IR-RENDIKONTI FINANZJARJI GĦAS-SENA LI NTEMMET FIL-31 TA’ DIĊEMBRU 2010

WERREJ

IL-KONTIJIET ANNWALI

Rapport tal-Awditur Indipendenti

Il-karta tal-bilanċ fil-31 ta’ Diċembru 2010

Il-kont tar-riżultat ekonomiku għas-sena li ntemmet fil-31 ta’ Diċembru 2010

Ir-rendikont tal-likwidità għas-sena li ntemmet fil-31 ta’ Diċembru 2010

Ir-rendikont tal-bidliet fl-ekwità għas-sena li ntemmet fil-31 ta’ Diċembru 2010

Il-politiki tal-kontabilità u n-noti dwar ir-rendikonti finanzjarji

1.

Ġenerali

2.	Il-politiki tal-kontabilità sinifikanti u preżentazzjoni tar-rendikonti finanzjarji

3.	Noti dwar il-karta tal-bilanċ

4.	Noti dwar il-kont tar-riżultat ekonomiku

5.	Ammonti li ma ġewx imdaħħla fil-karta tal-bilanċ

L-informazzjoni dwar il-baġit għas-sena finanzjarja 2010

IR-Rapport ta' assigurazzjoni indipendenti

Rapport tal-Awditur Indipendenti

Lill-Maniġment tal-

Qorti Ewropea tal-Awdituri

Aħna vverifikajna r-rendikonti finanzjarji hawn annessi tal-Qorti Ewropea tal-Awdituri, li jinkludu l-karta tal-bilanċ fil-31 ta’ Diċembru 2010, il-kont tar-riżultat ekonomiku, ir-rendikont tal-bidliet fl-ekwità u r-rendikont tal-likwidità għas-sena li ntemmet dakinhar u sommarju tal-politiki tal-kontabilità prinċipali u noti oħrajn ta’ spjegazzjoni, u li jibdew fil-paġna 4 u jispiċċaw fil-paġna 15.

Ir-responsabbiltà tal-maniġment għar-rendikonti finanzjarji

Il-Maniġment huwa responsabbli għall-preparazzjoni u l-preżentazzjoni ġusta ta’ dawn ir-rendikonti finanzjarji, skont ir-Regolament tal-Kunsill (KE, Euratom) Nru 1605/2002 tal-25 ta’ Ġunju 2002, ir-Regolament tal-Kummissjoni (KE, Euratom) Nru 2342/2002 tat-23 ta’ Diċembru 2002 li jippreskrivi regoli ddettaljati għall-implimentazzjoni tar-Regolament tal-Kunsill imsemmi u r-Regoli tal-Kontabilità tal-Unjoni Ewropea, u għal dak il-kontroll intern li l-Maniġment iqis meħtieġ biex tkun tista' ssir il-preparazzjoni ta’ rendikonti finanzjarji li huma ħielsa minn dikjarazzjoni żbaljata materjali, kemm jekk minħabba frodi jew inkella żball.

Ir-responsabbiltà tar-“Réviseur d'entreprises agréé”

Ir-responsabbiltà tagħna hi li nesprimu opinjoni dwar dawn ir-rendikonti finanzjarji abbażi tal-verifika tagħna. Aħna wettaqna l-verifika tagħna skont Standards Internazzjonali tal-Verifika kif adottati għal-Lussemburgu mill-“Commission de surveillance du secteur financier”. Dawk l-istandards jitolbu illi aħna nikkonformaw mar-rekwiżiti tal-etika u li nippjanaw u nwettqu l-verifika biex niksbu assigurazzjoni raġonevoli dwar jekk ir-rendikonti finanzjarji humiex ħielsa minn dikjarazzjoni żbaljata materjali.

Verifika tinvolvi t-twettiq ta’ proċeduri sabiex tinkiseb evidenza tal-verifika dwar l-ammonti u l-iżvelar fir-rendikonti finanzjarji. Il-proċeduri magħżula jiddependu fuq l-evalwazzjoni tar-“Réviseur d'entreprises agréé”, inkluża l-valutazzjoni tar-riskji ta’ dikjarazzjoni żbaljata materjali fir-rendikonti finanzjarji, kemm jekk minħabba frodi jew inkella żball. Meta jagħmel dawk il-valutazzjonijiet tar-riskju, ir-“Réviseur d'entreprises agréé” jikkunsidra l-kontroll intern relevanti għall-preparazzjoni u l-preżentazzjoni ġusta tar-rendikonti finanzjarji sabiex ifassal proċeduri tal-verifika li jkunu xierqa fiċ-ċirkostanzi, iżda mhux bl-iskop li jesprimi opinjoni dwar l-effettività tal-kontroll intern tal-entità. Verifika tinkludi wkoll evalwazzjoni tal-adegwatezza tal-politiki ta’ kontabilità użati u r-raġonevolezza tal-estimi tal-kontabilità magħmula mill-Maniġment, u kif ukoll evalwazzjoni tal-preżentazzjoni ġenerali tar-rendikonti finanzjarji.

Aħna nemmnu illi l-evidenza tal-verifika li aħna ksibna hija biżżejjed u xierqa sabiex tipprovdi bażi għall-opinjoni tal-verifika tagħna.

Opinjoni

Fl-opinjoni tagħna, ir-rendikonti finanzjarji jagħtu stampa reali u ġusta tal-pożizzjoni finanzjarja tal-Qorti Ewropea tal-Awdituri fil-31 ta’ Diċembru 2010, u l-likwidità tagħha għas-sena li ntemmet dakinhar, skont ir-Regolament tal-Kunsill (KE, Euratom) Nru 1605/2002 tal-25 ta’ Ġunju 2002, ir-Regolament tal-Kummissjoni (KE, Euratom) Nru 2342/2002 tat-23 ta’ Diċembru 2002 li jippreskrivi regoli ddettaljati għall-implimentazzjoni tar-Regolament tal-Kunsill imsemmi, u r-Regoli tal-Kontabilità tal-Unjoni Ewropea.

Il-karta tal-bilanċ fil-31 ta’ Diċembru 2010

(EUR)
Attivi	Nota	il-31 ta' Diċembru 2010	il-31 ta' Diċembru 2009
Attivi fissi mhux tanġibbli	3.1.	479 144	401 216
Attivi fissi tanġibbli	3.2.	37 919 629	36 554 342
Riċevibbli ta' skadenza twila		25	525
Total attivi mhux kurrenti		38 398 798	36 956 083
Riċevibbli ta' skadenza qasira	3.3.	531 239	965 208
Likwidità u ekwivalenti likwidi	3.4.	55 267 786	1 527 466
Total attivi kurrenti		55 799 025	2 492 674
Total attivi		94 197 823	39 448 757

(EUR)
Passivi	Nota	il-31 ta' Diċembru 2010	il-31 ta' Diċembru 2009
Bilanċ kontra akkumulat		–24 068 815	–22 012 092
Riżultat ekonomiku tas-sena - qligħ+/telf-		57 113 695	–2 056 723
Kapital		33 044 880	–24 068 815
Benefiċċji tal-impjegati	3.5.	53 317 385	56 663 864
Passivi oħrajn ta' skadenza twila	3.6.	175 000	175 000
Total tal-passivi mhux kurrenti		53 492 385	56 838 864
Proviżjonijiet għal riskji u spejjeż	3.7.	—	650 000
Kontijiet pagabbli	3.8.	7 660 558	6 028 708
Total tal-passivi kurrenti		7 660 558	6 678 708
Total tal-passivi		94 197 823	39 448 757

In-noti li jakkumpanjaw fil-paġni 8 sa 15 jiffurmaw parti integrali minn dawn ir-rendikonti finanzjarji.

Il-kont tar-riżultat ekonomiku għas-sena li ntemmet fil-31 ta’ Diċembru 2010

(EUR)
	Nota	2010	2009
Fondi trasferiti mill-Kummissjoni lil istituzzjonijiet oħrajn	4.1.	164 602 733	104 484 524
Dħul minn operazzjonijiet amministrattivi	4.2.	18 583 069	18 622 118
Dħul operazzjonali ieħor	4.3.	14 279	164 861
Total dħul operazzjonali		183 200 081	123 271 503
Spejjeż tal-persunal	4.5.	– 100 326 863	–92 264 980
Spejjeż marbuta mal-attivi fissi	3.1. - 3.2. & 4.6.	–3 005 731	–3 393 154
Spejjeż amministrattivi oħrajn	4.7.	–23 109 833	–22 890 737
Spejjeż operazzjonali		–29 665	– 102 110
Total spejjeż operazzjonali		– 126 472 092	– 118 650 981
Bilanċ favur/(kontra) minn attivitajiet operazzjonali		56 727 989	4 620 522
Dħul finanzjarju	4.8.	53 017	59 266
Spejjeż finanzjarji	4.9.	–15 044	–15 125
Ċaqliq fil-pensjonijiet (- spejjeż, + dħul)	3.5. & 4.10.	347 733	–6 721 386
Bilanċ favur/(kontra) minn attivitajiet mhux operazzjonali		385 706	–6 677 245
Riżultat ekonomiku tas-sena		57 113 695	–2 056 723

In-noti li jakkumpanjaw fil-paġni 8 sa 15 jiffurmaw parti integrali minn dawn ir-rendikonti finanzjarji.

Ir-rendikont tal-likwidità għas-sena li ntemmet fil-31 ta’ Diċembru 2010

(EUR)
	2010	2009
Riżultat ekonomiku tas-sena	57 113 695	–2 056 723
Attivitajiet operazzjonali - Aġġustamenti
Amortizzament (attivi fissi mhux tanġibbli)	215 031	184 798
Deprezzament (attivi fissi tanġibbli)	2 780 834	3 206 079
Żieda/(tnaqqis) fil-Proviżjonijiet għar-riskju u l-ispejjeż	– 650 000	650 000
Żieda/(tnaqqis) fit-Tnaqqis tal-Valur għad-debitu dubjuż	—	–1 790
(Żieda)/tnaqqis fir-Riċevibbli ta' skadenza twila	500	—
(Żieda)/tnaqqis fir-Riċevibbli ta' skadenza qasira	441 676	492 568
(Żieda)/tnaqqis fir-Riċevibbli tal-entitajiet tal-UE	–7 707	– 205
Żieda/(tnaqqis) f'Passivi Oħrajn ta' skadenza twila	—	—
Żieda/(tnaqqis) fil-Kontijiet pagabbli	1 616 394	–1 629 818
Żieda/(tnaqqis) fil-Passivi relatati mal-entitajiet tal-UE	15 456	–88 476
Likwidità netta minn attivitajiet operazzjonali	61 525 879	756 433
Likwidità minn attivitajiet ta' investiment
Xiri ta' attivi fissi tanġibbli u mhux tanġibbli (-)	–4 448 946	–4 850 333
Dħul minn attivi fissi tanġibbli u mhux tanġibbli (+)	—	—
(Qligħ)/telf mill-bejgħ ta' Proprjetà, impjanti u tagħmir	9 866	2 275
Likwidità netta minn attivitajiet ta' investiment	–4 439 080	–4 848 058
Żieda/(tnaqqis) fil-Benefiċċji tal-impjegat	–3 346 479	4 130 466
Żieda/(tnaqqis) nett fil-likwidità u fl-ekwivalenti likwidi	53 740 320	38 841
Likwidità u ekwivalenti likwidi fil-bidu tal-perjodu	1 527 466	1 488 625
Likwidità u ekwivalenti likwidi fl-aħħar tal-perjodu	55 267 786	1 527 466

In-noti li jakkumpanjaw fil-paġni 8 sa 15 jiffurmaw parti integrali minn dawn ir-rendikonti finanzjarji.

Ir-rendikont tal-bidliet fl-ekwità għas-sena li ntemmet fil-31 ta’ Diċembru 2010

(EUR)
Kapital	Bilanċ kontra akkumulat	Riżultat ekonomiku tas-sena	Kapital (total)
Bilanċ fil-31 ta’ Diċembru 2009	–22 012 092	–2 056 723	–24 068 815
Allokazzjoni tar-riżultat ekonomiku tas-sena ta' qabel	–2 056 723	2 056 723	—
Riżultat ekonomiku tas-sena		57 113 695	57 113 695
Bilanċ fil-31 ta’ Diċembru 2010	–24 068 815	57 113 695	33 044 880

In-noti li jakkumpanjaw fil-paġni 8 sa 15 jiffurmaw parti integrali minn dawn ir-rendikonti finanzjarji.

Il-politiki tal-kontabilità u n-noti dwar ir-rendikonti finanzjarji

1.    Ġenerali

Il-Qorti Ewropea tal-Awdituri (minn hawn 'il quddiem “il-Qorti”) ġiet imwaqqfa bit-Trattat ta’ Brussell tat-22 ta’ Lulju 1975 u bdiet topera bħala korp tal-verifika esterna tal-Unjoni f'Ottubru 1977, bil-kwartieri ġenerali tagħha fil-Lussemburgu.

Il-Missjoni tal-Qorti Ewropea tal-Awdituri

Il-Qorti hija l-Istituzzjoni tal-UE mwaqqfa bit-Trattat sabiex twettaq il-verifika tal-finanzi tal-UE. Bħala l-awditur estern tal-UE hija tikkontribwixxi għat-titjib tal-ġestjoni finanzjarja tal-UE u taġixxi bħala l-gwardjan indipendenti tal-interessi finanzjarji taċ-ċittadini tal-Unjoni Ewropea.

Il-Qorti tagħti servizzi tal-verifika li permezz tagħhom hija tivvaluta l-ġbir u l-infiq tal-fondi tal-UE. Hija teżamina jekk l-operazzjonijiet finanzjarji ġewx irreġistrati u żvelati b'mod tajjeb, jekk twettqux u ġewx ġestiti b'mod legali u regolari sabiex jiżguraw l-ekonomija, l-effiċjenza u l-effettività. Il-Qorti tikkomunika r-riżultati tal-verifiki tagħha f'rapporti ċari, relevanti u oġġettivi. Hija tagħti wkoll l-opinjoni tagħha dwar kwistjonijiet ta’ ġestjoni finanzjarja.

Il-Qorti tippromovi l-kontabilità u t-trasparenza u tgħin lill-Parlament Ewropew u lill-Kunsill biex jissorveljaw l-implimentazzjoni tal-baġit tal-UE, b'mod partikolari matul il-proċedura ta’ kwittanza. Il-Qorti hija impenjata li tkun organizzazzjoni effiċjenti 'l quddiem nett fl-iżviluppi fil-verifika u l-amministrazzjoni pubblika.

Is-sena finanzjarja tal-Qorti tibda fl-1 ta’ Jannar u tibqa' għaddejja sal-31 ta’ Diċembru.

2.    Il-politiki tal-kontabilità sinifikanti u preżentazzjoni tar-rendikonti finanzjarji

2.1.   Il-bażi tal-preżentazzjoni

Il-kontijiet tal-Qorti huma ppreparati skont id-dispożizzjonijiet tar-Regolament tal-Kunsill (KE, Euratom) Nru 1605/2002 tal-25 ta’ Ġunju 2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej u r-Regolament tal-Kummissjoni (KE, Euratom) Nru 2342/2002 tat-23 ta’ Diċembru 2002 li jippreskrivi regoli dettaljati għall-implimentazzjoni tar-Regolament finanzjarju msemmi tal-Kunsill.

Ir-rendikonti finanzjarji huma ppreparati skont ir-Regoli tal-Kontabilità tal-Unjoni Ewropea (ir-Regoli tal-Kontabilità tal-KE), li ġew ispirati mill-Istandard Internazzjonali tal-Kontabilità għas-Settur Pubbliku (IPSAS). Dawn ir-Regoli tal-Kontabilità huma adottati mill-Uffiċjal tal-Kontabilità tal-Kummissjoni wara konsultazzjoni mal-istituzzjonijiet l-oħrajn.

2.2.   L-istimi ta’ bilanċi u tranżazzjonijiet f'muniti barranin

Tranżazzjonijiet f'muniti barranin huma mibdula f'EUR bl-użu tar-rata tal-kambju li tipprevala fid-data tat-tranżazzjoni.

Qligħ u telf minħabba f'muniti barranin li jirriżultaw mill-ħlas ta’ tranżazzjonijiet f'muniti barranin u mill-bidla b'rati tal-kambju tal-aħħar tas-sena ta’ attivi u passivi denominati f'muniti barranin jitniżżlu fil-kont tar-riżultat ekonomiku.

Il-bilanċi tal-aħħar tas-sena tal-attivi u l-passivi monetarji denominati f'muniti barranin huma mibdula f'EUR abbażi tar-rati tal-kambju li japplikaw fil-31 ta’ Diċembru.

2.3.   Attivi fissi mhux tanġibbli u tanġibbli

L-attivi fissi mhux tanġibbli u tanġibbli huma mniżżla bil-prezz storiku li minnu jiġi mnaqqas l-amortizzament/id-deprezzament u d-deterjorament. Oġġetti ta’ valur baxx anqas minn EUR 420 huma ppreżentati bħala spejjeż matul is-sena tal-akkwist. Attivi mwassla matul is-sena tal-kontabilità iżda mhux imħallsa fi tmiem is-sena huma rrappurtati li huma “fil-proċess li jinbnew”; attivi fil-proċess li jinbnew jinkludu wkoll proġetti kbar ta’ kostruzzjoni li għadhom qed jiġu proċessati fl-aħħar tas-sena.

Id-deprezzament/l-amortizzament huwa kkalkulat bil-metodu ta’ rata fissa, li jibda mix-xahar tal-akkwist u l-prezz jiġi allokat fuq stima tal-ħajja utli tagħhom, kif ġej:

Mhux tanġibbli (Liċenzji għas-softwer tal-kompjuter)	4 snin
Bini	25 sena ta' ħajja mistennija ta' użu
Impjant, makkinarju u għodod	4, 8 snin
Għamara u flotta tal-vetturi	4, 8, 10 snin
Ħardwer tal-kompjuter	4 snin
Tagħmir speċifiku għall-bini mikri	it-tul tal-kera
Armar u tagħmir ieħor	4, 6, 8 snin

Attivi fil-proċess li jinbnew ma jsirilhomx deprezzament peress li dawn l-attivi għadhom mhux disponibbli għall-użu.

Wara l-implimentazzjoni tar-Regoli tal-Kontabilità tal-KE, l-Uffiċjal tal-Kontabilità tal-Kummissjoni ta eċċezzjoni temporanja relatata mar-Regola tal-Kontabilità 6 tal-KE u n-nuqqas ta’ kapitalizzazzjoni ta’ attivi mhux tanġibbli żviluppati b'mod intern. Il-perjodu ta’ eċċezzjoni jintemm fil-31 ta’ Diċembru 2009. Konsegwentement, attivi mhux tanġibbli żviluppati b'mod intern iridu jiġu kapitalizzati mill-1 ta’ Jannar 2010 skont l-Istandard Internazzjonali tal-Kontabilità (IAS) 38 u l-IPSAS 31. L-ispiża tar-riċerka u l-ispiża tal-iżvilupp mhux kapitalizzat jiġu kkalkulati bi spejjeż medji tal-persunal.

2.4.   Il-benefiċċji tal-impjegati

Il-benefiċċji tal-impjegati jirrappreżentaw id-drittijiet futuri tal-pensjoni tal-Membri tal-Qorti skont l-Artikolu 19 tar-Regolament tal-Kunsill (KE, Euratom, KEFA) Nru 2290/77 tat-18 ta’ Ottubru 1977 li jistabbilixxi l-emolumenti tal-Membri tal-Qorti tal-Awdituri (ĠU L 268 tal-20/10/1977, p. 1), il-benefiċċji prevvisti f'din l-iskema ta’ pensjoni jiddaħħlu fil-baġit tal-Unjoni u l-Istati Membri jiggarantixxu b'mod konġunt il-ħlas tagħhom.

Il-passiv għal dawn il-pagamenti futuri tal-pensjoni huwa mdaħħal fil-kontijiet u żvelat skont ir-Regola 12 tal-Kontabilità tal-KE “Benefiċċji tal-Impjegati”. Il-metodoloġija biex jiġi kkalkolat il-passiv tieħu inkunsiderazzjoni l-karatteristiċi tal-iskema tal-pensjonijiet hekk kif spjegata fir-regola tal-kontabilità IPSAS 25.

L-IPSAS 25 tirrikjedi li l-ispiża tal-benefiċċji ta’ wara l-impjieg tiġi vvalutata fil-preżent (jiġifieri meta l-Membru jakkwista d-drittijiet tal-pensjoni tiegħu). L-impenn attwarju huwa stabbilit fuq bażi kontinwa, billi jittieħdu inkunsiderazzjoni kemm il-benefiċċji mwiegħda matul il-ħajja attiva u kif ukoll iż-żieda prevvista fis-salarji. Il-metodu ta’ stima attwarja użat biex jiġi kkalkolat il-passiv huwa “l-metodu ta’ kreditu ta’ unità proġettata”.

Il-passiv huwa mnaqqas bl-ammont stmat ta’ taxxi li jkunu se jiġu applikati fuq pagament futuri tal-pensjoni minħabba li dawn it-taxxi jerġgħu lura fil-baġit tal-UE bħala dħul.

Il-passiv tal-pensjoni huwa kkalkolat mill-ġdid kull sena fid-data tar-rappurtar. Fil-kont tar-riżultat ekonomiku, l-ispiża tal-pensjoni għas-sena tikkonsisti fil-pensjonijiet imħallsa matul is-sena u fl-aġġustament tal-passiv tal-pensjoni fl-aħħar tas-sena, it-tnejn li huma netti mit-taxxi. Qligħ u telf attwarji jitniżżlu fil-kont tar-riżultat ekonomiku.

Fir-rigward ta’ “Attivi tal-pjan” potenzjali, l-Unjoni Ewropea bħalissa m'għandha ebda attivi dedikati għall-finanzjament ta’ impenji tal-pensjonijiet.

2.5.   Il-provvvedimenti għal riskji u spejjeż

Il-provvedimenti għal riskji u spejjeż huma intenzjonati li jkopru telf jew djun li n-natura tagħhom hija definita b'mod ċar u li, fid-data tal-karta tal-bilanċ x'aktarx li jiġġarrbu jew żgur li se jiġġarrbu iżda m'hemmx ċertezza dwar l-ammont tagħhom jew dwar id-data meta se jseħħu.

2.6.   It-tniżżil tal-ispejjeż

Tranżazzjonijiet u avvenimenti jitniżżlu fir-rendikonti finanzjarji fil-perjodu li għalih huma jirrelataw. Fi tmiem il-perjodu tal-kontabilità, l-ispejjeż dovuti jitniżżlu skont l-ammont tal-oġġetti mwassla jew is-servizzi mogħtija.

Min-naħa l-oħra, xi pagamenti magħmula fis-sena preżenti għandhom x'jaqsmu ma’ perjodi sussegwenti u huma identifikati bħala spejjeż diferiti li jridu jiġu inklużi fil-perjodu(i) sussegwenti.

Il-kalkolu ta’ spejjeż dovuti u diferiti fl-aħħar tas-sena huwa magħruf bħala l-eżerċizzju tal-qtugħ li għalih ġew stabbiliti metodoloġija ddettaljata u linjigwida prattiċi.

3.    Noti dwar il-karta tal-bilanċ

3.1.   Attivi fissi mhux tanġibbli

Iċ-ċaqliq fl-attivi fissi mhux tanġibbli matul is-sena 2010 kien:

(EUR)
	Valur gross fil-kotba fl-1 ta’ Jannar 2010	Żieda	Tnaqqis	Valur gross fil-kotba fil-31 ta’ Diċembru 2010	Amortizzament akkumulat fil-31 ta’ Diċembru 2010	Valur nett fil-kotba fil-31 ta’ Diċembru 2010
Softwer tal-kompjuter	798 102	292 959	—	1 091 061	– 611 917	479 144
Total	798 102	292 959	—	1 091 061	– 611 917	479 144

Fl-2010 ma kellhom jitniżżlu l-ebda attivi fissi mhux tanġibbli li ġew żviluppati b'mod intern.

L-ammonti li ġejjin tniżżlu bħala spejjeż:

(EUR)
	2010
Spiża tar-riċerka	349 850
Spiża ta' żvilupp mhux kapitalizzat	1 985 750

Dawn iż-żewġ ammonti jagħmlu parti minn “spejjeż amministrattivi oħra” u “spejjeż tal-persunal”.

3.2.   Attivi fissi tanġibbli

Iċ-ċaqliq fl-attivi fissi tanġibbli matul is-sena 2010 kien:

(EUR)
	Valur gross fil-kotba fl-1 ta’ Jannar 2010	Żieda	Tnaqqis u klassifikazzjonijiet mill-ġdid	Valur gross fil-kotba fil-31 ta’ Diċembru 2010	Deprezzament akkumulat fil-31 ta’ Diċembru 2010	Valur nett fil-kotba fil-31 ta’ Diċembru 2010
Art	776 630	—	—	776 630	—	776 630
Bini	53 474 631	61 168	4 452 077	57 987 876	–28 275 576	29 712 300
Impjant u tagħmir	196 329	18 378	–1 887	212 820	– 133 326	79 494
Ħardwer tal-kompjuter	4 694 988	382 255	–1 048 957	4 028 286	–3 138 312	889 974
Għamara u flotta tal-vetturi	2 083 199	152 677	– 165 812	2 070 064	–1 293 963	776 101
Armar u tagħmir ieħor	1 980 516	23 242	– 125 781	1 877 977	–1 761 769	116 208
Attivi fil-proċess li jinbnew	6 502 732	3 518 267	–4 452 077	5 568 922	—	5 568 922
Total	69 709 025	4 155 987	–1 342 437	72 522 575	–34 602 946	37 919 629

“Attivi fil-proċess li jinbnew” huma attivi parzjalment imwettqa jew imwettqa imma li għadhom ma ġewx iffatturati fl-aħħar tas-sena; dan jinkludi proġetti kbar ta’ kostruzzjoni li għadhom qed jiġu proċessati fl-aħħar tas-sena. Meta jiġu aċċettati u l-fattura tkun waslet, l-attivi relatati jiġu klassifikati mill-ġdid taħt l-intestatura korretta.

Attivi fil-proċess li jinbnew jammontaw għal EUR 5 568 922 fil-31 ta’ Diċembru 2010, u jikkorrispondu ma’ kostruzzjonijiet għall-bini K3 li bdew fl-2010. Din is-sena, ix-xogħlijiet tas-saħħa u tas-sigurtà għall-bini K1 (EUR 4 452 077) ġew trasferiti mill-intestatura “Attivi fil-proċess li jinbnew” għall-intestatura “Bini”.

3.3.   Ir-riċevibbli ta' skadenza qasira

(EUR)
	il-31 ta' Diċembru 2010	il-31 ta' Diċembru 2009
Riċevibbli kurrenti prinċipalment minħabba fit-trasferiment tad-drittijiet tal-pensjoni nazzjonali mill-persunal	27 286	398 142
Riċevibbli varji prinċipalment minħabba fl-avvanzi tal-pagi u tal-missjonijiet	131 388	367 360
Spejjeż differiti għal kiri ta' bini u kuntratti tal-IT	288 122	197 446
Accruals with EU entities	74 476	0
Riċevibbli mill-entitajiet tal-UE	9 967	2 260
Total	531 239	965 208

3.4.   Il-likwidità u l-ekwivalenti tal-likwidità

(EUR)
	il-31 ta' Diċembru 2010	il-31 ta' Diċembru 2009
Likwidità għall-ispejjeż żgħar	1 000	1 000
Kont kurrenti tal-bank	3 152 174	1 526 466
Kont fiduċjarju	52 114 612	0
Total	55 267 786	1 527 466

Infetaħ kont fiduċjarju fis-27 ta’ Jannar 2010 bejn il-Qorti Ewropea tal-Awdituri u l-Banque et caisse d'epargne de l'Etat, il-Lussemburgu. Dan il-kont fiduċjarju jippermetti lill-Qorti Ewropea tal-Awdituri ġġesti l-baġit mogħti mill-awtorità tal-baġit f'dak li jirrigwarda l-proġett tal-bini K3 (ara l-punt 5.3).

Il-kont fiduċjarju jintuża mill-Qorti Ewropea tal-Awdituri biss taħt ċertu kundizzjonijiet żvelati fil-kuntratt mal-Banque et caisse d'epargne de l'Etat, il-Lussemburgu.

Il-benefiċjarju esklussiv tal-pagamenti li saru minn dan il-kont fiduċjarju huwa l-kont bankarju operazzjonali tal-konsorzju li jaġixxi bħala l-maniġer tal-proġett. Dan il-kont operazzjonali jintuża esklussivament mill-maniġer tal-proġett biex iħallas il-fatturi tal-kumpaniji tal-kostruzzjoni. It-trasferiment tal-bidu lill-kont fiduċjarju kien ta’ EUR 52 107 202,11 u ġew irċevuti EUR 7 410,25 f'imgħax.

3.5.   Il-benefiċċji tal-impjegati

Il-passiv tal-obbligi ta’ pagamenti ta’ pensjoni futuri huwa maħdum nett mit-taxxi li se jiġu rkuprati fuq il-pagamenti tal-pensjoni futuri (ara wkoll 2.4.).

(EUR)
	il-31 ta' Diċembru 2010	il-31 ta' Diċembru 2009
Ammont gross	65 315 919	68 741 798
Rata tat-taxxa (%)	18,37	17,57
Taxxi	11 998 534	12 077 934
Ammont nett mit-taxxi	53 317 385	56 663 864
Varjazzjoni tal-passiv tal-pensjonijiet netti	–3 346 479	4 130 466

Il-pjan tal-pensjoni ddedikat għall-membri huwa pjan ta’ benefiċċji stabbiliti. Il-benefiċċji stabbiliti f'dan il-kuntest huma:

—	Allowance tranżitorju (imħallas fl-aħħar tal-mandat għal tliet snin),

—	Pensjoni ta’ dawk li jirtiraw,

—	Pensjoni u allowance tal-invalidità,

—	Pensjoni tas-superstiti (imħallsa wara mewtet il-Membru kemm jekk din isseħħ waqt jew qabel ma dan jirtira).

Il-kategoriji tal-benefiċjarji, li għalihom irid jiġi kkalkolat il-passiv, huma:

—	il-membri attivi,

—	il-membri mhux attivi b'allowance tranżitorju,

—	il-membri mhux attivi wara l-perjodu ta’ tranżizzjoni (pensjoni diferita),

—	il-membri li rtiraw,

—	dawk b'diżabbiltà permanenti,

—	dawk b'diżabbiltà temporanja,

—	il-konjuġi superstiti,

—

l-orfni.

Il-kalkolu tal-passiv isir mill-Eurostat b'assistenza ta’ espert indipendenti u kwalifikat fir-rigward tal-implimentazzjoni tal-metodoloġija u tad-definizzjoni tas-suppożizzjonijiet attwarji korrispondenti.

Il-valutazzjoni tal-passiv tal-pensjoni jeħtieġ it-tħaddim ta’ varjabbli relatati ma’ aspetti ekonomiċi u demografiċi. Valuri li huma milquta minn dawn il-varjabbli jistgħu jkunu bbażati fuq informazzjoni miġbura, stmata, jew anke stabbilita arbitrarjament.

Fost is-suppożizzjonjiet attwarji prinċipali kien hemm ir-rata stmata tal-iskont nominali, 4,4 % f'Diċembru 2010, l-inflazzjoni mistennija fuq terminu ta’ żmien twil, 1,9 % f'Diċembru 2010 u ż-żieda ġenerali fis-salarji, 0 % f'Diċembru 2010. Il-valuri milquta f'Diċembru 2009 għall-istess varjabbli kienu 4,1 %, 2,3 % u 0 % rispettivament.

Il-varjazzjoni tal-passiv gross tal-pensjoni matul l-2010 hija attribwibbli l-aktar għal bidla fir-rata vera ta’ skont (2,5 % f'Diċembru 2010 u 1,8 % f'Diċembru 2009), l-evoluzzjoni tista' tiġi spjegata kif ġej:

(EUR)
	2010		2009
Passiv tal-Pensjonijiet grossi at the beginning of the financial year		68 741 798		63 730 921
Bidla fil-passiv minħabba l-impjegati l-ġodda		1 225 850		0
Bidla fil-passiv marbuta mal-karatteristiċi tal-popolazzjoni kostanti		1 001 771		3 958 178
L-ispiża tas-servizz tal-popolazzjoni “kostanti”	4 369 423		5 614 685
L-ispiża tal-interess tal-popolazzjoni “kostanti”	2 923 684		2 510 704
Pensjoni mħallsa matul is-sena	–3 520 106		–2 977 454
Qligħ u telf attwarju mill-esperjenza	–2 771 230		–1 189 757
Qligħ u telf attwarju mill-bidliet fuq is-suppożizzjonijiet		–5 653 500		1 052 699
Rata ta' mgħax	–5 653 500		3 295 980
Tabella tal-ħajja	0		0
Tkabbir ġenerali tas-salarji	0		–2 243 281
Bidliet oħrajn fuq is-suppożizzjonijiet attwarji	0		0
Qligħ u telf attwarju mill-bidliet fuq il-metodoloġija u bidliet oħrajn		0		0
Passiv tal-Pensjonijiet grossi fi tmiem is-sena finanzjarja		65 315 919		68 741 798

“Spiża tas-servizz” tirrifletti l-valur attwali tad-drittijiet addizzjonali tal-pensjoni, miksuba mill-membri attivi u li għandhom x'jaqsmu mas-servizz matul is-sena.

“Spiża tal-imgħax” hija minħabba ż-żieda fl-età tal-membri li għadhom ma rtirawx; il-membri huma akbar fl-età u d-dewmien bejn id-data tal-istima l-ġdida u d-data li fiha ħa jirċievu l-benefiċċji futuri jitnaqqas b'sena.

“Pensjoni mħallsa matul is-sena” għandha x'taqsam mal-pagamenti matul is-sena u hija dettaljata fit-taqsima 4.10.

“Qligħ u telf attwarji” jirriżultaw minn differenzi bejn dak li kien mistenni mis-suppożizzjoni għas-sena ta’ wara u dak li verament ġara matul is-sena. Iċ-ċaqliq qawwi tar-rata vera ta’ skont (=ir-rata ta’ skont nominali ta’ 4,4 % li minnha titnaqqas l-inflazzjoni mistennija ta’ 1,9 % ta’ skadenza twila) jirriżulta f'passiv aktar baxx tal-pensjoni gross fl-2010 (EUR 68 741 798 fl-2009 meta mqabbel ma’ EUR 65 315 919 fl-2010).

3.6.   Passivi oħrajn ta’ skadenza twila

L-ammont ta’ EUR 175 000 huwa dovut b'mod kuntrattwali fi tmiem il-kiri tal-bini K9.

3.7.   Provvedimenti għal riskji u spejjeż

Wara l-appell b'suċċess tal-Kummissjoni Ewropea kontra d-deċiżjoni tal-Kunsill Ewropew dwar remunerazzjonijiet tal-persunal, il-provvediment ta’ EUR 650 000 fil-31 ta’ Diċembru 2009 ntuża għall-iżborż fl-2010 li rriżulta bħala konsegwenza tas-sentenza tal-Qorti tal-Ġustizzja.

3.8.   Il-kontijiet pagabbbli

(EUR)
	il-31 ta' Diċembru 2010	il-31 ta' Diċembru 2009
Pagabbli kurrenti	784 111	548 543
Pagabbli oħrajn marbuta mal-paga u mal-persunal	469 459	425 994
Spejjeż dovuti - istituzzjonijiet mhux tal-UE	5 484 673	4 161 463
Spejjeż dovuti - istituzzjonijiet tal-UE	888 211	874 060
Kontijiet pagabbli kontra entitajiet konsolidati tal-UE prinċipalment lill-Kunsill Ewropew u lill-Parlament	34 104	18 648
Total	7 660 558	6 028 708

4.    Noti dwar il-kont tar-riżultat ekonomiku

4.1.	“Fondi trasferiti mill-Kummissjoni lil istituzzjonijiet oħrajn”: l-ammont jikkorrispondi għas-sejħiet ta’ kull xahar għal fondi magħmula mill-Qorti lill-Kummissjoni biex timla l-kont bankarju tagħha mill-ġdid. Ġie trasferit ammont ta’ EUR 55 619 892 fl-2010 għall-kostruzzjoni tal-bini K3.

4.2.	“Dħul minn operazzjonijiet amministrattivi”: fil-parti l-kbira, din l-intestatura hija magħmula minn tnaqqis mis-salarji tal-membri u tal-persunal f'dak li għandu x'jaqsam mat-taxxa u mal-kontribuzzjonijiet soċjali.

4.3.	“Dħul operazzjonali ieħor” ġej, fost l-oħrajn, minn qligħ minħabba r-rata tal-kambju.

4.4.	Ġie ġġenerat dħul minn tranżazzjonijiet ta’ kambju u dawk mhux ta’ kambju kif ġej: (EUR)   2010 Dħul minn tranżazzjonijiet ta' kambju 22 440 Dħul minn tranżazzjonijiet mhux ta' kambju 183 177 641 Total tad-dħul 183 200 081

4.5.

“Spejjeż tal-persunal” jinkludu s-salarji tal-membri, tal-persunal statutorju, tal-aġenti kuntrattwali u tal-persunal temporanju. L-allowances tranżitorji għal membri preċedenti u t-taxxi relatati mal-pensjonijiet tal-membri u l-allowances tranżitorji huma parti wkoll mill-partita “Ċaqliq fil-pensjoni” (ara 4.10)

4.6.	L-“ispejjeż marbuta mal-attivi fissi” huma magħmula mid-deprezzament/amortizzament tal-attivi tanġibbli u mhux tanġibbli.

4.7.	Il-partiti l-aktar sinifikanti tal-“ispejjeż amministrattivi oħrajn” kienu: — kiri tal-bini u spejjeż relatati, — IT u telekomunikazzjonijiet, — spejjeż ta’ missjonijiet, — servizzi ta’ tindif u ta’ sigurtà.

4.8.	“Dħul finanzjarju” jikkonsisti f'imgħax tal-bank miksub fuq il-kontijiet kurrenti tal-Qorti.

4.9.	“Spejjeż finanzjarji” huma spejjeż bankarji intaxxati fuq il-kont kurrenti tal-Qorti.

4.10.

Il-partita “Ċaqliq fil-pensjonijiet” tinkludi l-ispejjeż kollha marbuta mal-pensjonijiet tal-Membri tal-Qorti. Din tkopri l-pensjonijiet u l-allowances tranżitorji mħallsa matul is-sena kif ukoll l-aġġustament tal-aħħar tas-sena tal-passiv għall-pagamenti tal-pensjoni futuri kollha. (EUR)   2010 2009 Varjazzjoni tal-passiv tal-pensjoni netta tal-membri –3 346 479 4 130 466 Pensjoni tal-ħajja mħallsa 2 146 438 2 020 586 Pensjoni tas-superstiti mħallsa 380 799 356 249 Allowances tranżitorji mħallsa 920 878 542 642 Pensjonijiet ta' invalidità imħallsa 71 991 57 977 Subtotal tal-Pensjonijiet imħallsa matul is-sena 3 520 106 2 977 454 koeffiċjent ta’ korrezzjoni 153 662 165 722 Taxxi mnaqqsa mill-pagamenti – 675 022 – 552 256 Total tal-moviment fil-pensjonijiet – 347 733 6 721 386

5.    Ammonti li ma ġewx imdaħħla fil-karta tal-bilanċ

5.1.   Attivi kontinġenti

(EUR)
	il-31 ta' Diċembru 2010	il-31 ta' Diċembru 2009
Aġenzija tal-ivvjaġġar	50 000	100 000
Rinnovament tal-bini K1	545 951	545 951
Maniġment tal-proġett tal-bini K3	3 424 120	578 000
Kiri tal-karozzi	60 000	75 000
Kumpanija tal-assigurazzjoni	—	1 361
Telekomunikazzjoni	20 000	20 000
Total	4 100 071	1 320 312

5.2.   Impenji għall-finanzjament futur

(EUR)
	il-31 ta' Diċembru 2010	il-31 ta' Diċembru 2009
Kirja operazzjonali għal Bini	7 840 772	11 683 829
Kirja operazzjonali għal materjal tal-IT, karozzi u tagħmir ieħor	884 379	1 001 910
Subtotal	8 725 151	12 685 739
Impenji kontra approprijazzjonijiet li għadhom ma ġewx ikkunsmati – RAL (“Restant à liquider”) -, wara tnaqqis ta' dovuti għall-2010	11 439 075	56 918 665
Total	20 164 226	69 604 404

Ir-RAL huwa element ta’ kontabilità baġitarja li jirrappreżenta l-valur ta’ impenji pendenti. Din hija d-differenza bejn l-impenji li ttieħdet responsabbiltà għalihom u l-pagamenti, li hija minħabba fl-intervall taż-żmien bejn meta tittieħed responsabbiltà għal impenn u l-proċediment għall-pagament relatat.

It-tnaqqis tar-RAL meta mqabbla mas-sena l-oħra hija minħabba l-ammont użat fil-kostruzzjoni tal-bini l-ġdid tal-K3.

5.3.   Il-proġetti tal-bini tal-Qorti

Il-Qorti okkupat il-bini tal-kwartieri ġenerali tagħha (il-bini “K1”) fl-1988 u xtratu u l-art li huwa sitwat fuqha għal kollox fl-1990. Fl-1999, il-Qorti ffirmat ftehim qafas mal-Istat tal-Lussemburgu li permezz tiegħu hija ngħatat id-dritt li tuża t-tieni pakkett ta’ art għal 49 sena (li jiġġedded darba) għall-bini ta’ estensjoni (il-bini “K2”) għal pagament ta’ euro. Iżda, għat-tieni estensjoni, il-bini “K3”, minħabba arranġamenti differenti biex jitwettaq il-proġett kien hemm bżonn li l-Istat tal-Lussemburgu u l-Qorti jikkonkludu ftehim qafas ġdid fit-22 ta’ Frar 2008.

Rigward iż-żewġ biċċiet ta’ art relattivi għaż-żewġ estensjonijiet (“K2” u “K3”) imsemmija hawn fuq, l-Istat biegħ dawn lill-Qorti għal euro wieħed simboliku. Min-naħa tagħha, jekk il-Qorti qatt tikkunsidra li ċċedi bini jew ieħor lil parti terza li ma tkunx korp jew istituzzjoni Komunitarja, il-Qorti trodd lura l-art lis-sjieda tal-Istat għal euro simboliku, u dan tal-aħħar ikollu wkoll l-alternattiva li jixtri l-bini bi prezz li jkun determinat minn espert indipendenti. F'każ li l-Istat jiddeċiedi li ma jużax din l-alternattiva, huwa jagħti dritt għall-użu tal-art lix-xerrejja tal-bini.

Fil-Lussemburgu, l-użu ta’ bini għal uffiċċji huwa awtorizzat għal perjodu ta’ 15-il sena, u mbagħad irid jiġi modernizzat sabiex jikkonforma mill-ġdid mal-istandards kurrenti tas-saħħa, tas-sigurtà u tal-ambjent. Dawn ix-xogħlijiet meħtieġa tas-saħħa u tas-sigurtà twettqu fuq il-bini K1. Ix-xogħol tlesta, l-aċċettazzjoni formali u finali ġiet ikkonfermata fl-2010. Il-bini K2 daħal fis-servizz f'Novembru 2003 u għalhekk għandu awtorizzazzjoni (“autorisation d'exploitation”) valida sal-2018.

Ix-xogħlijiet għall-kostruzzjoni tal-bini K3 bdew f'Marzu 2010. It-tieni parti ta’ finanzjament ta’ EUR 11-il miljun (l-ewwel parti fl-2009 ammontat għal EUR 55 miljun) ġiet inkluża fil-baġit tal-2010. Tħallas ammont ta’ EUR 1 361 544 fl-2010 u d-differenza ta’ EUR 9 638 456 hija inkluża fir-“Restant à liquider” (ara l-punt 5.2.). Din id-differenza tkopri kuntratti mal-kumpaniji tal-kostruzzjoni, iffirmati fl-2010 jew li għandhom jiġu ffirmati fl-2011. Fil-15 ta’ Ġunju 2009, wara sejħa għall-offerti miftuħa, il-Qorti ffirmat kuntratt ta’ servizz ma’ konsorzju biex ikun il-maniġer tal-proġett għall-kostruzzjoni tal-bini K3. Fost affarijiet oħra hija r-responsabbiltà tal-maniġer tal-proġett li jakkwista u jiffirma kuntratti mal-kumpaniji tal-kostruzzjoni f'isem il-Qorti, biex jimmonitorja l-eżekuzzjoni tax-xogħlijiet u jiċċekkja l-fatturi relevanti qabel il-pagament. Ladarba l-fatturi jiġu vverifikati u awtorizzati għal pagament mis-servizzi responsabbli tal-Qorti, hija r-responsabbiltà tal-maniġer tal-proġett li jħallas lill-kumpaniji tal-kostruzzjoni. Fi ħdan il-kuntest t'hawn fuq, il-maniġer tal-proġett jidħol f'impenji finanzjarji mal-kumpaniji tal-kostruzzjoni. Biex jinħoloq kontrobilanċ, il-kuntratt bejn il-Qorti u l-maniġer tal-proġett jeħtieġ li l-Qorti jkollha fondi suffiċjenti, fi ħdan il-limiti ta’ x'hemm disponibbli fil-baġit, biex jiġu koperti r-responsabbiltajiet tal-maniġer tal-proġett lejn il-kumpaniji tal-kostruzzjoni. Biex dan jiġi żgurat, il-Qorti ffirmat kuntratt fiduċjarju ma’ bank lokali u għalhekk għandha l-fondi li tqiegħdu għad-dispożizzjoni tagħha mill-awtorità baġitarja. L-interess finanzjarju tal-Unjoni fl-istess ħin jitħares bl-użu tal-kuntratt fiduċjarju.

5.4.   Ir-responsabbiltà potenzjali għal litigazzjonijiet

L-ebda waħda.

L-Informazzjoni dwar il-baġit għas-sena finanzjarja 2010

A.   Il-kalkolu tar-riżultat tal-baġit

Ir-riżultat tal-baġit tas-sena jiġi kkalkolat abbażi taċ-ċifri tal-implimentazzjoni tal-baġit. Il-baġit 2010 ġie approvat/awtorizzat fis-17 ta’ Diċembru 2009. Ir-rapport dwar il-ġestjoni tal-baġit u dik finanzjarja għas-sena finanzjarja 2010 ġie ppubblikat f' Il-Ġurnal Uffiċjali tal-Unjoni Ewropea C 134 tal-4 ta’ Mejju 2011.

(EUR)
Pagamenti fuq approprijazzjonijiet tas-sena	– 121 673 823
Pagamenti fuq approprijazzjonijiet miġjuba 'l quddiem	–60 368 584
Pagamenti fuq approprijazzjoni relatata ma' dħul immarkat	– 320 649
Ordnijiet ta' rkupru tas-sena, imsarrfa matul is-sena	18 927 934
Ordnijiet ta' rkupru mis-snin ta' qabel, imsarrfa matul is-sena	140 989
Aġġustament fuq l-ordnijiet ta' rkupru mis-snin ta' qabel	– 288 038
Approprijazzjonijiet tal-pagament miġjuba 'l quddiem għas-sena li jmiss	–16 665 339
Approprijazzjoni miġjuba 'l quddiem mis-snin ta' qabel	61 197 589
Aġġustament relatat mad-dħul immarkat li nġab 'il quddiem	472 601
Riżultat tal-baġit	– 118 577 320

Ma kien hemm ebda suppliment jew tnaqqis bejn il-baġit oriġinali u dak finali.

B.   Ir-rikonċiljazzjoni tar-riżultat ekonomiku mar-riżultat tal-baġit

(EUR)
Il-kont tar-riżultat ekonomiku tas-sena	57 113 695
Aġġustament għal partiti inklużi fir-riżultat ekonomiku imma mhux fir-riżultat tal-baġit	– 155 962 435
Differenza bejn id-dovuti fl-aħħar tas-sena ta' qabel u fl-aħħar tas-sena kurrenti	374 703
Fondi rċevuti mill-Kummissjoni	– 164 602 734
Differenza f'fatturi mhux imħallsa fl-aħħar tas-sena	958 325
Deprezzament ta' attivi fissi mhux tanġibbli u tanġibbli	3 005 731
Differenza fil-proviżjonijiet	–3 996 479
Differenza fit-tnaqqis tal-valur	0
Ordnijiet ta' rkupru mis-sena kurrenti, li għadhom ma ġewx imsarrfa	–4 837
Pagamenti fuq approprijazzjonijiet miġjuba 'l quddiem	60 368 584
Oħrajn	–52 081 747
Differenzi tar-rati tal-kambju	16 019
Aġġustamenti għal oġġetti inklużi fir-riżultat tal-baġit imma mhux fir-riżultat ekonomiku	–19 728 580
Akkwisti tal-attivi (imħallsa matul is-sena)	–4 448 946
Ordnijiet ta' rkupru mis-snin ta' qabel, imsarrfa matul is-sena	140 989
Approprijazzjonijiet tal-pagamenti miġjuba 'l quddiem għas-sena li jmiss	–16 665 339
Kanċellazzjoni ta' approprijazzjonijiet tal-pagament mhux użati miġjuba 'l quddiem mis-sena ta' qabel	829 005
Aġġustament relatat mad-dħul immarkat li tressaq 'il quddiem	472 602
Pagamenti għall-pensjonijiet (dawn huma pagamenti baġitarji imma bbukkjati kontra l-proviżjonijiet)	0
Oħrajn	–56 891
Riżultat tal-baġit	– 118 577 320

Ir-rapport ta' assigurazzjoni indipendenti

Lill-Maniġment tal-

Qorti Ewropea tal-Awdituri

Aħna eżaminajna li r-riżorsi finanzjarji assenjati mill-Kummissjoni Ewropea lill-Qorti Ewropea tal-Awdituri (minn hawn 'il quddiem il-“Qorti”) intużaw għall-għanijiet li għalihom kienu intenzjonati u li l-proċeduri ta’ kontroll li ġew stabbiliti mill-uffiċjali ta’ awtorizzazzjoni jagħtu l-garanziji meħtieġa sabiex jiżguraw il-konformità tal-operazzjonijiet finanzjarji mar-regoli u r-regolamenti applikabbli għar-riżorsi finanzjarji disponibbli u użati għall-perjodu mill-1 ta’ Jannar 2010 sal-31 ta’ Diċembru 2010.

Iż-żamma ta’ kotba u reġistri u t-twaqqif u ż-żamma ta’ kontrolli xierqa huma r-responsabbiltà tal-Maniġment tal-Qorti. Ir-responsabbiltà tagħna hija li nesprimu l-opinjoni tagħna abbażi tal-eżami tagħna.

Aħna wettaqna l-eżami tagħna skont l-Istandard Internazzjonali dwar Ingaġġi tal-Assigurazzjoni “Assurance Engagements other than Audits or Reviews of Historical Financial Information” (Ingaġġi tal-Assigurazzjoni li ma jinkludux Verifiki jew Reviżjonijiet ta’ Informazzjoni Finanzjarja Storika) (ISAE 3000) hekk kif adottat mill-“Commission de surveillance du secteur financier”. Dan l-istandard jeħtieġ li aħna nippjanaw u nwettqu l-eżami tagħna b'tali mod li l-użu ħażin tar-riżorsi li jolqot il-kotba tal-Qorti b'mod materjali jinstab b'assigurazzjoni raġonevoli. Xogħolna kien jikkonsisti primarjament f'li neżaminaw fuq bażi ta’ testijiet u ta’ kampjuni, evidenza li ssostni l-fatt illi:

—	Ir-riżorsi assenjati lill-Qorti ntużaw għall-għanijiet li kienu intenzjonati għalihom;

—	Il-proċeduri ta’ kontroll stabbiliti jagħtu l-garanziji meħtieġa biex jiżguraw il-konformità tal-operazzjonijiet finanzjarji mar-regoli u r-regolamenti applikabbli.

Il-kriterji użati għall-eżami tagħna huma r-regoli u r-regolamenti li ġejjin:

—	Ir-Regolament tal-Kunsill (KE, Euratom) Nru 1605/2002 tal-25 ta’ Ġunju 2002 dwar ir-Regolament Finanzjarju applikabbli għall-baġit ġenerali (minn hawn 'il quddiem il-“Baġit”) tal-Komunitajiet Ewropej (minn hawn 'il quddiem ir-“Regolament Finanzjarju”);

—

Ir-Regolament tal-Kummissjoni (KE, Euratom) Nru 2342/2002 tat-23 ta’ Diċembru 2002 li jippreskrivi regoli ddettaljati għall-implimentazzjoni tar-Regolament tal-Kunsill (KE, Euratom) Nru 1605/2002 tal-25 ta’ Ġunju, 2002 fuq ir-Regolament Finanzjaru li jgħodd għall-baġit ġenerali tal-Komunitajiet Ewropej (minn hawn 'il quddiem ir- “Regoli ta’ Implimentazzjoni”);

—

Id-Deċiżjoni Nru 36/2007 tal-Qorti Ewropea tal-Awdituri dwar ir-Regoli Interni għall-implimentazzjoni tal-Baġit tagħha adottati fit-12 ta’ Lulju, u fid-19 ta’ Lulju 2007. Dawn id-dispożizzjonijiet jagħmlu parti mill-proċeduri stabbiliti mit-Trattati, jew ftehimiet magħmulin b'riżultat ta’ dan, li għandhom x'jaqsmu mal-proċess operazzjonali marbut mal-implimentazzjoni tal-Baġit.

b'mod partikolari, ir-Regoli Interni li ġejjin intużaw bħala kriterji:

—	L-Artikolu 7 — Firem — “Kull parti involuta fl-abbozzar, il-kontroll u r-reġistrazzjoni tal-operazzjonijiet biex ikun stabbilit u rkuprat dħul jew biex ammonti jkunu impenjati u jitwettqu pagamenti għandhom jiffirmaw u jiddataw l-involviment tagħhom.”

—	L-Artikolu 9 — Proġetti ta’ Bini — “Qabel ma l-Qorti tagħti l-approvazzjoni tagħha għal kwalunkwe intrapriża kuntrattwali dwar tali proġett, is-servizz responsabbli għandu jippreżenta dokument ta’ spjegazzjoni li jiġġustifika l-kompatibilità tal-proġett mal-qafas finanzjarju.”

—	L-Artikolu 16 — It-twettiq tal-pagamenti — “L-uffiċjal tal-kontabilità għandu jwettaq l-ordnijiet ta’ pagament definiti fl-Artikolu 80 tar-Regolament Finanzjarju wara li huwa jkun iċċekkja d-dettalji mandatorji deskritti fl-Artikolu 103(1) u fl-Artikolu 104 tar-Regoli ta’ Implimentazzjoni.”

—	L-Artikolu 23.1 — Trasferimenti ta’ approprjazzjonijiet — “Skont l-Artikolu 21 tar-Regolament Finanzjarju, l-approprjazzjonijiet għandhom ikunu mmirati għal skopijiet speċifiċi skont it-titolu u l-kapitolu; il-kapitoli se jerġgħu jiġu subdiviżi f'artikoli u f'partiti.”

—	L-Artikolu 23.2 — Trasferimenti ta’ approprjazzjonijiet — “It-talbiet kollha għat-trasferimenti għandhom jispjegaw għaliex l-approprjazzjonijiet huma insuffiċjenti. It-talbiet għat-trasferimenti għandhom ikunu ffirmati mid-direttur responsabbli.”

—

L-Artikolu 24 — Approprjazzjonijiet li jinġiebu 'l quddiem — “L-uffiċjal li jawtorizza responsabbli għandu jipprepara lista li turi l-bilanċ ta’ impenji disponibbli; dan il-bilanċ, għandu jkun aġġustat fil-kontijiet baġitarji billi jittieħdu inkonsiderazzjoni l-approprjazzjonijiet li għandhom jiġu annullati, u għandu juri l-approprijazzjonijiet li għandhom jinġiebu 'l quddiem.”

—	L-Artikolu 26 — Inventarji tal-proprjetà — “L-inventarju ta’ attivi tanġibbli għandu jinżamm f'database.”

—

L-Artikolu 27 — Proċeduri ta’ maniġment u ta’ kontroll intern minimi — “Il-proċeduri tal-ġestjoni u tal-kontroll intern jitħejjew mill-uffiċjali li jawtorizzaw skont l-istandards ta’ kontroll intern minimi adottati mill-Qorti. Kull operazzjoni tal-baġit hija ttrattata (…) mill-persuna responsabbli għall-verifikazzjoni ex-ante. (…) Jekk il-persuna responsabbli mill-verifikazzjoni ex-ante tistabbilixxi li l-operazzjoni msemmija tissodisfa r-rekwiżiti tal-Artikolu 47(3) tar-Regoli ta’ Implimentazzjoni, hija tivvalidaha u tiddokumenta din il-validazzjoni.”

Aħna nemmnu li l-eżami tagħna jagħti bażi raġonevoli għall-opinjoni tagħna.

Abbażi ta’ xogħolna deskritt f'dan ir-rapport, xejn ma ġibed l-attenzjoni tagħna li jġiegħlna nemmnu li fl-aspetti materjali kollha u abbażi tal-kriterji deskritti hawn fuq:

(a)	ir-riżorsi assenjati lill-Qorti ma ntużawx għall-għanijiet li kienu intenzjonati għalihom;

(b)	il-proċeduri ta’ kontroll fis-seħħ ma jagħtux il-garanziji meħtieġa biex jiżguraw il-konformità tal-operazzjonijiet finanzjarji mar-regoli u r-regolamenti applikabbli.

Ir-rapport tagħna qiegħed biss għall-għan imsemmi fl-ewwel paragrafu u għall-informazzjoni tiegħek, u m'għandux jintuża għal xi għan ieħor jew biex jitqassam lil xi partijiet oħra, ħlief għall-iskop ta’ pubblikazzjoni f'Il-Ġurnal Uffiċjali tal-Unjoni Ewropea.