ISSN 1725-5198 doi:10.3000/17255198.C_2011.093.mlt |
||
Il-Ġurnal Uffiċjali tal-Unjoni Ewropea |
C 93 |
|
![]() |
||
Edizzjoni bil-Malti |
Informazzjoni u Avviżi |
Volum 54 |
Avviż Nru |
Werrej |
Paġna |
|
II Komunikazzjonijiet |
|
|
KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA |
|
|
Il-Kummissjoni Ewropea |
|
2011/C 093/01 |
Ebda oppożizzjoni għal konċentrazzjoni notifikata (Każ COMP/M.6117 – Assa Abloy/Cardo) ( 1 ) |
|
2011/C 093/02 |
Ebda oppożizzjoni għal konċentrazzjoni notifikata (Każ COMP/M.6120 – APMT/PSA/COSCO/DPPC/DPCT) ( 1 ) |
|
|
IV Informazzjoni |
|
|
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA |
|
|
Il-Parlament Ewropew |
|
2011/C 093/03 |
||
|
Il-Kummissjoni Ewropea |
|
2011/C 093/04 |
||
2011/C 093/05 |
Lista ta’ festi pubbliċi ta’ matul is-sena 2011 għall-istituzzjonijiet tal-Komunità Ewropea |
|
|
INFORMAZZJONI MILL-ISTATI MEMBRI |
|
2011/C 093/06 |
||
2011/C 093/07 |
||
2011/C 093/08 |
Komunikazzjoni tal-Kummissjoni skont l-Artikolu 17(5) tar-Regolament (KE) Nru 1008/2008 tal-Parlament Ewropew u tal-Kunsill dwar regoli komuni għall-operat ta’ servizzi tal-ajru fil-Komunità – Sejħa għall-offerti rigward l-operat ta’ servizzi tal-ajru bi skeda skont l-obbligi tas-servizz pubbliku ( 1 ) |
|
2011/C 093/09 |
||
|
V Avviżi |
|
|
PROĊEDURI AMMINISTRATTIVI |
|
|
Il-Kummissjoni Ewropea |
|
2011/C 093/10 |
||
|
PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI |
|
|
Il-Kummissjoni Ewropea |
|
2011/C 093/11 |
||
2011/C 093/12 |
Notifika minn qabel ta' konċentrazzjoni (Każ COMP/M.6202 – Samsung LED/Sumitomo Chemical/JV) – Każ li jista' jiġi kkunsidrat għal proċedura simplifikata ( 1 ) |
|
2011/C 093/13 |
Notifika minn qabel ta' konċentrazzjoni (Każ COMP/M.6108 – EQT V/Dometic) ( 1 ) |
|
2011/C 093/14 |
Notifika minn qabel ta' konċentrazzjoni (Każ COMP/M.6164 – Barclays Bank/Egg Credit Card Assets) ( 1 ) |
|
2011/C 093/15 |
Notifika minn qabel ta' konċentrazzjoni (Każ COMP/M.6112 – Good Energies/NEIF/NEWCO) – Każ li jista' jiġi kkunsidrat għal proċedura simplifikata ( 1 ) |
|
|
|
|
(1) Test b’relevanza għaż-ŻEE |
MT |
|
II Komunikazzjonijiet
KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
Il-Kummissjoni Ewropea
25.3.2011 |
MT |
Il-Ġurnal Uffiċjali tal-Unjoni Ewropea |
C 93/1 |
Ebda oppożizzjoni għal konċentrazzjoni notifikata
(Każ COMP/M.6117 – Assa Abloy/Cardo)
(Test b’relevanza għaż-ŻEE)
2011/C 93/01
Fid-9 ta’ Marzu 2011, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq komuni. Din id-deċiżjoni hi bbażata fuq l-Artikolu 6(1)b tar-Regolament tal-Kunsill (KE) Nru 139/2004. It-test sħiħ tad-deċiżjoni hu disponibbli biss fl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:
— |
Fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta' amalgamazzjoni, inklużi l-kumpanija, in-numru tal-każ, id-data u l-indiċi settorjali, |
— |
f’forma elettronika fil-websajt EUR-Lex (http://eur-lex.europa.eu/en/index.htm) fid-dokument li jġib in-numru 32011M6117. Il-EUR-Lex hu l-aċċess fuq l-internet għal-liġi Ewropea. |
25.3.2011 |
MT |
Il-Ġurnal Uffiċjali tal-Unjoni Ewropea |
C 93/1 |
Ebda oppożizzjoni għal konċentrazzjoni notifikata
(Każ COMP/M.6120 – APMT/PSA/COSCO/DPPC/DPCT)
(Test b’relevanza għaż-ŻEE)
2011/C 93/02
Fil-21 ta’ Marzu 2011, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq komuni. Din id-deċiżjoni hi bbażata fuq l-Artikolu 6(1)b tar-Regolament tal-Kunsill (KE) Nru 139/2004. It-test sħiħ tad-deċiżjoni hu disponibbli biss fl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:
— |
Fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta' amalgamazzjoni, inklużi l-kumpanija, in-numru tal-każ, id-data u l-indiċi settorjali, |
— |
f’forma elettronika fil-websajt EUR-Lex (http://eur-lex.europa.eu/en/index.htm) fid-dokument li jġib in-numru 32011M6120. Il-EUR-Lex hu l-aċċess fuq l-internet għal-liġi Ewropea. |
IV Informazzjoni
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
Il-Parlament Ewropew
25.3.2011 |
MT |
Il-Ġurnal Uffiċjali tal-Unjoni Ewropea |
C 93/2 |
DEĊIŻJONI TAL-BUREAU TAL-PARLAMENT EWROPEW
tat-23 ta’ Marzu 2011
li temenda l-Miżuri ta' Implimentazzjoni tal-Istatut tal-Membri tal-Parlament Ewropew
2011/C 93/03
IL-BUREAU TAL-PARLAMENT EWROPEW,
Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 223(2) tiegħu,
Wara li kkunsidra l-Istatut tal-Membri tal-Parlament Ewropew (1),
Wara li kkunsidra l-Artikoli 8 u 23 tar-Regoli ta' Proċedura tal-Parlament Ewropew,
Billi:
(1) |
Il-Membri u l-ex-Membri li jieħdu l-allowance tranżitorja jew pensjoni jingħataw rimborż għall-ispejjeż mediċi ta', inter alia, it-tfal dipendenti tagħhom sakemm jagħlqu l-21 sena jew, mhux aktar minn 25 sena jekk ikunu għadhom qed jieħdu edukazzjoni jew taħriġ professjonali b'mod full-time. Fil-każ ta' tfal dipendenti li jkollhom marda serja jew kundizzjoni li ma tippermettilhomx jieħdu ħsieb tagħhom infushom, ikun xieraq li tali rimborż jingħata mingħajr limitu ta' età. |
(2) |
Il-Membri jistgħu jirċievu rimborż għall-ispejjeż imġarrba minħabba vjaġġi addizzjonali, jiġifieri, vjaġġi li saru fil-qadi ta' dmirijiethom lil hinn mill-Istat Membru li ġew eletti fih, skont ċerti kundizzjonijiet. Ikun xieraq li l-Membri jitħallew jgħaqqdu tali vjaġġi addizzjonali ma' attivitajiet sussidjarji mhux uffiċjali, sakemm dan ma jżidx l-ammont tal-ispejjeż tal-ivvjaġġar u tas-sussistenza li jridu jiġu rimborżati. |
(3) |
Jekk il-Membri jieħdu sehem f'attività uffiċjali barra t-territorju tal-Unjoni Ewropea, jingħataw, f'ċirkustanzi straordinarji ssostanzjati kif xieraq, ir-rimborż ta' spejjeż raġonevoli tas-sussistenza mġarrba matul il-vjaġġ innifsu, bl-eċċezzjoni tal-ispejjeż imġarrba fl-Istat Membru li fih ikunu ġew eletti. Madankollu, billi l-ispejjeż tal-aħħar huma parti integrali mill-ispejjeż tal-ivvjaġġar li joriġinaw mill-vjaġġ uffiċjali, ma jkunx xieraq li jitnaqqsu mill-ammont li għandu jiġi rimborżat fir-rigward ta' spejjeż raġonevoli tas-sussistenza mġarrba matul il-vjaġġ innifsu. |
(4) |
Permezz tal-Baġit Emendatorju Nru 1 tal-Unjoni Ewropea għas-sena finanzjarja 2010 (2), l-allowance għall-assistenza parlamentari żdiedet b'EUR 1 500, biex jitqies l-ammont ta' xogħol tal-Membri li żdied minħabba d-dħul fis-seħħ tat-Trattat ta' Liżbona. Il-Miżuri ta' Implimentazzjoni tal-Istatut tal-Membri tal-Parlament Ewropew (3) (“il-Miżuri ta' Implimentazzjoni”) ġew emendati kif xieraq b'deċiżjoni tal-Bureau tal-11 u tat-23 ta' Novembru 2009, tal-14 ta' Diċembru 2009, tad-19 ta' April 2010 u tal-5 ta' Lulju 2010 (4). Għall-istess raġuni, żieda oħra ta' EUR 1 500 ġiet inkluża fil-baġit ġenerali tal-Unjoni Ewropea għas-sena finanzjarja 2011. Madankollu, inżammet fir-riżerva bir-riżoluzzjoni tal-Parlament tal-20 ta' Ottubru 2010 dwar il-pożizzjoni tal-Kunsill dwar l-abbozz ta' baġit ġenerali tal-Unjoni Ewropea għas-sena finanzjarja 2011 – it-taqsimiet kollha (5). Fil-laqgħa tiegħu tat-3 ta' Marzu 2011, il-Kumitat għall-Baġits iddeċieda li t-tieni żieda għandha tiġi rilaxxata mir-riżerva. Fil-laqgħa tiegħu tas-7 ta' Marzu 2011, il-Bureau ħa nota ta' dik id-deċiżjoni u approva l-proposta li l-Miżuri ta' Implimentazzjoni għandhom jiġu emendati kif xieraq, |
ADOTTA DIN ID-DEĊIŻJONI:
Artikolu 1
Il-Miżuri ta' Implimentazzjoni għandhom jiġu emendati kif ġej:
(1) |
Fl-Artikolu 3(1), il-punt (a) jinbidel b'li ġej:
|
(2) |
Fl-Artikolu 14, il-punt (a) jinbidel b'li ġej:
|
(3) |
L-Artikolu 22, huwa emendat kif ġej:
|
(4) |
Fl-Artikolu 24(3), il-punt (c) jinbidel b'li ġej:
|
(5) |
L-Artikolu 33(4) jinbidel b'li ġej: “4. L-ammont massimu kull xahar ta' spejjeż li jistgħu jitħallsu għall-membri tal-istaff personali msemmija fl-Artikolu 34 huwa ffissat għal EUR 18 189. B'effett mill-1 ta' Mejju 2010, dak l-ammont għandu jkun EUR 19 689. B'effett mill-1 ta' Lulju 2010, dak l-ammont għandu jkun EUR 19 709. B'effett mill-1 ta' Jannar 2011, dak l-ammont għandu jkun EUR 21 209.”. |
Artikolu 2
1. Din id-Deċiżjoni għandha tisħol fis-seħħ fil-jum wara l-pubblikazzjoni tagħha f'Il-Ġurnal Uffiċjali tal-Unjoni Ewropea.
2. Din id-Deċiżjoni għandha tapplika mill-istess jum, bl-eċċezzjoni tal-punt 5 tal-Artikolu 1, li għandu japplika mill-14 ta' Lulju 2009.
(1) Id-Deċiżjoni 2005/684/KE, Euratom tal-Parlament Ewropew tat-28 ta' Settembru 2005 li tadotta l-Istatut għall-Membri tal-Parlament Ewropew (ĠU L 262, 7.10.2005, p. 1).
(2) ĠU L 183, 16.7.2010, p. 1.
(3) Deċiżjoni tal-Bureau tal-Parlament Ewropew tad-19 ta' Mejju u tad-9 ta' Lulju 2008 dwar miżuri ta' implimentazzjoni tal-Istatut tal-Membri tal-Parlament Ewropew (ĠU C 159, 13.7.2009, p. 1).
(5) Testi Adottati, P7_TA (2010)0372.
Il-Kummissjoni Ewropea
25.3.2011 |
MT |
Il-Ġurnal Uffiċjali tal-Unjoni Ewropea |
C 93/4 |
Rata tal-kambju tal-euro (1)
L-24 ta’ Marzu 2011
2011/C 93/04
1 euro =
|
Munita |
Rata tal-kambju |
USD |
Dollaru Amerikan |
1,4128 |
JPY |
Yen Ġappuniż |
114,34 |
DKK |
Krona Daniża |
7,4572 |
GBP |
Lira Sterlina |
0,87410 |
SEK |
Krona Żvediża |
8,9455 |
CHF |
Frank Żvizzeru |
1,2817 |
ISK |
Krona Iżlandiża |
|
NOK |
Krona Norveġiża |
7,8830 |
BGN |
Lev Bulgaru |
1,9558 |
CZK |
Krona Ċeka |
24,558 |
HUF |
Forint Ungeriż |
267,78 |
LTL |
Litas Litwan |
3,4528 |
LVL |
Lats Latvjan |
0,7094 |
PLN |
Zloty Pollakk |
4,0197 |
RON |
Leu Rumen |
4,1020 |
TRY |
Lira Turka |
2,1930 |
AUD |
Dollaru Awstraljan |
1,3888 |
CAD |
Dollaru Kanadiż |
1,3816 |
HKD |
Dollaru ta' Hong Kong |
11,0122 |
NZD |
Dollaru tan-New Zealand |
1,8893 |
SGD |
Dollaru tas-Singapor |
1,7830 |
KRW |
Won tal-Korea t'Isfel |
1 581,61 |
ZAR |
Rand ta' l-Afrika t'Isfel |
9,7521 |
CNY |
Yuan ren-min-bi Ċiniż |
9,2634 |
HRK |
Kuna Kroata |
7,3865 |
IDR |
Rupiah Indoneżjan |
12 295,38 |
MYR |
Ringgit Malażjan |
4,2723 |
PHP |
Peso Filippin |
61,342 |
RUB |
Rouble Russu |
40,0485 |
THB |
Baht Tajlandiż |
42,737 |
BRL |
Real Brażiljan |
2,3412 |
MXN |
Peso Messikan |
16,9183 |
INR |
Rupi Indjan |
63,2230 |
(1) Sors: rata tal-kambju ta' referenza ppubblikata mill-Bank Ċentrali Ewropew.
25.3.2011 |
MT |
Il-Ġurnal Uffiċjali tal-Unjoni Ewropea |
C 93/5 |
LISTA TA’ FESTI PUBBLIĊI TA’ MATUL IS-SENA 2011 GĦALL-ISTITUZZJONIJIET TAL-KOMUNITÀ EWROPEA
2011/C 93/05
Il-lista tal-festi pubbliċi tas-sena 2011 tal-Istituzzjonijiet tal-Komunità Ewropea f’Ispra, Karlsruhe, Petten u Sevilja hija din li ġejja:
— |
Btajjel uffiċjali u vaganzi żejda għall-2011 fuq is-sit ta' Ispra:
|
— |
Vaganzi pubbliċi u jiem mingħajr ħidma f'Karlsruhe fl-2011:
|
— |
Vaganzi pubbliċi f'Petten fl-2011
|
— |
Vaganzi pubbliċi f'Sevilja
|
INFORMAZZJONI MILL-ISTATI MEMBRI
25.3.2011 |
MT |
Il-Ġurnal Uffiċjali tal-Unjoni Ewropea |
C 93/7 |
Informazzjoni fil-qosor ikkomunikata mill-Istati Membri dwar għajnuniet mill-Istat mogħtija skont ir-Regolament tal-Kummissjoni (KE) Nru 1857/2006 dwar l-applikazzjoni tal-Artikoli 87 u 88 tat-Trattat tal-KE għall-għajnuniet mill-Istat lill-impriżi żgħar u ta' daqs medju attivi fil-produzzjoni ta' prodotti agrikoli u li jemenda r-Regolament (KE) Nru 70/2001
2011/C 93/06
Għajnuna Nru: XA 143/10
Stati Membri: Franza
Reġjun: id-dipartiment ta’ Ain
Titolu tal-iskema ta' għajnuna jew isem l-impriża li tirċievi l-għajnuna individwali: aides en faveur du remplacement des agriculteurs (Ain)
Bażi legali: articles L 1511-2, L 3231-2 et 3232-1 du code général des collectivités territoriales; délibération du Conseil général de l’Ain.
Nefqa annwali ppjanata taħt l-iskema jew ammont totali tal-għajnuna individwali mogħtija lill-impriża: EUR 35 000
Intensità massima tal-għajnuna: 50 %
Data tal-implimentazzjoni: Minn meta jiġi ppubblikat in-numru ta’ reġistrazzjoni tat-talba għal eżenzjoni fuq is-sit tal-internet tad-Direttorat Ġenerali għall-Agrikoltura u l-Iżvilupp Rurali tal-Kummissjoni.
Tul ta' żmien tal-għajnuna individwali: Sa mhux aktar tard mill-31 ta' Diċembru 2013.
Għan tal-għajnuna: Il-miżura hija stipulata fl-Artikolu 15 tar-Regolament (KE) Nru 1857/2006 dwar l-għajnuna għall-assistenza teknika fl-azjendi agrikoli (traduzzjoni mhux uffiċjali).
Il-Kunsill ġenerali, li b'din il-miżura jiffavorixxi l-implimentazzjoni ta' servizzi ta' sostituzzjoni, jixtieq li l-professjoni ta' bidwi ssir attraenti, b'mod partikolari għaż-żgħażagħ, u fl-istess ħin jgħin sabiex l-impjieg imħallas fl-agrikultara jkun wieħed dejjiemi.
L-iżvilupp tal-impjiegi fl-agrikultura sar realtà permezz tar-ristrutturar tal-azjendi agrikoli: fl-2007, kien hemm 1 147 impjegat permanenti u 10 servizzi ta' sostituzzjoni differenti fid-dipartiment. L-appoġġ tad-dipartiment qed jimmira li jħeġġeġ il-professjoni fl-agrikultura sabiex taqsam is-servizzi ta' sostituzzjoni eżistenti u b'hekk jiġu koperti il-ħtiġijiet kollha kemm fuq livell ġeografiku kif ukoll dawk li għandhom x'jaqsmu mat-totalità tal-oqsma kollha. Sabiex jintlaħaq dan l-għan, ġie deċiż li jitwaqqaf Ċentru għall-imjiegi u għaqda tal-imjegati tad-dipartiment taħt il-koordinazzjoni tal-Konfederazzjoni Ġenerali tal-Agrikultura. Din id-deċiżjoni se tgħaqqad flimkien il-FDCUMA u l-għaqdiet ta' unjins professjonali li diġà qed jagħmlu użu mis-servizzi ta' sostituzzjoni.
L-għajnuniet għad-dipartiment se jingħataw bil-kundizzjonijiet li ġejjin:
se jiġu ffissati abbażi tal-ispejjeż reali li jirriżultaw minħabba s-sostituzzjoni tal-bidwi jew tas-soċju jew tal-persuna imsieħba miegħu, jew ta' ħaddiem agrikolu, minħabba mard jew minħabba li jieħu liv annwali;
l-għajnuniet se jingħataw taħt forma ta' servizzi ssussidjati, jiġifieri ma jsir l-ebda ħlas dirett lill-produtturi;
il-bdiewa kollha li huma eliġibbli fid-dipartiment jista' jkollhom aċċess għalihom (mhux meħtieġ li l-applikant ikun membru ta' xi għaqda jew organizzazzjoni)
l-għotjiet kollha li jistgħu jingħataw għall-ispejjez tal-amministrazzjoni tal-għaqda jew tal-organizzazzjoni se jkunu limitati biss għall-ispejjeż li jkopru s-servizz ta' sostituzzjoni.
Barra minn hekk, l-għajnuniet proposti se jkunu riżervati:
għall-intrapriżi agrikoli li d-daqs tagħhom ma jaqbiżx dak tal-SMEs hekk kif dawn huma ddefiniti fil-liġi Komunitarja fl-Anness I għar-Regolament tal-Kummissjoni (KE) Nru 800/2008 tas-6 ta' Awwissu 2008,
għall-azjendi attivi fil-produzzjoni primarja tal-prodotti agrikoli,
għall-azjendi li mhumiex intrapriżi li jinsabu f'diffikultajiet skont it-tifsira tal-linji gwida Komunitarji dwar l-Għajnuniet mill-Istat għas-salvataġġ u r-ristrutturar tal-intrapriżi li jinsabu f'diffikultajiet (ĠU C 244, 1.10.2004).
Settur jew setturi benefiċjarji: L-azjendi agrikoli kollha tad-Dipartiment ta’ Ain, (SMEs).
Isem u indirizz tal-awtorità li tagħti l-għajnuna:
Monsieur le président du Conseil général de l’Ain |
Direction de l’aménagement du territoire et de l’économie |
45 avenue Alsace-Lorraine |
01000 Bourg en Bresse |
FRANCE |
Indirizz tal-Internet: http://www.ain.fr/jcms/int_81440/texte-du-regime-g-ain-bue-remplacem-modif-flc
Informazzjoni oħra: —
Għajnuna Nru: XA 144/10
Stati Membri: Franza
Reġjun: département de l’Ain
Titolu tal-iskema ta' għajnuna jew isem l-impriża li tirċievi l-għajnuna individwali: aides en appui technique aux coopératives d’utilisation de matériels en commun (CUMA) (Ain).
Bażi legali: articles L. 1511-2, L. 3231-2 et 3232-1 du code général des collectivités territoriales, délibération du Conseil général de l’Ain.
Nefqa annwali ppjanata taħt l-iskema jew ammont totali tal-għajnuna individwali mogħtija lill-impriża: EUR 5 000
Intensità massima tal-għajnuna: 50 %
Data tal-implimentazzjoni: Mid-data tal-pubblikazzjoni tan-numru ta’ reġistrazzjoni tat-talba għal eżenzjoni fuq is-sit tal-internet tad-Direttorat Ġenerali għall-Agrikoltura u l-Iżvilupp Rurali tal-Kummissjoni.
Tul ta' żmien tal-għajnuna individwali: Sa mhux aktar tard mill-31 ta' Diċembru 2013
Għan tal-għajnuna: Il-miżura tidħol fl-ambitu tal-Artikolu 15 tar-Regolament (KE) Nru 1857/2006 dwar l-għajnuna għall-assistenza teknika fl-azjendi agrikoli.
Dan il-programm huwa mmirat esklużivament għall-finanzjament ta' parti mill-assistenza teknika u mis-servizzi ta' konsulenza li d-Dipartiment jixtieq jagħti lill-206 CUMA (kooperattiva għall-użu tat-tagħmir agrikolu) tad-Dipartiment tal-Ain, sabiex titjieb il-ġestjoni fl-azjendi agrikoli msieħba f'dawn il-kooperattivi.
F’suq agrikolu diffikultuż, jagħmel sens li l-azjendi agrikoli jagħmlu użu iktar għaqli mit-tagħmir agrikolu u jiġbru r-riżorsi umani flimkien sabiex itejbu l-ġestjoni tal-investimenti tagħhom fit-tagħmir u jissimplifikaw l-użu ta’ dan it-tagħmir.
L-appoġġ tekniku u s-servizzi ta' konsulenza huma għal:
appoġġ legali u tekniku, pereżempju sabiex ikunu konformi mar-regoli tal-CUMA,
appoġġ tekniku dwar it-tagħmir, pereżempju konsulenza teknika dwar l-użu tat-teknoloġija tal-GPS fl-agrikoltura, dwar ix-xiri ta’ trakters ġodda, dwar il-bidla għal tekniki tal-kultivazzjoni ssimplifikati jew għaż-żrigħ dirett u għall-bexx tal-uċuħ tar-raba’ li ma jagħmilx ħsara lill-ambjent, eċċ.,
diskussjonijiet dwar suġġetti bħall-qsim tax-xogħol tal-ħsad, jekk dan ikun possibbli għall-attivitajiet tal-membri tal-CUMA, u l-organizzazzjoni tat-taħriġ għall-amministraturi jew għall-persunal tal-CUMA.
Skont l-Artikolu 15(3) tar-Regolament dwar l-eżenzjoni agrikola, l-għajnuna se tingħata fil-forma ta' servizzi ssussidjati, mingħajr l-ebda ħlas dirett ta' flus lill-CUMAs.
Fir-rigward tal-programmi tat-taħriġ, in-nefqa eliġibbli se tkun:
l-ispejjeż biex jiġi organizzat il-programm tat-taħriġ,
l-ispejjeż tal-ivvjaġġar imġarrba mill-parteċipanti.
Fir-rigward tas-servizzi ta' konsulenza, in-nefqa eliġibbli se tkun il-pagamenti għall-forniment ta' dawn is-servizzi. Mhux se tingħata għajnuna għal servizzi ta' konsulenza li huma ta' natura kontinwa jew regolari jew li huma marbutin man-nefqa normali tal-operat.
L-għajnuniet proposti se jingħataw esklużivament għal:
azjendi agrikoli li d-daqs tagħhom ma jaqbiżx dak tal-SMEs kif inhu ddefinit fl-Anness I għar-Regolament tal-Kummissjoni (KE) Nru 800/2008 tas-6 ta' Awwissu 2008,
azjendi agrikoli attivi fil-produzzjoni primarja tal-prodotti agrikoli,
azjendi agrikoli li mhumiex intrapriżi li jinsabu f'diffikultà skont it-tifsira tal-linji gwida Komunitarji dwar l-għajnuna mill-Istat għas-salvataġġ u r-ristrutturar ta’ intrapriżi f'diffikultà (ĠU C 244, 1.10.2004).
Settur jew setturi benefiċjarji: Il-CUMAs kollha fid-Dipartiment.
Isem u indirizz tal-awtorità li tagħti l-għajnuna:
Monsieur le président du Conseil général de l’Ain |
Direction de l’aménagement du territoire et de l’économie |
45 avenue Alsace-Lorraine |
01000 Bourg en Bresse |
FRANCE |
Indirizz tal-Internet: http://www.ain.fr/upload/docs/application/msword/2010-07/g_ain_bue_cuma.doc
Informazzjoni oħra: —
Għajnuna Nru: XA 156/10
Stati Membri: Franza
Reġjun: département de la Moselle
Titolu tal-iskema ta' għajnuna jew isem l-impriża li tirċievi l-għajnuna individwali: aides aux investissements pour le développement de l’utilisation des énergies renouvelables, des bioénergies et des économies d'énergies dans le secteur agricole.
Bażi legali: Articles L 1511-2 et L 1511-5 du code général des collectivités territoriales
Projet de délibération du Conseil général de la Moselle
Nefqa annwali ppjanata taħt l-iskema jew ammont totali tal-għajnuna individwali mogħtija lill-impriża: Massimu ta' EUR 270 000 skont il-ħtieġa u skont il-mezzi baġitarji disponibbli.
Intensità massima tal-għajnuna: L-ammont ta' għajnuna ma għandux jaqbeż l-intensità massima tal-għajnuniet awtorizzati, jiġifieri 40 % fir-reġjuni mhux żvantaġġjati u 50 % tal-investimenti eleġibbli fiż-żoni żvantaġġjati (u din tiżdied b'10 % għall-bdiewa żgħażagħ).
Data tal-implimentazzjoni: Mid-data tal-pubblikazzjoni tan-numru tar-reġistrazzjoni tat-talba għall-eżenzjoni fis-sit elettroniku tad-Direttorat Ġenerali għall-Agrikoltura u l-Iżvilupp Rurali tal-Kummissjoni u soġġetta għall-fondi disponibbli.
Tul ta' żmien tal-għajnuna individwali: tliet snin mid-data tal-konferma tal-wasla mill-Kummissjoni (soġġetta għall-fondi disponibbli).
Għan tal-għajnuna: Din l-għajnuna hi skont l-Artikolu 4 tar-Regolament (KE) Nru 1857/2006 tal-15 ta' Diċembru 2006 u f'konformità mar-regoli kollha stabbiliti fir-Regolament.
L-għan hu li s-sorsi ta' enerġija mhix rinnovabbli tkun sostitwita b'enerġija rinnovabbli u b'sistemi ta' produzzjoni tal-bijoenerġija u biex tkun żviluppata l-prestazzjoni tal-enerġija tal-ażjendi agrikoli biex jiġi żgurat l-operat normali tal-ażjenda filwaqt li tiġi limitata l-produzzjoni tal-gassijiet b'effet ta' serra, mingħajr ma tinbiegħ l-enerġija li tiġi prodotta. L-enerġija li tiġi prodotta għandha tintuża mill-ażjendi agrikoli għall-produzzjoni agrikola tagħhom.
Ser ikun eleġibbli l-investment fl-oqsma elenkati hawn taħt, li għandu jgħin biex titjieb il-kwalità u jiġi ppreżervat u mtejjeb l-ambjent naturali:
Proġetti eżemplari b'impatt pożittiv fuq l-ambjent u li jikkontribwixxu b'mod sinifikanti biex jitnaqqsu l-gassijiet b'effett ta' serra (għajnuna massima: EUR 20 000);
(a) |
tagħmir għall-irkupru tas-sħana fuq it-tank tal-ħalib għall-produzzjoni tal-misħun, |
(b) |
tagħmir għall-qabel it-tkessiħ tal-ħalib, |
(ċ) |
pompa li toħloq vakwu għall-magna tal-ħalib u tagħmir għall-iffrankar tal-enerġija. |
(a) |
“mill-arja għall-art” jew “bjar Kanadiżi”, |
(b) |
“mill-arja għall-arja” jew “fluss doppju” VMC. |
Il-kostruzzjoni individwali ma tikkostitwix investiment eleġibbli. Madanakollu, ix-xogħol jista' jitwettaq mill-applikant, iżda f'dan il-każ l-ispejjeż tal-materjal u t-tagħmir biss għandhom jiġu kkunsidrati għall-kalkolu tal-bażi tal-għajnuna.
Barra minn hekk, l-għajnuniet se jkunu riżervati:
għall-intrapriżi agrikoli li d-daqs tagħhom ma jaqbiżx dak tal-SMEs kif inhuma definiti fil-liġi Komunitarja (ara l-Anness I għar-Regolament tal-Kummissjoni (KE) Nru 800/2008 tas-6 ta' Awwissu 2008, ĠU L 214, 9.8.2008),
għall-intrapriżi agrikoli li huma intrapriżi attivi fil-produzzjoni primarja tal-prodotti agrikoli,
u għall-intrapriżi agrikoli li mhumiex intrapriżi f’diffikultà skont il-linji gwida Komunitarji dwar l-għajnuna mill-Istat għas-salvataġġ u r-ristrutturar tal-intrapriżi f'diffikultà (ĠU C 244, 1.10.2004).
Settur jew setturi benefiċjarji: l-intrapriżi agrikoli kollha li jwettqu l-attività tagħhom fi ħdan id-département de la Moselle
Isem u indirizz tal-awtorità li tagħti l-għajnuna:
Monsieur le président du Conseil général de la Moselle |
Direction de l'environnement et de l'aménagement du territoire |
Division de l'environnement et de l'espace rural (SAEN) |
Hôtel du département |
1 rue du Pont Moreau |
BP 11096 |
57036 Metz Cedex 1 |
FRANCE |
Indirizz tal-Internet: http://www.cg57.fr/SiteCollectionDocuments/LaMoselleEtVous/Agriculture/FichesUE/developpement_utilisation_energies_renouvelables.pdf
Informazzjoni oħra: Jekk ikun il-każ, l-ammont tal-għajnuna jista' jiġi rrivedut abbażi tas-sehem ta' finanzjament pubbliku ieħor.
L-għajnuniet ser ikunu limitati għall-bdiewa li ma bbenefikawx minn għajnuna bħal din fil-ħames snin preċedenti, bl-eċċezzjoni ta' dawk li ħallsu l-bilanċ tal-każijiet preċedenti.
Għajnuna Nru: XA 168/10
Stati Membri: Franza
Reġjun: département des Hautes-Pyrénées
Titolu tal-iskema ta' għajnuna jew isem l-impriża li tirċievi l-għajnuna individwali: aides du département des Hautes-Pyrénées en faveur de la lutte contre les maladies des animaux.
Bażi legali: Articles L 1511 et suivants du code général des collectivités territoriales
Délibération du Conseil général des Hautes-Pyrénées
Nefqa annwali ppjanata taħt l-iskema jew ammont totali tal-għajnuna individwali mogħtija lill-impriża: EUR 142 000
Intensità massima tal-għajnuna: 100 % skont il-limiti stipulati fl-Artikolu 10 tar-Regolament (KE) Nru 1857/2006 tal-Kummissjoni
Data tal-implimentazzjoni: Mid-data tal-pubblikazzjoni tan-numru ta’ reġistrazzjoni tat-talba għal eżenzjoni fuq is-sit elettroniku tad-Direttorat Ġenerali għall-Agrikoltura u l-Iżvilupp Rurali tal-Kummissjoni.
Tul ta' żmien tal-għajnuna individwali: sal-31 ta’ Diċembru 2013
Għan tal-għajnuna: L-għajnuna hija bbażata fuq l-Artikolu 10 tar-Regolament tal-Kummissjoni (KE) Nru 1857/2006. L-għajnuna għandha l-għan li tissalvagwardja s-saħħa pubblika billi ttejjeb il-kwalità tas-saħħa tal-merħliet, f'konformità mal-missjonijiet ta' sorveljanza epidemoloġika tal-Istat Franċiż u l-pjanijiet għall-prevenzjoni mill-mard tal-annimali.
Fil-fatt, f'dan id-dipartiment partikolari, tal-Hautes-Pyrénées, li hu kkaratterizzat miż-żona muntanjuża tiegħu, il-migrazzjoni tas-sajf tal-merħliet tesiġi li tingħata protezzjoni adegwata ta' saħħa. Dik il-protezzjoni ser tingħata billi l-Conseil Généraljassumi parti mill-ispejjeż li ġejjin:
il-kampjuni u l-analiżi bħala parti mill-eżami analitiku tal-bruċellożi bovina, ovina u kaprina kif ukoll għal-lewkożi bovina, billi tingħata attenzjoni partikolari lill-merħliet li jpassu (10-50 % tal-ispejjeż għall-kampjuni u għall-analiżi),
l-analiżi bħala parti mill-eżami analitiku għar-rinotrakeite bovina infettiva (RBI) matul l-introduzzjoni tal-annimali (100 % tal-ispejjeż għall-analiżi),
il-ġenotip tal-imtaten għall-enċefalopatija sponġiformi trażmissibbli (EST) jew ħakk, sabiex l-imtaten milquta jkunu jistgħu jinqatlu (100 % tal-ispejjeż għall-ġenotip),
it-tilqim kontra l-influwenza taż-żwiemel li jieħdu sehem f'attivitajiet fejn jinġabru ħafna żwiemel (100 % tal-ispejjeż veterinarji),
Dawn l-azzjonijiet ser ikunu limitati biss għall-mard tal-annimali elenkat fid-Deċiżjoni tal-Kunsill tal-25 ta' Mejju 2009 dwar in-nefqa fil-qasam veterinarju (li tissostitwixxi d-Deċiżjoni tal-Kunsill 90/424/KEE tas-26 ta' Ġunju 1990).
L-ebda għajnuna diretta mhi ser titħallas lill-bdiewa. Il-bdiewa ser jibbenefikaw mis-servizzi sussidjati tal-Conseil général li ssemmew aktar 'il fuq. Dawn is-servizzi ser jipprovdu l-laboratorji għall-analiżi lill-veterinarji u l-Groupement de Défense sanitaire.
Għandu jitnaqqas mill-ammont massimu tal-ispejjeż eleġibbli għall-għajnuna:
kwalunkwe ammont irċevut taħt l-iskemi tal-assigurazzjoni u
spejjeż li ma jsirux minħabba l-mard, iżda li jkunu ntefqu f'ċirkostanzi oħra.
l-għajnuna ser tkun riżervata:
għall-azjendi agrikoli li d-daqs tagħhom ma jkunx jaqbeż dak ta' SME kif iddefinit fil-Liġi Komunitarja (ara l-Anness I tar-Regolament tal-Kummissjoni (KE) Nru 800/2008 tas-6 ta' Awwissu 2008, ĠU L 214, 9.8.2008),
għall-azjendi agrikoli li huma intrapriżi attivi fil-produzzjoni primarja tal-prodotti agrikoli,
għall-azjendi agrikoli li ma jkunux intrapriżi f'diffikultà skont it-tifsira tal-linji gwida Komunitarji dwar l-għajnuna mill-Istat għas-salvataġġ u r-ristrutturar tal-kumpaniji f'diffikultà (ĠU C 244, 1.10.2004),
Settur jew setturi benefiċjarji: L-ażjendi li jrabbu l-baqar, in-nagħaġ, il-mogħoż u ż-żwiemel
Isem u indirizz tal-awtorità li tagħti l-għajnuna:
Conseil général des Hautes-Pyrénées |
6 rue Gaston Manent |
65000 Tarbes |
FRANCE |
Indirizz tal-Internet: CG65 — Aides agricoles
Informazzjoni oħra: —
Għajnuna Nru: SA.32128 (2010/XA)
Stati Membri: Ir-Repubblika Federali tal-Ġermanja
Reġjun: Brandenburg
Titolu tal-iskema ta' għajnuna jew isem l-impriża li tirċievi l-għajnuna individwali: Gewährung von Beihilfen und sonstigen Leistungen durch die Tierseuchenkasse des Landes Brandenburg nach Artikel 10 der Verordnung (EG) Nr. 1857/2006
Bażi legali: § 71 Tierseuchengesetz der Bundesrepublik Deutschland
§ 8 des Gesetz zur Ausführung des Tierseuchengesetzes des Landes Brandenburg (AGTierSGBbg)
Erlass des Ministeriums für Umwelt, Gesundheit und Verbraucherschutz zur Gewährung von Beihilfen für Maßnahmen zur Tierseuchenverhütung und -bekämpfung sowie zur Verbesserung der Tiergesundheit
Nefqa annwali ppjanata taħt l-iskema jew ammont totali tal-għajnuna individwali mogħtija lill-impriża: L-ammont totali tal-għajnuna huwa ta’ EUR 4,2 miljun fis-sena. Dan l-ammont se jitħallas mir-riżorsi tal-Istat Federali u mill-kontribuzzjonijiet li jħallsu s-sidien tal-bhejjem lill-fond għall-mard tal-annimali bħala taxxa parafiskali, skont id-Deċiżjoni tal-Kummissjoni NN 23/97 tal-31 ta’ Ottubru 2000 li tapprova l-għajnuna.
Intensità massima tal-għajnuna: Sa 100 %.
Data tal-implimentazzjoni: Mill-1 ta’ Jannar 2011
Tul ta' żmien tal-għajnuna individwali: Sal-31 ta’ Diċembru 2013
Għan tal-għajnuna: L-Artikolu 10(1) u (2) tar-Regolament tal-Kummissjoni (KE) Nru 1857/2006
Għajnuna sabiex jiġi miġġieled il-mard tal-annimali
Għajnuna bħala kumpens għat-telf tal-bhejjem minħabba l-mard li jittieħed
Għajnuna għall-miżuri biex il-mard tal-annimali jiġi evitat, jingħaraf u jiġi miġġieled
Għajnuna permezz tal-ħlas tal-ispejjeż ta’ testijiet fil-laboratorju biex jingħaraf il-mard tal-annimali
Settur jew setturi benefiċjarji: L-agrikoltura u t-trobbija tal-bhejjem
Isem u indirizz tal-awtorità li tagħti l-għajnuna:
Landesamt für Umwelt |
Gesundheit und Verbraucherschutz |
Tierseuchenkasse Brandenburg (Il-fond għall-mard tal-annimali tar-reġjun ta’ Brandenburg) |
Groß Gaglow |
Am Seegraben 18 |
03051 Cottbus |
DEUTSCHLAND |
Posta elettronika: info@tsk-BB.de |
Indirizz tal-Internet:
— |
Il-liġi dwar il-mard tal-annimali: http://www.bgblportal.de/BGBL/bgbl1f/bgbl104s1260.pdf |
— |
Il-liġi tar-reġjun ta’ Brandenburg dwar l-implimentazzjoni tal-liġi dwar il-mard tal-annimali: http://www.bravors.brandenburg.de/sixcms/detail.php?gsid=land_bb_bravors_01.c.23595.de |
— |
Digriet tal-Ministeru għall-ambjent, is-saħħa u l-ħarsien tal-konsumaturi dwar l-għoti tal-għajnuna għall-miżuri biex il-mard tal-annimali jiġi evitat u jiġi miġġieled u għat-titjib tas-saħħa tal-annimali (ippubblikat fil-gazzetta uffiċjali tar-reġjun ta’ Brandenburg) http://www.mugv.brandenburg.de/v/lbsvet/TEILA/A1_2_2_1.PDF |
Informazzjoni oħra: —
25.3.2011 |
MT |
Il-Ġurnal Uffiċjali tal-Unjoni Ewropea |
C 93/12 |
Informazzjoni fil-qosor ikkomunikata mill-Istati Membri dwar għajnuniet mill-Istat mogħtija skont ir-Regolament tal-Kummissjoni (KE) Nru 1857/2006 dwar l-applikazzjoni tal-Artikoli 87 u 88 tat-Trattat tal-KE għall-għajnuniet mill-Istat lill-impriżi żgħar u ta' daqs medju attivi fil-produzzjoni ta' prodotti agrikoli u li jemenda r-Regolament (KE) Nru 70/2001
2011/C 93/07
Għajnuna Nru: SA.31968 (2010/XA)
Stati Membri: Il-Pajjiżi l-Baxxi
Reġjun: —
Titolu tal-iskema ta' għajnuna jew isem l-impriża li tirċievi l-għajnuna individwali: Investeringen op het terrein van energiebesparing (onderdeel van Regeling LNV-subsidies)
Bażi legali: Kaderwet LNV-subsidies: artikelen 2, 4 en 7
Regeling LNV-subsidies: artikelen 1:16, vierde lid, 2:1a, 2:2, 2:37, 2:40, vierde lid, 2:41, onderdeel d
Regeling LNV-subsidies: „Bijlage 2. Bijlage bij de artikelen 2:37, eerste lid, 2:38 en 2:40, vierde lid”, en „Hoofdstuk 1. Investeringen op het terrein van energiebesparing”
Nefqa annwali ppjanata taħt l-iskema jew ammont totali tal-għajnuna individwali mogħtija lill-impriża: 2011: EUR 10 miljun
2012: EUR 10 miljun
2013: EUR 10 miljun
Intensità massima tal-għajnuna: 40 % tal-investimenti eliġibbli
Data tal-implimentazzjoni: Mill-1 ta' Jannar 2011
Tul ta' żmien tal-għajnuna individwali: Sal-31 ta’ Diċembru 2013
Għan tal-għajnuna: Għan primarju: L-appoġġ lill-intrapriżi żgħar u ta' daqs medju fl-industrija tal-biedja involuti fl-attivitajiet ta' produzzjoni primarja. Għan sekondarju: il-preservazzjoni u t-titjib tal-ambjent. L-għajnuna tissodisfa l-kundizzjonijiet tal-Artikolu 4 tar-Regolament tal-Kummissjoni (KE) Nru 1857/2006, b'mod partikolari l-paragrafi 2(b) u 3(d).
Settur jew setturi benefiċjarji: L-ażjendi agrikoli, b'mod partikolari l-azjendi tal-ortikultura tas-serer
Isem u indirizz tal-awtorità li tagħti l-għajnuna:
De staatssecretaris van Economische Zaken, Landbouw en Innovatie |
Postbus 20401 |
2500 EK Den Haag |
NEDERLAND |
Indirizz tal-Internet: http://wetten.overheid.nl/zoeken/
Informazzjoni oħra: L-Investiment fl-Iskema għall-Iffrankar tal-Enerġija (IRE) riċentement ġie rreġistrat fl-ambitu tar-Regolament tal-Kummissjoni (KE) Nru 1857/2006 taħt in tal-Għajnuna XA 38/07 għall-perjodu 2007-2010. Peress li l-għan hu li jingħataw sussidji fl-2011, 2012 u 2013, l-iskema qed tiġi rreġistrata għal darba oħra skont ir-Regolament tal-Kummissjoni (KE) Nru 1857/2006.
L-iskadenza għall-applikazzjoni għas-sussidji mill-2011 sal-2013 hija stabbilita fid-Deċiżjoni għall-istedina tal-applikazzjonijiet għas-sussidji mill-Ministeru għall-Agrikoltura, in-Natura u l-Kwalità tal-Ikel (ippubblikata kull sena mis-Segretarju tal-Istat għall-Affarijiet Ekonomiċi, l-Agrikoltura u l-innovazzjoni) (Ara wkoll l-Artikolu 1(3) dwar l-Iskema għas-Sussidji mill-Ministeru għall-Agrikoltura, in-Natura u l-Kwalità tal-Ikel). Id-Deċiżjonijiet huma ppubblikati fil-Gazzetta tal-Gvern. It-titlu ta' referenza għall-2011 huwa kif ġej: Id-Deċżjoni għall-istedina tal-applikazzjonijiet għas-sussidji għall-2011 lill-Ministeru għall-Agrikoltura, in-Natura u l-Kwalità tal-Ikel; il-perjodu tal-applikazzjoni għall-IRE fl-2011 għandu jkun mill-1 ta' April sat-13 ta' Mejju. Id-Deċiżjoni tista' tistabbilixxi l-intensità tal-għajnuna għal anqas minn 40 % tal-investimenti eleġibbli.
Idħol fis-sit elettroniku “http://wetten.overheid.nl/zoeken/”
Ikklikkja fuq il-kaxxi mmarkati “wetten” u “in de titel”, imbagħad ittajpja “Kaderwet LNV-subsidies”
Ikklikkja fuq il-kaxxi mmarkati “ministeriële regelingen” u “in de titel”, imbagħad ittajpja “Regeling LNV-subsidies”
Għajnuna Nru: SA.32064 (2010/XA)
Stati Membri: Il-Belġju
Reġjun: Vlaanderen
Titolu tal-iskema ta' għajnuna jew isem l-impriża li tirċievi l-għajnuna individwali: Bio zoekt Boer
Bażi legali: Ministerieel Besluit tot toekenning van een subsidie aan BioForum Vlaanderen vzw voor het project „Biolandbouw & agrobiodiversiteit” (ara d-dokument mehmuż).
Nefqa annwali ppjanata taħt l-iskema jew ammont totali tal-għajnuna individwali mogħtija lill-impriża: EUR 0,0379 miljun
Intensità massima tal-għajnuna: L-intensità massima tal-għajnuna hi ta' 100 % tal-ispejjeż ippruvati tal-proġett sottomess għall-għajnuna.
Data tal-implimentazzjoni: L-għajnuna mhux ser tingħata sakemm tiġi ffirmata d-deċiżjoni tal-għajnuna mill-Ministru u jiġu impenjati l-approprjazzjonijiet tal-baġit (nofs Diċembru 2010). Irid ikun applikat il-prinċipju ‘ta’ sospensjoni’.
Tul ta' żmien tal-għajnuna individwali: L-għajnuna ser tingħata għall-2011 (mill-1 ta' Jannar 2011 sal-31 ta' Diċembru 2011 inkluż).
Għan tal-għajnuna: L-għajnuna ser tingħata lil BioForum Vlaanderen vzw għall-attivitajiet li ġejjin:
Il-miżura tal-għajnuna taqa’ fl-ambitu tal-Artikolu 15 tar-Regolament (KE) Nru 1857/2006. L-għajnuna tista' tkopri 100 % tal-ispejjeż li ġejjin:
L-Artikolu 15(c): għajnuna dwar is-servizzi ta' konsulenza pprovduti minn partijiet terzi;
L-Artikolu 15(d) dwar l-organizzazzjoni ta' forums u l-parteċipazzjoni fihom għall-qsim tal-għarfien bejn in-negozji, il-kompetizzjonijiet, il-wirjiet u l-fieri
Il-proġett ma jipprovdix għajnuna għar-reklamar.
Se titħares il-konformità mal-paragrafi kollha tal-Artikolu 15.
Settur jew setturi benefiċjarji: Il-biedja organika
L-għajnuna ser tingħata biss lill-intrapriżi żgħar u ta' daqs medju.
Isem u indirizz tal-awtorità li tagħti l-għajnuna:
Departement Landbouw en Visserij |
Afdeling Duurzame Landbouwontwikkeling |
Koning Albert II-laan 35, bus 40 |
1030 Bruxelles/Brussel |
BELGIQUE/BELGIË |
Indirizz tal-Internet: http://lv.vlaanderen.be/nlapps/docs/default.asp?id=1914
Informazzjoni oħra: —
Jules VAN LIEFFERINGE
Secretaris-generaal
Għajnuna Nru: SA.32065 (2010/XA)
Stati Membri: Il-Belġju
Reġjun: Vlaanderen
Titolu tal-iskema ta' għajnuna jew isem l-impriża li tirċievi l-għajnuna individwali: Ketenontwikkeling BioForum Vlaanderen
Bażi legali: Ministerieel Besluit tot toekenning van een subsidie aan BioForum Vlaanderen vzw voor het project „Ketenontwikkeling BioForum Vlaanderen (ara d-dokument mehmuż)”.
Nefqa annwali ppjanata taħt l-iskema jew ammont totali tal-għajnuna individwali mogħtija lill-impriża: EUR 0,095 miljun
Intensità massima tal-għajnuna: L-intensità massima tal-għajnuna hi ta' 100 % tal-ispejjeż ippruvati tal-proġett sottomess għall-għajnuna. L-ispejjeż ġenerali mhumiex eleġibbli għal sussidju.
Data tal-implimentazzjoni: L-għajnuna mhux ser tingħata sakemm tiġi ffirmata d-deċiżjoni tal-għajnuna mill-Ministru u jiġu impenjati l-approprjazzjonijiet tal-baġit L-iskema għandha tibda tapplika mill-1 ta’ Jannar 2011. Irid ikun applikat il-prinċipju ‘ta’ sospensjoni’.
Tul ta' żmien tal-għajnuna individwali: L-għajnuna ser tingħata għall-2011 (mill-1 ta' Jannar sal-31 ta' Diċembru 2011 inkluż).
Għan tal-għajnuna: L-għajnuna ser tingħata lil BioForum Vlaanderen vzw bil-għan li tagħmel eżami tas-suq, tappoġġja s-servizzi tal-ikel, tissorvelja x-xejriet tas-suq u taġġorna u twettaq ir-riċerka tas-suq kif ukoll tipprovdi komunikazzjoni ralatata ma’ dawn.
L-għajnuna se tingħata skont l-Artikolu 15 tar-Regolament (KE) Nru 1857/2006. L-għajnuna tista' tkopri 100 % tal-ispejjeż li ġejjin:
L-Artikolu 15(c): għajnuna dwar is-servizzi ta' konsulenza pprovduti minn partijiet terzi;
L-Artikolu 15(d) dwar l-organizzazzjoni ta' forums u l-parteċipazzjoni fihom għall-qsim tal-għarfien bejn in-negozji, il-kompetizzjonijiet, il-wirjiet u l-fieri;
L-Artikolu 15(2)(e): għajnuna għal informazzjoni fattwali dwar is-sistemi ta’ kwalità li japplikaw għall-prodotti minn pajjiżi oħrajn, dwar il-prodotti ġeneriċi u dwar il-benefiċċji ta’ nutriment tal-prodotti ġeneriċi u suġġerimenti għall-użu tagħhom;
L-Artikolu 15(2)(f): għajnuna għal pubblikazzjonijiet bħal katalgi jew siti tal-internet li jippreżentaw informazzjoni fattwali dwar il-produtturi li ġejjin minn ċertu reġjun jew dwar il-produtturi li jipproduċu ċertu prodott, dejjem jekk l-informazzjoni u l-preżentazzjoni jkunu newtrali u l-produtturi kollha kkonċernati jkollhom opportunitajiet indaqs għar-rappreżentanza fil-pubblikazzjoni. L-għajnuna se tingħata biss għal attivitajiet u għal materjal informattiv li ma jkun fihom ebda referenza għall-oriġini tal-prodott.
Il-proġett ma jipprovdix għajnuna għar-reklamar.
Se titħares il-konformità mal-paragrafi kollha tal-Artikolu 15.
Settur jew setturi benefiċjarji: Biedja organika
L-għajnuna ser tingħata biss lill-intrapriżi żgħar u ta' daqs medju.
Isem u indirizz tal-awtorità li tagħti l-għajnuna:
Departement Landbouw en Visserij |
Afdeling Duurzame Landbouwontwikkeling |
Koning Albert II-laan 35, bus 40 |
1030 Bruxelles/Brussel |
BELGIQUE/BELGIË |
Indirizz tal-Internet: http://lv.vlaanderen.be/nlapps/docs/default.asp?id=1914
Informazzjoni oħra: —
Jules VAN LIEFFERINGE
Secretaris-generaal
Għajnuna Nru: SA.32067 (2010/XA)
Stati Membri: Ir-Repubblika Federali tal-Ġermanja
Reġjun: Schleswig-Holstein
Titolu tal-iskema ta' għajnuna jew isem l-impriża li tirċievi l-għajnuna individwali: Entschädigung für Legehennen in Beständen mit Salmonellen-Befund
Bażi legali:
1. |
Ir-Regolament (KE) Nru 2160/2003 tas-17 ta' Novembru 2003 (ĠU L 325, 12.12.2003, p. 1) |
2. |
Verordnung zum Schutz gegen bestimmte Salmonelleninfektionen beim Haushuhn (Hühner-Salmonellen-Verordnung) vom 6. April 2009 (BGBl. I S. 752), zuletzt geändert durch Artikel 7 der Verordnung vom 18. Dezember 2009 (BGBl. I S. 3939) |
3. |
Leitlinien zum Schutz schleswig-holsteinischer Legehennenbestände vor dem Eintrag und der Verbreitung von Salmonellen der Typen S. enteritidis und S. typhimurium |
4. |
Richtlinien für die Gewährung von Beihilfen zur Bekämpfung von Salmonellen in Legehennenbeständen (Legehennen-Salmonellen-Beihilfe-Richtlinien) |
Nefqa annwali ppjanata taħt l-iskema jew ammont totali tal-għajnuna individwali mogħtija lill-impriża: EUR 130 000
Intensità massima tal-għajnuna: 50 %
Data tal-implimentazzjoni: Din l-għajnuna ser tingħata minn x'ħin tiġi ppubblikata l-informazzjoni fil-qosor dwar l-iskema tal-għajnuna fuq l-internet.
Tul ta' żmien tal-għajnuna individwali: Sal-31 ta' Diċembru 2011
Għan tal-għajnuna: Salmonellosis hija elenkata fl-Anness għad-Deċiżjoni tal-Kunsill 90/424/KEE.
L-eżenzjoni hija bbażata fuq l-Artikolu 10(2) tar-regolament (KE) Nru 1857/2006 tat-TFUE
L-iskop tal-miżura huwa biex tikkumpensa għal nofs il-valur tas-suq tal-annimali li jkunu nqatlu minħabba infezzjonijiet tas-salmonella indentifikati uffiċjalment skont il-linji gwida.
Settur jew setturi benefiċjarji: L-Agrikoltura
Is-sidien tat-tiġieġ li jbidu li huma eleġibbli għall-għajnuna huma l-azjendi agrikoli żagħar u ta' daqs medju skont it-tifsira tar-Regolament tal-Kummissjoni (KE) Nru 1857/2006.
Isem u indirizz tal-awtorità li tagħti l-għajnuna:
Ministerium für Landwirtschaft, Umwelt und ländliche Räume Schleswig-Holstein |
Mercatorstraße 3 |
24106 Kiel |
DEUTSCHLAND |
Indirizz tal-Internet: http://www.schleswig-holstein.de/cae/servlet/contentblob/954314/publicationFile/Beihilfe_Salmonellen_RiLi_2011_Freist.pdf
Informazzjoni oħra: —
Birgitt FAIK
25.3.2011 |
MT |
Il-Ġurnal Uffiċjali tal-Unjoni Ewropea |
C 93/15 |
Komunikazzjoni tal-Kummissjoni skont l-Artikolu 17(5) tar-Regolament (KE) Nru 1008/2008 tal-Parlament Ewropew u tal-Kunsill dwar regoli komuni għall-operat ta’ servizzi tal-ajru fil-Komunità
Sejħa għall-offerti rigward l-operat ta’ servizzi tal-ajru bi skeda skont l-obbligi tas-servizz pubbliku
(Test b’relevanza għaż-ŻEE)
2011/C 93/08
Stat Membru |
Franza |
|||||||||||||
Rotta kkonċernata |
La Rochelle–Poitiers–Lyon |
|||||||||||||
Perjodu tal-validità tal-kuntratt |
1 ta' Novembru 2011-31 ta' Ottubru 2015 |
|||||||||||||
Data tal-iskadenza għat-tressiq tal-applikazzjonijiet u tal-offerti |
|
|||||||||||||
Indirizz minn fejn jistgħu jinkisbu t-test tas-sejħa għall-offerti, u kwalunkwe tagħrif u/jew dokumentazzjoni rilevanti marbuta mas-sejħa għall-offerti u mal-obbligu tas-servizz pubbliku |
|
25.3.2011 |
MT |
Il-Ġurnal Uffiċjali tal-Unjoni Ewropea |
C 93/16 |
Informazzjoni mill-Estonja dwar l-implimentazzjoni tad-Direttiva 2008/68/KE tal-Parlament Ewropew u tal-Kunsill
2011/C 93/09
Ir-Repubblika tal-Estonja informat lill-Kummissjoni li, skont l-Anness II, it-Taqsima II.2.8 għad-Direttiva 2008/68/KE tal-Parlament Ewropew u tal-Kunsill tal-24 ta' Settembru 2008 dwar it-trasport intern ta' oġġetti perikolużi,
— |
Skont ir-rekwiżiti stabbiliti fl-Anness II, it-Taqsima II.2.8 għad-Direttiva 2008/68/KE l-Estonja tuża l-Anness II tal-SMGS dwar it-trasport ta' oġġetti perikolużi bil-ferroviji minn u lejn partijiet kontraenti fl-OSJD lil mhumiex Stati Membri tal-Unjoni Ewropea. |
V Avviżi
PROĊEDURI AMMINISTRATTIVI
Il-Kummissjoni Ewropea
25.3.2011 |
MT |
Il-Ġurnal Uffiċjali tal-Unjoni Ewropea |
C 93/17 |
SEJĦA GĦALL-PROPOSTI – EACEA/15/11
Skont il-Programm tat-Tagħlim Tul il-Ħajja
Appoġġ għall-kooperazzjoni Ewropea fl-Edukazzjoni u t-Taħriġ
2011/C 93/10
Parti A – |
Inqajmu sensibilizzazzjoni nazzjonali tal-istrateġiji tat-tagħlim tul il-ħajja u tal-kooperazzjoni Ewropea fl-edukazzjoni u t-taħriġ |
Parti B – |
Appoġġ għall-kooperazzjoni transnazzjonali fl-iżvilupp u l-implimentazzjoni ta’ strateġiji nazzjonali u reġjonali tat-tagħlim tul il-ħajja |
1. Objettivi u deskrizzjoni
L-għanijiet ġenerali tas-sejħa għal proposti huma li jingħata appoġġ għall-istabbiliment u l-implimentazzjoni ta’ strateġiji u politiki ta’ tagħlim tul il-ħajja li jkunu koerenti u komprensivi fuq livell nazzjonali, reġjonali u lokali, li jkopru u jorbtu flimkien it-tipi kollha (formali, nonformali, informali) u l-livelli tal-edukazzjoni (preskolastika, primarja, sekondarja, terzjarja, għall-adulti, edukazzjoni u taħriġ vokazzjonali inizjali u kontinwi), inkluż rabtiet ma’ setturi ta’ politika rilevanti oħrajn (eż. impjiegi u inklużjoni soċjali), permezz ta’:
— |
L-għoti ta’ appoġġ biex titqajjem sensibilizzazzjoni u impenn istituzzjonali, koordinazzjoni u sħubija mal-partijiet interessati kollha biex jikkontribwixxu għall-implimentazzjoni nazzjonali tal-erba’ prijoritajiet strateġiċi tal-“Qafas strateġiku għall-kooperazzjoni Ewropea fl-edukazzjoni u t-taħriġ (ET 2020)”, |
— |
L-għoti ta’ appoġġ għall-kooperazzjoni transnazzjonali u l-iskambju ta’ esperjenzi u prattika tajba fl-iżvilupp u l-implimentazzjoni ta’ strateġiji u politiki ta’ tagħlim tul il-ħajja li huma koerenti u komprensivi kemm fuq livell nazzjonali kif ukoll fuq livell reġjonali, li jkopru l-forom u l-livelli kollha ta’ tagħlim, |
— |
L-għoti ta’ appoġġ għall-identifikazzjoni tal-fatturi kritiċi prinċipali u permezz ta’ esperimentazzjoni, ittestjar u trasferiment ta’ innovazzjoni konġunti fir-rigward tal-implimentazzjoni b’suċċess ta’ strateġiji u politiki ta’ tagħlim tul il-ħajja. |
2. Applikanti eliġibbli
Din is-sejħa hija miftuħa għal organizzazzjonijiet stabbiliti fil-pajjiżi li qegħdin jipparteċipaw fil-Programm tat-Tagħlim Tul il-Ħajja. Il-parteċipazzjoni ta’ Pajjiżi Terzi mhijiex permessa għal din l-azzjoni.
L-applikazzjonijiet għandhom jiġu ppreżentati minn persuna ġuridika li għandha kapaċità legali. Persuna fiżika ma tistax tapplika għal għotja.
Il-benefiċċjarji jistgħu jkunu ministeri nazzjonali jew reġjonali inkarigati mill-edukazzjoni u t-taħriġ u l-politiki ta’ tagħlim tul il-ħajja, u korpi pubbliċi oħrajn u organizzazzjonijiet ta’ partijiet interessati li jkunu attivi fl-iżvilupp u l-implimentazzjoni ta’ politiki ta’ tagħlim tul il-ħajja. Organizzazzjonijiet ta’ partijiet interessati jinkludu assoċjazzjonijiet jew organizzazzjonijiet Ewropej, nazzjonali u reġjonali li l-attivitajiet prinċipali jew ir-responsabbiltajiet ewlenin tagħhom huma marbuta direttament ma’ xi settur tal-edukazzjoni u t-taħriġ, b’mod partikolari organizzazzjonijiet tal-imsieħba soċjali u assoċjazzjonijiet oħra nazzjonali jew reġjonali li jirrappreżentaw l-interessi ta’ grupp tas-soċjetà fl-istabbiliment u l-implimentazzjoni ta’ politiki tat-tagħlim tul il-ħajja.
Għall-iskop ta’ din is-sejħa, l-istituzzjonijiet kollha ta’ edukazzjoni ogħla speċifikati mill-Istati Membri (pajjiżi parteċipanti), u l-istituzzjonijiet jew organizzazzjonijiet kollha li jipprovdu opportunitajiet ta’ tagħlim li rċevew ’il fuq minn 50 % tad-dħul annwali tagħhom minn sorsi pubbliċi matul l-aħħar sentejn (għotjiet oħra mill-Unjoni Ewropea għal azzjoni huma esklużi), jew li huma kkontrollati minn korpi pubbliċi jew mir-rappreżentanti tagħhom, huma kkunsidrati li huma korpi pubbliċi. Organizzazzjonijiet bħal dawn huma meħtieġa li jistqarru permezz ta’ dikjarazzjoni fuq l-unur tagħhom iffirmata (inkluża fil-pakkett tal-applikazzjoni) li l-organizzazzjoni tagħhom hija konformi mad-definizzjoni msemmija hawn fuq ta’ korp pubbliku. L-Aġenzija tirriserva d-dritt li titlob id-dokumentazzjoni biex tivverifika din id-dikjarazzjoni.
Parti A.1 – Inqajmu sensibilizzazzjoni nazzjonali tal-istrateġiji tat-tagħlim tul il-ħajja u tal-kooperazzjoni Ewropea fl-edukazzjoni u t-taħriġ
L-applikazzjonijiet għall-finanzjament jistgħu jsiru minn awtorità nazzjonali jew reġjonali waħda jew iktar mill-istess pajjiż responsabbli għall-edukazzjoni u t-taħriġ u politiki ta’ Tagħlim Tul il-Ħajja, jew korpi pubbliċi oħra maħturin minn awtoritajiet bħal dawn biex iwieġbu għas-sejħa.
Parti A.2 – Inqajmu sensibilizzazzjoni nazzjonali tal-istrateġiji tat-tagħlim tul il-ħajja u tal-kooperazzjoni Ewropea fl-edukazzjoni u t-taħriġ
L-applikazzjonijiet għall-finanzjament jistgħu jsiru biss minn sħubiji nazzjonali magħmula minn mill-inqas tliet organizzazzjonijiet li jkunu involuti direttament fl-iżvilupp u l-implimentazzjoni ta’ politiki tat-tagħlim tul il-ħajja.
Parti B – Appoġġ għall-kooperazzjoni transnazzjonali fl-iżvilupp u l-implimentazzjoni ta’ strateġiji nazzjonali u reġjonali tat-tagħlim tul il-ħajja
L-applikazzjonijiet għall-finanzjament jistgħu jsiru biss minn sħubiji transnazzjonali magħmula minn mill-inqas ħames organizzazzjonijiet li jkunu involuti direttament fl-iżvilupp u l-implimentazzjonijiet ta’ politiki tat-tagħlim tul il-ħajja, u li jinvolvu tliet pajjiżi eliġibbli jew iktar.
L-applikazzjonijiet jistgħu jiġu ppreżentati minn organizzazzjonijiet (inkluż l-organizzazzjonijiet imsieħba kollha) stabbiliti f’dawn il-pajjiżi:
— |
is-27 Stat Membru tal-UE, |
— |
it-tliet pajjiżi tal-EEA/EFTA: l-Islanda, il-Liechtenstein, in-Norveġja, |
— |
il-pajjiżi kandidati: it-Turkija, il-Kroazja, l-Isvizzera. |
Il-parteċipazzjoni ta’ pajjiżi terzi mhijiex permessa għal din l-azzjoni.
Mill-inqas pajjiż wieħed tas-sħubija jrid ikun Stat Membru tal-UE (tapplika biss għall-Parti B ta’ din is-sejħa).
3. Attivitajiet eliġibbli
Parti A.1 – Inqajmu sensibilizzazzjoni nazzjonali tal-istrateġiji tat-tagħlim tul il-ħajja u tal-kooperazzjoni Ewropea fl-edukazzjoni u t-taħriġ (Qafas Strateġiku ET 2020)
L-attivitajiet li għandhom jiġu ffinanzjati taħt din il-parti tas-sejħa jinkludu (objettivi speċifiċi)
— |
Attivitajiet li jqajmu sensibilizzazzjoni għas-sostenn ta’ dibattiti u djalogu nazzjonali marbuta mal-istabbiliment u l-implimentazzjoni ta’ strateġiji u politiki tat-tagħlim tul il-ħajja (bħal konferenzi nazzjonali jew reġjonali, seminars jew workshops), b’attenzjoni speċjali fuq ir-rikonoxximent u l-validazzjoni ta’ tagħlim li jseħħ qabel (nonformali u informali). |
— |
L-istabbiliment ta’ fora u attivitajiet oħra li jikkontribwixxu għal koerenza u koordinazzjoni aħjar fil-proċess tal-istabbiliment u l-implimentazzjoni ta’ strateġiji nazzjonali tat-tagħlim tul il-ħajja li huma koerenti u komprensivi, b’enfasi speċjali fuq ir-rikonoxximent u l-validazzjoni ta’ tagħlim li seħħ qabel (nonformali u informali). |
— |
Attivitajiet ta’ disseminazzjoni u li jqajmu sensibilizzazzjoni taħt il-Qafas Strateġiku ET 2020 ta’ għodda jew materjal ta’ referenza (eż. attivitajiet ta’ informazzjoni, inklużi kampanji dwar il-midja, avvenimenti ta’ reklamar, eċċ.), b’enfasi speċjali fuq ir-rikonoxximent u l-validazzjoni ta’ tagħlim li seħħ qabel (nonformali u informali). |
— |
Azzjoni ta’ segwitu marbuta ma’ programmi nazzjonali eżistenti mmirati sabiex jistabbilixxu u jimplimentaw il-Metodu Miftuħ ta’ Edukazzjoni u Taħriġ ta’ Koordinazzjoni skont il-Qafas Strateġiku ET 2020 fuq livell nazzjonali, b’enfasi speċjali fuq ir-rikonoxximent u l-validazzjoni ta’ tagħlim li seħħ qabel (nonformali u informali). |
Parti A.2 – Inqajmu sensibilizzazzjoni nazzjonali tal-istrateġiji tat-tagħlim tul il-ħajja u tal-kooperazzjoni Ewropea fl-edukazzjoni u t-taħriġ
L-attivitajiet li għandhom jiġu ffinanzjati taħt din il-parti tas-sejħa jinkludu (objettivi speċifiċi):
— |
Attivitajiet ta’ sostenn ta’ dibatti u djalogu nazzjonali (bħal konferenzi, seminars jew workshops nazzjonali jew reġjonali) marbuta mal-istabbiliment u l-implimentazzjoni ta’ strateġiji u politiki tat-tagħlim tul il-ħajja, b’enfasi speċjali fuq ir-rikonoxximent u l-validazzjoni ta’ tagħlim li seħħ qabel (nonformali u informali), |
— |
L-istabbiliment ta’ fora u attivitajiet oħra li jikkontribwixxu għal koerenza u koordinazzjoni aħjar fil-proċess tal-istabbiliment u l-implimentazzjoni ta’ strateġiji nazzjonali tat-tagħlim tul il-ħajja li huma koerenti u komprensivi, b’enfasi speċjali fuq ir-rikonoxximent u l-validazzjoni ta’ tagħlim li seħħ qabel (nonformali u informali), |
— |
Azzjoni ta’ segwitu marbuta ma’ programmi nazzjonali eżistenti mmirati sabiex jistabbilixxu u jimplimentaw il-Metodu Miftuħ ta’ Edukazzjoni u Taħriġ ta’ Koordinazzjoni skont il-Qafas Strateġiku ET 2020 fuq livell nazzjonali, b’enfasi speċjali fuq ir-rikonoxximent u l-validazzjoni ta’ tagħlim li seħħ qabel (nonformali u informali). |
Parti B – Appoġġ għall-kooperazzjoni transnazzjonali fl-iżvilupp u l-implimentazzjoni ta’ strateġiji nazzjonali u reġjonali tat-tagħlim tul il-ħajja
L-attivitajiet li għandhom jiġu ffinanzjati taħt din il-parti tas-sejħa jinkludu (objettivi speċifiċi):
— |
Żvilupp u ttestjar konġunt ta’ għodod u prattiki innovattivi, |
— |
L-iskambju transnazzjonali ta’ prattika tajba (tagħlim tal-pari) li jista’ jinkludi analiżi, konferenzi u seminars, immirati lejn l-appoġġ dirett għat-tfassil ta’ politika u l-implimentazzjoni, |
— |
Azzjonijiet immirati lejn il-ħolqien u l-iżvilupp ta’ sħubiji transnazzjonali li jappoġġjaw it-tfassil u l-implimentazzjoni ta’ politika fuq livell reġjonali, nazzjonali u Ewropew. |
L-attivitajiet għandhom jibdew bejn l-1 ta’ Jannar 2012 u l-31 ta’ Marzu 2012.
It-tul massimu ta’ żmien tal-proġetti huwa ta’ 12-il xahar għal Parti A u 24 xahar għal Parti B.
Ma jiġux aċċettati applikazzjonijiet għal proġetti skedati sabiex jibqgħu għaddejjin għal perjodu itwal minn dak speċifikat f’din is-sejħa għall-proposti.
4. Kriterji għall-għoti
L-applikazzjonijiet/il-proġetti eliġibbli sejrin jiġu evalwati fuq il-bażi tal-kriterji li ġejjin:
Parti A – Inqajmu sensibilizzazzjoni nazzjonali tal-istrateġiji tat-tagħlim tul il-ħajja u tal-kooperazzjoni Ewropea fl-edukazzjoni u t-taħriġ
1. Rilevanza: l-applikazzjoni għall-għotja u r-riżultati previsti huma mpoġġija b’mod ċar fl-objettivi speċifiċi, operattiv u dawk usa’ tas-Sejħa għall-Proposti. L-objettivi huma ċari, realistiċi u jindirizzaw gruppi fil-mira u kwistjonijiet rilevanti, inkluż firxa wiesgħa ta’ dawk interessati ewlenin fuq il-livelli kollha kkonċernati bl-istabbiliment u l-implimentazzjoni ta’ strateġiji tat-tagħlim tul il-ħajja, inkluż dawk involuti fil-politika u fit-teħid tad-deċiżjonijiet, prattikanti, fornituri, imsieħba soċjali, rappreżentanti tas-soċjetà ċivili u min qed jitgħallem (40 %).
2. Il-kwalità tal-pjan ta’ azzjonijiet: l-organizzazzjoni tal-ħidma hija ċara u xierqa sabiex jinkisbu l-objettivi; il-kompiti/l-attivitajiet huma definiti b’tali mod li r-riżultati jinkisbu fil-ħin u skont il-baġit (10 %).
3. Il-kwalità tal-metodoloġija: l-għodod u l-approċċi prattiċi proposti huma koerenti u xierqa biex jindirizzaw il-ħtiġijiet identifikati għal gruppi fil-mira identifikati b’mod ċar (10 %).
4. Il-kwalità tat-tim tal-proġett: it-tim tal-proġett jinkludi l-ħiliet, il-kapaċità esperta rikonoxxuta u l-kompetenza meħtieġa biex iwettaq l-aspetti kollha tal-pjan ta’ azzjonijiet, u hemm distribuzzjoni xierqa tal-kompiti fost il-membri tiegħu (10 %).
5. Il-Proporzjon Spiża-Benefiċċju: l-applikazzjoni għall-għotja turi valur għall-flus f’termini tal-attivitajiet ippjanati fir-rigward tal-baġit previst (10 %).
6. L-Impatt: l-impatt previst fuq l-approċċi, il-gruppi fil-mira u s-sistemi kkonċernati huwa definit b’mod ċar u hemm miżuri fis-seħħ li jiżguraw li l-impatt jista’ jinkiseb. Ir-riżultati tal-attivitajiet huma mistennija li jkunu sinifikanti (10 %).
7. Il-Kwalità tal-Pjan ta’ Valorizzazzjoni (Tixrid u Sfruttament tar-Riżultati): il-firxa tal-attivitajiet ippjanati għat-tixrid u l-isfruttament sejrin jiżguraw l-użu ottimali tar-riżultati lil hinn mill-parteċipanti fil-proposta, matul u lil hinn minn kemm idum għaddej il-proġett (10 %).
Parti B – Appoġġ għall-kooperazzjoni transnazzjonali fl-iżvilupp u l-implimentazzjoni ta’ strateġiji nazzjonali u reġjonali tat-tagħlim tul il-ħajja
1. Rilevanza: l-applikazzjoni għall-għotja u r-riżultati previsti huma mpoġġija b’mod ċar fl-objettivi speċifiċi, operattiv u dawk usa’ tas-Sejħa għall-Proposti. L-objettivi huma ċari, realistiċi u jindirizzaw gruppi fil-mira u kwistjonijiet rilevanti, inkluż dawk interessati ewlenin ikkonċernati bl-implimentazzjoni u t-twassil ta’ politiki tat-tagħlim tul il-ħajja, inkluż dawk involuti fil-politika u fit-teħid tad-deċiżjonijiet, prattikanti, fornituri, imsieħba, rappreżentanti tas-soċjetà ċivili u min qed jitgħallem (40 %).
2. Il-kwalità tal-pjan ta’ azzjonijiet: l-organizzazzjoni tal-ħidma hija ċara u xierqa sabiex jintlaħqu l-objettivi; il-kompiti/l-attivitajiet huma definiti b’tali mod li r-riżultati jinkisbu fil-ħin u skont il-baġit (10 %).
3. Il-kwalità tal-metodoloġija: l-għodod u l-approċċi prattiċi proposti huma koerenti, innovattivi u xierqa biex jindirizzaw il-ħtiġijiet identifikati għal gruppi fil-mira identifikati b’mod ċar (10 %).
4. Il-kwalità tal-Konsorzju: il-konsorzju jinkludi l-ħiliet, il-kapaċità esperta rikonoxxuta u l-kompetenzi meħtieġa kollha biex iwettaq l-aspetti kollha tal-pjan ta’ azzjonijiet, u hemm distribuzzjoni xierqa tal-kompiti fost il-membri tiegħu (10 %).
5. Il-Proporzjon Spiża-Benefiċċju: l-applikazzjoni għall-għotja turi valur għall-flus f’termini tal-attivitajiet ippjanati fir-rigward tal-baġit previst (10 %).
6. L-Impatt u l-Valur Miżjud Ewropew: l-impatt previst fuq l-approċċi, il-gruppi fil-mira u s-sistemi kkonċernati huwa definit b’mod ċar u hemm miżuri fis-seħħ li jiżguraw li l-impatt jista’ jinkiseb. Ir-riżultati tal-attivitajiet probabbilment li jkunu sinifikanti u l-benefiċċji ta’ u l-ħtieġa għal kooperazzjoni Ewropea (minbarra l-approċċi nazzjonali, reġjonali u lokali) huma murija b’mod ċar (10 %).
7. Il-Kwalità tal-Pjan ta’ Valorizzazzjoni (Tixrid u Sfruttament tar-Riżultati): il-firxa tal-attivitajiet ippjanati għat-tixrid u l-isfruttament sejrin jiżguraw l-użu ottimali tar-riżultati lil hinn mill-parteċipanti fil-proposta, matul u lil hinn minn kemm idum għaddej il-proġett (10 %).
5. Baġit
Il-baġit totali riżervat għall-kofinanzjament tal-proġetti jammonta għal EUR 2,8 miljun.
Il-kontribuzzjoni finanzjarja mill-Unjoni Ewropea ma tistax taqbeż il-75 % tal-ispejjeż totali eliġibbli.
L-għotja massima għal kull proġett sejra tkun ta’ EUR 120 000 għal Parti A (A.1 u A.2) u EUR 300 000 għal Parti B.
L-Aġenzija għandha l-ħsieb li talloka l-ammont disponibbli skont il-proporzjon indikattiv li ġej: 1/2 għal Parti A – 1/2 għal Parti B. Madankollu, l-allokazzjoni finali tiddependi fuq in-numru u l-kwalità tal-proposti riċevuti għal partijiet A u B.
L-Aġenzija tirriserva d-dritt li ma tqassamx il-fondi kollha disponibbli.
6. Skadenza għas-Sottomissjoni
Id-data finali għas-sottomissjoni tal-applikazzjonijiet hija t-30 ta’ Ġunju 2011, 12:00 nofsinhar (Ħin Ċentrali Ewropew)
Applikazzjoni sħiħa tkun tikkonsisti f’dawn li ġejjin:
— |
Pakkett tal-Applikazzjoni oriġinali waħdieni (il-Formola elettronika u l-erba’ annessi tagħha) li għandhom jiġu sottomessi online skont l-istruzzjonijiet tal-Formola Elettronika tal-Gwida għall-Utent. Din il-verżjoni, inkluż l-annessi tagħha hija kkunsidrata bħala l-verżjoni oriġinali, |
— |
Verżjoni stampata waħda li għandha tintbagħat immedjatament wara l-iskadenza li jkun fiha:
|
Il-verżjoni stampata għandha tintbagħat permezz ta’ posta rreġistrata jew ordinarja u indirizzata lill-indirizz li ġej:
Education, Audiovisual and Culture Executive Agency |
Unit P3 — LLP: Leonardo da Vinci, Grundtvig and Dissemination, Key Activity 1 — ECET |
Call for Proposals EACEA/15/11 (Part A.1/Part A.2/Part B) |
BOU2 02/145 |
Avenue du Bourget/Bourgetlaan 1 |
1140 Bruxelles/Brussel |
BELGIQUE/BELGIË |
Applikazzjonijiet li ma jkunux ġew sottomessi qabel l-iskadenza ma jiġux ikkunsidrati.
L-applikazzjonijiet li jintbagħtu b’fax jew permezz ta’ email biss mhumiex sejrin jiġu aċċettati.
7. Iktar informazzjoni
Il-linji gwida fid-dettall tas-Sejħa għall-Proposti kif ukoll il-Pakkett tal-Applikazzjoni huma disponibbli fuq dan is-sit elettroniku:
http://eacea.ec.europa.eu/llp/funding/2011/call_ecet_2011_en.php
L-applikazzjonijiet għandhom jiġu sottomessi permezz tal-formoli pprovduti u għandu jkun fihom l-annessi u informazzjoni kollha kif meħtieġa fil-linji gwida dettaljati.
PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI
Il-Kummissjoni Ewropea
25.3.2011 |
MT |
Il-Ġurnal Uffiċjali tal-Unjoni Ewropea |
C 93/22 |
Komunikazzjoni mill-Ministru għall-Affarijiet Ekonomiċi, l-Agrikoltura u l-Innovazzjoni tar-Renju tal-Pajjiżi l-Baxxi skont l-Artikolu 3(2) tad-Direttiva 94/22/KE tal-Parlament Ewropew u tal-Kunsill dwar il-kundizzjonijiet għall-għoti u l-użu ta’ awtorizzazzjonijiet għall-prospettar, esplorazzjoni u produzzjoni ta’ idrokarburi
2011/C 93/11
Il-Ministru għall-Affarijiet Ekonomiċi, l-Agrikoltura u l-Innovazzjoni b’dan qed javża li rċieva applikazzjoni għall-awtorizzazzjoni għall-prospettar tal-idrokarburi fiż-żona magħrufa bħala IJsselmuiden.
Din iż-żona tinsab fil-provinċja ta' Overijssel u hija kkonfinata mil-linji dritti li jgħaqqdu l-pari tal-punti A-B, B-C, C-D, D-E, E-F, F-G u A-H u mill-konfini bejn il-provinċji ta' Overijssel u Gelderland bejn il-punti H u G.
Il-koordinati tal-punti huma kif ġej:
Punt |
X |
Y |
A |
188000,00 |
512000,00 |
B |
204982,97 |
512000,00 |
C |
208443,86 |
507940,65 |
D |
222164,41 |
507699,42 |
E |
231525,76 |
500038,73 |
F |
220500,00 |
500000,00 |
G |
204662,32 |
490949,90 |
H |
188000,00 |
503826,19 |
Il-punti t’hawn fuq huma ddefiniti permezz tal-koordinati ġeografiċi tagħhom, ikkalkulati skont is-Sistema ta' Triangulazzjoni Nazzjonali (RD, Rijks Driehoeksmeting).
Abbażi ta' din id-deskrizzjoni taż-żona, l-erja tas-superfiċje hija 447,04 km2.
B’referenza għad-Direttiva msemmija fl-introduzzjoni u fl-Artikolu 15 tal-Att dwar il-Minjieri (Mijnbouwwet) (il-Bullettin tal-Atti u tad-Digrieti (Staatsblad) 2002, Nru 542), il-Ministru għall-Affarijiet Ekonomiċi, l-Agrikoltura u l-Innovazzjoni b’dan jistieden lill-partijiet interessati sabiex iressqu applikazzjoni ta’ kompetizzjoni għall-awtorizzazzjoni għall-prospettar tal-idrokarburi fiż-żona kkonfinata bil-punti u l-koordinati msemmija hawn fuq.
Il-Ministru tal-Affarijiet Ekonomiċi, l-Agrikoltura u l-Innovazzjoni huwa l-awtorità kompetenti għall-għoti tal-awtorizzazzjonijiet. Il-kriterji, il-kundizzjonijiet u r-rekwiżiti msemmija fl-Artikoli 5(1), 5(2) u 6(2) tad-Direttiva msemmija hawn fuq huma mniżżlin fl-Att dwar il-Minjieri (Il-Bullettin tal-Atti u tad-Digrieti 2002, Nru 542).
L-applikazzjonijiet jistgħu jitressqu matul it-13-il ġimgħa ta' wara l-pubblikazzjoni ta' dan l-avviż f'Il-Ġurnal Uffiċjali tal-Unjoni Ewropea u għandhom jintbagħtu lil:
De minister van Economische Zaken, Landbouw en Innovatie |
ter attentie van P. Jongerius, directie Energiemarkt |
ALP A/562 |
Bezuidenhoutseweg 30 |
Postbus 20101 |
2500 EC Den Haag |
NEDERLAND |
L-applikazzjonijiet li jaslu wara li jiskadi dan il-perjodu ma jiġux ikkunsidrati.
Id-deċiżjoni dwar l-applikazzjonijiet se tittieħed sa mhux aktar tard minn 12-il xahar minn tmiem dan il-perjodu.
Aktar tagħrif jista' jinkiseb mingħand is-Sur E. J. Hoppel fuq dan in-numru tat-telefown: +31 703797088.
25.3.2011 |
MT |
Il-Ġurnal Uffiċjali tal-Unjoni Ewropea |
C 93/24 |
Notifika minn qabel ta' konċentrazzjoni
(Każ COMP/M.6202 – Samsung LED/Sumitomo Chemical/JV)
Każ li jista' jiġi kkunsidrat għal proċedura simplifikata
(Test b’relevanza għaż-ŻEE)
2011/C 93/12
1. |
Fis-16 ta’ Marzu 2011, il-Kummissjoni rċeviet notifika ta' konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha Samsung LED Co., Ltd., (“Samsung LED”, il-Korea), u Sumitomo Chemical Co., Ltd., (“Sumitomo Chemical”, il-Ġappun), jakkwistaw, skont it-tifsira tal-Artikolu 3(1)(b) tar-Regolament dwar l-Għaqdiet, il-kontroll konġunt ta’ kumpanija ġdida li tikkostitwixxi kumpanija konġunta (il-“JV”), li se tipproduċi, fil-bidu, substrata taż-żaffir u, eventwalment, varjetà ta’ kimiki u materjali avvanzati għall-applikazzjonijiet tal-LED, fil-Korea. |
2. |
L-attivitajiet kummerċjali tal-impriżi kkonċernati huma:
|
3. |
Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet taħt ir-Regolament tal-KE dwar l-Għaqdiet (2) ta' min jinnota li dan il-każ jista' jiġi kkunsidrat għat-trattament taħt il-proċedura stipulata fl-Avviż. |
4. |
Il-Kummissjoni tistieden lill-partijiet terzi interessati biex iressqu kwalunkwe kummenti li jistgħu jkollhom dwar it-tranżizzjoni proposta. Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.6202 – Samsung LED/Sumitomo Chemical/JV, fl-indirizz li ġej:
|
(1) ĠU L 24, 29.1.2004, p. 1 (ir-“Regolament tal-KE dwar l-Għaqdiet”).
(2) ĠU C 56, 5.3.2005, p. 32 (“Avviż ta’ proċedura simplifikata”).
25.3.2011 |
MT |
Il-Ġurnal Uffiċjali tal-Unjoni Ewropea |
C 93/25 |
Notifika minn qabel ta' konċentrazzjoni
(Każ COMP/M.6108 – EQT V/Dometic)
(Test b’relevanza għaż-ŻEE)
2011/C 93/13
1. |
Fis-16 ta’ Marzu 2011, il-Kummissjoni rċeviet notifika ta' konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża EQT V (ir-Renju Unit) takkwista, skont it-tifsira tal-Artikolu 3(1)(b) tar-Regolament dwar l-Għaqdiet, il-kontroll totali ta’ Dometic (l-Isvezja) permezz ta’ xiri ta’ ishma. |
2. |
L-attivitajiet kummerċjali tal-impriżi kkonċernati huma:
|
3. |
Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madanakollu, id-deċiżjoni finali dwar dan il-punt hija riżervata. |
4. |
Il-Kummissjoni tistieden lill-partijiet terzi interessati biex jibagħtu kwalunkwe kumment li jista’ jkollhom dwar l-operazzjoni proposta lill-Kummissjoni. Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.6108 – EQT V/Dometic, fl-indirizz li ġej:
|
(1) ĠU L 24, 29.1.2004, p. 1 (ir-“Regolament tal-KE dwar l-Għaqdiet”).
25.3.2011 |
MT |
Il-Ġurnal Uffiċjali tal-Unjoni Ewropea |
C 93/26 |
Notifika minn qabel ta' konċentrazzjoni
(Każ COMP/M.6164 – Barclays Bank/Egg Credit Card Assets)
(Test b’relevanza għaż-ŻEE)
2011/C 93/14
1. |
Fl-14 ta’ Marzu 2011, il-Kummissjoni rċeviet notifika għal konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża Barclays Bank PLC (“Barclays”, ir-Renju Unit) takkwista, fit-tifsira tal-Artikolu 3(1)(b) tar-Regolament dwar l-Għaqdiet, il-kontroll ta’ parti(jiet) mill-impriża Egg Banking plc (“Egg”, ir-Renju Unit), li fl-aħħar mill-aħħar hi kkontrollata minn Citigroup Inc. (“Citigroup”), permezz ta' xiri tal-assi. |
2. |
L-attivitajiet kummerċjali tal-impriżi kkonċernati huma:
|
3. |
Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madanakollu, id-deċiżjoni finali dwar dan il-punt hija riżervata. |
4. |
Il-Kummissjoni tistieden lill-partijiet terzi interessati biex jibagħtu kwalunkwe kumment li jista’ jkollhom dwar l-operazzjoni proposta lill-Kummissjoni. Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.6164 – Barclays Bank/Egg Credit Card Assets, fl-indirizz li ġej:
|
(1) ĠU L 24, 29.1.2004, p. 1 (ir-“Regolament tal-KE dwar l-Għaqdiet”).
25.3.2011 |
MT |
Il-Ġurnal Uffiċjali tal-Unjoni Ewropea |
C 93/27 |
Notifika minn qabel ta' konċentrazzjoni
(Każ COMP/M.6112 – Good Energies/NEIF/NEWCO)
Każ li jista' jiġi kkunsidrat għal proċedura simplifikata
(Test b’relevanza għaż-ŻEE)
2011/C 93/15
1. |
Fis-17 ta’ Marzu 2011, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regoalment tal-Kunsill (KE) Nru 139/2004 (1) li permezz tagħha l-impriżi Good Energies II LP (The Channel Islands), li l-kontroll aħħari tagħha huwa f’idejn Avenia AG (“Avenia”, l-Iżvizzera) kumpanija posseduta totalment minn bosta membri tal-familja Brenninkmeijer, u NIBC European Infrastructure Fund I CV, (“NEIF”, il-Pajjiżi l-Baxxi) fejn il-kumpanija possedenti hija NEW NIB Limited (“NEW NIB”, l-Istati Uniti tal-Amerika) jakkwistaw skont l-Artikolu 3(1)(b) tar-Regolament dwar l-Għaqdiet il-kontroll konġunt ta' FIWA II Projektgesellschaft mbH (“FIWA II”), FIWA III Projektgesellschaft mbH (“FIWA III”) u FIWA II + III Umspannwerk GmbH (“Umspannwerk GmbH”) permezz ta’ kumpanija holding ġdida, Blue Forrest Solar Holdings BV (“NewCo BV”), permezz ta’ xiri ta’ ishma. |
2. |
L-attivitajiet kummerċjali tal-impriżi kkonċernati huma:
|
3. |
Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet taħt ir-Regolament tal-KE dwar l-Għaqdiet (2) ta' min jinnota li dan il-każ jista' jiġi kkunsidrat għat-trattament taħt il-proċedura stipulata fl-Avviż. |
4. |
Il-Kummissjoni tistieden lill-partijiet terzi interessati biex iressqu kwalunkwe kummenti li jistgħu jkollhom dwar it-tranżizzjoni proposta. Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.6112 – Good Energies/NEIF/NEWCO, fl-indirizz li ġej:
|
(1) ĠU L 24, 29.1.2004, p. 1 (ir-“Regolament tal-KE dwar l-Għaqdiet”).
(2) ĠU C 56, 5.3.2005, p. 32 (“Avviż ta’ proċedura simplifikata”).