtà fl-Istati Membri.

Ir-rakkomandazzjonijiet dwar il-valutazzjoni tas-sigurtà, inklużi Metodi Komuni ta’ Sigurtà.

Ir-rakkomandazzjonijiet ta’ abbozzar għal Speċifikazzjonijiet Tekniċi għall-Interoperabbiltà u r-Reviżjoni tagħhom. L-evalwazzjoni tal-estensjoni tal-ambitu u l-korrezzjoni tal-iżbalji.

Il-pubblikazzjoni ta’ rapport dwar is-sigurtà tal-ferroviji.

Il-Provvediment ta’ Alternattivi Tekniċi dwar regoli nazzjonali u sorveljanza tax-xogħol tal-Korpi Notifikati.

Tistabbilixxi u żżomm serje ta’ reġistri għall-Interoperabilità u s-sigurtà.

Taġixxi bħala l-Awtorità tas-Sistema u l-Maniġer tal-Kontroll tal-Bidla għall-ERTMS (Sistema Ewropea tal-Ġestjoni tat-Traffiku Ferrovjarju)li jgħin lill-Kummissjoni fl-evalwazzjoni ta’ proġetti tal-ERTMS.

Tiddefinixxi u tiġbor id-Dokument ta’ Referenza ta’ regoli nazzjonali għall-awtorizzazzjoni ta’ vetturi u tikklassifika l-ekwivalenza tagħhom għal aċċettazzjoni transnazzjonali.

Takkumpanja lir-rakkomandazzjonijiet kollha b'valutazzjoni tal-impatt.

Sors: Informazzjoni mogħtija mill-Aġenzija.

IT-TWEĠIBIET TAL-AĠENZIJA

13.

L-Aġenzija qed tanalizza l-possibiltà li tikkonkludi kuntratti ta’ qafas għal studji, li jippermetulha tiffirma kuntratti speċifiċi aktar kmieni wara li jkun ġie adottat il-baġit. Barra minn hekk, għas-snin 2011 u 2012, l-Aġenzija ser tirrevedi t-tbassir baġitarju sabiex issir konformi mal-bżonnijiet reali u ttejjeb l-infieq tar-riżorsi baġitarji.

15.12.2011

Il-Ġurnal Uffiċjali tal-Unjoni Ewropea

C 366/106

RAPPORT

dwar il-kontijiet annwali tal-Awtorità Ewropea dwar is-Sigurtà fl-Ikel għas-sena finanzjarja 2010, flimkien mat-tweġibiet tal-Awtorità

2011/C 366/19

INTRODUZZJONI

L-Awtorità Ewropea dwar is-Sigurtà fl-Ikel (minn hawn 'il quddiem imsejħa “l-Awtorità”), li tinstab f'Parma, kienet imwaqqfa bir-Regolament (KE) Nru 178/2002 tal-Parlament Ewropew u tal-Kunsill tat-28 ta’ Jannar 2002 (1). Il-kompiti prinċipali tagħha huma li tipprovdi l-informazzjoni xjentifika neċessarja sabiex tiġi ppreparata leġiżlazzjoni tal-Unjoni, li tiġbor u tanalizza data sabiex ir-riskji jkunu jistgħu jiġu identifikati u ssorveljati u li tipprovdi informazzjoni indipendenti fuq dawn ir-riskji (2).

2.	Il-baġit tal-Awtorità għall-2010 ammonta għal EUR 74,7 miljun meta mqabbel mal- EUR 71,4 miljun is-sena ta’ qabel. L-għadd ta’ persunal impjegat mill-Awtorità fi tmiem is-sena kien 433 meta mqabbel ma’ 407 s-sena ta’ qabel.

ID-DIKJARAZZJONI TA’ ASSIGURAZZJONI

Skont id-dispożizzjonijiet tal-Artikolu 287(1), it-tieni subparagrafu tat-Trattat dwar il-Funzjonament tal-Unjoni Ewropea, il-Qorti vverifikat il-kontijiet annwali (3) tal-Awtorità, li jikkonsistu fir-“rendikonti finanzjarji” (4) u fir-“rapporti dwar l-implimentazzjoni tal-baġit” (5) għas-sena finanzjarja li ntemmet fil-31 ta’ Diċembru 2010 u l-legalità u r-regolarità tat-tranżazzjonijiet li fuqhom huma bbażati dawk il-kontijiet.

4.	Din id-Dikjarazzjoni ta’ Assigurazzjoni hija indirizzata lill-Parlament Ewropew u lill-Kunsill, skont l-Artikolu 185(2) tar-Regolament tal-Kunsill (KE, Euratom) Nru 1605/2002 (6).

Ir-responsabbiltà tad-Direttur

Bħala uffiċjal li jawtorizza, id-Direttur jimplimenta d-dħul u l-infiq tal-baġit skont ir-regoli finanzjarji tal-Awtorità li taqa' taħt ir-responsabbiltà tagħha u fi ħdan il-limiti tal-approprjazzjonijiet awtorizzati (7). Id-Direttur huwa responsabbli mit-twaqqif (8) tal-istruttura organizzattiva u s-sistemi u l-proċeduri tal-ġestjoni u l-kontroll interni rilevanti biex jiġu ppreparati kontijiet finali (9) li huma ħielsa minn dikjarazzjoni żbaljata materjali, kemm jekk minħabba frodi jew inkella żball, u biex tiżgura li t-tranżazzjonijiet li fuqhom huma bbażati dawk il-kontijiet huma legali u regolari.

Ir-responsabbiltà tal-Qorti

6.	Ir-responsabbiltà tal-Qorti hija li tipprovdi, abbażi tal-verifika tagħha, dikjarazzjoni ta’ assigurazzjoni dwar l-affidabbiltà tal-kontijiet annwali tal-Awtorità u dwar il-legalità u r-regolarità tat-tranżazzjonijiet li huma bbażati fuqhom.

9.	Il-Qorti tqis li l-evidenza tal-verifika miksuba hija biżżejjed u xierqa biex tipprovdi bażi għall-opinjonijiet t'hawn taħt.

L-opinjoni dwar l-affidabbiltà tal-kontijiet

10.

Fl-opinjoni tal-Qorti, il-Kontijiet Annwali (11) tal-Awtorità jippreżentaw b'mod ġust, fl-aspetti materjali kollha, il-pożizzjoni finanzjarja tagħha fil-31 ta’ Diċembru 2010 u r-riżultati tal-operazzjonijiet tagħha u tal-likwidità tagħha għas-sena li ntemmet, skont id-dispożizzjonijiet tar-Regolament Finanzjarju tagħha.

L-opinjoni dwar il-legalità u r-regolarità tat-tranżazzjonijiet li fuqhom huma bbażati l-kontijiet

11.	Fl-opinjoni tal-Qorti, it-tranżazzjonijiet li fuqhom huma bbażati l-kontijiet annwali tal-Awtorità għas-sena finanzjarja li ntemmet fil-31 ta’ Diċembru 2010, fl-aspetti materjali kollha huma legali u regolari.

12.	Il-kummenti li ġejjin ma jixħtux dubju fuq l-opinjonijiet tal-Qorti.

KWISTJONIJIET OHRA

13.

Reviżjoni tad-Dikjarazzjonijiet ta’ Interess tal-Membri tal-Bord tat-Tmexxija titwettaq mill-President bl-għajnuna ta’ Viċi Presidenti. Dan il-proċess ta’ reviżjoni mhuwiex biżżejjed rigoruż u ma fihx biżżejjed dettall. Approċċi differenti għall-amministrazzjoni ta’ kunflitt ta’ kwistjonijiet ta’ interess huma adottati għal sitwazzjonijiet simili. Hemm lok għal titjib fil-kompletezza u fit-trasparenza ta’ din il-proċedura.

14.

Ġew innutati dgħufijiet f'xi wħud mill-proċeduri ta’ reklutaġġ: l-anonimità tat-testijiet bil-miktub ma kinitx rispettata, il-punteġġ biex wieħed jgħaddi għall-istadji varji tal-proċess ta’ għażla ġie deċiż wara li l-proċess ta’ evalwazzjoni kien beda, u ntużaw kriterji vagi. Dawn il-prattiki poġġew it-trasparenza tal-proċeduri tar-reklutaġġ f'riskju.

Dan ir-Rapport ġie adottat mill-Awla IV, immexxija mis-Sur Igors LUDBORŽS, Membru tal-Qorti tal-Awdituri, fil-Lussemburgu fil-laqgħa tagħha tas-6 ta’ Settembru 2011.

Għall-Qorti tal-Awdituri

Vítor Manuel da SILVA CALDEIRA

President

(1) ĠU L 31, 1.2.2002, p. 1,

(2) L-Anness jagħti sommarju tal-kompetenzi u tal-attivitajiet tal-Awtorità. Jiġi ppreżentat għal skopijiet ta’ informazzjoni

(4) Ir-rendikonti finanzjarji jinkludu l-karta tal-bilanċ u l-kont tar-riżultat ekonomiku, it-tabella tal-likwidità, ir-rendikont tat-tibdil fil-kapital u l-anness għar-rendikonti finanzjarji li jinkludi d-deskrizzjoni tal-politika tal-kontabilità prinċipali u informazzjoni oħra ta’ spjegazzjoni.

(5) Ir-rapporti tal-implimentazzjoni tal-baġit jikkonsistu fil-kont tar-riżultat tal-baġit u fl-anness tiegħu.

(6) ĠU L 248, 16.9.2002, p. 1.

(7) L-Artikolu 33 tar-Regolament tal-Kummissjoni (KE, Euratom) Nru 2343/2002 (ĠU L 357, 31.12.2002, p. 72)

(8) L-Artikolu 38 tar-Regolament (KE, Euratom) Nru 2343/2002.

(9) Ir-regoli dwar il-preżentazzjoni tal-kontijiet u tal-kontabilità mill-Aġenziji huma stabbiliti fil-kapitolu 1 tat-Titlu VII tar-Regolament (KE, Euratom) Nru 2343/2002 kif l-aħħar emendat bir-Regolament (KE, Euratom) Nru 652/2008 (ĠU L 181, 10.7.2008, p. 23) u huma fil-fatt integrati fir-Regolament Finanzjarju tal-Awtorità.

(10) Il-Federazzjoni Internazzjonali tal-Kontabilisti (IFAC) u l-Istandards Internazzjonali tal-Istituzzjonijiet Supremi tal-Verifika (ISSAI).

(11) Il-Kontijiet Annwali Finali kienu ppreparati fis-16 ta’ Ġunju 2011 u rċevuti mill-Qorti fl-1 ta’ Lulju 2011. Il-Kontijiet Annwali Finali jistgħu jinstabu fuq il-websajt li ġej http://eca.europa.eu jew http://www.efsa.europa.eu/EFSA/AboutEfsa/HowWeWork/Funding/efsa_locale-1178620753812_Accounts.htm.

ANNESS

L-Awtorità Ewropea dwar is-Sigurtà fl-Ikel (Parma)

Kompetenzi u attivitajiet

L-oqsma ta’ kompetenza tal-Unjoni stipulati fit-Trattat

Il-ġbir ta’ informazzjoni

—	Il-moviment liberu tal-merkanizija (L-Artikolu 37 tat-Trattat).

—	Kontribut għal livell għoli ta’ protezzjoni tas-saħħa, sigurtà, u l-protezzjoni tal-ambjent u tal-konsumatur, b'kunsiderazzjoni għal żviluppi ġodda bbażati fuq fatti xjentifiċi (L-Artikolu 95 tat-Trattat).

—	Il-politika kummerċjali komuni (L-Artikolu 133 tat-Trattat).

Il-kompetenzi tal-Awtorità

(Ir-Regolament (KE) Nru 178/2002 tal-Parlament Ewropew u tal-Kunsill)

L-Objettivi

—	Tipprovdi opinjonijiet xjentifiċi u appoġġ xjentifiku u tekniku għal-leġiżlazzjoni u l-politika li għandhom impatt dirett jew indirett fuq l-ikel u s-sigurtà tal-għalf.

—	Tipprovdi tagħrif indipendenti fuq ir-riskji li għandhom x'jaqsmu mas-sigurtà fl-ikel.

—	Tikkontribwixxi għall-kisba ta’ livell għoli ta’ protezzjoni tal-ħajja umana u tas-saħħa.

—	Tiġbor u tanalizza d-data meħtieġa biex tippermetti l-karatterizzazzjoni u l-monitoraġġ tar-riskji.

Il-Kompiti

—	Toħroġ opinjonijiet u studji xjentifiċi.

—	Tippromwovi metodoloġiji uniformi ta’ valutazzjoni tar-riskji.

—	Tgħin lill-Kummissjoni.

—	Tfittex, tanalizza, u tqassar id-data xjentifika u t-teknika meħtieġa.

—	Tidentifika u tikkaratterizza riskji emerġenti.

—	Tistabbilixxi netwerk ta’ organizzazzjonijiet li joperaw f'oqsma simili.

—	Tipprovdi għajnuna xjentifika u teknika fil-ġestjoni tal-kriżi.

—	Ittejjeb il-koperazzjoni internazzjonali.

—	Tipprovdi lill-partijiet pubbliċi u lill-partijiet interessati b'informazzjoni affidabbli, oġġettiva u li tinftiehem b'mod faċli.

—	Tieħu sehem fis-sistema ta’ twissija rapida tal-Kummissjoni.

It-tmexxija

1 – Il-Bord ta’ Tmexxija

Il-kompożizzjoni

14-il membru maħtura mill-Kunsill (b'koperazzjoni mal-Parlament Ewropew u l-Kummissjoni) u rappreżentant wieħed mill-Kummissjoni.

Il-kompitu

Jadotta l-programm ta’ ħidma u l-baġit u jiżgura li huma implimentati.

2 – Id-Direttur Eżekuttiv

Maħtur mill-Bord ta’ Tmexxija abbażi ta’ lista ta’ kandidati proposti mill-Kummissjoni u wara seduta quddiem il-Parlament Ewropew.

3 – Il-Forum Konsultattiv

Il-kompożizzjoni

Rappreżentant wieħed minn kull Stat Membru.

Il-kompitu

Jagħti pariri lid-Direttur Eżekuttiv.

4 - Il-Kumitat Xjentifiku u l-panels xjentifiċi

Jippreparaw l-opinjonijiet xjentifiċi tal-Awtorità.

5 – Il-Verifika esterna

Il-Qorti tal-Awdituri.

6 – Internal audit

Il-kapaċita tal-verifika interna tal-EFSA.

Is-servizz tal-verifika interna tal-Kummissjoni Ewropea.

7 – L- Awtorità ta’ kwittanza

Il-Parlament fuq rakkomandazzjoni tal-Kunsill.

Ir-riżorsi disponibbli għall-Aġenzija fl-2010 (2009)

Il-Baġit

EUR 74,7 (71,4) miljun li minnhom is-sussidju tal-Unjoni Ewropea huwa 100 % (100 %)

Il-persunal fil-31 ta’ Diċembru 2010

355 (355) kariga prevista fil-pjan ta’ stabbiliment, li minnhom okkupati:

330 (326) persunal (aġenti temporanji u uffiċjali)

Persunal ieħor 103 (81) (persunal kuntrattwali, esperti nazzjonali ssekondati)

Persunal totali 433 (407) li minnhom għal:

Dmirijiet operazzjonali: 323 (324)

Dmirijiet amministrattivi: 110 (83)

Jekk jogħġbok innota li 21 ittra ta’ offerta ntbagħtu fil-31.12.2010 li jammontaw għal 454 kariga tal-persunal b'kollox

Il-prodotti u s-servizzi 2010 (2009)

Prodotti Xjentifiċi u Pubblikazzjonijiet ta’ Sostenn 2010 (2009) (1)

L-Attività 1: L-għoti ta’ opinjonijiet xjentifiċi u pariri u approċċi għal valutazzjonijiet tar-riskji

—	Il-Gwida tal-Kumitat Xjentifiku/Panel Xjentifiku 2 (6)

—	L-Opinjoni tal-Kumitat Xjentifiku/Panel Xjentifiku 48 (72)

—	Ir-Rapport Xjentifiku tal-EFSA 5 (3)

—	Id-Dikjarazzjoni tal-EFSA 4 (4)

—	Id-Dikjarazzjoni tal-Kumitat Xjentifiku/Panel Xjentifiku 7 (6)

It-total tal-attività ta’ prodotti xjentifiċi 1 = 66 (91)

L-Attività 2: L-evalwazzjoni ta’ prodotti, sustanzi u klejms soġġetti għal awtorizzazzjoni

—	Il-Konklużjonijiet dwar ir-Reviżjoni tal-Pestiċidi Bejn il-Pari 73 (28)

—	Il-Gwida tal-EFSA 1 (3)

—	Il-Gwida tal-Kumitat Xjentifiku/Panel Xjentifiku 6 (2)

—	L-Opinjoni tal-Kumitat Xjentifiku/Panel Xjentifiku 244 (341)

—	Ir-Rapport Xjentifiku tal-EFSA 2 (0)

—	Id-Dikjarazzjoni tal-Kumitat Xjentifiku/Panel Xjentifiku 5 (38)

It-total tal-attività ta’ prodotti xjentifiċi 2 = 331 (412)

L-Attività 3: Il-Ġbir ta’ Data, koperazzjoni xjentifika u bin-netwerking

—	Il-Gwida tal-EFSA 3 (2)

—	Id-Dikjarazzjoni tal-EFSA 2 (2)

—	L-Opinjoni Motivata 68 (76)

—	Ir-Rapport Xjentifiku tal-EFSA 38 (40)

It-total tal-attività ta’ prodotti xjentifiċi 3 = 111 (120)

Pubblikazzjonijiet ta’ Sostenn

—	Ir-rapporti dwar avvenimenti 7 (2)

—	Ir-rapport Xjentifiku Estern 33 (1)

—	Ir-rapport tekniku 17 (10)

Total ta’ Pubblikazzjonijiet ta’ Sostenn = 57 (13)

Dħul totali = 565 (636)

—	L-opinjonijiet xjentifiċi appoġġati b'attivitajiet tal-komunikazzjoni: 34 % (24 %).

—	Il-konsultazzjonijiet pubbliċi: 78 (66)

—	Iż-żjarat fuq is-sit tal-internet: 3 miljun (2,4)

—	Abbonati ma’ Highlights: 26 934(25 690).

—	Kopertura tal-midja: 8 330(9 038)

—	Mistoqsijiet mill-midja: 857 (694)

—	Stqarrijiet għall-istampa: 16 (21)

—	Artikli tal-Aħbarijiet fuq l-Internet: 59 (50)

—	Intervisti: 116 (72).

Sors: Informazzjoni mogħtija mill-Awtorità.

(1) Hekk jogħġbok innota li, għal skopijiet ta’ komparabilità, id- data (tal-2009) ġiet adattata sabiex tirrifletti l-klassifika l-ġdida tal-prodotti tal-Awtorità. L-għadd totali tal-prodotti ma nbidilx

IT-TWEĠIBIET TAL-AWTORITÀ

13.

Sabiex tissaħħaħ l-awtovalutazzjoni tad-Dikjarazzjonijiet ta’ Interess tal-Membri, f’Ġunju 2011 il-Bord ta’ Amministrazzjoni adotta kodiċi ta’ kondotta. Barra minn hekk, il-Bord ta’ Amministrazzjoni adotta abbozz ta’ politika fuq il-Proċessi ta’ Deċiżjonijiet Indipendenti u Xjentifiċi għall-konsultazzjoni pubblika. Dan l-abbozz ta’ politika ġdida jipprevedi li għal kwalunkwe ċirkostanzi li jistgħu jkunu relatati mal-indipendenza tal-membri tal-Bord, l-Awtorità tista’ tikkonsulta mal-istituzzjonijiet tal-UE li jkunu kkontribwew fil-proċess tal-ħatra (il-Kunsill, il-Parlament, il-Kummissjoni). Dan huwa mistenni li jiġi adottat sal-aħħar tal-2011.

14.

Anki jekk il-linji gwida ta’ qabel issodisfaw il-ħtiġijiet tar-regoli ta’ implimentazzjoni fuq ir-reklutaġġ ivvalidat mill-Kummissjoni fl-applikazzjoni tal-Artikolu 110 tar-Regolamenti tal-Persunal, f’Diċembru 2010 l-Awtorità adottat linji gwida sabiex tkun konformi mar-rakkomandazzjonijiet tal-prattiċi tajba tal-ECA.

15.12.2011

Il-Ġurnal Uffiċjali tal-Unjoni Ewropea

C 366/112

RAPPORT

dwar il-kontijiet annwali tal-Aġenzija Ewropea GNSS għas-sena finanzjarja 2010, flimkien mat-tweġibiet tal-Aġenzija

2011/C 366/20

INTRODUZZJONI

L-Aġenzija Ewropea GNSS (Sistema Globali ta’ Navigazzjoni bis-Satellita) (minn hawn ’il quddiem “l-Aġenzija”), li tinsab fi Brussell, twaqqfet mir-Regolament tal-Kunsill (KE) Nru 1321/2004 tat-12 ta’ Lulju 2004 (1) sabiex tmexxi l-interessi pubbliċi fir-rigward tal-programmi Ewropej tal-GNSS u biex taġixxi bħala l-aġenzija regolatorja għall-programm matul il-fażijiet ta’ skjerament u ta’ operazzjoni tal-Programm Galileo. Ir-Regolament (KE) Nru 683/2008 tal-Parlament Ewropew u tal-Kunsill tad-9 ta’ Lulju 2008 (2) naqqas ir-responsabbiltajiet tal-Aġenzija għall-kontroll tas-sigurtà tas-sistemi Galileo u għat-tħejjija tal-kummerċjalizzazzjoni tagħhom. Sal-2010, l-Aġenzija kienet magħrufa bħala l-Awtorità ta’ Viġilanza tal-GNSS Ewropea (3).

2.	Il-baġit adottat tal-Aġenzija għall-2010 ammonta għal EUR 15,9 miljun meta mqabbel ma’ EUR 44,4 miljun is-sena ta’ qabel. L-għadd ta’ persunal impjegat mill-Aġenzija fi tmiem is-sena kien 42 meta mqabbel mal-35 is-sena ta’ qabel.

ID-DIKJARAZZJONI TA’ ASSIGURAZZJONI

Skont id-dispożizzjonijiet tal-Artikolu 287(1), it-tieni subparagrafu, tat-Trattat dwar il-Funzjonament tal-Unjoni Ewropea, il-Qorti vverifikat il-kontijiet annwali tal- Aġenzija (4), li jikkonsistu fir-“rendikonti finanzjarji” (5) u fir-“rapporti dwar l-implimentazzjoni tal-baġit” (6) għas-sena finanzjarja li ntemmet fil-31 ta’ Diċembru 2010 u l-legalità u r-regolarità tat-tranżazzjonijiet li fuqhom huma bbażati dawk il-kontijiet.

4.	Din id-Dikjarazzjoni ta’ Assigurazzjoni hija indirizzata lill-Parlament Ewropew u lill-Kunsill, skont l-Artikolu 185(2) tar-Regolament tal-Kunsill (KE, Euratom) Nru 1605/2002 (7).

Ir-responsabbiltà tad-Direttur

Bħala uffiċjal li jawtorizza, id-Direttur jimplimenta d-dħul u l-infiq tal-baġit skont ir-regoli finanzjarji tal-Aġenzija, taħt ir-responsabbiltà tiegħu u fi ħdan il-limiti tal-approprjazzjonijiet awtorizzati (8).Id-Direttur huwa responsabbli mit-twaqqif (9) tal-istruttura organizzattiva u s-sistemi u l-proċeduri tal-ġestjoni u l-kontroll interni rilevanti biex jiġu ppreparati kontijiet finali (10) li huma ħielsa minn dikjarazzjoni żbaljata materjali, kemm jekk minħabba frodi jew inkella żball, u biex jiżgura li t-tranżazzjonijiet li fuqhom huma bbażati dawk il-kontijiet huma legali u regolari.

Ir-responsabbiltà tal-Qorti

6.	Ir-responsabbiltà tal-Qorti hija li tipprovdi, abbażi tal-verifika tagħha, dikjarazzjoni ta’ assigurazzjoni dwar l-affidabbiltà tal-kontijiet annwali tal-Aġenzija u dwar il-legalità u r-regolarità tat-tranżazzjonijiet li huma bbażati fuqhom.

Il-Qorti wettqet il-verifika tagħha skont l-Istandards Internazzjonali tal-Verifika u l-Kodiċi tal-Etika tal-IFAC u tal-ISSAI (11). Dawk l-istandards jitolbu li l-Qorti tikkonforma mar-rekwiżiti tal-etika u li tippjana u twettaq il-verifika biex tikseb assigurazzjoni raġonevoli dwar jekk il-kontijiet humiex ħielsa minn dikjarazzjoni żbaljata materjali u dwar jekk it-tranżazzjonijiet ta’ bażi humiex legali u regolari.

9.	Il-Qorti tqis li l-evidenza tal-verifika miksuba hija biżżejjed u xierqa biex tipprovdi bażi għall-opinjoni kwalifikata tagħha dwar l-affidabbiltà tal-kontijiet u għall-opinjoni tagħha dwar il-legalità u r-regolarità tat-tranżazzjonijiet li fuqhom huma bbażati dawk il-kontijiet.

Il-bażi għal opinjoni kwalifikata dwar l-affidabbiltà tal-kontijiet

10.

Matul l-2010 l-Aġenzija xtrat attivi fiss tanġibbli (12) relatati mal-programm Galileo (13) għal ammont ta’ EUR 4,4 miljun. Dawn l-attivi għandhom jiġu trasferiti mill-Aġenzija lill-Kummissjoni Ewropea. Dawn l-attivi ġew irreġistrati bħala nefqa tar-riċerka iżda minflok kien imisshom ġew klassifikati bħala attivi miżmuma għat-trasferiment. Ir-riżultat ta’ din it-tranżazzjoni huwa sottodikjarazzjoni ta’ attivi fl-ammont ta’ EUR 4,4 miljun u sottodikjarazzjoni tal-kont tar-riżultat ekonomiku bl-istess ammont.

Opinjoni kwalifikata dwar l-affidabbiltà tal-kontijiet

11.

Fl-opinjoni tal-Qorti, ħlief għall-effett tal-kwistjoni deskritta fil-paragrafu 10, il-Kontijiet Annwali tal-Aġenzija (14) jippreżentaw b’mod ġust, fl-aspetti materjali kollha, il-pożizzjoni finanzjarja tagħha fil-31 ta’ Diċembru 2010 u r-riżultati tal-operazzjonijiet tagħha u tal-likwidità tagħha għas-sena li ntemmet, skont id-dispożizzjonijiet tar-Regolament Finanzjarju tagħha.

L-opinjoni dwar il-legalità u r-regolarità tat-tranżazzjonijiet li fuqhom huma bbażati l-kontijiet

12.	Fl-opinjoni tal-Qorti, it-tranżazzjonijiet li fuqhom huma bbażati l-kontijiet annwali tal-Aġenzija għas-sena finanzjarja li ntemmet fil-31 ta’ Diċembru 2010, fl-aspetti materjali kollha huma legali u regolari.

13.	Il-kummenti li ġejjin ma jixħtux f’dubju l-opinjonijiet tal-Qorti.

IL-ĠESTJONI TAL-BAĠIT U DIK FINANZJARJA

14.

Fir-rigward tal-proċeduri ta’ għotja għas-Seba’ Programm ta’ Qafas għar-Riċerka / Galileo/ it-Tieni Sejħa b’baġit ta’ EUR 26 miljun, il-proċess ta’ evalwazzjoni ma għamilx distinzjoni ċara bejn il-kriterji tal-għażla u tal-għoti. Ma ġewx definiti l-kriterji għall-valutazzjoni tal-kapaċità finanzjarja tal-applikanti. Għalkemm l-istatus tal-applikant iddetermina r-rata massima ta’ rimborż, dan l-istatus ma kienx ikkonfermat mill-Aġenzija.

15.

Fir-Rigward tas-Sitt Programm ta’ Qafas (FP6)/ it-Tielet Sejħa, f’żewġ ftehimiet ta’ għotja vverifikati, il-klejms għall-ispejjeż ippreżentati mill-benefiċjarji kienu bbażati fuq rati standard, minflok spejjeż attwali. Dan ma kienx f'konformità mal-prinċipju ta’ nuqqas ta’ qligħ għall-kontribuzzjonijiet finanzjarji tal-UE.

16.	Ħames għotjiet ivverifikati, relatati l-aktar mas-Sitt Programm ta’ Qafas, urew dewmien ta’ bejn sena u tliet snin biex jiġu implimentati. Ġew innutati żidiet suċċessivi fil-valur iniżjali tal-kuntratti.

17.

Wara d-dħul fis-seħħ tar-Regolament (KE) Nru 683/2008, il-biċċa l-kbira tal-attivitajiet u l-attivi relatati mal-programmi tal-EGNOS u l-Galileo ġew trasferiti lill-Kummissjoni f’Diċembru 2009. Fil-31 ta’ Diċembru 2010, għad kellu jiġi determinat l-istatus ta’ EUR 2 miljun miżmuma mill-Aġenzija fir-rigward ta’ sostenn tekniku mill-Aġenzija Spazjali Ewropea.

KWISTJONIJIET OHRA

18.	Fil-proċeduri tal-għażla tal-persunal ivverifikati, ma ġewx determinati l-punteġġi ta’ livell limitu għal aċċess għat-testijiet bil-miktub u għall-intervisti jew għall-inklużjoni fil-lista ta’ kandidati xierqa. Dawn il-prattiki poġġew f’riskju t-trasparenza tal-proċeduri tar-reklutaġġ.

Dan ir-Rapport ġie adottat mill-Awla IV, immexxija mis-Sur Igors LUDBORŽS, Membru tal-Qorti tal-Awdituri, fil-Lussemburgu fil-laqgħa tagħha tal-25 ta’ Ottubru 2011.

Għall-Qorti tal-Awdituri

Vítor Manuel da SILVA CALDEIRA

President

(1) ĠU L 246, 20.7.2004, p. 1.

(2) ĠU L 196, 24.7.2008, p. 1.

(3) L-Anness jagħti sommarju tal-kompetenzi u l-attivitajiet tal-Aġenzija. Jiġi ppreżentat għal skopijiet ta’ informazzjoni.

(6) Ir-rapporti tal-implimentazzjoni tal-baġit jikkonsistu fil-kont tar-riżultat tal-baġit u fl-anness tiegħu.

(7) ĠU L 248, 16.9.2002, p. 1.

(8) L-Artikolu 33 tar-Regolament tal-Kummissjoni (KE, Euratom) Nru 2343/2002 (ĠU L 357, 31.12.2002, p. 72).

(9) L-Artikolu 38 tar-Regolament (KE, Euratom) Nru 2343/2002.

(10) Ir-regoli dwar il-preżentazzjoni tal-kontijiet u tal-kontabilità mill-Aġenziji huma stabbiliti fil-Kapitolu 1 tat-Titolu VII tar-Regolament (KE, Euratom) Nru 2343/2002 kif l-aħħar emendat bir-Regolament (KE, Euratom) Nru 652/2008 (ĠU L 181, 10.7.2008, p. 23) u huma fil-fatt integrati fir-Regolament Finanzjarju tal-Aġenzija.

(11) Il-Federazzjoni Internazzjonali tal-Kontabilisti (IFAC) u l-Istandards Internazzjonali tal-Istituzzjonijiet Supremi tal-Verifika (ISSAI).

(12) Magnetotorquers tas-satelliti, magni ta’ imbottatura bi propulsjoni għas-satelliti, tankijiet tal-fjuwil tas-satelliti (Validazzjoni fl-Orbita) u arloġġi atomiċi tar-rubidju fuq l-art (Kapaċità Operattiva Sħiħa).

(13) Ir-Regolament (KE) Nru 683/2008 dwar implimentazzjoni ulterjuri tal-programmi Ewropej ta’ navigazzjoni bis-satellita (EGNOS u Galileo).

(14) Il-Kontijiet Annwali Finali kienu ppreparati fis-16 ta’ Settembru 2011 u rċevuti mill-Qorti fit-3 ta’ Ottubru 2011. Il-Kontijiet Annwali Finali jistgħu jinstabu fil-websajt li ġej http://eca.europa.eu jew http://gsa.europa.eu.

ANNESS

L-Aġenzija Ewropea GNSS (Brussell)

Kompetenzi u attivitajiet

L-oqsma ta’ kompetenza tal-Unjoni stipulati fit-Trattat

—	Kompetittività għat-tkabbir u l-impjiegi.

Il-kompetenzi tal-Aġenzija

(Ir-Regolament (KE) Nru 912/2010 tal-Parlament Ewropew u tal-Kunsill tat-22 ta’ Settembru 2010)

L-Objettivi

—	Tmexxi l-interessi pubbliċi dwar il-programmi Ewropej tal-GNSS.

—	Tkun l-aġenzija regolatorja għall-programmi Ewropej tal-GNSS.

Il-Kompiti

L-Aġenzija għandha:

(a)	tiżgura l-akkreditazzjoni tas-sigurtà u l-operazzjoni taċ-ċentru tas-sigurtà tal-Galileo;

(b)	tikkontribwixxi għall-preparazzjoni tal-kummerċjalizzazzjoni tas-sistemi, inkluża l-analiżi tas-suq meħtieġa;

(c)	twettaq kompiti oħrajn li jistgħu jiġu fdati lilha mill-Kummissjoni.

It-Tmexxija

1 – Il-Bord Amministrattiv

Il-Kompożizzjoni:

—	rappreżentant wieħed minn kull Stat Membru;

—	rappreżentant wieħed mill-Kummissjoni.

Il-Kompiti

—	jaħtar id-Direttur;

—	jadotta l-programm ta’ ħidma annwali;

—	jadotta l-baġit;

—	jadotta r-rapport annwali dwar l-attivitajiet u l-prospetti tal-Aġenzija.

2 – Id-Direttur Eżekuttiv

Maħtur mill-Bord Amministrattiv.

3 – Kumitat għas-Sigurtà u l-Protezzjoni tas-Sistema

Magħmul minn rappreżentant wieħed minn kull Stat Membru u rappreżentant wieħed mill-Kummissjoni.

4 – Il-verifika esterna

Il-Qorti tal-Awdituri.

5 – L-Awtorità ta’ Kwittanza

Il-Parlament, jaġixxi fuq rakkomandazzjoni mill-Kunsill.

Ir-riżorsi disponibbli għall-Aġenzija fl-2010 (2009)

Il-Baġit Finali

EUR 15,9 (44,4) miljun; dan huwa magħmul mis-sussidju tal-UE ta’ EUR 8,7 (7,4) miljun, li huwa s-sussidju operattiv mill-Kummissjoni, u EUR 7,2 (37) miljun f’fondi operazzjonali mill-Kummissjoni.

Il-persunal fil-31 ta’ Diċembru 2010 (2009)

28 (23) kariga mniżżla fil-pjan ta’ stabbiliment, li minnhom okkupati: 26 (23).

+ 14 (12)-il persunal ieħor (persunal kuntrattwali, esperti nazzjonali ssekondati), li minnhom okkupati: 14 (12).

It-total tal-persunal prevvist: 42 (35),

It-total tal-persunal impjegat fil-31 ta’ Diċembru 2010: 40 (35), li qegħdin jagħmlu l-kompiti li ġejjin:

operazzjonali: 18 (14)

amministrattivi: 14 (12)

mħallta: 8 (9)

Il-prodotti u s-servizzi fl-2010

Il-programmi

—	Sostenn lill-Kummissjoni Ewropea fl-implimentazzjoni tal-programmi tal-EGNOS u Galileo.

Is-Sistemi tas-Sigurtà

—	Is-Sistemi tas-Sigurtà tal-Galileo u tal-EGNOS;

—	Servizz Pubbliku Regolat – PRS - tħejjija tas-Segment tal-Utent tal-PRS;

—	Ċentru ta’ Monitoraġġ tas-Sigurtà ta’ Galileo;

—	Reġim ta’ Kontroll tat-Teknoloġija tal-GNSS.

L-iżvilupp tas-suq

—	Dħul fis-Suq tal-EGNOS;

—	Attivitajiet internazzjonali (l-Amerika Latina, l-Iżrael, iċ-Ċina, l-Afrika);

—	Informazzjoni u Outreach (il-Portal ta’ Informazzjoni tal-EGNOS, avveniment “Growing Galileo 2009” (Galileo dejjem Jikber 2009).

Ir-riċerka u l-iżvilupp

—	Il-ġestjoni ta’ proġetti taħt is-6 Programm ta’ Qafas u s-7 Programm ta’ Qafas (l-ewwel u t-tieni sejħiet) għar-riċerka;

—	L-implimentazzjoni/l-aġġornament ta’ għodda ta’ ġestjoni u t-tixrid tat-tagħrif ibbażata fuq l-internet.

Sors: Informazzjoni mogħtija mill-Agenzija.

TWEĠIBIET TAL-AĠENZIJA

10.

Il-GSA ma rreġistratx dan it-tagħmir bħala parti mill-assi tagħha fil-kontijiet tagħha minħabba dawn ir-raġunijiet: i/l-għan tal-fażi IOV/FOC huwa li jivvaluta il-fattibbiltà teknika tas-sistema li ma ġietx ivvalidata fl-2010; ii/skont l-Arranġament Matimop, qatt ma kien hemm ħsieb li l-GSA takkwista dan it-tagħmir u dan la qatt kien u lanqas qatt ser ikun fil-kontroll tal-GSA; iii/mill-perspettiva tal-kontabbiltà ma deherx għaqli li t-tagħmir jiġi rikonoxxut ġaladarba ma kellu l-ebda benefiċċju/valur ekonomiku għall-GSA; iv/abbażi tal-punti msemmija hawn fuq u b'mod konformi mal-prattiki tal-kontabbiltà li tħaddem il-Kummissjoni f’tali sitwazzjonijiet, l-ispejjeż tat-tagħmir tniżżlu bħala nfiq fuq ir-riċerka fl-2010

14.

Il-GSA ssegwi proċessi ta’ valutazzjoni standard FP7, li jistipulaw sensiela ta’ kriterji ta’ eleġibbiltà u sensiela ta’ kriterji ta’ valutazzjoni. Madankollu bħalissa l-GSA qiegħda tirrevedi l-aħħar linji gwida u regoli tal-FP7 tal-Kummissjoni biex tiżgura li jkun hemm konformità sħiħa qabel ma tiġi ffirmata t-tielet sejħa tal-ftehimiet ta’ sovvenzjoni tal-FP7.

Minkejja li l-verifiki standard tal-kapaċità finanzjarja saru tabilħaqq, dawn ma ġewx iddokumentati sewwa. Il-GSA qiegħda taġġorna l-proċeduri interni ħalli tiżgura li kull verifika standard tal-kapaċità finanzjarja tiġi rreġistrata kif suppost.

15.

Il-ftehimiet ta’ sovvenzjoni ġestiti mill-GSA għall-FP6 kienu ntirtu mill-predeċessur tal-GSA, l-Impriża Konġunta Galileo (GJU). Il-GJU u l-Aġenzija Spazjali Ewropea (ESA) min-naħa tagħhom kienu stipulaw regoli għall-FP6 li kienu daqsxejn differenti mir-regoli tal-Kummissjoni Ewropea. Il-ftehimiet ta’ sovvenzjoni tal-FP6 li għad fadal miftuħa għandhom jingħalqu skont l-istipulazzjonijiet ta’ dawn il-kuntratti, li kienu ssejsu fuq ir-rati standard użati u vverifikati ex-ante mill-ESA.

16.

Iż-żidied suċċessivi tal-valur inizjali ta’ ċerti kuntratti FP6 bħala regola sar qbil dwarhom billi tqiesu l-kompiti addizzjonali li kellhom isiru mill-benefiċjarju.

Dment li l-kompiti l-ġodda tqiesu tabilħaqq importanti, permezz ta’ pakketti ta’ ħidma ddokumentati, il-ftehimiet ta’ sovvenzjoni ġew emendati ħalli jappoġġaw il-kompiti l-ġodda li kellhom jiġu żviluppati. Dan mhux xi avveniment ġdid fil-ġestjoni tal-kuntratti tal-UE.

In-natura dejjem oriġinali teknoloġika ta’ dawn l-attivitajiet, li tinbidel il-ħin kollu, kienet ir-raġuni fundamentali li ġġustifikat id-deċiżjonijiet li ttieħdu dwar dawn l-emendi u l-estensjonijiet (mhux neċessarjament ittardjar).

17.

Il-GSA rrispettat l-obbligi kuntrattwali u legali kollha rigward “It-Talba Uffiċjali Teknika Nru 7 tal-ESA”. Fl-aħħar l-GSA kellha tiċħad it-talba għal pagament mill-Aġenzija Spazjali Ewropea (ESA) li laħħaq iż-żewġ miljun euro, għax l-ESA ma pprovdietx ir-rapporti meħtieġa biex isiru l-pagamenti fi żmien l-iskadenzi maħsuba. Għaldaqstant il-fondi mhux użati kellhom jiġu ttrasferiti lill-Kummissjoni Ewropea, bl-obbligu li dawn il-fondi jintużaw fl-implimentazzjoni tal-ftehim IOV bejn l-ESA u l-GSA. It-trasferiment ser ikun iffinalizzat f’Settembru 2011.

18.	Il-GSA rrevediet il-proċedura tal-għażla. Mill-2011, il-panil ta’ pre-selezzjoni beda jiffissa minn qabel il-limiti tal-iskala tal-punteġġi għall-eżamijiet bil-miktub u għall-intervisti.

15.12.2011

Il-Ġurnal Uffiċjali tal-Unjoni Ewropea

C 366/117

RAPPORT

fuq il-kontijiet annwali taċ-Ċentru tat-Traduzzjoni għall-Korpi tal-Unjoni Ewropea għas-sena finanzjarja 2010, flimkien mat-tweġibiet taċ-Ċentru

2011/C 366/21

INTRODUZZJONI

Iċ-Ċentru tat-Traduzzjoni għall-Korpi tal-Unjoni Ewropea (minn hawn 'il quddiem imsejjaħ iċ-“Ċentru”), li jinsab fil-Lussemburgu, kien imwaqqaf bir-Regolament tal-Kunsill (KE) Nru 2965/94 (1). L-irwol taċ-Ċentru huwa li jipprovdi lil kwalunkwe Istituzzjonijiet u Korpi tal-Unjoni Ewropea li jitolbu s-servizzi tiegħu bis-servizzi ta’ traduzzjoni neċessarji għall-attivitajiet tagħhom (2).

2.	Il-baġit taċ-Ċentru għall-2010 ammonta għal EUR 55,9 miljun meta mqabbel mal-EUR 62.6 miljun is-sena ta’ qabel. L-għadd ta’ persunal impjegat miċ-Ċentru fi tmiem is-sena kien 225 meta mqabbel ma’ 218 is-sena ta’ qabel.

ID-DIKJARAZZJONI TA’ ASSIGURAZZJONI

Skont id-dispożizzjonijiet tal-Artikolu 287(1), it-tieni subparagrafu tat-Trattat dwar il-Funzjonament tal-Unjoni Ewropea, il-Qorti vverifikat il-kontijiet annwali (3) taċ-Ċentru, li jikkonsistu fir-“rendikonti finanzjarji” (4) u fir-“rapporti dwar l-implimentazzjoni tal-baġit” (5) għas-sena finanzjarja li ntemmet fil-31 ta’ Diċembru 2010 u l-legalità u r-regolarità tat-tranżazzjonijiet li fuqhom huma bbażati dawk il-kontijiet.

4.	Din id-Dikjarazzjoni ta’ Assigurazzjoni hija indirizzata lill-Parlament Ewropew u lill-Kunsill skont l-Artikolu 185(2) tar-Regolament tal-Kunsill (KE, Euratom) Nru 1605/2002 (6).

Ir-responsabbiltà tad-Direttur

Bħala uffiċjal li jawtorizza, id-Direttur jimplimenta d-dħul u n-nefqa tal-baġit skont ir-regoli finanzjarji taċ-Ċentru li taqa' taħt ir-responsabbiltà tiegħu u fi ħdan il-limiti tal-approprjazzjonijiet awtorizzati (7). Id-Direttur huwa responsabbli mit-twaqqif (8) tal-istruttura organizzattiva u s-sistemi u l-proċeduri tal-ġestjoni u l-kontroll intern rilevanti biex jiġu ppreparati kontijiet finali (9) li huma ħielsa minn dikjarazzjoni żbaljata materjali, kemm minħabba fi frodi jew inkella żball, u biex jiżgura li t-tranżazzjonijiet li fuqhom huma bbażati dawk il-kontijiet huma legali u regolari.

Ir-responsabbiltà tal-Qorti

6.	Ir-responsabbiltà tal-Qorti hija li tipprovdi, abbażi tal-verifika tagħha, dikjarazzjoni ta’ assigurazzjoni dwar l-affidabbiltà tal-kontijiet annwali taċ-Ċentru u dwar il-legalità u r-regolarità tat-tranżazzjonijiet li huma bbażati fuqhom.

Il-verifika tal-Qorti tinvolvi t-twettiq ta’ proċeduri sabiex tinkiseb evidenza tal-verifika dwar l-ammonti u l-iżvelar fil-kontijiet u dwar il-legalità u r-regolarità tat-tranżazzjonijiet li huma bbażati fuqhom. Il-proċeduri jintgħażlu skont il-ġudizzju tal-awditur, inkluża l-valutazzjoni tar-riskji ta’ dikjarazzjoni skorretta materjali fir-rapporti finanzjarji, sew jekk minħabba frodi u sew jekk minħabba xi żball. Meta tagħmel dawk il-valutazzjonijiet tar-riskju, il-kontrolli interni rilevanti għall-preparazzjoni u l-preżentazzjoni tal-kontijiet tal-entità jiġu kkunsidrati sabiex jitfasslu proċeduri tal-verifika li huma xierqa fiċ-ċirkostanzi. Il-verifika tal-Qorti tinkludi wkoll evalwazzjoni tal-adegwatezza tal-politika tal-kontabilità użata, tar-raġonevolezza tal-estimi tal-kontabilità magħmula mill-maniġment u kif ukoll evalwazzjoni tal-preżentazzjoni tal-kontijiet inġenerali.

9.	Il-Qorti temmen li l-evidenza tal-verifika miksuba hija biżżejjed u xierqa biex tipprovdi bażi għall-opinjonijiet stipulati hawn taħt.

Opinjoni dwar l-affidabilità tal-kontijiet

10.

Fl-opinjoni tal-Qorti, il-Kontijiet Annwali taċ-Ċentru (11) jippreżentaw b'mod ġust, fl-aspetti materjali kollha, il-pożizzjoni finanzjarja tiegħu fil-31 ta’ Diċembru 2010 u r-riżultati tal-operazzjonijiet tiegħu u tal-likwidità tiegħu għas-sena li ntemmet, skont id-dispożizzjonijiet tar-Regolament Finanzjarju tiegħu.

Opinjoni dwar il-legalità u r-regolarità tat-tranżazzjonijiet li fuqhom huma bbażati l-kontijiet

11.	Fl-opinjoni tal-Qorti, it-tranżazzjonijiet li fuqhom huma bbażati l-kontijiet annwali taċ-Ċentru għas-sena finanzjarja li ntemmet fil-31 ta’ Diċembru 2010, fl-aspetti materjali kollha huma legali u regolari.

SEGWITU MIS-SEJBIET TAS-SENA TA’ QABEL

12.	Matul l-2010, iċ-Ċentru naqqas il-bilanċ favorevoli tiegħu akkumulat tal-2009 ta’ EUR 24 miljun għal EUR 9,2 miljun prinċipalment billi għamel trasferiment tal-fondi lill-Iskema tal-Pensjoni tal-Komunità u billi rrimborża lill-klijenti taċ-Ċentru.

Dan ir-Rapport ġie adottat mill-Awla IV, immexxija mis-Sur Igors LUDBORŽS, Membru tal-Qorti tal-Awdituri, fil-Lussemburgu fil-laqgħa tagħha tas-6 ta’ Settembru 2011.

Għall-Qorti tal-Awdituri

Vítor Manuel da SILVA CALDEIRA

President

(1) ĠU L 314, 7.12.1994, p. 1.

(2) L-Anness jagħti sommarju tal-kompetenzi u tal-attivitajiet taċ-Ċentru. Jiġi ppreżentat għal-skopijiet ta’ informazzjoni.

(3) Dawn il-kontijiet huma akkompanjati minn rapport dwar il-ġestjoni tal-baġit u l-ġestjoni finanzjarja matul is-sena li, fost l-oħrajn, jagħti rendikont tar-rata ta’ implimentazzjoni tal-approprjazzjonijiet flimkien ma’ informazzjoni fil-qosor dwar it-trasferimenti tal-approprjazzjonijiet fost il-partiti varji tal-baġit.

(4) Ir-rendikonti finanzjarji jinkludu l-karta tal-bilanċ u l-kont tar-riżultat ekonomiku, it-tabella tal-likwidità, ir-rendikont tat-tibdil fil-kapital u l-anness għar-rendikonti finanzjarji li jinkludi d-deskrizzjoni tal-politika tal-kontabilità prinċipali u informazzjoni oħra ta’ spjegazzjoni.

(5) Ir-rapporti tal-implimentazzjoni tal-baġit jikkonsistu fil-kont tar-riżultat tal-baġit u fl-anness tiegħu.

(6) ĠU L 248, 16.9.2002, p. 1.

(7) L-Artikolu 33 tar-Regolament tal-Kummissjoni (KE, Euratom) Nru 2343 (ĠU L 357, 31.12.2002, p. 72).

(8) L-Artikolu 38 tar-Regolament (KE, Euratom) Nru 2343/2002.

(9) Ir-regoli dwar il-preżentazzjoni tal-kontijiet u tal-kontabilità mill-Aġenziji huma stabbiliti fil-kapitolu 1 tat-Titlu VII tar-Regolament (KE, Euratom) Nru 2343/2002 kif l-aħħar emendat bir-Regolament (KE, Euratom) Nru 652/2008 (ĠU L 181, 10.7.2008, p. 23), u huma fil-fatt integrati fir-Regolament Finanzjarju taċ-Ċentru.

(10) Il-Federazzjoni Internazzjonali tal-Kontabilisti (IFAC) u l-Istandards Internazzjonali tal-Istituzzjonijiet Supremi tal-Verifiki (ISSAI).

(11) Il-Kontijiet Annwali Finali kienu ppreparati fit-30 ta’ Mejju 2011 u rċevuti mill-Qorti fid-29 ta’ Ġunju 2011. Il-Kontijiet Annwali Finali jistgħu jinstabu fuq il-websajt li ġej http://eca.europa.eu jew www.cdt.europa.eu.

ANNESS

Ċentru tat-Traduzzjoni għall-Korpi tal-Unjoni Ewropea (il-Lussemburgu)

Kompetenzi u attivitajiet

L-oqsma ta’ kompetenza tal-Unjoni

Ir-rappreżentanti tal-gvernijiet tal-Istati Membri bi ftehim reċiproku adottaw dikjarazzjoni, taħt l-awspiċi tad-dipartimenti tat-traduzzjoni tal-Kummissjoni fil-Lussemburgu, fuq il-ħolqien ta’ Ċentru tat-Traduzzjoni għall-Korpi tal-Unjoni, biex jipprovdi servizzi ta’ traduzzjoni neċessarji għall-ħidma tal-korpi u tas-servizzi li l-lok tagħhom kien stabbilit bid-Deċiżjoni tad-29 ta’ Ottubru 1993.

Il-kompetenzi taċ-Ċentru

(Ir-Regolament tal-Kunsill (KE) Nru 2965/94 kif l-aħħar emendat mir-Regolament (KE) Nru 1645/2003)

Objettivi

Jipprovdi s-servizzi neċessarji tat-traduzzjoni għall-operazzjoni tal-korpi segwenti:

—	l-Aġenzija Ewropea għall-Ambjent;

—	il-Fondazzjoni Ewropea għat-Taħriġ;

—	iċ-Ċentru Ewropew għall-Monitoraġġ tad-Droga u d-Dipendenza fuq id-Droga;

—	l-Aġenzija Ewropea għall-Mediċini;

—	l-Aġenzija Eżekuttiva għas-Saħħa u l-Konsumatur;

—	l-Uffiċċju tal-Armonizzazzjoni fis-Suq Intern (Marki u Disinji);

—	l-Uffiċċju Ewropew tal-Pulizija (Europol) u l-Unità tad-Drogi tal-Europol.

Il-korpi mwaqqfa mill-Kunsill, barra dawk imsemmija hawn fuq jistgħu jużaw is-servizzi taċ-Ċentru. L-istituzzjonijiet u l-korpi tal-Unjoni Ewropea li ġa għandhom is-Servizzi ta’ Traduzzjoni tagħhom stess jistgħu, jekk jiġi l-każ, isaqsu għas-servizzi taċ-Ċentru fuq bażi volontarja.

Iċ-Ċentru jieħu sehem bis-sħiħ fix-xogħol tal-Kumitat Interistituzzjonali tat-Traduzzjoni.

Il-Kompiti

—	Li jagħmel arranġamenti għall-koperazzjoni mal-korpi u l-istituzzjonijiet;

—	Li jieħu sehem fix-xogħol tal-Kumitat Interistituzzjonali tat-Traduzzjoni.

It-tmexxija

1 – Il-Bord tat-Tmexxija

Il-Kompożizzjoni:

—	rappreżentant wieħed għal kull Stat Membru,

—	żewg rappreżentanti mill-Kummissjoni;

—	rappreżentant wieħed minn kull korp jew istituzzjoni li ssaqsi għas-servizzi taċ-Ċentru.

Il-Kompiti

Jadotta l-programm annwali ta’ xogħol u r-rapport annwali taċ-Ċentru.

2 – Id-Direttur

Maħtur mill-Bord tat-Tmexxija fuq proposta mill-Kummissjoni.

3 – Il-Verifika esterna

Il-Qorti tal-Awdituri.

4 – L-Awtorità ta’ kwittanza

Il-Parlament fuq rakkomandazzjoni tal-Kunsill.

Ir-riżorsi disponibbli għall-Aġenzija fl-2010 (2009)

Il-Baġit Finali

EUR 55,9 miljun (EUR 62,6 miljun)

Il-Persunal

225 (233) kariga mogħtija fil-pjan ta’ twaqqif, li minnhom 215 (202) kienu okkupati.

+ 10 (16) aġenti b'kuntratt

Persunal totali: 225 (218), li huma responsabbli għall-kompiti li ġejjin:

operazzjonali: 110 (114)

amministrattivi: 115 (104)

Il-prodotti u -servizzi fl-2010 (2009)

L-għadd ta’ paġni tradotti:

819 598(736 008)

L-għadd ta’ paġni għal kull lingwa:

—	lingwi uffiċjali: 813 907 (730 565)

—	lingwi oħrajn: 5 691 (5 443)

In-numru ta’ paġni tradotti għal kull klijent:

—	Korpi: 805 529(708 589)

—	Istituzzjonijiet: 14 069(21 789)

L-għadd ta’ paġni tradotti mill-freelancers:

448 160(409 788)

Sors: Informazzjoni mogħtija miċ-Ċentru.

IT-TWEĠIBIET TAĊ-ĊENTRU

12.

Fl-isfond tal-qafas tal-politika l-ġdida tal-prezzijiet, intiża sabiex tirrispetta l-ekwilibriju bejn id-dħul u l-ħruġ effettiv, iċ-Ċentru ppropona lill-Bord Amministrattiv sabiex joħloq riserva ta’ EUR 4,3 miljun għal investimenti fi programmi e-CDT biex jitwettqu matul il-perjodu 2012-2013 u riserva ta’ EUR 4,9 miljun għal stabbilizzazzjoni tal-prezzijiet, sabiex jikkumpensa għat-tnaqqis potenzjali tad-dħul minħabba tnaqqis antiċipat fit-talbiet ta’ traduzzjoni mingħand l-ikbar klijent.

15.12.2011

Il-Ġurnal Uffiċjali tal-Unjoni Ewropea

C 366/122

RAPPORT

dwar il-kontijiet annwali taċ-Ċentru Ewropew għall-Prevenzjoni u l-Kontroll tal-Mard għas-sena finanzjarja 2010, flimkien mat-tweġibiet taċ-Ċentru

2011/C 366/22

INTRODUZZJONI

Iċ-Ċentru Ewropew għall-Prevenzjoni u l-Kontroll tal-Mard (minn hawn 'il quddiem imsejjaħ “iċ-Ċentru”), li jinsab fi Stokkolma, kien imwaqqaf permezz tar-Regolament (KE) Nru 851/2004 tal-Parlament Ewropew u tal-Kunsill tal-21 ta’ April 2004 (1). Il-kompiti prinċipali tiegħu huma li jiġbor u jxerred data dwar il-prevenzjoni u l-kontroll tal-mard tal-bniedem u biex jagħti opinjonijiet xjentifiċi dwar dan is-suġġett. Huwa meħtieġ ukoll jikkoordina n-netwerk Ewropew tal-korpi li joperaw f'dan il-qasam (2).

2.	Il-baġit taċ-Ċentru għall-2010 ammonta għal EUR 57,8 miljun meta mqabbel ma’ EUR 51 miljun is-sena ta’ qabel. L-għadd ta’ persunal impjegat miċ-Ċentru fi tmiem is-sena kien 254, meta mqabbel ma’ 199 is-sena ta’ qabel.

ID-DIKJARAZZJONI TA’ ASSIGURAZZJONI

Skont id-dispożizzjonijiet tal-Artikolu 287(4), it-tieni subparagrafu tat-Trattat dwar il-Funzjonament tal-Unjoni Ewropea, il-Qorti vverifikat il-kontijiet annwali (3) taċ-Ċentru, li jikkonsistu fir-“rendikonti finanzjarji” (4) u fir-“rapporti dwar l-implimentazzjoni tal-baġit” (5) għas-sena finanzjarja li ntemmet fil-31 ta’ Diċembru 2010 u l-legalità u r-regolarità tat-tranżazzjonijiet li fuqhom huma bbażati dawk il-kontijiet.

4.	Din id-Dikjarazzjoni ta’ Assigurazzjoni hija indirizzata lill-Parlament Ewropew u lill-Kunsill, skont l-Artikolu 185(2) tar-Regolament tal-Kunsill (KE, Euratom) Nru 1605/2002 (6).

Ir-responsabbiltà tad-Direttur

Bħala uffiċjal li jawtorizza, id-Direttur jimplimenta d-dħul u n-nefqa tal-baġit skont ir-regoli finanzjarji taċ-Ċentru li taqa' taħt ir-responsabbiltà tiegħu u fi ħdan il-limiti tal-approprjazzjonijiet awtorizzati (7). Id-Direttur huwa responsabbli mit-twaqqif (8) tal-istruttura organizzattiva u s-sistemi u l-proċeduri tal-ġestjoni u l-kontroll interni rilevanti biex jiġu ppreparati kontijiet finali (9) li huma ħielsa minn dikjarazzjoni żbaljata materjali, kemm jekk minħabba frodi jew inkella żball, u biex jiżgura li t-tranżazzjonijiet li fuqhom huma bbażati dawk il-kontijiet huma legali u regolari.

Ir-responsabbiltà tal-Qorti

6.	Ir-responsabbiltà tal-Qorti hija li tipprovdi, abbażi tal-verifika tagħha, dikjarazzjoni ta’ assigurazzjoni dwar l-affidabbiltà tal-kontijiet annwali taċ-Ċentru u dwar il-legalità u r-regolarità tat-tranżazzjonijiet li huma bbażati fuqhom.

Il-verifika tal-Qorti tinvolvi t-twettiq ta’ proċeduri sabiex tinkiseb evidenza tal-verifika dwar l-ammonti u l-iżvelar fil-kontijiet u dwar il-legalità u r-regolarità tat-tranżazzjonijiet li huma bbażati fuqhom. Il-proċeduri jintgħażlu skont il-ġudizzju tal-awditur, inkluża l-valutazzjoni tar-riskji ta’ dikjarazzjoni skorretta materjali fir-rapporti finanzjarji, sew jekk minħabba frodi u sew jekk minħabba xi żball. Meta tagħmel dawk il-valutazzjonijiet tar-riskju, il-kontrolli interni rilevanti għall-preparazzjoni u l-preżentazzjoni tal-kontijiet tal-entità jiġi kkunsidrat sabiex jitfasslu proċeduri tal-verifika li huma xierqa fiċ-ċirkostanzi. Il-verifika tal-Qorti tinkludi wkoll evalwazzjoni tal-adegwatezza tal-politika tal-kontabilità użata u tar-raġonevolezza tal-estimi tal-kontabilità magħmula mill-maniġment u kif ukoll evalwazzjoni tal-preżentazzjoni tal-kontijiet inġenerali.

9.	Il-Qorti tqis li l-evidenza tal-verifika miksuba hija biżżejjed u xierqa biex tipprovdi bażi għall-opinjonijiet t'hawn taħt.

L-opinjoni dwar l-affidabbiltà tal-kontijiet

10.

L-opinjoni dwar il-legalità u r-regolarità tat-tranżazzjonijiet li fuqhom huma bbażati l-kontijiet

11.	Fl-opinjoni tal-Qorti, it-tranżazzjonijiet li fuqhom huma bbażati l-kontijiet annwali taċ-Ċentru għas-sena finanzjarja li ntemmet fil-31 ta’ Diċembru 2010, fl-aspetti materjali kollha huma legali u regolari.

12.	Il-kummenti li ġejjin ma jixħtux f'dubju l-opinjonijiet tal-Qorti.

KUMMENTI DWAR IL-ĠESTJONI TAL-BAĠIT U DIK FINANZJARJA

13.

Fl-2010, ammont ta’ EUR 15,6 miljun, ekwivalenti għal 27 % tal-baġit totali li jinkludi 50 % tat-Titolu III – In-Nefqa Operazzjonali, ġiet miġjuba 'l quddiem għall-2011. Dan il-livell għoli ta’ tmexxija 'l quddiem, imqabbel ma’ livell baxx ta’ nfiq dovut (EUR 5,5 miljun), huwa eċċessiv u ma jaqbilx mal-prinċipju baġitarju ta’ annwalità.

KWISTJONIJIET OĦRA

14.

Fir-rigward tal-proċeduri tal-għażla tal-persunal, la l-limiti li l-kandidati kellhom jissodisfaw sabiex jiġu msejħa għal intervista u lanqas dawk neċessarji biex jitpoġġew fuq il-lista tar-riżerva ma ġew iffissati bil-quddiem. It-testijiet bil-miktub ma tqisux b'mod konsistenti meta kienu qed jiġu vvalidati l-kandidati. Dawn il-prattiki jpoġġu f'riskju t-trasparenza tal-proċeduri tar-reklutaġġ.

Dan ir-Rapport ġie adottat mill-Awla IV, immexxija mis-Sur Igors LUDBORŽS, Membru tal-Qorti tal-Awdituri, fil-Lussemburgu fil-laqgħa tagħha tal-20 ta’ Settembru 2011.

Għall-Qorti tal-Awdituri

Vítor Manuel da SILVA CALDEIRA

President

(1) ĠU L 142, 30.4.2004, p. 1.

(2) L-Anness jagħti sommarju tal-kompetenzi u l-attivitajiet taċ-Ċentru. Jiġi ppreżentat għal-skopijiet ta’ informazzjoni.

(5) Ir-rapporti tal-implimentazzjoni tal-baġit jikkonsistu fil-kont tar-riżultat tal-baġit u fl-anness tiegħu.

(6) ĠU L 248, 16.9.2002, p. 1.

(7) L-Artikolu 33 tar-Regolament tal-Kummissjoni (KE, Euratom) Nru 2343/2002 (ĠU L 357, 31.12.2002, p. 72).

(8) L-Artikolu 38 tar-Regolament (KE, Euratom) Nru 2343/2002.

(10) Il-Federazzjoni Internazzjonali tal-Kontabilisti (IFAC) u l-Istandards Internazzjonali tal-Istituzzjonijiet Supremi tal-Verifika (ISSAI).

(11) Il-Kontijiet Annwali Finali kienu ppreparati fl-10 ta’ Ġunju 2011 u rċevuti mill-Qorti fit-28 ta’ Ġunju 2011. Il-Kontijiet Annwali Finali jistgħu jinstabu fuq il-websajt li ġej http://eca.europa.eu jew http://ecdc.europa.eu/en/aboutus/Pages/Aboutus_KeyDocuments.aspx.

L-ANNESS

Iċ-Ċentru Ewropew għall-Prevenzjoni u l-Kontroll tal-Mard (Stokkolma)

Il-kompetenzi u l-attivitajiet

L-Oqsma ta’ kompetenza tal-Unjoni stipulati fit-Trattat

(L-Artikolu 168 tat-Trattat dwar il-Funzjonament tal-Unjoni Ewropea)

Il-livell għoli ta’ ħarsien tas-saħħa fiżika u mentali għandu jkun assigurat fid-definizzjoni u l-implimentazzjoni tal-istrateġiji u l-attivitajiet kollha tal-Unjoni.

L-Azzjoni tal-Unjoni, li għandha tikkomplementa l-politika nazzjonali, għandha tkun diretta lejn it-titjib tas-saħħa pubblika, lejn il-prevenzjoni tal-mard u l-infirmità tal-bniedem, u li jevitaw il-fonti ta’ periklu għas-saħħa umana. Din l-azzjoni għandha tkopri il-ġlieda kontra l-flaġelli kbar tas-saħħa, billi tinkoraġġixxi riċerka fuq il-kawża tagħhom, it-tixrid tagħhom u l-prevenzjoni tagħhom, kif ukoll informazzjoni u edukazzjoni dwar is-saħħa, kif ukoll il-monitoraġġ ta’ theddid transkonfinali serju għas-saħħa, l-allert għal dan it-theddid u l-ġlieda kontrih.

Il-Kompetenzi taċ-Ċentru

(ir-Regolament tal-Kunsill (KE) Nru 851/2004)

L-Objettivi

—	Tisħiħ tad-difiżi tal-Ewropa kontra mard li jittieħed; speċifikament, biex jidentifika, jagħmel stima u jikkomunika t-theddid attwali u li jista' jinqala' għas-saħħa tal-bniedem minn mard trasmessibbli.

—	Għalhekk, iċ-Ċentru għandu jħaddem netwerks ta’ sorveljanza dedikati, jagħti opinjonijiet xjentifiċi, iħaddem sistema ta’ twissija bikrija u rispons (EWRS) u jagħti għajnuna xjentifika u teknika u taħriġ.

Il-Kompiti

—	Iħaddem netwerks ta’ sorveljanza tal-mard dedikati u jtejjeb l-attivitajiet ta’ netwerking. Iċ-Ċentru għandu l-irwol speċifiku li jiġbor, jivvalida, janalizza u jikkomunika d-data.

—	Jagħti pariri awtorevoli u esperti u opinjonijiet xjentifiċi u studji dwar il-mard li jittieħed.

—	Iħaddem is-Sistema ta’ Twissija Bikrija u Rispons. Jiżviluppa proċeduri għall-identifikazzjoni ta’ theddid emerġenti għas-saħħa.

—	Isaħħaħ il-kapaċità tal-Istati Membri fl-ippjanar għat-tħejjija u fit-taħriġ.

—	Jinforma lill-pubbliku ġenerali u l-partijiet interessati bix-xogħol tiegħu.

It-Tmexxija

1 – Il-Bord ta’ Ġestjoni

Il-Kompożizzjoni:

Membru wieħed nominat minn kull Stat Membru, żewġ membri nominati mill-Parlament Ewropew u tliet rappreżentanti tal-Kummissjoni.

Il-Kompiti:

Il-Bord jadotta l-programm annwali u l-baġit taċ-Ċentru u jsegwi l-implimentazzjoni tagħhom.

2 – Id-Direttur:

Maħtur mill-Bord ta’ Tmexxija abbażi ta’ lista ta’ kandidati proposta mill-Kummissjoni.

3 – Forum Konsultattiv

Il-Kompożizzjoni:

Rappreżentant minn kull Stat Membru u tliet rappreżentanti mill-Kummissjoni mingħajr dritt tal-vot.

Il-Kompiti:

Il-Forum għandu jiżgura li x-xogħol huwa xjentifikament eċċellenti u l-indipendenza tal-attivitajiet u l-opinjonijiet taċ-Ċentru.

4 – Il-verifika esterna

Il-Qorti tal-Awdituri.

5 – L-awtorità ta’ kwittanza

Il-Parlament, fuq rakkomandazzjoni tal-Kunsill.

Ir-Riżorsi disponibbli għall-Aġenzija fl-2010 (2009)

Il-Baġit finali

EUR 57,8 (51) miljun

Il-Persunal fil-31 ta’ Diċembru 2010

Awtorizzati: 200 (170)

Okkupati: 175 (129)

Karigi oħra: 79 (70)

It-Total: 254 (199), assenjati għad-doveri segwenti:

Allokati lil:

—	kompiti operazzjonali: 169 (120)

—	kompiti amministrattivi u ta’ sostenn: 85 (79)

Il-Prodotti u s-Servizzi fl-2010 (2009)

93 (1) (191) theddid sorveljat permezz tal-Għodda tat-Traċċar tat-Tħeddid (Threat Tracking Tool) (TTT);

52 (52) rapport ta’ theddid kull ġimgħa dwar mard li jittieħed mibgħut lil 431 riċevitur;

L-għoti ta’ sostenn lill-intelliġenza dwar l-epidemiji għal 5 (5) avvenimenti kbar tal-massa; Barra minn dan, 5 avvenimenti ta’ naturali eċċezzjonali/importanza pubblika ġew issorveljati wkoll;

Il-preparazzjoni ta’ 32 (25) evalwazzjoni ta’ theddid oriġinali u 10(6) aġġornamenti ta’ theddid;

It-tmexxija ta’ 3 (2) eżerċizzji ta’ simulazzjoni għall-ittestjar u titjib fit-tħejjija u fir-reazzjoni għal mard li jittieħed, barra minn dan ingħata appoġġ għal 4 eżerċizzji esterni (il-Kummissjoni, l-Istati Membri);

80 (78) imsieħeb imħarreġ skont il-Programm Ewropew dwar it-Taħriġ fuq Interventi Epidemjoloġiċi (EPIET) (European Programme for Intervention Epidemiology Training);

6 imsieħba mħarrġa fit-Taħriġ Ewropew dwar il-Mikrobijoloġija tas-Saħħa Pubblika (EUPHEM);

106 (2) (346) espert dwar is-saħħa pubblika minn 30 pajjiż tal-UE-ŻEE (iż-Żona Ekonomika Ewropea) ipparteċipaw f’moduli qosra ta’ taħriġ tal-ECDC;

495 000 viżitatur fuq il-portal tal-internet tal-ECDC (varat fl-2009) u 70 000 fajl imniżżel;

34 (3) (43) pubblikazzjoni xjentifika ppubblikata;

L-Organizzazzjoni tat-Tielet Ġurnata Ewropea dwar l-Għarfien fuq l-Antibijotiċi b’parteċipazzjoni ta’ 36 (34) pajjiż;

Is-sorveljanza mtejba; integrazzjoni fl-ECDC ta’ 11 mis-17-il netwerk ta’ sorveljanza apposta fl-aħħar tal-2010;

Il-pubblikazzjoni tar-Rapport Annwali dwar l-Epidemjoloġija;

Ir-rapporti annwali ippubblikati dwar it-Tuberkulosi u l-HIV/AIDS u kontra l-mikrobijoreżistenza;

38 (28) bullettin ta’ kull ġimgħa dwar l-influwenza/ħarsiet ġenerali ta’ kull ġimgħa lejn is-sorveljanza tal-influwenza għall-2010;

20 (4) (50) għażliet xjentifiki prodotti, ibbażati fuq talbiet ta’ partijiet interessati;

L-Organizzazzjoni tar-raba’ Konferenza Ewropea Xjentifika dwar l-Epidemjoloġija tal-Mard Infettuż Applikat (European Scientific Conference on Applied Infectious Disease Epidemiology) (ESCAIDE) f’Novembru 2010 f’Lisbona, b’aktar minn 600 (500) parteċipant;

L-Organizzazzjoni tat-tieni konferenza tal-vaċċin Ewropew (Eurovaccine) ma’ 600 (400) parteċipant;

Il-pubblikazzjoni fil-ġimgħa tal-ġurnal xjentifiku Eurosurveillance, bi 12 665 abbonat online (4 300 riċevitur ta’ kopji stampati fl-2009);

1 618 artiklu relatat mal-ECDC ippubblikati f’49 pajjiż mad-dinja kollha.

Sors: Informazzjoni mogħtija miċ-Ċentru.

(1) it-tnaqqis fl-2010 huwa parzjalment relatat ma’ bidla fi proċeduri relatati mal-monitoraġġ ta’ gruppi legionellis assoċjati mal-ivvjaġġar u parzjalment relatati mal-pandemija tal-influwenza tal-2009, li ħolqot reazzjoni kbira mad-dinja kollha.

(2) il-korsijiet għal perjodu qasir ma baqgħux prijorità fl-2010, il-flus reġgħu ġew allokati mill-ġdid għal programmi għal perjodu twil ta’ taħriġ għall-imsieħba.

(3) in-nuqqas fl-għadd ta’ pubblikazzjonijiet hu minħabba l-fatt li ħafna rapporti fl-2009 kienu konsegwenza diretta tal-pandemija tal-influwenza.

(4) l-opinjonijiet xjentifiċi, ibbażati fuq it-talbiet tal-partijiet interessati, żdiedu fl-2009 minħabba l-pandemija tal-influwenza.

IT-TWEĠIBIET TAĊ-ĊENTRU

13.	Iċ-Ċentru naqqas il-ġejbien ’il quddiem tat-Titolu III – Nefqa operattiva b’10 % apparagun mad-2009. Madankollu ċ-Ċentru jagħraf il-ħtieġa li jkompli jnaqqas kemm jista’ jkun ir-rata tal-ġejbien ’il quddiem.

14.

Iċ-Ċentru ħa nota tar-rimarki tal-Qorti u qiegħed jirrevedi l-proċedura tal-għażla tiegħu biex iżid it-trasparenza. Fl-2011, bħala regola ġenerali, iċ-Ċentru ddeċieda li jintervista lil dawk il-kandidati li jkollhom l-ikbar għadd ta’ kwalitajiet u kwalifiki rilevanti għall-postijiet battala. Il-kandidati li fl-intervista ġabu tal-inqas punteġġ ta’ 70 % ser jitpoġġew fuq il-listi aħħarija u fuq il-lista ta’ riżerva. Iċ-Ċentru qiegħed jirrevedi wkoll il-proċedura tal-għażla tiegħu ħalli jibda jagħti iżjed piż lir-riżultat tal-eżami bil-miktub.

15.12.2011

Il-Ġurnal Uffiċjali tal-Unjoni Ewropea

C 366/127

RAPPORT

dwar il-kontijiet annwali taċ-Ċentru Ewropew għall-Iżvilupp ta’ Taħriġ Vokazzjonali għas-sena finanzjarja 2010, flimkien mat-tweġibiet taċ-Ċentru

2011/C 366/23

INTRODUZZJONI

Iċ-Ċentru Ewropew għall-Iżvilupp ta’ Taħriġ Vokazzjonali (minn hawn ’il quddiem imsejjaħ “iċ-Ċentru”), li jinsab f’Tessaloniki, kien imwaqqaf mir-Regolament tal-Kunsill (KEE) Nru 337/75 (1). Il-mandat prinċipali tiegħu huwa li jservi l-iżvilupp tat-taħriġ professjonali fil-livell tal-Unjoni. Sabiex jilħaq dan l-objettiv, huwa għandu l-kompitu li jiġbor u li jxerred dokumentazzjoni fuq is-sistemi ta’ taħriġ professjonali (2).

2.	Il-baġit taċ-Ċentru għall-2010 ammonta għal EUR 18,3 miljun meta mqabbel mal-EUR 18,6 miljun is-sena ta’ qabel. L-għadd ta’ persunal impjegat miċ-Ċentru fi tmiem is-sena kien 125, meta mqabbel ma’ 129 is-sena ta’ qabel.

ID-DIKJARAZZJONI TA’ ASSIGURAZZJONI

Skont id-dispożizzjonijiet tal-Artikolu 287(1), it-tieni subparagrafu tat-Trattat dwar il-Funzjonament tal-Unjoni Ewropea, il-Qorti vverifikat il-kontijiet annwali taċ-Ċentru (3), li jikkonsistu fir-“rendikonti finanzjarji” (4) u fir-“rapporti dwar l-implimentazzjoni tal-baġit” (5) għas-sena finanzjarja li ntemmet fil-31 ta’ Diċembru 2010 u l-legalità u r-regolarità tat-tranżazzjonijiet li fuqhom huma bbażati dawk il-kontijiet.

4.	Din id-Dikjarazzjoni ta’ Assigurazzjoni hija indirizzata lill-Parlament Ewropew u lill-Kunsill skont l-Artikolu 185(2) tar-Regolament tal-Kunsill (KE, Euratom) Nru 1605/2002 (6).

Ir-responsabbiltà tad-Direttur

Bħala uffiċjal li jawtorizza, id-Direttur jimplimenta d-dħul u l-infiq tal-baġit skont ir-regoli finanzjarji taċ-Ċentru li jaqa’ taħt ir-responsabbiltà tiegħu u fi ħdan il-limiti tal-approprjazzjonijiet awtorizzati (7). Id-Direttur huwa responsabbli mit-twaqqif (8) tal-istruttura organizzattiva u s-sistemi u l-proċeduri tal-ġestjoni u l-kontroll intern rilevanti biex jiġu ppreparati kontijiet finali (9) li huma ħielsa minn dikjarazzjoni żbaljata materjali, kemm minħabba frodi jew inkella żball, u biex jiżgura li t-tranżazzjonijiet li fuqhom huma bbażati dawk il-kontijiet huma legali u regolari.

Ir-responsabbiltà tal-Qorti

6.	Ir-responsabbiltà tal-Qorti hija li tipprovdi, abbażi tal-verifika tagħha, dikjarazzjoni ta’ assigurazzjoni dwar l-affidabbiltà tal-kontijiet annwali taċ-Ċentru u dwar il-legalità u r-regolarità tat-tranżazzjonijiet li huma bbażati fuqhom.

Il-verifika tal-Qorti tinvolvi t-twettiq ta’ proċeduri sabiex tinkiseb evidenza tal-verifika dwar l-ammonti u l-iżvelar fil-kontijiet u dwar il-legalità u r-regolarità tat-tranżazzjonijiet li huma bbażati fuqhom. Il-proċeduri jintgħażlu skont il-ġudizzju tal-awditur, inkluża l-valutazzjoni tar-riskji ta’ dikjarazzjoni skorretta materjali fir-rapporti finanzjarji, sew jekk minħabba frodi u sew jew jekk minħabba xi żball. Meta tagħmel dawk il-valutazzjonijiet tar-riskju, il-kontroll intern rilevanti għall-preparazzjoni u l-preżentazzjoni tal-kontijiet tal-entità jiġi kkunsidrat sabiex jitfasslu proċeduri tal-verifika li huma xierqa fiċ-ċirkostanzi. Il-verifika tal-Qorti tinkludi wkoll evalwazzjoni tal-adegwatezza tal-politika tal-kontabilità użata, tar-raġonevolezza tal-estimi tal-kontabilità magħmula mill-maniġment u kif ukoll evalwazzjoni tal-preżentazzjoni tal-kontijiet inġenerali.

9.	Il-Qorti tqis li l-evidenza tal-verifika miksuba hija biżżejjed u xierqa biex tipprovdi bażi għall-opinjonijiet t'hawn taħt.

L-opinjoni dwar l-affidabbiltà tal-kontijiet

10.

Fl-opinjoni tal-Qorti, il-Kontijiet Annwali taċ-Ċentru (11) jippreżentaw b’mod ġust, fl-aspetti materjali kollha, il-pożizzjoni finanzjarja tiegħu fil-31 ta’ Diċembru 2010 u r-riżultati tal-operazzjonijiet tiegħu u tal-likwidità tiegħu għas-sena li ntemmet, skont id-dispożizzjonijiet tar-Regolament Finanzjarju tiegħu.

L-opinjoni dwar il-legalità u r-regolarità tat-tranżazzjonijiet li fuqhom huma bbażati l-kontijiet

11.	Fl-opinjoni tal-Qorti, it-tranżazzjonijiet li fuqhom huma bbażati l-kontijiet annwali taċ-Ċentru għas-sena finanzjarja li ntemmet fil-31 ta’ Diċembru 2010, fl-aspetti materjali kollha huma legali u regolari.

12.	Il-kummenti li ġejjin ma jixħtux dubju fuq l-opinjonijiet tal-Qorti.

KUMMENTI DWAR IL-ĠESTJONI TAL-BAĠIT U DIK FINANZJARJA

13.	Iċ-Ċentru jirċievi kontribuzzjonijiet annwali minn żewġ Stati Membri li mhumiex fl-UE li jibbenefikaw mix-xogħol taċ-Ċentru. Dawn il-fondi huma ġestiti bħala dħul assenjat, jinħtiġilhom li jkunu impenjati għal proġetti speċifiċi. Il-mira għall-2010 biex jintużaw dawn il-fondi ma ntlaħqitx.

Dan ir-Rapport ġie adottat mill-Awla IV, immexxija mis-Sur Igors LUDBORŽS, Membru tal-Qorti tal-Awdituri, fil-Lussemburgu fil-laqgħa tagħha tat-13 ta’ Settembru 2011.

Għall-Qorti tal-Awdituri

Vítor Manuel da SILVA CALDEIRA

President

(1) ĠU L 39, 13.2.1975, p. 1.

(2) L-Anness jagħti sommarju tal-kompetenzi u l-attivitajiet taċ-Ċentru. Jiġi ppreżentat għal-skopijiet ta’ informazzjoni.

(4) Ir-rendikonti finanzjarji jinkludu l-karta tal-bilanċ u l-kont tar-riżultat ekonomiku, it-tabella tal-likwidità, ir-rendikont tat-tibdil fil-kapital u l-anness għar-rendikonti finanzjarji li jinkludi d-deskrizzjoni tal-politika tal-kontabilità prinċipali u informazzjoni oħra ta’ spjegazzjoni.

(5) Ir-rapporti tal-implimentazzjoni tal-baġit jikkonsistu fil-kont tar-riżultat tal-baġit u fl-anness tiegħu.

(6) ĠU L 248, 16.9.2002, p. 1.

(7) L-Artikolu 33 tar-Regolament tal-Kummissjoni (KE, Euratom) Nru 2343/2002 (ĠU L 357, 31.12.2002, p. 72).

(8) L-Artikolu 38 tar-Regolament (KE, Euratom) Nru 2343/2002.

(9) Ir-regoli dwar il-preżentazzjoni tal-kontijiet u l-kontabilità mill-Aġenziji huma stabbiliti fil-Kapitolu 1 tat-Titolu VII tar-Regolament (KE, Euratom) Nru 2343/2002 kif l-aħħar emendat bir-Regolament (KE, Euratom) Nru 652/2008 (ĠU L 181, 10.7.2008, p. 23) u huma fil-fatt integrati fir-Regolament Finanzjarju taċ-Ċentru.

(10) Il-Federazzjoni Internazzjonali tal-Kontabilisti (IFAC) u l-Istandards Internazzjonali tal-Istituzzjonijiet Supremi tal-Verifika (ISSAI).

(11) Il-Kontijiet Annwali Finali kienu ppreparati fil-21 ta’ Ġunju 2011 u rċevuti mill-Qorti fl-24 ta’ Ġunju 2011. Il-Kontijiet Annwali Finali jistgħu jinstabu fil-websajt li ġej http://eca.europa.eu jew http://www.cedefop.europa.eu/about/budget_discharge.asp.

ANNESS

Ċentru Ewropew għall-Iżvilupp ta’ Taħrig Vokazzjonali (Tessaloniki)

Kompetenzi u attivitajiet

Il-qasam ta’ kompetenza tal-Unjoni skont it-Trattat

(L-Artikolu 166(1) tat-Trattat dwar il-Funzjonament tal-Unjoni Ewropea)

L-Unjoni għandha timplimenta politika ta’ formazzjoni vokazzjonali, li għandha tappoġġa u tissuplimenta l-azzjoni tal-Istati Membri, filwaqt li tirrispetta għal kollox ir-responsabbiltà tal-Istati Membri għall-kontenut u l-organizzazzjoni tat-[tal-] formazzjoni vokazzjonali.

Il-kompetenza taċ-Ċentru

(l-Artikoli 2 u 3 tar-Regolament tal-Kunsill (KEE) Nru 337/75)

Il-mandat taċ-Ċentru

Fil-kapaċità tiegħu bħala ċentru ta’ referenza tal-Unjoni Ewropea għat-taħriġ u l-edukazzjoni vokazzjonali, iċ-Ċentru jipprovdi lill-persuni politiċi li jieħdu d-deċiżjonijiet, lir-riċerkaturi u lill-professjonisti b'informazzjoni mmirata li tiżviluppa ftehim aktar ċar tat-tendenzi kurrenti u b'hekk tippermettilhom li jilħqu deċiżjonijiet ibbażati aktar fis-sod bil-ħsieb ta’ azzjoni futura.

Iċ-Ċentru jassisti lill-Kummissjoni Ewropea fil-promozzjoni u fl-iżvilupp tat-taħriġ u l-edukazzjoni vokazzjonali fil-livell tal-Unjoni.

Il-Kompiti

—	jiġbor dokumentazzjoni magħżula u jipproduċi analiżi tad-data;

—	jikkontribwixxi għall-iżvilupp tar-riċerka u l-koordinazzjoni;

—	jutilizza u jxerred informazzjoni relevanti;

—	jinkoraġġixxi u jagħti sostenn lil approċċ miftehem għal kwistjonijiet relatati mal-iżvilupp ta’ taħriġ vokazzjonali;

—	jipprovdi forum għal pubbliku wiesa' u differenti.

It-tmexxija

1 – Il-Bord ta’ Tmexxija

Il-Kompożizzjoni

Għal kull Stat Membru:

—	membru wieħed li jirrappreżenta lill-Gvern;

—	membru wieħed li jirrappreżenta lill-organizzazzjonijiet ta’ dawk li jħaddmu;

—	membru wieħed li jirrappreżenta lill-organizzazzjonijiet tal-impjegati

Tliet membri li jirrappreżentaw lill-Kummissjoni Ewropea.

2 – Il-Bureau

Il-Kompożizzjoni

Il-President u t-tliet viċi presidenti tal-Bord ta’ Tmexxija (wieħed minn kull grupp), koordinatur wieħed għal kull grupp u rappreżentant wieħed tal-Kummissjoni.

3 – Id-Direttur

Maħtur mill-Kummissjoni minn lista' ta’ kandidati mogħtija mill-Bord ta’ Tmexxija, huwa responsabbli mit-tmexxija taċ-Ċentru u jimplimenta d-deċiżjonijiet tal-Bord ta’ Tmexxija u tal-Bureau.

4 – Il-verifika esterna

Il-Qorti tal-Awdituri.

5 – L-Awtorità ta’ Kwittanza

Il-Parlament, li jaġixxi fuq rakkomandazzjoni mill-Kunsill.

Ir-riżorsi disponibbli għaċ-Ċentru fl-2010 (2009)

Il-Baġit Finali

EUR 18,3 (18,6) miljun

Il-kontribuzzjoni mill-Unjoni: 98 % (97 %)

Il-persunal fil-31 ta’ Diċembru 2010

L-għadd ta’ karigi fil-pjan ta’ stabbiliment: 101 (101)

Il-karigi okkupati: 96 (96 )

Persunal ieħor:

Il-persunal kuntrattwali, 24 (26)

L-esperti nazzjonali ssekondati 5 (7.)

It-total tal-persunal: 125 (129)

operazzjonali: 90 (88)

amministrattiv: 35 (41)

Il-prodotti u s-servizzi fl-2010 (2009)

Il-punti ewlenin fl-implimentazzjoni tal-programm ta’ ħidma 2010:

L-analiżi u r-rappurtar tal-politika

“A bridge to the future” (Pont lejn il-ġejjieni), ir-raba' rapport tal-politika, irreveda l-progress miksub fil- proċess ta’ Kopenħagen 2002-10 u ġie diskuss f'konferenza ministerjali f'Diċembru. Ir-rapport ukoll sostna t-tħejjija tal-communiqué ta’ Bruges, liema tħejjija tiddefinixxi prijoritajiet u prodotti li għandhom jitwasslu għall-koperazzjoni Ewropea fit-Taħriġ Edukattiv Vokazzjonali (ETV) sal-2020. Rapporti tal-politika tan-National ReferNet irrevedew il-progress f'livell nazzjonali u tmaw ir-rapport tal-politika tas-Cedefop.

Ir-riċerka fuq mekkaniżmi ta’ qsim tal-ispejjeż għall-finanzjament tal-ETV ġiet diskussa f'bosta workshops, u b'hekk wittiet it-triq għal analiżi komparattiva tal-mekkaniżmi l-aktar effettivi u effiċjenti.

Is-sostenn tal-iżvilupp ta’ għodod u prinċipji Ewropej għall-ETV u t-tagħlim tul il-ħajja

—

Il-kordinazzjoni li tkompliet, tal-grupp ta’ konsulenza QEK (Qafas Ewropew tal-Kwalifiki) flimkien mal-Kummissjoni Ewropea (KE), b'sostenn u monitoraġġ tal-proċess ta’ implimentazzjoni; analiżi u rappurtar tal-iżviluppi fil-livell nazzjonali u pubblikazzjoni tar-rapport “L-iżvilupp ta’ oqfsa ta’ kwalifiki nazzjonali fl-Ewropa”. Kontribuzzjonijiet għal avvenimenti numerużi ta’ politika u diversi workshops organizzati (dokumenti tal-workshop disponibbli fil-websajt tas-Cedefop).

—

L-appoġġ lill-iżvilupp ECVET (Sistema Ewropea ta’ Krediti fl-ETV), għoti ta’ dokument ta’ sfond lill-Konferenza tal-Presidenza Spanjola. Il-pubblikazzjoni tal-ewwel rapport ta’ sorveljanza ECVET “The development of ECVET in Europe” (L-iżvilupp ta’ ECVET fl-Ewropa) u l-istudju “Linking credit systems and qualifications frameworks” (Konnessjoni ta’ sistemi ta’ kreditu u oqfsa ta’ kwalifiki).

—	l-appoġġ lil EQAVET. Pubblikazzjoni ta’ żewġ dokumenti ta’ riċerka dwar l-assigurazzjoni tal-kwalità f'diversi setturi.

—

Il-kontribuzzjoni għal aktar żviluppi tal-Europass. Il-websajt ospitata tkompli tattira żieda fl-għadd ta’ viżitaturi u utenti. Sa Diċembru 2010, 10,9 miljuni CV Ewropej kienu nħolqu online (minn meta ġiet varata l-Europass fl-2005) li qabżu b'ħafna l-mira oriġinali ta’ 3 miljuni. Fl-2010: inħolqu 3,7 miljun CV online u 'l fuq minn 10 miljun żjara lill-websajt.

—	230 (246) Żjara ta’ Studju kordinati fis-sena akkademika 2009/10 għal 2 358 (2 432) speċjalista. Studji ta’ impatt jenfasizzaw fuq rata għolja ta’ sodisfazzjon (97 %) u kwalità. Għall-2010/11, ikunu saru 244 żjara għal 2 732 parteċipant sal-aħħar ta’ Ġunju 2011.

Il-ħiliet u analiżi tal-kompetenza

—	L-analiżi tal-ħtiġijiet tal-ħiliet tas-Cedefop ipprovdiet input għall-inizjattiva xempju ġdida ewlenija għall-Ewropa 2020 dwar ħiliet ġodda għal impjiegi ġodda u kkontribwixxiet għal rapport ta’ grupp ta’ esperti tal-KE għal impjiegi ġodda.

—	Il-previżjoni aġġornata ta’ ħiliet sal-2020 ġiet rilaxxata u ppreżentata f'avvenimenti diversi ta’ livell għoli, inklużi l-konferenzi tal-KE u tal-presidenza Spanjola.

—	Sar qbil dwar l-approċċ, il-metodu u l-kwestjonarju għal stħarriġ ta’ impjegatur Ewropew dwar ħtiġijiet ta’ ħiliet li jitfaċċaw.

—	“Skills for green jobs” (Ħiliet għal impjiegi ekoloġiċi) ġie ppubblikat b'koperazzjoni mal-ILO u l-evidenza dwar impjiegi li jridu jsiru aktar ekoloġiċi ġiet diskussa f'diversi konferenzi, inkluża konferenza ta’ presidenza Belġjana.

—	Diversi studji kkunsidraw n-nuqqas ta’ taqbil tal-ħiliet: “The skill matching challenge” (L-isfida tat-taqbil tal-ħiliet), “Working and ageing” (Ix-xogħol u x-xjuħija) u “The right skills for silver workers” (Il-ħiliet tajba għal dawk li jaħdmu fil-fidda).

Il-kwalifiki għal tagħlim tul il-ħajja

—

Il-pubblikazzjoni tal-istudju “Tibdil fil-kwalifiki - Reviżjoni ta’ politiki u prattiki ta’ kwalifiki”, “Riżultati mit-tagħlim fil-kurrikuli tal-ETV” u dokumenti ta’ sfond għall-inizjattiva ESCO (Terminoloġija Ewropea dwar ħiliet, kompetenzi, impjiegi u kwalifiki) ġew diskussi f'diversi workshops u Konferenzi tal-UE u pprovdew input u evidenza għad-diskussjoni ta’ alternattivit ta’ politika.

—

L-appoġġ lill-ELPGN (Netwerk Ewropew għall-Politika dwar l-Iggwidar Tul il-Ħajja). “Lifelong guidance for better learning and working in Europe” (Iggwidar tul il-ħajja għal tagħlim u impjiegi aħjar fl-Ewropa) u “Guiding at-risk youth through learning to work” (Iggwidar ta’ żgħażagħ li jinsabu f'riskju permezz tat-tagħlim fuq ix-xogħol) kienu prodotti għall-Konferenza tal-Presidenza Spanjola dwar l-ETV. L-istudju “Socially responsible restructuring” (Ristrutturar responsabbli soċjali), il-workshop “Supporting longer working lives - (Appoġġ lill-ħajja tax-xogħol itwal) - Guidance and counselling for ageing workers” (Gwida u pariri għal ħaddiema li qed jixjieħu) u avvenimenti ta’ tagħlim bejn il-pari biex tiġi appoġġata l-intrapreditorja permezz ta’ evidenza pprovduta mill-edukazzjoni u l-gwida u input għal aktar żviluppi.

—	Il-pubblikazzjoni “Professional development opportunities for in-company trainers” (Opportunitajiet ta’ żvilupp vokazzjonali għal ħarrieġa fil-kumpanija). Xogħol preparatorju mal-KE dwar it-twaqqif ta’ grupp ta’ ħidma tematiku ġdid konġunt dwar il-ħarrieġa tal-ETV.

—

Il-kontribuzzjonijiet lill-grupp ta’ ħidma dwar it-tagħlim tal-adulti u l-Pjan ta’ Azzjoni tal-Kummissjoni dwar it-tagħlim tal-adulti. Finalizzazzjoni ta’ reviżjoni “Learning while working – success stories of workplace learning in Europe” (Tagħlim waqt ix-xogħol - stejjer ta’ suċċess dwar it-tagħlim fuq il-post tax-xogħol fl-Ewropa).

—

Ġie mħejji dokument ta’ strateġija dwar l-implimentazzjoni tal-linji gwidi ta’ validazzjoni. L-aġġornament (mal-UE) u l-ospitalità tal-inventarju Ewropew dwar il-validazzjoni (websajt). L-input tal-kontenut għar-Rakkomandazzjoni tal-Kunsill li ġejja dwar validazzjoni ta’ tagħlim mhux formali u informali.

Ir-riċerka tal-ETV

—	L-evidenza preliminari tal-benefiċċji ekonomiċi u soċjali tal-ETV kienet ippreżentata fil-konferenzi Ewropej ta’ riċerka tal-ETV.

—	“Employer provided training in Europe” (Taħriġ ipprovdut mill-impjegatur fl-Ewropa) kienet ivvalutata u r-riżultati ġew ippubblikati. B'mod parallel is-Cedefop kompla jikkontribwixxi għall-iżvilupp tal-istatistiċi u l-indikaturi Ewropej.

Il-komunikazzjoni u t-tixrid

Impatt pożittiv tal-websajt il-ġdida u formati mmirati lejn il-pubblikazzjoni bħan-noti ta’ informazzjoni. Żieda fir-rispons tal-istampa permezz ta’ stqarriji għall-istampa regolari. Formati elettroniċi ta’ pubblikazzjoni jnaqqsu d-dewmien fit-twassil u huma aċċettati tajjeb. Gruppi ewlenin ta’ mira - pereżempju membri tal-Parlament Ewropew - huma appoġġati minn inputs diretti għal inizjattivi u koorganizzazzjonijiet ta’ workshops.

Indikaturi ewlenin juru impatt għoli ta’ fuq l-attivitajiet tas-CEDEFOP: ix-xogħol taċ-Ċentru huwa kkwotat fi 88 dokument ta’ politika tal-UE, 21 mandat li jitlob għal kontribuzzjonijiet futuri. Is-Cedefop ikkontribwixxa direttament għal 31 dokument ta’ politika tal-UE. Żieda qawwija ta’ traffiku fil-websajt: żjarat (+ 53 % sal-2009), viżitaturi uniċi (+ 70 %), parteċipazzjoni f'94 konferenza; 107 laqgħat/avvenimenti organizzati mis-Cedefop fl-2010; sodisfazzjon kbir mill-parteċipanti (3,7 fuq skala ta’ 4 punti). 39 pubblikazzjonijiet “ġodda” u 54 traduzzjoni addizzjonali ppubblikati; 579 artiklu tal-midja reġistrati li jkopru x-xogħol tas-Cedefop.

Aktar informazzjoni u indikaturi tas-sistema ta’ kejl tal-prestazzjoni jinsabu fir-Rapport Annwali 2010 (EN,DE,FR) u fir-Rapport ta’ Attività Annwali 2010 (www.cedefop.europa.eu).

Sors: Informazzjoni mogħtija miċ-Ċentru.

IT-TWEĠIBIET TAĊ-ĊENTRU

13.	Iċ-Ċentru ħa nota tal-kummenti tal-Qorti u jikkonferma l-impenn sabiex jimplimenta l-pjan maqbul sal-2013.

15.12.2011

Il-Ġurnal Uffiċjali tal-Unjoni Ewropea

C 366/134

RAPPORT

dwar il-kontijiet annwali tal-Kulleġġ Ewropew tal-Pulizija għas-sena finanzjarja 2010, flimkien mat-tweġibiet tal-Kulleġġ

2011/C 366/24

INTRODUZZJONI

Il-Kulleġġ Ewropew tal-Pulizija (minn hawn ’il quddiem imsejjaħ “il-Kulleġġ”), li jinsab fi Bramshill, twaqqaf mid-Deċiżjoni tal-Kunsill 2000/820/ĠAI, kif imħassra fl-2005 u sostitwita mid-Deċiżjoni tal-Kunsill 2005/681/ĠAI (1). Il-kompitu tal-Kulleġġ huwa li jaħdem bħala netwerk u jgħaqqad flimkien l-istituti nazzjonali tat-taħriġ tal-pulizija fl-Istati Membri sabiex jipprovdi sessjonijiet ta’ taħriġ, ibbażati fuq standards komuni, għal uffiċjali għolja tal-pulizija (2).

2.	Il-baġit tal-Kulleġġ għall-2010 ammonta għal EUR 7,8 miljun meta mqabbel ma’ EUR 8,8 miljun is-sena ta’ qabel. L-għadd ta’ persunal impjegat miċ-Ċentru fi tmiem is-sena kien 31, meta mqabbel ma’ 28 is-sena ta’ qabel.

ID-DIKJARAZZJONI TA’ ASSIGURAZZJONI

4.	Din id-Dikjarazzjoni ta’ Assigurazzjoni hija indirizzata lill-Parlament Ewropew u lill-Kunsill, skont l-Artikolu 185(2) tar-Regolament tal-Kunsill (KE, Euratom) Nru 1605/2002 (6).

Ir-responsabbiltà tad-Direttur

Bħala uffiċjal li jawtorizza, id-Direttur jimplimenta d-dħul u l-infiq tal-baġit skont ir-regoli finanzjarji tal-Kulleġġ taħt ir-responsabbiltà tiegħu u fi ħdan il-limiti tal-approprjazzjonijiet awtorizzati (7). Id-Direttur huwa responsabbli mit-twaqqif (8) tal-istruttura organizzattiva u s-sistemi u l-proċeduri tal-ġestjoni u l-kontroll interni rilevanti biex jiġu ppreparati kontijiet finali (9) li huma ħielsa minn dikjarazzjoni żbaljata materjali, kemm jekk minħabba frodi jew inkella żball, u biex jiżgura li t-tranżazzjonijiet li fuqhom huma bbażati dawk il-kontijiet huma legali u regolari.

Ir-responsabbiltà tal-Qorti

6.	Ir-responsabbiltà tal-Qorti hija li tipprovdi, abbażi tal-verifika tagħha, dikjarazzjoni ta’ assigurazzjoni dwar l-affidabbiltà tal-kontijiet annwali tal-Istitut u dwar il-legalità u r-regolarità tat-tranżazzjonijiet li huma bbażati fuqhom.

Il-verifika tal-Qorti tinvolvi t-twettiq ta’ proċeduri sabiex tinkiseb evidenza tal-verifika dwar l-ammonti u l-iżvelar fil-kontijiet u dwar il-legalità u r-regolarità tat-tranżazzjonijiet li huma bbażati fuqhom. Il-proċeduri jintgħażlu skont il-ġudizzju tal-awditur, inkluża l-valutazzjoni tar-riskji ta’ dikjarazzjoni skorretta materjali fir-rapporti finanzjarji, sew jekk minħabba frodi jew sew jekk minħabba xi żball. Meta tagħmel dawk il-valutazzjonijiet tar-riskju, il-kontrolli interni rilevanti għall-preparazzjoni u l-preżentazzjoni tal-kontijiet tal-entità jiġi kkunsidrat sabiex jitfasslu proċeduri tal-verifika li huma xierqa fiċ-ċirkostanzi. Il-verifika tal-Qorti tinkludi wkoll evalwazzjoni tal-adegwatezza tal-politika tal-kontabilità użata, tar-raġonevolezza tal-estimi tal-kontabilità magħmula mill-maniġment u kif ukoll evalwazzjoni tal-preżentazzjoni tal-kontijiet inġenerali.

9.	Il-Qorti tqis li l-evidenza tal-verifika miksuba hija biżżejjed u xierqa biex tipprovdi bażi għall-opinjonijiet t’hawn taħt.

L-opinjoni dwar l-affidabbiltà tal-kontijiet

10.

Fl-opinjoni tal-Qorti, il-Kontijiet Annwali (11) tal-Kulleġġ jippreżentaw b’mod ġust, fl-aspetti materjali kollha, il-pożizzjoni finanzjarja tiegħu fil-31 ta’ Diċembru 2010 u r-riżultati tal-operazzjonijiet tiegħu u tal-flussi ta’ likwidità tiegħu għas-sena li ntemmet, skont id-dispożizzjonijiet tar-Regolament Finanzjarju tiegħu.

L-opinjoni dwar il-legalità u r-regolarità tat-tranżazzjonijiet li fuqhom huma bbażati l-kontijiet

11.	Fl-opinjoni tal-Qorti, it-tranżazzjonijiet li fuqhom huma bbażati l-kontijiet annwali tal-Aġenzija għas-sena finanzjarja li ntemmet fil-31 ta’ Diċembru 2010, fl-aspetti materjali kollha huma legali u regolari.

12.	Il-kummenti li ġejjin ma jixħtux f’dubju l-opinjonijiet tal-Qorti.

KUMMENTI DWAR IL-ĠESTJONI TAL-BAĠIT U DIK FINANZJARJA

13.	Aktar minn EUR 1,6 miljun, ekwivalenti għal 48 % tal-approprjazzjonijiet miġjuba ’l quddiem mill-2009, kellhom jiġu kkanċellati fl-2010. Din is-sitwazzjoni ma taqbilx mal-prinċipju baġitarju ta’ annwalità.

14.

In-nefqa għall-organizzazzjoni ta’ korsijiet u seminars tirrappreżenta parti sinifikanti tal-baġit tal-Qorti. Kien hemm nuqqas ta’ dixxiplina fil-proċess tal-Kulleġġ għall-approvazzjoni tal-klejms tal-ispejjeż għal dawn l-attivitajiet, partikolarment fir-rigward ta’ kompletezza ta’ evidenza pprovduta.

SEGWITU DWAR SEJBIET PREĊEDENTI TAL-VERIFIKA

15.	Sar kontroll ex-post estern dwar l-approprjazzjonijiet li ntużaw biex jiffinanzjaw nefqa privata matul l-2007 u l-2008. Ir-reviżuri esterni qiesu li ebda fondi ulterjuri mhuma rekuperabbli fir-rigward ta’ din il-kwistjoni.

Dan ir-Rapport ġie adottat mill-Awla IV, immexxija mis-Sur Igors LUDBORŽS, Membru tal-Qorti tal-Awdituri, fil-Lussemburgu fil-laqgħa tagħha tas-6 ta’ Settembru 2011.

Għall-Qorti tal-Awdituri

Vítor Manuel da SILVA CALDEIRA

President

(1) ĠU L 256, 1.10.2005, p. 63.

(2) L-Anness jagħti sommarju tal-kompetenzi u l-attivitajiet tal-Kulleġġ. Jiġi ppreżentat għal skopijiet ta’ informazzjoni.

(4) Ir-rendikonti finanzjarji jinkludu l-karta tal-bilanċ u l-kont tar-riżultat ekonomiku, it-tabella tal-fluss tal-likwidità, ir-rendikont tat-tibdil fil-kapital u l-anness għar-rendikonti finanzjarji li jinkludi deskrizzjoni tal-politika tal-kontabilità prinċipali u informazzjoni oħra ta’ spjegazzjoni.

(5) Ir-rapporti tal-implimentazzjoni tal-baġit jikkonsistu fil-kont tar-riżultat tal-baġit u fl-anness tiegħu.

(6) ĠU L 248, 16.9.2002, p. 1.

(7) L-Artikolu 33 tar-Regolament tal-Kummissjoni (KE, Euratom) Nru 2343/2002 (ĠU L 357, 31.12.2002, p. 72).

(8) L-Artikolu 38 tar-Regolament (KE, Euratom) Nru 2343/2002.

(10) Il-Federazzjoni Internazzjonali tal-Kontabilisti (IFAC) u l-Istandards Internazzjonali tal-Istituzzjonijiet Supremi tal-Verifika (ISSAI).

(11) Il-Kontijiet Annwali Finali ġew imfassla fit-8 ta’ Ġunju 2011 u rċevuti mill-Qorti fit-22 ta’ Ġunju 2011. Il-Kontijiet Annwali Finali jistgħu jinstabu fuq il-websajt li ġejja http://eca.europa.eu jew https://www.cepol.europa.eu/index.php?id=final-accounts.

ANNESS

Il-Kulleġġ Ewropew tal-Pulizija (Bramshill)

Kompetenzi u attivitajiet

L-oqsma ta’ kompetenza tal-Unjoni stipulati fit-Trattat

(L-Artikolu 87 TFUE)

L-approssimazzjoni tal-liġijiet

“1.	L-Unjoni għandha tistabbilixxi koperazzjoni tal-pulizija li tinvolvi l-awtoritajiet kompetenti kollha tal-Istati Membri, inkluża l-pulizija, is-servizzi tad-dwana u servizzi oħrajn tal-infurzar tal-liġi speċjalizzati fl-oqsma tal-prevenzjoni, il-kxif u l-investigazzjoni ta’ reati kriminali.

2.	Għall-finijiet tal-paragrafu 1, il-Parlament Ewropew u l-Kunsill, li jaġixxu skond [skont] il-proċedura leġislattiva ordinarja, jistgħu jistabbilixxu miżuri dwar: (…)

b)	l-appoġġ għat-taħriġ tal-persunal, kif ukoll il-koperazzjoni dwar l-iskambju tal-persunal, dwar tagħmir u dwar ir-riċerka fil-kxif tal-kriminalità;”

Il-kompetenzi tal-Kulleġġ

(Id-Deċiżjoni tal-Kunsill 2005/681/ĠAI)

L-Objettivi

Il-mira tas-CEPOL għandha tkun li jgħin fit-taħriġ tal-uffiċjali għolja tal-pulizija fl-Istati Membri billi joħroġ l-aħjarm mill-kooperazzjoni bejn id-diversi istituti tas-CEPOL. Dan għandu jappoġġa u jiżviluppa approċċ Ewropew għall-problemi prinċipali li jaffaċċjaw l-Istati Membri fil-ġlieda kontra l-kriminalità, il-prevenzjoni tal-kriminalità u ż-żamma tal-liġi u l-ordni u s-sigurtà pubblika, b’mod partikolari d-dimensjonijiet trans-konfinali ta’ dawk il-problemi.

Il-Kompiti

—	Iżid l-għarfien tas-sistemi nazzjonali tal-pulizija u l-istrutturi ta’ Stati Membri oħrajn u tal-koperazzjoni trans-konfinali bejn il-pulizija fl-Unjoni Ewropea.

—

Jtejjeb l-għarfien tal-istrumenti internazzjonali u tal-Unjoni, b'mod partikolari fis-setturi li ġejjin:

(a)	l-istituzzjonijiet tal-Unjoni Ewropea, il-mod kif jaħdmu u r-rwol tagħhom, kif ukoll il-mekkaniżmi għat-teħid tad-deċiżjonijiet u l-istrumenti legali tal-Unjoni Ewropea, b’mod partikolari rigward l-implikazzjonijiet tagħhom għall-kooperazzjoni fl-infurzar tal-liġi;

(b)	l-objettivi tal-Europol, l-istruttura u l-mod kif taħdem, kif ukoll il-possibbiltajiet li titkabbar kemm jista’ jkun il-kooperazzjoni bejn l-Europol u s-servizzi tal-infurzar tal-liġi rilevanti fl-Istati Membri fil-ġlieda kontra l-kriminalità organizzata;

(c)	l-objettivi tal-Eurojust, l-istruttura u l-mod kif taħdem;

—	Li jipprovdi taħriġ xieraq fir-rigward tar-rispett għas-salvagwardji demokratiċi b'referenza partikolari għad-drittijiet ta’ difiża.

It-Tmexxija

1 – Il-Bord ta’ Tmexxija

Il-Kompożizzjoni:

Delegazzjoni waħda minn kull Stat Membru.

Kull delegazzjoni għandu jkollha vot wieħed. Rappreżentanti tal-Kummissjoni Ewropea u tas-Segretarjat Ġenerali tal-Kunsill tal-Unjoni Ewropea u l-Europol għandhom ikunu mistiedna biex jattendu l-laqgħat bħala osservaturi mingħajr vot.

2 – Id-Direttur

Imexxi l-Kulleġġ, huwa maħtur u mneħħi mill-Bord Governattiv.

3 – Il-verifika esterna

Il-Qorti tal-Awdituri.

4 – L-awditur intern

Is-Servizz ta’ Verifika Interna tal-Kummissjoni Ewropea.

5 – L-awtorità ta’ kwittanza

Il-Parlament li jaġixxi fuq rakkomandazzjoni tal-Kunsill.

Ir-riżorsi disponibbli għall-Kulleġġ fl-2010 (2009)

Il-Bagit

EUR 7,8 (8,8) miljun

Il-Persunal

Il-Pjan ta’ Stabbiliment 2010 previst. 26 (26) Aġenti Temporanji.

Barra minn hekk: 10 (13) Postijiet ta’ Aġenti Kuntrattwali ngħataw fil-baġit.

Stati Membri ssekondaw ukoll total ta: 4 (2) Esperti Nazzjonali matul il-kors tas-sena.

Prodotti u Servizzi fl-2010 (2009)

1 – Il-korsijiet u s-seminars

Il-Kulleġġ organizza 91 (88) kors, seminars u konferenzi. Stima preliminari tal-valutazzjonijiet turi li l-livell ġenerali tas-sodisfazzjon bl-attivitajiet tal-Kulleġġ u bl-eżiti edukattivi tiegħu huma għoljin. Is-CEPOL laqqa' flimkien 2 198 uffiċjal tal-infurzar tal-liġi (841 ħarrieġ u 1 997 parteċipant) minn 36 pajjiż (Stati Membri tal-UE u Pajjiżi Terzi). Il-Kulleġġ organizza 10 attivitajiet (7) biex jappoġġa n-netwerk u implimenta ftehim qafas tas-sistema ta’ sħubija, u b’hekk ippermetta li jsiru ftehimiet ta’ għotjiet għall-Programm tal-2011 u għall-ġejjieni. Ma sar l-ebda postponiment ta’ xi attività għas-sena kalendarja sussegwenti.

2 – Ir-Relazzjonijiet Esterni

Il-Kulleġġ iffirma Ftehimiet ta’ Kooperazzjoni mal-Istitut Nazzjonali Tork tal-Pulizija u mal-kulleġġ tal-Pulizija Kroat fis-7 ta’ Diċembru 2010. Fid-9 ta’ Diċembru 2010 l-Kulleġġ iffirma wkoll Ftehimiet ta’ Kooperazzjoni riveduti mal-Kulleġġ Nazzjonali tal-Pulizija Islandiż u mal-Università tal-Pulizija Norveġiża. Bdew ukoll negozjati mal-Federazzjoni Russa, mal-Ġeorġja, mal-Albanija u ma’ Montenegro rigward Ftehimiet ta’ Kooperazzjoni ġejjiena. (ftehim wieħed u memorandum ta’ fehim).

3 – Il-Kurrikuli Komuni

Fl-2010 l-Kurrikulu Komuni dwar il-Ħasil tal-Flus żdied mal-ħames Kurrikuli Komuni li kienu diġà tnedew biex jiġu implimentati fl-Istati Membri: Europol, Etika tal-Pulizija u Prevenzjoni tal-Korruzzjoni, Vjolenza (I & II), Traffikar tal-Bnedmin, Traffikar tad-Droga.

4 – Il-Valutazzjoni

Fl-2010 tlestiet evalwazzjoni ta’ ħames snin dwar l-attività tas-CEPOL.

5 – Ir-Riċerka u x-Xjenza

In-netwerk tal-Korrispondenti Nazzjonali tar-Riċerka u x-Xjenza u l-Grupp ta’ Ħidma tar-Riċerka u x-Xjenza appoġġaw it-tħejjijiet għal tliet attivitajiet ta’ riċerka u xjenza ddedikati fil-programm ta’ ħidma tas-CEPOL:

(1)	il-Konferenza Annwali tar-Riċerka u x-Xjenza tal-Pulizija tas-CEPOL,

(2)	is-Simpożju tar-Riċerka dwar “Policing Diversity”,

(3)	is-Simpożju tal-Implimentazzjoni “Policing Diversity”, “Policing Major Public Events”.

Ġew ippubblikati fuq il-websajt żewġ ħarġiet oħrajn tal-“European Police Science and Research Bulletin”. Ġie ffinalizzat ir-rapport dwar “Survey on European Police Education and Bologna”. Il-kontributi tas-CEPOL ġew ippreżentati lis-“Simpożju tal-Kriminoloġija ta’ Stokkolma” u lill-Konferenza Annwali tas-Soċjetà Ewropea tal-Kriminoloġija. Il-librerija elettronika qiegħda tkompli tikber u tintuża bħala maħżen ta’ għarfien għall-utenti rreġistrati tal-e-Net.

6 – Il-Proġett Euromed Police II

Il-proġett EUROMED laħaq l-għanijiet operattivi tiegħu u ngħalaq fit-30 ta’ Settembru 2010.

7 – Il-Programm ta’ Skambju

Il-Programm ta’ Skambju tal-Kulleġġ, li huwa programm ta’ sena, beda fl-2009 u ntemm fl-2010. L-ewwel perjodu ta’ skambju sar bejn Ottubru u Diċembru 2009 u t-tieni wieħed sar bejn Jannar u Marzu 2010. L-iskambju għall-uffiċjali għolja tal-pulizija dam 12-14-il jum u dak tal-persunal tat-taħriġ dam 18-22 jum. Fl-ewwel żewġ perjodi ta’ skambju ħadu sehem 51 parteċipant minn 21 Stat Membru. Is-suġġetti prijoritarji kienu ż-Żamma tal-Ordni fil-Komunità jew il-Kriminalità Organizzata (uffiċjali għolja tal-pulizija) u l-Ambjent tat-Tagħlim (ħarrieġa). Wara l-emenda fl-għotja, il-bqija tal-baġit intuża fuq it-tielet perjodu ta’ skambju li involva 88 uffiċjal għoli tal-pulizija.

8 – In-Network Elettroniku (e-Net)

L-e-Net (Network Elettroniku) tal-Kulleġġ irċieva 102 000 viżitatur uniku (żieda ta’ 34 % apparagun mal-2009) (76 000) u sal-aħħar tal-2010 kellu 6 226 utent irreġistrat (903). Irriżulta li l-LMS tas-CEPOL (Learning Management System) kellha suċċess kbir mhux biss fl-appoġġ tal-attivitajiet tradizzjonali tas-CEPOL bħall-korsijiet u seminars iżda wkoll fl-offerta ta’ pjattaforna għall-iskambju ta’ informazzjoni mal-Programm ta’ Skambju CEPOL/ISEC u ma’ bosta Gruppi ta’ Ħidma. Fl-2010 d-DMS (Document Management System) sar is-sors ewlieni tad-dokumenti tal-laqgħat li l-gruppi kollha ta’ Governanza kellhom ma’ diversi gruppi li jużawha b’mod esklużiv għad-disseminazzjoni tad-dokumenti.

Sors: Informazzjoni mogħtija mill-Kulleġġ.

IT-TWEĠIBIET TAL-KULLEĠĠ

13.

Sabiex tiġi evitata s-sitwazzjoni msemmija mill-Qorti, il-bilanċ miġjub ‘il quddiem tal-approprjazzjonijiet kien suġġett għal kriterji stretti sabiex il-kanċellazzjonijiet għall-2011 ikunu minimizzati. Fl-Ġunju 2011, il-kompiti miftuħa ġew reveduti sabiex il-monitoraġġ tal-konsumazzjoni tal-baġit ikun imħares aħjar u tittejjeb l-implimentazzjoni tal-baġit għall-2011.

14.	CEPOL irreveda l-proċess għall-approvazzjoni tal-ispejjeż tal-klejms u l-evidenza tagħhom. Barra minn hekk, CEPOL organizza kors ġdid ta’ taħriġ għall-Mexxejja tal-Korsijiet sabiex itejbu aktar il-kontroll fuq il-korsijiet kif ukoll il-kwalità tal-pagamenti tal-fajls.

15.	CEPOL għaraf il-kummenti tal-Qorti. Madanakollu, CEPOL se jibqa’ jaħdem biex jipprova jirkupra kemm jista’ jkun il-fondi possibbli li għadhom ma nġabrux.

15.12.2011

Il-Ġurnal Uffiċjali tal-Unjoni Ewropea

C 366/140

RAPPORT

dwar il-kontijiet annwali tal-Eurojust għas-sena finanzjarja 2010, flimkien mat-tweġibiet tal-Eurojust

2011/C 366/25

INTRODUZZJONI

Il-Eurojust, li tinsab fl-Aja, ġiet imwaqqfa permezz tad-Deċiżjoni tal-Kunsill Nru 2002/187/JHA (1) bi ħsieb li tiġi msaħħa l-ġlieda kontra l-kriminalità organizzata serja. L-għan tagħha hu li ttejjeb il-koordinazzjoni ta’ investigazzjonijiet u prosekuzzjonijiet li jkopru t-territorji ta’ bosta Stati Membri tal-Unjoni Ewropea, kif ukoll dawk ta’ Stati li mhumiex membri (2).

2.	Wara l-adozzjoni tal-baġit li jemenda, il-baġit finali tal-Eurojust għall-2010 ammonta għal EUR 32,3 miljun meta mqabbel ma’ EUR 28,2 miljun tas-sena ta’ qabel. L-għadd ta’ persunal impjegat mill-Eurojust fi tmiem is-sena kien 295 meta mqabbel ma’ 248 is-sena ta’ qabel.

ID-DIKJARAZZJONI TA’ ASSIGURAZZJONI

Skont id-dispożizzjonijiet tal-Artikolu 287(1), it-tieni subparagrafu tat-Trattat dwar il-Funzjonament tal-Unjoni Ewropea, il-Qorti vverifikat il-kontijiet annwali (3) tal-Eurojust, li jikkonsistu fir-“rendikonti finanzjarji” (4) u fir-“rapporti dwar l-implimentazzjoni tal-baġit” (5) għas-sena finanzjarja li ntemmet fil-31 ta’ Diċembru 2010 u l-legalità u r-regolarità tat-tranżazzjonijiet li fuqhom huma bbażati dawk il-kontijiet.

4.	Din id-Dikjarazzjoni ta’ Assigurazzjoni hija indirizzata lill-Parlament Ewropew u lill-Kunsill, skont l-Artikolu 185(2) tar-Regolament tal-Kunsill (KE, Euratom) Nru 1605/2002 (6).

Ir-responsabbiltà tad-Direttur

Bħala uffiċjal li jawtorizza, id-Direttur jimplimenta d-dħul u n-nefqa tal-baġit skont ir-regoli finanzjarji tal-Eurojust li taqa’ taħt ir-responsabbiltà tiegħu u fi ħdan il-limiti tal-approprjazzjonijiet awtorizzati (7). Id-Direttur huwa responsabbli mit-twaqqif (8) tal-istruttura organizzattiva u s-sistemi u l-proċeduri tal-ġestjoni u l-kontroll interni rilevanti biex jiġu ppreparati kontijiet finali (9) li huma ħielsa minn dikjarazzjoni żbaljata materjali, kemm jekk minħabba frodi jew inkella żball, u biex jiżgura li t-tranżazzjonijiet li fuqhom huma bbażati dawk il-kontijiet huma legali u regolari.

Ir-responsabbiltà tal-Qorti

6.	Ir-responsabbiltà tal-Qorti hija li tipprovdi, abbażi tal-verifika tagħha, dikjarazzjoni ta’ assigurazzjoni dwar l-affidabbiltà tal-kontijiet annwali tal-Istitut u dwar il-legalità u r-regolarità tat-tranżazzjonijiet li huma bbażati fuqhom.

Il-verifika tal-Qorti tinvolvi t-twettiq ta’ proċeduri sabiex tinkiseb evidenza tal-verifika dwar l-ammonti u l-iżvelar fil-kontijiet u dwar il-legalità u r-regolarità tat-tranżazzjonijiet li huma bbażati fuqhom. Il-proċeduri jintgħażlu skont il-ġudizzju tal-awditur, inkluża l-valutazzjoni tar-riskji ta’ dikjarazzjoni skorretta materjali fir-rapporti finanzjarji, sew jekk minħabba frodi u sew jekk minħabba xi żball. Meta tagħmel dawk il-valutazzjonijiet tar-riskju, il-kontrolli interni rilevanti għall-preparazzjoni u l-preżentazzjoni tal-kontijiet tal-entità jiġi kkunsidrat sabiex jitfasslu proċeduri tal-verifika li huma xierqa fiċ-ċirkostanzi. Il-verifika tal-Qorti tinkludi wkoll evalwazzjoni tal-adegwatezza tal-politika tal-kontabilità użata, tar-raġonevolezza tal-estimi tal-kontabilità magħmula mill-maniġment u kif ukoll evalwazzjoni tal-preżentazzjoni tal-kontijiet inġenerali.

9.	Il-Qorti tqis li l-evidenza tal-verifika miksuba hija biżżejjed u xierqa biex tipprovdi bażi għall-opinjonijiet t’hawn taħt.

L-opinjoni dwar l-affidabbiltà tal-kontijiet

10.

Fl-opinjoni tal-Qorti, il-Kontijiet Annwali (11) tal-Eurojust jippreżentaw b’mod ġust, fl-aspetti materjali kollha, il-pożizzjoni finanzjarja tagħha fil-31 ta’ Diċembru 2010 u r-riżultati tal-operazzjonijiet tagħha u tal-flussi ta’ likwidità tagħha għas-sena li ntemmet, skont id-dispożizzjonijiet tar-Regolament Finanzjarju tagħha.

L-opinjoni dwar il-legalità u r-regolarità tat-tranżazzjonijiet li fuqhom huma bbażati l-kontijiet

11.	Fl-opinjoni tal-Qorti, it-tranżazzjonijiet li fuqhom huma bbażati l-Kontijiet Annwali tal-Eurojust għas-sena finanzjarja li ntemmet fil-31 ta’ Diċembru 2010, fl-aspetti materjali kollha huma legali u regolari.

12.	Il-kummenti li ġejjin ma jixħtux f’dubju l-opinjonijiet tal-Qorti.

KUMMENTI DWAR IL-ĠESTJONI TAL-BAĠIT U DIK FINANZJARJA

13.	Il-livell tat-Titolu III nefqa operazzjonali miġjuba ’l quddiem għall-2011 ammontat għal 38 % tat-Titolu III baġit. Dan il-livell ta’ riport kien eċċessiv u ma jaqbilx mal-prinċipju ta’ annwalità.

KWISTJONIJIET OĦRA

14.

Id-Direttur tal-Eurojust huwa responabbli vis-à-vis l-awtorità ta’ kwittanza għall-kompiti dettaljati fil-paragrafu 5. “Ir-responsabbiltà tad-Direttur”, madankollu hu mhuwiex responsabbli de facto għall-maġġoranza tad-deċiżjonijiet ta’ ġestjoni ta’ kuljum li jittieħdu mill-Kulleġġ tal-Eurojust abbażi tad-dispożizzjonijiet relevanti tar-Regolament fundatur (12). Hemm l-ambitu li wieħed jikkunsidra li jiddefinixxi r-rwoli u r-responsabbiltajiet rispettivi mill-ġdid tal-atturi involuti biex jittratta din il-kooinċidenza tar-responabbiltà.

15.	Fir-rigward tal-proċeduri ta’ akkwist, f’każ wieħed il-kumitat ta’ evalwazzjoni naqas milli japplika d-differenzi fis-salarji ppubblikati fl-ispeċifikazzjonijiet tal-offerta.

16.	Minkejja l-fatt li r-reklutaġġi ma jistgħux isiru minn listi ta’ riżerva skaduti, fl-2010 ġie rreklutat uffiċjal li juża lista ta’ riżerva li kienet skadiet f’Jannar 2009.

SEGWITU MIS-SEJBIET TAS-SENA TA’ QABEL

17.	Ir-rata ta’ postijiet vakanti tal-Eurojust fi tmiem l-2009, 24 %, tnaqqset għal 13 % sa tmiem l-2010.

Dan ir-Rapport ġie adottat mill-Awla IV, immexxija mis-Sur Igors LUDBORŽS, Membru tal-Qorti tal-Awdituri, fil-Lussemburgu fil-laqgħa tagħha tas-6 ta’ Settembru 2011.

Għall-Qorti tal-Awdituri

Vítor Manuel da SILVA CALDEIRA

President

(1) Id-Deċiżjoni tat-28 ta’ Frar 2002 li tistabbilixxi l-Eurojust (ĠU L 63, 6.3.2002, p. 1).

(2) L-Anness jagħti sommarju tal-kompetenzi u l-attivitajiet tal-Eurojust. Jiġi ppreżentat għal-skopijiet ta’ informazzjoni.

(5) Ir-rapporti tal-implimentazzjoni tal-baġit jikkonsistu fil-kont tar-riżultat tal-baġit u fl-anness tiegħu.

(6) ĠU L 248, 16.9.2002, p. 1.

(7) L-Artikolu 33 tar-Regolament tal-Kummissjoni (KE, Euratom) Nru 2343/2002 (ĠU L 357, 31.12.2002, p. 72).

(8) L-Artikolu 38 tar-Regolament (KE, Euratom) Nru 2343/2002.

(10) Il-Federazzjoni Internazzjonali tal-Kontabilisti (IFAC) u l-Istandards Internazzjonali tal-Istituzzjonijiet Supremi tal-Verifika (ISSAI).

(11) Il-Kontijiet Annwali Finali kienu ppreparati fis-17 ta’ Ġunju 2011 u rċevuti mill-Qorti fil-5 ta’ Lulju 2011. Il-Kontijiet Annwali Finali jistgħu jinstabu fuq il-websajt li ġej http://eca.europa.eu jew http://www.eurojust.europa.eu/adm_budg_finance.htm.

(12) L-Artikoli 28, 29, 30 u 36 tad-Deċiżjoni tal-Kunsill 2002/187/JHA, kif emendat mid-Deċiżjoni tal-Kunsill 2003/659/JHA (ĠU L 245, 29.9.2003, p. 44) u d-Deċiżjoni tal-Kunsill 2009/426/JHA (ĠU L 138, 4.6.2009, p. 14).

ANNESS

L-Eurojust (L-Aja)

Kompetenzi u attivitajiet

L-oqsma ta’ kompetenza tal-Unjoni stipulati fit-Trattat

(L-Artikolu 85 tat-Trattat dwar il-Funzjonament tal-Unjoni Ewropea)

Il-Missjoni tal-Eurojust għandha tkun li tappoġġa u ssaħħaħ il-koordinazzjoni u l-kooperazzjoni bejn l-awtoritajiet nazzjonali ta’ investigazzjoni u prosekuzzjoni fir-rigward ta’ kriminalità serja li tolqot żewġ Stati Membri jew aktar jew li teħtieġ prosekuzzjoni fuq bażi komuni, abbażi ta’ operazzjonijiet immexxija u informazzjoni mogħtija mill-awtoritajiet tal-Istati Membri u mill-Europol.

Il-kompetenzi tal-Eurojust

(Deċiżjoni tal-Kunsill 2002/187/JHA)

L-Objettivi

—	Jistimolaw u jtejbu l-kordinazzjoni, bejn l-awtoritajiet kompetenti tal-Istati Membri, ta’ investigazzjonijiet u prosekuzzjonijiet;

—	Itejbu koperazzjoni, b'mod partikolari li jiġu faċilitati l-iskambju ta’ informazzjoni, l-eżekuzzjoni ta’ assistenza ġudizzjarja internazzjonali u l-implimentazzjoni ta’ ordnijiet ta’ estradizzjoni;

—	Li jappoġġaw altrimenti l-awtoritajiet kompetenti tal-Istati Membri biex itejbu l-effiċjenza tal-investigazzjonijiet u l-prosekuzzjonijiet tagħhom;

—	Tagħti għajnuna fi proċeduri li jinvolvu Stat Membru u Stat li mhux membru;

—	Tagħti għajnuna fi proċeduri li jinvolvu Stat Membru u l-Unjoni.

Il-Kompiti

Torganizza l-koperazzjoni bejn il-varji sistemi legali nazzjonali, l-Eurojust taħdem:

—	permezz tal-membri nazzjonali tagħha; jew

—	bħala Kulleġġ.

Jekk l-awtoritajiet kompetenti tal-Istat Membru kkonċernat jiddeċiedu li ma jwiġbux għat-talba maħruġa mill-Eurojust bħala Kulleġġ huma għandhom jinfurmaw lill-Eurojust bir-raġunijiet għad-deċiżjoni tagħhom.

It-Tmexxija

1 – Il-Kulleġġ huwa responsabbli mill-organizzazzjoni u l-operat tal-Eurojust.

2 – Il-Kulleġġ huwa magħmul minn membri nazzjonali ssekondati minn kull Stat Membru skont is-sistema legali tiegħu, li huma prosekuturi, imħallfin jew uffiċjali tal-puliżija b’kompetenza ekwivalenti.

3 – Il-Kulleġġ jeleġi lill-President tiegħu minn fost il-membri nazzjonali.

4 – Il-Korp Konġunt ta’ Sorveljanza jiċċekkja l-ipproċessar tad-data personali.

5 – Id-Direttur Amministrattiv huwa maħtur unanimament mill-Kulleġġ.

6 – Il-verifika esterna

Il-Qorti tal-Awdituri.

7 – L-awtorità ta’ kwittanza

Il-Parlament li jaġixxi fuq rakkomandazzjoni tal-Kunsill.

Ir-riżorsi disponibbli għall-Eurojust fl-2010 (2009)

Il-Bagit

EUR 32,3 (28,2) miljun inkluż id-dħul assenjat, EUR 2 miljuni (Proġett tal-iskwadra investigattiva Konġunta).

Il-persunal fil-31 ta’ Diċembru 2010

Il-membri tal-kulleġġ u l-persunal assoċjat: 58 (47) li minnhom:

27 Membru Nazzjonali, 3 Prosekuturi ta’ Kollegament, 16-il deputat u 12-il assistent.

185 (185) kariga mniżżla fil-pjan ta’ stabbiliment, li minnhom okkupati: 162 (141)

Pożizzjonijiet Oħrajn: 75 (60) li minnhom:

36 aġent kuntrattwali, 17-il Espert Nazzjonali Ssekondat, 22 persunal interim.

It-total tal-persunal: 295 (248)

Allokati lil:

Il-kompiti operazzjonali: 157 (131)

Il-kompiti amministrattivi: 107 (89)

Il-kompiti mħallta: 31 (28)

Il-prodotti u s-servizzi fl-2010 (2009)

L-għadd ta’ laqgħat ta’ koordinazzjoni

141 (131)

L-għadd totali ta’ każijiet

1 424(1 193)

Il-frodi: 631 (612)

It-traffikar tad-droga: 254 (230)

It-terroriżmu: 25 (19)

Il-qtil: 83 (90)

It-traffikar ta’ bnedmin: 87 (74)

Sors: Informazzjoni mogħtija mill-Eurojust.

IT-TWEĠIBIET TAL-EUROJUST

13.

Minħabba ammont akbar ta’ attivitajiet fl-2010, ir-riporti awtomatiċi żdiedu meta mqabbel mas-sena ta’ qabel, l-aktar minħabba l-proġett ta’ Reviżjoni Strutturali Organizzattiva, spejjeż fuq l-infrastruttura tal-kompjuters ġdida u spejjeż fuq il-Proċess tad-Dejta. Jekk wieħed jagħmel astrazzjoni ta’ dawn it-tliet elementi, jirriżulta li kien hemm tnaqqis fir-riporti b’mod ġenerali fuq il-bażi ta’ xorta ma’ xorta.

14.	Il-Kulleġġ jeħtieġ jikkoreġi din l-anomalija jew inkella regolament ġdid għandu jirrimedja dan in-nuqqas strutturali.

15.

Sabiex jimpedixxi milli jerġgħu jseħħu żbalji ta’ dan it-tip fil-futur, il-Eurojust sejjer jagħmel ċert li l-istandards ta’ kwalità tal-proċedura użata fis-sejħa għall-offerti tal-Unjoni tiġi rispettata u li l-evalwaturi tal-Eurojust jkunu magħmulin konxji tar-responsabbiltà tagħhom meta jipparteċipaw fi proċeduri konġunti ma’ organizzazzjonijiet oħrajn.

16.

Għalkemm id-dokumentazzjoni li tikkorrespondi għall-fajl ta’ reklutaġġ imsemmi ma kinitx kompleta, l-Aġent Direttur Amministrattiv ta’ dak iż-żmien ikkonferma li kienet ittieħdet deċiżjoni għall-estensjoni tal-lista ta’ riservi msemmija. Sabiex jiġi żgurat li fil-futur ma tirriżultax sitwazzjoni bħal din, il-Eurojust sejjer jieħu miżuri sabiex jagħmel ċert li d-deċiżjonijiet kollha li jikkonċernaw ir-reklutaġġi jiġu ddokumentati b’mod adegwat.

17.	Il-Eurojust sejjer jissokta l-isforzi tiegħu biex itejjeb is-sitwazzjoni aktar.

15.12.2011

Il-Ġurnal Uffiċjali tal-Unjoni Ewropea

C 366/145

RAPPORT

dwar il-kontijiet annwali tal-Fondazzjoni Ewropea għat-Taħriġ għas-sena finanzjarja 2010, flimkien mat-tweġibiet tal-Fondazzjoni

2011/C 366/26

INTRODUZZJONI

Il-Fondazzjoni Ewropea għat-Taħriġ (minn hawn 'il quddiem imsejħa “il-Fondazzjoni”), li tinsab f'Turin, twaqqfet mir-Regolament tal-Kunsill (KEE) Nru 1360/90 (1). L-iskop tal-Fondazzjoni huwa li ssostni r-riforma tat-taħriġ vokazzjonali fil-pajjiżi msieħba mal-Unjoni Ewropea. Fil-fatt, hija tgħin lill-Kummissjoni fl-implimentazzjoni ta’ programmi varji (PHARE, TACIS, CARDS u MEDA) (2).

2.	Il-baġit tal-Fondazzjoni għall-2010 ammonta għal EUR 19,3 miljun, meta mqabbel ma’ EUR 20,2 miljun is-sena ta’ qabel. L-għadd ta’ persunal impjegat mill-Fondazzjoni fi tmiem is-sena kien 128 meta mqabbel ma’ 124 is-sena ta’ qabel.

ID-DIKJARAZZJONI TA’ ASSIGURAZZJONI

Skont id-dispożizzjonijiet tal-Artikolu 287(1), it-tieni subparagrafu tat-Trattat Dwar il-Funzjonament tal-Unjoni Ewropea, il-Qorti vverifikat il-kontijiet annwali (3) tal-Fondazzjoni, li jikkonsistu fir-“rendikonti finanzjarji” (4) u fir-“rapporti dwar l-implimentazzjoni tal-baġit” (5) għas-sena finanzjarja li ntemmet fil-31 ta’ Diċembru 2010 u l-legalità u r-regolarità tat-tranżazzjonijiet li fuqhom huma bbażati dawk il-kontijiet.

4.	Din id-Dikjarazzjoni ta’ Assigurazzjoni hija indirizzata lill-Parlament Ewropew u lill-Kunsill, skont l-Artikolu 185(2) tar-Regolament tal-Kunsill (KE, Euratom) Nru 1605/2002 (6).

Ir-responsabbiltà tad-Direttur

Bħala uffiċjal li jawtorizza, id-Direttur jimplimenta d-dħul u l-infiq tal-baġit skont ir-regoli finanzjarji tal-Fondazzjoni li taqa' taħt ir-responsabbiltà tiegħu u fi ħdan il-limiti tal-approprjazzjonijiet awtorizzati (7). Id-Direttur huwa responsabbli mit-twaqqif (8) tal-istruttura organizzattiva u s-sistemi u l-proċeduri tal-ġestjoni u l-kontroll interni rilevanti biex jiġu ppreparati kontijiet finali (9) li huma ħielsa minn dikjarazzjoni żbaljata materjali, kemm jekk minħabba frodi jew inkella żball, u biex tiżgura li t-tranżazzjonijiet li fuqhom huma bbażati dawk il-kontijiet huma legali u regolari.

Ir-responsabbiltà tal-Qorti

6.	Ir-responsabbiltà tal-Qorti hija li tipprovdi, abbażi tal-verifika tagħha, dikjarazzjoni ta’ assigurazzjoni dwar l-affidabbiltà tal-kontijiet annwali tal-Fondazzjoni u dwar il-legalità u r-regolarità tat-tranżazzjonijiet li huma bbażati fuqhom.

Il-verifika tal-Qorti tinvolvi t-twettiq ta’ proċeduri sabiex tinkiseb evidenza tal-verifika dwar l-ammonti u l-iżvelar fil-kontijiet u dwar il-legalità u r-regolarità tat-tranżazzjonijiet li huma bbażati fuqhom. Il-proċeduri jintgħażlu skont il-ġudizzju tal-awtur, inkluża l-valutazzjoni tar-riskji ta’ dikjarazzjoni skorretta materjali fir-rapporti finanzjarji, sew jekk minħabba frodi u sew jekk minħabba żball. Meta tagħmel dawk il-valutazzjonijiet tar-riskju, il-kontroll intern rilevanti għall-preparazzjoni u l-preżentazzjoni tal-kontijiet tal-entità jiġi kkunsidrat sabiex jitfasslu proċeduri tal-verifika li huma xierqa fiċ-ċirkostanzi. Il-verifika tal-Qorti tinkludi wkoll evalwazzjoni tal-adegwatezza tal-politika tal-kontabilità użata, tar-raġonevolezza tal-estimi tal-kontabilità magħmula mill-maniġment u kif ukoll evalwazzjoni tal-preżentazzjoni tal-kontijiet inġenerali.

9.	Il-Qorti tqis li l-evidenza tal-verifika miksuba hija biżżejjed u xierqa biex tipprovdi bażi għall-opinjonijiet t'hawn taħt.

L-opinjoni dwar l-affidabbiltà tal-kontijiet

10.

Fl-opinjoni tal-Qorti, il-Kontijiet Annwali tal-Fondazzjoni (11) jippreżentaw b'mod ġust, fl-aspetti materjali kollha, il-pożizzjoni finanzjarja tagħha fil-31 ta’ Diċembru 2010 u r-riżultati tal-operazzjonijiet tagħha u tal-fluss ta’ likwidità tagħha għas-sena li ntemmet, skont id-dispożizzjonijiet tar-Regolament Finanzjarju tagħha.

L-opinjoni dwar il-legalità u r-regolarità tat-tranżazzjonijiet li fuqhom huma bbażati l-kontijiet

11.	Fl-opinjoni tal-Qorti, it-tranżazzjonijiet li fuqhom huma bbażati l-kontijiet annwali tal-Fondazzjoni għas-sena finanzjarja li ntemmet fil-31 ta’ Diċembru 2010, fl-aspetti materjali kollha huma legali u regolari.

Dan ir-Rapport ġie adottat mill-Awla IV, immexxija mis-Sur Igors LUDBORŽS, Membru tal-Qorti tal-Awdituri, fil-Lussemburgu fil-laqgħa tagħha tas-6 ta’ Settembru 2011.

Għall-Qorti tal-Awdituri

Vítor Manuel da SILVA CALDEIRA

President

(1) ĠU L 131, 23.5.1990, p. 1.

(2) L-Anness jagħti sommarju tal-kompetenzi u l-attivitajiet tal-Fondazzjoni. Jiġi ppreżentat għal skopijiet ta’ informazzjoni.

(4) Ir-rendikonti finanzjarji jinkludu l-karta tal-bilanċ u l-kont tar-riżultat ekonomiku, it-tabella tal-likwidità, ir-rendikont tat-tibdil fil-kapital u l-anness għar-rendikonti finanzjarji li jinkludi d-deskrizzjoni tal-politika tal-kontabilità prinċipali u informazzjoni oħra ta’ spjegazzjoni.

(5) Ir-rapporti tal-implimentazzjoni tal-baġit jikkonsistu fil-kont tar-riżultat tal-baġit u fl-anness tiegħu.

(6) ĠU L 248, 16.9.2002, p. 1.

(7) L-Artikolu 33 tar-Regolament tal-Kummissjoni (KE, Euratom) Nru 2343/2002 (ĠU L 357, 31.12.2002, p. 72).

(8) L-Artikolu 38 tar-Regolament (KE, Euratom) Nru 2343/2002.

(9) Ir-regoli dwar il-preżentazzjoni tal-kontijiet u tal-kontabilità mill-Aġenziji huma stabbiliti fil-Kapitolu 1 tat-Titolu VII tar-Regolament (KE, Euratom) Nru 2343/2002 kif l-aħħar emendat bir-Regolament (KE, Euratom) Nru 652/2008 (ĠU L 181, 10.07.2008, p. 23) u huma fil-fatt integrati fir-Regolament Finanzjarju tal-Fondazzjoni.

(10) Il-Federazzjoni Internazzjonali tal-Kontabilisti (IFAC) u l-Istandards Internazzjonali tal-Istituzzjonijiet Supremi tal-Verifika (ISSAI).

(11) Il-Kontijiet Annwali Finali kienu ppreparati fil-15 ta’ Ġunju 2011 u rċevuti mill-Qorti fis-16 ta’ Ġunju 2011. Il-Kontijiet Annwali Finali jistgħu jinstabu fuq il-websajt li ġej http://eca.europa.eu jew http://www.etf.europa.eu/Archive.

ANNESS

Fondazzjoni Ewropea għat-Taħriġ (Turin)

Kompetenzi u attivitajiet

L-Oqsma ta’ kompetenza tal-Unjoni stipulati fit-Trattat

(L-Artikolu 166(3)tat-Trattat dwar il-Funzjonament tal-Unjoni Ewropea)

L-Unjoni u l-Istati Membri għandhom jinkoraġġixxu l-koperazzjoni ma’ pajjiżi terzi u mal-organizzazzjonijiet internazzjonali kompetenti fil-qasam tal-formazzjoni vokazzjonali.

Il-Kompetenzi tal-Fondazzjoni

Ir-Regolament tal-Kunsill (KEE) Nru 1360/90

L-Objettivi

—

Li tikkontribwixxi, fil-kuntest tal-politika tar-relazzjonijiet esterni tal-UE, sabiex ittejjeb l-iżvilupp tal-kapital uman, fil-pajjiżi li ġejjin: il-pajjiżi eliġibbli għal appoġġ taħt ir-Regolamenti (KE) Nru 1085/2006 u Nru 1638/2006 u atti legali relatati sussegwenti; pajjiżi oħra nominati mid-deċiżjoni tal-Bord ta’ Tmexxija fuq il-bażi ta’ proposta appoġġata minn żewġ terzi tal-membri tiegħu u opinjoni tal-Kummissjoni, u koperti minn strument tal-Unjoni jew ftehim internazzjonali li jinkludi element ta’ żvilupp tal-kapital uman, u safejn jippermettu r-riżorsi disponibbli.

—	Għall-fini ta’ dan ir-Regolament, “l-iżvilupp tal-kapital uman” għandu jkun definit bħala ħidma li tikkontribwixxi għall-iżvilupp tul il-ħajja tal-ħiliet u l-kompetenzi tal-individwu permezz tat-titjib tas-sistemi tal-edukazzjoni u t-taħriġ vokazzjonali.

Il-Kompiti

Bil-għan li jinkiseb l-objettiv stabbilit, il-Fondazzjoni, fil-limiti tas-setgħat mogħtija lill-Bord tat-Tmexxija, u filwaqt li ssegwi l-linji gwida ġenerali stabbiliti fil-livell tal-Unjoni, għandha jkollha l-funzjonijiet li ġejjin:

—	l-għoti ta’ informazzjoni, ta’ analiżi tal-politika u ta’ pariri dwar kwistjonijiet ta’ żvilupp tal-kapital uman fil-pajjiżi msieħba;

—	il-promozzjoni tal-konoxxenza u l-analiżi tal-ħtiġijiet ta’ kompetenzi fis-swieq tax-xogħol nazzjonali u lokali;

—	l-appoġġ lill-partijiet interessati rilevanti fil-pajjiżi msieħba fil-bini tal-kapaċità fl-iżvilupp tal-kapital uman;

—	tiffaċilita l-iskambju ta’ informazzjoni u esperjenza fost id-donaturi ingaġġati fir-riforma tal-iżvilupp tal-kapital uman fil-pajjiżi msieħba;

—	l-appoġġ fit-twassil tal-assistenza mill-Unjoni lil pajjiżi msieħba fil-qasam tal-iżvilupp tal-kapital uman;

—	id-disseminazzjoni ta’ informazzjoni u tħeġġig tan-netwerking u tal-iskambji ta’ esperjenza u prassi tajba bejn l-UE u l-pajjiżi msieħba u fost il-pajjiżi msieħba dwar kwistjonijiet tal-iżvilupp tal-kapital uman;

—	il-kontribut, fuq talba tal-Kummissjoni, lejn l-analiżi tal-effikaċja globali tal-assistenza f'taħriġ lill-pajjiżi msieħba;

—	it-twettiq ta’ kompiti oħra skont kif jiġi miftiehem bejn il-Bord ta’ Tmexxija u l-Kummissjoni, fi ħdan il-qafas ġenerali ta’ dan ir-Regolament.

It-Tmexxija

1 - Il-Bord tat-Tmexxija

—	Rappreżentant wieħed minn kull Stat Membru.

—	Tliet rappreżentanti tal-Kummissjoni.

—	Tliet esperti li ma jivvutawx maħtura mill-Parlament Ewropew.

—	Addizzjonalment, tliet rappreżentanti tal-pajjiżi msieħba jistgħu jattendu l-laqgħat tal-Bord tat-Tmexxija bħala osservaturi.

2 - Id-Direttur

Maħtur mill-Bord ta’ Tmexxija fuq proposta mill-Kummissjoni

3 - Il-verifika esterna

Il-Qorti tal-Awdituri.

Ir-Riżorsi disponibbli għall-Fondazzjoni fl-2010 (2009)

Il-Baġit

EUR 19,3 (20,2) miljun

Għadd ta’ persunal fil-31 ta’ Diċembru 2010

—	96 (96) kariga temporanja fil-pjan ta’ stabbiliment li minnhom 92 (86) kariga okkupata;

—	36 (38) persunal ieħor (aġenti lokali, aġenti kuntrattwali, esperti nazzjonali ssekondati).

Persunal totali: 128 (124), assenjati għad-doveri segwenti:

—	kompiti operattivi: 70 (64);

—	kompiti amministrattivi: 31 (40);

—	kompiti ta’ koordinazzjoni korporattiva u ta’ komunikazzjoni: 27 (20).

Il-Prodotti u servizzi mogħtija matul is-sena finanzjarja fl-2010 (2009)

Il-Fondazzjoni tikkontribwixxi, fil-kuntest tal-politiki ta’ relazzjonijiet esterni tal-UE, għat-titjib tal-iżvilupp tal-kapital uman (HCD) fid-29 Pajjiżi Imsieħba maħtura skont ir-Regolament tagħha u l-Bord tat-Tmexxija. L-attivitajiet ewlenin huma l-appoġġ għal politiki u proġetti tal-UE, il-provvediment ta’ analiżi ta’ politika, it-tixrid u l-iskambju ta’ informazzjoni u esperjenza u appoġġ għal bini tal-kapaċitajiet tal- pajjiżi msieħba.

Il-valur miżjud tal-Fondazzjoni jiġi mill-bażi ta’ għarfien stabbilit bħala newtrali, mhux kummerċjali u uniku li jikkonsisti f'kompetenza fl-iżvilupp ta’ kapital uman u r-rabtiet mal-impjiegi. Dan jinkludi kompetenza fl-adattament tal-approċċi għall-iżvilupp ta’ kapital uman fl-UE u l-Istati Membri tagħha għall-kuntest tal-pajjiżi msieħba.

Fl-2010, il-Fondazzjoni temmet b'suċċess l-ewwel sena tal-Proċess ta’ Turin (24 valutazzjoni ta’ politika fit-Taħriġ Edukattiv Vokazzjonali tal-Pajjiżi Msieħba) b'kontribuzzjoni għall-iżvilupp ta’ politiki strateġiċi, il-promozzjoni tal-aħjar prattiki għall-iżvilupp, u t-tħaffif ta’ koordinazzjoni u armonizzazzjoni, kif ukoll fid-dimensjoni esterna tal-Politiki Interni tal-Unjoni Ewropea.

Ħadmet ukoll fuq il-funzjonijiet ewlenin tagħha kif ġej:

—	l-Appoġġ lill-politiki tal-Unjoni u ċ-ċiklu tal-proġett għal strumenti ta’ Relazzjonijiet Esterni għall-pajjiżi msieħba: 30 (30) prestazzjoni;

—	it-Tisħiħ tal-kapaċità ta’ Pajjiżi Msieħba: 30 (67) prestazzjoni;

—	l-Analiżi ta’ politika: 29 (23) prestazzjoni;

—	it-Tqassim u netwerking: 30 (22) prestazzjoni.

Il-prestazzjonijiet ikejlu t-twettiq tar-riżultati ta’ proġett, u jirrelataw il-baġit mal-funzjonijiet tal-Fondazzjoni.

Barra minn hekk, għal dawn il-funzjonijiet imwettqa fil-kuntest tal-programm ta’ xogħol tagħha, il-Fondazzjoni wieġbet ukoll għal talbiet diretti mill-Kummissjoni Ewropea matul is-sena. Fl-2010 rrappurtat 105 (101) talba kontinwa, 62 % (56 %) ġew indirizzati lil pajjiżi IPA u 30 % (40 %) lil ENPI u 7 % (4 %) lil DCI. Talba waħda teknika ma kinitx marbuta mal-ebda waħda minn dawn it-tliet strumenti.

IPA	:	Strument għall-Għajnuna ta’ qabel l-Adeżjoni
ENPI	:	Strument Ewropew ta’ Viċinat u Sħubija
DCI	:	Strument għall-Koperazzjoni fl-Iżvilupp

Sors: Informazzjoni mogħtija mill-Fondazzjoni.

IT-TWEĠIBIET TAL-FONDAZZJONI

1.	L-Aġenzija ħa nota tar-rapport tal-Qorti.

15.12.2011

Il-Ġurnal Uffiċjali tal-Unjoni Ewropea

C 366/150

RAPPORT

dwar il-kontijiet annwali tal-Fondazzjoni Ewropea għat-Titjib tal-Kundizzjonijiet tal-Ħajja u tax-Xogħol għas-sena finanzjarja 2010, flimkien mat-tweġibiet tal-Fondazzjoni

2011/C 366/27

INTRODUZZJONI

Il-Fondazzjoni Ewropea għat-Titjib tal-Kondizzjonijiet tal-Ħajja u tax-Xogħol (minn hawn 'il quddiem imsejħa “il-Fondazzjoni”), li tinsab f’Dublin, kienet imwaqqfa mir-Regolament tal-Kunsill (KEE) Nru 1365/75 tas-26 ta’ Mejju 1975 (1). L-għan tagħha huwa li tikkontribwixxi għall-ippjanar u l-istabbiliment ta’ kondizzjonijiet tal-ħajja u tax-xogħol aħjar fl-Unjoni billi żżid u xxerred għarfien li huwa rilevanti għal dan is-suġġett (2).

2.	Il-baġit tal-Fondazzjoni tal-2010 ammonta għal EUR 20,8 miljun meta mqabbel mal-EUR 20,2 miljun tas-sena ta’ qabel. L-għadd ta’ persunal impjegat mill-Fondazzjoni fl-aħħar tas-sena kien 101, meta mqabbel mal-94 is-sena ta’ qabel.

ID-DIKJARAZZJONI TA’ ASSIGURAZZJONI

Skont id-dispożizzjonijiet tal-Artikolu 287(1), it-tieni subparagrafu tat-Trattat dwar il-Funzjonament tal-Unjoni Ewropea, il-Qorti vverifikat il-kontijiet annwali (3) tal-Fondazzjoni, li jikkonsistu fir-“rendikonti finanzjarji” (4) u fir-“rapporti dwar l-implimentazzjoni tal-baġit” (5) għas-sena finanzjarja li ntemmet fil-31 ta’ Diċembru 2010 u l-legalità u r-regolarità tat-tranżazzjonijiet li fuqhom huma bbażati dawk il-kontijiet.

4.	Din id-Dikjarazzjoni ta’ Assigurazzjoni hija indirizzata lill-Parlament Ewropew u lill-Kunsill, skont l-Artikolu 185(2) tar-Regolament tal-Kunsill (KE, Euratom) Nru 1605/2002 (6).

Ir-responsabbiltà tad-Direttur

Bħala uffiċjal li jawtorizza, id-Direttur jimplimenta d-dħul u l-infiq tal-baġit skont ir-regoli finanzjarji tal-Fondazzjoni li taqa’ taħt ir-responsabbiltà tiegħu u fi ħdan il-limiti tal-approprjazzjonijiet awtorizzati (7). Id-Direttur huwa responsabbli mit-twaqqif (8) tal-istruttura organizzattiva u s-sistemi u l-proċeduri tal-ġestjoni u l-kontroll interni rilevanti biex jiġu ppreparati kontijiet finali (9) li huma ħielsa minn dikjarazzjoni żbaljata materjali, kemm jekk minħabba frodi jew inkella żball, u biex jiżgura li t-tranżazzjonijiet li fuqhom huma bbażati dawk il-kontijiet huma legali u regolari.

Ir-responsabbiltà tal-Qorti

6.	Ir-responsabbiltà tal-Qorti hija li tipprovdi, abbażi tal-verifika tagħha, dikjarazzjoni ta’ assigurazzjoni dwar l-affidabbiltà tal-kontijiet annwali tal-Fondazzjoni u dwar il-legalità u r-regolarità tat-tranżazzjonijiet li huma bbażati fuqhom.

Il-verifika tal-Qorti tinvolvi t-twettiq ta’ proċeduri sabiex tinkiseb evidenza tal-verifika dwar l-ammonti u l-iżvelar fil-kontijiet u dwar il-legalità u r-regolarità tat-tranżazzjonijiet li huma bbażati fuqhom. Il-proċeduri jintgħażlu skont il-ġudizzju tal-awditur, inkluża l-valutazzjoni tar-riskji ta’ dikjarazzjoni skorretta materjali fir-rapporti finanzjarji, sew jekk minħabba frodi u sew jekk minħabba xi żball. Meta tagħmel dawk il-valutazzjonijiet tar-riskju, il-kontroll intern rilevanti għall-preparazzjoni u l-preżentazzjoni tal-kontijiet tal-entità jiġi kkunsidrat sabiex jitfasslu proċeduri tal-verifika li huma xierqa fiċ-ċirkostanzi. Il-verifika tal-Qorti tinkludi wkoll evalwazzjoni tal-adegwatezza tal-politika tal-kontabilità użata u r-raġonevolezza tal-estimi tal-kontabilità magħmula mill-maniġment u kif ukoll evalwazzjoni tal-preżentazzjoni tal-kontijiet inġenerali.

9.	Il-Qorti tqis li l-evidenza tal-verifika miksuba hija biżżejjed u xierqa biex tipprovdi bażi għall-opinjonijiet stipulati ta’ hawn taħt.

L-opinjoni dwar l-affidabbiltà tal-kontijiet

10.

Fl-opinjoni tal-Qorti, il-Kontijiet Annwali tal-Fondazzjoni (11) jippreżentaw b’mod ġust, fl-aspetti materjali kollha, il-pożizzjoni finanzjarja tagħha fil-31 ta’ Diċembru 2010 u r-riżultati tal-operazzjonijiet tagħha u l-flussi tal-likwidità tagħha għas-sena li ntemmet, skont id-dispożizzjonijiet tar-Regolament Finanzjarju tagħha.

L-opinjoni dwar il-legalità u r-regolarità tat-tranżazzjonijiet li fuqhom huma bbażati l-kontijiet

11.	Fl-opinjoni tal-Qorti, it-tranżazzjonijiet li fuqhom huma bbażati l-kontijiet annwali tal-Fondazzjoni għas-sena finanzjarja li ntemmet fil-31 ta’ Diċembru 2010, fl-aspetti materjali kollha huma legali u regolari.

Dan ir-Rapport ġie adottat mill-Awla IV, immexxija mis-Sur Igors LUDBORŽS, Membru tal-Qorti tal-Awdituri, fil-Lussemburgu fil-laqgħa tagħha tas-6 ta’ Settembru 2011.

Għall-Qorti tal-Awdituri

Vítor Manuel da SILVA CALDEIRA

President

(1) ĠU L 139, 30.5.1975, p. 1.

(2) L-Anness jagħti sommarju tal-kompetenzi u tal-attivitajiet tal-Fondazzjoni. Jiġi ppreżentat għal skopijiet ta’ informazzjoni.

(4) Ir-rendikonti finanzjarji jinkludu l-karta tal-bilanċ u l-kont tar-riżultat ekonomiku, it-tabella tal-likwidità, ir-rendikont tat-tibdil fil-kapital u l-anness għar-rendikonti finanzjarji li jinkludi d-deskrizzjoni tal-politika tal-kontabilità prinċipali u informazzjoni oħra ta’ spjegazzjoni.

(5) Ir-rapporti tal-implimentazzjoni tal-baġit jikkonsistu fil-kont tar-riżultat tal-baġit u fl-anness tiegħu.

(6) ĠU L 248, 16.9.2002, p. 1.

(7) L-Artikolu 33 tar-Regolament tal-Kummissjoni (KE, Euratom) Nru 2343/2002 (ĠU L 357, 31.12.2002, p. 72).

(8) L-Artikolu 38 tar-Regolament (KE, Euratom) Nru 2343/2002.

(9) Ir-regoli dwar il-preżentazzjoni tal-kontijiet u tal-kontabilità mill-Aġenziji huma stabbiliti fil-kapitolu 1 tat-Titlu VII tar-Regolament (KE, Euratom) Nru 2343/2002 kif l-aħħar emendat bir-Regolament (KE, Euratom) Nru 652/2008 (ĠU L 181, 10.07.2008, p. 23) u huma fil-fatt integrati fir-Regolament Finanzjarju tal-Fondazzjoni.

(10) Il-Federazzjoni Internazzjonali tal-Kontabilisti (IFAC) u l-Istandards Internazzjonali tal-Istituzzjonijiet Supremi tal-Verifika (ISSAI).

(11) Il-Kontijiet Annwali Finali ġew imfassla fit-30 ta’ Ġunju 2011 u ġew irċevuti mill-Qorti fl-4 ta’ Lulju 2011. Il-Kontijiet Annwali Finali jistgħu jinstabu fuq il-websajt li ġejja http://eca.europa.eujew www.eurofound.europa.eu.

ANNESS

Fondazzjoni Ewropea għat-Titjib tal-Kondizzjonijiet tal-Ħajja u tax-Xogħol (Dublin)

Kompetenzi u attivitajiet

L-oqsma ta’ kompetenza tal-Unjoni stipulati fit-Trattat

(L-Artikolu 151 tat-Trattat dwar il-Funzjonament tal-Unjoni Ewropea)

L-Unjoni u l-Istati Membri, waqt li jżommu f’moħħhom id-drittijiet soċjali fundamentali bħalma huma dawk stabbiliti fil-Karta Soċjali Ewropea li kienet iffirmata f’Turin fit-18 ta’ Ottubru 1961 u l-Karta tal-Komunità tal-1989 dwar id-Drittijiet Soċjali Fundamentali tal-Ħaddiema, għandu jkollhom bħala mira l-promozzjoni tal-impjieg, it-titjib tal-kondizzjonijiet tal-ħajja u tax-xogħol, sabiex jagħmlu possibli l-armonizzazzjoni tagħhom waqt li jitkompla t-titjib, il-protezzjoni soċjali xierqa, id-djalogu bejn min imexxi u l-ħaddiema, l-iżvilupp tar-riżorsi umani bil-mira ta’ livell għoli ta’ mpjieg [impjieg] li jdum għal żmien twil u l-ġlieda kontra l-esklużjoni.

Il-kompetenzi tal-Fondazzjoni

(ir-Regolament tal-Kunsill (KEE) Nru 1365/75 kif emendat bir-Regolament (KE) Nru 1111/2005)

L-Objettivi

L-għan tal-Fondazzjoni għandu jkun li tikkontribwixxi għat-twaqqif ta’ kondizzjonijiet tal-ħajja u tax-xogħol aħjar billi żżid u xxerred għarfien li huwa rilevanti għal dan is-suġġett. B'mod partikolari, hija meħtieġa tikkunsidra l-oqsma li ġejjin:

—	il-bniedem meta jkun fuq ix-xogħol,

—	l-organizzazzjoni tax-xogħol u partikolarment id-disinn tal-impjieg,

—	il-problemi li jirrigwardaw ċertu kategoriji ta’ ħaddiema,

—	l-aspetti fit-tul dwar it-titjib tal-ambjent,

—	it-tqassim ta’ attivitajiet umani fl-ispazju u fiż-żmien.

Il-Kompiti

—	ssaħħaħ l-iskambju ta’ informazzjoni u esperjenza f'dawn l-oqsma,

—	tiffaċilita l-kuntatt bejn l-universitajiet, l-istituzzjonijiet ta’ studju u riċerka, organizzazzjonijiet u amministrazzjonijiet soċjali u ekonomiċi,

—	twettaq studji jew biex tikkonkludi kuntratti ta’ studji u biex tipprovdi assistenza għall-proġetti pilota,

—	tikkoopera mill-qrib kemm jista’ jkun ma’ istituzzjonijiet speċjalizzati eżistenti fl-Istati Membri u fil-livell internazzjonali.

It-tmexxija

1 – Il-Bord Amministrattiv (BA)

—

minn kull Stat Membru:

—	rappreżentat wieħed mill-gvern,

—	rappreżentant wieħed minn organizzazzjonijiet ta’ min iħaddem u rappreżentant wieħed tal-ħaddiema,

—	tliet rappreżentanti mill-Kummissjoni.

2 – Il-Bureau tal-BA

—	jikkonsisti fi 11-il membru; 3 membri minn kull wieħed mill-imsieħba soċjali u l-gvernijiet, tnejn mill-Kummissjoni,

—	jissorvelja l-implimentazzjoni tad-deċiżjonijiet tal-BA u jieħu miżuri sabiex jiżgura t-tmexxija tajba bejn il-laqgħat tal-BA.

3 – Id-Direttur huwa maħtur mill-Kummissjoni minn lista ta’ kandidati ppreżentata mill-BA, huwa jimplimenta d-deċiżjonijiet tal-BA u tal-Bureau tal-BA u jmexxi l-Fondazzjoni.

4 – Il-Kumitat tal-esperti huwa magħmul minn mhux aktar minn tliet membri mill-Kummissjoni, mill-gvernijiet u mill-imsieħba soċjali, bil-għan li jagħti pariri dwar l-implimentazzjoni ta’ proġetti kbar u dwar il-valutazzjoni tar-riżultati.

5 – Il-verifika esterna

Il-Qorti tal-Awdituri.

6 – L-awtorità ta’ kwittanza

Il-Parlament li jaġixxi fuq rakkomandazzjoni tal-Kunsill.

Ir-riżorsi disponibbli għall-Fondazzjoni fl-2010 (2009)

Il-Bagit

EUR 20,9 miljun (EUR 20,2 miljun)

Il-persunal fil-31 ta’ Diċembru 2010

101 kariga u waħda mogħtija fil-pjan ta’ stabbiliment, li minnhom 91 (81) kienu okkupati fil-31 ta’ Diċembru 2010.

Persunal Ieħor:

L-Esperti Nazzjonali Ssekondati: 0 (0)

Il-Persunal fuq Kuntratt: 10 (13)

It-Total tal-Persunal impjegat: 101 (94)

Allokati lil

L-attivitajiet operazzjonali: 66 (62)

Il-kompiti amministrattivi: 31 (28)

Imħallta: 4 (4)

L-attivitajiet u s-servizzi pprovduti

Il-Monitoraġġ u l-Istħarriġ

In-Netwerk tal-Osservatorji Ewropej (NEO):

—

l-Osservatorju Ewropew għar-Relazzjonijiet Industrijali (EIRO) żdiedu 357 aġġornament ta’ informazzjoni; ħames studji rappreżentattivi; aġġornamenti annwali dwar ħlas u ħinijiet tax-xogħol u azzjoni industrijali; aġġornamenti annwali dwar ir-relazzjonijiet industrijali; 6 rapporti analitiċi u komparattivi

—	l-Osservatorju Ewropew dwar il-Kondizzjonijiet tax-Xogħol (EWCO) żdiedu 107 aġġornament ta’ informazzjoni; sitt rapporti analitiċi komparattivi dwar promozzjoni tax-xogħol ta’ ħaddiema immigranti u l-persuni u dawk li jaħdmu għal rashom

—	l-Immonitorjar tar-Ristrutturar Ewropew (MRE), żdiedu 1 258 skeda informattiva ta’ ristrutturar; erba’ rapporti analitiċi komparattivi

L-Istħarriġ:

—	it-tieni Stħarriġ Ewropew dwar il-Kwalità tal-Ħajja: rapport ta’ analiżi sekondarja dwar il-ħajja tal-familja u x-xogħol

—	it-tielet Stħarriġ Ewropew dwar il-Kwalità tal-Ħajja: tħejjija ta’ xogħol fuq il-post

—	il-ħames Stħarriġ Ewropew tal-Kondizzjonijiet tax-Xogħol: xogħol fuq il-post b’44 000 intervista f’34 pajjiż; ippubblikati l-ewwel riżultati (ikomplu)

—	l-Istħarriġ Ewropew tal-Kumpaniji; ippubblikat rapport ta’ ħarsa ġenerali, analiżi sekondarja dwar profili ta’ flessibbiltà ta’ kumpaniji u dwar xogħol part-time

L-Impjiegi u l-kompetittività

—	il-fondi ta’ investiment u ristrutturar

—	l-impatt tal-globalizzazzjoni fuq setturi magħżula: is-servizzi finanzjarji

—	il-forom ta’ intrapendritorja li qegħdin jitfaċċaw

—	l-iskemi ta’ ħidma għal żmien qasir (Rapport “Extending flexicurity – The potential of short-time working schemes” (Nestendu l-flessigurtà – Il-potenzjal ta’ skemi ta’ ħidma għal żmien qasir)

Ir-Relazzjonijiet industrijali u żviluppi fuq il-post tax-xogħol

—	il-klawżoli ta’ deroga fuq pagi

—	il-flessigurtà fi żminijiet ta’ kriżijiet

—	ir-relazzjonijiet industrijali fis-settur tal-kummerċ

—	l-involviment tal-impjegati f’kumpaniji taħt l-Istatut Ewropew tal-Kumpaniji

—	Minn relazzjonijiet industrijali nazzjonali għal dawk settorjali

—	id-djalogu soċjali u tnaqqis fir-ritmu ekonomiku fis-settur awtomotiv

Il-koeżjoni soċjali u l-kwalità tal-ħajja

—	il-Miżuri għall-inklużjoni soċjali tal-anzjani

—	is-Sostenn fit-trobbija tat-tfal

—	il-Politiki interkulturali u relazzjonijiet bejn il-gruppi

—	it-Tendenzi fil-kwalità ta’ ħajja fl-Ewropa 2003 - 2009

—	il-ġestjoni tad-dejn fid-dar

Il-Komunikazzjoni u l-qsim ta’ ideat u esperjenzi

Tqassmu 85 511-il pubblikazzjoni stampata; 679 pubblikazzjoni ġodda fuq il-web u stampati; 873 kuntatti u laqgħat ta’ għoti ta’ informazzjoni ma’ persuni li jfasslu l-politika fuq livell Ewropew; 1,8 miljun sessjoni tal-utent; attivitajiet tal-midja rriżultaw fl-ilħuq ta’ 130 miljun ċittadin Ewropew; 252 inkjesta minn ġurnalisti.

—	il-Konferenza: “Naħdmu għal żmien itwal permezz ta’ kondizzjonijiet aħjar tax-xogħol; modi ġodda ta’ organizzazzjoni tax-xogħol u tal-karriera”

—	is-Serje ta’ Seminars tal-Fondazzjoni “L-iżvilupp tal-ħiliet fl-Ewropa: sfidi u azzjonijiet”

—	17-il wirja u 25 żjara lill-Eurofound.

Sors: Informazzjoni mogħtija mill-Fondazzjoni.

IT-TWEĠIBIET TAL-EUROFOUND

1.	L-Eurofound ħa nota tar-rapport tal-Qorti.

15.12.2011

Il-Ġurnal Uffiċjali tal-Unjoni Ewropea

C 366/156

RAPPORT

dwar il-kontijiet annwali taċ-Ċentru Ewropew għall-Monitoraġġ tad-Droga u d-Dipendenza fuq id-Droga għas-sena finanzjarja 2010, flimkien mat-tweġibiet taċ-Ċentru

2011/C 366/28

INTRODUZZJONI

Iċ-Ċentru Ewropew għall-Monitoraġġ tad-Droga u d-Dipendenza fuq id-Droga (minn hawn 'il quddiem imsejjaħ “iċ-Ċentru”), li jinsab f'Lisbona, twaqqaf permezz tar-Regolament tal-Kunsill (KEE) Nru 302/93 tat-8 ta’ Frar 1993 (1). Il-kompitu prinċipali tiegħu huwa li jiġbor data dwar id-droga u d-dipendenza fuq id-droga sabiex jipprepara u jippubblika informazzjoni li hija oġġettiva, affidabbli u komparabbli fuq livell Ewropew. L-informazzjoni hija intenzjonata biex tipprovdi bażi sabiex tkun analizzata d-domanda għad-droga u l-modi biex titnaqqas, u kif ukoll b'mod ġenerali, il-fenomeni assoċjati mas-suq tad-droga (2).

2.	Il-baġit taċ-Ċentru għall-2010 ammonta għal EUR 16-il miljun meta mqabbel ma’ EUR 14,7 miljun is-sena ta’ qabel. L-għadd ta’ persunal impjegat miċ-Ċentru fi tmiem is-sena kien 78, l-istess bħas-sena ta’ qabel.

ID-DIKJARAZZJONI TA’ ASSIGURAZZJONI

Skont id-dispożizzjonijiet tal-Artikolu 287(1), it-tieni subparagrafu tat-Trattat dwar il-Funzjonament tal-Unjoni Ewropea, il-Qorti vverifikat il-kontijiet annwali (3) taċ-Ċentru, li jikkonsistu fir-“rendikonti finanzjarji” (4) u fir-“rapporti dwar l-implimentazzjoni tal-baġit” (5) għas-sena finanzjarja li ntemmet fil-31 ta’ Diċembru 2010 u l-legalità u r-regolarità tat-tranżazzjonijiet li fuqhom huma bbażati dawk il-kontijiet.

4.	Din id-Dikjarazzjoni ta’ Assigurazzjoni hija indirizzata lill-Parlament Ewropew u lill-Kunsill, skont l-Artikolu 185(2) tar-Regolament tal-Kunsill (KE, Euratom) Nru 1605/2002 (6).

Ir-responsabbiltà tad-Direttur

Bħala uffiċjal li jawtorizza, id-Direttur jimplimenta d-dħul u l-infiq tal-baġit skont ir-regoli finanzjarji taċ-Ċentru li jaqa' taħt ir-responsabbiltà tiegħu u fi ħdan il-limiti tal-approprjazzjonijiet awtorizzati (7). Id-Direttur huwa responsabbli mit-twaqqif (8) tal-istruttura organizzattiva u s-sistemi u l-proċeduri tal-ġestjoni u l-kontroll interni rilevanti biex jiġu ppreparati kontijiet finali (9) li huma ħielsa minn dikjarazzjoni żbaljata materjali, kemm jekk minħabba frodi jew inkella żball, u biex jiżgura li t-tranżazzjonijiet li fuqhom huma bbażati dawk il-kontijiet huma legali u regolari.

Ir-responsabbiltà tal-Qorti

6.	Ir-responsabbiltà tal-Qorti hija li tipprovdi, abbażi tal-verifika tagħha, dikjarazzjoni ta’ assigurazzjoni dwar l-affidabbiltà tal-kontijiet annwali taċ-Ċentru u dwar il-legalità u r-regolarità tat-tranżazzjonijiet li huma bbażati fuqhom.

Il-verifika tal-Qorti tinvolvi t-twettiq ta’ proċeduri sabiex tinkiseb evidenza tal-verifika dwar l-ammonti u l-iżvelar fil-kontijiet u dwar il-legalità u r-regolarità tat-tranżazzjonijiet li huma bbażati fuqhom. Il-proċeduri jintgħażlu skont il-ġudizzju tal-awditur, inkluża l-valutazzjoni tar-riskji ta’ dikjarazzjoni skorretta materjali fir-rapporti finanzjarji, sew jekk minħabba frodi u sew jew jekk minħabba xi żball. Meta tagħmel dawk il-valutazzjonijiet tar-riskju, il-kontroll intern rilevanti għall-preparazzjoni u l-preżentazzjoni tal-kontijiet tal-entità jiġi kkunsidrat sabiex jitfasslu proċeduri tal-verifika li huma xierqa fiċ-ċirkostanzi. Il-verifika tal-Qorti tinkludi wkoll evalwazzjoni tal-adegwatezza tal-politika tal-kontabilità użata, tar-raġonevolezza tal-estimi tal-kontabilità magħmula mill-maniġment u kif ukoll evalwazzjoni tal-preżentazzjoni tal-kontijiet inġenerali.

9.	Il-Qorti tqis li l-evidenza tal-verifika miksuba hija biżżejjed u xierqa biex tipprovdi bażi għall-opinjonijiet t'hawn taħt.

L-opinjoni dwar l-affidabbiltà tal-kontijiet

10.

L-opinjoni dwar il-legalità u r-regolarità tat-tranżazzjonijiet li fuqhom huma bbażati l-kontijiet

11.	Fl-opinjoni tal-Qorti, it-tranżazzjonijiet li fuqhom huma bbażati l-kontijiet annwali taċ-Ċentru għas-sena finanzjarja li ntemmet fil-31 ta’ Diċembru 2010, fl-aspetti materjali kollha huma legali u regolari.

Dan ir-Rapport ġie adottat mill-Awla IV, immexxija mis-Sur Igors LUDBORŽS, Membru tal-Qorti tal-Awdituri, fil-Lussemburgu fil-laqgħa tagħha tas-6 ta’ Settembru 2011.

Għall-Qorti tal-Awdituri

Vítor Manuel da SILVA CALDEIRA

President

(1) ĠU L 36, 12.2.1993, p. 1. Dan ir-Regolament u l-emendi tiegħu kienu mħassra mir-Regolament tal-Parlament Ewropew u tal-Kunsill (KE) Nru 1920/2006 (ĠU L 376, 27.12.2006, p. 1).

(2) L-Anness jagħti sommarju tal-kompetenzi u l-attivitajiet taċ-Ċentru. Jiġi ppreżentat għal skopijiet ta’ informazzjoni.

(4) Ir-rendikonti finanzjarji jinkludu l-karta tal-bilanċ u l-kont tar-riżultat ekonomiku, it-tabella tal-likwidità, ir-rendikont tat-tibdil fil-kapital u l-anness għar-rendikonti finanzjarji li jinkludi d-deskrizzjoni tal-politika tal-kontabilità prinċipali u informazzjoni oħra ta’ spjegazzjoni.

(5) Ir-rapporti tal-implimentazzjoni tal-baġit jikkonsistu fil-kont tar-riżultat tal-baġit u fl-anness tiegħu.

(6) ĠU L 248, 16.9.2002, p. 1.

(7) L-Artikolu 33 tar-Regolament tal-Kummissjoni (KE, Euratom) Nru 2343/2002 (ĠU L 357, 31.12.2002, p. 72).

(8) L-Artikolu 38 tar-Regolament (KE, Euratom) Nru 2343/2002.

(9) Ir-regoli dwar il-preżentazzjoni tal-kontijiet u tal-kontabilità mill-Aġenziji huma stabbiliti fil-Kapitolu 1 tat-Titolu VII tar-Regolament tal-Kummissjoni (KE, Euratom) Nru 2343/2002 kif l-aħħar emendat bir-Regolament (KE, Euratom) Nru 652/2008 (ĠU L 181, 10.7.2008, p. 23) u huma fil-fatt integrati fir-Regolament Finanzjarju taċ-Ċentru.

(10) Il-Federazzjoni Internazzjonali tal-Kontabilisti (IFAC) u l-Istandards Internazzjonali tal-Istituzzjonijiet Supremi tal-Verifika (ISSAI).

(11) Il-Kontijiet Annwali Finali kienu ppreparati fl-20 ta’ Ġunju 2011 u rċevuti mill-Qorti fis-7 ta’ Lulju 2011. Il-Kontijiet Annwali Finali jistgħu jinstabu fuq il-websajt li ġej http://eca.europa.eu jew http://www.emcdda.europa.eu/html.cfm/index115776EN.html.

ANNESS

Ċentru Ewropew għall-Monitoraġġ tad-Droga u d-Dipendenza fuq id-Droga (Lisbona)

Kompetenzi u attivitajiet

L-oqsma ta’ kompetenza tal-Unjoni stipulati fit-Trattat

(L-Artikolu 168(1) tat-Trattat dwar il-Funzjonament tal-Unjoni Ewropea)

L-Unjoni għandha tikkomplementa l-azzjonijiet tal-Istati Membri fit-tnaqqis ta’ ħsara għas-saħħa marbuta mad-drogi, inkluża l-informazzjoni u l-prevenzjoni.

Il-kompetenzi taċ-Ċentru

(Ir-Regolament (KE) Nru 1920/2006 tal-Parlament u tal-Kunsill)

L-Objettivi

Li jipprovdi lill-Unjoni u l-Istati Membri tagħha b'informazzjoni fattwali, oġġettiva, ta’ min joqgħod fuqha u kumparabbli fil-livell tal-Unjoni rigward id-droga u d-dipendenza fuq id-droga u l-konsegwenzi tagħhom.

Iċ-Ċentru ta’ Monitoraġġ għandu jiffoka fuq dawn l-oqsma ta’ prijorità:

1)	il-monitoraġġ tal-istat tal-problema tad-droga, u x-xejriet li qed jiżviluppaw, b'mod partikolari dawk li jinvolvu l-użu ta’ drogi differenti flimkien;

2)	il-monitoraġġ tas-soluzzjonijiet u l-provvista ta’ informazzjoni dwar l-aħjar prattiki;

3)	l-evalwazzjoni tar-riskji ta’ sustanzi psikoattivi ġodda u t-tħaddim ta’ sistema ta’ informazzjoni rapida;

4)	żvilupp ta’ għodod u strumenti sabiex jgħinu lill-Istati Membri jissorveljaw u jevalwaw il-politika nazzjonali tagħhom u lill-Kummissjoni sabiex tissorvelja u tevalwa l-politika tal-Unjoni.

Il-Kompiti

—	Jiġbor u janalizza d-data

—	Itejjeb metodi ta’ tqabbil tad-data

—	Ixerred id-data

—	Jikkoopera ma’ korpi u organizzazzjonijiet Ewropej u internazzjonali u ma’ pajjiżi terzi.

—	Jidentifika żviluppi ġodda u xejriet li qegħdin jinbidlu.

It-tmexxija

1 – Il-Bord ta’ Tmexxija

Magħmul minn rappreżentant wieħed minn kull Stat Membru, żewġ rappreżentanti tal-Kummissjoni u żewġ esperti indipendenti, nominati mill-Parlament Ewropew.

Jadotta l-programm tax-xogħol, il-baġit u r-rapport tal-attivitajiet ġenerali.

2 – Id-Direttur

Maħtur mill-Bord ta’ Tmexxija fuq proposta tal-Kummissjoni.

3 – Il-Kumitat Xjentifiku

Jagħti opinjonijiet. Huwa magħmul minn mhux aktar minn ħmistax-il xjentist magħrufa sew maħtura in vista tal-eċċellenza xjentifika tagħhom mill-Bord ta’ Tmexxija wara sejħa għal espressjonijiet ta’ interess. Il-Bord ta’ Tmexxija jista' jaħtar ukoll panel ta’ esperti għall-Kumitat Xjentifiku estiż għall-valutazzjoni tar-riskju ta’ sustanzi psikoattivi ġodda.

4 – Il-verifika esterna

Il-Qorti tal-Awdituri.

5 – L-Awtorità ta’ Kwittanza

Il-Parlament, li jaġixxi fuq rakkomandazzjoni mill-Kunsill.

Ir-riżorsi disponibbli għaċ-Ċentru fl-2010 (2009)

Il-Baġit

EUR 15,9 miljun (EUR 14,7 miljun). Sussidju tal-Unjoni 94 % (97 %).

L-Għadd ta’ persunal fil-31 ta’ Diċembru 2010

L-għadd ta’ karigi fil-pjan ta’ stabbiliment: 84 (82)

Il-karigi okkupati 78 (78)

+ 27 (26) membru tal-persunal ieħor (esperti nazzjonali ssekondati, persunal kuntrattwali u sostituzzjonijiet temporanji)

It-total tal-persunal: 105 (104)

Allokati lil

operazzjonali: 63,5 (62,5)

sostenn amministrattiv u tal-IT: 29,5 (30)

mħallta: 12 (11,5)

Il-prodotti u s-servizzi fl-2010 (2009)

In-Netwerk

Iċ-Ċentru jmexxi netwerk kompjuterizzat għall-ġbir u l-iskambju ta’ informazzjoni msejjaħ in- Ċentru Ewropew għall-Monitoraġġ tad-Droga u d-Dipendenza fuq id-Droga (Reitox); dan in-netwerk jikkonnettja lin-netwerks nazzjonali tal-informazzjoni dwar id-droga, ċentri speċjaliżżati fl-Istati Membri u s-sistemi ta’ informazzjoni ta’ organizzazzjonijiet internazzjonali li jaħdmu maċ-Ċentru.

Il-Pubblikazzjonijiet

—	Ir-rapport annwali dwar l-istat tal-problema tad-droga fl-Ewropa; 23 (23) verżjoni lingwistika, pubblikazzjoni u websajt interattiva;

—	Il-pubblikazzjonijiet fuq kwistjonijiet magħżula: 3 (2),

—	Il-bulettin statistiku u websajt interattiva li fiha 'l fuq minn 350 (350) tabella, 100 (100) grafika;

—	Ir-rapport ġenerali tal-attivitajiet: annwali, 1 (1);

—	Il-fuljett tal-aħbarijiet Drugnet Europe: 4 (4) ħarġiet;

—	Drugs in Focus (Fokus fuq id-Drogi) (informazzjoni dwar il-politika): 0 (2) ħarġiet;

—	EMCDDA Scientific Monograph (Monografija Xjentifika tal-EMCDDA): 1 (1);

—	EMCDDA Insights (Intuwizzjonijiet tal-EMCDDA): 0 (1);

—	EMCDDA thematic papers (dokumenti tematiċi tal-EMCDDA): 1 (4);

—	Il-pubblikazzjonijiet konġunti: 3 (1);

—	Il-profili tad-droga: 3 (3) ġodda u 14 (11) aġġornati;

—	L-istudji tekniċi u xjentifiċi, inklużi Artikli u sommarji xjentifiċi 26 (23);

—	Il-posters xjentifiċi: 1 (22);

—	Is-sistema ta’ ġbir, validazzjoni, ħażna u rkupru tad-data (Fonte).

Websajts oħrajn

It-twaqqif/l-aġġornament/l-iżvilupp tal-kontenut tal-websajt pubblika EMCDDA inklużi:

—	Ħarsiet ġenerali lejn il-pajjiżi,

—	Ħarsiet ġenerali lejn it-trattament tad-droga, profili ta’ prevenzjoni,

—	Id-database legali Ewropea dwar id-droga,

—	Il-bank tal-istrumenti ta’ evalwazzjoni,

—	Il-portal għall-aqwa prattika (skambju dwar l-azzjoni għat-tnaqqis tad-domanda għad-droga), tnaqqis tal-ħsara u modjuls ta’ trattament),

—	Il-paġni tematiċi,

—	Id-database tal-pubblikazzjonijiet.

L-Opuskoli promozzjonali: 1 (1);

Il-materjali għall-konferenzi 1 (0);

Il-prodotti tal-midja: 14 (12)-il stqarrija għall-aħbarijiet (5 fi 23 lingwa) u 9 (6) skedi informattivi; 1 (0) preżentatzzjoni bil-Power Point fi 23 lingwa;

Il-Parteċipazzjoni f'konferenzi/laqgħat internazzjonali: 183 (174).

L-Organizzazzjoni ta’ laqgħat xjentifiċi u tekniċi: 83 (29).

Sors: Informazzjoni mogħtija miċ-Ċentru.

TWEĠIBIET TAĊ-ĊENTRU TA’ MONITORAĠĠ

1.	Iċ-Ċentru ħa nota tar-rapport tal-Qorti.

15.12.2011

Il-Ġurnal Uffiċjali tal-Unjoni Ewropea

C 366/162

RAPPORT

dwar il-kontijiet annwali tal-Uffiċċju Komunitarju tal-Varjetajiet tal-Pjanti għas-sena finanzjarja 2010, flimkien mat-tweġibiet tal-Uffiċċju

2011/C 366/29

INTRODUZZJONI

L-Uffiċċju Komunitarju tal-Varjetajiet tal-Pjanti (minn hawn ’il quddiem imsejjaħ “l-Uffiċċju”), li jinsab f’Angers, kien stabbilit bir-Regolament tal-Kunsill (KE) Nru 2100/94 tas-27 ta’ Lulju 1994 (1). L-iskop prinċipali tiegħu huwa li jirreġistra u jeżamina applikazzjonijiet għall-għotja ta’ drittijiet ta’ proprjetà industrijali tal-Unjoni għal varjetajiet ta’ pjanti u biex jiżgura li l-eżamijiet tekniċi neċessarji huma mwettqa mill-uffiċċji kompetenti fl-Istati Membri (2).

2.	Il-baġit tal-2010 tal-Uffiċċju kien EUR 13,1 miljun, meta mqabbel ma’ EUR 13,2 miljun is-sena ta’ qabel. L-għadd ta’ persunal impjegat mill-Uffiċċju fi tmiem is-sena kien 45, meta mqabbel ma’ 46 is-sena ta’ qabel.

ID-DIKJARAZZJONI TA’ ASSIGURAZZJONI

Skont id-dispożizzjonijiet tal-Artikolu 287(1), it-tieni subparagrafu tat-Trattat dwar il-Funzjonament tal-Unjoni Ewropea, il-Qorti vverifikat il-kontijiet annwali (3) tal-Uffiċċju, li jikkonsistu fir-“rendikonti finanzjarji” (4) u “rapporti dwar l-implimentazzjoni tal-baġit” (5) għas-sena finanzjarja li ntemmet fil-31 ta’ Diċembru 2010 u l-legalità u r-regolarità tat-tranżazzjonijiet li fuqhom huma bbażati dawk il-kontijiet.

4.	Din id-Dikjarazzjoni ta’ Assigurazzjoni hija indirizzata lill-Kunsill Amministrattiv tal-Uffiċċju skont l-Artikolu 111 tar-Regolament tal-Kunsill (KE) Nru 2100/94.

Ir-responsabbiltà tal-President

Bħala uffiċjal li jawtorizza, il-President jimplimenta d-dħul u l-infiq tal-baġit skont ir-regoli finanzjarji tal-Uffiċċju li taqa’ taħt ir-responsabbiltà tiegħu u fi ħdan il-limiti tal-approprjazzjonijiet awtorizzati (6). Il-President huwa responsabbli mit-twaqqif (7) tal-istruttura organizzattiva u s-sistemi u l-proċeduri tal-ġestjoni u l-kontroll intern rilevanti biex jiġu ppreparati kontijiet finali (8) li huma ħielsa minn dikjarazzjoni żbaljata materjali, kemm minħabba frodi jew inkella żball, u biex jiżgura li t-tranżazzjonijiet li fuqhom huma bbażati dawk il-kontijiet huma legali u regolari.

Ir-responsabbiltà tal-Qorti

6.	Ir-responsabbiltà tal-Qorti hija li tipprovdi, abbażi tal-verifika tagħha, dikjarazzjoni ta’ assigurazzjoni dwar l-affidabbiltà tal-kontijiet annwali tal-Uffiċċju u dwar il-legalità u r-regolarità tat-tranżazzjonijiet li huma bbażati fuqhom.

Il-Qorti wettqet il-verifika tagħha skont l-Istandards Internazzjonali tal-Verifika u l-Kodiċi tal-Etika tal-IFAC u tal-ISSAI (9). Dawk l-istandards jitolbu li l-Qorti tikkonforma mar-rekwiżiti tal-etika u li tippjana u twettaq il-verifika biex tikseb assigurazzjoni raġonevoli dwar jekk il-kontijiet humiex ħielsa minn dikjarazzjoni żbaljata materjali u dwar jekk it-tranżazzjonijiet ta’ bażi humiex legali u regolari.

9.	Il-Qorti tqis li l-evidenza tal-verifika miksuba hija biżżejjed u xierqa biex tipprovdi bażi għall-opinjonijiet t'hawn taħt.

L-opinjoni dwar l-affidabbiltà tal-kontijiet

10.

Fl-opinjoni tal-Qorti, il-Kontijiet Annwali tal-Uffiċċju (10) jippreżentaw b’mod ġust, fl-aspetti materjali kollha, il-pożizzjoni finanzjarja tiegħu fil-31 ta’ Diċembru 2010 u r-riżultati tal-operazzjonijiet tiegħu u tal-likwidità tiegħu għas-sena li ntemmet, skont id-dispożizzjonijiet tar-Regolament Finanzjarju tiegħu.

L-opinjoni dwar il-legalità u r-regolarità tat-tranżazzjonijiet li fuqhom huma bbażati l-kontijiet

11.	Fl-opinjoni tal-Qorti, it-tranżazzjonijiet li fuqhom huma bbażati l-kontijiet annwali tal-Aġenzija għas-sena finanzjarja li ntemmet fil-31 ta’ Diċembru 2010 fl-aspetti materjali kollha, huma legali u regolari.

12.	Il-kummenti li ġejjin ma jixħtux dubju fuq l-opinjonijiet tal-Qorti.

KUMMENTI DWAR IL-ĠESTJONI TAL-BAĠIT U DIK FINANZJARJA

13.

Fir-Rapport tagħha dwar il-kontijiet annwali tal-Uffiċċju għall-2009 (11), il-Qorti ġibdet l-attenzjoni għal ċertu dgħufijiet fl-osservanza tal-Uffiċċju għal regoli ta’ akkwist rilevanti. Waqt li l-prestazzjoni tal-Uffiċċju tjiebet f’dan il-qasam, ġew innotati dgħufijiet inkluż ibbukkjar ta’ impenji baġitarji qabel ma jsiru l-impenji legali u fit-twettiq ta’ proċedura ta’ ksib negozjata.

Dan ir-Rapport ġie adottat mill-Awla IV, immexxija mis-Sur Igors LUDBORŽS, Membru tal-Qorti tal-Awdituri, fil-Lussemburgu fil-laqgħa tagħha tas-6 ta’ Settembru 2011.

Għall-Qorti tal-Awdituri

Vítor Manuel da SILVA CALDEIRA

President

(1) ĠU L 227, 1.9.1994, p. 27

(2) L-Anness jagħti sommarju tal-kompetenzi u l-attivitajiet tal-Uffiċċju. Jiġi ppreżentat għal skopijiet ta’ informazzjoni.

(4) Ir-rendikonti finanzjarji jinkludu l-karta tal-bilanċ u l-kont tar-riżultat ekonomiku, it-tabella tal-likwidità, ir-rendikont tat-tibdil fil-kapital u l-anness għar-rendikonti finanzjarji li jinkludi d-deskrizzjoni tal-politika tal-kontabilità prinċipali u informazzjoni oħra ta’ spjegazzjoni.

(5) Ir-rapporti tal-implimentazzjoni tal-baġit jikkonsistu fil-kont tar-riżultat tal-baġit u fl-anness tiegħu.

(6) L-Artikolu 33 tar-Regolament tal-Kummissjoni (KE, Euratom) Nru 2343/2002 (ĠU L 357, 31.12.2002, p. 72).

(7) L-Artikolu 38 tar-Regolament (KE, Euratom) Nru 2343/2002.

(8) Ir-regoli dwar il-preżentazzjoni tal-kontijiet u tal-kontabilità mill-Aġenziji huma stabbiliti fil-Kapitolu 1 tat-Titolu VII tar-Regolament (KE, Euratom) Nru 2343/2002 kif l-aħħar emendat bir-Regolament (KE, Euratom) Nru 652/2008 (ĠU L 181, 10.7.2008, p. 23) u huma fil-fatt integrati fir-Regolament Finanzjarju tal-Uffiċċju.

(9) Il-Federazzjoni Internazzjonali tal-Kontabilisti (IFAC) u l-Istandards Internazzjonali tal-Istituzzjonijiet Supremi tal-Verifika (ISSAI).

(10) Il-Kontijiet Annwali Finali kienu ppreparati fit-30 ta’ Ġunju 2011 u rċevuti mill-Qorti fil-5 ta’ Lulju 2011. Il-Kontijiet Annwali jistgħu jinstabu fuq il-websajt li ġej http://eca.europa.eu jew http://www.cpvo.europa.eu/main/en/home/about-the-cpvo/financing.

(11) ĠU C 338, 14.12.2010, p. 168.

ANNESS

Uffiċċju Komunitarju tal-Varjetajiet tal-Pjanti (Angers)

Kompetenzi u attivitajiet

L-oqsma ta’ kompetenza tal-Unjoni stipulati fit-Trattat

(Silta mill-Artikolu 36 tat-Trattat dwar il-Funzjonament tal-Unjoni Ewropea)

Il-Moviment liberu ta’ merkanzija

Projbizzjonijiet u restrizzjonijiet iġġustifikati fuq [il-bażi tal-protezzjoni ta’ proprjetà industrijali u kummerċjali] m’għandhomx jikkostitwixxu mezz ta’ diskriminazzjoni arbitrarja jew restrizzjoni moħbija fil-kummerċ bejn l-Istati Membri.

Il-kompetenzi tal-Uffiċċju

(ir-Regolament tal-Kunsill (KE) Nru 2100/94)

L-Objettivi

—	Japplika s-sistema ta’ drittijiet tal-Unjoni tal-varjetajiet ta’ pjanti bħala l-forma unika u esklussiva ta’ drittijiet tal-Unjoni ta’ proprjetà industrijali għall-varjetajiet ta’ pjanti.

Il-Kompiti

—	Jiddeċiedi jekk jagħtix jew jirrifjutax applikazzjonijiet għal drittijiet tal-Unjoni tal-varjetajiet ta’ pjanti.

—	Jiddeċiedi fuq oġġezzjonijiet.

—	Jiddeċiedi fuq appelli.

—	Jiddeċiedi fuq ir-revoka jew il-kanċellament ta’ dritt tal-varjetajiet ta’ pjanti fl-Unjoni.

It-tmexxija

1 - Il-President

Imexxi l-Uffiċċju. Huwa maħtur mill-Kunsill minn lista ta’ kandidati proposta mill-Kummissjoni wara li tkun kisbet l-opinjoni tal-Kunsill Amministrattiv.

2 - Il-Kunsill Amministrattiv

Jissorvelja l-programm ta’ xogħol tal-Uffiċċju u jfassal ir-regoli dwar il-metodi ta’ xogħol tal-Uffiċċju. Huwa kompost minn rappreżentant wieħed minn kull Stat Membru u rappreżentant wieħed mill-Kummissjoni u l-alternati tagħhom.

3 - Deċiżjonijiet rigward l-għotja ta’ drittijiet tal-Komunità tal-varjetajiet ta’ pjanti jiġu adottati minn Kumitati magħmula minn tliet membri tal-persunal tal-Uffiċċju u mill-Bord tal-Appell fi proċeduri tal-appell.

4 - Kontroll tal-legalità tal-atti tal-Uffiċċju

Reviżjoni mill-Kummissjoni dwar il-legalità tal-atti tal-President tal-Uffiċċju li dwarhom il-liġi tal-Unjoni ma tipprovdix għall-kontroll fuq il-legalità minn xi korp ieħor, u ta’ dawk l-atti tal-Kunsill Amministrattiv li għandhom x’jaqsmu mal-baġit tal-Uffiċċju.

5 - Il-verifika esterna

Il-Qorti Ewropea tal-Awdituri.

6 - L-Awtorità ta’ Kwittanza

Il-Kunsill Amministrattiv.

Ir-riżorsi disponibbli għall-Uffiċċju fl-2010 (2009)

Il-Baġit Finali

EUR 13,1 miljun (EUR 13,2 miljun)

Persunal fil-31 ta’ Diċembru 2010

L-għadd ta’ karigi fil-pjan ta’ stabbiliment: 46 (46)

Il-karigi okkupati: 45 (46)

It-total tal-persunal: 45 (46)

assenjati għall-kompiti li ġejjin:

operazzjonali: 17,5 (17,5)

amministrattivi: 21,5 (22,5)

mħallta: 6 (6)

Il-prodotti u s-servizzi fl-2010 (2009)

L-applikazzjonijiet irċevuti: 2 886(2 768)

Id-drittijiet mogħtija: 2 303(2 596)

Id-drittijiet tal-Unjoni fis-seħħ fil-31 ta’ Diċembru 2010: 17 610(16 785)

Il-Koperazzjoni Internazzjonali fil-Ħarsien ta’ Varjetajiet tal-Pjanti

—	Il-kontribuzzjoni għall-infurzar ta’ drittijiet ta’ varjetajiet tal-pjanti;

—	Il-kuntatti u l-koperazzjoni mal-organizzazzjonijiet li ġejjin: Il-Kummissjoni Ewropea (id-DĠ SANCO, il-Kumitati Permanenti), UPOV (1), CIOPORA (2), ESA (3), OAPI (4), OECD (5), MAFF (6) (il-Ġappun).

Sors: Informazzjoni mogħtija mill-Uffiċċju.

(1) Konvenzjoni Internazzjonali għall-Protezzjoni ta’ Varjetajiet Ġodda ta’ Pjanti.

(2) International Community of Breeders of Asexually Reproduced Ornamental and Fruit Plants (Il-Komunità Internazzjonali ta’ Dawk li Jrabbu Pjanti Ornamentali u ta-Frott b’Mod Asesswali).

(3) European Seed Association (L-Assoċjazzjoni Ewropea ta’ Żerriegħa).

(4) Organisation africaine de la Propriété intellectuelle (L-Organizzazzjoni Afrikana ta—Proprjetà Intellettwali).

(5) Organizzazzjoni għall-Kooperazzjoni u l-Iżvilupp Ekonomiċi.

(6) Il-Ministeru tal-Agrikoltura, tal-Ikel u tas-Sajd (JP).

IT-TWEĠIBIET TAL-UFFIĊĊJU

13.	L-Uffiċċju qed jieħu nota tar-rimarka tal-Qorti u ser jiżgura li ser jagħti attenzjoni partikulari lin-nuqqasijiet identifikati mill-awdituri.

15.12.2011

Il-Ġurnal Uffiċjali tal-Unjoni Ewropea

C 366/167

RAPPORT

dwar il-kontijiet annwali tal-Uffiċċju Ewropew għall-Armonizzazzjoni fis-Suq Intern għas-sena finanzjarja 2010, flimkien mat-tweġibiet tal-Uffiċċju

2011/C 366/30

INTRODUZZJONI

L-Uffiċċju għall-Armonizzazzjoni fis-Suq Intern (minn hawn ’il quddiem imsejjaħ l-“Uffiċċju”), li jinsab f’Alicante, kien imwaqqaf bir-Regolament tal-Kunsill (KE) Nru 40/94 (1) tal-20 ta’ Diċembru 1993. Il-mandat tiegħu huwa li jimplimenta l-leġiżlazzjoni tal-Unjoni dwar it-trade marks u d-disinni, biex jagħti protezzjoni uniformi lill-impriżi tul iż-żona kollha tal-Unjoni Ewropea (2).

2.	Il-baġit tal-Uffiċċju għall-2010 ammonta għal EUR 365 miljun meta mqabbel ma’ EUR 338 miljun is-sena ta’ qabel. L-għadd ta’ persunal impjegat mill-Uffiċċju fi tmiem is-sena kien 741 meta mqabbel ma’ 742 is-sena ta’ qabel.

ID-DIKJARAZZJONI TA’ ASSIGURAZZJONI

Skont id-dispożizzjonijiet tal-Artikolu 287(1), it-tieni subparagrafu tat-Trattat dwar il-Funzjonament tal-Unjoni Ewropea, il-Qorti vverifikat il-kontijiet annwali (3) tal-Uffiċċju, li jikkonsistu fir-“rendikonti finanzjarji” (4) u fir-“rapporti dwar l-implimentazzjoni tal-baġit” (5) għas-sena finanzjarja li ntemmet fil-31 ta’ Diċembru 2010 u l-legalità u r-regolarità tat-tranżazzjonijiet li fuqhom huma bbażati dawk il-kontijiet.

4.	Din id-Dikjarazzjoni hija indirizzata lill-Kumitat tal-Baġit tal-Uffiċċju skont l-Artikolu 137 tar-Regolament tal-Kunsill (KE) Nru 40/94.

Ir-responsabbiltà tal-President

Bħala uffiċjal li jawtorizza, il-President jimplimenta d-dħul u l-infiq tal-baġit skont ir-regoli finanzjarji tal-Uffiċċju li jaqa’ taħt ir-responsabbiltà tiegħu u fi ħdan il-limiti tal-approprjazzjonijiet awtorizzati (6). Il-President huwa responsabbli mit-twaqqif (7) tal-istruttura organizzattiva u s-sistemi u l-proċeduri tal-ġestjoni u l-kontroll interni rilevanti biex jiġu ppreparati kontijiet finali (8) li huma ħielsa minn dikjarazzjoni żbaljata materjali, kemm minħabba frodi jew inkella żball, u biex jiżgura li t-tranżazzjonijiet li fuqhom huma bbażati dawk il-kontijiet huma legali u regolari.

Ir-responsabbiltà tal-Qorti

6.	Ir-responsabbiltà tal-Qorti hija li tipprovdi, abbażi tal-verifika tagħha, dikjarazzjoni ta’ assigurazzjoni dwar l-affidabbiltà tal-kontijiet annwali tal-Uffiċċju u dwar il-legalità u r-regolarità tat-tranżazzjonijiet li huma bbażati fuqhom.

Il-verifika tal-Qorti tinvolvi t-twettiq ta’ proċeduri sabiex tinkiseb evidenza tal-verifika dwar l-ammonti u l-iżvelar fil-kontijiet u dwar il-legalità u r-regolarità tat-tranżazzjonijiet li huma bbażati fuqhom. Il-proċeduri jintgħażlu skont il-ġudizzju tal-awditur, inkluża l-valutazzjoni tar-riskji ta’ dikjarazzjoni skorretta materjali fir-rapporti finanzjarji, sew jekk minħabba frodi u sew jew jekk minħabba xi żball. Meta tagħmel dawk il-valutazzjonijiet tar-riskju, il-kontroll intern rilevanti għall-preparazzjoni u l-preżentazzjoni tal-kontijiet tal-entità jiġi kkunsidrat sabiex jitfasslu proċeduri tal-verifika li huma xierqa fiċ-ċirkostanzi. Il-verifika tal-Qorti tinkludi wkoll evalwazzjoni tal-adegwatezza tal-politika tal-kontabilità użata, tar-raġonevolezza tal-estimi tal-kontabilità magħmula mill-maniġment u kif ukoll evalwazzjoni tal-preżentazzjoni tal-kontijiet inġenerali.

9.	Il-Qorti tqis li l-evidenza tal-verifika miksuba hija biżżejjed u xierqa biex tipprovdi bażi għall-opinjonijiet stipulati hawn taħt.

L-opinjoni dwar l-affidabbiltà tal-kontijiet

10.

L-opinjoni dwar il-legalità u r-regolarità tat-tranżazzjonijiet li fuqhom huma bbażati l-kontijiet

11.	Fl-opinjoni tal-Qorti, it-tranżazzjonijiet li fuqhom huma bbażati l-kontijiet annwali tal-Uffiċċju għas-sena finanzjarja li ntemmet fil-31 ta’ Diċembru 2010, fl-aspetti materjali kollha huma legali u regolari.

12.	Il-kummenti li ġejjin ma jixħtux dubju fuq l-opinjonijiet tal-Qorti.

KUMMENTI DWAR IL-ĠESTJONI TAL-BAĠIT U DIK FINANZJARJA

13.	L-Uffiċċju għadu ma adottax regoli għar-rimborż ta’ onorarji. Rimborżi relatati mas-snin 2005, 2006 u 2007 kienu għadhom pendenti fil-kontijiet fil-31 ta’ Diċembru 2010.

14.	Fl-2010, intefqu EUR 15-il miljun fuq 156 konsulent. Fosthom, 29 kienu ħadmu fil-bini tal-Uffiċċju fuq bażi full-time għal aktar minn ħames snin u sebgħa għal aktar minn disa’ snin. Hemm lok biex jitqiesu l-ispejjeż u l-benefiċċji tal-konsulenti esterni tiegħu.

SEGWITU MIS-SEJBIET TAS-SENA TA’ QABEL

15.

Il-likwidità miżmuma mill-Uffiċċju fil-31 ta’ Diċembru 2010 ammontat għal EUR 495,4 miljun b’kollox (EUR 474,2 miljun fl-2009). Ġiet adottata politika ta’ ġestjoni tat-teżor mill-Uffiċċju. Il-bilanċ favur baġitarju akkumulat fil-31 ta’ Diċembru 2010 kien ta’ EUR 428,8 miljun. Iċ-ċifra korrispondenti għall-2009 kienet ta’ EUR 402,6 miljun.

16.	Matul is-snin suċċessivi, l-onorarji ċċarġjati mill-Uffiċċju għas-servizzi tiegħu, qabżu l-ispejjeż veri tal-Uffiċċju, u b’hekk wasslu għal dan il-bilanċ favur sinifikanti u dejjem jikber.

Dan ir-Rapport ġie adottat mill-Awla IV, immexxija mis-Sur Igors LUDBORŽS, Membru tal-Qorti tal-Awdituri, fil-Lussemburgu fil-laqgħa tagħha tas-27 ta’ Settembru 2011.

Għall-Qorti tal-Awdituri

Vítor Manuel da SILVA CALDEIRA

President

(1) ĠU L 11, 14.1.1994, p. 1.

(2) L-Anness jagħti sommarju tal-kompetenzi u l-attivitajiet tal-Uffiċċju. Jiġi ppreżentat għal-skopijiet ta’ informazzjoni.

(5) Ir-rapporti tal-implimentazzjoni tal-baġit jikkonsistu fil-kont tar-riżultat tal-baġit u fl-anness tiegħu.

(6) L-Artikolu 33 tar-Regolament tal-Kummissjoni (KE, Euratom) Nru 2343/2002 (ĠU L 357, 31.12.2002, p. 72).

(7) L-Artikolu 38 tar-Regolament (KE, Euratom) Nru 2343/2002.

(9) Il-Federazzjoni Internazzjonali tal-Kontabilisti (IFAC) u l-Istandards Internazzjonali tal-Istituzzjonijiet Supremi tal-Verifika (ISSAI).

(10) Il-Kontijiet Annwali Finali kienu ppreparati fit-30 ta’ Ġunju 2011 u rċevuti mill-Qorti fl-1 ta’ Lulju 2011. Il-Kontijiet Annwali Finali jistgħu jinstabu fuq il-websajt li ġej http://eca.europa.eu jew www.oami.europa.eu.

ANNESS

L-Uffiċċju għall-Armonizzazzjoni fis-Suq Intern (Alicante)

Kompetenzi u attivitajiet

Il-qasam ta’ kompetenza tal-Unjoni skont it-Trattat

(L-Artikoli 36 u 56 tat-Trattat dwar il-Funzjonament tal-Unjoni Ewropea)

Il-moviment ħieles tal-merkanzija

Projbizzjonijiet jew restrizzjonijiet ġustifikati abbażi tal-protezzjoni ta’ proprjetà industrijali u kummerċjali m'għandhomx jikkostitwixxu la mezz ta’ diskriminazzjoni arbitrarja u lanqas restrizzjoni moħbija tal-kummerċ bejn l-Istati Membri.

Ir-restrizzjonijiet fuq il-libertà li jiġu provduti servizzi fl-Unjoni għandhom jiġu projbiti fir-rigward ta’ ċittadini ta’ Stati Membri li jkunu stabbiliti fi Stat tal-Istat Membru li ma jkunx dak tal-persuna li lilha jingħataw is-servizzi.

Il-kompetenzi tal-Uffiċċju

(Ir-Regolament tal-Kunsill (KE) Nru 40/94)

L-Objettiv

Jimplimenta l-leġiżlazzjoni tal-Unjoni fuq it-trade marks u d-disinni, li tagħti lill-impriżi d-dritt għal protezzjoni uniformi tul iż-żona kollha tal-Unjoni Ewropea.

Il-Kompiti

—	Jirċievi u jdaħħal applikazzjonijiet għar-reġistrazzjoni.

—	Jeżamina l-kundizzjonijiet għad-dħul fir-Reġistru u l-kompatibilità mal-leġiżlazzjoni tal-Unjoni.

—	Jfittex fl-uffiċċji ta’ proprjetà industrijali tal-Istati Membri kwalunkwe trade mark nazzjonali li kienet diġà teżisti.

—	Jippubblika applikazzjonijiet.

—	Jeżamina kwalunkwe oppożizzjoni minn partijiet terzi.

—	Jirreġistra jew jirrifjuta applikazzjonijiet.

—	Jeżamina applikazzjonijiet għar-revoka jew invalidità.

—	Jittratta appelli kontra deċiżjonijiet.

It-Tmexxija

1 – Il-Bord Amministrattiv

Il-kompożizzjoni:

—	Rappreżentant wieħed ta’ kull Stat Membru, rappreżentant wieħed tal-Kummissjoni u l-alterni tagħhom.

Il-kompitu

—	Jagħti pariri lill-President dwar kwistjonijiet li l-Uffiċċju huwa responsabbli għalihom.

—	Jipprepara listi ta’ kandidati (l-Artikolu 120) għall-President, il-Viċi Presidenti u ċ-Chairmen u l-membri tal-Bordijiet tal-Appell.

2 – Il-President tal-Uffiċċju

—	Maħtur mill-Kunsill minn lista b'massimu ta’ tliet kandidati li ġiet ippreparata mill-Bord Amministrattiv.

3 – Il-Kumitat tal-Baġit

Il-kompożizzjoni

—	Rappreżentant wieħed ta’ kull Stat Membru u rappreżentant wieħed tal-Kummissjoni u l-alterni tagħhom.

Il-kompitu

—	Jadotta l-baġit u r-regolament finanzjarju; jagħti kwittanza lill-President u jiddetermina l-ispejjeż tar-rapporti tat-tfittxija.

4 – Id-deċiżjonijiet relatati mal-applikazzjonijiet

Id-deċiżjonijiet huma meħuda:

—	mill-Eżaminaturi;

—	mid-Diviżjonijiet tal-Oppożizzjoni;

—	mid-Diviżjoni tal-Amministrazzjoni tat-Trade Marks u Legali;

—	mid-Diviżjoni tal-Kanċellazzjonijiet;

—	mill-Bordijiet tal-Appell.

5 – Il-verifika esterna

Il-Qorti tal-Awdituri.

6 – L-Awtorità ta’ Kwittanza

Il-Kumitat tal-Baġit tal-Uffiċċju.

Ir-riżorsi disponibbli għall-Uffiċċju fl-2010 (2009)

Il-Bagit

EUR 365 (338) miljun.

Il-persunal fil-31 ta’ Diċembru 2010

643 (658) kariga fil-pjan ta’ stabbiliment, karigi okkupati 608 (614) + 133 (128) persunal ieħor (kuntratti tal-awżiljarji, esperti nazzjonali ssekondati, persunal lokali u tal-aġenzija tal-impjiegi, konsulenti speċjali)

It-total tal-persunal: 741 (742)

Il-prodotti u s-servizzi mogħtija fl-2010 (2009)

Trade marks

L-għadd ta’ applikazzjonijiet: 98 200 (88 300)

L-għadd ta’ reġistrazzjonijiet: 100 800 (90 000)

Il-każijiet ta’ oppożizzjoni: 17 700 (13 900)

L-appelli lill-Bordijiet tal-Appell: 2 570 (1 588)

L-appelli pendenti: 2 157 (1 378)

Id-Disinni

Id-disinni rċevuti: 74 700 (69 500)

Id-disinni rreġistrati: 73 500 (71 500)

Sors: Informazzjoni mogħtija mill-Uffiċċju.

IT-TWEĠIBIET TAL-UFFIĊĊJU

13.	L-Uffiċċju biħsiebu jieħu deċiżjoni amministrattiva fl-2011 u jirrinforza l-proċeduri ta’ kontroll intern sabiex inaqqas l-ammonti pendenti li jenħtieġ jiġu aġġustati fid-Dikjarazzjonijiet Finanzjarji.

14.

Matul tmiem l-2010 l-Uffiċċju nieda eżerċizzju ta’ verifika tal-IT biex jibbilanċja u jaġġusta aħjar l-politika tiegħu dwar il-politika tal-esternalizzazzjoni b’mod ġenerali.

B’segwitu għall-Pjan Strateġiku tiegħu, li nħareġ f'Mejju 2011 u ġie approvat waqt sessjoni konġunta mill-Bord Amministrattiv u l-Kumitat Baġitarju, l-Uffiċċju qiegħed jissokta jirrevedi l-istrateġija tad-domanda tiegħu għal riżorsi esterni billi jqis l-analizi tal-ispejjeż u tal-benefiċċji u l-prinċipji tal-effiċjenza u l-effikaċja. L-Uffiċċju qiegħed jieħu l-passi meħtieġa biex jinternalizza funzjonijiet speċjalizzati u kritiċi u biex jintroduċi bl-aktar mod adegwat struttura ta’ governanza u qafas tad-domanda għal riżorsi esterni għall-ġestjoni tal-kuntratturi esterni.

15.

Fil-31 ta’ Diċembru 2010 l-kapital tal-Uffiċċju kien jinkludi EUR 67 miljun f’pagamenti avvanzati magħula mill-klijenti tiegħu kif ukoll f’approprjazzjonijiet miġjuba ’l quddiem mill-2010 għall-2011. Għaldaqstant dan l-ammont ma jistax jingħadd b’bilanċ pożittiv tal-Uffiċċju. (L-ammont ekwivalenti fl-2009 kien EUR 72 miljun).

B’mod konformi mal-politika għall-ġestjoni tat-teżor adottata mill-Kumitat Baġitarju (skont ir-rakkomandazzjonijiet tal-Qorti tal-Awdituri), il-fondi tal-Uffiċċju qed jitqegħdu f’Banek Ċentrali, f’Banek bi klassifikazzjoni AAA u f’banek internazzjonali oħrajn b’reputazzjoni tajba. Barra dan ġie deċiż li jibda jsir rapport annwali lill-Kumitat Baġitarju.

Inkwantu l-bilanċ baġitarju pożittiv miġmugħ sa tmiem is-sena, l-Uffiċċju naqqas it-tariffi tiegħu fl-2005 u fl-2009, u dan ħalla impatt negattiv fuq l-introjtu mit-tariffi tas-CTM (trejdmarks Komunitarji) ta’ 24 % u 30 % rispettivament (stima bbażata fuq ċifri baġitarji).

Il-fatturi li ġejjin għandhom inaqqsu b’mod sinifikanti l-bilanċ baġitarju pożittiv miġmugħ:

L-ewwel nett, l-investimenti li saru fil-pjan strateġiku, li ġie approvat mill-bord amministrattiv u l-awtorità baġitarja tal-Uffiċċju f’Mejju 2011, maħsub biex jistabbilixxi l-eċċellenza organizzattiva u l-koperazzjoni internazzjonali, li jlaħħqu l-EUR 129 miljun. Dan il-pjan stratrġiku jinkludi investimenti f’bini li jlaħħqu d-EUR 69 miljun, EUR 40 miljun għall-fond ta’ kooperazzjoni, EUR 4 miljuni għas-simplifikazzjoni u l-modernizzazzjoni ulterjuri tal-IT u kunċetti importanti oħrajn li għandhom jagħtu kontribut favur l-ilħiq tal-għanijiet imsemmija.

It-tieni nett, il-proposti leġiżlattivi l-ġodda li qed jitħejjew bħalissa mill-Kummissjoni bil-għan li ssir reviżjoni tal-leġiżlazzjoni tal-UE dwar it-trejdmarks u tal-ftehim politiku li 50 % tat-tariffa tat-tiġdid titqassam lill-uffiċċji nazzjonali tat-trejdmarks bħala bażi għall-kooperazzjoni sabiex tissaħħaħ l-armonizzazzjoni tal-prattiki u tal-għodod fil-qasam tat-trejdmarks u d-disinji għall-benefiċċju tal-utenti (ara l-konklużjoni tal-Kunsill tal-25 ta’ Mejju 2010 dwar ir-reviżjoni ġejjiena tas-sistema tat-Trejdmarks fl-UE), ser jagħtu kontribut ukoll favur baġit iżjed ibbilanċjat.

It-tielet nett, il-Kummissjoni qed tqis l-introduzzjoni ta’ reviżjoni bijennali tal-mekkaniżmu tal-qagħda finanzjarja tal-Uffiċċju.

Barra minn hekk, l-Uffiċċju lest isir aġenzija tal-proprjetà intellettwali tal-UE, jippromwovi l-interessi tal-UE kollha, u joħloq netwerk Ewropew mal-uffiċċji nazzjonali fl-interess tal-utenti finali.

B’konformità ma’ dan kollu, dan l-aħħar il-Kummissjoni u l-Uffiċċju ffirmaw memorandum ta’ fehim li għandu jafda f’idejn l-Uffiċċju għadd ta’ attivitajiet relatati mal-Osservatorju Ewropew fuq l-Falsifikazzjoni u l-Piraterija. Il-Kummissjoni varat proposta leġiżlattiva (COM (2011/288)) biex tittrasferixxi bis-sħiħ l-Osservatorju Ewropew fuq l-Falsifikazzjoni u l-Piraterija ħalli tevita li ssir ħidma doppja għalxejn mill-aġenzija tal-UE. Il-valutazzjoni inizjali tal-impatt tal-ispejjeż maniġerjali ta’ dan l-Osservatorju tlaħħaq bejn it-EUR 3,3 and l-5,5 miljun fis-sena.

L-awtonomija finanzjarja u amministrattiva li kienet ġiet stabbilita fir-regolament ta’ twaqqif tal-Uffiċċju, li hija riflessa wkoll fil-qafas finanzjarju tal-Uffiċċju, ippermettiet li l-Uffiċċju jdaħħal fis-seħħ għodod li jtejbu b’mod sinifikanti l-parametri tal-prestazzjoni f’ambjent tal-utenti esiġenti u volatili u li l-Uffiċċju jkompli jtejjeb it-tmexxija finanzjarja tiegħu.

16.

Mhuwiex minnu sabarra li t-tnaqqis tat-tariffi jnaqqas b’mod awtomatiku l-bilanċ baġitarju pożittiv tal-Uffiċċju. L-esperjenza wrietna li bl-implimentazzjoni ta’ din il-miżura l-volum tad-dħul tal-applikazzjonijiet jiżdied b’mod kunsiderevoli. Difatti, fl-istess perjodu, iż-żieda tal-applikazzjonijiet għal trejdmarks għamlet tajjeb b’mod sinifikanti għat-tnaqqis fit-tariffi.

Barra dan, l-implimentazzjoni tal-pjan strateġiku li ġie approvat mill-korpi governattivi tal-Uffiċċju u l-fatturi l-oħra msemmija fir-rimarka 15 għandhom kull ma jmur iressqu l-Uffiċċju lejn baġit bilanċjat u jassorbu parti sinifikanti mill-bilanċ pożittiv miġmugħ għal finijiet relatati esklużivament mas-sistema tal-Proprjetà Intellettwali.

Fl-aħħar nett, l-Uffiċċju jixtieq jirrimarka li r-Regolament tal-Kunsill (KE) Nru 207/2009 dwar it-trejdmarks Komunitarji jisħaq biċ-ċar fuq il-prinċipju tal-koeżistenza bejn is-sistema tat-trejdmarks u tad-disinji Komunitarji u nazzjonali.

B’rispett lejn ir-rieda tal-leġiżlatur, l-OHIM qiegħed jimplimenta pjan strateġiku li jiżviluppa miżuri konkreti ħalli jkompli jiżviluppa dan il-mudell għall-ġid tal-utenti u tal-industrija.

L-Uffiċċju jemmen li tnaqqis bl-addoċċ fit-tariffi mhux bilfors iwassal għal tnaqqis fil-bilanċ, iżda wkoll jipperikola s-sopravvivenza tal-UffiċċjI Nazzjonali.

15.12.2011

Il-Ġurnal Uffiċjali tal-Unjoni Ewropea

C 366/173

RAPPORT

dwar il-kontijiet annwali tal-Istitut Ewropew għall-Ugwaljanza bejn is-Sessi għas-sena finanzjarja 2010, flimkien mat-tweġibiet tal-Istitut

2011/C 366/31

INTRODUZZJONI

L-Istitut Ewropew għall-Ugwaljanza bejn is-Sessi (minn hawn ’il quddiem imsejjaħ “l-Istitut”), li jinsab f’Vilnius, kien imwaqqaf mir-Regolament (KE) Nru 1922/2006 tal-Parlament Ewropew u tal-Kunsill tal-20 ta’ Diċembru 2006 (1). Il-kompitu tal-Istitut huwa li jiġbor, janalizza u jxerred informazzjoni dwar l-ugwaljanza bejn is-sessi, jiżviluppa, janalizza, jevalwa u jxerred għodda metodoloġika sabiex isostni l-integrazzjoni tal-ugwaljanza bejn is-sessi fil-politiki kollha tal-Unjoni u l-politiki nazzjonali li jirriżultaw minnha (2). L-Istitut sar awtonomu għal kollox fl-2010.

2.	Il-baġit tal-Istitut għall-2010 kien EUR 6,5 miljun. L-għadd ta’ persunal impjegat mill-Istitut fi tmiem is-sena kien 29.

ID-DIKJARAZZJONI TA’ ASSIGURAZZJONI

Skont id-dispożizzjonijiet tal-Artikolu 287(1), it-tieni subparagrafu tat-Trattat dwar il-Funzjonament tal-Unjoni Ewropea, il-Qorti vverifikat il-kontijiet annwali (3) tal-Istitut, li jikkonsistu fir-“rendikonti finanzjarji” (4) u fir-“rapporti dwar l-implimentazzjoni tal-baġit” (5) għas-sena finanzjarja li ntemmet fil-31 ta’ Diċembru 2010 u l-legalità u r-regolarità tat-tranżazzjonijiet li fuqhom huma bbażati dawk il-kontijiet.

4.	Din id-Dikjarazzjoni ta’ Assigurazzjoni hija indirizzata lill-Parlament Ewropew u lill-Kunsill skont l-Artikolu 185(2) tar-Regolament tal-Kunsill (KE, Euratom) Nru 1605/2002 (6).

Ir-responsabbiltà tad-Direttur

Bħala uffiċjal li jawtorizza, id-Direttur jimplimenta d-dħul u n-nefqa tal-baġit skont ir-regoli finanzjarji tal-Istitut, taħt ir-responsabbiltà tiegħu u fi ħdan il-limiti tal-approprjazzjonijiet awtorizzati (7). Id-Direttur huwa responsabbli mit-twaqqif (8) tal-istruttura organizzattiva u s-sistemi u l-proċeduri tal-ġestjoni u l-kontroll interni rilevanti biex jiġu ppreparati kontijiet finali (9) li huma ħielsa minn dikjarazzjoni żbaljata materjali, kemm jekk minħabba frodi jew inkella żball, u biex jiżgura li t-tranżazzjonijiet li fuqhom huma bbażati dawk il-kontijiet huma legali u regolari.

Ir-responsabbiltà tal-Qorti

6.	Ir-responsabbiltà tal-Qorti hija li tipprovdi, abbażi tal-verifika tagħha, dikjarazzjoni ta’ assigurazzjoni dwar l-affidabbiltà tal-kontijiet annwali tal-Istitut u dwar il-legalità u r-regolarità tat-tranżazzjonijiet li huma bbażati fuqhom.

9.	Il-Qorti tqis li l-evidenza tal-verifika miksuba hija biżżejjed u xierqa biex tipprovdi bażi għall-opinjonijiet t’hawn taħt.

L-opinjoni dwar l-affidabbiltà tal-kontijiet

10.

Fl-opinjoni tal-Qorti, il-Kontijiet Annwali (11) tal-Istitut jippreżentaw b’mod ġust, fl-aspetti materjali kollha, il-pożizzjoni finanzjarja tagħha fil-31 ta’ Diċembru 2010 u r-riżultati tal-operazzjonijiet tagħha u tal-likwidità tagħha għas-sena li ntemmet, skont id-dispożizzjonijiet tar-Regolament Finanzjarju tagħha.

L-opinjoni dwar il-legalità u r-regolarità tat-tranżazzjonijiet li fuqhom huma bbażati l-kontijiet

11.	Fl-opinjoni tal-Qorti, it-tranżazzjonijiet li fuqhom huma bbażati l-kontijiet annwali tal-Istitut għas-sena finanzjarja li ntemmet fil-31 ta’ Diċembru 2010, fl-aspetti materjali kollha huma legali u regolari.

Dan ir-Rapport ġie adottat mill-Awla IV, immexxija mis-Sur Igors LUDBORŽS, Membru tal-Qorti tal-Awdituri, fil-Lussemburgu fil-laqgħa tagħha tas-6 ta’ Settembru 2011.

Għall-Qorti tal-Awdituri

Vítor Manuel da SILVA CALDEIRA

President

(1) ĠU L 403, 30.12.2006, p. 9.

(2) L-Anness jagħti sommarju tal-kompetenzi u l-attivitajiet tal-Istitut. Jiġi ppreżentat għal skopijiet ta’ informazzjoni.

(4) Ir-rendikonti finanzjarji jinkludu l-karta tal-bilanċ u l-kont tar-riżultat ekonomiku, it-tabella tal-likwidità, ir-rendikont tat-tibdil fil-kapital u l-anness għar-rendikonti finanzjarji li jinkludi d-deskrizzjoni tal-politika tal-kontabilità prinċipali u informazzjoni oħra ta’ spjegazzjoni.

(5) Ir-rapporti tal-implimentazzjoni tal-baġit jikkonsistu fil-kont tar-riżultat tal-baġit u fl-anness tiegħu.

(6) ĠU L 248, 16.9.2002, p. 1.

(7) L-Artikolu 33 tar-Regolament tal-Kummissjoni (KE, Euratom) Nru 2343/2002 (ĠU L 357, 31.12.2002, p. 72).

(8) L-Artikolu 38 tar-Regolament (KE, Euratom) Nru 2343/2002.

(10) Il-Federazzjoni Internazzjonali tal-Kontabilisti (IFAC) u l-Istandards Internazzjonali tal-Istituzzjonijiet Supremi tal-Verifika (ISSAI).

ANNESS

Istitut Ewropew għall-Ugwaljanza bejn is-Sessi (Vilnius)

Kompetenzi u attivitajiet

Oqsma ta’ kompetenza tal-Unjoni stipulati fit-Trattat

(L-Artikoli 2 u 3 tat-Trattat dwar l-Unjoni Ewropea)

L-Unjoni hija bbażata fuq il-valuri tar-rispett għad-dinjità tal-bniedem, il-libertà, id-demokrazija, l-ugwaljanza, l-istat tad-dritt u r-rispett għad-drittijiet tal-bniedem, inklużi d-drittijiet ta’ persuni li jagħmlu parti minn minoranzi. Dawn il-valuri huma komuni għall-Istati Membri f'soċjetà fejn jipprevalu l-pluraliżmu, in-non-diskriminazzjoni, it-tolleranza, il-ġustizzja, is-solidarjetà u l-ugwaljanza bejn in-nisa u l-irġiel.

Hija għandha tiġġieled kontra l-esklużjoni soċjali u d-diskriminazzjoni, u tippromwovi l-ġustizzja u l-protezzjoni soċjali, l-ugwaljanza bejn in-nisa u l-irġiel, is-solidarjetà bejn il-ġenerazzjonijiet u l-protezzjoni tad-drittijiet tat-tfal.

Kompetenzi tal-Istitut

(Ir-Regolament (KE) Nru 1922/2006 tal-Parlament Ewropew u tal-Kunsill)

Objettivi

Li jikkontribwixxi għal u jsaħħaħ il-promozzjoni tal-ugwaljanza bejn is-sessi, inkluż l-integrazzjoni tas-sessi fil-linji politiċi tal-Unjoni kollha u l-linji politiċi nazzjonali li joħorġu minnha, u l-ġlieda kontra d-diskriminazzjoni abbażi ta’ sess, u li jżid l-għarfien taċ-ċittadini tal-UE dwar l-ugwaljanza bejn is-sessi.

Kompiti

—	jiġbor, janalizza u jxerred informazzjoni rilevanti, oġġettiva, paragunabbli u affidabbli dwar l-ugwaljanza bejn is-sessi, inklużi r-riżultati minn riċerka u l-aħjar prattika;

—	jiżviluppa metodi biex itejjeb l-oġġettività, il-paragunabilità u l-affidabbiltà tad-data f'livell Ewropew billi jistabbilixxi kriterji li jtejbu l-konsistenza tal-informazzjoni u jieħdu kont ta’ kwistjonijiet tas-sessi fil-ġbir tad-data;

—	jiżviluppa, janalizza, jevalwa u jxerred għodod ta’ metodoloġija sabiex jappoġġa l-integrazzjoni tal-ugwaljanza ta’ bejn is-sessi fil-politiki tal-Unjoni kollha u l-politiki nazzjonali li jirriżultaw u jappoġġa l-integrazzjoni tas-sessi fl-istituzzjonijiet u l-korpi tal-Unjoni kollha;

—	iwettaq stħarriġ dwar is-sitwazzjoni fl-Ewropa fir-rigward tall-ugwaljanza bejn is-sessi;

—	jistabbilixxi u jikkoordina Network Ewropew dwar l-Ugwaljanza bejn is-Sessi;

—	jorganizza laqgħat ad hoc ta’ esperti biex jappoġġa l-ħidma ta’ riċerka tal-Istitut, jinkoraġġixxi l-iskambju ta’ informazzjoni fost ir-riċerkaturi u jippromwovi l-inklużjoni ta’ perspettiva tas-sessi fir-riċerka tagħhom;

—	sabiex iżid l-għarfien taċ-ċittadini tal-UE dwar l-ugwaljanza bejn is-sessi, jorganizza, ma’ partijiet interessati rilevanti, konferenzi, kampanji u laqgħat f'livell Ewropew, u jippreżenta r-riżultati u l-konklużjonijiet lill-Kummissjoni;

—	ixerred informazzjoni rigward eżempji pożittivi ta’ rwoli mhux stereotipiċi għan-nisa u l-irġiel fl-oqsma kollha tas-soċjetà, jippreżenta l-kisbiet u l-inizjattivi tiegħu mfasslin biex jippubbliċizzaw u jibnu fuq tali stejjer ta’ suċċess;

—	jiżviluppa djalogu u kooperazzjoni ma’ organizzazzjonijiet mhux governattivi u ta’ opportunitajiet ugwali, universitajiet u esperti, ċentri ta’ riċerka, imsieħba soċjali, u korpi relatati oħrajn li qed jippruvaw b'mod attiv li jiksbu ugwaljanza f'livell nazzjonali u Ewropew;

—	jistabbilixxi riżorsi ta’ dokumentazzjoni aċċessibbli għall-pubbliku;

—	jagħmel l-informazzjoni dwar l-integrazzjoni tas-sessi disponibbli għall-organizzazzjonijiet pubbliċi u privati; u

—	jipprovdi informazzjoni lill-Istituzzjonijiet tal-Unjoni dwar l-ugwaljanza bejn is-sessi u l-integrazzjoni tas-sessi fil-pajjiżi tal-adeżjoni u dawk kandidati;

Tmexxija

1 – Il-Bord Amministrattiv

Kompożizzjoni:

18-il rappreżentant maħtur mill-Kunsill, abbażi ta’ proposta minn kull wieħed mill-Istati Membri konċernati u membru wieħed li jirrapreżenta lill-Kummissjoni. maħtur mill-Kummissjoni; Il-membri maħtura mill-Kunsill għandhom jirrappreżentaw 18-il Stat Membru fl-ordni tar-rotazzjoni tal-Presidenzi.

Kompiti:

Li jiġu adottati l-programmi ta’ ħidma annwali u ta’ nofs it-terminu, il-baġit, ir-rapport annwali u r-regoli interni tal-Istitut u r-regoli ta’ proċedura tal-Bord Amministrattiv.

2 – Kompożizzjoni tal-Forum ta’ Esperti

Membri mill-korpi kompetenti speċjalizzati fil-kwistjonijiet tal-ugwaljanza bejn is-sessi, rappreżentant wieħed nominat minn kull Stat Membru, żewġ membri li jirrappreżentaw organizzazzjonijiet rilevanti oħra speċjalizzati fl-ugwaljanza bejn is-sessi nominati mill-Parlament Ewropew, kif ukoll tliet membri nominati mill-Kummissjoni.

Kompiti:

Jappoġġaw id-Direttur fl-iżgurar tal-eċċellenza u l-indipendenza ta’ attivitajiet tal-Istitut, jiskambjaw informazzjoni u jiġbru l-għarfien b’mod kollettiv fir-rigward ta’ kwistjonijiet ta’ ugwaljanza bejn is-sessi u li jiżguraw kooperazzjoni mill-qrib bejn l-Istitut u l-korpi kompetenti fl-Istati Membri.

3 – Id-Direttur huwa maħtur mill-Bord Amministrattiv abbażi ta’ lista ta’ kandidati proposta mill-Kummissjoni.

Kompiti:

Responsabbli għat-twettiq tal-kompiti msemmija fir-Regolament (KE) Nru 1922/2006, iħejji u jimplimenta l-programmi ta’ attivitajiet annwali u ta’ nofs it-terminu tal-Istitut; iħejji l-laqgħat tal-Bord Amministrattiv u tal-Forum ta’ Esperti; iħejji u jippubblika r-rapport annwali; kwistjonijiet kollha marbuta mal-persunal; kwistjonijiet ta’ amministrazzjoni ta’ kuljum; u l-implimentazzjoni ta’ monitoraġġ effettiv u proċeduri ta’ evalwazzjoni marbuta mal-prestazzjoni tal-Istitut.

4 – Il-verifika esterna

Qorti tal-Awdituri.

5 – L-awtorità ta’ kwittanza

Il-Parlament, fuq rakkomandazzjoni tal-Kunsill.

Riżorsi disponibbli għall-Istitut fl-2010

Il-baġit finali

EUR 6,5 miljun li minnhom is-sussidju tal-Unjoni huwa 100 %

Persunal fil-31 ta’ Diċembru 2010

25 prevvisti fil-pjan ta’ stabbiliment, li minnhom okkupati: 23

6 persunal ieħor (aġenti kuntrattwali, esperti nazzjonali ssekondati)

Total tal-persunal: 29

li qed jagħmlu l-kompiti li ġejjin:

—	Operazzjonali: 18

—	Amministrattivi: 8

—	Imħallta: 3

Prodotti u servizzi fl-2010

Twaqqif istituzzjonali tal-Istitut

Il-finalizzazzjoni ta’ independenza amministrattiva u finanzjarja u l-ħolqien ta’ kundizzjonijiet għal funzjonament sħiħ tal-EIGE

Tlestija tal-pjan ta’ stabbiliment 2010

Avvenimenti ta’ taħriġ għall-persunal: 11

Għadd ta’ laqgħat: 10

Oqsma Fokali: Sostenn għal-xogħol ta’ riċerka u politika, integrazzjoni bejn is-sessi, ħolqien ta’ kuxjenza u netwerk

Għadd ta’ reġistrazzjonijiet: 8

Għadd ta’ kontribuzzjonijiet għal pajjiżi li jkollhom il-Presidenza: 2

Għadd ta’ laqgħat: 3

Rapporti dwar ir-Riċerka

Għadd ta’ laqgħat: 2

Affarijiet li m’għandhomx x’jaqsmu ma’ riċerka

Skedi Informattivi dwar l-Integrazzjoni tal-Ugwaljanza bejn is-Sessi: 3

Konferenzi u Avvenimenti Prinċipali

Kompetizzjoni tal-logo mal-Ewropa kollha: 1

Seminar dwar Strateġija ta’ Komunikazzjoni Internazzjonali: 1

Laqgħat ta’ esperti u gruppi ta’ ħidma: 11

Kooperazzjoni mal-Istati Membri u Istituzzjonijiet oħrajn

L-Istati Membri: 2

Il-Kummissjoni Ewropea: 2

Il-Parlament Ewropew: 1

Eurostat: 1

Partijiet Interessati Esterni: 12

Aġenziji assoċjati: 2

Total ta’ Laqgħat, Gruppi ta’ Ħidma u Roundtables: 12

Sors: Informazzjoni mogħtija mill-Istitut.

TWEĠIBIET TAL-ISTITUT

1.	L-Istitut ħa nota tar-rapport tal-Qorti.

15.12.2011

Il-Ġurnal Uffiċjali tal-Unjoni Ewropea

C 366/179

RAPPORT

dwar il-kontijiet annwali tal-Uffiċċju Ewropew tal-Pulizija (Europol) għas-sena finanzjarja 2010, flimkien mat-tweġibiet tal-Uffiċċju

2011/C 366/32

INTRODUZZJONI

L-Uffiċċju Ewropew tal-Pulizija (minn hawn 'il quddiem “l-Uffiċċju”), li jinsab fl-Aja, ġie stabbilit bid-Deċiżjoni tal-Kunsill tas-6 ta’ April 2009 (2009/371/JHA) (1). Din id-Deċiżjoni, li tapplika mill-1 ta’ Jannar 2010, tissotitwixxi d-dispożizzjonijiet tal-Konvenzjoni, abbażi tal-Artikolu K.3 tat-Trattat dwar l-Unjoni Ewropea, dwar l-istabbiliment ta’ Uffiċċju Ewropew tal-Pulizija (il- Konvenzjoni Europol). L-objettiv tal-Uffiċċju huwa li jappoġġa u jsaħħaħ l-azzjoni tal-awtoritajiet kompetenti tal-Istati Membri u l-koperazzjoni reċiproka tagħhom fil-prevenzjoni u l-ġlieda kontra l-kriminalità organizzata, it-terroriżmu u forom oħra ta’ kriminalità serja li tolqot żewġ Stati Membri jew aktar (2).

2.	Il-baġit tal-Uffiċċju għall-2010 ammonta għal EUR 92,8 miljun. L-għadd ta’ persunal impjegat mill-Uffiċċju fi tmiem is-sena kien 436.

ID-DIKJARAZZJONI TA’ ASSIGURAZZJONI

Skont id-dispożizzjonijiet tal-Artikolu 287(1) tat-Trattat dwar il-Funzjonament tal-Unjoni Ewropea, il-Qorti vverifikat l-affidabbiltà tal-kontijiet annwali (3) tal-Impriża Konġunta Ewropea għall-ITER u l-Iżvilupp tal-Enerġija mill-Fużjoni, li jikkonsistu fir-“rendikonti finanzjarji” (4) u fir-“rapporti dwar l-implimentazzjoni tal-baġit” (5) għas-sena finanzjarja li ntemmet fil-31 ta’ Diċembru 2010 u l-legalità u r-regolarità tat-tranżazzjonijiet li fuqhom huma bbażati dawk il-kontijiet.

4.	Din id-Dikjarazzjoni ta’ Assigurazzjoni hija indirizzata lill-Parlament Ewropew u lill-Kunsill, skont l-Artikolu 185(2) tar-Regolament tal-Kunsill (KE, Euratom) Nru 1605/2002 (6).

Ir-responsabbiltà tad-Direttur

Bħala uffiċjal li jawtorizza, id-Direttur jimplimenta d-dħul u l-infiq tal-baġit skont ir-regoli finanzjarji tal-Uffiċċju, taħt ir-responsabbiltà tiegħu u fi ħdan il-limiti tal-approprjazzjonijiet awtorizzati (7). Id-Direttur huwa responsabbli mit-twaqqif (8) tal-istruttura organizzattiva u s-sistemi u l-proċeduri tal-ġestjoni u l-kontroll interni rilevanti biex jiġu ppreparati kontijiet finali (9) li huma ħielsa minn dikjarazzjoni żbaljata materjali, kemm jekk minħabba frodi jew inkella żball, u biex jiżgura li t-tranżazzjonijiet li fuqhom huma bbażati dawk il-kontijiet huma legali u regolari.

Ir-responsabbiltà tal-Qorti

6.	Ir-responsabbiltà tal-Qorti hija li tipprovdi, abbażi tal-verifika tagħha, dikjarazzjoni ta’ assigurazzjoni dwar l-affidabbiltà tal-kontijiet annwali tal-Uffiċċju u dwar il-legalità u r-regolarità tat-tranżazzjonijiet li huma bbażati fuqhom.

9.	Il-Qorti tqis li l-evidenza tal-verifika miksuba hija biżżejjed u xierqa biex tipprovdi bażi għall-opinjonijiet t'hawn taħt.

L-opinjoni dwar l-affidabbiltà tal-kontijiet

10.

Fl-opinjoni tal-Qorti, il-Kontijiet Annwali (11) tal-Uffiċċju jippreżentaw b'mod ġust, fl-aspetti materjali kollha, il-pożizzjoni finanzjarja tagħha fil-31 ta’ Diċembru 2010 u r-riżultati tal-operazzjonijiet tagħha u tal-likwidità tagħha għas-sena li ntemmet, skont id-dispożizzjonijiet tar-Regolament Finanzjarju tagħha.

L-opinjoni dwar il-legalità u r-regolarità tat-tranżazzjonijiet li fuqhom huma bbażati l-kontijiet

11.	Fl-opinjoni tal-Qorti, it-tranżazzjonijiet li fuqhom huma bbażati l-kontijiet annwali tal-Uffiċċju għas-sena finanzjarja li ntemmet fil-31 ta’ Diċembru 2010, fl-aspetti materjali kollha huma legali u regolari.

12.	Il-kummenti li ġejjin ma jixħtux f'dubju l-opinjonijiet tal-Qorti.

KUMMENTI DWAR IL-ĠESTJONI TAL-BAĠIT U DIK FINANZJARJA

13.

Ammont ta’ EUR 22,6 miljun inġieb 'il quddiem għall-2011, li jirrappreżenta 25 % tal-baġit għall-2010. Ir-rata ta’ approprjazzjonijiet miġjuba 'l quddiem kienet ta’ 49 % fit-Titolu II – In-nefqa amministrattiva u 59 % fit-Titolu III – In-nefqa operazzjonali. Il-livell għoli ta’ approprjazzjonijiet miġjuba 'l quddiem, flimkien mal-livell baxx ta’ nefqa dovuta (EUR 2,9 miljun), huwa eċċessiv u jmur kontra l-prinċipju baġitarju tal-annwalità.

Dan ir-Rapport ġie adottat mill-Awla IV, immexxija mis-Sur Igors LUDBORŽS, Membru tal-Qorti tal-Awdituri, fil-Lussemburgu fil-laqgħa tagħha tal-20 ta’ Settembru 2011.

Għall-Qorti tal-Awdituri

Vítor Manuel da SILVA CALDEIRA

President

(1) ĠU L 121, 15.5.2009, p. 37.

(2) L-Anness jagħti sommarju tal-kompetenzi u l-attivitajiet tal-Uffiċċju. Jiġi ppreżentat għal-skopijiet ta’ informazzjoni.

(4) Ir-rendikonti finanzjarji jinkludu l-karta tal-bilanċ u l-kont tar-riżultat ekonomiku, it-tabella tal-likwidità, ir-rendikont tat-tibdil fil-kapital u l-anness għar-rendikonti finanzjarji li jinkludi d-deskrizzjoni tal-politika tal-kontabilità prinċipali u informazzjoni oħra ta’ spjegazzjoni.

(5) Ir-rapporti tal-implimentazzjoni tal-baġit jikkonsistu fil-kont tar-riżultat tal-baġit u fl-anness tiegħu

(6) ĠU L 248, 16.9.2002, p. 1.

(7) L-Artikolu 33 tar-Regolament tal-Kummissjoni (KE, Euratom) Nru 2343/2002 (ĠU L 357, 31.12.2002, p. 72).

(8) L-Artikolu 38 tar-Regolament (KE, Euratom) Nru 2343/2002.

(10) Il-Federazzjoni Internazzjonali tal-Kontabilisti (IFAC) u l-Istandards Internazzjonali tal-Istituzzjonijiet Supremi tal-Verifika (ISSAI).

(11) Il-Kontijiet Annwali Finali kienu ppreparati fit-8 ta’ Settembru 2011 u rċevuti mill-Qorti fit-12 ta’ Settembru 2011. Il-Kontijiet Annwali Finali jistgħu jinstabu fuq il-websajt li ġej http://eca.europa.eu jew http://www.europol.europa.eu/.

ANNESS

Uffiċċju Ewropew tal-Pulizija (L-Aja)

Kompetenzi u attivitajiet

L-oqsma ta’ kompetenza tal-Unjoni stipulati fit-Trattat

(l-Artikoli 87, 88 u 89 TFUE)

L-Objettiv

L-objettiv tal-Uffiċċju huwa li jappoġġa u jsaħħaħ l-azzjoni tal-awtoritajiet kompetenti tal-Istati Membri u l-koperazzjoni reċiproka tagħhom fil-prevenzjoni u l-ġlieda kontra l-kriminalità organizzata, it-terroriżmu u forom oħra ta’ kriminalità serja li tolqot żewġ Stati Membri jew aktar.

Il-kompetenzi tal-Uffiċċju

(Id-Deċiżjoni tal-Kunsill tal-Europol, 2009/371/ĠAI (1) tas-6 ta’ April 2009 li tistabbilixxi l-Uffiċċju Ewropew tal-Pulizija (Europol) )

Il-kompetenza

Il-kompetenza tal-Uffiċċju għandha tkopri l-kriminalità organizzata, it-terroriżmu u forom oħra ta’ kriminalità serja, li jolqtu żewġ Stati Membri jew aktar b'tali mod li jkun jenħtieġ approċċ komuni mill-Istati Membri minħabba l-iskala, l-importanza u l-konsegwenzi tar-reati.

Il-kompiti prinċipali

—	Jiġbor, jikkonserva, jipproċessa, janalizza u jiskambja informazzjoni u intelligence;

—	Jinnotifika lill-awtoritajiet kompetenti tal-Istati Membri mingħajr dewmien permezz tal-unità nazzjonali b'informazzjoni li jikkonċernawhom u bi kwalunkwe konnessjonijiet identifikati bejn reati kriminali;

—	Jgħin investigazzjonijiet fl-Istati Membri, b'mod partikolari billi jgħaddi l-informazzjoni rilevanti kollha lill-unitajiet nazzjonali;

—	Jitlob lill-awtoritajiet kompetenti tal-Istati Membri konċernati jniedu, iwettqu jew jikkoordinaw investigazzjonijiet u jissuġġerixxi l-ħolqien ta’ skwadri ta’ investigazzjoni konġunti f'każijiet speċifiċi;

—	Jipprovdi intelligence u appoġġ analitiku lill-Istati Membri f'konnessjoni ma’ avvenimenti internazzjonali maġġuri;

—	Jħejji stimi ta’ theddid, analiżi strateġiċi u rapporti ġenerali ta’ sitwazzjoni relatati mal-objettiv tiegħu, inklużi stimi ta’ theddid ta’ kriminalità organizzata.

Il-kompiti addizzjonali

—	Jiżviluppa konoxxenza speċjalizzata tal-proċeduri investigattivi tal-awtoritajiet kompetenti tal-Istati Membri u jipprovdi parir dwar l-investigazzjonijiet;

—	Jipprovdi intelligence strateġika li tassisti u tippromwovi l-użu effiċjenti u effikaċi tar-riżorsi disponibbli fil-livell nazzjonali u tal-Unjoni għal attivitajiet operattivi u appoġġ għal tali attivitajiet.

Addizzjonalment, jassisti lill-Istati Membri permezz ta’ appoġġ, pariri u riċerka fl-oqsma li ġejjin

—	It-taħriġ ta’ membri tal-awtoritajiet kompetenti tagħhom, fejn xieraq f'koperazzjoni ma’ Il- [mal-] Kulleġġ Ewropew tal-Pulizija (CEPOL);

—	L-organizzazzjoni u t-tagħmir ta’ dawk l-awtoritajiet billi jiġi ffaċilitat il-forniment ta’ appoġġ tekniku bejn l-Istati Membri;

—	Metodi ta’ prevenzjoni tal-kriminalità;

—	Metodi u analiżi tekniċi u forensiċi, u proċeduri investigattivi.

U L-Uffiċċju għandu jservi wkoll bħala l-Uffiċċju Ċentrali għall-ġlieda kontra l-falsifikazzjoni tal-Euro skont id-Deċiżjoni tal-Kunsill 2005/511/ĠAI tat-12 ta’ Lulju 2005 dwar il-protezzjoni tal-euro kontra l-falsifikazzjoni [6], permezz tan-nomina tal-Uffiċċju bħala l-Uffiċċju Ċentrali għall-ġlieda kontra l-falsifikazzjoni tal-euro. L-Uffiċċju jista' jħeġġeġ ukoll il-koordinazzjoni ta’ miżuri, mwettqa fil-ġlieda kontra l-falsifikazzjoni tal-euro, meħuda mill-awtoritajiet kompetenti tal-Istati Membri jew fil-kuntest ta’ skwadri ta’ investigazzjoni konġunti, fejn ikun il-każ b'kollegament ma’ entitajiet tal-Unjoni u ma’ korpi ta’ Stati terzi. Fuq talba, l-Uffiċċju jista' jappoġġa finanzjarjament investigazzjonijiet kontra l-falsifikazzjoni tal-euro.

It-Tmexxija

1 – Il-Bord ta’ Amministrazzjoni

Delegat wieħed (u supplent) minn kull Stat Membru u mill-Kummissjoni.

2 – Id-Direttur

—	Direttur maħtur mill-Kunsill, li jaġixxi b'maġġoranza kwalifikata, minn lista ta’ mill-anqas tliet kandidati ppreżentati mill-Bord ta’ Amministrazzjoni, għal perjodu ta’ erba' snin (jista' jiġi estiżi għal mhux aktar minn erba' snin);

—	Id-Direttur huwa assistit minn tliet Viċi Diretturi maħturin għal perjodu ta’ erba' snin li jista' jiġġedded darba;

—	Id-Direttur imexxi l-Uffiċċju u għandu obbligu ta’ rendikont lill-Bord ta’ Amministrazzjoni fir-rigward tal-prestazzjoni tad-dmirijiet tiegħu/tagħha.

3 – Il-Verifika Esterna

—	Il-Qorti Ewropea tal-Awdituri (QEA).

—	Is-Servizz tal-Awditjar Intern tal-Kummissjoni.

—	Awtorità Konġunta ta’ Kontroll (JSB);

—	Minbarra dan: l-Uffiċċju tal-Awditjar Intern (IAF) u Uffiċjal tal-Protezzjoni tad-Data (UPD) – funzjonalment indipendenti, assoċjati mal-organizzazzjoni diretta (stabbiliti abbażi tad-Deċiżjoni tal-Kunsill dwar l-Europol).

4 – L-awtorità ta’ kwittanza

Il-Parlament li jaġixxi fuq rakkomandazzjoni tal-Kunsill.

Ir-riżorsi disponibbli għall-Uffiċċju fl-2010

Il-Baġit (2010)

EUR 92,8 miljun

Il-Persunal

L-għadd totali tal-persunal li sar disponibbli skont il-pjan ta’ stabbiliment: 453 (aġent temporanju), żid magħhom 25 espert nazzjonali ssekondat u 78 aġent kuntrattwali (inklużi 6 membri tal-persunal lokali).

Il-prodotti u s-servizzi 2010

Is-sodisfazzjon ġenerali

Ir-riżultati tal-Istħarriġ Indipendenti tal-Utenti tal-Europol 2010 (ta' 584 utent, eż. investigaturi) indikaw l-ogħla livelli ta’ sodisfazzjon bl-Uffiċċju fost l-Istati Membri li qatt ġew irreġistrati sa minn meta beda jsir l-istħarriġ tal-utenti fl-2002.

1. Il-prodotti u s-servizzi strateġiċi (il-kapaċità ta’ analiżi strateġika)

—	It-tlestija ta’ sitt valutazzjonijiet tat-theddid (Introduzzjoni tal-Euro fl-Estonja, Rapport dwar is-Sitwazzjoni tat-Traffikar tal-Bnedmin, Valutazzjoni tat-Theddida għall-Baħar Baltiku, iOCTA (2), LAC-OCTA (3) u l-Evalwazzjoni tat-Theddida għal COSI (4);

—	Daqqa t'għajn lejn il-Kriminalità Organizzata (OC) (Valutazzjonijiet tat-Theddid iffukati fuq theddid u tendenzi ġodda jew emerġenti tal-kriminalità organizzata) imnedija sabiex ittejjeb ir-rilevanza u l-puntwalità tal-prodotti strateġiċi. Ingħataw seba' rapporti;

—	100 % tal-prodotti strateġiċi tal-Uffiċċju (esklużi l-ġlieda kontra t-terroriżmu u kontra l-proliferazzjoni) huma allinjati mas-sejbiet tal-UE OCTA (5);

—	L-Uffiċċju appoġġa u kkontribwixxa għall-istabbiliment taċ-Ċiklu tal-Politika ġdid tal-UE.

2. Il-prodotti u s-servizzi operattivi

2.1 L-Uffiċċju bħala ċentru ta’ appoġġ għal operazzjonijiet ta’ infurzar tal-liġi

(Il-Fajls tal-Ħidma ta’ Analiżi, ir-rapporti operattivi ta’ analiżi u rappurtar ieħor, l-appoġġ operattiv fuq il-post u mill-kwartieri ġenerali, it-Timijiet ta’ Investigazzjoni Konġunta)

—	L-Uffiċċju appoġġa lill-awtoritajiet kompetenti fl-Istati Membri tal-UE fi 11 738 każ transkonfinali, żieda ta’ 12 % matul l-2009;

—	Ġie pprovdut appoġġ fil-fond analitiku u operattiv f'aktar minn 150 investigazzjoni transkonfinali sinifikanti, li wħud minnhom damu minn sena sa sentejn u ħafna minnhom għadhom għaddejjin;

—	35 % tal-operazzjonijiet appoġġati mill-Uffiċċju kienu relatati mad-drogi, iżda l-akbar impatt operattiv tal-Uffiċċju kien fil-qasam tal-iffalsifikar tal-euro;

—

L-Uffiċċju kien involut fl-investigazzjonijiet il-kbar kollha relatati mal-falsifikazzjoni tal-euro fl-UE. Fl-2010, 838 każ ta’ frodi bil-kards tal-ħlas u ta’ falsifikazzjoni tal-euro kienu appoġġati b'mod attiv mill-Uffiċċju, li wasslu għaż-żarmar ta’ ħames stamperiji ewlenin. Ir-riżultati tal-investigazzjonijiet tal-falsifikazzjoni tal-euro sostnuti finanzjarjament mill-Uffiċċju (35) inkludew il-qbid ta’ aktar minn EUR 6 miljun fi flus iffalsifikati, 70 arrest u ż-żarmar ta’ tliet stamperiji;

—	Huma fis-seħħ proċeduri interni għall-medda sħiħa ta’ servizzi ta’ verifika reċiproka previsti fil-provvista ta’ appoġġ operattiv 24 siegħa kuljum;

—	Ġiet żviluppata database strutturata u affidabbli tar-riżultati operattivi. Dan jippermetti ċentralizzazzjoni ta’ informazzjoni li għandha x'taqsam ma’ operazzjonijiet appoġġati mill-Uffiċċju u r-rappurtar awtomatizzat;

—	57 avveniment kienu rrappurtati sal-aħħar tal-2010 fejn tqajmet il-kuxjenza dwar l-appoġġ tal-Uffiċċju għat-Timijiet ta’ Investigazzjoni Konġunta;

—

Il-pjan li jiġi implimentat il-mudell reġjonali ġie ffinalizzat sat-30.09.2010 li jikkonsisti f'għadd ta’ elementi interkonnessi - Uffiċjali ta’ Appoġġ Reġjonali (RSO), Fajls ta’ Analiżi tal-Ħidma tal-punti ċentrali, fluss ta’ intelliġenza, amministrazzjoni tad-dokumenti, koordinazzjoni ma’ gruppi ta’ ħidma assoċjati, eċċ.;

—	Il-kapaċitajiet meħtieġa biex jappoġġaw l-implimentazzjoni tal-Ftehim tal-Programm għat-Traċċar tal-Finanzjament tat-Terroriżmu (TFTP) ġew stabbiliti sad-data mmirata (bl-istabbiliment ta’ unità ddedikata);

—	Pjan ta’ sħubija pubblika-privata (il-Programm Outreach) ġie żviluppat sal-31.12.2010;

—	Pjan operattiv konġunt mal-Interpol (6) kien fl-aħħar fażijiet ta’ preparazzjoni sal-aħħar tal-2010;

—	Rapport konġunt tal-aġenziji dwar is-sigurtà interna ġie ppreżentat lill-Kapijiet tal-Aġenziji tal-Ġustizzja u l-Affarijiet Interni (ĠAI);

—	L-Uffiċċju ppreseda il-koperazzjoni tal-Kapijiet tal-Aġenziji fil-qasam tal-ĠAI.

2.2 L-Uffiċċju bħala ċ-ċentru tal-informazzjoni kriminali tal-UE

(Il-kapaċitajiet ta’ amministrazzjoni tal-informazzjoni, l-Applikazzjoni Sigura ta’ Netwerk għall-Iskambju ta’ Informazzjoni (SIENA), is-Sistema ta’ Informazzjoni tal-Europol (EIS), in-Netwerk ta’ Uffiċċji ta’ Kollegament)

—	Il-verżjoni 1.6 tas-Sistema ta’ Informazzjoni tal-Europol EIS inħarġet sal-31.01.2010;

—	Il-verżjoni 2.0 ta’ SIENA (7) ngħatat fit-22 Ottubru 2010;

—	8 uffiċċji ta’ rkupru tal-assi tal-Istati Membri kienu kkollegati ma’ SIENA sal-31.10.2010. Il-proġett għandu jitkompla matul l-2011;

—	L-elaborazzjoni tal-proċessi tan-negozju kollha rilevanti għall-interoperabilità u t-tqabbil reċiproku tad-data komplew matul l-2010;

—

L-uffiċjali ta’ kollegament tal-Uffiċċju jiżguraw konnessjoni attiva bejn il-kwartieri ġenerali tal-Europol fl-Aja u s-27 Unità Nazzjonali tal-Europol fl-ibliet kapitali nazzjonali tal-Istati Membri. Dan huwa netwerk uniku ta’ 129 uffiċjal ta’ kuntatt li għandu rwol importanti fl-attivitajiet ta’ kuljum tal-infurzar tal-liġi billi jiffaċilita l-iskambju ta’ informazzjoni, kif ukoll jipprovdi appoġġ u koordinazzjoni għall-investigazzjonijiet li għaddejjin. L-Uffiċċju jospita wkoll uffiċjali ta’ kollegament minn 10 pajjiżi terzi mhux tal-UE u organizzazzjonijiet li jaħdmu flimkien mal-Uffiċċju fuq il-bażi ta’ ftehimiet ta’ koperazzjoni. Dan in-Netwerk ta’ Uffiċċji ta’ Kollegament huwa appoġġat permezz ta’ mezzi sikuri ta’ komunikazzjoni pprovduti mill-Uffiċċju. Barra minn hekk, l-Europol issekonda żewġ uffiċjali ta’ kollegament lejn Washington (l-Istati Uniti) u wieħed lejn il-kwartieri ġenerali tal-Interpol f'Lyon (Franza).

2.3 L-għarfien espert u t-taħriġ

[Pjattaforma tal-Europol għall-Esperti (EPE), pjattaformi għall-iskambju ta’ data u soluzzjonijiet ta’ ħażna, prodotti u servizzi ta’ għarfien, taħriġ, konferenzi u sessjonijiet ta’ sensibilizzazzjoni]

—	L-Uffiċċju pparteċipa b'mod attiv fin-Netwerk tal-Prevenzjoni tal-Kriminalità tal-UE (EUCPN). Indipendentement mill-EUCPN, l-Uffiċċju kompla jippromwovi l-użu ta’ approċċi alternattivi għat-trattament tal-Kriminalità Organizzata (OC) bħala parti mill-grupp COSI dwar l-OC;

—	Il-kunċett ġeneriku għall-Pjattaforma tal-Europol għall-Esperti (PEE) ġie żviluppat u implimentat. Ġew stabbiliti erba' pjattaformi;

—	Is-Sistema tad-Database tal-Bombi tal-UE bdiet tiġi prodotta f'Ottubru 2010;

—	Ġew imfassla, imwassla u evalwati tliet modjuls addizzjonali ċċertifikati tat-taħriġ dwar iċ-Ċiberkriminalità għall-Grupp Ewropew tat-Taħriġ dwar iċ-Ċiberkriminalità Ewropea (ECTEG);

—

Il-valutazzjoni tal-għażliet ta’ tagħlim elettroniku b'koperazzjoni mas-CEPOL (Kulleġġ Ewropew tal-Pulizija) mxiet sew u l-Uffiċċju kien is-suġġett tal-ewwel kors ta’ tagħlim elettroniku tas-CEPOL. Korsijiet oħrajn ta’ tagħlim elettroniku ta’ rilevanza għall-Uffiċċju li qed jiġu żviluppati huma: iċ-Ċiberkriminalità u t-Trattat ta’ Schengen.

2.4 Ir-relazzjonijiet esterni

(Relazzjonijiet mal-imsieħba ta’ koperazzjoni)

—

L-Uffiċċju jikkoopera ma’ għadd ta’ msieħba fl-UE, u ma’ pajjiżi terzi u organizzazzjonijiet. L-iskambju ta’ informazzjoni ma’ dawn l-imsieħba jseħħ fuq il-bażi ta’ ftehimiet ta’ koperazzjoni. Żewġ tipi ta’ ftehimiet jiddeterminaw in-natura tal-koperazzjoni ma’ partijiet terzi. Ftehim strateġiku jippermetti li ż-żewġ partijiet involuti jiskambjaw l-informazzjoni kollha ħlief id-data personali, filwaqt li l-ftehimiet operattivi jippermettu wkoll l-iskambju ta’ data personali.

—	L-Uffiċċju bħalissa jikkoopera ma’ 17-il pajjiż mhux tal-UE, 9 korpi u aġenziji tal-UE u 3 organizzazzjonijiet internazzjonali oħra, inkluż l-Interpol, li huwa involut f'ħafna aspetti tal-ħidma operattiva tal-Uffiċċju.

Il-Kapijiet tal-Unitajiet Nazzjonali tal-Europol (HENUs) tal-Istati Membri kollha, inklużi osservaturi mill-imsieħba tal-koperazzjoni (bħall-Eurojust u l-Interpol) u l-Kummissjoni, jiltaqgħu regolarment sabiex jgħinu lill-Uffiċċju rigward kwistjonijiet operattivi u sabiex jipprovdu appoġġ fl-istabbiliment ta’ Timijiet Konġunti ta’ Investigazzjoni li jinvolvu l-Uffiċċju.

Sors: Informazzjoni mogħtija mill-Uffiċċju.

(1) Tissotitwixxi d-dispożizzjonijiet tal-Konvenzjoni, abbażi tal-Artikolu K.3 tat-Trattat dwar l-Unjoni Ewropea, dwar l-istabbiliment ta’ Uffiċċju Ewropew tal-Pulizija (il-Konvenzjoni Europol).

(2) L-Evalwazzjoni tal-Kriminalità Organizzata Ffaċilitata bl-Internet.

(3) L-Evalwazzjoni tat-Theddida tal-Kriminalità Organizzata tal-Amerika Latina u l-Karibew.

(4) Il-Kumitat Permanenti għall-koperazzjoni Operattiva dwar is-Sigurtà Interna.

(5) L-Evalwazzjoni tat-Theddida tal-Kriminalità Organizzata.

(6) L-Organizzazzjoni Internazzjonali tal-Pulizija Kriminali (ICPO).

(7) L-Applikazzjoni Sigura ta’ Netwerk għall-Iskambju ta’ Informazzjoni.

IT-TWEĠIBIET TAL-UFFIĊĊJU

13.

L-Europol jaċċetta l-prinċipju iżda jindika li ammont sinifikanti miġjub 'il quddiem kien dovut għaċ-ċirkostanza unika tal-bdil mill-aġenzija tal-kwartieri ġenerali tagħha fl-2011, minħabba dewmien fil-bini fl-2010. L-analiżi tal-ammont miġjub 'il quddiem (EUR 22,6 miljun) hija kif ġej:

—	EUR 11,3 miljun euro għal nefqa relatata mal-kwartieri ġenerali l-ġodda tal-Europol,

—	EUR 1,8M relatati mal-Kapitolu 26 (Art. 58.4 Deċiżjoni tal-Kunsill tal-Ewropa – ECD: obbligazzjonijiet dwar il-qafas legali preċedenti tal-Europol),

—	EUR 9,5M għal infiq ieħor.

Jekk titwarrab in-nefqa fuq il-kwartieri ġenerali l-ġodda tal-Europol u l-Artikolu 58.4 tal-ECD, ir-rata tal-ammont miġjub 'il quddiem kienet 10,24 % fir-rigward tad-dħul baġitarju.

L-Europol sejjer jieħu miżuri abbażi tal-kummenti mill-QEA.

		ISSN 1977-0987 doi:10.3000/19770987.C_2011.366.mlt
Il-Ġurnal Uffiċjali tal-Unjoni Ewropea		C 366

Edizzjoni bil-Malti	Informazzjoni u Avviżi	Volum 54 15 ta' Diċembru 2011

Avviż Nru	Werrej	Paġna
	IV Informazzjoni
	INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
	Il-Qorti tal-Awdituri
2011/C 366/01	Rapport dwar il-kontijiet annwali tal-Aġenzija Komunitarja għall-Kontroll tas-Sajd għas-sena finanzjarja 2010, flimkien mat-tweġibiet tal-Aġenzija	1

2011/C 366/02	Rapport dwar il-kontijiet annwali tal-Aġenzija Fornitriċi tal-Euratom għas-sena finanzjarja 2010, flimkien mat-tweġibiet tal-Aġenzija	6

2011/C 366/03	Rapport dwar il-kontijiet annwali tal-Aġenzija tal-Unjoni Ewropea għad-Drittijiet Fundamentali għas-sena finanzjarja 2010, flimkien mat-tweġibiet tal-Aġenzija	9

2011/C 366/04	Rapport dwar il-kontijiet annwali tal-Aġenzija Ewropea dwar is-Sigurtà tan-Netwerks u l-Informazzjoni għas-sena finanzjarja 2010, flimkien mat-tweġibiet tal-Aġenzija	15

2011/C 366/05	Rapport dwar il-kontijiet annwali tal-Aġenzija Ewropea dwar is-Sigurtà fl-Avjazzjoni għas-sena finanzjarja 2010, flimkien mat-tweġibiet tal-Aġenzija	21

2011/C 366/06	Rapport dwar il-kontijiet annwali tal-Aġenzija Ewropea għall-Mediċini għas-sena finanzjarja 2010, flimkien mat-tweġibiet tal-Aġenzija	27

2011/C 366/07	Rapport dwar il-kontijiet annwali tal-Aġenzija Ewropea għas-Sustanzi Kimiċi għas-sena finanzjarja 2010, flimkien mat-tweġibiet tal-Aġenzija	33

2011/C 366/08	Rapport dwar il-kontijiet annwali tal-Aġenzija Ewropea għall-Ġestjoni tal-Kooperazzjoni Operattiva fil-Fruntieri Esterni tal-Istati Membri għas-sena finanzjarja 2010, flimkien mat-tweġibiet tal-Aġenzija	39

2011/C 366/09	Rapport dwar il-kontijiet annwali tal-Aġenzija Ewropea għas-Saħħa u s-Sigurtà fuq il-Post tax-Xogħol għas-sena finanzjarja 2010, flimkien mat-tweġibiet tal-Aġenzija	45

2011/C 366/10	Rapport dwar il-kontijiet annwali tal-Aġenzija Ewropea għas-Sigurtà Marittima għas-sena finanzjarja 2010, flimkien mat-tweġibiet tal-Aġenzija	52

2011/C 366/11	Rapport dwar il-kontijiet annwali tal-Aġenzija Ewropea għall-Ambjent għas-sena finanzjarja 2010, flimkien mat-tweġibiet tal-Aġenzija	57

2011/C 366/12	Rapport dwar il-kontijiet annwali tal-Aġenzija Eżekuttiva għall-Edukazzjoni, l-Awdjoviżiv u l-Kultura għas-sena finanzjarja 2010, flimkien mat-tweġibiet tal-Aġenzija	63

2011/C 366/13	Rapport dwar il-kontijiet annwali tal-Aġenzija Eżekuttiva tal-Kunsill Ewropew għar-Riċerka għas-sena finanzjarja 2010, flimkien mat-tweġibiet tal-Aġenzija	69

2011/C 366/14	Rapport dwar il-kontijiet annwali tal-Aġenzija Eżekuttiva tan-Netwerk Trans-Ewropew tat-Trasport għas-sena finanzjarja 2010 flimkien mat-tweġibiet tal-Aġenzija	75

2011/C 366/15	Rapport dwar il-kontijiet annwali tal-Aġenzija Eżekuttiva għall-Kompetittività u l-Innovazzjoni għas-sena finanzjarja 2010, flimkien mat-tweġibiet tal-Aġenzija	81

2011/C 366/16	Rapport dwar il-kontijiet annwali tal-Aġenzija Eżekuttiva għar-Riċerka għas-sena finanzjarja 2010, flimkien mat-tweġibiet tal-Aġenzija	87

2011/C 366/17	Rapport dwar il-kontijiet annwali tal-Aġenzija Eżekuttiva għas-Saħħa u l-Konsumatur għas-sena finanzjarja 2010, flimkien mat-tweġibiet tal-Aġenzija	93

2011/C 366/18	Rapport dwar il-kontijiet annwali tal-Aġenzija Ferrovjarja Ewropea għas-sena finananzjarja 2010, flimkien mat-tweġibiet tal-Aġenzija	100

2011/C 366/19	Rapport dwar il-kontijiet annwali tal-Awtorità Ewropea dwar is-Sigurtà fl-Ikel għas-sena finanzjarja 2010, flimkien mat-tweġibiet tal-Awtorità	106

2011/C 366/20	Rapport dwar il-kontijiet annwali tal-Aġenzija Ewropea GNSS għas-sena finanzjarja 2010, flimkien mat-tweġibiet tal-Aġenzija	112

2011/C 366/21	Rapport fuq il-kontijiet annwali taċ-Ċentru tat-Traduzzjoni għall-Korpi tal-Unjoni Ewropea għas-sena finanzjarja 2010, flimkien mat-tweġibiet taċ-Ċentru	117

2011/C 366/22	Rapport dwar il-kontijiet annwali taċ-Ċentru Ewropew għall-Prevenzjoni u l-Kontroll tal-Mard għas-sena finanzjarja 2010, flimkien mat-tweġibiet taċ-Ċentru	122

2011/C 366/23	Rapport dwar il-kontijiet annwali taċ-Ċentru Ewropew għall-Iżvilupp ta’ Taħriġ Vokazzjonali għas-sena finanzjarja 2010, flimkien mat-tweġibiet taċ-Ċentru	127

2011/C 366/24	Rapport dwar il-kontijiet annwali tal-Kulleġġ Ewropew tal-Pulizija għas-sena finanzjarja 2010, flimkien mat-tweġibiet tal-Kulleġġ	134

2011/C 366/25	Rapport dwar il-kontijiet annwali tal-Eurojust għas-sena finanzjarja 2010, flimkien mat-tweġibiet tal-Eurojust	140

2011/C 366/26	Rapport dwar il-kontijiet annwali tal-Fondazzjoni Ewropea għat-Taħriġ għas-sena finanzjarja 2010, flimkien mat-tweġibiet tal-Fondazzjoni	145

2011/C 366/27	Rapport dwar il-kontijiet annwali tal-Fondazzjoni Ewropea għat-Titjib tal-Kundizzjonijiet tal-Ħajja u tax-Xogħol għas-sena finanzjarja 2010, flimkien mat-tweġibiet tal-Fondazzjoni	150

2011/C 366/28	Rapport dwar il-kontijiet annwali taċ-Ċentru Ewropew għall-Monitoraġġ tad-Droga u d-Dipendenza fuq id-Droga għas-sena finanzjarja 2010, flimkien mat-tweġibiet taċ-Ċentru	156

2011/C 366/29	Rapport dwar il-kontijiet annwali tal-Uffiċċju Komunitarju tal-Varjetajiet tal-Pjanti għas-sena finanzjarja 2010, flimkien mat-tweġibiet tal-Uffiċċju	162

2011/C 366/30	Rapport dwar il-kontijiet annwali tal-Uffiċċju Ewropew għall-Armonizzazzjoni fis-Suq Intern għas-sena finanzjarja 2010, flimkien mat-tweġibiet tal-Uffiċċju	167

2011/C 366/31	Rapport dwar il-kontijiet annwali tal-Istitut Ewropew għall-Ugwaljanza bejn is-Sessi għas-sena finanzjarja 2010, flimkien mat-tweġibiet tal-Istitut	173

2011/C 366/32	Rapport dwar il-kontijiet annwali tal-Uffiċċju Ewropew tal-Pulizija (Europol) għas-sena finanzjarja 2010, flimkien mat-tweġibiet tal-Uffiċċju	179