Il-Qorti Ewropea tal-Awdituri

12, rue Alcide de Gasperi, 1615 Luxembourg, LUXEMBOURG

1.1.

Skont l-Artikolu 287 tat-Trattat dwar il-Funzjonament tal-Unjoni Ewropea, il-Qorti tal-Awdituri tipprovdi lill-Parlament Ewropew u lill-Kunsill b'Dikjarazzjoni ta’ Assigurazzjoni dwar l-affidabbiltà tal-kontijiet u dwar il-legalità u r-regolarità tat-tranżazzjonijiet ta’ bażi (“id-DAS”). It-Trattat jawtorizza wkoll lill-Qorti biex tissupplimenta din id-dikjarazzjoni b'evalwazzjonijiet speċifiċi ta’ kull qasam prinċipali ta’ attività tal-UE.

1.2.

L-għan tax-xogħol fuq l-affidabbiltà tal-kontijiet tal-Unjoni Ewropea huwa li tinkiseb biżżejjed evidenza xierqa li twassal għall-konklużjoni dwar il-punt sa fejn id-dħul, in-nefqa, l-attiv u l-passiv ġew irreġistrati kif suppost u li l-kontijiet annwali jippreżentaw b'mod veru u ġust il-pożizzjoni finanzjarja fil-31 ta’ Diċembru 2009, u r-riżultati tal-operazzjonijiet tagħhom u l-likwidità għas-sena li ntemmet (ara l-paragrafi 1.6 sa 1.20).

1.3.

L-objettiv tax-xogħol tal-verifika tal-Qorti dwar ir-regolarità tat-tranżazzjonijiet li fuqhom huma bbażati l-kontijiet tal-2009 huwa li tinġabar biżżejjed evidenza xierqa, ta’ natura diretta jew indiretta, biex tagħti opinjoni dwar jekk humiex skont ir-regolamenti applikabbli jew id-dispożizzjonijiet kuntrattwali, u jekk kinux ikkalkulati tajjeb (ara l-paragrafi 1.21 sa 1.25 għal ħarsa ġenerali tar-riżultati u l-kapitoli 2 sa 9 għal aktar dettalji).

1.4.

Il-Qorti analizzat l-affidabbiltà tar-rappreżentazzjonijiet tal-maniġment tal-Kummissjoni, jiġifieri d-Dikjarazzjonijiet tad-Diretturi Ġenerali u r-Rapporti ta’ Attività Annwali tas-servizzi tal-Kummissjoni u r-Rapport ta’ Sinteżi relatat sabiex tevalwa l-punt safejn dawn jagħtu evalwazzjoni ġusta dwar il-kwalità tal-ġestjoni finanzjarja, u b'mod partikolari kemm ir-riżervi huma kompleti u suffiċjenti (ara l-paragrafi 1.27 u 1.28 u “L-Affidabbiltà tar-rappreżentazzjonijiet tal-maniġment tal-Kummissjoni” fil-kapitoli 2 sa 9).

1.5.

Barra minn hekk, il-Qorti eżaminat l-arranġamenti biex isiru u jiġu kkomunikati l-irkupri u l-korrezzjonijiet finanzjarji (ara l-paragrafi 1.32 sa 1.50).

1.6.

Il-Qorti vverifikat il-kontijiet annwali għas-sena finanzjarja 2009, ippreparati mill-Uffiċjal tal-Kontabilità tal-Kummissjoni u approvati mill-Kummissjoni skont l-Artikolu 129 tar-Regolament Finanzjarju tal-25 ta’ Ġunju 2002 (8) u rċevuti mill-Qorti fit-23 ta’ Lulju 2010. Il-kontijiet jinkludu r-“rendikonti finanzjarji konsolidati” - li jkopru, partikolarment, il-karta tal-bilanċ b'deskrizzjoni tal-attiv u l-passiv fi tmiem is-sena kif ukoll il-kont tar-riżultat ekonomiku - u r-“rapporti konsolidati dwar l-implimentazzjoni tal-baġit” - li jkopru d-dħul u n-nefqa għas-sena.

1.7.

Il-verifika mill-Qorti tar-rendikonti finanzjarji konsolidati sabithom ħielsa minn dikjarazzjonijiet żbaljati materjali. Iżda, il-Qorti tiġbed l-attenzjoni għall-kwistjonijiet segwenti li ġew irrappurtati wkoll fl-2008 u fi snin preċedenti:

1.7.

—

rappreżentazzjonijiet nieqsa jew mhux kompleti mill-Uffiċjali tal-Kontabilità għal ċertu organizzazzjonijiet li l-kontijiet tagħhom kienu konsolidati ma’ dawk tal-Kummissjoni (ara l-paragrafu 1.8);

—

is-sistemi lokali tal-ġestjoni finanzjarja identifikati mill-Uffiċjal tal-Kontabilità tal-Kummissjoni (ara l-paragrafi 1.9 u 1.10);

—

it-trattament ta’ finanzjament minn qabel u kontijiet pagabbli matul is-sena u fil-proċedura ta' qtugħ (ara l-paragrafi 1.11 sa 1.13);

—

l-informazzjoni dwar l-irkupri wara irregolaritajiet (ara l-paragrafi 1.14 sa 1.19).

—

1.8.

L-Uffiċjal tal-Kontabilità tal-Kummissjoni fl-ittra tar-rappreżentazzjoni tal-maniġment dwar il-kontijiet konsolidati enfasizza li l-Uffiċjali tal-Kontabilità ta’ tliet entitatjiet konsolidati kienu naqsu milli jittrasmettu jew immodifikaw ir-rappreżentazzjonijiet. B’mod partikolari, l-informazzjoni meħtieġa dwar il-validazzjoni tas-sistemi tal-kontabilità u dawk lokali ma ngħatatx (9).

1.8.

1.9.

Minħabba fi problemi kontinwi fil-ġestjoni tal-kontijiet sospiżi u l-proċeduri tal-kontabilità tal-attiv, l-Uffiċjal tal-Kontabilità tal-Kummissjoni xorta ma setax jivvalida s-sistemi lokali ta’ żewġ Direttorati Ġenerali (11).

1.9.

1.10.

Il-biċċa l-kbira tar-rakkomandazzjonijiet tal-Uffiċjal tal-Kontabilità minn snin preċedenti ġew implimentati. Il-kwistjonijiet li kien għad fadal ma kellhomx impatt materjali fuq l-affidabilità tal-kontijiet fl-2009, imma n-natura u s-sinifikat tagħhom huma tant li għandhom jibqgħu jirċievu l-attenzjoni tal-Kummissjoni, b'mod notevoli ċerti aspetti tal-proċeduri ta’ qtugħ, l-approvazzjoni u r-reġistrazzjoni ta’ finanzjamenti minn qabel, il-puntwalità tar-reġistrazzjoni tat-tranżazzjonijiet, u l-konsistenza tad-data bejn is-sistemi lokali u l-ABAC.

1.11.

Il-Qorti vverifikat kampjuni rappreżentattivi tal-finanzjament minn qabel li rrappreżentaw EUR 48 827 miljun wara qtugħ u tal-fatturi/klejms tal-ispejjeż ta’ madwar EUR 15 260 miljun. Hija identifikat żbalji tal-kontabilità b'impatt finanzjarju ġenerali immaterjali imma bi frekwenza għolja. Dan jenfasizza l-ħtieġa għal aktar titjib fil-preċiżjoni tad-data tal-kontabilità bażika fil-livell ta’ ċerti Direttorati Ġenerali. It-tipi ta’ żbalji l-aktar komuni huma:

1.11.

—

entrati nieqsa jew iddupplikati;

—

reġistrazzjoni ta’ ammonti inkorretti;

—

tranżazzjonijiet irreġistrati fil-kont il-ħażin.

1.12.

Fir-rigward tar-reġistrazzjoni fil-kotba tal-ammonti ffinanzjati minn qabel, il-Qorti identifikat ukoll il-problemi li ġejjin:

—

L-approvazzjoni ta’ finanzjamenti minn qabel li huma pendenti mhux dejjem titwettaq tajjeb. Għadd ta’ approvazzjonijiet ma twettqu xejn jew inkella kienu rreġistrati b'ammonti inkorretti. Dan irriżulta f'dikjarazzjoni minfuħa immaterjali fil-bilanċ tal-finanzjament minn qabel fl-aħħar tas-sena.

—

—

Xi Direttorati Ġenerali fil-familja tar-Riċerka ma jipproċessawx l-informazzjoni disponibbli dwar il-progress li jkun sar u l-ispejjeż relatati mġarrba u ma jawtorizzawx il-finanzjament minn qabel korrispondenti skont dan il-progress, imma jużaw approssimazzjonijiet meta jkunu qegħdin jiddeterminaw il-qtugħ (eż. pro rata temporis).

—

1.13.

Fir-rigward ta’ fatturi/klejms għall-ispejjeż, xi Direttorati Ġenerali ma rrispettawx il-ħtieġa li jirreġistraw il-fatturi u r-rendikonti tal-ispejjeż fi żmien ħames ġranet ta’ xogħol (12) wara l-wasla tagħhom.

1.13.

1.14.

Il-verifika tal-Qorti turi li l-Kummissjoni qiegħda tirrapporta ċifri affidabbli dwar korrezzjonijiet finanzjarji u rkupri b'mod li jvarja ħafna bejn is-servizzi differenti tagħha (ara wkoll il-paragrafi 1.37 sa 1.50).

1.14.

1.15.

Xi servizzi jippreżentaw ċifri għal korrezzjonijiet finanzjarji li għadhom għaddejjin meta tinħareġ ittra dwar il-pożizzjoni finali biss, filwaqt li oħrajn jibbażaw il-kalkolu tagħhom fuq estimi statistiċi bl-estrapolazzjoni ta’ esperjenza ta’ qabel saħansitra bl-inklużjoni ta’ korrezzjonijiet għal ammonti li għalihom il-proċedura ta’ approvazzjoni għadha ma bdietx.

1.15.

L-affidabbilità ta' din l-istima hi stmata fuq il-bażi tat-tqabbil mal-ammonti ta' korrezzjonijiet finanzjarji li għadhom qed jitwettqu għas-snin preċedenti fejn din l-informazzjoni hi disponibbli.

1.16.

L-informazzjoni dwar l-attivitajiet ta’ korrezzjoni finanzjarja (irtirar u rkupri) mogħtija mill-Istati Membri, fil-qasam tal-Koeżjoni u inkluża fin-nota 6 ta’ mar-rendikonti finanzjarji għadha mhijiex sħiħa u affidabbli (ara wkoll il-paragrafu 4.31).

1.16.

Il-Kummissjoni tirreferi wkoll għar-risposta tagħha għal paragrafu 4.31.

1.17.

Abbażi tal-eżami tax-xogħol tal-korpi li jiċċertifikaw u tal-analiżi tal-Kummissjoni li tirreferi għal dan, il-Qorti ttenni d-dubju tagħha rigward l-affidabbiltà tar-riċevibbli mill-Istati Membri fil-qasam tal-agrikoltura (il-kontijiet tad-debituri tal-FAEG) (13) (ara wkoll il-paragrafu 3.54).

1.17.

1.18.

Għalkemm in-noti ta’ spjegazzjoni relatati mal-kontijiet annwali fihom informazzjoni dwar il-fatt li xi wħud mill-pagamenti x ’aktarx li jkunu kkoreġuti aktar tard mis-servizzi tal-Kummissjoni jew mill-Istati Membri, l-ammonti u l-oqsma tan-nefqa li jistgħu jkunu soġġetti għal aktar verifikazzjoni u approvazzjoni tal-proċeduri tal-kontijiet għadhom mhux identifikati fin-noti (14).

1.18.

Fl-agrikultura, deċiżjoni ta' approvazzjoni finanzjarja tittieħed madwar sitt xhur wara l-aħħar tas-sena finanzjarja kkonċernata, u permezz tagħha l-Kummissjoni tistabbilixxi l-ammont ta' nfiq rikonoxxut li għandu jitħallas mill-baġit tal-UE għal dik is-sena. Dan ir-rwol tad-deċiżjoni ta' approvazzjoni finanzjarja mhux qed jiġi ddubitat mill-fatt li korrezzjonijiet finanzjarji sussegwenti jistgħu jiġu imposti fuq Stati Membri permezz ta' deċiżjonijiet ta' konformità. L-ammont ta' nfiq li probabbilment se jkun eskluż mill-finanzjament tal-UE minn deċiżjonijiet ta' konformità futuri bħal dawn se jiġi żvelat f'nota mad-dikjarazzjonijiet finanzjarji.

1.19.

Minħabba l-kumplessità tal-mekkaniżmi ta’ rkupru u ta’ korrezzjoni finanzjarja, in-natura diversa tal-elementi trattati fi ħdanhom u l-bżonn ta’ preżentazzjoni trasparenti u koerenti tal-informazzjoni (ara wkoll 1.37 sa 1.50), il-Kummissjoni għanda tirfina l-linji gwida dwar ir-rappurtar finanzjarju tagħha rigward ir-rikonoxximent tad-dħul u rigward attiv kontinġenti sabiex tistabbilixxi l-ħtiġijiet tal-kontabilità u tal-għotja ta’ informazzjoni.

1.19.

M'hemm l-ebda gwida ġenerali fl-istandards internazzjonali fl-iżvelar ta' din l-informazzjoni speċifika u mhux ta' kontabbilità. Madanakollu, meta wieħed jikkunsidra l-osservazzjonijiet tal-Qorti, il-Kummissjoni tejbet il-preżentazzjoni ta' din l-informazzjoni.

1.20.

Għall-programm Galileo l-appartenenza tal-attiv kollu maħluq, żviluppat jew miksub kienet trasferita legalment lill-Unjoni f'Lulju 2008, abbażi ta’ regolament konġunt tal-Parlament Ewropew u tal-Kunsill (15). Madankollu, il-ftehimiet ta’ trasferiment magħmula għadhom mhumiex implimentati għal kollox. In-nefqa kollha mġarrba s'issa (EUR 2 000 miljun bejn wieħed u ieħor) hija ttrattata bħala spejjeż tar-riċerka. M ’hemm ebda impatt fuq il-karta tal-bilanċ għall-2009, iżda l-Kummissjoni għandha tkompli fl-isforzi tagħha biex tiżgura li l-informazzjoni meħtieġa kollha tkun disponibbli fiż-żmien meta t-trasferiment iseħħ sabiex l-attiv ikun issalvagwardjat b'mod effettiv.

1.20.

1.21.

Fil-kapitolu 2 il-Qorti tipprovdi evalwazzjonijiet speċifiċi dwar id-Dħul u fil-kapitoli 3 sa 9 dwar il-gruppi tal-oqsma tal-politika tal-Ibbaġitjar Ibbażat fuq l-Attività (ABB) (ara t- Tabella 1.1 ). Kull evalwazzjoni speċifika tagħti introduzzjoni, sejbiet u konklużjonijiet fuq ir-regolarità tat-tranżazzjonijiet, l-effettività tas-sistemi, kif ukoll l-affidabbiltà tar-rappreżentazzjonijiet tal-maniġment tal-Kummissjoni u segwitu ta’ osservazzjonijiet preċedenti.

1.22.

Għad-Dħul (16) (EUR 117 285 miljun), l-impenji għall-gruppi tal-politika kollha u l-pagamenti għall-grupp tal-politika n-Nefqa amministrattiva u nefqa oħra (EUR 9 129 miljun), il-Qorti tistma li l-iżbalji għandhom impatt finanzjarju ta’ inqas minn 2 % tat-total tal-ammonti (ara t- Tabella 1.2 ) u tikkonkludi li s-sistemi ta’ sorveljanza u kontroll huma effettivi (ara wkoll il-paragrafi 2.33 sa 2.38 u 9.28 sa 9.29).

1.23.

Fil-gruppi tal-politika l-Agrikoltura u r-riżorsi naturali (EUR 56 318-il miljun), ir-Riċerka, l-enerġija u t-trasport (EUR 7 966 miljun ), l-Għajnuna esterna, l-iżvilupp u t-tkabbir (EUR 6 596 miljun) u l-Edukazzjoni u ċ-Ċittadinanza (EUR 2 153 miljun (17)) l-estimu tar-rata tal-iżbalji l-aktar probabbli mill-Qorti hija bejn 2 % u 5 % tal-pagamenti li saru, imma għall-grupp tal-politika l-Koeżjoni (EUR 23 081 miljun nefqa ċertifikata rimborżata), ir-rata ta’ żbalji l-aktar probabbli hija ’l fuq minn 5 % (ara l-paragrafi 3.70, 4.34, 5.45, 6.51 u 7.18 u t- Tabella 1.2 ). Għal dawn il-gruppi tal-politika (18), il-Qorti tikkonkludi li s-sistemi ta’ sorveljanza u kontroll huma parzjalment effettivi (ara l–paragrafi 3.71 sa 3.72, 4.36, 5.46 sa 5.48, 6.52 u 7.19).

1.23.

Barra minn hekk, il-proċeduri ta' approvazzjoni ta' konformità jiżguraw li r-riskju lill-baġit tal-UE hu kopert b'mod adegwat. Għall-grupp ta' politika Edukazzjoni u Ċittadinanza, il-Kummissjoni tinnota li r-rata ta' żbalji għall-għeluq taqbeż bi ftit it-2 %.

Sabiex tiġi evitata l-akkumulazzjoni ta' finanzjament minn qabel fil-karta ta' bilanċ tagħha, il-Kummissjoni proponiet, f'Mejju 2010, għar-reviżjoni tar-Regolament Finanzjarju, sabiex tiżgura li avvanzi u ħlasijiet proviżorji jiġu approvati aktar fil-ħin.

Għall-grupp ta' politika Riċerka, enerġija u trasport, il-Kummissjoni tilqa' x-xejra pożittiva fit-tnaqqis ta' żbalji nnotati mill-Qorti. Dan ir-riżultat hu konformi mas-sejbiet tal-Kummissjoni nnifisha.

Għall-grupp ta' politika Għajnuna esterna, żvilupp u tkabbir, il-Kummissjoni tilqa' iż-żieda fil-“frekwenza” tat-tranżazzjonijiet li l-Qorti tqis li huma kompletament “regolari” (83 %) meta mqabbla maċ-ċifri tal-2008 u l-2007.

Fil-qasam tal-Koeżjoni, tnaqqis sinifikanti fir-rata ta' żbalji ġie nnotat meta mqabbel ma' snin preċedenti. Il-frekwenza tal-iżbalji naqset ukoll f'dawn l-aħħar tliet snin, minn 54 % fir-rapport annwali tal-Qorti għall-2007 għal 36 % din is-sena, kif ġie nnotat fl-Anness 4.1 tar-rapport tal-Qorti. (ara wkoll ir-risposti għall-paragrafi 1.26 u 4.34).

1.24.

Għall-grupp tal-politika l-affarijiet Ekonomiċi u finanzjarji (EUR 732 miljun) il-Qorti tistma li r-rata ta’ żball l-aktar probabbli hija ta’ inqas minn 2 % tal-pagamenti totali (ara l-paragrafu 8.30 u t- Tabella 1.2 ) u tikkonkludi li s-sistemi ta’ sorveljanza u kontroll huma parzjalment effettivi (ara l–paragrafu 8.31).

1.25.

Il-Qorti tistma li b'mod ġenerali l-pagamenti huma materjalment milquta minn żbalji (ir-rata ta’ żbalji l-aktar probabbli stmata mill-Qorti tinsab bejn 2 % u 5 %) u tikkonkludi li s-sistemi ta’ sorveljanza u kontroll għall-pagamenti huma, b'mod ġenerali, parzjalment effettivi.

1.25.

1.26.

Ir-riżultati tal-verifika tal-Qorti, meta mqabbla mal-2008, juru żieda fl-estimu tal-iżball l-aktar probabbli dwar il-pagamenti għall-grupp tal-politika “l-Agrikoltura u r-riżorsi naturali” (19) u nuqqas sinifikanti fl-istima tagħha tal-iżball l-aktar probabbli rigward pagamenti għall-grupp tal-politika “il-Koeżjoni” (20). Meħuda flimkien, dan jikkonferma tnaqqis kontinwu fir-rata ta’ żbalji l-aktar probabbli, kif stmat mill-Qorti, għall-pagamenti inġenerali matul l-aħħar snin.

1.26.

Għal dak li jirrigwarda l-Agrikultura u riżorsi naturali, l-opinjoni tal-Kummissjoni hi li r-rata ta' żbalji għadha ddur madwar iċ-ċifra ta' 2 %. Għall-Koeżjoni, it-tnaqqis tal-limitu minimu ta' żbalji minn 11 % għal 3 % jidher li jikkonferma l-effettività tad-dispożizzjonijiet ta' verifika rafforzati fil-qafas regolatorju 2007-2013, kif ukoll l-ewwel impatt tal-pjan ta' azzjoni tal-Kummissjoni tal-2008 sabiex issaħħaħ ir-rwol superviżorju tagħha, inkluż il-proċeduri ta' sospensjoni u korrezzjoni. Sospensjonijiet jistgħu jimplikaw kompromess ma' implimentazzjoni sħiħa tal-baġit.

Il-Kummissjoni se tkompli fl-isforzi tagħha sabiex tiżgura li r-rata ta' żbalji tibqa' tonqos.

1.27.

Id-Diretturi Ġenerali kollha ddikjaraw fir-Rapporti ta’ Attività tagħhom li kienu kisbu assigurazzjoni raġonevoli li r-riżorsi allokati lilhom kienu ntużaw għall-għanijiet speċifikati u li l-kontrolli interni li huma kienu introduċew assiguraw r-regolarità tat-tranżazzjonijiet. Madankollu mid-Direttorati Ġenerali jew servizzi prinċipali li ħarġu dikjarazzjoni fl-2009, 13 minnhom fihom riżerva waħda jew aktar, bil-maġġoranza tagħhom li jirreferu għal dgħufijiet dwar ir-regolarità tat-tranżazzjonijiet ta’ bażi (21).

1.28.

Il-Qorti sabet li d-dikjarazzjonijiet tad-Diretturi Ġenerali u r-Rapporti ta’ Attività Annwali taw evawazzjoni ġusta tal-ġestjoni finanzjarja fir-rigward tar-regolarità tat-tranżazzjonijiet għall-gruppi tal-politika “Id-Dħul” u għall-gruppi tal-politika “Il-Koeżjoni”, “Ir-Riċerka, l-enerġija u t-trasport”, “L-Edukazzjoni u ċ-Ċittadinanza”, u “L-Affarijiet ekonomiċi u finanzjarji” u “In-Nefqa amministrattiva u nefqa oħra” (ara l-paragrafi 2.32, 4.33, 5.44, 7.17, 8.29 u 9.11). Għall-grupp tal-politika “L-Għajnuna esterna, l-iżvilupp u t-tkabbir”, id-Direttorati Ġenerali għall-Għajnuna umanitarja, għat-Tkabbir u għar-Relazzjonijiet Esterni taw evalwazzjoni ġusta (ara l-paragrafu 6.49), filwaqt li l-Uffiċċju ta’ Koperazzjoni EuropeAid ta biss evalwazzjoni parzjalment ġusta tal-ġestjoni finanzjarja għal dak li għandu x ’jaqsam mar-regolarità tat-tranżazzjonijiet (ara l-paragrafu 6.50). Għall-grupp tal-politika “L-Agrikoltura u r-riżorsi naturali” il-Qorti tikkonkludi li d-dikjarazzjonijiet tad-Diretturi Ġenerali u r-Rapport ta’ Attività Annwali jagħtu biss evalwazzjoni ġusta parzjali tal-ġestjoni finanzjarja f'dak li għandu x ’jaqsam mar-regolarità tat-tranżazzjonijiet (ara l-paragrafi 3.66 sa 3.69).

1.28.

Filwaqt li l-Qorti tesprimi opinjoni ta' verifika annwali dwar il-legalità u regularità tat-tranżazzjonijiet ta' bażi, l-opinjoni tad-Diretturi-Ġenerali tiffoka fuq jekk il-finanzjamenti ġewx użati għall-użu maħsub tagħhom, b'kunsiderazzjoni għan-natura multiannwali tal-kontrolli, u l-effettività tagħhom fil-kxif u l-korrezzjoni tal-iżbalji. Diretturi-Ġenerali jesprimu opinjoni ta' ġestjoni bbażata fuq informazzjoni li tinkludi x-xogħol ta' verifika tal-Kummissjoni stess, rapporti u osservazzjonijiet tal-Qorti tal-Awdituri u, fejn hu rilevanti, ir-riżultati ta' kontrolli tal-Istati Membri.

Ara wkoll ir-risposti tal-Kummissjoni fil-kapitoli settorjali.

1.29.

Billi tadotta r-Rapport ta’ Sinteżi l-Kummissjoni tassumi r-responsabbiltà politika (22) tagħha għall-implimentazzjoni operazzjonali tal-baġit tal-UE permezz tal-maniġment anzjan tagħha (23). Ir-rapport huwa l-ewwel wieħed li ġie adottat taħt il-mandat tal-Kummissjoni preżenti. Il-Kummissjoni tikkunsidra li għall-2009 l-isforzi tagħha biex ittejjeb il-mekkaniżmi ta’ kontroll sabiex tiżgura l-legalità u r-regolarità bi skop li “tikseb DAS mingħajr kwalifiki”, komplew b'riżultati pożittivi.

1.30.

Il-Kummissjoni tagħraf li għad hemm oqsma li għandhom bżonn titjib u tipproponi azzjonijiet biex tindirizza dawn il-kwistjonijiet, bħal ma huma:

1.31.

Il-Qorti qabel kienet identifikat kwistjonijiet oħra li s'issa għadhom ma ġewx riżolti:

—

f'diversi oqsma l-ambitu jew l-iskala tar-riżervi għandha tkun akbar (ara l–paragrafi 3.67 sa 3.68, 6.50 u l- Annessi 3.3 u 6.3 ) (24);

—

Il-Kummissjoni esprimiet is-sodisfazzjoni tagħha li l-pjanijiet ta' azzjoni mfassla minn uffiċjali awtorizzati mid-delegazzjoni (AODs) huma adegwati sabiex jindirizzaw dugħfija u jnaqqsu r-riskji identifikati.

Fir-rigward tal-Agrikultura, il-Kummissjoni tikkunsidra li r-riżervi inklużi fir-rapport ta' attività annwali tal-2009 tad-Direttorat-Ġenerali għall-Agrikultura u żvilupp rurali dwar miżuri ta' żvilupp rurali taħt Axis2 u l-IACS fil-Bulgarija u r-Rumanija huma eżawrijenti u li l-impatt potenzjali tagħhom ġie rifless adegwatament fil-punti 3.2.1 u 3.2.2 ta' dak ir-rapport. Fir-rigward tal-Greċja, ir-riżerva fis-snin preċedenti kienet ġustifikata minħabba r-riskju għoli marbut mar-reputazzjoni tal-Kummissjoni li rriżulta minn implimentazzjoni mhux suffiċjenti tal-IACS fil-Greċja u mhux mir-riskju finanzjarju għall-baġit tal-UE li jirriżulta min-nuqqasijiet, li kien dejjem kopert mill-korrezzjonijiet finanzjarji imposti fuq il-Greċja permezz ta' proċeduri ta' approvazzjoni ta' konformità. Peress li l-Greċja kienet lestiet il-pjan ta' azzjoni sabiex tieħu ħsieb tan-nuqqasijiet sal-aħħar tal-2008, u l-funzjonament effettiv tas-sistema IACS qed tiġi vvalutata fuq bażi kontinwa, għalhekk kienet kompletament ġustifikata t-tneħħija tar-riżerva.

Fir-rigward tal-Għajnuna Esterna, żvilupp u tkabbir, il-Kummissjoni tilqa' pożittivament ir-rikonoxximent tal-Qorti dwar it-titjib mid-Direttorati-Ġenerali kollha fil-grupp ta' politika fil-kwalità ta' informazzjoni provduta fir-rapporti tal-attività annwali tagħhom (ara paragrafu 6.51).

Il-Kummissjoni tikkunsidra li r-riżervi magħmula mid-Diretturi-Ġenerali fir-rapporti tagħhom tal-attività annwali tal-2009 jew l-assenza ta' riżervi kienu f'konformità mal-linji gwida interni tagħha u indirizzat korrettament ir-riskji inerenti tal-programmi.

—

id-data mill-Istati Membri dwar l-irkupri jew l-irtirar hija nieqsa jew mhux kompluta (ara l-paragrafi 1.16, 3.54 u 4.31) (25); u

—

Għall-Koeżjoni, ara r-risposti lill-paragrafu 1.16.

—

il-mekkaniżmi tal-korrezzjoni finanzjarja s'issa għadhom mhumiex effettivi għal kollox (ara l-paragrafi 1.37 sa 1.50) (26).

—

1.32.

Fl-implimentazzjoni tal-baġit tal-UE, il-Kummissjoni għandha tiżgura l-kontroll intern effettiv u effiċjenti fuq l-affidabbiltà tar-rappurtar, is-salvagwardja tal-attiv u tal-informazzjoni, il-prevenzjoni u s-sejba ta’ frodi u ta’ irregolaritajiet u l-ġestjoni tar-riskji relatati mar-regolarità tat-tranżazzjonijiet, filwaqt li tieħu kont tal-karattru multiannwali tal-programmi u n-natura tal-pagamenti kkonċernati (27).

1.32.

1.33.

Il-Kummissjoni għandha r-responsabilità finali biex tiżgura li s-sistemi ta’ sorveljanza u kontroll jagħtu assigurazzjoni raġonevoli li l-iżbalji fit-tranżazzjonijiet li fuqhom huma bbażati l-kontijiet jew jiġu evitati jew inkella identifikati u korretti. Hija wkoll responsabbli biex tiżgura li informazzjoni affidabbli hija disponibbli għall-iskopijiet tal-maniġment tagħha stess, għall-partijiet interessati u għall-awdituri esterni.

1.34.

Ammonti mħallsin b'mod inkorrett għandhom jiġu rkuprati (28). Fil-prattika:

—

Il-Kummissjoni tista’ biss tirkupra pagamenti mill-benefiċjarji fejn hija ġġesti n-nefqa b'mod dirett (eż. għall-parti l-kbira tan-nefqa fil-grupp tal-politika r-Riċerka, l-enerġija u t-trasport).

—

Għan-nefqa li hija soġġetta għal ġestjoni maqsuma (eż. għall-biċċa l-kbira tan-nefqa fil-gruppi tal-politika l-Agrikoltura u r-riżorsi naturali u l-Koeżjoni), il-ġestjoni deċentralizzata (eż. fil-qasam tat-Tkabbir) u ġestjoni ċentralizzata u indiretta (eż. fil-grupp tal-politika l-Edukazzjoni u ċ-ċittadinanza), ir-responsabilità għall-irkupru tal-pagamenti li saru b'mod inkorrett hija delegata lill-Istati Membri jew pajjiżi terzi. Għal nefqa soġġetta għal ġestjoni konġunta (eż. fil-qasam tal-Għajnuna Umanitarja) mekkaniżmi korrettivi huma stabbiliti fil-ftehimiet konklużi mal-organizzazzjonijiet internazzjonali. Madankollu, f'każijiet fejn ir-regoli tal-iskemi tan-nefqa tal-UE ġew applikati b'mod inkorrett il-Kummissjoni tista’ tagħmel ukoll korrezzjonijiet finanzjarji (ara l-paragrafu 1.40).

—

Għall-perjodu 2007-2013, hemm proċedura standardizzata għas-sottomissjoni ta' dikjarazzjonijiet ta' irkupru u l-Kummissjoni tistenna li din il-proċedura ta' rappurtar se tkompli ttejjeb il-kwalità tal-informazzjoni li għandha għad-dispożizzjoni tagħha. L-Istati Membri huma wkoll meħtieġa li jiddistingwu korrezzjonijiet li joħorġu minnhom bħala riżultat tal-verifiki tal-UE.

1.35.

Għal bosta snin il-verifika tal-Qorti ffukat fuq kif il-Kummissjoni tesegwixxi r-rwol ta’ sorveljanza tagħha u kif hija tapplika dawn il-mekkaniżmi korrettivi. Il-Qorti eżaminat ukoll safejn l-awtoritajiet nazzjonali u l-organizzazzjonijiet internazzjonali jagħtu informazzjoni korretta lill-Kummissjoni dwar korrezzjonijiet finanzjarji u rkupri magħmula.

1.36.

Il-Qorti nnutat b'mod regolari li d-data dwar il-kapaċità korrettiva tas-sistemi ta’ sorveljanza u kontroll fil-livell tal-Istati Membri tjiebet iżda għad mhijiex sħiħa u affidabbli, partikolarment fil-qasam tal-Koeżjoni (29). Il-Kummissjoni, madankollu, qiegħda tirrapporta ċifri affidabbli dwar l-attivitajiet tagħha stess. Mill-proċedura ta’ kwittanza tal-2005, il-Parlament Ewropew u l-Kunsill inkoraġġew lill-Kummissjoni u lill-Istati Membri biex jimplimentaw it-titjib neċessarju biex jiżguraw il-kompletezza u l-preċiżjoni tal-informazzjoni disponibbli, bil-għan li jipprovdu evidenza affidabbli biex jippermettu lill-Qorti tevalwa l-effettività tal-mekkaniżmi tal-korrezzjoni multiannwali għall-infiq tal-UE.

1.36.

Fil-qasam tal-Koeżjoni, u għall-korrezzjonijiet finanzjarji eżegwiti mill-Istati Membri wara l-verifika tagħhom stess u tax-xogħol ta' verifika, il-Kummissjoni tiddependi fuq il-kwalità tal-informazzjoni mibgħuta mill-Istati Membri.

F'dawn l-aħħar snin, il-Kummissjoni għamlet sforzi notevoli sabiex ittejjeb il-kwalità tal-informazzjoni disponibbli dwar irkupri u rtirar trażmessi mill-Istati Membri għall-programmi ta' Koeżjoni. Din talbet lill-Istati Membri sabiex jipprovdu dejta kumultattiva u annwali dwar irtir u rkupri, minkejja li dan imur lil hinn mir-rekwiżiti regolatorji. Il-Kummissjoni vverifikat ukoll sistemi fuq il-post tal-Istati Membri għar-reġistrazzjoni u rappurtar ta' korrezzjonijiet, b'riżultati kemmxejn tajbin. Fil-każ ta' bżonnijiet identifikati għat-titjib, il-Kummissjoni fformulat rakkomandazzjonijiet xierqa u tiżgura li jkun hemm segwitu għalihom.

1.37.

Fin-noti tal-kontijiet tal-2009 l-Kummissjoni rrispondiet għal dawn il-kummenti billi inkludiet informazzjoni aktar dettaljata dwar l-irkupri u l-korrezzjonijiet finanzjarji li hija għamlet fil-passat (30). B’mod partikolari hija tagħti informazzjoni spjegata skont l-istadju safejn waslu l-proċeduri ta’ rkupru jew korrezzjoni finanzjarja (“għadu għaddej”, “konfermat” jew, “implimentat” – ara l-paragrafu 1.42); skont il-qasam tan-nefqa, fejn relevanti skont il-perjodu ta’ pprogrammar; u f'xi każijiet skont l-Istat Membru kkonċernat.

1.38.

Il-Qorti tilqa’ l-għotja ta’ din l-informazzjoni. Hija tinnota madankollu li dgħufijiet fil-preżentazzjoni kif ukoll fil-koerenza tal-informazzjoni u l-ammonti ppreżentati mill-Istati Membri għall-Koeżjoni għandhom jiġu indirizzati u li wieħed għandu joqgħod attent meta jinterpreta l-informazzjoni (ara wkoll il-paragrafi 1.14 sa 1.19 u hawn taħt).

1.38.

1.39.

Irkupru mill-benefiċjarji tal-programmi tal-infiq tal-UE tal-ammonti mħallsa b'mod mhux korrett u korrezzjonijiet oħra finanzjarji huma differenti ħafna fil-fok u fl-impatt. L-irkupri jikkoreġu l-irċevuta ta’ nefqa irregolari: bi prinċipju huma d-destinatarji ta’ nefqa bħal din li jħallsu lura s-somom irċevuti b'mod inkorrett; l-irkupri jistgħu għalhekk jiġu meqjusa bħala mekkaniżmu ta’ korrezzjoni tal-iżbalji (31).

1.39.

1.40.

Il-korrezzjonijiet finanzjarji (inkluża l-approvazzjoni tan-nefqa agrikola) iżda, b'mod predominanti jindirizzaw id-dgħufijiet fis-sistemi tal-ġestjoni. Huma jirtiraw il-finanzjament mill-Istati Membri jew pajjiżi terzi li jonqsu milli jiżguraw li r-regoli tal-UE huma applikati b'mod korrett. Il-konsegwenzi finanzjarji ta’ korrezzjonijiet bħal dawn normalment jiġġarrbu miċ-ċittadini li jħallsu t-taxxi u mhux mill-benefiċjarji ta’ skema tan-nefqa li ġiet applikata b'mod ħażin. Il-korrezzjonijiet finanzjarji jikkontribwixxu għall-protezzjoni tal-interessi finanzjarji tal-UE, imma la fil-prinċipju u lanqas fil-prattika ma jistgħu madankollu jiġu meqjusa bħala mezz ta’ korrezzjoni ta’ pagamenti individwali li saru b'mod inkorrett.

1.40.

L-Istati Membri għandhom jirkupraw ħlasijiet inkorretti mill-benefiċjarji. Irkupru jsir jew billi jinkiseb ħlas mill-ġdid tas-somom ikkonċernati mill-benefiċjarju jew tpaċċija tas-somom li għadhom jitħallsu mill-ġdid kontra aktar ħlasijiet li għandhom jingħataw lill-istess benefiċjarju.

Fejn ħlasijiet mhux dovuti għall-benefiċjarji jistgħu jiġu identifikati bħala riżultat ta' verifiki tal-UE, l-Istati Membri huma meħtieġa li jagħtuhom segwitu permezz ta' azzjonijiet ta' rkupru kontra dawn il-benefiċjarji. Madanakollu, anke fejn irkupri minn benefiċjarji mhumiex possibbli peress li l-korrezzjoni finanzjarja tirrelata biss għan-nuqqasijiet fis-sistema ta' ġestjoni u verifika tal-Istati Membri u mhux ma ħlasijiet mhux dovuti, dawn il-korrezzjonijiet huma mezz importanti sabiex is-sistemi tal-Istati Membri jiġu mtejba u għalhekk ħlasijiet irregolari lill-benefiċjarji jitwaqqfu jew jinkixfu u jiġu rkuprati.

Is-sistema ta' approvazzjoni ta' konformità fl-agrikultura hi mfassla sabiex teskludi infiq mill-finanzjament tal-UE li ma kienx sar f'konformità mar-regoli tal-UE. F'kuntrast ma' dan, mhuwiex mekkaniżmu li permezz tiegħu ħlasijiet irregolari għall-benefiċjarji jiġu rkuprati, li skont il-prinċipju ta' ġestjoni maqsuma kif definit fl-Artikolu 53b(2)(c) tar-Regolament Finanzjarju u l-Artikolu 9(1)(a)(iii) tar-Regolament tal-Kunsill (KE) Nru. 1290/2005, hi r-responsabbilità unika tal-Istati Membri.

Il-Kummissjoni għalhekk tikkunsidra li ċerti korrezzjonijiet finanzjarji jistgħu jitqiesu bħala mekkaniżmi ta' korrezzjoni tal-iżbalji minħabba li l-ammonti kkonċernati huma rkuprati mill-benefiċjarju finali.

1.41.

Għalkemm il-Kummissjoni tirrikonoxxi d-differenza bejn l-irkupri u l-korrezzjonijiet finanzjarji fin-noti tar-rendikonti finanzjarji, il-preżentazzjoni tagħha f'dokumenti oħra bħar-Rapport ta’ Sinteżi, għadha ma tiċċarax b'mod suffiċjenti d-distinzjoni bejn iż-żewġ mekkaniżmi. Għalkemm għall-2009 kważi 90 % tal-ammonti kkonfermati (xi EUR 2 900 miljun minn total ta’ EUR 3 319-il miljun) u kważi 80 % tal-ammonti implimentati (xi EUR 1 400 miljun minn total ta’ EUR 1 843 miljun) ppreżentati mill-Kummissjoni għandhom x ’jaqsmu mal-korrezzjonijiet finanzjarji li s-soltu jiġġarrbu miċ-ċittadini li jħallsu t-taxxi, il-kummenti xi drabi huma ppreżentati bħallikieku kienu kompletament jew prinċipalment irkupri.

1.41.

Il-kontabbilità annwali tal-UE jippreżentaw b'mod ġust l-ammonti ta' korrezzjonijiet finanzjarji li joħorġu mir-rwol superviżorju tal-Kummissjoni.

Ammonti preżentati bħala korrezzjonijiet finanzjarji jindikaw li l-Kummissjoni ħadet passi sabiex tipproteġi l-baġit tal-UE minn krediti mħallsa li ma kinux dovuti. Kummenti fuq dan għandhom l-għan li jiċċaraw il-proċedura li l-Kummissjoni tapplika meta tagħmel dan. Dawn il-krediti eventwalment se jiġu rkuprati mill-benefiċjarji permezz tal-proċeduri ta' rkupru li nbdew mill-Istati Membri peress li hu fl-interess tagħhom li jirkupru finanzjamenti fejn dan hu possibbli.

Il-Kummissjoni tirreferi wkoll għar-risposti tagħha għal paragrafi 1.36 u 1.40.

1.42.

Il-Kummissjoni tippreżenta d-data għal tliet stadji prinċipali fil-proċess:

1.43.

Il-Kummissjoni tagħmilha ċara li d-data ppreżentata dwar l-istadji differenti tal-mekkaniżmi korrettivi fil-grupp tal-politika l-Koeżjoni tirreferi biss għall-irkupri u l-korrezzjonijiet finanzjarji li hija tkun imponiet.

1.44.

F’dan ir-rigward, jiġi enfasizzat il-fatt li għall-grupp tal-politika l-Koeżjoni 20 % biss tal-ammonti kkonfermati fl-2009 (EUR 2 411-il miljun) ġew implimentati (EUR 476 miljun) fl-istess sena. Meta dawn jiżdiedu mal-ammonti pendenti mis-snin ta’ qabel, xorta jibqa’ ammont totali ta’ EUR 2 332 miljun biex jiġi implimentat fl-aħħar tal-2009. Sakemm ma jiġux ippreżentati dikjarazzjonijiet ta’ nefqa ulterjuri mill-Istati Membri fis-snin sussegwenti, il-bqija se jiġu implimentati biss f'għeluq-il programmi (32).

1.44.

Il-Qorti ġustament tenfasizza li l-implimentazzjoni ta' korrezzjonijiet finanzjarji, ta' dawn l-aħħar snin, prinċipalment se sseħħ fl-għeluq tal-programm fejn il-limitu regolatorju għall-ħlasijiet proviżorji jkun intlaħaq. Kif ukoll, korrezzjonijiet finanzjarji kkonfermati matul il-ħajja tal-programmi jistgħu jiġu implimentati f'talbiet għall-ħlas sussegwenti. Hu għalhekk diffiċli li wieħed jagħmel konnessjoni diretta bejn ammonti ta' korrezzjonijiet finanzjarji kkonfermati f'sena partikolari, u ammonti implimentati fl-istess sena.

Bħala regola ġenerali, korrezzjonijiet finanzjarji kkonfermati matul il-ħajja tal-programmi huma implimentati f'talbiet għall-ħlas sussegwenti. Peress li l-limitu għall-ħlasijiet jista' jkun intlaħaq għal bosta programmi relatati mal-perjodu 2000-2006, hu inevitabbli li t-tnaqqis tal-infiq li mhux eliġibbli se jkun rifless biss fl-għeluq tad-dokumenti li għandhom jiġu sottomessi mill-Istat Membru fl-2010.

Hekk kif il-Kummissjoni jkollha evidenza tal-implimentazzjoni ta' korrezzjoni permezz ta' tnaqqis ta' infiq li mhux eliġibbli minn talba għal ħlas ta' għeluq, hi se tagħti rapport dwar il-korrezzjoni finanzjarja kif ġiet implimentata. Informazzjoni dettaljata dwar l-implimentazzjoni ta' korrezzjonijiet finanzjarji hi provduta f'nota numru 6 tal-kontabbilità kkonsolidata.

Anke jekk mhux il-korrezzjonijiet finanzjarji individwali kollha jistgħu jiġu rintraċċati fis-sistema ta' kontabbilità tal-Kummissjoni, iżda biss dawk b'impatt finanzjarju f'termini ta' kontribuzzjoni tal-UE, il-korrezzjonijiet finanzjarji b'evidenza ta' implimentazzjoni matul l-2010 se jiġu rappurtati bħala li ġew implimentati fil-kontabbilità tal-Kummissjoni għall-2010.

Iċ-ċifri jvarjaw b'mod sinifikanti bejn programmi u Finanzjamenti minħabba n-natura u/jew volum tal-korrezzjonijiet ikkonċernati.

1.45.

Bi prinċipju, jekk informazzjoni affidabbli hija disponibbli dwar l-effett tal-mekkaniżmi korrettivi fil-passat, jista’ jkun possibbli li jitqiesu l-effetti probabbli tal-applikazzjoni tal-istess mekkaniżmi fil-futur. Xi kultant ġie suġġerit ukoll b'mod inkorrett li l-irkupri u l-korrezzjonijiet jistgħu jitqabblu ma’ jew anke jiġu bbilanċjati mal-istimi tal-iżbalji tal-Qorti.

1.45.

Il-Kummissjoni ripetutament ikkonfermat li programmi multiannwali huma soġġett għas-sistemi ta' kontroll multiannwali u li ħafna żbalji li nstabu mill-Qorti f'sena partikolari normalment ikunu nstabu u ġew ikkoreġuti mis-sistemi tal-Kummissjoni fi snin sussegwenti. Dan jista' jiġi ppruvat billi jiġu kkalkulati rati ta' żbalji li fadal fil-ħin tal-għeluq tal-programm, li fil-passat kien intwera li dawn ir-rati kienu aktar baxxi milli dawk fil-perjodu ta' implimentazzjoni.

Il-Kummissjoni taqbel li tqabbil tar-rati ta' żbalji DAS tal-Qorti li jirrelataw ma' eżami annwali ta' tranżazzjonijiet, mal-iżbalji kkalkulati tagħha stess mhix sempliċi.

1.46.

Iżda, informazzjoni annwali u affidabbli dwar l-effetti tal-mekkaniżmi korrettivi mhijiex disponibbli. In-noti għar-rendikonti finanzjarji ma jurux b'mod sistematiku kif is-somom irkuprati huma konnessi ma’ snin speċifiċi, u f'xi każijiet akkumulazzjoni jew xogħol b'lura dwar il-korrezzjonijiet tas-sena ta’ qabel ġew identifikati u rreġistrati fis-sena finanzjarja kurrenti.

1.46.

Barra minn hekk korrezzjonijiet b'rata fissa jistgħu jiġu imposti f'sitwazzjonijiet fejn nuqqasijiet fis-sistemi ta' kontroll f'livell tal-Istati Membri jiġu identifikati iżda ma ġewx ikkoreġuti mill-Istat Membru nnifsu, bl-ebda relazzjoni għal infiq irregolari speċifiku jew għal sena speċifika.

Għalhekk mhux possibbli sabiex wieħed jagħmel konnessjoni diretta bejn korrezzjoni finanzjarja u s-sena ta' nfiq li din tirrelata għaliha.

Finanzjamenti Strutturali huma implimentati f'qafas multi-annwali. Jekk korrezzjoni finanzjarja ma kinitx ġiet rappurtata fis-sena N din se tkun rappurtata fis-sena N+1, mingħajr ma tkun affettwat l-affidabbiltà tal-proċedura li l-għan prinċipali tagħha hu li tiżgura li l-ħlasijiet irregolari kollha jiġu kkoreġuti. Dan il-kumpens bejn snin fi ħdan il-perjodu ta' programmar hu meħtieġ sabiex tingħata informazzjoni dwar korrezzjonijit finanzjarji li hi akkurata, trasparenti u kompleta b'mod kumultattiv.

Madanakollu, in-noti għad-dikjarazzjonijiet finanzjarji jippreżentaw informazzjoni dwar korrezzjonijiet finanzjarji kkonfermati u implimentati f'sena speċifika kif ukoll informazzjoni kumulattiva.

F'kuntrast, fl-agrikultura (EAGF u EAFRD), korrezzjonijiet finanzjarji huma konnessi ma' nfiq ta' sena finanzjarja speċifika u din il-konnessjoni tingħata f'kull waħda mid-deċiżjonijiet ta' konformità adottata mill-Kummissjoni.

1.47.

Barra minn hekk iċ-ċikli ta’ ħafna mekkaniżmi ta’ korrezzjoni jistgħu iservu għal ħafna snin u l-varjazzjonijiet f'elementi li jinfluwenzaw il-kapaċità korrettiva ta’ ħafna sistemi ta’ sorveljanza u kontroll (qafas legali u organizzattiv; modalitajiet tal-proċeduri ta’ rkupru; tip, daqs u tul ta’ żmien ta’ proġetti, eċċ.) jistgħu jolqtu l-kapaċità li l-impatt probabbli jiġi stmat fil-ġejjieni.

1.48.

Fl-aħħar nett, wieħed irid jiftakar li l-mekkaniżmi korrettivi tal-Kummissjoni prinċipalment jinvolvu korrezzjonijiet finanzjarji għajr irkupri (ara l-paragrafi 1.39 u 1.40).

1.48.

1.49.

Il-Kummissjoni ħadet passi fl-2009 biex iżżid u ttejjeb l-informazzjoni li hija tagħti dwar il-mekkaniżmi korrettivi applikati għall-baġit tal-UE. Dan huwa żvilupp pożittiv. Iżda, l-informazzjoni li hija tagħti s ’issa għadha mhijiex affidabbli għal kollox, minħabba li l-Kummissjoni mhux dejjem tirċievi informazzjoni affidabbli mill-Istati Membri. Barra minn hekk, għandha tkun eżaminata l-ħtieġa li jiġu rfinati l-linji gwida tar-rappurtar finanzjarju rigward liema informazzjoni għandha tiġi inkluża u kif din għandha tiġi ttrattata. Għal xi oqsma tan-nefqa, il-Kummissjoni ma tagħtix informazzjoni li tirrikonċilja dan li ġej: is-sena li fiha ssir il-pagament inkwistjoni, is-sena li fiha jinstab l-iżball relatat u s-sena li fiha tingħata informazzjoni dwar il-korrezzjoni finanzjarja riżultanti fin-noti tal-kontijiet.

1.49.

Rikonċiljazzjoni ta' ħlasijiet, żbalji u korrezzjonijiet finanzjarji li saru kif ġie suġġerit mill-Qorti mhix possibbli fejn is-sistema ta' dikjarazzjoni ta' nfiq hi kumulattiva fuq perjodu multi-annwali jew f'xi każijiet fejn hemm sistemi ta' korrezzjonijiet (ara wkoll risposta għall-paragrafu 1.50).

1.50.

Il-biċċa l-kbira tal-korrezzjonijiet skont il-valur jinvolvu korrezzjonijiet finanzjarji fuq l-Istati Membri jew pajjiżi terzi, aktar milli rkupri minn benefiċjarji individwali li rċevew fondi tal-UE b'mod inkorrett. B’kuntrast ma’ dan, l-iżbalji misjuba permezz tal-ittestjar tal-Qorti fil-biċċa l-kbira huma ammonti kklejmjati b'mod inkorrett minn, jew imħallsa lil, benefiċjarji. Meta l-Qorti tieħu dan inkunsiderazzjoni hija tikkonkludi li mhuwiex possibli li tagħmel paragun li jagħmel sens bejn l-istima tagħha tar-rati tal-iżbalji u d-data għall-korrezzjonijiet finanzjarji u l-irkupri fornuti mill-Kummissjoni.

1.50.

Maġġoranza kbira tal-baġit tal-UE, madwar 80 %, hu implimentat f'ġestjoni kondiviża fejn Stati Membri huma primarjament responsabbli sabiex jiżguraw ir-regolarità tal-infiq dikjarata lill-Kummissjoni u għalhekk sabiex jinstabu u jiġu kkoreġuti l-irregolaritajiet. F'din is-sitwazzjoni ta' ġestjoni, il-Kummissjoni hi wkoll responsabbli sabiex tiżgura li s-sistemi li twaqqfu mill-awtoritajiet nazzjonali huma effettivi u, jekk le, il-Kummissjoni tkun tista' timponi korrezzjonijiet finanzjarji. Is-sistema ta' korrezzjonijiet finanzjarji li kienet prevista mil-leġiżlazzjoni applikabbli hi għalhekk magħmula b'mod u manjiera li l-Kummissjoni tirkupra/tikkoreġi mill-Istati Membri u dawn tal-aħħar imbagħad iridu jirkupraw il-ħas irregolari mill-benefiċjarju. Madanakollu, fejn korrezzjonijiet finanzjarji huma konnessi ma' dugħfija sistematika dawn huma ġeneralment ibbażati fuq rati fissi jew estrapolati, u mhux ma żbalji identifikati fuq livell ta' benefiċjarji.

Bħala konsegwenza, trid issir distinzjoni dwar:

Il-Kummissjoni taqbel li tqabbil tar-rati ta' żbalji DAS tal-Qorti, li minħabba t-Trattat jirrelataw ma' eżami annwali ta' kampjun ta' tranżazzjonijiet, ma' figuri dwar korrezzjonijiet finanzjarji mhix rilevanti. Minħabba t-tipi differenti ta' korrezzjonijiet finanzjarji kif indikati aktar 'l fuq, mhux possibbli, fil-qasam ta' Koeżjoni, li ssir konnessjoni diretta bejn korrezzjoni finanzjarja u s-sena ta' nfiq li għaliha tirrelata. Madanakollu, l-impatt tal-korrezzjonijiet finanzjarji tista' tiġi identifikata b'mod ċar meta tiġi kkalkulata rata ta' żbalji li fadal wara l-għeluq ta' programm. Pereżempju, l-inkjesta ta' verifika dwar għeluq mhux ta' statistika tad-DĠ REGIO fuq kampjun ta' programmi ERDF tal-1994-1999 iffinalizzata f'Jannar 2010 tagħti indikazzjoni li fl-għeluq, u wara li jkunu saru l-korrezzjonijiet finanzjarji kollha, ir-riskju ta' żbalji fuq linja ġenerali ġie ridott b'mod sustanzjali.

Il-Kummissjoni tiżgura l-protezzjoni tal-interessi finanzjarji tal-Unjoni billi tapplika s-sistemi u proċeduri ta' ġestjoni u kontroll kif provdut fir-regolamenti finanzjarji u settorjali li ġew deċiżi mil-leġiżlatur sabiex tevita, issib u tikkoreġi żbalji li jagħmlu ħsara lill-baġit tal-UE.

2.1.

Dan il-kapitolu jippreżenta l-valutazzjoni speċifika tal-Qorti dwar id-Dħul li jinkludi r-riżorsi proprji u dħul ieħor. L-informazzjoni finanzjarja prinċipali dwar id-Dħul tinsab fit- Tabella 2.1. Ir-riżorsi proprji huma bil-bosta s-sors prinċipali ta’ finanzjament tan-nefqa baġitarja (94,1 %).

2.2.

Hemm tliet kategoriji ta' riżorsi proprji (1): ir-riżorsi proprji tradizzjonali (id-dazji doganali mill-importazzjonijiet u ħlas għall-produzzjoni taz-zokkor, l-RPT), ir-riżorsi proprji kkalkulati fuq il-bażi tat-taxxa fuq il-valur miżjud (VAT) miġbura mill-Istati Membri, u r-riżorsi proprji meħuda mid-dħul gross nazzjonali (DGN) tal-Istati Membri.

2.3.

L-RPT huma stabbiliti u miġbura mill-Istati Membri. Tliet kwarti minn dawn l-ammonti jitħallsu lill-Unjoni, filwaqt li l-kwart li jifdal jinżamm biex ikopri l-ispejjeż tal-ġbir. Kull Stat Membru jibgħat rendikont tad-dazji stabbiliti (ir-rendikont tal-kont “A”) lill-Kummissjoni kull xahar u rendikont ta' dawk id-dazji stabbiliti li mhumiex inklużi fiha (il-kont “B”) kull tliet xhur (2).

2.4.

Ir-riżorsi proprji bbażati fuq il-VAT u fuq id-DGN huma kontribuzzjonijiet li jirriżultaw mill-applikazzjoni ta' rati uniformi lill-bażijiet ta' valutazzjoni tal-VAT armonizzati nozzjonalment tal-Istati Membri jew lid-DGN tal-Istati Membri rispettivament, ikkalkolati skont ir-regoli tal-Unjoni.

2.5.

Skont id-Deċiżjoni 2007/436/KE, Euratom, ċerti Stati Membri jibbenefikaw minn rata ta' ġbir imnaqqsa tal-VAT (3) u minn tnaqqis gross tal-kontribuzzjoni annwali tagħhom tad-DGN (4) għall-perjodu mill-2007 sal-2013. Barra minn hekk, ir-Renju Unit ġie permess korrezzjoni fir-rigward ta' żbilanċi tal-baġit (“il-korrezzjoni tar-Renju Unit”) li tinvolvi tnaqqis tal-pagamenti tiegħu tar-riżorsi proprji tad-DGN.

2.6.

Ir-riżorsa proprja bbażata fuq id-DGN tintuża biex tibbilanċja l-baġit. Kwalunkwe dikjarazzjoni inqas tad-DGN għal Stat Membru partikolari – għalkemm ma tolqotx ir-riżorsa proprja bbażata fuq id-DGN ġenerali – għandha l-effett li żżid il-kontribuzzjonijiet mill-Istati Membri l-oħrajn, sakemm il-problema tiġi identifikata u korretta.

2.7.

L-approċċ u l-metodoloġija tal-verifika ġenerali tal-Qorti huma deskritti fil- Parti 2 tal-Anness 1.1 . Għall-verifika tad-Dħul, kampjun statistiku rappreżentattiv ta' 62 ordni ta' rkupru meħuda mir-rekords tal-Kummissjoni tal-irċevuti tad-dħul kollu ġie ttestjat fil-livell tal-Kummissjoni (ara l- Anness 2.1).

2.8.

Il-verifika mill-Qorti ta' tranżazzjonijiet li fuqhom huma bbażati l-kontijiet ma tistax tkopri importazzjonijiet li ma ġewx iddikjarati jew dawk li nqabżu mis-sorveljanza doganali.

2.9.

Il-Qorti wettqet valutazzjoni tas-sistemi ta' sorveljanza u kontroll fi tliet Stati Membri (5) u rrevediet is-sistemi ta' kontabilità tagħhom għall-RPT. Hija eżaminat il-fluss tad-dazji minn meta ġew stabbiliti sa meta ġew iddikjarati lill-Kummissjoni, sabiex ikollha assigurazzjoni raġonevoli li l-ammonti rreġistrati kienu preċiżi. L-awdituri ċċekkjaw kampjun każwali ta' 30 dikjarazzjoni ta' importazzjoni f'kull wieħed minn dawn it-tliet Stati Membri.

2.10.

Għal ħames irkupri relatati mar-riżorsi proprji tradizzjonali tal-kampjun imsemmi fil-paragrafu 2.7, il-Qorti rrikonċiljat ir-rendikonti ta' kull xahar magħżula mar-rekords tal-kontabilità tal-Istati Membri (6) li fuqhom huma bbażati d-dikjarazzjonijiet.

2.11.

Il-Qorti evalwat is-sistemi ta' sorveljanza u kontroll tal-Kummissjoni, inklużi l-ispezzjonijiet li din tal-aħħar għamlet fl-Istati Membri. Ir-rwol ta' sorveljanza tal-KKRIR (7) ġie evalwat ukoll.

2.12.

Il-Qorti kkunsidrat ir-riżultati tal-verifika speċifika tagħha mwettqa fl-2008 u fl-2009 dwar il-proċeduri doganali ssimplifikati għall-importazzjonijiet f'disa' Stati Membri (8). Ir-riżorsi proprji bbażati fuq il-VAT u fuq id-DGN

2.13.

Ir-riżorsi proprji bbażati fuq il-VAT u fuq id-DGN huma bbażati fuq statistiċi makroekonomiċi, u t-tranżazzjonijiet li huma bbażati fuqhom ma jistgħux jiġu vverifikati direttament. Għal din ir-raġuni, il-verifika ħadet bħala l-punt tat-tluq tagħha l-ġbir mill-Kummissjoni tal-aggregati makroekonomiċi ppreparati mill-Istati Membri, u mbagħad evalwat is-sistemi tal-Kummissjoni tal-ipproċessar tad-data sabiex jiġu ddeterminati l-ammonti li għandhom jiġu inklużi fil-kontijiet finali. Għalhekk il-Qorti eżaminat il-preparazzjoni tal-baġit u l-korrettezza tal-kontribuzzjonijiet mill-Istati Membri.

2.14.

Il-verifika vvalutat ukoll is-sistemi ta' sorveljanza u kontroll tal-Kummissjoni maħsuba biex jiżguraw li dawn ir-riżorsi huma kkalkolati u miġbura korrettament, kif ukoll ir-rwoli tal-Kumitati tal-KKRI u tad-DGN (9).

2.15.

Ir-riżultati tal-ittestjar tat-tranżazzjonijiet huma deskritti fil-qosor fl- Anness 2.1 .

2.16.

Il-Qorti sabet li b'mod ġenerali r-rendikonti tal-Istati Membri mibgħuta lill-Kummissjoni ma kienx fihom żbalji materjali.

2.17.

Il-verifika tal-Qorti sabet li l-kalkolu tal-kontribuzzjonijiet tal-Istati Membri u l-pagament tagħhom ma kienx fihom żbalji materjali. Madankollu, f'Diċembru 2009 l-Kummissjoni sabet żball fil-kalkolu tagħha tal-estimi proviżorji tal-korrezzjoni tar-Renju Unit għas-snin 2008 u 2009, li jirrappreżenta stima żejda ta' 138 miljun euro u 458 miljun euro rispettivament. Billi l-korrezzjoni tar-Renju Unit għas-sena 2008 ddaħħlet fil-baġit tal-2009, l-Istati Membri li jiffinanzjawh għamlu kontribuzzjoni ogħla minn dik meħtieġa fl-2009. Dan se jiġi korrett biss meta l-estimi riveduti jiddaħħlu fil-baġit tas-snin ta' wara.

2.17.

2.18.

Il-Qorti sabet li b'mod ġenerali t-tranżazzjonijiet ittestjati fir-rigward ta' Dħul ieħor ma kienx fihom żbalji materjali.

2.19.

Ir-riżultati tal-eżami tas-sistemi huma deskritti fil-qosor fl- Anness 2.2 .

2.20.

Bħal fis-snin preċedenti (10), il-Qorti enfasizzat il-problemi fil-proċeduri u s-sistemi li jaffettwaw l-ammonti inklużi fil-kontijiet B li għandhom jiġu korretti. Dawn kienu jikkonċernaw b'mod partikolari d-dewmien fl-irkupru tad-dazji u l-ittardjar biex l-ammonti rkuprati jkunu disponibbli (11), kif ukoll it-tħassir mhux ġustifikat ta' dazji doganali (12).

2.20.

2.21.

Fi tnejn mill-Istati Membri (13) vverifikati, l-awtoritajiet nazzjonali ma kinux kapaċi jiġġustifikaw bis-sħiħ l-ammonti rreġistrati fid-dikjarazzjonijiet B, minħabba li ma qablux mad-dokumenti ta' bażi. Barra minn hekk, ġew identifikati differenzi simili mill-Qorti fir-rikonċiljazzjoni tagħha tal-kontijiet A (14).

2.21.

2.22.

Il-Kummissjoni hija tal-opinjoni li f'każijiet fejn merkanzija introdotta illegalment fit-territorju doganali tal-Komunità tkun ġiet ikkonfiskata, ma hemm ebda obbligu li tiġi inkluża fil-kontijiet B tad-djun doganali mġarrba. Fis-sentenza tagħha ta' April 2009 (15), il-Qorti tal-Ġustizzja kkunsidrat li sabiex iġib miegħu l-estinzjoni tad-dejn doganali, tali qbid ta' merkanzija għandu jseħħ qabel ma l-merkanzija msemmija tgħaddi l-ewwel uffiċċju doganali li jinsab ġewwa dak it-territorju. Għalhekk, fl-opinjoni tal-Qorti tal-Awdituri, id-djun imġarrba fuq merkanzija kkonfiskata wara dan l-istadju għandhom tabilħaqq jiddaħħlu fil-kontijiet.

2.22.

2.23.

Il-verifiki fuq il-post imwettqa mill-Qorti żvelaw nuqqasijiet fis-sorveljanza doganali nazzjonali, b'mod partikolari fir-rigward tat-twettiq tal-analiżi tar-riskju għall-għażla tan-negozjanti u l-importazzjonijiet li għandhom ikunu soġġetti għal kontrolli doganali (16). Dan iżid ir-riskju ta' irregolaritajiet li jibqgħu ma jinstabux u li jistgħu jwasslu għal telf tal-RPT.

2.23.

2.24.

Barra minn hekk, fir-rapport speċjali reċenti tagħha (17) dwar proċeduri doganali ssimplifikati għall-importazzjonijiet (18), fl-Istati Membri kollha fejn saru żjarat, il-Qorti sabet nuqqasijiet sinifikanti fil-kontrolli u frekwenza għolja ta' żbalji fil-biċċa l-kbira minnhom. Jekk nikkunsidraw li dawn l-Istati Membri jirrappreżentaw aktar min-nofs tal-ġbir totali tal-RPT u li madwar żewġ terzi tad-dikjarazzjonijiet doganali kollha tal-UE jsiru bl-użu ta' proċeduri ssimplifikati, dawn in-nuqqasijiet fil-kontrolli għandhom impatt fuq il-funzjonament tas-sistemi ta' sorveljanza u kontroll tal-Istati Membri fil-qasam tal-RPT. Dan imbagħad iġib miegħu r-riskju li jistgħu jinġabru ammonti inkorretti tal-RPT.

2.24.

Il-Kummissjoni kienet qed tieħu azzjoni biex tgħin l-Istati Membri fil-proċeduri li qed jevolvu. Ġew provduti linji gwida dettaljati, kif ukoll dettalji dwar l-aħjar mod li bih jistgħu jiġu applikati. Ir-riżultati se jiġu eżaminati waqt żjarat ta’ monitoraġġ li jsir matul l-2010 u l-2011. Barra minn hekk, matul l-2009 u l-2010 l-Kummissjoni wettqet spezzjonijiet speċifiċi, f’kull Stat Membru, tal-Istrateġiji ta’ Kontroll Doganali. Fuq il-bażi ta’ dawn l-ispezzjonijiet u l-osservazzjonijiet tal-verifika tal-Qorti, il-Kummissjoni diġà talbet azzjoni ta’ rimedju. Matul l-2010 hija se tħejji rapport tematiku dwar l-Istrateġija ta’ Kontroll Doganali fl-Istati Membri, li jinkorpora s-sejbiet tal-Qorti kif ukoll dawk tal-Kummissjoni. Dan se jiġi diskuss mal-Istati Membri fl-ACOR bil-għan li jsir titjib f’dan il-qasam.

2.25.

Il-punt tat-tluq għall-kalkolu tar-riżorsi proprji bbażati fuq il-VAT huwa l-VAT attwalment miġbur fl-Istati Membri (19). Studju li jikkwantifika u janalizza d-differenza tal-VAT fil-25 Stat Membru tal-UE (minbarra Ċipru) (20), ippubblikat mill-Kummissjoni f'Settembru 2009, jistma li d-differenza bejn l-irċevuti tal-VAT akkumulata u l-obbligu nett teoretiku ta' ħlas tal-VAT tammonta għal medja ta' 13 % għall-perjodu mill-2004 sal-2006. Għal dawk l-Istati Membri li ma għandhomx limitu għall-bażi tal-VAT (21), kieku d-differenza tal-VAT kellha tiġi eliminata, il-kontribuzzjoni tagħhom ibbażata fuq il-VAT għall-baġit tal-UE tiżdied. Dan kieku jnaqqas il-kontribuzzjonijiet ibbażati fuq id-DGN, għalkemm l-inċidenza fuq Stati Membri individwali, kieku, tvarja.

2.25.

2.26.

Ir-riżervi huma mezz biex l-elementi dubjużi fid-dikjarazzjonijiet tal-VAT mibgħuta mill-Istati Membri jinżammu miftuħa għall-korrezzjoni wara l-limitu ta' żmien statutorju ta' erba' snin. Fl-2009, saru 67 riżerva u tneħħew 63. Fi tmiem is-sena, it-total ta' riżervi ffissati kien 167 (ara t- Tabella 2.2 ). Minkejja li l-Qorti nnutat titjib fit-tneħħija ta' riżervi dwar il-VAT li kienu ilhom ħafna pendenti, kien għad hemm 20 minnhom fi tmiem l-2009 li jkopru s-snin qabel is-sena 2000, meta mqabbla ma' 34 fi tmiem l-2008.

2.26.

2.27.

Fir-rapport tagħha dwar l-istatistiċi tad-defiċit u d-djun tal-gvern Grieg (22) lill-Kunsill (Ecofin), il-Kummissjoni poġġiet f'diskussjoni l-kwalità tal-istatistiċi makroekonomiċi Griegi, inklużi dawk tal-Kontijiet Nazzjonali. Il-Kummissjoni u l-Kunsill qajmu dubji dwar il-funzjonament effettiv tas-sistemi ta' sorveljanza u kontroll fis-Servizz Nazzjonali tal-Istatistika tal-Greċja, li jipproduċi wkoll id-data tad-DGN għall-kalkolu tar-riżorsi proprji.

2.27.

Il-Greċja bdiet tindirizza l-kwistjonijiet li tqajmu fir-Rapport tal-Kummissjoni tat-8 ta’ Jannar 2010, bl-adozzjoni ta’ liġi ġdida dwar is-Sistema Griega tal-Istatistika, inkluż il-ħolqien ta’ awtorità ġdida tal-istatistika (ELSTAT) sabiex tiggarantixxi l-indipendenza u l-integrità tal-istatistiki.

2.28.

Fir-Rapporti Annwali preċedenti tagħha (23), il-Qorti esprimiet l-opinjoni li d-differenzi fis-sistemi ta' sorveljanza u kontroll fl-Istituti Nazzjonali tal-Istatistika (INI) tal-Istati Membri jistgħu jdgħajfu l-komparabilità, l-affidabilità u l-kompletezza tal-Kontijiet Nazzjonali. L-Eurostat għadu ma lestiex il-valutazzjoni tiegħu tas-sistemi ta' sorveljanza u kontroll fl-INI u għadu ma addottax linji gwida dwar l-applikazzjoni ta' tali sistemi fl-Istati Membri.

2.28.

2.29.

Fit-tmiem l-2009 kien hemm riżervi ġenerali (24) dwar id-data tad-DGN ta' 15-il Stat Membru tal-UE fir-rigward tal-perjodu mill-2002 sal-2006, u ta' 10 Stati Membri tal-UE fir-rigward tal-perjodu mill-2004 sal-2006, sakemm titlesta l-analiżi tal-inventarji aġġornati jew ġodda tad-DGN.

2.30.

Fil-bidu tal-2009 kien hemm għaxar riżervi speċifiċi (25) miftuħa tad-DGN relatati mal-perjodu mill-1995 sal-2001. Matul l-2009 l-Kummissjoni neħħiet sitt riżervi relatati mal-Greċja u b'hekk kien għad baqa' erbgħa (26) fi tmiem is-sena.

2.30.

2.31.

Fl-2009 l-Kummissjoni (Eurostat) wettqet żjarat f'16-il Stat Membru biex tivverifika l-inventarji tad-DGN (27) u wettqet verifikazzjoni diretta. Madankollu, dan ġie ristrett għal għadd żgħir ħafna ta' komponenti tad-DGN fl-Istati Membri fejn saru ż-żjarat. Bħalma hemm deskritt fil-linji gwida tal-Eurostat, dan l-approċċ ta' verifikazzjoni diretta normalment mhuwiex mistenni jiġbed konklużjonijiet fuq il-partijiet kollha tal-estimi tad-DGN.

2.31.

2.32.

Ir-riżultati tar-reviżjoni tar-rappreżentazzjonijiet tal-maniġment tal-Kummissjoni huma deskritti fil-qosor fl- Anness 2.3 . Il-Qorti tiġbed l-attenzjoni għar-rapport speċjali reċenti dwar proċeduri doganali ssimplifikati għall-importazzjonijiet li dwaru hemm dettalji fil-paragrafu 2.24. Il-Kummissjoni se jkollha bżonn tikkunsidra l-konklużjonijiet minn dan ir-rapport flimkien mas-segwitu tas-sejbiet tagħha stess minn ispezzjonijiet tal-proċeduri ssimplifikati u l-istrateġija ta' kontroll tal-Istati Membri fir-rapport ta' attività annwali tagħha għall-2010.

2.32.

2.33.

Abbażi tax-xogħol tal-verifika tagħha, il-Qorti tikkonkludi li fi:

għas-sena li ntemmet fil-31 ta’ Diċembru 2009 ma kienx hemm żbalji materjali.

2.34.

Abbażi tax-xogħol tal-verifika tagħha, il-Qorti tikkonkludi li s-sistemi ta' sorveljanza u kontroll huma effettivi biex jiżguraw ir-regolarità tad-Dħul. Madankollu, il-Qorti tiġbed l-attenzjoni għan-nuqqasijiet li, filwaqt li mhumiex materjali għall-effettività tas-sistemi fit-totalità tagħhom, jeħtieġu azzjoni kif deskritt hawn taħt.

2.35.

Il-verifiki tal-Qorti jkomplu jiżvelaw problemi bl-użu tal-kontijiet B u għaldaqstant tirrakkomanda li l-Kummissjoni tkompli bil-ħidma tagħha biex tiżgura l-użu korrett tagħhom, b'mod partikolari biex id-dazji doganali jiġu stabbiliti u jsiru disponibbli fil-ħin (il-paragrafu 2.20).

2.35.

2.36.

In-nuqqasijiet identifikati mill-verifika speċifika tal-Qorti fir-rigward tal-effettività tal-kontrolli ta' proċeduri ssimplifikati u fix-xogħol ta' verifika ieħor tagħha fl-2009 wasslet lill-Qorti biex tikkonkludi li s-sistemi ta' sorveljanza u kontroll tal-Istati Membri fil-qasam tal-RPT huma biss parzjalment effettivi biex jiżguraw li d-dazji doganali rreġistrati huma kompleti u korretti (il-paragrafi 2.23 u 2.24).

2.36.

2.37.

Riżervi li ilhom pendenti għadhom jeżistu. Il-Kummissjoni għandha tkompli tagħmel pressjoni fuq l-Istati Membri biex jipprovdu informazzjoni adegwata malajr li tippermettilha tneħħi dawn ir-riżervi malajr kemm jista' jkun u tagħmel il-korrezzjonijiet meħtieġa fil-bażijiet tal-VAT tal-Istati Membri (il-paragrafu 2.26).

2.37.

2.38.

Il-Kummissjoni għadha ma ppreparatx r-rapporti ta' valutazzjoni dwar id-DGN tal-Istati Membri u ma stabbilietx riżervi speċifiċi għall-perjodu mill-2002 'il quddiem. Biex tagħmel dan, hija għandha tlesti l-verifikazzjoni tagħha tal-inventarji tad-DGN fl-Istati Membri, filwaqt li tikkunsidra fl-evalwazzjoni tagħha s-sistemi ta' sorveljanza u kontroll fl-INI għall-kumpilazzjoni tal-Kontijiet Nazzjonali (il-paragrafi 2.28 u 2.31). Il-Kummissjoni għandha wkoll tiċċara l-ambitu tal-opinjoni li hija tipprovdi fil-valutazzjoni tagħha dwar id-data tad-DGN tal-Istati Membri (il-paragrafi 2.31).

2.38.

2.39.

Segwitu ta' osservazzjonijiet preċedenti jinsab fl- Anness 2.4 .

3.1.

Dan il-kapitolu jippreżenta l-valutazzjoni speċifika tal-Qorti dwar l-Agrikoltura u r-Riżorsi Naturali, li jinkludu l-oqsma tal-politika 05-l-Agrikoltura u l-iżvilupp rurali, 07-l-Ambjent, 11-l-Affarijiet Marittimi u s-Sajd u 17-is-Saħħa u l-Ħarsien tal-Konsumatur. L-informazzjoni ewlenija dwar l-attivatjiet koperti u l-infiq fl-2009 hija pprovduta fit- Tabella 3.1.

3.2

Skont it-Trattat, il-Kummissjoni għandha r-responsabbiltà ġenerali għall-implimentazzjoni tal-baġit tal-UE. Għall-agrikoltura u l-iżvilupp rurali n-nefqa kollha ssir taħt ġestjoni maqsuma fejn il-kompiti ta' implimentazzjoni jiġu ddelegati lill-Istati Membri. Għall-oqsma l-oħra, l-approprijazzjonijiet baġitarji jintefqu taħt il-ġestjoni diretta u indiretta tal-Kummissjoni bl-eċċezzjoni tal-Fond Ewropew għas-Sajd li jaqa' taħt ġestjoni maqsuma fuq il-bażi ta' programmi multiannwali.

3.3.

L-objettivi (1) tal-politika agrikola komuni kif stabbiliti fit-Trattat huma li tiżdied il-produttività agrikola, biex b'hekk jiġi żgurat livell tal-għajxien ġust għall-komunità agrikola, li s-swieq jiġu stabbilizzati, li tiġi żgurata d-disponibbiltà tal-provvisti u li jiġi żgurat li l-provvisti jaslu għand il-konsumaturi bi prezzijiet raġonevoli.

3.4.

Il-baġit tal-UE jiffinanzja n-nefqa tal-politika agrikola komuni prinċipalment permezz ta' żewġ Fondi (2): il- Fond Agrikolu Ewropew ta' Garanzija (minn hawn 'il quddiem “FAEG”), li jiffinanzja bis-sħiħ l-għajnuna diretta tal-UE u l-miżuri tas-suq (3) kif spjegat hawn taħt, u l-Fond Agrikolu Ewropew għall-Iżvilupp Rurali (minn hawn 'il quddiem “FAEŻR”), li jikkofinanzja l-programmi għall-iżvilupp rurali b’rati li jvarjaw.

3.5.

Il-miżuri ewlenin iffinanzjati mill-FAEG huma:

—

Interventi fis-swieq tal-agrikoltura: il-miżuri prinċipali huma l-interventi, il-ħażna u r-rifużjonijiet fuq l-esportazzjoni u miżuri oħra bħal sostenn speċifiku għall-programmi tal-inbid, tal-frott u l-ħxejjex u tal-ikel (li b’kollox jammontaw għal EUR 3 988 miljun) u l-Fond tar-Ristrutturazzjoni taz-Zokkor (EUR 3 018 il miljun).

—

Il-ħlasijiet magħmula mill-Fond tar-Ristrutturar taz-Zokkor ġew iffinanzjati permezz ta’ kontribuzzjonijiet minn produtturi detenturi ta’ kwota li huma assenjati għad-dħul lill-FAEG.

3.6.

Il-Fond Agrikolu Ewropew għall-Iżvilupp Rurali (FAEŻR) jikkofinanzja n-nefqa għall-Iżvilupp Rurali li tkopri għadd kbir ta' miżuri bħal skemi agroambjentali, ammonti ta' kumpens għall-agrikoltura f'żoni inqas vantaġġjati, investimenti f'irziezet, u infrastruttura f'żoni rurali (EUR 8 992 miljun) (7). Fl-2009, fil-qafas tal-hekk imsejħa Kontroll tas-Saħħa tal-PAK (8) u l-Pjan Ewropew għall-Irkupru Ekonomiku (9), ġie allokat finanzjament addizzjonali permezz tal-Iżvilupp Rurali biex jiffinanzja prijoritajiet bħall-infrastruttura tal-Internet ta’ frekwenza wiesgħa, il-bidla fil-klima, l-enerġiji rinnovabbli, l-amministrazzjoni tal-ilma, il-bijodiversità u l-miżuri li jakkumpanjaw ir-ristrutturazzjoni tas-settur tal-ħalib. Madankollu, ma ġġarrbet ebda nefqa taħt dawn il-miżuri tal-aħħar matul l-2009.

3.6.

Il-figura (8 992 miljun) tirrigwarda l-approprjazzjonijiet tal-ħlas għall-kapitoli 0504 u 0505, li jinkludu:

3.7.

Taħt l-iskemi kollha ta’ għajnuna diretta tal-FAEG koperti mir-Regolament tal-Kunsill (KE) Nru 1782/2003 (10) u ċerti skemi ta’ għajnuna tal-FAEŻR, il-benefiċjarji tal-għajnuna tal-UE jridu jissodisfaw rekwiżiti tal-“cross-compliance”. Dawn ir-rekwiżiti għandhom x’jaqsmu mal-ħarsien tal-ambjent, il-pubbliku, is-saħħa tal-annimali u l-pjanti, il-benesseri tal-annimali (Kundizzjonijiet Amministrattivi Statutarji) u għaż-żamma tal-art agrikola f’kundizzjoni agrikola u ambjentali tajba (GAEC) (11). Il-leġiżlazzjoni tal-UE tipprovdi li meta jkun hemm nuqqas ta’ konformità ma’ dawk ir-rekwiżiti, għandu jiġi applikat tnaqqis jew esklużjoni (12) fuq l-ammont globali tal-pagamenti diretti magħmula fir-rigward tal-applikazzjonijiet ippreżentati matul is-sena kalendarja tas-sejba. L-ittestjar tal-Qorti tal-pagamenti lill-bdiewa tinkludi biss għadd limitat ta’ rekwiżiti ta’ cross compliance (ara l-paragrafu 3.17, it-tielet inċiż). Meta jinstab ksur dawn jiġu kklassifikati bħala żbalji mhux kwantifikabbli u għaldaqstant mhumiex inklużi fil-kalkolu tar-rata ta’ żball.

3.8.

Il-bdiewa biss huma eliġibbli għal għajnuna diretta tal UE. Bidwi huwa definit bħala persuna li teżerċita attività agrikola. Attività agrikola hija definita bħala l-produzzjoni, it-trobbija jew it-tkabbir ta' prodotti agrikoli inkluż il-ħsad, il-ħlib, it-trobbija tal-annimali u ż-żamma tal-annimali għal finijiet agrikoli, jew iż-żamma tal-art f'kundizzjoni agrikola u ambjentali tajba (GAEC) (13). Skont ir-regoli relevanti tal-UE, jekk ma titwettaq ebda attività agrikola oħra mill-applikant, il-manutenzjoni tal-art f’GAEC tikkostitwixxi l-attività agrikola minima meħtieġa mill-applikant biex ikun eliġibbli għall-għajnuna.

3.9.

In-nefqa taħt iż-żewġ fondi tiġi allokata permezz ta’ madwar 80 aġenzija tal-pagament nazzjonali jew reġjonali. Qabel ma dawn l-aġenżiji tal-pagament jistgħu jikklejmjaw xi nefqa mill-baġit tal-UE, dawn iridu jkunu akkreditati fuq il-bażi ta’ kriterji stabbiliti mill-Kummissjoni. Dawn l-aġenziji tal-pagament jagħmlu pagamenti lill-benefiċjarji u qabel ma jagħmlu dan, direttament jew permezz ta’ korpi delegati, iridu jkunu sodisfatti mill-eliġibbiltà tal-applikazzjonijiet għall-għajnuna. Il-kontijiet u l-pagamenti tal-aġenziji tal-pagament jiġu eżaminati minn korpi tal-verifika indipendenti (korpi ta’ ċertifikazzjoni) li jippreżentaw rapport lill-Kummissjoni fi Frar tas-sena ta’ wara.

3.9.

3.10.

Il-politika tal-Unjoni dwar l-ambjent għandha tikkontribwixxi għall-ħarsien u t-titjib tal-kwalità tal-ambjent, tas-saħħa tal-bniedem, u l-użu razzjonali tar-riżorsi naturali, inkluż f’livell internazzjonali. L-Istrument Finanzjarju għall-Ambjent (LIFE) (14) huwa l-istrument l-aktar importanti f’termini ta’ finanzjament li jkopri l-kontribuzzjoni tal-UE għal proġetti fl-Istati Membri favur in-natura u l-bijodiversità, kif ukoll il-politika tal-ambjent, il-governanza, l-informazzjoni u l-komunikazzjoni.

3.11.

Il-Fond Ewropew għas-Sajd (15) huwa l-istrument ewlieni għall-qasam tal- politika l-Affarijiet Marittimi u s-Sajd. Il-Politika tas-Sajd Komuni issegwi l-istess objettivi tal-Politika Agrikola Komuni (ara l-paragrafu 3.3).

3.12.

Fir-rigward tas-Saħħa u l-Ħarsien tal-Konsumatur, l-UE tikkontribwixxi, minn naħa waħda, għall-ħarsien tas-saħħa tal-bniedem, tal-annimali u tal-pjanti u, min-naħa l-oħra, għall-benesseri tal-konsumatur.

3.13.

Għall-FAEG in-nefqa tikkonsisti primarjament fir-rimborż ta’ sussidji mħallsa lil bdiewa u benefiċjarji oħrajn mill-Istati Membri.

3.14.

Għall-FAEŻR u l-FES, tħallas pagament bil-quddiem li jikkorrispondi għal 7 % tal-kontribuzzjoni tal-UE lil kull programm wara l-adozzjoni tal-programm mill-Kummissjoni (16). Fl-2009, il-pagamenti mġarrba mill-FAEŻR kienu jirrigwardaw biss pagamenti interim filwaqt li għall-FES kienu jinkludu wkoll pagamenti bil-quddiem.

3.15.

Il-pagamenti għas-Saħħa u l-Ħarsien tal-Konsumatur ma jinkludux pagamenti bil-quddiem, u l-Istati Membri jiġu rimborżati fuq il-bażi tal-ispejjeż iddikjarati minnhom. Għall-Ambjent, hemm previst finanzjament minn qabel sa 40 % tal-kontribuzzjoni tal-UE għal proġett LIFE, kif stabbilit fil-ftehim tal-għotja.

3.16.

Fil-qasam tal-FAEŻR ġew ikkanċellati approprijazzjonijiet baġitarji għal 1 650 miljun fi tmiem l-2009 (17) primarjament bħala riżultat tat-tnaqqis fin-nefqa tal-Istati Membri minħabba diffikultajiet fil-forniment ta’ kofinanzjament nazzjonali u, fil-każ tar-Rumanija u tal-Bulgarija, minħabba nuqqas ta’ esperjenza fl-implimentazzjoni ta’ programmi tal-iżvilupp rurali (18).

3.16.

3.17.

L-approċċ u l-metodoloġija ġenerali tal-verifika tal-Qorti huma deskritti fil- Parti 2 tal-Anness 1.1 . Għall-verifika tal-grupp tal-politika l-Agrikoltura u r-Riżorsi Naturali għandhom jiġu nnutati l-punti speċifiċi li ġejjin:

3.18.

Ir-riżultati tal-ittestjar tat-tranżazzjonijiet huma miġbura fil-qosor fl- Anness 3.1 . Fuq din il-bażi l-istima tal-Qorti tal-iżball l-aktar probabbli għall-Agrikoltura u r-Riżorsi Naturali hija bejn 2 % u 5 %.

3.18.

Barra dan ir-riskju għall-baġit tal-UE huwa kopert b’mod adegwat bil-proċedura tal-awtorizzazzjoni tal-konformità.

3.19.

Fl-2009, mill-241 tranżazzjoni eżaminata, 66 (27 %) (20) kienu milquta minn żball. 42 (64 %) (21) minn dawn it-tranżazzjonijiet kienu milquta minn żbalji kwantifikabbli b’mod partikolari fir-rigward tal-eliġibbiltà u l-preċiżjoni. Hawn taħt jingħataw eżempji tat-tipi ta’ żbalji.

3.20.

Fil-FAEG, mill-148 tranżazzjoni li ttieħdu bħala kampjun, 35 (24 %) (22) kienu milquta minn żbalji. 24 (69 %) minn dawn it-tranżazzjonijiet kienu milquta minn żbalji kwantifikabbli. Fir-rigward tan-nefqa tal-Iżvilupp Rurali, minn 80 tranżazzjoni meħuda bħala kampjun, 25 (31 %) kienu milquta minn żbalji. 16 (64 %) minn dawn it-tranżazzjonijiet irregolari kienu milquta minn żbalji kwantifikabbli.

3.20.

3.21.

Dawn li ġejjin huma eżempji ta’ żbalji ta’ eliġibbiltà misjuba mill-Qorti:

—

kuntratt tal-kiri għal 57 ettaru tal-art għal mergħa msemmija hawn fuq;

—

kuntratt marbut ma’ u li jirrifletti ieħor bl-istess drittijiet u obbligi fejn ċeda d-drittijiet tal-mergħa lura lill-kerrej.

3.22.

Il-biċċa l-kbira mill-iżbalji kwantifikabbli kienu żbalji ta’ preċiżjoni (87 % fil-FAEG u 81 % għall-Iżvilupp Rurali) u barra minn dan, il-biċċa l-kbira mill-iżbalji ta’ preċiżjoni kienu dikjarazzjonijiet żejda ta’ art eliġibbli. Dawn li ġejjin huma eżempji oħrajn ta’ żbalji ta’ preċiżjoni misjuba mill-Qorti:

3.23.

Fir-rigward ta’ żbalji mhux kwantifikabbli, il-Qorti sabet pereżempju, fil-FAEG, li l-pakketti ta’ art ma kinux identifikati b’mod ċar fl-applikazzjoni, il-pagamenti saru wara d-data ta’ skadenza legali u d-data li fiha dawk li qed jagħmlu t-talba jrid ikollhom l-użu esklussiv tal-pakkett ikklejmjat ma kinitx speċifikata. Fil-FAEŻR, il-Qorti nnutat każ fejn ċerti kundizzjonijiet li japplikaw għal għajnuna mħallsa għal biedja organika ma kinux ġew issodisfati għalkollox.

3.23.

3.24.

Fir-rigward tal-Ambjent, l-Affarijiet Marittimi u s-Sajd, u s-Saħħa u l-Ħarsien tal-Konsumatur, mit-13-il tranżazzjoni meħuda bħala kampjun, 6 (46 %) kienu milquta minn żbalji. 2 (33 %) ta’ dawn it-tranżazzjonijiet kienu milquta minn żbalji kwantifikabbli.

3.24.

Fir-rigward ta’ tranżazzjoni waħda fil-qasam tal-Affarijiet Marittimi u l-Industriji tas-Sajd, il-kalkolu tal-Kummissjoni tal-ħlas interim kien applikazzjoni korretta tar-regoli applikabbli għall-kalkolu ta' ħlasijiet bħal dawn kif stabbilit fl-Artikolu 76 tar-Regolament tal-Kunsill (KE) Nru 1198/2006 li ma jippermettix li l-Kummissjoni tagħmel użu minn metodu ta’ kalkolu differenti skont id-diskrezzjoni tagħha.

3.25.

Fir-rigward tal-Istrument Finanzjarju għall-Gwida tas-Sajd (SFGS), il-Qorti sabet każijiet ta’ proġetti li tlestew barra mill-perjodu ta’ eliġibbiltà.

3.25.

3.26.

Il-Qorti sabet ukoll żbalji mhux kwantifikabbli.

3.27.

Is-sistema ta' kontroll prinċipali sabiex tiżgura r-regolarità tat-tranżazzjonijiet hija s-Sistema Integrata tal-Amministrazzjoni u l-Kontroll (IACS) (25).

3.28.

L-IACS, f’kull Stat Membru, tikkonsisti f’databases ta’ ażjendi, applikazzjonijiet, pakketti agrikoli u fejn il-pagamenti għadhom marbuta mal-għadd ta’ annimali, database ta’ annimali, kif ukoll reġistru ta’ intitolamenti f’dawk l-Istati Membri li jimplimentaw l-SPS. Is-sistema tipprovdi għal diversi kontrolli ta' eliġibbiltà: kontroll amministrattiv tal-klejms kollha, kontrolli reċiproċi ma' databases sabiex jevitaw li l-istess art/annimali jiġu ddikjarati darbtejn u rata minima ta' 5 % fuq spezzjonijiet fir-razzett li għandhom isiru mill-aġenziji tal-pagament.

3.29.

l-IACS tkopri l-SPS, is-SAPS u l-iskemi kollha ta’ għajnuna akkoppjata relatati mal-erja kif ukoll skemi ta’ primjums tal-annimali. Fil-każ tal-FAEŻR, u b'mod partikolari għaż-żoni agroambjentali u dawk inqas vantaġġjati, il-verifikazzjoni ta’ ċerti elementi prinċipali bħas-superfiċje tal-art u l-għadd tal-annimali ssir permezz tal-IACS filwaqt li r-rekwiżiti l-oħra huma ġġvernati minn kontrolli mfassla apposta (26).

3.30.

Il-Qorti eżaminat tmien sistemi tal-IACS taħt il-FAEG u tmien sistemi ta’ kontroll speċifiċi taħt il-FAEŻR (ara l-paragrafu 3.17).

3.31.

Il-verifika tal-Qorti kopriet il-konformità mad-dispożizzjonijiet tar-regolamenti relevanti u valutazzjoni tal-effettività tas-sistemi biex tiġi żgurata r-regolarità tat-tranżazzjonijiet. Ġew eżaminati l-elementi li ġejjin:

(I)

Il-proċeduri amministrattivi u l-kontrolli biex jiżguraw pagament korrett inkluża l-kwalità tad-databases.

(II)

Is-sistemi ta’ kontroll ibbażati fuq kontrolli fuq il-post.

(III)

Is-sistemi biex jiżguraw l-implimentazzjoni u l-kontroll tal-Cross-compliance.

(III)

3.32.

Filwaqt li s-sistema tal-IACS fil-prinċipju hija mfassla tajjeb, il-verifiki tas-sistemi annwali tal-IACS tal-Qorti li saru f’dawn l-aħħar snin juru li l-effettività tal-IACS hija milquta b’mod avvers minħabba data mhux preċiża fid-databases, kontrolli reċiproċi mhux kompleti jew segwitu inkorrett jew inkomplet tal-anomaliji. Fir-rigward tas-snin finanzjarji 2006-2008, il-Qorti eżaminat l-operazzjoni tas-sistemi tal-IACS li għandhom x’jaqsmu mal-SPS jew mas-SAPS f’20 aġenzija ta’ pagament fi 17-il Stat Membru u rrapppurtat ir-riżultati fir-Rapporti Annwali tagħha. L-IACS ġiet meqjusa effettiva f’aġenzija ta’ pagament waħda, parzjalment effettiva fi 12, u f’sebgħa ġew identifikati nuqqasijiet sinifikanti u għalhekk il-Qorti kkunkludiet li s-sistema ma kinitx effettiva.

3.33.

Għall-verifika tagħha tal-2009 ta’ tmien aġenziji tal-pagament, il-Qorti sabet li s-sistemi kienu effettivi biex jiżguraw ir-regolarità tal-pagamenti f’aġenzija waħda biss, parzjalment effettivi f’erba’ aġenziji, u mhux effettivi fit-tlieta l-oħra (il-Greċja, Ċipru u Malta).

3.32.-3.33.

L-effettività u t-titjib kostanti tas-SIAK huma kkonfermati bir-riżultati tal-awditjar tal-konformità li l-Kummissjoni wettqet matul dawn l-aħħar snin fl-Istati Membri kollha minbarra l-Lussemburgu kif ukoll bir-rata baxxa ta’ żbalji indikata fl-istatistiċi tal-kontroll li hija tirċievi mill-Istati Membri u li huma verifikati u validati mill-korpi taċ-ċertifikazzjoni. Din ir-rata baxxa ta’ żbalji hija konformi wkoll ma’ dik tal-istess Qorti fir-Rapport Annwali tagħha tal-2008.

Il-Kummissjoni sabet li għas-sena tal-klejm 2008, kienu jeżistu nuqqasijiet sinifikanti fis-SIAK fil-Bulgarija u r-Rumanija. Bħala riżultat ta’ dan dawn iż-żewġ Stati Membri waqqfu pjanijiet ta’ azzjoni fl-2009 li ġew segwiti mill-qrib mill-Kummissjoni.

Stati Membri oħra għandhom nuqqasijiet ta’ natura iżgħar fis-SIAK tagħhom li ma jagħmlux is-sistemi tagħhom ineffettivi iżda, pjuttost, li jistgħu jittejbu u li għalihom ħadu jew qegħdin jieħdu azzjoni.

Dawn in-nuqqasijiet kollha jiġu segwiti matul il-proċeduri tal-approvazzjoni tal-konformità li jiżguraw li r-riskju għall-baġit tal-UE jiġi kopert b’mod adegwat.

3.34.

Fir-rigward tat-tmien sistemi ta’ sorveljanza u kontroll tal-Iżvilupp Rurali li ġew verifikati, il-Qorti sabet li tlieta mis-sistemi ta’ kontroll implimentati kienu effettivi u ħamsa minnhom kienu biss parzjalment effettivi biex jiżguraw ir-regolarità tal-pagamenti.

3.34.

Is-sistema tal-kontroll għall-Istati Membri l-oħra li ġew awditjati mill-Kummissjoni fl-2009 instabet li kienet effettiva. Madankollu, hemm lok għal titjib għall-punti li ġejjin:

3.35.

Is-sejbiet ewlenin tal-verifika tal-Qorti huma deskritti fil-paragrafi li ġejjin. Ir-riżultati tal-eżami tas-sistemi huma miġbura fil-qosor fl- Anness 3.2 .

3.36.

Iridu jsiru kontrolli amministrattivi tal-applikazzjonijiet kollha għal klejms għas-sostenn u għall-pagament, u dawn għandhom ikopru l-elementi kollha li huma possibbli u xierqa li jigu kkontrollati permezz ta' mezzi amministrattivi (27). Il-kontrolli amministrattivi għandhom jinkludu kontrolli reċiproċi kull fejn huwa possibbli u xieraq, fost l-oħrajn ma' data mid-databases tal-IACS. Il-verifika tal-Qorti vverifikat jekk id-databases kinux kompleti u affidabbli kif ukoll l-adegwatezza tal-kontrolli biex jiġu identifikati l-anomaliji u tittieħed azzjoni korrettiva. In-nuqqasijiet l-aktar importanti li nstabu fis-sistemi huma elenkati hawn taħt.

3.37.

Is-Sistema ta' Identifikazzjoni ta' Pakketti ta' Art (LPIS) hija database li fiha tiġi rreġistrata l-erja agrikola kollha (pakketti ta’ referenza) fl-Istat Membru. Il-Qorti sabet nuqqasijiet sinifikanti fl-LPIS fi tliet Stati Membri li jaffettwaw l-effettività tal-kontrolli reċiproċi amministrattivi kif muri hawn taħt:

Eżempji

It-teknoloġija LPIS-GIS saret obbligatorja fl-2005. Fil-Greċja sas-sena tal-klejm 2008 u matulha l-LPIS-GIS ma kienx fih informazzjoni grafika (ortoritratti) li juru l-erja eliġibbli attwali tal-pakketti ta’ referenza rreġistrati. L-LPIS-GIS kien għadu mhux operazzjonali b’mod sħiħ biex iwettaq il-kontrolli reċiproċi neċessarji sa minn Diċembru 2009.

Fil-Litwanja l-Qorti sabet li l-awtoritajiet naqsu milli jeliminaw il-karatteristiċi ineliġibbli ta’ erja totali ta’ 13 700 ha mill-erja eliġibbli tal-pakketti rreġistrati bħala 100 % eliġibbli fl-LPIS.

F’Ċipru ttieħdu ortoritratti ġodda u ġew analizzati fl-2008. L-analiżi wriet li aktar minn 39 000 pakkett ta’ referenza kienu milquta minn tibdil fl-użu tal-art u bħala riżultat ta’ dan l-erja eliġibbli għall-għajnuna tas-SAPS naqset b’aktar minn 7 000 ha (jiġifieri 5 % tal-erja agrikola). Għalkemm kien hemm informazzjoni aġġornata disponibbli, l-awtoritajiet Ċiprijotti ddeċidew li jibbażaw il-pagamenti għas-sena tal-klejm 2008 fuq l-ortoritratti tal-2003 li kien għadda żmienhom.

3.37.

Il-Kummissjoni taċċetta li kien hemm problemi bis-SIAK Griega fis-sena tal-klejm 2008. Madankollu r-riskju finanzjarju għall-passat huwa kopert mill-proċedura tal-approvazzjoni tal-konformità li biha, s'issa, madwar 866 miljun EUR ġew jew qegħdin jiġu esklużi mill-finanzjament tal-UE.

Il-LPIS-GIS sar disponibbli skont il-pjan ta’ azzjoni fil-31.12.2008 u r-roll out sar qabel il-bidu tal-perjodu tal-klejm tal-2009. Il-problema fil-2009 inħolqet bid-diġitalizzazzjoni li saret tard tal-ħbula agrikoli min-naħa tal-bdiewa u sadanittant ittieħdu miżuri għar-rettifikazzjoni tas-sitwazzjoni bl-iffissar ta’ data tal-qtugħ għad-diġitalizzazzjoni.

Il-Kummissjoni qiegħda ssegwi n-nuqqasijiet li ilhom jeżistu fil-LPIS-GIS tal-Litwanja sa mill-2005 permezz ta’ proċeduri tal-approvazzjoni tal-konformità. Madankollu, l-awtoritajiet Litwani sadanittant għarrfu lill-Kummissjoni li ġew implimentati miżuri korrettivi fil-LPIS-GIS f'Diċembru 2009.

Il-Kummissjoni ilha ssegwi n-nuqqasijiet fil-LPIS-GIS ta’ Ċipru sa mill-2005. Bħala riżultat tal-missjonijiet magħmula, Ċipru ħadet azzjoni ta' rimedju sabiex b'hekk mill-2009 is-sistema qiegħda tiġi kkunsidrata effettiva. Din is-sitwazzjoni qiegħda tiġi segwita taħt il-proċedura tal-approvazzjoni tal-konformità.

3.38.

F’żewġ Stati Membri (l-Italja, Spanja), il-Qorti sabet ukoll li l-aktar ortoritratti reċenti disponibbli ma ntużawx għal-iffissar ta’ limiti massimi tal-erjas eliġibbli fil-kalkolu tal-pagamenti.

Eżempji

Fl-Italja (Emilia Romagna) u fi Spanja (Pajjiż Bask) ir-rata ta’ eliġibbiltà għal art ta’ mergħa fqira mhijiex ibbażata fuq l-informazzjoni l-aktar reċenti disponibbli (ortoritratti jew spezzjoni fuq il-post) iżda fuq dak li l-bidwi kien ikklejmja qabel ma ddaħħlet l-SPS. Fil-każijiet eżaminati, kemm il-bdiewa Taljani kif ukoll dawk Spanjoli tħallew jikklejmjaw ir-rata storika ogħla ta' eliġibbiltà għal art ta’ mergħa fqira li fuq l-aktar ortoritratti reċenti turi rati ta’ eliġibbiltà aktar baxxa b’mod sinifikanti. Id-differenzi wasslu biex l-għajnuna tingħata għal aktar mill-erja attwali eliġibbli b’mod sinifikanti.

3.38.

L-Istati Membri huma obbligati li jirkupraw kwalunkwe ammont mis-snin ta’ qabel jekk wara jiġu skoperti dikjarazzjonijiet żejda bħala riżultat ta’ ortoritratti aġġornati. Fejn il-Kummissjoni jidhrilha li Stat Membru mhuwiex proattiv biżżejjed fil-ħarsien tal-baġit tal-UE, issegwi s-sitwazzjoni taħt il-proċedura għall-approvazzjoni tal-konformità.

L-Italja qiegħda fil-proċess li tiffinalizza tiġdid totali tal-LPIS tagħha. Dan jimplika li ortoimmaġni ġodda għandhom ikopru l-pajjiż kollu, li l-immaġni għandhom jiġġeddu kull tliet snin, u li l-ħbula raba’ ta’ referenza għandhom jiġu valutati b’mod sistematiku, inklużi żjarat fl-għelieqi fejn ikun meħtieġ. Id-dikjarazzjonijiet żejda stabbiliti wara t-tiġdid qegħdin jiġu rkuprati. Il-Kummissjoni jidhrilha li dan l-approċċ huwa pass kbir ’il quddiem.

Għal dak li jirrigwarda Spanja, il-Qorti analizzat immaġni li kienu għadhom ma ġewx ipproċessati. Dawn l-immaġni saru disponibbli għall-bdiewa għas-sottomissjoni tal-klejm tagħhom tal-2008.

Il-Kummissjoni ssegwi b’mod attiv il-miżuri meħuda għar-rettifikazzjoni tad-dikjarazzjonijiet żejda tal-passat.

3.39.

F’diversi Stati Membri (Ċipru, il-Greċja, l-Italja, is-Slovakkja u l-Litwanja), il-Qorti osservat li d-database tal-klejms ma ppermettietx li jiġu identifikati n-natura u t-twaqqit tal-modifiki jew tal-korrezzjonijiet magħmula. Fin-nuqqas ta’ sekwenza ta’ verifika affidabbli l-Qorti ma tistax tivvaluta l-applikazzjoni korretta ta' penali tal-UE.

Eżempji

Fil-Greċja l-biċċa l-kbira tal-kontrolli reċiproċi amministrattivi u tal-korrezzjonijiet neċessarji tad-data tal-klejms isiru taħt proċedura li ma tħalli ebda sekwenza tal-verifika u ma twassalx għall-applikazzjoni ta’ penali. F’Ċipru l-informazzjoni konfliġġenti dwar id-dati u l-kontenut tal-emendi tal-klejms kienet murija fuq id-dokumenti tal-klejms u fid-database.

3.39.

L-Istati Membri ġew imfakkra fil-Kumitat tal-Fondi Agrikoli sabiex jiżguraw li jkun hemm traċċa sħiħa tal-awditjar fl-applikazzjonijiet tal-IT tagħhom.

3.40.

Database ta' intitolamenti affidabbli hija prerekwiżit għal pagamenti korretti tal-SPS. L-Istati Membri huma wkoll meħtieġa josservaw il-limiti ġenerali nazzjonali kemm għall-SPS u kif ukoll għas-SAPS. Il-Qorti sabet qbiż tal-limitu (Ċipru) għalkemm din ma affettwatx il-baġit tal-UE; u allokazzjoni impreċiża ta’ intitolamenti (Malta).

3.41.

Fir-rigward tal-korrettezza tal-pagamenti, il-Qorti sabet nuqqasijiet sostanzjali fi Stat Membru wieħed li wasslu għal każijiet ta’ foresti kklejmjati bħala mergħa permanenti (il-Greċja). Barra minn hekk, il-Greċja għadha tippermetti li l-erja kklejmjata tisboq l-erja eliġibbli tal-pakkett ta’ referenza kif irreġistrat fl-LPIS billi tapplika marġni ta’ tolleranza ta’ 5 % li mhux previst fir-regolament. Din l-osservazzjoni kienet diġà rrappurtata mill-Qorti fl-2005. Barra minn hekk, il-Qorti sabet każijiet ta’ pagamenti lil benefiċjarji li tħallsu mingħajr ma ġew riżolti l-anomaliji magħrufa (l-Italja) u mingħajr ma sar kontroll reċiproku tal-erja kklejmjata kontra l-erja eliġibbli rreġistrata fl-LPIS (Spanja). Barra minn hekk instabu eżempji ta’ kalkolu inkorrett b’mod sistematiku ta’ għajnuna u applikazzjoni inadegwata ta’ penali dwar erja u klejms magħmula tard.

3.41.

L-awtoritajiet Spanjoli jikkonfermaw li fis-sena tal-klejm 2008, l-LPIS-GIS kienet tabilħaqq użata biss għall-parti tal-kontroverifiki, iżda li għamlu rimedju għal din is-sitwazzjoni mis-sena tal-klejm 2009.

3.42.

Il-kontrolli amministrattivi jikkonċernaw il-korrettezza tad-dikjarazzjonijiet magħmula minn dak li jagħmel il-klejm u l-issodisfar tar-rekwiżiti ta’ eliġibbiltà għall-għoti tal-għajnuna (28). Kontrolli bħal dawn jinkludu kontrolli reċiproċi kontra d-data diġà disponibbli għall-amministrazzjoni, pereżempju fid-databases tal-IACS.

3.43.

Il-verifika sabet żbalji fid-determinazzjoni tar-rata tal-kambju użata biex l-ammonti ta' għajnuna mħallsa f’muniti nazzjonali (ir-Renju Unit, ir-Repubblika Ċeka) jinbidlu f’euro, u dgħufijiet fil-kalkoli tat-tnaqqis ta’ għajnuna wara kontrolli fuq il-post (il-Ġermanja (il-Bavarja)). Instabu dgħufijiet ukoll fil-kontrolli tekniċi fuq it-tnaqqis tat-tniġġis min-nitrati (il-Greċja) u fil-konformità ma’ kundizzjoni speċifika ta’ eliġibbiltà bħal mhuma l-adegwatezza tal-makkinarju agrikolu relatat mal-art maħduma (il-Bulgarija).

3.43.

L-osservazzjoni tal-Qorti għal dak li jirrigwarda l-Ġermanja (Bavarja) ma taffettwax il-baġit tal-UE minħabba li t-tnaqqis tal-parti tal-għajnuna mħallsa mill-baġit tal-UE ġie kkalkulat tajjeb.

Il-punt debboli misjub mill-Qorti fil-Bulgarija qed jiġi segwit permezz ta’ proċedura tal-approvazzjoni tal-konformità.

3.44.

Kull sena, l-Istati Membri għandhom jagħmlu kontrolli fuq il-post li jkopru, għall-biċċa l-kbira tal-iskemi ta’ għajnuna, tal-inqas 5 % tal-benefiċjarji kollha (29). Il-verifika tal-Qorti ffukat fuq l-adegwatezza tal-proċe¬duri tal-analiżi tar-riskju li bihom jintgħażlu l-benefiċjarji għal tali kontrolli, il-kwalità tal-kontrolli u l-adegwatezza tal-korrezzjonijiet magħmula. Il-verifika tal-Qorti żvelat dgħufijiet speċifiċi fil-kontrolli fuq il-post.

3.45.

Fil-FAEG, il-Qorti identifikat każijiet ta' applikazzjoni inkorretta ta' tolleranzi ta' kejl (Malta, l-Italja), kwalità inadegwata u kopertura insuffiċjenti tal- ispezzjonijiet fuq il-post (il-Greċja).

3.45.

3.46.

Fil-FAEŻR, il-Qorti sabet dgħufijiet fir-rigward tal-preċiżjoni u l-kompletezza tar-rapporti ta’ kontroll (il-Ġermanja (il-Bavarja), ir-Rumanija), l-evalwazzjoni globali tar-riżultati tal-kontrolli (il-Bulgarija) u ż-żamma tad-dati ta’ skadenza għar-rappurtar lill-Kummissjoni dwar il-kontrolli li saru (il-Ġermanja (il-Bavarja), Franza).

3.46.

3.47.

Ir-rekwiżiti tal-cross compliance jikkonsistu fil-Kundizzjonijiet Amministrattivi Statutarji (SMRs) u l-istandards GAEC (ara l-paragrafu 3.7). Filwaqt li l-SMRs huma speċifikati f’Direttivi u regolamenti varji tal-UE, l-istandards GAEC huma definiti f’livell nazzjonali.

3.48.

Il-Qorti sabet nuqqasijiet fid-definizzjoni ta’ dak li huwa meħtieġ għaż-żamma tal-art f’GAEC u l-kontroll ta’ dawn il-kundizzjonijiet.

3.48.

3.49.

Matul iż-żjarat tagħha fuq il-post il-Qorti osservat, fuq il-bażi tal-verifika limitata (ara l-paragrafu 3.17, it-tielet inċiż), ksur ta’ cross compliance f’madwar 5 % tal-pagamenti soggetti għall-obbligi tal-cross compliance. Il-ksur osservat kien relatat kemm mal-SMRs (tniġġis tal-ilma ta’ taħt l-art, reġistrazzjoni ta’ annimali, benesseri tal-annimali, użu mhux korrett ta’ prodotti għall-ħarsien tal-pjanti), u GAEC (evitar tal-invażjoni tal-artijiet agrikoli minn veġetazzjoni mhux mixtieqa).

3.49.

3.50.

50 % ta’ kull pagament mhux dovut li l-Istati Membri ma jkunux irkupraw mill-benefiċjarji fi żmien erba’ snin, jew fi żmien 8 snin fil-każ ta’ proċeduri legali, jiġġarrbu awtomatikament mill-baġit nazzjonali tagħhom (30) (l-hekk imsejħa regola tal-50/50) (31). L-Istati Membri huma obbligati li jkomplu bil-proċeduri ta’ rkupru tagħhom. Fl-2009, ir-regola tal-50/50 ġiet applikata (32), għaldaqstant ammonti mhux irkuprati mill-2000 jew l-2004 ġew approvati (ta' tmien u erba’ snin rispettivament): L-Istati Membri ġarrbu EUR 31,4 miljun filwaqt li EUR 20,1 miljun iġġarrbu mill-baġit tal-UE.

3.50.

3.51.

Fir-Rapport ta’ Attività Annwali tiegħu tal-2009 (33) id-DĠ AGRI jirrapporta li kiseb sa tmiem is-sena finanzjarja 2009 rata ta’ rkupru ġenerali ta’ 42 % tal-EUR 1 266 miljun pendenti sa tmiem is-sena finanzjarja 2006. Skont il-Kummissjoni, fil-perjodu 2007-2009 l-Istati Membri rkupraw EUR 121 miljun direttament mill-benefiċjarji u l-Kummissjoni rkuprat EUR 411-il miljun addizzjonali mill-Istati Membru billi hija applikat ir-regola tal-50/50. Il-Qorti tosserva li l-EUR 121 miljun irkuprati mill-benefiċjarji kkorrispondew għal inqas minn 10 % tal-irkupri totali.

3.51.

3.52.

Billi l-ġestjoni tan-nefqa fuq l-agrikoltura, fil-parti l-kbira, hija maqsuma bejn l-Istati Membri u l-Kummissjoni, l-għajnuna titħallas mill-Istati Membri, li mbagħad jiġu rimborżati mill-Kummissjoni (34). Ir-rikonoxximent finali tan-nefqa huwa stabbilit permezz ta' proċedura f'żewġ stadji msejħa l-approvazzjoni tal-kontijiet. Iż-żewġ stadji jikkonsistu f'deċiżjoni finanzjarja annwali u f'deċiżjonijiet ta' konformità multiannwali meħuda mill-Kummissjoni

3.53.

Fit-30 ta’ April 2010 l-Kummissjoni ħadet tliet deċiżjonijiet ta' approvazzjoni finanzjarja għan-nefqa li saret skont il-FAEG, il-FAEŻR u t-TRDI u approvat il-kontijiet tal-aġenziji tal-pagament kollha, ħlief dawk li jidhru fl- Anness 3.5 . Dawn id-deċiżjonijiet huma bbażati l-aktar fuq ċertifikati pprovduti minn awdituri indipendenti (korpi ta' ċertifikazzjoni). Il-verifika tal-Qorti ma sabitx nefqiet approvati inkorrettement fid-deċiżjonijiet ta’ approvazzjoni finanzjarja.

3.54.

Il-Qorti nnutat nuqqasijiet fl-aħħar tliet snin fir-rigward tal-affidabbiltà tal-kontijiet tad-debituri. Għas-sena finanzjarja 2009 l-Kummissjoni tat bidu għal korrezzjonijiet finanzjarji fir-rigward ta’ 13-il aġenzija tal-pagament f’10 Stati Membri għal EUR 14,8 miljun, li jirrappreżentaw madwar 1,43 % tal-EUR 1 037 miljun li kienu se jiġu rkuprati fi tmiem is-sena finanzjarja 2009.

3.54.

3.55.

Id-deċiżjonijiet ta’ konformità jittieħdu wara verifikazzjonijiet addizzjonali mill-Kummissjoni tan-nefqa ddikjarata mill-Istati Membri. Huma jkopru għadd ta' snin u għandhom l-objettiv li jeskludu n-nefqa mill-finanzjament tal-UE fejn il-Kummissjoni tkun sabet li din iġġarbet b'mod li kiser ir-regoli tal-UE (35).

3.56.

F’rapporti annwali preċedenti l-Qorti kkritikat il-fatt li l-amministrazzjonijiet tal-Istati Membri, u mhux il-benefiċjarji finali, iġarrbu l-korrezzjonijiet finanzjarji. Barra minn dan, il-metodu li hemm provvediment għalih fir-regoli għall-kalkolu tal-aġġustamenti ta' konformità kif applikati mill-Kummissjoni, li jinvolvi użu konsiderevoli ta' korrezzjonijiet b'rata fissa, ifisser li l-ammonti hekk rkuprati mhumiex relatati direttament mal-ammont reali ta’ pagamenti irregolari. Is-sistema ta’ approvazzjoni tal-konformità ma nbidlitx fl-2009.

3.56.

L-approvazzjoni tal-konformità hija ddisinjata sabiex teskludi l-infiq mill-finanzjament tal-UE li ma ġiex affettwat b’konformità mar-regoli tal-UE. Kuntrarjament għal dan, mhuwiex mekkaniżmu li bih il-ħlasijiet irregolari għall-benefiċjarji jiġu rkuprati, li skont il-prinċipju tal-ġestjoni konġunta hija r-responsabbiltà tal-Istati Membri biss.

Fejn jistgħu jiġu identifikati ħlasijiet mhux dovuti għal benefiċjarji bħala riżultat tal-approvazzjoni tal-konformità, l-Istati Membri huma rekwiżiti li jsegwuhom b'azzjonijiet ta' rkupru kontra dawn il-benefiċjarji. Madankollu, anke fejn l-irkupri minn għand il-benefiċjarji mhumiex meħtieġa minħabba li l-korrezzjoni finanzjarja tirrigwarda biss in-nuqqasijiet fis-sistema tal-ġestjoni u l-kontroll tal-Istati Membri u mhux il-ħlasijiet mhux dovuti, dawn il-korrezzjonijiet huma mezz importanti sabiex jittejbu s-sistemi tal-Istati Membri u b'hekk jiġu impediti jew skoperti u rkuprati l-ħlasijiet irregolari għall-benefiċjarji.

Il-korrezzjonijiet finanzjarji jiġu determinati fuq il-bażi tan-natura u l-gravità tal-ksur u l-ħsara finanzjarja kkawżata lill-UE. L-ammont jiġi kkalkulat fuq il-bażi tat-telf li effettivament jiġi kkawżat jew fuq il-bażi ta’ estrapolazzjoni. Fejn dan ma jkunx possibbli, għandhom jintużaw rati fissi li jikkunsidraw il-gravità tan-nuqqasijiet fis-sistemi nazzjonali tal-kontroll sabiex jirriflettu r-riskju finanzjarju għall-UE. Il-Kummissjoni għalhekk jidhrilha li hemm konnessjoni valida bejn dawn it-tipi ta’ korrezzjonijiet finanzjarji u l-livell ta’ ħlasijiet irregolari għall-benefiċjarji finali.

L-użu ta’ rati fissi ġie aċċettat mill-Qorti tal-Ġustizzja bħala konformi mar-regoli legali li jamministraw ix-xogħol ta’ konformità u approvat, taħt ċertu ċirkostanzi, mill-Parlament Ewropew fir-reżoluzzjoni tiegħu tar-rilaxx tal-2007 (Artikolu 83).

Finalment, waqt li r-regoli legali li jamministraw is-sistema tal-approvazzjoni tal-konformità ma nbidlux, il-Kummissjoni ħadet azzjoni sabiex ittejjeb l-operat tagħha, inkluż linji gwidi ġodda dwar il-korrezzjonijiet finanzjarji u l-proposta dwar l-infurzar tal-assigurazzjoni msemmija mill-Qorti fil-paragrafu 3.62.

3.57.

Ir-riżultati tal-ispezzjonijiet irrapportati lill-Kummissjoni mill-aġenziji tal-pagament jivvalutaw ir-regolarità tal-klejms sottomessi minn bdiewa u mill-2007 jridu jkunu verifikati mill-korpi ta’ ċertifikazzjoni. Minn naħa waħda, il-korpi ta’ ċertifikazzjoni huma mitluba jagħtu opinjoni dwar il-kwalità tal-ispezzjonijiet fuq il-post billi jiċċekkjaw kampjun ta’ mill-inqas 10 spezzjonijiet għal kull waħda mill-erba’ popolazzjonijiet li ġejjin: FAEG-IACS, FAEG-mhux IACS, FAEŻR-IACS u FAEŻR-mhux IACS. Min-naħa l-oħra, huma jintalbu jivverifikaw u jivvalidaw l-istatistika ta’ kontroll tal-Istati Membri. Fir-RAA 2009 tiegħu, id-Direttur Ġenerali tad-DĠ AGRI jindika li l-verifikazzjoni mill-korpi ta’ ċertifikazzjoni tal-kwalità tal-ispezzjonijiet fuq il-post kienet fil-biċċa l-kbira (madwar 90 %) pożittiva għall-popolazzjonijiet differenti u li fir-rigward tal-preċiżjoni tal-istatistika tal-kontroll l-opinjoni tal-korpi ta’ ċertifikazzjoni kienet pożittiva għal 70 % tal-popolazzjoni FAEG u għal 54 % biss tal-popolazzjoni FAEŻR.

3.58.

Il-linji gwida tal-Kummissjoni jħallu l-għażla lill-korpi ta’ ċertifikazzjoni biex jakkumpanjaw jew jerġgħu jagħmlu 10 spezzjonijiet fuq il-post. Ir-rapporti tal-korpi ta’ ċertifikazzjoni analizzati mill-Qorti juru li reġgħu saru biss sitt spezzjonijiet, filwaqt li 23 għamlu spezzjonijiet akkumpanjati u l-kumplament ma speċifikawx l-approċċ tagħhom. Il-Qorti tikkunsidra li t-twettiq mill-ġdid ta’ spezzjoni preċedenti kieku tipprovdi bażi aħjar għall-valutazzjoni tal-kwalità tal-proċeduri tal-ispezzjonijiet billi l-preżenza tal-korp ta’ ċertifikazzjoni tista’ tinfluwenza l-imġiba tal-ispetturi li jkunu qed jiġu vvalutati.

3.58.

Anke jekk il-Kummissjoni taqbel li jekk titwettaq fil-ħin, prestazzjoni mill-ġdid ta' verifika ta’ qabel għandha tipprovdi valutazzjoni aħjar tal-kwalità tal-verifiki fuq il-post, għadu possibbli li jiġi valutat l-ambjent tal-kontroll permezz ta’ spezzjonijiet akkumpanjati mill-korp taċ-ċertifikazzjoni. F’ċertu każijiet, jista’ lanqas ikun possibbli li verifika ssir mill-ġdid fil-ħin dovut. Dawn il-limiti huma inerenti f’ħafna kontrolli ex-post imwettqa minn awdituri esterni. F’każijiet bħal dawn, l-ispezzjonijiet akkumpanjati huma alternattiva tajba. Għandhom ukoll il-benefiċċju alternattiv li jnaqqsu l-piż amministrattiv minn fuq il-bidwi.

Analiżi tar-rapporti tal-korpi taċ-ċertifikazzjoni għal dak li jirrigwarda s-sena finanzjarja 2009 turi li l-korpi taċ-ċertifikazzjoni vverifikaw total ta’ madwar 3 700 kontroll. Fejn il-korpi taċ-ċertifikazzjoni wettqu l-verifiki rekwiżiti:

3.59.

Barra minn hekk, il-korpi ta’ ċertifikazzjoni mhux dejjem jipprovdu informazzjoni dettaljata dwar ir-riżultati tal-ispezzjonijiet li reġgħu saru. Il-Qorti tikkunsidra li informazzjoni bħal din tista’ tkun utli għall-Kummissjoni biex din tivvaluta b'mod affidabbli l-kwalità tax-xogħol imwettaq mill-korpi taċ-ċertifikazzjoni.

3.59.

3.60.

Il-Qorti tinnota li għal għadd ta' aġenziji tal-pagament il-korpi ta’ ċertifikazzjoni ma setgħux jikkonfermaw l-affidabbiltà tal-istatistika ta’ kontroll jew minħabba li r-rapporti ma kinux kompleti jew għaliex ma kinux disponibbli.

3.60.

3.61.

Fl-2009, il-Kummissjoni offriet lill-Istati Membri l-possibbiltà li jitolbu lill-korpi ta’ ċertifikazzjoni biex jerġgħu jwettqu kampjun rappreżentattiv ta’ kontrolli u jivverifikaw li dawn il-kontrolli fuq il-post ġew segwiti kif xieraq. Jekk il-korp ta’ ċertifikazzjoni jista’ fuq din il-bażi jikkonferma l-preċiżjoni tal-istatistika ta’ kontroll tal-Istat Membru, imbagħad il-Kummissjoni taċċetta li r-rata ta’ żball li tirriżulta tirrappreżenta r-riskju massimu possibbli, jiġifieri li l-korrezzjonijiet finanzjarji għas-sena inkwistjoni ma jistgħu qatt ikunu ogħla minn dak il-livell. Dawn id-dispożizzjonijiet huma mistennija li jidħlu fis-seħħ fl-2010 għas-snin finanzjarji 2011 ’il quddiem.

3.61.

Barra dan, il-Kummissjoni qiegħda tinnota li l-prestazzjoni mill-ġdid m’għandhiex tkun limitata għall-verifiki fuq il-post, iżda għandha tkopri l-immaniġġjar totali tal-fajl, mill-irċevuta tal-applikazzjoni għall-għajnuna għall-kalkolu u t-twettiq tal-ħlas finali, inkluża l-applikazzjoni ta’ kwalunkwe sanzjoni (ittestjar sostantiv).

3.62.

L-Ambjent, l-Affarijiet Marittimi u s-Sajd kif ukoll is-Saħħa u l-Ħarsien tal-Konsumatur huma ġestiti mill-Kummissjoni b’sistemi ta’ kontroll speċifiċi. Il-verifika eżaminat is-sistema ta’ kontroll intern relatata ma' programmi għall-eradikazzjoni ta’ mard tal-annimali (36) ġestiti mid-DĠ SANCO.

3.63.

F’dan il-kuntest ġew ittestjati 30 pagament magħżula b’mod każwali għal programmi ta’ eradikazzjoni tal-mard tal-annimali u programmi ta’ monitoraġġ. Il-verifika żvelat li ma hemm la segregazzjoni sistematika tal-funzjonijiet u lanqas definizzjoni u distinzjoni ċara tal-irwoli u d-doveri tal-uffiċjali inizjaturi u dawk tal- verifika. L-istess jgħodd għall-uffiċjali veterinarji u dawk finanzjarji. Barra minn hekk, il-kontrolli ewlenin mhumiex implimentati abbażi ta’ analiżi ta’ riskju formali riveduta perjodikament.

3.63.

3.64.

Xi proċeduri ta’ kontroll importanti jitħallew għad-diskrezjoni tal-uffiċjali individwali. Billi l-kontrolli interni mhumiex standardizzati, hemm riskju ta’ nuqqas ta’ twettiq ta’ kontrolli importanti. Ma hemm ebda rapport standardizzat tal-uffiċjali veterinarji dwar l-implimentazzjoni tal-programmi operattivi u ma hemm ebda listi ta’ kontroll standardizzati għall-kontrolli li jsiru. Fl-aħħar nett, l-għadd żgħir ta’ verifiki ex post ma jikkontribwix b’mod adegwat għall-għoti ta’ assigurazzjoni li l-pagamenti huma nieqsa minn żball materjali.

3.64.

Minħabba nuqqas ta’ riżorsi umani matul l-2009 u l-prijorità li kellha tingħata lill-awditjar ex-ante fuq il-Fond ta’ Emerġenza, seta' jsir biss numru żgħir ta' awditjar ex-post. Madankollu, minħabba li l-kontrolli ex-post jiġu organizzati fuq bażi ta’ sentejn, iżjed minn 35 % tal-ammont imħallas seta’ jiġi verifikat ex-post. Il-Kummissjoni tisħaq li l-blokki kollha tal-bini meħuda flimkien jipprovdu assigurazzjoni raġjonevoli (valutazzjoni tal-maniġment tas-sistema interna kollha tal-kontroll, riżultati tal-awditjar, segwitu tar-riżerva u l-pjan ta’ azzjoni tas-sena ta’ qabel għall-awditjar minn snin ta’ qabel u l-assigurazzjoni rċevuta minn uffiċjali oħra tal-awtorizzazzjoni f’każijiet ta’ sottodelegazzjoni maqsuma).

3.65.

Il-Qorti rrivediet ir-rappreżentazzjonijiet tal-maniġment tal-Kummissjoni, b’mod partikolari r-Rapporti ta’ Attività Annwali (RAA) u d-dikjarazzjonijiet tad-Diretturi Ġenerali, għad-Direttorati Ġenerali tal-Kummissjoni AGRI, ENV, MARE U SANCO. Ir-riżultati tar-reviżjoni huma miġbura fil-qosor fl- Anness 3.3.

3.66.

Fir-RAA tiegħu d-Direttur Ġenerali għall-Agrikoltura jikkonkludi li ma hemm ebda prova ta’ problemi maġġuri li jistgħu jaffettwaw l-assigurazzjoni tad-Direttur Ġenerali. Filwaqt li jirreferi għar-riżultati tal-verifika tad-DĠ AGRI stess u r-riżultati tal-ispezzjonijiet fuq il-post magħmula mill-Istati Membri, huwa jikkonkludi li r-rata ta' żball residwu għal għajnuniet diretti, intervent fis-suq u miżuri għall-iżvilupp rurali hija inqas minn 2 %.

3.66.

Ir-riżerva dwar il-miżuri tal-iżvilupp rurali taħt l-Assi 2 hija bbażata fuq il-linji gwida tal-Kummissjoni li jipprovdu dispożizzjoni għall-valutazzjoni tal-materjalità f'livell ta' UE skont l-attività ABB. Għal dak li jirrigwarda t-tneħħija tar-riżerva għall-Greċja, ara r-risposta tal-Kummissjoni għall-paragrafu 3.69.

Ir-Rapport tal-Attività Annwali tal-2009 tad-Direttorat-Ġenerali għall-Agrikoltura u l-Iżvilupp Rurali jsemmi li r-rata tal-iżball residwu għall-infiq agrikolu bħala total hija inqas minn 2 %, waqt li għall-FAEŻR hija kemm kemm ogħla.

3.67.

Il-Qorti ma tapprovax l-approċċ tad-DĠ AGRI li jirrestrinġi l-kunċett ta' żball residwu għal anomaliji stabbiliti matul l-ispezzjonijiet fuq il-post. Dan l-approċċ jinjora żbalji residwi li jirriżultaw minn kontrolli reċiproċi magħmula fuq il-bażi ta’ databases mhux preċiżi jew segwitu inadegwat ta’ anomaliji. Il-Qorti tapplika approċċ ta’ verifika integrata li tkopri ż-żewġ komponenti tal-iżball residwu għal kull tranżazzjoni. Il-verifika tal-Qorti wriet li, għal diversi tranżazzjonijiet, il-kontrolli amministrattivi naqsu milli jsibu żbalji. Dawn id-dgħufijiet fil-kontrolli amministrattivi huma kkonfermati wkoll mir-riżultati tal-verifika tas-sistemi tal-IACS tal-Qorti. Barra minn hekk, il-verifika tal-Qorti żvelat li jista’ jkun hemm biss assigurazzjoni limitata fuq il-kwalità tal-ispezzjonijiet fuq il-post magħmula mill-Istati Membri.

3.67.

Il-Kummissjoni hija konxja li l-punti debboli fil-kontrolli amministrattivi jew il-verifiki fuq il-post jimplikaw ir-riskju li r-rati tal-iżbalji fl-istatistiċi tal-kontroll li tirċievi mill-Istati Membri mhux qegħdin jiġu spjegati b’mod effettiv. Sabiex jiġi indirizzat dan ir-riskju, id-DG AGRI applika marġni ta’ sigurtà ta’ żieda ta’ 25 % f’dawn ir-rati tal-iżbalji.

3.68.

Ir-RAA tad-Direttur Ġenerali għall-Agrikoltura fih riżerva fir-rigward tan-nefqa taħt l-IACS fil-Bulgarija u r-Rumanija. Filwaqt li dawk ir-riżervi huma konsistenti mar-riżultati tal-verifika tas-sistemi tal-Qorti magħmula fl-2008, il-Qorti ttenni l-osservazzjoni preċedenti tagħha li kien prematur li titneħħa r-riżerva li kienet ilha hemm fir-rigward tal-IACS fil-Greċja.

3.68.

3.69.

Ir-RAA tad-Diretturi Ġenerali għall-Ambjent u għall-Affarijiet Marittimi u s-Sajd fihom riżervi li huma konformi mas-sejbiet preċedenti tal-Qorti. Filwaqt li r-RAA tad-Direttur Ġenerali għas-Saħħa u l-Konsumaturi ma fih ebda riżerva, l-iżbalji li jolqtu l-attivitajiet tas-Sikurezza tal-Ikel u tal-Għalf, flimkien ma’ kopertura insuffiċjenti tal-verifika kien imissha rriżultat f’riżerva.

3.69.

Grazzi għal riżorsi umani addizzjonali u bl-użu ta’ kapaċità żejda permezz tal-esternalizzazzjoni ta’ ċertu awditjar, parti sinifikanti tal-ammont totali li għandu jitħallas fl-2010 ġiet u għandha tiġi awditjata. Għandu jitwettaq awditjar ex-ante fuq kważi 40 % ta’ dan l-ammont. Barra dan iżjed minn 35 % tal-ammont għandu jiġi awditjat ex-post. Dan għandu jwassal għal livell għoli ħafna ta’ kamp ta' applikazzjoni.

3.70.

Abbażi tax-xogħol ta’ verifika tagħha, il-Qorti tikkonkludi li l-pagamenti għas-sena li ntemmet fil-31 ta’ Dicembru 2009 għall-Agrikoltura u r-Riżorsi Naturali kienu milquta minn żbalji materjali.

3.70.

Barra dan ir-riskju tal-baġit tal-UE huwa kopert b’mod adegwat mill-proċedura tal-approvazjoni tal-konformità.

3.71.

Abbażi tax-xogħol ta’ verifika tagħha, il-Qorti tikkonkludi li s-sistemi ta’ sorveljanza u kontroll għall-Agrikoltura u r-Riżorsi Naturali huma ġeneralment, l-aktar, parzjalment effettivi biex jizguraw ir-regolarità tal-pagamenti.

3.72.

Fir-rigward tal-IACS il-Qorti tikkonkludi li hemm il-ħtieġa għal titjib sinifikanti speċjalment fi tlieta mit-tmien aġenziji tal-pagament ivverifikati (ara l-paragrafu 3.33).

3.71.–3.72.

Il-Kummissjoni sabet li għas-sena tal-klejm 2008, kienu jeżistu nuqqasijiet sinifikanti fis-SIAK fil-Bulgarija u r-Rumanija. Bħal riżultat dawn iż-żewġ Stati Membri waqqfu pjanijiet ta’ azzjoni fl-2009 li ġew segwiti mill-qrib mill-Kummissjoni. Billi, madankollu, it-tlestija ta’ dawn il-pjanijiet ta’ azzjoni hija maħsuba biss għall-2011 u diġà hemm ċertu dewmien fl-implimentazzjoni tal-azzjonijiet individwali, id-Direttorat-Ġenerali tad-DG AGRI għamel riżerva għas-SIAK fil-Bulgarija u r-Rumanija fir-rapport tal-attività annwali tiegħu tal-2009, ibbażata fuq ir-riskju reputazzjonali tal-Kummissjoni.

Stati Membri oħra għandhom nuqqasijiet ta’ natura iżgħar fis-SIAK tagħhom li ma jagħmlux is-sistemi tagħhom ineffettivi iżda, pjuttost, perfettibbli u li għalihom ħadu jew qegħdin jieħdu azzjoni sabiex isibu soluzzjoni għan-nuqqasijiet tagħhom.

Dawn in-nuqqasijiet kollha jiġu segwiti permezz ta’ proċeduri tal-approvazzjoni tal-konformità li jiżguraw li r-riskju għall-baġit tal-UE jiġi kopert b’mod adegwat.

L-aġġornamenti tal-LIPS dejjem huma meħtieġa minħabba li kemm il-possibilitajiet tekniċi kif ukoll ir-realtà fil-qasam qegħdin jevolvu b'mod kostanti. Barra dan, issa huwa obbligu legali għall-Istati Membri li jagħmlu valutazzjoni annwali tal-kwalità tal-LIPS tagħhom. Ir-riżultat tal-verifika tal-kwalità għandu jindika jekk ikunx jeħtieġ tisħiħ jew le.

3.73.

Il-Qorti tirrikkmanda li d-dgħufijiet identifikati fis-sistemi jiġu solvuti. F'dan ir-rigward, id-dgħufijiet l-aktar urġenti li għandhom jiġu indirizzati għall-SPS u s-SAPS huma:

(a)

li jingħelbu d-dgħufijiet tas-sistemi li jwasslu għal żbalji relatati ma’ art ineliġibbli jew dikjarazzjonijiet żejda ta’ art kif ukoll bħala intitolamenti mhux preċiżi, b’mod partikolari billi jittejbu l-affadibbiltà u l-kompletezza tad-data rreġistrata fl-LPIS (eż. l-ortoritratti l-aktar reċenti);

(a)

(b)

li jiġi żgurat li d-databases kollha tal-IACS jipprovdu sekwenza tal-verifika affidabbli u kompleta għall-modifiki kollha magħmula;

(b)

(c)

li jiġu ċċarati u infurzati aktar ir-regoli sabiex l-għajnuna diretta tal-UE ma titħallasx lil applikanti li la użaw l-art għall-agrikoltura u lanqas ma jżommuha f’GAEC;

(c)

Iżjed riflessjonijiet fuq din il-kwistjoni jistgħu jiġu maħsuba fil-kuntest tal-PAK post-2013, b’kunsiderazzjoni tal-ħtieġa li jiġu evitati regoli komplikati li jistgħu jirriżultaw f’sistema kumplessa ta’ kontroll li l-implimentazzjoni tagħha tista’ tqum ħafna u tkun kuntrarja għall-isforzi ta' simplifikazzjoni tal-Kummissjoni.

(d)

li jiġu ffissati rekwiżiti minimi ta’ żamma annwali f’livell tal-UE għall-art ta’ mergħa biex din tkun eliġibbli għall-għajnuna diretta tal-UE.

(d)

3.74.

Il-Qorti tisħaq ukoll li aktar sforzi huma meħtieġa fil-qasam tal-Iżvilupp Rurali biex jiġu semplifikati aktar ir-regoli u l-kundizzjonijiet.

3.74.

3.75.

Barra minn hekk, il-Qorti tikkunsidra li l-linji gwida tal-Kummissjoni fir-rigward tax-xogħol li jrid isir mill-korpi ta’ ċertifikazzjoni jridu jiġu riveduti fir-rigward tan-natura, il-kopertura u l-obbligi tar-rappurtar, speċjalment f’dak li hu relatat mal-validazzjoni tal-istatistika tal-kontroll u l-ispezzjoni tal-Istati Membri.

3.75.

Barra dan, għal dak li jirrigwarda x-xogħol relatat mal-istatistiċi tal-kontroll u l-ispezzjoni, il-Kummissjoni riċentement ressqet sistema li biha l-Istati Membri jistgħu jinfurzaw il-qafas ġenerali sabiex tinkiseb assigurazzjoni raġjonevoli dwar il-legalità u r-regolarità tat-tranżazzjonijiet fil-livell tal-benefiċjarji finali. Għal dan il-fini, il-korpi taċ-ċertifikazzjoni għandhom jestendu x-xogħol tagħhom lil hinn mir-rekwiżiti preżenti billi jwettqu kompletament mill-ġdid, għal popolazzjoni speċifika ta’ nfiq, kampjun rappreżentattiv ta’ tranżazzjonijiet li l-aġenzija speċifika li tkun qiegħda tħallas tkun ivverifikat fuq il-post. Ix-xogħol għandu jkopri l-immaniġġjar komplut tal-fajl, mill-irċevuta tal-applikazzjoni għall-għajnuna sal-kalkolu u t-twettiq tal-ħlas finali.

3.76.

Fl-aħħar nett, jeħtieġ li jittieħdu miżuri effettivi, flimkien mal-awtoritajiet nazzjonali kkonċernati, sabiex jiġu evitati pagamenti dwar nefqiet ineliġibbli għal proġetti tas-sajd. Kontrolli interni fuq pagamenti għal programmi ta’ eradikazzjoni tal-mard tal-annimali u programmi ta’ monitoraġġ maħruġa lill-Istati Membri jeħtieġu segregazzjoni ċara tal-funzjonijiet bejn is-Servizzi tal-Kummissjoni u l-iżvilupp ta’ proċeduri formali xierqa ta’ kontroll.

3.76.

Taħt l-EFF, l-ambjent tal-kontroll ġie rinfurzat b’dispożizzjonijiet ġodda dwar il-funzjonament effettiv tas-sistemi għall-prevenzjoni u l-korrezzjoni ta’ nfiq ineliġibbli. Il-Kummissjoni teżerċita rwol superviżorju, billi tivverifika l-fiduċja li tista’ titqiegħed fuq ix-xogħol tal-Awtoritajiet tal-Awditjar fl-Istati Membri. Taħt ġestjoni konġunta, ir-responsabbiltà għall-kontroll fuq l-art taqa’ fuq l-Istati Membri. L-ambjent tal-kontroll deskritt hawn fuq jiżgura li l-Istati Membri jkunu waqqfu sistemi tal-ġestjoni u l-kontroll affidabbli u effettivi għall-prevenzjoni u l-korrezzjoni ta’ nfiq ineliġibbli.

Barra dan id-Direttorat-Ġenerali għall-Affarijiet Marittimi u l-Industriji tas-Sajd b’kooperazzjoni mad-Direttorat Ġenerali tal-Fondi Strutturali l-ieħor qed joħroġ b’mod regolari noti ta’ gwida dwar suġġetti ta’ interess komuni għat-titjib tal-effettività tas-sistemi tal-ġestjoni u l-kontroll li huma mwaqqfa.

3.77.

Segwitu tal-osservazzjonijiet preċedenti jinsab miġbur fil-qosor fl- Anness 3.4.

3.77.