KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA

7.12.2011

Il-Ġurnal Uffiċjali tal-Unjoni Ewropea

C 357/1

Ebda oppożizzjoni għal konċentrazzjoni notifikata

(Każ COMP/M.6420 – Dong Energy/Shell Gas Direct)

(Test b’relevanza għaż-ŻEE)

2011/C 357/01

Fl-1 ta’ Diċembru 2011, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq komuni. Din id-deċiżjoni hi bbażata fuq l-Artikolu 6(1)b tar-Regolament tal-Kunsill (KE) Nru 139/2004. It-test sħiħ tad-deċiżjoni hu disponibbli biss fl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:

—

Fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta' amalgamazzjoni, inklużi l-kumpanija, in-numru tal-każ, id-data u l-indiċi settorjali,

—	f’forma elettronika fil-websajt EUR-Lex (http://eur-lex.europa.eu/en/index.htm) fid-dokument li jġib in-numru 32011M6420. Il-EUR-Lex hu l-aċċess fuq l-internet għal-liġi Ewropea.

INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA

7.12.2011

Il-Ġurnal Uffiċjali tal-Unjoni Ewropea

C 357/2

Rata tal-kambju tal-euro (1)

Is-6 ta’ Diċembru 2011

2011/C 357/02

1 euro =

	Munita	Rata tal-kambju
USD	Dollaru Amerikan	1,3394
JPY	Yen Ġappuniż	104,15
DKK	Krona Daniża	7,4348
GBP	Lira Sterlina	0,85655
SEK	Krona Żvediża	9,0552
CHF	Frank Żvizzeru	1,2388
ISK	Krona Iżlandiża
NOK	Krona Norveġiża	7,7160
BGN	Lev Bulgaru	1,9558
CZK	Krona Ċeka	25,230
HUF	Forint Ungeriż	300,20
LTL	Litas Litwan	3,4528
LVL	Lats Latvjan	0,6978
PLN	Zloty Pollakk	4,4548
RON	Leu Rumen	4,3540
TRY	Lira Turka	2,4618
AUD	Dollaru Awstraljan	1,3094
CAD	Dollaru Kanadiż	1,3640
HKD	Dollaru ta' Hong Kong	10,4095
NZD	Dollaru tan-New Zealand	1,7209
SGD	Dollaru tas-Singapor	1,7223
KRW	Won tal-Korea t'Isfel	1 513,76
ZAR	Rand ta' l-Afrika t'Isfel	10,7993
CNY	Yuan ren-min-bi Ċiniż	8,4847
HRK	Kuna Kroata	7,5100
IDR	Rupiah Indoneżjan	12 124,79
MYR	Ringgit Malażjan	4,1990
PHP	Peso Filippin	58,111
RUB	Rouble Russu	41,8780
THB	Baht Tajlandiż	41,294
BRL	Real Brażiljan	2,3995
MXN	Peso Messikan	18,1040
INR	Rupi Indjan	68,7310

(1) Sors: rata tal-kambju ta' referenza ppubblikata mill-Bank Ċentrali Ewropew.

7.12.2011

Il-Ġurnal Uffiċjali tal-Unjoni Ewropea

C 357/3

Aġġornament tal-kampjuni tal-karti maħruġa mill-Ministeri tal-Affarijiet Barranin tal-Istati Membri lill-membri akkreditati ta' missjonijiet diplomatiċi u rappreżentanti konsolari u l-membri tal-familji tagħhom, kif imsemmi fl-Artikolu 19(2) tar-Regolament (KE) Nru 562/2006 tal-Parlament Ewropew u tal-Kunsill li jistabbilixxi Kodiċi Komunitarju dwar ir-regoli li jirregolaw il-moviment ta' persuni minn naħa għal oħra tal-fruntiera (Kodiċi tal-Fruntieri ta' Schengen) (ĠU C 247, 13.10.2006, p. 85; ĠU C 153, 6.7.2007, p. 15; ĠU C 64, 19.3.2009, p. 18; ĠU C 239, 6.10.2009, p. 7; ĠU C 304, 10.11.2010, p. 6; ĠU C 273, 16.9.2011, p. 11)

2011/C 357/03

Aġġornament tal-Kampjuni tal-karti maħruġa mill-Ministeri tal-Affarijiet Barranin tal-Istati Membri lil membri akkreditati ta' missjonijiet diplomatiċi u rappreżentanti konsolari u l-membri tal-familji tagħhom, kif imsemmi fl-Artikolu 19(2) tar-Regolament (KE) Nru 562/2006 tal-Parlament Ewropew u tal-Kunsill tal-15 ta’ Marzu 2006 li jistabbilixxi Kodiċi Komunitarju dwar ir-regoli li jirregolaw il-moviment ta' persuni minn naħa għal oħra tal-fruntiera (Kodiċi tal-Fruntieri ta' Schengen)

Flimkien mal-pubblikazzjoni fil-ĠU, aġġornament ta' kull xahar huwa disponibbli fuq il-websajt tad-Direttorat Ġenerali għall-Affarijiet Interni.

SPANJA

Sostituzzjoni tal-informazzjoni ppubblikata fil-ĠU C 247, 13.10.2006

—

“Dokument ta' akkreditazzjoni tal-Missjonijiet Diplomatiċi”, b'referenza għall-“Persunal Diplomatiku” (aħmar)

Din it-tessera tintbagħat lill-persunal tal-Missjonijiet Diplomatiċi bi status diplomatiku akkreditat fi Spanja, kif ukoll lil żwieġhom u lil uliedhom. Fil-każ ta' ambaxxaturi akkreditati, fin-naħa ta' isfel fuq ix-xellug tat-tessera tkun inkluża ir-referenza “Ambaxxatur” jew “Ambaxxatriċi”.

—	“Dokument ta' akkreditazzjoni tal-Missjonijiet Diplomatiċi”, b'referenza għall-“Persunal Amministrattiv u Tekniku” (isfar) Din it-tessera tintbagħat lill-persunal amministrattiv u tekniku tal-Missjonijeit Diplomatiċi akkreditat fi Spanja, kif ukoll lil żwieġhom u lil uliedhom.

—

“Dokument ta' akkreditazzjoni konsulari”, b'referenza għall-“Uffiċjal konsulari” (aħdar skur).

Din it-tessera tintbagħat lill-uffiċjali konsulari permanenti u lill-konsli onorarji akkreditati fi Spanja, kif ukoll lil żwieġhom u lil uliedhom. Fuq in-naħa ta' isfel fuq ix-xellug tat-tessera ikun indikat jekk il-persuna tkunx uffiċjal permanenti jew uffiċjal onorarju.

—	“Dokument ta' akkreditazzjoni konsulari”, b'referenza għall-“Impjegat konsulari” (aħdar ċar). Din it-tessera tintbagħat lill-impjegati konsulari akkreditati fi Spanja, kif ukoll lil żwieġhom u lil uliedhom.

—	“Dokument ta' akkreditazzjoni ta’ organizzazzjonijiet internazzjonali” (ikħal). Din it-tessera tintbagħat lill-persunal akkreditat f'organizzazzjonijiet internazzjonalli u uffiċċji tal-Unjoni Ewropea fi Spanja, kif ukoll lil żwieġhom u lil uliedhom.

—

“Dokument ta' akkreditazzjoni tal-Missjonijiet Diplomatiċi u Konsulati”, b'referenza għall-“Persunal ta' Servizz” (griż)

Din it-tessera tintbagħat lill-persunal ta' servizz fil-Missjonijiet Diplomatiċi u Konsulati u lill-persunal fis-servizz personali tal-persunal diplomatiku u tal-uffiċjali konsulari permanenti, inkluż dawk f'organizzazzjonijiet internazzjonali, kif ukoll lil żwieġhom u lil uliedhom.

—	“Dokument ta' akkreditazzjoni tal-Missjonijiet Diplomatiċi u Konsulati”, b'referenza għall-“Qraba dipendenti” (beige) Din it-tessera tintbagħat lill-ġenituri tal-persunal akkreditat u lill-ulied li jkunu għalqu it-23 sena matul l-akkreditatzzjoni tat-titular li fuqhu jiddependu.

Karatteristiċi ġenerali

Id-Dokument ta' Identità u Akkreditazzjoni jintbagħat lill-persunal akkreditat tal-Missjonijiet Diplomatiċi, Uffiċċji Konsulari u Organizzazzjonijiet Internazzjonali b'Sede jew Uffiċċju fi Spanja u lill-qraba dipendenti.

Huwa magħmul fil-fomat ta' ID-1 (85,6 × 53,98 mm), mill-PVC u jinkludi bħal Numru tad-Dokument, in-Numru tal-Identifikazzjoni Fiskali speċifiku tal-persuna akkreditata.

Barra mill-istrippa manjetika għal-kontroll tad-dejta, jinkorpora wkoll elementi ġodda u aħjar ta' sigurtà:. inka inviżibbli li meta tagħmel reazzjoni ssir kaħla, sfond ta' sigurtà magħmul minn linji irqaq, stampar mikro fuq wara tat-tessera, stampar kodifikat, laminazzjoni trasparenti ta' sigurtà u ologramma tal-FNMT-RCM.

Bil-għan li tkun iffaċilitata identifikazzjoni viżwali aktar rapida u faċli tat-tesseri, ġew iffissati seba' tipi ġodda ta' dokumenti b'kuluri differenti, li jikkorrispondu mal-kategoriji distinti tal-persunal akkreditat.

—	aħmar: persunal bi status diplomatiku f'missjonijiet diplomatiċi.

—	Isfar: persunal amministrattiv u tekniku f'missjonijiet diplomatiċi.

—	Aħdar skur: uffiċjali konsulari permanenti jew konsli onorarji.

—	Aħdar ċar: impjegati konsulari.

—	Ikħal: persunal akkreditat f'Organizzazzjonijiet Internazzjonali u Uffiċċji tal-UE.

—	Griż: Persunal ta' servizz fil-missjonijiet diplomatiċi u uffiċċji konsulari u persunal fis-servizz personali tal-persunal diplomatiku u uffiċjali konsulari permanenti, inkluż dawk tal-organizzazzjonijiet internazzjonali.

—	Beige: Għall-ġenituri tal-persunal akkreditat u lill-ulied li jkunu għalqu it-23 sena matul l-akkreditatzzjoni tat-titular li fuqhu jiddependu.

7.12.2011

Il-Ġurnal Uffiċjali tal-Unjoni Ewropea

C 357/11

Informazzjoni kkomunikata mill-Istati Membri dwar l-għeluq tas-sajd

2011/C 357/04

Skont l-Artikolu 35(3) tar-Regolament tal-Kunsill (KE) Nru 1224/2009 tal-20 ta' Novembru 2009 li jistabbilixxi sistema Komunitarja ta’ kontroll għall-iżgurar tal-konformità mar-regoli tal-Politika Komuni tas-Sajd (1), ittieħdet deċiżjoni biex is-sajd jingħalaq kif deskritt fit-tabella ta' hawn taħt:

Data u ħin tal-għeluq	15.11.2011
Tul ta' żmien	15.11.2011-31.12.2011
Stat Membru	Il-Polonja
Stokk jew Grupp ta' stokkijiet	HER/3D25.; HER/3D26.; HER/3D27.; HER/3D28.; HER/3D29.; HER/3D32. (HER/3D-R30)
Speċi	Aringa (Clupea harengus)
Żona	L-ilmijiet tal-UE tas-Subdiviżjonijiet 25-27, 28.2, 29 u 32
Tip(i) ta' bastimenti tas-sajd	—
Numru ta’ referenza	—

Ħolqa elettronika għad-deċiżjoni tal-Istat Membru:

http://ec.europa.eu/fisheries/cfp/fishing_rules/tacs/index_mt.htm

(1) ĠU L 343, 22.12.2009, p. 1.

7.12.2011

Il-Ġurnal Uffiċjali tal-Unjoni Ewropea

C 357/12

Notifika minn qabel ta' konċentrazzjoni

(Każ COMP/M.6421 – Daimler/Europcar/car2go Europe JV)

Każ li jista' jiġi kkunsidrat għal proċedura simplifikata

(Test b’relevanza għaż-ŻEE)

2011/C 357/05

Fil-25 ta’ Novembru 2011, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża Europcar Groupe SA (“Europcar”, Franza), proprjetà ta' Eurazeo SA, (Franza) u car2go GmbH (“car2go”, il-Ġermanja), sussidjarja ta’ Daimler AG (“Daimler”, il-Ġermanja), jakkwistaw fit-tifsira tal-Artikolu 3(1)(b) tar-Regolament dwar l-Għaqdiet il-kontroll konġunt ta' car2go Europe GmbH (“car2go Europe”, il-Ġermanja), permezz tax-xiri ta' ishma f’kumpanija ġdida li tikkostitwixxi impriża konġunta.

L-attivitajiet kummerċjali tal-impriżi kkonċernati huma:

—

għal Europcar: servizzi ta’ kiri tal-karozzi fi stati membri differenti taż-ŻEE, kif ukoll madwar id-dinja. Europcar tappartjeni lil Eurazeo, kumpanija ta’ investiment elenkata Franċiża li tinvesti f’kumpaniji attivi f’diversi setturi bħal ma huma lukandi, servizzi ta’ kiri ta’ tessuti jew inkella l-proprjetà immobbli,

—	għal car2go: stabbilita biex twettaq proġett pilota fis-suq tal-kiri tal-karozzi għal żmien qasir u biex wara dan tkun responsabbli biex tibda n-negozju f’dan il-qasam madwar id-dinja għal Daimler. Daimler tipproduċi vetturi tat-triq u vetturi kummerċjali madwar id-dinja,

—	għal car2go Europe: servizzi għal żmien qasir ta' kiri tal-karozzi f’diversi bliet u żoni metropolitani fi ħdan iż-ŻEE.

Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet taħt ir-Regolament tal-KE dwar l-Għaqdiet (2) ta' min jinnota li dan il-każ jista' jiġi kkunsidrat għat-trattament taħt il-proċedura stipulata fl-Avviż.

Il-Kummissjoni tistieden lill-partijiet terzi interessati biex iressqu kwalunkwe kummenti li jistgħu jkollhom dwar it-tranżizzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.6421 – Daimler/Europcar/car2go Europe JV, fl-indirizz li ġej:

Il-Kummissjoni Ewropea

Direttorat Ġenerali għall-Kompetizzjoni

Reġistru tal-Amalgamazzjonijiet

J-70

1049 Bruxelles/Brussel

BELGIQUE/BELGIË

(1) ĠU L 24, 29.1.2004, p. 1 (ir-“Regolament tal-KE dwar l-Għaqdiet”).

(2) ĠU C 56, 5.3.2005, p. 32 (“Avviż ta’ proċedura simplifikata”).

		ISSN 1977-0987 doi:10.3000/19770987.C_2011.357.mlt
Il-Ġurnal Uffiċjali tal-Unjoni Ewropea		C 357

Edizzjoni bil-Malti	Informazzjoni u Avviżi	Volum 54 7 ta' Diċembru 2011

Avviż Nru	Werrej	Paġna
	II Komunikazzjonijiet
	KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
	Il-Kummissjoni Ewropea
2011/C 357/01	Ebda oppożizzjoni għal konċentrazzjoni notifikata (Każ COMP/M.6420 – Dong Energy/Shell Gas Direct) ( 1 )	1

	IV Informazzjoni
	INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
	Il-Kummissjoni Ewropea
2011/C 357/02	Rata tal-kambju tal-euro	2

	INFORMAZZJONI MILL-ISTATI MEMBRI
2011/C 357/03	Aġġornament tal-kampjuni tal-karti maħruġa mill-Ministeri tal-Affarijiet Barranin tal-Istati Membri lill-membri akkreditati ta' missjonijiet diplomatiċi u rappreżentanti konsolari u l-membri tal-familji tagħhom, kif imsemmi fl-Artikolu 19(2) tar-Regolament (KE) Nru 562/2006 tal-Parlament Ewropew u tal-Kunsill li jistabbilixxi Kodiċi Komunitarju dwar ir-regoli li jirregolaw il-moviment ta' persuni minn naħa għal oħra tal-fruntiera (Kodiċi tal-Fruntieri ta' Schengen) (ĠU C 247, 13.10.2006, p. 85; ĠU C 153, 6.7.2007, p. 15; ĠU C 64, 19.3.2009, p. 18; ĠU C 239, 6.10.2009, p. 7; ĠU C 304, 10.11.2010, p. 6; ĠU C 273, 16.9.2011, p. 11)	3

2011/C 357/04	Informazzjoni kkomunikata mill-Istati Membri dwar l-għeluq tas-sajd	11

	V Avviżi
	PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI
	Il-Kummissjoni Ewropea
2011/C 357/05	Notifika minn qabel ta' konċentrazzjoni (Każ COMP/M.6421 – Daimler/Europcar/car2go Europe JV) – Każ li jista' jiġi kkunsidrat għal proċedura simplifikata ( 1 )	12


	(1) Test b’relevanza għaż-ŻEE