18.9.2010

MT

Il-Ġurnal Uffiċjali tal-Unjoni Ewropea

C 252/1

---

OPINJONI TAL-BANK ĊENTRALI EWROPEW

tad-9 ta’ Awwissu 2010

dwar proposta għal regolament tal-Kummissjoni li jistabbilixxi regoli dettaljati għall-implimentazzjoni tar-Regolament tal-Kunsill (KE) Nru 2494/95 dwar standards minimi għall-kwalità tal-ippeżar HICP u li jħassar ir-Regolament tal-Kummissjoni (KE) Nru 2454/97

(CON/2010/67)

2010/C 252/01

Introduzzjoni u bażi legali

Fit-13 ta’ Lulju 2010, il-Bank Ċentrali Ewropew (BĊE) irċieva talba mingħand il-Kummissjoni Ewropea għal opinjoni dwar proposta għal regolament tal-Kummissjoni li jistabbilixxi regoli dettaljati għall-implimentazzjoni tar-regolament tal-Kunsill (KE) Nru 2494/95 dwar standards minimi għall-kwalità tal-ippeżar HICP u li jħassar ir-Regolament tal-Kummissjoni (KE) Nru 2454/97 (minn hawn ‘il quddiem l-‘abbozz tar-regolament’).

Il-kompetenza tal-BĊE li jagħti opinjoni hija bbażata fuq l-Artikolu 127(4) tat-Trattat dwar il-Funzjonament tal-Unjoni Ewropea u fuq l-Artikolu 5(3) tar-Regolament tal-Kunsill (KE) Nru 2494/95 tat-23 t’Ottubru 1995 dwar l-indiċijiet armonizzati tal-prezzijiet għall-konsumatur (1) (minn hawn ‘il quddiem ir-‘Regolament HICP’). Skont l-ewwel sentenza tal-Artikolu 17.5 tar-Regoli ta’ Procedura tal-Bank Ċentrali Ewropew, il-Kunsill Governattiv adotta din l-opinjoni.

1.   Osservazzjonijiet ġenerali

1.1.

Skont l-abbozz tar-regolament, l-indiċijiet armonizzati tal-prezzijiet tal-konsumatur (HICP) ser ikunu bbażati fuq ippeżar ta’ prodotti bil-għan li jirrifletti x-xejra tal-ispiża tas-sena ta' qabel, jiġifieri t-1, fi Stat Membru rispettiv. Il-BĊE jilqa’ l-għan tal-abbozz tar-regolament li jissikka l-istandards minimi ta’ kwalità li magħhom l-ippeżar ta’ prodotti sottostanti għall-HICP irid ikun konformi. L-implimentazzjoni tal-abbozz tar-regolament ser tagħmel lill-HICP fl-Istat Membru indiċi tal-prezzijiet tat-tip Laspeyres verament imqabbad ta’ kull sena u li jirrikonoxxi illi l-konsumaturi jistgħu jbiddlu l-imġiba tagħhom f’dak li jirrigwarda l-ispiża fuq perjodu ta’ żmien iqsar.

1.2.	Il-BĊE jinnota illi l-istandards minimi aġġornati għall-kwalità ta’ HICP speċifikati fl-abbozz tar-regolament se jwasslu għal kejl tal-inflazzjoni li huwa aktar relevanti u preċiż u mistennija li jsaħħu kemm il-komparabbiltà fost l-Istati Membri kif ukoll l-affidabbiltà tad-dejta HICP.

2.   Proposti għall-abbozzar

Fejn il-BĊE jirrikkmanda illi l-abbozz tar-regolament jiġi emendat, proposti speċifiċi għall-abbozzar huma stabbiliti fl-Anness għal dan il-għan flimkien ma’ test ta’ spjega.

---

(1)  ĠU L 257, 27.10.1995, p. 1.

---

---

18.9.2010

MT

Il-Ġurnal Uffiċjali tal-Unjoni Ewropea

C 252/5

---

Awtorizzazzjoni għal għajnuna mill-Istat skont l-Artikoli 107 u 108 tat-TFUE

Każijiet fejn il-Kummissjoni ma toġġezzjonax

(Test b’relevanza għaż-ŻEE)

2010/C 252/02

Data tal-adozzjoni tad-Deċiżjoni	20.5.2010
In-numru ta' referenza tal-għajnuna	N 256/09
Stat Membru	Il-Belġju
Reġjun	—
Titolu (u/jew isem tal-benefiċjarju)	Ethias SA
Il-bażi legali	—
It-tip tal-miżura	Għajnuna individwali
L-għan	Għajnuna biex tirrimedja tfixkil serju fl-ekonomija
Il-forma tal-għajnuna	Forom oħra ta' intervent ta' ekwità
L-estimi	Baġit globali: EUR 1 500 miljun
L-intensità	100 %
It-tul ta' żmien	20.4.2009-31.12.2013
Setturi ekonomiċi	L-intermedjazzjoni finanzjarja
Isem u indirizz tal-awtorità responsabbli mill-għajnuna	Belgian Federal State, Flemish region and Walloon region
Aktar informazzjoni	—

It-test tad-deċiżjoni fil-lingwa jew lingwi awtentika/awtentiċi, li minnu tneħħew il-partijiet kunfidenzjali kollha, jinsab fuq is-sit:

http://ec.europa.eu/community_law/state_aids/state_aids_texts_mt.htm

---

18.9.2010

MT

Il-Ġurnal Uffiċjali tal-Unjoni Ewropea

C 252/6

---

Rata tal-kambju tal-euro (1)

Is-17 ta’ Settembru 2010

2010/C 252/03

1 euro =

	Munita	Rata tal-kambju
USD	Dollaru Amerikan	1,3060
JPY	Yen Ġappuniż	111,98
DKK	Krona Daniża	7,4468
GBP	Lira Sterlina	0,83575
SEK	Krona Żvediża	9,2295
CHF	Frank Żvizzeru	1,3210
ISK	Krona Iżlandiża
NOK	Krona Norveġiża	7,9650
BGN	Lev Bulgaru	1,9558
CZK	Krona Ċeka	24,680
EEK	Krona Estona	15,6466
HUF	Forint Ungeriż	282,82
LTL	Litas Litwan	3,4528
LVL	Lats Latvjan	0,7087
PLN	Zloty Pollakk	3,9622
RON	Leu Rumen	4,2580
TRY	Lira Turka	1,9606
AUD	Dollaru Awstraljan	1,3886
CAD	Dollaru Kanadiż	1,3410
HKD	Dollaru ta' Hong Kong	10,1425
NZD	Dollaru tan-New Zealand	1,7940
SGD	Dollaru tas-Singapor	1,7442
KRW	Won tal-Korea t'Isfel	1 515,90
ZAR	Rand ta' l-Afrika t'Isfel	9,3307
CNY	Yuan ren-min-bi Ċiniż	8,7809
HRK	Kuna Kroata	7,2845
IDR	Rupiah Indoneżjan	11 713,52
MYR	Ringgit Malażjan	4,0512
PHP	Peso Filippin	57,700
RUB	Rouble Russu	40,4850
THB	Baht Tajlandiż	40,153
BRL	Real Brażiljan	2,2419
MXN	Peso Messikan	16,7075
INR	Rupi Indjan	59,8530

---

(1)  Sors: rata tal-kambju ta' referenza ppubblikata mill-Bank Ċentrali Ewropew.

---

18.9.2010

MT

Il-Ġurnal Uffiċjali tal-Unjoni Ewropea

C 252/7

---

TNEĦĦIJA TA' PROPOSTI TAL-KUMMISSJONI LI GĦADDA ŻMIENHOM

2010/C 252/04

Lista ta' proposti mneħħija

Dokument	Proċedura interistituzzjonali	Titlu	Pubblikazzjoni fil-ĠU (1)
Agrikoltura
COM(1980) 298	—	Proposta għal Regolament tal-Kunsill (KEE) li jiffissa l-prezz bażiku, il-prezz ta' intervent u l-prezz ta' referenza għal-laħam tan-nagħaġ għall-kampanja ta' kummerċjalizzazzjoni 1980/1981	ĠU C/1980/148/3
Koperazzjoni internazzjonali dwar l-iżvilupp
COM(2007) 239	—	Proposta għal Deċiżjoni tal-Kunsill li tiffissa l-kontribuzzjonijiet finanzjarji li għandhom jitħallsu mill-Istati Membri li jikkontribwixxu għall-Fond Ewropew tal-Iżvilupp (pagament rateali supplimentari għall-2007)	—
Baġit
COM(1979) 345	—	Proposta għal Deċiżjoni tal-Kunsill li talloka lill-Komunità Ewropea tal-Faħam u tal-Azzar (ECSC) kontribut finanzjarju speċjali mill-baġit ġenerali tal-Komunitajiet Ewropej.	ĠU C/1979/170/3
Azzjoni għall-Klima
COM(1998) 96	—	Proposta għal Deċiżjoni tal-Kunsill li tirrigwarda l-firma mill-Komunità Ewropea ta' Protokoll għal Konvenzjoni qafas tan-Nazzjonijiet Uniti dwar it-tibdil tal-klima.	—
COM(2006) 602	—	Proposta għal Deċiżjoni tal-Kunsill li tistabilixxi l-pożizzjoni li għandha tiġi adottata għan-nom tal-Komunità Ewropea fir-rigward ta’ proposta ta’ emenda tal-Protokoll ta’ Kjoto għall-Konvenzjoni ta' Qafas tan-Nazzjonijiet Uniti dwar it-Tibdil fil-Klima	—
Affarijiet Ekonomiċi u Monetarji
COM(1980) 863/2	—	Proposta għal Regolament (KEE) tal-Kunsill fir-rigward tas-sussidju tar-rata tal-imgħax ta' ċertu self konċess fil-qafas tal-għajnuna eċċezzjonali tal-Komunità favur ir-rikostruzzjoni taż-żoni li ntlaqtu minn terremot li ġara fl-Italja f'Novembru 1980	ĠU C/1979/353/34
SEC(2002) 1110	—	Rakkomandazzjoni għal Rakkomandazzjoni tal-Kunsill lill-Portugall bil-għan li ġġib fi tmiemha s-sitwazzjoni ta' defiċit eċċessiv tal-gvern – l-applikazzjoni tal-Artikolu 104(7) tat-Trattat	—
SEC(2002) 1118	—	Rakkomandazzjoni għal Deċiżjoni tal-Kunsill dwar l-eżistenza ta' defiċit fil-Portugall – l-applikazzjoni tal-Artikolu 104(6) tat-Trattat li jistabilixxi l-Komunità Ewropea	—
SEC(2002) 1246/1	—	Rakkomandazzjoni għal Deċiżjoni tal-Kunsill bil-għan li tingħata twissija bikrija lil Franza sabiex jiġi evitat li jseħħ defiċit eċċessiv	—
SEC(2002) 1246/2	—	Proposta għal Deċiżjoni tal-Kunsill dwar li r-rakkomandazzjoni ssir pubblika bil-għan li tingħata twissija bikrija lil Franza sabiex jiġi evitat li jseħħ defiċit eċċessiv	—
SEC(2005) 994	—	Rakkomandazzjoni għal Rakkomandazzjoni tal-Kunsill lill-Portugall bil-għan li ġġib fi tmiemha s-sitwazzjoni ta' defiċit eċċessiv tal-gvern	—
Tkabbir
COM(2002) 615	2002/0262/ACC	Proposta għal Deċiżjoni tal-Kunsill dwar il-pożizzjoni tal-Komunità fir-rigward tal-istabbiliment ta' Kumitat Konsultattiv Konġunt li għandha tiġi deċiża mill-Kunsill ta' Assoċjazzjoni stabbilit mill-Ftehim tal-Ewropa bejn il-Komunitajiet Ewropej u l-Litwanja	ĠU C E/2003/45/270
Impjiegi u Affarijiet Soċjali
COM(1986) 14	—	Proposta għal Regolament tal-Kunsill (KEE) li jemenda r-Regolament (KEE) Nru 1365/75 dwar il-ħolqien ta' fondazzjoni Ewropea għat-titjib tal-kundizzjonijiet tal-għajxien u tax-xogħol	—
COM(2001) 344	2001/0137/COD	Proposta għal Regolament tal-Parlament Ewropew u l-Kunsill li jemenda, għall-benefiċċju tal-assistenti parlamentari Ewropej, ir-Regolament tal-Kunsill (KEE) Nru 1408/71 dwar l-applikazzjoni tal-iskemi tas-sigurtà soċjali għal persuni li huma impjegati, persuni li jaħdmu għal rashom u għall–membri tal-familji tagħhom fi ħdan il-Komunità, u r-Regolament tal-Kunsill (KEE) Nru 574/72 li jistabilixxi l-proċedura għall-implimentazzjoni tar-Regolament (KEE) Nru 1408/71	ĠU C E/2001/270/141
Enerġija
SEC(1993) 1465	—	Abbozz tad-Deċiżjoni tal-Kunsill li tadotta d-direttivi għall-innegozjar mill-Kummissjoni għal konvenzjoni internazzjonali dwar is-sigurtà nukleari	—
COM(2003) 32/1	2003/0021/CNS	Il-Proposta għal Direttiva tal-Kunsill (Euratom) li tiddefinixxi l-obbligi fundamentali u l-prinċipji ġenerali fis-settur tas-sigurtà tal-impjanti nukleari	ĠU C/2003/311/37
COM(2004) 716	2004/0249/CNS	Proposta għal Direttiva tal-Kunsill dwar is-superviżjoni u l-kontroll tal-ispedizzjonijiet marittimi ta' skart radjuattiv u kombustibbli nukleari użat	ĠU C/2005/52/48
COM(2006) 179	—	Abbozz tal-ftehim interistituzzjonali dwar il-koperazzjoni interistituzzjonali fil-qafas tal-Konvenzjonijiet internazzjonali li tagħhom il-Komunità Ewropea tal-Enerġija Atomika u l-Istati Membri tagħha huma partijiet	—
COM(2007) 748	—	Proposta għal Deċiżjoni tal-Kunsill Dwar l-istabbiliment tal-pożizzjoni tal-Komunità Ewropea fil-Kunsill Ministerjali tal-Komunità tal-Enerġija (Belgrad, it-18 ta' Diċembru 2007)	ĠU C/2008/55/7
Ambjent
COM(1979) 179	—	Rakkomandazzjoni għal Deċiżjoni tal-Kunsill li tawtorizza lill-Kummissjoni tieħu sehem fin-negozjati għal konvenzjoni dwar il-konservazzjoni ta' speċijiet migratorji ta' bhejjem slavaġ	—
COM(1985) 281	—	Rakkomandazzjoni għal Deċiżjoni tal-Kunsill li tawtorizza lill-Kummissjoni biex tinnegozja f'isem il-Komunità l-adozzjoni tal-programmi u l-miżuri taħt il-konvenzjoni għall-prevenzjoni tat-tniġġis tal-baħar minn sorsi bbażati fuq l-art	—
COM(1986) 362/3	1986/1019/CNS	Rakkomandazzjoni għal Deċiżjoni tal-Kunsill li tawtorizza lill-Kummissjoni tinnegozja l-proċeduri ta' notifika u konsultazzjoni dwar il-kummerċ tal-kimiċi perikolużi, f'isem il-Komunità fi ħdan il-qafas tal-OECD u l-UNEP	ĠU C/1986/177/9
COM(1995) 325/2	1995/0184/CNS	Abbozz ta' Riżoluzzjoni tal-Kunsill dwar l-iżvilupp u l-implimentazzjoni tal-Aġenzija Ewropea għall-Ambjent	—
COM(1998) 344	—	Proposta għal Deċiżjoni tal-Kunsill dwar l-iffirmar min-naħa tal-Komunità Ewropea tal-Konvenzjoni UN/ECE dwar l-aċċess għall-informazzjoni, il-parteċipazzjoni pubblika u l-aċċess għall-ġustizzja f'materji ambjentali	—
Aġenda Diġitali
COM(2007) 367	2007/0126/COD	Proposta għal direttiva tal-Parlament Ewropew u tal-Kunsill li tirrevoka d-direttiva tal-Kunsill Nru 87/372/KEE dwar il-faxex ta' frekwenza li għandhom jiġu rriżervati għall-introduzzjoni kordinata ta' komunikazzjonijiet mobbli terrestri pubbliċi ċellulari diġitali pan-Ewropej fil-Komunità	ĠU C/2007/191/14
Ġustizzja, il-Libertà u s-Sigurtà
COM(2006) 255	—	Proposta għal Deċiżjoni tal-Kunsill dwar il-konklużjoni tal-ftehim bejn il-Komunità Ewropea u l-Gvern tar-Repubblika tal-Bulgarija dwar il-parteċipazzjoni tal-Bulgarija fix-xogħol taċ-Ċentru Ewropew ta’ Monitoraġġ tad-Droga u d-Dipendenza mid-Droga	—
COM(2006) 256	—	Proposta għal Deċiżjoni tal-Kunsill dwar il-konklużjoni tal-ftehim bejn il-Komunità Ewropea u r-Rumanija dwar il-parteċipazzjoni tar-Rumanija fix-xogħol taċ-Ċentru Ewropew ta’ Monitoraġġ tad-Droga u d-Dipendenza mid-Droga	—
COM(2006) 752/3	—	Proposti għal Deċiżjonijiet tal-Kunsill dwar il-konklużjoni, f’isem l-Unjoni Ewropea, tal-Protokoll bejn l-Unjoni Ewropea, il-Komunità Ewropea, il-Konfederazzjoni Svizzera u l-Prinċipalità tal-Liechtenstein dwar l-adeżjoni tal-Prinċipalità tal-Liechtenstein għall-Ftehim bejn l-Unjoni Ewropea, il-Komunità Ewropea u l-Konfederazzjoni Svizzera dwar l-assoċjazzjoni tal-Konfederazzoni Svizzera mal-implimentazzjoni, l-applikazzjoni u l-iżvilupp tal-acquis ta’ Schengen	ĠU C/2007/181/3
COM(2005) 276/1	2005/0127/COD	Proposta għal Direttiva tal-Parlament Ewropew u tal-Kunsill dwar il-miżuri ta' liġi kriminali mmirati biex jiġi żgurat l-infurzar tad-drittijiet ta' proprjetà intellettwali	ĠU C/2006/49/37
COM(2007) 306	2007/0104/CNS	Proposta għal Deċiżjoni tal-Kunsill dwar l-istallazzjoni, l-operazzjoni u l-ġestjoni ta' infrastruttura ta' komunikazzjoni għall-ambitu tas-Sistema ta' Informazzjoni ta' Schengen (SIS)	ĠU C/2007/246/5
COM(2007) 311	2007/0108/CNS	Proposta għal Deċiżjoni tal-Kunsill dwar l-istallazzjoni, l-operazzjoni u l-ġestjoni ta' infrastruttura ta' komunikazzjoni għall-ambitu tas-Sistema ta' Informazzjoni ta' Schengen (SIS)	ĠU C/2007/191/7
Sajd u l-Politika Marittima
COM(1980) 722	1980/1031/CNS	Proposta għal Regolament tal-Kunsill (KEE) li tirrigwarda, ċerti ħażniet ta' ħut li jeżistu fiż-żona tas-sajd tal-komunità, l-iffissar tat-total permessibbli tal-qabdiet għall-1981 u l-kundizzjonijiet biex dawn il-qabdiet jittieħdu flimkien mal-ishma disponibbli għall-Komunità	—
COM(2007) 595	2007/0222/APP	Proposta għal Regolament tal-Kunsill li jawtorizza lill-Kummissjoni biex tapprova emendi għall-protokolli tal-ftehimiet ta' sħubija dwar is-sajd konklużi bejn il-Komunità Ewropea u pajjiżi terzi	ĠU C/2008/4/10
COM(2007) 782	—	Proposta għal Deċiżjoni tal-Kunsill dwar it-terminazzjoni tal-Protokoll li jistabilixxi l-opportunitajiet ta’ sajd u l-kontribuzzjoni finanzjarja previsti fil-Ftehim ta’ Assoċjazzjoni bejn il-Komunità Ewropea u r-Repubblika Iżlamika tal-Mawritanja fis-settur tas-sajd	ĠU C/2008/106/7
COM(2008) 324	2008/0112/CNS	Proposta għal Regolament tal-Kunsill dwar il-konservazzjoni tar-riżorsi tas-sajd permezz ta’ miżuri tekniċi	ĠU C/2009/10/12
Trasport
COM(1975) 490	1975/1012/CNS	Proposta għal Regolament tal-Kunsill (KEE) li tirrigwarda sistema ta' monitoraġġ tas-swieq tat-trasport tal-merkanzija bil-ferrovija, bl-art jew minn passaġġi tal-ilma interni bejn l-Istati Membri	ĠU C/1976/1/37
COM(2005) 158/2	2005/0060/CNS	Proposta għal Deċiżjoni tal-Kunsill dwar il-konklużjoni tal-Ftehim bejn il-Komunità Ewropea u l-Gvern tar-Repubblika tal-Bulgarija dwar ċerti aspetti tas-servizzi tal-ajru	ĠU C/2005/146/12
COM(2005) 369/2	2005/0148/APP	Proposta għal Deċiżjoni tal-Kunsill dwar il-konklużjoni tal-Ftehim bejn il-Komunità Ewropea u r-Rumanija dwar ċerti aspetti tas-servizzi tal-ajru	ĠU C/2005/236/16
COM(2006) 79/2	2006/0025/COD	Proposta għal Regolament tal-Parlament Ewropew u tal-Kunsill dwar it-tisħiħ tas-sigurtà tal-katina tal-provvista	—
Affarijiet barranin
COM(2005) 468	2005/0198/APP	Proposta għal Deċiżjoni tal-Kunsill li tawtorizza l-konklużjoni, f'isem il-Komunità Ewropea, ta' Memorandum ta' Ftehim bejn il-Komunità Ewropea u l-Kunsill Federali Svizzeru dwar kontribuzzjoni mill-Konfederazzjoni Svizzera lejn it-tnaqqis tad-diżugwaljanza ekonomika u soċjali f'Unjoni Ewropea li kibret, u li tawtorizza ċerti Stati Membri biex jikkonkludu ftehimiet individwalment mal-Konfederazzjoni Svizzera dwar l-implimentazzjoni tal-Memorandum	ĠU C/2006/49/37
Politika tas-Saħħa u l-Konsumatur
COM(1998) 339	—	Proposta għal Deċiżjoni tal-Kunsill li tirrigwarda l-projbizzjoni provviżorja tal-bejgħ fl-Awstrija ta' qamħirrum ġenetikament modifikat (Zea mays L.) bil-modifika kombinata għal kwalitajiet insettiċidi mogħtija mill-ġene BT endotoxin u ż-żieda fit-tolleranza għall-erbiċida glufosinat tal-ammonja	—
COM(1998) 340	—	Proposta għal Deċiżjoni tal-Kunsill li tirrigwarda l-projbizzjoni provviżorja tal-użu u tal-bejgħ fil-Lussemburgu ta' qamħirrum ġenetikament modifikat (Zea mays L.) bil-modifika kombinata għal kwalitajiet insettiċidi mogħtija mill-ġene BT endotoxin u ż-żieda fit-tolleranza għall-erbiċida glufosinat tal-ammonja	—
Kodifikazzjoni
COM(2003) 537	2003/0208/COD	Proposta għal Regolament tal-Kunsill li jintroduċi ċerti miżuri kummerċjali eċċezzjonali għal pajjiżi u territorji li jipparteċipaw fil-proċess ta’ Stabilizzazzjoni u Assoċjazzjoni tal-Unjoni Ewropea jew li huma marbutin miegħu (verżjoni kodifikata)	ĠU C/2004/96/16
COM(2004) 232	2004/0074/COD	Proposta għal Direttiva tal-Parlament Ewropew u tal-Kunsill dwar il-liċenzjar ta' impriżi tal-ferrovija (verżjoni kodifikata)	ĠU C/2004/122/54
COM(2006) 286	2006/0100/COD	Proposta għal Direttiva tal-Parlament Ewropew u tal-Kunsill dwar l-użu limitat ta' organiżmi ġenetikament modifikati	—
COM(2006) 497	2006/0164/COD	Proposta għal Regolament tal-Parlament Ewropew u tal-Kunsill dwar il-preżentazzjoni tal-istatistiki tal-qbid nominali mill-Istati Membri li jistadu fil-grigal tal-Atlantiku (verżjoni kodifikata)	ĠU C/2006/303/97
COM(2007) 344	2007/0119/COD	Il-Proposta għal Direttiva tal-Parlament Ewropew u tal-Kunsill dwar il-pjanċi u l-iskrizzjonijiet regolamentari għal vetturi bil-mutur u l-karrijiet tagħhom, u l-post fejn jitqiegħdu u l-metodu ta’ kif jitwaħħlu (verżjoni kodifikata)	ĠU C/2007/191/8
COM(2007) 451	2007/0126/COD	Proposta għal Direttiva tal-Parlament Ewropew u tal-Kunsill dwar il-fanali tal-pjanċi tar-reġistrazzjoni tan-naħa ta' wara għal vetturi bil-mutur u l-karrijiet tagħhom (verżjoni kodifikata)	ĠU C/2007/246/6
COM(2007) 867	2007/0126/COD	Proposta għal Direttiva tal-Parlament Ewropew u tal-Kunsill dwar linji gwida tal-Komunità għall-iżvilupp ta' netwerk ta' trasport trans-Ewropew (verżjoni kodifikata)	—
COM(2007) 873	2007/0126/COD	Proposta għal Direttiva tal-Parlament Ewropew u tal-Kunsill dwar ir-ritorn ta' oġġetti ta' kultura illegalment imneħħija mit-territorju ta' Stat Membru (verżjoni kodifikata)	ĠU C/2008/106/10
Tassazzjoni u l-Unjoni Doganali
COM(2003) 841	2003/0331/CNS	Proposta għal Direttiva tal-Kunsill li temenda Direttiva 2003/49/KE dwar sistema ta' tassazzjoni komuni applikabbli għall-imgħax u l-ħlas ta' royalties magħmula bejn kumpaniji assoċjati ta' Stati Membri differenti	ĠU C/2004/96/37
COM(2004) 227/2	2004/0072/CNS	Proposta għal Direttiva tal-Kunsill li temenda Direttiva 92/12/KEE dwar l-arranġamenti ġenerali għall-prodotti soġġetti għad-dazju tas-sisa fuq iż-żamma, iċ-ċaqliq u l-monitoraġġ ta' tali prodotti	ĠU C/2004/122/54
SEC(2004) 1015	—	Abbozz tad-Deċiżjoni Nru 1/2004 tal-Kumitat kunġunt KE-EFTA dwar “it-tranżitu komuni” li temenda l-Konvenzjoni tal-20 ta' Mejju 1987 dwar proċedura ta' tranżitu komuni – Abbozz tal-pożizzjoni komuni tal-Komunità	—
COM(2006) 263	—	Proposta għal Deċiżjoni tal-Kunsill li tawtorizza lill-Greċja u lill-Portugall jintroduċu miżuri speċjali li jidderogaw mill-Artikolu 21(1) tad-Direttiva 77/388/KEE dwar l-armonizzazzjoni tal-liġijiet tal-Istati Membri li jirrigwardaw it-taxxi fuq il-fatturat	ĠU C/2006/176/30
Kummerċ
COM(2007) 712	2007/0246/ACC	Proposta għal Deċiżjoni tal-Kunsill dwar il-konklużjoni tal-Ftehim bejn il-Komunità Ewropea u l-Awstralja dwar il-kummerċ tal-inbid	ĠU C/2008/55/5
COM(1995) 245/1	1996/0053/APP	Proposta għal Deċiżjoni tal-Kunsill dwar il-Konklużjoni min-naħa tal-Komunità Ewropea ta' ftehim tranżitorju (ad interim) bejn il-Komunità Ewropea, il-Komunità Ewropea tal-Faħam u l-Azzar u l-Komunità Ewropea tal-Enerġija Atomika, min-naħa l-waħda, u r-Repubblika tal-Belarus, min-naħa l-oħra, dwar il-kummerċ u kwistjonijiet relatati mal-kummerċ	—
COM(2005) 326	2005/0132/COD	Proposta għal Regolament tal-Kunsill dwar l-innegozjar tal-ftehimiet dwar il-kummerċ fis-servizzi oħra barra t-trasport	ĠU C/2005/211/8
COM(2006) 559/2	2006/0176/NLE	Proposta għal Deċiżjoni tal-Kunsill dwar il-konklużjoni ta' Protokoll addizzjonali għall-Ftehim tal-Ewropa li jistabilixxi Assoċjazzjoni bejn il-Komunitajiet Ewropej u l-Istati Membri tagħhom, min-naħa l-waħda, u r-Repubblika tal-Bulgarija, min-naħa l-oħra, dwar il-Valutazzjoni ta' Konformità u l-Aċċettazzjoni ta' Prodotti Industrijali – (ACAA)	ĠU C/2007/181/2
COM(2006) 147	2006/0052/COD	Proposta għal regolament tal-Kunsill li jirrigwarda l-implimentazzjoni ta' Ftehim konkluż mill-KE wara n-negozjati fil-qafas tal-Artikolu XXIV.6 tal-GATT 1994, li jemenda l-Anness I għar-Regolament (KEE) Nru 2658/87 dwar in-nomenklatura tat-tariffi u tal-istatistika u t-Tariffa Doganali Komuni	ĠU C/2006/104/23

---

(1)  Dwar ċerti proposti m'hemm l-ebda data għall-pubblikazzjoni fil-ĠU.

---

18.9.2010

MT

Il-Ġurnal Uffiċjali tal-Unjoni Ewropea

C 252/12

---

Pubblikazzjoni ta' applikazzjoni skont l-Artikolu 6(2) tar-Regolament tal-Kunsill (KE) Nru 510/2006 dwar il-protezzjoni tal-indikazzjonijiet ġeografiċi u d-denominazzjonijiet tal-oriġini għall-prodotti agrikoli u l-oġġetti tal-ikel

2010/C 252/05

Din il-pubblikazzjoni tagħti d-dritt għall-oġġezzjoni skont l-Artikolu 7 tar-Regolament tal-Kunsill (KE) Nru 510/2006 (1). Id-dikjarazzjoni ta' oġġezzjoni għandha tasal għand il-Kummissjoni fi żmien sitt xhur mid-data ta' din il-pubblikazzjoni.

DOKUMENT UNIKU

REGOLAMENT TAL-KUNSILL (KE) Nru 510/2006

“FAGIOLO CUNEO”

Nru tal-KE: IT-PGI-0005-0775-18.05.2009

IĠP ( X ) DOP ( )

1.   Isem:

“Fagiolo Cuneo”

2.   Stat Membru jew Pajjiż Terz:

L-Italja

3.   Deskrizzjoni tal-prodott agrikolu jew tal-oġġett tal-ikel:

3.1.   Tip ta' prodott:

Klassi 1.6.

Frott, ħaxix u ċereali friski u pproċessati.

3.2.   Deskrizzjoni tal-prodott li għalih japplika l-isem f’(1):

L-indikazzjoni Ġeografika Protetta (IĠP) “Fagiolo Cuneo” jindika l-imżiewed fi stat simili għax-xema’ u lesti għat-tqaxxir u ż-żrieragħ niexfa li jinkisbu mill-ekotipi Bianco di Bagnasco u Vedetta u mill-varjetajiet Billò, Corona, Stregonta, Bingo, Rossano, Barbarossa, Solista u Millenium, li jiffurmaw parti mill-ispeċijiet tal-fażola li tixxebblek Phaseolus vulgaris L. u Phaseolus coccineus.

(a)

Il-miżwed fi stat simili għax-xema’ u lest għat-tqaxxir għandu jkollu l-karatteristiċi li ġejjin: — ikun jifforma parti mill-ekotip Vedetta jew mill-varjetajiet Stregonta, Bingo, Rossano, Solista, Millenium u Barbarossa, — it-tul tal-miżwed fi stat simili għax-xema’ għall-ekotip Vedetta u l-varjetajiet Stregonta, Bingo, Rossano, Solista jew Millenium għandu jkun bejn il-15 u t-28 mm; għall-varjetà Barbarossa it-tul għandu jkun bejn it-12 u t-22 mm, — irrigat b'ħafna strixxi ħomor, iż-żerriegħa fuq ġewwa tal-imżiewed fi stat simili għax-xema’ għandu jkollha: — strixxi roża fl-aħmar fuq sfond kulur il-krema, — dijametru vertikali u orizzontali ta’ mhux inqas minn 9 u 15-il mm rispettivament, — tolleranza ta’ mhux aktar minn 1 % tal-prodott bi ħsara viżibbli u ma jridx ikun ġie attakkat minn parassiti jew mard.

(b)

Iż-żerriegħa niexfa għandu jkollha l-karatteristiċi li ġejjin: — tkun parti mill-ekotip Bianco di Bagnasco jew mill-varjetajiet Billò jew Corona, — l-umdità massima taż-żerriegħa tkun ta’ 15 %, — id-dijametru vertikali u orizzontali taż-żerriegħa ma jistax ikun inqas, rispettivament, minn 9 u 14-il mm għall-varjetà Billò, minn 13 u 20 mm għall-varjetà Corona, minn 8 u 14-il mm għall-ekotip Bianco di Bagnasco, — il-kulur taż-żerriegħa għandu jkun b’vini fil-kannella u l-vjola fuq sfond kulur il-krema għall-varjetà Billò u abjad għall-Corona u l-Bianco di Bagnasco, — iż-żerriegħa niexfa ma jridx ikollha varjazzjonijiet fil-kulur jew fid-dehra minn barra li jikkompromettu l-karatteristiċi tagħha, b’tolleranza massima kumplessiva ta’ 1,5 % ta’ impuritajiet li jistgħu jkunu żrieragħ maqsumin, imtabbgħa, attakkati mill-bumunqar jew varjazzjoni fil-kulur. Barra minn hekk, hija permessa perċentwali massima ta’ 1,5 % ta’ fażola niexfa li tkun akbar mid-daqs standard, — kontenut ta’ ħadid ta’ valur bejn it-80 u l-105 ppm għall-Billò u bejn il-65 u l-75 ppm għall-Corona u l-Bianco di Bagnasco, — kontenut ta’ proteina bejn it-23 % u t-30 % (persentaġġ tal-proteina f'materjal niexef).

3.3.   Materja prima (għall-prodotti pproċessati biss):

—

3.4.   Għalf (għall-prodotti li ġejjin mill-annimali biss):

—

3.5.   Stadji speċifiċi fil-produzzjoni li għandhom iseħħu fiż-żona ġeografika identifikata:

Il-fażijiet kollha tal-produzzjoni miż-żrigħ sal-ħsad tal-“Fagiolo Cuneo” għandhom iseħħu fiż-żona ġeografika speċifikata fil-punt 4.

3.6.   Regoli speċifiċi dwar it-tqattigħ, it-tħakkik, l-ippakkjar, eċċ.:

L-IĠP “Fagiolo Cuneo” fit-tipoloġija fi stat simili għax-xema’ u lest għat-tqaxxir, jitqiegħed fis-suq għall-konsum f’pakketti apposta tal-plastik, tal-kartun jew kontenituri ssiġillati (tilari, kaxxi tal-kartun, boroż jew kontenituri simili), f’materjal tajjeb għall-użu mal-ikel b'siġill li jagħti garanzija li ma jistax jerġa’ jintuża, f’kapaċità ta' 1, 2, 3, 4, 5, 6, 7, 8, 9, 10, 11, 12, 13, 14 u 15-il kg.

L-IĠP “Fagiolo Cuneo” fit-tipoloġija ta’ żerriegħa niexfa jitqiegħed fis-suq għall-konsum f’pakketti u kontenituri ta’ materjal tajjeb għall-użu mal-ikel, b’siġill li jagħti garanzija li ma jistax jerġa’ jintuża, u f’kapaċità ta’ 0,100, 0,200, 0,300, 0,400, 0,500, 0,800, 1, 2, 3, 4, 5, 10, 15 u 25 kg.

3.7.   Regoli speċifiċi dwar it-tikkettar:

Minbarra s-simbolu grafiku Komunitarju u l-informazzjoni obbligatorja skont ir-regolamenti fis-seħħ, il-pakketti u l-kontenituri għandu jkollhom b’mod obbligatorju fuq it-tikketta, b’karattri stampati b’mod ċar u li jinqraw, l-indikazzjoni “IGP Fagiolo Cuneo” bil-logo kif deskritt iktar ’il quddiem.

Il-logo, f’għamla ta’ ċirku, juri skeċċ ta' fażolu ta' kulur il-krema bi strixxi ħomor fuq sfond tal-katina tal-Alpi Marittimi. Il-kuluri kollha tal-logo jinkisbu bit-teknika tal-erba’ kuluri b’diversi sfumaturi fit-tonalità tagħhom.

Fil-logo hemm imdaħħla b'mod ċar ħafna l-kitba “Fagiolo Cuneo I.G.P.”, filwaqt li madwar iċ-ċirkonferenza tal-logo stess hemm il-kitba “Indicazione Geografica Protetta”.

4.   Definizzjoni fil-qosor taż-żona ġeografika:

Iż-żona tal-produzzjoni tal-fażola b’Indikazzjoni Ġeografika Protetta “Fagiolo Cuneo” tiġbor fiha l-muniċipalitajiet kollha (183) tal-Provinċja ta’ Cuneo. It-territorju jinsab kollu f'qiegħ il-katina tal-Alpi Marittimi, li jdawruh, u f'għoli ta' bejn 200 u 800 metru i’l fuq mil-livell tal-baħar.

5.   Rabta maż-żona ġeografika:

5.1.   Speċifiċità taż-żona ġeografika:

Iż-żona tal-produzzjoni hija l-unika żona fl-Italja u fl-Ewropa ta' wisa’ konsiderevoli (madwar 4 000 ettaru) li fiha tiġi kkultivata l-fażola li tixxebblek.

Dan huwa dovut għall-kundizzjonijiet tal-ħamrija u tal-klima li jiffavorixxu l-kultivazzjoni kif ukoll il-fatturi storiċi u soċjoekonomiċi li għal iktar minn seklu ddeterminaw il-kultivazzjoni mxerrda tal-“Fagiolo Cuneo”.

F’dan l-ambjent, ikkaratterizzat minn klima friska b’għadd kbir ta' ġranet bix-xemx, bi ftit riħ u mingħajr sħana soffokanti u ċpar fis-sajf, u b'varjazzjonijiet fit-temperatura bejn il-jum u l-lejl, l-uċuħ tar-raba’ ddedikati lill-“Fagiolo Cuneo” jirriżultaw bħala kbar fil-wisa’ u jipproduċu fażola tal-aqwa kwalità. Il-varjazzjonijiet ta' kuljum fit-temperatura, li huma assoċjati mal-intensità għolja tad-dawl ta' din iż-żona, jagħtu aktar kulur u konsistenza lill-imżiewed. Barra minn hekk, it-temperaturi kesħin tal-aħħar fażi tax-xitwa jittardjaw il-fażi li fiha ż-żerriegħa tiftaħ u ssir fjura, tant li, meta mqabbel ma' żoni oħra ta' produzzjoni fl-Italja, itawlu ż-żminijiet tal-maturazzjoni u b'hekk itawlu ż-żminijiet ta' kummerċjalizzazzjoni.

5.2.   Speċifiċità tal-prodott:

Il-“Fagiolo Cuneo” jippreżenta karatteristiċi li jiddistingwuh minn tipi ta’ fażola oħra. Fil-fatt għandu konsistenza mill-aħjar taż-żerriegħa niexfa u tal-miżwed fi stat simili għax-xema'. Fiż-żerriegħa niexfa wieħed isib kontenut għoli ta’ ħadid u proteina li jlaħħqu, rispettivament, valuri bejn it-80 u l-105 ppm għall-Billò u bejn il-65 u l-75 ppm għall-Corona u l-Bianco di Bagnasco u ta' bejn 23 %u 30 % ta' proteina f'materjal niexef għat-tipoloġiji kollha.

Min-naħa l-oħra, il-miżwed fi stat simili għax-xema' huwa kkaratterizzat minn kulur speċifiku kemm tal-miżwed kif ukoll taż-żerriegħa li tinstab fih.

5.3.   Rabta kawżali bejn iż-żona ġeografika u l-kwalità jew il-karatteristiċi tal-prodott (għad-DOP) jew il-kwalità speċifika, ir-reputazzjoni jew karatteristiċi oħra tal-prodott (għall-IĠP):

L-applikazzjoni ta’ rikonoxximent tal-“Fagiolo Cuneo” bħala IĠP hija motivata mir-reputazzjoni u l-popolarità tal-prodott. Ir-reputazzjoni tal-“Fagiolo Cuneo” hija murija mill-biblijografija voluminuża li hija xhieda tal-popolarità tal-produzzjoni ta' din il-fażola.

Diversi rapporti tas-suq li nstabu fil-muniċipalità ta’ Centallo huma xhieda tal-kummerċjalizzazzjoni ta’ din il-fażola sa mill-1823. Minn regolament dwar l-okkupazzjoni tal-art pubblika li ġie diskuss mill-Kunsill muniċipali ta’ Cuneo fl-1894, wieħed jista' jara l-istabbiliment ta' suq li huwa speċifikatament iddedikat lill-fażola, li kif iddikjarat fil-bullettini kummerċjali tal-1901, diġà kienet qed tattira prezzijiet ogħla mill-fażola komuni minħabba l-karatteristiċi ta’ distinzjoni tagħha.

Fl-aħħar ħamsin (50) sena, il-produzzjoni tal-fażola, kemm għall-konsum frisk kif ukoll għal dak niexef, għaddiet minn żvilupp konsistenti grazzi għal produzzjoni tajba, kemm fis-sens kwalitattiv kif ukoll fis-sens kwantitattiv, bis-saħħa ta' ġenotipi użati fiż-żona. Dan kollu juri l-importanza tal-adattament tal-ħamrija u tal-klima fiż-żona ta’ Cuneo li jirrappreżentaw il-karatteristiċi kollha maħsuba biex minnhom joħorġu prodott differenti mill-oħrajn. Fil-fatt, il-“Fagiolo di Cuneo” jiddistingwixxi ruħu permezz tal-kulur tal-miżwed fi stat simili għax-xema' flimkien maż-żerriegħa li tinstab fuq ġewwa, grazzi għall-varjazzjonijiet fit-temperatura li jseħħu matul il-jum li huma assoċjati ma' livell għoli ta' intensità tad-dawl ta' din iż-żona li jiffavorixxu l-ġabra ta’ anthocyanins u għall-karatteristiċi organolettiċi taż-żerriegħa niexfa. B’riżultat ta’ dan u billi żiedu l-ammonti u l-produzzjonijiet, l-ortikolturi dejjem qiesu aktar opportun li jikkummerċjalizzaw il-fażola tagħhom f'żoni tas-suq li jkunu stabbiliti apposta għal dan il-għan.

L-imgħoddi u r-realtà attwali tal-“Fagiolo Cuneo” kienu u baqgħu appoġġati b’mod qawwi minn dawn is-swieq importanti għall-produzzjoni li huma stabbiliti f'Caraglio (CN), Boves (CN), Centallo (CN) u Castelletto Stura (CN), Valgrana (CN) u Roccavione (CN), li wħud minnhom ilhom li bdew l-attività tagħhom sa mis-snin 1960-70 kif muri fl-arkivji muniċipali. Ir-relazzjoni tal-popolazzjoni lokali mal-“Fagiolo Cuneo” ntweriet ukoll f'avveniment kurjuż: fil-Karnival ta' Cuneo tal-1982, il-karru allegoriku tal-muniċipalità ta' Castelletto Stura kien iddedikat kompletament lill-“Fagiolo Cuneo”.

Huma importanti wkoll il-fatturi umani marbuta b’mod qawwi mat-territorju. Eżempju ta’ dan hija t-tradizzjoni li l-kultivazzjoni tal-“Fagiolo Cuneo” tgħaddi mill-missier għall-iben. Kultivazzjoni li, peress li huwa tip ta’ fażola li tixxebblek, għandha bżonn ħafna xogħol bl-idejn u li fiż-żona tal-produzzjoni hija essenzjalment magħmula minn membri tal-familja. Dan kollu dejjem iddetermina rabta umana partikolari mal-kultivazzjoni stess: eżempju ta’ dan għadhom “il-laqgħat tal-familja” fejn il-membri tal-familja stess, il-qraba u l-ħbieb jinġabru biex jgħinu lill-operatur tal-impriża biex “jissepara” l-pjanti tal-“Fagiolo Cuneo” niexef qabel id-dris, biex jiżra’ u biex iwaħħal il-kanen li magħhom tixxebblek il-pjanta tal-fażola. Din il-ħidma ssir b’teknika partikolari li teżisti biss u b’mod esklussiv fiż-żona ta’ Cuneo u li magħha l-produtturi għandhom rabta partikolari, jiġifieri t-tradizzjoni li jorbtu erba’ kanen flimkien min-naħa ta’ fuq biex jiffurmaw speċi ta’ “tinda bħal tal-Indjani” bl-għan li dawn il-forom ikunu aktar iebsin u reżistenti għat-temp ħażin u għall-piż tal-pjanti.

Anki r-RAI, Radio Televisione Italiana, iddedikat spazju kbir fit-trasmissjoni “Occhio alla spesa” tal-15 ta’ Ottubru 2003 għall-ispeċifikazzjoni organolettika u nutrittiva ta’ dan il-prodott.

Referenza għall-pubblikazzjoni tal-ispeċifikazzjoni:

Il-Gvern nieda l-proċedura nazzjonali ta' oġġezzjoni bil-pubblikazzjoni tal-proposta għar-rikonoxximent tal-IĠP “Fagiolo Cuneo” fil-Gazzetta Ufficiale della Repubblica Italiana Nru 52 tal-4 ta’ Marzu 2009.

It-test tal-ispeċifikazzjoni tal-prodott jinsab disponibbli:

—	fuq il-link http://www.politicheagricole.it/DocumentiPubblicazioni/Search_Documenti_Elenco.htm?txtTipoDocumento=Disciplinare%20in%20esame%20UE&txtDocArgomento=Prodotti%20di%20Qualit%E0>Prodotti%20Dop,%20Igp%20e%20Stg jew

—	billi wieħed jidħol direttament fil-paġna ewlenija tal-websajt tal-Ministeru (http://www.politicheagricole.it) u jiklikkja fuq “Prodotti di Qualità” (fuq ix-xellug tal-iskrin) u mbagħad fuq “Disciplinari di Produzione all’esame dell’UE [regolamento (CE) n. 510/2006]”.

---

(1)  ĠU L 93, 31.3.2006, p. 12.

---

18.9.2010

MT

Il-Ġurnal Uffiċjali tal-Unjoni Ewropea

C 252/16

---

Pubblikazzjoni ta' applikazzjoni skont l-Artikolu 6(2) tar-Regolament tal-Kunsill (KE) Nru 510/2006 dwar il-protezzjoni tal-indikazzjonijiet ġeografiċi u d-denominazzjonijiet tal-oriġini għall-prodotti agrikoli u l-oġġetti tal-ikel

2010/C 252/06

Din il-pubblikazzjoni tikkonferixxi d-dritt għal oġġezzjoni għall-applikazzjoni skont l-Artikolu 7 tar-Regolament tal-Kunsill (KE) Nru 510/2006 (1). Id-dikjarazzjonijiet ta' oġġezzjoni għandhom jaslu għand il-Kummissjoni fi żmien sitt xhur mid-data ta' din il-pubblikazzjoni.

DOKUMENT UNIKU

IR-REGOLAMENT TAL-KUNSILL (KE) Nru 510/2006

“”(SHAANXI PING GUO)

Nru tal-KE: CN-PDO-0005-0629-16.07.2007

IĠP ( ) DPO ( X )

1.   Isem:

“” (Shaanxi ping guo)

2.   Stat Membru jew Pajjiż Terz:

Ir-Repubblika Popolari taċ-Ċina

3.   Deskrizzjoni tal-prodott agrikolu jew tal-oġġett tal-ikel:

3.1.   Tip ta’ prodott:

Kategorija 1.6.

Frott, ħaxix u ċereali, friski jew ipproċessati

3.2.   Deskrizzjoni tal-prodott li għalih japplika l-isem f'(1):

Shaanxi ping guo tikber fil-Loess Plateau fir-reġjun ta' Weibei, li qiegħed f'altitudni għolja u hemm ħafna xemx u ħamrija fertili. Dawn il-kondizzjonijiet naturali kollha jikkontribwixxu għall-karatteristiċi tagħha bħal “kulur jgħajjat għall-varjetajiet il-ħomor, sabiħ ħafna għall-varjetà l-ħadra safranija, ġilda ħoxna, laħma tqarmeċ, togħma ħelwa u morra kif suppost, tista' tinħażen għal żmien twil u konvenjenti biex tiġi ttrasportata”.

L-indiċijiet sensorji tal-ħames varjetajiet differenti adattati għall-produzzjoni tat-tuffieħ Shaanxi huma kif ġej: it-tuffieħa (f'ħames varjetajiet) għandha tikber b'mod adegwat sal-maturità tagħha, b'qoxra nadifa, mingħajr xi riħa partikolari jew kontenut ta' indewwa mhux tas-soltu minn sorsi esterni. Għandha tilħaq il-maturità proprja tagħha li tagħmilha tajba biex tittiekel friska jew biex tinħażen. Il-frotta matura għandha jkollha l-kulur tagħha li jleqq b'mod distintiv. L-indiċi tal-“konfigurazzjoni moderata” għandu jkun inqas minn ≥ 0,7.

L-indiċijiet fiżjokemikali tal-ħames varjetajiet adattati għall-produzzjoni tat-tuffieħ Shaanxi ping guo huma kif ġej:

Varjetà	Dijametru minimu tal-frotta (mm) (≥)			Parti minima ikkulurita (%) (≥)			Ebusija tal-frotta (kgf/cm2)	Solidi li jinħallu (%)	Aċidità (%)
	Extra Grade	Grade I	Grade II	extra Grade	Grade I	Grade II	≥	≥	≤
Fuji	80	75	70	ħamra tgħajjat 85	ħamra tgħajjat 80	ħamra tgħajjat 70	7,5	14	0,4
Qinguan	80	75	70	ħamra tgħajjat 90	ħamra tgħajjat 85	ħamra tgħajjat 80	7	14	0,3
Yuanshuai	80	75	70	ħamra tgħajjat 95	ħamra tgħajjat 90	ħamra tgħajjat 80	7	13	0,3
Gala	75	70	65	ħamra tgħajjat 80	ħamra tgħajjat 70	ħamra tgħajjat 65	7	13	0,4
Jinguan	80	75	70	aħdar safrani	aħdar safrani	aħdar safrani	7	13	0,4

3.3.   Materja prima:

—

3.4.   Għalf (għall-prodotti li ġejjin mill-annimali biss):

—

3.5.   Stadji speċifiċi fil-produzzjoni li għandhom iseħħu fiż-żona ġeografika identifikata:

—

3.6.   Regoli speċifiċi dwar it-tqattigħ, it-tħakkik, l-ippakkjar, eċċ.:

L-ippakkjar, il-ħżin u t-trasport

Il-prodott huwa ppakkjat minn intrapriżi li ngħataw il-marka GI ta' Shaanxi ping guo, taħt is-superviżoni tal-Uffiċċju tal-Post tal-Oriġini għall-Protezzjoni tal-Indikazzjonijiet Ġeografiċi; f'kull kaxxa titqiegħed kartuna tal-intraċċar tal-kwalità sabiex il-prodott ikun jista' jiġi ntraċċat għall-skopijiet ta' kontroll tal-kwalità.

3.7.   Regoli speċifiċi dwar it-tikkettar:

3.7.1.   Il-marka tal-pakkett fuq kull kunsinna individwali għandha tkun ta' forma u kontenut uniformi.

3.7.2.   Barra mill-marka kummerċjali tal-kumpanija rreġistrata, kull kaxxa għandha jkollha tikketta ċara fuq barra bil-marka speċjali tal-post tal-oriġini (tikketta) biex tipproteġi l-prodott Shaanxi ping guo. It-tikketta għandha tindika wkoll il-varjetà, il-grad (speċifikazzjoni), il-piż nett, iż-żona tat-tkabbir u l-bejjiegħ jew il-konsenjatur. Il-kliem għandu jkun ċar u korrett u l-kulur għandu jkun jidher. Id-dettalji fuq barra tal-kaxxa għandhom jaqblu mal-prodotti ġewwa u kull prodott fil-kaxxa għandu jkollu t-tikketta/marka speċjali.

4.   Definizzjoni fil-qosor taż-żona ġeografika:

Iż-żona delimitata protetta ta' Shaanxi ping guo tinsab f'latitudni ta' 34° 38′-37° 02′ north (tramuntana) u lonġitudni ta' 105° 35′-110° 37′ east (lvant), fiċ-ċentru taż-żona ta' Loess fil-Grigal taċ-Ċina. L-art tikkonsisti primarjament minn widien u kanali dojoq b'ħamrija mifruxa bħala t-tip ta' ħamrija primarja. Il-klima tvarja minn daqsxejn umda għal daqsxejn niexfa.

Iż-żona ta' produzzjoni delimitata protetta għal Shaanxi ping guo tkopri l-bliet u l-irħula kollha fil-15-il kontea u reġjun tal-provinċja ta' Shaanxi, inkluż ir-Reġjun ta' Baota, il-Kontea ta' Fu, Yichuan, Luochuan, Huangling, id-Distrett ta' Yintai, id-Distrett ta' Yaozhou, Yijun, Fengxiang, Baishui, Heyang, Xunyi, Yongshou, Changwu u Chunhua flimkien ma' partijiet mill-bliet u l-irħula f'14-il 'kontea' oħrajn (bliet kbar jew reġjuni) jiġifieri d-Distrett ta' Chencang, id-Distrett ta' Jintai, id-Distrett ta' Weibin, Qishan, Fufeng, il-Kontea ta' Longxian, Qianyang, Pucheng, Chengcheng, Hancheng, Fuping, Liquan, il-Kontea ta' Qianxian u l-Kontea ta' Binxian.

5.   Rabta maż-żona ġeografika:

5.1.   Speċifiċità taż-żona ġeografika:

Il-parti ta' Loess Plateau tar-reġjun ta' Weibei f'Shaanxi tkopri (abbażi tal-latitudni) iż-żona s-sħuna, iż-żona sħuna moderata u ż-żona subtropikali tat-Tramuntana. Din tinsab fin-Nofsinhar tax-Xmara s-Safra u fit-Tramuntana tax-Xmara Yangtze. Iż-żona tinsab f'altitudni għolja u għandha medda wiesgħa ta' temperaturi matul il-jum; hija koperta b'saff ta' ħamrija tat-trab li hija rikka f'mikroelementi bħall-K, Ca, Mn, Zn, Se, eċċ. L-art tikkonsisti primarjament minn widien u kanali dojoq fejn it-trab fin minfuħ mir-riħ fil-widien (loess) huwa t-tip primarju tal-ħamrija. Il-klima tvarja minn daqsxejn umda għal daqsxejn niexfa.

5.2.   Speċifiċità tal-prodott:

5.2.1.   Kulur jgħajjat

Il-kulur huwa wieħed mill-indiċijiet l-iżjed importanti għall-apparenza tat-tuffieħa u l-valur kummerċjali. Il-kulur eċċellenti ta' Shannaxi ping guo huwa l-iżjed minħabba l-kulur bikri li tikseb faċilment. B'riżultat ta' dan, hija ta' kulur jgħajjat fil-parti l-kbira tagħha.

5.2.2.   Saff oħxon tal-ġilda

Is-saff tal-ġilda jipprovdi ħafna min-nutrijenti u sustanzi oħrajn li jikkontribwixxu għall-valur tas-saħħa tat-tuffieħa. Il-ħxuna tas-saff tal-ġilda huwa rifless fl-istrat oħxon, il-wiċċ nadif mingħajr tbajja’ u l-kontenut għoli ta' pektin fit-tuffieħ Shannxi.

5.2.3.   Togħma qawwija

It-togħma hija waħda mill-indiċijiet l-iżjed importanti għall-kwalità intrinsika tat-tuffieħa. It-togħma qawwija ta' Shaanxi ping guo ġejja mill-kontenut għoli ta' zokkor, il-laħma tqarmeċ tal-frotta, ir-riħa qawwija tagħha u n-nutrijenti abbundanti tagħha.

5.2.4.   Tolleranza għall-ħżin u t-trasport

L-adattament għall-ħżin u t-trasport huwa fattur importanti ħafna biex jiġi żgurat il-bejgħ matul is-sena kollha, li jista' jtawwal il-ħajja fuq l-ixkaffa tat-tuffieħa, jagħmilha konvenjenti għall-kummerċ internazzjonali u jżidilha fil-valur tagħha. It-tuffieħa Shaanxi għandha qoxra ħoxna, għadd kbir ta' sustanzi tax-xema' (waxy) fil-laħma tagħha, hija frotta kompatta, għandha livell għoli ta' solidità u kontentut għoli ta' solidi li jinħallu. Dawn il-fatturi kollha jagħmlu t-tuffieħa Shaanxi b'tolleranza għolja għall-ħżin u t-trasport.

5.3.   Rabta kawżali bejn iż-żona ġeografika u kwalità speċifika, il-fama jew karatteristika oħra tal-prodott:

Il-parti ta' Loess Plateau, fit-Tramuntana tax-Xmara Weihe f'Shaanxi hija żona fejn il-widien u kanali dojoq jaqsmu lil xulxin, b'saff oħxon ta' ħamrija fertili madwar il-qċaċet tal-għoljiet vasti u pjanuri nexfin. Il-klima hemmhekk hija ideali biex jikbru s-siġar tat-tuffieħ. Il-kondizzjonijiet ta' natura unika u l-wirt kulturali taw bidu għall-kwalità speċifika ta' Shaanxi ping guo.

5.3.1.   Kondizzjonijiet naturali

5.3.1.1.   Ħamrija

Is-saff oħxon ta' ħarmija li jkopri ż-żona tat-tkabbir tat-tuffieħ fil-provinċja ta' Shaanxi huwa fond bejn 80 u 200 metru. It-trab fin minfuħ mir-riħ fil-widien, l-artab, apparti milli fih ħafna mikroelelementi (eż. ħadid, kalċju, eċċ.) li huma tajbin għas-saħħa tal-bniedem, jikkontribwixxi wkoll għall-fluss tajjeb tal-arja, l-indewwa u l-fertilità, fejn joħloq kondizzjonijiet li huma tajbin ħafna għall-iżvilupp tas-sistema tal-għeruq tas-siġar tat-tuffieħ. Jiggarantixxi wkoll l-ilma u n-nutrijenti li huma essenzjali għall-ħtiġijiet tat-tkabbir tas-siġra u l-frott. Fil-fatt, il-ħamrija f'dan ir-reġjun tissodisfa l-kondizzjonijiet bażiċi għall-kwalità tal-frotta u, b'hekk l-ispeċifiċità ta' Shaanxi ping guo.

5.3.1.2.   Klima

Iż-żona ta' tkabbir tat-tuffieħ Shaanxi hija bejn 800 u 1 200 metru 'l fuq mil-livell tal-baħar, b'intensità ta' dawl ta' bejn 3 500 u 50 000 cd u bejn 2 200 u 2 400 ta' sigħat ta' dawl tax-xemx fis-sena. Minn Awwissu sa Settembru, jiġu rreġistrati iktar minn 300 siegħa ta' dawl tax-xemx. L-altitudni għolja tiżgura dawl tax-xemx suffiċjenti għall-frott, li jagħmlu ta' kulur jgħajjat b'saff oħxon ta' ġilda tax-xema' u b'żieda fiz-zokkor, fl-aċidu u fil-kontenut ta' vitamina Ċ. Jikkontribwixxu wkoll għall-ebusija ikbar tat-tuffieħa.

Il-medda wiesgħa ta' temperaturi matul il-jum tikkontribwixxi għal-livell relattivament għoli ta' akkumulazzjoni ta' kontenut ta' nutrijenti fis-siġar tat-tuffieħ, li jagħtu lill-frotta kontenut għoli ta' zokkor u togħma speċjali, li għamluha popolari.

L-ilma meħtieġ għat-tkabbir tat-tuffieħ jiġi mix-xita naturali. Fiż-żona tat-tkabbir tat-tuffieħ tal-Provinċja ta' Shaanxi jinżel ammont moderat ta' xita matul is-sena kollha, bl-ammont annwali ta' xita jlaħħaq bejn 560 u 750 mm. L-umdità tal-arja hija relattivament baxxa, li mhix favorevoli għall-propagazzjoni u t-tkabbir tal-pesti u l-insetti, fejn jonqos in-numru ta' varjetajiet u r-riskju ta' mard u pesti fiż-żona.

5.3.2.   Dimensjoni umana

Il-popolarizzazzjoni u l-applikazzjoni tal-erba' tekniki ewlenin, primarjament “forma mill-ġdid kbira, friegħi b'saħħithom, fertilizzazzjoni bis-sengħa u produzzjoni mingħajr xkiel”, ilkoll żiedu ħafna l-kwalità u l-istandards tas-sikurezza ta' Shaanxi ping guo.

Referenza għall-Pubblikazzjoni tal-Ispeċifikazzjoni:

UE – LINK mal-applikazzjoni DOOR

---

(1)  ĠU L 93, 31.3.2006, p. 12.

---