27.7.2011

MT

Il-Ġurnal Uffiċjali tal-Unjoni Ewropea

CA 221/1

---

AVVIŻ TA' PROĊEDURA MIFTUĦA TA' GĦAŻLA

KOORDINATUR TAL-AVVENIMENTI

REFERENZA: EF-TA-10-01

(2011/C 221 A/01)

Il-Fondazzjoni Ewropea għat-Titjib tal-Kondizzjonijiet tal-Ħajja u tax-Xogħol (Eurofound), ibbażata f'Dublin, l-Irlanda, qed tfittex li tirrekluta Koordinatur tal-Avvenimenti.

Filwaqt li jkun jaħdem fl-Unità tal-Informazzjoni u l-Komunikazzjoni, jirrapporta lil u jikkollabora mill-qrib mal-Maniġer tal-Komunikazzjoni Esterna, il-Koordinatur tal-Avvenimenti ser ikun responsabbli mill-promozzjoni tal-Eurofound permezz tal-organizzazzjoni ta' avvenimenti li jvarjaw minn konferenzi fuq skala kbira sa seminars, workshops, esibizzjonijiet u żjarat.

Il-Koordinatur tal-Avvenimenti ser ikun responsabbli primarjament minn dawn li ġejjin:

—	L-iżvilupp strateġiku, l-implimentazzjoni u l-evalwazzjoni tal-avvenimenti ewlenin tal-Eurofound, inklużi l-Forum tal-Fondazzjoni u avvenimenti oħrajn ta' livell għoli,

—	Jagħti pariri u jikkollabora dwar l-avvenimenti kollha tal-Eurofound,

—	L-organizzazzjoni u l-evalwazzjoni ta' avvenimenti fuq skala żgħira, inklużi esibizzjonijiet u żjarat,

—	Iġestixxi timijiet żgħar għall-organizzazzjoni ta' avvenimenti,

—	Il-ġestjoni ta' kuntratti, inklużi l-proċeduri ta' sejħiet għall-offerti u l-ġestjoni ta' proġetti,

—	Kwalunkwe kompitu ieħor relatat mal-Informazzjoni u l-Komunikazzjoni skont kif meħtieġ.

Din il-kompetizzjoni hija miftuħa għal kandidati li:

—	huma ċittadini ta' wieħed mill-Istati Membri tal-Unjoni Ewropea,

—	huma intitolati għal drittijiet sħaħ bħala ċittadini,

—	ikunu issodisfaw l-obbligi kollha imposti mil-liġi dwar is-servizz militari,

—	jkollhom għarfien estensiv ta' lingwa uffiċjali tal-Unjoni Ewropea u għarfien sodisfaċenti ta' lingwa oħra tal-Unjoni, inkluż għarfien eċċellenti tal-Ingliż li hija l-lingwa prinċipali tal-Eurofound,

—	ikollhom edukazzjoni universitarja ta' mill-anqas 4 snin li twassal għal-lawrja fl-oqsma tal-marketing, il-ġurnaliżmu, ir-relazzjonijiet pubbliċi, il-komunikazzjoni jew dixxipplini simili jew — b'mod alternattiv — irid ikollhom esperjenza professjonali rilevanti ta' mill-anqas 6 snin.

Il-kandidat li jintgħażel ser jiġi reklutat fil-Grupp ta' Funzjoni AD, Grad 6, bħala Aġent Temporanju b'kuntratt ta' żmien indefinit.

Id-dettalji sħaħ tal-kariga kif ukoll l-proċeduri tal-applikazzjoni u l-għażla jistgħu jitniżżlu mill-paġna tal-postijiet battala tas-sit elettroniku tal-Eurofound:

http://www.eurofound.europa.eu/about/vacancies/index.htm

L-applikazzjonijiet kollha għandhom jiġu sottomessi fuq il-formola ta' applikazzjoni uffiċjali li tista' titniżżel ukoll mis-sit elettroniku.

L-iskadenza għall-applikazzjonijiet: 25 ta' Awwissu 2011.

---