30.6.2010   

MT

Il-Ġurnal Uffiċjali tal-Unjoni Ewropea

C 172/1

I.

A.

B.

C.

D.

E.

F.

G.

H.

H.1.

H.2.

II.

A.

B.

C.

D.

E.

F.

G.

H.

I.

J.

K.

L.

III.

A.

B.

C.

D.

ANNESS I –

ANNESS II –

ANNESS III –

1.

Dan ir-rapport janalizza l-ġestjoni baġitarja u finanzjarja tal-Parlament Ewropew għas-sena finanzjarja 2009. Jiddeskrivi l-użu tar-riżorsi finanzjarji kif ukoll l-avvenimenti li kellhom influwenza sinifikanti fuq l-attivitajiet tas-sena finanzjarja (il-partijiet I u II) u jesponi b’mod sintetiku r-riżultati li nkisbu f’relazzjoni mal-objettivi assenjati għas-sena 2009 (il-parti III).

2.

Ir-rapport ġie abbozzat f’konformità mal-Artikolu 122 tar-Regolament (KE, Euratom) Nru 1605/2002 tal-Kunsill tal-25 ta’ Ġunju 2002 rigward ir-Regolament Finanazjarju applikabbli għall-baġit ġenerali tal-Komunitajiet Ewropej, minn hawn ‘l quddiem imsejjaħ “ir-Regolament Finanzjarju” (1), mal-Artikolu 185 tar-Regolament tal-Kummissjoni (KE, EURATOM) Nru 2343/2002 tad-19 ta' Diċembru 2002 dwar ir-Regolament Finanzjarju strutturali għall-entitajiet imsemmijin fl-Artikolu 185 tar-Regolament tal-Kunsill (KE, Euratom) Nru 1605/2002 dwar ir-Regolament Finanzjarju li jgħodd għall-baġit ġenerali tal-Komunitajiet Ewropej (2), u mal-Artikolu 13(2) tad-dispożizzjonijiet interni dwar l-implimentazzjoni tal-baġit tal-Parlament Ewropew (3). L-analiżi hi bbażata fuq il-kontijiet baġitarji proviżorji adottati mill-Kontabilist.

3.

L-2009 kienet it-tielet sena finanzjarja koperta mill-prospettivi finanzjarji 2007-2013 (4). L-approprjazzjonijiet finali tal-Parlament telgħu għal EUR 1 529 970 930, jiġifieri 19,67 % mit-totalità tal-ispejjeż amministrattivi tal-Unjoni (“Titolu V”). It-tabella 1 hawn taħt tippreżenta t-twettiq tal-baġit tal-Parlament Ewropew matul s-sena finanzjarja 2009.

Tabella 1.

Użu tal-krediti 2009

4.

Id-dħul inkluż fil-kontijiet fil-31 ta' Diċembru 2009 ammonta għal EUR 141 250 059, li EUR 27 576 932 minnu kienu dħul allokat.

5.

L-approprijazzjonijiet awtorizzati fil-baġit inizjali tal-Parlament għall-2009 ammontaw għal EUR 1 529 970 930, jiġifieri żieda ta’ 5 % fuq il-baġit tal-2008 (EUR 1 452 517 167). Ma kien hemm l-ebda baġit ta' emenda fl-2009.

6.

L-impenji ammontaw għal EUR 1 417 629 732, jiġifieri 93 % tal-approprjazzjonijiet finali (2008: 97 %). Il-ħlasijiet ammontaw għal EUR 1 237 363 909, jiġifieri 87 % tal-impenji li daħlu fis-seħħ (2008: 86 %).

7.

L-ammonti trasferiti b'mod awtomatiku għas-sena finanzjarja 2010 ammontaw għal EUR 180 265 823, jiġifieri 13 % tal-approprijazzjonijiet impenjati (2008: 14 %). L-approprjazzjonijiet mhux impenjati fl-aħħar tas-sena u trasferiti għas-sena finanzjarja 2010 (trasferimenti mhux awtomatiċi) ammontaw għal EUR 10 100 000, jew 0,7 % tal-approprjazzjonijiet finali (2008: 0,6 %), u ġew allokati għall-iskopijiet murija fit-tabella 2.

Tabella 2

Skop tat-trasferimenti mhux awtomatiċi għall-2010

8.

It-trasferimenti tal-approprjazzjonijiet “awtomatiċi” għall-2009 kellhom ammont totali ta’ EUR 196 133 738. Il-ħlasijiet kontra dawn it-trasferimenti ammontaw għal EUR 179 641 279, jiġifieri 92 % (2008: 87 %). Għalhekk, l-ammont ikkanċellat kien ta’ EUR 16 492 459.

Il-kanċellazzjonijiet kellhom x'jaqsmu essenzjalment mal-artikli li ġejjin:

Ir-raġunijiet u l-oriġini ta’ dawn il-kanċellazzjonijiet fil-qosor huma kif ġej:

9.

It-trasferimenti tal-approprjazzjonijiet “mhux awtomatiċi” għall-2009 ammontaw għal total ta’ EUR 8 315 729 u kienu jikkonċernaw il-Partita 3243 “Iċ-Ċentru għall-Viżitaturi” u l-Artikolu 214 “Materjal u installazzjonijiet Tekniċi”.

10.

Id-dħul allokat li sar disponibbli fl-2009 ammonta għal total ta’ EUR 27 576 932 (2008: EUR 47 511 735). Ir-rata ta' impenn kienet 44 % (2008: 30 %). Il-ħlasijiet ammontaw għal EUR 9 045 904, jiġifieri 74 % tal-impenji attwati (2008: 71 %). Bilanċ ta’ EUR 20 637 870 ġie trasferit għas-sena baġitarja 2010 (2008: EUR 36 808 922).

11.

Id-dħul allokat trasferit għall-2009 ammonta għal total ta' EUR 36 808 922 (2008: EUR 38 325 182) L-impenji attwati ammontaw għal EUR 36 024 461 (2008: EUR 38 236 288). Il-ħlasijiet magħmula fl-2009 jirrapreżentaw 94 % tal-impenji attwati (2008: 93 %).

12.

Approprijazzjonijiet li jammontaw għal EUR 102 241 198 (2008: EUR 42 238 638) kienu kkanċellati, li jikkorrispondu għal 7 % tal-approprijazzjonijiet finali (2008: 3 %). Dawn il-kanċellazzjonijiet ta’ approprjazzjonijiet jistgħu jiġu spjegati essenzjalment permezz tal-elementi li ġejjin:

13.

Matul is-sena finanzjarja ġew approvati tmintax il-trasferiment C skont l-Artikoli 24 u 43 tar-Regolament Finanzjarju (7). Dawn ammontaw għal EUR 64 853 607, jiġifieri 4 % tal-approprijazzjonijiet finali (fl-2008: 18-il trasferiment li jirrappreżentaw 4 % tal-approprijazzjonijiet finali). Il-President approva 9 trasferimenti P skont l-Artikoli 22(1) (8) tar-Regolament Finanzjarju, li jammontaw għal EUR 35 665 000, jiġifieri 2 % tal-approprjazzjonijiet finali (2008: 14-il trasferiment li jirrappreżentaw 1 % tal-approprijazzjonijiet finali). L-analiżi tat-trasferimenti skont il-bażi legali hija preżentata fit-tabella 3.

14.

Fil-qosor, sebgħa u għoxrin trasferiment C u P ġew approvati fl-2009, li ammontaw għal EUR 100 518 607, jiġifieri 7 % ta’ approprijazzjonijiet finali (2008: 44 trasferiment li jirrappreżentaw EUR 98 008 873, jiġifieri 7 % tal-approprjazzjonijiet finali).

Tabella 3

Trasferimenti skont il-bażi legali

Tabella 4

Destinazzjoni tat-trasferimenti C

Tabella 5

Destinazzjoni tat-trasferimenti C għal kull kategorija ta’ nfiq

15.

Din it-taqsima titratta l-użu tal-approprijazzjonijiet tal-Kapitolu 100“Approprijazzjonijiet proviżorji”, tal-Kapitolu 101“Riserva ta' kontinġenza”, tal-Kapitolu 104“Riserva għal politika tal-informazzjoni u l-komunikazzjoni” u tal-Kapitolu 105“Approprijazzjoni proviżorja għal bini”. Dawn il-kapitoli, inklużi fit-Titolu 10“Infiq ieħor”, huma msemmija “riservati” iktar 'il quddiem f'dan ir-rapport. It-Titolu 10“Infiq ieħor” jikkonstitwixxi s-sors prinċipali tat-trasferimenti peress li 51 % minnhom, li jirrappreżentaw EUR 32 886 706, ġejjin minn din l-intestatura.

16.

Mill-ammont totali ta’ EUR 32 886 706 trasferit għall-approprjazzjonijiet proviżorji, is-somma ta’ EUR 25 054 099 kienet destinata għall-politika tal-bini u EUR 7 832 607 għal skopijiet oħra. Id-destinazzjoni tat-trasferimenti tal-approprjazzjonijiet proviżorji u l-iskop tagħhom huma dettaljati fit-Tabella 6.

Tabella 6

Destinazzjoni u raġunijiet tat-trasferimenti tal-approprjazzjonijiet proviżorji

17.

Din is-sezzjoni teżamina t-trasferimenti li ġew minn sorsi oħra barra t-Titolu 10 “Infiq ieħor”. Ammont totali ta’ EUR 31 966 901 kien trasferit minn titoli oħra. L-ispejjeż relatati mal-politika tal-bini rrappreżentaw l-ikbar parti tat-trasferimenti jiġifieri 70 %, u warajhom l-ispejjeż għall-persunal (16 %), għall-Membri (9 %) u l-ispejjeż relatati mal-informatika (5 %). Dawn it-trasferimenti jinsabu dettaljati fit-Tabella 7. Il-parti l-kbira tat-trasferimenti għall-politika tal-bini tista’ tispjega ruħha permezz tal-operazzjoni eċċezzjonali tal-kiri ta’ 99 sena bid-dritt tal-għażla tax-xiri għall-akkwist tal-bini TREVES I fi Brussell.

Tabella 7

Destinazzjoni tat-trasferimenti C ta’ sorsi barra minn dawk mit-Titolu 10

18.

It-trasferimenti P jinsabu fil-qosor fit-Tabella 8.

Tabella 8

Destinazzjoni tat-trasferimenti P

19.

Din is-sezzjoni tippreżenta l-użu tal-approprjazzjonijiet għal kull Kapitolu baġitarju, is-sehem relattiv tagħhom mill-baġit u l-evoluzzjoni tagħhom f’paragun mas-sena finanzjarja preċedenti. Erba' kapitoli waħedhom jammontaw għal 71 % tal-impenji totali. Dawn huma l-Kapitolu 10 “Membri tal-istituzzjoni”, il-Kapitolu 12 “Uffiċjali u aġenti temporanji”, il-Kapitolu 20 “Bini u nefqiet relatati”, u l-Kapitolu 42 “Nefqa relatata mal-assistenza parlamentari”.

20.

It-tabella 9 tippreżenta, Kapitolu b’Kapitolu, l-evoluzzjoni tal-approprazzjonijiet impenjati fl-2009 f’paragun mas-sena finanzjarja 2008. Il-graffs 1 u 2 juru skematikament il-partijiet relatati u l-evoluzzjoni mill-2008 għall-2009.

Tabella 9

Evoluzzjoni tal-impenji tal-approprjazzjonijiet tal-2009 u l-2008

Graff 1

Distribuzzjoni tal-baġit 2009 skont il-Kapitolu

Graff 2

Evoluzzjoni tal-impenji bejn l-2008 u l-2009 skont il-Kapitolu

21.

Dan il-Kapitolu jirrappreżenta 12 % mill-ispejjeż totali għas-sena finanzjarja 2009 u kellu wkoll progressjoni ta’ 12 % f’paragun mal-2008. Is-sena 2009 kienet l-ewwel sena tal-eżerċiżżju baġitarju tal-applikazzjoni tal-Istatut il-ġdid tal-Membri, għall-perjodu minn Lulju sa Diċembru. Il-Parlament ħa f’idejh l-allowances ta’ kull xahar tal-Membri li qabel kienu jitħallsu mill-Istati Membri, ħlief fil-każ tat-32 Membru li għażlu s-sistema previst mill-Istatut tal-Membru ta’ esklużjoni minn dan l-arranġament. Il-piżijiet il-ġodda sinifikanti marbuta mal-applikazzjoni tal-Istatut tal-Membri jikkonċernaw essenzjalment l-allowances ta’ kull xhar (il-Partita 1000) u ż-żieda tal-ispejjeż għall-vjaġġi (il-partiti 1004 u 1005). Fil-fatt, id-dispożizzjonijiet implimentattivi tal-Istatut minn issa ‘l quddiem jipprevedu r-rimborż tal-vjaġġi fuq il-bażi tal-ispejjeż reali u rimborż ġdid tal-ispejjeż għall-vjaġġi li jkunu saru fl-Istat tal-elezzjoni.

22.

F’dan il-kuntset, l-impenji tal-Partita 1000“Allowances” telgħu għal EUR 30 601 983 (18 % tal-impenji tal-Kapitolu 10), filwaqt li EUR 64 968 672 ġew iddedikati għall-Partita 1004“Spejjeż għall-vjaġġi regolari” (38 % tal-impenji tal-Kapitolu 10). Din il-Partita kopriet l-ispejjeż tal-vjaġġi u tas-soġġorn marbuta mal-vjaġġi lejn u mill-postijiet ta’ ħidma tal-Parlament u missjonijiet oħra.

23.

Fl-2009, il-Membri vjaġġaw 10 200 darba sabiex jattendu għas-sessjonijiet parzjali fi Strasburgu u Brussell, 14 734 darba sabiex jattendu għal-laqgħat tal-Kumitati fi Brussell u 8 142 darba sabiex jattendu għal-laqgħat tal-gruppi politiċi fi Brussell. F’dak li jikkonċerna l-vjaġġi barra l-postijiet ta' ħidma tas-soltu tal-Parlament, saru 641 vjaġġ għal-laqgħat tal-kumitati u 1 093 għal-laqgħat tal-gruppi politiċi, li magħhom jiżdiedu 679 spostament għal-laqgħat tad-delegazzjonijiet parlamentari.

24.

Għall-Partita 1006“Allowance għan-nefqa ġenerali”, l-impenji ammontaw għal EUR 42 629 278 (25 % tal-impenji tal-Kapitolu 10). Dan l-ammont kopra l-ispejjeż li rriżultaw mill-attivitajiet parlamentari tal-Membri fl-Istat fejn ġew eletti.

25.

Dan il-Kapitolu jammonta għal 35 % tal-ispejjeż totali tas-sena finanzjarja 2009, jiġifieri l-ikbar kategorija tan-nefqa. Iż-żieda ta’ 4,2 % tal-Artikolu 120, irreġistrata bejn l-2008 u l-2009, tispjega ruħha essenzjalment biż-żieda tal-ispejjeż marbuta mal-Partita 1200“Remunerazzjoni u allowances” (+ 4,6 %) minħabba l-politika tar-Regolamanti tal-Persunal dwar il-promozzjonijiet u l-avvanzi fl-iskala kif ukoll il-valorizzazzjoni annwali mill-ġdid tas-salarji kif prevista fir-Regolamenti tal-Persunal. Iż-żieda fin-nefqa tal-Artikolu 120 ġiet ikkompensata ftit, bħal fl-2008, permezz tan-nefqa tal-Artikolu 122“Allowance għall-irtirar kmieni mis-servizz”, li tispjega ruħha bit-tnaqqis sostanzjali ta’ numru ta’ benefiċjarji wara li dawn ġew trasferiti għas-sistema komuni tal-pensjoni.

26.

Fil-Kapitolu 12, madwar 98 % tan-nefqa kienet marbuta mal-Artikolu 1200“Remunerazzjoni u allowances”. L-impenji kienu ekwivalenti għal EUR 494 054 418 f’din il-Partita. Bħala totat, 1,4 % minn dan l-ammont ġie kkanċellat minħabba d-deċiżjoni meħuda mill-Kunsill f’Diċembru 2009 li jingħata biss 1,85 % għall-aġġustament annwali tar-remunerazzjonijiet filwaqt li l-baġit kien ġie stmat fuq il-bażi ta’ valorizzazzjoni mill-ġdid ta’ 3,7 % kif propost mill-Kummissjoni lill-Kunsill.

27.

Fl-2007, ġew ippubblikati 613 post vakanti. Ġew reklutati 285 uffiċjal u aġent temporanju għas-Segretarjat Ġenerali u 22 għall-gruppi politiċi. Bħala total, 5 501 uffiċjal u aġent temporanju kienu jaħdmu mal-Parlament Ewropew fil-31 12 2009. Is-Segretarjat Ġenerali impjega 4 922 uffiċjal u aġenti temporanji, filwaqt li l-gruppi politiċi fl-aħħar tal-2007 kienu qed jimpjegaw 579 persuna.

28.

F’dak li jikkonċerna t-tqassim tal-persunal skont il-ġeneru, il-proporzjon ta’ nisa laħaq it-23 % tat-total tal-postijiet maniġerjali fil-31 12 2009. Huma jirrappreżentaw 21 % tal-Kapijiet ta’ Unità, 25 % tad-Diretturi u 29 % tad-Diretturi Ġenerali (4 minn total ta’ 14). Il-graff 3 tippreżenta t-tqassim tal-persunal kollu skont il-funzjoni u skont il-ġeneru. It-tqassim tal-persunal skont il-pajjiż ta’ oriġini hu preżentat fit-tabella 10.

Graff 3

Tqassim skont il-ġeneru tal-persunal tas-Segretarjat Ġenerali

Tabella 10

Tqassim skont il-pajjiż tal-persunal tas-Segretarjat Ġenerali (uffiċjali u aġenti temporanji)

29.

Dan il-Kapitolu ammonta għal 6 % tal-baġit tal-2009. Iż-żieda ta’ 3 % osservata bejn l-2008 u l-2009 tispjega ruħha, minn naħa, permezz taż-żieda tal-Partita 1400“Aġenti oħra” u tal-Artikolu 142“Servizzi esterni” u, min-naħa l-oħra, permezz tat-tnaqqis fil-Partita 1402“Interpreti għall-konferenzi”. 48 % tal-approprjazzjonijiet tal-Kapitolu 14 ġew iddedikati għall-Partita 1402 u 27 % għall-Partita 1400.

30.

F’dak li jikkonċerna l-Partita 1402“Interpreti għall-konferenzi”, l-impenji kienu jammontaw għal EUR 43 273 028 u koprew b’mod partikolari l-elementi li ġejjin: it-tariffi, il-kontribuzzjonijiet tas-sigurtà soċjali, l-ispejjeż għall-vjaġġi u l-allokazzjonijiet għas-soġġorn tal-interpreti awżiljari għall-konferenzi impjegati mill-Parlament. L-interpreti uffiċjali u l-interpreti awżiljari għall-konferenza għamlu 87 473 jum ta’ interpretazzjoni fl-2009 (-9,2 % f’paragun mal-2008). L-interpreti uffiċjali għamlu 49 547 jum ta’ interpretazzjoni (-4,2 %) filwaqt li l-interpreti awżiljari għall-konferenza għamlu 37 926 (-15 % f’paragun mal-2008). It-tnaqqis fl-infiq d’din il-kategorija ġej min-nuqqas ta’ laqgħat matul il-perjodu elettorali.

31.

F’dak li jikkonċerna l-Partita 1402“Aġenti oħra”, l-impenji ammontaw għal EUR 24 230 465. Din il-Partita essenzjalment għandha l-għan li tkopri r-rimunerazzjonijiet u l-allowances tal-aġenti kontrattwali impjegati mis-Segretarjat Ġenerali jew mill-gruppi politiċi kif ukoll il-forniment tas-servizzi tal-kumpanija Manpower li tirrekluta l-persunal ta’ appoġġ għas-sessjonijiet ta’ Strasburgu. F’dak li jikkonċerna l-persunal kuntrattwali, 571 persuni kienu impjegati fil-31 12 2009.

32.

It-tqassim tal-persunal kuntrattwali skont il-grupp ta’ funzjoni qed jiġi preżentat fil-Graff 4.

Graff 4

Persunal kuntrattwali skont il-grupp ta’ funzjoni

33.

Dan il-Kapitolu ammonta għal 1 % tal-baġit tal-2009. L-approprjazzjonijiet impenjati f’dan il-Kapitolu żdiedu b’10 % bejn l-2008 u l-2009 minħabba ż-żieda fil-Partita 1610“Spejjeż għar-reklutaġġ”. Din il-Partita kienet suġġetta għal trasferiment sabiex tkopri l-ispejjeż addizzjonali marbuta mar-reklutaġġ tal-assistenti parlamentari akkreditati.

34.

Fil-Kapitolu 16, 32 % tal-impenji kienu jikkonċernaw il-Partita 1654“Ċentri għat-tfal żgħar u skejjel materni approvati”, 24 % l-Partita 1612“Taħriġ Professjonali Ulterjuri”, 16 % l-Partita 1652“Nefqiet kurrenti għall-operat amministrattiv tar-ristoranti u l-kantins”, u 9 % l-Partita 1613“Taħriġ Professjonali Ulterjuri: Spejjeż ta’ missjonijiet”.

35.

Is-SottoPartita 1654/01 “ Ċentri għat-tfal żgħar u skejjel materni approvati: ġestjoni esterna tal-crèches u tal-family room tal-istituzzjoni fi Brussell u spejjeż annessi” tikkostitwixxi l-ikbar parti tal-Partita 1654. L-approprjazzjonijiet impenjati għal din il-Partita ammontaw għal total ta’ EUR 4 441 145 u koprew il-kontribut tal-Parlament għall-ispejjeż kollha taċ-ċentru għat-tfal żgħar u tal-crèches esterni li magħhom ġie konkluż ftehim.

36.

Għal Partita 1612 “Taħriġ Professjonali Ulterjuri”, l-approprijazzjonijiet impenjati ammontaw għal EUR 3 387 946 u koprew il-korsijiet ta’ taħriġ professjonali ulterjuri, l-ispejjeż tax-xiri jew tal-produzzjoni ta’ materjal pedagoġiku u l-korsijiet ta’ taħriġ li jqajmu kuxjenza dwar kwistjonijiet li jikkonċernaw l-opportunitajiet indaqs u l-pariri dwar karrieri. Fl-2009, il-korsijiet tal-lingwi kellhom 5 511 parteċipant u l-korsijiet tal-lingwi tal-pajjiżi terzi kellhom 265 parteċipant. Barra minn hekk, 1 771 persuna pparteċipaw f’korsijiet tal-informatika u 737 f’korsijiet ta’ taħriġ fil-qasam finanzjarju. 97 aġent ipparteċipaw f’korsijiet organizzati mill-Iskola Ewropea tal-Amministrazzjoni, 5 263 f’korsijiet ta’ taħriġ intern u 225 f’korsijiet esterni.

37.

F’dak li jikkonċerna l-Partita 1652“Nefqiet kurrenti għall-operat amministrattiv tar-ristoranti u l-kantins”, l-impenji ammontaw għal EUR 2 260 000. Dan l-Artikolu huwa maħsub biex ikopri l-ispejjeż ta’ ġestjoni tal-użu tar-ristoranti u l-kantins. Ir-ristoranti u l-kantins servew madwar 1 266 000 klijent u l-ħanut tal-persunal madwar 174 000 klijent.

38.

Dan il-Kapitolu jammonta għal 13 % tal-baġit 2009, li hija żieda ta’ 1 % f‘paragun mal-2008. Minn dan il-Kapitolu, EUR 10,1 miljun ġew trasferiti mis-sena finanzjarja 2009 għas-sena finanzjarja 2010 fuq il-bażi tal-proċedura ta’ trasferiment mhux awtomatiku prevista fl-Artikolu 9 tar-Regolament Finanzjarju. Iż-żieda fil-Partita 2000“Kirjiet” (+7 %), fil-Partita 2001“Ħlasijiet ta’ ċnus” (+499 %), fil-Partita 2008“Infiq ieħor relatat mal-bini” (+49 %, li EUR 1 miljun minnhom kienu trasferimenti mhux awtomatiċi) u l-Partita 2022“It-tindif u l-manutenzjoni” (+14 %) kienet kompensata minn tnaqqis fil-Partita 2003“Akkwist ta’ bini” (EUR 9,1 miljun ta’ trasferimenti mhux awtomatiċi), 2005“Il-kostruzzjoni ta’ bini” (-55 %) u 2007“Sistemazzjoni fil-bini” (-20 %).

39.

Id-distribuzzjoni tal-approprjazzjonijiet tal-Kapitolu 20 skont in-natura tal-ispejjeż qed tiġi preżentata skematikament fil-graff 5 hawn hawn taħt.

Graff 5

Distribuzzjoni tan-nefqa fil-Kapitolu 20

40.

F’dak li jikkonċerna l-Partita 2000“Kirjiet”, l-approprjazzjonijiet impenjati ammontaw għal EUR 28 303 816 u koprew il-kiri tal-bini jew ta’ partijiet tal-bini okkupati mill-Parlament kif ukoll it-taxxi tal-proprjetà. Kien hemm eċċess ta’ EUR 6,27 miljun (EUR 4,85 miljun trasferiti għal Partita oħra u EUR 1,4 miljun kanċellati). Dan l-eċċess jispjega ruħu permezz tal-użu ta’ dħul allokat (EUR 1,3 miljun), dewmien fl-okkupazzjoni tal-bini “President” fil-Lussemburgu, kif ukoll peress li xi kirjiet (pereżempju l-bini Schumann) ma kienux marbuta ma’ indiċi jew kien hemm indiċi ta’ kirjiet iżgħar milli previst.

41.

F’dak li jikkonċerna l-Partita 2007“Sistemazzjoni fil-bini”, l-approprjazzjonijiet impenjati ammontaw għal EUR 31 611 447 u koprew il-ħidmiet ta’ sistemazzjoni, inklużi l-ispejjeż l-oħra marbuta ma’ dawn il-ħidmiet, b’mod partikolari l-ispejjeż tal-periti jew tal-inġeniera, eċċ. Din il-Partita żdiedet għal EUR 6,7 miljun sabiex ikun possibbli b’mod partikolari t-twettiq tal-ħidmiet tat-tneħħija tal-asbestos mill-bini fi Strasburgu (spejjeż rimborżati wara mill-belt ta’ Strasburgu) u għall-bżonnijiet tal-ħidmiet ta’ kisi kontra n-nirien fil-bini LOW (EUR 4 miljun), ħidmiet li dehru neċessarji waqt ir-reviżjoni tal-istrutturi ta’ appoġġ tas-soqfa.

42.

Dan il-Kapitolu ammonta għal 7 % tal-baġit tal-2009. L-ispejjeż tal-Kapitolu 21 naqsu b’5 % f’paragun mas-sena preċedenti, tnaqqis partikolarment minħabba tnaqqis fl-Artikolu 214“Materjal u installazzjonijiet tekniċi” (-31 %) marbut mat-tmiem iċ-ċiklu tal-investimenti awdjoviżivi fi Brussell. Iż-żieda osservata fil-Partita 2102“Assistenza esterna għat-teknoloġiji tal-informatika u tal-innovazzjoni (+6 %) ġiet kompensata parzjalment bit-tnaqqis tal-Artikolu 212 (Għamara” (-31 %). Id-distribuzzjoni tal-infiq tidher fil-graff 6 hawn taħt.

43.

F’dak li jikkonċerna l-Partita 2100“Tagħmir u softwer għat-teknoloġiji tal-informatika u tal-innovazzjoni”, l-approprijazzjonijiet impenjati ammontaw għal EUR 43 008 335. Dawn l-approprjazzjoni prinċipalment koprew l-infiq relatat max-xiri, il-kiri, il-produzzjoni u l-manutenzjoni tat-tagħmir u tas-softwer għall-istituzzjoni, kif ukoll l-infiq relatat mal-ħidmiet marbuta.

44.

L-impenji tal-Partita 2102“Assistenza esterna għat-tekonoloġiji tal-informatika u tal-innovazzjoni” ammontaw għal EUR 41 155 588 u koprew prinċipalment l-infiq relatat max-xiri, il-kiri, il-produzzjoni u l-manutenzjoni tat-tagħmir u tas-softwer għall-istituzzjoni, kif ukoll l-infiq relatat mal-ħidmiet marbuta. Dan it-tagħmir u dan is-softwer essenzjalment hu relatat maċ-ċentru tal-ipproċessar tad-data u t-telekomunikazzjonijiet, mal-informatika fil-livell dipartimentali u fil-gruppi politiċi u mas-sistema ta' votazzjoni elettronika.

45.

Il-kapaċità informatika u l-qawwa tal-ipproċessar triplaw matul il-perjodu kkonċernat. Fl-aħħar tal-2008, il-kapaċità tal-memorja kienet ta’ 584 000 giga-octets (Go) f’paragun ma' 1 803 021 Go fl-aħħar tal-2009. F’dak li jikkonċerna l-qawwa tal-ipproċessar, il-kapaċità tas-sistemi informatiċi ċentrali li jipproċessaw ċerta kwantità ta’ data fi żmien speċifiku żdiedet b’235 % f’paragun mas-sena preċedenti. Barra minn hekk, sabiex tkun żgurata s-sikurezza tas-sistemi ta’ informazzjoni, in-numru ta’ programmi ta’ korrezzjoni ttestjati u integrati fin-netwerk, is-servers, is-sistemi ta’ operazzjoni u l-istazzjonijiet ta’ ħidma rdoppja, billi minn 899 fl-2008 tela’ għal 1 886 fl-aħħar tal-2009.

Graff 6

Distribuzzjoni tan-nefqa fil-Kapitolu 21

46.

Dan il-Kapitolu ammonta għal 1 % tal-baġit tal-2009. Iż-żieda ta’ 10 % irreġistrata għal dan il-Kapitolu bejn l-2008 u l-2009 tispjega ruħha priċipalment biż-żieda fl-ispejjeż għall-Artikolu 232“Nefqiet legali u ħsarat” (+206 %) minħabba proċeduri legali mibdija wara li sfronda b’mod parzjali s-saqaf tal-emiċiklu fi Strasburgu u ż-żieda fl-ispejjeż legali għall-proġett ta’ rinnovazzjoni u tal-estensjoni tal-bini KAD fil-Lussemburgu.

47.

Id-distribuzzjoni tal-ispejjeż f’dan l-Artikolu hija kif ġej: 51 % jikkorrispondu għall-Artikolu 235“Telekomunikazzjoni”, 19 % għall-Artikolu 230“Kanċellerija, provvisti għall-uffiċċju u oġġetti għall-konsum diversi”, 6 % għall-Artikolu 237“Rilokazzjonijiet” u t-12 % li jibqa’ tqassmu bejn il-Partiti differenti l-oħra.

48.

Dan il-Kapitolu ammonta għal 2 % tal-baġit tal-2009. L-approprjazzjonijiet fl-2009 kienu 6 % inqas minn dawk għall-2008. Dan jispjega ruħu bi tnaqqis tal-ispejjeż għall-Artikolu 300“Nefqiet għall-missjonijiet tal-istaff”. Għal dan l-Artikolu, 2,7 % tal-approprjazzjonijiet inizjali ġew ikkanċellati fl-aħħar tas-sena finanzjarja barra li ntużaw EUR 3 miljun matul is-sena għal trasferimenti. Dan it-tnaqqis jispjega ruħu essenzjalment permezz tar-ritmu iktar bil-mod tal-attivitajiet matul is-sena elettorali u permezz tal-introduzzjoni ta’ regoli iktar stretti għall-ikkalkolar tal-ispejjeż tal-missjonijiet.

49.

Fl-2009 kien hemm 29 384 missjoni (vjaġġi) li koprew 84 840 jum ta’ missjonijiet: il-missjonijiet fil-maġġoranza tagħhom tqassmu bejn it-tliet postijiet ta' ħidma tal-Parlament (Brussell: 4 508 missjoni, Strasburgu 18 261 missjoni u l-Lussemburgu 2 504 missjoni).

50.

Il-livell tal-approprjazzjoni tal-Kapitolu 32 kien immarkat fl-2009 bil-kampanja ta’ informazzjoni istituzzjonali għall-elezzjonijiet Ewropew ta’ Ġunju 2009. Dan il-Kapitolu ammonta għal 7 % tal-infiq tal-baġit tal-2009. 26 % tal-approprijazzjonijiet tal-Kapitolu huma relatati mal-Partita 3244“L-Organizzazzjoni u l-ospitalità ta' gruppi ta' viżitaturi, il-programm Euroscola u stediniet għall-multiplikaturi tal-opinjoni minn pajjiżi terzi”, 18 % mal-Partita 3242“Nefqiet għall-pubblikazzjoni, l-informazzjoni u l-parteċipazzjoni f’manifestazzjonijiet pubbliċi”, 16 % mal-Partita 3248“In-nefqa għall-informazzjoni awdjoviżiva” u 10 % mal-Partita 3220“Nefqa għad-dokumentazzjoni u għal-librerija”.

51.

Id-distribuzzjoni tan-nefqa tidher fil-graff 7.

Graff 7

Distribuzzjoni tan-nefqa fil-Kapitolu 32

52.

Fil-livell tal-Partita 3244“Nefqiet għall-pubblikazzjoni, l-informazzjoni u l-parteċipazzjoni f’manifestazzjonijiet pubbliċi”, l-approprjazzjonijiet impenjati ammontaw għal EUR 24 485 353 u koprew is-sussidji mogħtija fil-qafas tal-gruppi ta' viżitaturi mistiedna mill-Membri u l-ispejjeż tas-superviżjoni u l-infrastruttura relatata, l-ispejjeż tal-ġestjoni tal-programm “Euroscola” u l-iffinanzjar tal-apprendistati għall-multiplikaturi tal-opinjoni minn pajjiżi terzi. Il-kanċellazzjoni tal-approprjazzjonijiet ta’ din il-Partita kienu EUR 2 619 647 dovuti prinċipalment għal numru anqas minn dak previst oriġinarjament ta' gruppi ta' viżitaturi mistiedna mill-Membri (minħabba s-sena elettorali).

53.

Għal Partita 3242“Nefqiet għall-pubblikazzjoni, l-informazzjoni u l-parteċipazzjoni f’manifestazzjonijiet pubbliċi”, l-approprijazzjonijiet impenjati ammontaw għal EUR 16 678 677. Dawn l-approprjazzjonijet servew b’mod partikolari biex ikopru l-ispejjeż fil-qasam tal-pubblikazzjonijiet, l-attivitajiet ta’ informazzjoni u l-parteċipazzjoni f’manifestazzjonijet pubbliċi, fieri u wirjiet fl-Istati Membri.

54.

L-impenji għall-Partita 3248“In-nefqa għall-informazzjoni awdjoviżiva” ammontat għal EUR 15 124 447 u kopriet l-ispejjeż marbuta mal-elementi li ġejjin:

55.

Dan il-Kapitolu ammonta għal 5 % tal-infiq tal-baġit tal-2009. L-Artikolu 400“Nefqa amministrattiva kurrenti u nefqa marbuta mal-attivitajiet politiċi ta' informazzjoni tal-gruppi politiċi u tal-Membri mhux affiljati” rrappreżenta 76 % mill-approprjazzjonijiet tal-Kapitolu 40. L-impenji għal dan l-Artikolu ammontaw għal EUR 52 337 886. Dawn l-approprjazzjonijiet kienu maħsuba biex ikopru, għall-gruppi politiċi u l-Membri mhux affiljati:

56.

L-Artikolu 402“Kontribuzzjonijiet lill-Partiti Politiċi Ewropej” u l-Artikolu 403“Kontribuzzjoni għal Fondazzjonijiet Politiċi Ewropej” irrappreżentaw 23 % tal-approprjazzjonijiet tal-Kapitolu 40 għal ammont totali ta’ EUR 16,8 miljun.

57.

Is-sena 2009 kienet l-ewwel sena tal-eżerċiżżju baġitarju tal-applikazzjoni tal-Istatut il-ġdid tal-assistenti, għall-perjodu minn Lulju sa Diċembru. Dan il-Kapitolu ammonta għal 11 % tal-baġit tal-2009.

58.

Il-Partita 4220“Assistenza Parlamentari” rrappreżentat 83 % tal-approprjazzjonijiet impenjati ta’ dan il-Kapitolu. L-approprjazzjonijet impenjati għal dan l-Artikolu ammontaw għal EUR 126 946 740. Din in-nefqa kopriet is-sistema antika ta' assistenza parlamentari (minn Jannar sa Ġunju) prevista mir-regoli dwar l-ispejjeż u l-allowances tal-Membri tal-Parlament Ewropew u, minn Lulju 2009 ‘l quddiem, is-sistema l-ġdida tal-assistenti “lokali” previsti mill-Istatut il-ġdid tal-Membru u tal-assistenti.

59.

L-assistenti akkreditati f’wieħed mit-tliet postijiet ta’ xogħol u rregolati mir-Regolamenti tal-Persunal tal-Uffiċjali tal-Komunitajiet Ewropej, min-naħa l-oħra, ġew iffinanzjati mill-Partita 4224“L-assistenti parlamentari” b'ammont ta' EUR 26,4 miljun (il-perjodu minn Lulju sa Diċembru 2009).

60.

Il-Kapitoli mdaħħlu taħt din l-intestatura jinvolvu biss approprjazzjonijiet proviżorji li ma jistgħux jiġu impenjati ħlief wara trasferiment minn qabel għal Partita operattiva. Dawn it-trasferimenti ġew eżaminati fis-sezzjoni 1 ta’ dan ir-rapport. L-approprjazzjonijiet inizjali ta' dan it-Titolu ammontaw għal EUR 36 522 592, jiġifieri 2 % tal-approprjazzjonijiet inizjali kollha. Il-bilanċ mhux attwat ammonta għal EUR 3 635 886, jiġifieri madwar 1,2 % tal-approprjazzjonijiet finali kollha fl-2009.

61.

Fost l-objettivi segwiti mis-Segretarjat Ġenerali tal-Parlament Ewropew għall-2009, joħorġu b'mod partikolarment interessanti l-elementi li ġejjin dwar:

62.

Ir-riżultati preżentati hawn taħt huma bbażati fuq ir-rapporti ta’ attività annwali tal-uffiċjali awtorizzanti delegati għall-2009. Għal informazzjoni iktar dettaljata dwar l-attività tad-Direttorati Ġenerali tal-Parlament Ewropew, il-qarrej huwa mistieden jikkonsulta r-rapporti dwar l-attività annwali.

63.

Peress li s-sena 2009 kienet is-sena tal-elezzjonijiet Ewropej, l-attivitajiet ta’ informazzjoni u ta’ komunikazzjoni li kellhom jitwettqu matul l-ewwel semestru ġew ikkonċentrati fuq dan l-avveniment u fuq il-kampanja elettorali istituzzjonali deċiża mill-Bureau u li kellha tiġi implimentata fil-livell ċentrali bħal fl-Istati Membri kollha. L-elementi essenzjali ta’ din l-attività preżentaw ruħhom kif ġej:

64.

B’mod parallel u lil hinn mill-iskadenza ta’ Ġunju 2009, id-DĠ COMM qdiet il-missjoni prinċipali tagħha, jiġifieri li tiġġenera l-ikbar kopertura possibbli tax-xandir tal-attivitajiet tal-Parlament kif ukoll li tinforma lill-pubbliku ġenerali u lill-multiplikaturi tal-opinjoni dwar l-Istituzzjoni. L-attivitajiet li ġejjin jistħoqilhom li jiġu sottolinjati:

65.

L-Istatut tal-Membri tal-Parlament Ewropew daħal fis-seħħ fl-14 ta’ Lulju 2009 flimkien mar-regoli l-ġodda dwar l-assistenza parlamentari tal-Membri li ġew adottati wara l-Istatut tal-Membri. Fl-ewwel xhur tal-2009, id-DĠ Finanzi prepara l-Miżuri Implimentattivi għall-Istatut tal-assistenti kif ukoll regoli għall-assistenti lokali u għall-apprendisti tal-Membri. Il-ħidma kompliet dwar id-dispożizzjonijiet implimentattivi għall-Istatut tal-Membri u dwar ir-regoli speċifiċi għall-implimentazzjoni tal-Istatuti fil-livell amministrattiv, bħall-iskema għar-rimborż tal-ispejjeż mediċi u l-kooperazzjoni mal-Kummissjoni fil-ġestjoni ta’ dan, regoli speċifiċi dwar l-aspetti tar-rimborż tal-ispejjeż għall-ivvjaġġar, eċċ..

66.

Minn Lulju ‘l hawn, sar numru konsiderevoli ta’ suġġerimenti għal modifiki mill-Membri u l-assistenti b’kunsiderazzjoni tal-esperjenzi tagħhom bl-Istatuti l-ġodda. Fil-livell amministrattiv ukoll, sar ovvju li kien hemm bżonn iktar kjarifika jew aġġustament tar-regoli fil-livell tal-implimentazzjoni. Għalhekk, il-Bureau ddeċieda li jwaqqaf Grupp Temporanju ta’ Evalwazzjoni dwar l-Implimentazzjoni tal-Istatut tal-Membri u tal-Assistenti magħmul minn erba’ Viċi Presidenti u l-Kwestur responsabbli, grupp li kien kostitwit fid-29 ta’ Settembru. Il-Grupp Temporanju ta’ Evalwazzjoni hu appoġġjat mis-Servizz Legli u mid-Direttorati Ġenerali kkonċernali, b’mod partikolari d-DĠ Finanzi u d-DĠ Persunal. Ir-rakkomandazzjonijiet tal-Grupp Temporanju ta’ Evalwazzjoni diġà rriżultaw f’sensiela ta’ modifiki għall-Miżuri ta’ Implimentazzjoni tal-Istatuti tal-Membri u tal-Assistenti adottati mill-Bureau fil-laqgħat tiegħu tal-11 u tat-23 ta’ Novembru 2009, li jirrikjedu mhux biss aġġustament tal-prattika implimentattiva attwali imma wkoll istruzzjonijiet ġodda għas-servizzi.

67.

Is-servizzi tad-DĠ Finanzi, b’kooperazzjoni mad-DĠ ITEC, ħejjew l-applikazzjonijiet informatiċi meħtieġa biex ikun implimentat l-Istatut kif ukoll l-adattament tal-formoli neċessari għall-Membri u għall-assistnti u partimonju sħiħ ta’ informazzjoni (sensiliet diversi ta’ Mistoqsijiet u Tweġibiet biex jitqassmu lill-Membri, folji informattivi għall-internet u għall-websajt tad-DĠ Finance stess). L-applikazzjonijiet informatiċi għadhom mhumiex lesti kompletament (b’mod partikolari l-aspetti għas-sinkronizzazzjoni ta’ applikazzjonijiet differenti u l-aspetti statistiċi għadhom neqsin), filwaqt li diġà jridu jiġu aġġustati wara d-deċiżjonijiet tal-Bureau jridu jiġu mtejba wara l-esperjenza matul l-ewwel xhur tal-implimentazzjoni tal-Istatut.

68.

Wara l-ħatra tiegħu f'Marzu 2009, is-Segretarju Ġenerali l-ġdid propona lill-Bureau sensiela ta’ miżuri ta’ ristrutturazzjoni u ta’ konsolidazzjoni tas-Segretarjat Ġenerali. Dawn il-miżuri fil-qosor huma kif ġej:

69.

Maħluq mill-Bureau fl-2003, it-Tabling Office kien prinċipalment responsabbli biex jgħdin u jagħti pariri lill-Membri f’dak li jikkonċerna l-abbozzar tat-testi u biex jivverifika l-konsistenza ta’ dawn mal-korp leġiżlattiv eżistenti. Wara leġiżlatura sħiħa operattiva, evalwazzjoni tas-sitwazzjoni u t-talbiet ripetuti tal-awtorità baġitarja li jkun hemm tisħiħ sinifikanti tal-persunal li jassisti direttament lill-Membri fil-ħidma leġiżlattiva tagħhom, deher xieraq li jkun hemm titjib operattiv tal-metodi ta’ ħidma.

70.

F’dan il-kuntest, fis-6 ta’ Mejju 2009 l-Bureau ddeċieda li (9):

71.

Barra l-ewwel ristrutturazzjoni li kienet tikkonċerna t-Tabling Office u t-tisħiħ tal-istrutturi tal-kumitati parlamentari, il-Bureau, fid-dawl ta’ assistenza ikbar għall-Membri, beda wkoll l-implimentazzjoni ta’ struttura speċifika dedikata għall-ġestjoni tad-dokumenti. Din l-istruttura tinvolvi b’mod partikolari sistema ottimizzata ta’ ġestjoni tal-għarfien, li l-awtorità baġitarja wkoll kienet qed titlob.

72.

Il-Bureau tas-16-17 ta’ Ġunju 2009 b’hekk iddeċieda li (10):

73.

Fid-dawl tad-dilemma tradizzjonali għall-Parlament, jiġifieri l-fatt li s-sigurtà tmur kontra l-aċċessibilità, u b’kunsiderazzjoni tal-isfidi l-ġodda bħall-ippjanar tal-miżuri ta’ urġenza, il-ġestjoni tal-kontinwità tal-attivitajiet, l-appoġġ lid-delegazzjonijiet, l-evalwazzjoni ġenerali u permanenti tar-riskji, deher neċessarju li jissaħħu xi strutturi li, mill-addozzjoni tal-miżuri wara l-attentati tal-11 ta’ Settembru 2001, ftit li xejn evolvew.

74.

Barra minn hekk, fil-laqgħa tiegħu tal-1 ta’ April 2009, il-Bureau (11) ddeċieda li jtejjeb is-servizzi ta’ sigurtà tiegħu u li jikkostitwixxi Direttorat ġdid għas-Sigurtà u l-Evalwazzjoni tar-Riskju fi ħdan id-DĠ PRES li l-istruttura tiegħu ġiet riorganizzata radikalment. B’mod partikolari, l-unitajiet il-ġodda huma organizzati:

75.

Wara riforma ambizzjuża li saret fl-2004 u li kellha suċċess, is-settur tal-komunikazzjoni għandu jiffaċċa eżiġenzi ġodda u modifika tal-ambjent istituzzjoni li se jġib id-dħul fis-seħħ tat-Trattat ta’ Lisbona. Barra minn hekk, ir-reviżjoni li għadha trid titwettaq tal-aħħar kampanja għall-elezzjonijiet Ewropej għandha twassal għal konklużjonijiet simili. B’hekk, biex jitqiesu l-isfidi l-ġodda, deher neċessarju li jiġi adottat approċċ integrat tal-komunikazzjoni, li jiġi żviluppat l-għarfien espert politiku, li jitjiebu s-servizzi lill-mezzi tax-xandir u li jiġu żviluppati prodotti fl-internet.

76.

Għal dan il-għan, il-Bureau tat-18/06/2009 (12) għamel ċerti modifiki lill-organizzazzjoni interna tad-DĠ COMM. Dawn kienu jikkonsistu essenzjalment:

77.

Matul dawn l-aħħar ħames snin, ir-riżorsi tad-DĠ PERS ġew mobilizzati bis-saħħa biex jiffaċċaw l-applikazzjoni tal-Regolamenti tal-Persunal il-ġodda u biex ikun ġestit it-tkabbir li kellha l-istituzzjoni u li ma kellux preċedent. Wara dan il-perjodu ta’ adattament, l-istabbilità relattiva attwali għamlitha possibbli li, b’effett mill-01/01/2010, tibda riorganizzazzjoni li l-objettiv tagħha hu l-ġestjoni iktar attiva tar-riżorsi umani tal-Parlament.

78.

Ir-riorganizzazzjoni (13) adottata mill-Bureau b’hekk għandha l-għan li:

79.

L-inċident tas-saqaf tal-emiċiklu fi Strasburgu f'Awwissu 2008, il-kobor tal-ammont tal-bini ġestit u l-ħtieġa li jkun hemm pjan wiesa' ta' tiġdid tal-bini li l-Parlament sar proprjetarju tagħhom matul l-aħħar ħmistax-il sena fformaw raġunijiet biżżejjed biex l-istruttura u r-riżorsi tad-DĠ INLO jiġu adattati fundamentalment.

80.

Il-Bureau (14) b’hekk, waqt il-laqgħa tiegħu tal-01/04/09, iddeċieda dwar pjan wiesa' ta' ristrutturazzjoni u ta' tisħiħ tar-riżorsi umani mqassam fuq is-snin mill2010 sal-2012. Din l-operazzjoni fil-qosor hi kif ġej:

81.

Fl-aħħar nett, bħala ħarsa kompluta lejn ir-ristrutturazzjonijiet deċiżi, għandhom jissemmew:

82.

Wara l-“le” tal-ewwel referendum Irlandiż dwar it-Trattat ta’ Lisbona, il-proċess ta’ preparazzjoni tal-amministrazzjoni ġie sospiż, fl-istennija ta’ konsultazzjoni ġdida u ta’ ratifikazzjoni definittiva.

83.

Malli r-ratifikazzjoni saret, il-Parlament għamel l-arranġamenti neċessarji biex jeżerċita r-responsabilitajiet u l-prerrogattivi l-ġodda previsti mit-Trattat. Għal dan il-għan, inbdiet proċedura ta’ baġit ta’ emenda għas-sena finanzjarja 2010 permezz tal-adozzjoni tal-abbozz ta’ estimi proviżorji mill-Bureau f'Diċembru 2009.