25.10.2011   

MT

Il-Ġurnal Uffiċjali tal-Unjoni Ewropea

C 312/1

(1)

Fil-kuntest ta’ xejriet globali li dejjem qed jintensifikaw bħall-urbanizzazzjoni, l-iżvilupp sostanzjali ta’ żoni urbani Ewropej hija kwistjoni serja għas-soċjetà. Qed jitbassar illi sal-2050 kważi 70 % tal-popolazzjoni globali ser tkun toqgħod fi bliet, żieda mill-madwar 50 % ta’ bħalissa (1). Iċ-ċifra għall-Ewropa hija ogħla: huwa mistenni li madwar 83 % tal-popolazzjoni (madwar 557 miljun) ser joqgħodu fi bliet sal-2050.

(2)

L-urbanizzazzjoni tinvolvi firxa wiesgħa ta’ sfidi marbutin ma’ xulxin, inkluż tiċħid u segregazzjoni soċjali, espansjoni urbana u konġestjoni, kwistjonijiet ta’ sikurezza u sigurtà, degradazzjoni ambjentali, tniġġis u effetti tat-tibdil fil-klima. Dawn l-iżviluppi jagħmlu pressjoni fuq is-soċjetà u joħolqu sfida eċċezzjonali għar-reżiljenza, il-ġestjoni u l-governanza ta’ sistemi urbani fl-Ewropa u fid-dinja.

(3)

Fl-istess waqt, l-Ewropa għandha tisfrutta l-vantaġġi ta’ spazju urbanizzat. Iż-żoni urbani huma l-muturi għat-tkabbir fl-ekonomija Ewropea. Agglomerazzjonijiet urbani u bliet b’netwerks ġabu l-iżvilupp ’il quddiem, mhux biss minn perspettiva soċjo-ekonomika, iżda wkoll minn perspettivi teknoloġiċi u ġeopolitiċi. Il-bliet huma “ċentri ta’ innovazzjoni” huma stess, fejn l-għarfien, il-politika u l-prassi jingħaqdu flimkien biex joħolqu ideat innovattivi, jimpjegaw teknoloġija ġdida u jibbenefikaw minn għarfien ġdid dwar il-muturi għall-iżvilupp urban, kif ukoll dwar l-isfidi u s-soluzzjonijiet għall-kisba tiegħu. Qiegħda wkoll tiżdied dejjem iżjed l-evidenza li n-netwerks ta’ ċentri urbani ewlenin, ta’ sikwit imsejħa “bliet globali”, jeżerċitaw dejjem aktar effett fuq l-iskala internazzjonali, filwaqt li fl-istess ħin trid tingħaraf l-importanza ta’ bliet żgħar u ta’ daqs medju minħabba l-impatt tagħhom, notevolment f’termini ta’ żvilupp reġjonali. L-Ewropa hija kkaraterizzata minn densità urbana għolja u minn għadd kbir ta’ bliet żgħar u ta’ daqs medju, li l-assi tagħhom għandhom jitqiesu minn perspettiva ekonomika, soċjali u kulturali.

(4)

L-istrateġija Ewropa 2020 tippreżenta tliet prijoritajiet reċiproċi, it-tkabbir intelliġenti, sostenibbli u inklużiv (2). Żvilupp urban sostenibbli jista’ jikkontribwixxi b’mod sinifikanti għal kisba ta’ dawn l-għanijiet. Fl-inizjattiva ewlenija “Unjoni tal-Innovazzjoni” stipulata fil-Komunikazzjoni mill-Kummissjoni tas-6 ta’ Ottubru 2010“Inizjattiva Ewlenija Ewropa 2020 Unjoni tal-Innovazzjoni” (3), waħda mis-Sħubijiet ta’ Innovazzjoni potenzjali hija “bliet intelliġenti u abitabbli li jgħaqqdu flimkien l-effiċjenza fl-enerġija, it-trasport nadif u l-Internet veloċi”. Il-bliet jistgħu jikkontribwixxu għal tkabbir inklużiv, notevolment fil-ġlieda kontra l-polarizzazzjoni soċjali u l-faqar, waqt li tiġi evitata s-segregazzjoni soċjali u jiġu indirizzati kwistjonijiet dwar it-tixjiħ demografiku. Il-Pjattaforma Ewropea kontra l-Faqar u l-Esklużjoni Soċjali (4) għandha l-għan li tilħaq il-mira tal-UE biex jitnaqqsu l-faqar u l-esklużjoni soċjali b’mill-anqas 20 miljun sal-2020. Ser tgħin biex tidentifika l-aqwa prassi u tippromwovi tagħlim reċiproku bejn il-muniċipalitajiet.

(5)

Hemm bżonn urġenti li tissaħħaħ il-bażi tal-għarfien dwar l-iżvilupp urban integrat permezz tal-interfaċji tar-riċerka tagħha tal-ekonomija, is-soċjetà, il-mobbiltà u l-ekoloġija, sabiex tappoġġa t-tfassil ta’ politika bbażata fuq l-evidenza.

(6)

Teħtieġ koordinazzjoni biex jiġu indirizzati l-isfidi msemmija hawn fuq, biex jittieħed vantaġġ tal-opportunitajiet u biex tiġi ffaċilitata kollaborazzjoni fir-riċerka ta’ kwalità għolja bil-għan li tipprovdi evidenza ta’ riċerka li tkun il-bażi ta’ żoni urbani bħala sistema kumplessa ta’ netwerks b’interdipendenzi għoljin tas-sistemi sekondarji ekonomiċi, teknoloġiċi, soċjali u ekoloġiċi relatati u b’perspettiva li tħares ’il quddiem fuq medda twila ta’ żmien.

(7)

Fil-laqgħa tiegħu tas-26 ta’ Mejju 2010 (5), il-Kunsill għall-Kompetittività identifika u ssostanzja sett ta’ inizjattivi potenzjali għall-ipprogrammar konġunt (minn hawn ’il quddiem JPIs), fosthom dik imsejħa “Ewropa Urbana – Sfidi Globali Urbani, Soluzzjonijiet Ewropej Konġunti (Urban Europe — Global Urban Challenges, Joint European Solutions)”, bħala oqsma li fihom l-ipprogrammar konġunt fil-qasam tar-riċerka jagħti valur miżjud ewlieni lill-isforzi fframmentati attwali tal-Istati Membri u lill-inizjattivi eżistenti tal-Unjoni. Għalhekk, dan il-Kunsill adotta konklużjonijiet li fihom għaraf il-ħtieġa li titnieda inizjattiva għall-ipprogrammar konġunt marbuta ma’ dan is-suġġett u li fihom stieden lill-Kummissjoni tagħti kontribut fit-tħejjija ta’ din l-inizjattiva.

(8)

L-Istati Membri kkonfermaw li huma se jieħdu sehem fit-tali JPI billi bagħtu ittri formali ta’ impenn.

(9)

L-ipprogrammar konġunt fil-qasam tar-riċerka dwar żvilupp urban sostenibbli se jipprovdi għall-koordinazzjoni tar-riċerka u l-innovazzjoni f’dan il-qasam, u se jagħti kontribut sinifikanti għall-bini ta’ Żona Ewropea tar-Riċerka li taħdem b’mod sħiħ għar-riċerka u l-innovazzjoni dwar l-iżvilupp urban, u se jsaħħaħ ir-rwol ta’ tmexxija u l-kompetittività tal-Ewropa fir-riċerka f’dan il-qasam.

(10)

L-iżvilupp urban huma qasam importanti b’perspettiva intertematika fi ħdan il-programmi ta’ finanzjament għar-riċerka u l-innovazzjoni tal-Unjoni. Jeħtieġ li l-attivitajiet fi ħdan din il-JPI jiġu kkoordinati mill-qrib mal-attivitajiet relatati l-oħrajn fil-kuntest ta’ programmi ta’ finanzjament u inizjattivi eżistenti u futuri dwar ir-riċerka u l-innovazzjoni.

(11)

Għaldaqstant, u sabiex jinkisbu l-għanijiet stipulati b’din ir-Rakkomandazzjoni, l-Istati Membri għandhom jikkooperaw mal-Kummissjoni sabiex jiżguraw koordinazzjoni u żvilupp ta’ sinerġiji mal-iskemi eżistenti ta’ riċerka u innovazzjoni billi jiġu esplorati l-inizjattivi tal-Kummissjoni relatati bħall-Bliet Intelliġenti u l-Inizjattiva tal-Komunitajiet kif ukoll inizjattivi oħrajn relatati, sabiex jiġu evitati d-duplikazzjoni u r-repetizzjoni.

(12)

Sabiex il-Kummissjoni tkun tista’ tirrapporta lill-Parlament Ewropew u lill-Kunsill, l-Istati Membri għandhom jirrapportaw regolarment lill-Kummissjoni dwar il-progress li jkun sar f’din il-JPI,

1.

L-Istati Membri huma mħeġġa jiżviluppaw u jżommu viżjoni komuni dwar kif il-kooperazzjoni u l-koordinazzjoni fil-qasam tar-riċerka fil-livell tal-Unjoni jistgħu jikkontribwixxu għal kisba ta’ żvilupp urban sostenibbli fil-forom kollha tiegħu (6).

2.

L-Istati Membri huma mħeġġa jiżviluppaw aġenda strateġika komuni tar-riċerka li tistabbilixxi l-bżonnijiet u l-għanijiet fil-perjodu taż-żmien medju u fit-tul tar-riċerka fil-qasam tal-iżvilupp urban f’kuntest ta’ globalizzazzjoni li qiegħda tiżdied. L-aġenda strateġika tar-riċerka għandha tinkludi pjan ta’ implimentazzjoni li jistabbilixxi l-prijoritajiet u l-iskedi ta’ żmien u li jispeċifika l-azzjonijiet, l-istrumenti u r-riżorsi meħtieġa għall-implimentazzjoni tiegħu.

3.

L-Istati Membri huma mħeġġa jinkludu l-azzjonijiet li ġejjin bħala parti mill-aġenda strateġika tar-riċerka u fil-pjan ta’ implimentazzjoni:

4.

L-Istati Membri huma mħeġġa jistabbilixxu u jkomplu jiżviluppaw struttura effiċjenti ta’ ġestjoni komuni fil-qasam tar-riċerka dwar l-isfidi tal-iżvilupp urban, li jkollha s-setgħa tistabbilixxi kundizzjonijiet, regoli u proċeduri komuni għall-kooperazzjoni u l-koordinazzjoni u li jkollha s-setgħa tissorvelja l-implimentazzjoni tal-aġenda strateġika tar-riċerka.

5.

L-Istati Membri huma mħeġġa jimplimentaw l-aġenda strateġika tar-riċerka b’mod konġunt permezz tal-programmi nazzjonali tar-riċerka tagħhom skont il-linji gwida tal-Kundizzjonijiet ta’ Qafas fl-Ipprogrammar Konġunt żviluppati mill-Grupp ta’ Livell Għoli dwar l-Ipprogrammar Konġunt tal-Kunsill (7).

6.

L-Istati Membri huma mħeġġa jikkooperaw mal-Kummissjoni bil-għan li jesploraw inizjattivi tal-Kummissjoni relatati sabiex jgħinu lill-Istati Membri jiżviluppaw u jimplimentaw l-aġenda strateġika tar-riċerka u sabiex jikkoordinaw il-JPI ma’ inizjattivi oħra tal-Unjoni f’dan il-qasam, bħar-riċerka u l-iżvilupp appoġġati minn programmi ta’ finanzjament għar-riċerka u l-innovazzjoni, notevolment fl-oqsma tax-xjenzi soċjo-ekonomiċi u umanistiċi, it-trasport, l-enerġija, l-ambjent, it-Teknoloġiji tal-Informazzjoni u tal-Komunikazzjoni (ICT), is-sigurtà, is-saħħa, kif ukoll inizjattivi oħrajn ta’ riċerka u innovazzjoni bħal JPIs oħra relatati, il-Komunitajiet tal-Għarfien u l-Innovazzjoni tal-Istitut Ewropew tal-Innovazzjoni u t-Teknoloġija (EIT) u l-Pjattaformi Ewropej għat-Teknoloġija.

7.

L-Istati Membri huma mħeġġa jikkollaboraw mill-qrib mal-Forum Strateġiku għall-Kooperazzjoni Xjentifika u Teknoloġika Internazzjonali (“Strategic Forum for International Science and Technology” — SFIC) (8), fl-iżvilupp u l-implimentazzjoni ta’ dimensjoni internazzjonali possibbli fl-aġenda strateġika tar-riċerka u jiżguraw koerenza ma’ inizjattivi tal-SFIC ma’ u lejn pajjiżi terzi.

8.

L-Istati Membri huma mħeġġa jirrapportaw b’mod regolari lill-Kummissjoni dwar il-progress li jkun qed isir f’din il-JPI permezz ta’ rapporti annwali dwar il-progress.

25.10.2011   

MT

Il-Ġurnal Uffiċjali tal-Unjoni Ewropea

C 312/4

25.10.2011   

MT

Il-Ġurnal Uffiċjali tal-Unjoni Ewropea

C 312/5

—

L-inklużjoni ta' aġenzija ta' superviżjoni fil-lista ma tagħtix garanzija awtomatika li ċ-ċertifikati li toħroġ huma aċċettabbli. Jistgħu jkunu meħtieġa aktar dokumenti bħala prova. Jista' jiġri wkoll li, maż-żmien, jirriżulta li ċ-ċertifikati maħruġa ma jkunux korretti.

—

L-aġenziji jistgħu jitneħħew mil-lista fi kwalunkwe waqt. Qabel ma jibdew xogħol ma' aġenzija partikolari, l-esportaturi jingħataw parir li jiċċekkjaw mal-awtoritajiet nazzjonali (ara l-Anness XIII għar-Regolament (KE) Nru 612/2009) li dik l-aġenzija tkun għadha approvata.

—

L-esportaturi jistgħu jiksbu aktar tagħrif mill-awtorità nazzjonali dwar kwalunkwe aġenzija li tkun approvata.

25.10.2011   

MT

Il-Ġurnal Uffiċjali tal-Unjoni Ewropea

C 312/9

25.10.2011   

MT

Il-Ġurnal Uffiċjali tal-Unjoni Ewropea

C 312/10

1.

L-istituzzjonijiet akkademiċi huma mistiedna jesprimu l-interess tagħhom li jiġu inklużi f’Roster ta’ organizzazzjonijiet li se jkunu involuti fil-Kumitat Konsultattiv CARIFORUM-KE (minn issa ’l quddiem imsejjaħ il-“Kumitat”). L-inklużjoni fir-Roster hija miftuħa għall-istituzzjonijiet akkademiċi kollha, inklużi l-istituzzjonijiet tar-riċerka indipendenti, li jissodisfaw il-ħtiġijiet stabbiliti fid-Deċiżjoni tal-Kunsill tas-16 ta’ Novembru 2009 (fl-appendiċi).

2.

Biex jirreġistraw fir-Roster, l-istituzzjonijiet akkademiċi jridu jipprovdu informazzjoni dwar kif jissodisfaw dawn il-ħtiġijiet, b’mod speċjali rigward il-post li jinsabu fih u l-kompetenzi tagħhom.

3.

L-istituzzjonijiet akkademiċi li jesprimu l-interess tagħhom li jiġu inklużi fir-Roster għandhom jindikaw ukoll jekk wieħed mir-rappreżentanti tagħhom huwiex interessat li jservi bħala membru permanenti tal-Kumitat. F’dan il-każ, huma jkollhom jipprovdu informazzjoni dwar il-kompetenzi tal-persuna li qed tiġi proposta fl-oqsma koperti mill-Ftehim, kif ukoll Curriculum Vitae dettaljat. Din l-informazzjoni ser tkun disponibbli għall-istituzzjonijiet akkademiċi kollha li jkunu rreġistraw fir-Roster. L-istituzzjonijiet akkademiċi inklużi fir-Roster imbagħad jintalbu japprovaw il-kandidatura ta’ żewġ membri permanenti tal-Kumitat minn fost dawk li jkunu wrew interess. L-ispejjeż tal-ivvjaġġar u l-indennizz ta’ kuljum marbuta mal-parteċipazzjoni tal-membri permanenti fil-laqgħa tal-Kumitat Konsultattiv jiġu koperti.

4.

L-istituzzjonijiet akkademiċi inklużi fir-Roster ser jinżammu infurmati dwar l-attivitajiet tal-Kumitat mis-segretarjat tal-Kumitat u ser ikunu jistgħu jieħdu sehem bħala osservaturi fil-ħidma tal-Kumitat billi jħallsu huma stess. L-arranġamenti għall-parteċipazzjoni ser jitniżżlu fir-Regoli ta’ Proċedura tal-Kumitat.

5.

L-applikazzjonijiet kollha għar-reġistrazzjoni għandhom isiru permezz tal-formola tar-reġistrazzjoni li tinsab fis-sit tal-internet http://spportal/cariforum-eu u għandhom jaslu mhux iżjed tard mis-7 p.m. (ħin ta’ Brussell) tal-1 ta’ Diċembru 2011.

6.

L-irċevuta tar-reġistrazzjoni fir-Roster tintbagħat bil-posta elettronika.

25.10.2011   

MT

Il-Ġurnal Uffiċjali tal-Unjoni Ewropea

C 312/11

1.

L-organizzazzjonijiet nongovernattivi, inklużi l-organizzazzjonijiet tal-iżvilupp u l-ambjent, huma mistiedna jesprimu l-interess tagħhom li jiġu inklużi f’Roster ta’ organizzazzjonijiet li se jkunu involuti fil-Kumitat Konsultattiv CARIFORUM-KE (minn issa ’l quddiem imsejjaħ il-“Kumitat”). L-inklużjoni fir-Roster hija miftuħa għall-organizzazzjonijiet kollha li jissodisfaw il-ħtiġijiet stabbiliti fid-Deċiżjoni tal-Kunsill tas-16 ta’ Novembru 2009 (fl-appendiċi).

2.

Biex jirreġistraw fir-Roster, l-organizzazzjonijiet iridu jipprovdu informazzjoni rigward il-post li jinsabu fih, il-kompetenzi tagħhom u l-parteċipazzjoni tal-partijiet interessati li huma jirrappreżentaw.

3.

L-organizzazzjonijiet li jesprimu l-interess tagħhom li jiġu inklużi fir-Roster għandhom jindikaw ukoll jekk wieħed mir-rappreżentanti tagħhom huwiex interessat li jservi bħala membru permanenti tal-Kumitat. F’dan il-każ huma jkollhom jipprovdu informazzjoni dwar il-kompetenzi tal-persuna li qed tiġi proposta fl-oqsma koperti mill-Ftehim, kif ukoll curriculum vitae dettaljat. Din l-informazzjoni ser tkun disponibbli għall-organizzazzjonijiet kollha li jkunu rreġistraw fir-Roster. L-organizzazzjonijiet inklużi fir-Roster imbagħad jintalbu japprovaw il-kandidatura ta’ mhux aktar minn żewġ membri permanenti tal-Kumitat minn fost dawk li jkunu wrew interess. L-ispejjeż tal-ivvjaġġar u l-indennizz ta’ kuljum marbuta mal-parteċipazzjoni tal-membri permanenti fil-laqgħa tal-Kumitat Konsultattiv jiġu koperti.

4.

L-organizzazzjonijiet inklużi fir-Roster ser jinżammu infurmati dwar l-attività tal-Kumitat mis-segretarjat tal-Kumitat u ser ikunu jistgħu jieħdu sehem bħala osservaturi fil-ħidma tal-Kumitat billi jħallsu huma stess. L-arranġamenti għall-parteċipazzjoni ser jitniżżlu fir-Regoli ta’ Proċedura tal-Kumitat.

5.

L-applikazzjonijiet kollha għar-reġistrazzjoni għandhom isiru permezz tal-formola tar-reġistrazzjoni li tinsab fis-sit tal-internet http://spportal/cariforum-eu u għandhom jaslu mhux iżjed tard mis-7 p.m. (ħin ta’ Brussell) tal-1 ta’ Diċembru 2011.

6.

L-irċevuta tar-reġistrazzjoni fir-Roster tintbagħat bil-posta elettronika.

25.10.2011   

MT

Il-Ġurnal Uffiċjali tal-Unjoni Ewropea

C 312/12

1.

Fis-17 ta’ Ottubru 2011, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru. 139/2004 (1) li permezz tagħha l-impriża Philips Electronics N.V. (“Philips”, l-Olanda) takkwista fi ħdan it-tifsira tal-Artikolu 3(1)(b) tar-Regolament dwar l-Għaqdiet, il-kontroll tal-impriżi kollha Industrias Derivadas del Aluminio, SA (“Indal”, Spanja) permezz ta’ xiri ta’ ishma

2.

L-attivitajiet kummerċjali tal-impriżi kkonċernati huma:

3.

Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madanakollu, id-deċiżjoni finali dwar dan il-punt hija riżervata.

4.

Il-Kummissjoni tistieden lill-partijiet terzi interessati biex jibagħtu kwalunkwe kumment li jista’ jkollhom dwar l-operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.6357 – Koninklijke Philips/Indal Group, fl-indirizz li ġej: