ISSN 1725-5198 doi:10.3000/17255198.C_2011.019.mlt |
||
Il-Ġurnal Uffiċjali tal-Unjoni Ewropea |
C 19 |
|
Edizzjoni bil-Malti |
Informazzjoni u Avviżi |
Volum 54 |
Avviż Nru |
Werrej |
Paġna |
|
II Komunikazzjonijiet |
|
|
KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA |
|
|
Il-Kummissjoni Ewropea |
|
2011/C 019/01 |
Ebda oppożizzjoni għal konċentrazzjoni notifikata (Każ COMP/M.5846 – Shell/Cosan/JV) ( 1 ) |
|
2011/C 019/02 |
Ebda oppożizzjoni għal konċentrazzjoni notifikata (Każ COMP/M.5973 – CVC/Charden International) ( 1 ) |
|
|
IV Informazzjoni |
|
|
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA |
|
|
Il-Kummissjoni Ewropea |
|
2011/C 019/03 |
||
2011/C 019/04 |
Wiċċ nazzjonali ġdid tal-muniti tal-euro maħsuba biex jitqiegħdu fiċ-ċirkolazzjoni |
|
2011/C 019/05 |
Wiċċ nazzjonali ġdid tal-muniti tal-euro maħsuba biex jitqiegħdu fiċ-ċirkolazzjoni |
|
|
INFORMAZZJONI DWAR IŻ-ŻONA EKONOMIKA EWROPEA |
|
|
Awtorità ta' Sorveljanza EFTA |
|
2011/C 019/06 |
Festi pubbliċi fl-2011: Stati tal-EFTA fiż-ŻEE u l-istituzzjonijiet taż-ŻEE |
|
|
V Avviżi |
|
|
PROĊEDURI AMMINISTRATTIVI |
|
|
Il-Kummissjoni Ewropea |
|
2011/C 019/07 |
||
|
PROĊEDURI GĦALL-IMPLIMENTAZZJONI TAL-POLITIKA KUMMERĊJALI KOMUNI |
|
|
Il-Kummissjoni Ewropea |
|
2011/C 019/08 |
Avviż tal-iskadenza imminenti ta' ċerti miżuri ta' antidumping |
|
2011/C 019/09 |
Avviż tal-iskadenza imminenti ta' ċerti miżuri ta' antidumping |
|
|
PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI |
|
|
Il-Kummissjoni Ewropea |
|
2011/C 019/10 |
Notifika minn qabel ta' konċentrazzjoni (Każ COMP/M.6118 – Bain Capital Investors/IMCD) – Każ li jista' jiġi kkunsidrat għal proċedura simplifikata ( 1 ) |
|
|
ATTI OĦRAJN |
|
|
Il-Kummissjoni Ewropea |
|
2011/C 019/11 |
||
|
|
|
(1) Test b’relevanza għaż-ŻEE |
MT |
|
II Komunikazzjonijiet
KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
Il-Kummissjoni Ewropea
20.1.2011 |
MT |
Il-Ġurnal Uffiċjali tal-Unjoni Ewropea |
C 19/1 |
Ebda oppożizzjoni għal konċentrazzjoni notifikata
(Każ COMP/M.5846 – Shell/Cosan/JV)
(Test b’relevanza għaż-ŻEE)
2011/C 19/01
Fit-3 ta’ Jannar 2011, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq komuni. Din id-deċiżjoni hi bbażata fuq l-Artikolu 6(1)b tar-Regolament tal-Kunsill (KE) Nru 139/2004. It-test sħiħ tad-deċiżjoni hu disponibbli biss fl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:
— |
Fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta' amalgamazzjoni, inklużi l-kumpanija, in-numru tal-każ, id-data u l-indiċi settorjali, |
— |
f’forma elettronika fil-websajt EUR-Lex (http://eur-lex.europa.eu/en/index.htm) fid-dokument li jġib in-numru 32011M5846. Il-EUR-Lex hu l-aċċess fuq l-internet għal-liġi Ewropea. |
20.1.2011 |
MT |
Il-Ġurnal Uffiċjali tal-Unjoni Ewropea |
C 19/1 |
Ebda oppożizzjoni għal konċentrazzjoni notifikata
(Każ COMP/M.5973 – CVC/Charden International)
(Test b’relevanza għaż-ŻEE)
2011/C 19/02
Fit-12 ta’ Ottubru 2010, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq komuni. Din id-deċiżjoni hi bbażata fuq l-Artikolu 6(1)b tar-Regolament tal-Kunsill (KE) Nru 139/2004. It-test sħiħ tad-deċiżjoni hu disponibbli biss fl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:
— |
Fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta' amalgamazzjoni, inklużi l-kumpanija, in-numru tal-każ, id-data u l-indiċi settorjali, |
— |
f’forma elettronika fil-websajt EUR-Lex (http://eur-lex.europa.eu/en/index.htm) fid-dokument li jġib in-numru 32010M5973. Il-EUR-Lex hu l-aċċess fuq l-internet għal-liġi Ewropea. |
IV Informazzjoni
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
Il-Kummissjoni Ewropea
20.1.2011 |
MT |
Il-Ġurnal Uffiċjali tal-Unjoni Ewropea |
C 19/2 |
Rata tal-kambju tal-euro (1)
Id-19 ta’ Jannar 2011
2011/C 19/03
1 euro =
|
Munita |
Rata tal-kambju |
USD |
Dollaru Amerikan |
1,3506 |
JPY |
Yen Ġappuniż |
110,85 |
DKK |
Krona Daniża |
7,4513 |
GBP |
Lira Sterlina |
0,84330 |
SEK |
Krona Żvediża |
8,9325 |
CHF |
Frank Żvizzeru |
1,2964 |
ISK |
Krona Iżlandiża |
|
NOK |
Krona Norveġiża |
7,8260 |
BGN |
Lev Bulgaru |
1,9558 |
CZK |
Krona Ċeka |
24,258 |
HUF |
Forint Ungeriż |
272,40 |
LTL |
Litas Litwan |
3,4528 |
LVL |
Lats Latvjan |
0,7029 |
PLN |
Zloty Pollakk |
3,8658 |
RON |
Leu Rumen |
4,2595 |
TRY |
Lira Turka |
2,0792 |
AUD |
Dollaru Awstraljan |
1,3425 |
CAD |
Dollaru Kanadiż |
1,3388 |
HKD |
Dollaru ta' Hong Kong |
10,5045 |
NZD |
Dollaru tan-New Zealand |
1,7377 |
SGD |
Dollaru tas-Singapor |
1,7293 |
KRW |
Won tal-Korea t'Isfel |
1 500,81 |
ZAR |
Rand ta' l-Afrika t'Isfel |
9,4201 |
CNY |
Yuan ren-min-bi Ċiniż |
8,8902 |
HRK |
Kuna Kroata |
7,3915 |
IDR |
Rupiah Indoneżjan |
12 228,87 |
MYR |
Ringgit Malażjan |
4,1227 |
PHP |
Peso Filippin |
59,736 |
RUB |
Rouble Russu |
40,2625 |
THB |
Baht Tajlandiż |
41,133 |
BRL |
Real Brażiljan |
2,2543 |
MXN |
Peso Messikan |
16,2268 |
INR |
Rupi Indjan |
61,3172 |
(1) Sors: rata tal-kambju ta' referenza ppubblikata mill-Bank Ċentrali Ewropew.
20.1.2011 |
MT |
Il-Ġurnal Uffiċjali tal-Unjoni Ewropea |
C 19/3 |
Wiċċ nazzjonali ġdid tal-muniti tal-euro maħsuba biex jitqiegħdu fiċ-ċirkolazzjoni
2011/C 19/04
Wiċċ nazzjonali tal-munita kommemorattiva ġdida taż-2 euro maħsuba għaċ-ċirkolazzjoni u maħruġa mill-Pajjiżi l-Baxxi
Il-muniti tal-euro maħsuba għaċ-ċirkolazzjoni għandhom valuta legali fiż-żona euro kollha. Il-Kummissjoni tippubblika deskrizzjoni tad-disinji tal-muniti ġodda kollha bil-għan li tinforma lill-pubbliku u lill-partijiet kollha li jimmaniġaw il-muniti (1). F’konformità mal-konklużjonijiet tal-Kunsill tal-10 ta’ Frar 2009 (2), l-Istati Membri fiż-żona euro u l-pajjiżi li kkonkludew ftehim monetarju mal-Komunità li jistipula l-ħruġ ta’ muniti tal-euro huma awtorizzati li joħorġu muniti kommemorattivi tal-euro maħsuba għaċ-ċirkolazzjoni, sakemm jinżammu ċerti kundizzjonijiet, partikolarment li tintuża biss id-denominazzjoni taż-2 euro. Dawn il-muniti għandhom l-istess karatteristiċi tekniċi bħall-muniti l-oħra taż-2 euro, iżda l-wiċċ nazzjonali tagħhom ikun fih disinn kommemorattiv li huwa simboliku ħafna f'termini nazzjonali jew Ewropej.
Pajjiż tal-ħruġ: Il-Pajjiżi l-Baxxi
Suġġett tal-kommemorazzjoni: il-500 mitt anniversarju tal-ħruġ tal-ktieb ta' fama mondjali “Laus Stultitiae” mill-filosfu, umanist u teologu Olandiż Desiderus Erasmus
Deskrizzjoni tad-disinn: Il-parti ta’ ġewwa tal-munita turi lil Erasmus jikteb il-ktieb tiegħu u effiġjam tar-Reġina Beatrix. Bejn dawn iż-żewġ xbihat hemm l-iskrizzjoni “Beatrix Koningin der Nederlanden” ippożizzjonata vertikament, is-sena “2011”, il-marka tal-Mastru taz-zekka u l-marka taz-zekka.
Iċ-ċirku estern tal-munita juri t-12-il stilla tal-bandiera tal-Unjoni Ewropea.
Il-volum ta' muniti li se jinħarġu: 4 miljun munita
Data tal-ħruġ: Jannar 2011
(1) Ara ĠU C 373, 28.12.2001, p. 1 għall-uċuħ nazzjonali tal-muniti kollha li nħarġu fl-2002.
(2) Ara l-konklużjonijiet tal-Kunsill għall-Affarijiet Ekonomiċi u Finanzjarji tal-10 ta’ Frar 2009 u r-Rakkomandazzjoni tal-Kummissjoni tad-19 ta’ Diċembru 2008 dwar il-linji gwida komuni għall-uċuħ nazzjonali u l-ħruġ ta’ muniti tal-euro maħsuba għaċ-ċirkolazzjoni (ĠU L 9, 14.1.2009, p. 52).
20.1.2011 |
MT |
Il-Ġurnal Uffiċjali tal-Unjoni Ewropea |
C 19/4 |
Wiċċ nazzjonali ġdid tal-muniti tal-euro maħsuba biex jitqiegħdu fiċ-ċirkolazzjoni
2011/C 19/05
Wiċċ nazzjonali tal-munita l-ġdida kommemorattiva ta' 2 euro, maħsuba biex titqiegħed fiċ-ċirkolazzjoni u maħruġa minn Franza
Il-muniti euro maħsuba għaċ-ċirkolazzjoni għandhom valuta legali fiż-żona kollha tal-euro. Bl-għan li tinforma lill-pubbliku u lill-partijiet kollha kkonċernati li jużaw il-muniti, il-Kummissjoni qed tippubblika deskrizzjoni tad-disinji tal-muniti l-ġodda kollha (1). Skont il-konklużjonijiet adottati mill-Kunsill fl-10 ta’ Frar 2009 (2) rigward dan is-suġġett, l-Istati Membri taż-żona tal-euro u l-pajjiżi li kkonkludew ftehim monetarju mal-Komunità li jipprovdi għall-ħruġ ta’ muniti euro, huma awtorizzati li joħorġu muniti euro kommemorattivi maħsubin għaċ-ċirkolazzjoni b’ċerti kundizzjonijiet, partikolarment li dawn ikunu biss muniti ta’ EUR 2. Dawn il-muniti għandhom l-istess karatteristiċi tekniċi bħall-muniti l-oħra ta' EUR 2, iżda l-wiċċ nazzjonali tagħhom ikun fih disinn simboliku qawwi kommemorattiv fuq livell nazzjonali jew Ewropew.
Pajjiż tal-ħruġ: Franza
Suġġett tal-kommemorazzjoni: 30 sena tal-Festa tal-Mużika
Deskrizzjoni tad-disinn: Il-parti interna tal-munita turi folla ferħana, b'dehra stilizzata ta' strument mużikali, u b'noti jtiru fl-arja, sabiex juru s-simbolu ta' atmosfera ta' festa, il-festa tal-mużika, li ilha ssir fi Franza mill-1981 fl-ewwel jum tas-sajf. F'nofs id-disinn hemm il-kliem “Fête de la MUSIQUE” u d-data “21 JUIN 2011”. Fuqnett tal-munita, ixxaqleb 'l isfel lejn il-lemin, hemm il-kliem “30e ANNIVERSAIRE” u fin-naħa t'isfel hemm l-indikazzjoni tal-pajjiż “RF”.
Iċ-ċirku estern tal-munita juri t-12-il stilla tal-bandiera Ewropea.
Il-kwantità ta’ muniti maħruġin: 10 miljun munita
Data ta’ ħruġ: Ġunju 2011
(1) Ara ĠU C 373, 28.12.2001, p. 1 dwar l-uċuħ nazzjonali kollha li nħarġu fl-2002.
(2) Ara l-konklużjonijiet tal-Kunsill għall-Affarijiet Ekonomiċi u Finanzjarji tal-10 ta’ Frar 2009 u r-rakkomandazzjoni tal-Kummissjoni tad-19 ta’ Diċembru 2008 dwar il-linji-gwida komuni għall-uċuħ nazzjonali u l-ħruġ ta’ muniti tal-euro maħsuba għaċ-ċirkolazzjoni (ĠU L 9, 14.1.2009, p. 52).
INFORMAZZJONI DWAR IŻ-ŻONA EKONOMIKA EWROPEA
Awtorità ta' Sorveljanza EFTA
20.1.2011 |
MT |
Il-Ġurnal Uffiċjali tal-Unjoni Ewropea |
C 19/5 |
Festi pubbliċi fl-2011: Stati tal-EFTA fiż-ŻEE u l-istituzzjonijiet taż-ŻEE
2011/C 19/06
2011 |
L-Iżlanda |
Il-Liechtenstein |
In-Norveġja |
L-Awtorità tas- Sorveljanza tal-EFTA |
Il-Qorti tal-EFTA |
It-3 ta’ Jannar |
|
|
|
X |
|
Is-6 ta’ Jannar |
|
X |
|
|
|
It-2 ta’ Frar |
|
X |
|
|
|
Is-7 ta’ Marzu |
|
|
|
|
X |
It-8 ta’ Marzu |
|
X |
|
|
|
Il-21 ta’ April |
X |
|
X |
|
X |
It-22 ta’ April |
X |
X |
X |
X |
X |
Il-25 ta’ April |
X |
X |
X |
X |
X |
Is-17 ta’ Mejju |
|
|
X |
|
|
It-2 ta’ Ġunju |
X |
X |
X |
X |
X |
It-3 ta’ Ġunju |
|
X |
|
X |
X |
It-13 ta’ Ġunju |
X |
X |
X |
X |
X |
Is-17 ta’ Ġunju |
X |
|
|
|
|
It-23 ta’ Ġunju |
|
X |
|
|
X |
L-24 ta’ Ġunju |
|
X |
|
|
|
L-1 ta’ Awwissu |
X |
|
|
|
|
Il-15 ta’ Awwissu |
|
X |
|
|
X |
Il-5 ta’ Settembru |
|
|
|
|
X |
It-8 ta’ Settembru |
|
X |
|
|
|
Id-9 ta’ Settembru |
|
X |
|
|
|
L-1 ta’ Novembru |
|
X |
|
X |
X |
It-2 ta’ Novembru |
|
|
|
|
X |
It-8 ta’ Diċembru |
|
X |
|
|
|
It-23 ta’ Diċembru |
|
|
|
X |
X |
Is-26 ta’ Diċembru |
X |
X |
X |
X |
X |
Is-27 ta’ Diċembru |
|
|
|
X |
X |
It-28 ta’ Diċembru |
|
|
|
X |
X |
Id-29 ta’ Diċembru |
|
|
|
X |
X |
It-30 ta’ Diċembru |
|
|
|
X |
X |
V Avviżi
PROĊEDURI AMMINISTRATTIVI
Il-Kummissjoni Ewropea
20.1.2011 |
MT |
Il-Ġurnal Uffiċjali tal-Unjoni Ewropea |
C 19/6 |
PRINCE 2010 – UE27 – Sejħa għal proposti
2011/C 19/07
1. Għanijiet
L-għan ġenerali ta' din is-Sejħa għal Proposti huwa li tinħoloq kuxjenza dwar il-benefiċċji u l-isfidi tat-tkabbir kurrenti tal-UE lejn il-Balkani tal-Punent, it-Turkija u l-Islanda permezz tal-involviment tal-partijiet interessati prinċipali, il-multiplikaturi u l-professjonisti tal-midja u billi jiġu stimulati laqgħat bejn in-nies.
Din is-Sejħa hija maqsuma f'żewġ lottijiet: Programmi tat-televiżjoni (Lott 1) u Azzjonijiet ta' ħolqien ta' kuxjenza (Lott 2).
Riżultati mistennija:
— |
Li jiġi stimulat u li tingħata kontribuzzjoni għal dibattitu pubbliku informat dwar il-politika tat-tkabbir tal-UE permezz tal-produzzjoni u x-xandir ta' programmi tat-televiżjoni ddedikati li: jintroduċu t-tkabbir tal-UE fl-isfera pubblika; juru liċ-ċittadini Ewropej l-impatt (benefiċċji, żvantaġġi possibbli) li għandu t-tkabbir tal-UE fuq il-ħajja ta' kuljum tagħhom; iħottu miti u aspettattivi foloz; jibdlu l-mentalità fir-rigward tal-pajjiżi tat-tkabbir u jħottu l-isterjotipi. |
— |
Li jkun hemm appoġġ għall-informazzjoni u l-komunikazzjoni dwar kwistjonijiet relatati mat-tkabbir tal-UE u li tingħata kontribuzzjoni sabiex jiġu sfidati l-prekonċezzjonijiet u biex jiġu ppreżentati l-pajjiżi tat-tkabbir permezz tal-organizzazzjoni ta' azzjonijiet li joħolqu l-kuxjenza, u avvenimenti kulturali jew sportivi. |
2. Kandidati eliġibbli
Lott 1 – Programmi tat-televiżjoni:
Sabiex ikunu eliġibbli għal għotja, l-applikanti jridu jkunu:
— |
kumpanija tax-xandir tat-televiżjoni (il-kumpaniji tal-produzzjoni mhumiex eliġibbli bħala applikant ewlieni). |
— |
korpi pubbliċi jew privati (entitajiet ġuridiċi biss; għalhekk il-persuni fiżiċi mhumiex eliġibbli); |
— |
irreġistrati f'wieħed mis-27 Stat Membru tal-UE; |
— |
direttament responsabbli għat-tħejjija u l-ġestjoni tal-azzjoni mal-imsieħba tagħhom; |
Lott 2 – Azzjonijiet ta' ħolqien ta' kuxjenza:
Sabiex ikunu eliġibbli għal għotja, l-applikanti jridu jkunu:
— |
korpi pubbliċi jew privati (entitajiet ġuridiċi biss; għalhekk, il-persuni naturali mhumiex eliġibbli); |
— |
irreġistrati f'wieħed mis-27 Stat Membru tal-UE; |
— |
direttament responsabbli għat-tħejjija u l-ġestjoni tal-azzjoni mal-imsieħba tagħhom; |
3. Azzjonijiet eliġibbli
Huma previsti l-azzjonijiet li ġejjin:
Lott 1 – Programmi tat-televiżjoni:
— |
Programmi televiżivi b'garanzija ta' xandir |
— |
Il-programm irid jixxandar fi Stat Membru wieħed jew f'diversi Stati Membri tal-UE. |
— |
Il-perjodu tal-implimentazzjoni tal-proġett ma jistax jaqbeż it-18-il xahar |
Lott 2 – Azzjonijiet ta' ħolqien ta' kuxjenza:
— |
Sabiex ikunu eliġibbli, l-azzjonijiet għandhom iwettqu mill-anqas waħda mill-kundizzjonijiet li ġejjin:
|
— |
Lista mhux eżawrjenti ta' azzjonijiet eliġibbli hija pprovduta fil-Linji Gwida ta' din is-sejħa |
— |
Il-perjodu tal-implimentazzjoni tal-proġett ma jistax jaqbeż it-12-il xahar |
Il-proġetti taħt din is-sejħa jridu jitlestew sa mhux aktar tard mit-30 ta' Novembru 2013.
4. Kriterji tal-għotja
Il-punti se jiġu allokati għal applikazzjonijiet eliġibbli minn total ta' 100. Tabelli dettaljati ta' evalwazzjoni, separati għal-Lott 1 u għal-Lott 2, huma pprovduti fil-Linji Gwida.
5. Baġit għall-proġetti
L-ammont disponibbli taħt din is-sejħa għal proposti huwa ta' EUR 2 500 000. L-appoġġ finanzjarju mill-Kummissjoni ma jistax jaqbeż is-60 % (għal-Lott 1) u t-80 % (għal-Lott 2) tal-ispejjeż eliġibbli totali.
Il-kontribuzzjoni finanzjarja se tingħata fil-forma ta' għotja.
6. Skadenza għas-sottomissjoni
L-applikazzjonijiet iridu jintbagħtu sa mhux aktar tard mill-31 ta' Marzu 2011 lil:
Catherine WENDT |
IL-Kummissjoni Ewropea |
Direttorat Ġenerali għat-Tkabbir |
Unità A2 – Informazzjoni u Kommunikazzjoni |
Rue de la Loi/Wetstraat 170 |
1049 Bruxelles/Brussel |
BELGIQUE/BELGIË |
7. Informazzjoni sħiħa
Il-Linji Gwida ta' din is-Sejħa għal Proposti kif ukoll il-formola tal-applikazzjoni u l-annessi huma disponibbli fl-indirizz li ġej:
http://ec.europa.eu/enlargement/how-does-it-work/grants-tenders/grants/index_en.htm
L-applikazzjonijiet iridu jikkonformaw mat-termini kollha tal-Linji Gwida, jiġu sottomessi fuq il-formoli pprovduti u jkun fihom l-informazzjoni u l-Annessi kollha speċifikati fit-test sħiħ tas-sejħa.
PROĊEDURI GĦALL-IMPLIMENTAZZJONI TAL-POLITIKA KUMMERĊJALI KOMUNI
Il-Kummissjoni Ewropea
20.1.2011 |
MT |
Il-Ġurnal Uffiċjali tal-Unjoni Ewropea |
C 19/8 |
Avviż tal-iskadenza imminenti ta' ċerti miżuri ta' antidumping
2011/C 19/08
1. Kif stipulat fl-Artikolu 11(2) tar-Regolament tal-Kunsill (KE) Nru 1225/2009 tat-30 ta’ Novembru 2009 (1) dwar il-protezzjoni kontra l-importazzjonijiet li huma l-oġġett ta’ dumping minn pajjiżi mhux membri tal-Komunità Ewropea, il-Kummissjoni Ewropea tavża li, sakemm ma tiġix imnedija reviżjoni skont il-proċedura li ġejja, il-miżuri ta' antidumping imsemmija hawn taħt se jiskadu fid-data msemmija fit-tabella ta' hawn taħt.
2. Il-Proċedura
Il-produtturi tal-Unjoni jistgħu jressqu talba bil-miktub għal reviżjoni. Din it-talba jrid ikun fiha biżżejjed evidenza li l-iskadenza tal-miżuri x'aktarx li twassal għat-tkomplija jew għar-rikorrenza ta' dumping u ħsara.
Jekk il-Kummissjoni tiddeċiedi li tirrevedi l-miżuri kkonċernati, l-importaturi, l-esportaturi, ir-rappreżentanti tal-pajjiż esportatur u l-produtturi tal-Unjoni mbagħad jingħataw l-opportunità li jamplifikaw, jikkontestaw jew jikkummentaw dwar il-kwistjonijiet stabbiliti fit-talba għar-reviżjoni.
3. Il-limitu taż-żmien
Il-produtturi tal-Unjoni jistgħu jressqu talba bil-miktub għal reviżjoni abbażi ta’ dak li ssemma hawn fuq, li għandha tasal għand il-Kummissjoni Ewropea, Directorate-General for Trade (Unit H-1), N-105 4/92, B-1049 Brussels (2) fi kwalunkwe żmien wara d-data tal-pubblikazzjoni ta’ dan l-avviż iżda mhux aktar tard minn tliet xhur qabel id-data msemmija fit-tabella ta' hawn taħt.
4. Dan l-avviż huwa ppubblikat skont l-Artikolu 11(2) tar-Regolament (KE) Nru 1225/2009.
Il-prodott |
Pajjiż(i) tal-oriġini jew tal-esportazzjoni |
Miżuri |
Referenza |
Data ta' skadenza |
Karbur tas-silikon |
Ir-Repubblika Popolari taċ-Ċina |
Dazju tal-antidumping |
Regolament tal-Kunsill (KE) Nru 1264/2006 (ĠU L 232, 25.8.2006, p. 1) |
26.8.2011 |
(1) ĠU L 343, 22.12.2009, p. 51.
(2) Fax +32 22956505.
20.1.2011 |
MT |
Il-Ġurnal Uffiċjali tal-Unjoni Ewropea |
C 19/9 |
Avviż tal-iskadenza imminenti ta' ċerti miżuri ta' antidumping
2011/C 19/09
1. Kif stipulat fl-Artikolu 11(2) tar-Regolament tal-Kunsill (KE) Nru 1225/2009 tat-30 ta’ Novembru 2009 (1) dwar il-protezzjoni kontra l-importazzjonijiet li huma l-oġġett ta’ dumping minn pajjiżi mhux membri tal-Komunità Ewropea, il-Kummissjoni Ewropea tavża li, sakemm ma tiġix imnedija reviżjoni skont il-proċedura li ġejja, il-miżuri ta' antidumping imsemmija hawn taħt se jiskadu fid-data msemmija fit-tabella ta' hawn taħt.
2. Il-Proċedura
Il-produtturi tal-Unjoni jistgħu jressqu talba bil-miktub għal reviżjoni. Din it-talba jrid ikun fiha biżżejjed evidenza li l-iskadenza tal-miżuri x'aktarx li twassal għat-tkomplija jew għar-rikorrenza ta' dumping u ta' ħsara.
Jekk il-Kummissjoni tiddeċiedi li tirrevedi l-miżuri kkonċernati, l-importaturi, l-esportaturi, ir-rappreżentanti tal-pajjiż esportatur u l-produtturi tal-Unjoni mbagħad jingħataw l-opportunità li jamplifikaw, jikkontestaw jew jikkummentaw dwar il-kwistjonijiet stabbiliti fit-talba għar-reviżjoni.
3. Il-limitu taż-żmien
Il-produtturi tal-Unjoni jistgħu jressqu talba għal reviżjoni bil-miktub abbażi ta’ dak li ssemma hawn fuq, biex tasal għand il-Kummissjoni Ewropea, id-Direttorat-Ġenerali għall-Kummerċ (l-Unità H-1), N-105 4/92, B-1049 Brussell (2) fi kwalunkwe żmien wara d-data tal-pubblikazzjoni ta’ dan l-avviż iżda mhux aktar tard minn tliet xhur qabel id-data msemmija fit-tabella ta' hawn taħt.
4. Dan l-avviż huwa ppubblikat skont l-Artikolu 11(2) tar-Regolament (KE) Nru 1225/2009.
Il-prodott |
Pajjiż(i) tal-oriġini jew tal-esportazzjoni |
Miżuri |
Referenza |
Data ta' skadenza |
Ġilda tal-kamoxxa |
Ir-Repubblika Popolari taċ-Ċina |
Dazju tal-antidumping |
Ir-Regolament tal-Kunsill (KE) Nru 1338/2006 (ĠU L 251, 14.9.2006, p. 1) |
15.9.2011 |
(1) ĠU L 343, 22.12.2009, p. 51.
(2) Fax +32 22956505.
PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI
Il-Kummissjoni Ewropea
20.1.2011 |
MT |
Il-Ġurnal Uffiċjali tal-Unjoni Ewropea |
C 19/10 |
Notifika minn qabel ta' konċentrazzjoni
(Każ COMP/M.6118 – Bain Capital Investors/IMCD)
Każ li jista' jiġi kkunsidrat għal proċedura simplifikata
(Test b’relevanza għaż-ŻEE)
2011/C 19/10
1. |
Fit-12 ta’ Jannar 2011, il-Kummissjoni rċeviet notifika ta' konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha Bain Capital Investors LLC (“Bain Capital”, l-Istati Uniti tal-Amerika) takkwista, skont it-tifsira tal-Artikolu 3(1)(b) tar-Regolament dwar l-Għaqdiet, il-kontroll sħiħ ta’ IMCD Holding BV u s-sussidjarji tagħha (“IMCD”, ir-Renju tal-Pajjiżi l-Baxxi) permezz ta’ xiri ta’ ishma. |
2. |
L-attivitajiet kummerċjali tal-impriżi kkonċernati huma:
|
3. |
Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet taħt ir-Regolament tal-KE dwar l-Għaqdiet (2) ta' min jinnota li dan il-każ jista' jiġi kkunsidrat għat-trattament taħt il-proċedura stipulata fl-Avviż. |
4. |
Il-Kummissjoni tistieden lill-partijiet terzi interessati biex iressqu kwalunkwe kummenti li jistgħu jkollhom dwar it-tranżizzjoni proposta. Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.6118 – Bain Capital Investors/IMCD, fl-indirizz li ġej:
|
(1) ĠU L 24, 29.1.2004, p. 1 (ir-“Regolament tal-KE dwar l-Għaqdiet”).
(2) ĠU C 56, 5.3.2005, p. 32 (“Avviż ta’ proċedura simplifikata”).
ATTI OĦRAJN
Il-Kummissjoni Ewropea
20.1.2011 |
MT |
Il-Ġurnal Uffiċjali tal-Unjoni Ewropea |
C 19/11 |
Pubblikazzjoni ta’ applikazzjoni għar-reġistrazzjoni skont l-Artikolu 6, paragrafu 2 tar-Regolament tal-Kunsill (KE) Nru 510/2006 dwar il-protezzjoni tal-indikazzjonijiet ġeografiċi u d-denominazzjonijiet tal-oriġini għall-prodotti agrikoli u l-oġġetti tal-ikel
2011/C 19/11
Din il-pubblikazzjoni tagħti d-dritt għall-oġġezzjoni kontra l-applikazzjoni għar-reġistrazzjoni skont l-Artikolu 7 tar-Regolament tal-Kunsill (KE) Nru 510/2006 (1). Id-dikjarazzjonijiet ta’ oġġezzjoni għandhom jaslu għand il-Kummissjoni fi żmien sitt xhur mid-data ta' din il-pubblikazzjoni
DOKUMENT UNIKU
REGOLAMENT TAL-KUNSILL (KE) Nru 510/2006
“SALAME FELINO”
Nru tal-KE: IT-PGI-0005-0597-11.04.2007
IĠP ( X ) DPO ( )
1. Isem:
“Salame Felino”
2. Stat Membru jew pajjiż terz:
L-Italja
3. Deskrizzjoni tal-prodott agrikolu jew tal-oġġett tal-ikel:
3.1. Tip ta’ Prodott:
Klassi 1.2 |
Prodotti tal-laħam (imsajrin, immellħin, affumikati, eċċ.) |
3.2. Deskrizzjoni tal-prodott li għalih japplika l-isem fil-punt 1:
Meta jinħareġ fis-suq biex jinbiegħ lill-konsumaturi, is-“Salame Felino” IĠP għandu jkollu forma ċilindrika, b'tarf wieħed ikbar mill-ieħor u l-wiċċ ta’ barra ta’ kulur abjad fil-griż kemxejn miksi bi trab, li jinħoloq minn ammont moderat ta’ tipi differenti ta’ moffa awtoktona.
Is-“Salame Felino” IĠP għandu jkollu l-karatteristiċi li ġejjin:
— Piż: bejn 200 gramma u 4,5 kilogrammi;
— Qisien: forma ċilindrika mhux regolari, b'tul ta’ bejn 15 u 130 ċm;
— Karatteristiċi organolettiċi: meta l-prodott jinqata’, kull fetta tkun kompatta u ta’ konsistenza mhux elastika u omoġenja, relattivament nieqsa mix-xaħam u ta’ kulur aħmar skur, mingħajr tbajja’, u b’togħma delikata u mhux pikkanti;
— Karatteristiċi kimiċi, u kimikofiżiċi:
ammont totali ta’ proteina |
: |
mhux inqas minn 23 % |
proporzjon kollaġen/proteina |
: |
mhux aktar minn 0,10 |
proporzjon ilma/proteina |
: |
mhux aktar minn 2,00 |
proporzjon xaħam/proteina |
: |
mhux aktar minn 1,50 |
pH |
: |
> 5,3 |
Ammont totali ta’ lactobacilli |
: |
> 100 000 |
3.3. Materja prima (għal prodotti pproċessati biss):
Is-“Salame Felino” IĠP huwa magħmul mil-laħam tal-majjal, kif deskritt hawn taħt:
— |
Jintużaw annimali ta’ razez bażiċi tradizzjonali puri jew derivati minn Large White u Landrace, kif imtejba permezz tar-Reġistru tar-Razez Taljan. |
— |
Jintużaw ukoll annimali tar-razza Duroc, kif imtejba permezz tar-Reġistru tar-Razez Taljan. |
— |
Barra minn hekk, jintużaw ukoll annimali ta' razez oħra, mħalltin u ibridi, sakemm ikunu trabbew taħt skemi ta' għażla jew ta' taħlit ta' razez li l-għanijiet tagħhom huma li dawn jinżammu skont ir-Reġistru tar-Razez Taljan għall-produzzjoni tal-ħnieżer Taljani ta' piż tqil. |
— |
B’osservanza għat-tradizzjoni, jibqgħu madankollu esklużi l-annimali b'karatteristiċi antiteteċi, l-aktar dawk suxxettibbli għall-istress (PSS), li llum jinstabu b’mod oġġettiv anki fuq annimali “post mortem” u fuq il-prodotti mmaturati. |
— |
Huma madankollu esklużi l-annimali tar-razez puri Landrace Belġjana, Hampshire, Pietrain, Duroc u Spotted Poland. |
— |
Ir-razez li jintużaw għandhom jiżguraw li jintalħqu piżijiet tqal b’effiċjenza tajba u, xorta waħda, piż medju ta’ 160 kilogramma għal kull lott (piż ħaj), b’10 % iktar jew inqas. |
— |
L-età minima għall-qatla hija ta’ disa' xhur. |
— |
Ma jintużawx ħnieżer maskili li jintużaw għat-tgħammir u ħnieżer femminili. |
— |
Il-ħnieżer għandhom jinqatlu waqt li jkunu fi stat tajjeb ta’ saħħa u għandhom jiġu svinati kompletament. |
Il-qatgħat ta’ laħam użat għall-produzzjoni tas-“Salame Felino” IĠP jikkonsistu f’partijiet tal-muskolu u xaħam magħżula bħal, pereżempju, il-parti ta' quddiem taż-żaqq (testa di pancetta) u/jew kapuljat minn taħt l-ispalla (trito di banco (sottospalla)). Il-laħam li jintuża ma jrid ikun għadda minn l-ebda proċess ta’ ffriżar.
Mill-partijiet tal-muskolu u dawk xaħmin, jinqatgħu u jitneħħew bil-galbu l-għeruq tal-ligamenti kif ukoll it-tessut xaħmi l-artab.
Il-laħam (il-partijiet tal-muskolu u dawk xaħmin) li jintuża għas-“Salame Felino” IĠP għandu jinżamm f’kamra għat-tkessiħ b'temperatura ta’ mhux inqas minn – 1 °C mgħammra b'tali mod li tippermetti li l-partijiet tal-muskolu jinxfu sew mill-ilma. It-tħin tat-taħlita għandu jsir permezz ta’ magna tal-kapuljat (forom b'toqob ta’ dijametru ta’ 6-8 mm)
Il-laħam imbagħad jiġi magħġun bil-melħ fi proporzjon ta’ 2,0 għal kull 2,8, bil-bżar sħiħ u/jew midħun fi proporzjon ta’ 0,03 sa 0,06, kif ukoll b’tewm misħuq.
Jista’ jintuża wkoll:
— |
inbid abjad xott, f'doża massima ta’ 400 ċl inbid/100 kg laħam sabiex jissaħħu r-riħa u l-aroma; |
— |
zokkor u/jew destrożju u/jew fruttożju: 0-0,3 % |
— |
kolturi li jagħtu bidu għall-fermentazzjoni: l-użu ta’ dawn il-kolturi li jagħtu bidu għall-fermentazzjoni għandu jsir b’konformità ma’ prattika tajba, u billi jiġu kkunsidrati l-karatteristiċi speċifiċi tal-kolturi li jagħtu bidu għall-fermentazzjoni tas-Salame Felino. L-iskop tagħhom hu li jiżviluppaw it-togħma u l-aroma permezz ta’ azzjoni lipolitika u proteolitika waqt li jistabilizzaw il-kulur u jikkontrollaw l-aċidifikazzjoni tal-prodott. |
— |
nitrat tas-sodju u/jew potassju mhux aktar minn 300 mg/kg, nitrit tas-sodju u/jew potassju mhux aktar minn 150 mg/kg; aċidu askorbiku u melħ tas-sodju tiegħu mhux aktar minn 1 g/kg. |
3.4. Għalf għall-annimali (għal prodotti ta’ oriġini mill-annimali):
L-għalf użat għandu jkun konformi mal-istandards kummerċjali. L-għalf għandu preferibbilment jingħata f’forma ta’ likwidu (brodu jew tagħsida) u, tradizzjonalment, bix-xorrox tal-ħalib. Fl-għalf awtorizzat li jingħata lil annimali b’piż ħaj sa 80 kg, il-preżenza ta’ sustanza niexfa taċ-ċereali m’għandhiex tkun inqas minn 45 % tal-ammont sħiħ. Fir-rigward tal-għalf awtorizzat li jintuża waqt il-fażi tat-tismin, il-preżenza tas-sustanza niexfa taċ-ċereali m’għandhiex tkun inqas minn 55 % tal-ammont sħiħ.
3.5. Fażijiet speċifiċi tal-produzzjoni li għandhom isiru fiż-żona ġeografika definita:
Il-passi speċifiċi tal-produzzjoni huma:
— |
tħin permezz ta’ magna tal-kapuljat |
— |
l-għaġna tat-taħlita u ż-żieda ta' melħ, bżar u tewm; jistgħu jintużaw ukoll inbid, tipi ta’ zokkor, kolturi li jagħtu bidu għall-fermentazzjoni, nitrat tas-sodju jew tal-potassju, nitrit tas-sodju jew tal-potassju, aċidu askorbiku u melħ tas-sodju tiegħu |
— |
Tqegħid fl-imsaren naturali tal-majjal |
— |
Rbit bl-ispag, mhux f’forma ta’ xibka |
— |
Tnixxif u maturazzjoni |
— |
Tqattigħ u ppakkjar f’vakwu jew f'atmosfera protettiva |
3.6. Regoli speċifiċi dwar it-tqattigħ, il-ħakk, l-ippakkjar, eċċ.:
Il-tqattigħ u l-ippakkjar tas-Salame Felino jista’ jsir biss fi strutturi li jinsabu fit-territorju fejn issir il-produzzjoni, taħt is-superviżjoni ta’ entitajiet awtorizzati skont kif preskritt mill-pjan ta’ kontroll.
Fil-fatt, minħabba li l-prodott huwa delikat, fih ħafna aċidi grassi mhux saturati u li ma fihx ħafna preservattivi, u minħabba n-natura potenzjalment stressanti tal-istadji ta' tqattigħ u ppakkjar, jeħtieġ li dawn l-operati jitwettqu minn persunal li għandu għarfien speċifiku dwar il-prodott. B'mod partikolari, jeħtieġ li l-porzjon maqtugħa jkollha kemm jista’ jkun l-inqas kuntatt possibbli mal-arja sabiex ma tiswiedx.
3.7. Regoli speċifiċi dwar it-tikkettar:
Is-“Salame Felino” IĠP jista’ jinħareġ fis-suq biex jinbiegħ lill-konsumaturi: sħiħ, b’tikketta waħda jew siġill wieħed; f’biċċiet maqtugħin ħoxnin, f’vakwu jew f'atmosfera protettiva; imfellel, f’vakwu jew f'atmosfera protettiva.
L-isem “Salame Felino”, segwit mill-kliem “Indikazzjoni Ġeografika Protetta” jew mill-akronimu “IĠP” (tradott fil-lingwa tal-pajjiż li fih ikun qiegħed jinbiegħ il-prodott), għandu jitwaħħal ma’ kull tikketta jew siġill b’kitba ċara u li ma titħassarx, b’mod distint minn kull kitba oħra li tidher fuq il-prodott, u għandu jiġi segwit mill-lowgo tal-Komunità u l-marka tal-azjenda.
4. Definizzjoni fil-qosor taż-żona ġeografika:
Iż-żona ta’ produzzjoni tas-“Salame Felino” IĠP hija identifikata fit-territorju amministrattiv tal-Provinċja ta’ Parma.
5. Rabta maż-żona ġeografika:
5.1. Speċifiċità taż-żona ġeografika:
Il-żona ta’ produzzjoni tas-Salame Felino IĠP, identifikata bħala l-provinċja kollha ta’ Parma, hija kkaratterizzata mill-preżenza ta' għoljiet kif ukoll ta' pjanuri, u mill-preżenza ta' lagi u ta’ minjieri tal-melħ.
L-identifikazzjoni taż-żona ġeografika twettqet billi saret referenza għal rikostruzzjoni storika dettaljata dwar il-prattiki antiki ta’ produzzjoni li wasslu għall-ħolqien ta’ dan il-prodott lokali, u li huma marbuta mat-tradizzjonijiet tal-qtil u tal-maturazzjoni tal-laħam tal-majjal aġevolati mill-preżenza sa minn żmien il-qedem ta’ minjieri tal-melħ, kif ukoll mill-kondizzjonijiet tal-klima li huma kkaratterizzati minn livelli speċifiċi ta’ umdità, minn espożizzjoni għall-arja tal-baħar u minn konċentrazzjoni ta' firxiet kbar ta’ msaġar.
Fl-għoljiet ta’ Parma, dejjem kien possibbli li t-teknoloġija tal-pjanuri tiġi mlaqqa’ mal-melħ ta’ Salsomaggiore.
Teknoloġija tal-pjanuri tfisser dawk il-prattiki ta’ manifattura u ta’ maturazzjoni tal-laħam tal-majjal li kienu diġà nħolqu fi żmien ir-Rumani u l-Etruski anki minħabba l-preżenza ta' ħnieżer imrobbija, fost affarijiet oħra, biex iservu bħala provvista ta’ ikel għal-leġjuni Rumani. Fuq l-għoljiet li jsebbħu l-pjanura, dawn il-leġjuni ħadu l-opportunità li jużaw bl-iktar mod sempliċi, il-melħ tal-minjieri ta’ Salsomaggiore, minħabba li fl-għoljiet ta’ dan il-post tradizzjonalment kien jinġabar il-melħ li, minħabba li kien jitqies bħala materjal prezzjuż, kien jittieħed ’il bogħod mir-rotot ta' komunikazzjoni ewlenin biex jiġi evitat li jinsteraq.
Fil-fatt, sa mill-1300, anki minħabba l-preżenza ta’ dawn minjieri tal-melħ, il-tmelliħ tal-laħam tal-majjal u l-ipproċessar tiegħu wassal għall-produzzjoni ta' prodotti magħrufa kemm fuq livell nazzjonali kif ukoll internazzjonali.
5.2. Speċifiċità tal-prodott:
Is-Salame Felino IĠP huwa differenti minn prodotti oħra tal-istess kategorija minħabba l-kompattezza u l-konsistenza omoġenja u mhux elastika tiegħu, u għaliex huwa relattivament nieqes mix-xaħam u minħabba l-kulur aħmar skur. It-togħma hija delikata u mhux pikkanti.
Dan huwa salami li, b'differenza mill-maġġoranza kbira ta’ dawk fis-suq, jitqiegħed biss fi msaren naturali (u qatt fi msaren sintetiċi). Is-Salame Felino ma fihx lattożju u dqiq tal-ħalib, u għandu pH moderatament għoli li jtejjeb il-kwalitajiet organolettiċi. Is-Salame Felino fih kwantitajiet ogħla ta’ proteina u inqas xaħam minn tipi oħra simili ta' salami.
5.3. Rabta kawżali bejn iż-żona ġeografika u l-kwalità jew il-karatteristiċi tal-prodott (fir-rigward tad-DPO) jew kwalità speċifika, ir-reputazzjoni jew karatteristiċi oħra tal-prodott (għall-IĠP):
Il-reputazzjoni tas-“Salame Felino” IĠP tintwera permezz tal-bibljografija dettaljata li tinkludi referenzi u kwotazzjonijiet rigward il-prodott.
L-ewwel referenzi għall-prodott jinsabu f’kitbiet ta’ awturi Latini tal-ewwel seklu W.K. (Apicio De Re cocquinaria).
Is-Salame Felino kien magħruf sew fir-residenzi uffiċjali tal-familji nobbli li segwew lil xulxin fil-belt kapitali: minn dawk tal-familja Farnese, tal-Borboni u sad-Dukessa Maria Luigia.
L-eqdem xbieha tal-prodott tidher f’dekorazzjoni fil-Battisterju ta’ Parma (1196-1307), fejn, fil-parti ddedikata lis-sinjal astroloġiku ta’ Akkwarju jidhru mqiegħda fuq appoġġ idur ta’ borma, fuq fuklar, żewġ salami, li mid-daqs u l-forma, li għadhom l-istess anke llum, jidhru li huma “Salame Felino” IĠP.
Iċ-ċensiment tal-ħnieżer li sar fl-1766 jindika li l-Markiżat ta’ Felino kien l-aktar post attiv fl-inħawi fir-rigward tal-kummerċ tal-majjal. Skemi dwar l-ipprezzar li nstabu fl-istess perjodu u li nkitbu b’referenza għat-territorju ta’ Felino jirreferu għal salami nieqes mix-xaħam u għal dak xaħmi. Sa mill-bidu tal-1800, testi dwar l-użanzi u d-drawwiet kulinarji jindikaw il-preżenza ta’ metodu partikolari għall-ipproċessar tal-laħam tal-majjal f’salami fit-territorju tal-lokalità ta’ Felino.
Fl-1905, fid-dizzjunarju Taljan jidher il-kliem “Salame Felino” u fl-1912 il-produzzjoni tas-salami Felino ġiet inkluża fir-rapport tal-Ministru tal-Agrikoltura rigward il-prestazzjoni ekonomika ta’ dik is-sena.
Sa mill-1927, l-istituzzjonijiet pubbliċi lokali kompetenti jirreferu għas-salami magħmul fil-Provinċja ta’ Parma bl-isem ta’ Salame Felino, li jidher li kien diġà jgawdi minn reputazzjoni u fama partikolari u, b’hekk, anki minn rikonoxximent partikolari, jekk id-dikjarazzjoni tal-isem fl-użu kummerċjali kienet tikkostitwixxi, fl-evalwazzjoni tal-Uffiċċju u l-Kunsill Provinċjali tal-Ekonomija Nazzjonali, raġuni għall-promozzjoni tal-ġid tal-provinċja. Anki llum, l-għeruq tal-produzzjoni tas-Salame Felino fil-provinċja ta’ Parma jistgħu jiġu vverifikati permezz tar-riċerka u studji fil-fond dwar il-kultura gastronomika tat-territorju ta’ Parma. Fil-fatt jeżistu bosta kitbiet kritiċi li jassoċjaw is-Salame Felino mal-gastronomija tal-provinċja billi jirreferu għalih bħala wieħed mill-aktar tipi ta’ laħam immellaħ apprezzati f’Parma, li t-tjubija tiegħu hija marbuta b’mod dirett mat-tradizzjoni antika tal-produzzjoni tiegħu li ġiet żviluppata u miżmuma fis-sħiħ biss fil-widien tal-provinċja ta’ Parma. Barra minn hekk jeżistu wkoll bosta attivitajiet u avvenimenti li għadhom qed jiġu organizzati mill-awtoritajiet lokali u l-istituzzjonijiet provinċjali ta’ Parma kemm fl-Italja kif ukoll f’pajjiżi oħra għas-Salame Felino permezz ta’ tħejjija ta' padiljuni fejn wieħed jista’ jduq il-prodott, u li minnhom jitqassam materjal ta’ tagħrif dwar il-karatteristiċi u l-produzzjoni storika tas-Salame Felino fit-territorju ta’ Parma.
Referenza għall-pubblikazzjoni tal-ispeċifikazzjoni:
(Artikolu 5, paragrafu 7 tar-Regolament (KE) Nru 510/2006)
Din l-amministrazzjoni nediet il-proċedura nazzjonali ta’ oġġezzjoni billi ppubblikat il-proposta għar-rikonoxximent tal-Indikazzjoni Ġeografika Protetta “Salame Felino” fil-Gazzetta Uffiċjali tar-Repubblika Taljana.
It-test konsolidat tal-ispeċifikazzjoni tal-prodott jista’ jinkiseb:
— |
mil-link li ġej http://www.politicheagricole.it/DocumentiPubblicazioni/Search_Documenti_Elenco.htm?txtTipoDocumento=Disciplinare%20in%20esame%20UE&txtDocArgomento=Prodotti%20di%20Qualit%E0>Prodotti%20Dop,%20Igp%20e%20Stg jew |
— |
billi wieħed jidħol direttament fil-paġna ewlenija tas-sit elettroniku tal-Ministeru (http://www.politicheagricole.it) u jikklikkja fuq “Prodotti di Qualità” (fuq ix-xellug tal-iskrin) u mbagħad fuq “Disciplinari di Produzione all’esame dell’UE [regolamento (CE) n. 510/2006]”. |
(1) ĠU L 93, 31.3.2006, p. 12.