15.6.2010

MT

Il-Ġurnal Uffiċjali tal-Unjoni Ewropea

CA 155/1

---

DĠ GĦALL-POLITIKA DWAR IL-KLIMA

Pubblikazzjoni ta' post vakanti għall-kariga ta' Konsulent Prinċipali (Grad AD 14)

(L-Artikolu 29 (2) tar-Regolamenti tal-Persunal)

COM/2010/10271

(2010/C 155 A/01)

Min aħna

Id-DĠ għall-Politika dwar il-Klima qiegħed ifittex Konsulent Prinċipali li se jikkontribwixxi sabiex jintlaħqu l-għanijiet tad-DĠ:

—	Li jżomm iż-żieda fit-temperatura medja globali taħt iż-2 gradi Celsius meta mqabbla mal-livelli pre-industrijali.

—	Li jiżviluppa l-istrateġija tal-UE dwar il-klima għal ekonomija u soċjetà b'livell baxx ta' emissjonijiet ta' karbonju u reżistenti għat-tibdil fil-klima, għat-tfassil tal-politika domestika kif ukoll għan-negozjati internazzjonali dwar it-tibdil fil-klima.

—	Li jaħdem sabiex jilħaq l-impenn tal-UE li tnaqqas l-emissjonijiet tal-gassijiet b'effett ta' serra b'mill-inqas 20 % sal-2020 permezz tal-implimentazzjoni ta' taħlita effiċjenti ta' strumenti ta' politika differenti.

—	Li jippromwovi l-integrazzjoni tal-aspetti kollha tal-politiki dwar il-klima, jiġifieri t-tnaqqis tal-emissjonijiet u l-adattament għat-tibdil inevitabbli fil-klima fl-oqsma kollha ta' politika relevanti.

—	Li jinkoraġġixxi l-innovazzjoni, it-tkabbir ekonomiku u l-ħolqien ta' xogħlijiet ġodda billi jippromwovi d-dimostrazzjoni u t-tixrid ta' teknoloġiji b'livell baxx ta' karbonju kif ukoll teknoloġiji ta' adattament.

Għal aktar dettalji żur il-websajt tagħna (http://ec.europa.eu/dgs/environment/index_en.htm).

X'qegħdin noffru

Il-pożizzjoni ta' Konsulent Prinċipali, li għandu jaħdem f'diversi oqsma ta' politika koperti mid-DĠ u li għandu jressaq flimkien l-analiżi u l-konklużjonijiet dwar firxa wiesgħa ta' kwistjonijiet u domandi inter-relatati. Il-kompitu ewlieni tal-Konsulent Prinċipali se jkun li jsaħħaħ u li jagħti pariri rigward in-negozjati internazzjonali dwar it-tibdil fil-klima u s-sħubijiet tal-UE ma' pajjiżi terzi dwar it-tibdil fil-klima. Huwa/Hija għandu/għandha jaħdem/taħdem f'kooperazzjoni u f'koordinazzjoni mill-qrib flimkien mad-Direttur responsabbli mill-Grupp ta' Ħidma tal-Kummissjoni għan-Negozjati Internazzjonali dwar il-Klima.

Barra minn hekk, il-Konsulent Prinċipali għandu jikkontribwixxi fil-koordinazzjoni interna tad-DĠ u fit-titjib tal-integrazzjoni tal-prijoritajiet tat-tibdil fil-klima f'politiki ta' Komunitajiet oħrajn, bħal per eżempju:

—	il-politiki mal-UE kollha dwar it-tibdil fil-klima u l-implimentazzjoni tal-leġiżlazzjoni tal-UE relevanti, eċċ.;

—	is-sistemi ta' enerġija sostenibbli, enerġija li tiġġedded u effiċjenza fl-enerġija, eċċ.;

—	il-mobilità u t-trasport sostenibbli, eċċ.;

—	l-adattament effettiv għat-tibdil fil-klima, eċċ.;

—	it-tibdil fil-klima u l-kompetittività, per eżempju ħarsa lejn l-eko-effiċjenza, l-ispejjeż tal-ħsara ambjentali, il-kompromess bejn il-benefiċċji ambjentali u dawk ekonomiċi, ir-rabta mal-istrateġija tal-Ewropa tal-2020 għat-tkabbir u l-impjiegi eċċ.

Qegħdin infittxu (kriterji tal-għażla)

Se tingħata preferenza lill-kandidati li:

—	għandhom għarfien tajjeb u estensiv ta' kwistjonijiet ta' politika dwar it-tibdil fil-klima;

—	għandhom esperjenza internazzjonali ppruvata fil-koordinazzjoni ta' medda wiesgħa ta' kwistjonijiet ta' politika dwar it-tibdil fil-klima;

—	għandhom livell għoli ta' esperjenza fl-integrazzjoni tal-politiki dwar it-tibdil fil-klima f'oqsma politiċi oħra;

—

huma kapaċi juru: — ħiliet ta' negozjar ippruvati, b'mod partikolari fuq livell internazzjonali; — għarfien eċċellenti tan-negozjati internazzjonali dwar it-tibdil fil-klima, inklużi l-kuntatti estensivi mal-partijiet interessati ewlenin u l-għarfien tagħhom; — ħiliet ta' komunikazzjoni eċċellenti; — għarfien tajjeb tal-ekonomija u tad-dinja tan-negozju. — għarfien eċċellenti tal-Istituzzjonijiet tal-UE u tal-politika tagħha dwar il-klima.

—	Esperjenza fit-tfassil u fl-implimentazzjoni ta' politiki effiċjenti u effettivi hija neċessarja.

Il-lingwi ta' ħidma tad-DĠ huma l-Ingliż u l-Franċiż. L-għarfien profond ta' dawn il-lingwi jkun ta' vantaġġ.

Il-Kandidati għandhom (kriterji ta' eliġibbiltà)

1.	Ikunu ċittadini ta' wieħed mill-Istati Membri tal-UE.

2.

Ikollhom: i) jew livell ta' edukazzjoni li jikkorrispondi għal studji universitarji li tlestew, iċċertifikati b'diploma, fejn il-perjodu normali tal-edukazzjoni universitarja jkun ta' erba' snin jew aktar; ii) jew livell ta' edukazzjoni li jikkorrispondi ma' studji universitarji li tlestew, iċċertifikati minn diploma, u esperjenza professjonali xierqa ta' mill-inqas sena, fejn il-perjodu normali tal-edukazzjoni universitarja jkun mill-inqas ta' tliet snin.

3.	Ikollhom mill-inqas 15-il sena ta' esperjenza professjonali post-universitarja f'livell li l-kwalifiki msemmijin hawn fuq jagħtu aċċess għalih; mill-inqas 5 snin minn din l-esperjenza professjonali għandhom ikunu nkisbu f'funzjoni maniġerjali jew ta' konsulenza f'livell għoli (1).

4.	Ikollhom għarfien profond ta' tnejn mil-lingwi uffiċjali tal-UE u għarfien adegwat ta' lingwa oħra minnhom.

5.	Ikunu ta' età li taqa' taħt dik tal-irtirar li, għall-uffiċjali tal-Unjoni Ewropea, hi definita bħala l-aħħar tax-xahar li fih il-persuna tagħlaq 65 sena (ara l-Art.52 lit (a) tar-Regolamenti tal-Persunal).

L-indipendenza u d-dikjarazzjoni tal-interessi

Il-kandidati huma mitluba jikkonfermaw il-volontà tagħhom li jagħmlu dikjarazzjoni tal-impenn tagħhom li jaġixxu b'mod indipendenti fl-interess pubbliku u dikjarazzjoni ta' kwalunkwe interess li jista' jiġi kkunsidrat li jippreġudika l-indipendenza tagħhom.

Il-ħatra u l-kundizzjonijiet tal-impjieg

Il-Konsulent Prinċipali se jintgħażel u jinħatar mill-Kummissjoni skont il-proċeduri tagħha tal-għażla u r-reklutaġġ (ara wkoll id-Dokument ta' Kumpilazzjoni dwar il-Politika dwar Uffiċjali Għolja). Bħala parti minn din il-proċedura tal-għażla, il-kandidati li jissejħu għal intervista mill-Kumitat Konsultattiv tal-Kummissjoni għall-Ħatriet, ikollhom qabel din l-intervista, jattendu għal ġurnata sħiħa, f'ċentru ta' valutazzjoni mmexxi minn konsulenti esterni ta' reklutaġġ.

Il-kandidati huma ġentilment mgħarrfa li l-proċeduri tal-għażla ser isiru bl-Ingliż, bil-Franċiż u/jew bil-Ġermaniż biss (2).

Ir-rimunerazzjoni u l-kundizzjonijiet tal-impjieg huma dawk stipulati fir-Regolamenti tal-Persunal applikabbli għall-uffiċjali fil-grad AD 14 tal-Komunitajiet Ewropej. Il-kandidati għandhom iqisu r-rekwiżit, skont ir-Regolamenti tal-Persunal, li kull membru ġdid tal-persunal irid jgħaddi b'suċċess minn perjodu ta' prova ta' disa' xhur.

Opportunitajiet indaqs:

L-Unjoni Ewropea tapplika politika ta' opportunitajiet indaqs.

Proċedura tal-applikazzjoni

Din il-pożizzjoni tista' tiġi ppubblikata fl-istess żmien ma' pożizzjonijiet oħra ta' uffiċjali għolja. Il-kandidati li jixtiequ japplikaw għal iżjed minn pożizzjoni waħda jridu jissottomettu applikazzjoni separata għal kull kariga.

Qabel ma tissottometti l-applikazzjoni tiegħek, għandek tiċċekkja b'attenzjoni jekk tissodisfax il-kriterji ta' eliġibilità kollha (“Il-kandidati għandhom”), b'mod partikolari dawk rigward it-tipi ta' diplomi u l-esperjenza professjonali meħtieġa. Min ma jissodisfax dawn il-kriterji tal-eliġibbiltà jiġi eskluż awtomatikament mill-proċedura tal-għażla.

Jekk trid tapplika, għandek tirreġistra permezz tal-Internet billi tmur fuq il-websajt

https://ec.europa.eu/dgs/human-resources/seniormanagementvacancies/

u ssegwi l-istruzzjonijiet li jikkonċernaw id-diversi stadji tal-proċedura.

Hija responsabbiltà tiegħek li r-reġistrazzjoni onlajn tiegħek issir fil-ħin (3). Nirrakkomandaw bil-qawwi li ma tistenniex sal-aħħar ftit jiem biex tapplika, għaliex konġestjoni kbira fuq l-Internet jew xi difett fil-konnessjoni tal-Internet tiegħek jistgħu jwasslu biex ir-reġistrazzjoni onlajn tiġi tterminata qabel ma tkun lestejtha, u b'hekk ikollok tirrepeti l-proċess kollu. Ladarba jkun skada ż-żmien għar-reġistrazzjoni tal-applikazzjoni, ma tkun tista' ddaħħal l-ebda dejta. Bħala regola ġenerali, ir-reġistrazzjonijiet b'email normali li jaslu tard mhumiex se jiġu aċċettati.

Irid ikollok indirizz tal-email validu. Dan l-indirizz jintuża biex tiġi identifikata r-reġistrazzjoni tiegħek kif ukoll biex tkun infurmat bir-riżultat tal-proċedura. Għalhekk, għandek tinforma lill-Kummissjoni Ewropea f'każ ta' xi bidla fl-indirizz tal-email tiegħek.

Biex l-applikazzjoni tiegħek tkun kompluta, jeħtieġ li tapplowdja curriculum vitae f'format word jew PDF fl-applikazzjoni tiegħek u li timla', onlajn, ittra ta' motivazzjoni (mhux iktar minn 8 000 karattru). Kemm is-CV kif ukoll l-ittra għandhom ikunu bl-Ingliż, bil-Franċiż jew bil-Ġermaniż.

Meta tlesti r-reġistrazzjoni onlajn tiegħek, inti tirċievi fuq l-iskrin in-numru tar-reġistrazzjoni li għandek tniżżel u tiftakar — dan ikun in-numru ta' referenza tiegħek f'kull kwistjoni li tirrigwarda l-applikazzjoni tiegħek. Meta tirċievi dan in-numru, il-proċess tar-reġistrazzjoni jkun intemm — in-numru huwa l-konferma li aħna nkunu rreġistrajna l-informazzjoni li tkun daħħalt. Jekk ma tirċievi l-ebda numru, l-applikazzjoni tiegħek ma tkunx ġiet irreġistrata!

Jekk jogħġbok innota li mhuwiex possibbli li ssegwi l-progress tal-applikazzjoni tiegħek onlajn. Inti tiġi kkuntattjat/a dwar l-istat tal-applikazzjoni tiegħek direttament mid-DĠ li qiegħed jirrekluta.

Jekk għandek diżabbiltà li minħabba fiha ma tistax tirreġistra onlajn, tista' tibgħat l-applikazzjoni (is-CV u l-ittra ta' motivazzjoni) permezz ta' posta reġistrata  (4) , b'timbru postali b'data li ma tkunx aktar tard mid-data tal-għeluq tar-reġistrazzjoni. Kull komunikazzjoni sussegwenti bejnek u bejn il-Kummissjoni Ewropea tkun bil-posta. F'dan il-każ, mal-applikazzjoni tiegħek għandek tehmeż ċertifikat li jiċċertifika d-diżabbiltà tiegħek, maħruġ minn entità rikonoxxuta. Għandek issemmi wkoll, fuq karta separata, kull arranġament speċjali li taħseb li jkun meħtieġ biex jiffaċilita l-parteċipazzjoni tiegħek fl-għażla.

Għal aktar tagħrif u/jew fil-każ ta' problemi tekniċi, jekk jogħġbok ibgħat email lil: HR-A2-MANAGEMENT-ONLINE@ec.europa.eu.

Data tal-għeluq

Id-data tal-għeluq għar-reġistrazzjoni hija t-13 ta' Lulju 2010. Ir-reġistrazzjoni onlajn mhux se tkun possibbli wara nofsinhar (12.00) ħin ta' Brussell.

---

(1)  Fis-CV tagħhom, l-applikanti għandhom jindikaw għall-inqas għal dawn il-5 snin li fihom kisbu l-esperjenza maniġerjali: (1) it-titlu u r-rwol tal-pożizzjonijiet maniġerjali li kienu fihom, (2) in-numru ta' membri tal-persunal li kienu jiġġestjonaw f'dawn il-pożizzjonijiet, (3) id-daqs tal-baġits ġestiti, u (4) in-numru ta' livelli ġerarkiċi 'l fuq u 'l isfel u n-numru ta' membri tal-persunal fl-istess livell.

(2)  Il-bordijiet tal-għażla se jiżguraw li ma jingħata l-ebda vantaġġ lill-kelliema nattivi ta' dawn it-tliet lingwi.

(3)  Mhux aktar tard min-nofsinhar (12:00), ħin ta' Brussell, tat-13 ta' Lulju 2010.

(4)  Il-Kummissjoni Ewropea, Direttorat Ġenerali Riżorsi Umani u Sigurtà, Unità għall-Persunal Eżekuttiv u Segretarjat CCA, COM/2010/10271, SC 11 8/47, B-1049 Brussels.

---

15.6.2010

MT

Il-Ġurnal Uffiċjali tal-Unjoni Ewropea

CA 155/6

---

DĠ ECFIN

Pubblikazzjoni ta' post vakanti għal kariga ta' Direttur (Grad AD 14)

Direttur Ġenerali ECFIN.EFC-EPC (il-Kumitat Ekonomiku u Finanzjarju — il-Kumitat tal-Politika Ekonomika)

(L-Artikolu 29(2) tar-Regolamenti tal-Persunal)

COM/2010/10272

(2010/C 155 A/02)

Min aħna

Ir-rwol ewlieni tad-DĠ ECFIN huwa li jrawwem is-suċċess tal-Unjoni Ekonomika u Monetarja sew fi ħdan, kif ukoll barra, mill-Unjoni Ewropea, billi javvanza l-koordinazzjoni tal-politika ekonomika, iwettaq sorveljanza ekonomika u jipprovdi evalwazzjoni tal-politika.

Fi ħdan id-DĠ ECFIN, is-Segretarjat isostni l-ħidma tal-Kumitat Ekonomiku u Finanzjarju (EFC), il-Kumitat tal-Politika Ekonomika (EPC) u tal-Eurogroup. Is-Segretarjat qiegħed jorganizza u jħejji l-laqgħat tal-EFC u EPC u tas-Sotto-Kumitati u l-Gruppi ta' Ħidma tagħhom, li huma magħmulin minn Rappreżentanti mill-Ministerji tal-Finanzi u tal-Ekonomija u mill-Banek Nazzjonali Ċentrali. Id-DĠ jieħu ħsieb l-arranġamenti prattiċi ta' laqgħat bħal dawn, iħejji l-Presidenti permezz tal-forniment ta' materjal adattat li jagħti deskrizzjoni fil-qosor, iħejji noti dwar kwistjonijiet pendenti, termini ta' referenza u dokumenti oħra u jiżgura s-segwitu tal-laqgħat tal-Kumitat, b'mod partikolari vis-à-vis il-Kumsill Ecofin u l-Eurogroup.

X'qegħdin nipproponu

Il-pożizzjoni ta' Direttur tad-Direttorat ECFIN-EFC.EPC fid-Direttorat DĠ ECFIN. Ir-responsabbiltajiet tad-Direttur jinkludu:

—	li jagħmilha Segretarju tal-EFC u l-EPC;

—	li jippromwovi l-koordinazzjoni tal-politika ekonomika fi ħdan l-UE;

—	li jiffaċilita t-tħejjija tal-ħidma tal-Eurogroup u tal-Kunsill fl-oqsma ta' kompetenza tal-Kumitati;

—

li jikkoordina l-ħidma tas-Segretarjat, li jsostni l-Presidenti tal-Kumitati u tal-gruppi ta' ħidma, iħejji rapporti, opinjonijiet u komunikazzjonijiet oħra tal-kumitati, jorganizza laqgħat u konsultazzjonijiet bil-miktub u jiżgura r-rappurtar dwar il-laqgħat tal-kumitat kif ukoll is-segwitu tagħhom;

—	li jikkoordina l-ippjanar strateġiku tal-programm ta' ħidma tal-Kumitati, il-gruppi ta' ħidma u l-Eurogroup b'konsultazzjoni mill-qrib mal-Presidenti tal-Kumitati, il-Presidenzi, il-Kummissjoni, is-Segretarjat tal-Kunsill u l-BĊE.

Id-Direttur imexxi l-iżvilupp tal-attivitajiet tad-direttorat, jiżgura l-ippjanar effettiv tagħhom, il-prijoritizzazzjoni u l-ġestjoni kif suppost; jikkontrolla l-prestazzjoni tad-Direttorat u l-użu effettiv u effiċjenti tar-riżorsi tiegħu u jagħmel superviżjoni fuqhom; jikkoordina l-proċeduri amministrattivi tad-Direttorat u jagħmel superviżjoni fuqhom.

Is-Segretarju jaġixxi fuq l-istruzzjonijiet tal-Kumitati meta jkun qiegħed iwettaq ir-responsabbilitajiet tiegħu għall-Kumitat.

X'qegħdin infittxu

Preferenza se tingħata lil dawk il-kandidati li huma kapaċi juru l-karatteristiċi li ġejjin:

—	esperjenza estensiva ta' tmexxija f'pożizzjonijiet maniġerjali fejn tintwera kapaċità li timmotiva u tispira tim ta' persunal bi kwalifiki għoljin;

—	għarfien eċċellenti tal-qafas għall-koordinazzjoni tal-politika ekonomika u t-tfassil istituzzjonali tal-EMU;

—	sfond tajjeb fil-makro-ekonomija u kwestjonijiet dwar is-suq finanzjarju;

—	esperjenza sostanzjali tal-metodi li bihom taħdem il-Kummissjoni u tar-relazzjonijiet interistituzzjonali;

—	ħiliet ta' komunikazzjoni u ta' netwerking tajbin ħafna u kapaċità tajba li tiżgura koordinazzjoni dinamika effettiva interna u esterna;

—	ġudizzju fil-politika tajjeb ħafna, fehmiet strateġiċi u kapaċità li jitressqu u jiġu implimentati ideat ġodda.

Il-lingwi ta' ħidma tad-DĠ huma l-Ingliż u l-Franċiż. Għarfien eċċellenti ta' dawn il-lingwi se jservi ta' vantaġġ.

Il-kandidati jridu (kriterji tal-eliġibbiltà)

1.	Ikunu ċittadini ta' wieħed mill-Istati Membri tal-Unjoni Ewropea.

2.

Ikollhom: i) jew livell ta' edukazzjoni li jikkorrispondi għal studji universitarji li tlestew, iċċertifikati b'diploma, fejn il-perjodu normali tal-edukazzjoni universitarja jkun ta' erba' snin jew aktar; ii) jew livell ta' edukazzjoni li jikkorrispondi ma' studji universitarji li tlestew, iċċertifikati minn diploma, u esperjenza professjonali xierqa ta' mill-inqas sena, fejn il-perjodu normali tal-edukazzjoni universitarja jkun mill-inqas ta' tliet snin.

3.

Ikollhom minn tal-inqas 15-il sena esperjenza professjonali wara l-lawrja f'livell li l-kwalifiki msemmijin hawn fuq jagħtu aċċess għalih. Mill-inqas 5 snin minn din l-esperjenza professjonali għandha tkun f'funzjoni maniġerjali ta' livell għoli (1) u għandha tkun direttament relatata mal-qasam relevanti għal din il-pożizzjoni.

4.	Ikollhom għarfien tajjeb ħafna ta' waħda mil-lingwi uffiċjali tal-Unjoni Ewropea u għarfien adegwat ta' lingwa uffiċjali oħra.

5.	Ikunu ta' età li taqa' taħt dik tal-irtirar, li għal uffiċjali tal-Unjoni Ewropea hi definita bħala l-aħħar tax-xahar li fih il-persuna tagħlaq 65 sena (ara l-Art.52 lit (a) tar-Regolamenti tal-Persunal).

Indipendenza u dikjarazzjoni tal-interessi

Il-kandidati huma mitluba jikkonfermaw il-volontà tagħhom li jagħmlu dikjarazzjoni tal-impenn tagħhom li jaġixxu b'mod indipendenti fl-interess pubbliku u dikjarazzjoni ta' kwalunkwe interess li jista' jiġi kkunsidrat li jippreġudika l-indipendenza tagħhom.

Il-ħatra u l-kundizzjonijiet tal-impjieg

Id-Deputat Direttur-Ġenerali se jintagħżel u jkun maħtur mill-Kummissjoni skont il-proċeduri ta' għażla u reklutaġġ tagħha (ara wkoll id-Dokument ta' Kompilazzjoni dwar il-Politika dwar Uffiċjali f'Kariga Għolja). Bħala parti minn dan il-proċess tal-għażla, il-kandidati li jissejħu għal intervista mill-Kumitat Konsultattiv tal-Kummissjoni għall-Ħatriet, ikollhom jgħaddu, qabel din l-intervista, ċentru ta' valutazzjoni ta' ġurnata sħiħa mmexxi minn konsulenti esterni ta' reklutaġġ.

Il-kandidati huma ġentilment mgħarrfa li l-proċeduri tal-għażla ser isiru bl-Ingliż, bil-Franċiż u/jew bil-Ġermaniż biss (2).

Is-salarji u l-kundizzjonijiet tal-impjieg huma dawk stipulati fir-Regolamenti tal-Persunal għall-Uffiċjali fil-grad AD 14 tal-Komunitajiet Ewropej. Il-kandidati għandhom iqisu r-rekwiżit għall-persunal ġdid kollu, taħt ir-Regolamenti tal-Persunal, li jgħaddu b'suċċess żmien ta' prova ta' disa' xhur.

Opportunitajiet indaqs

L-Unjoni Ewropea tapplika politika ta' opportunitajiet indaqs.

Proċedura tal-applikazzjoni

Din il-pożizzjoni qed tiġi ppubblikata b'mod parallel ma' numru ta' pożizzjonijiet oħra għal uffiċjali għolja. Il-kandidati li jixtiequ japplikaw għal iżjed minn pożizzjoni waħda jridu jissottomettu applikazzjoni separata għal kull kariga.

Qabel ma tissottometti l-applikazzjoni tiegħek, għandek tiċċekkja b'attenzjoni jekk tissodisfax il-kriterji ta' eliġibilità kollha (“Il-kandidati jridu”), b'mod partikolari rigward it-tipi ta' diplomi u esperjenza professjonali meħtieġa. Min ma jissodisfax dawn il-kriterji tal-eliġibbiltà jiġi eskluż awtomatikament mill-proċedura tal-għażla.

Jekk trid tapplika, għandek tirreġistra permezz tal-Internet billi tmur fuq il-websajt

https://ec.europa.eu/dgs/human-resources/seniormanagementvacancies/

u ssegwi l-istruzzjonijiet li jikkonċernaw id-diversi stadji tal-proċedura.

Hija responsabbiltà tiegħek li r-reġistrazzjoni onlajn tiegħek issir fil-ħin (3). Nirrakkomandaw bil-qawwi li ma tistenniex sal-aħħar ftit jiem biex tapplika, għaliex konġestjoni fuq l-Internet jew xi difett fil-konnessjoni tal-Internet tiegħek jistgħu jwasslu biex ir-reġistrazzjoni onlajn tiġi tterminata qabel ma tkun lestejtha, u b'hekk ikollok tirrepeti l-proċess kollu. Ladarba jiskadi ż-żmien għas-sottomissjoni tar-reġistrazzjonijiet, ma tkunx tista' tibdel jew iżżid xi dejta. Bħala regola ġenerali, reġistrazzjonijiet bil-posta elettronika normali li jaslu tard mhumiex se jiġu aċċettati.

Irid ikollok indirizz tal-email validu. Dan l-indirizz jintuża biex tiġi identifikata r-reġistrazzjoni tiegħek kif ukoll biex tkun infurmat bir-riżultat tal-proċedura. Għalhekk, għandek tinforma lill-Kummissjoni Ewropea f'każ ta' xi bidla fl-indirizz tal-posta elettronika tiegħek.

Biex l-applikazzjoni tiegħek tkun kompluta, jeħtieġ li tapplowdja CV fil-format ta' WORD jew PDF u li timla onlajn, ittra ta' motivazzjoni (massimu ta' 8 000 karattru). Kemm is-CV kif ukoll l-ittra jridu jkunu bl-Ingliż, bil-Franċiż jew bil-Ġermaniż.

Meta tlesti r-reġistrazzjoni onlajn tiegħek, inti tirċievi fuq l-iskrin in-numru tar-reġistrazzjoni li għandek tiktbu u tiftakru — dan ikun in-numru ta' referenza tiegħek f'kull kwistjoni li tirrigwarda l-applikazzjoni tiegħek. Meta tirċievi dan in-numru, il-proċess tar-reġistrazzjoni jkun intemm — in-numru huwa konferma li aħna nkunu rreġistrajna l-informazzjoni li tkun daħħalt. Jekk ma tirċievi l-ebda numru, l-applikazzjoni tiegħek ma tkunx ġiet irreġistrata!

Ġentilment innota li mhuwiex possibbli li ssegwi l-progress tal-applikazzjoni tiegħek online. Inti tiġi kkuntattjat/a dwar l-istat tal-applikazzjoni tiegħek direttament mid-DĠ li qiegħed jirrekluta.

Jekk tbati minn diżabbiltà li ma tippermettilekx tirreġistra onlajn, tista' tibgħat l-applikazzjoni (is-CV u l-ittra ta' motivazzjoni) fuq karti permezz ta' posta reġistrata  (4) , b'timbru postali b'data li ma tkunx aktar tard mid-data meta tagħlaq ir-reġistrazzjoni. Kull komunikazzjoni sussegwenti bejnek u bejn il-Kummissjoni Ewropea tkun bil-posta. F'dan il-każ, mal-applikazzjoni tiegħek għandek tehmeż ċertifikat li jiċċertifika d-diżabbiltà tiegħek, maħruġ minn entità rikonoxxuta. Għandek issemmi wkoll, fuq karta separata, kull arranġament speċjali li taħseb li jkun meħtieġ biex jiffaċilita l-parteċipazzjoni tiegħek fl-għażla.

Jekk teħtieġ aktar tagħrif u/jew tiltaqa' ma' problemi tekniċi, jekk jogħġbok ibgħat e-mail lil HR-A2-MANAGEMENT-ONLINE@ec.europa.eu.

Kuntatt

Il-persuna ta' kuntatt għal informazzjoni addizzjonali: Marco Buti, tel. +32 2 29622 46/61734, e-mail: Marco.Buti@ec.europa.eu jew Linda CORUGEDO STENEBERG, tel. +2932 2 96383/58622, e-mail: Linda.Corugedo-Steneberg@ec.europa.eu

Data tal-għeluq:

Id-data tal-għeluq għar-reġistrazzjoni hija t-13 ta' Lulju 2010. Ir-reġistrazzjoni onlajn mhux ser tkun possibbli wara 12.00 nofsinhar ħin ta' Brussell.

---

(1)  Fis-CV tagħhom, l-applikanti għandhom jindikaw għall-inqas għal dawk is-5 snin li fihom kisbu l-esperjenza maniġerjali: it-titlu u r-rwol tal-pożizzjonijiet maniġerjali li kienu fiha, (2) in-numru ta' membri tal-persunal li kienu jamministraw f'dawn il-pożizzjonijiet, (3) id-daqs tal-baġits ġestiti, u (4) in-numru ta' livelli ġerarkiċi 'l fuq u 'l isfel u n-numru ta' persunal fl-istess livell.

(2)  Il-bordijiet tal-għażla se jiżguraw li ma jingħata l-ebda vantaġġ lil kelliema nattivi ta' dawn it-tliet lingwi.

(3)  Mhux aktar tard minn nofsinhar (12:00), ħin ta' Brussell, tat-13 ta' Lulju 2010.

(4)  Il-Kummissjoni Ewropea, Direttorat-Ġenerali Riżorsi Umani u Sigurtà, Unità tal-Persunal Eżekuttiv u s-Segretarjat tas-CAA, COM/2010/10272, SC 11 8/47, B-1049 Brussell.

---